diff --git "a/kqw_Latn/fineweb-2_000001_keep.jsonl" "b/kqw_Latn/fineweb-2_000001_keep.jsonl" new file mode 100644--- /dev/null +++ "b/kqw_Latn/fineweb-2_000001_keep.jsonl" @@ -0,0 +1,130 @@ +{"text":"2 Timothy 41 A Karisito Iesu in nanpat urin nama nun a matanitu, ra in warkurai elar nama king. In warkurai det ra det laun, ma det ra det sa mat. Lenra, a saring ui umatan o God ma a Karisito Iesu lena: 2 Un warawai nama Wakak na Wasiso. Un dekdek uni, una kum bung ra a taro det nem na longoro ui, ma a kum bung ra ka det nemi. Un ukodos wakak a taro, un upuaso anundet a kum niraro torom det ma un udekdek det. Un pam a kum utna ri nama wowowon na petutna torom det ma un ususer wakak det. 3 Uni, a bung in nanpat, ra a taro ka det in nem mo a tokodos na etowo. Ma una nundet a kum nemnem, det in ben tomo a susut na tene ususer torom det, sur det in ususer det una sau ra det nem na longoro i. 4 Ka det in longoro a lingmulus ino mo, det in longoro mukut a kum wasiso ororos kut. 5 Un nuknuk wakak una kum bungbung rop. Ra un taramo a kum mamaut, un tur dekdek ut. Un dekdek nama warawai una Wakak na Wasiso, ma un pam sot pas anum a kum pinapam rop, ra o God i sa pitar tari tam.\n6 Uni i sa milau mo sur an mat ma a gaping in tilingis. In elar nama wain ra di lingisi una utna ra di tuni sur a etabor torom o God. 7 A sa pam sot pas anung a wakak na inaim ma anung a kinalabor una ililu, ma a sa mur sot pas a lingmulus na nurnur. 8 O God i sa ubek tar anung a kunukul, uni anung a nilaun i tokodos umatano. A Labino, a tokodos na Tene Warkurai in pitari tang una bung na warkurai. Ma ausur torom iau kut, in pitari kai torom det rop ra det kis langlang nama labino nemnem sur anun a inawan pat melet.\nO Pol i itula sur o Timoti ra i wasiso una nuna nilaun9 Un dekdek sur un nan lakit urin torom iau, 10 uni o Demas i sa wan pas gusun iau, uni i nem a kum utna tagun a rakrakon bual, ra i sa wan utong o Tesalonaika. O Kresens i wan utong una papor Galesia ma o Taitus i wan utong una papor Dalmatia. 11 O Luk mukut kuri nisang. Un ben pas o Mak ra mur in nan urin, uni in warut iau una nung a pinapam. 12 A sa tulu ru o Tikikus utiro o Epesus. 13 Ra un nan urin, un los anung a saket, kura a wan gusun tari nisan o Karpus tong o Troas. Un losi utkai anung a kum buk, ma gong u dumano a ramano ra di pami nama pinin a wewegua. 14 O Aleksanda, a tene pam ututna nama aen, i pam a susut na sakino petutna torom iau. A Labino ut in balu i toromi. 15 Un tumarong ui gusuni, uni i turbat dekdek anundat a etowo.\n16 A mugano du bung ra a tur una warkurai ma a wasiso bat iau, kataio i tur warut iau, det wan rop pas kut gusun iau. A wararing lena o God gong i balu anundet a petutna. 17 Ikut a Labino i warut iau, ma i udekdek iau sur an pam sot pas a warawai nama Wakak na Wasiso, ma a taro rop ra ausur a taro Juda det in longoro i. Det nem na um doko iau, ikut a Labino i ulaun pas iau. 18 A Labino in ulaun iau gusun a kum sakino utna rop ra det nem na pami un iau, ma in ukis iau una nun a matanitu sapat una langit. Dat in watung ulabo pasi, ken rop ma ken rop. Amen.\nA tintinip na wasiso na marmaris19 Un pitar anung a marmaris torom o Pirisila ma o Akuila, ma det ra kura det kis tomo una rumu anun o Onesiporus. 20 O Erastus munung i kis sikot tong o Korin, ra a wan pas bulung gusun o Tropimus tong o Miletus, uni i misait. 21 Un dekdek sur un nan urin ra ken kalang na kotokoto utmakai.\nO Iubulus, o Pudens, o Linus, o Kaludia ma a kum tistisindat rop una nurnur, det pitar anundet a marmaris torom ui.\n22 A Labino in kis una niom. A marmaris anun o God in kis torom mot.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=2Ti.4","date":"2018-04-20T09:07:00Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937193.1\/warc\/CC-MAIN-20180420081400-20180420101400-00131.warc.gz","language":"kqw","language_score":0.9992662072,"language_script":"Latn","minhash_cluster_size":3,"top_langs":"{\"kqw_Latn_score\": 0.9992662072181702}","num_words":881,"character_repetition_ratio":0.039,"word_repetition_ratio":0.0,"special_characters_ratio":0.244,"stopwords_ratio":0.4,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 Timothy 3\nA kum mugumugu na lotu1 A wasiso ri i lingmulus sakit, lenri: Ra taio i nemi sur in mugumugu na lotu, i nem a wakak na pinapam sakit. 2 A magiran a mugumugu na lotu in lenri: gong tu etakun i kis uni, in nolin kut nam ara ino, in tumarong a magirano, in warkurai bat anun a nilaun, i a ngas na musano ra a taro det urur uni, in ser gas pas a taro una nun a rumu, ma i a wakak na tene ususer. 3 Ma gong i tene ininum, gong i tene inaim, in tene malmal, ma gong i tene wasiso na kankan, ma gong i nem doko a mani. 4 I wakak sur in mugu wakak det tamtamano, ma in ususer a kum nutnutunu sur det in tarom toromi nama urur. 5 A musano ra ke lason sur in mugu wakak det tamtamano, ken pet lar pasi kai sur in tamtamabat a taro na lotu anun o God. 6 Gong taio i mugumugu na lotu ra i nukpukus matok taru kut, sako in umuman labino, ra in puku, ma din warkurai i elar nam o Satan. 7 I wakak sur a mugumugu i a ngas na musano ra a taro kai ra ka det ser lotlotu, det ser ru i. Ra awu, det in watung suri, ma in iru un in nukun anun o Satan.\nA kum tene warut una lotu8 Lenkutkai ra torom a kum tene warut una lotu, i wakak sur det a kum ngas na musano ra a taro det ser urur un det, det in lingmulus una nundet a wasiso, gong det tene ininum ma gong det nemnem sur a labino mani. 9 Det in utur ukai a nurnur mulus ma a tokodos na ninunuk. 10 Din lar mugu tar det, ra numur, ra kataio in takun det un tu utna, din utur det maragom una pinapam na tene warut una lotu.\n11 Torom anundet a wardain kai in lenra, det a kum ngas na wardain ra a taro det ser ru det. Gong det wasiso eno, det in tumarong a magirandet, ma det in lingmulus una kum pinapam rop.\n12 A tene warut una lotu in nolin kut nam ara ino, ma in mugu wakak a kum nutnutunu, ma det rop una nun a rumu.\n13 Det ra det papam wakak una pinapam na tene warut una lotu, a risandet in wakak, ma ka det in ngara sur det in wasiso puaso una nundet a nurnur una Karisito Iesu.\nA kibin anundat a nurnur14 A nem na wanpat lakit torom ui, ikut a nuki lena in wakak ra an tumtumus mugu torom ui. 15 Ra kan nanpat lakit, u sa tasman a kum ngas na petutna ra a taro anun o God det in pami epotor tandet. A taro na lotu anun o God, a laun ino, det elar nama kum pos ma a kibin a rumu ra det udekdek a lingmulus. 16 A lingmulus, o God i upuaso mulusi lena, a etowo ra dat nurnur uni i labo sakit. I lenri:\nA Karisito i wanpat a musano,\na Tokodos na Nion i upuaso i lena a Karisito i tokodos umatan o God,\na kum ensel det tama i,\na wasiso puaso uni i wan sarara torom a kum kamkabo taro rop,\nma a susut una rakrakon bual det nurnur uni,\ni wan usapat ma i kis una minamar.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=1Ti.3","date":"2018-04-25T22:20:00Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947968.96\/warc\/CC-MAIN-20180425213156-20180425233156-00129.warc.gz","language":"kqw","language_score":0.9981814623,"language_script":"Latn","minhash_cluster_size":3,"top_langs":"{\"kqw_Latn_score\": 0.9981814622879028}","num_words":720,"character_repetition_ratio":0.057,"word_repetition_ratio":0.0,"special_characters_ratio":0.241,"stopwords_ratio":0.404,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"John 12\nO Maria i waninar o Iesu sur a bung ra in mat ma din uruki una kulam na minat\n(Mt 26:6-13; Mk 14:3-9)1 A wonom na bung utmakai numugu tan a labino bung na lotu na Wanlakai, o Iesu i wanpat utong o Betani, a tamon anun o Lasarus, a musano ra o Iesu i ulaun melet pasi gusun a minat. 2 Ra det pam a inangon tiro sur u ugasgas o Iesu. O Mata i wapor utna torom det, ma o Lasarus i ara tagun det ra det kis tomo nam o Iesu una inangon. 3 Ra o Maria i los pas in nokoto na polo sangsangnain di watungi nama nad, ra a matano i ka doko. I lingisi una ru kikin o Iesu ma i usi nama iwu na lorino. Ma a sangnain ino, i ubukus pas a rumu ra.\n4 Ara gusun a kum nat na ususer anun o Iesu, o Judas Iskariot, i ra in usobor tar o Iesu, i watungi lena, 5 \"Sur asau ra ka di siuru in nokoto na polo sangsangnain ri sur lako tulu mar na denari ▼\n▼ (12:5) Ara denari i elar nama ikul anun ara musano un ara bung na pinapam.sur din tabor a kum sibo na taro nami?\" 6 O Judas ke maris a sibo na taro, awu. I watungi lenri uni i ser tamtamabat anundet a mani ma i ser loslos eno i, uni i a tene wolong. 7 O Iesu i longoro a wasiso anun o Judas, ra i watungi lena, \"Madek ru a ino ri, uni i sa pam tar a pinapam ri un iau sur a bung ra an mat ma din uruk a minating una kulam na minat. 8 A kum sibo na taro det in laun bolbolos tomo ut nam mot. Ikut iau, kan kis tukum nisamot.\nDet epak sur det in um doko o Lasarus9 A kunur na taro tagun a taro Juda det longoro i lena o Iesu kurong i o Betani, ra det wan utong. Ausur det wan sur det in tama o Iesu kut, det wan utkai sur det in tama o Lasarus, i ra o Iesu i sa ulaun pasi gusun a minat. 10 Io, a kum lamlabino tene etabor det epak sur det in um doko o Lasarus utkai. 11 Uni a susut na te Juda det wan gusun det ma det nurnur un o Iesu, i kibino un o Lasarus.\nO Iesu i wan usapat o Jerusalem elar nama king\n(Mt 21:1-11; Mk 11:1-11; Lk 19:28-40)12 Una bung numur, a labino kunur na taro ra det wanpat sur a labino bung na lotu na Wanlakai, det longoro i lena o Iesu kai i sa wan nanan usapat o Jerusalem. 13 Io, det los pas a kum turunu baibai ma det wan sur det in barato o Iesu nami. Ra det kukukuk lena,\n\"Osana! Dat in watung ulabo pas o naro ra i wanpat nama risan a Labino! b\nDat in watung ulabo pas a king anun a taro Israel!\"\n14 O Iesu i sio pas a dongki, ra i kis taru netes uni, elar nama Buk Tabu i sa watung tari uni lena,\n15 \"A taro Sion, gong mot ngara.\nTama i, anumot a king i wanpat nanan,\ni kis una matok na dongki.\" c\n16 A kum nat na ususer anun o Iesu ka det tasman lele i lena a kum utna ri di sa tumus mugu tari una Buk Tabu. Ikut ra o Iesu i sa kis una nuna minamar, io det tasmani maragom lena di sa tumus tar a kum utna ri un o Iesu, ma di sa pam tari kai a kum utna ri uni.\n17 A susut na taro ra det tur tomo nam o Iesu una bung ra i kabo pirso pas o Lasarus tagun a kulam na minat ma i ulaun pasi, det inanos nanan nami. 18 Ra a susut na taro det wan sur det in barato o Iesu, uni det sa longoro tar a wasiso una utna na ukisin ri. 19 A kum Parisi det wasiso etetalai torom det lena, \"Mot tama i, ka dat in pam lar pas tu utna ra dat nem na pami uni. Uni a taro rop det sa muri.\"\nA taro Grik det nem na tama o Iesu20 A ramano kum te Grik kai det wan usapat o Jerusalem una labino bung na lotu na Wanlakai, sur det in lotu. 21 Ra det wan torom o Pilip, a te Betsaida. O Betsaida ara tamon una papor Galili. Ma det watungi tano lena, \"Le, met nemi sur met in tama o Iesu.\" 22 O Pilip i wan ra i inanos o Endru. Io, der wan ma der inanos tar o Iesu. 23 Ra o Iesu i watungi tander lena, \"A du bung i sa wanpat sur o God in mar a Nutun a Musano. 24 A inanos mot nama lingmulus, ra in niwino wit ken puku taru una piso, ma ken mat pas, in kis len taru ut ra, in rene kut. Ikut ra in mat pas, in wu lako susut na wino. 25 I ra i maris anun a nilaun, in iru, ma i ra ke maris bat anun a nilaun nin una rakrakon bual, in utur ukai a nilaun sur a nilaun tukum. 26 Ra taio i nemi sur iau anun a Labino, i wakak sur in mur iau, ma i anung a tultul ra in kis tomo nam iau una dino ra an kis iai. Osi ra i papam torom iau, o Tita in ulabo pasi.\nO Iesu i wasiso una nun a minat27 \"Uniri in balang i maut doko. Asau mo ra an len? Pepetlai, an watungi lena, 'Tita, un ulaun iau gusun a du bung ri'? Awu, kan wararing lenri, uni, i kutri, i a kibino ra a wan suri urin, sur an taramo a ngunungut una bung ri. 28 Tita, un ulabo pas a risam!\"\nIo, in nalngan ara tagisapat una lagit i watungi lena, \"A sa ulabo tari, ma an ulabo meleti ut.\" 29 A kunur na taro ra det tur taru tiro det longoro i. Ara taro det watungi lena a pungpugur, ma ara taro kai det watungi lena, \"Ara ensel i wasiso toromi.\" 30 Ikut o Iesu ut i watungi lena, \"In nalngan ara ri, ausur i wasiso sur in warut iau, awu, i wasiso sur in warut mot ut. 31 A du bung ri din warkurai a rakrakon bual. Uniri din lakro ru a labino anun a rakrakon bual. 32 Ikut iau, ra din utur toto pas iau taginin upiso usapat netes, an dat pas a taro rop torom iau.\" ▼\n▼ (12:32) O Iesu i wasiso na pidik una nun a minat un in nanai kutus.33 I watungi lenri sur in utalapori lena in mat pepetlai.\n34 A kunur na taro ra, det watungi tano lena, \"Met longoro i tagun a Buk na Warkurai lena, a Karisito in kis tukum. Sur asau ra u watungi lena din utur toto pas a Nutun a Musano usapat netes? Osi ra a Nutun a Musano?\" 35 O Iesu i watungi tandet lena, \"A talapor ken kis siun mo torom mot. Ra a talapor i kis utmakai torom mot, mot nan tuptupukus. Numur a dumirum in pulusbat mot. I ra i wanan una dumirum, ken tasmani lena in nan urai. 36 Ra a talapor i kis utmakai torom mot, mot in nurnur uni, sur mot a kum nutun a talapor.\" Ra o Iesu i sa watung rop tar a wasiso ri, i wan eno pas gusun det.\nA ramano taro Juda ka det nurnur un o Iesu37 O Iesu i sa pam tar a susut na utna na ukisin umatandet, ikut ka det nurnur uni, 38 sur a wasiso ra a poropet Aisaia i wasiso taru uni in nanpat mulus. I watungi lena,\n\"Labino, osi i nurnur una kum wasiso ra met watungi?\nMa osi ra di sa ese tar a dekdekin a Labino tano?\" e\n39 Ma o Aisaia i sa watung tari kai lena,\n\"O God i sa upulu bat ru a kum matmatandet,\nma i sa udumun bat ru a kum nuknukindet,\nsur gong det tamtama nama kum matmatandet,\nma gong det tasman lele i una kum nuknukindet,\nma ka det in tupukus torom iau,\nsur an ulaun pas det.\" f\nIri i a kibino ra ka det nurnur. 41 O Aisaia i watungi lenri uni i sa tama mugu a minamar anun o Iesu, ra i wasiso uni.\n42 A susut na taro det nurnur un o Iesu. A ramano kum mugumugu kai tagun a taro Juda det nurnur, ikut ka det wasiso puaso uni, sako a kum Parisi det in turbat ru det gusun a kum rumu na lotu. 43 Ka det wasiso talapor, uni det nemi kut a wasiso na ululabo anun a taro torom det, ma ka det nuk pas a wasiso na ululabo anun o God torom det.\nA kum wasiso anun o Iesu in kuro a taro44 O Iesu i wasiso nam in labino walngano lena, \"I ra i nurnur un iau, ausur i nurnur kut un iau, i nurnur utkai uni ra i tulu ru iau urin. 45 Ma i ra i tama iau, i sa tama tari ra i tulu ru iau urin. 46 A sa wanpat urin una rakrakon bual elar nama talapor, suri ra i nurnur un iau, ken kis una dumirum. 47 Ra taio i longoro anung a kum wasiso ma ke muri, iau kan kuro i. Uni ka wanpat sur an kuro a rakrakon bual, a wanpat kut sur an ulauni. 48 I ra ke nem iau ma ke tarom una nung a kum wasiso, anung a kum wasiso ut ra, det in kuro i una bung na warkurai. 49 Uni a kum wasiso ra a sa watung tatari, ausur anung, o Tita ut i tulu ru iau nami urin, sur an wasiso kut nami. 50 Ma a tasmani lena anun a warkurai i pitar a nilaun tukum. A kum wasiso a watungi, o Tita i tulu ru iau nami sur an watungi.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=Joh.12","date":"2018-04-19T15:38:36Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125936981.24\/warc\/CC-MAIN-20180419150012-20180419170012-00342.warc.gz","language":"kqw","language_score":0.9999169111,"language_script":"Latn","minhash_cluster_size":7,"top_langs":"{\"kqw_Latn_score\": 0.9999169111251831}","num_words":1795,"character_repetition_ratio":0.051,"word_repetition_ratio":0.0,"special_characters_ratio":0.265,"stopwords_ratio":0.455,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 Thessalonians 5\nDat in kis na waninar sur a inawan pat anun a Labino1 A kum tistisimetul, ka metul in tumtumus torom mot una du bung ma a bung ra a Labino in nanpat uni. 2 Uni mot sa tasman wakaki lena, a bung anun a Labino in nanpat kisin, elar nama tene wolong una mirum. 3 Ra a taro det in watungi lenri, \"Ai, ka dat taramo tu maut. A wakak na nilaun kut ri dat taramo i,\" a iniru in nanpat kisin torom det, elar nama ngunungut ra a ino i taramo i ra i milau sur in usus. Ka det in kalabor eno pas gusun a iniru.\n4 Ikut mot, a kum tistisimetul, a bung ra ken ukisin mot, elar nama tene wolong, uni ausur mot kis una dumirum. 5 Mot rop a kum nutnutun a talapor ma a kum nutnutun a waspi. Ausur dat tagun a mirum o tagun a dumirum. 6 Ra gong dat elar nam ara taro ra det inep dumun. Dat in koikoi ma dat in warkurai wakak anundat a nilaun. 7 Uni det ra det inep dumun, det ser inep una mirum, ma det ra det ininum, det ser inum una mirum.\n8 Ikut dat tagun a waspi, i wakak sur dat in warkurai wakak anundat a nilaun. Dat in mar dat nama nurnur ma a marmaris sur in tamtamabat dat, elar nama tene inaim ra i ubek bat a romrobono nama du aen. Ma dat in mar dat kai nama kinkinis langlang nama nurnur sur a ululaun, elar nama tene inaim i ubek bat in lorino nama kukup tagun a inaim. 9 Uni o God ke pilok pas dat sur dat in taramo a ngunungut ubalan anun a kankan, awu. I pilok pas dat sur dat in los a ululaun una nundat a Labino o Iesu Karisito. 10 I mat un dat sur dat in laun tomo nami, ra in nanpat melet. Dat rop, det ra det laun utmakai ma det ra det sa mat. 11 I mo ra, mot in wasiso na warut torom mot etetalai, ma mot in udekdek mot, lenutra mot ser pami.\nA kum tintinip na etowo12 A kum tistisimetul, metul saring mot sur mot in pitar a urur torom anumot a kum mugumugu, ra det papam dekdek epotor tamot, ma det ususer mot. 13 Mot in ese a labino urur ma a marmaris torom det, kibino una nundet a pinapam. Ma mot in kis na malmal etetalai.\n14 A kum tistisimetul, metul saring mot sur mot in tumarong a kum tubunu wok na taro, mot in udekdek det ra det ser ngara, mot in warut det ra ka det dekdek una nurnur, ma mot in ese a wowowon na petutna torom a taro rop. 15 Gong mot balu a sakino nama sakino. Mot in dekdek sur mot in pam a wakakino etetalai torom mot, ma torom a taro rop kai.\n16 Mot in ser gasgas. 17 Gong mot mana nama niaring. 18 Mot in watung wakak torom o God un asau rop ra i wanpat torom mot, uni iri a nemnem ut anun o God torom mot, a taro anun a Karisito Iesu.\n19 Gong mot turbat a pinapam anun a Tokodos na Nion. 20 Gong mot nuk penpen una kum wasiso na poropet. 21 Mot in lar rop a kum wasiso ma a kum petutna, ra mot in utur ukai a wakak ino. 22 Ma mot in nan gisen gusun a kum sakino rop.\n23 Metul wararing sur o God ut, a God na malmal, in uwakak pas anumot a nilaun, sur mot in tokodos rop umatano. Metul wararing kai sur o God in tamtamabat a niomot, a nuknukimot ma a pinimot, sur gong tu etakun in los mot una bung ra anundat a Labino o Iesu Karisito in milet uni. 24 O naro ra i kabo pas mot in pami lenutra, uni i lingmulus.\n25 A kum tistisimetul, mot in wararing sur metul. 26 Mot in nem a kum tistisimot nama egom na marmaris, ma mot in pami elar nama tokodos na petutna. 27 A saring mot nama risan a Labino sur mot in luk a pas ri torom a kum tistisindat rop.\n28 A marmaris anun anundat a Labino o Iesu Karisito in kis tomo nam mot.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=1Th.5","date":"2018-04-22T14:43:05Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945604.91\/warc\/CC-MAIN-20180422135010-20180422155010-00450.warc.gz","language":"kqw","language_score":0.9991939664,"language_script":"Latn","minhash_cluster_size":4,"top_langs":"{\"kqw_Latn_score\": 0.9991939663887024}","num_words":850,"character_repetition_ratio":0.058,"word_repetition_ratio":0.0,"special_characters_ratio":0.241,"stopwords_ratio":0.418,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"James 5\nA utumarong torom a kum tene gongon1 Mot a kum tene gongon, mot in longoro: Mot in tangtangis, ma mot in kukukuk, uni a kum ngunungut in nanpat torom mot. 2 Anumot a kum ululeng det sa moroto, ma a koropos i sa banlaulau ru anumot a kum malu. 3 Anumot a gol ma a silwa der sa ros, ma a ros inder in takun mot, ma in nan a pinimot elar nam a sungun. Una kum tintinip na bung ri, mot sa ubek tomo pas anumot a kum ululeng. 4 Tama i, ka mot tokom tar a taro ra det papam una amot a kum kinobot, ra a ikul anundet i takun mot. Ra o God a Dekdek na Labino i sa longoro tar a tinangis anundet ra det pasong.\n5 Una numot a nilaun nin una rakrakon bual, mot ukio a labino mani, una kum lukaro un mot ut, ma un asau ra i ugasgas mot. Mot tabor butbut a pinimot, ra milau mo mot in iru, elar nama kum wewegua, ra di tabor butbut det sur din um doko det. 6 Mot ben tar a kum tene tokodos una warkurai, ra mot um doko det, ikut ka det balu mot.\nDat in tur dekdek una nurnur ma gong dat pino ngoro7 A kum tistising, gong mot pino ngoro lakit, ra mot kis langlang sur a inawan pat melet anun a Labino. Mot tama a tene marut, ke pino ngoro lakit, ra i kiskis langlang sur a bato in puk a piso, ma sur a wakak na makus tagun a ana kinobot. 8 Mot kai, gong mot pino ngoro lakit, mot in tur dekdek una nurnur, uni a inawan pat melet anun a Labino i sa milau. 9 A kum tistising, gong mot ururai etetalai, surko o God in warkurai mot. Tama i, a Tene Warkurai i sa tur nisan a matansako.\n10 A kum tistising, mot in nuk pas a kum poropet tagun numugu, ra det waswasiso nama risan a Labino. Det etorom a kum ngunungut, ikut ka det pino ngoro, det tur dekdek una nurnur. Ra anundet a nilaun, i a wakak na larlar torom mot, sur mot in muri. 11 Tama i, ara taro tagun numugu det etorom a kum mamaut, ikut det tur dekdek una nurnur. Dat watung det lena det dan. Mot tasman a nilaun anun o Jop, i etorom a kum mamaut, ikut i tur dekdek una nurnur. Ra numur, a Labino i udan meleti. A Labino i bukus nama marmaris ma i a tene warut.\nA wasiso kapo una uliliman12 A kum tistising, iri i a utna ra i labo sakit, gong mot udekdek anumot a kum uliliman nam tu ngas na wasiso kai. Gong mot liliman nam a langit, o a rakrakon bual, o tu utna gisen kai. Ra mot mulaot, mot in lena \"ma,\". Ra mot ipul mot in lena \"awu,\" i kut ra, sur gong mot iru una warkurai anun o God.\nDat in wararing nam a nurnur13 Ra taio tagun mot i taramo a maut, i wakak sur in wararing. Ra taio i gasgas, i wakak sur in kele a kum kelekele na ulabo torom o God. 14 Ra taio tagun mot i misait, in itula sur a kum mugumugu na lotu, sur det in wararing uni, ma det in talusi nam a wel, nama risan a Labino. 15 A niaring ra i wan tomo nam a nurnur, in ulangolango i ra i misait, ma a Labino ut, in ulangolango melet pasi. Ma ra i sa pam tar a sakino petutna, a Labino in dumano ru i gusuni. 16 Mot in wasiso puaso etetalai torom mot una numot a kum sakino petutna, ra mot in wararing un mot etalai, sur a Labino in ulangolango pas mot. A niaring anun a tene tokodos i dekdek sakit, ma i wu pat a wino.\n17 O Elaija, a poropet, i a musano i elar kut nam dat. I wararing sur gong i bato, ra a tulu kilalo ma wonom na kalang ke bato. 18 Numur i wararing melet sur in bato, ra in nabato i puku, ma a kum utna i lubung melet, ma det wu.\n19 A kum tistising, ra taio tagun mot in nan raro gusun a lingmulus ino, mot in ben pukus melet pasi. 20 A watungi tamot, ra taio in ben pukus pas a tene sakino gusun anun a kum niraro, i sa ulaun pas a nion a musano ra gusun a minat, ra a Labino in dumano ru a susut na sakino petutna.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=Jam.5","date":"2018-04-19T15:13:14Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125936981.24\/warc\/CC-MAIN-20180419150012-20180419170012-00243.warc.gz","language":"kqw","language_score":0.9993172884,"language_script":"Latn","minhash_cluster_size":3,"top_langs":"{\"kqw_Latn_score\": 0.9993172883987427}","num_words":906,"character_repetition_ratio":0.058,"word_repetition_ratio":0.0,"special_characters_ratio":0.244,"stopwords_ratio":0.423,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 Thessalonians 2\nA pinapam anun o Pol detul tong o Tesalonaika1 A kum tistisimetul, mot ut mot tasmani lena, anumetul a inawan pat torom mot ke utna oros, ikut, i wu ut a wino. 2 Mot tasmani lena numugu tana numetul a inawan pat torom mot, a taro det banlaulau metul ma det ban umaimai metul tong o Pilipai. Ikut anundat a God i warut metul, ra metul dekdek ut sur metul in wasiso puaso una nuna Wakak na Wasiso torom mot, ma ka metul ngaran det ra det lari sur det in sakbat metul. 3 Ra metul saring mot sur mot in nukpukus, ausur anumetul a wasiso i raro, ausur kai metul wasiso nam tu sakino nuknuk, ma ausur metul toro pas mot. 4 Awu! Metul wasiso puaso nam a Wakak na Wasiso, uni o God i sa lar tar metul, ma i nurnur un metul lena metul in pami. Ka metul wasiso puaso sur metul in ugasgas a taro nami, awu, sur o God ut in gas uni, i ra i sa lar tar metul. 5 Mot sa tasmani lena ka metul ugasgas mot nam tu wasiso na umarom, ma ka metul nemnem eno sur tu mani gusun mot. O God i tama i ma i tasman metul. 6 Ka metul nemi sur mot o taio gisen kai in watung ulabo pas metul.\n7 I tokodos sur metul in saring mot sur tu ikul, uni metul a tulu aposel anun o Karisito. Ikut ka metul pami lenra. Metul upuaso a balano wakak epotor tamot, elar nam a ino ra i tamtamabat a kum nutnutunu. 8 Metul nem doko mot, ra metul gas doko sur metul in inanos mot una Wakak na Wasiso anun o God. Ausur i kut ra, awu, metul gas utkai sur metul in pitar anumetul a nilaun kai torom mot, uni mot ngatngat doko umatametul.\n9 A kum tistisimetul, mot sa tasman anumetul a dekdek na pinapam. Una kum mirum ma a waspi, metul papam nama lamametul sur u warut metul una numetul a kinkinis. Metul pami lenri, sur metul in warawai torom mot nama Wakak na Wasiso anun o God ma gong metul pitar a mamaut torom mot sur mot in kul metul. 10 Mot ut, ma o God kai, mot tama a magirametul ra metul kis epotor tamot, a kum tene nurnur. A magirametul i talapor ma i tokodos, ma katu etakun i los metul un tu utna. 11 Mot tasmani lena anumetul a petutna torom mot rop taktakai, i elar nam a petutna ra ara musano i pami torom a kum nutnutunu. 12 Metul udekdek mot, metul wasiso na emarom torom mot, ma metul inanos mot sur mot in laun nam a ngas na nilaun ra i ugasgas o God, i ra i kabo pas mot sur anun a matanitu ma anun a minamar.\n13 Ara kibino kai ra metul ser watung wakak torom o God i lenri: Ra mot rakon ukai a wasiso anun o God, ra mot longoro i gusun metul, mot mulaot pasi. Ausur mot mulaot pasi elar nam a wasiso kut anun a taro, awu, mot mulaot pasi uni a wasiso ra, i a wasiso ut anun o God. A wasiso ra, kura i papam una nilaun anumot ra mot sa nurnur. 14 A kum tistisimetul, mot elar nama taro na lotu anun o God una Karisito o Iesu, ra det kis tong una papor Judia. Uni, mot kai, mot taramo a ngunungut tan a taro tagun anumot a tamon ut, i elar nama taro na lotu tong o Judia det taramo i tan anundet a taro ut, a taro Juda, 15 det ra det um doko a Labino o Iesu ma a kum poropet, ma det lu ru metul kai. O God ke gas nam det, ma det kis na ebar nama taro rop, 16 uni det lari sur det in turbat metul, sur gong metul warawai torom a taro ra ausur a taro Juda sur gong o God i ulaun pas det. Ma una nundet a petutna ra, det pam tomotomo i kut anundet a kum sakino petutna. Ikut a kankan anun o God i sa wanpat maragom torom det.\nDetul nem na tama melet a taro Tesalonaika17 A kum tistisimetul, ra a taro Juda det ukis sarara ru metul gusun mot, anundat a kinkinis sarara ke suano i. Dat kis sarara kut una pinindat, ikut una nuknukimetul metul nuk mot ut. Metul nem doko i sur metul in tama mot, ra metul dekdek sur metul in pam sot pasi. 18 Metul nem doko i sur metul in milet melet torom mot. Iau, o Pol, a lari a susut na dino sur an nan torom mot, ikut o Satan i turbat metul. 19 Metul nem doko i sur metul in tama mot melet, uni metul nurnur un mot lena mot sa tur dekdek, ma mot, mot kibino una numetul a gasgas, ma mot kibino una numetul a kunukul tagun anumetul a pinapam, una bung ra anundat a Labino o Iesu in nanpat, ma dat in tur umatano. 20 I lingmulus sakit ra mot ut a numetul a minamar ma a numetul a gasgas.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=1Th.2","date":"2018-04-22T03:05:59Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945484.58\/warc\/CC-MAIN-20180422022057-20180422042057-00447.warc.gz","language":"kqw","language_score":0.9994925261,"language_script":"Latn","minhash_cluster_size":3,"top_langs":"{\"kqw_Latn_score\": 0.9994925260543823}","num_words":1001,"character_repetition_ratio":0.062,"word_repetition_ratio":0.0,"special_characters_ratio":0.235,"stopwords_ratio":0.4,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 Thessalonians 4\nA ngas na nilaun ra in ugasgas o God1 A kum tistisimetul, metul sa ususer tar mot una ngas na nilaun ra mot in laun nami sur in ugasgas o God, lar ut ra mot sa muri. Ra uniri metul saring mot, ma metul udekdek mot una risan a Labino o Iesu, sur anumot a nilaun in lubung dekdek lenutra. 2 Uni mot sa tasman a kum etowo ra metul sa ususer tar mot nami. A kum etowo ra, det wanpat ut tana Labino o Iesu. 3 O God i nemi lena, anumot a nilaun gong i dur umatano, ra mot in nan gisen gusun a kum pamuk na petutna. 4 Ara ra tagun mot in dekdek sur in turbat a nemnem na pinino, sur a petutna na urur in kis una nun a nilaun ma gong i dur. 5 Ma gong mot mur a dekdek na nemnem ina pamuk na petutna, elar nam det ra ka det tasman o God. 6 Gong tu pasamot i pam a sakino una ino anun tu tisino ra i nurnur. Ra in pami lenra i usobor o tisino. Metul sa watung tari, ma metul sa utumarong tar mot lena, a Labino in pitar a warkurai na minabalu torom det, ra det ser pam a kum petutna lenri. 7 Uni, o God ke kabo pas dat sur a dur na petutna, i kabo pas dat sur dat in mur a tokodos na nilaun. 8 Osi ra i rosumur gusun a etowo ri, ausur i rosumur gusun a taro, awu. I rosumur ut gusun o God, i ra i tabor dat nam a Niono, a Tokodos na Nion.\n9 Ka metul in tumtumus melet mo torom mot una numot a marmaris torom a kum tistisimot, uni, o God i sa ususer tar mot sur mot in nem etetalai mot. 10 A lingmulus ut, mot nem a kum tistisimot rop tiro una papor Masedonia rop. Ikut, metul saring mot sur anumot a marmaris in lubung dekdek ut.\n11 Mot in dekdek sur anumot a nilaun in lenri: Mot in kis na malmal, ma gong mot uruk lorimot sur tu utna anun taio. Mot in papam nama lamamot sur a amot a utna na inangon, elar nami ra metul sa watung tari tamot. 12 Ra mot in pami lenra, a taro ra ka det nurnur det in ru mot, ma ka mot in nura taio sur in tabor mot.\nA inawan pat melet anun a Labino13 A kum tistisimetul, metul nemi lena mot in mananos un det ra det sa mat, ma gong mot tupunuk dekdek elar nam a taro ra ka det nurnur una katkatutur melet gusun a minat. 14 Dat nurnur lena o Iesu i mat, ma i laun melet. I mo ra dat nurnur lena, det ra det nurnur un o Iesu, ma det sa mat, o God in ukatutur det ma det in nan tomo nam o Iesu, ra in milet melet.\n15 A wasiso ri ra metul watungi tamot, a wasiso ut anun a Labino. I lenri: Dat ra dat sa laun tuk una bung ra a Labino in nanpat melet, ka dat in mugu tandet ra det sa mat. 16 Uni a Labino ut in nan pirso tagisapat una langit, in nalngan ara in kakabo, a mugumugu anun a kum ensel in wasiso, in tuwuru anun o God in tangis, ra det ra det sa mat nama nurnur un o Karisito, det in katutur mugu. 17 Numur dat ra dat laun utmakai, din los tomo pas dat nam det usapat una kum du bakut sur dat in etorom nama Labino una maino. Ra dat in kis tukum tomo nama Labino. 18 Mot in udekdek etetalai mot nama kum wasiso ri.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=1Th.4","date":"2018-04-25T01:06:58Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947654.26\/warc\/CC-MAIN-20180425001823-20180425021823-00449.warc.gz","language":"kqw","language_score":0.9992046952,"language_script":"Latn","minhash_cluster_size":4,"top_langs":"{\"kqw_Latn_score\": 0.999204695224762}","num_words":767,"character_repetition_ratio":0.048,"word_repetition_ratio":0.0,"special_characters_ratio":0.241,"stopwords_ratio":0.402,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"2 Timothy 11 Iau o Pol, a aposel anun a Karisito Iesu una nemnem anun o God, sur an wasiso talapor una nilaun ra i sa uliliman tari torom dat una Karisito Iesu. 2 A tumus a pas ri torom ui Timoti, a wakak na nutunglik una nurnur. A marmaris ma a wakak na petutna ma a malmal, anun o God a Tamandat ma a Karisito Iesu anundat a Labino, in kis torom ui.\nO Pol i udekdek a nurnur anun o Timoti3 Una kum mirum ma a waspi, a ser wararing un ui, ma a ser watung wakak torom o God. I ra a papam toromi nama tokodos na ninunuk, elar nama kum tumtubung tagun numugu. 4 A nuk melet pasi ra u tangis iau, ma a nem doko i lena an tama ui sur an bukus nama gasgas. 5 A nuk pas anum a lingmulus na nurnur, ra i elar nama nurnur anun aru ino ri, o tubum o Lois ma o nam o Unis. A tasmani lena a ngas na nurnur ra, kura kai un ui. 6 I mo ra a inanos ui melet sur un ukatutur melet anum a etabor, elar nama sungun ra di wupi ra i kunabor. A etabor ra, o God i tabor ui nami una bung ra a ubek aru lamang netes un ui. 7 Uni o God ke tabor dat nama nion na nginara, awu. I tabor dat nama Tokodos na Nion ra i pitar a dekdek torom dat, ma a marmaris ma a petutna ra ara taktakai in warkurai wakak anun a nilaun.\n8 Gong u maimai sur un wasiso talapor una nundat a Labino, ma gong u maimai un iau, ra uniri a kis una karabus una risano. Ikut, un waninar sur ui kai, un taramo a ngunungut una Wakak na Wasiso tomo nam iau. Ra un taramo a ngunungut, o God ut in pitar a dekdek torom ui. 9 I ut i sa ulaun pas dat, ma i kabo pas dat sur a tokodos na nilaun. Ausur i kibino una nundat a kum wakak na pinapam, awu. I kibino ut una nun a nemnem, ma anun a marmaris, ra i pitar tari torom dat una Karisito Iesu. Unarap utmakai ra ke ukis utmakai a rakrakon bual i maris mugu dat. 10 Ra uniri, dat sa tama a marmaris anun o God torom dat, una inawan pat anun anundat a Tene Ulaun a Karisito Iesu, i ra i urop ru a minat. Ma una Wakak na Wasiso, i upuaso a nilaun tukum sur in nanpat taltalapor.\n11 O God i sa pilok pas iau sur an tene warawai nama Wakak na Wasiso, an aposel ma an tene ususer kai uni. 12 Iri i a kibino ra a taramo a ngunungut lenri. Ikut, ka maimai, uni a tasman o naro ra a nurnur uni, ma a tasman mulusi lena, in pet lar pasi sur in tamtamabat a pinapam, ra i sa pitar tari tang, tuk una bung na warkurai.\n13 A tokodos na etowo ra a sa ususer tar ui nami, i elar nama wakak na malalar sur un muri. Un muri tomo nama nurnur ma a marmaris. A nurnur ma a marmaris anundat, ra kura dat una Karisito Iesu. 14 Una dekdek ina Tokodos na Nion ra i kis un dat, un tamtamabat wakak a Wakak na Wasiso ra o God i sa pitar tari tam.\n15 U tasmani lena a taro rop, ra det kis una papor Asia, det sa wan pas gusun iau. O Pigelus ma o Emogenes aru tagun det. 16 A wararing sur o God in maris o Onesiporus det tamtamano, uni i ser ugasgas iau, ma ke maimai un iau ra a kis una karabus. 17 Ra i wanpat tong o Rom i sisio nanan ut sur iau, tuk i sio pas iau. 18 A wararing sur a Labino in maris o Onesiporus una bung na warkurai. U sa tasman wakak a kum pinapam na warut ra i sa pam tari torom iau tiro o Epesus.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=2Ti.1","date":"2018-04-24T04:51:51Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946564.73\/warc\/CC-MAIN-20180424041828-20180424061828-00128.warc.gz","language":"kqw","language_score":0.9976967573,"language_script":"Latn","minhash_cluster_size":3,"top_langs":"{\"kqw_Latn_score\": 0.9976967573165894}","num_words":817,"character_repetition_ratio":0.053,"word_repetition_ratio":0.0,"special_characters_ratio":0.242,"stopwords_ratio":0.383,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Matthew 6\nA ususer una etabor1 \"Mot in tumarong mot sur gong mot pam anumot a wakak na pinapam umatan a taro kut, sur det in tama i ma det in watung ulabo pas mot. Ra mot pami lenra, katu ikul anumot tan a Tamamot ra i kis sapat una langit. 2 Ra un tabor a kum sibo na taro, gong u wasiso mugu sur a taro det in tama ui. A taro ra ka det etabor nama lingmulus una balandet, det ser wasiso mugu nam anundet a etabor una kum rumu na lotu ma una kum kisapi kai, sur a taro det in watung ulabo pas det uni. Gong mot pami elar nam det. A inanos mot nama lingmulus, ra a taro det ulabo pas det, i ut ra anundet a kudulano ikul. 3 Ra un tabor a kum sibo na taro, gong taio i tasman a utna ra u pami, un pam eno i kut. 4 Ra u pami lenra, o Tamam ra i tama a utna ra u pam eno i, in pitar a ikul tam.\nA etowo una niaring\n(Lk 11:2-4)5 \"Ra mot in wararing, gong mot elar nama kum tene torotoro. Det nem doko i sur det in tur ma det in wararing una kum rumu na lotu, ma una kum nubual ra a taro det wanan tomo iai, sur a taro det in tama det ma det in watung ulabo pas det. A inanos mot nama lingmulus, ra a taro det ulabo pas det, i ut ra anundet a kudulano ikul. 6 Ikut ui, ra un wararing, un ruk una num a rumu ma un tagar bat pas ui, ma un wararing torom o Tamam ra ka taio i tama i. Ma o Tamam ra i tama a utna ra u pam eno i, in pitar anum a ikul.\n7 \"Ra mot in wararing, gong mot wasiso oros kut, elar nama kum niaring anun a taro ra det lotu torom a kum toktok. Uni det nuki lena din longoro det ra det watung a susut na wasiso. 8 Gong mot elar nam det, uni a Tamamot i sa tasman tar asau rop ra mot sibo suri, ra ka mot wararing utmakai.\n9 \"Mot in wararing lenri,\n'Tamamet sapat netes una langit,\ni wakak ra din ru a risam.\n10 I wakak ra anum a matanitu in nanpat.\nI wakak ra din mur anum a nemnem nin una rakrakon bual,\nelar nami ra di ser muri sapat netes una langit.\n11 A bung ri un tabor met nam amet a utna na inanangon.\n12 Un dumano ru anumet a kum sakino petutna,\nelar nam met dumano ru anundet a kum sakino petutna torom met.\n13 Gong u ben met una ululam.\nUn ulaun met gusun a Tene Sakino. Amen.' ▼\n▼ (6:13) A ramano kum tene mananos una Buk Tabu det nuki lena a ramano kum wasiso kai i kis una rino ri. I lenri:Uni anumi kut a matanitu ma a dekdek ma a minamar, ma ken rop. Amen.\n14 \"Ra mot in dumano ru a kum sakino petutna ra a taro det pami torom mot, a Tamamot, ra i kis sapat una langit, in dumano ru anumot a kum sakino petutna kai. 15 Ikut, ra ka mot dumano ru a kum sakino petutna, ra a taro det pam tari torom mot, a Tamamot kai ken dumano ru anumot a kum sakino petutna.\nA etowo una winewel16 \"Ra mot in wewel sur mot in wararing, gong mot tamtama tumtumul elar nama kum tene torotoro, uni det tamtama tumtumul sur a taro det in tama i lena det wewel. A inanos mot nama lingmulus, ra a taro det ulabo pas det lena det a kum tene lotu mulus, i ut ra anundet a kudulano ikul. 17 Ra un wewel, un kom in lorim, ma un gos in masarim, 18 sur gong a taro det tasmani lena u wewel. O Tamam kut, ra ka taio i tama i, in tasmani. Ma o Tamam ra i tama a utna ra u pam eno i, in pitar anum a ikul.\nA kum wakak na utna sapat una langit\n(Lk 12:33-34)19 \"Gong mot ubek tomo a kum wakak na ululeng nin upiso, uni a koropos ma a moroto der in banlaulau ru det kut, ma a kum tene wolong kai det in rege pas anumot a kum rumu ma det in los a kum ututna. 20 Mot in mur a kum tokodos na petutna sur in elar nama wakak na ululeng sapat una langit, uni a koropos ma a moroto ka der in banlaulau i, ma a kum tene wolong kai ka det in wolong lar pasi. 21 Uni anum a nilaun in kis una nubual ra anum a wakak na ululeng i kis iai.\nA lam una pinindat\n(Lk 11:34-36)22 \"Arin matandat der elar nama lam una pinindat. Ra arin matam der wakak, a pinim rop in bukus nama talapor. 23 Ikut, ra arin matam der laulau, a pinim rop in bukus nama dumirum. Ra anum a talapor i dumirum kut, a dumirum ra in labo sakit!\nGong mot nuknuk doko sur tu utna\n(Lk 16:13; 12:22-31)24 \"Katu tultul in pet lar pasi sur in papam torom lako ru mugumugu. In nget ara pasander, ma in gas sur ara pasander, in tarom torom ara, ma in rosumur gusun ara. Ka mot in papam lar pasi torom o God ma torom a mani kai.\n25 \"Uniri an watungi tamot lena, gong mot nuknuk doko una numot a nilaun sur asau mot in nani, ma asau mot in inumi. Ma gong mot nuknuk doko una pinimot kai sur asau mot in emar nami. A nilaun i labo tan a utna na inangon, niko? Ma a pinindi kai i labo tan a malu, niko? 26 Mot in tama a kum piko. Ka det marut tu utna, ma ka det pasong tomo lako utna, ma ka det umubek tomo un tu rumu, ikut a Tamamot ra i kis sapat una langit, i ser tabor det. Ra mot, mot labo sakit tandet. 27 Osi tamot ra i nuknuk doko una nuna nilaun, ken pet lari sur in tugus walos melet tu du bung lik uni. Awu.\n28 \"Ilai ra mot nuknuk doko sur a malmalu? Mot in tama a kum purpur tagisa ubual, ra det lubung pepetlai. Ka det ser papam ma ka det ser pam malu. 29 Ikut a watungi tamot, a minamar rop anun o King Solomon ut i tamtama wakak bing, ikut ke tamtama wakak elar nama kum purpur ra. 30 O God i mar a kum wuliso sa ubual nama kum wakak na purpurindet, ra i puspus uniri, ra markan din tun ru i una sungun. Ra i pami lenra una kum wuliso, pepetlai, ken mar mot kai? I natino doko anumot a nurnur. 31 Gong mot nuknuk doko ma mot watungi lena, 'Asau dat in nani?', o 'Asau dat in inumi?', o 'Asau ra dat in emar nami?' 32 Uni a taro ra ka det nurnur det nemnem doko sur a kum utna rop ri, ikut a Tamamot ra i kis sapat una langit i tasmani lena mot sibo sur a kum utna rop ri. 33 Mot in nuknuk mugu sur anun a matanitu ma anun a tokodos na petutna, ra in tabor mot kai nama kum utna rop ri. 34 Ra gong mot nuknuk doko sur a bung markan, uni markan in nuknuk ut suri. A ninunuk sur ara bung taktakai i to pasi ut a bung ra.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=Mat.6","date":"2018-04-24T12:36:04Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946688.88\/warc\/CC-MAIN-20180424115900-20180424135900-00574.warc.gz","language":"kqw","language_score":0.999871254,"language_script":"Latn","minhash_cluster_size":3,"top_langs":"{\"kqw_Latn_score\": 0.9998712539672852}","num_words":1376,"character_repetition_ratio":0.063,"word_repetition_ratio":0.038,"special_characters_ratio":0.256,"stopwords_ratio":0.417,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"James 11 Iau o Jems a tultul anun o God ma anun a Labino o Iesu Karisito, a tumus a pas ri torom mot a noino ma aru kabotaro Israel. Mot kis sarara una kum tamon una rakrakon bual, uni det nem na um doko mot. A marmaris torom mot.\nA nurnur ma a mananos2 A kum tistising, ra lako kum ngas na maut in nanpat torom mot, mot in gas, 3 uni mot tasmani lena, a kum maut, ra di lar anumot a nurnur nami, i ra, in ulabo anumot a tuntunur dekdek. 4 Ra mot in tur dekdek, mot in tokodos sakit una numot a nilaun rop, ma ka mot in sibo sur tu wakak na petutna.\n5 Ra taio tagun mot i sibo sur a mananos, in saring o God suri. Ra o God in tabori nami, uni i ser tabor dat rop, ma ke ser bitan tu utna. Ma ke ser kankan torom taio ra i sasaring. 6 Ikut ra in wararing, in wararing nam a nurnur, ma gong i wur nuknuk. Uni osi ra i wur nuknuk, i elar kut nama top, ra a wuwu i wup tuptupukusi. 7 A musano ra i wur nuknuk, gong i nuki lena, in rakon tu utna tan a Labino. 8 Uni aru nuknukino, ra ken tur dekdek una nun a kum pinapam rop.\nA sibo na musano ma a tene gongon9 Ra tu tisindat una nurnur i sibo, i wakak ra in gas kut, uni o God ut i sa ulabo pasi. 10 Ra taio a tene gongon, in gas kut ra o God in unatino i. Uni, anun a nilaun i elar kut nam a puspus na duwai, in rop oros kut. 11 Uni in matanas in pusu pat nama labino mararong ino, ra in rang in nanai, ma a puspus ino in puku, ra a wakak na tamtama ino in rop. Lenkutkai lar a tene gongon in rop tomo nam anun a kum ululeng.\nA kum ululam12 O naro ra i tur dekdek una kum ululam, i dan. Uni o naro ra i turus pas a kum larlar ra di lar anun a nurnur nami, in rakon a kukup na nilaun tukum, ra o God i sa liliman taru sur in pitari tandet ra det nemi.\n13 Ra a ululam in nanpat torom taio, gong i watungi lena o God i pitari. Uni a sakino ken ulam lar pas o God, ma o God ut ken ulam taio. 14 A taro rop, taktakai, anundet a kum laulau na nemnem ut i ulam pas det, ma i dat pas det, sur det in pam a sakino. 15 Numur, ra anundet a laulau na nemnem in labo, in usus pat pas a sakino petutna. Ra a sakino petutna in labo, in usus pat pas a minat.\n16 A kum wakak na tistising, gong mot madek tar taio sur in toro pas mot. 17 A kum wakak na etabor rop, ra det tokodos sakit, det wan pirso tagisapat una langit. Det wanpat tan o Tita, i ra i ukis in matanas, a kalang ma a kum nangnang. Ikut o Tita ke ukukeles, ma ke pukpukus anun a ngasino elar nam in matanas, ra in sisio pas una waspi ma una mirum awu. 18 Una nun a nemnem ut, o God i usus matok dat nam anun a lingmulus na wasiso. I pilok pas dat gusun a kum utna na ukukis rop, sur dat elar nam a kum mugano wino duwai ra di ser etabor nami torom o God.\nDat in longoro ma dat in muri19 A kum wakak na tistising, mot in tasman a utna ri: I wakak ra mot rop, mot in longoro lakit, ikut gong mot wasiso lakit, ma gong mot kankan lakit. 20 Uni a kankan anun taio ken waruti, sur in pam a tokodos na petutna ra o God i nemi. 21 Mot in mana gusun a kum dur na petutna, ma a kum sakino, ra kuri i bukus una rakrakon bual. Ra mot in unatino pas mot, ma mot in mur a wasiso ra di sa marut tari una balamot, a wasiso anun o God ra in ulaun mot.\n22 Mot in mur a wasiso anun o God, ra gong mot longoro oros tari kut, sako mot in toro pas mot melet ut. 23 Osi ra i longoro oros tari kut a wasiso anun o God, ma ke muri, i elar kut nam a musano ra i tama in masarino una galas. 24 Ra in nan gisen, uniutra in dumano ru in masarino ra i tamtama pepetlai. 25 Ikut, ra taio in longoro wakak a tokodos na warkurai anun o God, a warkurai ra i ser ulangolango a taro, ma in ser muri, ma ke dumano i, a musano ra, in dan una nun a kum pinapam.\n26 Ra taio in nuki lena, i sa lingmulus na tene lotu, ikut, ra ke tumarong in karmene, i toro pasi ut, ma anun a lotu in utna oros kut. 27 Ikut, ra dat warut a kum nat na soi, ma a kum ula, ra det pot na marmaris, ma dat tumarong dat kai gusun a kum dur na petutna tagun a rakrakon bual, iri a lingmulus na lotu, ra i tokodos, ma katu utna i raro uni umatan o God a Tamandat.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=Jam.1","date":"2018-04-21T04:06:33Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125944982.32\/warc\/CC-MAIN-20180421032230-20180421052230-00239.warc.gz","language":"kqw","language_score":0.9995817542,"language_script":"Latn","minhash_cluster_size":3,"top_langs":"{\"kqw_Latn_score\": 0.9995817542076111}","num_words":1026,"character_repetition_ratio":0.042,"word_repetition_ratio":0.0,"special_characters_ratio":0.253,"stopwords_ratio":0.421,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"John 5\nO Iesu i ulangolango pas ara musano1 Numur, o Iesu i wan usapat o Jerusalem sur a labino bung na lotu anun a taro Juda. 2 Ara kabopolo, di watungi nam o Besata una wasiso Ibru, i kis sapat o Jerusalem, milau una labino matansako ra di watungi nama \"Matansako na sipsip\". Ma a limo na parada det tur talilis pas a kabopolo ra. 3 A susut na taro ra det misait nama kum ngas na misait, det ser kis tiro iai, a kum pulu, det ra ka det ser wan ma det ra a pinpinindet i mat. ▼\n▼ (5:3-4) A ramano kum tene mananos una Buk Tabu det nuki lena a ramano kum wasiso kai i kis una rino ri. I lena:Det kis langlang sur a danim ra in tonton. A ramano kum du bung, a ensel anun a Labino in nan pirso utiro una kabopolo ra, ma in utontoni. Taio kut ra in rurus mugu una kabopolo ra i tonton, in langolango mut gusun anun a misait. .\n5 Ara musano i kis tiro iai i misait pas a tulu noino ma tiwal na kilalo. 6 O Iesu i tama pas a musano ra i inep taru tiro iai. I tasmani lena a musano ra i sa suano i a misait uni, ra i tingi lena, \"Pepetlai, u nemi sur un langolango?\" 7 A musano ra i balu i lena, \"Labino, kataio i ser warut iau sur in los tar iau una du bung ra a danim i tonton uni. Ra a nem na wan sur an rurus, ara gisen kut in kalabor mugu batbat pas iau.\" 8 O Iesu i watungi tano lena,\"Un katutur, un los anum a bat ra un nan.\" 9 Uniutra a musano ra i langolango, i tur, ma i los pas anun a bat, ra i wan.\nA utna ri i wanpat una Bung na Sabat. 10 A ramano kum te Juda det watungi tan a musano ra o Iesu i ulangolango pasi lena, \"A Sabat ri! I tabu sur din los a bat uni.\" 11 Ra i balu det lena, \"A musano ra i ulangolango pas iau, i watungi tang lena, an los pas anung a bat ra an nan.\" 12 Det tingi lena, \"Osi na musano ra i watungi tam lena un los pas anum a bat ma un nan?\" 13 Ikut a musano ra ke tasman osi ra i ulangolango pasi, uni o Iesu i wan epotor tan a kunur na taro.\n14 Numur ut, o Iesu i barato pas a musano ra una rumu na etabor. I watungi tano lena, \"Tama i, uniri u sa langolango. Gong melet mo u pam tu sakino, sako tu laulau na utna sakit in nanpat un ui numur.\" 15 A musano ra i wan ma i inanos a kum te Juda lena, \"O Iesu ut i ulangolango pas iau.\" 16 Io, uniri, a kum te Juda det turpasi sur det in pam a kum sakino petutna torom o Iesu, uni i pam a kum utna ri una Bung na Sabat. 17 O Iesu i watungi tandet lena, \"O Tita ke mana nama pinapam na warut, lenkutkai ra iau kan mana nama pinapam na warut torom a taro.\" 18 Iri, a kibino ra a kum te Juda det nem doko i sur det in um doko o Iesu. Det kankan torom o Iesu, ausur a kibino kut ra i papam una Bung na Sabat. A kibino utkai ra o Iesu ut i watung o God lena o Tamano, ma una wasiso ri, ra i elaro i ut nam o God.\nO Tamano i pitar a warkurai torom o Nutunu19 O Iesu i balu det lena, \"A inanos mot nama lingmulus, a Nutun o God ken pam oros pas tu utna elar nam anun a nemnem, in pami kut a kum utna ra i tama o Tamano i ser pami. Uni a kum utna rop ra o Tamano i pami o Nutunu kai in pami. 20 O Tamano i maris o Nutunu, ma i ese i una kum utna rop ra i ser pami. Ma in ese i kai una kum utna ra i labo taun a kum utna ri, sur mot in kisin uni. 21 A Nutunu in tabor det ra i nemi sur in tabor det nama nilaun, elar nam o Tamano i ukatutur pas a kum minat, ma i tabor det nama nilaun. 22 O Tamano ken kuro taio, ikut i pitar tar a warkurai rop tan o Nutunu, sur in warkurai nami, 23 sur a taro rop det in ru a Nutunu elar nam det ru o Tamano. Osi ra ke ru a Nutunu ke ru i kai o Tamano, i ra i tulu ru i urin.\n24 \"A inanos mot nama lingmulus, osi ra i longoro anung a kum wasiso ma i nurnur un o naro ra i tulu ru iau urin, i sa utur ukai a nilaun tukum, ma ken iru una warkurai. I sa wan gusun a minat sur a nilaun tukum. 25 A inanos mot nama lingmulus, a du bung in nanpat, ma iri i sa wanpat, ra a kum minat det in longoro in nalngan a Nutun o God, ma det ra det longoro i det in laun. 26 O God a kimkibin a nilaun, ma i pitari kai torom o Nutunu sur i kai a kimkibin a nilaun. 27 O God i pitar tar a dekdek tano sur in warkurai a taro nami, uni, i a Nutun a Musano. 28 Gong mot kisin una wasiso ri. A du bung in nanpat, ra det rop ra det inep una kum tung na minat det in longoro in nalngano. 29 Det in katutur gusun a kum tung na minat. Det ra det sa pam tar a wakak na petutna det in katutur gusun a minat sur a nilaun tukum. Ma det kai ra det sa pam tar a sakino petutna, det in katutur gusun a minat sur a iniru tukum.\"\nA wasiso talapor un o Iesu30 O Iesu i wasiso utmakai torom a kum te Juda lena, \"Ka pam oros tu utna elar nam anung a nemnem. A warkurai nama utna a longoro i. Ma anung a warkurai i tokodos, ma ka mur a nuknuking, a ser mur ut a nuknukin o naro ra i tulu ru iau urin. 31 Ra an wasiso talapor un iau ut melet, anung a wasiso talapor ken maut. 32 Ikut ara gisen ut i wasiso talapor un iau, ra a tasmani lena anun a wasiso talapor un iau i lingmulus sakit.\n33 \"Mot tulu ru ara taro torom o Jon a Tene Baptaiso, ra i wasiso talapor torom det un iau. Ma anun a wasiso i lingmulus. 34 Ka sibo sur lako taro det in wasiso talapor un iau, ikut a watungi lenri sur din ulaun mot. 35 O Jon i elar nama lam, ra i kunabor ma i talapor, ma mot gas ra mot tamtama lilik pas kut una talapor ino.\n36 \"Ikut an inanos mot una wasiso talapor un iau, ra i labo taun a wasiso talapor anun o Jon un iau. A kum pinapam ra a ser pami, det wasiso talapor un iau lena, o Tita i tulu ru iau urin. O Tita i pitar tar a kum pinapam ra tang, sur an pami. 37 Ma o Tita, i ra i tulu ru iau urin, i sa wasiso talapor taru un iau. Ka mot longoro in nalngano, ma ka mot tama tar kai in matano. 38 Ma ka mot utur ukai anun a wasiso una kum balamot, uni ka mot nurnur un o naro ra di tulu ru i urin. 39 Mot ser lukluki ut a Buk Tabu, uni mot nuki lena mot in los a nilaun tukum uni. Ikut a Buk Tabu kai i wasiso ut un iau! 40 Ikut, mot a kum te Juda, ka mot nem na wan torom iau sur mot in los a nilaun.\n41 \"Ka ling sur a taro det in ulabo pas iau. 42 Ikut a tasman mot ut lena, ka mot maris o God nama balamot mulus. 43 A wanpat nama risan o Tita, ma ka mot gas pas iau. Ikut ra taio gisen in nanpat nama risano ut, io, mot in gas pasi.\n44 \"Mot, mot nemi kut sur a taro det in ulabo pas mot, ma ka mot tiktikin sur a wasiso na ululabo anun o God torom mot, o God i ara sot kut. Ra i lenra, ka mot nurnur un iau. 45 Gong mot nuki lena iau an takun mot tan o Tita, awu. O Moses ra mot nurnur uni lena in warut mot, i ut in takun mot. 46 Ra gunuk mot nurnur un o Moses, io, mot in nurnur utkai un iau, uni anun a kum tumtumus i wasiso ut un iau. 47 Ikut ka mot nurnur una kum tumtumus anun o Moses, io, mot in nurnur pepetlai una anung a kum wasiso?\"\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=Joh.5","date":"2018-04-26T17:34:21Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948426.82\/warc\/CC-MAIN-20180426164149-20180426184149-00352.warc.gz","language":"kqw","language_score":0.9999350309,"language_script":"Latn","minhash_cluster_size":3,"top_langs":"{\"kqw_Latn_score\": 0.9999350309371948}","num_words":1607,"character_repetition_ratio":0.061,"word_repetition_ratio":0.0,"special_characters_ratio":0.262,"stopwords_ratio":0.447,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Titus 2\nA tokodos na etowo1 Ikut ui, un ususer det nam asau ra i mur wakak a tokodos na etowo. 2 Un ususer a kum musano ra a kum mugano tam, sur det in tumarong a magirandet, det in los a ngas na nilaun ra a taro det in ru det uni, det in warkurai bat anundet a nilaun, det in lingmulus una nundet a nurnur, anundet a marmaris ma anundet a tuntunur dekdek ra det etorom a mamaut.\n3 Lenkutkai ra, un ususer a kum wardain ra a kum mugano tam, sur det in lason una kisapi na urur una nundet a nilaun, gong det emang, gong det tene ininum, ikut det in ususer a taro nam asau ra i wakak. 4 Det in pami lenra sur det in ususer a kum wardain numur tandet, sur det in nem anundet a kum musano ma a kum nutnutundet, 5 det in tamtamabat wakak anundet a nilaun, det in mur a tokodos na petutna, det in lason una pam a kum pinapam tiro una rumu, det in lason sur det in pam a wakakino torom a taro, ma det in ru anundet a kum musano, sur gong taio i watung laulau a wasiso anun o God.\n6 Lenkutkai ra, un udekdek a kum barman, sur det in tamtamabat wakak anundet a nilaun. 7 Una kum utna rop ra u pami, un pam a wakakino, sur a wakak na larlar torom det. Ra u ususer det, un papam nama lingmulus, ma a urur. 8 Un watung a tokodos na wasiso ra ka taio in pukus ui uni, sur det ra det turbat ui det in maimai, uni ka dat pam tu sakino sur det in watung laulau dat uni.\n9 Un inanos a kum tene ititula sur det in taromlu anundet a kum mugumugu una kum utna rop, ma det in ugasgas det nama kum pinapam rop ra det in pami, ma gong det balu wasiso. 10 Gong det wolong anundet a kum mugumugu. Det in upuaso anundet a wakak na petutna, sur anundet a kum mugumugu det in nurnur un det, sur in upuaso i lena, a etowo un o God a Tene Ulaun anundat i wakak.\n11 Uni a marmaris anun o God sur a ululaun anun a taro rop, i sa wanpat taltalapor. 12 A marmaris ri i ususer dat, sur dat in nan gisen gusun a kum petutna ra ke sot nama nuknukino God, ma gusun a kum nemnem sur a kum utna tagun a rakrakon bual, ma dat in tamtamabat wakak anundat a nilaun, dat in tokodos, ma dat in laun murmur a nuknukin o God una nilaun ri, 13 ra dat kis langlang nama nurnur sur a bung na gasgas ra in nanpat. A bung ra anundat a Labino o God, o Iesu Karisito, a Tene Ulaun anundat in nanpat nama nun a minamar. 14 I pitar tar anun a nilaun un dat, sur in kul ulangolango pas dat gusun anundat a kum sakino petutna rop, ma in utalapor pas dat, sur dat anun a taro mulus ut, ra dat nem doko i sur dat in pam a kum wakak na pinapam.\n15 Un ususer det nama kum wasiso ri. Un udekdek a taro, ma un watung puaso anundet a niraro umatandet. Un pami nama dekdek ra kura torom ui. Ma gong u madek tar taio sur in nuki lena ui a musano oros kut.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=Tit.2","date":"2018-04-20T16:26:30Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125944479.27\/warc\/CC-MAIN-20180420155332-20180420175332-00185.warc.gz","language":"kqw","language_score":0.9991846681,"language_script":"Latn","minhash_cluster_size":3,"top_langs":"{\"kqw_Latn_score\": 0.9991846680641174}","num_words":718,"character_repetition_ratio":0.064,"word_repetition_ratio":0.0,"special_characters_ratio":0.234,"stopwords_ratio":0.411,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"aNamba 16:5\n2 Timothy 2\nA wakak na tene inaim anun a Karisito Iesu1 Timoti, a nutunglik una nurnur, un tur dekdek una marmaris anun o God torom dat, ra kura dat una Karisito Iesu. 2 A kum etowo ra u sa longoro pasi gusun iau umatan a susut na taro, un ususer lako taro nami. A taro ra u nurnur un det lena det in pet lar pasi sur det in ususer lako taro kai nami. 3 Un tur tomo nam met una kum mamaut, elar nama wakak na tene inaim anun a Karisito Iesu. 4 A wakak na tene inaim ken balon una kum pinapam anun a taro oros kut, awu. In pam ut anun a pinapam sur in ugasgas anun a mugumugu. 5 Lenkutkai ra, a tene kinalabor ra i kalabor una ililu, ken los tu ikul ra ke mur a kum warkurai ina ililu. 6 A tene minarut ra i papam dekdek, i ut in pasong mugu a wina ana kinobot ra in taka. 7 Un ser nuk pas a kum wasiso ri a tumusi torom ui, uni a Labino ut in utalapor a kukuraino torom ui.\n8 Un nuk pas o Iesu Karisito, i ra tagun a kabotaro anun o Dewid, ra i katutur melet gusun a minat. Iri a Wakak na Wasiso ra a warawai nami. 9 A taramo a ngunungut, ma di ker iau elar nama tene sakino, uni a warawai nama Wakak na Wasiso. Ikut, a wasiso anun o God ka din turbat lar pasi. 10 Kuri a taramo a kum ngunungut, ikut a tur dekdek ut, sur det ra o God i sa pilok pas det, det kai det in los a ululaun ra i kis una Karisito Iesu, tomo nama minamar tukum. 11 A wasiso ri an watungi tam, i lingmulus sakit:\nRa dat in mat tomo nama Karisito Iesu,\ndat in laun tomo kai nami.\n12 Ra dat in taramo a ngunungut tomo nami,\ndat in warkurai tomo utkai nami una nun a matanitu.\nRa dat in ipul ru i,\ni kai in ipul ru dat kut.\n13 Ra ka dat in pam sot pas anundat a liliman sur dat in mur a Karisito Iesu,\ni ut in tur dekdek una nun a liliman,\nuni ken pet lari sur in kutus anun a liliman.\nA lingmulus na tene pinapam14 Gong u mana nama wasiso torom anum a taro nama kum etowo ri. Un utumarong det umatan o God lena, gong det engaras una kum wasiso, uni ke gas un tu utna, ma in banlaulau det ra det longoro i.\n15 Un pitar tar ui ut torom o God ma un dekdek sur ui a lingmulus na tene pinapam, ra o God in gas nami. A tena pinapam ra ke ser maimai una nun a pinapam, ma i palos kodos a lingmulus na wasiso. 16 Un nan gisen gusun a kum wasiso ra ke sot nama nemnem anun o God, uni a taro ra det balon nama ngas na wasiso lenra, det in nan bakbak ma det in bakbak doko gusun o God. 17 Anundet a etowo in nan sarara elar nama laulau na inangon ra i tangangos nanan. O Emeneus ma o Piletus aru tagun det, 18 ra der sa wan raro gusun a lingmulus. Der watungi lena, dat sa katutur melet gusun a minat. A wasiso ri anunder, i banlaulau a nurnur anun a ramano taro.\n19 Ikut, o God i sa ubek tar a kibina nurnur ra ken tugunu, ma di sa tumus tar a wasiso uni lena, \"A Labino i tasman det ra anunu.\" a\nMa di sa tumus tari kai lena, \"I ra i watungi lena i anun a Labino, in nan gisen gusun a sakino petutna.\"\n20 Un ara labino rumu, a kum ngas na dis kura det kis. A ramano di pam det nama silwa ma nama gol, ma a ramano kai di pam det nama duwai ma nama piopap. A ramano kum dis sur a kum lamlabino bung kut ma a ramano kai sur a kum durdur na utna kut. 21 Ra taio in utalapor pas anun a nilaun gusun a kum durdur na petutna, in elar nama dis tagun a kum lamlabino bung. Uni, i, anun a Labino, ra a Labino in papam una nun a nilaun sur in pam a pinapam anuna Labino, ma i sa kis waninar sur in pam a kum wakak na pinapam.\n22 Un nan gisen gusun a kum nuknuk na barman, ma un mur a tokodos na petutna, ma a nurnur, ma a marmaris ma a malmal, tomo nam det ra det ser wararing torom a Labino nama tokodos na nuknukindet. 23 Un nan gisen gusun a kum wasiso ororos ra katu kukuraino, uni det in ukatutur a kum wasiso na engaras. 24 A tultul anun a Labino gong i ser engaras, ikut in wakak na tene ususer, in pam a wakakino torom a taro rop, ma in ese anun a wowowon na petutna torom a taro ra i ukodos det. 25 Det ra ka det nem anun a etowo, in ukodos wowowon det, sako o God in mulaot pas det sur det in nukpukus, ma det in tasman a lingmulus ino. 26 Numur det in nuknuk wakak, ra det in pirso gusun in nukun anun o Satan, ra det sa iru taru uni, ma det ser muri.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=2Ti.2","date":"2018-04-23T17:37:09Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946120.31\/warc\/CC-MAIN-20180423164921-20180423184921-00129.warc.gz","language":"kqw","language_score":0.9995173216,"language_script":"Latn","minhash_cluster_size":3,"top_langs":"{\"kqw_Latn_score\": 0.9995173215866089}","num_words":1029,"character_repetition_ratio":0.051,"word_repetition_ratio":0.0,"special_characters_ratio":0.245,"stopwords_ratio":0.407,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 Timothy 11 Iau o Pol, a aposel anun a Karisito Iesu, una itula anun o God, anundat a Tene Ulaun, ma a Karisito Iesu, o naro ra dat kis langlang suri nama nurnur. 2 A tumus a pas ri torom ui Timoti, a nutunglik mulus una nurnur. A marmaris ma a wakak na petutna ma a balano molmol, tan o God a Tamandat ma a Karisito Iesu anundat a Labino in kis torom ui.\nO Pol i inanos o Timoti sur in turbat a kum torotoro na etowo3 Uniri a udekdek ui melet sur un kis ut tiro iai o Epesus, elar nami ra a sa watung tari tam ra a wan utong o Masedonia. Un kis sur un turbat det ra det ususer a taro un lako kum torotoro na etowo. 4 Ma gong det balon una kum etowo ororos kut, nama saksakutna na kabotaro, ra katu tintinipino. I ulabo i kut a wasiso na engaras, ma ke warut a pinapam anun o God. A pinapam anun o God i lubung kut una nurnur. 5 A watungi lenra, sur a marmaris in lubung epotor tandat etetalai. A marmaris ra i wan tagun a tokodos na balandat, ma a wakak na nuknukindat ma a lingmulus na nurnur. 6 A ramano taro det sa wan gisen gusun a kum wakak na petutna ri, ma det mur a kum wasiso ororos mukut. 7 Det nemi sur det in ususer a taro una kum Warkurai anun o God, ra det nuki lena det tasman wakaki, ikut ka det tasman mulus asau ra det wasiso uni.\n8 Dat tasmani lena a kum Warkurai det wakak, ra din papam wakak nami. 9 Dat tasmani lena a kum Warkurai ausur di pitari sur a kum tene tokodos, awu. Di pitari kut sur a ngas na taro lenri: det ra det lakai a kum warkurai, a kum tene rosumur, det ra ka det lotu torom o God, a kum tene sakino, det ra ka det mur a nemnem anun o God, det ra ka det ser ru o God, det ra det um doko a taro, det ra det um doko a kum tamtamandet o a kum nanandet, 10 det ra det pam a kum petutna na pamuk, a kum musano ra det nolin melet kut nama kum musano, det ra det pam sikot pas a taro sur det in siuru det, a kum tene torotoro, det ra det liliman torotoro, ma det rop ra det pam a kum utna ra ke elar nama tokodos na etowo anun o God. 11 A tokodos na etowo i kis una Wakak na Wasiso, ra o God i pitar tari tang sur an wasiso talapor nami. A Wakak na Wasiso ri i wan tagisapat tan o God, a God na minamar ra i dan tukum.\nPol i watung labo a marmaris anun o God12 A watung wakak torom a Karisito Iesu anundat a Labino, ra i pitar tar a dekdek tang. A watung wakak toromi uni i nurnur un iau, ma i ubek tar iau sur an papam toromi. 13 Numugu a ser watung laulau o Iesu, a banlaulau a taro na nurnur ma a ukadik det. Ikut o God i maris iau, uni ka tasman asau ra a pami, ma ka nurnur utmakai. 14 Anundat a Labino i ese anun a labino marmaris torom iau, ra i pitar tar a nurnur ma a wakak na petutna torom iau. A etabor ri, i kibino una Karisito Iesu.\n15 I wan pirso urin una rakrakon bual sur in ulaun a kum tene sakino. A wasiso ri i lingmulus sakit, ma dat in nurnur uni. Ma iau, a laulau sakit tan a kum tene sakino rop. 16 Ikut o God i maris iau, sur a Karisito Iesu in ese anun a wowowon na petutna torom iau, ra a laulau sakit tan a kum tene sakino rop. I ulaun iau ma i dumano ru anung a kum sakino petutna. Lenra, a wanpat a wakak na larlar, sur a taro det in tama asau ra o Iesu i pami un iau, ma det in nurnur un o Iesu, ma det in rakon a nilaun tukum. 17 Dat in pitar a wariru ma a wasiso na ululabo torom a King ra i laun tukum, ma ken mat, i ra ka dat tama i, ra i sot kut a God. A wasiso na ululabo toromi ken rop ma ken rop. Amen.\n18 Timoti a nutunglik, a kum etowo ri ra a pitari tam, i elar nama wasiso na poropet ra di sa watung tari un ui ra det wararing un ui. Ra un mur a kum etowo ri, ui ara wakak na tene inaim nama Wakak na Wasiso. 19 Un tur dekdek una num a nurnur, ma un mur a wakak na nuknuk. A ramano taro ka det pami lenri, ra anundet a nurnur i puku elar nama sip ra a top i rapus rege ru i. 20 O Emineus ma o Aleksanda aru tagun det, ma a sa pitar tar der una laman o Satan, sur der in tasmani lena gong melet mo der watung laulau o God.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=1Ti.1","date":"2018-04-19T10:02:41Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125936833.6\/warc\/CC-MAIN-20180419091546-20180419111546-00767.warc.gz","language":"kqw","language_score":0.9995185137,"language_script":"Latn","minhash_cluster_size":3,"top_langs":"{\"kqw_Latn_score\": 0.9995185136795044}","num_words":998,"character_repetition_ratio":0.055,"word_repetition_ratio":0.0,"special_characters_ratio":0.243,"stopwords_ratio":0.42,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2 Thessalonians 2\nA inawan pat anun a tene lakai warkurai1 A kum tistisimetul, metul nem na inanos mot una inawan pat melet anun anundat a Labino o Iesu Karisito, ma una nundat a inawan tomo toromi. Metul inanos mot, 2 gong a nuknukimot i talara lakit ma i lokolokor ra mot longoro i lena, a bung anun a Labino i sa wanpat. Ra tu wasiso na poropet, o tu inarang, o tu pas in wasiso lenra, ma din watungi kai lena taginin tametul, gong mot nurnur uni. 3 Gong mot madek tar taio sur in toro mot nam tu wasiso o tu kisapi sur mot in muri. Uni a bung ra, ken nanpat utmakai, tuk ut ra, lako susut na taro det in rosumur gusun o God, ma a tene lakai warkurai in nanpat pupuaso, i ra, numur in iru. 4 In ebar torom a kum utna rop ra a taro det watung det a kum god ma det lotlotu torom det, ma in ulabo pasi ut, sur in kis una rumu na etabor anun o God, ma in watung puaso i lena, i ut o God.\n5 Ra a kis tomo nam mot, a ser inanos mot nama kum utna ri. Pepetlai, ka mot nuk melet pasi mo? 6 Mot sa tasman asau ra i turbat a tene lakai warkurai, sur in nanpat puaso una du bung ra in sot. 7 A dekdek ina lakai warkurai kuri i sa papam eno nanan una rakrakon bual. Ikut, i ra i turbat tari, in turbati utmakai, tuk una bung ra din rakon ru i. 8 Numur a tene lakai warkurai in nanpat puaso, ma a Labino o Iesu in kamar ru i nam a wuwu na wano, ma in banlaulau i nam a minamar ina nun a inawan pat. 9 A tene lakai warkurai in nanpat nama dekdek ino Satan, ma in ese a kum ngas na torotoro na dekdek, ma a kum torotoro na ukinalong ma a kum torotoro na utna na ukisin. 10 Una kum ngas na sakino rop ra in pami, in toro a taro ra det wanan sur a iniru. Det in iru uni, ka det mulaot sur det in nem a lingmulus ino, sur o God in ulaun det. 11 Iri i, a kibino ra o God i ulokolokor a nuknukindet sur det in nurnur mukut una torotoro. 12 I mo ra, det ra ka det nurnur una lingmulus ino, ma det gas kut una sakino, det rop det in iru una warkurai anun o God.\nDat in tur dekdek13 A kum tistisimetul, mot ra a Labino i maris mot, i wakak sur metul in ser watung wakak torom o God un mot, uni o God i sa pilok pas mot tagun a turturkibino sur in ulaun mot. I ulaun pas mot una nirurus talapor ra a Tokodos na Nion i pami un mot, ma una numot a nurnur una lingmulus ino. 14 Una Wakak na Wasiso ra metul warawai nami, o God i kabo pas mot sur in ulaun mot, sur mot in los a tinibo kai tagun a minamar anun anundat a Labino o Iesu Karisito. 15 I mo ra, a kum tistisimetul, mot in tur dekdek, ma mot in utur ukai a kum etowo ra metul sa ususer tar mot nami. A kum etowo ra metul sa watung tari ma metul sa tumus tari kai, torom mot.\n16 O God a Tamandat, i maris dat, ma una nun a marmaris i tabor dat nama wasiso na umarom ra ken rop, ma i warut dat sur dat in kis langlang nama nurnur sur a wakak ino ra in pami. Ra metul wararing sur anundat a Labino o Iesu Karisito ma o God a Tamandat 17 in ukarik mot ma in udekdek mot una numot a kum wakak na pinapam ma a kum wakak na wasiso kai.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=2Th.2","date":"2018-04-20T07:08:50Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937161.15\/warc\/CC-MAIN-20180420061851-20180420081851-00448.warc.gz","language":"kqw","language_score":0.9993257523,"language_script":"Latn","minhash_cluster_size":3,"top_langs":"{\"kqw_Latn_score\": 0.9993257522583008}","num_words":789,"character_repetition_ratio":0.055,"word_repetition_ratio":0.0,"special_characters_ratio":0.24,"stopwords_ratio":0.418,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 Timothy 5\nA warut torom a kum ula1 Ra un ukodos tu musano ra a mugano tam, gong u wasiso na kankan, un wasiso wowon kut elar nam i ra u pami torom o tamam. Un pam a wakak na petutna torom a kum barman elar nam i ra u pami torom a kum tistisim. 2 Un papam torom a kum ino ra a kum mugano tam, elar nam i ra u pami torom o nam, ma un papam torom a kum toraro, nama tokodos na petutna, elar nami ra u pami torom a kum tistisim a kum ino.\n3 Un warut a kum ula ra kataio i tamtamabat det ma det sibo. 4 Ikut, ra tu ula a kum nutnutunu o a kum tumtubunu kura, i wakak ra det in upuaso mugu anundet a nurnur nama warut torom a kum kukundet, sur det in balu a marmaris anun a tamandet ma a nandet ma a kum tumtubundet. Ra det in pami lenra, o God in gas. 5 A ula, ra kataio i tamtamabati ma i sibo mulus, i nurnur kut un o God ma i kis langlang sur in waruti. Una kum mirum ma a waspi, i ser wararing sur o God in waruti. 6 Ikut, a ula, ra i nemi lena in gasgas oros kut, i laun, ikut a niono i sa mat. 7 Un ususer a taro nama kum etowo ri, sur gong tu etakun i los det. 8 Ra taio ke warut a kum kukunu, ma det kai ra tagun anun a rumu, i sa wan gisen gusun a nurnur. I ra i laulau sakit tan a taro ra ka det nurnur.\n9 Un tumus ukai kut a risan a kum ula ra a wonom na noino kilalo anundet, ma usapat, sur a taro na lotu det in warut det. Det in warut a ngas na ino ra i nolin pas kut nam ara musano, 10 ra a taro rop det tasman anun a kum wakak na pinapam lenri: i ugu wakak a kum nat, i ser gas pas a taro una nun a rumu, i ser gis ru a kubus gusun a kikin a taro anun o God, ▼ i ser warut a taro ra a kum mamaut i los det, ma i pitar tar anun a nilaun sur a kum wakak na pinapam rop.\n11 Ikut a kum ula ra ke wonom na noino kilalo utmakai, gong u tumus ukai a kum risandet. Uni, ra anundet a nemnem na nolin in katutur melet, det in nan gisen gusun o Karisito. 12 Ra a warkurai anun o God in los det, uni det sa kutus anundet a mugano liliman torom o Karisito. 13 Det in ukio anundet a kum du bung nama inawan tuptupukus una kum rumu. Ma det in wasiso eno, det in wasiso una utna ra ausur anundet, ma det in watung a kum wasiso ra ke wakak sur det in watungi. 14 A nemi lena, a kum ula, ra det dekdek utmakai, det in nolin melet, det in usus melet, ma det in tamtamabat anundet a kum rumu, sur gong det pam tu utna ra anundat a kum ebar det in watung laulau dat uni. 15 A ramano kum ula, det sa wan gisen ma det mur mukut o Satan. 16 Ra tu ino a tene nurnur, ma tu ula kura una nuna kabotaro, i wakak sur in tamtamabati, sur gong a taro na lotu det balon uni. A taro na lotu det in balon kut una kum ula ra kataio sur in tamtamabat det ma det sibo mulus.\nA wasiso una kum mugumugu17 I wakak sur din pitar a urur ma a wakak na ikul torom a kum mugumugu na lotu ra det pam wakak a pinapam. Din pami lenra torom det ra det papam dekdek una warawai ma a etowo. 18 Uni a Buk Tabu i watungi lena, \"Gong u ker bat a wan a karabau ra i pas rumrum a wit, i kai in nangon ut.\" b\nMa i watungi kai lena, \"I wakak sur a tene pinapam in los ut anun a ikul.\" c\n19 Gong u longoro tu etakun un tu mugumugu ra ara kut i takuni. Ra lako ru o lako tul detul in takuni, un longoro a etakun ra. 20 Ra tu mugumugu in pam a sakino petutna, un ukodosi umatana taro na lotu rop, sur in utumarong lako taro kai tagun det. 21 A wasiso dekdek torom ui umatan o God ma a Karisito Iesu ma a kum ensel ra o God i pilok pas det, sur un mur a kum itula ri, ma un pam a takano petutna kut torom a taro rop, ma gong u tur takano papor. 22 Gong u ubek lakit aru lamam netes un taio ma u wasiso udani sur a pinapam anun a Labino. Ma gong u mur a taro una sakino petutna. Un tumarong anum a nilaun sur in tokodos.\n23 Gong u inum a danim kut, un inumi kai lakalik wain sur in warut ui una misait ra kura un in balam, uni u misait liklik nami.\n24 A sakino petutna anun a ramano taro din tama lele i, ra ka det in nanpat utmakai una kinkinis na warkurai. Ikut a sakino petutna anun ara taro kai kataio in tama lele lakiti, numur ut in nanpat talapor. 25 Lenkutkai ra, una kum wakak na pinapam. A kum wakak na pinapam anun a ramano taro i sa wanpat talapor. Ikut, anun ara taro kai, ka din tama lele i uniri, numur ut in nanpat talapor.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=1Ti.5","date":"2018-04-23T07:52:44Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945855.61\/warc\/CC-MAIN-20180423070455-20180423090455-00131.warc.gz","language":"kqw","language_score":0.9997439981,"language_script":"Latn","minhash_cluster_size":3,"top_langs":"{\"kqw_Latn_score\": 0.9997439980506897}","num_words":1066,"character_repetition_ratio":0.053,"word_repetition_ratio":0.0,"special_characters_ratio":0.248,"stopwords_ratio":0.432,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 Timothy 4\nA kum torotoro na tene ususer1 A Tokodos na Nion i watung puaso i lena, una kum tintinip na bung, lako taro det in nan gisen gusun a lingmulus na nurnur, ma det in mur a kum nion ra det ser torotoro, ma det in mur a kum etowo anun a kum laulau na nion. 2 A kum etowo ri i wan tagitiro tan a kum tene torotoro, a taro ra ka det tama lele i mo a tokodos na petutna, uni a tokodos na ninunuk una nuknukindet i sa mat. 3 A ngas na taro ri, det turbat a nolin ma det turbat a taro sur gong det wan lako kum ngas na utna na inangon. A kum utna na inangon ra, o God i ukis tari sur din nani, ra a taro na nurnur ra det tasman a lingmulus ino, det in watung wakak torom o God uni ma det in nani. 4 Uni a kum utna rop ra o God i ukis tar det, det wakak, ra gong dat ngaran ru det. Dat in watung wakak torom o God uni, ra dat in nani. 5 Uni a wasiso anun o God ma a niaring der uwakak a utna na inangon sur in wakak umatan o God.\nA wakak na tultul anun a Karisito Iesu6 Ra un ususer a kum tistisim nama kum etowo ri, ui a wakak na tultul anun a Karisito Iesu. Una pinapam ri in talapor lena u labo pat una nurnur mulus, ma a wakak na etowo ra u muri. 7 Un nan gisen gusun a kum saksak utna ororos, ma a wasiso ra ke warut ui una nilaun torom o God. Un ulason ui sur a magiram in wakak umatan o God. 8 Ra dat ulason a pinindat una wap, i warut a pinindat. Ikut ra dat ulason dat sur a magirandat in wakak umatan o God, i warut dat una kum utna rop. Ausur una nilaun kut ri, i warut kai una nilaun kura numur. 9 A wasiso ri a watungi, i lingmulus sakit, i wakak sur dat in nurnur uni ma dat in muri. 10 I mo ri dat papam dekdek, uni dat kis langlang nama nurnur sur o God, i ra a lalaun ino ma a Tene Ulaun anun a taro rop, ra det nurnur uni.\n11 Un inanos det ma un ususer det una kum utna ri. 12 Gong u madek tar taio sur in pas tataun tar ui, uni u barman utmakai. Una num a wasiso, anum a petutna, anum a marmaris, anum a nurnur ma anum a tokodos na nilaun, un elar nama wakak na malalar, sur a kum tene nurnur det in pam murmuri. 13 Un dekdek nama luk a Buk Tabu torom a kum tene nurnur, ma nama warawai ma a etowo torom det, tuk an nanpat. 14 Gong u madek ru a etabor na Nion, ra di pitar tari tam, una du bung ra a kum poropet det wasiso na poropet, ma a kum mugumugu det ubek tar a kum lamandet sapat netes un ui.\n15 Un ulason ui una kum pinapam ri. Un pitar tar anum a nilaun uni, sur a taro rop det in tama ui lena u lubung una num a nilaun torom o God. 16 Un tumarong anum a nilaun ma anum a etowo. Un tur dekdek un der, uni, ra un pami lenra, un ulaun pas ui ut, ma det kai ra det longoro ui.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=1Ti.4","date":"2018-04-26T06:04:06Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948089.47\/warc\/CC-MAIN-20180426051046-20180426071046-00130.warc.gz","language":"kqw","language_score":0.997880578,"language_script":"Latn","minhash_cluster_size":3,"top_langs":"{\"kqw_Latn_score\": 0.9978805780410767}","num_words":726,"character_repetition_ratio":0.047,"word_repetition_ratio":0.0,"special_characters_ratio":0.243,"stopwords_ratio":0.393,"flagged_words_ratio":0.0,"lang_id_score":0.998,"perplexity_score":500.0,"cluster_detection":1} +{"text":"Titus 11 Iau o Pol, a tultul anun o God ma a aposel anun o Iesu Karisito, sur an warut a nurnur anun a taro na pipilok anun o God, ma an ususer det sur det in tasman a lingmulus ino. A lingmulus ino ra in ben det sur det in mur a petutna anun o God. 2 A nurnur ra, ma a tastasman ra, i wanpat tagun a kinkinis langlang nama nurnur sur a nilaun tukum. A nilaun tukum ra o God i uliliman taru nami, ra ke ukisi utmakai a rakrakon bual. Ma o God ke ser torotoro. 3 Ra a du bung i sa sot, i upuaso anun a wasiso ra met warawai nami. O God a Tene Ulaun anundat i pitar tar a pinapam na warawai tang elar ut nama nun a itula.\n4 A tumtumus torom ui Taitus, a nutunglik ra anundar a nurnur i elar. A marmaris ma a malmal anun o God a Tamandat, ma o Karisito Iesu anundat a Tene Ulaun, in kis tomo nam ui.\nA kum mugumugu tagun a lotu5 A wan gusun ui tiro una ailan Krit, sur ui mo un urop a kum pinapam ra ke rop utmakai, ma un pilok pas lako kum mugumugu tagun a lotu, una kum tamon rop, elar nami ra a sa watung tari tam. 6 Ra un pipilok, un pilok pas taio ra katu etakun kura uni, i nolin kut nam ara ino, ma a kum nutnutunu det a kum tene nurnur, ma katu wasiso i los det un tu petutna, ma ka det ser pitarngat. 7 I wakak ra a mugumugu tagun a lotu, i a ngas na musano ra katu etakun kura uni, uni i ut a tene tamtamabat una kum pinapam anun o God. Gong i ulabo pasi, gong i ser kankan lakit, gong i tene ininum, gong i tene inaim, ma gong i nemnem sur a susut na mani. 8 In ser gas pas a taro una nun a rumu, ma in nemnem sur a wakak na petutna, in warkurai bat anun a nilaun, in tene tokodos, in tokodos umatan o God, ma in tamtamabat wakak anun a nilaun. 9 In pam ukai a lingmulus na wasiso ra di sa ususer tari nami, sur in udekdek a taro una tokodos na etowo, ma in watung puaso a niraro anundet ra det turbat a Wakak na Wasiso.\nA wasiso na warut torom o Taitus una nun a pinapam10 Un pilok pas lako kum mugumugu tagun a lotu, uni a susut na taro a kum tene pitarngat. Det waswasiso una kum utna oros kut, ma det ben raro a nuknukin a taro. Ara taro tandet ra an utumarong ui un det, det ra det watungi lena, din tok talilis a pinin a taro ra ausur a taro Juda. 11 Un turbat anundet a kum wasiso, uni det ser upurpuruon a nurnur anun a susut na kamkabo tamano nam a kum etowo, ra ke wakak sur din ususer det nami. Det ser ususer det kut lenri sur det in toro pas a mani gusun det. 12 Ara poropet tagun a taro Krit ut, i watungi lenri, \"A taro Krit, a kum tene torotoro mulus, a kum laulau na kuabor, a kum tubunu wok ra tagun a inangon kut.\" 13 A wasiso ri un det i lingmulus ut. Un wasiso dekdek torom det una nundet a kum niraro, sur det in pam ukai a tokodos na nurnur, 14 ma gong mo det mur a kum etowo oros kut anun a taro Juda, ma a kum warkurai anun a taro ra ka det nem a lingmulus ino. 15 A kum utna rop i tokodos torom det ra det tokodos, ikut torom det ra ka det tokodos ma ka det nurnur, a kum utna rop kai ken tokodos. A balandet in laulau doko, ma katu tokodos ino tiro una nuknukindet. 16 Det watungi lena, det tasman o God, ikut anundet a kum pinapam ut i upuaso i lena, ka det tasmani. Det a kum sakino taro doko, a kum tene pitarngat, ma ka det in pam lar pas tu wakak na pinapam.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=Tit.1","date":"2018-04-25T08:55:54Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947759.42\/warc\/CC-MAIN-20180425080837-20180425100837-00184.warc.gz","language":"kqw","language_score":0.9993758798,"language_script":"Latn","minhash_cluster_size":3,"top_langs":"{\"kqw_Latn_score\": 0.9993758797645569}","num_words":837,"character_repetition_ratio":0.051,"word_repetition_ratio":0.0,"special_characters_ratio":0.239,"stopwords_ratio":0.407,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"aBuk Song 35:19\nJohn 15\nO Iesu ut in nanai na wain1 O Iesu i watungi lena, \"Iau ut in nanai na wain mulus, ma o Tita i a tene tamtamabat una kinobot na wain. 2 I ser tau ru a kum kanokano rop nin un iau ra ka det ser wu, ma i ser burup det ra det ser wu, sur det in wu a susut na wino. 3 Mot sa talapor, kibino una wasiso ra a sa watung tari tamot. 4 Mot in laun un iau, ma iau an laun un mot. Ka mot in wu ra ka mot lalaun un iau, elar nama kano wain ken wu oros ra ken patop un in nanai ino.\n5 \"Iau ut in nanai na wain, ma mot a kum kanokano. I ra i lalaun un iau, ma iau a lalaun uni, in wu a susut na wino. Ikut ra mot lalaun gisen gusun iau, ka mot in pam lar pas tu utna. 6 Ra taio ken lalaun un iau, i elar nama kano duwai, ra di woro ru i ra numur in marang. Din ubek tomo det, ma din woro det una sungun, sur det in nangon rop tiro iai. 7 Ra mot in laun un iau, ma anung a wasiso in laun un mot, io, mot in saring iau sur tu utna ra mot nemi, ra din pitari ut tamot.\n8 \"Ra mot in wu a susut na wimot, o Tita in los a minamar, ma a wimot in ese i lena mot anung a kum nat na ususer mulus. 9 O Tita i maris iau, lenkaira a maris mot. Mot in lalaun una nung a marmaris. 10 Ra mot in tarom una nung a kum warkurai, mot in lalaun una nung a marmaris, elar nam iau, a tarom una kum warkurai anun o Tita, ra a lalaun una nun a marmaris.\n11 \"A watung a kum wasiso ri tamot, sur anung a gasgas in kis un mot, ma anumot a gasgas in bukus una numot a nilaun. 12 Iri i anung a warkurai torom mot lena, mot in maris etetalai mot, elar nam iau a maris mot. 13 Ra taio in pitar ru anun a nilaun sur in mat una kum paspasano, anun a marmaris i labo sakit. Katu marmaris anun taio i elar nami. 14 Ra mot in tarom una nung a kum warkurai, io, mot a kum paspasang. 15 Kan watung mot melet mo lena a kum tultul, uni a tultul ke tasman a utna ra anun a labino i pami. Ikut a watung mot lena a kum paspasang, uni a sa watung rop tar a kum wasiso tamot ra a longoro i gusun o Tita. 16 Ausur mot pilok pas iau, iau ut a pilok pas mot. Ra a pitar a pinapam tamot sur mot in nan ma mot in wu a wimot, ma a wimot in kis tukum. Ma o Tita in tabor mot nama kum utna rop ra mot sasaring suri nama risang. 17 Mot in maris etetalai mot. Iri anung a warkurai torom mot.\nA taro tagun a rakrakon bual det in nget mot18 \"Ra a taro tagun a rakrakon bual det in nget mot, mot in nuk pasi lena det sa nget mugu tar iau. 19 Ra mot anun a rakrakon bual, io, a rakrakon bual in maris mot elar nam mot anunu. Ikut mot ausur anun a rakrakon bual, a sa pilok pas mot gusuni. Iri a kibino ra i nget mot. 20 Mot in nuk pas a wasiso ra a sa watung tari tamot lena, 'A tultul ke labo taun anun a labino.' Ra det banlaulau iau, det in banlaulau mot kai. Ra det tarom una nung a wasiso, det in tarom kai una numot a wasiso. 21 Det in banlaulau mot kibino una risang, uni ka det tasman o naro ra i tulu ru iau urin.\n22 \"Ra gunuk kan nanpat ma kan wasiso torom det, io, ka din takun det una nundet a kum sakino petutna, ma det in langolango ut. Ikut uniri, ka nundet tu wasiso sur det in watungbat det nami gusun anundet a sakino petutna. 23 I ra i nget iau, i nget utkai o Tita. 24 A sa pam tar a kum utna na ukisin ra ka taio in pam lar pasi. Ra gunuk kan pam tar a kum utna na ukisin ra nisandet, ka din takun det una nundet a kum sakino petutna, ma det in langolango ut. Ma iri, det sa tama tar a kum utna na ukisin ra a sa pam tari, ikut det nget mir rop nam o Tita. 25 Di pami lenri, sur din pam sot pas a wasiso ra di sa tumus tari una Buk na Warkurai lena, 'Det nget iau, ma katu kibino.' a\n26 \"An tulu ru a Tene Warut torom mot tagisapat gusun o Tita, i a Tokodos na Nion ra in upuaso a lingmulus. Ra in nanpat in wasiso puaso un iau. 27 Ma mot kai mot in wasiso puaso un iau, uni mot kis tomo nam iau tagun a turturkibin na nung a pinapam tuk uniri.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=Joh.15","date":"2018-04-23T19:39:50Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946165.56\/warc\/CC-MAIN-20180423184427-20180423204427-00345.warc.gz","language":"kqw","language_score":0.9998474121,"language_script":"Latn","minhash_cluster_size":3,"top_langs":"{\"kqw_Latn_score\": 0.999847412109375}","num_words":990,"character_repetition_ratio":0.049,"word_repetition_ratio":0.014,"special_characters_ratio":0.255,"stopwords_ratio":0.419,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"aMal 3:1\nMatthew 11\nO Iesu ma o Jon a Tene Baptaiso\n(Lk 7:18-35)1 Ra o Iesu i sa wasiso rop taru torom anun a noino ma aru nat na ususer, i wan tagitiro sur in ususer a taro ma in warawai una kum tamon, tong una papor Galili. 2 O Jon i kis una karabus ma i longoro a kum pinapam anun o Karisito. Ra i tulu ru anun a kum nat na ususer sur det in tingi lena, 3 \"Ui mo, ra di wasiso mugu taru un ui lena, un nanpat, o met in kis langlang utmakai sur taio?\" 4 Ra o Iesu i balu det lena, \"Mot in milet melet, ma mot in inanos o Jon una kum utna ri mot sa longoro i ma mot sa tama tari: 5 A kum pulu det sa tamtama, det ra a kikindet i mat det sa wan tokodos, a kum lepra det sa langolango, a kum kutkut det sa longoro, a kum minat det sa laun, ma di warawai nama Wakak na Wasiso torom a kum sibo na taro. 6 Osi ra i tama a kum utna ri a pami, ma anun a nurnur ke puku, i sa dan.\"\n7 Ra a kum nat na ususer anun o Jon det wan, o Iesu i inanos a kunur na taro un o Jon lena, \"Urabung ra mot wan una nubual kalako taro uni torom o Jon, asau ra mot tamtama suri? Kutiro in nere ra i erere una wuwu? Awu. 8 Asau ra mot wan sur mot in tama i? A musano ra i emar nama kum wakak na malu? Awu. Tama i, det ra det ser emar nama kum wakak na malu det ser kis una kum rumu na king. 9 Asau ra mot wan sur mot in tama i? A poropet? Ma! A watungi tamot, o Jon i labo sakit ut taun a kum poropet. 10 Di sa tumtumus taru uni una Buk Tabu lena,\n'Tama i, an tulu ru anung a tene los wasiso sur in mugu tam,\nra in pam saro anum a kisapi numugu tam.' a\n11 A inanos mot nama lingmulus, o Jon a Tene Baptaiso i labo sakit taun a taro rop taginin upiso. Ikut osi ra i natino sakit una matanitu tagisapat una langit, i labo taun o Jon.\n12 \"Turpasi una kilalo ra o Jon a Tene Baptaiso i turpas a warawai ma tuk uniri, a dekdek na taro det waim dekdek nama matanitu tagisapat una langit, ma det dekdek doko nama inaim sur det in turbati. 13 A kum poropet ma a kum Warkurai anun o Moses det upuaso a wasiso anun o God, tuk una kilalo ra o Jon i turpas anun a pinapam uni. 14 Det wasiso una poropet Elaija ra in nanpat. Ra mot nem na nurnur una wasiso ra, uniri, o Jon i sa pam sot pasi, uni i a poropet Elaija ra in nanpat. 15 Osi ra arin talngano kura, i wakak sur in longoro nami.\n16 \"An elaro a taro tagun uniri nama sau? Det elar nama kum nat liklik ra det kis una balano tamon ma det kakabo torom a kum paspasandet lena,\n17 'Met pasor kudu,\nikut ka mot lagor uni,\nma met kele a kelekele na tupunuk,\nikut ka mot tangis uni.'\n18 O Jon i wanpat, ke wan tu wakak na utna ma ke inum a wain, ra det watungi uni lena, 'A laulau na nion kura uni.' 19 A Nutun a Musano i wanpat, i wangon ma i inum, ra det watungi uni lena, 'Tama i, a musano ri a tene inangon ma a tene ininum, a pasan a kum tene los takis ma a kum tene sakino.' Ikut a kum pinapam anun o God i upuaso i lena, anun a mananos i a mananos mulus.\"\nA warkurai na minabalu torom det ra ka det nukpukus\n(Lk 10:13-15)20 O Iesu i wasiso na kankan torom a taro una kum tamon ra i sa pam tar anun a susut na utna na ukisin doko tiro iai, uni ka det nukpukus. 21 I watungi lena, \"In laulau torom mot a taro Korasin, ma in laulau kai torom mot a taro Betsaida. Ra gunuk di sa pam tar a kum utna na ukisin ri torom a taro Tair ma a taro Saidon, elar nami ra di sa pam tari torom mot, kanapi det in nukpukus lakit ma det in tobo, det in emar nama kum malu na tupunuk ma det in talus a pinpinindet nama kubus na sungun. Ikut mot, ka mot nukpukus. 22 A watungi tamot lena, una bung na warkurai, a warkurai torom mot a taro Korasin ma a taro Betsaida, in laulau doko taun a warkurai torom a taro Tair ma a taro Saidon. 23 Ma mot kai a taro Kapernaum, pepetlai, mot nuki lena din ulabo pas mot usapat netes? Awu, din woro upirso ru mot kut una labino sungun. Gunuk ra di sa pam tar a kum utna na ukisin torom a taro Sodom, elar nami ra di sa pam tari torom mot, kanapi o Sodom kuri utmakai i. 24 A watungi tamot lena, una bung na warkurai, a warkurai torom mot a taro Kapernaum in laulau doko taun a warkurai torom a taro Sodom.\"\nDat in nan torom o Iesu sur in umana dat\n(Lk 10:21-22)25 Una du bung ra, o Iesu i watungi lena, \"Tita, ui a Labino tagun a langit ma a rakrakon bual rop. A watung ulabo pas ui, uni u munu a kum utna ri tan a kum tene mananos ma det ra det tastasman, ma u upuaso i kut, torom det ra det elar nama kum nat liklik. 26 A lingmulus, Tita, uni anum a nemnem i lenutra.\n27 \"O Tita i sa pitar tar a kum utna rop torom iau. Katutaio i tasman o Nutunu, o Tamano kut, ma kataio kai i tasman o Tamano, o Nutunu kut, ma det kai ra o Nutunu i nemi sur in upuaso o Tamano torom det.\n28 \"Mot rop ra mot pino ngoro ma a kum mamaut i monong mot, mot in nan torom iau, sur an umana mot. 29 Mot in los anung in nikip, ma mot in ususer gusun iau, uni a magirang i wowowon ma a ser unatino pas iau. Mot in los in nikip ri sur a niomot in mana. 30 Uni in nikip ri an pitari tamot ke ngangitin, ma a nilolos ino ke maut.\"\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=Mat.11","date":"2018-04-19T23:26:09Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937074.8\/warc\/CC-MAIN-20180419223925-20180420003925-00152.warc.gz","language":"kqw","language_score":0.9998160005,"language_script":"Latn","minhash_cluster_size":3,"top_langs":"{\"kqw_Latn_score\": 0.9998160004615784}","num_words":1208,"character_repetition_ratio":0.046,"word_repetition_ratio":0.012,"special_characters_ratio":0.256,"stopwords_ratio":0.457,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 Timothy 6\nA etowo torom a kum tene ititula1 Det ra a kum tene ititula, det in urur torom anundet a kum mugumugu, sur gong taio i watung laulau a risan o God ma anundat a etowo. 2 Ma det ra anundet a mugumugu a tene nurnur, gong det rosumur toromi, uni det tasmani lena det tar tistisino una nurnur. Det in ser tarom wakak toromi, uni anundet a pinapam in warut a tene nurnur, ra det ser nemi. Timoti, un ususer det ma un udekdek det nama kum etowo ri.\nA nemnem sur a mani3 Ra taio in ususer a taro nam tu etowo gisen, ra ke elar nama etowo mulus anun anundat a Labino o Iesu Karisito, ma ke elar nama kum etowo ra i warut det, sur a magirandet in wakak umatan o God, 4 a ngas na musano ra, i ulabo pasi ut, ma ke tasman tu utna. Anun a laulau na nemnem sur a wasiso na engaras, ma a inaim na wasiso, i elar nama misait toromi. Anun a petutna ra, i pam pat a kum ngasino lenri: a sakino nuknuk eno sur a utna anun taio, a engaras, a emang, a nuknuk laulau torom a taro. 5 A ngas na taro ri, det ser pam pat a purpuruon, a nuknukindet ke tokodos, ma det rosumur gusun a lingmulus ino. Det nuki lena anundet a kinkinis una lotu in pam pat a mani sur det in tene ululeng.\n6 Ikut ra dat mur a petutna anun o God, tomo nama gasgas una sau ra o God i etabor nami, i ra a ululeng mulus. 7 Ra dat wanpat nin una rakrakon bual ka dat los tu utna, ma ra dat in milet, ka dat in los tu utna kai taginin. 8 Ra andat a utna na inangon ma anundat a malu kai kuri i kis, asau ra dat in nuknuk melet suri? A nuknukindat in mana. 9 Ma det ra det nem a labino mani, det in puku una ululam, ma det in iru un in nukun, ma a kum nemnem ororos kut, ma a nemnem sur a utna ra, in banlaulau det. Ra in woro pirso a susut na taro una minat ma a iniru tukum. 10 Uni a nemnem sur a mani, i a kimkibina wur matano sakino petutna. Ma a ramano taro ra det ngara suri, det sa wan gisen gusun a nurnur, ma det banlaulau anundet a nilaun nama susut na mamaut.\nO Pol i udekdek o Timoti una pinapam na lotu11 Ikut ui, Timoti, ui a musano anun o God, un nan gisen gusun a kum utna ri. Un dekdek sur un mur a tokodos na petutna, ma a petutna ra i wakak umatan o God, a nurnur mulus, a marmaris, a tuntunur dekdek, ma a wowowon na petutna. 12 Un tur dekdek una nurnur elar nama wakak na tene inaim. Ma un pam ukai a nilaun tukum. A nilaun ra o God i kabo pas ui suri, ra u wasiso talapor uni umatan a susut na taro. 13 A inanos ui umatan o God, i ra i pitar a nilaun torom a kum utna rop, ma umatan a Karisito Iesu i ra i wasiso talapor un i ut umatan o Pontias Pailat. A inanos ui lenri: 14 Un tarom mulus una kum itula, ma gong u pam tu utna ra taio in takun ui uni, tuk una bung ra anundat a Labino o Iesu Karisito in nanpat melet. 15 Ra a bung in sot, o God ut in tulu ru i sur in nanpat melet. O God ara sot kut, a labino Tene Warkurai ma i dan tukum, a King anun a kum king, ma a Labino anun a kum lamlabino. 16 I sot kut i laun tukum, ra i kis una labino talapor ra kataio in nan milau nisano. Kataio utmakai i tama tari ma ka din tama lar pasi. Din pitar tar a labino urur toromi, ma i utur ukai a labino dekdek ra ken rop ma ken rop. Amen.\n17 Un utumarong det ra det ululeng nin una rakrakon bual sur gong det ulabo pas det ut, ma gong det nurnur una mani ra i ser rop kut. Det in nurnur kut un o God, ra i ser tabor dat nama kum wakak na utna rop sur dat in gas nami. 18 Un inanos det sur det in pam a wakakino, ma det in bukus nama kum wakak na pinapam, det in etetabor, ma det in ser isuaro a utna kai torom lako taro. 19 Ra det in pami lenri, det in utur ukai a ululeng mulus. I ra a wakak na kibina nundet a nilaun numur, sur det in los a nilaun ra a nilaun mulus.\n20 Timoti, un tamtamabat wakak a pinapam ra o God i pitar tari tam. Un nan gisen gusun a kum wasiso ororos kut, ra ke elar nama nemnem anun o God, ma gusun a wasiso na engaras una utna di watungi nama \"mananos\", ikut ausur a mananos mulus. 21 A ramano taro det watungi lena det tasmani ut a mananos ra, ra det sa wan gisen pas gusun a nurnur un o Iesu.\nA marmaris anun o God torom mot.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-17","url":"https:\/\/www.stepbible.org\/?q=version=KQW%7Creference=1Ti.6","date":"2018-04-26T21:13:05Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948549.21\/warc\/CC-MAIN-20180426203132-20180426223132-00132.warc.gz","language":"kqw","language_score":0.9996113181,"language_script":"Latn","minhash_cluster_size":3,"top_langs":"{\"kqw_Latn_score\": 0.9996113181114197}","num_words":1015,"character_repetition_ratio":0.043,"word_repetition_ratio":0.0,"special_characters_ratio":0.243,"stopwords_ratio":0.403,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"A Wakak na Wasiso uno Iesu Karisito\no Matiu\ni tumusi\nA wasiso talapor mugu\nO Matiu i tumus a buk ri, i ara tagun a noino ma aru nat na ususer anun o Iesu, ma ara risano kai o Liwai. Numugu i a tene los takis, ma i papam tomo nama gapman Rom. Numur o Iesu i kabo pasi, ra i wanpat a nat na ususer (tama Mt 9:9-13).\nO Matiu i tumus a buk ri torom anun a taro, a taro Juda. A taro Juda det kis langlang sur a inawan pat anun a musano ra o God i pilok pasi, sur in king anundet. Una wasiso Ibru di watungi nama Mesaia, ma una wasiso Grik di watungi nama Karisito.\nO Matiu i nemi sur in inanos det lena, o Iesu ut ra a Karisito, a King anun a taro Juda. Sur i mo ra i wasiso una inawan pat anun o Iesu ra i elar nama king.\nMa i watung puaso i kai a ramano kum wasiso tagun a Mugano Buk Tabu una Karisito. A inawan pat anun o Iesu i ulingmulus a kum wasiso ri. O Matiu i tumtumus kai una etowo anun o Iesu una matanitu anun o God.\nA inawan ina buk Matiu:\nA usus ino Iesu (1:1-2:23)\nA pinapam anun o Jon a Tene Baptaiso (3:1-12)\nDi baptaiso o Iesu ra numur o Satan i lari (3:13-4:11)\nO Iesu i papam tong o Galili (4:12-18:35)\nO Iesu i wan usapat o Jerusalem (19:1-20:34)\nA tintinip na wik ma a minat in o Iesu (21:1-27:66)\nA katkatutur melet anun o Iesu tagun a minat (28:1-20)\n1\nA risan a kabotaro anun o Iesu Karisito\n(Lk 3:23-38)\n1 Iri a risan a kabotaro tagun numugu ra o Iesu Karisito i wanpat tagun det. O Iesu, i a nutun o Dewid, o Dewid i a nutun o Abaram.\n2 O Abaram i o taman o Aisak,\nO Aisak i o taman o Jekop,\nma o Jekop i o taman o Juda ma a kum tistisino.\n3 O Juda i o taman o Peres der nam o Sera, ra a nander o Tamar.\nO Peres i o taman o Esrom,\no Esrom i o taman o Ram,\n4 ma o Ram i o taman o Aminadap,\no Aminadap i o taman o Nason,\nma o Nason i o taman o Salmon,\n5 o Salmon i o taman o Boas, ma o nano a risano o Reap.\nO Boas i o taman o Obed, ma o nano a risano o Rut.\nO Obed i o taman o Jesi,\n6 ma o Jesi i o taman o Dewid, i ra a king.\nO Dewid i o taman o Solomon, ma o nano a ino ra i nolin pas nam o Uria.\n7 O Solomon i o taman o Roboam,\no Roboam i o taman o Abia,\no Abia i o taman o Asa,\n8 o Asa i o taman o Josapat,\no Josapat i o taman o Joram,\nma o Joram i o taman o Usia,\n9 o Usia i o taman o Jotam,\no Jotam i o taman o Akas,\nma o Akas i o taman o Esekia,\n10 o Esekia i o taman o Manase,\no Manase i o taman o Amon,\nma o Amon i o taman o Josaia,\n11 o Josaia i ulabo o Jekonia tomo nama kum tistisino. Numur tano, a taro Babilon det dat pas a taro Israel utong o Babilon sur det in kis na karabus.\n12 Numur tan a inawan utong o Babilon:\nO Jekonia i ulabo o Salatiel,\no Salatiel i o taman o Serubabel,\n13 o Serubabel i o taman o Abiut,\no Abiut i o taman o Eliakim,\nma o Eliakim i o taman o Asor,\n14 o Asor i o taman o Sadok,\no Sadok i o taman o Akim,\nma o Akim i o taman o Eliut,\n15 o Eliut i o taman o Eliaser,\no Eliaser i o taman o Matan,\nma o Matan i o taman o Jekop,\n16 o Jekop i o taman o Josep, i ra i nolin nam o Maria. O Maria i usus o Iesu, ra di watungi o Karisito, i ra o God i tulu ru i.\n17 A kum taun taro turpasi tagun o Abaram tuk un o Dewid i elar nama noino ma wat det, ma tagun o Dewid tuk una inawan na karabus tong o Babilon a noino ma wat kai det, ma tagun a inawan na karabus tong o Babilon tuk un o Karisito a noino ma wat na taun taro kai.\nA saksakutna un o Maria ra i usus o Iesu Karisito\n(Lk 2:1-7)\n18 Di usus pas o Iesu Karisito lenri: O nano, o Maria, di sa ubek bat tari sur anun o Josep, ikut numugu tan anunder a nolin o Maria i sa tasmani lena i tianan tan a Tokodos na Nion. 19 O Josep ra di sa ubek bat tar o Maria toromi, i a tene tokodos, ma ke nemi sur in ban umaimai o Maria umatan a taro. Ra i nuki lena in kutus eno ru anunder a uliliman sur a nolin.\n20 Ra i nuknuk utmakai una utna ri, a ensel anun a Labino i wanpat toromi una ririon ra i watungi lena, \"Josep, a nutun o Dewid, gong u wur nuknuk un o Maria, un ben pasi kut sur anum a ino. Uni a nat ra i tianan pasi, i wanpat tagun a Tokodos na Nion. 21 In usus pas a nat na musano, ma un pasor a risano nam o Iesu, uni in ulaun pas anun a taro gusun anundet a kum sakino petutna.\"\n22 A kum utna rop ri i wanpat sur din pam sot pas a kum wasiso anun a Labino ra anun a poropet i sa upuaso tari lenri, 23 \"Tama i, a toraro ra ke inep tomo nam tu musano in tianan, ma in usus pas a nat na musano ra din watungi nam o Emanuel,\" Aisaia 7:14\na kukuraino lena, \"O God i kis tomo nam dat.\"\n24 Ra o Josep i tuangun, i muri lenutra a ensel anun a Labino i sa inanos tari nami, ra i ben pas o Maria sur anun a ino. 25 Ikut ka der inep tomo pas tuk ra o Maria i usus pas a nat na musano. Ma o Josep i pasor a risano nam o Iesu.","id":"","dump":"CC-MAIN-2018-39","url":"http:\/\/pngscriptures.org\/kqw\/MAT01.htm","date":"2018-09-25T05:10:06Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267161098.75\/warc\/CC-MAIN-20180925044032-20180925064432-00187.warc.gz","language":"kqw","language_score":0.9999938011,"language_script":"Latn","minhash_cluster_size":1,"top_langs":"{\"kqw_Latn_score\": 0.9999938011169434}","num_words":1035,"character_repetition_ratio":0.085,"word_repetition_ratio":0.0,"special_characters_ratio":0.288,"stopwords_ratio":0.523,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"A Buk anun\no Jud\nA wasiso talapor mugu\nO Jud i tumus a buk ri. A susut na tene mananos det nuki lena o Jud i a tisin o Iesu ma o Jems. Tama Mt 13:55 ma tama i kai a wasiso talapor una buk anun o Jems.\nI tumus a buk ri torom a kum tene nurnur. Ra i longoro i lena a kum torotoro na tene ususer det ben raro det, i tumtumus sur in utumarong det. Ma i watungi lena, a Labino in warkurai a kum tene sakino. I inanos det kai lena, det in mur a Wakak na Wasiso, ma det in tur dekdek una nurnur.\nA inawan ina buk Jud:\nA turturkibin ina buk ri (1-2)\nA ngasino anun a kum torotoro na tene ususer (3-16)\nDat in tur dekdek una nurnur (17-23)\nA watung ulabo torom o God (24-25)\n1\n1 Iau o Jud, a tultul anun o Iesu Karisito ma a tisin o Jems. A tumus a pas ri torom mot ra o God a Tamandat i sa kabo pas mot, ma i maris mot, ma mot kis una tamtamabat anun o Iesu Karisito.\n2 O God in pitar a warut, a malmal ma a marmaris, ra detul labo sakit, torom mot.\nMot in tumarong mot gusun a kum torotoro na tene ususer\n3 A kum wakak na paspasang, a nem doko i sur an tumtumus torom mot una pinapam anun o God ra i ulaun pas dat. Ikut uniri, a nuki lena an tumtumus sur an udekdek mot, sur mot in dekdek sur mot in tamtamabat wakak a Wakak na Wasiso gusun a kum ebar. A Wakak na Wasiso ra di sa pitar tari torom a taro anun o God, ra kataio in pukus lar pasi. 4 A tumtumus una utna ri, uni ara taro det sa ruk eno taru torom mot. Ka det mur a nemnem anun o God, ma det in iru una warkurai anun o God, elar nami ra di sa tumus tari numugu utmakai una Buk Tabu. Det pukus laulau pas a marmaris anun o God, ra det watungi lena, \"I wakak kut ra dat in pam a kum petutna na pamuk.\" Ma det ipul ru i kut anundat a Mugumugu ma anundat a Labino o Iesu Karisito, i ara sot kut.\n5 Mot sa tasman tar a kum utna ri, ikut a nemi sur an inanos melet mot lena: A Labino i ulaun pas a taro Israel tagitong o Ijip, ikut numur, i um doko ru det ra ka det nurnur. 6 Ma a kum ensel kai, ra ka det gas una kum pinapam ra o God i sa tibo tar det nami, det wan gisen gusun a kinkinis anundet. Ra o God i sa ker ukai tar det nama kum sen, ra in kis tukum. Ma det sa kis una dumirum ra det kis langlang pas a labino bung ra din warkurai det. 7 Lenkutkai ra torom o Sodom ma o Gomora, ma a kum tamon milau der. A taro tagitiro iai det pam a petutna na pamuk, ma det pam a laulau ino melet torom det ut a kum musano. Ra a kum tamon ra, det iru rop una sungun. Ma anundet a iniru i utumarong dat sur dat in tasmani lena a labino sungun ra ken mat, i kis sur a kum tene sakino sur din tun det uni.\n8 A taro ra det sa ruk taru torom mot, det kai det sakino elar nam det ra. Det nurnur un asau ra det tama i una kum ririon. Una nurnur ra, det udur a pinindet melet ut nama kum sakino petutna, ka det nemi sur det in kis utuntudu ina warkurai anun o God, ma det watung laulau a kum ensel tagisapat netes. 9 Ikut o Maikel, a mugumugu anun a kum ensel, ra der engaras nam o Satan una minatin o Moses, ke watung tar tu laulau na wasiso un o Satan. I watungi kut lena, \"A Labino ut in balu i torom ui.\" 10 Ikut a taro ri det wasiso laulau una kum utna ra ka det talapor uni. Ma anundet a mananos i elar kut nama mananos anun a kum wewegua, ra det muri kut a nemnem ina pinindet. A utna ra, det in iru uni.\n11 In laulau doko torom det! Det mur a petutna anun o Kain* Tama Stat 4:3-8 . Ma det raro elar nam o Balam† Tama Namba 22-24, uni det pam a kum laulau na utna sur det in los a mani uni. Det in iru elar nam o Kora‡ Tama Namba 16, ra i mugu pas a taro ra det rosumur gusun o God, ra det iru rop.\n12 Ra a taro ri det wangon tomo nam mot una anumot a kum inangon na marmaris, det elar kut nama dur na utna. Det tabor masmasur pas det ut, ma ka det urur sur a taro gisen. Det elar nama bakut ra a wuwu i wup tuptupukusi, ra katu utna i ubatbati. Det elar kai nama kum duwai ra ka det wu una kalang ra det ser wu uni, det sa mat. Ra di sa gat ru det, anundet a manru na minat mo ra. 13 Det elar nama labino top ra i tapak, ma nundet a kum sakino petutna na maimai ra ka det maimai uni, i wanpat talapor elar nama busu na top. Ma det elar kai nama kum nangnang ra ka det kis una kinandet, det wan tuptupukus kut, ra o God i sa waninar tar a labino dumirum sur det, ma ken rop.\n14 Ma o Enok kai, a wonom mawit na kabo taro tagun o Adam, i sa watung tar a wasiso na poropet un det lena, \"Tama i, a Labino in nanpat nam anun a ariparip na tokodos na ensel, 15 sur in warkurai a taro rop. Ma det rop ra ka det mur a nemnem anun o God det in iru una warkurai, una nundet a kum sakino pinapam ra det sa pam tari, ma una kum laulau na wasiso ra a sakino taro det sa watung tatari una Labino.\"\n16 A taro ri, det a kum tene ururai ma a kum tene pukpukus. Det mur a kum laulau na nemnem anundet, ra det ulabo pas det ut. Det ugasgas pasi kut a taro nam anundet a kum namnamin na wasiso, sur det in los tu utna gusun det.\nMot in udekdek mot una nurnur\n17 Ikut mot, a kum wakak na paspasang, mot in nuk pas a kum wasiso anun a kum aposel anun a Labino anundat o Iesu Karisito, ra det sa inanos mugu tar mot uni. 18 Det sa inanos tar mot lena, \"Una kum tintinip na bung, lako taro det in watung laulau o God, ra det in mur anundet a kum nemnem, ra ke elar nama nemnem anun o God.\" 19 A taro ri, det a kibino ra mot a kum tene nurnur mot tapagol. Det mur a nemnem kut anun a rakrakon bual, ma a Tokodos na Nion ke kis un det.\n20 Ikut mot, a kum wakak na paspasang, in wakak ra mot in udekdek mot una numot a tokodos na nurnur sur in lubung, ma mot in wararing nama dekdek ina Tokodos na Nion. 21 Mot in kis epotor una marmaris anun o God, ra mot kiskis langlang sur anundat a Labino o Iesu Karisito in tabor mot nama nilaun tukum. In tabor mot nami, uni i maris mot.\n22 Mot in ese a marmaris torom det ra i talara anundet a nurnur. 23 Ma mot in dat ulaun lakit pas ara taro ra kura mo una sungun. Ma torom ara taro kai, mot in ese a marmaris, ikut mot in ngara utkai, sako mot in mur a ngasino anundet. Ma mot in ngaran anundet a kum malu ra i dur nama nundet a kum sakino petutna.\nA wasiso na ululabo torom o God\n24 Dat in watung ulabo pas o God, ra i pet lar pasi sur in tamtamabat mot sur gong mot puku, ma in utur mot umatan anun a minamar, nama labino gasgas ma katu etakun torom mot. 25 I ara sot kut anundat o God, ra i ulaun pas dat una minatin o Iesu Karisito anundat a Labino. Anunu ut a minamar, a kinkinis na king, a dekdek ma a warkurai, tagun numnumugu utmakai, uniri, ma ken rop. Amen.","id":"","dump":"CC-MAIN-2018-39","url":"http:\/\/pngscriptures.org\/kqw\/JUD01.htm","date":"2018-09-25T05:10:41Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267161098.75\/warc\/CC-MAIN-20180925044032-20180925064432-00324.warc.gz","language":"kqw","language_score":1.0000048876,"language_script":"Latn","minhash_cluster_size":4,"top_langs":"{\"kqw_Latn_score\": 1.0000048875808716}","num_words":1368,"character_repetition_ratio":0.053,"word_repetition_ratio":0.0,"special_characters_ratio":0.257,"stopwords_ratio":0.52,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2 Timothy 3\nA magiran a taro una kum tintinip na bung1 Un nuk ukai a kum wasiso ri: Una kum tintinip na bung, a kum dekdek na mamaut in nanpat. 2 A taro det in nuk pas det ut, ma det in nemnem sur a mani, ma det in umuman labino, ma det in watung ulabo pas det ut, ma det in emang, ma det in pitarngat torom a kum tamtamandet ma a kum nanandet, ma ka det in lason sur det in watung wakak torom o God ma torom a taro kai, ma ka det in mur a nemnem anun o God. 3 Ma ka det in marmaris, ma ka det in nuk dumano a sakino anun ara, ma det in banlaulau a risan ara, ma ka det in warkurai wakak anundet a nilaun, ma det in waim ma det in banlaulau a taro, ma ka det in nem a wakakino. 4 Det in usobor a kum paspasandet, det in pam a kum tuptup na petutna, det in ulabo pas det ut, det in nem doko a gasgas tagun a rakrakon bual, ma ka det in nem o God. 5 Det in mur a petutna anun o God una pinindet kut, ikut ka det in nem a dekdekino. Un nan gisen gusun a ngas na taro ra.\n6 A kum ngas na musano lenra, det in ruk oros kut una kum rumu, ma det in ungongos oros pas a wardain sur det in mur det. A wardain ra, katu wakak na nuknukindet, ra det pot na marmaris una nundet a kum sakino petutna, ma anundet a kum sakino nemnem i ben raro det. 7 A wardain ri det ser los a etowo a bungbung rop, ikut ka det tasman lar pas a lingmulus ino.\n8 A kum ngas na musano lenra, det turbat a lingmulus na etowo, elar nam o Janes ma o Jambres der turbat o Moses. A nuknukindet i laulau doko ma anundet a nurnur ausur i lingmulus. 9 Ikut anundet a pinapam ken lubung, uni anundet a tuptup na petutna in talapor umatan a taro rop, elar nami ra a taro numugu, det tama lele pas a tuptup na petutna anun o Janes ma o Jambres.\nO Pol i udekdek o Timoti una nun a nurnur ma anun a pinapam10 Ui Timoti, u sa tasman rop anung a kum etowo, a magirang, a kum utna ra a ngara suri, anung a nurnur, anung a kinkinis wowowon, anung a marmaris, anung a tuntunur dekdek una kum ngunungut, 11 anung a kum mamaut, ma a kum ngunungut a taramo i. U tasman rop a kum lamlabino ngunungut ra a taramo i tong una tulu tamon ri: o Antiok, Aikoniam ma o Listra. Ikut a Labino ut i ulaun pas iau gusun a kum utna ri. 12 Ma i lingmulus, det rop ra det laun una Karisito Iesu ma det nem na mur a nilaun elar nama nemnem anun o God, a taro det in banlaulau det ut. 13 A sakino taro ma a kum tene torotoro det in laulau, ma det in laulau sakit. Det in toro a taro, ma det in toro pas det utkai.\n14 Ikut ui, Timoti, un tur dekdek una etowo ra di sa ususer tar ui uni, ma u sa nurnur dekdek uni, uni u tasman wakak anum a kum tene ususer, 15 ma u tasman a Buk Tabu turpasi ra u natlik utmakai. A Buk Tabu i utalapor a nuknukim, sur un nurnur una Karisito Iesu, ra o God in ulaun pas ui. 16 A kum du wasiso rop una Buk Tabu i kimkibino ut tan o God, ma i wakak sur in towo a taro, ma sur in upuaso a sakino anun taio toromi ut, ma in ukodos a kum niraro, ma in ususer a taro una tokodos na petutna. 17 A Buk Tabu i waninar a taro anun o God sur det in pam a kum ngas na wakak na pinapam rop.\nCopyright information for `KQW\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-39","url":"https:\/\/www.stepbible.org\/?q=version=KQW%7Creference=2Ti.3","date":"2018-09-24T13:53:47Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160454.88\/warc\/CC-MAIN-20180924125835-20180924150235-00370.warc.gz","language":"kqw","language_score":0.9989370704,"language_script":"Latn","minhash_cluster_size":3,"top_langs":"{\"kqw_Latn_score\": 0.9989370703697205}","num_words":809,"character_repetition_ratio":0.061,"word_repetition_ratio":0.0,"special_characters_ratio":0.242,"stopwords_ratio":0.438,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"A kum Pinapam anun a kum\nAposel\nA wasiso talapor mugu\nA buk ri, o Luk i tumusi. I tugus tomo i nam anun a mugano buk ra i tumusi, a Wakak na Wasiso un o Iesu Karisito. Una buk Aposel dat tama i lena, a Tokodos na Nion, i udekdek a kum nat na ususer sur det in warawai nama Wakak na Wasiso un o Iesu.\nA buk ri, i wasiso una taro na nurnur anun o Karisito, i turpasi tong una papor Judia ma numur i wan susuaro una rakrakon bual rop. A kum mugano te Karisito det tagun a taro Juda kut. Det nuki lena a lotu anun o Karisito anundet kut, ma ausur anun a taro gisen kai. Ikut numur o God i ese i lena, i nemi sur a taro rop det a kum te Karisito. (Ap 10). A kum te Karisito tagun a taro Juda det nemi lena, a kum te Karisito ra ausur a taro Juda, det kai det in mur a kum warkurai anun a lotu Juda. A tinotok talilis una pinindi i ara warkurai ra det nemi lena, a taro gisen kai det in muri. Ikut ra det kis tomo un ara labino kiwung det warkurai pasi sur a ramano kum warkurai kut, a kum te Karisito ra ausur a taro Juda det in muri. (Ap 15).\nAra labino utna ra a buk ri i wasiso uni, a pinapam anun a Tokodos na Nion, a nion o God. A Tokodos na Nion i wanpat mugu torom a taro na ususer anun o Iesu una bung na Pentikos. A Tokodos na Nion ut i mugu a nuknukindet ma i pitar a dekdek tandet.\nA inawan ina buk Aposel:\nA tintinip na wasiso anun o Iesu torom a kum nat na ususer (1:1-26)\nA kum nat na ususer det warawai sapat o Jerusalem (2:1-8:3)\nA kum nat na ususer det warawai tong una papor Judia ma una papor Samaria (8:4-12:25)\nA mugano inawan anun o Pol (13:1-14:28)\nA kiwung anun a kum aposel sapat o Jerusalem (15:1-35)\nA manru na inawan anun o Pol (15:36-18:22)\nA mantulu du inawan anun o Pol (18:23-21:16)\nDi ukarabus o Pol sapat o Jerusalem (21:17-23:22)\nO Pol i kis tong o Sisaria (23:23-26:52)\nO Pol i wan utong o Rom (27:1-28:30)\n1\n1-3 Torom o Tiopilus,\nUna nung a mugano buk, a tumus a kum utna rop ra o Iesu i sa pam tari ma i sa ususer tar a taro nami, una turturkibin anun a pinapam, tuk una bung ra o God i ben toto pasi usapat una langit. Numur tan anun a minat, i wanan pat melet torom anun a kum aposel, ma a kum utna ra i pami i ulingmulusi lena, i sa laun melet gusun a minat. A wat na noino bung i kis melet pasi nin upiso ra i wanan pat torom det, ma i wasiso una matanitu anun o God. Ra i ususer tar anun a kum aposel nama dekdek ina Tokodos na Nion, a kum aposel ra i pilok pas det. 4 Un ara bung tagun a kum bung numur tan anun a katkatutur melet gusun a minat, det kis tomo una inangon, ra i turbat det lena, \"Gong mot wan gusun o Jerusalem, mot in kis langlang pas a Tokodos na Nion, ra o Tita i sa liliman taru uni, ra a sa inanos tar mot nami. 5 O Jon i baptaiso nama danim, ikut ken suano i, ra din baptaiso mot nama Tokodos na Nion.\"\nO Iesu i wan toto usapat una langit\n6 Ra a kum aposel det kis tomo nam o Iesu, det tingi lena, \"Labino, pepetlai, uniri un pitar melet tar a gapman torom met a taro Israel, sur met ut met in tamtamabat met ma met in kis langolango gusun a gapman Rom?'* Una kum kilalo ra, a taro Israel det kis utuntudu ina gapman Rom. Det nuki lena o Iesu in winim pas a gapman Rom ma det in langolango. 7 I balu det lena, \"Ausur a utna anumot sur mot in tasman a bung o a du bung ra o Tita i sa kubus tari sur in pitari uni. 8 Ikut a Tokodos na Nion in kis un mot, ma mot in utur ukai a dekdek, ma a utna ra mot tama i un iau mot in wasiso uni sapat o Jerusalem, ma una kum tamon rop tong una ru papor Judia ma o Samaria, ma una rakrakon bual rop.\"\n9 Ra i sa rop anun a wasiso, o God i ben toto pasi usapat una langit. Ra det tamtama utmakai, a bakut i pulus bat pasi gusun a matmatandet.\n10 Det tatatado utmakai usapat una bakut ra o Iesu i wan gusun det, ra aiapiap kut aru musano der emar nama kum kabang na malu der tur pat nisan det. 11 Ma der watungi lena, \"Mot a kum te Galili, sur asau ra mot tur ma mot tatatado usapat una bakut? O Iesu mo sapat, i ra o God i sa ben pasi gusun mot usapat una langit, in nanpat melet urin, lenutri mot sa tama ru i, ra i wan usapat netes.\"\nO Matias i keles o Judas Iskariot\n12 Numur a kum aposel det wan gusun a tangai di watungi nama Tangai na Oliw ra det milet melet usapat o Jerusalem. I milau i kut o Jerusalem. 13 Ra det wanpat sapat o Jerusalem, det ruk una rumu ma det kis una kukur rumu sapat netes. A kukur rumu ra det ininep ma det kiskis uni. Det ri, ra det kiskis tomo tiro iai: O Pita, o Jon, o Jems, o Endru, o Pilip, o Tomas, o Batolomiu, o Matiu, o Jems a nutun o Alpius, o Saimon ara tagun a taro Silot† Silot i a risan a taro, ra det tur tomo, uni det nemi sur det in lakro ru a gapman Rom., ma o Judas, a nutun ara Jems gisen. 14 Det tomo nam o Maria o nan o Iesu, ma a kum tistisin o Iesu, ma a ramano kum wardain kai. Det rop ka det mana nama niaring una kum bungbung.\n15 Un ara bung epotor tan a kum bungbung ra, a kum tene nurnur det kis tomo. Det elar nam ara mar ma ru noino det. O Pita i tur ma i watungi lena, 16 \"A kum tistising, a wasiso anun a Tokodos na Nion, ra o Dewid i wasiso taru uni numugu utmakai una Buk Tabu, uniri di sa pam sot pasi. I wasiso un o Judas, i ra i mugu det ra det pam pas o Iesu. 17 I ara tagun met, ma i kai i los a tinibo tomo nam met una pinapam ri.\"\n18 Ra o Judas i kul pas a du piso nama mani tagun anun a sakino pinapam ra i pam tari. Numur i puku pirso tiro iai una nun a du piso, in masarino i mugu. Ra in balano i tupurus potor, ma in narus na balano i tilior piso rop. 19 Det rop ra det kis tiro o Jerusalem, det longoro i, ma det watung a piso ra nam anundet a wasiso, Akeldama, a kukuraino, a piso na gap.\n20 O Pita i watungi utkai lena, \"Di sa tumus tari una Kum Kelekele anun o Dewid lena,\n'A kinano in belbel,\nma gong taio i kis uni.' Buk Song 69:25\nMa di tumus tari kai lenri,\n'Taio in kelesi una nun a pinapam.' Buk Song 109:8\n21-22 I wakak ra dat in pilok pas tu musano, sur i kai in tene wasiso talapor tomo nam dat, un o Iesu lena i katutur melet gusun a minat. I wakak ra a musano ra, taio ut tagun dat ra dat ser kis tomo nam o Iesu, turpasi ra o Jon i baptais, tuk una bung ra di ben pas o Iesu gusun dat usapat una langit.\"\n23 Ra det watung pat pas aru musano: O Josep, di watungi nam o Basabas, ma ara risano kai o Jastus, der nam o Matias. 24 Ma det wararing lena, \"Labino, u tasman a balan a taro rop, un ese met, osi mulus tagun der ri u sa pilok pasi, 25 sur in los a pinapam na aposel, ra o Judas i sa mat pas gusuni ma i sa wan sur a tamon ra i sot nam anun a sakino petutna.\" 26 Det pam a pinapam na pipilok nama ru wat, ra a wat anun o Matias i wanpat. Ra det luk tomo pasi nama noino ma ra aposel.\n*1:6: Una kum kilalo ra, a taro Israel det kis utuntudu ina gapman Rom. Det nuki lena o Iesu in winim pas a gapman Rom ma det in langolango.\n†1:13: Silot i a risan a taro, ra det tur tomo, uni det nemi sur det in lakro ru a gapman Rom.","id":"","dump":"CC-MAIN-2018-39","url":"http:\/\/pngscriptures.org\/kqw\/ACT01.htm","date":"2018-09-25T05:10:50Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267161098.75\/warc\/CC-MAIN-20180925044032-20180925064432-00157.warc.gz","language":"kqw","language_score":0.9999830723,"language_script":"Latn","minhash_cluster_size":1,"top_langs":"{\"kqw_Latn_score\": 0.9999830722808838}","num_words":1437,"character_repetition_ratio":0.061,"word_repetition_ratio":0.045,"special_characters_ratio":0.271,"stopwords_ratio":0.486,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Matiu 1\nA risan a kabotaro anun o Iesu Karisito\n(Lk 3:23-38)\n1Iri a risan a kabotaro tagun numugu ra o Iesu Karisito i wanpat tagun det. O Iesu, i a nutun o Dewid, o Dewid i a nutun o Abaram.\n2O Abaram i o taman o Aisak,\nO Aisak i o taman o Jekop,\nma o Jekop i o taman o Juda ma a kum tistisino.\n3O Juda i o taman o Peres der nam o Sera, ra a nander o Tamar.\nO Peres i o taman o Esrom,\no Esrom i o taman o Ram,\n4ma o Ram i o taman o Aminadap,\no Aminadap i o taman o Nason,\nma o Nason i o taman o Salmon,\n5o Salmon i o taman o Boas, ma o nano a risano o Reap.\nO Boas i o taman o Obed, ma o nano a risano o Rut.\nO Obed i o taman o Jesi,\n6ma o Jesi i o taman o Dewid, i ra a king.\nO Dewid i o taman o Solomon, ma o nano a ino ra i nolin pas nam o Uria.\n7O Solomon i o taman o Roboam,\no Roboam i o taman o Abia,\no Abia i o taman o Asa,\n8o Asa i o taman o Josapat,\no Josapat i o taman o Joram,\nma o Joram i o taman o Usia,\n9o Usia i o taman o Jotam,\no Jotam i o taman o Akas,\nma o Akas i o taman o Esekia,\n10o Esekia i o taman o Manase,\no Manase i o taman o Amon,\nma o Amon i o taman o Josaia,\n11o Josaia i ulabo o Jekonia tomo nama kum tistisino. Numur tano, a taro Babilon det dat pas a taro Israel utong o Babilon sur det in kis na karabus.\n12Numur tan a inawan utong o Babilon:\nO Jekonia i ulabo o Salatiel,\no Salatiel i o taman o Serubabel,\n13o Serubabel i o taman o Abiut,\no Abiut i o taman o Eliakim,\nma o Eliakim i o taman o Asor,\n14o Asor i o taman o Sadok,\no Sadok i o taman o Akim,\nma o Akim i o taman o Eliut,\n15o Eliut i o taman o Eliaser,\no Eliaser i o taman o Matan,\nma o Matan i o taman o Jekop,\n16o Jekop i o taman o Josep, i ra i nolin nam o Maria. O Maria i usus o Iesu, ra di watungi a Karisito, i ra o God i tulu ru i.\n17A kum taun taro turpasi tagun o Abaram tuk un o Dewid i elar nama noino ma wat det, ma tagun o Dewid tuk una inawan na karabus tong o Babilon a noino ma wat kai det, ma tagun a inawan na karabus tong o Babilon tuk un o Karisito a noino ma wat na taun taro kai.\nA saksak utna un o Maria ra i usus o Iesu Karisito\n(Lk 2:1-7)\n18Di usus pas o Iesu Karisito lenri: O nano, o Maria, di sa ubek bat tari sur anun o Josep, ikut numugu tan anunder a nolin o Maria i sa tasmani lena i tianan tan a Tokodos na Nion. 19O Josep ra di sa ubek bat tar o Maria toromi, i a tene tokodos, ma ke nemi sur in ban umaimai o Maria umatan a taro. Ra i nuki lena in kutus eno ru anunder a liliman sur a nolin.\n20Ra i nuknuk utmakai una utna ri, a ensel anun a Labino i wanpat toromi una ririon ra i watungi lena, \"Josep, a nutun o Dewid, gong u wur nuknuk un o Maria, un ben pasi kut sur anum a ino. Uni a nat ra i tianan pasi, i wanpat tagun a Tokodos na Nion. 21In usus pas a nat na musano ma un pasor a risano nam o Iesu, uni in ulaun pas anun a taro gusun anundet a kum sakino petutna.\"\n22A kum utna rop ri i wanpat sur din pam sot pas a kum wasiso anun a Labino ra anun a poropet i sa upuaso tari lenri, 23\"Tama i, a toraro na ino in tianan ma in usus pas a nat na musano ra din watungi nam o Emanuel,\" Ais 7:14\na kukuraino lena, \"O God i kis tomo nam dat.\"\n24Ra o Josep i tuangun, i muri lenutra a ensel anun a Labino i sa inanos tari nami, ra i ben pas o Maria sur anun a ino. 25Ikut ka der inep tomo pas tuk ra o Maria i usus pas a nat na musano. Ma o Josep i pasor a risano nam o Iesu.","id":"","dump":"CC-MAIN-2019-26","url":"http:\/\/kw.www.biblesearch.americanbible.org\/kqw-KQW\/Matt\/1","date":"2019-06-19T16:13:26Z","file_path":"s3:\/\/commoncrawl\/crawl-data\/CC-MAIN-2019-26\/segments\/1560627999000.76\/warc\/CC-MAIN-20190619143832-20190619165832-00543.warc.gz","language":"kqw","language_score":0.9999945164,"language_script":"Latn","minhash_cluster_size":1,"top_langs":"{\"kqw_Latn_score\": 0.9999945163726807}","num_words":769,"character_repetition_ratio":0.102,"word_repetition_ratio":0.0,"special_characters_ratio":0.28,"stopwords_ratio":0.532,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"16\n1 \"A watung a kum utna ri tamot, sur gong anumot a nurnur i puku.\n2 Det in turbat mot gusun a kum rumu na lotu. Numur a du bung in nanpat, ra a taro ra det um doko mot, det in nuki lena det pami ut a pinapam anun o God.\n3 A taro det in pam a kum utna ri torom mot, uni ka det tasman mir nam o Tita.\n4 A sa watung tar a kum wasiso ri tamot, sur ra a du bung ra in nanpat, mot in tasmani lena a sa utumarong mugu tar mot uni.\nA pinapam anun a Tokodos na Nion\n\"Ka watung a kum wasiso ri tamot una turturkibin ina nung a pinapam, uni a kis utmakai tomo nam mot.\n5 Ikut uniri, an nan torom o naro ra i tulu ru iau urin. Ikut kataio tagun mot i ting iau lena, 'Un nan urai?'\n6 Mot tupunuk doko uni a watung a kum wasiso ri torom mot.\n7 A inanos mot nama lingmulus lena, in wakak torom mot ra an nan. Gunuk ra kan nan, a Tene Warut ken nanpat torom mot. Ikut ra an nan, an tulu ru i urin torom mot.\n8 \"Ra in nanpat, in ese a taro una rakrakon bual una nundet a sakino petutna, ma in ese det kai una tokodos na petutna ma una warkurai anun o God.\n9 In ese det lena, ra ka det in nurnur un iau, i ra anundet a sakino petutna.\n10 Ma in ese det kai una tokodos na petutna, uni an nan torom o Tita ma ka mot in tama melet iau mo.\n11 Ma in ese det kai lena o God i sa pitar tar a warkurai na minabalu tan a labino tagun a rakrakon bual, ma i sa upuku ru tari.\n12 \"A susut na wasiso ra an watungi tamot, ikut ke topas mot utmakai.\n13 A Tokodos na Nion, ra i ser upuaso a lingmulusino, in nanpat, ma in utalapor mot una kum lingmulusino rop un o God. A kum wasiso ra in watungi awu sur anunu, in watungi kut a kum wasiso ra i longoro i, ma in inanos mot una kum utna ra in nanpat numur.\n14 In pitar a minamar torom iau, ra in los pas anung a wasiso, ma in inanos mot nami.\n15 A kum utna rop ra anun o Tita, anungi. I ra a kibino ra a watungi lena, a Tokodos na Nion in los pas anung a wasiso ma in inanos mot nami.\nA tupunuk ma a gasgas\n16 \"Ken suano i kut, ra ka mot in tama melet iau mo. Ma ken suano i kut, mot in tama melet iau.\"\n17 Anun a ramano kum nat na ususer det ting etetalai det lena, \"Asau a kukurai ina nun a wasiso ri ra i watungi lena, ken suano i kut ra ka dat in tama meleti mo, ma ken suano i kut ra dat in tama meleti? Ma i watungi kai lena, 'Uni an nan torom o Tita'.\n18 Asau a kukuraino ra i watungi lena, 'ken suano i'? Ka dat tasman a utna ri i wasiso uni!\"\n19 O Iesu i tasmani lena det nem na tingi, ra i watungi torom det lena, \"A watungi lena, 'Ken suano i kut ra ka mot in tama iau mo, ma ken suano meleti kut mot in tama melet iau.' Iri a wasiso ra mot ting etetalai mot uni, niko?\n20 A inanos mot nama lingmulus, mot in tupunuk ma mot in tangis, ikut a rakrakon bual in gas. Mot in tupunuk, ikut numur anumot a tupunuk in tupukus sur a gasgas,\n21 elar nama ino ra i milau sur in usus, in taramo a ngunungut, ikut, ra i sa usus pas, in dumano a ngunungut ma in gas. In gas uni i sa usus tar a nat urin una rakrakon bual.\n22 Lenkutkai ra torom mot, uniri mot tupunuk, ikut an tama melet mot, ra mot in gas. A ngas na gas ri, kataio in pet lar pasi sur in rakon ru i gusun mot.\n23 \"Una bung ra, ka mot in ting melet iau mo un tu utna. A inanos mot nama lingmulus, o Tita in tabor mot nama sau ra mot sasaring suri nama risang.\n24 Tuk uniri, ka mot sasaring utmakai sur tu utna nama risang. Mot in sasaring ra din tabor mot, sur a gasgas in bukus una numot a nilaun.\nO Iesu i winim pas a rakrakon bual\n25 \"A watung a kum utna ri tamot una kum wasiso elelar, ikut a du bung in nanpat ra kan wasiso melet mo torom mot nama wasiso elelar, an inanos talapor mulus mot mo un o Tita.\n26 Una kum bung ra, mot in sasaring nama risang. Ka watungi lena iau an saring o Tita sur in warut mot,\n27 uni o Tita ut i nem mot. I nem mot uni mot nem iau, ma mot nurnur lena a wan tagisapat tan o God.\n28 A wan tagisapat tan o Tita, ra a wan urin una rakrakon bual. Uniri, an nan mo gusun a rakrakon bual, ma an milet melet torom o Tita.\"\n29 Anun a kum nat na ususer det watungi tano lena, \"Uniri ko wasiso mo nama wasiso elelar, u wasiso talapor mulus maragom.\n30 Uniri met tasmani lena u tasman a kum utna rop. Ko sibo sur taio in ting ui nam tu iting, uni u sa tasman a nuknuki met rop. I mo ra met nurnur maragom lena u wan ut tagisapat tan o God.\"\n31 O Iesu i watungi tandet lena, \"I lai, mot nurnur maragom?\n32 A du bung in nanpat, ma iri i sa wanpat, ra din lu susuaro ru mot gusun iau, ra mot in nan susuaro sur anumot a kum tamon taktakai, ra iau mukut an kis. Ikut awu sur iau kut ra an kis, mir ut nam o Tita.\n33 \"A watung a kum wasiso ri tamot sur mot in laun un iau, ma a balamot in bukus nama malmal. Nin una rakrakon bual, mot in taramo a mamaut. Ikut gong mot ngara, uni a sa winim pas a rakrakon bual.\"","id":"","dump":"CC-MAIN-2019-30","url":"https:\/\/ebible.org\/study\/content\/texts\/kqw\/JN16.html","date":"2019-07-22T07:27:54Z","file_path":"s3:\/\/commoncrawl\/crawl-data\/CC-MAIN-2019-30\/segments\/1563195527828.69\/warc\/CC-MAIN-20190722072309-20190722094309-00211.warc.gz","language":"kqw","language_score":1.000005126,"language_script":"Latn","minhash_cluster_size":7,"top_langs":"{\"kqw_Latn_score\": 1.0000051259994507}","num_words":1002,"character_repetition_ratio":0.076,"word_repetition_ratio":0.012,"special_characters_ratio":0.265,"stopwords_ratio":0.463,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"7\nA kum tistisin o Iesu ka det nurnur uni\n1 Numur o Iesu i wan tuptupukus una kum tamon tong una papor Galili. Ke nem na wan tuptupukus una papor Judia, uni a ramano kum te Juda det epak sur det in um doko i.\n2 A kum bung na lotu anun a taro Juda, ra di watungi nama kum lamlabino bung na lotu na turturup, i sa milau.\n3 Ra a kum tistisin o Iesu det watungi tano lena, \"I wakak sur un nan taginin ma un nan usapat o Judia sur anum a taro na ususer det in tama a kum pinapam ra un pami.\n4 Kataio i ser pam eno a kum utna, ra i nemi sur a taro det in tasmani. U ser pam a kum utna ri, in wakak ra un pam puaso i sur a taro una rakrakon bual rop det in tasman ui!\"\n5 A kum tistisino det wasiso lenri, uni det kai ka det nurnur uni.\n6 I mo ra o Iesu i watungi tandet lena, \"Anung a du bung ke sot utmakai, sur an nan una kum lamlabino bung na lotu, ikut torom mot, anumot a kum du bung i langolango kut.\n7 A taro tagun a rakrakon bual ka det in nget mot, ikut det nget iau, uni a inanos det una nundet a kum sakino petutna.\n8 Mot, mot in nan usapat una kum lamlabino bung na lotu. Ikut iau, kan nan lakit sur a kum lamlabino bung na lotu ri, uni anung a du bung ke sot utmakai.\"\n9 Ra i sa wasiso taru, i kis sikot tong o Galili.\nO Iesu i wan sur a kum lamlabino bung na lotu\n10 Ra a kum tistisin o Iesu det sa wan sur a kum lamlabino bung na lotu, numur o Iesu i mur det, ikut ke upuaso i torom a taro. I wan eno nanan kut.\n11 A ramano kum te Juda det sisio sur o Iesu una kum lamlabino bung na lotu, det iting lena, \"A musano ri awai i?\"\n12 A susut na taro det wasiso eno un o Iesu. Ara taro det watungi uni lena, \"I ara wakak na musano,\" ma ara taro kai det watungi lena, \"Awu, i ben raro a taro.\"\n13 Ikut kataio i wasiso puaso uni, uni det ngaran a ramano kum taro Juda.\nO Iesu i ususer a taro ra det wanpat una kum lamlabino bung na lotu\n14 Ra det sa kis epotor una kum lamlabino bung na lotu, o Iesu i turpasi sur in ususer a taro ubalan in noworo ina rumu na etabor.\n15 A ramano kum te Juda det kisin doko ra det watungi lena, \"A musano ri ke etowo pas. Ikut i tasman petlan a kum utna ri?\"\n16 O Iesu i balu det lena, \"Anung a kum etowo, ra a ususer a taro nami, awu sur anung, anun o naro ra i tulu ru iau urin.\n17 Osi ra i nem na mur a nemnem anun o God, in tasmani lena anung a kum etowo i wan tagai. I wan tagisapat tan o God, o a nuknuking kut.\n18 Osi ra i wasiso kut nama nuknukino, i nemi kut sur din ulabo pasi. Ikut iau, a nemi sur din ulabo pas o God ra i tulu ru iau urin. A wasiso nama lingmulus, ma katu torotoro i kis un iau.\n19 O Moses i sa pitar tar a Warkurai tamot, ikut kataio tagun mot i muri. Sur asau ra mot nem na um doko iau?\"\n20 A kunur na taro det balu i lena, \"A laulau na nion kura un ui. Osi i nem na um doko ui?\"\n21 O Iesu i balu det lena, \"A pam ara utna na ukisin, ma mot rop mot kisin uni.\n22 O Moses i pitar tar a warkurai tamot sur mot in tok talilis a kum nat musano. Ikut a warkurai ri, awu sur anun o Moses, a taro ut tagun numugu det turpasi. Ma a ramano kum du bung utkai mot tok talilis a natlik una Bung na Sabat.\n23 Mot ser tok talilis una Bung na Sabat, sur gong di lakai a warkurai anun o Moses. Ra mot pami lenra, sur asau ra mot kankan torom iau ra a ulangolango pas a kudulano musano una Bung na Sabat?\n24 Gong mot warkurai kut nama matmata mot, mot in warkurai nama warkurai ra i tokodos.\"\nAra taro ka det nurnur lena o Iesu i a Karisito\n25 Ara taro tagisapat o Jerusalem det iting lena, \"I mo ri a musano ra det nem na um doko i?\n26 Tama i, iri i tur ma i wasiso umatan a taro, ma ka det wasiso balu i. Pepetlai, kutiro a kum mugumugu det sa tasmani lena i a Karisito?\n27 Ra a Karisito in nanpat, ka din tasmani lena in nanpat tagai. Ikut a musano ri dat tasmani kut anun a tamon.\"\n28 O Iesu i ususer utmakai ubalan in noworo ina rumu na etabor, i wasiso namin labino walngano ma i watungi lena, \"Pepetlai, mot tasman mulus iau ut, ma a tamon kai ra a wan taguni? Ka wanpat urin una nuknuking. O naro ra i tulu ru iau, i watung a lingmulusino. Ma mot, ka mot tasman o naro ra.\n29 Ikut iau, a tasmani, uni a wan ut tagisapat tano, ma i ut i tulu ru iau.\"\n30 I mo ra a kum te Juda det nemi sur det in pam ukai pasi, ikut kataio i pami, uni anun a du bung ke sot utmakai.\n31 A susut tagun a kunur na taro det nurnur uni, ra det watungi lena, \"A musano ri i pam tar a susut na utna na ukisin. Pepetlai, kutiro a Karisito ut ri?\"\n32 A kum Parisi det longoro a taro det waswasiso eno lenri un o Iesu, ra a kum lamlabino tene etabor torom o God, ma a kum Parisi, det tulu ru a kum tene tamtamabat tagun a rumu na etabor, sur det in pam ukai pasi.\n33 Ra o Iesu i watungi tandet lena, \"Iau kan kis suano i nin nisamot, an milet melet torom o naro ra i tulu ru iau urin.\n34 Mot in sisio sur iau, ikut ka mot in sio pas iau, ma ka mot in nan lar pas kai una tamon ra an kis iai.\"\n35 A ramano kum te Juda det ting etetalai det lena, \"A musano ri in nan mo urai, ra ka dat in sio lar pasi? Pepetlai, in nan sur a kum tamon anun a taro Grik ra anundat a taro det kis iai? Kutiro in ususeri mo a taro Grik?\n36 Uni i watungi lena dat in sisio suri ikut ka dat in sio pasi, ma ka dat in nan lar pas kai una tamon ra in kis iai. Asau a kukurai ina nun a wasiso ri?\"\nA wasiso elelar una Tokodos na Nion\n37 A ururop na bung ina kum lamlabino bung na lotu, i a labino bung sakit. Una bung ra, o Iesu i tur ma i wasiso namin labino walngano, i watungi lena, \"Osi ra i muruk, i wakak sur in nan torom iau ma in inum.\n38 Osi ra i nurnur un iau, 'a kum danim na nilaun det in sal pat tagun anun a nilaun,' elar nami ra di sa tumus tari una Buk Tabu.\"\n39 Una wasiso ri, o Iesu i wasiso una Tokodos na Nion. Ka di pitari utmakai a Tokodos na Nion, uni o Iesu ke losi utmakai anun a minamar. Numur, det ra det nurnur un o Iesu, din tabor det nami.\nA nuknukin a taro un o Iesu ke takai\n40 Ara taro tagun a kunur na taro ra det longoro a wasiso ri, det watungi lena, \"A lingmulus ut, a musano ri, i a poropet ra o God i tulu ru i urin.\"\n41 Ara taro kai det watungi lena, \"I a Karisito.\" Ma ara taro kai det watungi lena, \"Awu. A Karisito ken nanpat tagitong o Galili.\n42 A Buk Tabu i watungi lena, a Karisito in nanpat tagun a kabotaro anun o Dewid. In nanpat tong o Betliem, a tamon ra numugu o Dewid i kis iai.\"\n43 Ma a nuknukin a taro uni, ke takai.\n44 Ara taro det nem na pam ukai i, ikut katutaio i tulan tar a pinino.\nA kum mugumugu ka det nurnur\n45 A kum tene tamtamabat tagun a rumu na etabor det milet melet, ra a kum lamlabino tene etabor torom o God ma a kum Parisi det ting det lena, \"Sur asau ra ka mot dat pas o Iesu urin?\"\n46 A kum tene tamtamabat tagun a rumu na etabor det balu det lena, \"Katutaio utmakai i ser wasiso elar nama musano ri!\"\n47 A kum Parisi det ting det lena, \"Pepetlai, mot kai i sa ben raro pas mot?\n48 Pepetlai, taio tagun met a kum mugumugu ma a kum Parisi, i sa nurnur uni? Awu!\n49 A kunur na taro ri, ra det nurnur un o Iesu, ka det tasman a Warkurai anun o Moses. A kankan anun o God i sa kis un det.\"\n50 Ara Parisi tagun det, a risano o Nikodimas, i ra numugu i wanpat pas torom o Iesu, i watungi tandet lena,\n51 \"Una nundat a Warkurai, ka dat in takun oros pas taio ra ka di longoro i utmakai. Din longoro mugu tari sur din tasman asau ra i pami.\"\n52 Det balu i kut lena, \"Ni, ui kai a te Galili ui? Un ususer una Buk Tabu ma un mananos uni, lena a poropet ken nanpat tagitong o Galili.\"\nA ino ra i pam a sakino nam ara nolin na musano\n[\n53 Ra a taro rop det wan susuaro sur anundet a kum tamon.","id":"","dump":"CC-MAIN-2019-30","url":"https:\/\/ebible.org\/study\/content\/texts\/kqw\/JN7.html","date":"2019-07-21T06:23:33Z","file_path":"s3:\/\/commoncrawl\/crawl-data\/CC-MAIN-2019-30\/segments\/1563195526931.25\/warc\/CC-MAIN-20190721061720-20190721083720-00227.warc.gz","language":"kqw","language_score":0.9999898672,"language_script":"Latn","minhash_cluster_size":6,"top_langs":"{\"kqw_Latn_score\": 0.9999898672103882}","num_words":1584,"character_repetition_ratio":0.078,"word_repetition_ratio":0.008,"special_characters_ratio":0.266,"stopwords_ratio":0.489,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"5\nO Iesu i ulangolango pas ara musano\n1 Numur, o Iesu i wan usapat o Jerusalem sur a labino bung na lotu anun a taro Juda.\n2 Ara kabopolo, di watungi nam o Besata una wasiso Ibru, i kis sapat o Jerusalem, milau una labino matansako ra di watungi nama \"Matansako na sipsip\". Ma a limo na parada det tur talilis pas a kabopolo ra.\n3-4 A susut na taro ra det misait nama wur ngas na misait, det ser kis tiro iai, a kum pulu, det ra ka det ser wan ma det ra a pinpinin det i mat.\n5 Ara musano i kis tiro iai i misait pas a tulu noino ma tiwal na kilalo.\n6 O Iesu i tama pas a musano ra i inep taru tiro iai. I tasmani lena a musano ra i sa suano i a misait uni, ra i tingi lena, \"Pepetlai, u nemi sur un langolango?\"\n7 A musano ra i balu i lena, \"Labino, kataio i ser warut iau sur in los tar iau una du bung ra a danim i tonton uni. Ra a nem na wan sur an rurus, ara gisen kut in kalabor mugu batbat pas iau.\"\n8 O Iesu i watungi tano lena, \"Un katutur, un los anum a bat ra un nan.\"\n9 Uniutra a musano ra i langolango, i tur, ma i los pas anun a bat, ra i wan.\nA utna ri i wanpat una Bung na Sabat.\n10 I mo ra a ramano kum te Juda det watungi tan a musano ra o Iesu i ulangolango pasi lena, \"A Sabat ri! I tabu sur din los a bat uni.\"\n11 Ra i balu det lena, \"A musano ra i ulangolango pas iau, i watungi tang lena, an los pas anung a bat ra an nan.\"\n12 Det tingi lena, \"Osi na musano ra i watungi tam lena un los pas anum a bat ma un nan?\"\n13 Ikut a musano ra ke tasman osi ra i ulangolango pasi, uni o Iesu i wan epotor tan a kunur na taro.\n14 Numur ut, o Iesu i barato pas a musano ra una rumu na etabor. I watungi tano lena, \"Tama i, uniri u sa langolango. Gong melet mo u pam tu sakino, sako numur tu laulau na utna sakit in nanpat un ui.\"\n15 A musano ra i wan ma i inanos a kum te Juda lena, \"O Iesu ut i ulangolango pas iau.\"\n16 Ra uniri, a kum te Juda det turpasi sur det in pam a kum sakino petutna torom o Iesu, uni i pam a kum utna ri una Bung na Sabat.\n17 O Iesu i watungi tandet lena, \"O Tita ke mana nama pinapam na warut, lenkutkai ra iau kan mana nama pinapam na warut torom a taro.\"\n18 Iri a kibino ra a kum te Juda det nem doko i sur det in um doko o Iesu. Det kankan torom o Iesu, awu sur i kibino kut ra i papam una Bung na Sabat. A kibino utkai ra o Iesu ut i watung o God lena o Tamano, ma una wasiso ri, i elaro i ut nam o God.\nO Tamano i pitar a warkurai torom o Nutunu\n19 O Iesu i balu det lena, \"A inanos mot nama lingmulus, a Nutun o God ken pam oros pas tu utna elar nam anun a nemnem, in pami kut a kum utna ra i tama o Tamano i ser pami. Uni a kum utna rop ra o Tamano i pami, o Nutunu kai in pami.\n20 O Tamano i nem o Nutunu, ma i ese i una kum utna rop ra i ser pami. Ma in ese i kai una kum utna ra i labo taun a kum utna ri, sur mot in kisin uni.\n21 O Nutunu in tabor det ra i nemi sur in tabor det nama nilaun, elar nam o Tamano i ukatutur pas a kum minat, ma i tabor det nama nilaun.\n22 O Tamano ken warkurai taio, ikut i pitar tar a warkurai rop tan o Nutunu, sur in warkurai nami,\n23 sur a taro rop det in ru o Nutunu elar nami ra det ru o Tamano. Osi ra ke ru o Nutunu ke ru i kai o Tamano, i ra i tulu ru i urin.\n24 \"A inanos mot nama lingmulus, osi ra i longoro anung a kum wasiso ma i nurnur un o naro ra i tulu ru iau urin, i sa utur ukai a nilaun tukum, ma ken iru una warkurai. I sa wan gusun a minat sur a nilaun tukum.\n25 A inanos mot nama lingmulus, a du bung in nanpat, ma iri i sa wanpat, ra a kum minat det in longoro in nalngan a Nutun o God, ma det ra det longoro i det in laun.\n26 O God a kimkibin a nilaun. Ma lenkutkai ra i pitari torom o Nutunu sur i kai a kimkibin a nilaun.\n27 O God i pitar tar a dekdek tano sur in warkurai a taro nami, uni, i a Nutun a Musano.\n28 Gong mot kisin una wasiso ri. A du bung in nanpat, ra det rop ra det inep una kum kulam na minat det in longoro in nalngano.\n29 Det in katutur melet gusun a kum kulam na minat. Det ra det sa pam tar a wakak na petutna det in katutur melet gusun a minat sur a nilaun tukum. Ma det kai ra det sa pam tar a sakino petutna, det in katutur melet gusun a minat sur a iniru tukum.\"\nA wasiso talapor un o Iesu\n30 O Iesu i wasiso utmakai torom a kum te Juda lena, \"Ka pam oros tu utna elar nam anung a nemnem. A warkurai nama utna a longoro i. Ma anung a warkurai i tokodos, ma ka mur a nuknuking, a ser muri ut a nuknukin o naro ra i tulu ru iau urin.\n31 Ra an wasiso talapor un iau ut melet, anung a wasiso talapor ken maut.\n32 Ikut ara gisen ut i wasiso talapor un iau, ra a tasmani lena anun a wasiso talapor un iau i lingmulus sakit.\n33 \"Mot tulu ru ara taro torom o Jon a Tene Baptaiso, ra i wasiso talapor torom det un iau. Ma anun a wasiso i lingmulus.\n34 Ka sibo sur lako taro det in wasiso talapor un iau, ikut a watungi lenri sur din ulaun mot.\n35 O Jon i elar nama lam, ra i kunabor ma i talapor, ma mot gas ra mot tamtama lilik pas kut una talaporino.\n36 \"Ikut an inanos mot una wasiso talapor un iau, ra i labo taun a wasiso talapor anun o Jon un iau. A kum pinapam ra a ser pami, det wasiso talapor un iau lena, o Tita i tulu ru iau urin. O Tita i pitar tar a kum pinapam ra tang, sur an pami.\n37 Ma o Tita, i ra i tulu ru iau urin, i sa wasiso talapor taru un iau. Ka mot longoro in nalngano, ma ka mot tama tari kai in matano.\n38 Ma ka mot utur ukai anun a wasiso una kum balamot, uni ka mot nurnur un o naro ra di tulu ru i urin.\n39 Mot ser luki ut a Buk Tabu, uni mot nuki lena mot in los a nilaun tukum uni. Ikut a Buk Tabu kai i wasiso ut un iau!\n40 Ikut, mot a kum te Juda, ka mot nem na wan torom iau sur mot in los a nilaun.\n41 \"Ka ling sur a taro det in ulabo pas iau.\n42 Ikut a tasman mot ut lena, ka mot nem o God nama balamot mulus.\n43 A wanpat nama risan o Tita, ma ka mot gas pas iau. Ikut ra taio gisen in nanpat nama risano ut, i ra, mot in gas pasi.\n44 \"Mot, mot nemi sur a taro det in ulabo pas mot, ikut a wasiso na ululabo anun o God, i ra ara God sot kut, ka mot tiktikin wakak suri. I mo ra ka mot nurnur un iau.\n45 Gong mot nuki lena iau an takun mot torom o Tita, awu. O Moses ra mot nurnur uni lena in warut mot, i ut in takun mot.\n46 Ra gunuk mot nurnur un o Moses, mot in nurnur utkai un iau, uni anun a kum tumtumus i wasiso ut un iau.\n47 Ikut ka mot nurnur una kum tumtumus anun o Moses, ra mot in nurnur pepetlai una anung a kum wasiso?\"","id":"","dump":"CC-MAIN-2019-30","url":"https:\/\/ebible.org\/study\/content\/texts\/kqw\/JN5.html","date":"2019-07-18T09:36:02Z","file_path":"s3:\/\/commoncrawl\/crawl-data\/CC-MAIN-2019-30\/segments\/1563195525587.2\/warc\/CC-MAIN-20190718083839-20190718105839-00245.warc.gz","language":"kqw","language_score":1.0000027418,"language_script":"Latn","minhash_cluster_size":6,"top_langs":"{\"kqw_Latn_score\": 1.0000027418136597}","num_words":1381,"character_repetition_ratio":0.068,"word_repetition_ratio":0.001,"special_characters_ratio":0.271,"stopwords_ratio":0.494,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"A Pas anun o Pol torom a taro\nKolosi\nA wasiso talapor mugu\nRa o Pol i kis una karabus tong o Rom, i tumus a wat na pas: Ara torom a taro Epeses, ara torom a taro Pilipai, ara torom a taro Kolosi ma ara kai torom o Pilimon.\nA pas ri, i tumusi torom a taro Kolosi. I pitari torom o Tikikus ma o Onesimus, ma der wan nami utong o Kolosi.\nRa o Pol i kis tong o Epeses, i tulu ru ara tene pinapam, a risano o Epapras utong o Kolosi sur in warawai torom det (tama Kol 1:7), ma torom a taro una ru tamon kai, o Laodisia ma o Ierapolis (tama Kol 4:13). O Pol ke wan utong o Kolosi, ikut i longoro i lena, det sa nukpukus ma i ser wararing sur det.\nO Pol i tumus a pas ri, uni o Epapras i milet melet toromi, ma i inanosi una kum torotoro na tene ususer. O Pol ke nemi sur a kum torotoro na tene ususer det in ban laulau a nurnur anun a taro Kolosi. A kum tene torotoro ri, det watungi lena, a taro det in lotu torom a kum dekdek na nion ma torom a kum ensel, ma det watungi lena, o Iesu awu sur a Nutun o God, i elar kut nama kum ensel. Det nemi kai, sur a taro det in mur a Warkurai anun o Moses sur din tok talilis det. Una pas ri o Pol i ususer det lena, o Iesu ma o God der ara kut, anunder a minamar, anunder a nemnem, ma anunder a ngasino i elar kut. Ma un o Iesu Karisito, o God i ukis a rakrakon bual, ma o Karisito, i in lorin a taro na lotu. Un o Iesu kut dat in laun tukum.\nA inawan ina Buk Kolosi:\nA turturkibin ina buk ri (1:1-2)\nO Pol i wararing sur a taro Kolosi (1:3-14)\nO Karisito i labo sakit (1:15-23)\nO Pol i papam dekdek (1:24-2:5)\nDet in mur a matok na nilaun un o Karisito (2:6-3:17)\nA etowo una wakak na petutna ra dat in pami torom dat etetalai (3:18-4:1)\nA ururop na wasiso anun o Pol torom det (4:2-18)\n1\n1 Iau o Pol, a aposel anun o Karisito Iesu una nemnem anun o God. Mir nam o Timoti a tisindat una nurnur, mir tumtumus 2 torom mot, a taro anun o God ra mot kis tiro o Kolosi, ra mot a kum tistisi mir una numot a nurnur un o Karisito, ma mot lingmulus una numot a nurnur. A marmaris ma a malmal tan o God a Tamandat in kis tomo nam mot.\nO Pol ma o Timoti der wararing sur a taro Kolosi\n3 Ep 1:15, 16Ra mir ser wararing sur mot, mir ser watung wakak torom o God, a Taman anundat a Labino o Iesu Karisito, 4 uni mir sa longoro i lena, mot sa nurnur un o Karisito Iesu, ma mot nem a taro rop anun o God. 5 Anumot a nurnur ma a marmaris ri, i kibino una numot a kinkinis langlang tomo nama nurnur sur a utna, ra o God i tamtamabati sur mot sapat una langit. A utna ra, mot sa longoro tar a wasiso uni, una lingmulus na wasiso, i a Wakak na Wasiso, 6 ra i wanpat torom mot. A Wakak na Wasiso, ra i lubung, ma i wu a wino una rakrakon bual rop, elar nami ra i wu epotor tamot, turpasi una bung ra mot longoro i, ma mot tasman mulus a marmaris anun o God. 7 Kol 4:12; Plm 1:23O Epapras i sa ususer tar mot uni. I a wakak na tultul, ra i papam tomo nam met, ra met nem doko i, ma i a lingmulus na tene pinapam anun o Karisito, ra i tur ukinalong met. 8 I sa inanos tar mir una numot a marmaris, ra a Tokodos na Nion i tabor mot nami.\n9 Ep 1:16, 17Iri a kibino ra, ka mir mana nama niaring sur mot, turpasi una bung ra mir longoro a wasiso un mot. Mir ser saring o God, sur in ubukus mot nama mananos sur mot in talapor una nun a nemnem, ma in ubukus mot nama mananos ma a wakak na nuknuk rop, ra a Niono i tabor mot nami. 10 Ep 1:11, 18Mir wararing lenri, sur anumot a nilaun in elar nama petutna anun a Labino, ra mot in ser pam a kum utna ra in gas uni. Ra in lenra, anumot a nilaun in wu a wimot una kum wakak na pinapam rop ra mot in pami, ma mot in lubung una numot a tastasman un o God.\n11 Ra o God in udekdek mot nama dekdek rop, tagun a wakak na labino dekdekino, sur mot in kis wowowon ma mot in tur dekdek una kum maut rop ra mot taramo i. Ma mot in gas, 12 ra mot in watung wakak torom a Tamandat, ra i warut mot sur mot in pet lari sur mot in rakon a kum utna tomo nam anun a taro. A kum utna ra i sa uliliman tari torom det, ra det kis una talapor. 13 Lk 22:53; Ep 2:2I sa ulaun pas dat gusun a dekdekin a dumirum, ma i sa ben ruk pas dat una matanitu anun o Nutunu ra i nem doko i, 14 Ep 1:7i ra i sa kul langolango pas dat, ma i sa unus ru anundat a kum sakino petutna.\nA kinkinis na labino anun o Karisito\n15 2 Kor 4:4; Jn 1:18O Karisito a malalarin o God, i ra ka dat tama tari. O Karisito a mugano Nutun o God, ma i labo sakit taun a kum ukukis rop. 16 Uni o God i ukis tar a kum utna rop una dekdekin o Karisito: a kum utna sapat una langit ma a kum utna nin upiso, a kum utna ra di ser tama det ma a kum utna ra ka di ser tama det, lenri, a kum nion ra det kiskis na labino, a kum nion ra det utur ukai a dekdek, a kum nion ra det mugumugu, ma a kum nion ra det utur ukai a warkurai. Un o Karisito, o God i ukis a kum utna rop, ma i ukis det sur det anun o Karisito. 17 Jn 1:1; 8:58Ra o God ke ukisi utmakai a kum utna rop, o Karisito i sa laun, ma i pam ukai a kum utna rop sur det in papam tomo wakak. 18 Ep 1:22-23; Ap 26:23; Tam 1:5I ut in lorin a taro na lotu, ma det a pinino. I a turturkibin anundet a nilaun, ma a mugano ra i katutur melet gusun a minat, sur i ut in labo sakit taun a kum utna rop. 19 Kol 2:9Uni o God i gas sur anun a kudulano nilaun rop in bukus un o Nutunu. 20 Ep 1:10; 2:16Ra una minatin o Nutunu, a kum utna rop det milet melet toromi, sur det in kis na emarom tomo nami, a kum utna nin upiso ma a kum utna sapat netes una langit. I pam a malmal nama gapin o Nutunu ra i mat unin nanai kutus.\n21 Rom 5:10; Ep 2:12Numugu mot kis bakbak gusun o God, ma una nuknuki mot, mot anun a kum ebar, kibino una kum sakino petutna ra mot ser pami. 22 Ep 2:14-16; 5:27Ikut uniri, o God i sa dat pas mot toromi, sur mot pasano melet. I pam a pinapam ri, nama pinin o Karisito ra i mat, sur in ben pas mot umatan o God, ma mot anun a taro, ra katu niraro kura un mot, ma katu etakun in los mot. 23 Ra mot in dekdek nama nurnur, ma mot in tur dekdek uni, o God in pam a utna ri. Ma gong mot wan gisen gusun a kinkinis langlang nama nurnur sur a kum utna ra o God in pami, ra mot sa longoro tari una Wakak na Wasiso. A Wakak na Wasiso ra, di sa inanos taru nami torom a taro rop una rakrakon bual. Iau, o Pol, a wanpat a tultul tagun a Wakak na Wasiso.\nO Pol i papam dekdek sur a taro na lotu\n24 Uniri a gas una kum mamaut ra a taramo i un mot. Una kum mamaut ra a taramo i una pining, a pam sot pas a kum mamaut anun o Karisito, sur an warut a taro na lotu, det ra a pinin o Karisito. 25 Ep 3:2, 7-8O God i ubek tar iau, sur iau a tultul anun a taro na lotu. I pitar tar a pinapam ri tang, sur an warawai nam anun a kum wasiso rop torom mot. 26 Rom 16:25-26; Ep 3:5, 9A wasiso ri, i a utna ra i kis eno, tagun numugu utmakai gusun a kum taun taro tagun numugu. Ikut uniri, i sa puaso torom a taro anun o God. 27 O God i upuaso i lena, a taro ra awu sur a taro Juda, det kai det in tasman a utna ra numugu i kis eno, ra i wakak doko ma in udan det. Iri a utna ra: o Karisito ut i kis una numot a nilaun, i mo ra, mot kis langlang nama nurnur sur a minamar anun o God, ra mot in rakoni.\n28 Met warawai un o Karisito torom a taro rop. Met utumarong det, ma met ususer det nama mananos rop, sur met in ben pas det rop torom o God, ma det in tokodos sakit, uni det tagun o Karisito. 29 Ep 3:7, 20; Pil 4:13A papam dekdek sur a utna ri in nanpat mulus ut. A lingmulus, a papam dekdek nama labino dekdekin o Karisito, ra i papam dekdek una nung a nilaun.","id":"","dump":"CC-MAIN-2019-39","url":"https:\/\/ebible.org\/kqw\/COL01.htm","date":"2019-09-22T08:05:31Z","file_path":"s3:\/\/commoncrawl\/crawl-data\/CC-MAIN-2019-39\/segments\/1568514575402.81\/warc\/CC-MAIN-20190922073800-20190922095800-00444.warc.gz","language":"kqw","language_score":0.9999979734,"language_script":"Latn","minhash_cluster_size":4,"top_langs":"{\"kqw_Latn_score\": 0.9999979734420776}","num_words":1574,"character_repetition_ratio":0.066,"word_repetition_ratio":0.0,"special_characters_ratio":0.281,"stopwords_ratio":0.522,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"A Pas anun o Pol torom a taro\nPilipai\nA wasiso talapor mugu\nRa o Pol i kis una karabus tong o Rom, i tumus a wat na pas: Ara torom a taro Epeses, ara torom a taro Pilipai, ara torom a taro Kolosi ma ara kai torom o Pilimon.\nA pas ri i tumusi torom a taro tong o Pilipai, ra i watung wakak torom det una mani ra det pitar tari tano. Det pitar tari tan o Epaproditus, ra i wan nami torom o Pol.\nO Pilipai i ara labino tamon tong una papor Masedonia. O Pol i wan utong una nun a manru na inawan. Ra o Pol i wan utong, ka det longoro i utmakai a Wakak na Wasiso. Det ra det nukpukus una warawai anun o Pol, det a kum mugano taro na lotu tong o Pilipai (tama Ap 16:12-40).\nA taro na lotu tong o Pilipai awu sur a kum tene gongon. Ikut det gasgas sur det in etabor nama mani torom a taro na lotu sapat o Judia ra det sibo doko, ma torom o Pol kai.\nO Pol i kis una karabus, ikut i gas, ma i nemi sur a taro Pilipai kai, det in gas ra det etorom a kum mamaut. O Pol i watungi torom det lena, det in tur dekdek ma det in tumarong det gusun a kum torotoro na tene ususer ra det ususer a taro lena, din tok talilis a pinindet. I watungi kai lena, det in mur a petutna anun o Iesu ra i unatino pasi.\nUna buk ri, dat tama i lena, o Pol i nem doko a taro na lotu tong o Pilipai.\nA inawan ina Buk Pilipai:\nA turturkibin ina buk ri (1:1-11)\nO Pol i inanos det una nun a kinkinis una karabus (1:12-26)\nA petutna ra a kum tene nurnur det in muri (1:27-2:18)\nO Pol i nem na tulu o Timoti ma o Epaproditus (2:19-30)\nDet in tur dekdek (3:1-4:9)\nO Pol i gas nama nundet a etabor (4:10-20)\nA ururop na wasiso anun o Pol torom det (4:21-23)\n1\n1 Ap 16:12-40Iau o Pol, mir nam o Timoti, aru tultul anun o Karisito Iesu, mir tumtumus torom mot, a taro rop anun o God, tiro una tamon Pilipai. Torom mot ra mot laun un o Karisito Iesu, ma mot kai a kum mugumugu na lotu ma a kum tene warut. 2 A marmaris ma a malmal tan o God a Tamandat ma a Labino o Iesu Karisito in kis tomo nam mot.\nA niaring anun o Pol sur a taro Pilipai\n3 A watung wakak torom anung a God una kum du bung rop ra a nuk pas mot. 4 Ma una nung a kum niaring rop sur mot rop, a ser wararing nama gasgas, 5 1 Kor 1:8uni mot tur tomo nam iau una Wakak na Wasiso, turpasi ut una mugano bung ra mot longoro i tuk uniri. 6 A tasman mulusi lena, o God ra i turpas a wakak na pinapam un mot, in pam nanani, tuk ra in uropi, una bung ra o Karisito Iesu in nan pirso melet.\n7 I tokodos sur an nuknuk lenri un mot rop, uni mot kis mulus una nuknuking. Dat rop dat tur tomo una pinapam ra o God i pitar tari tang una nun a marmaris. Dat tur tomo ra a kis una karabus, ra a wasiso balu det ra det watung laulau a Wakak na Wasiso, ra a upuaso i torom a taro. 8 O God i tasmani lena, a nem doko i sur an tama mot rop, uni a nem doko mot nama marmaris anun o Karisito Iesu.\n9 A wararing sur anumot a marmaris in labo ma in labo bing, ma a mananos ma a tastasman in lubung una numot a nilaun. 10 1 Tes 5:23Ra in lenra, mot in pet lari sur mot in tasman lele asau ra i wakak o ke wakak, sur a magiramot in tokodos umatan o God, ma katu etakun in los mot una bung ra o Karisito in nanpat. 11 Ma a wararing sur mot in bukus nama tokodosino, ra o Iesu Karisito in pam pati una numot a nilaun, sur a taro det in watung ulabo pas o God, ma det in rakon lekeleke pasi.\nA kinkinis anun o Pol una karabus i ulubung a Wakak na Wasiso\n12 A kum tistising, a nemi sur mot in tasmani lena, a kum mamaut ra a taramo i, i ulubung a Wakak na Wasiso sur in nan sarara. 13 Ap 28:30Uni i talapor torom a kum tene inaim rop ra det tamtamabat a rumu anun a king, ma torom a taro rop kai lena, a kis una karabus uni iau anun o Karisito. 14 Anung a kinkinis na karabus i sa uragot a susut na taro ra met nisnisino una Labino, ma ka det ngara sur det in wasiso puaso nama wasiso anun o God nama dekdek.\n15 A lingmulus, ara taro det warawai un o Karisito uni det nuknuk laulau un iau. Ma ara taro kai, det warawai uni det nem na turbat iau gusun anung a kinkinis na mugumugu. Ikut, ara taro det warawai nama wakak na nuknukin det. 16 Det warawai uni a marmaris i kis un det. Det tasmani lena, a kis una karabus sur an wasiso balu a taro ra det watung laulau a Wakak na Wasiso. 17 Ikut ara taro det warawai un o Karisito uni det nem na ulabo pas det ut, ma ke lingmulus a nuknukin det. Det nem na wot meleti kut anung a kum mamaut, ra a kis una karabus. 18 Ikut katu utna ra det warawai nama sakino nuknuk, o a wakak na nuknuk. Det rop ri det warawai kut un o Karisito. Iri a kibino ra a gas.\nA lingmulus, an gas bolbolos, 19 2 Kor 1:11uni a tasmani lena, una numot a kum niaring, ma a warut anun a Nion o Iesu Karisito, asau ra i wanpat un iau din pukusi sur an langolango. 20 A nurnur lena, kan pam tu utna ra an maimai uni. An tur dekdek ma kan ngara, sur an ulabo pas o Karisito una nung a kum petutna rop elar nami ra numugu a ser pami. Sako an laun o an mat, an ulabo pasi ut. 21 Gal 2:20Uni a nuknuking i lenri: Ra a laun, a laun sur o Karisito. Ra an mat, an rakon pas a labino utna sakit. 22 Ra a laun, anung a pinapam in wu a wakak na wino. Ka tasmani osi na pasander mo ra an pilok pasi, a nilaun, o a minat. 23 2 Kor 5:8Aru nuknuking. Ara, a nem doko i, sur an nan ma an kis tomo nam o Karisito, i ra i wakak sakit tan ara pasander. 24 Ikut i wakak sakit sur an laun, ra an warut mot. 25 A tasman mulusi lena, an laun ma an kis tomo nam mot, sur mot in lubung, ma mot in gas una nurnur. 26 Ra dat in tamtama tomo melet, anumot a gasgas un o Karisito Iesu in bukus ma in tiltilingis, kibino un iau.\n27 Ep 4:1; 1 Tes 2:12Asau ra in nanpat, anumot a nilaun in mur sot pas a Wakak na Wasiso anun o Karisito. Ra an nan sur an tama mot, o ra an kis bakbak ma an longoro i kut a wasiso un mot, an tasmani lena, mot tur dekdek un ara nuknuk sot kut, ra mot papam tomo nam ara nuknuki mot kut sur a taro det in nurnur una Wakak na Wasiso, 28 ma ka mot in ngaran a kum ebar. Iri a ukinalong torom anumot a kum ebar ra det in iru, ikut torom mot, o God in ulaun mot. O God ut in pam a kum utna ra. 29 Ap 16:19-40Uni o God i udan mot. Awu sur i udan mot nama numot a nurnur kut un o Karisito, awu, i udan mot nama mamaut kai, ra mot taramo i uni mot tagun o Karisito. 30 Mot taramo a mamaut uni mot sa tur tomo nam iau una inaim. A inaim ra numugu mot tama i ra a pami, ma uniri mot longoro i ra a ser pami utmakai.","id":"","dump":"CC-MAIN-2019-39","url":"https:\/\/ebible.org\/kqw\/PHP01.htm","date":"2019-09-18T18:15:16Z","file_path":"s3:\/\/commoncrawl\/crawl-data\/CC-MAIN-2019-39\/segments\/1568514573323.60\/warc\/CC-MAIN-20190918172932-20190918194932-00404.warc.gz","language":"kqw","language_score":0.9999980927,"language_script":"Latn","minhash_cluster_size":5,"top_langs":"{\"kqw_Latn_score\": 0.9999980926513672}","num_words":1329,"character_repetition_ratio":0.07,"word_repetition_ratio":0.0,"special_characters_ratio":0.27,"stopwords_ratio":0.502,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"A Pas anun o Pol torom a taro\nGalesia\nA wasiso talapor mugu\nO Pol i tumus a buk ri torom a taro ra det kis una kum tamon tong una papor Galesia. Numugu o Pol i wan tuptupukus una kum tamon tong o Galesia ma i warawai nama Wakak na Wasiso torom det. A taro na lotu tong o Galesia awu sur det a taro Juda, ra o Pol i inanos det lena, ra det in nurnur kut un o Iesu, o God in ulaun pas det. Ma katu kisapi melet mo sur o God in ulaun pas det uni.\nNumur a taro Juda det wanpat ma det watungi lena a wasiso anun o Pol ke tokodos. Det watungi lena a taro na nurnur det in mur a kum Warkurai anun o Moses, sur det in tokodos umatan o God. Det watungi lena din tok talilis a taro na nurnur rop. A tinotok talilis, a ukinalong sur det in elar nama taro Juda ra det in mur rop a kum Warkurai anun o Moses ma anun a taro Juda. Ra o Pol i longoro i, i kankan doko. I watungi lena, ra gunuk dat tokodos uni dat mur a kum Warkurai anun o Moses, a minat anun o Iesu in utna oros kut, ma ken pet lar pasi sur in unus ru anundat a kum sakino petutna. O Pol i wasiso dekdek torom a taro Galesia una buk ri. I nemi sur det in nan gisen gusun a kum etowo anun a kum torotoro na tene ususer, ma det in nurnur kut un o Iesu.\nA inawan ina Pas Galesia:\nAra Wakak na Wasiso kut (1:1-10)\nO Pol i wanpat a aposel mulus (1:11-2:21)\nO God in ulaun dat kibino una nundat a nurnur kut un o Iesu, awu sur i kibino ra dat mur a kum Warkurai (3:1-4:31)\nDat langolango gusun a dekdekin a sakino petutna ma dat in mur a nemnem ina Tokodos na Nion (5:1-6:10)\nA ururop na wasiso anun o Pol torom det (6:11-18)\n1\n1 Iau o Pol, a aposel, a tumus a pas ri torom mot. Katutaio taginin upiso i pilok pas iau sur an aposel, ma awu sur a taro kai det tulu iau sur an pam a pinapam ri. O Iesu Karisito ut ma o God o Tamano der tulu iau, o God ra i ukatutur melet pas o Iesu gusun a minat. 2 A kum tistising rop ra met kis tomo nin, det mulaot tomo nam iau sur an tumus a pas ri torom mot, a kum tene nurnur rop tiro una papor Galesia.\n3 A marmaris ma a malmal tan o God a Tamandat ma a Labino o Iesu Karisito in kis tomo nam mot. 4 Gal 2:20O Iesu i ubek ru anun a nilaun una anundat a kum sakino petutna, sur in ulaun dat gusun a kum sakino petutna ra a taro det pami una kum kilalo ri. I elar nama nemnem anun anundat a God a Tamandat. 5 Dat in ulabo pasi ma ken rop. Amen.\nAra Wakak na Wasiso kut\n6 A kisin doko lena, ke suano i ra mot sa wan gisen pas gusun o God, i ra i kabo pas mot una marmaris anun o Karisito. Ra uniri, mot sa tupukus sur a se etowo. 7 Ap 15:1, 24A etowo ra, awu sur a Wakak na Wasiso. Ara taro det ulokolokor a nuknuki mot ma det lari sur det in pukus a Wakak na Wasiso anun o Karisito. 8 1 Kor 16:22Ikut ra met ut, o tu ensel kai tagisapat una langit in warawai nam tu se etowo, ra ke elar nama Wakak na Wasiso ra met sa warawai taru nami torom mot, i wakak ra in iru tukum una warkurai anun o God. 9 A sa inanos mugu tar mot, ma iri an watung meleti lena, ra taio in warawai torom mot nam tu etowo ra ke elar nama Wakak na Wasiso ra mot sa utur ukai pasi, i wakak ra in iru tukum una warkurai anun o God!\n10 1 Tes 2:4Ka nemi sur a taro det in ulabo pas iau, a nemi sur o God ut in gas nam iau. Ka nem na ugasgas a taro kut. Ra an ugasgas a taro kut, awu sur iau a tultul anun o Karisito.\nO God ut i kabo pas o Pol\n11 Mt 16:17A kum tistising, a nemi sur mot in tasmani lena a Wakak na Wasiso ra a warawai nami, awu sur a etowo ra tan a taro taginin upiso. 12 Ka losi tan a taro, ma katu musano kai i ususer iau nami. O Iesu Karisito ut i upuaso tari tang.\n13 Ap 8:3Mot sa longoro tar anung a ngas na nilaun tagitiro numugu, ra a tur dekdek una lotu Juda, ma a ser ban laulau a taro na nurnur anun o God, ma a lari sur an kamar ru det. 14 Ap 22:3A tur dekdek una lotu Juda, ma anung a mananos una lotu i labo taun det rop ra anumet a kilalo i elar. A dekdek doko sur an mur wakak a kum petutna anun a taro Juda tagun numugu. 15 Ais 49:1; Gal 2:7Ikut, o God i sa pilok tar iau, ra ka di usus iau utmakai, ma una nun a marmaris, i kabo pas iau. Ma i nemi 16 sur in upuaso o Iesu a Nutunu torom iau, sur an warawai nami torom a taro ra awu sur a taro Juda. Katu musano i ususer iau uni. 17 Ma ka wan usapat o Jerusalem sur det ra det sa aposel mugu tang det in ususer iau, awu. A wan mut utong o Arebia, ra numur a milet melet sur a tamon Damaskus.\n18 Ap 9:26Ra a tulu kilalo i sa rop, a wan maragom usapat o Jerusalem sur an tama o Pita, ma a kis tomo nami a noino ma limo na bung. 19 Ka tama a ramano kum aposel kai, o Pita kut der nam o Jems a tisin a Labino. 20 Tama i! A liliman umatan o God lena a utna ri a tumusi torom mot i lingmulus ut, ka toro!\n21 Ap 9:30Numur a wan utong una papor Siria, ma una papor Silisia. 22 Ikut a taro na lotu anun o Karisito tong una papor Judia ka det tasman iau. 23 Det longoro i kut a taro ra det wasiso puaso un iau lena, \"A musano ra i nem na ban laulau dat, uniri i warawai mukut nama petutna na nurnur, ra numugu i nem na kamar tari.\" 24 Ra det watung ulabo pas o God uni i papam una nung a nilaun.","id":"","dump":"CC-MAIN-2019-39","url":"https:\/\/ebible.org\/kqw\/GAL01.htm","date":"2019-09-22T07:46:43Z","file_path":"s3:\/\/commoncrawl\/crawl-data\/CC-MAIN-2019-39\/segments\/1568514575402.81\/warc\/CC-MAIN-20190922073800-20190922095800-00462.warc.gz","language":"kqw","language_score":0.9999964237,"language_script":"Latn","minhash_cluster_size":5,"top_langs":"{\"kqw_Latn_score\": 0.9999964237213135}","num_words":1075,"character_repetition_ratio":0.062,"word_repetition_ratio":0.004,"special_characters_ratio":0.269,"stopwords_ratio":0.484,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"A Mugano Pas\nanun o Pol torom\no Timoti\nA wasiso talapor mugu\nA buk ri, a mugano pas anun o Pol torom o Timoti. O Timoti tagitong una papor Asia. O nano a ino Juda ma o tamano a te Grik. Una manru na inawan anun o Pol, i pilok pas o Timoti sur der in nan tomo, ma der in papam tomo (tama Ap 16:1-3). Numur o Pol i ubek tar o Timoti sur in tene tamtamabat anun a taro na lotu tong o Epeses.\nUna buk ri, o Pol i inanos o Timoti lena in tamtamabat a taro na lotu gusun a kum torotoro na tene ususer, sako det in ban laulau a nurnur anun a taro. I inanosi kai una wakak na etowo, ma un osi na ngas na taro ra det in pilok pas det, sur det a kum tene pinapam na lotu, ma una wakak na petutna ra in muri.\nA inawan ina Mugano Pas Timoti:\nA turturkibin ina buk ri (1:1-2)\nO Timoti in turbat a kum torotoro na etowo (1:3-20)\nA kisapi na lotu (2:1-15)\nA kum mugumugu na lotu (3:1-16)\nO Timoti in tamtamabati ut, sur in nanpat a wakak na tene pinapam (4:1-16)\nA etowo torom o Timoti una nun a pinapam (5:1-6:21)\n1\n1 Iau o Pol, a aposel anun o Karisito Iesu, una itula anun o God, anundat a Tene Ulaun, ma o Karisito Iesu, o naro ra dat kis langlang suri nama nurnur. 2 Ap 16:1-3; Tai 1:4A tumus a pas ri torom ui Timoti, a nutunglik mulus una nurnur. A marmaris ma a wakak na petutna ma a balano molmol, tan o God a Tamandat ma o Karisito Iesu anundat a Labino in kis torom ui.\nO Pol i inanos o Timoti sur in turbat a kum torotoro na etowo\n3 Uniri a udekdek melet ui sur un kis ut tiro o Epeses, elar nami ra a sa watung tari tam, ra a wan utong o Masedonia. Un kis sur un turbat det ra det ususer a taro nam lako kum torotoro na etowo. 4 1 Tim 4:7; Tai 1:14Ma gong det balon una kum etowo ororos kut, ma a kum utatos, ra katu ururopino. I ulabo i kut a wasiso na engaras, ma ke warut a pinapam anun o God. A pinapam anun o God i lubung kut una nurnur. 5 A watungi lenra, sur a marmaris in lubung epotor tandat etetalai. A marmaris ra, i wan tagun a tokodos na balandat, ma a wakak na nuknukin dat, ma a lingmulus na nurnur. 6 A ramano taro det sa wan gisen gusun a kum wakak na petutna ri, ma det mur a kum wasiso ororos mukut. 7 Det nemi sur det in ususer a taro una kum Warkurai anun o God, ra det nuki lena det tasman wakaki, ikut ka det tasman mulus asau ra det wasiso uni.\n8 Rom 7:12, 16Dat tasmani lena, a Warkurai anun o Moses i wakak, ra din papam wakak nami. 9 Dat tasmani lena, a Warkurai awu sur di pitari sur a kum tene tokodos, awu. Di pitari kut sur a ngas na taro lenri: det ra det lakai a kum warkurai, a kum tene rosumur, det ra ka det mur a petutna ra i wakak umatan o God, a kum tene sakino, det ra det dur umatan o God, det ra ka det ser ru o God, det ra det um doko a taro, det ra det um doko a kum tamtaman det o a kum nanan det, 10 det ra det pam a sakino nam tu ino anun taio o nam tu musano anun taio, a kum musano ra det nolin melet kut nama kum musano, det ra det pam sikot pas a taro sur det in siuru det, a kum tene torotoro, det ra det liliman torotoro, ma det rop ra det pam a kum utna ra ke elar nama tokodos na etowo anun o God. 11 A tokodos na etowo i kis una Wakak na Wasiso, ra o God i pitar tari tang sur an wasiso talapor nami. A Wakak na Wasiso ri, i wan tagisapat tan o God, a God na minamar ra i dan tukum.\nO Pol i watung ulabo a marmaris anun o God\n12 Ap 9:15; Gal 1:15-16; 1 Kor 15:9-10A watung wakak torom o Karisito Iesu anundat a Labino, ra i pitar tar a dekdek tang. A watung wakak toromi uni i nurnur un iau, ma i ubek tar iau sur an papam toromi. 13 Ap 8:3; 9:1-5Numugu a ser watung laulau o Iesu, a ban laulau a taro na nurnur ma a ukadik det. Ikut o God i maris iau, uni ka tasman asau ra a pami, ma ka nurnur utmakai. 14 Anundat a Labino i ese anun a labino marmaris torom iau, ra i pitar tar a nurnur ma a wakak na petutna torom iau. A etabor ri, i kibino un o Karisito Iesu.\n15 Lk 19:10I wan pirso urin una rakrakon bual sur in ulaun a kum tene sakino. A wasiso ri i lingmulus sakit, ma dat in nurnur uni. Ma iau, a laulau sakit tan a kum tene sakino rop. 16 Ikut o God i maris iau, sur o Karisito Iesu in ese anun a wowowon na petutna torom iau, ra a laulau sakit tan a kum tene sakino rop. I ulaun iau ma i unus ru anung a kum sakino petutna. Lenra, a wanpat a wakak na malalar, sur a taro det in tama asau ra o Iesu i pami un iau, ma det in nurnur un o Iesu, ma det in rakon a nilaun tukum. 17 Dat in pitar a urur ma a wasiso na ululabo torom a King ra i laun tukum, ma ken mat, i ra ka dat tama i, ra i sot kut a God. A wasiso na ululabo toromi ken rop ma ken rop. Amen.\n18 Timoti a nutunglik, a kum etowo ri ra a pitari tam, i elar nama wasiso na poropet ra di sa watung tari un ui ra det wararing un ui. Ra un mur a kum etowo ri, ui ara wakak na tene inaim nama Wakak na Wasiso. 19 Un tur dekdek una num a nurnur, ma un mur a wakak na nuknuk. A ramano taro ka det pami lenri, ra anundet a nurnur i puku elar nama sip ra a top i rapus regerege ru i. 20 2 Tim 4:14-15; 1 Kor 5:5O Emeneus ma o Aleksanda aru tagun det, ma a sa pitar tar der ulaman o Satan, sur der in tasmani lena, gong melet mo der watung laulau o God.","id":"","dump":"CC-MAIN-2019-39","url":"https:\/\/ebible.org\/kqw\/1TI01.htm","date":"2019-09-22T07:50:37Z","file_path":"s3:\/\/commoncrawl\/crawl-data\/CC-MAIN-2019-39\/segments\/1568514575402.81\/warc\/CC-MAIN-20190922073800-20190922095800-00466.warc.gz","language":"kqw","language_score":0.9999835491,"language_script":"Latn","minhash_cluster_size":4,"top_langs":"{\"kqw_Latn_score\": 0.999983549118042}","num_words":1068,"character_repetition_ratio":0.061,"word_repetition_ratio":0.0,"special_characters_ratio":0.274,"stopwords_ratio":0.487,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"A Mugano Pas\nanun o Pol torom a taro\nTesalonaika\nA wasiso talapor mugu\nRa o Pol i kis tong o Korin i tumus a pas ri, a mugano pas torom a taro na lotu tong o Tesalonaika.\nO Tesalonaika a labino tamon una papor Masedonia. Una mantul na inawan anun o Pol i wanpat tong o Tesalonaika ra i warawai torom det (tama Ap 17:1-14). Ara taro ra det nukpukus, det tagun a taro Juda, ma a susut tandet tagun a kum se kabotaro. A kum mugumugu anun a taro Juda tong o Tesalonaika det kankan uni a ramano taro tagun det, det sa nurnur un o Iesu. Ra det lu ru o Pol gusun anundet a tamon, ma i wan utong o Beria. Numur i tulu ru o Timoti torom det, ra o Timoti i inanos o Pol un det.\nUna pas ri o Pol i watung wakak torom o God, uni a taro Tesalonaika det tur dekdek una nurnur ra det etorom a kum mamaut, ma det nem o Pol. Una pas ri, o Pol i nem na udekdek anundet a nurnur, ma i balu i kai anundet a kum iting una minat.\nA inawan ina Mugano Pas Tesalonaika:\nA turturkibin ina buk ri (1:1)\nO Pol i gas nama taro Tesalonaika (1:2-10)\nA pinapam anun o Pol tong o Tesalonaika (2:1-3:13)\nA ngas na nilaun ra in ugasgas o God (4:1-12)\nA inawan pat melet anun a Labino (4:13-5:11)\nA ururop na wasiso anun o Pol torom det (5:12-28)\n1\n1 Ap 17:1-9Iau o Pol, o Sailas, ma o Timoti, metul tumtumus torom mot a taro na lotu tong o Tesalonaika, mot ra mot laun un o God a Tamandat ma a Labino o Iesu Karisito. A marmaris ma a malmal torom mot.\nA nilaun ma a nurnur anun a taro Tesalonaika\n2 1 Kor 13:13; Kol 1:4-6Metul ser watung wakak torom o God un mot rop, ma metul ser pitar tar mot torom o God una numetul a kum niaring. 3 Ra metul ser wararing torom anundat a God a Tamandat, metul nuk pas anumot a kum pinapam ra anumot a nurnur i pam pati, ma metul nuk pas a kum dekdek na pinapam ra anumot a marmaris i pam pati, ma metul nuk pasi kai, anumot a tuntunur dekdek, ra anumot a kinkinis langlang nama nurnur una Labino o Iesu Karisito i pam pati.\n4 A kum tistisi metul, mot ra o God i maris mot, metul tasmani lena i sa pilok pas mot, 5 1 Kor 2:4-5uni a Wakak na Wasiso ra metul upuaso i, awu sur i wanpat torom mot elar nama wasiso kut, awu. I wanpat tomo nama dekdek ma a Tokodos na Nion, ma mot longoro lele i ra mot pam ukai i una balamot. Ra metul laun nisamot, mot tasman wakak a magirametul, ra metul ser upuaso i sur in uwakak mot. 6 Ap 17:5-9Mot sa mur pas a magirametul ma a magiran a Labino. A taro det ban laulau mot, ikut mot pam ukai a wasiso nama gasgas, ra a Tokodos na Nion i pitar tari tamot. 7 Mot ese a ngasino ra i wakak sur a taro na nurnur rop tiro una aru papor, o Masedonia ma o Akaia, det in muri. 8 A wasiso anun a Labino ra mot upuaso i, i sa wan sarara, elar nama tinangis ina garamut, ra i wan bakbak. Awu sur tiro kut o Masedonia ma o Akaia, awu. A kum tamon rop det sa tasman anumot a nurnur un o God. Asau melet mo ra metul in watungi? 9 Uni det ut det wasiso talapor una numot a wakak na petutna ra mot gas pas metul. Ma det wasiso talapor kai un mot lena, mot sa tupukus torom o God, ma ka mot lotu mo torom a kum torotoro na god. Mot papam mo torom o God, i ra a lingmulusino ma i laun. 10 Ra mot kis langlang sur o Nutunu, ra in nan pirso tagisapat una langit, i ra o God i sa ukatutur melet pasi gusun a minat. O naro ra, o Iesu, ra i ulaun pas dat gusun a kankan anun o God, ra in nanpat.","id":"","dump":"CC-MAIN-2019-39","url":"https:\/\/ebible.org\/kqw\/1TH01.htm","date":"2019-09-20T01:08:48Z","file_path":"s3:\/\/commoncrawl\/crawl-data\/CC-MAIN-2019-39\/segments\/1568514573801.14\/warc\/CC-MAIN-20190920005656-20190920031656-00033.warc.gz","language":"kqw","language_score":0.9999732971,"language_script":"Latn","minhash_cluster_size":2,"top_langs":"{\"kqw_Latn_score\": 0.9999732971191406}","num_words":679,"character_repetition_ratio":0.066,"word_repetition_ratio":0.0,"special_characters_ratio":0.264,"stopwords_ratio":0.517,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"A Manru na Pas\nanun\no Jon\nA wasiso talapor mugu\nA pas ri o Jon i tumusi. I tumusi torom ara ino, ikut a susut na tene mananos det nuki lena, a ino ma a kum nutnutunu a wasiso elelar una lotu ma a kum tene nurnur.\nUna pas ri, i inanos det lena, det in nem etetalai det, ra det in tamtamabat det gusun a kum torotoro na tene ususer.\nA inawan ina Manru na Pas anun o Jon:\nA turturkibin ina buk ri (1-3)\nA marmaris (4-6)\nA utumarong una kum tene torotoro (7-11)\nA ururop na wasiso (12-13)\n1\n1 Iau o Jon, ara mugumugu, a tumtumus torom ui, a ino ra o God i sa pilok pas ui, tomo nama kum nutnutum, ra a nem mulus mot. Awu sur iau kut, met rop kai ra met tasman a lingmulusino met nem mot. 2 Met nem mot kibino una lingmulusino ra kuri un dat, ma in kis tukum un dat.\n3 A marmaris, a wakak na petutna ma a malmal tan o God a Tamandat ma o Iesu Karisito o Nutunu, in kis torom dat ra dat kis una lingmulusino ma dat nem etetalai dat.\nDat in nem etetalai dat\n4 3 Jon 1:3A gas doko ra a longoro i lena, a ramano kum nutnutum, det mur a lingmulusino, elar nama warkurai ra a Tamandat i sa pitar tari torom dat. 5 1 Jon 2:7A wakak na ino, uniri a saring ui, sur dat in nem etetalai dat. Awu sur a tumus tu matok na warkurai torom ui, awu. A warkurai kut ra dat sa longoro tari tagun numugu. 6 Ra dat nem a taro dat in ese i lenri: Dat in mur a kum warkurai anun o God. Anun a warkurai, ra tagun numugu mot sa longoro tari i lenri, mot in mur a petutna na marmaris.\nMot in tumarong mot gusun a kum tene torotoro\n7 1 Jon 4:1-3A susut na tene torotoro det sa wan sarara nin una rakrakon bual. Det ipul kut lena, o Iesu Karisito awu sur i wanpat a musano mulus. A ngas na musano ra, i a tene torotoro, ma a ebar anun o Karisito. 8 Mot in tumarong mot sur gong mot ubek ru asau ra mot sa dekdek pasi. Mot in tur dekdek sur mot in los pas anumot a kudulano ikul. 9 Osi ra i wan gisen pas gusun a kum etowo anun o Karisito ma ke muri, o God awu sur kura uni. Ikut osi ra i mur a kum etowo ri, a Tamandat ma o Nutunu kura der uni. 10 Ra taio in nan torom mot nam tu ngas na etowo gisen, gong mot gas pasi ma gong mot ben ruki una numot a kum rumu. 11 Osi ra i gas pasi, i ara pasano una nun a kum sakino pinapam.\nA ururop na wasiso\n12 A susut na utna ra an tumusi torom mot, ikut ka nemi sur an tumtumus una dono pepa namin nepen. A nuki sur an nan ut torom mot, ma dat ut dat in wasiso tomo, sur anundat a gasgas in bukus.\n13 A kum nutnutun o tisim ino, ra o God i sa pilok pasi, det pitar anundet a marmaris torom ui.","id":"","dump":"CC-MAIN-2019-39","url":"https:\/\/ebible.org\/kqw\/2JN01.htm","date":"2019-09-17T06:19:15Z","file_path":"s3:\/\/commoncrawl\/crawl-data\/CC-MAIN-2019-39\/segments\/1568514573053.13\/warc\/CC-MAIN-20190917061226-20190917083226-00034.warc.gz","language":"kqw","language_score":0.9999979734,"language_script":"Latn","minhash_cluster_size":2,"top_langs":"{\"kqw_Latn_score\": 0.9999979734420776}","num_words":523,"character_repetition_ratio":0.063,"word_repetition_ratio":0.0,"special_characters_ratio":0.264,"stopwords_ratio":0.467,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"A Manru na Pas\nanun\no Pita\nA wasiso talapor mugu\nA pas ri a manru na pas anun o Pita torom a taro na nurnur, ra det kis una kum tamon. I tumus a pas ri, sur in utumarong det gusun a kum torotoro na tene ususer. A kum tene torotoro ri det ben raro a taro na nurnur. Det watungi lena, i wakak kut ra det in pam a sakino petutna, ra det watungi kai lena, o Iesu ken nanpat melet mo.\nO Pita i inanos det melet un o Iesu sur det in tur dekdek una nurnur. O Iesu ke wanpat utmakai, uni i nemi sur a taro rop det in nukpukus.\nA inawan ina Manru na Pas anun o Pita:\nA turturkibin ina buk ri (1:1-2)\nDat in laun elar nama taro anun o God (1:3-15)\nA wasiso un o Iesu Karisito i lingmulus (1:16-21)\nA utumarong una kum torotoro na tene ususer (2:1-22)\nA inawan pat melet anun a Labino (3:1-18)\n1\n1 Iau o Saimon Pita, a tultul ma aposel anun o Iesu Karisito. A tumtumus torom mot, ra o God i sa tabor tar mot nama wakak na nurnur, elar nami ra i tabor met kai nami, kibino una tokodos na petutna anun o Iesu Karisito, i ra a God anundat, ma anundat a Tene Ulaun. 2 A marmaris ma a malmal in bukus un mot, uni mot tasman o God ma o Iesu anundat a Labino.\nDat in laun elar nama taro anun o God\n3 Una dekdekin o God, i tabor dat nama kum utna rop ra dat sibo suri, sur dat in laun wakak, ma dat in mur a petutna ra i wakak umatan o God, uni dat tasman o God, i ra i kabo pas dat, sur dat in los anun a minamar ma a wakak na magirano. 4 I tabor dat nama kum liliman ra i wakak doko ma i labo doko, kibino una nun a minamar ma a wakak na magirano. I sa liliman taru sur mot in pet lar pasi, sur mot in rakon a magiran o God ma anun a nilaun kai, ma sur mot in walip gusun a utna tagun a rakrakon bual ra in ban laulau mot, ra i ser wanpat tagun a kum laulau na nemnem.\n5 Iri a kibino ra mot in dekdek sur mot in palataun anumot a nurnur nama wakak na petutna. Ma mot in palataun a wakak na petutna nama mananos un o God. 6 Gal 5:22-23Ma mot in palataun a mananos un o God nama petutna ra mot tamtamabat wakak anumot a nilaun. Ma mot in palataun a petutna ra, nama tuntunur dekdek. Ma mot in palataun a tuntunur dekdek nama petutna ra i wakak umatan o God. 7 Ma mot in palataun a petutna ra i wakak umatan o God, nama marmaris torom a kum tistisi mot una nurnur. Ma mot in palataun a marmaris ra, nama marmaris kai torom a taro rop. 8 Ra a kum petutna ri kura un mot, ma det lubung una numot a nilaun, anumot a mananos un anundat a Labino o Iesu Karisito ken utna oros, ma in wu a wino. 9 Ikut, osi ra a kum ngasino ri ke kis uni, i sa gawul in matano ma i sa pulu, ma i sa dumano ru i lena o God i sa gos talapor tari gusun a kum sakino petutna ra i pam tari.\n10 I mo ra a kum tistising, mot in papam dekdek sur mot in ese i una numot a nilaun lena, o God i sa kabo pas mot ma i pilok pas mot. Ra mot in pami lenra, ka mot in puku, 11 ma o Iesu Karisito, anundat a Labino ma anundat a Tene Ulaun in ben ruk mot nama gasgas una nun a matanitu ra ken rop.\n12 Mot sa tasman a kum utna ri, ma mot sa tur dekdek una lingmulus na etowo ra mot sa los pasi, ikut i wakak ra an unuk tar mot melet nami. 13 2 Kor 5:1; Jn 21:18-19Ra a laun utmakai una pining, a nuki lena, i tokodos sur an wangun melet tar a nuknuki mot una kum utna ri. 14 Uni a tasmani lena, i sa milau sur an nan gusun a pining ri, elar nami ra anundat a Labino o Iesu Karisito i sa upuaso tari tang. 15 A lingmulus, an dekdek sur an unuk tar mot una kum utna ri, sur mot in nuk ukai det ra a sa mat.\nMet sa tama tar a minamar anun o Karisito\n16 Mt 17:1-5Ra met inanos mot una dekdek in anundat a Labino o Iesu Karisito, ma anun a inawan pat melet, awu sur met saksakutna oros kut nama kum saksakutna ra met nuk pas det kut, awu. Met ut met sa tama tar anun a minamar nama matmata met. 17 Mt 17:5O God o Tamano i ulabo pas a risano ma i pitar a minamar tano, ra i wasiso namin walngano tagisapat una nun a labino minamar. I watungi lenri, \"Iri a Nutunglik, a nat na wakak, a gas doko nami.\" 18 Ma metul ut, metul sa longoro tar in nalngano ri, ra i wan tagisapat una langit una bung ra met kis tomo nami sapat una tangai anun o God.\n19 A kum utna ra met tama i, i ulingmulus pas a wasiso anun a kum poropet torom dat, ma i wakak sur mot in longoro i. Uni a wasiso anun a kum poropet i elar nama lam ra i kunabor una dumirum, tuk una lar, ra in borodo in utalapor anumot a nilaun. 20 Ara labino utna ri mot in tasmani lena, katu wasiso na poropet una Buk Tabu i wanpat tagun a nuknukin tu poropet. 21 2 Tim 3:16; 1 Pit 1:11-12Uni katu wasiso na poropet i wanpat kut tagun a nuknukin tu musano, awu. A Tokodos na Nion ut, i mugu a taro ra det wasiso nama wasiso tan o God.","id":"","dump":"CC-MAIN-2019-39","url":"https:\/\/ebible.org\/kqw\/2PE01.htm","date":"2019-09-23T11:00:53Z","file_path":"s3:\/\/commoncrawl\/crawl-data\/CC-MAIN-2019-39\/segments\/1568514576355.92\/warc\/CC-MAIN-20190923105314-20190923131314-00387.warc.gz","language":"kqw","language_score":0.9999978542,"language_script":"Latn","minhash_cluster_size":5,"top_langs":"{\"kqw_Latn_score\": 0.9999978542327881}","num_words":967,"character_repetition_ratio":0.073,"word_repetition_ratio":0.0,"special_characters_ratio":0.264,"stopwords_ratio":0.498,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"A Pas anun o Pol torom a taro\nEpeses\nA wasiso talapor mugu\nRa o Pol i kis una karabus tong o Rom, i tumus a wat na pas: Ara torom a taro Epeses, ara torom a taro Pilipai, ara torom a taro Kolosi ma ara kai torom o Pilimon.\nI tumus a pas ri torom a taro na lotu tong o Epeses, sur det in luki, ma numur det in pitari torom a taro gisen kai.\nO Epeses i ara labino tamon una papor Asia. A taro tagun a tamon ra, det nem doko a mani, ma det ser lotu torom a torotoro na god a ino, di watungi o Artemis. Det pam ara labino rumu na lotu anun o Artemis (tama Ap 19:17).\nUna manru na inawan anun o Pol, i warawai torom a taro Juda, ra det kis tong o Epeses (tama Ap 18:18-21). Ra numur una nun a mantul na inawan, i milet melet utong o Epeses, ra i kis tiro iai a tulu kilalo, ra i ususer a taro, ra det sa nukpukus pas, ma det nurnur un o Iesu (tama Ap 19). A ramano taro na nurnur, det a kum te Juda, ma a ramano taro awu. O Pol i ususer det lena, un o Iesu Karisito dat takai kut, a taro Juda ma a taro gisen kai. I ususer det nama tulu wasiso elelar ri:\nDat elar nama pinin o Karisito, ma i in lorindat.\nDat elar nama rumu anun o God, ma o Iesu i a wakak na wat, ra i udekdek a rumu.\nDat elar nama ino ra di waninari sur in nolin.\nA inawan ina Buk Epeses:\nA turturkibin ina buk ri (1:1-2)\nDat ra tagun o Karisito, dat in takai kut (1:3-3:21)\nA tuntunur tomo anun a taro na lotu (4:1-16)\nA matok na nilaun un o Karisito (4:17-5:20)\nDat in unatino pas dat torom dat etetalai (5:21-6:10)\nA kum ememar na inaim anun a te Karisito (6:11-20)\nA ururop na wasiso anun o Pol torom a taro Epeses (6:21-24)\n1\n1 Ap 18:19-21; 19:1Iau o Pol, a aposel anun o Karisito Iesu una nemnem anun o God. A tumus a pas ri torom mot a taro anun o God ra mot kis tiro o Epeses, mot a kum lingmulus na tene nurnur un o Karisito Iesu.\n2 A marmaris ma a malmal tan o God a Tamandat ma a Labino o Iesu Karisito in kis tomo nam mot.\nUn o Karisito, o God i udan dat nama kum utna na nion\n3 Ep 2:6Dat in watung ulabo pas o God, a Taman anundat a Labino o Iesu Karisito. I udan dat nama kum utna na nion rop tagisapat una langit, ra dat tagun o Karisito. 4 Jn 15:16Numugu utmakai ra o God ke ukisi utmakai a rakrakon bual, i sa pilok tar dat, sur dat anun a taro, ma katu etakun in los dat umatano, uni dat kis un o Karisito.\n5 Jn 1:12Una nun a marmaris, numugu utmakai i sa tasmani lena in ras pas dat sur dat a kum nutnutunu, una pinapam anun o Iesu Karisito ra i ulaun dat. Una nun a nemnem ut ma una nun a gasgas i pami lenri. 6 Ra dat in watung ulabo pas o God una nun a wakak na marmaris ra i tabor oros tar dat nami, una Nutunu ra i maris doko i. 7 Ep 2:7; Kol 1:14O Karisito i mat, ra a gapino i kul langolango pas dat, ma o God i unus ru anundat a kum sakino petutna. A marmaris ra, anun o God i labo sakit, 8 ma i ser tabor liklik dat nami, tomo nama mananos rop ma a wakak na nuknuk.\n9 Rom 16:25O God i ese dat una kum utna ra numugu i kis eno, ma in pami un o Karisito. Una kum utna ra, i muri ut anun a nemnem, ma i gas nami. 10 Kol 1:16, 20Anun a nemnem i lenri: In dat tomo a kum utna rop sapat netes una langit ma nin upiso, sur det rop det in kis utuntudu ina warkurai anun o Karisito. Ra a bung in sot in pam sot pasi ut.\n11 Rom 8:28-29A kum utna rop ra o God i ser pami, i pami elar ut nam anun a nemnem ma a nuknukino. Numugu utmakai i pilok pas met a taro Juda, sur met tagun o Karisito, elar ut nam anun a nemnem. 12 I pilok pas met, a mugano taro ra met nurnur un o Karisito, sur met in watung ulabo pas o God kibino una nun a minamar. 13 Ma mot kai tagun o Karisito, uni mot longoro a lingmulus na wasiso ri, a Wakak na Wasiso lena o God in ulaun pas mot. Ra mot nurnur un o Karisito, o God i ubek tar anun a ukinalong un mot, a Tokodos na Nion, ra i sa uliliman mugu taru uni. 14 2 Kor 1:22A Tokodos na Nion i a mugano etabor, sur in ulingmulus anun a liliman lena, numur una bung ra o God in ulangolango pas anun a taro, dat in rakon a kum utna ra o God i sa uliliman taru uni. I mo ra, dat in watung ulabo pas o God kibino una nun a minamar!\nO Pol i wararing sur a taro na lotu\n15-16 I mo ra, a ser wararing sur mot. Ra a longoro i lena mot sa nurnur una Labino o Iesu, ma mot nem a taro rop anun o God, ka mana nama watung wakak torom o God un mot. Ma una nung a kum niaring a ser nuk pas mot. 17 Kol 1:9A ser wararing lena a God anun anundat a Labino o Iesu Karisito, a Tamandat ra i bukus nama minamar, in tabor mot nama mananos tan a Tokodos na Nion, ma in papos a nuknuki mot, sur mot in tasman wakak o God. 18 Sng 110:1; 2 Kor 13:4; Kol 2:12; 1:16; 2:10A wararing lena in utalapor a matan a kum niomot, sur mot in tasman a utna ra dat kis langlang nama nurnur suri, ra o God i kabo pas dat sur dat in rakon pasi. A utna ra dat a taro anun o God, dat in rakon pasi, i labo sakit ma i bukus nama minamar. 19 Ma mot in tasmani lena a dekdekin o God ra i warut dat, a kum tene nurnur, i labo sakit. Ka din pet lar pasi sur din elaro i nam tu utna. A dekdekino ra, i elar nama dekdek ra o God i papam nami ra 20 i ukatutur pas o Karisito gusun a minat, ma i ukis tari una papor sot na lamano sapat netes una langit. 21 Ra o Karisito i labo taun a kum ngas na nion rop lenri, a kum nion ra det mugumugu, ma a kum nion ra det utur ukai a warkurai, ma a kum nion ra det utur ukai a dekdek, ma a kum nion ra det kiskis na labino. A risan o Karisito i labo sakit taun a kum rising una nilaun ri, ma una nilaun numur kai. 22 Sng 8:6O God i ubek tar a kum utna rop utuntudu ina dekdekin o Karisito, ma o God i ukis tar o Karisito sur in lorin a kum utna rop, sur a wakakino anun a taro na lotu. 23 Ep 4:10, 15; Rom 12:5; Kol 1:18Ma a taro na lotu det a pinin o Karisito. Ma o Karisito i bukus un det, ma i ubukus a kum utna rop kai una wur ngas na kisapi rop.\n1:22: Sng 8:6","id":"","dump":"CC-MAIN-2019-39","url":"https:\/\/ebible.org\/kqw\/EPH01.htm","date":"2019-09-23T20:41:42Z","file_path":"s3:\/\/commoncrawl\/crawl-data\/CC-MAIN-2019-39\/segments\/1568514578201.99\/warc\/CC-MAIN-20190923193125-20190923215125-00153.warc.gz","language":"kqw","language_score":0.9999709129,"language_script":"Latn","minhash_cluster_size":5,"top_langs":"{\"kqw_Latn_score\": 0.9999709129333496}","num_words":1220,"character_repetition_ratio":0.074,"word_repetition_ratio":0.003,"special_characters_ratio":0.285,"stopwords_ratio":0.502,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"A Manru na Pas\nanun o Pol torom\no Timoti\nA wasiso talapor mugu\nA buk ri a manru na pas anun o Pol torom o Timoti. O Pol i tumusi ra i kis una karabus tong o Rom. O Timoti i a tene pinapam tomo nam o Pol ma numur i wanpat ara mugumugu na lotu tong o Epeses.\nO Pol i tasmani lena milau mo in mat, ra i tumus a pas ri. I nemi sur in udekdek a nurnur anun o Timoti. I inanosi kai lena, gong i mana gusun a warawai nama Wakak na Wasiso.\nA inawan ina Manru na Pas Timoti:\nA turturkibin ina pas ri (1:1-2)\nO Pol i gas un o Timoti ma i nemi sur in dekdek una pinapam (1:3-2:13)\nA magiran a lingmulus na tene pinapam (2:14-26)\nA magiran a taro una kum ururop na bung (3:1-9)\nO Pol i udekdek o Timoti (3:10-4:5)\nO Pol i wasiso uni ut (4:6-18)\nA ururop na wasiso anun o Pol torom o Timoti (4:19-22)\n1\n1 Iau o Pol, a aposel anun o Karisito Iesu una nemnem anun o God, sur an wasiso talapor una nilaun ra i sa uliliman tari torom dat un o Karisito Iesu. 2 Ap 16:11; 1 Tim 1:2A tumus a pas ri torom ui Timoti, a wakak na nutunglik una nurnur. A marmaris ma a wakak na petutna ma a malmal, tan o God a Tamandat ma o Karisito Iesu anundat a Labino, in kis tomo nam ui.\nO Pol i udekdek a nurnur anun o Timoti\n3 Ap 23:1Una kum mirum ma a waspi, a ser wararing sur ui, ma a ser watung wakak torom o God. I ra a papam toromi nama tokodos na ninunuk, elar nama kum tumtubung tagun numugu. 4 A nuk melet pasi ra u tangis iau, ma a nem doko i sur an tama ui sur an bukus nama gasgas. 5 Ap 16:1A nuk pas anum a lingmulus na nurnur, ra i elar nama nurnur anun aru ino ri, o tubum o Lois ma o nam o Unis. A tasmani lena a ngas na nurnur ra, kura kai un ui. 6 1 Tim 4:14I mo ra a inanos ui melet sur un ukatutur melet anum a etabor, elar nama sungun ra di wupi ra i kunabor. A etabor ra, o God i tabor ui nami una bung ra a ubek aru lamang netes un ui. 7 Rom 8:15Uni o God ke tabor dat nama nion na nginara, awu. I tabor dat nama Tokodos na Nion ra i pitar a dekdek torom dat, ma a marmaris ma a petutna ra ara taktakai in tamtamabat wakak anun a nilaun.\n8 Ep 2:8-9; Tai 3:5Gong u maimai sur un wasiso talapor una nundat a Labino, ma gong u maimai un iau, ra uniri a kis una karabus una risano. Ikut, un waninar sur ui kai, un taramo a ngunungut una Wakak na Wasiso tomo nam iau. Ra un taramo a ngunungut, o God ut in pitar a dekdek torom ui. 9 I ut i sa ulaun pas dat, ma i kabo pas dat sur a nilaun ra katu dur uni. Awu sur i kibino una nundat a kum wakak na pinapam, awu. I kibino ut una nun a nemnem, ma anun a marmaris, ra i pitar tari torom dat un o Karisito Iesu. Numugu utmakai, ra ke ukisi utmakai a rakrakon bual, i maris mugu dat. 10 Ibr 2:14Ra uniri, dat sa tama a marmaris anun o God torom dat, una inawan pat anun anundat a Tene Ulaun, o Karisito Iesu, i ra i urop ru a minat. Ma una Wakak na Wasiso, i upuaso a nilaun tukum sur in nanpat talapor.\n11 1 Tim 2:7O God i sa pilok pas iau sur an tene warawai nama Wakak na Wasiso, an aposel ma an tene ususer kai uni. 12 Iri a kibino ra a taramo a ngunungut lenri. Ikut, ka maimai, uni a tasman o naro ra a nurnur uni, ma a tasman mulusi lena, in pet lar pasi sur in tamtamabat a pinapam, ra i sa pitar tari tang, tuk una bung na warkurai.\n13 A tokodos na etowo ra a sa ususer tar ui nami, i elar nama wakak na malalar sur un muri. Un muri tomo nama nurnur ma a marmaris. A nurnur ma a marmaris anundat, ra kura dat un o Karisito Iesu. 14 1 Tim 6:20Una dekdekin a Tokodos na Nion ra i kis un dat, un tamtamabat wakak a Wakak na Wasiso ra o God i sa pitar tari tam.\n15 U tasmani lena a taro rop, ra det kis una papor Asia, det sa wan pas gusun iau. O Pigelus ma o Emogenes aru tagun det. 16 A wararing sur o God in maris o Onesiporus det tamtamano, uni i ser ugasgas iau, ma ke maimai un iau ra a kis una karabus. 17 Ra i wanpat tong o Rom i sisio nanan ut sur iau, tuk i sio pas iau. 18 A wararing sur a Labino in maris o Onesiporus una bung na warkurai. U sa tasman wakak a kum pinapam na warut ra i sa pam tari torom iau tiro o Epeses.","id":"","dump":"CC-MAIN-2019-39","url":"https:\/\/ebible.org\/kqw\/2TI01.htm","date":"2019-09-18T19:45:33Z","file_path":"s3:\/\/commoncrawl\/crawl-data\/CC-MAIN-2019-39\/segments\/1568514573331.86\/warc\/CC-MAIN-20190918193432-20190918215432-00451.warc.gz","language":"kqw","language_score":0.9999427795,"language_script":"Latn","minhash_cluster_size":5,"top_langs":"{\"kqw_Latn_score\": 0.9999427795410156}","num_words":834,"character_repetition_ratio":0.057,"word_repetition_ratio":0.002,"special_characters_ratio":0.275,"stopwords_ratio":0.465,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nA kum tene mananos det etabor torom o Iesu\n1Di usus o Iesu una tamon Betliem tiro una papor Judia, una kilalo ra o Erod i king. Numur a ramano kum tene mananos tagun a kum nangnang det wan tagitiro una nubual ra in matanas i pusu pat iai, ra det wanpat sapat o Jerusalem. 2#Nam 24:17Ra det iting lena, \"Awai i a nat ra di ususi, sur in king anun a taro Juda? Uni met tama anun in nangnang tiro una nubual ra in matanas i pusu pat iai, ra iri met wan urin sur met in lotu toromi.\"\n3Ra o king Erod i longoro i, i talara a nuknukino ma a nuknukin a taro Jerusalem rop kai. 4Numur i ben tomo rop pas a kum lamlabino tene etabor torom o God ma a kum tene ususer tagun a Warkurai. Ra i ting det lena, \"A Karisito ra o God in tulu ru i, din ususi awai?\" 5Det balu i lena, \"Tong o Betliem una papor Judia, uni a poropet i sa tumus tari lenri,\n6 #\nJn 7:42\n'Ma ui o Betliem una piso anun a kabotaro Juda,\nUi ko natino bing tan a kum mugumugu anun a kabotaro Juda,\nUni a mugumugu in nanpat tagun ui,\nra in mugu anung a taro Israel elar nama tene tamtamabat anun a kum sipsip.'\" Mai 5:2\n7Numur o Erod i itula eno pas a kum tene mananos tagun a kum nangnang sur in talapor pas tandet lena, nangisin mulus ra in nangnang i wanpat. 8I tulu ru det utong o Betliem nama wasiso lenri, \"Mot nan ma mot in sisio wakak sur a natlik. Ra mot sa sio pasi, mot in inanos iau, sur iau bulung an nan ma an lotu toromi.\"\n9Det sa longoro tar a king ra det wan. Det tama melet pas in nangnang ra det sa tama tari una nubual ra in matanas i pusu pat iai. I mugu nanan det tuk ra i tur sapat una nubual ra a natlik kura iai. 10Ra det tama in nangnang ra, det taramo a labino gasgas. 11#Sng 72:10-15; Ais 60:6Det ruk una rumu, ra det tama pas a natlik, ma o nano, o Maria. Det kis butkeke ra det lotu torom a natlik. Numur det papos pas anundet a kum bek ma det tabori nama kum etabor ri: a gol, a paura di tuni ra a misino i sangnain wakak ra di watungi nama insens, ma a torok nin nanai sangsangnain kai ra di watungi nama mira. 12O God i sa utumarong tar det una ririon, sur gong det milet taru sur o Erod. Ra det milet sur anundet a tamon una se kisapi mukut.\nA inawan eno utong o Ijip\n13Ra det sa wan taru, a ensel anun a Labino i wanpat torom o Josep una ririon ra i watungi lena, \"Un katutur, un ben pas derano, ma motul in kalabor eno utong o Ijip. Ma motul in kis tong iai, tuk una bung ra an inanos melet ui, uni o Erod in sisio sur a natlik sur in um doko i.\" 14Ra i katutur, i ben pas derano una mirum, ma detul wan utong o Ijip. 15Detul kis tiro iai tuk ra o Erod i mat. Una nundetul a kinkinis tiro, di pam sot pas a wasiso anun a Labino, ra a poropet i sa wasiso mugu taru uni lenri, \"A kabo pas o nutunglik tagitong o Ijip.\" Os 11:1\n16Ra o Erod i tama i lena a kum tene mananos tagun a kum nangnang det sa toro tari, i kankan doko ra i itula sur din um doko rop ru a kum nat musano tong o Betliem ma una kum tamon kai ra det kis milau. I pitar a warkurai sur din um doko det ra aru kilalo anundet, ma det kai ra ke ru kilalo utmakai anundet, uni a kum tene mananos det sa inanos tari una kilalo anun a natlik. 17Ra di sa pam sot pasi maragom a wasiso ra o Jeremaia a poropet i wasiso mugu taru uni lena,\n18 #\nStat 35:19\n\"Tong o Rama di longoro in nalngan ara,\na tintinangis ma a ungugaia,\nO Rakel i domos a kum nutnutunu liklik,\nuni det sa mat rop,\nma ka di umarip lar pasi.\" Jer 31:15\nO Josep detul tamano milet melet utong o Nasaret\n19O Erod i sa mat, ra a ensel anun a Labino i wanpat torom o Josep una ririon tiro o Ijip. 20Ma i watungi tano lena, \"Un katutur, un ben pas derano, ma motul in nan utong o Israel, uni det ra det nem na um doko a natlik det sa mat.\" 21Numur i katutur, i ben pas derano, ra detul wan utong o Israel. 22Ikut i longoro i lena, o Akelaus i keles o tamano o Erod, sur i bulung in king tong una papor Judia, ra o Josep i ngara sur in nan utong o Judia. Ra detul wan mukut utong una papor Galili, uni o God i turbat tar o Josep una ririon, sur gong detul wan utong una papor Judia. 23#Lk 2:39; Ais 11:1; 53:2; Jn 1:45Ra detul wan ma detul kis una tamon a risano o Nasaret. Una anundetul a kinkinis tiro, di pam sot pas a wasiso anun a kum poropet lena, \"Din watungi lena i a te Nasaret.\"","id":"","dump":"CC-MAIN-2019-39","url":"https:\/\/www.bible.com\/af\/bible\/1252\/MAT.2.KQW","date":"2019-09-18T13:31:20Z","file_path":"s3:\/\/commoncrawl\/crawl-data\/CC-MAIN-2019-39\/segments\/1568514573289.83\/warc\/CC-MAIN-20190918131429-20190918153429-00316.warc.gz","language":"kqw","language_score":0.9999471903,"language_script":"Latn","minhash_cluster_size":2,"top_langs":"{\"kqw_Latn_score\": 0.999947190284729}","num_words":876,"character_repetition_ratio":0.058,"word_repetition_ratio":0.016,"special_characters_ratio":0.263,"stopwords_ratio":0.46,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"A Wakak na Wasiso un o Iesu Karisito\no Luk\ni tumusi\nA wasiso talapor mugu\nO Luk i tumus a buk ri. Awu sur i ara tagun a noino ma aru nat na ususer anun o Iesu. Ma awu sur i a te Juda, i a te Grik. A ramano kum tene mananos tagun a Buk Tabu, det nuki lena, anun a tamon o Antiok una papor Siria. O Luk ke tama tar a kum utna ra o Iesu i pami. Ikut i los a mananos tandet ra det wasiso un o Iesu. Una ramano kum inawan anun o Pol, o Luk i wan tomo nami. (Ap 16:10-17\n; 20:5-21\n; 27:1-28\n:16).\nNumugu anun a pinapam a dokta, ma i tasman wakak a wasiso Grik.\nA buk ri a mugano buk ra o Luk i tumusi, ma i tumusi kai a buk Aposel. I tumus a buk ri sur a taro Grik det in tasman wakak a wasiso un o Iesu ma det in nurnur uni. Det in tasmani lena o Iesu i wan pirso urin sur in ulaun a taro rop. O Luk i tumtumus kai un o Iesu lena, i wanpat a musano mulus, ma i wasiso una nun a marmaris torom a sibo na taro, ma torom dat rop taktakai.\nI tumusi kai a kum utna ri: A watung ulabo torom o God, a dekdekin a Tokodos na Nion, a niaring, ma a nilaun anun a kum sibo na taro ma a kum tene gongon.\nA inawan ina buk Luk:\nA turturkibin ina buk ri (1:1-4)\nA usus anun o Iesu ma o Jon a Tene Baptaiso (1:5-2:52)\nA pinapam anun o Jon a Tene Baptaiso (3:1-20)\nDi baptaiso o Iesu ra numur o Satan i lari (3:21-4:13)\nO Iesu i papam tong o Galili (4:14-9:50)\nO Iesu i wan usapat o Jerusalem (9:51-19:27)\nA ururop na wik ma a minatin o Iesu (19:28-23:56)\nA katkatutur melet anun o Iesu gusun a minat (24:1-49)\nA inawan toto anun o Iesu (24:50-53)\n1\nO Luk i tumus a buk ri torom o Tiopilus\nA susut det lari ra det sa pam sot pas a tumtumus una kum utna ra i wanpat epotor tamet. 2 A taro ra det sa tama tar a kum utna ri numugu, ma det ser ususer a taro una Wakak na Wasiso, det ut det inanos met una kum utna ri. 3 I mo ra iau kai, a sa tikin pas a kum utna ri tagun a turturkibino, ra a nuki lena, i wakak ra an tumus tari torom ui, o Tiopilus a labino. Ra a tumus a kum utna ri, a tumus murmuri ut a inawan pat indet, 4 sur un tasmani lena, a kum utna ra di sa ususer tar ui nami, i lingmulus ut.\nA wasiso talapor mugu ra din usus o Jon a Tene Baptaiso\n5 Una kilalo ra o Erod i king una papor Judia, ara tene etabor torom o God a risano o Sekaraia. I ara tagun a kabotaro anun o Abia, ra det rop a kum tene etabor. O Sekaraia, anun a ino a risano o Elisabet, der rop tagun a kabotaro anun o Aron. 6 Der aru tene tokodos umatan o God, der mur wakak a kum Warkurai rop anun a Labino. 7 Ikut katu nutunder, uni o Elisabet ke ser usus, ma der sa takano laulau kai.\n8\nAra bung una kum bung na etabor anun a kabotaro anun o Sekaraia, o Sekaraia ut i pam a pinapam na etabor umatan o God. 9\nA kum tene etabor torom o God det pilok pas o Sekaraia sur i ut in ruk una rumu na etabor anun a Labino, ma in tun a paura ra a misino i sangnain wakak ra di watungi nama insens. Anundet a pipilok ra, i elar nama ngasino ra det ser muri*\n. 10\nUna du bung ra i tun a insens, a taro na lotu rop ra det tur tomo nago upiso det wararing.\n11\nA ensel anun a Labino i wanpat torom o Sekaraia, ra i tur taru una papor sot na kabulu na tuntun etabor, ra di ser tun a utna ra i sangsangnain wakak uni. 12\nRa o Sekaraia i tama pasi, a pinino i surin, ma i ngara doko uni. 13\nIkut a ensel i watungi tano lena, \"Sekaraia, gong u ngara, o God i sa longoro anum a niaring, ma anum a ino o Elisabet in usus pas tu nutumlik a musano, ra un pasor a risano nam o Jon. 14\nUn gas doko nami, ma a susut kai det in gas una nun a usus, 15\nuni in labo umatan a Labino. Ken inum a wain, o a dekdek na ininum. Ra ka din ususi utmakai i sa bukus nama Tokodos na Nion. 16\nMa in ben pukus tar a susut na taro Israel torom a Labino anundet a God. 17\nIn dekdek elar nama poropet Elaija ma a magirano kai in elar ut nami. In mugu tan a Labino, sur in ben tomo melet a kum tamtaman a kum nat torom a kum nutnutun det sur det in emarom melet, ma in ben pas a taro na pitarngat melet sur a wakak na ninunuk anun a kum tokodos na taro, sur in waninar a taro anun a Labino sur anun a inawan pat.\"\n18\nO Sekaraia i ting a ensel lena, \"An tasman petlani lena a utna ri in nanpat? Uni mir, mir sa takano rop.\" 19\nRa a ensel i balu i lena, \"Iau o Gebriel, a ser tur umatan o God. I ut i tulu ru iau sur an inanos ui, ma an los a wakak na wasiso ri torom ui. 20\nTama i! Ko nurnur una nung a wasiso. In nanpat mulus ut una kalangino. Tama i, turpasi uniri kon wasiso, uni ko nurnur. Un ngat tuk una du bung ra a utna ri in nanpat uni.\"\n21 Una du bung ra a taro det kis langlang sur o Sekaraia, det nuknuk doko, uni i sa suano i tiro una rumu na etabor. 22 Ra i wan pirso, ke wasiso lar pas mo torom det. Det tasmani lena o Sekaraia i sa tama tar tu tamtama tiro una rumu na etabor, uni i tustusu mukut torom det nama ru lamano.\n23 Ra i sa rop anun a du bung na pinapam, i milet melet sur anun a tamon. 24 Ma numur, o Elisabet anun a ino i tianan, ma a limo na kalang ke wan gisen pas gusun a rumu. 25 Ra i watungi lena, \"A Labino i sa warut tar iau, ma uniri maragom i los ru asau ra a maimai nami umatan a taro.\"\nDi inanos o Maria lena in usus o Iesu\n26\nRa i sa wonomnin kalang anun o Elisabet, o God i tulu ru a ensel Gebriel utong o Galili un ara tamon a risano o Nasaret. 27\nI wan torom ara toraro ra ke inep tomo nam tu musano. A risano o Maria, ra di sa ubek bat tari sur anun o Josep, i tagun a kabotaro anun o Dewid. 28\nA ensel i ruk torom o Maria ma i watungi tano lena, \"Un gas, u dan doko! A Labino i kis tomo nam ui.\" 29\nA nuknukin o Maria i purpuruon ma i nuknuk doko una wasiso ri lena asau a kukuraino. 30\nIkut a ensel i watungi tano lena, \"Maria, gong u ngara, uni o God i gas doko nam ui. 31\nTama i! Un tianan, un usus pas a nat musano, ra un pasor tar a risano nam o Iesu. 32\nMa a risano in rereng, ma din watungi a Nutun o God a Labino Sakit. Ma a Labino o God, in ukis tari una kiskis na king anun o tubunu o Dewid, 33\nma in warkurai tukum sur a kabotaro anun o Jekop, ma anun a matanitu ken rop.\" 34\nO Maria i ting a ensel lena, \"In pepetlai ri? Uni ka nolin utmakai nam tu musano.\" 35\nA ensel i balu i lena, \"A Tokodos na Nion in kis un ui, ma a dekdekin o God a Labino Sakit in pulus bat ui. Ra a Tasur na Musano ra un usus pasi, din watungi a Nutun o God. 36\nTama i, a kukum o Elisabet i sa takano laulau, ra di watungi lena ken usus mo, ikut uniri i sa tianan, ma i sa wonomnin kalang anunu. 37\nUni katu utna i ngangitin torom o God.\" 38\nRa o Maria i watungi lena, \"Iau a tultul anun a Labino. I wakak ut sur din pami un iau elar ut nama num a wasiso.\" Ra a ensel i wan gusuni.\nO Maria i wan torom o Elisabet\n39 Numur o Maria i waninar pas, ra i wan lakit usapat una kum tangai sur ara tamon ra i kis una papor Judia. 40 I ruk una rumu anun o Sekaraia, ra i kabo na gasgas pas o Elisabet. 41 Ra o Elisabet i longoro pas a kakabo na gasgas anun o Maria toromi, a nat i milu unin balano, ma o Elisabet i bukus nama Tokodos na Nion. 42 Ra i watungi namin labino walngano lena, \"Ui u dan tan a kum wardain rop, ma a nat kai ra un ususi i dan. 43 Iau osi na ngas na ino ri, ra a nan anung a Labino i wan torom iau? 44 Ra a longoro anum a kakabo na gasgas torom iau, a nat i gas, ma i milu unin balang. 45 U dan, uni u nurnur lena, a wasiso anun a Labino torom ui in nanpat mulus.\"\nO Maria i watung ulabo pas o God\n46\nO Maria i watungi lena,\n\"A niong i watung ulabo pas a Labino,\n47 ma in balang i gas un o God, anung a Tene Ulaun,\n48 uni i maris iau anun a tultul na ino, a ino oros kut iau.\nTurpasi uniri a kum taun taro rop det in watungi un iau lena a dan,\n49 uni i ra i Dekdek, i sa pam tar a kum labino utna un iau,\na risano i tasur.\n50\nAnun a marmaris i kis torom det ra det ngara suri,\na kum taun taro rop.\n51\nI pam a kum dekdek na pinapam nama lamano,\ni lu susuaro ru det ra det uman labino una nuknukin det.\n52\nI woro pirso ru a kum king gusun anundet a kum kiskis na labino,\nma i ulabo pas det ra det unatino pas det.\n53\nI tabor masur a taro ra det murak nama kum wakak na utna,\nikut i tulu ru a kum tene gongon nama gowono lamandet.\n54\nI warut anun a kum tultul, a taro Israel,\nra i nuk pas anun a marmaris\n55\ntorom o Abaram ma anun a kabotaro tukum,\nelar nami ra i sa watung tari torom anundat a kabotaro tagun numugu.\"\n56 Ra o Maria i kis nisan o Elisabet elar nama tulin kalang, ra numur i milet melet sur anun a tamon.\nO Elisabet i usus o Jon a Tene Baptaiso\n57 Ra a bung anun o Elisabet i sot sur in usus uni, i usus pas a nat musano. 58 A kum paspasano ma a kum kukunu det longoro i lena a Labino i maris doko o Elisabet, ma det gas tomo nami.\n59\nRa i sa tiwal na bung anun a nat, det waninar sur din tok talilis a pinino, ma det nemi sur det in pasor tar a risan o tamano o Sekaraia uni. 60\nIkut o nano i watungi lena, \"Gong! Din pasori ut nam o Jon.\" 61\nDet watungi tano lena, \"Katu kukum i los a rising ra.\" 62\nNumur det pam a kum ukinalong nama lamandet torom o tamano, ra det tingi lena, \"Osi na rising u nemi sur din pasor a nat ri nami?\" 63\nRa i ukinalong nama lamano sur tu utna ra in tumtumus uni, ma i tumusi lena, \"A risano o Jon.\" Det rop det kisin. 64\nUniutra a wan o Sekaraia i papos, ma in karmene i milu, ra i wasiso mut, i watung ulabo pas o God. 65\nMa a kum paspasan der rop, det ngara. A wasiso una utna ri, i wan sarara una kum tamon sapat una kum tangai una papor Judia. 66\nDet rop ra det longoro i, det nuknuk doko uni, ma det watungi lena, \"A nat ri in nanpat asi na ngas na musano?\" Uni det tama i lena a dekdekin a Labino i kis uni.\nO Sekaraia i wasiso na poropet\n67 O Sekaraia o taman o Jon, i bukus nama Tokodos na Nion, ma i wasiso na poropet lenri,\n68\n\"Dat in watung ulabo pas a Labino, a God anun a taro Israel,\nuni i sa wanpat taru torom anun a taro,\nma i sa ulangolango tar det.\n69\nI sa pitar tar a dekdek na Tene Ulaun torom dat,\ntagun a kabotaro anun o Dewid, a tultul anun a Labino,\n70 elar nami ra i sa watung tari numugu utmakai una wan anun a kum tasur na poropet.\n71\nI sa pitar tari sur in ulaun pas dat gusun anundat a kum ebar,\nma gusun a lamandet rop ra det nget dat,\n72\nma sur in maris anundat a kabotaro tagun numugu\nma in pam sot pas anun a tokodos na kunubus.\n73\nI liliman taru torom a tubundat o Abaram lena,\n74 in ulaun pas dat gusun a laman anundat a kum ebar,\nsur dat in papam toromi ma ka dat in ngara.\n75\nDat in papam toromi nama petutna ra i talapor ma i tokodos umatano,\nuna nundat a kum bung na nilaun rop.\n76\nMa ui, nutunglik, din watung ui, a poropet anun o God a Labino Sakit,\nuni un mugu nanan tan a Labino,\nsur un pam saro mugu anun a kisapi,\n77\nsur din utalapor anun a taro lena o God in ulaun pas det,\nuna nun a pinapam ra in unus ru anundet a kum sakino petutna,\n78\nkibino una labino marmaris anun anundat a God.\nMa una nun a marmaris, a talapor tagisapat netes in sisio pat torom dat.\n79 In sisio un det ra det kis una dumirum,\nma una dumirum na minat,\nsur in mugu dat una kisapi na malmal.\"\n80 Ra a nat i labo pat nanan ma o God i udekdek a niono. Ma i kis una nubual kalako taro uni tuk ra i tur pat torom a taro Israel.","id":"","dump":"CC-MAIN-2019-39","url":"https:\/\/ebible.org\/kqw\/LUK01.htm","date":"2019-09-16T04:14:44Z","file_path":"s3:\/\/commoncrawl\/crawl-data\/CC-MAIN-2019-39\/segments\/1568514572484.20\/warc\/CC-MAIN-20190916035549-20190916061549-00158.warc.gz","language":"kqw","language_score":0.9999901056,"language_script":"Latn","minhash_cluster_size":7,"top_langs":"{\"kqw_Latn_score\": 0.9999901056289673}","num_words":2327,"character_repetition_ratio":0.052,"word_repetition_ratio":0.0,"special_characters_ratio":0.274,"stopwords_ratio":0.491,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"6\nRa dat mat tomo nam o Karisito, dat in laun kai tomo nami\n1 Asau mo dat in watungi? Pepetlai, i wakak kut sur dat in pam a sakino sur a marmaris anun o God in lubung? 2 Awu! Dat mat gusun anundat a sakino petutna. Dat in laun pepetlai melet mo uni? 3 Gal 3:27Pepetlai, ka mot tasmani lena, dat rop ra di baptaiso dat un o Karisito Iesu, dat mat tomo nami una baptais ra? 4 Kol 2:12Lenra, ra di baptaiso dat, dat mat tomo nami ma di por tomo dat kai nami. O God a Tamandat i ukatutur pas o Karisito gusun a minat nama minamarino, lenkutkai ra dat in laun nama matok na nilaun.\n5 Ra dat mat tomo nam o Iesu una nun a minat, i lingmulus dat in katutur tomo nami kai una nun a katkatutur melet gusun a minat. 6 Gal 5:24Uni dat tasmani lena, a turai na nilaun anundat i sa mat tomo nam o Karisito unin nanai kutus, sur a sakino petutna una pinindat katu dekdekino. Ma ka dat in tene ititula melet mo anun a sakino petutna. 7 Uni osi ra i mat tomo nam o Karisito, i sa langolango gusun a sakino petutna.\n8 Ra dat mat tomo nam o Karisito, dat nurnur lena dat in laun utkai tomo nami. 9 Uni dat sa tasmani lena, ra o Karisito i katutur melet gusun a minat, ken mat melet mo, uni a minat katu dekdekino mo sur in pam ukai i. 10 I mat ara dino kut, sur in rakon rop ru a dekdekin a sakino petutna, ma ken mat melet mo. Ra i laun melet, i laun sur in mur a nemnem anun o God. 11 2 Kor 5:15; Gal 2:19Lenkutkai ra, mot in nuk pas mot lena mot sa mat gusun anumot a kum sakino petutna, ma mot, ra tagun o Karisito Iesu, mot laun sur mot in mur a nemnem anun o God.\n12 Stat 4:7I mo ra gong melet mo mot pitar a pinimot, ra i ser mat, sur in kis utuntudu ina dekdekin a sakino petutna, sur mot in mur a kum sakino nemnem ina pinimot. 13 Rom 12:1Gong melet mo mot pitar tar tu du pinimot sur in elar nama utna na pinapam sur a pam sakino. Mot in pitar tar mot torom o God, uni mot sa laun melet gusun a minat. Ma mot in pitar tar a kum du pinimot rop torom o God, sur in elar nama kum utna na pinapam sur a tokodos na pinapam. 14 1 Jon 3:6Ka mot in kis melet mo utuntudu ina dekdekin a sakino petutna, uni ka mot kis mo utuntudu ina kum Warkurai. Uniri mot sa kis utuntudu ina marmaris anun o God.\nDat a kum tene ititula anun a tokodos na petutna\n15 Ka dat kis mo utuntudu ina kum Warkurai, dat kis utuntudu ina marmaris anun o God. Pepetlai, dat in pam melet a sakino petutna? Awu ut! 16 Jn 8:34; 2 Pit 2:19Pepetlai, ka mot tasmani lena, ra mot pitar tar mot torom taio sur mot in longoro i, mot a kum tene ititula anunu? Ra mot a kum tene ititula anun a sakino petutna, in pitar a minat torom mot. Ikut, ra mot a kum tene ititula anun o God ma mot ser longoro i, mot tokodos umatano. 17 A watung wakak torom o God, uni numugu mot a kum tene ititula anun a sakino petutna, ikut uniri mot mur a kum etowo nama balamot rop. A kum etowo ra di pitar tari tamot. 18 Di sa ulangolango pas mot gusun a sakino petutna, ma uniri mot a kum tene ititula mo anun a tokodos na petutna.\n19 A wasiso nama kum wasiso elelar ri torom mot, uni a nuknuki mot ke talapor wakak una utna ra a wasiso uni. Numugu mot pitar tar a kum du pinimot sur in tene ititula anun a kum dur na petutna, ma anumot a kum sakino i lubung ma i labo. Ikut uniri, mot in pitar tar a kum du pinimot sur in tene ititula anun a tokodos na petutna, sur anumot a nilaun, anun o God.\n20 Numugu, ra mot tene ititula anun a sakino petutna, ka mot kis utuntudu ina dekdekin a tokodos na petutna. 21 Numugu mot ser pam a kum sakino petutna, ra uniri mot maimai uni. Ra mot pami, i warut mot pepetlai? I ben mot kut sur a minat. 22 Ikut uniri di sa ulangolango pas mot gusun a sakino petutna, ma mot tene ititula mukut anun o God. A win a ngas na nilaun ra, i ben mot sur mot in talapor, ma katu dur un mot, ra o God in pitar a nilaun tukum torom mot. 23 Rom 5:12, 15Uni a kunukul ina sakino petutna, a minat. Ikut a etabor, ra o God i pitar orosi kut, i a nilaun tukum. A nilaun ra dat losi, kibino una pinapam anun o Karisito Iesu anundat a Labino.\n6:12: Stat 4:7","id":"","dump":"CC-MAIN-2019-43","url":"https:\/\/ebible.org\/kqw\/ROM06.htm","date":"2019-10-17T09:04:17Z","file_path":"s3:\/\/commoncrawl\/crawl-data\/CC-MAIN-2019-43\/segments\/1570986673250.23\/warc\/CC-MAIN-20191017073050-20191017100550-00369.warc.gz","language":"kqw","language_score":0.9999870062,"language_script":"Latn","minhash_cluster_size":3,"top_langs":"{\"kqw_Latn_score\": 0.999987006187439}","num_words":803,"character_repetition_ratio":0.116,"word_repetition_ratio":0.01,"special_characters_ratio":0.258,"stopwords_ratio":0.426,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"17\nO Iesu i wararing sur anun a kum nat na ususer\n1 Ra o Iesu i sa watung rop tar a kum wasiso ri, i tamtama tito usapat una langit, ra i watungi lena,\n\"Tita, a du bung i sa wanpat, un pitar a minamar torom o Nutum, sur o Nutum in pitar a minamar torom ui. 2 U pitar tar a dekdek tang sur an warkurai sur a taro rop, sur an pitar a nilaun tukum torom det rop ra u pitar tar det tang. 3 1 Jon 5:20A nilaun tukum i lenri: A taro det in tasman ui, ra ui kut a God mulus, ma det in tasman o Iesu Karisito kai, i ra u tulu ru i urin. 4 Jn 4:34A sa pam sot pas a kum pinapam ra u pitar tari tang sur an pami. Ma una pinapam ra, a sa ese tar a minamarim nin una rakrakon bual. 5 Jn 1:1Tita, uniri, ra an kis tomo melet nam ui, un pitar a minamar tang. A minamar ra numugu a kis uni tomo nam ui, ra ka di ukisi utmakai a rakrakon bual.\n6 \"Det ra u sa pilok pas det gusun a rakrakon bual, ma u pitar tar det tang, a sa watung puaso tar ui tandet. Det anumi, ra u pitar tar det tang, ma det sa mur anum a kum wasiso. 7 Uniri, det sa tasmani lena a kum utna rop ra u pitar tari tang, i wanpat mulus ut tagisapat tam. 8 A sa inanos tar det nama kum wasiso ra u pitar tari tang, ma det sa muri. Ma det tasman mulusi lena a wan ut tagisapat tam, ma det sa nurnur lena ui ut u tulu ru iau urin.\n9 \"A wararing sur det. Awu sur a wararing sur a taro tagun a rakrakon bual, ikut a wararing sur det ra u pitar tar det tang, uni det anum. 10 Det rop ra anung, anum utkai, ma det rop ra anum, anung utkai. Ma anung a minamar din tama i un det. 11 Uniri an nan torom ui, kan kis suano i melet mo nin una rakrakon bual, ikut det, kuri utmakai det una rakrakon bual. Tita, ui u tasur sakit, un tamtamabat det nama dekdekin a risam, a rising ra u pitar tari tang. Un tamtamabat det sur det in takai kut, elar nam ui ma iau, dar takai kut. 12 Jn 6:39; 13:18A kis tomo nam det, ra a tamtamabat det nama dekdekin a risam, a rising ra u pitar tari tang. A tamtamabat det, ma kataio tagun det i iru. Ara sot kut in iru, o Judas, i ra i wan sur a iniru tukum. I wanpat lenra, sur din pam sot pas a wasiso ra di sa tumus tari una Buk Tabu.\n13 \"Iri an nan torom ui, ikut a watung a kum wasiso ri ra a kis utmakai nin una rakrakon bual, sur anung a labino gasgas in ubukus anundet a nilaun. 14 A sa watung tar anum a kum wasiso tandet, ma a rakrakon bual i nget det, uni awu sur det taginin una rakrakon bual, elar nam iau kai, awu sur iau taginin una rakrakon bual. 15 Mt 6:13; 2 Tes 3:3Ka saring ui sur un rakon ru det gusun a rakrakon bual, awu. Ikut a saring ui sur un tamtamabat det gusun a Tene Sakino. 16 Awu sur iau taginin una rakrakon bual, ma det kai awu sur det taginin una rakrakon bual. 17 Anum a kum wasiso i lingmulus. Un utalapor det nam anum a lingmulus na wasiso, sur det anum a taro mulus. 18 Jn 20:21U tulu ru iau urin una rakrakon bual, lenkutkai ra iau, a tulu ru det una rakrakon bual. 19 A pitar tar iau ut torom ui, sur det kai, det anum a taro mulus una num a lingmulus na wasiso.\n20 \"Awu sur a wararing kut sur det, a wararing utkai sur a taro ra numur det in nurnur un iau, a taro ra a kum tene nurnur det in wasiso puaso un iau torom det. 21 Tita, a wararing lena det rop ra det nurnur un iau, det in takai kut, elar nam ui kuri un iau ma iau kura un ui. A nemi sur det in laun un dar, sur a taro una rakrakon bual det in nurnur lena ui u tulu ru iau urin. 22 Ap 4:32A sa pitar tar a minamar tandet, a minamar ra u pitar tari tang, sur det in takai kut, elar nam dar, ra dar takai kut. 23 Iau kura un det, ma ui kai kuri un iau, sur det ara mukut, sur a taro nin una rakrakon bual det in tasmani lena, u tulu ru iau urin, ma det in tasmani kai lena, u nem det elar nami ra u nem iau.\n24 \"Tita, a nemi sur det ra u sa pitar tar det tang, det in kis tomo nam iau una tamon ra an kis iai, sur det in tama anung a minamar, a minamar ra u pitar tari tang, uni u nem iau numugu ra ko ukisi utmakai a rakrakon bual. 25 Tita, ui u tokodos, a taro nin una rakrakon bual ka det tasman ui. Ikut iau, a tasman ui, ma anung a taro na ususer kai, det tasmani lena ui, u tulu ru iau urin. 26 A sa watung puaso tar ui torom det, ma kan mana nama wasiso talapor un ui torom det, sur det in tasman ui, sur a marmaris ra u nem iau nami, in kis un det ma iau kai an laun un det.\"","id":"","dump":"CC-MAIN-2019-43","url":"https:\/\/ebible.org\/kqw\/JHN17.htm","date":"2019-10-17T08:27:30Z","file_path":"s3:\/\/commoncrawl\/crawl-data\/CC-MAIN-2019-43\/segments\/1570986673250.23\/warc\/CC-MAIN-20191017073050-20191017100550-00385.warc.gz","language":"kqw","language_score":0.9999855757,"language_script":"Latn","minhash_cluster_size":6,"top_langs":"{\"kqw_Latn_score\": 0.9999855756759644}","num_words":906,"character_repetition_ratio":0.114,"word_repetition_ratio":0.009,"special_characters_ratio":0.272,"stopwords_ratio":0.423,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"16\nA wasiso elelar una tene tamtamabat ra i mananos\n1 O Iesu i watung meleti tan anun a taro na ususer lena, \"Ara tene gongon anun ara tultul i tamtamabat anun a kum utna, ra di takuni lena i papam oros kut una kum utna anun a tene gongon ra.\n2 I kabo pasi, ma i tingi lena, 'Asau ra a longoro i un ui? Un tumus a wasiso talapor una num a pinapam na tamtamabat ma un pitari tang, uni kon tene tamtamabat melet mo anungi.'\n3 Ra a tene tamtamabat ra i nuki lena, 'Asau mo ra an pami uniri, ra anung a mugumugu in rakon ru iau gusun a pinapam ri? Kalako dekdeking sur an kikil, ma an maimai kut kai ra an saring utna.\n4 O! A sa nuk pas ara utna ra an pami, sur a taro det in gas pas iau una nundet a kum rumu, ra di sa lu ru tar iau gusun a pinapam ri.'\n5 \"Ra i itula sur det rop taktakai ra det sa dinau pas tan anun a mugumugu. Ra i ting a mugano musano lena, 'A iso ra u dinau pasi tan anung a mugumugu?'\n6 Ra i balu i lena, 'Ara mar na lamlabino koto na wel na oliw.' Ma a tultul i watungi lena, 'Un los anum a buk na dinau urin. Un kis ma un tumus lakit tar a limo na noino mukut uni.'\n7 Ra i tingi bulung ara, 'A iso ra u dinau pasi?' Ra i balu i lena, 'Ara mar na bek na wit.' Ra i watungi tano lena, 'Un los anum a buk na dinau urin. Un tumus tari mukut a tiwal na noino uni.'\n8 \"Anun a labino i tasmani lena a tultul ri ke lingmulus una nun a pinapam, ikut i watung ulabo pasi kibino una nun a mananos ra i pam a torotoro ri nami. Uni a taro tagun a rakrakon bual, det mananos doko sur anundet a pinapam tomo nama taro tagun a rakrakon bual, ikut a taro tagun a talapor ka det mananos.\n9 A watungi tamot, mot in umarom pas lako taro nama kum ululeng taginin upiso. Numur ra a kum ululeng ken gas mo sur tu utna, din gas pas mot sur mot in kis una kum rumu ra det in tur tukum.\n10 \"Osi ra i lingmulus una nat na utna kut, in lingmulus kai una kum lamlabino utna, ma osi ra ke lingmulus una nat na utna, ken lingmulus utkai una kum lamlabino utna.\n11 Ra ka mot lingmulus sur mot in papam wakak nama kum utna taginin upiso, osi kai in nurnur un mot sur mot in papam wakak nama kum utna tagisapat netes?\n12 Ra ka mot tamtama wakak taru un tu utna anun taio, osi kai in pitar tar anumot tu utna torom mot?\n13 Katu tultul in pet lar pasi sur in papam torom lako ru mugumugu. In nget ara pasander, ma in nem ara pasander, in nem doko ara ma in rosumur gusun ara. Ka mot in papam lar pas torom o God ma torom a mani kai.\"\nA kum Warkurai anun o God ken rop\n(Mt 5:31-32; 19:9; Mk 10:11-12)\n14 A kum Parisi det longoro a kum wasiso ri, ra det urongon laulau kut un o Iesu, uni det nem doko a mani.\n15 Ra o Iesu i watungi tandet lena, \"Mot, mot ukodos pas mot kut umatan a taro. Ikut o God i tasman a balamot. Uni a utna ra i labo doko umatan a taro i laulau doko umatan o God.\n16 \"A kum Warkurai ma a kum etowo anun a kum poropet i tuk taru ut un o Jon. Turpasi una kilalo ra, di warawai nama Wakak na Wasiso una matanitu anun o God ma a taro rop det raras sur det in ruk uni.\n17 Ke ngangitin sur a bakut ma a rakrakon bual der in rop, ikut i ngangitin doko sur tu nat na tumtumus lik in rop gusun a kum Warkurai anun o God.\n18 \"Osi ra in lu ru anun a ino ma in nolin melet nam tu ino, a musano ra i pam a sakino torom anun a ino, uni i nolin melet nama se ino. Ma osi ra in nolin nam tu ino ra anun a musano i lu ru i, i kai i pam a sakino, uni awu sur a ino anunu.\nO Lasarus ma a tene gongon\n19 \"Ara tene gongon, i ser emar nama kum wakak na malu, ma i ser wangon wakak una kum bung rop.\n20 Di inep tar ara musano, a nat na soi, a tene sasaring, tiro umatansako tano, a risano o Lasarus, a pinpinino i wangangon.\n21 I nemi sur in nan a kum mumumut na utna ra det puku taru gusun a kabulu na inangon anun a tene gongon. Ma a kum pap det ser dami kai a kum inangon una pinpinino.\n22 \"Numur a nat na soi ra i mat, ra a kum ensel det los pasi ma det ukis tari upaporin o Abaram. Ra a tene gongon bulung i mat, ma di por ru i.\n23 I kis una labino sungun, i taramo a labino ngunungut. I tatado usapat netes, ra i tama o Abaram i bakbak doko, ma o Lasarus kai kura una paporino.\n24 Ra i kakabo lena, 'Tita Abaram, un maris iau, un tulu ru o Lasarus sur in puk pas in kaskas na lamano una danim sur in ukotokoto tar in karmeng nami, uni a taramo a labino ngunungut nin una sungun.'\n25 \"O Abaram i balu i lena, 'Nutunglik, un nuk pasi, ra u laun utmakai, u pam ukai anum a kum wakak na utna, lenkutkai ra torom o Lasarus, i pam ukai a kum laulau na utna. Ikut uniri i utur ukai a gasgas nin, ma ui, u taramo a labino ngunungut.\n26 Ma ara utna kai, in tarai nin nala kuri epotor tamot ma met. Katutaio taginin in pet lar pasi sur in nan utiro torom mot, ma katutaio kai in nan tagitiro gusun mot urin torom met.'\n27 \"Ra a tene gongon i watungi lena, 'Tita, a saring ui sur un tulu ru o Lasarus sur a rumu anun o tamang.\n28 Uni a limo na tistising a kum musano kura det uni, ma in utumarong tar det, sako det bulung det in nan urin una nubual na ngunungut ri.'\n29 Ra o Abaram i balu i lena, 'A wasiso anun o Moses ma a kum poropet kura i kis torom det. I wakak sur det in longoro i.'\n30 A tene gongon i watungi lena, 'Awu, Tita Abaram, ra ut ra taio tagun a kum minat in nanpat torom det, det in nukpukus.'\n31 Ra o Abaram i balu meleti lena, 'Ra ka det longoro o Moses ma a kum poropet, ra taio kai in katutur melet gusun a minat, ken ukatutur pas anundet a nurnur.' \"","id":"","dump":"CC-MAIN-2019-43","url":"https:\/\/ebible.org\/study\/content\/texts\/kqw\/LK16.html","date":"2019-10-23T13:51:39Z","file_path":"s3:\/\/commoncrawl\/crawl-data\/CC-MAIN-2019-43\/segments\/1570987833766.94\/warc\/CC-MAIN-20191023122219-20191023145719-00472.warc.gz","language":"kqw","language_score":0.9999843836,"language_script":"Latn","minhash_cluster_size":5,"top_langs":"{\"kqw_Latn_score\": 0.9999843835830688}","num_words":1126,"character_repetition_ratio":0.051,"word_repetition_ratio":0.002,"special_characters_ratio":0.263,"stopwords_ratio":0.461,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"8\nDat in kis utuntudu ina Tokodos na Nion\n1 I mo ra det ra tagun o Karisito Iesu, katu warkurai na minabalu mo anun o God torom det. 2 Uni, ra iau tagun o Karisito Iesu, a dekdekin a Tokodos na Nion, ra i ser pitar a nilaun, i ulangolango pas iau gusun a dekdekin a sakino petutna, ra i pitar a minat tang. 3 A kum Warkurai anun o Moses ken pet lar pasi sur in turbat a sakino, uni a sakino nemnem ina pinindat, kalako dekdekino sur in mur a kum Warkurai.\nIkut o God i pet lar pasi. I tulu ru o Nutunu urin upiso ma i wanpat a mulusino elar nam dat, a taro na pam sakino. I mat ma i sa ulaun pas dat gusun anundat a sakino. A warkurai na minabalu una kum sakino petutna anundat, o God i ubek tari una pinin o Iesu, ma i urop a dekdekin a sakino petutna. 4 Gal 5:16, 25I pami sur a tokodos na petutna, ra a kum Warkurai det wasiso uni, in nanpat mulus una nundat a nilaun. Ka dat mur meleti mo a sakino nemnem ina pinindat, dat muri mukut a nemnem anun a Tokodos na Nion.\n5 Det ra det mur a sakino nemnem ina pinindet, a nuknukin det kai i kis kut un asau ra a sakino nemnem ina pinindet i nemi. Ikut, det ra det mur a nemnem anun a Tokodos na Nion, a nuknukin det i kis un asau ra a Nion i nemi. 6 Osi ra a nuknukino i kis utuntudu ina sakino nemnem ina pinino, in mat. Ikut, osi ra a nuknukino i kis utuntudu ina Tokodos na Nion, in laun ma in taramo a malmal. 7 Osi ra a nuknukino i kis utuntudu ina sakino nemnem ina pinino, der ebar nam o God. Uni osi ra a nuknukino i lenra, ke unatino pasi utuntudu ina kum Warkurai anun o God, ma ken pet lar pasi. 8 Ma det ra det kis utuntudu ina sakino nemnem ina pinindet, ka det in ugasgas lar pas o God.\n9 1 Kor 3:16; Rom 12:3Ikut mot, ka mot kis mo utuntudu ina sakino nemnem ina pinimot. Awu! Mot kis utuntudu ina Tokodos na Nion, uni a Nion o God i laun un mot. Ikut, ra taio, a Nion o Karisito ke laun uni, i awu sur anun o Karisito. 10 Gal 2:20Ra o Karisito i laun un mot, a pinimot in mat, kibino una sakino petutna, ikut a niomot in laun, uni mot tokodos umatano. 11 A Nion o God, ra i ukatutur pas o Iesu gusun a minat, i laun un mot. Una pinapam anun a Niono ra i laun un mot, i ra i ukatutur pas o Karisito gusun a minat, in pitar a nilaun una pinimot, ra i ser mat.\nDat a kum nutnutun o God\n12 I mo ra a kum tistising, dat a kum tene pinapam. Ikut awu sur dat a kum tene pinapam tagun a sakino nemnem ina pinindat, sur dat in muri, awu. 13 Gal 6:8; Kol 3:5Uni ra mot mur a sakino nemnem ina pinimot, mot in mat. Ikut, ra una dekdekin a Tokodos na Nion, mot in um doko ru a kum sakino petutna ra a pinimot i ser pami, mot in laun. 14 Uni det ra a Nion o God i mugu det, det a kum nutnutun o God. 15 2 Tim 1:7; Mk 14:36Uni a Nion, ra mot los pasi, awu sur a ngas na nion ra i pam mot sur mot in tene ititula melet mo anun a nginara, awu. Mot los pas a Nion sur mot a kum nutnutun o God, ra i ras pas mot. Ma una dekdekin a Nion, dat ser kakabo torom o God lena, \"Aba, Tita.\" 16 2 Kor 1:22; Gal 4:5-7; Tam 21:7Ma a Tokodos na Nion i wasiso puaso una niondat lena dat a kum nutnutun o God. 17 Ra dat a kum nutnutunu, dat in rakon a kum utna anun o God, tomo nam o Karisito. Ra dat in taramo a mamaut tomo nam o Karisito, numur dat in kis tomo nami una nun a minamar.\nDat kis langlang sur a minamar\n18 A tasmani lena, a minamar ra o God in pitari tandat numur, in labo sakit taun a kum mamaut ra uniri dat taramo i. 19 A kudulano ukukis rop i kis langlang nama labino nemnem sur a bung ra o God in upuaso ru a kum nutnutunu. 20 Stat 3:17-19Uni a kum ukukis rop det kis una karabus na minat ma det utna oros kut. Awu sur a nemnem anun a kum ukukis, a nuknukin o God sur det in kis langlang sur a bung, 21 ra in palos det gusun a karabus na mereseng na minat. Det in kis langolango una minamar tomo nama kum nutnutunu.\n22 Dat tasmani lena, tuk uniri a kudulano ukukis det kis langlang nama tinangis, elar nama ino ra i leser nama ngunungut sur in usus. 23 2 Kor 5:2-4Ma awu sur a kum ukukis kut, dat kai, ra o God i sa pitar tar a mugano etabor torom dat, a Tokodos na Nion, dat kai dat kis langlang nama tinangis nin ubalandat, nama labino nemnem sur a du bung ra o God in ras dat sur dat a kum nutnutunu, ma in ulangolango a pinindat. 24 O God i sa ulaun pas dat, ma uniri dat kis langlang nama nurnur sur a ngas na nilaun ra in pitari torom dat numur. Ra taio in kis langlang sur tu utna, ikut ra i sa los pasi, ken kis langlang melet mo suri. Osi melet mo in kis langlang sur tu utna ra i sa los pasi? 25 Ikut dat, dat kis langlang nama nurnur sur a utna ra ke wanpat utmakai. Dat kis langlang, ma a pinindat ke ngoro.\n26 Lenkutkai ra, a Tokodos na Nion ut i ser warut dat, uni kalako dekdekin dat. Ka dat tasman asau ra dat in wararing suri, ikut a Tokodos na Nion ut i ser wararing torom o God sur dat. I wararing nama dekdek na tartaramo ra ka din palos lar pasi nama wasiso. 27 Sng 139:1Ma o God i tama a balandat ma i tasman a nuknuk ina Tokodos na Nion, uni a Tokodos na Nion i wararing elar nama nemnem anun o God, sur a taro anunu.\n28 Ep 1:11Ra dat tasmani lena, a kum utna rop ra i wanpat, o God i papam nami, sur a wakakino in nanpat torom det, ra det nem o God, ma i sa kabo pas det elar nama nuknukino. 29 Kol 1:18; Ibr 1:6Numugu utmakai o God i sa tasman anun a taro. Ma numugu utmakai, i sa pilok pas det sur det in elar nam o Nutunu, sur i a mugano tan a susut na tistisino. 30 Ma det ra o God i sa pilok pas det, i kabo pas det kai. Ma det ra i sa kabo pas det, i watung det, det tokodos umatano. Ma det ra i watung det, det tokodos umatano, i pitari kai a minamar torom det.\nKatu utna in ukis susuaro dat gusun a marmaris anun o God\n31 Sng 118:6I mo ra, asau mo dat in watungi una kum utna ri? Ra o God i kis tomo nam dat, osi mo in ebar tomo nam dat? Katutaio. 32 O God ke maris bat o Nutunu, awu. I pitar tari kut sur in mat sur dat rop. Ra i pitar tar o Nutunu sur in mat sur dat, in pitar orosi utkai a kum wakak na utna rop torom dat.\n33 Ais 50:8-9Osi ra in takun a taro na pipilok anun o God? Katutaio in pet lar pasi, uni o God ut i sa watung tar dat lena dat tokodos umatano. 34 Osi ra in watungi lena, din pitar a warkurai na minabalu torom dat? Katutaio. Uni o Karisito Iesu i sa mat sur dat. Awu sur i kut ra, o God i sa ukatutur melet pasi kai gusun a minat, ma uniri kusapat mo i kis una papor sot na laman o God, ma i ser wararing sur dat. 35 Osi in ukis susuaro dat gusun a marmaris anun o Karisito? Pepetlai, a kum mamaut in ukis susuaro dat? A kum ngunungut? O ra din ukadik dat? O a munurak? O kalako malu indat? O tu utna na iniru? O ra din um doko dat namin totok na inaim? 36 Elar nami ra di sa tumus tari una Buk Tabu,\n\"A kum bung rop a taro det nem na um doko met,\nuni met anum a taro.\nMet elar nama kum sipsip ra di waninar sur din um doko det.\" Sng 44:22\n37 Awu, dat in pas pisopiso a kum utna ri, kibino un o Karisito ra i maris doko dat. 38 Uni a tasmani ut lena, katu utna in ukis susuaro dat gusun a marmaris anun o God: A minat, a nilaun, a kum ensel, a kum laulau na nion, tu ngas na utna in nanpat uniri o numur, a kum sangsagor, 39 tu ngas na utna tagisapat netes o taginin upiso. Awu! Katu utna mulus una kudulano ukukis in ukis susuaro lar pas dat gusun a marmaris anun o God, ra i pitar tari torom dat un o Karisito Iesu anundat a Labino.\n8:20: Stat 3:17-19\n8:27: Sng 139:1\n8:31: Sng 118:6\n8:33: Ais 50:8-9","id":"","dump":"CC-MAIN-2019-43","url":"https:\/\/ebible.org\/kqw\/ROM08.htm","date":"2019-10-23T14:14:41Z","file_path":"s3:\/\/commoncrawl\/crawl-data\/CC-MAIN-2019-43\/segments\/1570987833766.94\/warc\/CC-MAIN-20191023122219-20191023145719-00531.warc.gz","language":"kqw","language_score":0.9999802113,"language_script":"Latn","minhash_cluster_size":4,"top_langs":"{\"kqw_Latn_score\": 0.9999802112579346}","num_words":1511,"character_repetition_ratio":0.086,"word_repetition_ratio":0.008,"special_characters_ratio":0.271,"stopwords_ratio":0.443,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"6\nA etowo torom a kum tene ititula\n1 Ep 6:5Det ra a kum tene ititula, det in urur torom anundet a kum mugumugu, sur gong taio i watung laulau a risan o God ma anundat a etowo. 2 Plm 1:16Ma det ra anundet a mugumugu a tene nurnur, gong det rosumur gusuni, uni det tasmani lena det tar tistisino una nurnur. Det in ser mur wakak anun a wasiso, uni anundet a pinapam in warut a tene nurnur, ra det ser nemi. Timoti, un ususer det ma un udekdek det nama kum etowo ri.\nA nemnem sur a mani\n3 Gal 1:6-9Ra taio in ususer a taro nam tu se etowo, ra ke elar nama etowo mulus anun anundat a Labino o Iesu Karisito, ma ke elar nama kum etowo ra i warut det, sur a magirandet in wakak umatan o God, 4 a ngas na musano ra, i ulabo pasi ut, ma ke tasman tu utna. Anun a laulau na nemnem sur a wasiso na engaras, ma a inaim na wasiso, i elar nama misait toromi. Anun a petutna ra, i pam pat a kum ngasino lenri: a nuknuk laulau sur a utna anun taio, a engaras, a emang, a nuknuk laulau torom a taro. 5 2 Tim 3:8; 4:4; Tai 1:14A ngas na taro ri, det ser pam pat a purpuruon, a nuknukin det ke tokodos, ma det rosumur gusun a lingmulusino. Det nuki lena, ra det in mur a petutna ra i wakak umatan o God, a petutna ra, in pam pat a mani sur det in tene ululeng.\n6 1 Tim 4:8; Pil 4:11-12; Ibr 13:5Ikut ra dat mur a petutna ra i wakak umatan o God, tomo nama gasgas un asau ra o God i etabor nami, i ra a ululeng mulus. 7 Jop 1:21Ra dat wanpat nin una rakrakon bual ka dat los tu utna, ma ra dat in milet, ka dat in los tu utna kai taginin. 8 Ra andat a utna na inangon ma anundat a kum malu kai kuri i kis, asau ra dat in nuknuk melet suri? A nuknukin dat in mana. 9 Ma det ra det nem a labino mani, det in puku una ululam, ma det in iru unin nukun, ma a kum nemnem ororos kut, ma a nemnem sur a utna ra, in ban laulau det. Ra in woro pirso a susut na taro una minat ma a iniru tukum. 10 Ep 5:5Uni a nemnem sur a mani, i a kimkibin a wur matano sakino petutna. Ma a ramano taro ra det ngara suri, det sa wan gisen gusun a nurnur, ma det ban laulau anundet a nilaun nama susut na mamaut.\nO Pol i udekdek o Timoti una pinapam na lotu\n11 2 Tim 2:22Ikut ui, Timoti, ui a musano anun o God, un nan gisen gusun a kum utna ri. Un dekdek sur un mur a tokodos na petutna, ma a petutna ra i wakak umatan o God, a nurnur mulus, a marmaris, a tuntunur dekdek, ma a wowowon na petutna. 12 1 Kor 9:25-26; 2 Tim 4:7Un tur dekdek una nurnur elar nama wakak na tene inaim. Ma un pam ukai a nilaun tukum. A nilaun ra o God i kabo pas ui suri, ra u wasiso talapor uni umatan a susut na taro. 13 Jn 18:36-37A inanos ui umatan o God, i ra i pitar a nilaun torom a kum utna rop, ma umatan o Karisito Iesu i ra i wasiso talapor uni ut umatan o Pontias Pailat. A inanos ui lenri: 14 Un mur a kum wasiso ri, ma gong u pam tu utna ra taio in takun ui uni, tuk una bung ra anundat a Labino o Iesu Karisito in nanpat melet. 15 Tam 17:14Ra a bung in sot, o God ut in tulu ru i sur in nanpat melet. O God ara sot kut, a labino Tene Warkurai ma i dan tukum, a King anun a kum king, ma a Labino anun a kum lamlabino. 16 I sot kut i laun tukum, ra i kis una labino talapor ra kataio in nan milau nisano. Kataio utmakai i tama tari ma ka din tama lar pasi. Din pitar tar a labino urur toromi, ma i utur ukai a labino dekdek ra ken rop ma ken rop. Amen.\n17 Lk 12:20Un utumarong det ra det ululeng nin una rakrakon bual sur gong det ulabo pas det ut, ma gong det nurnur una mani ra i ser rop kut. Det in nurnur kut un o God, ra i ser tabor dat nama kum wakak na utna rop sur dat in gas nami. 18 Un inanos det sur det in pam a wakakino, ma det in bukus nama kum wakak na pinapam, det in ser etabor, ma det in ser isuaro a utna kai torom lako taro. 19 Mt 6:20Ra det in pami lenri, det in utur ukai a ululeng mulus. I ra a wakak na kibin anundet a nilaun numur, sur det in los a nilaun ra a nilaun mulus.\n20 Timoti, un tamtamabat wakak a pinapam ra o God i pitar tari tam. Un nan gisen gusun a kum wasiso ororos kut, ra ke elar nama nemnem anun o God, ma gusun a wasiso na engaras una utna di watungi nama \"mananos\", ikut awu sur a mananos mulus. 21 1 Tim 1:6; 2 Tim 2:18A ramano taro det watungi lena det tasmani ut a mananos ra, ra det sa wan gisen gusun a nurnur un o Iesu.\nA marmaris anun o God torom mot.\n6:7: Jop 1:21","id":"","dump":"CC-MAIN-2019-43","url":"https:\/\/ebible.org\/kqw\/1TI06.htm","date":"2019-10-18T15:49:38Z","file_path":"s3:\/\/commoncrawl\/crawl-data\/CC-MAIN-2019-43\/segments\/1570986684226.55\/warc\/CC-MAIN-20191018154409-20191018181909-00311.warc.gz","language":"kqw","language_score":0.9999783039,"language_script":"Latn","minhash_cluster_size":4,"top_langs":"{\"kqw_Latn_score\": 0.9999783039093018}","num_words":889,"character_repetition_ratio":0.056,"word_repetition_ratio":0.0,"special_characters_ratio":0.276,"stopwords_ratio":0.458,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"8\nO Iesu anundat a mugumugu na tene etabor una matok na kunubus\n1 Iri a labino utna ra met sa wasiso pas uni: Anundat a mugumugu na tene etabor torom o God i sa kis una papor sot na laman a kiskis anun o God, a labino King sakit sapat netes una langit. 2 I papam torom o God sapat netes una langit una rumu anun o God. I ra, a rumu mulus anun o God, ra a Labino ut i pami ma awu sur a taro det pami.\n3 A kum mugumugu na tene etabor rop torom o God, o God i ubek tar det sur det in pitar tar a kum etabor ma det in tun a kum wewegua sur a etabor toromi. Lenkutkai ra, o Iesu anundat a mugumugu na tene etabor in etabor nam tu utna sur in pam sot pas anun a pinapam na etabor torom o God. 4 Ra gunuk in kis nin upiso, ken tene etabor torom o God, uni a ramano kum tene etabor kuri ut det upiso, ra det ser pitar a etabor elar nama Warkurai anun o Moses. 5 Kol 2:17; Ibr 9:23A pinapam na etabor det ser pami una rumu na etabor, ra i elar kut nama malalar ina rumu kusapat una langit. Iri a kibino ra o God i utumarong o Moses, ra i waninar sur in pam a rumu na sel sur det in ser tun etabor uni. I watungi tano lena, \"Tamtama wakak taru ut! Un pam a kum utna rop, elar ut nama malalar ina rumu ra a sa ese tar ui uni sapat netes una tangai.\" Kis 25:40\n6 Ibr 7:22Ikut o Iesu i sa los pas a pinapam na tene etabor ra i labo sakit taun a pinapam na etabor anun a kum tene etabor. Lenkutkai ra a kunubus ra o Iesu i sa pam sot pasi sur in dat tomo a taro nam o God, i labo sakit taun a mugano kunubus. A kibin a matok na kunubus i a kum liliman, ra det wakak sakit taun a kum mugano liliman.\n7 Ra gunuk a mugano kunubus in tokodos sakit, katutaio in tamtama melet mo sur tu kunubus. 8 Jer 31:31-34Ikut o God i upuaso a niraro anun a taro ra i watungi lena,\n\"A Labino i watungi lena: Tama i, a kum bung in nanpat,\nra an pam a matok na kunubus\ntomo nama taro Israel\nma a taro Juda.\n9 Ken elar nama kunubus\nra a pami tomo nama kum tumtubun det\nuna bung ra a ben pirso pas det tagitong o Ijip,\nuni ka det mur anung a kunubus,\nra a rosumur gusun det.\n10 A Labino i watungi lena: Iri a kunubus ra an pami tomo nama taro Israel,\nuna kum bung numur.\nAn ubek tar anung a kum warkurai una nuknukin det,\nma an tumus tari unin balandet.\nMa iau a God anundet,\nma det anung a taro.\n11 Ma det ra det paspasano,\nma det ra det tar tistisino,\nka det in ususer det etalai melet mo lenri,\n'Un tasman a Labino,'\nuni det rop det sa tasman tar iau,\na kum lamlabino ma det ra ka di ulabo pas det.\n12 Uni an unus ru anundet a kum niraro,\nma kan nuk melet pasi mo anundet a kum sakino petutna.\" Jer 31:31-34\n13 Ra o God i watung a kunubus ri \"a matok na kunubus,\" i talapor lena a mugano kunubus i sa turai. Ma asau ra i turai ma i sa suano i, milau sur in rorom.","id":"","dump":"CC-MAIN-2019-43","url":"https:\/\/ebible.org\/kqw\/HEB08.htm","date":"2019-10-19T20:25:27Z","file_path":"s3:\/\/commoncrawl\/crawl-data\/CC-MAIN-2019-43\/segments\/1570986697760.44\/warc\/CC-MAIN-20191019191828-20191019215328-00152.warc.gz","language":"kqw","language_score":0.9999824762,"language_script":"Latn","minhash_cluster_size":2,"top_langs":"{\"kqw_Latn_score\": 0.999982476234436}","num_words":577,"character_repetition_ratio":0.075,"word_repetition_ratio":0.0,"special_characters_ratio":0.26,"stopwords_ratio":0.477,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"21\nA etabor anun a ula\n(Mk 12:41-44)\n1 O Iesu i kis una rumu na etabor, i tamtama usa, ra i tama a kum tene gongon det woro tar anundet a etabor una dino ra di ser woro mani uni.\n2 Ra i tama ara sibo na ula kai i woro tar aru toia kut.\n3 Ra o Iesu i watungi lena, \"A inanos mot nama lingmulus, a sibo na ula ri, i woro a labino mani taun det rop ra det woro anundet a kum mani.\n4 Det woro tari kut a sibano tagun anundet a kum mani, ikut a sibo na ula ri, i sa woro rop ru asau ra in topas anun a kinkinis.\"\nA kum ukinalong ina ururop na bung\n(Mt 24:1-14; Mk 13:1-13)\n5 A ramano kum nat na ususer det watungi una rumu na etabor lena, di sa mar tari nama kum wakak na watat ma a kum etabor ra di pitari torom o God. Ikut o Iesu i watungi lena,\n6 \"A kum utna ri, ra mot tama det, a bung in nanpat numur ra din rege ginogino det rop, ma katu wat in inep netes un tu wat.\"\n7 Det ting o Iesu lena, \"Tene Ususer, nangisin mo a kum utna ri in nanpat? Ma asi na ukinalong ra in ese i lena i sa milau sur det in nanpat?\"\n8 I balu det lena, \"Mot in tumarong, sako din toro pas mot. Uni a susut det in nanpat nama risang, ma det in warango det lena, 'Iau a Karisito,' ma lena, 'A du bung i sa milau.' Gong mot mur det.\n9 Ra mot in longoro a kum inaim ma a kum inaim tomo nama gapman, gong mot ngara, uni a kum utna ri det in nanpat mugu, ikut a ururop ina rakrakon bual ken nanpat utmakai.\"\n10 O Iesu i watungi tandet lena, \"A kum kamkabo taro det in tur na inaim torom a kum se kabotaro, ma ara gapman in tur na inaim torom ara gapman.\n11 A kum lamlabino guri, ma a kum munurak ma a kum ngas na dekdek na misait una kum tamon, ma a kum ngas na utna tagisapat una bakut ra in ungara a taro, ma a kum lamlabino ukinalong tagisapat una bakut, det in nanpat.\n12 \"Numugu ra a kum utna ri ka det wanpat utmakai, din dat pas mot, din ukadik mot, ma din dat mot una kum rumu na lotu sur a warkurai, ma din uruk mot una kum karabus. Ma din dat pas mot sur a warkurai sa numugu umatan a kum king, ma a kum lamlabino mugumugu, uni mot anungi.\n13 I ra, a wakak na du bung, sur mot in wasiso talapor un iau torom det.\n14 Gong mot nuknuk mugu sur asau ra mot in balu lako kum etakun nami.\n15 Uni iau ut, an unuk tar a wasiso ma a mananos kai una nuknuki mot, ra anumot a kum ebar rop, ka det in balu lar pasi, ma ka det in ipul ru i.\n16 A kum tamtama mot ma a kum nanamot, a kum tistisi mot, a kum kukumot, ma a kum paspasa mot, det in mulaot ru mot sur din um doko lako taro tagun mot.\n17 A taro rop det in nget mot uni mot anungi.\n18 Ikut ka tin iwu na lorimot in raro.\n19 Anumot a tuntunur dekdek in ulaun mot.\nO Iesu i watungi lena din kamar ru o Jerusalem\n(Mt 24:15-21; Mk 13:14-19)\n20 \"Ra mot in tama a kum taro na inaim det tur talilis pas o Jerusalem, mot in tasmani lena i milau sur din kamar ru i.\n21 Ma det ra det kis una papor Judia, det in kalabor eno usapat una kum tangai, ma det ra det kis una tamon Jerusalem det in pirso, ma det ra det kis sa ubual gong melet mo det ruk.\n22 Uni a kum bung ra, det a kum bung na minabalu sur din pam sot pas a kum ututna rop ra di sa tumus tari una Buk Tabu.\n23 Una kum bung ra, in laulau doko torom a kum tianan, ma torom a kum ino kai ra a kum nutnutun det, det sus utmakai. A labino ngunungut in nanpat una tamon Israel, ma a kankan anun o God in monong a taro ri.\n24 Lako taro din um doko det nama totok na inaim, ma lako taro din ben pas det sur det in kis na karabus una kum tamon rop. Ma det ra awu sur a taro Juda det in pas tataun o Jerusalem, ma in tuk ut una bung ra o God i kubus tari sur a taro ra awu sur a taro Juda det in mana nama ban laulau a taro Juda.\nA Nutun a Musano in nanpat\n(Mt 24:29-31; Mk 13:24-27)\n25 \"A kum ukinalong in nanpat sapat netes unin matanas, ma una kalang, ma una kum nangnang. Ma nin upiso a taro tagun a kum gapman rop det in laulau nama nginara una karangop ina top ma a wungu ino, ma a nuknukin det kai in talara uni.\n26 A taro det in matmat lalang nama nginara kibino una kum utna ra in nanpat una rakrakon bual, uni a kum utna sapat netes una bakut det in tugunu.\n27 Una bung ra, det in tama a Nutun a Musano in nanpat una du bakut, nama dekdek ma a labino minamar.\n28 Ra a kum utna ri in turpasi sur in nanpat, mot in tur, ma mot in tatado, uni a bung ra o God in ulaun pas mot uni i sa milau.\"\nA wasiso elelar unin nanai na fig\n(Mt 24:32-35; Mk 13:28-31)\n29 O Iesu i watung a wasiso elelar ri tandet lena, \"Mot in nuk pas in nanai na fig ma a kum duwai rop.\n30 Ra mot tama a kum gomono det in sibul pat, mot tasmani lena, a kum kalang na mararong i sa milau.\n31 Lenkutkai ra mot in tama a kum utna ra a wasiso taru uni in nanpat, mot in tasmani lena a matanitu anun o God i sa milau.\n32 A inanos mot nama lingmulus, a kum utna rop ri in nanpat ra a taro tagun uniri det laun utmakai.\n33 A langit ma a rakrakon bual der in rop, ikut anung a kum wasiso ken rop.\nMot in tumarong mot\n34 \"Mot in tumarong mot, sako mot in balon nama pam lukaro ma a ininum, ma a nginara sur a kum utna una nilaun nin upiso, ma a bung ra in nanpat kisin torom mot elar namin nukun.\n35 Uni in nanpat torom a taro rop una rakrakon bual.\n36 Mot in tumarong mot una kum bung rop, mot in wararing sur mot in dekdek sur mot in walip gusun a kum utna rop ri ra milau det in nanpat. Ma mot in wararing kai sur mot in pet lar pasi sur mot in tur umatan a Nutun a Musano.\"\n37 Una kum bung rop o Iesu i ususer a taro ubalan in noworo ina rumu na etabor, ma una kum mirum i pirso, ma i kis una tangai, a risano o Oliw.\n38 Ma una kum bung na kobot raut, a taro rop det wan toromi ubalan in noworo ina rumu na etabor sur det in longoro i.","id":"","dump":"CC-MAIN-2019-43","url":"https:\/\/ebible.org\/study\/content\/texts\/kqw\/LK21.html","date":"2019-10-16T16:40:46Z","file_path":"s3:\/\/commoncrawl\/crawl-data\/CC-MAIN-2019-43\/segments\/1570986669057.0\/warc\/CC-MAIN-20191016163146-20191016190646-00238.warc.gz","language":"kqw","language_score":0.9999912977,"language_script":"Latn","minhash_cluster_size":6,"top_langs":"{\"kqw_Latn_score\": 0.9999912977218628}","num_words":1178,"character_repetition_ratio":0.061,"word_repetition_ratio":0.0,"special_characters_ratio":0.273,"stopwords_ratio":0.531,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nDat in unatino dat elar nam o Karisito\n1 A nilaun anumot un o Karisito i uragot mot, anun a marmaris i umanatung a nuknuki mot, mot laun tomo nama Tokodos na Nion, mot nem etetalai mot, ma mot pam a wakakino torom mot etetalai. 2 Ra a nemi sur in takai kut a nuknuki mot, mot in nem etetalai mot, ma mot in tur tomo una numot a kum pinapam, ma in takai kut a balamot. Ra mot in pami lenra, in ubukus anung a gasgas. 3 Gal 5:26Gong mot pam tu utna sur in warut mot ut, ikut ken warut ara taro kai. Gong mot pam tu utna sur mot in ulabo pas mot nami. Mot in unatino pas mot ma mot in nuk ulabo pas ara taro gisen. 4 1 Kor 10:24Gong mot nuknuk kut sur asau ra in uwakak mot. Mot taktakai mot in nuknuk kai sur a utna ra in uwakak a taro gisen.\n5 A nuknuki mot in elar nama nuknukin o Karisito Iesu.\n6 Jn 1:1-2; 17:5I elar mulus nam o God,\nikut ke nuki sur in pam sikot anun a labino kinkinis ra i elar nam o God, awu.\n7 2 Kor 8:9; Jn 1:14I wan gusun anun a labino kinkinis ra,\ni rakon pas a magiran ara tultul,\ndi ususi, i wanpat a mulusino.\n8 Ibr 5:8; 12:2Ma a taro det tama i lena, i a musano mulus.\nI unatino pasi,\nma i mur a wasiso anun o God ra i pitar tari ut, sur in mat,\na lingmulus, i mat unin nanai kutus.\n9 Ap 2:33; Ep 1:20-21; Ibr 1:3-4I mo ra o God i ulabo pas o Karisito una kinkinis ra i labo sakit,\nma i pitar tar a rising tano ra i labo taun a kum rising rop,\n10 Rom 14:11sur a kum ukukis rop sapat netes una langit ma una rakrakon bual ma utuntudu ina rakrakon bual,\ndet in kis butkeke una risan o Iesu,\n11 Rom 10:9ma det rop det in watung puaso i lena, o Iesu Karisito i a Labino,\nsur det in ulabo pas o God a Tamandat.\nDat in talapor elar nama kum nangnang\n12 A kum wakak na paspasang, mot ser mur anung a wasiso una kum bung ra a kis tomo nam mot. I mo ra uniri, ra ka kis tomo nam mot, i wakak sur mot in muri ma mot in dekdek uni, sur mot in ser ese i una numot a nilaun lena, o God i sa ulaun pas mot. Mot in dekdek ma mot in neder ma mot in ngara sur mot in ese i lena o God i sa ulaun pas mot. 13 Uni o God ut i papam un mot sur mot in nem asau ra i elar nama nun a nemnem, ma i pitar a dekdek torom mot sur mot in pami lenra.\n14 Dan 12:3; Pil 1:10; 1 Tes 2:19A utna rop ra mot pami gong mot ururai, ma gong mot wasiso na engaras uni, 15-16 sur mot in langolango gusun a kum etakun ma mot in tokodos, a kum nutnutun o God, ma katu niraro un mot, epotor tan a taro ra ka det tokodos ma a magirandet i laulau sakit. Ra mot etabor nama wasiso na nilaun, mot in talapor epotor tandet elar nama kum nangnang ra det talapor una rakrakon bual. Ra mot in pami lenra, an warango mot una bung anun o Karisito, uni in talapor lena, ka kalabor oros kut, ma anung a pinapam ke utna oros kut. 17 Anumot a pinapam ra anumot a nurnur i pam pati, i elar nama etabor torom o God. Ra kanapi an mat, a gaping in elar nama etabor ra di lingisi netes una numot a etabor.* Ra di tun a wewegua sur a etabor torom o God, a ramano kum du bung di lingis a wain netes una etabor sur din etabor kai nami. Ra an gas ma an gas tomo nam mot rop. 18 Pil 3:1; 4:4Lenra, mot kai mot in gas, ma mot in gas tomo nam iau.\nO Pol i nem na tulu o Timoti ma o Epaproditus\n19 A nurnur una Labino o Iesu, ra milau mo an tulu ru o Timoti torom mot, sur an longoro tu wasiso un mot ra an gas. 20 Katutaio i elar nam o Timoti, ra i nuknuk doko un mot. 21 2 Tim 4:10Uni, a taro rop det nuk pas det ut ma anundet a kum pinapam, ma ka det nuk pas o Iesu Karisito ma anun a pinapam. 22 Ikut mot sa tasman tar a magiran o Timoti, ra i papam tomo nam iau una warawai nama Wakak na Wasiso elar nama nat ra i papam tomo nam o tamano. 23 Ra ut an tasman asau ra din pami un iau, a nuki lena, an tulu ru i maragom torom mot. 24 Ma a nurnur una Labino lena, milau mo, iau ut an nanpat torom mot.\n25 Pil 4:18A nuki lena, in wakak ra an tulu melet o Epaproditus, a tisindat torom mot. Mir papam tomo ma i ser tur warut iau una inaim sur a Wakak na Wasiso, ma i a tultul anumot ra mot tulu ru i sur in warut iau, nama kum utna ra a sibo suri. 26 I nem doko i sur in tama melet mot rop, ra i tupunuk uni mot longoro i lena i misait. 27 A lingmulus ut ra i misait, milau in mat. Ikut o God i marisi, ma awu sur i maris o Epaproditus kut, i maris iau utkai, sur gong a tupunuk melet. 28 I mo ra a nem doko i sur an tulu ru i torom mot, sur mot in tamtama tomo melet ma mot in gas, sur kan nuknuk melet. 29 Mot in gas pasi una risan a Labino nama labino gasgas, ma mot in urur torom a ngas na taro lenra, 30 uni i pitar tar anun a nilaun una pinapam anun o Karisito, ra milau mo sur in mat. Ke nuk pas anun a nilaun, i pitar tari sur in warut iau, uni mot ut, ka mot pet lar pasi.\n*2:17: Ra di tun a wewegua sur a etabor torom o God, a ramano kum du bung di lingis a wain netes una etabor sur din etabor kai nami.","id":"","dump":"CC-MAIN-2019-43","url":"https:\/\/ebible.org\/kqw\/PHP02.htm","date":"2019-10-19T20:12:54Z","file_path":"s3:\/\/commoncrawl\/crawl-data\/CC-MAIN-2019-43\/segments\/1570986697760.44\/warc\/CC-MAIN-20191019191828-20191019215328-00485.warc.gz","language":"kqw","language_score":1.0000004768,"language_script":"Latn","minhash_cluster_size":4,"top_langs":"{\"kqw_Latn_score\": 1.0000004768371582}","num_words":1012,"character_repetition_ratio":0.052,"word_repetition_ratio":0.038,"special_characters_ratio":0.277,"stopwords_ratio":0.487,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nA inawan pat anun a Tokodos na Nion una bung na Pentikos\n1\nUna bung na Pentikos, a kum tene nurnur rop det kis tomo un ara rumu. 2\nRa a wungu tagisapat una langit i elar nama wungu ina labino wuwu, i wanpat kisin torom det, ma i ubukus pas a rumu ra det kis uni. 3\nRa det tama a kum utna i elar nama kum kunkunabor ina sungun, det wan sarara ma det kis netes un det taktakai. 4\nDet rop det bukus nama Tokodos na Nion, ma det turpas a wasiso nama kum wur ngas na wasiso ra a Tokodos na Nion i pitar tari torom det.\n5 Una kum bung ra, a susut na te Juda kai det kis tiro o Jerusalem. Det a kum tene lotu, tagun a kum tamon rop una rakrakon bual. 6 Det longoro a wungu ri, ra det kalabor pat tomo, ma i toboroboro a nuknukin det, uni det ut taktakai, det longoro anundet a kum wasiso, ra a kum tene nurnur det wasiso nami. 7 Det rop det kisin ma det nuknuk doko una utna ri, ra det watungi lena, \"Tama i, det rop ri ra det wasiso, a taro Galili kut! 8 Asau a kibino ra dat rop taktakai dat longoro det, det wasiso nam anundat a kum wasiso ut? 9 Dat a kum te Patia, a kum te Midia, a kum te Elam, ma dat tagitong una kum papapor Mesopotemia, Judia, Kapadosia, Pontus, Asia, 10 Pirigia ma o Pampilia, ma tagitong o Ijip. Dat tagitong una papor Libia ra i milau o Sairini, ma tagitong o Rom. 11 Dat a taro Juda ma ara taro tagun dat ra det ruk una lotu Juda. Ma dat tagitong o Krit ma o Arebia. Dat rop dat longoro det ra det wasiso una kum lamlabino pinapam anun o God nam anundat a kum wasiso.\" 12 Ra det rop det kisin, ma i toboroboro a nuknukin det, ra det ting etetalai det lena, \"Asau a kukurai ina utna ri?\" 13 Ikut ara taro det urongon un det, ma det watungi lena, \"Det inum a wain ra det sipak nami.\"\nA warawai anun o Pita\n14 O Pita i tur tomo nama noino ma ra aposel, ma i wasiso namin labino walngano torom a taro lena, \"Mot a taro Juda, ma mot rop ra mot kis nin o Jerusalem, an palos a utna ri torom mot, ma mot in longoro wakaki. 15 Mot watungi lena det sipak. Ikut awu, uni i lisu na pakano bung utmakai una kobot. 16 A utna ri mot tama i, a poropet Joel i sa wasiso mugu taru uni lena,\n17 'O God i watungi lena:\nan pitar pirso a Niong torom a taro rop.\nA kum nutnutu mot, a kum musano ma a wardain, det in wasiso na poropet.\nAnumot a kum barman det in tama a kum tamtama,\nma anumot a kum takano na musano det in ririon a kum ririon.\n18 Una kum bung ra, an pitar a Niong torom det kai ra anung a kum tultul na musano ma anung a kum tultul na wardain,\nma det in wasiso na poropet.\n19 Ma an ese tar a kum utna na ukisin sapat una bakut,\nma a kum ukinalong nin upiso una rakrakon bual,\na kum utna ra, a gap, a sungun, ma a labino mis.\n20 In matanas in dumirum,\nma a kalang in merek elar nama gap,\nra numur a bung anun a Labino in nanpat,\na labino bung ra, a bung na minamar.\n21 Ra det rop ra det wararing torom a Labino, in ulaun det.' Jol 2:28-32\n22 \"A taro Israel, mot in longoro iau. An inanos mot un o Iesu, a te Nasaret. Mot ut mot tasmani lena, una dekdekin o God i pam a kum utna na ukisin, ma a kum dekdek na pinapam ma a kum ukinalong. I pami epotor torom mot, sur o God in ese i torom mot lena, i ut i tulu ru i. 23 Di pitar tar o Iesu torom mot, elar nami ra o God i sa tasman mugu tari, una nuknukino. Ra mot tomo nama kum sakino taro, mot sak wati unin nanai kutus. 24 Ikut, o God i ukatutur melet pasi, ma i los ru a minat gusuni, uni a minat ke pam ukai lar pasi. 25 O Dewid i sa watung tari un o Iesu lena,\n'A tasmani lena a Labino i kis bolbolos tomo nam iau.\nKan neder,\nuni kuri i una sot na lamang, i udekdek iau.\n26 I mo ra in balang i gas doko, ra a wasiso nama gasgas,\na nurnur lena un ulaun melet a pining.\n27 Uni kon madek tar iau unin nutung na minat,\nma kon madek tar anum a Tene Tasur sur in mereseng.\n28 U sa ese tar iau una kum kisapi sur an los a nilaun.\nAn kis tomo nam ui, ma un ubukus iau nama gasgas.' Sng 16:8-11\n29\n\"A kum tistising, an wasiso talapor torom mot un o Dewid, a tubundat tagun numugu. I sa mat ma di sa por ru i, ma anun a kulam na minat kuri ut nisan dat tuk uniri. 30\nIkut o Dewid a poropet, ra i tasmani lena, o God i sa liliman dekdek taru toromi lena, i ut in ukis tar taio tagun a kabotaro anunu sur in kelesi una nun a kiskis na king. 31\nO Dewid i sa tasman mugu tar a utna ra in nanpat, ma i watung a wasiso ri una nilaun melet anun o Karisito, lena ka din madek tari unin nutung na minat ma a pinino ken mereseng. 32\nO Iesu ut ra, o God i ukatutur pasi gusun a minat, ma met rop met tama i, ra met wasiso talapor uni. 33\nDi ulabo pasi ma di ukis tari una sot na laman o God, ma o God o Tamano i pitar a Tokodos na Nion toromi, elar nami ra i uliliman tari nami. Ra uniri o Iesu i sa pitar pirso a utna ri, ra mot tama i, ma mot longoro i. 34\nO Dewid ke wan usapat una langit, ikut i watungi lenri,\n'A Labino i watungi torom anung a Labino†\nlena,\n\"Un kis una papor sot na lamang,\n35 tuk ra an winim pas anum a kum ebar\nsur det in kis utuntudu in anum a warkurai.\" ' Sng 110:1\n36\n\"I mo ra mot a taro Israel rop mot in tasman wakaki: O Iesu ra mot sak wat tari unin nanai kutus, o God i sa ukis tari sur i a Labino ma a Karisito.\"\n37\nDet longoro a wasiso ri, ra i so a balandet, ma det ting o Pita ma a kum aposel lena, \"A kum tistisi met, asau met in pami?\" 38\nO Pita i balu det lena, \"Mot rop taktakai mot in nukpukus, ma din baptaiso mot nama risan o Iesu Karisito, sur din unus ru anumot a kum sakino petutna, ra din tabor mot nama Tokodos na Nion. 39\nUni a etabor ri ra o God i sa uliliman taru uni, in nan torom mot, ma torom a kum nutnutu mot, ma det utkai ra det kis bakbak. In nan torom det rop, ra a Labino anundat a God in kabo pas det toromi.\" 40\nMa i utumarong det nama susut na wasiso kai, ma i udekdek det lena, \"Mot in tumarong, ma mot in nan gisen gusun a sakino petutna anun a taro tagun uniri, sur gong mot los a warkurai na minabalu.\" 41\nDet ra det mur a wasiso anun o Pita, di baptaiso det. Det elar nama tulu arip det, ra di luk tomo det nama kum tene nurnur. 42\nMa det pitar tar anundet a nilaun una etowo anun a kum aposel, una kinkinis tomo nama marmaris, ma una inangon tomo, ma una niaring.\nA kinkinis tomo anun a kum tene nurnur\n43\nA kum aposel det pam a susut na utna na ukisin, ma a susut na ukinalong kai, ra a taro rop det urur un o God. 44\nA kum tene nurnur rop det kis tomo, ma a kum utna rop ra anundet taktakai, anundet rop kut. 45\nRa det siuru anundet a kum du piso ma anundet a kum utna, ma a mani taguni, det isuaro i torom osi ra i sibo. 46\nDet ser kis tomo ubalan in noworo ina rumu na etabor una kum bung rop. Ra det ser wangon tomo una nundet a kum rumu nama gasgas ma a lingmulus ubalandet. 47\nRa det watung ulabo pas o God, ma a taro rop det gas nam det. Ma una kum bung rop, a Labino i ulaun a susut na taro, ra di luk tomo det nama kum tene nurnur.","id":"","dump":"CC-MAIN-2019-43","url":"https:\/\/ebible.org\/kqw\/ACT02.htm","date":"2019-10-15T18:42:18Z","file_path":"s3:\/\/commoncrawl\/crawl-data\/CC-MAIN-2019-43\/segments\/1570986660231.30\/warc\/CC-MAIN-20191015182235-20191015205735-00479.warc.gz","language":"kqw","language_score":0.99999547,"language_script":"Latn","minhash_cluster_size":4,"top_langs":"{\"kqw_Latn_score\": 0.9999954700469971}","num_words":1414,"character_repetition_ratio":0.05,"word_repetition_ratio":0.0,"special_characters_ratio":0.264,"stopwords_ratio":0.487,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"11\nA etowo anun o Iesu una niaring\n(Mt 6:9-13; 7:7-11)\n1 Ara bung o Iesu i wararing un ara nubual. Ra i sa wararing rop, ara tagun anun a kum nat na ususer i watungi tano lena, \"Labino, un ususer met nama niaring, elar nam o Jon i ususer anun a kum nat na ususer.\"\n2 Ra o Iesu i watungi tandet lena, \"Ra mot in wararing, mot in wararing lenri,\n'Tamamet,\ni wakak ra din ru a risam.\nI wakak ra anum a matanitu in nanpat.\n3 A kum bung rop un tabor met nam amet a utna na inangon.\n4 Un unus ru anumet a kum sakino petutna,\nuni met kai met dumano ru anundet a kum sakino petutna torom met.\nGong u ben met una ululam.' \"\n5 O Iesu i watungi tan anun a kum nat na ususer lena, \"Ra taio tagun mot in nan torom tu pasano una labino mirum, ma in saringi lena, 'Pasang, a nem lako tulin beret munung,\n6 uni ara pasang i wanpat torom iau una nun a inawan ut, ra kalako utna sur an tabori nami.'\n7 Ra a pasano kura urumu in watungi lena, 'Gong u ubalon iau! Met sa tagar, ma met nama kum nutnutung liklik met sa inep. Kan pirso melet mo sur an los tar tu utna tam.'\n8 A inanos mot, in pirso sur in pitar tar a beret tano, awu sur i kibino ra der pasano, awu, i kibino uni i sasaring liklik ut.\n9 \"A watungi tamot, mot in sasaring, ra din tabor mot, mot in sisio, ra mot in sio pasi, mot in pinpidik, ra din papos pas mot.\n10 Uni det rop ra det sasaring din tabor det, ma osi ra i sisio in sio pasi, ma osi kai ra i pinpidik, din papos pasi.\n11 Osi na pasamot a kum tamtaman a kum nat liklik, ra o nutunulik in saringi sur tin kiripo, in tabori kut namin nusui?\n12 O, ra in saringi sur tin nikiau, in tabori kut nama bukalo?\n13 Mot a laulau na taro, ikut mot tasmani ut a wakak na etabor sur mot in tabor a kum nutnutu mot nami. Ra mot ser pami lenra, i lingmulus sakit lena, osi ra in saring a Tamamot ra i kis sapat una langit, in tabori ut nama Tokodos na Nion.\"\nO Iesu ma o Belsebul\n(Mt 12:22-30; Mk 3:20-27)\n14 O Iesu i lakro ru a laulau na nion ra i ngat gusun ara musano. Ra a laulau na nion ra i pirso gusuni, a musano ra i wasiso maragom. Ma a kunur na taro det kisin.\n15 Ikut ara taro tagun det, det watungi lena, \"I ser lakro ru a kum laulau na nion nama dekdekin o Belsebul, a labino anun a kum laulau na nion.\"\n16 A ramano taro kai det lar o Iesu sur in pam tu ukinalong sur in ese i lena, i tagisapat una langit.\n17 Ikut o Iesu i sa tasman a nuknukin det, ra i watungi tandet lena, \"Ra tu gapman det melet ut det in waim etalai, a gapman ra in rop kut. Ma ra lako taro tagun tu rumu det in waim etalai melet kut, det in nan sarara.\n18 Ra o Satan in waim melet kut nam anun a kum tultul, anun a gapman in tur dekdek pepetlai? A watungi lenri, uni mot watungi un iau lena, a lakro ru a kum laulau na nion nama dekdekin o Belsebul.\n19 Ikut, ra iau, an lakro ru a kum laulau na nion nama dekdekin o Belsebul, anumot a taro, det ser lakro ru a kum laulau na nion nama dekdekin osi? Anundet a pinapam ut in upuaso i lena anumot a etakun ke lingmulus.\n20 Ikut, ra an lakro ru a kum laulau na nion nama dekdekin o God, in ese i lena a matanitu anun o God i sa wanpat torom mot.\n21 \"Ra ara dekdek na musano i sa emar pas nam anun a kum utna na inaim, ra i tamtamabat anun a rumu, anun a kum utna in kis wakak.\n22 Ikut, ra taio ra i dekdek tauni in nanpat toromi ma in winim pasi, in ras ru anun a kum utna na inaim ra i nurnur taru uni, ma in los pas anun a kum utna rop, ma in tabor a taro nami.\n23 \"O naro ra ka mir tar pasano mir ebar. Ma o naro ra ke warut iau u eben, i lu sarara ru a taro kut.\nA laulau na nion i milet melet\n(Mt 12:43-45)\n24 \"Ra tu laulau na nion in pirso pas gusun tu musano, in nan una kum nubual ra kalako danim iai, sur in mana, ikut ken sio pas tu nubual sur in mana uni. Ra in watungi lena, 'An milet melet sur anung a rumu, ra a sa pirso pas gusuni.'\n25 Ra in nanpat, in tama i ra di sa surupu tari, ma di sa ukodos tari.\n26 Numur in nan, ra in ben melet pas a wonom mawit na laulau na nion, ra det laulau sakit tano, ma det in ruk rop taru una rumu ra, ma det in kis uni. Ma a nilaun anun a musano ra in laulau sakit taun a nilaun ra numugu i utur ukai i.\"\nDet ra det dan\n27 Ra o Iesu i wasiso utmakai, ara ino tagun a kunur na taro ra, i watungi lena, \"A ino ra i usus pas ui ma i ugu ui, i dan.\"\n28 O Iesu i balu i lena, \"Ikut det ra det longoro a wasiso anun o God ma det muri, det dan sakit.\"\nA taro det sasaring sur tu ukinalong\n(Mt 12:38-42)\n29 Ra a kunur na taro det bukus nanan, o Iesu i watungi tandet lena, \"A taro tagun uniri, a sakino taro. Det tamtama sur tu ukinalong, ikut ka din pam taio torom det. Din pam a ukinalong kut elar nami ra di sa pam tari un o Jona.\n30 Uni o Jona i a ukinalong torom a taro Niniwe, ma lenkutkai ra a Nutun a Musano in nanpat a ukinalong torom a taro tagun uniri.\n31 Una bung na warkurai, a kwin tagitong una matmatano tobar in tur ma in takun dekdek a taro tagun uniri, uni i wan ut tagitiro bakbak sur in longoro a mananos anun o king Solomon, ma o naro ra i labo taun o Solomon kuri ut nin, ikut ka mot longoro i.\n32 Una bung na warkurai, a taro Niniwe det in tur ma det in takun dekdek a taro tagun uniri, uni det nukpukus una warawai anun o Jona, ma o naro ra i labo taun o Jona kuri ut nin, ikut ka mot longoro i.\nA lam tagun a pinindat\n(Mt 5:15; 6:22-23)\n33 \"Katutaio in ungangon tar tu lam ma in munu tari, o in wop bat tari nama paket. Awu! In ubek tari ut netes una nun a turtur, sur det ra det ruk det in tama a talapor.\n34 Arin matam der elar nama lam una pinim. Ra arin matam der wakak, a pinim rop in bukus nama talapor. Ikut ra der laulau, a pinim rop in bukus nama dumirum.\n35 Un tumarong, sako a talapor ra kura un ui in dumirum.\n36 Ra a pinim rop in bukus nama talapor, ma katu dumirum uni, in talapor rop, elar nama lam ra a talaporino i sisio un ui.\"\nO Iesu i upuaso a kum niraro anun a kum Parisi ma a kum tene ususer tagun a Warkurai\n(Mt 23:1-36; Mk 12:38-40; Lk 20:45-47)\n37 Ra o Iesu i sa wasiso rop, ara Parisi i ben pasi sur det in nangon tomo. O Iesu i ruk ma i kis sur in nangon.\n38 Ma a Parisi ra, i tama i lena o Iesu ke gos mugu pas a lamano, ra i kisin uni.\n39 Ra a Labino i watungi tano lena, \"Mot a kum Parisi mot ser gos pasi kut a surun a kap ma a pelet, ikut a balamot i bukus nama petutna na ungongos pas a utna tan taio ma a kum sakino petutna.\n40 Mot a kum longlong! Ka mot tasmani lena, o naro ra i pam a surun a kum utna, i pami utkai a balandet?\n41 Mot in tabor a kum sibo na taro nama utna ra kura ubalan anumot a kum kap ma a kum pelet, sur katu dur kura un mot umatan o God.\n42 \"In laulau doko torom mot a kum Parisi. Mot nuknuk doko sur a kum natnat na warkurai lenri, mot pitar in tekteken nanai torom o God tagun a noino natnat na duwai ra i sangsangnain wakak tagun anumot a kinobot, ikut ka mot pam a tokodos na warkurai torom a taro ma ka mot nem o God. I wakak sur mot in pam a tokodos na warkurai torom a taro ma mot in nem o God, ma gong kai mot dumano ru in tektekene tagun a noino, sur mot in pitari torom o God.\n43 In laulau doko torom mot a kum Parisi, uni mot nem a kinkinis na labino sa numugu una kum rumu na lotu. Ma mot nemi kai sur a taro det in pitar a labino urur torom mot una kum nubual na inawan tomo.\n44 In laulau doko torom mot, uni mot elar nama kum tung na minat ra katu ukinalong un det, ma a taro det wanan sapat netes un det ma ka det tasmani.\"\n45 Ara tagun a kum tene ususer tagun a Warkurai i watungi tan o Iesu lena, \"Tene Ususer, ra u watungi lenri, u watung laulau met kai.\"\n46 Ra o Iesu i balu i lena, \"In laulau doko kai torom mot a kum tene mananos tagun a Warkurai, uni mot pitar tar a kum warkurai ra i ngangitin sur a taro det in muri, ma mot ut, ka mot warut det uni.\n47 In laulau doko torom mot, uni a kum tumtubu mot tagun numugu det um doko ru a kum poropet, ma mot utur a kum aim nisan a kum kulam na minat anundet, ikut ka mot mur anundet a wasiso.\n48 Lenra mot upuaso i lena, mot mulaot tomo nama kum tumtubu mot tagun numugu una nundet a pinapam ra det um doko a kum poropet, uni det um doko det, ma mot, mot utur a kum aim nisan a kum kulam na minatindet.\n49 I mo ri a kibino, o God ra i mananos doko i watungi lena, 'An tulu ru a kum poropet ma a kum aposel torom a taro. A taro det in um doko lako taro tagun det, ma det in ukadik lako taro kai tagun det.'\n50 I mo ra mot a taro tagun uniri, din pitar a warkurai na minabalu torom mot, una gapin a kum poropet rop, ra di sa um doko tar det, turpasi ut una turturkibin a rakrakon bual.\n51 Turpasi ra di um doko o Abel ma i wan tuk ra di um doko o Sekaraia, i ra i iru epotor nisan a kabulu na tuntun etabor ma a rumu na etabor. A watungi tamot, din pitar a warkurai na minabalu torom a taro tagun uniri una kum utna rop ri.\n52 In laulau doko torom mot a kum tene mananos tagun a Warkurai, uni mot rakon ru a ki tagun a matansako sur a mananos. Mot ut ka mot ruk uni, ma mot turbat det ra det nem na ruk uni.\"\n53 Ra o Iesu i pirso gusun a rumu ra, a kum tene ususer tagun a Warkurai ma a kum Parisi det kankan doko ma det ting pukpukusi una susut na utna.\n54 Ra det kis langlang o Iesu sur tu ngas na wasiso sur det in takuni nami.","id":"","dump":"CC-MAIN-2019-43","url":"https:\/\/ebible.org\/study\/content\/texts\/kqw\/LK11.html","date":"2019-10-17T08:00:50Z","file_path":"s3:\/\/commoncrawl\/crawl-data\/CC-MAIN-2019-43\/segments\/1570986673250.23\/warc\/CC-MAIN-20191017073050-20191017100550-00237.warc.gz","language":"kqw","language_score":0.9999967813,"language_script":"Latn","minhash_cluster_size":6,"top_langs":"{\"kqw_Latn_score\": 0.9999967813491821}","num_words":1902,"character_repetition_ratio":0.062,"word_repetition_ratio":0.01,"special_characters_ratio":0.268,"stopwords_ratio":0.493,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nO Maria i usus o Iesu\n(Mt 1:18-25)\n1 Una kilalo ra, o Sisa Augustus, a mugumugu tagun a gapman Rom, i ubek a warkurai sur din tumus a risan a taro rop una kum tamon ra o Rom i warkurai sur det.\n2 Iri a mugano dino ra di tumus a risandi una kum kilalo ra o Kwirinius i mugumugu tong o Siria.\n3 Ma a taro rop det wan sur anundet a kum tamon mulus sur din tumus a risandet.\n4 O Josep kai i wan tagitiro una tamon Nasaret una papor Galili utong o Betliem una papor Judia. O Betliem, a tamon ra di usus o Dewid iai, ma o Josep i wan utong, uni i tagun a kabotaro anun o Dewid.\n5 I wan sur din tumus a risano, tomo nama risan o Maria ra di sa ubek bat tari sur anunu. Ra der wan o Maria i sa tianan.\n6 Ra der kis tong o Betliem, i sa sot a du bung sur o Maria in usus uni,\n7 ra i usus pas a mugano nutunu, a nat musano. Ma i pulusi nama kum malu anun a nat, ma i inep tari una boks na inangon ana kum wewegua, uni a rumu na usiro i sa bukus pas gusun detul.\nA ensel i pitar a wasiso torom a kum tene tamtamabat anun a kum sipsip\n8 A ramano kum tene tamtamabat anun a kum sipsip det tamtamabat anundet a kum sipsip una mirum sa ubual milau una tamon ra.\n9 Ma a ensel anun a Labino i wanpat torom det, ma a minamar anun a Labino i sisio talilis det, ra det ngara doko.\n10 Ikut a ensel i watungi tandet lena, \"Gong mot ngara. Mot tama i, a wanpat torom mot nama wakak na wasiso ra in ugasgas a taro rop.\n11 Uniri, una tamon anun o Dewid, di sa usus pas anumot a Tene Ulaun, i a Karisito, a Labino.\n12 Ma mot in tama a ukinalong lenri: A nat di pulus tari nama kum malu na nat, ma di inep tari una boks na inangon ana kum wewegua.\"\n13 Uniutra a labino kunur na ensel tagisapat una langit det wanpat torom a ensel ra, ma det watung ulabo pas o God lena,\n14 \"Dat in watung ulabo pas o God sapat netes sakit,\nma a malmal una rakrakon bual rop torom det\nra o God i gas sur det.\"\n15 Ra a kum ensel det sa wan gusun det usapat netes una langit, a kum tene tamtamabat anun a kum sipsip det watungi lena, \"Uniutri dat in nan utong o Betliem, dat in tama a utna ri i sa wanpat, ra a Labino i sa inanos tar dat nami.\"\n16 Ra det wan lakit, ra det sio pas o Maria ma o Josep ma a nat miso ra di inep tari una boks na inangon ana kum wewegua.\n17 Ra det sa tama tar a nat, det watung puaso a wasiso ra a ensel i sa inanos tar det nami una nat ra.\n18 Det rop ra det longoro a wasiso anun a kum tene tamtamabat anun a kum sipsip, det kisin doko uni.\n19 Ra o Maria i longoro a kum wasiso ri, i pam ukai i unin balano ma i nuknuk doko uni.\n20 A kum tene tamtamabat anun a kum sipsip det milet melet, det ulabo pas o God ma det rakon lekeleke pasi una kum utna det longoro i ma det sa tama tari, elar ut nama wasiso anun a ensel.\nDi pasor a risan o Iesu\n21 Ra i tiwal na bung anun a nat, ma i sa sot sur din tok talilis a pinino, di pasor tar a risano nam o Iesu, elar nama wasiso ra a ensel i sa watung tari ra o Maria ke tianan utmakai.\nDi pitar tar o Iesu torom a Labino\n22-24 Numur tan a bung ra o Maria i usus o Iesu, o Maria ma o Josep der kis ru a kum bung na utalapor sur o Maria in talapor melet umatan o God. Ra a kum bung ra, i sa rop, der wan usapat o Jerusalem, sur der in pitar a etabor, elar nama Warkurai anun o Moses. Der in etabor nama \"arin natabun o arin barman na balus,\" Wkp 12:8\nelar nama Warkurai anun a Labino. Der los o Iesu utkai usapat o Jerusalem, sur der in pitar tari torom a Labino, elar nami ra di sa tumus tari una Warkurai anun a Labino lena, \"A kum mugano nat musano rop ma a kum mugano loko na wewegua, din pitar tar det torom a Labino.\" Kis 13:2, 12\n25 Ara musano i kis sapat o Jerusalem a risano o Simion, a tene tokodos ma a tene urur kai torom o God. I ser kis langlang sur o God in ulaun a taro Israel, ma a Tokodos na Nion i kis uni.\n26 A Tokodos na Nion i sa upuaso tari toromi lena ken mat lakit, tuk ut ra in tama tar a Karisito anun a Labino.\n27 A Tokodos na Nion i mugu i sur in ruk unin noworo na rumu na etabor. Ra i tama pas der suano der wanpat nama nat, o Iesu, sur der in pitar tari torom a Labino, elar nami ra di sa tumus tari una Warkurai.\n28 O Simion i los pas o Iesu nama ru lamano, ra i watung wakak torom o God lenri,\n29 \"Labino, uniri un ulangolango ru iau, anum a tultul, sur an nan nama malmal,\nelar ut nama num a liliman torom iau.\n30 A sa tama tar a Tene Ulaun namin matang,\na Tene Ulaun ra u tulu ru i.\n31 U sa waninar tari umatan a kum kabotaro rop.\n32 I a talapor sur in utalapor anum a kisapi torom det ra awu sur a taro Israel,\nma sur a minamar torom anum a taro Israel.\"\n33 O tamano ma o nano der kisin doko una kum wasiso ra o Simion i watungi un o Iesu.\n34 O Simion i watung udan detul, ra i watungi tan o Maria, o nan o Iesu, lena, \"Tama i, a nat ri, o God i pilok pasi sur a susut na te Israel det in iru uni, ma a susut kai det in laun uni, ma sur a ukinalong ra a susut na taro det in rosumur gusuni.\n35 Ra det in rosumur gusuni, in upuaso a kum nuknuk tagun a balandet. Ma ui, a tupunuk ra un taramo i in elar namin totok na inaim ra in so anum a nilaun.\"\n36-37 Ara ino bulung, a poropet, a risano o Ana, a nutun o Panuel, tagun a kabotaro Aser. I sa takano laulau, i sa tiwal na noino ma wat na kilalo anunu ma i ula mukut. Der nolin pas kut a wonom mawit na kilalo, ra numur anun a musano i mat. A ino ri ke wan taru gusun a rumu na etabor, i ser lotu una kum mirum ma a waspi, i ser wewel ma i ser wararing.\n38 Una du bung utra, i wanpat torom detul, i watung wakak pas torom o God, ra i wasiso puaso una nat torom det rop ra det ser kis langlang sur o God in ulangolango pas a taro Jerusalem.\nDetul milet melet utong o Nasaret\n39 O Josep ma o Maria der sa pam sot pas a kum utna rop elar nama Warkurai anun a Labino, ra numur detul milet melet utong o Galili, sur anundetul a tamon, o Nasaret.\n40 Ra a nat i labo pat nanan, ma i dekdek nanan, ma i bukus nama mananos, ma a marmaris anun o God i kis uni.\nO Iesu i kis sikot una rumu na etabor\n41 Una kum kilalo rop o taman o Iesu ma o nano der ser wan usapat o Jerusalem una labino bung na lotu na Wanlakai.\n42 Ra i sa noino ma aru kilalo anun o Iesu, detul wan usapat o Jerusalem sur a labino bung na lotu na Wanlakai, elar ut nami ra det ser pami.\n43 Ra a labino bung na lotu na Wanlakai i sa rop, det turpas a inawan sur det in milet melet, ma o Iesu i kis sikot kut sapat o Jerusalem, ikut o tamano ma o nano ka der tasmani.\n44 Der nuki lena, det wan tomo nama taro. Ra det sa wan ara bung una nundet a milmilet, der turpasi sur der in sisio sur o Iesu nisan a kum kukundetul, ma a kum paspasan detul.\n45 Ra der lagano sisio taru suri, der milet melet usapat o Jerusalem, ra der sisio mo suri sapat.\n46 Ra der sa sisio pas a tulu bung, der tama torom pasi ubalan in noworo ina rumu na etabor. I kis tomo nama kum tene ususer tagun a Warkurai, i longoro det, ma i ting det.\n47 Det rop ra det longoro i, det kisin una nun a mananos, ma anun a kum minabalu torom det.\n48 Ra der tama pasi, der kisin, ma o nano i watungi tano lena, \"Nutunglik, ilai ra u pami lenri un mir? Mir nam o tamam mir sa sisio doko pas sur ui, ma mir ngara doko sur ui.\"\n49 Ra i watungi tander lena, \"Asau ra mur sisio sur iau suri? Ka mur tasmani lena i tokodos sur an kis una rumu anun o Tita?\"\n50 Ikut ka der talapor una nun a wasiso.\n51 Numur detul milet melet utong o Nasaret, ra i ser mur a wasiso anunder, ma o nano i nuk ukai a kum utna rop ri.\n52 O Iesu i labo pat nanan una pinino ma una nun a mananos, ma o God ma a taro kai det gas doko nami.","id":"","dump":"CC-MAIN-2019-43","url":"https:\/\/ebible.org\/study\/content\/texts\/kqw\/LK2.html","date":"2019-10-18T01:08:50Z","file_path":"s3:\/\/commoncrawl\/crawl-data\/CC-MAIN-2019-43\/segments\/1570986677412.35\/warc\/CC-MAIN-20191018005539-20191018033039-00339.warc.gz","language":"kqw","language_score":0.9999901056,"language_script":"Latn","minhash_cluster_size":4,"top_langs":"{\"kqw_Latn_score\": 0.9999901056289673}","num_words":1580,"character_repetition_ratio":0.056,"word_repetition_ratio":0.011,"special_characters_ratio":0.261,"stopwords_ratio":0.472,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nA pinapam na ulaun a taro ra o Iesu i pami\n1 I mo ra i wakak sur dat in mur a kum etowo ra dat sa longoro tari. Dat in mur a kum etowo ra, sur gong dat wan gisen gusuni. 2 Gal 3:19A kum wasiso ra numugu a kum ensel det wasiso talapor nami i tur sikot* A wasiso ra a kum ensel det wasiso talapor nami a kum warkurai anun o Moses.. Ra taio ke muri o i pitarngat kut, din pitar tar a warkurai na minabalu toromi, ra i elar nam anun a pitarngat. 3 Ibr 10:29; 12:25Ra i lenra, in pepetlai torom dat, ra dat rosumur gusun a labino pinapam na ulaun a taro ra o God i sa pam tari? Ka dat in kalabor eno lar pas gusun anun a warkurai na minabalu. A pinapam na ulaun a taro, a Labino ut i sa wasiso puaso mugu taru uni. Ma det ra det longoro in nalngano, det upuaso i torom dat lena i lingmulus sakit. 4 Mk 16:20; 1 Kor 12:4, 11O God i pam a kum ukinalong ma a kum utna na ukisin, ma a kum dekdek na pinapam, ma i tibo susuaro a kum etabor anun a Tokodos na Nion elar ut nam anun a nemnem. Una nun a kum pinapam ra, i ese i lena anun a pinapam na ulaun a taro i lingmulus.\nO Iesu i wanpat a mulusino sur in ulaun pas a taro\n5 A matok na rakrakon bual ra numur in nanpat, ra uniri dat wasiso uni, o God ke ubek tari utuntudu ina warkurai anun a kum ensel. 6 Ikut, un ara dino una Buk Tabu, ara i watungi torom o God lenri,\n\"Met a taro, osi mulus met ra u nuk pas met?\nSur asau ra u tamtamabat met?\n7 U sa ukis tar met sur met in kis utuntudu ina kum ensel, a nat na du bung kut.\nU ukukup tar met nama minamar ma a urur,\n8 ma u sa ubek tar a kum utna rop utuntudu ina numet a warkurai.\" Sng 8:4-6\nO God i sa ubek tar dat a taro sur dat in warkurai sur a kum utna rop. I talapor lena, katu utna melet mo ra ke kis utuntudu indat. Ikut, una kum kilalo ri, ka dat tama i utmakai lena a kum utna rop det kis utuntudu indat. 9 Pil 2:8-9Ikut dat tama o Iesu, i ra o God i unatino pasi sur in natino tan a kum ensel, a nat na du bung kut, sur in mat sur a taro rop. I mat uni o God i maris det. Ikut uniri, dat tama i lena o God i sa ukukup tari nama minamar ma a urur, uni i taramo a ngunungut ma i mat.\n10 O God i ukis tar a kum utna rop suri ut, ma i nemi sur in ben pas a susut na nutnutunu sur det in rakon pas a minamar. I mo ra i tokodos sur in mulaot tar o Iesu sur in taramo a ngunungut, sur in papos a kisapi sur o God in ulaun pas det. 11 Mt 25:40O Iesu tomo nama taro ra i rus talapor pas det gusun anundet a kum sakino petutna, det ara Tamandet kut. Iri a kibino ra o Iesu ke maimai sur in watung det, a kum tistisino. 12 Ma i watungi torom o God lenri,\n\"An wasiso talapor un ui torom a kum tistising,\nma an kelekele na watung ulabo pas ui epotor tan a taro na lotu.\" Sng 22:22\n13 Ma i watungi kai lena,\n\"An nurnur ut un o God.\" Ais 8:17\nMa i watungi utkai lenri,\n\"Tama i, iau kuri, iau nama kum nat liklik ra o God i sa pitar tar det tang.\" Ais 8:18\n14 1 Jon 3:8; Tam 12:10A kukurai ina kum nat liklik ra, a kum mulusino ut. Ma o Iesu kai i wanpat a mulusino, a pinino ma a gapino ut. I pami lenra sur una nun a minat in ban laulau ru o Satan, i ra i utur ukai a dekdekin a minat. 15 O Iesu i mat sur in ulangolango det ra a nginara na minat i ker det una nundet a kum bung na nilaun rop. 16 I lingmulus sakit, o Iesu ke pam a pinapam ri sur in warut a kum ensel, awu. I pami sur in warut a kum tumtubun o Abaram. 17 Iri a kibino ra o Iesu i wanpat elar ut nama kum tistisino una kum utna rop, sur in mugumugu na tene etabor torom o God ma una nun a pinapam ra torom o God, in ese a marmaris torom a taro, ma a lingmulus na petutna. In pitar anun a nilaun sur in mat, ma o God in unus ru a kum sakino petutna anun a taro, ma in urop ru anun a kankan ma ken kankan melet mo torom det. 18 O Iesu i pet lari sur in warut det ra di lar det, uni o Iesu kai di lari ma i taramo a ngunungut uni.\n*2:2: A wasiso ra a kum ensel det wasiso talapor nami a kum warkurai anun o Moses.","id":"","dump":"CC-MAIN-2019-43","url":"https:\/\/ebible.org\/kqw\/HEB02.htm","date":"2019-10-23T12:30:28Z","file_path":"s3:\/\/commoncrawl\/crawl-data\/CC-MAIN-2019-43\/segments\/1570987833766.94\/warc\/CC-MAIN-20191023122219-20191023145719-00226.warc.gz","language":"kqw","language_score":0.9999870062,"language_script":"Latn","minhash_cluster_size":4,"top_langs":"{\"kqw_Latn_score\": 0.999987006187439}","num_words":837,"character_repetition_ratio":0.062,"word_repetition_ratio":0.017,"special_characters_ratio":0.274,"stopwords_ratio":0.501,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"13\nDi pilok pas o Banabas ma o Sol\n1 Tiro o Antiok, a kum poropet ma a kum tene ususer kai, kura epotor tan a taro na lotu. Iri a kum risandet: o Banabas, o Simion ara risano kai o Niger, o Lusius a te Sairini, o Sol ma o Manaen, i ra di ugu tomo der nam o Erod, a mugumugu.\n2\nAra bung ra det lotu torom a Labino ma det wewel, a Tokodos na Nion i watungi lena, \"Mot in pilok pas o Banabas ma o Sol sur anung, sur a pinapam ra a kabo pas der suri.\" 3\nDet wararing ma det wewel, ra numur det ubek a kum lamandet netes un der, ma det tulu ru der.\nA pinapam anun o Banabas ma o Sol tong o Saipras\n4\nA Tokodos na Nion i tulu ru o Banabas ma o Sol, ra der wan utong o Selusia. Numur der kas una sip ma der wan usa una ailan Saipras. 5\nDer wanpat tong o Salamis, ra der warawai nama wasiso anun o God, una kum rumu na lotu anun a taro Juda. Detul wan tomo nam o Jon, anunder a tene warut.\n6\nDetul wan potor una kudulano ailan ra, tuk tong o Papos. Tiro iai, detul etorom nam ara te Juda, a risano o Barjisas, a tene sangsagor, ma a torotoro na poropet, 7\ni ara pasan o Sergius Paulus. Sergius Paulus i a mugumugu tagun a ailan ra, a tene mananos, ra i itula pas o Banabas ma o Sol, uni i nem na longoro a wasiso anun o God. 8\nIkut o Barjisas, ra di watungi kai nam o Elimas, a kukuraino a tene sangsagor, i turbat der. I nemi sur in turbat ru a mugumugu sur gong i nurnur. 9\nRa o Sol ra di watungi kai nam o Pol, i bukus nama Tokodos na Nion, i tama dekdek o Elimas, 10\nma i watungi tano lena, \"Ui a nutun o Satan, a ebar anun a kum tokodos na petutna rop. U bukus nama kum ngas na torotoro ma a kum usobor. U pukus liklik a tokodos na kisapi anun a Labino. Nangisin mo un mana gusun anum a petutna ra? 11\nUniutri a warkurai anun a Labino in rakon ui, in matam in pulu suano pasi, ma kon tama a talapor ina suan.\" Uniutra a gawul ma a dumirum i wanpat toromi, ma i paraso tuptupukus sur taio ra in pam pas a lamano sur in beni. 12\nRa a mugumugu i tama a utna ri i wanpat, i nurnur, uni i kisin una etowo una Labino.\nO Pol ma o Banabas der kis tong o Antiok una papor Pisidia\n13\nO Pol ma aru musano ra der wan tomo nami, detul kas una sip tagitiro o Papos, ra detul wan utong o Perga, una papor Pampilia. O Jon i wan pas gusun der tiro iai, ra i milet melet usapat o Jerusalem. 14\nO Pol ma o Banabas der katutur melet pas tagitong o Perga ra der wan utong o Antiok una papor Pisidia.*\nMa una Bung na Sabat der ruk una rumu na lotu anun a taro Juda, ra der kis tiro iai. 15\nRa di sa luk tar a kum wasiso tagun a Buk na Warkurai anun o Moses, ma a kum wasiso anun a kum poropet, a kum mugumugu tagun a rumu na lotu det pitar a wasiso torom der lena, \"Aru tistisi met, ra tu wasiso na ururagot kura sur mur in inanos a taro nami, mur in wasiso kut.\" 16\nO Pol i katutur, ra i turbat det nama lamano sur det in kis wowowon, ra i watungi lena,\n\"Mot a taro Israel, ma mot a taro gisen kai ra mot lotu torom o God, mot in longoro iau. 17\nA God anumet a taro Israel i pilok pas a kum tumtubu met ma i uburese tar det ra det kis tong o Ijip. Numur i ben pirso pas det tagitiro nama dekdekino. 18\nUna wat na noino kilalo ra det kis una nubual kalako taro uni, det rosumur gusuni, ikut i tamtamabat det. 19\nI um ru tar a taro tagun a wonom mawit na gapman ra det kis tong o Kenan, ra i pitar tar a piso Kenan sur anundet a taro Israel. 20\nA kum utna rop ri di pami ubalan a wat na mar ma a limo na noino kilalo.\n\"Numur o God i ubek tar a ramano kum tene warkurai sur det in mugu det, tuk una kilalo ra a poropet Samuel i mugu det. 21\nNumur det sasaring sur tu king, ra o God i pitar tar o Sol torom det, ma o Sol i mugu det a wat na noino kilalo. O Sol, a nutun o Kis, tagun a kabotaro Benjamin. 22\nRa o God i sa rakon ru tar o Sol, numur i ubek tar o Dewid bulung sur in king anundet. Ma i watungi uni lena, 'A tama o Dewid a nutun o Jesi, i a musano ra i elar nama nuknuking, ra in pam rop a kum utna ra a nemi.'\n23\n\"Tagun a kabotaro anun o Dewid, o God i pitar a Tene Ulaun, o Iesu, torom a taro Israel, elar nama nun a liliman. 24\nNumugu tan a inawan pat anun o Iesu, o Jon a Tene Baptaiso i warawai torom a taro Israel rop sur det in nukpukus ma din baptaiso det. 25\nRa milau mo sur anun a pinapam in rop, i watungi lena, 'Mot nuki lena iau osi? Iau awu sur o naro ra mot kis langlang suri, awu! Ikut, a musano ra, in mur tang. Ka elar sur an palos aru su gusun aru kikino, uni a natino doko tano.'\n26\n\"A kum tistising, a kabotaro anun o Abaram, ma mot a taro gisen kai ra mot lotu torom o God, di sa pitar tar a wasiso torom dat lena o God i sa ulaun pas a taro. 27\nA taro ra det kis sapat o Jerusalem, tomo nam anundet a kum mugumugu, ka det tama lele o Iesu, lena i a Tene Ulaun, ma ka det tasman a kum wasiso ra a kum poropet det sa tumus tari, ra di ser luki una kum Bung na Sabat. Ikut ra det mulaot tar o Iesu sur in mat, det pam sot pas a wasiso anun a kum poropet. 28\nKa det sio pas tu sakino ra o Iesu in iru uni, ikut det saring o Pailat sur in pitar tari sur din um doko i. 29\nRa det sa pam sot rop tar a kum wasiso ra di sa tumus tari uni, det palos pirso ru i gusun in nanai kutus, ma det inep tari una kulam na minat. 30\nIkut o God, i ukatutur melet pasi gusun a minat. 31\nMa una susut na bung i wanan pat torom a taro ra numugu det ser wan tomo nami tagitong o Galili usapat o Jerusalem. Ra uniri, det wasiso puaso uni torom a taro Israel.\n32 \"Ra met inanos mot una Wakak na Wasiso lenri: A liliman ra o God i sa pitar tari torom a kum tumtubun dat tagun numugu, 33 uniri i sa pam sot pasi torom dat, ra i ukatutur melet pas o Iesu. Elar nami ra di sa tumus tari una manru na kelekele tagun a kum Kelekele lena,\n'Ui a Nutung,\nma uniri a sa wanpat o Tamam.' Sng 2:7\n34 O God i sa ukatutur pas o Iesu gusun a minat, ma ken nan melet mo sur a minat ma ken mereseng. Elar nami ra o God i sa watung tari lena,\n'A wakak na utna ra a uliliman taru uni torom o Dewid,\nan udan mot nami.\nA utna ri in nanpat mulus ut.' Ais 55:3\n35 Ma i sa watung tari una ara Kelekele kai lena,\n'Kon madek tar anum a Tene Tasur sur in mereseng.' Sng 16:10\n36 \"O Dewid i pam sot rop pas a nemnem anun o God una nun a kum bung na nilaun. Numur i mat, ra di pori tomo nama kum tumtubunu, ma a pinino i mereseng. 37 Ikut, o naro ra o God i ukatutur pasi gusun a minat, ke mereseng.\n38\n\"I mo ra a kum tistising, a inanos mot sur mot in tasmani lena, un o Iesu, din unus ru anumot a kum sakino petutna. A Warkurai anun o Moses ken pet lar pasi sur in unus ru anumot a kum sakino petutna, sur din watung mot a kum tene tokodos. 39\nIkut, det rop ra det nurnur un o Iesu, din watung det a kum tene tokodos. 40\nMot in tumarong, sako a kum utna ra a kum poropet det sa wasiso taru uni in sot mo un mot. Det watungi lena,\n41 'Tama i, mot a kum tene urongon un o God,\nmot in kisin ma mot in iru,\nuni an pam ara utna una numot a kum bung na nilaun.\nRa taio in inanos mot una utna ra,\nka mot in nurnur ut uni.' \" Hab 1:5\n42 O Pol ma o Banabas der pirso gusun a rumu na lotu, ra a taro det saring der sur der in milet una Bung na Sabat sapat, sur der in wasiso melet torom det una kum utna ri. 43 Ra a taro det wan susuaro gusun a rumu na lotu, a susut na te Juda ma det kai a taro gisen ra det ruk una lotu Juda ma det lotu nama lingmulus, det mur o Pol ma o Banabas. Der wasiso torom det, ma der uragot det, sur det in tur dekdek una marmaris anun o God.\n44\nUna Bung na Sabat ra det sa kubus tari, milau sur det rop tagun a tamon ra det wanpat tomo, sur det in longoro a wasiso anun o God. 45\nRa a kum te Juda det tama a kunur na taro, a nuknukin det i laulau torom o Pol ma o Banabas, ma det mang sakosako a kum wasiso ra o Pol i wasiso nami. 46\nIkut ka der ngara ra der watungi lena, \"A labino utna sur mir in upuaso mugu tar a wasiso anun o God torom mot. Ma mir sa pam sot pasi. Ikut mot rosumur gusuni, ra i elar nami ra mot ut mot watungi lena, 'Ka met tokodos sur met in los a nilaun tukum.' Mot in tama i, mir in nan mo torom a taro ra awu sur a taro Juda. 47\nUni a Labino, i tulu mir lena,\n'A ubek tar ui sur ui a talapor anun a taro ra awu sur a taro Juda,\nsur un los a wasiso torom a taro una rakrakon bual rop lena, an ulaun pas det.' \" Ais 49:6\n48 A taro ra awu sur a taro Juda det longoro a wasiso ri, ra det gas doko, ma det watung ulabo pas a wasiso anun a Labino. Ma det rop ra di sa pilok pas det sur a nilaun tukum, det nurnur.\n49\nRa a wasiso anun a Labino i wan sarara una kum tamon rop una papor ri. 50\nIkut a kum te Juda, det ukatutur a nuknukin a kum mugumugu na ino ra det ser urur torom o God, ma a nuknukin a kum mugumugu na musano kai tagun a tamon ra, sur det in ban laulau o Pol ma o Banabas. Ma det lakro ru der gusun anundet a papor. 51\nRa der tang ru a kubus gusun a kum kikinder sur a ukinalong lena o God i sa rosumur gusun det. Numur der wan utong o Aikoniam. 52\nMa a taro na ususer tong o Antiok det bukus nama gasgas ma a Tokodos na Nion.","id":"","dump":"CC-MAIN-2019-43","url":"https:\/\/ebible.org\/kqw\/ACT13.htm","date":"2019-10-23T13:14:20Z","file_path":"s3:\/\/commoncrawl\/crawl-data\/CC-MAIN-2019-43\/segments\/1570987833766.94\/warc\/CC-MAIN-20191023122219-20191023145719-00271.warc.gz","language":"kqw","language_score":0.999999404,"language_script":"Latn","minhash_cluster_size":4,"top_langs":"{\"kqw_Latn_score\": 0.9999994039535522}","num_words":1901,"character_repetition_ratio":0.054,"word_repetition_ratio":0.003,"special_characters_ratio":0.264,"stopwords_ratio":0.486,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4\nA tamon na mana anun a taro anun o God\n1 A liliman ra o God i uliliman taru nami kuri utmakai, sur dat in ruk una nun a tamon na mana. I mo ra dat in tumarong, sako tu pasamot ken ruk lar pas uni. 2 Uni dat kai dat sa longoro tar a Wakak na Wasiso elar nama kum tumtubun dat tagun numugu. Det longoro tari ut, ikut ke warut det, uni ka det nurnur uni. 3 Ibr 3:11Dat ra dat sa nurnur, dat in ruk una tamon na mana. Ikut a kum tumtubun dat tagun numugu, ra ka det nurnur* A wasiso ri, i wasiso un asau ra i wanpat una kum kilalo anun o Moses., o God i sa watung tari un det lena,\n\"A kankan ma a liliman lena,\n'Ka det in ruk una nung a tamon na mana.' \" Sng 95:11\nI watungi lenra, ikut i lingmulus, numugu utmakai o God i urop anun a pinapam ra i ukis a rakrakon bual, ra i mana. 4 I sa talapor lenri, uni un ara dino una Buk Tabu i watungi una ururop na bung tagun a wik lena, \"A wonom na bung o God i papam, ma una bung numur tano, i mana gusun anun a kum pinapam rop.\" Stat 2:2\n5 Ma una Buk Tabu ra dat sa luk tari munung, o God i watungi lena, \"Ka det in ruk una nung a tamon na mana.\" Sng 95:11\n6 Det ra det sa longoro tar a Wakak na Wasiso numugu, ka det ruk una nun a tamon na mana, uni ka det mur a wasiso anunu. Ikut a kisapi i papos utmakai, sur lako taro gisen det in ruk una nun a tamon na mana. 7 I talapor lenri, uni a susut na kilalo numur tandet ra ka det mur a wasiso anun o God, o God i wasiso utmakai una nun a tamon na mana. I wasiso una wan o Dewid lena,\n\"Uniri, ra mot longoro in nalngano,\ngong mot udekdek bat a balamot.\" Sng 95:7-8\nRa o God i watungi lena \"uniri,\" i kukuraino lena i sa kubus tar ara bung melet sur a taro det in ruk una nun a tamon na mana. 8 Lo 31:7; Jos 22:4Ra gunuk o Josua i sa pitar tar a mana torom a kum tumtubun dat, ra det ruk una tamon Kenan, o God ken wasiso melet taru un tu bung gisen sur a taro det in ruk una nun a tamon na mana. 9 Lenra, a taro anun o God anundet a mana kura utmakai, elar nama bung na mana anun o God. 10 Ibr 4:4Uni osi ra in ruk una tamon na mana anun o God, i sa mana gusun anun a kum pinapam, elar nam o God i mana gusun anun a kum pinapam. 11 I mo ra dat in dekdek sur dat in ruk una tamon na mana ra, sur gong taio tandat i puku elar nama taro ra ka det mur a wasiso anun o God.\n12 Ep 6:17; Tam 1:16; 19:13-15Uni a wasiso anun o God i laun ma i papam. I wangon doko taun in totok na inaim ra aru paporino der wangon. I ruk ra i totok tuk una nubual ra a niondat ma a balandat der etorom iai, ma tuk una nubual ra a kum sur det tugus tomo iai. Ma i kuro a kum nuknuk ma a kum nemnem nin ubalandat. 13 Ra katu utna ra o God i sa ukis tari i parau umatano. A kum utna rop i tur talapor umatano ma katu utna i bakit. Ma numur dat in tur umatano ma dat in watung puaso a kum utna rop ra dat sa pam tatari.\nO Iesu anundat a labino mugumugu na tene etabor torom o God\n14 Ibr 3:1; 10:23Dat in tur dekdek una kum etowo ra dat nurnur uni ma dat ser wasiso puaso uni. Uni anundat a labino mugumugu na tene etabor torom o God, ra i wan usapat una langit, i ra o Iesu, a Nutun o God. 15 I tasmani lena katu dekdekin dat sur dat in winim pas a sakino, ma i maris pas dat. Uni di sa lar mugu tari nama wur ngas na ululam rop lenkutkai ra di ser lar dat nami, ikut ke pam tu sakino petutna. 16 Ibr 10:19I mo ra dat in nan torom o God, anundat a King, a tene marmaris, ma gong dat ngara. Dat in nan toromi sur dat in utur ukai anun a marmaris, ra in warut dat una nundat a kum mamaut.\n*4:3: A wasiso ri, i wasiso un asau ra i wanpat una kum kilalo anun o Moses.\n4:8: Lo 31:7; Jos 22:4","id":"","dump":"CC-MAIN-2019-47","url":"https:\/\/ebible.org\/kqw\/HEB04.htm","date":"2019-11-17T14:26:07Z","file_path":"s3:\/\/commoncrawl\/crawl-data\/CC-MAIN-2019-47\/segments\/1573496669183.52\/warc\/CC-MAIN-20191117142350-20191117170350-00388.warc.gz","language":"kqw","language_score":0.9999632835,"language_script":"Latn","minhash_cluster_size":4,"top_langs":"{\"kqw_Latn_score\": 0.9999632835388184}","num_words":759,"character_repetition_ratio":0.09,"word_repetition_ratio":0.037,"special_characters_ratio":0.279,"stopwords_ratio":0.46,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nA wakak na tene inaim anun o Karisito Iesu\n1 Timoti, o nutunglik una nurnur, un tur dekdek una marmaris anun o God, ra dat losi tan o Karisito Iesu. 2 A kum etowo ra u sa longoro pasi tang umatan a susut na taro, un ususer lako taro nami. A taro ra u nurnur un det lena det in pet lar pasi sur det in ususer lako taro kai nami. 3 2 Tim 1:8Un tur tomo nam met una kum mamaut, elar nama wakak na tene inaim anun o Karisito Iesu. 4 A wakak na tene inaim ken balon una kum pinapam anun a taro oros kut, awu. In pami ut anun a pinapam sur in ugasgas anun a mugumugu. 5 2 Tim 4:8Lenkutkai ra, a tene kinalabor ra i kalabor una ililu, ken los tu ikul ra ke mur a kum warkurai ina ililu. 6 1 Kor 9:7A tene minarut ra i papam dekdek, i ut in pasong mugu a win ana kinobot ra in taka. 7 Un ser nuk ukai a kum wasiso ri a tumusi torom ui, uni a Labino ut in utalapor a kukuraino torom ui.\n8 1 Kor 15:4; Rom 1:3Un nuk pas o Iesu Karisito, i ra tagun a kabotaro anun o Dewid, ra i katutur melet gusun a minat. Iri a Wakak na Wasiso ra a warawai nami. 9 Ep 3:1, 13; Pil 1:12-14Ma a taramo a ngunungut, ma di ker iau elar nama tene sakino, uni a warawai nama Wakak na Wasiso. Ikut, a wasiso anun o God ka din turbat lar pasi. 10 I mo ra a taramo a kum ngunungut, ikut a tur dekdek ut, sur det ra o God i sa pilok pas det, det kai det in nurnur un o Karisito Iesu ma in ulaun pas det, ma det in los a minamar tukum. 11 2 Kor 4:11A wasiso ri an watungi tam, i lingmulus sakit:\nRa dat in mat tomo nam o Karisito Iesu,\ndat in laun tomo kai nami.\n12 Mt 10:33Ra dat in taramo a ngunungut tomo nami,\ndat in warkurai tomo utkai nami una nun a matanitu.\nRa dat in ipul ru i,\ni kai in ipul ru dat kut.\n13 Rom 3:3-4; Tai 1:2Ra ka dat in pam sot pas anundat a liliman sur dat in mur o Karisito Iesu,\ni ut in tur dekdek una nun a liliman,\nuni ken pet lari sur in kutus anun a liliman.\nA lingmulus na tene pinapam\n14 1 Tim 6:4; Tai 3:9Gong u mana nama wasiso torom anum a taro nama kum etowo ri. Un utumarong det umatan o God lena, gong det engaras una kum wasiso, uni ke gas un tu utna, ma in ban laulau det ra det longoro i.\n15 1 Tim 4:6Un pitar tar ui ut torom o God ma un dekdek sur ui a lingmulus na tene pinapam, ra o God in gas nami. A tene pinapam ra ke ser maimai una nun a pinapam, ma i palos kodos a lingmulus na wasiso. 16 1 Tim 4:7Un nan gisen gusun a kum wasiso ra ke sot nama nemnem anun o God, uni a taro ra det balon una ngas na wasiso lenra, det in nan bakbak ma det in bakbak doko gusun o God. 17 1 Tim 1:20Anundet a etowo in nan sarara elar nama laulau na inangon ra i tangangos nanan. O Emeneus ma o Piletus aru tagun det, 18 ra der sa wan raro gusun a lingmulus. Der watungi lena, dat sa katutur melet gusun a minat. A wasiso ri anunder, i ban laulau a nurnur anun a ramano taro.\n19 Jn 10:14; 1 Kor 8:3; Ais 52:11Ikut, o God i sa ubek tar a kibin a nurnur ra ken tugunu, ma di sa tumus tar a wasiso uni lena, \"A Labino i tasman det ra anunu.\" Nam 16:5\nMa di sa tumus tari kai lena, \"I ra i watungi lena i anun a Labino, in nan gisen gusun a sakino petutna.\"\n20 Un ara labino rumu, a kum ngas na dis kura det kis. A ramano di pam det nama silwa ma nama gol, ma a ramano kai di pam det nama duwai ma nama piopap. A ramano kum dis sur a kum lamlabino bung kut ma a ramano kai sur a kum dur na utna kut. 21 Ra taio in utalapor pas anun a nilaun gusun a kum dur na petutna, in elar nama dis tagun a kum lamlabino bung. Uni, i, anun a Labino, ra a Labino in papam una nun a nilaun sur in pam a pinapam anun a Labino, ma i sa kis waninar sur in pam a kum wakak na pinapam.\n22 1 Tim 6:11Un nan gisen gusun a kum nuknuk na barman, ma un mur a tokodos na petutna, ma a nurnur, ma a marmaris ma a malmal, tomo nam det ra det ser wararing torom a Labino nama tokodos na nuknukin det. 23 1 Tim 4:7Un nan gisen gusun a kum wasiso ororos ra katu kukuraino, uni det in ukatutur a kum wasiso na engaras. 24 A tultul anun a Labino gong i ser engaras, ikut in wakak na tene ususer, in pam a wakakino torom a taro rop, ma in ese anun a wowowon na petutna torom a taro ra i ukodos det. 25 Det ra ka det nem anun a etowo, in ukodos wowowon det, sako o God in mulaot pas det sur det in nukpukus, ma det in tasman a lingmulusino. 26 Numur det in nuknuk wakak, ra det in pirso gusun in nukun anun o Satan, ra det sa iru taru uni, ma det ser muri.","id":"","dump":"CC-MAIN-2019-47","url":"https:\/\/ebible.org\/kqw\/2TI02.htm","date":"2019-11-21T00:14:54Z","file_path":"s3:\/\/commoncrawl\/crawl-data\/CC-MAIN-2019-47\/segments\/1573496670643.58\/warc\/CC-MAIN-20191121000300-20191121024300-00532.warc.gz","language":"kqw","language_score":0.9999829531,"language_script":"Latn","minhash_cluster_size":4,"top_langs":"{\"kqw_Latn_score\": 0.9999829530715942}","num_words":895,"character_repetition_ratio":0.059,"word_repetition_ratio":0.0,"special_characters_ratio":0.277,"stopwords_ratio":0.468,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4\n1 O Karisito Iesu in nanpat urin nama nun a matanitu, ra in warkurai elar nama king. In warkurai det ra det laun, ma det ra det sa mat. I mo ra, a saring ui umatan o God ma o Karisito Iesu lena: 2 Un warawai nama Wakak na Wasiso. Un dekdek uni, una kum bung ra a taro det nem na longoro ui, ma a kum bung ra ka det nemi. Un ukodos wakak a taro, un upuaso anundet a kum niraro torom det ma un uragot det. Un pam a kum utna ri nama wowowon na petutna torom det ma un ususer wakak det. 3 1 Tim 4:1Uni, a bung in nanpat, ra a taro ka det in nemi mo a tokodos na etowo. Ma una nundet a kum nemnem, det in ben tomo a susut na tene ususer torom det, sur det in ususer det un asau ra det nem na longoro i. 4 Ka det in longoro a lingmulusino mo, det in longoro i mukut a kum wasiso ororos kut. 5 Un nuknuk wakak una kum bung rop. Ra un taramo a kum mamaut, un tur dekdek ut. Un dekdek nama warawai una Wakak na Wasiso, ma un pam sot pas anum a kum pinapam rop, ra o God i sa pitar tari tam.\n6 Pil 2:17Uni i sa milau mo sur an mat ma a gaping in tilingis. In elar nama wain ra di lingisi una utna ra di tuni sur a etabor torom o God. 7 1 Tim 6:12A sa pam sot pas anung a wakak na inaim ma anung a kinalabor una ililu, ma a sa mur sot pas a lingmulus na nurnur. 8 1 Kor 9:24-25O God i sa ubek tar anung a ikul, uni anung a nilaun i tokodos umatano. A Labino, a tokodos na Tene Warkurai in pitari tang una bung na warkurai. Ma awu sur torom iau kut, in pitari kai torom det rop ra det kis langlang nama labino nemnem sur anun a inawan pat melet.\nO Pol i itula sur o Timoti ra i wasiso una nun a nilaun\n9 2 Kor 8:23; Ap 15:37-39; Kol 4:14Un dekdek sur un nan lakit urin torom iau, 10 uni o Demas i sa wan pas gusun iau, uni i nem a kum utna tagun a rakrakon bual, ra i sa wan utong o Tesalonaika. O Kresens i wan utong una papor Galesia ma o Taitus i wan utong una papor Dalmatia. 11 O Luk mukut kuri nisang. Un ben pas o Mak ra mur in nan urin, uni in warut iau una nung a pinapam. 12 A sa tulu ru o Tikikus utiro o Epeses. 13 Ap 20:6Ra un nan urin, un los anung a saket, kura a wan gusun tari nisan o Karpus tong o Troas. Un losi utkai anung a kum buk, ma gong u dumano a ramano ra di pami nama pinin a wewegua. 14 1 Tim 1:20; Sng 62:12; Rom 2:6O Aleksanda, a tene pam ututna nama aen, i pam a susut na sakino petutna torom iau. A Labino ut in balu i toromi. 15 Un tumarong ui gusuni, uni i turbat dekdek anundat a etowo.\n16 A mugano du bung ra a tur una warkurai ma a wasiso bat iau, kataio i tur warut iau, det wan rop pas kut gusun iau. A wararing lena o God gong i balu anundet a petutna. 17 Ikut a Labino i warut iau, ma i udekdek iau sur an pam sot pas a warawai nama Wakak na Wasiso, ma a taro rop ra awu sur a taro Juda det in longoro i. Det nem na um doko iau, ikut a Labino i ulaun pas iau. 18 A Labino in ulaun iau gusun a kum sakino utna rop ra det nem na pami un iau, ma in ukis iau una nun a matanitu sapat una langit. Dat in watung ulabo pasi, ken rop ma ken rop. Amen.\nA ururop na wasiso na marmaris\n19 Ap 18:2; 2 Tim 1:16-17Un pitar anung a marmaris torom o Prisila ma o Akuila, ma det ra kura det kis tomo una rumu anun o Onesiporus. 20 Ap 19:22; 20:4; Rom 16:23O Erastus munung i kis sikot tong o Korin, ra a wan pas bulung gusun o Tropimus tong o Miletus, uni i misait. 21 Un dekdek sur un nan urin ra ken kalang na kotokoto utmakai.\nO Iubulus, o Pudens, o Linus, o Kaludia ma a kum tistisin dat rop una nurnur, det pitar anundet a marmaris torom ui.\n22 A Labino in kis una niom. A marmaris anun o God in kis torom mot.","id":"","dump":"CC-MAIN-2019-47","url":"https:\/\/ebible.org\/kqw\/2TI04.htm","date":"2019-11-22T14:41:29Z","file_path":"s3:\/\/commoncrawl\/crawl-data\/CC-MAIN-2019-47\/segments\/1573496671363.79\/warc\/CC-MAIN-20191122143547-20191122172547-00134.warc.gz","language":"kqw","language_score":0.9999808073,"language_script":"Latn","minhash_cluster_size":4,"top_langs":"{\"kqw_Latn_score\": 0.9999808073043823}","num_words":738,"character_repetition_ratio":0.045,"word_repetition_ratio":0.0,"special_characters_ratio":0.278,"stopwords_ratio":0.469,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"24\nA taro Juda det takun o Pol\n1 Ra i sa rop a limo na bung, o Ananias, a mugumugu na tene etabor torom o God ma a ramano kum mugumugu na lotu, ma o Tetulas, a tene mananos tagun a kum warkurai, det wanpat tong o Sisaria, ra det inanos o Peliks a labino mugumugu tagun a gapman una nundet a kum etakun un o Pol. 2 Ra di sa kabo pas o Pol, o Tetulas i turpas a wasiso torom o Peliks lena,\n\"Labino, met kis suano i una molmol utuntudu im. Una kum wakak na nuknukim, u ukodos a susut na utna sur anumet a kinkinis in wakak una nundat a papor. 3 Met nama taro tagun a kum tamon rop, met gas doko nama num a kum warkurai ma met watung wakak sakit torom ui. 4 Ikut kan wasiso suano i, sako a pinim in ngoro. A saring ui sur un maris met ma un longoro anumet tu nat na wasiso.\n5\n\"Met tama i lena a musano ri a tene pam purpuruon, i ser turpas a kum purpuruon epotor torom a taro Juda una rakrakon bual rop. Ma i a mugumugu tagun ara torotoro na lotu di watungi nama lotu Nasaret. 6-8\nMa i nemi sur in ban udur a rumu na etabor sur in dur umatan o God. Ikut met pam ukai pasi. Ui ut un ting o Pol, sur un tasman a lingmulusino tano, una kum utna ri met takuni nami.\"* 9\nNumur a ramano taro Juda kai det warut una etakun, det watungi lena, a kum wasiso ri i lingmulus ut.\nO Pol i wasiso talapor umatan o Peliks\n10 O Peliks, a labino mugumugu tagun a gapman, i pikmato o Pol sur in wasiso, ra o Pol i watungi lena, \"A gas sur an wasiso batbat iau, uni a tasmani lena u sa tene warkurai a susut na kilalo torom met a taro Juda. 11 Ra un ting a taro, un tasmani lena, a noino ma ru bung bat iau kut, ra a wan usapat o Jerusalem, sur an lotu. 12 Ma det ra det takun iau, ka det tama tar iau ra mir in engaras nam taio ubalan in noworo ina rumu na etabor, ma ka det tama tar iau kai ra an upurpuruon a kunur na taro una kum rumu na lotu, o una balano tamon. 13 Ma ka det in ulingmulus lar pas anundet a kum etakun una kum utna ri ra det takun iau nami.\n14\n\"Ikut uniri an inanos talapor ui lena, a ser mur a Kisapi anun o Karisito, ra det watungi nama torotoro na lotu. Una kisapi ri, a lotu ut torom o God anun a kum tumtubu met tagun numugu, ma a nurnur una kum utna rop ra di sa tumus tari una Warkurai anun o Moses ma una kum buk anun a kum poropet. 15\nAnung a nurnur un o God i elar nama taro ri. Iau kai a kis langlang nama nurnur lena o God in ukatutur melet pas a wakak na taro ma a laulau na taro gusun a minat. 16\nLenkutkai ra, a dekdek doko sur anung a nilaun in tokodos umatan o God, ma umatan a taro kai.\n17\n\"A kabano kilalo, a kis gisen gusun o Jerusalem, ra numur a milet melet usapat sur an los tar a mani na etabor torom anung a taro ra det sibo, ma sur an pitari kai a kum wewegua sur din tun det elar nama etabor torom o God. 18\nNumugu ra ka ruk utmakai ubalan in noworo ina rumu na etabor, a sa pam rop tar a kum warkurai sur an talapor umatan o God. Ra a ruk sur an pam a pinapam na etabor, ka det pastorom iau nam lako susut na taro, ma ka pam tu purpuruon kai. 19\nIkut a ramano taro Juda tagitong una papor Asia, det kis una rumu na etabor una bung ra di pam ukai pas iau. Ra tu utna din takun iau nami, in wakak sur det ut det in nan urin ma det in takun iau umatam. 20\nMa i wakak sur det ra kuri det, det in watung tu sakino ra det sa sio pasi un iau, ra a tur umatan a taro na kiwung sapat o Jerusalem. 21\nKutiro, det takun iau una nung ara wasiso kut. Ra a tur umatandet, a kakabo lena, 'A tur una warkurai umatamot uniri, uni a nurnur una nilaun melet gusun a minat.' \"\n22\nO Peliks i talapor wakak ut una lotu ri di watungi nama Kisapi anun o Karisito, ra i umana tar a warkurai munung, ma i watungi lena, \"Ra o Lisias, a labino mugumugu anun a taro na inaim in nanpat, an ubeki maragom a warkurai una etakun ri.\" 23\nRa i inanos a mugumugu anun a kum tene inaim lena, \"O Pol in kis na karabus una num a warkurai. Un tamtamabati nama marmaris, ma gong u turbat a kum paspasano sur det in waruti.\"\nO Pol i wasiso torom o Peliks ma o Darusila\n24 A kabano bung bat tari, o Peliks i wanpat melet, der nama nun a ino o Darusila, a ino Juda. O Peliks i itula sur o Pol, ra i longoro anun a wasiso una nurnur un o Karisito Iesu. 25 O Pol i wasiso una tokodos na petutna, ma una petutna ra taio in tamtamabat wakak anun a nilaun, ma una bung na warkurai kai anun o God ra numur in nanpat, ra o Peliks i ngara, ra i watungi lena, \"Pol, un nan munung. Un tu bung ra an langolango, an itula melet sur ui.\" 26 Ra i ititula liklik suri, ra der ser wasiso tomo, uni i nemi utkai lena o Pol in ukodosi nam tu mani, sur in palos ru i.\n27 Ra aru kilalo i sa rop, o Posius Pestus i keles ru o Peliks. Ikut o Peliks ke palos ru o Pol, uni i nemi sur in ugasgas a taro Juda.","id":"","dump":"CC-MAIN-2019-47","url":"https:\/\/ebible.org\/kqw\/ACT24.htm","date":"2019-11-19T10:52:31Z","file_path":"s3:\/\/commoncrawl\/crawl-data\/CC-MAIN-2019-47\/segments\/1573496670135.29\/warc\/CC-MAIN-20191119093744-20191119121744-00063.warc.gz","language":"kqw","language_score":0.9999865294,"language_script":"Latn","minhash_cluster_size":3,"top_langs":"{\"kqw_Latn_score\": 0.9999865293502808}","num_words":979,"character_repetition_ratio":0.05,"word_repetition_ratio":0.0,"special_characters_ratio":0.253,"stopwords_ratio":0.449,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3\nA magiran a taro una kum ururop na bung\n1 1 Tim 4:1Un nuk ukai a kum wasiso ri: Una kum ururop na bung, a kum dekdek na mamaut in nanpat. 2 A taro det in nuk pas det ut, ma det in nemnem sur a mani, ma det in warango pas det, ma det in ulabo pas det ut, ma det in emang, ma det in pitarngat torom a kum tamtaman det ma a kum nanan det, ma ka det in lason sur det in watung wakak torom o God ma torom a taro kai, ma det dur umatan o God. 3 Ma ka det in tasman a marmaris, ma ka det in nuk dumano a sakino anun ara, ma det in ban laulau a risan ara, ma ka det in tamtamabat wakak anundet a nilaun, ma det in waim ma det in ban laulau a taro, ma ka det in nem a wakakino. 4 Det in usobor a kum paspasan det, det in pam a kum tuptup na petutna, det in ulabo pas det ut, det in nem doko a gasgas tagun a rakrakon bual, ma ka det in nem o God. 5 Mt 7:15, 21; Tai 1:16Det in mur a petutna ra i wakak umatan o God una pinindet kut, ikut ka det in nem a dekdekino. Un nan gisen gusun a ngas na taro ra.\n6 A kum ngas na musano lenra, det in ruk oros kut una kum rumu, ma det in ungongos oros pas a wardain sur det in mur det. A wardain ra, katu wakak na nuknukin det, ra det pot na marmaris una nundet a kum sakino petutna, ma anundet a kum sakino nemnem i ben raro det. 7 A wardain ri det ser etowo a kum bung rop, ikut ka det tasman lar pas a lingmulusino.\n8 Kis 7:11A kum ngas na musano lenra, det turbat a lingmulus na etowo, elar nam o Janes ma o Jambres der turbat o Moses. A nuknukin det i laulau doko ma anundet a nurnur awu sur i lingmulus. 9 Ikut anundet a pinapam ken lubung, uni anundet a tuptup na petutna in talapor umatan a taro rop, elar nami ra a taro numugu, det tama lele pas a tuptup na petutna anun o Janes ma o Jambres.\nO Pol i udekdek o Timoti una nun a nurnur ma anun a pinapam\n10 Ui Timoti, u sa tasman rop anung a kum etowo, a magirang, a kum utna ra a ngara suri, anung a nurnur, anung a kinkinis wowowon, anung a marmaris, anung a tuntunur dekdek una kum ngunungut, 11 Ap 13:14-52; 14:5, 8-20anung a kum mamaut, ma a kum ngunungut ra a taramo i. U tasman rop a kum lamlabino ngunungut ra a taramo i tong una tulu tamon ri: o Antiok, Aikoniam ma o Listra. Ikut a Labino ut i ulaun pas iau gusun a kum utna ri. 12 Mt 16:24; Jn 15:20; Ap 14:22Ma i lingmulus, det rop ra det laun un o Karisito Iesu ma det nem na mur a nilaun elar nama nemnem anun o God, a taro det in ban laulau det ut. 13 A sakino taro ma a kum tene torotoro det in laulau, ma det in laulau sakit. Det in toro a taro, ma det in toro pas det utkai.\n14 Ikut ui, Timoti, un tur dekdek una etowo ra di sa ususer tar ui nami, ma u sa nurnur dekdek uni, uni u tasman wakak anum a kum tene ususer, 15 ma u tasman a Buk Tabu turpasi ra u natlik utmakai. A Buk Tabu i utalapor a nuknukim, sur un nurnur un o Karisito Iesu, ra o God in ulaun pas ui. 16 Rom 15:4A kum du wasiso rop una Buk Tabu i kimkibino ut tan o God, ma i wakak sur in ususer a taro, ma sur in upuaso a sakino anun taio toromi ut, ma in ukodos a kum niraro, ma in ususer a taro una tokodos na petutna. 17 A Buk Tabu i waninar a taro anun o God sur det in pam a kum ngas na wakak na pinapam rop.\n3:8: Kis 7:11","id":"","dump":"CC-MAIN-2019-47","url":"https:\/\/ebible.org\/kqw\/2TI03.htm","date":"2019-11-14T13:21:58Z","file_path":"s3:\/\/commoncrawl\/crawl-data\/CC-MAIN-2019-47\/segments\/1573496668525.62\/warc\/CC-MAIN-20191114131434-20191114155434-00053.warc.gz","language":"kqw","language_score":0.9999822378,"language_script":"Latn","minhash_cluster_size":4,"top_langs":"{\"kqw_Latn_score\": 0.9999822378158569}","num_words":666,"character_repetition_ratio":0.068,"word_repetition_ratio":0.0,"special_characters_ratio":0.274,"stopwords_ratio":0.527,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4\n1 1 Tes 2:19-20I mo ra a kum tistising, mot in tur dekdek una Labino, lenutra a sa inanos tar mot nami. A nem doko mot, ma a nem doko i sur an tama mot, uni mot anung a gasgas ma mot elar nama ikul una nung a pinapam.\nA kum wasiso ra in udekdek a taro na nurnur\n2 A saring mur o Ewodia ma o Sintike sur in takai kut a nuknuki mur, uni mur anun a Labino. 3 Lk 10:20Ma ui kai ara lingmulus na tene pinapam tomo nam iau, a saring ui sur un warut aru ino ri, uni der papam dekdek tomo nam iau sur a Wakak na Wasiso in nan sarara. Met papam tomo nam o Klemen, ma ara taro kai ra a kum risandet i sa kis una buk na nilaun.\n4 Mot in ser gas una kum bung rop, uni mot tagun a Labino. Ma an watung meleti lena, mot in gasgas. 5 Ibr 10:25; Jem 5:8-9Mot in ese puaso anumot a wowowon na petutna torom a taro rop. Milau mukut a Labino in nanpat. 6 Mt 6:25-34; Kol 4:2Gong mot nuknuk doko sur tu utna. Una kum utna rop, mot in wararing nama niaring na watung wakak torom o God. Ma mot in inanosi una numot a kum nemnem. 7 Ais 26:3; Jn 14:27; Kol 3:15Ra a malmal anun o God ra i labo sakit taun a mananos rop anun a taro, in tamtamabat a balamot ma a nuknuki mot, uni mot tagun o Karisito Iesu.\n8 A kum tistising, a ururop na wasiso ri a tumusi torom mot: A nuknuki mot in kis una kum utna ri: asau ra i lingmulus, asau ra di urur uni, asau ra i tokodos, asau ra katu dur uni, asau ra i tamtama wakak ma asau ra a taro det watungi lena i wakak. Ra tu utna in wakak sakit, o ra tu utna di watung ulabo pasi, a nuknuki mot in kis uni. 9 Rom 16:20Asau ra mot sa ususer pasi tagun iau, o mot sa rakon pasi, o mot sa longoro tari tagun iau, o mot sa tama tari un iau, mot in muri. Ra o God a tene malmal in kis tomo nam mot.\nO Pol i gas nama etabor anun a taro na lotu tiro o Pilipai\n10 A gas doko una Labino, uni uniri, mot sa nuk melet iau. I sa suano i ra ka mot warut iau, ikut, a lingmulus, ka mot dumano iau, ikut katu kisapi sur mot in warut iau. 11 Ka watungi lenri, uni a sibo, awu. Uni a sa ulason pas iau, sur an gas una kum sau ra an etoromi. 12 A sa tasman a kinkinis na sibo, ma a sa tasmani utkai a kinkinis nama susut na utna. A sa lason sur an gasgas una a kum ngas na kinkinis ra an etoromi: ra an masur, o an murak, ra a utna in susut tang, o an sibo. 13 2 Kor 12:10A pet lar pas a kum utna rop kibino un o Karisito ra i udekdek iau.\n14 Ikut i wakak ra mot tur tomo nam iau una kum mamaut ra a taramo i. 15 2 Kor 11:9Mot a taro Pilipai, mot tasmani lena, ra a turpas a warawai nama Wakak na Wasiso tiro una papor Masedonia, ra numur a wan tagitiro o Masedonia, kalako taro na lotu det tur tomo nam iau sur det in warut iau nam tu etabor, awu, mot sot kut. 16 Ra a kis tong o Tesalonaika, awu sur mot tabor iau ara dino kut, a susut na dino ut mot tabor iau ra a sibo. 17 Awu sur anumot a etabor ra a ling suri. A nemi kut sur mot in los a ikul kura numur una numot a wakak na pinapam ra. 18 A sa los pas a kum utna rop ra mot tula i. I labo sakit, ma i labo taun anung a sibo. Ka sibo mo sur tu utna, uni a kum utna ra mot tula i, a sa los pasi tan o Epaproditus. I elar nama etabor torom o God, ra i sangnain wakak, ra o God i gas nami, ma i tokodos toromi. 19 A God anungi in pam sot a kum utna rop ra mot sibo suri, tagun anun a kum wakak na ululeng ra anundati, kibino un o Karisito Iesu. 20 Dat in ulabo pas anundat a God a Tamandat, ken rop ma ken rop. Amen.\nA kum wasiso na marmaris\n21 Mot in pitar anung a marmaris torom a taro rop anun o Karisito Iesu. A kum tistising una nurnur ra det kis tomo nam iau, det pitar anundet a marmaris torom mot. 22 A taro anun o God, det rop, det pitar anundet a marmaris torom mot, ma a taro kai anun o God, ra det kis una rumu anun a Sisa, det pitar anundet a marmaris torom mot.\n23 A marmaris anun a Labino o Iesu Karisito in kis una niomot. Amen.","id":"","dump":"CC-MAIN-2019-47","url":"https:\/\/ebible.org\/kqw\/PHP04.htm","date":"2019-11-19T20:36:07Z","file_path":"s3:\/\/commoncrawl\/crawl-data\/CC-MAIN-2019-47\/segments\/1573496670255.18\/warc\/CC-MAIN-20191119195450-20191119223450-00087.warc.gz","language":"kqw","language_score":0.9999991655,"language_script":"Latn","minhash_cluster_size":3,"top_langs":"{\"kqw_Latn_score\": 0.9999991655349731}","num_words":806,"character_repetition_ratio":0.058,"word_repetition_ratio":0.0,"special_characters_ratio":0.275,"stopwords_ratio":0.481,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"9\nI tokodos sur din kul a kum aposel\n1 Ap 22:17-18; 26:16; 1 Kor 15:8-9A sa langolango. Iau a aposel. A tama tari ut o Iesu anundat a Labino. Anumot a nilaun tomo nama Labino, i a wino tagun anung a pinapam. 2 2 Kor 3:2-3Sako ara taro det nuki lena awu sur iau a aposel, ikut torom mot, i lingmulus lena iau a aposel. Uni anumot a nilaun tomo nama Labino i ulingmulusi.\n3 Lk 10:8Ra a taro det takun iau una nung a pinapam, a balu det lenri: 4 Ra mir nam o Banabas mir papam epotor tamot, i tokodos ut sur mot in tabor mir sur mir in nangon ma mir in inum. 5 A kum aposel, ma a kum tistisin a Labino, ma o Pita det ser ben tuptupukus anundet a kum ino ra det nurnur. I tokodos ut sur mir nam o Banabas kai mir in pami lenra. 6 Ke tokodos sur mir kut, mir in papam nama lamamir sur a mani ra mir in laun nami.\n7 Osi na tene inaim ra i ut in kul pas a kum utna ra i sibo suri? Osi ra in marut a kinobot na wain ma ken nan pas lako wino gusuni? Osi ra in tamtamabat a kum sipsip ma ken inum pas lako polo na sus tagun det? 8 A wasiso ri a watungi, awu sur tagun a nuknukin a taro, awu. A kum Warkurai anun o Moses kai i watungi lenri, 9 1 Tim 5:18\"Gong u ker bat a wan a karabau ra i pas rumrum a wit, i kai in nangon ut.\" Lo 25:4\nPepetlai, o God i ngara kut sur a kum karabau? Awu. 10 2 Tim 2:6O God i watungi lenri sur dat. A lingmulus sakit, a wasiso ri di sa tumus tari sur dat ut, uni i tokodos ra osi ra i marmarut, ma osi ra i lakro susuaro a pinino wit gusun a wit mulus, der in kis langlang nama nurnur sur lako wino. 11 Rom 15:27Met sa marut tar a wasiso na nion epotor tamot. I tokodos sur mot in tabor met nam lako utna sur met in laun nami. 12 Ap 20:34; 2 Kor 11:9I tokodos sur a taro gisen det in los pas a warut ri gusun mot, ma i tokodos sakit sur met kai met in losi gusun mot.\nIkut ka met ungongos pas mot sur anumot tu warut. Met taramo a susut na mamaut, ikut ka met saring mot sur tu warut, sur gong met turbat a Wakak na Wasiso anun o Karisito. 13 Lo 18:1-3Mot tasmani lena det ra det papam una rumu na etabor, det ser wangon tagun a rumu na etabor. Ma det kai ra det tuntun a kum etabor una kabulu na tuntun etabor, det ser wangon ut tagun a utna ra det tuni. 14 Mt 10:10; Lk 10:7; Gal 6:6Lenkutkai ra, a Labino i warkurai tari lena, det ra det warawai nama Wakak na Wasiso, det in los a ikul tagun a Wakak na Wasiso sur det in laun nami.\nO Pol ke nem tu ikul tagun anun a pinapam na warawai\n15 Ikut, iau ut ka los pas tu utna tagun a kum utna ri, ma ka tumtumus sur an los tu utna, awu. A gas doko ra a warawai torom mot ma ka los tu ikul uni. A minat a utna oros kut torom iau, ikut anung a gasgas ri i labo doko torom iau, ma ka nemi sur taio in rakon ru i gusun iau. 16 Jer 20:9Ra a warawai nama Wakak na Wasiso, ka ulabo pas iau nami, awu. Uni o God i sa pitar tar a pinapam na warawai tang, ma kan pet lar pasi sur an mana gusuni. Ma in laulau doko torom iau ra kan warawai nama Wakak na Wasiso. 17 Ra iau ut a nemi sur an warawai, an losi ut anung tu ikul. Ikut, ra awu sur anung tu nemnem suri, an pami kut a pinapam ra o God i sa pitar tari tang. 18 Asau ra anung a ikul? Anung a ikul i lenri: An gas sur an warawai nama Wakak na Wasiso, ma kataio in kul iau. A pami lenra sur gong a saring mot sur anumot tu warut ra i tokodos sur mot in pitari torom iau.\nO Pol i dekdek sur in ben pukus pas a taro rop torom o Karisito\n19 A lingmulus a sa langolango, ma ka papam na karabus torom taio. Ikut a pitar tar iau sur an tene ititula torom a taro rop, sur an ben lako susut na taro torom o Karisito. 20 Ap 21:20-26Ra a kis tomo nama taro Juda, a muri ut a ngas na nilaun anun a taro Juda, sur an ben pukus pas det torom o Karisito. Ka kis utuntudu ina Warkurai anun o Moses. Ikut, ra a kis tomo nama taro ra det kis utuntudu ina Warkurai anun o Moses, a pitar tar iau sur an kis utuntudu ina Warkurai ra, sur an ben pukus pas det torom o Karisito. 21 Ra a kis tomo nama taro ra ka det kis utuntudu ina Warkurai anun o Moses, iau kai ka kis utuntudu ina kum Warkurai ra, sur an ben pukus pas det torom o Karisito. Ikut, awu sur a rosumur una Warkurai anun o God, awu. A kis utuntudu ina Warkurai anun o Karisito. 22 2 Kor 11:29Ra a kis tomo nama taro ra ka det dekdek, iau kai ka dekdek, sur an ben pukus pas det torom o Karisito. A elaro iau sur an elar nama kum ngas na taro rop, ma a mur a kum ngas na kisapi rop sur an ulaun lako taro. 23 A kum utna ri a pami sur a Wakak na Wasiso in lubung, sur in udan iau tomo nam det.\nA kinalabor sur a ikul\n24 Det rop ra det ililu una kinalabor det kalabor, ikut ara kut tagun det in los a ikul. Pepetlai, ka mot tasman a utna ri? Mot kai mot in dekdek una kinalabor sur mot in los a ikul. 25 Pil 3:14; 2 Tim 4:7-8; 2:4-5A taro rop ra det ser wapap, det ulason dekdek a pinindet. Det pami sur det in los pas a ikul ra in rop kut. Ikut dat, dat ulason dat sur dat in los pas a ikul ra ken rop. 26 I mo ra, ka kalabor tuptupukus, awu, a kalabor tokodos sur a tuktukino. Ka itubul elar nama musano ra i tubuli kut a maino. 27 Rom 8:13; 13:14A tumtubul a pining sur in mur wakak anung a nemnem. A pami lenri, sako a sa warawai taru nama Wakak na Wasiso torom a taro gisen, ikut iau ut, o God in ipul ru iau, ma kan los tu ikul.\n9:13: Lo 18:1-3\n9:16: Jer 20:9","id":"","dump":"CC-MAIN-2019-47","url":"https:\/\/ebible.org\/kqw\/1CO09.htm","date":"2019-11-15T12:16:56Z","file_path":"s3:\/\/commoncrawl\/crawl-data\/CC-MAIN-2019-47\/segments\/1573496668644.10\/warc\/CC-MAIN-20191115120854-20191115144854-00241.warc.gz","language":"kqw","language_score":0.9999704361,"language_script":"Latn","minhash_cluster_size":5,"top_langs":"{\"kqw_Latn_score\": 0.9999704360961914}","num_words":1088,"character_repetition_ratio":0.075,"word_repetition_ratio":0.004,"special_characters_ratio":0.278,"stopwords_ratio":0.416,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"5\nA warut torom a kum ula\n1 Ra un ukodos tu musano ra a mugano tam, gong u wasiso na kankan, un wasiso wowon kut elar nami ra u pami torom o tamam. Un pam a wakak na petutna torom a kum barman elar nami ra u pami torom a kum tistisim. 2 Un papam torom a kum ino ra a kum mugano tam, elar nami ra u pami torom o nam, ma un papam torom a kum toraro, nama tokodos na petutna, elar nami ra u pami torom a kum tistisim a kum ino.\n3 Un warut a kum ula ra kataio i tamtamabat det ma det sibo. 4 Ikut, ra tu ula a kum nutnutunu o a kum tumtubunu kura, i wakak ra det in upuaso mugu anundet a nurnur nama warut torom a kum kukundet, sur det in balu a marmaris anun a tamandet ma a nandet ma a kum tumtubun det. Ra det in pami lenra, o God in gas. 5 A ula, ra kataio i tamtamabati ma i sibo mulus, i nurnur kut un o God ma i kis langlang sur in waruti. Una kum mirum ma a waspi, i ser wararing sur o God in waruti. 6 Ikut, a ula, ra i nemi sur in gasgas oros kut, i laun, ikut a niono i sa mat. 7 Un ususer a taro nama kum etowo ri, sur gong tu etakun i los det. 8 Ra taio ke warut a kum kukunu, ma det kai ra tagun anun a rumu, i sa wan gisen gusun a nurnur. I ra i laulau sakit taun a taro ra ka det nurnur.\n9 Un tumus ukai i kut a risan a kum ula ra a wonom na noino kilalo anundet, ma usapat, sur a taro na lotu det in warut det. Det in warut a ngas na ino ra i nolin pas kut nam ara musano, 10 ra a taro rop det tasman anun a kum wakak na pinapam lenri: i ugu wakak a kum nat, i ser gas pas a taro una nun a rumu, i ser gos ru a kubus gusun a kikin a taro anun o God,* A petutna anun a taro Juda i lenri: ra tu usiro in ruk una rumu, ma a kikino i kubus, a tultul in gosi. i ser warut a taro ra a kum mamaut i los det, ma i pitar tar anun a nilaun sur a kum wakak na pinapam rop.\n11 Ikut a kum ula ra ke wonom na noino kilalo utmakai, gong u tumus ukai a kum risandet. Uni, ra anundet a nemnem na nolin in katutur melet, det in nan gisen gusun o Karisito. 12 Ra a warkurai anun o God in los det, uni det sa kutus anundet a mugano liliman torom o Karisito. 13 2 Tes 3:11Det in ukio anundet a kum du bung nama inawan tuptupukus una kum rumu. Ma det in wasiso eno, det in wasiso una utna ra awu sur anundet, ma det in watung a kum wasiso ra ke wakak sur det in watungi. 14 1 Kor 7:9A nemi sur a kum ula, ra det dekdek utmakai, det in nolin melet, det in usus melet, ma det in tamtamabat anundet a kum rumu, sur gong det pam tu utna ra anundat a kum ebar det in watung laulau dat uni. 15 A ramano kum ula, det sa wan gisen ma det muri mukut o Satan. 16 Ra tu ino a tene nurnur, ma tu ula kura una nun a kabotaro, i wakak sur in tamtamabati, sur gong a taro na lotu det balon uni. A taro na lotu det in balon kut una kum ula ra kataio sur in tamtamabat det ma det sibo mulus.\nA wasiso una kum mugumugu\n17 I wakak sur din pitar a urur ma a wakak na ikul torom a kum mugumugu na lotu ra det pam wakak a pinapam. Din pami lenra torom det ra det papam dekdek una warawai ma a etowo. 18 1 Kor 9:9; Mt 10:10Uni a Buk Tabu i watungi lena, \"Gong u ker bat a wan a karabau ra i pas rumrum a wit, i kai in nangon ut.\" Lo 25:4\nMa i watungi kai lena, \"I wakak sur a tene pinapam in losi ut anun a ikul.\" Lk 10:7\n19 2 Kor 13:1Gong u longoro tu etakun un tu mugumugu ra ara kut i takuni. Ra lako ru o lako tul detul in takuni, un longoro a etakun ra. 20 Ep 5:11Ra tu mugumugu in pam a sakino petutna, un ukodosi umatan a taro na lotu rop, sur in utumarong lako taro kai tagun det. 21 A wasiso dekdek torom ui umatan o God ma o Karisito Iesu ma a kum ensel ra o God i pilok pas det, sur un mur a kum wasiso ri, ma un pam a takano petutna kut torom a taro rop, ma gong u tur takano papor. 22 Gong u ubek lakit aru lamam netes un taio ma u wasiso udani sur a pinapam anun a Labino. Ma gong u mur a taro una sakino petutna. Un tumarong anum a nilaun sur in tokodos.\n23 Gong u inum a danim kut, un inumi kai lakalik wain sur in warut ui una misait ra kura unin balam, uni u misait liklik nami.\n24 A ramano taro, ra kabaut det wanpat una kinkinis na warkurai, di sa tama lele mugu anundet a sakino petutna. Ikut a sakino petutna anun ara taro kai, kataio in tama lele lakiti, numur ut in nanpat talapor. 25 Lenkutkai ra, una kum wakak na pinapam. A kum wakak na pinapam anun a ramano taro i sa wanpat talapor. Ikut, anun ara taro kai, ka din tama lele i uniri, numur ut in nanpat talapor.\n*5:10: A petutna anun a taro Juda i lenri: ra tu usiro in ruk una rumu, ma a kikino i kubus, a tultul in gosi.","id":"","dump":"CC-MAIN-2019-47","url":"https:\/\/ebible.org\/kqw\/1TI05.htm","date":"2019-11-19T19:59:43Z","file_path":"s3:\/\/commoncrawl\/crawl-data\/CC-MAIN-2019-47\/segments\/1573496670255.18\/warc\/CC-MAIN-20191119195450-20191119223450-00230.warc.gz","language":"kqw","language_score":0.9999943972,"language_script":"Latn","minhash_cluster_size":4,"top_langs":"{\"kqw_Latn_score\": 0.9999943971633911}","num_words":956,"character_repetition_ratio":0.061,"word_repetition_ratio":0.032,"special_characters_ratio":0.266,"stopwords_ratio":0.494,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"17\nA pamuk na ino ra i tur ukinalong a labino tamon Babilon\n1 Jer 51:12-13Ara tagun a wonom mawit na ensel ra det pam a wonom mawit na dis, i wan torom iau ma i watungi tang lena, \"Wan urin, an ese tar ui una warkurai na minabalu torom a pamuk na ino ra a risano i wan sarara una nun a sakino petutna. Kura i kis netes una kum danim. 2 Ais 23:17; Jer 51:7; Tam 14:8A kum king tagun a rakrakon bual det pam a laulau ino tomo nami. Ma a taro tagun a rakrakon bual det sipak nama wain ina nun a pamuk na petutna.\"\n3 Tam 13:1A bukus nama Tokodos na Nion ma a ensel ra, i los pas iau usapat una nubual kalako taro uni. Tiro iai, a tama pas ara ino i kis taru netes una merek na kuabor na wewegua. A wewegua ra, a wonom mawit nin lorino ma a noino komino, ma a pinino i bukus nama kum rising ra i watung laulau o God nami. 4 Jer 51:7; Tam 18:16A ino ra i emar namin namalu i pepol ma i merek kai, ma di mari nama gol ma a kum wat ra matandet i ka doko, ma a kum wakak na kamkabaran. I pam pas a kap na gol nama lamano, i bukus nama kum sakino utna ma a kum dur na petutna tagun anun a pamuk na petutna. 5 Di tumus tar a risano unin masarino, a utna na pidik lenri,\nA LABINO TAMON BABILON, A NAN A KUM PAMUK NA INO MA A KUM SAKINO PETUTNA SAKIT ANUN A RAKRAKON BUAL.\n6 Tam 18:24; 19:2A tama a ino ra i inum pas a gapin a taro anun o God, a gapindet ra det wasiso talapor un o Iesu. Ra i sipak nami.\nRa a tama i, a kisin doko. 7 Tam 13:1Ma a ensel i watungi tang lena, \"Ilai ra u kisin? An palos a kukurai ina utna na pidik ina ino, ma a kuabor na wewegua ra i kis taru netes uni, ra a wonom mawit nin lorino ma a noino komino. 8 Dan 12:1; Tam 11:7; 13:7A kuabor na wewegua ra u tama tari, i laun pas numugu, ma ke laun uniri, ma numur in nanpat melet tagun in labino tung ra katu tuktukino, ma in nan sur in iru. Ma a taro una rakrakon bual ra ka di tumus a risandet una buk na nilaun, turpasi ra o God i ukis a rakrakon bual, det in kisin ra det in tama a kuabor na wewegua ri. Uni i laun pas numugu, ma ke laun uniri, ma numur in nanpat melet.\n9 \"Osi ra i mananos in talapor wakak sur a utna ri. A wonom mawit na lorino a kukuraino lena, a wonom mawit na tangai ra a ino i kis taru netes un det. 10 Ma ara kukuraino kai, a wonom mawit na king. A limo det sa mat, ara mukut i kis ma ara kai tagun det ke wanpat utmakai. Ra in nanpat in kis lilik pas kut. 11 Ma a kuabor na wewegua ra i sa laun pas numugu ma ke laun uniri, i ra a mantiwal na king tagun a wonom mawit na king ra, ma in nan sur in iru.\n12 Dan 7:7, 24\"A noino komino ra u tama i, det ra, a noino king, ra ka det losi utmakai tu warkurai na king. Ikut una wonom na noino minit kut, det in warkurai tomo nama kuabor na wewegua, elar nama kum king. 13 A nuknukin det i takai kut, ma det in pitar tar a dekdekin det ma anundet a warkurai torom a kuabor na wewegua. 14 Det in waim nama Barman na Sipsip, ma a Barman na Sipsip in winim pas det, uni i a Labino anun a kum lamlabino, ma a King anun a kum king. Ma det ra i sa pilok pas det, ma i kabo pas det, ma det nurnur mulus uni, det in win tomo nami.\"\n15 A ensel i watungi tang lena, \"A kum danim ra u tama i, ra a pamuk na ino i kis iai, det tur ukinalong a kum taro tagun a kum tamon, a susut na taro, a taro tagun a kum gapman ma det tagun a wur ngas na wasiso. 16 Tam 18:8A kuabor na wewegua ma a noino kom ra u tama det, det in nget a pamuk na ino. Det in ban laulau i ma det in rakon ru anun a ememar ma in mengere mukut. Det in nan a komonongino, ma det in tun ru i nama sungun. 17 Uni o God ut i sa unuk tari una nuknukin det sur det in pam sot pas a nuknukino lenri: Det in pitar tar a dekdekin det ra det ser warkurai nami, torom a kuabor na wewegua, tuk ra din pam sot pas a kum wasiso anun o God. 18 A ino ra u tama i, i a labino tamon sakit ra i warkurai sur a kum king una rakrakon bual.\"\n17:1: Jer 51:12-13\n17:12: Dan 7:7, 24","id":"","dump":"CC-MAIN-2019-47","url":"https:\/\/ebible.org\/kqw\/REV17.htm","date":"2019-11-17T14:26:44Z","file_path":"s3:\/\/commoncrawl\/crawl-data\/CC-MAIN-2019-47\/segments\/1573496669183.52\/warc\/CC-MAIN-20191117142350-20191117170350-00052.warc.gz","language":"kqw","language_score":0.9998366237,"language_script":"Latn","minhash_cluster_size":3,"top_langs":"{\"kqw_Latn_score\": 0.9998366236686707}","num_words":820,"character_repetition_ratio":0.079,"word_repetition_ratio":0.012,"special_characters_ratio":0.28,"stopwords_ratio":0.479,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"13\nA petutna ra o God in gas nami\n1 Gong mot mana nama marmaris etetalai torom mot, lar a kabo tistisino. 2 Rom 12:13; Stat 18:1-8; 19:1-3Gong mot dumano i sur mot in gas pas a kum usiro. Uni ara taro ra det pam a ngasino ra, det sa gas pas a kum ensel, ikut ka det tasmani. 3 Mot in nuk pas det ra det kis una karabus, elar nami ra mot karabus tomo utkai nam det. Mot in nuk pas det kai ra di ban laulau det, elar nami ra di ban laulau mot utkai.\n4 Ep 5:5I wakak ra mot rop, mot in ru a kinkinis na nolin, ma gong tu dur na petutna in kis uni. Uni o God in kuro taio ra i pam a sakino nam tu ino anun taio o tu musano anun taio, ma taio kai ra i pam a kum pamuk na petutna.\n5 Lo 31:8; Jos 1:5Mot in tamtamabat mot sur mot in langolango gusun a nemnem sur a mani. Mot in gas kut nama sau ra kura tamot. Uni o God i sa watung tari lena,\n\"Kan madek ru ui,\nma kan nan gusun ui.\" Lo 31:6\n6 I mo ra ka dat in ngara, dat in watungi kut lena,\n\"A Labino anung a tene warut,\nma kan ngara.\nAsau ra a taro det in pami un iau?\" Sng 118:6-7\n7 1 Kor 4:16Mot in nuk pas anumot a kum mugumugu, ra numugu det sa ususer tar mot una wasiso anun o God. Mot in nuk pas anundet a ngas na nilaun, ma mot in mur anundet a nurnur. 8 O Iesu Karisito ken senene. Numugu, ma uniri, ma numur ma ken rop, o Iesu Karisito i elar kut.\n9 Rom 14:17Gong mot mur a kum wur ngas na etowo ra i ben raro mot. I wakak ra a marmaris anun o God in udekdek a niondat. Ra dat mur a kum warkurai una utna na inangon, ken udekdek a niondat, ma ken warut det ra det ser mur a kum warkurai ra.\n10 Ikut anundat a kabulu na tuntun etabor i kis, ma ka di mulaot a kum tene etabor torom o God ra kura det papam tiro na rumu na sel, sur det in nangon taguni. 11 Wkp 16:27A mugumugu na tene etabor torom o God i ser los ruk a gapin a kum wewegua una nubual ra i Tabu Sakit, sur a etabor ra in unus ru a kum sakino petutna. Ikut, a kudulano pinin a kum wewegua di tun ru det nago piso utamon. 12 Jn 19:17Lenkaira o Iesu i taramo a ngunungut ma i mat nago upiso tan a matansako ina labino tamon, sur in gos talapor a taro nama gapino ut, sur det a taro anun o God. 13 Ibr 12:2I wakak sur dat in nan toromi kunago upiso utamon, ma dat in taramo a maimai tomo nami. 14 Ibr 11:10, 16; 12:22Uni awu sur anundat a tamon ri in kis tukum. Dat tamtama sur a tamon ra kura numur in nanpat.\n15 Sng 50:14, 23I mo ra, una kum bung rop dat in watung ulabo pas o God, una risan o Iesu. A wasiso na ulabo ra, in elar nama etabor ra dat pitari torom o God, ra a wandat i upuaso a risano. 16 Pil 4:18Gong mot dumano i sur mot in pam a kum wakak na pinapam ma mot in tabor a taro. Uni a pinapam ra, i elar nama etabor torom o God ra in gas uni.\n17 1 Tes 5:12Mot in mur a wasiso anun anumot a kum mugumugu, ma mot in kis utuntudu ina anundet a warkurai, uni det tamtamabat mot, ma numur det in wasiso talapor umatan o God una nundet a kum pinapam torom mot. Ra mot in mur anundet a wasiso, det in gas una nundet a kum pinapam. Ikut, ra awu, det in papam nama tupunuk, ra ken warut mot.\n18 Ap 24:16; 2 Kor 1:12Mot in wararing sur met. Met tasman mulusi lena a nuknuki met ke takun met un tu utna, ma met nemi sur anumet a petutna in tokodos una kum utna rop. 19 Ma a saring dekdek mot, sur mot in wararing, sur o God in tulu lakit melet iau torom mot.\nA niaring sur o God in warut dat\n20 Jer 32:40; Ese 37:26; 1 Pit 2:25A wararing torom o God ra i ser pitar a malmal. I ra i ukatutur melet pas anundat a Labino o Iesu gusun a minat. O Iesu, i a labino tene tamtamabat anun a kum sipsip ra i mat ma i pitar tar a gapino ut sur in pam a kunubus ra in tur tukum. I mo ra o God i ukatutur melet pasi gusun a minat. 21 A wararing torom o God sur in tabor mot nama kum wakak na petutna rop, sur mot in mur anun a nemnem. A wararing kai un dat, lena, una pinapam anun o Iesu Karisito, o God in papam una nilaun anundat sur asau ra in gas nami. Dat in watung ulabo pas o Iesu Karisito, ken rop ma ken rop. Amen.\nA wasiso na marmaris\n22 A kum tistising, a saring pas mot sur mot in longoro wakak a wasiso na warut ri, uni a pas ri a tumusi torom mot awu sur i walos. 23 An inanos mot, una tisindat o Timoti, di sa upirso ru i gusun a karabus. Ra in nanpat lakit nin, mir rop mir in nanpat torom mot.\n24 Mot in pitar anumet a marmaris torom anumot a kum mugumugu rop, ma torom a taro rop anun o God. Det kai tagitong o Itali det pitar anundet a marmaris torom mot.\n25 A marmaris anun o God in kis torom mot rop.\n13:5: Lo 31:8; Jos 1:5\n13:11: Wkp 16:27\n13:15: Sng 50:14, 23","id":"","dump":"CC-MAIN-2019-47","url":"https:\/\/ebible.org\/kqw\/HEB13.htm","date":"2019-11-22T14:53:24Z","file_path":"s3:\/\/commoncrawl\/crawl-data\/CC-MAIN-2019-47\/segments\/1573496671363.79\/warc\/CC-MAIN-20191122143547-20191122172547-00018.warc.gz","language":"kqw","language_score":0.9999932051,"language_script":"Latn","minhash_cluster_size":5,"top_langs":"{\"kqw_Latn_score\": 0.9999932050704956}","num_words":927,"character_repetition_ratio":0.054,"word_repetition_ratio":0.0,"special_characters_ratio":0.287,"stopwords_ratio":0.491,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3\nA pinapam anun o Pol torom det ra awu sur a taro Juda\n1 Pil 1:7, 13I mo ra iau o Pol, a wararing sur mot. Iau a karabus anun o Karisito Iesu, uni a papam torom mot ra awu sur a taro Juda.\n2 Kol 1:25A nuki lena, mot sa longoro tari lena, o God i sa pitar tar a pinapam ri tang una nun a labino marmaris, sur an warut mot. 3 Ep 1:9-10; Kol 1:26Ma o God i utalapor iau una utna ra numugu i kis eno. Ma una pas ri a sa tumtumus lilik pas uni. 4 Ra mot in luki, mot in tasman asau ra a sa talapor uni, una utna un o Karisito, ra numugu i kis eno. 5 A kum taun taro tagun numugu, kataio i inanos talapor det uni, ikut uniri a Tokodos na Nion i upuaso i torom a kum tasur na aposel anun o God, ma a kum tasur na poropet anun o God. 6 Ep 2:13, 16-19Iri a utna ra numugu i kis eno: Det ra awu sur a taro Juda, ra det in mur a Wakak na Wasiso, det in rarakon tomo nama taro Juda, una kum utna ra o God i udan a kum nutnutunu nami. Ma det rop, ara musano mukut. Ma det ra tagun o Karisito Iesu, a kum liliman anun o God anundet utkai.\n7 Kol 1:25A wanpat a tultul anun a Wakak na Wasiso ri. Una nun a marmaris ma a dekdekino, o God i pitar tar a pinapam ri tang. 8 1 Kor 15:9-10Ma iau, a natino sakit tandet rop a taro anun o God. Ikut i maris iau, ra i pitar tar a pinapam ri tang, sur an warawai torom det ra awu sur a taro Juda una kum utna anun o Karisito ra i labo sakit, ma ken elar sur taio in tasman rop pasi. 9 O God, i ra i ukis a kum utna rop, i pitar tar a pinapam tang, sur an utalapor a taro rop una nuknukino ra numugu i kis eno. 10 Ikut uniri, i pami lenri torom a taro na lotu, sur in upuaso anun a labino mananos torom a kum nion, det ra det mugumugu ma det ra det utur ukai a warkurai una langit. 11 Tagun narap utmakai o God i tasmani una nuknukino lena in pami lenra. Ra uniri, i sa pam sot pasi un o Karisito Iesu anundat a Labino. 12 Jn 14:6; Rom 5:2Dat langolango sur dat in nan torom o God ma ka dat in ngara, uni dat tagun o Karisito ma dat nurnur uni. 13 I mo ra, a saring mot sur gong mot tusako ra mot longoro a kum mamaut ra a barato i sur an warut mot. A taramo a mamaut sur anumot a kinkinis na minamar.\nA marmaris anun o Karisito\n14 I mo ra, a kis butkeke umatan a Tamandat nama niaring, 15 i ra a Taman a kum kabo taro sapat netes una langit ma nin upiso kai, ma i pitar tar a nilaun torom det rop. 16 Ma o God anun a ululeng i bukus nama minamar. Ra a wararing sur in tabor mot nama Niono, sur in udekdek a niomot, 17 sur o Karisito in kis una balamot, ra mot nurnur uni. Ra a wararing sur anumot a marmaris in tur dekdek elar namin nanai ra a wakakorino i rarau. 18 Ra a wararing sur mot tomo nama taro rop anun o God, mot in dekdek sur mot in tasman mulus a marmaris anun o Karisito, ra i perere pepetlai, i walos pepetlai, i tur toto pepetlai, ma i dordorong pepetlai. 19 A wararing sur mot in tasman a marmaris anun o Karisito, ra i labo taun a mananos anun a taro, sur mot in bukus nama kudulano nilaun anun o God.\n20 Dat in rakon lekeleke pas o God, o naro ra i dekdek, ma i pet lari sur in pam a utna ra i labo sakit taun a kum utna rop ra dat sasaring suri, ma dat nuki. Ma i papam nama dekdekino una nundat a nilaun. 21 Dat tomo nama taun taro rop numur, dat in rakon lekeleke pasi, ken rop ma ken rop, una kum lamlabino utna i sa pam tari una taro na lotu, ma un o Karisito Iesu. Amen.","id":"","dump":"CC-MAIN-2019-51","url":"https:\/\/ebible.org\/kqw\/EPH03.htm","date":"2019-12-11T20:23:05Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540532624.3\/warc\/CC-MAIN-20191211184309-20191211212309-00315.warc.gz","language":"kqw","language_score":0.9999877214,"language_script":"Latn","minhash_cluster_size":4,"top_langs":"{\"kqw_Latn_score\": 0.9999877214431763}","num_words":698,"character_repetition_ratio":0.077,"word_repetition_ratio":0.0,"special_characters_ratio":0.268,"stopwords_ratio":0.516,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"7\nA wasiso elelar una warkurai na nolin\n1 A kum tistising, an wasiso torom mot ra mot tasmani ut a kum Warkurai. Pepetlai, ka mot tasmani lena, det kut ra det laun det kis utuntudu ina kum Warkurai? 2 Lenra an wasiso elelar una warkurai na nolin: Ra ara ino i nolin, a warkurai na nolin i ker tomo der nam anun a musano, ra a musano i laun utmakai. Ikut ra anun a musano i sa mat, a ino i sa langolango gusun a warkurai na nolin. 3 I mo ra a ino, ra in nolin melet nam tu musano, ma anun a musano i laun utmakai, a ino ra i pam a sakino. Ikut ra anun a musano i sa mat, a ino ra i langolango gusun a warkurai na nolin, ma ra in nolin melet nam tu musano, awu sur i pam a sakino.\n4 Rom 6:2, 11Lenkutkai ra torom mot, a kum tistising, ra o Karisito i mat, mot kai mot mat tomo nami. I mo ra mot kai mot langolango gusun a kum Warkurai, sur mot tagun ara gisen, o Karisito, i ra i sa katutur melet gusun a minat. Dat tagun o Karisito, sur dat in wu a windat sur o God in gas nami.\n5 Numugu anundat a nilaun i kis utuntudu ina dekdekin a sakino nemnem ina pinindat, ra a kum Warkurai i ukatutur pat a kum sakino nemnem sur dat in pam a sakino petutna. Ra a sakino petutna una nundat a nilaun i pitar a minat kut. 6 Rom 8:2; 6:4Ikut uniri, dat mat gusun a kum Warkurai ra i ker ukai dat numugu. Ma di sa ulangolango pas dat gusun a dekdekin a Warkurai, ma dat papam torom o God nama matok na kisapi, ra a Tokodos na Nion i pitari torom dat. Awu sur i elar nama mugano kisapi, ra dat muri kut a kum Warkurai ra di tumus tari.\nA sakino petutna i um doko dat\n7 Kis 20:17; Lo 5:21I mo ra asau mo dat in watungi? Pepetlai, a kum Warkurai a sakino petutna? Awu ut! Ra katu Warkurai, kan tasmani kai a sakino petutna. Lenri, ra o God ken watung tari una kum Warkurai lena, \"Gong u nuknuk laulau sur a utna anun taio,\" kan tasmani kai lena, a nuknuk laulau sur a utna anun taio i a sakino petutna. 8 Ikut a sakino petutna i sio pas a kisapi tiro korot una warkurai ra, sur in pam pat tar a kum wur ngas na nemnem sur a nuknuk laulau sur a utna anun taio. Ikut ra katu Warkurai, a sakino petutna katu dekdekino.\n9 Ra ka tasmani utmakai a kum Warkurai anun o God, a laun. Ikut ra a sa tasman a kum Warkurai, a sakino petutna i laun pat unin balang, ra a mat. 10 A kum Warkurai ra o God i pitar tari sur in pitar a nilaun tang, i pitari kut a minat tang. 11 Stat 3:13Uni a sakino petutna i sio pas a kisapi tiro korot una Warkurai sur in toro pas iau, ra una dekdekin a Warkurai i um doko iau.\n12 1 Tim 1:8I mo ra dat tasmani lena, a Warkurai katu dur uni, ma a kum du wasiso na Warkurai rop katu dur un det, det tokodos, ma det wakak. 13 Pepetlai, a utna ra i wakak i um doko iau? Awu ut! A sakino petutna i um doko iau. A sakino petutna i papam nama kum wakak na wasiso na Warkurai, ra i pitar a minat tang, sur in talapor lena a ngas na petutna ri i laulau. Una kum Warkurai dat tama lele pasi lena, a sakino petutna i laulau doko.\nA wakak na petutna ra a nemi sur an pami, ka pami\n14 Dat tasmani lena, a kum Warkurai anun o God, a kum utna na nion. Ikut iau a musano kut taginin upiso, ma a sakino petutna i ker tar iau sur an tene ititula anunu. 15 Gal 5:17Ka talapor un asau ra a ser pami. Uni asau ra a nemi sur an pami, ka pami, ikut asau ra a ngeti, a ser pami. 16 Ra a ser pam asau ra ka nem na pami, i ese i lena a mulaot lena a kum Warkurai anun o God i wakak. 17 I mo ra awu sur iau mo a pam a kum utna ri, awu. A sakino petutna ut ra i laun un iau i pami. 18 A tasmani lena katu wakak na utna kuri i laun un iau. A wasiso lenra una sakino nemnem ina pining. Uni, a nemi ut sur an pam a wakakino, ikut ka pet lar pasi. 19 Uni, ka pam asau ra i wakak, ra a nemi sur an pami. Ikut a sakino petutna ra ka nemi sur an pami, i ra a ser pami. 20 Ra a ser pam asau ra ka nemi sur an pami, awu sur iau mo a pami, a sakino petutna ra i laun un iau, i ser pami.\n21 A tama ara ngas na dekdek kuri una nung a nilaun, lenri: Ra a nem na pam a wakakino, a sakino kut i wanpat. 22 Una nuknuking a nem doko a kum Warkurai anun o God. 23 Gal 5:17; 1 Pit 2:11Ikut, una kum du pining a tama i kai ara se ngas na dekdek, ra ke mur a Warkurai anun o God. I waim tomo nama wakak na warkurai kuri una nuknuking, ma i ker ukai iau sur an kis una karabus anun a sakino petutna, ra i ser papam una kum du pining. 24 Iau a pot na marmaris na musano iau! Osi in ulangolango iau gusun a pining ri, ra i wan sur a minat? 25 1 Kor 15:57O God ut. A watung wakak toromi ra i tulu ru o Iesu Karisito anundat a Labino, ra i ulangolango pas iau.\nI mo ra iau ut, una nuknuking, iau a tene ititula anun a kum Warkurai anun o God, ikut, ra a mur a sakino nemnem ina pining, iau a tene ititula utuntudu ina dekdekin a sakino petutna.\n7:7: Kis 20:17; Lo 5:21\n7:11: Stat 3:13","id":"","dump":"CC-MAIN-2019-51","url":"https:\/\/ebible.org\/kqw\/ROM07.htm","date":"2019-12-06T04:07:58Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540484477.5\/warc\/CC-MAIN-20191206023204-20191206051204-00450.warc.gz","language":"kqw","language_score":0.999958992,"language_script":"Latn","minhash_cluster_size":3,"top_langs":"{\"kqw_Latn_score\": 0.9999589920043945}","num_words":988,"character_repetition_ratio":0.108,"word_repetition_ratio":0.01,"special_characters_ratio":0.269,"stopwords_ratio":0.425,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"5\nDat sa emarom melet nam o God\n1 Una nundat a nurnur ut, o God i watung dat lena dat tokodos umatano. I mo ra dat kis na malmal tomo nam o God, kibino una nundat a Labino o Iesu Karisito. 2 Ra dat nurnur un o Karisito, i mugu dat ma i uruk dat una marmaris anun o God. Ra uniri, dat sa laun uni. Ma dat gas, ra dat kis langlang nama nurnur sur a minamar anun o God, ra kura numur dat in kis uni.\n3 Jem 1:2-3; 1 Pit 1:5-7Ma awu sur i kut ra dat gas suri, dat gas utkai una kum mamaut ra dat taramo i, uni dat tasmani lena a kum mamaut i pam pat anundat a tuntunur dekdek. 4 Ma anundat a tuntunur dekdek i pam pat a ngas na nilaun ra a kum larlar ka det in upuku pas dat. Ma a ngas na nilaun ri, i pam pat anundat a kinkinis langlang nama nurnur. 5 Ra dat kis langlang nama nurnur, dat tasmani lena a utna ra o God i sa uliliman taru uni in nanpat ut. Uni o God i sa pitar tar a Tokodos na Nion tandat. Ra a Tokodos na Nion i sa lingis tar a marmaris anun o God unin balandat.\n6 Numugu ka dat mur a petutna ra i wakak umatan o God, ra ka dat pet sot pas tu utna. Ikut ra a du bung i sot, o Karisito i mat sur dat. 7 I ngangitin doko ra taio in mat sur tu tokodos na musano. Kutiro taio in pet lar pasi sur in mat sur tu wakak na musano. 8 Jn 3:16; 1 Jon 4:10Ikut o God i ese anun a marmaris torom dat una kisapi lenri: Ra dat laun utmakai una sakino petutna, o Karisito i mat sur dat. 9 Rom 1:18; 2:5Ma una gapin o Iesu, o God i watung dat lena dat tokodos umatano. I mo ra i lingmulus sakit lena, o Iesu in ulaun pas dat gusun a kankan anun o God, una bung na warkurai. 10 Ra dat kis na ebar utmakai nam o God, i tulu ru o Nutunu sur in mat sur dat, sur dat in emarom melet nam o God. Ra dat kis na emarom nam o God, i lingmulus sakit, in ulaun pas dat, kibino una nilaun anun o Nutunu.\n11 Awu sur i kut ra. Uniri dat gas utkai tomo nam o God, kibino ut una nundat a Labino o Iesu Karisito, ra i umarom tomo tar dat nam o God.\nO Adam i pitar a minat, ma o Iesu i pitar a nilaun\n12 Stat 3:6; Rom 6:23Ara musano kut i pam a sakino petutna, ma una petutna ra, a sakino petutna i wanpat una rakrakon bual. A sakino petutna i pam pat a minat. Ma una kisapi ra, a minat i wan sur a taro rop, uni det rop det pam a sakino petutna. 13 Rom 4:15Uni numugu, ra kabaut o God i pitar a kum Warkurai, a sakino petutna i sa kis una rakrakon bual. Ra kalako Warkurai, o God ken takun taio lena i pam a sakino petutna. 14 Ikut, tagun a kum kilalo anun o Adam tuk una kum kilalo anun o Moses, a taro rop det kis utuntudu ina dekdekin a minat. Ara taro ka det pam a ngas na sakino elar nam o Adam, ra i lakai a warkurai. Ikut, det utkai, det kis utuntudu ina dekdekin a minat.\nO Adam i a malalarin o naro ra in nanpat numur. 15 Ikut a etabor anun o God ke elar nama sakino petutna anun o Adam. Uni a susut na taro det mat una sakino petutna anun ara musano kut. Ikut, i lingmulus sakit, a marmaris anun o God i bukus ma i pulpulas, ma un ara musano kut, o Iesu Karisito, ma una nun a marmaris, i pitar oros tari kut a etabor torom a susut na taro.\n16 Ara utna kai, a etabor anun o God ke elar nama utna ra i wanpat tagun a sakino petutna anun o Adam. Anun ara petutna i dat tar a taro, sur det in iru una warkurai na minabalu anun o God. Ikut a etabor anun o God i lenri, ra a taro det pami utmakai a kum sakino petutna, o God i watung det a kum tene tokodos. 17 Ma una petutna na lakai warkurai anun ara musano kut, a taro rop det kis utuntudu ina dekdekin a minat. Ikut, i lingmulus sakit, a taro ra det los pas a marmaris anun o God ra i bukus ma i pulpulas, ma det los pasi kai anun a etabor ra i watung det a kum tene tokodos, det in laun tukum ma det in warkurai elar nama kum king, kibino un ara musano kut, o Iesu Karisito.\n18 1 Kor 15:22I mo ra un ara petutna na lakai warkurai kut anun o Adam, a taro rop det kis una warkurai na minabalu anun o God. Lenutkai ra, un ara tokodos na petutna ra o Iesu i pami, o God in watung a taro rop a kum tene tokodos, ma det in laun. 19 Ais 53:11Una pitarngat anun ara musano kut, a susut na taro det a kum tene sakino. Lenkutkai ra, una mur wasiso anun ara musano kut, o Iesu Karisito, a susut na taro det a kum tene tokodos.\n20 Ra o God i pitar tar a kum Warkurai, a sakino petutna anun a taro i lubung. Ikut ra a sakino petutna i lubung, a marmaris kai anun o God i labo tauni. 21 Rom 6:23A taro det kis utuntudu ina dekdekin a sakino petutna, ra i pitar a minat torom det. Ikut uniri, a taro ra det kis utuntudu ina dekdekin a marmaris anun o God, o God i watung det a kum tene tokodos, ra i pitar a nilaun tukum torom det, kibino una pinapam ra o Iesu Karisito anundat a Labino i sa pam tari.\n5:19: Ais 53:11","id":"","dump":"CC-MAIN-2019-51","url":"https:\/\/ebible.org\/kqw\/ROM05.htm","date":"2019-12-05T14:34:41Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540481076.11\/warc\/CC-MAIN-20191205141605-20191205165605-00288.warc.gz","language":"kqw","language_score":0.9999791384,"language_script":"Latn","minhash_cluster_size":3,"top_langs":"{\"kqw_Latn_score\": 0.9999791383743286}","num_words":974,"character_repetition_ratio":0.087,"word_repetition_ratio":0.008,"special_characters_ratio":0.263,"stopwords_ratio":0.463,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"20\nAra arip na kilalo\n1 Tam 9:1A tama pas ara ensel i wan pirso tagisapat una langit, i pam a ki tagun in labino tung ra katu tuktukino, ma i pam pasi kai a labino sen. 2 Stat 3:1; Tam 12:9I pam sikot pas in labino sui, in nusui tagun narap, ra di watungi a tene etakun, ma o Satan. I sen ukai tari tuk ra ara arip na kilalo in rop. 3 I woro pirso tari unin labino tung ra, i tagar ma i ukai bat tari, sur gong melet mo i toro a taro tagun a kum gapman rop tuk ra ara arip na kilalo ra, in rop. Numur tano din palos ru i sur in langolango pas kut tu du nat na bung.\n4 Dan 7:9, 22, 27; 1 Kor 6:2; Tam 13:17A tama a kum kiskis na king ma det ra det kis netes un det, ra di sa pitar tar a warkurai tandet sur det in warkurai. Ra a tama a nion a kum taro ra di sa tok kutus a kum kabarandet, kibino una nundet a wasiso talapor un o Iesu ma una wasiso anun o God. Ka det lotu torom a kuabor na wewegua o a malalarino, ma ka di ubek a ukinalong anun a kuabor na wewegua una kum masarindet o una kum lamandet. Det laun melet ma det warkurai tomo nam o Karisito ara arip na kilalo. 5 Iri a mugano katkatutur melet gusun a minat. Ikut det rop ra det sa mat ma ka det laun melet una du bung ra, ka det in laun melet tuk ra ara arip na kilalo ra, in rop, ra det in katutur maragom. 6 Tam 1:6Det ra di ulaun det una mugano katkatutur melet gusun a minat, det dan ma det a kum tokodos na taro anun o God. A manru na minat kalako dekdekino sur in pam ukai det. Det a kum tene etabor torom o God ma o Karisito. Det in warkurai tomo nam o Karisito ara arip na kilalo.\nDi woro pirso ru o Satan unin labino tung na sungun\n7 Ra ara arip na kilalo ra i sa rop, din palos ru o Satan tagun anun a kinkinis na karabus. 8 Ese 38:2, 9, 15-16Ra in nan sur in toro pas a taro tagun a kum gapman rop tagun a wat na matmatano wuwu, a taro ra di watung det nam o Gok ma o Magok. In ben tomo det sur a inaim. A nilulukin det in elar nama woio tagun a usalin. 9 2 Kin 1:10Ma det in nan tagitiro una rakrakon bual, ma det in tur talilis pas a nubual ra a taro anun o God det kis iai, ma a labino tamon ra o God i maris doko i. Ikut a sungun in puku pirso tagisapat una langit ma in tun rop ru a taro na inaim. 10 Sng 11:6; Tam 19:20; 21:8O Satan, i ra i toro pas det, din woro pirso ru i unin labino tung na sungun ma salfa. In nutung, ra di sa woro pirso tari munung a kuabor na wewegua ma a torotoro na poropet iai. Tiro iai din ukadik detul una kum mirum ma a waspi, ken rop ma ken rop.\nA ururop na warkurai\n11 Numur a tama a labino kiskis na king i kabang, ma a tama pas ara ra i kis uni. Ma a rakrakon bual ma a bakut der rorom gusun in matano, katu nubual melet mo anunder. 12 Dan 7:9-10; Mt 25:31-46; Ap 17:31; 2 Kor 5:10; Tam 13:8A tama a kum minat rop, a kum lamlabino ma det ra ka di ulabo pas det, ra det tur numugu tan a kiskis na king, ra di papok a kum buk. Di papok melet ara buk, i a buk na nilaun. Ma di warkurai a kum minat, elar nama nundet a kum pinapam, ra di sa tumus ukai tari una kum buk. 13 Rom 2:6; 1 Pit 1:17; Tam 2:23; 22:12A tasi i pitar pat melet ru a kum minat ra det mat sa utasi. A minat ma o Edes, a tamon anundet ra det mat, der kai der pitar pat ru a kum minat ra kura tiro un der. Di warkurai det taktakai elar ut nama nundet a kum pinapam. 14 Numur di woro pirso ru a minat ma o Edes unin labino tung na sungun. In nutung na sungun ra, i a manru na minat. 15 Ma osi ra ka di tumus a risano una buk na nilaun, di woro pirso ru i unin labino tung na sungun.\n20:8: Ese 38:2, 9, 15-16\n20:9: 2 Kin 1:10","id":"","dump":"CC-MAIN-2019-51","url":"https:\/\/ebible.org\/kqw\/REV20.htm","date":"2019-12-05T15:17:44Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540481076.11\/warc\/CC-MAIN-20191205141605-20191205165605-00316.warc.gz","language":"kqw","language_score":0.9998693466,"language_script":"Latn","minhash_cluster_size":4,"top_langs":"{\"kqw_Latn_score\": 0.9998693466186523}","num_words":731,"character_repetition_ratio":0.074,"word_repetition_ratio":0.0,"special_characters_ratio":0.289,"stopwords_ratio":0.438,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"16\nAnundet a etabor torom a taro na lotu sapat o Jerusalem\n1 Rom 15:25-26; 2 Kor 8:1-9An inanos mot un asau ra mot in pami nama mani ra mot woro tomo i sur a taro anun o God ra det kis sapat o Jerusalem. Mot in pami elar nami ra a sa inanos tar a taro na lotu una kum tamon tong una papor Galesia sur det in pami. 2 Una kum mugano bung una rara wik, mot rop taktakai mot in ubek gisen ru tu mani tagun anumot a mani. Det ra det pam pat a labino mani det in pitar a labino, ma det ra det pam pat a natino det in pitar a natino. Mot in ulengi, sako ra an nanpat, mot in woro tomo i maragom a mani. 3 Mot in pilok pas lako taro ra mot nurnur un det sur det in los anumot a etabor. Ma ra an nanpat tiro, an pitar tar a kum pas na wasiso talapor torom det sur det in losi tomo nam anumot a etabor, ma an tulu ru det nami usapat o Jerusalem. 4 Ra i wakak sur iau kai an nan, met in nan tomo.\nO Pol i inanos det una nun a inawan\n5 Ap 19:21An nan utong una kum tamon una papor Masedonia. Ma numur an nan kai utiro torom mot, uni an nan ut utong o Masedonia. 6 Rom 15:24Kutiro an kis lilik pas ut tomo nam mot tiro iai, o kutiro an kis tuk ra a kum kalang na kotokoto ma a labino wuwu in rop, ra numur mot in warut iau una nung a inawan sur a kum tamon gisen bulung ra an nan iai. 7 Ka nemi sur an nan torom mot uniri, ra an tur pas kut nisamot una nung a inawan. Ra a Labino in mulaot iau, a nemi sur an kis suano pasi ut nisamot. 8 Ap 19:8-10; 2 Kor 2:12An kis nin o Epeses tuk una Bung na Pentikos, 9 uni a kisapi i sa papos sur anung a pinapam in lubung ma in wu, ma a susut na taro kai det nem na turbati.\n10 1 Kor 4:17Ra o Timoti in nanpat torom mot, mot in tamtamabati sur gong i ngara ra i kis nisamot, uni i pam a pinapam anun a Labino, elar nam iau kai a pami. 11 1 Tim 4:12Gong mot tama pisopiso i. Ra in milet urin torom iau, mot in tulu ru i nama malmal. Ma a kis langlang suri, ra in nanpat tomo nama kum tistisin dat.\n12 1 Kor 3:6A nemi sur an inanos mot una tisindat o Apolos. A saring dekdeki sur in nan tomo nama kum tistisin dat torom mot, ikut ke nem na wan utmakai. Numur ra tu kisapi in papos toromi, in nan ut.\nA kum ururop na wasiso anun o Pol\n13 Mot in tumarong, ma mot in tur dekdek una nurnur. Mot in elar nama kum dekdek na musano, ra ka det ngara. 14 Mot in pam a kum utna rop nama marmaris.\n15 1 Kor 1:16Mot sa tasmani lena a taro ra det kis una rumu anun o Stepanas, det a mugano taro ra det nukpukus tiro una papor Akaia, ma det sa pitar tar det sur det in warut a taro anun o God. A saring mot, a kum tistising, 16 sur mot in unatino pas mot torom a ngas na taro lenra, ma torom det ra det papam tomo nam det, ma det dekdek una pinapam ra. 17 A gas una inawan pat urin anun o Stepanas, o Potunatus ma o Akaikas, uni detul warut iau ra ka mot kis tomo nam iau. 18 Detul ugasgas pas a niong, ma a niomot kai. I wakak ra mot in tama lele a ngas na taro lenra, ma mot in pitar a urur torom det.\n19 Ap 18:2, 18, 26A taro na lotu una kum tamon nin una papor Asia det pitar anundet a marmaris torom mot. O Akuila ma o Prisila ma a taro na lotu kai ra det ser lotu tomo una nunder a rumu, det pitar anundet a labino marmaris torom mot una risan a Labino. 20 A kum tistisin dat rop det pitar anundet a marmaris torom mot. Ra mot etorom, mot in nem etetalai mot nama egom na marmaris, ma mot in pami nama tokodos na petutna.\n21 Anung a nat na wasiso na marmaris ri, iau ut, o Pol, a tumusi torom mot nama lamang. 22 Gal 1:8-9Osi ra ke nem a Labino, in iru tukum. Wan urin a Labino!\n23 A marmaris anun a Labino o Iesu in kis tomo nam mot. 24 Anung a marmaris torom mot rop un o Karisito Iesu. Amen.","id":"","dump":"CC-MAIN-2019-51","url":"https:\/\/ebible.org\/kqw\/1CO16.htm","date":"2019-12-13T00:22:35Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540547536.49\/warc\/CC-MAIN-20191212232450-20191213020450-00269.warc.gz","language":"kqw","language_score":1.0000035763,"language_script":"Latn","minhash_cluster_size":5,"top_langs":"{\"kqw_Latn_score\": 1.0000035762786865}","num_words":755,"character_repetition_ratio":0.058,"word_repetition_ratio":0.0,"special_characters_ratio":0.272,"stopwords_ratio":0.487,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"5\nDin rakon ru ara tene lotu ra i pam a pamuk na petutna\n1\nA longoro i lena a pamuk na petutna kura i kis epotor tamot. Ara tagun mot i pam a sakino tomo nama ino anun o tamano. A taro ra ka det nurnur, ka det ser pam a sakino petutna lenra. 2\nIkut mot, mot dat walos a lorimot! Ilai ra ka mot tangis na maimai una petutna ra? Ma ilai ra ka mot rakon ru a musano ra gusun mot? 3\nA lingmulus, una pining a kis gisen gusun mot, ikut una niong a kis tomo ut nam mot. Ma a sa pitar tar a warkurai un o naro ra i pam tar a sakino petutna ra, elar nami ra a kis tomo ut nam mot. 4\nRa mot in nanpat tomo una risan anundat a Labino o Iesu, ma an kis tomo ut nam mot una niong, ma a dekdekin a Labino o Iesu kai in kis tomo nam mot, 5\nmot in pitar tar a musano ra ulaman o Satan, sur din ban laulau a sakino nemnem ina pinino, ma o God in ulaun pas a niono una bung ra a Labino in nanpat melet.\n6\nKe wakak ra mot ulabo pas mot ut. Pepetlai, ka mot tasmani lena lakalik nat na is kut, in ulabo rop pas a palawa? 7\nMot in rakon ru a is ra i sa turai, sur mot in elar nama matok na palawa ra kalako is uni. A lingmulus ut, kalako is un mot. Uni di sa pitar tar o Karisito sur anundat a etabor torom o God, elar nama sipsip ra di etabor nami una labino bung na lotu na Wanlakai.* 8\nI mo ra i wakak sur anundat a nilaun in elar nama taro ra det pam a labino bung na lotu na Wanlakai. Gong dat pami nama is ra i sa turai. I ra a sakino petutna ma a dur na petutna. Dat in pami ut nama beret ra kalako is uni. I a tokodos na petutna ma i lingmulus.\n9\nUna ara pas munung ra a sa tumus tari torom mot, a sa inanos tar mot lena, gong mot lason tomo nama taro ra det pam a kum pamuk na petutna. 10\nAwu sur a kukuraino lena, gong mot lason tomo nama taro tagun a rakrakon bual, ra det ser pam a kum pamuk na petutna, o a kum matano muk, o det ra det ras pas a ututna ra awu sur anundet, o det ra det ser lotu torom a kum torotoro na god, awu. Ra mot nem na wan gusun det, mot in nan taginin una rakrakon bual. 11\nIkut a tumtumus torom mot, sur gong mot lason tomo nam det ra det watungi lena det a kum tistisin dat una nurnur, ikut det ser pam a kum sakino petutna lenri: Det ser pam a kum pamuk na petutna, det a kum matano muk, det ser lotu torom a kum torotoro na god, det ser mang laulau a taro, det a kum tene ininum ma det ra det ras pas a ututna ra awu sur anundet. Ma gong kai mot wangon tomo nama ngas na taro lenra.\n12-13\nSur asau ra an warkurai a taro, ra awu sur det tagun dat a taro na lotu? O God ut in warkurai det. Ikut in wakak sur mot in warkurai det ut, ra tagun dat a taro na lotu. Mot in pami elar nami ra di sa tumus tari una Buk Tabu lenri, \"Mot in lakro ru a sakino musano gusun mot.\" Lo 17:7","id":"","dump":"CC-MAIN-2019-51","url":"https:\/\/ebible.org\/kqw\/1CO05.htm","date":"2019-12-13T12:55:51Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540555616.2\/warc\/CC-MAIN-20191213122716-20191213150716-00477.warc.gz","language":"kqw","language_score":1.0000047684,"language_script":"Latn","minhash_cluster_size":4,"top_langs":"{\"kqw_Latn_score\": 1.000004768371582}","num_words":587,"character_repetition_ratio":0.069,"word_repetition_ratio":0.007,"special_characters_ratio":0.255,"stopwords_ratio":0.486,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nA kum torotoro na tene ususer\n1 Mt 24:11; Jud 1:4Numugu a kum torotoro na poropet det kis epotor tan a taro Israel. Lenkutkai ra a kum torotoro na tene ususer det in nanpat epotor ut tagun mot. Det in uruk eno anundet a kum torotoro na etowo ra in ban laulau a nurnur, ra det in ipul ru a Labino ra i sa kul pas det. I mo ra aiapiap kut, det in los a iniru. 2 A susut na taro det in mur a kum petutna na pamuk anun a kum torotoro na tene ususer, ra a taro gisen det in watung laulau a lingmulus na nurnur, i kibino una kum ngasino anun a kum torotoro na tene ususer. 3 Una nundet a labino nemnem sur a mani, det in usobor pas mot nama kum torotoro na wasiso, sur det in los anumot a mani. Ikut tagitiro numugu utmakai, o God i sa waninar tar anundet a warkurai na minabalu, ra milau mukut in nanpat un det.\n4 Jud 1:6O God ke maris bat a kum ensel ra det pam a sakino petutna. I woro pirso ru det unin labino tung ra i dumirum doko, ma di ker ukai tar det, ma det kis langlang pas a bung na warkurai. 5 Stat 6:1–8:22; 2 Pit 3:6Ma o God ke maris bati kai a rakrakon bual numugu, ra i tulu in nolomom, ra a taro ra det rosumur gusun o God det iru uni. Ikut i ulaun pasi kut o Noa, a tene warawai una tokodos na petutna. Ma i ulaun pasi kai a wonom mawit det. 6 Stat 19:24; Jud 1:7Ma i pitar a warkurai na minabalu una aru tamon, o Sodom ma o Gomora ra i tun ru der, ra der a kabo kubus mukut. I pami lenra sur a malalar ina sau ra kura numur in nanpat torom a taro ra det rosumur gusun o God. 7 Stat 19:1-16Ikut, i ulaun pas o Lot. I a tene tokodos, ra i los a labino maut una kum petutna na pamuk anun a taro na lakai warkurai. 8 A tene tokodos ri, i kis epotor tan a laulau na taro ra. Ma una kum bung rop, i taramo a labino maut una nundet a kum petutna na lakai warkurai, ra i tama i ma i longoro i. 9 Ra a Labino i tasman a kisapi ra in ulaun pas a taro ra det ru i, gusun a kum larlar ra in barato det. Ma i tasmani kai a kisapi ra in ukadik a taro ra det rosumur gusuni, ma det kis langlang sur anundet a warkurai na minabalu, una bung na warkurai. 10 Jud 1:7-8, 16Ma a Labino in warkurai dekdek det ra det mur a kum dur na nemnem ina pinindet, ma ka det nem na kis utuntudu in anun a warkurai.\nA kum torotoro na tene ususer ra, ka det ngara, ma det ulabo pas det ut. Ka det ngara ra det watung laulau a kum ukukis ra kusapat una langit. 11 Jud 1:9A kum ensel det dekdek doko taun a kum torotoro na tene ususer ri, ikut ra det tur umatan a Labino ka det watung laulau a kum ukukis ra kusapat una langit. 12 Jud 1:10Ikut a kum torotoro na tene ususer ri, det elar nama kum kuabor na wewegua, ra ka det mananos, ma det muri kut a nemnem ina pinindet, ma di usus det kut sur din pam ukai det ma din um doko det. Det watung laulau i kut a kum utna ra ka det tasmani. Det in iru elar nama kum kuabor na wewegua.\n13 O God in balu anundet a kum sakino petutna nama laulau ino. Det gas kut ra det inum ma det sipak tuptupukus una waspi. Ra det kis tomo nam mot una kum inangon, ma det gas una nundet a kum torotoro na petutna, anundet a dur na petutna i ban umaimai mot. 14 A kum bung rop, a matandet i tamtama kut sur tu ino anun taio o tu musano kai anun tu ino, sur det in pam a sakino tomo nami. Ka det mana gusun anundet a kum sakino petutna. Det ulam raro a taro ra ka det tur dekdek. Det lason doko una nemnem sur a susut na ululeng. Ikut, anundet a iniru i sa waninar. 15 Nam 22:7; Jud 1:11; Tam 2:14Det sa wan gusun a tokodos na kisapi, ra det sa raro. Det sa mur a kisapi anun o Balam a nutun o Beor, ra i pam a sakino, uni i nem doko a mani. 16 Nam 22:28-35A kum dongki ka det ser wasiso. Ikut a dongki anun o Balam a poropet, i wasiso toromi una nun a niraro namin nalngan a musano, ma i turbat anun a longlong na pinapam.\n17 Jud 1:12-13A kum musano ri, det elar nama kum matmatano danim ra det sa mamaso, ma det elar kai nama gawul ra a labino wuwu i wup ru i. O God i sa waninar tar a nubual sur det una labino dumirum. 18 Det ulabo pas det nama kum wasiso oros kut, ma det ulam a taro sur det in pam a pamuk na petutna ma det in mur a kum laulau na nemnem ina pinindet. Una ngasino ri, det ulam det ra ke suano det utmakai a inawan gisen gusun a kum tene sakino. 19 Det liliman torom det lena, det in langolango, ikut det ut, ka det langolango, det tene ititula torom a kum dur na magirandet. Uni taio in tene ititula torom asau ra i labo doko una nun a nilaun. 20 Mt 12:45A taro ra det sa wan gisen gusun a kum dur na petutna tagun a rakrakon bual, uni det sa tasman o Iesu Karisito, anundat a Labino ma Tene Ulaun, ikut numur det puku unin nukun ina sakino petutna, ma a kum laulau na utna ra, i ker ukai melet det, anundet a kinkinis numur in laulau doko taun anundet a kinkinis numugu, ra ka det tasmani utmakai o Iesu Karisito. 21 Lk 12:47-48Gunuk ra ka det in tasman a kisapi ina tokodos na petutna, in wakak torom det. Ikut uniri, in laulau doko torom det, uni det sa tasmani, ikut det rosumur melet gusun a warkurai anun o God, ra di sa pitar tari tandet. 22 Snd 26:11A ru wasiso elelar ri i sot nam det: \"A pap i milet melet sur a utna ra i muru tari.\" Ma \"A nano boro ra di sa rus tari, in milet melet ra in polpolos melet.\"\n2:7: Stat 19:1-16\n2:16: Nam 22:28-35\n2:22: Snd 26:11","id":"","dump":"CC-MAIN-2019-51","url":"https:\/\/ebible.org\/kqw\/2PE02.htm","date":"2019-12-11T19:09:07Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540532624.3\/warc\/CC-MAIN-20191211184309-20191211212309-00468.warc.gz","language":"kqw","language_score":0.9999927282,"language_script":"Latn","minhash_cluster_size":3,"top_langs":"{\"kqw_Latn_score\": 0.9999927282333374}","num_words":1066,"character_repetition_ratio":0.076,"word_repetition_ratio":0.004,"special_characters_ratio":0.268,"stopwords_ratio":0.482,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\n1 A nemi sur mot in tasmani lena, a papam dekdek sur mot, ma sur a taro Laodisia, ma sur det rop kai, ra ka etorom det utmakai. 2 A pami lenra, sur in uragot anundet a nilaun, ma det in kis na marmaris tomo, sur det in bukus nama labino mananos, sur det in tasman a utna anun o God, ra numugu i kis eno, i ra o Karisito ut. 3 1 Kor 1:24, 30A mananos rop, ma a wakak na ninunuk rop, det elar nama kum wakak na ululeng, ra det kis eno un o Karisito.\n4 Rom 16:18A watungi lenri torom mot, sur gong taio i toro pas mot nam tu namnamin na wasiso. 5 1 Kor 5:3A lingmulus, a kis gisen gusun mot una pining, ikut una niong a kis tomo ut nam mot, ma a gas ra a tama i lena, mot warkurai kodos anumot a nilaun, ma mot tur dekdek una numot a nurnur un o Karisito.\nDat in mur a matok na nilaun anun o Karisito\n6 Mot sa los pas o Karisito Iesu sur i a Labino una numot a nilaun, i wakak sur mot in laun bolbolos ut uni. 7 Ep 3:17Anumot a nilaun in wakakor un o Iesu sur in lubung, ma mot in tur netes uni. Mot in tur dekdek una nurnur elar nami ra di sa ususer tar mot uni, ma mot in bukus nama watung wakak torom o God ma anumot a watung wakak in pulpulas.\n8 Mot in tumarong mot, sur gong taio i ukarabus mot nama mananos anun a taro kut, ra i a etowo oros kut ma a torotoro. A mananos ra, i wanpat kut tagun a kum etowo anun a kum tumtubun det tagun numugu, ma tan a kum laulau na nion tagun a rakrakon bual, ma awu sur tan o Karisito.\n9 Jn 1:14, 16Uni o Karisito i wanpat a mulusino, ma a nilaun rop anun o God i bukus uni. 10 Ep 1:21-22Ma mot tagun o Karisito, i mo ra anumot a nilaun i kudulano. Ma o Karisito ut, i labo taun a kum nion rop ra det utur ukai a dekdek, ma a kum nion rop ra det utur ukai a warkurai. 11 Rom 2:29Una numot a nilaun un o Karisito, i tok talilis mot, ikut awu sur a ngas na tinotok talilis ra a taro det pami nama lamandet, awu. A tinotok talilis ra o Karisito i pami i lenri, i rakon ru a laulau na nemnem ina pinimot. 12 Rom 6:4Ra di baptaiso mot, di por mot tomo nam o Karisito. Ma mot katutur melet tomo nami, uni mot nurnur una dekdekin o God, i ra i ukatutur melet pas o Karisito gusun a minat.\n13 Ep 2:1-5Numugu a niomot i mat, uni mot pam a kum sakino petutna, ma ka di rakon ru a laulau na nemnem ina pinimot. Ikut uniri, o God i sa ulaun pas mot tomo nam o Karisito. I sa unus ru anundat a kum sakino petutna rop. 14 Ep 2:14-16; 1 Pit 2:24Dat ser rosumur gusun a kum Warkurai anun o Moses, ra a etakun i kis un dat. Ikut o God i unus ru a etakun, ra i sak wat tari sapat netes unin nanai kutus. 15 O God i sa rakon ru a dekdekin a kum nion ra det utur ukai a dekdek ma a kum nion ra det utur ukai a warkurai. Ma unin nanai kutus i ban umaimai det umatan a taro rop, uni i ese i lena, i sa winim rop pas det.\n16 Rom 14:1-12I mo ra, gong mot madek tar taio sur in takun mot lena, ka mot pam sot pas a kum warkurai un asau ra mot in nani ma mot in inumi, ma una kum lamlabino bung na lotu, ma una kalang ra i wanpat kibin, ma una Bung na Sabat. 17 Ibr 8:5A kum warkurai ri, det elar kut nama malalar ina utna ra in nanpat numur. Ikut, a utna mulus, i o Karisito. 18 Ara taro det ser toro lena, det unatino pas det una nundet a ngas na lotu, ma det ser lotu torom a kum ensel, ma det ser wasiso una kum ririon ra det tama i. Gong mot madek tar det sur det in takun mot. Uni a ngas na musano ra, i uman labino kut nama nuknukino, ma a nuknukino i bukus nama kum laulau na nemnem ina pinino. 19 Ep 2:21; 4:16I sa tukutus gusun o Karisito, i ra in lorin a taro na lotu. O Karisito i in lorindat, ma dat a pinino. I udekdek a kum du pinino sur det in warut etetalai det ma det in kis tomo, elar nama kum mulmulukun ina pinindat ra det tugus tomo. Ra a kudulano pinino i lubung, elar nama nemnem anun o God.\n20 Gal 4:3, 9; 1 Tim 4:3Mot sa mat tomo nam o Karisito, ma mot sa langolango gusun a kum etowo tan a kum laulau na nion tagun a rakrakon bual. Asau a kibino ra mot laun melet kut elar nam mot taginin una rakrakon bual ma mot mur a kum warkurai taginin? A kum warkurai lenri: 21 \"Gong mot pami! Gong mot wani! Gong mot tulani!\" 22 Mt 15:9A kum warkurai ri i wasiso una kum utna ra dat papam pas nami, ra numur ka det gas mo un tu utna, uni a kum warkurai ri det wanpat tagun a kum etowo kut anun a taro. 23 A lingmulus ut, a kum warkurai ri, det tamtama elar nami ra det tagun a wakak na mananos, uni a taro ra det ser mur det, det dekdek una lotu, ma det ser unatino pas det, ma det ser warkurai bat a pinindet. Ikut ka det pet lar pasi sur det in turbat a laulau na nemnem ina pinindet.","id":"","dump":"CC-MAIN-2019-51","url":"https:\/\/ebible.org\/kqw\/COL02.htm","date":"2019-12-11T19:22:46Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540532624.3\/warc\/CC-MAIN-20191211184309-20191211212309-00525.warc.gz","language":"kqw","language_score":0.9999995232,"language_script":"Latn","minhash_cluster_size":3,"top_langs":"{\"kqw_Latn_score\": 0.9999995231628418}","num_words":941,"character_repetition_ratio":0.069,"word_repetition_ratio":0.004,"special_characters_ratio":0.27,"stopwords_ratio":0.493,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"5\nDat in rakon a matok na pinindat\n1 2 Kor 4:7A pinindat i elar nama rumu na sel ra dat laun uni nin una rakrakon bual. Ma dat tasmani lena, ra in laulau, o God in pitar a rumu torom dat sapat una langit. A rumu ra, awu sur a taro det pami nama lamandet, awu. O God ut i sa pam tari, ma a rumu ra in tur tukum. 2 Rom 8:23Uniri dat tangis nin ubalandat, uni dat nemi sur dat in emar nama pinindat tagisapat una langit. 3 Ra dat emar nama pinindat tagisapat, ka dat in mengere mo. 4 Ra dat laun utmakai nama pinindat ri, dat tangis nin ubalandat, ma dat taramo a mamaut. Uni ka dat nemi sur dat in mat, dat nemi sur dat in emar nama pinindat tagisapat una langit, sur a pinindat ra in mat kut, in keles sur a pinindat ra in laun tukum. 5 O God ut i sa ukis tar dat sur dat in los a nilaun ri, ma i tabor dat nama Niono, i a ukinalong sur in ulingmulusi lena, numur dat in rakon a kum utna ra o God i sa waninar tari sur dat.\n6 Ibr 11:13-16I mo ra ka met tusako ma met tasmani ut lena, ra met laun nama pinimet ri, kabaut met kis tomo nama Labino. 7 Uniri met laun nama nurnur. Awu sur anumet a nurnur kura una utna ra met tama i. 8 Pil 1:23Ikut met tasman mulusi lena, met in gas ra met in nan gusun a pinimet ri, ma met in kis tomo nama Labino. 9 Kol 1:10; 1 Tes 4:1Lenra, una nilaun nin upiso, o una nilaun sapat netes una langit, met nemi sur met in pami kut a utna ra in gas uni. 10 Sav 12:14Uni dat rop dat in tur sa numugu tan a kiskis na warkurai anun o Karisito. Dat taktakai, dat in los a ikul una kum utna ra dat sa pam tari una nilaun nin upiso, a wakakino, o a laulau ino.\nUn o Karisito, o God i marom melet nama taro\n11 I mo ra met papam doko sur met in ukatutur a nuknukin a taro sur det in nurnur, uni met ngara sur a Labino. O God i talapor un met lena, met osi na ngas na taro, ma a nurnur lenri mot kai mot talapor un met. 12 Ka met nem na ulabo pas met torom mot, awu. Met nemi sur mot in warango met, ma sur mot in balu det ra det ser warango det un asau ra a taro det ulabo det uni, ikut ka det ngara sur a balandet in tokodos.\n13 Ra a taro det nuki lena met longlong, met lenra, sur met in pam a pinapam anun o God. Ra a taro det nuki lena met mananos, met mananos sur met in warut mot. 14 A marmaris anun o Karisito i ukatutur met, sur met in papam toromi. Uni met tasman mulusi lena, o Karisito i mat sur dat rop. Ra lenra, dat rop dat mat tomo nami. 15 Rom 14:7-8I mat sur dat rop, sur dat ra dat laun, gong dat laun sur dat in ugasgas pas dat ut. Dat in laun sur o Karisito, ra i mat sur in ulaun pas dat, ma i katutur melet gusun a minat.\n16 I mo ra uniri, anumet a petutna torom a taro ke elar nami ra numugu. Numugu met tama a taro elar nama ngasino taginin na rakrakon bual. Ma met tama i kai o Karisito elar nama taro tagun a rakrakon bual det tama i. Ikut uniri, anumet a tamtama ke len melet mo lar numugu. 17 Rom 8:1; Gal 6:15Ra taio tagun o Karisito, i a matok na ukukis. Anun a petutna tagun numugu i sa rop. Tama i, a matok na nilaun i sa wanpat. 18 Rom 5:10I wanpat ut tan o God, i ra i dat tomo tar dat nami, una minatin o Karisito. Ra i sa pitar tar a pinapam tamet, sur met in dat pasi kai a taro torom o God. 19 Rom 3:23-25Un o Karisito, o God i marom nama taro taginin una rakrakon bual. Ken nuk melet pasi mo anundet a kum sakino petutna sur in warkurai det uni. Iri a wasiso na emarom, ra i pitar tari tamet. 20 I mo ra met tur ukinalong o Karisito. Ra met wasiso, i elar nam o God ut i saring mot sur mot in emarom nami, ma met saring mot una risan o Karisito, sur mot in emarom nam o God. 21 Ibr 4:15O Karisito ke pam tu sakino petutna, ikut o God i ubek tar anundat a sakino petutna netes uni, sur dat ra tagun o Karisito, dat in rakon a tokodos na petutna anun o God.\n5:10: Sav 12:14","id":"","dump":"CC-MAIN-2019-51","url":"https:\/\/ebible.org\/kqw\/2CO05.htm","date":"2019-12-05T14:42:23Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540481076.11\/warc\/CC-MAIN-20191205141605-20191205165605-00462.warc.gz","language":"kqw","language_score":0.9999862909,"language_script":"Latn","minhash_cluster_size":4,"top_langs":"{\"kqw_Latn_score\": 0.9999862909317017}","num_words":776,"character_repetition_ratio":0.067,"word_repetition_ratio":0.005,"special_characters_ratio":0.271,"stopwords_ratio":0.414,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nA kum aposel det gas pas o Pol\n1 Ap 15:2Numur tan a noino ma wat na kilalo, a wan melet usapat o Jerusalem, mir nam o Banabas, ma a beni kai o Taitus. 2 A wan uni o God ut i inanos iau sur an nan. A etorom det ra di watung det nama kum mugumugu anun a kum tene nurnur. Ra met kut met kis, a inanos det nama Wakak na Wasiso ra a ser warawai nami torom a taro ra awu sur a taro Juda. A nemi sur det in mulaot uni, sur gong i utna oros kut anung a pinapam na warawai tagitiro ut tuk uniri. 3 Mir kis tomo nam o Taitus, a te Grik, ikut ka det ungongos pasi sur din tok talilis a pinino, elar nama Warkurai anun a taro Juda.\n4 Gal 1:7; 5:1, 13Met wasiso una utna ri, uni a ramano kum torotoro na tene nurnur det sa ruk eno taru torom a kum tene nurnur, elar nama kum tene longoro eno. Det nemi sur det in longoro wasiso una nundat a kinkinis langolango, ra dat sa utur ukai i tan o Karisito Iesu, sur det in ker tar dat melet una kum Warkurai anun a taro Juda* A kum torotoro na tene nurnur det nem na ungongos det sur det in mur a warkurai na tinotok talilis. Ikut a kum tene nurnur mulus det langolango gusun a kum warkurai.. 5 Ikut, ka met mulaot pas a wasiso anundet, sur met in mur a warkurai na tinotok talilis. Met nemi sur a lingmulus ina Wakak na Wasiso in kis ut torom mot, ma ken senene.\n6 A taro ra di watung det nama kum mugumugu, ka det pukus a Wakak na Wasiso ri a warawai nami, ma ka det ubek tar lako kum Warkurai anun a taro Juda uni. Ra det a kum mugumugu o awu, ka nuk det. Umatan o God a taro rop det elar kut. 7 Ap 22:21Det tama lele i ra o God ut i pitar tar a pinapam ri tang, sur an warawai nama Wakak na Wasiso torom det ra awu sur a taro Juda, elar nam o Pita kai, ra o God i pitar tar a pinapam toromi sur in warawai nama Wakak na Wasiso torom a taro Juda. 8 O God i pitar tar a dekdek tan o Pita sur in aposel torom a taro Juda, lenkutkai ra torom iau, i pitar tar a dekdek tang sur an aposel torom det ra awu sur a taro Juda. 9 O Jems, o Pita ma o Jon, ra a taro det watung detul nama tulu mugumugu, detul tama i ra o God i tabor iau nama marmaris, ma detul mulaot pas mir nam o Banabas sur mir in papam. Detul mulaot sur mir in nan torom a taro ra awu sur a taro Juda, ma detul, detul in nan torom a taro Juda. Ra detul gas pas mir ra met sikan, uni met ara kut una pinapam. 10 Ap 11:29-30Ma detul saring mir sur mir in pam ara utna kut lenri, mir in nuk pas a kum sibo na taro, a pinapam ra iau utkai a nemi sur an pami.\nO Pol i inanos o Pita lena i sa raro\n11 Ra o Pita i wanpat tong o Antiok, a woso matano lena, i sa raro, uni a utna ra i pami ke tokodos. 12 Ap 11:3Numugu, ra i kis tong o Antiok, i wangon tomo nama taro na lotu ra awu sur a taro Juda. Ikut, a ramano kum te Juda ra o Jems i tulu ru det toromi, det wanpat. Ra o Pita ke wangon tomo melet mo nam det ra awu sur a taro Juda. I kis gisen mukut gusun det, uni i ngaran a taro Juda, det ra det nemi sur din tok talilis a taro na nurnur rop. 13 Ra o Pita ke wangon tomo melet mo nama taro ra awu sur a taro Juda, a ramano kum te Juda ra det nurnur un o Iesu, det muri mukut a petutna anun o Pita ma det kai det raro tomo nami. Una nundet a petutna ri, det ben raro i utkai o Banabas.\n14 Ra a tama i lena, a utna ri, det pami ke elar nama lingmulus ina Wakak na Wasiso, a watungi torom o Pita umatandet rop lena, \"Pita, ui a te Juda, ikut u laun elar nama taro ra awu sur a taro Juda. Asau a kibino ra u ungongos pas a taro gisen sur det in mur a kum petutna anun a taro Juda?\n15 \"Di usus dat a kum te Juda, awu sur dat elar nama taro ra awu sur a taro Juda, ra dat ser watung det lena a kum tene sakino. 16 Ap 15:10-11; Rom 3:20-28; Gal 3:11Ikut, dat tasmani lena o God ke watung taio a tene tokodos uni i mur a kum Warkurai anun o Moses. Awu! O God in watung taio a tene tokodos uni i nurnur kut un o Iesu Karisito. Lenkutkai ra torom dat, dat nurnur un o Karisito Iesu, sur dat in tokodos umatan o God. Dat tokodos uni dat nurnur un o Karisito, ma awu sur i kibino uni dat mur a kum Warkurai. Uni o God ken watung taio a tene tokodos ra i mur a kum Warkurai.\n17 \"Umatan a taro Juda dat a kum tene sakino, uni dat nurnur un o Karisito, sur dat in tokodos umatan o God, ma ka dat mur a kum Warkurai, sur dat in tokodos umatano. Pepetlai, o Karisito i a kibino ra dat a kum tene sakino? Awu ut! 18 Ikut ra an muri melet a kum Warkurai ra a sa mana taru gusun det, i ese i lena iau a tene lakai warkurai.\n19 \"Uniri a sa tasmani lena kan tokodos uni a mur a kum Warkurai. A sa mat gusun det. A kum Warkurai ut i ubek tar iau una minat. A mat sur an laun sur o God. 20 Gal 1:4Di sa ukete tomo tar iau nam o Karisito unin nanai kutus, ma awu sur iau mo ri a laun, o Karisito mukut i laun un iau. A laun nama pining, ikut a laun nama nurnur una Nutun o God, ra i maris iau ma i pitar tar anun a nilaun sur in ulaun pas iau. 21 A marmaris anun o God torom iau i labo doko, ma kan madek oros ru i kut. Ra gunuk o God in watung taio a tene tokodos, uni i mur a Warkurai, o Karisito i mat oros kut.\"\n*2:4: A kum torotoro na tene nurnur det nem na ungongos det sur det in mur a warkurai na tinotok talilis. Ikut a kum tene nurnur mulus det langolango gusun a kum warkurai.","id":"","dump":"CC-MAIN-2019-51","url":"https:\/\/ebible.org\/kqw\/GAL02.htm","date":"2019-12-11T19:08:20Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540532624.3\/warc\/CC-MAIN-20191211184309-20191211212309-00543.warc.gz","language":"kqw","language_score":0.9999912977,"language_script":"Latn","minhash_cluster_size":3,"top_langs":"{\"kqw_Latn_score\": 0.9999912977218628}","num_words":1107,"character_repetition_ratio":0.089,"word_repetition_ratio":0.044,"special_characters_ratio":0.262,"stopwords_ratio":0.455,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4\nA kum torotoro na tene ususer\n1 A Tokodos na Nion i watung puaso i lena, una kum ururop na bung, lako taro det in nan gisen gusun a lingmulus na nurnur, ma det in mur a kum nion ra det ser torotoro, ma det in mur a kum etowo anun a kum laulau na nion. 2 A kum etowo ri i wan tagitiro tan a kum tene torotoro, a taro ra ka det tama lele i mo a tokodos na petutna, uni a tokodos na ninunuk una nuknukin det i sa mat. 3 Stat 9:3; Rom 14:6; 1 Kor 10:30-31A ngas na taro ri, det turbat a nolin ma det turbat a taro sur gong det wan lako kum ngas na utna na inangon. A kum utna na inangon ra, o God i ukis tari sur din nani, ra a taro na nurnur ra det tasman a lingmulusino, det in watung wakak torom o God uni, ma det in nani. 4 Uni a kum utna rop ra o God i ukis tar det, det wakak, ra gong dat ngaran ru det. Dat in watung wakak torom o God uni, ra dat in nani. 5 Uni a wasiso anun o God ma a niaring der uwakak a utna na inangon sur in wakak umatan o God.\nA wakak na tultul anun o Karisito Iesu\n6 Ra un ususer a kum tistisim nama kum etowo ri, ui a wakak na tultul anun o Karisito Iesu. Una pinapam ri in talapor lena u labo pat una nurnur mulus, ma a wakak na etowo ra u muri. 7 1 Tim 1:4Un nan gisen gusun a kum saksakutna ororos, ma a wasiso ra ke warut ui una nilaun torom o God. Un ulason ui sur a magiram in wakak umatan o God. 8 Ra dat ulason a pinindat una wap, i warut a pinindat. Ikut ra dat ulason dat sur a petutna ra i wakak umatan o God, i warut dat una kum utna rop. Awu sur una nilaun kut ri, i warut dat kai una nilaun kura numur. 9 A wasiso ri a watungi, i lingmulus sakit, i wakak sur dat in nurnur uni ma dat in muri. 10 1 Tim 2:3-4I mo ri dat papam dekdek, uni dat kis langlang nama nurnur sur o God, ra i laun, ma a Tene Ulaun anun a taro rop, ra det nurnur uni.\n11 Un inanos det ma un ususer det una kum utna ri. 12 Tai 2:15Gong u madek tar taio sur in tama pisopiso ui, uni u barman utmakai. Una num a wasiso, anum a petutna, anum a marmaris, anum a nurnur ma anum a tokodos na nilaun, un elar nama wakak na malalar, sur a kum tene nurnur det in pam murmuri. 13 Un dekdek nama luk a Buk Tabu torom a kum tene nurnur, ma nama warawai ma a etowo torom det, tuk an nanpat. 14 2 Tim 1:6Gong u madek ru a etabor na Nion, ra di pitar tari tam, una du bung ra a kum poropet det wasiso na poropet, ma a kum mugumugu det ubek tar a kum lamandet sapat netes un ui.\n15 Un ulason ui una kum pinapam ri. Un pitar tar anum a nilaun uni, sur a taro rop det in tama ui lena u lubung una num a nilaun torom o God. 16 Un tumarong anum a nilaun ma anum a etowo. Un tur dekdek un der, uni, ra un pami lenra, un ulaun pas ui ut, ma det kai ra det longoro ui.","id":"","dump":"CC-MAIN-2019-51","url":"https:\/\/ebible.org\/kqw\/1TI04.htm","date":"2019-12-11T21:56:01Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540533401.22\/warc\/CC-MAIN-20191211212657-20191212000657-00149.warc.gz","language":"kqw","language_score":0.9999742508,"language_script":"Latn","minhash_cluster_size":5,"top_langs":"{\"kqw_Latn_score\": 0.999974250793457}","num_words":568,"character_repetition_ratio":0.057,"word_repetition_ratio":0.0,"special_characters_ratio":0.269,"stopwords_ratio":0.482,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"15\nDat in warut det ra ka det tur dekdek una nurnur\n1 Dat ra dat tur dekdek, i wakak sur dat in warut det ra ka det tur dekdek una nurnur. Ma gong dat nuk pas dat kut. 2 1 Kor 10:24, 33Dat rop taktakai dat in nuk pasi kai a pasandat, ma dat in pam a kum utna ra in waruti, ra in udekdek anun a nurnur. 3 Uni o Karisito kai, awu sur i nuk pasi ut, awu. I pami elar nami ra di sa tumus tari una Buk Tabu lena, \"O God, a kum sakino wasiso ra di watungi un ui, i ukadik iau utkai.\" Sng 69:9\n4 2 Tim 3:16Uni a kum wasiso rop ra di sa tumus tari numugu utmakai una Buk Tabu, di tumus tari sur in ususer dat, sur dat in tur dekdek una anundat a nurnur, ma in warut dat kai, sur dat in kis langlang nama nurnur sur a kum utna o God in pami numur.\n5 A wararing lena o God ut, ra i ser udekdek anundat a nurnur, ma i ser warut dat, in dat tomo mot sur in takai kut a nuknuki mot, ra mot mur a nilaun anun o Karisito Iesu. 6 A wararing sur in takai kut a nuknuki mot ma a walngamot, ra mot watung ulabo pas o God, a Taman anundat a Labino o Iesu Karisito.\nO Karisito i wanpat utkai sur a taro ra awu sur a taro Israel\n7 Rom 14:1Mot in gas pas mot etetalai elar nami ra o Karisito i gas pas mot, sur mot in ulabo pas o God. 8 Mt 15:24A watungi tamot lena, o Karisito i wanpat elar nama tultul anun a taro Juda, sur in pam sot pas a kum liliman anun o God ra i sa pam tari torom a kum tumtubun det. Ra i pami lenra, i ese i lena a wasiso anun o God i lingmulus. 9 Ap 3:25; Sng 18:49I wanpat kai sur a taro ra awu sur a taro Juda det in watung ulabo pas o God una nun a marmaris. Elar nami ra di sa tumus tari una Buk Tabu lenri,\n\"I mo ra an watung ulabo pas ui\nnisan a taro ra awu sur a taro Israel,\nma an kelekele na watung gasgas torom ui.\" 2 Sml 22:50\n10 Ma di sa tumus tari kai lenri,\n\"Mot a taro ra awu sur a taro Israel,\nmot in gas tomo nama taro anun o God.\" Lo 32:43\n11 Ma di sa tumus tari kai lenri,\n\"Mot ra awu sur a taro Israel,\nmot in watung ulabo pas a Labino,\nmot a kum kamkabo taro rop mot in kelekele na watung ulabo toromi.\" Sng 117:1\n12 Tam 5:5O Aisaia kai i wasiso na poropet un o Karisito lena,\n\"Ara in nanpat tagun a kabotaro anun o Jesi.* O Jesi a taman o king Dewid.\nIn kis na king ma in warkurai sur a taro tagun a kum gapman rop,\nma a taro ra awu sur a taro Israel det in kis langlang nama nurnur sur a wakakino ra in pami.\" Ais 11:10\n13 A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.\nO Pol i wasiso una nun a pinapam\n14 A kum tistising, a tasmani ut lena mot bukus nama wakak na petutna ma a mananos, ma mot pet lar pasi sur mot in ususer etetalai mot. 15 Rom 1:5; 11:13Ikut, a tumus a pas ri torom mot, ma a wasiso dekdek una a ramano kum utna, sur mot in nuknuk melet uni. A tumtumus torom mot, uni o God i pitar anun a marmaris torom iau, 16 sur an tene pinapam anun o Karisito Iesu torom a taro ra awu sur a taro Juda. A elar nama tene etabor torom o God. A warawai nama Wakak na Wasiso anun o God, sur a taro ra awu sur a taro Juda, det anung a etabor torom o God ra in gas nami. Ma a Tokodos na Nion i sa rus talapor tar det.\n17 Un o Karisito Iesu, a gas doko una nung a pinapam ra a pami torom o God. 18 Ka nem na wasiso un tu utna gisen. A nem na wasiso kut una pinapam, ra o Karisito i sa pam tari ulamang, sur an ben a kum taro ra awu sur a taro Juda sur det in mur a wasiso anun o God. Det muri kibino una nung a kum wasiso ma anung a kum pinapam. 19 Det tama a dekdekin a kum ukinalong ma a kum utna na ukisin ra a pami nama dekdekin a Tokodos na Nion. Tagisapat o Jerusalem tuk tong o Ilirikum, a sa warawai rop pas iai nama Wakak na Wasiso anun o Karisito. 20 2 Kor 10:15-16Una turturkibin ina nung a pinapam torom o Karisito tuk uniri, anung a labino nemnem sur an warawai nama Wakak na Wasiso una kum tamon ra kabaut det tasman o Karisito, sur gong a pam a rumu netes una pos ra ara ut i sa utur tari. 21 Elar nami ra di sa tumus tari una Buk Tabu lenri,\n\"Det ra kabaut di inanos det uni, det in tama i,\nma det ra kabaut det longoro i, det in tasmani.\" Ais 52:15\n22 Rom 1:13A lari sur an nan utiro torom mot, ikut a balon doko una pinapam na warawai una kum tamon. I mo ra ka wan lar pas utmakai torom mot.\nO Pol i nemi sur in nan utong o Rom\n23 Ikut, uniri anung a pinapam una kum papor ri, i sa rop. Ma a susut na kilalo, a nem doko i sur an tama mot. 24 Ra an nan utong o Spein, a nuki lena an kis lilik pas nisamot ma dat in gas tomo pas. Numur an katutur melet sur an nan utong o Spein. Ma a nemi sur mot in warut iau una nung a inawan utong.\n25 1 Kor 16:1-4Ikut uniri, an nan munung usapat o Jerusalem sur an warut a taro anun o God sapat. 26 1 Kor 16:1; 2 Kor 8:1; 9:2, 12; Ap 24:17Uni a kum tene nurnur tong una aru papor Masedonia ma o Akaia det gas sur det in woro tomo a mani, sur det in warut a kum tene nurnur ra det sibo sapat o Jerusalem. 27 1 Kor 9:11Det gas sur det in pami lenra. Ma i tokodos kai ra det in pam a petutna na minabalu torom a taro Juda, uni a taro Juda det sa warut tar det ra awu sur a taro Juda, sur det kai det in rakon a kum utna na nion ra o God i udan det nami, ra numugu anun a taro Juda kut. Ma i wakak sur det bulung det in warut a taro Juda nama mani. 28 Ra a sa urop ru anung a pinapam ma a sa pitar tar a etabor ri torom a kum tene nurnur sapat o Jerusalem, an nan utong o Spein, ma una nung a inawan sur utong, an tama mot. 29 Rom 1:11Ma a tasmani lena, ra an nanpat torom mot, an bukus nama kum utna na nion ra o Karisito i udan tar iau nami, sur in warut mot.\n30 2 Kor 1:11; Kol 4:3; 2 Tes 3:1A kum tistising, una risan a Labino o Iesu Karisito, ma una marmaris anun a Tokodos na Nion, a saring mot sur mot in dekdek tomo nam iau, nama niaring torom o God sur in warut iau. 31 Mot in saring o God sur in ulaun iau gusun a taro ra ka det nurnur, ra kurong det una papor Judia. Ma mot in wararing kai sur a taro anun o God sapat o Jerusalem det in gas pas anung a pinapam na etabor torom det. 32 Ra o God i nemi lenra, an nanpat torom mot nama gasgas, ma an mana tomo nam mot sur an los melet pas a dekdek.\n33 O God, i a kibin a malmal, in kis tomo nam mot rop. Amen.\n*15:12: O Jesi a taman o king Dewid.","id":"","dump":"CC-MAIN-2019-51","url":"https:\/\/ebible.org\/kqw\/ROM15.htm","date":"2019-12-12T23:55:51Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540547536.49\/warc\/CC-MAIN-20191212232450-20191213020450-00559.warc.gz","language":"kqw","language_score":0.9999951124,"language_script":"Latn","minhash_cluster_size":3,"top_langs":"{\"kqw_Latn_score\": 0.9999951124191284}","num_words":1337,"character_repetition_ratio":0.079,"word_repetition_ratio":0.008,"special_characters_ratio":0.277,"stopwords_ratio":0.5,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"12\nA ino ma in labino sui\n1 A labino ukinalong i wanpat sapat una langit. Ara ino i emar pas namin matanas, ma a kalang kura i kis utuntudu ina aru kikino, ma a kukup na king, ra di pami nama noino ma arin nangnang, i kis netes unin lorino. 2 Mai 4:10A ino ri i tianan, ma i kukukuk nama labino ngunungut, uni milau mo in usus.\n3 Dan 7:7Sapat una langit, ara ukinalong bulung i wanpat. In labino sui, a pinino i merek, a wonom mawit nin lorino, a noino komino, ma a wonom mawit na kukup na king kura una wonom mawit nin lorino. 4 Dan 8:10In kurunu i surupu pirso ru ara kukur tagun a tulu dino tagun a kum nangnang tagisapat una bakut, ma i woro pirso ru det urin upiso. Ma in labino sui i tur taru sa numugu tan a ino ra i leser na usus, sur in konom pas o nutunulik una du bung ut ra in usus ru i. 5 Ais 7:14; 66:7; Sng 2:9; Tam 19:15I usus pas a nat musano, i ra in warkurai dekdek sur a taro tagun a kum gapman rop namin nubuku na aen. Ma di los tito lakit pasi usapat torom o God, ma i wan sur anun a kiskis na king. 6 Ma a ino i kalabor song usa una nubual kalako taro uni, una nubual ra o God i sa waninar tari, sur din tamtamabati tiro iai elar nam ara arip ma aru mar ma wonom na noino bung.\n7 Jud 1:9A labino inaim i wanpat sapat una langit. O Maikel ma nun a kum ensel det waim namin labino sui, ra in labino sui ma a kum ensel anunu, det ebalu nama inaim. 8 Det winim pas in labino sui, ma katu nubual melet mo anun in labino sui ma a kum ensel anunu sapat una langit. 9 Stat 3:1, 14; Lk 10:18; 22:31; Tam 20:2Di woro pirso ru in labino sui, in nusui tagun narap, ra di watungi a tene etakun, o Satan, i ra i ben raro a rakrakon bual rop. Di woro pirso ru i tomo nam anun a kum ensel urin upiso.\n10 Jop 1:11; Sek 3:1Ra a longoro in labino walngan ara sapat una langit i watungi lena,\n\"Uniri anundat a God i sa ulaun pas a taro, i sa ese a dekdekino, ma anun a matanitu i sa wanpat,\nma a warkurai anun o Karisito i sa wanpat. O Karisito anun o God.\nUni di sa woro pirso ru\na tene etakun ra i ser takun a kum tistisin dat,\ni ra i ser takun det umatan o God una kum mirum ma a waspi.\n11 A kum tistisin dat det sa winim pasi\nnama gapin a Barman na Sipsip,\nma nama nundet a wasiso puaso.\nMa ka det maris bat anundet a nilaun gusun a minat.\n12 Ais 44:23; 49:13I mo ra a langit ma mot ra mot kis uni,\nmot in gas.\nIkut in laulau torom a rakrakon bual ma a tasi kai,\nuni a tene etakun i sa wan pirso torom mur!\nAnun a kankan i karangop doko,\nuni i tasmani lena ke suano i mo anun a du bung.\"\n13 Ra in labino sui i tama i lena di sa woro pirso ru i urin una rakrakon bual, i lu a ino ra i sa usus pas a nat musano. 14 Dan 7:25; 12:7Di pitar tar aru meben a labino manigulai tan a ino ra, sur in ro nami utiro una nubual ra o God i sa waninar tari una nubual kalako taro uni, sur din tamtamabati tiro iai gusun in nusui, elar nama tulu kilalo ma a kukur. 15 In nusui i muru ru a danim gusun a wano elar nama labino danim, sur in siliro ru a ino ra. 16 Ikut a piso i warut a ino ra, i pangango ra i konom pas a danim ra in labino sui i muru ru i. 17 Tam 11:7In labino sui i kankan doko torom a ino ra, ma i wan sur in waim nama ramano kum nutnutun a ino kai ra. Det ra det ser mur a kum Warkurai anun o God, ma det nurnur una wasiso puaso un o Iesu. 18 Ra in labino sui i tur taru mukut nago usalin.\n12:2: Mai 4:10\n12:3: Dan 7:7\n12:4: Dan 8:10\n12:10: Jop 1:11; Sek 3:1\n12:12: Ais 44:23; 49:13\n12:14: Dan 7:25; 12:7","id":"","dump":"CC-MAIN-2019-51","url":"https:\/\/ebible.org\/kqw\/REV12.htm","date":"2019-12-08T02:37:22Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540504338.31\/warc\/CC-MAIN-20191208021121-20191208045121-00207.warc.gz","language":"kqw","language_score":0.9999250174,"language_script":"Latn","minhash_cluster_size":4,"top_langs":"{\"kqw_Latn_score\": 0.9999250173568726}","num_words":700,"character_repetition_ratio":0.074,"word_repetition_ratio":0.0,"special_characters_ratio":0.294,"stopwords_ratio":0.429,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"13\nO Pol i utumarong det\n1 Mt 18:16; 1 Tim 5:19Uniri a mantul na inawan ra an nan torom mot. Ma di sa tumus tari una Buk Tabu lena, \"Ra lako ru o lako tul anundetul a wasiso i takai kut un tu utna, anundetul a wasiso i lingmulus.\" Lo 19:15\n2 Una nung a manru na inawan pat torom mot, a sa utumarong tar mot una numot a kum sakino petutna. Ma uniri ra a kis gisen, an inanos melet mot ut una utna ri: Numur, ra an nanpat tiro, an wasiso dekdek torom det ra kabaut det nukpukus gusun anundet a kum sakino tagun numugu, ma osi kai ra i pam a sakino. 3 An wasiso lenri, uni mot nemi sur an ese i lena, o Karisito i wasiso torom mot nama anung a wasiso. O Karisito a pinino ke ser ngoro, awu, i ser papam nisamot nama dekdek. 4 Pil 2:7-8I lingmulus, ra di sak wat o Karisito unin nanai kutus, katu dekdekino. Ikut una dekdekin o God, i laun melet. Lenkutkai ra kalako dekdeki met tomo nam o Karisito, ikut met laun tomo nami nama dekdekin o God, sur met in papam torom mot.\n5 1 Kor 11:28Mot in tama wakak anumot a nilaun, ra anumot a nurnur i lingmulus o awu. Mot tasmani lena, o Karisito Iesu i kis un mot, niko? Ra awu, anumot a nurnur ke lingmulus. 6 A nurnur lena mot in tasmani kai lena, o Karisito i kis un met. 7 Uniri, met wararing torom o God sur gong mot pam tu sakino. Ka met wararing lenra, sur a taro det in tama i lena, anumet a pinapam i wanpat mulus, awu. Met nemi sur mot in pami kut a utna ra i tokodos. Ra a taro det in nuki lena anumet a pinapam ke wanpat mulus, i wakak kut. 8 Ka met in pam tu utna ra in turbat a lingmulusino, awu, met in muri kut. 9 Ra mot dekdek ma met kalako dekdeki met, met gas kut. Ma met wararing sur mot in tokodos una numot a nurnur. 10 2 Kor 10:8Iri a kibino ra a tumus a kum utna ri torom mot ra ka wanpat utmakai. Ra an nanpat, kan wasiso nama dekdek na wasiso torom mot, ma kan kuro mot nama warkurai ra a Labino i sa pitar tari tang. I pitar tari tang sur an udekdek mot nami, awu sur an ban laulau mot nami.\nA ururop na wasiso\n11 Anung a ururop na wasiso mo ri: A kum tistising, mot in gas! Mot in ukodos mot, mot in mur anung a wasiso, in takai kut a nuknuki mot, ma mot in kis na malmal etetalai. Ra a God na marmaris ma a malmal in kis tomo nam mot. 12 Ra mot etorom, mot in nem etetalai mot nama egom na marmaris, ma mot in pami nama tokodos na petutna.\n13 A taro rop anun o God ra det kis tomo nam iau, det pitar anundet a marmaris torom mot.\n14 A marmaris anun a Labino o Iesu Karisito, ma a marmaris anun o God, ma a kinkinis tomo anun a Tokodos na Nion in kis tomo nam mot rop.","id":"","dump":"CC-MAIN-2019-51","url":"https:\/\/ebible.org\/kqw\/2CO13.htm","date":"2019-12-06T03:38:46Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540484477.5\/warc\/CC-MAIN-20191206023204-20191206051204-00011.warc.gz","language":"kqw","language_score":1.0000026226,"language_script":"Latn","minhash_cluster_size":5,"top_langs":"{\"kqw_Latn_score\": 1.0000026226043701}","num_words":515,"character_repetition_ratio":0.058,"word_repetition_ratio":0.0,"special_characters_ratio":0.261,"stopwords_ratio":0.435,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4\nA ngas na nilaun ra in ugasgas o God\n1 A kum tistisi metul, metul sa ususer tar mot una ngas na nilaun ra mot in laun nami sur in ugasgas o God, lar ut ra mot sa muri. Ra uniri metul saring mot, ma metul udekdek mot una risan a Labino o Iesu, sur anumot a nilaun in lubung dekdek lenutra. 2 Uni mot sa tasman a kum etowo ra metul sa ususer tar mot nami. A kum etowo ra, det wanpat ut tan a Labino o Iesu. 3 1 Tes 5:23; 1 Pit 1:16O God i nemi sur anumot a nilaun gong i dur umatano, ra mot in nan gisen gusun a kum pamuk na petutna. 4 1 Kor 6:13Arara tagun mot in dekdek sur in turbat a nemnem na pinino, sur a petutna na urur in kis una nun a nilaun ma katu dur kai in kis uni. 5 Ma gong mot mur a dekdek na nemnem ina pamuk na petutna, elar nam det ra ka det tasman o God. 6 Gong tu pasamot i pam a sakino una ino anun tu tisino ra i nurnur. Ra in pami lenra i usobor o tisino. Metul sa watung tari, ma metul sa utumarong tar mot lena, a Labino in pitar a warkurai na minabalu torom det, ra det ser pam a kum petutna lenri. 7 1 Pit 1:15-16Uni, o God ke kabo pas dat sur a dur na petutna, i kabo pas dat sur dat in mur a tokodos na nilaun. 8 Lk 10:16; 2 Kor 1:22I mo ra osi ra i rosumur gusun a etowo ri, awu sur i rosumur gusun a taro, awu. I rosumur ut gusun o God, i ra i tabor dat nama Niono, a Tokodos na Nion.\n9 Jn 13:34Ka metul in tumtumus melet mo torom mot una numot a marmaris torom a kum tistisi mot, uni, o God i sa ususer tar mot sur mot in nem etetalai mot. 10 A lingmulus ut, mot nem a kum tistisi mot rop tiro una papor Masedonia rop. Ikut, metul saring mot sur anumot a marmaris in lubung dekdek ut.\n11 Ep 4:28Mot in dekdek sur anumot a nilaun in lenri: Mot in kis na malmal, ma gong mot uruk lorimot sur tu utna anun taio. Mot in papam nama lamamot sur amot a utna na inangon, elar nami ra metul sa watung tari tamot. 12 Ra mot in pami lenra, a taro ra ka det nurnur det in ru mot, ma ka mot in nura taio sur in tabor mot.\nA inawan pat melet anun a Labino\n13 A kum tistisi metul, metul nemi sur mot in mananos un det ra det sa mat, ma gong mot tupunuk dekdek elar nama taro ra ka det nurnur una katkatutur melet gusun a minat. 14 Rom 14:9; 1 Kor 15:3-4, 12Dat nurnur lena o Iesu i mat, ma i laun melet. I mo ra dat nurnur lena, det ra det nurnur un o Iesu, ma det sa mat, o God in ukatutur det ma det in nan tomo nam o Iesu, ra in milet melet.\n15 1 Kor 15:51-52A wasiso ri ra metul watungi tamot, a wasiso ut anun a Labino. I lenri: Dat ra dat sa laun tuk una bung ra a Labino in nanpat melet, ka dat in mugu tandet ra det sa mat. 16 Uni a Labino ut in nan pirso tagisapat una langit, in nalngan ara in kakabo, a mugumugu anun a kum ensel in wasiso, in tuwuru anun o God in tangis, ra det ra det sa mat nama nurnur un o Karisito, det in katutur mugu. 17 Numur dat ra dat laun utmakai, din los tomo pas dat nam det usapat una kum du bakut sur dat in etorom nama Labino una maino. Ra dat in kis tukum tomo nama Labino. 18 I mo ra mot in uragot etetalai mot nama kum wasiso ri.","id":"","dump":"CC-MAIN-2019-51","url":"https:\/\/ebible.org\/kqw\/1TH04.htm","date":"2019-12-06T15:22:48Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540488870.33\/warc\/CC-MAIN-20191206145958-20191206173958-00276.warc.gz","language":"kqw","language_score":1.0000025034,"language_script":"Latn","minhash_cluster_size":4,"top_langs":"{\"kqw_Latn_score\": 1.0000025033950806}","num_words":625,"character_repetition_ratio":0.058,"word_repetition_ratio":0.0,"special_characters_ratio":0.274,"stopwords_ratio":0.482,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"13\nA marmaris i lenri\n1 Ra an wasiso nama wur ngas na wasiso anun a taro ma anun a kum ensel kai, ikut ra ka lason una marmaris, a elar kut nama garamut o a kudu ra i tangtangis oros kut. 2 Mt 17:20Ra an utur ukai a etabor sur an wasiso na poropet, ma ra an tasman a kum utna na pidik rop ma a kum mananos rop, ma ra an utur ukai a nurnur sur an ukarai a kum tangai nami, ikut ra ka lason una marmaris, iau a utna oros kut. 3 Ra an pitar ru anung a kum utna rop torom a kum sibo na taro, ma an pitar iau kai sur din tun iau, ikut ra ka lason una marmaris, ken warut iau.\n4 Osi ra i lason una marmaris a pinino ke ser ngoro lakit torom taio, ma i ser pam a wakakino torom a taro. Ke ser nuknuk laulau sur a utna anun taio, ke ser warango pasi, ma ke ser dat walos in lorino. 5 Ke laulau a magirano, ke nuk pasi ut, ke ser kankan lakit, ke ser nuk ukai a sakino ra di pami uni. 6 Rom 12:9Ke gas un tu petutna ra ke tokodos, i gas kut una lingmulusino. 7 1 Pit 4:8Osi ra i lason una marmaris i ser los a kum mamaut anun a taro, i ser nurnur, ma i kis langlang nama nurnur sur a kum utna rop ra o God in pami, ma i ser tur dekdek ra a kum mamaut i wanpat.\n8 A marmaris ken rop lar pas. Ikut a kum wasiso na poropet det in rop kut, a wur ngas na wasiso det in rop kut, ma a mananos kai in rop kut. 9 Uni anundat a mananos ke kudulano, ma anundat a wasiso na poropet kai ke kudulano. 10 Ikut numur, ra a kum utna ra i kudulano in nanpat, a kum utna ra ke kudulano in rop. 11 Ra a natlik utmakai, a wasiso elar nama natlik, a nuknuk elar nama natlik, ma a mananos kai elar nama natlik. Ra a sa labo, a umana ru a magiran a natlik. 12 Uniri anundat a tamtama un o God ke talapor, i elar nami ra dat tama a niondat una galas, ra i gawul kut. Ikut numur, dat in tama o God nama matmatan dat. Uniri anung a mananos ke kudul, ikut numur anung a mananos in kudulano, elar nam o God i tasman rop iau.\n13 1 Tes 1:3A tulu utna ri detul kis tukum: a nurnur, a kinkinis langlang nama nurnur sur asau ra o God in pami, ma a marmaris. Ikut a marmaris i labo sakit tandetul.","id":"","dump":"CC-MAIN-2019-51","url":"https:\/\/ebible.org\/kqw\/1CO13.htm","date":"2019-12-14T13:35:11Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575541157498.50\/warc\/CC-MAIN-20191214122253-20191214150253-00026.warc.gz","language":"kqw","language_score":0.9999505281,"language_script":"Latn","minhash_cluster_size":4,"top_langs":"{\"kqw_Latn_score\": 0.9999505281448364}","num_words":434,"character_repetition_ratio":0.078,"word_repetition_ratio":0.0,"special_characters_ratio":0.263,"stopwords_ratio":0.385,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"17\nA kum Tesalonaika det nem na um o Pol ma o Sailas\n1 O Pol ma o Sailas der wan utong o Ampipolis ma o Apolonia, ra numur der wanpat tong o Tesalonaika. Tiro o Tesalonaika ara rumu na lotu anun a taro Juda kura iai. 2 O Pol i ruk torom det una rumu na lotu elar nami ra i ser pami. Una tulu Bung na Sabat i wasiso tomo nam det una Buk Tabu. 3 I watung palosi ma i upuaso i lena, i sot ut sur a Karisito in los a ngunungut ma in mat ma in katutur melet gusun a minat. Ma i watungi kai lena, \"O Iesu ri a inanos mot nami, i ut a Karisito ra o God i tulu ru i urin.\" 4 Ara taro Juda ma a susut na te Grik ra det lotu torom o God, ma a susut na mugumugu na ino kai, det nurnur ma det mur o Pol ma o Sailas.\n5\nIkut, a nuknukin a ramano taro Juda i laulau doko un der, uni a susut det mur der. Ra det ben pas a ramano kum tene pet laulau tagun a nubual ra a taro det ser wan tomo iai. Det wan tomo, ra det ukatutur a balan a taro. Det kalabor ruk una rumu anun o Jeson, ma det sisio sur o Pol ma o Sailas sur det in ben pirso pas der torom a taro. 6\nIkut ka det sio pas der. Ra det dat pas o Jeson ma a ramano taro kai ra det tar tistisino una nurnur, torom a kum mugumugu tagun a tamon ra, ma det kukukuk lena, \"A taro ri det pam purpuruon una kum tamon una rakrakon bual, ra uniri, det sa wanpat bulung nin torom dat! 7\nO Jeson i ben pas det utiro una nun a rumu. Det rop ri det lakai a kum warkurai anun a Sisa, a king anun a taro Rom, ra det watungi lena ara musano kai, a risano o Iesu, i a king.\" 8\nA taro ma a kum mugumugu det longoro a wasiso ri, ra det balano sungun. 9\nDet ungongos o Jeson ma det kai ra di dat pas det tomo nami, sur det in kul pirso pas det. Numur det los pas a mani gusun det ra det palos ru det.\nO Pol ma o Sailas der warawai tong o Beria\n10 Una bung na mirum ut ra, det ra det tar tistisino una nurnur det tulu lakit ru o Pol ma o Sailas utong o Beria. Numur ra der wanpat tiro iai, der ruk una rumu na lotu anun a taro Juda. 11 Det ri det wakak tandet tong o Tesalonaika, uni det rakon a wasiso ri nama gasgas, ma det luk wakak a kum wasiso tagun a Buk Tabu una kum bung rop, sur det in tama a wasiso anun o Pol, ra i lingmulus o awu. 12 Ra a susut na taro Juda det nurnur, ma a susut na mugumugu na ino Grik, ma a susut na musano kai.\n13 Ikut a taro Juda kurong o Tesalonaika det longoro i lena o Pol i warawai una wasiso anun o God tong o Beria, ra det wan utong ma det usungun balan a taro. 14 Uniutra det ra det tar tistisino una nurnur det tulu ru o Pol unago utasi. Ikut o Sailas der nam o Timoti der kis utmakai tong o Beria. 15 A taro ra det ben pas o Pol, det wan tomo nami utong o Atens. Numur i tulu melet det nama wasiso torom o Sailas ma o Timoti sur der in nan lakit toromi.\nTong o Atens\n16\nRa o Pol i kis langlang utmakai sur o Sailas ma o Timoti tong o Atens, i tupunuk doko, uni i tama a tamon ra i bukus nama kum torotoro na god ra det ser lotu torom det. 17\nI ruk una rumu na lotu anun a taro Juda, ra i wasiso tomo nama ramano taro Juda, ma a taro gisen kai ra det lotu torom o God. Ma una kum bung rop, i wasiso kai tomo nam det ra i pastorom det una nubual na inawan tomo. 18\nA kum tene mananos tagun a etowo anun a taro Epikurian ma a taro Stoik*\ndet wasiso tomo nami. Ara taro det watungi lena, \"Asau ri a tene wasiso oros ri i inanos dat nami?\" Ma ara taro kai det watungi lena, \"Kutiro, i inanos dat una kum matok na god tagun tu tamon gisen.\" Det watungi lenri uni i warawai nama Wakak na Wasiso un o Iesu ma a nilaun melet gusun a minat.\n19 Det ben pasi, ra det wan nami usapat una nubual na kiwung di watungi nam o Areopagus, ma det watungi lena, \"Met nem na longoro anum a matok na etowo. 20 A utna ra u wasiso uni i senene doko torom met, ra met nemi sur met in mananos una kukuraino.\" 21 Det watungi lenri, uni a kum te Atens ma a kum usiro kai ra det kis tiro iai, det balon una kum bung nama wasiso tomo una kum matok na etowo, ma una longlongoro kai suri.\n22\nO Pol i katutur epotor tandet una Areopagus ra i watungi lena, \"Mot a taro Atens, una kum pinapam ra mot pami, a tama i lena mot a kum tene lotu mot. 23\nUni, ra a wan tuptupukus nin, a tama wakak a kum toktok ra mot lotlotu torom det, ma a sa tama tari kai ara kabulu ra di tuntun etabor uni, a tumtumus uni i lenri, 'Torom a god ra ka di tasmani'. O naro ra mot lotu toromi, ikut ka mot tasmani, i kut ri, an warawai nami torom mot. 24\nO God ut ra i pam a rakrakon bual ma a kum utna ra det kis uni, i a Labino anun a langit, ma a rakrakon bual, ma ke kis un tu rumu na lotu ra a taro det pami. 25\nMa ke sibo sur taio in waruti, uni i ut i ser tabor a taro rop nama nilaun, a wuwu na nilaun, ma a kum utna rop. 26\nO God i ukis tar a mugano musano. Ra tagun a musano ra, a kum kabotaro rop det wanpat taguni, ma det kis una rakrakon bual rop. Una nuknukino ut i nuki lena det in kis awai, ma nangisin det in nanpat, ma nangisin det in rop melet. 27\nO God i pam a kum utna ri sur a taro det in sisio suri, ma kutiro det in tamtama tuptupukus suri ma det in sio pasi. Ikut, o God ke kis bakbak gusun dat rop taktakai. 28\nElar nami ra di sa watung tari lena, 'Dat laun, dat wan tuptupukus, ma dat utur ukai a nilaun, i kibino ut tan o God.' Elar nama numot a kum tene pak kelekele ra det watungi lena, 'Dat kai a kum nutnutunu ut.'\n29\n\"Dat a kum nutnutun o God, i mo ra ke wakak sur dat in nuki lena o God i elar nama toktok na gol, o a silwa, o a wat, ra a taro det nuk pat pasi ma det pami nama lamandet. 30\nUna kum kilalo numugu, o God ke nuknuk una kum petutna anun a taro ra ka det nuk pasi. Ikut uniri, i pitar a warkurai sur a taro rop una rakrakon bual det in nukpukus. 31\nUni i sa kubus tar a bung, sur in warkurai a rakrakon bual nama tokodos na warkurai. Ma i sa pilok tar a musano ra in pam a warkurai ra. I ukatutur melet pas a musano ra gusun a minat. Una nun a pinapam ra, i ulingmulus pas anun a pipilok torom a taro rop.\"\n32 Ra det longoro a wasiso una nilaun melet gusun a minat, ara taro tagun det, det urongon laulau uni, ikut ara taro kai det watungi lena, \"Met nemi sur un wasiso melet torom met una utna ri.\" 33 Ra o Pol i pirso pas gusun a kiwung. 34 Ma a ramano taro det nurnur, ra det mur o Pol, iri det: O Dionisius, i ara tagun a taro na kiwung Areopagus, ma ara ino, a risano o Damaris, ma a ramano taro kai.","id":"","dump":"CC-MAIN-2019-51","url":"https:\/\/ebible.org\/kqw\/ACT17.htm","date":"2019-12-11T19:11:11Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540532624.3\/warc\/CC-MAIN-20191211184309-20191211212309-00035.warc.gz","language":"kqw","language_score":1.0000010729,"language_script":"Latn","minhash_cluster_size":4,"top_langs":"{\"kqw_Latn_score\": 1.000001072883606}","num_words":1346,"character_repetition_ratio":0.063,"word_repetition_ratio":0.0,"special_characters_ratio":0.258,"stopwords_ratio":0.495,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"14\nA Barman na Sipsip ma ara mar ma wat na noino ma wat na arip na taro\n1 Numur a tamtama, ra a tama pas a Barman na Sipsip i tur taru una Tangai Saion tomo nam ara mar ma wat na noino ma wat na arip na taro, det ra di sa tumus tar a risan a Barman na Sipsip ma a risan o Tamano kai una kum masarindet. 2 Tam 1:15; 19:6Ma a longoro a labino rurung tagisapat una langit i elar nama wungu ina danim ra i noro, ma i elar namin nememe ra i pugur dekdek. A rurung ra a longoro i, i elar nama taro ra det um anundet a kum gita. 3 Ais 42:10; Tam 5:9; 7:4Det kele a matok na kelekele sa numugu tan a kiskis na king, ma a wat na utna ra det laun ma a kum mugumugu. Kataio in pet lar pasi sur in ususer una kelekele ri. Ara mar ma wat na noino ma wat na arip ra o God i sa kul langolango pas det taginin una rakrakon bual, det kut det in pet lar pasi. 4 Det ri, katu dur un det, uni ka det inep tomo nama wardain. Det ser mur a Barman na Sipsip una kum nubual ra i ser wan iai. O God i kul langolango pas det taginin epotor tan a taro una rakrakon bual, sur det in elar nama mugano wino ra di ser tabor o God ma a Barman na Sipsip nami. 5 Katu torotoro i pirso gusun a wandet, ma katu utna ra din takun det uni.\nA tulu ensel detul wasiso talapor una warkurai\n6 Numur a tama pas ara ensel bulung i ro una maino, ra i los a Wakak na Wasiso ra in kis tukum, sur in upuaso i torom a taro ra det kis una rakrakon bual, a taro tagun a kum gapman rop, tagun a kum kamkabo taro rop, tagun a wur ngas na wasiso rop, ma tagun a kum tamon rop. 7 I wasiso namin labino walngano lena, \"Mot in ngara sur o God, ma mot in watung ulabo pasi, uni anun a du bung na warkurai i sa wanpat. Mot in lotu torom o God, i ra i ukis a bakut, a rakrakon bual, a tasi ma a kum matmatano danim.\"\n8 Ais 21:9; Jer 51:7, 8; Tam 17:2; 18:2, 3A manru na ensel i mur ma i watungi lena, \"A labino tamon Babilon i sa puku! I sa puku! I ra i pitar a dekdek na wain torom a taro tagun a kum gapman rop, sur det in inum uni. A wain ra, a wain ina nun a pamuk na petutna.\"\n9 Tam 13:12-17A mantul na ensel i mur der, ma i wasiso namin labino walngano lena, \"Ra taio in lotu torom a kuabor na wewegua ma a malalarino, ma din ubek tar anun a ukinalong unin masarino o una lamano, 10 Stat 19:24; Sng 75:8; Ais 51:17, 22; Jer 25:15-16; Ese 38:22; Tam 16:19; 20:10; 21:8i kai in inum tagun a wain na kankan anun o God. A wain ri di sa waninar tari, a inaimino i dekdek doko, ma di lingisi una kap na kankan anun o God. Din ukadiki nama sungun ma a salfa, numugu tan a Barman na Sipsip ma a kum ensel anun o God. 11 Ais 34:10Ma in nimis ina nundet a ukadik in mis tito, ken rop ma ken rop. Det ra det ser lotu torom a kuabor na wewegua ma a malalarino, ma det ra a ukinalong ina risano kura un det, ka det in mana una kum mirum ma a waspi.\" 12 Tam 13:10Ra i lenra, i wakak sur a taro anun o God det in tur dekdek, det ra det ser mur a kum Warkurai anun o God, ma anundet a nurnur i tur dekdek un o Iesu.\n13 Numur a longoro in nalngan ara tagisapat una langit i watungi lena, \"Un tumus a wasiso ri: Det ra det mat nama nurnur una Labino, turpasi uniri ma tuk numur, det dan.\" A Tokodos na Nion i watungi lena, \"Lingmulus, det in mana gusun anundet a kum pinapam, uni anundet a kum pinapam ra det sa pam tari in nan tomo nam det.\"\nDin pasong a rakrakon bual uni i sa taka\n14 Dan 7:13Ra a tamtama, a tama pas a du bakut ra i kabang, ma sapat netes uni, ara i \"elar nama Nutun a Musano\" i kis taru uni. I ubek pas a kukup na king ra di pami nama gol unin lorino, ma una lamano i pam pas in totok ra i wangon doko. 15 Ara ensel bulung i wan pirso gusun a rumu na etabor, ra i kakabo namin labino walngano torom o naro ra i kis netes una du bakut lena, \"Los pas anum in totok ma un pasong. A du bung na pasong i sa wanpat, uni a kum utna una rakrakon bual i sa taka rop.\" 16 Numur o naro ra i kis netes una du bakut, i pirat nam anun in totok una rakrakon bual, ra i pasong a rakrakon bual.\n17 Ara ensel bulung i pirso gusun a rumu na etabor sapat una langit. I kai i pam in totok ra i wangon doko. 18 Jol 3:13Ara ensel bulung, i pirso gusun a kabulu na tuntun etabor. A ensel ra i warkurai sur a sungun, ma i kakabo namin labino walngano torom o naro ra i pam pas in totok ra i wangon doko. I kakabo lena, \"Un tau a kum kurkur wain tagun a rakrakon bual, uni det sa taka rop.\" 19 Ra a ensel i tautau nam anun in totok nin a rakrakon bual, ma i tau kutus a kum kurkur wain. Ma i woro tari ubalan in labino tung na wat, ra di ser pas reseng a wino wain iai sur in polo. In nutung ra, i tur ukinalong a kankan anun o God. 20 Ais 63:3; Tam 19:15Ma di paspas reseng a kum wino wain unin nutung na wat ra, ra kura upiso tan in noworo ina labino tamon. Ma a gap i sal pat tagun in nutung na wat ra. I walos elar nama tulu mar na kilomita, ma i lubu tito usapat netes tuk una du aen ra i kis una wan a os.\n14:11: Ais 34:10\n14:14: Dan 7:13\n14:18: Jol 3:13","id":"","dump":"CC-MAIN-2019-51","url":"https:\/\/ebible.org\/kqw\/REV14.htm","date":"2019-12-06T15:24:30Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540488870.33\/warc\/CC-MAIN-20191206145958-20191206173958-00369.warc.gz","language":"kqw","language_score":0.9998613596,"language_script":"Latn","minhash_cluster_size":4,"top_langs":"{\"kqw_Latn_score\": 0.9998613595962524}","num_words":1022,"character_repetition_ratio":0.068,"word_repetition_ratio":0.011,"special_characters_ratio":0.283,"stopwords_ratio":0.468,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4\nA tuntunur tomo anun a taro na lotu\n1 Kol 1:10A kis una karabus uni a papam torom a Labino. Anung a dekdek na sasaring torom mot i lenri: Mot in laun elar nama nilaun ra o God i sa kabo pas mot suri. 2 Kol 3:12-13Mot in unatino pas mot, ma mot in kis na malmal. Mot in ese a wowowon na magiramot, ma mot in maris etetalai mot, ma gong mot balano sungun ra a ramano taro tagun mot det raro un lako kum utna. 3 Kol 3:14-15Mot in dekdek sur mot in takai kut una kinkinis ra a Tokodos na Nion i sa pitar tari tamot, uni i kubus tomo mot nama malmal. 4 Dat ara pinin o Karisito, ma ara Tokodos na Nion kut i kis un dat rop. Ma o God i kabo pas dat sur dat in takai kut una kinkinis langlang nama nurnur sur a kum wakak na utna ra in udan dat nami. 5 Ara Labino kut, ma a takano nurnur kut, ma ara baptais kut. 6 1 Kor 12:6Ma ara God kut, i a Tamandat rop. I labo sakit taun dat rop, i papam una nundat a nilaun rop, ma i kis un dat rop.\n7 Rom 12:3, 6O Karisito i tabor dat taktakai nama rara etabor, elar ut nam anun a nemnem. 8 I mo ra a Buk Tabu i watungi uni lenri,\n\"Ra i wan tito usapat netes,\ni ben a susut na karabus,\nma i tabor a taro nama kum etabor.\" Sng 68:18\n9 Jn 3:13Ra di tumusi lenri, \"i wan tito\", a kukuraino lena, numugu i sa wan pirso pas urin upiso. 10 O naro ra i wan pirso, i ut ra i wan tito usapat sakit gusun a bakut, sur in ubukus a kum utna rop sapat netes ma nin upiso. 11 1 Kor 12:28I ut ra i tabor anun a taro nama kum aposel, a kum poropet, a kum tene wasiso talapor nama Wakak na Wasiso, ma a kum pasta, ma a kum tene ususer, 12 sur det in waninar a taro anun o God, sur det ra, det in papam toromi, sur dat a pinin o Karisito dat in lubung. 13 Kol 1:28Det in pami lenra tuk ra dat in takai kut una nurnur, ma dat rop dat in tasman wakak a Nutun o God, ma dat in nanpat a kum dekdek na tene nurnur. Dat in lubung tuk dat in bukus nama kudulano nilaun anun o Karisito.\n14 I mo ra ka dat in elar melet mo nama kum nat liklik, ra anundet a nurnur i elar nama utna ra a top i woro tuptupukusi utong ma urin. Ka dat in mur a kum etowo tan a kum tene torotoro, elar nama utna ra a wuwu i wup pukpukusi. Ka dat in mur det ra det nem na ben raro a taro nam anundet a kum namnamin na wasiso. 15 Kol 1:18; 2:19Ikut, dat in watung a lingmulus na wasiso tomo nama marmaris. Ra dat in pami lenra, dat in lubung una kum utna rop sur dat in elar nam o Karisito, i ra in lorindat. 16 Un o Karisito, a kudulano pinino i tugus tomo wakak. Ra arara du pinino in pami ut anun a pinapam, a kudulano pinino in lubung ma in dekdek, ma in bukus nama marmaris.\nA matok na nilaun un o Karisito\n17 1 Pit 1:14; Rom 1:21Una risan a Labino, a inanos mot ma a utumarong mot lena, gong melet mo mot laun elar nama kum taro ra ka det nurnur. A nuknukin det ke topas tu utna. 18 Anundet a mananos i dumirum ma det bakbak gusun a nilaun anun o God, uni ka det tasman a lingmulusino, uni a balandet i watat. 19 Katu maimai indet mo una kum sakino ra det ser pami, ma det pitar tar det mukut sur a kum sakino nemnem, nama kum ngas na dur na petutna, ma anundet a nemnem sur det in pam a sakino ken mana.\n20 Ikut mot, ra di ususer tar mot un o Karisito, awu sur di ususer mot una kum petutna lenri. 21 A tasmani lena di sa ususer tar mot un o Iesu ma mot sa longoro tari, ma mot tasman a lingmulusino ra i kis uni. 22 Rom 8:13; Kol 3:9Di ususer mot sur mot in nan gusun a ngas na nilaun ra mot muri numugu. Mot in palos ru i elar namin turai na malu, uni i laulau ma i toro dat sur dat in mur a kum sakino nemnem. 23 Rom 12:2Mot in pami lenra, sur o God in umatok a nuknuki mot. 24 Stat 1:26; Kol 3:10Ma mot in emar nama matok na nilaun ra o God i ukis tari elar ut nama malalarino, sur mot in mur a tokodos na petutna mulus, ma mot in nanpat a taro anun o God.\n25 Kol 3:8-9; Sek 8:16I mo ra mot in woro ru a torotoro, ma mot in watung a lingmulusino torom a kum paspasa mot, uni dat rop dat a kum du pinin o Karisito. 26 Sng 4:4; Jem 1:19-20Ra mot kankan, gong mot pam a sakino. Ma gong in matanas i sup ra anumot a kankan kura utmakai, 27 ma gong mot pitar tar tu kolo tan o Satan. 28 Osi ra i ser wolong, gong melet mo i wolong. I wakak sur in pam a wakak na pinapam nam aru lamano, sur in pam pat a utna sur in tabor a sibo na taro nami.\n29 Kol 4:6Ma gong tu laulau na wasiso i pirso gusun a wamot. Mot in watungi kut a wasiso ra i wakak sur in udekdek a taro ma in warut det una utna ra det sibo suri, sur anumot a wasiso in pam a wakakino torom det ra det longoro mot. 30 Ais 63:10; 1 Tes 5:19; Ep 1:13-14Ma gong mot utupunuk a Tokodos na Nion o God, ra o God i sa ukinalong tar mot nami lena mot anunu. Ma a ukinalong ra, i ese i lena a bung in nanpat ra o God in ulangolango mot. 31 Kol 3:8Mot in lakro ru a nuknuk laulau, a kankan, a wasiso na engaras, a ugaia na kankan, a emang, ma a kum sakino petutna rop kai. 32 Mt 6:14; 18:22-35; Kol 3:12-13Ikut, mot in pam a wakakino ma mot in nem etetalai mot. Ma ra taio tagun mot i pam a sakino torom mot, mot in dumano ru i, elar nami ra o God i pami un mot un o Karisito.","id":"","dump":"CC-MAIN-2019-51","url":"https:\/\/ebible.org\/kqw\/EPH04.htm","date":"2019-12-06T16:17:55Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540488870.33\/warc\/CC-MAIN-20191206145958-20191206173958-00396.warc.gz","language":"kqw","language_score":0.9999881983,"language_script":"Latn","minhash_cluster_size":5,"top_langs":"{\"kqw_Latn_score\": 0.9999881982803345}","num_words":1043,"character_repetition_ratio":0.05,"word_repetition_ratio":0.0,"special_characters_ratio":0.283,"stopwords_ratio":0.476,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3\nA inawan pat melet anun a Labino\n1 A kum wakak na paspasang, a pas ri, i a manru na pas ra a tumusi torom mot. Ma una aru pas rop ri, a unuk melet tar mot una kum utna ra mot sa tasmani, sur an ukatutur a nuknuki mot sur in tokodos. 2 Jud 1:17A nemi sur mot in nuk pas a kum wasiso ra a kum poropet anun o God det sa wasiso mugu taru uni, ma mot in nuk pasi kai a warkurai anun anundat a Labino ma a Tene Ulaun, ra a kum aposel det sa inanos tar mot nami.\n3 1 Tim 4:1; Jud 1:18A labino utna sakit, mot in tasmani lena, una kum ururop na bung, a taro na urongon det in nanpat ra det in muri kut a kum sakino nemnem. Det in urongon laulau, 4 Mt 24:48ma det in watungi lena, \"Awai mi a inawan pat melet anun o Iesu, ra i uliliman taru uni? Turpasi una kum kilalo ra a kum tumtubun dat tagun numugu det mat, a kum utna i kis lenutra o God i ukis tari, una turturkibin a ukukis.\"\n5 Stat 1:6-9Ikut, ra det watungi lenra, det nuk penpen una wasiso ri lena, numugu utmakai, o God i ukis a bakut ma a rakrakon bual nam anun a wasiso ut. I ukis a rakrakon bual nama danim, ma i mamaso pat tagun a danim. 6 Stat 7:11; 2 Pit 2:5I tulu in nolomom, ra i ban laulau i utkai a rakrakon bual nama danim ra. 7 O God i pam ukai a bakut ma a rakrakon bual nama wasiso ra, a bakut ma a rakrakon bual ri dat tama der. I pam ukai der sur der in kis langlang sur a bung na warkurai, ra a sungun in ban laulau der, tomo nama taro ra ka det mur a petutna ra i wakak umatan o God.\n8 Sng 90:4A kum wakak na paspasang, gong mot dumano ara utna ri: Umatan a Labino, ara bung i elar nam ara arip na kilalo, ma ara arip na kilalo i elar kut nam ara bung umatano. 9 Hab 2:3; 1 Tim 2:4A Labino ke wowowon sur in pam sot pas anun a liliman lena in milet melet, elar nam ara taro det nuki. Awu, i kis langlang pas mot, uni ke nemi sur taio in iru. I nemi sur a taro rop det in nukpukus.\n10 Lk 12:39; 1 Tes 5:2; Mt 24:29, 35Ikut a bung anun a Labino in nanpat kisin elar nama tene wolong. A bakut in rorom nama labino rurung, ma a kum ukukis kusapat uni, det in laulau rop tan a labino sungun, ma a rakrakon bual ma a kum utna rop ra det kis uni, det in rorom rop* Una ramano kum du buk una wasiso Grik, di tumusi lenri, \"in nangon rop una sungun.\". 11 Ra a kum utna rop ri det in laulau lenri, osi na ngas na nilaun ra mot in muri? I wakak ra anumot a nilaun in tokodos, ma mot in pam a petutna ra i wakak umatan o God. 12 Ma mot in kis langlang sur a bung anun o God, ma mot in urarak a bung sur in nanpat lakit. Una bung ra, o God in tun ru a bakut, ma a kum utna sapat una bakut in polo tan a labino mararong ina sungun, ma in rorom. 13 Ais 65:17; 66:22; Tam 21:1, 27Ikut, dat kis langlang sur a utna ra o God i uliliman taru uni: a matok na langit ma a matok na rakrakon bual kai, ra a tokodos na petutna in kis uni.\nDat in tumarong dat una taro ra det palos raro a Buk Tabu\n14 A kum wakak na paspasang, ra mot kis langlang sur a bung ra, mot in dekdek sur gong tu dur una numot a nilaun, ma katu etakun in los mot un tu utna, ma mot in kis na malmal tomo nam o God. 15 Rom 2:4Mot in nuk pasi, a Labino ke wanpat utmakai, uni i kis langlang sur a taro det in nukpukus ma in ulaun pas det. A wasiso ri, a wakak na tisindat o Pol kai, i sa tumus tari munung torom mot. I tumusi nama mananos ra o God i pitar tari tano. 16 Una nun a kum pas rop, ra i wasiso una kum utna ri, anun a wasiso i elar nami ra a sa wasiso taru nami. A ramano kum wasiso ra i tumusi i ngangitin sur din tasman a kukuraino. Ma ara taro ra ka det talapor wakak uni, ma anundet a nurnur ke dekdek, anundet a papalos uni i raro kut, elar nama nundet a papalos una ramano kum du Buk Tabu. Ma det ut det in iru uni.\n17 Mk 13:33; 1 Kor 10:12Ikut mot, a kum wakak na paspasang, mot sa tasman tar a kum utna ri. I mo ra mot in tumarong, sur gong a taro na lakai warkurai det ben raro mot nama nundet a kum etowo, sako mot in puku tagun a wakak na kinkinis ra uniri mot sa tur dekdek uni. 18 I wakak ra mot in lubung una marmaris anun o Iesu Karisito anundat a Labino ma a Tene Ulaun, ma mot in lubung kai una numot a mananos uni. Anunu ut a minamar, uniri ma ken rop! Amen.\n3:5: Stat 1:6-9\n3:8: Sng 90:4\n*3:10: Una ramano kum du buk una wasiso Grik, di tumusi lenri, \"in nangon rop una sungun.\"","id":"","dump":"CC-MAIN-2019-51","url":"https:\/\/ebible.org\/kqw\/2PE03.htm","date":"2019-12-11T21:54:43Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540533401.22\/warc\/CC-MAIN-20191211212657-20191212000657-00549.warc.gz","language":"kqw","language_score":0.9999905825,"language_script":"Latn","minhash_cluster_size":3,"top_langs":"{\"kqw_Latn_score\": 0.9999905824661255}","num_words":881,"character_repetition_ratio":0.067,"word_repetition_ratio":0.016,"special_characters_ratio":0.278,"stopwords_ratio":0.477,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nA pinapam anun o Pol detul tong o Tesalonaika\n1 A kum tistisi metul, mot ut mot tasmani lena, anumetul a inawan pat torom mot ke utna oros, awu, i wu i ut a wino. 2 Ap 16:19-24; 17:1-9Mot tasmani lena numugu tan anumetul a inawan pat torom mot, a taro det ban laulau metul ma det ban umaimai metul tong o Pilipai. Ikut anundat a God i warut metul, ra metul dekdek ut sur metul in wasiso puaso una nun a Wakak na Wasiso torom mot, ma ka metul ngaran det ra det lari sur det in sakbat metul. 3 Ra metul saring mot sur mot in nukpukus, awu sur anumetul a wasiso i raro, awu sur kai metul wasiso nam tu sakino nuknuk, ma awu sur metul toro pas mot. 4 Gal 1:10Awu! Metul wasiso puaso nama Wakak na Wasiso, uni o God i sa lar tar metul, ma i nurnur un metul lena metul in pami. Ka metul wasiso puaso sur metul in ugasgas a taro nami, awu, sur o God ut in gas nami, i ra i ser lar tar a nuknuki metul. 5 Mot sa tasmani lena, ka metul ugasgas mot nam tu wasiso na umarom, ma ka metul nemnem eno sur tu mani tamot. O God i tama i ma i tasman metul. 6 Ka metul nemi sur mot o taio gisen kai in watung ulabo pas metul.\n7 I tokodos sur metul in saring mot sur tu ikul, uni metul a tulu aposel anun o Karisito. Ikut ka metul pami lenra. Metul upuaso a balano wakak epotor tamot, elar nama ino ra i tamtamabat a kum nutnutunu. 8 Metul nem doko mot, ra metul gas doko sur metul in inanos mot una Wakak na Wasiso anun o God. Awu sur i kut ra, awu, metul gas utkai sur metul in pitar anumetul a nilaun kai torom mot, uni mot labo doko umatametul.\n9 Ap 20:34A kum tistisi metul, mot sa tasman anumetul a dekdek na pinapam. Una kum mirum ma a waspi, metul papam nama lamametul sur u warut metul una numetul a kinkinis. Metul pami lenri, sur metul in warawai torom mot nama Wakak na Wasiso anun o God ma gong metul pitar a mamaut torom mot sur mot in kul metul. 10 Mot ut, ma o God kai, mot tama a magirametul ra metul kis epotor tamot, a kum tene nurnur. A magirametul i talapor ma i tokodos, ma katu etakun i los metul un tu utna. 11 Ap 20:31Mot tasmani lena anumetul a petutna torom mot rop taktakai, i elar nama petutna ra ara musano i pami torom a kum nutnutunu. 12 Metul udekdek mot, metul wasiso na emarom torom mot, ma metul inanos mot sur mot in laun nama ngas na nilaun ra i ugasgas o God, i ra i kabo pas mot sur anun a matanitu ma anun a minamar.\n13 2 Tes 2:13Ara kibino kai ra metul ser watung wakak torom o God i lenri: Ra mot rakon ukai a wasiso anun o God, ra mot longoro i ta metul, mot mulaot pasi. Awu sur mot mulaot pasi elar nama wasiso kut anun a taro, awu, mot mulaot pasi uni a wasiso ra, i a wasiso ut anun o God. A wasiso ra, kura i papam una nilaun anumot ra mot sa nurnur. 14 Ap 17:5A kum tistisi metul, mot elar nama taro na lotu anun o God un o Karisito Iesu, ra det kis tong una papor Judia. Uni, mot kai, mot taramo a ngunungut tan a taro tagun anumot a tamon ut, elar nama taro na lotu tong o Judia det taramo i tan anundet a taro ut, a taro Juda, 15 Ap 9:23, 29; 13:45, 50; 14:2, 5, 19det ra det um doko a Labino o Iesu ma a kum poropet, ma det lu ru metul kai. O God ke gas nam det, ma det kis na ebar nama taro rop, 16 uni det lari sur det in turbat metul, sur gong metul warawai torom a taro ra awu sur a taro Juda sur gong o God i ulaun pas det. Ma una kisapi ra, det palataun anundet a kum sakino petutna tuk ra anundet a kum sakino petutna i bukus. I mo ra uniri a kankan anun o God i sa wanpat torom det.\nDetul nem na tama melet a taro Tesalonaika\n17 A kum tistisi metul, ra a taro Juda det ukis sarara ru metul gusun mot, anundat a kinkinis sarara ke suano i. Dat kis sarara kut una pinindat, ikut una nuknuki metul, metul nuk mot ut. Metul nem doko i sur metul in tama mot, ra metul dekdek sur metul in pam sot pasi. 18 Metul nem doko i sur metul in milet melet torom mot. Iau, o Pol, a lari a susut na dino sur an nan torom mot, ikut o Satan i turbat metul. 19 Pil 2:15-16; 4:1; 2 Tes 1:4Metul nem doko i sur metul in tama melet mot, uni metul nurnur un mot lena, mot sa tur dekdek, ma mot, mot kibino una numetul a gasgas, ma mot kibino una numetul a kunukul tagun anumetul a pinapam, una bung ra anundat a Labino o Iesu in nanpat, ma dat in tur umatano. 20 I lingmulus sakit, ra mot ut, anumetul a minamar ma anumetul a gasgas.","id":"","dump":"CC-MAIN-2019-51","url":"https:\/\/ebible.org\/kqw\/1TH02.htm","date":"2019-12-11T19:11:43Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540532624.3\/warc\/CC-MAIN-20191211184309-20191211212309-00114.warc.gz","language":"kqw","language_score":0.9999793768,"language_script":"Latn","minhash_cluster_size":4,"top_langs":"{\"kqw_Latn_score\": 0.9999793767929077}","num_words":859,"character_repetition_ratio":0.072,"word_repetition_ratio":0.0,"special_characters_ratio":0.261,"stopwords_ratio":0.454,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"18\nO Pol i kis tong o Korin\n1 Ra i sa rop a kum utna ri, o Pol i wan tagitong o Atens utong o Korin. 2 Rom 16:3Tiro iai der etorom pas nama ara te Juda, a risano o Akuila. I tagitong o Pontus, ma anun a ino, a risano o Prisila. Ke suano i kut ra der wanpat taru tagitong o Itali, uni a Sisa Klaudius i pitar tar a warkurai, sur a taro Juda rop det in nan gusun o Rom, i ra a labino tamon tong o Itali. Ra o Pol i wan torom der. 3 Ap 20:34I kis nisan der ma detul papam tomo, uni detul a tulu tene pam rumu na sel. 4 Una kum Bung na Sabat i wasiso tomo nam det una rumu na lotu anun a taro Juda, sur in ukatutur a nuknukin a taro Juda, ma det kai ra awu sur a taro Juda, sur det in nurnur un o Iesu.\n5 Ap 17:14-15Ra o Sailas ma o Timoti der wanpat tagitong una papor Masedonia, o Pol ke mana nama warawai nama wasiso anun o God, ma i upuaso i torom a taro Juda lena, o Iesu i a Karisito ra o God i tulu ru i urin. 6 Ap 13:46, 51; 20:26Ikut a taro Juda det wasiso batbat o Pol ma det watung a kum sakino wasiso uni. Ra o Pol i tutupu anun in namalu, a ukinalong lena, in rosumur gusun det. Ma i watungi tandet lena, \"Ra mot in iru una warkurai anun o God, i kibino un mot ut, ma iau, a langolango. Turpasi uniri, an nan mukut torom det ra awu sur a taro Juda.\"\n7 I pirso gusun a rumu na lotu, ra i ruk una rumu anun ara musano, a risano o Titius Jastus, i ara tene lotu torom o God. Anun a rumu i tur milau nisan a rumu na lotu. 8 O Krispus, ara mugumugu tagun a rumu na lotu, ma det rop kai, ra det kis una nun a rumu, det nurnur una Labino. Ma a susut na taro Korin, ra det longoro a warawai anun o Pol, det nurnur, ma di baptaiso det.\n9 Jos 1:9; Ais 41:10Ara bung na mirum a Labino i wasiso torom o Pol una tamtama lenri, \"Gong u ngara. Ma gong u mana nama wasiso. 10 Uni an kis tomo nam ui, ma kataio in ban laulau ui, uni anung a susut na taro kuri una tamon ri.\" 11 Ra o Pol i kis tiro iai ara kilalo ma a wonom na kalang, ma i ususer det nama wasiso anun o God.\n12 Una kilalo ra o Galio i mugumugu tagun a gapman tong una papor Akaia, a taro Juda det tur tomo sur det in um o Pol, ma det beni sur in tur una warkurai. 13 Ma det takuni lena, \"A musano ri i lari sur in pukus a nuknukin a taro sur det in lotu torom o God nama ngasino ra ke elar nama kum warkurai anumet a taro Juda.\" 14 Ra o Pol i ling sur in wasiso, o Galio i watungi torom a taro Juda lena, \"Mot a taro Juda, ra a utna ri i pami i laulau, ma ke mur a warkurai anun a gapman, in tokodos sur an longoro mot uni. 15 Ikut, ra mot takuni kut una kum wasiso, ma una kum rising, ma una anumot a kum warkurai ut, i wakak sur mot ut mot in warkurai i. Iau kan warkurai i una kum ngas na utna ri.\" 16 Ra i lakro ru det gusun a kinkinis na warkurai. 17 Ma det rop det pam ukai pas o Sostenes, a mugumugu tagun a rumu na lotu anun a taro Juda, ra det umi umatan a kinkinis na warkurai. Ikut o Galio ke nuk pas a utna ra.\nO Pol i milet melet utong o Antiok\n18 Nam 6:18; Ap 21:24Ra o Pol i sa kis suano pasi tong o Korin, i wan gusun det ra det tar tistisino una nurnur, ma i wan utong o Senkria. Tiro iai, di kumur rop ru a iwu na lorino, sur in ese i lena, i sa pam sot pas anun a liliman torom o God. Ra detul nam o Prisila ma o Akuila detul kas una sip utong una papor Siria. 19 Ra detul sot tong o Epeses, o Pol i wan pas gusun der tiro iai, ra i ruk una rumu na lotu, ma det wasiso tomo nama taro Juda. 20 Det saringi sur in kis suano lilik pasi tomo nam det, ikut ke mulaot. 21 Ra det wan susuaro, i watungi tandet lena, \"Ra a nemnem anun o God, an milet melet torom mot.\" Ra i kas una sip ma i wan gusun a tamon Epeses.\n22 Ra i sot tong o Sisaria, i wan usapat o Jerusalem sur in lumu tar a taro na lotu, ra numur i wan utong o Antiok. 23 Ra i sa kis pas a susut na bung tiro iai, i wan melet pas gusun det. Ra i wan tuptupukus una kum tamon una ru papor Galesia ma o Pirigia, ma i udekdek a nurnur anun a taro na ususer rop.\nO Apolos i kis tong o Epeses\n24 Ara te Juda tagitong o Aleksanderia, a risano o Apolos, i wanpat tong o Epeses. I ara wakak na tene wasiso, ma i mananos doko una Buk Tabu. 25 Di sa ususer tari una Kisapi anun a Labino, ma i gas doko sur in warawai. I ususer tokodos det un o Iesu, ikut i tasmani kut a baptais anun o Jon. 26 I ruk una rumu na lotu, ra i turpas a wasiso ma ke ngara. Ra o Prisila ma o Akuila der longoro i, der ben pasi, ma der palos wakak a Kisapi anun o God toromi. 27 Ra o Apolos i nem na wan mo utong una papor Akaia, det ra det tar tistisino una nurnur tong o Epeses, det uragot tari, ma det tumtumus torom a taro na ususer tong o Akaia, sur det in gas pasi. Ra i wanpat tong una papor Akaia, i ara wakak na tene warut torom a kum tene nurnur. Det ra det sa nurnur, kibino una marmaris anun o God. 28 Ap 9:22I balu dekdek a wasiso anun a taro Juda umatan a taro, ra i ulingmulusi nama wasiso na Buk Tabu lena, o Iesu ut a Karisito.\n18:9: Jos 1:9; Ais 41:10","id":"","dump":"CC-MAIN-2019-51","url":"https:\/\/ebible.org\/kqw\/ACT18.htm","date":"2019-12-11T19:09:52Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540532624.3\/warc\/CC-MAIN-20191211184309-20191211212309-00116.warc.gz","language":"kqw","language_score":0.9999958277,"language_script":"Latn","minhash_cluster_size":4,"top_langs":"{\"kqw_Latn_score\": 0.9999958276748657}","num_words":1045,"character_repetition_ratio":0.064,"word_repetition_ratio":0.0,"special_characters_ratio":0.274,"stopwords_ratio":0.487,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3\nO Pol detul, detul saring det sur det in wararing sur detul\n1 A kum tistisi metul, iri a ururop na wasiso anumetul, mot in wararing sur metul, sur a wasiso anun a Labino in nan sarara lakit ma a taro det in ru i elar nam mot, mot ru i. 2 Ma mot in wararing sur metul, sur o God in ulaun metul gusun a sakino taro, uni awu sur a taro rop a kum tene nurnur.\n3 Ikut a Labino i lingmulus, ma in udekdek mot ma in tamtamabat mot kai gusun o Satan. 4 2 Kor 7:16; Gal 5:10Metul nurnur una Labino lena kura ut mot mur a kum wasiso ra metul sa inanos tar mot uni, ma mot in ser muri lenutra.\n5 Metul wararing sur a Labino in mugu a nuknuki mot sur mot in tasman mulus a marmaris anun o God, ma mot in tasmani kai a kisapi sur mot in tur dekdek una kum mamaut ra o Karisito i sa ese tari torom dat.\nA utumarong torom a kum tubunu wok na taro\n6 Rom 16:17A kum tistisi metul, metul saring dekdek mot nama risan a Labino o Iesu Karisito lena, mot in nan gisen gusun a kum tubunu wok na tistisin dat ra ka det ser mur a kum etowo ra metul inanos tar mot nami. 7 Pil 3:17Mot ut mot sa tasmani lena, i wakak ra mot in mur a ngasino ra metul sa pam tari umatamot. Ra metul kis tomo nam mot, awu sur metul kis oros kut. 8 1 Tes 2:9Ka metul wan oros pas tu utna na inangon tan taio ra ka metul kuli, awu. Una kum mirum ma a waspi, metul papam dekdek nama lamametul sur u warut metul una numetul a kinkinis, sur gong metul pitar a maut torom tu pasamot sur in kul metul. 9 1 Kor 9:4; 1 Tes 1:6I tokodos sur metul in saring mot sur mot in warut metul, ikut ka metul nemi. Metul pam a pinapam sur metul in ese a ngasino ra i wakak sur mot in muri. 10 Ra metul kis nisamot, metul pitar a warkurai ri torom mot: Ra taio ke nemi sur in papam, gong kai i wangon.\n11 1 Tim 5:13Metul longoro i lena, a ramano taro tagun mot, a kum tubunu wok na taro. Ka det papam, det balon kut una uruk lorindet una utna ra awu sur anundeti. 12 1 Tes 4:11Una risan a Labino o Iesu Karisito metul turbat a ngas na taro ra, ma metul saring det, sur det in kis wowowon ma det in papam sur andet lako utna na inangon ra det in laun nami. 13 Gal 6:9Ma torom mot, a kum tistisi metul, gong a pinimot i ngoro nama pam a kum tokodos na petutna.\n14 Ra taio ke mur anumetul a wasiso una pas ri, mot in nuk ukai i. Gong mot lason tomo nami, sur in maimai una magirano. 15 1 Tes 5:14Ikut gong mot tama i elar nam anumot a ebar, mot in utumarong pasi kut elar nama tisimot.\nA ururop na wasiso na marmaris\n16 Metul wararing sur a Labino ra i pitar a malmal, i ut in tabor mot nama malmal una kum du bung rop ma una kum ngas na kinkinis na nilaun rop. A Labino in kis tomo nam mot rop.\n17 Anung a wasiso na marmaris ri, iau ut o Pol, a tumusi torom mot, nama lamang. Iri a ukinalong in anung a kum pas rop. A ser tumtumus ut lenri.\n18 A marmaris anun anundat a Labino o Iesu Karisito in kis tomo nam mot rop.","id":"","dump":"CC-MAIN-2019-51","url":"https:\/\/ebible.org\/kqw\/2TH03.htm","date":"2019-12-13T12:51:25Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540555616.2\/warc\/CC-MAIN-20191213122716-20191213150716-00180.warc.gz","language":"kqw","language_score":0.9999769926,"language_script":"Latn","minhash_cluster_size":4,"top_langs":"{\"kqw_Latn_score\": 0.9999769926071167}","num_words":579,"character_repetition_ratio":0.059,"word_repetition_ratio":0.0,"special_characters_ratio":0.261,"stopwords_ratio":0.461,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3\n1 Ap 17:15Una numetul a nuknuk na nginara un mot, ka metul nem na kis liklik mo. Metul nuki lena, i wakak sur mir kut nam o Sailas, mir in kis nin o Atens. 2 Ap 16:1-3Ra mir sa tulu ru o Timoti a tisindat, ma a tene pinapam anun o God tomo nam mir, ra metul ser wasiso talapor nama Wakak na Wasiso un o Karisito. Mir sa tulu ru i torom mot, sur in udekdek mot, ma in uragot mot una numot a nurnur, 3 2 Tim 3:12sur gong taio tagun mot a nuknukino i talara kibino una kum mamaut ra i monong mot. Uni mot tasmani ut lena, a kum mamaut in monong dat. 4 Ra dat kis tomo utmakai, metul ser inanos mot lena, din ban laulau dat. Ma mot sa tasmani lena, a kum mamaut ra, i sa wanpat ut. 5 I mo ra a tulu ru o Timoti torom mot. A tulu ru i torom mot sur an mananos una numot a nurnur, uni a ngara doko un mot ma ka nem na kis liklik mo. A ngara, sako a tene ululam i sa ulam pas mot, ma anumetul a pinapam torom mot in utna oros kut.\nA wakak na wasiso puaso una taro Tesalonaika\n6 Ap 18:5Uniri o Timoti i sa milet melet gusun mot sur urin nisamir. I los a wakak na wasiso talapor un mot torom mir, una numot a nurnur ma anumot a marmaris. I inanos mir lena, mot ser gas ra mot ser nuk melet pas anundat a kum kinkinis tomo numugu, ma mot nem doko i sur mot in tama metul, elar nam metul kai metul nem doko i sur metul in tama mot. 7 2 Tes 1:4I mo ra a kum tistisi metul, anumot a nurnur i uragot metul una numetul a kinkinis ubalan a kum mamaut, ma a kum petutna ra a taro det ban laulau metul nami. 8 Uniri anumetul a nilaun i wakak doko, uni mot tur dekdek una Labino. 9 Metul gas doko nam mot umatan anundat a God, ma metul watung wakak toromi. Metul in watung wakak pepetlai toromi? Uni anumetul a gasgas i labo doko. 10 Una kum mirum ma a waspi, metul pitar rop tar anumetul a nilaun una niaring sur mot. Metul wararing sur metul in tama melet mot, ma metul in ususer mot un lako kum utna ra mot sibo utmakai suri una numot a nurnur.\n11 2 Tes 2:16Metul wararing lena, o God ut a Tamandat ma anundat a Labino o Iesu, in papos anumetul a kisapi sur metul in nan torom mot. 12 Ma metul wararing kai sur a Labino in ulabo anumot a marmaris, ma in bukus ma in tilingis epotor tamot ma torom a taro gisen kai, elar nama numetul a marmaris kai torom mot. 13 Ma metul wararing kai sur in udekdek mot sur mot in tokodos, ma katu etakun in los mot, ra mot in tur umatan o God a Tamandat, una bung ra anundat a Labino o Iesu in nanpat, tomo nam anun a tokodos na taro rop.","id":"","dump":"CC-MAIN-2019-51","url":"https:\/\/ebible.org\/kqw\/1TH03.htm","date":"2019-12-14T12:46:22Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575541157498.50\/warc\/CC-MAIN-20191214122253-20191214150253-00195.warc.gz","language":"kqw","language_score":0.9999967813,"language_script":"Latn","minhash_cluster_size":4,"top_langs":"{\"kqw_Latn_score\": 0.9999967813491821}","num_words":501,"character_repetition_ratio":0.072,"word_repetition_ratio":0.0,"special_characters_ratio":0.253,"stopwords_ratio":0.465,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"19\nO Pol i kis tong o Epeses\n1 1 Kor 3:6O Apolos i kis tiro o Korin, ra o Pol i usur a kisapi sa ubual, ra i wanpat tong o Epeses. Tiro iai i pastorom a ramano taro na ususer. 2 Ap 8:16Ra i ting det lena, \"Pepetlai, a Tokodos na Nion i kis un mot ra mot nurnur?\" Ma det balu i lena, \"Awu, ka di inanos met una Tokodos na Nion.\" 3 Ra i ting det lena, \"Di baptaiso mot nam asi na ngas na baptais?\" Ma det balu i lena, \"Nam a baptais anun o Jon.\" 4 Mt 3:11Ra o Pol i watungi lena, \"O Jon i baptaiso nama baptais na nukpukus. Ma i inanos a taro lena, det in nurnur un o naro ra in nanpat numur tano. I ra o Iesu.\" 5 Ra det sa longoro tar a wasiso anun o Pol, di baptaiso det nama risan a Labino o Iesu. 6 Ap 8:17; 10:44, 46Numur o Pol i ubek aru lamano netes un det, ra a Tokodos na Nion i kis mut un det, ma det wasiso nama wur ngas na wasiso, ma det wasiso na poropet. 7 Kutiro a niluluk ina kum musano i elar nama noino ma aru.\n8 O Pol i ser ruk una rumu na lotu, ma i wasiso nama dekdek ma ke ngara. I lari sur in pukus pas a nuknukin det sur a matanitu anun o God. I pami lenra i elar nama tulu kalang. 9 Ikut a balan a ramano taro tagun det i dekdek sakit, ma ka det nem na nurnur, ra det watung laulau a Kisapi anun o Karisito umatan a taro rop. Numur o Pol i wan pas gusun det. I wan sur a rumu na ususer anun o Tiranus, ma a taro na ususer det muri ra det wasiso tomo una kum bung una rumu ra. 10 Aru kilalo i ser pami lenra. Ra det rop ra det kis una papor Asia, a taro Juda ma a taro ra awu sur a taro Juda kai, det longoro a wasiso anun a Labino.\nA wonom mawit na nutnutun o Skewa\n11 Ap 14:3O Pol i pam a kum dekdek na utna na ukisin nama dekdekin o God. 12 Ap 5:15Ma a taro det los pas anundet a kum du tawol, ma a kum du malu kai, ra det ubek pasi una pinin o Pol. Numur det ubeki una kum misait ra det langolango, ma a kum laulau na nion kai det pirso mut gusun det.\n13 A ramano kum te Juda, det ser wan tuptupukus una kum tamon, sur det in lakro ru a kum laulau na nion gusun a taro. Ma det lari sur det in lakro ru i kai a kum laulau na nion nama risan o Iesu. Det ser watungi lena, \"A lakro ru mot nama risan o Iesu, ra o Pol i ser warawai nami.\" 14 Ara musano, a risano o Skewa a te Juda, a labino tene etabor torom o God, a wonom mawit na nutnutunu, det kai det lari sur det in lakro ru a kum laulau na nion nama risan o Iesu. 15 Ikut a laulau na nion i balu det lena, \"A tasmani ut o Iesu, ma a tasmani utkai o Pol. Ikut mot, osi mot?\" 16 Ra a musano ra a laulau na nion kura uni, i sirok bat pas det, ra i um kinkidikin tar det ma i raros ru anundet a kum malu. Ra det kalabor pirso unago upiso nama kum kabo mengmengere mukut.\n17 Ap 5:11A wasiso una utna ri, i wanpat torom a taro Juda ma a taro kai ra awu sur a taro Juda ra det kis tong o Epeses, ra det ngara rop, ma det urur sakit una risan a Labino o Iesu. 18 A susut tagun det ra det nurnur, det wanpat ma det watung puaso anundet a kum sakino petutna. 19 Ma a susut kai tagun det ra det ser sangsagor, det los tomo pas anundet a kum buk na sangsagor, ra det tun ru det tiro umatan a taro rop. Ra det luk tomo pas a matan a kum buk rop, i elar ut nama limo na noino arip na mani. 20 Ra a wasiso anun a Labino i wan sarara, ra i lubung ma i dekdek.\nA purpuruon tong o Epeses\n21 Ap 23:11; Rom 1:13Ra a kum utna ri i sa rop, o Pol i nuki lena in nan potor una ru papor Masedonia ma o Akaia sur in nan usapat o Jerusalem. Ma i watungi lena, \"Ra a sa wan pas sapat o Jerusalem, an nan bulung utong o Rom.\" 22 I tulu mugu ru o Timoti ma o Erastus, aru tagun det ra det ser waruti, utong o Masedonia, ma i ut, i kis melet pas ut munung tong una papor Asia.\n23 2 Kor 1:8Una kum bung ra, a labino purpuruon i wanpat, uni a taro ka det nem a Kisapi anun a Labino. 24 Ara musano a risano o Dimitrius, a tene pam utna nama silwa. I ser pam a kum natnat na rumu na lotu anun a ino na god anundet, o Artemis, nama silwa. Ma a pinapam ri i pam pat a susut na mani torom o Dimitrius ma anun a taro na pinapam kai. 25 I ben tomo pas anun a taro na pinapam, ma a ramano taro gisen kai ra anundet a pinapam i elar, ma i watungi tandet lena, \"A taro, mot tasmani lena, dat ser pam pat a susut na mani tagun a pinapam ri. 26 Nin o Epeses, ma una kum tamon rop nin una papor Asia, a musano ra, o Pol, i pukus a nuknukin a susut na taro, ma i ben raro det, ra i inanos det lena, a kum god ra dat ser pami nama lamandat, awu sur a kum god. 27 Ra a utna ri in nanpat torom dat, awu sur in ban laulau a wakak na risan anundat a pinapam kut, det in nuk unatino pasi kai a rumu na lotu anun a ino na god anundat, o Artemis, ma det in unatino pas a risano. Uniri a taro Asia rop ma a rakrakon bual kai det lotu torom anundat a ino na god, o Artemis.\"\n28 Ra det longoro a wasiso ri, det kankan doko, ma det kukukuk lena, \"O Artemis anun a taro Epeses, i labo sakit!\" 29 Ap 20:4; 27:2; Kol 4:10; Plm 1:24Ma a taro rop tagun a tamon ra det purpuruon. Det kalabor ma det pam ukai pas o Gaius ma o Aristakus, aru te Masedonia ra detul wan tomo nam o Pol, ma det ruk nam der una nundet a labino rumu na kiwung. 30 O Pol i nem na ruk torom a taro, ikut a taro na ususer det turbati. 31 Ma a ramano kum mugumugu tagun a gapman una papor Asia, ra det tar pasano nam o Pol, det pitar ru a wasiso toromi lena, gong i ruk una rumu na kiwung.\n32 A kunur na taro det purpuruon. A ramano taro det kukukuk nama ara wasiso ut, ma ara taro det kukukuk nama se wasiso kai. Ma a susut tagun det, ka det tasman asau ra det wanpat suri. 33 A taro Juda det sugut pat tar o Aleksanda usa numugu tan a kunur na taro. Ma det kukukuk nama wasiso sur in watung asau. Ra o Aleksanda i turbat det nama lamano, sur det in kis wowowon, sur in wasiso bati ut umatan a taro. 34 Ikut, ra a taro Epeses det sa tasmani lena, o Aleksanda i a te Juda, det kukukuk tomo elar nama ru aua lena, \"O Artemis anun a taro Epeses, i labo sakit!\"\n35 Ra a tene tumtumus anun a tamon ra, i turbat a taro sur det in kis wowowon, ra i watungi lena, \"Mot a taro Epeses, osi na tamon kuri ra ke tasmani lena, a taro Epeses det tamtamabat a rumu na lotu anun a labino god Artemis, ma a malalarino kai ra i puku pirso tagisapat una langit? 36 Katutaio in ipul gusun a kum utna ri, i mo ra i wakak sur mot in mana ma gong mot pam oros tar tu purpuruon. 37 Mot sa ben tar aru musano ri urin, ikut ka der wolong tu utna un tu rumu na lotu, ma ka der watung laulau anundat a ino na god. 38 A kinkinis na warkurai ma a kum tene warkurai kuri ut det. Ra o Dimitrius ma a kum tene pinapam ra det wan tomo nami, det nem na takun taio un tu utna, det in inanos a kinkinis na warkurai nami. 39 Ra tu wasiso na etakun kura utmakai mot nem na wasiso uni, din ukodosi ut una kiwung na tamon. 40 Sako din takun dat una purpuruon ra i wanpat una bung ri. Ra asau mo ra dat in wasiso bat dat nami? Uni katu kibino.\" 41 Ra i sa watung len tari ra, i tulu susuaro ru a taro gusun a kiwung.","id":"","dump":"CC-MAIN-2019-51","url":"https:\/\/ebible.org\/kqw\/ACT19.htm","date":"2019-12-14T12:44:33Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575541157498.50\/warc\/CC-MAIN-20191214122253-20191214150253-00197.warc.gz","language":"kqw","language_score":0.9999922514,"language_script":"Latn","minhash_cluster_size":4,"top_langs":"{\"kqw_Latn_score\": 0.9999922513961792}","num_words":1462,"character_repetition_ratio":0.05,"word_repetition_ratio":0.003,"special_characters_ratio":0.27,"stopwords_ratio":0.49,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nO God in pam a tokodos na warkurai\n1 Mt 7:1-2; Jn 8:7I mo ra, mot ra mot ser takun a taro gisen lena, ka det tokodos, ka mot in ipul lar pas. Anumot a etakun in takun melet mot ut. Uni mot takun a taro gisen, ikut mot kai, mot pami kut a sakino petutna ra. 2 Dat tasmani lena, ra o God in warkurai det, ra det pam a kum sakino petutna, anun a warkurai ra i tokodos. 3 Mot a taro oros kut, ra mot takun det ra det pam a kum sakino petutna, ikut mot kai mot ser pami, mot nuki lena mot in kalabor eno pepetlai? In warkurai mot ut. 4 Ep 1:7; 2 Pit 3:15I sa ese anun a wakak na petutna ra i bukus torom mot, ma ke warkurai lakit mot una numot a kum sakino petutna, ma a pinino ke ngoro lakit nam mot. Pepetlai, mot nuk penpen kut una nun a kum wakak na petutna ra? Pepetlai, ka mot tasmani lena, i maris mot lenri sur mot in nukpukus?\n5 Ikut, a balamot i dekdek ma ka mot nukpukus, ra mot ubek tomo anun a kankan netes un mot, sur a bung na kankan anun o God, ra anun a tokodos na warkurai in nanpat talapor. 6 Sng 62:12; Snd 24:12; Mt 16:27; 2 Kor 5:10O God in warkurai arara, elar ut nama pinapam ra i sa pam tari. 7 Det ra det dekdek una wakak na pinapam sur o God in pitar a minamar torom det, ma in ulabo pas a risandet, ma det nem a nilaun ra ken rop, o God in pitar a nilaun tukum tandet. 8 2 Tes 1:8Ikut torom det ra det ser ulabo pas det melet ut, ma ka det mur a lingmulus na wasiso anun o God, ma det muri kut a sakino petutna, o God in kankan, ma in balano sungun torom det. 9 Ma in pitar a mamaut, ma a labino ngunungut torom a taro rop, ra det pam a sakino. Torom a taro Juda mugu, ra numur torom a taro gisen kai. 10 Ikut, torom det rop ra det pam a wakakino, o God in pitar a minamar torom det, ma in ulabo pas a risandet, ma in pitar tar a malmal torom det. Torom a taro Juda mugu, ra numur torom a taro gisen kai. 11 Uni, a warkurai anun o God, ke senene, i elar rop kut torom a taro rop.\n12 A taro rop ra ka det tasman a Warkurai anun o Moses, ma det pam a sakino petutna, det in iru ut. Ma lenkutkai ra torom det rop ra det tasman a Warkurai, ma det pam a sakino, o God in warkurai det elar nama wasiso na Warkurai. 13 Uni, awu sur det rop ra det longoro a Warkurai det tokodos umatan o God, awu. Det kut ra det mur rop a Warkurai, din watung det a kum tene tokodos. 14 Ap 10:35A taro ra awu sur a taro Juda, det ra ka det tasman a Warkurai, ikut det pami ut a wakak na petutna, elar nama Warkurai, i ese i lena a Warkurai kura ut una gapindet. 15 A ngas na taro ra, i talapor ra o God i sa tumus tar a wasiso tagun a Warkurai una nuknukin det. A nuknukin det i upuaso anundet a petutna, ra i wakak o awu. Ra det pam a sakino, a nuknukin det ut i takun det, ma ra det pam a wakakino, a nuknukin det i gas nami. 16 Una bung na warkurai, o God in pitar tar a warkurai torom o Iesu Karisito, sur in warkurai det, una kum utna i kis eno una nuknukin det. Ra a ser warawai nama Wakak na Wasiso, a ser warawai una kum utna ri.\nA kum te Juda det warango det nama kum Warkurai anun o Moses\n17 An inanos mot, ra mot watung mot a kum te Juda. Mot nuki lena mot tokodos umatan o God, uni o God i pitar tar a kum Warkurai tamot, ra mot warango mot lena, mot tagun o God. 18 Mot ser warango mot lena, mot tasman a nemnem anun o God, ma mot gas una kum wakak na petutna, uni mot sa rakon pas a etowo una kum Warkurai. 19 Mot nuki lena, mot elar nam ara ra i ben a pulu, ma mot elar nama talapor torom det ra det kis una dumirum. 20 2 Tim 3:5Mot nuki lena, mot ususer kodos det ra ka det mananos, ma mot a kum tene ususer anundet ra ka det tasman tu utna, uni mot, mot sa pam ukai a mananos rop, ma a lingmulusino ra i kis una kum Warkurai.\n21 Mt 23:3-4Mot ser ususer a taro gisen una kum Warkurai, ikut mot ut ka mot ususer wakak pas mot! Mot warawai lena, gong det wolong, ikut mot ut mot ser wolong! 22 Mot watungi tan a taro lena, \"Gong mot pam a sakino nam tu ino anun taio o nam tu musano anun taio,\" ikut mot ut mot ser pami! Mot nget a kum torotoro na god, ikut mot wolong una kum rumu na etabor anun a kum torotoro na god. 23 Mot warango pas mot una kum Warkurai, ra o God i pitar tari tamot, ikut, mot ban laulau a risan o God, uni ka mot mur a kum Warkurai. 24 I elar nami ra di sa tumus tari una Buk Tabu lena,\n\"A taro ra awu sur a taro Juda, det watung laulau a risan o God, i kibino un mot.\" Ais 52:5\nA Tokodos na Nion i pam a tinotok talilis mulus\n25 Ra u mur a kum Warkurai, a tinotok talilis ra di pam tari un ui, i lingmulus. Ikut, ra ko mur a kum Warkurai, u elar kut nam taio ra ka di tok talilis a pinino. * A tinotok talilis a ukinalong di pami sur in ese i lena a musano i ara tagun a taro anun o God ra det mur a kum Warkurai. 26 Gal 5:6A taro gisen ka di tok talilis det, ikut, ra det mur asau ra a kum Warkurai anun o God i wasiso uni, o God i tama det elar nami ra di sa tok talilis tar det. 27 Osi ra ka di tok talilis a pinino ma ka di ususeri una kum Warkurai, ikut i muri ut asau ra a kum Warkurai i wasiso uni, anun a nilaun in takun ui, ra di sa tok talilis tar ui, ma u tasman a kum Warkurai, ikut u lakai i. 28 Taio ra a te Juda kut una rising, awu sur a te Juda mulus. Ma taio kai ra di tok talilisi kut una pinino, awu sur a tinotok talilis mulus. 29 Lo 30:6; Kol 2:11Ikut, ra taio in mur o God namin balano, i ra a te Juda mulus. A tinotok talilis mulus, awu sur a ngasino ra a taro det mur a kum Warkurai ra di sa tumus tari, awu. A tinotok talilis mulus, a Tokodos na Nion ut i pami unin balano. A ngas na musano ra, awu sur a taro det in watung ulabo pasi, o God ut in watung ulabo pasi.\n*2:25: A tinotok talilis a ukinalong di pami sur in ese i lena a musano i ara tagun a taro anun o God ra det mur a kum Warkurai.","id":"","dump":"CC-MAIN-2019-51","url":"https:\/\/ebible.org\/kqw\/ROM02.htm","date":"2019-12-12T23:54:50Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540547536.49\/warc\/CC-MAIN-20191212232450-20191213020450-00045.warc.gz","language":"kqw","language_score":0.9999978542,"language_script":"Latn","minhash_cluster_size":3,"top_langs":"{\"kqw_Latn_score\": 0.9999978542327881}","num_words":1193,"character_repetition_ratio":0.086,"word_repetition_ratio":0.047,"special_characters_ratio":0.27,"stopwords_ratio":0.505,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"23\n1 O Pol i tamtama tokodos torom a taro na kiwung, ra i watungi lena, \"A kum tistising, tuk una bung ri, anung a nilaun i talapor umatan o God, ma in balang ke takun iau un tu utna.\" 2 Jn 18:22-23Uniutra o Ananias* O Ananias ri, i a mugumugu na tene etabor torom o God, awu sur o Ananias ra i utamtama pas o Pol. a mugumugu na tene etabor torom o God, i tulu det ra det tur milau o Pol sur det in pasor a wano. 3 Mt 23:27Ra o Pol i watungi tano lena, \"O God in pasor ui, ui u elar nama papor rumu ra di pen tari nama kabang, ikut tiro ubalano i laulau rop. U kis sur un warkurai iau elar nama wasiso na Warkurai, ikut ui ut u lakai a Warkurai ra u itula sur din pasor iau.\" 4 Det ra det tur milau i det watungi lena, \"Pepetlai, u nemi sur un watung laulau a mugumugu na tene etabor torom o God?\" 5 Ra o Pol i balu det lena, \"A kum tistising, ka tasmani lena, i a mugumugu na tene etabor torom o God, uni di sa tumus tari una Buk Tabu lena, 'Gong u watung laulau tu mugumugu anun anum a taro.' \" Kis 22:28\n6 Ap 26:5O Pol i tasmani lena, a ramano taro tagun det, a kum Sadusi, ma ara taro kai a kum Parisi, ra i kakabo una kiwung lena, \"A kum tistising, iau a Parisi, ma a nutun a Parisi. Uniri di takun iau uni a kis langlang nama nurnur una katkatutur melet anun a kum minat.\" 7 Ra i sa watung len tari ra, a kum Parisi ma a kum Sadusi det turpas a wasiso na kankan, ra a taro na kiwung det tapagol. 8 Mt 22:23Uni a kum Sadusi det nurnur lena katu nilaun melet gusun a minat, ma kalako ensel, ma kalako nion, ikut a kum Parisi det nurnur un detul rop. 9 Ra a labino purpuruon i turpasi, a ramano kum Parisi, det ra a kum tene ususer tagun a Warkurai, det tur, ma det engaras dekdek, ma det watungi lena, \"Ka met sio pas tu sakino utna ra a musano ri i raro uni. Dat in lai mo? Sako ra tu nion, o tu ensel i sa wasiso taru toromi.\" 10 Ra i sa labo a wasiso na engaras, ma det sa turpas a inaim, a labino mugumugu anun a kum tene inaim i ngara, sako det in dat ngagos tar o Pol. Ra i tulu ru a taro na inaim, sur det in nan ma det in dat pasi gusun a taro, ma det in ben pasi utiro una rumu anun a taro na inaim.\n11 Ap 27:24; 28:16, 23Una mirum utra, a Labino i wanpat torom o Pol, ra i watungi tano lena, \"Gong u ngara, un tur dekdek. U sa wasiso talapor taru un iau nin o Jerusalem, lenkutkai ra un wasiso talapor un iau tong o Rom.\"\nDet epak sur det in um doko o Pol\n12-13 Una bung palu una kobot, a ramano kum te Juda, elar nama wat na noino ma i puku, det wasiso tomo pas ra det liliman lena, ka det in nangon, ma ka det in inum, tuk ut ra det sa um doko tar o Pol. 14 Det wan torom a kum lamlabino tene etabor torom o God, ma a kum mugumugu na lotu, ra det watungi lena, \"Met sa liliman taru sur ka met in nan tu utna tuk ut ra met sa um doko ru tar o Pol. 15 Ap 25:3Met nemi sur mot tomo nama taro na kiwung, mot in pitar ru tu wasiso torom a labino mugumugu anun a kum tene inaim ma mot in toro pas o Pol gusuni, sur in tulu ru i torom mot. Mot in watungi lena mot nem na longoro tu wasiso talapor melet tano. Ra met, met sa waninar sur met in um doko ru i kut una kisapi ra kabaut i wanpat torom mot.\"\n16 Ikut a laban o Pol i longoro a wasiso na epak ri, ra i wan utiro una rumu anun a kum tene inaim, ra i inanos o Pol uni. 17 Numur o Pol i kabo pas ara mugumugu anun a kum tene inaim, ma i watungi tano lena, \"Un ben a barman ri torom anumot a labino mugumugu, uni i nem na inanosi nam ara wasiso.\" 18 Ra i ben pati torom a labino mugumugu, ra i watungi lena, \"O Pol, o naro ra di ukarabusi, i kabo pas iau toromi, ra i saring iau sur an ben tar a barman ri torom ui, sur in inanos ui nam ara wasiso.\" 19 A labino mugumugu i pam pas a laman a barman, ra i ben eno pasi, ra i tingi lena, \"Asau ra u nemi sur un watungi tang?\" 20 Ra i watungi lena, \"A taro Juda det sa epak pas sur det in toro pas o Pol gusun ui, sur un tulu ru i markan torom a taro na kiwung, sur det in longoro tu wasiso talapor melet tano. 21 Gong u longoro det, uni a wat na noino ma i puku na taro det sa parau taru suri. Uni det sa liliman taru lena, ka det in nangon ma ka det in inum, tuk ut ra det sa um doko ru tar o Pol. Ra uniri det kis langlang sur anum tu nimulaot.\" 22 Ra a labino mugumugu i turbati lena, \"Gong u inanos tar taio lena u sa inanos tar iau una utna ri.\" Ra numur i tulu ru i.\nDi ben pas o Pol torom o Peliks\n23 A labino mugumugu anun a kum tene inaim i kabo pas aru mugumugu toromi ra i watungi lena, \"Mur in waninar aru mar na tene inaim, ma a wonom mawit na noino tene inaim ra det kas una kum os, ma aru mar na tene inaim ra det los a kum bele, ma mot in nan una lisu na du bung miri una mirum utong o Sisaria. 24 Mur in ben lako ru os, sur o Pol in nan nami. Mot in tamtamabat wakaki tuk mot in nanpat nami torom o Peliks, a labino mugumugu tagun a gapman.\" 25 Ra i tumus tar a pas lenri toromi:\n26 Iau o Klodius Lisias, a tumtumus torom ui o Peliks a labino mugumugu tagun a gapman.\nA marmaris torom ui.\n27 Ap 21:30-33; 22:25-27A musano ri, ra a tulu ru i torom ui, a kum taro Juda det pam ukai pasi, ma milau det in um doko i. Ikut met nama kum tene inaim, met wanpat, ma met ulaun pasi, uni a sa tasman tari lena i a te Rom. 28 Ap 22:30A nemi sur an tasman asau a kibino ra di takuni, ra a beni torom anundet a taro na kiwung. 29 Uniri a sa talapor lena, di takun orosi kut una nundet a kum warkurai tagun a lotu, ma ke pam tu sakino utna ra in karabus uni, o din um doko i uni. 30 Ap 24:5-8Ikut, ra di inanos iau lena det sa epak sur a musano ri, sur det in um doko i, a tulu lakit ru i torom ui. Ma a taro ra det takuni, a sa inanos tar det lena, det in nan torom ui nama nundet a etakun uni. I kut ra, ma i rop.\n31 Ra a taro na inaim det ben pas o Pol una mirum utong o Antipatris, lenutra di sa watung tari tandet. 32 Ra una bung numur, a taro na inaim ra det kas una kum os, det wan saksakit nam o Pol, ma ara taro na inaim kai det milet melet usapat o Jerusalem. 33 Ra det wanpat tiro o Sisaria, det pitar tar a pas torom o Peliks, a labino mugumugu tagun a gapman, ra det pitar tar o Pol toromi. 34 O Peliks i luk tar a pas, ra i ting o Pol lena, \"Ui tagun osi na papor?\" Ra i sa tasmani lena o Pol a te Silisia, 35 i watungi lena, \"Una bung ra a taro ra det takun ui det in nanpat nin, an longoro i maragom anum a wasiso.\" Ra i itula sur din tamtamabat o Pol una rumu anun o Erod.\n*23:2: O Ananias ri, i a mugumugu na tene etabor torom o God, awu sur o Ananias ra i utamtama pas o Pol.","id":"","dump":"CC-MAIN-2019-51","url":"https:\/\/ebible.org\/kqw\/ACT23.htm","date":"2019-12-06T16:10:43Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540488870.33\/warc\/CC-MAIN-20191206145958-20191206173958-00542.warc.gz","language":"kqw","language_score":0.9999947548,"language_script":"Latn","minhash_cluster_size":3,"top_langs":"{\"kqw_Latn_score\": 0.9999947547912598}","num_words":1370,"character_repetition_ratio":0.077,"word_repetition_ratio":0.032,"special_characters_ratio":0.275,"stopwords_ratio":0.474,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"26\nO Pol i wasiso talapor umatan a King Agripa\n1 O Agripa i watungi tan o Pol lena, \"A mulaot ui sur un wasiso talapor una kum etakun un ui.\" Ra o Pol i kodos a lamano ra i turpasi sur in wasiso bati ut lena, 2 \"King Agripa, a gas doko sur an tur umatam ra an wasiso bat iau una kum utna rop ra a taro Juda det takun iau nami. 3 Uni ui a tene mananos tagun a kum ngasino anun a taro Juda, ma tagun a kum utna kai ra det ser wasiso to i. I mo ra a saring ui sur un kis wowowon ma un longoro iau.\n4 \"A taro Juda rop det tasman anung a ngas na nilaun, turpasi utmakai ra a natlik, ra a kis una nung a tamon, ma sapat utkai o Jerusalem. 5 Pil 3:5-6Det tasman iau tagun numugu, ma ra det nemi, det ut det in wasiso talapor un iau lena a muri ut a ngasino anun a kum Parisi. Met ara kabotaro tagun a taro Juda ra met mur sot rop pas a kum Warkurai tagun anumet a lotu. 6 Ap 23:6; 28:20Ra uniri a tur una warkurai, uni a kis langlang nama nurnur sur a liliman ra o God i pam tari torom a kum tumtubu met tagun numugu. 7 Anumet a noino ma aru kabotaro, det kis langlang nama nurnur sur din pam sot pas a liliman ra torom det, ra det ser lotu torom o God una kum mirum ma a waspi rop. King, a taro Juda det takun iau, uni a nurnur ut una liliman ra. 8 Sur asau ra mot ri mot nuki lena o God ken pet lar pasi sur in ukatutur melet a kum minat?\n9 Ap 8:3\"Iau kai numugu, a nuki ut lena i wakak sur an lar rop a kum kisapi sur an turbat a risan o Iesu, a te Nasaret. 10 A pam a pinapam ri sapat o Jerusalem. A wan nama warkurai anun a kum lamlabino tene etabor torom o God, ma a uruk a susut na tene nurnur una karabus. Ra din um doko det, iau kai, a mulaot sur det in mat. 11 A susut na dino a ruk una kum rumu na lotu sur an ukadik det, ma a ser ungongos det sur det in wasiso laulau un o Iesu. A ser kankan dekdek torom det, ra a ser wan una ramano kum tamon gisen, sur an sio pas det ma an ukadik det.\nO Pol i wasiso talapor una nun a bung na nukpukus\n(Ap 9:1-19; 22:6-16)\n12 \"Una nung ara inawan melet una nung a pinapam ra, a wan utong o Damaskus, nama warkurai anun a kum lamlabino tene etabor torom o God nama nimulaot anundeti. 13 King, una labino suan, ra a wan una kisapi, a tama pas a tarai na talapor tagisapat una langit. I sisio doko tan a talapor ina in nusuan, ma i sisio talilis pas iau tomo nam det ra met wan tomo. 14 Ra met rop met sa puku pirso una piso, a longoro in nalngan ara i wasiso torom iau nama wasiso Ibru lena, 'Sol, Sol, sur asau ra u ser ban laulau iau? Ui ut u um pas ui nama kum ukadik ra u pami un iau.' 15 Ra a tingi lena, 'Labino, osi ui?' Ma i balu iau lena, 'Iau o Iesu, ra u ser ban laulau iau. 16 Un katutur ma un tur. A wanpat torom ui, uni a sa pilok pas ui, sur un pam anung a pinapam ma un wasiso talapor una kum utna ra u sa tama tari un iau, ma una kum utna kai ra an ese i tam. 17 Ais 42:16; Ep 2:2; Kol 1:13Ma an ulaun ui gusun a kabotaro anum, ma gusun a taro kai ra awu sur a taro Juda, ra an tulu ui torom det. 18 Un utamtama det sur det in tupukus gusun a dumirum sur a talapor, ma gusun a dekdekin o Satan sur o God, sur din unus ru anundet a kum sakino petutna. Det in nurnur un iau, ma una nundet a nurnur, det in kis tomo nam det ra o God i sa pilok pas det sur anun a taro.'\nO Pol i wasiso talapor una nun a pinapam\n19 \"King Agripa, ka rosumur gusun a tamtama ra tagisapat una langit. 20 A warawai mugu torom a taro tong o Damaskus, ma numur sapat o Jerusalem ma una kum tamon una papor Judia rop, ra numur torom det kai ra awu sur a taro Juda. A warawai lena, det in nukpukus, ma det in tupukus torom o God, ma det in pam a kum pinapam, sur in ese i lena det sa nukpukus. 21 Iri a kibino ra a taro Juda det pam ukai pas iau ubalan in noworo ina rumu na etabor, ma det nemi sur det in um doko iau. 22 Ikut, tuk uniri, o God i warut iau, ra a tur nin umatam ra a wasiso talapor torom a taro oros kut, ma a kum lamlabino kai. Ka watung tu matok na utna, a wasiso kut una utna ra o Moses ma a kum poropet det sa watung tari ra in nanpat. 23 Lk 24:44-47; 1 Kor 15:20Det sa watung tari lena o Karisito in mat, ma i a mugano musano ra in laun melet gusun a minat, ma in wasiso puaso una talapor torom a taro Juda ma torom a taro gisen kai.\"\n24 Ra kura utmakai i wasiso batbati, o Pestus i kukuk dekdek toromi lena, \"Pol, u sa longlong. Anum a labino etowo i sa ban longlong pas ui.\" 25 O Pol i watungi lena, \"Pestus, ui a labino, ka longlong. Anung a wasiso i lingmulus ma i pitar a kukuraino. 26 A king i tasmani ut a kum utna ri, ra a langolango sur an wasiso uni. Uni a tasmani lena katu utna i parau umatano ma una nun a longlongoro, uni awu sur di pam eno i. 27 A King Agripa, pepetlai, u nurnur una wasiso anun a kum poropet? A tasmani lena u nurnur.\" 28 Ra o Agripa i ting o Pol lena, \"Pepetlai, u nuki lena un tu kukur du bung kut, un pukus pas iau, sur an nanpat a te Karisito?\" 29 O Pol i balu i lena, \"Ra tu nat na du bunglik o tu walos na du bung, an wararing torom o God sur ui. Awu sur sur ui kut, sur mot rop kai ra mot longoro iau uniri, sur mot in nanpat a kum te Karisito elar nam iau, ikut gong di ker mot nama sen.\"\n30 Ra a king i tur, o Pestus ma o Benaisi, ma det kai ra det kis tomo. 31 Det pirso, ra det wasiso etalai lena, \"A musano ri ke pam tu sakino utna ra din um doko i uni, o in karabus uni.\" 32 Ma o Agripa i watungi tan o Pestus lena, \"Ra gunuk a musano ri ken sasaring sur a Sisa in warkurai i, i wakak kut sur din palos ru i.\"","id":"","dump":"CC-MAIN-2019-51","url":"https:\/\/ebible.org\/kqw\/ACT26.htm","date":"2019-12-11T19:37:49Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540532624.3\/warc\/CC-MAIN-20191211184309-20191211212309-00225.warc.gz","language":"kqw","language_score":0.9999893904,"language_script":"Latn","minhash_cluster_size":5,"top_langs":"{\"kqw_Latn_score\": 0.99998939037323}","num_words":1148,"character_repetition_ratio":0.054,"word_repetition_ratio":0.004,"special_characters_ratio":0.272,"stopwords_ratio":0.466,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"14\nO Pol ma o Banabas der kis tong o Aikoniam\n1 O Pol ma o Banabas der ruk una rumu na lotu anun a taro Juda tong o Aikoniam ma der wasiso, elar nama ngasino ra der ser pami una kum tamon. Anunder a wasiso i talapor ra a susut na taro Juda det nurnur uni, ma a susut na taro gisen kai. 2 Ikut a ramano taro Juda ra ka det nem na nurnur, det usungun balan a ramano taro ra awu sur a taro Juda. Det ban laulau a nuknukin det sur det in kankan torom det ra det tar tistisino una nurnur. 3 Mk 16:20; Ibr 2:4O Pol ma o Banabas der kis suano der tiro o Aikoniam. Ka der ngara, der dekdek kut nama wasiso una labino marmaris anun a Labino. Ra a Labino i ulingmulus anunder a wasiso nama dekdek ra i pitari tander sur der in pam a kum utna na ukisin ma a kum ukinalong.\n4 A taro tagun a tamon ra det tapagol, ara taro det tur tomo nama taro Juda ra ka det nurnur, ma ara taro det tur tomo nama aru aposel. 5 Ap 14:19A ramano taro Juda ma ara taro kai ra awu sur a taro Juda tomo nam anundet a kum mugumugu, det epak pas sur det in ban laulau o Pol der, ma det in duku doko der nama watat. 6 Ikut ra der longoro i, der wan gisen utong una papor Likonia, sur aru tamon o Listra ma o Derbe, ma a ramano kum tamon kai ra det kis milau. 7 Ra der warawai nama Wakak na Wasiso torom det tiro iai.\nTong o Listra o Pol ma o Banabas der ulangolango pas ara musano\n8 Tong o Listra, ara musano kura i kis taru, aru kikino der mat. Di usus pasi ut nami, ma ke pet lar pasi sur in nan. 9 I longoro o Pol i wasiso. Ra o Pol i tamtama tokodos toromi, ma i tama i lena, a musano ra, i nurnur sur din ulangolango pasi. 10 Ra o Pol i wasiso toromi namin labino walngano lena, \"Un katutur.\" Ra a musano ra, i katutur lakit mut, ra i wan.\n11 Ap 28:6A susut na taro det tama a utna ri o Pol i sa pam tari, ra det kukukuk nama wasiso Likonia lena, \"Aru god der sa wan pirso elar nama ru mulusino torom dat!\" 12 Ra det nuki lena o Banabas a god Sus, ma o Pol a god Ermes, uni i a tene wasiso tander. 13 A rumu na etabor anun o god Sus kura upiso milau una papor tamon ra. Ra a tene etabor torom o god Sus i ben pat a kum bulumakau utiro una matansako ina tamon, sur det in tuni elar nama etabor torom o Pol der nam o Banabas. Ma i los pasi kai a kum purpur ra di sa suk tari sur det in tabor der nami.\n14 Ap 10:26; Sng 146:6Ikut, ra aru aposel der sa tasman pas asau ra a taro det nem na pami, der dat raros anunder a ramano kum malu, uni ka der gas nama sau ra det pami.* A taro Israel det ser dat raros anundet a kum malu sur det in ese i lena, a utna ra i laulau doko umatandet. Ra der kalabor potor tan a taro, ma der kukukuk lena, 15 \"A taro, sur asau ra mot pam a kum utna ri? Mir aru musano kut, mir elar kut kai lar mot! Mir wanpat kut nama Wakak na Wasiso torom mot, ma mir inanos mot sur mot in tupukus gusun a kum utna oros kut ri ra mot lotu torom det, sur mot in mur a God ra i laun. I ra, i ukis a bakut, a rakrakon bual, a tasi, ma a kum utna rop ubalandetul. 16 Ap 17:30Numugu utmakai, i madek tar a taro tagun a kum gapman rop sur det in laun elar nama nundet a nemnem. 17 Jer 5:24Ikut o God ke dumano mot, i ukis tar a kum utna sur mot in tasmani lena, i ut o God. Una nun a marmaris i tabor mot nama bato tagisapat una bakut, ma a kum duwai det wu una kalangin det ut. I tabor mot nama utna na inangon, ma i ubukus mot nama gasgas.\" 18 Der watung a wasiso ri, ikut a taro det nemi ut sur det in lotu torom der nama etabor ra di tuni. Ra der dekdek nama iturbat, tuk det mana.\n19 Ap 17:13; 2 Kor 11:25Numur a ramano kum te Juda det wanpat tagitong o Antiok ma o Aikoniam, ra det dat pukus pas a nuknukin a susut na taro gusun o Pol der nam o Banabas. Det duku o Pol nama watat, ma det dat pirso ru i gusun a tamon, ra det nuki lena i sa mat. 20 Ikut, ra a taro na ususer det tur talilis pasi, i katutur, ra i ruk melet una tamon. Una bung numur, der wan tomo nam o Banabas utong o Derbe.\nO Pol ma o Banabas der wan utong una ru papor Pisidia ma o Pampilia\n21 O Pol ma o Banabas der warawai nama Wakak na Wasiso tong o Derbe, ra der ususer a susut na taro ra det wanpat a kum nat na ususer. Numur der milet melet utong o Listra, Aikoniam, ma o Antiok. 22 Ap 15:32; 1 Tes 3:3Ra der uragot a taro na ususer tagun a tulu tamon ra, ma der wasiso na warut torom det, sur det in tur dekdek una nurnur anundet. Der watungi lena, \"A susut na utna in monong mugu tar dat, numur dat in ruk una matanitu anun o God.\" 23 Der pilok pas a ramano taro sur det a kum mugumugu anun a taro na lotu, una tulu tamon taktakai. Der wararing ma der wewel, ra der pitar tar det torom a Labino, o naro ra det nurnur uni. 24 Ra der sa wan pas una kum tamon una papor Pisidia, numur der wanpat una papor Pampilia. 25 Ra der sa warawai pas tong o Perga, der wan utong o Atalia.\nO Pol ma o Banabas der milet melet utong o Antiok una papor Siria\n26 Ap 13:1-2Ra der sa pam sot pas anunder a pinapam una kum tamon, der kas una sip tagitong o Atalia utong o Antiok. O Antiok a tamon ra a kum tene nurnur, det pitar tar der una marmaris anun o God, ma det tulu der sur a pinapam ri. 27 Ap 15:4, 12Ra der wanpat, der kabo tomo pas a taro na lotu, ma der inanos det una kum utna rop ra der pam sot pasi nama dekdekin o God. Der inanos det kai lena, o God i sa papos tar a kisapi na nurnur torom a taro ra awu sur a taro Juda. 28 Ra der kis suano i tiro o Antiok torom a taro na ususer.\n*14:14: A taro Israel det ser dat raros anundet a kum malu sur det in ese i lena, a utna ra i laulau doko umatandet.\n14:17: Jer 5:24","id":"","dump":"CC-MAIN-2019-51","url":"https:\/\/ebible.org\/kqw\/ACT14.htm","date":"2019-12-06T03:06:21Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540484477.5\/warc\/CC-MAIN-20191206023204-20191206051204-00352.warc.gz","language":"kqw","language_score":0.999997735,"language_script":"Latn","minhash_cluster_size":5,"top_langs":"{\"kqw_Latn_score\": 0.9999977350234985}","num_words":1149,"character_repetition_ratio":0.063,"word_repetition_ratio":0.026,"special_characters_ratio":0.267,"stopwords_ratio":0.446,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\n1 A kum tistising, ra a wanpat torom mot nama wasiso talapor un o God, ka wasiso nama ngas na wasiso ra a ulabo pas iau nami, ma ka wasiso nama ngas na wasiso ra a kum tene mananos det ser wasiso nami. 2 Ra a kis tomo nam mot, ka nem na nuknuk un tu utna gisen, awu. A nuknuking i kis kut un o Iesu Karisito ma una nun a minat unin nanai kutus. 3 Ap 18:9; 2 Kor 10:1Ra a wanpat torom mot, katu dekdeking, a ngara ma a neneder doko. 4 1 Tes 1:5Ra a wasiso ma a warawai, ka wasiso nama wasiso na mananos anun a taro, ma ka wasiso nama ngas na wasiso ra in dat a nuknukin a taro, awu. A dekdekin a Tokodos na Nion i ulingmulus anung a wasiso, 5 sur anumot a nurnur un o Karisito ken kibino pas una mananos anun a taro, awu, una dekdekin o God ut.\nA Nion o God i pitar a mananos torom dat\n6 Ikut, met wasiso na mananos ut epotor tan a taro ra det tur dekdek una nurnur. A mananos ri, awu sur taginin una rakrakon bual, ma awu sur tan a kum mugumugu taginin upiso, ra anundet a warkurai in rop kut. 7 A mananos ri met wasiso nami, i a mananos anun o God, a wasiso na pidik, ra numugu i kis eno. Una nun a mananos, i waninar tar a kisapi sur in pitar a minamar torom dat. I sa waninar tari numugu utmakai ra ke ukisi utmakai a rakrakon bual. 8 Katu mugumugu taginin una rakrakon bual i tasman a mananos ri. Ra gunuk det sa tasman tari, ka det in sak wat a Labino tagun a minamar unin nanai kutus. 9 Ikut, i elar nama wasiso ra di sa tumus tari una Buk Tabu lenri,\n\"A kum utna ra kataio i tama i,\nma kataio i longoro i,\nma ke wanpat tagun a nuknukin taio,\na kum utna ra, o God i sa waninar tari sur det ra det nem doko i.\" Ais 64:4\n10 Ikut a Nion o God i upuaso a kum utna ri torom met. Uni a Tokodos na Nion i tasman a kum utna rop. Lingmulus, i tasmani ut a kum ninunuk na pidik anun o God. 11 Osi ra i tasman a nuknukin taio? A nion a musano sot kut, ra kura uni, i tasmani. Lenkutkai ra, kataio i tasman a nuknukin o God. A Nion o God sot kut i tasmani. 12 Ma met, ka met rakon a nion taginin una rakrakon bual, awu. O God i tabor met nama Tokodos na Nion, sur met in tasman lele a kum etabor rop ra i tabor oros tar met kut nami. 13 Met wasiso una kum etabor ri, ikut ka met wasiso nama kum wasiso na mananos anun a taro, awu. Met wasiso nama kum wasiso ra a Tokodos na Nion ut i ususer met nami. Met watung palos a kum etowo na nion torom a taro ra a Tokodos na Nion kura un det.\n14 Ikut, osi ra a Tokodos na Nion ke kis uni, ken utur ukai a kum etowo, ra i wanpat gusun a Nion o God. Uni a kum etowo ra, a kum longlong na utna kut toromi. Ma ken tasman lele a kum etowo, uni a Tokodos na Nion ke kis uni sur in utalapori toromi. 15 Osi ra a Tokodos na Nion kura uni, in tasman lele a kum utna rop ra i wakak o ke wakak. Ikut, kataio in pet lar pasi sur in warkurai a musano ra Tokodos na Nion kura uni. 16 Elar nama Buk Tabu i watungi lena,\n\"Osi ra i tasman a nuknukin a Labino, sur in towo pasi?\" Ais 40:13\nIkut dat, a nuknukin o Karisito kuri un dat.","id":"","dump":"CC-MAIN-2019-51","url":"https:\/\/ebible.org\/kqw\/1CO02.htm","date":"2019-12-11T19:38:17Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540532624.3\/warc\/CC-MAIN-20191211184309-20191211212309-00234.warc.gz","language":"kqw","language_score":0.9999803305,"language_script":"Latn","minhash_cluster_size":3,"top_langs":"{\"kqw_Latn_score\": 0.9999803304672241}","num_words":619,"character_repetition_ratio":0.093,"word_repetition_ratio":0.0,"special_characters_ratio":0.261,"stopwords_ratio":0.433,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nNumugu a niondat i mat, ra uniri o God i sa ulaun pas dat un o Karisito\n1 Kol 1:21; 2:13Numugu a niomot i mat, uni mot lakai a warkurai ma mot pam a kum sakino petutna. 2 Kol 3:7; Tai 3:3Mot mur a kum petutna tagun a rakrakon bual, ma mot mur o Satan, a mugumugu anun a matanitu tagun a maino, ra uniri a niono i papam un det ra det pitarngat. 3 Kol 3:6Numugu, dat kai dat laun elar nama taro na pitarngat. Dat kai dat ugasgasi kut a pinindat, ma dat mur a kum nemnem ina pinindat ma a nuknukin dat. Di usus pas dat kai a kum tene sakino ut, ma a kankan anun o God i kis un dat, elar nami ra i kis un det a taro na pitarngat.\n4 Rom 6:13Ikut, o God i bukus nama marmaris! I ulaun pas dat uni i maris doko dat. 5 Ra dat mat una nundat a kum sakino petutna, i ulaun pas dat tomo nam o Karisito. O God i sa ulaun pas mot, kibino kut una nun a marmaris. 6 Kol 2:12O God i ukatutur tomo dat nam o Karisito gusun a minat, ma i ukis dat tomo nami una nun a kinkinis na king sapat netes una langit, uni dat tagun o Karisito Iesu. 7 O God i pami lenra, sur in ese anun a marmaris torom dat un o Karisito Iesu, sur anun a labino marmaris sakit in nanpat talapor torom a kum taun taro numur. 8 O God i maris mot ra i ulaun pas mot ra mot nurnur. Awu sur mot ut mot kibino uni, a etabor kut anun o God torom mot. 9 1 Kor 1:29-31; 2 Tim 1:9Awu sur i ulaun pas mot kibino una kum wakak na pinapam ra mot pami, sako taio in warango pasi ut nami. 10 Tai 2:14Dat a sap na laman o God. Dat tagun o Karisito Iesu, ma o God i ukis dat sur dat in pam a kum wakak na pinapam, ra o God i sa waninar tari sur dat in pami.\nA taro Juda ma det ra awu sur a taro Juda, det takai mukut\n11 Mot in nuk pasi, di usus mot awu sur mot a taro Juda. Ma a taro Juda det ser tok talilis a pinindet, elar nama ukinalong lena det anun o God. A petutna ra det pami nama lamandet. Ma numugu det watung mot lena awu sur mot anun o God, uni ka di tok talilis mot. 12 Kol 1:21; Rom 9:4Mot in nuk pasi lena, numugu ra mot kis gisen utmakai gusun o Karisito, mot awu sur a taro Israel, ma a kum kunubus ra o God i uliliman taru nami, awu sur anumot. Ma una numot a nilaun nin una rakrakon bual ka mot tasman o God, ma katu wakak na utna ra mot in kis langlang suri nama nurnur. 13 Kol 1:20Numugu mot kis bakbak gusun o God, ikut uniri, ra mot tagun o Karisito Iesu, a gapino i sa ben milau pas mot torom o God.\n14 1 Kor 12:13Uniri dat kis na malmal, kibino kut un o Karisito. I sa dat tomo pas met a taro Juda ma mot ra awu sur a taro Juda, sur dat in takai mukut. Numugu ka dat emarom, i elar namin noworo ra i kutus dat, ikut o Karisito i sa rege ru i. 15 Kol 2:14Ra i mat, i urop ru a kum Warkurai anun a taro Juda, sur in dat tomo aru kabotaro, sur ara matok na kabotaro mukut, sur dat rop dat in kis na malmal. 16 Sek 9:10; Kol 1:20, 22Ra o Karisito i mat unin nanai kutus, i dat tomo dat sur dat ara kut, ma i umarom tomo dat rop nam o God, ma i rakon ru a kinkinis na ebar. 17 Ais 57:19I wanpat ma i warawai una malmal torom mot ra mot kis bakbak gusun o God, ma torom met kai a taro Juda ra met kis milau. 18 O Karisito i papos a kisapi anundat rop torom a Tamandat, un ara Tokodos na Nion kut.\n19 Ep 3:6I mo ra, mot awu melet mo sur a kum usiro, awu. Uniri mot takai mukut nama taro anun o God, ma mot a kabotaro mulus anun o God. 20 1 Kor 3:11Mot a rumu anun o God, ra di uturi netes una kum aposel ma a kum poropet. Det a kibin a rumu, ma o Karisito Iesu i a wakak na wat, ra i udekdek a rumu. 21 1 Kor 3:16Una wat ri, a kudulano rumu i tugus tomo, ma i wanpat a rumu na etabor ra katu dur uni, a rumu anun a Labino. 22 1 Pit 2:5Ma mot kai ra tagun o Karisito, o God i dat tomo mot, sur mot in nanpat a rumu ra a Niono i kis uni.\n2:17: Ais 57:19","id":"","dump":"CC-MAIN-2019-51","url":"https:\/\/ebible.org\/kqw\/EPH02.htm","date":"2019-12-11T20:32:28Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540532624.3\/warc\/CC-MAIN-20191211184309-20191211212309-00234.warc.gz","language":"kqw","language_score":0.9999622107,"language_script":"Latn","minhash_cluster_size":5,"top_langs":"{\"kqw_Latn_score\": 0.9999622106552124}","num_words":783,"character_repetition_ratio":0.069,"word_repetition_ratio":0.0,"special_characters_ratio":0.285,"stopwords_ratio":0.475,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"8\n1 Ra o Sol i mulaot sur din um doko o Stiwen.\nO Sol i ban laulau a taro na lotu\nUna bung ra di um doko o Stiwen, a taro det turpasi sur det in ukadik a taro na lotu sapat o Jerusalem, ma a taro na nurnur rop det wan sarara una aru papor Judia ma o Samaria. Ikut, a kum aposel ka det wan, det kis ut. 2\nA kum tene lotu mulus det por tar o Stiwen, ma det domosi. 3\nRa o Sol i ban laulau a taro na lotu. I ruk una nundet a kum rumu, i dat pas a kum musano ma a wardain, ra i uruk tar det una karabus.\nO Pilip i warawai tong una papor Samaria\n4 Ma det ra det wan sarara tagisapat o Jerusalem, det warawai nama Wakak na Wasiso una kum tamon ra det wan iai. 5 O Pilip i wan utiro una labino tamon tong una papor Samaria, ma i warawai un o Karisito torom det. 6 A kunur na taro det longoro a wasiso anun o Pilip, ma det tama a kum utna na ukisin ra i pami, ra det nem doko i sur det in longoro a kum wasiso ra i watungi. 7 I lakro ru a kum laulau na nion gusun a susut, ma a kum laulau na nion, ra det pirso, det kukukuk dekdek. Ma i ulangolango pas a susut ra a pinpinin det i mat, ma det kai, ra ka det wan lar pas. 8 Ma a taro tagun a tamon ra, det gas doko.\nO Saimon a tene sangsagor\n9 Ara musano tagitiro iai, a risano o Saimon. I ser sangsagor una susut na kilalo, ra a taro Samaria det ser kisin una kum utna ra i ser pami. Ma i warango pasi ut umatan a taro. 10 A taro rop, a kum lamlabino ma a taro oros kut, det rop det ru i, ma det watungi uni lena, \"A musano ri i utur ukai a dekdekin o God, a dekdek ra di watungi nama Labino Dekdek.\" 11 Ra det ser longoro wakaki, uni tagun numugu utmakai, i ser ukisin det nama anun a kum sangsagor.\n12 Ikut uniri, a kum musano ma a wardain det nurnur una Wakak na Wasiso ra o Pilip i warawai nami, una matanitu anun o God, ma una risan o Iesu Karisito, ma di baptaiso det. 13 O Saimon utkai i nurnur, ma di baptaiso tari. I mur likliki mukut o Pilip, ra i tama a kum ukinalong ma a kum utna na ukisin ra o Pilip i pami, ra i kisin doko uni.\n14\nA kum aposel ra det kis sapat o Jerusalem, det longoro i lena a taro Samaria kai det sa mur a wasiso anun o God, ra det tulu ru o Pita ma o Jon torom det. 15\nRa der wanpat, der wararing un det sur det in los a Tokodos na Nion, 16\nuni ke kis utmakai un taio tagun det. Di baptaiso tar det kut nama risan a Labino o Iesu. 17\nNumur o Pita ma o Jon der ubek a lamander sapat netes un det, ra det losi maragom a Tokodos na Nion.\n18 O Saimon i tama i ra aru aposel der ubek a lamander sapat netes una taro ma di tabor det nama Tokodos na Nion. Ra i los a mani torom der, 19 ma i watungi lena, \"Mur in pitar a dekdek ra tang, sur iau kai an ubek a lamang sapat netes un taio sur in los a Tokodos na Nion.\" 20 Ra o Pita i balu i lena, \"Ui tomo nam anum a mani mur in iru, uni u nuki lena un kul a etabor anun o God nama mani. 21 Katu tinibo ma katu utna anum kuri nin una utna ri, uni ke tokodos in balam umatan o God. 22 Un nukpukus gusun anum a sakino petutna ri, ma un wararing torom a Labino. Kutiro in unus ru a sakino nuknukim, 23 uni a tama ui lena in balam i bukus nama sakino nuknuk, ma a sakino petutna i ker ukai ui.\" 24 Ra o Saimon i balu i lena, \"Mur in wararing torom a Labino un iau, sur gong tu utna tagun a kum utna ra mur watung tari, in nanpat un iau.\"\n25 Ra o Pita ma o Jon der sa wasiso talapor taru una kum utna ra a Labino i pami, ma der sa warawai taru kai nam anun a wasiso, der milet melet usapat o Jerusalem. Ma una nunder a inawan, der warawai nanan nama Wakak na Wasiso una susut na tamon una papor Samaria.\nO Pilip i etorom ara musano a te Itiopia\n26 A ensel anun a Labino i watungi tan o Pilip lena, \"Un katutur, ma un nan utong una matmatano tobar sur a kisapi tagisapat o Jerusalem utong o Gasa. A kisapi ra, i wan una nubual kalako taro uni.\" 27 Ra o Pilip i katutur pas, ma i wan. Ra der etorom nam ara musano tagitong o Itiopia, a labino tene tamtamabat a ututna anun a Kandake, a kwin anun a taro Itiopia. A musano ri i wan usapat o Jerusalem ra i lotu torom o God. 28 Numur i milet melet sur anun a tamon. Una nun a inawan, i kis taru una karis, ma i luk nanan a buk anun a poropet Aisaia. 29 Ra a Tokodos na Nion i watungi tan o Pilip lena, \"Un nan milau a karis, ma un nan tomo nami.\" 30 Ra o Pilip i kalabor sur a karis, ra i longoro a musano ra i luk a buk anun a poropet Aisaia, ma i tingi lena, \"Le, u talapor ut un asau ra u luki?\" 31 Ra i balu i lena, \"An tasman petlani, ra kataio in watung palosi torom iau?\" Ra i saring o Pilip sur in kas ma der in kis tomo.\n32 Iri a kum wasiso na Buk Tabu ra i luki:\n\"Di beni elar nama sipsip,\nsur din um doko i.\nKe wasiso,\nelar nama sipsip ra i tur wowowon torom o naro ra i kumuri.\n33 Di ban umaimai tari,\nma ka di warkurai i nama tokodosino.\nOsi ra in wasiso una nun a kum nat?\nKatu nutunu,\nuni i rop anun a nilaun taginin una rakrakon bual.\" Ais 53:7-8\n34 Ra a te Itiopia i watungi tan o Pilip lena, \"Un inanos iau, a poropet i watung a wasiso ri un osi? Uni ut, o un taio gisen?\" 35 Ra o Pilip i turpas a papalos toromi. I inanosi una Wakak na Wasiso un o Iesu, turpasi ut una buk ra a te Itiopia i luki.\n36-37\nRa der wan nanan una kisapi, der wan taru un ara danim, ra a te Itiopia i watungi tan o Pilip lena, \"Tama i, iri a danim, asau melet mo i turbat iau sur gong di baptaiso iau?\"* 38\nRa i turbat a karis sur in tur. Numur der wan pirso sur a danim, ra o Pilip i baptaiso i. 39\nRa der saur gusun a danim, uniutra a Nion a Labino i los ru o Pilip. Ra a te Itiopia ke tama meleti mo. Ikut a te Itiopia i wan melet una nun a inawan nama labino gasgas una nun a nilaun. 40\nO Pilip i tama i lena, kurong mi una tamon Asdot. I wan tagitiro iai, ra i warawai nanan nama Wakak na Wasiso una kum tamon tuk tong o Sisaria.","id":"","dump":"CC-MAIN-2019-51","url":"https:\/\/ebible.org\/kqw\/ACT08.htm","date":"2019-12-11T20:45:04Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540532624.3\/warc\/CC-MAIN-20191211184309-20191211212309-00405.warc.gz","language":"kqw","language_score":0.9999853373,"language_script":"Latn","minhash_cluster_size":5,"top_langs":"{\"kqw_Latn_score\": 0.9999853372573853}","num_words":1213,"character_repetition_ratio":0.059,"word_repetition_ratio":0.002,"special_characters_ratio":0.264,"stopwords_ratio":0.472,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"21\nA matok na langit ma a matok na rakrakon bual\n1\nNumur a tama a matok na langit ma a matok na rakrakon bual, uni a mugano langit ma a mugano rakrakon bual der sa rorom, ma kalako tasi mo. 2\nMa a tama a matok na Jerusalem, a tamon anun o God, i wan pirso tagisapat una langit tan o God. Di sa waninar tari elar nami ra di sa mar wakak tar a toraro na ino sur anun a musano, sur der in nolin. 3\nMa a longoro in labino walngan ara tagisapat una kiskis na king i watungi lena, \"Tama i, a tamon anun o God i sa kis torom a taro, ma i ut in kis tomo nam det. Ma det anun a taro, o God in kis tomo nam det, ma i ut a God anundet. 4\nMa in wus ru a lurlur na matandet rop. Katu minat melet mo, kalako tupunuk, kalako tinangis ma kalako ngunungut mo, uni a kum utna tagun numugu det sa rorom.\"\n5\nMa o naro ra i kis una kiskis na king i watungi lena, \"Tama i, uniri a umatok a kum utna rop!\" Ma i watungi kai lena, \"Un tumus ukai a kum wasiso ri, uni a kum wasiso ri det lingmulus ma i topasi sur din nurnur uni.\" 6\nMa i watungi tang lena, \"I sa rop! Iau a Alpa ma a Omega, a turturkibino ma a ururopino. Osi ra i muruk an inumi nama danim tagun a matmatano danim, a danim na nilaun, ra ken kuli. 7\nOsi ra i winim pas a inaim, in rakon pas a kum utna rop ri, ma iau an God anunu, ma i o nutunglik.\n8\n\"A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.\"\nA matok na Jerusalem\n9\nAra tagun a wonom mawit na ensel, ra det pam a wonom mawit na dis ra i bukus nama wonom mawit na ururop na ukadik, i wanpat ma i watungi tang lena, \"Wan urin, an ese tar ui una matok na nolin, a ino anun a Barman na Sipsip.\" 10\nA bukus nama Tokodos na Nion, ma a ensel ra, i los tito pas iau usapat una labino tangai ra i tur sakit usapat netes. Ma i ese tar iau un o Jerusalem, a tamon anun o God, i wan pirso tagisapat una langit tan o God. 11\nI talapor nama minamarin o God, a talaporino i pilpil elar nama wat ra matano i ka doko, di watungi nama jaspa, i talapor elar nama galas. 12\nIn labino woro ino i tur sakit usapat netes, ma a noino ma aru matansako ino, ma a noino ma aru ensel det tur nisan a noino ma aru matansako. Ma una kum matansako ra, di sa tumus tar a kum risan a noino ma aru kabotaro Israel. 13\nA tulu matansako detul tamtama sur a nubual ra in matanas i wanpat iai, a tul una matmatano lubur, a tul una matmatano tobar, ma a tul detul tamtama sur a nubual ra in matanas i sup iai. 14\nIn kibin noworo ina tamon ra, di pami nama noino ma aru wat. Ma una kum watat ra, di sa tumus tar a risan a noino ma aru aposel anun a Barman na Sipsip.\n15\nMa ara ensel ra mir wasiso, i pam pas in nanai ra di pami nama gol, ra di ser mak a kum utna nami, sur in mak a tamon Jerusalem nami, ma in maki kai a kum matansako ino, ma in noworo ino. 16\nA tamon ra, a wat na paporino, det elar rop kut. A walosino ma a perere ino der elar kut. Ra i mak a tamon nama nun in nanai, i elar nam a noino ma aru arip na stadia*\na walosino, a perere ino ma a lekeleke ino, detul elar rop kut. 17\nA ensel i mak a but ina in noworo, i elar nama ara mar ma a wat na noino ma wat na kubit†\n. I maki nama mak ra a taro det ser mak nami.\n18\nIn noworo di pami nama jaspa, a wat ra i bulu ma i grin, ma a tamon di pami nama gol rop kut, ra i talapor doko elar nama galas. 19\nMa a kum kibin a kum papor woro ina tamon ra, di mar det nama kum ngas na watat rop ra matandet i ka doko. A mugano di pami nama jaspa, a manru nami a sapaia, a bulu na wat, a mantul nami a aget, a grin na wat, ma a manwat nami a emeral, a grin na wat, 20\na manlimo nami a sadonik, a wat i kabang ma i merek, a wonom nami a konilian, a merek na wat, a wonom mawit a krisolit, a lupu na wat, a tiwal nami a beril, a grin na wat, a lisu nami a topas, a lupu na wat, a noino nami a krisopras, a grin na wat, a noino ma ara nami a jakin, a bulu na wat, ma a noino ma aru nami a ametis, a merek na wat. 21\nA noino ma aru matansako, det ra, a noino ma aru wat tagitiro ubalan a kabokabol, ra a matandet i ka. Ara matansako ara wat. A kisapi ina tamon, di pami nama gol rop kut, i tamtama talapor elar nama galas.\n22\nKa tama tu rumu na etabor una tamon ra, uni a Labino o God, i ra i dekdek sakit, ma a Barman na Sipsip, der ut ra a rumu na etabor una tamon ra. 23\nA tamon ra ke sibo sur in matanas ma a kalang sur der in utalapori, uni a minamarin o God ut i utalapori, ma a Barman na Sipsip i ut ra a lam taguni. 24\nA taro tagun a kum gapman rop det in nanan una talaporino, ma a kum king anun a rakrakon bual det in los ruk anundet a kum minamar usapat uni. 25\nKatu bung melet mo ra a kum matansako det in tagar, uni ken mirum melet mo. 26\nA taro tagun a kum gapman rop det in los ruk anundet a kum utna na ululeng, ma anundet a kum minamar usapat uni. 27\nKatu dur na utna melet mo in ruk usapat uni, ma kataio ra i ser pam a kum utna na maimai, ma kataio kai ra i ser toro. Det ra di sa tumus tar a risandet una buk na nilaun anun a Barman na Sipsip, det kut det in ruk.","id":"","dump":"CC-MAIN-2019-51","url":"https:\/\/ebible.org\/kqw\/REV21.htm","date":"2019-12-06T03:29:08Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540484477.5\/warc\/CC-MAIN-20191206023204-20191206051204-00397.warc.gz","language":"kqw","language_score":0.9999188185,"language_script":"Latn","minhash_cluster_size":4,"top_langs":"{\"kqw_Latn_score\": 0.9999188184738159}","num_words":1124,"character_repetition_ratio":0.068,"word_repetition_ratio":0.013,"special_characters_ratio":0.264,"stopwords_ratio":0.45,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"10\nA noino ma aru nat na ususer anun o Iesu\n(Mk 3:13-19; Lk 6:12-16)\n1\nO Iesu i kabo pas anun a noino ma aru nat na ususer ra i pitar a dekdek tandet sur det in lakro ru a kum laulau na nion, ma sur det in ulangolango pas a taro gusun a wur ngas na misait rop.\n2\nIri a kum risan a noino ma aru aposel: A mugano, o Saimon ara risano kai o Pita, dersino nam o Endru, o Jems ma o Jon dersino, aru nutnutun o Sebedi, 3\no Pilip, o Batolomiu, o Tomas, o Matiu a tene los takis, o Jems a nutun o Alpius, ma o Tadius, 4\nma o Saimon ara tagun a kum Silot,*\nma o Judas Iskariot, i ra i usobor tar o Iesu.\nO Iesu i tulu ru a noino ma aru nat na ususer\n(Mk 6:7-13; Lk 9:1-6)\n5\nO Iesu i tulu ru a noino ma aru nat na ususer, ra i watungi tandet lena, \"Gong mot wan torom a taro ra awu sur a taro Israel, ma gong mot wan una kum tamon anun a kum te Samaria. 6\nMot in nan kut torom a taro Israel, ra det raro elar nama kum sipsip. 7\nRa mot nan, mot in warawai nanan lenri, 'A matanitu tagisapat una langit i sa milau.' 8\nMot in ulangolango pas a kum misait, ma mot in ulaun pas a kum minat, mot in ulangolango pas a kum lepra, ma mot in lakro ru a kum laulau na nion. Di tabor oros mot kut, lenkai ra, mot in etabor oros kut. 9\nGong mot silapo tu mani una numot a kum malu. 10\nGong mot los tu rat una numot a inawan, gong tin namalu na kelkeles, gong tu su, ma gong tin nubuku. Uni i tokodos sur din tabor a tene pinapam nama ana utna.\n11\n\"Ra mot in nanpat una kum lamlabino tamon, ma a kum natnat na tamon, mot in sisio sur taio ra i wakak, ma mot in kis nisano tuk una bung ra mot in nan gusun a tamon ra. 12\nRa mot in nanpat tiro un tu rumu, mot in wasiso na ugasgas pas det. 13\nRa a taro tagun a rumu ra det in gas pas mot, mot in ruk ma mot in watungi lena, 'A malmal in kis torom mot.' Ikut, ra ka det in gas pas mot, anumot a malmal, mot in los melet pasi. 14\nRa taio ken gas pas mot, ma ken longoro anumot a wasiso, ra mot in nan gusun anun a rumu, o a tamon ra, mot in tang ru a kubus gusun a kikimot.† 15\nA inanos mot nama lingmulus, una bung na warkurai, a warkurai torom a tamon ra, in laulau doko taun a warkurai torom a taro Sodom ma o Gomora.\nA kum ngas na ngunungut ra in nanpat\n(Mk 13:9-13; Lk 21:12-17)\n16\n\"Tama i, a tulu ru mot elar nama kum sipsip epotor tan a kum ngalngalia na pap. I mo ra mot in mananos wakak elar nama kum sui, sur gong taio i ben raro mot, ma mot in tokodos elar nama kum tabun, sur gong taio i takun mot. 17\nMot in tumarong mot, uni a taro det in pitar mot ulaman a kum tene warkurai, ma det in miras mot una nundet a kum rumu na lotu. 18\nMa din dat pas mot sur a warkurai sa numugu umatan a kum lamlabino mugumugu ma a kum king, uni mot anungi. Mot in wasiso talapor un iau torom det ma torom a taro ra awu sur a taro Juda. 19\nRa din dat pas mot, gong mot nuknuk bing sur asau ra mot in watungi, ma mot in wasiso pepetlai, uni una du bung ut ra, o God in unuk tar mot nama wasiso ra mot in watungi. 20\nAwu sur mot ra mot in wasiso, a Nion a Tamamot ut in unuk tar mot nama sau ra mot in watungi.\n21\n\"Taio in mulaot ru tu tisino sur din um doko i, ma tu musano in mulaot ru tu nutunu sur din um doko i. Ma a kum nat det in tur na inaim torom a tamandet ma a nandet ma det in mulaot ru a tamandet ma a nandet sur din um doko der. 22\nMa a taro rop det in nget mot uni mot anungi, ikut osi ra in tur dekdek tuk anun a nilaun in rop, o God in ulauni. 23\nRa det in ban laulau mot un tu tamon, mot in kalabor utiro un tu tamon gisen. A inanos mot nama lingmulus, ra ka mot in nan rop utmakai utiro una kum tamon nin o Israel, a Nutun a Musano in nanpat.\n24\n\"A nat na ususer ke labo taun anun a tene ususer, ma a tultul kai, ke labo taun anun a labino. 25\nI topasi sur a nat na ususer in elar kut nam anun a tene ususer ma a tultul in elar nam anun a labino. Ra di sa watung iau nam o Belsebul,‡\nmot kai ra mot kis tomo nam iau, din watung mot nama kum rising i sakino taun a rising ri.\nMot in ngara sur o God kut\n(Lk 12:2-7)\n26\n\"Gong mot ngaran a taro. A kum utna rop ra di rakup bat tari, numur in kis talapor, ma a kum utna rop ra i kis eno, numur in nanpat puaso. 27\nA wasiso ra a inanos mot nami una dumirum, mot in inanos nami una waspi, ma a wasiso ra di wasisik kut nami torom mot, mot in tur sapat netes una rumu, ma mot in watung puaso i. 28\nGong mot ngaran det ra det um doko i kut a pinindi, ikut ka det in um doko lar pas a niondi. Mot in ngara sur o naro ra in pet lar pasi sur in ban laulau a pinindi ma a niondi kai una labino sungun. 29\nDi ser kul arin nipiko liklik nama nat na mani kut, niko? Ikut ka tinolik tagun der in iru, ra a Tamamot ke mulaot uni. 30\nI lingmulus sakit, o God i sa luk rop tar a kum tekteken iwu na lorimot, ma i sa tasman tari. 31\nI mo ra gong mot ngara, uni mot labo sakit umatan o God, taun a susut na piko.\nOsi ra i watung puaso o Iesu ma osi ra i ipul ru i\n(Lk 12:8-9)\n32\n\"Osi ra in watung puaso i umatan a taro lena, i tagun iau, iau kai an watung puaso i umatan o Tita ra i kis sapat una langit lena, i tagun iau. 33\nIkut osi ra in ipul ru iau umatan a taro, iau kai an ipul ru i umatan o Tita, ra i kis sapat una langit.\nO Iesu ke wanpat sur in pitar a malmal\n(Lk 12:51-53; 14:26-27)\n34 \"Gong mot nuki lena a wanpat sur an pitar a malmal una rakrakon bual. Awu, ka wanpat sur an pitar a malmal, a wanpat namin totok na inaim. 35 A wanpat sur a taro det in kis na inaim, kibino un iau.\n'A nat musano in nget o tamano,\nma a nat na ino in nget o nano,\nma a nolin na ino in nget o tubunu.\n36 Det tamano det in ebar etetalai tomo nam det.' Mai 7:6\n37\n\"Osi ra i nem doko o tamano ma o nano, ikut anun a marmaris torom iau ke labo, ke topasi sur i anung a nat na ususer. In wakak ra anun a marmaris torom iau in labo taun anun a marmaris torom o tamano ma o nano. Ma osi ra i nem doko o nutunulik, a nat na musano o a ino, ikut anun a marmaris torom iau ke labo, ke topasi sur i anung a nat na ususer. In wakak ra anun a marmaris torom iau in labo taun anun a marmaris torom o nutunulik. 38\nOsi ra ke rakon pas anun in nanai kutus sur in mur iau, ke topasi sur i anung a nat na ususer. 39\nOsi ra i maris bat anun a nilaun, in iru, ma osi ra ke maris bat anun a nilaun uni i tagun iau, in laun.\nOsi ra in gas pas tu nat na ususer anun o Iesu in los a ikul\n(Mk 9:41)\n40\n\"Osi ra in gas pas mot, i gas pas iau utkai, ma osi ra i gas pas iau, i gas pasi utkai o naro ra i tulu ru iau urin. 41\nOsi ra in gas pas a poropet uni i tasmani lena, i a poropet, in losi utkai a ngas na ikul elar nama poropet in losi. Ma osi ra in gas pas a tene tokodos, uni i tasmani lena, i a tene tokodos, in losi utkai a ngas na ikul elar nama tene tokodos in losi. 42\nOsi ra in tabor anung tu nat na ususer, ra ke sot umatan a taro, nam lakalik kotokoto na danim, uni i tasmani lena, i anung a nat na ususer, a inanos mot nama lingmulus, i kai in losi ut anun a ikul.\"","id":"","dump":"CC-MAIN-2020-05","url":"https:\/\/ebible.org\/kqw\/MAT10.htm","date":"2020-01-29T17:36:57Z","file_path":"s3:\/\/commoncrawl\/crawl-data\/CC-MAIN-2020-05\/segments\/1579251801423.98\/warc\/CC-MAIN-20200129164403-20200129193403-00058.warc.gz","language":"kqw","language_score":1.0000016689,"language_script":"Latn","minhash_cluster_size":5,"top_langs":"{\"kqw_Latn_score\": 1.0000016689300537}","num_words":1474,"character_repetition_ratio":0.062,"word_repetition_ratio":0.038,"special_characters_ratio":0.277,"stopwords_ratio":0.493,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"15\nO Iesu ut in nanai na wain\n1 O Iesu i watungi lena, \"Iau ut in nanai na wain mulus, ma o Tita i a tene tamtamabat tagun a kinobot na wain. 2 Mt 3:10I ser tau ru a kum kanokano rop nin un iau ra ka det ser wu, ma i ser burup det ra det ser wu, sur det in wu a susut na wino. 3 Mot sa talapor, kibino una wasiso ra a sa watung tari tamot. 4 Mot in laun un iau, ma iau an laun un mot. Ka mot in wu ra ka mot laun un iau, elar nama kano wain ken wu oros ra ken patop unin nanai ino.\n5 \"Iau ut in nanai na wain, ma mot a kum kanokano. Osi ra i laun un iau, ma iau a laun uni, in wu a susut na wino. Ikut ra mot laun gisen gusun iau, ka mot in pam lar pas tu utna. 6 Mt 7:19; 13:42Ra taio ken laun un iau, i elar nama kano duwai, ra di woro ru i ra numur in marang. Din ubek tomo det, ma din woro det una sungun, sur det in nangon rop tiro iai. 7 Ra mot in laun un iau, ma anung a wasiso in laun un mot, mot in saring iau sur tu utna ra mot nemi, ra din pitari ut torom mot.\n8 Mt 5:16\"Ra mot in wu a susut na wimot, o Tita in los a minamar, ma a wimot in ese i lena mot anung a kum nat na ususer mulus. 9 O Tita i nem iau, lenkutkai ra a nem mot. Mot in laun una nung a marmaris. 10 Jn 14:15; 1 Jon 2:5Ra mot in mur anung a kum warkurai, mot in laun una nung a marmaris, elar nam iau, a mur a kum warkurai anun o Tita, ra a laun una nun a marmaris.\n11 \"A watung a kum wasiso ri tamot, sur anung a gasgas in kis un mot, ma anumot a gasgas in bukus una numot a nilaun. 12 Jn 13:34Iri anung a warkurai torom mot lena, mot in nem etetalai mot, elar nami ra a nem mot. 13 Jn 10:11; 1 Jon 3:16Ra taio in pitar ru anun a nilaun sur in mat sur a kum paspasano, anun a marmaris i labo sakit. Katu marmaris anun taio i elar nami. 14 Mt 12:50Ra mot in mur anung a kum warkurai, mot a kum paspasang. 15 Kan watung mot melet mo lena a kum tultul, uni a tultul ke tasman a utna ra anun a labino i pami. Ikut a watung mot lena a kum paspasang, uni a sa watung rop tar a kum wasiso tamot ra a longoro i tan o Tita. 16 Awu sur mot pilok pas iau, iau ut a pilok pas mot. Ra a pitar a pinapam tamot sur mot in nan ma mot in wu a wimot, ma a wimot in kis tukum. Ma o Tita in tabor mot nama sau ra mot sasaring suri nama risang. 17 Jn 13:34Mot in nem etetalai mot. Iri anung a warkurai torom mot.\nA taro tagun a rakrakon bual det in nget mot\n18 \"Ra a taro tagun a rakrakon bual det in nget mot, mot in nuk pasi lena det sa nget mugu tar iau. 19 Jn 17:14Ra mot anun a rakrakon bual, a rakrakon bual in nem mot elar nam mot anunu. Ikut mot awu sur anun a rakrakon bual, a sa pilok pas mot gusuni. Iri a kibino ra i nget mot. 20 Jn 13:16Mot in nuk pas a wasiso ra a sa watung tari tamot lena, 'A tultul ke labo taun anun a labino.' Ra det ban laulau iau, det in ban laulau mot kai. Ra det mur anung a wasiso, det in muri kai anumot a wasiso. 21 Det in ban laulau mot kibino una risang, uni ka det tasman o naro ra i tulu ru iau urin.\n22 \"Ra gunuk kan nanpat ma kan wasiso torom det, ka din takun det una nundet a kum sakino petutna, ma det in langolango ut. Ikut uniri, katu wasiso anundet sur det in wasiso bat det nami gusun anundet a sakino petutna. 23 Lk 10:16Osi ra i nget iau, i ngeti utkai o Tita. 24 A sa pam tar a kum utna na ukisin ra kataio in pam lar pasi. Ra gunuk kan pam tar a kum utna na ukisin ra nisandet, ka din takun det una nundet a kum sakino petutna, ma det in langolango ut. Ma iri, det sa tama tar a kum utna na ukisin ra a sa pam tari, ikut det nget mir rop nam o Tita. 25 Sng 69:4Di pami lenri, sur din pam sot pas a wasiso ra di sa tumus tari una Buk na Warkurai lena, 'Det nget iau, ma katu kibino.' Sng 35:19\n26 Jn 14:26\"An tulu ru a Tene Warut torom mot tagisapat tan o Tita, i a Tokodos na Nion ra in upuaso a lingmulus. Ra in nanpat in wasiso puaso un iau. 27 Ma mot kai mot in wasiso puaso un iau, uni mot kis tomo nam iau turpasi una turturkibin ina nung a pinapam tuk uniri.\n15:25: Sng 69:4","id":"","dump":"CC-MAIN-2020-05","url":"https:\/\/ebible.org\/kqw\/JHN15.htm","date":"2020-01-29T18:29:16Z","file_path":"s3:\/\/commoncrawl\/crawl-data\/CC-MAIN-2020-05\/segments\/1579251801423.98\/warc\/CC-MAIN-20200129164403-20200129193403-00223.warc.gz","language":"kqw","language_score":1.0000041723,"language_script":"Latn","minhash_cluster_size":6,"top_langs":"{\"kqw_Latn_score\": 1.0000041723251343}","num_words":836,"character_repetition_ratio":0.055,"word_repetition_ratio":0.017,"special_characters_ratio":0.288,"stopwords_ratio":0.476,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"27\nO Pol i kas una sip utong o Rom\n1 Ra di sa warkurai tari sur met* O Luk i tumus a du wasiso \"met\", uni i wan tomo nam o Pol. in kas una sip utong o Itali, di pitar tar o Pol, ma a ramano kum karabus kai, tan ara mugumugu a risano o Julias, ara tagun a taro na inaim anun a Sisa. 2 Ap 19:29Met kas una ara sip tagisa o Adramitiam, ra in nan sur in sot nanan una kum tamon nago korot una papor Asia. Ra met kas, a sip i wan. Met wan tomo nam o Aristakus tagitong o Tesalonaika una papor Masedonia.\n3 Una bung numur, met sot pas tiro o Saidon. O Julias i maris o Pol, ra i mulaot ru i sur in nan pas torom a kum paspasano, sur det in tabori nama sau ra i sibo suri. 4 Tagitiro iai, a sip i wan melet, ra met kalabor rait una ailan Saipras, uni a wuwu i um met tagisa numugu. 5 Numur, met wan kutus sa utasi pi tan aru papor Silisia ma o Pampilia, ra met sot tong o Maira, una papor Lisia. 6 Tiro iai, ara sip tagitong o Aleksanderia, in nan utong o Itali. O Julias i sio pasi ra i ukas tar met uni. 7 A susut na bung met kalabor wowowon kut, uni i dekdek doko a inawan utong o Nidas. Met kalabor rait una ailan Krit milau o Salmoni, uni a wuwu i dekdek, ra ka met pet lar pasi sur met in kalabor tokodos. 8 I dekdek utmakai anumet a inawan, ra met kalabor rararot murmur a usalin, ra met wanpat un ara nubual, a risano A Wakak na Mulmulukun, i milau a tamon Lasia.\n9 Met sa kis ru a susut na bung, ra uniri a inawan sa utasi i sa laulau doko, uni a Bung na Winewel i sa rop ma i sa milau a kum kalang na wuwu.† A kum kalang numur tan a Bung na Winewel i ser wuwu tong. Ra o Pol i utumarong det lena, 10 \"A taro, gong dat wan taru. A tama i lena, ra dat in nan kut, a sip in iru tomo nama kum utna, ma dat kai dat in iru.\" 11 Ikut o Julias ke longoro pas a wasiso anun o Pol, ra i muri kut a wasiso anun a kiapten ma o naro ra anun a sip. 12 A mulmulukun ra, awu sur i wakak sur det in kis ru a kum kalang na wuwu tiro iai. Ra a susut tagun det, det nuki lena, i wakak sur det in kalabor utong o Poniks, sur det in kis langlang ru a wuwu tiro iai. O Poniks, a wakak na mulmulukun sur din bakit uni. I tamtama sur a nubual ra in matanas i ser sup iai.\nA labino wuwu i wanpat\n13 A wakak na du wuwu tagun a papor tobar i wanpat, ra det nuki lena a inawan anundet in wakak kut. Det dat pas a ega, ra det rarot nanan murmur a usalin una ailan Krit. 14 Ke suano i kut, a labino dekdek na wuwu i wanpat, di watungi nama Kabokup. I waim pirso tagisa una ailan ra. 15 A wuwu i tan kis una sip, ra ke pet lar pasi sur in nan. Ra met pukus ru a sip sur in muri mukut a wuwu. 16 Ra met kalabor rait una ara ailan lik, a risano o Kauda, i dekdek doko torom met sur met in dat toto a digi. 17 Ikut det dekdek ut ra det dat toto pasi usapat netes. Ma det rau dekdek a sip nama kum rop. Det ngara sako det in nan taru una mamaso na woio in o Sirtis milau o Afrika, ra det dat pirso ru a sel, ma a sip i salir oros mukut, ra a wuwu i wup nanan det. 18 Una bung numur, a sip milau in terege tan a labino wuwu, ra det turpasi sur det in woro losop ru a kum utna. 19 Ra i tulu bung bat met, a kum boskuru det woro losop a kum utna na sip. 20 Ma a susut na bung, in matanas ma a kum nangnang ka det sisio, ma a dekdek na wuwu ke mana lar pas, ka met nuki melet mo lena met in laun.\n21 A susut na bung ka det wangon. Numur o Pol i tur umatandet ma i watungi tandet lena, \"A taro! Ra gunuk mot in longoro pas iau, ma gong dat wan taru tagitong o Krit, katu utna lenri in monong dat, ra a sip tomo nama ututna ken laulau. 22 Ikut uniri, a watungi tamot lena, gong mot ngara, uni katutaio tagun mot in iru, a sip kut in iru. 23 Ap 23:11Iau anun o God, ma a ser muri. Nanganong mirum, ara ensel anunu i wanpat torom iau. 24 I watungi tang lena, 'Pol, gong u ngara, un tur ut una warkurai umatan a Sisa. Ma det kai ra mot tomo una sip, o God i sa pitar tar det tam, sur mot in laun rop.' 25 A taro, gong mot ngara, uni a nurnur un o God lena a kum utna in nanpat elar ut nami ra i sa inanos tar iau nami. 26 Ap 28:1Ikut a sip in kis ut un tu mamaso na woio milau un tu ailan.\"\n27 Una noino ma a wat na mirum nami, a wuwu i wup nanan met utmakai una du tasi, di watungi nama Tasi Adriatik. Una labino mirum, a kum boskuru det nuki lena met sa salir milau tu nubual. 28 Ra det lar a lamano ina tasi, ra i ru noino sinanga. Numur lilik, det lar meleti, ra i noino ma aru sinanga mukut. 29 Ra det ngara sako met in salir taru un tu lur na mat, ra det woro losop ru a wat na ega nago numur na sip, ma det wararing sur in waspi lakit. 30 A kum boskuru det nem na kalabor eno gusun a sip nama digi. Det palos pirso pasi utiro utasi, ra det toro lena det in ubek lako kum ega sa numugu una sip. 31 O Pol i watungi tan o Julias tomo nama nun a taro na inaim lena, \"Ra det ri det sa kalabor eno pas gusun a sip, ka mot in laun.\" 32 Ra a kum tene inaim det tau kutus ru a kum rop gusun a digi, ra i salir gisen mut.\n33 Ra a lar i dati, o Pol i watungi tandet rop lena, \"Mot in nangon, uni uniri i sa noino ma a wat na bung ra mot sa kis nama nginara, ma ka mot wan tu utna. 34 Ra a saring pas mot sur mot in nangon, sur mot in laun. Ma katutaio tagun mot in los tu iniru.\" 35 Ra o Pol i sa watung tari lenri, i los pas a beret, i watung wakak pas uni torom o God umatandet rop, i tibiki, ra i wangon. 36 Ra det tama i, det rop det taramo a gasgas, ma det kai det wangon. 37 Met rop una sip, met elar nama ru mar ma a wonom mawit na noino ma wonom met. 38 Ra det sa masur, det woro losop ru a kum bek na wit utiro utasi, sur a sip in walowalo.\nA sip i iru ma a taro det laun\n39 Ra i sa waspi, det sa tama a bual, ikut ka det tama lele i. Det tama pas ara mulmulukun lik, nago una usalin na woio, ra det nuki lena i wakak ra det in lari sur det in ukalabor mamaso a sip tiro unin nowoio. 40 Numur det tau kutus ru a kum rop na ega, ma det wan gusun a kum ega sa utasi, ma det palos ru i kai a kum rop gusun aru woso na stia, ma det dat palos a mugano sel sa numugu una sip sur a wuwu in wup pirso det unago una usalin. 41 Ikut a sip i kis mut una mamaso na woio. A masarin a sip i kis netes taru tiro iai, ke pet lar pasi mo sur in nan. Numur a kum lamlabino toptop det pasor pagol pas a ngon a sip, ra i terege mut. 42 Ra a kum tene inaim det nem na um doko a kum karabus, sako lako taro tagun det, det in was pirso, ma det in kalabor song. 43 Ikut o Julias, a mugumugu anun a kum tene inaim i nemi sur in ulaun o Pol, ra i turbat det. Ra i pitar a warkurai sur det ra det tasman a was, det in sirok losop, ma det in was mugu unago una usalin. 44 Ma det ra ka det tasman a was, det in was murmur nama kum palang, o lako kum utna tagun a sip. Det pami lenra, ra det rop det was pirso unago una usalin ma det laun.\n*27:1: O Luk i tumus a du wasiso \"met\", uni i wan tomo nam o Pol.\n†27:9: A kum kalang numur tan a Bung na Winewel i ser wuwu tong.","id":"","dump":"CC-MAIN-2020-10","url":"https:\/\/ebible.org\/kqw\/ACT27.htm","date":"2020-02-23T02:27:22Z","file_path":"s3:\/\/commoncrawl\/crawl-data\/CC-MAIN-2020-10\/segments\/1581875145742.20\/warc\/CC-MAIN-20200223001555-20200223031555-00306.warc.gz","language":"kqw","language_score":0.9999747276,"language_script":"Latn","minhash_cluster_size":3,"top_langs":"{\"kqw_Latn_score\": 0.9999747276306152}","num_words":1485,"character_repetition_ratio":0.042,"word_repetition_ratio":0.014,"special_characters_ratio":0.271,"stopwords_ratio":0.442,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"11\nO Pol ke elar nama kum torotoro na aposel\n1 Ep 5:26-27A nemi sur mot in longoro i munung anung a longlong na wasiso. A tasmani lena mot in longoro iau. 2 A ngara doko un mot, elar nam o God i ngara un mot, sako mot in nan gisen gusun o Karisito. A sa ubek bat tar mot sur mot anun o Karisito, elar nama wakak na toraro ra kabaut i kis tomo nam tu musano. 3 Stat 3:4, 13Ikut uniri, a ngara, sako din ben raro a nuknuki mot gusun anumot a petutna ra katu dur uni, ma anumot a nurnur mulus un o Karisito, elar namin nusui i toro pas o Iwa. 4 Gal 1:8-9Uni mot gas sur mot in longoro taio ra i wanpat torom mot, ma i warawai un ara Iesu gisen, ma awu sur un o Iesu ra met warawai nami. Ma mot gas kut sur din tabor mot nam tu nion gisen, ra awu sur a Tokodos na Nion. Ma mot gas kut sur mot in longoro tu Wakak na Wasiso gisen, ra awu sur a Wakak na Wasiso ra mot sa nurnur uni.\n5 1 Kor 15:10; 2 Kor 12:11Awu sur a nuki lena, a natino tandet ra mot watung det a kum lamlabino aposel. 6 1 Kor 2:1, 13Surko mot nuki lena, ka ususer pas sur a tene warawai, ikut a tasmani ut a utna ra a warawai nami. Mot ut, mot talapor uni, uni una kum utna rop met pami torom mot, met upuaso a mananos rop ri.\n7 1 Kor 9:18Pepetlai, a raro uni ka saring mot sur tu mani ra a warawai nama Wakak na Wasiso torom mot? A unatino pas iau nisamot, sur mot, mot in labo. 8 Pil 4:15-16; 2 Kor 12:13A los a mani gusun a taro na lotu una ramano kum tamon gisen, sur in warut iau una nung a pinapam epotor tamot. I elar nami ra a wolong anundet a mani sur an papam torom mot. 9 A susut na dino a sibo ra a kis tomo nam mot, ikut ka pitar tu maut torom mot. Uni a kum tistising una nurnur tagisa o Masedonia det wanpat, ra det tabor iau nama utna ra a sibo suri. Ka saring tar mot, ma kan saring tar mot kai sur tu utna. 10 I lingmulus, a lingmulusino anun o Karisito kuri un iau, ra a inanos mot nama lingmulus lena, kataio una kudulano papor Akaia, in turbat lar pas iau ra a warango iau una nung a petutna torom mot. 11 Pepetlai, ra ka saring mani gusun mot, i upuaso i lena, ka nem mot? Awu. O God i tasmani lena, a nem doko mot!\n12 An pam liklik a kum utna ri a pami, sur det ra det watung det a kum aposel, det in tasmani lena, anundet a pinapam ke elar nam anumet a pinapam. I mo ra katu kibino sur det in warango det una nundet a pinapam. 13 Uni a kum musano ra, a kum torotoro na aposel, a kum torotoro na tene pinapam, ma det pukus pas det sur det in tamtama elar nama kum aposel anun o Karisito. 14 Awu sur a utna na ukisin torom dat, uni o Satan utkai i ser pukus pasi, sur in tamtama elar nama ensel tagun a talapor. 15 Ma ka dat in kisin kai ra anun a kum tene pinapam, det in pukus pas det, sur det in tamtama elar nama kum tene pinapam anun a tokodos na petutna. Numur det in los anundet a ikul, elar ut nam anundet a sakino pinapam.\nA kum mamaut ra o Pol i taramo i\n16 An watung meleti lena, gong mot nuki un iau lena a longlong. Ikut ra mot nuki un iau lenra, mot in madek tar a longlong ri sur in warango pasi ut. 17 A lingmulus, ra a warango pas iau ut, ka wasiso elar nama nemnem anun a Labino, i elar kut nama longlong. 18 A susut na taro det warango pas det elar nama ngasino anun a rakrakon bual, i mo ra iau kai an warango pas iau ut. 19 Mot madek tari kut a kum longlong na taro sur det in ususer mot, uni mot mananos doko. 20 I lingmulus, mot gas pas det, ra det ukarabus mot ma det ban laulau mot, ma det urop ru anumot a kum utna ma det ulabo pas det umatamot, ma det pasor a kum masmasari mot. 21 Pil 3:5A maimai doko ra an watungi lena, met ut kalako dekdeki met sur met in pam a kum petutna ri torom mot!\nA kum utna ra det warango pas det uni, iau kai, a pet lar pasi sur an warango pas iau ut uni. A wasiso elar nama longlong. 22 Det warango pas det lena, det a kum te Ibru, niko? Iau kai a te Ibru. Det a kum te Israel, niko? Iau kai a te Israel. Det a kum nutnutun o Abaram, niko? Iau kai a nutun o Abaram. 23 Ap 16:23Det a kum tultul anun o Karisito, niko? Iau a wakak na tultul tandet rop. A wasiso elar nama longlong. A papam dekdek bing tandet rop, a sa kis papas una karabus, a kum inaim di pami un iau i dekdek sakit, a susut na dino milau an mat. A kum utna rop ri, ra di pami un iau, i labo taun a utna ra di pami un det. 24 Lo 25:3A taro Juda det rapus in surung elar nama tulu noino ma lisu na du raprapus. I elar nama limo na dino rop ra det pampami un iau. 25 Ap 16:22; 14:19Ara dino di duku iau nama kum watat. Di rapus iau a susut na dino namin nubuku. I elar nama tulu dino rop ra det pami un iau.* Ap 16:22-23 i inanos dat una ara dino ra di rapus o Pol namin nubuku. A tulu dino a iru nama sip tiro utasi.† Ap 27:39-44 i inanos dat una ara dino ra o Pol i iru nama sip. Ara bung na mirum ma ara bung na waspi a salir una epotor na tasi.\n26 Ap 9:23; 14:5A sa wan una susut na inawan. A elar nama utna na iniru una inawan una kum danim, ma a ramano kum dino kai, milau an iru una laman a kum sakino taro. Milau an barato a iniru tan anung a taro ut, ma tan a kum usiro na taro kai. Milau an barato a iniru una kum tamon, ma una kum nubual kalako taro uni, ma sa utasi. Ma milau kai, an iru ulaman a kum torotoro na tistising una nurnur. 27 A dekdek ma a papam dekdek ut. A susut na bung na mirum ka inep. A susut na dino a muruk ma a murak. A susut na dino ka wan tu utna. A ramano kum dino a sibo sur a malu ma a taramo a kotokoto.\n28 Ara utna kai a etoromi ra i labo doko, i lenri, anung a tamtamabat torom a taro na lotu una kum tamon rop, i maut doko una nung a nilaun una kum bung rop. 29 Ra taio tagun det, anun a nurnur i kis pirso, iau kai a pining in ngoro. Ra taio tandet di sa ben tari una sakino, in balang in sungun nami.\n30 Kan warango pas iau un tu utna gisen, an warango pas iau kut una kum utna ra i upuaso i lena, kalako dekdeking. 31 O God, i ra a God anun a Labino o Iesu ma i o Tamano, ra a wasiso na ululabo toromi ken rop ma ken rop, i tasmani ut lena, ka toro. 32 Ap 9:23-25Tong o Damaskus, a mugumugu tagun a tamon ra, ra i papam utuntudu ina king Aretas, i utur tar a kum tene tamtamabat una matansako ina in noworo ina tamon, sur det in dat pas iau. 33 Ikut, di ukete pirso iau mukut nama rat, una windo na in noworo, ra a laun sikot gusun a laman a mugumugu ra.\n11:3: Stat 3:4, 13\n11:24: Lo 25:3","id":"","dump":"CC-MAIN-2020-29","url":"https:\/\/ebible.org\/kqw\/2CO11.htm","date":"2020-07-15T13:10:33Z","file_path":"s3:\/\/commoncrawl\/crawl-data\/CC-MAIN-2020-29\/segments\/1593657167808.91\/warc\/CC-MAIN-20200715101742-20200715131742-00449.warc.gz","language":"kqw","language_score":0.9999902248,"language_script":"Latn","minhash_cluster_size":3,"top_langs":"{\"kqw_Latn_score\": 0.9999902248382568}","num_words":1297,"character_repetition_ratio":0.058,"word_repetition_ratio":0.002,"special_characters_ratio":0.274,"stopwords_ratio":0.449,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"5\nDat langolango un o Karisito\n1 O Karisito ut i sa ulangolango pas dat, sur dat in langolango mulus. Mot in tur dekdek, ma gong mot madek tar taio sur in ker ukai mot sur mot in elar nama kum tene ititula melet.\n2 Mot longoro iau! Iau, o Pol, a inanos mot una utna ri: Ra mot in mulaot pas a warkurai na tinotok talilis, a pinapam anun o Karisito in utna oros mukut torom mot. 3 A wasiso melet torom mot taktakai: Ra mot in mulaot pas a warkurai na tinotok talilis, mot in mur rop a kum Warkurai anun o Moses. 4 Ra mot nemi sur o God in watung mot a kum tene tokodos uni mot mur a kum Warkurai, mot sa kis susuaro gusun o Karisito. Mot sa wan gisen gusun a marmaris anun o God. 5 Ikut dat, una dekdekin a Tokodos na Nion dat kis langlang nama nurnur sur o God in watung dat lena a kum tene tokodos uni dat nurnur. 6 1 Kor 7:19; Gal 6:15Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.\n7 Numugu mot kalabor wakak. Ikut uniri, osi ra i ban lokolokor tar mot, ra ka mot muri mo a lingmulusino? 8 A etowo ri, ra i ban lokolokor tar mot, awu sur tagisapat tan o God, o naro ra i kabo pas mot sur anunu. 9 1 Kor 5:6Mot in nuk pas a wasiso elelar ri: \"A lik nat na is kut in pet lar pasi sur in ulabo pas a beret rop.\" 10 Gal 1:7; 2 Kor 11:15Ikut iau ut, a nurnur lena a Labino in udekdek mot sur mot in mulaot tomo nam iau. Ma osi ra i sa ban lokolokor tar mot, in taramo i ut a dekdek na warkurai anun o God toromi.\n11 A kum tistising, ka ususer meleti mo a taro una tinotok talilis. Iri a kibino ra a taro Juda det ukadik iau. Gunuk ra an ususer utmakai uni, ka det in ukadik iau. Ikut det ukadik iau, uni a ususer a taro sur det in nurnur kut unin nanai kutus anun o Karisito. 12 A nemi sur a taro ra det ususer mot sur din tok talilis mot, det in sil melet pas det ut!\n13 1 Pit 2:16A kum tistising, o God i sa kabo pas mot toromi sur mot in langolango mulus. Ikut gong mot nuki lena mot sa langolango sur mot in mur a kum sakino nemnem ina pinimot, awu. Mot in warut etetalai mot nama marmaris. 14 Rom 13:9A kum Warkurai rop anun o God di ubek tomo pas det sur ara warkurai mukut, i lenri: \"Un nem o pasam elar nami ra u nem ui ut.\" Wkp 19:18\n15 Ikut ra mot ukadik etetalai mot elar nama kum wewegua ra det karot etetalai det ma det wan etetalai det, mot in tumarong mot, sako mot in ban laulau rop ru mot.\nDat in mur a Tokodos na Nion\n16 Ra uniri, an watungi torom mot lena: Ra mot in mur a Tokodos na Nion, ka mot in mur a kum sakino nemnem ina pinimot. 17 Rom 7:15-23A sakino nemnem ina pinimot i turbat a Tokodos na Nion, ma a nemnem anun a Tokodos na Nion kai i turbat a sakino nemnem ina pinimot. Der waim etetalai, ra ka mot pam lar pas asau ra mot nemi. 18 Ikut, ra a Tokodos na Nion i mugu mot, ka mot kis utuntudu ina Warkurai.\n19 1 Kor 6:9-10Dat sa tasman a kum sakino petutna ra a nemnem ina pinindat i ser pami. Iri a kum petutna: A kum pamuk na petutna, a dur na petutna, a nemnem sur a sakino petutna, 20 a lotu torom a kum torotoro na god, a sangsagor, a petutna ra di nget a taro, a engaras, a nuknuk laulau un taio, a kankan, a nemnem sur a kinkinis na labino, a kinkinis sarara ma a tapagol susuaro, 21 a nuknuk laulau sur a utna anun taio, a ininum, a kukuk tuptupukus nama kum longlong na petutna, ma lako kum sakino utna utkai lenra. A sa utumarong mugu tar mot munung, ma uniri a utumarong mot melet lena, a taro ra det ser pam a kum petutna ri, ka det in ruk una matanitu anun o God.\n22 Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam, 23 a petutna na urur, a petutna ra taio i tamtamabat wakak anun a nilaun. Katu warkurai in turbat a kum petutna ri.\n24 Rom 6:6; Kol 3:5A taro anun o Karisito Iesu, det sak wat a sakino nemnem ina pinindet unin nanai kutus anun o Karisito.\n25 Ra a Tokodos na Nion i sa pitar tar a nilaun torom dat, i wakak sur dat in nan tomo nami. 26 Pil 2:3Gong dat uman labino, gong dat ukatutur a balano sungun etetalai, ma gong dat nuknuk laulau etetalai sur tu utna anun taio.","id":"","dump":"CC-MAIN-2020-29","url":"https:\/\/ebible.org\/kqw\/GAL05.htm","date":"2020-07-06T18:41:30Z","file_path":"s3:\/\/commoncrawl\/crawl-data\/CC-MAIN-2020-29\/segments\/1593655881763.20\/warc\/CC-MAIN-20200706160424-20200706190424-00106.warc.gz","language":"kqw","language_score":0.9999316931,"language_script":"Latn","minhash_cluster_size":2,"top_langs":"{\"kqw_Latn_score\": 0.9999316930770874}","num_words":847,"character_repetition_ratio":0.076,"word_repetition_ratio":0.002,"special_characters_ratio":0.262,"stopwords_ratio":0.456,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3\nA nurnur kut un o Iesu Karisito\n1 A taro Galesia, mot a kum longlong! Osi mo ra i sangsagor, ra i ulokolokor a nuknuki mot? A sa inanos talapor tar mot una minat anun o Iesu Karisito unin nanai kutus, i elar nami ra mot ut mot tama i. 2 Mot in inanos iau: Mot utur ukai petlan a Tokodos na Nion? Uni mot mur a kum Warkurai, o uni mot nurnur una Wakak na Wasiso ra mot sa longoro i? 3 Mot sa longlong! Mot turpasi nama dekdekin a Tokodos na Nion. Ilai ra mot nem na papam melet kut nama dekdeki mot ut? 4 Pepetlai, a susut na ngunungut ra mot sa taramo tari, i utna oros mukut? Ka nuki lenra. 5 Pepetlai, o God i tabor mot nama Tokodos na Nion ma i pam a kum utna na ukisin epotor tamot, uni mot mur a kum Warkurai anun a taro Juda, o uni mot nurnur una Wakak na Wasiso ra mot sa longoro i?\n6 Rom 4:3, 16A Buk Tabu i watungi un o Abaram lenri, \"O Abaram i nurnur un o God, i mo ra o God i watungi a tene tokodos.\" Stat 15:6\n7 Mot in tasmani lena det ra det nurnur, det a kum nutnutun o Abaram. 8 A Buk Tabu i sa wasiso mugu taru lena, o God in watung a taro ra awu sur a taro Juda lena det a kum tene tokodos uni det nurnur. O God i sa inanos mugu tar o Abaram una Wakak na Wasiso lena, \"Un ui, din watung udan a taro tagun a kum gapman rop.\" Stat 12:3\n9 I lenkutkai ra uniri, det ra det nurnur din watung udan det, elar nami ra di sa watung udan tar o Abaram, a tene nurnur.\n10 Det ra det nuki lena, det in mur a kum Warkurai sur o God in watung det a kum tene tokodos, a dekdek na kankan anun o God i sa kis un det. Uni di sa tumus tari una Buk Tabu lena, \"A dekdek na kankan anun o God i kis un det rop ra ka det mur sot pas a kum warkurai rop ra di sa tumus tari una Buk na Warkurai.\" Lo 27:26\n11 Gal 2:16Katutaio in mur sot rop pas a kum Warkurai rop. I mo ra, i talapor lena, o God ken watung taio a tene tokodos, uni i mur a kum Warkurai. A Buk Tabu i watungi lenri, \"Osi kut ra i nurnur, o God in watungi a tene tokodos ma in laun.\" Hab 2:4\n12 Osi ra i nuki lena in muri kut a kum Warkurai sur in tokodos uni, ke nurnur un o Karisito. A Buk Tabu i watungi lenri, \"Osi ra in mur sot rop pas det, in laun uni i mur a kum Warkurai.\" Wkp 18:5\n13 Rom 8:3A kum Warkurai i ubek tar dat una dekdek na kankan anun o God. Ikut o Karisito i kul langolango pas dat gusun a kankan ra. I ut i tur keles dat, ra i rakon pas a dekdek na kankan. I elar nami ra di sa tumus tari una Buk Tabu lena, \"Osi ra di ukete i netes unin nanai, a dekdek na kankan anun o God i kis uni.\" Lo 21:23\n14 O Karisito i kul langolango pas dat, sur o God in watung udan a kum kamkabo taro rop, elar nami ra i watung udan o Abaram, ma sur in pitar a Tokodos na Nion torom dat, ra dat nurnur un o Karisito Iesu, elar ut nama nun a liliman.\nA liliman anun o God i labo taun a kum Warkurai\n15 A kum tistising, an watung a wasiso elelar una magirandat torom mot. Ra lako ru musano der liliman taru ma der sa pam tar tu kunubus, katutaio melet mo in pukus lar pasi. 16 Stat 12:9Lenkutkai ra, o God i sa uliliman taru torom o Abaram ma torom o nutunu. O God awu sur i watungi lena, \"torom a kum nutnutunu.\" Gunuk ra in watungi torom a kum nutnutunu, a kukuraino ra a susut na taro. Ikut i watungi lenri, \"torom o nutunu,\" a kukuraino lena ara musano kut, i a Karisito. 17 Kis 12:40Iri a kukurai ina nung a wasiso: O God i uliliman mugu taru torom o Abaram, nama kum utna ra in pam sot pasi ut. A kum Warkurai, ra det wanpat a wat na mar ma tulu noino kilalo numur, ka det pukus lar pas a liliman anun o God torom o Abaram. 18 Rom 4:14Pepetlai, mot nuki lena a etabor anun o God i wanpat torom dat uni dat mur a Warkurai? Awu! I kibino ut una nun a liliman. O God i uliliman nami torom o Abaram una nun a labino marmaris toromi.\n19 Rom 5:20; Ap 7:38Sur asau ra o God i pitar a kum Warkurai? I pitari sur a taro det in tama lele anundet a kum sakino petutna. Di mur a kum Warkurai tuk a nutun o Abaram i wanpat, i ra o God i uliliman taru nami, o Karisito. Ra o God i pitar a kum Warkurai, i tulu ru a kum ensel nami torom o Moses, i ra i tur epotor tan a taro ma o God, sur o Moses in pitari torom det. 20 Ikut ra o God i liliman torom o Abaram, katutaio i tur epotor tander. O God ara sot kut i wasiso.\nDat langolango uni dat nurnur un o Karisito\n21 Rom 8:2-4Pepetlai, a Warkurai ma a liliman anun o God der ebar etalai? Awu! Gunuk a Warkurai in pitar a nilaun tan a taro, det in tokodos umatan o God uni det mur a Warkurai. 22 Ikut a Buk Tabu i watung puaso i lena, a taro rop una rakrakon bual, anundet a sakino petutna i ukarabus det. Lenra, det kut ra det nurnur un o Iesu Karisito det in los pas a etabor ra o God i liliman taru nami.\n23 Gal 4:3Ra ka di ese i utmakai a nurnur un o Karisito torom dat, dat elar nama kum karabus una dekdekin a Warkurai. Ka dat langolango tuk o God i upuaso a nurnur un o Karisito torom dat. 24 Rom 10:4A Warkurai i elar kut nama tene tamtamabat torom dat, sur in ben dat torom o Karisito, sur dat in nurnur uni, ra o God in watung dat lena dat tokodos. 25 Ikut uniri, dat sa nurnur, ra ka dat kis melet mo utuntudu ina kum Warkurai.\nDat a kum nutnutun o God uni dat nurnur\n26 Jn 1:12Uniri mot rop a kum nutnutun o God, uni mot nurnur un o Karisito Iesu. 27 Rom 6:3Ra mot los a baptais, i ese i lena mot ara kut nam o Karisito, ma mot emar nam anun a nilaun. 28 Rom 10:12Una nurnur un o Karisito, a taro Juda ma a taro gisen det elar umatan o God, lenkutkai ra a kum tene ititula ma det ra awu sur a kum tene ititula, a kum musano ma a wardain. Uni mot rop mot ara mukut un o Karisito Iesu. 29 Rom 4:13Ra mot anun o Karisito, mot a kum nutnutun o Abaram, ma mot in rakon asau ra o God i liliman taru nami toromi.\n3:16: Stat 12:9\n3:17: Kis 12:40","id":"","dump":"CC-MAIN-2020-29","url":"https:\/\/ebible.org\/kqw\/GAL03.htm","date":"2020-07-06T16:43:54Z","file_path":"s3:\/\/commoncrawl\/crawl-data\/CC-MAIN-2020-29\/segments\/1593655881763.20\/warc\/CC-MAIN-20200706160424-20200706190424-00464.warc.gz","language":"kqw","language_score":0.9999672174,"language_script":"Latn","minhash_cluster_size":2,"top_langs":"{\"kqw_Latn_score\": 0.9999672174453735}","num_words":1177,"character_repetition_ratio":0.085,"word_repetition_ratio":0.007,"special_characters_ratio":0.27,"stopwords_ratio":0.489,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"20\nA inawan anun o Pol utong o Troas\n1 Ra i sa rop a purpuruon, o Pol i itula pas a taro na ususer, i udekdek tar det, ma i wasiso na itula taru tandet. Numur i wan utong una papor Masedonia. 2 I wan papas una kum tamon ra, ma i uragot tar det nama susut na wakak na wasiso. Numur i wan utong o Grik. 3 I kis tiro iai a tulin kalang. Numur i waninar sur in kas una sip utong una papor Siria, ikut i tasmani lena a kum te Juda det wasiso tomo pas sur det in um doko i. Ra i pukus a nuknukino ma i nuki lena i wakak sur in nan melet epotor una papor Masedonia. 4 Ma o Sopata, a te Beria, a nutun o Pairas, ma o Aristakus ma o Sekundas, aru te Tesalonaika, ma o Gaius a te Derbe, ma o Tikikus ma o Tropimus, aru te Asia, ma o Timoti, det wan tomo nam o Pol. 5 Det ri det mugu utong, ra det kis langlang met* O Luk i tumus \"met\", uni i wan tomo nam o Pol. tong o Troas. 6 Ra i sa rop a labino bung na lotu na beret ra kalako is uni, met kas una sip tagitong o Pilipai. A limo na bung bat tari, met sot tong o Troas torom det ra det mugu gusun met, ma met kis pas a wonom mawit na bung tiro iai.\nO Pol i ulaun pas o Iutikus\n7 Una mugano bung una wik, met kis tomo sur met in nangon tomo. Ra o Pol i wasiso torom a taro, ma i walos doko anun a wasiso, tuk ut una labino mirum, uni i nemi sur in nan kut gusun det una bung numur. 8 A susut na lam kura una kukur rumu sapat netes ra met kis tomo iai. 9 Ra ara barman, a risano o Iutikus, i kis taru una windo. O Pol i wasiso liklik, ra in matan o Iutikus i sunu doko, ma i inep dumun taru, ra i puku pirso tagisapat netes gusun a mantul na kukur rumu unago upiso. Ra det los pat tari, i sa mat. 10 Ra o Pol i pirso, i inep netes uni, ma i tal pasi, ma i watungi lena, \"Gong mot ngara, i sa laun.\"\n11 Numur o Pol i ka toto melet, i tibik pas a beret ra i wangon. Ma i wasiso tuk in matanas i pusu pat, ra numur i wan pas gusun det. 12 Ra a taro det wan susuaro, det wan tomo nam o Iutikus, i sa laun, ra det gas doko.\nO Pol i wan tagitong o Troas utong o Miletus\n13 Met mugu, ra met kas una sip utong o Asos sur met in ukas pas o Pol tiro iai. I ut i sa watung len tari ra, uni i nemi sur in usur a kisapi kut. 14 Ra met etorom nami tong o Asos, met ukas pasi ra met wan utong o Mitilini. 15 Una bung numur met wan tagitong ra met wan milau ara ailan, a risano o Kios. I waspi kobot melet, ra met wan tiro upaporin o Samos, ra una bung numur melet tano, met sot tong o Miletus. 16 O Pol i sa pam tari una nuknukino sur in nan sakiti kut o Epeses, sur gong melet mo i balon tong una papor Asia, uni i nemi sur in nan lakit usapat o Jerusalem sur in kis sapat, una bung na Pentikos.\nA ururop na wasiso anun o Pol torom a kum mugumugu anun a taro na lotu tong o Epeses\n17 Ap 18:21Met wanpat una tamon Miletus, ra o Pol i itula utong o Epeses sur a kum mugumugu anun a taro na lotu. 18 Ap 18:19Ra det wanpat toromi, i watungi tandet lena, \"Mot tasmani ut anung a ngas na kinkinis una kum bung ra a kis pas nisamot, turpasi una bung ra a wanpat kibin nin una papor Asia. 19 A taro Juda det wasiso tomo sur det in pam a kum sakino petutna un iau, ma a taramo a mamaut uni. Ikut, a papam ut torom a Labino, ma a unatino pas iau, ma a lurlur na matang i puku. 20 Ra a ser warawai ma a ususer mot, umatan a taro ma una numot a kum rumu utkai, ka ngara ma ka munu tu utna ra in warut mot. 21 A warawai torom a taro rop, a taro Juda ma det ra awu sur a taro Juda kai, sur det in nukpukus torom o God ma det in nurnur una nundat a Labino o Iesu.\n22 \"Ra uniri, a Tokodos na Nion i ungongos iau sur an nan ut usapat o Jerusalem, ma ka tasman asau an etoromi sapat. 23 Ap 9:16; 21:11A tasmani kut lenri, una kum tamon rop, a Tokodos na Nion i inanos iau lena a karabus ma a kum mamaut det kis pas iau. 24 Ap 21:13; 2 Tim 4:7Ikut ka nuk labo pas anung a nilaun, ma ka maris bati. Awu! A pitar tar iau kut sur an pam sot rop tar anung a inawan ma a pinapam, ra a Labino o Iesu i pitar tari torom iau, sur an wasiso puaso una Wakak na Wasiso una marmaris anun o God.\n25 \"A tasmani lena mot rop, ra a wan tuptupukus torom mot nama warawai una matanitu anun o God, ka mot in tama melet iau mo. 26 I mo ra uniri, a inanos kapo tar mot lena, ra taio tagun mot in iru una warkurai anun o God, awu sur iau a kibino, iau, a sa langolango. 27 Uni ka ngara ma ka munu tu utna una nuknukin o God. A sa watung rop tari torom mot.\n28 1 Tim 4:16; 1 Pit 5:2-4\"Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut. 29 Mt 7:15; Jn 10:12A tasmani lena, ra an nan gusun mot, lako taro elar nama kum lomlom na pap ra det ngalngalia, det in ruk torom mot, ma det in ban laulau a kum sipsip. 30 Ma lako taro utkai tagun mot det in tur pat, ma det in pukus a lingmulusino, sur a taro na ususer det in mur det. 31 1 Tes 2:11Mot in tumarong! Mot in nuk pasi lena, a tulu kilalo ka mana gusun mot rop nama wasiso na utumarong, una kum mirum ma a waspi, ma a lurlur na matang i puku uni.\n32 \"Uniri a pitar tar mot ulaman o God, ma a pitar tar mot una nun a wasiso ra i upuaso anun a marmaris. A wasiso ra, i pet lar pasi sur in udekdek mot, ma in tabor mot nama kum wakak na etabor ra o God i ser tabor anun a taro nami. 33 1 Kor 9:11-12Ka nuknuk laulau sur tu mani anun taio, o tin namalu anun taio. 34 Ap 18:3; 1 Tes 2:9Mot ut, mot tasmani lena, a papam ut nama aru lamang sur a kum utna ra in topas iau, ma det kai ra met wan tomo. 35 Una kum dekdek na pinapam rop ra a ser pami, a sa ese tar mot lena mot kai mot in pami lenra, ma mot in warut det ra kalako dekdekin det. Ma mot in nuk pas a wasiso anun a Labino o Iesu ra i sa watung tari lena, 'Det ra det etabor det dan tandet ra det los a kum utna ra di tabor tar det nami.' \"\n36 Ra i sa watung tar a kum wasiso ri, o Pol tomo nama taro rop det kis butkeke, ma det wararing. 37 Numur det rop det tangis, det tal pas o Pol, ma det gom a papor wano. 38 Ma a taro det tupunuk doko, uni i sa inanos tar det lena ka det in tamtama tomo melet mo. Ra numur det wan tulu ru i sur in kas una sip.\n*20:5: O Luk i tumus \"met\", uni i wan tomo nam o Pol.","id":"","dump":"CC-MAIN-2020-29","url":"https:\/\/ebible.org\/kqw\/ACT20.htm","date":"2020-07-07T13:52:20Z","file_path":"s3:\/\/commoncrawl\/crawl-data\/CC-MAIN-2020-29\/segments\/1593655892516.24\/warc\/CC-MAIN-20200707111607-20200707141607-00219.warc.gz","language":"kqw","language_score":0.9999973774,"language_script":"Latn","minhash_cluster_size":3,"top_langs":"{\"kqw_Latn_score\": 0.9999973773956299}","num_words":1325,"character_repetition_ratio":0.043,"word_repetition_ratio":0.005,"special_characters_ratio":0.277,"stopwords_ratio":0.479,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3\nDat ra dat nurnur un o Karisito dat a kum tene tokodos mulus\n1 A kum tistising, a ururop na wasiso ri, a tumusi torom mot: Mot in gas uni mot anun a Labino. A gas sur an tumus melet a kum utna ra a sa tumus tari munung torom mot, sur in warut mot.\n2 Mot in tumarong mot gusun a kum ngalngalia na pap, a taro ra det ser pam a sakino, ma det tok laulau a pinpinin a taro, ma det ususer det lena, ra ka di tok talilis a pinindet, ka din ulaun det.* A tinotok talilis i a ukinalong di pami sur in ese i lena a musano i ara tagun a taro anun o God ra det mur a kum Warkurai anun a taro Juda. 3 Rom 2:29Dat ra dat lotu torom o God nama dekdekin a Niono, dat kut ra, a taro mulus anun o God, i elar nami ra di sa tok talilis tar a pinindat. Ka dat nurnur una pinapam ra a taro det pami, awu. Dat gas kut una pinapam ra o Karisito Iesu i sa pam tari un dat. 4 2 Kor 11:18Ra gunuk a pinapam anun a taro i ulaun dat, iau ut an pet lar pasi sur an nurnur uni. A kum pinapam ra det nurnur uni, iau a wakak doko taun det. 5 Lk 1:59; 2 Kor 11:22; Ap 23:6Iau a te Israel, tagun a kabotaro Benjamin, a te Ibru ma a mur anundet a kum petutna. Ra i sa tiwal na bung bat anung a usus, di tok talilis a pining. Iau a Parisi ma a ser mur wakak a kum Warkurai anun o Moses. 6 Ap 8:3A dekdek doko sur an mur kodos pas a pinapam anun o God, ma una nung a pinapam ra, a ban laulau a kum tene lotu anun o Karisito. Ra gunuk taio in tokodos uni i mur rop a kum Warkurai, katu etakun in los iau.\n7 Mt 13:44, 46Ikut a kum utna rop ri, ra numugu i labo torom iau, uniri i utna oros mukut torom iau, kibino un o Karisito. 8 Rom 3:21-22I lingmulus, a kum utna rop ri, det a kum utna oros mukut torom iau. Ara utna kut ra i labo sakit, a tasman o Karisito Iesu anung a Labino. A sa ubek ru a kum utna rop ri, kibino un o Karisito. Det elar mukut nama beren umatang, sur an los pasi mukut o Karisito una nung a nilaun, 9 ma an patop tomo nami. Ma awu sur iau a tene tokodos uni a mur a kum Warkurai, awu, kibino kut uni a nurnur un o Karisito. O God i watung dat a kum tene tokodos uni dat nurnur un o Karisito. 10 Rom 6:3-5; 8:17A nemi sur an tasman o Karisito ma a dekdekin anun a katkatutur melet gusun a minat, ra a nemi sur an tur tomo nami una nun a kum ngunungut, ma an elar ut nami una nun a minat. 11 I lenkutra, a nurnur lena, iau kai an katutur melet gusun a minat.\nA kinalabor sur a ikul\n12 1 Tim 6:12, 19Awu sur a nuki lena, a sa utur ukai a kum utna rop ra, ma ka tokodos mulus utmakai. Ikut a dekdek utmakai sur an utur ukai a utna ra o Karisito Iesu i kabo pas iau suri. 13 A kum tistising, ka nuki lena, a sa utur ukai i. Ikut ara utna ra a pami, ka nuknuk melet sur asau ra tagun numugu, a dekdek mukut sur asau ra kuri numugu tang. 14 1 Kor 9:24A kalabor usa numugu sur a ururopino sur an los pas anung a ikul. A ikul, i a kakabo anun o God torom iau sur a nilaun sapat una langit, kibino un o Karisito Iesu.\n15 1 Kor 2:6I wakak sur dat, ra dat tur dekdek, a nuknukin dat in lenra. Ikut ra a nuknuki mot in senene un tu utna, o God ut in utalapori torom mot. 16 Ikut dat in mur a wakak na nilaun ra dat sa utur ukai pasi.\n17 1 Kor 4:16A kum tistising, mot in mur anung a kum ngas na petutna, ra a sa pam ususer tar mot nami, ra i wakak sur mot in tamtama murmur det ra det muri. 18 Uni a susut na dino a sa inanos tar mot lena, a susut, det laun elar nama kum ebar anun in nanai kutus anun o Karisito. Ra uniri a inanos melet mot, ma a lurlur na matang i puku. 19 Rom 16:18Det wan mukut sur a iniru, a nemnem na pinindet i anundet a god. Det uman nama kum petutna ra din maimai nami. A nuknukin det i kis kut una kum utna taginin upiso. 20 Ep 2:6, 19Ikut dat, a taro tagisapat una langit. Ra dat kis langlang nama labino nemnem sur a Tene Ulaun, ra in nan pirso tagisapat netes, a Labino o Iesu Karisito. 21 1 Kor 15:28, 43-53In pukus pas a pinindat ra ke dekdek, sur in elar nama pinino ra i bukus nama minamar. In pukusi nama dekdekino. A dekdekino ra i papam nami sur in ubek tar a kum utna rop utuntudu in anun a warkurai.\n*3:2: A tinotok talilis i a ukinalong di pami sur in ese i lena a musano i ara tagun a taro anun o God ra det mur a kum Warkurai anun a taro Juda.","id":"","dump":"CC-MAIN-2020-29","url":"https:\/\/ebible.org\/kqw\/PHP03.htm","date":"2020-07-15T12:53:11Z","file_path":"s3:\/\/commoncrawl\/crawl-data\/CC-MAIN-2020-29\/segments\/1593657167808.91\/warc\/CC-MAIN-20200715101742-20200715131742-00166.warc.gz","language":"kqw","language_score":0.9999631643,"language_script":"Latn","minhash_cluster_size":3,"top_langs":"{\"kqw_Latn_score\": 0.9999631643295288}","num_words":869,"character_repetition_ratio":0.069,"word_repetition_ratio":0.056,"special_characters_ratio":0.275,"stopwords_ratio":0.464,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"13\nO God ut i pam pat a gapman\n1 Tai 3:1; Snd 8:15Dat rop dat in unatino pas dat utuntudu ina taro ra det pam ukai a warkurai tagun a gapman. Uni o God ut i pam pat a kum gapman rop, ma katu gapman ra o God ke pam pat tari. 2 I mo ra osi ra ke mur a warkurai anun a gapman, ke mur asau ra o God ut i ubek tari. Ma det ra det pami lenra, det ut det in dat pas a warkurai un det. 3 1 Pit 2:13-14Osi ra i pam a wakak na petutna ken ngara sur a gapman, ikut osi ra in pam a sakino in ngara ut. Pepetlai, u nemi sur un langolango gusun a nginara sur a mugumugu tagun a gapman? Un pam a wakakino ra in watung ulabo pas ui. 4 Uni o God ut i ukis tari sur i a tultul anunu, sur in pam a wakakino torom ui. Ikut, ra u pam a sakino, un ngara, uni ke pam orosi kut in totok na inaim. A mugumugu tagun a gapman i a tultul anun o God, sur in pitar a warkurai na minabalu torom osi ra i pam a sakino. 5 I mo ra i wakak sur dat in unatino pas dat utuntudu ina mugumugu tagun a gapman. Awu sur i kibino kut uni a mugumugu in pitar a warkurai na minabalu torom dat, i kibino utkai uni a wakak na nuknuk una balandat i inanos dat lena dat in pami lenra.\n6 Mt 22:21I mo ra mot ser pitari kai a takis torom a gapman, uni a kum mugumugu tagun a gapman det a kum tultul anun o God, ma det ser pitar anundet a nilaun una pinapam na tamtamabat a taro. 7 Mot in pitari torom a taro rop asau ra i tokodos sur mot in pitari torom det: Mot in pitar a takis torom det ra det ser los a takis, ma mot in pitar a totokom torom det ra det ser los totokom. Ma mot in urur torom det ra i tokodos sur mot in urur torom det, ma mot in ulabo pas det ra i tokodos sur mot in ulabo det.\nOsi ra i nem a taro i sa pam sot pas a kum Warkurai\n8 Mt 22:39-40; Jem 2:8Gong u madek tar anum tu dinau torom taio. Ikut anum ara dinau kut ra kon mana u balu i, i lenri: Un ser nem a taro. Uni osi ra i nem a taro, i sa pam sot pas a kum Warkurai anun o God. 9 Kis 20:13-17; Lo 5:17-19, 21Iri a kum Warkurai anun o God: \"Gong u pam a sakino nam tu ino anun taio o nam tu musano anun taio. Gong u um doko taio. Gong u wolong. Gong u nuknuk laulau sur a utna anun taio.\" A kum warkurai ri ma a kum warkurai rop kai, ara warkurai kut i pulus bat det. I lenri,\n\"Un nem o pasam elar nami ra u nem ui ut.\" Wkp 19:18\n10 1 Kor 13:4-7Osi ra i nem a pasano, ken pam tu sakino toromi. I mo ra osi ra i pami lenra, i pam sot rop pas a kum Warkurai.\n11 Ep 5:14; 1 Tes 5:6-7Mot in pami lenra, ma mot in tama lele a kum bung ri. A du bung i sa sot sur mot in tuangun gusun a ininep. Uni, ra dat turpas a nurnur un o Karisito, a bung ra o God in ulaun dat, kabaut i milau mulus, ikut uniri i sa milau. 12 1 Jon 2:8I sa labino mirum pas, ma milau mo in waspi. I mo ra dat in lakro ru i mo a kum pinapam tagun a dumirum, ma dat in emar pas nama kum utna na inaim tagun a talapor. 13 Lk 21:34; Ep 5:18Dat in muri mo a tokodos na petutna, elar nami ra dat laun una waspi. Gong dat sipak, ma dat longlong tuptupukus. Gong dat pam a kum petutna na pamuk, ma a kum utna na maimai. Gong dat taptapagol, ma gong dat nuknuk laulau. 14 Ep 5:11Ikut mot in emar nama nilaun anun a Labino o Iesu Karisito, ma gong mot nuknuk sur tu kisapi sur mot in ugasgas a sakino nemnem ina pinimot.\n13:9: Kis 20:13-17; Lo 5:17-19, 21","id":"","dump":"CC-MAIN-2020-29","url":"https:\/\/ebible.org\/kqw\/ROM13.htm","date":"2020-07-15T12:20:19Z","file_path":"s3:\/\/commoncrawl\/crawl-data\/CC-MAIN-2020-29\/segments\/1593657167808.91\/warc\/CC-MAIN-20200715101742-20200715131742-00197.warc.gz","language":"kqw","language_score":0.9999673367,"language_script":"Latn","minhash_cluster_size":3,"top_langs":"{\"kqw_Latn_score\": 0.9999673366546631}","num_words":693,"character_repetition_ratio":0.067,"word_repetition_ratio":0.015,"special_characters_ratio":0.289,"stopwords_ratio":0.457,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"6\nA petutna na warut\n1 Mt 18:15A kum tistising, ra tu tene nurnur i puku una sakino, mot ra a Tokodos na Nion i mugu mot, mot in ukatutur melet pasi nama petutna na urur. Ikut mot in tumarong mot ut, sako mot bulung mot in puku un tu ululam. 2 Rom 15:1Mot in warut etetalai mot una numot a kum mamaut. Ra mot pami lenri, mot pam sot pas a warkurai anun o Karisito. 3 Ra taio i nuki lena i labo, ikut ra ke labo, i ut i toro melet pasi. 4 Arara tagun mot in lar anun a kum pinapam ut, sur i ut in gas nami. Ikut, gong i elaro i nam tu pinapam anun taio. 5 Rom 14:12Uni arara tagun mot in losi ut anun a pinapam.\n6 1 Kor 9:11, 14Osi ra i los a etowo una wasiso anun o God, in warut anun a tene ususer nam tu wakak na utna tagun anun a kum utna.\nDat in pasong pasi ut asau ra dat sa marut tari\n7 Rom 8:13Gong taio i toro pasi ut, uni katutaio in toro lar pas o God. A musano in pasong pasi ut asau ra i sa marut tari. 8 Osi ra i muri kut a kum sakino nemnem ina pinino, in pasong pas a minat tukum. Ma osi ra i mur a Tokodos na Nion, in pasong a nilaun tukum tan a Tokodos na Nion. 9 Gong a pinindat i ngoro una wakak na pinapam ra dat pami, ma gong dat mana gusuni. Ra a du bung in sot, dat in pasong pas a wino tagun anundat a pinapam. 10 Ra dat in pet lar pasi, dat in pam a wakakino torom a taro rop. Dat in pam mugu i torom a kum tene nurnur, ma numur torom a taro gisen kai.\nA ururop na wasiso\n11 Mot tama i, a tumus a kum lamlabino matano buk ri. Iau ut a tumusi nama lamang torom mot.\n12 A taro ra det ungongos pas mot sur din tok talilis mot, det pami kut uni det nem na ulabo pas det umatan a taro. Det pami lenra uni det ngara. Uni det nuki lena, ra det in warawai una nurnur unin nanai kutus anun o Karisito, din ukadik det. 13 Det ut ra di tok talilis det, ka det mur sot pas a Warkurai. Ikut, det nemi ut sur din tok talilis mot, sur din warango pas det un asau ra det pami un mot.\n14 Iau ut kan warango pas iau. An warango pasi kut anundat a Labino o Iesu Karisito ra i mat unin nanai kutus. Uni unin nanai kutus, a petutna anun a rakrakon bual i mat gusun iau, ma iau kai, a sa mat gusun a kum petutna anun a rakrakon bual. 15 Gal 5:6; 2 Kor 5:17Ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit, dat a matok na ukukis anun o God. 16 A malmal ma a marmaris torom a taro rop ra det mur anung a etowo ri, det a taro Israel mulus anun o God.\n17 2 Kor 4:10Turpasi uniri, gong taio in utikidis iau, uni a kum burlain una pining det ukinalongi lena iau anun o Iesu.\n18 A kum tistising, a marmaris anun anundat a Labino o Iesu Karisito in kis una niomot. Amen.","id":"","dump":"CC-MAIN-2020-29","url":"https:\/\/ebible.org\/kqw\/GAL06.htm","date":"2020-07-15T13:13:11Z","file_path":"s3:\/\/commoncrawl\/crawl-data\/CC-MAIN-2020-29\/segments\/1593657167808.91\/warc\/CC-MAIN-20200715101742-20200715131742-00227.warc.gz","language":"kqw","language_score":0.9999898672,"language_script":"Latn","minhash_cluster_size":3,"top_langs":"{\"kqw_Latn_score\": 0.9999898672103882}","num_words":551,"character_repetition_ratio":0.058,"word_repetition_ratio":0.0,"special_characters_ratio":0.269,"stopwords_ratio":0.452,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"21\nA inawan anun o Pol usapat o Jerusalem\n1 Ra met sa wan pas gusun det, met kas una sip ma met wan tokodos utong una ailan Kos. Una bung numur, met wan utong una ailan Rodes, ra tagitiro iai met wan utong o Patara. 2 Tiro iai, met pastorom ara sip, ra in nan utong una papor Ponisia. Met kas uni, ra met wan. 3 Met tama a ailan Saipras una papor kair imet, ra met wan sakit ru i. Ra met wan utong una papor Siria, ma met sot tong o Tair, sur din usirok a kum utna tiro iai. 4 Ap 20:23Ra met etorom pas a taro na ususer, met kis pas tiro iai a wonom mawit na bung. Ma a Tokodos na Nion i unuk tar det nama wasiso sur gong o Pol i wan usapat o Jerusalem. 5 Ikut ra a wonom mawit na bung i sa rop, met wan melet, ra a taro na ususer rop det tulu tar met unago utasi, det tomo nam anundet a kum ino ma a kum nutnutun det. Ra met sa wanpat nago utasi, met kis butkeke una usalin, ma met wararing. 6 Numur met wasiso na itula pas, ra met kas una sip, ra det, det milet melet sur anundet a kum rumu.\n7 Met wan tagitong o Tair ra met sot tong o Potolemais, ra met etorom pas nam det ra det tar tistisino una nurnur, ra met kis pas ara bung tomo nam det. 8 Ap 6:5; 8:40Una bung numur, met wan melet, ra met wanpat tong o Sisaria, ma met kis una rumu anun o Pilip, a tene warawai nama Wakak na Wasiso, ara tagun a wonom mawit det ra a kum aposel det pilok pas det.* Tama Aposel 6:1-6. 9 O Pilip a wat na nutnutunu, a wat na toraro, ra det ser wasiso na poropet.\n10 Ap 11:28Ra met sa kis tiro o Sisaria a susut na bung, ara poropet, a risano o Agabus, i wanpat. I wan tagisapat una papor Judia. 11 Ap 20:23; 21:33I wan torom met, ra i rakon pas a let anun o Pol, ra i ker pas aru kikino ma aru lamano ut nami, ma i watungi lena, \"A Tokodos na Nion i watungi lena, 'A taro Juda sapat o Jerusalem det in ker a musano ra anun a let ri, lenutri a pami. Ma det in pitar tari una laman a taro ra awu sur a taro Juda.' \"\n12 Ra met longoro a wasiso ri, met nama taro tagun a tamon ra, met turbat o Pol sur gong i wan usapat o Jerusalem. 13 Ap 20:24Ikut o Pol i balu met lena, \"Ilai ra mot tangis, ma mot utupunuk iau? A sa pitar tar iau sur det in ker iau ma din um doko iau utkai sapat o Jerusalem, kibino una risan a Labino o Iesu.\" 14 Ra met lagano turturbat tari, met mana mukut, ma met watungi lena, \"I wakak sur din pam sot pas a nemnem anun a Labino.\"\n15 Ra numur, met waninar pas anumet a kum ututna, ra met wan usapat o Jerusalem. 16 Met wan tomo nama ramano taro na ususer tagitong o Sisaria. Det tulu tar met torom ara musano, a risano o Manason, a te Saipras, sur met in kis toromi. I ara tagun a kum mugano taro na ususer.\nO Pol kusapat o Jerusalem\n17 Met wanpat sapat o Jerusalem, ra det ra met tar tistisino una nurnur det ben pas met nama gasgas. 18 Una bung numur, met nam o Pol, met ruk torom o Jems. Ma a kum mugumugu rop anun a taro na lotu kai kura. 19 Ap 15:12O Pol i wasiso na ugasgas pas torom det, ra i inanos wakak det mo nama sau rop ra o God i sa pam tari una pinapam anun o Pol torom det ra awu sur a taro Juda.\n20 Ap 15:1, 5Ra det longoro i, det watung ulabo pas o God. Ra numur det watungi tan o Pol lena, \"Tisimet, u tasmani lena a susut na arip tandat a taro Juda, det sa nurnur, ra det rop det dekdek sur det in mur a Warkurai anun o Moses. 21 Det sa longoro a wasiso un ui lena, u ser ususer a taro Juda rop ra det kis nisan a taro ra awu sur a taro Juda, sur gong det mur a Warkurai anun o Moses. Det longoro i lena, u inanos det sur gong det tok talilis a pinin a kum nutnutun det, ma gong det mur a kum petutna anun a taro Juda. 22 Ra asau mo dat in pami, ra det in longoro i lena, u sa wanpat urin? 23 Nam 6:1-20; Ap 18:18Un pam a utna ri met in watungi tam: A wat na musano tagun met, det sa liliman taru torom o God. 24 Un nan tomo nam det, ma mot in utalapor mot elar nama Warkurai, ma un kul a kum utna na etabor ra det in etabor nami. Ra numur din kumur rop ru a iwu na lorindet. Ra un pami lenri, a taro rop det in tasmani lena, a kum wasiso ra det sa longoro tari un ui, ke lingmulus, ma ui kai u ser muri ut a Warkurai anun o Moses. 25 Ap 15:29Un ra bung dat sa tumus tar a buk torom a kum tene nurnur tagun det ra awu sur a taro Juda, lenri: Gong det wan tu utna ra di sa etabor taru nami torom a kum torotoro na god. Gong det wan tu utna ra ka di gos wakak a gap gusuni, ma tu wewegua ra di pos doko i kut, ra a gap kura utmakai uni. Ma gong det pam a kum petutna na pamuk.\"\n26 1 Kor 9:20Una bung numur, o Pol i wan tomo nama wat na musano, ra i utalapori tomo nam det. Numur i ruk una rumu na etabor, ra i watung puaso tar a bung ra a pinapam na utalapor in rop, ma din tun a etabor anundet taktakai uni.\nDi pam ukai pas o Pol una rumu na etabor\n27 Ra milau a wonom mawit na bung na utalapor in rop, a ramano taro Juda tagitong una papor Asia, det tama pas o Pol ubalan in noworo ina rumu na etabor. Ma det usungun balan a taro sur det in kankan torom o Pol ra det pam ukai pasi. 28 Ma det kukukuk lena, \"A taro Israel, mot in warut met. A musano ri, i ususer a taro rop una rakrakon bual sur det in nget dat, ma a Warkurai anun o Moses, ma a rumu na etabor. Ma i sa ben ruk pasi kai a taro ra awu sur a taro Juda urin una rumu na etabor, ma i sa udur ru a rumu ri anun o God.\" 29 Ap 20:4Det watungi lenri, uni numugu ut munung, det sa tama tar der nam o Tropimus, a te Epeses, tiro una tamon, ma det nuki lena o Pol i ben ruk pasi una rumu na etabor.\n30 Ma a taro rop det purpuruon ra det kalabor tomo, ma det pam ukai pas o Pol, ra det dat pirso pasi tagun in noworo ina rumu na etabor. Uniutra det tagar ru i mut a kum matansako. 31 Milau mukut det in um doko o Pol, a wasiso i wan sur a labino mugumugu anun a taro na inaim tagitong o Rom, lena a taro Jerusalem rop det sa purpuruon. 32 Uniutra i ben tomo pas a taro na inaim ma anundet a kum mugumugu kai, ma det kalabor pirso torom det. Ra a taro det tama a labino mugumugu ma a taro na inaim, det mana nama inaim gusun o Pol. 33 A labino mugumugu i wan torom o Pol, ma i dat pasi, ra i itula sur din ker ukai i nama ru sen. Ma i iting lena, \"Osi na musano ri? Asau ra i pam raro tari?\" 34 A ramano taro tagun a kunur na taro det watung ara wasiso, ma ara taro kai det watung ara wasiso gisen. Ra a labino mugumugu i itula sur din ben pas o Pol utiro una rumu anun a taro na inaim, uni, ke talapor lar pas una kibin a labino purpuruon ra. 35 Ra o Pol i wanpat nisan a leta ina rumu, a taro na inaim det los pasi, uni a kunur na taro det balano sungun doko. 36 Lk 23:18Ma a kunur na taro ra det mur det, ka det mana nama kukukuk lena, \"Sak doko i!\"\nO Pol i wasiso torom a taro\n37 Ra milau mo det in ruk nam o Pol una rumu anun a taro na inaim, i ting a labino mugumugu lena, \"I wakak kut sur an watung tu utna tam?\" Ra a labino mugumugu i tingi lena, \"Ai, u tasmani ut a wasiso Grik? 38 Ap 5:36-37A len makai ui a te Ijip, ra numugu i turpas a inaim tomo nama gapman, ra i ben pas a wat na arip na tene pam purpuruon, usapat una nubual kalako taro uni.\" 39 Ma o Pol i balu i lena, \"Iau a te Juda tagitong o Tasus, una papor Silisia, awu sur iau tagitiro un tu tamon oros kut. A saring ui, sur un mulaot iau sur an wasiso torom a taro ri.\" 40 Ra a labino mugumugu i mulaot tari, o Pol i tur una leta ina rumu, ra i turbat a taro nama lamano. Ra det sa tur wowon, i wasiso tandet nama wasiso Ibru lena,","id":"","dump":"CC-MAIN-2020-29","url":"https:\/\/ebible.org\/kqw\/ACT21.htm","date":"2020-07-15T13:11:28Z","file_path":"s3:\/\/commoncrawl\/crawl-data\/CC-MAIN-2020-29\/segments\/1593657167808.91\/warc\/CC-MAIN-20200715101742-20200715131742-00340.warc.gz","language":"kqw","language_score":0.9999966621,"language_script":"Latn","minhash_cluster_size":2,"top_langs":"{\"kqw_Latn_score\": 0.9999966621398926}","num_words":1549,"character_repetition_ratio":0.063,"word_repetition_ratio":0.0,"special_characters_ratio":0.271,"stopwords_ratio":0.454,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3\nA matok na nilaun un o Karisito\n1 Mk 12:36; 16:19; Ep 1:20O God i sa ukatutur tomo pas mot nam o Karisito gusun a minat, i mo ra, i wakak sur mot in ubek a kudulano nuknuki mot una kum utna sapat una langit, ra o Karisito i kis iai, una papor sot na laman o God. 2 Mt 6:33I wakak ra a nuknuki mot in kis una kum utna sapat una langit, ma gong i kis una kum utna taginin upiso. 3 Uni mot sa mat gusun a ngas na nilaun tagun a rakrakon bual, ma uniri anumot a nilaun i kis eno tomo nam o Karisito, un o God. 4 O Karisito i ra anumot a nilaun. Ra in nanpat, mot kai mot in nanpat puaso tomo nami una nun a minamar.\n5 Rom 6:6, 11; Ep 4:19; 5:3-6I mo ra, mot in doko ru a kum sakino petutna taginin upiso, ra kura una numot a nilaun. Iri a kum petutna ra: a kum petutna na pamuk, a kum dur na petutna, a laulau na nemnem, a nemnem sur a kum sakino petutna ma a nemnem sur a susut na ululeng. A nemnem sur a susut na ululeng, i ra, a lotu torom a torotoro na god. 6 Ra a kankan anun o God in nanpat torom a taro uni det pam a kum petutna ri.\n7 Una numot a nilaun numugu, mot kai mot ser mur a kum petutna ri. 8 Ep 4:25-29; 5:4Ikut uniri, mot in lakro ru a kum petutna rop lenri: a wasiso na engaras, a kankan, a kum sakino petutna, a emang, ma a wasiso laulau kai. 9 Ep 4:22-25Gong mot toro etetalai mot, uni mot sa rakon ru a kum sakino petutna ra numugu mot ser pami, 10 ma mot sa emar pas nama matok na nilaun. A matok na nilaun ri, o God i ser umatoki, sur mot in elar nama malalarino, ma sur mot in tasman mulusi. 11 Gal 3:28Ra lenra, dat rop dat elar mukut: a taro Juda, a taro Grik, det ra di sa tok talilis tar det ma det ra ka di tok talilis det, ma a taro tagun osi na ngas na kabotaro, a kum tene ititula ma det kai ra ka det tene ititula. O Karisito ut i labo sakit, ma i kis un dat rop.\nA marmaris etetalai\n12 1 Pit 2:9Mot a talapor na taro anun o God, ra i maris doko mot, ma i pilok pas mot. I mo ra, i wakak sur mot in emar nama kum petutna ri: mot in warut a taro, mot in pam a wakakino torom det, mot in unatino pas mot, mot in kis na malmal ma mot in ese a wowowon na magiramot. 13 Ep 4:2, 32Ma gong mot balano sungun ra taio tagun mot i raro un lako kum utna, mot in dumano ru anun a sakino petutna, elar nama Labino i sa unus ru anumot a kum sakino petutna. 14 Rom 13:8-10Netes una kum petutna rop ri, i wakak sur mot in emar nama marmaris torom mot etetalai. A marmaris i dat tomo dat rop, sur dat in takai kut.\n15 Pil 4:7; 1 Kor 12:27; Ep 4:4I wakak sur a malmal ra o Karisito i tabor mot nami in mugu mot una numot a nilaun. Uni mot ara pinin o Karisito kut, ma o God i kabo pas mot sur mot in kis tomo nama malmal. Ra i wakak sur mot in ser watung wakak torom o God. 16 Ep 5:19I wakak ra a wasiso anun o Karisito in kis sikot ubalamot ma in bukus. Mot in ususer etetalai mot nami, ma mot in udekdek etetalai mot kai nami tomo nama mananos rop. Ma mot in kelekele nama wasiso anun o Karisito ra mot kele a Kum Kelekele anun o Dewid, ma a kum kelekele na lotu, ma a kum kelekele ra a Tokodos na Nion i tabor mot nami. Ra mot in kelekele nama watung wakak torom o God ubalamot. 17 1 Kor 10:31; Ep 5:20Una kum utna rop ra mot pami ma mot watungi, mot in pami ut nama risan a Labino o Iesu, ma mot in watung wakak torom o God a Tamandat, kibino una pinapam ra o Karisito i pami un mot.\nA etowo torom a kum kamkabo tamano\n(Ep 5:22–6:4)\n18 Ep 5:22Mot a kum nolin na ino, i wakak sur mot in ser unatino pas mot torom anumot a kum musano, uni i tokodos sur mot, a taro anun a Labino mot in pami lenra.\n19 Ep 5:25Mot kai, a kum nolin na musano, mot in ser nem anumot a kum ino, ma gong mot pam det lar a kum karabus anumot.\n20 Ep 6:1A kum nat liklik, mot in ser mur a wasiso anun a kum tamtama mot ma a kum nanamot una kum utna rop, uni a Labino i gas ra mot ser pami lenra.\n21 Ep 6:4Mot a kum tamtaman a kum nat, gong mot ungangos a kum nutnutu mot, sako det in tusako.\nA etowo torom a kum tene ititula ma anundet a kum mugumugu\n(Ep 6:5-9)\n22 Ep 6:5-8Mot a kum tene ititula, mot in mur a wasiso anun anumot a kum mugumugu taginin upiso una kum pinapam rop. Gong mot papam wakak kut ra det tama mot, sur mot in ugasgas tar det kut. Mot in papam wakak torom det nama lingmulusino tiro ubalamot, ma a urur torom a Labino. 23 Una kum pinapam rop ra mot pami, mot in pitar rop tar anumot a nilaun uni. Ra mot papam, mot in papam elar nami ra mot papam ut torom a Labino, ma awu sur torom a taro. 24 Uni mot tasmani lena, numur a Labino in pitar a ikul torom mot, i a wakak na kinkinis ra numur mot in rakoni. Mot a kum tene ititula anun a Labino o Karisito, ma i ut anumot a mugumugu mulus. 25 Rom 2:11Osi ra i pam a sakino in los a warkurai na minabalu una sakino ra i pam tari. A warkurai anun a Labino i elar kut torom a taro rop.","id":"","dump":"CC-MAIN-2020-34","url":"https:\/\/ebible.org\/kqw\/COL03.htm","date":"2020-08-09T23:54:10Z","file_path":"s3:\/\/commoncrawl\/crawl-data\/CC-MAIN-2020-34\/segments\/1596439738595.30\/warc\/CC-MAIN-20200809222112-20200810012112-00286.warc.gz","language":"kqw","language_score":0.9999970198,"language_script":"Latn","minhash_cluster_size":2,"top_langs":"{\"kqw_Latn_score\": 0.9999970197677612}","num_words":982,"character_repetition_ratio":0.075,"word_repetition_ratio":0.0,"special_characters_ratio":0.279,"stopwords_ratio":0.523,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4\nA kum aposel anun o Karisito\n1 I wakak sur mot in nuknuk un met lar met, a kum tultul anun o Karisito, ra a kum wasiso anun o God ra numugu i kis eno, o God i sa pitar tari torom met sur met in upuaso i torom a taro. 2 Lk 12:42Det ra di sa pitar tar lako kum pinapam tandet, det in lingmulus uni. 3 Ka nuk bing pasi ra mot in kuro iau, o an tur umatan a warkurai sur a taro kai det in kuro iau. Lingmulus, iau kai ka kuro iau. 4 Uni ka nuk pas tu utna ra a raro uni, ikut a nuknuking ri ken ulangolango ru iau. A Labino ut in kuro iau. 5 1 Kor 3:8I mo ra gong mot warkurai taio numugu tan a bung na warkurai. Mot in kis langlang tuk ra a Labino in nanpat. Ra i ut in utalapor a kum utna ra i parau una dumirum, ra in upuaso a nuknukin a taro. Ma una bung ra, o God in watung ulabo pas a taro, elar ut nama nundet a kum pinapam taktakai.\n6 Rom 12:3A kum tistising, a sa watung tar a kum wasiso ri un mir nam o Apolos, sur in warut mot ma in ususer mot, sur mot in talapor una kukurai ina wasiso ri: \"Mot in muri kut a wasiso na Buk Tabu, ma gong mot ubek tar tu du wasiso kai.\" Ra mot in muri lenra, katutaio tagun mot in ulabo pas ara, ma in unatino pas ara kai. 7 Rom 12:6Osi ra i watungi lena, ui u wakak taun tu pasandet? Asau anumi ra o God ke pitar tari tam? Ra o God i sa pitar tar a kum utna tam, ilai ra u warango pas ui nami?\n8 Kutiro mot sa utur ukai a kum utna rop ra mot nemi? Kutiro mot sa tene gongon? Mot nuki lena mot kis elar nama kum king, ma met awu. A nemi sur mot in kis na king mulus, sur met kai met in kis na king tomo nam mot. Ikut awu. 9 Uni a nuki lena o God i ubek tar met a kum aposel, sur met in musano oros kut. Met elar nama kum karabus ra di sa kuro tar det sur det in mat ma din urongon un det. A taro ma a kum ensel kai det in tama det.\n10 A taro det nuki lena met a kum longlong uni met ser mur o Karisito. Ikut mot, mot nuki lena mot sa mananos rop una numot a nilaun un o Karisito. Met, ka met dekdek, ikut mot, mot nuki lena mot dekdek. Mot, di ulabo pas mot, ikut met, di tama pisopiso met. 11 2 Kor 11:23-27Tuk uniri met murak, ma met muruk, met pipis a kum tartararos na malu, di um laulau met, ma katu rumu anumet. 12 Ap 18:3; 2 Tes 3:8; Mt 5:44Met papam dekdek nama kum lamamet ut. Ra det watung laulau met, met watung udan det. Ra det ukadik met, ka met balu det. 13 Ra det mang laulau met, met balu det kut nama kum wasiso na marmaris. Tuk uniri met elar nama beren tagun a rakrakon bual, ma elar nama utna ra i mereseng ra di woro ru i.\nO Pol i saring a taro Korin sur det in mur anun a petutna\n14 Ka tumus a kum wasiso ri sur an ban umaimai mot nami. A tumusi sur an ukodos mot, uni mot elar nama kum nutnutung ra a nem doko mot. 15 Gal 4:19Kutiro ra anumot tu noino arip na tene tamtamabat, ra det tamtamabat anumot a nilaun un o Karisito, ikut kalako susut na tamtama mot. Un o Karisito Iesu, iau a tamamot, uni a los a Wakak na Wasiso torom mot. 16 Pil 3:17I mo ra a udekdek pas mot sur mot in mur anung a petutna. 17 Ap 19:22Iri a kibino ra a tulu ru o Timoti torom mot. I a nutung ra a nem doko i, ma i ser lingmulus una pinapam anun a Labino. In unuk tar mot melet una nung a kum petutna, ra i kibino pas tagun anung a kinkinis tomo nam o Karisito Iesu. Anung a petutna i elar nam anung a etowo torom a taro na lotu una kum tamon rop.\n18 Ara taro tagun mot det dat walos a lorindet, uni det nuki lena kan milet melet mo torom mot. 19 Ikut, milau mo an milet melet torom mot, ra ut ra a Labino i nemi. Ra an nanpat, kan mananos kut una wasiso anun a taro ra det dat walos a lorindet, awu. An mananos utkai una dekdek ra det papam nami. 20 1 Kor 2:4Uni a matanitu anun o God awu sur tagun a wasiso, tagun a dekdek ut. 21 Asau ra mot nemi? An nanpat torom mot namin kadas, o nama marmaris ma a wowowon na petutna?","id":"","dump":"CC-MAIN-2020-34","url":"https:\/\/ebible.org\/kqw\/1CO04.htm","date":"2020-08-15T20:26:33Z","file_path":"s3:\/\/commoncrawl\/crawl-data\/CC-MAIN-2020-34\/segments\/1596439741154.98\/warc\/CC-MAIN-20200815184756-20200815214756-00476.warc.gz","language":"kqw","language_score":1.0000029802,"language_script":"Latn","minhash_cluster_size":2,"top_langs":"{\"kqw_Latn_score\": 1.0000029802322388}","num_words":795,"character_repetition_ratio":0.055,"word_repetition_ratio":0.0,"special_characters_ratio":0.27,"stopwords_ratio":0.449,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"16\nA wonom mawit na dis na kankan anun o God\n1 Numur a longoro in labino walngan ara tagisapat una rumu na etabor i watungi torom a wonom mawit na ensel ra lenri, \"Mot in nan ma mot in lingis a wonom mawit na dis na kankan anun o God una rakrakon bual.\"\n2 Kis 9:10; Tam 13:12-17A mugano ensel i wan ma i lingis anun a dis na kankan netes una piso. Ma a kum laulau na inangon sakit, ra det tamtama sursurin, det wanpat una taro ra a ukinalong anun a kuabor na wewegua kura un det, ma det ser lotu torom a malalarino.\n3 Kis 7:17-21A manru na ensel i lingis anun a dis netes una tasi, ra a tasi i keles sur a gap, elar nama gapin a musano ra i mat. Ma a kum utna rop ra det laun sa utasi det mat.\n4 A mantul na ensel i lingis anun a dis netes una kum danim, ma una kum matmatano danim, ra det keles sur a gap. 5 Ma a longoro a ensel ra i tamtamabat a tasi ma a kum danim, i watungi lena,\n\"God, ui u laun numugu ma u laun uniri, a Tasur na Musano ui,\nui u tokodos, uni u warkurai lenri.\n6 Det sa um doko ru anum a taro ma anum a kum poropet, ma a gapindet i tilingis.\nI mo ra u sa pitar tar a gap torom det sur det in inum uni.\nI elar nama warkurai na minabalu torom det una anundet a sakino pinapam.\"\n7 Sng 19:9; Tam 15:3Ma a longoro in nalngan ara tagisapat una kabulu na tuntun etabor i watungi lena,\n\"A lingmulus, Labino o God, u dekdek sakit,\nanum a kum warkurai det lingmulus ma det tokodos.\"\n8 A manwat na ensel i lingis anun a dis netes unin matanas, ma di pitar tar a dekdek tan in matanas sur in tun a taro nama sungunino. 9 Tam 9:20-21Ma a labino mararongino, i tun a taro, ma det watung laulau a risan o God, i ra i pitar tar a kum ukadik ri, ikut ka det nukpukus ma ka det watung ulabo pasi.\n10 Kis 10:22; Ais 8:21-22A manlimo na ensel i lingis anun a dis netes una kiskis na king anun a kuabor na wewegua, ra anun a matanitu i dumirum rop. Ma a taro det karot a kum karmendet una labino ngunungut ra, 11 ma det watung laulau o God ra i kis sapat una langit, i kibino una labino ngunungut ma a kum laulau na inangon ra i kis un det, ikut ka det nukpukus gusun anundet a kum sakino petutna.\n12 Ais 11:15A manwonom na ensel i lingis anun a dis netes una labino danim Iupretis, ma a danim i mamaso rop sur in waninar a kisapi sur a kum king tagitong una matmatano tobar. 13 Numur a tama tulu laulau na nion detul tamtama elar nama tulin rokrok. Detul pirso tagun a wan in labino sui, a wan a kuabor na wewegua ma a wan a torotoro na poropet. 14 Tam 19:19Detul a tulu laulau na nion ma detul pam a kum ukinalong ma detul wan tuptupukus sur a kum king tagun a rakrakon bual rop, sur detul in ben tomo det sur a inaim una labino bung anun o God, i ra i dekdek sakit.\n15 Mt 24:43-44; Tam 3:3\"Tama i, an nanpat elar nama tene wolong. Osi ra i kis na tamtamabat ma i waninar anun a kum malu, i dan, sur gong i mengere ma i maimai.\"\n16 Sek 12:11Ma a tulu laulau na nion detul ben tomo tar a kum king una nubual di watungi nama wasiso Ibru Amagedon.\n17 A ururop na ensel i lingis anun a dis una maino, ma in labino walngan ara i pirso tagun a kiskis na king sapat una rumu na etabor, ma i watungi lena, \"I sa rop!\" 18 Tam 4:5; 8:5Numur in nememe, a pungpugur, a rurung ma a labino guri sakit det wanpat. Turpasi ra o God i ukis tar a taro, katu guri utmakai lenri i wanpat taru una rakrakon bual. A labino guri ra, i dekdek doko. 19 Tam 14:10A labino tamon Babilon i terege sur a tulu nubual, ma a kum lamlabino tamon anun a taro tagun a kum gapman rop det terege rop. O God i nuk pas a labino tamon Babilon ma i pitar a kap na wain toromi sur in inumi. A kap ra i bukus nama karangop ina nun a kankan. 20 Tam 6:14A kum ailan rop det sa rorom ma a kum tangai kai, kataio mo i tama det. 21 Kis 9:23-24; Tam 11:19A labino bato na ais, tekteken nututu ino, a mautino i elar nama limo na noino kilogrem, i puku netes una taro. Ma a taro det watung laulau o God una ukadik na bato na ais ri, uni a ukadik ri i laulau doko.\n16:3: Kis 7:17-21\n16:10: Kis 10:22; Ais 8:21-22\n16:12: Ais 11:15\n16:16: Sek 12:11","id":"","dump":"CC-MAIN-2020-34","url":"https:\/\/ebible.org\/kqw\/REV16.htm","date":"2020-08-09T23:20:26Z","file_path":"s3:\/\/commoncrawl\/crawl-data\/CC-MAIN-2020-34\/segments\/1596439738595.30\/warc\/CC-MAIN-20200809222112-20200810012112-00531.warc.gz","language":"kqw","language_score":0.999717176,"language_script":"Latn","minhash_cluster_size":2,"top_langs":"{\"kqw_Latn_score\": 0.9997171759605408}","num_words":800,"character_repetition_ratio":0.072,"word_repetition_ratio":0.003,"special_characters_ratio":0.28,"stopwords_ratio":0.463,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"11\nAsau a nurnur?\n1\nAsau a nurnur? I lenri: Ra taio i nurnur, i sa tasman mulusi lena, asau ra i kis langlang suri nama nurnur, in rakon pasi ut. Ke tama i utmakai, ikut i tasmani lena i lingmulus ut. 2\nA kum lamlabino tagun numugu det nurnur lenra, ra o God i gas nam det ra i wasiso puaso un det lena det wakak, kibino una nundet a nurnur.\n3\nUna nundat a nurnur, dat tasmani lena o God i ukis a rakrakon bual nam anun a wasiso. Ra asau ra dat tama i, o God i pami tagun asau ra ka di tama i.\n4\nUna nun a nurnur, o Abel i pitar tar a etabor torom o God ra i wakak sakit taun a etabor anun o Kain. Kibino una nun a nurnur, o God i nem anun a etabor, ra i wasiso puaso un o Abel lena i a tene tokodos. A lingmulus o Abel i sa mat, ikut, kibino una nun a nurnur, kuri utmakai i wasiso torom dat.\n5\nUna nurnur anun o Enok, o God i los ru i sur gong i taramo a minat. Ka di tama meleti mo, uni o God i sa rakon pasi. Ra o God ke rakon pasi utmakai, i gas doko nam o Enok ra i wasiso puaso uni lena i wakak. 6\nRa taio ke nurnur, o God ken gas lar pas nami. Uni taio ra i nem na wan torom o God, in nurnur lena o God i kis, ma in nurnur kai lena, o God in pitar a ikul tandet ra det sisio mulus suri.\n7\nO Noa i longoro a utumarong anun o God toromi una kum utna ra in nanpat ra ka di tama i utmakai. Ra una nun a nurnur, i ru pas o God ma i mur anun a wasiso, ma i pam a sip, ra i ulaun pas det tamtamano uni. A nurnur anun o Noa i upuaso a kum sakino petutna anun a taro una rakrakon bual, ra o God i kuro det uni. Ma o God i watung o Noa a tene tokodos, kibino una nun a nurnur.\n8\nUna nun a nurnur, o Abaram i mur a wasiso ra o God i kabo pasi sur in nan sur a tamon ra o God i sa uliliman tari sur numur anunu. I wan, ikut ke tasman a tamon ra i wan suri. 9\nUna nun a nurnur i kis kut elar nama usiro una tamon ra o God i sa uliliman tari nami. A liliman ra o God i uliliman tari nami, numur i kis utkai torom o Aisak ma o Jekop. O Abaram det, det laun kut una kum rumu na sel. Lenkutkai ra o Aisak ma o Jekop. 10\nO Abaram i kis kut elar nama usiro una tamon ra, uni i kis langlang pas a tamon ra in tur tukum. A tamon ra o God ut i sa nuk tari sur in pami pepetlai, ma i sa pam tari.\n11\nO Abaram, der nam o Sara der sa takano ma o Sara i pobo. Ikut, una nun a nurnur, o Abaram i pet lar pasi sur in ulabo pas tu nutunu, uni i tasmani lena, o God in pam sot pas anun a liliman, ra i sa uliliman tari. 12\nI mo ra, anun a kabotaro det susut elar nama kum nangnang sapat netes una maino, ma elar kai nama woio taginago una usalin, ra ka din luk lar pasi. Det wanpat kut tagun ara musano ra i takano laulau.\n13\nA taro rop ri det nurnur tuk ra det mat. Ra det laun nin upiso, ka det utur ukai a kum utna ra o God i sa uliliman tar det nami. Det tama i kut tagitiro bakbak, ma det gas pasi. Ma det watungi un det ut lena, det kis na usiro kut, ma det in laun lilik pas kut nin upiso. 14\nRa a taro det watungi lenri, i talapor lena, det sisio sur anundet tu tamon. 15\nRa gunuk det in nuk melet pas a tamon ra det sa wan gusuni, det in pet lari sur det in milet melet. 16\nIkut, anundet a nemnem ut sur a tamon sapat netes una langit, a tamon ra i wakak taun a tamon ra det sa wan pas gusuni. I mo ra o God ke maimai sur det in watungi lena, i anundet a God, uni i sa waninar tar a tamon sur det.\n17-18\nUna nun a nurnur, o Abaram i pitar tar o nutunu, o Aisak torom o God elar nama etabor, una du bung ra o God i lari. A lingmulus, o God i sa uliliman tari lena, \"A kum tumtubum det in nanpat tagun o Aisak.\" Stat 21:12\nIkut, ra o God i inanosi sur in um doko o nutunu, i ara sot kut, elar nama etabor, o Abaram i mulaot ma i waninar sur in pam soti. 19\nO Abaram i tasmani lena o God in pet lar pasi sur in ukatutur melet pas a kum minat. Ra o Abaram i rakon sikot pas o Aisak melet, i lenutra o God i ukatutur melet pasi gusun a minat.\n20\nUna nun a nurnur, o Aisak i wasiso udan tar o Jekop ma o Iso una kum utna ra kura numur in nanpat.\n21\nUna nun a nurnur, o Jekop, ra milau mo sur in mat, i wasiso udan tar aru nutnutun o Josep. I sukul ukai pasi nam anun in nubuku ma i lotu torom o God.\n22\nUna nun a nurnur, o Josep, ra milau mo sur in mat, i wasiso una inawan pirso anun a taro Israel tagitong o Ijip, ma i inanos tar det sur det in los a kum sursurino ra det in nan.\n23\nUna nunder a nurnur, o taman o Moses ma o nano der munu i a tulu kalang numur tan anun a usus, uni der tama i lena a wakak na nat, ra ka der ngaran a warkurai anun a king.\n24\nUna nun a nurnur, o Moses, ra i sa barman, ke mulaot sur din watungi lena, der ano nama nutun o Pero. 25\nI pilok pasi sur in taramo a ngunungut tomo nama taro anun o God, ma ke nemi sur in mur a gasgas tagun a kum sakino petutna ra ken suano i. 26\nI nuki lena, a maimai ra in taramo i una risan o Karisito, i wakak doko taun a kum ululeng tong o Ijip, ra a matano i ka doko, uni i tamtama sur anun a ikul numur. 27\nUna nun a nurnur, o Moses i katutur tagitong o Ijip, ma ke ngaran a kankan anun a king. I tur dekdek, uni i tama tar o God, i ra ka di tama tari. 28\nUna nun a nurnur, o Moses i pam a labino bung na lotu na Wanlakai, ra i itula sur din lamir a kum papor matansako nama gap, sur a ensel tagun a um doko a kum mugano nat na musano, gong i um doko a kum mugano nat musano anun a taro Israel.\n29\nUna nundet a nurnur, a taro Israel det wan kutus una Merek na Tasi lenlari ra i sa mamaso. Ikut, ra a taro Ijip det lari sur det in nan lenra, det kongo rop ra det mat.\n30\nUna nurnur anun a taro Israel, in noworo na wat ra i tur talilis a tamon Jeriko i terege pirso, numur tan a wonom mawit na bung ra det talilis in noworo.\n31\nUna nun a nurnur, o Reap, a pamuk na ino ke iru tomo nama taro Jeriko ra det pitarngat torom o God, uni i gas pas aru tene tamtama eno anun a taro Israel.\n32\nRa asau melet mo an watungi? In suano doko i ra an saksakutna un o Gidion, o Barak, o Samson, o Jepta, o Dewid, o Samuel, ma a kum poropet kai. 33\nUna nundet a nurnur, a taro ri det waim tomo nama kum king ma det winim rop pas det, det papam nama tokodos na petutna, det los pas a kum utna ra o God i uliliman tar det nami, ra det pam bat a wan a kum laion. 34\nDet um doko a karangop na sungun, ma det laun sikot gusun a kum totok na inaim. Ka det dekdek, ikut o God i udekdek det, det los a dekdek una inaim ra det lu a kum taro na inaim anun a kum king.\n35\nUna nundet a nurnur, a kum wardain det gas pas a kum kukundet ra det sa laun melet gusun a minat. A ramano taro kai di ukadik laulau det, tuk ra det mat, uni ka det nemi sur det in ipul ru o God sur din palos ru det. Det pami lenra sur det in los a nilaun melet gusun a minat ra i wakak sakit taun a nilaun nin upiso. 36\nA ramano taro di urongon laulau un det ma di miras det. A ramano taro kai di ker det nama kum sen ma di uruk det una karabus. 37\nDi duku doko det nama kum watat, di tok kutus det sur a ru kukur, di so doko det nama kum totok na inaim. A ramano taro det emar kut nama pino sipsip ma a pino meme, det dardar doko, di ukadik det ma di ban laulau det. 38\nA petutna anundet ra det nurnur i wakak taun a petutna anun a taro taginin una rakrakon bual, ra ke sot sur det in laun epotor tandet. Det laun tuptupukus una kum nubual kalako taro uni, ma a kum tangai, ma a kum mato na wat ma a kum tungtung kura una piso.\n39 Det rop ri, o God i gas nam det ra i wasiso puaso un det lena det wakak, kibino una nundet a nurnur. Ikut, ka det utur ukai asau ra o God i sa uliliman tar det nami, 40 uni o God i sa waninar tar ara kisapi sur dat rop, ra i wakak sakit taun a kisapi numugu. Ke nemi sur in utokodos mugu pas det kut sur det in tokodos sakit, awu. I nemi sur in utokodos tomo pas det ma dat.","id":"","dump":"CC-MAIN-2020-34","url":"https:\/\/ebible.org\/kqw\/HEB11.htm","date":"2020-08-15T20:24:35Z","file_path":"s3:\/\/commoncrawl\/crawl-data\/CC-MAIN-2020-34\/segments\/1596439741154.98\/warc\/CC-MAIN-20200815184756-20200815214756-00536.warc.gz","language":"kqw","language_score":1.0000011921,"language_script":"Latn","minhash_cluster_size":1,"top_langs":"{\"kqw_Latn_score\": 1.0000011920928955}","num_words":1675,"character_repetition_ratio":0.077,"word_repetition_ratio":0.013,"special_characters_ratio":0.263,"stopwords_ratio":0.481,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"10\nO Pol i wasiso talapor una nun a pinapam\n1 1 Kor 2:3A ramano taro det watungi lena, ra a kis torom mot, ka ser wasiso dekdek, ikut ra a kis gisen anung a wasiso i dekdek sakit. Iau, o Pol, a saring mot sur mot in longoro iau, uni o Karisito i unatino pasi, ma i papam nama wowowon na magirano torom a taro. 2 1 Kor 4:21Ra an nanpat torom mot, i topasi kut sur an ukodos mot nama kum dekdek na wasiso. Ikut ka nemi. Ara taro tagun mot det watungi lena, met muri kut a petutna tagun a rakrakon bual. Ra a saring det, sur det in mana gusun a ngas na wasiso ra, sur gong a wanpat nama kum dekdek na wasiso torom det. 3 A lingmulus, met laun una rakrakon bual, ikut ka met waim elar nama ngas na inaim tagun a rakrakon bual. 4 Ep 6:13-17Uni a kum utna na inaim ra met waim nami, awu sur anun a rakrakon bual, awu. A kum dekdek na utna na inaim anun o God, ma det dekdek sakit sur met in rege a kum dekdek na woro nami anun a ebar. 5 Met kamar ru a kum torotoro na wasiso ra a taro det uman labino nami, sur det in turbat a taro sur gong det tasman o God. Ra met dat pukus a nuknukin a taro, sur det in mur a wasiso anun o Karisito. 6 Met langlang mot sur mot in mur rop a wasiso anun o Karisito, ra numur met in waninar sur met in warkurai det ra det pitarngat.\n7 Mot in tama wakak a kum utna! Ra taio i nuki lena, i anun o Karisito, i wakak sur in nuknuk wakak ma in tama lele i lena, met kai anun o Karisito. 8 2 Kor 13:10Ra met ser warango pas met una numet a kinkinis na mugumugu ra a Labino i sa pitar tari tamet, ka met maimai. Uni i sa pitar tari, sur met in udekdek mot nami, ma awu sur sur met in ban laulau mot. 9 Ka nemi sur an ungara mot nam anung a kum pas. 10 Uni a ramano taro det watungi lena, \"Una nun a kum pas anun a wasiso i maut ma i dekdek, ikut ra i ut i kis tomo nam met, anun a wasiso i utna oros kut, ma ke maut.\" 11 I wakak sur det in tasmani lena, anumet a kum dekdek na wasiso ra det ser luki una numet a kum pas, ra ka met kis nisandet, met in pam sot pasi ut, ra met in nanpat tiro.\n12 Ka met ser elaro met nam det ra det watungi lena, det labo sakit. Det elaro etetalai det melet ut. Ka det mananos! 13 Rom 12:3Ikut met, ka met in warango pas met una kum utna gisen, met in warango pas met kut una pinapam ra o God i pitar tari tamet. A pinapam na warawai ra i wan tuk una numot a tamon. 14 Ka met warango pas met un tu pinapam ra ka met pam tari, uni met wanpat ut torom mot nama Wakak na Wasiso un o Karisito. 15 Ma ka met warango pas met kai, un tu pinapam, ra a taro gisen det sa pam tari. Ikut met nurnur lena, ra anumot a nurnur in lubung, anumet a pinapam kai epotor tamot in lubung, 16 sur met in warawai kai nama Wakak na Wasiso torom a kum tamon kusa numugu tamot, ra kataio utmakai i warawai iai. Uni ka met nemi sur met in warango pas met, una pinapam ra ara gisen ut, i sa pam tari. 17 1 Kor 1:31A Buk Tabu i watungi lena, \"Osi ra i nemi sur in warango pas taio, i wakak sur in warango pas a Labino.\" Jer 9:24\n18 1 Kor 4:4Uni osi ra i watung ulabo pasi ut, o naro ra awu sur i labo umatan a Labino, ikut osi ra a Labino i watung ulabo pasi, i ra i labo.","id":"","dump":"CC-MAIN-2020-34","url":"https:\/\/ebible.org\/kqw\/2CO10.htm","date":"2020-08-12T21:47:30Z","file_path":"s3:\/\/commoncrawl\/crawl-data\/CC-MAIN-2020-34\/segments\/1596439738944.95\/warc\/CC-MAIN-20200812200445-20200812230445-00328.warc.gz","language":"kqw","language_score":1.0000008345,"language_script":"Latn","minhash_cluster_size":2,"top_langs":"{\"kqw_Latn_score\": 1.0000008344650269}","num_words":649,"character_repetition_ratio":0.084,"word_repetition_ratio":0.0,"special_characters_ratio":0.266,"stopwords_ratio":0.461,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"11\nO Pita i wasiso talapor una nun a pinapam\n1 A kum aposel ma det ra det tar tistisino una nurnur ra det kis tiro o Judia, det longoro i lena a taro kai ra awu sur a taro Juda det sa nurnur una wasiso anun o God. 2 Ap 10:28; Gal 2:12Ra o Pita i wan usapat o Jerusalem, a taro ra det nemi sur a kum tene nurnur rop din tok talilis a pinindet, det bori, uni i sa lakai a warkurai anun a taro Juda. 3 Det watungi tano lena, \"U pam a utna ra i tabu torom dat a taro Juda, ra u ruk torom a taro ra ka di tok talilis a pinindet, ma u wangon tomo nam det.\"\n4 Ra o Pita i wasiso talapor torom det una kum utna rop ra i wanpat lena, 5 Ap 10:9-48\"A kis tiro una tamon Jopa, a wararing, ra a tama ara tamtama. A tama ara utna i elar namin labino malu, ra di pam pas a wat na kukurino ma di ukete pirso i tagisapat una langit torom iau. 6 Ra a tamtama tiro ubalano, a tama a kum wewegua, det ra di ser ugu det ma a kum lomlomino, ma det ra det kaukawar, ma a kum piko kai. 7 Ra a longoro in nalngan ara i watungi tang lena, 'Pita, un tur. Un um doko det ma un nan det.' 8 Ra a watungi lena, 'Labino, awu ut! Ka wan tar tu utna ra i dur umatam, ra i tabu torom met a taro Juda.' 9 Ra in nalngan ara tagisapat una langit i balu meleti lena, 'A utna ra o God i sa utalapor tari, gong u watungi lena i dur.' 10 A utna ri, di pami elar nama tulu dino, ra numur di dat toto melet pasi usapat una langit.\n11 \"Una du bung ut ra, a tulu musano ra di tulu ru detul tagitong o Sisaria torom iau, detul wanpat una rumu ra met kis uni. 12 Ra a Tokodos na Nion i inanos iau sur an nan tomo nam detul, ma gong a nuknuk larlar uni. Ma a wonom na musano kai ri, ra met tar tistisino una nurnur met wan tomo nam detul utong o Sisaria ra met ruk una rumu anun a musano ra i itula sur iau. 13 Ra i inanos met lena, i tama tar a ensel i wanpat una nun a rumu, i tur ma i watungi lena, 'Un itula utong o Jopa sur din ben pas o Saimon, ara risano kai o Pita. 14 Ap 16:31In inanos ui un lako kum wasiso ra in ulaun ui tomo nam det rop ra det kis una num a rumu.' 15 Ap 2:4Ra a turpas a wasiso, a Tokodos na Nion i wan pirso un det, elar nami ra i pami un dat numugu. 16 Ap 1:5Ra a nuk pas a wasiso anun a Labino, ra i watungi lena, 'O Jon i baptaiso nama danim, ikut numur din baptaiso mot nama Tokodos na Nion.' 17 O God i sa pitar tar a Tokodos na Nion lar a etabor tandet, elar nami ra i sa pitar tari tandat, ra dat nurnur una Labino, o Iesu Karisito. Ra osi na ngas na musano iau, sur an turbat o God?\"\n18 Ap 13:48; 14:27Det longoro a wasiso ri, ra ka det wasiso melet mo, ma det watung ulabo pas o God lena, \"O God i sa pam tar a kisapi sur det kai ra awu sur a taro Juda, det in nukpukus ma det in laun.\"\nA Wakak na Wasiso i wanpat tong o Antiok\n19 Ap 8:1-4A taro na nurnur ra det wan sarara tagisapat o Jerusalem, uni di ban laulau det numur tan a minatin o Stiwen, det wan bakbak utong o Saipras, ma una papor Ponisia, ma a tamon Antiok. Det wasiso torom a taro Juda kut nama Wakak na Wasiso un o Iesu. 20 Ikut ara taro tagun a taro na nurnur ra, a taro Saipras ma a taro Sairini, det wan utong o Antiok, ra det wasiso torom a taro ra awu sur a taro Juda kai, nama Wakak na Wasiso una Labino o Iesu. 21 A dekdekin a Labino i kis un det ra det wasiso, ma a susut na taro doko det nurnur ma det tupukus torom a Labino.\n22 Ap 4:36A taro na lotu sapat o Jerusalem det longoro a wasiso un asau ra i wanpat, ra det tulu ru o Banabas utong o Antiok. 23-24 O Banabas i ara wakak na musano, i bukus nama Tokodos na Nion ma a nurnur. Ra i wanpat, i tama asau ra a marmaris anun o God i pami una nundet a nilaun, ra i gas doko. Ra i uragot det rop sur det in tur dekdek mulus nama nurnur torom a Labino una nundet a nilaun rop. Ra a susut na taro det tupukus torom a Labino.\n25 Ap 9:30Numur o Banabas i wan bulung utong o Tasus, sur in sisio sur o Sol. 26 Ra i sa sio pasi, i ben pasi utong o Antiok. Ara kudulano kilalo der kis tomo nama taro na lotu tiro iai, ma der ususer a susut na taro doko. A rising \"a taro anun o Karisito\", di watung mugu i una taro na ususer tong o Antiok.\n27 Una kilalo ra, a ramano kum poropet det wan tagisapat o Jerusalem utong o Antiok. 28 Ap 21:10Ara tagun det, a risano o Agabus, i tur, ra i wasiso nama dekdekin a Tokodos na Nion. I wasiso mugu taru una labino munurak ra in nanpat una rakrakon bual rop ra i kis utuntudu ina warkurai anun a taro Rom. A munurak ri i wanpat una kilalo ra o Klodius i mugumugu tagun a gapman. 29 Ra a taro na ususer det kubus pasi sur det in etabor torom a taro na nurnur ra det kis una papor Judia. Det rop taktakai det in etabor nama sau ra i sot sur det in etabor nami, elar nama sau ra det utur ukai i. 30 Ap 12:25Det woro tomo tar a mani, ra o Banabas ma o Sol der losi torom a kum mugumugu na lotu sapat o Jerusalem.","id":"","dump":"CC-MAIN-2020-34","url":"https:\/\/ebible.org\/kqw\/ACT11.htm","date":"2020-08-10T16:57:37Z","file_path":"s3:\/\/commoncrawl\/crawl-data\/CC-MAIN-2020-34\/segments\/1596439736057.87\/warc\/CC-MAIN-20200810145103-20200810175103-00189.warc.gz","language":"kqw","language_score":0.9999915361,"language_script":"Latn","minhash_cluster_size":1,"top_langs":"{\"kqw_Latn_score\": 0.9999915361404419}","num_words":1007,"character_repetition_ratio":0.059,"word_repetition_ratio":0.0,"special_characters_ratio":0.27,"stopwords_ratio":0.479,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"25\nO Pol i tur umatan o Pestus\n1 Ra o Pestus i sa wanpat tiro o Sisaria una papor ra in warkurai iai, i kis pas kut a tulu bung, ra numur i wan usapat o Jerusalem. 2 Ap 24:1A kum lamlabino tene etabor torom o God ma a kum mugumugu anun a taro Juda sapat o Jerusalem, det inanosi nama etakun un o Pol. 3 Ap 23:15Ra det saring o Pestus sur in mulaot tandet, ma det watungi lena, \"Un maris met, ma un tulu ru o Pol urin o Jerusalem.\" Uni det sa epak pas sur det in um doko i kut epotor una nun a inawan. 4 Ikut o Pestus i balu det lena, \"O Pol kurong ut i kis tong o Sisaria, ma iau kai milau sur an milet melet utong. 5 I wakak sur lako kum mugumugu tagun mot, det in nan tomo nam iau utong. Ma ra tu utna a musano ra in raro uni, det in takuni nami tong.\"\n6 Ra o Pestus i sa kis tomo pas nam det a tiwal na bung, o a noino bung, i milet melet utong o Sisaria. Una bung numur, i turpasi sur in pam a warkurai, ra i itula sur din ben o Pol toromi. 7 Ap 24:5-6Ra o Pol i sa wanpat, a taro Juda tagisapat o Jerusalem det tur talilis pasi, ma det takuni nama susut na maut na etakun, ikut ka det watung tu utna sur in ulingmulus anundet a kum etakun uni. 8 Ra o Pol i wasiso batbati ut lena, \"Ka pam tu niraro una Warkurai anun a taro Juda, o una rumu na etabor, o torom a Sisa.\"\n9 O Pestus i nemi sur in ugasgas a taro Juda, ra i ting o Pol lena, \"Pepetlai, un mulaot kut sur un nan usapat o Jerusalem, ma un tur una warkurai una kum etakun ri un ui sapat?\" 10 Ra o Pol i balu i lena, \"Uniri a tur una warkurai anun a Sisa, i tokodos ut sur din warkurai iau nin. Ka pam tu niraro torom a taro Juda, ui kai u sa tasman tari. 11 Ra a sa pam tar a sakino ra i tokodos sur an iru uni, i wakak kut sur an iru. Ikut ra a kum utna ri det takun iau nami ke lingmulus, ke tokodos sur din pitar tar iau tandet. A sasaring sur a Sisa ut in longoro a warkurai anung.\" 12 Ra o Pestus i sa wasiso pas nam anun a kum tene mananos, i inanos o Pol lena, \"Uniri u sasaring sur un nan torom a Sisa, ra an tulu ru ui utong o Rom torom a Sisa.\"\nO Agripa ma o Benaisi der nem na longoro o Pol\n13 Ra i sa rop a kabano bung, a King Agripa der nama bunu ano, o Benaisi, der wanpat tong o Sisaria, ra der wasiso na ugasgas pas o Pestus una nun a kinkinis na mugumugu. 14 Ap 24:27Ra der kis a susut na bung tiro iai, o Pestus i inanos a king nama wasiso un o Pol lena, \"O Peliks i sa mana gusun anun a pinapam, ikut i madek tar ara musano una karabus, ra kuri utmakai i una karabus. 15 Ra a kis sapat o Jerusalem, a kum lamlabino tene etabor torom o God ma a kum mugumugu anun a taro Juda det inanos iau nama kum etakun uni, ra det saring iau sur an warkurai i sur din um doko i. 16 A inanos det lena, 'Awu sur a ngasino anun a taro Rom, sur din pitar tar tu musano sur din warkurai i sur in mat, ra kabaut i tur tomo nam det ra det takuni, sur in wasiso bati ut gusun a kum etakun.'\n17 \"Ra det wanpat tomo nin, ka balbalon nama warkurai. Ara bung kut numur, a kis una kiskis na warkurai, ra a itula sur din ben pas a musano ra. 18 A taro na etakun det tur sur det in wasiso, ikut awu sur det takuni nam tu sakino utna, elar nama sau ra a nuki. 19 Det takuni kut una kum utna tagun anundet a ngas na lotu, ma una ara musano, a risano o Iesu ra i mat, ra o Pol i watungi lena i sa laun melet. 20 Ka talapor ma ka tasmani ra an iting pepetlai una kum utna ri. Ra a tingi sur in nan usapat o Jerusalem ma din warkurai i una kum etakun ra, sapat. 21 Ikut, o Pol i sasaring sur a Sisa in warkurai i, ra a itula sur in kis munung nin una karabus, tuk una bung ra an tulu ru i utong o Rom torom a Sisa.\" 22 Ma o Agripa i watungi tan o Pestus lena, \"Iau kai, a nem na longoro a musano ri.\" Ra o Pestus i watungi lena, \"Markan un longoro i.\"\n23 Una bung numur, o Agripa ma o Benaisi der wanpat. Di mar der nama ngas na ememar anun a kum lamlabino. Det ruk tomo nama kum mugumugu anun a taro na inaim, ma a kum mugumugu tagun a tamon ra. Numur o Pestus i itula sur o Pol, ma di ben pasi. 24 Ma o Pestus i watungi lena, \"King Agripa, ma mot kai a taro ra dat kis tomo nin, mot tama a musano ri. A taro Juda rop tagisapat o Jerusalem ma nin kai det saring iau sur an warkurai i, ra det kukukuk lena ka det nemi sur in laun melet mo. 25 Ikut ka pastorom tu utna ra din um doko i uni. Ikut i sasaring sur a Sisa in warkurai i, ra a nuki lena an tulu i utong o Rom torom a Sisa. 26 Ka tasman mulus tu utna ra an tumus ukai i uni, torom a Sisa. I mo ra a ben pati torom mot rop, ma torom ui, King Agripa, sur dat in ting tari sur an tasman asau ra an tumusi. 27 Uni a nuki lena ke tokodos sur an tulu tu karabus torom a Sisa, ma ka di tumus ukai asau ra di takuni nami.\"","id":"","dump":"CC-MAIN-2020-34","url":"https:\/\/ebible.org\/kqw\/ACT25.htm","date":"2020-08-12T21:39:58Z","file_path":"s3:\/\/commoncrawl\/crawl-data\/CC-MAIN-2020-34\/segments\/1596439738944.95\/warc\/CC-MAIN-20200812200445-20200812230445-00224.warc.gz","language":"kqw","language_score":0.9999949932,"language_script":"Latn","minhash_cluster_size":2,"top_langs":"{\"kqw_Latn_score\": 0.9999949932098389}","num_words":994,"character_repetition_ratio":0.073,"word_repetition_ratio":0.016,"special_characters_ratio":0.265,"stopwords_ratio":0.461,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"14\nGong dat etakun una kum utna ra ke labo umatan o God\n1 Rom 15:7Mot in gas pas taio ra ke dekdek anun a nurnur, ma gong mot tama pisopiso i. Gong mot engaras una kum utna ra ke talapor toromi. 2 Stat 9:3-4Ara taro det nurnur lena, i wakak kut ra det in nan a kum utna rop. Ma ara taro ra ke dekdek anundet a nurnur, ka det wan a komonong ina kum wewegua. Det wani kut a utna ra di maruti. 3 Kol 2:16Osi ra i nurnur lena i wakak kut ra in nan a kum utna rop, gong i tama pisopiso o naro ra ke wan a kum utna rop. Ma osi ra ke wan a kum utna rop, gong i warkurai o naro ra i wan a kum utna rop lena i pam a sakino petutna, uni o God ut i sa gas pasi. 4 Mt 7:1; Jem 4:11-12Osi ui ra un warkurai a tultul anun taio gisen? Anun a Labino ut in tama i, ra in tur dekdek o in puku. Ikut in tur dekdek ut, uni a Labino in pet lar pasi sur in udekdeki.\n5 Gal 4:10-11Lenkutkai ra, ara taro det nuki lena, ara bung kut i labo taun a kum bung. Ma ara taro kai det nuki lena, a kum bung rop det elar rop kut. I wakak sur dat rop arara taktakai dat in tasman wakak asau ra i tokodos, elar nama nuknukin dat. 6 O naro ra i nuki lena, ara bung i labo, a nuknukino i lenra, sur in ulabo pas a Labino. Ma o naro ra i ser wan a kum utna rop, i pami sur in ulabo pas a Labino, uni i ser watung wakak torom o God. Ma o naro kai, ra i ser wani kut a kum utna ra di maruti, i pami kai, sur in ulabo pas a Labino, ra i ser watung wakak torom o God. 7 Ra dat laun awu sur anundat ut a nilaun, ma ra dat mat, awu sur a utna anundat. 8 Gal 2:20Ra dat laun, dat laun sur a Labino. Ma ra dat mat, dat mat sur a Labino. I lenra, ra dat laun, ma ra dat mat, dat anun a Labino ut.\n9 I mo ra o Karisito i mat ma i laun melet, sur i a Labino anundet ra det sa mat, ma anundet kai ra det laun. 10 2 Kor 5:10Ma ui, u lai ra u takun o tisim? U lai ra u tama pisopiso o tisim? Uni dat rop dat in tur numugu tan a kiskis na warkurai anun o God. 11 Pil 2:10-11Elar nami ra di sa tumus tari una Buk Tabu lena,\n\"A Labino i watungi lena, 'Ra i lingmulus a laun, a wasiso kai ri i lingmulus:\nA taro rop det in kis butkeke sa numugu tang,\nma a taro rop det in watung puaso i lena iau o God.' \" Ais 45:23\n12 Lenra, numur dat rop taktakai dat in wasiso puaso torom o God una kum utna rop ra dat sa pam tari.\nGong dat pam tu utna ra in ban laulau a nurnur anun taio\n13 I mo ra gong mo dat takun etalai dat. Mot in nuknuk wakak sur gong mo mot pam tar tu petutna ra tu tisimot in puku uni. 14 Ap 10:15; Tai 1:15Uni iau tagun a Labino o Iesu, a tasman mulusi lena, katu utna na inangon in ban ling tar dat sur dat in laulau umatan o God. Ikut, ra taio i nuki lena in laulau umatan o God ra in nan tu ngas na utna, i ut i tasmani lena ke tokodos toromi sur in nani. 15 1 Kor 8:11-13Ra un nan tu utna ra i ban purpuruon a nuknukin o tisim, ko upuaso a petutna na marmaris ra. Gong u madek tar tu utna na inangon in ban laulau a nurnur anun tu tisim ra o Karisito i mat suri. 16 Ra u nuki lena ara utna i wakak, gong u pam tu petutna ra in ban ling tar taio sur in watung laulau a utna ra. 17 Uni a matanitu anun o God awu sur tagun a utna na inangon ma a ininum. A matanitu anun o God tagun a tokodos na petutna, a malmal ma a gasgas tan a Tokodos na Nion. 18 Ma osi ra in mur a kum petutna ri una nun a pinapam torom o Karisito, o God in gas nami, ma a taro kai det in tama lele i lena anun a petutna i tokodos.\n19 Rom 12:18; 15:2I mo ra dat in dekdek sur dat in pam a petutna na malmal, ma sur dat in udekdek a nurnur anundat etetalai. 20 1 Kor 8:13Ma gong mot ban laulau a pinapam anun o God, kibino una utna na inangon kut. A kum utna na inangon rop i wakak kut umatan o God, ikut ra taio in nan tu utna ra in ban ling tar taio sur in puku una nun a nurnur, a utna ra i pami ke tokodos. 21 I wakak sur gong u wan tar a komonong ina kum wewegua, ma gong u inum a wain, ma tu ngas na utna kai lenra, sako a pinapam ra in ban ling tar o tisim sur in puku.\n22 A kum utna rop ra u nuki lena i wakak torom ui, anumur ut nam o God. Osi ra i pam tu utna ma a nuknukino ken takuni uni, i dan. 23 Ikut osi ra i wangon, ma i wur nuknuk una utna ra i wani, din warkurai i ut uni, uni awu sur i mur anun a nurnur. Ma a kum utna rop ra taio i pami ma anun a nurnur ke mulaot uni, i ra a sakino petutna.\n14:2: Stat 9:3-4","id":"","dump":"CC-MAIN-2020-34","url":"https:\/\/ebible.org\/kqw\/ROM14.htm","date":"2020-08-12T21:16:35Z","file_path":"s3:\/\/commoncrawl\/crawl-data\/CC-MAIN-2020-34\/segments\/1596439738944.95\/warc\/CC-MAIN-20200812200445-20200812230445-00318.warc.gz","language":"kqw","language_score":0.9999709129,"language_script":"Latn","minhash_cluster_size":2,"top_langs":"{\"kqw_Latn_score\": 0.9999709129333496}","num_words":936,"character_repetition_ratio":0.065,"word_repetition_ratio":0.0,"special_characters_ratio":0.284,"stopwords_ratio":0.44,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4\nO Pita ma o Jon der tur una warkurai\n1 O Pita ma o Jon der wasiso torom a taro, ra a kum tene etabor torom o God, ma a mugumugu anun a kum tene tamtamabat tagun a rumu na etabor, ma a kum Sadusi, det wan torom der. 2 Det kankan torom der, uni der ususer a taro un o Iesu, ma der warawai nami lena i sa laun melet gusun a minat, lenkutkai ra a taro det in laun melet. 3 Ra det pam ukai pas der ma det uruk tar der una karabus, sur der in kis tuk una bung numur, uni i sa lirop. 4 Ap 2:41Ikut, a susut na taro ra det longoro a wasiso anun o Pita ma o Jon, det nurnur. Ra a niluluk ina kum tene nurnur i labo nanan, a kum musano kut i elar nama limo na arip.\n5 Una bung numur, a kum mugumugu, ma a taro na kiwung ma a kum tene ususer tagun a Warkurai, det kis tomo sapat o Jerusalem. 6 Det tomo nam o Anas, a mugumugu na tene etabor torom o God, ma a kum kukunu ri det: o Kaiapas, o Jon, o Aleksanda, ma ara taro kai. 7 Di ben pas o Pita ma o Jon, ra der tur umatandet ma det ting der lena, \"Osi na ngas na dekdek ra mur pam a utna ri nami? Ma a risan osi ra mur pami nami?\"\n8 O Pita i bukus nama Tokodos na Nion, ra i watungi tandet lena, \"Mot a kum mugumugu anun a taro ma a taro na kiwung kai, 9 Ap 3:6, 13-16uniri mot ting mir una wakak na pinapam ra mir pami una musano ra ke ser wan ma di ulangolango petlan pasi. 10 Mot ma a taro Juda rop, mot in tasmani lena, a musano ri ra i tur numugu tamot, di ulangolango pasi nama risan o Iesu Karisito a te Nasaret, i ra mot sak wat tari unin nanai kutus, ma o God i ukatutur melet pasi gusun a minat.\n11 I 'A wat ra mot a kum tene pam rumu mot lakro ru tari,\ni ut ra, i wanpat a wakak na wat ra i udekdek a rumu.' Sng 118:22\n12 Mt 1:21Katutaio gisen in ulaun dat, ma katu risan taio kai taginin una rakrakon bual, ra o God i pitar tari torom dat a taro, sur din ulaun dat nami.\"\n13 Det tasmani lena, o Pita ma o Jon aru musano oros kut, ma ka der ususer pas un tu labino wortowo. Ma det kisin doko un der ra der wasiso ma ka der ngara. Ra det tasmani lena numugu detul ser imurmur tomo ut nam o Iesu. 14 Ikut det tama a musano ra di ulangolango pasi, i tur tomo nam der, ra ka det pet lar pasi mo sur det in balu der. 15 Det tulu gisen ru detul munung gusun a kiwung, ra det wasiso tomo pas, ma det watungi lena, 16 \"Asau dat in pami una ru musano ri? Uni der sa pam ru ara labino utna na ukisin, ma i sa talapor torom det rop ra det kis nin o Jerusalem. Dat in ipul pepetlai mo? 17 Dat in turbat dekdek der, sur gong melet mo der wasiso torom taio nama risan o Iesu, sako a wasiso ri in nan kakaka torom a taro rop.\"\n18 Ap 5:28Numur det kabo melet pas der, ma det turbat der sur gong melet mo der wasiso ma der ususer lako taro nama risan o Iesu. 19 Ap 5:29Ikut o Pita ma o Jon der balu det lena, \"Pepetlai, i tokodos umatan o God sur mir in mur anumot a wasiso, ma a wasiso anun o God gong? Mot ut mot in tama i. 20 Ikut mir, ka mir in mana lar pas nama wasiso un asau ra met sa tama tari, ma met sa longoro tari.\"\n21 Ra det sa turbat dekdek tar der, det palos ru der. Ka det sio lar pas tu utna ra det in um der uni, uni a taro rop det watung ulabo pas o God una utna na ukisin ra der sa pam tari. 22 Uni a musano, ra di pam a utna na ukisin uni ra i langolango, anun a kilalo i labo taun a wat na noino.\nA kum tene nurnur det wararing\n23 Ra di sa palos ru o Pita ma o Jon, der milet melet torom a kum paspasan der, ra der inanos det una kum utna rop ra a kum lamlabino tene etabor torom o God ma a kum mugumugu det sa watung tari tander. 24 Kis 20:11; Neh 9:6; Sng 146:6Ra det longoro i, det wararing tomo torom o God lena, \"Labino, u ukis a bakut, a rakrakon bual, a tasi, ma a kum utna rop ubalandetul. 25 Una Tokodos na Nion, u pitar a wasiso torom a tubumet o Dewid, anum a tultul. Ra o Dewid i watungi lena,\n'Asau a kibino ra a taro, ra awu sur a taro Israel det kankan doko?\nMa sur asau det epak sur det in pam a sakino?\nIkut anundet a epak i utna oros kut.\n26 A kum king taginin una rakrakon bual det tur na inaim,\nma a kum mugumugu det wan tomo,\nsur det in ban laulau a Labino ma anun a Mesaia, i ra i sa pilok pasi.' Sng 2:1-2\n27 Mt 27:1-2; Lk 23:7-11; Ap 3:13A lingmulus ra o Erod ma o Pontias Pailat, ma a taro ra awu sur a taro Israel, ma a taro Israel kai, det wan tomo una tamon ri sur det in ban laulau o Iesu, anum a Tasur na Tultul, ra u sa pilok pasi. 28 Ap 2:23Ra det pami lenra, det pam sot pas a kum utna ra numugu u sa waninar tari una dekdekim ma una num a nemnem sur in nanpat. 29 Ep 6:19Labino, un nuk pas anundet a kum dekdek na wasiso, ma un warut met anum a kum tultul sur gong met ngara ra met in wasiso puaso nama num a wasiso. 30 Un warut met nama dekdekim sur a kum misait det in langolango, ma a kum utna na ukisin ma a kum ukinalong det in nanpat una risan o Iesu, anum a Tasur na Tultul.\"\n31 Ra det sa wararing pas, a rumu ra det kis tomo uni i tugunu, ma det rop det bukus nama Tokodos na Nion, ma det wasiso nama wasiso anun o God, ma ka det ngara.\nA kum tene nurnur det isuaro anundet a kum utna\n32 Ap 2:44A kum tene nurnur rop, i takai kut a nuknukin det ma a balandet, ma kataio tagun det i watung tu utna sur anunu kut. Det ubek tomo a kum utna sur anundet rop. 33 A kum aposel det wasiso nama dekdek, una nilaun melet anun a Labino o Iesu gusun a minat, ra det sa tama tari. Ra a labino marmaris anun o God i kis un det rop. 34 Ap 2:45Kataio tagun det i sibo sur tu utna, uni det ra anundet a kum du piso ma det kai ra anundet a kum rumu det siuru pasi, ra a mani taguni, 35 det losi torom a kum aposel. Ra det isuaro i torom osi ra i sibo.\n36 Ma o Josep kai, ara musano tagun a ailan Saipras, tagun a kabotaro Liwai, ma a kum aposel det watungi nam o Banabas, a kukurai ino lena \"tene ururagot\". 37 Anun ara du piso i siuru pasi, ra a mani taguni, i los tari torom a kum aposel.\n4:24: Kis 20:11; Neh 9:6; Sng 146:6","id":"","dump":"CC-MAIN-2020-34","url":"https:\/\/ebible.org\/kqw\/ACT04.htm","date":"2020-08-12T21:07:44Z","file_path":"s3:\/\/commoncrawl\/crawl-data\/CC-MAIN-2020-34\/segments\/1596439738944.95\/warc\/CC-MAIN-20200812200445-20200812230445-00401.warc.gz","language":"kqw","language_score":0.9999940395,"language_script":"Latn","minhash_cluster_size":4,"top_langs":"{\"kqw_Latn_score\": 0.9999940395355225}","num_words":1225,"character_repetition_ratio":0.053,"word_repetition_ratio":0.0,"special_characters_ratio":0.277,"stopwords_ratio":0.47,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"12\nUna tamtama o God i ben pas o Pol usapat una langit\n1 Ra an warango pas iau ut, anung a wasiso ke gas un tu utna, ikut an warango pas iau ut una ramano kum tamtama ma a kum ririon ra a Labino ut i sa utamtama tar iau uni. 2 A tasman ara musano, a te Karisito, numugu tan a noino ma wat na kilalo, o God i ben pasi usapat una mantul na langit. Ka tasmani ra i los tito pasi, tomo nama pinino, o a niono kut. O God kut i tasmani. 3-4 An watung meleti, a tasmani lena a musano ri o God i los tito pasi usapat una Paradais, ikut ka tasmani ra i los tito pasi, tomo nama pinino o a niono kut. O God kut i tasmani. Sapat netes, i longoro a kum utna ra kataio in pet lari sur in watungi, ma i tabu kai sur taio in inanos nami.\n5 An warango pas a musano ri, ikut, ra an warango iau, an warango pas iau una kum utna kut ra i upuaso i lena kalako dekdeking. 6 Gunuk ra an warango pas iau una kum utna ri, ka longlong, uni a watungi ut a lingmulus. Ikut ka nem na wasiso bing una nung a kum tamtama, uni ka nemi sur taio in ulabo pas a nuknukino un iau, sako a nuknukino un iau ken elar nama utna ra a pami ma a watungi.\nO Pol i gas ra kalako dekdekino\n7 Jop 2:6A kum utna ra o God i sa utamtama tar iau uni i labo sakit, ikut di pitar tar ara utna i suksuk ra i ser so a pining, sur gong a nuk ulabo pas iau ut una kum tamtama ri. A suksuk ra, a ensel anun o Satan ra i ban laulau a pining. 8 A sa mantulu saring a Labino, sur in rakon ru i gusun iau. 9 Pil 4:11-13Ikut i watungi lenri tang, \"Anung a marmaris torom ui sa sot, ma kon sibo sur tu utna gisen. Uni din tama pupuaso a dekdeking un ui ra kalako dekdekim.\" I mo ra a gas doko sur an warango pas iau lena, kalako dekdeking, sur a dekdekin o Karisito in kis un iau. 10 I mo ra a gas doko ra kalako dekdeking, ma di watung laulau iau, ma a taramo a kum mamaut, ma a taro det ukadik iau, ma a taramo a dekdek na tupunuk, uni a nurnur un o Karisito. A gas, uni a tasmani lena, ra kalako dekdeking an dekdek.\nO Pol i watung puaso anun a marmaris torom a taro Korin\n11 2 Kor 11:5A sa watung tar a kum longlong na wasiso ri, uni ka mot nuki lena iau a aposel mulus. I lingmulus ut, iau a musano oros kut, ikut i tokodos sur mot in tama lele iau lena iau a aposel mulus, uni ka natino tandet ra mot watung det a kum lamlabino aposel. 12 Rom 15:19Ra a kis nisamot, a ulingmulus pas iau umatamot lena, iau a aposel mulus. A pam a kum utna na ukisin, a kum dekdek na pinapam, ma a kum ukinalong, ma pining ke ngoro sur an pam a kum utna ri, ra a taramo a kum maut. 13 2 Kor 11:9Asau a kibino ra mot nuki lena ka pam a wakakino torom mot, elar nami ra a pami torom a taro na lotu una ramano kum tamon gisen? Kutiro ra ka saring mot sur tu utna? Mot in dumano ru anung a sakino petutna ra ka saring mot sur tu utna!\n14 Tama i, uniri a sa waninar sur a mantul na inawan torom mot. Ma kan saring tu utna gusun mot, uni ka nem anumot a mani, a nem mot ut. Uni ke tokodos sur a kum nat liklik det in tabor a kum tamandet ma a kum nandet. I wakak sur a kum tamandet ma a kum nandet ut det in ubek a utna sur det in tabor a kum nutnutun det nami. 15 A gas kut sur an pitar tar anung a kum utna rop, ma anung a nilaun kai, sur u warut mot. A nem doko mot, ma pepetlai, anumot a marmaris torom iau in natino kut?\n16 Mot sa tasmani lena ka saring pas tu mani gusun mot. Ikut, sako taio tagun mot in watungi lena, iau a tene mananos ma a sa toro pas tu utna gusun mot. 17 Pepetlai, surko a sa los pas tu utna tamot, tan a taro ra a tulu ru det torom mot? 18 2 Kor 8:6, 16-18A saring pas o Taitus sur in nan torom mot, der nam ara tisimet kai. Pepetlai, o Taitus i sa los pas tu utna gusun mot? Awu. Met muri kut ara nuknuk, ma ara kisapi kut ra met muri.\nO Pol i ngara un det\n19 Pepetlai, mot nuki lena met wasiso bat met kut gusun mot? Awu. Met wasiso nama lingmulus umatan o God elar nama kum tultul anun o Karisito. A kum wakak na paspasa met, a kum utna rop ra met pami, met pami sur in warut mot. 20 A ngara, sako ra an nanpat torom mot, kan tama torom a kum petutna ra a nemi sur an tama i. Ma mot kai, ka mot in gas una petutna ra an nanpat nami. A ngara, sako an etorom pas a ngas na kinkinis lenri: mot wasiso na engaras, mot nuknuk laulau, mot kankan, mot kis susuaro, mot emang, mot wasiso eno, mot ulabo pas mot ut, ma anumot a kinkinis i purpuruon. 21 2 Kor 13:2A ngara, sako ra an nanpat tiro, anung a God in unatino pas iau umatamot. Ma an tupunuk una susut tagun mot, ra det pam sakino tagun numugu utmakai ma ka det nukpukus gusun anundet a kum dur na petutna, a kum pamuk na petutna ma a kum nemnem sur a sakino petutna ra det ser muri.\n12:7: Jop 2:6","id":"","dump":"CC-MAIN-2020-34","url":"https:\/\/ebible.org\/kqw\/2CO12.htm","date":"2020-08-12T21:44:13Z","file_path":"s3:\/\/commoncrawl\/crawl-data\/CC-MAIN-2020-34\/segments\/1596439738944.95\/warc\/CC-MAIN-20200812200445-20200812230445-00570.warc.gz","language":"kqw","language_score":0.9999973774,"language_script":"Latn","minhash_cluster_size":2,"top_langs":"{\"kqw_Latn_score\": 0.9999973773956299}","num_words":966,"character_repetition_ratio":0.06,"word_repetition_ratio":0.021,"special_characters_ratio":0.262,"stopwords_ratio":0.438,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"7\nA warawai anun o Stiwen\n1 A mugumugu na tene etabor torom o God i ting o Stiwen lena, \"I lingmulus ut a kum wasiso ri?\" 2 Ra i balu i lena, \"A kum tistising, ma a kum tamtamang, mot in longoro iau. A God na minamar i wanpat torom a tubundat o Abaram, ra i kis utmakai tiro o Mesopotemia, ma ke wan utmakai utiro o Aran. 3 Ra i watungi tano lena, 'Un nan gusun anum a tamon, ma gusun a kum kukum kai, ma un nan sur a tamon ra an ese tar ui uni.' Stat 12:1\n4\n\"I mo ra i wan gusun a tamon anun a kum Kaldia, ma i kis tiro o Aran. Ra o tamano i sa mat, o God i tulu ru i sur a tamon ri, ra uniri mot kis uni. 5\nO God ke pitar tar tu du piso utmakai tano sur anunu, o tu nat na nubual lik. Awu ut. Ikut i liliman taru sur numur in pitar tar a piso ri tano ma torom a kum tumtubunu numur. Una du bung, ra o God i uliliman tari, o Abaram katu nutunu utmakai. 6\nRa o God i watungi tano lena, 'A kum tumtubum numur tam, det in kis na usiro una usiro na tamon, ma det in papam na karabus, ma din ban laulau det a wat na mar na kilalo. 7\nIkut an ukadik a taro ra det dat pas a kum tumtubum sur a pinapam na karabus. Ma numur det ra det papam na karabus det in pirso gusun a tamon ra, ma det in lotu torom iau una tamon ri.' Stat 15:13-14\n8\nO God i pam tar a kunubus tomo nam o Abaram. Ma a ukinalong ina kunubus ra, a tinotok talilis una pinindi. O Abaram i ulabo o Aisak, numur ra i sa tiwal na bung bati, o Abaram i tok talilis a pinin o Aisak. Numur o Aisak i ulabo o Jekop, ma o Jekop i ulabo a noino ma aru tumtubun dat.\n9\n\"Ma a kum tumtubun dat ra, det nuknuk laulau un o Josep, a tisindet, ra det siuru ru i sur in papam na karabus tong o Ijip. Ikut o God i kis tomo ut nami, 10\nra i ulaun pasi gusun a kum maut ra i monongi. I pitar a wakak na mananos tano, ma i waruti sur o Pero, a king tagitong o Ijip, in gas nami. Ra o Pero i ukis tari sur in mugumugu una tamon Ijip, ma in mugumugu kai una rumu anun o Pero.\n11\n\"Numur a labino munurak i wanpat tong o Ijip ma o Kenan kai, ma a susut na maut i monong a taro, ma kalako utna na inangon ana kum tumtubun dat. 12\nRa o Jekop i sa tasmani lena a wit kurong o Ijip, i tulu ru a kum nutnutunu, a kum tumtubun dat, tagitong o Kenan utong o Ijip a mugano inawan. 13\nUna manru na inawan anundet, o Josep i inanos det lena, i a tisindet. Ra o Pero kai i talapor maragom una kum tistisin o Josep. 14\nNumur o Josep i itula sur o tamano o Jekop, det tomo nama kum tumtubunu. Det rop a wonom mawit na noino ma limo. 15\nRa o Jekop ma a kum tumtubun dat det wan ma det kis tong o Ijip. Numur det mat tong. 16\nA susut na kilalo numur, di los pas a sursurin det, ma di uruk det una kulam na minat, tong o Kenan una tamon Sikem. A kulam na minat ra, o Abaram i sa kul pasi tan a kum nutnutun o Amor.\n17\n\"Ra i sa milau nanan a du bung ra o God in pam sot pas anun a liliman ra i sa inanos tar o Abaram nami, a niluluk ina nundat a taro i sa ka toto bing tong o Ijip. 18\nRa ara matok na king i turpasi sur in mugumugu tong o Ijip, ke talapor una pinapam anun o Josep ra i pami numugu. 19\nI toro tar anundat a taro, ma i ban laulau det, ra i ungongos tar det sur det in los pirso ru anundet a kum nat miso, gusun a kum rumu, ma det in madek ru det, sur det in mat.\n20\n\"Una kilalo ra, di usus o Moses uni. Ma i ara wakak na nat sakit umatan o God, ra di ugu i a tulu kalang una rumu anun o tamano. 21\nNumur di los pirso ru i, ra a nutun o Pero, a ino, i los pasi, ma i ugu pasi sur o nutunulik. 22\nRa di ususer o Moses una kum ngas na mananos rop anun a taro Ijip, ma i ara dekdek na musano una nun a kum wasiso ma una nun a kum pinapam.\n23\n\"Ra o Moses i sa wat na noino kilalo anunu, i nuki lena in nan ma in tama tar anun a taro Israel. 24\nI tama ara te Ijip i um laulau ara tagun det, i kalabor torom der ra i um doko ru a te Ijip, sur in balu ara pasander. 25\nO Moses i nuki lena anun a taro det in tasman lele i lena, o God i tulu ru i sur in ulaun pas det, ikut ka det tasmani.\n26 \"A bung numur tano, i tama melet aru te Israel, ra der waim, ra i nemi sur in umalmal der, ma i watungi tander lena, 'Aru musano, mur pasano kut. Pepetlai ra mur ban laulau etalai melet mur?' 27 Ikut, i ra i um laulau a pasano, i sugut gisen ru o Moses, ma i watungi tano lena, 'Osi ra i ubek tar ui sur un mugumugu ma un tene warkurai anumet? 28 Pepetlai, u nemi sur un um doko iau, elar nama te Ijip, ra nubung u um doko tari?' Kis 2:14\n29\nO Moses i longoro a wasiso ri, ra i kalabor eno utong o Midian. Una nun a kinkinis na usiro tong iai, i ulabo aru nutnutunu, aru musano.\n30\n\"Ra i sa wat na noino kilalo uni tiro iai, ara ensel i wanpat toromi epotor una kunabor unin nanai, una nubual kalako taro uni, milau a Tangai Sainai. 31\nRa o Moses i tama i, i kisin doko uni. I wan milau sur in tama wakaki, ra i longoro in nalngan a Labino i watungi lena, 32\n'Iau a God anun a kum tumtubum tagun numugu, a God anun o Abaram, o Aisak ma o Jekop.' Kis 3:6\nRa o Moses i neneder, ma i ngara sur gong i tama i. 33 Ra a Labino i watungi tano lena, 'Un palos ru aru su, uni a du piso ra u tur uni, anungi ut. 34 A sa tama a kum ngunungut ra i monong anung a taro ra det kis tong o Ijip, ma a sa longoro anundet a tinangis. Iri a sa wan pirso, sur an ulangolango pas det. Wan urin, sur an tulu melet ru ui utong o Ijip.' Kis 3:5, 7-8, 10\n35\n\"Numugu a taro Israel det ban lulu ru o Moses nama wasiso lenri, 'Osi ra i ubek tar ui sur un mugumugu ma un tene warkurai anumet?' Ikut, i ut ra, o God i tulu ru i sur in mugumugu ma in ulangolango pas a taro. I tulu ru i nama wasiso anun a ensel ra i wanpat toromi unin nanai ra i kunabor. 36\nRa o Moses i mugu pirso pas det tagitong o Ijip, i pam a kum utna na ukisin ma a kum ukinalong tong o Ijip ma tong una Merek na Tasi, ma tiro kai una nubual kalako taro uni, i elar nama wat na noino kilalo. 37\nO Moses ut i watung tari tan a taro Israel lena, 'O God in tulu ru tu poropet elar nam iau tagun a kum tumtubu mot ut.' Lo 18:15\n38\nO Moses i kis tomo nama kum tumtubun dat tagun numugu, a taro Israel, una nubual kalako taro uni. Ra a ensel i wasiso toromi una Tangai Sainai. O Moses i los pas a wasiso na nilaun, ma i tumus ukai tari sur anundat uniri.\n39 \"Ikut a kum tumtubun dat tagun numugu ka det nem na longoro o Moses. Det rosumur gusuni, ma det nuknuk melet utong o Ijip. 40 Ra det watungi tan o Aron lena, 'Un pam pas anundat lako kum god sur det in mugu dat, uni o Moses, ra i mugu pirso pas dat tagitong o Ijip, ka dat tasmani mo ra asau kura i sa wanpat uni.' Kis 32:1\n41\nUna du bung ra, det pam pas a nat na bulumakau nama gol, ma det gas una pinapam na lamandet ra det etabor toromi. 42\nIkut o God i rosumur gusun det, ma i madek ru det sur det in lotu torom a kum nangnang, elar nami ra di sa tumus tari una buk anun a kum poropet lena,\n'Mot a taro Israel,\nuna wat na noino kilalo ra mot kis una nubual kalako taro uni,\nka mot etabor torom iau, ma ka mot um doko tu wewegua sur mot in etabor nami torom iau.\n43 Mot ser los a rumu na lotu anun a torotoro na god Molek,\nma a malalar in in nangnang anun o Repan, anumot a torotoro na god.\nA kum torotoro na god ri mot pam pas det, sur mot in lotu torom det.\nI mo ra an rakon ru mot' Amo 5:25-27\nma mot in nan lakai ru o Babilon ma utong sakit.\n44\n\"A kum tumtubun dat tagun numugu det los nanan a rumu na sel una nubual kalako taro uni. A rumu na sel ra, i upuaso i lena o God i kis tomo nam det. Ra di sa pam tari murmur a wasiso anun o God torom o Moses, elar nama malalar ra i tama tari. 45\nMa a kum tumtubun dat tagun numugu det pitari torom a kum nutnutun det. Ra det bulung det los nanani ra o Josua i mugu det, sur det in los a kum tamon gusun a taro tagun a kum gapman ra o God i lu ru det. Ra i kis tiro iai, tuk una kilalo anun o Dewid, 46\ni ra o God i nem doko i. Ra o Dewid i saring o God sur in mulaot sur in pam tu rumu, sur a taro det in lotu uni, torom o God, i ra o God anun o Jekop. 47\nA rumu ra, o Solomon i pami. 48\nIkut o God a Labino Sakit ke kis una kum rumu ra a taro det pami, elar nami ra a poropet i watungi lena,\n49 'A Labino i watungi lena: A langit, i anung a kiskis na king,\nma a rakrakon bual, a utna ra a ubek aru kiking netes uni.\nPepetlai, i topas mot sur mot in pam tu rumu anung?\nAwai i anung a nubual na mana?\n50 Pepetlai, awu sur iau, a pam a kum utna rop ri?' \" Ais 66:1-2\n51\nRa o Stiwen i watungi tan a taro na kiwung lena, \"Mot a kum tene pitarngat mot, a balamot i bakbak gusun o God ma a talngamot i kutkut. Mot turbat liklik a Tokodos na Nion, elar nama kum tumtubu mot tagun numugu det ser pami. 52\nA kum tumtubu mot tagun numugu det ban laulau a kum poropet rop. Det um doko det ra det wasiso mugu una inawan pat urin anun a Tene Tokodos, i ra uniri mot usobor tari, ma mot um doko ru i. 53\nMot ra mot sa los ukai a Warkurai anun o God, ra a kum ensel det pitar tari torom mot, ikut ka mot muri.\"\nDet duku doko o Stiwen\n54\nRa a taro na kiwung det longoro a kum wasiso anun o Stiwen, det kankan doko, ma det karot bum toromi. 55\nO Stiwen i bukus nama Tokodos na Nion, ma i tatado usapat una langit, ra i tama a minamar anun o God, ma o Iesu kai, kura i tur taru una papor sot na laman o God. 56\nRa i watungi lena, \"Tama i! A tama a langit i papos, ma a Nutun a Musano kura i tur taru una papor sot na laman o God.\" 57\nRa det bari nama labino walngandet, det song bat a kum taltalngan det, ma det kalabor bat pasi. 58\nDet dat pirso ru i gusun a tamon, ra det dukuduku i. Ma det ra det takun o Stiwen, det palos ru anundet a kum saket, ra det ubek tari nisan aru kikin ara barman, a risano o Sol. 59\nRa kura utmakai det dukuduku i, o Stiwen i wararing lena, \"Labino o Iesu, un los pas a niong.\" 60\nRa i sing a ru but na kikino una piso, ma i kakabo lena, \"Labino, gong u balu a sakino petutna ri det pami.\" I watung len tari ra, ra i mat.","id":"","dump":"CC-MAIN-2021-10","url":"https:\/\/ebible.org\/kqw\/ACT07.htm","date":"2021-03-02T16:25:08Z","file_path":"s3:\/\/commoncrawl\/crawl-data\/CC-MAIN-2021-10\/segments\/1614178364027.59\/warc\/CC-MAIN-20210302160319-20210302190319-00084.warc.gz","language":"kqw","language_score":0.9999843836,"language_script":"Latn","minhash_cluster_size":2,"top_langs":"{\"kqw_Latn_score\": 0.9999843835830688}","num_words":2095,"character_repetition_ratio":0.056,"word_repetition_ratio":0.008,"special_characters_ratio":0.272,"stopwords_ratio":0.483,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4\nA wasiso elelar un aru tamano\n1 An inanos mot nam ara wasiso elelar melet. A nat in tur keles o tamano una kum ululeng rop, ikut ra i natlik utmakai, i elar kut nama tene ititula. 2 A kum tene tamtamabat det in tamtamabat a nat ra, ma a kum ululeng anunu. Ma in ser kis utuntudu indet, tuk ra in sot a kilalo ra o tamano i kubus tari, sur in los a kum ululeng anun o tamano. 3 Kol 2:20Lenkutkai ra torom dat, numugu dat elar nama nat, dat elar nama kum tene ititula anun a kum laulau na nion taginin una rakrakon bual. 4 Jn 1:14; Rom 1:3Ra a kilalo i sot, o God i tulu ru o Nutunulik urin. A ino i usus pasi, ma i kis utuntudu ina Warkurai. 5 I wanpat sur in kul langolango pas det ra det kis utuntudu ina Warkurai, sur dat in nanpat a kum nutnutun o God.\n6 Rom 8:15-17Mot a kum nutnutun o God ut. I ra a kibino ra i pitar ru a Tokodos na Nion, a Nion o Nutunulik, sur in kis ubalamot, ma i kakabo torom o God lena, \"Aba! Tita!\" 7 Uniri ka mot kis na tene ititula melet mo, awu. Mot a kum nutnutun o God, ma mot in rakon pas a kum utna anun o God.\nO Pol i ngara sur a taro Galesia\n8 Numugu, ra ka mot tasman o God, mot tene ititula torom a kum god ra awu sur a kum god mulus. 9 Ikut uniri mot sa tasman a lingmulus na God. A lingmulus, o God i tasman mot. Sur asau ra mot milet melet sur a kum laulau na nion ra ka det gas un tu utna? Pepetlai, mot nemi sur mot in tene ititula melet torom det? 10 Rom 14:5; Kol 2:16Mot dekdek doko sur mot in mur a kum warkurai anun a taro Juda una kum lamlabino bung, ma a kum kalang, ma a kum kilalo, ra mot nuki lena mot in tokodos uni. 11 A ngara doko sur mot, sako anung a pinapam torom mot in utna oros kut.\n12 A kum tistising, a saring dekdek mot sur mot in kis langolango gusun a Warkurai elar nam iau, uni a elar kut nam mot ra awu sur a te Juda. Numugu ra a kis nisamot, ka mot pam tu laulau ino un iau. 13 Mot tasmani ut, a mugano dino ra a wanpat, ra a warawai nama Wakak na Wasiso torom mot, kibino kut uni a misait. 14 Anung a misait i pitar a maut torom mot, ikut ka mot nget iau, ma ka mot rosumur gusun iau, awu. Mot gas pas iau kut elar nam ara ensel anun o God, o elar nam o Karisito Iesu ut. 15 A nuki lena, kanapi ra mot in pet lari, mot in gas sur mot in liok ru a kum kiok na matmata mot urin tang. Ikut uniri, awai mi anumot a gasgas ra? 16 Pepetlai, uniri mot nuki mukut lena iau anumot a ebar, uni a inanos mot nama lingmulus?\n17 A kum torotoro na tene ususer ra, det dekdek doko sur mot in mur det, ikut awu sur det pami sur det in uwakak mot. Det nemi kut sur mot in nan gusun met, sur mot in dekdek sur mot in longoro det. 18 A tuntunur dekdek i wakak, ikut mot in dekdek sur a utna ra i wakak. Mot in dekdek uni, ra dat kis tomo, o a kis gisen kai gusun mot.\n19 A kum nutnutung liklik, a taramo melet a ngunungut sur mot, elar nama ino ra i usus. An taramo a ngunungut ri, tuk mot in elar nam o Karisito. 20 A nemi sur an kis torom mot, ma an wasiso na marmaris namin nalngang ut torom mot, uni ka tasmani lena, asau melet mo an pami torom mot.\nA wasiso elelar un o Agar der nam o Sara\n21 Mot ra mot nem na mur a Warkurai, mot in inanos iau: Pepetlai, mot tasmani ut a kukurai ina Warkurai? 22 Stat 16:15; 21:2A Buk Tabu i watungi lena, o Abaram aru nutnutunu, o Ismael a nutun a tene ititula na ino, a risano o Agar. Ara kai, a risano o Aisak, a nutun o Sara, a ino ra awu sur a tene ititula. 23 Rom 9:7-9A Nutun o Abaram ra a tene ititula i ususi, i ususi una ngas na nolin tagun a rakrakon bual. Ikut a nutun o Abaram, ra o Sara i ususi, i ususi kibino una liliman anun o God.\n24 A wasiso ri a wasiso elelar. Aru ino ri, der elar nama ru kunubus. Ara kunubus ra o God i pami sapat netes una tangai Sainai ra i pitar a kum Warkurai tan o Moses. O Agar i tur ukinalong a kunubus ra, ra a taro ra det kis utuntudu ina kunubus ra, det elar nama kum tene ititula. 25 O Agar i tur ukinalong a tangai Sainai kurong o Arebia, ma i elar nama malalarin o Jerusalem anun a taro Juda, uni a taro Juda det kis na tene ititula una Warkurai.\n26 Ibr 12:22; Tam 21:2, 10Ikut o Jerusalem kusapat una langit, i langolango elar nam o Sara, a ino ra awu sur a tene ititula, ma i a nandat, a kum tene nurnur. 27 Di sa tumus tari una Buk Tabu lena,\n\"Ui a pobo na ino ra ko usus, un gas,\nun kelekele ma un kukukuk nama gasgas,\nui ra ko taramo tar a ngunungut na usus.\nUni a kum nutnutun a ino ra anun a musano i wan pas gusuni, in susut doko,\ntaun a kum nutnutun a ino ra i kis nisan anun a musano.\" Ais 54:1\n28 Rom 9:7A kum tistising, di usus mot una liliman anun o God, elar nami ra di usus o Aisak una liliman anun o God. 29 Stat 21:9-10; Jn 8:35O naro ra di ususi una ngas na nolin tagun a rakrakon bual, i ukadik o naro ra di ususi una dekdekin a Tokodos na Nion. I lenkutkai ra torom dat uniri. 30 Asau ra a Buk Tabu i sa watung tari uni? I sa watung tari lena, \"Un lu ru a tene ititula na ino tomo nam o nutunu, uni a nutun a tene ititula ken rakon a kum ututna anun o tamano. A ino ra ke tene ititula, o nutunu kut in rakoni.\" Stat 21:10\n31 I mo ra a kum tistising, awu sur dat a kum nutnutun a tene ititula na ino. Dat a kum nutnutun a ino ra ke tene ititula.\n4:22: Stat 16:15; 21:2","id":"","dump":"CC-MAIN-2021-10","url":"https:\/\/ebible.org\/kqw\/GAL04.htm","date":"2021-02-26T00:22:22Z","file_path":"s3:\/\/commoncrawl\/crawl-data\/CC-MAIN-2021-10\/segments\/1614178355944.41\/warc\/CC-MAIN-20210226001221-20210226031221-00145.warc.gz","language":"kqw","language_score":0.9999905825,"language_script":"Latn","minhash_cluster_size":1,"top_langs":"{\"kqw_Latn_score\": 0.9999905824661255}","num_words":1065,"character_repetition_ratio":0.07,"word_repetition_ratio":0.002,"special_characters_ratio":0.273,"stopwords_ratio":0.461,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"6\nDi pilok pas a wonom mawit na musano sur det in tabor a kum sibo na taro\n1 Ap 4:35Una kum bung ra, a niluluk ina taro na ususer i ka toto nanan. Det tagun aru ngas na taro, ara taro Juda ra det wasiso nama wasiso Grik, ma ara taro Juda kai ra det wasiso nama wasiso Ibru. Det ra det wasiso Grik, det ururai un det ra det wasiso Ibru, lena, \"Ra mot ser tibo a kum ula nama utna na inangon una kum bung, mot wanan sakit ru i kut a kum ula tagun met.\" 2 Ra a noino ma aru aposel det kabo tomo pas a taro na ususer rop, ma det watungi tandet lena, \"Ke tokodos sur met in balon mukut una etabor nama utna na inangon, ma ka met in pam a pinapam na warawai nama wasiso anun o God. 3 A kum tistisi met, mot in pilok pas lako wonom mawit na wakak na musano tagun mot, det ra det mananos ma det bukus nama Tokodos na Nion, sur met in pitar tar a pinapam na etabor ri torom det. 4 Ma met, met in balon ut nama niaring ma a pinapam na warawai nama wasiso anun o God.\"\n5 Det rop det gas una wasiso ri. Ra det pilok pas o Stiwen, a musano ra i bukus nama nurnur ma a Tokodos na Nion. Ra det pilok pasi kai o Pilip, o Prokorus, o Nikano, o Timon, o Pamenas, ma o Nikolas, a musano tagitong o Antiok, ra awu sur a te Juda, ikut i ruk una lotu Juda. 6 Ra det ben pas det torom a kum aposel. Ma det ubek a kum lamandet sapat netes un det, ma det wararing.\n7 Ap 2:41; 16:5A wasiso anun o God i wan sarara, ma a niluluk ina taro na ususer sapat o Jerusalem, i labo nanan kai. Ma a susut na tene etabor torom o God kai, det nurnur ma det mur a Wakak na Wasiso.\nDi takun o Stiwen\n8 O Stiwen i bukus nama dekdek ma a marmaris anun o God, ra i pam a kum lamlabino utna na ukisin, ma a kum ukinalong utkai umatan a taro. 9 Ikut ara taro Juda det engaras nam o Stiwen. A taro ri tagun a rumu na lotu ra di watungi lena, Anun a Langolango na Taro. Det tagun aru tamon, o Sairini ma o Aleksanderia ma tagitong una ru papor, o Silisia ma o Asia. 10 Lk 21:15Det lagano balubalu tar anun a wasiso, uni a Tokodos na Nion ut i pitar a mananos tano.\n11 Ma det ungongos eno pas a ramano kum musano, sur det in watungi lena, \"Met longoro tari ut ra i wasiso laulau un o Moses ma un o God kai.\" 12 Ra det usungun balan a kum mugumugu, ma a kum tene ususer tagun a Warkurai ma a taro oros kai. Det wan torom o Stiwen, det pam ukai pasi, ma det beni sur in tur sa numugu umatan a taro na kiwung. 13 Ra det ben pas a taro sur det in takuni nama kum torotoro na wasiso, ma det watungi lena, \"A musano ri ke mana nama wasiso laulau una nundat a rumu na etabor, a rumu anun o God, ma una Warkurai kai anun o Moses. 14 Met longoro i, ra i watungi lena o Iesu, a te Nasaret, in rege ru a rumu ri, ma in keles ru a kum ngasino ra o Moses i sa ususer tar dat nami.\"\n15 Det rop ra det kis una kiwung, det tama dekdek o Stiwen, ma det tama i lena, in masarino i elar namin masarin a ensel.","id":"","dump":"CC-MAIN-2021-17","url":"https:\/\/ebible.org\/kqw\/ACT06.htm","date":"2021-04-23T07:27:15Z","file_path":"s3:\/\/commoncrawl\/crawl-data\/CC-MAIN-2021-17\/segments\/1618039568689.89\/warc\/CC-MAIN-20210423070953-20210423100953-00083.warc.gz","language":"kqw","language_score":0.9999929667,"language_script":"Latn","minhash_cluster_size":2,"top_langs":"{\"kqw_Latn_score\": 0.9999929666519165}","num_words":599,"character_repetition_ratio":0.061,"word_repetition_ratio":0.0,"special_characters_ratio":0.259,"stopwords_ratio":0.499,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"11\nO God i ulaun pasi kut a pak na taro Israel\n1\nI mo ra a iting lena, pepetlai, o God i rosumur gusun anun a taro? Awu, i nuk pas det ut. Iau kai, a te Israel ut, o tubun o Abaram ma tagun a kabotaro Benjamin. 2\nO God ke rosumur gusun anun a taro, ra numugu utmakai i sa tasman tar det. Pepetlai, ka mot tasman asau ra a Buk Tabu i watungi un o Elaija? I eloklok tan o God una sakino petutna ra a taro Israel det pami. I watungi lena, 3\n\"Labino, det sa um doko ru anum a kum poropet, ma det sa rege ru i kai a kum kabulu na tuntun etabor torom ui. Ma iau sot mukut kuri, ma det nemi sur det in um doko iau kai.\" 1 Kin 19:10, 14\n4\nIkut o God i balu o Elaija lena, \"Anung a wonom mawit na arip na taro kura ut, ra ka det lotu torom o Bal*\n.\" 1 Kin 19:18\n5\nLenkutkai ra uniri, o God i sa pilok pas a pak na taro, kibino una nun a marmaris. 6\nO God i sa pilok pas det una nun a marmaris ut, awu sur una kum pinapam ra det pami. Gunuk ra o God in pilok pas det kibino una kum pinapam ra det pami, awu sur a marmaris ra.\n7\nAsau dat in watungi? A taro Israel det sisio sur tu kisapi ra det in tokodos uni umatan o God, ikut ka det sio pasi. Det kut ra i sa pilok pas det, det sio pasi, ma ara taro kai, awu. I udekdek bat a balandet. 8\nElar nami ra di sa tumus tari una Buk Tabu lena,\n\"O God i utalara a nuknukin det,\nma i upulu a matandet, sur gong det tamtama,\nma i ukutkut a talngandet, sur gong det longoro,\ntuk uniri.\" Lo 29:4\n9 Ma o Dewid kai i watungi torom a Labino lenri,\n\"Ra det kis tomo una nundet a lu na inangon,\nun pukusi sur in elar namin nukun torom det,\nelar nama uben ra i pam sikot det,\nelar nam in nutung ra det puku dorong uni,\nma a warkurai na minabalu kai.\n10 Un upulu bat a matandet\nsur gong det tamtama,\nma un madek tar det,\nsur a surundet in bul tukum una labino maut.\" Sng 69:22-23\nO God i ulaun a taro ra awu sur a taro Israel\n11\nI mo ra a iting melet lena, pepetlai, ra a taro Israel det puku, det puku tukum? Awu! Ikut, o God i ulaun pas a taro gisen, kibino una sakino petutna anun a taro Israel, sur in ukatutur a nuknukin a taro Israel, sur det kai det in nemnem sur o God in ulaun pas det. 12\nRa a taro Israel det rosumur gusun a kisapi ra o God in ulaun det uni, o God i watung udan a taro gisen tagun a rakrakon bual. Ra i los ru a wasiso na udan gusun a taro Israel, i pitar tari torom a taro gisen. Ikut ra a taro Israel rop det in milet melet torom o God, a taro tagun a rakrakon bual det in dan sakit.\n13\nUniri a tumtumus torom mot a taro ra awu sur a taro Israel. Mot tasmani lena a papam na aposel torom mot. Ma a ulabo pas anung a pinapam, uni i maut doko. 14\nUna nung a pinapam ri, a nemi sur an ukatutur a nuknukin anung a kabotaro, sur lako taro tagun det, det in nemnem sur a wakakino ra o God i pam tari un mot, ra in ulaun pas det. 15\nO God i rosumur munung gusun a taro Israel, sur in marom nama taro gisen tagun a rakrakon bual. Ra o God in ben melet pas a taro Israel, in wakak sakit, in elar nami ra det sa katutur melet gusun a minat. 16\nAn wasiso elelar lenri: Ra a mugano du beret di pitari torom o God, elar nama ngasino anun a taro Israel, in kudulano beret rop anun o God. Ra a wakakor nin nanai di pitari torom o God, a kum kanokano kai anun o God ut.†\nA wasiso elelar una arin nanai na oliw\n17\nA taro Israel det elar namin nanai na oliw mulus, ma mot a taro gisen mot elar namin lomlom nin nanai na oliw. O God i pak ru a ramano kum kano gusun in nanai na oliw mulus. I los pas a ramano kum kano lomlom na oliw, ma i pam a bading tomo namin nanai na oliw mulus. Ra uniri, mot laun tagun a polo ra i wan gusun a wakakor nin nanai na oliw mulus. 18\nGong mot tama pisopiso a kum kano ra di sa pak ru det. Ra mot tama pisopiso det, mot in nuk pasi lena, in wakakor nin nanai ut i pitar a nilaun torom mot a kum kano, awu sur a nilaun i wan tagun mot. 19\nKutiro mot in watungi lena, \"O God i pak ru a ramano kum kano sur in kubus tar iau una nubual ra di sa pak ru det gusuni.\" 20\nA lingmulus ut, o God i pak ru det uni ka det nurnur. Ikut mot, mot tur dekdek uni mot nurnur. Gong mot ulabo pas mot, mot in ngara. 21\nUni o God ke maris bat a kum kano tagun in nanai na oliw mulus. Ra i pami lenra torom det, in pami kai lenra torom mot ra ka mot nurnur.\n22\nI mo ra mot in tama a marmaris ma a kankan anun o God. I ese anun a kankan torom det ra det wan gisen gusuni, ma i ese anun a marmaris torom mot, ra mot tur dekdek una nun a marmaris, ma ka mot mana gusuni. Ikut, ra awu, in pak ru mot kai. 23\nMa a taro Israel kai, ra det in nurnur det kai din kubus tomo melet det namin nanai na oliw mulus, uni i topas o God sur in kubus tomo melet det. 24\nO God i pak pas mot gusun in lomlom nin nanai na oliw, ma i kubus tomo tar mot namin nanai na oliw mulus, ra awu sur tagun mot. Ra i pami lenra, ke ngangitin sur in kubus tomo melet a kum kano tagun in nanai na oliw mulus namin nanai ino.\nO God i nem na ese anun a marmaris torom a taro rop\n25 A kum tistising, a nemi sur mot in mananos una utna ra numugu i kis eno, sur gong mot ulabo pas mot. I lenri: Ara taro Israel, in dekdek a balandet, tuk ra a niluluk ina taro gisen ra det nurnur in elar nama nuknukin o God. 26 Una kisapi ri, o God in ulaun rop pas a taro Israel. Elar nami ra di sa tumus tari una Buk Tabu lenri,\n\"A Tene Ulaun in nanpat tagisapat o Saion,\nma in ben pukus a kabotaro anun o Jekop gusun anundet a petutna na rosumur gusun o God. ‡\n27\nRa iri a kunubus ra an pami tomo nam det,\nan lakro ru anundet a kum sakino petutna.\" Ais 59:20-21; 27:9\n28 A taro Israel det a kum ebar anun o God, uni ka det nurnur una Wakak na Wasiso, sur in udan mot a taro gisen. Ikut, o God i maris doko det, uni i pilok pas a kum tumtubun det tagun numugu. 29 Uni o God ke ser los pukus anun a kum etabor ma ke ser pukus a nuknukino gusun a taro ra i sa kabo pas det. Awu!\n30 Numugu, mot a taro ra awu sur a taro Israel, mot ser pitarngat torom o God. Ikut uniri, mot sa rakon anun a marmaris, uni a taro Israel det pitarngat toromi. 31 I lenkutkai ra, uniri a taro Israel det pitarngat torom o God, sur det in rakon anun a marmaris, uni i maris mot. 32 Uni o God i madek tar a taro rop sur anundet a pitarngat in ker det, sur in ese anun a marmaris torom det rop.\nA watung ulabo torom o God\n33\nNandet! I labo sakit a kum wakak na ululeng anun o God,\nanun a wakak na nuknuk ma anun a mananos.\nA warkurai anun o God i labo sakit, kataio in palos lar pasi.\nKatutaio i tasman anun a kum kisapi.\n34\n\"Osi i tasman a nuknukin o God?\nMa osi i wasiso waruti?\" Ais 40:13\n35 \"Osi ra i sa tabor tar o God nam tu utna sur in balu i toromi?\" Jop 41:11\n36\nUni i ut i ukis a kum utna rop,\nma i ut i kibin a kum utna rop,\nma anunu ut a kum utna rop.\nDat in watung ulabo pas o God, ken rop ma ken rop. Amen.","id":"","dump":"CC-MAIN-2021-17","url":"https:\/\/ebible.org\/kqw\/ROM11.htm","date":"2021-04-11T01:05:06Z","file_path":"s3:\/\/commoncrawl\/crawl-data\/CC-MAIN-2021-17\/segments\/1618038060603.10\/warc\/CC-MAIN-20210411000036-20210411030036-00555.warc.gz","language":"kqw","language_score":0.9999970198,"language_script":"Latn","minhash_cluster_size":1,"top_langs":"{\"kqw_Latn_score\": 0.9999970197677612}","num_words":1428,"character_repetition_ratio":0.082,"word_repetition_ratio":0.003,"special_characters_ratio":0.267,"stopwords_ratio":0.496,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nA tokodos na etowo\n1 Ikut ui, un ususer det nama sau ra i mur wakak a tokodos na etowo. 2 Un ususer a kum musano ra a kum mugano tam, sur det in tumarong a magirandet, det in los a ngas na nilaun ra a taro det in ru det uni, det in tamtamabat wakak anundet a nilaun, det in lingmulus una nundet a nurnur, anundet a marmaris ma anundet a tuntunur dekdek ra det etorom a mamaut.\n3 1 Tim 3:11Lenkutkai ra, un ususer a kum wardain ra a kum mugano tam, sur det in lason una kisapi na urur una nundet a nilaun, gong det emang, gong det tene ininum, ikut det in ususer a taro nama sau ra i wakak. 4 Det in pami lenra sur det in ususer a kum wardain numur tandet, sur det in nem anundet a kum musano ma a kum nutnutun det, 5 Ep 5:22det in tamtamabat wakak anundet a nilaun, det in mur a tokodos na petutna, det in lason una pam a kum pinapam tiro una rumu, det in lason sur det in pam a wakakino torom a taro, ma det in ru anundet a kum musano, sur gong taio i watung laulau a wasiso anun o God.\n6 Lenkutkai ra, un uragot a kum barman, sur det in tamtamabat wakak anundet a nilaun. 7 1 Tim 4:12Una kum utna rop ra u pami, un pam a wakakino, sur a wakak na etowo torom det. Ra u ususer det, un papam nama lingmulus, ma a urur. 8 1 Pit 2:15Un watung a tokodos na wasiso ra kataio in pukus ui uni, sur det ra det turbat ui det in maimai, uni ka dat pam tu sakino sur det in watung laulau dat uni.\n9 1 Tim 6:1Un inanos a kum tene ititula sur det in taromlu anundet a kum mugumugu una kum utna rop, ma det in ugasgas det nama kum pinapam rop ra det in pami, ma gong det balu wasiso. 10 Gong det wolong anundet a kum mugumugu. Det in upuaso anundet a wakak na petutna, sur anundet a kum mugumugu det in nurnur un det, sur in upuaso i lena, a etowo un o God a Tene Ulaun anundat i wakak.\n11 Uni a marmaris anun o God i sa wanpat puaso. Una marmaris ra, o God i papos a kisapi sur in ulaun pas a taro rop. 12 1 Jon 2:16A marmaris ri i ususer dat, sur dat in nan gisen gusun a kum petutna ra ke sot nama nuknukin o God, ma gusun a kum nemnem sur a kum utna tagun a rakrakon bual, ma dat in tamtamabat wakak anundat a nilaun, dat in tokodos, ma dat in laun murmur a nuknukin o God una nilaun ri, 13 ra dat kis langlang nama nurnur sur a bung na gasgas ra in nanpat. A bung ra anundat a Labino o God, o Iesu Karisito, a Tene Ulaun anundat in nanpat nama nun a minamar. 14 Gal 1:4; Kis 19:5; Lo 4:20; 7:6; Ese 37:23; 1 Pit 2:9I pitar tar anun a nilaun sur dat, sur in kul langolango pas dat gusun anundat a kum sakino petutna rop, ma in gos talapor pas dat, sur dat anun a taro mulus ut, ra dat nem doko i sur dat in pam a kum wakak na pinapam.\n15 1 Tim 4:12Un ususer det nama kum wasiso ri. Un uragot a taro, ma un watung puaso anundet a niraro umatandet. Un pami nama dekdek ra kura torom ui. Ma gong u madek tar taio sur in tama pisopiso ui.","id":"","dump":"CC-MAIN-2021-39","url":"https:\/\/ebible.org\/kqw\/TIT02.htm","date":"2021-09-27T03:25:20Z","file_path":"s3:\/\/commoncrawl\/crawl-data\/CC-MAIN-2021-39\/segments\/1631780058263.20\/warc\/CC-MAIN-20210927030035-20210927060035-00460.warc.gz","language":"kqw","language_score":0.9999969006,"language_script":"Latn","minhash_cluster_size":2,"top_langs":"{\"kqw_Latn_score\": 0.9999969005584717}","num_words":573,"character_repetition_ratio":0.082,"word_repetition_ratio":0.0,"special_characters_ratio":0.265,"stopwords_ratio":0.503,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4\nMot in mana gusun a pam sakino\n1 Rom 6:2, 7O Karisito i taramo a ngunungut una pinino. I mo ra, mot kai, mot in waninar sur mot in taramo a ngunungut elar nami. Uni osi ra i taramo a ngunungut una pinino, i sa mana gusun a pam a sakino petutna. 2 Ra ke pitar tari mo anun a nilaun una kum laulau na nemnem. I pitar tari mukut sur in mur a nemnem anun o God. 3 Ep 2:2-3Numugu mot pam a kum sakino petutna, ma i sa suano mot ra mot kis ubalan a kum sakino petutna ra. A kum sakino petutna ra, a kum taro ra ka det nurnur, det gas sur det in pami. Det pam a kum petutna na pamuk, det mur a kum laulau na nemnem, det sipak, det pam a kum labino lukaro ra det wangon dokodoko det, det wan tomo sur det in gas nama ininum, ma det lotu torom a kum torotoro na god, ra a warkurai anun o God i turbat dat gusuni. 4 Ra uniri, a kum paspasa mot det kisin doko, ra ka mot nemi melet mo sur mot in pam a kum laulau na petutna ra, tomo nam det, ra det watung laulau mot. 5 Ap 10:42Ikut numur det in tur umatan o God, ra det in wasiso talapor un asau ra det sa pam tari. Uni o God a Tene Warkurai anun a taro rop, det ra det laun, ma det ra det sa mat. 6 Iri a kibino ra di sa warawai taru nama Wakak na Wasiso torom a taro ra uniri det sa mat. Ra det mat det los a warkurai una pinindet, elar nama taro rop, ikut di warawai torom det sur a niondet in laun elar nam o God i laun.\nDat in papam nama kum etabor ra o God i pitar tari tandat\n7 Rom 13:11-12A ururop ina kum utna rop i sa milau. I mo ra mot in nuknuk wakak ma mot in tamtamabat wakak anumot a nilaun, sur mot in pet lari sur mot in wararing. 8 1 Pit 1:22Iri a utna ra i labo sakit taun a kum utna rop, mot in nem etetalai mot nama lingmulus, uni a marmaris i pulus bat a susut na sakino petutna. 9 Ibr 13:2Mot in gas etetalai pas mot una anumot a kum rumu, ma gong mot pami nama wasiso na ururai.\n10 Rom 12:6-8O God i sa pitar tar a kum etabor torom mot taktakai tagun anun a kum wur ngas na etabor. Ra in wakak sur mot in papam wakak nami, sur mot in warut etetalai mot. 11 Ra taio i los a etabor sur in tene warawai, i wakak sur in warawai ut elar nama wasiso anun o God. Ra taio i los a etabor sur in tene warut, i wakak ra in warut nama dekdek ra o God i pitar tari tano, sur a taro det in watung ulabo pas o God una kum utna rop, kibino un o Iesu Karisito. Anunu kut a minamar ma a dekdek, ken rop ma ken rop. Amen.\nA kum te Karisito det in taramo a ngunungut\n12 A kum wakak na paspasang, gong mot kisin ra di lar mot nama kum dekdek na maut, elar nama sungun i tun mot, ma gong mot nuki lena tu matok na utna i wanpat torom mot. 13 Ap 5:41; Jem 1:2; 1 Pit 1:6-7Ikut mot in gas ra mot in taramo a ngunungut elar nam o Karisito i taramo i, sur mot in bukus nama gasgas ra o Karisito in nanpat nam anun a minamar. 14 1 Pit 2:20Ra di watung laulau mot uni mot tagun o Karisito, mot dan. Uni a Nion o God, a Nion na minamar, i kis tomo nam mot. 15 Gong taio tagun mot i los a ngunungut, uni i a tene um doko a taro, o a tene wolong, o a tene sakino, o a tene uruk lorino una utna ra awu sur anunu. 16 Ikut ra taio i los a ngunungut, uni i a te Karisito, gong i maimai uni. In watung wakak torom o God, uni i los a risan o Karisito. 17 A bung na warkurai i sa wanpat sur din warkurai mugu dat a taro anun o God. Ra a warkurai in turpasi un dat, in pepetlai torom det ra kura, ra det pitarngat una Wakak na Wasiso anun o God? 18 A Buk Tabu i watungi lenri,\n\"In ngangitin ut torom a tokodos na taro sur din ulaun pas det.\nRa in pepetlai torom a kum sakino taro ma det ra det rosumur gusun o God?\" Snd 11:31\n19 I mo ra, det ra det los a ngunungut una nemnem anun o God, det in pitar tar det torom anundet a Tene Ukukis, ra i ser pam sot rop pas anun a kum wasiso, ma gong det mana nama pam a wakak na petutna.","id":"","dump":"CC-MAIN-2021-43","url":"https:\/\/ebible.org\/kqw\/1PE04.htm","date":"2021-10-16T11:09:54Z","file_path":"s3:\/\/commoncrawl\/crawl-data\/CC-MAIN-2021-43\/segments\/1634323584567.81\/warc\/CC-MAIN-20211016105157-20211016135157-00645.warc.gz","language":"kqw","language_score":1.0000039339,"language_script":"Latn","minhash_cluster_size":2,"top_langs":"{\"kqw_Latn_score\": 1.0000039339065552}","num_words":797,"character_repetition_ratio":0.066,"word_repetition_ratio":0.0,"special_characters_ratio":0.268,"stopwords_ratio":0.516,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nA kum tene mananos det etabor torom o Iesu\n1 Di usus o Iesu una tamon Betliem tiro una papor Judia, una kilalo ra o Erod i king. Numur a ramano kum tene mananos tagun a kum nangnang det wan tagitiro una nubual ra in matanas i pusu pat iai, ra det wanpat sapat o Jerusalem. 2 Nam 24:17Ra det iting lena, \"Awai i a nat ra di ususi, sur in king anun a taro Juda? Uni met tama anun in nangnang tiro una nubual ra in matanas i pusu pat iai, ra iri met wan urin sur met in lotu toromi.\"\n3 Ra o king Erod i longoro i, i talara a nuknukino ma a nuknukin a taro Jerusalem rop kai. 4 Numur i ben tomo rop pas a kum lamlabino tene etabor torom o God ma a kum tene ususer tagun a Warkurai. Ra i ting det lena, \"A Karisito ra o God in tulu ru i, din ususi awai?\" 5 Det balu i lena, \"Tong o Betliem una papor Judia, uni a poropet i sa tumus tari lenri,\n6 Jn 7:42'Ma ui o Betliem una piso anun a kabotaro Juda,\nUi ko natino bing tan a kum mugumugu anun a kabotaro Juda,\nUni a mugumugu in nanpat tagun ui,\nra in mugu anung a taro Israel elar nama tene tamtamabat anun a kum sipsip.' \" Mai 5:2\n7 Numur o Erod i itula eno pas a kum tene mananos tagun a kum nangnang sur in talapor pas tandet lena, nangisin mulus ra in nangnang i wanpat. 8 I tulu ru det utong o Betliem nama wasiso lenri, \"Mot nan ma mot in sisio wakak sur a natlik. Ra mot sa sio pasi, mot in inanos iau, sur iau bulung an nan ma an lotu toromi.\"\n9 Det sa longoro tar a king ra det wan. Det tama melet pas in nangnang ra det sa tama tari una nubual ra in matanas i pusu pat iai. I mugu nanan det tuk ra i tur sapat una nubual ra a natlik kura iai. 10 Ra det tama in nangnang ra, det taramo a labino gasgas. 11 Sng 72:10-15; Ais 60:6Det ruk una rumu, ra det tama pas a natlik, ma o nano, o Maria. Det kis butkeke ra det lotu torom a natlik. Numur det papos pas anundet a kum bek ma det tabori nama kum etabor ri: a gol, a paura di tuni ra a misino i sangnain wakak ra di watungi nama insens, ma a torok nin nanai sangsangnain kai ra di watungi nama mira. 12 O God i sa utumarong tar det una ririon, sur gong det milet taru sur o Erod. Ra det milet sur anundet a tamon una se kisapi mukut.\nA inawan eno utong o Ijip\n13 Ra det sa wan taru, a ensel anun a Labino i wanpat torom o Josep una ririon ra i watungi lena, \"Un katutur, un ben pas derano, ma motul in kalabor eno utong o Ijip. Ma motul in kis tong iai, tuk una bung ra an inanos melet ui, uni o Erod in sisio sur a natlik sur in um doko i.\" 14 Ra i katutur, i ben pas derano una mirum, ma detul wan utong o Ijip. 15 Detul kis tiro iai tuk ra o Erod i mat. Una nundetul a kinkinis tiro, di pam sot pas a wasiso anun a Labino, ra a poropet i sa wasiso mugu taru uni lenri, \"A kabo pas o nutunglik tagitong o Ijip.\" Os 11:1\n16 Ra o Erod i tama i lena a kum tene mananos tagun a kum nangnang det sa toro tari, i kankan doko ra i itula sur din um doko rop ru a kum nat musano tong o Betliem ma una kum tamon kai ra det kis milau. I pitar a warkurai sur din um doko det ra aru kilalo anundet, ma det kai ra ke ru kilalo utmakai anundet, uni a kum tene mananos det sa inanos tari una kilalo anun a natlik. 17 Ra di sa pam sot pasi maragom a wasiso ra o Jeremaia a poropet i wasiso mugu taru uni lena,\n18 Stat 35:19\"Tong o Rama di longoro in nalngan ara,\na tintinangis ma a ungugaia,\nO Rakel i domos a kum nutnutunu liklik,\nuni det sa mat rop,\nma ka di umarip lar pasi.\" Jer 31:15\nO Josep detul tamano milet melet utong o Nasaret\n19 O Erod i sa mat, ra a ensel anun a Labino i wanpat torom o Josep una ririon tiro o Ijip. 20 Ma i watungi tano lena, \"Un katutur, un ben pas derano, ma motul in nan utong o Israel, uni det ra det nem na um doko a natlik det sa mat.\" 21 Numur i katutur, i ben pas derano, ra detul wan utong o Israel. 22 Ikut i longoro i lena, o Akelaus i keles o tamano o Erod, sur i bulung in king tong una papor Judia, ra o Josep i ngara sur in nan utong o Judia. Ra detul wan mukut utong una papor Galili, uni o God i turbat tar o Josep una ririon, sur gong detul wan utong una papor Judia. 23 Lk 2:39; Ais 11:1; 53:2; Jn 1:45Ra detul wan ma detul kis una tamon a risano o Nasaret. Una anundetul a kinkinis tiro, di pam sot pas a wasiso anun a kum poropet lena, \"Din watungi lena i a te Nasaret.\"\n2:2: Nam 24:17\n2:11: Sng 72:10-15; Ais 60:6\n2:18: Stat 35:19","id":"","dump":"CC-MAIN-2021-43","url":"https:\/\/ebible.org\/kqw\/MAT02.htm","date":"2021-10-26T23:45:24Z","file_path":"s3:\/\/commoncrawl\/crawl-data\/CC-MAIN-2021-43\/segments\/1634323587963.12\/warc\/CC-MAIN-20211026231833-20211027021833-00349.warc.gz","language":"kqw","language_score":0.9999434948,"language_script":"Latn","minhash_cluster_size":2,"top_langs":"{\"kqw_Latn_score\": 0.9999434947967529}","num_words":880,"character_repetition_ratio":0.057,"word_repetition_ratio":0.016,"special_characters_ratio":0.273,"stopwords_ratio":0.458,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"8\nA etabor\n1 Rom 15:26; 2 Kor 9:1-2A kum tistising, met nemi sur mot in talapor una marmaris ra o God i pitar tari torom a taro na lotu tong una papor Masedonia. 2 Det taramo a susut na mamaut, ikut anundet a gasgas i bukus. Ma una nundet a labino gasgas ma anundet a kinkinis na sibo, det gas ut sur det in etabor. 3 A inanos mot nama lingmulus, anundet a etabor, i elar ut nama dekdekin det, ikut det pitar wot meleti. Anundet a nemnem ut sur det in pami lenra. 4 Ra det saring met sur det kai det in pitar anundet a mani na etabor torom a taro anun o God sapat o Jerusalem. 5 Ma awu sur det pitar tari kut a mani ra met nuki lena det in pitari, det pitar mugu tar anundet a nilaun ut torom a Labino, ma torom met kai, elar nama nemnem anun o God.\n6 I mo ra met saring o Taitus sur in warut mot sur mot in pam sot pas a pinapam na etabor ri, uni i ut i warut mot ra mot turpas a pinapam na etabor ri. 7 1 Kor 16:1-2Una kum utna rop, mot ser pam soti taun a taro rop: Anumot a nurnur, ma anumot a warawai, anumot a mananos, anumot a dekdek, ma anumot a labino marmaris torom met. Ra i wakak sur mot in pam sot pasi kai a pinapam na etabor ri.\n8 Ka watung a utna ri sur in elar nama warkurai torom mot. Ikut, a inanos mot una taro Masedonia, ma una nundet a labino gasgas sur det in etabor, sur an lar anumot a marmaris lena, i lingmulus o awu. 9 Mt 8:20; Pil 2:6-7Uni mot tasman a marmaris anun anundat a Labino o Iesu Karisito. I ut i tadaru sakit nama susut na utna, ikut i wan gusun anun a wakak na kinkinis sapat netes una langit, uni i maris mot, ma i kis na sibo nin una rakrakon bual, sur mot, mot in tadaru nama wakak na nilaun.\n10 An inanos mot nama nuknuking una utna ri: I wakak sur mot in pam rop ru a pinapam na etabor ra mot turpasi una kilalo ra i rop. Mot a mugano taro ra mot nemi sur mot in etabor, ma mot a mugano taro kai ra mot turpas a etabor. 11 I wakak sur uniri anumot a nemnem sur mot in pam rop ru i, in elar nama labino nemnem ra mot taramo i ra mot turpasi. Mot in etabor elar nama dekdeki mot. 12 Mk 12:43-44Ra mot gasgas sur mot in etabor, o God in gas uni. O God i nemi sur mot in etabor tagun a utna ra mot utur ukai i, awu sur tagun a utna ra ka mot utur ukai i.\n13 Ka watungi lena mot in warut a taro gisen, ma mot, mot in sibo, awu. A nemi sur mot in elar rop kut. 14 Uniri, mot sa utur ukai a labino, sur mot in warut a taro gisen nami. Ra mot in sibo, det bulung det in warut mot, sur mot rop mot in warut etetalai mot, sur mot in elar rop kut. 15 I elar nami ra di sa tumus tari una Buk Tabu lena, \"Osi ra i ubek tomo a labino utna, i utur ukai i kut a utna ra i topasi. Ma osi ra ke ubek tomo tu labino utna, i kai i utur ukai a utna ra i topasi.\" Kis 16:18\nO Taitus in nan torom a taro Korin\n16 A watung wakak torom o God ra i unuk tar o Taitus sur in warut mot. I nem mot elar nam iau kai a nem mot. 17 I gas doko ra met saringi sur in warut mot, ma una nun a nemnem ut, in nan melet torom mot nama labino gasgas. 18 Met in tulu ru i tomo nam ara tisimet kai, ra a kum taro na lotu una kum tamon rop det watung ulabo pasi una nun a wakak na pinapam ra i warawai nama Wakak na Wasiso. 19 Det ut, det pilok tari sur met in nan tomo usapat o Jerusalem, sur met in los ru a mani na etabor. Met in pam a pinapam ri, sur met in ulabo pas a Labino, ma sur met in ese i lena, met nem na warut a taro na lotu sapat o Jerusalem. 20 Ka met nemi sur taio in takun met una numet a pinapam ra met in nan nama labino etabor ri. 21 I mo ra met dekdek sur met in pam asau ra i tokodos, awu sur umatan a Labino kut, umatan a taro utkai.\n22 Ma met in tulu ru i kai ara tisimet una nurnur tomo nam der. Met sa lar tari a susut na dino, ma met tasmani lena, i ser gas sur a pinapam. Ra uniri, i nem doko i sur in warut una pinapam ri, uni i nurnur un mot. 23 Ma o Taitus i papam tomo nam iau, sur mir in warut mot. Ma aru tistisi mot kai, ra detul nam o Taitus detul in nan tomo, der tur ukinalong a taro na lotu una kum tamon, ma nunder a nilaun, i pitar a urur torom o Karisito. 24 2 Kor 7:13-14I mo ra mot in ese anumot a marmaris torom detul, sur a taro na lotu una kum tamon gisen det in tama lele a kibino ra met warango mot.","id":"","dump":"CC-MAIN-2021-49","url":"https:\/\/ebible.org\/kqw\/2CO08.htm","date":"2021-11-29T05:11:12Z","file_path":"s3:\/\/commoncrawl\/crawl-data\/CC-MAIN-2021-49\/segments\/1637964358688.35\/warc\/CC-MAIN-20211129044311-20211129074311-00385.warc.gz","language":"kqw","language_score":1.0000050068,"language_script":"Latn","minhash_cluster_size":2,"top_langs":"{\"kqw_Latn_score\": 1.0000050067901611}","num_words":886,"character_repetition_ratio":0.071,"word_repetition_ratio":0.0,"special_characters_ratio":0.267,"stopwords_ratio":0.481,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"6\nA Barman na Sipsip i papok ru a kum bulit\n1\nA tama i ra a Barman na Sipsip i papok ru a mugano bulit tagun a wonom mawit na bulit kura una buk. A longoro ara tagun a wat na utna ra det laun, i kakabo namin nalngano ra i elar nama pungpugur lena, \"Wan urin!\" 2\nRa a tamtama, a tama pas a kabang na os kusa numugu tang. Ma o naro ra i kis netes uni, i pam pas in bonara na inaim, ma di pitar a kukup na king tano. I wan elar nam o naro ra i sa winim pas a inaim, ma i wan sur in winim melet pas a inaim.\n3 Ra a Barman na Sipsip i papok ru a manru na bulit, a longoro a manru na utna ra i laun, i watungi lena, \"Wan urin!\" 4 Ara os bulung i wanpat i merek doko. Ma o naro ra i kis netes uni, di pitar a dekdek tano sur in rakon ru a malmal tagun a rakrakon bual, ma sur a taro det in um doko etetalai det. Ma di pitar in labino totok na inaim tano.\n5\nRa a Barman na Sipsip i papok ru a mantul na bulit, a longoro a mantul na utna ra i laun, i watungi lena, \"Wan urin!\" Ra a tamtama, a tama pas a mirum na os sa numugu tang. Ma o naro ra i kis netes uni, i pam pas a sikel una lamano. 6\nA longoro ara utna i elar namin nalngan ara, epotor nisan a wat na utna ra det laun, i watungi lena, \"A matan a utna in ka doko. Din kul ara kilogrem na wit nam ara denaria,*\nma din kul a tulu kilogrem na bali†\nkai nam ara denaria. Ikut gong u ban laulau a kum duwai na oliw ma a wain, sako a matander kai in ka doko.\"\n7\nRa a Barman na Sipsip i papok ru a manwat na bulit, a longoro in nalngan a manwat na utna ra i laun, i watungi lena, \"Wan urin!\" 8\nRa a tamtama, a tama pas a kubus na os sa numugu tang. Ma o naro ra i kis netes uni, a risano A Minat. O Edes, a tamon anundet ra det mat, i mur milau nanan tano. Di pitar tar a dekdek tander, sur der in um doko ara kukur tagun a wat na dino tagun a taro nin una rakrakon bual. Der in um doko det namin totok na inaim, ma una munurak, ma una kum laulau na misait, ma kum lomlom na wewegua kai tagun a rakrakon bual.\n9\nRa a Barman na Sipsip i papok ru a manlimo na bulit, a tama a nion a taro ra di sa um doko tar det, uni det mur sot pas a wasiso anun o God ma det wasiso talapor nami. A tama det utuntudu ina kabulu na tuntun etabor. 10\nDet kukukuk nama kum labino walngandet lena, \"A Labino Tadaru, ui u tasur ma u lingmulus. Nangisin mo un warkurai det ra det kis una rakrakon bual, ma un balu det uni det um doko met?\" 11\nRa di pitar tar a kum kabang na malu tandet taktakai. Ma di inanos det lena, det in kis lilik melet pas, tuk ra din um doko det kai, ra det papam tomo nam det una Wakak na Wasiso, ma a kum tistisin det una nurnur. Din um doko det elar nami ra di sa um doko mugu tar det, tuk a nilulukin det in sot.\n12\nA tama a Barman na Sipsip i papok ru a manwonom na bulit. A labino guri i gunugunu dekdek doko, in matanas i dumirum mukut elar namin mirum na malu na tobo ra di pami nama iwu na meme, ma a kalang i merek elar nama gap. 13\nMa a kum nangnang sapat netes una maino det puku pirso una rakrakon bual, elar nama kum golono wino fig ra det puku pirso una dekdek na wuwu ra i wup ru det tagun in nanai ino. 14\nMa a bakut kai i rorom kut elar nama bat ra di puli. Ma a kum tangai ma a kum ailan det karkarai gusun a kum kinandet.\n15\nRa a kum king tagun a rakrakon bual ma a kum lamlabino mugumugu, a kum mugumugu anun a kum tene inaim, a kum tene ululeng, a kum tene dekdek, a kum tene ititula ma det ra awu sur a kum tene ititula, det rop det parau una kum mato na wat, ma epotor tan a kum lamlabino watat una kum tangai. 16\nMa det kukukuk torom a kum lamlabino watat ma a kum tangai lena, \"Mot in puku sapat netes un met, ma mot in munu met gusun in masarin o naro ra i kis una kiskis na king, ma gusun a kankan anun a Barman na Sipsip! 17\nUni anunder a labino bung na kankan i sa wanpat, ra osi mo in tur lar pas sa numugu tander?\"","id":"","dump":"CC-MAIN-2022-21","url":"https:\/\/ebible.org\/kqw\/REV06.htm","date":"2022-05-28T20:53:35Z","file_path":"s3:\/\/commoncrawl\/crawl-data\/CC-MAIN-2022-21\/segments\/1652663019783.90\/warc\/CC-MAIN-20220528185151-20220528215151-00580.warc.gz","language":"kqw","language_score":0.9998749495,"language_script":"Latn","minhash_cluster_size":1,"top_langs":"{\"kqw_Latn_score\": 0.9998749494552612}","num_words":822,"character_repetition_ratio":0.088,"word_repetition_ratio":0.041,"special_characters_ratio":0.256,"stopwords_ratio":0.459,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"5\nO Ananias ma o Sapaira\n1 Ara musano a risano o Ananias, der nama nun a ino a risano o Sapaira der siuru ara du piso. 2 Ap 4:34-35Ra der mulaot sur der in pam sikot ara kukur mani ra di sa kul tar a du piso nami, ma ara kukur mani kut o Ananias i losi torom a kum aposel. 3 Jn 13:2Ra o Pita i watungi tano lena, \"Ananias, pepetlai ra u mulaot pas o Satan sur in ruk unin balam ra u toro a Tokodos na Nion? Asau a kibino ra u munu pas ara kukur mani ra di sa kul tar a du piso nami? 4 Ra a du piso i kis utmakai torom ui, anumi ut. Ma ra u siuru i, ui ut u warkurai sur a mani ra u siuru pasi taguni. Ilai ra u pam a sakino utna ri? Awu sur u toro a taro, u toro i ut o God.\" 5 O Ananias i longoro a wasiso ri, i puku pirso ra i mat. Ra det rop ra det longoro a wasiso uni det ngara doko. 6 Numur a kum barman det wanpat, ma det pulus pas a minatino, det los pirso i, ma det por ru i.\n7 A tulu aua numur, anun a ino i ruk, ke tasman a utna ra i sa wanpat. 8 Ra o Pita i tingi lena, \"Un inanos iau, i kut ri a matan a du piso, ra mur siuru pasi?\" Ra i balu i lena, \"I kut ra.\" 9 O Pita i watungi tano lena, \"Ilai ra mur nama num a musano mur epak pas sur mur in lar a Nion a Labino? Tama i, det ra det sa por tar anum a musano, kuri kut det una matansako. Uniutri det in los pirso ui bulung.\" 10 Uniutra i bulung i puku pirso taru numugu nisan o Pita, ra i mat. Ra a kum barman det ruk, det tama i lena i sa mat, det los pirso pas a minatino, ra det por tari milau nisan anun a musano. 11 Ra a taro na lotu rop det ngara doko, ma det rop kai ra det longoro a kum utna ri.\nA kum ukinalong ma a kum utna na ukisin\n12 Ap 2:43; 14:3A kum aposel det pam a susut na ukinalong ma a susut na utna na ukisin nisan a taro. Ma a kum tene nurnur rop det ser kis tomo una parada ina rumu na etabor, di watungi nama Parada anun o Solomon. 13 A taro gisen det ngara sur det in kis tomo nam det, ikut ka det watung laulau det, det urur un det. 14 Ikut a susut na taro melet, a wardain ma a kum musano, det nurnur maragom una Labino, ma di luk tomo det nama taro na nurnur. 15 A taro det tama a pinapam anun a kum aposel, ra det los tar a kum misait ma di inep tar det una papor kisapi una kum kabulu na ininep ma una kum bat, sur o Pita in nan sakit det ra a niono in nan netes un lako taro tagun det, ra det in langolango. 16 Ra a susut na taro tagitong una kum tamon milau o Jerusalem, det wanpat. Det los a kum misait, ma det ra a kum laulau na nion det ban laulau det, ma di ulangolango pas det rop.\nA kum aposel det tur una warkurai\n17 A mugumugu na tene etabor torom o God, ma a kum paspasano tagun a kum Sadusi, a nuknukin det i laulau nama kum aposel, uni det tama a taro det mur a kum aposel. 18 Ra det pam ukai pas det, ma det uruk det una karabus. 19 Ap 12:7-10Ra una mirum, ara ensel anun a Labino i papos a kum matansako ina rumu na karabus, ra i ben pirso ru det 20 ma i watungi lena, \"Mot in nan, ma mot in tur ubalan in noworo ina rumu na etabor, ma mot in inanos a taro nama kum wasiso rop una matok na nilaun ri.\" 21 Ra a kum aposel det mur a wasiso ra. Una kobot raut det ruk ubalan in noworo ina rumu na etabor ma det ususer a taro.\nA mugumugu na tene etabor torom o God i wanpat, tomo nama kum paspasano, ra det kabo tomo pas a taro na kiwung rop, a kum mugumugu anun a taro Israel. Ma det itula utong una karabus sur din ben pas a kum aposel. 22 Ikut, ra a kum tene tamtamabat tagun a rumu na etabor det wan, ka det tama det mo una karabus. Ra det milet melet, det watungi lena, 23 \"Met wanpat una karabus, ra met tama i lena di sa tagar dekdek tari, ma a kum tene tamtamabat det tur ut una kum matansako, ikut ra met papos, ka met tama det mo.\"\n24 Ra a mugumugu anun a kum tene tamtamabat tagun a rumu na etabor ma a kum lamlabino tene etabor torom o God, det longoro a wasiso ri, i toboroboro a nuknukin det, ra det nuknuk doko un asau mo ra in nanpat. 25 Ra ara musano i wanpat, ma i watungi tandet lena, \"Tama i, a taro ra mot uruk det una karabus, kurong det mo ubalan in noworo ina rumu na etabor, ma det ususer a taro.\" 26 Ra a kum tene tamtamabat ma anundet a mugumugu det ben pas a kum aposel. Det ben wakak pas det kut, uni det ngaran a taro, sako det in dukuduku det.\n27 Ra det sa ben pas a kum aposel, det utur tar det umatan a taro na kiwung. Ma a mugumugu na tene etabor torom o God i watungi tandet lena, 28 Mt 27:25\"Met sa turbat tar mot lena, gong mo mot ususer a taro nama risan o Iesu. Ikut uniri, o Jerusalem i sa bukus nam anumot a etowo, ra mot nemi, sur mot in takun met una minatin o Iesu.\"\n29 Ap 4:19Ikut, o Pita ma a kum aposel det balu i lena, \"Met in muri ut a wasiso anun o God, ma ka met in mur a wasiso anun a taro. 30 A God anun a kum tumtubun dat tagun numugu, i ukatutur melet pas o Iesu, i ra mot sak wat tari unin nanai kutus. 31 Ap 2:33-34; Ep 1:20; Ibr 2:10; 12:2I ut ra o God i ulabo pasi ma i ukisi una papor sot na lamano, sur in Labino Mugumugu ma in Tene Ulaun, ma in pam a kisapi sur a taro Israel det in nukpukus, ma din unus ru anundet a kum sakino petutna. 32 Met tama a kum utna ri ma met wasiso uni, ma a Tokodos na Nion i ulingmulus anumet a wasiso. A Tokodos na Nion, i a etabor anun o God torom det ra det ser mur anun a wasiso.\"\n33 Det longoro a wasiso ri, ra det kankan doko, ma det nem na um doko a kum aposel. 34 Ikut ara Parisi, a risano o Gamaliel, a tene ususer tagun a Warkurai, ra a taro rop det ser ru i, i tur una kiwung, ra i watungi lena a kum aposel det in pirso pas munung. 35 Ma i watungi torom a taro na kiwung lena, \"Mot a taro Israel, mot in nuknuk wakak sur asau ra mot in pami una taro ri. 36 Ap 21:38A ramano kum kilalo numugu o Tiudas i wanpat, ma i watungi lena i a labino, ra a susut na taro, elar nama wat na mar, det muri. Ikut ra di um doko ru i, det rop ra det muri det wan susuaro, ra anundet a pinapam i rop oros kut. 37 Numur tan a musano ri, ara bulung, o Judas, a te Galili, i wanpat una kilalo na tumtumus rising, ra i ben gisen pas a ramano taro sur det in waim nama gapman. I kai i iru, ma det rop ra det muri, det wan susuaro.\n38 \"I mo ra uniri a watungi tamot lena: Gong mot pam tar tu utna un det, mot in palos ru det. Ra a utna ri det pami, i kibino pas kut una taro, in rop kut. 39 Ikut ra i kibino ut un o God, mot in lagano ururop tari. Sako numur in talapor torom mot lena, mot waim tomo nam o God.\"\n40 Ap 4:18Ma det mulaot una nun a wasiso, ra det kabo melet pas a kum aposel, det miras tatar det, ma det turbat det sur gong mo det wasiso nama risan o Iesu. Numur det palos ru det. 41 Mt 5:10-12; 1 Pit 4:13Ra a kum aposel det pirso gusun a kiwung, ma det gas, uni o God i tama det lena det wakak sur det in los a maimai una risan o Iesu. 42 Ra una kum bung rop ubalan in noworo ina rumu na etabor, ma una nundet a kum rumu kai, ka det mana nama etowo ma a warawai nama Wakak na Wasiso lena o Iesu i a Karisito mulus.","id":"","dump":"CC-MAIN-2022-21","url":"https:\/\/ebible.org\/kqw\/ACT05.htm","date":"2022-05-29T11:03:42Z","file_path":"s3:\/\/commoncrawl\/crawl-data\/CC-MAIN-2022-21\/segments\/1652662644142.66\/warc\/CC-MAIN-20220529103854-20220529133854-00722.warc.gz","language":"kqw","language_score":0.9999978542,"language_script":"Latn","minhash_cluster_size":1,"top_langs":"{\"kqw_Latn_score\": 0.9999978542327881}","num_words":1459,"character_repetition_ratio":0.061,"word_repetition_ratio":0.008,"special_characters_ratio":0.273,"stopwords_ratio":0.503,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3\nIn karmendat\n1 A kum tistising, gong lako susut tagun mot det wanpat a kum tene ususer tagun a lotu, uni mot tasmani lena, a warkurai anun o God torom met, a kum tene ususer, in dekdek sakit tan a warkurai torom a taro gisen. 2 Dat rop dat raro una susut na utna. Ikut, ra taio ke raro un tu utna una nun a wasiso, i ra i tokodos sakit, ma in pet lar pasi sur in ukodos pas anun a nilaun rop.\n3 Ra dat in ubek a nat na du aen una wan a os sur in tarom tandat, dat in pet lari sur dat in dat pukus pas a kudulano os nami. 4 Mot in tama i kai a sip sel. I labo doko, ma a kum dekdek na wuwu det ukalabori, ikut din ukodosi kut nama nat na stia ino, sur in mur a nemnem anun a kiapten.\n5 Lenkutkai lar in karmendat, i ara nat na du pinindat, ikut i ulabo pasi nama kum lamlabino utna ra i ser pami. Mot tama i, tin na nat na lakit ina sungun kut in pet lari sur in tun rop ru tu labino lokor. 6 Mt 12:36-37; 15:11, 18-19In karmendat i elar nama sungun. I ara du pinindat, ra i bukus nama laulau ino, ra i ban udur a kudulano pinindat rop. I ungangon anundat a kudulano nilaun nama sungun tagun a labino sungun, ra ke ser mat. 7 Rom 3:13A taro det sa umarom pas a kum wewegua, a kum piko, ma a kum utna ra det kaukawar una piso, ma a kum utna ra det laun sa utasi. 8 Ikut in karmendat, kataio in ulason lar pasi, ma katutaio kai in ukodos lar pasi. I laulau sakit, ma i bukus nama sangsagor.\n9 Dat watung ulabo pas a Labino a Tamandat namin karmendat, ma dat watung laulau i kai a taro nami, det ra o God i ukis tar det elar nama malalarino. 10 A wasiso na watung ulabo a Labino, ma a wasiso ra i ban laulau taio, der rop, der ser pirso kut gusun a wandat. A kum tistising, ke tokodos lenra. 11 A danim ra i mapak, ma a danim ra i wakak, der in sal tomo pepetlai gusun in teken matmatano danim kut? 12 A kum tistising, in nanai na fig ken wu lako wino oliw, ma in nanai na wain kai ken wu lako wino fig. Lenkutkai lar a wakak na danim ken nanpat tagun a mapak na danim.\nA mananos tagisapat una langit\n13 Osi na pasamot i mananos, ma i tastasman? I wakak ra in upuaso i una nun a wakak na nilaun, una nun a kum wakak na pinapam, tomo nama ngasino ra i unatino pasi ut. A ngasino ra i unatino pasi ut, i wanpat tagun a mananos mulus. 14 Ikut, ra mot nuknuk laulau sur tu utna anun taio, ma mot nuknuk sur tu kisapi sur mot in ulabo pas mot nami, gong mot watung ulabo pas mot uni, ma gong mot toro bat pas a lingmulusino. 15 A mananos ra, awu sur tagisapat netes una langit, a mananos kut taginin upiso. I wanpat kut tan o Satan, ma awu sur tagun a Tokodos na Nion. 16 Uni, osi ra i nuknuk laulau sur tu utna anun taio, ma i nuknuk sur tu kisapi sur in ulabo pasi nami, anun a nilaun in lokolokor ma i bukus nama wur sakino petutna.\n17 Ikut osi ra i utur ukai a mananos tagisapat una langit, a mugano utna in tokodos, ma in tene malmal, ma in ser nuk pas a taro gisen, ma in ser unatino pasi, in bukus nama marmaris, ma in wu a wakak na wino una nun a nilaun, ma in pam ara ngas na petutna kut torom a taro rop, ma katu torotoro tiro una nun a nilaun. 18 Mt 5:9; Ibr 12:11A tene malmal ra i ser papam nama malmal, i elar nama tene minarut. Ma a utna ra i pasong pasi, i a tokodos na petutna.","id":"","dump":"CC-MAIN-2022-21","url":"https:\/\/ebible.org\/kqw\/JAS03.htm","date":"2022-05-24T08:22:14Z","file_path":"s3:\/\/commoncrawl\/crawl-data\/CC-MAIN-2022-21\/segments\/1652662570051.62\/warc\/CC-MAIN-20220524075341-20220524105341-00442.warc.gz","language":"kqw","language_score":0.9999693632,"language_script":"Latn","minhash_cluster_size":1,"top_langs":"{\"kqw_Latn_score\": 0.9999693632125854}","num_words":655,"character_repetition_ratio":0.055,"word_repetition_ratio":0.0,"special_characters_ratio":0.259,"stopwords_ratio":0.42,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"10\nA ensel ma a nat na buk ra di ser puli\n1 Numur a tama ara dekdek na ensel bulung i wan pirso nanan tagisapat una langit. I emar nama bakut, ma in nongogol i kis lao taru netes unin lorino. In masarino i elar namin matanas, ma aru kikino i elar nama sungun ra i kunabor toto elar nama ru pos. 2 I pam pas a nat na buk ra di ser puli, kura i papos una lamano. I utur tar a sot na kikino netes una tasi, ma a kair na kikino una piso. 3 Ra i kukukuk namin labino walngano, i elar namin nalngan a laion. Ra i kakabo, a walngan a wonom mawit na pungpugur det wasiso. 4 Dan 12:4, 9Ra a wonom mawit na pungpugur det sa wasiso rop pas, a ling na tumtumus, ikut a longoro in nalngan ara tagisapat una langit i watungi lena, \"Gong u tumus ukai a kum wasiso ra a wonom mawit na pungpugur det sa watung tari, un pidik bati kut.\"\n5 Lo 32:40; Dan 12:7Ra a ensel ra a tama tari ra i tur taru netes una tasi ma una piso, i tulsu toto a sot na lamano usapat una langit. 6 Ma i liliman nam o naro ra i laun tukum, ken rop ma ken rop, ra i ukis a bakut ma a kum utna rop ra det kis uni, a rakrakon bual ma a kum utna rop ra det kis uni, ma a tasi ma a kum utna rop ra det kis uni, ma i watungi lena, \"Ka din balbalon melet mo. 7 Amo 3:7Una bung ra a ururop na ensel tagun a wonom mawit in ling sur in wup anun in tuwuru, din pam sot pas a utna na pidik anun o God, elar nami ra i sa watung tari tan anun a kum tultul, a kum poropet.\"\n8 Numur in nalngan ara, ra a sa longoro tari tagisapat una langit i wasiso melet torom iau, i watungi lena, \"Un nan ma un los pas a buk, ra kura i papos taru una laman a ensel ra i tur taru netes una tasi ma una piso.\"\n9 Ese 2:8; 3:1-3Ra a wan torom a ensel, ra a saringi sur in pitar tar a nat na buk tang, ra di ser puli. Ma i watungi tang lena, \"Los pasi, ra un nani. In mapak tiro ubalam, ikut una wam in namnamin elar nama polono tatos.\" 10 Ra a los pas a nat na buk gusun a laman a ensel, ra a wani. Una wang i namnamin elar nama polono tatos, ikut, ra a konomi, i mapak nin ubalang. 11 Ma di watungi tang lena, \"Un wasiso na poropet melet una susut na taro tagun a kum tamon, tagun a kum gapman, ma tagun a wur ngas na wasiso, ma a susut na king.\"","id":"","dump":"CC-MAIN-2022-27","url":"https:\/\/ebible.org\/kqw\/REV10.htm","date":"2022-07-05T12:49:52Z","file_path":"s3:\/\/commoncrawl\/crawl-data\/CC-MAIN-2022-27\/segments\/1656104576719.83\/warc\/CC-MAIN-20220705113756-20220705143756-00605.warc.gz","language":"kqw","language_score":0.9998855591,"language_script":"Latn","minhash_cluster_size":1,"top_langs":"{\"kqw_Latn_score\": 0.9998855590820312}","num_words":463,"character_repetition_ratio":0.069,"word_repetition_ratio":0.009,"special_characters_ratio":0.269,"stopwords_ratio":0.447,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"14\nA wasiso na poropet i wakak taun a wasiso nama wur ngas na wasiso\n1 1 Kor 12:31; 14:39Mot in dekdek una marmaris. Mot in nemnem sur a kum etabor anun a Tokodos na Nion. Ma a etabor ra i wakak doko sur mot in nemi, mot in wasiso na poropet. 2 Uni taio ra in wasiso nama wur ngas na wasiso, ke wasiso torom a taro, awu, i wasiso torom o God. A taro ka det tasman a kukuraino. I watung a kum utna na pidik nama dekdekin a Tokodos na Nion. 3 Ikut, taio ra i wasiso na poropet, i wasiso torom a taro sur in udekdek det, in uragot det ma in umarom det. 4 Taio ra i wasiso nama wur ngas na wasiso i udekdek pasi ut. Ikut, taio ra i wasiso na poropet i udekdek a taro na lotu rop. 5 A nemi sur mot rop mot in wasiso nama wur ngas na wasiso, ikut a nem doko i sur mot in wasiso na poropet. O naro ra i wasiso na poropet i wakak doko taun o naro ra i wasiso nama wur ngas na wasiso. Ikut ra taio in palos a kukurai ina wur ngas na wasiso sur in udekdek a taro na lotu, in wakak ut.\n6 A kum tistising, ra an nanpat torom mot ma an wasiso nama wur ngas na wasiso, an warut petlan mot? Ikut, ra a nemi sur an warut mot, an wasiso torom mot nama wasiso ra o God i sa upuaso tari tang, o an wasiso nama mananos, o a wasiso na poropet, o a etowo torom mot. 7 Lenkutkai ra a kum utna ra ka det laun, elar namin tulal ma a gita. Det ser tangis ut, ikut ra a tinangisin det i wan senene kut, dat in tasman petlan a kelekele ra? 8 Ra in tuwuru ken tangis talapor, asi na tene inaim in waninar sur a inaim? 9 Lenkutkai ra torom mot. Ra ka mot watung talapor a kum wasiso, din tasman petlan a wasiso ra mot watungi? Anumot a wasiso in nan kut una maino. 10 A lingmulus ut, a wur ngas na wasiso kuri una rakrakon bual, ikut katu wasiso ra katu kukuraino. 11 Ra ka tasman a kukurai ina wasiso ra taio i wasiso nami torom iau, a elar kut nama usiro toromi, ma o naro kai ra i wasiso, i elar kut nama usiro torom iau. 12 Lenkutkai ra torom mot. Mot ser dekdek sur a kum etabor anun a Tokodos na Nion. I wakak sur mot in dekdek sur a kum etabor ra in udekdek a taro na lotu rop.\n13 Ra in lenra, i wakak sur osi ra i wasiso nama wur ngas na wasiso, in wararing sur in pet lar pasi sur in palos a kukurai ina nun a wasiso. 14 Ra a wararing nama wur ngas na wasiso, a niong i wararing, ikut a nuknuking ke nuk tu utna. 15 Asau an pami? An wararing nama niong, ma an wararing kai nama nuknuking. An kelekele nama niong, ma an kelekele kai nama nuknuking. 16 Ra u watung wakak torom o God una niom nama wur ngas na wasiso, taio ra ke talapor una kukurai ina num a wasiso, in watung \"Amen\" pepetlai? Uni ke tasman asau ra u watungi. 17 I lingmulus, anum a niaring na watung wakak torom o God i wakak, ikut ke udekdek a taro.\n18 A watung wakak torom o God, uni a lason doko una wasiso nama wur ngas na wasiso taun mot rop. 19 Ikut ra a kis tomo nama taro una lotu ma an watungi kut lako limo na du wasiso ra a kukuraino in talapor torom det sur an ususer det nami, i ra i wakak doko taun a noino arip na du wasiso una wasiso gisen, ra ka det in longoro lele i.\n20 Ep 4:14A kum tistising, gong a nuknuki mot i elar nama kum nat liklik. Una sakino petutna i wakak sur mot in elar nama kum nat miso. Ikut, una nuknuki mot, mot in elar nama kum lamlabino. 21 A Labino i sa watung tari una Buk Tabu lenri,\n\"An wasiso torom anung a taro,\nnama walngan ara taro gisen,\nra det wasiso nama wasiso gisen,\nikut ka det in longoro iau.\" Ais 28:11-12\n22 A wur ngas na wasiso, i a ukinalong torom det ra ka det nurnur, awu sur torom det ra a kum tene nurnur. Ikut a wasiso na poropet, i a wasiso sur a kum tene nurnur, awu sur a wasiso sur det ra ka det nurnur. 23 Ap 2:13Ra mot a taro na lotu rop mot in kis tomo, ma mot rop mot wasiso nama wur ngas na wasiso, ma lako taro oros kut, o lako taro ra ka det nurnur det in ruk, det in watungi lena mot longlong. 24 Jn 16:8Ikut ra mot rop mot wasiso na poropet, ma taio ra awu sur a tene nurnur, o tu musano oros kut in ruk torom mot, anumot a kum wasiso rop ra i longoro i in so in balano ma in takuni lena i a tene sakino. 25 Ma a kum utna ra i kis eno unin balano, in nanpat pupuaso. Ra in puku, in masarino unago upiso, ra in lotu torom o God, ma in wasiso talapor lena, \"A lingmulus ut, o God i kis epotor tamot.\"\nA wakak na inawan ina lotu\n26 1 Kor 12:8-10A kum tistising, asau an watungi? Ra mot kis tomo una lotu, ara taro det in kelekele, ara taro det in ususer a taro, ara taro det in wasiso puaso un tu utna ra o God i sa ese tari tandet, ara taro det in wasiso nama wur ngas na wasiso, ma ara taro kai det in palos a kukuraino. A kum utna rop ri din pami sur in udekdek a taro na lotu. 27 Ra lako taro det in wasiso nama wur ngas na wasiso, lako ru o lako tul kut ma gong det susut. Ara munung in wasiso, ma taio in palos a kukuraino. Detul rop detul in pami lenra. 28 Ra katutaio kura sur in palos a kukuraino, i wakak ra o naro ra i wasiso nama wur ngas na wasiso, gong i wasiso una lotu. In wasiso kut toromi ut ma o God.\n29 1 Tes 5:21Lako ru o lako tul, detul in wasiso na poropet, ra a taro det in nuknuk wakak una nundetul a wasiso ra i lingmulus o awu. 30 Ra taio kura i kis una lotu, in rakon tu wasiso tan o God, o naro ra kura i wasiso in mana. 31 Ra mot rop mot nem na wasiso na poropet, i wakak sur ara munung in wasiso, ra numur ara bulung, tuk mot rop mot in wasiso. Mot in pami lenra, sur a taro rop det in los a etowo, ma in uragot det. 32 A wasiso na poropet i kis utuntudu ina warkurai anun a poropet ut. 33-34 1 Kor 11:3; 1 Tim 2:12Uni o God, a God na malmal, ma ke nem a utna ra i lokolokor.\nI wakak ra a wardain det in kis wowowon kut una lotu, elar nama taro anun o God det ser pami una kum tamon rop. Ka di mulaot tar det sur det in wasiso. Det in unatino pas det, elar nama Warkurai anun a taro Juda i watungi. 35 Ra det nem na iting un tu utna, i wakak sur det in ting anundet a kum musano uni tiro una nundet a kum rumu. Uni a utna na maimai ra a ino in wasiso una lotu.\n36 Pepetlai, mot a kibin a wasiso anun o God? Awu. Pepetlai, i wanpat kut torom mot? Awu. 37 1 Jon 4:6Ra taio i nuki lena i ut a poropet, o a Tokodos na Nion kura uni, i wakak sur in tasmani lena asau ra a tumusi torom mot, a warkurai ut anun a Labino. 38 Ra taio ke mur a wasiso ri, o God kai ken longoro anun a wasiso.\n39 I mo ra a kum tistising, mot in kalkal sur mot in wasiso na poropet, ma gong mot turbat taio ra i wasiso nama wur ngas na wasiso. 40 Ikut mot in mur a kum tokodos na inawan ina lotu, ma gong i lokolokor.","id":"","dump":"CC-MAIN-2023-40","url":"https:\/\/ebible.org\/kqw\/1CO14.htm","date":"2023-10-03T11:07:39Z","file_path":"s3:\/\/commoncrawl\/crawl-data\/CC-MAIN-2023-40\/segments\/1695233511075.63\/warc\/CC-MAIN-20231003092549-20231003122549-00027.warc.gz","language":"kqw","language_score":1.0000067949,"language_script":"Latn","minhash_cluster_size":1,"top_langs":"{\"kqw_Latn_score\": 1.0000067949295044}","num_words":1341,"character_repetition_ratio":0.119,"word_repetition_ratio":0.002,"special_characters_ratio":0.264,"stopwords_ratio":0.463,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}