diff --git "a/acr_Latn/fineweb-2_000001_remove.jsonl" "b/acr_Latn/fineweb-2_000001_remove.jsonl" new file mode 100644--- /dev/null +++ "b/acr_Latn/fineweb-2_000001_remove.jsonl" @@ -0,0 +1,191 @@ +{"text":"SAN JUAN 1:49\n49 I ma Natanael xu bij che: —At Tijonel, katzij at Rac'al i Dios; yet at ka 'Atol Tzij chi koy'em yoj oj aj Israel —xu bij che.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/John\/1\/49","date":"2013-05-24T07:19:54Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368704288823\/warc\/CC-MAIN-20130516113808-00020-ip-10-60-113-184.ec2.internal.warc.gz","language":"acr","language_score":0.8637064099,"language_script":"Latn","minhash_cluster_size":1,"top_langs":"{\"acr_Latn_score\": 0.8637064099311829, \"kjb_Latn_score\": 0.026503054425120354, \"mam_Latn_score\": 0.020278673619031906}","num_words":48,"character_repetition_ratio":0.008,"word_repetition_ratio":0.0,"special_characters_ratio":0.277,"stopwords_ratio":0.146,"flagged_words_ratio":0.0,"lang_id_score":0.741,"perplexity_score":500.0,"cluster_detection":-1} +{"text":"SAN JUAN 1:13\n13 N-queje ta pacha cac'al to' winak, n-queje ta pacha i je alaxnak xa rumal qui rayijbal i winak, n-queje taj; lic are i Dios xo'on rac'al chique.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/John\/1\/13","date":"2013-06-20T07:42:47Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368710963930\/warc\/CC-MAIN-20130516132923-00021-ip-10-60-113-184.ec2.internal.warc.gz","language":"acr","language_score":0.9861020446,"language_script":"Latn","minhash_cluster_size":1,"top_langs":"{\"acr_Latn_score\": 0.9861020445823669}","num_words":48,"character_repetition_ratio":0.116,"word_repetition_ratio":0.0,"special_characters_ratio":0.265,"stopwords_ratio":0.125,"flagged_words_ratio":0.0,"lang_id_score":0.967,"perplexity_score":500.0,"cluster_detection":-1} +{"text":"SAN JUAN 1:9\n9 Queje ile xu 'ano man i Jun chi ca yaw i sak-le ya ca nakajab u c'unic chuwach i jyub ta'aj. (Are ire are i Crísto, chi ca tzunsaw qui nojbal conojel i winak.)\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/John\/1\/9","date":"2013-05-19T08:37:21Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368696400149\/warc\/CC-MAIN-20130516092640-00094-ip-10-60-113-184.ec2.internal.warc.gz","language":"acr","language_score":0.9636159539,"language_script":"Latn","minhash_cluster_size":1,"top_langs":"{\"acr_Latn_score\": 0.9636159539222717}","num_words":55,"character_repetition_ratio":0.0,"word_repetition_ratio":0.0,"special_characters_ratio":0.263,"stopwords_ratio":0.164,"flagged_words_ratio":0.0,"lang_id_score":0.939,"perplexity_score":500.0,"cluster_detection":-1} +{"text":"LOS HECHOS WACH I XQUI 'AN I APOSTELAB 11:25\n25 Te'uri i ma Bernabe xa 'e pa tinimit Társo chu siq'uixic i ma Sáulo. Are xu riko, xu c'am li pa tinimit Antioquía.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/Acts\/11\/25","date":"2013-06-19T05:28:45Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368707906397\/warc\/CC-MAIN-20130516123826-00007-ip-10-60-113-184.ec2.internal.warc.gz","language":"acr","language_score":0.9110285044,"language_script":"Latn","minhash_cluster_size":1,"top_langs":"{\"acr_Latn_score\": 0.9110285043716431, \"kea_Latn_score\": 0.011100397445261478, \"quc_Latn_score\": 0.010170566849410534}","num_words":50,"character_repetition_ratio":0.023,"word_repetition_ratio":0.0,"special_characters_ratio":0.264,"stopwords_ratio":0.18,"flagged_words_ratio":0.0,"lang_id_score":0.929,"perplexity_score":500.0,"cluster_detection":-1} +{"text":"SAN LUCAS 1:51\n51 Ru' i nim laj u cho'ab, nim i u 'anom; u kajsam qui 'ij ni'pa i quiqui 'an nim che quib, man quiqui na ique 'o qui nojbal.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/Luke\/1\/51","date":"2013-05-20T20:57:43Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368699238089\/warc\/CC-MAIN-20130516101358-00071-ip-10-60-113-184.ec2.internal.warc.gz","language":"acr","language_score":0.9911170602,"language_script":"Latn","minhash_cluster_size":1,"top_langs":"{\"acr_Latn_score\": 0.9911170601844788}","num_words":49,"character_repetition_ratio":0.0,"word_repetition_ratio":0.0,"special_characters_ratio":0.291,"stopwords_ratio":0.163,"flagged_words_ratio":0.0,"lang_id_score":0.892,"perplexity_score":500.0,"cluster_detection":-1} +{"text":"ROMANOS 6:13\n13 Mi jach i ch'acul pu'ab i mac atzalal chu chacuxic i n-'us taj. Are, chi jacha i ch'acul che i Dios chu chacuxic i 'utz. Chi 'ana ile man ix camnak te'ek, y wo'or ix c'as chic chuwach i Dios.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/Rom\/6\/13","date":"2013-05-19T08:51:22Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368697232084\/warc\/CC-MAIN-20130516094032-00089-ip-10-60-113-184.ec2.internal.warc.gz","language":"acr","language_score":0.8250546455,"language_script":"Latn","minhash_cluster_size":1,"top_langs":"{\"acr_Latn_score\": 0.8250546455383301, \"ctu_Latn_score\": 0.08796355873346329, \"poh_Latn_score\": 0.031093720346689224}","num_words":60,"character_repetition_ratio":0.059,"word_repetition_ratio":0.0,"special_characters_ratio":0.277,"stopwords_ratio":0.217,"flagged_words_ratio":0.0,"lang_id_score":0.666,"perplexity_score":500.0,"cluster_detection":-1} +{"text":"SAN LUCAS 1:6\n6 I mam Zacarías, i ati Wet, je 'utz chuwach i Dios. Lic xe cojon che ronojel u tzij u pixab i Kajwal Dios, lic n-ti qui mac che ile.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/Luke\/1\/6","date":"2013-05-26T09:36:09Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368706890813\/warc\/CC-MAIN-20130516122130-00019-ip-10-60-113-184.ec2.internal.warc.gz","language":"acr","language_score":0.9373734593,"language_script":"Latn","minhash_cluster_size":1,"top_langs":"{\"acr_Latn_score\": 0.9373734593391418, \"quc_Latn_score\": 0.019300339743494987}","num_words":50,"character_repetition_ratio":0.0,"word_repetition_ratio":0.0,"special_characters_ratio":0.264,"stopwords_ratio":0.2,"flagged_words_ratio":0.0,"lang_id_score":0.844,"perplexity_score":500.0,"cluster_detection":-1} +{"text":"1 SAN PEDRO 1:25\n25 xui-ri, i u tzij i Kajwal Dios n-tu q'uisic. Are i tzij-le, are i 'utz laj tzij re iwelbal chi sak, chi bital chic chiwe.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/1Pet\/1\/25","date":"2013-05-22T21:40:32Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368702448584\/warc\/CC-MAIN-20130516110728-00047-ip-10-60-113-184.ec2.internal.warc.gz","language":"acr","language_score":0.9732106328,"language_script":"Latn","minhash_cluster_size":1,"top_langs":"{\"acr_Latn_score\": 0.9732106328010559}","num_words":46,"character_repetition_ratio":0.0,"word_repetition_ratio":0.0,"special_characters_ratio":0.282,"stopwords_ratio":0.196,"flagged_words_ratio":0.0,"lang_id_score":0.904,"perplexity_score":500.0,"cluster_detection":-1} +{"text":"SAN LUCAS 1:11\n11 Xak te'et, 'o jun ángel re i Kajwal xwinakir chuwach i mam Zacarías chila paja. I ángel-le tac'al pa wikabim re i altar, pa ca porox wi i inciénso.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/Luke\/1\/11","date":"2013-06-19T14:38:46Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368708142388\/warc\/CC-MAIN-20130516124222-00047-ip-10-60-113-184.ec2.internal.warc.gz","language":"acr","language_score":0.9480175972,"language_script":"Latn","minhash_cluster_size":1,"top_langs":"{\"acr_Latn_score\": 0.9480175971984863, \"quc_Latn_score\": 0.019121743738651276}","num_words":50,"character_repetition_ratio":0.0,"word_repetition_ratio":0.0,"special_characters_ratio":0.257,"stopwords_ratio":0.2,"flagged_words_ratio":0.0,"lang_id_score":0.918,"perplexity_score":500.0,"cluster_detection":-1} +{"text":"SAN MATÉO 13:25\n25 Xui-ri, are 'is que war conojel, xc'un jun aj ch'o'oj chirij i rajaw, y xu tic can mal laj ticon ru' i trígo (pacha trígo ca tzunic, péro n-are taj).\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/Matt\/13\/25","date":"2013-05-22T14:47:22Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368701852492\/warc\/CC-MAIN-20130516105732-00088-ip-10-60-113-184.ec2.internal.warc.gz","language":"acr","language_score":0.8701983094,"language_script":"Latn","minhash_cluster_size":1,"top_langs":"{\"acr_Latn_score\": 0.8701983094215393, \"tzo_Latn_score\": 0.025814667344093323, \"usp_Latn_score\": 0.020916208624839783, \"ctu_Latn_score\": 0.01195273082703352, \"mam_Latn_score\": 0.010212545283138752}","num_words":51,"character_repetition_ratio":0.0,"word_repetition_ratio":0.0,"special_characters_ratio":0.284,"stopwords_ratio":0.078,"flagged_words_ratio":0.0,"lang_id_score":0.724,"perplexity_score":500.0,"cluster_detection":-1} +{"text":"SAN JUAN 13:32\n32 Y we ca 'alijin u 'ij u chomal i Dios chwe yin, xak queje ile cu 'alijinsaj ni Dios in 'ij in chomal yin. We' tan ile ca 'anic.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/John\/13\/32","date":"2013-05-24T22:44:47Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368705195219\/warc\/CC-MAIN-20130516115315-00095-ip-10-60-113-184.ec2.internal.warc.gz","language":"acr","language_score":0.9791294932,"language_script":"Latn","minhash_cluster_size":1,"top_langs":"{\"acr_Latn_score\": 0.9791294932365417}","num_words":50,"character_repetition_ratio":0.0,"word_repetition_ratio":0.0,"special_characters_ratio":0.286,"stopwords_ratio":0.12,"flagged_words_ratio":0.0,"lang_id_score":0.56,"perplexity_score":500.0,"cluster_detection":-1} +{"text":"LOS HECHOS WACH I XQUI 'AN I APOSTELAB 11:22\n22 I jutzobaj creyent pa Jerusalen xqui ta rason chi je q'ui aj Antioquía qui jachom quib pu'ab i Kajwal; rumal-i xqui tak bi i ma Bernabe cu'.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/Acts\/11\/22","date":"2013-05-21T02:22:09Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368699632815\/warc\/CC-MAIN-20130516102032-00004-ip-10-60-113-184.ec2.internal.warc.gz","language":"acr","language_score":0.9357426167,"language_script":"Latn","minhash_cluster_size":1,"top_langs":"{\"acr_Latn_score\": 0.9357426166534424, \"poh_Latn_score\": 0.010908751748502254}","num_words":54,"character_repetition_ratio":0.0,"word_repetition_ratio":0.0,"special_characters_ratio":0.251,"stopwords_ratio":0.167,"flagged_words_ratio":0.0,"lang_id_score":0.942,"perplexity_score":500.0,"cluster_detection":-1} +{"text":"SAN JUAN 1:48\n48 I ma Natanael xu tz'onoj che: —¿Wach retamaxic in wach xa 'ano? I Jesus xu bij che: —Yin xwil a wach are at 'o chuxe' i che' higuéra; xwil a wach are maja cat u siq'uij i a-Felípe.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/John\/1\/48","date":"2013-06-19T06:17:50Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368708142617\/warc\/CC-MAIN-20130516124222-00019-ip-10-60-113-184.ec2.internal.warc.gz","language":"acr","language_score":0.9731215835,"language_script":"Latn","minhash_cluster_size":1,"top_langs":"{\"acr_Latn_score\": 0.9731215834617615, \"poh_Latn_score\": 0.012849477119743824}","num_words":59,"character_repetition_ratio":0.054,"word_repetition_ratio":0.0,"special_characters_ratio":0.283,"stopwords_ratio":0.153,"flagged_words_ratio":0.0,"lang_id_score":0.926,"perplexity_score":500.0,"cluster_detection":-1} +{"text":"1 I Jesus, are xutzin u bixquil ile chique, te'uri xu bij chique u tijoxelab: 2 —Iweta'am yix, xa queb 'ij chic craj, ca c'un i nima'ij páscua. Are 'uri yin, chi in Achi aj Chicaj quin jachtaj na piqui'ab i je aj ch'o'oj chwij man quin qui camsaj chuwach cruz —xu bij chique. 3 Xak che i 'ij-le, xqui mol quib i ajwab sacerdóte, xak i je tijonel re i 'atbal tzij, xak i nimak tak mam'ib que i aj Israel. Xqui mol quib chuwaja re i nim laj ja pa 'o wi i mam Caifas chi 'atz laj sacerdóte. 4 Chila xqui yijba wi wach u chapic i Jesus quiqui 'ano ali'al, xak wach i camsabal-re. 5 Xui-ri, xqui bij chiquiwach: —N-'us taj we caka 'ano tz'akat je q'ui i winak waral re i nima'ij, mokxa que oc i winak chi ch'okowic —xe cha. 6 I Jesus 'o pa aldéa Betánia ru' i rachoch i achi Simon, chi \"Lepróso\" ca bix che. 7 Are 'uri xtejeb jun ixok ru', ruc'am jun chom laj baxo nojnak che acéite lic muy, lic pakal rajil. I Jesus ca tijin chi wa'im, are 'uri i ixok xu jam bi i cunbal puwi i Jesus. 8 I u tijoxelab, are xquil ile, xpe coywal. —¿Wuchac i ixok-le to' xo'on c'ax che i cunbal muy? —xe cha chiquiwach—. 9 We ta xu c'ayij, nim ni mer cu chap na che, cu tobej que i niba'ib —xe cha. 10 Xu ta i Jesus wach quiqui bij y xu bij chique: —¿Wuchac queje qui bij ile chirij i ixok-le? I xo'on ire-le chwe, lic 'utz. 11 I niba'ib, que'e 'ij sak je 'o na iwu'; yin n-naj ta chic in 'o iwu'. 12 I ixok-i, are xu jam i cunbal muy che in ch'acul, 'utz i xu 'ano, man xu cunaj bi in ch'acul re i mukbal-we. 13 Katzij i quin bij chiwe, xa ipa ca paxsax wi i tzij re i 'elsabal re i qui mac i winak xak ca tataj ni rason wach u 'anom i ixok-i chwe. Queje co'on ile ronojel u wach i jyub ta'aj, c'unsabal re i ixok-i chi qui c'ux i winak —xu bij i Jesus chique. 14 Te'uri, jun chique i cablajuj u tijoxelab, i jun chi ma Júdas Iscarióte u bi, ire xa 'e lapan cu' i ajwab sacerdóte. 15 Xu bij chique: —¿Ni'pa i qui ya chwe we quin jach i ma Jesus pi'ab? —xu bij chique. Ique xqui ya tréinta sak pwak che. 16 Are 'uri i ma Júdas xu jek u tzucuxic wach i jachbal re i Jesus co'on piqui'ab. 17 Xc'un i nabe 'ij re i nima'ij chi ca tijaw i caxlanwa chi n-ti cunbal che. I u tijoxelab i Jesus xe tejeb ru' y xqui bij che: —¿Pa cawaj wi yet que'e ka yijba wi i a wa'im re i nima'ij páscua? —xe cha che. 18 —Jix pa tinimit —xu bij chique—. Jix ru' jun achi 'o chila y queje iri chi bij che: \"Xu bij li ka tijonel: Ya cu rik i 'or chwij re in camic, cu bij. Chawachoch yet caka 'an wi ka wa'im re i nima'ij páscua, yin cu' in tijoxelab, cu bij.\" Queje ile chix chok che —xu bij chique. 19 I u tijoxelab xqui 'ano pacha i xbix chique. Xe 'e chu yijbaxic i wa'im re i nima'ij. 20 Are xoc a'ab, i Jesus 'o cu' i cablajuj u tijoxelab chi mexa. 21 Are que tijin chi wa'im, xu bij chique: —Katzij i quin bij chiwe, 'o jun chiwe yix quin u jach na piqui'ab i je aj ch'o'oj chwij —xu bij. 22 Ique, are xqui ta, lic xe oc chi bis. Chiqui jujunal xe oc chu tz'onoxic che: —Kajwal, ¿mokxa yin? —xqui bij che. 23 Ire xu bij: —Pachin cu mu u wa pa lak wu' yin, are ni ire 'uri quin jachaw na. 24 Katzij, yin chi in Achi aj chicaj, quin camsax na, pacha tz'ibtal can chupam u wuj i Dios, xui-ri to'wach i achi chi quin jachaw na piqui'ab i aj ch'o'oj chwij. Mas 'utz que'el che i achi-le ma ta xalaxic —xu bij chique. 25 Te'uri xch'aw i ma Júdas, chi ca jachaw ni Jesus: —Tijonel, ¿xataba yin quin 'anaw ile? —xu bij. I Jesus xu bij che: —Ru' a chi' xa bij —co'ono. 26 Are que tijin chi wa'im, i Jesus xu chap jun caxlanwa, xu tioxij che i Dios, te'uri xu piro. Xu ya chique u tijoxelab, y xu bij chique: —Chi tija, are iri are in ch'acul. 27 Te'uri xu chap jun tu'bal víno, xu tioxij che i Dios, y xu ya chique. —Chi tu'u yix iri, iwonojel —xu bij chique—. 28 Are iri are in quiq'uel chi ca yijbaw ni trat c'ac' ru' i Dios. Ca turuw na, sachsabal re i qui mac uq'uial winak. 29 Katzij quin bij chiwe, n-quin tu' ta chic u wa'al úva, c'a cu rik ni 'ij quin tu' julaj chic junam iwu' yix, pa cu 'at wi tzij in Kajaw —xu bij chique. 30 Te'uri xqui bixaj jun bix, cojbal re u 'ij i Dios; are xe utzinic, xe 'e chuwi jyub Olívos. 31 I Jesus xu bij chique: —Wo'or cha'ab, iwonojel yix quin iwo'taj na canok. Weta'am queje ile que'elok, man queje iri u bim can i Dios chupam u wuj: \"Quin ya na, chi ca camsax ni aj yu'ul chij,\" xu bij, \"te'uri i chij que jacher bic.\" Queje ile tz'ibtal canok. 32 Xui-ri, are in walijnak chic che i camic, quin nabeaj na chiwach pa Galiléa —xu bij chique. 33 Are 'uri xu bij i ma Pédro: —We conojel 'is cat co'taj canok, yin lic n-cat wo'taj taj —xu bij. 34 I Jesus xu bij che: —Katzij i quin bij chawe, che i a'ab-i, are maja ca ch'aw i ac' re u sakirbal, oxmul ca bij na, chi n-aweta'am ta in wach —co'ono. 35 —Yin lic n-cat wuwaj taj —xu bij i ma Pédro— n-ta co'ono we junam awu' coj camsaxic. Xak queje ile xqui bij conojel i u tijoxelab. 36 Te'uri xe 'e chic che jun lugar, Getsemani u bi. I Jesus xu bij chique u tijoxelab: —Chix cul na can chi, tz'akat quin 'e na yin jela chu tz'onoxic che i Dios —xu bij. 37 Te'uri xe u c'am bi i ma Pédro, xak i queb u c'ojol i mam Zebedéo ru', y xpe jun nim laj bis, jun nim laj c'ax pu c'ux. 38 Xu bij chique: —I bis 'o pa wanima, quin cam rumal, quin na yin. Chix canaj yix waral y chix c'asc'atok —xu bij chique. 39 I Jesus xa 'e chupan jubi', xu jupij rib pulew, y xoc chu tz'onoxic che i Dios: —Ta, cwaj yin, we ta 'o módo, cawesaj i c'ax 'o chinwach. Xui-ri, ma ya chwe pacha i to' cwaj yin; are, cha 'ana pacha i cawaj yet —xu bij. 40 Te'uri xtzalij chic cu' i u tijoxelab; xe u rika que waric. Xu 'ijla i ma Pédro: —¿N-xi ch'ij ta bari xix c'asc'at jun 'or wu'? —xu bij—. 41 Chix c'asc'at na, y chi tz'onoj che i Dios man n-quix tzak ta chupam i mac. Katzij, yix piwanima quiwaj quix c'asc'atic, xui-ri i ch'acul n-tu cho'ab —xu bij. 42 Are 'uri xtzalij chic ucamul chu tz'onoxic che i Dios. Xu bij: —Ta, we n-'us taj chi quelsax ni c'ax chi 'o chinwach, we lic 'o ni u chac quin ch'ijo, 'utz 'uri ca 'ani chwe pacha i cawaj yet —xu bij. 43 Are xtzalij chalok, xe 'e u rika tan chic u tijoxelab que war tan chic; i qui ba'wach ique lic waram craj. 44 Ire xe u canaj canok, y xa 'e chic; are uroxmul xa 'e chu tz'onoxic che i Dios, xak jun chi tzij xu bij chic che. 45 Te'uri xa 'e chic chila cu' u tijoxelab. —Bay, chix warok; chix uxlanok —xu bij chique—. Ya xu rik i 'or chi yin, chi in Achi aj Chicaj, quin jachtaj na piqui'ab i ajmaquib. 46 Chix walijok. Jo'. Ya xc'un ire chi quin jachaw na piqui'ab i aj ch'o'oj chwij —xu bij chique. 47 I Jesus c'a ca tijin chi tzij are xupon i ma Júdas, chi jun chique i cablajuj u tijoxelab. Ire je ruc'am li uq'uial winak; 'o i cuc'am ch'ich', 'o i cuc'am che'. Ique je taktal li cumal i ajwab sacerdóte xak i nimak tak mam'ib que i aj Israel. 48 I ma Júdas, chi aj jachanel re i Jesus, u bim can chique wach i séña co'on chique, c'utbal re i Jesus: \"Are i jun chi quin tz'ubaj, are ile,\" u bim chique. \"Chi chapa 'uri,\" u bim can chique. 49 I ma Júdas, are xuponic, xtejeb pan ru' i Jesus. —Na'ab, in Tijonel —xu bij che. Y xa 'e u tz'ubaj. 50 I Jesus xu bij che: —Achi, ¿Wach cawaj chwe? —xu bij. Are 'uri i juban xe tejeb ru' i Jesus y xqui chapo; lic co i u chapic xqui 'ano. 51 Are 'uri, jun chique i rachi'il i Jesus xresaj li u ch'ich' y xu c'atzij u xiquin i aj takon re i 'atz laj sacerdóte. 52 I Jesus xu bij che: —Cha c'olo a ch'ich' pa rachoch, man ni'pa i que 'anaw ch'o'oj ru' ch'ich', xak ru' ch'ich' que camsax wi —xu bij che—. 53 ¿N-aweta'am ta bari, chi we ta cwaj yin, quin tz'onoj che in Kajaw y cu tak li uq'uial ángel chin to'ic? ¡Mas ne chuwach i seténta mil que u tak neli-ri wu'! 54 Xui-ri, we ta quin 'an yin ile, n-que'el ta 'uri pacha tz'ibtal can chupam u wuj i Dios. Lic 'o ni u chac que'el na pacha i tz'ibtal canok —xu bij che. 55 Te'uri xu bij chique i winak: —¿Wuchac xix c'un yix ru' i ch'ich' xak ru' i che', qui c'ambej bi we, pacha qui 'an che jun ili'om? Yin 'ij 'ij in cul chixol yix pa rachoch i Dios, quin tijin chu c'utic chique i winak, y n-xin i chap taj. 56 Xui-ri, 'o ni u chac ca 'ani iri chwe, pacha qui tz'ibam can i ajbil u tzij i Dios ujer —xu bij chique. Te'uri, ni'pa i u tijoxelab i Jesus xqui canaj canok y xe 'anmajic. 57 Ni'pa i qui chapom i Jesus, xqui c'am bi che i rachoch i mam Caifas, chi 'atz laj sacerdóte. Chila qui molom wi quib i je tijonel re i 'atbal tzij xak i nimak tak mam'ib. 58 I ma Pédro, to' chi naj xterej bi chiquij, c'a xupon chuwaja re i rachoch i mam Caifas. Xoc bi chuwaja, chila xcubi wi cu' i policía, cu takejbej-re wach ca 'ani che i Jesus. 59 I caj'atzil i sacerdóte, xak i nimak tak mam'ib, xak ronojel i nuc'bal t'isbal, 'is xqui tzucuj u mac i Jesus. Cacaj ique quiqui coj u mac chuwach i 'atbal tzij, tupu n-katzij taj, xa camsabel-re cacaj ique. 60 Lic n-ta jun u mac xqui rik chirij, tupu je q'ui xe c'unic y xqui bij mentir chirij. Pa q'uisbal-re, xe upon chic queb testígo chi xa mentir quiqui bij. 61 Xqui bij ique: —I achi-ri xu bij: \"Yin quin tiqui chu wulijsaxic i rachoch i Dios, te'uri che oxib 'ij quin walijsaj wi chic,\" xu bij —xe cha. 62 Are 'uri i 'atz laj sacerdóte xwalijic, y xu bij che i Jesus: —Yet, ¿lic n-ca la' tu wach chique? ¿Wach usuc' ile quiqui bij chawij? —xu bij. 63 I Jesus lic n-xch'aw taj. Are 'uri i 'atz laj sacerdóte xu bij: —Yin, chuwach i Dios c'aslic, quin ya chakul: cha bij i sak laj tzij chake; cha bij 'uri we yet at Crísto, chi u C'ojol i Dios —xu bij che. 64 I Jesus xu bij: —Katzij i xa bij. Xak quin iwil ni yin chi in Achi aj Chicaj, in cul na pu wikabim i Dios chi 'atz u cho'ab; xak quin iwil na quin c'un chali pa sutz' chicaj —xu bij chique. 65 Are 'uri i 'atz laj sacerdóte xu rakch'ij u 'u', c'utbal-re i roywal. Xu bij: —¡Tzel cu ta i Dios ile! ¡Ya n-ta chic u chac we 'o juban chic col qui bij u mac! Ya xi ta yix waral wach i itzel tzij xu bij. 66 ¿Wach qui ch'ob yix che ile? —xu bij chique i rachi'il. I juban je 'o ru' xqui bij: —Ire lic 'o u mac; cu maj che chi ca camsaxic —xe cha. 67 Are 'uri xqui chubaj qui c'axaj chu palaj y xqui ch'ayo. 'O juban chic xqui ch'ay chu palaj 68 y xqui bij che: —Yet chi at Crísto, cha bij 'u chake pachin xat ch'ayawic —xe cha che. 69 Tz'akat are xqui 'an ile, i ma Pédro cul chuwaja. Are 'uri, xupon jun ali, aj chac pa rachoch i caj'atzil i sacerdóte; xu bij che: —Xak yet at rachi'il i ma Jesus aj Galiléa —xu bij. 70 Xui-ri, i ma Pédro xruwaj u wach chiquiwach conojel: —N-weta'am ti yin wach i ca bij —xu bij che i ali. 71 I ma Pédro ya ca 'ec, 'o chic che uchibe. Are 'uri xa 'iltaj chic rumal jun chic. Xu bij 'uri chique i je 'o chila: —I achi-le, rachi'il i ma Jesus chi aj Nazaret —co'ono. 72 I ma Pédro xu bij chic chi n-reta'am tu wach. Xu cuxtaj u bi i Dios puwi u tzij y xu bij: —Lic n-weta'am tu wach i achi-le —xcha. 73 Xo'on chupan jubi', ni'pa i je 'o chila xe tejeb ru' y xqui bij: —Katzij, xak yet at cachi'il ique. Ca 'alijin che a ch'awbal —xqui bij che. 74 Te'uri i ma Pédro xu bij chique: —Chu ya ni tojpen i Dios pinwi, we n-katzij ti quin bij. Lic n-weta'am tu wach i achi-le —xu bij. Are 'uri xch'aw jun teren. 75 Juntir xc'un chu c'ux wach i bital che rumal i Jesus, man u bim che: \"Are maja ca ch'aw i ac' re u sakirbal, quin awuwaj na oxmul,\" u bim i Jesus che. Te'uri i ma Pédro xel chila, lic c'ax xu na u c'ux, lic xo' rumal.","id":"","dump":"CC-MAIN-2013-20","url":"http:\/\/www.bible.is\/ACCIBS\/Matt\/26","date":"2013-05-21T18:21:10Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368700380063\/warc\/CC-MAIN-20130516103300-00048-ip-10-60-113-184.ec2.internal.warc.gz","language":"acr","language_score":1.0000097752,"language_script":"Latn","minhash_cluster_size":28,"top_langs":"{\"acr_Latn_score\": 1.0000097751617432}","num_words":2278,"character_repetition_ratio":0.063,"word_repetition_ratio":0.004,"special_characters_ratio":0.303,"stopwords_ratio":0.244,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"SAN JUAN 1:26\n26 I ma Wan xu bij chique: —Yin, katzij quin kajsaj ya piquiwi i winak, péro chixol yix 'o jun nim laj winak n-iweta'am tu wach.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/John\/1\/26","date":"2013-05-22T22:28:02Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368702452567\/warc\/CC-MAIN-20130516110732-00055-ip-10-60-113-184.ec2.internal.warc.gz","language":"acr","language_score":0.9623637199,"language_script":"Latn","minhash_cluster_size":1,"top_langs":"{\"acr_Latn_score\": 0.9623637199401855}","num_words":46,"character_repetition_ratio":0.0,"word_repetition_ratio":0.0,"special_characters_ratio":0.265,"stopwords_ratio":0.087,"flagged_words_ratio":0.0,"lang_id_score":0.778,"perplexity_score":500.0,"cluster_detection":-1} +{"text":"SAN MATÉO 26:52\n52 I Jesus xu bij che: —Cha c'olo a ch'ich' pa rachoch, man ni'pa i que 'anaw ch'o'oj ru' ch'ich', xak ru' ch'ich' que camsax wi —xu bij che—.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/Matt\/26\/52","date":"2013-05-18T08:23:08Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368696381630\/warc\/CC-MAIN-20130516092621-00072-ip-10-60-113-184.ec2.internal.warc.gz","language":"acr","language_score":0.9174871445,"language_script":"Latn","minhash_cluster_size":1,"top_langs":"{\"acr_Latn_score\": 0.9174871444702148, \"quc_Latn_score\": 0.028271224349737167}","num_words":49,"character_repetition_ratio":0.031,"word_repetition_ratio":0.0,"special_characters_ratio":0.309,"stopwords_ratio":0.102,"flagged_words_ratio":0.0,"lang_id_score":0.68,"perplexity_score":500.0,"cluster_detection":-1} +{"text":"SAN MATÉO 18:10\n10 Jun ch'utin, mi ch'ob yix chi n-ta kas u 'ij. Quin bij 'u chiwe, i ángel chi je chajal-que nic are wi je 'o chuwach in Kajaw chicaj.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/Matt\/18\/10","date":"2013-06-18T05:07:40Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368706934574\/warc\/CC-MAIN-20130516122214-00007-ip-10-60-113-184.ec2.internal.warc.gz","language":"acr","language_score":0.8695859909,"language_script":"Latn","minhash_cluster_size":1,"top_langs":"{\"acr_Latn_score\": 0.8695859909057617, \"quc_Latn_score\": 0.024518098682165146, \"poh_Latn_score\": 0.020922847092151642}","num_words":49,"character_repetition_ratio":0.0,"word_repetition_ratio":0.0,"special_characters_ratio":0.283,"stopwords_ratio":0.122,"flagged_words_ratio":0.0,"lang_id_score":0.617,"perplexity_score":500.0,"cluster_detection":-1} +{"text":"SAN JUAN 1:42\n42 Te'uri i ma Andres xu c'am bi i ma Simon ru' i Jesus. I Jesus, are xril u wach, xu bij che: —Yet at a-Simon, rac'al i ma Jonas, péro yin quin ya pa bi wo'or: chi at a-Céfas —xu bij. I tzij a-Céfas xak que'elok a-Pédro.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/John\/1\/42","date":"2013-06-19T13:53:22Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368708789647\/warc\/CC-MAIN-20130516125309-00013-ip-10-60-113-184.ec2.internal.warc.gz","language":"acr","language_score":0.9863552451,"language_script":"Latn","minhash_cluster_size":1,"top_langs":"{\"acr_Latn_score\": 0.9863552451133728}","num_words":68,"character_repetition_ratio":0.0,"word_repetition_ratio":0.0,"special_characters_ratio":0.295,"stopwords_ratio":0.191,"flagged_words_ratio":0.0,"lang_id_score":0.887,"perplexity_score":500.0,"cluster_detection":-1} +{"text":"SAN MATÉO 18:20\n20 Queje ile co'ono, man pa je 'o wi je queb je oxib qui molom na quib wumal yin, xak yin in 'o na cu' ique —xu bij chique u tijoxelab.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/Matt\/18\/20","date":"2013-05-21T19:50:24Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368700477029\/warc\/CC-MAIN-20130516103437-00038-ip-10-60-113-184.ec2.internal.warc.gz","language":"acr","language_score":0.9743080735,"language_script":"Latn","minhash_cluster_size":1,"top_langs":"{\"acr_Latn_score\": 0.9743080735206604}","num_words":51,"character_repetition_ratio":0.0,"word_repetition_ratio":0.0,"special_characters_ratio":0.279,"stopwords_ratio":0.078,"flagged_words_ratio":0.0,"lang_id_score":0.815,"perplexity_score":500.0,"cluster_detection":-1} +{"text":"SAN LUCAS 1:24\n24 Xo'on panok, xq'uiji i yobil chirij i ati Wet chi rixokil; i ixok, jo'ob ic' n-xel ta chi rachoch; lic ca quicotic xu bij pu c'ux:\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/Luke\/1\/24","date":"2013-05-21T12:13:31Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368699977678\/warc\/CC-MAIN-20130516102617-00081-ip-10-60-113-184.ec2.internal.warc.gz","language":"acr","language_score":0.9020739198,"language_script":"Latn","minhash_cluster_size":1,"top_langs":"{\"acr_Latn_score\": 0.9020739197731018, \"tzo_Latn_score\": 0.07549833506345749}","num_words":47,"character_repetition_ratio":0.0,"word_repetition_ratio":0.0,"special_characters_ratio":0.275,"stopwords_ratio":0.128,"flagged_words_ratio":0.0,"lang_id_score":0.911,"perplexity_score":500.0,"cluster_detection":-1} +{"text":"ROMANOS 6:14\n14 Mi ya che i mac atzalal quix u rajawij, man ix 'o chic pu'ab i rutzil u c'ux i Dios, ix n-ta chic pu'ab i ujer 'atbal tzij tz'ibtalic.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/Rom\/6\/14","date":"2013-05-21T04:10:13Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368699684236\/warc\/CC-MAIN-20130516102124-00090-ip-10-60-113-184.ec2.internal.warc.gz","language":"acr","language_score":0.9878546596,"language_script":"Latn","minhash_cluster_size":1,"top_langs":"{\"acr_Latn_score\": 0.9878546595573425}","num_words":49,"character_repetition_ratio":0.04,"word_repetition_ratio":0.0,"special_characters_ratio":0.276,"stopwords_ratio":0.163,"flagged_words_ratio":0.0,"lang_id_score":0.916,"perplexity_score":500.0,"cluster_detection":-1} +{"text":"1 SAN PEDRO 1:1\n1 Yin in a-Pédro, in rapóstol i Jesucrísto chi quin tz'ibaj i wuj-i chiwe yix chi naj ix 'o wi che i tinimit yix. Ix jachernak bi pa jyub Pónto, pa jyub Galácia, pa jyub Capadócia, xak pa Asia, xak c'a pa Bitínia.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/1Pet\/1\/1","date":"2013-05-22T17:26:36Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368702127714\/warc\/CC-MAIN-20130516110207-00005-ip-10-60-113-184.ec2.internal.warc.gz","language":"acr","language_score":0.9606516361,"language_script":"Latn","minhash_cluster_size":1,"top_langs":"{\"acr_Latn_score\": 0.9606516361236572}","num_words":63,"character_repetition_ratio":0.006,"word_repetition_ratio":0.0,"special_characters_ratio":0.259,"stopwords_ratio":0.175,"flagged_words_ratio":0.0,"lang_id_score":0.834,"perplexity_score":500.0,"cluster_detection":-1} +{"text":"1 Te'uri xwil chic jun ángel ca tijin li u kajic chicaj, nim i u 'atbal tzij. I u wach i jyub ta'aj xo'on sak rumal u walch'inic. 2 Ire xsiq'uin chu bixquil: —¡Ya wulijsam chic i tinimit; ya wulijsam chic i nim laj tinimit Babilónia! Wo'or xa je are chic itzel je jekel chila, xa are qui q'uijibal chic itzel tak tew, xa are qui q'uijibal chic i itzel tak tz'iquin, xak ne te ch'am laj tak tz'iquin. 3 Conojel i tinimit re u wach i jyub ta'aj xqui 'an pacha xe 'abar che i víno chi u sujum i tinimit-le chique; i pacha vin-le xa are i mal laj tak qui rayijbal. I je 'atol tzij re u wach i jyub ta'aj qui 'anom i n-'us taj chuwach i Dios ru' i tinimit-le; je pacha achiab chi quiqui 'an i n-'us taj ru' jun n-ch'am ta laj ixok. I je aj c'ay re u wach i jyub ta'aj lic xe beyomaric rumal u q'uial u rayijbal i tinimit Babilónia. (Queje xu bij i ángel ile chwe.) 4 Te'uri xin ta jun chic ch'awbal xch'aw chicaj: —Chix el chupam i tinimit-le, ni'pa ix we yin —xu bij—. Chix el chila, mokxa quix macun na pacha quiqui 'an ique, mokxa qui tij ni tojpen pacha i quiqui tij na ique. 5 Man lic q'ui ni qui mac, pacha u molom rib 'elnak bi c'a chicaj. I Dios, xc'un chu c'ux wach i qui mac. 6 Chi tzalij u wach 'uri che i tinimit Babilónia, ni'pa i c'ax u 'anom ire chique i juban; queb tant chi tzalij u wach che. Ire u 'anom chiwe chi qui tu' i víno c'a; chi tzalij 'uri u wach che, queb tant u c'ayil chi ya che. 7 I tinimit Babilónia lic xo'on nim che u 'ij; xa xu tzucuj u chomal. Pacha u nimal u 'ij u chomal, xak queje u nimal i tojpen chi ya che, xak queje i c'ax. I tinimit-le, queje pacha jun ixok chi cu bij pu c'ux: \"In cul chi, in pacha jun nim laj 'atol tzij; n-in ta pacha jun ixok malcan; yin lic n-quin tij tubi uyej,\" cu bij. 8 Rumal ile, q'ui i c'ax ca pe puwi che jun 'ij. Ca pe i camic, ca pe i uyej, ca pe i numic, y ca porox na pa 'a'. Queje ile ca pe puwi i tinimit-le, man nim u cho'ab i Kajwal Dios chi cu ya na pa tojpen rumal u mac. (Queje ile xu bij i tzij chi xch'aw chicaj.) 9 I je 'atol tzij re u wach i jyub ta'aj xqui 'an i n-'us taj chuwach i Dios rumal i tinimit-le; xqui ya quib chu tzucuxic qui chomal xak i qui rayijbal. Ique que o' na are quiquil i sib re i nim laj tinimit chi ca tijin u c'atic; lic caco'ej na. 10 Que taq'ui na c'a naj rumal qui xibriquil; lic quiqui xij na quib che i tojpen chi ca pe puwi i tinimit-le, y quiqui bij na: —¡Ay, to' a wach yet, at nim laj tinimit Babilónia! ¡Yet chi nim a cho'ab, xa juntir xpe i tojpen pawi! —quiqui bij na. 11 Xak queje i je aj c'ay re u wach i jyub ta'aj, que o' na y que bison na rumal, man ique n-ta chic ca lo'ow qui c'ay. 12 N-ta chic ca lo'ow i qui óro, i qui pláta, i cuwaj chi chom pakalic, tak i qui bak. N-ta chic ca lo'ow i c'ul 'o cu' chi chom, pakalic. N-ta chic ca lo'ow i qui che' chom, lic muy, pakal rajil. N-ta chic ca lo'ow i chomik tak etz'bal chique, chi 'antal che i marfil, xak 'antal che i che' chom, muy; xak 'antal che i brónce, xak 'antal che i ch'ich', xak che i mármol. 13 Xak n-ta chic ca lo'ow i qui canéla, tak i juban cunbal re i comída, xak i qui inciénso, i qui mírra, tak i juban cunbal muy. N-ta chic ca lo'ow i víno, i acéite, i arin, i trígo. N-ta chic ca lo'ow i qui chicop, i qui chij, i qui caway, i qui careta. N-ta chic ca lo'ow i qui mocom (ile are qui c'aslemal i winak quiqui c'ayij.) Lic n-ta chic ca lo'ow i qui c'ay. 14 Ca bix na che i tinimit: —Ronojel ni'pa i chom chi lic xa rayij u wach, ya n-ta chic. Xsach ni u wach a beyomal, xsach u wach i chom laj awetz'balil que'e 'ij sak chawij —ca bix na che. 15 I je aj c'ay re ni'pa tak ile, chi lic xe beyomar rumal i qui c'ay che i tinimit-le, que taq'ui na c'a naj rumal qui xibriquil; lic quiqui xij na quib che i tojpen chi ca pe puwi i tinimit. Xa que o' na y que bison na rumal. 16 Quiqui bij na: —¡Ay, to' u wach i nim laj tinimit! Ile, pacha te jun ixok chom u 'u', lic pakalic; lic cak ca tzunic, xak morádo ca tzunic. Lic u wikom rib ru' óro, xak ru' chom laj ruwaj, xak ru' rarit, xak ru' bak pakal rajil. 17 Xui-ri, ni'pa i u beyomal ¡juntir xq'uisic! —quiqui bij na. Xak conojel i quiqui ch'ac qui mer ru' qui bárco, que canaj c'a naj che i tinimit chi ca poroxic; ni'pa i que uc'aw i bárco, xak i je aj chaquib piqui'ab, xak i to' winak chi je 'o chupam, 'is que canaj na c'a naj. 18 Are quiquil i sib re i nim laj tinimit ca tijin u c'atic, ique que siq'uin na: —¡N-ta jun chic tinimit pacha i nim laj tinimit-le! —quiqui bij na. 19 Lic que bisonic; que o' na, lic caco'ej na. Que siq'uin na chu bixquil: —¡Ay, to' u wach i nim laj tinimit! O'onom lok, ru' u beyomal xo'on beyom chique ni'pa 'o i qui bárco, ch'acbal re qui mer. Y xa juntir xsachsax u wach —quiqui bij na. 20 Xui-ri, yix ix aj chicaj, chix quicotok rumal wach ca 'ani na che i tinimit-le. Chix quicot ni yix ix apostelab, xak queje yix chi ix ajbil u tzij i Dios, xak queje yix iwonojel chi ix re ire. I Dios cu ya ni tojpen puwi i tinimit-le rumal wach u 'anom chiwe yix. (Queje ile xu bij i ch'awbal chi xch'aw chicaj.) 21 Te'uri, jun ángel nim u cho'ab xu yac jun nim laj abaj y xu c'ak bi pa mar. Te'uri xu bij: —Queje iri ca 'ani na che i nim laj tinimit Babilónia; ca c'ak nubi iquem, y n-ca 'iltaj ta chic u wach. 22 Awu' yet, Babilónia, n-ca tataj ta chic i u ch'awbal i árpa, xak i su', xak i trompet chila awu'; n-ta chic jun ca chacun pa re u chac; n-ca tataj ta chic u ch'awbal i ca'. 23 Chila awu', ya n-ta chic jun 'a' pa ca tzun wi, xak n-ca tataj ta chic jun nima'ij re i c'ulanquil awu'. Queje ile cat e'el na, tupu o'onom lok i aj lo'onel i aj c'ayinel awu' mas nim te qui 'ij chiquiwach conojel i cachi'il chuwach i jyub ta'aj. Queje ile cat e'el na, man i winak re u wach i jyub ta'aj lic xe terej chawij; xqui coj a 'ij xa rumal pacha 'itz xa coj chique. (Queje ile xu bij i ángel che i tinimit.) 24 I tinimit Babilónia ca ya' pa tojpen man je u camsam ni'pa i je ajbil u tzij i Dios, xak i winak je re i Dios. Xak i juban tinimit xqui 'an que pacha i tinimit Babilónia; rumal 'uri, i camsanic xqui 'an ique chique i je re i Dios, xak 'o chukul i tinimit-le —xu bij i ángel.","id":"","dump":"CC-MAIN-2013-20","url":"http:\/\/www.bible.is\/ACCIBS\/Rev\/18","date":"2013-05-25T22:20:32Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368706470197\/warc\/CC-MAIN-20130516121430-00086-ip-10-60-113-184.ec2.internal.warc.gz","language":"acr","language_score":1.0000084639,"language_script":"Latn","minhash_cluster_size":44,"top_langs":"{\"acr_Latn_score\": 1.000008463859558}","num_words":1264,"character_repetition_ratio":0.089,"word_repetition_ratio":0.022,"special_characters_ratio":0.291,"stopwords_ratio":0.258,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"SAN MATÉO 18:8\n8 We are a 'ab, we are awakan ca 'anaw chawe cat macunic, su' cha c'upij y cha c'aka bic. Mas 'utz ile, ca rikbej re a c'aslemal, tupu xa jun a 'ab, xa jun awakan. Mas 'utz ile chuwach i queb a 'ab, queb awakan we xa cat 'e pa 'a' rumal, i 'a' chi n-tu q'uisic.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/Matt\/18\/8","date":"2013-06-20T11:48:11Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368711515185\/warc\/CC-MAIN-20130516133835-00096-ip-10-60-113-184.ec2.internal.warc.gz","language":"acr","language_score":0.9962568879,"language_script":"Latn","minhash_cluster_size":1,"top_langs":"{\"acr_Latn_score\": 0.9962568879127502}","num_words":78,"character_repetition_ratio":0.027,"word_repetition_ratio":0.0,"special_characters_ratio":0.303,"stopwords_ratio":0.115,"flagged_words_ratio":0.0,"lang_id_score":0.919,"perplexity_score":500.0,"cluster_detection":-1} +{"text":"SAN MATÉO 26:58\n58 I ma Pédro, to' chi naj xterej bi chiquij, c'a xupon chuwaja re i rachoch i mam Caifas. Xoc bi chuwaja, chila xcubi wi cu' i policía, cu takejbej-re wach ca 'ani che i Jesus.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/Matt\/26\/58","date":"2013-05-18T22:44:46Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368696382917\/warc\/CC-MAIN-20130516092622-00078-ip-10-60-113-184.ec2.internal.warc.gz","language":"acr","language_score":0.953604877,"language_script":"Latn","minhash_cluster_size":1,"top_langs":"{\"acr_Latn_score\": 0.9536048769950867}","num_words":56,"character_repetition_ratio":0.0,"word_repetition_ratio":0.0,"special_characters_ratio":0.267,"stopwords_ratio":0.161,"flagged_words_ratio":0.0,"lang_id_score":0.767,"perplexity_score":500.0,"cluster_detection":-1} +{"text":"ROMANOS 6:15\n15 ¿Wach caka 'an 'ut? ¿'Utz coj macun nawi we n-oj ta 'o pu'ab i ujer 'atbal tzij? ¿'Utz coj macun nawi man i rutzil u c'ux i Dios 'o pakawi? ¡No, n-queje ta ile!\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/Rom\/6\/15","date":"2013-05-24T05:23:02Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368704218408\/warc\/CC-MAIN-20130516113658-00091-ip-10-60-113-184.ec2.internal.warc.gz","language":"acr","language_score":0.9960846901,"language_script":"Latn","minhash_cluster_size":1,"top_langs":"{\"acr_Latn_score\": 0.9960846900939941}","num_words":54,"character_repetition_ratio":0.102,"word_repetition_ratio":0.0,"special_characters_ratio":0.304,"stopwords_ratio":0.13,"flagged_words_ratio":0.0,"lang_id_score":0.973,"perplexity_score":500.0,"cluster_detection":-1} +{"text":"1 Te'uri xe wil chic cajib ángel je tac'al jujun pa tak cajib esquin re u wach i jyub ta'aj. Ique-le que tijin chu 'atixic i tew che i cajib esquin. N-quiqui ya ta che chi ca pe chuwach i jyub ta'aj, xak mi ne puwi i mar, xak mi ne chirij i che'. 2 Are 'uri xwil chic jun ángel, xel lok, pa quel wi li 'ij. I u patan ire, are u cojic i retalil re i Dios chuwach qui crusil i winak, ni'pa i je re i Dios c'aslic. Ire ruc'am pu 'ab, i cojbal re i retalil-le. I ángel-le, co xsiq'uin chique i cajib ángel, chi 'o piqui'ab quiqui 'an c'ax che u wach i jyub ta'aj, xak che i mar. 3 Xu bij chique: —Mi 'an tan c'ax che i u wach i jyub ta'aj, xak mi che i mar, xak mi che i che'. Mi 'an tan ile, c'a caka coj ni retalil chuwach qui crusil je ni'pa i je rajchac i ka Dios —xu bij chique. 4 Xak xin ta ni'pa qui q'uial chi coc ni retalil chique: je ciénto cuarénta y cuátro mil. Je aj ronojel tak tzobaj je qui muk qui xiquin i u c'ojol i mam Israel ujer: 5 Je cablajuj mil chique u muk u xiquin i mam Juda, xak cablajuj mil chique u muk u xiquin i mam Ruben, xak cablajuj mil chique u muk u xiquin i mam Gad, 6 xak cablajuj mil chique u muk u xiquin i mam Aser, xak cablajuj mil chique u muk u xiquin i mam Neftali, xak cablajuj mil chique u muk u xiquin i mam Manases, 7 xak cablajuj mil chique u muk u xiquin i mam Simeon, xak cablajuj mil chique u muk u xiquin i mam Levi, xak cablajuj mil chique u muk u xiquin i mam Isacar, 8 xak cablajuj mil chique u muk u xiquin i mam Zabulon, xak cablajuj mil chique u muk u xiquin i mam Jose, xak cablajuj mil chique u muk u xiquin i mam Benjamin. 9 Te'uri xin takej tan chic, y xe wil u q'uial winak je tac'al chiquiwach i je queb (i jun chi cul pa chom laj u cubibal, xak i jun chi ral Chij ca bix che.) I winak-le je petnak pa ronojel tak tinimit, pa ronojel tak jyub, pa ronojel tak quijayil, pa ronojel tak ch'awbal. Lic je q'ui i winak-le, mi jun ca tiqui chi rajlaxic qui q'uial. Sak i qui 'u'; 'is cuc'am u xak pálma piqui 'ab. 10 Ique xe siq'uin chu bixquil i tzij-i: I kelbal chupam i c'ax, xa cumal i queb-le chi are i ka Dios chi cul pa chom laj u cubibal, xak i Crísto, chi ral Chij ca bix che. (Queje ile xe siq'uin chu bixquil.) 11 Conojel i ángel je tac'al bic, qui sutim rij i chom laj cubibal, xak i nimak tak mam'ib, xak i je cajib je pacha ángel. Xqui xucba qui jolom c'a chuwach ulew, chuwach i chom laj cubibal, y xqui coj u 'ij i Dios; 12 xqui bij: ¡Amen (katzij iri)! I ka Dios lic ca majaw che chi caka bij u 'ij, caka bij u chomal, caka bij wach i nim laj u nojbal, xak caka tioxij che. Ca majaw che chi caka coj u 'ij rumal wach 'o pu'ab, xak rumal u cho'ab. Queje i ka Dios ile que'e 'ij sak chirij. Amen (queje ile cakaj). (Queje ile xqui bij i ángel.) 13 Are 'uri 'o jun chique i nimak tak mam'ib xu tz'onoj chwe: —¿Aweta'am yet je pachin ique-le chi sak qui 'u'? ¿Aweta'am pa je petnak wi? —xu bij chwe. 14 Yin xin bij che: —Nim laj winak, n-weta'am taj. Yet aweta'am —xin bij. Ire xu bij: —Je are ique chi je 'elnak chupam i nim laj uyej chi xic'aw chuwach i jyub ta'aj. (Qui jachom quib pu'ab i Tolque.) Qui ch'ajom i qui 'u', y qui sakirsam chic che u quiq'uel i ral Chij. 15 Are rumal 'uri je 'o chuwach i chom laj u cubibal i Dios, xak quiqui 'an qui patan chirij. Chi pa'ij chi cha'ab quiqui 'an qui patan pa chom laj rachoch i Dios; xak ire, chi cul pa chom laj u cubibal, que u chajij na. 16 Ique n-quiqui tij ta chic numic, mi c'atic; xak n-quiqui tij ta chic uyej rumal i 'ij; n-que c'atsax ta chic rumal u cho'ab. 17 Queje ile ca 'ani chique, man ire chi ral Chij ca bix che (chi xak 'o ru' i chom laj cubibal re i Dios), ire que u chajij na pacha je u chij; que u c'am bi che tak ralaxbal ya, y quiqui tu' ni ya chi cu ya qui c'aslemal. Ni'pa ni uwal qui wach, i Dios cu su na chique.","id":"","dump":"CC-MAIN-2013-20","url":"http:\/\/www.bible.is\/ACCIBS\/Rev\/7","date":"2013-05-26T07:11:56Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368706635944\/warc\/CC-MAIN-20130516121715-00032-ip-10-60-113-184.ec2.internal.warc.gz","language":"acr","language_score":1.000007987,"language_script":"Latn","minhash_cluster_size":50,"top_langs":"{\"acr_Latn_score\": 1.0000079870224}","num_words":785,"character_repetition_ratio":0.141,"word_repetition_ratio":0.014,"special_characters_ratio":0.28,"stopwords_ratio":0.264,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"SAN LUCAS 1:10\n10 Xoc i mam chila y are ca tijin chu poroxic i inciénso, i uq'uial winak chi xcoy'ej can chi sak 'is que tijin chu tz'onoxic che i Dios.\nGet the App!\nDownload the FREE Bible.is app for your iPhone, iPad, or Android device.View in the\nApp Store","id":"","dump":"CC-MAIN-2013-20","url":"http:\/\/www.bible.is\/ACCIBS\/Luke\/1\/10","date":"2013-06-19T23:08:33Z","file_path":"s3:\/\/commoncrawl\/crawl-data\/CC-MAIN-2013-20\/segments\/1368709805610\/warc\/CC-MAIN-20130516131005-00046-ip-10-60-113-184.ec2.internal.warc.gz","language":"acr","language_score":0.916439712,"language_script":"Latn","minhash_cluster_size":1,"top_langs":"{\"acr_Latn_score\": 0.9164397120475769, \"ctu_Latn_score\": 0.012248487211763859, \"poh_Latn_score\": 0.011646908707916737}","num_words":49,"character_repetition_ratio":0.016,"word_repetition_ratio":0.0,"special_characters_ratio":0.259,"stopwords_ratio":0.184,"flagged_words_ratio":0.0,"lang_id_score":0.799,"perplexity_score":500.0,"cluster_detection":-1} +{"text":"1(I Jesus xu bij chic jun tijojbal tzij chique.) Xu bij: I 'atbal tzij aj chicaj queje pacha iri: Je 'o lajuj altom xe 'e che jun c'ulanquil. Xqui c'am bi qui cantil man que 'e chu c'ulaxic i achi are ca c'unic. 2Je jo'ob chique n-ta kas qui no'oj; i je jo'ob chic 'o qui no'oj. 3I jo'ob chi n-ta kas qui no'oj, n-xqui c'am tubi acéite re i qui cantil we xq'uis u pam. 4I jo'ob chi 'o qui no'oj xqui c'am bi jujun qui botey acéite, n-xui ti 'o chupam i qui cantil xqui c'am bic. 5I achi chi ca c'uli'ic xbaytajic. Ique xe u chap waram, y xe waric. 6Are tiq'uil a'ab, 'o i xe siq'uin chu bixquil: \"¡Ya xc'un i achi; jix chu c'ulaxic!\" xqui bij. 7I lajuj altom xe walijic, xe oc chu yijbaxic qui cantil. 8Are 'uri i jo'ob chi n-ta qui no'oj xqui bij chique i je jo'ob cachi'il: \"Chi sipaj pich' ka acéite re i ka cantil, man ya ca chupic,\" xe cha chique. 9I altom chi 'o qui no'oj xqui bij: \"N-caka ya taj,\" xe cha. \"Man we caka ya'o, n-co'on ti ke yoj, xak mi ne iwe yix,\" xe cha. \"Jix chila pa ca c'ayix wi; chi lo'o na iwe yix,\" xe cha. 10Te'uri ique xe 'e chu lo'ic; are je 'enak chu lo'ic, xc'un i achi. Ni'pa i altom chi je yijilic, xe oc ru' ire pa c'ulanquil, are 'uri xtz'apix i uchija. 11Te'uri xe upon i jo'ob chic, y xqui bij: \"¡Nim laj winak! ¡Nim laj winak! ¡Cha jaka i uchija chake!\" xe cha che. 12Ire xu la' u wach chique: \"N-quin 'an taj; n-weta'am ta i wach,\" xu bij. 13Te'uri i Jesus xu bij chique u tijoxelab: —Yix, chix c'asc'at na, man n-iweta'am taj pachique 'ij, pachique 'or, quin c'un yin chi in Achi aj Chicaj —xu bij chique. 14(Te'uri i Jesus xu bij jun chic tijojbal tzij chique. Xu bij): —I 'atbal tzij re aj chicaj, queje pacha iri: 'O jun achi ca 'e che jun tinimit c'a naj; xe u siq'uij u mocom y xrokxanij can u mer cu'. 15Jun chique xrokxanij jo'ob mil sak pwak ru'. Y jun chic, xu ya chic can queb mil sak pwak ru'; y jun chic, xu ya can jun mil ru'. Queje u ya'ic ile xo'on chique, pacha i ca majaw chique chi qui jujunal. Te'uri xu maj u be. 16I mocom chi xya' can jo'ob mil sak pwak che, ire xoc chi chac ru' i mer. Queje ile xu ch'ac jo'ob mil chirij. 17Xak queje xo'on i jun chi xya' queb mil che: xak xu ch'ac queb mil chirij. 18I jun chi yatal jun mil che, xa xu ruwaj u mer i u patron; xo'on jun jul y xu muk pulew. 19I patron xnajtinic; te'uri xc'un chic, y xoc chi rajlaxic u mer cu' u mocom. 20Nabe xupon i jun chi u yom can jo'ob mil che. Ire xu jach i jo'ob mil chi yatal che, xak xu jach i jo'ob mil chi u ch'acom. Xu bij: \"Nim laj winak, jo'ob mil xa ya chwe, xak jo'ob mil chic xin ch'ac chirij,\" xu bij che. 21I u patron xu bij: \"Lic 'utz i a 'anom. Yet at 'utz laj mocom; lic a yom a c'ux chu 'onquil pacha i cwaj yin. Lic 'utz a chac xa 'an ru' i jubi'-le, rumal-i, quin ya na mas pa'ab puwi ile. Chat oc lok, y chat quicot wu',\" xu bij che. 22Te'uri xupon i jun chi yatal queb mil che, Xu bij: \"Nim laj winak, queb mil a yom chwe, xak ri i queb mil-i xin ch'ac chirij,\" xu bij che. 23I u patron xu bij: \"Lic 'utz i a 'anom. Yet at 'utz laj mocom; lic a yom a c'ux chu 'onquil pacha i cwaj yin. Lic 'utz a chac xa 'an ru' i jubi'-le, rumal-i, quin ya na mas pa'ab puwi ile. Chat oc lok, y chat quicot wu',\" xu bij che. 24Xak xupon chic i jun chi yatal jun mil che. Xu bij che u patron: \"Nim laj winak, weta'am chi yet at c'an che a chac; ca jach' i ticon chi na ticom taj, xak ca mol u wach i ticon chi n-yet ti a mulim. 25Rumal-i xin xij wib; xe'e wuwaj a mer pulew. Chawila, ri a mer-i chi a yom chwe,\" xu bij che. 26\"Yet n-at ta 'utz laj mocom; lic ca c'ayo,\" xu bij u patron che. \"We yet aweta'am chi in c'an che in chac, 27¿wuchac 'uri n-xa ya ti in mer pa bánco, cu ch'acbej na mas? We ta queje ile xa 'ano, quin ch'ac ni yin-i ni'pa i xu ch'aco junam ru' ile chi in yom chawe,\" xu bij che. 28Te'uri xu bij chique i juban je 'o chila, \"Chi c'ama i jun mil-le che; chi ya na che i jun chi 'o lajuj mil ru'. 29Man jun, we 'o jubi' ru', ca ya' na mas che; we jun n-ca chacun ta ru' wach 'o pu'ab, ni'pa i 'o ru' quelsax na che. 30I n-'us ta laj mocom-le, chiwesaj bi rija; 'oj pa 'ekum. Chila co' wi, y cu kach'ach'ej ni uware,\" xu bij i qui patron chique. 31(I Jesus xu bij:) I Achi aj Chicaj, are ca c'un tan chic, coc pu patan che 'atol tzij; junam cu' u ángel ca c'unic. Ca q'uiji na 'uri pu cubibal chi nim u 'ij. 32I winak re ronojel tak tinimit chuwach i jyub ta'aj que moltaj na chuwach. Te'uri coc chi qui jachic qui pam, pacha jun aj chajil chij que u resaj u chij chiquixol i chabat. 33Que u ya i u chij pu wikabim; i tak i chabat que u ya pu moxim. 34Te'uri i 'Atol Tzij cu bij na chique i je 'o pu wikabim: \"'Utz iwe yix; u yom ni utzil chomal in Kajaw piwi. Chix petok, chix oc che i q'uijibal chi u yijbam ire chiwe c'a chu xebal 'ij sak. 35Queje cu ya ire ile chiwe man yix, are xin tij numic, xi ya na chwe wach i quin tijo; are xin c'atic, xi ya ni in ya'; are xin tzucuj in posar, xin i c'ulaj iwu'. 36Are n-ta chic in 'u', xi ya i ch'ukbal wij; are in iwab, xin i chajij; are in tz'apil pa cárcel, xin i solij na.\" Queje ile cu bij ni 'Atol Tzij chique. 37Te'uri, i je 'utz-le quiqui bij na: \"Nim laj winak, ¿umpa xa 'an ile? ¿Umpa xka 'ano chi cat numic, y xka ya chawe wach ca tijo? ¿Umpa xka 'ano chi cat c'atic, y xka ya a ya'? 38¿Umpa xka 'ano chi ca tzucuj a posar y xka ya chawe? ¿Umpa xka 'ano chi n-ta chic a 'u', y xka ya ch'ukbal awij? 39¿Umpa xka 'ano chi at iwab, xak at 'o pa cárcel, y xat ka solij?\" Queje ile quiqui bij na che i 'Atol Tzij. 40Te'uri i 'Atol Tzij cu bij: \"Katzij i quin bij chiwe, ni'pa i utzil chomal i 'anom che jun wachalal, tupu n-ta kas u 'ij, xe'el 'uri lic chwe yin i 'anom wi,\" cu bij na chique. 41Te'uri i 'Atol Tzij cu bij na chique i je 'o pu moxim: \"Chix el chi chinwach, yix chi ix c'oktal rumal i Dios. Jix pa 'a' chi n-tu q'uisic, chi yijtalic re itzel junam cu' i u ángel. 42Yin, are xin tij numic, yix n-xi ya ta chwe wach i quin tijo; are xin tij c'atic, n-xi ya ta in ya'. 43Are xin tzucuj in posar, n-xi ya ta chwe. Are n-ta chic in 'u', xak n-ta in 'u' xi ya'o. Are in iwab, xak are in 'o pa cárcel, yix n-xin i solij taj.\" Queje cu bij ni 'Atol Tzij ile chique i je 'o pu moxim. 44Te'uri ique quiqui bij na: \"Nim laj winak, ¿umpa xat kilo cat numic, o cat c'atic, o are ca tzucuj a posar, o xak are n-ta a 'u', o are at iwab, o xak are at 'o pa cárcel? ¿Umpa xa 'an ile chi n-xat ka to taj?\" quiqui bij na che. 45I 'Atol Tzij cu bij na 'uri chique: \"Katzij i quin bij chiwe: yix are xiwil jun we yin chi 'o rajwaxic che, y n-xi to taj, tupu n-ta kas u 'ij, xe'el 'uri chiwe lic are ni yin chi n-xin i to taj,\" cu bij na chique. 46Te'uri ique que 'e pa tojpen chi n-tu q'uisic; xak i je 'utz que oc na che i qui c'aslemal chi n-tu q'uisic. (Queje ile xu bij i Jesus chique u tijoxelab.)\nSAN MATÉO 25","id":"","dump":"CC-MAIN-2013-48","url":"http:\/\/www.bible.is\/ACCIBS\/Matt\/25","date":"2013-12-08T08:16:51Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163040059\/warc\/CC-MAIN-20131204131720-00047-ip-10-33-133-15.ec2.internal.warc.gz","language":"acr","language_score":1.0000094175,"language_script":"Latn","minhash_cluster_size":42,"top_langs":"{\"acr_Latn_score\": 1.0000094175338745}","num_words":1433,"character_repetition_ratio":0.056,"word_repetition_ratio":0.074,"special_characters_ratio":0.313,"stopwords_ratio":0.209,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"SAN LUCAS 1:1313I ángel xu bij che: —A-Zacarías, ma xij awib. I Dios u tom wach a tz'onom che. Yet ru' awixokil ati Wet ca q'uiji jun iwac'al. Are qui coj u bi, chi ya pu bi, a-Wan. Last Verse Next Verse Bible Society brought to you by Wycliffe Bible Translators, Inc..","id":"","dump":"CC-MAIN-2013-48","url":"http:\/\/www.bible.is\/ACCIBS\/Luke\/1\/13","date":"2013-12-06T19:27:38Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163052382\/warc\/CC-MAIN-20131204131732-00049-ip-10-33-133-15.ec2.internal.warc.gz","language":"acr","language_score":0.9654702544,"language_script":"Latn","minhash_cluster_size":6,"top_langs":"{\"acr_Latn_score\": 0.9654702544212341}","num_words":52,"character_repetition_ratio":0.0,"word_repetition_ratio":0.0,"special_characters_ratio":0.279,"stopwords_ratio":0.192,"flagged_words_ratio":0.0,"lang_id_score":0.911,"perplexity_score":500.0,"cluster_detection":-1} +{"text":"SAN MATÉO 26:5353¿N-aweta'am ta bari, chi we ta cwaj yin, quin tz'onoj che in Kajaw y cu tak li uq'uial ángel chin to'ic? ¡Mas ne chuwach i seténta mil que u tak neli-ri wu'! Last Verse Next Verse Bible Society brought to you by Wycliffe Bible Translators, Inc..","id":"","dump":"CC-MAIN-2013-48","url":"http:\/\/www.bible.is\/ACCIBS\/Matt\/26\/53","date":"2013-12-06T06:45:30Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163049635\/warc\/CC-MAIN-20131204131729-00073-ip-10-33-133-15.ec2.internal.warc.gz","language":"acr","language_score":0.8795511723,"language_script":"Latn","minhash_cluster_size":12,"top_langs":"{\"acr_Latn_score\": 0.8795511722564697, \"kek_Latn_score\": 0.058192841708660126, \"hus_Latn_score\": 0.011288398876786232, \"poh_Latn_score\": 0.010548027232289314}","num_words":48,"character_repetition_ratio":0.0,"word_repetition_ratio":0.0,"special_characters_ratio":0.267,"stopwords_ratio":0.146,"flagged_words_ratio":0.0,"lang_id_score":0.732,"perplexity_score":500.0,"cluster_detection":-1} +{"text":"1Te'uri i Jesus xe u siq'uij i cablajuj tijoxelab ru' y xu ya piqui'ab que tiqui chi relsaxic itzel laj tak tew, xak que tiqui chi rutzirsaxic bi chi c'axil, bi chi yobil. 2Are i qui bi i cablajuj tijoxelab are iri: nabe, are i ma Simon chi xak quiqui bij \"ma Pédro\" che; te'uri i u cha', u bi ma Andres; te'uri, je queb u c'ojol i mam Zebedéo: i ma Jacóbo, chilam i u cha' chi ma Wan; 3te'uri i ma Felípe, xak i ma Bartolome; te'uri i ma Tomas, xak i ma Matéo chi aj tz'onol alcawal; te'uri i ma Jacóbo chi u c'ojol i mam Alféo; i ma Lebéo chi xak ma Tadéo quiqui bij che; 4te'uri i jun chic ma Simon, are i jun chi re i partído cananísta; te'uri i ma Júdas Iscarióte chi xo'on panok xc'ayiw i Jesus. 5I cablajuj-le, Jesus xe u tak bic, y xu bij bi chique: —Are que i solij i tinimit, mix 'e pa i je jekel wi i ne te aj Israel winak; xak mix oc pa tak tinimit re i Samária. 6Xui cu' i aj Israel winak quix 'e wi; je pacha juban chij, xa je sachnak. 7Are quix 'ec, chi paxsaj u tzijol i 'atbal tzij aj chicaj; chi bij chique chi ya ca jekanic. 8Che iwutzirsaj iwabib; che i walijsaj i je camnak; chiwesaj i c'ax chique ni'pa 'o i yobil lépra chique; xak che iwesaj bi itzel tew chique i winak. Queje ile chi 'ana na. Lic sipam chiwe ni'pa quix tiqui yix chu 'onquil, ni lo'om taj. Xak mi tz'onoj i rajil, we xi 'an i pawor chique i winak. 9Are quix 'ec, n-ti mer nimak rajil qui c'am bic, xak mi ne ch'utik rajil. 10Xak mi c'am bi i teb, xak mi ne jun chic i camix, xak mi ne jumolaj chic i xajab, xak mi ne i ch'amiy. Mi c'am bi tak ile, man jun ajchac 'o re che, wach i cajwax che; i winak quiqui ya na chiwe wach rajwaxic chiwe. 11Yix, are quix upon che jun tinimit, are quix upon che jun aldéa, chi tzucuj jun winak chi quix u c'ulaj che rachoch; chix jekel chila, c'a te qui canaj canok are quix el chila. 12Are quix oc ru' ja, chi tz'onoj che i Dios cu ya i uxlambal qui c'ux. 13I winak chi rajaw ja, we 'utz i c'ulaxic xqui 'an chiwe, ca q'uiji i 'utz-le piquiwi. We n-'us ta i c'ulaxic xqui 'ano, mi tz'onoj i 'utz re i Dios piquiwi are quix el ru' ja. 14Ique-le, we n-xix qui c'ulaj taj, xak n-cacaj ti u tayic i tzij chi qui bij chique, chix el 'uri chila. Are quix el che i ja-le, o we xak che i tinimit-le, chi pu can i ulew che iwakan (c'utbal-re chique chi c'o qui mac chiquij). 15Katzij i quin bij chiwe: pa q'uisbal 'ij, are ca 'at tzij piquiwi tak i tinimit, mas nim na i tojpen ca pe piquiwi i tinimit-le chuwach ile chi xpe piquiwi i queb tinimit Sodóma y Gomórra ujer. 16Chitape', yin quix in tak bi chiquixol i je aj ch'o'oj chiwij; ix pacha chij 'uri chiquixol i utiw. Chi 'ana cwent che iwib, pacha co'on jun cumatz, n-cu ya ta rib che i jun. Xui-ri, chi 'ana che iwib pacha quiqui 'an i palomax, lic n-ta jun mal quiqui 'an che jun chic. 17Chi 'ana cwent, man 'o ni winak quix qui jach na piqui'ab i 'atbal tzij, xak quiqui jic i lo'xic pa tak molbal'ib. 18Xak quix qui c'am bi chiquiwach i gobernador, xak chiquiwach i nimak tak 'atol tzij xa wumal yin. Xui-ri, queje ile quin i lap na chiquiwach ique, xak chiquiwach i ne te aj Israel. 19Are quix jach na piqui'ab i 'atbal tzij, mix c'achir chu ch'obic wach i qui bij chique, xak mix c'achir chu ch'obic wach u bixquil qui bij na. Are cu rik i 'or-le, Dios cu bij na chiwe wach i qui bij chiquiwach. 20Man yix, are quix ch'awic, n-are ti yix quix ch'awic, are u Tewal i Ta chicaj ca ch'aw chique. 21Quiwil na, 'o i winak que qui jach ni catz qui cha' piqui'ab i je aj ch'o'oj chiquij, camsabal na que; xak je 'o ni kajawxel queje quiqui 'an cu' i cac'al. Xak queje i ac'alab, quiqui 'an che quib je aj ch'o'oj chiquij i qui kajaw i qui chuch, que qui jach na chique i que camsawic. 22Conojel i winak tzel quix quil na xa wumal yin: xui-ri pachin i cu ch'ijo c'a pa q'uisbal ie, que 'elsax na 'uri pa c'ax. 23We ix 'o che jun tinimit y quiqui 'an ch'o'oj chiwij, chix 'anmajok; jix chic che jun tinimit. Katzij i quin bij chiwe, i Achi aj Chicaj ca c'un na, are maja quix tzalij li che i qui solixic ronojel tak i tinimit pa Israel. 24(Qui tij ni c'ax cumal, pacha quiqui 'an chwe yin.) Jun tijoxel, na nim ti u 'ij chuwach u 'ij u mayes; xak queje jun ajchac, na nim ti u 'ij chuwach u 'ij u patron. 25Jun tijoxel, ca majaw che chi ca quicot ru', we que'el na che pacha o'onom u tijonel; xak queje jun ajchac, ca majaw che chi ca quicot ru' we que'el na che pacha o'onom u patron. Jun rajaw ja, we quiqui bij ni winak chi ire itzel, xak jun 'uri quiqui bij na ique chiquij i ralc'wal. (We queje xqui bij ile chwe yin, xak queje quiqui bij na 'uri chiwe yix.) 26Rumal-i, mi xij iwib chique i winak, wach quiqui 'an chiwe. (Chi 'ana co che i c'ux chu bixquil in tzij chique.) Ni'pa i n-'alijinsam taj, ca 'alijinsax na; ni'pa i uwam u wach, ca 'iltaj ni u wach. 27Ni'pa i quin bij chiwe cha'ab, chi paxsaj yix pa 'ij; ni'pa i quin bij chiwe ali'al, chix siq'uin chu bixquil chique i winak puwi tak ja. 28Mi xij iwib chique i que tiqui chu camsaxic i ch'acul, xui-ri i iwanima n-que tiqui ta che. Are, chi xija iwib che i Jun, chi 'o pu'ab cu sachsaj u wach i ch'acul xak i iwanima pa 'a'. (Xui i Dios 'o pu'ab cu 'an ile.) 29Yix, i Dios lic quix rilo. Iweta'am chi are qui lo' queb tz'iquin xa jun centávo i cajil. N-ta kas cajil chiwach yix. Xui-ri, i Dios lic que u rilo; mi jun chique ca tzak li pulew we i Kajaw yix chicaj n-cu ya ta che. 30Xak queje yix, i Dios lic quix rilo. Ire xak reta'am neri ni'pa i wi 'o che i jolom chi jujunal. 31Mi xij iwib 'uri; yix 'ut, mas 'o ni 'ij chiquiwach uq'uial tz'iquin. 32Conojel ni'pa i quiqui bij chiquiwach i winak chi ique qui yom qui wach wu', xak queje yin 'uri, quin bij na che in Kajaw chicaj chi je we yin. 33Xak ni'pa i quiqui bij chiquiwach i winak chi n-qui yom ti qui wach wu', xak queje yin 'uri, quin bij na che in Kajaw chicaj chi ne te we yin. 34Mi ch'ob yix chi in c'un-nak xa que in chomarsaj ni winak chuwach i jyub ta'aj. N-rumal ta ile in c'un-nak; in c'un-nak chu petsaxic ch'o'oj chiquixol i winak. 35Rumal in c'unbal, quiqui 'an ni ch'o'oj jun achi ru' u kajaw, jun ali ru' u chuch, jun alibaxel ru' u chuch ralib. 36Que'elok 'o ni jujun chique i winak je are quixokil calc'wal je aj ch'o'oj chic chiquij. 37Xui-ri, jun chi we-yin, 'o u chac c'ax chin u na ni yin chiquiwach u chuch u kajaw. Xak 'o u chac c'ax chin u na ni yin chiquiwach u mi'al u c'ojol. We n-queje ta co'on ire ile, lic n-ca majaw ta che 'uri we we-yin. 38Jun we-yin 'o u chac ca terej chwij, tupu ca cam na rumal. Pachin n-craj ti u 'anic ile, n-ca majaw ta 'uri che chi we-yin. 39Pachin jun xa c'ax cu na u c'aslemal re waral, xa cu sach 'uri u c'aslemal chi sakil. Xui-ri, we 'o jun ca sachsax nu wach u c'aslemal xa wumal yin, ca ya' 'uri u c'aslemal sakil. 40Pachin jun quix u c'ulaj ru', que'el na 'uri pacha yin quin u c'ulaj na ru'. Xak pachin i quin u c'ulaj na yin ru', que'el na 'uri chi cu c'ulaj ni Jun chi in takawnak lok. 41Iweta'am chi jun ajbil u tzij i Dios, co'on panok ca ya' ni sipon che rumal i Dios. Xak pachin i cu c'ulaj jun ajbil u tzij i Dios ru', we xa rumal u takon i Dios, ire ca ya' ni sipon 'uri che xak jun ru' pacha i ca ya' che i ajbil u tzij i Dios. Xak pachin jun cu c'ulaj jun 'utz laj winak ru', xa rumal 'utz i jun chuwach i Dios, xak ire 'uri i Dios cu ya ni 'utz che pacha i cu ya che i winak jun chi lic 'utz. 42Pachin jun cu ya jubi' u ya' che jun ral in tijoxel yin, we xu ya na che xa rumal teren na chwij, katzij 'uri xak ca ya' ni 'utz puwi rumal i Dios —xu bij i Jesus chique.\nSAN MATÉO 10","id":"","dump":"CC-MAIN-2013-48","url":"http:\/\/www.bible.is\/ACCIBS\/Matt\/10","date":"2013-12-09T03:15:57Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163857566\/warc\/CC-MAIN-20131204133057-00011-ip-10-33-133-15.ec2.internal.warc.gz","language":"acr","language_score":1.000009656,"language_script":"Latn","minhash_cluster_size":23,"top_langs":"{\"acr_Latn_score\": 1.0000096559524536}","num_words":1531,"character_repetition_ratio":0.051,"word_repetition_ratio":0.017,"special_characters_ratio":0.284,"stopwords_ratio":0.263,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1Cha tz'ibaj i tzij-i che i aj c'amol u tzam i jutzobaj re i Dios chila pa tinimit Efeso; cha bij chique: \"Iri are u tzij i jun chi ruc'am i wukub ch'umil pu 'ab wikabim, chi xak ca bin chiquixol i wukub ticbal cantil lic óro. 2Ire cu bij: Yin 'is weta'am wach i quix tijin chu 'anic; weta'am chi lic i tijom i 'ij che in chac, xak lic i yom u nimal i c'ux chuwach i c'ax. Xak n-qui ya ta che jun aj 'anol n-'us taj ca q'uiji iwu'. I je aj t'oronel chi qui bim na je apostelab, yix i 'anom pen i quilic we je sakil, xui-ri iwilom chi ne te sakil. 3Yix, nim i c'ux; i ch'ijom uyej xa wumal yin, xak mas ix chacun-nak wumal, y n-rixnak ti i c'ux che. 4Xui-ri, 'o na jun i mac chi quin bij chiwe: yix, n-queje ta chic u c'axnabal i c'ux chwe pacha te i 'anom li chwe ujer. 5Cha c'un chi c'ux wach i c'axnabal i c'ux chwe o'onom lok. Rumal-i, chi jalwachij chic i nojbal y chi 'ana pacha i 'anom li ujer. We n-quiwo'taj ta can i mac, juntir cwesaj u taq'uibal i cantil pu q'uijibal. 6Xui-ri, 'o jun 'utz, chi quix tijin chu 'anic: yix tzel quiwilo wach quiqui 'an ique chi que tijin chi qui tunic i creyent. Quiqui bij ique n-ta co'ono we jun creyent cu 'an i n-'us taj, que cha. Xak yin, tzel cwil ile. 7Pachin 'o u xiquin, chu ta i tzij-i chi cu bij u Tewal i Dios chique i jutak tzobaj creyent: Ni'pa i quiqui kajsaj ni u cho'ab itzel, yin quin ya na chique quiqui tij u wach i che' re i c'aslemal, chi 'o chila pa jekel wi i Dios.\" (Queje ile cha tz'ibaj chique.) 8Xak cha tz'ibaj i tzij-i che i aj c'amol u tzam i jutzobaj re i Dios chila pa tinimit Esmírna; cha bij chique: \"Iri are u tzij i jun chi are u xebal ronojel ni'pa i 'olic, xak are i q'uisbal-re; i jun chi xcamic, y xak xc'un chic sak chuwach. 9Ire cu bij: Yin 'is weta'am wach i quix tijin chu 'anic; weta'am wach tak i c'ax quix tijin chi rilic. Weta'am chi lic ix niba', xui-ri, yix 'o i beyomal sakil. Weta'am chi xak je 'o ni jujun c'ax que ch'aw chiwe; quiqui bij ique chi je re i Dios, xui-ri, xa je jutzobaj re itzel. 10Mi xij iwib che wach i c'ax ca pe na piwi, man 'o na jujun chiwe yix, quix u min ni itzel pa cárcel; craj ire iwonojel quix tzak na rumal. I uyej qui tij na, xa lajuj 'ij u wach, xui-ri, min iwo'taj, tupu quix camsaxic. We queje ile qui 'ano, quin ya ni sipon chiwe, chi are i c'aslemal sakil. 11Pachin 'o u xiquin, chu ta i tzij-i chi cu bij u Tewal i Dios chique i jutak tzobaj creyent: Ni'pa i quiqui kajsaj ni u cho'ab itzel, n-quiqui tij ti c'ax che i ucab camic\". (Queje ile cha tz'ibaj chique.) 12Xak cha tz'ibaj i tzij-i che i aj c'amol u tzam i jutzobaj re i Dios chila pa tinimit Pérgamo; cha bij chique: \"Iri are u tzij i jun chi 'o i espáda ru', chi lic jutut u tzam, xak 'o u ware c'ulala. 13Ire cu bij: Yin 'is weta'am wach i quix tijin chu 'anic; weta'am chi yix ix jekel che jun tinimit lic n-'us taj, lic pu'ab i Satanas 'o wi. Xui-ri yix lic ix teren na chwij; n-in ta iwo'tam canok, mi tene are xcamsax iwachalal ma Antípas chixol. Ire-le, lic xu jicba u c'ux chwe; n-xu mayij tu bixquil in tzij, tupu xcamsax rumal. Queje xqui 'an ile pi tinimit, pa jekel wi i Satanas. 14Xui-ri, 'o jujun i mac cwaj quin bij chiwe: 'o jujun chiwe yix que tijin chu 'onquil pacha u c'utunic i ma Balaam ujer. Ire xu bij che i ma Balac wach i tzaksabal que i aj Israel cu 'ano. Rumal-i, i aj Israel xqui tijo wach tak i sujtal chiquiwach i tiox chi xa ril je 'antalic, xak xqui kajsaj qui 'ij cu' i mal laj tak ixokib. 15Xak 'o jujun chiwe yix chi que terej chirij qui c'utunic i je nicolaítas, chi lic tzel cwilo. 16Chi jalwachij i no'oj 'uri. We n-qui 'an taj, juntir quin upon iwu'; quin 'e chiquij i je ajmac, y quin 'an ch'o'oj ru' i espáda chi quel pin chi'. 17Pachin 'o u xiquin, chu ta i tzij-i chi cu bij u Tewal i Dios chique i jutak tzobaj creyent: Pachin jun cu kajsaj u cho'ab itzel, yin quin ya na che chi cu tij i wa aj chicaj chi uwam na; xak quin ya na jun ral abaj che, lic sak. I abaj-le, 'o ni jun biaj c'ac' tz'ibtal chuwach; mi jun quetamawic bi chi biajil, xui i jun chi yatal i abaj-le che.\" (Queje ile cha tz'ibaj chique.) 18Xak cha tz'ibaj i tzij-i che i aj c'amol u tzam i jutzobaj re i Dios chila pa tinimit Tiatíra; cha bij chique: \"Iri are u tzij u C'ojol i Dios chi u ba'wach pacha u tzunbal u rep 'a', xak i rakan ca walch'inic, pacha ch'ich' ca walch'inic chi lic 'uytal rij. 19Ire cu bij: Yin 'is weta'am wach i quix tijin chu 'anic; weta'am chi lic 'o u c'axnabal i c'ux, lic 'o u cubibal i c'ux chwe; lic quix chacunic tobal que i juban, xak lic nim i c'ux chupam i c'ax. Xak wo'or mas chic i 'utz quix tijin chu 'anic chuwach li ujer. 20Xui-ri, 'o ni jun i mac cwaj quin bij chiwe: yix n-iwesam ti mal laj ixok chi 'o chixol. Cu bij ire chi ajbil u tzij i Dios, xui-ri, ru' u c'utunic chi n-'us taj, xa que u t'or ni'pa i je teren chwij. Rumal ire, je 'o jujun quiqui 'an i n-ch'am taj ru' i qui ch'acul; xak 'o i quiqui tijo wach tak i sujtal chiquiwach i tiox chi xa ril je 'antalic. 21Yin in yom u nimal in c'ux che i ixok-le, woy'em na chi cro'taj can u mac. Xui-ri ire n-craj ta cro'taj canok. 22Wo'or, yin quin ya na jun nim laj yobil chirij; quin 'an che chi ca q'uiji na chuwi u ch'at. I pachin i que 'anaw i n-'us taj, pacha i co'on ire-le, quin 'an na chique ique chi quiqui tij ni jun nim laj uyej. Queje quin 'an ile chique ni'pa i qui 'anom i n-'us taj ru' ire, we n-caco'taj ta can i qui mac. 23Xak lic que in camsaj ni'pa i que terej chirij i u c'utunic ire-le. Queje ile, i jutak tzobaj je re i Dios quiqui ta u be chi yin lic cwilo wach i 'o piqui jolom ique, xak i piqui c'ux. Yin quin ya ni tojbal-re chiwe chi jujunal, pacha i ca majaw chiwe, wach i 'anom. 24Xui-ri, 'o jujun chiwe yix chila pa tinimit Tiatíra, ni 'anom taj pacha i qui 'anom ique-le. N-ix ta terejnak chirij i mal laj c'utunic-le; xak n-ix ta nawnak che u nojbal i Satanas chi lic sakil nojbal quiqui bij ique. Yin, n-ta chic jun ekan quin ya chikul, 25xui-ri, mi mayij u cojic i 'utz laj tzij chi i cojom, tz'akat quin c'un chal i yin. 26Ni'pa i quiqui kajsaj u cho'ab itzel, ni'pa i quiqui 'an pacha i cwaj yin c'a pa q'uisbal 'ij, ique-le, quin ya piqui'ab quiqui 'at ni tzij piquiwi ronojel tak i tinimit. 27'O ni 'atbal tzij piqui'ab pacha u yom in Kajaw chwe yin. Lic 'o ni qui cho'ab chu 'atic ni tzij piquiwi i tinimit chi je aj ch'o'oj chirij i Dios. Quiqui 'an na chique pacha juban boj quiqui paxij; quiqui 'an ch'akatak chique. 28Xak quin ya qui 'ij pacha u chomal i nim laj ch'umil re u sakirbal. 29Pachin 'o u xiquin, chu ta i tzij-i chi cu bij u Tewal i Dios chique i jutak tzobaj creyent.\" (Queje ile cha tz'ibaj chique.)\nAPOCALIPSIS 2","id":"","dump":"CC-MAIN-2013-48","url":"http:\/\/www.bible.is\/ACCIBS\/Rev\/2","date":"2013-12-07T00:48:10Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163052912\/warc\/CC-MAIN-20131204131732-00027-ip-10-33-133-15.ec2.internal.warc.gz","language":"acr","language_score":1.0000097752,"language_script":"Latn","minhash_cluster_size":18,"top_langs":"{\"acr_Latn_score\": 1.0000097751617432}","num_words":1344,"character_repetition_ratio":0.061,"word_repetition_ratio":0.109,"special_characters_ratio":0.283,"stopwords_ratio":0.258,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"SAN MATÉO 18:3232I qui patron xu tak u siq'uixic, y xu bij che: \"¡Lic at mal laj winak! Yin xin bij na chawe chi ni'pa i a c'as wu', 'is xin cuy na chawe, man lic xa tz'onoj cuybal mac chwe. Last Verse Next Verse Bible Society brought to you by Wycliffe Bible Translators, Inc..","id":"","dump":"CC-MAIN-2013-48","url":"http:\/\/www.bible.is\/ACCIBS\/Matt\/18\/32","date":"2013-12-11T17:58:05Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164040899\/warc\/CC-MAIN-20131204133400-00071-ip-10-33-133-15.ec2.internal.warc.gz","language":"acr","language_score":0.9839763045,"language_script":"Latn","minhash_cluster_size":7,"top_langs":"{\"acr_Latn_score\": 0.9839763045310974}","num_words":55,"character_repetition_ratio":0.0,"word_repetition_ratio":0.0,"special_characters_ratio":0.281,"stopwords_ratio":0.145,"flagged_words_ratio":0.0,"lang_id_score":0.933,"perplexity_score":500.0,"cluster_detection":-1} +{"text":"SAN MATÉO 1:66Y xo'on panok, i mam Isai are u kajaw i mam Rey David. I mam David-le are u kajaw i mam Salomon, i u chuch i mam Salomon are i rixokil can i 'etz mam Urías. Last Verse Next Verse Bible Society brought to you by Wycliffe Bible Translators, Inc..","id":"","dump":"CC-MAIN-2013-48","url":"http:\/\/www.bible.is\/ACCIBS\/Matt\/1\/6","date":"2013-12-06T19:36:09Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163052462\/warc\/CC-MAIN-20131204131732-00092-ip-10-33-133-15.ec2.internal.warc.gz","language":"acr","language_score":0.8668598533,"language_script":"Latn","minhash_cluster_size":9,"top_langs":"{\"acr_Latn_score\": 0.8668598532676697, \"yap_Latn_score\": 0.0315747931599617, \"hus_Latn_score\": 0.027275729924440384}","num_words":52,"character_repetition_ratio":0.12,"word_repetition_ratio":0.0,"special_characters_ratio":0.252,"stopwords_ratio":0.231,"flagged_words_ratio":0.0,"lang_id_score":0.785,"perplexity_score":500.0,"cluster_detection":-1} +{"text":"1Che tak i 'ij-le, je q'ui i winak xe moltaj ru' i Jesus, lic je mil, je mil. Que bajbatic rumal qui q'uial. Are 'uri i Jesus xu jek ch'a'atic cu' u tijoxelab. —Chi 'ana cwent che iwib, mokxa quix 'elic pacha i je aj Fariséo, xa queb qui palaj. Ile pacha co'on i cunbal re i caxlanwa. 2Ni'pa i n-'alijinsam taj, ca 'alijinsax na; ni'pa i uwam u wach, ca 'etamax na. 3Rumal-i, ronojel ni'pa i bim yix pa 'ekumal, ca tataj ni rason chi sak; ni'pa i bim na paja ali'al, lic tz'apim i uchija, 'o i ca siq'uin na chu bixquil chuwi tak ja —xu bij i Jesus. 4Yix chi ix wachi'il, quin bij ni iri chiwe: mi xij iwib chique i quiqui camsaj i ch'acul. Xui ile que tiqui chu 'onquil; n-que tiqui ta chu camsaxic iwanima. 5Yin quin bij na chiwe pachin che, chi xija iwib: chi xija iwib che i Dios; ire, we xix camsaxic, 'o pu'ab quix u ya pa 'a'. Are, chi xija iwib che ire. 6(I Dios quix u chajij.) Iweta'am chi jun tz'iquin n-pakal taj, xa queb centávo i cajil je jo'ob. Péro i Dios que u chajij, n-que u sach ta pu c'ux. 7(Xak queje yix, i Dios lic quix u chajij.) Ire 'is rajlam ni'pa i wi 'o che i jolom. Mi xij iwib 'uri; yix 'ut, mas 'o ni 'ij chiquiwach uq'uial tz'iquin —xu bij i Jesus chique. 8Te'uri xu bij chique: —Quin bij iri chiwe: ni'pa i qui yom qui wach wu', we quiqui bij chiquiwach i winak chi je we yin, xak yin quin bij na chiquiwach i ángel re i Dios chi ique je in winak yin. 9Xui-ri, je ni'pa i quiqui bij chiquiwach i winak chi ne te we yin, xak yin quin bij na chiquiwach i ángel re i Dios chi ique ne te we yin. 10I winak, ni'pa i c'ax que ch'aw chwij yin, in Achi aj Chicaj, ile ca cuytaj na chique; xui-ri je ni'pa i c'ax que ch'aw chirij u Tewal i Dios, i mac-le, lic n-ta u cuytajic. 11Co'on panok, i je aj ch'o'oj chiwij, quix qui c'am nubi chuwach i nimak tak mam'ib pa molbal'ib, chuwach i 'atbal tzij, o xak chiquiwach i 'atol tzij. Are quiqui 'an ile, mix c'achir tan chu ch'obic wach i tobal iwib qui 'ano, mix c'achir tan wach i qui bij chiquiwach, 12man i u Tewal i Dios cu c'ut na chiwe wach i qui bij, are cu rik i 'or-le. (Queje xu bij i Jesus ile chique u tijoxelab.) 13'O jun achi chiquixol i winak xu bij che i Jesus: —Tijonel, cha bij che i watz chi cu jach ni nic'aj-we re i ubitak-re in kajaw, chi xcanaj can pu'ab ire, are xcamic. 14Te'uri i Jesus xu bij che: —Achi, n-are ta in patan yin quin 'an juez che wib piwi chu yijbaxic ile chiwe —xu bij che. 15Te'uri xu bij chique conojel: —Chi 'ana cwent, mokxa qui 'an che iwib xa ix rayinel, xa ix molonel re ubitak iwe; man n-rumal ti uq'uial ubitak iwe 'o i c'aslemal sakil —co'ono. 16Are 'uri xu bij jun tijojbal tzij chique: —'O jun achi beyom; i rulew, q'ui i cosech xu ya'o. 17Ire xu jek u ch'obic 'uri: \"¿Wach i quin 'ano? 'Utz we tene mas nim i c'olbal-re,\" xu bij. 18Te'uri xu ch'ob pu c'ux: \"Weta'am chic wach i quin 'ano; quin wulijsaj i c'olbal re in cosech, te'uri quin 'an juban chic mas nimak chuwach ile. Quin c'ol ni'pa in cosech chupam, tak i juban ubitak-we. 19Te'uri quin bij che wib: lic 'utz we yin, man 'o ni ronojel wu', wach i rajwaxic chwe q'uial junab u wach. N-quin chacun ta chic, to' quin uxlanic, xui chic quin tij in wa, quin tij in ya', y quin quicot na. Queje ile quin bij na,\" xu bij i achi pu c'ux. 20Are 'uri i Dios xu bij che: \"Achi, ¡laj at buy! Wo'or cha'ab, cat camic. I ni'pa i ubitak awe chi a c'olom-na ¿pachin nawi re?\" xu bij i Dios che. 21Queje ile que'el chique ni'pa i to' quiqui ch'ob u molic i qui beyomal. Xa je niba' 'uri chuwach i Dios —xu bij i Jesus chique. 22Te'uri xu bij chique u tijoxelab: —Rumal-i, mix c'achir che i c'aslemal, wach i qui tijo, tzukbal iwib, xak mix c'achir che i 'u', wach i qui cojo, ch'ukbal i iwij. 23I c'aslemal, ¿xataba xui i wa cajwax che? Xak i ch'acul, ¿xataba xui i 'u' cajwax che? N-xui taj. 'O i mas cajwax na chiwe chuwach i wa, xak i 'u'. 24Chi ch'obo 'ut wach quiqui 'an i ch'oc: ique, n-ti quiqui tico, xak n-ti quiqui molo, xak n-ti quiqui c'ol pu c'olbal-re. Tupu n-quiqui 'an taj, i Dios que u tzuku. Y mas lic nim i 'ij yix chiquiwach ique. 25We to' qui c'achirsaj iwib, n-ta cu chacuj. Mi jun chiwe ca tiqui chu nimarsaxic u najtil rij, tupu lic ca c'achir che. 26We n-quix tiqui ta chu 'onquil ile chi n-ta kas u chac ¿wuchac 'uri lic quix c'achir che wach i qui tijo, xak i ch'ukbal iwij? 27Chi ch'obo 'ut wach quiqui 'an i cotz'ij. Ique n-que c'achir ta chu ch'aquic qui 'u', xak mi ne u yijbaxic. Tupu n-quiqui 'an taj, lic chom qui 'u'. Quin bij chiwe: chom ni qui 'u' ique chuwach i u 'u' i nim laj 'atol tzij, mam Salomon ujer, chi lic beyom. 28Queje cu 'an i Dios ile chique i cotz'ij pa tak 'es, chi xa queb oxib 'ij 'olic: wo'or c'aslic, y chwek c'atnak chic pa 'a'. Ire we cu ya i chom laj u 'u' i ral cu cotz'ij-le, ¿xataba n-cu ya ta 'uri iwe yix? Cu ya'o, pues. ¡Yix c'o i rajwaxic che u cubibal i c'ux che i Dios! 29We queje co'on i Dios ile, mix c'achir 'uri chu tzucuxic wach i qui tijo, wach i qui tu'u. 30Ni'pa tak ile, are i quiqui tzucuj i to' winak. Péro yix, 'o jun i Kajaw chicaj lic reta'am wach i rajwaxic chiwe. 31Rumal-i, chi ya iwib che i 'utz laj 'atbal tzij re i Dios, te'uri ire cu ya na chiwe wach tak rajwaxic chiwe. (Queje xu bij i Jesus ile chique u tijoxelab.) 32Te'uri xu bij chique: —Mi xij iwib, ix ral in tzobajil, yix n-ix ta q'ui. Xui-ri, i Ta chicaj craj cu ya chiwe quix oc che u 'atbal tzij ire. 33Chi c'ayij ubitak iwe, y chi jacha i mer chique i 'o rajwaxic chique. Queje ile qui c'ol i mer pa yabal-re chi n-ca jar taj; queje ile, qui c'ol i beyomal chila chicaj, pa n-ca q'uis ta wi; chila n-coc ta wi ili'om, xak n-que oc ti poc' ru'. 34Queje chi 'ana ile, man pa 'o wi i beyomal, chila 'uri 'o wi i cubibal i c'ux. (Queje xu bij i Jesus ile chique u tijoxelab.) 35Te'uri xu bij chique: —Chix 'olok ix yij chic, are ca c'un i Iwajwal; ix 'olok i tzijom i cantil chu c'ulaxic. 36Chi 'ana yix pacha ix aj chajal ja chi coy'em u c'unic i qui patron che jun c'ulanquil. Ique je yij chic chu tayic u be; are cuponic, juntir quiqui jak uchija che, are que u 'ijla. 37'Utz que i mocom chi que c'asc'atic y que chajinic are cupon i qui patron. Quin bij iri chiwe: ire cu bij na chique chi que cubi chi mexa, te'uri que u tzuk na. 38Ire mokxa cupon tiq'uil a'ab, o xa ca pe u sakiric; 'utz que i rajchaquib we que c'asc'atic are cuponic —xu bij i Jesus chique. 39Xak xu bij i tzij-i chique: —Chi ta iri: jun rajaw ja, we reta'am wach u 'onom 'or cupon jun ili'om ru', ire ca c'asc'at na 'uri; n-cu ya ta che coc pa rachoch crel'aj bi ubitak-re che, man ire yij na chu c'ac'alixic. 40Xak yix, chi c'ac'alij na, man i Achi aj Chicaj ca c'un na are n-ti qui ch'ob che —xu bij i Jesus chique. 41Are 'uri i ma Pédro xu tz'onoj che: —Kajwal, i tzij xa bij-le ¿xui chake yoj xa bij, o xak chique i winak conojel? 42I Kajwal xu bij che: —(Chique ni'pa i je wajchac i xin bij-le.) Iweta'am wach ca 'ani che jun ajchac lic 'utz, lic 'o u no'oj. Ire ca ya' na can piquiwi i juban ajchac rumal u patron. Chukul ire 'o wi u ya'ic i qui wa are cu rik i 'or. 43'Utz re i achi-le we ca tijin chu 'onquil wach i rajwaxic chique i ajchac are ca c'un chali i u patron. 44Katzij i quin bij chiwe, ire ca canax na 'uri puwi ronojel i ubitak re u patron. 45Xui-ri, we xa cu ch'ob na chi u patron n-we' taj ca tzalij chalok, mokxa cu jek qui ch'ayic i rach ajchaquib, chi achiab, chi ixokib. Mokxa to' u wa'im cu bisoj: wach cu tijo, wach cu tu'u, wach tak ca 'abar ru'. 46Ire n-reta'am taj bi chi 'oril ca c'un u patron; are n-ta cu ch'ob che, xak te'et ca c'un chalok. I u patron; cu ya na 'uri pa nim laj tojpen. Xak jun i tojpen ca ya' che pacha ca ya' chique i n-quiqui coj ti u tzij i Dios. 47Jun ajchac chi reta'am wach craj u patron, ire we n-cu yijba ta rib chu 'onquil, we xak n-co'on ta cas che, lic q'ui ni u lo'xic 'uri cu tij na, tojbal re u mac. 48Xui-ri, jun ajchac, we n-reta'am taj wach craj u patron, y we 'o i u mac, lic ca majaw te che chi cu tij ni tojpen, ire n-mas ti u lo'xic cu tijo. Pachin jun, nim i yatal pu'ab, 'o chukul 'uri nim cu jach tan chic che i rajaw; pachin jun, nim ni okxanim pu'ab, 'o chukul 'uri cu jach tan chic che i rajaw, xak cu jach che ni'pa i u ch'acom puwi. (Queje i tzij ile xu bij i Jesus chique.) 49—Yin in c'un-nak chuwach i jyub ta'aj, in aj nuc'ul 'a' chi; ¡cwaj te yin we ta ca juluw chic! 50Péro 'o jun nim laj pen nabe chinwach; ¡lic quin c'achir rumal, c'a ca q'uis ni ile! 51Mi ch'ob yix chi in c'un-nak xa que in chomarsaj ni winak chuwach i jyub ta'aj. N-rumal ti ile in c'un-nak; in c'un-nak xa que in jachersaj qui wach (man rumal u c'utic i sak laj tzij, are ca paxsaxic, ca pe ni ch'o'oj chiquixol i winak). 52Co'on panok, we je 'o jo'ob cachalal quib, quiqui jachersaj ni quib; i je oxib quiqui junamsaj qui no'oj chiquiwach i queb; xak i queb quiqui junamsaj qui no'oj chiquiwach i oxib. 53Je 'o ni kajawxel, n-junam ta chic qui no'oj cu' i qui c'ojol; xak queje ni c'ojolxel cu' i qui kajaw. Xak je 'o ni chuchuxel n-junam ta chic qui no'oj cu' i calit; xak queje quiqui 'an ni calit cu' i qui chuch. Je 'o ni alibaxel n-junam ta chic qui no'oj cu' i qui chuch calib; xak queje quiqui 'an na ique chique i cali-baxel. 54I Jesus xak xu bij chique i winak: —Yix, are quiwil i sutz' quel li pa ca tzak wi i 'ij, juntir qui bij chi ya ca pe i jab, y katzij, queje que'elok. 55Xak i tew, we ca c'un pa sur, qui bij chi ca pe jun 'ij tij, quix cha; y katzij, queje ile que'elok. 56Yix, ¡xa queb i palaj! Lic quiwil nu be wach co'on u wach caj, xak u wach i jyub ta'aj. ¿Wuchac 'uri n-iweta'am taj wach usuc' iri, chi quix tijin chi rilic che tak i 'ij-i? —xu bij chique. 57Te'uri xu bij chique i winak: —¿Wuchac n-qui ch'ob tu be yix mísmo wach ca majaw chiwe qui 'ano? 58We 'o jun u cojom a mac, y qui maj bi i be pa 'atbal tzij, cha 'ana pen u yijbaxic ru', tz'akat c'a ix 'o pa be, man n-cat u c'am tubi chuwach i juez. Man i juez cat u jach na che i policía, i policía cat u tz'apij na pa cárcel. 59Sak laj tzij i quin bij, n-cat el tal chila, c'a ca toj ni q'uisbal centávo re a múlta. (Queje ile i tijojbal tzij xu bij i Jesus, c'utbal re chique chi 'o u chac we' quiqui suc'ba qui c'aslemal chuwach i Dios man n-que ya' ta pa tojpen.)\nSAN LUCAS 12","id":"","dump":"CC-MAIN-2013-48","url":"http:\/\/www.bible.is\/ACCIBS\/Luke\/12","date":"2013-12-10T22:08:32Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164026161\/warc\/CC-MAIN-20131204133346-00098-ip-10-33-133-15.ec2.internal.warc.gz","language":"acr","language_score":1.000009656,"language_script":"Latn","minhash_cluster_size":20,"top_langs":"{\"acr_Latn_score\": 1.0000096559524536}","num_words":2067,"character_repetition_ratio":0.054,"word_repetition_ratio":0.01,"special_characters_ratio":0.296,"stopwords_ratio":0.225,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1Te'uri, xwil i ral Chij (chi are i Kajwal Jesucrísto) xu rakch'ij i nabe séllo che i wukub. Are 'uri xin ta u ch'awbal jun chique i cajib chi je pacha ángel; i u ch'awbal pacha u ch'awbal jab. Xu bij: —¡Sa'aj y chawila! —co'ono. 2Te'uri xin takej, y xwil jun caway, sak rij. 'O jun, cul chirij, 'o jun c'akbal ch'ab pu 'ab. Xak xya' jun coron che pacha ca 'ani che i aj ch'acanel ch'o'oj. Te'uri, xa 'e chi ch'o'oj chi cu ch'ac na. 3Te'uri, xak xwil chic i Kajwal xu rakch'ij i ucab séllo. Are 'uri xin ta u ch'awbal i ucab chique i cajib chi je pacha ángel. —¡Sa'aj y chawila! —xu bij. 4Xel chal jun chic caway, cak rij. 'O jun, cul chirij, xya' pu'ab cu petsaj ch'o'oj chuwach i jyub ta'aj; 'o pu'ab cu 'an chique i winak quiqui camsaj quib chiquiwach. Che ire-le, yatal jun nim laj espáda pu 'ab. 5Te'uri, xak xwil chic i Kajwal xu rakch'ij i urox séllo. Are 'uri xin ta u ch'awbal i urox chique i cajib chi je pacha ángel. —¡Sa'aj y chawila! —xu bij. Xin takej, y xwil jun caway, 'ek rij. 'O jun, cul chirij, 'o jun pexu pu 'ab. 6Are 'uri xin ta jun ch'awbal chiquixol i je cajib chi je pacha ángel. Xu bij: —I wa'jal ca pe na; jun sak pwak are ni rajil i queb líbra trígo, o xak are i rajil wakib líbra cebáda. Xui-ri, ma sach u wach i acéite, xak i víno —xu bij. 7Te'uri, xak xwil chic i Kajwal xu rakch'ij i ucaj séllo. Are 'uri xin ta u ch'awbal i ucaj chique i cajib chi je pacha ángel. —¡Sa'aj y chawila! —xu bij. 8Xin takej, y xwil jun caway, 'an rij. 'O jun, cul chirij, chi \"Camic\" u bi. Xak 'o jun, teren chali chirij, chi rajaw i qui q'uijibal i camnak. Chique i queb-le, xya' piqui'ab quiqui camsaj u q'uial winak. (Conojel i winak chuwach i jyub ta'aj, we ca 'ani cajib tzobaj chique, que camsax ni jun tzobaj che i cajib. Are ile i qui q'uial i winak que camsax na.) I camsabal-que quiqui 'ano: ru' ch'o'oj, ru' wa'jal, ru' yobil, xak ru' tak itzel chicop re u wach i jyub ta'aj. 9Te'uri, xak xwil chic i Kajwal xu rakch'ij i ujob séllo. Are 'uri xwil chuxe' i altar, chila 'o wi i canima ique chi xe camsax na xa rumal u tzij i Dios; ique n-xqui mayij tu bixquil u tzij tupu xe camsax rumal. 10Xe siq'uin chu bixquil: —Lo'laj Kajwal, lic ca 'an na pacha i a bim. ¿Umpa nawi ca 'an i a 'atbal tzij piquiwi i winak re u wach i jyub ta'aj chi xoj qui camsaj? ¿Umpa que a ya pa tojpen rumal i qui mac-le? —xqui bij. 11Te'uri xya' qui 'u' sak, xak xbix chique chi che uxlan jubi' chic, c'a ca tz'akat ni u q'uial qui wach i cachalal chi que camsax na pacha ique rumal u chac i Kajwal. 12Te'uri, xak xwil chic i Kajwal xu rakch'ij i uwakib séllo. Are 'uri xpe jun nim laj ucabrakan; i 'ij xa 'ekumar u wach pacha jun c'ul lic 'ek; i ic' xo'on cak u wach pacha quic', 13xak i ch'umil chicaj xe tzak li chuwach ulew. Xo'ono pacha u che'lal hígo are quic'aw jun tew nim, que u puksaj li u wach c'a rax, rumal u cho'ab. 14I caj juntir xsachic pacha jun wuj xu bor rib. Ronojel i nimak ta jyub xe 'elsax na piqui q'uijibal, xak queje i ral tak jyub je setel chuwi mar. 15I nimak tak 'atol tzij re u wach i jyub ta'aj xcuwaj quib pa tak jul, xak chuxe' tak abaj re i nimak tak jyub. Xak queje xqui 'an ni nimak qui patan, xak i je beyom, xak i caj'atzil i soldádo, xak i nimak qui cho'ab, xak i 'o cajaw, xak i n-ta cajaw; 'is queje xqui 'an ni conojel. 16Y xqui bij chique i nimak tak jyub xak chique i nimak tak abaj: —¡Chix tzak li chikij! ¡Choj iwuwaj chuwach i jun chi cul pa chom laj u cubibal! ¡Choj i to chuwach i tojpen chi ca pe ru' i Kajwal chi ral Chij ca bix che! 17Ya xu rik i 'ij re i nim laj tojpen; lic n-ta jun cu ch'ij u c'ulaxic —xqui bij.\nAPOCALIPSIS 6","id":"","dump":"CC-MAIN-2013-48","url":"http:\/\/www.bible.is\/ACCIBS\/Rev\/6","date":"2013-12-11T14:12:40Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164037376\/warc\/CC-MAIN-20131204133357-00031-ip-10-33-133-15.ec2.internal.warc.gz","language":"acr","language_score":1.0000087023,"language_script":"Latn","minhash_cluster_size":18,"top_langs":"{\"acr_Latn_score\": 1.0000087022781372}","num_words":729,"character_repetition_ratio":0.08,"word_repetition_ratio":0.029,"special_characters_ratio":0.288,"stopwords_ratio":0.244,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"SAN LUCAS 1:7272Queje ile u 'anom chake, man queje ile u bim can chique i katit ka mam rumal i rutzil u c'ux. Queje ile u 'anom chake man n-cu sach ta chu c'ux wach i trat u 'anom can cu' ique ujer. Last Verse Next Verse Bible Society brought to you by Wycliffe Bible Translators, Inc..","id":"","dump":"CC-MAIN-2013-48","url":"http:\/\/www.bible.is\/ACCIBS\/Luke\/1\/72","date":"2013-12-12T02:43:25Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164351837\/warc\/CC-MAIN-20131204133911-00034-ip-10-33-133-15.ec2.internal.warc.gz","language":"acr","language_score":0.9754389524,"language_script":"Latn","minhash_cluster_size":1,"top_langs":"{\"acr_Latn_score\": 0.9754389524459839}","num_words":57,"character_repetition_ratio":0.112,"word_repetition_ratio":0.0,"special_characters_ratio":0.262,"stopwords_ratio":0.158,"flagged_words_ratio":0.0,"lang_id_score":0.952,"perplexity_score":500.0,"cluster_detection":-1} +{"text":"1Yix, mix c'achir pi c'ux; cul i c'ux che i Dios, xak chi cuba i c'ux chwe yin. 2Ru' in Kajaw 'o u q'uial q'uijibal. Ma te queje o'onom ile, xak quin bij-i chiwe. Xui-ri quin 'e 'ut que in yijba i q'uijibal yix. 3We xin 'e 'ut, xak we xyiji i q'uijibal yix, te'uri quin c'un chic, y quix in c'am bi wu', man pa i quin q'uiji wi yin, xak chila quix q'uiji wi yix. 4Yix iweta'am chic i pa quin 'e wi, xak iweta'am chic i be —xu bij i Jesus chique. 5Te'uri i ma Tomas xu bij che i Jesus: —Kajwal, n-keta'am taj pa i cat 'e wi, ¿wach retamaxic i be caka 'ano? 6I Jesus xu bij che: —Xui wumal yin qui rik i be; wumal yin qui rik i sak laj tzij, wumal yin qui rik i c'aslemal. Xui wumal yin ca 'an oquic ru' i Ta chicaj. 7We iweta'am in wach yin, xak iweta'am 'uri u wach in Kajaw chila chicaj. Ya xiwetamaj 'ut wo'or, xak iwilom u wach —co'ono. 8Te'uri xu bij i ma Felípe che: —Kajwal, cha c'utu u wach i Ta chake; xui cakaj-i —xu bij. 9I Jesus xu bij che: —A-Felípe, 'o tan chi 'ij in 'o iwu', ¿c'a maja 'uri cawetamaj in wach? We 'o jun xril in wach yin, que'elok xril u wach i Ta chicaj. ¿Wuchac 'uri ca bij yet chwe, \"Cha c'utu u wach i Ta chake,\" cat cha? 10¿N-ca coj ta ba-ri chi yin in 'o che i Ta chicaj, xak i Ta chicaj 'o chwe yin? I tzij chi quin bij yin chiwe, n-yin ta quin nojiwic; are i Ta chicaj ca nojiwic, chi 'o chwe yin; are u chac ire quin tijin chu 'anic. 11Chi cojo in tzij chi yin in 'o che i Ta chicaj, xak i Ta chicaj 'o chwe yin. We n-qui coj ta in tzij chi xin bij chiwe, chin i cojo 'ut rumal wach tak i quin 'ano. 12Katzij i quin bij chiwe, pachin jun cul u c'ux chwe yin, xak co'on na 'uri wach tak i quin 'an yin. N-xui ta la ile co'on na; mas nim i co'on na chinwach yin, man yin quin 'e ru' i Ta chicaj. 13Ronojel ni'pa i qui tz'onoj pin bi yin, quin ya na chiwe. Quin 'ano, man ca 'alijin ni nim laj utzil chomal re i Ta chicaj wumal yin, chi in u C'ojol. 14We 'o i qui tz'onoj pin bi yin, quin 'an na. 15Yix, we c'ax quin i na'o, chix cojon 'uri che in tzij yin. 16Te'uri quin tz'onoj che i Ta chicaj cu tak li jun Uc'anel iwe chi in q'uexel yin. Ire ca q'uiji iwu' que'e 'ij sak, tobal iwe. 17Are ire are u Tewal i Dios chi ca c'utuw i sak laj tzij chiwe. Are i to' je re u wach i jyub ta'aj, n-quiqui c'ulaj ta cu' man n-caquil tu wach, xak n-caquetamaj tu wach. Péro yix quiwetamaj u wach, man Ire jekel iwu' yix, xak ca q'uiji pi c'ux que'e 'ij sak. 18Yin, n-quix wo'taj ta canok; quin c'un chic iwu'. 19Xa jubi' chic in 'o chi; i to' winak je re u wach i jyub ta'aj n-caquil ta chic in wach, péro yix quin iwil tan chic; yin in c'aslic ronojel 'ij sak, rumal-i yix xak quix c'asi 'ut. 20We xu rik i 'ij chi quin bij chiwe-ri, te'uri quiwetamaj chi yin in 'o che i Ta chicaj, xak yix ix 'o chwe yin, xak queje yin in 'o chiwe yix. 21Pachin reta'am in tzij yin, xak cu 'an cas che, ca 'alijin 'uri che, chi lic c'ax quin u na'o. Pachin c'ax quin u na'o, xak c'ax ca na' rumal i Ta chicaj. Xak queje yin c'ax quin na'o; quin ya na che cretamaj chi in 'o ru' —xu bij i Jesus chique. 22'O jun chique u tijoxelab, ma Júdas u bi (n-are ti ma Júdas Iscarióte), ire xu tz'onoj che i Jesus: —Kajwal, ¿wach u chac ile xui ca c'ut awib chake yoj, y n-ca c'ut ta awib chique i conojel i winak chuwach i jyub ta'aj? —co'ono. 23I Jesus xu bij che: —(Man c'ax quin i na'o.) Pachin c'ax quin u na'o, cu coj in tzij; c'ax 'uri ca na' rumal in Kajaw. Yin, junam ru' in Kajaw, coj c'un ru', col ka 'ana ka q'uijibal pu c'ux. 24Pachin jun n-c'ax ta quin u na'o, n-cu coj ta 'uri in tzij. I tzij chi i tom chwe, n-we ti yin, are u tzij in Kajaw chi xin takaw lok. 25Quin bij iri chiwe tz'akat in 'o chi iwu'. 26Co'on panok, i Ta cu tak li Uc'anel iwu', chi u Tewal; ire ca c'un pin q'uexel yin. Are chic ire ca c'utuw ronojel iri chiwe, y ca c'unsaw pi c'ux ni'pa in bim yin chiwe. 27Quin ya can i uxlambal i c'ux chiwe, wo'or quin 'ec. Are i uxlambal c'uxij quin ya chiwe, n-are ti uxlambal c'uxij pacha i quiqui ya i to' winak; i uxlambal c'uxij quin ya yin, lic sakil. Rumal-i, mix c'achir pi c'ux, xak mi xij iwib. 28Ya i tom chic wach in bim chiwe, chi quin 'e 'ut, te'uri quin c'un chic iwu'. We katzij c'ax quin i na'o, quix quicot 'uri che i xin bij, chi quin 'e ru' i Ta chicaj; man ire nim u 'ij u cho'ab chinwach yin. 29Su' xin bij iri chiwe, man we xo'on ile pacha i xin bij; te'uri qui cojo. 30Ya n-quin ch'a'at ta chic mas iwu', man ya ca c'un itzel chi 'atol tzij piquiwi i winak re u wach i jyub ta'aj. Tupu ire n-ta re chwe, 31xui-ri, quin ya wib che, wach co'on chwe, c'utbal-re chique i winak chi yin c'ax quin na i Ta chicaj, xak quin 'ano pacha i cu bij ire chwe. Chix walijok; jo 'ut, coj el chi.\nSAN JUAN 14","id":"","dump":"CC-MAIN-2013-48","url":"http:\/\/www.bible.is\/ACCIBS\/John\/14","date":"2013-12-05T01:56:00Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163038079\/warc\/CC-MAIN-20131204131718-00036-ip-10-33-133-15.ec2.internal.warc.gz","language":"acr","language_score":1.0000100136,"language_script":"Latn","minhash_cluster_size":18,"top_langs":"{\"acr_Latn_score\": 1.0000100135803223}","num_words":982,"character_repetition_ratio":0.062,"word_repetition_ratio":0.012,"special_characters_ratio":0.309,"stopwords_ratio":0.213,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"SAN MATÉO 26:5858I ma Pédro, to' chi naj xterej bi chiquij, c'a xupon chuwaja re i rachoch i mam Caifas. Xoc bi chuwaja, chila xcubi wi cu' i policía, cu takejbej-re wach ca 'ani che i Jesus. Last Verse Next Verse Bible Society brought to you by Wycliffe Bible Translators, Inc..","id":"","dump":"CC-MAIN-2013-48","url":"http:\/\/www.bible.is\/ACCIBS\/Matt\/26\/58","date":"2013-12-10T22:37:25Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164026971\/warc\/CC-MAIN-20131204133346-00078-ip-10-33-133-15.ec2.internal.warc.gz","language":"acr","language_score":0.9816793799,"language_script":"Latn","minhash_cluster_size":8,"top_langs":"{\"acr_Latn_score\": 0.981679379940033}","num_words":51,"character_repetition_ratio":0.0,"word_repetition_ratio":0.0,"special_characters_ratio":0.254,"stopwords_ratio":0.176,"flagged_words_ratio":0.0,"lang_id_score":0.941,"perplexity_score":500.0,"cluster_detection":-1} +{"text":"1Ix watz in cha', chi lic ix re chic i Dios, ix sic'tal rumal i Ta chicaj, rumal-i, chix ch'obon che i Jesucrísto: are ire taktal lok rumal i Ta, are ire i 'atz laj aj cojol ka tzij chuwach i Dios ni'pa i ka yom ka c'ux che u c'utunic ire. 2I Jesucrísto lic xu tz'akatsaj u patan yatal che rumal i Dios, pacha xo'on i mam Moises ujer, chi lic xu 'an u patan chuwach i Dios, lic xruc'aj u tzam chique i rac'al i Dios ujer. 3I Jesucrísto mas 'o u 'ij chuwach i mam Moises, pacha jun aj 'anol ja, mas 'o u 'ij chuwach i ja chi cu 'ano. 4I tak i ja, 'o ni que 'anawic, xui-ri are i Dios are xa 'anaw ronojel wach tak i 'olic. 5I mam Moises, pacha 'utz laj ajchac, 'utz u patan u 'anom chique i rac'al i Dios. Are i u patan i mam Moises, xu c'ut jubi' chique wach cu 'alijinsaj ni Dios chique co'on panok. 6Xui-ri, i Jesucrísto n-are ta to' ajchac, lic are u C'ojol i Dios, chi mer Rajaw ja. Lic 'utz u patan cu 'an piquiwi i rac'al i Dios, y yoj i oj rac'al-le, xui-ri we n-caka sach ti u cubibal ka c'ux che i Kajwal, chilam i quicotemal chi caka na wo'or rumal i 'utz chi caka tij ru' i Kajwal co'on panok. 7Rumal-i, chaka 'ana pacha cu bij u Tewal i Dios. Chupam u wuj i Dios cu bij i tzij-i: Wo'or we yix qui ta u ch'awbal i Dios, 8mi 'an co che iwib, mi kel 'uri u tzij pacha xqui 'an iwatit i mam ujer pa tak jyub tz'inilic. Ique xqui tij u 'ijol i Dios, (y xqui petsaj i roywal). 9(I Dios xu bij): I iwatit i mam chila xqui tij wi in 'ijol, tupu cuarénta junab xquil u q'uial milágro chi xin 'ano, tobal-que. 10Rumal-i xpe woywal chique i winak-le. Xin bij: \"Ique lic quewi je sachnak piqui c'ux; n-cacaj ta que bin chupam i 'utz laj be we yin,\" xin cha. 11Rumal-i, xpe woywal chique, y xin bij: \"Katzij, lic n-quin ya ta chique chi que oc che i uxlanem wu' yin.\" (Queje u tzij i Dios ile chi tz'ibtal canok.) 12Wachalal, chi 'ana cwent iwib, mok 'o jun chiwe, chi n-'us ti u nojbal. Mok rumal ile, n-craj ta cu cojo, y cro'taj can 'uri i Dios c'aslic. 13Are i chi 'ana, chi ya u cowil i c'ux chiwach 'ij 'ij. Miwoy'ej jun chic 'ij; chi 'ana wo'or, mokxa 'o jun chiwe ca t'ortaj na rumal i mac atzalal, y co'on co che rib xa rumal. 14Man 'o ke yoj ru' i Crísto we lic n-caka sach ti u cubibal ka c'ux che; pacha u jekic xka 'ano, xak queje chaka q'uisa wi. 15Cha c'un chi c'ux i tzij-i chi tz'ibtal chupam u wuj i Dios: Wo'or, we yix qui ta u ch'awbal i Dios, mi 'an co che iwib; mi kel 'uri u tzij pacha xqui 'an iwatit i mam ujer. (Queje ile tz'ibtalic.) 16Quin tz'onoj 'ut: ¿Pachin queje xe 'anaw ile? ¿Pachin xqui ta u tzij i Dios y xo'on panok n-xqui 'an ta chic cas che? Je are ique mísmo chi mam Moises xe resaj li pa tinimit Egípto. 17¿Je pachin i winak chi cuarénta junab xpe roywal i Dios chique? Je are ique mísmo chi qui tom u tzij i Dios péro xe macunic y xe cam chila pa jyub tz'inilic. 18¿Je pachin i winak u bim i Dios chi lic n-quiqui rik ti uxlanem ru'? Mísmo je are ique chi xqui kelo. 19Chi 'uri, cakil wi chi n-xya' ta chique xe oquic, man n-xqui cuba ti qui c'ux che u tzij i Dios.\nHEBREOS 3","id":"","dump":"CC-MAIN-2013-48","url":"http:\/\/www.bible.is\/ACCIBS\/Heb\/3","date":"2013-12-05T06:38:21Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163040712\/warc\/CC-MAIN-20131204131720-00098-ip-10-33-133-15.ec2.internal.warc.gz","language":"acr","language_score":1.0000091791,"language_script":"Latn","minhash_cluster_size":17,"top_langs":"{\"acr_Latn_score\": 1.0000091791152954}","num_words":626,"character_repetition_ratio":0.054,"word_repetition_ratio":0.055,"special_characters_ratio":0.291,"stopwords_ratio":0.288,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"SAN JUAN 13:88I ma Pédro xu bij chic: —¡Lic n-quin ya taj ca ch'aj i wakan yin! I Jesus xu bij che: —We yin n-quin ch'aj ti awakan chawe, n-at ta we yin chic —xu bij. Last Verse Next Verse Bible Society brought to you by Wycliffe Bible Translators, Inc..","id":"","dump":"CC-MAIN-2013-48","url":"http:\/\/www.bible.is\/ACCIBS\/John\/13\/8","date":"2013-12-06T16:15:09Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163052107\/warc\/CC-MAIN-20131204131732-00008-ip-10-33-133-15.ec2.internal.warc.gz","language":"acr","language_score":0.9668002725,"language_script":"Latn","minhash_cluster_size":4,"top_langs":"{\"acr_Latn_score\": 0.9668002724647522}","num_words":50,"character_repetition_ratio":0.008,"word_repetition_ratio":0.0,"special_characters_ratio":0.28,"stopwords_ratio":0.12,"flagged_words_ratio":0.0,"lang_id_score":0.882,"perplexity_score":500.0,"cluster_detection":-1} +{"text":"1Quin tz'ibaj i tzij-i chawe yet, at nim laj winak mam Teófilo. 'Utz xin ch'ob yin, quin tz'ibaj pusuc' ni'pa iri; cwaj cawetamaj chi lic katzij wach a tom yet chirij i Jesucrísto. Je q'ui qui 'anom pen u tz'ibaxic pusuc' wach xa 'ani che tak can i 'ij-i. Qui tz'ibam wach i c'ut-tal chake cumal i xe 'ilaw li c'a chu xebal, xak cumal i je aj paxsanel re u tzijol. Yin xin taq'ui na pa rakan, c'a chu xebal lok, wach coj tijin chu tayic; 'utz u 'onquil xin 'an che, rumal-i quin bij yin, 'utz quin tz'ibaj ni usuc' chawe yet. 5Are i ma Heródes are i 'atol tzij che i jyub Judéa, are 'uri 'o jun achi, mam Zacarías u bi. Ire sacerdóte, aj cojol qui tzij i winak chuwach i Dios. Ire-le, qui cwenta i jutzobaj sacerdóte re i mam Abías. I rixokil i mam Zacarías, chi ati Wet, lic u muk u xiquin can i nim laj sacerdóte mam Aaron. 6I mam Zacarías, i ati Wet, je 'utz chuwach i Dios. Lic xe cojon che ronojel u tzij u pixab i Kajwal Dios, lic n-ti qui mac che ile. 7Ique n-ta cac'al, man i ati Wet n-calan taj; y n-xui ta la ile, xak che queb, je nimak winak chic. 8Xo'on panok, i mam Zacarías ca tijin chu 'onquil u patan chuwach i Dios man ya xu rik i 'ij que i jutzobaj re ire. 9Ni'pa tak i jutzobaj sacerdóte, are i qui módo quiqui saquij na, quiquilbej-re pachin chirij ca tzak wi, chi cu poroj inciénso chuwach i Dios. Che i 'ij-le, i patan xtzak chirij i mam Zacarías, chi are ire coc pa cuárto naj u 'ij pa rachoch i Kajwal Dios. 10Xoc i mam chila y are ca tijin chu poroxic i inciénso, i uq'uial winak chi xcoy'ej can chi sak 'is que tijin chu tz'onoxic che i Dios. 11Xak te'et, 'o jun ángel re i Kajwal xwinakir chuwach i mam Zacarías chila paja. I ángel-le tac'al pa wikabim re i altar, pa ca porox wi i inciénso. 12I mam Zacarías, are xrilo, lic xoc 'il che; lic xu xij rib che. 13I ángel xu bij che: —A-Zacarías, ma xij awib. I Dios u tom wach a tz'onom che. Yet ru' awixokil ati Wet ca q'uiji jun iwac'al. Are qui coj u bi, chi ya pu bi, a-Wan. 14Yet cat quicot na; lic 'o ni quicotemal awu'. Xak je q'ui i winak que quicot na are calaxic, 15man i a c'ojol-le, nim u patan che i Dios. Ire-le n-cu tij ti víno, n-cu tij ti awarient. Ire, lic pa ralaxbal lok uc'am na rumal u Tewal i Dios. 16Rumal u c'utunic ire, je q'ui aj Israel winak quiqui jek tan chic qui cojonic che i Dios; quiqui 'an tan chic Cajwal che. 17Ire ca nabeaj na chuwach i Tolque chi ca c'unic. Pacha u nojbal i mam Elías ujer, queje ni u nojbal ire; xak pacha i 'o pu'ab i mam Elías, xak queje i 'o na pu'ab ire. Ire cu chomarsaj ni qui nojbal i achiab cu' i cac'al. Rumal ire, ni'pa i n-quiqui coj ti Dios, quiqui jek ni u tayic qui tzij i 'o qui no'oj rumal i Dios. Queje cu 'an ire ile, yijbal que i winak, are ya ca c'un i Cajwal. (Queje ile xu bij i ángel.) 18I mam Zacarías xu bij che: —¿Wach i retamaxic quin 'an yin? Man yin in rij chic; xak i wixokil rij chic —xu bij. 19I ángel xu la' u wach che: —Yin in ángel Gabriel, chi in u takon i Dios. Lic ru' ire in petnak wi. Xin u tak lok, col in bij i 'utz laj tzij-i chawe. 20Xui-ri, yet n-ca coj taj wach i quin bij chawe, rumal-i cat memer na. N-cat ch'aw ta chic c'a calax ni awac'al. Wach in bim chawe, yet cawil na are cu rik i 'ij chi u ch'obom i Dios —xu bij i ángel che. 21I winak coy'em i relic i mam Zacarías pa rachoch i Dios; lic xqui bisoj man naj xbaytajic. 22Are xel lok, n-quel ta chic u ch'awbal. Are 'uri ique xquetamaj chi rilom jun nim laj 'il chila pa cuárto naj u 'ij, pa rachoch i Dios. Ire to' u 'ab chic cu c'ut chique, man n-quel tu ch'awbal. 23Are xq'uis i 'ij re u patan, xa 'e chi rachoch. 24Xo'on panok, xq'uiji i yobil chirij i ati Wet chi rixokil; i ixok, jo'ob ic' n-xel ta chi rachoch; lic ca quicotic xu bij pu c'ux: 25\"I Kajwal Dios cu ya na jun wac'al chwe. Queje xu 'an ni ile chwe tobal we. Xresaj in q'uix chiquiwach i winak,\" xu bij. 26Che i wakib ic', i Dios xu tak li ángel Gabriel che i tinimit Nazaret chi u cwenta i jyub Galiléa. 27Xu tak bi ru' jun 'apoj ali, al-Mariy u bi, que u bij che wach cu 'an ni Dios che. I ali-le, ya u yom chic u tzij che jun achi, ma Jose u bi, chi ca c'uli ru'. I ma Jose-le, u muk u xiquin can i ujer 'atol tzij mam David. 28Xoc i ángel pa 'o wi i al-Mariy, y xu ya rutzil u wach. Xu bij che: —¡Chat quicotok! ¡'Utz awe yet! I kajwal Dios lic 'o awu'. Nim ni 'utz cu ya i Dios pawi yet chiquiwach i juban ixokib —xu bij i ángel che. 29I al-Mariy, are xril i ángel, lic xu bisoj i tzij chi xbix che; xu ch'ob pu c'ux wuchac queje xu bij i ángel ile che. 30Rumal-i, i ángel xu bij: —Ma xij awib al-Mariy; i Dios, nim ni rutzil u c'ux chawe. 31Chatape', ca pe i yobil chawij; ca q'uiji jun awac'al; y ca ya pu bi: A-JESUS. 32Co'on panok, nim ni u 'ij; ca bix na che chi u C'ojol i Dios chi 'Atz u 'Ij. I Kajwal Dios cu ya pu'ab pacha u 'atbal tzij i u mam, mam David ujer. 33Ire cu 'at na tzij piquiwi i aj Israel winak que'e 'ij sak chirij; i u 'atbal tzij n-tu q'uisic. (Queje ile xu bij i ángel.) 34I al-Mariy xu bij che: —¿Wach u 'onquil 'uri? Yin n-ta achi q'uijinak wu' —xu bij. 35I ángel xu bij che: —I u Tewal i Dios ca c'un na pawi yet; i u cho'ab i Dios chi 'Atz u 'Ij ca kaj nali pawi. Rumal 'uri i ral ac'al chi calaxic, lic 'o na re i Dios che. Lic u C'ojol i Dios ca bix na che. 36Xak i awachalal, ati Wet, i Dios u 'anom jun milágro che; ya xq'uiji yobil chirij tupu rij chic. Quiqui bij i winak chi n-calan taj, xui-ri, wakib ic' 'o chic chirij. 37Queje ile u 'anom i Dios che, man i Dios 'is ronojel ca tiqui che —xu bij i ángel. 38I al-Mariy xu bij: —Lic in 'o pu'ab i Kajwal Dios; chu 'ana na chwe pacha a bim chwe —xu bij. Are 'uri xa 'e i ángel. 39Xo'on chupan jubi', che tak i 'ij-le, i al-Mariy xa 'ec; xu bisoj bi u be, xa 'e che jun tinimit chujyub, u cwenta i Judéa. 40Are xupon chila, xoc pa rachoch i mam Zacarías y xu tioxij i tit Wet. 41Ire, are xu ta chi xtioxix rumal i al-Mariy, i ac'al xu yin rib pu ch'acul, xak xc'un i u Tewal i Dios puwi i tit Wet. 42Are 'uri, co xch'awic y xu bij che i al-Mariy: —I Dios, nim ni 'utz u yom pawi chiquiwach ni'pa ixokib, xak nim i 'utz cu ya na puwi awac'al. 43Nim ni a 'ij yet chin wach yin, n-ca majaw ta chwe chi yet xat c'un chin solixic, man at u chuch i Kajwal. 44Weta'am, 'o ni u 'ij awac'al, man are xin a tioxij, i wac'al chi 'o pin ch'acul, xu yin rib rumal i quicotemal. 45'Utz awe yet man xa cojo chi i Kajwal Dios cu 'an na pacha u bim chawe —xu bij. 46Te'uri, xu bij i al-Mariy: —Yin, ronojel in c'ux, lic quin coj u 'ij i Kajwal Dios. 47I wanima yin lic ca quicot rumal i Dios Tolwe. 48Yin n-nim ti in 'ij, xui-ri i Dios xu ya i 'utz pinwi, tupu xa in rajchac ire. Are 'o wi wo'or, ronojel 'ij sak, conojel i winak quiqui bij na chi Dios nim i 'utz u yom chwe. 49Queje quiqui bij ni ique ile, man i Dios chi 'Atz u Cho'ab, nim ni 'utz u 'anom chwe. Lic nim u 'ij u bi. 50Ire nic are wi cril to'bal qui wach ni'pa i winak quiqui xij quib chuwach; queje u 'anom ile chique i katit ka mam; xak queje cu 'an ile chique i ka muk ka xiquin, we quiqui xij quib chuwach. 51Ru' i nim laj u cho'ab, nim i u 'anom; u kajsam qui 'ij ni'pa i quiqui 'an nim che quib, man quiqui na ique 'o qui nojbal. 52Ire resam i nimak tak 'atol tzij che qui patan; i ni'pa i n-ti qui 'ij, ire xu ya qui 'ij. 53Ni'pa i que numic, nim i 'utz u yom chique; xui-ri i beyomab, lic n-ta xu ya chique. 54Xoj u to yoj oj aj Israel, chi oj rajchac ire; xc'un chu c'ux chi cril to'bal ka wach. 55Xu 'an na pacha u bim can chique i katit ka mam, che mam Abraham, xak chique i u muk u xiquin que'e 'ij sak chiquij. (Queje ile xu bij i al-Mariy.) 56Ire xcanaj ru' i tit Wet colo oxib ic', te'uri xtzalij chi rachoch. 57I tit Wet, are xu rik u 'ij, xiwajic; xq'uiji jun rac'al, ral ala. 58Ni'pa i je 'o chirij chuwach, xak ni'pa i rachalal, ique xqui ta chi nim ni rutzil u c'ux i Kajwal Dios o'onom che; 'is xe 'e quicot ru'. 59Are xtz'akat i wajxakib 'ij, xe 'e chu cojic i retal que i aj Israel winak che u ch'acul i ac'al. Cacaj ique quiqui ya pu bi, a-Zacarías, pacha i u bi u kajaw. 60I u chuch xu bij: —N-are taj. I u bi: a-Wan —xu bij. 61—¿Wuchac 'uri? —xqui bij che—. Mi jun chique awachalal 'o i u bi queje ile —xe cha. 62Ique te'uri xqui tz'onoj che u kajaw ru' qui 'ab wach u bi craj cu ya che. 63Are 'uri i u kajaw xu tz'onoj ch'akap wuj chique, man cu tz'ibaj chuwach. \"A-Wan u bi,\" xu tz'ibaj. Conojel xqui bisoj che, wach i quilom. 64Are 'uri i mam Zacarías juntir xel chic u ch'awbal; xu jek ch'a'atic y xu bij u 'ij i Dios. 65Ni'pa i je aj chirij chuwach lic xqui bisoj. Xel u tzijol chuwi tak jyub re i Judéa: i winak 'is xqui lapo wach i xa 'anic. 66Ni'pa i winak chi xe taw ile, xe oc chi ch'obonic che, y xqui tz'onoj chiquiwach: —¿Bi chi ac'alil ile? ¿Wach nawi u patan? —xqui bij. Queje ile xqui bij, man 'alaj chi i Kajwal Dios lic 'o ru'. 67I mam Zacarías, chi u kajaw i a-Wan, xc'un i u Tewal i Dios puwi, y xu jek 'uri u bixquil i tzij-i: 68Chaka bij u 'ij i Kajwal Dios, chi ka Dios oj aj Israel winak; ire xoj ol u to ni yoj, chi oj u winak ire; u tojom i kelsaxic chi sak. 69U yom jun Tolke chi nim u cho'ab; ire-le, u muk u xiquin can i mam David, chi lic rajchac i Dios ujer. 70Queje ile u bim canok chi cu 'an na; lic ujer queje ile xu bij chique i je u lo'laj ajbil u tzij. 71Ire xu bij chi coj u to na chiquiwach i je aj ch'o'oj chikij, coj u to na chiquiwach ni'pa i tzel coj quilo. 72Queje ile u 'anom chake, man queje ile u bim can chique i katit ka mam rumal i rutzil u c'ux. Queje ile u 'anom chake man n-cu sach ta chu c'ux wach i trat u 'anom can cu' ique ujer. 73I trat-le, i Dios lic xu bij che i ka mam, mam Abraham, chi cu 'an na. 74Xu bij chi coj resaj piqui'ab i je aj ch'o'oj chikij man 'utz n-caka xij ta kib chu 'anic ka patan che ire; 75xak caka 'an ka patan chirij, lic oj ch'am, lic oj 'utz chuwach, ni'pa i 'ij re i ka c'aslemal. (Queje ile xu bij i mam Zacarías; te'uri xu bij che i ac'al:) 76Xak yet, ral wac'al, quiqui bij ni winak chi yet at ajbil u tzij i Dios chi 'Atz u 'Ij. Queje quiqui bij na chawe, man cat nabeaj chuwach i Kajwal, que a yijba i winak chu tayic u tzij. 77Yet ca c'ut na chique i je re ire chi 'o ni sachbal qui mac, 'elsabal-que chi sak. 78I ka Dios c'ax coj u na'o, lic cril to'bal ka wach; rumal ile, cu tak na li jun aj chicaj; i u c'unic, pacha co'on i sak re u sakirbal. 79Ire cu c'am na li sak chique i je 'o pa 'ekum; cu c'am li sak chique i quiqui xij quib che i camic. Coj u c'am bi pa 'o wi i quicotemal. (Queje ile xu bij i mam Zacarías.) 80I ac'al, chi a-Wan, ca tijin u q'uiyic, xak ca tijin u q'uiyic u cubibal u c'ux che i Dios. Are achi chic, xa 'e jekel che i jyub tz'inilic. Chila xq'uiji wi c'a xu rik ni 'ij re u c'utic rib chique i aj Israel winak.\nSAN LUCAS 1","id":"","dump":"CC-MAIN-2013-48","url":"http:\/\/www.bible.is\/ACCIBS\/Luke\/1","date":"2013-12-13T20:30:18Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164989714\/warc\/CC-MAIN-20131204134949-00040-ip-10-33-133-15.ec2.internal.warc.gz","language":"acr","language_score":1.0000087023,"language_script":"Latn","minhash_cluster_size":32,"top_langs":"{\"acr_Latn_score\": 1.0000087022781372}","num_words":2249,"character_repetition_ratio":0.052,"word_repetition_ratio":0.0,"special_characters_ratio":0.298,"stopwords_ratio":0.269,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"SAN JUAN 1:5050Te'uri i Jesus xu bij che: —¿Quin a cojo xa rumal xin bij chawe chi xat wil chuxe' i che'-le? Mas nim i milágro cawil na chuwach ile, c'utbal-re in pachin yin. Last Verse Next Verse Bible Society brought to you by Wycliffe Bible Translators, Inc..","id":"","dump":"CC-MAIN-2013-48","url":"http:\/\/www.bible.is\/ACCIBS\/John\/1\/50","date":"2013-12-09T04:11:40Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163870408\/warc\/CC-MAIN-20131204133110-00042-ip-10-33-133-15.ec2.internal.warc.gz","language":"acr","language_score":0.973846972,"language_script":"Latn","minhash_cluster_size":6,"top_langs":"{\"acr_Latn_score\": 0.973846971988678}","num_words":48,"character_repetition_ratio":0.0,"word_repetition_ratio":0.0,"special_characters_ratio":0.26,"stopwords_ratio":0.125,"flagged_words_ratio":0.0,"lang_id_score":0.939,"perplexity_score":500.0,"cluster_detection":-1} +{"text":"1Are 'uri je 'o jujun chila xqui jek u bixquil che i Jesus wach u 'anom i ma Piláto. Xqui bij chi ire je u camsam juban aj Galiléa winak are que tijin chu sujuxic qui sipon chuwach i Dios. Xe u camsaj, y qui quiq'uel ique, junam xbin wi ru' i qui quiq'uel i chicop chi qui sujum. Queje ile xqui bij i winak che i Jesus. 2I Jesus xu la' u wach chique: —Qui bij yix i je aj Galiléa winak-le lic 'o qui mac chuwach i Dios; are i rumal 'uri xqui tij i tojpen-le, qui ch'ob yix. Ique mas je ajmac chiquiwach i cach aj Galiléa, qui bij yix. 3Xui-ri, quin bij chiwe chi n-queje taj. Xak yix, we n-qui jalwachij ti i no'oj chi n-'us taj, xak quix cam ni yix. 4¿Xak queje bawa qui bij yix chique i je dieciócho chi xe cam chuxe' i ja tac'tic chi xtzakic? ¿Qui bij bawa yix, mas 'o ni qui mac ique chiquiwach i juban aj Jerusalen? 5Yin quin bij chiwe chi n-are taj. Xak yix, we n-qui jalwachij ti i no'oj chi n-'us taj, xak quix cam ni yix. (Queje xu bij i Jesus ile chique.) 6I Jesus xu bij chic jun tijojbal tzij chique. Xu bij: —'O jun achi 'o u che'lal hígo pa rulew. Xa 'e chi rilic we 'o u wach; n-ta xu riko. 7Are 'uri xu bij che u mocom: \"Wilape', oxib junab iri quin tzucuj u wach, y n-ta quin rik che. Cha c'atzij; to' co'on latz' waral,\" xu bij. 8I u mocom xu bij: \"Nim laj winak, cha ya chic jun junab che. Quin c'ot na jubi' chuxe', y quin coj awon che. 9Queje na ile, mokxa cu ya ni u wach; we n-taj, te'uri ca c'atzixic,\" xu bij i mocom che. (Queje i tijojbal tzij ile xu bij i Jesus chique.) 10I Jesus ca tijin chu c'utic chique i winak pa molbal'ib pa uxlambal 'ij. 11Chila 'o wi jun ixok iwab, dieciócho junab 'o chic che chi to' iwab rumal jun itzel tew. Ire to' luclic chic rij rumal, n-ca tiqui ta chu suc'baxic rij. 12I Jesus, are xrilo, xu siq'uij ru' y xu bij che: —Nan, ya at utzirnak chic che a yobil —co'on che. 13Te'uri, xu coj u 'ab puwi; are 'uri i ixok juntir xsuq'ui rij, y xu jek u cojic u 'ij i Dios. 14Are 'uri i raj'atzil i molbal'ib xpe roywal che i Jesus man xrutzirsaj i ixok pa uxlambal 'ij. Xu bij chique i winak: —'O wakib 'ij che i seman re i chacbal 'ij. Che i wakib 'ij-le, we quiwaj quix c'unic qui-wutzirsaj iwabib, chix c'unok. Xui-ri, mi 'an ile pa uxlambal 'ij —xu bij chique. 15Are 'uri i Kajwal xu la' u wach che: —Yix ¡xa queb i palaj! Iwonojel yix, pa uxlambal 'ij qui tor ni jun i chicop, o jun i buru, qui yabej u ya'. 16We queje qui 'an ile che jun chicop, mas ca majaw che i ixok-le, chi u muk u xiquin i mam Abraham xak jun iwu' yix. Mas ca majaw che ire, ca tortaj na pa c'ax. 'O chic dieciócho junab che, chi yut'tal u ch'acul rumal itzel. ¿Xataba n-'us taj cakesaj i yobil che we pa uxlambal 'ij? —co'ono. 17Are xu bij i Jesus ile, i je aj ch'o'oj chirij lic xe q'uix che. Conojel i winak lic que quicotic rumal i nimak tak 'anic xu 'an i Jesus. 18Te'uri i Jesus xu bij chique: —I 'atbal tzij re i Dios ¿wach nawi quin junamsaj ru', sakirsabal-re chiwe wach usuc'? 19Quin junamsaj ru' jun ija re mostas chi jun achi cu tic pa rulew. Ca po'ic, ca q'uiyic, cu rik u nimal pacha jun che', te'uri i tz'iquin quiqui 'an qui soc che tak u 'ab. (Queje i tijojbal tzij ile xu bij i Jesus chique, sakirsabal-re wach u q'uiyaric i u 'atbal tzij i Dios.) 20I Jesus xak xu bij chique: —I 'atbal tzij re i Dios ¿wach nawi quin junamsaj ru'? 21Are ca c'un chiquixol i winak, queje pacha co'on i cunbal re i caxlanwa. Ile, we jun ixok cu chapo, y cu coj oxib almul arin ru', te'uri ca walij u wach i 'or ronojel, tupu xa jubi' i cunbal 'o ru'. (Xak queje ile co'on i 'atbal tzij re i Dios —xu bij i Jesus chique.) 22I Jesus 'enam-re pa Jerusalen. Ca tijin chi be, are cupon che jun aldéa, o xak che jun tinimit, ire cu jek u c'utic chique i winak je 'o chila. 23'O jun xtz'onow che: —Nim laj winak, ¿ne te q'ui que 'el chupam i qui mac? —co'ono. I Jesus xu bij chique i winak: 24—Chi 'ana pen i oquic che u xol uchija lot'lic; co'on panok je q'ui neri cacaj oquic, péro n-que oc taj. 25I rajaw ja we u tz'apim chic i uchija, n-cu jak ta chic chiwe. Yix chi ix 'o can chi sak qui c'ojc'a na, y qui bij pan che: \"¡Nim laj winak, cha jaka i uchija chake!\" qui bij na. Ire xa cu bij chiwe: \"¿Pa ix petnak wi yix? Yin n-weta'am ta i wach,\" co'ono. 26Te'uri yix qui bij na: \"Yoj ka tijom i ka wa awu', xak i ka ya' awu'; xak at c'utun-nak pa ka tinimit,\" quix cha che. 27Ire cu bij tan chic chiwe: \"N-weta'am taj pa tak ix petnak wi. Chix el na chinwach; xa ix aj 'anol mal,\" cu bij na chiwe. 28Lic quix o' na, lic qui kach'ach'ej ni iware are quiwilo chi yix xa chi sak ix 'o wi, xak quiwilo chi paja je 'o wi i mam Abraham, i mam Isaac, i mam Jacob; xak conojel i ujer ajbil u tzij i Dios 'is je 'o chila pa cu 'at wi tzij i Dios. 29Je 'o ni winak que uponic re ronojel u wach i jyub ta'aj; que uponic ni'pa i je aj pa relbal re i 'ij, i je aj pa kajbal re i 'ij; ni'pa i je aj pa wikabim, i je aj pa moxim; quiqui tij ni wa pa cu 'at wi tzij i Dios. 30Chitape', je 'o jujun chi wo'or je 'o pa q'uisbal-re; co'on panok que nabeaj na; xak je 'o jujun chi wo'or je nabe, xui-ri co'on panok que canaj na pa q'uisbal-re. (Queje ile xu bij i Jesus chique.) 31Che i 'ij-le, xe upon jujun aj Fariséo ru', y xqui bij che: —Chat el chi, man i ma Heródes craj cat u camsaj —xe cha che. 32Ire xu la' u wach chique: —Jix yix ru' i ma saklej u nojbal-le y chi bij che chi 'o i quin 'ano. Wo'or y chwek que wutzirsaj i winak, xak cwesaj i mal laj tak itzel tew. Queje ile quin 'an na, c'a cabij, te'uri ca q'uis in chac. (Queje chi bij ile che.) 33Xui-ri, yin, 'enam we pa Jerusalen, wo'or, chwek, y cabij. N-quin mayij taj, man jun ajbil u tzij i Dios n-ca majaw ta che, we n-pa Jerusalen taj ca camsax wi —xu bij i Jesus chique. 34(Te'uri xu bij chic:) —¡Ay, yix, ix aj Jerusalen! ¡Yix chi que i camsaj i ajbil u tzij i Dios; yix chi to' qui coj abaj chique i je u takon i Dios chiwe! ¡Q'uialmul lic in rayim quix in mol wu' pacha cu 'an jun ati ac' cu' i rac'al, que u ya chuxe' u xic'! Queje ile xwaj te yin, y yix n-xiwaj taj. 35Chitape', i tinimit yix co'tax na can rumal i Dios. Quin bij chiwe, queje ile quix e'el na; n-quiwil ta chic in wach c'a cu rik ni 'ij chi quin i c'ulaj na iwu'. Qui bij na: \"¡Chu ya ni 'utz i Kajwal Dios puwi i Jun chi u takom-lok!\" quix cha na. (Queje ile xu bij i Jesus chique.)\nSAN LUCAS 13","id":"","dump":"CC-MAIN-2013-48","url":"http:\/\/www.bible.is\/ACCIBS\/Luke\/13","date":"2013-12-10T23:51:55Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164027110\/warc\/CC-MAIN-20131204133347-00099-ip-10-33-133-15.ec2.internal.warc.gz","language":"acr","language_score":1.0000091791,"language_script":"Latn","minhash_cluster_size":21,"top_langs":"{\"acr_Latn_score\": 1.0000091791152954}","num_words":1303,"character_repetition_ratio":0.055,"word_repetition_ratio":0.022,"special_characters_ratio":0.297,"stopwords_ratio":0.248,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1I 'atz laj sacerdóte xu bij che i ma Estéban: —¿Sak laj tzij ile, ni'pa i xqui bij? —co'on che. 2Ire xu bij: —Nimak tak wachalal, nimak tak mam'ib, chin i ta na pe'. I ka nim laj Dios, ujer xu c'ut rib che i ka mam, mam Abraham are 'o pa jyub Mesopotámia. Are xu 'an i Dios ile, i mam Abraham maja ca 'e jeki pa jyub Haran. 3I Dios xu bij che: \"Cha canaj can a jyub, cha canaj can awachalal, y jat che jun jyub quin c'ut na chawe,\" xu bij. 4Are 'uri i mam Abraham xel che i jyub Caldéa y xa 'e jekel chila pa Haran. Xo'on panok, xcam u kajaw, te'uri i Dios xu c'am li mam Abraham y xol jekel chi, pa oj 'o wi wo'or. 5I Dios n-xu ya ta che i mam Abraham we cu chap ni jyub waral, mi xa ta jubi'. Xu bij che chi co'on panok i jyub-i re ni ire, xak que ni u muk u xiquin. Xui-ri, are xu ta i tzij-le, i mam Abraham n-ta rac'al. 6I Dios, xak xu bij che chi u muk u xiquin que 'e jekel na che jun tinimit naj, chi n-que taj. Xu bij chi quiqui tij ni uyej piqui'ab i winak chila; i winak-le quiqui 'an che quib pacha je cajaw piquiwi. Queje ile quiqui tij ni c'ax cajib ciénto junab u wach. 7\"Xui-ri, i tinimit chi que u rajawij, quin ya na pa tojpen,\" xu bij i Dios che. \"Are que o'tax a muk a xiquin, que 'el chila y que pe chi, pa at 'o wi, y quiqui coj in 'ij waral,\" xu bij i Dios che i mam Abraham ujer. 8Xak xu bij che chi chu 'ana retal che u ch'acul, 'ilbal-re chi lic re i Dios, xak 'ilbal-re chi Dios cu 'an na pacha i u bim che. I retal-le, circuncision ca bix che. I mam Abraham, are xalax i rac'al, are 'o chic wajxakib 'ij che, xak xu 'an i retal che, pacha u bim i Dios. I rac'al, a-Isaac u bi. Are achi chic i ma Isaac, xak queje xu 'an ire ile che i rac'al, chi a-Jacob u bi. Are achi chic i ma Jacob-le, xak queje xu 'an ire ile chique i cablajuj rac'al chi xe'elok je katit ka mam yoj. 9Xo'on panok, i rac'al i mam Jacob xpe coywal chirij i qui cha', a-Jose, man ire mas c'ax ca na' rumal u kajaw. Rumal-i, xqui c'ayij bi i a-Jose che jun aj naj, chi xu c'am bi ru' c'a pa Egípto. Xui-ri, i Dios 'o ru' i a-Jose, 10y xresaj chi sak che ni'pa i c'ax xu tijo. Xu ya mas u nojbal i a-Jose, xak xu 'an che i 'atol tzij pa Egípto lic c'ax cu na ni a-Jose. I 'atol tzij, ma Faraon ca bix che, ire xu ya i a-Jose puwi i tinimit, xak piquiwi i je 'o pa rachoch ire. 11Xo'on panok, xc'un jun nim laj wa'jal; xqui tij uyej i winak pa Egípto, xak pa Canaan pa i je 'o wi u kajaw i ma Jose, xak i ratz u cha'. I katit ka mam-le n-xqui rik taj wach quiqui tijo. 12I ma Jacob, are xu ta rason chi 'o ixim chila pa Egípto, xe u tak bi u c'ojol chu tzucuxic. (Ique je are i katit ka mam yoj oj aj Israel winak.) Are i nabe cakan 'uri pa Egípto. 13Xo'on panok, che ucamul cakan, i ma Jose xu bij chique chi ire are i qui cha'. C'a te'uri i ma Faraon xu ta u be chi ma Jose aj Israel winak. 14Te'uri i ma Jose xu tak u c'amic u kajaw, xak ni'pa i rachalal; i rachalal je seténta y cínco chic. 15Are u 'onquil 'uri xqui 'an i katit ka mam chi xe 'e jekel c'a naj pa tinimit Egípto. Xo'on panok, xcam i mam Jacob chila, xak queje i ralc'wal chi je katit ka mam, y xe muk na pa Egípto. 16Xo'on panok xquesaj li qui bakil y xqui c'am li che i camposant re i 'etz mam Abraham pa jyub Siquem. O'onom lok i mam Abraham u lo'om i jubi' jyub-le re u camposant; u lo'om chique i rac'al i ma Hamor chi je aj Siquem. 17Xo'on panok i aj Israel lic xq'uiar qui wach chila pa Egípto. Lic je q'ui chic are ya cu rik i 'ij chi Dios craj que resaj piqui'ab i aj Egípto, pacha i u bim che i mam Abraham ujer. 18Te'uri xoc chic jun 'atol tzij piquiwi i aj Egípto chi n-xretamaj tu wach i 'etz ma Jose. 19Ire n-'us ti xu 'an chique i kach aj Israel; lic xu 'an c'ax chique i katit ka mam. I xu 'an i 'atol tzij-le are iri: xu bij chi caco'taj can i cac'al c'a je noch', camsabal-que. 20Che tak i 'ij-le, xalax i ka mam, mam Moises. Ire, chom xa 'iltaj rumal i Dios. I u kajaw u chuch xcuwaj oxib ic' ru' ja. 21(Are n-quiqui rik ta chic pa cacuwaj wi, xqui yijba jun ral chicach, xqui ya chupam, y xe 'e qui ya chuwi ya) te'uri i u mi'al i 'atol tzij xu riko. Xu c'am bic y xu q'uitsaj; xu 'an pacha rac'al che. 22Rumal 'uri, i aMoises, pa rachoch i 'atol tzij xq'uiy wi; xnawsax che, ronojel ni'pa i queta'am i nimak tak aj Egípto winak. Ire, xnimar u cho'ab; ni'pa i cu bij, ni'pa i cu 'ano, 'is ca tiqui che. 23Xo'on panok, are 'o chic cuarénta junab che, xu ch'ob pu c'ux que 'e rila i rach aj Israel; y xa 'ec. 24Chila xril wi jun aj Egípto ca tijin chu 'anic c'ax che jun aj Israel. Xu to i rach aj Israel y xu camsaj i aj Egípto. 25Xu ch'ob ire chi ni'pa i rach aj Israel quiqui ta ni u be chi ire are i tolque, chi rumal ire, i Dios que resaj ique pa c'ax piqui'ab i aj Egípto winak. Péro n-xqui ta tu be. 26Chucab 'ij, i ma Moises xe u rik chic queb aj Israel winak quiqui 'an ch'o'oj chiquiwach. Craj ire quiqui chomaj quib chiquiwach. Rumal-i xu bij chique: \"Yix iwachalal iwib. ¿Wuchac 'uri qui 'an ch'o'oj?\" xu bij chique. 27I jun chi u jekom i ch'o'oj xu tacpuj bi i ma Moises. Xu bij che: \"¿Pachin xyaw chawe ca 'an i 'atbal tzij pakawi? ¡Mi jun! 28¿Cawaj quin a camsaj yin pacha xa 'an che i aj Egípto iwir?\" xu bij che. 29I ma Moises, are xu ta ile, xa 'anmajic; xa 'e c'a naj che i jyub Madian; chila xjeki wi, n-mer tu tinimit. Are 'o chila, xe alax queb rac'al. 30I ma Moises, are 'o chic cuarénta junab che u jekelem chila pa Madian, ire ca bin che jun ta'aj tz'inilic chu c'ulel i ral jyub Sinai; xak te'et xril jun ral che' ca tijin u juluwic, y xwinakir jun ángel chupam i 'a'-le. 31Ire lic xoc 'il che, wach i xrilo. Xtejeb pan jubi' ru', crilbej-re wach ropis. Are 'uri xu ta u ch'awbal i Kajwal chi xu bij che: 32\"Yin in Dios que awatit a mam. In qui Dios i mam Abraham, i mam Isaac, i mam Jacob,\" co'ono. I ma Moises ca sicsat chic rumal u xibriquil, n-tu cowil u c'ux cu takej. 33I Kajwal xu bij che: \"Waral pa at tac'al wi, 'o u 'ij; chawesaj ni a xajab. 34Yin wilom wach uyej quiqui tij i wac'al chila pa Egípto; in tom wach o'ej quiqui 'ano. In kajnak lok que ol in to na; que wesaj na chupam i c'ax pa je 'o wi. Sa'aj wu', cat in tak bi pa Egípto,\" xu bij i Dios che i ma Moises. 35I mam Moises-le, chi chatal rumal i Dios, are i jun chi qui xutum i aj Israel winak. Qui bim che: \"¿Pachin xyaw chawe at 'atol tzij ke yoj? ¿Pachin xyaw chawe ca 'an i 'atbal tzij pakawi?\" qui bim na che. Are ire-le chi chatal rumal i Dios cu 'at na tzij piquiwi i aj Israel, xak que resaj pa c'ax. I Dios u takom li ángel ru', che i ral che' chi ca juluwic, xol u bij che wach u patan ca ya' che rumal i Dios. 36Are i mam Moises-le xe resaj li katit ka mam pa Egípto. Are ire-le xa 'anaw nimak tak milágro nimak tak 'anic chila pa Egípto, xak che i mar \"Cak\", xak chila pa tak jyub tz'inilic pa xbin wi cu' i katit ka mam cuarénta junab. 37Are i mam Moises-le xu bij chique i aj Israel winak: \"Dios cu tak na li jun ajbil u tzij chiwe pacha yin, chi are na jun chique i kach aj tinimit. Chi cojo retalil che wach cu bij na ire chiwe.\" Queje ile xu bij i mísmo mam Moises ujer. 38Are i mam Moises-le 'o cu' i aj Israel winak are qui molom quib che i jyub tz'inilic. Are ire-le chi xa 'ijlax rumal i ángel che i ral jyub Sinai; are ire-le chi 'o chila cu' i katit ka mam. Che i mam Moises-le, xya' wi i tzij re i ka c'aslemal, cu yabej-re chake yoj. 39I mam Moises chatal rumal i Dios, xui-ri i katit ka mam n-xcaj ta quiqui cojo. Xcaj ique caquesaj bi che u patan; xcaj ique que tzalij chic pa Egípto. 40Are mayal i mam Moises tzam jyub Sinai, ique xqui bij che i mam Aaron; \"N-keta'am taj wach xa 'ani che i ma Moises-le, chi xoj resaj li Egípto. Mok n-ca c'un ta chic. Cha 'ana 'uri juban ka tiox, caka nabsaj bi chakawach,\" xe cha. 41Are 'uri xqui 'an jun tiox pacha ral me' ca tzunic. Te'uri xe qui camsaj i chicop quiqui sujuj chuwach. Lic xe quicot ru', wach qui 'anom ru' qui 'ab. 42Rumal-i, i Dios xu jec' rib cu' ique. Xe ro'taj canok; xu ya chique quiqui coj ni u 'ij i ch'umil aj chuwacaj, pacha cacaj ique. Xu 'an ire chique pacha tz'ibtal can cumal i ajbil u tzij i Dios ujer. Xu bij i Dios: Ix aj Israel winak, che i cuarénta junab chi xix bin pa tak jyub tz'inilic, ¿xataba chwe yin xi camsaj wi i chicop? ¿Xataba chinwach yin xi poroj wi, cojbal in 'ij yin? N-chwe taj. 43N-chwe ti yin xi coj wi in 'ij; xa xiwekaj bi i cárpa re i tiox Moloc. Xak xiwekaj bi u q'uexwach ch'umil, cojbal na re u 'ij i tiox Renfan. I tiox-le, xa yix ix 'anawnak man qui coj na qui 'ij. Rumal 'uri, quix wesaj chuwach i jyub yix; quix in tak bi che jun jyub naj, mas c'a chuwach pan i Babilónia —xu bij i Dios. (Queje ile tz'ibtal canok.) 44I katit ka mam, are xe bin pa jyub tz'inilic, 'o qui cárpa pa quiqui c'ol wi i tz'alam abaj chi 'o u tzij u pixab i Dios tz'ibtal chuwach. I cárpa-le are i rachoch i Dios cu' ique; i mam Moises xu tak u 'onquil xak jun ru' pacha u bim i Dios che. Xu yijba, lic pacha i u q'uexwach c'ut-tal che rumal i Dios. 45I cárpa-le, i katit ka mam xqui ya can piqui'ab i qui muk qui xiquin pa tak lemajil. Queje ile xqui 'an che c'a xu rik i 'ij xe oc che i jyub yatal chique rumal i Dios. Xqui c'am li cu' are xe oc li chi, junam ru' i ma Josue, chi qui capitan. I aj ch'o'oj cu', i Dios xe roktaj bi chiquiwach, te'uri xe jeki i katit ka mam chuwach ulew-i. I cárpa-le are i rachoch i Dios cu', c'a are xoc i 'atol tzij mam David. 46Ire-le, xu rik utzil chomal chuwach i Dios chi xak are i Dios re i ka mam, mam Jacob. I mam David-le xu tz'onoj che i Dios chi cu ya che cu yijba jun mer rachoch i Dios pu q'uexel i cárpa. 47Xui-ri, i Dios n-xu ya ta che we cu yijba; are che u c'ojol xu ya wi, chi ma Salomon. 48Queje xo'on ire ile, xui-ri i Dios, chi 'Atz u 'Ij, n-jekel ta chupam jun ja 'antalic. Queje pacha u tz'ibam jun ajbil u tzij i Dios ujer, i Dios u bim i tzij-i: 49I chicaj are in cubibal pa quin 'at wi tzij; i u wach ulew are u q'uijibal i wakan. ¿Wach u 'onquil ni jun wachoch qui 'an yix? cu bij i Kajwal. ¿Xataba qui yijba jun in muj in soc pa quin uxlan wi? 50I abaj, i che', ronojel ni'pa i 'olic, ¿xataba n-yin ta in yijbawnak? Yin pues. (Queje u tzij i Dios ile chi tz'ibtal canok.) 51Yix xa ix buy —xu bij i ma Estéban che i 'atz laj sacerdóte, xak chique i juban aj nuc'bal t'isbal—, n-quiwaj ta qui ta u be i Dios. Iwanima yix queje pacha i canima i winak chi n-ta Dios cu'; xak queje i xiquin. N-quiwaj ti u tayic are ca ch'aw u Tewal i Dios iwu', xak jun ru' pacha xqui 'an iwatit i mam ujer. 52Conojel i ujer ajbil u tzij i Dios xqui tij c'ax piqui'ab iwatit i mam. Are xqui bij u c'unic i Jun chi n-tu mac, 'is xe qui camsaj. Te'uri are xc'un i Jun chi qui bim na ique chi ca c'un na, ¿wach xi 'an yix che? Xi jach piqui'ab i tzel que 'ilawic, y xi camsaj. 53Queje xi 'an yix ile, tupu i Dios xe u tak li u ángel, cu yabej re i lo'laj u 'atbal tzij chiwe. Chiwe yix xu ya wi, péro n-quix cojon ta che. (Queje u tzij i ma Estéban ile chique.) 54Ique, are xqui ta ile, lic xpe coywal. Quiqui kach'ach'ej uwaque chirij i ma Estéban, c'utbal re i coywal che. 55Ire lic 'o i u Tewal i Dios ru', xtzun chicaj y xril i nim laj u chomal i Dios ca walch'inic. Xak xril i Jesus 'o pu wikabim i Dios. 56Xu bij: —¡Chiwilape', cwil upam i caj! Cwil i Achi aj Chicaj 'o pu wikabim i Dios —xu bij. 57I nimak tak mam'ib, are xqui ta ile, xe siq'uinic xqui tz'apij i qui xiquin y xe 'e la chirij i ma Estéban. 58Xquesaj pa tinimit, y xe oc chu cojic abaj che, camsabal-re quiqui 'ano. Xquesaj i qui chaquet y xqui ya can ru' jun achi c'a ala, a-Sáulo u bi. 59Are que tijin chu cojic abaj che, i ma Estéban xu tz'onoj che i Kajwal: —Kajwal Jesus, cha c'ama i wanima —xu bij. 60Are xu bij ile, xuqui'ic; co xch'awic: —Kajwal, cha cuyu i qui mac-i —xu bij. Are xbitaj ile rumal, xcamic.\nLOS HECHOS WACH I XQUI 'AN I APOSTELAB 7","id":"","dump":"CC-MAIN-2013-48","url":"http:\/\/www.bible.is\/ACCIBS\/Acts\/7","date":"2013-12-10T13:16:43Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164019123\/warc\/CC-MAIN-20131204133339-00028-ip-10-33-133-15.ec2.internal.warc.gz","language":"acr","language_score":1.000007987,"language_script":"Latn","minhash_cluster_size":21,"top_langs":"{\"acr_Latn_score\": 1.0000079870224}","num_words":2458,"character_repetition_ratio":0.056,"word_repetition_ratio":0.0,"special_characters_ratio":0.29,"stopwords_ratio":0.276,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1I Jesus, are xu q'uis u bixquil ile chique, are 'uri xtaken 'an chicaj; queje iri xu bij: —Ta, ya xu rik i 'or. Cha 'alijinsaj chique i winak wach i nim laj u 'ij Awac'al. Xak queje ile, yin chi in Awac'al, quin 'alijinsaj wach i nim laj a 'ij yet. 2A yom i 'atbal tzij pin'ab piquiwi conojel i winak. Queje ile a 'anom man quin yabej-re i c'aslemal chique ni'pa i je a yom chwe; are i c'aslemal chi n-ca q'uis ta chic. 3Are usuc' i c'aslemal-le are iri: are i retamaxic a wach yet, chi xui yet at sakil Dios, xak i retamaxic u wach i Jesucrísto chi a takom li yet. 4Yin in cojom a 'ij waral chuwach i jyub ta'aj, xak ya xin q'uis i chac chi xin a tak chu 'onquil. 5Wo'or, Ta, cha 'ana nim in 'ij chwe, chila awu', pacha u nimal in 'ij are in 'o awu' chu xebal 'ij sak, are maja 'o u wach i jyub ta'aj. 6Are i xe a cha yet chiquixol i winak, y xe a ya pin'ab, in c'utum chique at pachin yet. Lic chu xebal lok je awe yet, y yet xat 'anaw chique chi quiqui cuba qui c'ux chwe yin, y je we yin; xak je cojon-nak che a tzij. 7Wo'or queta'am chic chi ni'pa i xa ya chwe, awu' yet petnak wi. 8Man, i tzij chi xa bij yet chwe, yin in bim chique, xak ique xqui c'am i tzij-le pa qui c'ux. Xquetamaj 'ut chi lic katzij, awu' yet in petnak wi; xak xqui cojo chi yet xin a tak lok. 9Wo'or quin tz'onoj chawe, che a to ique; n-are ta quin tz'onoj piquiwi i winak chi to' je re u wach i jyub ta'aj. Are, quin tz'onoj piquiwi ique chi xe a ya pin'ab, man je awe yet. 10Ni'pa tak i we yin, xak awe yet; ni'pa tak i awe yet, xak we yin. Ique quiqui 'alijinsaj in 'ij yin (xak quiqui 'alijinsaj a 'ij yet). 11Wo'or quin upon awu', n-quin canaj ta waral chuwach i jyub ta'aj; xui ique que canaj chuwach i jyub ta'aj. Lo'laj in Kajaw, quin tz'onoj chawe chi che a chajij ru' a cho'ab conojel ni'pa i xe a ya chwe. Yin awu', xak jun ka wach; cwaj yin xak queje ique, xak jun qui wach. 12Tz'akat xin q'uiji cu' ique chuwach i jyub ta'aj, xe wuc'aj rumal a cho'ab yet. Ni'pa i xe a ya pin'ab, xe in chajij. Rumal-i n-ta jun chique xtzak pu'ab itzel, xui xtzak i jun chique, chi bital ujer chi ca tzakic, man que'elok pacha i tz'ibtal can cumal i ajbil a tzij ujer. 13Yin ya quin upon awu' chila pa at 'o wi, péro quin bij i tzij-i, quiqui tabej-re ique tz'akat in 'o chuwach i jyub ta'aj. Man cwaj yin 'o na qui quicotemal pacha i quicotemal quin na yin. 14Yin in bim a tzij chique, y xqui cojo. I winak chi to' je re u wach i jyub ta'aj, tzel que quilo man ne te cachi'il chic ique, pacha yin, chi n-in ta cachi'il i winak chi to' je re u wach i jyub ta'aj. 15Yin, n-are ta quin tz'onoj chawe chi que awesaj chuwach i jyub ta'aj; xa are quin tz'onoj chawe chi que a to chuwach itzel. 16Queje pacha in 'anom yin, n-in ta re u wach i jyub ta'aj, xak queje qui 'anom ique ne te re u wach i jyub ta'aj. 17Cha 'ana chique chi lic je awe yet rumal i sak laj tzij chi quiqui ta. Are i a tzij yet are i sak laj tzij. 18Pacha i xa 'an yet chwe yin, xin a tak li chi, chiquixol i winak chuwach i jyub ta'aj, xak queje quin 'an yin chique ique, que in tak bi chiquixol i winak chuwach i jyub ta'aj. 19Yin, cumal ique, quin jach in c'aslemal pa 'ab, man xak ique que'elok lic je awe yet, rumal i sak laj tzij chi ca pe awu'. 20N-xui ta piquiwi ique quin tz'onoj iri chawe; xak quin tz'onoj chawe piquiwi ni'pa i quiqui cuba ni qui c'ux chwe co'on panok, are quiqui ta ni qui tzij ique-ri. 21Quin tz'onoj chawe, Ta, chi conojel ique xak junam ni qui wach. Xak quin tz'onoj chawe chi ique, junam ni qui wach ku' yoj, pacha yet wu' yin, xak jun ka wach awu' yet. Queje ile, i winak chuwach i jyub ta'aj quiqui coj na chi yet xin a tak lok. 22I a 'ij a chomal chi a yom yet chwe, xak in yom yin chique ique. Queje ile xin 'an chique man cwaj yin xak jun qui wach, pacha ka 'anom yoj awu', xak jun ka wach. 23Yin in 'o na chique ique, pacha yet at 'o chwe yin; queje ile que'el ni ique lic xak jun qui wach, man 'utz quiquil i winak chuwach i jyub ta'aj chi yet xin a tak lok, xak quiquilo chi c'ax que a na'o pacha ca 'an chwe yin, c'ax quin a na'o. 24Ta, yet xe a ya chwe; cwaj yin que q'uiji na wu' chila pa i quin q'uiji wi yin; man 'utz quiquil in chomal a yom chwe. I chomal-le a yom chwe man c'ax xin a na'o chu xebal 'ij sak, are maja 'o i u wach i jyub ta'aj. 25Yet Ta, chi lic suc'ul i ca 'ano, i winak chuwach i jyub ta'aj n-queta'am ti a wach, péro yin lic weta'am a wach; i achiab-i (chi je a yom chwe) queta'am chic chi yet xin a tak lok. 26Xin c'ut chique at pachin yet; xak n-quin mayij tu bixquil at pachin yet, man cwaj yin, pacha i c'axnabal we xa 'ano, xak 'o chique ique, xak yin in 'o na chique ique —xu bij i Jesus che i Ta chicaj.\nSAN JUAN 17","id":"","dump":"CC-MAIN-2013-48","url":"http:\/\/www.bible.is\/ACCIBS\/John\/17","date":"2013-12-11T00:25:31Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164027414\/warc\/CC-MAIN-20131204133347-00039-ip-10-33-133-15.ec2.internal.warc.gz","language":"acr","language_score":1.0000082254,"language_script":"Latn","minhash_cluster_size":23,"top_langs":"{\"acr_Latn_score\": 1.000008225440979}","num_words":973,"character_repetition_ratio":0.102,"word_repetition_ratio":0.008,"special_characters_ratio":0.288,"stopwords_ratio":0.165,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1Xin bij i tzij-i chiwe man n-qui sach tu cubibal i c'ux chwe are quiwil tak iri. 2Yix qui tij na chi n-quix c'ulax ta chic pa molbal'ib que aj Israel winak. Xak cu rik ni 'ij chi quiqui bij ni winak chi jun utzil chomal quiqui 'an che i Dios we quix qui camsaj. 3Queje ile quiqui 'an na, man mi xa ta jubi' queta'am u wach in Kajaw, xak n-queta'am ti in wach yin. 4Xin bij iri chiwe, man we xu rik i 'or quiwil ile, are 'uri ca c'un chi c'ux chi ya in bim chic chiwe. N-xin bij ti iri chiwe are xoj jekan wi lok, man in 'o chi iwu'. 5Xui-ri, wo'or quin tzalij chic ru' i Ta chi xin takaw lok; quin bisoj man mi jun chiwe cu tz'onoj chwe pa i quin 'e wi. 6Rumal i tzij in bim chiwe, xa xoc i bis pi c'ux. 7Péro yin, sak laj tzij i quin bij chiwe, 'utz que'el chiwe yix we xin 'ec. Man yin, we n-quin 'e taj, n-ca c'un ta 'uri i u Tewal i Dios chi quix ruc'aj; xui-ri, we xin 'ec, quin tak li iwu'. 8Ire, we xc'un chi chuwach i jyub ta'aj, mas i cu sakij na chique i winak (chuwach tak i quin 'an yin chique, man ire coc c'a piqui c'ux, xak piqui nojbal). Queje ile, cu 'alijinsaj na chique i winak chi lic je sachnak chupam i qui mac. Xak cu 'alijinsaj na chique wach i 'utz, suc'ulic chuwach i Dios; xak cu 'alijinsaj na chique chi Dios cu 'an i 'atbal tzij piquiwi, wach tak quiqui 'ano. 9I u Tewal i Dios cu 'alijinsaj chique chi je sachnak chupam i qui mac man n-que cojon ta chwe yin. 10Ire (pin q'uexel yin), cu 'alijinsaj wach i 'utz, suc'ulic chuwach i Dios, man yin quin 'e ru' i Ta chicaj y n-ca 'iltaj ta chic in wach. 11Cu 'alijinsaj wach u 'atic tzij cu 'an i Dios, man i Dios ya u 'atom chic tzij puwi itzel, chi 'o piquiwi i winak waral chuwach i jyub ta'aj. 12C'o u q'uial tzij cwaj quin bij chiwe, péro n-quin bij taj, man n-quix tiqui ta chu tayic u be. 13Xui-ri, i u Tewal i Dios are aj c'utunel re i sak laj tzij. Are ca c'un ire iwu', cu 'alijinsaj chiwe ronojel i sak laj tzij. Man ire, ni'pa i cu bij, nu nojbal ti ire, man 'is are cu bij ni'pa i ca bix che. Xak cu bij chiwe wach i ca 'ani na co'on panok. 14Ire cu coj ni in 'ij yin, man cu 'alijinsaj na chiwe wach cwaj u bixquil yin chiwe. 15Ronojel i 'o ru' i Ta chicaj, xak we yin; rumal-i xin bij chiwe chi u Tewal i Dios cu 'alijinsaj na chiwe wach i cwaj yin. 16Xa ru' jubi' chic n-quiwil ta chic in wach, péro jubi' panok, quiwil tan chic in wach, man ru' i Ta chicaj quin 'e wi —xu bij i Jesus chique. 17Are 'uri 'o jujun chique u tijoxelab xqui tz'onoj chiquiwach, xqui bij: —¿Wach usuc' ile xu bij? \"Xa ru' jubi' chic n-quiwil ta chic in wach, péro jubi' panok, quiwil tan chic in wach, man ru' i Ta chicaj quin 'e wi,\" xcha. 18¿Wach craj u bixquil ile chake chi \"jubi' panok\" xu bij? N-caka ta tu be wach craj cu bij chake —xqui bij chiquiwach. 19I Jesus xril u be chi 'o cacaj quiqui tz'onoj che; are 'uri xu bij chique: —Are i tzij xin bij chiwe, \"Xa ru' jubi' chic n-quiwil ta chic in wach, péro jubi' panok, quiwil tan chic in wach,\" ¿are i tzij-le chi qui tzucuj usuc' chiwach? 20Sak laj tzij i quin bij chiwe: yix qui tij na quix bisonic, xak qui tij ni o'ej; xui-ri i winak re u wach i jyub ta'aj xa que quicotic. Péro yix, we qui tij na quix bisonic, co'on panok ca pactaj i bis-le, te'uri quix quicot tan chic. 21Queje qui 'ano, pacha jun ixok ca bisonic are cu rik i 'or ca q'uiji jun rac'al, man reta'am cu tij ni c'ax. Xui-ri we ya xq'uiji i ac'al, te'uri ca quicot tan chic, xak n-ca c'un ta chic chu c'ux wach i c'ax xu tijo; ca quicot 'ut rumal i ral ac'al chi xalaxic. 22Queje ile yix wo'or, quix bisonic, xui-ri cakil tan chic kib, te'uri lic quix quicot tan chic. I quicotemal-le, n-ta jun ca majaw chiwe. 23We xu rik i 'ij-le, ya n-ta chic u chac qui tz'onoj chwe wach usuc' in tzij in bim chiwe. Sak laj tzij i quin bij chiwe: i Ta chicaj, wach i qui tz'onoj che pin bi yin, cu ya na chiwe. 24C'a are 'o wi wo'or, n-ta i tz'onom che pin bi yin; wo'or chi tz'onoj 'ut, y ca yataj na chiwe, man mas quix quicot na rumal. 25Ni'pa in c'utum chiwe, in junamsam ru' wach tak iweta'am u wach waral chuwach i jyub ta'aj. Xui-ri, cu rik ni 'ij n-ta chic u chac quin junamsaj in c'utunic chiwe ru' wach tak iweta'am u wach; lic sakil chic quin lap i Ta chiwe. 26We xu rik i 'ij-le, are chic yix qui tz'onoj che i Dios, man queje ile quin ya pi'ab qui 'ano. N-ta chic u chac chi yin quin tz'onoj che i Ta pi q'uexel yix, 27man xak i Ta c'ax quix u na'o. C'ax quix u na'o man yix c'ax quin i na yin, xak xi cojo chi yin in petnak ru' i Dios. 28Xwo'taj can i Ta man xin c'un waral chuwach i jyub ta'aj; xui-ri, wo'or cwo'taj can u wach i jyub ta'aj, y quin tzalij chic ru' i Ta chicaj —xu bij chique. 29Te'uri xqui bij u tijoxelab che: —Bay, wo'or lic sakil cat tijin chu bixquil; ya n-ca junamsaj ta chic a tzij ru' wach tak i 'o waral chi keta'am u wach. 30Wo'or, xketamaj chi yet, ronojel 'is aweta'am. Yet aweta'am chic wach cakaj caka tz'onoj chawe are c'a maja caka bij, rumal-i, n-tu chac we 'o jun cu tz'onoj chawe. Rumal ile, keta'am chi at petnak ru' i Dios —xqui bij. 31I Jesus xu bij chique: —¿Lic i cojom wo'or? 32Ya cu rik i 'ij, y are chic i 'ij iri, iwonojel yix ca quichtaj nubi i wach, chi jujunal. Quin i canaj can intuquel. Xui-ri, n-intuquel taj quin canajic, man i Ta chicaj 'o wu'. 33Ronojel iri quin bij chiwe, man cwaj cuxlan i c'ux wumal yin. Yix, waral chuwach i jyub ta'aj, qui tij ni c'ax; xui-ri chi cowij i c'ux, man yix ix 'o pin 'ab yin, y yin in tiquinak che u cho'ab ni'pa i n-'us taj chi 'o chuwach i jyub ta'aj —xu bij chique.\nSAN JUAN 16","id":"","dump":"CC-MAIN-2013-48","url":"http:\/\/www.bible.is\/ACCIBS\/John\/16","date":"2013-12-05T17:33:04Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163046954\/warc\/CC-MAIN-20131204131726-00038-ip-10-33-133-15.ec2.internal.warc.gz","language":"acr","language_score":1.0000094175,"language_script":"Latn","minhash_cluster_size":18,"top_langs":"{\"acr_Latn_score\": 1.0000094175338745}","num_words":1127,"character_repetition_ratio":0.074,"word_repetition_ratio":0.036,"special_characters_ratio":0.292,"stopwords_ratio":0.195,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1Je q'ui aj tz'onol alcawal, xak juban chic ajmaquib xe tejeb ru' i Jesus quiqui tabej re u tzij. 2Rumal-i, i aj Fariséo, xak i je tijonel re i 'atbal tzij xe oc chu ch'ach'axic i Jesus. —I achi-le que u c'ulaj ajmaquib ru', y n-xui ta la ile, xak cu tij wa cu' —xe cha. 3Are 'uri i Jesus xu bij jun tijojbal tzij chique: 4—Chixol yix, we 'o jun achi je 'o cien u chij, y we xsach jun chique, ¿wach cu 'an 'uri ire? Que u canaj can i novénta y nuéve pa i je 'o wi, y ca 'e chu tzucuxic i jun. Cu tzucuj c'a cu rik na. 5Are cu riko, ca quicotic cu ya bi xol u teleb, y cu c'am bi ru' ja. 6Are cupon ru' ja, que u siq'uij i reta'am qui wach, xak i je u lo'c'anij, quiqui molbej quib ru' ire. Cu bij chique: \"Lic quin quicotic, man xin rik in chij chi sachnak te'ek; ¡chix quicot yix wu'!\" cu bij na chique. 7Quin bij chiwe, xak queje quiqui 'an i je aj chicaj ile; lic que quicotic we 'o jun ajmac cu jalwachij u no'oj chi n-'us taj. Mas que quicot rumal i jun-le, chiquiwach i je novénta y nuéve chi je 'utz laj tak winak chi n-presis taj quiqui jalwachij i qui no'oj —xu bij i Jesus chique. 8(Te'uri i Jesus xu bij chic jun tijojbal tzij chique.) Xu bij: —We 'o jun ixok 'o lajuj sak pwak ru', we xu tzak jun chique i lajuj, ¿wach cu 'an 'uri ire? Cu tzij jun cantil, y cu jek u mesic u paja. Na'al cu tzucuj c'a cu rik na. 9Are cu riko, que u siq'uij i reta'am qui wach, xak i je u lo'c'anij, man quiqui molbej quib ru'. Cu bij chique: \"Lic quin quicotic, man xin rik in mer chi in tzakom te'ek. ¡Chix quicot yix wu'!\" cu bij chique. 10I quicotemal-le, xak queje quiqui na i ángel re i Dios; que quicotic we 'o jun ajmac cu jalwachij u no'oj chi n-'us taj —xu bij i Jesus chique. 11Te'uri, i Jesus xu bij chic chique: —'O jun achi, je 'o queb u c'ojol. 12I cha'axel xu bij che u kajaw: \"Ta, cha 'ana jun utzil chomal chwe; cha ya ni ubitak-we wo'or pacha a ch'obom ca ya na chwe co'on panok.\" Queje ile xu bij che. Te'uri i u kajaw xu jach bi ubitak-que chique i queb u c'ojol. 13Xo'on chupan jubi' i cha'axel 'is xu c'ayij ronojel ubitak-re chi xjach che. Te'uri xu mol u chi' u mer y xa 'e che jun tinimit c'a naj. Chila xoc chu q'uisic u mer, to' xak manal xu 'ano, y xu sach ronojel u mer. 14Are xu q'uis ronojel, xpe jun nim laj wa'jal che i tinimit-le pa 'o wi ire; lic xu tij numic rumal. 15Are 'uri xa 'e chu tzucuxic u chac ru' jun achi aj chila. I u chac xya' che, xtak bi chi qui chajixic juban ak. 16Ire lic xu tij numic; lic cu rayij u wach, wach que tijin i ak ru'; mi ta jun xtzukuwic. 17Te'uri xc'un chic u no'oj; xu bij pu c'ux: \"Chila ru' in kajaw, i u mocom lic cu rik rib wach quiqui tijo. Y yin waral, lic quin cam na rumal numic. 18Quin tzalij chic ru' in kajaw, y quin bij che: Ta, in 'anom in mac chuwach i Dios, xak chawach yet. 19N-ca majaw ta chic ca bij awac'al chwe, xui-ri, cha 'ana na chwe pacha jun a mocom, quin bij che.\" Queje ile xu bij pu c'ux. 20Juntir xu maj u be, y xa 'e chic chi rachoch u kajaw. Are ya cuponic, xui-ri, c'a naj panok 'o wi che i ja, xak te'et xa 'iltajic y xa etamax u wach rumal u kajaw. Ire lic c'ax xu na u c'ojol, y xa 'e pa'anem chu c'ulaxic. Are xu c'ulaj, xu tz'ulej, y xu tz'ubaj u palaj. 21Te'uri i u c'ojol xu bij che: \"Ta, in 'anom in mac chuwach i Dios, y xak chawach yet. N-ca majaw ta chic ca bij awac'al chwe.\" Queje ile xu bij che. 22I u kajaw xa xu bij chique u mocom: \"¡Chi bisoj! Chi c'ama li jumolaj 'u' 'utz, chom, y chi cojo chirij. Chi c'ama li bak re u wi u 'ab, xak i sapatux re i rakan. 23Je i c'ama i me' chi ka ti'ojersam, y chi 'ana-re. ¡Caka 'an jun nima'ij! 24I wac'al-i, chi camnak te'ek, wo'or c'as tan chic. I sachnak te'ek, wo'or ya xc'unic,\" Queje ile xu bij u kajaw chique u mocom. Te'uri xqui jek jun nima'ij. 25I rac'al 'atz n-ta ru' ja are xqui jek i nima'ij, man 'enak pa tak ticon. Are ca tijin u petic chi rachoch, xu ta i son, xak xu ta 'o i que xajawic. 26Rumal-i, xu siq'uij jun mocom ru', y xu tz'onoj che wach i que tijin chu 'anic ru' ja. 27I mocom xu bij che: \"I a cha' ya xc'un chic ru' ja, rumal-i i a kajaw xu 'an jun nima'ij. Xu tak u camsaxic i me' ti'oj, man 'o tan chic a cha' ru', n-ta c'ax che, lic 'utz u wach,\" xu bij i mocom che i 'atz. 28Ire lic xpe roywal, y n-xoc ta chubi ru' ja. Rumal-i, xel bi i u kajaw, y xu yu'uj i u c'ojol. 29Ire-le xu la' u wach che u kajaw: \"Tape', lic q'uial junab in chacun-nak awu' pacha jun mocom, mi julaj in kelom a tzij. Y yet, mi ta julaj a yom jun ral chabat chwe, quin 'anbej jun nima'ij cu' i wachi'il. 30Xui-ri, are xc'un i awac'al-i chi to' xu sach u wach ubitak awe cu' i mal laj tak ixokib, yet xa tak u 'anic-re i me' ti'oj, xa rumal ire.\" Queje ile xu bij u c'ojol 'atz. 31Te'uri xu bij i u kajaw: \"Wac'al, yet 'ax at 'o wi wu'. Ronojel ni'pa i 'o wu', 'is awe yet. 32Xui-ri, 'o u chac caka 'an jun ka nima'ij, y choj quicotok rumal a cha'. Ire camnak te'ek, y wo'or c'as tan chic, ire sachnak te'ek, y wo'or ka rikom tan chic.\" (Queje ile xu bij i mam che u c'ojol. Are i tijojbal tzij ile xu bij i Jesus chique i winak.)\nSAN LUCAS 15","id":"","dump":"CC-MAIN-2013-48","url":"http:\/\/www.bible.is\/ACCIBS\/Luke\/15","date":"2013-12-11T23:51:13Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164099123\/warc\/CC-MAIN-20131204133459-00001-ip-10-33-133-15.ec2.internal.warc.gz","language":"acr","language_score":1.0000094175,"language_script":"Latn","minhash_cluster_size":16,"top_langs":"{\"acr_Latn_score\": 1.0000094175338745}","num_words":1054,"character_repetition_ratio":0.049,"word_repetition_ratio":0.025,"special_characters_ratio":0.309,"stopwords_ratio":0.231,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1Jun, we 'o u cubibal u c'ux che i Dios, lic cu na 'uri pu c'ux chi cril na wach i roy'em. N-ta co'ono we c'a maja crilo, xui-ri reta'am chi katzij cril na. 2I katit ka mam, lic 'o i u cubibal qui c'ux che i Dios, rumal-i i Dios 'utz xe rilo. 3Rumal u cubibal ka c'ux che i Dios, keta'am chi ire, ru' u ch'awbal, xu winakirsaj i caj, i jyub ta'aj. Rumal-i, ni'pa i cakil wo'or, are i Dios xu yijba ru' u ch'awbal, n-che ta tak wach ca 'iltaj u wach xu yijba wi. 4Ujer i a-Cain, i a-Abel xqui sujuj qui sipon chuwach i Dios. I a-Abel, lic xu cuba u c'ux che i Dios, rumal-i, wach i xu sujuj che i Dios mas 'utz xelic chuwach i xu sujuj i a-Cain. Rumal-i, i Dios 'utz xril i a-Abel, xak 'utz xril i u sipon che. Rumal-i, i a-Abel tupu ujer tan camnak chic, yoj wo'or keta'am wach i mer 'utz laj cubibal c'uxij, rumal wach xu 'an ire. 5Xak i mam Enoc, lic xu cuba u c'ux che i Dios. Rumal-i, lic c'aslic, xc'am bi chicaj rumal i Dios. Rumal-i, n-xriktaj ti u ch'acul chi, man i Dios u c'amom bic. Are c'a maja ca c'am bi i mam Enoc rumal i Dios, ni'pa i xu 'ano, 'utz xril i Dios. Queje ile tz'ibtal chupam u wuj i Dios. 6Xui-ri, we n-cul ti ka c'ux che i Dios, n-coj tiqui ta 'uri chu 'anic wach cu maj u wach. We cakaj coj tejeb ru' i Dios, 'o u chac caka cojo chi katzij 'o i Dios; xak 'o u chac chi cul ka c'ux che, chi ire cu ya i 'utz chique ni'pa i quiqui tzucuj. 7I mam Noe ujer, lic cul u c'ux che i Dios. Rumal-i, are xbix che rumal i Dios chi 'o tak i ca petic chi n-rilom taj, i mam Noe xu cojo. Xoc 'il che wach i xbix che, y xu yijba jun nim laj bárco pacha xbix che rumal i Dios. Chupam i bárco-le xe u c'ol wi i rixokil ralc'wal. I mam Noe, lic cul u c'ux che i Dios, péro i juban winak n-ti u cubibal qui c'ux che, rumal-i, xe camic; queje ile xa 'alijinic chi ique lic 'o qui mac. Péro i mam Noe-le, 'utz xe'el chuwach i Dios, man queje cu 'an i Dios ile chique ni'pa i cul qui c'ux che. 8Xak i mam Abraham ujer, lic cul u c'ux che i Dios. Rumal-i, are xsiq'uix rumal i Dios, xu cojo wach i xbix che. Xel pu tinimit y xu maj bi u be, n-reta'am taj pa i ca 'e wi. Xui-ri, xa 'ec man cul u c'ux che i Dios chi ca c'am bi che i jyub chi xsujux che rumal i Dios. 9I mam Abraham xa 'e jekel che i jyub chi Dios u sujum che; chila xq'uiji wi pacha jun aj naj petnak, pacha n-re ti jyub-le. Xu ch'ijo man cul u c'ux che i Dios; reta'am chi co'on panok ca ya' na che, ni'pa i sujum che. I rachoch chila, n-xan taj, to' pacha lon. Xak queje i rachoch a-Isaac chila, chi rac'al; xak queje i rachoch i a-Jacob chi riumam. Xak chique ique, i Dios u sujum i jyub-le. 10Queje ile xu 'an i mam Abraham, man roy'em chic roquic che jun chom laj tinimit chila chicaj. Chila, 'o u q'uijibal n-to' ta lon 'antal che, 'o u cubibal chi n-ca q'uis ta chic; man i tinimit-le are i Dios ch'obow-nak u 'onquil; xak are ire xu yijba. 11Xak i ati Sára (chi rixokil i mam Abraham) 'o i u cubibal u c'ux che i Dios, rumal-i, tupu ire n-calan taj, i Dios xu ya u cho'ab che. Te'uri xq'uiji rac'al, tupu nim laj winak chic. Queje ile xu 'an i Dios che, man xu cojo chi i Dios lic cu 'an na pacha u bim che. 12Queje ile, i mam Abraham, pu rijal xq'uiji i rac'al. Xo'on panok lic xe q'uiar u muk u xiquin pacha u q'uial i ch'umil, pacha u q'uial i seneb chu chi' i ya. 13I mam Abraham, ru' u c'ojol, xak ru' i riumam, n-xqui sach ti u cubibal qui c'ux che i Dios. N-xqui sach taj, c'a are wi xe camic, tupu c'a maja ca ya' piqui'ab wach u sujum i Dios chique. Xe'elok pacha c'a naj xquil panok wach u sujum i Dios chique, y xqui cuba qui c'ux che. Lic xe quicotic are xquilo. Xqui bij ique chi i qui tinimit n-chi taj chuwach i jyub ta'aj. Xqui bij ique chi waral pacha to' je aj naj je c'un-nak, to' je aj ic'awel waral, ne te aj chi. 14Pachin cu bij queje ile, 'alaj 'uri chi c'a maja cu rik i mer u tinimit, c'a ca bin chu tzucuxic. 15Ique n-xqui ch'ob ta chic qui tinimit pa je petnak wi. We tene xqui ch'ob chic tzalijic chila, xe tzalij tene-ri. 16Xui-ri, xqui rayij jun qui tinimit lic 'utz na chuwach i pa xe 'el wi, man xqui rayij i qui tinimit chila chicaj. Rumal-i, i Dios n-ca q'uix ta che, are ca bixic chi ire qui Dios ique. 'Alaj chi n-ca q'uix ta che man u yijbam jun qui tinimit. 17I mam Abraham ujer, are xtijaw u 'ijol rumal i Dios, 'ilbal-re we 'o u cubibal u c'ux che, ire xu c'utu chi katzij lic cul u c'ux che i Dios. 'Alaj ile, man xu sujuj u camsaxic u c'ojol chi a-Isaac, pacha jun u sipon chuwach i Dios. Queje ile xu 'ano, tupu xa jun i u c'ojol. Are i rac'al-le, i Dios u bim canok chi que q'uiar ni u q'uial u muk u xiquin i mam Abraham rumal. 18Ujer, i Dios u bim che: \"Rumal awac'al a-Isaac, que q'uiar i a muk a xiquin.\" 19I mam Abraham reta'am chi 'o pu'ab i Dios cu c'unsaj sak chuwach jun camnak. Xe'el 'uri chi i mam Abraham pacha xril u c'ojol camnak te'ek, y c'un-nak chic sak chuwach. 20Xo'on panok, xak i mam Isaac xu 'alijinsaj u cubibal u c'ux che i Dios: xu bij chique i rac'al chi katzij ca ya' na chique ni'pa i u sujum i Dios chique. I qui bi i rac'al-le: jun, a-Jacob; i jun a-Esau. 21Xo'on panok, i mam Jacob-le xu 'alijinsaj u cubibal u c'ux che i Dios. Are ya ca camic, xu c'am u cho'ab che u ch'amiy, xu xucba u jolom, y xu coj u 'ij i Dios. Xu ya u 'ab piquiwi i riumam y xu bij chique wach i 'utz co'on i Dios chique co'on panok. I riumam-le, je rac'al i ma Jose. 22Xo'on panok, xak i mam Jose-le xu 'alijinsaj u cubibal u c'ux che i Dios are ya ca camic. Xu bij chi co'on panok i aj Israel winak que 'elsax na piqui'ab i aj Egípto. Xu bij canok chi chiqui c'ama bi u bakil cu', are que 'ec. 23Xo'on panok, xak i u kajaw u chuch i a-Moises xqui 'alijinsaj u cubibal qui c'ux che i Dios. Che tak i 'ij-le, xel jun tzij rumal i 'atol tzij, chi je ni'pa i ral tak alabom que alaxic, que camsaxic. Are xalax i a-Moises, xquil u kajaw u chuch chi lic chom laj ac'al. Lic cul qui c'ux che i Dios chi que u to na; rumal-i, n-xqui xij ta quib che i 'atbal tzij-le. Ique, oxib ic' xcuwaj i ac'al-le. 24Xo'on panok, xak i mam Moises-le xu 'alijinsaj u cubibal u c'ux che i Dios. Are achi chic, xro'taj can i u patan pa rachoch i 'atol tzij man ire pacha ralab i u mi'al i 'atol tzij pa Egípto. 25Ire xu ch'obo chi n-'us taj cu tij i 'utz i chom cu' i ne te re i Dios man ile xa quic'awic, xa ca sachic. Xu ch'ob ire, chi mas 'utz cu tij ni c'ax cu' i winak chi je re i Dios. 26Xu ch'ob ire, 'utz we cu tij uyej rumal u cubibal u c'ux che i Crísto. Queje ile xu ch'obo man roy'em na wach u sujum i Dios che. Xu ch'ob ire, mas 'utz ile chuwach ronojel tak i beyomal chila pa Egípto. 27Rumal u cubibal u c'ux che i Dios, xel i mam Moises pa jyub Egípto. N-xu xij ta rib che i roywal i 'atol tzij, xui-ri, jiquil u c'ux xa 'ec, pacha xril u wach i Dios. 28Xo'on panok, i mam Moises xu 'alijinsaj tan chic u cubibal u c'ux che i Dios are xu bij chique i aj Israel winak chila pa Egípto wach u bim i Dios che. Xu bij chique, chiqui camsaj jun ral chij, y chiqui quirij u quiq'uel che tak uchija che i cachoch. Xu bij chique, chi queje ile mi ta jun cac'al ca camic are quic'aw i ángel aj camsanel que ac'alab 'atzib. 29Xo'on panok, xak i aj Israel winak xak xqui 'alijinsaj u cubibal qui c'ux che i Dios are xe ic'aw chupam i Mar Cak. Cha c'un chi c'ux, are xe oc bi chu chi' i ya, are 'uri i Dios xu jak u pam i mar; queje ile, chakij i qui be xe 'ax ch'akap. Xui-ri, i aj Egípto winak, are xqui tij te ic'awic, xe muktaj can pa ya. 30Xo'on panok, i aj Israel winak xqui 'alijinsaj tan chic u cubibal qui c'ux che i Dios are xe sutin chirij i tinimit Jerico. Are xel wukub 'ij i qui sutinic, xwulij bi i nim laj tapia re i tinimit-le, are 'uri xe oc pa tinimit. 31Xak i ixok Rahab xu 'alijinsaj u cubibal u c'ux che i Dios. Ire ajmac laj ixok, chuwach u ch'acul cu ch'ac wi u mer, péro 'utz xu 'ano are xe u to i winak re i Dios. Je queb takon je aj Israel, xe oc pa Jerico (chi u tinimit ixok Rahab), quiqui tzucuj wach ch'acbal re i tinimit-le quiqui 'ano. Ixok Rahab xe u to; rumal-i, n-xcamsax taj are xe camsax i juban chi n-xqui 'an ta cas i Dios. 32¿Wach chic mas quin bij chiwe? Xui ile. Man n-ta tiémpo quin bij chiwe wach i xqui 'an i ka mam ma Gedeon, xak i mam Barac, xak i mam Sanson; xak wach i xqui 'an i mam Jefte, i mam David, i mam Samuel, xak i tak ajbil u tzij i Dios. 33Ique, rumal u cubibal qui c'ux che i Dios, 'o jujun chique xe tiqui che i ch'o'oj cu' juban chic tinimit. 'O jujun chique 'o qui patan re 'atol tzij chi lic suc'ulic xqui 'an che i qui patan. Rumal u cubibal qui c'ux, i Dios xe u to chu rikic pacha i u bim can chique. Xak 'o jujun xe 'e min cu' i coj, péro i Dios xe u to rumal u cubibal qui c'ux che, y xu tz'apij qui chi' i coj. 34'O jujun xe min pa 'orno, xui-ri n-xe cam taj tupu nim i u cho'ab i 'a'; 'o jujun laj xe camsax ru' ch'ich', péro i Dios xe u to. 'O i n-ta qui cho'ab, péro rumal u cubibal qui c'ux che i Dios, lic xq'uiji qui cho'ab. Xak 'o jujun, are xqui 'an i ch'o'oj cu' i aj naj, 'utz xe 'elic; xe coktaj bi je aj ch'o'oj chiquij. 35Rumal u cubibal qui c'ux che i Dios, je 'o ixokib chi xquil i cac'al je camnak te'ek, xe c'un chic sak chiquiwach rumal i Dios, y xe ya' tan chic chique. Xak je 'o jujun xa 'ani c'ax chique y xe camic; xqui xutuj i quelbal chuwach i c'ax-le, y n-xco'taj ta can i Dios. Queje ile xqui 'an ique, ch'acbal re qui c'aslemal chom na chuwach re i waral. 36'O juban chic xqui ch'ijo xe yo'yaxic, xak xqui ch'ij qui lo'xic; y n-xui ta la ile, xak xqui ch'ijo chi xe xim che carena, xak xe tz'apix pa cárcel. 37'O juban chic xe camsax ru' abaj, xak je 'o jujun xe pir pa nic'aj ru' siérra. Xqui tij i c'ax man n-xqui mayij tu cojic u 'ij i Dios; xak je 'o jujun xe camsax ru' ch'ich'. 'O jujun xe 'e jela, xe 'e jewa, n-ta qui 'u', to' u tz'umlil chij, u tz'umlil chabat xqui cojo; lic je niba', xak xe ocsax 'il, y xak manal xa 'an chique. 38Ique-le to' que bin pa tak jyub tz'inilic, xak pa tak c'achelaj; que war pa tak jul, pa tak pec. Ique-le lic je 'utz; n-ca majaw ta chique que q'uiji cu' i juban winak chuwach i jyub ta'aj. 39I Dios lic ca quicot cu' ique man xrilo chi cul qui c'ux che ire. U bim chi cu ya ni utzil chomal piquiwi; xui-ri, c'a maja ca ya' na chique. 40U ch'obom i Dios chi cu ya ni utzil chomal-le chique, xui-ri junam ku' yoj. N-craj ta ire we xui ique quiqui rik i 'utz-le. Craj ire xak yoj junam cu' ique cakil ni 'utz-le.\nHEBREOS 11","id":"","dump":"CC-MAIN-2013-48","url":"http:\/\/www.bible.is\/ACCIBS\/Heb\/11","date":"2013-12-09T21:04:03Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163998145\/warc\/CC-MAIN-20131204133318-00049-ip-10-33-133-15.ec2.internal.warc.gz","language":"acr","language_score":1.0000094175,"language_script":"Latn","minhash_cluster_size":21,"top_langs":"{\"acr_Latn_score\": 1.0000094175338745}","num_words":2169,"character_repetition_ratio":0.094,"word_repetition_ratio":0.006,"special_characters_ratio":0.293,"stopwords_ratio":0.292,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"SAN JUAN 1:2525Te'uri xqui tz'onoj chic che: —We n-yet ti at Crísto, mi mam Elías, mi i nim laj ajbil u tzij i Dios chi koy'em, ¿wuchac 'ut ca kajsaj ya piquiwi i winak? —xe cha. Last Verse Next Verse Bible Society brought to you by Wycliffe Bible Translators, Inc..","id":"","dump":"CC-MAIN-2013-48","url":"http:\/\/www.bible.is\/ACCIBS\/John\/1\/25","date":"2013-12-09T09:45:29Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163954634\/warc\/CC-MAIN-20131204133234-00054-ip-10-33-133-15.ec2.internal.warc.gz","language":"acr","language_score":0.9635640383,"language_script":"Latn","minhash_cluster_size":8,"top_langs":"{\"acr_Latn_score\": 0.9635640382766724, \"mam_Latn_score\": 0.010823781602084637}","num_words":50,"character_repetition_ratio":0.0,"word_repetition_ratio":0.0,"special_characters_ratio":0.271,"stopwords_ratio":0.14,"flagged_words_ratio":0.0,"lang_id_score":0.916,"perplexity_score":500.0,"cluster_detection":-1} +{"text":"LOS HECHOS WACH I XQUI 'AN I APOSTELAB 11:2929Entónces i creyent pa Antioquía xqui ch'obo chi que qui to pan i creyent aj Judéa. Chi qui jujunal xqui ya qui mer, ni'pa i que tiqui chu ya'ic. Last Verse Next Verse Bible Society brought to you by Wycliffe Bible Translators, Inc..","id":"","dump":"CC-MAIN-2013-48","url":"http:\/\/www.bible.is\/ACCIBS\/Acts\/11\/29","date":"2013-12-07T03:15:06Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163053174\/warc\/CC-MAIN-20131204131733-00011-ip-10-33-133-15.ec2.internal.warc.gz","language":"acr","language_score":0.8567983508,"language_script":"Latn","minhash_cluster_size":10,"top_langs":"{\"acr_Latn_score\": 0.8567983508110046, \"ctu_Latn_score\": 0.035650428384542465, \"hus_Latn_score\": 0.014873853884637356, \"poh_Latn_score\": 0.013904374092817307}","num_words":51,"character_repetition_ratio":0.015,"word_repetition_ratio":0.0,"special_characters_ratio":0.241,"stopwords_ratio":0.157,"flagged_words_ratio":0.0,"lang_id_score":0.968,"perplexity_score":500.0,"cluster_detection":-1} +{"text":"1Xo'on panok, chupam jun uxlambal 'ij, i Jesus ca bin cu' u tijoxelab chupam juban ticon. I u tijoxelab xe oc chu ch'upic u wach i trígo, y xqui bar piqui 'ab ca quesbej re u solot; te'uri xqui tijo. 2Are 'uri 'o jujun chique aj Fariséo xqui bij che i Jesus: —¿Wuchac qui 'an yix i chac-le? N-'us taj quix chacun pa uxlambal 'ij, cu bij i 'atbal tzij tz'ibtal can rumal i mam Moises —xe cha. 3I Jesus xu la' u wach chique: —¿Xataba n-iweta'am ti yix wach xu 'an i mam David ujer are xqui tij numic cu' i rachi'il? 4Xoc ire pa rachoch i Dios, y xu chap i caxlanwa chi sujtal can chuwach i Dios. Te'uri, xu tijo, xak xu ya chique i rachi'il. Queje xu 'an ire ile, tupu n-ta re che. Man cu bij i ujer 'atbal tzij chi xui i sacerdóte que tijaw i caxlanwa-le. (Queje ile xu bij i Jesus chique). 5Xak xu bij: —Yin chi in Achi aj Chicaj xak quin rajawij puwi i uxlambal 'ij —xu bij chique. 6Xu rik chic jun uxlambal 'ij, i Jesus xoc pa molbal'ib y xoc chic chu c'utic chique i winak. Chila 'o wi jun achi siquirnak u 'ab wikabim, chakijnak chic. 7Xak chila je 'o wi jujun tijonel re i 'atbal tzij, xak jujun aj Fariséo winak. Ique que tijin chu takexic i Jesus, we crutzirsaj i achi-le pa uxlambal 'ij. Cacaj ique quiqui tzucuj u mac. 8Ire reta'am wach quiqui ch'ob piqui c'ux; xu bij che i achi chi chakijnak u 'ab: —Chat walijok, y chat tac'al chakawach —xu bij che. Are 'uri i achi xwalijic y xtaq'ui'ic. 9Te'uri i Jesus xu bij chic chique i que tzucuw u mac: —'O jun tzij cwaj quin tz'onoj chiwe. I ujer 'atbal tzij, ¿wach cu bij chake, qui bij yix? Chupam i uxlambal 'ij, ¿'utz nawi we caka 'an jun utzil chomal, o xa caka 'an i n-'us taj? ¿'Utz caka to jun chi ya ca camic? ¿O xa caka ya che chi ca camic? (Queje ile xu bij i Jesus chique.) 10C'ula xe u takej, te'uri xu bij che i achi: —Cha suc'ba i a 'ab —co'ono. I achi xu suc'ba u 'ab, y xutziric. 11Xui-ri, i juban lic xpe coywal; xe oc chu ch'obic chiquiwach, \"¿Wach caka 'an che i achi-le?\" xe cha. 12Che tak i 'ij-le, i Jesus xel bi che jun jyub chu tz'onoxic che i Dios. Xu ch'ij jun a'ab ca tijin chu tz'onoxic che. 13Are xpe u sakiric, xe u siq'uij u tijoxelab ru'. Te'uri xe u cha cablajuj chiquixol, chi xu ya can piqui bi, je apostelab. (Que'el pa ka ch'awbal, je u takon.) 14Are i qui bi i cablajuj-le are iri: jun, ma Simon, chi xak ma Pédro ca bix che rumal i Jesus. Xak 'o i ma Andres, chi ratz u cha' i ma Pédro. Xak je 'o i ma Jacóbo, i ma Wan, i ma Felípe, i ma Bartolome. 15Xak je 'o i ma Matéo, i ma Tomas; xak i ma Jacóbo chi u c'ojol i ma Alféo; xak 'o chic jun ma Simon, chi re i partído cananísta. 16Xak 'o i ma Júdas chi catz qui cha' quib ru' i ma Jacóbo. Xak 'o i ma Júdas Iscarióte chi xo'on panok xu c'ayij i Jesus. (Ile je are i cablajuj apostelab je chatal rumal i Jesus.) 17Te'uri i Jesus xe kaj li tzam jyub cu' u tijoxelab, y xe q'uiji che jun uwata'aj. Je q'ui chic i u tijoxelab xe moltaj cu', xak je q'ui i winak xe c'un cu', chi je aj ronojel i jyub Judéa, xak xe c'un i je aj pa tinimit Jerusalen, xak xe c'un i je aj pa queb tinimit, Tíro y Sidon chi 'o pa cósta. Naj je petnak wi. Ique je upon-nak chu tayic u tzij i Jesus, xak chu cunaxic i c'ax 'o chique. 18Xak ni'pa i 'o itzel tew chique, xak xe utzirsax na. 19Conojel i winak cacaj quiqui yin pan i Jesus, man i cho'ab 'o ru' ire que u cunaj iwabib. 20Are 'uri i Jesus xe u takej i u tijoxelab. Xu bij chique: —'Utz iwe yix, ix niba', man ix 'o chic pu'ab i Dios; ire cu 'at tzij piwi. 21'Utz iwe yix, chi wo'or quix numic, man quix nojsax na. 'Utz iwe yix chi wo'or quix o'ic, man quix tzen na. 22'Utz iwe yix we i winak tzel quix quilo xa wumal yin chi in Achi aj Chicaj, xak we quix quesaj chiquixol, xak we quix qui yo'ya, xak we tzel quiqui ta i bi yix, xa wumal yin. 23Chix quicot 'uri, ¡chix sac'lin chicaj! man yix qui ch'ac ni nim laj i sipon chila chicaj. Mi bisoj we queje quiqui 'an ique ile chiwe, man xak queje xqui 'an i catit qui mam chique i je ajbil u tzij i Dios ujer. 24Xui-ri, ¡to' i wach yix ix beyomab! quix tijin ru' i 'utz chuwach i jyub ta'aj, xui-ri, ya ca q'uisic. 25To' i wach yix chi wo'or ix nojnak, man co'on panok qui tij numic. To' i wach yix chi quix tzen wo'or man co'on panok quix o' na rumal i bis. 26To' i wach yix we conojel i winak quiqui bij ix 'utz laj winak. Xak queje xqui bij i catit qui mam chique i je aj t'oronel ujer (ique chi to' xqui 'an che quib pacha je ajbil u tzij i Dios). (Queje ile xu bij i Jesus chique.) 27I Jesus xak xu bij chique: —Yix chi quix tijin chu tayic in tzij, cwaj quin bij iri chiwe: C'ax che i na i aj ch'o'oj chiwij; chi 'ana i 'utz chique i tzel quix quilo. 28Chi tz'onoj i 'utz re i Dios piquiwi i que tz'onow i c'ax piwi yix. Chi tz'onoj che i Dios piquiwi i quix qui yo'ya. 29We 'o jun cat u ch'ay che juperaj a palaj, cha sujuj i juperaj chic che. We 'o jun cu maj a chaquet, xak cha ya che we cresaj bi a camix. 30We 'o jun cu tz'onoj chawe wach i rajwaxic che, cha ya che; xak we 'o jun cu maj ubitak awe, ma tz'onoj chic che. 31Pacha i cawaj yet chi quiqui 'an i winak chawe, xak queje cha 'ana yet chique. 32Yix, we xui c'ax que i na ique chi xak c'ax quix qui na'o, mi ch'ob 'uri we ix 'utz chuwach i Dios rumal. Xak i ajmaquib queje quiqui 'an ile. 33Xak, we xui qui 'an i 'utz chique i que 'anaw i 'utz chiwe yix, mi ch'ob 'uri we ix 'utz chuwach i Dios rumal. Xak i ajmaquib queje quiqui 'an ile. 34Xak we 'o i qui ya pa cha'im xa rumal ca jach na chic chiwe, mi ch'ob yix 'uri quix 'el 'utz chuwach i Dios rumal. Xak queje i ajmaquib que chi'man chiquiwach je ajmaquib, man queta'am ca jach na chic chique. 35Xui-ri yix, c'ax che i na i je aj ch'o'oj chiwij; chi 'ana i 'utz chique; xak we 'o qui ya pa cha'im, miwoy'ej u q'uexel. We qui 'an ni'pa tak ile, nim i sipon qui rik na 'uri, xak quix 'elok ix rac'al i Dios chi 'Atz u 'Ij. Lic ix rac'al ni ire, man xak queje cu 'an ire, aj 'anol 'utz chique i je mal, xak chique i n-quiqui tioxij ta che. 36Chi 'ana che iwib 'o i c'axnabal i c'ux, xak jun ru' i Ta chicaj chi xak 'o i c'axnabal u c'ux. 37Mi 'at tzij piquiwi iwachi'il, wach qui 'anom, man xak n-cu 'at ti tzij i Dios piwi yix; xak mi coj qui mac iwachi'il, man n-cocsax ta i mac yix rumal i Dios. We 'o i qui 'anom qui mac chiwe, chi cuyu, man xak ca cuytaj na i mac yix. 38Che i to ni'pa i 'o rajwaxic chique, man i Dios xak cu ya na chiwe yix wach i rajwaxic chiwe. Ire q'ui cu ya na chiwe we q'ui i yom yix; lic cu nojsaj i coxtal yix, lic cu ch'aych'a, xak cu la'puj, y mas cu ya puwi, tzubub cu 'an che. (Queje ile xu bij i Jesus chique.) 39Te'uri xu bij chic jun tijojbal tzij chique. Xu bij: —¿'O tak wa jun mawach cu binsaj rach mawach? N-taj; we queje ile quiqui 'ano, che queb que tzak bi pa jul. 40Jun, we are u tijoxel jun chic, n-nim ti u 'ij ire chuwach u tijonel. Xui-ri, i tijoxel, we xutzin u nawsaxic rib che, que'el na 'uri pacha u tijonel. 41Ma takej jun ral tz'il 'o chupam u ba'wach awachi'il, y awe yet n-ca na taj 'o jun nim laj 'et chupam. 42Y yet, we n-ca coj ti retalil che i 'et 'o pa ba'wach, ¿wuchac 'uri ca bij che awachi'il: \"Cuyu in mac, wachalal, cha ya a ba'wach chwe, cwesaj i tz'il 'o chupam\" cat cha? Yet ¡n-katzij ti ca 'ano! Nabe chawesaj ni 'et 'o pa ba'wach yet, te'uri cat tzun na chi relsaxic i tz'il 'o chupam u ba'wach awachi'il. 43Jun 'utz laj che' n-tu wach cu ya'o chi n-'us taj; xak i n-'us ta laj che', n-tu wach 'utz cu ya'o. 44'Is ca 'alijin che u wach, we 'utz laj che' o we n-'us taj. Xak queje jun q'uix: are cu ya u wach, n-cu wachij ti inum; xak queje jun q'uix rixc'ak sac', n-cu wachij ti tapal. 45Jun achi we 'utz, 'utz i cu bij, man xui i 'utz 'o pu c'ux. Xak queje jun achi we n-'us taj, xui i n-'us taj cu bij, man n-'us ti 'o pu c'ux. Queje ile que'elok man ru' i ka chi' caka bij wach i 'o pa ka c'ux. 46Yix ¿wuchac qui bij chwe, \"Lic at Kajwal,\" quix cha, xui-ri n-qui coj taj wach quin bij chiwe? 47Jun, we ca c'un wu' y cu coj retalil che in tzij, xak cu 'an pacha i quin bij, yin quin bij na chiwe wach ca majaw ire. 48Ire queje pacha jun aj 'anol ja chi 'utz laj cubibal xu coj che i rachoch. Nabe, naj xu wor u pam ulew c'a xe u rika ni abaj; te'uri xu coj i cubibal ja puwi abaj. Xo'on panok, xnimar i ya, y xu ya li u cho'ab che i ja. Xui-ri, i ya n-xtiqui ta chu bokic i ja man cul puwi abaj. 49Xui-ri, jun, we u tom in tzij, péro n-xcojon ta che, ire pacha jun aj 'anol ja chi n-xu coj ti u cubibal i rachoch. Ire to' xu cuba i rachoch chuwach ulew, n-tu cubibal xu yijba. Xo'on panok, are xnimar i ya, xu ya li u cho'ab che i ja; are 'uri xtzak i ja pulew, y xsach u wach. (Queje i tijojbal tzij ile xu bij i Jesus chique.)\nSAN LUCAS 6","id":"","dump":"CC-MAIN-2013-48","url":"http:\/\/www.bible.is\/ACCIBS\/Luke\/6","date":"2013-12-11T11:48:06Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164035309\/warc\/CC-MAIN-20131204133355-00045-ip-10-33-133-15.ec2.internal.warc.gz","language":"acr","language_score":1.0000097752,"language_script":"Latn","minhash_cluster_size":26,"top_langs":"{\"acr_Latn_score\": 1.0000097751617432}","num_words":1798,"character_repetition_ratio":0.046,"word_repetition_ratio":0.011,"special_characters_ratio":0.296,"stopwords_ratio":0.229,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"SAN MATÉO 13:5555Ire xa are rac'al i mam chi aj 'anol mexa, xak i u chuch xa are ati Mariy. I je u cha' xa are i a-Jacóbo, i a-Jose, xak i a-Simon, i a-Júdas. Last Verse Next Verse Bible Society brought to you by Wycliffe Bible Translators, Inc..","id":"","dump":"CC-MAIN-2013-48","url":"http:\/\/www.bible.is\/ACCIBS\/Matt\/13\/55","date":"2013-12-06T13:18:33Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163051684\/warc\/CC-MAIN-20131204131731-00081-ip-10-33-133-15.ec2.internal.warc.gz","language":"acr","language_score":0.8492109179,"language_script":"Latn","minhash_cluster_size":11,"top_langs":"{\"acr_Latn_score\": 0.8492109179496765, \"poh_Latn_score\": 0.06733209639787674, \"sus_Latn_score\": 0.0371471606194973, \"tzo_Latn_score\": 0.010351583361625671}","num_words":49,"character_repetition_ratio":0.0,"word_repetition_ratio":0.0,"special_characters_ratio":0.289,"stopwords_ratio":0.204,"flagged_words_ratio":0.0,"lang_id_score":0.851,"perplexity_score":500.0,"cluster_detection":-1} +{"text":"1Xak xu bij chique: —Katzij quin bij chiwe, je 'o jujun waral chi n-que cam ta tan c'a quiquil ni u jekanic i 'atbal tzij re i Dios waral, chi nim u cho'ab. 2Wakib 'ij u 'onquil ile, i Jesus xe u c'am bi i ma Pédro, i ma Jacóbo, xak i ma Wan; y xe 'e quituquel che jun nim laj jyub naj u wi. Are je 'o chila, i u tzunbal i Jesus lic xyojtajic. 3I u 'u' lic ca walch'in rumal u sakil; lic sak 'oto'oj ca tzunic. N-ta jun c'ul, tupu lic ch'ajtalic, chi ca majaw u sakil ile. 4Xak xquilo chi xe winakir i mam Moises xak i mam Elías ru' i Jesus, que tijin chi lapanic. 5Are 'uri i ma Pédro xu bij che i Jesus: —Mayes, lic 'utz na oj 'o waral. 'Utz caka 'an oxib i mujbal: jun awe yet, jun re i mam Moises, xak jun re i mam Elías —xu bij che. 6I u tijoxelab, lic je ocnak 'il che wach xquilo, rumal-i n-xu na ti ma Pédro wach i xu bij. 7Te'uri xkaj jutzobaj sutz' piquiwi y xqui ta jun nim laj ch'awbal xch'aw chupam i sutz': —Iri, are in C'ojol, chi lic c'ax quin na'o; chi cojo retalil che, wach i cu bij. 8Are xqui ta ile, juntir c'ula xe tzunic, péro n-ta xquilo, xui chic i Jesus utuquel. 9Are xe kaj li che i jyub-le, i Jesus xu bij chique u tijoxelab: —Ni'pa i xiwil yix, mi lapo c'a cu rik ni 'ij chi yin, chi in i Achi aj Chicaj, in walijnak chic che i camic —xu bij chique. 10Rumal-i, n-xqui bij taj wach i xquilo; xui-ri, xqui tz'onoj chiquiwach wach usuc' i tzij-le xu bij, chi ca walij che i camic. 11Te'uri xqui tz'onoj che i Jesus: —I aj tijonel re i ujer 'atbal tzij, ¿wuchac quiqui bij ique chi nabe ca c'un i ujer mam Elías? —xqui bij che. 12I Jesus xu bij: —Katzij i xqui bij-le, nabe ca c'un i mam Elías, col u yijba ronojel; queje ile tz'ibtal canok. Xak tz'ibtal chic jun tzij chirij i Achi aj Chicaj: cu bij chi cu tij ni uyej xak ca xutux na. 13Xui-ri, yin quin bij chiwe chi mam Elías ya c'un-nak chic; i winak xqui 'an che pacha cacaj ique; xe'elok pacha i tz'ibtal can chupam u wuj i Dios —xu bij i Jesus chique. 14Te'uri xe tzalij chic chila pa je 'o wi i juban u tijoxelab, y xquilo je q'ui i winak je 'o chic chiquij chiquiwach. Xak je 'o jujun tijonel chila re i 'atbal tzij re i mam Moises; ique qui chapom quib chi tzij cu' u tijoxelab. 15I winak, are xquil i Jesus, xqui bisoj, are 'uri, xe 'e pa'anem chu ya'ic rutzil u wach. 16Are 'uri, ire xu tz'onoj chique: —¿Wach quix tijin chu lapic cu' ique? 17'O jun achi chiquixól xu bij: —Mayes, yin xin c'am li jun wac'al awu', 'o itzel tew che chi u 'anom mem che. 18Xa ipa 'o wi, ca chaptaj rumal itzel tew, y ca tzaksax pulew. Are 'uri xa ca wokow u c'axaj pu chi', xak cu kach'ach'ej uware rumal. Rumal-i, lic n-ta chic u cho'ab. Xin tz'onoj chique a tijoxelab chi caquesaj i mal laj tew che. Xui-ri, n-xe tiqui ta che —xu bij i achi che. 19Are 'uri i Jesus xu bij: —¡Ay, yix chi n-tu cubibal i c'ux che i Dios! ¡'O tan chi 'ij in 'o iwu', y yix n-ta i nawic! ¿Ni'pa nawi chic 'ij c'a craj? —xu bij—. Chi c'ama li ac'al waral —co'ono. 20Xqui c'amlok. I itzel tew, are xril i Jesus, xu ya chic atac che i ala. Ire-le xtzak pulew, lic cu bal'atij chic rib chuwach ulew, xak ca wokow u c'axaj. 21Are 'uri i Jesus xu tz'onoj che i achi: —¿Ni'pa junab u jekanic i c'ax che? —xu bij. I u kajaw xu bij: —Ire c'a ch'utin are xu jeko. 22I itzel tew-le, q'uialmul u c'akom pa 'a', xak pa ya; craj cu camsaj. ¡Chawila to'bal ka wach! ¡Choj a to na, we cat tiqui che! —xu bij i achi. 23—Yin quin tiqui che —xu bij i Jesus—, xui-ri we yet cat tiqui chu cubaxic a c'ux chwe. Ronojel 'is coj tiqui che we 'o u cubibal ka c'ux —xu bij. 24Juntir i u kajaw i ala xsiq'uin chu bixquil: —Cul in c'ux chawe —xu bij—. ¡Chin a to na che, chi quin cuba na mas in c'ux chawe! —xu bij. 25I Jesus, are xrilo chi que tijin qui moltajic i winak ru', xu yaj i itzel tew y xu bij che: —Yet, at tac y at mem laj itzel tew, quin bij chawe, chat el che i ala-le. Chawo'taj, y mat oc chic ru' —xu bij che. 26I itzel tew siq'uinic xo'on chic jun atac che i ala, te'uri xelic. Xcanaj can i ala lic pacha xcamic; rumal-i, conojel xqui bij chi lic xcamic. 27Xui-ri, i Jesus xu chap che u 'ab y xu yaco; i ala xtaq'ui'ic. 28Te'uri i Jesus xoc pa ja. Are 'uri i u tojoxelab xqui tz'onoj che: —¿Wuchac n-xoj tiqui ti yoj chi relsaxic i itzel tew-le? —que cha. 29Ire xu bij chique: —I mal laj itzel tew pacha i jun-le n-quel taj, xui-ri we lic qui tz'onoj che i Dios, xak we qui mayij ni wa'im rumal —xu bij. 30Are xe 'el chila, xe 'ax pa Galiléa. I Jesus n-xraj taj we caquetamaj i winak pa 'o wi ire. 31N-xraj taj, man ire ca tijin chu c'utic chique u tijoxelab; ca tijin chu bixquil chique chi i Achi aj Chicaj ca jachtaj na piqui'ab i winak, y ca camsax na cumal, xui-ri che oxib 'ij panok ca walij na. 32Tupu xu bij ire ile chique, n-xqui ta tu be, xak xqui xij quib chu tz'onoxic che wach usuc'. 33Xo'on chupanok, xe upon pa Capernaum. Are xe oc pa ja chila, i Jesus xu tz'onoj chique utijoxelab: —Are coj tijin te chi be, ¿wach i tzij i chapom wi iwib yix puwi? —xu bij chique. 34Ique lic n-xe ch'aw ta chic. Are i tzij chi qui chapom wi quib ique puwi pa be, are i pachin mas nim u 'ij chique ique. 35I Jesus xcubi'ic, y xe u siq'uij i cablajuj u tijoxelab ru'. Are 'uri xu bij chique: —Pachin jun craj cu ya rib chu nabeal, chu ya na rib 'uri pa q'uisbal-re chique i conojel, xak chu 'ana che rib pacha mocom chiquij —xu bij. 36Are 'uri xu c'am jun ac'al ru' y xu ya chiquiwach. Xu 'aluj 'anok y xu bij chique: 37—Pachin jun cu c'ulaj jun ac'al ru' pacha iri rumal i c'axnabal u c'ux chwe yin, are yin 'uri quin u c'ulaj ru'. Pachin jun quin u c'ulaj yin ru', n-xui ti yin quin u c'ulaj ru', xak xu c'ulaj 'uri i Jun chi in takawnak lok —xu bij chique. 38Te'uri i ma Wan xu bij che: —Mayes, xkil jun achi chi ca tijin chi relsaxic itzel tew ru' u cuxtaxic a bi yet. Yoj 'ut xka bij che chu mayij, man n-kachi'il taj —xu bij che i Jesus. 39—Ile mi 'atij —xu bij i Jesus che—, man we 'o jun co'on milágro rumal u cuxtaxic in bi yin, n-cu bij ta 'uri mal laj tak tzij chwij. 40Pachin jun n-co'on ta ch'o'oj chikij, ire-le ka cwenta yoj. 41Pachin jun co'on jun utzil chomal chiwe xa rumal ix terejnak chwij, 'o ni sipon 'uri cu ch'aco. Queje ile que'el che, tupu xa jun bas i ya' cu ya chiwe wumal yin —xu abij i Jesus chique. 42Xak xu bij chique: —Jun ch'utin chi u cubam u c'ux chwe, we 'o jun cu 'an che chi ca tzak chupam u mac, mas 'utz que'el che i jun-le we tene ca xim jun ca' rij u kul y ca c'ak bi pa ya, ji'balre. I camic-le mas 'utz chuwach i camic chi ca pe puwi we cu tzaksaj jun ch'utin chupam u mac. 43We are a 'ab ca 'anaw chawe chi cat tzak chupam a mac, su' cha c'upij. Mas 'utz ca sach a 'ab, tobal re a c'aslemal, chuwach xa cat 'e pa 'a' chi n-ca chup taj, ru' i queb a 'ab tz'akat. 44I amol chi cat qui tij chila lic n-que cam taj, xak i 'a' mi jun ca chupuwic. 45We are awakan ca 'anaw chawe cat tzak chupam a mac, su' cha c'upij bic. Mas 'utz ca sach awakan, tobal re a c'aslemal, chuwach i xa cat 'e pa 'a' chi n-ca chup taj, ru' i queb awakan tz'akat. 46I amol chi cat qui tij chila n-que cam taj, xak i 'a' mi jun ca chupuwic. 47Xak i a ba'wach, we are ca 'anaw chawe cat tzak chupam a mac, su' chawesaj. Mas 'utz cat oc pa cu 'at wi tzij i Dios, tupu xa jun a ba'wach, chuwach i xa cat 'e pa 'a' ru' i queb a ba'wach tz'akat. 48I amol chi cat qui tij chila n-que cam taj, xak i 'a' chila mi jun ca chupuwic. 49Ronojel ni'pa i ca sujux chuwach i Dios, cocsax 'a' che, xak cocsax atz'am che; xak yix, 'o u chac pacha cocsax 'a', pacha cocsax atz'am chiwe, we 'utz i yijbaxic chuwach i Dios. 50I atz'am, lic cu rik u chac chake. Xui-ri, we xsach i u tzayil, ¿wach u 'onquil 'uri caka 'an tan chic tza che? N-taj. Xak 'o u chac chi yix 'o i tzayil (pacha jun sipon sujtal chuwach i Dios; queje ile, ix chom na chiwach); chom chix 'ol chiwach.\nSAN MARCOS 9","id":"","dump":"CC-MAIN-2013-48","url":"http:\/\/www.bible.is\/ACCIBS\/Mark\/9","date":"2013-12-13T13:24:20Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164943590\/warc\/CC-MAIN-20131204134903-00082-ip-10-33-133-15.ec2.internal.warc.gz","language":"acr","language_score":1.0000098944,"language_script":"Latn","minhash_cluster_size":24,"top_langs":"{\"acr_Latn_score\": 1.0000098943710327}","num_words":1599,"character_repetition_ratio":0.048,"word_repetition_ratio":0.011,"special_characters_ratio":0.297,"stopwords_ratio":0.226,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1Ix wachalal, ni'pa tak i u yom u Tewal i Dios chake, 'anbal re u chac, cwaj yin lic qui ta usuc', 2Lic iweta'am, yix ujer are c'a maja qui cuba i c'ux che i Crísto, xi ya iwib chi terejic chiquij tak i tiox chi xa je mem. 3Wo'or ix re chic i Dios, rumal-i cwaj quiwetamaj iri: we 'o jun cu bij, \"¡Cha c'okox i Jesus-le!\" cu bij, ire-le n-uc'am ta 'uri rumal u Tewal i Dios. Xak we 'o jun cu bij, \"Are i Jesus are i Kajwal,\" ire-le uc'am 'uri rumal u Tewal i Dios. 4I tak i patan chi cu ya i Dios chake, lic n-xak ta jun u wach, xui-ri, i u Tewal i Dios chi ca jachaw chake, xa jun. 5'Is jalajuj u wach i ka patan che i Kajwal, xui-ri, xa jun i Kajwal chi coj tijin chu 'anic u chac. 6I u chac, 'is jalajuj u 'onquil caka 'an che; xui-ri are i Dios ca 'anaw i chac-le. 7I Dios cu ya jun ka patan chaka jujunal, chi are u sipon chake, 'alijinsabal-re chi 'o u Tewal ku', xui-ri, craj ire chi 'utz que'el chique conojel ru' i sipon-le. 8Are i u Tewal i Dios cu ya chique jujun, chi wach i quiqui bij, lic 'o u nojbal che i qui tzij; xak queje juban chic, wach i quiqui bij, are 'alijinsabal-re chique i winak wach i sak laj tzij re i Dios; xak ique, xa rumal u Tewal i Dios que tiqui che i chac-le. 9Xak 'o juban chic, chi rumal u Tewal i Dios, lic nim i u cubibal qui c'ux che i Dios. Xak are i mísmo u Tewal i Dios chi cu ya chique i juban chic chi que cutzirsaj iwabib. 10Xak rumal ire 'o jujun 'o piqui'ab quiqui 'an tak i milágro; xak 'o jujun je ajbil re chique i winak wach u 'alijinsam i Dios chique. Xak 'o juban chic chi que tiqui chi retamaxic wach 'o ru' jun winak, we are u Tewal i Dios, o we xa are itzel tew 'o ru'. Xak 'o juban chic, chi rumal u Tewal i Dios, quiqui rik jun ch'awbal chi n-quiqui ta tu be. Xak 'o juban chic, chi rumal u Tewal i Dios, que tiqui chu 'alijinsaxic wach usuc' i tzij-le. 11Xui-ri, ni'pa i ca 'anic-i, xa are u Tewal i Dios ca 'anaw ronojel. Ire, xa jun; are ire ca jachaw chake chaka jujunal wach caka 'ano, pacha craj ire cu ya chake. 12Are o'onom i Crísto, queje pacha jun ch'aculaj. Jun ch'aculaj, q'ui u wach; 'o u 'ab, 'o rakan, 'o u jolom, n-xak ta jun u wach; xui-ri, xa jun chi ch'aculaj o'onom. 13Konojel yoj, xoj e'elok oj u ch'acul i Crísto, xa jun xe'elok. N-ta co'ono we oj aj Israel winak, xak we oj aj Griégo winak; n-ta co'ono we xa oj u mocom jun chic, 'o we n-ta kajaw. Are xkajsax ya pakawi, xa oj jun ch'aculaj xoj e'elok rumal u Tewal i Dios; xak xa jun u Tewal yatal chake chaka jujunal. 14Yoj chi oj re i Crísto oj pacha jun ch'aculaj. Jun ch'aculaj, q'ui u wach, n-xak ta jun. 15I rakan i ch'aculaj, we cu bij: \"Yin n-in ta 'abaj, rumal-i n-in ta re i ch'aculaj,\" mok cu bij, ¿xataba n-re ta 'uri i ch'aculaj? Re pues. 16Xak i u xiquin i ch'aculaj, we cu bij: \"Yin n-in ta u ba'wach, rumal-i n-in ta re i ch'aculaj,\" mok cu bij, ¿xataba n-re ta 'uri i ch'aculaj? Re pues. 17We tene ronojel i ka ch'acul 'is ka ba'wach, ¿wach i tanic 'uri caka 'ano? We tene ronojel i ka ch'acul 'is ka xiquin, ¿wach i sikanic 'uri caka 'ano? 18Xui-ri, i Dios 'is u yijbam pacha craj ire; 'is pa ropis-wi, pa xe u coj wi che i ka ch'acul. 19We tene ronojel xa jun u wach, n-ta ne ka ch'acul-i. 20Xui-ri, n-queje ti ile xelic; tupu q'uial u wach 'o che, xa jun ch'aculaj 'elnak ronojel. 21Rumal-i, i ka ba'wach n-cu bij ta che i ka 'ab: \"Yet, n-ta a chac chwe.\" Xak queje i ka jolom, n-cu bij ta che i kakan: \"Yix, n-ti i chac chwe.\" N-cu bij ta ile. 22Ni'pa i 'o che i ka ch'acul, 'o jujun chique chi n-ta kas qui cho'ab, caka bij yoj; xui-ri, ile mas quiqui rik u chac chake. 23Xak ni'pa i 'o che i ka ch'acul chi coj q'uix che, mas caka chajij; xak ni'pa ile chi n-ca majaw taj ca 'iltajic, pues caka ch'uku. 24Xak ile chi 'utz we ca 'iltajic, n-tu chac caka ch'uku. Queje ile xu yijba i Dios i ka ch'acul; ni'pa i 'o che chi n-ta kas u 'ij, u yom 'uri mas u 'ij. 25Queje xo'on i Dios ile che i ka ch'acul; craj ire ni'pa tak i 'o che n-quiqui 'an ta ch'o'oj chiquiwach, xa quiqui to quib chiquiwach. 26We 'o c'ax che jun kakan jun ka 'ab, xak ronojel i ka ch'acul cu na u c'axc'ol. Xak queje ile, we xya' u 'ij i kakan, we xi ka 'ab, xak ca quicot ronojel i ka ch'acul. 27Yix junam 'uri ix u ch'acul i Crísto, y ni'pa i 'o che, 'is 'o ropis. 28Rumal 'uri i Dios u yom i chac chi jujunal chi ix jutzobaj re ire: nabe, je 'o i apostelab; ucab, 'o jujun je ajbil re chique i winak wach u 'alijinsam i Dios chique; urox, je 'o i tijonel que i kachalal; te'uri 'o jujun quiqui 'an i milágro; te'uri 'o jujun que cutzirsaj iwabib; te'uri je 'o jujun lic que tonic; te'uri 'o i que uc'aw u tzam chique i je re i Dios, te'uri 'o i quiqui rik jun ch'awbal chi n-quiqui ta tu be. 29¿Je conojel tak wa, je apostelab? ¿Xataba conojel je ajbil u tzij i Dios? ¿Xataba xak conojel 'is je tijonel que i kachalal? ¿Xataba conojel quiqui 'an i milágro? 30¿Je conojel tak wa quiqui rik utzirsaxic iwabib? ¿Je conojel tak wa quiqui rik jun ch'awbal chi n-quiqui ta tu be? ¿Xataba conojel 'is quiqui rik u 'alijinsaxic i tzij-le chi junwi? N-conojel taj. 31Ix wachalal, chi ya i c'ux chu rikic tak i sipon-le chi mas 'utz; xui-ri, 'o jun chic mas nim u chac chuwach ni'pa tak ile, chi 'o u chac chi ya i c'ux che; ile are i c'axnabal c'uxij.\n1 CORINTIOS 12","id":"","dump":"CC-MAIN-2013-48","url":"http:\/\/www.bible.is\/ACCIBS\/1Cor\/12","date":"2013-12-08T21:03:30Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163811461\/warc\/CC-MAIN-20131204133011-00004-ip-10-33-133-15.ec2.internal.warc.gz","language":"acr","language_score":1.0000095367,"language_script":"Latn","minhash_cluster_size":17,"top_langs":"{\"acr_Latn_score\": 1.000009536743164}","num_words":1064,"character_repetition_ratio":0.075,"word_repetition_ratio":0.027,"special_characters_ratio":0.299,"stopwords_ratio":0.285,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1Che i 'ij-le, i Jesus xel ru' ja, xa 'e chu chi' i alagun, y xcubi chila. 2Are 'uri xe moltaj tan chic uq'uial winak ru'. Rumal-i, i Jesus xa 'an chupam jun bárco, y xcubi chupam. Je ni'pa i winak 'is xe canaj chi tak seneb. 3Te'uri xu jek u c'utic juban tak tijojbal tzij chique. Xu bij: —'O jun achi ca 'e chu tiquic u ticon. 4Are xe u quirij i rija', 'o jubi' xa 'e tzak pa be. Te'uri xe c'un i tz'iquin y xqui tij bic. 5Xak 'o jubi' chic xa 'e tzak pa tak abaj, chi n-ta kas ulew che. I ija-le, juntir xalax lok, man n-muktajnak ta mas. 6Xui-ri, are xel li 'ij, xchakij na, man n-ta ra' 'enak pulew. 7Xak juban chic xa 'e tzak pa q'uix; i q'uix xq'uiyic, y xu camsaj i ticon. 8Xak 'o ni ija xa 'e tzak pa 'utz laj ulew; lic q'ui ni u wach xu ya'o. 'O ni rakan xu ya jun ciénto u wach; xak 'o i xu ya sesénta; xak 'o i xu ya tréinta —xu bij. Te'uri xu bij chic: 9—We yix 'o i xiquin chu tayic, chi ta u be 'uri —xcha. 10I u tijoxelab i Jesus, are xu bij ire ile, xe tejeb ru'. Xqui tz'onoj che: —¿Wuchac xa tijojbal tzij ca bij are cat tijin chu c'utic chique i winak? —xqui bij che. 11I Jesus xu bij 'uri chique: —Yix 'ut, i Dios u yom chiwe qui ta u be wach usuc' i 'atbal tzij aj chicaj. I juban winak (chi n-que terej ta chwij) n-quiqui ta tu be. 12Queje o'onom i Dios ile, man ni'pa i quiqui c'am na wach cu sujuj ire chique, mas cu ya 'uri chique; queje ile nim ni 'o cu'. Ni'pa i n-cacaj ti u c'amic wach cu sujuj i Dios chique, quelsax na 'uri i jubi' chi 'o cu'. 13Rumal 'uri, xa ru' tijojbal tzij quin c'ut chique i winak, man ique, tupu que tzunic, n-ta quiquilo; tupu que tanic, n-quiqui ta taj, xak n-quiqui ta tu be. 14Que'el chique pacha u bim i Dios chupam u wuj u tz'ibam can i mam Isaías chi ajbil u tzij i Dios ujer; ire xu bij: Yix, katzij neri, qui ta na, péro n-qui ta tu be; katzij neri, quix taken na, péro n-ta quiwil na. 15Man i winak-i, n-cacaj ta quiqui ta u be, xa qui tz'apim i qui xiquin, xak qui mutz'um i qui ba'wach, man n-que tzun ta ru' qui ba'wach, xak n-que tan ta ru' qui xiquin. N-ta quiqui ta u be piqui c'ux, xak n-que c'un ta wu', col qui cunbej quib. (Queje ile u bim i Dios.) 16Xui-ri yix, n-ix ta queje ile. Lic 'utz iwe, man i ba'wach yix que tzunic, xak i xiquin que tanic. 17Katzij i quin bij chiwe, je q'ui i ajbil u tzij i Dios ujer, xak je q'ui i je terejnak chirij, xcaj te rilic wach quix tijin yix chi rilic wo'or, péro n-xquil taj; xak xcaj u tayic te'ek pacha i quix tijin yix chu tayic wo'or, péro n-xqui ta taj. 18Te'uri Jesus xu bij chique: —Chi ta 'uri u be wach usuc' i tijojbal tzij chi xin bij mier re i aj ticol ticon. 19Ni'pa i winak chi quiqui ta i tzij re i 'atbal tzij aj chicaj, we n-quiqui ta tu be, que'elok pacha xo'on ija chi xtzak pa be. Queje i winak-le, man ca c'un itzel, y cresaj i 'utz laj tzij chi tictal piqui c'ux. 20Xak i ija chi xtzak pa abaj, ile pacha i winak chi quiqui ta i 'utz laj tzij, y que quicotic xqui cojo. 21Xui-ri, je pacha jun ticon chi n-naj taj 'enak i ra'; n-que najtin taj. Are ca pe i c'ax piquiwi rumal i 'utz laj tzij qui cojom, xak ca pe i qui yo'yaxic cumal i winak, xa caco'taj canok. 22Xak i ija chi xtzak pa q'uix, ile pacha i winak chi quiqui ta i 'utz laj tzij, xui-ri, xa que c'achir rumal i qui c'aslemal waral chuwach i jyub ta'aj, xak i qui rayijbal re mas ubitak que; ile xa cu chup i 'utz laj tzij. Rumal-i n-ta ca wachin chique. 23Are ija chi xe 'e tzak pa 'utz laj ulew, ile pacha i winak chi quiqui ta i 'utz laj tzij, xak quiqui ta u be. Ique lic que wachinic; 'o jujun chique je pacha i rakan chi xu ya cien u wach; xak 'o jujun quiqui ya sesénta u wach; xak 'o jujun quiqui ya tréinta. (Queje ile xu bij i Jesus chique.) 24I Jesus xu bij chic jun tijojbal tzij chique, are iri: —I 'atbal tzij re aj chicaj, que'elok pacha i tzij-i: 'O jun achi xu tic i trígo pa rulew; chom laj ija xu tico. 25Xui-ri, are 'is que war conojel, xc'un jun aj ch'o'oj chirij i rajaw, y xu tic can mal laj ticon ru' i trígo (pacha trígo ca tzunic, péro n-are taj). 26Are xe po'ic, junam xe q'uiyic; xui-ri, are xpe u wach i trígo, are 'uri xa'alijin i juban chi n-trígo taj. 27Te'uri i ajchaquib xe 'e chu bixquil ru' i rajaw: \"Nim laj winak, i ija chi a ticom na, lic chom, ¿pa xpe wi i mal laj 'es chi 'o ru'?\" xe cha. 28I rajaw xu bij chique: \"Xa are jun aj ch'o'oj chwij xa 'anaw ile.\" Te'uri i ajchaquib xqui bij che: \"¿Cawaj ca 'e ka mich'a i mal laj 'es?\" xe cha. 29\"Mi mich'o,\" xu bij i rajaw, \"man we qui mich' i mal laj 'es, mokxa ca mich'taj i trígo ru',\" xu bij. 30\"'Utz chi ya che ca q'uiy na, junam ru' i trígo. Are cakaj caka jek nu ch'upic u wach i trígo, are 'uri que in tak bi i aj molonel chi relsaxic i mal laj 'es. Te'uri ique quiqui 'an manoj che, man ca porox na. We xutzin ile, caka mol i trígo y caka ya pu c'olbal,\" xu bij i rajaw. (Are ile are i tijojbal tzij xu bij i Jesus chique.) 31I Jesus xak xu bij jun chic tijojbal tzij chique. Xu bij: —I 'atbal tzij re aj chicaj que'elok pacha co'on jun ija re i mostas, are jun achi cu tic pa rulew. 32I ija-le, lic ch'utin na chiquiwach i ronojel ija. Xui-ri, we xpo'ic, mas nim na que'el chiquiwach i ronojel i ticon. Lic nim que'elok, pacha jun che'; te'uri i tz'iquin que c'unic y quiqui 'an qui soc che tak u 'ab. 33I Jesus xak xu bij jun chic tijojbal tzij chique. Xu bij: —I 'atbal tzij re aj chicaj co'on pacha co'on i cunbal re i caxlanwa. Ile, we jun ixok cu chapo, y cu coj oxib almul arin ru', tupu xa jubi' i cunbal 'o ru', cwalij u wach i 'or ronojel. (Xak queje ile co'on i 'atbal tzij re aj chicaj.) 34I Jesus, ronojel i c'utunic-le, xu bij chique i winak ru' tijojbal tzij; n-ta tzij xu bij chique, we n-are ti tijojbal tzij. 35Xe'elok pacha u bim can jun ajbil u tzij i Dios ujer. Xu bij: Ru' i tijojbal tzij quin 'an wi i c'utunic chique; quin sakirsaj ni'pa tak i uwam u wach, c'a chu xebal 'ij sak. (Queje ile tz'ibtal canok.) 36Te'uri i Jesus xe u 'ijla bi i winak y xoc pa ja. Are 'uri i u tijoxelab xe tejeb pan ru' y xqui tz'onoj che: —Cha sakij chake wach usuc' i tijojbal tzij xa bij, che i mal laj 'es tictal can pa ticon. 37Te'uri i Jesus xu bij: —Are i ca ticaw i 'utz laj ija, are yin chi in Achi aj Chicaj. 38Are i pa quin tic wi, are i jyub ta'aj. Are i 'utz laj ija, are i winak chi qui jachom quib pa 'atbal tzij re i Dios; are i mal laj tak 'es, are i winak 'uri chi je re itzel. 39Are i aj ch'o'oj chirij i rajaw i ticon, are itzel chi ca ticaw i mal laj ija. Are i molonic re i ticon, are i qui molic i winak pa q'uisbal 'ij. I ajchaquib chi quiqui mol i ticon, je are i ángel. 40I mal laj tak 'es, ca mol u chi', y ca c'ak pa 'a' porobal-re. Xak queje ca 'an ni ile pa q'uisbal re u wach i jyub ta'aj. 41Yin, chi in Achi aj Chicaj, que in tak li in ángel ru' in ticon, col qui molbej-que ni'pa i je qui tacpum i cachi'il pa mal, xak conojel ni'pa i que 'anaw i mal. 42Te'uri que c'ak na pa 'a' pa orno. Chila que o' na; xak quiqui kach'ach'ej uwaque rumal ni uyej quiqui tijo. 43Te'uri, ni'pa i je 'utz chuwach i Dios, que q'uiji pa cu 'at wi tzij ire. I qui 'ij qui chomal ique, pacha ca tzun i 'ij. We yix 'o i xiquin chu tayic, chi ta u be 'uri. (Queje ile xu bij i Jesus chique u tijoxelab.) 44(Te'uri xu bij jun chic tijojbal tzij. Xu bij:) —I 'atbal tzij re aj chicaj queje pacha uq'uial mer muktal chupam juban ulew. Ca c'un jun achi y cu riko. N-xresaj ta lok, xa cu muk chic can u wi, y lic ca quicotic ca 'ec; 'is que u c'ayij na ni'pa i 'o ru'. Te'uri ca petic y cu lo' i ulew man 'o i beyomal chupam. (Queje ile i 'atbal tzij re aj chicaj.) 45('O jun chic tijojbal tzij xu bij chique, are iri:) —I 'atbal tzij re aj chicaj are pacha jun chom laj ral abaj, lic pakal rajil, pérla ca bix che. Jun aj c'ay pérla, ca 'e chu tzucuxic i tak i pérla, y cu lo'o. 46Ire, we xu rik jun chi lic chom, lic pakal rajil, ca 'e chu c'ayixic ronojel i ubitak-re, lo'bal-re. (Queje co'on ire ile man lic chom; xak queje ile i 'atbal tzij re aj chicaj.) 47(Te'uri xu bij i Jesus chique:) —I 'atbal tzij re aj chicaj queje pacha jun ataraya. I je aj chapol car, are quiqui c'ak bi i ataraya pa ya, 'is bi chi caril cu chap lok. 48Are nojnak chic i ataraya, caquesaj li 'uri chu chi' i ya. Te'uri que cubi chi qui tzucuxic i 'utz chique i car. Ni'pa i 'utz, que qui c'ol na chupam jun chicach; i ne te 'utz, que qui c'ak bic. 49Queje co'on ni ile pa q'uisbal 'ij; que 'el ni ángel chi qui chayic i ne te 'utz chiquixol i je 'utz. 50Te'uri que c'ak na pa 'a' pa orno. Chila que o' na; xak quiqui kach'ach'ej uwaque rumal qui bis. (Queje ile i tijojbal tzij xu bij i Jesus chique.) 51Te'uri i Jesus xu tz'onoj chique: —¿Xi ta u be ronojel iri? —co'ono. Katzij —xqui bij—, xka ta. 52Te'uri xu bij chique: —Jun tijonel re i 'atbal tzij tz'ibtal can rumal i mam Moises, we ire nawnak che i tzij chi quin bij yin re i 'atbal tzij aj chicaj, 'utz re ire 'uri. Que'el ire pacha jun rajaw ja chi 'o ubitak-re c'ac', xak 'o i re ujer. Che i queb-le 'is cu chapo. (Queje ile xu bij chique u tijoxelab.) 53I Jesus, are xutzin chu bixquil i tak tijojbal tzij-le, xel chila pa Capernaum y xa 'e pa Nazaret. 54Chila xoc chu c'utic chique i aj Israel winak pa qui molbal'ib. Ique, are xqui ta, lic xqui bisoj che. Xqui bij 'uri: —¿Ipa xa 'e u nawsaj wi rib i achi-le, chi lic 'o u nojbal? ¿Wach u tiquilem che i milágro-le? 55Ire xa are rac'al i mam chi aj 'anol mexa, xak i u chuch xa are ati Mariy. I je u cha' xa are i a-Jacóbo, i a-Jose, xak i a-Simon, i a-Júdas. 56Xak i ranab je jekel chi ku' yoj. ¿Ipa xretamaj wi 'ut ronojel ile? —xqui bij. 57Rumal-i, lic n-xcaj taj wach i xu bij, wach i xu 'ano. Are 'uri i Jesus xu bij chique: —Jun ajbil u tzij i Dios, conojel i winak quiqui coj u 'ij, xui i je rach aj tinimit n-quiqui coj tu 'ij, xak queje i je aj ru' rachoch —xu bij. 58Ire n-ta kas milágro 'uri xu 'an chila, man ique n-ta u cubibal qui c'ux che.\nSAN MATÉO 13","id":"","dump":"CC-MAIN-2013-48","url":"http:\/\/www.bible.is\/ACCIBS\/Matt\/13","date":"2013-12-13T13:44:35Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164944725\/warc\/CC-MAIN-20131204134904-00014-ip-10-33-133-15.ec2.internal.warc.gz","language":"acr","language_score":1.000009656,"language_script":"Latn","minhash_cluster_size":23,"top_langs":"{\"acr_Latn_score\": 1.0000096559524536}","num_words":2040,"character_repetition_ratio":0.068,"word_repetition_ratio":0.023,"special_characters_ratio":0.299,"stopwords_ratio":0.234,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1Te'uri i ángel xu c'ut jun rakana chwe; are i ya chi u xebal i c'aslemal. I ya-le, lic ch'am, lic ca c'arin u wach; calax li chila pa chom laj cubibal pa que cubi wi i Dios xak i Tolke, chi ral Chij ca bixic. 2C'ulala che i ya, 'o i che' chi u che'lal i echa' re i c'aslemal; xak xq'uiy che i nim laj be re i tinimit. I che'-i, cablajuj mul cu ya u wach che jun junab; ic' ic' cu ya u wach. I u xak i che' cu rik u chac utzirsabal que i winak, xa bi chi tinimital je petnak wi. 3Che i lo'laj tinimit-le, n-ta xak coc chila we 'o c'okbal re i Dios puwi. Xak chila 'o wi i chom laj cubibal pa que cubi wi i Dios xak i Tolke chi ral Chij ca bixic. Conojel i rajchaquib quiqui coj u 'ij. 4Lic quiquil na rib qui wach ru' i Dios, xak 'o ni u bi ire chuwach qui crusil. 5Che i tinimit-le, n-coc ta chic a'ab; ni'pa i je 'o chila, n-ta chic u chac i 'a' chique, xak n-ta chic u chac u tzunbal i 'ij chique. N-ta chic u chac, man are u tzunbal i Kajwal Dios are ca 'anaw sak che, pa i je 'o wi. Ni'pa i je 'o chila quiqui 'at ni tzij ronojel 'ij sak. 6Are 'uri, i ángel xu bij chwe: —I tzij-i chi a tom, lic katzij, 'utz ca cojo wach cu bij; lic ru' i Kajwal Dios petnak wi. Ire in u takom chu 'alijinsaxic chique i je rajchac, wach i ca 'ani na, we' tan. Are ire, are i mísmo Dios chi cu ya u tzij piqui jolom i je ajbil u tzij, man quiqui paxsaj na —xu bij i ángel chwe. 7—Chitape' —cu bij i Jesus—, ¡ya mer quin upon iwu'! —cu bij. 'Utz que ique chi quiqui 'an cas che i tzij chi u 'alijinsam i Dios chawe, chi tz'ibtal che i wuj-i —xu bij. 8Yin in ma Wan, lic xin ta, xak xwilo, ni'pa tak in bim-i. Are xwelej u tayic, tak i rilic ni'pa ile, are 'uri xin xuqui chuwach i ángel chi u 'alijinsam ile chwe, cojbal re u 'ij. 9Xui-ri, ire xu bij chwe: —Ma 'an ile, man yin xa in rajchac i Dios, xak jun pacha yet, xak junam cu' i je awach ajbil u tzij i Dios; xa in xak jun cu' je ni'pa i que cojon che i tzij tz'ibtal chupam i wuj-i. Ma coj in 'ij yin; are, cha cojo u 'ij i Dios —xu bij chwe. 10Xak xu bij chwe: —Ni'pa iri chi u 'alijinsam i Dios chawe, ni'pa a tz'ibam che i wuj-i, mawuwaj u wach; ya cu rik i 'ij chi ca 'antaj na. 11Xui-ri, tz'akat cawoy'ej i 'ij-le mat c'achiric, i je aj 'anol mal, quiqui 'an na pacha 'ax quiqui 'an wi; xak ni'pa i n-ch'am ti qui c'aslemal, xa quiqui 'an i n-ch'am taj. Xak ni'pa i je 'utz, xak chiqui 'ana ni 'utz, xak ni'pa i ch'am qui c'aslemal, 'is ch'am i chiqui 'ana 'uri —xu bij chwe. 12—Chitape' —cu bij i Jesus—, ¡ya mer quin upon iwu'! Quin c'am nubi wach tak quin ya na chique i winak chi qui jujunal; quin ya na pacha ca majaw chique, wach i qui 'anom. 13Yin in u xebal ronojel i 'olic, xak yin in q'uisbal-re; in pacha i queb tz'ib A y Z —xu bij i Jesus. 14'Utz que ique chi quiqui ch'aj ni qui mac; man 'o na que che u wach i che' re i c'aslemal; xak ca ya' na 'uri chique, que oc che uchibe re i tinimit. 15Xui-ri, n-que oc tubi ni'pa i lic n-'us ti qui c'aslemal; xa que canaj chi sak; xak queje ique chi quiqui 'an i 'itz, xak queje ique chi quiqui 'an i n-ch'am taj ru' qui ch'acul; xak queje ique chi quiqui 'an i camic; xak queje ique chi quiqui coj u 'ij tak ile chi xa ril 'antalic; xak queje ique chi c'ax quiqui na i t'oronic, y xa t'oronic quiqui 'ano. Ique-le 'is n-que oc tubic. 16I Kajwal cu bij: —Yin, chi in Jesus, in takom in ángel chawe, quin paxsabej re ronojel iri chique i jutak tzobaj re i Dios. Yin in u muk u xiquin i rey mam David; xak in u q'uexel. Yin in queje pacha i ch'umil re u sakirbal chi lic ca jululic —cu bij. 17I u Tewal i Dios, xak conojel i je jutzobaj re i Dios, quiqui bij: —¡Chat petok! —que cha. Conojel i quiqui ta in tzij-i, chiqui bij: —¡Chat petok! Pachin ca c'atic, we craj ca petic, cha petok, chol u tija i ya re i c'aslemal chi n-ta rajil. 18Conojel ni'pa i quiqui ta i tzij tz'ibtal che i wuj-i, chi u 'alijinsam i Dios chwe, 'o i quin bij chique: miqui coj chic jun tzij ru' iri chi in tz'ibam. Pachin jun cu coj chic jun tzij ru' i tzij-i, i Dios cu petsaj tak i c'ax 'uri puwi, chi bital chupam i wuj-i. 19Xak we 'o jun cresaj jun tzij chupam i wuj-i chi u 'alijinsam i Dios chwe, i Dios cresaj 'uri u bi che i wuj pa tz'ibtal wi qui bi ni'pa i 'o qui c'aslemal sakil, xak n-ta re 'uri che i lo'laj tinimit chi bital chupam i wuj-i. 20Ire chi u bim iri chwe, xak cu bij: —Katzij, ¡ya quin uponic! —cu bij. 'Utz-i, Kajwal Jesus. ¡Chat petok! 21I Kajwal Jesus chu ya ni 'utz piwi yix iwonojel. Amen (queje ile cwaj).\nAPOCALIPSIS 22","id":"","dump":"CC-MAIN-2013-48","url":"http:\/\/www.bible.is\/ACCIBS\/Rev\/22","date":"2013-12-09T06:37:25Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163922753\/warc\/CC-MAIN-20131204133202-00011-ip-10-33-133-15.ec2.internal.warc.gz","language":"acr","language_score":1.0000097752,"language_script":"Latn","minhash_cluster_size":18,"top_langs":"{\"acr_Latn_score\": 1.0000097751617432}","num_words":938,"character_repetition_ratio":0.069,"word_repetition_ratio":0.022,"special_characters_ratio":0.299,"stopwords_ratio":0.272,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1Che i jutzobaj creyent re i tinimit Antioquía, je 'o jujun ajbil u tzij i Dios, xak je 'o jujun aj tijonel que i creyent: je are i ma Bernabe, i ma Simon chi xak ma 'Ek ca bix che; xak 'o i ma Lúcio chi aj tinimit Ciréne; 'o i ma Manaen (chi xe q'uitsax junam ru' i ma Heródes, chi gobernador pa Galiléa); xak 'o i ma Sáulo. 2Xu rik jun 'ij, ique que tijin chu cojic u 'ij i Kajwal, co'tam qui wa'im rumal u tz'onoxic che i Dios. Are 'uri i u Tewal i Dios xe u 'ijla: —Che i jacha i ma Bernabe i ma Sáulo chwe, man 'o jun qui chac quin ya'o —co'ono. 3Are xquelej u tz'onoxic che i Dios, xak xq'uis i tiémpo chi co'tam can i qui wa'im, are 'uri xqui ya i qui 'ab piquiwi i ma Bernabe, i ma Sáulo, y xe qui 'ijla bi che qui chac. 4Te'uri i ma Bernabe i ma Sáulo xe 'e che qui viáje, je taktal bi rumal u Tewal i Dios. Nabe xe 'e pa tinimit Seléucia. Chila xe oc wi pa bárco, 'enam que c'a pa Chípre, jun ral jyub setel chuwi mar. 5Are xe upon pa Chípre, xe kaj che i tinimit Salamína, pa que c'un wi i bárco pa mar. Are 'uri xqui jek u bixquil i u tzij i Dios pa tak molbal'ib que i aj Israel winak. Xak i a-Wan xa 'e cu', aj tolque. 6Xe bin pa tak tinimit c'a xe upon che i tinimit Páfos, chi 'o chi ya. Chila xqui rik wi jun aj Israel, ma Barjesus u bi, (chi xak ma Elímas ca bix che). I achi-le, aj'itz; ire xa aj t'oronel, cu bij chi ajbil u tzij i Dios péro n-are taj. 7Ire 'o ru' i gobernador, ma Sérgio Páulo, chi lic 'o u no'oj. I gobernador xu tak qui siq'uixic i ma Bernabe i ma Sáulo, man craj cu ta u tzij i Dios. 8I aj'itz xu jek u la'ic u wach i qui tzij i ma Bernabe i ma Sáulo; craj ire chi n-cu coj ti gobernador u tzij i Dios. 9I ma Sáulo (chi xak ma Páblo ca bix che) lic 'o u Tewal i Dios ru'. Xu maj u takexic i aj'itz; 10xu bij che: —¡At t'oronel; lic at mal; at rac'al itzel; at aj ch'o'oj chirij i 'utz! ¿Wuchac xa ca jech'absaj i sak laj tzij re i Kajwal? 11Wo'or i Kajwal cat u ya na pa c'ax. Cat potz'ir na; n-cawil ti sak, queb oxib 'ij —co'ono. Juntir xoc i 'ekum che u ba'wach; pacha pa 'ekum 'o wi. Te'uri xu tzucuj pachin ca ch'elew bic, man n-ca tzun ta chic. 12I gobernador, are xril ile, xu coj u tzij i Dios; lic xu bisoj che i c'utunic re i Kajwal. 13I ma Páblo cu' i rachi'il xe 'el pa Páfos; xe oc bi pa bárco, xe 'e c'a pa tinimit Pérge, u cwenta i jyub Panfília. Xui-ri, i a-Wan (chi xak a-Márcos u bi) n-xa 'e ta cu'; ire xtzalij chic Jerusalen. 14I juban xe 'el pa Pérge, xe 'e che jun chic Antioquía, chi u cwenta i jyub Pisídia. Are xu rik i 'ij chi uxlambal 'ij, xe oc pa ja re i molbal'ib, y xe cubi chila. 15Xqui coj retalil are xa 'ajlax u wach i wuj pa tz'ibtal wi i ujer 'atbal tzij xak i qui tzij i ujer ajbil u tzij i Dios. Are xutzin i rajlaxic-le, i caj'atzil i molbal'ib xqui tak u tz'onoxic chique i apostelab: —Kachalal, mokxa 'o jun tzij quiwaj qui bij, pixbal que i winak. 'Utz qui bij na —xbix chique. 16Are 'uri i ma Páblo xwalijic, xu c'ut u 'ab chique chi n-que ch'aw ta chic. Te'uri xu bij chique i winak: —Ix wach aj Israel, xak yix chi n-ix ta aj Israel chi qui coj u 'ij i Dios, chi ta na pe'. 17I ka Dios yoj oj aj Israel, xe u cha i katit i ka mam ujer, cu yabej re i 'utz piquiwi. C'a are je 'o pa Egípto, naj che i qui tinimit, i Dios xe u q'uiarsaj, te'uri ru' u cho'ab xe resaj pa jyub Egípto. 18Are xe 'el pa Egípto, i Dios xu ch'ijo wach i xqui 'ano are xe bin pa jyub tz'inilic cuarénta junab u wach. 19Xu sach qui wach wukub tinimit, cu yabej re i jyub chique i katit ka mam. Are i jyub-le, are i Canaan. 20Te'uri, cajib ciénto cincuénta junab u wach, i Dios xu ya juban aj c'amol u tzam chique; ique xqui 'at tzij piquiwi i winak c'a are xic'aw i q'uisbal-re, chi are i nim laj ajbil u tzij i Dios, mam Samuel. 21Te'uri i katit ka mam n-xcaj ta chic ile, xqui tz'onoj jun qui 'atol tzij piquiwi. I Dios xu ya 'uri chique wach i xqui tz'onoj. Cuarénta junab u wach, 'o jun qui 'atol tzij, ma Saul u bi. I ma Saul-le, u c'ojol i mam Sis; i mam Sis, jun canok chique u muk u xiquin can i mam Benjamin. 22Xo'on panok, i Dios xresaj i ma Saul che u patan, y xu ya can i ma David pu q'uexel. Xu bij 'uri: \"I a-David le, chi u c'ojol i ma Isai, kus cwil yin u c'ux; cu 'an na ire ronojel pacha i cwaj yin.\" Queje xu bij i Dios ile. 23Bay, are jun canok chique u muk u xiquin can i mam David-le chi Dios xu cha, tobal ke yoj oj aj Israel, pacha u bim ujer. Ire are i Jesus chi quin bij chiwe wo'or. 24Are maja cu jek u chac i Jesus, i 'etz ma Wan xoj u pixbaj yoj oj aj Israel, chi caka jalwachij i ka nojbal chi n-'us taj, xak ca kajsax ya pakawi. 25I 'etz ma Wan, are ya mer cu rik i 'ij ca q'uis u c'aslemal, xu bij: \"Qui bij yix mok yin ne i toliwe, péro n-yin taj. Ire ca c'un c'a chwijil yin, lic nim ni u 'ij. N-nim ti in 'ij yin chuwach ire, n-ca majaw ta chwe quin 'an mocom che wib chirij, mi tene quin tor u wach u xajab.\" Queje ile xu bij i 'etz ma Wan. 26Ix wachalal, chi ix u muk u xiquin can i mam Abraham, xak yix chi n-ix ti aj Israel chi xak qui coj u 'ij i Dios, chiwe yix, i Dios cu tak i tzij-i, man quiwetamaj wach iwelbal chi sak. 27I aj Jerusalen winak, xak i caj'atzil ique chi xqui camsaj i Jesus, n-queta'am taj chi ire ru' i Dios petnak wi. N-xqui ta ti usuc' i tzij chi cacajlaj pa molbal'ib pa tak uxlambal 'ij. Xe'elok chi je are ique xe 'anaw ile pacha i tz'ibtal can ujer; queje ile xe'elok are xqui tak u camsaxic i Jesus. 28Ire lic n-tu mac; tupu n-xqui rik tu mac chirij, xqui tz'onoj che i ma Piláto chi cu tak u camsaxic. 29Are xqui q'uis u 'onquil che, ronojel pacha i tz'ibtal can ujer, te'uri xqui kajsaj li chuwach i cruz y xqui muku. 30Xui-ri, i Dios xu c'unsaj sak chuwach. 31Te'uri i Jesus q'uial 'ij xa 'iltaj u wach cumal i u tijoxelab. Je are ique-le chi je rachi'il o'onom lok. Je teren chirij are xu jek u patan pa Galiléa, c'a are 'o wi are xe u q'uisa pa Jerusalen. Y wo'or, je are ique-le que tijin chu bixquil chique i winak wach xu 'an i Jesus. 32Wo'or, yoj oj 'o chi, chu bixquil i 'utz laj tzij chiwe, chi are iri: i Dios ca tijin chu 'onquil wach i u bim ujer chique i katit ka mam. 33Yoj oj qui muk qui xiquin canok; i Dios ca tijin chu 'onquil pacha i u bim chique ique ujer (chi cu c'unsaj sak chuwach i Jesus). Xe'elok pacha cu bij u tzij i Dios tz'ibtal can chupam i wuj Sálmos. Xu bij: \"Yet at in C'ojol; wo'or in yom a c'aslemal.\" (Queje ile tz'ibtal canok.) 34I Dios u bim ujer chi cu c'unsaj sak chuwach i Jesus; u bim chi u ch'acul n-ca jar taj, man xu bij chupam u wuj: \"Quin ya ni utzil chomal chiwe pacha xin bij che i mam David ujer.\" (Queje ile tz'ibtal canok.) 35'O jun chic tzij pa wuj Sálmos cu bij: \"Yet n-ca ya ta che, chi ca jar u ch'acul i lo'laj a takon,\" co'ono. 36(Mix sachic, i tzij-i n-chirij ti mam David tz'ibtal wi; chirij i Jesus tz'ibtal wi.) Katzij, i mam David xcamic are xutzin u patan pacha i u ch'obom i Dios. Xcamic, xmuk chiquixol i ratit u mam, y u ch'acul xjaric. 37Xui-ri, i Jesus, chi c'astam rumal i Dios, i u ch'acul ire n-xo'on ta mal. 38Wachalal, 'o u chac chi ta u be chi rumal i Jesus xoj c'un chu bixquil chiwe wach u rikic i cuybal mac. 39Ni'pa i winak quiqui cuba i qui c'ux che i Jesus, ca cuy ni qui mac rumal. Rumal ire 'o i cuybal mac chi o'onom lok n-cuytajnak ta rumal i 'atbal tzij chi tz'ibtal can rumal i mam Moises. 40Chi 'ana cwent mi petsaj i roywal i Dios piwi, pacha qui tz'ibam can i ajbil u tzij i Dios ujer: (I Dios xu bij): 41¡Chiwilape', yix chi ix yo'yanel che in tzij! Cha sach i nojbal che, cha sachsax i wach rumal i nimak tak 'anic, rumal i nimak tak xibin'ib, quin 'an ni yin, in Dios, che tak i 'ij-i, che tak i ic'-i. N-qui ta ti u be, n-qui coj taj wach i quin 'an na, tupu 'o i ca lapaw chiwe. (Queje u tzij i Dios ile chi tz'ibtalic, xu bij i ma Páblo chique.) 42Te'uri xel i ma Páblo pa molbal'ib junam cu' i rachi'il. I winak chi ne te aj Israel chi calaxic, lic xqui tz'onoj chique chi que c'un chic cu' pa wukub 'ij, chi are tan chic i uxlambal 'ij. Cacaj ni u tayic tan chic i qui tzij. 43Are xe utzinic, xe 'el li conojel pa molbal'ib, je q'ui xe terej chiquij i ma Páblo i ma Bernabe. Je 'o i aj Israel winak, xak 'o i juban chi ne te aj Israel, xui-ri lic xqui coj u 'ij i Dios junam cu'. I ma Páblo i ma Bernabe xe qui pixbaj chi quiqui jicba qui c'ux che i rutzil u c'ux i Dios. 44Che chic i wukub 'ij, xe u rika i 'ij re chic jun uxlambal 'ij. Xqui mol quib laj conojel i winak re i tinimit chu tayic u tzij i Dios. 45I aj Israel, are xquilo xe moltaj i winak je q'ui, xpe coywal. Xe oc chu la'ic u wach che i ma Páblo, xak xqui yo'ya. 46I ma Páblo i ma Bernabe, co qui c'ux xqui bij chique: —'O u chac xka bij u tzij i Dios chiwe yix nabe, ix aj Israel winak. Xui-ri, cakil yoj chi yix n-quiwaj ti qui cojo; cakil yoj chi qui bij yix n-ca majaw ta chiwe we qui rik i c'aslemal chi n-ca q'uis ta chic. Rumal-i coj 'ec; coj 'e cu' i winak ne te aj Israel. 47Man queje ile xoj u tak i Kajwal chu 'onquil; ire xu bij can i tzij-i: At in cojom pacha jun 'a' quiquilbej re qui be ni'pa i ne te aj Israel; at in cojom tobal que i winak ronojel u wach i jyub ta'aj chu rikic i quelbal chi sak. (Queje u tzij i Dios ile chi tz'ibtalic, xqui bij i ma Páblo i ma Bernabe chique.) 48I ne te aj Israel winak, are xqui ta ile, lic xe quicotic. Xe oc chu bixquil chi u tzij i Kajwal lic 'utz. Are 'uri ni'pa i je chatal rumal i Dios chi quiqui rik qui c'aslemal n-tu q'uisic, ique 'is xqui coj u tzij i Kajwal. 49Queje ile xu 'an i u tzij i Kajwal, lic xpax u wach che i jyub-le. 50Xui-ri, i aj Israel xe 'e cu' i nimak qui patan pa tinimit, quiqui cojbej re qui mac i ma Páblo i ma Bernabe. Xak xe 'e cu' juban ixokib 'o qui 'ij chi lic qui yom qui c'ux che i 'atbal tzij tz'ibtal can rumal i mam Moises. 'Is xe oc 'uri chi ch'o'oj chiquij i ma Páblo i ma Bernabe, y xe quesaj bi che i jyub-le. 51Ique, are xe 'el chila xqui su can i ulew che i cakan, c'utbal re chique chi c'o can i qui mac chiquij. Te'uri xe 'e che i tinimit Icónio. 52Xui-ri, i creyent chi je 'o pa Antioquía, lic que quicotic rumal i Kajwal; xak i u Tewal i Dios lic 'o cu'.\nLOS HECHOS WACH I XQUI 'AN I APOSTELAB 13","id":"","dump":"CC-MAIN-2013-48","url":"http:\/\/www.bible.is\/ACCIBS\/Acts\/13","date":"2013-12-04T23:43:20Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163037851\/warc\/CC-MAIN-20131204131717-00093-ip-10-33-133-15.ec2.internal.warc.gz","language":"acr","language_score":1.0000090599,"language_script":"Latn","minhash_cluster_size":27,"top_langs":"{\"acr_Latn_score\": 1.0000090599060059}","num_words":2128,"character_repetition_ratio":0.056,"word_repetition_ratio":0.001,"special_characters_ratio":0.289,"stopwords_ratio":0.297,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1Tz'akat i ma Apólos 'o pa tinimit Corínto (chi u cwenta i jyub Acáya), i ma Páblo ca solin pa tak jyub ca tijin ruponic pa tinimit Efeso. Are xupon chila, xe u rik juban creyent. 2Xu tz'onoj chique: —Yix, are xi coj u tzij i Dios, ¿xi na'o we xix uc'ax rumal i u Tewal i Dios? —xu bij. Ique xqui bij: —Yoj n-keta'am tene-ri we 'o u Tewal i Dios —xe cha. 3Are 'uri i ma Páblo xu tz'onoj chique: —¿Wach i c'utunic 'uri xi cojo are xi tz'onoj u kajsaxic ya piwi? —xu bij. Ique xqui bij: —Are i c'utunic chi xu 'an i ma Wan aj Kajsanel ya —xqui bij. 4I ma Páblo xu bij chique: —I ma Wan xu kajsaj ya piquiwi ni'pa i xqui jalwachij qui c'aslemal, xui-ri, xak xu bij chique chi chiqui cuba qui c'ux che i Jun chi ca c'un chirij ire; i jun-le are i Jesucrísto —xu bij i ma Páblo. 5Are xqui ta ile, xqui tz'onoj u kajsaxic ya piquiwi, c'utbal-re chi je re chic i Kajwal Jesus. 6Te'uri i ma Páblo xu ya u 'ab piquiwi, are 'uri i u Tewal i Dios xe u rajawij, y xqui jek ch'awic che jun ch'awbal c'ac'; xak xqui jek u bixquil wach u ch'obom i Dios, chi u 'alijinsam chique. 7Colo je cablajuj achiab. 8Che tak i uxlambal 'ij re i oxib ic', i ma Páblo n-xu mayij ti'enam pa qui molbal'ib i aj Israel. Lic co u wach xu c'ut u tzij i Dios chique; 'olic xqui chap quib chi tzij rumal usuc'. Lic xu tij u 'ij chu c'utic chique wach i 'atbal tzij re i Dios. 9Xui-ri, je 'o jujun chique lic je buy, n-xcaj ta xqui cuba qui c'ux che i Jesus. Xa xe oc chu bixquil chiquiwach conojel i winak chi n-'us ti u tzij i ma Páblo chique re u be i Dios. Rumal 'uri i ma Páblo xel cu', y xe u c'am bi ru' ni'pa i xqui cuba qui c'ux che i Jesus. Xe 'e chi rachoch jun mayes, chi ma Tiráno u bi; chila i ma Páblo xoc chu c'utic 'ij 'ij chique i winak. 10Queb junab u wach, queje ile xu 'ano. Xe'elok chi conojel ni'pa i je 'o pa jyub Asia xqui ta i tzij chirij i Kajwal Jesucrísto. N-xui ti je aj Israel winak xqui ta, xak xqui ta i ne te aj Israel. 11I Dios xu ya pu'ab i ma Páblo chi cu 'an nimak tak milágro. 12'Olic i winak xqui tz'onoj pawor che i ma Páblo chi cu chi'maj u sut chique, o xi n-taj, u relantar, que 'e quic'awsaj chique i iwabib, 'elsabal re i yobil chique. Xak queje xqui 'an ile, 'elsabal-re itzel tak tew. 13'O jujun aj Israel winak que bin pa tak tinimit chi relsaxic itzel tak tew chique i winak. Xak xcaj ique quiqui cuxtaj u bi i Kajwal Jesus chi relsaxic pacha cu 'an i ma Páblo. Are xqui 'ano, xqui bij chique i itzel tak tew: —I Jesus chi cu cuxtaj i ma Páblo, ru' u bi i Jesus-le quin bij chiwe, chix el che i achi-le. (Queje ile quiqui bij.) 14'O jun aj Israel, caj'atzil i sacerdóte, ma Escéva u bi. Ire je 'o wukub u c'ojol, xak ique-le queje quiqui 'an ile. 15Are xqui 'an ique ile, i itzel tew xu la' u wach chique; xu bij: —Weta'am u wach i Jesus, xak weta'am pachin i ma Páblo, xui-ri, ¿yix ix pachinok? —xu bij chique. 16Are 'uri, i achi chi 'o itzel tew che, xa 'e chiquij; lic xe u chapo, y xe u ch'ayo. Te'uri i achiab xe 'anmaj bi che i rachoch i achi, je ch'analic, lic 'antal c'ax chique. 17Conojel i winak je jekel pa tinimit Efeso, ni'pa i aj Israel, xak i ne te aj Israel, 'is xqui ta rason. Lic xqui xij quib rumal, y xqui bij chi lic nim u 'ij i Kajwal Jesus. 18Xak je q'ui chique i creyent xe c'unic xol qui tz'onoj cuybal mac; xqui bij chiquiwach i winak ni'pa i n-'us taj qui 'anom. 19Je q'ui chique ique que nanic, xak qui 'anom pacha tak milágro, péro n-are taj. Ique-le xqui c'am li qui wuj chi n-'us taj pa qui nawsam wi quib che i nanic. Te'uri xqui poroj chiquiwach conojel i winak. Are xcajlaj ni'pa rajil i wuj-le, xe'el colo cincuénta mil quetzáles. 20Queje ile, 'alaj chi u tzij i Dios lic 'o u cho'ab, ca tijin u paxsaxic u tzijol, xak je q'ui i winak que tijin chu cojic. 21Are xa 'antaj ile, i ma Páblo xu ch'obo chi ca 'e chi qui solixic i tinimit pa jyub Macedónia, xak i jyub Acáya. Xak xu ch'obo we xrelej ile, ca 'e c'a Jerusalen. Xak n-xui ti ile, xak xu ch'ob 'enam c'a pa tinimit Róma. 22Rumal 'uri xe u tak bi i queb rachi'il pa jyub Macedónia; ique je are i a-Timotéo xak i ma Erásto. I ma Páblo xnajtin jubi' chic pa jyub Asia. 23Che tak i 'ij-le, 'o jun achi pa Efeso lic c'ax xch'aw chirij i u tzij i Kajwal. Xe u tun i winak, rumal-i lic xe ch'ujeric. 24I achi-le, ma Demétrio u bi, aj ch'ayol re i chom laj ch'ich' pláta. Are i mas u chac i achi-le, are u 'onquil ral tak u q'uexwach jun rachoch tiox chi 'o pa qui tinimit. I rachoch tiox-le, cojbal u 'ij i ati Diána, chi qui tiox ique. Che i chac-le, ni'pa que chacun ru' i ma Demétrio lic nim i quiqui ch'aco. 25I achi-le xe u mol qui chi' i je rachi'il, xak i juban chic chi que chacun che i chac-le, y xu bij chique: —Achiab, yix iweta'am chi, che i kopis-i, lic coj ch'acan chirij. 26Xak iwilom, i tom wach ca tijin chu bixquil i ma Páblo-le. Ire cu bij chique i winak, ni'pa tak i tiox chi xa je ril 'antalic n-ta qui 'ij; ne te sakil dios cu bij ire. Y je q'ui chic i winak qui cojom wach ca tijin chu c'utic. N-xui ti chi, pa Efeso, u c'utum wi, xak laj ronojel i jyub Asia chikij chakawach queje ile u 'anom. 27Ile, lic xibin'ib ru', man i winak que oc-i chu ch'ach'axic chi n-'us ti kopis yoj, y n-ca 'ax ta chic i ka c'ay. N-xui ta la ile, xak i rachoch i ka nim laj tiox ati Diána ca kaj li u 'ij, xak queje ire, ca kaj u 'ij. Ca sach-i u wach u 'ij i ka tiox-le chi lic 'o u 'ij cumal i winak ronojel i jyub Asia, xak ronojel u wach i jyub ta'aj. (Queje ile xu bij i ma Demétrio.) 28I winak, are xqui ta ile, lic xpe coywal, y xe siq'uin chu bixquil: —¡Nim u 'ij i ati Diána! ¡Nim u 'ij i ka tiox yoj oj aj Efeso! —xqui bij. 29Are 'uri, lic xpaxtaj i ch'okowic pa tinimit. I u q'uial winak xe qui chap i queb achiab je rachi'il i ma Páblo, jun, ma Gáyo u bi, y jun chic, ma Aristárco; ique je aj Macedónia. Are 'uri i winak xe qui charej bi c'a ru' i ja pa qui molbal quib. 30I ma Páblo craj te oquic cu', que u 'ijla i winak cu bij ire, xui-ri i creyent n-xqui ya ta che. 31Je 'o jujun rakan u 'ab i 'atbal tzij re i jyub Asia chi je ramig i ma Páblo; xak ique xqui tak bi u bixquil che, chi ma oc bi pa ja cu' i winak. 32Ni'pa i winak je 'o paja, 'is que ch'okowic. Conojel que siq'uinic, xui-ri, 'is junwi i tzij quiqui bij. Katzij je q'ui chique n-queta'am tene-ri wach tak rumal qui molom quib. 33'O jun achi chiquixol i winak, ma Alejándro u bi; ire aj Israel. I je rach aj Israel xqui bij che wach usuc' qui molom quib chila; xqui 'an pen che, chi ca taq'ui chiquiwach i winak. Ire xu c'ut chique ru' u 'ab chi quiqui mayij ch'okowic; xraj ire cu bij jun tzij chique, tobal-que i aj Israel winak. 34Xui-ri, are xquil u be chi ire xak aj Israel, mas xe oc chi sic', colo queb 'or xe siq'uinic. —¡Nim u 'ij i ati Diána! ¡Nim u 'ij i ka tiox yoj oj aj Efeso! —xqui bij. 35Te'uri i aj tz'ib re i tinimit xtiqui chi qui 'atixic i winak, are 'uri xu bij chique: —Achiab ix aj Efeso, conojel i winak re u wach i jyub ta'aj 'is queta'am chi yoj, chi oj aj Efeso, 'o chakakul u chajixic i rachoch i nim laj tiox ati Diána, xak i u q'uexwach chi xtzak li chicaj. 36Ile, mi jun cu bij chi n-katzij taj. Rumal-i, chix uxlanok; lic chi ch'obo u be wach i qui 'ano, mokxa ca pe jun c'ax piwi rumal. 37I achiab-i chi yix i c'amom lok, n-ta jun c'ax qui 'anom che i tiox-le, xak n-ta c'ax qui bim chirij. 38I ma Demétrio xak i juban aj 'anol tiox, we cacaj quiqui coj u mac jun winak, are u chac-i je 'o i juez, xak 'o i 'atbal tzij; we cacaj, che 'e qui cojo qui mac chiquiwach i que 'ataw tzij; chila ca 'iltaj wi pachin aj mac. 39Y we n-are ti ile qui tz'onoj, yix chi jacha 'uri chiquiwach i 'atbal tzij are quiqui mol quib ique. 40Queje ile chi 'ana, man mokxa quiqui bij xa oj aj ch'o'oj chirij i 'atbal tzij rumal tak iri chi ka 'anom wo'or. Katzij, i ka 'anom-i, n-ta rumal; y we ca tz'onox chake, ¿wach u la'ic u wach caka 'ano? —xu bij chique. 41Are xrelej u bixquil ile, xe u 'ijla bic.\nLOS HECHOS WACH I XQUI 'AN I APOSTELAB 19","id":"","dump":"CC-MAIN-2013-48","url":"http:\/\/www.bible.is\/ACCIBS\/Acts\/19","date":"2013-12-05T23:14:55Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163048614\/warc\/CC-MAIN-20131204131728-00099-ip-10-33-133-15.ec2.internal.warc.gz","language":"acr","language_score":1.0000097752,"language_script":"Latn","minhash_cluster_size":20,"top_langs":"{\"acr_Latn_score\": 1.0000097751617432}","num_words":1630,"character_repetition_ratio":0.051,"word_repetition_ratio":0.011,"special_characters_ratio":0.289,"stopwords_ratio":0.256,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"SAN JUAN 13:3838I Jesus xu bij che: —¿Katzij nawi cat camic tobal we? Sak laj tzij quin bij chawe, wo'or mísmo, are c'a maja ca ch'aw i ucamul ac', cawuwaj na in wach oxmul —xu bij che. Last Verse Next Verse Bible Society brought to you by Wycliffe Bible Translators, Inc..","id":"","dump":"CC-MAIN-2013-48","url":"http:\/\/www.bible.is\/ACCIBS\/John\/13\/38","date":"2013-12-12T17:54:41Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164653483\/warc\/CC-MAIN-20131204134413-00001-ip-10-33-133-15.ec2.internal.warc.gz","language":"acr","language_score":0.9923319221,"language_script":"Latn","minhash_cluster_size":10,"top_langs":"{\"acr_Latn_score\": 0.9923319220542908}","num_words":51,"character_repetition_ratio":0.008,"word_repetition_ratio":0.0,"special_characters_ratio":0.267,"stopwords_ratio":0.098,"flagged_words_ratio":0.0,"lang_id_score":0.977,"perplexity_score":500.0,"cluster_detection":-1} +{"text":"1I mam Melquisedec-le, queb u patan. Are 'atol tzij pa tinimit Salem ujer, xak are aj cojol qui tzij i winak chuwach i ka nim laj Dios. O'onom lok i mam Abraham, are xch'acan che i ch'o'oj, xtzalij lok. Are ca tijin chi be, i mam Melquisedec xa 'e chu c'ulaxic y xu tz'onoj i 'utz re i Dios puwi. I mam Abraham ya xtiqui chique i 'atol tzij chi quiqui 'an ch'o'oj ru'. 2Ire ni'pa i xu ch'ac che i ch'o'oj-le, xo'on lajuj mutzaj che, y xu jach jun mutzaj che i mam Melquisedec. I u bi i mam Melquisedec que'elok: \"Jun 'atol tzij lic suc'ulic.\" I tinimit pa xu 'at wi i tzij, Salem u bi, chi que'elok: \"Pa uxlanem.\" Queje usuc' u bi ile. I mam Melquisedec xak are i 'atol tzij 'uri puwi i uxlanem. 3I mam Melquisedec-le, n-ta tz'ibawnak we 'o u kajaw u chuch, we 'o ratit u mam; xak n-ta tz'ibawnak wach alaxic xo'ono, xak wach i u camic xo'ono. Xui-ri, i u patan ire aj cojol tzij chi n-tu q'uisic, laj queje pacha u patan i u C'ojol i Dios. 4Chi caka ta wi chi i mam Melquisedec lic nim u 'ij, man i nim laj katit ka mam, mam Abraham, q'ui xu ya che. 'Is xu ya jun mutzaj che re i lajuj chi u ch'acom che i ch'o'oj. 5Katzij, xo'on panok i u muk u xiquin i mam Levi 'o que che quiqui c'am jun mutzaj re i lajuj chi quiqui ch'ac i juban aj Israel winak. 'O que che we je aj cojol qui q'uexel i winak chuwach i Dios. Queje ile cu bij i 'atbal tzij chi tz'ibtalic. N-ta co'ono we je cach aj tinimit, n-ta co'ono we xak jun quijayil, n-ta co'ono we conojel je u muk u xiquin i mam Abraham, lic re wi 'o que che chi quiqui c'am i tzukbal quib chique. 6Xui-ri, i mam Melquisedec-le, nu muk nu xiquin ti mam Levi, man ire mas ujer chuwach i mam Levi. Xui-ri i mam Melquisedec xu c'am i jun mutzaj re i lajuj che i nim laj ka mam, mam Abraham. Ire nim laj mam, man are ire chi i Dios u sujum i nim laj utzil chomal che. I mam Melquisedec xak xu ya u 'ab puwi i nim laj mam Abraham-le. 7Konojel keta'am chi we 'o jun cu ya u 'ab puwi jun rachi'il, ire mas nim u 'ij. (Rumal-i, keta'am chi i mam Melquisedec, 'atz u 'ij chuwach i nim laj ka mam, mam Abraham.) 8Chi, chakaxol yoj, ni'pa i aj cojol ka q'uexel chuwach i Dios 'is que camic are cu rik i 'ij. I mam Melquisedec, junwi na, man tz'ibtal chupam u wuj i Dios chi pacha c'a c'aslic. 9Ya i tom chic chi i mam Abraham xu ya jun mutzaj che i mam Melquisedec. I mam Abraham-le, are u mam i mam Levi. Que'el 'uri chi i mam Levi pacha xak xu toj u tant che i mam Melquisedec. Are i mam Levi-le, are i qui mam i aj cojol i q'uexel yix chi quiqui c'am qui tant chiwe wo'or. 10I mam Levi-le, c'a maja calaxic are xc'ulax i u mam, mam Abraham, pa be rumal i mam Melquisedec. Rumal-i xe'elok xak pacha are i mam Levi xtojowic, man c'o pu ch'acul i u mam. 11Are i mam Levi-le, are qui mam i aj cojol qui q'uexel i winak ujer. Je are ique chi xqui c'ut u tzij u pixab i Dios chique i aj Israel winak. Péro i qui chac ique, n-xtiqui ta chi qui yijbaxic i winak chuwach i Dios. We ta 'utz xelic, n-tu chac 'uri ca c'un jun chic chi coj u yijba oj 'utz chuwach i Dios. Xui-ri, xc'un chic jun, i u patan ire queje pacha u patan i mam Melquisedec. Ire n-are ti jun chique i u muk u xiquin can i mam Aaron (chi u muk u xiquin i mam Levi). 12Bay, i patan chi cojbal qui tzij i winak chuwach i Dios, xelsax piqui'ab i u muk u xiquin i mam Levi, rumal 'uri xak xjalwa-chix i ujer 'atbal tzij chi cu ya i patan-le chique. 13'Alaj 'uri chi jalwachim chic i 'atbal tzij-le, man i Kajwal Jesucrísto chi ocnak chic che i patan-le, nu muk nu xiquin ti mam Levi, ire u muk u xiquin can i mam Juda. Ujer, mi jun chique u muk u xiquin i mam Juda xqui coj qui q'uexel i winak chuwach i Dios, man i mam Moises n-xu ya ta can i patan-le piqui'ab. Xui-ri, wo'or, ya jalwachim chic. 15Lic ca 'alijinic chi jalwachim chic i ujer nojbal, man i c'ac' laj aj cojol ka q'uexel lic junwi u patan. I u patan ire queje pacha u patan i mam Melquisedec ujer. 16I Jesucrísto, xya' u patan, n-rumal ta que i ratit u mam, xui-ri, yatal u patan rumal u c'aslemal chi 'o u cho'ab chi n-ca q'uis taj. 17Man queje iri xu bij i Dios che i Jesucrísto: Yet at aj cojol qui q'uexel i winak chinwach chi n-tu q'uisic a patan. Xak jun a patan pacha re i mam Melquisedec ujer. (Queje ile tz'ibtal chupam u wuj i Dios.) 18Queje ile 'uri, i nojbal ujer xcanaj canok, man n-tu cho'ab, xak n-tu chac che i qui to'ic i winak. 19I ujer tak tzij chi u bim can i mam Moises n-xtiqui ta chi qui yijbaxic i winak chuwach i Dios. Péro wo'or, 'o chic jun tzij chi 'utz, lic ka cubam ka c'ux che; wo'or 'o chic módo coj tejeb ru' i Dios. 20I Dios, are xu 'an ile, xu cuxtaj u bi ire mísmo puwi u tzij, c'utbal-re chi katzij i xu bij. 21Péro n-queje ta ile xu 'ano are xya' qui patan i juban aj cojol qui q'uexel i winak. Xui che i Jesucrísto, i Dios xu cuxtaj u bi puwi u tzij are xu ya u patan-le; xu bij che: Xin cuxtaj in bi are xin bij in tzij chawe, y n-quin jalwachij ta in nojbal. Xin bij: \"Yet at aj cojol qui q'uexel i winak chinwach chi n-tu q'uisic a patan. Xak jun a patan pacha re i mam Melquisedec ujer.\" (Queje ile tz'ibtal chupam u wuj i Dios.) 22Ile lic 'utz chuwach i ujer tzij. I Dios lic co'on na pacha u sujum chake, man i Jesus chi Tolke 'o chic chuwach, cu cojbej re ka tzij. 23I juban aj cojol qui q'uexel i winak, 'o u chac je q'ui, man xa que q'uisic. Que camic, y n-quiqui 'an ta chic qui patan. 24Xui-ri, i Jesus n-ca cam taj, rumal-i n-cu jach ti u patan che jun chic. 25Wo'or, ronojel 'ij sak, ca tiqui chi quelsaxic chi sak conojel i que tejeb ru' i Dios rumal u cubibal qui c'ux che ire. Ca tiqui che man c'aslic ronojel 'ij sak, cu cojbej qui tzij chuwach i Dios. 26Xe'el 'uri, i Jesucrísto are i 'atz laj aj cojol ka tzij chi lic cajwax te chake. Ire lic 'utz, lic ch'am, n-ta mac atzalal chirij. Ire junwi chiquiwach i ajmaquib; 'elsam chic chiquixol, xc'am bi chicaj, y chila 'o wi ru' i Dios. 27I juban 'atz laj aj cojol qui q'uexel i winak quiqui camsaj chicop 'ij 'ij quiqui sujuj chuwach i Dios. Queje ile quiqui 'ano tojbal re qui mac ique; te'uri queje quiqui 'an chique i winak, quiqui coj qui q'uexel, tojbal re qui mac. Péro i Jesus n-tu chac queje ile cu 'ano. Ire xu sujuj rib che i camic, tojbal re qui mac i winak que'e 'ij sak. Ile xa julaj xu 'ano. 28I 'atbal tzij u tz'ibam i mam Moises ujer, cu ya i patan re aj cojol qui tzij i winak piqui'ab achiab chi xa je ajmaquib. Xui-ri, xo'on panok, i Dios xu ya i patan-le pu'ab u C'ojol. Xu cuxtaj u bi ire mísmo, chi sak laj tzij i cu bij are xu ya u patan pu'ab. I u C'ojol i Dios lic 'utz che u patan, y are wi que'e 'ij sak.\nHEBREOS 7","id":"","dump":"CC-MAIN-2013-48","url":"http:\/\/www.bible.is\/ACCIBS\/Heb\/7","date":"2013-12-06T18:21:13Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163052338\/warc\/CC-MAIN-20131204131732-00002-ip-10-33-133-15.ec2.internal.warc.gz","language":"acr","language_score":0.9999969006,"language_script":"Latn","minhash_cluster_size":18,"top_langs":"{\"acr_Latn_score\": 0.9999969005584717}","num_words":1344,"character_repetition_ratio":0.097,"word_repetition_ratio":0.039,"special_characters_ratio":0.278,"stopwords_ratio":0.275,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1(Are 'uri i Jesus xu bij jun chic tijojbal tzij chique, xu bij:) —I 'atbal tzij aj chicaj co'on pacha jun rajaw ticon chi que u tzucuj rajchaquib quiqui mol ni u wach i úva. Ire we' xa 'ec, que u tzucuj u mocom. 2Xu rik u mocom y xu bij chique chi are jun sak pwak i cajil re jun 'ij. Te'uri xe u tak bi pa chac pa rulew. 3Xo'on panok, colo a las nuéve re i ra'anbal 'ij, xa 'e pa q'uebal. Xe u rika juban achiab n-ta quiqui 'ano. 4Xu bij chique: \"We quiwaj i chac, jix pa wulew, je i molo in cosech; y yin quin toj na pacha ca majaw chiwe,\" xu bij chique. Ique xe 'ec. 5Xak queje xo'on pa'ij, xak queje xo'on a las tres re u kajbal 'ij. 6Xak queje tan chic xo'ono are xkaj i 'ij, colo a las cínco: xa 'e pa q'uebal, xe u rika juban achiab n-ta quiqui 'ano. Y xu bij chique: \"¿Wach qui 'olba yix chi, jun 'ij? ¿N-ta ba i chac-i?\" co'ono. 7Y xqui bij ique che: \"Mi jun u sujum chac chake,\" xe cha che. \"Jix pa wulew,\" xu bij i achi, \"je i molo in cosech; yin quin toj na pacha ca majaw chiwe,\" xu bij chique. 8Are ya xoc a'ab, i rajaw i chac xu bij che i uc'awnak i mocom: \"Che a siq'uij i ajchaquib y che a tojo. Nabe che a tojo bi ni'pa i xe c'un q'uisbal-re. Are i je ocnak nabe, q'uisbal-re che a tojo bic,\" xu bij che. 9Xe'elok chi are i xe oc a las cínco re i kajbal 'ij, xya' bi jun sak pwak chique. 10Are i je ocnak nabe, quiqui bij ique mas nim ni quiqui ch'ac ique chiquiwach i je ocnak q'uisbal-re, quiqui bij ique. Xui-ri, xak xa jun sak pwak xya' chique chiqui jujunal. 11Are xqui chapo, xe oc chu bixquil che i rajaw i chac chi n-'us ta xo'on che i cajil. 12Xqui bij: \"Are i je c'un-nak q'uisbal-re, xak jun i qui tojic xa 'an ku' yoj. Ique, xa jun 'or xe chacunic, y yoj jun 'ij entera xka ch'ij i chac, xka ch'ij i 'ij,\" xqui bij che i rajaw. 13Ire xu bij che i jun, \"Chatape', yin n-xix in t'or taj. ¿Xataba n-xka bij ta wa, chi quix chacun jun 'ij chuwach jun sak pwak? Xka bij pues. 14Cha chapa i awajil y jat. Are i cwaj yin, quin ya na che i jun pacha i xin ya chawe yet; n-ta co'ono we xa pa q'uisbal-re xoquic. 15¿Xataba n-ta we yin che in mer, wach cwaj quin 'an che? 'Olic pues. ¿O xa ca titat a pam che, chi 'utz xin 'an yin chique i juban?\" Queje ile xu bij i rajaw. 16Are que'el 'uri, ni'pa i je pa q'uisbal-re, que'elok je nabe; y xak i je nabe, que 'elok que canaj c'a pa q'uisbal-re. Queje que'el ni ile, man tupu je q'ui i je sic'tal na, ne te q'ui je chatalic —xu bij i Jesus chique. 17Xo'on panok, i Jesus ca tijin chi be cu' u tijoxelab, 'enam-que pa Jerusalen. Are 'uri xe u siq'uij i cablajuj ru', y xe u 'ijla quituquel: 18—Yix iweta'am ya xka maj bi ka be pa Jerusalen. Are coj upon chila, yin chi in Achi aj Chicaj, quin jachtaj na piqui'ab i caj'atzil i sacerdóte, piqui'ab i tijonel re i 'atbal tzij. Ique quiqui 'at na tzij pinwi y quiqui bij na chi 'o u chac quin camsaxic. 19Te'uri quin qui jach na piqui'ab i ne te aj Israel winak: ique 'ut quin qui yo'ya, quin qui ch'ay na, quin qui camsaj chuwach cruz. Xui-ri, churox 'ij, quin walijsax tan chic —xu bij i Jesus chique. 20Te'uri i qui chuch i ma Jacóbo i ma Wan, chi je u c'ojol i mam Zebedéo, xtejeb pan ru' i Jesus je rachi'il i ralab. Xuqui chuwach i Jesus, tz'onbal-re jun pawor che. 21I Jesus xu tz'onoj che: —¿Wach cawaj yet? —co'ono. I ixok xu bij: —Are at 'o chic che a 'atbal tzij, cwaj yin cha ya chique i queb wac'al-i que cubi jujun pa tak a tzal, jun pa wikabim, y jun pa moxim —xu bij i ixok che. 22—Yix n-iweta'am taj wach i qui tz'onoj —xu bij i Jesus chique—. Ni'pa i c'ax quin ic'aw na wi yin, ¿quix tiqui yix 'uri chu ch'ijic ile? Ni'pa i uyej chi quin ic'aw na wi yin, ¿quix tiqui yix che ile? —xu bij chique. —Coj tiqui'ic —xe cha. 23Are 'uri i Jesus xu bij: —Katzij, yix 'is quix ic'aw na chupam i c'ax-i, xak qui tij ni uyej pacha quin ic'aw wi yin. Xui-ri, n-ta pin'ab yin quin bij pachin ca cubi pin wikabim xak pin moxim. Xui in Kajaw 'o pu'ab; ire u yijbam chic i c'olbal-le, ire reta'am pachin que q'uiji che —xu bij i Jesus chique. 24I lajuj chic u tijoxelab, are xqui ta wach i xqui bij i je queb-le chi je catz qui cha' quib, ique xpe coywal chique. 25Are 'uri i Jesus xe u siq'uij y xu bij chique: —Yix iweta'am chi i nimak tak 'atol tzij quiqui 'an che quib pacha je cajaw i winak chi je 'o piqui'ab; i winak chi nimak qui patan que rajawin piquiwi i cach winak. 26Xui-ri; n-ix ta queje yix ile. Are i qui 'an ni yix, pachin craj que'elok nim u 'ij, cha chacun 'uri chiquij i rachi'il. 27Are pachin craj cu ya rib chu nabeal, chu 'ana 'uri che rib pacha mocom chiquij i rachi'il. 28Chu 'ana 'uri che rib pacha quin 'an yin chi in Achi aj Chicaj; in c'un-nak na, pacha mocom chiquij i winak; n-are ti ique je in mocom yin. In c'un-nak man quin ya na wib chi camic, tojbal-re i quelbal pa c'ax chique uq'uial winak —xu bij i Jesus chique. 29Xo'on chupanok, ique que tijin quelic pa tinimit Jerico, je q'ui i winak je teren chirij i Jesus. 30Chila je 'o wi queb mawach je ch'uquernak pa be. Are xqui ta chi ya quic'aw i Jesus, ique xe siq'uin chu bixquil: —¡Nim laj winak! ¡Yet chi at umuk uxiquin can i mam David, chawila to'bal ka wach! —xqui bij. 31I winak chi je teren bi chirij i Jesus xe qui yajo y xe qui 'atij. Xui-ri, ique xa xqui cowij mas u bixquil che i Jesus: —¡Nim laj winak! ¡Yet chi at umuk uxiquin can i mam David, chawila to'bal ka wach! —xe cha. 32Te'uri i Jesus xtac' canic y xe u siq'uij ru'. Xu bij chique: —¿Wach quiwaj quin 'an chiwe? —xu bij. 33Ique xqui bij che: —Nim laj winak, cakaj coj tzunic —xe cha. 34Are 'uri i Jesus c'ax xe u na'o. Xu chap qui ba'wach y juntir xe tzunic. Te'uri xak ique xe terej bi chirij i Jesus.\nSAN MATÉO 20","id":"","dump":"CC-MAIN-2013-48","url":"http:\/\/www.bible.is\/ACCIBS\/Matt\/20","date":"2013-12-12T17:32:39Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164653483\/warc\/CC-MAIN-20131204134413-00042-ip-10-33-133-15.ec2.internal.warc.gz","language":"acr","language_score":1.0000095367,"language_script":"Latn","minhash_cluster_size":25,"top_langs":"{\"acr_Latn_score\": 1.000009536743164}","num_words":1142,"character_repetition_ratio":0.055,"word_repetition_ratio":0.021,"special_characters_ratio":0.293,"stopwords_ratio":0.213,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1Xo'on panok, i Jesus xu c'ut chic rib chique u tijoxelab chu chi' i alagun, Tibérias u bi. Queje iri xu 'ano: 2Chila je 'o wi jutzobaj u tijoxelab i Jesus, 'o i ma Simon Pédro, xak i ma Tomas chi \"a-Yox\" que cha che, xak i ma Natanael aj Cana re Galiléa, xak i queb u c'ojol i mam Zebedéo, tak i queb chic u tijoxelab i Jesus. 3Are 'uri i ma Simon Pédro xu bij chique i rachi'il: —Yin quin 'e pa chapoj car —co'ono. —Xak queje yoj coj 'e awu' —xe cha che. Xe 'e 'ut, xe 'an bi chupam jun bárco. Jun a'ab xe chacunic, n-ti xqui riko. 4Are 'ut xpe u sakiric, xquil u wach jun achi tac'al chi ya. Are i Jesus, péro n-queta'am taj we are ire. 5Are 'uri xu bij pan chique: —Achiab, ¿n-ta car i rikom? —xcha. Ique xqui bij li che: —Mi xa ta jun. 6—Chi c'aka i ataraya pu wikabim i bárco; chila qui rik wi —xu bij i Jesus chique. Queje ile xqui 'ano, pacha i xbix chique. Are 'uri, je q'ui i car xqui chapo, n-quiqui ch'ij ta chic relsaxic i ataraya pa ya rumal i ralil. 7Are 'uri i tijoxel chi c'ax ca na' rumal i Jesus xu bij che i ma Pédro: —¡Are i Kajwal! I ma Pédro, are xu ta chi are i Kajwal, xu coj-la u 'u' (man resam u 'u' chirij), te'uri xu c'ak la bi rib chuwi ya. 8Colo seténta y cínco xic'ab je 'o wi che u chi' i ya. I juban tijoxelab xqui c'am bi bárco chu chi' i ya, qui jucuquem bi ataraya nojnak u pam. 9Are xe kaj pulew, xquil jun 'a' nuc'um chila, ca tijin u bolic jun car puwi, xak 'o juban caxlanwa chila. 10—Chi c'ama li queb oxib car chi c'a te xi chapo —xu bij i Jesus chique. 11I ma Simon Pédro xa 'an chupam i bárco y xu juquej bi i ataraya c'a chuwach ulew. I ataraya, nojnak che nimak tak car; je 'o jun ciénto ru' cincuénta y tres chupam. Laj je q'ui, péro n-xrakch'ij ti ataraya. 12I Jesus xu bij pan chique: —Chix petok, chol i tija i wa —xcha. Mi jun chique u tijoxelab xu cowij u tz'onoxic che pachin ire, man queta'am chi ire are i Kajwal. 13Are 'uri i Jesus xa 'e pan cu', xu c'am bi caxlanwa pu 'ab, y xu jach chique; xak queje xu 'an che i car. 14Are uroxmul iri xu c'ut rib i Jesus chique u tijoxelab, che u walijic chiquixol i camnak. 15Are xquelej i wa'im, i Jesus xu tz'onoj che ma Simon Pédro: —A-Simon, chi at u c'ojol i ma Jonas, ¿c'ax quin a na'o? ¿Mas chuwach i c'axnabal qui c'ux ique? —xu bij che. —Katzij, Kajwal; yet aweta'am chi cat waj —xu bij ma Pédro. I Jesus xu bij che: —Che a tzuku i ral tak in chij —xu bij. (I usuc' i xu bij-le are iri: \"Che a tijoj y che a chajij i je we yin.\") 16I Jesus xu tz'onoj chic ucamul che: —A-Simon, chi at u c'ojol i ma Jonas, ¿c'ax quin a na'o? I ma Pédro xu bij tan chic che: —Katzij, Kajwal; aweta'am chi cat waj. I Jesus xu bij chic che: —Che a chajij in chij. 17I Jesus xu tz'onoj chic uroxmul che ma Pédro: —A-Simon, chi at u c'ojol i ma Jonas, ¿quin awaj? I ma Pédro xbisonic are xu ta chi uroxmul ile chi xtz'onox che: \"¿Quin awaj?\" Te'uri xu bij che: —Kajwal, 'is ronojel aweta'am. Yet aweta'am chi lic cat waj —co'ono. I Jesus xu bij che: —Che a tzuku in chij —xcha. 18Te'uri xu bij che; —Katzij iri quin bij chawe: are c'a at ac'al winak, xa yut' a pam che a bant y xat 'e 'ut pa i xawaj wi 'enam. We xat rijabic, n-queje ta chic ca 'an ile, man ca suc'ba ni a 'ab, y jun chic cat ximawic; xak cat u c'am bic pa n-cawaj ta wi 'enam. 19Queje ile xu bij i Jesus, 'alijinsabal-re wach i camic quic'aw wi i ma Pédro. Ru' u camic-le, ca 'alijinsax ni u 'ij i Dios. Te'uri i Jesus xu bij che: —Chat terej chwij (min awo'taj) —xbix che. 20I ma Pédro, are xtzun chirij, xrilo chi teren bi jun chic tijoxel, i jun chi lic c'ax ca na' rumal i Jesus. I tijoxel-le are i jun chi xcubi pu tzal i Jesus are xqui 'an i wa'im re i páscua; are ire chi u bim che i Jesus: \"Kajwal, ¿pachinok chake cat u jacho?\" 21I ma Pédro, are xril u wach i tijoxel-le, xu bij che i Jesus: —Kajwal, i jun-i, ¿wach ca 'ani che? 22I Jesus xu bij che: —We xwaj yin chi ca c'asi na, c'a are quin c'un tan chic, n-ta awe yet che. Xui-ri, yet chat terej chwij —xu bij che i ma Pédro. 23Rumal i tzij-le, xo'on panok, i winak chi qui cubam qui c'ux che i Jesus xqui bij chi i tijoxel-le n-ca cam taj. Péro i Jesus n-xu bij taj we n-ca cam taj. Xui xu bij: \"We xwaj yin chi ca c'asi na c'a are quin c'un tan chic, n-ta awe yet che.\" (Queje ile u bim.) 24Are yin i tijoxel-le chi quin bij chiwe wach xwilo chi xo'on i Jesus, xak in tz'ibam chupam i wuj-i. Yoj (chi oj u tijoxelab) keta'am chi wach i in tz'ibam, lic katzij. 25C'o i xu 'an i Jesus chi n-tz'ibam ta chupam i wuj-i. We tene xtz'ibax che u jujunal, quin bij yin n-coc ta-ri ni'pa i wuj-le chuwach ronojel i jyub ta'aj. Amen (katzij).\nSAN JUAN 21","id":"","dump":"CC-MAIN-2013-48","url":"http:\/\/www.bible.is\/ACCIBS\/John\/21","date":"2013-12-09T14:10:04Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163977808\/warc\/CC-MAIN-20131204133257-00064-ip-10-33-133-15.ec2.internal.warc.gz","language":"acr","language_score":1.0000094175,"language_script":"Latn","minhash_cluster_size":15,"top_langs":"{\"acr_Latn_score\": 1.0000094175338745}","num_words":946,"character_repetition_ratio":0.061,"word_repetition_ratio":0.023,"special_characters_ratio":0.299,"stopwords_ratio":0.271,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"SAN MATÉO 26:2929Katzij quin bij chiwe, n-quin tu' ta chic u wa'al úva, c'a cu rik ni 'ij quin tu' julaj chic junam iwu' yix, pa cu 'at wi tzij in Kajaw —xu bij chique. Last Verse Next Verse Bible Society brought to you by Wycliffe Bible Translators, Inc..","id":"","dump":"CC-MAIN-2013-48","url":"http:\/\/www.bible.is\/ACCIBS\/Matt\/26\/29","date":"2013-12-10T06:43:28Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164011314\/warc\/CC-MAIN-20131204133331-00086-ip-10-33-133-15.ec2.internal.warc.gz","language":"acr","language_score":0.9953103065,"language_script":"Latn","minhash_cluster_size":6,"top_langs":"{\"acr_Latn_score\": 0.9953103065490723}","num_words":49,"character_repetition_ratio":0.0,"word_repetition_ratio":0.0,"special_characters_ratio":0.277,"stopwords_ratio":0.061,"flagged_words_ratio":0.0,"lang_id_score":0.972,"perplexity_score":500.0,"cluster_detection":-1} +{"text":"1Wo'or cwaj quin bij chiwe wach i tz'onom li chwe are xi tak li i wuj. Jun achi, 'utz que'el che we n-ta rixokil. 2Xui-ri, je q'ui quiqui 'an i n-ch'am taj ru' i qui ch'acul, rumal-i, mas 'utz we i achiab chi qui jujunal 'o i quixokil; xak i ixokib chi qui jujunal, 'o i cachijil. 3I achi chu ya rib 'uri che i rixokil pacha usuc'; xak i ixok chu ya rib che rachijil pacha usuc'. 4I ixok, n-rajaw ti u ch'acul, are i rachijil are i rajaw; xak queje i achi, n-rajaw ti u ch'acul ire mísmo, are rajaw i u ch'acul are i rixokil. 5Che queb, miqui 'atij qui rayijbal chiquiwach, xui-ri, mok xqui ch'obo quiqui mayij jubi' che, man cacaj quiqui ya mas quib chu tz'onoxic che i Dios. Ile 'utz, xui-ri, xa 'atal 'ij, n-mas taj. Te'uri, chiqui ya tan chic quib chiquiwach, man mok i itzel co'on chique que macunic. 6I tak in tzij-le chiwe, xa yabal re i nojbal; we 'utz qui na yix, chi 'ana 'uri. N-su' ta xin bij we lic 'o pen qui 'ano. 7'Utz quin bij yin we ta iwonojel yix ix pacha yin chi n-ta wixokil. Xui-ri, i Dios u yom chaka jujunal wach caka ch'ijo; katzij n-xak ta jun caka 'ano. 8I yix chi ituquel, xak yix chi ix ixokib malcanib, quin bij chiwe, 'utz quix q'uiji ituquel pacha yin. 9Xui-ri, we n-quix tiqui ta chu 'atixic u rayijbal i ch'acul, pues 'utz chix c'ulanok. N-'us taj we to' quix c'achir rumal u rayijbal i ch'acul; mas 'utz quix c'uli'ic chuwach ile. 10I yix chi i rikom chic iwib, 'o u chac chi i ixok mu canaj i rachijil. I tzij-i, n-are ta to' in tzij yin, iri lic u bim i Kajwal. 11Xui-ri, we jun ixok xu jach can i rachijil, mu tzucuj chic jun achi. We xi craj tan chic jun rachijil, chiqui chomaj chic quib chiquiwach ru' i rachijil. Xak queje jun achi, mu jach i rixokil. 12'O chic jupaj tzij quin bij chiwe yix chi i rikom chic iwib. I tzij-i chi quin bij na chiwe n-are ti u tzij i Kajwal; are in tzij yin chiwe. Are iri: we jun kachalal 'o rixokil chi nu jachom ta rib pu'ab i Crísto, we i ixok-le n-craj ta cu jach canok, i achi mu jach i rixokil 'uri. 13Xak queje jun ixok we kachalal, we i rachijil n-kachalal taj, we i achi n-craj ta cu jach canok, i ixok mu jach i rachijil 'uri. 14Mu jacho, man i achi-le chi maja cu jach rib che i Crísto, 'o chic u chomal chuwach i Dios rumal i rixokil. Xak queje jun ixok chi maja cu jach rib che i Crísto, 'o chic u chomal chuwach i Dios rumal i rachijil chi re chic i Crísto. Queje ile que'elok, man we n-queje ta ile, xak iwac'al yix xak jun 'uri que'el cu' i cac'al i ne te re i Dios. Xui-ri, i iwac'al yix 'o chic qui chomal chuwach i Dios iwumal yix. 15We 'o jun ixok, chi u yom chic rib pu'ab i Crísto, we i rachijil n-kachalal taj, we craj cu jach i rixokil, chu jacha. Xak queje jun achi, we u yom chic rib pu'ab i Crísto, we i rixokil craj cu jach i achi, chu jacha. Te'uri i jun chi xjach canok, n-ta chic re i jun che. Are i craj i Dios, chom oj 'ol chakawach, rumal-i oj u siq'uim ru'. 16I yix ix ixokib, n-iweta'am taj mok co'on panok iwachijil quiqui jach quib pu'ab i Jesucrísto iwumal yix. Xak queje yix ix achiab, n-iweta'am taj mok co'on panok iwixokil quiqui jach quib pu'ab i Crísto iwumal yix. 17Yix chi jujunal, chix canaj ru' wach u yom i Kajwal chiwe; chix canaj che pa ix 'o wi are xix cojon che i siq'uixic ru' i Dios. Queje ile quin bij chique conojel i tak tzobajil re i Dios. 18Jun chi 'o retal circuncision che u ch'acul, we i Dios u siq'uim ru', ma c'achir chu sachsaxic i retal-le. Xak i jun chi n-ta retal-le che u ch'acul, we xcojon che u siq'uixic ru' i Dios, ma c'achir chu cojic i retal che u ch'acul. 19N-ta co'ono we jun 'o retal che u ch'acul, xak we n-taj; are i mer rajwaxic, chix cojon che pacha u bim can i Dios. 20Rumal-i, conojel chi qui jujunal, che canajok pacha o'onom are xe cojon che i qui siq'uixic ru' i Dios. 21Yet, are xat cojon che a siq'uixic ru' i Dios, we at mocom at 'o pu'ab jun awajaw, mat c'achir rumal, n-ta co'on ile chuwach i Dios. Xui-ri, we xu bij a patron chi cat elic, chat el 'ut. 22Jun, n-ta co'ono we 'o rajaw puwi are xcojon che u siq'uixic che i Kajwal; xe'el 'uri líbre chic chuwach i Kajwal, man n-ajchac ta chic pu'ab i mac atzalal. Xak we 'o jun n-ta rajaw, ire we xcojon che u siq'uixic che i Kajwal, 'o rajaw 'uri que'elok; are i rajaw are i Crísto. 23Nim i rajil u tojom i Dios, 'elbal-iwe chi sak; rumal-i mi ya chic iwib pu'ab jun chic iwajaw. 24Wachalal, chix canaj che, pacha i 'anom are xix siq'uix rumal i Dios, are xi jek i binic ru' i Dios. 25Cwaj quin lap jubi' chique i c'a maja que c'uli'ic. I Kajwal nu bim taj, xui-ri, wach i quin ch'ob yin che ile, quin bij chiwe. Quin bij yin, 'utz we qui cuba i c'ux che in tzij, man nim u chac i Dios o'onom pin c'ux. 26Quin bij yin, 'utz we jun achi ca canajic pacha o'onom, man mas i c'ax coj tijin chi rilic wo'or. 27Yet, we 'o chic awixokil, ma ch'ob u jachic; we xak n-ta awixokil, ma ch'ob u tzucuxic. 28We xak cat c'uli'ic, ile n-mac taj. Xak jun ali, we ca c'uli'ic, xak n-mac ta ile. Xui-ri, are i que c'uli'ic, mas quiqui tij ni c'ax piqui c'aslemal; cwaj yin, chi yix n-qui tij ti uyej-le. 29Wachalal, 'o jun tzij cwaj quin bij chiwe, are iri: xa 'atal chic 'ij 'o chakawach, rumal-i, ni'pa i 'o quixokil, n-xui ta chic i quixokil quiqui ch'obo, xak chiqui ch'obo i Dios. 30Ni'pa i que o'ic, chiqui 'ana pacha n-ti qui bis; xak ni'pa i que quicotic, miqui ya qui c'ux xui che i quicotemal; xak ni'pa i quiqui lo' ubitak-que, miqui ch'ob xui lo'oj. 31Ni'pa i quiqui chacuj wach tak 'o chuwach i jyub ta'aj, cha c'un piqui c'ux, n-xui ta ile 'o u chac chique, man i jyub ta'aj chi cakil wo'or, ya ca q'uisic. 32Cwaj yin chi yix, lic n-ta quix c'achir che. Jun achi chi n-ta rixokil, cu ya mas rib chu 'onquil u chac i Kajwal, xak chu 'anic i chom chuwach. 33We c'ulinak chic, ire xui cu ch'ob u c'aslemal chuwach i jyub ta'aj, xui cu ch'ob u 'onquil wach cu maj u wach i rixokil. 34Xak queje chique ixokib: jun ixok we c'ulinak chic, junwi cu ch'ob ire chuwach i jun chi n-ta rachijil. I jun chi n-ta rachijil, ire cu ya mas rib chu 'onquil u chac i Kajwal; craj ire re i Kajwal i u c'ux, xak i u ch'acul. Péro n-queje ta ile che i jun chi 'o rachijil; ire xui cu ch'ob i ropis ru' ja, xui cu ch'ob u 'onquil wach cu maj u wach i rachijil. 35Xin bij iri chiwe, 'anbal 'utz chiwe yix, n-to' ta jec'bal iwe xin bij. Xui-ri, cwaj yin chi yix ix 'utz ix chom, lic i yom i c'ux chu 'onquil wach craj i Kajwal, n-ta quix 'atiw chu 'onquil. 36Mok 'o jun achi, cu bij chi 'utz ca c'uli u mi'al man ya quic'aw u 'apojil; we cu bij ire 'o u chac ca c'uli'ic, chu 'ana pacha cu ch'obo. 'Utz cha c'ulanok, man ile n-mac taj. 37Xak mok 'o jun achi cu bij chi n-presis taj ca c'uli u mi'al. We queje ile cu ch'obo, chu 'ana 'uri wach i cu bij, we n-ta ca 'atiwic; chu 'ana 'ut we lic jiquil u c'ux che, wach u ch'obom. 'Utz i cu 'an i achi-le. 38Que'elok, pachin i cu bij we ca c'uli u mi'al, 'utz-i, xui-ri we n-ca c'uli taj, mas 'utz. 39Jun ixok, we 'o rachijil, 'o re i 'atbal tzij che, tz'akat je c'aslic. We xcam i rachijil, 'o pu'ab 'uri we craj ca c'uli tan chic; xui-ri, cha c'uli ru' jun achi chi u yom rib pu'ab i Kajwal. 40Péro quin bij yin mas ca quicotic we ca canaj utuquel queje ile. Quin na yin 'o u Tewal i Dios pin nojbal che i xin bij-le.\n1 CORINTIOS 7","id":"","dump":"CC-MAIN-2013-48","url":"http:\/\/www.bible.is\/ACCIBS\/1Cor\/7","date":"2013-12-13T10:48:21Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164929439\/warc\/CC-MAIN-20131204134849-00024-ip-10-33-133-15.ec2.internal.warc.gz","language":"acr","language_score":1.0000090599,"language_script":"Latn","minhash_cluster_size":22,"top_langs":"{\"acr_Latn_score\": 1.0000090599060059}","num_words":1444,"character_repetition_ratio":0.053,"word_repetition_ratio":0.015,"special_characters_ratio":0.29,"stopwords_ratio":0.235,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1Xak cha tz'ibaj i tzij-i che i aj c'amol u tzam i jutzobaj re i Dios chila pa tinimit Sárdis; cha bij chique: \"Iri are u tzij i jun chi je 'o wukub u Tewal i Dios ru'; xak 'o i wukub ch'umil pu 'ab. Ire cu bij: Yin 'is weta'am wach i quix tijin chu 'anic, xak weta'am chi ix camnak, tupu quix quil i winak ix c'aslic. 2¡Chi 'ana pen u c'unsaxic sak chiwach! Chi walijsaj i pich' c'aslemal chi c'o pi c'ux chi ya ca chupic. Wilom yin chi ni'pa tak i qui 'ano lic c'o ni craj che chuwach i Dios. 3Cha c'un chi c'ux wach i c'utunic xix naw li che; chi 'ana pen 'uri i terejic chirij, y chi jalwachij i nojbal chi n-'us taj. We n-qui 'an ta pen u c'unsaxic sak chiwach, yin quin upon na 'uri iwu' pacha co'on jun ili'om; n-iweta'am taj wach o'onom 'or cuponic. 4Xui-ri, 'o jujun chixol yix chila pa Sárdis chi n-ta tz'il piqui c'ux. Ique que bin na 'uri wu' yin, lic sak qui 'u', man queje ile ca majaw chique. 5Ni'pa i quiqui kajsaj u cho'ab itzel, are i 'o ni qui 'u' 'uri sak. Xak n-quin chup ti qui bi chi tz'ibtal chupam i wuj pa tz'ibtal wi qui bi ni'pa i 'o qui c'aslemal sakil. Quin bij na chuwach in Kajaw chi ique-le lic je we yin, xak queje quin bij na chiquiwach u ángel. 6Pachin 'o u xiquin, chu ta i tzij-i chi cu bij u Tewal i Dios chique i jutak tzobaj creyent.\" (Queje ile cha tz'ibaj chique.) 7Xak cha tz'ibaj i tzij-i che i aj c'amol u tzam i jutzobaj re i Dios chila pa tinimit Filadélfia; cha bij chique: \"Iri are u tzij i jun chi lic 'o re i Dios che, i jun chi lic sakil. Ire-le, 'o i lawe pu 'ab chi 'o te pu 'ab i mam David ujer. Ire, we cu jak jun ocbal bic, mi jun ca tiqui chu tz'apixic; xak we cu tz'apij i ocbal bic, xak mi jun ca tiqui chu jakic. 8Ire cu bij: Yin 'is weta'am wach i quix tijin chu 'anic; chitape', yin in jakom ni uchija chiwe chi lic n-ta jun ca tz'apiwic. Yix, tupu n-ta kas i cho'ab, xui-ri ix cojon-nak che in tzij, xak n-iwuwam tu wach chi ix we yin. 9Chitape wach quin 'an na chique i jutzobaj re itzel chixol yix. Ique quiqui bij chi je re i Dios, xui-ri, ne te re; xa je aj t'oronel. Quin 'an na chique que xuqui na chiwach yix. Queje ile, caquetamaj na chi yin c'ax quix in na'o. 10Yix i 'anom pen 'o u nimal i c'ux chuwach i c'ax, pacha in bim chiwe; rumal-i, quix in chajij na are ca c'un i nim laj uyej chuwach ronojel i jyub ta'aj. I uyej-le, ca tzak piquiwi conojel i je re u wach i jyub ta'aj, 'ilbal-re pachin i je re i Dios. 11Ya mer quin uponic. Miwo'taj wach i cojom, mokxa 'o i que 'anaw na chiwe chi n-qui ch'ac ti sipon chi u sujum i Dios chiwe. 12Ni'pa i quiqui kajsaj u cho'ab itzel, yin quin 'an na chique pacha o'onom jun utun xan 'o pu q'uijibal pa chom laj rachoch in Dios; lic ru' in Dios que q'uiji wi, n-que 'el ta chic chuwach que'e 'ij sak chiquij. Chi qui jujunal, quin tz'ibaj u bi in Dios chique, c'utbal-re chi je re ire. Xak quin tz'ibaj u bi u tinimit in Dios chique, chi are i Jerusalen c'ac'. I c'ac' laj Jerusalen-le ca kaj na li chicaj ru' in Dios, y ique, 'o na que 'uri che i tinimit-le. Xak quin tz'ibaj in bi yin chique, chi are in bi c'ac'. 13Pachin 'o u xiquin, chu ta i tzij-i chi cu bij u Tewal i Dios chique i jutak tzobaj creyent.\" (Queje ile cha tz'ibaj chique.) 14Xak cha tz'ibaj i tzij-i che i aj c'amol u tzam i jutzobaj re i Dios chila pa tinimit Laodicéa; cha bij chique: \"Iri are u tzij i jun chi aj 'alijinsanel re i sak laj tzij re i Dios; lic suc'ul u 'alijinsaxic cu 'ano, n-ca t'oron taj. Are ire are u xebal ronojel ni'pa u yijbam i Dios. 15Ire cu bij: Yin 'is weta'am wach i quix tijin chu 'anic. Weta'am chi yix pi c'ux n-ix ta joron, xak n-ix ta c'atan; mi ne quin i cojo, xak mi ne quin iwo'taj canok. Cwaj yin we ta lic ix joron, we xi lic ix c'atan. 16Xui-ri, xa ix sakli': n-ix ta c'atan, xak n-ix ta joron; rumal-i, xa quix in xabuj lok. 17Qui bij yix lic ix beyom; lic ix beyomarnak na, lic n-ta rajwaxic chiwe qui bij yix, xui-ri n-qui na taj lic n-ta 'o iwu', mas 'o i rajwaxic chiwe. ¡To' i wach! lic ix niba', lic ix mawach, lic ix ch'analic. 18Rumal-i, quix in pixbaj, chi lo'o i óro wu' yin chi lic sakil; queje ile, katzij 'uri 'o i beyomal. Chi lo'o i 'u' wu' yin chi lic sak, ch'ukbal re iwij ch'analic, 'elsabal na re i q'uix. Chi lo'o i cunbal wu' yin re i ba'wach; queje ile quix tzun na. 19Queje ile quin bij chiwe, man yin 'is que in yajo, y que in jec' ru' qui lo'xic conojel ni'pa i c'ax que in na'o. Rumal 'uri, chi 'ana che iwib ix re chic i Dios ronojel i c'ux; chi jalwachij i nojbal chi n-'us taj. 20Chitape', in tac'al chuwach uchija re iwachoch, quin tijin chi 'ijlaxic. We 'o jun cu ta in ch'awbal, y cu jak i uchija chwe, yin quin oc 'uri ru' paja, y caka tij wa junam ru'. 21Ni'pa i quiqui kajsaj u cho'ab itzel, quin ya chique que cubi na pin tzal pa quin 'at wi tzij. Queje pacha in 'anom yin, in kajsam u cho'ab itzel, xak in cubinak chic pu tzal in Kajaw, pa cu 'at wi tzij ire. 22Pachin 'o u xiquin, chu ta i tzij-i chi cu bij u Tewal i Dios chique i jutak tzobaj creyent.\" (Queje ile cha tz'ibaj chique, xu bij chwe.)\nAPOCALIPSIS 3","id":"","dump":"CC-MAIN-2013-48","url":"http:\/\/www.bible.is\/ACCIBS\/Rev\/3","date":"2013-12-11T09:03:07Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164033807\/warc\/CC-MAIN-20131204133353-00028-ip-10-33-133-15.ec2.internal.warc.gz","language":"acr","language_score":1.000009656,"language_script":"Latn","minhash_cluster_size":20,"top_langs":"{\"acr_Latn_score\": 1.0000096559524536}","num_words":1026,"character_repetition_ratio":0.053,"word_repetition_ratio":0.106,"special_characters_ratio":0.29,"stopwords_ratio":0.25,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"SAN MATÉO 1:2121I ac'al-le chi calax na, are jun ala. Cha ya pu bi A-JESUS. Queje ni u bi ile, man que resaj u winak chupam i qui mac. (Queje ile xu bij i ángel che.) Last Verse Next Verse Bible Society brought to you by Wycliffe Bible Translators, Inc..","id":"","dump":"CC-MAIN-2013-48","url":"http:\/\/www.bible.is\/ACCIBS\/Matt\/1\/21","date":"2013-12-07T19:44:45Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386163055759\/warc\/CC-MAIN-20131204131735-00033-ip-10-33-133-15.ec2.internal.warc.gz","language":"acr","language_score":0.9339869022,"language_script":"Latn","minhash_cluster_size":8,"top_langs":"{\"acr_Latn_score\": 0.9339869022369385, \"pcm_Latn_score\": 0.017352810129523277}","num_words":50,"character_repetition_ratio":0.0,"word_repetition_ratio":0.0,"special_characters_ratio":0.272,"stopwords_ratio":0.18,"flagged_words_ratio":0.0,"lang_id_score":0.868,"perplexity_score":500.0,"cluster_detection":-1} +{"text":"1Are nakaj chic je 'o wi pa Jerusalen, xe upon pa tinimit Betfage, pa 'o wi i ral jyub Olívos. Are 'uri i Jesus xe u tak bi queb u tijoxelab, 2xu bij chique: —Jix che i aldéa-le chi 'o pan chakawach. Chila qui rik wi jun ati asna yukulic, 'o jun rac'al ru'. Chi toro lok, y che i c'ama lok. 3Y we 'o ca tz'onow chiwe wach u chac quix tijin chu toric, chi bij che chi cu rik u chac che i Kajwal, y ire juntir cu tzalij chal chawe, chix chok che —xu bij Jesus chique. 4Queje xqui 'an ile, y xe'el 'uri pacha u tz'ibam can jun ajbil u tzij i Dios ujer. Ire u tz'ibam canok: 5Cha bij iri chique i aj tinimit Sion: \"I 'atol tzij yix ya ca c'un iwu'. Ire nu 'anom ta nim che rib, xa cul chirij jun buru ca c'unic; ca c'unic cul chirij jun ral buru, rac'al jun ati asna aj ekan.\" (Queje ile u tz'ibam can i ajbil u tzij i Dios ujer.) 6I u tijoxelab i Jesus xe 'ec y xqui 'an na pacha i bital chique. 7Xqui c'am li ati asna ru' i rac'al. Te'uri xqui coj qui 'u' chiquij; i Jesus xa 'an chirij. 8Je q'ui i winak je rachi'il pa be; ique xqui rip i qui 'u' chuwach, wikbal re i pu be. Xak je 'o jujun xqui ch'up u xak che' y xqui coj pa be. 9I winak chi je nabe chuwach, xak i je teren lok, conojel xe oc chi sic': —¡Nim u 'ij ire chi umuk uxiquin i ka rey mam David! ¡Dios chu ya ni 'utz puwi i jun-i chi u takom na lok! ¡Chocsax ni u 'ij i Dios! (Queje ile xe siq'uin chu bixquil.) 10Are xoc bi i Jesus pa Jerusalen, i winak conojel xe ch'ujer na rumal i quicotemal. Je q'ui xe tz'onowic: —¿Pachin i achi-le? —xe cha. 11—Are i Jesus, chi ajbil u tzij i Dios; ile chi aj Nazaret, u cwenta i Galiléa —xqui bij i winak. 12Te'uri i Jesus xoc pa rachoch i Dios; are 'uri 'is xe resaj ni'pa i aj c'ayinel xak i aj lo'onel je 'o xe ja. Xe u bal'atij qui mexa i je aj jalwachil u wach qui mer i winak, xak queje i qui tem i je aj c'ay palomax. 13Xu bij chique: —I Dios, chupam u wuj, u bim can i tzij-i: \"I wachoch, lic jun ja re qui tz'onbal i winak chwe\"; xui-ri yix i 'anom qui jul ili'omab che —xu bij i Jesus chique. 14Chila pa rachoch i Dios je 'o jujun mawach, xak je 'o jujun je clis je 'o chila. Ique xe tejeb pan ru' i Jesus, y ire xe rutzirsaj. 15Xak je 'o jujun ac'alab je 'o chila que tijin chi sic': \"¡Nim u 'ij ire chi umuk uxiquin i ka rey mam David!\" xqui bij. I ajwab sacerdóte, xak i je tijonel re i tzij pixab, are xquilo wach xo'on i Jesus, are xqui ta qui tzij i ac'alab, ique lic xpe coywal. 16Are 'uri xqui bij che i Jesus: —¿N-ca ta ti yet wach que tijin chu bixquil? ¿'Utz nawi ile, ca bij yet? —xe cha. —Katzij xin ta —xu bij i Jesus chique—. Ique que tijin chu 'onquil pacha u tz'ibam can jun ajbil u tzij i Dios ujer. Ire xu bij che i Dios: Yet a 'anom chique i ac'alab, xak chique i c'a que tz'umanic lic quiqui bixaj a 'ij (—xu bij). 17Are 'uri i Jesus xe ro'taj canok y xa 'e c'a Betánia, que u 'ana jun a'ab chila. 18Are xsakiric, xu maj chubi u be, xa 'e pa Jerusalen. Are ca tijin chi be, i Jesus xpe u numic. 19Xak te'et xril jun che', u che'lal hígo, 'o xucut be. Ire xa 'e pan ru' i che'; lic n-ti u wach xu rik che, xui u xak. Are 'uri i Jesus xu bij jun c'okbal tzij che i che': —¡Yet n-cat wachin ta chic! —xu bij che. Are 'uri i che' juntir xchakijic. 20I u tijoxelab, are xquil ile, lic xqui bisoj. Xqui bij che i Jesus: —¿Wach xa 'ani che i che'-le, chi juntir xchakijic? —xe cha. 21I Jesus xu bij chique: —Katzij i quin bij chiwe, we lic 'o u cubibal i c'ux, we lic n-ta cu bij i c'ux, xak yix quix tiqui chu 'anic pacha i xin 'an yin che i che-i. Y n-xui ta la ile, xak quix tiqui che, we qui bij che i jyub-i, \"Chat el chi, ja c'aka awib pa mar,\" qui bij che, ile lic co'on na. 22Yix, wach i qui tz'onoj che i Dios, we lic qui cojo chi quiwil na, ca ya' na 'uri chiwe —xu bij i Jesus chique. 23Te'uri i Jesus xoc chic pa rachoch i Dios y xoc chi qui tijoxic chila. Are 'uri xe tejeb pan i caj'atzil i sacerdóte ru', xak i nimak tak mam'ib que i aj Israel, y xqui tz'onoj che: —¿Pachin xyaw ile pa'ab chi cat tijin chu 'onquil? —xqui bij che—. ¿Bi chi 'atbal tzijal 'o pa'ab, chi queje ca 'an ile? —xe cha. 24I Jesus xu bij chique: —Xak yin quin tz'onoj jun tzij chiwe. We qui bij usuc' chwe, te'uri xak quin bij yin chiwe bi chi 'atbal tzijal 'o pin'ab. 25Chi bij chwe pachin xyaw pu'ab i ma Wan cu kajsaj ya piquiwi i winak. ¿Are i Dios yawnak che, o xa winak yawnak che? —xu bij i Jesus chique. Ique xe oc chu bixquil chiquiwach: —¿Wach caka bij na che? —que cha—. We caka bij chi are i Dios yawnak ni ile pu'ab i ma Wan, ire cu bij na 'uri chake: \"¿Wuchac 'uri n-xi coj taj wach i xu bij?\" 26We xak caka bij chi xa ru' winak petnak wi wach i xu bij i ma Wan, lic caka xij kib chique i winak; man conojel i winak quiqui bij chi ma Wan lic ru' i Dios petnak wi wach i u bim —xqui bij chiquiwach. 27Rumal-i xqui bij che i Jesus: —N-keta'am taj —xe cha che. —Xak yin n-quin bij ta 'uri chiwe wach i 'atbal tzij 'o pin'ab, chi quin 'an tak iri —xu bij chique. 28Te'uri i Jesus xu bij chique: —¿Wach qui ch'ob yix che i tzij-i? 'O jun achi, je 'o queb u c'ojol. I achi xu bij che i jun: \"Wac'al, jat wo'or pa chac chupam in ticon,\" xu bij che. 29I rac'al xu la' u wach che: \"N-cwaj taj,\" xu bij. Xui-ri, xu jalwachij u no'oj y xa 'e pa chac. 30Te'uri i qui kajaw xak xu 'ijla i jun chic, pacha xo'on che i nabe. Ire xu bij chi ca 'ec; \"Ey,\" co'ono, xui-ri, n-xa 'e taj. 31¿Pachique chique i je queb u c'ojol xo'ono pacha craj i qui kajaw? —xu bij i Jesus chique i nimak tak mam'ib. —Are i nabe —xe cha. —Katzij i xi bij —xu bij i Jesus chique—. Xak quin bij na yin chiwe chi 'o i je mal laj tak aj tz'onol alcawal, xak 'o ixokib ajmaquib que tijin coquic pu'ab i Dios, y yix n-taj. Ique je pacha i rac'al i achi chi xo'ono pacha craj u kajaw. 32Xui-ri yix ix pacha i ucab u c'ojol man n-xix cojon ta che u tzij i ma Wan aj kajsanel ya. Xc'un ire chu c'utic chiwe wach craj te i c'aslemal, xui-ri n-xix cojon taj. I je aj tz'onol alcawal, xak i ixokib ajmaquib, ique xqui cojo. Tupu xiwil yix ile, n-xi jalwachij ti nojbal, cojbal-re u tzij —xu bij i Jesus chique. 33Te'uri xu bij chique: —Chi ta chic jun tijojbal tzij quin bij na chiwe. 'O jun achi nim i rulew, u ticom úva chuwach. Te'uri xu coj coral chirij; xu yijba pa quiqui yitz' wi u wa'al i úva, xak xu yijba jun ral ja tac'tic chupam i ticon, chajbal-re ronojel. Te'uri xe u coj jujun ajchaquib, je aj a média ru'; y xa 'e ire naj che jun tinimit. 34Are xu rik i 'ij re i cosech, xe u tak li u mocom chu tz'onoxic i re ire chique i raj mediant. 35Are xe upon i mocom, xe qui chapo. I jun, xqui ch'ayo; i jun chic, xqui camsaj; i jun chic, xqui coj abaj che. 36Te'uri i rajaw ticon xe u tak chali juban chic u mocom, mas je q'ui na chiquiwach i je nabe. Are xe uponic, i je raj mediant xqui 'an chic chique pacha xqui 'an chique i juban chi je nabe. 37Pa q'uisbal-re, xu tak li i mer u c'ojol. Xu ch'ob ire: \"Ique lic que cojon na che i wac'al-i,\" xu ch'ob ire. 38Xui-ri, are xquil i u c'ojol i rajaw ulew, xqui bij chiquiwach: \"Are ire-le are i rajaw ulew co'on panok; chaka camsaj,\" xe cha, \"man yoj coj canajic oj rajaw,\" xe cha. 39Rumal-i xqui chapo, y xquesaj li chuwach ulew, y xqui camsaj. (Queje ile i tijojbal tzij xu bij i Jesus chique.) 40Te'uri xu tz'onoj chique: —Bay, are ca c'un ni rajaw i ulew, ¿wach co'on ni ire chique i ajchaquib-le? —xu bij. 41Ique xqui bij: —Ire lic que u camsaj ni je aj 'anol mal-le; lic n-cril ta to'bal qui wach. Te'uri cu ya i rulew chique juban chic aj mediant, chi quiqui jach i re ire che, are cu rik i 'ij —xe cha i mam'ib che i Jesus. 42Te'uri i Jesus xak xu bij chique: —¿Xataba n-iwilom taj wach tz'ibtal can chupam u wuj i Dios? Queje iri cu bij: I abaj chi n-xcaj ti xqui coj i je aj 'anol ja, are i abaj-le chi xe'elok lic nim ni u chac che i cubibal ja. Are i xe'elok-le, are i Kajwal Dios xa 'anawic, y cakil yoj, lic 'utz ile chi u 'anom ire. (Queje ile tz'ibtal canok.) 43Rumal-i, quin bij chiwe chi Dios cresaj ni u chac pi'ab yix y cu ya na piqui'ab juban chic ajchaquib je 'utz, chi quiqui ya ni cosech che i Dios pacha ca majawic. 44I abaj-le chi xin bij chiwe, we 'o jun ca 'e tzak puwi, xa ca paxic; xak i abaj-le, we ca tzak chirij jun winak, lic co'on na c'ajc'aj che —xu bij i Jesus chique. 45I je ajwab sacerdóte, xak i je aj Fariséo, are xqui ta wach i tijojbal tzij xbix chique, ya xquetamaj chi xa are ique que u lap na. 46Rumal-i cacaj ique quiqui chapo, xui-ri xqui xij quib chique i uq'uial winak, man i winak quiqui bij chi Jesus ajbil u tzij i Dios.\nSAN MATÉO 21","id":"","dump":"CC-MAIN-2013-48","url":"http:\/\/www.bible.is\/ACCIBS\/Matt\/21","date":"2013-12-13T18:54:22Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164977792\/warc\/CC-MAIN-20131204134937-00043-ip-10-33-133-15.ec2.internal.warc.gz","language":"acr","language_score":1.0000098944,"language_script":"Latn","minhash_cluster_size":33,"top_langs":"{\"acr_Latn_score\": 1.0000098943710327}","num_words":1764,"character_repetition_ratio":0.06,"word_repetition_ratio":0.009,"special_characters_ratio":0.295,"stopwords_ratio":0.248,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1I Jesus xe u mol i cablajuj u tijoxelab ru' y xu ya qui cho'ab, xu ya piqui'ab, caquesaj itzel tak tew, que cutzirsaj iwabib. 2Te'uri xe u tak bi chu paxsaxic i 'utz laj tzij re u 'atbal tzij i Dios, xak chi cutzirsaxic iwabib. 3Xu bij chique: —Are quix 'ec, n-ta qui c'am bic re i be, mi tene i ch'amiy, xak mi ne i teb, mi ne i wa, mi ne i mer, xak mi ne ucab i camix qui c'am bic. 4We xi riko pa i quix c'ulax wi, chila chix canaj wi c'a quix el na chila. 5We 'o ni tinimit chi n-quix qui c'ulaj taj, chix el chila. Are quix el che i tinimit-le, chi pu can i ulew che iwakan chila, c'utbal-re chique i winak chi c'o qui mac chiquij. (Queje u pixbanic i Jesus ile chique u tijoxelab.) 6Ique xqui maj qui be; xe 'e chu solixic ronojel tak i aldéa re i jyub-le. Xqui paxsaj u tzijol i 'utz laj tzij re i Dios, xak xe qui cunaj iwabib ronojel i jyub-le. 7I ma Heródes, chi 'atol tzij, xu ta u tzijol wach ca tijin i Jesus chu 'onquil. Ire lic xc'achir chu ch'obic pachin ire-le, man je 'o jujun quiqui bij chi are i 'etz ma Wan aj kajsanel ya, xc'un chic sak chuwach. 8Xak 'o juban chic quiqui bij are i ujer ajbil u tzij i Dios, mam Elías, xc'unic; xak 'o juban chic quiqui bij are jun chic ajbil u tzij i Dios ujer chi xc'un chic sak chuwach. 9I ma Heródes xu bij: —Yin mísmo xin tak i relsaxic u jolom i ma Wan. ¿Pachin 'uri i achi-le chi q'ui i nimak tak 'anic u 'anom, in tom yin? Queje ile xu bij i ma Heródes, y xu tzucuj wach rilic i Jesus cu 'ano. 10I u tijoxelab i Jesus are xe tzalij li che i qui solinic pa tak tinimit, xqui bij che i Jesus ronojel wach tak i xqui 'ano. Te'uri ire xa 'e cu', xe u c'am bi quituquel c'a chu nakaj i tinimit Betsáida. 11Queje ile xqui 'ano, xui-ri, i je uq'uial winak xqui ta rason, y xe terej bi chiquij. Ire xe u c'ulaj ru', y xoc chu bixquil chique wach u 'atbal tzij i Dios, xak xe rutzirsaj ni'pa i iwabib. 12Are ya ca kaj i 'ij, i cablajuj u tijoxelab i Jesus xe tejeb pan ru', y xqui bij che: —Che a 'ijla bi i winak-i. 'Utz que 'e chi tak ja pa tak aldéa nakaj, chu tzucuxic wach quiqui tijo, xak pa i que war wi. Waral pa oj 'o wi lic tz'inilic jyub —xe cha. 13I Jesus xu bij: —Chi ya yix chique wach i quiqui tijo —co'ono. Ique xqui bij: —N-ta ku' yoj wach caka ya chique; xui jo'ob caxlanwa ru' queb car 'olic. ¿Cawaj nawa yet que ka lo'o wach i quiqui tij ni'pa i winak-i? —xqui bij. 14Colo je jo'ob mil qui q'uial achiab je moltajnak. I Jesus xu bij chique u tijoxelab: —Che i cuba pa tak tzobajil; cincuénta achiab pa tak tzobajil chi 'ana chique —xu bij. 15Queje xqui 'an ile, xe cubi conojel. 16I Jesus xu chap i jo'ob caxlanwa ru' i queb car; are 'uri xtzun chicaj y xu tioxij che i Dios puwi. Te'uri xu piro y xu ya chique u tijoxelab, quiqui jachbej-re chique i winak. 17Conojel xqui tijo, 'is xe nojic. Are xquelej, xqui mol i ch'akatak, y xnoj cablajuj coban che i xsobrinic. 18I Jesus ca tijin chu tz'onoxic che i Dios; xui i u tijoxelab je 'o ru'. Te'uri xu tz'onoj ire chique: —¿Wach quiqui bij i winak chi in pachin yin? —xu bij. 19Ique xqui bij che: —'O jujun quiqui bij chi yet at 'etz ma Wan aj kajsanel ya, quiqui bij. Xak 'o jujun quiqui bij chi yet at ujer mam Elías; xak 'o juban quiqui bij mok at jun chic ujer ajbil u tzij i Dios, y xc'un chic sak chawach —xqui bij che. 20Are 'uri ire xu bij chique: —Y yix, ¿wach i qui bij, in pachin yin? —co'ono. I ma Pédro xu bij: —Yet at Crísto, i Tolke petnak ru' i Dios —xu bij che. 21Te'uri i Jesus lic xu bij chique chi mi jun quiqui lap wi we are ire i Tolque chi coy'em. 22Xak xu bij chique: —Yin chi in Achi aj Chicaj, 'o u chac quin tij ni c'ax. Quin qui xutuj ni nimak tak mam'ib, junam cu' i caj'atzil i sacerdóte, xak i je tijonel re i ujer 'atbal tzij. 'O u chac quin qui camsaj na, xui-ri, churox 'ij, quin walij tan chic —xu bij chique u tijoxelab. 23Te'uri i Jesus xu bij chique conojel i winak: —Jun, we craj ca terej chwij, 'o u chac mu ch'ob chic rib, xui-ri 'ij 'ij ca terej na chwij tupu ca cam na rumal. 24Queje ile chu 'ana, man jun we xa c'ax cu na u c'aslemal re i waral, xa cu sach 'uri u c'aslemal chi katzij. Xui-ri, we 'o jun ca sachsax nu wach u c'aslemal xa wumal yin, ca ya' 'uri u c'aslemal sakil che. 25Cha terej chwij, man jun, we cu ch'ac ronojel i beyomal re u wach i jyub ta'aj, xui-ri we ca sachsax nu wach ire, o we xa ca sach ire, ¿wach cu ch'ac 'uri? N-taj. 26(Chi 'ana pen n-ca sachsax ta i wach pa q'uisbal 'ij.) We 'o jun ca q'uix na chwe, we ca q'uix na che in tzij, xak yin quin q'uix na che ire are quin c'un tan chic. Yin 'ut, chi in Achi aj Chicaj, lic quin c'un chic ru' u 'ij u chomal in Kajaw, xak ru' qui 'ij qui chomal i lo'laj ángel. 27Katzij i quin bij chiwe, je 'o jujun waral, chi n-que cam ta tan c'a quiquil ni u jekanic i 'atbal tzij re i Dios waral —xu bij i Jesus chique. 28Colo wakib 'ij ric'awic u bixquil ile, i Jesus xel puwi jun jyub chu tz'onoxic che i Dios. Xe u c'am bi i ma Pédro, i ma Jacóbo, i ma Wan ru'. 29Tz'akat ca tijin chu tz'onoxic che i Dios, i u palaj lic junwi xtzunic, lic chom; i u 'u' xo'on sak, lic ca walch'inic. 30Xak te'et, xe winakir queb achiab, que ch'a'at ru'; je are i ujer mam Moises, xak i ujer mam Elías. 31Ique, 'o jun chom laj sak chiquij chiquiwach y que tijin chu lapic wach i camic quic'aw wi i Jesus pa tinimit Jerusalen. (Ru' u camic-le, co'on na pacha u ch'obom i Dios, tobal que i winak.) 32I ma Pédro cu' i rachi'il, ya coc qui waram, xui-ri, lic xpactaj i qui wach y xquil i u chomal i Jesus xak i queb achiab chi je 'o ru'. 33I queb-le are xqui ticba 'enam, are 'uri i ma Pédro xu bij che i Jesus: —Ka Tijonel, ¡'utz xo'ono oj 'o chi! caka 'an oxib i mujbal: jun awe yet, jun re i mam Moises, xak jun chic re i mam Elías —xu bij. I ma Pédro n-xu na taj wach i xu bij. 34Are ca tijin chi ch'a'atic, xkaj li jutzobaj sutz' y xq'uiji piquiwi. Lic xqui xij quib are xe sach chupam. 35Chupam i sutz'-le xqui ta jun ch'awbal: \"Iri are in C'ojol chi lic c'ax quin na'o; chi ta wach i cu bij,\" xbix chique. 36Are xu mayij ch'awic i tzij-i, xquil ique chi Jesus utuquel chic. Wach i xquil chila, ique n-xqui lap taj; che tak i 'ij-le, mi ta che jun xqui lap wi. 37Chucab 'ij, are xe kaj li tzam jyub, xe qui c'ulaj uq'uial winak, 'enam-que chu c'ulaxic i Jesus. 38'O jun achi chiquixol i winak xsiq'uin che i Jesus: —Tijonel —xu bij— cha 'ana utzil chomal chwe, chawila ni wac'al chwe. Xui jun wac'al ile 'o chwij. 39'O jun itzel tew cu chapo, y xak te'et ca siq'uinic; coc chi sicsatic, y ca wokow u c'axaj rumal. Cu 'an c'ax che, y xak pachalo cro'taj canok. 40Lic xin tz'onoj chique i a tijoxelab caquesaj i itzel tew che, y n-xe tiqui ta che. Queje xu bij i achi ile che i Jesus. 41I Jesus xu bij: —¡Ay, yix chi n-tu cubibal i c'ux che i Dios; lic ix sachnak na! 'O tan chi 'ij in 'o iwu', y yix n-ta i nawic. ¿Ni'pa nawi chic 'ij c'a craj? —xu bij chique. Te'uri xu bij che i achi: —Cha c'ama li awac'al waral —co'ono. 42I ac'al xu ticba tejeb bic ru' i Jesus; are 'uri, i itzel tew xu tzaksaj chic pulew y xu sicsa tan chic; lic xc'achir pu'ab. I Jesus xu yaj i itzel tew, xrutzirsaj i ala, y xu jach bi che u kajaw. 43Conojel i winak xqui bisoj i nim laj u cho'ab i Dios. Tz'akat xqui bisoj i winak wach i nim laj 'anic xu 'an i Jesus, ire xu bij chique u tijoxelab: 44—Chi ta u be bien wach i quin bij na, ma sach chi c'ux: Yin chi in Achi aj Chicaj, quin qui jach na piqui'ab i winak —xu bij i Jesus chique. 45I u tijoxelab n-xqui ta tu be wach usuc' i tzij-le. Maja ca ya' chique quiqui ta u be. Xak xqui xij quib chu tz'onoxic che wach usuc' i tzij-le chi xu bij. 46Xo'on panok, i u tijoxelab i Jesus xe oc chu chapic quib chi tzij pachinok chique mas nim u 'ij. 47I Jesus xu na'o wach que tijin chu ch'obic, rumal-i xu c'am pan jun ac'al y xu ya pu tzal. 48Te'uri xu bij chique: —Pachin jun cu c'ulaj i ac'al-i ru', rumal i c'axnabal u c'ux chwe yin, are yin 'uri quin u c'ulaj ru'. Pachin quin u c'ulaj yin ru', xak cu c'ulaj 'uri i Dios ru' chi in takawnak lok. Pachin n-tu 'ij chixol yix, are ire 'atz u 'ij chiquiwach i rachi'il. (Queje ile xu bij i Jesus chique u tijoxelab.) 49Te'uri i ma Wan xu bij che: —Ka Tijonel, xkil jun achi ca tijin chi relsaxic itzel tew ru' u cuxtaxic a bi yet. Yoj 'ut xka bij che chi chu mayij, man n-kachi'il taj —xu bij. 50Xui-ri, i Jesus xu bij che: —Ile mi 'atij; man jun, we n-co'on ta ch'o'oj chikij, ka cwenta yoj 'uri —xu bij che. 51Are ya cu rik i 'ij re u 'enbal i Jesus chicaj, xu cowirsaj u c'ux y xu maj u be pa Jerusalen. 52Xe u nabsaj juban aj takon quiqui tzucuj pan qui posar. Xe 'e ique che jun aldéa u cwenta i jyub Samária. 53Xui-ri, i aj Samária n-xqui c'ulaj ta cu' man xquilo chi ique je aj Israel winak 'enam-que c'a pa Jerusalen. 54I u tijoxelab, chi ma Jacóbo i ma Wan, are xquilo wach i xqui 'ano, xqui bij che i Jesus: —¿Kajwal, cawaj nawi yet caka kajsaj li 'a' aj chicaj, porobal-que? ¿Caka 'an na pacha xu 'an i mam Elías ujer? —xqui bij. 55I Jesus xu pisquilij rib y xe u yajo. Xu bij: —Yix n-iweta'am taj wach u no'oj i u Tewal i Dios. Yix ix re ire, n-craj ti ire ile. 56Yin chi in Achi aj Chicaj in c'un-nak n-in ta aj sachol qui wach i winak; xin c'unic man que wesaj na chupam i c'ax —xu bij. Te'uri xe 'ax chic che jun aldéa. 57Are que tijin chi be, 'o jun achi xu bij che i Jesus: —Nim laj winak, quin 'e na awu' xa ipa cat 'e wi —co'ono. 58I Jesus xu bij che: —(C'ax i terejic chwij.) I yac 'o qui jul; xak i tz'iquin 'o qui soc, xui-ri yin chi in Achi aj Chicaj, n-ta pa quin cotz'ba wi in jolom are quin uxlanic —xu bij che. 59I Jesus xu bij che jun chic: —Chat terej chwij —co'ono. Xui-ri i achi xu bij: —Nim laj winak, c'a te quin terej chawij we xcam in kajaw —xu bij. 60I Jesus xu bij che: —Su' wo'or chat terej chwij. Ni'pa i je camnak (piqui c'ux), cha ya can piqui'ab ique quiqui muk ni qui camnak. Xui-ri yet ja paxsaj u tzijol i 'utz laj 'atbal tzij re i Dios —xu bij che. 61Te'uri 'o jun chic xu bij che: —Nim laj winak, yin quin terej na chawij. Xui-ri, nabe cha ya na chwe que in 'ijla can i je 'o chi wachoch —xu bij. 62I Jesus xu bij che: —Su' wo'or chat terej chwij. Yet aweta'am we 'o jun 'o rij abixbal, y xa ca taken chirij, n-suc'ul ti u chac quelic. Xak queje ile jun, we coc pu 'atbal tzij i Dios, n-'us taj we c'a cu takej wach u canam canok —xu bij che.\nSAN LUCAS 9","id":"","dump":"CC-MAIN-2013-48","url":"http:\/\/www.bible.is\/ACCIBS\/Luke\/9","date":"2013-12-11T16:55:40Z","file_path":"s3:\/\/commoncrawl\/crawl-data\/CC-MAIN-2013-48\/segments\/1386164039593\/warc\/CC-MAIN-20131204133359-00048-ip-10-33-133-15.ec2.internal.warc.gz","language":"acr","language_score":1.0000097752,"language_script":"Latn","minhash_cluster_size":25,"top_langs":"{\"acr_Latn_score\": 1.0000097751617432}","num_words":2117,"character_repetition_ratio":0.058,"word_repetition_ratio":0.003,"special_characters_ratio":0.293,"stopwords_ratio":0.235,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1I tzij-i are i u 'alijinsam i Dios che i Jesucrísto, man craj ire caquetamaj i je re ire wach i ca 'ani tan. I Jesucrísto xu tak li u ángel wu' yin, in ma Wan, chi in rajchac ire. Queje xu 'an ire ile, cu 'alijinsabej re chwe wach cakil na. 2Yin in tz'ibam ronojel wach i wilom, wach in tom, chi u bim i Dios, xak i Jesucrísto; lic sak laj tzij ile. 3'Utz re ire chi crajlaj i tzij-i chi u 'alijinsam i Dios chake, xak 'utz que ique chi quiqui ta i rajlaxic, xak quiqui cojo, man ya caka jek rilic ni'pa tak iri. 4Yin in ma Wan, quin tz'ibaj bi i tzij-i chiwe yix ix wukub tzobaj re i Dios pa tak tinimit re i jyub Asia. Cwaj yin 'o ni 'utz re i Dios piwi, xak 'o ni quicotemal pi c'ux chi ca pe ru' ire chi 'ax 'o wi, xak c'a are 'o wi wo'or, xak are wi que'e 'ij sak chirij. I 'utz, xak i quicotemal-le, ru' i Dios ca pe wi, xak cu' i wukub tewalil chi je 'o chuwach i chom laj cubibal, pa cul wi ire; 5xak ru' i Jesucrísto ca pe wi. Are ire-le u 'alijinsam i sak laj tzij re i Dios chake; are ire i nabe xwalij che i camic; are ire 'o pu'ab cu 'at tzij piquiwi i nimak tak 'atol tzij re u wach i jyub ta'aj. Are ire, c'ax coj u na'o, xak oj resam chupam i ka mac rumal u camic. 6Are ire u 'anom chake oj 'atol tzij, xak u 'anom chake oj aj cojol qui tzij i winak chuwach i Dios, co'onbej-re chake oj aj patanib chirij u Dios ire, chi xak are u Kajaw. ¡Chocsax u 'ij ire que'e 'ij sak chirij; chu 'ana u 'atbal tzij ronojel 'ij sak! Amen (queje ile cakaj). 7¡Chitape', i Crísto ca c'un pa sutz'! Conojel lic quiquil na; xak queje ique chi xe 'anaw c'ax che, xak quiquil ni u wach. Conojel i winak chuwach i jyub ta'aj que o' na, are quiquil u wach. Katzij, queje ni ile que'elok. 8Cu bij i Kajwal: \"Yin in u xebal ronojel i 'olic, xak yin in q'uisbal-re. In pacha i queb tz'ib A y Z.\" Queje ile cu bij i Kajwal Dios chi 'atz u cho'ab, ire chi 'ax 'o wi c'a chu xebal 'ij sak, xak c'a are 'o wi wo'or, xak are wi que'e 'ij sak chirij. 9Yin, chi in ma Wan, lic in iwachalal; lic junam iwu' yix coj tijin chu tijic uyej; xak junam iwu' yix 'o ke che i 'atbal tzij re i Dios; xak junam iwu' yix 'o i u nimal ka c'ux chi ca pe ru' i Jesucrísto. In 'o te prexil che i jyub Pátmos u bi, xa rumal u paxsaxic u tzij i Dios, xak rumal u bixquil i sak laj tzij chi u 'alijinsam i Jesucrísto chake. 10Are in 'o wi chila, chupam jun domíngo xc'un u Tewal i Dios wu', y xrajawin pinwi. Are 'uri, xin ta jun nim laj ch'awbal chwij, pacha u ch'awbal jun trompet. 11Xu bij i tzij-i: —Yin in u xebal ronojel i 'olic, xak yin in q'uisbal-re; in pacha i queb tz'ib A y Z —xcha—. Cha tz'ibaj chuwach wuj wach i cawil na, te'uri cha taka bi cu' i wukub tzobaj re i Dios pa jyub Asia. Cha taka bi chique i je 'o pa tinimit Efeso, xak pa tinimit Esmírna, xak pa tinimit Pérgamo, xak cha taka bi chique i je 'o pa tinimit Tiatíra, xak pa tinimit Sárdis, pa tinimit Filadélfia, xak pa tinimit Laodicéa —xu bij chwe. 12Are 'uri xin pisquilij wib, quin takejbej-re pachin ca ch'a'at wu'. Are xin 'an ile, xwil wukub ticbal cantil, lic óro. 13Pa nic'aj re i wukub ticbal cantil-le, xwil jun, pacha achi; i u 'u' lic kajnak c'a chuwi rakan; i yut'bal u wach u c'ux, lic óro. 14I u wi che u jolom, lic sak 'oto'oj, pacha ca tzun i rismal chij, xak pacha u sakil i sutz'. Y u tzunbal i u ba'wach, pacha ca tzun u rep 'a'. 15I rakan lic ca walch'inic, pacha ch'ich' ca walch'inic chi lic 'uytal rij; pacha jun ch'ich' 'elnak pa 'a', lic ca walch'inic. I u ch'awbal, lic nim, pacha u ch'awbal jun nim laj ya co' u pam. 16Pu 'ab wikabim, ruc'am wukub ch'umil. Pu chi' xel jun espáda, jutut u tzam, lic 'o u ware c'ulala. I u palaj, lic ca walch'inic, pacha u tzunbal i 'ij are lic sa'ij. 17Yin, are xwilo, xin tzak chuwach ire pacha xin camic. Ire xu coj u 'ab wikabim pinwi, y xu bij chwe: —Ma xij awib chwe; yin in u xebal ronojel i 'olic, xak yin in q'uisbal-re. 18Yin i jun chi lic in c'aslic, tupu xin camic; xui-ri wo'or, lic in c'aslic ronojel 'ij sak. Yin, 'o i 'atbal tzij pin'ab puwi i camic, xak puwi i qui q'uijibal i camnak. 19Cha tz'ibaj 'ut, wach cat tijin chi rilic; quin 'alijinsaj na chawe wach ca tijin u 'anic wo'or, xak wach tak ca pe na. 20Wo'or quin bij chawe wach usuc' i wukub ch'umil awilom pin 'ab wikabim, xak i wukub ticbal cantil óro. I wukub ch'umil-le, je are qui ángel i je wukub tzobaj re i Dios chila pa Asia. Xak i wukub ticbal cantil, je are i wukub tzobaj-le.\nAPOCALIPSIS 1","id":"","dump":"CC-MAIN-2014-10","url":"http:\/\/www.bible.is\/ACCIBS\/Rev\/1","date":"2014-03-09T23:42:44Z","file_path":"s3:\/\/commoncrawl\/crawl-data\/CC-MAIN-2014-10\/segments\/1394010491371\/warc\/CC-MAIN-20140305090811-00026-ip-10-183-142-35.ec2.internal.warc.gz","language":"acr","language_score":1.0000095367,"language_script":"Latn","minhash_cluster_size":28,"top_langs":"{\"acr_Latn_score\": 1.000009536743164}","num_words":905,"character_repetition_ratio":0.057,"word_repetition_ratio":0.033,"special_characters_ratio":0.288,"stopwords_ratio":0.241,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1\n1Yin in a-Páblo chi quin tak bi i wuj-i chiwe: in apóstol, lic in taktal rumal i Jesucrísto. In patan yin, n-petnak ta piqui nojbal winak, xak n-winak ta xin takawic; are i Jesucrísto xin takawic, xak i ka Kajaw Dios chi xc'unsaw sak chuwach i Jesucrísto are camnak. 2Yin, cu' conojel i kachalal chi je 'o wu', caka ya pan rutzil i wach yix, ix jutak tzobaj re i Dios chila pa jyub Galácia. 3I ka Kajaw Dios, xak i Kajwal Jesucrísto, chiqui ya utzil chomal chiwe, xak i uxlambal pi c'ux. 4Are i Jesucrísto-le chi xu ya rib che i camic rumal i ka mac pacha u ch'obom i ka Kajaw Dios. Queje ile xu 'ano, 'elsabal-ke chupam ni'pa i n-'us taj chi wo'or 'o chuwach i jyub ta'aj. 5¡Chocsax u 'ij i Dios que'e 'ij sak chirij! Amen (queje ile cakaj).\nI tzij re i kelbal chi sak, xa jun 'olic\n6Lic xin bison che, wach quix tijin chu 'anic, chi quix tijin chi ro'taxic can i Dios, y c'a te ix ocnak pu'ab. Ire xix u siq'uij ru', 'anbal-re utzil chomal chiwe rumal i Jesucrísto, péro wo'or quix tijin chu cojic retalil che jun chic tzij, chi 'elsabal iwe chi sak, qui bij yix. 7Xui-ri, n-ta chic jun tzij lic re iwelbal chi sak, xui i jun chi xin c'ut yin chiwe. Are i 'anom, je 'o ni jujun je upon-nak iwu' xa quix qui tunu; cacaj ique quiqui yoj i 'utz laj tzij re i Crísto. 8We 'o jun cu c'ut jun chic tzij chiwe, junwi chuwach ile chi ka c'utum can yoj chiwe, cha c'okox na 'uri rumal i Dios. N-ta co'ono we xa yin, o xak we jun ángel aj chicaj ca 'anawic, cha c'okox na 'uri. 9In bim chic iri chiwe, xak quin camulij chic u bixquil: we 'o jun cu c'ut i tzij re i 'elbal chi sak junwi chuwach ile chi i cojom yix, cha c'okox rumal i Dios.\n10Bay, we queje xin bij ile chiwe, 'alaj 'uri chi n-quin tzucuj tu cojic in 'ij cumal i winak; xui cwaj quin 'an pacha craj i Dios. ¿Xataba cwaj cocsax in 'ij cumal i winak? N-cwaj taj. We tene c'a cwaj coc in 'ij cumal i winak, n-queje tene in yom wib-i chu 'onquil u chac i Jesucrísto.\nI u patan i ma Páblo, ru' i Dios petnak wi, n-ru' ta jun winak\n11Ix wachalal, cwaj quiwetamaj iri: i tzij re i 'elbal chi sak, chi quin tijin yin chu bixquil, n-are ti u nojim jun winak. 12I tzij-le n-xya' ta chwe rumal jun winak, xak n-xc'ut ta chwe cumal i winak. Lic are i Jesucrísto xa 'alijinsaw chwe.\n13Cwaj quin sakij ile chiwe. I tom yix chi o'onom lok, lic in yom in c'ux che ile chi quiqui coj i aj Israel winak. Lic ronojel in c'ux xin ch'o'ojin chiquij i jutak tzobaj je re i Dios; lic xin tzucuj u sachsaxic qui wach. 14Lic in sic'aj chu 'onquil pacha i c'utunic ke yoj chi oj aj Israel, mas na chiquiwach i je wachi'il. Lic mas xin ya in c'ux chu 'onquil pacha i c'utunic xqui ya can i katit ka mam ujer. 15Xui-ri, i Dios in u chom chic are maja quin alaxic; rumal i nim laj c'axnabal u c'ux xin u siq'uij ru'. Te'uri, are xraj ire, 16xu 'alijinsaj u C'ojol pin wach, xak pin c'ux man quin paxsaj ni u tzijol chique i ne te aj Israel winak wach i quelbal chi sak. Yin, are xwetamaj u wach i Jesucrísto, n-xe in tz'onoj ta in nojbal che jun winak, 17xak n-xin 'e ta pa Jerusalen chi quilic i apostelab chi 'ax je apostelab wi chic chinwach yin. Are i xin 'ano, juntir xin 'e naj c'a pa jyub Arábia. Xo'on panok, xin tzalij chic pa tinimit Damásco.\n18Xic'aw oxib junab, te'uri xin 'e pa Jerusalen, cwetambej re u wach i ma Pédro. Jolajuj 'ij xin 'an chila ru'. 19Xui-ri, are in 'o chila, n-xwil ti qui wach ni'pa i juban apostelab, xui i ma Jacóbo, u cha' i Kajwal. 20Iri, chi quin tijin chu tz'ibaxic chiwe, i Dios reta'am chi 'is sak laj tzij; lic queje ile xin 'ano.\n21Te'uri xin el pa Jerusalen y xin 'e c'a pa jyub Síria, y xak che i jyub Cilícia. 22Xui-ri, i jutak tzobaj je re i Crísto pa jyub Judéa c'a maja caquetamaj in wach. 23Ique xui qui tom ile wach qui bim i juban kachalal; qui bim: \"I ma Páblo chi aj ch'o'oj te'ek chikij, wo'or ca tijin chu paxsaxic i tzij re i 'elbal chi sak rumal i Crísto. I tzij-le, chi xraj te'ek cu chup u wach, wo'or ca tijin chu paxsaxic.\" Queje ile qui tom ique chwe. 24Rumal-i, lic xqui coj u 'ij i Dios rumal wach u 'anom chwe.\nLoading reference in secondary version...\n3I ka Kajaw Dios, xak i Kajwal Jesucrísto, chiqui ya utzil chomal chiwe, xak i uxlambal pi c'ux.","id":"","dump":"CC-MAIN-2014-10","url":"https:\/\/www.bible.com\/en-GB\/bible\/3\/gal.1.3","date":"2014-03-14T11:14:45Z","file_path":"s3:\/\/commoncrawl\/crawl-data\/CC-MAIN-2014-10\/segments\/1394678692742\/warc\/CC-MAIN-20140313024452-00048-ip-10-183-142-35.ec2.internal.warc.gz","language":"acr","language_score":1.0000060797,"language_script":"Latn","minhash_cluster_size":39,"top_langs":"{\"acr_Latn_score\": 1.000006079673767}","num_words":828,"character_repetition_ratio":0.058,"word_repetition_ratio":0.022,"special_characters_ratio":0.274,"stopwords_ratio":0.238,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"SAN MATÉO 13:4141Yin, chi in Achi aj Chicaj, que in tak li in ángel ru' in ticon, col qui molbej-que ni'pa i je qui tacpum i cachi'il pa mal, xak conojel ni'pa i que 'anaw i mal. Last Verse Next Verse Bible Society brought to you by Wycliffe Bible Translators, Inc..","id":"","dump":"CC-MAIN-2014-10","url":"http:\/\/www.bible.is\/ACCIBS\/Matt\/13\/41","date":"2014-03-15T16:26:58Z","file_path":"s3:\/\/commoncrawl\/crawl-data\/CC-MAIN-2014-10\/segments\/1394678698575\/warc\/CC-MAIN-20140313024458-00046-ip-10-183-142-35.ec2.internal.warc.gz","language":"acr","language_score":0.8583723903,"language_script":"Latn","minhash_cluster_size":7,"top_langs":"{\"acr_Latn_score\": 0.8583723902702332, \"poh_Latn_score\": 0.028817787766456604, \"hus_Latn_score\": 0.01912837289273739, \"mop_Latn_score\": 0.01711631380021572, \"kek_Latn_score\": 0.016355404630303383, \"mam_Latn_score\": 0.016101807355880737}","num_words":51,"character_repetition_ratio":0.0,"word_repetition_ratio":0.0,"special_characters_ratio":0.267,"stopwords_ratio":0.118,"flagged_words_ratio":0.0,"lang_id_score":0.838,"perplexity_score":500.0,"cluster_detection":-1} +{"text":"Portada de poema\nv\nPublished on: Mar 4, 2016\nTranscripts - Portada de poema\n-\n1.\nUSAC\/EFPEM\/FRMT.TACTIC A. V.Docente: Sebastian Si PopCurso: Gramatica Maya IITrabajo: Literatura infantilAlumna : Blanca Esmeralda Rodríguez Xitumul de C.Carne: 200420157Fecha: 6 de septiembre de 2008.\n-\n2.\nINTRODUCCIÓN El siguiente poemario infantil lo escribí una parte haciendo memoria de mi Infancia y la otra parte es de mi imaginación al mismo tiempo la observación de la forma que los niños juegan en la escuela y de la expresión de sus rostro al realizar sus juegos y del comentarioque hacen al finalizar sus actividades escolares. 2\n-\n3.\nINDICE PáginaObjetivos--------------------------------------------------------------------------- 4Ri nuqaaw ----------------------------------------------------------------------- 5Ri nuchuu ----------------------------------------------------------------------- 5Ri waak' ----------------------------------------------------------------------- 5Ri wetz'ab'a'l ---------------------------------------------------------------------- 6Ri nume's ------------------------------------------------------------------------ 6Ri wochoo ------------------------------------------------------------------------ 7Ri nuch'aat ------------------------------------------------------------------------ 7Ri nutz'i' ------------------------------------------------------------------------- 8Ri nukomoon ----------------------------------------------------------------------- 8Nu aab' ------------------------------------------------------------------------ 8Ri chaak ------------------------------------------------------------------------- 9Ri xajab' ------------------------------------------------------------------------- 9K'o jun nuxb'aal ------------------------------------------------------------------- 10Ri nutijoneel ------------------------------------------------------------------------ 10Ri nutijob'aal ----------------------------------------------------------------------- 10Ri b'och'b'o'l ----------------------------------------------------------------------- 10Ri k'ayib'aal ------------------------------------------------------------------------ 11Ri numaam ------------------------------------------------------------------------- 11Ri k'uum --- ----------------------------------------------------------------------- 11Ri jab' -------------------------------------------------------------------------- 12E wa jun nuchee' b'ara ---------------------------------------------------------- 12Ri uk' -------------------------------------------------------------------------- 13Tob' in ch'uti'n --------------------------------------------------------------------- 13Recomendaciones --------------------------------------------------------------- 14Conclusió --------------------------------------------------------------------------- 15 3\n-\n4.\nObjetivos:• Insentivar a los niños en la escucha atenta de la literatura infantil por medio de la poesía en el iidoma maya.• Que el niño se deleite en la lectura atraves de la poesía en el idioma maya.Rayb'aal:• Kaqatijoj ri ch'uti'q re ri ilonik re ri chomilaaj tziij pa ruch'ateem mayab'.• E ri ilonik re ri chomilaaj tziij kuya ki'kotemaal chike ri ch'uti'q pa ri jonik re ruch'ateem. 4\n-\n5.\n1. Ri nuqaawLi k'ax kin-na' ri nuqaaw,Ma ire lik k'ax xinuna'o,Ronojee ri xintz'onoj che, xuya chweLik na jinta xuk'ek'ej chwe.Taat we kinta laa ma k'o kwaj kanb'iij che laa:Lik kin-na'o ma laal jinta chi laa wuuk',Lik kak'un chi nuk'u'x ronojee ri k'utunik laa,Yey wo'ora kankuxtaj laa, ruma ri xk'ut laa chwe.Taat na jinta chi k'ana nuch'a'teem cha' kanyak q'iij laaMa lik xk'ut laa chwe ronojee ri utz,Lik na kasachta chi nuk'u'x echiri' xb'iij laa chwe:Alii lik cha chajij a wiib' cha' na jinta kak'ulumaaj.Taat lik kantyoxij che laa,ronojee ri pixab'anik xya laa kan chwe.Waq'iij lik kantz'onoj che ri ajaaw kuya nuchuq'ab'Ma na kwaj taj kasach ronoje ri b'ano'on xk'ut kan laa kan chwe.Jela' k'uri' ruuk' qab'ano'n kankuxtaj laa ruuk' wa jun chomilaaj tziij. 2. Ri nuchuuLik kwaj kinmaj ronojee ru b'inik ri nuchuu,Ma ire lik nim uk'u'x kuk' konjee ri winaq.Echiri' kopon juna tikaweex,lik kuya uyaa', lik utz uk'u'x chike konojee.Naan e wa jun q'iij, kwaj kanyak q'iij laa,Ruuk' wa keb' ch'a'teem:Chinuwach ri in lik at choom,Ma lik kanato yey lik kanachajijTob' lik kinxi'ij wiib' lik laal k'o laa chinutzaal,E uwari'che lik quus la nuwaram kapetik.Kankuxtaj laa ronojee q'iij,yey lik kinb'isonik we laal na jinta laa wuk'. 3. Ri waak'K'o jun waak' lik choomLik choom ri waak', ma kuya nusaqmolob' 5\n-\n6.\nLik choom ri waak', ma lik kuch'ab'eej ri raalLik kinki'kotik xa rumaa wa jun waak'.Lik choom la riij ri waak'Lik na jinta juna ak' jela' pacha' ri wi'inMa ri waak' na jinta b'iis ruuk',Ma ri waak' lik k'o ruuk' la raal.Na kwajta kinch'ob' raqan we kakam ri nuwaak',Na kwajta kinch'ob' raqan we kasach, ri waak',¿Na ruk' k'uri' kinetz'an wii?, ¿na kuya k'uri ri nusaqmolob'?Xew ri waak', xew ire k'o wuuk',Uwari'che lik kanchajij ko ri waak'. 4. Ri wetz'ab'a'lK'o juun wetz'ab'a'l lik chom koqYey ronojee q'ijj kinetz'an ruuk'E wa jun wetz'ab'al lik kanchajijMa lik kinetz'an ruuk'.Lik k'ax kin-na' ri wetz'ab'al,ma e xusipaaj ri nuqaaw chwe,yey kik chom koq ma lik ka witz'wotik,pacha' juna tz'ikin echiri' kab'ixonik.Lik choom katzu'n ri nuwetz'ab'al,lik kaq' pacha' ri kik',yey lik rax pacha' ri uxaaq chee'Lik kanchajiij cha' jinta kuk'ulumaaj. 5. Ri nume'sLik choom ko ri nume's,lik qus kan-na'o echiri' kanchapo,Lik b'uyu'y la riij, lik miq'in la riijE uwari'che lik kanq'aluuj ri nume's.E ri nume's lik kutij kexu,Yey lik koq'ik we kanyata uwaaNa kanch'ayta ri nume's ma kuchap ch'ooNa kanch'ayta ri nume's, ma wachb'iil pa wochoo.Lik koq' ri nume's we kinya kanoqLik koq' ri nume's we jinta uwaaUwari'che lik kinya uwaa, 6\n-\n7.\nUwari'che lik kanchajij. 6. Ri wochooNa jinta junaa ja pacha' ri wi'in,Na jinta juna ja lik nim pacha' ri wi'in,Ri wochoo lik choom katzu'nikMa e ri nuqaaw x'anaw re.Lik nim ri wochoo ma k'o k'olib'al re ronoje ri b'itaqsa'ch chupaa,Pa taq wuqub' q'iij konoje ri watz keb'opon ruk' ri nuchuu,Pa taq wuqub' q'iij ri nuchuu ku kamisaaj ak' rumaa ri watzUwari'che lik kanwoy'ej wa juun q'iij rumaa lik k'o kaqatijo.Lik choom ko ri wochoo,ma keb'ok konojee ri watz' yey ri wikaq chupaa,E ri nuqaaw lik kuch'ob' raqan ronojee ri chaak ku'ano,Ma reta'aam ruk'u'x ri nuchuu lik niim.Ma ri nuchuu lik k'ax keb'una' la raalyey lik keb'uroy'ej ruuk' joch' owe b'iq'b'al kiwaaChupaa ri wochoo keb'ok uk'iyal tikaweexma lik niim upaa yey lik choom xu'an ri nuqaaw che. 7. Ri nuch'aatK'o jun nuch'aat lik na kanyata kan k'enoqMa puwi' ri nuch'aat xink'iy lo wi,Yey na jinta junaa ch'aat pacha' ri wi'in,Ma chwa ri nuch'aat lik quus ri waram.Chwa ri nuch'aat ik'owinaq ri uwa'al nuwachChwa ri nuch'aat e warnaq konoje ri wetz'b'alNa jinta junaa ch'aat pacha' ri wi'inMa nuqaaw xew ri wi'in xu'ano.E ri nuqaaw lik k'o una'ooj,K'o una'oj, puwi' ronojee ri ku'anoMa ire lik reta'aam u'anik ronojeeLik ku'an ronoje ri kajwax chi' qochoo.E ri nuch'aat lik ko,ma tob' in ti'oj kinuch'ijoTob' oj ka'ib' puwi' lik kojuch'ijo,Maltyox che ri nuqaaw rumaa ri ch'aat xusipaj chwe. 7\n-\n8.\n8. Ri nutz'i'Lik choom kanwil ri nutz'i',Echiri' lik kumees rujee'.Lik weta'aam sa' ri karajEchiri' kinuch'ab'eej.Tob' na kanch'ab'ejta ri nutz'i'Ire lik karaj katerej chwij,Tob' kinyoq'o na kinuya'ta kan k'enoqLik reta'aam china ri rajaw.Lik kinb'isonik we ri nutz'i' na jinta wuuk'Ma kanch'ob' raqan ri in na kinrajta chik.Echiri' k'o ri nutz'i'Lik kinetz'an ruuk' ma lik kuya nutze'. 9. Ri nukomoonSamiyel xik'aaj rub'ii ri nukomoonSamiyel xik'aaj xkikoj kan ri qati' qamam cheRumaa ronojee ri b'ano'n jela' xkikoj cheRumaa ri xajawem xki'an lo ojertan.E xutzijoj lo ri' ri numaam chweRonojee ri tzijob'al re nukomoonRonojee ri xajawem, wa'im, ri nimaq'iij, ka ki'an waraa,lik k'o ke'ela wi, che ri qati' qamaam.Ri nukomoon lik k'o ub'eyomaliilchwa ri uwachuleewe ri b'eyomaliil re ri qati' qamaame ri pixb'anik, yey ronojee ri kina'ooj xkiya kan chiqe. 10. Nu-aab'K'o jun aab' chi' wochoo,Jun aab' re ojeer,Jun aab' re k'a'am,Yey e jun q'ee'l laj aab'.Echiri' in ch'uti'n xinb'aqab'ob' lo chupaaLik xinoq' lo rumaa la' 8\n-\n9.\nRumaa ri k'ax xu'an ru tza'm nuwiijRuuk' ta k'u ri la' lik kwaj kan mees wib' chupaa.Echiri' lik kab'ukb'utikLik kwaj kinmees wib' chupaa ri aab',Ma ruuk' la' kajor kan ri nuwulewaluwari'che lik kwaj kinmees wiib' chupaa ri aab'. 11. Ri chaakRi nuqaaw ronojee aniim ke'ek pa chaakYey k'o q'iij kinuk'am b'ii, yey k'o q'iij kinuk'am tub'iEchiri' kinuk'am b'ii lik kinki'kotik,Ma weta'am we ka k'iis ri chaak kuya numeyo.E ri nuchuu lik kutzukuj qab'iq'b'al qawaaYey we k'o raak', e qawa'im ri',Ma reta'am qach'akom chikYey ri'in lik ki'kot ruma la',Ma lik k'o ka qatijo. 12. Ri xajab'Lik kantze'eej echiri' kak'un chinuk'u'x ronojee ri nupi'saalEchiri' in ch'uti'n lik choom kinwil ri xajab' num,We re ri nuchuu owe re ri nuqaaw,Tob' china re, ri in kinju' ri waqan chupaa.Ma lik kwaj kankoj ruxajab' ri nuchuu,ma jela' kanch'ob' raqan¡in jela' pacha ri nuchuu!¡lik in nim chik!Tob' ri nuchuu owe ri nuqaawkape royowaal wuuk',ruma kinkoj ru xajab'ri in kinok ta iil che.Lik kwaaj kankoj ri xajab'ma jela' kinch'ob' raqan in jela' pacha'ri nuchuu owe ri nuqaaw,wo'ora xa kintze'eej ronojee ri xin'ano.Echiri kinwil ri xajab' re ri nuchuuKinpaj ri waqan ruuk', ma lik kwaj kink'iy taancha' kinriq nuchaak 9\n-\n10.\nre kinloq' uxajab' ri nuchuu. 13. K'o jun nuxb'aalK'o jun nuxb'al lik k'ax kin-naoMa lik kunuto'o ruuk' ri nutijoniikWe jinta numeyo, kuya numeyoLik kunuchajiij tob' tzel kanwilo,Xaq ne e la' k'o wuuk'.E wa jun nuxb'aal lik utz uk'u'x wuuk'echiri' kinb'isonik lik kutz'onoj chwe sa' k'ax chwe,lik kachakunik xa wuma ri in,uwari'che lik kankuxtaj tob' na jinta chi wuuk'.Lik k'ax kin-na' ri nuxb'aal,Lik kinki'kot ruma kinuchajiij,Kin maltyoxij che ri nuxb'aalronoje ri utz xu'an chwe. 14. Ri nutijoneelNa kasachta chi nuk'u'x ri nab'ee nutijoneel,wa juun tijoneel lik utz uk'u'x kuk' konojee,ma ri k'utunik xuya chaqe lik kamajtaj usuuk',lik xetz'an quuk' yey na xojuch'ay taj.Ri nutijoneel lik xuk'ut b'iix chweRonojee ri tijonik xuya chwe,Xuya ruk' ronojee uk'u'x,E uwari'che lik kankuxtaj waq'iij. 15. Ri nutijob'aalLik choom ri nutijob'aalMa lik nim yey k'o kotz'i'j chwach,lik utz re etz'aneemma k'o uk'iyal ch'ich' re etz'aneem chwach.Lik kinetz'an kuk' ri wachb'iilYey lik kojki'kot rumaa ri ch'ich' re etz'aneemMa chiqocho na jinta junaa etz'anemb'aal jela'.E uwari'che lik kinetz'an pa ri tijob'al kuuk' ri wachab'iil. 10\n-\n11.\n16. Ri b'och'b'o'lLik quus ri b'och'b'o'l,we lik k'o ik che,we k'o ub'aq' k'uum ruuk',lik quus kaqatijo.E ri nuchuu lik ku'an ri b'och'b'o'l,Ma re ku k'ayij pa k'ayib'al.E ri winaq lik quus kakina'o,Keta'aam chik janipaa kopon ri nuchuuwe anim owe b'enaq q'iij ire, koponik. 17. Ri k'ayib'alEchiri' in ch'uti'n,Lik kacha' nuk'u'x cheKinetz'an re k'ayiij pa k'ayib'al,Jela' kin'an uk'iyal uwach k'ayiij, ruuk' rulew.Kin'an katamal, sub', waa,Yey ronojee ri kin'ano kin'an ruuk' ulew.Kinjok' rulew re kapeKinjok' rulew re nuq'oor.Yey kinpuq' ruleewre kin'an joch' che.yey ronojee wa' lik xinuto'o,re u'anik ri chaak pa ri kosino.Jela' xinmaj ukojik waaTob' ri nuchuu xinoyoq'oLik xin maj ronojeerumaa ri etz'aneem. 18. Ri numaamLik k'ax kinna' ri numaamTob' na jinta chi wuuk'Lik kan kuxtajRumaa ri pixb'anik xuya kan chwe.E ri numaam lik xu k'ut kan chwe 11\n-\n12.\nRonojee ri ub'eyomaliil ruwach uleewMa xub'iij kan chwee ri at cha k'ama' ri nub'ee. 19. Ri k'uumPa ju jun xeb'el lo ri k'uumE ri xintik ruuk' ri numaamYey na jinta junoq xkamikMa ri numaam lik xu chajij.Lik quus ri k'uum echiri' lo'y,Lik quus ri k'uum ruuk' pix yey ruuk' ik,Lik quus ri k'uum echiri' ri'j,Lik quus kaqatij ri k'uum ruuk' kaab'. 20. Ri jab'Lik joro'r kin-na' ri q'iijEchiri k'o jab',Lik choom ri jab' katzaq loqMa lik kaqaaj qaya' re ri qatiko'n.Echiri' kaqatik ri qab'ix lik kaqoyo'eej ri jab'Ma ri ab'iix lik katzajin uchi',Yey lik karaj uyaa'Ma we jinta uyaa' kakamik.Lik kaqaaj ri jab' re ri qatiko'n,Lik kaqaaj ri jab' re ri qab'iix,Ma lik joro'r ri q'iijYey lik utz kojuxlanik.Lik choom ri jab' echiri' katzaq lo ri saqb'ach,Ma lik utz kojetz'an ruuk' echiri' qamolo,Lik kaqetz'ab'eej ri xoq'o'l echiri' kik'ow ri jab',Lik kojetz'an chupaa ri xoq'o'l yey lik kojki'kot rumaa ri jab'. 21. E wa jun nuchee' b'araLik choom ko kinwil wa jun nuche',ma kin'an nukawayu che,lik na jinta junaa kawayuPacha' ri wi'in. 12\n-\n13.\nLik na jinta junaa kawayu pacha' ri wi'inma na kak'aqanta k'enoq,lik manxo ri nukawayu,Lik k'ax kinna' ri nukawayu.Lik k'ax kin-na' ri nukawayuma na k'ita rajil, yey na kawa' tajri nukawayu na kukojta aqan,ma lik utz ko uk'u'x ri nukawayu. 22. Ri uk'Lik tzel kinwil ri uk'Ma ri nuchuu lik kinuyoq'orumaa ri uk' k'o che ri nuwi'.Lik kub'iij chweXiya' la wi', chatatinoq,ma rumaa ri ch'ulLik k'o uk' che rawi'. 23. Tob' in ch'uti'nTob' ne in ch'uti'n, kan'an ronoje ri ku'an ri jun nimMa ri nuchuu xinutaq che u'anik ruchaakRumaa ri k'ax xuk'ulumaj,E ri'in xin'an ronojee ri chaak pa kosino.Tob' in k'o pa ri tijob'al,Ki'an nuk'ayiij pa ri k'ayib'al,ma ri in kintzukun reri b'iq'wal waa.Jela' xeb'inwiil taq ri nuchaaq'Rumaa ri k'ax xutiij ri nuchuu,In ri xinkanaj kan chikiwach rikePacha' in ri in kichuu. 13\n-\n14.\nRECOMENDACIONES:• En la lectura de este poemario se recomienda que el docente domine bien la habilidad de la lectura en el idioma maya para que hayan buenos resultados en los niños.• Que los niños se expresen de acuerdo al mensaje de cada posía. PIXAB'ANIK:• E ri ilonik re ri chomilaaj tziij kaqapixb'aj ri tijoneel lik chirajawaxik wi lik ka ch'a't saqil ri qach'ateem cha' lik kakimaj ri tijoxelaab' ub'xikiil ri chomilaaj tziij.• Konoje ri tijoxelaab' lik chirajawaxik wi ka kib'iij ri chomilaaj tziij ruuk' ronoje kik'u'x. 14\n-\n15.\nCONCLUSION La poesía es una lectura que hace que el niño se deleite y recuerde sus travesuras en casa y en la escuela. Asi mismo se expresa y puede crear en el niño El interes de expresar sus sentimientos Por medio de la poesía. K'ISB'ALRE E ri chomilaaj tziij lik chirajawaxik wi Keb'aqatijoj ri ch'uti'q ruuk' ri chomilaaj tziijMa ruuk' wa ri ch'uti'n ku maj ri qach'ateem chi utz Yey kuresaj ri xi'inib' che. 15","id":"","dump":"CC-MAIN-2016-44","url":"https:\/\/hubslide.com\/carlos-canahui\/portada-de-poema-s56d90ee78d070ead0ecfb56f.html","date":"2016-10-23T06:25:37Z","file_path":"s3:\/\/commoncrawl\/crawl-data\/CC-MAIN-2016-44\/segments\/1476988719155.26\/warc\/CC-MAIN-20161020183839-00566-ip-10-171-6-4.ec2.internal.warc.gz","language":"acr","language_score":0.9983925819,"language_script":"Latn","minhash_cluster_size":2,"top_langs":"{\"acr_Latn_score\": 0.9983925819396973}","num_words":1912,"character_repetition_ratio":0.164,"word_repetition_ratio":0.0,"special_characters_ratio":0.354,"stopwords_ratio":0.212,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1.- Chupa jun ch´uti´n tinamit ejeqel oxib´ taq ko aaq, ek´o kaib´ lik ech´uti´q ejeqel pa jun jaa k´im uwii, jay chikitzaal jeqel ri katz jay kub´ij chike chinit´o ma qa´a na rochoo re xaan jayxoot uwi choom qa´an che xcha chike, ri kaib´ ch´uti´q xkib´ij ri´ oj, oj ch´uti´q etz´eneem qawach xechawa´. Ri atz pereyowal xch´awta chi chike iay xujeb u´anik ru xaan re utzku´an na chomalai jaa. R´echi suk´is u´anik ri xaan sujeq u´anik ri jaa suk´is utza´m su koj xoot puwi choom xu´an che xwar chupa ek´o ri ch´utiq xub´unik´ulta ruk´ ma na xkiko´taj\nPalomaw xki Sut ,ronojee ri tinamit.\n2.- Kajib´ chi palomax lik r´ax rina´ kiib´xkich´ob´ chikiwax kisutinisaaj ronojee ri tinamit, oajujn xeb´eek xaqatoob´ b´ee. Pa oxib´iik´ xkiriq kiib´ jay xkitzijoj chikiwachsa´lax kilo´. K´o jun xtz lej loq lik kakam par i teew. Xinopon k´achikaj… k´achikaj jay xinwil uwach ri qaqaw xchache ri kachi b´iil, xinch´at ruuk´jay xupixib´aj lo chwe lik rinchajij ri b´taq re uya´oom kan chwach uleew.\n\" Ri tuutz´ jay ri b´oyex\"\n3.- Jun tuutz´ lik aj na´ooj karaj ku´on nim che ri´im jela´cha ri b´oyex. Xujeq ku xut´ut´ej… xut´ut´ej ri´im k´a pa wuch´ijwi jay konoje rixachib´iij ixkixij rib´che. K´echi kijek´teew ku´an lik nim jay lik nim. Kutz´ teew ku´an lik nim jay lik nim..kitz´onola- kutz´onola chike ri rachib´iil ¿yaku nu´an? Jay ri rachib´iil kaki tzu .ri b´oyex jay kakib´iijche ri tuutz´ chawilij-ima k´ak´I ri teew rawaaj ! xujeq ruxut´ut´ej riib´ rituutz; jay ri rachib´iil kesik´in che, k´echi rat´akiik. Ixwa´lijik lik xu´an nima´laj postiik jay ruch´akuul na xukuytaj jay ix b´it kanik ruma ri teew lik k´i xu jek´o.\n\"Ri Ch´oo jay ri k´aq\"\n4.- Chupaa jun tolomax jaa lik k´o choo jay xopon jun nimalaj k´aq jay xub´iij che, chatelub´ii ma kojok lioj xachache ri choo, kat qatij wooro ma lik koj numik.. xeb´ek k´urii xki qapaqa ri choo, texkilo´ xkam ri choo jay xkib´iij ri k´aq, wooro xojkanaj ranoq jinta chi qatii.\n\"Ri ch´eken jay risanik\"\nRi jun ch´eken julaj xu k´ul jun sanik reqam re chaa jay ri ch´eken jutijomta uwa xumaj kan ri rechaa ri sanik pa b´e, ri sanik xujek oq´ej kakototik xeek chirocho, , marugaw royem ruk ri echaa, echiri xaponik xu tz´onoj ruqaw sa´ xa´no, sa´xaqulumaj suchak katoik pak´owi ri echaa xatintaq b´chk´a mik. Ri sanik´xch´awik jay xublij e ri ch´ken majaw ri wechaa´.\n21 DE NOVIEMBRE\n\"Ripuwaq re chwitz´aq\"\nKa ki chiloj ri nimaq winaq, wara paqatinamit chijaa, ek´a tikaweex k´I ri kib´eyomal. Jay na kich´akomta ruk´ ri kich´ab´. Eb´oponinaq chuwitz´aq, ke kitz´onoj puwaq che ri juyub´. Ka ya´taj chike. Kopon k´uri chirochoo ri tikaweex, jun kumatz ku´t uwach, k´o ruk´a´ jay lik kawon rub´a´awach.\nE ri tikaweex uyijb´am pa saqil, pa owi ru k´olib´al ri tyox, jun kune´n kaq uwach,ruk´ jun sub´achi´ij, uya´om chupa kab´ lajuj chi mo´l re ak´ re chwa jaa. Jay jun k´olib´al ruk´rukik´el re ri tikaweex. Ema ri, ri kumatz kutz´ub´cb´ej ri mo´l jay ri kiik´. Techik´uri´ ku ya kan ri puwaq.\nEchi ka kam ri tikawex ru uxlab´ixeel ke´ela chwitz´aq, e utojonik ronoje ri b´eyomal xkiya che.\n\"Ri xaka re ri tz´inibal re ri\"\nTyox Jaa\nKe ki tzijoj ri nimaq winaq re ejertan echitzayal ri tz´inib��al re ri tyox Jaa re ojertan, pa taa k´isb´al re ri waqib´ q´iij ri xoka uximom ri tz´inib´al, Ku´an kumatz.\nEchi k´uri´ xik´ow ri kab´araqan, wara pa qatinamit chijaa, raqarob´ ri xoka, ri tzinib´al tzaqloq jay paxik. Sach k´uri´ ri xoka jay ri kumatz kilonta chi uwach.\n\"Tikaweex ke ki xii´ k´a´am\"\nKa kitzijoj ri tikawer echi keb´ek chwa juyub´ ke kin a ki sii´ jay ri keja´npa ri ki raxuleew cha´ab´. Ke sachik jay ke b´inik, na ke ki riqta ri kib´e, e ma ka ki xii´ k´a´am. E k´o tikaweex na ke kiriqta chi ri ki bee´, xaqi keb´inik, echi ke kina´o, ek´o chwitz´aq.\n\"Ri ch´akaneel xuresaj ruti´\"\nXe k´uli´ka´ib´tikaweex, k´ax kekina´kib´, xik´ow ri q´iij, ri q laa xu na sii´ chwa juyub´. Echi qajlok xu k´ul jun ixoq, e xu ya uwachirib´al ri tikawueex k´o...","id":"","dump":"CC-MAIN-2017-04","url":"http:\/\/www.buenastareas.com\/ensayos\/Biologia\/1378651.html","date":"2017-01-23T23:10:20Z","file_path":"s3:\/\/commoncrawl\/crawl-data\/CC-MAIN-2017-04\/segments\/1484560283301.73\/warc\/CC-MAIN-20170116095123-00512-ip-10-171-10-70.ec2.internal.warc.gz","language":"acr","language_score":0.9578184485,"language_script":"Latn","minhash_cluster_size":1,"top_langs":"{\"acr_Latn_score\": 0.9578184485435486, \"quc_Latn_score\": 0.039887528866529465}","num_words":659,"character_repetition_ratio":0.035,"word_repetition_ratio":0.0,"special_characters_ratio":0.261,"stopwords_ratio":0.22,"flagged_words_ratio":0.0,"lang_id_score":0.963,"perplexity_score":500.0,"cluster_detection":-1} +{"text":"Apocalipsis 17:2\n2I je 'atol tzij re u wach i jyub ta'aj qui 'anom i n-'us taj chuwach i Dios rumal i tinimit-le; xe'elok pacha quiqui 'an i achiab ru' jun n-ch'am ta laj ixok. Ni'pa i winak re u wach i jyub ta'aj qui 'anom i n-'us taj junam ru' i tinimit-le; xe 'elok pacha xe 'abar che i víno chi u yom ire chique. (Queje ile xu bij i ángel chwe.)","id":"","dump":"CC-MAIN-2017-51","url":"http:\/\/bibles.org\/acr-ACRNT\/Rev\/17\/2","date":"2017-12-18T20:37:57Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948623785.97\/warc\/CC-MAIN-20171218200208-20171218222208-00532.warc.gz","language":"acr","language_score":1.0000098944,"language_script":"Latn","minhash_cluster_size":4,"top_langs":"{\"acr_Latn_score\": 1.0000098943710327}","num_words":72,"character_repetition_ratio":0.1,"word_repetition_ratio":0.063,"special_characters_ratio":0.298,"stopwords_ratio":0.306,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"San Juan 6\nWach qui tzukic u q'uial winak xo'on i Jesus\n1Te'uri i Jesus xu 'axuj i alagun, Galiléa u bi, chi xak Tibérias ca bix che. 2Je q'ui i winak xe terej bi chirij, man quilom chic i milágro u 'anom are xe rutzirsaj i iwabib. 3Te'uri i Jesus xel bi che jun jyub cu' u tijoxelab y xe cubi chila. 4Ya ca nakajab i niraa'ij chi are i páscua que i aj Israel winak. 5I Jesus cul chila, xe ril u q'uial winak ca tijin cuponic ru'. Xu bij che i ma Felípe:\n—¿Pa caka lo' wi i wa quiqui tijbej re conojel i winak-i?\n6Queje ile xu bij, xa ilbal-re wach cu bij i ma Felípe, man i Jesus u ch'obom chic wach coc chu 'onquil. 7I ma Felípe xu bij che:\n—Mi tene queb ciénto quetzal n-co'on taj, lo'bal-re i caxlanwa ca ya' chique; mi tene we xa jutak bi' caka ya chique, n-que u 'on taj —xu bij.\n8Te'uri xch'aw i ma Andres chi jun chic chique u tijoxelab i Jesus, chi xak ratz u cha' i ma Simon Pédro. Xu bij che i Jesus:\n9—'O jun ac'al chi, ruc'am queb car xak jo'ob caxlanwa 'antal che cebáda. Péro we xui ile, n-co'on taj man je q'ui i winak —xu bij.\n10I Jesus xu bij chique:\n—Chi bij chique i winak chi que cubi'ic —xu bij.\nPa i je 'o wi-le, chom i q'uim 'o che, y conojel xe cubi'ic; colo je jo'ob mil achiab. 11Te'uri i Jesus xu c'am i caxlanwa; are 'uri xu c'amwaj xu tioxij che i Dios, y xu ya chique u tijoxelab. Ique xqui jach chique conojel i winak chi je culic. Xak queje xo'on che i car, xu ya chique ni'pa u nimal cacaj. 12Are xe noj i winak conojel, i Jesus xu bij chique u tijoxelab:\n—Chi molo ronojel i ch'akatak chi n-xq'uis taj, n-'us taj to' ca 'ani c'ax che —xu bij.\n13Are xqui molo, xnoj cablajuj coban che. Ile are i ch'akatak chi n-xq'uis ta che i jo'ob caxlanwa re cebáda. 14Te'uri i winak, are xquil i milágro-le chi xo'on i Jesus chiquiwach, xqui bij:\n—Katzij, iri are i ajbil u tzij i Dios chi koy'em u c'unic chuwach i jyub ta'aj —xe cha.\n15I Jesus xu nabej chi i winak-le cacaj quiqui 'an pen che, chi quiqui c'am bic, y quiqui 'an qui 'atol tzij che. Rumal-i, xel chiquixol, y xel chubi mas che i jyub utuquel.\nWach u binic i Jesus chuwi ya\n16Are ya coc a'ab, i u tijoxelab i Jesus xe kaj li chu chi' i alagun. 17Te'uri xe oc chupam jun bárco, y xqui maj bi qui be chuwi ya, 'enam-que c'a pa tinimit Capernaum. Ya ocnak chic a'ab, i Jesus c'a maja ca kaj li che i jyub. 18Are je 'o chic chuwi ya, xpe jun tew, nim u cho'ab; i uwi ya lic xu ticba silabic rumal i tew. 19Ique je bin-nak chic chuwi ya, colo jun légua ru' nic'aj. Xak te'et xquilo chi Jesus ca tijin u tejebic ru' i bárco; lic ca bin chuwi ya. Are xquilo, xqui xij quib che. 20Are 'uri i Jesus xu bij chique:\n—¡Mi xij iwib! Xa yin —co'on chique.\n21Rumal-i xcubi qui c'ux, y xqui c'ulaj i Jesus cu' pa bárco. Juntir, xe upon che i lugar pa 'enam-wi que.\nJe 'o u q'uial winak xqui tzucuj i Jesus\n22Chucab 'ij, i winak chi xe canaj can chila pa xqui tij wi i caxlanwa, queta'am chi xa jun bárco 'o te'ek chu chi' i ya. Xqui nabej chi i u tijoxelab i Jesus xe 'e chupam i bárco-le, xak xquetamaj chi Jesus n-xa 'e ta cu'. 23Tz'akat je 'o chila, xe upon juban bárco je aj pa tinimit Tibérias. Xe q'uiji chu nakaj i lugar pa qui tijom wi i caxlanwa, are xutzin i Kajwal chu tioxixic che i Dios. 24I winak, are xquilo chi Jesus, tak i u tijoxelab, je n-ta chic chila pa xqui tij wi i wa, xe oc chupam tak i bárco-le; te'uri xe 'ax ch'akap c'a Capernaum chu tzucuxic i Jesus.\nAre i Jesucrísto are i wa re i c'aslemal\n25I winak-le, are xe upon ch'aka alagun, xqui rik i Jesus.\n—Tijonel, ¿umpa xat 'ax li chi? —xe cha che.\n26I Jesus xu bij chique:\n—Katzij i quin bij chiwe, yix quin i tzucuj xa rumal xix in tzuku. Xa rumal xix nojic quin i tzucuj; n-are ta rumal xi ta u be i nimak tak milágro chi in 'anom. 27Mi ya i c'ux chu ch'aquic i wa chi xa ca q'uisic; are chi ya i c'ux chu ch'aquic i wa chi n-ca q'uis taj; chi ch'aca i wa chi cu ya i c'aslemal chi n-ca q'uis ta chic. I wa-le chi quin bij chiwe, ca ya' chiwe wumal yin chi in Achi aj Chicaj. Quin tiqui chu ya'ic chiwe man i Dios, chi i Ta Chicaj, u c'utum chi u yom pin'ab quin 'an ile —xu bij i Jesus chique.\n28Te'uri xqui tz'onoj che:\n—¿Wach nawi caka 'ano 'anbal re i chac chi craj i Dios? —xe cha.\n29I Jesus xu bij chique:\n—I chac yix chuwach i Dios are iri: chi cuba i c'ux chwe yin, man i Dios in u takom lok.\n30Xqui tz'onoj chic che:\n—¿Wach i c'utbal re a cho'ab ca 'an na chakawach, caka cojbej-re a tzij? ¿Wach i nim laj séña ca 'an na? 31I katit ka mam ujer, are je 'o pa jyub tz'inilic, xe tzuk che i wa aj chicaj, mana u bi. Keta'am ile man chuwach i wuj re i Dios, queje iri cu bij: \"Xu ya i wa chique chi xpe chicaj, tzukbal que.\" Queje ile tz'ibtalic —xqui bij.\n32I Jesus xu bij chique:\n—(Qui bij yix chi are i mam Moises xyaw i wa-le chique.) Katzij i quin bij chiwe, n-are ti mam Moises xyaw i wa aj chicaj chique; are i Dios. Xui-ri, i wa-le n-xu ya ti qui c'aslemal chi n-ca q'uis taj. Péro wo'or in Kajaw cu ya i sakil wa aj chicaj chiwe. 33Are i sakil wa chi cu ya i Dios, are i Jun chi kajnak li chicaj. Ire cu ya i sakil c'aslemal chique i winak chuwach i jyub ta'aj —xu bij i Jesus chique.\n34Te'uri xqui bij che:\n—Kajwal, cha ya na chake i wa-le ronojel tak 'ij.\n35I Jesus xu bij chique:\n—Yin i wa-le chi cu ya i sakil c'aslemal; pachin jun ca c'un wu', n-ca pe ta chic u numic; pachin cu cuba u c'ux chwe n-ca pe ta chic i c'atic pu c'ux. 36Xui-ri yix, pacha xin bij 'ut, n-quix cojon taj, tupu iwilom chic in wach. 37Conojel ni'pa i que ya' chwe rumal in Kajaw, que c'un wu'. Ni'pa i cacaj que terej chwij, n-que in tzalijsaj tubic. 38Man yin xin pe chicaj, n-are ta col in 'ana pacha i cwaj yin; xa are col in 'ana pacha i craj i Jun chi in takawnak lok. 39Are i craj in Kajaw chi xin u tak lok are iri: chi mi jun quin sach chique i je u yom chwe; queje ile, que in walijsaj na chiquixol i camnak pa q'uisbal 'ij. 40Man are i craj i xin takaw lok are iri: conojel ni'pa i quiquil u be in pachin yin, chi in u C'ojol i Dios, xak quiqui cuba qui c'ux chwe, ca ya' ni c'aslemal chique chi n-tu q'uisic. Xak quin c'unsaj sak chiquiwach chiquixol i camnak pa q'uisbal 'ij —xu bij i Jesus chique.\n41Are 'uri i qui nimakil i aj Israel winak xpe coywal che y xe oc chu ch'ach'axic chiquiwach, man xu bij chique, \"Yin i wa chi xpe chicaj,\" xu bij. 42Ique xqui bij:\n—I achi-ri xa are i ma Jesus, u c'ojol i ma Jose; lic keta'am qui wach u kajaw u chuch. ¿Wuchac 'ut cu bij wo'or chi kajnak li chicaj? —xe cha.\n43I Jesus xu bij chique:\n—Chi mayij in ch'ach'axic chiwach. 44N-ta jun ca c'un wu' yin, we n-are ti in Kajaw ca c'amaw lok, chi in u takom li yin. Xak quin c'unsaj sak chuwach chiquixol i camnak pa q'uisbal 'ij. 45I ajbil u tzij i Dios ujer xqui tz'ibaj i tzij-i: \"I Dios que u tijoj na conojel.\" Queje ile tz'ibtalic. I tzij-le que'elok chi conojel ni'pa i quiqui ta u be wach cu bij i Ta, y xak que naw che ire, que c'un 'uri wu' yin. 46Katzij mi jun winak rilom u wach i Ta, xa jun ilawnak u wach, xui yin, man in petnak chila ru' ire. 47Sak laj tzij i quin bij chiwe: pachin jun cu cuba u c'ux chwe yin, 'o u c'aslemal chi n-ca q'uis ta chic. 48Are yin i wa chi cu ya i sakil c'aslemal. 49Iwatit i mam ujer, are xe bin pa jyub tz'inilic, xqui tij i mana chi xpe chicaj; xui-ri i wa-le n-xu ya ti sakil c'aslemal chique, man are xu rik i 'ij, xe camic. 50Xui-ri 'o jun wa petnak chicaj, chi pachin jun cu tijo, lic n-ca cam taj. 51Yin i wa-le chi petnak chicaj, are yin i wa chi lic c'aslic. Pachin jun cu tij i wa-ri, i u c'aslemal n-tu q'uisic 'uri. I wa chi quin ya yin are in ch'acul, quin ya wib piqui q'uexel i winak, yabal-re qui c'aslemal chuwach i jyub ta'aj —xu bij i Jesus chique.\n52Rumal i tzij-le, i aj Israel winak xe oc chu chapic quib chi tzij chiquiwach:\n—¿Wach u 'onquil ile, chi cu ya u ch'acul caka tijo? —xe cha.\n53I Jesus xu bij chique:\n—Sak laj tzij i quin bij chiwe: we yix n-qui tij ti u ch'acul i Achi aj Chicaj, xak we n-qui tu' ti u quiq'uel, n-ti i c'aslemal 'uri. 54Pachin jun cu tij in ch'acul y cu tu' in quiq'uel, 'o u c'aslemal 'uri chi n-ca q'uis ta chic. Xak quin c'unsaj sak chuwach chiquixol i camnak pa q'uisbal 'ij. 55Queje ile quin bij, man in ch'acul are i sakil wa; xak in quiq'uel are i sakil ya. 56Pachin jun cu tij in ch'acul, xak cu tu' in quiq'uel, ca q'uiji 'uri wu' yin, xak yin quin q'uiji ru' ire. 57I Ta chi xin u tak lok, ire c'aslic; rumal ire, xak yin in c'aslic. Xak queje ile, we jun cu tzuk rib chwe yin, ca c'asi na wumal yin. 58Queje i wa ile chi kajnak li chicaj; i wa-le n-are ta pacha i mana chi xqui tij iwatit i mam, man ique xak xe camic are xu rik qui 'ij. Are i cu tij i wa-ri chi quin ya yin, cu rik u c'aslemal chi n-ca q'uis ta chic —xu bij.\n59Are i tzij-le xu bij i Jesus, are xe u tijoj wi i winak pa molbal'ib que i aj Israel pa tinimit Capernaum.\nI u tzij i Jesucrísto cu ya i sakil c'aslemal\n60I je teren chirij, are xqui ta i tzij-le, je q'ui chique xqui bij:\n—C'ax u tayiquil i tzij-le; ¿pachin ca ch'ijaw u tayic ile? —xe cha.\n61I Jesus xu nabej wach quiqui bij chiquiwach. Rumal-i xu tz'onoj chique:\n—¿Tzel qui ta i xin bij-le? 62¿Wach nawi qui bij we quin iwilo quin 'el chubi chicaj pa in 'o wi te'ek, yin chi in Achi aj Chicaj? 63Are i ranima jun winak, are i ca yaw u c'aslemal i u ch'acul; i to' ch'aculaj n-ta cu chacuj. Xak queje i tzij ile chi xin bij chiwe, are i ca yaw i sakil c'aslemal, are i ca yaw i u Tewal i Dios pi c'ux. 64Xui-ri, c'o jujun chiwe yix chi n-qui coj taj —xu bij chique.\nI Jesus reta'am chu xebal pachin n-cacaj ta que cojonic, xak reta'am pachin i jun chi ca jachaw na che i camic. 65Xu bij chic:\n—Rumal-i, in bim chiwe n-ta jun to' ca c'un wu' yin, we n-are ta in Kajaw ca c'amaw lok —xu bij chique.\n66I je teren chirij, are xqui ta ile, je q'ui xco'taj canok; n-xe terej ta chic chirij. 67Te'uri xu bij chique i cablajuj u tijoxelab:\n—Y yix, ¿mok xak quiwaj 'enam? —xu bij.\n68Are 'uri i ma Simon Pédro xu bij che:\n—Kajwal, ¿Pachin ru' coj 'e wi? Mi jun; xui yet ca bij i tzij chake chi cu ya i c'aslemal n-tu q'uisic. 69Yoj ka cubam chic ka c'ux chawe; keta'am chi yet at Crísto, u C'ojol i Dios chi lic c'aslic —co'ono.\n70I Jesus xu bij chique:\nXix in cha yix, ix cablajuj; tupu yin xix in cha, xui-ri 'o jun chiwe chi xa itzel —xu bij.\n71I tzij xu bij-le, re i ma Júdas chi u c'ojol i ma Simon Iscarióte. Man i ma Júdas-le, are i ca jachaw na che i camic, tupu are jun chique i cablajuj tijoxelab je chatal rumal i Jesus.","id":"","dump":"CC-MAIN-2017-51","url":"http:\/\/bibles.org\/acr-ACRNT\/John\/6","date":"2017-12-13T18:51:58Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948530668.28\/warc\/CC-MAIN-20171213182224-20171213202224-00689.warc.gz","language":"acr","language_score":1.0000094175,"language_script":"Latn","minhash_cluster_size":28,"top_langs":"{\"acr_Latn_score\": 1.0000094175338745}","num_words":2133,"character_repetition_ratio":0.061,"word_repetition_ratio":0.002,"special_characters_ratio":0.29,"stopwords_ratio":0.252,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Apocalipsis 18:2\n2Ire xsiq'uin chu bixquil:\n—¡Ya wulijsam chic i tinimit; ya wulijsam chic i nim laj tinimit Babilónia! Wo'or xa je are chic itzel je jekel chila, xa are qui q'uijibal chic itzel tak tew, xa are qui q'uijibal chic i itzel tak tz'iquin, xak ne te ch'am laj tak tz'iquin.","id":"","dump":"CC-MAIN-2017-51","url":"http:\/\/bibles.org\/acr-ACRNT\/Rev\/18\/2","date":"2017-12-11T00:23:11Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948511435.4\/warc\/CC-MAIN-20171210235516-20171211015516-00693.warc.gz","language":"acr","language_score":0.998290062,"language_script":"Latn","minhash_cluster_size":4,"top_langs":"{\"acr_Latn_score\": 0.9982900619506836}","num_words":51,"character_repetition_ratio":0.109,"word_repetition_ratio":0.0,"special_characters_ratio":0.253,"stopwords_ratio":0.059,"flagged_words_ratio":0.0,"lang_id_score":0.997,"perplexity_score":500.0,"cluster_detection":-1} +{"text":"1 San Juan 3:14\n14Keta'am chi xoj el che i be chi coj u c'am bi te che i camic, y xka jek i be re i c'aslemal. Keta'am chi ka rikom i be re i c'aslemal, man c'ax que ka na chic i kachalal. Are i n-c'ax ta quiqui na i cachalal, c'a je 'o 'uri pa be re i camic.","id":"","dump":"CC-MAIN-2017-51","url":"http:\/\/bibles.org\/acr-ACRNT\/1John\/3\/14","date":"2017-12-16T15:14:12Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948588251.76\/warc\/CC-MAIN-20171216143011-20171216165011-00273.warc.gz","language":"acr","language_score":1.0000095367,"language_script":"Latn","minhash_cluster_size":5,"top_langs":"{\"acr_Latn_score\": 1.000009536743164}","num_words":60,"character_repetition_ratio":0.116,"word_repetition_ratio":0.0,"special_characters_ratio":0.328,"stopwords_ratio":0.4,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1 San Juan 5\nWach i kelic pu'ab i n-'us taj chuwach i jyub ta'aj\n1Pachin i cu cojo chi i Jesus are i Tolke, alaxnak chic ru' i Dios. Pachin c'ax cu na jun kajawxel, xak c'ax que u na 'uri i rac'al i kajawxel-le. 2We c'ax caka na i Dios, xak we caka 'ano pacha coj u tak chu 'onquil, keta'am 'uri chi c'ax que ka na i rac'al ire. 3'Alaj chi 'o i c'axnabal ka c'ux che i Dios we ronojel ka c'ux caka 'ano pacha i cu bij ire; ile n-c'ax tu 'onquil caka na yoj. 4N-c'ax taj, man konojel ni'pa i oj alaxnak ru' i Dios coj tiqui chu kajsaxic u cho'ab i to' re u wach i jyub ta'aj. Coj tiqui che rumal u cubibal ka c'ux che i Jesucrísto. 5¿Pachin ca tiqui chu kajsaxic u cho'ab i to' re u wach i jyub ta'aj? Xa are ire chi u cubam u c'ux che, chi Jesus are u C'ojol i Dios.\nI retamaxic chi Jesucrísto rac'al i Dios\n6I u Tewal i Dios cu 'alijinsaj chake chi Jesucrísto are i Tolke chi lic tz'akat. Ire are i c'un-nak ru' ya, xak ru' quiq'uelaj; n-xui ta ru' ya, xui-ri are ru' ya, xak ru' quiq'uelaj. I u Tewal i Dios rilom, xak cu bij chake chi katzij ile, y keta'am chi ire n-ca t'oron taj. 7Je oxib je 'o chicaj chi quiqui bij chi lic katzij ile; i oxib-le are i Ta, i Tzij, xak i u Tewal i Dios. I je oxib-le xa je jun. 8Xak je 'o oxib waral chuwach i jyub ta'aj chi quiqui bij chi lic katzij ile; ique je are i u Tewal i Dios, xak i ya, xak i quiq'uelaj+ . 9Yoj caka cojo wach tak quiqui bij i to' winak, mas 'o 'uri u chac chaka cojo u tzij i Dios; rumal-i 'o u chac caka cojo wach cu bij chirij u C'ojol. 10Pachin i cul u c'ux che u C'ojol i Dios, reta'am 'uri pu c'ux chi Jesucrísto are u C'ojol i Dios. Pachin n-cu coj ti ile chi u bim i Dios, pacha cu bij 'uri chi Dios xa ca t'oronic. Queje ile que'elok, man nu cojom taj wach u bim i Dios chirij u C'ojol. 11Are iri, are usuc' i u bim i Dios, chi ire u yom i ka c'aslemal n-tu q'uisic, y caka rik i c'aslemal-le rumal u C'ojol. 12Pachin i u c'ulam u C'ojol i Dios pa ranima, 'o 'uri u c'aslemal sakil; pachin i n-ti u C'ojol i Dios pa ranima, n-ta 'uri u c'aslemal sakil.\nQ'uisbal tak tzij\n13Quin tz'ibaj iri chiwe yix, chi i cubam i c'ux che i u C'ojol i Dios, man cwaj quiwetamaj chi 'o chic i c'aslemal yix chi n-tu q'uisic.\n14Cul ka c'ux che i Dios man keta'am chi ire cu ta wach i caka tz'onoj che, xui-ri we caka tz'onoj wach tak i craj ire chake yoj. 15We keta'am chi cu ta wach i caka tz'onoj che, xak keta'am 'uri chi cu ya na chake wach i caka tz'onoj che.\n16Jun kachalal, we quiwil yix chi ca tijin chu 'onquil u mac, chi tz'onoj u tobal i Dios puwi, y Dios cu ya ni u c'aslemal, xui-ri, we i u mac ca tijin chu 'anic we n-are ta ca c'amaw bi che i camic. Man 'o i mac chi que u c'am bi ajmaquib che i camic; ile n-quin bij taj we qui tz'onoj che i Dios piquiwi ique. 17Ni'pa i n-'us taj chi ca 'anic, 'is mac atzalal, xui-ri 'o i mac chi n-coj u c'am tu bi che i camic.\n18Keta'am chi ni'pa i je alaxnak ru' i Dios, qui mayim que macunic, man i u C'ojol i Dios que u chajij; rumal-i n-que yin ta rumal itzel.\n19Keta'am chi oj re chic i Dios, tupu ronojel i jyub ta'aj 'o pu'ab itzel.\n20Xak keta'am chi u C'ojol i Dios c'un-nak, xak u yom ka nojbal man caketambej re u wach i Dios sakil. Oj 'o che i sakil Dios, man oj 'o che u C'ojol chi Jesucrísto. Ire lic are i Dios, xak are rajaw i c'aslemal chi n-ca q'uis ta chic. 21Ix wac'al, mi coj qui 'ij tak i tiox chi xa ril je 'antalic. Amen (queje ile cwaj).","id":"","dump":"CC-MAIN-2017-51","url":"http:\/\/bibles.org\/acr-ACRNT\/1John\/5","date":"2017-12-14T13:13:47Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948544124.40\/warc\/CC-MAIN-20171214124830-20171214144830-00611.warc.gz","language":"acr","language_score":1.0000098944,"language_script":"Latn","minhash_cluster_size":38,"top_langs":"{\"acr_Latn_score\": 1.0000098943710327}","num_words":717,"character_repetition_ratio":0.075,"word_repetition_ratio":0.011,"special_characters_ratio":0.296,"stopwords_ratio":0.333,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Colosenses 3:11\n11Ni'pa i 'o qui nojbal c'ac', n-ta co'ono we je aj Israel, we xi ne te aj Israel; n-ta co'ono we 'o i retal circuncision che qui ch'acul, we xi n-taj; n-ta co'ono we je aj naj, xak we je chicop laj tak winak caka bij yoj; n-ta co'ono we je ajchac piqui'ab i cajaw, we xi n-ta cajaw. (N-ta co'ono xa bi chi winakil.) Conojel je 'o che i Crísto, y Crísto 'o chique conojel; are ile are i 'o u chac.","id":"","dump":"CC-MAIN-2017-51","url":"http:\/\/bibles.org\/acr-ACRNT\/Col\/3\/11","date":"2017-12-12T00:55:20Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948514238.17\/warc\/CC-MAIN-20171212002021-20171212022021-00746.warc.gz","language":"acr","language_score":1.0000084639,"language_script":"Latn","minhash_cluster_size":21,"top_langs":"{\"acr_Latn_score\": 1.000008463859558}","num_words":84,"character_repetition_ratio":0.149,"word_repetition_ratio":0.0,"special_characters_ratio":0.308,"stopwords_ratio":0.119,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"San Mateo 10:25\n25Jun tijoxel, ca majaw che chi ca quicot ru', we que'el na che pacha o'onom u tijonel; xak queje jun ajchac, ca majaw che chi ca quicot ru' we que'el na che pacha o'onom u patron. Jun rajaw ja, we quiqui bij ni winak chi ire itzel, xak jun 'uri quiqui bij na ique chiquij i ralc'wal. (We queje xqui bij ile chwe yin, xak queje quiqui bij na 'uri chiwe yix.)","id":"","dump":"CC-MAIN-2017-51","url":"http:\/\/bibles.org\/acr-ACRNT\/Matt\/10\/25","date":"2017-12-12T01:03:29Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948514238.17\/warc\/CC-MAIN-20171212002021-20171212022021-00791.warc.gz","language":"acr","language_score":0.9999943972,"language_script":"Latn","minhash_cluster_size":6,"top_langs":"{\"acr_Latn_score\": 0.9999943971633911}","num_words":74,"character_repetition_ratio":0.104,"word_repetition_ratio":0.154,"special_characters_ratio":0.273,"stopwords_ratio":0.243,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"San Mateo 18\nPachin mas naj u 'ij pa cu 'at wi tzij i Dios\n1Are 'uri xe tejeb pan i u tijoxelab i Jesus ru', y xqui bij che:\n—I 'atbal tzij aj chicaj, are ca pe pakawi, ¿pachin 'uri naj u 'ij que'elok? —xqui bij che.\n2Are 'uri i Jesus xu siq'uij jun ac'al ru', y xu ya chiquiwach. 3Xu bij chique:\n—Katzij i quin bij chiwe: yix we n-qui jalwachij ta i nojbal, we n-qui 'an ta che iwib pacha u no'oj jun ac'al, n-quix oc ta 'uri pa ca 'at wi i tzij chi ca pe chicaj. 4Que'el 'uri chi pachin co'on che rib pacha u no'oj i ac'al-i, pachin co'on ch'utin che rib, ire 'ut are i mas naj u 'ij pa cu 'at wi tzij i Dios.\nTo' u wach i jun we xa cu tzaksaj jun ch'utin\n5We 'o jun cu c'ulaj jun ac'al ru' pacha iri, rumal i c'axnabal u c'ux chwe yin, quel 'uri pacha yin quin u c'ulaj. 6Jun ch'utin chi u cubam u c'ux chwe, we 'o jun co'on che chi ca tzak chupam u mac, nim laj mac 'uri u 'anom ire. Mas 'utz que'el che, we tene ca xim jun ca' rij u kul y ca c'ak bi pa ya, ji'bal-re. I camic-le, mas 'utz chuwach i mac chi u 'anom che. 7¡To' qui wach i winak waral chuwach i jyub ta'aj, man lic 'o ni tzaksabal-que! Lic 'o na; xui-ri to' u wach i jun chi cu tzaksaj jun chic chupam u mac. ¡Mi 'an yix ile!\n8We are a 'ab, we are awakan ca 'anaw chawe cat macunic, su' cha c'upij y cha c'aka bic. Mas 'utz ile, ca rikbej re a c'aslemal, tupu xa jun a 'ab, xa jun awakan. Mas 'utz ile chuwach i queb a 'ab, queb awakan we xa cat 'e pa 'a' rumal, i 'a' chi n-tu q'uisic. 9Xak we are a ba'wach ca 'anaw chawe cat macunic, ile su' chawesaj y cha c'aka bic. Mas 'utz ile, ca rikbej re a c'aslemal, tupu xa jun a ba'wach. Mas 'utz ile chuwach i queb a ba'wach we xa cat 'e pa 'a' re i tojpen rumal+ .\nI tijojbal tzij chirij i chij sachnak\n10Jun ch'utin, mi ch'ob yix chi n-ta kas u 'ij. Quin bij 'u chiwe, i ángel chi je chajal-que nic are wi je 'o chuwach in Kajaw chicaj. 11Yin chi in Achi aj Chicaj in c'un-nak chi qui to'ic ni'pa i je sachnak.\n12¿Wach i qui bij yix chi cu 'an jun achi, we je 'o cien u chij, we xsach jun chique? ¿Wach co'on na ire 'uri? ¿Xataba n-que u canaj ta can i novénta y nuéve che i jyub pa i que wa wi, que u tzucbej re i jun chi sachnak? Que u tzucuj na pues. 13Y we xu riko, mas ca quicot ru' i jun-le chiquiwach i novénta y nuéve chi n-xe sach taj. 14Xak queje co'on i Kajaw yix chi 'o chicaj. Craj ire chi mi jun ch'utin pacha iri ca sachic.\nWach u cuyic u mac jun awachalal\n15We 'o jun awachalal u 'anom mal chawe, cha 'ijla 'uri are utuquel; queje ile cha sakirsaj che wach u mac chawe. Ire, we xu ta u be wach i xa bij che, quix canaj chic can 'uri iwatz i cha' iwib. 16Ire, we n-co'on ta cas wach i ca bij che, te'uri che i siq'uij ni jun chic, queb chic, iwu'. Queje ile i je queb oxib quiqui ta wach u cojic u mac ca 'ano. 17We xak n-co'on ta cas ire chique ique, cha bij 'uri pa molbal'ib. We xak n-co'on ta cas chique pa molbal'ib, chi 'ana 'uri che pacha lic n-ta Dios ru', o pacha jun mal laj aj tz'onol alcawal.\n18Katzij i quin bij chiwe: wach tak i qui 'atij yix waral chuwach i jyub ta'aj, i Dios cu ya u wach iwu', xak cu 'atij chila chicaj. Xak wach tak qui ya chique i je re i Dios chi quiqui 'an waral, xak ca ya' na li chique rumal i Dios chila chicaj.\n19Xak quin bij chiwe: we je 'o queb chixol yix waral chuwach i jyub ta'aj lic xak jun i qui nojbal are quiqui tz'onoj che i Dios, in Kajaw chila chicaj cu ya na chique wach i quiqui tz'onoj. 20Queje ile co'ono, man pa je 'o wi je queb je oxib qui molom na quib wumal yin, xak yin in 'o na cu' ique —xu bij chique u tijoxelab.\n21Te'uri i ma Pédro xtejeb ru' i Jesus y xu bij che:\n—Wajwal, ¿ni'pa mul quin cuy ni u mac i wachalal we macun-nak chwij? ¿C'a wukub mul quin cuy na? —co'ono.\n22I Jesus xu bij:\n—N-xui ti wukub mul ca cuyu. We a cuyum wukub mul, cha cuyu chic seténta mul i wukub-le —xu bij.\nI mocom chi n-xu cuy tu mac i rachi'il\n23(Te'uri xu bij jun chic tijojbal tzij chique): —I 'atbal tzij aj chicaj are pacha xu 'an jun 'atol tzij; xe u siq'uij u mocom ru' y xu bij chique chi quiqui toj ni qui c'as ru'. 24Are xu jek u 'onquil ile, xqui c'am li jun ru' chi 'o uq'uial mil u c'as u 'anom ru'. 25I jun-le lic n-ta ca 'e u c'ama wi, tojbal na re u c'as u 'anom. Rumal-i, i 'atol tzij xu bij chi ca c'ayix na, junam ru' i rixokil, tak i rac'al, xak ronojel i ubitak-re, tojbal na re u c'as. 26Te'uri i u mocom-le xa xuqui chuwach u patron y xu bij che: \"Nim laj winak, cha ya u nimal a c'ux chwe; coq'uil quin toj ni ronojel in c'as chawe,\" co'ono. 27Are 'uri u patron xril to'bal u wach, y xu chup u c'as; te'uri xro'taj bic. 28Ire xa 'ec; are 'uri xu c'ulaj jun rach ajchac. I rach ajchac-le, 'o jubi' u c'as ru'; are 'uri xu chapo y xoc chu chapic pu kul, y xu bij che: \"Cha tojo chwe ni'pa a c'as wu',\" co'on che. 29I rach ajchac xa xuqui chuwach y xu bij che: \"Cha ya u nimal a c'ux chwe; coq'uil quin toj ni ronojel in c'as chawe,\" co'ono. 30I jun n-xraj taj; su' xu chapo y xu tz'apij pa cárcel. Chila xu ya wi c'a cu toj ni u c'as che. 31Xak je 'o juban cach ajchaquib xquilo wach xo'on i jun che i cachi'il. Ique lic c'ax xqui na'o wach i xa 'ani che. Rumal-i, xe 'e qui bij che i qui patron wach u mac i jun xu 'ano. 32I qui patron xu tak u siq'uixic, y xu bij che: \"¡Lic at mal laj winak! Yin xin bij na chawe chi ni'pa i a c'as wu', 'is xin cuy na chawe, man lic xa tz'onoj cuybal mac chwe. 33Rumal-i, 'o chakul yet queje cha 'ana ni ile, cha cuyu ni u mac i jun we 'o u c'as awu'. 'O u chac chawila to'bal u wach, pacha xin 'an yin chawe yet, xwil to'bal a wach.\" Queje ile xu bij i 'atol tzij che. 34Y lic xpe roywal che. Rumal-i, xu tak u tz'apixic pa cárcel, c'a cu toj ni ronojel u c'as che. (Queje ile i tijojbal tzij xu bij i Jesus chique.)\n35Pa q'uisbal-re xu bij chique:\n—Xak queje ca 'ani chiwe yix rumal in Kajaw aj chicaj, we yix chi jujunal n-qui cuy ti qui mac iwachalal ronojel i c'ux —xu bij i Jesus chique.","id":"","dump":"CC-MAIN-2017-51","url":"http:\/\/bibles.org\/acr-ACRNT\/Matt\/18","date":"2017-12-12T04:44:37Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948515165.6\/warc\/CC-MAIN-20171212041010-20171212061010-00195.warc.gz","language":"acr","language_score":1.0000097752,"language_script":"Latn","minhash_cluster_size":26,"top_langs":"{\"acr_Latn_score\": 1.0000097751617432}","num_words":1245,"character_repetition_ratio":0.043,"word_repetition_ratio":0.026,"special_characters_ratio":0.303,"stopwords_ratio":0.238,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"San Mateo 23\nI Jesus cu coj qui mac i aj Fariséo, xak i nimak tak aj tijonel\n1Te'uri i Jesus xoc chu bixquil i tzij-i chique i winak, xak chique u tijoxelab:\n2—I je tijonel re i 'atbal tzij, xak i aj Fariséo, 'o chiquikul quiqui sakij chiwe wach usuc' i 'atbal tzij chi u tz'ibam can i mam Moises. 3Rumal-i chix cojon na che, lic chi 'ana cas che wach i quiqui bij; xui-ri, mi 'an yix pacha quiqui 'an ique. Mi 'an na, man ique n-quiqui 'an taj pacha tak i quiqui bij. 4Ique, nim i ekan quiqui ya chiquij i winak, c'ax u ch'ijawic; xak n-que ton ta ru', mi xa ta jubi'. 5Ronojel wach i quiqui 'ano, quiqui 'an na man xa cacaj que 'iltaj cumal i winak. Kus quiquil u c'amic bi jupaj u tzij u pixab i Dios pasim chupam jun ral tz'um chuwach qui palaj. Xak kus quiquil u batz'catixic tz'um rij tak qui 'ab. I tz'um-le xak tz'ibtal jutakpaj u tzij i Dios chuwach; kus quiquil ique we nim u wach. Xak i u chi' i qui 'u', lic nimak i rismachi' 'o che, mas nimak chuwach i que i to' winak. Queje quiqui 'an ique ile, quiquilbej na re i winak chi lic je re i Dios, quiqui bij ique. 6Are que 'e pa tak nima'ij, xa quiqui tzucuj i chomik laj tak q'uijibal. Are que 'e pa molbal'ib, xak quiqui tzucuj i qui cubibal chi 'o u 'ij. 7Are que 'e pa q'uebal, lic kus quiqui ta are que tioxix cumal i winak, ocsabal re qui ij. Xak kus quiqui ta are ca bix \"nim laj tijonel\" chique.\n8Mi 'an yix pacha ique-le; mi ya chique i winak chi quiqui bij \"nim laj tijonel\" chiwe. Man iwonojel yix, iwatz i cha' iwib; xa jun i Tijonel yix, are i Crísto. 9Xak mi bij i kajaw che jun winak waral chuwach i jyub ta'aj, cojbal re u 'ij, man xa jun i Kajaw 'olic, are i Ta chicaj. 10Xak mi ya chique i winak quiqui bij \"kaj'atzil\" chiwe, man xui i Crísto are Iwaj'atzil. 11Pachin co'on mocom che rib chiquij i juban, are i mer nim 'uri chixol. 12Man pachin co'on nim che rib, ire 'ut xa ca kajsax u 'ij; xak pachin co'on ch'utin che rib, ire ca nimarsax na 'uri u 'ij.\n13To' i wach yix, ix tijonel re i 'atbal tzij, xak yix chi ix aj Fariséo. ¡Xa queb i palaj! N-qui c'ut ti sak laj tzij chique i winak; xa qui tz'apij i uchija re i 'atbal tzij aj chicaj are 'o i cacaj que oc bic. Yix n-quiwaj ta quix oc bic, xak n-qui ya ta chique ique que oc bic.\n14To' i wach yix, ix tijonel re i 'atbal tzij, xak yix chi ix aj Fariséo. ¡Xa queb i palaj! Xa qui maj i cachoch ixokib malcanib, te'uri qui 'an nimak tak i tz'onbal che i Dios, xa sachsabal-re chiquiwach i winak, wach i 'anom. Queje ile i nimarsam ni tojpen chi ca pe na piwi.\n15To' i wach yix, ix tijonel re i 'atbal tzij, xak yix chi ix aj Fariséo. ¡Xa queb i palaj! Lic quix 'e jela, quix 'e jewa, che i c'utunic qui 'ano, ch'acbal na re jun i tijoxel. Xui-ri, we xix tiqui che, que'el ire 'uri lic mas mal chiwach yix; ca 'e pa 'a' nabe chiwach yix, xa rumal i c'utum che.\n16To' i wach yix chi ix aj c'ambeal chi xa ix mawach. Qui bij yix chi \"We jun winak cu cuxtaj u bi i rachoch i Dios puwi i u tzij, n-chukul ta 'o wi 'uri u 'onquil pacha u bim,\" qui bij yix. \"Péro we cu cuxtaj u bi i óro re i rachoch i Dios, 'o chukul 'uri co'on na pacha i u bim.\" Queje qui bij yix ile. 17¡Lic ix sachnak na; lic ix mawach! ¿Pachique mas 'o i u 'ij? ¿Xataba are i óro? N-are taj. Are i rachoch i Dios chi mas 'o u 'ij, y co'on che i óro chi xak 'o u 'ij. 18Xak qui bij yix chi \"We jun winak cu cuxtaj u bi i altar puwi i u tzij, n-chukul ta 'o wi 'uri i u 'onquil pacha u bim,\" qui bij yix. \"Péro we cu cuxtaj u bi i sipon chi 'o puwi i altar, 'o chukul 'uri co'on na pacha i u bim.\" Queje qui bij yix ile. 19¡Lic ix sachnak na; lic ix mawach! ¿Pachique mas 'o i u 'ij? ¿Xataba are i sipon? N-are taj. Are i altar chi mas 'o u 'ij, y co'on che i sipon chi xak 'o u 'ij. 20We 'o jun cu cuxtaj u bi i altar, xe'el 'uri xak xu cuxtaj u bi wach tak i 'o puwi i altar. 21Xak we jun cu cuxtaj u bi i rachoch i Dios, xe'el 'uri xak xu cuxtaj u bi i Dios chi 'o chila. 22Xak we jun cu cuxtaj u bi i caj, xe'el 'uri xu cuxtaj i u cubibal i Dios, pa cu 'at wi tzij, xak xu cuxtaj i Dios chi cul chila.\n23To' i wach yix, ix tijonel re i 'atbal tzij, xak yix chi ix aj Fariséo. ¡Xa queb i palaj! (Qui 'an pen i cojonic che i ral tzij re i 'atbal tzij chi n-ta kas ropis.) Ni'pa i 'o iwu' chi n-ta kas u chac, pacha i ral tak arawen, i anix, tak i comin, ile 'ut qui 'an pen i relsaxic jun tant che i lajuj, y qui ya na che i Dios. Xui-ri, n-qui 'an ti pen i cojonic che i tzij re i 'atbal tzij chi lic 'o u chac qui 'an na. N-qui 'an ta pen u 'anic i suc'ulic cu' i winak; n-qui 'an ta pen rilic tobal qui wach; n-kas ta quix terej chirij i Dios. Are i ni'pa iri, are 'o u chac qui 'an na; xak 'o u chac qui jach i nabe tant che i Dios che i qui ch'aco. 24¡Yix xa ix aj c'ambeal lic ix mawach! ¡We 'o jun ral 'us chupam i ya' re i qui tijo, quiwesaj la 'ut; xui-ri we 'o jun camey chupam, xa qui tu' la bic!+\n25To' i wach yix, ix tijonel re i 'atbal tzij, xak yix chi ix aj Fariséo. ¡Xa queb i palaj! Lic qui 'an pen u ch'ajic i bas, tak i lak, xui-ri n-qui ch'aj ti i pi c'ux yix. I ubitak iwe, to' iwel'am na, xa quix tijin chu molic u chi', xui ile qui ch'obo. Que'elok pacha xui i rij i bas, xui i rij i lak i ch'ajom na, péro i u pam lic tz'il. 26Ix mawach laj tak Fariséo, nabe chi ch'aja i u pam i bas, i u pam i lak, man que'el 'uri chom na ronojel.\n27To' i wach yix, ix tijonel re i 'atbal tzij, xak yix chi ix aj Fariséo. ¡Xa queb i palaj! Ix queje pacha jun pantion, lic chom, sak i rij, péro i u pam n-ch'am taj, xa 'o can u bakil camnak chupam, xa 'o ca 'ay chupam. 28Yix ix queje ile; lic 'utz quix 'anaw chiquiwach i winak xui-ri i pi c'ux lic n-ch'am taj, xa ix nojnak che i mal; xa queb i palaj i 'anom che iwib.\n29To' i wach yix, ix tijonel re i 'atbal tzij, xak yix chi ix aj Fariséo. ¡Xa queb i palaj! Qui 'an pen u yijbaxic qui pantion i ujer ajbil u tzij i Dios, cojbal re qui 'ij. Qui 'an pen u wikic qui mukbal+ i je re i Dios ujer. 30Te'uri qui bij ni yix, \"We tene yoj oj 'o che i 'ij-le que i katit kamam, yoj 'ut n-queje tene que ka camsaj-i i ajbil u tzij i Dios,\" quix cha. 31Xui-ri, ru' i n-'us taj qui 'ano, i 'alijinsam chi lic ix xak jun cu' ique. Lic ix qui muk qui xiquin can ique chi xe qui camsaj i je ajbil u tzij i Dios ujer; xa ix qui cwenta ique. 32Chi q'uisa u 'anic 'uri wach i xqui jek u 'anic iwatit i mam.+ 33¡Yix xa ix cumatz! ¡Xa ix rac'al cumatz! N-quix tiqui ta chu jeq'uic iwib chuwach i tojpen pa 'a'. 34Que in tak nubi je ajbil u tzij i Dios chiwe, que in tak bi 'o qui no'oj, xak i je tijonel que in tak bi iwu'. Yix qui camsaj ni jujun chique, xak 'o jujun que i camsaj chuwach cruz, xak 'o jujun chic qui 'an ni c'ax chique pa tak molbal'ib, xak 'o jujun chic que iwoktaj, n-quix uxlan ta chi coktaxic pa tak tinimit. 35I mal laj tak 'anic chi xqui 'an iwatit i mam ujer, xak are quix tijin yix chu 'anic wo'or, xak ca pe ni tojpen piwi yix rumal. Lic ix xak jun cu' ique chi xe qui camsaj i winak je 'utz. Are u jekanic, are u camsaxic i a-Abel chi n-tu mac, y queje ile petnak c'a are 'o wi chi xi camsaj i mam Zacarías pa rachoch i Dios+ . 36Katzij i quin bij chiwe, ni'pa i tojpen re iri ca pe na piquiwi i winak aj wo'or.\nXo' i Jesus cumal i aj Jerusalen man n-xcaj ti 'utz\n37¡Ay, yix, ix aj Jerusalen! ¡Yix chi que i camsaj i ajbil u tzij i Dios; yix chi to' qui coj abaj chique i je u takon i Dios! ¡Q'uialmul lic in rayim quix in mol wu', pacha co'on jun ati ac' cu' i rac'al, que u ya chuxe' u xic'! ¡Queje ile xwaj te yin, y yix n-xiwaj taj! 38Chitape', i tinimit yix co'tax na can rumal i Dios. 39Quin bij chiwe, queje ile quix e'el na; n-quiwil ta chic in wach c'a cu rik ni 'ij chi quin i c'ulaj na iwu'. Qui bij na: \"¡Chu ya ni 'utz i Kajwal Dios puwi i Jun chi u takom lok!\" quix cha. (Queje xu bij i Jesus ile chique.)","id":"","dump":"CC-MAIN-2017-51","url":"http:\/\/bibles.org\/acr-ACRNT\/Matt\/23","date":"2017-12-12T04:53:25Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948515165.6\/warc\/CC-MAIN-20171212041010-20171212061010-00221.warc.gz","language":"acr","language_score":1.0000094175,"language_script":"Latn","minhash_cluster_size":23,"top_langs":"{\"acr_Latn_score\": 1.0000094175338745}","num_words":1666,"character_repetition_ratio":0.082,"word_repetition_ratio":0.089,"special_characters_ratio":0.299,"stopwords_ratio":0.266,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1 Corintios 1:26\n26Chi ta u be ix wachalal, yix chi ix sic'tal rumal i Dios, n-ix ti q'ui chi 'o i 'ij chiquiwach i winak rumal i no'oj. Xak n-ix ti q'ui chi 'o i patan nim; xak n-ix ti q'ui chi 'o i kajaw i chuch chi nim qui 'ij chiquiwach i winak.","id":"","dump":"CC-MAIN-2017-51","url":"http:\/\/bibles.org\/acr-ACRNT\/1Cor\/1\/26","date":"2017-12-17T13:59:30Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948596051.82\/warc\/CC-MAIN-20171217132751-20171217154751-00669.warc.gz","language":"acr","language_score":0.9999864101,"language_script":"Latn","minhash_cluster_size":4,"top_langs":"{\"acr_Latn_score\": 0.9999864101409912}","num_words":53,"character_repetition_ratio":0.163,"word_repetition_ratio":0.0,"special_characters_ratio":0.317,"stopwords_ratio":0.321,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"San Juan 8\nI u cuytajic u mac jun ixok ajmac\n1Xui-ri, i Jesus xa 'e che i jyub, Olívos u bi. 2Chucab 'ij, are xsakiric, xtzalij chic pa rachoch i Dios. Je q'ui i winak xqui mol quib ru'; are 'uri ire xcubi'ic, y xoc chu c'utic u tzij chique. 3Are 'uri 'o juban aj tijonel re i ujer 'atbal tzij, xak juban aj Fariséo, xqui c'am li jun ixok chuwach, quiqui cojbej u mac. I ixok-le xqui riko ca tijin chu 'onquil u mac ru' jun achi chi n-rachijil taj. Xqui ya chiquixol i winak chuwach i Jesus. 4Queje iri xqui bij che i Jesus:\n—Tijonel, i ixok-i xka riko are ca tijin chu 'onquil u mac ru' jun achi chi n-rachijil taj. 5I 'atbal tzij chi u yom can i mam Moises pakawi cu bij chi caka camsaj che abaj jun ixok pacha ile. Bay, ¿wach ca bij yet che ile?+\n6Queje ile xqui bij che, xa c'ambal u pam i Jesus quiqui 'ano, tzucbal re u mac. Are 'uri i Jesus xchaqui kaj chuwach ulew, y xoc chi tz'ib ru' u wi u 'ab. 7Ique n-quiqui mayij tu tz'onoxic che, rumal-i xu suc'ba rib y xu bij chique:\n—We 'o jun chiwe yix n-tu mac, chu c'aka i nabe abaj chirij i ixok-le —xu bij chique.\n8Xchaqui chakajok, y xoc chic chi tz'ib pulew. 9Ique, are xqui ta ile, xqui na piqui c'ux chi xak 'o qui mac. Xqui ticba 'enam chi qui jujunal; are i je rijab chiquixol, are i nabe xe 'ec. Are je 'enak chic conojel, xui chic i Jesus 'o can ru' i ixok chi c'amtal bi chuwach. 10I Jesus xu suc'ba chic rib y mi jun chic chique xe rilo, xui chic i ixok. Xu bij che:\n—Ixok ¿pa je 'o wi i que cojow te a mac? ¿N-ta jun craj cu coj abaj chawe rumal a mac? —co'ono.\n11—N-taj, nim laj winak; mi jun —xu bij ixok.\nAre 'uri i Jesus xu bij che:\n—Xak mi yin quin bij chi 'o u chac ca toj a mac. Wo'or, jat; xui-ri cha mayij i macunic —xu bij che i ixok.\nI Jesucrísto cu sakirsaj qui nojbal i winak\n12Xo'on panok i Jesus xu bij chic jun tzij chique i winak:\n—Yin in queje pacha i sak re i pa'ij chuwach i jyub ta'aj. Pachin craj ca terej chwij, n-ca bin ta pa 'ekum, xa ca bin pa sak re i c'aslemal chi quin ya yin —co'ono.\n13Are 'uri aj Fariséo winak xqui bij che:\n—N-tu chac i ca bij man xui yet ca bij awib —xe cha.\n14I Jesus xu bij chique:\n—Tupu quin bij wib yin, n-to' ta ca sach in tzij. In tzij, lic usuc' i quin bij, man yin weta'am pa i xin pe wi, xak pa i quin 'e wi. Yix n-iweta'am taj pa i xin pe wi, xak pa i quin 'e wi. 15Yix qui coj u mac jun pacha i qui nojij yix ix winak re u wach i jyub ta'aj; yin mi jun quin coj u mac. 16Xui-ri, we ta quin coj u mac jun, pusuc' quin 'an wi, man n-intuquel taj quin 'ano. Junam ru' i Ta quin 'ano, chi xin takaw lok. 17Chupam i 'atbal tzij yix, tz'ibtal i tzij-i: we 'o queb winak xak jun quiqui bij wach i quilom, 'o u chac 'uri ca cojic wach i quiqui bij. 18Bay, katzij yin quin bij wib wach in patan; xui-ri, oj queb, man xak i Ta chi xin u tak lok, xak cu c'ut chiwe wach in patan, xak jun i ka tzij ru' —xu bij i Jesus chique.\n19Rumal-i xqui bij che:\n—¿Pa 'o wi a Kajaw?\nI Jesus xu la' u wach chique:\n—Yix n-iweta'am taj in pachin yin, xak n-iweta'am tu wach in Kajaw. We ta iweta'am in pachin yin, xak quiwetamaj 'uri u wach in Kajaw.\n20Queje ile xu bij i Jesus are ca tijin chu c'utic pa rachoch i Dios. I c'utunic-le xu 'an chila pa 'o wi tak i yabal mer re i rachoch i Dios. Mi jun xchapawic, man c'a maja cu rik i 'ij chi u ch'icom i Dios.\n\"Pa i quin 'e wi yin, n-quix 'e ti yix chila\"\n21I Jesus xu bij chic chique:\n—Yin quin 'ec, y yix quin i tzucuj na, péro n-quin i rik taj; quix camic c'o i mac chiwij. Pa quin 'e wi yin, n-quix 'e ti yix chila —xcha.\n22Te'uri i nimak tak aj Israel winak xqui bij chiquiwach:\n—¿Xataba cu camsaj rib, y rumal-i xu bij chi yoj n-coj 'e taj pa ca 'e wi ire? —que cha.\n23I Jesus xu bij chique:\n—Yix xa ix aj chi; yin in aj chila chicaj. Yix xa ix aj chuwach i jyub ta'aj, yin n-in ta aj chuwach i jyub ta'aj. 24Rumal-i xin bij chiwe chi quix camic c'o i mac chiwij. Man we n-qui coj taj in pachin yin, quix camic c'o i mac chiwij —xu bij i Jesus chique.\n25Te'uri xqui tz'onoj che:\n—¿Wach a patan yet? —que cha.\nI Jesus xu la' u wach chique:\n—'Ax in bim wi chiwe chu xebal lok wach in patan. 26Yin mas 'o i weta'am chiwij yix, cojbal-re i mac, y mas i tzij 'o u chac quin bij chiwe. Xui-ri, xui quin bij wach in tom che i Jun chi in takawnak lok; Ire xui i sak laj tzij cu bij, y yin, xui u tzij Ire quin bij chique i winak aj chuwach i jyub ta'aj —xu bij i Jesus chique.\n27Péro i nimak tak aj Israel winak n-xqui ta tu be u tzij chi are i Ta chicaj i xu lapo. 28Rumal-i xu bij chique:\n—Are quin i yac na 'an chicaj (yin chi in Achi aj chicaj), c'a te'uri quiwetamaj in pachin yin+ . Xak quiwetamaj 'uri chi ni'pa i quin 'an yin, n-to' ta in nojim, xak ni'pa i quin bij, are u c'utum i Ta chwe. 29I Ta chi in takawnak lok, 'o wu' yin; n-quin ro'taj taj, man 'ax quin 'an wi pacha i craj ire.\n30I Jesus, are xu bij i tzij-le, je q'ui i winak xqui cuba qui c'ux che ire.\n\"I u C'ojol i Dios quix resaj pu'ab i mac atzalal\"\n31I aj Israel winak chi xe cojow u tzij i Jesus, ire xu bij chique:\n—We yix n-qui mayij tu cojic in tzij, katzij ix in tijoxelab 'uri. 32Quiwetamaj ni sak laj tzij, y quix quirtaj na rumal; quix el 'uri pu'ab wach ix chapawnak —xu bij chique.\n33'O i xqui la' u wach che:\n—Yoj oj u muk u xiquin can i mam Abraham; n-ta jun u yom rib pakawi. ¿Wuchac 'uri ca bij chi 'o kelsaxic pu'ab i oj chapawnak? —que cha.\n34I Jesus xu bij chique:\n—Katzij i quin bij: conojel i que macunic, je chaptal rumal i cajaw chi are i mac atzalal. 35(Quin bij jun chic tzij chiwe): jun, we xa aj takon ru' ja, lic re wi n-alc'wa-laxel taj man 'o rajaw, péro jun, we u c'ojol i rajaw ja, alc'walaxel 'uri ronojel 'ij sak. 36Yin, chi in u C'ojol i Ta, we quix wesaj pu'ab i iwajaw chi ix chapawnak, katzij quix el 'uri chi sak, ix líbre chic. 37Yin weta'am chi ix u muk u xiquin i mam Abraham. Xui-ri, quiwaj quin i camsaj man in tzij n-coc ta piwanima. 38Ni'pa i quin bij chiwe, are in Kajaw c'utuw nak chwe. Xak yix, are i quix tijin chu 'anic, are u bim i kajaw yix chiwe —xu bij i Jesus chique.\n39—Are i ka kajaw yoj are i ujer mam Abraham; oj u muk u xiquin ire —xe cha che.\nTe'uri xu bij i Jesus chique:\n—We tene lic ix u muk u xiquin i mam Abraham piwanima, quix tijin te neri chu 'anic pacha i xu 'an ire. 40Péro n-queje ti ile quix tijin chu 'anic. Yin, wach in bim chiwe are i sak laj tzij chi Dios u c'utum chwe. Tupu queje ile quin tijin chu bixquil chiwe, yix quiwaj quin i camsaj. I mam Abraham, lic n-queje ti ile. 41Yix, are i quix tijin chu 'anic, are pacha i co'on i kajaw —xu bij chique.\nIque xqui bij:\n—Yoj n-ta jun chic ka kajaw. Xa jun i ka kajaw, are i Dios —que cha.\n42I Jesus xu bij chique:\n—We tene are i Dios i kajaw, c'ax ne quin i na yin-i, man yin in petnak ru' i Dios; rumal ire in c'un-nak, n-to' ta in nojbal xin c'unic; Dios in takawnak lok. 43¿Wuchac n-qui ta tu be wach i quin bij chiwe? Xa are man n-qui ch'ij tu tayic. 44I kajaw yix are itzel. Yix ix re ire, y quiwaj qui 'ano pacha craj ire. I itzel lic are aj camsanel chu xebal 'ij sak. Ire lic nu yom tu wach ru' i sak laj tzij, lic n-craj ta cu bij i sak laj tzij. Ire, are co'on jun t'oronic, co'ono man lic re wi. Ire aj t'oronel, xak are rajaw ni'pa i t'oronic. 45Xui-ri, yin quin bij i sak laj tzij, rumal-i, yix n-qui coj taj wach i quin bij. 46¿Xataba 'o jun chiwe yix rilom chi 'o jun in mac yin? Mi jun. Yin, lic katzij i quin bij, ¿wuchac 'uri n-quin i coj taj? 47Jun, we re i Dios, lic cu coj retalil che u tzij i Dios. Yix n-ix ta re i Dios, rumal-i n-quiwaj tu tayic u tzij ire —xu bij chique.\nI Crísto 'ax 'o wi chuwach i mam Abraham\n48Te'uri i nimak tak aj Israel winak xqui bij che:\n—¿N-katzij ta bawa caka bij chi yet at aj Samária winak? ¿Chi xak 'o jun itzel tew pawanima? —xqui bij che.\n49I Jesus xu la' u wach chique:\n—Yin, n-ta itzel tew chwe. Are i quin tijin chu 'anic, quin tijin chu cojic u 'ij in Kajaw. Y yix xa qui kajsaj in 'ij. 50Yin, n-quin tzucuj ti u cojic in 'ij; xui-ri, i Ta chicaj craj chi cocsax in 'ij cumal i winak. Ire cu 'at tzij piquiwi i n-quin qui coj taj. 51Yin, sak laj tzij i quin bij chiwe; ni'pa i quiqui 'an i quin bij, ique n-que cam taj ronojel 'ij sak —xu bij chique.\n52Te'uri i nimak tak aj Israel winak xqui la' u wach; xqui bij che:\n—Wo'or ya xketamaj chi 'o itzel tew chawe. I nim laj ka mam, mam Abraham, ire xcamic, xak i nimak tak ajbil u tzij i Dios ujer, xe camic. ¿Wuchac 'uri ca bij yet chi n-ca cam ta jun we cu 'an pacha cu bij a tzij yet? 53¿Xataba yet mas 'atz a patan chuwach i ka mam, mam Abraham? Ire xcamic, xak i ujer je ajbil u tzij i Dios xe camic. ¿At pachin yet ca 'an che awib? —xqui bij che.\n54I Jesus xu bij chique:\n—We yin quin coj in 'ij intuquel, n-ta que'el wi. Are i ca cojow in 'ij are in Kajaw, chi qui bij yix are i Dios yix. 55Péro yix n-iweta'am tu wach. Yin, lic weta'am u wach, y we ta quin bij chi n-weta'am tu wach, quin el 'uri in aj t'oronel, in xak jun 'uri iwu' yix. Yin, lic katzij weta'am u wach, lic quin cojo wach cu bij ire chwe. 56I mam Abraham, chi iwatit i mam yix, ire reta'am ujer chi yin quin c'un na chuwach i jyub ta'aj; lic xquicot ire rumal. Xril ire chi quin c'unic, y lic xquicot rumal —xu bij chique.\n57Te'uri i nimak tak aj Israel winak xqui bij che i Jesus:\n—Yet c'a maja cincuénta junab chawe. ¿Wuchac ca bij chi awilom u wach i ka mam, mam Abraham? ¿Wach u 'onquil 'uri? —xe cha.\n58I Jesus xu bij:\n—Sak laj tzij i quin bij chiwe: are maja calax i mam Abraham, yin 'ax in 'o wi chic —xu bij chique.\n59(Te'uri lic xpe coywal) xqui jek u yaquic abaj, cacaj quiqui coj che, péro i Jesus xu sach rib; xic'aw chiquixol y xel pa rachoch i Dios.","id":"","dump":"CC-MAIN-2017-51","url":"http:\/\/bibles.org\/acr-ACRNT\/John\/8","date":"2017-12-16T18:50:47Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948588420.68\/warc\/CC-MAIN-20171216181940-20171216203940-00691.warc.gz","language":"acr","language_score":1.0000097752,"language_script":"Latn","minhash_cluster_size":24,"top_langs":"{\"acr_Latn_score\": 1.0000097751617432}","num_words":2008,"character_repetition_ratio":0.072,"word_repetition_ratio":0.009,"special_characters_ratio":0.294,"stopwords_ratio":0.213,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Apocalipsis 19:10\n10Te'uri xin xuqui chuwach i ángel, cojbal re u 'ij; are 'uri xu bij ire chwe:\n—Ma 'an ile, man yin xa in rajchac i Dios, xak jun pacha yet, xak jun pacha i awatz a cha', ni'pa i quix terej chirij i sak laj tzij chi u 'alijinsam i Jesucrísto. Are i Dios cha cojo u 'ij —xu bij chwe.\nMan i sak laj tzij chi u 'alijinsam i Jesucrísto, are ile chi ca yaw piqui c'ux i ajbil u tzij i Dios chi quiqui bij u tzij.","id":"","dump":"CC-MAIN-2017-51","url":"http:\/\/bibles.org\/acr-ACRNT\/Rev\/19\/10","date":"2017-12-17T19:24:40Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948597485.94\/warc\/CC-MAIN-20171217191117-20171217213117-00315.warc.gz","language":"acr","language_score":1.0000098944,"language_script":"Latn","minhash_cluster_size":5,"top_langs":"{\"acr_Latn_score\": 1.0000098943710327}","num_words":90,"character_repetition_ratio":0.091,"word_repetition_ratio":0.025,"special_characters_ratio":0.282,"stopwords_ratio":0.311,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"San Marcos 10\nWach xu bij i Jesus chirij u jachic quib i je c'ulanic\n1Xo'on panok, i Jesus xel pa tinimit Capernaum, xa 'e c'a pa jyub Judéa; xu 'axuj i ya Jordan, y xupon che i jyub pa oriénte re i ya. Chila xe moltaj chic uq'uial winak ru', y ire xoc chic chu c'utic chique pacha 'ax co'on wi. 2Are 'uri, je 'o jujun aj Fariséo xe upon ru', xa quiqui tzucuj tzaksabal re. Xqui tz'onoj che we i 'atbal tzij cu ya che jun, we craj cu jach i rixokil. Queje ile quiqui c'ambej u pam, xqui bij ique. 3Are 'uri i Jesus xu bij chique:\n—¿Wach xu bij i mam Moises ujer chi qui 'ano?\n4Ique xqui bij:\n—I mam Moises u yom can chake chi jun achi xa cu tz'ibaj jun wuj y cu ya che i ixok, jachbal-re —xqui bij che.\n5Te'uri i Jesus xu bij:\n—I mam Moises xu ya ile chiwe xa rumal n-quiwaj ta qui 'an pacha craj i Dios. 6Xui-ri chu xebal 'ij sak, i Dios, are xu yijba ronojel u wach i jyub ta'aj, xak xe u 'an i winak, \"jun achi, jun ixok xe u yijba\". (Queje ile cu bij u wuj i Dios+ .) 7\"Rumal 'uri, jun achi 'o u chac quel cu' u kajaw u chuch, man cacuc'aj quib ru' i rixokil. 8Ique che queb, xa jun ch'aculaj que'elok.\" (Queje ile cu bij u wuj i Dios+ .) Que'el 'uri are i je queb, que'elok xa je jun. 9Rumal-i, i winak n-ta piqui'ab quiqui yoj ile chi u yijbam i Dios, chi xa jun u 'anom chique —xu bij i Jesus chique.\n10Are xe oc pa ja, i u tijoxelab xqui tz'onoj jubi' chic che, puwi i tzij-le. 11Rumal-i, i Jesus xu bij chique:\n—Pachin jun cu jach i rixokil, we xq'uiji ru' jun chic, que'el 'uri chi 'o u mac i achi chuwach i Dios, xak chuwach i nabe rixokil. 12Xak queje jun ixok, we cu jach i rachijil y ca q'uiji chic ru' jun achi, 'o ni u mac 'uri chuwach i Dios, xak chuwach i nabe rachijil —xu bij i Jesus chique.\nI Jesus que raj i ac'alab; xu ya u 'ab piquiwi\n13Xo'on panok, je 'o jujun winak xe qui c'am li cac'al ru' i Jesus, cu yabej na re u 'ab piquiwi. Xui-ri, i u tijoxelab xqui jek qui 'atixic i je uc'awnak i ac'alab. 14I Jesus, are xrilo, xpe roywal y xu bij chique:\n—Chi ya chique i ac'alab que c'un wu'; me i 'atij, man 'o que ique che i 'atbal tzij re i Dios, xak chique i je pacha ac'alab. 15Katzij i quin bij chiwe: pachin jun, we n-cu ya ta che i Dios cu 'at ni tzij puwi, pacha co'on jun ac'al, lic n-coc ta 'uri pa cu 'at wi tzij i Dios —xu bij i Jesus.\n16Te'uri xe u tz'ulej i ac'alab; xu ya u 'ab piquiwi conojel, y xu tz'onoj 'utz piquiwi.\nJun achi beyom xu tz'onoj wach u rikic u c'aslemal chi n-tu q'uisic\n17I Jesus xu maj chubi u be; are 'uri xc'un jun achi pa'anem y xuqui chuwach. Xu bij che:\n—'Utz laj Mayes, ¿wach quin 'an yin, quin rikbej na re in c'aslemal chi n-tu q'uisic? —xu bij.\n18—¿Wuchac ca bij \"'utz\" chwe yin? —xu bij i Jesus—. N-ta jun chi 'utz, xui Dios —xu bij. 19Yet aweta'am wach cu bij i lajuj u tzij u pixab i Dios: cu bij \"Ma min awib ru' jun ixok chi n-awixokil taj; mat camsanic; ma 'an ela'; ma bij mentir chirij jun winak; mat t'oronic; cha cojo qui 'ij a kajaw a chuch.\" Ile aweta'am chic —xu bij i Jesus che i achi.\n20—Mayes, ronojel ile 'is quin tijin chu 'anic; in jekom na lok c'a are in ch'utin —xu bij i achi che.\n21I Jesus xu maj u takexic i achi; lic c'ax xu na'o.\n—C'o ni rajwaxic chawe —xu bij—: ni'pa i 'o awu', ja c'ayij, ca tobej que i niba'ib. Ca rik na 'uri a beyomal chicaj. Te'uri chat petok y chat terej chwij, tupu cat cam na rumal —xu bij i Jesus che.\n22Are xu ta i achi ile, lic xoc 'il, y ca bisonic xa 'ec, man ire lic beyom.\n23Te'uri i Jesus c'ula xe u tzu u tijoxelab, y xu bij chique:\n—I beyomab, c'ax coquic pu'ab i Dios+ —xu bij.\n24I u tijoxelab, are xqui ta ile, lic xqui bisoj. Are 'uri i Jesus xu bij chic chique:\n—Ix wac'al, ni'pa i qui cubam qui c'ux che i qui beyomal, c'ax coquic 'uri pu 'atbal tzij i Dios. 25C'ax u 'anic chi jun beyom cu jach rib pu'ab i Dios; c'ax ile chuwach i ric'awic jun camey che i tel re acuxa —xu bij.\n26I u tijoxelab, are xqui ta ile, lic xqui bisoj. Te'uri xe oc chu ch'obic chiquiwach:\n—¿Pachin quelsax na 'uri chupam u mac?\n27I Jesus xu maj qui takexic y xu bij chique:\n—I winak n-que tiqui ta chu 'anic ile, xui-ri, i Dios ca tiqui che; ire, ronojel 'is ca tiqui che —xu bij.\n28Are 'uri i ma Pédro xu bij che:\n—Kajwal, yoj, ronojel ni'pa i 'o ku' xka canaj canok y oj terejnak chawij —xu bij.\n29I Jesus xu bij chique:\n—Katzij i quin bij chiwe, pachin cro'taj can u bitak-re wumal yin, nim na cu ch'ac puwi ile. We 'o jun cu canaj can i rachoch, xak i rulew, xak i ratz u cha', xak u chuch u kajaw, xak i rixokil ralc'wal, xa wumal yin, xak rumal u paxsaxic u tzij i Dios, 30'o ni cu ch'ac 'uri wo'or chuwach i jyub ta'aj, xak 'o ni cu ch'aco co'on panok. Ca ya' na 'uri jun ciénto che, puwi ile chi xa jun 'o ru'; we are i rachoch xu canaj canok, we are i ratz u cha', we are u chuch, we are i rac'al, we are i rulew xu canaj canok, ca ya' na chic jun ciénto puwi; xui-ri, xak cu tij uyej cumal i winak. Péro n-ta co'ono, man co'on panok, 'o ni u c'aslemal chi n-ca q'uis ta chic. 31Xui-ri, ni'pa i je 'o pa nabeal, je q'ui na que canaj can pa q'uisbal-re; xak je q'ui chi wo'or je 'o pa q'uisbal-re, are ique que nabeaj na —xu bij i Jesus chique.\nI Jesus, are uroxmul xu bij chic u camic\n32Je 'o pa be, 'elic bi que pa Jerusalen, i Jesus nabe chiquiwach u tijoxelab. Ique lic xqui bisoj che, wach ca tijin chu 'onquil, chi ca 'e pa Jerusalen; lic qui xim quib xe terej bic. I Jesus xe u siq'uij juyac chic i cablajuj u tijoxelab ru'. Xoc 'uri chu bixquil chique wach i c'ax quic'aw wi.\n33—Yix iweta'am ya xka maj bi ka be pa Jerusalen. Are coj upon chila, yin chi in Achi aj Chicaj, quin jachtaj na piqui'ab i caj'atzil i sacerdóte, tak piqui'ab i tijonel re i 'atbal tzij re i mam Moises. Quiqui 'at na tzij pinwi, y quiqui bij na chi 'o u chac quin camsaxic, xak quin qui jach na piqui'ab i ne te aj Israel. 34Quin yo'yax na, quin qui ch'ay na, xak quiqui chubaj qui c'axaj chwe, xak quin camsax na. Xui-ri, churox 'ij quin walij che i camic —xu bij i Jesus chique.\nWach i xqui tz'onoj i ma Jacóbo, i ma Wan\n35Te'uri i ma Jacóbo, i ma Wan chi je u c'ojol i mam Zebedéo, xe tejeb ru' i Jesus.\n—Mayes —xqui bij che—, caka tz'onoj jun pawor chawe —que cha.\n36—¿Wach quiwaj quin 'an chiwe? —xu bij i Jesus.\n37Ique xqui bij che:\n—Are at 'o chic che a 'atbal tzij, chi nim u 'ij u chomal, cakaj yoj ca ya chake coj q'uiji ni jujun pa tak a tzal: jun pa wikabim, jun pa moxim —xqui bij che.\n38—Yix n-iweta'am taj wach qui tz'onoj —xu bij i Jesus chique—. ¿Quix tiqui yix chu ch'ijic i c'ax, pacha i c'ax quin ic'aw wi yin che? ¿Quix tiqui yix chu ch'ijic uyej pacha uyej quin ic'aw wi yin? —xu bij chique.\n39—Coj tiqui'ic —xe cha ique.\nI Jesus xu bij:\n—Katzij, yix quix ic'aw na chupam i c'ax-le; xak qui tij ni uyej-le, pacha quin ic'aw na wi yin. 40Xui-ri, n-pin'ab ti yin 'o wi u bixquil pachin que cubi pin wikabim, xak pin moxim. Ca ya' ni-le chique pachin u ch'obom i Dios cu ya chique —xu bij i Jesus.\n41I je lajuj chic u tijoxelab, are xqui ta qui tzij i ma Jacóbo i ma Wan, xpe coywal chiquij. 42Are 'uri i Jesus xe u siq'uij ru' y xu bij chique:\n—Iweta'am yix, ni'pa i je 'atol tzij piquiwi i tinimit, quiqui 'an che quib pacha je rajaw piquiwi; xak i winak chi nimak qui patan que rajawin piquiwi i cach winak. 43Xui-ri, yix n-ix ta queje ile. Are i qui 'an ni yix, pachin craj que'elok nim u 'ij, cha chacun 'uri chiquij i rachi'il. 44Pachin craj cu ya rib chu nabeal, chu 'ana 'uri che rib pacha mocom chiquij conojel. 45Queje chi 'ana ile, man i Achi aj Chicaj+ mi te ne ire xc'un chu tzucuxic pachin ca chacun chirij; xc'un ire pacha mocom chiquij conojel; xc'un chu ya'ic rib che i camic, tojbal re i quelbal pa c'ax i je q'ui —xu bij i Jesus chique.\nI Jesus xu tzunsaj jun mawach, ma Bartiméo u bi\n46C'a que tijin qui 'enam pa Jerusalen, xe ic'aw pa Jerico. Are ca tijin quelic i Jesus cu' u tijoxelab, je q'ui i winak je teren chiquij. 'O jun mawach, ma Bartiméo u bi, chi u c'ojol i ma Timéo; ire cul pa be, ca tijin chu tz'onoxic u mer chique i winak. 47Are xu ta chi are i Jesus aj Nazaret chi ca tijin ric'awic, ire xsiq'uin chu bixquil:\n—¡Kajwal Jesus! ¡Yet chi at umuk uxiquin can i mam David, chawila to'bal in wach! —xu bij.\n48Je q'ui i winak xe yajawic man cacaj cu mayij siq'uinic, xui-ri, ire xa xu cowij u bixquil che i Jesus:\n—¡Yet chi at umuk uxiquin can i mam David, chawila to'bal in wach! —xu bij.\n49I Jesus, are xu ta, xtac' canic y xu bij:\n—Chi siq'uij.\nTe'uri xqui siq'uij i mawach y xqui bij che:\n—Cha cowij a c'ux. Chat walijok man ire cat u siq'uij —xe cha che.\n50Juntir xu c'ak bi i c'ul u lic'om chirij, y xsac'lin chicaj. Te'uri xtejeb pan ru' i Jesus. 51I Jesus xu tz'onoj che:\n—¿Wach cawaj quin 'an chawe?\nI mawach xu bij che:\n—Mayes, cwaj yin quin a tzunsaj —co'ono.\n52I Jesus xu bij che:\n—'Utz cat 'ec; ya xat utziric, man xa cuba a c'ux chwe —xu bij.\nI mawach juntir xtzunic, y xterej bi chirij i Jesus pa be.","id":"","dump":"CC-MAIN-2017-51","url":"http:\/\/bibles.org\/acr-ACRNT\/Mark\/10","date":"2017-12-16T03:17:45Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948581053.56\/warc\/CC-MAIN-20171216030243-20171216052243-00226.warc.gz","language":"acr","language_score":1.0000097752,"language_script":"Latn","minhash_cluster_size":31,"top_langs":"{\"acr_Latn_score\": 1.0000097751617432}","num_words":1800,"character_repetition_ratio":0.061,"word_repetition_ratio":0.011,"special_characters_ratio":0.294,"stopwords_ratio":0.238,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1 Corintios 12:10\n10Xak rumal ire 'o jujun 'o piqui'ab quiqui 'an tak i milágro; xak 'o jujun je ajbil re chique i winak wach u 'alijinsam i Dios chique. Xak 'o juban chic chi que tiqui chi retamaxic wach 'o ru' jun winak, we are u Tewal i Dios, o we xa are itzel tew 'o ru'. Xak 'o juban chic, chi rumal u Tewal i Dios, quiqui rik jun ch'awbal chi n-quiqui ta tu be. Xak 'o juban chic, chi rumal u Tewal i Dios, que tiqui chu 'alijinsaxic wach usuc' i tzij-le.","id":"","dump":"CC-MAIN-2017-51","url":"http:\/\/bibles.org\/acr-ACRNT\/1Cor\/12\/10","date":"2017-12-16T07:34:25Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948585297.58\/warc\/CC-MAIN-20171216065121-20171216091121-00626.warc.gz","language":"acr","language_score":1.0000088215,"language_script":"Latn","minhash_cluster_size":5,"top_langs":"{\"acr_Latn_score\": 1.0000088214874268}","num_words":93,"character_repetition_ratio":0.124,"word_repetition_ratio":0.024,"special_characters_ratio":0.284,"stopwords_ratio":0.258,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"San Lucas 7\nWach i rutzirsaxic i u mocom jun capitan n-aj Israel taj\n1I Jesus, are xutzin u ch'a'atic cu' i winak, xoc pa tinimit Capernaum. 2Chila 'o wi jun capitan aj Róma winak, chi 'o jun u mocom ru' ja lic c'ax cu na'o. I u mocom-le, lic iwab, ya ca camic. 3I capitan, are xu ta u tzijol i Jesus, xe u tak bi jujun nimak tak mam'ib ru', chi je aj Israel winak. (I capitan, n-aj Israel taj.) Xe u tak bi chu tz'onoxic chi ca 'e ru' ja, ca 'e cunax i u mocom. 4Ique, are xe upon ru' i Jesus, xe tejeb ru', y ronojel qui c'ux xqui bij che:\n—I capitan-i lic ca majawic que a to na. 5Ire lic coj raj yoj chi oj aj Israel, xak xu yijba jun ja re i molbal kib —xqui bij.\n6Te'uri i Jesus xa 'e cu'. Are ya que upon ru' ja, xqui c'ulaj juban chic achiab chi queta'am u wach i capitan; ique je taktal li rumal ire. Xol qui bij u tzij i capitan che i Jesus. Queje iri u bim lok:\n—Nim laj winak, cha cuyu in mac; n-tu chac cat c'un c'a ru' ja. N-ca majaw ta chwe we cat oc chi wachoch, man n-nim ti in 'ij chawach yet. 7Rumal-i, n-tu cowil in c'ux quin upon chawach. Xui-ri, we ca bij li yet, cutzir ni in mocom. 8Weta'am ile, man xak yin in 'o piqui'ab i je waj'atzil, xak je 'o juban soldádo pin'ab yin, y we quin bij che jun \"¡Jat!\", ca 'ec; y we quin bij che i jun chic, \"¡Sa'aj!\", ca petic. We xak quin tak bi jun wajchac, ire cu 'an na wach i quin bij che. (Queje xqui bij ique ile che i Jesus, chi u bim li capitan.)\n9I Jesus, are xu ta wach u bim li capitan, lic xu bisoj. Xe u tzu i winak chi je teren chirij, y xu bij chique:\n—Mi tene jun chique i aj Israel winak cul u c'ux chwe pacha u 'anom i achi-le —xu bij.\n10I ramig i capitan chi je u takom lok, xe tzalij chic ru' ja. Are xe uponic, xquil i achi utzirnak chic.\nWach u c'unsaxic sak chuwach i ralab i ixok malcan\n11Xo'on chupanok, i Jesus xa 'e che jun tinimit, Nain u bi, cuc'am quib cu' u tijoxelab, xak cu' uq'uial winak. 12Are ya cuponic xe u c'ulaj juban winak cuc'am jun camnak, 'enam-que chu mukic. I camnak-i, jun ala, xa jun chirij u chuch, chi ixok malcan. Je q'ui i winak aj tinimit que tijin qui 'enam ru' u chuch chu mukic. 13I Kajwal Jesus, are xril i ixok, c'ax xu na u c'ux che.\n—Mat o'ic —co'on che.\n14Are 'uri xtejeb pan cu', y xu yin i tz'alam pa cotz'ol wi i camnak. I je uc'awnak xe taq'ui'ic. I Jesus xu bij che i camnak:\n—Ala, ¡Chat walijok! —co'on che.\n15I camnak juntir xcubi 'anok, y xoc chi lapanic cu'. Te'uri i Jesus xu jach bi che u chuch. 16I winak, are xquil ile, 'is xe oc 'il che. Xqui jek u cojic u 'ij i Dios:\n—Jun nim laj ajbil u tzij Dios c'un-nak ku' yoj —xqui bij—. I Dios xoj ol u tobej yoj oj u winak ire —xe cha.\n17Lic xel u tzijol i Jesus, wach ca tijin chu 'onquil pa ronojel i jyub que i aj Israel winak, xak i chirij chuwach.\nWach xu bij i Jesus chique u tijoxelab i ma Wan\n18I ma Wan aj kajsanel ya, i u tijoxelab ire qui bim che wach tak cu 'an i Jesus. Rumal-i, xe u siq'uij queb chique, 19xe u tak bi ru' i Jesus. Xu bij chique: \"Jix ru' i Jesus y chi tz'onoj che we are ire i Tolke chi koy'em. Mokxa n-are taj, mok c'a ca koy'ej jun chic,\" xu bij. 20I u takon i ma Wan, are xe uponic, xe tejeb ru' i Jesus y xqui bij che:\n—I ma Wan aj kajsanel ya, xoj u tak lok col ka tz'onoj jun tzij chawe. ¿Mok yet i Tolke chi u bim i Dios ca c'unic? ¿O xa cakoy'ej chic jun chic? —xqui bij che.\n21Che i 'ij-le chi xe upon i u takon i ma Wan, i Jesus xe u cunaj uq'uial iwabib. Ni'pa i c'ax 'o chique, ni'pa i yobil 'o chique, ni'pa itzel tew, 'is xresaj chique. Xak je q'ui i mawach xe u tzunsaj. 22Rumal-i, i Jesus xu bij chique u takon i ma Wan:\n—Jix ru' i ma Wan y chi bij che wach iwilom, xak wach i tom, chi quin tijin yin chu 'anic. Chi bij che chi wumal yin, i mawach ya xe tzunic; xak i je sic, xe binic; xak i iwabib chi 'o itzel c'ax \"lepra\" chique, xe utziric; xak i je tac, xe tanic; xak i camnak xe walijic; xak i niba'ib qui tom i 'utz laj tzij re i quelbal pa c'ax. (Are ile quin tijin chu 'onquil.) 23Xak chi bij che, chi 'utz que ique ni'pa n-quiqui sach ti u cubibal qui c'ux chwe —xu bij i Jesus chique u tijoxelab i ma Wan.\nI Jesus xu bij chique i winak wach u patan i ma Wan\n24Are xe 'e ique chi je u takom li ma Wan, i Jesus xu jek u bixquil chique i winak wach u 'anom i ma Wan.\n—Yix, are xix 'e che i jyub tz'inilic que i tabej re i ma Wan, ¿wach xi bij yix que iwila? ¿Xix 'e bawa chi rilic jun 'es ca silab rumal i tew? N-are taj. 25¿Wach i xix 'e chi rilic? ¿Xataba xix 'e chi rilic jun achi, chom u wikic rib u 'anom che u 'u'? N-are taj. Ni'pa i 'o qui 'u' chom, pakalic, ni'pa i 'is 'o cu' wach tak quiqui rayij, ique ne te 'o pa tak jyub, ique je jekel pa rachoch i 'atol tzij. 26¿Wach i xe iwila 'ut? ¿Jun ajbil u tzij i Dios? Katzij, are. I jun chi xiwilo-le, mas nim ni u 'ij chiquiwach i xa je ajbil u tzij i Dios chi je ic'awnak. 27I ma Wan-le are i jun chi u bim can i Dios chi cu tak na lok, ca nabeaj chuwach i Toliwe. I Dios u bim can chupam u wuj:\nYin nabe quin tak na bi jun ajbil in tzij chawach yet,\ncu yijba ni a be chawach.\n28Chitape': i ma Wan aj kajsanel ya, nim ni u 'ij ire chiquiwach conojel i winak. Xui-ri, wo'or conojel ni'pa i que oc na pa 'utz laj 'atbal tzij re i Dios, mas 'utz na que ique chuwach ire (man i ma Wan-le n-xril ti 'atbal tzij re i Dios petnak waral chuwach i jyub ta'aj). (Queje ile xu bij i Jesus chique i winak.)\n29I winak, are xqui ta ile, 'is xqui bij chi Dios 'utz i cu 'ano, xak queje xqui bij i aj tz'onol alcawal ile, man ique 'is xqui cojo wach i xu bij i ma Wan, xak xqui tz'onoj u kajsaxic ya piquiwi rumal. 30Xui-ri, i je tijonel re i ujer 'atbal tzij, xak i aj Fariséo n-xqui tz'onoj ti u kajsaxic ya piquiwi. Rumal 'uri 'alaj chi xqui xutuj wach u yijbam i Dios chique. 31I Jesus xak xu bij chique i je 'o chila:\n—I winak wo'or ¿wach tak que in junamsaj ru'? ¿Wach i que majawic? 32Ique xa je pacha ac'alab je cul xol tak be; jutzobaj que siq'uin chique i cachi'il: \"Yix lic n-ta 'o quiwaj,\" quiqui bij. \"Yoj xka xut'ij i su' chiwe, péro n-xiwaj ti xix xajawic. Te'uri xka bixaj jun bix re i bisonbal, péro n-xix o' taj,\" quiqui bij. 33Queje que tijin i winak chu 'anic wo'or; n-ta 'o cacaj, man xc'un i ma Wan aj kajsanel ya, chi n-ta wa cu tijo, xak n-ta víno cu tu'u. Y qui bij yix, xa 'o itzel tew ru'. 34Are xin c'un yin in Achi aj Chicaj, 'is ronojel quin tijo y quin tu'u, y qui bij yix lic in aj numel, xak in aj 'abarel, qui bij yix. Xak qui coj in mac chi yin in cachi'il ajmaquib, xak i mal laj tak aj tz'onol alcawal. 35Xui-ri, we te xi ta u be wach cu 'an i ma Wan, xak wach quin 'an yin, quiwetamaj 'uri chi Dios lic 'o u no'oj+ .\nJun ixok xu ch'aj i rakan i Jesus ru' uwal uwach\n36'O jun aj Fariséo ma Simon u bi, u bim che i Jesus que u tija i wa ru'. I Jesus xa 'e ru' chi rachoch y xcubi chi wa'im. 37Che i tinimit-le, 'o jun ixok chi lic ajmac laj ixok. Are xu ta rason chi i Jesus ca tijin chi wa'im pa rachoch i aj Fariséo, ire xa 'e cu'. Ruc'am bi jun chom laj baxo 'antal che abaj pacha sakcho', nojnak che cunbal muy. 38Are xuponic, xq'uiji che i rakan i Jesus. Xo'ic xq'uiji chila. Are 'uri xoc chu ch'ajic i rakan i Jesus ru' uwal uwach, y xu su ru' u wi. Te'uri xu tz'ubaj u wach rakan i Jesus, xak xu coj i cunbal muy che.\n39I aj Fariséo chi 'o i Jesus chi rachoch, are xril ire ile, xu bij pu c'ux: \"I achi-le, n-ajbil tu tzij i Dios,\" xu bij. \"We tene are, cretamaj 'uri bi chi ixokil ile chi cu yin i rakan-le; xak cretamaj 'uri chi lic ajmac laj ixok.\" Queje ile xu ch'ob i aj Fariséo pu c'ux.\n40Te'uri i Jesus xu bij che:\n—Ma Simon, 'o jun tzij cwaj quin bij chawe —co'ono.\n—'Utz, Nim laj Winak, cha bij chwe —xu bij i aj Fariséo.\n41Te'uri i Jesus xu bij jun tijojbal tzij che. Queje iri xu bij:\n—Je 'o queb achiab 'o qui c'as ru' jun achi. I jun 'o jo'ob ciénto u c'as ru', i jun chic, xa cincuénta u c'as ru'. 42Ique n-que tiqui ta chic chu tojic; i achi xu cuy 'uri i qui mac, y xu chup i qui c'as. Cha bij pe chwe, ¿pachin chique i je queb-le 'o ni mas c'axnabal u c'ux che i xcuyuw qui mac? (Queje xu bij i Jesus ile.)\n43Te'uri i ma Simon xu bij che:\n—Quin bij yin are i jun chi mas nim u c'as chuptalic —xcha.\nI Jesus xu bij:\n—'Utz i xa bij —co'ono.\n44I Jesus xu takej i ixok, te'uri xu bij che i ma Simon:\n—¿Cawil i ixok-i? 'Utz i ca tijin chu 'anic. Yet, are xin oc chi, che awachoch, n-ta ya xa ya chwe, ch'ajbal re wakan. Xui-ri, i ixok-i, xu ch'aj i wakan ru' uwal uwach, y xu su ru' u wi. 45Yet n-xin a tz'ubaj taj, tioxbal-we, are xin a c'ulaj. I ixok-i nu mayim ti u tz'ubaxic i wakan ni'pa i woquic lok. 46Yet mi tene acéite xa coj che in jolom; xui-ri, ire u jamom ni cunbal muy rij wakan. 47Queje ile, u 'alijinsam chi lic c'ax quin u na'o. I u 'anom-i, c'utbal-re che, chi q'ui u mac ya cuytajnak chic. Xui-ri, jun chi n-ta kas u mac cuytajnak che, ire n-ta kas c'axnabal u c'ux 'uri. (Queje xu bij i Jesus ile che i ma Simon.)\n48Te'uri xu bij che ixok:\n—I a mac ya cuytajnak chic —co'ono.\n49Te'uri i juban chi que tijin che i wa'im xe oc chu bixquil chiquiwach:\n—¿Bi chi achial ire-le, chi xak cu cuy i qui mac i winak? —xe cha.\n50I Jesus n-xu coj ta retalil wach xqui bij ique. Xu bij che i ixok:\n—At 'elnak chupam a mac man xa cuba a c'ux chwe. Jat chi awachoch; mat c'achir chic —xu bij che.","id":"","dump":"CC-MAIN-2017-51","url":"http:\/\/bibles.org\/acr-ACRNT\/Luke\/7","date":"2017-12-15T16:00:35Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948575124.51\/warc\/CC-MAIN-20171215153355-20171215175355-00042.warc.gz","language":"acr","language_score":1.000009656,"language_script":"Latn","minhash_cluster_size":25,"top_langs":"{\"acr_Latn_score\": 1.0000096559524536}","num_words":1948,"character_repetition_ratio":0.045,"word_repetition_ratio":0.002,"special_characters_ratio":0.3,"stopwords_ratio":0.258,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Efesios 5:5\n5Ya iweta'am chic, jun, we cu min rib ru' jun winak, we n-rixokil taj, o we n-rachijil taj, n-ta re 'uri che i 'atbal tzij re i Crísto ru' i Dios. Xak queje que'el chique ni'pa i que tijin chu 'anic i n-ch'am taj. Xak queje i to' quiqui rayij u wach i n-que taj, man ile xak jun ru' pacha que tijin chu cojic qui 'ij tak i xa ril je 'antalic. Ique-le n-ta que ique che i 'atbal tzij re i Crísto ru' i Dios.","id":"","dump":"CC-MAIN-2017-51","url":"http:\/\/bibles.org\/acr-ACRNT\/Eph\/5\/5","date":"2017-12-12T20:25:19Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948517917.20\/warc\/CC-MAIN-20171212192750-20171212212750-00074.warc.gz","language":"acr","language_score":1.0000097752,"language_script":"Latn","minhash_cluster_size":4,"top_langs":"{\"acr_Latn_score\": 1.0000097751617432}","num_words":88,"character_repetition_ratio":0.093,"word_repetition_ratio":0.025,"special_characters_ratio":0.297,"stopwords_ratio":0.25,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"2 Corintios 11:23\n23Xak quiqui bij chi je aj 'anol u chac i Crísto; bay, yin 'ut mas in aj 'anol u chac i Crísto chiquiwach ique. Xui-ri, are quin lap wib queje ile, quin na yin xa ch'uj laj tzij quin bij. Yin, mas in chacun-nak chiquiwach ique; mas in tijom in lo'xic chiquiwach ique; mas in tijom i cárcel chiquiwach ique, xak q'uialmul xin q'uiji chuwach i camic.","id":"","dump":"CC-MAIN-2017-51","url":"http:\/\/bibles.org\/acr-ACRNT\/2Cor\/11\/23","date":"2017-12-18T14:45:44Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948617816.91\/warc\/CC-MAIN-20171218141805-20171218163805-00564.warc.gz","language":"acr","language_score":1.0000004768,"language_script":"Latn","minhash_cluster_size":4,"top_langs":"{\"acr_Latn_score\": 1.0000004768371582}","num_words":68,"character_repetition_ratio":0.134,"word_repetition_ratio":0.0,"special_characters_ratio":0.265,"stopwords_ratio":0.118,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"San Marcos 12:28\nI lajuj u tzij u pixab i Dios, ¿pachique chique mas 'o u 'ij?\n28Chila xak 'o jun mayes re i ujer 'atbal tzij. Ire 'is xu ta ile chi xu bij i Jesus chique i aj Saducéo. Xu ta chi Jesus 'is 'utz u la'ic u wach xu 'ano. Rumal-i, xtejeb pan ru', y xu tz'onoj jun tzij che. Xu bij:\n—I lajuj u tzij u pixab i Dios, ¿pachique chique mas 'o u chac coj cojon che? —xu bij.","id":"","dump":"CC-MAIN-2017-51","url":"http:\/\/bibles.org\/acr-ACRNT\/Mark\/12\/28","date":"2017-12-11T22:59:30Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948514113.3\/warc\/CC-MAIN-20171211222541-20171212002541-00017.warc.gz","language":"acr","language_score":1.0000097752,"language_script":"Latn","minhash_cluster_size":6,"top_langs":"{\"acr_Latn_score\": 1.0000097751617432}","num_words":83,"character_repetition_ratio":0.092,"word_repetition_ratio":0.108,"special_characters_ratio":0.313,"stopwords_ratio":0.325,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"San Lucas 11\nI Jesus xu c'utu wach u tz'onoxic caka 'an che i Dios\n1I Jesus 'o che jun lugar, ca tijin chu tz'onoxic che i Dios. Are xutzinic, 'o jun chique u tijoxelab xu bij che:\n—Kajwal, cha c'utu chake wach u tz'onoxic caka 'an che i Dios. Cha 'ana pacha i ma Wan, aj kajsanel ya; ire xu c'ut chique u tijoxelab wach u tz'onoxic che i Dios quiqui 'ano. (Queje ile xu bij che i Jesus.)\n2I Jesus xu bij:\nYix, are qui tz'onoj che i Dios, queje iri chi bij:\nKa Kajaw chicaj, chocsax u 'ij a bi. Cha petsax a 'atbal tzij pakawi; cha 'ana na waral chuwach i jyub ta'aj xak jun ru' pacha i ca 'ani chila chicaj.\n3Cha ya na chake i ka wa re wo'or.\n4Cha cuyu ni ka mac man xak yoj caka cuy ni qui mac ni'pa i je macun-nak chikij.\nMa ya chake coj tzak chupam i mac atzalal, xui-ri, choj awesaj pu'ab itzel.\n(Queje ile chi tz'onoj che i Dios —xu bij i Jesus chique.)\n5Te'uri xak xu bij chique:\n—We 'o jun chiwe yix, tiq'uil a'ab cupon jun rula', pent n-tu wa tzukbal-re. Rumal 'uri ca 'e ru' jun u lo'c'anij y cu bij che: \"Cuyu in mac, quin jal oxib a wa,\" cu bij che, 6\"man xc'un jun wula' y n-ti quin ya che, wach i cu tijo.\" (Pent queje ile cu bij che.) 7I u lo'c'anij chi 'o paja pent cu bij che, \"Min a c'asc'a. I uchija 'o chic lawe che; i wac'al je 'o wu' chuwi ch'at, c'ax quin walij cumal. Rumal-i, n-ti quin ya chawe,\" pent cu bij che. 8Pent ire n-ca walij ta chu 'anic jun pawor che u lo'c'anij; xui-ri, we i jun n-cu mayij tu tz'onoxic, i rajaw ja cawalij na 'uri. Cu ya na che, wach i rajwaxic, man n-xu mayij tu tz'onoxic che. 9'O jun tzij quin bij na chiwe: we 'o rajwaxic chiwe, chi tz'onoj, y Dios cu ya na chiwe; chi tzucuj, y qui rik na; chi c'ojc'a i porta, y ca jak na chiwe. 10Queje ile chi 'ana, man we jun lic cu tz'onoj, ca ya' na che; we lic cu tzucuj, cu rik na; we lic cu c'ojc'a i porta, ca jak na che.\n11Yix chi ix kajawxel, we 'o jun iwac'al cu tz'onoj u wa chiwe, ¿xataba qui ya jun abaj che, pu q'uexel u wa? N-queje ti ile. Xak we cu tz'onoj car chiwe, ¿xataba qui ya jun cumatz che, pu q'uexel? Xak n-queje taj. 12Xak we cu tz'onoj sakmol chiwe, ¿xataba qui ya jun sinaj che? N-queje taj. 13Yix, chi n-kas ta ix 'utz, lic ix sic'aj chu ya'ic i 'utz chique iwac'al. Bay, we queje yix ile, chi xa ix winak, mas 'utz co'on i Ta chicaj chuwach ile. Lic cu tak li u Tewal chique pachin i que tz'onow che. (Queje ile xu bij i Jesus chique i je teren chirij.)\nXqui bij i aj Fariséo chi u cho'ab i Jesus, xa ru' itzel petnak wi\n14I Jesus ca tijin chi relsaxic jun itzel tew che jun mem; are xelic, i achi xch'awic. I winak lic xqui bisoj ile. 15Xui-ri, 'o jujun xqui bij:\n—I achi-le cresaj i itzel tew chique i winak xa rumal u cho'ab itzel 'o ru'. I cho'ab 'o ru', xa re i Beelzebu chi caj'atzil itzel tak tew —xe cha.\n16'O juban chic cacaj quiqui c'am u pam. Xqui tz'onoj jun milágro che, c'utbal-re chique we Dios 'o ru'. 17Ire reta'am chic wach que tijin chu ch'obic, rumal-i xu bij chique:\n—Jun tinimit, we quiqui 'an tak tzobajil che quib, quiqui 'anbej ch'o'oj chiquiwach, xa quiqui sach qui wach 'uri. Xak queje juban alc'walaxel, we n-junam ti qui wach, we quiqui jach quib chiquiwach, ca sach qui wach. 18Xak queje que'el ile che i Satanas; we 'o jujun itzel quiqui 'an ch'o'oj chiquiwach je itzel, n-que najtin ta 'uri. Qui bij yix chi ru' u cho'ab itzel+ xwesaj bi itzel tew. 19Bay, i tijoxelab yix xak caquesaj bi itzel tew chique i winak; ¿pachin 'uri yawnak ile piqui'ab ique? Ru' ile, chi quiqui 'an i tijoxelab yix, ca 'alijin 'uri chiwe chi n-usuc' taj wach i xi bij. 20Are i u cho'ab i Dios 'o wu', are i quelsaw bi itzel tak tew. Queje ile ca 'alijinsax chiwe chi i 'atbal tzij re i Dios ya 'o chic chiwach.\n21(Qui bij yix chi ru' u cho'ab itzel, xwesaj bi itzel tew, péro n-ru' taj.) Iweta'am yix iri: we 'o jun achi 'o u cho'ab, we lic cu chajij i rachoch, we xak 'o ni ruc'am tobal-rib, n-ca sach ta 'uri ubitak-re. 22Xui-ri we ca c'un jun chic mas nim ni u cho'ab, ca tiqui na 'uri che i rajaw ja. 'Is cu maj na che wach i ruc'am, chajbal re i rachoch; cu maj na che wach i cul u c'ux che, tobal rib. Te'uri cresaj ni'pa ubitak-re, y cu 'an na che pacha craj ire. (Are i tijojbal tzij ile xu bij i Jesus chique, c'utbal-re chique chi nim ni u cho'ab ire chuwach itzel.) Te'uri xu bij chique:\n23—Pachin n-cu ya tu wach wu', ire aj ch'o'oj 'uri chwij. Xak pachin jun n-quin u to ta chi qui molic in chij, xa que u quichersaj bi 'uri qui wach chwe —xu bij chique.\nJun itzel tew cu tzucuj wach tan chic u tzalijbal che jun winak\n24I Jesus xak xu bij i tzij-i chique:\n—Jun itzel tew, we xel che jun winak, xa ca bin pa chakij jyub chu tzucuxic pa cuxlan wi, y n-cu rik taj. Te'uri cu bij pu jolom: \"Quin tzalij chic che i wachoch pa i xin pe wi,\" cu bij, y ca tzalij chic 'uri. 25Are cupon tan chic ru' achi, cu rik i pu c'ux i achi-le pacha jun ja lic jos'im, lic yijbam na che jun rajaw c'ac'. 26Te'uri i itzel tew que u tzucuj bi i rachi'il; que u rik je wukub, mas je mal chuwach ire. Que u c'am bi ru', y conojel que oc che achi. Chila que jeki wi. Te'uri i achi-le, lic mas mal que'el chuwach li ujer. (Queje xu bij i Jesus ile chique.)\n'Utz que ique chi quiqui coj u tzij i Dios\n27Are xutzin u bixquil ile chique, 'o jun ixok 'o chiquixol i uq'uial winak, co xu bij:\n—¡'Utz re ixok chi xat alax ru'! ¡'Utz re ixok chi xat u tz'umansaj! —xu bij.\n28I Jesus xu la' u wach che:\n—Mas 'utz que ique chi quiqui ta u tzij i Dios y quiqui cojo —xu bij.\nI winak xa cacaj rilic jun milágro\n29I winak lic ca tijin qui moltajic chirij i Jesus. Ire xu jek u bixquil chique:\n—I winak je re wo'or lic je mal na: xa quiqui tz'onoj jun milágro chiquiwach, c'utbal re u cho'ab i Dios, péro n-ta jun milágro ca 'an na chiquiwach, xui ile pacha 'antal che i ma Jonas, chi ajbil u tzij i Dios ujer; are i milágro-le quiquil na. 30Wach xa 'ani che i ma Jonas ujer are 'ilbal re i Dios chique i winak aj Nínive. Xak queje ile, wach quin 'an ni yin, chi in Achi aj Chicaj, are i c'utbal na re chique i winak re wo'or chi Dios 'o wu'. 31Cu rik ni 'ij, i winak je re wo'or, ca 'at ni tzij piquiwi, wach i qui 'anom. Are 'uri, i ixok chi 'atol tzij re i pa Sur ujer, ire cu coj ni qui mac rumal wach que tijin chu 'onquil wo'or. Ire, ujer lic naj xpe wi chu tayic u nojbal i mam Salomon, chi mas 'o u no'oj. Péro i winak re wo'or n-cacaj ta quiqui ta i Jun c'un-nak chi, chiquixol; nim ni u no'oj chuwach i mam Salomon. 32Are ca pe i 'ij chi ca 'at ni tzij piquiwi i winak je re wo'or, i ujer aj Nínive winak quiqui coj ni qui mac i je re wo'or. Man i aj Nínive xqui jalwachij qui c'aslemal are xqui ta u tzij i Dios rumal i ma Jonas; xui-ri, i winak re wo'or n-quiqui coj ta i Jun c'un-nak cu', chi nim ni u 'ij chuwach i ma Jonas. Rumal-i, cocsax ni qui mac —xu bij chique i uq'uial winak.\nWe lic caka takej i Dios, que'el chake pacha lic 'utz i ka ba'wach\n33—Jun, we cu tzij jun cantil, n-cruwaj taj, xak n-cu min ta chuxe' jun cajon. Are i cu 'ano, cu ya 'an chicaj, man ni'pa i que oc bic que tzun na. 34I ba'wach pacha jun cantil chiwe; rumal i ba'wach coc i sak che i ch'acul. We lic 'utz i ba'wach, lic coc i sak 'uri pi c'ux. Xui-ri, we i ba'wach n-co'on ti u chac, ix 'o 'uri pa 'ekumal. 35Chi 'ana cwent che i sak 'o iwu', mokxa to' co'on 'ekumal. 36We lic ocnak i sak iwu', ronojel i c'ux, ronojel i nojbal, we n-ta pich' 'ekumal chiwe, ronojel 'uri 'is sak chiwe, pacha co'on jun cantil lic chom u tzunbal —xu bij chique.\nI Jesus xu sakij wach i qui mac i aj Fariséo xak i nimak tak tijonel\n37I Jesus, are xu q'uis u bixquil chique, are 'uri 'o jun aj Fariséo xu siq'uij ru' chi rachoch man cu tij u wa ru'. I Jesus xa 'ec, xoc pa ja, y xcubi chi mexa. 38I aj Fariséo xu bisoj wach xu 'an i Jesus, man n-xu ch'aj ti u kul u 'ab c'a pu ch'uc are xoc chi wa'im, pacha quiqui 'an ique. 39Are 'uri i Kajwal xu bij che:\n—Yix chi ix aj Fariséo winak, lic qui ch'aj i rij i tu'bal ya, i rij i lak; xak lic qui 'an pen u ch'ajic i 'ab. Xui-ri i pi c'ux, lic tz'il, ni'pa i 'o i wu' 'is iwel'am, lic ix mal. 40¡Yix n-ta i no'oj! ¿N-iweta'am ta ba-ri chi n-xui ta i ch'acul u yijbam i Dios? ¡Xak u yijbam i pi c'ux! 41Che i to i niba'ib ru' u bitak iwe, chi 'ana i 'utz ru' i c'ux; te'uri xak i pi c'ux, ch'am na que'elok; n-xui ta i 'ab, ch'am.\n42¡To' i wach yix, ix aj Fariséo! Ni'pa i 'o iwu' chi n-ta kas u chac, ile 'ut qui 'an pen i relsaxic jun tant che i lajuj, qui ya na che i Dios. Queje qui 'an ile ru' i arawen, ru' i aruta, xak ru' i ral tak 'es chi cu ya ni u jelal i comída. Xui-ri, n-qui 'an ta pen u 'anic i suc'ulic chuwach i Dios, xak mi ne i c'axnabal i c'ux che. Are ile 'o u chac qui 'an na, xak 'o u chac chi qui jach i nabe tant che i Dios che i qui ch'aco.\n43¡To' i wach yix, ix aj Fariséo! C'ax qui na i cubibal 'o u 'ij pa tak i molbal'ib. C'ax qui na i tioxixic cumal i winak pa q'uebal, cojbal re i 'ij.\n44¡To' i wach yix, ix tijonel re i 'atbal tzij, xak yix chi ix aj Fariséo! ¡Xa queb i palaj! Ix pacha jul re camnak, n-ca 'alijin taj we 'o camnak chupam. To' que bin i winak puwi, y n-queta'am taj chi que quitzix na rumal. (Queje xu bij i Jesus ile chique.)\n45'O jun tijonel re i ujer 'atbal tzij xak xu ta wach xu bij i Jesus. Xu bij 'uri che:\n—Tijonel, yet are xa bij i tzij-le, xak xoj a ch'ach'a ni yoj. C'ax caka ta yoj ile —co'ono.\n46I Jesus xu la' u wach che:\n—Xak yix, ¡to' ni wach, ix aj tijonel! Yix, q'ui ni 'atbal tzij qui ya chiquikul i winak, chi quiqui 'an na; pacha jun ekan lic nim, chi mi jun ca ch'ijawic, y yix mi xa ta jubi' que i to ru'.\n47¡To' i wach yix! Yix qui yijba i chom laj qui pantion i ujer ajbil u tzij i Dios, xui-ri, lic are iwatit i mam yix xe qui camsaj. 48Queje ile qui 'alijinsaj chi yix iweta'am wach qui 'anom, xak i yom ni wach cu'. Ique xe qui camsaj; y yix qui yijba qui pantion.\n49I Dios, mas 'o u no'oj; reta'am li ujer wach i qui 'an ni yix wo'or. Rumal-i xu bij: \"Que in tak bi i je ajbil in tzij cu'+ , xak i je wapostelab. Xui-ri, 'o jujun chique que camsax na; xak je 'o jujun ca 'an ni c'ax chique,\" xu bij. 50I winak re wo'or, quiqui toj na i qui camsaxic i je ajbil u tzij i Dios ujer. Je ni'pa i je camsam na c'a chu xebal 'ij sak, i winak re wo'or quiqui tojo. 51'Is quiqui toj na: quiqui toj ni nabe, chi u camsaxic i a-Abel; queje ile xpetic c'a are xcamsax i mam Zacarías chi xqui camsaj pa rachoch i Dios, chuwach i lugar 'o u 'ij. I winak re wo'or, 'is quiqui toj ni ronojel, ni'pa i petnak lok c'a chu xebal 'ij sak.\n52¡To' i wach yix, ix tijonel re i ujer 'atbal tzij! Yix lic chikul 'o wi u c'utic i sak laj tzij chique i winak, xui-ri, n-qui 'an taj. Que'el chiwe pacha 'o jun lawe pi'ab, xui-ri n-qui jak ti uchija. Mi tene quix oc bi yix, xak mi ne qui ya chique i juban que oc bic. (Queje ile xu bij i Jesus chique.)\n53Te'uri lic xpe coywal i je tijonel re i 'atbal tzij, xak i je aj Fariséo rumal wach i xu bij. Xe oc chu to'taxic, y xe oc chu tz'onoxic uq'uial tzij che. 54Quiqui tzucuj tzaksabal-re che u tzij, cojbal re u mac.","id":"","dump":"CC-MAIN-2017-51","url":"http:\/\/bibles.org\/acr-ACRNT\/Luke\/11","date":"2017-12-17T00:28:54Z","file_path":"s3:\/\/commoncrawl\/crawl-data\/CC-MAIN-2017-51\/segments\/1512948592202.83\/warc\/CC-MAIN-20171217000422-20171217022422-00621.warc.gz","language":"acr","language_score":1.0000097752,"language_script":"Latn","minhash_cluster_size":18,"top_langs":"{\"acr_Latn_score\": 1.0000097751617432}","num_words":2276,"character_repetition_ratio":0.049,"word_repetition_ratio":0.003,"special_characters_ratio":0.298,"stopwords_ratio":0.249,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Mark 91 Xak xu bij chique:\n—Katzij quin bij chiwe, je 'o jujun waral chi n-que cam ta tan c'a quiquil ni u jekanic i 'atbal tzij re i Dios waral, chi nim u cho'ab.\nWach u yojtajic u tzunbal i Jesus xo'on chiquiwach u tijoxelab2 Wakib 'ij u 'onquil ile, i Jesus xe u c'am bi i ma Pédro, i ma Jacóbo, xak i ma Wan; y xe 'e quituquel che jun nim laj jyub naj u wi. Are je 'o chila, i u tzunbal i Jesus lic xyojtajic. 3 I u 'u' lic ca walch'in rumal u sakil; lic sak 'oto'oj ca tzunic. N-ta jun c'ul, tupu lic ch'ajtalic, chi ca majaw u sakil ile. 4 Xak xquilo chi xe winakir i mam Moises xak i mam Elías ru' i Jesus, que tijin chi lapanic. 5 Are 'uri i ma Pédro xu bij che i Jesus:\n—Mayes, lic 'utz na oj 'o waral. 'Utz caka 'an oxib i mujbal: jun awe yet, jun re i mam Moises, xak jun re i mam Elías —xu bij che.\n6 I u tijoxelab, lic je ocnak 'il che wach xquilo, rumal-i n-xu na ti ma Pédro wach i xu bij. 7 Te'uri xkaj jutzobaj sutz' piquiwi y xqui ta jun nim laj ch'awbal xch'aw chupam i sutz':\n—Iri, are in C'ojol, chi lic c'ax quin na'o; chi cojo retalil che, wach i cu bij.\n8 Are xqui ta ile, juntir c'ula xe tzunic, péro n-ta xquilo, xui chic i Jesus utuquel.\n9 Are xe kaj li che i jyub-le, i Jesus xu bij chique u tijoxelab:\n—Ni'pa i xiwil yix, mi lapo c'a cu rik ni 'ij chi yin, chi in i Achi aj Chicaj, in walijnak chic che i camic —xu bij chique.\n10 Rumal-i, n-xqui bij taj wach i xquilo; xui-ri, xqui tz'onoj chiquiwach wach usuc' i tzij-le xu bij, chi ca walij che i camic. 11 Te'uri xqui tz'onoj che i Jesus:\n—I aj tijonel re i ujer 'atbal tzij, ¿wuchac quiqui bij ique chi nabe ca c'un i ujer mam Elías? —xqui bij che.\n12 I Jesus xu bij:\n—Katzij i xqui bij-le, nabe ca c'un i mam Elías, col u yijba ronojel; queje ile tz'ibtal canok. Xak tz'ibtal chic jun tzij chirij i Achi aj Chicaj: cu bij chi cu tij ni uyej xak ca xutux na. 13 Xui-ri, yin quin bij chiwe chi mam Elías ya c'un-nak chic; i winak xqui 'an che pacha cacaj ique; xe'elok pacha i tz'ibtal can chupam u wuj i Dios —xu bij i Jesus chique.\nWach i relsaxic itzel tew che jun ala14 Te'uri xe tzalij chic chila pa je 'o wi i juban u tijoxelab, y xquilo je q'ui i winak je 'o chic chiquij chiquiwach. Xak je 'o jujun tijonel chila re i 'atbal tzij re i mam Moises; ique qui chapom quib chi tzij cu' u tijoxelab. 15 I winak, are xquil i Jesus, xqui bisoj, are 'uri, xe 'e pa'anem chu ya'ic rutzil u wach. 16 Are 'uri, ire xu tz'onoj chique:\n—¿Wach quix tijin chu lapic cu' ique?\n17 'O jun achi chiquixól xu bij:\n—Mayes, yin xin c'am li jun wac'al awu', 'o itzel tew che chi u 'anom mem che. 18 Xa ipa 'o wi, ca chaptaj rumal itzel tew, y ca tzaksax pulew. Are 'uri xa ca wokow u c'axaj pu chi', xak cu kach'ach'ej uware rumal. Rumal-i, lic n-ta chic u cho'ab. Xin tz'onoj chique a tijoxelab chi caquesaj i mal laj tew che. Xui-ri, n-xe tiqui ta che —xu bij i achi che.\n19 Are 'uri i Jesus xu bij:\n—¡Ay, yix chi n-tu cubibal i c'ux che i Dios! ¡'O tan chi 'ij in 'o iwu', y yix n-ta i nawic! ¿Ni'pa nawi chic 'ij c'a craj? —xu bij—. Chi c'ama li ac'al waral —co'ono.\n20 Xqui c'amlok. I itzel tew, are xril i Jesus, xu ya chic atac che i ala. Ire-le xtzak pulew, lic cu bal'atij chic rib chuwach ulew, xak ca wokow u c'axaj. 21 Are 'uri i Jesus xu tz'onoj che i achi:\n—¿Ni'pa junab u jekanic i c'ax che? —xu bij.\nI u kajaw xu bij:\n—Ire c'a ch'utin are xu jeko. 22 I itzel tew-le, q'uialmul u c'akom pa 'a', xak pa ya; craj cu camsaj. ¡Chawila to'bal ka wach! ¡Choj a to na, we cat tiqui che! —xu bij i achi.\n23 —Yin quin tiqui che —xu bij i Jesus—, xui-ri we yet cat tiqui chu cubaxic a c'ux chwe. Ronojel 'is coj tiqui che we 'o u cubibal ka c'ux —xu bij.\n24 Juntir i u kajaw i ala xsiq'uin chu bixquil:\n—Cul in c'ux chawe —xu bij—. ¡Chin a to na che, chi quin cuba na mas in c'ux chawe! —xu bij.\n25 I Jesus, are xrilo chi que tijin qui moltajic i winak ru', xu yaj i itzel tew y xu bij che:\n—Yet, at tac y at mem laj itzel tew, quin bij chawe, chat el che i ala-le. Chawo'taj, y mat oc chic ru' —xu bij che.\n26 I itzel tew siq'uinic xo'on chic jun atac che i ala, te'uri xelic. Xcanaj can i ala lic pacha xcamic; rumal-i, conojel xqui bij chi lic xcamic. 27 Xui-ri, i Jesus xu chap che u 'ab y xu yaco; i ala xtaq'ui'ic.\n28 Te'uri i Jesus xoc pa ja. Are 'uri i u tojoxelab xqui tz'onoj che:\n—¿Wuchac n-xoj tiqui ti yoj chi relsaxic i itzel tew-le? —que cha.\n29 Ire xu bij chique:\n—I mal laj itzel tew pacha i jun-le n-quel taj, xui-ri we lic qui tz'onoj che i Dios, xak we qui mayij ni wa'im rumal —xu bij.\nI Jesus xu bij tan chic chi ca camsax na30 Are xe 'el chila, xe 'ax pa Galiléa. I Jesus n-xraj taj we caquetamaj i winak pa 'o wi ire. 31 N-xraj taj, man ire ca tijin chu c'utic chique u tijoxelab; ca tijin chu bixquil chique chi i Achi aj Chicaj ca jachtaj na piqui'ab i winak, y ca camsax na cumal, xui-ri che oxib 'ij panok ca walij na. 32 Tupu xu bij ire ile chique, n-xqui ta tu be, xak xqui xij quib chu tz'onoxic che wach usuc'.\nPachin mas nim u 'ij, are ajchac 'uri chiquij i rachi'il33 Xo'on chupanok, xe upon pa Capernaum. Are xe oc pa ja chila, i Jesus xu tz'onoj chique utijoxelab:\n—Are coj tijin te chi be, ¿wach i tzij i chapom wi iwib yix puwi? —xu bij chique.\n34 Ique lic n-xe ch'aw ta chic. Are i tzij chi qui chapom wi quib ique puwi pa be, are i pachin mas nim u 'ij chique ique. 35 I Jesus xcubi'ic, y xe u siq'uij i cablajuj u tijoxelab ru'. Are 'uri xu bij chique:\n—Pachin jun craj cu ya rib chu nabeal, chu ya na rib 'uri pa q'uisbal-re chique i conojel, xak chu 'ana che rib pacha mocom chiquij —xu bij.\n36 Are 'uri xu c'am jun ac'al ru' y xu ya chiquiwach. Xu 'aluj 'anok y xu bij chique:\n37 —Pachin jun cu c'ulaj jun ac'al ru' pacha iri rumal i c'axnabal u c'ux chwe yin, are yin 'uri quin u c'ulaj ru'. Pachin jun quin u c'ulaj yin ru', n-xui ti yin quin u c'ulaj ru', xak xu c'ulaj 'uri i Jun chi in takawnak lok —xu bij chique.\nPachin n-co'on ta ch'o'oj chikij, u yom 'uri u wach ku'38 Te'uri i ma Wan xu bij che:\n—Mayes, xkil jun achi chi ca tijin chi relsaxic itzel tew ru' u cuxtaxic a bi yet. Yoj 'ut xka bij che chu mayij, man n-kachi'il taj —xu bij che i Jesus.\n39 —Ile mi 'atij —xu bij i Jesus che—, man we 'o jun co'on milágro rumal u cuxtaxic in bi yin, n-cu bij ta 'uri mal laj tak tzij chwij. 40 Pachin jun n-co'on ta ch'o'oj chikij, ire-le ka cwenta yoj. 41 Pachin jun co'on jun utzil chomal chiwe xa rumal ix terejnak chwij, 'o ni sipon 'uri cu ch'aco. Queje ile que'el che, tupu xa jun bas i ya' cu ya chiwe wumal yin ▼ —xu abij i Jesus chique.\nChawesaj wach tak i cat tzaksaw chupam i mac42 Xak xu bij chique:\n—Jun ch'utin chi u cubam u c'ux chwe, we 'o jun cu 'an che chi ca tzak chupam u mac, mas 'utz que'el che i jun-le we tene ca xim jun ca' rij u kul y ca c'ak bi pa ya, ji'balre. I camic-le mas 'utz chuwach i camic chi ca pe puwi we cu tzaksaj jun ch'utin chupam u mac. 43 We are a 'ab ca 'anaw chawe chi cat tzak chupam a mac, su' cha c'upij. Mas 'utz ca sach a 'ab, tobal re a c'aslemal, chuwach xa cat 'e pa 'a' chi n-ca chup taj, ru' i queb a 'ab tz'akat. 44 I amol chi cat qui tij chila lic n-que cam taj, xak i 'a' mi jun ca chupuwic. 45 We are awakan ca 'anaw chawe cat tzak chupam a mac, su' cha c'upij bic. Mas 'utz ca sach awakan, tobal re a c'aslemal, chuwach i xa cat 'e pa 'a' chi n-ca chup taj, ru' i queb awakan tz'akat. 46 I amol chi cat qui tij chila n-que cam taj, xak i 'a' mi jun ca chupuwic. 47 Xak i a ba'wach, we are ca 'anaw chawe cat tzak chupam a mac, su' chawesaj. Mas 'utz cat oc pa cu 'at wi tzij i Dios, tupu xa jun a ba'wach, chuwach i xa cat 'e pa 'a' ru' i queb a ba'wach tz'akat. 48 I amol chi cat qui tij chila n-que cam taj, xak i 'a' chila mi jun ca chupuwic.\n49 Ronojel ni'pa i ca sujux chuwach i Dios, cocsax 'a' che, xak cocsax atz'am che ▼ ; xak yix, 'o u chac pacha cocsax 'a', pacha cocsax atz'am chiwe, we 'utz i yijbaxic chuwach i Dios. 50 I atz'am, lic cu rik u chac chake. Xui-ri, we xsach i u tzayil, ¿wach u 'onquil 'uri caka 'an tan chic tza che? N-taj. Xak 'o u chac chi yix 'o i tzayil (pacha jun sipon sujtal chuwach i Dios; queje ile, ix chom na chiwach); ▼ chom chix 'ol chiwach.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-09","url":"https:\/\/www.stepbible.org\/?q=version=ACRACC%7Creference=Mar.9","date":"2018-02-20T05:55:03Z","file_path":"s3:\/\/commoncrawl\/crawl-data\/CC-MAIN-2018-09\/segments\/1518891812880.33\/warc\/CC-MAIN-20180220050606-20180220070606-00751.warc.gz","language":"acr","language_score":1.0000072718,"language_script":"Latn","minhash_cluster_size":4,"top_langs":"{\"acr_Latn_score\": 1.0000072717666626}","num_words":1821,"character_repetition_ratio":0.045,"word_repetition_ratio":0.01,"special_characters_ratio":0.289,"stopwords_ratio":0.208,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Hebrews 3\nI Jesucrísto, 'atz u 'ij chuwach i mam Moises1 Ix watz in cha', chi lic ix re chic i Dios, ix sic'tal rumal i Ta chicaj, rumal-i, chix ch'obon che i Jesucrísto: are ire taktal lok rumal i Ta, are ire i 'atz laj aj cojol ka tzij chuwach i Dios ni'pa i ka yom ka c'ux che u c'utunic ire. 2 I Jesucrísto lic xu tz'akatsaj u patan yatal che rumal i Dios, pacha xo'on i mam Moises ujer, chi lic xu 'an u patan chuwach i Dios, lic xruc'aj u tzam chique i rac'al i Dios ujer. 3 I Jesucrísto mas 'o u 'ij chuwach i mam Moises, pacha jun aj 'anol ja, mas 'o u 'ij chuwach i ja chi cu 'ano ▼ . 4 I tak i ja, 'o ni que 'anawic, xui-ri are i Dios are xa 'anaw ronojel wach tak i 'olic. 5 I mam Moises, pacha 'utz laj ajchac, 'utz u patan u 'anom chique i rac'al i Dios. Are i u patan i mam Moises, xu c'ut jubi' chique wach cu 'alijinsaj ni Dios chique co'on panok. 6 Xui-ri, i Jesucrísto n-are ta to' ajchac, lic are u C'ojol i Dios, chi mer Rajaw ja. Lic 'utz u patan cu 'an piquiwi i rac'al i Dios, y yoj i oj rac'al-le, xui-ri we n-caka sach ti u cubibal ka c'ux che i Kajwal, chilam i quicotemal chi caka na wo'or rumal i 'utz chi caka tij ru' i Kajwal co'on panok.\nI winak je re i Dios, quiqui rik i uxlanem ru'7 Rumal-i, chaka 'ana pacha cu bij u Tewal i Dios. Chupam u wuj i Dios cu bij i tzij-i:\nWo'or we yix qui ta u ch'awbal i Dios,\n8 mi 'an co che iwib, mi kel 'uri u tzij pacha xqui 'an iwatit i mam ujer pa tak jyub tz'inilic.\nIque xqui tij u 'ijol i Dios, (y xqui petsaj i roywal).\n9 (I Dios xu bij): I iwatit i mam chila xqui tij wi in 'ijol, tupu cuarénta junab xquil u q'uial milágro chi xin 'ano, tobal-que.\n10 Rumal-i xpe woywal chique i winak-le. Xin bij:\n\"Ique lic quewi je sachnak piqui c'ux; n-cacaj ta que bin chupam i 'utz laj be we yin,\" xin cha.\n11 Rumal-i, xpe woywal chique, y xin bij: \"Katzij, lic n-quin ya ta chique chi que oc che i uxlanem wu' yin.\"\n(Queje u tzij i Dios ile chi tz'ibtal canok ▼ .)\n12 Wachalal, chi 'ana cwent iwib, mok 'o jun chiwe, chi n-'us ti u nojbal. Mok rumal ile, n-craj ta cu cojo, y cro'taj can 'uri i Dios c'aslic. 13 Are i chi 'ana, chi ya u cowil i c'ux chiwach 'ij 'ij. Miwoy'ej jun chic 'ij; chi 'ana wo'or, mokxa 'o jun chiwe ca t'ortaj na rumal i mac atzalal, y co'on co che rib xa rumal. 14 Man 'o ke yoj ru' i Crísto we lic n-caka sach ti u cubibal ka c'ux che; pacha u jekic xka 'ano, xak queje chaka q'uisa wi. 15 Cha c'un chi c'ux i tzij-i chi tz'ibtal chupam u wuj i Dios:\nWo'or, we yix qui ta u ch'awbal i Dios, mi 'an co che iwib;\nmi kel 'uri u tzij pacha xqui 'an iwatit i mam ujer.\n(Queje ile tz'ibtalic ▼ .)\n16 Quin tz'onoj 'ut: ¿Pachin queje xe 'anaw ile? ¿Pachin xqui ta u tzij i Dios y xo'on panok n-xqui 'an ta chic cas che? Je are ique mísmo chi mam Moises xe resaj li pa tinimit Egípto. 17 ¿Je pachin i winak chi cuarénta junab xpe roywal i Dios chique? Je are ique mísmo chi qui tom u tzij i Dios péro xe macunic y xe cam chila pa jyub tz'inilic. 18 ¿Je pachin i winak u bim i Dios chi lic n-quiqui rik ti uxlanem ru'? Mísmo je are ique chi xqui kelo. 19 Chi 'uri, cakil wi chi n-xya' ta chique xe oquic, man n-xqui cuba ti qui c'ux che u tzij i Dios.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-09","url":"https:\/\/www.stepbible.org\/?q=version=ACRACC%7Creference=Heb.3","date":"2018-02-24T00:33:39Z","file_path":"s3:\/\/commoncrawl\/crawl-data\/CC-MAIN-2018-09\/segments\/1518891814872.58\/warc\/CC-MAIN-20180223233832-20180224013832-00528.warc.gz","language":"acr","language_score":0.999863863,"language_script":"Latn","minhash_cluster_size":3,"top_langs":"{\"acr_Latn_score\": 0.999863862991333}","num_words":809,"character_repetition_ratio":0.047,"word_repetition_ratio":0.043,"special_characters_ratio":0.275,"stopwords_ratio":0.232,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"John 21\nI u c'utic rib i Jesus chique i wukub u tijoxelab1 Xo'on panok, i Jesus xu c'ut chic rib chique u tijoxelab chu chi' i alagun, Tibérias ▼ u bi. Queje iri xu 'ano: 2 Chila je 'o wi jutzobaj u tijoxelab i Jesus, 'o i ma Simon Pédro, xak i ma Tomas chi \"a-Yox\" que cha che, xak i ma Natanael aj Cana re Galiléa, xak i queb ▼ u c'ojol i mam Zebedéo, tak i queb chic u tijoxelab i Jesus. 3 Are 'uri i ma Simon Pédro xu bij chique i rachi'il:\n—Yin quin 'e pa chapoj car —co'ono.\n—Xak queje yoj coj 'e awu' —xe cha che.\nXe 'e 'ut, xe 'an bi chupam jun bárco. Jun a'ab xe chacunic, n-ti xqui riko. 4 Are 'ut xpe u sakiric, xquil u wach jun achi tac'al chi ya. Are i Jesus, péro n-queta'am taj we are ire. 5 Are 'uri xu bij pan chique:\n—Achiab, ¿n-ta car i rikom? —xcha.\nIque xqui bij li che:\n—Mi xa ta jun.\n6 —Chi c'aka i ataraya pu wikabim i bárco; chila qui rik wi —xu bij i Jesus chique.\nQueje ile xqui 'ano, pacha i xbix chique. Are 'uri, je q'ui i car xqui chapo, n-quiqui ch'ij ta chic relsaxic i ataraya pa ya rumal i ralil. 7 Are 'uri i tijoxel ▼ chi c'ax ca na' rumal i Jesus xu bij che i ma Pédro:\n—¡Are i Kajwal!\nI ma Pédro, are xu ta chi are i Kajwal, xu coj-la u 'u' (man resam u 'u' chirij), te'uri xu c'ak la bi rib chuwi ya. 8 Colo seténta y cínco xic'ab je 'o wi che u chi' i ya. I juban tijoxelab xqui c'am bi bárco chu chi' i ya, qui jucuquem bi ataraya nojnak u pam. 9 Are xe kaj pulew, xquil jun 'a' nuc'um chila, ca tijin u bolic jun car puwi, xak 'o juban caxlanwa chila.\n10 —Chi c'ama li queb oxib car chi c'a te xi chapo —xu bij i Jesus chique.\n11 I ma Simon Pédro xa 'an chupam i bárco y xu juquej bi i ataraya c'a chuwach ulew. I ataraya, nojnak che nimak tak car; je 'o jun ciénto ru' cincuénta y tres chupam. Laj je q'ui, péro n-xrakch'ij ti ataraya. 12 I Jesus xu bij pan chique:\n—Chix petok, chol i tija i wa —xcha.\nMi jun chique u tijoxelab xu cowij u tz'onoxic che pachin ire, man queta'am chi ire are i Kajwal. 13 Are 'uri i Jesus xa 'e pan cu', xu c'am bi caxlanwa pu 'ab, y xu jach chique; xak queje xu 'an che i car.\n14 Are uroxmul iri xu c'ut rib i Jesus chique u tijoxelab, che u walijic chiquixol i camnak.\nI Jesus xu pixbaj i ma Pédro15 Are xquelej i wa'im, i Jesus xu tz'onoj che ma Simon Pédro:\n—A-Simon, chi at u c'ojol i ma Jonas, ¿c'ax quin a na'o? ¿Mas chuwach i c'axnabal qui c'ux ique? —xu bij che ▼ .\n—Katzij, Kajwal; yet aweta'am chi cat waj ▼ —xu bij ma Pédro.\nI Jesus xu bij che:\n—Che a tzuku i ral tak in chij —xu bij.\n(I usuc' i xu bij-le are iri: \"Che a tijoj y che a chajij i je we yin.\")\n16 I Jesus xu tz'onoj chic ucamul che:\n—A-Simon, chi at u c'ojol i ma Jonas, ¿c'ax quin a na'o?\nI ma Pédro xu bij tan chic che:\n—Katzij, Kajwal; aweta'am chi cat waj.\nI Jesus xu bij chic che:\n—Che a chajij in chij.\n17 I Jesus xu tz'onoj chic uroxmul che ma Pédro:\n—A-Simon, chi at u c'ojol i ma Jonas, ¿quin awaj?\nI ma Pédro xbisonic are xu ta chi uroxmul ile chi xtz'onox che: \"¿Quin awaj?\" Te'uri xu bij che:\n—Kajwal, 'is ronojel aweta'am. Yet aweta'am chi lic cat waj —co'ono.\nI Jesus xu bij che:\n—Che a tzuku in chij —xcha.\n18 Te'uri xu bij che;\n—Katzij iri quin bij chawe: are c'a at ac'al winak, xa yut' a pam che a bant y xat 'e 'ut pa i xawaj wi 'enam. We xat rijabic, n-queje ta chic ca 'an ile, man ca suc'ba ni a 'ab, y jun chic cat ximawic; xak cat u c'am bic pa n-cawaj ta wi 'enam.\n19 Queje ile xu bij i Jesus, 'alijinsabal-re wach i camic quic'aw wi i ma Pédro. Ru' u camic-le, ca 'alijinsax ni u 'ij i Dios. Te'uri i Jesus xu bij che:\n—Chat terej chwij (min awo'taj) —xbix che.\n20 I ma Pédro, are xtzun chirij, xrilo chi teren bi jun chic tijoxel ▼ , i jun chi lic c'ax ca na' rumal i Jesus. I tijoxel-le are i jun chi xcubi pu tzal i Jesus are xqui 'an i wa'im re i páscua; are ire chi u bim che i Jesus: \"Kajwal, ¿pachinok chake cat u jacho?\" 21 I ma Pédro, are xril u wach i tijoxel-le, xu bij che i Jesus:\n—Kajwal, i jun-i, ¿wach ca 'ani che?\n22 I Jesus xu bij che:\n—We xwaj yin chi ca c'asi na, c'a are quin c'un tan chic, n-ta awe yet che. Xui-ri, yet chat terej chwij —xu bij che i ma Pédro.\n23 Rumal i tzij-le, xo'on panok, i winak chi qui cubam qui c'ux che i Jesus xqui bij chi i tijoxel-le n-ca cam taj. Péro i Jesus n-xu bij taj we n-ca cam taj. Xui xu bij: \"We xwaj yin chi ca c'asi na c'a are quin c'un tan chic, n-ta awe yet che.\" (Queje ile u bim.)\n24 Are yin i tijoxel-le chi quin bij chiwe wach xwilo chi xo'on i Jesus, xak in tz'ibam chupam i wuj-i. Yoj (chi oj u tijoxelab) keta'am chi wach i in tz'ibam, lic katzij.\n25 C'o i xu 'an i Jesus chi n-tz'ibam ta chupam i wuj-i. We tene xtz'ibax che u jujunal, quin bij yin n-coc ta-ri ni'pa i wuj-le chuwach ronojel i jyub ta'aj. Amen (katzij).\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-13","url":"https:\/\/www.stepbible.org\/?q=version=ACRACC%7Creference=Joh.21","date":"2018-03-18T12:07:39Z","file_path":"s3:\/\/commoncrawl\/crawl-data\/CC-MAIN-2018-13\/segments\/1521257645613.9\/warc\/CC-MAIN-20180318110736-20180318130736-00644.warc.gz","language":"acr","language_score":0.9999808073,"language_script":"Latn","minhash_cluster_size":3,"top_langs":"{\"acr_Latn_score\": 0.9999808073043823}","num_words":1126,"character_repetition_ratio":0.056,"word_repetition_ratio":0.02,"special_characters_ratio":0.287,"stopwords_ratio":0.234,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"John 7\nI u cha' i Jesus n-xqui coj ti u tzij1 Te'uri i Jesus xui chic ca bin pa tak jyub re i Galiléa; n-craj ta ca q'uiji pa Judéa man i nimak tak aj Israel chila cacaj quiqui camsaj. 2 Te'uri, ya xnakajab jun chic nima'ij que i aj Israel winak; are i nima'ij re i mujbal ▼\n▼ 7.2Che i nima'ij-le, i winak xqui yijba qui mujbal, cuxtabal re i cuarénta junab are xe bin che tak i jyub tz'inilic n-ta cachoch. Rumal-i, che tak i nima'ij-le, que q'uiji wukub 'ij chupam i qui mujbal, are qui molom chic i qui cosech; lic quiqui c'amwaj quiqui tioxij che'i Dios rumal wach u 'anom chique.. 3 Are 'uri i u cha' i Jesus xqui bij che:\n—Mat canaj waral; jat pa Judéa, cha c'utu chique i queta'am a wach chila wach tak i milágro ca 'ano. 4 Man we jun craj ca 'etamax u wach u patan, n-co'on tu chac to' ali'al. Yet chi cat tijin chu 'onquil nimak tak 'anic, cha 'ana 'uri chiquiwach conojel i winak —xe cha che.\n5 'Alaj 'uri chi xak mi ne u cha' n-xqui coj taj we Tolque. 6 I Jesus xu bij chique:\n—Maja cu rik i 'ij chinwach chi quin 'alijinsaj in pachin yin; chiwe yix, pachique 'ij 'is 'utz. 7 I winak aj u wach i jyub ta'aj n-tzel ta quix quil yix, péro yin, tzel quin quilo, man quin 'alijinsaj chique chi n-'us taj wach i que tijin chu 'anic. 8 Jix yix pa nima'ij-le; yin c'a maja na quin 'ec ▼ , man maja cu rik i 'ij chinwach.\n9 Queje ile xu bij chique y xcanaj pa Galiléa.\nI u tzij i Jesus petnak ru' i Dios10 Are je 'enak chic u cha', te'uri i Jesus xak xa 'e pa' nima'ij. N-xa 'e ta chiquixol i winak, n-kas ta xu c'ut rib are xa 'ec. 11 I nimak tak aj Israel winak quiqui tzucuj i Jesus pa nima'ij-le. Quiqui bij:\n—¿Pa nawi 'o wi i achi-le? —que cha.\n12 I winak pa nima'ij-le, xa quiqui lap i Jesus chiquiwach. 'O i que binic: \"Ile lic 'utz laj achi,\" que cha. Xak 'o i que binic: \"Ile n-'us taj; xa que u t'or i winak,\" que cha. 13 Péro xa ali'al quiqui lap i Jesus chiquiwach, man quiqui xij quib chique i nimak tak aj Israel.\n14 Are nic'ajarnak chic i nima'ij, i Jesus xoc bi pa rachoch i Dios; te'uri xoc chi qui tijoxic i winak chila. 15 I nimak tak aj Israel winak xqui bisoj wach tak i xu c'utu; xqui bij: ¿Wach retamaxic tak ile u 'anom? Ire n-ta u nawsam wi rib —que cha.\n16 I Jesus xu bij chique:\n—Are i quin tijin chu c'utic n-are ti yin xin nojij, lic are petnak ru' i xin takaw lok. 17 Pachin jun lic craj cu 'an pacha craj i Dios, cu nabej 'uri pa xpe wi i c'utunic quin 'ano; cretamaj we petnak ru' i Dios, o xa petnak pin nojbal yin. 18 Jun, we xui cu c'ut u nojbal ire, xa craj 'uri cocsax u 'ij. Péro jun, we cu tzucuj u cojic u 'ij i Jun chi takawnak lok, cu bij 'uri i sak laj tzij, xak n-que u t'or ta i winak. 19 Katzij, i mam Moises xu c'ut i 'atbal tzij re i Dios chiwe, xui-ri, mi jun chiwe cu 'ano pacha cu bij i 'atbal tzij-le. Yix quiwaj quin i camsaj (rumal quin cunan pa uxlambal 'ij) —xu bij i Jesus chique. 20 I winak xqui la' u wach che:\n—Xa at ch'uj; ▼ ¿pachin craj a camsaxic? —xe cha che.\n21 I Jesus xu bij chique:\n—Chupam jun uxlambal 'ij xin 'an jun milágro. Yix xi bisoj man pa jun uxlambal 'ij xin 'an wi. 22 Chiwila ba i qui 'an yix. 'Olic qui 'an retal circuncision che i qui ch'acul ac'alab pa tak uxlambal 'ij. We xel wajxakib 'ij jun ral ala, queje ile qui 'ano, man queje ile xu c'ut i mam Moises chiwe. Katzij, n-are ti mam Moises xjekaw u c'utic ile, xa are iwatit i mam que 'anaw chic ile are xu bij i mam Moises i tzij-le. 23 Yix qui 'an pen u 'anic pacha xu bij i mam Moises; qui 'an retal circuncision che i qui ch'acul iwac'al, tupu xa pa uxlambal 'ij. We queje ile qui 'an yix, ¿wuchac 'uri ca pe iwoywal chwe, xa rumal xwesaj ronojel i c'ax che u ch'acul jun achi che i uxlambal 'ij? 24 Mi coj u mac jun winak we n-iweta'am taj we kas 'o u mac. Chiwila u be bien we kas 'o u mac, te'uri chi bij u mac —xu bij i Jesus chique.\nI Jesus, ru' i Dios petnak wi25 Te'uri i winak chi je jekel pa Jerusalen xe oc chu bixquil:\n—¿N-are ta bari i achi-le ca tzucuxic man cacaj quiqui camsaj? 26 Chiwilape', chi 'o wi; lic ca ch'a'at chiquiwach conojel i winak. ¿Wuchac n-ta ca bix che? ¿Xataba i ka wi ka jolom qui cojom chic u tzij? ¿Xataba qui bim ique we are i Crísto, chi Tolke? 27 N-are ti Crísto ile. Yoj, 'ut, keta'am pa petnak wi i achi-le; xui-ri, i Crísto, mi jun quetama-nic pa ca pe wi —xe cha.\n28 I Jesus xu ta wach i quiqui bij are ca tijin chu c'utic chique i winak pa rachoch i Dios. Te'uri co xch'awic y xu bij:\n—Qui bij yix iweta'am in wach; qui bij yix iweta'am pa xin pe wi. Xui-ri, yin n-to' ta in c'un-nak pin wach wi. In c'un-nak man in taktal li rumal i Jun chi yix n-iweta'am tu wach, péro ire sakil. 29 Yin 'ut, weta'am u wach, man ru' ire in petnak wi, are ire xin takaw lok —xu bij i Jesus chique.\n30 Are 'uri laj xcaj xqui tz'apij, péro n-ta jun xa 'anawic, man c'a maja cu rik i 'ij u ch'icom i Dios. 31 Xui-ri je q'ui i winak xqui cuba qui c'ux che y xqui bij:\n—Are ca c'un i Crísto, ¿xataba 'o mas tan chic i milágro cu 'ano, chuwach i cu 'an i achi-ri? N-ta chic mas —xe cha.\nJe taktal bi i policía chu chapic i Jesus32 I aj Fariséo xqui ta chi quiqui bij i winak chi Jesus are i Crísto. Rumal-i, ique junam cu' i ajwab sacerdóte xe qui tak bi policía chi aj patanib re i rachoch i Dios, que 'e qui chapr i Jesus. 33 I Jesus xu bij chique i winak:\n—Xa 'atal 'ij in 'o iwu', te'uri quin tzalij chic ru' i xin takaw lok. 34 Yix quin i tzucuj na, péro n-quin i rik taj, man pa i quin 'e wi yin, n-ca ya' ta chiwe quix 'e chila —xu bij.\n35 I qui nimakil i aj Israel winak xqui bij chiquiwach:\n—¿Pa nawi ca 'e wi i achi-ri chi yoj n-coj tiqui ta chu rikic? ¿Mok ca 'e cu' i kach aj tinimit chi je 'enak chiquixol i aj Griégo winak? ¿Mokxa que u c'utu chique i aj Griégo chila? 36 ¿Wach que'el i tzij-i chi xu bij chake? Man xu bij: \"Quin i tzucuj na, péro n-quin i rik taj, man n-quix oc taj pa i quin 'e wi yin,\" xcha. ¿Wach usuc' ile? —xe cha.\nNi'pa i cacaj, quiqui rik i c'aslic ya ru' i Jesucrísto37 I q'uisbal 'ij re i nima'ij chila, mas 'o u 'ij. Chupam i 'ij-le, i Jesus xtaq'ui 'an chiquiwach i winak y co xu bij:\n—Pachin jun ca c'atic, cha pet wu' yin, chol u tu'u i ya chi quin sujuj. 38 We jun co'on ile, que'el 'uri pacha i tz'ibtal can chupam i wuj re i Dios, chi cu bij: \"Pachin i cu cuba u c'ux chwe yin, u c'ux ire co'on pacha ralaxbal ya; pacha ya c'aslic quel che,\" —xu bij i Jesus chique.\n39 I tzij chi xu bij i Jesus-le que'elok: ni'pa i quiqui cuba qui c'ux che ire, coc ni u Tewal i Dios piqui c'ux co'on panok. Are xu bij ile, c'a maja ca kaj li u Tewal i Dios chuwach i jyub ta'aj, man c'a maja coc i Jesus che u 'ij u chomal.\nI winak xqui chap quib chi tzij rumal i Jesus40 'O jujun chiquixol i winak, are xqui ta ile, xqui bij chiquiwach:\n—Katzij, i achi-ri are i ajbil u tzij i Dios chi koy'em —xe cha.\n41 'O juban chic xqui bij:\n—Iri are i Crísto chi koy'em —xe cha.\nXak 'o juban chic xqui bij:\n—¿Wach u 'onquil ile? ¿Xataba 'o Tolke ca pe pa Galiléa? ¡N-taj! 42 Chupam i wuj re i Dios cu bij: i Crísto chi ca petic, u muk u xiquin i ujer mam David: xak cu bij chi calax na pu tinimit i mam David; ile are i tinimit Belen. Rumal-i, n-are ti achi-le —xe cha.\n43 Te'uri i winak xqui chap quib chi tzij rumal i Jesus. 44 'O jujun xcaj te'ek u tz'apixic, péro n-ta jun xu ya rib chu 'onquil.\nI je raj'atzil i rachoch i Dios n-xqui coj ti u tzij i Jesus45 Te'uri i policía re i rachoch i Dios xe tzalij chal cu' i je takawnak bic. I aj Fariséo winak xak i ajwab sacerdóte xqui tz'onoj chique i policía-le:\n—¿Wuchac n-xi c'am ta lok? —xe cha.\n46 I policía xqui bij:\n—N-ta jun chic achi ka tom wi ru', pacha i tzij chi cu bij i achi-le; rumal-i n-xka c'am ta lok —xe cha.\n47 Te'uri i aj Fariséo xqui bij chique i policía:\n—¿Xak queje yix xix t'ortaj rumal i achi-le? 48 ¿Xataba 'o jun chake yoj oj aj Fariséo, u cojom u tzij? Mi jun. Xak mi jun kaj'atzil yoj u cubam u c'ux che i achi-le. 49 I to' winak-le, qui cojom; péro ique n-quiqui ta tu be i 'atbal tzij tz'ibtal canok; ique-le 'o i c'okbal-re i Dios piquiwi —xqui bij i aj Fariséo winak.\n50 Are 'uri 'o jun chiquixol ique xch'awic. Are i ma Nicodémo chi upon-nak ru' i Jesus ali'al cha'ab. Xu bij chique:\n51 —I ka 'atbal tzij tz'ibtal can rumal i mam Moises n-cu ya ta chake caka ya jun achi pa tojpen we n-caka ya ta che cu to rib chakawach. 'O u chac coj taq'ui pa rakan we kas 'o u mac.\n52 I rachi'il xa xqui yo'ya, y xqui bij che:\n—¿Xataba yet xak at aj chila pa Galiléa? Cha tzucuj chupam i wuj re i Dios; cawil 'ut chi mi jun ajbil u tzij i Dios ca pe pa Galiléa —xe cha che.\n53 Te'uri, chi qui jujunal wi, xe 'e chi cachoch.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-13","url":"https:\/\/www.stepbible.org\/?q=version=ACRACC%7Creference=Joh.7","date":"2018-03-19T20:36:23Z","file_path":"s3:\/\/commoncrawl\/crawl-data\/CC-MAIN-2018-13\/segments\/1521257647146.41\/warc\/CC-MAIN-20180319194922-20180319214922-00050.warc.gz","language":"acr","language_score":1.0000021458,"language_script":"Latn","minhash_cluster_size":3,"top_langs":"{\"acr_Latn_score\": 1.000002145767212}","num_words":1897,"character_repetition_ratio":0.048,"word_repetition_ratio":0.004,"special_characters_ratio":0.287,"stopwords_ratio":0.217,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Matthew 5\nI Jesus xu bij pachin i ca pe ni 'utz piquiwi1 I Jesus, are xe ril je uq'uial winak je teren chirij, xel bi chuwi jun jyub, y xcubi chila. Ni'pa i que tijin qui nawic che u tzij xqui mol quib ru'. 2 Te'uri xu jek qui nawsaxic ru' i tzij-i:\n3 —'Utz que ique chi queta'am 'o rajwaxic piqui c'ux chuwach i Dios, man que oc na 'uri pa cu 'at wi tzij i Dios.\n4 'Utz que ique chi que bisonic, man i Dios cu cubsaj ni qui c'ux.\n5 'Utz que ique chi 'o u nimal qui c'ux, man ca ya' ni jyub ta'aj chique chi u sujum i Dios.\n6 'Utz que ique chi lic quiqui rayij u 'anic wach tak craj i Dios, man ire lic que u to chu 'onquil.\n7 'Utz que ique chi quewi 'o i c'axnabal qui c'ux, man i Dios xak c'ax que u na ni ique.\n8 'Utz que ique chi ch'am i piqui c'ux, man ique quiquil nu wach i Dios.\n9 'Utz que ique chi que qui chomarsaj i que ch'o'ojinic, man \"je wac'al\" cu bij na 'uri i Dios chique.\n10 'Utz que ique chi ca'ani c'ax chique xa rumal u 'anic wach craj i Dios chique, man que oc na 'uri pa cu 'at wi tzij ire.\n11 'Utz iwe yix we c'ax que ch'aw ni winak chiwe xa wumal yin. 'Utz iwe yix we quix qui yo'ya, xak we quiqui bij i mentir chiwij xa rumal quix terej chwij. 12 Mix bisonic, xa chix quicotok, man qui rikbej 'uri jun nim laj sipon chila chicaj. Cha c'un chi c'ux, xak queje xqui 'an li winak ile chique i ajbil u tzij i Dios ujer.\nI je re chic i Dios je pacha atz'am, xak je pacha u tzunbal 'a'13 Yix 'ut lic qui rik i chac chique i winak waral chuwach i jyub ta'aj; ix pacha i atz'am chi lic cu rik u chac chique. Xui-ri, i atz'am, we xsach u jelal, ¿wach 'uri u yijbaxic chic u jelal ca 'anic? N-taj. Ile n-cu rik ta chic u chac; xa ca c'ak bic; to' ca wach'albex chic cumal i winak.\n14 Yix ix pacha u tzunbal 'a' waral chuwach i jyub ta'aj. Iwilom 'ut wach o'onom jun tinimit we 'o tzam jyub; lic 'alaj, n-ruwam ta rib. 15 Xak iweta'am, we jun cu tzij jun cantil, n-que u mina ta chuxe' jun cajon; n-'us taj we cruwaj. Are i cu 'ano, cu ya 'an chicaj paja, man conojel que tzun na rumal. 16 Xak queje chi 'ana yix, chi ix pacha u tzunbal 'a' waral chuwach i jyub ta'aj, chi ya che i tzunbal ca 'e chiquiwach i winak. Queje ile quiquil na wach tak i 'utz qui 'ano. Rumal 'uri, quiqui coj u 'ij i Kajaw yix chila chicaj.\nI Jesus aj 'anol re i mer usuc' i ujer 'atbal tzij17 Mi ch'ob yix mok col in sacha u wach i 'atbal tzij tz'ibtal can rumal i mam Moises ujer; mi tene ile, xak mi tene i qui c'utunic can i ujer ajbil u tzij i Dios. Yin n-in ta aj sachol re ile. Xa in aj 'anol re i usuc' i tzij-le chiwach yix. 18 Katzij iri: tz'akat c'o i caj, i jyub ta'aj, n-ca sachsax ti u wach i ujer 'atbal tzij, mi ta jubi', mi ta jun tz'ib, mi ta pich' che jun ral tz'ib. Ile cu ch'ij na c'a ca q'uis ni ronojel u 'anic pacha u ch'obom i Dios chi ca 'ani na. 19 N-ca sachsax taj; rumal-i, 'o u chac qui 'an na pacha i cu bij ronojel i 'atbal tzij. We 'o jun n-xcojon ta che i ral cu jupaj tzij pich' re i 'atbal tzij, xak we xu c'ut 'uri chique i winak queje quiqui 'an ile, ire 'ut xa pich' que'elok chiquiwach conojel i juban pa cu 'at wi tzij i Dios. Xui-ri, we jun xcojon che i mer usuc' i 'atbal tzij, xak xu c'ut 'uri chique i juban chic, ire 'uri lic nim que'el na, pa cu 'at wi tzij i Dios. 20 Lic quin bij chiwe, 'o u chac chix cojon na che ronojel pacha u bim can i Dios; 'o u chac mas 'utz u 'anic chi 'ana ni yix chiquiwach i je tijonel re i 'atbal tzij; xak mas 'utz u 'anic chi 'ana na chiquiwach i aj Fariséo. We n-qui 'an taj, n-quix oc ta pu'ab i Dios.\nI Jesus xu bij chi n-'us taj 'o awoywal che i jun chic21 I tom yix i 'atbal tzij bital chique iwatit imam ujer. \"Mix camsanic,\" bital chique, \"man pachin jun ca camsanic, ca'at ni tzij 'uri puwi,\" xbix chique. 22 Xui-ri, yin quin bij ni usuc' chiwe: pachin jun xa ca pe roywal che jun rachalal, xak ire ca'at ni tzij puwi. Xak pachin jun cu yo'ya i rachalal, ca ya' ni ire chiquiwach i nim laj nuc'bal t'isbal. Xak we 'o jun cu bij mal laj tzij che i rachalal, chu 'ana cwent 'uri che rib, mok xa ca 'e pa 'a' rumal. 23 Rumal-i, we yet a c'amom li jun a sipon col a ya chuwach i Dios, te'uri we ca c'un pa c'ux chi 'o jun awachalal cu ch'obo 'o a mac che, 24 cha canaj can 'uri a sipon chila chuwach i altar, y jat ru' awachalal. Chi chomaj iwib chiwach. Te'uri chat tzalij chic y cha jacha a sipon chuwach i Dios. 25 We 'o jun u cojom a mac, y craj cat u c'am bi chuwach i 'atbal tzij, chi chomaj iwib chiwach pa be. Queje chi 'ana ile, man ire n-cat u ya ta chuwach i 'atbal tzij. Man i 'atbal tzij cat u jach na piqui'ab i policía; te'uri i policía cat u tz'apij pa cárcel. 26 Katzij iri: n-cat el ta lok, c'a ca toj ni ronojel a mult. (Rumal-i, we' chi chomaj iwib chiwach.)\nI pixbanic xo'on i Jesus chique i je cachijil quib27 I tom yix wach cu bij i 'atbal tzij re i mam Moises: \"Ma kajsaj a 'ij ru' jun ixok, we n-awixokil taj,\" cu bij. 28 Xui-ri, yin quin bij ni usuc' chiwe: we 'o jun lic cu takej jun ixok, man cu rayij u wach, xe'el 'uri pu c'ux xak jun ru' pacha i xmacun ru'. 29 Rumal-i, quin bij i tzij-i chiwe: we yet to' ca takej jun ixok y to' ca rayij u wach, mejor chawesaj a ba'wach y cha c'aka bic ▼ Mas 'utz que'elok we xa are a ba'wach ca sacho, chuwach i ronojel a ch'acul ca 'e pa 'a'. 30 We xak are a 'ab wikabim ca 'anaw chawe cat macunic, cha c'atzij y cha c'aka bic. 'Utz que'elok we xa are a 'ab ca sacho, chuwach i ronojel a ch'acul ca 'e pa 'a'.\n31 Xak i tom yix iri chi ca bixic: \"Jun we cu jach can i rixokil, 'o u chac cu tz'ibaj jun wuj, cu ya che i rixokil, re i jachbal quib.\" ca bixic. 32 Xui-ri, yin quin bij ni usuc' chiwe: jun, we cu jach can i rixokil, i ixok, we n-tu mac u 'anom ru' jun chic achi, n-'us ta xu 'an 'uri i rachijil che. Que'el 'uri xa are u mac i rachijil che, we i ixok xc'uli ru' jun chic achi; i u mac i ixok 'o 'uri chukul i achi chi jachawnak bic. Xak we 'o jun achi ca c'uli ru' jun ixok chi jachtal bi rumal i rachijil, i achi-le xak ca macun 'uri chuwach i Dios.\nMa cuxtaj u bi i Dios puwi a tzij33 Xak i tom yix iri chi bital chique iwatit imam ujer: \"'O u chac ca 'an na pacha a sujum che jun winak, we a cuxtam u bi i Kajwal puwi a tzij-le.\" (Queje ile tz'ibtal canok.) 34 Xui-ri, yin quin bij ni usuc' chiwe: n-'us taj qui cuxtaj u bi i Dios puwi i tzij che jun winak. Xak mi cuxtaj u bi i caj, man are u q'uijibal i Dios, pa cu 'at wi tzij. 35 Xak mi cuxtaj u bi i ulew, man are pa cu ya wi i rakan. Xak mi cuxtaj u bi i tinimit Jerusalen, man are u tinimit i Dios chi ka nim laj 'Atol Tzij. 36 Xak mi cuxtaj u bi i jolom, man n-quix tiqui ta chu yijbaxic wach ca tzun jun ral 'is re i wi, we 'ek 'o we sak quiwaj che. 37 Xui chi bij \"are\"; o we n-are taj, chi bij \"n-are taj\". We 'o mas tzij qui bij puwi ile, xa ru' itzel petnak wi.\nJun, we cu 'an jun mal chiwe, mi tzalij u wach che38 Xak i tom yix chi i ujer 'atbal tzij cu bij: \"We 'o jun u puch'um a ba'wach yet, xak ca puch' ni jun u ba'wach ire 'uri; xak we u bokom jun a wawe, xak ire ca bok ni jun u ware 'uri.\" Queje ile cu bij i u 'atbal tzij i mam Moises. 39 Xui-ri, yin quin bij ni usuc' chiwe: mi tzalij u wach che, wach cu 'an chiwe. Are i chi 'ana, we 'o jun cat u ch'ay che juperaj a palaj, cha ya i juperaj chic che. 40 We 'o jun ca 'e pa 'atbal tzij, man craj cu maj a camix, cha ya na 'uri che, xak cha ya bi a chaquet che. 41 We 'o jun co'on pen chawe ca c'am bi jun rekan pa jun kilómetro, yet ja ya che c'a pa queb kilómetro. 42 We 'o tak ca tz'onox chawe, cha ya wach i ca tz'onoxic. Y we 'o i ca chi'max chawe, cha ya wach i rajwaxic.\nC'ax che i na i je aj ch'o'oj chiwij43 I tom yix i tzij-i chi ca bixic: \"C'ax cha na i c'ax cat nawic,\" quiqui bij, \"xak tzel chawila i tzel cat ilawic,\" quiqui bij. 44 Xui-ri, yin quin bij ni usuc' chiwe: c'ax che i na i je aj ch'o'oj chiwij; chi tz'onoj i 'utz piquiwi i que tz'onow mal piwi yix; chi 'ana 'utz chique i tzel quix ilawic; chi tz'onoj che i Dios piquiwi ni'pa i quix qui yo'ya, xak piquiwi ni'pa i c'ax que ch'aw chiwe. 45 Queje ile, quix 'el na lic ix rac'al i Kajaw yix chila chicaj. Ire 'ut cu 'an che i 'ij cu tzunsaj piquiwi i je mal, xak jun ru' pacha cu 'an chique i je 'utz. Xak cu tak li jab piquiwi i je 'utz, xak piquiwi i je mal. 46 Yix 'ut, we xui c'ax que i na ique chi xak c'ax quix qui na yix, n-ta qui ch'ac na 'uri ru' i Dios. Xak i je mal laj tak aj alcawal queje quiqui 'an ile. 47 Yix, we xui chique iwamig qui ya rutzil qui wach, ¿pa 'utz wi 'uri ile? Xak queje quiqui 'an i winak chi n-queta'am tu wach i Dios. 48 Yix, chom ix 'olok, ronojel ni'pa i qui 'ano, xak jun ru' pacha cu 'an i Kajaw chi 'o chicaj, chi lic n-ta c'ax che ronojel ni'pa i cu 'ano.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-13","url":"https:\/\/www.stepbible.org\/?q=version=ACRACC%7Creference=Mat.5","date":"2018-03-24T18:08:40Z","file_path":"s3:\/\/commoncrawl\/crawl-data\/CC-MAIN-2018-13\/segments\/1521257650764.71\/warc\/CC-MAIN-20180324171404-20180324191404-00269.warc.gz","language":"acr","language_score":1.0000066757,"language_script":"Latn","minhash_cluster_size":4,"top_langs":"{\"acr_Latn_score\": 1.0000066757202148}","num_words":1987,"character_repetition_ratio":0.059,"word_repetition_ratio":0.004,"special_characters_ratio":0.291,"stopwords_ratio":0.217,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Luke 7\nWach i rutzirsaxic i u mocom jun capitan n-aj Israel taj1 I Jesus, are xutzin u ch'a'atic cu' i winak, xoc pa tinimit Capernaum. 2 Chila 'o wi jun capitan aj Róma winak, chi 'o jun u mocom ru' ja lic c'ax cu na'o. I u mocom-le, lic iwab, ya ca camic. 3 I capitan, are xu ta u tzijol i Jesus, xe u tak bi jujun nimak tak mam'ib ru', chi je aj Israel winak. (I capitan, n-aj Israel taj.) Xe u tak bi chu tz'onoxic chi ca 'e ru' ja, ca 'e cunax i u mocom. 4 Ique, are xe upon ru' i Jesus, xe tejeb ru', y ronojel qui c'ux xqui bij che:\n—I capitan-i lic ca majawic que a to na. 5 Ire lic coj raj yoj chi oj aj Israel, xak xu yijba jun ja re i molbal kib —xqui bij.\n6 Te'uri i Jesus xa 'e cu'. Are ya que upon ru' ja, xqui c'ulaj juban chic achiab chi queta'am u wach i capitan; ique je taktal li rumal ire. Xol qui bij u tzij i capitan che i Jesus. Queje iri u bim lok:\n—Nim laj winak, cha cuyu in mac; n-tu chac cat c'un c'a ru' ja. N-ca majaw ta chwe we cat oc chi wachoch, man n-nim ti in 'ij chawach yet. 7 Rumal-i, n-tu cowil in c'ux quin upon chawach. Xui-ri, we ca bij li yet, cutzir ni in mocom. 8 Weta'am ile, man xak yin in 'o piqui'ab i je waj'atzil, xak je 'o juban soldádo pin'ab yin, y we quin bij che jun \"¡Jat!\", ca 'ec; y we quin bij che i jun chic, \"¡Sa'aj!\", ca petic. We xak quin tak bi jun wajchac, ire cu 'an na wach i quin bij che. (Queje xqui bij ique ile che i Jesus, chi u bim li capitan.)\n9 I Jesus, are xu ta wach u bim li capitan, lic xu bisoj. Xe u tzu i winak chi je teren chirij, y xu bij chique:\n—Mi tene jun chique i aj Israel winak cul u c'ux chwe pacha u 'anom i achi-le —xu bij.\n10 I ramig i capitan chi je u takom lok, xe tzalij chic ru' ja. Are xe uponic, xquil i achi utzirnak chic.\nWach u c'unsaxic sak chuwach i ralab i ixok malcan11 Xo'on chupanok, i Jesus xa 'e che jun tinimit, Nain u bi, cuc'am quib cu' u tijoxelab, xak cu' uq'uial winak. 12 Are ya cuponic xe u c'ulaj juban winak cuc'am jun camnak, 'enam-que chu mukic. I camnak-i, jun ala, xa jun chirij u chuch, chi ixok malcan. Je q'ui i winak aj tinimit que tijin qui 'enam ru' u chuch chu mukic. 13 I Kajwal Jesus, are xril i ixok, c'ax xu na u c'ux che.\n—Mat o'ic —co'on che.\n14 Are 'uri xtejeb pan cu', y xu yin i tz'alam pa cotz'ol wi i camnak. I je uc'awnak xe taq'ui'ic. I Jesus xu bij che i camnak:\n—Ala, ¡Chat walijok! —co'on che.\n15 I camnak juntir xcubi 'anok, y xoc chi lapanic cu'. Te'uri i Jesus xu jach bi che u chuch. 16 I winak, are xquil ile, 'is xe oc 'il che. Xqui jek u cojic u 'ij i Dios:\n—Jun nim laj ajbil u tzij Dios c'un-nak ku' yoj —xqui bij—. I Dios xoj ol u tobej yoj oj u winak ire —xe cha.\n17 Lic xel u tzijol i Jesus, wach ca tijin chu 'onquil pa ronojel i jyub que i aj Israel winak, xak i chirij chuwach.\nWach xu bij i Jesus chique u tijoxelab i ma Wan18 I ma Wan aj kajsanel ya, i u tijoxelab ire qui bim che wach tak cu 'an i Jesus. Rumal-i, xe u siq'uij queb chique, 19 xe u tak bi ru' i Jesus. Xu bij chique: \"Jix ru' i Jesus y chi tz'onoj che we are ire i Tolke chi koy'em. Mokxa n-are taj, mok c'a ca koy'ej jun chic,\" xu bij. 20 I u takon i ma Wan, are xe uponic, xe tejeb ru' i Jesus y xqui bij che:\n—I ma Wan aj kajsanel ya, xoj u tak lok col ka tz'onoj jun tzij chawe. ¿Mok yet i Tolke chi u bim i Dios ca c'unic? ¿O xa cakoy'ej chic jun chic? —xqui bij che.\n21 Che i 'ij-le chi xe upon i u takon i ma Wan, i Jesus xe u cunaj uq'uial iwabib. Ni'pa i c'ax 'o chique, ni'pa i yobil 'o chique, ni'pa itzel tew, 'is xresaj chique. Xak je q'ui i mawach xe u tzunsaj. 22 Rumal-i, i Jesus xu bij chique u takon i ma Wan:\n—Jix ru' i ma Wan y chi bij che wach iwilom, xak wach i tom, chi quin tijin yin chu 'anic. Chi bij che chi wumal yin, i mawach ya xe tzunic; xak i je sic, xe binic; xak i iwabib chi 'o itzel c'ax \"lepra\" chique, xe utziric; xak i je tac, xe tanic; xak i camnak xe walijic; xak i niba'ib qui tom i 'utz laj tzij re i quelbal pa c'ax. (Are ile quin tijin chu 'onquil.) 23 Xak chi bij che, chi 'utz que ique ni'pa n-quiqui sach ti u cubibal qui c'ux chwe —xu bij i Jesus chique u tijoxelab i ma Wan.\nI Jesus xu bij chique i winak wach u patan i ma Wan24 Are xe 'e ique chi je u takom li ma Wan, i Jesus xu jek u bixquil chique i winak wach u 'anom i ma Wan.\n—Yix, are xix 'e che i jyub tz'inilic que i tabej re i ma Wan, ¿wach xi bij yix que iwila? ¿Xix 'e bawa chi rilic jun 'es ca silab rumal i tew? N-are taj. 25 ¿Wach i xix 'e chi rilic? ¿Xataba xix 'e chi rilic jun achi, chom u wikic rib u 'anom che u 'u'? N-are taj. Ni'pa i 'o qui 'u' chom, pakalic, ni'pa i 'is 'o cu' wach tak quiqui rayij, ique ne te 'o pa tak jyub, ique je jekel pa rachoch i 'atol tzij. 26 ¿Wach i xe iwila 'ut? ¿Jun ajbil u tzij i Dios? Katzij, are. I jun chi xiwilo-le, mas nim ni u 'ij chiquiwach i xa je ajbil u tzij i Dios chi je ic'awnak. 27 I ma Wan-le are i jun chi u bim can i Dios chi cu tak na lok, ca nabeaj chuwach i Toliwe. I Dios u bim can chupam u wuj:\nYin nabe quin tak na bi jun ajbil in tzij chawach yet,\ncu yijba ni a be chawach.\n28 Chitape': i ma Wan aj kajsanel ya, nim ni u 'ij ire chiquiwach conojel i winak. Xui-ri, wo'or conojel ni'pa i que oc na pa 'utz laj 'atbal tzij re i Dios, mas 'utz na que ique chuwach ire (man i ma Wan-le n-xril ti 'atbal tzij re i Dios petnak waral chuwach i jyub ta'aj). (Queje ile xu bij i Jesus chique i winak.)\n29 I winak, are xqui ta ile, 'is xqui bij chi Dios 'utz i cu 'ano, xak queje xqui bij i aj tz'onol alcawal ile, man ique 'is xqui cojo wach i xu bij i ma Wan, xak xqui tz'onoj u kajsaxic ya piquiwi rumal. 30 Xui-ri, i je tijonel re i ujer 'atbal tzij, xak i aj Fariséo n-xqui tz'onoj ti u kajsaxic ya piquiwi. Rumal 'uri 'alaj chi xqui xutuj wach u yijbam i Dios chique. 31 I Jesus xak xu bij chique i je 'o chila:\n—I winak wo'or ¿wach tak que in junamsaj ru'? ¿Wach i que majawic? 32 Ique xa je pacha ac'alab je cul xol tak be; jutzobaj que siq'uin chique i cachi'il: \"Yix lic n-ta 'o quiwaj,\" quiqui bij. \"Yoj xka xut'ij i su' chiwe, péro n-xiwaj ti xix xajawic. Te'uri xka bixaj jun bix re i bisonbal, péro n-xix o' taj,\" quiqui bij. 33 Queje que tijin i winak chu 'anic wo'or; n-ta 'o cacaj, man xc'un i ma Wan aj kajsanel ya, chi n-ta wa cu tijo, xak n-ta víno cu tu'u. Y qui bij yix, xa 'o itzel tew ru'. 34 Are xin c'un yin in Achi aj Chicaj, 'is ronojel quin tijo y quin tu'u, y qui bij yix lic in aj numel, xak in aj 'abarel, qui bij yix. Xak qui coj in mac chi yin in cachi'il ajmaquib, xak i mal laj tak aj tz'onol alcawal. 35 Xui-ri, we te xi ta u be wach cu 'an i ma Wan, xak wach quin 'an yin, quiwetamaj 'uri chi Dios lic 'o u no'oj ▼ .\nJun ixok xu ch'aj i rakan i Jesus ru' uwal uwach36 'O jun aj Fariséo ma Simon u bi, u bim che i Jesus que u tija i wa ru'. I Jesus xa 'e ru' chi rachoch y xcubi chi wa'im. 37 Che i tinimit-le, 'o jun ixok chi lic ajmac laj ixok. Are xu ta rason chi i Jesus ca tijin chi wa'im pa rachoch i aj Fariséo, ire xa 'e cu'. Ruc'am bi jun chom laj baxo 'antal che abaj pacha sakcho', nojnak che cunbal muy. 38 Are xuponic, xq'uiji che i rakan i Jesus. Xo'ic xq'uiji chila. Are 'uri xoc chu ch'ajic i rakan i Jesus ru' uwal uwach, y xu su ru' u wi. Te'uri xu tz'ubaj u wach rakan i Jesus, xak xu coj i cunbal muy che.\n39 I aj Fariséo chi 'o i Jesus chi rachoch, are xril ire ile, xu bij pu c'ux: \"I achi-le, n-ajbil tu tzij i Dios,\" xu bij. \"We tene are, cretamaj 'uri bi chi ixokil ile chi cu yin i rakan-le; xak cretamaj 'uri chi lic ajmac laj ixok.\" Queje ile xu ch'ob i aj Fariséo pu c'ux.\n40 Te'uri i Jesus xu bij che:\n—Ma Simon, 'o jun tzij cwaj quin bij chawe —co'ono.\n—'Utz, Nim laj Winak, cha bij chwe —xu bij i aj Fariséo.\n41 Te'uri i Jesus xu bij jun tijojbal tzij che. Queje iri xu bij:\n—Je 'o queb achiab 'o qui c'as ru' jun achi. I jun 'o jo'ob ciénto u c'as ru', i jun chic, xa cincuénta u c'as ru'. 42 Ique n-que tiqui ta chic chu tojic; i achi xu cuy 'uri i qui mac, y xu chup i qui c'as. Cha bij pe chwe, ¿pachin chique i je queb-le 'o ni mas c'axnabal u c'ux che i xcuyuw qui mac? (Queje xu bij i Jesus ile.)\n43 Te'uri i ma Simon xu bij che:\n—Quin bij yin are i jun chi mas nim u c'as chuptalic —xcha.\nI Jesus xu bij:\n—'Utz i xa bij —co'ono.\n44 I Jesus xu takej i ixok, te'uri xu bij che i ma Simon:\n—¿Cawil i ixok-i? 'Utz i ca tijin chu 'anic. Yet, are xin oc chi, che awachoch, n-ta ya xa ya chwe, ch'ajbal re wakan. Xui-ri, i ixok-i, xu ch'aj i wakan ru' uwal uwach, y xu su ru' u wi. 45 Yet n-xin a tz'ubaj taj, tioxbal-we, are xin a c'ulaj. I ixok-i nu mayim ti u tz'ubaxic i wakan ni'pa i woquic lok. 46 Yet mi tene acéite xa coj che in jolom; xui-ri, ire u jamom ni cunbal muy rij wakan. 47 Queje ile, u 'alijinsam chi lic c'ax quin u na'o. I u 'anom-i, c'utbal-re che, chi q'ui u mac ya cuytajnak chic. Xui-ri, jun chi n-ta kas u mac cuytajnak che, ire n-ta kas c'axnabal u c'ux 'uri. (Queje xu bij i Jesus ile che i ma Simon.)\n48 Te'uri xu bij che ixok:\n—I a mac ya cuytajnak chic —co'ono.\n49 Te'uri i juban chi que tijin che i wa'im xe oc chu bixquil chiquiwach:\n—¿Bi chi achial ire-le, chi xak cu cuy i qui mac i winak? —xe cha.\n50 I Jesus n-xu coj ta retalil wach xqui bij ique. Xu bij che i ixok:\n—At 'elnak chupam a mac man xa cuba a c'ux chwe. Jat chi awachoch; mat c'achir chic —xu bij che.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-13","url":"https:\/\/www.stepbible.org\/?q=version=ACRACC%7Creference=Luk.7","date":"2018-03-22T22:07:11Z","file_path":"s3:\/\/commoncrawl\/crawl-data\/CC-MAIN-2018-13\/segments\/1521257648003.58\/warc\/CC-MAIN-20180322205902-20180322225902-00721.warc.gz","language":"acr","language_score":1.0000067949,"language_script":"Latn","minhash_cluster_size":3,"top_langs":"{\"acr_Latn_score\": 1.0000067949295044}","num_words":2110,"character_repetition_ratio":0.042,"word_repetition_ratio":0.002,"special_characters_ratio":0.294,"stopwords_ratio":0.238,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"John 161 Xin bij i tzij-i chiwe man n-qui sach tu cubibal i c'ux chwe are quiwil tak iri. 2 Yix qui tij na chi n-quix c'ulax ta chic pa molbal'ib que aj Israel winak. Xak cu rik ni 'ij chi quiqui bij ni winak chi jun utzil chomal quiqui 'an che i Dios we quix qui camsaj. 3 Queje ile quiqui 'an na, man mi xa ta jubi' queta'am u wach in Kajaw, xak n-queta'am ti in wach yin. 4 Xin bij iri chiwe, man we xu rik i 'or quiwil ile, are 'uri ca c'un chi c'ux chi ya in bim chic chiwe.\nWach co'on i u Tewal i Dios are ca c'unicN-xin bij ti iri chiwe are xoj jekan wi lok, man in 'o chi iwu'. 5 Xui-ri, wo'or quin tzalij chic ru' i Ta chi xin takaw lok; quin bisoj man mi jun chiwe cu tz'onoj chwe pa i quin 'e wi. 6 Rumal i tzij in bim chiwe, xa xoc i bis pi c'ux. 7 Péro yin, sak laj tzij i quin bij chiwe, 'utz que'el chiwe yix we xin 'ec. Man yin, we n-quin 'e taj, n-ca c'un ta 'uri i u Tewal i Dios chi quix ruc'aj; xui-ri, we xin 'ec, quin tak li iwu'. 8 Ire, we xc'un chi chuwach i jyub ta'aj, mas i cu sakij na chique i winak (chuwach tak i quin 'an yin chique, man ire coc c'a piqui c'ux, xak piqui nojbal). Queje ile, cu 'alijinsaj na chique i winak chi lic je sachnak chupam i qui mac. Xak cu 'alijinsaj na chique wach i 'utz, suc'ulic chuwach i Dios; xak cu 'alijinsaj na chique chi Dios cu 'an i 'atbal tzij piquiwi, wach tak quiqui 'ano. 9 I u Tewal i Dios cu 'alijinsaj chique chi je sachnak chupam i qui mac man n-que cojon ta chwe yin. 10 Ire (pin q'uexel yin), cu 'alijinsaj wach i 'utz, suc'ulic chuwach i Dios, man yin quin 'e ru' i Ta chicaj y n-ca 'iltaj ta chic in wach. 11 Cu 'alijinsaj wach u 'atic tzij cu 'an i Dios, man i Dios ya u 'atom chic tzij puwi itzel, chi 'o piquiwi i winak waral chuwach i jyub ta'aj.\n12 C'o u q'uial tzij cwaj quin bij chiwe, péro n-quin bij taj, man n-quix tiqui ta chu tayic u be. 13 Xui-ri, i u Tewal i Dios are aj c'utunel re i sak laj tzij. Are ca c'un ire iwu', cu 'alijinsaj chiwe ronojel i sak laj tzij. Man ire, ni'pa i cu bij, nu nojbal ti ire, man 'is are cu bij ni'pa i ca bix che. Xak cu bij chiwe wach i ca 'ani na co'on panok. 14 Ire cu coj ni in 'ij yin, man cu 'alijinsaj na chiwe wach cwaj u bixquil yin chiwe. 15 Ronojel i 'o ru' i Ta chicaj, xak we yin; rumal-i xin bij chiwe chi u Tewal i Dios cu 'alijinsaj na chiwe wach i cwaj yin.\nI Jesus xu bij u pactajic i bis que u tijoxelab16 Xa ru' jubi' chic n-quiwil ta chic in wach, péro jubi' panok, quiwil tan chic in wach, man ru' i Ta chicaj quin 'e wi —xu bij i Jesus chique.\n17 Are 'uri 'o jujun chique u tijoxelab xqui tz'onoj chiquiwach, xqui bij:\n—¿Wach usuc' ile xu bij? \"Xa ru' jubi' chic n-quiwil ta chic in wach, péro jubi' panok, quiwil tan chic in wach, man ru' i Ta chicaj quin 'e wi,\" xcha. 18 ¿Wach craj u bixquil ile chake chi \"jubi' panok\" xu bij? N-caka ta tu be wach craj cu bij chake —xqui bij chiquiwach.\n19 I Jesus xril u be chi 'o cacaj quiqui tz'onoj che; are 'uri xu bij chique:\n—Are i tzij xin bij chiwe, \"Xa ru' jubi' chic n-quiwil ta chic in wach, péro jubi' panok, quiwil tan chic in wach,\" ¿are i tzij-le chi qui tzucuj usuc' chiwach? 20 Sak laj tzij i quin bij chiwe: yix qui tij na quix bisonic, xak qui tij ni o'ej; xui-ri i winak re u wach i jyub ta'aj xa que quicotic. Péro yix, we qui tij na quix bisonic, co'on panok ca pactaj i bis-le, te'uri quix quicot tan chic. 21 Queje qui 'ano, pacha jun ixok ca bisonic are cu rik i 'or ca q'uiji jun rac'al, man reta'am cu tij ni c'ax. Xui-ri we ya xq'uiji i ac'al, te'uri ca quicot tan chic, xak n-ca c'un ta chic chu c'ux wach i c'ax xu tijo; ca quicot 'ut rumal i ral ac'al chi xalaxic. 22 Queje ile yix wo'or, quix bisonic, xui-ri cakil tan chic kib, te'uri lic quix quicot tan chic. I quicotemal-le, n-ta jun ca majaw chiwe. 23 We xu rik i 'ij-le, ya n-ta chic u chac qui tz'onoj chwe wach usuc' in tzij in bim chiwe.\nSak laj tzij i quin bij chiwe: i Ta chicaj, wach i qui tz'onoj che pin bi yin, cu ya na chiwe. 24 C'a are 'o wi wo'or, n-ta i tz'onom che pin bi yin; wo'or chi tz'onoj 'ut, y ca yataj na chiwe, man mas quix quicot na rumal.\nI Jesucrísto resam u cho'ab i n-'us taj re u wach i jyub ta'aj25 Ni'pa in c'utum chiwe, in junamsam ru' wach tak iweta'am u wach waral chuwach i jyub ta'aj. Xui-ri, cu rik ni 'ij n-ta chic u chac quin junamsaj in c'utunic chiwe ru' wach tak iweta'am u wach; lic sakil chic quin lap i Ta chiwe. 26 We xu rik i 'ij-le, are chic yix qui tz'onoj che i Dios, man queje ile quin ya pi'ab qui 'ano ▼ . N-ta chic u chac chi yin quin tz'onoj che i Ta pi q'uexel yix, 27 man xak i Ta c'ax quix u na'o. C'ax quix u na'o man yix c'ax quin i na yin, xak xi cojo chi yin in petnak ru' i Dios. 28 Xwo'taj can i Ta man xin c'un waral chuwach i jyub ta'aj; xui-ri, wo'or cwo'taj can u wach i jyub ta'aj, y quin tzalij chic ru' i Ta chicaj —xu bij chique.\n29 Te'uri xqui bij u tijoxelab che:\n—Bay, wo'or lic sakil cat tijin chu bixquil; ya n-ca junamsaj ta chic a tzij ru' wach tak i 'o waral chi keta'am u wach. 30 Wo'or, xketamaj chi yet, ronojel 'is aweta'am. Yet aweta'am chic wach cakaj caka tz'onoj chawe are c'a maja caka bij, rumal-i, n-tu chac we 'o jun cu tz'onoj chawe. Rumal ile, keta'am chi at petnak ru' i Dios —xqui bij.\n31 I Jesus xu bij chique:\n—¿Lic i cojom wo'or? 32 Ya cu rik i 'ij, y are chic i 'ij iri, iwonojel yix ca quichtaj nubi i wach, chi jujunal. Quin i canaj can intuquel. Xui-ri, n-intuquel taj quin canajic, man i Ta chicaj 'o wu'. 33 Ronojel iri quin bij chiwe, man cwaj cuxlan i c'ux wumal yin. Yix, waral chuwach i jyub ta'aj, qui tij ni c'ax; xui-ri chi cowij i c'ux, man yix ix 'o pin 'ab yin, y yin in tiquinak che u cho'ab ni'pa i n-'us taj chi 'o chuwach i jyub ta'aj —xu bij chique.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-13","url":"https:\/\/www.stepbible.org\/?q=version=ACRACC%7Creference=Joh.16","date":"2018-03-19T22:32:48Z","file_path":"s3:\/\/commoncrawl\/crawl-data\/CC-MAIN-2018-13\/segments\/1521257647153.50\/warc\/CC-MAIN-20180319214457-20180319234457-00618.warc.gz","language":"acr","language_score":0.9999936819,"language_script":"Latn","minhash_cluster_size":4,"top_langs":"{\"acr_Latn_score\": 0.9999936819076538}","num_words":1323,"character_repetition_ratio":0.068,"word_repetition_ratio":0.03,"special_characters_ratio":0.282,"stopwords_ratio":0.177,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Luke 20\nXtz'onox che i Jesus bi chi 'atbal tzijal 'o pu'ab1 Xo'on panok, i Jesus 'o pa rachoch i Dios, ca tijin chu c'utic chique i winak, xak ca tijin chu bixquil chique wach i quelbal chupam i qui mac. Are 'uri xe upon i caj'atzil i sacerdóte, junam cu' i je tijonel re i ujer 'atbal tzij, xak i nimak tak mam'ib. 2 Xqui bij che:\n—¿Bi chi 'atbal tzijal 'o pa'ab, chi queje ca 'an ile? —xqui bij—. ¿Pachin xyaw ile pa'ab, chi cat tijin chu 'onquil? —xe cha che.\n3 Are 'uri i Jesus xu bij chique:\n—Yin xak quin tz'onoj jun tzij chiwe. Chi bij chwe: 4 ¿Pachin xyaw pu'ab i ma Wan cu kajsaj ya piquiwi i winak? ¿Are i Dios xyaw che, o xa winak xyaw che? —xu bij i Jesus chique.\n5 Ique xe oc chu bixquil chiquiwach:\n—¿Wach nawi caka bij che? —que cha—. We caka bij chi are i Dios xyaw ile pu'ab i ma Wan, ire cu bij na chake: \"¿Wuchac 'uri n-xi coj taj wach i xu bij?\" 6 We xak caka bij chi xa ru' winak petnak wi wach i xu bij i ma Wan, i winak coj qui camsaj 'uri che abaj, man conojel quiqui bij chi ma Wan lic ru' i Dios petnak wi wach i u bim. (Queje ile xqui bij chiquiwach.)\n7 Rumal-i xqui bij che i Jesus:\n—N-keta'am taj pachin xyaw che —xe cha.\n8 —Xak yin n-quin bij ta 'uri chiwe wach i 'atbal tzij 'o pin'ab, chi quin 'an tak iri —xu bij i Jesus chique.\nWach i xqui 'an i mal laj tak ajchaquib che u c'ojol i rajaw ulew9 Te'uri i Jesus xoc chu bixquil jun tijojbal tzij chique i winak. Xu bij chique:\n—'O jun achi, 'o u q'uial úva u ticom. Ire 'o u chac ca 'e che jun viáje, rumal-i xu ya can piqui'ab i raj mediant. Ire xa 'ec, y naj xsachic. 10 Are xu rik i 'ij re i cosech, xu tak bi jun u mocom chu tz'onoxic i re ire, chique i raj mediant. Are xupon u mocom, xqui ch'ayo, lic xqui 'an c'ax che, y xqui tak bic, n-ta xqui ya bi che. 11 Te'uri i rajaw i ticon xu tak chal jun mocom; xak queje xqui 'an chic che: xqui bij c'ax che, xqui ch'ayo, xak xqui tak chubic, n-ta xqui ya bi che. 12 I rajaw i ticon xu tak chal jun chic; i aj mediant xak xqui 'an chic c'ax che, y xquesaj chalok.\n13 Are 'uri i rajaw ulew xu bij: \"¿Wach i quin 'ano? Quin tak nubi in c'ojol chi lic c'ax quin na'o; are quiquil u wach, pent que cojon na che,\" xu bij. 14 I aj mediant, are xquilo, xqui bij chiquiwach: \"Ire-le, are i rajaw i ulew co'on panok. Chaka camsaj, man ca canaj can i ulew paka'ab yoj,\" xqui bij. 15 Are 'uri xquesaj li pa ticon y xqui camsaj.\n(Are i tijojbal tzij ile xu bij i Jesus chique.) Te'uri xu tz'onoj chique:\n—I rajaw i chac, ¿wach nawi co'on chique i mal laj tak ajchaquib-le? 16 Ire ca c'un na, y que u camsaj i ajchaquib; te'uri cu ya ni ulew piqui'ab juban chic ajchaquib. (Queje ile i moxbal tzij xu bij i Jesus chique.)\nI winak, are xqui ta ile, xqui bij:\n—¡Ay, chu 'atij i Dios ile! —xe cha.\n17 Te'uri i Jesus xe u takej y xu c'unsaj u tzij i Dios chique wach co'on na.\n—Katzij, queje ile ca 'antaj na. We n-ca 'antaj taj, ¿wach usuc' 'uri i tzij-i chi tz'ibtal can chupam u wuj i Dios? Man cu bij:\nI abaj chi n-xcaj ti xqui coj i je aj 'anol ja,\nare i abaj-le chi xe'elok lic nim ni u chac che i cubibal ja. ▼\n(Queje ile tz'ibtal canok.)\n18 I abaj-le, we 'o jun ca 'e tzak puwi, ca pax che. Xak i abaj-le, we ca tzak chirij jun, lic co'on c'ajc'aj che —xu bij i Jesus chique.\nChi ya che i 'atol tzij wach 'o re ire che, xak chi ya che i Dios wach 'o re ire che19 I caj'atzil i sacerdóte, xak i tijonel re i ujer 'atbal tzij xqui ta u be chi xa are ique que u lap na. Rumal-i, cacaj tan u chapic, xui-ri xqui xij quib chique i winak. 20 Te'uri xe qui tak bi juban achiab ru' i Jesus, quiqui c'ambej u pam. Xe qui tak bi ru' pacha je 'utz lak tak winak, quiqui tz'onbej juban tzij che, xa tzaksabal-re quiqui 'ano. Cacaj ique ca chap na cumal i rakan u 'ab i 'atbal tzij, y ca jach na pu'ab i gobernador. 21 Are xe upon ru' i Jesus, xqui bij che:\n—Tijonel, keta'am chi yet, wach i ca bij, wach i ca c'utu, lic pusuc' i ca 'an wi. Yet lic n-ca 'an ta cas che, wach u patan jun winak, we nim, o we n-nim taj; lic ca bij i sak laj tzij che, wach craj i Dios. 22 Cha bij 'u chake: ¿'Utz nawi caka toj impuésto che i 'atol tzij, o n-'us taj? —xe cha.\n23 I Jesus reta'am chi xa tzaksabal-re cacaj; xa c'ambal u pam quiqui 'ano. Xu bij chique:\n—¿Wuchac qui tzucuj tzaksabal-we? —xu bij—. 24 Chi c'utu jun sak pwak chwe. ¿Pachin u q'uexwach iri 'o chuwach? ¿Pachin u bi iri tz'ibtal chuwach? —xu bij.\n—Re i 'atol tzij —xqui bij che.\n25 —Bay —xu bij i Jesus chique—, chi ya 'uri che i 'atol tzij wach 'o re ire che; xak chi ya che i Dios wach 'o re ire che —xu bij chique.\n26 Ique n-xqui rik taj wach tzaksabal-re quiqui 'an chiquiwach i winak. Are xqui ta u tzij, ique lic xqui bisoj; n-xe ch'aw ta chic.\nI Jesus xu sakirsaj chi 'o ni qui walijbal i camnak27 Te'uri 'o jujun chique aj Saducéo xe 'e ru' i Jesus. I aj Saducéo quiqui bij chi i je camnak n-que walij ta chic. Rumal-i, are xe uponic, xqui bij che i Jesus:\n28 —Tijonel, i mam Moises u tz'ibam canok chi we xcam jun achi, we n-ta rac'al ru' can i rixokil, 'o u chac 'uri ca c'uli i ratz u cha' i achi ru' i ixok malcan. Queje ile ca q'uiji na rac'al ire ru' i ixok, pu q'uexel i camnak. Queje ile u bim canok. 29 Bay, o'onom lok, je 'o wukub achiab catz qui cha' quib. I nabe chique xc'uli'ic, y xo'on panok, xcamic, n-ta rac'al canok. 30 Te'uri i ucab cha'axel xc'uli ru' ixok malcan. Xo'on panok, xcam chic ire, n-ta rac'al. 31 Te'uri i urox xc'uli chic ru' i ixok, xak queje xqui 'an ile conojel. I je wukub-le 'is xe cam chuwach i ixok, n-ta cac'al canok ru'. 32 Pa q'uisbal-re, xcam i ixok. 33 Bay, are cu rik i 'ij re qui walijbal i camnak, ¿pachinok chique i wukub-le que'elok mer rachijil? Man conojel i je wukub xe c'uli ru'.\n34 I Jesus, queje iri xu la' u wach chique:\n—Waral chuwach i jyub ta'aj, katzij que c'uli i achiab i ixokib; 35 xui-ri, co'on panok, n-quiqui 'an ta chic. Ni'pa i ca majaw chique chi que walij chiquixol i camnak y que oc chila chicaj, ique n-que c'uli ta chic ▼ . (N-ta chic u chac ile.) 36 Man n-que cam ta chic. Ique que'elok je pacha i ángel, y je rac'al chic i Dios, man je walijnak chic. 37 I tzij chi u tz'ibam can i mam Moises cu c'ut chiwe chi que walij ni camnak. Xu tz'ibaj ire wach u tzij i Dios che, are xu 'ijla chupam i 'a' chi ca juluw che i ral che'. Xu bij i Dios chi ire are qui Dios i mam Abraham, i mam Isaac, xak i mam Jacob. (I oxib-le je camnak chic are xu bij i Dios ile, xui-ri, chuwach ire, je c'aslic.) 38 I Dios n-are ti qui Dios i je camnak, are i qui Dios i je c'aslic. Chuwach ire, 'is je c'aslic conojel ▼ —xu bij i Jesus chique.\n39 Are 'ari 'o jujun chique i tijonel re i ujer 'atbal tzij xqui bij:\n—Tijonel, 'utz i xa bij —xe cha.\n40 Queje ile xqui bij, man i aj Saducéo winak n-ta chic u cowil qui c'ux chu tz'onoxic mas che.\nI Jesus lic Dios, n-to' ta u muk u xiquin can i mam David41 I Jesus xu bij chique:\n—¿Wuchac quiqui bij i winak chi i Crísto ▼ we xc'unic, are ni u muk u xiquin i mam David? 42 ¿Wuchac quiqui bij ile? Man lic are i mam David u bim can i tzij-i chupam i wuj u bi Sálmos:\nI Kajwal Dios xu bij che i Wajwal Crísto:\n\"Chat cul na pin wikabim\n43 c'a cu rik ni 'ij\nque in ya na pa awakan ni'pa i je aj ch'o'oj chawij,\" xu bij.\n(Queje ile u tz'ibam can i mam David ujer chirij i Crísto.)\n44 ¿Wach u 'onquil 'uri chi Crísto xa u muk u xiquin i mam David? ¿Wach u 'onquil ile? man lic are i mam David xu bij \"Wajwal\" che i Crísto. (Queje ile xu bij i Jesus chique, cu sakijbej-re chique chi Crísto n-to' ta winak, lic Dios.)\nI Jesus cu coj qui mac i tijonel re ujer 'atbal tzij45 Conojel i winak que tijin chu tayic i Jesus are xu bij chic jun tzij chique u tijoxelab. Xu bij:\n46 —Chi 'ana cwent chique i tijonel re i ujer 'atbal tzij, chi xa kus quiquilo que malcat pa tak be ru' qui 'u' naj rakan; kus quiqui ta are ca ya' rutzil qui wach cumal i winak pa tak q'uebal, ocsabal re qui 'ij. Are que oc pa molbal'ib, xa quiqui tzucuj qui cubibal 'o u 'ij; xak queje quiqui 'ano are que 'e pa wa'im re tak nima'ij. 47 Ique quiqui maj i cachoch ixokib malcanib; te'uri quiqui 'an nimak tak tz'onbal che i Dios, chiquiwach i winak, sachsabal-re wach i qui 'anom. Ique 'ut ca ya' ni tojpen chique lic nim na chiquiwach i juban —xu bij i Jesus chique.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-13","url":"https:\/\/www.stepbible.org\/?q=version=ACRACC%7Creference=Luk.20","date":"2018-03-25T03:43:28Z","file_path":"s3:\/\/commoncrawl\/crawl-data\/CC-MAIN-2018-13\/segments\/1521257651780.99\/warc\/CC-MAIN-20180325025050-20180325045050-00644.warc.gz","language":"acr","language_score":1.000007391,"language_script":"Latn","minhash_cluster_size":3,"top_langs":"{\"acr_Latn_score\": 1.0000073909759521}","num_words":1816,"character_repetition_ratio":0.054,"word_repetition_ratio":0.012,"special_characters_ratio":0.286,"stopwords_ratio":0.221,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Mark 12\nI tijojbal tzij re i mal laj tak ajchaquib1 Te'uri i Jesus xu jek u bixquil i tijojbal tak tzij chique. Xu bij:\n—'O jun achi xu tic juban u ticon, úva ca bixic, y xu coj coral chirij. Xu yijba pa quiqui yitz' wi u wa'al i úva, xak xu yijba jun ral ja tac'tic chupam i ticon, chajbal re ronojel.\nTe'uri xe u coj jujun ajchaquib, je aj a média ru', y xa 'e ire naj che jun tinimit. 2 Are xu rik i 'ij re i cosech, xu tak li jun u mocom chu tz'onoxic i re ire chique i raj mediant. 3 Are xuponic, ique xqui chapo, xqui ch'ayo, y xqui tzalijsaj chubic, n-ta xqui ya bi che. 4 Te'uri i rajaw xu tak chal jun chic u mocom. Are xupon ire, xqui coj abaj che, xqui soc u jolom, y xqui yo'ya. 5 I rajaw xu tak chal jun chic u mocom; ire lic xqui camsaj. Te'uri xe u tak chal juban chic, je q'ui. 'O jujun chique xqui 'an c'ax chique; xak 'o i xe qui camsaj.\n6 Xe'elok, n-ta chic que u tako, xui-ri c'o jun, ile are u c'ojol chi lic c'ax cu na'o. Xu bij ire, \"Wo'or quin tak bi wac'al cu'; que cojon na 'uri che in c'ojol\", xu bij; y pa q'uisbal-re, xu tak bi cu'. 7 Xui-ri, are xquil u c'ojol i rajaw ulew, xqui bij chiquiwach: \"Ire-le are i rajaw ulew co'on panok\", xe cha. \"Chaka camsaj, y yoj coj canajic oj rajaw\", xe cha. 8 Are 'uri xqui chapo, y xqui camsaj, y xqui c'ak bi u ch'acul rij coral —xu bij i Jesus chique.\n9 Te'uri xu tz'onoj chique:\n—¿Wach co'on i rajaw ulew 'uri? Ire ca c'unic, y que u camsaj i ajchaquib chi je 'o chuwach ulew; te'uri cu ya i ulew piqui'ab juban chic.\n10 ¿Xataba n-iwilom taj wach i tz'ibtal can chupam u wuj i Dios? Queje iri tz'ibtalic ▼ :\nI abaj chi n-xcaj ti je aj 'anol cimiénto re ja,\nare i abaj-le chi xe'elok lic nim ni u chac.\n11 Are i xe'elok-le, are i Kajwal Dios xa 'anawic,\ny cakil yoj, lic 'utz ile chi u 'anom ire.\nQueje ile tz'ibtal canok —xu bij i Jesus chique.\n12 I nimak tak mam'ib, are xqui ta ile, laj xqui c'am bi pa cárcel, man xqui ta ique chi u tzij i Jesus-le lic cojbal qui mac ique. Xui-ri, xqui xij quib chique i winak, rumal-i, xqui canaj canok, y xe 'ec.\nI aj Fariséo cacaj quiqui c'am u pam i Jesus we 'utz quiqui toj impuésto13 Xo'on panok, 'o jujun aj Fariséo, xak jujun aj u partído i ma Heródes, je taktal bi ru' i Jesus, que qui c'ambej u pam, tzaksabal re cacaj ique. 14 Are xe upon ru' i Jesus, xqui bij i tzij-i che:\n—Mayes, keta'am chi yet, wach i ca bij, lic sak laj tzij, man yet lic n-ca 'an ta cas che, wach quiqui bij i winak chawij. Lic n-ta awe che, wach u patan jun winak, we nim, o we n-nim taj, lic ca bij i sak laj tzij che wach craj i Dios. Cha bij 'u chake, ¿'utz nawi caka toj impuésto che i 'atol tzij pa Róma, o n-'us taj? I ujer 'atbal tzij, ¿cu ya nawi chake caka tojo, o n-taj? —xe cha.\n15 Péro i Jesus reta'am chi xa c'ambal u pam quiqui 'ano. Xu bij chique:\n—¿Wuchas qui tzucuj tzaksabal we? —xu bij—. Chi c'ama li jun sak pwak, y chi c'utu chwe —co'ono.\n16 Xqui c'am lok y xqui c'ut che. Are xrilo, i Jesus xu tz'onoj chique:\n—¿Pachin u q'uexwach iri 'o chuwach? ¿Pachin u bi iri tz'ibtal chuwach? —xu bij.\n—Re i 'atol tzij —xqui bij.\n17 Are 'uri xu bij i Jesus:\n—Chi ya che i 'atol tzij wach 'o re ire che; xak chi ya che i Dios wach 'o re ire che —xu bij chique.\nIque lic xqui bisoj che, wach i xu bij.\nI aj Saducéo xcaj u c'amic u pam i Jesus che i qui walijbal i camnak18 Xo'on panok, xe upon juban aj Saducéo ru' i Jesus. I aj Saducéo, ique quiqui bij chi i camnak n-que walij ta chic. Rumal-i xqui bij i tzij-i che i Jesus:\n19 —Tijonel, u tz'ibam can i mam Moises, we 'o jun achi xcamic, we 'o can rixokil chi n-ta rac'al ru', we je 'o can ratz u cha' i achi, 'o junok chique, 'utz ca c'uli ru' i ixok malcan man ca q'uiji rac'al ru', pu q'uexel i achi xcamic. Queje ile u tz'ibam can i mam Moises. 20 Bay, o'onom-lok, je 'o wukub achiab catz qui cha' quib. Are i 'atz xc'uli nabe, y xcamic, n-ta rac'al xq'uiji canok. 21 I ucab cha'axel xc'uli chic ru' ixok malcan, y xak xcamic, xak n-ta rac'al xu canaj can ru' ixok. Xak queje xo'on ru' urox cha'axel. 22 Queje xqui 'an ile conojel je wukub, 'is xe c'uli ru' i ixok-le; n-ta jun cac'al xq'uiji ru' i ixok malcan. Pa q'uisbal-re xcam i ixok. 23 Bay, are cu rik i 'ij piqui walijbal i camnak, are que walij ni'pa i camnak, ¿pachinok chique i wukub-le chi mer rachijil i ixok? Man conojel i je wukub-le xe c'uli ru' —xe cha.\n24 Te'uri i Jesus xu la' u wach chique:\n—Yix xa ix sachnak na. Ix sachnak, man n-iweta'am taj wach i tz'ibtal can chupam u wuj i Dios, xak n-iweta'am taj wach i nim laj u cho'ab i Dios. 25 I camnak, are que walij na, que'elok je pacha i ángel chi je 'o chicaj; n-que c'uli taj. I achiab, i ixokib n-que c'uli ta chic. 26 I qui walijbal i camnak, katzij 'olic. ¿Xataba n-iwilom ti yix chupam i wuj chi u tz'ibam can i mam Moises wach xu bij i Dios che? I Dios, are xu 'ijla i mam Moises chupam i 'a' chi ca juluw che i ral che', xu bij che: \"Yin c'a in u Dios i mam Abraham, xak i mam Isaac, xak i mam Jacob\", xu bij che. I oxib-le je camnak chic are xu bij i Dios ile. Bay, chuwach i Dios, c'a je c'as na; 27 I Dios n-are ti qui Dios i je camnak, are i qui Dios i je c'aslic —xu bij i Jesus chique—. Yix, 'ut, xa ix sachnak na. (Queje ile xu sakij chique chi 'o ni qui walijbal i camnak.)\nI lajuj u tzij u pixab i Dios, ¿pachique chique mas 'o u 'ij?28 Chila xak 'o jun mayes re i ujer 'atbal tzij. Ire 'is xu ta ile chi xu bij i Jesus chique i aj Saducéo. Xu ta chi Jesus 'is 'utz u la'ic u wach xu 'ano. Rumal-i, xtejeb pan ru', y xu tz'onoj jun tzij che. Xu bij:\n—I lajuj u tzij u pixab i Dios, ¿pachique chique mas 'o u chac coj cojon che? —xu bij.\n29 I Jesus xu bij che:\n—I jun chique chi mas 'o u chac are i jun chi queje iri cu bij: \"Chitape', ix aj Israel, i Kajwal Dios, xui ire i Kajwal. 30 C'ax cha na i Awajwal Dios ronojel a c'ux, ronojel awanima, ronojel a nojbal, ronojel a cho'ab\", cu bij. Are i jun-le chi mas 'o u chac quix cojon che —xu bij i Jesus che—. 31 Te'uri i ucab tzij (chi 'o u chac coj cojon che) laj cumaj i jun-le: \"C'ax che a na a lo'c'anij pacha c'ax u na'ic awib yet ca 'ano\", cu bij. N-ta chic jun chic chiquixol i lajuj tzij pixab nim ni u 'ij chuwach i queb-le —xu bij i Jesus che.\n32 Te'uri i tijonel re i ujer 'atbal tzij xu bij:\n—Lic 'utz i xa bij, Mayes. Lic katzij i xa bij chi xa jun i Dios, n-ta chic jun chic. 33 We c'ax caka na i Dios ronojel ka c'ux, ronojel i ka nojbal, ronojel i kanima, ronojel i ka cho'ab, xak we que kaj i kach lo'c'anij pacha cakaj kib yoj, ni'pa tak ile mas 'utz chuwach u poroxic tak chicop chuwach i Dios, xak u sujuxic tak sipon chuwach ire —xu bij che i Jesus.\n34 I Jesus xu ta chi lic 'o u no'oj ni'pa i xu bij, rumal-i xu bij che:\n—Yet, xa jubi' chic craj ca jach awib che u 'atbal tzij i Dios —xu bij che. Te'uri, mi jun xu cowij chic u c'ux chu tz'onoxic mas tzij che i Jesus.\nI mam David ujer 'o u 'ij, xui-ri i Crísto 'o pawi ire35 Xo'on chupan jubi', i Jesus ca tijin chu c'utic chique i winak pa rachoch i Dios. Xu bij chique:\n—I je tijonel, re i ujer 'atbal tzij, ¿wuchac quiqui bij chi i Tolque coy'em, are na jun umuk uxiquin i mam David? 36 ¿Wuchac quiqui bij ile? man lic are i mam David u bim can i tzij-i:\nXu bij i Kajwal Dios che i Wajwal Crísto:\n\"Chat cul na pin wikabim c'a cu rik ni 'ij que in ya na pawakan ni'pa i aj ch'o'oj chawij\", xu bij ▼ .\nQueje ile u tz'ibam can i mam David ujer, y are u Tewal i Dios yawnak pu jolom chi xu bij i tzij-le. 37 ¿Wach u 'onquil 'uri chi i Crísto xa umuk uxiquin i mam David? ¿Wach u 'onquil ile, man lic are i mam David xu bij \"Wajwal\" che i Crísto ▼ ? —xcha.\nI uq'uial winak je 'o chila lic que quicot chu tayic.\nI Jesus xu sakij wach i qui mac i je tijonel re i 'atbal tzij38 I Jesus, are ca tijin chu c'utic chique, xe u pixbaj ru' tak i tzij-i:\n—Chi 'ana cwent chique i tijonel re i ujer 'atbal tzij chi xa kus quiquilo que malcat pa tak be ru' qui 'u' naj rakan; xak kus quiqui ta are ca ya' rutzil qui wach cumal i winak, ocsabal re qui 'ij. 39 Are que oc pa ja re i molbal'ib, xa quiqui tzucuj qui cubibal chi 'o u 'ij; are que 'e pa wa'im re tak nima'ij, xa quiqui tzucuj qui q'uijibal 'o u 'ij. 40 Xak quiqui maj i cachoch ixokib malcanib; te'uri nim i oracion quiqui 'an chiquiwach i winak, sachsabal-re chique wach qui 'anom. Ique 'ut, ca ya' jun tojpen chique lic nim na u tojic —xu bij i Jesus chique.\nI ixok malcan, nim i sipon xu ya chuwach i Dios41 I Jesus cul pa rachoch i Dios chuwach li caxa, yabal re qui mer i winak. Are 'o chila, que u takej i winak are que tijin chu ya'ic qui mer pa caxa. Je q'ui i beyomab, mas i mer xqui ya'o. 42 Are 'uri xupon jun ixok malcan lic niba', xu ya queb u mer chi n-ta kas rajil. 43 Te'uri i Jesus xe u siq'uij u tijoxelab ru', y xu bij chique:\n—Katzij i quin bij chiwe, i ixok niba'-i, i u mer xu ya'o, mas nim chuwach ile chi qui yom conojel i juban pa caxa. 44 Ique, wach i qui yom, xa are quesam che wach i sobrinak cu'; xui-ri, i ixok-le, chi lic niba', ronojel xu ya'o, ni'pa i 'o ru'; n-ta chic xu canaj re u c'aslemal —xu bij i Jesus chique.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-13","url":"https:\/\/www.stepbible.org\/?q=version=ACRACC%7Creference=Mar.12","date":"2018-03-22T08:17:49Z","file_path":"s3:\/\/commoncrawl\/crawl-data\/CC-MAIN-2018-13\/segments\/1521257647782.95\/warc\/CC-MAIN-20180322073140-20180322093140-00683.warc.gz","language":"acr","language_score":1.0000071526,"language_script":"Latn","minhash_cluster_size":3,"top_langs":"{\"acr_Latn_score\": 1.000007152557373}","num_words":2009,"character_repetition_ratio":0.047,"word_repetition_ratio":0.005,"special_characters_ratio":0.288,"stopwords_ratio":0.229,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Matthew 25\nI tijojbal tzij chiquij i lajuj altom1 (I Jesus xu bij chic jun tijojbal tzij chique.) Xu bij: I 'atbal tzij aj chicaj queje pacha iri: Je 'o lajuj altom xe 'e che jun c'ulanquil. Xqui c'am bi qui cantil man que 'e chu c'ulaxic i achi are ca c'unic. 2 Je jo'ob chique n-ta kas qui no'oj; i je jo'ob chic 'o qui no'oj. 3 I jo'ob chi n-ta kas qui no'oj, n-xqui c'am tubi acéite re i qui cantil we xq'uis u pam. 4 I jo'ob chi 'o qui no'oj xqui c'am bi jujun qui botey acéite, n-xui ti 'o chupam i qui cantil xqui c'am bic. 5 I achi chi ca c'uli'ic xbaytajic. Ique xe u chap waram, y xe waric. 6 Are tiq'uil a'ab, 'o i xe siq'uin chu bixquil: \"¡Ya xc'un i achi; jix chu c'ulaxic!\" xqui bij. 7 I lajuj altom xe walijic, xe oc chu yijbaxic qui cantil. 8 Are 'uri i jo'ob chi n-ta qui no'oj xqui bij chique i je jo'ob cachi'il: \"Chi sipaj pich' ka acéite re i ka cantil, man ya ca chupic,\" xe cha chique. 9 I altom chi 'o qui no'oj xqui bij: \"N-caka ya taj,\" xe cha. \"Man we caka ya'o, n-co'on ti ke yoj, xak mi ne iwe yix,\" xe cha. \"Jix chila pa ca c'ayix wi; chi lo'o na iwe yix,\" xe cha. 10 Te'uri ique xe 'e chu lo'ic; are je 'enak chu lo'ic, xc'un i achi. Ni'pa i altom chi je yijilic, xe oc ru' ire pa c'ulanquil, are 'uri xtz'apix i uchija. 11 Te'uri xe upon i jo'ob chic, y xqui bij: \"¡Nim laj winak! ¡Nim laj winak! ¡Cha jaka i uchija chake!\" xe cha che. 12 Ire xu la' u wach chique: \"N-quin 'an taj; n-weta'am ta i wach,\" xu bij.\n13 Te'uri i Jesus xu bij chique u tijoxelab:\n—Yix, chix c'asc'at na, man n-iweta'am taj pachique 'ij, pachique 'or, quin c'un yin chi in Achi aj Chicaj —xu bij chique.\nI tijojbal tzij chiquij i oxib mocom14 (Te'uri i Jesus xu bij jun chic tijojbal tzij chique. Xu bij):\n—I 'atbal tzij re aj chicaj, queje pacha iri: 'O jun achi ca 'e che jun tinimit c'a naj; xe u siq'uij u mocom y xrokxanij can u mer cu'. 15 Jun chique xrokxanij jo'ob mil sak pwak ru'. Y jun chic, xu ya chic can queb mil sak pwak ru'; y jun chic, xu ya can jun mil ru'. Queje u ya'ic ile xo'on chique, pacha i ca majaw chique chi qui jujunal. Te'uri xu maj u be. 16 I mocom chi xya' can jo'ob mil sak pwak che, ire xoc chi chac ru' i mer. Queje ile xu ch'ac jo'ob mil chirij. 17 Xak queje xo'on i jun chi xya' queb mil che: xak xu ch'ac queb mil chirij. 18 I jun chi yatal jun mil che, xa xu ruwaj u mer i u patron; xo'on jun jul y xu muk pulew.\n19 I patron xnajtinic; te'uri xc'un chic, y xoc chi rajlaxic u mer cu' u mocom. 20 Nabe xupon i jun chi u yom can jo'ob mil che. Ire xu jach i jo'ob mil chi yatal che, xak xu jach i jo'ob mil chi u ch'acom. Xu bij: \"Nim laj winak, jo'ob mil xa ya chwe, xak jo'ob mil chic xin ch'ac chirij,\" xu bij che. 21 I u patron xu bij: \"Lic 'utz i a 'anom. Yet at 'utz laj mocom; lic a yom a c'ux chu 'onquil pacha i cwaj yin. Lic 'utz a chac xa 'an ru' i jubi'-le, rumal-i, quin ya na mas pa'ab puwi ile. Chat oc lok, y chat quicot wu',\" xu bij che. 22 Te'uri xupon i jun chi yatal queb mil che, Xu bij: \"Nim laj winak, queb mil a yom chwe, xak ri i queb mil-i xin ch'ac chirij,\" xu bij che. 23 I u patron xu bij: \"Lic 'utz i a 'anom. Yet at 'utz laj mocom; lic a yom a c'ux chu 'onquil pacha i cwaj yin. Lic 'utz a chac xa 'an ru' i jubi'-le, rumal-i, quin ya na mas pa'ab puwi ile. Chat oc lok, y chat quicot wu',\" xu bij che. 24 Xak xupon chic i jun chi yatal jun mil che. Xu bij che u patron: \"Nim laj winak, weta'am chi yet at c'an che a chac; ca jach' i ticon chi na ticom taj, xak ca mol u wach i ticon chi n-yet ti a mulim. 25 Rumal-i xin xij wib; xe'e wuwaj a mer pulew. Chawila, ri a mer-i chi a yom chwe,\" xu bij che. 26 \"Yet n-at ta 'utz laj mocom; lic ca c'ayo,\" xu bij u patron che. \"We yet aweta'am chi in c'an che in chac, 27 ¿wuchac 'uri n-xa ya ti in mer pa bánco, cu ch'acbej na mas? We ta queje ile xa 'ano, quin ch'ac ni yin-i ni'pa i xu ch'aco junam ru' ile chi in yom chawe,\" xu bij che. 28 Te'uri xu bij chique i juban je 'o chila, \"Chi c'ama i jun mil-le che; chi ya na che i jun chi 'o lajuj mil ru'. 29 Man jun, we 'o jubi' ru', ca ya' na mas che; we jun n-ca chacun ta ru' wach 'o pu'ab, ni'pa i 'o ru' quelsax na che. 30 I n-'us ta laj mocom-le, chiwesaj bi rija; 'oj pa 'ekum. Chila co' wi, y cu kach'ach'ej ni uware,\" xu bij i qui patron chique.\nWach i u jachic quixol i winak ca 'ani pa q'uisbal 'ij31 (I Jesus xu bij:) I Achi aj Chicaj ▼ , are ca c'un tan chic, coc pu patan che 'atol tzij; junam cu' u ángel ca c'unic. Ca q'uiji na 'uri pu cubibal chi nim u 'ij. 32 I winak re ronojel tak tinimit chuwach i jyub ta'aj que moltaj na chuwach. Te'uri coc chi qui jachic qui pam, pacha jun aj chajil chij que u resaj u chij chiquixol i chabat. 33 Que u ya i u chij pu wikabim; i tak i chabat que u ya pu moxim. 34 Te'uri i 'Atol Tzij ▼ cu bij na chique i je 'o pu wikabim: \"'Utz iwe yix; u yom ni utzil chomal in Kajaw piwi. Chix petok, chix oc che i q'uijibal chi u yijbam ire chiwe c'a chu xebal 'ij sak. 35 Queje cu ya ire ile chiwe man yix, are xin tij numic, xi ya na chwe wach i quin tijo; are xin c'atic, xi ya ni in ya'; are xin tzucuj in posar, xin i c'ulaj iwu'. 36 Are n-ta chic in 'u', xi ya i ch'ukbal wij; are in iwab, xin i chajij; are in tz'apil pa cárcel, xin i solij na.\" Queje ile cu bij ni 'Atol Tzij chique. 37 Te'uri, i je 'utz-le quiqui bij na: \"Nim laj winak, ¿umpa xa 'an ile? ¿Umpa xka 'ano chi cat numic, y xka ya chawe wach ca tijo? ¿Umpa xka 'ano chi cat c'atic, y xka ya a ya'? 38 ¿Umpa xka 'ano chi ca tzucuj a posar y xka ya chawe? ¿Umpa xka 'ano chi n-ta chic a 'u', y xka ya ch'ukbal awij? 39 ¿Umpa xka 'ano chi at iwab, xak at 'o pa cárcel, y xat ka solij?\" Queje ile quiqui bij na che i 'Atol Tzij. 40 Te'uri i 'Atol Tzij cu bij: \"Katzij i quin bij chiwe, ni'pa i utzil chomal i 'anom che jun wachalal, tupu n-ta kas u 'ij, xe'el 'uri lic chwe yin i 'anom wi,\" cu bij na chique.\n41 Te'uri i 'Atol Tzij cu bij na chique i je 'o pu moxim: \"Chix el chi chinwach, yix chi ix c'oktal rumal i Dios. Jix pa 'a' chi n-tu q'uisic, chi yijtalic re itzel junam cu' i u ángel. 42 Yin, are xin tij numic, yix n-xi ya ta chwe wach i quin tijo; are xin tij c'atic, n-xi ya ta in ya'. 43 Are xin tzucuj in posar, n-xi ya ta chwe. Are n-ta chic in 'u', xak n-ta in 'u' xi ya'o. Are in iwab, xak are in 'o pa cárcel, yix n-xin i solij taj.\" Queje cu bij ni 'Atol Tzij ile chique i je 'o pu moxim. 44 Te'uri ique quiqui bij na: \"Nim laj winak, ¿umpa xat kilo cat numic, o cat c'atic, o are ca tzucuj a posar, o xak are n-ta a 'u', o are at iwab, o xak are at 'o pa cárcel? ¿Umpa xa 'an ile chi n-xat ka to taj?\" quiqui bij na che. 45 I 'Atol Tzij cu bij na 'uri chique: \"Katzij i quin bij chiwe: yix are xiwil jun we yin chi 'o rajwaxic che, y n-xi to taj, tupu n-ta kas u 'ij, xe'el 'uri chiwe lic are ni yin chi n-xin i to taj,\" cu bij na chique. 46 Te'uri ique que 'e pa tojpen chi n-tu q'uisic; xak i je 'utz que oc na che i qui c'aslemal chi n-tu q'uisic. (Queje ile xu bij i Jesus chique u tijoxelab.)\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-13","url":"https:\/\/www.stepbible.org\/?q=version=ACRACC%7Creference=Mat.25","date":"2018-03-17T06:57:57Z","file_path":"s3:\/\/commoncrawl\/crawl-data\/CC-MAIN-2018-13\/segments\/1521257644701.7\/warc\/CC-MAIN-20180317055142-20180317075142-00299.warc.gz","language":"acr","language_score":0.9999990463,"language_script":"Latn","minhash_cluster_size":4,"top_langs":"{\"acr_Latn_score\": 0.9999990463256836}","num_words":1621,"character_repetition_ratio":0.051,"word_repetition_ratio":0.066,"special_characters_ratio":0.302,"stopwords_ratio":0.19,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1 Corinthians 12\nI u Tewal i Dios cu ya i ka chac chaka jujunal1 Ix wachalal, ni'pa tak i u yom u Tewal i Dios chake, 'anbal re u chac, cwaj yin lic qui ta usuc',\n2 Lic iweta'am, yix ujer are c'a maja qui cuba i c'ux che i Crísto, xi ya iwib chi terejic chiquij tak i tiox chi xa je mem. 3 Wo'or ix re chic i Dios, rumal-i cwaj quiwetamaj iri: we 'o jun cu bij, \"¡Cha c'okox i Jesus-le!\" cu bij, ire-le n-uc'am ta 'uri rumal u Tewal i Dios. Xak we 'o jun cu bij, \"Are i Jesus are i Kajwal,\" ire-le uc'am 'uri rumal u Tewal i Dios.\n4 I tak i patan chi cu ya i Dios chake, lic n-xak ta jun u wach, xui-ri, i u Tewal i Dios chi ca jachaw chake, xa jun. 5 'Is jalajuj u wach i ka patan che i Kajwal, xui-ri, xa jun i Kajwal chi coj tijin chu 'anic u chac. 6 I u chac, 'is jalajuj u 'onquil caka 'an che; xui-ri are i Dios ca 'anaw i chac-le. 7 I Dios cu ya jun ka patan chaka jujunal, chi are u sipon chake, 'alijinsabal-re chi 'o u Tewal ku', xui-ri, craj ire chi 'utz que'el chique conojel ru' i sipon-le. 8 Are i u Tewal i Dios cu ya chique jujun, chi wach i quiqui bij, lic 'o u nojbal che i qui tzij; xak queje juban chic, wach i quiqui bij, are 'alijinsabal-re chique i winak wach i sak laj tzij re i Dios; xak ique, xa rumal u Tewal i Dios que tiqui che i chac-le. 9 Xak 'o juban chic, chi rumal u Tewal i Dios, lic nim i u cubibal qui c'ux che i Dios. Xak are i mísmo u Tewal i Dios chi cu ya chique i juban chic chi que cutzirsaj iwabib. 10 Xak rumal ire 'o jujun 'o piqui'ab quiqui 'an tak i milágro; xak 'o jujun je ajbil re chique i winak wach u 'alijinsam i Dios chique. Xak 'o juban chic chi que tiqui chi retamaxic wach 'o ru' jun winak, we are u Tewal i Dios, o we xa are itzel tew 'o ru'. Xak 'o juban chic, chi rumal u Tewal i Dios, quiqui rik jun ch'awbal chi n-quiqui ta tu be. Xak 'o juban chic, chi rumal u Tewal i Dios, que tiqui chu 'alijinsaxic wach usuc' i tzij-le. 11 Xui-ri, ni'pa i ca 'anic-i, xa are u Tewal i Dios ca 'anaw ronojel. Ire, xa jun; are ire ca jachaw chake chaka jujunal wach caka 'ano, pacha craj ire cu ya chake.\nOj u ch'acul i Crísto12 Are o'onom i Crísto, queje pacha jun ch'aculaj. Jun ch'aculaj, q'ui u wach; 'o u 'ab, 'o rakan, 'o u jolom, n-xak ta jun u wach; xui-ri, xa jun chi ch'aculaj o'onom. 13 Konojel yoj, xoj e'elok oj u ch'acul i Crísto, xa jun xe'elok. N-ta co'ono we oj aj Israel winak, xak we oj aj Griégo winak; n-ta co'ono we xa oj u mocom jun chic, 'o we n-ta kajaw. Are xkajsax ya pakawi, xa oj jun ch'aculaj xoj e'elok rumal u Tewal i Dios; xak xa jun u Tewal yatal chake chaka jujunal.\n14 Yoj chi oj re i Crísto oj pacha jun ch'aculaj. Jun ch'aculaj, q'ui u wach, n-xak ta jun. 15 I rakan i ch'aculaj, we cu bij: \"Yin n-in ta 'abaj, rumal-i n-in ta re i ch'aculaj,\" mok cu bij, ¿xataba n-re ta 'uri i ch'aculaj? Re pues. 16 Xak i u xiquin i ch'aculaj, we cu bij: \"Yin n-in ta u ba'wach, rumal-i n-in ta re i ch'aculaj,\" mok cu bij, ¿xataba n-re ta 'uri i ch'aculaj? Re pues. 17 We tene ronojel i ka ch'acul 'is ka ba'wach, ¿wach i tanic 'uri caka 'ano? We tene ronojel i ka ch'acul 'is ka xiquin, ¿wach i sikanic 'uri caka 'ano? 18 Xui-ri, i Dios 'is u yijbam pacha craj ire; 'is pa ropis-wi, pa xe u coj wi che i ka ch'acul. 19 We tene ronojel xa jun u wach, n-ta ne ka ch'acul-i. 20 Xui-ri, n-queje ti ile xelic; tupu q'uial u wach 'o che, xa jun ch'aculaj 'elnak ronojel.\n21 Rumal-i, i ka ba'wach n-cu bij ta che i ka 'ab: \"Yet, n-ta a chac chwe.\" Xak queje i ka jolom, n-cu bij ta che i kakan: \"Yix, n-ti i chac chwe.\" N-cu bij ta ile. 22 Ni'pa i 'o che i ka ch'acul, 'o jujun chique chi n-ta kas qui cho'ab, caka bij yoj; xui-ri, ile mas quiqui rik u chac chake. 23 Xak ni'pa i 'o che i ka ch'acul chi coj q'uix che, mas caka chajij; xak ni'pa ile chi n-ca majaw taj ca 'iltajic, pues caka ch'uku. 24 Xak ile chi 'utz we ca 'iltajic, n-tu chac caka ch'uku. Queje ile xu yijba i Dios i ka ch'acul; ni'pa i 'o che chi n-ta kas u 'ij, u yom 'uri mas u 'ij. 25 Queje xo'on i Dios ile che i ka ch'acul; craj ire ni'pa tak i 'o che n-quiqui 'an ta ch'o'oj chiquiwach, xa quiqui to quib chiquiwach. 26 We 'o c'ax che jun kakan jun ka 'ab, xak ronojel i ka ch'acul cu na u c'axc'ol. Xak queje ile, we xya' u 'ij i kakan, we xi ka 'ab, xak ca quicot ronojel i ka ch'acul.\n27 Yix junam 'uri ix u ch'acul i Crísto, y ni'pa i 'o che, 'is 'o ropis. 28 Rumal 'uri i Dios u yom i chac chi jujunal chi ix jutzobaj re ire: nabe, je 'o i apostelab; ucab, 'o jujun je ajbil re chique i winak wach u 'alijinsam i Dios chique; urox, je 'o i tijonel que i kachalal; te'uri 'o jujun quiqui 'an i milágro; te'uri 'o jujun que cutzirsaj iwabib; te'uri je 'o jujun lic que tonic; te'uri 'o i que uc'aw u tzam chique i je re i Dios, te'uri 'o i quiqui rik jun ch'awbal chi n-quiqui ta tu be. 29 ¿Je conojel tak wa, je apostelab? ¿Xataba conojel je ajbil u tzij i Dios? ¿Xataba xak conojel 'is je tijonel que i kachalal? ¿Xataba conojel quiqui 'an i milágro? 30 ¿Je conojel tak wa quiqui rik utzirsaxic iwabib? ¿Je conojel tak wa quiqui rik jun ch'awbal chi n-quiqui ta tu be? ¿Xataba conojel 'is quiqui rik u 'alijinsaxic i tzij-le chi junwi? N-conojel taj. 31 Ix wachalal, chi ya i c'ux chu rikic tak i sipon-le chi mas 'utz; xui-ri, 'o jun chic mas nim u chac chuwach ni'pa tak ile, chi 'o u chac chi ya i c'ux che; ile are i c'axnabal c'uxij.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-13","url":"https:\/\/www.stepbible.org\/?q=version=ACRACC%7Creference=1Cor.12","date":"2018-03-21T09:40:33Z","file_path":"s3:\/\/commoncrawl\/crawl-data\/CC-MAIN-2018-13\/segments\/1521257647600.49\/warc\/CC-MAIN-20180321082653-20180321102653-00320.warc.gz","language":"acr","language_score":0.9999941587,"language_script":"Latn","minhash_cluster_size":4,"top_langs":"{\"acr_Latn_score\": 0.999994158744812}","num_words":1244,"character_repetition_ratio":0.068,"word_repetition_ratio":0.023,"special_characters_ratio":0.287,"stopwords_ratio":0.249,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Luke 15\nI tijojbal tzij chirij i chij sachnak1 Je q'ui aj tz'onol alcawal, xak juban chic ajmaquib xe tejeb ru' i Jesus quiqui tabej re u tzij. 2 Rumal-i, i aj Fariséo, xak i je tijonel re i 'atbal tzij xe oc chu ch'ach'axic i Jesus.\n—I achi-le que u c'ulaj ajmaquib ru', y n-xui ta la ile, xak cu tij wa cu' —xe cha.\n3 Are 'uri i Jesus xu bij jun tijojbal tzij chique:\n4 —Chixol yix, we 'o jun achi je 'o cien u chij, y we xsach jun chique, ¿wach cu 'an 'uri ire? Que u canaj can i novénta y nuéve pa i je 'o wi, y ca 'e chu tzucuxic i jun. Cu tzucuj c'a cu rik na. 5 Are cu riko, ca quicotic cu ya bi xol u teleb, y cu c'am bi ru' ja. 6 Are cupon ru' ja, que u siq'uij i reta'am qui wach, xak i je u lo'c'anij, quiqui molbej quib ru' ire. Cu bij chique: \"Lic quin quicotic, man xin rik in chij chi sachnak te'ek; ¡chix quicot yix wu'!\" cu bij na chique. 7 Quin bij chiwe, xak queje quiqui 'an i je aj chicaj ile; lic que quicotic we 'o jun ajmac cu jalwachij u no'oj chi n-'us taj. Mas que quicot rumal i jun-le, chiquiwach i je novénta y nuéve chi je 'utz laj tak winak chi n-presis taj quiqui jalwachij i qui no'oj —xu bij i Jesus chique.\nI tijojbal tzij chirij i mer tzaknak8 (Te'uri i Jesus xu bij chic jun tijojbal tzij chique.) Xu bij:\n—We 'o jun ixok 'o lajuj sak pwak ru', we xu tzak jun chique i lajuj, ¿wach cu 'an 'uri ire? Cu tzij jun cantil, y cu jek u mesic u paja. Na'al cu tzucuj c'a cu rik na. 9 Are cu riko, que u siq'uij i reta'am qui wach, xak i je u lo'c'anij, man quiqui molbej quib ru'. Cu bij chique: \"Lic quin quicotic, man xin rik in mer chi in tzakom te'ek. ¡Chix quicot yix wu'!\" cu bij chique. 10 I quicotemal-le, xak queje quiqui na i ángel re i Dios; que quicotic we 'o jun ajmac cu jalwachij u no'oj chi n-'us taj —xu bij i Jesus chique.\nI u tzalijic jun c'ojolxel ru' u kajaw11 Te'uri, i Jesus xu bij chic chique:\n—'O jun achi, je 'o queb u c'ojol. 12 I cha'axel xu bij che u kajaw: \"Ta, cha 'ana jun utzil chomal chwe; cha ya ni ubitak-we wo'or pacha a ch'obom ca ya na chwe co'on panok.\" Queje ile xu bij che. Te'uri i u kajaw xu jach bi ubitak-que chique i queb u c'ojol. 13 Xo'on chupan jubi' i cha'axel 'is xu c'ayij ronojel ubitak-re chi xjach che. Te'uri xu mol u chi' u mer y xa 'e che jun tinimit c'a naj. Chila xoc chu q'uisic u mer, to' xak manal xu 'ano, y xu sach ronojel u mer. 14 Are xu q'uis ronojel, xpe jun nim laj wa'jal che i tinimit-le pa 'o wi ire; lic xu tij numic rumal. 15 Are 'uri xa 'e chu tzucuxic u chac ru' jun achi aj chila. I u chac xya' che, xtak bi chi qui chajixic juban ak. 16 Ire lic xu tij numic; lic cu rayij u wach, wach que tijin i ak ru'; mi ta jun xtzukuwic. 17 Te'uri xc'un chic u no'oj; xu bij pu c'ux: \"Chila ru' in kajaw, i u mocom lic cu rik rib wach quiqui tijo. Y yin waral, lic quin cam na rumal numic. 18 Quin tzalij chic ru' in kajaw, y quin bij che: Ta, in 'anom in mac chuwach i Dios, xak chawach yet. 19 N-ca majaw ta chic ca bij awac'al chwe, xui-ri, cha 'ana na chwe pacha jun a mocom, quin bij che.\" Queje ile xu bij pu c'ux. 20 Juntir xu maj u be, y xa 'e chic chi rachoch u kajaw.\nAre ya cuponic, xui-ri, c'a naj panok 'o wi che i ja, xak te'et xa 'iltajic y xa etamax u wach rumal u kajaw. Ire lic c'ax xu na u c'ojol, y xa 'e pa'anem chu c'ulaxic. Are xu c'ulaj, xu tz'ulej, y xu tz'ubaj u palaj. 21 Te'uri i u c'ojol xu bij che: \"Ta, in 'anom in mac chuwach i Dios, y xak chawach yet. N-ca majaw ta chic ca bij awac'al chwe.\" Queje ile xu bij che. 22 I u kajaw xa xu bij chique u mocom: \"¡Chi bisoj! Chi c'ama li jumolaj 'u' 'utz, chom, y chi cojo chirij. Chi c'ama li bak re u wi u 'ab, xak i sapatux re i rakan. 23 Je i c'ama i me' chi ka ti'ojersam, y chi 'ana-re. ¡Caka 'an jun nima'ij! 24 I wac'al-i, chi camnak te'ek, wo'or c'as tan chic. I sachnak te'ek, wo'or ya xc'unic,\" Queje ile xu bij u kajaw chique u mocom. Te'uri xqui jek jun nima'ij.\n25 I rac'al 'atz n-ta ru' ja are xqui jek i nima'ij, man 'enak pa tak ticon. Are ca tijin u petic chi rachoch, xu ta i son, xak xu ta 'o i que xajawic. 26 Rumal-i, xu siq'uij jun mocom ru', y xu tz'onoj che wach i que tijin chu 'anic ru' ja. 27 I mocom xu bij che: \"I a cha' ya xc'un chic ru' ja, rumal-i i a kajaw xu 'an jun nima'ij. Xu tak u camsaxic i me' ti'oj, man 'o tan chic a cha' ru', n-ta c'ax che, lic 'utz u wach,\" xu bij i mocom che i 'atz. 28 Ire lic xpe roywal, y n-xoc ta chubi ru' ja. Rumal-i, xel bi i u kajaw, y xu yu'uj i u c'ojol. 29 Ire-le xu la' u wach che u kajaw: \"Tape', lic q'uial junab in chacun-nak awu' pacha jun mocom, mi julaj in kelom a tzij. Y yet, mi ta julaj a yom jun ral chabat chwe, quin 'anbej jun nima'ij cu' i wachi'il. 30 Xui-ri, are xc'un i awac'al-i chi to' xu sach u wach ubitak awe cu' i mal laj tak ixokib, yet xa tak u 'anic-re i me' ti'oj, xa rumal ire.\" Queje ile xu bij u c'ojol 'atz.\n31 Te'uri xu bij i u kajaw: \"Wac'al, yet 'ax at 'o wi wu'. Ronojel ni'pa i 'o wu', 'is awe yet. 32 Xui-ri, 'o u chac caka 'an jun ka nima'ij, y choj quicotok rumal a cha'. Ire camnak te'ek, y wo'or c'as tan chic, ire sachnak te'ek, y wo'or ka rikom tan chic.\" (Queje ile xu bij i mam che u c'ojol. Are i tijojbal tzij ile xu bij i Jesus chique i winak.)\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-13","url":"https:\/\/www.stepbible.org\/?q=version=ACRACC%7Creference=Luk.15","date":"2018-03-21T01:57:02Z","file_path":"s3:\/\/commoncrawl\/crawl-data\/CC-MAIN-2018-13\/segments\/1521257647556.43\/warc\/CC-MAIN-20180321004405-20180321024405-00618.warc.gz","language":"acr","language_score":0.9999901056,"language_script":"Latn","minhash_cluster_size":3,"top_langs":"{\"acr_Latn_score\": 0.9999901056289673}","num_words":1238,"character_repetition_ratio":0.046,"word_repetition_ratio":0.018,"special_characters_ratio":0.293,"stopwords_ratio":0.203,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Lucas 6\nRi Jesús e rajaw ri k'ij re uxlanibal\n(Mt. 12:1-8; Mr. 2:23-28)\n1E xu'an wa' chupa jun k'ij re uxlanibal: Ri Jesús cuc' rutijo'n catajin quic'owic pa tak tico'n re trigo, yey rutijo'n caquich'upila' bi ri trigo, caquikil ruc' ri quik'ab y caquitijo.\n2Ec'uchiri', jujun chique ri fariseos xquitz'onoj chique:\n—¿Su'be qui'an ri'ix ri na takal taj ca'ani' chupa ri k'ij re uxlanibal? —xecha'.\n3Ec'u ri Jesús xuc'ul uwach:\n—¿Na ajilam ta neba alak ri xu'an ri David echiri' rire cuc' ri rachbi'il xenumic? 4Xoc c'u chupa ri Rocho Dios y xuc'am ri pam ya'tal chi puk'ab ri Dios. Xutijo y xujach chique ri rachbi'il;+ yey wa' na takal ta chique caquitijo, ma xew takal chique raj chacunel pa ri Rocho Dios caquitijo —xcha'. 5Y xuq'uisbej cuc', jewa' xubi'ij: —Ralaxel Chiquixo'l Ticawex e ne rajaw ri k'ij re uxlanibal —xcha'.\nRi Jesús cucunaj jun achi chakijinak uk'ab\n(Mt. 12:9-14; Mr. 3:1-6)\n6E xu'an wa' chupa jun chic k'ij re uxlanibal: Ri Jesús xoc chupa jun sinagoga y xujeko cac'utunic. Chiri' c'u ri' c'o jun achi chakijinak ruk'ab uwiquik'ab. 7Yey raj c'utunel re ri tzijpixab y ri fariseos lic quic'ac'alem we ri Jesús cucunaj wa'chi chupa wa k'ij re uxlanibal, cha' jela' caquicoj umac.\n8No'j ri Jesús reta'am sa' ri caquich'obo y xubi'ij c'u che rachi chakijinak ruk'ab:\n—Chatyactajok y chatc'ola chikawach konoje —xcha'. Ewi rachi xyactajic y xtaq'ui' chiquiwach.\n9Ec'uchiri', ri Jesús xubi'ij chique:\n—Can'an jun tz'onobal che alak. ¿Sa' ri lic usuc' ca'ani' chupa ri k'ij re uxlanibal: E ca'ani' ri utz, o e ri na utz taj? ¿Utz cacolobex ruc'aslem junok o caya' luwar che cacamic? —xcha'.\n10Ec'uchiri', ri Jesús xutzu' quiwach conoje ri e c'o chiri', y xubi'ij che rachi:\n—Chasuc'upij rak'ab —xcha'.\nRachi e xu'ano, y ruk'ab xutziric.\n11Ec'u ri fariseos y ri aj c'utunel re ri tzijpixab lic xpe coyowal y xquijek caquich'a'tibej chiquiwach sa' ri caqui'an che ri Jesús.\nRi Jesús quebucha' cablajuj utako'n\n(Mt. 10:1-4; Mr. 3:13-19)\n12C'o jun k'ij ri Jesús xe'ec chwa juyub cha' cu'ana orar. Xic'ow c'u jun ak'ab cach'a't ruc' ri Dios. 13Echiri' xsakiric, xebusiq'uij rutijo'n y chique wa' xebucha' cablajuj, y xubi'ij rique e \"tako'n\".+ 14E quibi' wa':\nSimón ri xcoj Pedro che\ny ruchak' Andrés,\nJacobo\ny Juan,\nFelipe,\nBartolomé,\n15Mateo,\nTomás,\nJacobo ruc'ajol ri Alfeo,\nSimón ri cabi'x che \"ri Zelote\",\n16Judas ruc'ajol ri Jacobo,+\ny Judas aj Iscariot,+ ri xc'ayin re ri Jesús.\nRi Jesús quebucajmaj uq'uiyal winak\n(Mt. 4:23-25)\n17Tec'uchiri', ri Jesús cuc' rutijo'n xekaj lo chwa ri juyub y xec'oji' pa jun tak'aj cuc' uq'uiyal winak re ronoje tak ri luwar re Judea, re Jerusalem yey re Tiro y re Sidón, queb tinamit e c'o chuchi' ri mar. Rique e petinak cha' caquita ri c'utunic re ri Jesús y cha' quecunutaj bi che ri quiyabil. 18Yey janipa ri quitijom c'ax cuma ri itzelilaj uxlabixel, quecunutajic. 19Ruma c'u ri quiyabil, conoje ri winak cacaj caquichap ri Jesús, ma Rire ruc' ruchuk'ab quebucunaj conoje.\nRi Jesús cac'utun chiquiwach rutijo'n\n(Mt. 5:1-12)\n20Ec'uchiri', ri Jesús xutzu' quiwach rutijo'n y xubi'ij chique:\n«Nim ik'ij iwalaxic tob ix niba', ma ix cuq'uil ri e c'o puk'ab ri Dios.\n21Nim ik'ij iwalaxic tob wo'ora quitij numic, ma copon na ri k'ij echiri' quixcubi' chi utz ma ri Dios cuya ronoje ri cajawax chiwe.\nNim ik'ij iwalaxic tob wo'ora quixok'ic, ma copon na ri k'ij echiri' canoj ri iwanima' che qui'cotemal.\n22Nim ik'ij iwalaxic echiri' lic tzel quixil cuma ri winak, quixquesaj bi chiquixo'l, caquic'ak bi uk'ij ribi', caquibi'ij chiwe lic itzel iwachlibal ruma ix utijo'n Ralaxel Chiquixo'l Ticawex.\n23»Echiri' ca'an wa' chiwe, lic chixqui'cotok y chixbixonok, ma lic nim ri rajil uc'axel quic'ul chila' chicaj. Macam c'u iwanima' che echiri' quixya' pa c'ax; ma e tak ri que'anaw wa' chiwe, e caqui'ano pacha' ri qui'anom lo ri cati'-quimam ojertan chique ri e k'alajisanelab re ri Dios.\n24Tok'o' c'u wach ralak alak beyomab,+ ma c'ulum chi alak ri cuya qui'cotemal che alak, no'j moye'ej chi c'u alak we c'a cac'ul alak wa' chikawach apanok.\n25Tok'o' wach alak ri lic c'o catij alak wo'ora, ma chikawach apanok catij alak numic.\nTok'o' wach alak ri lic caqui'cot alak wo'ora, ma chikawach apanok cac'oji' alak pa bis.\n26Tok'o' wach alak echiri' lic cayac k'ij alak, ma ojertan jela' xqui'an ri chu'kaw alak, e xquiyac quik'ij ri k'alajisanelab xa e socoso'nel.\nRi Jesús cac'utun chwi ri rutzil c'u'xaj\n(Mt. 5:38-48; 7:12)\n27»Wo'ora cambi'ij chiwe ri'ix ri quixtaw we: C'ax chebina'a ri e aj retzelal c'u'x chiwij. Chi'ana ri utz chique ri tzel quebilow iwe. 28Chitz'onoj ri rutzil uc'u'x ri Dios paquiwi ri caquitz'onoj ri na utz taj piwi ri'ix. Chi'ana c'u orar paquiwi ri tzel quech'a't chiwij.+ 29Y we c'o junok cupach' k'ab xe' awe', chaya'a luwar che cupach' ri jun chic xe awe'. Y we c'o junok cumaj rak'u' re pisbal awij, chaya'a ne luwar che cuc'am bi racoton. 30Chatsipan che ri niba' we cutz'onoj to'bal chawe. Y we c'o junok cumaj rubitak awe, matz'onoj tanchi che. 31Ec'u ri'ix chi'ana chique ri ticawex jela' pacha' ri quiwaj caqui'an rique chiwe.\n32»Ma we xew c'ax quebina' ri c'ax quena'w iwe, mich'ob rakan takal chiwe cayac ik'ij ruma wa'; ma jenela' caqui'an tak ri winak aj maquib; rique xew c'ax quequina' ri c'ax quena'w que. 33Y we xew qui'an ri utz chique ri caqui'an ri utz chiwe, mich'ob rakan we takal chiwe cayac ik'ij ruma wa'; ma jenela' caqui'an tak ri winak aj maquib. 34Yey we xew quiya chak'i'm chique ri iweta'am chic quic'ul na ri chik'imbal re chique, mich'ob rakan we takal chiwe cayac ik'ij ruma wa'; ma jenela' caqui'an tak ri winak aj maquib; xew quechik'iman chique ri caquiya chik'imbal re chique.\n35»No'j ri'ix, c'ax chebina'a ri tzel quebilow iwe y chi'ana ri utz chique. Chiya'a chak'i'm na jinta c'o quiwoy'ej chwach. We qui'an wa', lic nim ri sipanic quic'ul chila' chicaj; yey ec'uchiri', pakatzij wi quixu'an ix ralc'o'al ri Jun catakan chwi ronoje, ma jela' cu'an Rire, cuc'ut ri rutzil uc'u'x chique ri itzel quic'u'x, ri na quetioxin ta chwach ri Dios. 36C'ola c'u ri' ri c'axna'bal c'u'xaj iwuc' jela' pacha' ri Kakaw Dios lic c'o c'axna'bal uc'u'x.\nMik'at tzij paquiwi jujun chic\n(Mt. 7:1-5)\n37»Mi'an ri xa piwe ri'ix quixu'an aj k'atal tzij paquiwi jujun chic, y jela' na cak'at ta c'u tzij piwi ri'ix. Mi'an ri c'ax quixch'aw chiquij jujun chic, y jela' na ca'an ta wa' chiwe ri'ix. We c'o junok camacun chiwij, chicuyu umac y jela' cacuytaj imac ri'ix.\n38Chixsipanok y jela' ri Dios casipan chiwe ruc' jun pajbal lic nim, lic tzanal upa y capulputic; ma ruc' ri pajbal quixpajan wi ri'ix, ruc' tanchi wa pajbal ca'an pajanic chiwe» xcha ri Jesús.\n39Y xubi'ij jun c'ambal na'oj chique:\n«¿Utz neba juna potz' cuc'am uwach jun chic potz'? ¿Na quebe'tzak ta nawi quicabichal pa siwan? 40Juna tijo'n na reta'am ta más chwa ri reta'am rutijonel. Yey we lic q'ui ri cumajo, ri' e cu'ana pacha' rutijonel.\n41»¿Su'chac e lic catzutza' ruc'aj che' c'o chupa ruwach rawatz-achak' yey e na catoc ta il che resaxic ri che' k'ebel chupa rawach ri'at? 42Y we na catoc ta c'u il che ri che' k'ebel chupa rawach ri'at, ¿utz nawi cabi'ij che rawatz-achak': \"Watz-nuchak', chaya'a luwar chwe canwesaj la jun uc'aj che' c'o chupa rawach\"? ¡Na utz taj! ¡Xa queb apalaj! Nabe na chawesaj lo la che' k'ebel chupa rawach ri'at, y jela' cat-tzu'n chi utz cha' cato' rawatz-achak' che resaxic lo ruc'aj che' c'o chupa ruwach rire.\nRuch'a'tem ri ticawex cuc'utu sa' ri c'o pa ranima'\n(Mt. 7:15-20)\n43»Jinta juna chomilaj che' cuya ujik'obalil na chom taj, yey juna che' na chom taj, na cuya ta ujik'obalil chom. 44Ma ronoje che' eta'matal uwach ruma rujik'obalil. Na camol ta higos che tak ri xuluquej y na camol ta uvas che tak ri xucuye'.\n45»Jec'ula' e junok utz uc'u'x, echiri' cach'a'tic, e quel lo ri utz uc'olom chupa ri ranima'. Yey e junok itzel uc'u'x, echiri' cach'a'tic, e quel lo ri na utz taj uc'olom chupa ri ranima'. Ma ruc' ruch'a'tem ri ticawex, cak'alajinic sa' ri c'o chupa ri ranima'.\nRi ja tz'akom lo pa'baj y ri ja x'ani' pa sanyeb\n(Mt. 7:24-27)\n46»¿Su'chac quibi'ij chwe \"Kajawal, Kajawal\", yey na qui'an ta ri cambi'ij chiwe? 47Cambi'ij c'u chiwe china ruc' cajunimax wi ri jun cape wuc', cuta ri nutzij y cu'an janipa ri cambi'ij:\n48»Wa' e canjunimaj ruc' jun achi xuyac jun rocho. Xuc'ot ri jul y lic naj xukasaj y xutz'ak c'u lo ruparakan ri ja chwi abaj. Y echiri' xpe lo jab, lic xnimar ri nimaya' y rutza'm ri ya' lic xuroj rib che ri ja; yey ri ja xuch'ij uchuk'ab, ma chwi abaj tz'akom lo wi. 49No'j ri jun xuta ri nutzij y na xu'an ta janipa ri cambi'ij, e canjunimaj ruc' jun achi xu'an ri rocho pa sanyeb y na xucoj ta lo ucowil ruparakan ri ja. Y echiri' lic xnimar ri nimaya', rutza'm ya' lic xuroj rib che ri ja. Ec'u ri' ri ja xwuluwub bi y xsach uwach» xcha ri Jesús.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Luke\/6","date":"2019-01-19T13:03:44Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583667907.49\/warc\/CC-MAIN-20190119115530-20190119141530-00521.warc.gz","language":"acr","language_score":1.0000008345,"language_script":"Latn","minhash_cluster_size":2,"top_langs":"{\"acr_Latn_score\": 1.0000008344650269}","num_words":1482,"character_repetition_ratio":0.044,"word_repetition_ratio":0.014,"special_characters_ratio":0.28,"stopwords_ratio":0.288,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Mateo 10\nRi Jesús quebucha' cablajuj utako'n\n(Mr. 3:13-19; Lc. 6:12-16)\n1Ec'u ri Jesús xebusiq'uij ri cablajuj utijo'n y xuya paquik'ab quebequesaj bi itzelilaj uxlabixel y caquicunaj ronoje yabil y ronoje c'axc'obic. 2E quibi' tak wa' wa cablajuj e tako'n:+\nNabe e Simón ri cabi'x Pedro che\ny ruchak' Andrés,\nJacobo\ny ruchak' Juan (wa ca'ib e uc'ajol ri Zebedeo),\n3Felipe,\nBartolomé,\nTomás,\nMateo ri aj tz'onol puak re tojonic,\nJacobo ruc'ajol ri Alfeo,\nLebeo ri cabi'x Tadeo che,+\n4Simón ri cabi'x che \"ri Cananista\",+\nq'uisbal re, e Judas aj Iscariot,+ ri xc'ayin re ri Jesús.\nRi Jesús cuya bi quichac ri cablajuj utako'n\n(Mr. 6:7-13; Lc. 9:1-6)\n5Ri Jesús xebutak bi ri cablajuj y e pixabanic wa' xuya bi chique:\n«Mix'ec pa tak ri luwar que ri na e ta aj judi'ab, mixoc ne pa tak ri tinamit re Samaria. 6Jix c'u nabe cuc' ri bexex e sachinak, wa' e ri e aj judi'ab re ri tinamit Israel. 7Jix y jewa' chitzijoj: \"Rutakanic ri Dios petinak chila' chicaj xa nakaj chi c'o wulok.\"\n8»Chebicunaj conoje ri yewa'ib cuc' tak ri c'o ri yabil lepra chique, chebic'astajisaj ri ecaminak y chebiwesaj bi itzel uxlabixel. Wa chuk'ab quic'ul ri'ix e rutzil nuc'u'x chiwe; jec'ula' mitz'onoj rajil ri chac qui'an ruc'.\n9»Mic'am bi imeyo re oro, re plata o re cobre. 10Mic'am ne bi teb re ubitak iwe, mic'am bi jun chic icoton, jun chic mola'j ixajab o jun chic ich'ami'y. Ma e junok cachacunic, lic takalic caya'i' janipa ri cajawax che.\n11»Echiri' quixopon pa juna tinamit o pa juna aldea, chitzucuj junok jusuc' ubinic usilabic y chixcanaj c'u can chirocho c'ate quixel bi chiri' echiri' quix'ec pa jun chic tinamit.\n12»Echiri' quixoc chuchi' juna ja, chiya'a rutzil quiwach ri e c'o chiri', quitz'onoj c'u ri utzil chomal re ri Dios paquiwi'. 13We quixquic'ul c'u ri e c'o pa ri ja, cacanaj ri utzil chomal itz'onom can paquiwi'. No'j we rique na quixquic'ul taj, ri utzil chomal catzelej tanchi lo iwuc'.\n14»We na quixquic'ul taj y na cacaj tane caquita ri quitzijoj, chixelubi chupa ri ja o pa ri tinamit yey chipupa' can rulew c'o che ri iwakan. 15Ma pakatzij wi cambi'ij chiwe: Chupa ruk'ijol ri k'atbal tzij, más lic c'ax ri cape paquiwi ri tinamit na xquic'ul ta ri Utzilaj Tzij, chwa ri cape paquiwi ri e aj Sodoma y ri e aj Gomorra.+\nTak ri c'axc'obic capetic\n16»Chitape': Ri'in quixintak bi pacha' ix bexex chiquixo'l utiw. Lic chichajij c'u iwib chi utz jela' pacha' ru'anic cuchajij rib ri cumatz, yey chi'ana pacha' ri palomax na jinta c'o cu'an che junok.\n17»Lic chichajij c'u iwib chiquiwach ri winak, ma quixquic'am bi pa tak k'atbal tzij y caquijich' ipa pa tak sinagogas. 18Wuma ri'in, quixquic'am ne bi chiquiwach tak raj k'atal tzij y ri takanelab. Ruc' c'u ri' wa', utz quik'alajisaj nuwach ri'in chiquiwach rique y chiquiwach conoje tak ri tinamit che ruwachulew. 19Ec'uchiri' quixquiya chiquiwach, mubisoj ic'u'x sa' ri quibi'ij; ma echiri' copon ru'orayil re quixch'a'tic, e ri Dios caya'w lo ich'a'tem. 20Ma na ix ta ri quixch'a'tic, e ri Ruxlabixel Rikaw; e Rire cuya ich'a'tem.\n21»E tak c'u ri ticawex quequiya ri catz-quichak' pa camic; ri c'o calc'o'al quequiya tak ri calc'o'al pa camic; ri calc'o'al queyactaj chiquij quichu-quikaw y quequiya pa camic. 22Tak ri winak lic tzel quixquil ri'ix xa ruma icojom ri nubi'; no'j china c'u ri cuchuk'ubej rib c'a chupa ri q'uisbal re, e ri' ri cacolobetajic. 23Echiri' lic quixternabex ruc' c'axc'obic pa juna tinamit, jix che jun chic. Ma pakatzij wi cambi'ij chiwe, c'amaja' ne quiq'uiso quixic'ow chupa ronoje tak ri tinamit re Israel, echiri' cac'un tanchi Ralaxel Chiquixo'l Ticawex.\n24»Na jinta juna tijo'n más c'o uwach chwa rutijonel y na jinta ne juna aj chac más c'o uwach chwa ri rajaw. 25Juna tijo'n cubulok we xu'ana jela' pacha' rutijonel y juna aj chac cubulok we xu'ana pacha' ri rajaw. We cabi'x \"Beelzebú\" che ri quikaw rac'alab, ¿mac'uwari' ri cabi'x chique ri ralc'o'al?\nMixi'ij iwib chiquiwach ri winak\n(Lc. 12:4-9)\n26»Mixi'ij iwib chiquiwach ri winak. Ma copon ri k'ij echiri' janipa ri na k'alajisam taj, cak'alajisax na; yey janipa ri ewatalic, queta'maxic. 27E janipa ri cambi'ij ri'in xew chiwe ri'ix, chibi'ij ri'ix chiwachil; yey ri canweswa' ri'in chiwe, chixsiq'uin che ubi'xiquil pa tak be.\n28»Mixi'ij iwib chiquiwach ri c'o paquik'ab quixquicamisaj, ma wa' xew che ri cuerpo caqui'an wi, no'j na jinta paquik'ab caquisach uwach ruc'aslem junok chwach ri Dios. E chixi'ij iwib chwach ri Jun c'o puk'ab quebuc'ak bi ri ticawex junam ruc' ri quicuerpos y ri canima', chi xibalba' re tijbal c'ax.\n29»Iweta'am, ca'ib raltak co tz'iquin quec'ayix xa chwa jun ralco meyo. Na ruc' ta c'u ri', na catzak tane junok chique pulew we ri Kakaw na cuya ta luwar. 30Mac'uwari' ri'ix lic puk'ab ix c'o wi, ma xa ne chujujunal riwi' ajilam ruma Rire. 31E uwari'che, mixi'ij iwib; ma ri'ix más c'o iwach chiquiwach ri raltak co tz'iquin.\n32»E junok cuk'alajisaj chiquiwach ri winak, cubi'ij: \"In tijo'n re ri Jesús\"; jec'uri'la' can'an ri'in che rire, cambi'ij chwach ri Nukaw c'o chila' chicaj: \"Katzij, wa jun e nutijo'n\" quincha'.\n33»No'j c'u ri cubi'ij chiquiwach ri winak: \"Ri'in na in ta tijo'n re ri Jesús.\" Jec'uri'la' can'an ri'in che rire, cambi'ij chwach ri Nukaw c'o chila' chicaj: \"Katzij, wa jun na nutijo'n taj\" quincha'.\nRi jachbal quipa ri ticawex ruma ri Jesús\n(Lc. 12:49-53; 14:26-27)\n34»Mich'obo we ri nuc'unic che ruwachulew cuc'am lo utzil chomal. Na e ta ri', ma e cuc'am lo ch'a'oj chiquixo'l tak ri ticawex.+ 35Ruma c'u ri nuc'unic,\nri ticawex caquijek quech'o'jin chiquiwach\nrala ruc' rukaw,\nrali ruc' ruchu\ny ralibatz ruc' ruchu-ralib.\n36Ec'u ri' ri tzel quebilow re juna ticawex,\ne mismo ri e c'o pa rocho. Mi. 7:6\n37»China ri más lic e c'ax quebuna' ruchu-ukaw chinuwach ri'in, na takal ta che caterej chwij; jec'ula' china ri más lic e c'ax quebuna' ri ralc'o'al chinuwach ri'in, ri' na takal ta che caterej chwij.\n38»China ri na caraj taj cutij c'ax ruma e nutijo'n,+ ri' na takal ta che caterej chwij. 39China ri cutij uk'ij lic quel chi utz ruc'aslem wara che ruwachulew, ri' e cujam ri c'aslemal chila' chicaj; no'j ri cuya ranima' ruc'aslem wuma ri'in, ri' e curik ri chomilaj uc'aslemal chwach ri Dios.\nRi rajil uc'axel tak ri chac\n(Mr. 9:41)\n40»China ri cac'uluw iwe ri'ix, in ri quinuc'ulu; yey china ri cac'uluw we ri'in, e cuc'ul ri Jun takayom lo we. 41China ri cac'uluw re juna k'alajisanel ruma e k'alajisay re rutzij ri Dios, ri rajil uc'axel cuc'ulu e jela' pacha' ri cuc'ul juna k'alajisanel. China ri cac'uluw re juna ticawex ruma jusuc' rubinic chwach ri Dios, ri rajil uc'axel cuc'ulu e jela' pacha' ri cuc'ul ri jusuc' ubinic usilabic chwach ri Dios. 42China c'u ri cusipaj tob xa juna tzima ya' joron che junok chique wa' wa ch'uti'k ruma e nutijo'n, pakatzij wi cambi'ij chiwe, ri' na cujam ta c'ana ri rajil uc'axel» xcha ri Jesús.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Matt\/10","date":"2019-01-18T21:39:24Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583660818.25\/warc\/CC-MAIN-20190118213433-20190118235433-00027.warc.gz","language":"acr","language_score":1.0000021458,"language_script":"Latn","minhash_cluster_size":1,"top_langs":"{\"acr_Latn_score\": 1.000002145767212}","num_words":1142,"character_repetition_ratio":0.054,"word_repetition_ratio":0.021,"special_characters_ratio":0.27,"stopwords_ratio":0.298,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Mateo 5\nRi Jesús cac'utun lo chwa jun juyub\n(Lc. 6:20-26)\n1Ri Jesús, echiri' xeril ruq'uiyal winak, xak'an chwa ri juyub y xtz'uyi'ic. Ec'u rutijo'n xquimol quib ruc'. 2Jec'uwa' ri xujek uc'utic chiquiwach:\n3«Nim quik'ij calaxic ri caqueta'maj lic chirajawaxic ri Ruxlabixel ri Dios chique,\nma rutakanic ri Dios petinak chila' chicaj cu'ana que.\n4Nim quik'ij calaxic ri quebok'ic,\nma ri Dios e cabochi'in quic'u'x.\n5Nim quik'ij calaxic ri qui'anom ch'uti'n che quib chwach ri Dios,\nma caya' na chique, ri luwar ubi'tisim chi ri Dios.\n6Nim quik'ij calaxic ri lic cacha quic'u'x che utzukuxic ri jusuc' binic silabic chwach ri Dios,\nma ri Dios e caya'w wa' chique.\n7Nim quik'ij calaxic ri caquic'ut ri c'axna'bal quic'u'x chique jujun chic,\nma ri Dios cuc'ut ri c'axna'bal uc'u'x chique rique.\n8Nim quik'ij calaxic ri u'anom chom ri canima'\nchwach ri Dios,+\nma rique caquil na uwach ri Dios.\n9Nim quik'ij calaxic ri caquitzucuj utzil chomal chiquiwach,\nma cabi'x chique rique e ralc'o'al ri Dios.\n10Nim quik'ij calaxic ri queternabex ruc' c'axc'obic ruma ri caqui'an ri jusuc' chwach ri Dios,\nma rutakanic ri Dios petinak chila' chicaj cu'ana que.\n11»Nim ik'ij iwalaxic ri'ix echiri' wuma ri'in quixternabex ruc' c'ax, cac'ak bi ik'ij y cabi'x ronoje ri na utz taj chiwij yey wa' xa rak'ubal. 12Chixqui'cotok y chixbixonok, ma lic nim ri rajil uc'axel quic'ul chila' chicaj. Macam c'u iwanima' che echiri' quixya' pa c'ax, ma jela' x'an chique ri k'alajisanelab ojertan, ri xenabej lo chiwach ri'ix.\nRi c'ambal na'oj puwi ratz'am y ri k'ijsak\n13»Wara che ruwachulew ri'ix lic quixajawax chique ri ticawex jela' pacha' ratz'am lic cajawaxic. Yey we xsach rutzayul ratz'am, ¿su'anic tanchi ca'an tza che? Ri' na jinta chi c'ana uchac; que'c'ak c'u bi y caxajaxo'x can uwi' cuma ri ticawex.+\n14»Ri'ix ix k'ijsak che ruwachulew. E juna tinamit c'o lo chwi juna juyub na utz taj quewaxic. 15Yey na utz tane catzij juna ak' y cach'uk uwi' ruc' juna mulul re pajbal, ma ri ca'an che e caya'i' lo chupa ruc'olibal chicaj cha' jela' cutzij quiwi' conoje ri e c'o pa ri ja. 16Jec'ula' ri'ix, ix k'ijsak chiquiwach ri ticawex cha' caquil ri chomilaj chac qui'ano y jela' e caquiyac uk'ij ri Kakaw Dios c'o chila' chicaj.\nRi Jesús y Rutzij Upixab ri Dios\n17»Mich'ob c'u ri'ix we ri'in in c'uninak re co'lnusacha uwach Rutzij Upixab ri Dios tz'ibital can cuma ri Moisés y ri k'alajisanelab. Ma na in c'uninak ta che usachic uwach wa'; e in c'uninak re co'lnuk'alajisaj rusuc'. 18Pakatzij wi cambi'ij chiwe: Xalok' c'a tiquil ruk'ijol ruwa caj y ruwachulew, na quesax ta c'ana juna letra yey na quesax tane tob xa juna ralco juch' che Rutzij Upixab ri Dios, ma e cu'ana na ronoje ri tz'ibitalic.\n19»Ruma c'u wa', china ri cupalajij juna takanic tob ne lic ch'uti'n chwach rire yey e tanchi uc'utic cu'an chiquiwach ri ticawex, ri' na jinta uwach chupa rutakanic ri Dios petinak chila' chicaj. China c'u ri cucoj Rutzij Upixab ri Dios yey jela' cuc'ut chiquiwach jujun chic cha' e caqui'ano, ri' lic c'o uwach chupa rutakanic ri Dios.\n20»Pakatzij wi cambi'ij chiwe: Xew quixoc ri'ix chupa wa takanic petinak chila' chicaj, we ribinic isilabic e más jusuc' chwa ri quibinic raj c'utunel re ri tzijpixab y ri fariseos. No'j we na je ta la', ri' na takal ta chiwe.\nRi Jesús cac'utun chwi ri oyowal\n(Lc. 12:57-59)\n21»Ri'ix itom ri xbi'x lo chique ri ticawex ojertan chupa Rutzij Upixab ri Dios: \"Matcamisanic\";+ yey china c'u ri cacamisanic, ri' cak'at tzij puwi'.\n22»No'j ri'in cambi'ij chiwe: China ri cape royowal chirij juna ratz-uchak', ri' cak'at tzij puwi'. China c'u ri cuc'ak bi uk'ij ri ratz-uchak', ri' cac'am bi chwach ri k'atbal tzij re ri tinamit. Yey china ri cubi'ij che juna ratz-uchak': \"¡Na jinta c'ana achac!\", ri' catewun puwi' que'ec pa ak' chi xibalba' re tijbal c'ax.\n23»Ruma c'u la', echiri' cac'am bi rakasa'n chwa raltar yey chiri' cac'un chac'u'x c'o juna awatz-achak' c'o royowal chawij, 24chaya'a na can rakasa'n chwa raltar y jat nabe ruc' rawatz-achak', ja'ana utzil chomal ruc'. Ec'uchiri', utz catpe tanchi chwa raltar y caya c'u ri' rakasa'n chwach ri Dios.\n25»We c'o junok cucoj amac y catuc'am bi pa k'atbal tzij, nabe cha'ana pan utzil chomal ruc' pa be cha' jela' na catu'ya'a ta chi puk'ab raj k'atal tzij. Ma we na xa'an ta ri', raj k'atal tzij catuya bi puk'ab ri ausiliar+ cha' catu'ya'a pa cárcel. 26Pakatzij wi cambi'ij chawe: Na catel tana lo pa ri cárcel we na xatoj ta can ronoje ramac.\nRi Jesús cac'utun chwi ri macunic chirij ri c'ulaniquil\n27»Ri'ix itom ri xbi'x lo ojertan chupa Rutzij Upixab ri Dios: \"Matmacun chirij ri c'ulaniquil.\"+\n28»No'j ri'in cambi'ij chiwe: We c'o junok caril juna ixok y curayij uwach re camacun ruc', ri' ya xmacun ruc' pa ranima'.\n29»E uwari'che, we e rawach uwiquik'ab ri catzakisan awe pa ri mac, chawesaj y chac'aka bi; ma xa ne cuya ri' e cajam jun che rawach, chwa ri catc'ak bi ruc' ronoje racuerpo chi xibalba' re tijbal c'ax. 30We e rak'ab uwiquik'ab ri catzakisan awe pa ri mac, chak'ata' y chac'aka bi; ma xa ne cuya ri' e cajam jun che rak'ab, chwa ri catc'ak bi ruc' ronoje racuerpo chi xibalba' re tijbal c'ax.\nRi Jesús cac'utun chwi ri jachbal ib\n(Mt. 19:3-12; Mr. 10:2-12; Lc. 16:18)\n31»Jenewa' xbi'x lo ojertan: \"We juna achi caraj cujach bi ri rixokil, xew chuya'a bi ruwujil re jachbal ib che.\"+\n32»No'j ri'in cambi'ij: We rachi cuya bi ruwujil re jachbal ib che ri rixokil tob rixok na macuninak ta chirij ri c'ulaniquil, ri' e cumin ri rixokil pa ri mac. Ma we rixok jachom bi cuc'am jun chic achi, camacun c'u ri' chirij ri c'ulaniquil. Yey e rachi cac'uli' ruc' rixok jachom bi, ri' jenela' camacun chirij ri c'ulaniquil.+\nRi Jesús cac'utun chwi ri ch'a'tem cu'an junok echiri' c'o cujiquiba' uwach\n33»Ri'ix itom ri xbi'x lo chique ri ticawex ojertan: \"Matsocon ruc' ri cajiquiba' uwach; e lic cha'ana janipa rajiquibam uwach chwach ri Dios\"+ cacha'.\n34»No'j ri'in cambi'ij chiwe: Lic mac'o mijiquiba' uwach pubi' junok. Mac'o ne mijiquiba' uwach pa rubi' ri caj, ma ri chila' chicaj e tz'ulibal pa catakan wi ri Dios. 35Mac'o mijiquiba' uwach pubi' ruwa ulew, ma ruwa ulew e utac'alibal ri rakan ri Dios. Mac'o ne mijiquiba' uwach pubi' ri tinamit Jerusalem, ma wa' e utinamit ri Nimalaj Takanel Dios. 36Mac'o mijiquiba' uwach pubi' ruwi' ijolom, ma ri'ix na quirik tane u'anic sak o k'ek che riwi', tob tane xa jun chi wi'aj. 37E chibi'ij ri jusuc'. We lic katzij, xew chibi'ij: \"Katzij.\" We na katzij taj, xew chibi'ij: \"Na katzij taj.\" Ma ri cacoji' uwi' ri cabi'xic, wa' ruc' ritzel winak petinak wi.\nRi Jesús cac'utun chwi ri rutzil c'u'xaj\n(Lc. 6:27-36)\n38»Ri'ix itom ri xbi'x lo ojertan:\nWe c'o junok cupuch' rawach,\nri' takal che capuch' ri ri're.\nWe c'o junok cutor bi juna awe',\nri' takal che cator bi ri ri're. Éx. 21:24\n39»No'j ri'in cambi'ij chiwe: Mi'an uc'axel che ri cu'an ri na utz taj chiwe. We c'o c'u junok cupach' k'ab xe' awe' pawiquik'ab, chaya'a luwar che cupach' ri pa mox. 40We c'o junok catuchap pa ch'a'oj pa k'atbal tzij re cumaj racoton, asu chaya'a ne can rak'u' re pisbal awij che. 41We c'o junok catumin bi chuxe' eka'n cha' cawekaj bi jun kilómetro che, asu queb kilómetro chawekaj bi che. 42Chatsipan che ri niba' we cutz'onoj to'bal chawe. We c'o junok cachik'iman chawe, ma'an xu'yal che.\n43»Itom c'u ri xbi'x lo ojertan:\nC'ax chana'a rawatz-achak' Lv. 19:18\nyey tzel chawila ri tzel quilow awe.\n44»No'j ri'in cambi'ij chiwe: C'ax chebina'a ri e aj retzelal c'u'x chiwij. Chitz'onoj ri rutzil uc'u'x ri Dios paquiwi ri caquitz'onoj ri na utz taj piwi ri'ix. Chi'ana ri utz chique ri tzel quebilow iwe. Chi'ana c'u orar paquiwi janipa ri caquic'ak bi ik'ij y ri quixquiternabej ruc' c'axc'obic 45cha' jela' cak'alajinic ix ralc'o'al ri Kakaw Dios c'o chila' chicaj. Ma Rire cu'an che ri k'ij quel lo paquiwi ri ticawex caqui'an ri utz y paquiwi ri caqui'an ri na utz taj, yey cutak lo ri jab paquiwi ri jusuc' quibinic quisilabic y paquiwi ri na jusuc' ta quibinic quisilabic.\n46»Ma we xew c'ax quebina' ri c'ax quena'w iwe, ¿sa' c'u ri' ri rajil uc'axel quic'ulu? Ma jenela' caqui'an raj tz'onol puak re tojonic. 47We xew quiya rutzil quiwach ri iwatz-ichak' ri'ix, ¿sa' c'u ri' ri utz quixtajin che u'anic? Ma jenela' caqui'an ri na queta'am ta uwach ri Dios. 48Chi'ana c'u jusuc' che ri ibinic isilabic jela' pacha' ri usuc'liquil ri Kakaw Dios c'o chila' chicaj.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Matt\/5","date":"2019-01-17T00:53:18Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583658662.31\/warc\/CC-MAIN-20190117000104-20190117022104-00185.warc.gz","language":"acr","language_score":1.0000004768,"language_script":"Latn","minhash_cluster_size":1,"top_langs":"{\"acr_Latn_score\": 1.0000004768371582}","num_words":1417,"character_repetition_ratio":0.068,"word_repetition_ratio":0.01,"special_characters_ratio":0.272,"stopwords_ratio":0.284,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Mateo 25\nRi c'ambal na'oj paquiwi lajuj k'apoj alito\n1»Ri cu'ana pa rutakanic ri Dios petinak chila' chicaj, e jela' pacha' ri xquic'ulumaj lajuj k'apoj alito echiri' xquic'am bi ri quicandil y xebec pa jun c'ulaniquil re que'quic'ulu rala cac'uli'ic. 2E c'o c'u wo'ob chique lic c'o quina'oj y ri wo'ob chic na jinta quina'oj.\n3»Ri wo'ob na jinta quina'oj xquic'am bi ri quicandil, pero na xquic'am tubi aceite re caquinojisaj tanchic.+ 4Ec'u ri c'o quina'oj quinojisam bi ri quicandil che aceite, yey pa rewi cuc'a'am aceite pa jun chic c'olibal.\n5Ec'u rala cac'uli'ic xmayin che ri roponic. Ruma c'u ri', ralito xquijeko queyuxc'a'tic y xoc lo quiwaram.\n6»Pa tiq'uil ak'ab c'ut, xtataj jun casiq'uinic, jewa' cubi'ij: \"¡Rala xc'unic! ¡Chixela lo che uc'ulic!\" 7Conoje c'u ri k'apoj alito xeyactajic y xquijek uyijbaxic ri quicandil.\n8»Ec'u ri wo'ob alito na jinta quina'oj jewa' xquibi'ij chique ri lic c'o quina'oj: \"Chiya'a jubik' kaceite che ri c'o iwuc' ri'ix, ma ri kacandil ri'oj catajin uchupic.\"\n9»No'j ri wo'ob chic jewa' xquic'ul uwach: \"We cakaya iwe ri'ix, na cu'an ta ri' ke konoje. Ji'tzucuj c'u iwe'ix pa cac'ayix wi y chilok'o'.\"\n10»Ec'uchiri' ebelinak bi ri wo'ob che ulok'ic aceite, xc'un lo rala. Ralito c'o quina'oj, ri quiyijbam chi pan ri quicandil, xeboc junam ruc' rala pa c'ulaniquil y xtz'apix c'u lo ri puerta.\n11»Tec'uchiri', xetzelej lo ri wo'ob alito y xech'aw apanok: \"Kajawal, kajawal, jaka lo la ri puerta chike.\"\n12»Ec'u rala cac'uli'ic xuc'ul lo uwach: \"Pakatzij wi cambi'ij chiwe: Na weta'am ta c'ana iwach.\"\n13»Mawar c'u iwach ri' ri'ix, ma na iweta'am tane ruk'ijol y ru'orayil echiri' cac'un lo Ralaxel Chiquixo'l Ticawex.\nRi c'ambal na'oj puwi tak ri uya'om ri Dios pakak'ab\n14»Ri cu'ana pa rutakanic ri Dios petinak chila' chicaj, e pacha' ri xu'an jun achi echiri' xe'ec pa jun luwar lic naj; xebusiq'uij c'u ri raj chaquib y xuya can rupuak paquik'ab. 15Che jun xuya can wo'ob mil, che jun chic xuya can ca'ib mil y che jun chic xuya can mil. Wa xya' can chique e chirij ri caquich'ij uchacuxic. Ec'uchiri', xe'ec naj.\n16»Ec'u raj chac xc'amaw can ri wo'ob mil, xu'an uc'ay ruc' y jela' xuch'ac chi wo'ob mil puwi'. 17Jec'ula' xu'an ri xc'amaw can queb mil, xuch'ac chi queb mil puwi'. 18No'j ri xc'amaw can jun mil, xuc'ot jun jul y chupa wa' xrewaj ri puak ya'tal puk'ab ruma ri rajaw.\n19»Ic'owinak chi c'u uq'uiyal k'ij, xtzelej tanchi lo ri cajaw raj chaquib y xutz'onoj c'u chique sa' ri xqui'an ruc' rupuak. 20Nabe xopon ri raj chac ri uc'amom can wo'ob mil. Xuya c'u che ri rajaw ri wo'ob mil chic xuch'ac puwi ri ya'om can che y jewa' xubi'ij: \"Wajaw, ri' ri wo'ob mil xya can la chwe y ri' chi wo'ob mil, wa' e xinch'ac puwi ri xya can la chwe\" xcha'.\n21»Ri rajaw xubi'ij c'u che: \"Utz ri', ri'at at utzilaj waj chac y lic at jusuc'; ma jusuc' xachacuj ri xa jubik' ya'tal can pak'ab. E uwari'che wo'ora lic q'ui ri canya pak'ab. Chatocok y chatqui'cota wuc'\" xcha'.\n22»Tec'uchiri', xopon raj chac ri uc'amom can ca'ib mil y xubi'ij che: \"Wajawal, ri' ri ca'ib mil xya can la chwe y ri' chi ca'ib mil canya che'la, wa' e xinch'ac puwi ri xya can la chwe\" xcha'.\n23»Ri rajaw xubi'ij c'u che: \"Utz ri', at utzilaj waj chac y lic at jusuc'; ma jusuc' xachacuj ri xa jubik' ya'tal can pak'ab. E uwari'che wo'ora lic q'ui ri canya pak'ab. Chatocok y lic chatqui'cota wuc'\" xcha'.\n24»Ec'uchiri', xopon ri jun chic aj chac ri ya'om can xa jun mil che, y jewa' xubi'ij che ri rajaw: \"Wajaw, ri'in weta'am lal jun achi lic titz'itic, ma ca'an la molonic pa na awaninak ta wi la yey camolon ne la pa na jinta jopopem wi la. 25E uwari'che ri'in lic xinxi'ij wib. Xin'ec c'ut y xinmuk ri puak la pulew. Ri' ri mil ya'om can la chwe, ma e la\" xcha'.\n26»Ri rajaw xubi'ij che: \"At jun waj chac lic na utz taj y at xepu. We xach'obo can'an molonic pa na in awaninak ta wi yey canmol pa na jinta nujopopem wi, 27xa'ya'a ta c'u ri' ri nupuak pa juna banco cha' echiri' quintzelej lok, canc'ul ri nupuak junam ruc' ruch'acom chic\" xcha'.\n28»Tec'uchiri', xubi'ij chique jujun chic raj chac e c'o chiri': \"Chimaja che wa jun aj chac ri mil c'o ruc' y chiya'a che ri c'o lajuj mil ruc'. 29Ma china ri lic q'ui c'o ruc', caya'i' más che y jela' cac'oji' ne uwi' ri c'o ruc'. No'j ri na jinta c'o ruc', camaj ne che ri xa jubik' c'o ruc'. 30Ec'u wa' wa jun aj chac na jinta uchac, ji'c'aka bi pa ri k'eku'm; chiri' c'u ri' cok' wi y cakich'ich' wi ruwi' re'\" xcha'.\nRi k'atbal tzij paquiwi tak ri tinamit\n31»Echiri' Ralaxel Chiquixo'l Ticawex cac'un ruc' runimal uchuk'ab cuc' conoje ri santowilaj ángeles, catz'uyi' na c'u ri' chupa ri chomilaj tz'ulibal re rutakanic. 32Conoje tak c'u ri tinamit che ruwachulew caquimol quib chwach y Rire cujach quipa chiquijujunal, jela' pacha' cu'an juna chajinel queberesaj ri bexex chiquixo'l ri caprux. 33Quebuya c'u ri bexex puwiquik'ab Rire yey ri caprux quebuya pumox.\n34»Ec'uchiri', ri rey cubi'ij chique ri e c'o puwiquik'ab Rire: \"¡Chixpetok! ¡Lic nim ik'ij iwalaxic ri'ix! Chixoc c'u chupa rutakanic ri Dios y chic'ulu janipa ri uyijbam chi pan chiwe chwi lo ri jekebal re ruwachulew. 35Ma xinc'oji' pa numic y ri'ix xiya nuwa; xinc'oji' pa tzajin chi' y ri'ix xiya numik'ina'; xintzucuj pa quincanaj can wi y ri'ix xinic'ul pa iwocho. 36Na jinta co nuk'u' y ri'ix xiya nuk'u'; xinc'oji' pa yabil y xixe'bina wuc'; xinc'oji' pa cárcel y xini'wila'\" cacha'.\n37»Ec'u ri e jusuc' echiri' caquita wa', jewa' caquibi'ij: \"Kajawal, ¿jampala' xkil la lal c'o la pa numic y xkaya wa la? ¿Jampala' xkil la lal c'o la pa tzajin chi' y xkaya mik'ina' la? 38¿Jampala' xkil la catzucuj la pa cacanaj can wi la y xkac'ul la pa kocho? ¿Jampala' xkil la na jinta k'u' la y xkaya k'u' la? 39¿Jampala' xkil la lal yewa' o c'o la pa cárcel yey xe'kila la?\" quecha'.\n40»Y ri rey cuc'ul uwach chique: \"Pakatzij wi cambi'ij chiwe: Ronoje c'u ri xi'an chique wa watz-nuchak' na jinta co quiwach, chwe ri'in xi'an wi\" cacha'.\n41»Ec'uchiri', cubi'ij ri rey chique ri e c'o pumox: \"Ri'ix itzel iwachlibal, chixela wuc'; quix'ec c'u chupa ri ak' na cachup ta chic, ri yijbital chi pan che ritzel winak cuc' conoje ru ángeles eteran chirij. 42Ma ri'in xinc'oji' pa numic yey ri'ix na xiya ta nuwa; xinc'oji' pa tzajin chi', yey ri'ix na xiya ta numik'ina'. 43Xintzucuj pa quincanaj can wi, yey ri'ix na xinic'ul ta pa iwocho. Na jinta co nuk'u', yey ri'ix na xiya ta nuk'u'. Xinc'oji' pa yabil y xinc'oji' pa cárcel, yey ri'ix na xini'wila taj\" cacha'.\n44»Ec'uchiri', caquibi'ij rique che: \"Kajawal, ¿jampala' xkil la canum la yey catzajin chi' la? ¿Jampala' xkil la catzucuj la pa cacanaj can wi la? ¿Jampala' xkil la na jinta k'u' la? ¿Jampala' xkil la lal yewa' o c'o la pa cárcel, yey ri'oj na xkanimaj ta la?\" quecha'.\n45»Ri rey cuc'ul c'u uwach chique: \"Pakatzij wi cambi'ij chiwe: Ronoje ri na xi'an ta chique wa watz-nuchak' na jinta co quiwach, chwe ri'in na xi'an ta wi\" cacha'.\n46»Conoje c'u ri' wa' quebec pa ri c'axc'obic na jinta utakexic, no'j ri e jusuc' quebec pa ri c'aslemal na jinta utakexic» xcha ri Jesús.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Matt\/25","date":"2019-01-16T15:52:54Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583657555.87\/warc\/CC-MAIN-20190116154927-20190116180927-00063.warc.gz","language":"acr","language_score":1.0000032187,"language_script":"Latn","minhash_cluster_size":2,"top_langs":"{\"acr_Latn_score\": 1.0000032186508179}","num_words":1234,"character_repetition_ratio":0.058,"word_repetition_ratio":0.054,"special_characters_ratio":0.286,"stopwords_ratio":0.276,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Hechos 15\nRaj wach re riglesia caquimol quib Jerusalem\n1Chupa tak ri' la' la k'ij xebopon Antioquía jujun achijab e petinak Judea y xquijek quec'utun chiquiwach ri quicojom rubi' ri Cristo, jewa' caquibi'ij: «We na cacoj ta ri retalil re circuncisión che alak jela' pacha' rutakanic can ri Moisés, ri' na cacolobetaj ta alak» quecha'.\n2Ec'u ri Pablo y ri Bernabé lic xebec chunimal puwi wa c'utunic cuc' wa'chijab. Q'uisbal re, conoje xquich'ob rakan sa' ri caqui'ano; e quetak bi ri Pablo y ri Bernabé cuc' jujun chic cha' quebec Jerusalem re quebe'ch'a't chwi wa' cuc' ri e tako'n re ri Jesús y jujun chic e aj wach re riglesia.\n3E tak c'u ri etakom bi cuma riglesia re Antioquía, xebic'ow pa tak ri tinamit re Fenicia y re Samaria, y chujujunal luwar xquitzijoj su'anic ri na e ta aj judi'ab quiya'om can ri quibinic re ojertan cha' e caquitakej ri Dios. Ruma c'u ri' wa', conoje ri hermanos xetaw re, lic xequi'cot che.\n4Echiri' xebopon Jerusalem, xec'ul cuma tak ri hermanos, ri e tako'n y jujun chic e aj wach re riglesia. Xquitzijoj c'u chique ronoje ri u'anom ri Dios cuc'. 5Pero e c'o jujun chique ri quicojom rubi' ri Cristo e cuq'uil ri aj fariseos, rique xeyactajic y jewa' xquibi'ij:\n—Lic chirajawaxic cacoj ri retalil re circuncisión chique tak ri na e ta aj judi'ab caquicoj rubi' ri Dios yey quetak che caqui'an janipa ri cubi'ij ri Tzij Pixab re ri Moisés —xecha'.\n6Xquimol c'u quib ri e tako'n y jujun chic e aj wach re riglesia cha' quech'a't chwi wa'. 7Lic naj c'ut xquichapala' quib chiquiwach puwi wa'. Tec'uchiri', ri Pedro xyactajic y xubi'ij chique:\n—Hermanos achijab, ralak eta'am alak jampa chi lo k'ij wa' ic'owinak chwi xinucha' lo ri Dios cha' chi nuchi' ri'in, ri na e ta aj judi'ab caquita ri Utzilaj Tzij y caquicoj c'u rubi' ri Cristo. 8Ri Dios, ri reta'am sa' ri c'o chupa ri canima' ri ticawex, e xc'uluw que ri na e ta aj judi'ab quicojom rubi' ri Cristo. Yey xuc'ut wa' echiri' xuya lo ri Santowilaj Ruxlabixel chique rique jela' pacha' xu'an kuc' ri'oj. 9Y junam xeril rique kuc' ri'oj, ma xujosk'ij ri canima' che ri mac ruma ri cubulibal quic'u'x.\n10»Ec'u wo'ora, ¿su'chac capetisaj alak royowal ri Dios ruma ri queya alak chuxe' uq'uiyal takanic ri na e ta aj judi'ab quicojom rubi' ri Cristo? Wa' e pacha' eka'n cacoj alak chiquikul. Yey wa eka'n, na xquich'ij tane ruc'axic ri kati'-kamam ojertan y na kach'ijom tane ruc'axic ri'oj. 11No'j c'u ri'oj e cakajiquiba' uwach wa': Xa ne ruma ri unimal rutzil uc'u'x ri Kanimajawal Jesús cojcolobetaj ri'oj+ jela' pacha' rique —xcha'.\n12Conoje c'u ri' ruq'uiyal ticawex xetz'inca'nic y xquiya quixiquin chique ri Bernabé y ri Pablo, ma caquitzijoj ri nimak tak c'utubal re chuk'ab u'anom ri Dios cuma rique chiquixo'l ri na e ta aj judi'ab.\n13Echiri' xquiq'uis quech'a't rique, ri Jacobo jewa' xubi'ij:\n—Hermanos, chinta na pe alak: 14Ri Simón xutzijoj puwi ri nabe laj echiri' ri Dios xuk'alajisaj rib chiquiwach ri na e ta aj judi'ab+ cha' chiquixo'l rique quebucha' janipa ri quebu'ana utinamit. 15Y wa' cu'ana xaki jun ruc' ri quitz'ibam can ri k'alajisanelab puwi ri ubi'im lo ri Dios:\n16Ic'owinak c'u wa', quintzelej lok\ny canyac tanchi ri rocho ri rey David wuluwubinak bi,+\ncanc'ojoj c'u ri tzakinak bi che y can'an c'ac' che.\n17Can'an wa' cha' ri nic'aj chic ticawex caquitzucuj ri Dios,\nwa' e tak ri tinamit na e ta aj judi'ab,\nconoje ri e nu'anom nutinamit chique ma quicojom ri nubi'.\n18E wa' ri xubi'ij ri Dios Kajawxel, yey e ri uk'alajisam chi lo ojertan. Am. 9:11-12\n19Ruma c'u la', chinuwach ri'in na utz taj we cakasachisaj quina'oj ri na e ta aj judi'ab quicojom rubi' ri Kanimajawal. 20Ri ka'ana' e chojtz'iban pan chique y kaya'a pan quina'oj cha' caquesaj quib che tak ri cach'ulan re junok pacha' tak ri ic'owisam chwa juna tiox, cha' na caquetz'abej ta uwa quik'ij cuc' jujun chic na quic'ulel taj, cha' na caquitij ta ti'ij que awaj xa ejitz'am y cha' na caquitij ta quic'. 21Ma xex wi chwi lo ojertan, ronoje k'ij re uxlanibal pa tak sinagogas e c'o ri quebajilan re y quetzijon puwi ri Tzij Pixab tz'ibital can ruma ri Moisés —xcha ri Jacobo.\nRi carta re pixabanic chique ri na e ta aj judi'ab\n22E tak ri e tako'n y ri jujun chic e aj wach re riglesia cuc' conoje ri hermanos, xuc'ul quic'u'x ri quecha' jujun achijab chiquixo'libal re quetak bi pa ri tinamit Antioquía ruc' ri Pablo y ri Bernabé cha' caquic'am bi jun carta re pixabanic chique ri na e ta aj judi'ab quicojom rubi' ri Cristo. Ec'u xequicha' ri Judas ri cabi'x Barsabás che y ri Silas, ma lic chom ilitajinak ri quibinic quisilabic chiquiwach ri hermanos. 23Xya' c'u bi ri carta paquik'ab, jewa' cubi'ij:\nE ri'oj oj tako'n re ri Cristo cuc' ri e aj wach re riglesia y conoje ri hermanos wara Jerusalem, cakaya pan rutzil wach alak hermanos, ri c'o alak chupa ri tinamit Antioquía y pa tak ri tinamit re Siria y re Cilicia. Cakatz'ibaj c'u che ralak, ri na alak ta aj judi'ab yey cojom alak rubi' ri Cristo.\n24Ri'oj katom e c'o jujun ebelinak chikaxo'l ri'oj, tob na oj ta xojtakaw bi que; yey rique quetajin che ucojic ri na utz taj pa jolom alak ruc' ri quich'a'tem y jec'ula' quisachisam ri na'oj alak.+\n25Ruma c'u la', xojch'a't ri'oj chikawach puwi wa', y ri xojcanaj wi e quekacha' achijab y quekatak bi uc' alak junam cuc' ri hermanos lic c'ax quekana'o, wa' e ri Bernabé y ri Pablo. 26Wa' wa'chijab quiya'om canima' tob ne quecam ruma ri caquitzijoj rubi' ri Kanimajawal Jesucristo. 27Yey quekatak bi ri Judas y ri Silas. Chiquichi' c'u rique cak'alajin wi chiwach alak ronoje wa xkatak ubi'xiquil che alak.\n28Ma chwach ri Santowilaj Ruxlabixel ri Dios y chikawach ri'oj, na utz taj cakacoj juna chic eka'n pawi' alak, xew c'u chirajawaxic tak wa':+ 29Matij alak ri ic'owisam chi chiquiwach ri tiox;+ matij alak quic',+ matij alak ti'ij que awaj xa ejitz'am;+ y metz'abej ne uwa k'ij alak cuc' jujun chic na alak ta c'ulan cuc'.+ We quesaj c'u ib alak che ronoje wa',+ catajin alak ri' che u'anic ri jusuc'.\nChila c'u ib alak.\n30Ec'u ri echa'talic xquimaj bi quibe pa ri tinamit Antioquía. Ec'uchiri' quimolom chi quichi' ri quicojom rubi' ri Cristo, xquiya ri carta chique.\n31Echiri' ri hermanos e c'o Antioquía xcajilaj wa carta, lic xequi'cotic ma ri tz'ibital chupa xucuba' quic'u'x. 32Ec'u ri Judas y ri Silas, ruma e ek'alajisay runa'oj ri Dios, lic naj xech'a't cuc' ri hermanos, xequipixabaj cha' lic caquichuk'ubej quib y jela' xquinimarisaj quic'u'x. 33Xquic'owibej c'u jujun k'ij chiri'.\nTec'uchiri', xetak bi chi utzil chomal cuma ri hermanos chila', cha' jela' quetzelej tanchi cuc' ri etakayom lo que. 34No'j ri Silas xuch'obo utz cacanaj can chiri'. 35Ec'u ri Pablo y ri Bernabé xec'oji' pa ri tinamit Antioquía. Y junam cuc' uq'uiyal cachbi'il, xec'utun chwi Ruch'a'tem ri Dios y ri Utzilaj Tzij puwi ri Kanimajawal.\nRucalaj ubenam ri Pablo che utzijoxic ri Utzilaj Tzij\n36Ic'owinak chi c'u jujun k'ij, ri Pablo xubi'ij che ri Bernabé: «Chojtzelej tanchi cuc' ri quicojom rubi' ri Cristo pa tak ronoje ri tinamit pa katzijom wi ri Utzilaj Tzij re ri Kanimajawal, cha' quebe'kila' sa' ri qui'anom» xcha'.\n37Yey ri Bernabé xraj cuc'am bi ri Juan cuc', wa' e ri cabi'x Marcos che. 38No'j ri Pablo na xuc'ul ta uc'u'x que'ec ri Marcos cuc', ma ri Marcos xerok'otaj can pa tak ri luwar re Panfilia y na erachbilam ta chi lo che ri chac.+ 39Xebec c'u chunimal puwi wa' yey na jinta xe'ela wi ri quich'a'tem chiquiwach. Ruma c'u ri', ri Pablo y ri Bernabé xquijach bi quib. Ri Bernabé xuc'am bi ri Marcos ruc'. Xebec c'u pa barco y xebopon pa ri isla Chipre.\n40Yey ri Pablo xucha' bi ri Silas cha' carachbilaj bi che rubenam. Ec'u ri hermanos e c'o Antioquía xqui'an orar y xquitz'onoj bi ri unimal rutzil uc'u'x ri Dios paquiwi'; tec'uchiri', xquimaj bi quibe. 41Xebic'ow c'u pa tak ri luwar re Siria y re Cilicia, caquinimarisaj can quic'u'x ri caquimol quib pa rubi' ri Cristo pa tak ri tinamit.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Acts\/15","date":"2019-01-18T05:04:34Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583659890.6\/warc\/CC-MAIN-20190118045835-20190118071835-00371.warc.gz","language":"acr","language_score":1.0000004768,"language_script":"Latn","minhash_cluster_size":1,"top_langs":"{\"acr_Latn_score\": 1.0000004768371582}","num_words":1366,"character_repetition_ratio":0.079,"word_repetition_ratio":0.007,"special_characters_ratio":0.254,"stopwords_ratio":0.335,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Mateo 6\nRi Jesús cac'utun chwi ri limoxna\n1»Mi'an ri quic'ut ri jusuc' ibinic isilabic chiwachil xa re quixilitaj cuma ri ticawex;+ ma we jela' qui'ano, na jinta rajil uc'axel quic'ul che Rikaw Dios c'o chila' chicaj. 2E uwari'che, echiri' quiya limoxna che juna niba', mitzijoj chique ri ticawex, pacha' ri caqui'an ri xa queb quipalaj pa tak sinagogas y pa tak be. Ma rique jela' caqui'ano xew cha' cayac quik'ij. No'j ri'in pakatzij wi cambi'ij chiwe: Ruc' c'u wa yacbal quik'ij, ya e la' xquic'ul ri rajil uc'axel ri xqui'ano. 3E uwari'che, echiri' quiya limoxna chique ri niba'ib, mi'an chiwachil. 4Jec'ula' na jinta c'o cana'ben re, xew Rikaw Dios queta'man wa'. Ec'u Rire cuya na ri rajil uc'axel chiwe.\nRi Jesús cac'utun chwi ri oración\n(Lc. 11:1-13)\n5»Echiri' quixch'a't ruc' ri Dios, mi'an iwe'ix pacha' ri caqui'an ri xa queb quipalaj. Ma rique lic cuc'ul quic'u'x ri caquibololej oración e la' e tac'al pa tak sinagogas y pa tak jachbal be cha' jela' quebilitaj cuma ri ticawex. No'j ri'in pakatzij wi cambi'ij chiwe: Ruc' c'u wa yacbal quik'ij, ya e la' xquic'ul ri rajil uc'axel ri xqui'ano. 6No'j ri'ix echiri' quixch'a't ruc' ri Dios, chixoc pa ja, chitz'apij lo ri puerta y chixch'a't ruc' Rikaw Dios xa ituquel; jec'ula' Rikaw Dios caril ri qui'an xa ituquel y cuya na c'u ri rajil uc'axel chiwe chiwachil.\n7»Ec'uchiri' quixch'a't ruc' ri Dios, miwererej ch'a'tem uq'uiyal laj pacha' caqui'an ri na queta'am ta uwach ri Dios; ma e caquich'ob rique ruma ri caquiwererej ch'a'tem, quetataj ruma ri Dios. 8Mi'an c'u iwe'ix pacha' ri caqui'an rique, ma Rikaw Dios lic reta'am chic sa' ri cajawax chiwe echiri' c'amaja' ne quitz'onoj che.\n9»Ec'u ri'ix echiri' quixch'a't ruc' ri Dios utz jewa' tak ri quibi'ij:\nKakaw Dios, Lal c'o la chila' chicaj,\n¡lic cheta'maxok nim uk'ij ri bi' la!\n10Peta la, takana la pakawi';\nchu'ana c'u ri rajawal c'u'x la wara che ruwachulew,\njela' pacha' ri ca'an chila' chicaj.\n11Ya'a co la wak'ij ri kawa,\nri cajawax chike ronoje k'ij.\n12Cuyu co la kamac,\njela' pacha' ri'oj cakacuy quimac ri emacuninak chikij.\n13Y maya co la luwar chike cojtzak pa mac;\ne lic chojcolobej la chwach ritzel winak.\nMa pak'ab Rilal c'o wi ronoje takanic y chuk'ab;\ny xew che Rilal takal wi ri yacbal k'ij na jinta utakexic. Amén.\n14»Ma we ri'ix quicuy quimac tak ri ticawex, jec'ula' ri' cu'an ri Kakaw Dios c'o chila' chicaj, cucuy imac ri'ix. 15No'j we ri'ix na quicuy ta quimac tak ri ticawex, jec'ula' ri' cu'an ri Kakaw Dios, na cucuy ta imac ri'ix.+\nRi Jesús cac'utun chwi ri ayuno\n16»Echiri' ri'ix qui'an ayuno, mic'ut bis che ripalaj pacha' ri caqui'an ri xa queb quipalaj. Ma rique caqui'an wa' xa pacha' quebilitaj cuma ri winak. Pakatzij wi cambi'ij chiwe: Ruc' c'u wa yacbal quik'ij, ya e la' xquic'ul ri rajil uc'axel ri xqui'ano. 17No'j ri'ix echiri' qui'an ayuno, chich'aja ripalaj y chixiya riwi' chi utz. 18Jec'ula' ri ticawex na caquil taj we ri'ix ix c'o pa ayuno. Xew c'u Rikaw Dios, ri na quilitaj ta uwach, caril ri na caquil ta ri ticawex. Ec'u ri' Rire caya'w na ri rajil uc'axel chiwe.\nRi beyomalil re chila' chicaj\n(Lc. 12:32-34)\n19»Mixchacun xa re quimol uc'u'xibal beyomalil re ruwachulew, ma ri wara e tak ri ic'olom xa capoq'uiric y cu'an mojos, yey queboc ne elek'omab che relek'axic bi. 20We quiwaj quirik ri sakil beyomalil, e chi'ana wara che ruwachulew janipa ri lic c'o uchac chwach ri Dios cha' jela' c'o cutikoj chiwe ri'ix chila' chicaj. Ma ri ic'olom chila' na capoq'uir taj y na cu'an ta mojos, yey na jinta ne elek'omab queboc che relek'axic bi. 21Ma pa c'o wi ribeyomalil ri'ix, puwi wa' que'ec wi ic'u'x.\nRi c'ambal na'oj puwi ri kawach\n(Lc. 11:33-36)\n22»Ri kawach e pacha' candil re ri kacuerpo, ma ruma wa' cojtzu'nic cha' utz cojbinic. Jec'ula', we ri kawach utz u'anom, ronoje ri kacuerpo nojinak che k'ijsak y cakil c'u ronoje chi utz. 23No'j we ri kawach na utz taj, ronoje ri kacuerpo c'o pa k'eku'm. Jec'ula', we ri k'ijsak c'o kuc' u'anom junam ruc' ri k'eku'm, ¡co'l chi lo k'eku'malil ri' oj c'o wi!+\nRi Jesús cac'utun chwi ri puak\n(Lc. 16:13)\n24»Lic c'ayew we juna aj chac e ca'ib ri rajaw. Ma laj tzel caril ri jun yey c'ax cuna' ri jun chic; o laj cuyac uk'ij ri jun yey cuc'ak bi uk'ij ri jun chic. Ruma c'u la', na utz taj we junok cuya rib che unimaxic ri Dios yey cuya rib che utzucuxic ri beyomalil re ruwachulew.\nRi Dios quebuchajij ri ralc'o'al\n(Lc. 12:22-31)\n25»E uwari'che cambi'ij chiwe ri'ix: Mubisoj ic'u'x ric'aslem; mubisoj ne ic'u'x sa' riwa y rimik'ina' quitijo o sa' rik'u' quicojo. ¿Na e ta neba más c'o uwach ric'aslem ri'ix chwach ri quitijo? ¿Yey na e ta neba más c'o uwach ri cuerpo chwach rik'u' quicojo?\n26»Chebiwilape ri tz'iquin quexiq'uic' che ruwa caj. Rique na quetico'naj taj, na caqui'an tane quimolonic y na jinta ne pa caquic'ol wi ri quimolonic. Na ruc' ta c'u ri', Rikaw Dios c'o chila' chicaj quebutzuku. ¡Mac'uwari' ri'ix, ri Dios quixuchajij, ma e más c'o iwach ri'ix chiquiwa ri tz'iquin!\n27»¿C'o neba junok chiwe ri'ix curik cunajtirisaj jun chic k'ij che ruc'aslem wara che ruwachulew? Na jinta junok, tob ne lic cutij uk'ij che. 28¿Su'be c'u ri' lic cubisoj ic'u'x rik'u' quicojo? Chiwilape' su'anic queq'uiy ri cotz'i'j pa tak juyub; wa' na quechacun taj y na quequeman ta nenare' cha' caqui'an ri quik'u'. 29Yey ri'in cambi'ij chiwe: Ri rey Salomón, tob lic c'o uchomal ruk'u' xucojo, wa' na xumaj ta c'ana ruchomalil tak ri cotz'i'j. 30Jec'ula' we ri Dios u'anom chom che ri ak'es c'o wak'ij pa juyub yey chwe'k xa caporox pa ak', ¿na cuya ta cami ri' ri Dios rik'u' cajawax chiwe? ¡Ri'ix lic xa jubik' ri cubulibal ic'u'x ruc' ri Dios!\n31»Cambi'ij c'u chiwe: Mubisoj ic'u'x y mibi'ij: \"¿Sa' ri kawa, sa' ri kamik'ina' cakatijo? ¿Sa' ri kak'u' cakacojo?\" 32Ma jenela' caqui'an ri winak na queta'am ta uwach ri Dios, e cubisoj quic'u'x tak wa'. No'j ri'ix c'o jun Ikaw chila' chicaj lic reta'am cajawax ronoje tak wa' chiwe.\n33»Ri lic chirajawaxic chiwe nabe e lic chixoc il che rutakanic ri Dios y che ri jusuc' binic silabic caraj Rire chiwe. Yey ronoje tak c'u ri cajawaxic, xa uwi' chic caya'taj chiwe. 34Mubisoj pan ic'u'x ri quiwil chwe'k, ma chujujunal k'ij uc'amom chi lo ruc'ayewal.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Matt\/6","date":"2019-01-16T06:14:36Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583656897.10\/warc\/CC-MAIN-20190116052151-20190116074151-00186.warc.gz","language":"acr","language_score":1.0000030994,"language_script":"Latn","minhash_cluster_size":1,"top_langs":"{\"acr_Latn_score\": 1.0000030994415283}","num_words":1059,"character_repetition_ratio":0.062,"word_repetition_ratio":0.037,"special_characters_ratio":0.28,"stopwords_ratio":0.287,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Hechos 15:3\n3E tak c'u ri etakom bi cuma riglesia re Antioquía, xebic'ow pa tak ri tinamit re Fenicia y re Samaria, y chujujunal luwar xquitzijoj su'anic ri na e ta aj judi'ab quiya'om can ri quibinic re ojertan cha' e caquitakej ri Dios. Ruma c'u ri' wa', conoje ri hermanos xetaw re, lic xequi'cot che.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Acts\/15\/3","date":"2019-01-21T12:25:21Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583792338.50\/warc\/CC-MAIN-20190121111139-20190121133139-00151.warc.gz","language":"acr","language_score":0.9998093247,"language_script":"Latn","minhash_cluster_size":1,"top_langs":"{\"acr_Latn_score\": 0.9998093247413635}","num_words":55,"character_repetition_ratio":0.0,"word_repetition_ratio":0.0,"special_characters_ratio":0.25,"stopwords_ratio":0.418,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Mateo 10:41\n41China ri cac'uluw re juna k'alajisanel ruma e k'alajisay re rutzij ri Dios, ri rajil uc'axel cuc'ulu e jela' pacha' ri cuc'ul juna k'alajisanel. China ri cac'uluw re juna ticawex ruma jusuc' rubinic chwach ri Dios, ri rajil uc'axel cuc'ulu e jela' pacha' ri cuc'ul ri jusuc' ubinic usilabic chwach ri Dios.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Matt\/10\/41","date":"2019-01-21T19:58:28Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583807724.75\/warc\/CC-MAIN-20190121193154-20190121215154-00497.warc.gz","language":"acr","language_score":0.9999992847,"language_script":"Latn","minhash_cluster_size":1,"top_langs":"{\"acr_Latn_score\": 0.9999992847442627}","num_words":53,"character_repetition_ratio":0.1,"word_repetition_ratio":0.091,"special_characters_ratio":0.253,"stopwords_ratio":0.358,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Lucas 1\nRi Lucas catz'iban pan che ri Teófilo, jun achi lic c'o uwach\n1Uq'uiyal ticawex quitz'ibam chi puwi sa' tak ri u'anom ri Dios chikaxo'l ri'oj, ri nabe kacojom rubi' ri Jesucristo. 2Quitz'ibam c'u ri c'utum lo chike cuma ri raj chac ri Dios, ri xebilow chi utz ri xu'an ri Kanimajawal Jesucristo chwi xujek lo ruchac. Yey e rique ri xquitzijoj ri Utzilaj Tzij puwi Rire.\n3Ri'in mismo lic xinweta'maj na chi utz y nuch'obom lo rakan puwi ronoje sa' tak ri xu'ano chwi lo ruc'unic ri Kanimajawal che ruwachulew. Yey chinuwach ri'in, lic utz quintz'iban pan che'la Teófilo y cantzijoj rusuc' wa' che'la chuchola'j 4cha' queta'maj la chi utz puwi ri K'ijsak c'utum chiwach la.\nJun ángel cuk'alajisaj ri ralaxibal ri Juan Aj Ya'l Bautismo\n5Echiri' ri Herodes catakan puwi ri luwar re Judea, c'o jun aj chacunel pa Rocho Dios, Zacarías rubi'. Rire e cuq'uil raj Abías.+ Ri rixokil Elizabet e cuq'uil ri ralc'o'al can ri Aarón. 6Ri Zacarías y ri Elizabet junam lic e jusuc' chwach ri Dios, yey lic queboc il che ronoje Rutzij Upixab ri Dios Kajawxel y na jinta junok catz'akaw mac chiquij. 7Pero rique na jinta juna calc'o'al, ma ri Elizabet na utz taj calanic yey quicabichal e nimak winak chic.\n8Xopon c'u ruk'ijol echiri' ri Zacarías cuc' ri rachbi'il e aj Abías que'quilok'oj uk'ij ri Dios. 9Ec'u raj chacunel pa Rocho Dios caqui'an jun sorteo cha' caquicha'o china chique coc chupa ri Luwar Santo pa ri Rocho Dios re cu'poroj incienso. Jec'ula' xqui'an wa sorteo, y wa' xtzak puwi ri Zacarías.\n10Echiri' xopon ru'orayil re caporox ri incienso, conoje ri ec'o chwach ri Luwar Santo quetajin che u'anic orar.\n11Ec'uchiri', jun ángel re ri Dios Kajawxel xwinakir chwach ri Zacarías puwiquik'ab ri altar pa caporox wi ri incienso. 12Echiri' ri Zacarías xril ri ángel, xcam ranima' che y lic xuxi'ij rib.\n13No'j ri ángel xubi'ij che:\n—Zacarías, maxi'ij awib, ma ri Dios utom chi ri atz'onom che. Ruc' c'u rawixokil cac'oji' jun ac'ajol yey Juan rubi' cacojo. 14Cac'oji' c'u qui'cotemal awuc' y lic e q'ui ri quequi'cot che ri ralaxibal rac'ajol, 15ma rire cu'ana lic nim uk'ij chwach ri Dios. Na cuchina'aj ta vino y na cuchina'aj ta ya' re k'abaric; y e ne chiri' c'a matzem, ruc'a'am chi lo ruchuk'ab ri Santowilaj Ruxlabixel ri Dios. 16Y ruma c'u Rire, lic e q'ui chique ri e aj Israel quetzelej jumul chic ruc' ri Dios Kajawxel y caquiya tanchi quib puk'ab. 17Ec'u wa Juan canabej lo chwach ri Kanimajawal ruc' ruchuk'ab ri Ruxlabixel ri Dios jela' pacha' ri k'alajisanel Elías re ojertan. Yey ri chac colu'ana' e cucoj utzil chomal chiquixo'l ri ticawex cuc' ri calc'o'al y cujalc'atij ri quina'oj ri na e ta cojol tzij cha' cu'ana pacha' ri quina'oj ri quebin jusuc'. Jec'uri'la' rire quebuyijba' ri tinamit cha' caquic'ul chi utz ri Kanimajawal —xcha ri ángel.\n18Ri Zacarías xutz'onoj c'u che:\n—¿Su'anic cacubi' nuc'u'x che wa'? Ma ri'in lic in nimalaj winak chic yey jenela' ri wixokil —xcha'.\n19Ri ángel xuc'ul uwach, jewa' xubi'ij che:\n—Ri'in in Gabriel, intakom lo ruma ri Dios Kajawxel cha' quino'lch'a't awuc' y co'lnuya'a wa utzilaj tzij chawe. 20No'j wo'ora catcanaj canok at me't, y na utz ta c'u ri' catch'awic, ma na xacoj ta ri ximbi'ij chawe. Copon na c'u ri k'ij echiri' calax rac'ajol; c'a ec'uchiri', utz catch'aw tanchic —xcha che.\n21Ec'u ri e c'o pan chwach ri Luwar Santo coye'em jampala' quel lo ri Zacarías, yey lic xubisoj quic'u'x ma lic xmayin chupa ri Luwar Santo pa ri Rocho Dios. 22Echiri' xel lo ri Zacarías, na utz ta cach'aw chique; xa cu'an chi c'utubal ruc' ruk'ab chique ma xcanaj can me't. Y jela' xquimaj usuc' c'o xc'ut chwach ri Zacarías chupa ri Luwar Santo.\n23Echiri' ri Zacarías xuq'uis tak ruk'ijol cachacun chupa ri Rocho Dios, xe'ec chirocho. 24C'a tec'uchiri', ri rixokil Elizabet xcanajic yewa' ixok. Wo'ob ic' c'u ri' xuchajij rib chirocho, e ri' na xel tubi. Yey xaki jewa' ri cuch'obo: 25«E ri Nukaw Dios 'anayom wa' chwe ma xinjuch' ca'n che y xresaj ri ch'amibal we.»\nJun ángel cuk'alajisaj ri ralaxibal ri Jesús\n26Ic'owinak chi c'u wakib ic' ri' echiri' ri ángel Gabriel xtak lo ruma ri Dios chupa jun tinamit Nazaret rubi', pa ri luwar re Galilea. 27Xtak lo ruc' jun k'apoj ali María rubi', yey rire lic jusuc' rubinic chwach ri Dios. Ri María unimam chic cac'uli' ruc' jun ala José rubi', yey rire e jun chique ri ralc'o'al can ri rey David. 28Ec'uchiri', xoc bi ri ángel pa c'o wi ri María, y jewa' ri rutzil uwach xuya'o:\n—¡Chatqui'cotok! E ri'at lic nim ak'ij awalaxic chiquixo'l conoje rixokib. Ma ri Dios Kajawxel c'o awuc' yey ac'ulum ri unimal rutzil uc'u'x Rire —xcha che.\n29Ri María echiri' xuta wa' wa ch'a'tem, xsach una'oj puwi' y jewa' xutz'onoj chiribil rib: \"¿Sa' que'elawi wa cabi'x chwe?\"\n30Ec'uchiri', ri ángel jewa' xubi'ij che:\n—María, maxi'ij awib, ma arikom ri unimal rutzil uc'u'x ri Dios. 31Ec'u wo'ora catcanajic at yewa' ixok, calax jun awalab y Jesús rubi' cacojo. 32Rire lic nim uk'ij y cabi'x che e Uc'ajol ri Jun catakan chwi ronoje. Ec'u ri Dios Kajawxel cuya puk'ab cu'an rey jela' pacha' ri rey David, rumam re ojertan. 33Y caya'taj che catakan puwi ri tinamit Israel yey rutakanic na jinta utakexic —xcha che.\n34Ec'u ri María xutz'onoj che ri ángel:\n—¿Su'anic cu'ana ri' wa', we ri'in c'a jinta ne wachijil? —xcha'.\n35Ri ángel xuc'ul uwach:\n—E ri Santowilaj Ruxlabixel ri Dios cakaj lo pawi' y ruchuk'ab ri Jun catakan chwi ronoje, cuch'uk awi' pacha' sutz'. E uwari'che rac'a calaxic cabi'x che e Santowilaj Uc'ajol ri Dios. 36Y chatape wa', jenela' rawatz-achak' Elizabet umatzem chi jun ac'a tob lic nimalaj winak chic. E ri cabi'x che na utz taj calanic, wo'ora yewa' ixok y e uwakib ic' wa'. 37Ma chwach ri Dios na jinta c'ana c'ayew —xcha che.\n38Ec'uchiri', xubi'ij ri María:\n—Ri'in puk'ab ri Nukaw Dios in c'o wi. Ec'u Rire chu'ana wuc' janipa ri xbi'ij la chwe —xcha'. Ec'uchiri', ri ángel xel bi chwach.\nRi María que'bina ruc' ri Elizabet\n39C'o c'u jun k'ij ri María xuyac bi rib y lic canic xumaj bi ube chujuyub chupa jun tinamit re Judea. 40Echiri' xoponic, xoc chirocho ri Zacarías y xuya rutzil uwach ri Elizabet. 41Xew c'u xuta ri Elizabet ri rutzil uwach xya' ruma ri María, rac'a umatzem lic xuyiquij rib y ri Santowilaj Ruxlabixel ri Dios xkaj puwi ri Elizabet. 42Ruma c'u ri', lic co xch'awic, jewa' xubi'ij:\n—Nim ak'ij awalaxic ri'at chiquixo'libal conoje rixokib y nim uk'ij rawalab amatzem. 43¿Cha'taj ya'tajinak can wa' chwe ri'in co'lbina ruchu ri Kanimajawal wuc'? 44Ma xew xinta ri rutzil nuwach xaya'o, na jampatana rac'a numatzem lic xuyiquij rib ruma ruqui'cotemal. 45Nim ak'ij awalaxic ri'at ma xacoj ronoje janipa ri xbi'x chawe ruma ri Dios Kajawxel yey wa' lic e cu'ana' —xcha'.\n46Ec'uchiri', ri María xubi'ij:\n«Ri'in lic canyac uk'ij ri Dios Kajawxel,\n47y ri wanima' lic caqui'cot ruc' ri Dios Nucolobenel;\n48ma xinjuch' ca'n che, tob in jun raj chac na jinta co nuwach.\nChwi c'u ri' wo'ora conoje ri ticawex caquibi'ij na chwe:\n\"Lic nim ak'ij awalaxic ri'at\"\n49ma e ruchuk'ab ri Dios Kajawxel\nlic sa'ch tak ri utz u'anom wuc'.\nEc'u rubi' Rire lic nim uk'ij Santo.\n50Y cuc'ut na ri rutzil uc'u'x chique janipa ri c'o xi'in ib pa canima' chwach Rire.\n51Rire e 'anayom uq'uiyal chac ruc' ruchuk'ab.\nUsachisam ri quina'oj ri caqui'an nim che quib,\n52y resam ri takanic paquik'ab ri e nimak takanelab;\nyey uyacom quik'ij ri lic na jinta co quiwach.\n53Chique ri quenumic, uya'om quibeyomalil;\nno'j ri beyomab xebutak bi y na jinta c'o xuya bi chique.\n54Ebuto'om c'u rutinamit Israel, tak ri raj chac Rire;\nyey na umesc'utam ta uc'utic ri rutzil uc'u'x\n55na jinta utakexic che ri Abraham y chique conoje ri ralc'o'al canok,\njela' pacha' rubi'tisim chique ri kati'-kamam+ ojertan» xcha'.\n56Y ri María laj oxib ic' xcanaj can chirocho ri Elizabet. C'a tec'uchiri', xtzelej lo chirocho.\nRi ralaxibal ri Juan Aj Ya'l Bautismo\n57Ec'uchiri' xopon ruk'ij ri Elizabet re cutzir uwach, xalax ri ralab. 58Y echiri' ri ejekel lo chunakaj rire y tak ri c'o chux che xquito xutzir uwach ruma runimal rutzil uc'u'x ri Dios c'utum lo che, lic xequi'cot junam ruc'.\n59Echiri' rac'a xuq'uis wajxakib k'ij ralaxic, xec'un lo ri quecojow ri retalil re circuncisión cha' caqui'an wa' che. Yey rubi' xcaj caquicojo e Zacarías, jela' pacha' rubi' rukaw.\n60No'j ruchu xubi'ij chique:\n—Na cacoj ta Zacarías che, ma Juan rubi' cacojic —xcha'.\n61Xquibi'ij c'u che:\n—¿Su'be ri'? Ma na jinta junok chiquixo'l ri atz-chak' la jela' rubi' —xecha'.\n62Ec'uchiri', ruc' ri quik'ab xquitz'onoj pan che rukaw rac'a sa' ri bi'aj caraj rire cacoj che. 63Ec'u rukaw rac'a xutz'onoj juperaj tz'alam re tz'ibanic y jewa' xutz'ibaj chwach: «Juan rubi' cacojic.» Y conoje lic xcam canima' che.\n64C'a ec'uchiri', ri Zacarías xjakataj ruch'awibal y jela' utz xch'aw tanchic. Y xujek c'u ri' cuyac uk'ij ri Dios.\n65Y conoje ri ticawex catajin wa' pa quijolom ruc' xi'in ib, y xe'ec c'u utzijoxic wa' chique conoje ri e c'o pa tak ri juyub re Judea. 66Yey janipa c'u ri xetaw re rutzijoxic, xquic'ol wa' pa canima' y caquich'ob c'u rakan: «¿Sa' nawi ruwach wa ralco ala echiri' canimaric?» quecha'. Jewa' xquibi'ij ma lic k'alaj ri Dios uk'alajisam ruchuk'ab puwi'.\n67Ec'uchiri', ri Zacarías rukaw ri ralco ala xujek cak'alajisanic ma ri Santowilaj Ruxlabixel ri Dios xkaj lo puwi'; jec'uwa' xubi'ij:\n68«Lic nim uk'ij ri Dios Kajawxel re Israel\nma xc'un kuc' re cojo'lucolobej ri oj utinamit.\n69Xutak lo jun Kacolobenel lic c'o uchuk'ab\nyey Rire elinak lo chiquixo'l ri ralc'o'al can ri David, ri raj chac ri Dios.\n70Ma ojertan e ubi'im lo wa' cuma ri k'alajisanelab e jusuc' chwach.\n71Ubi'im cojo'lucolobej paquik'ab ri tzel quebilow ke\ny paquik'ab ri quech'amin ke'oj\n72cha' cuc'ut ri rutzil uc'u'x chique ri kati'-kamam\ny na cumesc'utaj ta ri santowilaj utzij u'anom lo ojertan\n73puwi ri bi'tisinic xu'an che ri kakaw Abraham.\n74Ubi'tisim cojo'lresaj paquik'ab ri tzel quebilow ke\ncha' jela' na ruc' ta xi'in ib cakalok'nimaj\n75ronoje k'ij che ri kac'aslem\nruc' jun santowilaj kabinic kasilabic y jusuc' kac'oji'ic chwach Rire.\n76Ec'u ri'at nuc'ajol, cabi'x chawe\nat k'alajisanel re ri Jun catakan chwi ronoje;\nma catnabej bi chwach ri Kanimajawal\nre cabi'ij chique ri winak caquiyijba'\nri quibinic quisilabic chwa ruc'unibal Rire.\n77Y catnabej bi chwach cha' ri katinamit\ncaqueta'maj ri Dios quebucolobej ma cucuy ri quimac.\n78Ec'u ri ka Dios, ruma ri unimal rutzil uc'u'x,\ncutak lo ri Jun kuc' re chila' chicaj, wa' e pacha' ri K'ijsak re rusakribal\n79cha' quebuya pa k'ijsak ri e c'o pa k'eku'm y e c'o chuxe' ri camic,\nyey cuc'am kawach chupa ri be re ri utzil chomal» xcha'.\n80Y ruc'ajol ri Zacarías catajin unimaric y catajin uc'oji'ic uchuk'ab chwach ri Dios. Xjeki' c'u pa tak luwar catz'intz'otic, xopon na ruk'ijol echiri' xuc'ut uwach chiquiwach ri tinamit Israel.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Luke\/1","date":"2019-01-23T17:46:12Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547584336901.97\/warc\/CC-MAIN-20190123172047-20190123194047-00516.warc.gz","language":"acr","language_score":1.0000081062,"language_script":"Latn","minhash_cluster_size":1,"top_langs":"{\"acr_Latn_score\": 1.0000081062316895}","num_words":1809,"character_repetition_ratio":0.057,"word_repetition_ratio":0.0,"special_characters_ratio":0.261,"stopwords_ratio":0.308,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Mateo 12\nRi Jesús e rajaw ri k'ij re uxlanibal\n(Mr. 2:23-28; Lc. 6:1-5)\n1Chupa tak c'u ri' la' la k'ij pa jun k'ij re uxlanibal, ri Jesús cuc' rutijo'n e ri' quebic'ow pa tak tico'n re trigo. Ec'u rutijo'n, ruma lic quenumic, xquijek caquich'upila' bi ri trigo; tec'uchiri', caquikil ruc' ri quik'ab y caquitijo.\n2Echiri' ri fariseos xquil wa', xquibi'ij che ri Jesús:\n—Chilape la, ri e tijo'n la caqui'an ri na takal taj ca'ani' chupa ri k'ij re uxlanibal —xecha'.\n3Ec'u ri Jesús xuc'ul uwach:\n—¿Na ajilam ta neba alak ri xu'an ri David julaj echiri' rire cuc' ri rachbi'il xenumic? 4Xoc c'u chupa ri Rocho Dios y junam cuc' ri rachbi'il xquitij ri pam ya'tal chi puk'ab ri Dios;+ tob na takal ta chique rique caquitijo, ma wa' xew takal chique raj chacunel pa Rocho Dios.\n5»¿Na iwajilam ta neba ri tz'ibital can ruma ri Moisés chupa ri Tzij Pixab? Ma cubi'ij e raj chacunel pa Rocho Dios na quebuxlan ta chupa ri k'ij re uxlanibal; na ruc' ta c'u ri', wa' na mac ta chique.+\n6»Cambi'ij c'u ri'in chiwe: C'o jun wara más nim uk'ij chwa ri Rocho Dios. 7We ta ri'ix imajom usuc' sa' que'elawi ri cubi'ij ri Dios chupa Ruch'a'tem:\nRi lic cuaj Ri'in chiwe e ri c'utubal re ri c'axna'bal c'u'xaj,\nna e ta ri cacamisax awaj re kasa'n chinuwach Os. 6:6\ncacha'; we ta c'u lic quimaj usuc' wa', ri' na quik'at ta tzij paquiwi ri na jinta mac qui'anom. 8Ma Ralaxel Chiquixo'l Ticawex e rajaw ri k'ij re uxlanibal —xcha'.\nRi Jesús cucunaj jun achi chakijinak uk'ab\n(Mr. 3:1-6; Lc. 6:6-11)\n9Echiri' xel ri Jesús chiri', xoc chupa ri sinagoga re ri tinamit. 10C'o c'u jun achi chiri' chakijinak jun uk'ab. Yey e tak ri lic caquitzucuj su'anic caquitz'ak uchi' ri Jesús, xquitz'onoj che:\n—¿Ube nawi cacunax juna yewa' chupa ri k'ij re uxlanibal? —xecha'.\n11Ri Jesús xuc'ul uwach:\n—¿C'o nawi junok che alak we pa ri k'ij re uxlanibal tzakinak juna ubexex pa siwan, na que'resaj tulok? 12¿China c'u ri más c'o uwach, e rachi o e ri bexex? Ruma c'u ri', takalic ca'an ri utz chupa ri k'ij re uxlanibal —xcha'.\n13Ec'uchiri', xubi'ij ri Jesús che rachi chakijinak uk'ab:\n—Chasuc'upij rak'ab —xcha'.\nEc'u rachi xuyuk ruk'ab y wa' xutziric, ruk'ab xu'an tanchi jela' pacha' ri jun chic.\n14Xebel c'u bi ri fariseos y xquich'a'tibej chiquiwach su'anic caquisach uwach ri Jesús.\nRi Jesús e Ucha'o'n lo ri Dios\n15Ri Jesús reta'am sa' ri cacaj caqui'an che; ruma c'u la', xel bi chiri' y lic e q'ui ri winak xeterej bi chirij. Ec'u Rire xebucunaj conoje ri yewa'ib 16yey lic xebupixabaj cha' na caquik'alajisaj taj china Rire. 17Xu'an tak wa' cha' e xu'ana rubi'im ri Dios ruma ri k'alajisanel Isaías:\n18E waj chac wa', ri Jun nucha'om lok.\nRi'in lic c'ax canna'o y lic quinqui'cot ruc'.\nCanya c'u ri Wuxlabixel puwi Rire\ncha' cutzijoj ri lic usuc' can'an Ri'in+\nchiquiwach conoje tak ri tinamit che ruwachulew.\n19Na ruc' ta yaj, na ruc' ta sic' cu'an wa';\nNa jinta c'u junok ri' cataw re cayajanic o casiq'uin pa tak be.\n20Yey Rire na cusach tane uwach ri xa ch'itil chic.\nE pacha' junok na que'ec ta che uk'epic juna su' cotoquic y na cuyubij tane juna mecha xa cabutzutz chic;\nma cuc'ut ri rutzil uc'u'x\nchique tak ri paxinak quic'u'x\ny ri na jinta chi quichuk'ab.\nJec'uri'la' cu'ano copon na ri k'ij\nechiri' na jinta chi junok cach'ijow uchuk'ab ri lic usuc' can'an Ri'in.\n21Conoje tak c'u ri' ri tinamit che ruwachulew\nlic caquicuba' pan quic'u'x ruc' Rire Is. 42:1-4\nxcha'.\nCabi'x che ri Jesús e uchuk'ab ritzel ri c'o ruc'\n(Mr. 3:20-30; Lc. 11:14-23)\n22Ec'uchiri', xquic'am bi chwach ri Jesús jun achi potz' y me't yey c'o puk'ab jun itzel uxlabixel. Ec'u ri Jesús xucunaj y jec'ula' wa'chi xtzu'nic y xujek cach'a'tic. 23Conoje c'u ri winak lic xcam canima' che y xquibi'ij: «¿C'axtaj e rire ri Ralc'o'al can ri rey David?» xecha'.\n24Ec'u ri fariseos echiri' xquita wa', xquibi'ij: «Wa' wa jun achi queberesaj bi ri itzel uxlabixel ruma ruchuk'ab ri Beelzebú, ri cajawal ri itzel uxlabixel» xecha'.\n25Ri Jesús reta'am sa' ri caquich'obo; ruma c'u ri', xubi'ij chique:\n«We ri takanelab re juna tinamit quijachom quipa ruma quech'o'jin chiquiwach, ri' na canajtir ta ri quitakanic. Yey we ri ejekelel pa juna tinamit o pa juna ja quijachom quipa ruma quech'o'jin chiquiwach, ri' na quetiqui' ta chi utz. 26Jec'ula', we ta ri Satanás caresaj bi ri Satanás chique ri winak, ri' e pacha' cach'o'jin chiribil rib y utuquel cujach upa rutakanic. ¿Sa' c'u u'anic ri' canajtir rutakanic?\n27»Ralak cabi'ij alak ri'in quebenuwesaj bi tak ri itzel uxlabixel ruc' ruchuk'ab ri Beelzebú. We ta e ri', ¿china c'u caya'w quichuk'ab ri' ri e tijo'n alak cha' quequesaj bi tak ri itzel uxlabixel? ¿Ruc' nawi ruchuk'ab ritzel winak caqui'ano? Tz'onoj c'u alak ri' chique ri e tijo'n alak we e u'anom ri'. 28Pero we ri'in quebenuwesaj bi tak ri itzel uxlabixel ruc' ruchuk'ab ri Ruxlabixel ri Dios, wa' e c'utubal re c'uninak chi rutakanic ri Dios chixo'libal alak.\n29»Tape alak: ¿Su'anic coc juna elek'om pa rocho junok lic c'o uchuk'ab yey carelek'aj c'u lo rubitak re pa ja, we na cuyut ta nabe ri rajaw ja? Ma we relek'om uyutum chi ri rajaw ja, c'a ec'uchiri' utz carelek'aj bi ronoje la c'o pa ri ja.\n30»China c'u ri na u'anom ta re wuc' ri'in, ri' aj ch'a'oj chwij. Yey china ri na cato'b ta wuc' ri'in che quic'amic lo jujun chic, ri' e cuwulij wa chac can'ano.\n31»E uwari'che cambi'ij che alak: C'o puk'ab ri Dios cucuy ronoje tak ri mac que ri ticawex ruc' ronoje tak ri na utz taj caquibi'ij, no'j na cucuy ta umac ri cach'a't chirij ri Ruxlabixel ri Dios. 32China ri tzel cach'a't chirij Ralaxel Chiquixo'l Ticawex, ri' cacuytaj umac we cutzelej utzij. No'j ri tzel cach'a't chirij ri Santowilaj Ruxlabixel ri Dios, ri' na cacuytaj ta c'ana umac che wa' wa k'ij oj c'o wi y na cacuytaj tane c'ana umac tob ne che ruk'ijol ri c'aslemal catajin lok.\nRi che' eta'matal uwach ruma ri jik'obal cuya'o\n33»E juna chomilaj che', lic chom rujik'obalil cuya'o; yey ri che' na chom taj, na chom ta rujik'obalil cuya'o. Ma ri che' queta'max uwach ruma rujik'obalil. 34¡Ralak pacha' alak jupuk chi cumatz! ¿Su'anic c'u ri' cach'a'tibej alak ri utz we itzel c'u'x alak? Ma ruc' ruch'a'tem ri ticawex cak'alajin ronoje ri uc'olom chupa ri ranima'. 35Jec'ula' e junok utz uc'u'x, echiri' cach'a'tic, e caresaj lo ri chom uc'olom chupa ri ranima'. Yey e junok itzel uc'u'x, echiri' cach'a'tic, e caresaj lo ri na chom taj uc'olom chupa ri ranima'.\n36»Ri'in cambi'ij c'u che alak: Chupa ri k'ij re ri k'atbal tzij, chiquijujunal ri ticawex cata' quichi' ruma ronoje ri ch'ulilaj ch'a'tem quel lo chwa que'. 37Ma chijujunal alak, we utz ri ch'a'tem alak, ri' cak'alajinic alak jusuc'; no'j we na chom ta ri ch'a'tem alak, ri' cak'at tzij pawi' alak» xcha'.\nRi winak caquitz'onoj che ri Jesús c'utubal re ruchuk'ab\n(Lc. 11:29-32)\n38Ec'uchiri', jujun chique ri fariseos y raj c'utunel re ri tzijpixab, xquibi'ij che ri Jesús:\n—Lal tijonel, ri'oj cakaj cakilo ca'an la juna c'utubal re ri chuk'ab la chikawach —xecha'.\n39Ri Jesús xuc'ul uwach:\n—Ri caquitz'onoj c'utubal re ruchuk'ab ri Dios e ri winak re wak'ij ora, ri itzel quic'u'x y na jusuc' ta ri canima' chwach ri Dios. No'j na caya'taj ta c'u wa' chique, ma xew caya'taj ri c'utubal x'ani' ojertan ruc' ri k'alajisanel Jonás. 40Ma jela' pacha' ri Jonás xc'oji' oxib k'ij y oxib ak'ab chupa ri nimalaj car,+ jec'ula' Ralaxel Chiquixo'l Ticawex oxib k'ij y oxib ak'ab camuki' pulew.\n41»Ri winak aj Nínive re ojertan queyactaj chupa ri k'ij re k'atbal tzij y caquicoj quimac ri ticawex re wak'ij ora. Ma rique xquitzelej quitzij chwach ri Dios ruma ri tzijonic xu'an ri Jonás chiquiwach.+ No'j ri ticawex re wak'ij ora, c'o jun chiquixo'l más c'o uwach chwa ri Jonás, yey na queboc tane il che.\n42»Jec'ula' echiri' copon ri k'ij re ri k'atbal tzij,+ cayactaj lo ri reina re pa sur+ y cucoj quimac ri ticawex re wak'ij ora. Ma rojertan lic naj petinak wi rire cha' colu'xiquinaj runa'oj ri rey Salomón. No'j ri ticawex re wak'ij ora, c'o jun chiquixo'l más c'o uwach chwa ri Salomón, yey na queboc tane il che.\nRi cuc'ulumaj junok echiri' juna itzelilaj uxlabixel catzelej tanchi ruc'\n(Lc. 11:24-26)\n43»Echiri' juna itzelilaj uxlabixel quel bi che juna ticawex, ri cu'ano e casutin pa tak luwar catz'intz'otic, cutzucuj pa cajeki' wi. Yey we na curik taj, 44cubi'ij c'u chiribil rib: \"Quintzelej pe chupa ri wocho pa xinel lo wi\" cacha'. Ec'uchiri' coponic, cu'rika rachi pacha' juna ja c'a jinta rajaw, mesom upa y yijbital chi utz. 45Que'ec c'ut, quebu'c'ama chi lo wukub rach itzelilaj uxlabixel más itzel quiwachlibal chwa rire; y conoje c'u ri' queboquic y quejeki' chiri'. Jec'uri'la', rubinic rachi más cayojtaj chwa ri petinak lok. Ec'u caquic'ulumaj wa' ri winak itzel quic'u'x wak'ij ora —xcha ri Jesús.\nRuchu y tak ruchak' ri Jesús\n(Mr. 3:31-35; Lc. 8:19-21)\n46Ec'u ruchu y tak ruchak' ri Jesús xec'un lok echiri' Rire c'a cach'a't ne cuc' ri winak. Xec'oji' c'u lo pa be yey lic cacaj quech'a't ruc'.\n47C'o c'u jun xubi'ij pan che ri Jesús:\n—Ri chu la y tak ri chak' la e c'o pa be yey lic cacaj quech'a't uc' la —xcha'.\n48Ec'u ri Jesús xubi'ij che ri xbi'n pan che:\n—Chawach ri'at, ¿china c'u ri nuchu y china tak ri nuchak'? —xcha'.\n49Ec'uchiri', ruc' ruk'ab xebuc'ut rutijo'n y xubi'ij:\n—Wa e c'o wara e nuchu y e tak nuchak' ri'. 50Ma china ri cu'an janipa ri caraj ri Nukaw c'o chila' chicaj, wa' e nuchak', e wanab y e nuchu ri' —xcha'.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Matt\/12","date":"2019-01-17T15:55:16Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583658988.30\/warc\/CC-MAIN-20190117143601-20190117165548-00029.warc.gz","language":"acr","language_score":1.0000075102,"language_script":"Latn","minhash_cluster_size":1,"top_langs":"{\"acr_Latn_score\": 1.0000075101852417}","num_words":1612,"character_repetition_ratio":0.054,"word_repetition_ratio":0.007,"special_characters_ratio":0.28,"stopwords_ratio":0.311,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Juan 16\n1»Ximbi'ij c'u ronoje wa' chiwe cha' na casach ta ri cubulibal ic'u'x wuc'. 2Ma copon ruk'ijol echiri' quixesax ne bi ri'ix chupa tak ri sinagogas. Y china ri cacamisan iwe'ix, e chwa rire uchac ri Dios ri cu'ano. 3E caqui'an wa' ma na queta'am ta c'ana uwach ri Nukaw y na queta'am tane nuwach ri'in. 4Cambi'ij wa' chiwe, ma we xopon ruk'ijol wa', c'una chic'u'x nubi'im chi lo wa' chiwe.\nRi chac cu'an ri Ruxlabixel ri Dios\n»Na ximbi'ij ta lo wa' chiwe chwi ri jekebal lok, ma c'a in c'o iwuc'. 5No'j wo'ora quin'ec cha' quine'c'ola ruc' ri takayom lo we ri'in, yey na jinta chi ne junok chiwe cutz'onoj chwe pa quin'ec wi. 6Yey ruma ne nubi'im wa' chiwe, lic xoc bis chic'u'x. 7Pero katzij wa cambi'ij chiwe: Lic utz chiwe ri'ix we quin'ec. Ma we na quin'ec taj, na cac'un ta iwuc' ri To'bel re cubochi'ij ic'u'x.+ No'j we xin'ec, cantak lo chiwe.\n8»Echiri' cac'un ri Ruxlabixel ri Dios, cuya na chi reta'maxic chique ri winak re ruwachulew china ri c'o umac, china ri lic jusuc' chwach ri Dios y china puwi' c'o wi ri k'atbal tzij re ri Dios. 9Cuk'alajisaj c'ut china ri c'o umac: Wa' e ri na cacubi' ta uc'u'x wuc' ri'in. 10Cuk'alajisaj china ri lic jusuc', ma ri'in quin'ec ruc' ri Nukaw yey ri'ix na quiwil ta chi nuwach.+ 11Yey cuk'alajisaj, ri Dios uk'atom chi tzij puwi ritzel winak catakan che ruwachulew.\n12»Lic c'o cuaj cambi'ij chiwe, pero na cambi'ij tana, ma wo'ora na quimaj ta usuc'. 13No'j echiri' cac'un ri Uxlabixel re ri K'ijsak, ri' cuc'ut chiwach ri'ix ronoje ri lic katzij. Rire na xa ta pa re cach'a'tic, ma janipa ri cubi'ij e ubi'im ri Dios che y jela' cuya chi reta'maxic chiwe tak ri catajin lok. 14Ma e cuk'alajisaj janipa ri cuaj cambi'ij ri'in chiwe, y jela' cunimarisaj nuk'ij. 15Ronoje ri c'o ruc' ri Nukaw, c'o wuc' ri'in; e uwari'che ximbi'ij ri Ruxlabixel e cuk'alajisaj janipa ri cuaj cambi'ij ri'in chiwe.\nCopon ri k'ij echiri' ri bis cu'ana qui'cotemal\n16»Na naj ta chi c'u ri' quiwil nuwach, ma ri'in quin'ec chila' pa c'o wi ri Nukaw; pero chikawach apanok qui'wila tanchi nuwach —xcha'.\n17Ec'uchiri', jujun chique rutijo'n jewa' xquitz'onoj chiquiwach: «¿Sa' que'elawi wa'? Ma cubi'ij: \"Na naj ta chi c'u ri' quiwil nuwach, ma ri'in quin'ec chila' pa c'o wi ri Nukaw;+ pero chikawach apanok qui'wila tanchi nuwach.\" 18¿Sa' que'elawi: \"Na naj ta chi c'u ri'\"? Na cakamaj ta usuc' sa' puwi cach'a't wi» xecha'.\n19Ri Jesús xuna'bej cacaj caqui'an tz'onobal che. Ruma c'u ri' xubi'ij chique:\n—Ri'in ximbi'ij chiwe: \"Na naj ta chi c'u ri' quiwil nuwach, pero chikawach apanok qui'wila tanchi nuwach.\" ¿E quitz'onoj sa' que'elawi wa'? 20Pakatzij wi cambi'ij chiwe: Ri'ix quixok' na y quixbison na, tob ri winak re ruwachulew quequi'cotic. Tob ri'ix quixbison wo'ora, wa bis cu'ana qui'cotemal.\n21»Echiri' cutzir uwach juna ixok, lic cac'oji' pa c'axc'olil ma xopon ruk'ij. No'j echiri' alaxinak chi rac'a, na cac'un ta chi ne chuc'u'x ri c'axc'olil ruma ruqui'cotemal, ma xalax jun ac'a che ruwachulew. 22Jec'uri'la' ri'ix capax ic'u'x wo'ora; no'j echiri' quiwil tanchi nuwach, canoj c'u ri iwanima' che qui'cotemal yey wa' wa qui'cotemal na jinta junok quesan re chiwe. 23Chupa c'u ri' la' la k'ij na cajawax ta chic qui'an tz'onobal chwi ri nubi'im.\n»Pakatzij wi cambi'ij chiwe: Ronoje ri quitz'onoj che ri Nukaw pa ri nubi', Rire cuya chiwe. 24C'a chwi wo'ora ri'ix na jinta c'o itz'onom pa ri nubi' ri'in. Chitz'onoj y quic'ulu, cha' jela' canoj ri iwanima' che qui'cotemal.\nRi Jesús uch'ijom uchuk'ab tak ri na utz taj re ruwachulew\n25»Nubi'im wa' chiwe ruc' c'ambal na'oj; no'j copon c'u ri k'ij echiri' na cajawax ta chic quinch'a't iwuc' ruc' c'ambal na'oj, ma ri' lic k'alaj chiwach ri'ix janipa ri cambi'ij chiwe chwi ri Nukaw. 26Chupa c'u la' la k'ij, utz quitz'onoj che ri Nukaw chupa ri nubi' janipa ri cajawax chiwe. Yey na cajawax ta c'u ri' quinelaj chwach ri Nukaw piwi', 27ma ri Nukaw lic c'ax quixuna'o ruma c'ax inina'om ri'in yey lic icojom, ri'in ruc' ri Dios in petinak wi. 28Ri'in in petinak ruc' ri Nukaw y xinc'un che ruwachulew; yey wo'ora e wa' canya can ruwachulew y quintzelej ruc' ri Nukaw —xcha'.\n29Ec'u rutijo'n xquibi'ij che:\n—Wo'ora lic k'alaj ri cabi'ij la chike, ma na cach'a't ta chi la ruc' c'ambal na'oj. 30Yey wo'ora cakamaj usuc' rilal lic eta'am la ronoje. Uwari'che na cajawax taj c'o junok cu'an tz'onobal che'la, ma eta'am chi la sa' ri cakaj cakatz'onoj echiri' c'amaja' ne caka'an ri tz'onobal. Ruma c'u la', kacojom rilal ruc' ri Dios petinak wi la —xecha'.\n31Ri Jesús xuc'ul uwach:\n—¿C'a e wo'ora quicoj wa'? 32Cac'un c'u ruk'ijol y wa' ya xujeko echiri' ri'ix quixquicher bi. Chijujunal c'ut quimaj bi ibe y quiniya can nutuquel. Pero ri'in na quincanaj ta can nutuquel, ma ri Nukaw c'o wuc'.\n33»Ximbi'ij ronoje wa' chiwe cha' wuma ri'in quirik utzil chomal. Che ruwachulew ri'ix lic quitij c'ax. Pero chinimarisaj c'u ic'u'x, ma ri'in nuch'ijom uchuk'ab tak ri na utz taj re ruwachulew+ —xcha'.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/John\/16","date":"2019-01-23T22:03:57Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547584415432.83\/warc\/CC-MAIN-20190123213748-20190123235748-00074.warc.gz","language":"acr","language_score":1.000009656,"language_script":"Latn","minhash_cluster_size":1,"top_langs":"{\"acr_Latn_score\": 1.0000096559524536}","num_words":839,"character_repetition_ratio":0.061,"word_repetition_ratio":0.034,"special_characters_ratio":0.28,"stopwords_ratio":0.297,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Juan 3\nRi Jesús cach'a't ruc' ri Nicodemo\n1C'o jun achi Nicodemo rubi'; rire e cuq'uil ri fariseos yey e jun aj wach que raj judi'ab. 2Rire xe'bina ruc' ri Jesús chak'ab y xubi'ij che:\n—Lal tijonel, lic k'alaj lal takom lo la ruma ri Dios re co'lc'utun la chikawach, ma na jinta junok ca'anaw janipa wa c'utubal ca'an la, we na jinta ri Dios ruc' —xcha'.\n3Ec'u ri Jesús xubi'ij che:\n—Pakatzij wi cambi'ij che'la: E junok we na calax ta tanchic, ri' na caya'taj ta che coc chupa rutakanic ri Dios —xcha'.\n4Ri Nicodemo xutz'onoj che:\n—¿Su'anic c'u ri' calax junok e la' nim chic? ¿Utz neba la' camatzex tanchi ruma ruchu cha' calax tanchic? —xcha'.\n5Ri Jesús xuc'ul uwach:\n—Pakatzij wi cambi'ij che'la: China ri na calax ta ruc' ya' y ruc' ri Ruxlabixel ri Dios, ri' na takal ta che coc chupa rutakanic ri Dios. 6E junok calax cuma ruchu-ukaw, ri' lic rewi e jun ticawex; no'j ri calax ruma ri Ruxlabixel ri Dios, ri' c'o uc'aslemal chwach ri Dios. 7Macam c'u anima' la che wa ximbi'ij che'la: \"Lic chirajawaxic chique conoje ri ticawex quebalax na tanchic.\" 8E pacha' ri tew xa tob pa cawelel wi, xew cata la cajuxuxic, pero na eta'am ta la pa cape wi y pa cumaj wubi. Jec'ula' ri quebalax ruma ri Ruxlabixel ri Dios na quilitaj taj su'anic ri Dios cuya ri c'ac' quic'aslemal —xcha'.\n9Ec'u ri Nicodemo xutz'onoj tanchic:\n—¿Su'anic cu'ana wa'? —xcha'.\n10Ri Jesús xuc'ul uwach:\n—Lal tijonel chiquiwach raj Israel, ¿yey na eta'am tane la wa'? 11Pakatzij wi cambi'ij wa' che'la: Ri'oj e cakatzijoj janipa ri keta'am y ri kilom; na ruc' ta c'u ri', ralak na cacoj ta alak sa' ri cantzijoj che alak. 12We na cacoj ta alak echiri' quintzijon puwi tak ri xa re ruwachulew, ¿sa' c'u u'anic ri' cacoj alak echiri' quintzijon chiwach alak puwi tak ri re ri Dios c'o chila' chicaj? 13Na jinta junok benak chila' chicaj, xew ri jun petinak chila', wa' e Ralaxel Chiquixo'l Ticawex. 14Ma jela' pacha' xu'an ri Moisés echiri' xuyac jun cumatz chutza'm jun che' pa ri luwar catz'intz'otic;+ jec'ula' lic chirajawaxic wi Ralaxel Chiquixo'l Ticawex cayaqui' chwa jun che'+ 15cha' china ri cacubi' uc'u'x ruc' Rire, na casach ta uwach, ma c'o uc'aslemal na jinta utakexic.\nRi rutzil uc'u'x ri Dios chique ri ticawex\n16»Ri Dios lic c'ax xebuna' ri e c'o che ruwachulew; y ruma c'u wa', xutak lo Ruc'ajol, ri lic xew Uc'ajol ri', cha' china ri cacubi' uc'u'x ruc' Rire na casach ta uwach, ma c'o uc'aslemal na jinta utakexic. 17Ma ri Dios na xutak ta lo Ruc'ajol che ruwachulew re colu'k'ata tzij paquiwi ri ticawex; ri xutak wulok e cha' quebolu'colobej. 18China c'u ri cacubi' uc'u'x ruc' Ruc'ajol ri Dios, ri' na jinta ri k'atbal tzij re ri Dios puwi'; no'j china ri na cacubi' ta uc'u'x ruc', ri' c'o chi ri k'atbal tzij re ri Dios puwi' ruma na xucoj ta rubi' Ruc'ajol ri Dios, ri lic xew Uc'ajol ri'. 19Yey ri k'atbal tzij cu'an ri Dios e ruma wa': Ri K'ijsak re ri Dios xc'un che ruwachulew, pero tak ri ticawex e más xuc'ul quic'u'x ri k'eku'malil re ri mac chwa ri K'ijsak; ma ri quetajin che u'anic, lic na chom taj. 20Conoje ri caqui'an ri na utz taj, tzel caquil ri K'ijsak y na quekib ta ruc' cha' na cak'alajin ta ri na utz taj quetajin che u'anic. 21No'j conoje ri caquitijoj quib che jun sakil binic silabic, ri' quekib chwach ri K'ijsak cha' cak'alajinic, ri quetajin che u'anic e ri caraj ri Dios chique —xcha'.\nRi Juan Aj Ya'l Bautismo cuyac uk'ij ri Jesús\n22Tec'uchiri', ri Jesús junam cuc' rutijo'n xebec Judea; uq'uiyal k'ij xc'oji' chiri' cuc' y cuya ri bautismo chique ri ticawex. 23Ec'u ri Juan catajin che uya'ic ri bautismo pa ri tinamit Enón chunakaj Salim, ma chila' lic c'o ya'. Quebopon c'u ri ticawex ruc' cha' caquic'ul ri bautismo. 24Ri Juan xu'an wa' echiri' c'amaja' caya'i' pa cárcel.\n25Ec'uchiri', jujun chique rutijo'n ri Juan cuc' jujun e aj judi'ab xquijek quech'a't chwi tak ri takanic chwi ri quijosk'iquil chwach ri Dios. 26Xebec c'ut xe'quibi'ij che ri Juan:\n—Lal tijonel, tape la, e ri jun xopon uc' la ch'aka ya' che ri nimaya' Jordán, ri xk'alajisan la puwi', wo'ora catajin che uya'ic ri bautismo y conoje ri ticawex eteran chirij —xecha'.\n27Ec'u ri Juan xubi'ij chique:\n«Na jinta c'o cuc'ul junok we na e ta ri Dios chila' chicaj caya'w re che. 28Ri'ix xinito echiri' ximbi'ij chiwe: Ri'in na in ta Rucha'o'n lo ri Dios, xa in jun k'alajisanel intakom lo nabe chwach Rire.\n29»E pacha' pa juna c'ulaniquil. Ri lic c'o uwach na e ta ri ramigo rala, e rala cac'uli'ic ma e uc'a'yom re rali. Yey ri ramigo c'o putzal rala, e lic caqui'cot che utayic ri cubi'ij rala. Jec'ula' ri'in wo'ora lic quinqui'cotic ma ya xc'un ri Cristo. 30Lic c'u chirajawaxic más canimarisax uk'ij rire, chwa ri canimarisax nuk'ij ri'in.\nRi Jun cape chila' chicaj\n31»Ri jun cape chila' chicaj, e más nim uwach uk'ij chiquiwa conoje. Ec'u junok na re ta chila' chicaj, e re ruwachulew y e cach'a't puwi tak ri re ruwachulew. No'j ri jun cape chila' chicaj, e más lic nim uwach uk'ij chiquiwa conoje. 32Yey rire e cuk'alajisaj sa' ri rilom y sa' rutom che ri Dios; na ruc' ta c'u ri', tak ri winak na caquicoj taj. 33Yey we c'o junok cacojow ri cuk'alajisaj rire, ri' cujiquiba' uwach lic katzij ri cubi'ij ri Dios. 34Ma ri jun takom lo ruma ri Dios, e cutzijoj ri cubi'ij ri Dios. Ma ri Dios na xuxu'yaj ta ri Ruxlabixel uya'om che; e uwari'che, xaki c'o ri Ruxlabixel ruc'. 35Ri Dios lic c'ax cuna' Ruc'ajol yey uya'om puk'ab rire ronoje ri c'olic. 36China c'u ri cacubi' uc'u'x ruc' Ruc'ajol ri Dios, c'o uc'aslemal na jinta utakexic; no'j china ri na caraj taj cacubi' uc'u'x ruc' Ruc'ajol ri Dios, ri' na jinta uc'aslemal ruc' ri Dios yey k'atom chi tzij puwi' ruma ri Dios» xcha'.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/John\/3","date":"2019-01-19T14:27:24Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583668324.55\/warc\/CC-MAIN-20190119135934-20190119161934-00366.warc.gz","language":"acr","language_score":1.0000072718,"language_script":"Latn","minhash_cluster_size":2,"top_langs":"{\"acr_Latn_score\": 1.0000072717666626}","num_words":1003,"character_repetition_ratio":0.062,"word_repetition_ratio":0.016,"special_characters_ratio":0.274,"stopwords_ratio":0.362,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Mateo 23\nRi Jesús cuk'alajisaj tak ri quimac ri fariseos y raj c'utunel re ri tzijpixab\n(Mr. 12:38-40; Lc. 11:37-54; 20:45-47)\n1Ec'uchiri', ri Jesús xubi'ij chique ri winak y chique rutijo'n:\n2«Raj c'utunel re ri tzijpixab y ri fariseos ya'tal paquik'ab caquik'alajisaj tak rutzijpixab can ri Moisés. 3Ruma c'u ri', ri'ix chi'ana janipa ri caquibi'ij puwi wa tzijpixab; no'j mi'an c'u iwe'ix ri na utz taj caqui'an rique, ma junwi ri caqui'an rique chwa ri caquic'utu.\n4»Ri quitakanic rique e pacha' nimak tak eka'n lic al y lic c'ayew ruc'axic; quequitak c'u ri winak cha' caquekaj bi yey rique na cacaj tane c'ana queto'b ruc' wa'.\n5»Ronoje tak ri caqui'ano xew e cha' quebilitaj cuma ri winak. Caqui'an che quib pacha' lic e jusuc' chwach ri Dios; ruma c'u la', e ri quifilacterias+ ximital chucurusil ri quipalaj y che ri quik'ab, lic caqui'an nim che; yey tak ri cordón carabab che ri quik'u', caqui'an lic naj rakan che. 6Pa tak ri sinagogas y pa tak wa'im, lic e cuc'ul quic'u'x quetz'uyi' chupa ri tz'ulibal que ri lic c'o quiwach. 7Yey lic cuc'ul quic'u'x caya' rutzil quiwach pa quebilitaj wi y cabi'x chique: \"¡Lal tijonel!\"\n8»Ec'u ri'ix miwoy'ej cabi'x \"¡Lal tijonel!\" chiwe, ma xa jun ri tijonel iwe, wa' e ri Cristo. Yey ruma Rire xixu'an iwatz-ichak' iwib. 9Mibi'ij \"Nukaw\" che junok wara che ruwachulew, ma xa jun Rikaw c'olic, y wa' e Rikaw c'o chila' chicaj. 10Miya luwar cabi'x \"¡Lal Aj C'amal Kawach!\" chiwe, ma xa jun ri Aj C'amal Iwach, wa' e ri Cristo.\n11»Ec'u ri c'o uwach chixo'libal ri'ix e chuya'a rib cu'an nimanel iwe'ix. 12Ma china ri lic cu'an nim che rib, ri Dios cukasaj uwa uk'ij; no'j china ri cu'an ch'uti'n che rib, ri Dios cuyac uk'ij.\n13»¡Lic c'u tok'o' wach ralak alak aj c'utunel re ri tzijpixab y alak fariseos! ¡Xa queb palaj alak! E tz'apim alak ri oquibal re rutakanic ri Dios petinak chila' chicaj cha' na jinta c'o queboc bi; ma na coc tane ubi ralak y na caya tane alak luwar chique jujun chic queboc bi.\n14»¡Lic tok'o' wach ralak alak aj c'utunel re ri tzijpixab y alak fariseos! ¡Xa queb palaj alak! Ma camaj alak ri cocho rixokib e malca'nib. Yey cha' na cak'alajin ta ri na utz taj ca'an alak, e cawererej alak unimal ch'abal echiri' ca'an alak orar. Ruma c'u wa ca'an alak, lic unimal c'axc'olil cac'ul na alak echiri' cak'at tzij pawi' alak ruma ri Dios.\n15»¡Lic tok'o' wach ralak alak aj c'utunel re ri tzijpixab y alak fariseos! ¡Xa queb palaj alak! Ralak cak'axuj alak uwi tak mar y cabinibej alak tak ri luwar che ruwachulew cha' juna ticawex cu'an tijo'n alak. Yey echiri' u'anom chi tijo'n alak, ca'an alak che ri ticawex calaj más itzel uwachlibal chiwach ralak.\n16»Lic tok'o' wach ralak alak pacha' potz' c'amal quiwach jujun chic, ma cabi'ij alak: \"We c'o junok cujiquiba' uwach juna tzij pa rubi' ri Rocho Dios, ri' na chirajawaxic ta che cu'an ri ubi'im; no'j we cujiquiba' uwach juna tzij pa rubi' ri oro re ri Rocho Dios, ri' chirajawaxic che cu'an janipa ri ubi'im\" cacha alak.\n17»¡Na jinta na'oj alak y alak potz'! ¿Pachique ri más c'o uwach? ¿E ri oro o e ri Rocho Dios, ri cu'an santo che ri oro? 18Jenewa' ri cabi'ij ralak: \"We c'o junok cujiquiba' uwach juna tzij pa rubi' raltar, na chirajawaxic ta che cu'an ri ubi'im; no'j we cujiquiba' uwach juna tzij pa rubi' ri kasa'n c'o chwi raltar, ri' chirajawaxic che cu'an janipa ri ubi'im\" cacha alak.\n19»¡Sachinak ri na'oj alak y alak potz'! ¿Pachique ri más c'o uwach? ¿E ri kasa'n o e raltar ri cu'an santo che ri kasa'n? 20Ma china ri cujiquiba' uwach juna tzij pa rubi' raltar, ri' na xew ta cu'an pa rubi' raltar, ma cu'an pa rubi' ronoje ri c'o chwi raltar. 21Jec'ula', china ri cujiquiba' uwach juna tzij pa rubi' ri Rocho Dios, na xew ta cu'an pa rubi' ri Rocho Dios, ma ri' e cu'an tzij pa rubi' ri Dios, ri Jun jekel chiri'. 22Jec'ula', china ri cujiquiba' uwach juna tzij pa rubi' ri caj, ri' cu'an pa rubi' ri tz'ulibal pa catakan wi ri Dios y cu'an pa rubi' ri Jun tz'ul chupa.\n23»¡Lic tok'o' wach ralak alak aj c'utunel re ri tzijpixab y alak fariseos! ¡Xa queb palaj alak! Ma caya alak che ri Dios ri diezmo alak re ri arweno, re ri anix y re ri cominox. No'j na coc ta alak il che ruc'u'xibal ri Tzij Pixab re ri Dios: Wa' e ri ca'an alak ri usuc', ri cac'ut alak ri c'axna'bal c'u'x alak chique jujun chic y ri cacubi' c'u'x alak ruc' ri Dios. Lic chirajawaxic c'u ri' ca'an alak tak wa', junam ruc' ri caya ri diezmo alak.\n24»¡Alak pacha' potz' c'amal quiwach jujun chic! Ma ri ca'an alak e pacha' junok lic cuchajij rib cha' na cubik' tubi tob xa juna ralco us, pero cubik' bi ri nimak tak awaj pacha' ri camello.\n25»¡Lic tok'o' wach ralak alak aj c'utunel re ri tzijpixab y alak fariseos! ¡Xa queb palaj alak! Ma xew cach'aj alak chi utz ri rij ri vaso y ri lak, pero na coc ta alak il che uch'ajic rupa. Jec'uri'la' ralak lic coc alak il che ri josk'inic re ri cuerpo, pero lic c'o ch'ulil pa anima' alak ruma relek' y ri na usuc' taj 'anom alak. 26¡Rilal fariseo, lal potz'! Nabe na ch'aja la rupa ri vaso y ri lak; jec'uri'la' cu'an chom rupa y ri rij.\n27»¡Lic tok'o' wach ralak alak aj c'utunel re ri tzijpixab y alak fariseos! ¡Xa queb palaj alak! Ma ralak alak pacha' mukubal que anima' xew 'anom sak che ri rij; chom catzu'nic, no'j c'u rupa nojinak che quibakil anima' y che uq'uiyal ch'ul. 28Jec'ula' ri 'anom ralak, ma ri binic silabic alak e quilitajic pacha' lic jusuc' chiquiwach ri winak; no'j xa queb palaj alak, ma ri c'u'x alak nojinak che uq'uiyal ch'ulil.\n29»¡Lic tok'o' wach alak aj c'utunel re ri tzijpixab y alak fariseos! ¡Xa queb palaj alak! Ma cayac alak chomilaj mukubal chique ri k'alajisanelab re ojertan y cawik alak ri mukubal que ri ticawex lic jusuc' xebinic. 30Yey cabi'ij c'u alak: \"We ta oj c'o chi ri'oj echiri' xec'asi' ri kati'-kamam ojertan, na caka'an ta ke'oj ri' cuc' ri xecamisan ri k'alajisanelab\" cacha alak. Pero ¡na e ta c'ana u'anom! 31Ruc' c'u ri catajin alak che u'anic, cak'alajinic alak calc'o'al can ri xecamisan que ri k'alajisanelab. 32¡Q'uisa c'u alak u'anic ri' ri na utz taj xquijek lo u'anic ri chu'kaw alak ojertan!+\n33»¡Ralak pacha' alak jupuk chi cumatz! ¿Su'anic quesaj ib alak chuxe' ri k'atbal tzij re ri Dios echiri' cutak bi alak chi xibalba'? 34E uwari'che ri'in quebenutak lo uc' alak k'alajisanelab, waj chac lic c'o quina'oj y aj c'utunel re Rutzij Upixab ri Dios. Pero ralak quecamisaj alak jujun chique rique. E c'o ne ri quecamisaj alak chwa cruz, jujun chic cajich' alak quipa pa tak sinagogas y jujun chic queternabej alak ruc' c'axc'obic pa tak tinamit. 35Ruma c'u ri' cape pawi' alak ronoje ri c'axc'obic takal chique ri xecamisan que rachijab jusuc' xebinic, ujekebem lo chwi rucamic ri Abel+ ri jun ala lic jusuc', c'a chwa rucamic ri Zacarías,+ ruc'ajol ri Berequías, ri xcamisaj alak chuxo'l raltar y ri Rocho Dios. 36Pakatzij wi cambi'ij che alak: Ronoje wa' cape paquiwi ri winak e c'o wak'ij ora» xcha'.\nRi Jesús cok' puwi ri tinamit Jerusalem\n(Lc. 13:34-35)\n37Tec'uchiri', xubi'ij:\n«¡Jerusalem, Jerusalem, ri'ix quebicamisaj ri k'alajisanelab y quebi'an pa'baj janipa ri ebutakom lo ri Dios iwuc'! E ri'in, uq'uiyal laj lic xuaj xinmol quichi' riwalc'o'al ri'ix, jela' pacha' cu'an juna ati' ac' chique tak ruwi'ch echiri' cumol quichi' chuxe' tak ruxic'; pero ri'ix na xiwaj ta q'uenok.\n38»Chitape c'ut: C'o jun k'ij ri iwocho ri'ix cawulix canok. 39Cambi'ij c'u chiwe ri'ix: Chwi c'u wo'ora na quiwil ta chi c'ana nuwach ri'in c'a echiri' copon na ruk'ijol quibi'ij ri'ix:\nLic nim uk'ij ri jun petinak\nchupa rubi' ri Dios Kajawxel Sal. 118:26\nquixcha'.»","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Matt\/23","date":"2019-01-16T09:55:36Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583657151.48\/warc\/CC-MAIN-20190116093643-20190116115643-00061.warc.gz","language":"acr","language_score":1.0000071526,"language_script":"Latn","minhash_cluster_size":3,"top_langs":"{\"acr_Latn_score\": 1.000007152557373}","num_words":1327,"character_repetition_ratio":0.083,"word_repetition_ratio":0.059,"special_characters_ratio":0.275,"stopwords_ratio":0.288,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Hechos 15:22\nRi carta re pixabanic chique ri na e ta aj judi'ab\n22E tak ri e tako'n y ri jujun chic e aj wach re riglesia cuc' conoje ri hermanos, xuc'ul quic'u'x ri quecha' jujun achijab chiquixo'libal re quetak bi pa ri tinamit Antioquía ruc' ri Pablo y ri Bernabé cha' caquic'am bi jun carta re pixabanic chique ri na e ta aj judi'ab quicojom rubi' ri Cristo. Ec'u xequicha' ri Judas ri cabi'x Barsabás che y ri Silas, ma lic chom ilitajinak ri quibinic quisilabic chiquiwach ri hermanos.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Acts\/15\/22","date":"2019-01-18T13:36:14Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583660139.37\/warc\/CC-MAIN-20190118131222-20190118153222-00092.warc.gz","language":"acr","language_score":0.9999870062,"language_script":"Latn","minhash_cluster_size":1,"top_langs":"{\"acr_Latn_score\": 0.999987006187439}","num_words":89,"character_repetition_ratio":0.083,"word_repetition_ratio":0.025,"special_characters_ratio":0.236,"stopwords_ratio":0.404,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Hechos 13\nRi Bernabé y ri Saulo caquijek ri nabe quibenam che utzijoxic ri Utzilaj Tzij\n1Chila' Antioquía chiquixo'libal ri quicojom rubi' ri Cristo, e c'o ek'alajisay runa'oj ri Dios y e c'utunel re Rutzij. Wa' e:\nri Bernabé,\nri Simón ri cabi'x k'ek che,\nri Lucio aj Cirene,\nri Manaén ri xq'uiyisax pa rocho ri Herodes ri rey re Galilea\ny ri Saulo.\n2C'o c'u jun k'ij echiri' rique quimolom quib re caquilok'nimaj uk'ij ri Kanimajawal yey e c'o pa ayuno, ri Santowilaj Ruxlabixel ri Dios xubi'ij chique:\n«Chebicha'a ri Bernabé y ri Saulo chwe cha' caqui'an ri chac+ nuya'om chi lo paquik'ab» xcha'.\n3Echiri' xquiq'uis ri oración y ayuno, xquiya ri quik'ab paquiwi rique y xequitak c'u bi.\nRi Pablo y ri Bernabé quebopon pa ri isla Chipre\n4Ec'u ri Bernabé y ri Saulo e la' etakom bi ruma ri Santowilaj Ruxlabixel ri Dios, xebopon c'u Seleucia. Chiri' xebel bi pa barco y xebec pa ri isla Chipre.+ 5Echiri' xebopon Salamina, jun tinamit re Chipre, xquijek utzijoxic Rutzij ri Dios puwi ri Kanimajawal Jesucristo pa tak sinagogas que raj judi'ab. Yey c'o ri Juan+ cuc' re quito'bel.\n6Xebic'ow c'u chupa ronoje ri isla Chipre y xebopon c'a chupa ri tinamit Pafos. Chiri' xquirik jun achi e cuq'uil raj judi'ab; rire aj k'ij yey e jun k'alajisanel xa casocoso'nic. Wa' wa'chi Barjesús+ rubi', yey pa ri ch'a'tem griego \"Elimas\" quecha che. 7Wa' wa aj k'ij c'o ruc' ri takanel Sergio Paulo, jun achi lic c'o una'oj. Ri takanel xebusiq'uij ri Bernabé y ri Saulo, ma lic curayij cuta Rutzij ri Dios puwi ri Kanimajawal Jesucristo.\n8Pero rachi aj k'ij xutij ri' che quebuk'atej ri Bernabé y ri Saulo cha' ri takanel na cucuba' ta uc'u'x che ri Utzilaj Tzij re ri Jesucristo.\n9Ec'u ri Saulo (ri cabi'x Pablo che) ruc' ruchuk'ab ri Santowilaj Ruxlabixel ri Dios xuch'iquiba' ruwach puwi ri Elimas, 10y jewa' xubi'ij che:\n«¡Rilal lal nojinak che ronoje socoso'nic y che ronoje itz! ¡Lal ralc'o'al ritzel winak, ri jun aj retzelal c'u'x chirij ronoje ri jusuc'! ¿Su'chac na cok'otaj ta la ri cajech'ij la ri jusuc' be re ri Kanimajawal? 11Ec'u wo'ora ruk'ab ri Kanimajawal cayactaj chi'ij la y cu'an potz' che'la; xew c'u ri Dios eta'mayom janipa k'ij na quil ta la ri k'ijsak» xcha'.\nNa jampatana c'ut ronoje xu'an k'eku'm chwach y xujek camalal pa tak utzal y chirij, cutzucuj china cac'amaw bi che ruk'ab.\n12Ec'uchiri' ri takanel xril wa xuc'ulumaj ri Elimas, xucoj rubi' ri Kanimajawal Jesucristo, y lic caminak ranima' che ri c'utunic chwi ri Kanimajawal.\nRi Pablo y ri Bernabé quebopon Antioquía re Pisidia\n13Ri Pablo junam cuc' ri rachbi'il xebel bi Pafos pa barco y xebopon Perge pa ri luwar re Panfilia. Pero ri Juan xresaj can rib chiquij y xtzelej Jerusalem.\n14Ec'u rique xebic'ow Perge y xebopon Antioquía pa ri luwar re Pisidia. Chupa c'u jun k'ij re uxlanibal xeboc pa ri sinagoga y xetz'uyi'ic. 15Ec'uchiri' ajilam chi jujun che Rutzij Upixab ri Dios tz'ibital can ruma ri Moisés y cuma ri k'alajisanelab, raj wach re ri sinagoga xquitak lo ubi'xiquil chique:\n«Alak katz-kachak', we c'o juna ch'a'tem alak re pixabanic che ri tinamit, ch'aw alak» xecha'.\n16Xtaq'ui' c'u ri Pablo y xu'an jun c'utubal ruc' ruk'ab cha' na jinta c'o cach'awic y xubi'ij:\n«Alak achijab aj Israel y onoje alak ri c'o xi'in ib pa anima' alak chwach ri Dios, tape alak. 17Ri Dios re wa tinamit Israel xebucha' ri kati'-kamam ojertan y xu'an jun nimalaj tinamit chique echiri' c'a e c'o Egipto, tob rique na e ta aj chiri'. Ruc' c'u unimal uchuk'ab ri' xeberesaj lo Egipto.\n18»Laj juna cuarenta junab c'u ri' xebucuy ri Dios rutinamit ruc' ri quimacunic pa ri luwar catz'intz'otic. 19Tec'uchiri', xusach quiwach wukub nimak tinamit pa ri luwar re Canaán+ y xuya c'u chique ri kati'-kamam quecanaj can ruc' wa ulew. 20Laj ic'owinak chi cajib ciento junab ruc' nic'aj chwi lo echiri' rutinamit ri Dios xebopon Egipto, c'a ec'uchiri' xecanaj can pa rulew ubi'tisim lo ri Dios chique.\n»Ec'uchiri', ri Dios xebuya e aj k'atal tzij re quetakan paquiwi rutinamit. Jela' u'anom c'a chwa ri k'alajisanel Samuel. 21Chupa c'u rutakanic ri Samuel, ri tinamit xquitz'onoj che ri Dios cuya juna quirey. Ec'u ri Dios xucoj ri Saúl paquiwi'. Ri Saúl e uc'ajol ri Cis, jun achi upetebem chique ri ralc'o'al can ri Benjamín.+ Cuarenta junab c'u xtakan paquiwi'. 22Ec'uchiri' ri Dios xresaj ri rey Saúl paquiwi', e xucoj ri David re catakan puc'axel. Chwi c'u ri David lic chom xch'a't ri Dios, ma jewa' xubi'ij:\nE wilom che ri David ruc'ajol ri Isaí,\nrire jun achi lic caqui'cot nuc'u'x ruc'\nma cuya ranima' cu'ano janipa ri cantak che 1 S. 13:14\nxcha'.\n23»Ec'u chirij rubi'tisim lo chique ri e ralc'o'al can ri David, ri Dios e xuyac ri Jesús re Colobenel que raj Israel. 24Echiri' ri Jesús c'amaja' cujek ri chac takom lo che u'anic chiquiwach ri winak, xtzijon ri Juan puwi ri bautismo re tzelebal tzij chique conoje ri tinamit Israel. 25Ec'uchiri' ri Juan catajin che uq'uisic ruchac, xubi'ij: \"Chiwach ri'ix ¿in china ri'in? Ri'in na in ta ri Colobenel oye'em alak. No'j catajin c'u lo uc'unic Jun chwij, yey ri' na takal tane chwe ri'in canquir ruxajab che ri rakan\" xcha'.\n26»Alak katz-kachak', alak ralc'o'al can ri Abraham y onoje alak ri c'o xi'in ib uc' alak chwach ri Dios, che c'u ralak takom wi lo ri Utzilaj Tzij re colobetajic. 27Yey ri ejekel Jerusalem cuc' ri e aj wach que, na xqueta'maj taj ri Jesús e Ucha'o'n lo ri Dios y na xquimaj tane usuc' ri tz'ibital can cuma ri k'alajisanelab puwi ri Jesús, tob wa' cacajilaj ronoje k'ij re uxlanibal. Yey echiri' rique xquitz'onoj rucamic ri Jesús, e xqui'an c'u ri tz'ibital can puwi Rire. 28Y tob na jinta c'o xquirik chirij ri Jesús re cacamisaxic, xquitz'onoj che ri Pilato cutak ucamisaxic. 29Echiri' xquiq'uis u'anic ruc' ri Jesús janipa ri tz'ibital can puwi Rire, xquikasaj lo chwa ri cruz y xe'quimuku'.\n30»Pero ri Dios xuc'astajisaj lo ri Jesús chiquixo'l ri ecaminak. 31Tec'uchiri', ri Jesús uq'uiyal k'ij xuc'ut uwach chiquiwach ri xerachbilaj chwi echiri' xebel lo Galilea y xebec ruc' c'a Jerusalem.+ E tak c'u ri' wa' ri quetzijow re ri Jesús chiquiwach ri tinamit wo'ora.\n32»Jec'ula' ri'oj cakatzijoj che alak ri Utzilaj Tzij, ri bi'tisim lo chique ri kati'-kamam ojertan. 33Yey wa bi'tisinic ya'om chi chike ri'oj ri oj calc'o'al can rique. Ma ri Dios xu'an wa' echiri' xuc'astajisaj lo ri Jesús chiquixo'l ri ecaminak, jela' pacha' ri tz'ibital chupa ruca'm Salmo:\nRi'at at Nuc'ajol yey Ri'in in Akaw;\nwak'ij c'u ri' cank'alajisaj wa' Sal. 2:7\ncacha'.\n34»Yey ri Dios ubi'im cuc'astajisaj lo ri Jesús chiquixo'l ri ecaminak cha' jela' rucuerpo na cak'ay taj, ma jewa' xubi'ij pa Ruch'a'tem puwi wa':\nCanc'ut na ri c'axna'bal nuc'u'x chiwach,\njela' pacha' ri nubi'tisim lo che ri David. Is. 55:3\n35E uwari'che jewa' cubi'ij pa jun chic Salmo:\nRilal na caya ta la luwar che cak'ay rucuerpo\nri Jun lic uya'om rib pak'ab la Sal. 16:10\nxcha'.\n36»Ma pakatzij wi ri David xu'an ri xraj ri Dios ruc' echiri' c'o che ruwachulew, pero xopon ri k'ij xcamic y xmuk pa emukum wi ruchu-ukaw, y rucuerpo xk'ayic. 37No'j rucuerpo ri Jun ri xuc'astajisaj bi ri Dios, na xk'ay taj.\n38»Cheta'maj c'u alak wa', alak watz-nuchak': Ruma ri xu'an ri Cristo, catzijox che alak su'anic carik alak ri cuybal mac chwach ri Dios. 39Ruma c'u ri Cristo, conoje ri cacubi' quic'u'x ruc' Rire, ca'ani' jusuc' chique. Yey wa' na carikitaj ta c'ana ruma ri catakex ri Tzij Pixab tz'ibital can ruma ri Moisés.\n40»Chajij c'u ib alak cha' na cape ta pawi' alak ri ubi'im lo ri Dios chupa ri tz'ibital can cuma ri k'alajisanelab:\n41Chiwilape', ix aj ch'aminel re ri Nutzij,\nlic cacam na c'u iwanima' che\ny casach ne iwach ruma wa':\nRi'in can'an jun chac chupa tak wa k'ij ix c'o wi,\njun chac na quicoj taj,\ntob ne c'o junok catzijow re chiwe Hab. 1:5\nxcha ri Dios.»\nRuc' wa' xuq'uisbej ri Pablo.\n42Ec'uchiri' ri Pablo y ri Bernabé xebel bi pa ri sinagoga, ri e c'o chiri' xebelaj chique cha' ri jun chic k'ij re uxlanibal quech'a't cuc' rique chwi tak wa'. 43Echiri' xebel bi conoje ri quimolom quib pa ri sinagoga, e q'ui xeterej bi chiquij ri Pablo y ri Bernabé. Chiquixo'l wa' e c'o raj judi'ab y jujun chic quitakem lo ri c'utunic que raj judi'ab (tob na e ta aj judi'ab, pero lic caquilok'oj uk'ij ri Dios). Ec'u ri Pablo y ri Bernabé lic xequipixabaj cha' quetiqui' chupa ri unimal rutzil uc'u'x ri Dios.\n44Chupa c'u ri jun chic k'ij re uxlanibal, ya laj conoje ri winak re ri tinamit xquimol quib cha' caquita Rutzij ri Dios puwi ri Kanimajawal. 45Pero echiri' raj judi'ab xequil ruq'uiyal winak, xujek cati'tot quic'u'x chirij ri Pablo. Y xquijek c'u caquic'ulali'aj uwach ronoje ri cubi'ij ruc' c'axlaj ch'a'tem.\n46Ec'uchiri', ri Pablo y ri Bernabé, ruc' unimal quichuk'ab, xquibi'ij chique:\n—Pakatzij wi lic chirajawaxic nabe na catzijox che ralak ri alak aj judi'ab Rutzij ri Dios puwi ri Kanimajawal. Pero ruma c'u ri na cac'ul ta alak, jela' cak'alajinic na takal ta ri c'aslemal na jinta utakexic che alak. Ruma c'u la' que'katzijoj chique ri na e ta aj judi'ab, 47ma jela' ri ojutakom lo ri Dios Kajawxel che u'anic. E pacha' ri ubi'im lo Rire echiri' xubi'ij:\nRi'in atnucojom re K'ijsak\nchiquiwach tak ri tinamit\ncha' jela' cu'ana at c'amal bi re ri colobetajic\nc'a pa tak ri luwar lic naj che ruwachulew Is. 49:6\n—xecha'.\n48Echiri' xquita wa' ri na e ta aj judi'ab, lic xequi'cot che y xquijeko caquiyac uk'ij ri Utzilaj Tzij puwi ri Kanimajawal. Jec'ula' xquicoj rubi' ri Cristo conoje ri echa'om chi ulok re cac'oji' quic'aslemal na jinta utakexic. 49Y xe'ec utzijoxic ri Utzilaj Tzij puwi ri Kanimajawal chupa tak ronoje wa luwar.\n50No'j raj judi'ab xquicoj pa quijolom raj wach re ri tinamit y jujun ixokib lic c'o quiwach yey quitakem ri tzijpixab que raj judi'ab, cha' quequiternabej ruc' c'axc'obic ri Pablo y ri Bernabé. Jec'ula' ri' xebequesaj bi pa wa tinamit.\n51Ec'u ri Pablo y ri Bernabé xquipupa' can rulew che ri cakan, c'utubal re ri na utz taj xqui'an ri e aj chila' y xebec c'u pa ri tinamit Iconio. 52Pero ri quicojom rubi' ri Cristo chila' Antioquía lic c'o qui'cotemal cuc' yey ri Santowilaj Ruxlabixel ri Dios lic c'o cuc'.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Acts\/13","date":"2019-01-21T11:43:08Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583792338.50\/warc\/CC-MAIN-20190121111139-20190121133139-00369.warc.gz","language":"acr","language_score":1.0000008345,"language_script":"Latn","minhash_cluster_size":1,"top_langs":"{\"acr_Latn_score\": 1.0000008344650269}","num_words":1721,"character_repetition_ratio":0.059,"word_repetition_ratio":0.0,"special_characters_ratio":0.256,"stopwords_ratio":0.327,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Juan 8\nCatz'onox che ri Jesús cuk'at tzij puwi jun ixok na jusuc' ta ubinic\n1Ri Jesús xe'ec chwa ri juyub Olivos. 2Echiri' xsakiric, xtzelej tanchi pa ri Rocho Dios. Conoje ri winak xekib ruc' y Rire xtz'uyi' chiquiwach y xujeko cu'an c'utunic.\n3Ec'uchiri', raj c'utunel re ri tzijpixab y ri fariseos xquic'am lo jun ixok chwach. Wa' wi'xok xquimajo e ri' camacun chirij ri c'ulaniquil ruc' jun achi na rachijil taj. Xquiya c'u chiquinic'ajal conoje ri e c'o chiri' 4y jewa' xquibi'ij che ri Jesús:\n—Lal tijonel, wa jun ixok xkamajo lic e ri' camacun chirij ri c'ulaniquil ruc' jun achi na rachijil taj. 5Yey ri Moisés, chupa ri Tzij Pixab catakan che ca'an pa'baj juna ixok we cu'an wa'.+ ¿Sa' c'u ri cabi'ij rilal che? —xecha'. 6Xquibi'ij wa' che ri Jesús xa re c'ambal upa cha' caquicoj umac.\nEc'u ri Jesús xch'uqui'ic y ruc' ruwi uk'ab xujek catz'iban chwa rulew. 7Yey rique lic caquic'ot upa cha' cuc'ul uwach ri tz'onobal. Ec'u ri Jesús xtaq'ui'ic y xubi'ij chique:\n—We c'o junok che alak cuna'o na jinta c'ana umac, e nabe ri' chuc'aka rabaj che wi'xok —xcha'. 8Tec'uchiri', xch'uqui' tanchic y ruc' ruwi uk'ab xtz'iban tanchi chwa rulew.\n9Conoje rique echiri' xquita wa' wa xubi'ij, xquina' quib c'o quimac. E uwari'che, pa jujun xebel bi. Nabe xebel bi ri e nimak winak; tec'uchiri', ri e c'ac'al. Echiri' conoje ebelinak chubi, xew ri Jesús y rixok xecanaj can chiri'.\n10Ec'uchiri' xtaq'ui' ri Jesús y xrilo na jinta chi junok chiri', xew chi rixok, xubi'ij c'u che:\n—Ixok ¿pa e c'o wi ri caquicoj amac? ¿Na jinta junok xuk'at tzij re camic pawi'? —xcha'.\n11Rixok xubi'ij che:\n—Na jinta junok, Wajawal —xcha'.\nEc'uchiri', ri Jesús xubi'ij che:\n—Jenela' ri'in na cank'at ta tzij re camic pawi'. Jat c'u ri' y matmacun chic —xcha'.\nRi Jesús e ri K'ijsak\n12Ri Jesús xch'a't tanchi cuc' ri winak, jewa' xubi'ij chique:\n—In ri K'ijsak che ruwachulew. China c'u ri caterej lo chwij, na cabin ta chi q'uenok pa k'eku'm ma c'o ri K'ijsak ruc' yey wa' e ri cuya c'aslemal —xcha'.\n13Ec'uchiri', ri fariseos xquibi'ij che ri Jesús:\n—Na jinta uchac ri cabi'ij la, ma xa chi'ibil ib la cabi'ij la sa' ri wach la —xecha'.\n14Ri Jesús xuc'ul uwach:\n—Tob in ri quink'alajisan re sa' ri nuwach, ri cambi'ij lic katzij; ma weta'am pa in petinak wi y weta'am pa quin'ec wi. No'j ralak na eta'am ta alak pa in petinak wi y na eta'am tane alak pa quin'ec wi.\n15»Ralak, echiri' cabi'ij alak sa' ri cach'ob alak puwi junok, ca'an alak wa' xa ruc' ri na'oj re ruwachulew. No'j ri'in na je ta la' can'ano. 16Echiri' c'o cank'alajisaj chirij junok, katzij ri cambi'ij. Ma na xa ta pa we ri'in ri cambi'ij; ma ri nuna'oj ri'in lic junam ruc' runa'oj ri Nukaw, ri xtakaw lo we'in.\n17»Yey chupa ri Tzij Pixab e alak, tz'ibital canok: \"We e c'o ca'ib ticawex junam caquijiquiba' uwach ri caquibi'ij, e cacoj que ri'.\"+ 18Ri cank'alajisaj ri'in chiwibil wib, cajiquibax uwach ruma ri Nukaw, ri takayom lo we'in —xcha'.\n19Xquitz'onoj c'u che:\n—¿Pa c'u c'o wi ri kaw la? —xecha'.\nRi Jesús xuc'ul uwach:\n—Ralak na eta'am ta alak nuwach ri'in y na eta'am ta alak uwach ri Nukaw; ma we ta eta'am alak nuwach ri'in, jec'ula' ri' eta'am alak uwach ri Nukaw —xcha'.\n20Ri Jesús xubi'ij wa' echiri' cac'utun pa ri Rocho Dios, chiri' pa c'o wi ri caxa re kasa'n. No'j na jinta junok xchapaw bi re, ma c'amaja' copon ruk'ijol.\nRi Jesús petinak chila' chicaj\n21Xubi'ij tanchi ri Jesús chique:\n—Ri'in quin'ec y ralak quintzucuj c'u alak, pero cacam na c'u alak ri' pa ri mac alak. Ma pa quin'ec wi ri'in, na copon ta ralak chila' —xcha'.\n22Xquibi'ij c'u raj judi'ab chiquiwach: «Laj cucamisaj rib; e uwari'che cubi'ij na utz taj cojopon ri'oj chila' pa que'ec wi rire» xecha'.\n23Ec'u ri Jesús xubi'ij chique:\n—Ralak na alak ta re chila' chicaj, no'j ri'in in petinak chila' chicaj. Ralak alak re ruwachulew, no'j ri'in na in ta re ruwachulew. 24E uwari'che ximbi'ij cacam na c'u alak ri' pa ri mac alak. Ma we na cacoj ta alak \"In Ri'in\",+ ri' cacam alak pa ri mac alak —xcha'.\n25Ec'uchiri' xquitz'onoj che:\n—¿Lal china c'u ri' rilal? —xecha'.\nRi Jesús xuc'ul uwach:\n—E ri nubi'im chi lo che alak. 26Ri'in lic c'o weta'am chi'ij alak re cojobal mac alak y re k'atbal tzij pawi' alak; pero xew cambi'ij chiquiwach conoje ri ticawex sa' ri nutom che ri takayom lo we'in, yey Rire lic katzij janipa ri cubi'ij —xcha'.\n27Ri Jesús e cach'a't puwi Rukaw, pero rique na xquimaj ta usuc' wa'.\n28E uwari'che ri Jesús xubi'ij chique:\n—Echiri' cayac alak Ralaxel Chiquixo'l Ticawex y caya alak chwa ri cruz,+ c'a ec'uchiri' queta'maj alak ri': \"In Ri'in\". Yey na jinta c'o can'an xa pa we ri'in, ma xew cambi'ij janipa ruc'utum ri Nukaw chwe. 29Ma ri takayom lo we'in c'o wuc'; ri Nukaw na inuya'om ta can nutuquel, ma ri'in xew can'ano janipa ri caraj Rire —xcha'.\n30Echiri' xubi'ij tak wa' ri Jesús, lic e q'ui ri xquicojo Rire e ri jun k'alajisanel coye'em cac'unic.\nRi e c'o puk'ab ri Dios y ri e c'o puk'ab ri mac\n31Ec'uchiri', ri Jesús xubi'ij chique ri e aj judi'ab xquicojo Rire e ri jun k'alajisanel coye'em cac'unic.\n—We catakej c'u alak janipa wa cambi'ij che alak, ri' pakatzij wi cu'an alak nutijo'n; 32y jec'ula' queta'maj alak ri K'ijsak, y ri K'ijsak caresaj lo alak puk'ab ri ajaw alak —xcha'.\n33Rique xquic'ul uwach:\n—Ri'oj oj ralc'o'al can ri Abraham y na oj c'oji'nak ta puk'ab junok. ¿Su'be c'u ri' cabi'ij la chike cojesax lo puk'ab ri kajaw? —xecha'.\n34Ri Jesús xubi'ij chique:\n—Pakatzij wi cambi'ij che alak: Conoje ri quemacunic, puk'ab ri mac e c'o wi. 35Juna aj chac pa ja na junam ta uwach ruc' ruc'ajol ri rajaw ja, ma ri aj chac xa ajilam k'ij c'o pa ja; no'j ruc'ajol na jinta utakexic e ralc'o'al rukaw. 36E uwari'che, we Ruc'ajol ri Dios caresaj lo alak che ri mac c'o wi alak, pakatzij wi c'u ri' caquiritaj lo alak che ri mac.\n37»Ri'in weta'am alak ralc'o'al can ri Abraham; na ruc' ta c'u ri', ca'aj alak quincamisaj alak ma na cac'ul ta alak ri canc'ut che alak. 38Ri'in e cambi'ij ri uc'utum ri Nukaw chwe, yey ralak e ca'an alak janipa rubi'im ri kaw alak —xcha'.\n39Rique xquic'ul uwach:\n—Ri kakaw ri'oj e ri Abraham —xecha'.\nEc'u ri Jesús xubi'ij chique:\n—We ta pakatzij wi alak ralc'o'al ri Abraham, e ca'an alak ri' ri xu'an rire. 40No'j ralak na je ta la' catajin alak che u'anic. Ma tob nubi'im che alak ri K'ijsak uc'utum ri Dios chwe, na ruc' ta c'u ri', ca'aj alak quincamisaj alak. ¡Ri Abraham na je ta la' xu'ano! 41Ralak e ca'an alak pacha' ri cu'an ri kaw alak —xcha'.\nEc'uchiri', xquibi'ij rique che:\n—Ri'oj na oj ta pacha' ri winak na queta'am taj china ri quikaw; ma xa jun ri Kakaw, e ri Dios —xecha'.\n42Xubi'ij c'u ri Jesús chique:\n—We ta pakatzij wi e kaw alak ri Dios, ralak lic c'ax quinna' alak ri', ma ri'in ruc' ri Dios in petinak wi yey ri' in c'o chiwach alak. Na in petinak ta c'u xa pa we ri'in, ma e ri Dios takayom lo we'in.\n43»¿Su'be na camaj ta alak usuc' janipa ri cambi'ij che alak? E ruma ri na ca'aj ta alak cata alak ri cambi'ij ri'in. 44Ri kaw alak e ritzel winak, ma e ca'an alak sa' ri caraj rire. Ritzel winak aj camisanel chwi lo ri jekebal ruwachulew. Yey rire na xtiqui' ta can pa ri K'ijsak, y na jinta ne c'ana K'ijsak ruc'. Echiri' cu'an rak'ubal, e cuk'alajisaj sa' ri c'o pa ranima'; ma xex wi aj rak'ul yey ronoje rak'ubal ruc' rire cape wi. 45No'j ri'in e cank'alajisaj ri lic katzij, yey ralak na cacoj ta alak.\n46»¿C'o nawi junok che alak curik juna mac chwij? Yey we katzij ri cambi'ij, ¿su'be c'u ri' na cacoj ta alak? 47E junok ralc'o'al ri Dios, e cuta Ruch'a'tem ri Dios; no'j ralak na alak ta ralc'o'al ri Dios, ma na cata ta alak Ruch'a'tem —xcha'.\nRi Cristo xex chi c'o lo wi chwa ri Abraham\n48Ec'uchiri', raj judi'ab xquibi'ij che ri Jesús:\n—Lic katzij ri xkabi'ij pawi' la: Rilal lal cuq'uil ri aj Samaria y lal c'o puk'ab jun itzel uxlabixel —xecha'.\n49Ec'u ri Jesús xuc'ul uwach chique:\n—Ri'in na in jinta puk'ab juna itzel uxlabixel; ri can'ano e canyac uk'ij ri Nukaw y ralak cac'ak bi alak nuk'ij. 50Ri'in na cantzucuj ta yacbal nuk'ij, tob c'o Jun caraj cayaqui' nuk'ij yey puk'ab Rire c'o wi cuk'alajisaj china ri c'o K'ijsak ruc'. 51Pakatzij wi cambi'ij che alak: China ri cacojow re ri cank'alajisaj ri'in, na cacam taj ma c'o uc'aslemal na jinta utakexic —xcha'.\n52Ec'uchiri', raj judi'ab xquic'ul uwach:\n—Wo'ora cakajiquiba' uwach, lal c'o puk'ab jun itzel uxlabixel. Ma ri Abraham y ri k'alajisanelab xecamic, yey rilal cabi'ij la: \"China cacojow re ri cank'alajisaj, na cacam taj ma c'o uc'aslemal na jinta utakexic.\" 53¿Lic neba más c'o wach rilal chwa ri kakaw Abraham? Rire xcamic yey tak ri k'alajisanelab xecamic. Chiwach rilal, ¿sa' ri wach la? —xecha'.\n54Ri Jesús xuc'ul uwach:\n—We canyac nuk'ij ri'in chiwibil wib, ri' na jinta uchac ri yacbal nuk'ij can'ano; no'j c'u ri cayacaw nuk'ij e ri Nukaw, ri cabi'ij alak e Dios alak. 55Ec'u ralak na eta'am ta alak uwach Rire; no'j ri'in lic weta'am uwach. We ta e la' cambi'ij na weta'am ta uwach, ri' quinelic in aj rak'ul jela' pacha' ralak. No'j ri'in pakatzij wi weta'am uwach Rire yey lic can'an ronoje ri cubi'ij. 56Ri Abraham, ri mam alak ojertan, lic xqui'cotic echiri' xreta'maj quinc'un che ruwachulew; xril pan ri nuk'ijol y lic xqui'cot che —xcha'.\n57Ec'uchiri', raj judi'ab xquibi'ij che ri Jesús:\n—C'amaja' ne cincuenta ri junab la, ¿yey cabi'ij la xil la uwach ri Abraham? —xecha'.\n58Ri Jesús xuc'ul uwach:\n—Pakatzij wi cambi'ij che alak: Ri'in xex chi in c'o lo wi echiri' c'amaja' ne calax ri Abraham —xcha'.\n59Ec'uchiri', ri winak xquijek caquisic' abaj re caqui'an ri Jesús pa'baj; no'j Rire xewax chiquiwach, e la' xic'ow chiquixo'l y xel bi che ri Rocho Dios.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/John\/8","date":"2019-01-17T05:29:33Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583658702.9\/warc\/CC-MAIN-20190117041621-20190117063621-00371.warc.gz","language":"acr","language_score":1.0000098944,"language_script":"Latn","minhash_cluster_size":3,"top_langs":"{\"acr_Latn_score\": 1.0000098943710327}","num_words":1702,"character_repetition_ratio":0.064,"word_repetition_ratio":0.005,"special_characters_ratio":0.283,"stopwords_ratio":0.302,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Hechos 17:23\n23Ma xalok' xinmalacat pa wa tinamit alak, xinwil tak ri luwar pa quelok'nimaj tak wi ri tiox alak, yey xine'tzak ne chwi jun altar pa tz'ibital wi wa': «CHE RI DIOS NA ETA'MATAL TA UWACH.» Ec'u ri' wa jun calok'nimaj alak uk'ij tob na eta'am ta alak uwach, e wa' Rire ri cantzijoj che alak.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Acts\/17\/23","date":"2019-01-21T20:31:14Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583807724.75\/warc\/CC-MAIN-20190121193154-20190121215154-00155.warc.gz","language":"acr","language_score":0.9992259741,"language_script":"Latn","minhash_cluster_size":1,"top_langs":"{\"acr_Latn_score\": 0.9992259740829468}","num_words":56,"character_repetition_ratio":0.007,"word_repetition_ratio":0.0,"special_characters_ratio":0.273,"stopwords_ratio":0.429,"flagged_words_ratio":0.0,"lang_id_score":0.998,"perplexity_score":500.0,"cluster_detection":-1} +{"text":"Lucas 15\nRi c'ambal na'oj puwi rachi cutzucuj rubexex sachinak\n(Mt. 18:10-14)\n1Conoje raj tz'onol puak re tojonic+ y tak raj maquib quekib ruc' ri Jesús cha' caquita ruch'a'tem. 2Pero ri fariseos y raj c'utunel re ri tzijpixab lic caquich'a'tibej, jewa' caquibi'ij: «Wa'chi quebuc'ul raj maquib y cawa' cuc'» quecha'.\n3E uwari'che ri Jesús xutzijoj wa jun c'ambal na'oj chique, jewa' xubi'ij:\n4«¿Sa' nawi cu'an junok che alak we e c'o jun ciento ubexex yey casach c'u junok chique? ¿Na quebuc'ol ta neba can ri' ri noventa y nueve pa ri quiluwar y que'ec c'u che utzucuxic ri jun xsach canok? Yey na cuxlan ta che utzucuxic c'a echiri' cu'rika lok. 5Ec'uchiri' curiko, lic caqui'cotic cuya lo chirij ukul. 6Y echiri' copon chirocho, cumol quichi' ri ramigos y ri ratz-uchak', y jewa' cubi'ij chique: \"Chixqui'cota wuc' ma xinrik ri nubexex sachinak\" cacha'.\n7»Cambi'ij c'u ri'in che alak: Más ne c'o qui'cotemal chila' chicaj ruma juna aj mac cutzelej utzij chwach ri Dios, chiquiwa noventa y nueve jusuc' e c'olic y na cajawax taj cacuytaj quimac.\nRi c'ambal na'oj puwi rixok cutzucuj rusakil puak\n8»We e la' juna ixok c'o lajuj sakil puak ruc' yey cutzak c'u junok, ¿sa' ri cu'ano? Cutzij ak' y na'l cumes rupa ja, cutzucuj c'u coq'uil yey na cuxlan ta che utzucuxic c'a echiri' cu'rika lok. 9Y ec'uchiri' urikom chic, cumol quichi' ri ramigos y ri ratz-uchak' y cubi'ij c'u chique: \"Chixqui'cota wuc' ma xinrik wa sakil puak nutzakom\" cacha'. 10Cambi'ij c'u ri'in che alak: Jela' ri qui'cotemal que ri ángeles chwach ri Dios echiri' juna aj mac cutzelej utzij» xcha ri Jesús.\nRi c'ambal na'oj puwi jun ala sachinak\n11Xutzijoj c'u wa jun c'ambal na'oj chique, jewa' xubi'ij:\n«C'o jun achi e c'o ca'ib uc'ajol. 12Jun k'ij ri chak'ixel xubi'ij che rukaw: \"Tat, jacha la upa ri beyomalil la y asu ya'a la janipa ri takal chwe ri'in\" xcha che rukaw. Y rukaw e xu'ano. Xujach c'u rubeyomalil, xuya ri takal che ruc'ajol atzixel y ri takal che ri chak'ixel.\n13»C'amaja' c'u naj ujachic upa, rala chak'ixel xuc'ayij ronoje ri xya' che, xumol bi uchi' ri puak y xe'ec naj chupa jun chic tinamit. Chila' c'u ri' xutz'ila' ronoje rubeyomalil, ma xu'an ruc' ri puak ronoje ri xraj rire. 14Ec'uchiri' xuq'uis ronoje rurajil, xpe jun nimalaj numic chupa la' la tinamit pa c'o wi. Y xujek lic cutij c'ax.\n15»Xe'ec c'ut che utzucuxic uchac ruc' jun achi aj chila'. Yey rachi xutak bi pa juyub che quichajixic uq'uiyal ak. 16Ec'u rala xujek lic canumic, curayij uwach tob ne e ri quecha' ri ak, pero na jinta junok caya'w re che.\n17»Tec'uchiri', xc'un runa'oj y chiribil rib xuch'ob rakan: \"Chila' chirocho ri nukaw lic c'o caquitij ruq'uiyal mocom; yey ri'in wara quincam che numic. 18Ec'u wo'ora quintzelej chirocho ri nukaw y jewa' cambi'ij che: Tat, in macuninak chwach ri Dios y chiwach rilal. 19Na takal ta chic cabi'x chwe in c'ajol la. 'Ana la chwe pacha' xa in chi jun mocom la\" xcha chiribil rib. 20Y ec'u xu'ano. Xumaj bi ube chirocho rukaw.\n»Ec'u rukaw, echiri' xril pana ruc'ajol chinimanaj, lic xjuch' ca'n pa ranima'. Lic c'u ri' canic xe'ec y xu'c'ulu apanok. Xulak'apuj y xutz'ub uchi'.\n21»Y rala xubi'ij che rukaw: \"Nukaw, in macuninak chwach ri Dios y chiwach rilal. Na takal ta chic cabi'x chwe in c'ajol la\" xcha'.\n22»Pero rukaw xubi'ij chique ri raj chaquib: \"Ji'wesala' lo ri c'ul más chom y chiwika'. Chicojo juna mapak'ab che ruwi uk'ab y uxajab che ri rakan. 23Yey ji'c'ama lo ri mek' lic ti'o'jirisam y chicamisaj. Katija c'u ri', chojqui'cotok y ka'ana nimak'ij, 24ma wa nuc'ajol e junam ruc' caminak chic yey wo'ora xc'astaj lok. Rire sachinak chic pero xrikitajic\" xcha chique. Y xquijeko lic quequi'cotic.\n25»Ec'u ruc'ajol atzixel benak pa juyub; yey echiri' xc'un lo chunakaj ri ja, xuta ri música lic cat'ikowic y ri quexajaw pa ri nimak'ij. 26Xusiq'uij c'u pan jun chique raj chaquib y xutz'onoj che sa' ri catajinic.\n27»Raj chac xubi'ij che: \"Xc'un ri chak' la. Ruma c'u la', ri kaw la lic xqui'cot che ma utz uwach xc'unic, na jinta c'o xuc'ulumaj. E uwari'che, xutak ucamisaxic ri mek' ti'o'jirisam cha' caka'an nimak'ij\" xcha che.\n28»Ec'u ri atzixel lic xpe royowal y na xraj taj coc bi. Xel na c'u lo rukaw y lic xelaj che cha' coc bi. 29No'j rire xuc'ul uwach, jewa' xubi'ij che rukaw: \"Rilal eta'am la janipa lo junab wa' in chacuninak uc' la y na nupalajim ta tzij la julajok. Na ruc' ta c'u ri', na ya'om tane la chwe tob xa juna ralco nucaprux cha' can'an nimak'ij y quinqui'cot cuc' ri wamigos. 30Yey ec'u wo'ora xc'un wa jun c'ajol la, ri xa xu'tz'ila' lo ri puak la cuc' ixokib na chom ta quibinic; na ruc' ta c'u ri', ruma rire, xtak la ucamisaxic ri mek' ti'o'jirisam\" xcha che.\n31»Ec'u rukaw xubi'ij che: \"Nuc'ajol, ri'at ronoje k'ij at c'o wuc', yey rubitak we, ronoje awe'at chic. 32No'j wo'ora lic chirajawaxic wi caka'an nimak'ij y cojqui'cotic, ma wa'chak' e junam ruc' caminak chic yey wo'ora xc'astaj lok. Rire sachinak chic pero xrikitajic\" xcha'.»","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Luke\/15","date":"2019-01-21T15:27:58Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583795042.29\/warc\/CC-MAIN-20190121152218-20190121174218-00177.warc.gz","language":"acr","language_score":1.00000453,"language_script":"Latn","minhash_cluster_size":2,"top_langs":"{\"acr_Latn_score\": 1.000004529953003}","num_words":844,"character_repetition_ratio":0.047,"word_repetition_ratio":0.036,"special_characters_ratio":0.272,"stopwords_ratio":0.25,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Hechos 7\nRi e aj wach re ri tinamit caquita uchi' ri Esteban\n1Ri cajawal raj chacunel pa Rocho Dios xutz'onoj che ri Esteban we katzij xubi'ij wa'.\n2Ec'u rire xubi'ij:\n«Alak achijab y alak nimak winak, chinta na pe alak. Ri Dios, ri Jun lic c'o unimal chomalil ruc', xuk'alajisaj rib chwach ri kakaw Abraham echiri' rire c'o pa ri luwar re Mesopotamia, wa' e echiri' c'amaja' que'jekela pa ri tinamit Harán. 3Xubi'ij ri Dios che: \"Chatelubi chupa ratinamit y chiquixo'l rawatz-achak'; y jat c'u chwach rulew pa canc'ut wi ri'in chawe\"+ xcha'. 4Ec'uchiri', xel bi ri Abraham chwach rulew que raj Caldea y xjeki' pa ri tinamit Harán. Chwi c'u rucamic rukaw, xtak lo ruma ri Dios chupa wa luwar pa jekel wi alak wo'ora.\n5»Pero ri Dios na xuya tane che ri Abraham cu'an rajaw wa' wu'lew, tob tane xa pa cuya wi juna rakan. No'j xubi'tisij c'u che tob ne rire caminak chic, wa' wu'lew cu'ana na re y que ri ralc'o'al canok; yey echiri' xbi'x wa' che ri Abraham, c'amaja' ne c'o juna ralc'o'al.+\n6Ec'u ri Dios xubi'ij che ri Abraham:\nTak rawalc'o'al canok quebe'jekela na pa jun ulew na culew taj.\nY chiri' c'u ri' ca'ani' niba'ib chique y queya'i' pa c'axlaj chac\ncajib ciento junab cuma ri ticawex re ri tinamit pa quec'oji' wi.\n7Pero In quink'ataw tzij paquiwi wa tinamit, ri caquiya pa c'axlaj chac ri nutinamit.\nTec'uchiri', ri nutinamit quebel lok y quetzelej lok Gn. 15:13-14\ny quinquilok'nimaj chupa wa luwar at c'o wi Éx. 3:12\nxcha'.\n8»Ri Dios xu'an jun tzij ruc' ri Abraham, yey ri c'utubal re wa' wa tzij e ri retalil re circuncisión. E uwari'che ri Abraham xucoj ri retalil re circuncisión che ruc'ajol Isaac echiri' xuq'uis wajxakib k'ij ralaxic.+ Jec'ula' xu'an ri Isaac che ruc'ajol Jacob. Y ri Jacob jela' xu'an chique ri cablajuj uc'ajol, ri e kamam re ri katinamit.+\n9»Ec'u rique xoc retzelal c'u'x pa canima' chirij ri quichak' José. Ruma c'u ri', xquic'ayij bi cha' cac'am bi Egipto.+ Pero ri Dios c'o ruc' ri José+ 10y xresaj c'u chupa ronoje tak ri c'axc'obic xic'ow wi. Xuya una'oj y xu'an che lic xuc'ul upuwach ri faraón, ri takanel re Egipto. Ma ri faraón xuya che ri José catakan puwi ri tinamit re Egipto y xuya puk'ab rire ronoje rubitak re.+\n11»Xpe c'u jun unimal numic chupa tak ronoje ri luwar re Egipto y re Canaán. Ruma c'u wa' xpe unimal c'axc'obic paquiwi ri kati'-kamam ma na jinta caquitijo.+\n12»Echiri' ri Jacob xuna'bej chila' Egipto c'o catijic, xebutak bi ruc'ajol cha' que'quilok'o trigo chila'. Wa' e ri nabe benam xqui'an ri kamam chila' Egipto.+ 13Ec'u che rucalaj quibenam, ri José xuk'alajisaj rib chiquiwach ri ratzixelab. Jec'ula' ri faraón xreta'maj china tak ri e ratz-uchak' ri José.+\n14»Yey ri José xutak uc'amic rukaw Jacob y conoje ri e ratz-uchak'.+ Ri cajlibal rique chi conoje e setenta y cinco. 15Jec'ula' xe'jekela ri Jacob pa ri tinamit Egipto. Chila' c'u ri' xcam wi rire y chila' xecam wi ri kamam.+ 16Xc'am c'u bi ri quibakil pa ri tinamit Siquem y xeya' pa ri mukubal ulok'om can ri Abraham ruc' uq'uiyal puak chique ri ralc'o'al can ri Hamor, chila' Siquem.+\n17»Yey ec'uchiri' catajin roponic ri k'ij echiri' ri Dios cu'ana na rubi'tisim che ri Abraham, tak ri ralc'o'al rire lic xeq'uiyar chila' Egipto. 18Tec'uchiri', xyactaj jun chic rey chiri' Egipto; ec'u rire na xreta'maj ta uwach ri José.+ 19Wa' wa rey xebusoc ri katinamit ojertan. Lic xebuya ri kati'-kamam pa c'axc'obic, ma xtakan che quecamisax ri quich'uti'k e alabo cha' jela' na caq'uiyar ta quiwach ri katinamit.+\n20»Chupa tak c'u ri' la' la k'ij xalax ri Moisés y e jun chomilaj ac'a chwach ri Dios. Ec'u rire oxib ic' xchajix xa xe'lak'ay pa rocho rukaw. 21Pero echiri' na utz ta chi quewax pa ja, xesax bi+ y xe'rikitaj lo ruma rumi'al ri faraón; y wa'li xuq'uiyisaj y xu'an pacha' ralab che. 22Jec'ula', ri Moisés xtijox puwi ronoje ri na'oj que ri aj Egipto, y xu'ana jun achi lic c'o uchuk'ab che janipa tak ri cubi'ij y cu'ano.\n23»Echiri' xuq'uis cuarenta junab, xalax pa ranima' que'bina cuc' ri ratz-uchak', ri e aj Israel.+ 24Y xril c'u ri' lic ca'an c'ax che jun chique ruma jun aj Egipto. Xuto' c'u uwi' ri ratz-uchak' yey xucamisaj ri aj Egipto. 25E xuch'ob rire, tak ri ratz-uchak' caquimaj usuc' e ruma rire queberesaj bi ri Dios paquik'ab raj Egipto; no'j rique na je ta la' ri xquimaj usuc'.\n26»Chuca'm k'ij c'ut xebu'rika ca'ib aj Israel quech'o'jin chiquiwach y xraj quebuya putzil chomal. Xubi'ij c'u chique: \"Achijab, ralak chak' ib alak. ¿Su'chac c'u ri' ca'an c'ax che ib alak chiwach alak?\" xcha'.\n27»Ec'uchiri', ri jun ri cu'an c'ax che ri ratz-uchak', xupakchi'ij bi ri Moisés y xubi'ij che: \"¿China cojoyom e la re takanel y re aj k'atal tzij pakawi ri'oj? 28¿Ca'aj cami la ri' quincamisaj la ri'in jela' pacha' x'an la iwir echiri' xcamisaj la ri aj Egipto?\"+ xcha'.\n29»Echiri' xuta wa' wa ch'a'tem, ri Moisés asu xanimaj bi, xe'jekela pa ri luwar re Madián, tob rire na aj ta chila'. Yey chila' xebalax ca'ib uc'ajol.+\n30»Ic'owinak chi c'u cuarenta junab c'o chila' echiri' xwinakir jun ángel chwach chupa rurepebal ak' c'o che jumocaj xuluquej pa ri luwar catz'intz'otic, chunakaj ri juyub Sinaí. 31Echiri' xril wa' ri Moisés, lic xcam ranima' che ri catajin uc'utic chwach. Yey echiri' xkib che rilic chi utz, xuta rukul ri Dios, jewa' xubi'ij che: 32\"In ri Dios que ramam ojertan, wa' e ri Abraham, ri Isaac y ri Jacob\" xcha'.\n»Ec'u ri Moisés xujek cabirbotic y ruma xi'in ib na xutzu' ta chi ri jumocaj xuluquej.\n33»Ec'u ri Dios xubi'ij che: \"Chajolo raxajab che rawakan ma wa luwar pa at c'o wi lic santo. 34Pakatzij wi ri'in wilom lic eya'tal pa c'axc'obic ri nutinamit e c'o Egipto, yey nutom lic quetunanic. E uwari'che in petinak re quebe'nuwesaj lok. Ec'u wo'ora chatpetok; ma catintak bi Egipto\"+ xcha'.\n35»Ec'u Moisés ri' wa', ri xc'ak bi uk'ij echiri' xbi'x che: \"¿China cojoyom e la re takanel y re aj k'atal tzij pakawi ri'oj?\"+ Na ruc' ta c'u ri', e ri Moisés ri xtak bi ruma ri Dios re cu'ana quitakanel rutinamit y re queberesaj ri tinamit paquik'ab raj Egipto. Xtak c'u che cu'an wa' ruma ri ángel, ri xwinakir chwach pa ri jumocaj xuluquej. 36E Moisés ri' wa', ri xeberesaj lo rutinamit ri Dios Egipto y lic xu'an milagros y tak c'utubal re ruchuk'ab ri Dios pa ri tinamit Egipto, chupa ri Mar Rojo y chupa ri cuarenta junab xebin pa ri luwar catz'intz'otic.+\n37»Ec'u Moisés ri' wa', ri xbi'n chique raj Israel:\nE ri Dios Kajawxel cuyac na lo chiquixo'l ri katinamit Israel\njun K'alajisanel jela' pacha' ri'in.\nEc'u chita janipa ri cubi'ij Rire chiwe Dt. 18:15\nxcha'.\n38»E Moisés ri' wa', ri xc'oji' chiquiwach ri tinamit echiri' quimolom quib pa ri luwar catz'intz'otic, y e xesan uchi' ri ángel chiquiwa ri kati'-kamam echiri' xch'a't ruc' chwi ri juyub Sinaí. Yey e rire ri xc'uluw tak ri ch'a'tem re c'aslemal cha' cuk'atisaj lo chikawach ri'oj.\n39»Pero ri kati'-kamam na xcaj taj caquicoj utzij; ri xqui'ano e xquic'ak bi uk'ij y e xch'aw quic'u'x che ri quetzelej tanchi Egipto. 40Yey xquibi'ij ne che ri Aarón: \"Che'ana la katiox cha' quenabej bi chikawach; ma wa Moisés, ri xesan lo ke'oj chwach rulew re Egipto, na keta'am taj sa' ri xuc'ulumaj.\"+ 41Ec'uchiri', xqui'an jun tiox uc'axwach toro. Xequicamisaj c'u awaj re quikasa'n chwach wa tiox y xqui'an nimak'ij chupa rubi' ri tiox, ri xa xqui'an ruc' ri quik'ab.+\n42»Ec'u ri Dios xebuya can che ulok'nimaxic quik'ij ronoje ri c'o che ruwa caj. Xqui'an c'ut jela' pacha' ri ubi'im ri Dios chupa ri tz'ibital can cuma ri k'alajisanelab:\nRi'ix ix aj Israel, echiri' xebicamisaj chicop re kasa'n chupa ri cuarenta junab xixbin pa ri luwar catz'intz'otic, ¿xilok'nimaj neba nuk'ij ri'in ruc' wa'?\n43Na xi'an taj, ma e ne xitelej ri rocho ri tiox Moloc ubi' y ri ch'umil re ri tiox iwe'ix, Renfán ubi'. Wa' e quic'axwach tak ri tiox xebi'ano re quilok'nimaj quik'ij.\nRuma c'u la' quixintak bi c'a chwach pana ri tinamit Babilonia Am. 5:25-27\ncacha'.\n44»Echiri' ri kati'-kamam xebin pa ri luwar catz'intz'otic, c'o cuc' rique ri jun Rocho Dios xa caquiric, wa' e c'utubal re c'o ri Dios cuc'. Yey rique xqui'an wa jun Rocho Dios jela' pacha' ri xtakan ri Dios che ri Moisés, e lic pacha' ru'aniquil rilom chi rire.+ 45Ec'u ri kati'-kamam xquiya can wa Rocho Dios (ri xa caquiric) paquik'ab ri calc'o'al rique. Y wa calc'o'al xquic'am bi wa' echiri' xeboc ruc' ri Josué chupa ri ulew que ri na e ta aj Israel, ri xebesax bi ruma ri Dios cha' wa' wu'lew cacanaj can paquik'ab rutinamit Rire. Ec'u wa' wa Rocho Dios xc'oji' cuc' rutinamit ri Dios c'a chupa tak ri k'ij re ri rey David.\n46»Ec'u ri David lic c'o ruto'bal ri Dios ruc'. Rire xutz'onoj c'ut caya'taj che cuyac jun c'ac' Rocho ri Dios cha' tak ri ralc'o'al can ri Jacob caquilok'nimaj uk'ij ri Dios chiri'. 47No'j e ri Salomón ri xyacaw wa' wa Rocho Dios; 48tob ri Dios Kajawxel na xew ta cajeki' pa tak ja 'anatal xa cuma ticawex, pacha' ri cubi'ij ri jun k'alajisanel:\n49\"Ruwa caj e nutz'ulibal re takanic,\nyey ruwachulew e utac'alibal ri wakan.\n¿Sa' c'u ri' ri ja quiyac chwe?\" cacha ri Kajawal.\n\"¿O pachawi c'owi ri luwar pa quinuxlan wi?\n50¿Na e ta neba ri nuk'ab 'anayom ronoje wa' wa c'olic?\" Is. 66:1-2\ncacha'.\n51»Ec'u ralak lic na jinta c'o cata alak. Ri c'u'x alak y ri tanibal alak e pacha' que ri winak na jinta ri Dios cuc', ma na ca'aj ta alak cacoj alak utzij. Ralak alak pacha' ri chu'kaw alak ojertan, ma lic na ca'aj ta alak cata alak ri cubi'ij ri Santowilaj Ruxlabixel ri Dios che alak. 52¿China junok chique ri k'alajisanelab na xternabex ta ruc' c'ax cuma ri chu'kaw alak ojertan? Ma rique e xecamisan que ri xetzijon lo puwi ruc'utunic ri Jun lic jusuc'. Yey echiri' xc'un Rire, ralak xc'ayij alak y xcamisaj alak. 53Ralak xc'ul alak Rutzij Upixab ri Dios cuma tak ri ángeles, no'j na xtakej ta alak janipa ri cubi'ij wa Tzij Pixab» xcha ri Esteban.\nRucamic ri Esteban\n54Echiri' xquita ri xubi'ij ri Esteban, lic xpe coyowal y xquijek cakich'ich' ruwi que' chirij rire. 55Pero ri Esteban lic c'o ruchuk'ab ri Santowilaj Ruxlabixel ri Dios ruc'; xtzu'n c'u pana chicaj y xril runimal uchomalil ri Dios yey xrilo ri Jesús c'o puwiquik'ab ri Dios. 56Xubi'ij c'u rire: «¡Ri'in canwilo jakal ruwa caj y canwil pana Ralaxel Chiquixo'l Ticawex c'o puwiquik'ab ri Dios!» xcha'.\n57Ec'uchiri', ri winak xquijeko lic quesiq'uinic, xquitz'apij ri quixiquin y xa jumul xebec conoje chirij ri Esteban. 58Xquesaj c'u bi chupa ri tinamit y xquijeko caqui'an pa'baj. Y ri xquimol quib chirij, xquiya can ri quik'u' che jun ala Saulo rubi' cha' cuchajij wa' chique.\n59Ec'uchiri' quetajin che u'anic pa'baj ri Esteban, rire xuch'a'bej ri Kanimajawal, jewa' xubi'ij: «Wajawal Jesús, c'ama la ri wanima'» xcha'.\n60Tec'uchiri', xuxucuba' rib y co xsiq'uinic: «Kajawal, cuyu la quimac che wa quetajin che u'anic» xcha'. Y ruc' wa', xcamic.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Acts\/7","date":"2019-01-24T13:48:21Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547584547882.77\/warc\/CC-MAIN-20190124121622-20190124143622-00136.warc.gz","language":"acr","language_score":0.9999957085,"language_script":"Latn","minhash_cluster_size":1,"top_langs":"{\"acr_Latn_score\": 0.9999957084655762}","num_words":1846,"character_repetition_ratio":0.05,"word_repetition_ratio":0.005,"special_characters_ratio":0.269,"stopwords_ratio":0.327,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Marcos 7\nRi cach'ulan re ri ticawex\n(Mt. 15:1-20)\n1Ec'u ri fariseos cuc' jujun chique raj c'utunel re ri tzijpixab e petinak Jerusalem, xquimol quib ruc' ri Jesús. 2Wa' wa'chijab xquijek quequich'a'tibej jujun chique rutijo'n ri Jesús ma xequilo quewa'ic yey na quich'ajom ta ri quik'ab. Y wa' na e ta quic'utu'n can ri cati'-quimam. 3Ma ri fariseos y ri nic'aj chic aj judi'ab e lic quitakem ri quic'utu'n can ri cati'-quimam. Rique na quewa' taj we na caquich'aj ta nabe ri quik'ab chi utz. 4Y echiri' quetzelej lo pa c'aybal, na jinta c'o caquitijo we na caquich'aj ta nabe ri quik'ab, jela' pacha' ri c'utum can chique. Yey quitakem uq'uiyal c'utunic xa quimajom can chiquij cati'-quimam, jela' pacha' ru'anic cach'aj tak upa ri tijbal ya', ri xaro, rubitak sa'ch re ch'ich' y rujosk'ixic ri ch'at re warabal. 5Ruma c'u la' ri fariseos y raj c'utunel re ri tzijpixab xquitz'onoj che ri Jesús:\n—¿Su'be ri tijo'n la na quitakem ta ri quic'utu'n can ri kati'-kamam? Ma rique quewa'ic tob e la' na quich'ajom ta ri quik'ab —xecha'.\n6Ec'u ri Jesús xuc'ul uwach:\n—¡Xa queb palaj alak! Lic katzij ri tz'ibital can ruma ri k'alajisanel Isaías pawi' alak. Ma jewa' xutz'ibaj canok:\nWa' wa tinamit xa ruc' ruwaque' caquiyac nuk'ij,\nno'j ri canima' lic naj c'o wi chwe.\n7Na jinta c'ana cutikoj caquilok'oj nuk'ij,\nma ri c'utunic caqui'ano xa takanic que achijab. Is. 29:13\n8Ec'u ralak e ya'om can alak Rutzij Upixab ri Dios y e lic coc alak il che u'anic ri quic'utu'n can ri ticawex, pacha' ca'an alak ruc' rujosk'ixic ri tijbal ya' y ruch'ajic upa ri xaro; yey c'o ne jujun chic pacha' tak wa' ca'an alak xa majom can alak —xcha'. 9Je tanchi c'u wa' xubi'ij chique:\n—Ralak 'anom alak che Rutzij Upixab ri Dios pacha' na jinta uchac, ruma e lic catajin alak che u'anic ri quic'utu'n can ri ticawex. 10Ma ri Moisés jewa' utz'ibam can ojertan:\nChalok'oj quik'ij rachu-akaw Éx. 20:12\nyey\nWe c'o junok quebuyaj ruchu-ukaw ruc' itzel ch'a'tem, ri' lic takal che cacamisaxic Éx. 21:17\nxcha ri Moisés.\n11»No'j ralak cabi'ij alak: \"Utz we juna achi xew cubi'ij chique ruchu-ukaw: Na utz taj canto' alak, ma ri to'bal cajawax che alak, nubi'tisim chic re nukasa'n chwach ri Dios.\" 12Yey chiwach ralak, china ri cabi'n re wa', na chirajawaxic ta chi che quebuto' ruchu-ukaw. 13Jec'uri'la' 'anom alak che Rutzij Upixab ri Dios pacha' na jinta uchac, ruma tak ri no'jibal petinak lo chique ri chu'kaw alak. Yey takem alak uq'uiyal c'utunic pacha' tak wa' —xcha'.\n14Tec'uchiri', ri Jesús xebusiq'uij conoje ruq'uiyal ticawex y jewa' xubi'ij chique:\n—Lic tanape onoje alak y lic maja alak usuc' wa': 15Ri cach'ulan ri ranima' ri ticawex na e ta ri cutij bi, ma e ri quel lo pa ranima', e wa' ri cach'ulan re. 16China c'u ri c'o utanibal che utayic, ¡chuta c'u ri'! —xcha chique.\n17Ec'u ri Jesús xebuya can ruq'uiyal ticawex y xoc bi che jun ja. Tec'uchiri' rutijo'n xqui'an tz'onobal che puwi wa c'ambal na'oj. 18Ewi rire xubi'ij chique:\n—¿Ix neba jun ri'ix chique ri na jinta quina'oj puwi wa'? ¿Na quimaj ta neba usuc' e ri cach'ulan ri ranima' ri ticawex na e ta ri cutij bi? 19Ma e janipa ri cutij bi, ri' na coc ta chupa ri ranima'; xa chupa rupa que'ec wi. Tec'uchiri', cu'pamaj bi —xcha'. Ruc' wa' ri Jesús xraj xubi'ij e ronoje tak ri re catijic, lic utz. 20Je tanchi wa' xubi'ij chique:\n—E ri quel lo pa ranima' ri ticawex, e wa' ri cach'ulan re. 21Ma pa ranima' ri ticawex quel wi lo tak ritzel na'oj, ri macunic chirij ri c'ulaniquil, ri caretz'abej uwa uk'ij ruc' jun chic na uc'ulel taj, ri camisanic, 22ri elek', ri rayinic re puak, ri retzelal c'u'xaj, ri socoso'nic; ri rayibal re ri ti'jil, ri c'ax c'u'xaj chirij jun chic, ri itzel ch'a'tem chirij junok, ri cu'an nim chiribil rib, ri na cuch'ob tana sa' ri cu'ano. 23Ronoje tak wa' wa itzel uwach, chupa ri ranima' ri ticawex quel wulok y e cach'ulan re rubinic —xcha'.\nRi cubulibal uc'u'x jun ixok na cuq'uil ta ri aj judi'ab\n(Mt. 15:21-28)\n24Xel bi ri Jesús chiri' y xopon pa tak ri luwar re Tiro y re Sidón. Xoc c'u chuchi' jun ja. Na xraj taj c'o queta'man re we Rire c'o chiri'; na ruc' ta c'u ri', xqueta'maj ri winak. 25C'o c'u jun ixok, e ri ralit c'o puk'ab jun itzel uxlabixel. Xew xuto c'o ri Jesús chiri', xc'unic y xuc'ak rib xe'rakan uk'ab ri Jesús. 26Ec'u rixok na cuq'uil ta ri aj judi'ab yey alaxel pa ri luwar re Sirofenicia. Xelaj c'u che cha' caresaj bi ri itzel uxlabixel che ri ralit.\n27Ec'u ri Jesús xubi'ij che:\n—Chirajawaxic na nabe quewa'ic y quenoj ri e ralc'o'al ri rajaw ja, ma na usuc' taj we junok cumaj ri quiwa ri ralc'o'al y cuc'ak bi chiquiwa ri tz'i' —xcha che.\n28Rixok xuc'ul uwach:\n—Katzij, Kajawal, pero ¿na quewa' ta neba ri tz'i' ruc' ruc'aj quiwa rac'alab catzak chuxe' ri mexa? —xcha'.\n29Ri Jesús xubi'ij che:\n—Ruma wa xabi'ij, canya chawe ri xatz'onoj. Jat c'u wo'ora ma ri itzel uxlabixel elinak chubi che rawalit —xcha'.\n30Ec'uchiri' xopon rixok chirocho, xu'rika ri ralit cotz'ol chwa uwarabal yey elinak chubi ri itzel uxlabixel che.\nRi Jesús cucunaj jun achi t'o'c y cach'ikch'otic\n31Ec'uchiri', xel tanchi ubi ri Jesús che tak ri luwar re Tiro y xic'ow pa ri tinamit Sidón. Xopon c'u chuchi' ri mar re Galilea y xe'ela pa tak ri luwar re Decápolis. 32Chiri' xquic'am lo chwach ri Jesús jun achi t'o'c y cach'ikch'otic, yey ri ec'amayom lok xebelaj che cha' cuya ruk'ab puwi'.\n33Ec'u ri Jesús xresaj bi rachi chiquixo'l ri winak. Tec'uchiri' xuju' ruwi tak uk'ab puxiquin rachi y xucoj jubik' uc'axaj tza'm ri rak'. 34Xtzu'n chicaj, xuq'uis uc'u'x y jec'uwa' xubi'ij che rachi: «¡Efata!» (Wa' pa ri ch'a'tem arameo que'elawi \"chatjakatajok\".) 35Na jampatana c'u ri', rachi xjakataj ruxiquin, xquiritaj ri rak' y xujeko cach'a't chi utz.\n36Ec'u ri Jesús lic xebupixabaj ri winak cha' na jinta c'ana c'o caquitzijoj wi, no'j ri winak tob ne quepixabaxic, más ne xebec che utzijoxic. 37Lic c'u cacam canima' ri winak che y jewa' caquibi'ij: «Ronoje ri cu'ano lic utz, ma ri e t'o'c cu'an chique quetanic yey ri e me't cu'an chique quech'awic.»","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Mark\/7","date":"2019-01-24T09:00:46Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547584519757.94\/warc\/CC-MAIN-20190124080411-20190124102411-00436.warc.gz","language":"acr","language_score":1.0000029802,"language_script":"Latn","minhash_cluster_size":2,"top_langs":"{\"acr_Latn_score\": 1.0000029802322388}","num_words":1040,"character_repetition_ratio":0.057,"word_repetition_ratio":0.016,"special_characters_ratio":0.278,"stopwords_ratio":0.322,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Lucas 11\nRi Jesús cac'utun chwi ri oración\n(Mt. 6:5-15; 7:7-11)\n1C'o jun k'ij ri Jesús cach'a't ruc' ri Dios. Y echiri' xuq'uis u'anic orar, jun chique rutijo'n xubi'ij che:\n—Kajawal, c'utu la chike su'anic caka'an orar, jela' pacha' xu'an ri Juan cuc' rutijo'n —xcha'.\n2Y ri Jesús xubi'ij chique:\n—Echiri' quixch'a't ruc' ri Dios, utz jewa' quibi'ij:\nKakaw Dios, Lal c'o la chila' chicaj,\n¡lic cheta'maxok nim uk'ij ri bi' la!\nPeta la, takana la pakawi';\nchu'ana c'u ri rajawal c'u'x la wara che ruwachulew,\njela' pacha' ri ca'an chila' chicaj.\n3Ya'a co la wak'ij ri kawa, ri cajawax chike ronoje k'ij.\n4Cuyu co la kamac,\njela' pacha' ri'oj cakacuy quimac conoje ri emacuninak chikij.\nY maya co la luwar chike cojtzak pa mac;\ne lic chojcolobej la chwach ritzel winak\n—xcha'.\n5Ec'u ri Jesús xubi'ij tanchi chique:\n«We ta e la' c'o junok chiwe, pa tiq'uil ak'ab que'ec chirocho juna ramigo y jewa' cubi'ij che: \"Wamigo, ma'an co ri' canjal oxib nuwa chawe, 6ma xc'un jun wamigo petinak naj y na jinta chi nuwa re cantzuku\" cacha che.\n7»Ec'u rire cuc'ul lo uwach c'a pa ja, jewa' cubi'ij lo che: \"Minach'ich'a', ma ri puerta tz'apil chic y oj cotz'ol chi cuc' ri walc'o'al. Na utz ta c'u ri' quinyactajic cha' qui'nya'a bi chawe\" cacha'.\n8»Cambi'ij c'u ri'in chiwe: Rachi tob na cayactaj ta lo che uto'ic ri ramigo ruma camigos quib, pero cuto'o xa ruma ri ramigo lic na xrok'otaj ta utz'onoxic.\n9E uwari'che cambi'ij ri'in chiwe: Janipa ri cajawax chiwe, chitz'onoj che ri Dios y caya'i' chiwe; chitzucuj ruc' Rire janipa ri cajawax chiwe y quiriko; chich'a'bej Rire y quixucajmaj lok. 10Ma china ri quel uchi' che utz'onoxic, cuc'ul na; china ri c'o cutzucuj, curik na; y china ri cach'aw pan che ruchi' ja, cajaki' na lo che.\n11»¿C'o neba juna achi chixo'l, we ruc'ajol cutz'onoj pam, cuya juna abaj che; o we cutz'onoj car, cuya juna cumatz che? 12¿O c'o neba juna achi we ruc'ajol cutz'onoj sakmolob che, cuya juna sina'j che? ¡Na jinta junok! 13Ec'u ri'ix tob xa ix ticawex na lic ta utz ic'u'x, na ruc' ta c'u ri', quirik uya'ic chomilaj tak sipanic chique riwalc'o'al. ¡Mac'uwari' ri Kakaw Dios c'o chila' chicaj cuya ne lo ri Santowilaj Ruxlabixel chique ri quetz'onow re!» xcha ri Jesús.\nCabi'x che ri Jesús e uchuk'ab ritzel ri c'o ruc'\n(Mt. 12:22-30; Mr. 3:20-27)\n14E xu'an wa' echiri' ri Jesús caresaj bi jun itzel uxlabixel che jun achi me'turisam ruma ri itzel uxlabixel. Ec'uchiri' elinak chubi ri itzel uxlabixel, rachi xujek cach'a'tic. Yey tak ri winak lic xcam canima' che wa'. 15Pero e c'o jujun chique xquibi'ij: «Rire queberesaj bi ri itzel uxlabixel ruma ruchuk'ab ri Beelzebú, ri cajawal ri itzel uxlabixel» xecha'.\n16Y e c'o chi jujun xa re caquic'am upa ri Jesús, caquitz'onoj che cu'an juna c'utubal re chila' chicaj cha' cak'alajinic we Rire takom lo ruma ri Dios. 17Pero ri Jesús reta'am sa' ri caquich'obo; ruma c'u ri', xubi'ij chique:\n«We ri takanelab re juna tinamit quijachom quipa ruma quech'o'jin chiquiwach, ri' na canajtir ta ri quitakanic. Yey we ri ejekelel pa juna ja quijachom quipa ruma quech'o'jin chiquiwach, ri' na quetiqui' ta chi utz.\n18Jec'uri'la', we ta ri Satanás cuc' ri itzel uxlabixel caquijek quech'o'jin chiquiwach, ¿su'anic c'u ri' catiqui' rutakanic? Cambi'ij wa' ma ralak cabi'ij alak ri'in quebenuwesaj bi ri itzel uxlabixel ruma ruchuk'ab ri Beelzebú.\n19»We ta e ri', ¿china caya'w quichuk'ab ri' ri e tijo'n ralak cha' quequesaj bi itzelilaj uxlabixel? ¿Ruc' nawi ruchuk'ab ritzel caqui'ano? Tz'onoj c'u alak ri' chique ri e tijo'n alak we e u'anom ri'. 20Pero we ri'in quebenuwesaj bi ri itzel uxlabixel ruc' ruchuk'ab ri Dios, wa' e c'utubal re c'uninak chi rutakanic ri Dios chixo'libal alak.\n21»We c'o juna achi lic c'o uchuk'ab y lic c'o uchapabal puk'ab re cuchajij ri rocho, na jinta c'u cuc'ulumaj ri' rubitak re. 22No'j we xc'un lo junok chic más c'o uchuk'ab chwa ri rajaw ja, ri' cuch'ij uchuk'ab, cumaj c'u che ri rajaw ja ri chapabal ri lic ucubam uc'u'x ruc', cuc'am bi ronoje rubitak re y cujach chique jujun chic.+ 23Cambi'ij c'u che alak: China ri na u'anom ta re wuc' ri'in, ri' aj ch'a'oj chwij. Yey china ri na cato'b ta wuc' ri'in che quic'amic lo jujun chic, ri' e cuwulij wa chac can'ano.\nRi cuc'ulumaj junok echiri' juna itzelilaj uxlabixel catzelej tanchi ruc'\n(Mt. 12:43-45)\n24»Echiri' juna itzelilaj uxlabixel quel bi ruc' juna ticawex, ri cu'ano e casutin pa tak luwar catz'intz'otic re cutzucuj pa cajeki' wi. Yey we na curik taj, cubi'ij c'u chiribil rib: \"Quintzelej pe chupa ri wocho, pa xinel lo wi\" cacha'. 25Ec'uchiri' coponic, cu'rika rachi pacha' juna ja mesom upa y yijbital chi utz. 26Que'ec c'ut, quebu'c'ama chi lo wukub rach itzel uxlabixel más itzel quiwachlibal chwa rire; y conoje c'u ri' queboquic y quejeki' chiri'. Jec'uri'la', rubinic rachi más cayojtaj chwa ri petinak lok»+ xcha ri Jesús.\nNim quik'ij calaxic ri quecojow re Rutzij Upixab ri Dios\n27Echiri' c'a catajin ri Jesús che ubi'xiquil wa', c'o jun ixok chiquixo'l ruq'uiyal winak lic co xch'awic, jewa' xubi'ij che:\n—Nim uk'ij ralaxic rixok xya'w e la chwachulew y xtz'umtisan e la —xcha'.\n28No'j ri Jesús xubi'ij che:\n—Más nim quik'ij calaxic ri quetaw re y quecojow re Rutzij Upixab ri Dios —xcha'.\nRi winak caquitz'onoj che ri Jesús c'utubal re ruchuk'ab\n(Mt. 12:38-42)\n29Echiri' uq'uiyal winak catajin quimolotajic ruc' ri Jesús, rire xujek ubi'xiquil chique:\n«Ri ticawex re wak'ij ora lic itzel quic'u'x, ma e caquitz'onoj can'an juna c'utubal re ruchuk'ab ri Dios chiquiwach. No'j na caya'taj ta c'u wa' chique, ma xew caya'taj ri c'utubal x'ani' ojertan ruc' ri Jonás.+ 30Ma jela' pacha' ri Jonás xolu'ana jun c'utubal chiquiwach ri aj Nínive, jec'uri'la' Ralaxel Chiquixo'l Ticawex colu'ana jun c'utubal chiquiwach ri ticawex re wak'ij ora.\n31»Echiri' copon ri k'ij re k'atbal tzij,+ cayactaj lo ri reina re pa sur+ y cucoj quimac ri ticawex re wak'ij ora. Ma rojertan lic naj petinak wi rire cha' colu'xiquinaj runa'oj ri rey Salomón. No'j ri ticawex re wak'ij ora, c'o jun chiquixo'l más c'o uwach chwa ri Salomón, yey na queboc tane il che.\n32»Jec'ula' ri winak aj Nínive re ojertan queyactaj chupa ri k'ij re k'atbal tzij y caquicoj quimac ri ticawex re wak'ij ora. Ma rique xquitzelej quitzij chwach ri Dios ruma ri tzijonic xu'an ri Jonás chiquiwach.+ No'j ri ticawex re wak'ij ora, c'o jun chiquixo'l más c'o uwach chwa ri Jonás, yey na queboc tane il che.\nRi c'ambal na'oj puwi ri candil\n(Mt. 6:22-23)\n33»Na jinta junok echiri' cutzij juna ak', que'rewaj lo chupa juna luwar pa na k'alaj ta wi. Na cuch'uk tane uwi' ruc' juna mulul re pajbal; ri cu'an che, e cuya lo chupa ruc'olibal chicaj cha' jela' cutzij quiwi' ri queboc bi.\n34»Ri kawach e pacha' candil re ri kacuerpo, ma ruma wa' cojtzu'nic cha' utz cojbinic. Jec'ula', we ri kawach lic utz u'anom, ronoje ri kacuerpo nojinak che k'ijsak y cakil c'u ronoje chi utz. No'j we ri kawach na utz taj, ronoje ri kacuerpo c'o pa k'eku'm.+\n35»Lic c'u chajij ib alak; e mabi'ij alak: \"Oj c'o pa k'ijsak\", yey na cana'bej ta alak pa k'eku'm c'o wi alak. 36No'j we pakatzij wi c'o chi alak pa k'ijsak y na jinta chi re ri k'eku'm che alak, ri' ronoje cak'alajin chiwach alak jela' pacha' juna candil cutzij ri be alak ruc' ruwonibal» xcha'.\nRi Jesús cuk'alajisaj ri quimac ri fariseos y raj c'utunel re ri tzijpixab\n(Mt. 23:1-36; Mr. 12:38-40; Lc. 20:45-47)\n37Ec'uchiri' ri Jesús xuq'uis cac'utunic, xsiq'uix ruma jun fariseo cha' que'wo'ka chirocho. Ri Jesús xe'ec, xoc c'u chupa ri ja y xtz'uyi' chwa ri mexa. 38Echiri' xril wa' ri fariseo, lic xcam ranima' che ma na xuch'aj ta nabe ruk'ab jela' pacha' caqui'an che ri quijosk'iquil ri fariseos.\n39Ec'u ri Kanimajawal jewa' xubi'ij che:\n—Ralak alak fariseos lic coc alak il che ri cach'aj alak chi utz ri rij ri vaso y ri lak pero na coc ta alak il che uch'ajic rupa. Jec'uri'la' ralak lic coc alak il che ri josk'inic re ri cuerpo, pero lic nojinak ri anima' alak che rayinic y che ri na utz taj.\n40»¡Lic na jinta c'ana na'oj alak! Ri Jun x'anaw re ri quilitaj che ri cuerpo alak, ¿na e ta neba ri x'anaw re ri anima' alak? 41We pakatzij wi ca'aj alak cu'an chom ri binic silabic alak chwach ri Kakaw, sipan alak chique ri niba'ib ruc' ri c'o uc' alak.\n42»¡Lic tok'o' wach ralak alak fariseos! Lic coc alak il che jujun tzijpixab, ma caya alak che ri Dios ri diezmo re ri arweno, re ri ruda y re ronoje ichaj; no'j na ca'an ta alak ri lic usuc' y na c'ax ta cana' alak ri Dios. Yey ri lic chirajawaxic wi e ca'an alak ri usuc' y c'ax cana' alak ri Dios, junam ruc' ri caya alak ri diezmo alak.\n43»¡Lic tok'o' wach ralak alak fariseos, ri lic ca'an nim che ib alak! Ma lic cuc'ul c'u'x alak ri catz'uyi' alak pa tak sinagogas chupa ri tz'ulibal que ri lic c'o quiwach y lic cuc'ul c'u'x alak ri caya' rutzil wach alak pa quilitaj wi alak.\n44»¡Lic tok'o' wach ralak alak aj c'utunel re ri tzijpixab y alak fariseos! Xa queb palaj alak, ma e quech'ulaj alak ri winak ruc' ri cac'ut alak. Pacha' alak mukubal que anima' na quilitaj taj; ec'u ri winak quebic'ow puwi' y na caquina'bej taj ruc' wa' caquich'ulaj quib»+ xcha'.\n45Ec'uchiri', jun chique ri e aj c'utunel re ri tzijpixab jewa' xubi'ij che ri Jesús:\n—Lal tijonel, echiri' cabi'ij la wa', oj jun ri'oj cojyaj la —xcha'.\n46Ri Jesús xubi'ij:\n«¡Lic tok'o' wach ralak alak aj c'utunel re ri tzijpixab! Lic ca'an alak c'ax chique ri winak ruc' ri takanic alak. Ma wa takanic alak e pacha' nimak tak eka'n lic al y lic c'ayew ruc'axic; quetak c'u alak ri winak cha' caquekaj bi yey ralak na ca'aj tane alak cato'b c'ana alak ruc' wa'.\n47»¡Lic tok'o' wach alak! Ma cayac alak chomilaj mukubal chique ri k'alajisanelab xecamisax cuma ri mam alak ojertan. 48Ruc' ri ca'an alak cak'alajisaj alak junam tzij alak cuc' ri mam alak. Ma rique na xquic'ul ta ri e k'alajisanelab y xequicamisaj; jenela' ralak na cata ta alak ri quitzij tz'ibital canok, tob cayijba' alak ri' ri quimukubal.\n49»E uwari'che ri Dios, ri lic c'o sakil na'oj ruc', jewa' cubi'ij: \"Quebenutak bi e k'alajisanelab y e tako'n chiquiwach wa ticawex. Y chique c'u wa' wa aj chac we'in, c'o ri quequicamisaj y c'o ri quequiternabej ruc' c'ax\" cacha ri Dios. 50Ec'u uwari'che, ri alak ticawex re wak'ij ora, pawi' alak c'o wi ri quiquiq'uel ri k'alajisanelab ecamisam chwi lo ri jekebal re ruwachulew, 51chwi lo rucamic ri Abel+ c'a chwa rucamic ri Zacarías, ri xcamisax chuxo'l raltar y ri Rocho Dios.+ Pakatzij wi cambi'ij che alak, ri Dios cuk'at tzij pawi' alak ruma ri quicamic rique.\n52»¡Tok'o' wach ralak alak aj c'utunel re ri tzijpixab! Ma alak latz'anel chique ri cacaj caqueta'maj ri K'ijsak. Ewam alak rusuc' Rutzij Upixab ri Dios, jec'ula' na coc ta alak pa ri K'ijsak yey na caya tane alak luwar chique ri winak queboquic» xcha'.\n53Echiri' ri Jesús catajin che ubi'xiquil wa' chique, raj c'utunel re ri tzijpixab y ri fariseos lic xpe coyowal chirij y xquijeko caquichapala' ruc' uq'uiyal tz'onobal. 54Lic xquitij ri' che cha' rire cubi'ij ri na usuc' taj y ruc' wa' caquicoj umac.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Luke\/11","date":"2019-01-18T01:38:09Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583659654.11\/warc\/CC-MAIN-20190118005216-20190118031216-00173.warc.gz","language":"acr","language_score":1.0000071526,"language_script":"Latn","minhash_cluster_size":2,"top_langs":"{\"acr_Latn_score\": 1.000007152557373}","num_words":1890,"character_repetition_ratio":0.055,"word_repetition_ratio":0.006,"special_characters_ratio":0.272,"stopwords_ratio":0.288,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Juan 6:63\n63Ri sakil c'aslemal na jinta utakexic petinak ruc' ri Ruxlabixel ri Dios; na e ta ri petinak xa ruc' ri ticawex, ma ri' na jinta uchac re cuya ri sakil c'aslemal. Ec'u ri ch'a'tem nubi'im ri'in che alak, wa' petinak ruc' ri Ruxlabixel ri Dios, ri aj ya'l c'aslemal.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/John\/6\/63","date":"2019-01-24T06:06:20Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547584519382.88\/warc\/CC-MAIN-20190124055924-20190124081924-00027.warc.gz","language":"acr","language_score":0.999969244,"language_script":"Latn","minhash_cluster_size":1,"top_langs":"{\"acr_Latn_score\": 0.9999692440032959}","num_words":50,"character_repetition_ratio":0.12,"word_repetition_ratio":0.0,"special_characters_ratio":0.275,"stopwords_ratio":0.44,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Lucas 13\nLic chirajawaxic wi cakatzelej katzij chwach ri Dios\n1Chupa wa' wa k'ij e c'o jujun chiri' xquitzijoj che ri Jesús sa' ri xquic'ulumaj jujun aj Galilea, ri xecamisax ruma utzij ri takanel Pilato echiri' quetajin che uya'ic ri quikasa'n re chicop chwa ri altar pa ri Rocho Dios. Yey ri quiquiq'uel wa' wa aj Galilea xquich ca'n puwi ri quiquiq'uel ri chicop.\n2Ec'u ri Jesús xuc'ul uwach:\n—¿E cach'ob nawi alak, wa' wa aj Galilea xecamisaxic ma e más e aj maquib chiquiwa ri cach aj Galilea? 3Pakatzij wi cambi'ij che alak, na e ta ri'. Yey ralak, we na catzelej ta tzij alak chwach ri Dios, e ne jun ralak casach wach alak.\n4»¿O sa' nawi cach'ob alak puwi ri xquic'ulumaj ri e dieciocho, ri xecamic echiri' xtzak lo ri Torre re Siloé paquiwi'? ¿E cach'ob nawi alak, wa winak xecamic ma c'o más quimac chiquiwa ri cach aj Jerusalem? 5Pakatzij wi cambi'ij che alak, na e ta ri'. Yey ne ralak, we na catzelej ta tzij alak chwach ri Dios, e ne jun ralak casach wach alak —xcha'.\nRi c'ambal na'oj puwi ri che' re higo na jinta ujik'obalil\n6Xutzijoj c'u wa jun c'ambal na'oj chique:\n«C'o jun achi uticom jun che' re higo chupa rutico'n. Xc'un c'u lok re colu'tzucuj ujik'obalil ri higo yey na jinta xurik che. 7Xubi'ij c'u che ri chajinel re rutico'n: \"Chawilape', e urox junab wa' quinc'unic co'lnutzucuj ujik'obalil wa che' re higo, yey na jinta c'ana ujik'obalil canriko. Wo'ora chacheta bi ma ¿sa' cutikoj c'o chupa wa' wu'lew?\" xcha'.\n8Ec'u ri chajinel xubi'ij che: \"Wajaw, ya'a chi la wa junab che, ma cantij chi na uk'ij canc'ot rij y cancoj abono chuxe'. 9C'axtaj cuya ujik'obalil; no'j we na xuya taj, c'a ec'uchiri' utz cachet bi\" xcha'.»\nRi Jesús cucunaj jun ixok pa jun k'ij re uxlanibal\n10Pa jun k'ij re uxlanibal ri Jesús cac'utun chupa jun sinagoga. 11C'o c'u jun ixok chiri' e dieciocho lo junab ri' lic c'uyuq'uic u'anom ri rij ruma jun itzel uxlabixel, yey na utz ta ne cusuc'upij rib. 12Y ri Jesús echiri' xril rixok, xusiq'uij apanok y jewa' xubi'ij che:\n—Ixok, lal cunutajinak chi che ri yabil c'o wi la —xcha'. 13Y xuya ruk'ab puwi rixok; y chupa c'u la' la jok'otaj rixok xsuc'upitajic y xujeko cuyac uk'ij ri Dios.\n14Ec'u ri takanel re ri sinagoga lic xpe royowal chirij ri Jesús ma xcunan chupa ri k'ij re uxlanibal, y xubi'ij c'u chique ri winak:\n—C'o wakib k'ij re chac; chupa wa' utz cape alak re cacunax bi alak, pero lic na ube taj cacunax alak chupa ri k'ij re uxlanibal —xcha'.\n15Ec'u ri Jesús xubi'ij:\n—¡Xa queb palaj alak! Onoje ralak ¿na caquir ta neba alak ri boyex y ri buru chupa ri k'ij re uxlanibal cha' cac'am bi alak chi tijoj ya'? Ca'an ne alak wa' chique yey xa e awaj. 16Mac'uwari' takal che wi'xok cato'ic, ma rire ralc'o'al can ri Abraham,+ yey e dieciocho lo junab wa' \"yututal\" ruma ri Satanás. ¿Na utz ta cami ri' quesax chupa ri yabil pa ri k'ij re uxlanibal? —xcha'.\n17Echiri' xubi'ij wa' ri Jesús, lic xeq'uix conoje ri tzel quebilow re; no'j conoje ri winak lic quequi'cot ruma ri c'utubal re runimal uchuk'ab ri Dios cu'an ri Jesús.\nRi c'ambal na'oj puwi rija' re moxtasa\n(Mt. 13:31-32; Mr. 4:30-32)\n18Ec'uchiri', xubi'ij tanchi ri Jesús:\n«¿Sa' ruc' cajunimax wi rutakanic ri Dios? 19Ri'in canjunimaj ruc' juna ija' re moxtasa, ri xc'am bi ruma jun achi y xtiqui' chupa ri werta. Ec'u ri' wa' xq'uiyic y lic xu'an bojobic; yey ri tz'iquin quexiq'uic' che ruwa caj xqui'an quisoc puwi tak ruk'ab» xcha'.\nRi c'ambal na'oj puwi ri levadura\n(Mt. 13:33)\n20Y xubi'ij tanchi ri Jesús:\n«¿Sa' ruc' canjunimaj wi rutakanic ri Dios? 21E jela' pacha' ri levadura, ma echiri' juna ixok cu'an pam, cutuc jubik' levadura xo'libal oxib pajbal harina y ri levadura cusipowirisaj upa ronoje ri k'or»+ xcha'.\nChina tak ri quecolobetajic\n(Mt. 7:13-14, 21-23)\n22Echiri' ri Jesús c'o chi be re que'ec Jerusalem, xic'ow pa tak tinamit y pa tak aldeas, e ri' cac'utunic. 23Y c'o c'u jun xbi'n che:\n—Wajawal, ¿xa nawi jujun ri quecolobetajic? —xcha che.\nY ri Jesús xuc'ul uwach:\n24«Lic chich'iquiquej iwib cha' quixoc chupa ri nutakanic che ri oquibal xa ch'uti'n uwach, ma cambi'ij chiwe: Copon na ri k'ij echiri' lic e q'ui ri cacaj queboc bi, no'j na caya'taj ta chique queboc bi.\n25»Ma e cu'ana pacha' ri rajaw juna ja echiri' cu'an juna nimak'ij. Echiri' eboquinak chi conoje ri ebusiq'uim, cutz'apij lo ri puerta, y na jinta chi c'u junok coquic. Jec'ula' ri' ri quic'ulumaj ri'ix, na quixoc ta chubi. Quijek c'u ri' quixch'aw apanok: \"Kajaw, Kajaw, ya'a co la chike cojoc bi\" quixcha'.\n»Yey Rire jec'uwa' cuc'ul lo uwach chiwe: \"Ri'in na weta'am taj pa ix petinak wi ri'ix\" cacha chiwe.\n26»Ec'uchiri', quijek ubi'xic: \"Oj wa' c'u wo'kinak uc' la yey xc'utun ne la pa tak ri be re ri katinamit\" quixcha che.\n27»No'j Rire cubi'ij lo chiwe: \"Pakatzij wi, ri'in na weta'am taj pa ix petinak wi ri'ix. Chixela chinuwach, iwonoje ri ix 'anal re ri lic itzel uwach\" cacha chiwe.\n28»Ec'uchiri', lic quixok'ic y cakich'ich' ruwi iwe' echiri' quebiwil ri Abraham, ri Isaac y ri Jacob cuc' conoje ri k'alajisanelab e c'o ruc' ri Kakaw pa rutakanic chila' chicaj; yey ec'u ri' ri'ix na jinta pik'ab quixoc bi cuc'. 29No'j e c'o ri na e ta aj judi'ab e petinak pa relebal lo ri k'ij, putzakibal ri k'ij y pa ronoje luwar che ruwachulew, ri' queboc chwa ri mexa pa rutakanic ri Dios.\n30»Chiwilape c'u ri', ma e c'o jujun chique ri na jinta quiwach wara che ruwachulew, e lic cac'oji' quiwach chwach ri Dios chila' chicaj; yey e c'o ri lic c'o quiwach wara che ruwachulew, e cu'ana na jinta quiwach chwach ri Dios chila' chicaj» xcha'.\nRi Jesús cok' puwi ri tinamit Jerusalem\n(Mt. 23:37-39)\n31Chupa c'u wa' wa k'ij xekib jujun fariseos ruc' ri Jesús y jewa' xquibi'ij che:\n—Chelubi la y oj la ma ri rey Herodes caraj cucamisaj la —xecha'.\n32Y ri Jesús xubi'ij chique:\n—Oj alak y je'bi'ij alak che la' la'chi, ri e pacha' juna yac: \"Wak'ij y chwe'k c'a quebenuwesaj bi ri itzel uxlabixel y can'an cunanic yey cabij c'ut canq'uis ri nuchac\" cacha alak che. 33Pero che c'u wo'xib k'ij chirajawaxic wi cambinibej pan nube quin'ec, ma na takal ta che juna k'alajisanel cacam c'a naj che Jerusalem —xcha'.\n34Tec'uchiri' xubi'ij:\n«¡Jerusalem, Jerusalem, ri'ix quebicamisaj ri k'alajisanelab y quebi'an pa'baj janipa ri ebutakom lo ri Dios iwuc'! E ri'in uq'uiyal laj lic xuaj xinmol quichi' riwalc'o'al ri'ix jela' pacha' cu'an juna ati' ac' chique tak ruwi'ch echiri' cumol quichi' chuxe' tak ruxic', no'j ri'ix na xiwaj ta q'uenok.\n35»Chitape c'ut, c'o jun k'ij echiri' ri iwocho ri'ix cawulix canok. Cambi'ij c'u chiwe na quiwil ta chi nuwach c'a echiri' copon na ruk'ijol quibi'ij:\nLic nim uk'ij ri jun petinak\nchupa rubi' ri Dios Kajawxel Sal. 118:26\nquixcha'.»","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Luke\/13","date":"2019-01-19T22:34:54Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583684033.26\/warc\/CC-MAIN-20190119221320-20190120003320-00175.warc.gz","language":"acr","language_score":1.0000077486,"language_script":"Latn","minhash_cluster_size":2,"top_langs":"{\"acr_Latn_score\": 1.0000077486038208}","num_words":1153,"character_repetition_ratio":0.047,"word_repetition_ratio":0.016,"special_characters_ratio":0.275,"stopwords_ratio":0.311,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Hechos 6:1\nQuecha' wukub aj chac re ri Dios\n1Chupa tak la' la k'ij lic xeq'uiyar ri cajlibal ri quicojom rubi' ri Cristo. Ec'u ri hermanos e aj judi'ab ri quech'a't pa ri ch'a'tem griego, xquijek quech'a'tiben chiquij ri hermanos e aj judi'ab ri quech'a't pa ri ch'a'tem hebreo. Ma echiri' ca'an ri jachanic chique ri e niba'ib, ri malca'nib ri quech'a't pa ri ch'a'tem griego na quecajmax ta chi utz ruc' ri to'bal que caquic'ul ri jujun k'ij.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Acts\/6\/1","date":"2019-01-23T08:23:56Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547584203540.82\/warc\/CC-MAIN-20190123064911-20190123090911-00297.warc.gz","language":"acr","language_score":0.9998810291,"language_script":"Latn","minhash_cluster_size":1,"top_langs":"{\"acr_Latn_score\": 0.9998810291290283}","num_words":78,"character_repetition_ratio":0.133,"word_repetition_ratio":0.029,"special_characters_ratio":0.264,"stopwords_ratio":0.372,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"2 Corinthians 21Rumal-i, xin ch'obo n-xin 'e ta chic iwu' we to' bis que in ya chiwe. 2We yix xa quix bison wumal, ¿pa ca pe wi 'uri in quicotemal yin? Chiwe ne yix ca pe wi in quicotemal yin; xui-ri, n-quin quicot taj we yix xa quix bisonic. 3Rumal-i, xin tz'ibaj bi i wuj-le chiwe, suc'bal pan iwe quin 'ano. N-xwaj ta 'enam iwu' we xa bis qui ya chwe, man mas ca majawic quin quicot na iwumal yix. Weta'am, we quin quicot yin, xak iwonojel yix quix quicot wu'. 4Are xin tz'ibaj i wuj-le chiwe, lic xin c'achir iwumal; mas xin bison chiwe yix, mas xin o' rumal. Xui-ri, xin tz'ibaj bi i wuj-le chiwe, n-petsabal ta bis chiwe, xa xin 'ano c'utbal-re chiwe chi nim ni c'axnabal in c'ux chiwe.\nXu bij chi chiqui cuyu u mac i jun chi u mayim chic u mac5We 'o jun chila chi u petsam in bis rumal u mac, n-xui ta chwe yin u petsam wi, xak chiwe yix laj iwonojel u petsam i bis. N-xin bij taj we lic iwonojel yix, xui-ri \"laj iwonojel\" xin bij; we tene xin bij chi 'is iwonojel, que'el 'uri chi lic c'ax in tzij-le che ire. 6I achi-le, chi ajmac te'ek, ix q'ui chi xi ya pa tojbal u mac, pacha ca majaw che; xui-ri, ya co'on ile. 7Wo'or, 'o u chac chi cuyu u mac, xak chi cubsaj u c'ux, man 'utz n-ca sach ta chupam u bis. 8Rumal-i, quin tz'onoj i utzil chomal chiwe, chi 'alijinsaj tan chic i c'axnabal i c'ux che. 9Are xin tz'ibaj bi i wuj-le chiwe, chi suc'bal re u c'aslemal i achi-le, are ilbal-re chiwe xin 'ano, we lic ronojel in tzij quix cojon che. 10We yix qui cuy u mac jun winak, xak yin quin cuyu. We 'o jun quin cuy ni u mac, quin 'ano tobal iwe yix iwonojel; lic chuwach i Crísto quin 'an wi. 11Chaka cuyu u mac i kachalal man 'utz n-ca tiqui ti itzel ▼ chake; keta'am chi ire lic saklej u nojbal, xa tzaksabal-ke cu tzucuj.\nI ma Páblo xc'achir chique i aj Corínto12Are xin upon chu bixquil u tzij i Crísto chila pa tinimit Tróas, xwil yin chi lic chom i jekbal re in chac rumal i Kajwal. 13Xui-ri, mas xin c'achiric man n-xin rik ti kachalal ma Títo chila pacha i ka bim wi ru'. Rumal-i, n-xin q'uiji ta chila, xe in 'ijla canok, y xin 'e pa jyub Macedónia.\nRumal i Crísto n-ta coj ch'acawic14C'amori che i Dios man rumal ire, yoj chi oj re i Jesucrísto n-ta coj ch'acawic. Xak u 'anom chake chi ca paxsax u tzijol i Crísto kumal yoj; ca paxsaxic pacha jun muy chi ca 'e chuwach i jyub ta'aj. 15I yoj oj pacha u muyal inciénso chi cu sujuj i Crísto chuwach i Dios. I u muyal-le ca 'e chiquixol conojel i winak: ca 'e chiquixol ni'pa i que totaj na, xak chiquixol ni'pa i n-que totaj taj. 16Ni'pa i que totaj na rumal, que'el chique pacha jun muyal chi cu ya qui c'aslemal. I ni'pa i n-que totaj ta rumal, que'el chique ique pacha jun chu chi que cam rumal. Rumal-i, lic xibin'ib i chac-le chi ca tzijox u tzij i Crísto; rumal-i n-conojel taj que tiqui chu 'onquil. 17Je q'ui que tijin chu bixquil u tzij i Dios, xa ch'acbal re qui mer; yoj 'ut n-oj ta queje pacha ique-le chi xa quiqui yoj u tzij i Dios pacha cacaj ique. Yoj, sakil coj ch'aw chuwach i Dios; queje ile caka 'ano, man are i Dios oj takawnak chu bixquil, xak oj rajchac i Crísto.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nExamples to use the search box to find Bibles, passages, search terms, etc.-\nESVGen 1\nThis shows how to quickly lookup a passage.NIVESVKJVGen 1\nLooking up a passage in three different translations is also easy.ESVbrother\nThis asks STEP to search for the Greek word for 'brother' and show the results in the ESV.NIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.ESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.KJVTHGNTJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\nExamples of some Bible study tools +\nKJVCol 3 Color code grammar\nHighlight all the imperative verbs with red underlinesKJVCol 1 Color code grammar\nHighlight main verbs (green underlines) and supporting verbs (purple)KJVMat 1 Color code grammar\nHighlight the number (plural in bold) and gender (male in blue, feminine in red, neuter in black) of wordsESV1Jo 1 Quick tryout links\nHighlight frequent words in the chapter or book\nExamples to enable color code grammar +\nKJVEph 1 Color code grammar\nLook at KJV New Testament with color highlighted verbsSBLGRom 12 Color code grammar\nLook at Greek New Testament with color code grammar, Greek root word and English vocabularyCUnCol 1 Color code grammar\nLook at Chinese Union New Testament with color highlighted verbsSBLGKJVCUNEph 5 Color code grammar\nLook at Greek, English and Chinese New Testament with color code grammar\n© Tyndale House, Cambridge, UK - 2019","id":"","dump":"CC-MAIN-2019-51","url":"https:\/\/www.stepbible.org\/?q=version=ACRACC%7Creference=2Cor.2","date":"2019-12-07T17:31:54Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540500637.40\/warc\/CC-MAIN-20191207160050-20191207184050-00178.warc.gz","language":"acr","language_score":0.9875465035,"language_script":"Latn","minhash_cluster_size":1,"top_langs":"{\"acr_Latn_score\": 0.9875465035438538}","num_words":904,"character_repetition_ratio":0.063,"word_repetition_ratio":0.0,"special_characters_ratio":0.244,"stopwords_ratio":0.147,"flagged_words_ratio":0.0,"lang_id_score":0.979,"perplexity_score":500.0,"cluster_detection":-1} +{"text":"1 Corinthians 2\n'O i 'elbal chi sak xa rumal u camic i Jesucrísto1Ix wachalal, are in 'o wi chila iwu', are xin paxsaj i sak laj tzij re i Dios chiwe, n-ta xak chomik tak tzij, chomik tak nojbal xin bij chiwe. 2N-taj, man lic xin ch'ob yin, n-ta jun chic nojbal quin c'ut chiwe tz'akat in 'o iwu', xui re i Jesucrísto, xak wach u camic chuwach i cruz. 3Are xin upon iwu', n-ta kas in cho'ab, laj quin sicsat rumal in xibriquil. 4Are xix in 'ijla, are xin bij u tzij i Dios chiwe, n-xin bij ti to' chomik laj tak tzij chi xa sujbal re in nojbal chiwe. Are i xin bij, xiwil u be chi 'o u Tewal i Dios wu', cu yabej re u cho'ab in tzij chiwe. 5Queje xin 'an ile chiwe, man 'utz qui cuba ni i c'ux che i Kajwal xa rumal u cho'ab i Dios, n-rumal ta jun nojbal petnak ru' winak.\nRumal u Tewal i Dios caketamaj wach u nojbal ire6Xui-ri, katzij chi caka lap nimak tak nojbal chique ni'pa i jiquil chic qui c'ux che i Dios. Xui-ri, i nojbal chi caka lap yoj, n-petnak ta cu' winak, xak n-petnak ta cu' i 'atol tzij je re u wach i jyub ta'aj, man ique-le ya ca sach qui wach. 7Are i nojbal chi caka bij yoj, are u nojbal i Dios chi ujer ali'al 'olic, are i nojbal chi n-quiqui ta tu be i winak. I nojbal-le, u ch'obom i Dios ujer are maja cu yijba i jyub ta'aj; u ch'obom 'ut wach i yabal-ke pa chom. 8I je 'atol tzij, chi to' je re u wach i jyub ta'aj, mi jun chique xqui ta u be ile chi u ch'obom i Dios; we tene xqui ta u be ile, n-queje tene xqui camsaj-i i Kajwal chuwach cruz, ire chi lic nim u 'ij u chomal. 9N-xqui ta tu be man xe'elok pacha i tzij-i chi tz'ibtal can chupam u wuj i Dios; cu bij:\nMi jun rilom, mi jun u tom, xak mi jun u ch'obom wach i 'utz u yijbam i Dios chique ique chi c'ax quiqui na ire.\n(Queje ile tz'ibtal canok ▼.) 10Wo'or, ni'pa ile, i Dios u yom chake yoj chi caka ta u be rumal u Tewal. I u Tewal i Dios 'is reta'am ronojel, reta'am wach u ch'obom i Dios chi c'ax i retamaxic usuc' cumal i winak.\n11I yoj, chi oj winak, mi jun chake reta'am wach 'o pu c'ux jun chic, xui ire reta'am, xui i kanima yoj reta'am wach i caka ch'obo. Xak queje i Dios ile, xui u Tewal ire reta'am wach i cu ch'obo. 12I u Tewal i Dios c'un-nak ku' yoj, lic ru' i Dios petnak wi; n-are ta jun chi to' re u wach i jyub ta'aj. I Dios xu tak lok man craj ire caketamaj ronojel i 'utz chi u yijbam chake. 13Are wach i u 'alijinsam chake rumal u Tewal, are i coj tijin yoj chu c'utic. I tzij chi caka lap yoj, n-are ta ru' nojbal chi xa re u wach i jyub ta'aj. I ka tzij yoj yatal chake rumal u Tewal i Dios. Queje ile caka lap tak i re i Dios chique i je re chic ire.\n14Jun winak, we n-tu Tewal i Dios ru', n-cu coj taj we jun cu lap u nojbal i Dios che; xa ch'uj laj tzij cu ta ire. N-cu ta tu be, man n-ti u Tewal i Dios ru'. 15Péro jun chi 'o u Tewal i Dios ru', reta'am wach i katzij y wach i n-katzij taj. We 'o u Tewal i Dios ru', mi jun winak ca 'ataw tzij puwi, wach 'o pu c'ux ire. 16N-que tiqui ta che, man que'elok pacha cu bij i tzij-i chi tz'ibtal can chupam u wuj i Dios:\n¿Xataba 'o jun winak etamawnak wach u nojbal i Kajwal?\n¿Xataba 'o jun ca yaw u no'oj ire? N-taj.\n(Queje ile tz'ibtal canok ▼.) Péro yoj katzij 'o i u nojbal i Crísto ku'.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nExamples to use the search box to find Bibles, passages, search terms, etc.-\nESVGen 1\nThis shows how to quickly lookup a passage.NIVESVKJVGen 1\nLooking up a passage in three different translations is also easy.ESVbrother\nThis asks STEP to search for the Greek word for 'brother' and show the results in the ESV.NIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.ESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.KJVTHGNTJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\nExamples of some Bible study tools +\nKJVCol 3 Color code grammar\nHighlight all the imperative verbs with red underlinesKJVCol 1 Color code grammar\nHighlight main verbs (green underlines) and supporting verbs (purple)KJVMat 1 Color code grammar\nHighlight the number (plural in bold) and gender (male in blue, feminine in red, neuter in black) of wordsESV1Jo 1 Quick tryout links\nHighlight frequent words in the chapter or book\nExamples to enable color code grammar +\nKJVEph 1 Color code grammar\nLook at KJV New Testament with color highlighted verbsSBLGRom 12 Color code grammar\nLook at Greek New Testament with color code grammar, Greek root word and English vocabularyCUnCol 1 Color code grammar\nLook at Chinese Union New Testament with color highlighted verbsSBLGKJVCUNEph 5 Color code grammar\nLook at Greek, English and Chinese New Testament with color code grammar\n© Tyndale House, Cambridge, UK - 2019","id":"","dump":"CC-MAIN-2019-51","url":"https:\/\/www.stepbible.org\/?q=version=ACRACC%7Creference=1Cor.2","date":"2019-12-14T13:34:39Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575541157498.50\/warc\/CC-MAIN-20191214122253-20191214150253-00467.warc.gz","language":"acr","language_score":0.9951500893,"language_script":"Latn","minhash_cluster_size":1,"top_langs":"{\"acr_Latn_score\": 0.995150089263916}","num_words":972,"character_repetition_ratio":0.075,"word_repetition_ratio":0.002,"special_characters_ratio":0.254,"stopwords_ratio":0.215,"flagged_words_ratio":0.0,"lang_id_score":0.991,"perplexity_score":500.0,"cluster_detection":-1} +{"text":"1 Thessalonians 11Yin in a-Páblo, junam cu' i ma Silváno xak i a-Timotéo, caka tak bi i wuj-i chiwe yix ix jutzobaj re i ka Kajaw Dios xak i Kajwal Jesucrísto chila pa tinimit Tesalónica. I ka Kajaw Dios, xak i Kajwal Jesucrísto, chiqui ya utzil chomal chiwe, xak i uxlambal i c'ux.\n'Utz xqui 'an i cristian aj Tesalónica2Nic are wi caka tioxij che i Dios iwumal yix iwonojel; are caka tz'onoj che ire, xak quix ka c'unsaj chaka c'ux. 3Are coj tijin chu tz'onoxic che i ka Kajaw Dios, ca c'un chaka c'ux chi yix lic i 'alijinsam i cubibal i c'ux che i Kajwal ru' wach tak i qui 'ano. Xak i 'alijinsam chi 'o i c'axnabal i c'ux che ire man lic quix tijin chu 'anic u chac. Xak i 'alijinsam chi jiquil i c'ux che chi quiwil na wach u sujum i Kajwal Jesucrísto chiwe. 4Yix ix wachalal, i Dios c'ax quix u na'o, xak keta'am chi ix u chom. 5Keta'am ile, man are xka bij u tzij i Dios chiwe, n-are ti to' ka chi' yoj xbin i 'utz laj tzij-le, 'o u cho'ab u Tewal i Dios ku', are xka bij chiwe. Xak lic jiquil ka c'ux che, chi ni'pa i xka bij, lic sak laj tzij. Rumal-i, lic xka na kib che, wach xka 'ano man 'anbal re i 'utz chiwe yix; ile lic iweta'am yix.\n6Xak xi 'an yix pacha xiwil chake yoj, xak pacha xu 'an i Kajwal Jesucrísto. Katzij ile, man are xi ta wach xka bij chiwe, lic quix quicotic xi cojo tupu lic xi tij i c'ax rumal. I quicotemal-le, lic are i u Tewal i Dios xyaw chiwe. 7Lic 'utz i xi 'ano; xe'elok chi xak i juban kachalal chila pa jyub Macedónia, xak pa jyub Acáya, xqui ta rason wach i xi 'an yix y xak xqui 'an ique. 8Queje ile, i u tzij i Kajwal ya paxsam chic rumal wach i 'anom yix. N-xui ta chila pa Macedónia tak i Acáya, xak xpax u tzijol ronojel u wach i jyub ta'aj wach i 'anom yix. 'Is queta'am chic conojel wach u cubibal i c'ux yix che i Dios; ya n-ta chic u chac caka bij yoj chique. 9Xa are ique quiqui bij chake yoj wach i ka c'ulaxic xi 'an yix are xix 'e ka solij. Xak quiqui bij chake wach i ro'taxic can i tiox xi 'ano are xix terej chirij i Dios; quiqui bij chi queje ile xi 'ano are xi jek u cojic u 'ij i Dios c'aslic, i Dios chi lic sakil. 10Xak quiqui bij chake chi yix lic i c'ac'alim chic u c'unic i Jesus chicaj, chi u C'ojol i Dios. Are ire-le chi xwalijsax rumal i Dios chiquixol i camnak; xak are ire chi coj u to na chuwach i nim laj tojpen chi ca c'unic.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nExamples to use the search box to find Bibles, passages, search terms, etc.-\nESVGen 1\nThis shows how to quickly lookup a passage.NIVESVKJVGen 1\nLooking up a passage in three different translations is also easy.ESVbrother\nThis asks STEP to search for the Greek word for 'brother' and show the results in the ESV.NIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.ESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.KJVTHGNTJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\nExamples of some Bible study tools +\nKJVCol 3 Color code grammar\nHighlight all the imperative verbs with red underlinesKJVCol 1 Color code grammar\nHighlight main verbs (green underlines) and supporting verbs (purple)KJVMat 1 Color code grammar\nHighlight the number (plural in bold) and gender (male in blue, feminine in red, neuter in black) of wordsESV1Jo 1 Quick tryout links\nHighlight frequent words in the chapter or book\nExamples to enable color code grammar +\nKJVEph 1 Color code grammar\nLook at KJV New Testament with color highlighted verbsSBLGRom 12 Color code grammar\nLook at Greek New Testament with color code grammar, Greek root word and English vocabularyCUnCol 1 Color code grammar\nLook at Chinese Union New Testament with color highlighted verbsSBLGKJVCUNEph 5 Color code grammar\nLook at Greek, English and Chinese New Testament with color code grammar\n© Tyndale House, Cambridge, UK - 2019","id":"","dump":"CC-MAIN-2019-51","url":"https:\/\/www.stepbible.org\/?q=version=ACRACC%7Creference=1Th.1","date":"2019-12-08T16:22:20Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540511946.30\/warc\/CC-MAIN-20191208150734-20191208174734-00222.warc.gz","language":"acr","language_score":0.9904863834,"language_script":"Latn","minhash_cluster_size":2,"top_langs":"{\"acr_Latn_score\": 0.9904863834381104}","num_words":776,"character_repetition_ratio":0.071,"word_repetition_ratio":0.0,"special_characters_ratio":0.236,"stopwords_ratio":0.165,"flagged_words_ratio":0.0,"lang_id_score":0.981,"perplexity_score":500.0,"cluster_detection":-1} +{"text":"Mark 4\nI tijojbal tzij re ulew 'utz, tak i n-'us taj1Xo'on panok, i Jesus 'o chu chi' i alagun, ca tijin tan chic chi qui tijoxic i winak. Xe moltaj uq'uial winak ru', rumal-i, xoc ire chupam jun bárco y xcubi chila. I bárco, 'o pan jubi' pa ya, i uq'uial winak je 'o chu chi' i ya. 2Ire, mas tak i c'utunic xo'on chila. Are i c'utunic xu 'ano, xui tak ejémplo xu bij chique, tijojbal que. Jun tijojbal tzij xu bij chique are iri:\n3—Chitape in tzij-i —xu bij chique—. 'O jun achi xa 'e chu tiquic u ticon. 4Are xe u quirij i rija', 'o jubi' xe'e tzak pa be; te'uri xe c'un i tz'iquin y xqui tij bic. 5Xak jubi' chic i ija xe'e tzak pa tak abaj chi n-ta kas ulew che. Juntir xalax lok, man n-naj taj 'enak wi pulew. 6Xui-ri, are xel li 'ij, xchakij na, man n-naj taj 'enak i ra'. 7Xak juban chic xe'e tzak pa q'uix. Are xpo'ic, xq'uiy i q'uix chirij, y xcamic; n-xwachin taj. 8Xak 'o ni ija xe'e tzak che ulew chom. Chila xpo' wi, y xq'uiyic, y xu ya u wach chom. 'O jujun xu ya tréinta u wach; xak 'o i xu ya sesénta u wach; xak 'o i xu ya cien u wach —xu bij i Jesus chique. 9Are xutzin u bixquil ile chique, xu bij:\n—We yix 'o i xiquin chu tayic, chi ta u be 'uri —xu bij chique.\nWach u chac tak i tijojbal tzij xu bij i Jesus10Are utuquel chic i Jesus, xe upon i cablajuj u tijoxelab ru', tak juban chic chique i je terejnak chirij, xol qui tz'onoj che chi ca sakirsax chique wach usuc' i tijojbal tzij xu bij-le. 11Xu bij 'uri chique:\n—Yix 'ut, i Dios u yom chiwe qui ta u be wach usuc' i 'atbal tzij aj chicaj, chi n-xa 'etamax ta ujer. Xui-ri, i juban winak (chi n-que terej ta chwij), xa ru' tijojbal tzij ca 'ani i c'utunic chique. 12(Que'el chique pacha i tz'ibtal canok rumal i mam Isaías ujer): Quiqui ta neri, péro n-quiqui ta tu be; que tzun neri, péro n-ta quiquilo. Man we ta quiqui ta u be, quiqui jalwachij 'uri qui c'aslemal, y ca cuytaj qui mac 'uri rumal i Dios —xu bij chique.\nWach usuc' i tijojbal tzij re i aj ticanel13Te'uri i Jesus xu bij chique:\n—¿Xak yix n-qui ta tu be i tijojbal tzij-le? We n-xi ta tu be i ral tak tzij-le, ¿wach u tayic 'uri u be i juban tijojbal tzij quin bij na? 14I aj ticanel re ija-le are aj paxsal u tzij i Dios. 15I ija-le chi ca tzak pa be, que'elok pacha quiqui 'an i winak chi quiqui ta u tzij i Dios, xui-ri, we' ca c'un i Satanas cu', col resaj i tzij chi tictal piqui c'ux. 16Xak je 'o jujun pacha xo'on i ija chi xtzak pa abaj: are quiqui ta u tzij i Dios, que quicotic quiqui c'am pa canima. 17Xui-ri, n-naj taj 'enak i ra' pa canima, rumal-i, n-quiqui ch'ij ta naj. Are ca pe i c'ax piquiwi, xak we ca pe ch'o'oj chiquij rumal u tzij i Dios, xa caco'taj canok. 18Xak je 'o jujun pacha ija xtzak pa q'uix: quiqui ta u tzij i Dios; 19xui-ri, xa que c'achir rumal i c'aslemal waral chuwach i jyub ta'aj; xak i qui rayijbal re mas i mer, mas i ubitak que, xak u rayijbal re i qui ch'acul, ni'pa tak ile xa cu chup i 'utz laj tzij. Rumal-i, n-ta ca wachin chique. 20Xui-ri, je 'o jujun quiqui ta u tzij i Dios, y quiqui c'am piqui c'ux. Te'uri, ca wachin chique pacha xo'on i ija tictal pa 'utz laj ulew. 'O jujun chique je pacha i rakan chi xu ya tréinta u wach, xak 'o jujun quiqui ya sesénta, xak 'o jujun quiqui ya cien u wach —xu bij i Jesus chique.\nI tijojbal tzij re i cantil21I Jesus xak xu bij chic jun tzij chique.\n—Jun cantil, are qui c'am lok, ¿xataba qui ya chuxe' jun cajon, o chuxe' jun ch'at? N-queje ta ile. I 'a'-le ca ya' 'an chicaj, man ca 'e u tzunbal ▼. 22Xui-ri, ni'pa i n-ca 'iltaj taj, ca 'alijinsax na; xak ronojel ni'pa i uwam u wach 'is quelsax na chi sak. 23We yix 'o i xiquin chu tayic, chi ta u be 'uri —xu bij chique.\n24I Jesus xak xu bij i tzij-i chique:\n—Chi cojo retalil che wach quix tijin chu tayic. Ru' i pajbal pa quix pajan wi yix, xak ru' ile ca paj wi chiwe yix. (We lic qui coj retalil che i sak laj tzij re i Dios, ire cu ya 'uri mas u nojbal chiwe. Y co'on panok, mas cu ya na chic chiwe puwi ile. ▼) 25Jun, we 'o na chic 'o ru', ca ya' na mas 'uri che; xak queje i jun, we n-ta 'o ru', quelsax na i jubi' 'o ru' —xu bij i Jesus chique. ▼\nI tijojbal tzij re u q'uiyic jun ija26I Jesus xu bij chic jun tijojbal tzij chique. Xu bij:\n—I 'atbal tzij re i Dios quin junamsaj ru' juban ija tictal na. Que'elok pacha co'on jun achi chi cu tic ija pulew. 27Ire n-cretamaj taj wach i q'uiyic co'on u ticon; ire xa cwaric 'ab 'ab, xak cwalij ronojel u sakirbal. Queje co'on ire ile, tz'akat quic'aw i tiémpo. I u ticon ca po'ic y ca q'uiyic. Ire n-reta'am taj wach mer rumal xpo' u ticon. 28Utuquel i ulew xo'on che i ticon chi xq'uiyic y xwachinic. Nabe, calaxic, te'uri ca q'uiy i rakan, ca pe i och' che, y pa q'uisbal-re, co'on 'an. 29Are ya 'an chic, ca jach'ic, man ya xu rik i 'ij molbal-re.\n(Queje i tijojbal tzij ile xu bij i Jesus, wach co'on i Dios chique i qui jachom chic quib pu'ab i u 'atbal tzij ire.)\nI tijojbal tzij re ija mostas30Te'uri i Jesus xu bij chique:\n—I 'atbal tzij re i Dios, ¿wach nawi quin junamsaj ru', sakirsabal-re chiwe wach usuc'? ¿Wach i tijojbal tzij quin bij na chiwe? 31Quin junamsaj ru' jun ija re i mostas. I ija-le ca tiquic, are mer ch'utik chuwach ronojel ni'pa ija. 32Xui-ri, are tictal chic, ca q'uiyic, y mas nim que'el chiquiwach i rachi'il. Ca pe i u 'ab lic nimak, te'uri que c'un i tz'iquin y quiqui 'an ni qui soc che u mujbal u 'ab.\n(Queje i tijojbal tzij ile xu bij i Jesus chique, sakirsabal-re wach u q'uiyaric i u 'atbal tzij i Dios chique.)\nI c'utunic xo'on i Jesus chique i winak xa ru' tijojbal tzij33Queje u c'utic ile xo'on i Jesus. Ru' uq'uial ejémplo xe u tijoj che u tzij i Dios, ni'pa tak i tzij chi xe tiqui chu tayic u be. 34Are i c'utunic xo'on ire chique i winak, 'is ru' tijojbal tzij xu bij chique, xui-ri xu sakij ni usuc' chique u tijoxelab.\nI Jesus xu 'atij i tew, xak u cho'ab i ya35Che i 'ij-le, are xoc a'ab, te'uri i Jesus xu bij chique u tijoxelab:\n—Coj 'ax ch'aka alagun —xu bij.\n36Te'uri xe qui canaj can i winak y xqui c'am bi i Jesus chupam i bárco pa cul wi ire; queje ile xqui ticba 'enam puwi i ya. Xak je 'o juban chic winak xe 'e cu' chupam juban chic bárco. 37Are que tijin chi be, xpe jun nim laj tew puwi i ya. I tew lic cu yac u wi i ya chicaj, y xoc chupam qui bárco, laj xnoj rumal. 38I Jesus xa cwar pan che u je i bárco, u yom u jolom puja' u ch'aquet. Ique xe 'e qui c'astaj, y xqui bij che:\n—Mayes, ¿yet n-ta ca ch'ob che we coj muktaj pa ya? —xe cha.\n39I Jesus xwalijic y xu 'atij i tew. Xak xu bij che i ya:\n—¡Cha mayij! ¡Chat uxlanok! —xu bij che.\nTe'uri i tew juntir xuxlanic; xak i ya n-ca silab ta chic.\n40Te'uri xu bij chique u tijoxelab:\n—¿Wuchac xi xij iwib? ¿Wuchac n-tu cubibal i c'ux chwe? —xu bij chique.\n41Ique lic je ocnak 'il che. Xqui bij chiquiwach:\n—¿Bi chi achial ile chi que cojon i ya che, xak i lo'laj tew? —xqui bij chiquiwach.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nExamples to use the search box to find Bibles, passages, search terms, etc.-\nESVGen 1\nThis shows how to quickly lookup a passage.NIVESVKJVGen 1\nLooking up a passage in three different translations is also easy.ESVbrother\nThis asks STEP to search for the Greek word for 'brother' and show the results in the ESV.NIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.ESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.KJVTHGNTJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\nExamples of some Bible study tools +\nKJVCol 3 Color code grammar\nHighlight all the imperative verbs with red underlinesKJVCol 1 Color code grammar\nHighlight main verbs (green underlines) and supporting verbs (purple)KJVMat 1 Color code grammar\nHighlight the number (plural in bold) and gender (male in blue, feminine in red, neuter in black) of wordsESV1Jo 1 Quick tryout links\nHighlight frequent words in the chapter or book\nExamples to enable color code grammar +\nKJVEph 1 Color code grammar\nLook at KJV New Testament with color highlighted verbsSBLGRom 12 Color code grammar\nLook at Greek New Testament with color code grammar, Greek root word and English vocabularyCUnCol 1 Color code grammar\nLook at Chinese Union New Testament with color highlighted verbsSBLGKJVCUNEph 5 Color code grammar\nLook at Greek, English and Chinese New Testament with color code grammar\n© Tyndale House, Cambridge, UK - 2019","id":"","dump":"CC-MAIN-2019-51","url":"https:\/\/www.stepbible.org\/?q=version=ACRACC%7Creference=Mar.4","date":"2019-12-06T06:03:37Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540484815.34\/warc\/CC-MAIN-20191206050236-20191206074236-00106.warc.gz","language":"acr","language_score":0.9999674559,"language_script":"Latn","minhash_cluster_size":1,"top_langs":"{\"acr_Latn_score\": 0.9999674558639526}","num_words":1676,"character_repetition_ratio":0.069,"word_repetition_ratio":0.007,"special_characters_ratio":0.271,"stopwords_ratio":0.197,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Rukaꞌm carta xutzꞌibꞌaj ri Pablo che ri Timoteo\n1\nRi Pablo kuya pan rutzil uwach ri Timoteo\n1 Riꞌin in Pablo, in taqoꞌn re ri Qanimajawal Jesucristo ma e xraj riꞌ ri Dios chwe kantzijoj ri kꞌaslemal bꞌiꞌtisim chike ri kakiya kibꞌ puqꞌabꞌ ri Qanimajawal Jesucristo. 2 Kantzꞌibꞌaj pan waꞌ wa carta chawe riꞌat Timoteo. Riꞌin lik kꞌax katinnaꞌo ma at pachaꞌ nukꞌajol chupa rubꞌiꞌ ri Cristo. Chakꞌulu kꞌu ri unimal rutzil kꞌuꞌxaj, ri relej kꞌuꞌxaj y ri utzil chomal re ri Qaqaw Dios y re ri Qanimajawal Jesucristo.\nRi Pablo kupixabꞌaj ri Timoteo che utzijoxik ri Utzilaj Tzij\n3 Lik kintioxin chwach ri Dios, ri kanloqꞌnimaj jelaꞌ pachaꞌ xkiꞌan lo ri watiꞌ-numam ojertan yey lik kunaꞌ nukꞌuꞌx utz nuꞌanom chwach Rire. Yey echiriꞌ kanꞌan orar chipaqꞌij chichaqꞌabꞌ xaqi katkꞌun chinukꞌuꞌx. 4 E kakꞌun chinukꞌuꞌx roqꞌej xaꞌano echiriꞌ xatkanaj kanoq y lik kuaj kꞌut kanwil awach chaꞌ jelaꞌ kakiꞌkot ri wanimaꞌ. 5 Yey kakꞌun chinukꞌuꞌx ri saqil kubꞌulibꞌal akꞌuꞌx rukꞌ ri Qanimajawal Jesucristo; ma waꞌ nabꞌe xkꞌojiꞌ rukꞌ rawatiꞌ Loida y rachu Eunice, y woꞌora lik qꞌalaj e ne kꞌo awukꞌ riꞌat.\n6 E uwariꞌche lik katimpixabꞌaj puwi ri uyaꞌom ri Dios chawe,* 1 Co. 12:4-11 waꞌ e ri xakꞌulu echiriꞌ xinya ri nuqꞌabꞌ pawiꞌ chaꞌ katuꞌan at aj chak re ri Dios. Lik kꞌu chachuqꞌubꞌej awibꞌ che uꞌanik waꞌ rukꞌ ronoje akꞌuꞌx. 7 Ma ri Dios na uyaꞌom ta ri Ruxlabꞌixel chiqe chaꞌ kojuꞌan oj turun; e uyaꞌom chiqe chaꞌ kakꞌojiꞌ qachuqꞌabꞌ, rutzil qakꞌuꞌx y saqil qanaꞌoj. 8 E uwariꞌche, matkꞌix che utzijoxik ri Utzilaj Tzij re ri Qanimajawal Jesucristo y matkꞌix ne chwe riꞌin ma in kꞌo pa cárcel ruma kantzijoj ri Utzilaj Tzij. Ekꞌu riꞌat, e chakuyu taq ri kꞌaxkꞌobꞌik kape paqawiꞌ ruma rutzijoxik waꞌ, chachꞌija kꞌu ronoje rukꞌ ruchuqꞌabꞌ ri Dios.\n9 E ri Dios xkolobꞌen qeꞌoj y xojusikꞌij chaꞌ kojkꞌojiꞌ jusukꞌ chwach; yey waꞌ na e ta ruma ri qaꞌanom riꞌoj, ma e ruma lik e xraj riꞌ Rire chiqe. Echiriꞌ kꞌamajaꞌ ne kuꞌan ruwachulew, uchꞌobꞌom chik kuya ri unimal rutzil ukꞌuꞌx chiqe ruma ri Qanimajawal Jesucristo. 10 Y woꞌora ukꞌutum chi ri rutzil ukꞌuꞌx chiqe ma xutaq lo ri Qanimajawal Jesucristo re kojukolobꞌej. Rire xuchꞌij uchuqꞌabꞌ ri kamik y jekꞌulaꞌ xuqꞌalajisaj kꞌo kꞌaslemal na jinta utaqexik chike ri kikojom ri Utzilaj Tzij.\n11 Yey riꞌin in chaꞌtal lo ruma ri Dios re kantzijoj wa Utzilaj Tzij y re kinuꞌan in taqoꞌn y kꞌutunel chikiwach ri ukꞌiyal kiwach taq ri tikawex. 12 E uwariꞌche riꞌin kantij ronoje taq wa kꞌaxkꞌobꞌik in kꞌo wi y na kinkꞌix ta kꞌu che, ma lik wetaꞌam china rukꞌ kubꞌul wi nukꞌuꞌx, yey lik jikil nukꞌuꞌx che e Rire lik kꞌo uchuqꞌabꞌ che uchajixik ri uyaꞌom panuqꞌabꞌ kꞌa che rukꞌunibꞌal ri Cristo.\n13 E lik chakꞌutu chikiwach ri tikawex ri saqil kꞌutunik atom riꞌat chwe; chaꞌana waꞌ rukꞌ ri kubꞌulibꞌal kꞌuꞌxaj y ri rutzil kꞌuꞌxaj ariqom rukꞌ ri Qanimajawal Jesucristo. 14 Rukꞌ rutoꞌbꞌal ri Santowilaj Ruxlabꞌixel ri Dios kꞌo pa qanimaꞌ, lik chachajij chi utz ri yaꞌtal chawe ruma ri Dios.\n15 Riꞌat lik awetaꞌam, e kꞌi ri qachbꞌiꞌil e aj Asia xinkoqꞌotaj kanoq, y chikixoꞌl rike kꞌo ri Figelo y ri Hermógenes. 16 Noꞌj ri Onesíforo na xinroqꞌotaj taj. Chukꞌutu kꞌu ri Qanimajawal Jesucristo ri rutzil ukꞌuꞌx che rire y chike taq ri e kꞌo pa rocho, ma rire ukꞌiyal laj xubꞌochiꞌij nukꞌuꞌx y na xkꞌix ta chwe tobꞌ in kꞌo pa karena chupa ri cárcel. 17 Y echiriꞌ xkꞌun wara Roma, lik xok il che nutzukuxik pa in kꞌo wi y xinuriqo. 18 Yey awetaꞌam ne riꞌat, rire lik xojutoꞌo echiriꞌ oj kꞌo chupa ri tinamit Éfeso. E uwariꞌche kantzꞌonoj che ri Qanimajawal chuyaꞌa ri rajil ukꞌaxel che ri Onesíforo chupa ri kꞌisbꞌal qꞌij.","id":"","dump":"CC-MAIN-2019-51","url":"https:\/\/ebible.org\/acrNNT\/2TI01.htm","date":"2019-12-08T02:51:56Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540504338.31\/warc\/CC-MAIN-20191208021121-20191208045121-00042.warc.gz","language":"acr","language_score":0.9979569316,"language_script":"Latn","minhash_cluster_size":2,"top_langs":"{\"acr_Latn_score\": 0.9979569315910339}","num_words":595,"character_repetition_ratio":0.083,"word_repetition_ratio":0.0,"special_characters_ratio":0.199,"stopwords_ratio":0.299,"flagged_words_ratio":0.0,"lang_id_score":0.998,"perplexity_score":500.0,"cluster_detection":-1} +{"text":"John 21\nI u c'utic rib i Jesus chique i wukub u tijoxelab1Xo'on panok, i Jesus xu c'ut chic rib chique u tijoxelab chu chi' i alagun, Tibérias ▼ u bi. Queje iri xu 'ano: 2Chila je 'o wi jutzobaj u tijoxelab i Jesus, 'o i ma Simon Pédro, xak i ma Tomas chi \"a-Yox\" que cha che, xak i ma Natanael aj Cana re Galiléa, xak i queb ▼ u c'ojol i mam Zebedéo, tak i queb chic u tijoxelab i Jesus. 3Are 'uri i ma Simon Pédro xu bij chique i rachi'il:\n—Yin quin 'e pa chapoj car —co'ono.\n—Xak queje yoj coj 'e awu' —xe cha che.\nXe 'e 'ut, xe 'an bi chupam jun bárco. Jun a'ab xe chacunic, n-ti xqui riko. 4Are 'ut xpe u sakiric, xquil u wach jun achi tac'al chi ya. Are i Jesus, péro n-queta'am taj we are ire. 5Are 'uri xu bij pan chique:\n—Achiab, ¿n-ta car i rikom? —xcha.\nIque xqui bij li che:\n—Mi xa ta jun.\n6—Chi c'aka i ataraya pu wikabim i bárco; chila qui rik wi —xu bij i Jesus chique.\nQueje ile xqui 'ano, pacha i xbix chique. Are 'uri, je q'ui i car xqui chapo, n-quiqui ch'ij ta chic relsaxic i ataraya pa ya rumal i ralil. 7Are 'uri i tijoxel ▼ chi c'ax ca na' rumal i Jesus xu bij che i ma Pédro:\n—¡Are i Kajwal!\nI ma Pédro, are xu ta chi are i Kajwal, xu coj-la u 'u' (man resam u 'u' chirij), te'uri xu c'ak la bi rib chuwi ya. 8Colo seténta y cínco xic'ab je 'o wi che u chi' i ya. I juban tijoxelab xqui c'am bi bárco chu chi' i ya, qui jucuquem bi ataraya nojnak u pam. 9Are xe kaj pulew, xquil jun 'a' nuc'um chila, ca tijin u bolic jun car puwi, xak 'o juban caxlanwa chila.\n10—Chi c'ama li queb oxib car chi c'a te xi chapo —xu bij i Jesus chique.\n11I ma Simon Pédro xa 'an chupam i bárco y xu juquej bi i ataraya c'a chuwach ulew. I ataraya, nojnak che nimak tak car; je 'o jun ciénto ru' cincuénta y tres chupam. Laj je q'ui, péro n-xrakch'ij ti ataraya. 12I Jesus xu bij pan chique:\n—Chix petok, chol i tija i wa —xcha.\nMi jun chique u tijoxelab xu cowij u tz'onoxic che pachin ire, man queta'am chi ire are i Kajwal. 13Are 'uri i Jesus xa 'e pan cu', xu c'am bi caxlanwa pu 'ab, y xu jach chique; xak queje xu 'an che i car.\n14Are uroxmul iri xu c'ut rib i Jesus chique u tijoxelab, che u walijic chiquixol i camnak.\nI Jesus xu pixbaj i ma Pédro15Are xquelej i wa'im, i Jesus xu tz'onoj che ma Simon Pédro:\n—A-Simon, chi at u c'ojol i ma Jonas, ¿c'ax quin a na'o? ¿Mas chuwach i c'axnabal qui c'ux ique? —xu bij che ▼.\n—Katzij, Kajwal; yet aweta'am chi cat waj ▼ —xu bij ma Pédro.\nI Jesus xu bij che:\n—Che a tzuku i ral tak in chij —xu bij.\n(I usuc' i xu bij-le are iri: \"Che a tijoj y che a chajij i je we yin.\")\n16I Jesus xu tz'onoj chic ucamul che:\n—A-Simon, chi at u c'ojol i ma Jonas, ¿c'ax quin a na'o?\nI ma Pédro xu bij tan chic che:\n—Katzij, Kajwal; aweta'am chi cat waj.\nI Jesus xu bij chic che:\n—Che a chajij in chij.\n17I Jesus xu tz'onoj chic uroxmul che ma Pédro:\n—A-Simon, chi at u c'ojol i ma Jonas, ¿quin awaj?\nI ma Pédro xbisonic are xu ta chi uroxmul ile chi xtz'onox che: \"¿Quin awaj?\" Te'uri xu bij che:\n—Kajwal, 'is ronojel aweta'am. Yet aweta'am chi lic cat waj —co'ono.\nI Jesus xu bij che:\n—Che a tzuku in chij —xcha.\n18Te'uri xu bij che;\n—Katzij iri quin bij chawe: are c'a at ac'al winak, xa yut' a pam che a bant y xat 'e 'ut pa i xawaj wi 'enam. We xat rijabic, n-queje ta chic ca 'an ile, man ca suc'ba ni a 'ab, y jun chic cat ximawic; xak cat u c'am bic pa n-cawaj ta wi 'enam.\n19Queje ile xu bij i Jesus, 'alijinsabal-re wach i camic quic'aw wi i ma Pédro. Ru' u camic-le, ca 'alijinsax ni u 'ij i Dios. Te'uri i Jesus xu bij che:\n—Chat terej chwij (min awo'taj) —xbix che.\n20I ma Pédro, are xtzun chirij, xrilo chi teren bi jun chic tijoxel ▼, i jun chi lic c'ax ca na' rumal i Jesus. I tijoxel-le are i jun chi xcubi pu tzal i Jesus are xqui 'an i wa'im re i páscua; are ire chi u bim che i Jesus: \"Kajwal, ¿pachinok chake cat u jacho?\" 21I ma Pédro, are xril u wach i tijoxel-le, xu bij che i Jesus:\n—Kajwal, i jun-i, ¿wach ca 'ani che?\n22I Jesus xu bij che:\n—We xwaj yin chi ca c'asi na, c'a are quin c'un tan chic, n-ta awe yet che. Xui-ri, yet chat terej chwij —xu bij che i ma Pédro.\n23Rumal i tzij-le, xo'on panok, i winak chi qui cubam qui c'ux che i Jesus xqui bij chi i tijoxel-le n-ca cam taj. Péro i Jesus n-xu bij taj we n-ca cam taj. Xui xu bij: \"We xwaj yin chi ca c'asi na c'a are quin c'un tan chic, n-ta awe yet che.\" (Queje ile u bim.)\n24Are yin i tijoxel-le chi quin bij chiwe wach xwilo chi xo'on i Jesus, xak in tz'ibam chupam i wuj-i. Yoj (chi oj u tijoxelab) keta'am chi wach i in tz'ibam, lic katzij.\n25C'o i xu 'an i Jesus chi n-tz'ibam ta chupam i wuj-i. We tene xtz'ibax che u jujunal, quin bij yin n-coc ta-ri ni'pa i wuj-le chuwach ronojel i jyub ta'aj. Amen (katzij).\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nExamples to use the search box to find Bibles, passages, search terms, etc.-\nESVGen 1\nThis shows how to quickly lookup a passage.NIVESVKJVGen 1\nLooking up a passage in three different translations is also easy.ESVbrother\nThis asks STEP to search for the Greek word for 'brother' and show the results in the ESV.NIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.ESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.KJVTHGNTJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\nExamples of some Bible study tools +\nKJVCol 3 Color code grammar\nHighlight all the imperative verbs with red underlinesKJVCol 1 Color code grammar\nHighlight main verbs (green underlines) and supporting verbs (purple)KJVMat 1 Color code grammar\nHighlight the number (plural in bold) and gender (male in blue, feminine in red, neuter in black) of wordsESV1Jo 1 Quick tryout links\nHighlight frequent words in the chapter or book\nExamples to enable color code grammar +\nKJVEph 1 Color code grammar\nLook at KJV New Testament with color highlighted verbsSBLGRom 12 Color code grammar\nLook at Greek New Testament with color code grammar, Greek root word and English vocabularyCUnCol 1 Color code grammar\nLook at Chinese Union New Testament with color highlighted verbsSBLGKJVCUNEph 5 Color code grammar\nLook at Greek, English and Chinese New Testament with color code grammar\n© Tyndale House, Cambridge, UK - 2019","id":"","dump":"CC-MAIN-2019-51","url":"https:\/\/www.stepbible.org\/?q=version=ACRACC%7Creference=Joh.21","date":"2019-12-15T05:43:14Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575541301598.62\/warc\/CC-MAIN-20191215042926-20191215070926-00244.warc.gz","language":"acr","language_score":0.9995439053,"language_script":"Latn","minhash_cluster_size":1,"top_langs":"{\"acr_Latn_score\": 0.9995439052581787}","num_words":1260,"character_repetition_ratio":0.064,"word_repetition_ratio":0.018,"special_characters_ratio":0.269,"stopwords_ratio":0.21,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1} +{"text":"Ri carta xutzꞌibꞌaj ri Pablo che riglesia kꞌo Roma\n1\nRi Pablo kuya pan rutzil kiwach ri hermanos e kꞌo Roma\n1 Riꞌin in Pablo, in raj chak ri Qanimajawal Jesucristo. In kꞌu sikꞌim re kinuꞌan utaqoꞌn y yaꞌtal chwe kantzijoj ri Utzilaj Tzij re ri Dios. 2 Waꞌ wa Utzilaj Tzij e ri ubꞌiꞌtisim lo ri Dios ojertan, yey e ri tzꞌibꞌital kan pa ri Santowilaj Uchꞌaꞌtem kuma ruqꞌalajisanelabꞌ. 3 Ri Utzilaj Tzij e ri kachꞌaꞌt puwi Rukꞌajol ri Dios, ri Qanimajawal Jesucristo. Rire xalax wara che ruwachulew yey upetebꞌem chike ri e ralkꞌoꞌal ri rey David. 4 Yey ruma ri Santowilaj Ruxlabꞌixel ri Dios, xqꞌalajinik ri Qanimajawal Jesucristo e Ukꞌajol ri Dios echiriꞌ rukꞌ unimal chuqꞌabꞌ xkꞌastaj lo chikixoꞌl ri ekaminaq. 5 Ruma kꞌu Rire, xqakꞌul ri sipanik re kojuꞌan oj utaqoꞌn chaꞌ ukꞌiyal tikawex pa taq ronoje ri tinamit che ruwachulew kakubꞌiꞌ kikꞌuꞌx rukꞌ y kakikoj utzij y jelaꞌ kaloqꞌox uqꞌij rubꞌiꞌ. 6 Yey ralaq e alaq kukꞌil ri esikꞌim chaꞌ kakꞌojiꞌ alaq puqꞌabꞌ ri Qanimajawal Jesucristo. 7 Kintzꞌibꞌan kꞌu pan che onoje alaq ri jeqel alaq pa ri tinamit Roma, ri lik kꞌax kanaꞌ alaq ruma ri Dios y sikꞌim alaq chaꞌ kuꞌan alaq re ri Dios. Kꞌulu kꞌu alaq ri unimal rutzil kꞌuꞌxaj y ri utzil chomal re ri Qaqaw Dios y re ri Qanimajawal Jesucristo.\nRi Pablo karaj keꞌbꞌina kukꞌ ri e aj Roma\n8 Nabꞌe na, ruma ri Qanimajawal Jesucristo, kantioxij che ri nu Dios uma onoje alaq, ma che ronoje luwar che ruwachulew lik katataj puwi ri kubꞌulibꞌal kꞌuꞌx alaq. 9 Ri Dios, ri kanloqꞌnimaj rukꞌ ronoje nukꞌuꞌx echiriꞌ kantzijoj ri Utzilaj Tzij re Rukꞌajol, Rire lik retaꞌam xaqi kankuxtaj alaq chwach echiriꞌ kanꞌan orar. 10 Kantzꞌonoj kꞌu che ri Dios chuyaꞌa na chwe kineꞌbꞌina ukꞌ alaq juna qꞌij we e karaj riꞌ Rire chwe. 11 Ma lik kuaj kanwil wach alaq chaꞌ kantoꞌ alaq che ri bꞌinik silabꞌik alaq chwach ri Dios y jelaꞌ lik katikiꞌ alaq chi utz. 12 Jekꞌulaꞌ kaqanimarisaj qakꞌuꞌx chiqawach, ma ralaq y riꞌin junam kubꞌul qakꞌuꞌx rukꞌ ri Qanimajawal.\n13 Hermanos, lik kuaj kꞌut ketaꞌmaj alaq, riꞌin ukꞌiyal laj nuchꞌobꞌom kuaj kiꞌnwila alaq re kantoꞌ alaq chaꞌ kakꞌiy alaq chwach ri Dios, jelaꞌ pachaꞌ ri nuꞌanom kukꞌ ri jujun chik na e ta aj Israel. Pero kꞌamajaꞌ yaꞌtal chwe kinopon ukꞌ alaq. 14 Riꞌin lik kannaꞌo chinuwach kꞌo wi kantzijoj ri Utzilaj Tzij chike konoje; waꞌ e ri e tijotal pa ri chꞌaꞌtem griego yey ri e aj naj na e tijotal taj, ri lik kꞌo ketaꞌam yey ri na jinta kꞌo ketaꞌam. 15 Jekꞌulaꞌ lik kacha wanimaꞌ che kinꞌek pa ri tinamit Roma re kantzijoj ri Utzilaj Tzij che alaq.\nRuchuqꞌabꞌ ri Utzilaj Tzij\n16 Riꞌin na kinkꞌix ta che ri Utzilaj Tzij, ma rukꞌ waꞌ kaqꞌalajin ruchuqꞌabꞌ ri Dios re kebꞌukolobꞌej konoje ri kekojow re; nabꞌe chike ri e aj judiꞌabꞌ, tekꞌuchiriꞌ chike ri na e ta aj judiꞌabꞌ. 17 Ma ri Utzilaj Tzij kuqꞌalajisaj chiqawach suꞌanik kojkꞌojiꞌ jusukꞌ chwach ri Dios, yey waꞌ e ruma ri kubꞌulibꞌal qakꞌuꞌx rukꞌ Rire; ronoje kꞌu ri qakꞌaslemal chwach ri Dios e ruma ri kubꞌulibꞌal qakꞌuꞌx. Ma jewaꞌ tzꞌibꞌital kan pa Ruchꞌaꞌtem:\nRi e jusukꞌ chwach ri Dios,\nkꞌo kikꞌaslemal ruma ri kubꞌulibꞌal kikꞌuꞌx rukꞌ Rire Hab. 2:4\nkachaꞌ.\nKonoje ri tikawex emakuninaq chwach ri Dios\n18 Lik kaqꞌalajin kꞌu ri royowal ri Dios echiriꞌ ruqꞌatbꞌal tzij kape chilaꞌ chikaj pakiwi ri tikawex lik itzel kikꞌuꞌx chirij ri Dios y na jusukꞌ ta ri kibꞌinik kisilabꞌik; ma ruma ri na utz taj kakiꞌano, kebꞌuꞌan e latzꞌanel chike jujun chik chaꞌ na kaketaꞌmaj ta ri Qꞌijsaq. 19 Yey rike kꞌo ketaꞌam puwi ri Dios, ma e Rire qꞌalajisayom waꞌ chike. 20 Ma e janipa ri na kilitaj ta uwach che ri Dios, pachaꞌ ruchuqꞌabꞌ na jinta utaqexik y runimal uwach Rire, waꞌ lik xqꞌalajin lo chwi ri jeqebꞌal re ruwachulew ruma ronoje taq ri ꞌanatal ruma Rire. E uwariꞌche na usukꞌ taj we kꞌo junoq kubꞌiꞌij: «Na jinta kꞌo wetaꞌam puwi ri Dios.» 21 Pero ri winaq tobꞌ ketaꞌam chik kꞌo jun Dios kꞌaslik, na kiyaꞌom ta kꞌu riꞌ ri yakbꞌal uqꞌij taqal che y na ketioxin tane chwach. Jekꞌulaꞌ xsach ri kinaꞌoj ma e kakichꞌobꞌ ri na jinta uchak; yey ruma waꞌ na kakimaj ta chi usukꞌ saꞌ ri utz y saꞌ ri na utz taj. 22 Tobꞌ kakibꞌiꞌij lik kꞌo kinaꞌoj, paqatzij wi lik na jinta kꞌo ketaꞌam. 23 Na xkiyak ta chi uqꞌij ri Dios kꞌaslik, ri Jun na kakam taj; ma e xkijeq uyakik kiqꞌij kikꞌaxwach winaq xa kekamik y kikꞌaxwach taq awaj kexikꞌikꞌ pa kaj, taq awaj kajibꞌ kaqan yey taq awaj kecharar pulew.\n24 Ruma kꞌu laꞌ, ri Dios xebꞌuya kan chupa ri chꞌulilaj mak y chupa ri kirayibꞌal na chom taj. Jekꞌulaꞌ xkijeq xemakun chikiwach, xkiꞌan rukꞌ ri kicuerpo ri lik kꞌixbꞌal uwach. 25 Waꞌ xkikꞌulumaj ma xkikꞌaq bꞌi ri Qꞌijsaq re ri Dios yey pukꞌaxel e xkitaqej ri xa raqꞌubꞌal. Ekꞌu xkiyak kiqꞌij y xkiloqꞌoj janipa taq ri uꞌanom ri Dios; yey na e ta xkiyak uqꞌij ri ꞌanayom re janipa taq ri kꞌolik, ri Jun lik taqal che kayak uqꞌij na jinta utaqexik. Amén.\n26 Ruma kꞌu laꞌ, ri Dios xeroqꞌotaj kan chupa ri kirayibꞌal lik kꞌixbꞌal uwach. Xuꞌana nenareꞌ ri ixoqibꞌ xkijalkꞌatij rusukꞌ ri kirayibꞌal kukꞌ ri kachijilal y e xkiꞌan ri na usukꞌ taj, ma xkijeq kakirayij kibꞌ chikiwach e ixoqibꞌ. 27 Jekꞌulaꞌ rachijabꞌ xkijalkꞌatij rusukꞌ ri kirayibꞌal kukꞌ ri kixoqilal; xkitzaq kꞌu kibꞌ che uꞌanik ri lik kꞌixbꞌal uwach, ma xkijeq kakirayij kibꞌ chikiwach, achijabꞌ kukꞌ achijabꞌ. Ruma kꞌu riꞌ e xkipetisaj lo ri royowal ri Dios pakiwiꞌ y kikꞌulum kꞌu ri tojbꞌal re ri chꞌulilaj mak kiꞌanom.\n28 Rike na xkaj taj kaketaꞌmaj uwach ri Dios. E uwariꞌche Rire xeroqꞌotaj kan chupa ri sachibꞌal naꞌoj chaꞌ jelaꞌ e kakiꞌan ronoje ri na usukꞌ taj. 29 Jekꞌulaꞌ e kiyaꞌom kibꞌ che uꞌanik janipa ri na jusukꞌ taj: waꞌ e ri kaketzꞌabꞌej uwa kiqꞌij kukꞌ jujun chik na kikꞌulel taj, ri kakiꞌan ri lik itzel uwachlibꞌal, ri e aj rayinel, ri itzel kikꞌuꞌx, ri kꞌax kikꞌuꞌx chikiwach, ri e kamisanel, ri e aj chꞌaꞌoj, ri e sokosoꞌnel, ri kakiꞌan kꞌax chike jujun chik, 30 ri e aj molot, ri e aj nukꞌul chꞌaꞌtem, ri itzel kikꞌuꞌx chirij ri Dios, ri e aj yajanel rukꞌ itzel chꞌaꞌtem, ri kakiꞌan nim che kibꞌ, ri kakitakꞌabꞌaꞌ kiqꞌij, ri itzel uwach taq ri kakinoꞌjij, ri na e ta kojol tzij ke kichu-kiqaw, 31 ri na kakaj taj ketanik, ri na kakiꞌan taj saꞌ ri kakibꞌiꞌij, ri na jinta kꞌana rutzil kꞌuꞌxaj kukꞌ, ri na e ta kuyul mak y ri na jinta kꞌana kꞌaxnaꞌbꞌal kꞌuꞌxaj kukꞌ. 32 Rike lik ketaꞌam chi utz ri qꞌatbꞌal tzij re ri Dios pakiwi ri e aj mak, ma Rire ubꞌiꞌim lo waꞌ: Janipa ri kakipalajij rutaqanik, lik taqal chike kekamik. Tobꞌ kꞌu e uꞌanom riꞌ, rike na xew ta kakiꞌan ri na utz taj, ma lik ne kekiꞌkot che echiriꞌ kakilo e kꞌo jujun chik kakiꞌan ke kukꞌ.","id":"","dump":"CC-MAIN-2019-51","url":"https:\/\/ebible.org\/acrNNT\/ROM01.htm","date":"2019-12-05T15:07:18Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540481076.11\/warc\/CC-MAIN-20191205141605-20191205165605-00547.warc.gz","language":"acr","language_score":0.9989891052,"language_script":"Latn","minhash_cluster_size":2,"top_langs":"{\"acr_Latn_score\": 0.9989891052246094}","num_words":1129,"character_repetition_ratio":0.061,"word_repetition_ratio":0.0,"special_characters_ratio":0.209,"stopwords_ratio":0.339,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1} +{"text":"Revelation of John 8\nWach xa 'iltajic are xrakch'ix i uwuk séllo tz'apbal re u chi' i wuj1Ire, chi ral Chij ca bix che, xu rakch'ij i uwuk séllo; are 'uri lic xtz'ini chila chicaj; xu ch'ij nic'aj 'or lic tz'inilic. 2Te'uri, xe wil i je wukub ángel chi je tac'al chuwach i Dios. Are 'uri, xya' wukub trompet chique. 3Te'uri xc'un jun chic ángel, ruc'am jun porobal inciénso pu 'ab, lic óro. Xol tac'al chuwach i altar, chi xak lic óro, chi 'o chuwach i chom laj cubibal. Are 'uri, q'ui inciénso xya' che, man cu ya puwi i altar junam ru' i qui tz'onbal i creyent, pacha jun sipon chuwach i Dios. 4I sib re i inciénso chi 'o pu 'ab i ángel xel bi chicaj chuwach i Dios, junam ru' i qui tz'onbal i winak chi je re i Dios. 5Te'uri i ángel xu nojsaj i porobal inciénso che i a'al chi 'o puwi i altar; y xu jopij bi chuwach i jyub ta'aj. Are 'uri xtataj u ch'awbal jab, xak juban chic ch'awbal, xak xpe juban u rep ray, y xpe jun nim laj ucabrakan.\nWach xa 'iltajic are xch'awsax i wukub trompet6Are 'uri i je wukub ángel chi yatal wukub trompet chique, xqui yijba quib chu ch'awsaxic.\n7Te'uri i nabe ángel xu ch'awsaj u trompet. Are 'uri xu ticba li tzakic i nimak tak sakbach, xak i 'a', xak i quic' chuwach i jyub ta'aj. Are 'uri i ulew xu maj 'a', laj pa nic'aj ▼ xc'atic, xak queje i che', xak i 'es rax.\n8Te'uri i ucab ángel xu ch'awsaj u trompet. Are 'uri, 'o pacha jun nim laj jyub ca juluwic xc'ak bi pa mar; laj nic'aj che i mar xquiq'uer u wach. 9Ni'pa i chicop je c'as chupam, laj nic'aj chique xe camic. Xak ni'pa i bárco 'o puwi, laj pa nic'aj chique xsach qui wach.\n10Te'uri i urox ángel xu ch'awsaj u trompet. Are 'uri jun nim laj ch'umil xtzak li chuwach i jyub ta'aj, lic ca juluwic pacha chaj. Xtzak puwi laj nic'aj che tak i ya, xak laj nic'aj che tak i ralaxbal ya. 11I u bi i ch'umil-le, \"C'a\" ca bix che. Laj pa nic'aj re i tak i ya xo'on c'a che, xak i ralaxbal ya. Je q'ui i winak xe cam rumal i ya-le, chi lic c'a.\n12Te'uri i ucaj ángel xu ch'awsaj u trompet. Are 'uri, xo'on mal i 'ij; laj pa nic'aj xo'on 'ekum che. Xak queje xo'on che i ic', xak che i ch'umil; laj pa nic'aj xu sach u wach qui tzunbal. Rumal 'uri, laj pa nic'aj re i pa'ij n-xo'on ta sak, xak queje xo'on che i cha'ab, man n-ta kas u tzunbal i ic', i ch'umil.\n13Te'uri xin taken chicaj, y xin ta u ch'awbal jun ángel chi ca rupup chicaj. Are 'uri ire xsiq'uin chu bixquil:\n—¡Ay! ¡To' qui wach ique chi je re u wach i jyub ta'aj! ¡To' qui wach ique are quiqui ch'awsaj qui trompet i oxib chic ángel! ¡Lic to' qui wach ique! —xu bij.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nExamples to use the search box to find Bibles, passages, search terms, etc.-\nESVGen 1\nThis shows how to quickly lookup a passage.NIVESVKJVGen 1\nLooking up a passage in three different translations is also easy.ESVbrother\nThis asks STEP to search for the Greek word for 'brother' and show the results in the ESV.NIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.ESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.KJVTHGNTJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\nExamples of some Bible study tools +\nKJVCol 3 Color code grammar\nHighlight all the imperative verbs with red underlinesKJVCol 1 Color code grammar\nHighlight main verbs (green underlines) and supporting verbs (purple)KJVMat 1 Color code grammar\nHighlight the number (plural in bold) and gender (male in blue, feminine in red, neuter in black) of wordsESV1Jo 1 Quick tryout links\nHighlight frequent words in the chapter or book\nExamples to enable color code grammar +\nKJVEph 1 Color code grammar\nLook at KJV New Testament with color highlighted verbsSBLGRom 12 Color code grammar\nLook at Greek New Testament with color code grammar, Greek root word and English vocabularyCUnCol 1 Color code grammar\nLook at Chinese Union New Testament with color highlighted verbsSBLGKJVCUNEph 5 Color code grammar\nLook at Greek, English and Chinese New Testament with color code grammar\n© Tyndale House, Cambridge, UK - 2019","id":"","dump":"CC-MAIN-2019-51","url":"https:\/\/www.stepbible.org\/?q=version=ACRACC%7Creference=Rev.8","date":"2019-12-14T05:57:33Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540584491.89\/warc\/CC-MAIN-20191214042241-20191214070241-00323.warc.gz","language":"acr","language_score":0.9868636131,"language_script":"Latn","minhash_cluster_size":1,"top_langs":"{\"acr_Latn_score\": 0.9868636131286621}","num_words":807,"character_repetition_ratio":0.074,"word_repetition_ratio":0.0,"special_characters_ratio":0.249,"stopwords_ratio":0.155,"flagged_words_ratio":0.0,"lang_id_score":0.973,"perplexity_score":500.0,"cluster_detection":-1} +{"text":"Ri Utzilaj Tzij re Jesucristo tzꞌibꞌital kan ruma ri Lucas\n1\nRi Lucas katzꞌibꞌan pan che ri Teófilo, jun achi lik kꞌo uwach\n1 Ukꞌiyal tikawex kitzꞌibꞌam chi puwi saꞌ taq ri uꞌanom ri Dios chiqaxoꞌl riꞌoj, ri nabꞌe qakojom rubꞌiꞌ ri Jesucristo. 2 Kitzꞌibꞌam kꞌu ri kꞌutum lo chiqe kuma ri raj chak ri Dios, ri xebꞌilow chi utz ri xuꞌan ri Qanimajawal Jesucristo chwi xujeq lo ruchak. Yey e rike ri xkitzijoj ri Utzilaj Tzij puwi Rire.\n3 Riꞌin mismo lik xinwetaꞌmaj na chi utz y nuchꞌobꞌom lo raqan puwi ronoje saꞌ taq ri xuꞌano chwi lo rukꞌunik ri Qanimajawal che ruwachulew. Yey chinuwach riꞌin, lik utz kintzꞌibꞌan pan cheꞌla Teófilo y kantzijoj rusukꞌ waꞌ cheꞌla chucholaꞌj 4 chaꞌ ketaꞌmaj la chi utz puwi ri Qꞌijsaq kꞌutum chiwach la.\nJun ángel kuqꞌalajisaj ri ralaxibꞌal ri Juan Aj Yaꞌl Bautismo\n5 Echiriꞌ ri Herodes kataqan puwi ri luwar re Judea, kꞌo jun aj chakunel pa Rocho Dios, Zacarías rubꞌiꞌ. Rire e kukꞌil raj Abías.* \"Raj Abías\": Rojertan e kꞌo 24 grupos aj chakunel pa Rocho Dios. Chujujunal grupo kꞌo kibꞌiꞌ, y \"Abías\" e jun chike wa grupos. Ri rixoqil Elizabet e kukꞌil ri ralkꞌoꞌal kan ri Aarón. 6 Ri Zacarías y ri Elizabet junam lik e jusukꞌ chwach ri Dios, yey lik kebꞌok il che ronoje Rutzij Upixabꞌ ri Dios Qajawxel y na jinta junoq katzꞌaqaw mak chikij. 7 Pero rike na jinta juna kalkꞌoꞌal, ma ri Elizabet na utz taj kalanik yey kikabꞌichal e nimaq winaq chik.\n8 Xopon kꞌu ruqꞌijol echiriꞌ ri Zacarías kukꞌ ri rachbꞌiꞌil e aj Abías keꞌkiloqꞌoj uqꞌij ri Dios. 9 Ekꞌu raj chakunel pa Rocho Dios kakiꞌan jun sorteo chaꞌ kakichaꞌo china chike kok chupa ri Luwar Santo pa ri Rocho Dios re kuꞌporoj incienso. Jekꞌulaꞌ xkiꞌan wa sorteo, y waꞌ xtzaq puwi ri Zacarías.\n10 Echiriꞌ xopon ruꞌorayil re kaporox ri incienso, konoje ri ekꞌo chwach ri Luwar Santo ketajin che uꞌanik orar.\n11 Ekꞌuchiriꞌ, jun ángel re ri Dios Qajawxel xwinaqir chwach ri Zacarías puwikiqꞌabꞌ ri altar pa kaporox wi ri incienso. 12 Echiriꞌ ri Zacarías xril ri ángel, xkam ranimaꞌ che y lik xuxiꞌij ribꞌ.\n13 Noꞌj ri ángel xubꞌiꞌij che:\n—Zacarías, maxiꞌij awibꞌ, ma ri Dios utom chi ri atzꞌonom che. Rukꞌ kꞌu rawixoqil kakꞌojiꞌ jun akꞌajol yey Juan rubꞌiꞌ kakojo. 14 Kakꞌojiꞌ kꞌu kiꞌkotemal awukꞌ y lik e kꞌi ri kekiꞌkot che ri ralaxibꞌal rakꞌajol, 15 ma rire kuꞌana lik nim uqꞌij chwach ri Dios. Na kuchinaꞌaj ta vino y na kuchinaꞌaj ta yaꞌ re qꞌabꞌarik; y e ne chiriꞌ kꞌa matzem, rukꞌaꞌam chi lo ruchuqꞌabꞌ ri Santowilaj Ruxlabꞌixel ri Dios. 16 Y ruma kꞌu Rire, lik e kꞌi chike ri e aj Israel ketzelej jumul chik rukꞌ ri Dios Qajawxel y kakiya tanchi kibꞌ puqꞌabꞌ. 17 Ekꞌu wa Juan kanabꞌej lo chwach ri Qanimajawal rukꞌ ruchuqꞌabꞌ ri Ruxlabꞌixel ri Dios jelaꞌ pachaꞌ ri qꞌalajisanel Elías re ojertan. Yey ri chak koluꞌanaꞌ e kukoj utzil chomal chikixoꞌl ri tikawex kukꞌ ri kalkꞌoꞌal y kujalkꞌatij ri kinaꞌoj ri na e ta kojol tzij chaꞌ kuꞌana pachaꞌ ri kinaꞌoj ri kebꞌin jusukꞌ. Jekꞌuriꞌlaꞌ rire kebꞌuyijbꞌaꞌ ri tinamit chaꞌ kakikꞌul chi utz ri Qanimajawal —xcha ri ángel.\n18 Ri Zacarías xutzꞌonoj kꞌu che:\n—¿Suꞌanik kakubꞌiꞌ nukꞌuꞌx che waꞌ? Ma riꞌin lik in nimalaj winaq chik yey jenelaꞌ ri wixoqil —xchaꞌ.\n19 Ri ángel xukꞌul uwach, jewaꞌ xubꞌiꞌij che:\n—Riꞌin in Gabriel, intaqom lo ruma ri Dios Qajawxel chaꞌ kinoꞌlchꞌaꞌt awukꞌ y koꞌlnuyaꞌa wa utzilaj tzij chawe. 20 Noꞌj woꞌora katkanaj kanoq at meꞌt, y na utz ta kꞌu riꞌ katchꞌawik, ma na xakoj ta ri ximbꞌiꞌij chawe. Kopon na kꞌu ri qꞌij echiriꞌ kalax rakꞌajol; kꞌa ekꞌuchiriꞌ, utz katchꞌaw tanchik —xcha che.\n21 Ekꞌu ri e kꞌo pan chwach ri Luwar Santo koyeꞌem jampalaꞌ kel lo ri Zacarías, yey lik xubꞌisoj kikꞌuꞌx ma lik xmayin chupa ri Luwar Santo pa ri Rocho Dios. 22 Echiriꞌ xel lo ri Zacarías, na utz ta kachꞌaw chike; xa kuꞌan chi kꞌutubꞌal rukꞌ ruqꞌabꞌ chike ma xkanaj kan meꞌt. Y jelaꞌ xkimaj usukꞌ kꞌo xkꞌut chwach ri Zacarías chupa ri Luwar Santo.\n23 Echiriꞌ ri Zacarías xukꞌis taq ruqꞌijol kachakun chupa ri Rocho Dios, xeꞌek chirocho. 24 Kꞌa tekꞌuchiriꞌ, ri rixoqil Elizabet xkanajik yewaꞌ ixoq. Woꞌobꞌ ikꞌ kꞌu riꞌ xuchajij ribꞌ chirocho, e riꞌ na xel tubꞌi. Yey xaqi jewaꞌ ri kuchꞌobꞌo: 25 «E ri Nuqaw Dios ꞌanayom waꞌ chwe ma xinjuchꞌ kaꞌn che y xresaj ri chꞌamibꞌal we.»\nJun ángel kuqꞌalajisaj ri ralaxibꞌal ri Jesús\n26 Ikꞌowinaq chi kꞌu waqibꞌ ikꞌ riꞌ echiriꞌ ri ángel Gabriel xtaq lo ruma ri Dios chupa jun tinamit Nazaret rubꞌiꞌ, pa ri luwar re Galilea. 27 Xtaq lo rukꞌ jun qꞌapoj ali María rubꞌiꞌ, yey rire lik jusukꞌ rubꞌinik chwach ri Dios. Ri María unimam chik kakꞌuliꞌ rukꞌ jun ala José rubꞌiꞌ, yey rire e jun chike ri ralkꞌoꞌal kan ri rey David. 28 Ekꞌuchiriꞌ, xok bꞌi ri ángel pa kꞌo wi ri María, y jewaꞌ ri rutzil uwach xuyaꞌo:\n—¡Chatkiꞌkotoq! E riꞌat lik nim aqꞌij awalaxik chikixoꞌl konoje rixoqibꞌ. Ma ri Dios Qajawxel kꞌo awukꞌ yey akꞌulum ri unimal rutzil ukꞌuꞌx Rire —xcha che.\n29 Ri María echiriꞌ xuta waꞌ wa chꞌaꞌtem, xsach unaꞌoj puwiꞌ y jewaꞌ xutzꞌonoj chiribꞌil ribꞌ: \"¿Saꞌ keꞌelawi wa kabꞌiꞌx chwe?\"\n30 Ekꞌuchiriꞌ, ri ángel jewaꞌ xubꞌiꞌij che:\n—María, maxiꞌij awibꞌ, ma ariqom ri unimal rutzil ukꞌuꞌx ri Dios. 31 Ekꞌu woꞌora katkanajik at yewaꞌ ixoq, kalax jun awalabꞌ y Jesús rubꞌiꞌ kakojo. 32 Rire lik nim uqꞌij y kabꞌiꞌx che e Ukꞌajol ri Jun kataqan chwi ronoje. Ekꞌu ri Dios Qajawxel kuya puqꞌabꞌ kuꞌan rey jelaꞌ pachaꞌ ri rey David, rumam re ojertan. 33 Y kayaꞌtaj che kataqan puwi ri tinamit Israel yey rutaqanik na jinta utaqexik —xcha che.\n34 Ekꞌu ri María xutzꞌonoj che ri ángel:\n—¿Suꞌanik kuꞌana riꞌ waꞌ, we riꞌin kꞌa jinta ne wachijil? —xchaꞌ.\n35 Ri ángel xukꞌul uwach:\n—E ri Santowilaj Ruxlabꞌixel ri Dios kaqaj lo pawiꞌ y ruchuqꞌabꞌ ri Jun kataqan chwi ronoje, kuchꞌuq awiꞌ pachaꞌ sutzꞌ. E uwariꞌche rakꞌa kalaxik kabꞌiꞌx che e Santowilaj Ukꞌajol ri Dios. 36 Y chatape waꞌ, jenelaꞌ rawatz-achaqꞌ Elizabet umatzem chi jun akꞌa tobꞌ lik nimalaj winaq chik. E ri kabꞌiꞌx che na utz taj kalanik, woꞌora yewaꞌ ixoq y e uwaqibꞌ ikꞌ waꞌ. 37 Ma chwach ri Dios na jinta kꞌana kꞌayew —xcha che.\n38 Ekꞌuchiriꞌ, xubꞌiꞌij ri María:\n—Riꞌin puqꞌabꞌ ri Nuqaw Dios in kꞌo wi. Ekꞌu Rire chuꞌana wukꞌ janipa ri xbꞌiꞌij la chwe —xchaꞌ. Ekꞌuchiriꞌ, ri ángel xel bꞌi chwach.\nRi María keꞌbꞌina rukꞌ ri Elizabet\n39 Kꞌo kꞌu jun qꞌij ri María xuyak bꞌi ribꞌ y lik kanik xumaj bꞌi ubꞌe chujuyubꞌ chupa jun tinamit re Judea. 40 Echiriꞌ xoponik, xok chirocho ri Zacarías y xuya rutzil uwach ri Elizabet. 41 Xew kꞌu xuta ri Elizabet ri rutzil uwach xyaꞌ ruma ri María, rakꞌa umatzem lik xuyikij ribꞌ y ri Santowilaj Ruxlabꞌixel ri Dios xqaj puwi ri Elizabet. 42 Ruma kꞌu riꞌ, lik ko xchꞌawik, jewaꞌ xubꞌiꞌij:\n—Nim aqꞌij awalaxik riꞌat chikixoꞌlibꞌal konoje rixoqibꞌ y nim uqꞌij rawalabꞌ amatzem. 43 ¿Chaꞌtaj yaꞌtajinaq kan waꞌ chwe riꞌin koꞌlbꞌina ruchu ri Qanimajawal wukꞌ? 44 Ma xew xinta ri rutzil nuwach xayaꞌo, na jampatana rakꞌa numatzem lik xuyikij ribꞌ ruma rukiꞌkotemal. 45 Nim aqꞌij awalaxik riꞌat ma xakoj ronoje janipa ri xbꞌiꞌx chawe ruma ri Dios Qajawxel yey waꞌ lik e kuꞌanaꞌ —xchaꞌ.\n46 Ekꞌuchiriꞌ, ri María xubꞌiꞌij:\n«Riꞌin lik kanyak uqꞌij ri Dios Qajawxel,\n47 y ri wanimaꞌ lik kakiꞌkot rukꞌ ri Dios Nukolobꞌenel;\n48 ma xinjuchꞌ kaꞌn che, tobꞌ in jun raj chak na jinta ko nuwach.\nChwi kꞌu riꞌ woꞌora konoje ri tikawex kakibꞌiꞌij na chwe:\n\"Lik nim aqꞌij awalaxik riꞌat\"\n49 ma e ruchuqꞌabꞌ ri Dios Qajawxel\nlik saꞌch taq ri utz uꞌanom wukꞌ.\nEkꞌu rubꞌiꞌ Rire lik nim uqꞌij Santo.\n50 Y kukꞌut na ri rutzil ukꞌuꞌx chike janipa ri kꞌo xiꞌin ibꞌ pa kanimaꞌ chwach Rire.\n51 Rire e ꞌanayom ukꞌiyal chak rukꞌ ruchuqꞌabꞌ.\nUsachisam ri kinaꞌoj ri kakiꞌan nim che kibꞌ,\n52 y resam ri taqanik pakiqꞌabꞌ ri e nimaq taqanelabꞌ;\nyey uyakom kiqꞌij ri lik na jinta ko kiwach.\n53 Chike ri kenumik, uyaꞌom kibꞌeyomalil;\nnoꞌj ri bꞌeyomabꞌ xebꞌutaq bꞌi y na jinta kꞌo xuya bꞌi chike.\n54 Ebꞌutoꞌom kꞌu rutinamit Israel, taq ri raj chak Rire;\nyey na umeskꞌutam ta ukꞌutik ri rutzil ukꞌuꞌx\n55 na jinta utaqexik che ri Abraham y chike konoje ri ralkꞌoꞌal kanoq,\njelaꞌ pachaꞌ rubꞌiꞌtisim chike ri qatiꞌ-qamam† \"Rubꞌiꞌtisim chike ri qatiꞌ-qamam\": Ri bꞌiꞌtisinik xuꞌan ri Dios chike e kutaq lo jun Kolobꞌenel. ojertan» xchaꞌ.\n56 Y ri María laj oxibꞌ ikꞌ xkanaj kan chirocho ri Elizabet. Kꞌa tekꞌuchiriꞌ, xtzelej lo chirocho.\nRi ralaxibꞌal ri Juan Aj Yaꞌl Bautismo\n57 Ekꞌuchiriꞌ xopon ruqꞌij ri Elizabet re kutzir uwach, xalax ri ralabꞌ. 58 Y echiriꞌ ri ejeqel lo chunaqaj rire y taq ri kꞌo chux che xkito xutzir uwach ruma runimal rutzil ukꞌuꞌx ri Dios kꞌutum lo che, lik xekiꞌkot junam rukꞌ.\n59 Echiriꞌ rakꞌa xukꞌis wajxaqibꞌ qꞌij ralaxik, xekꞌun lo ri kekojow ri retalil re circuncisión chaꞌ kakiꞌan waꞌ che. Yey rubꞌiꞌ xkaj kakikojo e Zacarías, jelaꞌ pachaꞌ rubꞌiꞌ ruqaw.\n60 Noꞌj ruchu xubꞌiꞌij chike:\n—Na kakoj ta Zacarías che, ma Juan rubꞌiꞌ kakojik —xchaꞌ.\n61 Xkibꞌiꞌij kꞌu che:\n—¿Suꞌbꞌe riꞌ? Ma na jinta junoq chikixoꞌl ri atz-chaqꞌ la jelaꞌ rubꞌiꞌ —xechaꞌ.\n62 Ekꞌuchiriꞌ, rukꞌ ri kiqꞌabꞌ xkitzꞌonoj pan che ruqaw rakꞌa saꞌ ri bꞌiꞌaj karaj rire kakoj che. 63 Ekꞌu ruqaw rakꞌa xutzꞌonoj juperaj tzꞌalam re tzꞌibꞌanik y jewaꞌ xutzꞌibꞌaj chwach: «Juan rubꞌiꞌ kakojik.» Y konoje lik xkam kanimaꞌ che.\n64 Kꞌa ekꞌuchiriꞌ, ri Zacarías xjaqataj ruchꞌawibꞌal y jelaꞌ utz xchꞌaw tanchik. Y xujeq kꞌu riꞌ kuyak uqꞌij ri Dios.\n65 Y konoje ri tikawex katajin waꞌ pa kijolom rukꞌ xiꞌin ibꞌ, y xeꞌek kꞌu utzijoxik waꞌ chike konoje ri e kꞌo pa taq ri juyubꞌ re Judea. 66 Yey janipa kꞌu ri xetaw re rutzijoxik, xkikꞌol waꞌ pa kanimaꞌ y kakichꞌobꞌ kꞌu raqan: «¿Saꞌ nawi ruwach wa ralko ala echiriꞌ kanimarik?» kechaꞌ. Jewaꞌ xkibꞌiꞌij ma lik qꞌalaj ri Dios uqꞌalajisam ruchuqꞌabꞌ puwiꞌ.\n67 Ekꞌuchiriꞌ, ri Zacarías ruqaw ri ralko ala xujeq kaqꞌalajisanik ma ri Santowilaj Ruxlabꞌixel ri Dios xqaj lo puwiꞌ; jekꞌuwaꞌ xubꞌiꞌij:\n68 «Lik nim uqꞌij ri Dios Qajawxel re Israel\nma xkꞌun qukꞌ re kojoꞌlukolobꞌej ri oj utinamit.\n69 Xutaq lo jun Qakolobꞌenel lik kꞌo uchuqꞌabꞌ\nyey Rire elinaq lo chikixoꞌl ri ralkꞌoꞌal kan ri David, ri raj chak ri Dios.\n70 Ma ojertan e ubꞌiꞌim lo waꞌ kuma ri qꞌalajisanelabꞌ e jusukꞌ chwach.\n71 Ubꞌiꞌim kojoꞌlukolobꞌej pakiqꞌabꞌ ri tzel kebꞌilow qe\ny pakiqꞌabꞌ ri kechꞌamin qeꞌoj\n72 chaꞌ kukꞌut ri rutzil ukꞌuꞌx chike ri qatiꞌ-qamam\ny na kumeskꞌutaj ta ri santowilaj utzij uꞌanom lo ojertan\n73 puwi ri bꞌiꞌtisinik xuꞌan che ri qaqaw Abraham.\n74 Ubꞌiꞌtisim kojoꞌlresaj pakiqꞌabꞌ ri tzel kebꞌilow qe\nchaꞌ jelaꞌ na rukꞌ ta xiꞌin ibꞌ kaqaloqꞌnimaj\n75 ronoje qꞌij che ri qakꞌaslem\nrukꞌ jun santowilaj qabꞌinik qasilabꞌik y jusukꞌ qakꞌojiꞌik chwach Rire.\n76 Ekꞌu riꞌat nukꞌajol, kabꞌiꞌx chawe\nat qꞌalajisanel re ri Jun kataqan chwi ronoje;\nma katnabꞌej bꞌi chwach ri Qanimajawal\nre kabꞌiꞌij chike ri winaq kakiyijbꞌaꞌ\nri kibꞌinik kisilabꞌik chwa rukꞌunibꞌal Rire.\n77 Y katnabꞌej bꞌi chwach chaꞌ ri qatinamit\nkaketaꞌmaj ri Dios kebꞌukolobꞌej ma kukuy ri kimak.\n78 Ekꞌu ri qa Dios, ruma ri unimal rutzil ukꞌuꞌx,\nkutaq lo ri Jun qukꞌ re chilaꞌ chikaj, waꞌ e pachaꞌ ri Qꞌijsaq re rusaqribꞌal\n79 chaꞌ kebꞌuya pa qꞌijsaq ri e kꞌo pa qꞌequꞌm y e kꞌo chuxeꞌ ri kamik,\nyey kukꞌam qawach chupa ri bꞌe re ri utzil chomal» xchaꞌ.\n80 Y rukꞌajol ri Zacarías katajin unimarik y katajin ukꞌojiꞌik uchuqꞌabꞌ chwach ri Dios. Xjeqiꞌ kꞌu pa taq luwar katzꞌintzꞌotik, xopon na ruqꞌijol echiriꞌ xukꞌut uwach chikiwach ri tinamit Israel.\n*1:5 \"Raj Abías\": Rojertan e kꞌo 24 grupos aj chakunel pa Rocho Dios. Chujujunal grupo kꞌo kibꞌiꞌ, y \"Abías\" e jun chike wa grupos.\n†1:55 \"Rubꞌiꞌtisim chike ri qatiꞌ-qamam\": Ri bꞌiꞌtisinik xuꞌan ri Dios chike e kutaq lo jun Kolobꞌenel.","id":"","dump":"CC-MAIN-2019-51","url":"https:\/\/ebible.org\/acrNNT\/LUK01.htm","date":"2019-12-08T03:03:02Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540504338.31\/warc\/CC-MAIN-20191208021121-20191208045121-00181.warc.gz","language":"acr","language_score":0.9978459477,"language_script":"Latn","minhash_cluster_size":2,"top_langs":"{\"acr_Latn_score\": 0.9978459477424622}","num_words":1892,"character_repetition_ratio":0.056,"word_repetition_ratio":0.02,"special_characters_ratio":0.214,"stopwords_ratio":0.297,"flagged_words_ratio":0.0,"lang_id_score":0.997,"perplexity_score":500.0,"cluster_detection":-1} +{"text":"Ri carta xutzꞌibꞌaj ri Pablo che riglesia kꞌo Colosas\n1\nRi Pablo kuya pan rutzil kiwach ri hermanos e kꞌo Colosas\n1 Riꞌin in Pablo in taqoꞌn re ri Qanimajawal Jesucristo; e ri Dios intaqayom re ma e xraj riꞌ chwe. Junam rukꞌ ri hermano Timoteo, 2 kaqataq bꞌi wa carta che alaq ri kꞌo alaq pa ri tinamit Colosas, ri kꞌo alaq puqꞌabꞌ ri Cristo y tikil alaq chi utz chupa rubꞌiꞌ. Kꞌulu kꞌu alaq ri unimal rutzil kꞌuꞌxaj y ri utzil chomal re ri Qaqaw Dios y re ri Qanimajawal Jesucristo.\nRi Pablo kuꞌan orar pakiwi ri hermanos e kꞌo Colosas\n3 Echiriꞌ kaqaꞌan orar pawiꞌ alaq, xaqi kojtioxin kꞌu chwach ri Dios, Ruqaw ri Qanimajawal Jesucristo. 4 Ma riꞌoj qatom puwi ri kubꞌulibꞌal kꞌuꞌx alaq rukꞌ ri Qanimajawal Jesucristo y puwi ri rutzil kꞌuꞌx alaq kukꞌ konoje ri kikojom rubꞌiꞌ. 5 Jekꞌulaꞌ ꞌanom alaq ma ralaq e kubꞌam pan kꞌuꞌx alaq che ukꞌulik ri ukꞌolom ri Dios che alaq chilaꞌ chikaj; yey waꞌ etaꞌam alaq ruma ri saqil Utzilaj Tzij tom chi alaq. 6 Ekꞌu waꞌ wa Utzilaj Tzij xtzijox che alaq, e katajin utzijoxik che ronoje ruwachulew. Yey kꞌiyarinaq kiwach ri kekojow re y lik kꞌo kutiqoj che ri kibꞌinik kisilabꞌik taq ri tikawex. Y jelaꞌ uꞌanom chixoꞌlibꞌal ralaq chwi lo echiriꞌ xta alaq puwi ri unimal rutzil ukꞌuꞌx ri Dios y xkꞌul alaq waꞌ paqatzij wi. 7 Jelaꞌ rutzijoxik xuꞌan ri Epafras che alaq. Rire e jun qachbꞌiꞌil na loqꞌ ta kꞌax kanaꞌw re yey e jun utzilaj aj chak re ri Cristo kꞌo chiwach alaq. 8 Rire utzijom chiqe puwi ri rutzil kꞌuꞌx alaq, ri uyaꞌom ri Ruxlabꞌixel ri Dios pa animaꞌ alaq.\n9 Ekꞌu uwariꞌche, chwi lo echiriꞌ xqata waꞌ, e laꞌ na oj uxlaninaq ta che kaqaꞌan orar pawiꞌ alaq chaꞌ ri Dios kuqꞌalajisaj che alaq janipa ri karaj Rire kaꞌan alaq y chaꞌ kamaj alaq usukꞌ ronoje taq ri saqil naꞌoj petinaq rukꞌ ri Ruxlabꞌixel. 10 Y jekꞌulaꞌ kabꞌin alaq jusukꞌ pachaꞌ ri taqal chike ri e ralkꞌoꞌal ri Dios y kaꞌan kꞌu alaq janipa ri karaj ri Dios chaꞌ kꞌo kutiqoj ri utzilaj chak kaꞌan alaq y jelaꞌ kakꞌojiꞌ más naꞌoj alaq che retaꞌmaxik uwach ri Dios. 11 Kaqatzꞌonoj kꞌu che ri Dios chuyaꞌa chuqꞌabꞌ alaq e chirij runimal uchuqꞌabꞌ Rire chaꞌ kachꞌij alaq uchuqꞌabꞌ ri kikꞌowibꞌej alaq rukꞌ unimal kꞌuꞌxaj y chaꞌ rukꞌ unimal kiꞌkotemal 12 katioxin kꞌu alaq chwach ri Qaqaw, ma e Rire xꞌanaw chiqe riꞌoj utz kaqakꞌul janipa rubꞌiꞌtisim chike rutinamit e kꞌo pa ri Qꞌijsaq. 13 Ri Dios xojresaj chupa ruchuqꞌabꞌ ri qꞌequꞌmalil y xojuqꞌatisaj chupa rutaqanik Rukꞌajol, ri lik kꞌax kunaꞌo. 14 Rukꞌ kꞌu riꞌ ri Cristo kꞌo qakolobꞌetajik y kꞌo kuybꞌal qamak ruma rukikꞌel xturuwik.\nRuma ri Cristo kojkꞌojiꞌ chi utzil chomal chwach ri Dios\n15 Tobꞌ na jinta junoq iliyom uwach ri Dios, pero ri Cristo e kakꞌutubꞌen uwach. Yey ri Cristo xex chi kꞌo wi echiriꞌ xwinaqir ronoje ri kꞌo che ruwachulew. 16 Ruma kꞌu ri Cristo, ri Dios xuꞌan ronoje taq ri kꞌolik: taq ri e kꞌo chilaꞌ chikaj y ri e kꞌo che ruwachulew, taq ri kilitaj uwach y ri na kilitaj ta uwach; ri e taqanelabꞌ y ri e aj qꞌatal tzij, tobꞌ ne ri ángeles, ri kꞌo kiwach y ri kꞌo kichuqꞌabꞌ. Ronoje taq kꞌu riꞌ ri kꞌolik, xꞌan ruma ri Cristo yey e re yakbꞌal uqꞌij Rire.\n17 Ri Cristo xex chi kꞌo wi chwa ronoje taq ri kꞌolik y Rire e chapayom re ronoje taq waꞌ. 18 Ri Cristo e ujolom riglesia. E Rire ri nabꞌe che ronoje taq ri kꞌolik y ri nabꞌe xkꞌastaj lo chikixoꞌl ri ekaminaq, chaꞌ e Rire ri lik kꞌo uwach chwa taq ronoje ri kꞌolik. 19 Ma lik e xukꞌul ukꞌuꞌx riꞌ ri Dios ri kakꞌojiꞌ ronoje rukꞌuꞌxibꞌal Rire rukꞌ ri Cristo. 20 Ruma kꞌu ri Cristo, ri Dios xuꞌano chaꞌ ronoje taq ri kꞌolik kakꞌojiꞌ tanchi puqꞌabꞌ Rire, waꞌ e taq ri kꞌo che ruwachulew y taq ri kꞌo chilaꞌ chikaj, y jekꞌulaꞌ konoje kekꞌojiꞌ chi utzil chomal chwach Rire ruma rukikꞌel ri Cristo xturuw chwa ri cruz.\n21 Ekꞌu ralaq rojertan na alaq ta utinamit ri Dios y alaq ne aj retzelal kꞌuꞌx chirij ri Dios ruma na chom ta ri naꞌoj alaq y ruma taq ri na utz taj xꞌan alaq. Noꞌj woꞌora ri Dios uyaꞌom alaq chi utzil chomal chwach Rire. 22 Xuꞌan kꞌu waꞌ ruma rukamik ri Cristo chaꞌ jelaꞌ kuꞌana alaq jusukꞌ, na jinta kꞌana mak alaq y na jinta katzꞌaqaw chiꞌ alaq chwach Rire. 23 Ruma waꞌ lik chirajawaxik wi kachuqꞌubꞌej ibꞌ alaq y katikiꞌ alaq chi utz chupa ri kubꞌulibꞌal kꞌuꞌx alaq rukꞌ ri Dios. Yey moqꞌotaj kꞌu alaq royꞌexik ri kubꞌam pan kꞌuꞌx alaq che, waꞌ e janipa ri bꞌiꞌtisim chupa ri Utzilaj Tzij tom chi alaq. Waꞌ wa Utzilaj Tzij e ri katajin utzijoxik pa taq ronoje luwar che ruwachulew. Yey riꞌin Pablo, yaꞌtal chwe kantzijoj waꞌ.\nRuchak ri Pablo pa taq ri tinamit che ruwachulew\n24 Ekꞌu riꞌin woꞌora lik kinkiꞌkot che taq ri kꞌaxkꞌobꞌik kantijo we rukꞌ waꞌ kantoꞌ alaq. Jekꞌulaꞌ e kantzꞌaqatisaj chwi ri nucuerpo janipa ri kꞌaxkꞌolil yaꞌtal chwe ruma in re ri Cristo, yey wa kankꞌulumaj e toꞌbꞌal che riglesia, rucuerpo Rire. 25 Xinuꞌan jun aj chak re Rire chaꞌ kantoꞌ riglesia, ma e ri Dios uyaꞌom chwe kantzijoj pa tzꞌaqat wi ri Utzilaj Tzij chiwach ralaq ri na alaq ta aj judiꞌabꞌ. 26 Lik ojertan lo riꞌ na qꞌalajisam ta waꞌ chikiwach ri tikawex, noꞌj kꞌu woꞌora ri Dios e xuqꞌalajisaj waꞌ chike ri e re Rire. 27 Chike kꞌu rike, ri Dios lik xraj kuqꞌalajisaj ri unimal chomalil uchꞌobꞌom loq kuya chike taq ri tinamit na e ta aj judiꞌabꞌ; waꞌ e ri kajeqiꞌ ri Cristo pa animaꞌ ralaq, y ruma kꞌu riꞌ lik kubꞌam kꞌuꞌx alaq che ukꞌulik ri chomilaj kꞌaslemal chilaꞌ chikaj.\n28 Ekꞌu riꞌoj e kaqatzijoj rubꞌiꞌ ri Cristo pa taq kojꞌek wi. Kebꞌeqapixabꞌaj konoje ri tikawex y kojkꞌutun chikiwach rukꞌ saqil naꞌoj, chaꞌ kebꞌeqaya ri e re ri Cristo chwach ri Dios rukꞌ jun jusukꞌ kibꞌinik kisilabꞌik. 29 Lik kꞌu kantij uqꞌij che uꞌanik waꞌ rukꞌ ronoje nukꞌuꞌx, yey ronoje ri kanꞌano e ruma runimal uchuqꞌabꞌ ri Cristo kꞌo wukꞌ.","id":"","dump":"CC-MAIN-2019-51","url":"https:\/\/ebible.org\/acrNNT\/COL01.htm","date":"2019-12-06T15:21:13Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540488870.33\/warc\/CC-MAIN-20191206145958-20191206173958-00035.warc.gz","language":"acr","language_score":0.9997392297,"language_script":"Latn","minhash_cluster_size":2,"top_langs":"{\"acr_Latn_score\": 0.9997392296791077}","num_words":1002,"character_repetition_ratio":0.061,"word_repetition_ratio":0.0,"special_characters_ratio":0.208,"stopwords_ratio":0.317,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Mark 16\nWach i walijic xo'on i Jesus chiquixol i camnak1Are xic'aw i uxlambal 'ij, i ati Mariy Magdaléna, cu' i ati Mariy chi u chuch i ma Jacóbo, xak i ati Salome, xqui lo' i cunbal muy, quiqui cojbej che i u ch'acul i Jesus. 2Re u sakirbal domíngo, are xel li 'ij, xe upon pa muktal wi i Jesus. 3I ixokib que tijin chu bixquil chiquiwach:\n—¿Pachin nawi coj u to chi relsaxic i abaj chu chi' i jul-le? —que cha.\n4Xui-ri, are xqui takej, xquil i nim laj abaj chi cojtal can chu chi' i jul, n-ta chic chila pu q'uijibal. 5Te'uri xe oc pa jul y xquil jun achi, c'a ala, cul pa qui wikabim; i u 'u' naj rakan, lic sak. Ique lic xqui xij quib.\n6—Mi xij iwib —xu bij chique—. Yix quix tijin chu tzucuxic i Jesus aj Nazaret chi xrip chuwach cruz. Ire n-ta chic chi, walijnak chubic; chiwilape pa yatal wi canok. 7Ji bij chique u tijoxelab, y xak che i ma Pédro, chi i Jesus ya ca 'e pa Galiléa. \"Ire ca 'e pa Galiléa nabe chiwach yix\", chix chok chique. \"Chila quiwil wi pacha u bim can chiwe\", chi bij chique —xu bij.\n8Are 'uri i ixokib pa'anem xe 'el ru' i jul; lic que barbatic rumal i qui xibriquil. Lic n-ta jun tzij xqui bij chirij, man lic qui xim quib.\nI Jesus xu c'ut rib che i ati Mariy Magdaléna9I Jesus, are xwalij chiquixol i camnak, are u sakirbal re i domíngo. Nabe xu c'ut rib che i ati Mariy Magdaléna, chi Jesus resam wukub mal laj tak tew che, o'onom lok. 10Te'uri i ixok xa 'e chu bixquil chique i je terejnak chirij i Jesus. Are xupon cu', xe u riko lic que bisonic, xak que o'ic. 11Are xqui ta chi c'aslic, xak 'iltal u wach rumal i ixok-le, n-xqui coj taj.\n12Te'uri i Jesus, jun wi tan chic u c'utic rib xo'on chique i queb chi je cachi'il ique. Xu c'ut rib chique i queb-le are que tijin chi be 'enam-que pa jyub. 13Ique xe tzalij chic; xe 'e chu bixquil chique i cachi'il, xui-ri xak chique i queb-le, i juban n-xqui coj taj, wach i xqui bij.\nI Jesus xu ya can i chac chique i julajuj u tijoxelab14Te'uri i Jesus xu c'ut rib chique i je julajuj u tijoxelab are que tijin chi wa'im. Xe u yaj jubi' man n-tu cubibal qui c'ux che we ca walij na; xak co qui jolom, man n-xqui coj taj wach i xbix chique cumal i xe 'ilaw u wach, are walijnak chic. 15Xak xu bij chique:\n—Jix, ji paxsaj u tzijol ronojel u wach i jyub ta'aj wach i 'elbal chi sak; ji bij chique conojel. 16Pachin ca cojow i tzij, xak xkajsax ni ya puwi, quel na 'uri chupam u mac. Xui-ri, pachin i n-cu coj ta i tzij, ca 'e na 'uri pa 'a'. 17Ique chi quiqui coj na, 'o ni 'alijinsabal re u cho'ab i Dios cu': ique que quesaj ni itzel tew ru' u cuxtaxic in bi yin ▼, xak quiqui rik juban ch'awbal c'ac'; 18xak we quiqui chap jun cumatz, o we quiqui tu' jun venen, n-ta co'on chique; xak quiqui ya na qui 'ab piquiwi iwabib, y que utziric —xu bij i Jesus chique.\nWach i 'elic bic xo'on i Jesus chicaj19I Kajwal Jesus, are xutzin che u tzij cu', xc'am bi chicaj, y xcubi pu wikabim i Dios. 20I u tijoxelab xe 'e chu bixquil u tzij i Dios pa ronojel tak tinimit. I Kajwal xe u to chu bixquil, xak xu 'an tak i milágro chiquiwach i que tawic, 'alijinsabal-re chique chi katzij i qui tzij. Amen (katzij).\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nExamples to use the search box to find Bibles, passages, search terms, etc.-\nESVGen 1\nThis shows how to quickly lookup a passage.NIVESVKJVGen 1\nLooking up a passage in three different translations is also easy.ESVbrother\nThis asks STEP to search for the Greek word for 'brother' and show the results in the ESV.NIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.ESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.KJVTHGNTJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\nExamples of some Bible study tools +\nKJVCol 3 Color code grammar\nHighlight all the imperative verbs with red underlinesKJVCol 1 Color code grammar\nHighlight main verbs (green underlines) and supporting verbs (purple)KJVMat 1 Color code grammar\nHighlight the number (plural in bold) and gender (male in blue, feminine in red, neuter in black) of wordsESV1Jo 1 Quick tryout links\nHighlight frequent words in the chapter or book\nExamples to enable color code grammar +\nKJVEph 1 Color code grammar\nLook at KJV New Testament with color highlighted verbsSBLGRom 12 Color code grammar\nLook at Greek New Testament with color code grammar, Greek root word and English vocabularyCUnCol 1 Color code grammar\nLook at Chinese Union New Testament with color highlighted verbsSBLGKJVCUNEph 5 Color code grammar\nLook at Greek, English and Chinese New Testament with color code grammar\n© Tyndale House, Cambridge, UK - 2019","id":"","dump":"CC-MAIN-2019-51","url":"https:\/\/www.stepbible.org\/?q=version=ACRACC%7Creference=Mar.16","date":"2019-12-08T16:16:03Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540511946.30\/warc\/CC-MAIN-20191208150734-20191208174734-00447.warc.gz","language":"acr","language_score":0.9952682853,"language_script":"Latn","minhash_cluster_size":2,"top_langs":"{\"acr_Latn_score\": 0.9952682852745056}","num_words":917,"character_repetition_ratio":0.065,"word_repetition_ratio":0.0,"special_characters_ratio":0.245,"stopwords_ratio":0.165,"flagged_words_ratio":0.0,"lang_id_score":0.991,"perplexity_score":500.0,"cluster_detection":-1} +{"text":"Revelation of John 15\nI ma Wan xe ril wukub ángel cuc'am wukub tojpen1Te'uri xwil jun chic nim laj 'il chicaj, lic xibin'ib ru'. Je 'o wukub ángel cuc'am wukub q'uisbal tak tojpen chi cu ya ni Dios piquiwi i je re u wach i jyub ta'aj rumal i roywal.\n2Xak xwil jun mar, pacha u tzunbal espej chi ca juluw 'a' chupam. Xak xe wil juban winak je tac'al chu chi' i mar. Ique-le are i je tiquinak chu kajsaxic u 'ij itzel chicop, xak i u q'uexwach. N-xqui ya ta che chi cu coj u bi chuwach qui crusil. Ique-le cuc'am i qui árpa chi yatal chique rumal i Dios. 3Xqui bixaj u bix i mam Moises, chi rajchac i Dios ujer; xak are i bix re i Tolke chi ral Chij ca bix che. Xqui bij:\nYet at Kajwal Dios chi 'atz a cho'ab,\n¡Ronojel tak i ca 'ano, lic nim lic chom!\nYet at 'Atol Tzij piquiwi ronojel i nimak tak tinimit,\n¡Ronojel i ca 'ano, lic suc'ulic, lic sak laj tzij!\n4Kajwal, ¿'o nawi jun n-cu xij ta rib chawe? N-taj.\n¿'O nawi jun n-cu bij ti a 'ij? N-taj.\nXui yet at lo'laj Dios, rumal-i, conojel ni'pa i tinimit chuwach i jyub ta'aj que c'un na chawach y quiqui coj ni a 'ij,\nconojel quilom chi ni'pa i a 'anom 'is 'utz, 'is suc'ulic.\n(Queje ile xqui bixaj chuwach i Dios.)\n5Te'uri, xin taken chic y xwil i rachoch i Dios chila chicaj; xak te'et, xjaktaj i uchija. C'a paja xwil wi, pa 'o wi i cuárto chi 'o u 'ij, pa c'olom wi i lajuj tzij pixab chi tz'ibtalic. 6Che i cuárto-le, xe 'el li wukub ángel chi cuc'am wukub tojpen. I qui 'u', 'antal che i c'ul sak, líno ca bix che; lic ca walch'inic. Xak i yut'bal u wach qui c'ux, lic óro. 7Te'uri, 'o jun chique i cajib chi je pacha ángel ▼, xu ya jujun lak, lic óro, chique i wukub ángel-le. I lak-le, nojnak che i tojpen re i Dios, ire chi c'aslic que'e 'ij sak chirij. 8I rachoch i Dios xnoj che i sib rumal i nim laj u 'ij i nim laj u cho'ab ire. Mi jun coc chila, c'a cutzin ni wukub tojpen chi qui c'amom bi i wukub ángel.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nExamples to use the search box to find Bibles, passages, search terms, etc.-\nESVGen 1\nThis shows how to quickly lookup a passage.NIVESVKJVGen 1\nLooking up a passage in three different translations is also easy.ESVbrother\nThis asks STEP to search for the Greek word for 'brother' and show the results in the ESV.NIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.ESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.KJVTHGNTJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\nExamples of some Bible study tools +\nKJVCol 3 Color code grammar\nHighlight all the imperative verbs with red underlinesKJVCol 1 Color code grammar\nHighlight main verbs (green underlines) and supporting verbs (purple)KJVMat 1 Color code grammar\nHighlight the number (plural in bold) and gender (male in blue, feminine in red, neuter in black) of wordsESV1Jo 1 Quick tryout links\nHighlight frequent words in the chapter or book\nExamples to enable color code grammar +\nKJVEph 1 Color code grammar\nLook at KJV New Testament with color highlighted verbsSBLGRom 12 Color code grammar\nLook at Greek New Testament with color code grammar, Greek root word and English vocabularyCUnCol 1 Color code grammar\nLook at Chinese Union New Testament with color highlighted verbsSBLGKJVCUNEph 5 Color code grammar\nLook at Greek, English and Chinese New Testament with color code grammar\n© Tyndale House, Cambridge, UK - 2019","id":"","dump":"CC-MAIN-2019-51","url":"https:\/\/www.stepbible.org\/?q=version=ACRACC%7Creference=Rev.15","date":"2019-12-14T21:38:41Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575541294513.54\/warc\/CC-MAIN-20191214202754-20191214230754-00201.warc.gz","language":"acr","language_score":0.8297028542,"language_script":"Latn","minhash_cluster_size":1,"top_langs":"{\"acr_Latn_score\": 0.8297028541564941, \"poh_Latn_score\": 0.02648366242647171, \"hus_Latn_score\": 0.019303787499666214, \"quc_Latn_score\": 0.013267039321362972}","num_words":682,"character_repetition_ratio":0.074,"word_repetition_ratio":0.0,"special_characters_ratio":0.24,"stopwords_ratio":0.145,"flagged_words_ratio":0.0,"lang_id_score":0.633,"perplexity_score":500.0,"cluster_detection":-1} +{"text":"Ri carta xutzꞌibꞌaj ri Santiago\n1\nRi Santiago kuya pan rutzil kiwach rutinamit ri Dios\n1 Riꞌin in Santiago, in aj chak re ri Dios y re ri Qanimajawal Jesucristo. Kanya pan rutzil wach ralaq alaq ri kabꞌlajuj tinamit re Israel, ri alaq kichom bꞌi che ronoje ruwachulew.\nQachꞌija uchuqꞌabꞌ ri kꞌaxkꞌobꞌik\n2 Alaq nu hermanos, lik kiꞌkota alaq echiriꞌ kikꞌow alaq chupa taq ukꞌiyal uwach kꞌaxkꞌobꞌik. 3 Ma etaꞌam chi alaq we kachꞌij alaq ri kꞌambꞌal upa ri kubꞌulibꞌal kꞌuꞌx alaq rukꞌ ri Dios, waꞌ kukꞌam lo unimal kꞌuꞌxaj che alaq. 4 Lik kꞌola kꞌu unimal kꞌuꞌx alaq pa saqil wi chaꞌ jelaꞌ kakꞌojiꞌ alaq jusukꞌ y kakowir alaq chi utz, jekꞌuriꞌlaꞌ na jinta chi kꞌo kajawax che ri bꞌinik silabꞌik alaq chwach ri Dios.\n5 We kꞌo kꞌu junoq che alaq kajawax saqil unaꞌoj, chutzꞌonoj che ri Dios y waꞌ kayaꞌtaj lo che, ma ri Dios na kuxuꞌyaj ta ri katzꞌonox che y na kukꞌaq tane bꞌi kiqꞌij ri tikawex kꞌo kakitzꞌonoj che. 6 Yey we junoq kꞌo karaj kutzꞌonoj che ri Dios, lik chirajawaxik che, kakubꞌiꞌ ukꞌuꞌx rukꞌ ri Dios y na kebꞌ ta upa ri kubꞌulibꞌal ukꞌuꞌx. Ma e ri xa kebꞌ upa ri kubꞌulibꞌal ukꞌuꞌx, riꞌ na tikil ta chi utz; e pachaꞌ ri urepebꞌal uwi ri mar xa kakꞌam bꞌi jewaꞌ y jeriꞌ ruma ri tew. 7 Ekꞌu junoq jewaꞌ uꞌanom, muchꞌobꞌo we kꞌo kukꞌul che ri Qajawal. 8 Ma ri tikawex xa kebꞌ upa che ri kuchꞌobꞌo, riꞌ na jinta ukowil che taq ri kuꞌano.\n9 E juna hermano lik na il ta ko uwach, lik kiꞌkota che ri yakbꞌal uqꞌij kuya ri Dios. 10 Yey ri hermano bꞌeyom lik kiꞌkota che we kakꞌaq bꞌi uqꞌij ruma uꞌanom chꞌutiꞌn che ribꞌ chwach ri Dios. Ma rukꞌaslem che ruwachulew xa e pachaꞌ rukotzꞌiꞌjal raqꞌes, na kakowin taj. 11 Ma echiriꞌ kel lo ri qꞌij yey rukꞌatanil kaqaꞌwik, raqꞌes kachaqijik y rukotzꞌiꞌjal kapuqik y kasach uwach ruchomalil. Jekꞌuriꞌlaꞌ kukꞌulumaj ri bꞌeyom, ma tobꞌ lik kachakunik, echiriꞌ kakamik, ronoje rubꞌeyomalil kakanaj kanoq.\n12 Nim uqꞌij ralaxik ri tikawex kuchꞌij uchuqꞌabꞌ ri kꞌambꞌal upa, ma echiriꞌ uchꞌijom chi uchuqꞌabꞌ waꞌ, kukꞌul ri sipanik re ri kꞌaslemal ubꞌiꞌtisim lo ri Dios chike ri kꞌax kenaꞌw re Rire.\nQachꞌija uchuqꞌabꞌ ri mak\n13 Echiriꞌ kꞌo junoq kunaꞌo kꞌo kaminow uwach pa mak, mubꞌiꞌij e ri Dios ri kaꞌanaw waꞌ che. Ma ri Dios na kacha ta kꞌana ukꞌuꞌx che ri mak yey na kumin tane junoq chupa. 14 Ma echiriꞌ kꞌo junoq kunaꞌo kꞌo kaminow uwach pa mak, riꞌ e rurayibꞌal ri kakꞌamaw bꞌi re chupa. 15 Ekꞌu taq rurayibꞌal kukꞌam bꞌi pa mak, yey waꞌ wa mak kukꞌam lo kamik. 16 Alaq nu hermanos ri lik kꞌax kannaꞌ alaq, kambꞌiꞌij kꞌu che alaq: Masokotaj kꞌana alaq. 17 Ma ronoje chomilaj sipanik y ri utz kayaꞌtaj chiqe, rukꞌ ri Dios petinaq wi. Rire e ꞌanayom re taq ri kawon che ruwa kaj. Yey taq waꞌ xa kajalkꞌatitaj uwach, noꞌj ri Dios na kajalkꞌatitaj ta uwach y ri qꞌijsaq re Rire na kok ta qꞌequꞌm chwach. 18 Lik rukꞌ kꞌu Rire xalax wi kuya kꞌakꞌ qakꞌaslemal ruma ri Qꞌijsaq re Ruchꞌaꞌtem, chaꞌ jelaꞌ e kojuꞌana ri nabꞌe ralkꞌoꞌal oj yaꞌtal puqꞌabꞌ ri Cristo.\nQaꞌana janipa ri kubꞌiꞌij Ruchꞌaꞌtem ri Dios\n19 Alaq nu hermanos ri kꞌax kannaꞌ alaq, mikꞌow chikꞌuꞌx alaq waꞌ: Lik chirajawaxik che alaq kaya xikin alaq che ri kakibꞌiꞌij ri jujun chik, noꞌj lik chꞌobꞌo na alaq raqan chi utz saꞌ ri kabꞌiꞌij alaq, yey muꞌan ne ri lik xa chꞌitil alaq che ri oyowal. 20 Ma e junoq aj oyowal na kuꞌan ta ri jusukꞌ chwach ri Dios. 21 Ruma kꞌu laꞌ, yaꞌa kan alaq ronoje ri na chom ta uwach y ronoje rukꞌiyal mak. E lik kꞌulu alaq rukꞌ uchꞌutiꞌnal kꞌuꞌx alaq Ruchꞌaꞌtem ri Dios tikil chi chupa ri animaꞌ alaq, ma waꞌ kukolobꞌej alaq. 22 E lik ꞌana alaq janipa ri kubꞌiꞌij Ruchꞌaꞌtem ri Dios y na xew ta alaq tanel re; ma we xa alaq tanel re, kasok ibꞌ alaq we kachꞌobꞌ alaq ruma waꞌ kakolobꞌetaj alaq. 23 Ma e junoq xa tanel re Ruchꞌaꞌtem ri Dios y na kuꞌan ta janipa ri kubꞌiꞌij, e pacha�� junoq karil rupalaj chupa juna spej. 24 Yey echiriꞌ xril bꞌi rupalaj, keꞌek y xa pa joqꞌotaj kumeskꞌutaj saꞌ ri katzuꞌnik. 25 Noꞌj ri lik uyaꞌom ribꞌ che utaqexik ri saqil Utzij Upixabꞌ ri Dios, ri kojresaj puqꞌabꞌ ri mak, yey xaqi e kuꞌan waꞌ y na kasach ta chukꞌuꞌx ri kubꞌiꞌij ri Tzij Pixabꞌ ma e ꞌanal re janipa ri kubꞌiꞌij waꞌ, ri Dios kutoꞌ che janipa ri kuꞌano.\n26 We kꞌo junoq kuchꞌobꞌo pa saqil wi e kuloqꞌnimaj uqꞌij ri Dios, pero na kuqꞌatej ta ri raqꞌ che molot y kꞌaxlaj chꞌaꞌtem, riꞌ utukel kusok ribꞌ yey ronoje ri kuꞌano re kuloqꞌnimaj ri Dios, na jinta uchak. 27 Ma ri saqil uloqꞌnimaxik uqꞌij ri Qaqaw Dios e ri keqatoꞌ ri nibꞌaꞌibꞌ y ri malkaꞌnibꞌ chupa taq ri kꞌax e kꞌo wi, yey e ri kaqachajij qibꞌ chaꞌ na kojtzaq ta chupa ri chꞌulilaj mak re ruwachulew.","id":"","dump":"CC-MAIN-2019-51","url":"https:\/\/ebible.org\/acrNNT\/JAS01.htm","date":"2019-12-06T03:26:38Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540484477.5\/warc\/CC-MAIN-20191206023204-20191206051204-00063.warc.gz","language":"acr","language_score":0.9991278052,"language_script":"Latn","minhash_cluster_size":2,"top_langs":"{\"acr_Latn_score\": 0.9991278052330017}","num_words":813,"character_repetition_ratio":0.052,"word_repetition_ratio":0.0,"special_characters_ratio":0.215,"stopwords_ratio":0.341,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1} +{"text":"Rukaꞌm carta xutzꞌibꞌaj ri Pablo che riglesia kꞌo Tesalónica\n1\nRi Pablo kuya pan rutzil kiwach ri hermanos e kꞌo Tesalónica\n1 Riꞌin Pablo kukꞌ ri wachbꞌiꞌil Silvano y Timoteo kaqataq bꞌi wa carta che alaq, ri alaq re riglesia kꞌo Tesalónica, alaq re ri Qaqaw Dios y re ri Qanimajawal Jesucristo. 2 Kꞌulu kꞌu alaq ri unimal rutzil kꞌuꞌxaj y ri utzil chomal re ri Qaqaw Dios y re ri Qanimajawal Jesucristo.\nRi qꞌatbꞌal tzij pakiwi raj makibꞌ echiriꞌ kakꞌun tanchi ri Cristo\n3 Hermanos, xaqi kojtioxin chwach ri Dios uma ralaq; lik e taqal riꞌ kaqaꞌano ma lik katajin unimarik ri kubꞌulibꞌal kꞌuꞌx alaq rukꞌ ri Cristo yey katajin unimarik ri rutzil kꞌuꞌx alaq, ri kakꞌut alaq chiwach onoje alaq. 4 Ruma kꞌu riꞌ, riꞌoj lik kaqatakꞌabꞌaꞌ qꞌij alaq echiriꞌ kojchꞌaꞌt pawiꞌ alaq chikiwach taq riglesias re ri Dios. Lik e kaqatzijoj ri unimal kꞌuꞌx alaq y ri kubꞌulibꞌal kꞌuꞌx alaq; ma tobꞌ alaq ternabꞌem rukꞌ kꞌax y kikꞌow alaq pa kꞌaxkꞌobꞌik, waꞌ lik kuyum alaq.\n5 Ri qꞌatbꞌal tzij kuꞌan ri Dios lik jusukꞌ, yey kaqꞌalajin waꞌ ma chwach Rire lik taqal che alaq kok na alaq chupa rutaqanik, y ruma ne riꞌ katij alaq kꞌax woꞌora. 6 Yey lik ubꞌe kꞌut, ri Dios kuꞌan ukꞌaxel chike ri eyaꞌyom e alaq pa kꞌax. 7 Noꞌj kꞌu ralaq ri katajin ikꞌowik alaq chupa ri kꞌax, kuya na che alaq ri uxlanem junam qukꞌ riꞌoj echiriꞌ kaqꞌalajin uwach ri Qanimajawal Jesucristo. Echiriꞌ Rire kakꞌun chilaꞌ chikaj chupa urepebꞌal aqꞌ kukꞌ ru ángeles lik kꞌo kichuqꞌabꞌ, 8 kebꞌoꞌluꞌyaꞌa kꞌu pa kꞌax ri na xkaj ta kaketaꞌmaj uwach ri Dios y na xkitaqej tane ri Utzilaj Tzij re ri Qanimajawal Jesucristo. 9 E taq kꞌu waꞌ wa winaq kakikꞌul ri qꞌatbꞌal tzij re ri kꞌaxkꞌobꞌik na jinta utaqexik; xa jumul kꞌut kebꞌesax bꞌi chwach ri Qanimajawal y chwach ruchomal ruchuqꞌabꞌ 10 echiriꞌ kakꞌun Rire chupa laꞌ la jun qꞌij re kayak uqꞌij kuma rutinamit. Konoje kꞌu riꞌ ri xekojow rubꞌiꞌ lik kakiloqꞌnimaj uqꞌij ruma ri uꞌanom Rire kukꞌ. Yey ralaq, alaq jun che wa utinamit ruma xkoj alaq ri xqatzijoj che alaq.\n11 E uwariꞌche lik xaqi kaqaꞌan orar pawiꞌ alaq. Kaqatzꞌonoj kꞌu che ri Dios e katoꞌw e alaq chaꞌ ri bꞌinik silabꞌik alaq kuꞌana pachaꞌ ri taqal chike ri esikꞌim ruma Rire. Y kaqatzꞌonoj kꞌu che kutoꞌ alaq che uꞌanik taq ri utzilaj chak karaj Rire che alaq, yey kaꞌan kꞌu alaq waꞌ rukꞌ kubꞌulibꞌal kꞌuꞌxaj y rukꞌ ruchuqꞌabꞌ Rire. 12 Jekꞌulaꞌ e kayak uqꞌij ri Qanimajawal Jesucristo ruma ri kaꞌan alaq, yey katakꞌabꞌax qꞌij ralaq ruma alaq re Rire. Kaꞌan kꞌu waꞌ ruma ri unimal rutzil kꞌuꞌxaj re ri qa Dios y re ri Qanimajawal Jesucristo.","id":"","dump":"CC-MAIN-2019-51","url":"https:\/\/ebible.org\/acrNNT\/2TH01.htm","date":"2019-12-13T12:54:39Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540555616.2\/warc\/CC-MAIN-20191213122716-20191213150716-00041.warc.gz","language":"acr","language_score":0.9996250868,"language_script":"Latn","minhash_cluster_size":2,"top_langs":"{\"acr_Latn_score\": 0.9996250867843628}","num_words":435,"character_repetition_ratio":0.082,"word_repetition_ratio":0.0,"special_characters_ratio":0.198,"stopwords_ratio":0.285,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1 John 1\nI Jun chi ca yaw i c'aslemal1Caka tz'ibaj chiwe chirij i Jun chi 'ax 'o wi chu xebal li 'ij sak. Ire, ka tom wach i xu bij, xak kilom ru' ka ba'wach; katzij kilom u wach, xak ka chapom ru' ka 'ab. Caka tz'ibaj chiwe chirij i Jun chi are i Tzij ▼ chi cu ya i c'aslemal. 2I Rajaw i c'aslemal xc'un chuwach i jyub ta'aj; yoj xkilo, rumal-i caka bij chiwe wach i kilom, y wo'or caka 'alijinsaj i c'aslemal-le chiwe chi n-tu q'uisic. I Rajaw i c'aslemal-le 'ax 'o wi ru' i Ta chicaj, y xu c'ut rib chake. 3Ni'pa i kilom, ni'pa i ka tom, caka 'alijinsaj chiwe, man cakaj qui ya i wach ku'. Yoj ka yom ka wach ru' i Ta chicaj, xak ru' i Jesucrísto chi u C'ojol; rumal-i, cakaj chi yix qui ya i wach ku'. 4Caka tz'ibaj iri chiwe, man cakaj ca nimar mas i quicotemal yix, xak queje yoj.\n'O u chac coj bin pa sak5Wo'or caka bij chiwe wach i tzij c'ut-tal chake yoj rumal i Jesucrísto; are iri: i Dios, lic pacha i pa'ij lic sak, n-ta pich' 'ekumal che. 6We caka bij chi junam i ka wach ru' i Dios, xui-ri we coj bin che i be n-'us taj, oj 'o 'uri pa 'ekumal, n-sakil ti caka bij, n-sakil ti caka 'ano. 7Xui-ri, we 'is coj bin ru' i Dios pa sak, man ire 'o pa sak, junam 'uri ka wach yoj ni'pa i kachalal kib; xak i u quiq'uel i Jesucrísto chi u C'ojol i Dios, cresaj ronojel ni'pa i ka mac. 8We caka bij chi n-ta ka mac, xa caka t'or kib 'uri; n-sakil ti caka 'ano. 9Péro we caka jach i ka mac che i Dios, keta'am chi cu cuy na chake, xak cresaj ni'pa i mac atzalal pa kanima. Man ire lic cu 'an na pacha i u bim; lic suc'ul i cu 'ano. 10We caka bij chi n-oj macun-nak taj, xa coj tijin 'uri chu bixquil chi Dios aj t'oronel (man ire u bim chi 'o ka mac); xak que'elok chi u tzij ire n-ta pa ka c'ux.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nExamples to use the search box to find Bibles, passages, search terms, etc.-\nESVGen 1\nThis shows how to quickly lookup a passage.NIVESVKJVGen 1\nLooking up a passage in three different translations is also easy.ESVbrother\nThis asks STEP to search for the Greek word for 'brother' and show the results in the ESV.NIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.ESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.KJVTHGNTJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\nExamples of some Bible study tools +\nKJVCol 3 Color code grammar\nHighlight all the imperative verbs with red underlinesKJVCol 1 Color code grammar\nHighlight main verbs (green underlines) and supporting verbs (purple)KJVMat 1 Color code grammar\nHighlight the number (plural in bold) and gender (male in blue, feminine in red, neuter in black) of wordsESV1Jo 1 Quick tryout links\nHighlight frequent words in the chapter or book\nExamples to enable color code grammar +\nKJVEph 1 Color code grammar\nLook at KJV New Testament with color highlighted verbsSBLGRom 12 Color code grammar\nLook at Greek New Testament with color code grammar, Greek root word and English vocabularyCUnCol 1 Color code grammar\nLook at Chinese Union New Testament with color highlighted verbsSBLGKJVCUNEph 5 Color code grammar\nLook at Greek, English and Chinese New Testament with color code grammar\n© Tyndale House, Cambridge, UK - 2019","id":"","dump":"CC-MAIN-2019-51","url":"https:\/\/www.stepbible.org\/?q=version=ACRACC%7Creference=1Jo.1","date":"2019-12-09T13:55:08Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540518882.71\/warc\/CC-MAIN-20191209121316-20191209145316-00239.warc.gz","language":"acr","language_score":0.9210024476,"language_script":"Latn","minhash_cluster_size":2,"top_langs":"{\"acr_Latn_score\": 0.9210024476051331, \"hus_Latn_score\": 0.01134379394352436, \"poh_Latn_score\": 0.010346031747758389}","num_words":656,"character_repetition_ratio":0.078,"word_repetition_ratio":0.0,"special_characters_ratio":0.245,"stopwords_ratio":0.133,"flagged_words_ratio":0.0,"lang_id_score":0.77,"perplexity_score":500.0,"cluster_detection":-1} +{"text":"Ri nabꞌe carta xutzꞌibꞌaj ri Pablo che riglesia kꞌo Tesalónica\n1\nRi Pablo kuya pan rutzil kiwach ri hermanos e kꞌo Tesalónica\n1 Riꞌin Pablo kukꞌ ri wachbꞌiꞌil Silvano y Timoteo kaqataq bꞌi wa carta che alaq, ri alaq re riglesia kꞌo Tesalónica, alaq re ri Qaqaw Dios y re ri Qanimajawal Jesucristo. Kꞌulu kꞌu alaq ri unimal rutzil kꞌuꞌxaj y ri utzil chomal re ri Qaqaw Dios y re ri Qanimajawal Jesucristo.\nRi Pablo katioxin chwach ri Dios ruma riglesia kꞌo Tesalónica\n2 Lik xaqi kojtioxin chwach ri Dios uma onoje alaq echiriꞌ kaqaꞌan orar pawiꞌ alaq. 3 Xaqi e kꞌo alaq chiqakꞌuꞌx chwach ri Qaqaw Dios ruma ri katajin alaq che ukꞌutik rukꞌ ri kubꞌulibꞌal kꞌuꞌx alaq y ri rutzil kꞌuꞌx alaq, yey ruma na oqꞌotam ta kꞌana alaq ri kubꞌul pan kꞌuꞌx alaq che rukꞌunibꞌal ri Qanimajawal Jesucristo.\n4 Hermanos, ri lik kꞌax kanaꞌ alaq ruma ri Dios, riꞌoj qetaꞌam ralaq alaq chaꞌtal ruma Rire. 5 Ma echiriꞌ xqatzijoj ri Utzilaj Tzij che alaq, na xqatzijoj ta xa rukꞌ qachꞌaꞌtem riꞌoj, ma e xqatzijoj rukꞌ ruchuqꞌabꞌ ri Santowilaj Ruxlabꞌixel ri Dios; yey ekꞌu riꞌ Rire xujikibꞌaꞌ uwach lik qatzij ri xqatzijoj. Ralaq etaꞌam alaq chi utz saꞌ ri qabꞌinik qasilabꞌik echiriꞌ xojopon chixoꞌl alaq, ma ronoje ri xqaꞌano, xqaꞌano re toꞌbꞌal e alaq.\n6 Ekꞌu ralaq e lik xkꞌam alaq re ri qabꞌinik qasilabꞌik riꞌoj y rubꞌinik usilabꞌik ri Qanimajawal. Yey tobꞌ ne xkꞌul alaq ri Utzilaj Tzij chupa unimal kꞌaxkꞌobꞌik, chupa ri animaꞌ alaq kꞌo ri kiꞌkotemal kuya ri Santowilaj Ruxlabꞌixel ri Dios. 7 Waꞌ wa xꞌan alaq e jun kꞌutubꞌal chikiwach konoje ri hermanos kikojom rubꞌiꞌ ri Cristo, ri e kꞌo chupa taq ri luwar re Macedonia y re Acaya. 8 Ruma kꞌu ri xꞌan alaq xeꞌek utzijoxik Ruchꞌaꞌtem ri Qaqaw pa taq ronoje luwar, na xew ta Macedonia y Acaya. Ma pa ukꞌiyal luwar katataj wi ri kubꞌulibꞌal kꞌuꞌx alaq rukꞌ ri Dios, y jekꞌulaꞌ na kajawax ta chi kaqatzijoj chikiwach ri jujun chik ri xuꞌan ri Dios ukꞌ alaq. 9 Ma e ne rike kakitzijoj ri utzilaj qakꞌulik xꞌan ralaq yey suꞌanik xoqꞌotaj kan alaq ri kiloqꞌnimaxik taq ri tiox chaꞌ e kaloqꞌnimaj alaq ri Jun paqatzij wi e Dios kꞌaslik. 10 Yey kakitzijoj e oyeꞌem alaq ri Jun kape chilaꞌ chikaj, waꞌ e ri Jesús Rukꞌajol ri Dios, ri xkꞌastaj lo chikixoꞌl ri ekaminaq. Yey Rire kojukolobꞌej che ri qꞌatbꞌal tzij re ri Dios katajin loq.","id":"","dump":"CC-MAIN-2019-51","url":"https:\/\/ebible.org\/acrNNT\/1TH01.htm","date":"2019-12-11T19:07:19Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540532624.3\/warc\/CC-MAIN-20191211184309-20191211212309-00056.warc.gz","language":"acr","language_score":0.9996625185,"language_script":"Latn","minhash_cluster_size":3,"top_langs":"{\"acr_Latn_score\": 0.9996625185012817}","num_words":393,"character_repetition_ratio":0.066,"word_repetition_ratio":0.0,"special_characters_ratio":0.197,"stopwords_ratio":0.346,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Ri nabꞌe carta xutzꞌibꞌaj ri Pablo che ri Timoteo\n1\nRi Pablo kuya pan rutzil uwach ri Timoteo\n1 Riꞌin in Pablo, in taqoꞌn re ri Qanimajawal Jesucristo, intaqom lo ruma ri Dios Qakolobꞌenel y ruma ri Qanimajawal Jesucristo, ri qakubꞌam pana qakꞌuꞌx rukꞌ. 2 Kantzꞌibꞌaj pan waꞌ wa carta chawe riꞌat Timoteo, ri paqatzij wi at nukꞌajol chupa rubꞌiꞌ ri Cristo ma wuma riꞌin xakoj rubꞌiꞌ Rire. Chakꞌulu kꞌu ri unimal rutzil kꞌuꞌxaj, ri relej kꞌuꞌxaj y ri utzil chomal re ri Qaqaw Dios y re ri Qanimajawal Jesucristo.\nPixabꞌanik puwi taq ri kꞌutunik na ubꞌe taj\n3 Kꞌuna chakꞌuꞌx ri ximbꞌiꞌij kan chawe echiriꞌ e riꞌ kinꞌek Macedonia: E katkanaj kan chupa ri tinamit Éfeso ma chiriꞌ e kꞌo jujun tikawex lik junwi ri kakikꞌutu chwa ri kaqakꞌut riꞌoj. Ximbꞌiꞌij kꞌu kan chawe kebꞌataq che na kakiꞌan ta chi waꞌ. 4 Yey ximbꞌiꞌij kan chawe kabꞌiꞌij chike ri hermanos makiya ne kinaꞌoj puwi taq ojer tzijobꞌal na petinaq ta rukꞌ ri Dios y taq ri kakibꞌololej kibꞌiꞌ katiꞌ-kimam re ojertan, ma taq laꞌ kukꞌam lo sachibꞌal naꞌoj y na katoꞌbꞌ ta che ri karaj kuꞌan ri Dios qukꞌ, yey waꞌ kuꞌana xew ruma ri kubꞌulibꞌal qakꞌuꞌx rukꞌ Rire.\n5 Rukꞌuꞌxibꞌal ri kojutaq ri Dios che e waꞌ: Lik kꞌax kaqanaꞌ qibꞌ chiqawach.* Ro. 13:8-10; Gl. 5:14 Yey chaꞌ kaqaꞌan waꞌ chirajawaxik lik kalax pa qanimaꞌ kaqaꞌan ri utz, kaqamaj usukꞌ saꞌ ri utz yey e kaqaꞌano, y paqatzij wi kakubꞌiꞌ qakꞌuꞌx rukꞌ Rire.\n6 Noꞌj e kꞌo jujun kiyaꞌom kan ri karaj ri Dios; xkijalkꞌatij kꞌu ri kinaꞌoj y woꞌora xew kechꞌaꞌt chwi ri na jinta uchak. 7 Rike kakaj kakiꞌan e aj kꞌutunel che kibꞌ chwi Rutzij Upixabꞌ ri Dios, tobꞌ na kakimaj tane usukꞌ ri kakibꞌiꞌij y na kakimaj tane usukꞌ ri kꞌutunik lik kakijikibꞌaꞌ uwach.\n8 Pero riꞌoj lik qetaꞌam lik kꞌo kutiqoj Rutzij Upixabꞌ ri Dios we jusukꞌ kaqachapabꞌej. 9 Qetaꞌam kꞌut ri Tzij Pixabꞌ na xyaꞌiꞌ taj re kuqꞌat tzij pakiwi ri jusukꞌ kibꞌinik kisilabꞌik; ma xyaꞌik re kuqꞌat tzij pakiwi ri e aj palajiy tzij y ri na e ta kojol tzij, ri na jinta xiꞌin ibꞌ kukꞌ chwach ri Dios y ri e aj makibꞌ, ri na kebꞌok ta il che kakiloqꞌnimaj uqꞌij ri Dios y ri kakikꞌaq bꞌi uqꞌij ri Dios; ri e kamisay kichu-kiqaw kukꞌ ri e kamisanel, 10 ri kaketzꞌabꞌej uwa kiqꞌij kukꞌ jujun chik na kikꞌulel taj, rachijabꞌ kakiꞌan kikꞌulel chike kach achijabꞌ, ri kekichap winaq y na kekitzoqopij ta uloq we na kayaꞌiꞌ ta puaq chike, raj raqꞌul, ri kꞌo kakijikibꞌaꞌ uwach chupa rubꞌiꞌ ri Dios yey xa raqꞌubꞌal ri kakiꞌano, kukꞌ taq kꞌu konoje ri kakipalajij ri saqil kꞌutunik re ri Dios. 11 E kꞌutunik waꞌ kꞌo chupa ri chomilaj Utzilaj Tzij re ri Dios. Yey ri Dios, ri lik nim uqꞌij, e xyaꞌw waꞌ panuqꞌabꞌ riꞌin chaꞌ kantzijoj.\nRi Pablo kutioxij ri rutzil ukꞌuꞌx ri Dios\n12 Riꞌin kantioxij che ri Qanimajawal Jesucristo ma uyaꞌom nuchuqꞌabꞌ chaꞌ kanꞌan ruchak y ma xkubꞌiꞌ ukꞌuꞌx wukꞌ echiriꞌ xuya wa jun chak chwe, 13 tobꞌ rojertan riꞌin lik xinmakun chirij ri Qanimajawal Jesucristo ma xebꞌenuternabꞌej ri kikojom rubꞌiꞌ y lik xebꞌenuya pa taq kꞌaxkꞌobꞌik. Na rukꞌ ta kꞌu riꞌ, ri Dios xjuchꞌ kaꞌn ukꞌuꞌx chwe; ma echiriꞌ xinꞌan waꞌ, kꞌamajaꞌ kakubꞌiꞌ nukꞌuꞌx rukꞌ ri Cristo y na xinmaj ta kꞌu usukꞌ we ri kanꞌano na utz taj. 14 Yey ri Qanimajawal lik xukꞌut ri unimal rutzil ukꞌuꞌx chwe y xuya chwe kakubꞌiꞌ nukꞌuꞌx rukꞌ y xuya chwe kankꞌut ri rutzil ukꞌuꞌx Rire; y waꞌ xew ri Qanimajawal Jesucristo kayaꞌw re.\n15 Ekꞌu wa kambꞌiꞌij lik qatzij y lik taqal che kakikoj konoje ri tikawex: Ri Qanimajawal Jesucristo xkꞌun che ruwachulew chaꞌ kebꞌoluꞌkolobꞌej konoje raj makibꞌ. Ekꞌu riꞌin in jun chike waꞌ; yey chinuwach riꞌin, in ne ri más kꞌo numak chikiwa rike. 16 Ekꞌu ri Qanimajawal Jesucristo xukꞌut ri kꞌaxnaꞌbꞌal ukꞌuꞌx chwe riꞌin ma xukuy numak tobꞌ lik in aj mak. Jelaꞌ xuꞌano chaꞌ kaqꞌalajin ri rutzil ukꞌuꞌx chike konoje ri kekojow rubꞌiꞌ. Ma ri xuꞌan wukꞌ riꞌin e kꞌutubꞌal re ri kuꞌan kukꞌ ri kakubꞌiꞌ kikꞌuꞌx rukꞌ Rire, kukuy kꞌu kimak y kuya kikꞌaslemal na jinta utaqexik.\n17 Ruma kꞌu waꞌ, qaloqꞌnimaj uqꞌij ri Dios waqꞌij ora y chiqawach apanoq.\nMa ri Dios Qajawxel\nna jinta utaqexik rutaqanik,\nna jinta utaqexik rukꞌaslemal,\nna kilitaj ta uwach,\nxew Rire e Dios\ny retaꞌam ronoje.\nLik kꞌo yakbꞌal uqꞌij y unimal uchomalil.\n18 Woꞌora Timoteo, kanya wa taqanik chawe riꞌat at nukꞌajol chupa rubꞌiꞌ ri Cristo: Chachuqꞌubꞌej awibꞌ chupa ri chak yaꞌom paqꞌabꞌ e chirij ri xqꞌalajisax pawiꞌ riꞌat chwi rachak chwach ri Dios.* 1 Ti. 4:14 19 Chatikibꞌaꞌ kꞌu ri kubꞌulibꞌal akꞌuꞌx rukꞌ ri Cristo y chamaja usukꞌ saꞌ ri utz y e chaꞌana riꞌ. Ma e kꞌo jujun na xkiꞌan ta waꞌ, y ruma kꞌu riꞌ xsach ri kubꞌulibꞌal kikꞌuꞌx rukꞌ ri Cristo y na kakikoj ta chi ne ri Qꞌijsaq. 20 Jenewaꞌ xkiꞌan ri Himeneo y ri Alejandro. Ruma kꞌu riꞌ, xebꞌenuya puqꞌabꞌ ri Satanás chaꞌ kakitij kꞌax y jelaꞌ kakimaj usukꞌ na utz taj kechꞌaꞌt chirij ri Qꞌijsaq re ri Dios.","id":"","dump":"CC-MAIN-2019-51","url":"https:\/\/ebible.org\/acrNNT\/1TI01.htm","date":"2019-12-14T12:47:23Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575541157498.50\/warc\/CC-MAIN-20191214122253-20191214150253-00057.warc.gz","language":"acr","language_score":0.9938198924,"language_script":"Latn","minhash_cluster_size":2,"top_langs":"{\"acr_Latn_score\": 0.9938198924064636}","num_words":822,"character_repetition_ratio":0.066,"word_repetition_ratio":0.0,"special_characters_ratio":0.206,"stopwords_ratio":0.316,"flagged_words_ratio":0.0,"lang_id_score":0.993,"perplexity_score":500.0,"cluster_detection":-1} +{"text":"Ri nabꞌe carta xutzꞌibꞌaj ri Pedro\n1\nRi Pedro kuya pan rutzil kiwach ri echaꞌtal ruma ri Dios\n1 Riꞌin in Pedro, in taqoꞌn re ri Qanimajawal Jesucristo. Kintzꞌibꞌan pan che alaq, ri naj kꞌo wi alaq che ri qatinamit, ri jeqel alaq pa taq ri luwar re Ponto, re Galacia, re Capadocia, re Asia y re Bitinia. 2 Ralaq chaꞌtal lo alaq ruma ri Qaqaw Dios, ma jelaꞌ uchꞌobꞌom chi lo Rire ojertan. Ekꞌu woꞌora, ruma ri Ruxlabꞌixel ri Dios, yaꞌtal che alaq kakꞌojiꞌ alaq che jun santowilaj bꞌinik chaꞌ kakoj alaq utzij ri Dios y kachꞌajtaj ri mak alaq rukꞌ rukikꞌel ri Qanimajawal Jesucristo. E lik kꞌiyar na kꞌu pawiꞌ alaq ri unimal rutzil kꞌuꞌxaj y ri utzil chomal re ri Dios.\nKubꞌul pan qakꞌuꞌx che ukꞌulik janipa ri kuya ri Dios chiqe\n3 Lik nim uqꞌij ri Dios, Ruqaw ri Qanimajawal Jesucristo, ma ruma ri unimal rutzil ukꞌuꞌx xuya jun kꞌakꞌ qabꞌinik qasilabꞌik. Yey ruma rukꞌastajibꞌal lo ri Qanimajawal Jesucristo chikixoꞌl ri ekaminaq, lik kubꞌul pan qakꞌuꞌx che ukꞌulik ri kꞌaslemal ubꞌiꞌtisim chiqe. 4 Yey wa qoyeꞌem na kasach ta uwach, na kachꞌulax ta uwach rukꞌ ri mak y na kachup tane kꞌana ruchomal. Jikibꞌam kꞌu uwach riꞌ kayaꞌtaj waꞌ che alaq chilaꞌ chikaj. 5 Ruma kꞌu ri kubꞌulibꞌal kꞌuꞌx alaq rukꞌ ri Dios, Rire kuchajij alaq rukꞌ ruchuqꞌabꞌ chaꞌ jelaꞌ kakꞌul alaq ri kolobꞌetajik bꞌiꞌtisim chi che alaq yey waꞌ kaqꞌalajin na chupa taq ri kꞌisbꞌal qꞌij.\n6 Ruma kꞌu riꞌ, kakiꞌkot alaq woꞌora, tobꞌ kopon jujun qꞌij chirajawaxik kikꞌow na alaq pa taq ukꞌiyal kꞌaxkꞌolil 7 chaꞌ kakꞌam pa alaq puwi ri kubꞌulibꞌal kꞌuꞌx alaq rukꞌ ri Dios jelaꞌ pachaꞌ kaꞌan che ri oro echiriꞌ kikꞌowisax pa aqꞌ, ilibꞌal re we saqil oro. Yey ri kubꞌulibꞌal kꞌuꞌx ralaq rukꞌ ri Dios más kꞌo uwach chwa ri oro, ma ri oro xa kakꞌisik. We xchꞌij kꞌu alaq wa kꞌaxkꞌobꞌik kikꞌowibꞌej alaq, riꞌ re yakbꞌal qꞌij ralaq y re yakbꞌal uqꞌij ri Dios. Ma echiriꞌ ri Qanimajawal Jesucristo kuqꞌalajisaj uwach chiqawach apanoq, kutakꞌabꞌaꞌ qꞌij ralaq ruma ri kubꞌulibꞌal kꞌuꞌx alaq rukꞌ ri Dios. 8 Ralaq kꞌax kanaꞌ alaq ri Jesús tobꞌ na ilom ta alaq uwach Rire, yey kubꞌul kꞌuꞌx alaq rukꞌ tobꞌ na kil ta alaq uwach woꞌora. Y kakiꞌkot alaq rukꞌ unimal kiꞌkotemal, yey waꞌ na kariqitaj tane ubꞌiꞌxikil. 9 Kakiꞌkot kꞌu alaq, ma kakꞌul na alaq ri kolobꞌetajik oyeꞌem alaq rukꞌ kubꞌulibꞌal kꞌuꞌxaj.\n10 Ri qꞌalajisanelabꞌ re ojertan xeqꞌalajisan lo puwi ri unimal rutzil ukꞌuꞌx ri Dios, ri kayaꞌiꞌ che ralaq. Rike lik xkiya kinaꞌoj puwi wa kolobꞌetajik y lik xkitij uqꞌij umajik usukꞌ waꞌ. 11 Ma kꞌo ri xuqꞌalajisaj ri Ruxlabꞌixel ri Cristo chike puwi taq ri kꞌaxkꞌobꞌik kutij Ruchaꞌoꞌn lo ri Dios y ri yakbꞌal uqꞌij kaꞌanik echiriꞌ ikꞌowinaq chi chupa waꞌ. Ekꞌu rike xkichꞌobꞌ raqan china puwiꞌ xbꞌiꞌx waꞌ y jampalaꞌ kuꞌanaꞌ. 12 Yey ri Dios xuqꞌalajisaj chike waꞌ wa qꞌalajisanelabꞌ na kakil ta waꞌ chupa taq ri qꞌij e kꞌo wi rike, ma waꞌ e kuꞌana chupa taq wa qꞌij oj kꞌo wi riꞌoj. Yey waꞌ e ri xyaꞌ che alaq kuma ri kitzijom ri Utzilaj Tzij rukꞌ ruchuqꞌabꞌ ri Santowilaj Ruxlabꞌixel ri Dios, ri xtaq lo chilaꞌ chikaj. Yey ri ángeles lik kakaj ne kakimaj usukꞌ taq waꞌ.\nRi Dios kojusikꞌij che jun santowilaj bꞌinik\n13 E uwariꞌche sukꞌupij alaq ri naꞌoj alaq, lik chꞌobꞌo na alaq raqan saꞌ taq ri kaꞌan alaq. E choyeꞌej alaq ri unimal rutzil ukꞌuꞌx ri Dios, ri kayaꞌ na che alaq echiriꞌ kaqꞌalajisax uwach ri Qanimajawal Jesucristo. 14 Ralaq alaq chi ralkꞌoꞌal ri Dios, ruma kꞌu riꞌ kojo alaq utzij Rire. Maya kꞌu ibꞌ alaq che ri rayinik kꞌo wi alaq ojertan echiriꞌ kꞌamajaꞌ ketaꞌmaj alaq uwach ri Dios. 15 Ma jelaꞌ pachaꞌ ri Jun sikꞌiyom e alaq lik na jinta kꞌana mak rukꞌ, jekꞌulaꞌ ꞌana alaq che ri bꞌinik silabꞌik ralaq. 16 Ma jewaꞌ tzꞌibꞌital kan pa Ruchꞌaꞌtem ri Dios:\nChiꞌana jusukꞌ che ri ibꞌinik isilabꞌik,\nma Riꞌin na jinta kꞌana mak wukꞌ. Lv. 19:2\n17 Yey we kabꞌiꞌij alaq «Qaqaw» che ri Jun na kachaꞌw ta chikixoꞌl ri tikawex echiriꞌ kuꞌan qꞌatbꞌal tzij pakiwi konoje ruma taq ri kiꞌanom, riꞌ lik chirajawaxik che alaq kabꞌin alaq rukꞌ xiꞌin ibꞌ chwach Rire ronoje qꞌij che ri kꞌaslemal alaq. 18 Ma lik etaꞌam alaq, ri Dios xresaj lo alaq che ri bꞌinik silabꞌik alaq na chom taj, ri xkꞌut kan che alaq kuma ri chuꞌqaw alaq ojertan. Yey rutojik xuꞌan ri Dios re karesaj lo alaq puqꞌabꞌ ri mak, na e ta rukꞌ oro o rukꞌ plata, ma waꞌ xa kasach uwach; 19 rutojik xuꞌano e rukꞌ ri loqꞌlaj ukikꞌel ri Cristo, ri xyaꞌiꞌ pa kamik pachaꞌ juna qꞌapoj bꞌexex lik chom y na yewaꞌ ta uwach kayaꞌiꞌ chwach ri Dios. 20 Yey ri Cristo chaꞌom chi lo ojertan chwi lo echiriꞌ kꞌamajaꞌ ne kaꞌan ruwachulew; pero kꞌa ekꞌu woꞌora chupa wa kꞌisbꞌal qꞌij oj kꞌo wi, ri Dios xukꞌutubꞌej uwach ruma ri rutzil ukꞌuꞌx che alaq. 21 Ruma kꞌu ri Qanimajawal Jesucristo, xkubꞌiꞌ kꞌuꞌx alaq rukꞌ ri Dios, ma e Rire ri xukꞌastajisaj lo ri Cristo chikixoꞌl ri ekaminaq y lik xuyak uqꞌij. Ruma kꞌu riꞌ, kubꞌul kꞌuꞌx alaq rukꞌ ri Dios y oyeꞌem alaq che Rire janipa ri ubꞌiꞌtisim che alaq.\n22 Ruma xkoj alaq ri Qꞌijsaq, woꞌora xuꞌan chom ri kꞌaslemal alaq chaꞌ paqatzij wi kꞌax kanaꞌ ibꞌ alaq ri chaqꞌ ibꞌ alaq chupa rubꞌiꞌ ri Cristo. E uwariꞌche lik kꞌax naꞌa ibꞌ alaq chiwach alaq rukꞌ ronoje chuqꞌabꞌ alaq y rukꞌ ronoje kꞌuꞌx alaq. 23 Ma ralaq alaq alaxinaq tanchik y waꞌ na e ta kuma ri chuꞌqaw alaq ri xa e tikawex, ma e ruma Ruchꞌaꞌtem ri Dios, ri lik kꞌaslik y na kasach ta kꞌana uwach. 24 Ma jewaꞌ tzꞌibꞌital kan pa Ruchꞌaꞌtem ri Dios:\nKonoje ri tikawex e jelaꞌ pachaꞌ raqꞌes\nyey ri yakbꞌal kiqꞌij e pachaꞌ rukotzꞌiꞌjal raqꞌes;\nma raqꞌes xa kachup uwach\ny rukotzꞌiꞌjal xa kachaqijik y kapuqik.\nJekꞌulaꞌ riꞌ ri tikawex xa kekamik\ny ri yakbꞌal kiqꞌij xa kasach uwach,\n25 noꞌj Ruchꞌaꞌtem ri Dios na kasach ta kꞌana uwach Is. 40:6-8\nkachaꞌ. Yey wa chꞌaꞌtem e ri Utzilaj Tzij tzijotal chi lo che alaq.","id":"","dump":"CC-MAIN-2019-51","url":"https:\/\/ebible.org\/acrNNT\/1PE01.htm","date":"2019-12-08T03:40:09Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540504338.31\/warc\/CC-MAIN-20191208021121-20191208045121-00553.warc.gz","language":"acr","language_score":0.9992014766,"language_script":"Latn","minhash_cluster_size":2,"top_langs":"{\"acr_Latn_score\": 0.9992014765739441}","num_words":994,"character_repetition_ratio":0.07,"word_repetition_ratio":0.0,"special_characters_ratio":0.207,"stopwords_ratio":0.31,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1} +{"text":"Galatians 6\nChi to iwib chiwach1Ix wachalal, we quiwil jun kachalal u 'anom jun u mac, yix chi u c'amom chic rib chiwe chi quix cojon che i u Tewal i Dios, chi to 'uri chu suc'baxic u c'aslemal. Xui-ri, mi 'an nim che iwib chu 'onquil; chi 'ana cwent iwib, mokxa yix xak quix tzak na chupam i mac. 2Chi to iwib chiwach; we 'o jun pa c'ax, chi to. Queje ile, quix tijin 'uri chu 'anic pacha i c'ut-tal chake rumal i Crísto. 3We jun cu ch'obo chi naj u 'ij, xui-ri we n-tu 'ij, xa cu t'or rib 'uri utuquel. 4Chaka jujunal wi, chaka na u be wach coj tijin chu 'onquil; we katzij 'utz coj tijin chu 'anic chuwach i Dios, choj quicot 'uri. Xui-ri maka junamsaj kib ru' jun kachi'il, 'ilbal-re we mas oj 'utz chuwach ire; xui chaka na u be we 'utz coj tijin yoj chu 'onquil. 5Chaka jujunal wi 'o chakakul wach i ka 'anom.\n6Yix, we 'o jun ca tijin chu c'utic u tzij i Dios chiwe, ca majawic qui ya jubi' u bitak-iwe che.\n7Mix t'ortajic, mi ch'ob yix mokxa qui t'or i Dios, xui-ri mi jun ca t'orowic. Man wach tak i qui tico, xak queje u wach qui molo. 8We to' qui 'an u rayijbal i ch'acul, ile xa cu ya ni camic chiwe. Xui-ri, we qui 'an pacha u rayijbal u Tewal i Dios, ile cu ya ni i c'aslemal chiwe chi n-ca q'uis ta chic. 9Ma rix ka c'ux chu 'onquil ni'pa i 'utz, man we n-ca ba'crij ta ka c'ux chu 'onquil i 'utz, cu rik ni 'ij 'uri ca tzalijsax nu wach chake. 10Rumal-i, chaka 'ana i 'utz chique conojel are coj tiqui tak che, xui-ri, mas 'o u chac queje caka 'an ile chique i je kachalal rumal i Crísto.\nI q'uisbal u tzij i ma Páblo chique11Chiwila wach i tz'ib-i chi quin 'an chiwe, ¡lic nimak! man quin tijin chu tz'ibaxic queb oxib tzij ru' in 'ab yin. 12I winak chi quiqui 'an pen chiwe qui coj i retal que i aj Israel che i ch'acul yix, ique-le xa are cacaj que'el 'utz chiquiwach i aj Israel. Xa quiqui xij quib chu bixquil chi 'o i cuybal mac xa rumal u camic i Crísto chuwach i cruz. 13Mi tene ique, chi 'o i retal-le che i qui ch'acul, n-quiqui 'an ta pacha cu bij ronojel i ujer 'atbal tzij. Xui to' cacaj chi yix qui ya iwib chu cojic i retal-le chiwe; queje ile cocsax ni qui 'ij ique. Mas quiqui 'an nim che quib we yix qui ya iwib chu cojic i retal-le che i ch'acul. 14Péro yin, n-cwaj ta quin 'an nim che wib, xui-ri, we cwaj quin 'an nim che wib, xa are quin bij wach i utzil chomal u 'anom i Kajwal Jesucrísto chwe chuwach i cruz. Rumal ile chi xu 'an i Jesus, ronojel tak i to' re u wach i jyub ta'aj, 'is camnak chic 'uri chinwach yin. Xak yin in camnak chic chuwach ronojel ni'pa i to' re u wach i jyub ta'aj. 15Man yoj chi oj re i Jesucrísto, lic n-ta co'ono we 'antal i retal che i ka ch'acul, we xi n-'antal taj. Are mer 'o u chac, we oj c'ac' laj winak chic. 16Quin tz'onoj che i Kajwal chi cu ya ni uxlambal qui c'ux, xak cril ni tobal qui wach, ni'pa i que tijin chu 'onquil pacha i tzij-i, xak conojel ni'pa i je re chic i Dios.\n17Wo'or, mi jun mu tzucuj chic ch'o'oj chwij; lic ca 'alijinic chi in rajchac i Kajwal Jesucrísto man ni'pa i yuc 'o che in ch'acul are ca 'alijinsaw ile.\n18Ix wachalal, quin tz'onoj che i Kajwal Jesucrísto chi cu ya ni rutzil u c'ux chiwe iwonojel. Amen (queje ile cwaj).\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nExamples to use the search box to find Bibles, passages, search terms, etc.-\nESVGen 1\nThis shows how to quickly lookup a passage.NIVESVKJVGen 1\nLooking up a passage in three different translations is also easy.ESVbrother\nThis asks STEP to search for the Greek word for 'brother' and show the results in the ESV.NIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.ESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.KJVTHGNTJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\nExamples of some Bible study tools +\nKJVCol 3 Color code grammar\nHighlight all the imperative verbs with red underlinesKJVCol 1 Color code grammar\nHighlight main verbs (green underlines) and supporting verbs (purple)KJVMat 1 Color code grammar\nHighlight the number (plural in bold) and gender (male in blue, feminine in red, neuter in black) of wordsESV1Jo 1 Quick tryout links\nHighlight frequent words in the chapter or book\nExamples to enable color code grammar +\nKJVEph 1 Color code grammar\nLook at KJV New Testament with color highlighted verbsSBLGRom 12 Color code grammar\nLook at Greek New Testament with color code grammar, Greek root word and English vocabularyCUnCol 1 Color code grammar\nLook at Chinese Union New Testament with color highlighted verbsSBLGKJVCUNEph 5 Color code grammar\nLook at Greek, English and Chinese New Testament with color code grammar\n© Tyndale House, Cambridge, UK - 2019","id":"","dump":"CC-MAIN-2019-51","url":"https:\/\/www.stepbible.org\/?q=version=ACRACC%7Creference=Gal.6","date":"2019-12-16T13:50:09Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540565544.86\/warc\/CC-MAIN-20191216121204-20191216145204-00016.warc.gz","language":"acr","language_score":0.9971376061,"language_script":"Latn","minhash_cluster_size":1,"top_langs":"{\"acr_Latn_score\": 0.9971376061439514}","num_words":935,"character_repetition_ratio":0.063,"word_repetition_ratio":0.0,"special_characters_ratio":0.249,"stopwords_ratio":0.147,"flagged_words_ratio":0.0,"lang_id_score":0.993,"perplexity_score":500.0,"cluster_detection":-1} +{"text":"Mark 91Xak xu bij chique:\n—Katzij quin bij chiwe, je 'o jujun waral chi n-que cam ta tan c'a quiquil ni u jekanic i 'atbal tzij re i Dios waral, chi nim u cho'ab.\nWach u yojtajic u tzunbal i Jesus xo'on chiquiwach u tijoxelab2Wakib 'ij u 'onquil ile, i Jesus xe u c'am bi i ma Pédro, i ma Jacóbo, xak i ma Wan; y xe 'e quituquel che jun nim laj jyub naj u wi. Are je 'o chila, i u tzunbal i Jesus lic xyojtajic. 3I u 'u' lic ca walch'in rumal u sakil; lic sak 'oto'oj ca tzunic. N-ta jun c'ul, tupu lic ch'ajtalic, chi ca majaw u sakil ile. 4Xak xquilo chi xe winakir i mam Moises xak i mam Elías ru' i Jesus, que tijin chi lapanic. 5Are 'uri i ma Pédro xu bij che i Jesus:\n—Mayes, lic 'utz na oj 'o waral. 'Utz caka 'an oxib i mujbal: jun awe yet, jun re i mam Moises, xak jun re i mam Elías —xu bij che.\n6I u tijoxelab, lic je ocnak 'il che wach xquilo, rumal-i n-xu na ti ma Pédro wach i xu bij. 7Te'uri xkaj jutzobaj sutz' piquiwi y xqui ta jun nim laj ch'awbal xch'aw chupam i sutz':\n—Iri, are in C'ojol, chi lic c'ax quin na'o; chi cojo retalil che, wach i cu bij.\n8Are xqui ta ile, juntir c'ula xe tzunic, péro n-ta xquilo, xui chic i Jesus utuquel.\n9Are xe kaj li che i jyub-le, i Jesus xu bij chique u tijoxelab:\n—Ni'pa i xiwil yix, mi lapo c'a cu rik ni 'ij chi yin, chi in i Achi aj Chicaj, in walijnak chic che i camic —xu bij chique.\n10Rumal-i, n-xqui bij taj wach i xquilo; xui-ri, xqui tz'onoj chiquiwach wach usuc' i tzij-le xu bij, chi ca walij che i camic. 11Te'uri xqui tz'onoj che i Jesus:\n—I aj tijonel re i ujer 'atbal tzij, ¿wuchac quiqui bij ique chi nabe ca c'un i ujer mam Elías? —xqui bij che.\n12I Jesus xu bij:\n—Katzij i xqui bij-le, nabe ca c'un i mam Elías, col u yijba ronojel; queje ile tz'ibtal canok. Xak tz'ibtal chic jun tzij chirij i Achi aj Chicaj: cu bij chi cu tij ni uyej xak ca xutux na. 13Xui-ri, yin quin bij chiwe chi mam Elías ya c'un-nak chic; i winak xqui 'an che pacha cacaj ique; xe'elok pacha i tz'ibtal can chupam u wuj i Dios —xu bij i Jesus chique.\nWach i relsaxic itzel tew che jun ala14Te'uri xe tzalij chic chila pa je 'o wi i juban u tijoxelab, y xquilo je q'ui i winak je 'o chic chiquij chiquiwach. Xak je 'o jujun tijonel chila re i 'atbal tzij re i mam Moises; ique qui chapom quib chi tzij cu' u tijoxelab. 15I winak, are xquil i Jesus, xqui bisoj, are 'uri, xe 'e pa'anem chu ya'ic rutzil u wach. 16Are 'uri, ire xu tz'onoj chique:\n—¿Wach quix tijin chu lapic cu' ique?\n17'O jun achi chiquixól xu bij:\n—Mayes, yin xin c'am li jun wac'al awu', 'o itzel tew che chi u 'anom mem che. 18Xa ipa 'o wi, ca chaptaj rumal itzel tew, y ca tzaksax pulew. Are 'uri xa ca wokow u c'axaj pu chi', xak cu kach'ach'ej uware rumal. Rumal-i, lic n-ta chic u cho'ab. Xin tz'onoj chique a tijoxelab chi caquesaj i mal laj tew che. Xui-ri, n-xe tiqui ta che —xu bij i achi che.\n19Are 'uri i Jesus xu bij:\n—¡Ay, yix chi n-tu cubibal i c'ux che i Dios! ¡'O tan chi 'ij in 'o iwu', y yix n-ta i nawic! ¿Ni'pa nawi chic 'ij c'a craj? —xu bij—. Chi c'ama li ac'al waral —co'ono.\n20Xqui c'amlok. I itzel tew, are xril i Jesus, xu ya chic atac che i ala. Ire-le xtzak pulew, lic cu bal'atij chic rib chuwach ulew, xak ca wokow u c'axaj. 21Are 'uri i Jesus xu tz'onoj che i achi:\n—¿Ni'pa junab u jekanic i c'ax che? —xu bij.\nI u kajaw xu bij:\n—Ire c'a ch'utin are xu jeko. 22I itzel tew-le, q'uialmul u c'akom pa 'a', xak pa ya; craj cu camsaj. ¡Chawila to'bal ka wach! ¡Choj a to na, we cat tiqui che! —xu bij i achi.\n23—Yin quin tiqui che —xu bij i Jesus—, xui-ri we yet cat tiqui chu cubaxic a c'ux chwe. Ronojel 'is coj tiqui che we 'o u cubibal ka c'ux —xu bij.\n24Juntir i u kajaw i ala xsiq'uin chu bixquil:\n—Cul in c'ux chawe —xu bij—. ¡Chin a to na che, chi quin cuba na mas in c'ux chawe! —xu bij.\n25I Jesus, are xrilo chi que tijin qui moltajic i winak ru', xu yaj i itzel tew y xu bij che:\n—Yet, at tac y at mem laj itzel tew, quin bij chawe, chat el che i ala-le. Chawo'taj, y mat oc chic ru' —xu bij che.\n26I itzel tew siq'uinic xo'on chic jun atac che i ala, te'uri xelic. Xcanaj can i ala lic pacha xcamic; rumal-i, conojel xqui bij chi lic xcamic. 27Xui-ri, i Jesus xu chap che u 'ab y xu yaco; i ala xtaq'ui'ic.\n28Te'uri i Jesus xoc pa ja. Are 'uri i u tojoxelab xqui tz'onoj che:\n—¿Wuchac n-xoj tiqui ti yoj chi relsaxic i itzel tew-le? —que cha.\n29Ire xu bij chique:\n—I mal laj itzel tew pacha i jun-le n-quel taj, xui-ri we lic qui tz'onoj che i Dios, xak we qui mayij ni wa'im rumal —xu bij.\nI Jesus xu bij tan chic chi ca camsax na30Are xe 'el chila, xe 'ax pa Galiléa. I Jesus n-xraj taj we caquetamaj i winak pa 'o wi ire. 31N-xraj taj, man ire ca tijin chu c'utic chique u tijoxelab; ca tijin chu bixquil chique chi i Achi aj Chicaj ca jachtaj na piqui'ab i winak, y ca camsax na cumal, xui-ri che oxib 'ij panok ca walij na. 32Tupu xu bij ire ile chique, n-xqui ta tu be, xak xqui xij quib chu tz'onoxic che wach usuc'.\nPachin mas nim u 'ij, are ajchac 'uri chiquij i rachi'il33Xo'on chupanok, xe upon pa Capernaum. Are xe oc pa ja chila, i Jesus xu tz'onoj chique utijoxelab:\n—Are coj tijin te chi be, ¿wach i tzij i chapom wi iwib yix puwi? —xu bij chique.\n34Ique lic n-xe ch'aw ta chic. Are i tzij chi qui chapom wi quib ique puwi pa be, are i pachin mas nim u 'ij chique ique. 35I Jesus xcubi'ic, y xe u siq'uij i cablajuj u tijoxelab ru'. Are 'uri xu bij chique:\n—Pachin jun craj cu ya rib chu nabeal, chu ya na rib 'uri pa q'uisbal-re chique i conojel, xak chu 'ana che rib pacha mocom chiquij —xu bij.\n36Are 'uri xu c'am jun ac'al ru' y xu ya chiquiwach. Xu 'aluj 'anok y xu bij chique:\n37—Pachin jun cu c'ulaj jun ac'al ru' pacha iri rumal i c'axnabal u c'ux chwe yin, are yin 'uri quin u c'ulaj ru'. Pachin jun quin u c'ulaj yin ru', n-xui ti yin quin u c'ulaj ru', xak xu c'ulaj 'uri i Jun chi in takawnak lok —xu bij chique.\nPachin n-co'on ta ch'o'oj chikij, u yom 'uri u wach ku'38Te'uri i ma Wan xu bij che:\n—Mayes, xkil jun achi chi ca tijin chi relsaxic itzel tew ru' u cuxtaxic a bi yet. Yoj 'ut xka bij che chu mayij, man n-kachi'il taj —xu bij che i Jesus.\n39—Ile mi 'atij —xu bij i Jesus che—, man we 'o jun co'on milágro rumal u cuxtaxic in bi yin, n-cu bij ta 'uri mal laj tak tzij chwij. 40Pachin jun n-co'on ta ch'o'oj chikij, ire-le ka cwenta yoj. 41Pachin jun co'on jun utzil chomal chiwe xa rumal ix terejnak chwij, 'o ni sipon 'uri cu ch'aco. Queje ile que'el che, tupu xa jun bas i ya' cu ya chiwe wumal yin ▼ —xu abij i Jesus chique.\nChawesaj wach tak i cat tzaksaw chupam i mac42Xak xu bij chique:\n—Jun ch'utin chi u cubam u c'ux chwe, we 'o jun cu 'an che chi ca tzak chupam u mac, mas 'utz que'el che i jun-le we tene ca xim jun ca' rij u kul y ca c'ak bi pa ya, ji'balre. I camic-le mas 'utz chuwach i camic chi ca pe puwi we cu tzaksaj jun ch'utin chupam u mac. 43We are a 'ab ca 'anaw chawe chi cat tzak chupam a mac, su' cha c'upij. Mas 'utz ca sach a 'ab, tobal re a c'aslemal, chuwach xa cat 'e pa 'a' chi n-ca chup taj, ru' i queb a 'ab tz'akat. 44I amol chi cat qui tij chila lic n-que cam taj, xak i 'a' mi jun ca chupuwic. 45We are awakan ca 'anaw chawe cat tzak chupam a mac, su' cha c'upij bic. Mas 'utz ca sach awakan, tobal re a c'aslemal, chuwach i xa cat 'e pa 'a' chi n-ca chup taj, ru' i queb awakan tz'akat. 46I amol chi cat qui tij chila n-que cam taj, xak i 'a' mi jun ca chupuwic. 47Xak i a ba'wach, we are ca 'anaw chawe cat tzak chupam a mac, su' chawesaj. Mas 'utz cat oc pa cu 'at wi tzij i Dios, tupu xa jun a ba'wach, chuwach i xa cat 'e pa 'a' ru' i queb a ba'wach tz'akat. 48I amol chi cat qui tij chila n-que cam taj, xak i 'a' chila mi jun ca chupuwic.\n49Ronojel ni'pa i ca sujux chuwach i Dios, cocsax 'a' che, xak cocsax atz'am che ▼; xak yix, 'o u chac pacha cocsax 'a', pacha cocsax atz'am chiwe, we 'utz i yijbaxic chuwach i Dios. 50I atz'am, lic cu rik u chac chake. Xui-ri, we xsach i u tzayil, ¿wach u 'onquil 'uri caka 'an tan chic tza che? N-taj. Xak 'o u chac chi yix 'o i tzayil (pacha jun sipon sujtal chuwach i Dios; queje ile, ix chom na chiwach); ▼ chom chix 'ol chiwach.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nExamples to use the search box to find Bibles, passages, search terms, etc.-\nESVGen 1\nThis shows how to quickly lookup a passage.NIVESVKJVGen 1\nLooking up a passage in three different translations is also easy.ESVbrother\nThis asks STEP to search for the Greek word for 'brother' and show the results in the ESV.NIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.ESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.KJVTHGNTJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\nExamples of some Bible study tools +\nKJVCol 3 Color code grammar\nHighlight all the imperative verbs with red underlinesKJVCol 1 Color code grammar\nHighlight main verbs (green underlines) and supporting verbs (purple)KJVMat 1 Color code grammar\nHighlight the number (plural in bold) and gender (male in blue, feminine in red, neuter in black) of wordsESV1Jo 1 Quick tryout links\nHighlight frequent words in the chapter or book\nExamples to enable color code grammar +\nKJVEph 1 Color code grammar\nLook at KJV New Testament with color highlighted verbsSBLGRom 12 Color code grammar\nLook at Greek New Testament with color code grammar, Greek root word and English vocabularyCUnCol 1 Color code grammar\nLook at Chinese Union New Testament with color highlighted verbsSBLGKJVCUNEph 5 Color code grammar\nLook at Greek, English and Chinese New Testament with color code grammar\n© Tyndale House, Cambridge, UK - 2019","id":"","dump":"CC-MAIN-2019-51","url":"https:\/\/www.stepbible.org\/?q=version=ACRACC%7Creference=Mar.9","date":"2019-12-09T00:18:02Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540515344.59\/warc\/CC-MAIN-20191208230118-20191209014118-00111.warc.gz","language":"acr","language_score":0.9999859333,"language_script":"Latn","minhash_cluster_size":1,"top_langs":"{\"acr_Latn_score\": 0.999985933303833}","num_words":1951,"character_repetition_ratio":0.051,"word_repetition_ratio":0.009,"special_characters_ratio":0.276,"stopwords_ratio":0.194,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Ri xuqꞌalajisaj ri Dios che ri Juan\n1\nRi Juan kutzꞌibꞌaj taq ri xukꞌut ri ángel chwach\n1 E qꞌalajisanik waꞌ xuya ri Dios che ri Qanimajawal Jesucristo chaꞌ Rire kukꞌut chike ri raj chakibꞌ saꞌ taq ri katajin loq. Ruqꞌalajisaxik xuꞌan ri Jesús e xutaq lo ru ángel chaꞌ koluꞌbꞌiꞌij waꞌ che ri raj chak Juan. 2 Ekꞌu ri Juan xuqꞌalajisaj kan ri tzij re ri Dios, ri qꞌalajisanik re ri Qanimajawal Jesucristo rukꞌ taq ri xkꞌut chwach rire. 3 Nim uqꞌij ralaxik ri kajilan wa chꞌaꞌtem re wa qꞌalajisanik yey nim kiqꞌij kalaxik konoje ri ketaw re waꞌ yey kakitaqej ronoje taq ri tzꞌibꞌital chupa, ma xa naqaj chi kꞌo wi lo ruqꞌijol echiriꞌ kuꞌana taq waꞌ.\nRi Juan kuya pan rutzil kiwach ri wuqubꞌ iglesias\n4 Riꞌin in Juan kintzꞌibꞌan pan chike ri wuqubꞌ iglesias e kꞌo chupa taq ri tinamit re Asia.\nKꞌulu alaq ri unimal rutzil kꞌuꞌxaj y ri utzil chomal, ri kape rukꞌ ri Jun kꞌo waqꞌij ora, ri xex chi kꞌo lo wi y ri kꞌo chiqawach apanoq, ri kape rukꞌ ri wuqubꞌ uwach Uxlabꞌixel kꞌo chwach rutzꞌulibꞌal pa kataqan wi, 5\nyey ri kape rukꞌ ri Qanimajawal Jesucristo, ri kuqꞌalajisaj chi utz ri Qꞌijsaq. Rire e ri nabꞌe xkꞌastaj lo chikixoꞌl ri ekaminaq y e ri kꞌo pakiwi konoje ri e taqanelabꞌ che ruwachulew. Rire lik kꞌax xojunaꞌo y xojuchꞌaj che taq ri qamak rukꞌ rukikꞌel xturuw chwa ri cruz. 6\nXuꞌan kꞌu xa jun tinamit chiqe y xuꞌan chiqe oj taqanel y oj chakunel chwach ri Dios, Ruqaw Rire. Ekꞌu Rire lik taqal che kayak uqꞌij waqꞌij ora y chiqawach apanoq ma lik saꞌchi ruchomal y ruchuqꞌabꞌ. 7\nTape alaq, ri Qanimajawal Jesucristo pa sutzꞌ kakꞌun wi. Konoje kꞌu riꞌ kakilo, kakil ne ri xekamisan re. Y konoje rukꞌiyal kiwach taq ri tikawex che ruwachulew lik kebꞌoqꞌik ruma rukꞌunibꞌal.*\nPaqatzij wi jelaꞌ kuꞌano.\n8\n«Riꞌin in ri jeqebꞌal re yey in ri kꞌisbꞌal re, jelaꞌ pachaꞌ ri kaꞌibꞌ letra A y Z»*\nkacha ri Qanimajawal, ri Jun kꞌo waqꞌij ora, ri xex chi kꞌo lo wi y ri kꞌo chiqawach apanoq yey ri kꞌo ronoje unimal chuqꞌabꞌ puqꞌabꞌ.\nRi xkꞌut che ri Juan pa ri isla Patmos\n9\nRiꞌin in Juan in bꞌare jun ukꞌ alaq hermanos, junam oj kꞌo chupa rutaqanik ri Qanimajawal Jesucristo y junam kaqachꞌij uchuqꞌabꞌ taq ri kꞌaxkꞌobꞌik rukꞌ unimal qakꞌuꞌx. E riꞌin xineꞌyoꞌq pa ri isla Patmos ruma xintzijoj ri Tzij re ri Dios y ri Qꞌijsaq re ri Qanimajawal Jesucristo. 10\nPa kꞌu jun qꞌij domingo†\nin kꞌo puqꞌabꞌ ri Ruxlabꞌixel ri Dios echiriꞌ xinto xchꞌaw lo Jun chwij, waꞌ lik ko kachꞌawik pachaꞌ uchꞌawibꞌal trompeta. 11\nJewaꞌ xubꞌiꞌij:\n«Riꞌin in ri jeqebꞌal re yey in ri kꞌisbꞌal re, jelaꞌ pachaꞌ ri kaꞌibꞌ letra A y Z. Chatzꞌibꞌaj kꞌu chupa juna libro ronoje taq ri kawilo y chataqa bꞌi chike ri wuqubꞌ iglesias e kꞌo chupa taq ri tinamit re Asia: ri kꞌo Éfeso, ri kꞌo Esmirna, ri kꞌo Pérgamo, ri kꞌo Tiatira, ri kꞌo Sardis, ri kꞌo Filadelfia y ri kꞌo Laodicea» xchaꞌ.\n12\nXintzuꞌn kꞌu pan chwij chaꞌ kanwilo china ri kachꞌaꞌt lo wukꞌ; y echiriꞌ xintzuꞌn apanoq, xinwil pan wuqubꞌ utzukꞌulibꞌal aqꞌ re oro. 13\nChikinikꞌajal kꞌu ri wuqubꞌ utzukꞌulibꞌal aqꞌ re oro, xinwil pan Jun lik e katzuꞌn Ralaxel Chikixoꞌl Tikawex. Ukojom jun uqꞌuꞌ kopon kꞌa chuqul raqan y kojotal jun pas re oro chwa ukꞌuꞌx. 14\nRujolom y ruwiꞌ lik saq jelaꞌ pachaꞌ ri mit saq y pachaꞌ ri nieve;‡\ny ukabꞌichal ruwach pachaꞌ aqꞌ kareprotik. 15\nRi raqan kawolqꞌinik pachaꞌ ri chꞌichꞌ bronce echiriꞌ kesax lo pa ri orna; ruqul katatajik jelaꞌ pachaꞌ utzaꞌm yaꞌ e riꞌ xkꞌunik. 16\nPuwikiqꞌabꞌ e kꞌo wuqubꞌ chꞌumil; puchiꞌ kel lo jun espada lik tꞌisiꞌs utzaꞌm y kaꞌibꞌ ruwi reꞌ.§\nRupalaj jelaꞌ pachaꞌ ri qꞌij echiriꞌ lik kareprotik. 17\nEkꞌuchiriꞌ xintzuꞌ uwach, xintzaq xeꞌraqan uqꞌabꞌ y xinkanaj kanoq pachaꞌ in kaminaq chik. Ekꞌu Rire xuya ruwikiqꞌabꞌ panuwiꞌ y jewaꞌ xubꞌiꞌij chwe:\n«Maxiꞌij awibꞌ, ma Riꞌin in ri nabꞌe yey in ri kꞌisbꞌal re. 18\nIn ri xex in kꞌo wi, In ri xinkamik, pero woꞌora na jinta chi utaqexik ri nukꞌaslemal. Panuqꞌabꞌ Riꞌin kꞌo wi ri kamik y panuqꞌabꞌ kꞌo wi kebꞌenukꞌastajisaj lo ri ekaminaq.**\n19 »Chatzꞌibꞌaj janipa ri xkꞌut chawach, rukꞌ taq ri kat-tajin che rilik y ri katajin lo chiqawach apanoq. 20 Ri keꞌelawi ri wuqubꞌ chꞌumil awilom pa nuwikiqꞌabꞌ y taq ri wuqubꞌ utzukꞌulibꞌal aqꞌ re oro e waꞌ: Ri wuqubꞌ chꞌumil e ri wuqubꞌ ángeles e chajinel ke ri wuqubꞌ iglesias; yey ri wuqubꞌ utzukꞌulibꞌal aqꞌ re oro e ri wuqubꞌ iglesias.","id":"","dump":"CC-MAIN-2019-51","url":"https:\/\/ebible.org\/acrNNT\/REV01.htm","date":"2019-12-06T16:00:18Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540488870.33\/warc\/CC-MAIN-20191206145958-20191206173958-00438.warc.gz","language":"acr","language_score":0.9840158224,"language_script":"Latn","minhash_cluster_size":2,"top_langs":"{\"acr_Latn_score\": 0.9840158224105835, \"quc_Latn_score\": 0.015505223535001278}","num_words":742,"character_repetition_ratio":0.073,"word_repetition_ratio":0.052,"special_characters_ratio":0.208,"stopwords_ratio":0.294,"flagged_words_ratio":0.0,"lang_id_score":0.982,"perplexity_score":500.0,"cluster_detection":-1} +{"text":"Rukaꞌm carta xutzꞌibꞌaj ri Pablo che riglesia kꞌo Corinto\n1\nRi Pablo kuya pan rutzil kiwach ri hermanos e kꞌo pa ri tinamit Corinto\n1\nRiꞌin in Pablo in taqoꞌn re ri Qanimajawal Jesucristo ma e ri Dios yaꞌyom wa chak chwe. Riꞌin junam rukꞌ ri hermano Timoteo kaqaya pan rutzil wach alaq, ri alaq utinamit ri Dios re riglesia kꞌo Corinto, y chike konoje ri hermanos ejeqel chupa ronoje taq ri luwar re Acaya.* 2\nKꞌulu kꞌu alaq ri unimal rutzil kꞌuꞌxaj y ri utzil chomal re ri Qaqaw Dios y re ri Qanimajawal Jesucristo.\nRi bꞌochibꞌal qakꞌuꞌx kuya ri Dios\n3 ¡Lik nim uqꞌij ri Dios, Ruqaw ri Qanimajawal Jesucristo! Ma e Rire ri lik kukꞌut ri kꞌaxnaꞌbꞌal ukꞌuꞌx chiqe y rukꞌ Rire kape wi ri bꞌochibꞌal qakꞌuꞌx. 4 Rire e kabꞌochiꞌin qakꞌuꞌx chwach ronoje kꞌaxkꞌobꞌik, chaꞌ jelaꞌ riꞌoj utz kaqabꞌochiꞌij kikꞌuꞌx ri e kꞌo chupa ronoje kꞌaxkꞌobꞌik. Kaqaya kꞌu ri bꞌochibꞌal kꞌuꞌxaj jelaꞌ pachaꞌ ri uyaꞌom ri Dios chiqe riꞌoj. 5 Ma echiriꞌ kanimar ri kꞌaxkꞌobꞌik paqawiꞌ ruma oj re ri Cristo, e lik kanimar ri bꞌochibꞌal kꞌuꞌxaj kuya ri Cristo chiqe. 6 Echiriꞌ riꞌoj kaqatij kꞌax yey ri Dios kubꞌochiꞌij qakꞌuꞌx, waꞌ kukꞌam lo bꞌochibꞌal kꞌuꞌxaj y kolobꞌetajik re ri Dios che ralaq. Jekꞌulaꞌ ri kꞌax qatijom y ri bꞌochibꞌal kꞌuꞌxaj qakꞌulum riꞌoj, lik kꞌo kutiqoj che alaq chaꞌ jelaꞌ kachꞌij alaq uchuqꞌabꞌ ri kꞌaxkꞌobꞌik pachaꞌ ri qikꞌowibꞌem riꞌoj. 7 Lik qajikibꞌam kꞌu uwach ri kubꞌulibꞌal qakꞌuꞌx ukꞌ alaq. Ma qetaꞌam alaq jun qukꞌ riꞌoj chupa ri kꞌaxkꞌobꞌik, jekꞌulaꞌ alaq jun qukꞌ riꞌoj che ukꞌulik ri bꞌochibꞌal kꞌuꞌxaj kuya lo ri Dios.\n8 Kaqaj kꞌut, hermanos, ketaꞌmaj alaq janipa chi kꞌaxkꞌobꞌik xqikꞌowibꞌej chilaꞌ Asia. Ruma wa unimal kꞌaxkꞌobꞌik xpe paqawiꞌ, xqanaꞌo na jinta chi qachuqꞌabꞌ che uchꞌijik waꞌ y xqachꞌobꞌ nenareꞌ na jinta chi pa saq kojkꞌasiꞌik. 9 E xqanaꞌ riꞌoj e pachaꞌ qꞌatom chi tzij re kamik paqawiꞌ. Pero kꞌo xutiqoj chiqe ri xqikꞌowibꞌej, ma rukꞌ waꞌ xqamajo na jinta uchak ri kakubꞌiꞌ qakꞌuꞌx chiqibꞌil qibꞌ; xew e kubꞌul qakꞌuꞌx rukꞌ ri Dios, ri kebꞌukꞌastajisaj lo ri ekaminaq. 10 Ri Dios e xojesan chwa wa kamik yey kꞌa katajin ne che qatoꞌik. Kubꞌul kꞌu qakꞌuꞌx rukꞌ, ma qetaꞌam rukꞌ rutoꞌbꞌal Rire kojel pan chi utz woꞌora y chiqawach apanoq. 11 Y ralaq kojtoꞌ ne alaq echiriꞌ kaꞌan alaq orar paqawiꞌ chwach ri Dios. Jekꞌulaꞌ we e kꞌi ri xebꞌanaw re waꞌ, e kꞌi riꞌ ri ketioxin chwach ri Dios ruma ri kuꞌan Rire quma riꞌoj.\nRi Pablo kuqꞌalajisaj suꞌbꞌe na xikꞌow ta Corinto\n12 Kꞌo ri kuya kiꞌkotemal chiqe; waꞌ e ri qabꞌinik qasilabꞌik qakꞌutum chiwach ralaq y chikiwach konoje ri winaq, ma kaqanaꞌ chiqakꞌuꞌx lik saqil y jusukꞌ ri qabꞌinik jelaꞌ pachaꞌ ri karaj ri Dios. Yey wa qaꞌanom na e ta ruma unimal naꞌoj re ruwachulew; e ruma rutoꞌbꞌal ri Dios qukꞌ. 13 Janipa ri kajilaj alaq che ri qacartas, lik e qanaꞌoj riꞌ che alaq chaꞌ jelaꞌ kamaj alaq usukꞌ. 14 Woꞌora majom alaq usukꞌ jubꞌiqꞌ puwi ri qaꞌanom; qoyeꞌem kꞌu ri qꞌij echiriꞌ kamaj alaq usukꞌ ronoje, chaꞌ jelaꞌ pa rukꞌunibꞌal ri Qanimajawal Jesucristo lik kakiꞌkot alaq chiqe riꞌoj, jelaꞌ pachaꞌ riꞌoj kojkiꞌkot che ralaq.\n15 Rukꞌ kꞌu wa kubꞌulibꞌal nukꞌuꞌx ukꞌ alaq, xuaj kinikꞌow nabꞌe ukꞌ alaq chaꞌ jelaꞌ kalaj kakꞌul alaq ri relej nukꞌuꞌx, 16 ma xinchꞌobꞌo kinikꞌow ukꞌ alaq echiriꞌ kinꞌek Macedonia y kinikꞌow tanchik echiriꞌ kanmaj bꞌi nubꞌe Judea y jelaꞌ kintoꞌ bꞌi alaq che ri nubꞌenam. 17 Jelaꞌ ri xinchꞌobꞌo kanꞌano, tobꞌ na e ta xuꞌanaꞌ. Ruma kꞌu laꞌ, laj chiwach ralaq na xinchꞌobꞌ ta chi utz saꞌ ri kanꞌano. ¿Xa nawi pa we riꞌin kanchꞌobꞌ raqan ri kanꞌano? ¿O xa nawi kebꞌ uwa ri nuchꞌaꞌtem, pachaꞌ junoq kubꞌiꞌij: «Lik jikil uwach kinꞌek,» tobꞌ retaꞌam chiribꞌil ribꞌ na keꞌek taj? 18 Noꞌj riꞌin na je ta laꞌ kanꞌano. Ma ruma lik jusukꞌ ri Dios qukꞌ, na utz ta kꞌu riꞌ we ri qachꞌaꞌtem kebꞌ uwach keꞌelawi chiwach alaq. 19 Jekꞌulaꞌ ri Qanimajawal Jesucristo, Rukꞌajol ri Dios, ri xojtzijon puwiꞌ che alaq junam kukꞌ ri Silvano y ri Timoteo, ruchꞌaꞌtem Rire na kebꞌ ta uwach keꞌelawi; ma ronoje ri kubꞌiꞌij lik qatzij. 20 Yey ruma Rire e kuꞌana janipa taq rubꞌiꞌtisinik ri Dios qukꞌ. E uwariꞌche kaqayak uqꞌij ri Dios, kaqabꞌiꞌij «Areꞌ» y «Amén» che ronoje ri ubꞌiꞌim lo chiqe. 21 Yey e ri Dios ri kujikibꞌaꞌ qakꞌuꞌx chi utz rukꞌ ri Cristo junam ukꞌ alaq y xojuchaꞌo chaꞌ kojuꞌan re Rire. 22 Ekꞌu Rire uyaꞌom ri Ruxlabꞌixel pa qanimaꞌ, kꞌutubꞌal re oj kꞌo chi puqꞌabꞌ yey kuꞌana na kꞌu ronoje ri ubꞌiꞌtisim lo chiqe.\n23\nLik karil ri Dios ri kꞌo pa wanimaꞌ y retaꞌam kꞌut suꞌbꞌe na xinikꞌow ta chilaꞌ Corinto pachaꞌ ri xinchꞌobꞌo. E ma na xuaj taj kok bꞌis chikꞌuꞌx alaq ruma kanchꞌaꞌbꞌej pa alaq.† 24\nNa e ta kꞌu kojeꞌtaqana pawiꞌ alaq chwi ri kojom alaq; ma ruma ri kubꞌulibꞌal kꞌuꞌx alaq, tikil alaq chi utz. Ri kaqaꞌano e kojchakun ukꞌ alaq chaꞌ kakꞌojiꞌ ri kiꞌkotemal pa animaꞌ alaq.","id":"","dump":"CC-MAIN-2019-51","url":"https:\/\/ebible.org\/acrNNT\/2CO01.htm","date":"2019-12-13T13:06:11Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540555616.2\/warc\/CC-MAIN-20191213122716-20191213150716-00161.warc.gz","language":"acr","language_score":0.9970631599,"language_script":"Latn","minhash_cluster_size":2,"top_langs":"{\"acr_Latn_score\": 0.997063159942627}","num_words":802,"character_repetition_ratio":0.063,"word_repetition_ratio":0.0,"special_characters_ratio":0.204,"stopwords_ratio":0.304,"flagged_words_ratio":0.0,"lang_id_score":0.997,"perplexity_score":500.0,"cluster_detection":-1} +{"text":"Ri nabꞌe carta xutzꞌibꞌaj ri Juan\n1\nRi Tzij re kꞌaslemal\n1 Kaqatzꞌibꞌaj pan wa carta che alaq chwi ri Jun xex chi kꞌo lo wi echiriꞌ kꞌamajaꞌ ne kaꞌan ruwachulew, puwi saꞌ taq ri xubꞌiꞌij yey puwi ri qilom rukꞌ ri qawach. Ma paqatzij wi xqil uwach y xqachap ne rukꞌ ri qaqꞌabꞌ. Kojtzꞌibꞌan kꞌu riꞌ puwi ri Jun paqatzij wi e ri Tzij,* Jn. 1:1 ri kuya kꞌaslemal. 2 Wa Jun kuya kꞌaslemal xkꞌun che ruwachulew yey riꞌoj xqil uwach. E uwariꞌche kaqabꞌiꞌij saꞌ ri qilom y kaqaqꞌalajisaj kꞌu che alaq puwi wa Jun na jinta utaqexik rukꞌaslemal. Rire xex chi kꞌo lo wi rukꞌ ri Qaqaw Dios yey xuqꞌalajisaj kꞌu ribꞌ chiqawach riꞌoj. 3 Janipa kꞌu ri qilom y ri qatom, e kaqaqꞌalajisaj pan che alaq; ma e kaqaj kuꞌan alaq xa jun qukꞌ riꞌoj jelaꞌ pachaꞌ riꞌoj paqatzij wi xa jun qaꞌanom rukꞌ ri Qaqaw Dios y rukꞌ Rukꞌajol, waꞌ e ri Qanimajawal Jesucristo. 4 Kaqatzꞌibꞌaj pan wa carta che alaq chaꞌ junam kakiꞌkot alaq qukꞌ.\nRi lik chirajawaxik wi e kojbꞌin chupa ri Qꞌijsaq\n5 Ekꞌu wa tzij qatom che ri Qanimajawal Jesucristo e kaqaqꞌalajisaj che alaq: Ri Dios e Qꞌijsaq yey rukꞌ Rire na jinta kꞌana qꞌequꞌmalil. 6 We kaqabꞌiꞌij xa jun qaꞌanom rukꞌ ri Dios yey kojbꞌin chupa ri qꞌequꞌmalil, riꞌ kojelik xa oj aj raqꞌul y na kojbꞌin ta kꞌu chupa ri Qꞌijsaq. 7 Noꞌj we kojbꞌin chupa ri Qꞌijsaq jelaꞌ pachaꞌ ri Dios kꞌo pa ri Qꞌijsaq, riꞌ xa jun qaꞌanom chiqawach. Yey ronoje ri qamak kachꞌajtaj* Echiriꞌ kubꞌiꞌij kachꞌajtaj ronoje ri qamak, waꞌ e keꞌelawi, ri Dios kukuy ri qamak y na kape ta chi kꞌu ruqꞌatbꞌal tzij paqawiꞌ. kꞌu riꞌ ruma rukikꞌel ri Qanimajawal Jesucristo, Rukꞌajol ri Dios. 8 Pero we kaqabꞌiꞌij na jinta qamak, riꞌ xa e kaqasok qibꞌ chiqibꞌil qibꞌ y na qatzij ta ri kaqabꞌiꞌij. 9 Noꞌj we kaqaqꞌalajisaj ri qamak chwach ri Dios, Rire kukuy qamak y kojuchꞌaj che ronoje ri na utz taj kꞌo pa qanimaꞌ, ma Rire lik jusukꞌ y ujikibꞌam uwach kuꞌan waꞌ yey Rire na kuꞌan ta raqꞌubꞌal. 10 We kaqabꞌiꞌij na oj ta makuninaq, riꞌ e pachaꞌ kaqaꞌan aj raqꞌul che ri Dios, ma kaqabꞌiꞌij na qatzij ta ri ubꞌiꞌim kan Rire.* Pr. 20:9; Ecl. 7:20\n*1:7 Echiriꞌ kubꞌiꞌij kachꞌajtaj ronoje ri qamak, waꞌ e keꞌelawi, ri Dios kukuy ri qamak y na kape ta chi kꞌu ruqꞌatbꞌal tzij paqawiꞌ.\n*1:10 Pr. 20:9; Ecl. 7:20","id":"","dump":"CC-MAIN-2019-51","url":"https:\/\/ebible.org\/acrNNT\/1JN01.htm","date":"2019-12-13T13:31:45Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540555616.2\/warc\/CC-MAIN-20191213122716-20191213150716-00200.warc.gz","language":"acr","language_score":0.9995299578,"language_script":"Latn","minhash_cluster_size":2,"top_langs":"{\"acr_Latn_score\": 0.9995299577713013}","num_words":387,"character_repetition_ratio":0.07,"word_repetition_ratio":0.074,"special_characters_ratio":0.223,"stopwords_ratio":0.341,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1} +{"text":"Ri nabꞌe carta xutzꞌibꞌaj ri Pablo che riglesia kꞌo Corinto\n1\nRi Pablo kuya pan rutzil kiwach ri hermanos e kꞌo pa ri tinamit Corinto\n1 Riꞌin in Pablo, insikꞌim ruma ri Dios re kinuꞌan utaqoꞌn ri Qanimajawal Jesucristo, ruma e lik karaj riꞌ ri Dios chwe. Riꞌin junam rukꞌ ri hermano Sóstenes kaqaya pan rutzil wach alaq, 2 ri alaq utinamit ri Dios kꞌo chilaꞌ Corinto. Alaq chaꞌtal ruma ri Dios chaꞌ kakꞌojiꞌ alaq puqꞌabꞌ ri Qanimajawal Jesucristo; alaq kꞌu sikꞌim che jun bꞌinik silabꞌik lik chom chwach ri Dios, ma e karaj riꞌ chiqe junam kukꞌ konoje ri kakiloqꞌnimaj rubꞌiꞌ ri Qanimajawal Jesucristo, tobꞌ pa taq chawi e kꞌo wi. Ma Rire e Qanimajawal qe riꞌoj y ke rike. 3 Kꞌulu alaq ri unimal rutzil kꞌuꞌxaj y ri utzil chomal re ri Qaqaw Dios y re ri Qanimajawal Jesucristo.\nRi Pablo katioxin chwach ri Dios\n4 Riꞌin xaqi kintioxin che ri Dios uma ralaq, ma ruma ri Qanimajawal Jesucristo, ri Dios uyaꞌom lo ri unimal rutzil ukꞌuꞌx che alaq. 5 Yey na xa ta jubꞌiqꞌ ri kꞌulum alaq ruma kꞌo alaq puqꞌabꞌ ri Cristo; yaꞌtal kꞌu chꞌaꞌtem alaq y naꞌoj alaq che utzijoxik ri naꞌoj re ri Dios. 6 Xjikibꞌax kꞌu uwach ri Utzilaj Tzij puwi ri Cristo ruma ri uꞌanom ri Dios ukꞌ alaq. 7 Jekꞌulaꞌ ronoje ri kajawax che rutinamit ri Dios, yaꞌtal chi che alaq; xew chi kꞌu lik oyeꞌem alaq rukꞌunibꞌal ri Qanimajawal Jesucristo. 8 Ekꞌu riꞌ ri Dios katikibꞌan e alaq chi utz woꞌora y kꞌa pa ri kꞌisbꞌal qꞌij, chaꞌ jelaꞌ na jinta chi kꞌana mak kariqitaj che alaq chwach ri Dios chupa ruqꞌijol rukꞌunibꞌal ri Qanimajawal Jesucristo. 9 Ri Dios lik jusukꞌ, ma ronoje ri kubꞌiꞌtisij e kuꞌano y e Rire sikꞌiyom e alaq chaꞌ kuꞌan alaq xa jun rukꞌ Rukꞌajol, waꞌ e ri Qanimajawal Jesucristo.\nRi Pablo kebꞌupixabꞌaj ri hermanos ruma kijachom kipa\n10 Kampixabꞌaj kꞌu alaq hermanos chupa rubꞌiꞌ ri Qanimajawal Jesucristo: Kꞌola alaq chi utzil chomal y majach pa alaq. E ri lik ubꞌe e chuꞌana xa jun naꞌoj alaq y xa jun kꞌuꞌx alaq. 11 Kambꞌiꞌij waꞌ che alaq hermanos ma xinwetaꞌmaj e kꞌo ri xaqi kechꞌoꞌjin chixoꞌlibꞌal alaq; xinta waꞌ chikichiꞌ jujun chike ri e kꞌo pa rocho ri Cloé. 12 Nutom e kꞌo jujun che alaq kakibꞌiꞌij: «In re ri Pablo.» E kꞌo jujun chik kakibꞌiꞌij: «In re ri Apolos,» jujun chik: «In re ri Pedro» y e kꞌo ne jujun chik kakibꞌiꞌij: «Riꞌin in re ri Cristo.» 13 ¿Jachom nebꞌa upa ri Cristo? ¿E nebꞌa riꞌin in Pablo ri xkam chwa cruz uma ralaq? ¿O pa rubꞌiꞌ nebꞌa ri Pablo xkꞌul wi alaq ri bautismo? Na e taj. 14 Lik kantioxij che ri Dios ma riꞌin xew xinya ri bautismo chike jujun che alaq, waꞌ e ri Crispo y ri Gayo. 15 Jekꞌulaꞌ na jinta junoq che alaq utz kubꞌiꞌij: \"Riꞌin xinkꞌul ri bautismo pa rubꞌiꞌ ri Pablo.\" 16 Yey xinya ne bautismo chike ri e kꞌo chirocho ri Estéfanas. Na kakꞌun ta chi chinukꞌuꞌx we kꞌo junoq chik. 17 Kambꞌiꞌij kꞌu waꞌ ma ri nuchak xuya ri Cristo na e ta ri kanya bautismo, e ri kantzijoj ri Utzilaj Tzij. Y rutzijoxik kanꞌano na e ta rukꞌ nimaq taq chꞌaꞌtem y unimal naꞌoj xa re ruwachulew. Ma na kuaj taj we ri winaq e kakiyak nuqꞌij riꞌin yey na kebꞌok ta kꞌu il riꞌ che ri Utzilaj Tzij puwi ri Cristo y ri xuꞌan Rire chwa ri cruz.\nRuchuqꞌabꞌ y runaꞌoj ri Dios kaqꞌalajin ruma ri Cristo\n18 Rutzijoxik rukamik ri Cristo chwa ri cruz e jun sachibꞌal naꞌoj chikiwach ri kesachik. Noꞌj kꞌu chiqawach ri kojkolobꞌetajik, rukꞌ rukamik Rire e kaqꞌalajin ruchuqꞌabꞌ ri Dios. 19 Ma jewaꞌ kubꞌiꞌij ri Dios chupa Ruchꞌaꞌtem:\nRiꞌin kansach uwach ri kinaꞌoj ri tikawex kakichꞌobꞌo lik kꞌo ketaꞌam,\ny kankꞌutu na jinta keꞌelawi ri kinaꞌoj ri kakichꞌobꞌo lik kꞌo kinaꞌoj Is. 29:14\nkachaꞌ.\n20 Ri kakibꞌiꞌij lik kꞌo ketaꞌam, ¿saꞌ kutiqoj ri kinaꞌoj? Raj kꞌutunel re ri tzijpixabꞌ, ¿saꞌ kutiqoj ronoje ri kimajom? Yey ri lik kakichꞌaꞌtibꞌej ukꞌiyal taq naꞌoj re waqꞌij ora, ¿saꞌ kutiqoj ronoje ri kakibꞌiꞌij? Na jinta kutiqoj, ma ri Dios uqꞌalajisam chik na jinta keꞌelawi ri kinaꞌoj ri tikawex re ruwachulew.\n21 Ri Dios ruma ri unimal unaꞌoj na xuya ta luwar chike ri tikawex kaketaꞌmaj uwach Rire xa ruma ri kinaꞌoj rike. Ri xukꞌul ukꞌuꞌx Rire e kebꞌukolobꞌej ri kakubꞌiꞌ kikꞌuꞌx rukꞌ ruma rutzijoxik ri Utzilaj Tzij, tobꞌ waꞌ e jun sachibꞌal naꞌoj chikiwach taq ri winaq. 22 Ma raj judiꞌabꞌ kakitzꞌonoj kꞌutubꞌal re ruchuqꞌabꞌ ri Dios, yey raj Grecia e lik keꞌek kikꞌuꞌx che umajik unimal taq naꞌoj. 23 Noꞌj riꞌoj e kaqatzijoj rukamik ri Cristo chwa ri cruz. Yey waꞌ e tzaqibꞌal chike raj judiꞌabꞌ,* E chikiwach raj judiꞌabꞌ, Rutaqoꞌn lo ri Dios na kakamisax taj. y e jun sachibꞌal naꞌoj chike ri na e ta aj judiꞌabꞌ.* Hch. 17:32 24 Noꞌj kꞌu ri ebꞌusikꞌim ri Dios, tobꞌ e aj judiꞌabꞌ o na e ta aj judiꞌabꞌ, rike kakimaj usukꞌ e ruma ri Cristo kaqꞌalajin ruchuqꞌabꞌ y runimal unaꞌoj ri Dios. 25 Tobꞌ e kꞌo tikawex kakichꞌobꞌo ri Dios pachaꞌ na jinta unaꞌoj o na jinta uchuqꞌabꞌ; na rukꞌ ta kꞌu riꞌ, ri kinaꞌoj y ri kichuqꞌabꞌ rike, na kajunimax ta kꞌenoq rukꞌ runaꞌoj y ruchuqꞌabꞌ ri Dios.\n26 Lik kꞌu chꞌobꞌo pe raqan alaq hermanos puwi saꞌ ri wach alaq echiriꞌ xsikꞌix alaq ruma ri Dios; ma chikiwach ri winaq, na e ta kꞌi ri lik kꞌo kinaꞌoj chixoꞌl alaq, yey na e ta kꞌi ri lik kꞌo kichuqꞌabꞌ y ri lik kꞌo kiwach chixoꞌl alaq. 27 Ma ri Dios ebꞌuchaꞌom ri kabꞌiꞌx chike na jinta ko kinaꞌoj, chaꞌ e kuya kikꞌix ri kakiꞌan che kibꞌ lik kꞌo kinaꞌoj. Ebꞌuchaꞌom ri lik na jinta ko kichuqꞌabꞌ chaꞌ e kuya kikꞌix ri e taqanelabꞌ kꞌo kichuqꞌabꞌ. 28 Yey ebꞌuchaꞌom ri kabꞌiꞌx chike lik na jinta ko kichak, ri lik kꞌaqom bꞌi kiqꞌij kuma ri winaq y ri na jinta kꞌana kiwach chaꞌ e kusach uwach ri kichuqꞌabꞌ ri lik kꞌo kiwach. 29 Ri Dios uꞌanom waꞌ chaꞌ na jinta junoq kuꞌan nim che ribꞌ chwach Rire. 30 Yey ruma kꞌu Rire kꞌo alaq puqꞌabꞌ ri Qanimajawal Jesucristo, ri kaqꞌalajisan ri Qꞌijsaq re ri Dios chiqe. Ruma kꞌu ri Qanimajawal, ꞌanom jusukꞌ chiqe chwach ri Dios, oj yaꞌtal chupa ri santowilaj bꞌinik, y oj esam chi puqꞌabꞌ ritzel. 31 E uwariꞌche e pachaꞌ ri tzꞌibꞌital kan chupa Ruchꞌaꞌtem ri Dios:\nChina ri karaj kuyak uqꞌij,\ne chuqꞌalajisaj riꞌ janipa ri uꞌanom ri Qanimajawal Dios che rubꞌinik usilabꞌik. Jer. 9:23-24","id":"","dump":"CC-MAIN-2019-51","url":"https:\/\/ebible.org\/acrNNT\/1CO01.htm","date":"2019-12-11T19:10:45Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540532624.3\/warc\/CC-MAIN-20191211184309-20191211212309-00176.warc.gz","language":"acr","language_score":0.9996220469,"language_script":"Latn","minhash_cluster_size":2,"top_langs":"{\"acr_Latn_score\": 0.9996220469474792}","num_words":1053,"character_repetition_ratio":0.075,"word_repetition_ratio":0.0,"special_characters_ratio":0.216,"stopwords_ratio":0.349,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"1 Corinthians 11Yin in a-Páblo chi quin tz'ibaj bi i wuj-i chiwe. In sic'tal che in patan chi in rapóstol i Jesucrísto man queje ile xraj i Dios chwe. Yin waral, junam ru' i kachalal ma Sóstenes, 2quin tak bi wuj-i chiwe yix chi ix jutzobaj re i Dios chila pa tinimit Corínto. Yix, lic ix re chic i Dios, man ix 'o chic che i Jesucrísto. I Dios ix u siq'uim ru' man cu 'anbej chiwe ix 'utz ix chom, xak jun pacha cu 'an chique conojel ni'pa i je 'o chuwach i jyub ta'aj chi quiqui tz'onoj qui to'ic che i Kajwal Jesucrísto; ire are i Cajwal ique, xak are i Kajwal yoj. 3I ka Kajaw Dios, xak i Kajwal Jesucrísto, chiqui ya utzil chomal chiwe, xak i uxlambal pi c'ux.\nI ma Páblo xu tioxij che i Dios rumal i 'utz u yom chique4Nic are wi quin tioxij che i Dios iwumal yix, man nim i 'utz u yom chiwe rumal i Jesucrísto. 5Junam ix 'o wi che i Jesucrísto, rumal-i, i Dios u 'anom chiwe lic ix beyom pi c'ux; u yom chiwe lic nim iweta'am che ire, xak quix tiqui chu bixquil wach iweta'am. 6Queje ile, rumal i chom laj i c'aslemal yix, 'alaj 'uri chi lic katzij i tzij re i Jesucrísto chi ka c'utum can chiwe. 7Ronojel wach cu sipaj i Dios chique i je re ire, lic u yom chic chiwe yix. Ronojel ile 'o pi'ab, tz'akat quiwoy'ej u c'unic tan chic i Kajwal Jesucrísto. 8I Dios cu 'an na chiwe chi lic ix jiquil pi c'ux c'a pa q'uisbal 'ij, rumal-i, que'el chiwe chi mi jun ca cojow i mac chiwij are ca c'un chal i Kajwal Jesucrísto. 9I Dios lic cu 'an na pacha i u bim chake, y are ire chi ix u siq'uim yix, xo'onbej chiwe chi junam i wach ru' u C'ojol, chi Kajwal Jesucrísto.\nI ma Páblo xe u pixbaj chi miqui jach quiwach10Ix wachalal, lic quin tz'onoj chiwe rumal i Kajwal Jesucrísto, chi ni'pa i qui bij, chi junamsaj i nojbal che; mi 'ano chi to' qui jachersaj bi iwib. Chom chix 'ol chiwach, lic junam i nojbal, xak junam i na'ic chiwach. 11Xin bij ile chiwe wachalal, man 'o jun chique i je aj pa rachoch i ati Cloe, u bim chwe chi yix qui rayij ch'o'oj chixol. 12In tom yin chi yix n-xak jun ti i nojbal; 'o i quiqui bij: \"Yin quin terej chirij i ma Páblo,\" que cha. Xak 'o i quiqui bij: \"Yin quin terej chirij i ma Apólos,\" que cha. Xak 'o i quiqui bij: \"Yin quin terej chirij i ma Pédro,\" que cha. Xak 'o i quiqui bij: \"Yin quin terej chirij i Crísto,\" que cha. 13Ix wachalal, lic iwonojel yix ix re i Crísto. ¿Xataba i Crísto u 'anom q'ui che rib? ¿Xataba yin a-Páblo xin camsax chuwach cruz tobal iwe? ¿Xataba xcuxtax in bi yin piwi are xkajsax ya piwi? N-are taj. 14Mantiox che i Dios man yin n-xin kajsaj ti ya piwi yix, xui piquiwi i ma Críspo i ma Gáyo. 15Rumal-i, mi jun mu bij chi xin kajsaj ya puwi, we xa chwij yin ca terej wi. 16Xui-ri, ca c'un pin c'ux, xak xin kajsaj ya piquiwi i ma Estéfanas ru' i rixokil ralc'wal. Quin bij yin, xui chique ique-le, n-ta chic jun chic. 17Man i Crísto n-xin u tak ti yin chu kajsaxic ya piquiwi i winak. Are in chac yin, are in ajbil-re wach i 'elbal chi sak. Craj ire, lic sakil que'el chique i winak, n-are ti to' chom laj tak tzij quin bij, man n-are ti cojbal in 'ij yin, xa are cojbal u 'ij i Crísto, wach xu 'an ire chuwach i cruz.\nRu' i Crísto caka rik wi i sakil laj no'oj xak i sakil laj cho'ab18I winak chi ca tijin u sachsaxic qui wach, are quiqui ta wach xo'on i Crísto chuwach i cruz tobal-que, xa ch'uj laj tzij quiqui ta ique. Xui-ri, yoj chi coj 'elsax chi sak, are caka ta i tzij-le, chom caka ta yoj, man keta'am chi 'o i u cho'ab i Dios che. 19Que'elok pacha xu bij i Dios chupam u wuj ujer:\nQuin sachsaj ni qui no'oj ni'pa i 'o i qui nojbal;\nquin xutuj ni qui nojbal ni'pa i 'o queta'am.\n(Queje ile tz'ibtal canok ▼.)\n20Rumal-i, jun we to' re u wach i jyub ta'aj, n-tu chac we mas 'o u no'oj; xak we aj tijonel chic, xak we lic cu rik u lapic nimak tak nojbal, n-tu chac che, man ni'pa i que tijin i winak chi retamaxic, i Dios u 'anom che chi n-tu chac. 21I Dios lic 'o u no'oj; rumal-i, 'utz i módo u yijbam chi caketamaj u wach; i retamaxic u wach i Dios, n-ca ya' ta che jun xa rumal we 'o u no'oj. Man i Dios u ch'obom chi que totajic ni'pa i cul qui c'ux che rumal u tzij chi c'ut-tal chique. Xqui cojo, tupu i juban winak quiqui bij chi xa ch'uj laj tzij, que cha.\n22Ni'pa i queje quiqui bij ile, 'o jujun chique je aj Israel winak, 'o jujun chique je aj Griégo winak. I aj Israel n-quiqui coj taj man to' cacaj quiquil jun milágro, c'utbal re u cho'ab i Dios chique. I aj Griégo winak n-quiqui coj taj, man to' cacaj quiqui ta nimak tak nojbal. 23Xui-ri, yoj xui caka paxsaj wach xu 'an i Crísto chi xrip chuwach cruz. I aj Israel winak, tzel quiqui ta ile; i aj Griégo winak quiqui bij chi \"xa are ch'uj laj tzij qui bij,\" que cha chake. 24Xui-ri, ni'pa i xe cojon che qui siq'uixic rumal i Dios, we je aj Israel, we xi je aj Griégo winak, 'is queta'am chi i nim laj u cho'ab, i nim laj u no'oj i Dios, ca 'alijinic rumal i Crísto (rumal wach u 'anom tobal-que). 25I u no'oj i Dios, lic nim, n-cu maj taj pacha qui no'oj i winak. Are wach u ch'obom ire, chi xa ch'uj laj nojbal quiqui bij i winak, n-ch'uj taj; ile mas nim na chuwach ronojel i qui nojbal i winak. Xak i u cho'ab i Dios, lic nim. Are i u 'anom ire, chi n-ta kas u cho'ab quiqui bij i winak, ile mas nim chuwach i qui cho'ab conojel i winak.\n26Chi ta u be ix wachalal, yix chi ix sic'tal rumal i Dios, n-ix ti q'ui chi 'o i 'ij chiquiwach i winak rumal i no'oj. Xak n-ix ti q'ui chi 'o i patan nim; xak n-ix ti q'ui chi 'o i kajaw i chuch chi nim qui 'ij chiquiwach i winak. 27Ni'pa i to' je re u wach i jyub ta'aj, ique quiqui bij chi yix n-ta i no'oj, xui-ri, i Dios ix u chom yix, yabal qui q'uix i juban chi nimak qui no'oj. Ix u chom yix chi n-nim ta i cho'ab, yabal qui q'uix i juban chi nim i qui cho'ab. 28I Dios xe u cha i n-ta qui 'ij, n-ta qui chac chiquiwach i je re u wach i jyub ta'aj, xe u cha i n-que ajwax taj man xraj ire cu sachsaj u 'ij ni'pa tak i 'o u 'ij chuwach i jyub ta'aj. 29Queje ile xu 'an i Dios, man mi jun winak ca tiqui 'uri chu 'anic nim che rib chuwach ire. 30I Dios u 'anom chiwe chi ix 'o chic che i Jesucrísto. Rumal i Crísto, 'o chic ka nojbal sakil; rumal ire oj 'utz chic chuwach i Dios; rumal ire oj ch'am chic; rumal ire oj 'elnak chic pu'ab itzel. 31Rumal-i, pacha cu bij u tzij i Dios tz'ibtal canok: \"We 'o jun craj co'on nim che rib, are chu bij 'uri wach i nim laj 'anic u 'anom i Kajwal che u c'aslemal.\" (Queje ile tz'ibtal canok ▼.)\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nExamples to use the search box to find Bibles, passages, search terms, etc.-\nESVGen 1\nThis shows how to quickly lookup a passage.NIVESVKJVGen 1\nLooking up a passage in three different translations is also easy.ESVbrother\nThis asks STEP to search for the Greek word for 'brother' and show the results in the ESV.NIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.ESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.KJVTHGNTJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\nExamples of some Bible study tools +\nKJVCol 3 Color code grammar\nHighlight all the imperative verbs with red underlinesKJVCol 1 Color code grammar\nHighlight main verbs (green underlines) and supporting verbs (purple)KJVMat 1 Color code grammar\nHighlight the number (plural in bold) and gender (male in blue, feminine in red, neuter in black) of wordsESV1Jo 1 Quick tryout links\nHighlight frequent words in the chapter or book\nExamples to enable color code grammar +\nKJVEph 1 Color code grammar\nLook at KJV New Testament with color highlighted verbsSBLGRom 12 Color code grammar\nLook at Greek New Testament with color code grammar, Greek root word and English vocabularyCUnCol 1 Color code grammar\nLook at Chinese Union New Testament with color highlighted verbsSBLGKJVCUNEph 5 Color code grammar\nLook at Greek, English and Chinese New Testament with color code grammar\n© Tyndale House, Cambridge, UK - 2019","id":"","dump":"CC-MAIN-2019-51","url":"https:\/\/www.stepbible.org\/?q=version=ACRACC%7Creference=1Cor.1","date":"2019-12-07T14:48:23Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540499439.6\/warc\/CC-MAIN-20191207132817-20191207160817-00466.warc.gz","language":"acr","language_score":0.9998210073,"language_script":"Latn","minhash_cluster_size":1,"top_langs":"{\"acr_Latn_score\": 0.9998210072517395}","num_words":1604,"character_repetition_ratio":0.057,"word_repetition_ratio":0.008,"special_characters_ratio":0.261,"stopwords_ratio":0.21,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Ri carta xutzꞌibꞌaj ri Judas\n1\nRi Judas kuya pan rutzil kiwach ri hermanos\n1 Riꞌin in Judas, in aj chak re ri Qanimajawal Jesucristo yey in uchaqꞌ ri Jacobo. Kantzꞌibꞌaj pan waꞌ wa carta chike ri esikꞌim ruma ri Qaqaw Dios, ri e kꞌo chupa ri rutzil ukꞌuꞌx Rire y echajital ruma ri Qanimajawal Jesucristo. 2 Ekꞌu ri Dios chunimarisaj na pawiꞌ alaq ri kꞌaxnaꞌbꞌal ukꞌuꞌx junam rukꞌ ri utzil uchomal y ri rutzil ukꞌuꞌx.\nRi eyaktajinaq chirij ri Qꞌijsaq re ri Dios\n(2 P. 2:1-17)\n3 Alaq nu hermanos, lik nurayim kintzꞌibꞌan pan che alaq chwi ri kolobꞌetajik yaꞌtal chiqe riꞌoj chinima qonoje; pero woꞌora kunaꞌ nukꞌuꞌx lik chirajawaxik kampixabꞌaj alaq chaꞌ kachuqꞌubꞌej ibꞌ alaq chupa ri Qꞌijsaq re ri Dios y na kaya ta kꞌu alaq luwar riꞌ che junoq kuyoj ri saqil kꞌutunik yaꞌtal xa jumul che rutinamit ri Dios. 4 Ma e kꞌo jujun achijabꞌ ebꞌokinaq chixoꞌl alaq, xa kewam ri itzel naꞌoj kꞌo kukꞌ. Yey ojertan riꞌ tzꞌibꞌital chi lo chupa Ruchꞌaꞌtem ri Dios, rike eyaꞌtal chi chuxeꞌ ri qꞌatbꞌal tzij re ri Dios. Ekꞌu waꞌ waꞌchijabꞌ itzel kiwachlibꞌal, kaketzꞌabꞌej uwach ri unimal rutzil ukꞌuꞌx ri Dios rukꞌ ri kibꞌinik kisilabꞌik na chom taj. Yey kakibꞌiꞌij na qatzij taj xew ri Qanimajawal Jesucristo e Qajawal y taqal kꞌu che kataqan paqawiꞌ.\n5 Lik kuaj kankuxtaj che alaq ri etaꞌam chi ralaq: Ri Dios Qajawxel xebꞌukolobꞌej rutinamit echiriꞌ xebꞌeresaj lo chupa ri tinamit Egipto; na rukꞌ ta kꞌu riꞌ, chikixoꞌl ri xebꞌukolobꞌej e kꞌo ri xusach kiwach ruma na xkikoj ta utzij.\n6 Yey e kꞌo ángeles na xekubꞌiꞌ ta rukꞌ ri taqanik xuya ri Dios pakiqꞌabꞌ, ma xkaj kakꞌojiꞌ más kiwach. Ruma kꞌu riꞌ, xkesaj kibꞌ puqꞌabꞌ ri Qaqaw y jekꞌulaꞌ xkiya kan ri saqil kikꞌolibꞌal chilaꞌ chikaj. Yey ruma kꞌu waꞌ, ri Dios ebꞌukꞌolom pa utum qꞌequꞌm, kopon na runimal uqꞌijol echiriꞌ kuqꞌat tzij pakiwiꞌ; y eyaꞌtal kꞌu riꞌ pa karena, na jinta kitzoqpitajik bꞌi.\n7\nJekꞌulaꞌ ri tinamit Sodoma y Gomorra junam kukꞌ taq ri tinamit e kꞌo lo chikinaqaj, xkikꞌam lo qꞌatbꞌal tzij pakiwiꞌ ruma xkiya kibꞌ chupa ri chꞌulilaj mak, ri lik na ubꞌe taj.*\nWa kebꞌ tinamit e kꞌutubꞌal re ri qꞌatbꞌal tzij, ma e xkikꞌul ri kꞌaxkꞌobꞌik re ri aqꞌ na kachup ta chik.\n8\nYey ri achijabꞌ ebꞌokinaq chixoꞌl alaq, tobꞌ lik kitom chi puwi ri qꞌatbꞌal tzij re ri Dios pakiwi raj makibꞌ ojertan, na rukꞌ ta kꞌu riꞌ, ketajin che uꞌanik ri na utz taj yey kakibꞌiꞌij, pa wachikꞌ ri Dios uqꞌalajisam chike utz ri kakiꞌano. Kaketzelaj rukꞌ mak ri kicuerpo, na kakaj taj kꞌo junoq kataqan pakiwiꞌ tobꞌ ne e ri Dios y tzel kechꞌaꞌt chikij taq ri lik kꞌo kiwach chilaꞌ chikaj. 9\nNoꞌj ri Arcángel Miguel, tobꞌ ne lik kꞌo uwach, na jinta juna chꞌaꞌtem re qꞌatbꞌal tzij xubꞌiꞌij che ritzel winaq echiriꞌ kachꞌoꞌjin rukꞌ puwi rucuerpo ri Moisés. Na xuꞌan ta kꞌu aj qꞌatal tzij che ribꞌ ma xew jewaꞌ xubꞌiꞌij che: «E ri Dios Qajawxel kaqꞌaten e la»*\nxchaꞌ 10\nNoꞌj waꞌ waꞌchijabꞌ keyoqꞌon ne chirij ronoje taq ri na ketaꞌam taj; yey xa pa ke wi kakiꞌan ri kirayibꞌal jelaꞌ pachaꞌ kakiꞌan rawaj na kakichꞌobꞌ ta ri kakiꞌano. Ruma kꞌu waꞌ, kitukel kakikꞌam lo qꞌatbꞌal tzij pakiwiꞌ.\n11\n¡Lik toqꞌoꞌ kꞌu kiwach rike! Ma e kakiꞌan pachaꞌ ri xuꞌan ri Caín. Yey kiꞌanom ri na utz taj ruma ri kirayibꞌal che ri bꞌeyomalil, jelaꞌ pachaꞌ xuꞌan ri Balaam. Yey kekam ne kꞌu riꞌ ruma ri kititzꞌitikil jelaꞌ pachaꞌ ri xukꞌulumaj ri Coré.†\n12\nWaꞌ waꞌchijabꞌ ebꞌokinaq chixoꞌl alaq lik e aj yaꞌl kꞌix che alaq chupa taq ri chomilaj nimaqꞌij pa kamol wi ibꞌ alaq re kakꞌut ri kꞌaxnaꞌbꞌal kꞌuꞌxaj chiwach alaq. Ma na jinta xiꞌin ibꞌ kukꞌ chwach ri Dios y na kekꞌix tane che ri kakiꞌano, ma xew e kebꞌok il chikibꞌil kibꞌ.‡\nRike e jelaꞌ pachaꞌ sutzꞌ kakꞌam lo ruma ri tew; xa kikꞌowik y na jinta jabꞌ rukꞌaꞌam loq. Yey e pachaꞌ taq ri cheꞌ na kakiya ta kijiqꞌobꞌalil chupa ruqꞌijol; lik echaqijinaq y ruma kꞌu riꞌ kꞌotom kꞌu bꞌi ri katzꞌayaq. 13\nWaꞌ waꞌchijabꞌ e jelaꞌ pachaꞌ ri mar echiriꞌ lik kꞌo royowal, kapuluwan uwiꞌ y kurojij lo ri chꞌul kꞌo chupa.*\nJekꞌulaꞌ, waꞌ waꞌchijabꞌ e kakikꞌut taq ri kꞌixbꞌal uwach kakiꞌano. Yey e jelaꞌ pachaꞌ taq chꞌumil kisachom ri kibꞌe,§\nma kakiꞌan che kibꞌ e aj kꞌamal wach ke rutinamit ri Dios, tobꞌ ne e rike ri e sachinaq. Ruma kꞌu ri kakiꞌano, ri Dios uqꞌatom chi tzij pakiwiꞌ chaꞌ na jinta utaqexik kebꞌeꞌkꞌola pa utum qꞌequꞌm.\n14\nPakiwi waꞌ waꞌchijabꞌ xchꞌaꞌt ri Enoc, ri uwuq lemaꞌj chwi ri Adán ri nabꞌe tikawex.**\nRuma kꞌu riꞌ, ri Ruxlabꞌixel ri Dios jewaꞌ xubꞌiꞌij: «¡Chiwilapeꞌ! Xinwilo echiriꞌ xpe ri Dios Qajawxel kukꞌ ukꞌiyal santowilaj ángeles. 15\nXkꞌunik re koluꞌqꞌata tzij pakiwi konoje ri winaq yey kebꞌuya pa kꞌaxkꞌobꞌik raj makibꞌ e titzꞌitaq ruma ronoje taq ri mak kiꞌanom y ruma ronoje taq ri kꞌaxlaj chꞌaꞌtem kibꞌiꞌim chirij ri Dios.» 16\nWaꞌ waꞌchijabꞌ e kꞌo chixoꞌl alaq lik kewunwutik y keyajan che ronoje. Xew kakaj kakiꞌan taq ri kirayibꞌal y xew kakiyak kiqꞌij taq ri winaq chaꞌ jelaꞌ kꞌo kakesaj chike.\nKꞌisbꞌal pixabꞌanik kuya ri Judas\n17\nPero ralaq hermanos, kꞌuna chikꞌuꞌx alaq ri kibꞌiꞌim kan ri e utaqoꞌn ri Qanimajawal Jesucristo. 18\nRike xkibꞌiꞌij che alaq: «Chupa taq rukꞌisbꞌal qꞌij keyaktaj lo winaq e chꞌaminel, e kakitaqej ri kirayibꞌal na chom ta uwach.»* 19\nWaꞌ wa winaq kakikoj retzelal kꞌuꞌx chikixoꞌl ri kikojom rubꞌiꞌ ri Dios re kakijach kipa. Ri kinaꞌoj rike xa e re ruwachulew ma na jinta ri Ruxlabꞌixel ri Dios kukꞌ.\n20 Noꞌj ralaq hermanos, lik jikibꞌaꞌ kꞌuꞌx alaq che ri saqil kꞌutunik kꞌulum alaq y chꞌaꞌta alaq rukꞌ ri Dios ruma ri Santowilaj Ruxlabꞌixel. 21 Kꞌola kꞌu alaq chupa ri rutzil ukꞌuꞌx ri Dios. Choyeꞌej kꞌu alaq ruqꞌijol echiriꞌ ri Qanimajawal Jesucristo kuya che alaq ri kꞌaslemal na jinta utaqexik, kꞌutubꞌal re ri kꞌaxnaꞌbꞌal ukꞌuꞌx che alaq. 22 Chetoꞌo kꞌu alaq ri xa kebꞌ kipa kikojom ri Qꞌijsaq chaꞌ rike kakijikibꞌaꞌ kikꞌuꞌx chupa waꞌ. 23 Yey chike jujun chik, chetoꞌo alaq chaꞌ kekolobꞌetaj che ri aqꞌ re ri xibꞌalbꞌaꞌ, jelaꞌ pachaꞌ kajekꞌix pana junoq e riꞌ katzaq pa aqꞌ. Kꞌutu alaq ri relej kꞌuꞌx alaq chike ri lik e aj mak. Pero e lik chajij ibꞌ ralaq chaꞌ na kaꞌan ta e alaq ri mak kakiꞌan rike; e ꞌana alaq pachaꞌ ri kuꞌan junoq echiriꞌ na karaj taj kuchap juna kꞌul lik chꞌul.\nRi Judas kuyak uqꞌij ri Qaqaw Dios\n24 Ri Dios lik kꞌo puqꞌabꞌ kutoꞌ alaq chaꞌ na katzaq ta alaq pa mak, chaꞌ jelaꞌ na jinta mak alaq. Ruma kꞌu riꞌ, lik kakiꞌkot alaq echiriꞌ ri Dios kuya alaq chwach Rire pa kꞌo wi ri unimal uchomalil chilaꞌ chikaj. 25 Xa jun ri Dios Qakolobꞌenel yey Rire kojukolobꞌej ruma ri Qanimajawal Jesucristo. Nimarisax kꞌu uqꞌij ri Dios waqꞌij ora y chiqawach apanoq, ma Rire saꞌchi ruchomalil y ruchuqꞌabꞌ, yey ronoje taqanik puqꞌabꞌ kꞌo wi. Amén.","id":"","dump":"CC-MAIN-2019-51","url":"https:\/\/ebible.org\/acrNNT\/JUD01.htm","date":"2019-12-13T01:36:48Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540547536.49\/warc\/CC-MAIN-20191212232450-20191213020450-00028.warc.gz","language":"acr","language_score":0.9978854656,"language_script":"Latn","minhash_cluster_size":2,"top_langs":"{\"acr_Latn_score\": 0.9978854656219482}","num_words":1129,"character_repetition_ratio":0.06,"word_repetition_ratio":0.0,"special_characters_ratio":0.205,"stopwords_ratio":0.298,"flagged_words_ratio":0.0,"lang_id_score":0.998,"perplexity_score":500.0,"cluster_detection":-1} +{"text":"Ri carta xutzꞌibꞌaj ri Pablo che riglesia kꞌo Galacia\n1\nRi Pablo kuya pan rutzil kiwach ri hermanos e kꞌo Galacia\n1 Riꞌin in Pablo, in utaqoꞌn ri Dios. Na e ta kꞌu juna tikawex taqayom lo we, na e ta juna achi kojoyom we; ma e ri Qanimajawal Jesucristo y e ri Qaqaw Dios, ri Jun xukꞌastajisaj lo Rukꞌajol chikixoꞌl ri ekaminaq. 2 Junam kꞌu kukꞌ konoje ri hermanos e kꞌo wara wukꞌ, kantzꞌibꞌaj pan wa carta chike riglesias e kꞌo che ri luwar re Galacia. 3 Kꞌulu kꞌu alaq ri unimal rutzil kꞌuꞌxaj y ri utzil chomal re ri Qaqaw Dios y re ri Qanimajawal Jesucristo, 4 ri xuya ribꞌ pa kamik ruma ri qamak. Xuꞌan waꞌ ma e xraj riꞌ ri Qaqaw Dios che chaꞌ jelaꞌ kojresaj lo che ronoje ri na utz taj kakiꞌan ri winaq chupa taq wa qꞌij oj kꞌo wi. 5 Qayaka kꞌu uqꞌij ri Qaqaw Dios waqꞌij ora y chiqawach apanoq na jinta chi utaqexik. Amén.\nXa jun ri Utzilaj Tzij re ri Dios\n6 E riꞌin lik kakam wanimaꞌ che ma na jampatana xya kan alaq ri Dios, ri xusikꞌij alaq ruma ri unimal rutzil ukꞌuꞌx ri Cristo, yey ekꞌu woꞌora e taqem alaq jun kꞌutunik junwi chwa ri Utzilaj Tzij re ri Cristo. 7 Waꞌ na e ta keꞌelawi kꞌo juna chik Utzilaj Tzij puwi ri Cristo. Pero e kꞌo jujun xa kakisachisaj naꞌoj alaq y e kakaj kakijalkꞌatij ri Utzilaj Tzij re ri Cristo. 8 Tobꞌ ne junoq chiqe riꞌoj o juna ángel re chilaꞌ chikaj kutzijoj juna chik kꞌutunik che alaq junwi chwa ri Utzilaj Tzij qatzijom chi riꞌoj che alaq, peta kꞌu riꞌ ri qꞌatbꞌal tzij re ri Dios puwiꞌ. 9 Jelaꞌ pachaꞌ ri nubꞌiꞌim loq, kambꞌiꞌij tanchi woꞌora: We kꞌo junoq kutzijoj juna chik kꞌutunik junwi chwa ri Utzilaj Tzij tom chi alaq, peta kꞌu riꞌ ri qꞌatbꞌal tzij re ri Dios puwiꞌ.\n10 ¿E nebꞌa kantzukuj riꞌin ri yakbꞌal nuqꞌij chikiwach ri tikawex o e kuaj kanꞌan janipa ri karaj ri Dios? ¿E nebꞌa kuaj riꞌin kinel chi utz chikiwach ri tikawex? We ta riꞌin xa e kantzukuj ri kayak nuqꞌij kuma ri tikawex, riꞌ na in ta saqil aj chak re ri Cristo.\nRi Utzilaj Tzij xtzijox ruma ri Pablo\n11 Chetaꞌmaj kꞌu alaq hermanos: Ri Utzilaj Tzij kantzijoj riꞌin na xa ta uchꞌaꞌtem juna achi, 12 na e ta juna achi xyaꞌw chwe y na che tane juna achi xinmaj wi waꞌ; ma e ri Qanimajawal Jesucristo xqꞌalajisan chwe.\n13 Tom chi kꞌu alaq puwi ri nubꞌinik nusilabꞌik ojertan echiriꞌ nutaqem taq ri kojobꞌal ke raj judiꞌabꞌ; rukꞌ kꞌax xebꞌenuternabꞌej rutinamit ri Dios ri kikojom rubꞌiꞌ ri Cristo y lik xintij uqꞌij kansach kiwach konoje. 14 Chikixoꞌl ri wachbꞌiꞌil junam oj kꞌiyinaq loq, in ri lik xinya wibꞌ che utaqexik taq ri kojobꞌal ke kan ri qatiꞌ-qamam ri oj aj judiꞌabꞌ. 15 Na rukꞌ ta kꞌu riꞌ, ri Dios xinuchaꞌ lo riꞌin echiriꞌ kꞌamajaꞌ ne kinalaxik, xinusikꞌij ruma ri unimal rutzil ukꞌuꞌx 16 y xuqꞌalajisaj uwach Rukꞌajol chwe chaꞌ e kantzijoj ri Utzilaj Tzij chike ri na e ta aj Israel. Yey puwi waꞌ na xintzꞌonoj tane nunaꞌoj che juna tikawex.\n17 Na xinꞌek tane Jerusalem re kebꞌeꞌnuwila ri ebꞌuꞌanom taqoꞌn nabꞌe chinuwa riꞌin. Ri xinꞌano, e xinꞌek Arabia y kꞌa tekꞌuchiriꞌ xintzelej tanchi Damasco. 18 Xikꞌow na kꞌu oxibꞌ junabꞌ echiriꞌ xintzelej Jerusalem re kanwetaꞌmaj uwach ri Pedro y xinkꞌojiꞌ chilaꞌ rukꞌ woꞌlajuj qꞌij. 19 Yey na xinwil ta kiwach ri jujun chik e taqoꞌn; xew xinwil uwach ri Jacobo, ruchaqꞌ ri Qanimajawal. 20 Chwach kꞌu ri Dios kambꞌiꞌij che alaq: Wa kantzꞌibꞌaj pan che alaq lik qatzij, na raqꞌubꞌal taj. 21 Tekꞌuchiriꞌ xinꞌek tanchi che taq ri luwar re Siria y re Cilicia. 22 Chupa taq laꞌ la qꞌij, ri hermanos re riglesias e kꞌo Judea kꞌamajaꞌ ne kaketaꞌmaj nuwach riꞌin, 23 xew kitom kabꞌiꞌxik: «E rachi xojuternabꞌej rukꞌ kꞌax ruma qakojom rubꞌiꞌ ri Qanimajawal, woꞌora katajin che utzijoxik ri Utzilaj Tzij, yey e ne rire ri lik xraj kusachisaj uwach waꞌ.» 24 Wuma kꞌu riꞌin ri hermanos e aj Judea lik xkiyak uqꞌij ri Dios.","id":"","dump":"CC-MAIN-2019-51","url":"https:\/\/ebible.org\/acrNNT\/GAL01.htm","date":"2019-12-13T01:06:11Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540547536.49\/warc\/CC-MAIN-20191212232450-20191213020450-00053.warc.gz","language":"acr","language_score":0.9990967512,"language_script":"Latn","minhash_cluster_size":3,"top_langs":"{\"acr_Latn_score\": 0.9990967512130737}","num_words":660,"character_repetition_ratio":0.067,"word_repetition_ratio":0.006,"special_characters_ratio":0.213,"stopwords_ratio":0.314,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1} +{"text":"Ri carta xutzꞌibꞌaj ri Pablo che riglesia kꞌo Filipos\n1\nRi Pablo kuya pan rutzil kiwach ri hermanos e kꞌo Filipos\n1 Riꞌin in Pablo y ri Timoteo, ri oj aj chak re ri Qanimajawal Jesucristo, kaqataq bꞌi wa carta che alaq ri kꞌo alaq chupa ri tinamit Filipos. Kaqatzꞌibꞌaj kꞌu pan che alaq, ri alaq aj kꞌamal wach y alaq aj chakibꞌ e toꞌbꞌel piglesia, junam ukꞌ onoje alaq, ri kojom alaq rubꞌiꞌ ri Qanimajawal Jesucristo. 2 Kꞌulu kꞌu alaq ri unimal rutzil kꞌuꞌxaj y ri utzil chomal re ri Qaqaw Dios y re ri Qanimajawal Jesucristo.\nTioxibꞌal chwach ri Dios kuma ri hermanos e kꞌo Filipos\n3 Echiriꞌ kakꞌun alaq chinukꞌuꞌx, lik kintioxin che ri Dios uma ralaq. 4 Yey echiriꞌ kanꞌan orar, xaqi kantzꞌonoj che ri Dios pawiꞌ onoje alaq. Rukꞌ kꞌu kiꞌkotemal 5 kanꞌan waꞌ, ma lik junam chakuninaq alaq wukꞌ che utzijoxik ri Utzilaj Tzij e chwi lo ri nabꞌe qꞌij echiriꞌ xya ibꞌ alaq puqꞌabꞌ ri Cristo y kꞌa e katajin alaq che uꞌanik waqꞌij ora. 6 E ri Dios xjeqow re ri utzilaj chak pa animaꞌ alaq, yey lik kubꞌul nukꞌuꞌx che waꞌ: Ri Dios katajin che toꞌik alaq chaꞌ kabꞌin alaq jusukꞌ chwach, yey Rire kutzꞌaqatisaj ri chak ukꞌ alaq kꞌa pa ri qꞌij echiriꞌ kakꞌun tanchi ri Qanimajawal Jesucristo. 7 Lik ubꞌe kꞌut kanchꞌobꞌ waꞌ pawiꞌ onoje alaq, ma xaqi kꞌo alaq pa wanimaꞌ. Yey ralaq lik intoꞌom alaq rukꞌ ri chak uyaꞌom ri Dios chwe ruma runimal rutzil ukꞌuꞌx. Intoꞌom ne alaq tobꞌ in kꞌo pa cárcel o echiriꞌ kanqꞌalajisaj ri Utzilaj Tzij chikiwach ri e aj qꞌatal tzij y kanjikibꞌaꞌ kꞌu uwach lik qatzij ri kanqꞌalajisaj. 8 Ri Dios retaꞌam, paqatzij wi riꞌin lik kꞌax kannaꞌ onoje alaq. Yey wa kannaꞌ pa ri wanimaꞌ che alaq, e ri Qanimajawal Jesucristo yaꞌyom chwe.\n9 Kantzꞌonoj kꞌu che ri Dios pawiꞌ alaq chaꞌ kanimar más ri rutzil kꞌuꞌx alaq y ri naꞌoj alaq 10 chaꞌ jelaꞌ ketaꞌmaj alaq saꞌ ri lik taqal che ri bꞌinik silabꞌik alaq. Bꞌina kꞌu alaq jusukꞌ chaꞌ echiriꞌ kakꞌun tanchi ri Cristo na jinta mak kariqitaj che alaq. 11 Ruma kꞌu ri Qanimajawal Jesucristo kilitaj ri jusukꞌ bꞌinik silabꞌik alaq, yey echiriꞌ kilitaj waꞌ kuma ri tikawex, rike kakiyak uqꞌij ri Dios y kakibꞌixoj rubꞌiꞌ.\nRi kꞌax xikꞌow wi ri Pablo lik kꞌo xutiqoj\n12 Hermanos, lik kuaj ketaꞌmaj alaq waꞌ: Ronoje taq ri kꞌax wikꞌowibꞌem lik kꞌo xutiqoj ma rukꞌ waꞌ xeꞌek utzijoxik ri Utzilaj Tzij chikiwach ri tikawex. 13 Utz ne xuꞌano, ma woꞌora ri soldados re ri nimalaj aj qꞌatal tzij junam kukꞌ ri jujun chik e kꞌo wara, konoje xketaꞌmaj in kꞌo pa cárcel ruma kantzijoj rubꞌiꞌ ri Cristo. 14 Y na xew ta waꞌ, ma ruma ri uꞌanom ri Dios wukꞌ wara pa cárcel, e kꞌi ri hermanos lik xkijikibꞌaꞌ kikꞌuꞌx rukꞌ ri Qanimajawal yey más ne xmiqꞌ kikꞌuꞌx che utzijoxik ri Utzilaj Tzij re ri Dios y na kakixiꞌij ta kꞌana kibꞌ kakiꞌan waꞌ. 15 Kakiꞌan kꞌu riꞌ waꞌ rukꞌ ronoje kikꞌuꞌx, noꞌj e kꞌo jujun chik kakitzijoj rubꞌiꞌ ri Cristo xew chaꞌ kakiꞌan nim che kibꞌ chinuwach riꞌin ruma kꞌax kikꞌuꞌx chwij. 16 Yey ketzijon puwi ri Cristo na rukꞌ ta rutzil kikꞌuꞌx, xa e re yakbꞌal kiqꞌij. Ma chikiwach rike rukꞌ ri kakiꞌano, kakiya más bꞌis chwe puwi ri kꞌax in kꞌo wi pa wa cárcel. 17 Pero ri jujun chik ketzijon ruma ri rutzil kikꞌuꞌx chwe, ma ketaꞌam riꞌin in kojom ruma ri Dios re kanqꞌalajisaj ri Utzilaj Tzij. 18 ¿Saꞌ kꞌu ri kambꞌiꞌij che waꞌ? Chinuwach riꞌin, ri lik chirajawaxik wi e katzijox ri Utzilaj Tzij, tobꞌ ri ketzijon re kakiꞌan rukꞌ saqil rutzil kꞌuꞌxaj o xa pa ke rike. Ekꞌu ri lik xaqi kuya kiꞌkotemal chwe e ri katzijox rubꞌiꞌ ri Cristo.\nRi Pablo na kuxiꞌij ta ribꞌ chwach ri kamik\n19 Na kikꞌow ta kꞌu ri nukiꞌkotemal, ma wetaꞌam kinel pan chupa ronoje ri kintajin che rikꞌowibꞌexik ruma ri oraciones e alaq panuwiꞌ y ruma rutoꞌbꞌal ri Ruxlabꞌixel ri Qanimajawal Jesucristo wukꞌ. 20 Ma ri lik kanrayij y nukubꞌam pan nukꞌuꞌx che, e waꞌ: Che ronoje ri kanꞌan chwach ri Dios na jinta kꞌana kuya kꞌix chwe. E lik kubꞌul nukꞌuꞌx che, jelaꞌ pachaꞌ ri uꞌanom loq, e janipa ri kanꞌano kukꞌam lo yakbꞌal uqꞌij ri Cristo, tobꞌ kinkꞌasiꞌik o kinkamik. 21 Ma ri nukꞌaslem riꞌin e re yakbꞌal uqꞌij ri Cristo; yey we xinkamik, más ne lik kꞌo kutiqoj chwe. 22 Pero we ri nukꞌaslem kꞌa katoꞌbꞌ che ruchak ri Qaqaw, na kanriq ta kꞌu riꞌ pachike ri más utz. 23 Lik kꞌayew kꞌu chwe ruchaꞌik ri más utz. E riꞌin kuaj kinkamik chaꞌ kineꞌkꞌola rukꞌ ri Cristo, ma e waꞌ ri más utz chinuwach riꞌin. 24 Pero che ralaq e más kꞌo kutiqoj we kꞌa in kꞌo che ruwachulew. 25 Nujikibꞌam kꞌu uwach waꞌ, riꞌin wetaꞌam kꞌamajaꞌ kinkamik yey kinkꞌojiꞌ na ukꞌ alaq chaꞌ kantoꞌ alaq che unimarisaxik ri kubꞌulibꞌal kꞌuꞌx alaq y ri kiꞌkotemal alaq rukꞌ ri Cristo. 26 Jekꞌulaꞌ lik kakiꞌkot alaq y katioxin alaq che ri Qanimajawal Jesucristo ruma in kꞌo tanchi ukꞌ alaq.\nRi bꞌinik silabꞌik taqal chike ri kikojom ri Utzilaj Tzij\n27 Chajij kꞌu ibꞌ alaq chaꞌ ri bꞌinik silabꞌik alaq e pachaꞌ ri taqal chike ri kikojom ri Utzilaj Tzij re ri Cristo. Jekꞌulaꞌ, tobꞌ na in jinta riꞌin chixoꞌl alaq o tobꞌ ne kinopon ukꞌ alaq, ri lik kuaj kanto e lik chuqꞌubꞌem ibꞌ alaq y xa jun kꞌuꞌx alaq chwach ri Dios, yey lik junam kaya ibꞌ alaq che uqꞌalajisaxik ri Utzilaj Tzij kojom alaq. 28 Maxiꞌij ne kꞌana ibꞌ alaq chikiwach ri kechꞌoꞌjin chiꞌij alaq, ma waꞌ e jun kꞌutubꞌal chike e ri Dios kusach na kiwach rike; pero che ralaq e jun kꞌutubꞌal xaqi utz kel pan alaq rukꞌ, ma e ri Dios kakolobꞌen e alaq. 29 Ma yaꞌtal che ralaq ri kakoj alaq utzij ri Cristo, y na xew ta laꞌ, ma yaꞌtal ne ri katij alaq kꞌax ruma alaq re Rire. 30 Junam kꞌu ri qikꞌowibꞌem, ma ilom alaq ri kꞌax wikꞌowibꞌem riꞌin pa ruchak ri Qaqaw, y woꞌora xta alaq kꞌa e ne kꞌaxkꞌobꞌik in kꞌo wi.","id":"","dump":"CC-MAIN-2019-51","url":"https:\/\/ebible.org\/acrNNT\/PHP01.htm","date":"2019-12-06T15:20:52Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540488870.33\/warc\/CC-MAIN-20191206145958-20191206173958-00555.warc.gz","language":"acr","language_score":0.9992398024,"language_script":"Latn","minhash_cluster_size":2,"top_langs":"{\"acr_Latn_score\": 0.9992398023605347}","num_words":988,"character_repetition_ratio":0.072,"word_repetition_ratio":0.0,"special_characters_ratio":0.212,"stopwords_ratio":0.291,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1} +{"text":"Ri carta xutzꞌibꞌaj ri Pablo che ri Tito\n1\nRi Pablo kuya pan rutzil uwach ri Tito\n1 Riꞌin in Pablo, in aj chak re ri Dios yey in taqoꞌn re ri Qanimajawal Jesucristo. Ri chak uyaꞌom chwe e kebꞌenutoꞌ ri ebꞌuchaꞌom Rire chaꞌ kakubꞌiꞌ kikꞌuꞌx rukꞌ, kaketaꞌmaj chi utz ri Qꞌijsaq y kebꞌin jusukꞌ chwach 2 chaꞌ jelaꞌ kakikubꞌaꞌ kikꞌuꞌx che ukꞌulik ri kikꞌaslemal na jinta utaqexik. Ma ri Dios xubꞌiꞌtisij lo wa kꞌaslemal echiriꞌ kꞌamajaꞌ kajeqer lo ruwachulew, y Rire na kuꞌan ta raqꞌubꞌal. 3 Yey echiriꞌ xopon ruqꞌijol re kaqꞌalajisax ri Utzilaj Tzij, ri Dios Qakolobꞌenel xuya panuqꞌabꞌ kantzijoj waꞌ chikiwach ri tikawex.\n4 Kantzꞌibꞌaj kꞌu pan waꞌ wa carta chawe riꞌat Tito, ri paqatzij wi at pachaꞌ nukꞌajol chupa rubꞌiꞌ ri Cristo, ma junam ri kubꞌulibꞌal qakꞌuꞌx rukꞌ Rire. Chakꞌulu kꞌu ri unimal rutzil kꞌuꞌxaj, ri kꞌaxnaꞌbꞌal kꞌuꞌxaj y ri utzil chomal re ri Qaqaw Dios y re ri Qanimajawal Jesucristo Qakolobꞌenel.\nRuchak ri Tito chupa ri isla Creta\n5 Riꞌin xatinya kan chilaꞌ chupa ri isla Creta chaꞌ kayijbꞌaꞌ taq ri chaqal kan uꞌanik y kebꞌakoj kꞌu e aj wach pa riglesia chujujunal tinamit, jelaꞌ pachaꞌ ri ximbꞌiꞌij kan chawe.\nRi bꞌinik silabꞌik taqal chike ri e aj wach y ri e aj kꞌamal kiwach rutinamit ri Dios\n6 E juna aj wach re riglesia lik chirajawaxik jusukꞌ rubꞌinik usilabꞌik chaꞌ na jinta kachꞌaꞌtibꞌen re. Kꞌola jusukꞌ rukꞌ ri rixoqil yey ri ralkꞌoꞌal chirajawaxik kikojom rubꞌiꞌ ri Cristo, e kojol tzij y na katataj ta kꞌu chike e aj mak o e titzꞌitaq.\n7 Ekꞌu riꞌ ri yaꞌtal che kuꞌana aj kꞌamal kiwach rutinamit ri Dios, lik chirajawaxik e jusukꞌ rubꞌinik usilabꞌik chaꞌ na jinta kachꞌaꞌtibꞌen re, muꞌan nim chiribꞌil ribꞌ, na chꞌiꞌchꞌoj ta ukꞌuꞌx, na qꞌabꞌaꞌrel taj, na aj chꞌaꞌoj taj, na rayinel taj re puaq kachꞌak rukꞌ sokosoꞌnik. 8 Yey chebꞌukꞌulu chi utz taq ri kebꞌopon chirocho, chuyaꞌa ukꞌuꞌx che uꞌanik ri utz, lik chuchꞌobꞌo chi utz ri kuꞌano, chuꞌana ri lik jusukꞌ, lik chuyaꞌa ribꞌ puqꞌabꞌ ri Dios y lik churiqa uchajixik ribꞌ chwach ronoje ri na utz taj. 9 E chutaqej ri saqil Utzilaj Tzij re ri Dios kꞌutum chwach* 2 Ts. 2:15 chaꞌ jelaꞌ kuriq kapixabꞌan rukꞌ chomilaj kꞌutunik y kukoj waꞌ pa kijolom ri tikawex, ri kakibꞌiꞌij na qatzij ta wa kꞌutunik.\nTaq ri kakiꞌan kꞌutunik na saqil taj\n10 Ma lik e kꞌi ri e titzꞌitaq, kakikꞌut ri na jinta uchak y e sokosoꞌnel. Y chike taq waꞌ e kꞌo ri lik kebꞌok il che ri retalil re circuncisión. 11 Maya kꞌu luwar chike waꞌ wa winaq kekꞌutunik, ma kakisachisaj kinaꞌoj ukꞌiyal familias rukꞌ ri kikꞌutunik. Rike xew kakaj kebꞌeyomar rukꞌ ri kꞌutunik kakiꞌano yey waꞌ lik kꞌixbꞌal uwach.\n12 Ojertan kꞌo jun qꞌalajisanel aj Creta, jewaꞌ xubꞌiꞌij chwi rutinamit rire: \"Ri e aj Creta lik xex wi e aj raqꞌul, pachaꞌ e itzel chikop, lik e japjatel y lik e xepuꞌabꞌ\"* Ri xtzꞌibꞌan re waꞌ e jun achi Epiménides rubꞌiꞌ, yey rire lik kꞌo uwach rojertan. xchaꞌ. 13 Yey ri xubꞌiꞌij waꞌ waꞌchi lik qatzij; e uwariꞌche chirajawaxik lik chachꞌaꞌbꞌej kipa chaꞌ ketikiꞌ chupa ri saqil kꞌutunik, 14 y jekꞌulaꞌ na kebꞌok ta il che taq ri tzijonik xa kimololem raj judiꞌabꞌ y na kebꞌok tane il che ri taqanik ke ri winaq kiyaꞌom kan ri Qꞌijsaq.\n15 E junoq saqil runaꞌoj, ronoje ri chom chwach ri Dios, riꞌ e lik chom chwach rire. Noꞌj ri sachinaq runaꞌoj, ri na kukoj ta ri Qꞌijsaq, riꞌ ronoje lik chꞌul chwach ma chꞌul runaꞌoj y ri ranimaꞌ; y jekꞌulaꞌ na kunaꞌbꞌej taj saꞌ ri chom y saꞌ ri na chom taj. 16 Tobꞌ kubꞌiꞌij retaꞌam uwach ri Dios; pero rukꞌ ri kuꞌano, kaqꞌalajinik na retaꞌam ta uwach. Ma xaqi itzel ukꞌuꞌx, aj palajiy tzij y na jinta kꞌana utz kuꞌan chwach ri Dios.\n*1:12 Ri xtzꞌibꞌan re waꞌ e jun achi Epiménides rubꞌiꞌ, yey rire lik kꞌo uwach rojertan.","id":"","dump":"CC-MAIN-2019-51","url":"https:\/\/ebible.org\/acrNNT\/TIT01.htm","date":"2019-12-13T13:14:02Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540555616.2\/warc\/CC-MAIN-20191213122716-20191213150716-00290.warc.gz","language":"acr","language_score":0.9989424348,"language_script":"Latn","minhash_cluster_size":2,"top_langs":"{\"acr_Latn_score\": 0.9989424347877502}","num_words":630,"character_repetition_ratio":0.039,"word_repetition_ratio":0.019,"special_characters_ratio":0.207,"stopwords_ratio":0.317,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1} +{"text":"2 Corinthians 9\nCraj i Dios chi ronojel ka c'ux que ka to i niba'ib1I u molic i mer, tobal pan que i kachalal, n-ta kas u chac quin tz'ibaj bi chiwe, c'unsabal-re pi c'ux. 2N-ta kas u chac man weta'am lic quiwaj qui to'ic i kachalal pa Jerusalen. 'Ax quin bij wi chique i kachalal pa jyub Macedónia chi yix, chi ix aj Acáya, junabir canok ix yij chic chu 'onquil ile. Iwumal yix, laj conojel i kachalal pa Macedónia xak cacaj que qui to pan i kachalal pa Jerusalen. 3Wo'or quin tak bi ma Títo iwu', junam cu' i queb kachalal, c'unsabal-re chi c'ux chi qui mol ni mer. N-cwaj ti yin we n-sak laj tzij taj que'elok pacha in bim, chi yix ix sic'aj chi qui to'ic i niba'ib; cwaj yin chi yij chic i mer pacha in bim. 4Are quin upon yin chi solixic, we je 'o jujun kachalal aj Macedónia que 'e na wu', are coj uponic, we yix ni molom ti mer, lic q'uixbal que'el na chwe yin, man lic in cubam in c'ux chiwe chi qui 'an na. Y n-xui ta chwe yin, xak q'uixbal que'el chiwe yix. 5Rumal-i, in ch'obom yin, ca nabeaj bi ma Títo cu' i juban kachalal, que qui bij na chiwe chi qui bisoj u molic i mer, pacha i bim te yix chi qui 'ano. We yij chic i mer are coj uponic, ca 'alijin 'uri chi ronojel i c'ux xi 'ano, n-are ta pacha xin 'an pen yin chiwe.\n6Iweta'am iri: jun, we xa jubi' cu tico, xak xa jubi' ni cu ch'ac che. Jun, we nim i cu tico, xak nim ni cu ch'ac che. 7Rumal-i, chi jujunal wi, chi ch'obo ni'pa i mer qui ya'o; te'uri chi ya ru' ronojel i c'ux; mi 'an ile chi xa queb i c'ux chu ya'ic; mi 'ano pacha tak 'o jun co'on pen chiwe. Pachin i cu ya ru' ronojel u c'ux, c'ax ca na' 'uri rumal i Dios. 8Wachalal, wach i rajwaxic chiwe, i Dios ca tiqui chu ya'ic chiwe, y n-xui ta la ile, xak cu ya mas puwi ile. Queje ile, yix xak quix tiqui chu 'anic u q'uial 'utz chique i kachalal, man lic cu rik na rib wach i 'o iwu'. 9Cha c'un chi c'ux i tzij-i chi tz'ibtal can chupam u wuj i Dios:\nI jun-le n-xu xuyaj taj, lic xu ya chique i niba'ib;\nni'pa i 'utz u 'anom, n-ca sachsax tu wach ronojel 'ij sak.\n(Queje ile tz'ibtal canok ▼.) 10I que ticanic, are i Dios ca yaw i ija chique, te'uri, xak cu ya chique wach i quiqui tijo. Xak are i Dios ca yaw chiwe yix wach i rajwaxic chiwe; ire xak cu q'uiarsaj u wach ni'pa tak i qui tico, ni'pa tak i qui molo. (Queje ile, nim ni tonic quix tiqui chu 'anic ru', te'uri ni'pa i 'utz i 'anom ru', que'el pacha jun nim laj cosech elnak che i ija chi u yom i Dios chiwe.) 11I Dios, nim cu ya chiwe; 'is xa biruxic cu ya chiwe, man xak yix, nim ni tonic qui 'ano, ronojel i c'ux. Are queje ile caka 'ano, ni'pa i que ka to lic quiqui c'amwaj quiqui tioxij che i Dios. 12I mer, chi caka jach nubic, cu rik ni u chac chique i kachalal, wach i rajwaxic chique, xak cu rik u chac che i Dios man je q'ui quiqui tioxij che rumal. 13Ique quiqui coj ni u 'ij i Dios, man i qui to'ic i 'anom yix, cu 'alijinsaj chique chi yix lic quix cojon che i 'utz laj tzij re i Crísto, xak qui 'ano pacha i cu bij, man ix sic'aj chi qui to'ic ique, xak chique conojel i kachalal. 14Te'uri, lic quiqui tz'onoj na che i Dios piwi, cutbal re i c'axnabal qui c'ux chiwe, xak quiqui tioxij che i Dios rumal i rutzil i c'ux u yom chiwe. 15C'amori che i Dios rumal i lo'laj u sipon chake; lic n-caka rik taj wach u lapic u chomal caka 'ano.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nExamples to use the search box to find Bibles, passages, search terms, etc.-\nESVGen 1\nThis shows how to quickly lookup a passage.NIVESVKJVGen 1\nLooking up a passage in three different translations is also easy.ESVbrother\nThis asks STEP to search for the Greek word for 'brother' and show the results in the ESV.NIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.ESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.KJVTHGNTJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\nExamples of some Bible study tools +\nKJVCol 3 Color code grammar\nHighlight all the imperative verbs with red underlinesKJVCol 1 Color code grammar\nHighlight main verbs (green underlines) and supporting verbs (purple)KJVMat 1 Color code grammar\nHighlight the number (plural in bold) and gender (male in blue, feminine in red, neuter in black) of wordsESV1Jo 1 Quick tryout links\nHighlight frequent words in the chapter or book\nExamples to enable color code grammar +\nKJVEph 1 Color code grammar\nLook at KJV New Testament with color highlighted verbsSBLGRom 12 Color code grammar\nLook at Greek New Testament with color code grammar, Greek root word and English vocabularyCUnCol 1 Color code grammar\nLook at Chinese Union New Testament with color highlighted verbsSBLGKJVCUNEph 5 Color code grammar\nLook at Greek, English and Chinese New Testament with color code grammar\n© Tyndale House, Cambridge, UK - 2019","id":"","dump":"CC-MAIN-2019-51","url":"https:\/\/www.stepbible.org\/?q=version=ACRACC%7Creference=2Cor.9","date":"2019-12-05T15:23:57Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540481076.11\/warc\/CC-MAIN-20191205141605-20191205165605-00185.warc.gz","language":"acr","language_score":0.9968946576,"language_script":"Latn","minhash_cluster_size":1,"top_langs":"{\"acr_Latn_score\": 0.9968946576118469}","num_words":973,"character_repetition_ratio":0.064,"word_repetition_ratio":0.0,"special_characters_ratio":0.252,"stopwords_ratio":0.158,"flagged_words_ratio":0.0,"lang_id_score":0.993,"perplexity_score":500.0,"cluster_detection":-1} +{"text":"Ri Utzilaj Tzij re Jesucristo tzꞌibꞌital kan ruma ri Juan\n1\nRi Tzij re ri Dios\n1\nChe ri jeqebꞌal lo re ruwachulew, xex chi kꞌo lo wi ri Tzij;*\nri Tzij xex chi kꞌo lo wi rukꞌ ri Dios yey ri Tzij e ri Dios.\n2 Ekꞌu ri Jun kabꞌiꞌx \"Ri Tzij\" che, xex chi kꞌo lo wi rukꞌ ri Dios chwi echiriꞌ kꞌamajaꞌ ne kajeqer lo ruwachulew.\n3 Ruma ne Rire, ri Dios xuꞌan ronoje ri kꞌo che ruwachulew.\nWe tamaji Rire, na kuꞌan ta riꞌ ri Dios janipa ri kꞌolik.\n4 Rukꞌ kꞌu Rire kꞌo wi ri kꞌaslemal,\nyey wa kꞌaslemal e Qꞌijsaq chike ri tikawex.\n5 Ri Qꞌijsaq kawon chupa ri qꞌequꞌm,\ny ri qꞌequꞌm na kuchꞌij ta kꞌana uchupik.\n6 Kꞌo jun achi Juan rubꞌiꞌ yey rire taqom lo ruma ri Dios. 7 Ri Juan xkꞌunik chaꞌ kuqꞌalajisaj ri Qꞌijsaq. Xoluꞌtzijoj kꞌu ri Qꞌijsaq chaꞌ jelaꞌ ri tikawex kakikoj ri Qꞌijsaq. 8 Ri Juan na e ta ri Qꞌijsaq, pero rire xkꞌunik re koꞌltzijon puwi ri Qꞌijsaq.\n9 Ri saqil Qꞌijsaq kꞌuninaq che ruwachulew,\ne kaqꞌalajisan runaꞌoj ri Dios chikiwach taq ri tikawex.\n10 Tobꞌ Rire e ꞌanayom re ronoje ri kꞌo che ruwachulew;\nechiriꞌ xkꞌun che ruwachulew,\ntaq ri winaq na xketaꞌmaj ta uwach.\n11 Rire xkꞌun kukꞌ rutinamit,\npero rutinamit na xkikꞌul taj.\n12 Konoje kꞌu riꞌ ri xkikꞌulu y xkikoj rubꞌiꞌ,\nxyaꞌtaj chike kebꞌuꞌan e ralkꞌoꞌal ri Dios.\n13\nEkꞌu rike xebꞌuꞌan ralkꞌoꞌal ri Dios,†\nna kuma ta ri kichu-kiqaw\nna ruma ta rayibꞌal ke tikawex,\nyey na ruma tane ri xraj juna achi;\nma e ruma ri xraj ri Dios.\n14\nEkꞌu wa Tzij*\nxuꞌan achi,\nxjeqiꞌ kꞌu chiqaxoꞌl riꞌoj,\ny xqil runimal uchomalil.\nY wa unimal uchomalil\ne ri xuya ri Dios che Rire ruma xew Ukꞌajol riꞌ,\nyey Rire lik kꞌo unimal rutzil kꞌuꞌxaj y saqil Qꞌijsaq rukꞌ.\n15 Ri Juan xtzijon chwi Rire, jewaꞌ xubꞌiꞌij: «Puwi Rire nubꞌiꞌim chi lo waꞌ: E ri Jun katajin lo chwij, más kꞌo uwach chinuwa riꞌin ma Rire xex chi kꞌo lo wi echiriꞌ kꞌamajaꞌ kinalax riꞌin» xchaꞌ.\n16 Che ronoje taq ri kꞌo puqꞌabꞌ, qakꞌamom ko qeꞌoj,\nma ri unimal rutzil ukꞌuꞌx qukꞌ xaqi uleꞌom ribꞌ.\n17 Ri Tzij Pixabꞌ xyaꞌ ruma ri Moisés;\nnoꞌj ri unimal rutzil ukꞌuꞌx ri Dios y ri Qꞌijsaq\ne xqꞌalajin ruma ri Qanimajawal Jesucristo.\n18 Na jinta junoq iliyom uwach ri Dios;\npero riꞌoj xqetaꞌmaj uwach ruma ri Jun lik xa jun ukꞌuꞌx rukꞌ ri Dios,\nwaꞌ e Rukꞌajol ri Dios, ri lik xew Ukꞌajol riꞌ.\nRaj judiꞌabꞌ kakitzꞌonoj che ri Juan Aj Yaꞌl Bautismo china rire\n(Mt. 3:11-12; Mr. 1:7-8; Lc. 3:15-17)\n19 E kꞌo jujun e aj judiꞌabꞌ re ri tinamit Jerusalem xekitaq lo raj chakunel re ri Rocho Dios y raj levitas rukꞌ, chaꞌ kakitzꞌonoj che ri Juan china rire. Yey ri kꞌulubꞌal uwach xuyaꞌo, lik qꞌalaj; 20 na jinta kꞌo xrewaj chike. Jekꞌuwaꞌ xuqꞌalajisaj chike:\n—Riꞌin na in ta Ruchaꞌoꞌn lo ri Dios —xchaꞌ.\n21 Ekꞌuchiriꞌ, xkitzꞌonoj tanchi che:\n—¿Lal china kꞌu riꞌ? ¿Lal ri qꞌalajisanel Elías? —xechaꞌ.\nY rire xubꞌiꞌij:\n—Na in taj —xchaꞌ.\nXkitzꞌonoj kꞌu che:\n—¿Laj lal riꞌ ri jun qꞌalajisanel re ri Dios qoyeꞌem kakꞌunik? —xechaꞌ.\nRire xukꞌul kꞌu uwach:\n—Na in taj —xchaꞌ.\n22 Ekꞌuchiriꞌ, xkibꞌiꞌij tanchi che:\n—¿Lal china kꞌu riꞌ? Ma riꞌoj oj petinaq re kaqakꞌam bꞌi juna kꞌulubꞌal uwach chike ri xetaqaw lo qeꞌoj. Bꞌiꞌij la chiqe saꞌ ri wach la —xechaꞌ.\n23 Y rire xukꞌul uwach:\n—Riꞌin in ri jun tzijonel kasikꞌin che ubꞌiꞌxikil chupa ri luwar katzꞌintzꞌotik: \"Sukꞌupij alaq rubꞌe ri Qanimajawal\" jelaꞌ pachaꞌ ri tzꞌibꞌital kan ruma ri qꞌalajisanel Isaías*\n—xchaꞌ.\n24 Ri etaqom loq re kebꞌoꞌlchꞌaꞌt rukꞌ ri Juan, e kukꞌil ri fariseos. 25 Xkitzꞌonoj kꞌu riꞌ che ri Juan:\n—¿Saꞌ kꞌu uchak riꞌ kaya la ri bautismo we na lal ta Ruchaꞌoꞌn lo ri Dios, na lal tane ri Elías yey na lal tane ri jun qꞌalajisanel re ri Dios qoyeꞌem kakꞌunik? —xechaꞌ.\n26 Ri Juan xukꞌul uwach:\n—Riꞌin kanya ri bautismo rukꞌ yaꞌ, noꞌj chixoꞌl ralaq kꞌo Jun na etaꞌam ta alaq uwach. 27 Ekꞌu waꞌ wa Jun katajin lo chwij riꞌin, e ri Jun xex chi kꞌo lo wi echiriꞌ kꞌamajaꞌ kinalax riꞌin y na taqal tane chwe riꞌin kankir ruwach ruxajabꞌ —xchaꞌ.\n28 Ronoje waꞌ xuꞌan pa ri luwar Betábara, chꞌaqa yaꞌ che ri nimayaꞌ Jordán, pa kuya wi bautismo ri Juan.\nRi bautismo re ri Jesús\n29 Chukaꞌm qꞌij kꞌut ri Juan xril pan ri Jesús e riꞌ katajin roponik rukꞌ y jewaꞌ xubꞌiꞌij:\n«Chiwilapeꞌ, waꞌ e ri Qꞌapoj Bꞌexex re ri Dios, ri kesan re ri kimak ri tikawex che ronoje ruwachulew. 30 Puwi rire xintzijon wi echiriꞌ ximbꞌiꞌij: \"Chwij riꞌin katajin lo jun achi; rire más kꞌo uwach chinuwach riꞌin. Waꞌ xex chi kꞌo lo wi echiriꞌ kꞌamajaꞌ kinalax riꞌin.\" 31 Ri petinaq loq na xinwetaꞌmaj taj china ri jun katajin loq; na rukꞌ ta kꞌu riꞌ, riꞌin xinkꞌunik re kanya ri bautismo rukꞌ yaꞌ, chaꞌ jelaꞌ ri tinamit Israel kaketaꞌmaj uwach rire» xchaꞌ.\n32 Xubꞌiꞌij kꞌu ri Juan:\n«Riꞌin xinwil ri Ruxlabꞌixel ri Dios xqaj lo chikaj pachaꞌ juna palomax y xkꞌojiꞌ puwi rire. 33 Ekꞌu ri petinaq loq na xinwetaꞌmaj taj china ri jun katajin loq; pero ri xtaqaw lo we riꞌin chaꞌ kanya ri bautismo rukꞌ yaꞌ, jewaꞌ xubꞌiꞌij chwe: \"Echiriꞌ kawil ri Santowilaj Ruxlabꞌixel ri Dios kaqaj loq y kakꞌojiꞌ puwi jun achi, e rire ri kuya ri bautismo rukꞌ ri Ruxlabꞌixel ri Dios.\" 34 Ekꞌu riꞌin xinwilo y kanqꞌalajisaj kꞌu waꞌ: Paqatzij wi, rire e Ukꞌajol ri Dios» xchaꞌ.\nRi e nabꞌe utijoꞌn ri Jesús\n35 Chukaꞌm qꞌij kꞌut, ri Juan kꞌo tanchi chiriꞌ junam kukꞌ kaꞌibꞌ chike rutijoꞌn rire. 36 Echiriꞌ xrilo xikꞌow ri Jesús, jewaꞌ xubꞌiꞌij:\n—Chiwilapeꞌ, waꞌ e ri Qꞌapoj Bꞌexex re ri Dios‡\n—xchaꞌ.\n37 Echiriꞌ ri kaꞌibꞌ utijoꞌn ri Juan xkito xubꞌiꞌij waꞌ, xeterej bꞌi chirij ri Jesús. 38 Ekꞌuchiriꞌ ri Jesús xtzuꞌn chirij y xrilo eteran chirij, xubꞌiꞌij chike:\n—¿Saꞌ ri kitzukuj? —xchaꞌ.\nRike xkibꞌiꞌij che:\n—Rabí (waꞌ keꞌelawi \"lal tijonel\"), ¿pachawi jeqel wi la? —xechaꞌ.\n39 Ri Jesús xukꞌul uwach:\n—Chixpetoq, choꞌliwilaꞌ —xchaꞌ.\nXebꞌek kꞌut, xkilo pa jeqel wi Rire y xekanaj kꞌu kan la jun bꞌenebꞌal qꞌij chiriꞌ rukꞌ, ma laj ukaj ora§\nchik. 40\nRi Andrés ruchaqꞌ ri Simón Pedro, e jun chike ri kaꞌibꞌ xkita ri xubꞌiꞌij ri Juan y xeterej bꞌi chirij ri Jesús. 41\nEkꞌu ri Andrés nabꞌe na xuꞌtzukuj ri ratz Simón; y echiriꞌ xuriqo, jewaꞌ xubꞌiꞌij che:\n—Ya xqariq ri Mesías —xchaꞌ. (\"Mesías\" e keꞌelawi ri Cristo, Ruchaꞌoꞌn lo ri Dios.) 42 Xukꞌam kꞌu bꞌi ri Simón pa kꞌo wi ri Jesús. Ekꞌu ri Jesús echiriꞌ xril uwach, jewaꞌ xubꞌiꞌij che:\n—Riꞌat at Simón, rukꞌajol ri Jonás; pero woꞌora rabꞌiꞌ kankojo e Cefas (waꞌ keꞌeloq Pedro)**\n—xchaꞌ.\nRi Jesús kebꞌusikꞌij ri Felipe y ri Natanael\n43 Chukaꞌm qꞌij kꞌut, ri Jesús xraj xeꞌek pa ri luwar re Galilea. Xeꞌek kꞌut y xukꞌul jun achi Felipe rubꞌiꞌ y xubꞌiꞌij che:\n—Chat-tereja lo chwij —xchaꞌ.\n44 Ri Felipe aj pa ri tinamit Betsaida, waꞌ e tinamit pa ejeqel wi ri Andrés y ri Pedro. 45 Ekꞌu ri Felipe xuꞌtzukuj ri Natanael y echiriꞌ xuriqo, jewaꞌ xubꞌiꞌij che:\n—Xqariq ri jun ri xtzꞌibꞌan ri Moisés puwiꞌ chupa ri Tzij Pixabꞌ, yey ri qꞌalajisanelabꞌ jenelaꞌ xetzꞌibꞌan puwiꞌ: Waꞌ e ri Jesús, rukꞌajol ri José ri aj Nazaret —xcha che.\n46 Xubꞌiꞌij kꞌu ri Natanael:\n—¿Kꞌo nebꞌa utz kel lo chupa ri tinamit Nazaret? —xchaꞌ.\nRi Felipe xukꞌul uwach:\n—Saꞌa, chawilapeꞌ —xchaꞌ.\n47 Ri Jesús, echiriꞌ xrilo katajin roponik ri Natanael rukꞌ, jewaꞌ xubꞌiꞌij:\n—Wa jun achi katajin lo ukꞌunik, e jun saqil aj Israel y na jinta sokosoꞌnik rukꞌ —xchaꞌ.\n48 Ekꞌu ri Natanael xutzꞌonoj che:\n—¿Chaꞌtaj etaꞌam la nuwach? —xchaꞌ.\nRi Jesús xubꞌiꞌij che:\n—Riꞌin xinwil pan awach echiriꞌ kꞌamajaꞌ ne katusikꞌij ri Felipe, echiriꞌ at kꞌo chuxeꞌ ri jun cheꞌ re higo —xchaꞌ.\n49 Xubꞌiꞌij kꞌu ri Natanael che:\n—Lal tijonel, rilal lal Ukꞌajol ri Dios y ri Rey ke raj Israel —xchaꞌ.\n50 Ri Jesús xukꞌul uwach:\n—¿Kakoj kami riꞌ waꞌ xa ruma ximbꞌiꞌij chawe xatinwil pan chuxeꞌ ri jun cheꞌ re higo? Chiqawach apanoq, kawil ne kꞌutubꞌal más nimaꞌq chwa taq waꞌ —xchaꞌ.\n51 Y xubꞌiꞌij ri Jesús:\n—Paqatzij wi kambꞌiꞌij chiwe: Wa chiqawach apanoq kiwil ne ruwa kaj jaqalik y kebꞌiwil ri ángeles re ri Dios kebꞌaqꞌanik y keqaj lo*\nchwi Ralaxel Chikixoꞌl Tikawex —xchaꞌ.","id":"","dump":"CC-MAIN-2019-51","url":"https:\/\/ebible.org\/acrNNT\/JHN01.htm","date":"2019-12-13T12:56:16Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540555616.2\/warc\/CC-MAIN-20191213122716-20191213150716-00339.warc.gz","language":"acr","language_score":0.9986435771,"language_script":"Latn","minhash_cluster_size":2,"top_langs":"{\"acr_Latn_score\": 0.9986435770988464}","num_words":1338,"character_repetition_ratio":0.059,"word_repetition_ratio":0.005,"special_characters_ratio":0.233,"stopwords_ratio":0.299,"flagged_words_ratio":0.0,"lang_id_score":0.998,"perplexity_score":500.0,"cluster_detection":-1} +{"text":"Matthew 28\nU walijic i Jesus che u camic1Are xic'aw i 'ij re i uxlambal 'ij, are ya ca pe i u sakiric re i domíngo, are 'uri i ati Mariy Magdaléna, xak i ati Mariy jun, xe 'e chu rilic i jul. 2Are maja que uponic, xpe jun ucabrakan, man 'o jun ángel re i Kajwal xkaj li chicaj, xresaj i abaj chu chi' i jul, y xcubi puwi. 3I u tzunbal ire ca walch'inic pacha u rep 'a'; i u 'u' lic sak, sak. 4I soldádo, are xquil u wach, lic que sicsat rumal qui xibriquil, pacha laj xe cam rumal.\n5Are xe upon i ixokib, i ángel xu bij chique:\n—Mi xij iwib. Yin weta'am chi xix c'un chu tzucuxic i Jesus chi xcamsax chuwach cruz. 6Ire n-ta waral; walijnak chubic pacha i u bim. Chix petok, chol iwila u q'uijibal pa yatal wi canok. 7Chi bisoj u ya'ic rason chique i u tijoxelab. Chi bij chique: \"Ire walijnak chic chiquixol i camnak; ya 'enak chic pa Galiléa, nabe na chiwach yix; chila quiwil ni u wach,\" chix chok chique. Are iri col in bij chiwe —xu bij i ángel chique.\n8Te'uri i ixokib juntir xe 'el ru' i jul. Lic xqui xij quib xe 'ec, xui-ri xak que quicotic. Pa'anem xe 'e chu ya'ic rason chique u tijoxelab. 9Xak te'et i Jesus xu c'ut rib chique, y xu ya rutzil qui wach. Ique xe tejeb ru' y xe xuqui chuwach, cojbal re u 'ij, y xqui chap i rakan.\n10—Mi xij iwib —xu bij i Jesus chique—. Ji bij chique i wachalal che 'oj ique pa Galiléa; chila quiquil ni in wach —xu bij chique.\nXya' mer chique i soldádo, 'anbal re chique chi quiqui 'an i mentir11I ixokib xqui maj bi qui be. Are que tijin chi be, xak 'o jujun chique i soldádo xe 'e pa tinimit chu bixquil chique i ajwab sacerdóte wach i xquilo. 12Te'uri i ajwab sacerdóte xe 'e chu bixquil chique i nimak tak mam'ib. Xqui junamsaj i qui no'oj chiquiwach, wach i quiqui 'ano. Te'uri xqui ya uq'uial mer chique i soldádo, 13y xqui bij chique:\n—Chi bij yix chi xix war cha'ab, y are 'uri xe c'un i u tijoxelab i Jesus y xquel'aj bi u ch'acul ire. Queje ile chi bij na. 14We xu ta rason i gobernador, mi xij iwib; yoj caka kajsaj ni u c'ux ire; ire n-ta cu 'an chiwe. (Queje xqui bij i ajwab sacerdóte ile chique i soldádo.)\n15Are 'uri i soldádo xqui chap i mer, y xqui bij na pacha bital chique. Y queje quiqui bij ni aj Israel winak ile, c'a are 'o wi wo'or.\nWach u c'utic rib xo'on i Jesus chique u tijoxelab16I julajuj u tijoxelab xe 'e pa Galiléa; xe 'e che jun jyub pacha bital chique rumal i Jesus. 17Chila xqui rik wi i Jesus, y are xquilo, xe oc chu cojic u 'ij, tupu 'o jujun chique n-kas ta quiqui cojo we are i Jesus. 18I Jesus xtejeb pan cu' y xu bij:\n—Yatal chic pin'ab u 'atic tzij puwi ronojel ni'pa i 'olic. 'O chic pin'ab ronojel i aj chicaj, xak ronojel i aj chuwach i jyub ta'aj. 19Jix yix cu' i winak ronojel u wach i jyub ta'aj. Chi bij in tzij chique man xak ique que u 'on ni in tijoxelab yin. Chi kajsaj ni ya piquiwi, c'utbal-re chi je re chic i Ta chicaj, xak je re i u C'ojol, xak je re i u Tewal i Dios ▼. 20Chi c'utu chique chi 'o u chac que cojon na che ronojel ni'pa in c'utum yin chiwe yix. Mi sach pi c'ux chi yin in 'o na iwu' ronojel 'ij sak, c'a pa q'uisbal re u wach i jyub ta'aj.\nAmen (katzij).\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nExamples to use the search box to find Bibles, passages, search terms, etc.-\nESVGen 1\nThis shows how to quickly lookup a passage.NIVESVKJVGen 1\nLooking up a passage in three different translations is also easy.ESVbrother\nThis asks STEP to search for the Greek word for 'brother' and show the results in the ESV.NIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.ESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.KJVTHGNTJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\nExamples of some Bible study tools +\nKJVCol 3 Color code grammar\nHighlight all the imperative verbs with red underlinesKJVCol 1 Color code grammar\nHighlight main verbs (green underlines) and supporting verbs (purple)KJVMat 1 Color code grammar\nHighlight the number (plural in bold) and gender (male in blue, feminine in red, neuter in black) of wordsESV1Jo 1 Quick tryout links\nHighlight frequent words in the chapter or book\nExamples to enable color code grammar +\nKJVEph 1 Color code grammar\nLook at KJV New Testament with color highlighted verbsSBLGRom 12 Color code grammar\nLook at Greek New Testament with color code grammar, Greek root word and English vocabularyCUnCol 1 Color code grammar\nLook at Chinese Union New Testament with color highlighted verbsSBLGKJVCUNEph 5 Color code grammar\nLook at Greek, English and Chinese New Testament with color code grammar\n© Tyndale House, Cambridge, UK - 2019","id":"","dump":"CC-MAIN-2019-51","url":"https:\/\/www.stepbible.org\/?q=version=ACRACC%7Creference=Mat.28","date":"2019-12-05T20:29:09Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540482038.36\/warc\/CC-MAIN-20191205190939-20191205214939-00142.warc.gz","language":"acr","language_score":0.9979611039,"language_script":"Latn","minhash_cluster_size":1,"top_langs":"{\"acr_Latn_score\": 0.9979611039161682}","num_words":927,"character_repetition_ratio":0.065,"word_repetition_ratio":0.0,"special_characters_ratio":0.246,"stopwords_ratio":0.166,"flagged_words_ratio":0.0,"lang_id_score":0.995,"perplexity_score":500.0,"cluster_detection":-1} +{"text":"Hebrews 3\nI Jesucrísto, 'atz u 'ij chuwach i mam Moises1Ix watz in cha', chi lic ix re chic i Dios, ix sic'tal rumal i Ta chicaj, rumal-i, chix ch'obon che i Jesucrísto: are ire taktal lok rumal i Ta, are ire i 'atz laj aj cojol ka tzij chuwach i Dios ni'pa i ka yom ka c'ux che u c'utunic ire. 2I Jesucrísto lic xu tz'akatsaj u patan yatal che rumal i Dios, pacha xo'on i mam Moises ujer, chi lic xu 'an u patan chuwach i Dios, lic xruc'aj u tzam chique i rac'al i Dios ujer. 3I Jesucrísto mas 'o u 'ij chuwach i mam Moises, pacha jun aj 'anol ja, mas 'o u 'ij chuwach i ja chi cu 'ano ▼. 4I tak i ja, 'o ni que 'anawic, xui-ri are i Dios are xa 'anaw ronojel wach tak i 'olic. 5I mam Moises, pacha 'utz laj ajchac, 'utz u patan u 'anom chique i rac'al i Dios. Are i u patan i mam Moises, xu c'ut jubi' chique wach cu 'alijinsaj ni Dios chique co'on panok. 6Xui-ri, i Jesucrísto n-are ta to' ajchac, lic are u C'ojol i Dios, chi mer Rajaw ja. Lic 'utz u patan cu 'an piquiwi i rac'al i Dios, y yoj i oj rac'al-le, xui-ri we n-caka sach ti u cubibal ka c'ux che i Kajwal, chilam i quicotemal chi caka na wo'or rumal i 'utz chi caka tij ru' i Kajwal co'on panok.\nI winak je re i Dios, quiqui rik i uxlanem ru'7Rumal-i, chaka 'ana pacha cu bij u Tewal i Dios. Chupam u wuj i Dios cu bij i tzij-i:\nWo'or we yix qui ta u ch'awbal i Dios,\n8mi 'an co che iwib, mi kel 'uri u tzij pacha xqui 'an iwatit i mam ujer pa tak jyub tz'inilic.\nIque xqui tij u 'ijol i Dios, (y xqui petsaj i roywal).\n9(I Dios xu bij): I iwatit i mam chila xqui tij wi in 'ijol, tupu cuarénta junab xquil u q'uial milágro chi xin 'ano, tobal-que.\n10Rumal-i xpe woywal chique i winak-le. Xin bij:\n\"Ique lic quewi je sachnak piqui c'ux; n-cacaj ta que bin chupam i 'utz laj be we yin,\" xin cha.\n11Rumal-i, xpe woywal chique, y xin bij: \"Katzij, lic n-quin ya ta chique chi que oc che i uxlanem wu' yin.\"\n(Queje u tzij i Dios ile chi tz'ibtal canok ▼.)\n12Wachalal, chi 'ana cwent iwib, mok 'o jun chiwe, chi n-'us ti u nojbal. Mok rumal ile, n-craj ta cu cojo, y cro'taj can 'uri i Dios c'aslic. 13Are i chi 'ana, chi ya u cowil i c'ux chiwach 'ij 'ij. Miwoy'ej jun chic 'ij; chi 'ana wo'or, mokxa 'o jun chiwe ca t'ortaj na rumal i mac atzalal, y co'on co che rib xa rumal. 14Man 'o ke yoj ru' i Crísto we lic n-caka sach ti u cubibal ka c'ux che; pacha u jekic xka 'ano, xak queje chaka q'uisa wi. 15Cha c'un chi c'ux i tzij-i chi tz'ibtal chupam u wuj i Dios:\nWo'or, we yix qui ta u ch'awbal i Dios, mi 'an co che iwib;\nmi kel 'uri u tzij pacha xqui 'an iwatit i mam ujer.\n(Queje ile tz'ibtalic ▼.)\n16Quin tz'onoj 'ut: ¿Pachin queje xe 'anaw ile? ¿Pachin xqui ta u tzij i Dios y xo'on panok n-xqui 'an ta chic cas che? Je are ique mísmo chi mam Moises xe resaj li pa tinimit Egípto. 17¿Je pachin i winak chi cuarénta junab xpe roywal i Dios chique? Je are ique mísmo chi qui tom u tzij i Dios péro xe macunic y xe cam chila pa jyub tz'inilic. 18¿Je pachin i winak u bim i Dios chi lic n-quiqui rik ti uxlanem ru'? Mísmo je are ique chi xqui kelo. 19Chi 'uri, cakil wi chi n-xya' ta chique xe oquic, man n-xqui cuba ti qui c'ux che u tzij i Dios.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nExamples to use the search box to find Bibles, passages, search terms, etc.-\nESVGen 1\nThis shows how to quickly lookup a passage.NIVESVKJVGen 1\nLooking up a passage in three different translations is also easy.ESVbrother\nThis asks STEP to search for the Greek word for 'brother' and show the results in the ESV.NIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.ESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.KJVTHGNTJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\nExamples of some Bible study tools +\nKJVCol 3 Color code grammar\nHighlight all the imperative verbs with red underlinesKJVCol 1 Color code grammar\nHighlight main verbs (green underlines) and supporting verbs (purple)KJVMat 1 Color code grammar\nHighlight the number (plural in bold) and gender (male in blue, feminine in red, neuter in black) of wordsESV1Jo 1 Quick tryout links\nHighlight frequent words in the chapter or book\nExamples to enable color code grammar +\nKJVEph 1 Color code grammar\nLook at KJV New Testament with color highlighted verbsSBLGRom 12 Color code grammar\nLook at Greek New Testament with color code grammar, Greek root word and English vocabularyCUnCol 1 Color code grammar\nLook at Chinese Union New Testament with color highlighted verbsSBLGKJVCUNEph 5 Color code grammar\nLook at Greek, English and Chinese New Testament with color code grammar\n© Tyndale House, Cambridge, UK - 2019","id":"","dump":"CC-MAIN-2019-51","url":"https:\/\/www.stepbible.org\/?q=version=ACRACC%7Creference=Heb.3","date":"2019-12-09T19:06:03Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540521378.25\/warc\/CC-MAIN-20191209173528-20191209201528-00448.warc.gz","language":"acr","language_score":0.9960952997,"language_script":"Latn","minhash_cluster_size":2,"top_langs":"{\"acr_Latn_score\": 0.9960952997207642}","num_words":943,"character_repetition_ratio":0.065,"word_repetition_ratio":0.036,"special_characters_ratio":0.255,"stopwords_ratio":0.199,"flagged_words_ratio":0.0,"lang_id_score":0.989,"perplexity_score":500.0,"cluster_detection":-1} +{"text":"Rukaꞌm carta xutzꞌibꞌaj ri Pedro\n1\nRi Pedro kuya pan rutzil kiwach ri kikojom rubꞌiꞌ ri Cristo\n1 Riꞌin, Simón Pedro, in jun aj chak y taqoꞌn re ri Qanimajawal Jesucristo. Kantzꞌibꞌaj pan wa carta che alaq, janipa ri yaꞌtal che alaq kakubꞌiꞌ kꞌuꞌx alaq rukꞌ ri Cristo jelaꞌ pachaꞌ qaꞌanom riꞌoj. Waꞌ wa chomilaj kubꞌulibꞌal kꞌuꞌxaj xyaꞌ chiqe qonoje ruma ri qa Dios y Kolobꞌenel Jesucristo, ma Rire lik jusukꞌ ri kuꞌan qukꞌ. 2 E lik kꞌiyar na pawiꞌ alaq ri unimal rutzil kꞌuꞌxaj y ri utzil chomal re ri Dios, yey waꞌ kakꞌul alaq ruma etaꞌam alaq uwach ri Dios y ri Qanimajawal Jesucristo.\nRi karaj ri Dios che ri qabꞌinik qasilabꞌik\n3 Ri Dios rukꞌ ri unimal uchuqꞌabꞌ, uyaꞌom chiqe ronoje taq ri kajawax che ri qakꞌaslemal y ri qabꞌinik qasilabꞌik chwach Rire. Yey kuꞌan waꞌ ruma ri xuya chiqe kaqetaꞌmaj uwach Rire, ri xojusikꞌij rukꞌ ri unimal uchomalil y ri unimal uwach uqꞌij. 4 Jekꞌuriꞌlaꞌ, ri Dios uyaꞌom nimaꞌq y chom taq bꞌiꞌtisinik chiqe chaꞌ ruma waꞌ kojuꞌana pachaꞌ Rire, ma elinaq lo alaq puqꞌabꞌ ri rayibꞌal na chom ta uwach, ri kakitaqej ri winaq re ruwachulew.\n5 Ruma kꞌu xkubꞌiꞌ kꞌuꞌx alaq rukꞌ ri Cristo, chirajawaxik kꞌu riꞌ kachuqꞌubꞌej ibꞌ alaq chaꞌ ri bꞌinik silabꞌik alaq kuꞌan lik jusukꞌ. Y na xew ta waꞌ, ma lik ne chirajawaxik ketaꞌmaj alaq saꞌ ri karaj ri Dios che alaq. 6 We etaꞌam chi kꞌu alaq saꞌ ri karaj ri Dios che alaq, e ꞌana alaq riꞌ. Yey chajij ibꞌ alaq chi utz chaꞌ na katzaq ta alaq pa mak, y jekꞌuriꞌlaꞌ kakꞌojiꞌ unimal kꞌuꞌx alaq. Yey rukꞌ kꞌu ri unimal kꞌuꞌx alaq, e kꞌutu alaq pa saqil wi yaꞌom ibꞌ alaq che jun saqil bꞌinik silabꞌik chwach ri Dios. 7 Y ruma kꞌu lik yaꞌom ibꞌ alaq che jun saqil bꞌinik silabꞌik chwach ri Dios, kꞌax naꞌa ibꞌ alaq chiwach alaq. Yey na xew ta waꞌ, ma lik yaꞌa ibꞌ alaq che ukꞌutik ri rutzil kꞌuꞌx alaq chike konoje.\n8 Ma we kꞌo kꞌu taq waꞌ ukꞌ alaq y yaꞌom ibꞌ alaq che uꞌanik taq waꞌ, riꞌ na kok ta xepuyil ukꞌ alaq yey kaqꞌalajin kꞌu riꞌ lik kꞌo kutiqoj ri xetaꞌmaj alaq uwach ri Qanimajawal Jesucristo. 9 Noꞌj e junoq na jinta taq waꞌ rukꞌ, riꞌ e pachaꞌ xew karil ri kꞌo chwach; e junam rukꞌ pachaꞌ juna potzꞌ, ma xikꞌow ne chukꞌuꞌx e rojertan lik aj mak yey e ri Dios xkuyuw umak. 10 E uwariꞌche hermanos, kambꞌiꞌij waꞌ che alaq: E ri Dios xchaꞌw e alaq yey e Rire sikꞌiyom e alaq. Ruma kꞌu riꞌ, chuqꞌubꞌej ibꞌ alaq che ukꞌutik pa ri bꞌinik silabꞌik alaq, paqatzij wi sikꞌim alaq yey chaꞌtal alaq ruma ri Dios. We kaꞌan alaq waꞌ, riꞌ na katzaq ta chi alaq pa mak. 11 Jelaꞌ kꞌu riꞌ lik kakꞌul alaq chi utz pa ri taqanik na jinta utaqexik re ri Qanimajawal y Qakolobꞌenel Jesucristo.\n12 Ruma kꞌu riꞌ, na kanwoqꞌotaj ta ukuxtaxik waꞌ che alaq, tobꞌ ne etaꞌam chi alaq wa Qꞌijsaq y jikibꞌam chi kꞌuꞌx alaq che. 13 Ma chinuwach riꞌin, xaloqꞌ kꞌa in kꞌaslik, lik usukꞌ kankoj pa jolom alaq taq wa pixabꞌanik. 14 Ma wetaꞌam ri nukamik xa naqaj chi kꞌo lo wi, yey waꞌ e ri Qanimajawal Jesucristo uqꞌalajisam lo chwe. 15 E uwariꞌche lik inokinaq il che ukuxtaxik waꞌ che alaq, chaꞌ echiriꞌ na in jinta chi ukꞌ alaq, xaqi kakꞌun chikꞌuꞌx alaq ronoje waꞌ.\nRi xebꞌilow runimal uwach uqꞌij ri Qanimajawal Jesucristo\n16 Ma ri kꞌutunik xqaꞌan chiwach alaq chwi ruchuqꞌabꞌ y rukꞌunibꞌal ri Qanimajawal Jesucristo, na e ta rukꞌ nukꞌum chꞌaꞌtem noꞌjital kuma tikawex; ma lik rukꞌ ri qawach xqil runimal uwach uqꞌij Rire. 17 Ma riꞌoj xqilo echiriꞌ xqꞌalajisax runimal uchomalil y lik xyak uqꞌij ruma ri Qaqaw Dios. Xqata ne ruqul ri Dios xchꞌaw chupa ri chomilaj qꞌijsaq kꞌo paqawiꞌ, jewaꞌ xubꞌiꞌij: «E Nukꞌajol waꞌ, ri lik kꞌax kannaꞌo y lik kinkiꞌkot che» xchaꞌ. 18 Xqata kꞌu wa qulaj petinaq chilaꞌ chikaj echiriꞌ oj kꞌo rukꞌ Rire chwa ri santowilaj juyubꞌ.* Mt. 17:1-8; Mr. 9:7; Lc. 9:35 19 Wa xqilo e kujikibꞌaꞌ uwach ri tzij tzꞌibꞌital kan kuma ri qꞌalajisanelabꞌ chupa Ruchꞌaꞌtem ri Dios. Y lik utz ri kaꞌan alaq we kok alaq il che waꞌ, ma e pachaꞌ juna aqꞌ kawon pa qꞌequꞌm kꞌa pa ri saqribꞌal echiriꞌ kel lo ri nimalaj chꞌumil re ri saqribꞌal.* Ap. 22:16 Waꞌ e keꞌelawi rukꞌunibꞌal ri Cristo, ri kutzij upa ri animaꞌ alaq. 20 Lik kꞌut chirajawaxik nabꞌe na kamaj alaq usukꞌ waꞌ: Ri tzꞌibꞌital kan chupa Ruchꞌaꞌtem ri Dios, na utz taj kaqꞌalajisaxik xa rukꞌ unaꞌoj juna achi. 21 Ma ri qꞌalajisam kan chupa Ruchꞌaꞌtem ri Dios, na petinaq ta ruma kinoꞌjibꞌal tikawex, e petinaq ruma ri Santowilaj Ruxlabꞌixel ri Dios. Ma taq ri santowilaj achijabꞌ re ri Dios xechꞌaꞌtik e chirij janipa ri xuqꞌalajisaj ri Ruxlabꞌixel ri Dios chike.","id":"","dump":"CC-MAIN-2019-51","url":"https:\/\/ebible.org\/acrNNT\/2PE01.htm","date":"2019-12-06T02:53:20Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540484477.5\/warc\/CC-MAIN-20191206023204-20191206051204-00538.warc.gz","language":"acr","language_score":0.9994680285,"language_script":"Latn","minhash_cluster_size":2,"top_langs":"{\"acr_Latn_score\": 0.9994680285453796}","num_words":782,"character_repetition_ratio":0.067,"word_repetition_ratio":0.005,"special_characters_ratio":0.215,"stopwords_ratio":0.306,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1} +{"text":"2\nE kꞌo aj kꞌutunel xa e sokosoꞌnel\n(Jud. 3-13)\n1 Chikixoꞌl ri tinamit e aj Israel xekꞌojiꞌ qꞌalajisanelabꞌ xa e sokosoꞌnel; jekꞌulaꞌ chixoꞌlibꞌal ralaq kekꞌojiꞌ e aj kꞌutunel xa e sokosoꞌnel. Waꞌ xa xeꞌlaqꞌay kakikoj pa kijolom ri hermanos kꞌutunik na usukꞌ taj, xa re yojobꞌal ri kibꞌinik kisilabꞌik. Yey e kuꞌana ne ri kakibꞌiꞌij na kakikoj ta chi rubꞌiꞌ ri Qanimajawal, ri xkam kuma rike re kebꞌukolobꞌej. Y ruma kꞌu wa na utz taj kakiꞌano, e kape tan ri qꞌatbꞌal tzij pakiwiꞌ. 2 Yey lik e kꞌi ri kakitaqej ri kibꞌinik wa aj kꞌutunel, ri kiyaꞌom kibꞌ che uꞌanik taq ri kirayibꞌal kꞌixbꞌal uwach. Ruma kꞌu riꞌ waꞌ, taq ri winaq kakijeq kechꞌaꞌt chirij ri bꞌe re ri Qꞌijsaq. 3 Wa aj kꞌutunel e keꞌek kikꞌuꞌx rukꞌ ri puaq; kakesaj kꞌu ukꞌiyal puaq che alaq rukꞌ sokosoꞌnik. Ruma kꞌu taq wa kakiꞌano, ri qꞌatbꞌal tzij xex chi katewun pakiwiꞌ, yey ri sachibꞌal kiwach xa naqaj chi kꞌo wuloq.\n4 Ri Dios na xukuy tane kimak ri ángeles xemakunik, ma xebꞌukꞌaq bꞌi pa xibꞌalbꞌaꞌ, xebꞌutzꞌapij pa utum qꞌequꞌm chaꞌ kekꞌojiꞌ na chilaꞌ kꞌa echiriꞌ kaꞌan ri qꞌatbꞌal tzij pakiwiꞌ.* Jud. 6 5 Yey na xukuy tane kimak ri winaq ojertan echiriꞌ xutaq lo runimal jabꞌ pakiwiꞌ. Xew xebꞌukolobꞌej wajxaqibꞌ tikawex; jun chike e ri Noé, ri xtzijon chwi ri jusukꞌ bꞌinik chwach ri Dios.* Gn. 6:9-10; 7:7 6 Jenelaꞌ xuqꞌat tzij pakiwi ri kebꞌ tinamit Sodoma y Gomorra echiriꞌ xusach kiwach rukꞌ aqꞌ, xuꞌan chaaj chike. Xuꞌan kꞌu waꞌ kꞌutubꞌal re saꞌ ri kakikꞌulumaj ri e aj makibꞌ. 7 Pero xukolobꞌej ri Lot, jun achi lik jusukꞌ rubꞌinik usilabꞌik, ri lik okinaq chukꞌuꞌx ri itzel kibꞌinik kisilabꞌik taq ri winaq pa jeqel wi.* Gn. 19:29 8 Yey ruma kꞌu jusukꞌ rubꞌinik rire, ronoje qꞌij lik kubꞌisoj ukꞌuꞌx ri na ubꞌe taj kuto y karil chike waꞌ wa winaq.\n9 Rukꞌ taq waꞌ, kaqilo ri Dios lik retaꞌam suꞌanik kebꞌukolobꞌej janipa ri kiyaꞌom kibꞌ puqꞌabꞌ echiriꞌ kakꞌam kipa; yey ekꞌu janipa ri na e ta jusukꞌ, riꞌ e kꞌo chi chuxeꞌ ri qꞌatbꞌal tzij re ri Dios, y waꞌ kape na pakiwiꞌ echiriꞌ kopon ruqꞌijol. 10 Yey wa qꞌatbꞌal tzij e lik taqal chike ri kitaqem taq ri rayibꞌal re ri kitiꞌjil, ri bꞌenaq kikꞌuꞌx che uꞌanik ri chꞌulilaj mak, ri na kakiya ta kibꞌ kataqan junoq pakiwiꞌ, ri na kekꞌix ta che uꞌanik janipa ri kakaj rike, ri e titzꞌitaq, ri na kakixiꞌij tane kibꞌ kechꞌaꞌt rukꞌ itzel chꞌaꞌtem chikij taq ri kꞌo kiwach y kꞌo kichuqꞌabꞌ pakiwiꞌ. 11 Yey ne ri ángeles, tobꞌ lik kꞌo kichuqꞌabꞌ y lik kꞌo kiwach yaꞌtalik, na kakikꞌaq tane bꞌi kiqꞌij ri jujun chik kꞌo kiwach echiriꞌ kakikoj kimak chwach ri Qanimajawal. 12 Noꞌj waꞌ wa aj kꞌutunel e sokosoꞌnel, e kakichꞌaꞌtibꞌej ri na kakimaj tane usukꞌ. Ruma kꞌu riꞌ, kaꞌan chike pachaꞌ kaꞌan chike ri awaj na jinta kinaꞌoj, ri kebꞌalaxik xa re kechapik y re kekamisaxik. 13 Kaꞌan kꞌu kꞌax chike, ukꞌaxel ri kꞌax kiꞌanom rike chike jujun chik. Rike lik bꞌenaq kikꞌuꞌx che uꞌanik ri kirayibꞌal lik kꞌixbꞌal uwach yey kakiꞌan ne waꞌ tobꞌ paqꞌij. Echiriꞌ rike kakimol kibꞌ ukꞌ alaq re kewaꞌ ukꞌ alaq, e jelaꞌ pachaꞌ ri chꞌul kuchꞌulaj juna kꞌul, ma lik kꞌixbꞌal uwach ri kakiꞌan chixoꞌl alaq.\n14 Waꞌ waꞌchijabꞌ echiriꞌ kakil juna ixoq, xew kakichꞌobꞌ ri kemakun rukꞌ, na kikꞌow ta kikꞌuꞌx che kemakunik, kekimin pa mak ri na jinta kikowil chwach ri Dios y kiyaꞌom kikꞌuꞌx che urayixik ronoje ri kakilo. Ekꞌu ri Dios uqꞌatom chi tzij pakiwi rike 15 ma xkiya kan ri saqil bꞌe y xkimaj bꞌi jun bꞌe lik na e taj. Kiꞌanom kꞌu ke pachaꞌ ri xuꞌan ri Balaam,* Nm. 22:5 rukꞌajol ri Beor. Waꞌ e lik xcha ranimaꞌ che uchꞌakik puaq ruma ri na jusukꞌ taj xuꞌano. 16 Ruma kꞌu ri mak katajin che uꞌanik, xchꞌaꞌbꞌex upa, yey ri xchꞌaꞌbꞌen upa ¡e jun awaj aj eqaꞌn! Tobꞌ rawaj na kechꞌaw taj, wa jun buru rukꞌ uchꞌawibꞌal achi xchꞌaw che y jelaꞌ xuqꞌatej ruchꞌuꞌjilal ri jun aj qꞌij.* Nm. 22:28-30\n17 Waꞌ wa aj kꞌutunel pachaꞌ e akꞌal na jinta chi yaꞌ chupa, pachaꞌ e sutzꞌ xa kekꞌam bꞌi ruma runimal tew. Chike kꞌu konoje riꞌ waꞌ, yijbꞌital chi ri lik qꞌequꞌmalil aqꞌabꞌ chaꞌ na jinta utaqexik kebꞌeꞌkꞌola chupa. 18 Rukꞌ ri kichꞌaꞌtem lik kakiꞌan nim che kibꞌ tobꞌ na jinta ne keꞌelawi ri kakibꞌiꞌij. Yey rike kakibꞌiꞌij utz we e kakiꞌan saꞌ ri kurayij ri kitiꞌjil y kakiya kꞌu kibꞌ che uꞌanik waꞌ. Jekꞌulaꞌ e kekimin tanchi pa mak ri kꞌakꞌ ne ebꞌelinaq lo chikixoꞌl taq ri kakiꞌan ri na utz taj. 19 Kakibꞌiꞌij e puqꞌabꞌ jun kꞌo wi kuꞌan saꞌ ri karaj kuꞌano; yey rike puqꞌabꞌ ne ri mak e kꞌo wi. Ma echiriꞌ junoq na kuchꞌij ta uchuqꞌabꞌ jun chik, riꞌ e kakꞌojiꞌ puqꞌabꞌ ri kasokow re; jekꞌulaꞌ kukꞌulumaj ri jun na kuchꞌij ta uchuqꞌabꞌ ri mak. 20 Ekꞌu ri ebꞌelinaq chi lo chupa ri chꞌulilaj mak re ruwachulew ruma xketaꞌmaj uwach ri Qanimajawal y Qakolobꞌenel Jesucristo, we ketzelej tanchi chupa wa mak y kesokotaj ruma, riꞌ más kꞌax ri kakikꞌisbꞌej wi chwa echiriꞌ kꞌamajaꞌ kaketaꞌmaj uwach ri Qanimajawal. 21 Más utz kꞌu riꞌ chike tamaji xketaꞌmaj ri bꞌe re ri jusukꞌ bꞌinik chwa ri kakesaj kibꞌ che ri Santowilaj Tzij Pixabꞌ re ri Dios, ri xyaꞌtaj chike. 22 Ekꞌu ri kiꞌanom rike, paqatzij wi e pachaꞌ ri jun tzij jewaꞌ kubꞌiꞌij:\nRi tzꞌiꞌ katzelej tanchi\nche utijik ri uxabꞌem chi uloq;* Pr. 26:11\nyey ri aq atinisam chik,\nkubꞌalkatilaꞌ tanchi ribꞌ chupa ri xoqꞌoꞌl\nkachaꞌ.","id":"","dump":"CC-MAIN-2020-05","url":"https:\/\/ebible.org\/acrNNT\/2PE02.htm","date":"2020-01-29T17:09:53Z","file_path":"s3:\/\/commoncrawl\/crawl-data\/CC-MAIN-2020-05\/segments\/1579251801423.98\/warc\/CC-MAIN-20200129164403-20200129193403-00059.warc.gz","language":"acr","language_score":0.9876068234,"language_script":"Latn","minhash_cluster_size":1,"top_langs":"{\"acr_Latn_score\": 0.9876068234443665, \"quc_Latn_score\": 0.012056275270879269}","num_words":888,"character_repetition_ratio":0.051,"word_repetition_ratio":0.0,"special_characters_ratio":0.216,"stopwords_ratio":0.297,"flagged_words_ratio":0.0,"lang_id_score":0.99,"perplexity_score":500.0,"cluster_detection":-1} +{"text":"9\nRi Jesús kuya bꞌi kichak ri kabꞌlajuj utaqoꞌn\n(Mt. 10:5-15; Mr. 6:7-13)\n1 Ri Jesús xumol kichiꞌ ri kabꞌlajuj utijoꞌn y xuya pakiqꞌabꞌ kebꞌekesaj bꞌi itzelilaj uxlabꞌixel y kekikunaj ri yewaꞌibꞌ. 2 Xebꞌutaq kꞌu bꞌi riꞌ che utzijoxik rutaqanik ri Dios y che kikunaxik ri yewaꞌibꞌ. 3 Jewaꞌ xubꞌiꞌij chike:\n«Makꞌo mikꞌam bꞌi re pa bꞌe; mikꞌam bꞌi ichꞌamiꞌy, itebꞌ, iwa, imeyo o jun chik ikoton. 4 We xixkꞌul pa juna ja, chixkꞌola chiriꞌ kꞌate kixel bꞌi echiriꞌ kixꞌek pa jun chik tinamit. 5 We chupa juna tinamit na kixkꞌul taj, chixelubꞌi chiriꞌ y chipupaꞌ kan rulew kꞌo che ri iwaqan, waꞌ e kꞌutubꞌal re na utz ta kiꞌanom ri ejeqel chiriꞌ» xcha chike.\n6 Xebꞌel kꞌu bꞌi rutijoꞌn y xebꞌek pa taq aldeas re kakitzijoj ri Utzilaj Tzij y re kekikunaj yewaꞌibꞌ che ronoje luwar.\nRi Herodes kuta puwi ri kuꞌan ri Jesús\n(Mt. 14:1-12; Mr. 6:14-29)\n7 Ri Herodes, ri rey re Galilea, xuta puwi ronoje ri kuꞌan ri Jesús. Ruma kꞌu waꞌ, lik sachinaq runaꞌoj, ma e kꞌo jujun kebꞌiꞌn re: «Laꞌ e ri Juan xkꞌastaj lo chikixoꞌl ri ekaminaq» kechaꞌ. 8 Yey e kꞌo jujun kakibꞌiꞌij: «Rire e Elías xwinaqir loq.» Y e kꞌo jujun chik kakibꞌiꞌij: «E junoq chike ri qꞌalajisanelabꞌ re ojertan xkꞌastaj loq» kechaꞌ. 9 Noꞌj ri rey Herodes xubꞌiꞌij: «Riꞌin xintaq ukꞌatzixik rujolom ri Juan. ¿China kꞌu riꞌ waꞌ waꞌchi lik saꞌchi ri kintajin che utayik puwiꞌ?» xchaꞌ. Y kutzukuj kꞌut suꞌanik karil uwach ri Jesús.\nRi Jesús kebꞌutzuq woꞌobꞌ mil achijabꞌ\n(Mt. 14:13-21; Mr. 6:30-44; Jn. 6:1-14)\n10 Echiriꞌ xetzelej lo ri kabꞌlajuj utaqoꞌn ri Jesús, xkitzijoj che Rire janipa taq ri xkiꞌano. Ekꞌuchiriꞌ, xekꞌam bꞌi ruma ri Jesús y xebꞌek kitukel pa jun luwar katzꞌintzꞌotik chunaqaj jun tinamit Betsaida rubꞌiꞌ.\n11 Noꞌj ri winaq echiriꞌ xketaꞌmaj, xebꞌel lo pa taq ri tinamit y xebꞌek chaꞌ keꞌkiriqa ri Jesús. Yey Rire xebꞌukꞌul chi utz, xujeq katzijon chikiwach puwi rutaqanik ri Dios y xebꞌukunaj ri e yewaꞌibꞌ chike.\n12 Echiriꞌ katajin ubꞌenam ri qꞌij, xeqibꞌ lo ri kabꞌlajuj utijoꞌn y xkibꞌiꞌij che:\n—Qajawal, utz we ketaq bꞌi la ri winaq pa taq raldeas y pa taq ri luwar kꞌo lo xa naqaj chaꞌ keꞌkitzukuj pa kewar wi y saꞌ ri kakitijo, ma ri wara pa oj kꞌo wi lik katzꞌintzꞌotik —xecha che.\n13 Noꞌj ri Jesús xubꞌiꞌij chike:\n—Chebꞌitzuqu riꞌix —xchaꞌ.\nEkꞌu rutijoꞌn xkibꞌiꞌij che:\n—Xa woꞌobꞌ pam y kaꞌibꞌ kar kꞌo qukꞌ. Xew we e laꞌ kojꞌek y keꞌqaloqꞌo waꞌim ke konoje wa ukꞌiyal winaq, keqatzuq kꞌu riꞌ —xechaꞌ.\n14 Laj e lo woꞌobꞌ mil chi achijabꞌ e kꞌo chiriꞌ. Ekꞌu ri Jesús xubꞌiꞌij chike rutijoꞌn:\n—Chibꞌiꞌij chike ri winaq ketzꞌuyiꞌ chimutzaꞌj re nikꞌaj ciento chujujunal —xchaꞌ.\n15 Jelaꞌ xkiꞌano, xekitzꞌuyubꞌaꞌ konoje. 16 Ekꞌuchiriꞌ ri Jesús xukꞌam ri woꞌobꞌ pam y ri kaꞌibꞌ kar, xtzuꞌn chikaj y xtioxin chwach ri Dios. Xuya kꞌu bꞌi chike rutijoꞌn chaꞌ kakijach chike ri winaq. 17 Konoje kꞌu ri winaq xewaꞌik y xenoj chi utz. Tekꞌuchiriꞌ, xkimol ri chꞌaqaꞌtaꞌq kiqax y rukꞌ waꞌ xnoj lo kabꞌlajuj chakach.\nRi Pedro kuqꞌalajisaj ri Jesús e ri Cristo\n(Mt. 16:13-20; Mr. 8:27-30)\n18 Kꞌo jun qꞌij ri Jesús utukel kachꞌaꞌt rukꞌ ri Dios, yey xew rutijoꞌn e kꞌo rukꞌ. Ewi xutzꞌonoj chike:\n—Chikiwach ri winaq, ¿in china nawi riꞌin? —xchaꞌ.\n19 Rutijoꞌn xkikꞌul uwach che:\n—Kꞌo kebꞌiꞌn re lal ri Juan Aj Yaꞌl Bautismo; jujun chik kakibꞌiꞌij lal ri Elías; y jujun chik, lal junoq chik chike ri qꞌalajisanelabꞌ re ojertan kꞌastajinaq loq —xechaꞌ.\n20 Ekꞌuchiriꞌ, xutzꞌonoj tanchi chike:\n—Yey chiwach riꞌix, ¿in china riꞌin? —xchaꞌ.\nEkꞌu ri Pedro xukꞌul uwach:\n—Rilal lal ri Cristo, Ruchaꞌoꞌn lo ri Dios —xchaꞌ. 21 Pero ri Jesús lik xebꞌutaq che na kakitzijoj ta kꞌana che junoq china Rire.\nRi Jesús kachꞌaꞌt puwi rukamik y rukꞌastajibꞌal\n(Mt. 16:21-23; Mr. 8:31–9:1)\n22 Ekꞌuchiriꞌ, xubꞌiꞌij chike:\n—Lik chirajawaxik che Ralaxel Chikixoꞌl Tikawex kutij na ri kꞌax y kakꞌaq bꞌi uqꞌij kuma ri nimaq winaq re ri tinamit, ri nimaq e aj chakunel pa Rocho Dios y raj kꞌutunel re ri tzijpixabꞌ. Tekꞌuchiriꞌ, kakamisaxik; noꞌj churox qꞌij kakꞌastaj loq —xchaꞌ.\nRi chirajawaxik chike ri kakaj keterej chirij ri Jesús\n(Mt. 16:24-28; Mr. 8:34-38)\n23 Xubꞌiꞌij tanchi kꞌu chike konoje:\n—We kꞌo junoq karaj katerej lo chwij, lik chirajawaxik che muꞌan xew ri karaj rire, e ronoje qꞌij chukuyu ri kꞌax kape puwiꞌ ruma ukojom ri nubꞌiꞌ; yey utz kꞌu riꞌ katerej lo chwij. 24 Ma china ri na kuya ta ranimaꞌ rukꞌaslem, riꞌ e kujam ri chomilaj kꞌaslemal chwach ri Dios; noꞌj ri kuya ranimaꞌ rukꞌaslem wuma riꞌin, riꞌ e kuriq ri chomilaj ukꞌaslemal chwach ri Dios.\n25 »¿Saꞌ kꞌu kutiqoj riꞌ che juna tikawex we kuꞌan rajaw ronoje ruwachulew, yey e kujam rukꞌaslemal y jelaꞌ kusach uwach chiribꞌil ribꞌ? 26 Ma china ri kakꞌix chwe riꞌin y che ri nuchꞌaꞌtem, jelaꞌ kꞌu riꞌ ri in Alaxel Chikixoꞌl Tikawex kinkꞌix che rire echiriꞌ kinkꞌun tanchi rukꞌ runimal nuchomalil, junam rukꞌ runimal uchomalil ri Nuqaw y kukꞌ taq ri santowilaj ángeles. 27 Riꞌin paqatzij wi kambꞌiꞌij chiwe: E kꞌo jujun chike wa e kꞌo wara na kekam tana we na xkil tubꞌi rutaqanik ri Dios —xchaꞌ.\nRi jalkꞌatajibꞌal uwach ri Jesús\n(Mt. 17:1-8; Mr. 9:2-8)\n28 Laj wajxaqibꞌ qꞌij riꞌ ubꞌiꞌim waꞌ ri Jesús echiriꞌ xebꞌuchaꞌ ri Pedro, ri Juan y ri Jacobo y xel bꞌi kukꞌ chwa jun juyubꞌ chaꞌ keꞌchꞌaꞌt rukꞌ ri Dios. 29 Yey echiriꞌ kachꞌaꞌt rukꞌ ri Dios, xjalkꞌatitaj rupalaj y ruqꞌuꞌ xuꞌan lik saq y kawolqꞌinik.\n30 Y xewinaqir kꞌu kebꞌ achijabꞌ e riꞌ kechꞌaꞌt rukꞌ. Waꞌ e ri Moisés y ri Elías, qꞌalajisanelabꞌ re ojertan. 31 Ekꞌu rike sututal kij rukꞌ jun chomilaj qꞌijsaq. Y kechꞌaꞌt puwi rukamik ri Jesús, ri kukꞌulumaj na chilaꞌ Jerusalem.\n32 Ri Pedro kukꞌ ri rachbꞌiꞌil lik kꞌo waram chike, pero xtzor kaꞌn kiwach y xkil kꞌu runimal uwonibꞌal ri Jesús y ri kaꞌibꞌ achijabꞌ e kꞌo rukꞌ. 33 Ekꞌuchiriꞌ katajin bꞌi kelik ri kaꞌibꞌ achijabꞌ rukꞌ ri Jesús, ri Pedro xubꞌiꞌij che ri Jesús:\n—Qajawal, lik utz xyaꞌtaj chiqe oj kꞌo wara. Qaꞌana kꞌu oxibꞌ rancho:* Ruchak waꞌ wa rancho xraj kuꞌan ri Pedro, e re kakiloqꞌnimaj kiqꞌij ri kebꞌ qꞌalajisanelabꞌ y ri Jesús. jun e la, jun re ri Moisés y jun re ri Elías —xchaꞌ. Ri Pedro xubꞌiꞌij waꞌ ruma na kunaꞌ taj saꞌ ri kubꞌiꞌij. 34 Kꞌa kachꞌaꞌt ne ri Pedro, echiriꞌ xpe jun sutzꞌ y xuchꞌuq kiwiꞌ. Lik kꞌu xkixiꞌij kibꞌ riꞌ echiriꞌ xechꞌuqutaj ruma ri sutzꞌ.\n35 Ekꞌuchiriꞌ, xkita ruqul ri Dios chupa ri sutzꞌ, jewaꞌ kubꞌiꞌij:\n«E Nukꞌajol waꞌ ri lik kꞌax kannaꞌo;\ne chita utzij Rire»\nkachaꞌ.\n36 Ekꞌuchiriꞌ xkꞌis ubꞌiꞌxikil waꞌ, na e jinta chi ri kaꞌibꞌ achijabꞌ rukꞌ ri Jesús. Chupa taq kꞌu riꞌ laꞌ la qꞌij, ri Pedro, ri Juan y ri Jacobo na xkitzijoj ta kꞌana che junoq waꞌ wa xkilo.\nRi Jesús kukunaj jun ala kꞌo puqꞌabꞌ jun itzel uxlabꞌixel\n(Mt. 17:14-21; Mr. 9:14-29)\n37 Chukaꞌm qꞌij echiriꞌ xeqaj lo chwa ri juyubꞌ, ukꞌiyal winaq xebꞌel lo che ukꞌulik ri Jesús. 38 Kꞌo kꞌu jun achi chikixoꞌl ri winaq lik ko xchꞌawik, jewaꞌ xubꞌiꞌij:\n—Lal tijonel, ꞌana ko la riꞌ, kunaj la wa nukꞌajol, ma xew ne ko walkꞌoꞌal waꞌ. 39 Rire kachaptaj ruma jun itzel uxlabꞌixel. Yey echiriꞌ ritzel uxlabꞌixel kuchapo, rala xaqikꞌateꞌt kujeq kasikꞌinik, katzaq pulew, lik ko kujabꞌajaꞌ ribꞌ y kapuluwan rukꞌaxaj. Ekꞌu ri itzel uxlabꞌixel lik kuꞌan kan kꞌax che y lik na karaj taj kel bꞌi rukꞌ. 40 Ya xinelaj ko chike ri tijoꞌn la chaꞌ kakesaj bꞌi ri itzel uxlabꞌixel, pero rike na xkichꞌij ta resaxik bꞌi —xchaꞌ.\n41 Ekꞌu ri Jesús xukꞌul uwach:\n—¡E ri ix tikawex re waqꞌij ora, na kubꞌul ta ikꞌuꞌx wukꞌ yey ix sachinaq! ¿Janipa chi lo qꞌij kajawaxik kinkꞌojiꞌ iwukꞌ chaꞌ kakubꞌiꞌ ikꞌuꞌx wukꞌ? ¿Janipa chi lo qꞌij kixinkuyu e laꞌ jelaꞌ iꞌanom? —xchaꞌ. Ekꞌuchiriꞌ, xubꞌiꞌij che rachi: —Kꞌama lo ri kꞌajol la wara —xchaꞌ.\n42 Echiriꞌ rala xqibꞌ rukꞌ ri Jesús, xkꞌaq pulew y lik ko xjabajoꞌx ruma ri itzelilaj uxlabꞌixel. Pero ri Jesús xutaq ri itzelilaj uxlabꞌixel chaꞌ kel bꞌi che rala y jekꞌulaꞌ xukunaj kan rala. Tekꞌuchiriꞌ, xuya bꞌi puqꞌabꞌ ruqaw. 43 Y konoje xkam kanimaꞌ che runimal uchuqꞌabꞌ ri Dios.\nRi Jesús kachꞌaꞌt tanchi puwi rukamik\n(Mt. 17:22-23; Mr. 9:30-32)\nRuma kꞌu konoje kaminaq kanimaꞌ che ri kuꞌan ri Jesús, Rire jewaꞌ xubꞌiꞌij chike rutijoꞌn:\n44 —Lik chita chi utz waꞌ y mikꞌow chikꞌuꞌx: Ralaxel Chikixoꞌl Tikawex kayaꞌiꞌ pakiqꞌabꞌ rachijabꞌ chaꞌ rike kakiqꞌat tzij puwiꞌ —xchaꞌ.\n45 Noꞌj rutijoꞌn na xkimaj ta usukꞌ la kubꞌiꞌij, ma kꞌamajaꞌ kayaꞌtaj chike kakimaj usukꞌ waꞌ. Yey kakixiꞌij kibꞌ kakitzꞌonoj che ri Jesús saꞌ keꞌelawi waꞌ.\nChina ri lik kꞌo uwach\n(Mt. 18:1-5; Mr. 9:33-37)\n46 Ekꞌuchiriꞌ, rutijoꞌn ri Jesús xkijeqo kakichapalaꞌ kibꞌ chikiwach puwiꞌ chinoq chike kayaꞌiꞌ más uwach. 47 Ewi ri Jesús xunaꞌbꞌej ri kꞌo pa kanimaꞌ. Xukꞌam kꞌu jun ralko kꞌoꞌm y xuya putzal. 48 Xubꞌiꞌij kꞌu chike:\n—China ri kukꞌul chupa ri nubꞌiꞌ junoq na jinta uwach pachaꞌ wa ralko kꞌoꞌm, e junam rukꞌ e in ri kinukꞌulu. Yey china ri kakꞌuluw we riꞌin, e kukꞌul kꞌu ri Jun taqayom lo we. Ma e ri kuꞌan chꞌutiꞌn che ribꞌ, e lik kꞌo uwach riꞌ chwach ri Dios —xchaꞌ.\nChina ri na kachꞌoꞌjin ta chiqij, riꞌ e qukꞌil\n(Mr. 9:38-40)\n49 Ekꞌuchiriꞌ, ri Juan xubꞌiꞌij che ri Jesús:\n—Qajawal, xqil jun achi kebꞌeresaj bꞌi itzel uxlabꞌixel chupa ri bꞌiꞌ la; yey riꞌoj xqabꞌiꞌij che muꞌan chi waꞌ, ma rire na qukꞌil taj —xchaꞌ.\n50 Ekꞌu ri Jesús xubꞌiꞌij che ri Juan:\n—We kꞌo kaꞌanaw waꞌ, miqꞌatej; ma china ri na kachꞌoꞌjin ta chiqij, riꞌ e qukꞌil —xchaꞌ.\nRi Jacobo y ri Juan keyaj ruma ri Jesús\n51 E xuꞌan waꞌ echiriꞌ ya kopon ruqꞌijol kakꞌam pan ri Jesús chilaꞌ chikaj: Rire xa jumul xujikibꞌaꞌ uwach keꞌek chupa ri tinamit Jerusalem. 52 Xebꞌunabꞌesaj bꞌi rutijoꞌn chwach Rire. Rike xebꞌek y xebꞌok chupa jun aldea ke ri aj Samaria chaꞌ kakitzukuj pa kakanaj wi ri Jesús chiriꞌ. 53 Pero ri aj Samaria na xkaj taj kakikꞌulu ma xkinaꞌbꞌej Jerusalem keꞌek wi.\n54 Echiriꞌ ri Jacobo y ri Juan, ri kebꞌ utijoꞌn ri Jesús xkil waꞌ, xkibꞌiꞌij che:\n—Qajawal, ¿kaꞌaj la kojtaqan che chaꞌ kaqaj lo aqꞌ chilaꞌ chikaj y jekꞌulaꞌ kasach kiwach konoje, jelaꞌ pachaꞌ xuꞌan ri qꞌalajisanel Elías ojertan?* 2 R. 1:9-12 —xechaꞌ.\n55 Pero ri Jesús xutzuꞌ kiwach y xebꞌuyajo, jewaꞌ xubꞌiꞌij chike:\n—Riꞌix na iwetaꞌam taj saꞌ chi uxlabꞌixel xkojow waꞌ pijolom. 56 Ma ri in Alaxel Chikixoꞌl Tikawex na in ta kꞌuninaq che usachik kiwach ri tikawex; ma in petinaq che kikolobꞌexik —xchaꞌ. Ekꞌuchiriꞌ, xebꞌek tanchi chupa jun chik aldea.\nRi kakaj keterej chirij ri Jesús\n(Mt. 8:18-22)\n57 Xaloqꞌ kꞌu riꞌ e kꞌo chi bꞌe, kꞌo jun xubꞌiꞌij che ri Jesús:\n—Wajawal, riꞌin kinterej bꞌi chiꞌij la tobꞌ pachawi keꞌek wi la —xchaꞌ.\n58 Ekꞌu ri Jesús xubꞌiꞌij che:\n—Ri yak kꞌo kijul y ri tzꞌikin kexikꞌikꞌ che ruwa kaj kꞌo kisok; noꞌj Ralaxel Chikixoꞌl Tikawex na jinta ne uluwar tobꞌ xa pa kuxlan wi —xchaꞌ.\n59 Tekꞌuchiriꞌ, xubꞌiꞌij che jun chik achi:\n—Chat-terej lo chwij —xchaꞌ.\nEkꞌu rachi xubꞌiꞌij che ri Jesús:\n—Wajawal, yaꞌa la luwar chwe kanwoyꞌej kakam na ri nuqaw y kanmuq kanoq; tekꞌuchiriꞌ, kinterej chiꞌij la —xchaꞌ.\n60 Ri Jesús xubꞌiꞌij che:\n—Chayaꞌa kan chike ri ekaminaq chwach ri Dios chaꞌ e rike kemuquw ri katz-kichaqꞌ kekamik; noꞌj riꞌat jat y chat-tzijon puwi rutaqanik ri Dios —xchaꞌ.\n61 Tekꞌuchiriꞌ, kꞌo tanchi jun jewaꞌ xubꞌiꞌij che ri Jesús:\n—Wajawal, riꞌin kuaj kinterej bꞌi chiꞌij la. Pero nabꞌe na yaꞌa la luwar chwe kebꞌenuchꞌaꞌbꞌej kan ri watz-nuchaqꞌ e kꞌo pa wocho —xchaꞌ.\n62 Ri Jesús xubꞌiꞌij che:\n—Na jinta junoq echiriꞌ uchapom rabꞌixobꞌal katzuꞌn kan chirij, ma riꞌ na jusukꞌ ta ri chak kuꞌano. Jekꞌuriꞌlaꞌ, we junoq na uyaꞌom ta kan ronoje, na taqal ta che kꞌo chupa rutaqanik ri Dios —xchaꞌ.\n*9:33 Ruchak waꞌ wa rancho xraj kuꞌan ri Pedro, e re kakiloqꞌnimaj kiqꞌij ri kebꞌ qꞌalajisanelabꞌ y ri Jesús.\n*9:54 2 R. 1:9-12","id":"","dump":"CC-MAIN-2020-05","url":"https:\/\/ebible.org\/acrNNT\/LUK09.htm","date":"2020-01-29T17:10:53Z","file_path":"s3:\/\/commoncrawl\/crawl-data\/CC-MAIN-2020-05\/segments\/1579251801423.98\/warc\/CC-MAIN-20200129164403-20200129193403-00269.warc.gz","language":"acr","language_score":0.9914054275,"language_script":"Latn","minhash_cluster_size":1,"top_langs":"{\"acr_Latn_score\": 0.9914054274559021}","num_words":1892,"character_repetition_ratio":0.058,"word_repetition_ratio":0.01,"special_characters_ratio":0.236,"stopwords_ratio":0.262,"flagged_words_ratio":0.0,"lang_id_score":0.993,"perplexity_score":500.0,"cluster_detection":-1} +{"text":"5\nPixabꞌanik chike ri e aj wach re riglesia\n1 Woꞌora kuaj kebꞌenupixabꞌaj ri e aj wach re riglesia. Riꞌin in jun kukꞌil rike, yey in jun xinwil ri kꞌaxkꞌolil xikꞌow wi ri Qanimajawal Jesucristo. Yey in bꞌare jun kꞌo we che ri chomilaj yakbꞌal uqꞌij ri Cristo, ri kaqꞌalajisax na uwach chiqawach apanoq. 2 Kantzꞌonoj ko che alaq: Chechajij alaq chi utz rutinamit ri Dios, ri eyaꞌom chwi qꞌabꞌ alaq. Chechajij kꞌu alaq chi utz rukꞌ ronoje kꞌuꞌx alaq y na xa ta ruma kamin alaq chupa o xa ruma rayibꞌal puaq, ma ri karaj e lik kacha kꞌuꞌx alaq che uꞌanik waꞌ. 3 Maꞌan ne alaq ri xew kataqan alaq pakiwiꞌ; ri ꞌana alaq e kꞌutu alaq ri chomilaj bꞌinik silabꞌik alaq chikiwach rike. 4 We ekꞌu kaꞌan alaq waꞌ, echiriꞌ kakꞌun ri Qanimajawal Jesucristo, ri Chajinel kꞌo pakiwi konoje ri e aj chajal rutinamit ri Dios, Rire kuya chijujunal alaq jun corona na kasach ta kꞌana uwach, kꞌutubꞌal re runimal uwach Rire.\nPixabꞌanik chike rutinamit ri Dios\n5 Ekꞌu riꞌix ix alabꞌo, chikojo kitzij ri e aj wach re riglesia. Yey chirajawaxik che onoje alaq kaꞌan alaq chꞌutiꞌn che ibꞌ alaq chiwach alaq, ma jewaꞌ tzꞌibꞌital kan chupa Ruchꞌaꞌtem ri Dios:\nRi Dios uyakom ribꞌ chikij\njanipa ri kakitakꞌabꞌaꞌ kiqꞌij;\nnoꞌj uyaꞌom ri unimal rutzil ukꞌuꞌx chike\njanipa ri kakiꞌan chꞌutiꞌn che kibꞌ Pr. 3:34\nkachaꞌ. 6 ꞌAna chꞌutiꞌn che ibꞌ alaq y yaꞌa kꞌu ibꞌ alaq puqꞌabꞌ ri Dios, ri kꞌo unimal uchuqꞌabꞌ; jekꞌulaꞌ Rire lik kuyak qꞌij ralaq echiriꞌ kopon na ruqꞌijol. 7 Ronoje rubꞌis kꞌuꞌx alaq yaꞌa alaq chwach ri Dios, ma Rire lik kok il che chajixik alaq.\n8 Lik kꞌola naꞌoj alaq puwi saꞌ taq ri kaꞌan alaq y mawar wach alaq. Ma ritzel winaq, ri aj retzelal kꞌuꞌx chiꞌij alaq, e kutzukuj suꞌanik katzaq alaq puqꞌabꞌ jelaꞌ pachaꞌ juna koj lik kusut kij ri tikawex re kutzukuj china ri kubꞌiqꞌ bꞌi. 9 Lik chꞌija alaq uchuqꞌabꞌ ritzel y lik chuqꞌubꞌej ibꞌ alaq che ri kubꞌulibꞌal kꞌuꞌx alaq rukꞌ ri Cristo. Yey mikꞌow chikꞌuꞌx alaq na xew ta ralaq kikꞌowibꞌej alaq kꞌaxkꞌobꞌik, ma jenelaꞌ ri qa hermanos e kꞌo che ronoje ruwachulew kakikꞌowibꞌej kꞌaxkꞌobꞌik.\n10 Ri Dios xojusikꞌij chaꞌ kojkꞌojiꞌ rukꞌ ri Qanimajawal Jesucristo chupa ri chomilaj utaqanik na jinta utaqexik. Ruma kꞌu waꞌ, echiriꞌ ikꞌowinaq chi alaq jujun qꞌij chupa wa kꞌax; ri Dios, ri lik kojutoꞌ che ronoje ruma ri unimal rutzil ukꞌuꞌx, e kuyak tanchi alaq, kukowirisaj alaq, kuya chuqꞌabꞌ alaq y kutikibꞌaꞌ alaq chi utz. 11 Che kꞌu ri Dios taqal wi kayak uqꞌij waqꞌij ora y chiqawach apanoq, ma ruchuqꞌabꞌ na jinta utaqexik. Amén.\nKꞌisbꞌal chꞌaꞌtem re ri Pedro chike taq riglesias\n12 Xintzꞌibꞌan kꞌu pan che alaq; yey ri hermano Silvano, ri lik kubꞌul nukꞌuꞌx rukꞌ, e kakꞌamaw bꞌi waꞌ wa carta che alaq. Ximpixabꞌaj kꞌu alaq y xinqꞌalajisaj chiwach alaq ri saqil unimal rutzil ukꞌuꞌx ri Dios; tikila kꞌu alaq chi utz chupa waꞌ.\n13 Rutinamit ri Dios, ri e kꞌo pa ri tinamit re Babilonia, ri echaꞌtal ruma ri Dios junam ukꞌ ralaq, rike junam rukꞌ ri Marcos, ri pachaꞌ nukꞌajol chupa rubꞌiꞌ ri Cristo, kakiya pan rutzil wach alaq. 14 Yaꞌa alaq rutzil wach alaq chiwach alaq rukꞌ jun saqil tzꞌubꞌuj chiꞌaj,* Ri Pedro jewaꞌ xubꞌiꞌij ma rike e kakiꞌan waꞌ chikiwach echiriꞌ kakiya rutzil kiwach. kꞌutubꞌal re kꞌax kanaꞌ ibꞌ alaq. Kꞌola utzil chomal chixoꞌl alaq, ri kꞌo alaq puqꞌabꞌ ri Qanimajawal Jesucristo. Amén.\n*5:14 Ri Pedro jewaꞌ xubꞌiꞌij ma rike e kakiꞌan waꞌ chikiwach echiriꞌ kakiya rutzil kiwach.","id":"","dump":"CC-MAIN-2020-05","url":"https:\/\/ebible.org\/acrNNT\/1PE05.htm","date":"2020-01-29T17:10:09Z","file_path":"s3:\/\/commoncrawl\/crawl-data\/CC-MAIN-2020-05\/segments\/1579251801423.98\/warc\/CC-MAIN-20200129164403-20200129193403-00317.warc.gz","language":"acr","language_score":0.9995779395,"language_script":"Latn","minhash_cluster_size":1,"top_langs":"{\"acr_Latn_score\": 0.9995779395103455}","num_words":570,"character_repetition_ratio":0.06,"word_repetition_ratio":0.018,"special_characters_ratio":0.204,"stopwords_ratio":0.261,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"22\nRi yaꞌ re kꞌaslemal\n1\nTekꞌuchiriꞌ, ri ángel xukꞌut chinuwach jun nimayaꞌ rukꞌ yaꞌ re kꞌaslemal, waꞌ lik kajuljut upa jelaꞌ pachaꞌ chi vidrio, yey kel lo pa kꞌo wi ri tzꞌulibꞌal re taqanik re ri Dios y re ri Qꞌapoj Bꞌexex. 2\nPunikꞌajal ri nimabꞌe re ri tinamit y che ukabꞌichal uchiꞌ ri nimayaꞌ, kꞌo ri cheꞌ kuya kꞌaslemal.*\nWa cheꞌ kuya kabꞌlajuj uwach chupa ri junabꞌ, yey chujujunal ikꞌ kawachinik. Ekꞌu ruxaq e re kunabꞌal ke taq ri tinamit che ruwachulew. 3\nChiriꞌ na jinta chi ri na utz ta uwach xukꞌam lo ri mak.*\nEkꞌu ri tzꞌulibꞌal re ri Dios y re ri Qꞌapoj Bꞌexex kakꞌojiꞌ chiriꞌ yey konoje ri e nimanel re ri Dios kakiloqꞌnimaj uqꞌij Rire. 4\nKakil kꞌu uwach ri Dios pa saqil wi y rubꞌiꞌ Rire kakꞌojiꞌ che rukurusil ri kipalaj. 5\nChiriꞌ kꞌu riꞌ na jinta chi aqꞌabꞌ; ri kejeqiꞌ chiriꞌ na kajawax ta chi ne uwonibꞌal aqꞌ re lámpara chike y na kajawax tane utzuꞌnibꞌal ri qꞌij, ma ri Dios Qajawxel e qꞌijsaq chike. Yey ri kitaqanik rike na jinta chi utaqexik.\nRukꞌunibꞌal ri Cristo\n6 Jewaꞌ xubꞌiꞌij kꞌu ri ángel chwe:\n«E taq waꞌ wa chꞌaꞌtem lik areꞌ y lik qatzij. Y ri Dios Qajawxel, ri kayaꞌw kichꞌaꞌtem ri ketzijon re Rutzij, utaqom lo ru ángel chaꞌ kuqꞌalajisaj chike ri e aj chak re Rire janipa taq ri katajin loq» xchaꞌ.\n7 Ekꞌu ri Qanimajawal jewaꞌ kubꞌiꞌij:\n«¡Chitapeꞌ! ¡Na naj ta chi ri woponik iwukꞌ! Lik nim uqꞌij ralaxik ri kutaqej taq wa qꞌalajisanik tzꞌibꞌital chupa wa libro» kachaꞌ.\n8 Riꞌin in Juan, in ri xintaw re yey in ri xinilow re ronoje taq waꞌ. Echiriꞌ nutom y wilom chi taq ronoje waꞌ, xuaj kanloqꞌnimaj uqꞌij ri ángel, ri xbꞌiꞌn re y xkꞌutuw re chwe ronoje taq waꞌ; xinxukubꞌaꞌ kꞌu wibꞌ xeꞌraqan uqꞌabꞌ, 9 pero rire jewaꞌ xubꞌiꞌij chwe:\n«Lik maꞌan laꞌ, maxukubꞌaꞌ awibꞌ chinuwach. Ma riꞌin xa in jun aj chak re ri Dios jelaꞌ pachaꞌ riꞌat y taq rawach e qꞌalajisanelabꞌ, junam kukꞌ ri kakikoj utzij taq wa tzꞌibꞌital kan chupa wa libro. E chaloqꞌnimaj uqꞌij ri Dios» xchaꞌ.\n10 Je tanchi waꞌ xubꞌiꞌij ri ángel chwe:\n«Mawewaj taq ri qꞌalajisanik tzꞌibꞌital chupa wa libro, ma xa naqaj chi kꞌo wi lo ruqꞌijol chaꞌ kuꞌana taq waꞌ. 11 China kꞌu ri kuꞌan ri na jusukꞌ taj, we na karaj taj karoqꞌotaj uꞌanik, rukꞌ kꞌu rire kꞌo wi. China ri uchꞌulam rubꞌinik, we na karaj taj karoqꞌotaj waꞌ, rukꞌ kꞌu rire kꞌo wi. Yey ekꞌu ri kuꞌan ri lik jusukꞌ, e chutaqej uꞌanik ri lik jusukꞌ y china ri uyaꞌom ribꞌ che jun santowilaj bꞌinik, e chuchuqꞌubꞌej ribꞌ che waꞌ» xcha ri ángel.\n12 Ekꞌu ri Qanimajawal jewaꞌ kubꞌiꞌij:\n«¡Chitapeꞌ! Na naj ta chi ri woponibꞌal iwukꞌ y kankꞌam kꞌu bꞌi ri rajil ukꞌaxel, ri kanya chike ri tikawex chikijujunal e chirij taq ri kiꞌanom. 13\nRiꞌin in ri jeqebꞌal re yey in ri kꞌisbꞌal re jelaꞌ pachaꞌ ri kaꞌibꞌ letra A y Z.† 14\nLik nim kiqꞌij kalaxik ri kakiꞌan jusukꞌ che ri kibꞌinik kisilabꞌik,‡\nma jelaꞌ lik taqal chike kakitij ke ruwach ri cheꞌ re kꞌaslemal y kebꞌok bꞌi che taq ri okibꞌal re wa tinamit. 15\nNoꞌj e taq ri winaq qiꞌtzel kibꞌinik kisilabꞌik: ri e aj itz, ri kaketzꞌabꞌej uwa kiqꞌij kukꞌ jujun chik na kikꞌulel taj, ri e kamisanel, ri e aj tioxabꞌ kukꞌ konoje ri lik keꞌek kikꞌuꞌx che uꞌanik raqꞌubꞌal, riꞌ na kanya ta chike kebꞌok bꞌi chupa wa tinamit. 16\nRiꞌin in Jesús nutaqom bꞌi ri nu ángel chaꞌ kutzijoj ronoje taq waꞌ pa taq riglesias. Ri David kukꞌ taq kan ri ralkꞌoꞌal e pachaꞌ jun cheꞌ; ekꞌu Riꞌin in ri in ratzꞌayaq y in ri utux waꞌ wa cheꞌ,§\nyey in pachaꞌ ri jun chꞌumil kawon pa saqribꞌal»*\nkacha ri Jesús.\n17 Ri Ruxlabꞌixel ri Dios y ri rixoqil ri Qꞌapoj Bꞌexex, jewaꞌ kakibꞌiꞌij:\n«Peta la» kechaꞌ.\nY china ri kataw re, chubꞌiꞌij:\n«Peta la.»\nChina kꞌu ri katzajin uchiꞌ y karaj kapetik, petoq y chutija re ri yaꞌ re kꞌaslemal, yey waꞌ xa kasipax che.\n18 Riꞌin in Juan kanqꞌalajisaj kꞌu waꞌ chikiwach konoje ri ketaw re ri qꞌalajisanik re wa libro: We kꞌo junoq kukoj uwiꞌ ronoje taq waꞌ, ri Dios kutaq lo puwiꞌ janipa ri kꞌaxkꞌobꞌik tzꞌibꞌital chupa wa libro. 19 We kꞌo kꞌu junoq kꞌo karesaj che ri qꞌalajisanik re wa libro, ri Dios na kuya ta chi che kutij ruwach ri cheꞌ ri kuya kꞌaslemal, na kuya tane che kok bꞌi chupa ri santowilaj tinamit re ri Dios, yey na jinta chi kꞌana re che janipa ri utz tzꞌibꞌital kan chupa wa libro.\n20 Ekꞌu ri kajikibꞌan uwach taq waꞌ, jewaꞌ kubꞌiꞌij:\n«Paqatzij wi na naj ta chi ri woponibꞌal iwukꞌ» kacha ri Jesús.\n¡Amén! E chuꞌana riꞌ, peta la, Qanimajawal Jesucristo.\n21 Kꞌulu kꞌu onoje alaq riꞌ ri unimal rutzil ukꞌuꞌx ri Dios. Amén.","id":"","dump":"CC-MAIN-2020-05","url":"https:\/\/ebible.org\/acrNNT\/REV22.htm","date":"2020-01-29T18:20:56Z","file_path":"s3:\/\/commoncrawl\/crawl-data\/CC-MAIN-2020-05\/segments\/1579251801423.98\/warc\/CC-MAIN-20200129164403-20200129193403-00501.warc.gz","language":"acr","language_score":0.9889807701,"language_script":"Latn","minhash_cluster_size":1,"top_langs":"{\"acr_Latn_score\": 0.988980770111084, \"quc_Latn_score\": 0.01096076238900423}","num_words":789,"character_repetition_ratio":0.054,"word_repetition_ratio":0.005,"special_characters_ratio":0.221,"stopwords_ratio":0.335,"flagged_words_ratio":0.0,"lang_id_score":0.987,"perplexity_score":500.0,"cluster_detection":-1} +{"text":"24\nRukꞌastajibꞌal ri Jesús\n(Mt. 28:1-10; Mr. 16:1-8; Jn. 20:1-10)\n1 Ri nabꞌe qꞌij re ri semana lik anim tan rixoqibꞌ e petinaq lo Galilea y jujun chik ixoqibꞌ, xebꞌek pa muqutal wi ri Jesús, yey kukꞌaꞌam bꞌi kunabꞌal lik kiꞌ ruxlabꞌ, ri kiyijbꞌam bꞌi. 2 Yey xeꞌkiriqa rabꞌaj esam chi chuchiꞌ ri muqubꞌal. 3 Xebꞌok kꞌu bꞌi chupa ri muqubꞌal, pero na xkiriq ta chi rucuerpo ri Qanimajawal Jesucristo. 4 Lik kꞌut bꞌenaq ri kinaꞌoj puwi waꞌ, echiriꞌ xaqikꞌateꞌt xewinaqir kaꞌibꞌ achijabꞌ chikiwach, lik kawolqꞌin ri kiqꞌuꞌ. 5 Rixoqibꞌ lik xkixiꞌij kibꞌ y xkiqasaj ri kipalaj pulew.\nEkꞌu ri kaꞌibꞌ achijabꞌ xkibꞌiꞌij chike:\n—¿Suꞌchak kitzukuj chikixoꞌl ri ekaminaq ri Jun kꞌaslik? 6 Rire na jinta chi wara, ma kꞌastajinaq chi lo chikixoꞌl ri ekaminaq. Kꞌuna chikꞌuꞌx saꞌ rubꞌiꞌim lo chiwe echiriꞌ kꞌa kꞌo Galilea, 7 echiriꞌ xubꞌiꞌij: \"Lik chirajawaxik wi Ralaxel Chikixoꞌl Tikawex kayaꞌ pakiqꞌabꞌ achijabꞌ aj makibꞌ chaꞌ kakamisax chwa cruz, noꞌj Rire kakꞌastaj lo churox qꞌij\"* Lc. 9:22; 18:31-33 —xechaꞌ. 8 Kꞌa ekꞌuchiriꞌ xkꞌun chikikꞌuꞌx rixoqibꞌ ruchꞌaꞌtem ri Jesús.\n9 Echiriꞌ xetzelej lo chilaꞌ pa ri muqubꞌal, xkitzijoj ronoje waꞌ chike ri junlajuj taqoꞌn y chike konoje ri e kꞌo kukꞌ. 10 Ekꞌu ri xetzijon waꞌ e ri María ri aj Magdala, ri Juana, ri María uchu ri Santiago y jujun kachbꞌiꞌil. 11 Yey ri taqoꞌn na xkikoj ta ri xkitzijoj rixoqibꞌ, ma e chikiwach rike, wa ixoqibꞌ echꞌuꞌjerinaq.\n12 Ekꞌu ri Pedro xyaktaj bꞌi y lik kanik xeꞌek pa kꞌo wi ri muqubꞌal re ri Jesús. Y echiriꞌ xochꞌin pan chupa, xrilo xew chi kꞌo kan ri jutaq rabꞌaꞌj kꞌul pa xbꞌolqꞌotix wi ri Jesús. Xeꞌek kꞌut lik kaminaq ranimaꞌ che ri xrilo y kutzꞌonoj chiribꞌil ribꞌ saꞌ nawi waꞌ.\nRi Jesús kukꞌut uwach chikiwach ri kebꞌ utijoꞌn chupa ri bꞌe re Emaús\n(Mr. 16:12-13)\n13 Chupa laꞌ laꞌ qꞌij, kaꞌibꞌ chike rutijoꞌn kebꞌin chupa ri bꞌe re keꞌek pa raldea Emaús, waꞌ kꞌo lo pa once kilómetro che ri tinamit Jerusalem. 14 Xaloqꞌ kꞌu kebꞌin chupa ri bꞌe, rike kechꞌaꞌt chikiwach puwi ri kꞌakꞌ ikꞌowinaq. 15 Yey echiriꞌ kechꞌaꞌt chikiwach, ri Jesús xqibꞌ kukꞌ y xerachbꞌilaj bꞌi. 16 Pero rike pachaꞌ chꞌuqutal ri kiwach, ma tobꞌ xkilo na xketaꞌmaj ta uwach.\n17 Ekꞌu ri Jesús xubꞌiꞌij chike:\n—¿Saꞌ puwiꞌ kachꞌaꞌt wi alaq chupa wa bꞌe? ¿Y suꞌchak kabꞌison alaq? —xchaꞌ.\n18 Jun kꞌu chike, Cleofas rubꞌiꞌ, xukꞌul uwach, jewaꞌ xubꞌiꞌij:\n—Laj xew rilal chike konoje ri ebꞌinel e kꞌo Jerusalem na etaꞌam ta la saꞌ ri kꞌakꞌ ikꞌowinaq chupa taq waꞌ wa qꞌij —xchaꞌ.\n19 Xubꞌiꞌij kꞌu ri Jesús chike:\n—¿Saꞌ ri xuꞌano? —xchaꞌ.\nEwi xkibꞌiꞌij che:\n—E kojchꞌaꞌt puwi ri xukꞌulumaj ri Jesús ri aj Nazaret, ri nimalaj qꞌalajisanel lik kꞌo uchuqꞌabꞌ che taq ri kuꞌano y ri kubꞌiꞌij; rire lik yakom uqꞌij ruma ri Dios y kuma taq ri tikawex re ri tinamit. 20 Yey ri nimaq e aj chakunel pa Rocho Dios kukꞌ raj wach re ri qatinamit xkiya puqꞌabꞌ ri taqanel romano chaꞌ kaqꞌat tzij puwiꞌ y kakamisax chwa cruz. 21 Chwi kꞌu rukamik e urox qꞌij waꞌ. Yey riꞌoj xkubꞌiꞌ qakꞌuꞌx e rire ri kukolobꞌej ri qatinamit Israel.\n22 »Yey kisachisam ne qanaꞌoj jujun ixoqibꞌ ebꞌare jun chiqaxoꞌl riꞌoj oj utijoꞌn kan ri Jesús. Ma rike lik anim tan xebꞌopon chupa rumuqubꞌal, 23 pero na xkiriq ta chi rucuerpo ri Jesús. Xetzelej kꞌu lo qukꞌ, kakitzijoj chiqe xewinaqir jujun ángeles chikiwach, yey waꞌ xkibꞌiꞌij chike: \"Rire kꞌastajinaq chi lo chikixoꞌl ri ekaminaq.\" 24 Xebꞌek kꞌu jujun chiqe riꞌoj chupa rumuqubꞌal y e xkilo jelaꞌ pachaꞌ ri kibꞌiꞌim rixoqibꞌ chiqe. Noꞌj na xkil ta uwach ri Jesús —xechaꞌ.\n25 Ekꞌu ri Jesús xubꞌiꞌij chike:\n—¡Toqꞌoꞌ wach alaq ma lik na kamaj ta alaq usukꞌ y kamayin alaq che ukojik janipa ri kibꞌiꞌim kan ri qꞌalajisanelabꞌ! 26 ¿Na chirajawaxik ta nebꞌa ri Cristo, Ruchaꞌoꞌn lo ri Dios, kutij na ronoje wa kꞌaxkꞌobꞌik y tekꞌuchiriꞌ keꞌek chilaꞌ chikaj pa kayak wi uqꞌij? —xchaꞌ.\n27 Xuqꞌalajisaj kꞌu chike ronoje ri kubꞌiꞌij chupa Ruchꞌaꞌtem ri Dios chwi Rire, xujeq lo rukꞌ ri tzꞌibꞌital kan ruma ri Moisés yey tekꞌuchiriꞌ xuqꞌalajisaj janipa ri tzꞌibꞌital chwi Rire kuma konoje ri qꞌalajisanelabꞌ.\n28 Ekꞌuchiriꞌ xebꞌopon chupa raldea pa kebꞌek wi ri kebꞌ achijabꞌ, ri Jesús xuꞌan pachaꞌ e riꞌ xumaj chubꞌi rubꞌe. 29 Pero rike lik xebꞌelaj che kakanaj kan kukꞌ, jewaꞌ xkibꞌiꞌij che:\n—Kanaj kan la qukꞌ, ma bꞌenaq chi ri qꞌij yey ya kok raqꞌabꞌ —xechaꞌ.\nRi Jesús xok kꞌu bꞌi y xkanaj kan chiriꞌ kukꞌ. 30 Echiriꞌ e kꞌo chi chwa ri mexa, xukꞌam ri pam y xtioxin chwach ri Dios, xuwechꞌ kꞌu upa y xuya chike. 31 Kꞌa ekꞌuchiriꞌ xjaqataj ri kiwach y xketaꞌmaj uwach. Pero ri Jesús e laꞌ chikiwach xmalkaꞌnik.\n32 Xkibꞌiꞌij kꞌu riꞌ chikiwach:\n—¿Na kamiqꞌmot ta nebꞌa qakꞌuꞌx che kiꞌkotemal echiriꞌ rire kachꞌaꞌt qukꞌ pa ri bꞌe y kuqꞌalajisaj chiqe Rutzij Upixabꞌ ri Dios? —xechaꞌ.\n33 Na jampatana xeyaktajik y xetzelej Jerusalem. Chiriꞌ xebꞌoꞌlkiriqa ri junlajuj taqoꞌn kimolom kibꞌ kukꞌ ri kachbꞌiꞌil. 34 Y rike xkibꞌiꞌij chike wa kaꞌibꞌ: «¡Paqatzij wi kꞌastajinaq lo ri Qanimajawal Jesucristo ma xilitaj uwach ruma ri Simón!» kechaꞌ.\n35 Yey la kaꞌibꞌ xkijeq utzijoxik saꞌ ri xkikꞌulumaj chupa ri bꞌe echiriꞌ xebꞌek Emaús y suꞌanik xketaꞌmaj uwach ri Jesús echiriꞌ xuwechꞌ upa ri pam.\nRi Jesús kukꞌut uwach chikiwach rutijoꞌn\n(Mt. 28:16-20; Mr. 16:14-18; Jn. 20:19-23)\n36 Kꞌa ketajin ne che uchꞌaꞌtibꞌexik ri kilom y ri kitom, echiriꞌ ri Jesús xwinaqir chikiwach, xaqikꞌateꞌt xtakꞌiꞌ chikixoꞌl y jewaꞌ xubꞌiꞌij chike:\n—Kꞌola utzil chomal iwukꞌ —xchaꞌ.\n37 Yey rike lik xkixiꞌij kibꞌ che, ma e chikiwach rike laj juna espíritu ri kakitzutzaꞌ uwach. 38 Noꞌj ri Jesús xubꞌiꞌij chike:\n—¿Suꞌchak kuxiꞌij ribꞌ ikꞌuꞌx y na kikoj taj we in kꞌaslik? 39 Chiwilape ri nuqꞌabꞌ y ri waqan; chichapape rukꞌ riqꞌabꞌ y jelaꞌ kiwil chi utz lik in ri in kꞌo iwukꞌ y na xa ta in juna espíritu, ma juna espíritu na jinta utiꞌjil y na jinta ubꞌaqil pachaꞌ ri kiwil chwe riꞌin —xchaꞌ.\n40 Y ekꞌuchiriꞌ kubꞌiꞌij waꞌ, xukꞌut ruqꞌabꞌ y ri raqan chikiwach. 41 Ekꞌu rike lik kekiꞌkotik y kaminaq kanimaꞌ che yey na kakiriq taj suꞌanik kakikoj ri kakilo.\nEkꞌuchiriꞌ, ri Jesús xubꞌiꞌij chike:\n—¿Saꞌ ri kꞌo iwukꞌ re katijik? —xchaꞌ.\n42 Xkiya kꞌu che, juchꞌaqap kar bꞌolom y uwaꞌal kabꞌ kꞌa kꞌo pa cera. 43 Ewi Rire xukꞌamo y xutij chikiwach.\n44 Ekꞌuchiriꞌ, xubꞌiꞌij chike:\n—E nubꞌiꞌim lo waꞌ chiwe echiriꞌ kꞌa in kꞌo iwukꞌ:* Lc. 9:22; 18:31-33 Lik chirajawaxik wi kuꞌana na janipa ri tzꞌibꞌital kan panuwi riꞌin chupa ri Tzij Pixabꞌ re ri Moisés, chupa ri kitzꞌibꞌam kan ri qꞌalajisanelabꞌ y chupa taq ri Salmos —xchaꞌ.\n45 Kꞌa tekꞌuchiriꞌ xujaq ri kinaꞌoj chaꞌ kakimaj usukꞌ chi utz Rutzij Upixabꞌ ri Dios. 46 Xubꞌiꞌij kꞌu chike:\n—Jewaꞌ ri tzꞌibꞌital kan pa Ruchꞌaꞌtem ri Dios: Lik chirajawaxik wi ri Cristo, Ruchaꞌoꞌn lo ri Dios, kutij kꞌax, kakamik y kakꞌastaj lo churox qꞌij;* Is. 53:1-12; Os. 6:2 47 y chupa kꞌu rubꞌiꞌ, katzijox ri Utzilaj Tzij re tzelebꞌal tzij y re kuybꞌal mak chike konoje rukꞌiyal kiwach taq ri tikawex e kꞌo che ruwachulew, yey kajeqer utzijoxik waꞌ Jerusalem. 48 Riꞌix kibꞌiꞌij kꞌu riꞌ chike ri winaq janipa taq wa xiwilo y xito. 49 Chitapeꞌ: Riꞌin kantaq lo piwi riꞌix ri Jun* Waꞌ e ri Santowilaj Ruxlabꞌixel ri Dios. Jl. 2:28-29; Jn. 14:16-17 ubꞌiꞌtisim lo ri Nuqaw; pero chixkꞌola wara chupa wa tinamit Jerusalem chaꞌ kiwoyꞌej na kikꞌul wa chuqꞌabꞌ kape chilaꞌ chikaj —xchaꞌ.\nRi Jesús katzelej chilaꞌ chikaj\n(Mr. 16:19-20)\n50 Ekꞌuchiriꞌ, ri Jesús xebꞌukꞌam bꞌi rutijoꞌn y xebꞌek chunaqaj Betania. Xuyak kꞌu ruqꞌabꞌ pakiwiꞌ y xebꞌuꞌan bendecir. 51 Echiriꞌ katajin che uꞌanik waꞌ, xujeqo xel bꞌi chikixoꞌl y xkꞌam kꞌu bꞌi chilaꞌ chikaj.\n52 Ewi rutijoꞌn lik xkiloqꞌnimaj uqꞌij ri Jesús. Tekꞌuchiriꞌ xetzelej chupa ri tinamit Jerusalem rukꞌ unimal kiꞌkotemal chupa ri kanimaꞌ. 53 Y xaqi e kꞌo chupa ri Rocho Dios, kebꞌixonik y kakiyak uqꞌij ri Dios. Amén.\n*24:46 Is. 53:1-12; Os. 6:2","id":"","dump":"CC-MAIN-2020-05","url":"https:\/\/ebible.org\/acrNNT\/LUK24.htm","date":"2020-01-26T18:44:04Z","file_path":"s3:\/\/commoncrawl\/crawl-data\/CC-MAIN-2020-05\/segments\/1579251690095.81\/warc\/CC-MAIN-20200126165718-20200126195718-00406.warc.gz","language":"acr","language_score":0.9953077435,"language_script":"Latn","minhash_cluster_size":2,"top_langs":"{\"acr_Latn_score\": 0.9953077435493469}","num_words":1239,"character_repetition_ratio":0.053,"word_repetition_ratio":0.0,"special_characters_ratio":0.231,"stopwords_ratio":0.26,"flagged_words_ratio":0.0,"lang_id_score":0.996,"perplexity_score":500.0,"cluster_detection":-1} +{"text":"2\nJun kꞌulanikil pa ri tinamit Caná re Galilea\n1 Oxibꞌ qꞌij rikꞌowik waꞌ, xꞌan jun kꞌulanikil pa ri tinamit Caná re Galilea. Ruchu ri Jesús e jun chike ri e kꞌo chiriꞌ. 2 Ekꞌu ri Jesús, junam kukꞌ rutijoꞌn, xesikꞌix pa ri kꞌulanikil.\n3 Yey kꞌamajaꞌ ne kakꞌis ri nimaqꞌij echiriꞌ xkꞌis ri vino. Ekꞌu ruchu ri Jesús xubꞌiꞌij che:\n—Xkꞌis ri vino ketajin che ujachik —xchaꞌ.\n4 Ri Jesús xukꞌul uwach:\n—Tape la, ¿suꞌchak kabꞌiꞌij la waꞌ chwe riꞌin? Ma kꞌamajaꞌ kopon ri ora kanqꞌalajisaj nuwach —xchaꞌ.\n5 Ekꞌu ruchu ri Jesús xubꞌiꞌij chike ri keniman chiriꞌ:\n—E ꞌana alaq ronoje ri kubꞌiꞌij rire che alaq —xchaꞌ.\n6 Chiriꞌ kꞌu riꞌ kꞌo waqibꞌ tenaꞌx ꞌanatal rukꞌ abꞌaj, waꞌ kakꞌoliꞌ yaꞌ chupa re kijosqꞌikil raj judiꞌabꞌ chwach ri Dios. Chujujunal tenaꞌx, laj kok juna ochenta o juna cien litros yaꞌ chupa.\n7 Ri Jesús xubꞌiꞌij chike ri keniman chiriꞌ:\n—Nojisaj alaq che yaꞌ taq wa tenaꞌx —xchaꞌ.\nEkꞌu rike xkinojisaj chi utz.\n8 Ekꞌuchiriꞌ, ri Jesús xubꞌiꞌij chike:\n—Woꞌora chesaj lo alaq jubꞌiqꞌ y kꞌama bꞌi alaq che ri aj wach re wa nimaqꞌij —xchaꞌ. Y rike jelaꞌ xkiꞌano.\n9 Ekꞌu ri aj wach re ri nimaqꞌij xunaꞌ ri yaꞌ ꞌanom vino che, tobꞌ na retaꞌam ta nenareꞌ pa xpe wi. Xew ri keniman chiriꞌ ketaꞌam, ma e rike xebꞌesan lo ri yaꞌ. Ekꞌu ri aj wach xusikꞌij rala xkꞌuliꞌik 10 y jewaꞌ xubꞌiꞌij che:\n—Konoje ri tikawex nabꞌe na e kakijach ri chomilaj vino, yey echiriꞌ ri echokom lik kꞌi chi ri kitijom, kꞌa ekꞌuchiriꞌ kajachiꞌ ri xaqi tobꞌ vino. Noꞌj riꞌat kꞌa e laꞌ xawesaj lo ri saqil vino che wa kꞌisbꞌal re wa nimaqꞌij —xchaꞌ.\n11 E nabꞌe kꞌutubꞌal waꞌ re ruchuqꞌabꞌ ri Dios xuꞌan ri Jesús chilaꞌ Caná re Galilea. Rukꞌ waꞌ xuqꞌalajisaj ri unimal uwach uqꞌij y ruma laꞌ rutijoꞌn lik xkubꞌiꞌ kikꞌuꞌx rukꞌ.\n12 Echiriꞌ ikꞌowinaq chi waꞌ, ri Jesús rukꞌ ruchu, kukꞌ taq ruchaqꞌ y rutijoꞌn xebꞌek pa ri tinamit Capernaúm. Yey na xekꞌojiꞌ ta chiriꞌ ukꞌiyal qꞌij.\nRi Jesús kebꞌeresaj bꞌi raj kꞌay chupa ri Rocho Dios\n(Mt. 21:12-13; Mr. 11:15-18; Lc. 19:45-46)\n13 Xa naqaj chi kꞌo wi lo ri Pascua, waꞌ e kinimaqꞌij raj judiꞌabꞌ. Ekꞌu ri Jesús xeꞌek pa ri tinamit Jerusalem. 14 Chiriꞌ pa ri Rocho Dios, xebꞌuꞌriqa ri e aj kꞌay bꞌoyexabꞌ, bꞌexex y palomax, kukꞌ ri e aj jachal uwach puaq* Kꞌi uwach ri puaq kakikꞌam taq lo ri tikawex yey pa ri Rocho Dios xa jun uwach ri puaq kakꞌulik. E uwariꞌche kakijal uwach ri puaq echiriꞌ kakiya waꞌ re qasaꞌn. etzꞌul chiriꞌ.\n15 Ekꞌuchiriꞌ, ri Jesús xuꞌan jun asial y rukꞌ waꞌ xebꞌeresaj lo pa ri Rocho Dios konoje rike junam kukꞌ taq ri bꞌexex y ri bꞌoyexabꞌ e kꞌo pa kꞌayij. Xuxulkꞌatilaꞌ taq bꞌi ri kimexa ri e aj jachal uwach puaq, y jelaꞌ xkichikoꞌbꞌ bꞌi ri puaq. 16 Xubꞌiꞌij kꞌu chike raj kꞌay ke palomax:\n—¡Chesaj bꞌi alaq taq waꞌ! ¡Maꞌan alaq kꞌaybꞌal che ri Rocho ri Nuqaw! —xchaꞌ.\n17 Ekꞌuchiriꞌ, xkꞌun chikikꞌuꞌx rutijoꞌn ri tzꞌibꞌital pa Ruchꞌaꞌtem ri Dios pa kubꞌiꞌij wi:\nRuchajixik ri Ocho la\nlik e ubꞌis nukꞌuꞌx riꞌ Sal. 69:9\nkachaꞌ.\n18 Ekꞌu raj judiꞌabꞌ xkitzꞌonoj che:\n—¿Saꞌ ri kꞌutubꞌal kaꞌan la chiqawach chaꞌ kaqakojo yaꞌtal paqꞌabꞌ la kaꞌan la waꞌ? —xechaꞌ.\n19 Ri Jesús xukꞌul uwach:\n—We xwulij alaq wa rocho ri Dios, xa pa oxibꞌ qꞌij riꞌin kanyak tanchik —xchaꞌ.\n20 Xkibꞌiꞌij kꞌu raj judiꞌabꞌ che:\n—Waꞌ wa Rocho Dios pa cuarenta y seis junabꞌ xutzin wi. ¿Kayak kami la riꞌ rilal pa oxibꞌ qꞌij? —xechaꞌ.\n21 Pero ri \"Rocho Dios\" xchꞌaꞌt ri Jesús puwiꞌ, e rucuerpo Rire. 22 E uwariꞌche, echiriꞌ xkꞌastaj lo chikixoꞌl ri ekaminaq, rutijoꞌn xkꞌun chikikꞌuꞌx ri ubꞌiꞌim chi lo chike. Kꞌa ekꞌuchiriꞌ xkimaj usukꞌ y xkikoj ri tzꞌibꞌital kan chupa Ruchꞌaꞌtem ri Dios puwi ri Jesús y ri bꞌiꞌtal kan ruma Rire.\nRi Jesús retaꞌam saꞌ ri kꞌo pa kanimaꞌ ri tikawex\n23 Echiriꞌ kꞌo ri Jesús Jerusalem pa ri nimaqꞌij Pascua, lik e kꞌi ri tikawex xkikoj rubꞌiꞌ Rire ruma xkil taq ri kꞌutubꞌal re ruchuqꞌabꞌ ri Dios xuꞌano. 24 Noꞌj ri Jesús na xkubꞌiꞌ ta ukꞌuꞌx kukꞌ ma lik retaꞌam kiwach konoje. 25 Na xajawax tane kabꞌiꞌx che saꞌ ri kakichꞌobꞌ raqan ri winaq, ma Rire retaꞌam saꞌ ri kꞌo chupa ri kanimaꞌ.\n*2:14 Kꞌi uwach ri puaq kakikꞌam taq lo ri tikawex yey pa ri Rocho Dios xa jun uwach ri puaq kakꞌulik. E uwariꞌche kakijal uwach ri puaq echiriꞌ kakiya waꞌ re qasaꞌn.","id":"","dump":"CC-MAIN-2020-05","url":"https:\/\/ebible.org\/acrNNT\/JHN02.htm","date":"2020-01-26T17:47:46Z","file_path":"s3:\/\/commoncrawl\/crawl-data\/CC-MAIN-2020-05\/segments\/1579251690095.81\/warc\/CC-MAIN-20200126165718-20200126195718-00420.warc.gz","language":"acr","language_score":0.9947189093,"language_script":"Latn","minhash_cluster_size":2,"top_langs":"{\"acr_Latn_score\": 0.9947189092636108}","num_words":716,"character_repetition_ratio":0.064,"word_repetition_ratio":0.062,"special_characters_ratio":0.23,"stopwords_ratio":0.292,"flagged_words_ratio":0.0,"lang_id_score":0.996,"perplexity_score":500.0,"cluster_detection":-1} +{"text":"1 Corinthians 8\nI ti'ij sujtal chiquiwach i tiox1Wo'or quin ya i nojbal chiwe, chirij u tijawic i wa chi sujtal chiquiwach tak i tiox. Konojel 'is keta'am chi ne te c'aslic. Mok 'o jujun chiwe chi lic queta'am ile; ique 'o 'uri qui no'oj, xui-ri, we n-ta c'axnabal qui c'ux, to' quiqui 'an nim 'uri che quib rumal i queta'am-le. Are i c'axnabal c'uxij mas cu rik u chac chakaxol. 2Pachin jun cu bij chi lic 'o u no'oj, 'alaj 'uri chi maja cu rik i sakil nojbal. 3Xui-ri, jun we c'ax cu na i Dios, i Dios reta'am chi i jun-le re ire.\n4Wo'or 'ut quin bij usuc' chiwe che i wa chi sujtal chiquiwach tak i tiox-le: yoj keta'am chi xa jun i Dios, n-ta chic jun chic; i juban ne te sakil. 5Je 'o i winak que binic chi je 'o juban chic tiox: 'o i je 'o chuwach i jyub ta'aj, xak 'o i je 'o chicaj, quiqui bij. Lic je q'ui i qui tiox, xak je q'ui i cajwal. 6Xui-ri, chake yoj, xa jun i Dios 'olic, ire are i Ta chicaj. Are ire 'anawnak ronojel wach i 'olic, y yoj oj 'olic man coj ajwax che. Xak xa jun i Kajwal, are i Jesucrísto. Are ire yijbawnak ronojel i 'o chuwach i jyub ta'aj, y xa rumal ire 'o ka c'aslemal yoj.\n7Xui-ri, n-conojel taj queta'am ile. 'O jujun chique i kachalal, o'onom lok ique lic xqui coj qui 'ij tak i tiox, y wo'or, quiqui na ique que macunic we quiqui tij i ti' sujtal chuwach jun tiox. We quiqui tij i ti'-le, que tijin chu cojic u 'ij i tiox quiqui na ique, man ique maja kas jiquil qui c'ux. 8Katzij, n-are ti wach i caka tijo chi ca 'anaw chake we 'utz coj ril i Dios, xak we xi n-'us taj. N-ta co'ono we caka tijo, we xi n-caka tij taj; n-are ti ile ca 'anaw chake we oj 'utz chuwach i Dios. 9Yix wi, wach i qui tijo, xui-ri, chi 'ana cwent che, mokxa rumal i qui 'ano-le, que i tzaksaj i iwachalal chi n-kas ta jiquil qui c'ux. 10Yix chi iweta'am usuc', mok quix oc pa rachoch jun tiox, quix upon chu tijawic i wa cu' i quiqui 'an u 'ij i tiox. We jun kachalal quix rilo, chi n-kas ta jiquil u c'ux, mok ire xa cu cowij u c'ux chu tijawic i ti' chi cojbal u 'ij i tiox. 11Xa rumal wach iweta'am yix-le, qui tzaksaj 'uri i kachalal chi Crísto xak xu ya rib chi camic rumal ire. 12Jun kachalal chi n-kas ta jiquil u c'ux, we xa iwumal yix co'on u mac cu na ire, que'el 'uri i 'anom i mac che ire, xak i 'anom i mac chuwach i Crísto. 13Rumal-i, yin, we 'o jun wachalal ca tzak chupam u mac xa rumal wach i quin tijo, quin mayij 'uri u tijawic i ti' rumal ire.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nExamples to use the search box to find Bibles, passages, search terms, etc.-\nESVGen 1\nThis shows how to quickly lookup a passage.NIVESVKJVGen 1\nLooking up a passage in three different translations is also easy.ESVbrother\nThis asks STEP to search for the Greek word for 'brother' and show the results in the ESV.NIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.ESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.KJVTHGNTJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\nExamples of some Bible study tools +\nKJVCol 3 Color code grammar\nHighlight all the imperative verbs with red underlinesKJVCol 1 Color code grammar\nHighlight main verbs (green underlines) and supporting verbs (purple)KJVMat 1 Color code grammar\nHighlight the number (plural in bold) and gender (male in blue, feminine in red, neuter in black) of wordsESV1Jo 1 Quick tryout links\nHighlight frequent words in the chapter or book\nExamples to enable color code grammar +\nKJVEph 1 Color code grammar\nLook at KJV New Testament with color highlighted verbsSBLGRom 12 Color code grammar\nLook at Greek New Testament with color code grammar, Greek root word and English vocabularyCUnCol 1 Color code grammar\nLook at Chinese Union New Testament with color highlighted verbsSBLGKJVCUNEph 5 Color code grammar\nLook at Greek, English and Chinese New Testament with color code grammar\n© Tyndale House, Cambridge, UK - 2020","id":"","dump":"CC-MAIN-2020-10","url":"https:\/\/www.stepbible.org\/?q=version=ACRACC%7Creference=1Cor.8","date":"2020-02-18T22:50:17Z","file_path":"s3:\/\/commoncrawl\/crawl-data\/CC-MAIN-2020-10\/segments\/1581875143815.23\/warc\/CC-MAIN-20200218210853-20200219000853-00473.warc.gz","language":"acr","language_score":0.9887681007,"language_script":"Latn","minhash_cluster_size":2,"top_langs":"{\"acr_Latn_score\": 0.9887681007385254}","num_words":790,"character_repetition_ratio":0.067,"word_repetition_ratio":0.0,"special_characters_ratio":0.248,"stopwords_ratio":0.153,"flagged_words_ratio":0.0,"lang_id_score":0.97,"perplexity_score":500.0,"cluster_detection":-1} +{"text":"1 Corinthians 13\nChuwach i Dios, mas nim u chac i c'axnabal ka c'ux1We tene quin rik qui ch'awbal conojel i winak chuwach i jyub ta'aj, xak i qui ch'awbal i ángel, xui-ri, we n-ta c'axnabal in c'ux chique i winak, n-ta que'el wi 'uri; xa que'el 'uri pacha jun tambor to' ca punpatic, xak pacha jun campan to' ca ch'inawic. 2Xak we tene i Dios cu ya jun tzij chwe, chi que in bij chique i winak; we tene xak quin ta u be wach u 'anom i Dios chi n-quiqui ta tu be i juban; xak we tene ronojel 'is weta'am; xak we tene quin tiqui chi relsaxic nimak tak jyub pu q'uijibal rumal u cubibal in c'ux che i Dios; xui-ri, we n-ta c'axnabal in c'ux chique in lo'c'anij, n-ta que'el wi 'uri ni'pa tak i quin 'ano-le. 3We 'is quin jach bi ronojel ubitak-we chique i niba'ib, we xak quin ya wib chi ca porox na in ch'acul rumal u cubibal in c'ux che i Kajwal, xui-ri we n-ta c'axnabal in c'ux, n-ta co'on re chwe.\n4Jun, we 'o c'axnabal u c'ux, 'o u nimal u c'ux 'uri chique i winak, xak aj 'anol 'utz chique conojel; xak n-ca pe ti roywal we jun rachi'il cu rik i 'utz; xak n-cu tzucuj ti u cojic u 'ij ire, xak n-co'on ta nim che rib. 5We 'o i c'axnabal u c'ux, chom 'uri wach i cu 'ano, n-to' ta xui re ire cu ch'obo, n-to' ta ca pe roywal. Jun, we 'o i c'axnabal u c'ux, n-cu c'ol ti u mac u lo'c'anij pu c'ux. 6Xak n-ca quicot ta che i n-suc'ul taj, xui ca quicot che i 'utz suc'ulic. 7Jun, we 'o i c'axnabal u c'ux, nim i cu cuyu; xak cul u c'ux che u tzij i rachi'il; xak cul u c'ux che chi ronojel 'is 'utz quelic; xak cu ch'ij ni'pa i c'ax ca pe puwi.\n8I c'axnabal c'uxij 'o ni u chac chake que'e 'ij sak. Xui-ri, cu rik ni 'ij chi n-ta chic u chac we oj ajbil u tzij i Dios; cu rik ni 'ij chi n-ta chic u chac we coj ch'aw che i ch'awbal chi n-caka ta tu be; xak n-ta chic u chac we 'o i ka no'oj. 9Wo'or, xa jubi' keta'am, n-ronojel taj; wo'or xa jubi' u bim i Dios chake chi caka paxsaj chique i winak. 10Xui-ri, are cu rik i 'ij chi Dios co'on chake oj tz'akat, n-ta chic u chac chake pacha i caka 'an wo'or, ile to' quic'awic. 11(Que'el na chake pacha xe'el chake yoj, are oj ch'utik): yin, are c'a in ac'al, xin ch'awic lic ac'al, i in no'oj pacha ac'al, wach xin ch'ob pin jolom, pacha ac'al. Xui-ri, are xin achiaric, 'is xin canaj can ile. 12Are i coj tijin chi rilic wo'or, are pacha coj taken chupam jun espej chi n-kas ta 'utz, man n-kas ta sakil cakilo; xui-ri co'on panok, cakil u wach i mer sakil. Are i weta'am wo'or, xa jubi'; n-ronojel taj quin ta u be che i Dios. Xui-ri, co'on panok, ronojel 'is cwetamaj che, xak jun ru' pacha i Dios 'is reta'am chwe yin.\n13I u cubibal ka c'ux che i Kajwal, xak i u cubibal ka c'ux che i 'utz chi cakil na, xak i c'axnabal ka c'ux, i oxib-le n-tu q'uisic; xui-ri, are i c'axnabal ka c'ux are i mas 'o rajwaxic chake.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nExamples to use the search box to find Bibles, passages, search terms, etc.-\nESVGen 1\nThis shows how to quickly lookup a passage.NIVESVKJVGen 1\nLooking up a passage in three different translations is also easy.ESVbrother\nThis asks STEP to search for the Greek word for 'brother' and show the results in the ESV.NIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.ESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.KJVTHGNTJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\nExamples of some Bible study tools +\nKJVCol 3 Color code grammar\nHighlight all the imperative verbs with red underlinesKJVCol 1 Color code grammar\nHighlight main verbs (green underlines) and supporting verbs (purple)KJVMat 1 Color code grammar\nHighlight the number (plural in bold) and gender (male in blue, feminine in red, neuter in black) of wordsESV1Jo 1 Quick tryout links\nHighlight frequent words in the chapter or book\nExamples to enable color code grammar +\nKJVEph 1 Color code grammar\nLook at KJV New Testament with color highlighted verbsSBLGRom 12 Color code grammar\nLook at Greek New Testament with color code grammar, Greek root word and English vocabularyCUnCol 1 Color code grammar\nLook at Chinese Union New Testament with color highlighted verbsSBLGKJVCUNEph 5 Color code grammar\nLook at Greek, English and Chinese New Testament with color code grammar\n© Tyndale House, Cambridge, UK - 2020","id":"","dump":"CC-MAIN-2020-10","url":"https:\/\/www.stepbible.org\/?q=version=ACRACC%7Creference=1Cor.13","date":"2020-02-23T11:05:14Z","file_path":"s3:\/\/commoncrawl\/crawl-data\/CC-MAIN-2020-10\/segments\/1581875145767.72\/warc\/CC-MAIN-20200223093317-20200223123317-00001.warc.gz","language":"acr","language_score":0.9963974953,"language_script":"Latn","minhash_cluster_size":1,"top_langs":"{\"acr_Latn_score\": 0.9963974952697754}","num_words":867,"character_repetition_ratio":0.072,"word_repetition_ratio":0.002,"special_characters_ratio":0.26,"stopwords_ratio":0.156,"flagged_words_ratio":0.0,"lang_id_score":0.99,"perplexity_score":500.0,"cluster_detection":-1} +{"text":"5\nRi Jesús kuya jun kꞌakꞌ chak che ri Pedro\n1\nKꞌo jun qꞌij ri Jesús kꞌo chuchiꞌ ri mar re Genesaret,*\nyey ukꞌiyal winaq xebꞌoponik lik kakiminimaꞌ kibꞌ rukꞌ che utayik Rutzij Upixabꞌ ri Dios. 2\nRi Jesús xril pan kaꞌibꞌ barco kꞌo chuchiꞌ ri yaꞌ; ekꞌu raj chapal kar ebꞌelinaq lo chupa che uchꞌajik taq ri ki atarraya. 3\nEkꞌuchiriꞌ, ri Jesús xok chupa jun chike ri kaꞌibꞌ barco. Y ri rajaw waꞌ e ri Simón. Xubꞌiꞌij kꞌu ri Jesús che ri Simón kumin bꞌi kꞌana ri barco chupa ri yaꞌ. Ekꞌu ri Jesús xtzꞌuyiꞌ chupa y xujeq kakꞌutun chike rukꞌiyal tikawex. 4\nEchiriꞌ xukꞌis rukꞌutunik, jewaꞌ xubꞌiꞌij che ri Simón:\n—Woꞌora chakꞌama bꞌi ri barco chupa ri mar pa lik cho wi y chilikꞌij taq kꞌu ri atarraya chiriꞌ chaꞌ jelaꞌ kebꞌichap kar —xcha che.\n5 Ri Simón xukꞌul uwach:\n—Lal tijonel, ronoje raqꞌabꞌ xojchakunik y na jinta kar xqachapo. Noꞌj we rilal kintaq la, kanꞌan riꞌ —xcha che.\n6 Echiriꞌ xkilikꞌij bꞌi ri atarraya, xekichap ukꞌiyal kar y ri atarraya xujeqo karaqarobꞌik. 7 Ekꞌuchiriꞌ, xkiꞌan pan kiqꞌabꞌ chike ri kachbꞌiꞌil e kꞌo chupa ri jun chik barco chaꞌ kepetik y kebꞌoꞌlkitoꞌoꞌ. Echiriꞌ xebꞌopon ri kachbꞌiꞌil, junam xkibꞌalij lo ri kebꞌ barco che kar y ruma laꞌ ya laj kemuqutajik. 8 Ri Simón Pedro echiriꞌ xril waꞌ, xuxuk ribꞌ chwach ri Jesús y jewaꞌ xubꞌiꞌij che:\n—Chel ko la wukꞌ, Wajawal. Na taqal ta chwe kꞌo la wukꞌ ma in jun achi aj mak —xcha che. 9 Xubꞌiꞌij waꞌ ri Pedro ma ruma rukꞌiyal kar xekichapo, lik xok xiꞌin ibꞌ rukꞌ junam kukꞌ konoje ri e kꞌo rukꞌ pa ri barco; 10 jekꞌulaꞌ xok xiꞌin ibꞌ kukꞌ ri Jacobo y ri Juan; rike e ukꞌajol ri Zebedeo y e rachbꞌiꞌil ri Simón.\nPero ri Jesús xubꞌiꞌij che ri Simón:\n—Maxiꞌij awibꞌ; chwi woꞌora katuꞌan at aj molol tikawex†\npachaꞌ aꞌanom lo chike ri kar —xchaꞌ.\n11 Ekꞌuchiriꞌ xkesaj lo ri barcos chupa ri mar, xkiya kan ronoje waꞌ y xeterej bꞌi chirij ri Jesús.\nRi Jesús kukunaj jun achi kꞌo yabꞌil lepra che\n(Mt. 8:1-4; Mr. 1:40-45)\n12 Ri Jesús kꞌo chupa jun tinamit re Galilea echiriꞌ xopon jun achi rukꞌ, yey waꞌchi lik katajin uqꞌayik rucuerpo ruma ri yabꞌil lepra. Rire echiriꞌ xril uwach ri Jesús, xuxuk ribꞌ chwach, xuqasaj rupalaj chuꞌlew y xutzꞌonoj che:\n—Wajawal, we kaꞌaj ko la, josqꞌij la ri nucuerpo che wa yabꞌil —xchaꞌ.\n13 Ekꞌuchiriꞌ, ri Jesús xuchap pana rukꞌ ruqꞌabꞌ y jekꞌuwaꞌ xubꞌiꞌij che:\n—Kuaj, chuꞌana bꞌa chom riꞌ racuerpo —xchaꞌ.\nXew kꞌu xukꞌis ubꞌiꞌxikil waꞌ, na jampatana xsach ri yabꞌil kꞌo che rachi. 14 Ekꞌu ri Jesús xutaq che na kutzijoj ta waꞌ che junoq. Xubꞌiꞌij kꞌu che:\n—Jat chwach raj chakunel pa Rocho Dios chaꞌ rire karilo na jinta chi lepra chawe. Y ruma rajosqꞌikil, chayaꞌa kꞌu chwach ri Dios ri qasaꞌn xtaqan kan ri Moisés che,*\nchaꞌ kaqꞌalajin chikiwach ri tikawex at kunutajinaq chik —xchaꞌ.\n15 Na rukꞌ ta kꞌu riꞌ, e ruma taq ri kuꞌan ri Jesús, rutzijoxik Rire katajin más retaꞌmaxik kuma ri winaq y lik kꞌu e kꞌi kakimol kibꞌ chaꞌ kakita ri kubꞌiꞌij y kekunutaj bꞌi che ri kiyabꞌil. 16 Noꞌj ri Jesús kel bꞌi, keꞌek pa taq luwar katzꞌintzꞌotik re kuꞌana orar.\nRi Jesús kukunaj jun sik\n(Mt. 9:1-8; Mr. 2:1-12)\n17 E xuꞌan waꞌ jun qꞌij echiriꞌ ri Jesús kakꞌutun chikiwach ri winaq. Etzꞌul kꞌu chiriꞌ ri fariseos y raj kꞌutunel re ri tzijpixabꞌ; rike e petinaq Jerusalem y pa taq ri tinamit y raldeas re Galilea y re Judea. Yey ruchuqꞌabꞌ ri Dios Qajawxel kꞌo rukꞌ ri Jesús chaꞌ kakunanik.\n18 Y xekꞌun kꞌu lo jujun achijabꞌ kitelem lo jun achi sik chwa chꞌat. Xkaj kꞌu kakikoj bꞌi pa ja chaꞌ kakiya chwach ri Jesús, 19 pero na xkiriq taj saꞌ rukojik bꞌi kuma rukꞌiyal winaq. E uwariꞌche xebꞌaqꞌan chwi ri ja, xkesaj julepaj che ruwiꞌ, xkiqasaj kꞌu lo ri sik e laꞌ kotzꞌol chwa ruchꞌat y xkiya chwach ri Jesús chikinikꞌajal ri winaq.\n20 Echiriꞌ ri Jesús xril ri kubꞌulibꞌal kikꞌuꞌx rukꞌ, jewaꞌ xubꞌiꞌij che ri sik:\n—Achi, ronoje ramak kuytajinaq chik —xchaꞌ.\n21 Ekꞌuchiriꞌ, raj kꞌutunel re ri tzijpixabꞌ y ri fariseos xkijeq kakichꞌobꞌ raqan: «¿Saꞌ ruwach waꞌchi? Rire kamakun chirij ri Dios echiriꞌ kubꞌiꞌij kukuy mak. Ma ¿na xew ta nebꞌa ri Dios aj kuyul mak?»\n22 Ekꞌu ri Jesús xunaꞌbꞌej saꞌ ri kakichꞌobꞌo; ruma kꞌu riꞌ, xubꞌiꞌij chike:\n—¿Suꞌchak jelaꞌ katajin chikꞌuꞌx alaq? 23 ¿Saꞌ kꞌu ri na kꞌayew taj kambꞌiꞌij: \"Ronoje ramak kuytajinaq chik\" o \"Chatyaktajoq y chatbꞌinoq\"? 24 E kuaj kꞌut ketaꞌmaj alaq waꞌ: Ralaxel Chikixoꞌl Tikawex yaꞌtal puqꞌabꞌ kukuy taq ri mak ke ri winaq che ruwachulew —xchaꞌ.\nXubꞌiꞌij kꞌu riꞌ che ri sik:\n—Chatyaktajoq, chakꞌama bꞌi rachꞌat y jat chaꞌwocho —xchaꞌ.\n25 Chupa kꞌu laꞌ la joqꞌotaj xyaktaj ri sik chikiwach. Xukꞌam kꞌu bꞌi ruchꞌat pa ri kotzꞌol wi y xeꞌek chirocho, e riꞌ lik kuyak uqꞌij ri Dios. 26 Konoje kꞌu riꞌ lik xkam kanimaꞌ che y xkijeq kakiyak uqꞌij ri Dios. Y ruma ri xiꞌin ibꞌ kꞌo pa kanimaꞌ chwach ri Dios, xkibꞌiꞌij: «Waqꞌij qilom ruchuqꞌabꞌ ri Dios» xechaꞌ.\nRi Jesús kusikꞌij ri Leví\n(Mt. 9:9-13; Mr. 2:13-17)\n27\nChukꞌisbꞌal re waꞌ, xeꞌek ri Jesús y xril jun achi aj tzꞌonol puaq re tojonik, Leví rubꞌiꞌ,‡\ntzꞌul pa ri luwar pa kaꞌan wi ri tojonik che ri gobierno. Y ri Jesús xubꞌiꞌij che:\n—Chat-terej lo chwij —xchaꞌ.\n28 Ri Leví xyaktajik, xuya kan ronoje y xterej bꞌi chirij.\n29 Ewi chirocho xuꞌan jun nimaqꞌij che ri Jesús. Y lik e kꞌi ri rach e aj tzꞌonol puaq re tojonik y ukꞌiyal winaq etzꞌul chwa ri mexa kukꞌ ri Jesús y rutijoꞌn.\n30 Ekꞌuchiriꞌ, raj kꞌutunel re ri tzijpixabꞌ kukꞌ ri fariseos xekichꞌaꞌtibꞌej rutijoꞌn ri Jesús, y jewaꞌ xkibꞌiꞌij chike:\n—¿Suꞌchak kixwaꞌ kukꞌ raj tzꞌonol puaq re tojonik§\ny kukꞌ raj makibꞌ? —xechaꞌ.\n31 Ekꞌu ri Jesús xukꞌul uwach:\n—E janipa ri utz kiwach, na kajawax ta aj kunanel chike; ma waꞌ xew chike ri e yewaꞌibꞌ kajawax wi. 32 Jelaꞌ kꞌu riꞌ, riꞌin na in petinaq ta che kisikꞌixik ri jusukꞌ kibꞌinik kisilabꞌik, ma e in petinaq che kisikꞌixik raj makibꞌ chaꞌ kakijalkꞌatij ri kibꞌinik kisilabꞌik —xchaꞌ.\nRi tzꞌonobꞌal puwi ri ayuno\n(Mt. 9:14-17; Mr. 2:18-22)\n33 Ekꞌuchiriꞌ, xkitzꞌonoj che ri Jesús:\n—¿Suꞌbꞌe rutijoꞌn ri Juan Aj Yaꞌl Bautismo kakiꞌan ayuno ukꞌiyal laj y lik kakiꞌan orar jelaꞌ pachaꞌ kaqaꞌan ri oj fariseos, noꞌj ri tijoꞌn rilal xew kewaꞌik y na kakiꞌan tane ayuno? —xechaꞌ.\n34 Y Rire xukꞌul uwach:\n—¿Utz nebꞌa kakiꞌan ayuno ri esikꞌim pa kꞌulanikil we kꞌa kꞌo rala kakꞌuliꞌik chikixoꞌl?**\nNa utz taj. 35\nNoꞌj kopon na ri qꞌij echiriꞌ kesax bꞌi rala chikixoꞌl;††\nkꞌa ekꞌuchiriꞌ, kakiꞌan ayuno —xchaꞌ.\n36 Tekꞌuchiriꞌ, xutzijoj jun kꞌambꞌal naꞌoj chike, jewaꞌ xubꞌiꞌij:\n«Na jinta junoq kuqꞌat chꞌaqap che ruqꞌuꞌ kꞌasaq chaꞌ kukꞌojoj ruqꞌuꞌ qꞌeꞌl rukꞌ. Ma we ta jelaꞌ kuꞌano, riꞌ na utz ta chi ruqꞌuꞌ kꞌasaq yey ne ri kꞌasaq na kukꞌulaj ta ribꞌ rukꞌ ruqꞌuꞌ qꞌeꞌl.\n37\n»Jekꞌulaꞌ ri vino kꞌakꞌ ꞌanom na kaqꞌej ta chupa juna surun‡‡\nqꞌeꞌl. Ma we kaꞌaniꞌ waꞌ, ri vino kꞌakꞌ echiriꞌ kanajtir uqꞌij, kuraqij ri surun, katix kꞌu riꞌ ri vino y ri surun na jinta chi uchak. 38\nRuma kꞌu laꞌ, ri vino kꞌakꞌ ꞌanom chirajawaxik wi kaqꞌej chupa juna surun kꞌasaq chaꞌ ukabꞌichal waꞌ kakowinik. 39\nYey junoq ukꞌamom ribꞌ che kutij ri vino naj chi uqꞌij, na karaj taj kutij ri kꞌakꞌ vino, ma kubꞌiꞌij: \"Ri vino naj chi uqꞌij e más utz chwa ri kꞌakꞌ vino\"»§§\nxchaꞌ.","id":"","dump":"CC-MAIN-2020-34","url":"https:\/\/ebible.org\/acrNNT\/LUK05.htm","date":"2020-08-12T21:47:53Z","file_path":"s3:\/\/commoncrawl\/crawl-data\/CC-MAIN-2020-34\/segments\/1596439738944.95\/warc\/CC-MAIN-20200812200445-20200812230445-00225.warc.gz","language":"acr","language_score":0.9918106198,"language_script":"Latn","minhash_cluster_size":1,"top_langs":"{\"acr_Latn_score\": 0.9918106198310852}","num_words":1201,"character_repetition_ratio":0.048,"word_repetition_ratio":0.0,"special_characters_ratio":0.23,"stopwords_ratio":0.268,"flagged_words_ratio":0.0,"lang_id_score":0.993,"perplexity_score":500.0,"cluster_detection":-1} +{"text":"2\nMaqaꞌan ri xa kojchaꞌw chikixoꞌl ri tikawex\n1 Alaq nu hermanos, ri kojom alaq rubꞌiꞌ ri Qanimajawal Jesucristo, ri Jun lik nim uqꞌij, lik na taqal ta che alaq xa kachaꞌw alaq chikixoꞌl ri tikawex. 2 Ma we e laꞌ molom ibꞌ alaq chupa rubꞌiꞌ ri Cristo y kok bꞌi junoq chixoꞌl alaq ukojom mapaqꞌabꞌ re oro y ukojom chomilaj uqꞌuꞌ y kok kꞌu bꞌi juna nibꞌaꞌ ukojom uqꞌuꞌ qꞌeꞌl kꞌojtalik, 3 yey we ralaq e lik kok alaq il che ukꞌulik chi utz ri ukojom chomilaj uqꞌuꞌ y kabꞌiꞌij alaq che: «Choka la, tzꞌula la wara»; noꞌj che ri nibꞌaꞌ kabꞌiꞌij alaq: «Chat-takꞌala riꞌat chiriꞌ o chat-tzꞌula pulew»; 4 ¿na rukꞌ ta nebꞌa waꞌ kachaꞌw alaq chiwach alaq y kuꞌana kꞌu alaq aj qꞌatal tzij rukꞌ naꞌoj na jusukꞌ taj?\n5\nHermanos ri lik kꞌax kannaꞌ alaq, ta kꞌu alaq waꞌ: E ri nibꞌaꞌibꞌ che ruwachulew ri echaꞌom lo ruma ri Dios chaꞌ kebꞌeyomar che ri kubꞌulibꞌal kikꞌuꞌx y chaꞌ kekꞌojiꞌ puqꞌabꞌ Rire ma e ubꞌiꞌtisim waꞌ chike ri kꞌax kenaꞌw re Rire. 6\nPero ralaq e kꞌaqom bꞌi alaq kiqꞌij ri nibꞌaꞌibꞌ. ¿Na e ta nebꞌa ri bꞌeyomabꞌ ri kakiꞌan kꞌax che alaq ma na kakiꞌan ta ri usukꞌ che alaq? ¿Yey na e ta nebꞌa rike ri kakikꞌam bꞌi alaq pa qꞌatbꞌal tzij? 7\n¿Na kechꞌaꞌtibꞌen ta nebꞌa rike chirij ri chomilaj ubꞌiꞌ ri Qanimajawal, ri xkuxtax pawiꞌ alaq?*\n8\nLik utz we paqatzij wi kaꞌan alaq rukꞌuꞌxibꞌal ri taqanik tzꞌibꞌital kan chupa Rutzij Upixabꞌ ri Dios, ri kubꞌiꞌij: «Kꞌax chanaꞌa rawatz-achaqꞌ jelaꞌ pachaꞌ ri kꞌax kanaꞌ awibꞌ riꞌat.»* 9\nNoꞌj we xa kachaꞌw alaq chikixoꞌl ri tikawex, kamakun alaq yey ri Tzij Pixabꞌ re ri Dios kuqꞌat tzij pawiꞌ alaq ruma alaq aj palajiy tzij. 10\nMa we kꞌo junoq kunimaj ronoje ri Tzij Pixabꞌ yey kajaljobꞌ kꞌu puwi xa juna tzij re ri Dios, riꞌ kamakun chirij ronoje Rutzij Upixabꞌ ri Dios, ma waꞌ xa jun uꞌanom. 11\nMa ri Dios e xbꞌiꞌn re waꞌ: «Matmakun chirij ri kꞌulanikil»*\ny je tanchi waꞌ xubꞌiꞌij: «Matkamisanik.»*\nJekꞌulaꞌ, we junoq na kamakun ta chirij ri kꞌulanikil pero kamisanel, riꞌ kape ri qꞌatbꞌal tzij puwiꞌ ruma xupalajij Rutzij Upixabꞌ ri Dios.\n12\nMikꞌow kꞌu chikꞌuꞌx alaq, kopon na ri qꞌij kaqꞌat tzij pawiꞌ alaq e chirij Rutzij Upixabꞌ ri Dios, ri kesaw qeꞌoj puqꞌabꞌ ri mak. Ruma kꞌu riꞌ, chajij ibꞌ alaq che ronoje ri kabꞌiꞌij alaq y kaꞌan alaq. 13\nMa e junoq na kukꞌut ta ri relej ukꞌuꞌx chike ri jujun chik, jekꞌulaꞌ kuꞌan ri Dios che rire, na kukꞌut ta ri relej ukꞌuꞌx che echiriꞌ kuqꞌat tzij puwiꞌ;*\nnoꞌj ri jun kukꞌut ri relej ukꞌuꞌx chike ri jujun chik, riꞌ kel pan chi utz che ronoje chupa ruqꞌijol ri qꞌatbꞌal tzij.\nRi kubꞌulibꞌal qakꞌuꞌx rukꞌ ri Dios kaqꞌalajin uwach rukꞌ ri kaqaꞌano\n14\nAlaq nu hermanos, ¿saꞌ kutiqoj che junoq we kubꞌiꞌij lik kꞌo kubꞌulibꞌal ukꞌuꞌx yey na jinta kꞌutubꞌal re waꞌ? ¿Kuriq nawi ri kolobꞌetajik xew ruma kubꞌiꞌij kꞌo kubꞌulibꞌal ukꞌuꞌx? 15\nMa we e laꞌ kꞌo juna hermano achi o ixoq na jinta uqꞌuꞌ re ujalbꞌal yey kꞌayew che kuriq ri kutij ri jujun qꞌij, 16\nyey we kꞌo kꞌu junoq che alaq jewaꞌ kubꞌiꞌij che: «Chawanibꞌej ko chi utzil chomal, chapisa awibꞌ chi utz y chatwoꞌq chi utz» kachaꞌ, pero na kuya ta kꞌu bꞌi che janipa ri kajawax che, ¿saꞌ kꞌu kutiqoj riꞌ ri xubꞌiꞌij bꞌi che? 17\nJekꞌuriꞌlaꞌ ri kubꞌulibꞌal kꞌuꞌxaj, we na jinta kꞌutubꞌal re, na jinta kutiqoj.†\n18\nLaj kꞌo junoq jewaꞌ kubꞌiꞌij: «Rilal kꞌo kubꞌulibꞌal kꞌuꞌx la rukꞌ ri Dios; ekꞌu riꞌin e kankꞌut ri utz kanꞌano. ¿Kariq nawi la kaqꞌalajisaj la chinuwach riꞌin ri kubꞌulibꞌal kꞌuꞌx la we na jinta kꞌutubꞌal re? ¡Na kariq ta la! Noꞌj riꞌin utz kanqꞌalajisaj ri kubꞌulibꞌal nukꞌuꞌx chiwach la rukꞌ taq ri kanꞌano.» 19\nRilal lik kakoj la xa jun ri Dios kꞌolik, yey waꞌ lik qatzij. Pero waꞌ na e ta keꞌeloq kꞌo kubꞌulibꞌal kꞌuꞌx la rukꞌ ri Dios, ma e taq ne ri itzel uxlabꞌixel kakikojo xa jun ri Dios kꞌolik y rukꞌ xiꞌin ibꞌ kebꞌirbꞌot chwach. 20\nMasach naꞌoj la puwiꞌ; chetaꞌmaj la na jinta uchak ri kubꞌulibꞌal kꞌuꞌxaj we na jinta kꞌutubꞌal re waꞌ. 21\n¿Saꞌ ri xꞌanaw jusukꞌ che ri qamam Abraham? ¿Na e ta nebꞌa ri kubꞌulibꞌal ukꞌuꞌx xukꞌutu echiriꞌ xukoj utzij ri Dios y xuya kꞌu rukꞌajol Isaac chwi ri altar? 22\nRuma kꞌu waꞌ, kil alaq waꞌ: Ri kubꞌulibꞌal ukꞌuꞌx ri Abraham e xqꞌalajinik echiriꞌ xukoj utzij ri Dios. Jekꞌulaꞌ, ri kubꞌulibꞌal ukꞌuꞌx xtzꞌaqat uwach rukꞌ taq ri xuꞌano. 23\nYey Ruchꞌaꞌtem ri Dios kuqꞌalajisaj waꞌ echiriꞌ kubꞌiꞌij: «Ri Abraham lik xkubꞌiꞌ ukꞌuꞌx rukꞌ ri Dios y ruma kꞌu riꞌ, xꞌaniꞌ jusukꞌ che.»*\nY xbꞌiꞌx kꞌu che: «Rire e ramigo ri Dios.»*\n24\nLik kꞌu kil alaq riꞌ: Ri tikawex na kuꞌan ta jusukꞌ xew ruma kubꞌiꞌij kꞌo kubꞌulibꞌal ukꞌuꞌx rukꞌ ri Dios, ma ri lik chirajawaxik e kukꞌut waꞌ rukꞌ ri kuꞌano. 25\nMa ri Rahab, ri jun ixoq na chom ta rubꞌinik usilabꞌik, xꞌan jusukꞌ che chwach ri Dios ruma xebꞌukꞌul chirocho ri e kꞌakꞌalenel e aj Israel etaqom bꞌi chupa laꞌ la tinamit y ruma xebꞌutoꞌo chaꞌ kebꞌek pa jun chik bꞌe.‡\n26 Jun kꞌambꞌal naꞌoj puwi ri ximbꞌiꞌij e waꞌ: E junoq we na kuxlabꞌ ta chik, riꞌ kaminaq chik; jekꞌulaꞌ riꞌ ri kubꞌulibꞌal kꞌuꞌxaj, we na jinta kꞌutubꞌal re, e pachaꞌ kaminaq chik.","id":"","dump":"CC-MAIN-2020-34","url":"https:\/\/ebible.org\/acrNNT\/JAS02.htm","date":"2020-08-09T09:16:32Z","file_path":"s3:\/\/commoncrawl\/crawl-data\/CC-MAIN-2020-34\/segments\/1596439738523.63\/warc\/CC-MAIN-20200809073133-20200809103133-00064.warc.gz","language":"acr","language_score":0.9848787785,"language_script":"Latn","minhash_cluster_size":1,"top_langs":"{\"acr_Latn_score\": 0.9848787784576416, \"quc_Latn_score\": 0.014942467212677002}","num_words":870,"character_repetition_ratio":0.075,"word_repetition_ratio":0.0,"special_characters_ratio":0.219,"stopwords_ratio":0.303,"flagged_words_ratio":0.0,"lang_id_score":0.985,"perplexity_score":500.0,"cluster_detection":-1} +{"text":"2\nRi saqil kꞌutunik\n1 Noꞌj riꞌat Tito, lik chirajawaxik e ronoje ri kakꞌutu xaqi junam rukꞌ ri saqil kꞌutunik re ri Dios. 2 Chebꞌapixabꞌaj rachijabꞌ e nimaq winaq chik chaꞌ kakichꞌobꞌ chi utz janipa ri kakiꞌano, kakichajij chi utz ri kibꞌinik kisilabꞌik chikiwach ri jujun chik, kakichajij kibꞌ chaꞌ na ketzaq ta pa mak, yey e saqil ri kubꞌulibꞌal kikꞌuꞌx, ri rutzil kikꞌuꞌx y ri unimal kikꞌuꞌx.\n3 Yey chabꞌiꞌij chike rixoqibꞌ e nimaq winaq chik: Kꞌola xiꞌin ibꞌ kukꞌ chwach ri Dios chwi ri kibꞌinik kisilabꞌik, mebꞌuꞌan e aj molot, makiya kibꞌ che qꞌabꞌarik, e cheqꞌilon chwi ri utz. 4 Kikꞌutu kꞌu chike ri e kꞌakꞌal ixoqibꞌ chaꞌ kꞌax kekinaꞌ ri kachijil y ri kalkꞌoꞌal, 5 kakichajij kibꞌ chaꞌ na ketzaq ta pa mak y jelaꞌ chom ri kibꞌinik kisilabꞌik, kechakun chi utz pa ja, kakikꞌut ri rutzil kikꞌuꞌx y kakitaqej ri kachijil. Kakiꞌan kꞌu ronoje waꞌ chaꞌ jelaꞌ na jinta junoq tzel kachꞌaꞌt chirij Rutzij Upixabꞌ ri Dios.\n6 Chabꞌiꞌij kꞌu chike ralabꞌo kakichajij kibꞌ chaꞌ na ketzaq ta pa mak. 7 Yey riꞌat Tito, e chakꞌutu ri utz chikiwach rukꞌ ri saqil abꞌinik asilabꞌik chwi ronoje ri kaꞌano. Chatkꞌutun chi jusukꞌ rukꞌ saqil naꞌoj 8 y rukꞌ utzilaj chꞌaꞌtem chaꞌ jelaꞌ we kꞌo junoq kachꞌaꞌt chawij, utukel kuya ukꞌix ma na jinta mak kariqitaj chawij.\n9 Yey chebꞌapixabꞌaj raj chakibꞌ chaꞌ kakinimaj kitzij ri kajaw, kakiꞌan chi utz ronoje chaꞌ ri kajaw kekiꞌkot kukꞌ y na kekꞌulilaꞌn taj. 10 Makiꞌan ne kiꞌke che rubꞌitaq re ri kajaw; e kiꞌana ronoje chi jusukꞌ chaꞌ jelaꞌ kaqꞌalajinik lik chom ri kꞌutunik re ri Dios Qakolobꞌenel.\n11 Ma ri Dios uqꞌalajisam chi ri unimal rutzil ukꞌuꞌx chaꞌ konoje ri tikawex kekolobꞌetajik. 12 Ekꞌu riꞌ ri unimal rutzil ukꞌuꞌx ri Dios kꞌutuyum chiqe saꞌ uꞌanik kaqaya kan ronoje mak y ronoje ri rayibꞌal na utz ta uwach, yey e kꞌutuyum chiqe chirajawaxik kaqachꞌobꞌ chi utz ri kaqaꞌano chaꞌ waqꞌij ora kojbꞌin jusukꞌ rukꞌ jun saqil bꞌinik silabꞌik chwach ri Dios. 13 Lik chirajawaxik kaqaꞌan waꞌ y kaqakubꞌaꞌ pana qakꞌuꞌx che ri chomilaj qꞌij re kiꞌkotemal echiriꞌ kakꞌun tanchi ri Dios Qajawxel, ri Qakolobꞌenel Jesucristo. 14 Rire xuya ribꞌ pa kamik quma riꞌoj, xojuloqꞌo chaꞌ kojresaj che ronoje ri na utz taj, kuchomaj ri qabꞌinik qasilabꞌik y jelaꞌ kojuꞌan oj utinamit lik qayaꞌom qibꞌ che uꞌanik chomilaj taq chak.\n15 E chakꞌutuꞌ janipa taq wa ximbꞌiꞌij chawe; chatpixabꞌan chi utz y chachꞌaꞌbꞌej kipa taq ri kakiꞌan ri na utz taj. Chaꞌana kꞌu waꞌ ma paqꞌabꞌ riꞌat yaꞌtal wi kaꞌano; maya kꞌu luwar che junoq kukꞌaq bꞌi aqꞌij.","id":"","dump":"CC-MAIN-2020-34","url":"https:\/\/ebible.org\/acrNNT\/TIT02.htm","date":"2020-08-12T21:40:21Z","file_path":"s3:\/\/commoncrawl\/crawl-data\/CC-MAIN-2020-34\/segments\/1596439738944.95\/warc\/CC-MAIN-20200812200445-20200812230445-00491.warc.gz","language":"acr","language_score":0.9919655919,"language_script":"Latn","minhash_cluster_size":1,"top_langs":"{\"acr_Latn_score\": 0.9919655919075012}","num_words":410,"character_repetition_ratio":0.059,"word_repetition_ratio":0.0,"special_characters_ratio":0.197,"stopwords_ratio":0.29,"flagged_words_ratio":0.0,"lang_id_score":0.993,"perplexity_score":500.0,"cluster_detection":-1} +{"text":"13\nPixabꞌanik chike rutinamit ri Dios\n1 Moqꞌotaj alaq ri kꞌax kanaꞌ ibꞌ alaq chiwach alaq, ma ralaq chaqꞌ ibꞌ alaq chupa rubꞌiꞌ ri Cristo. 2 Mikꞌow chikꞌuꞌx alaq ri kekꞌul alaq chi utz janipa ri kebꞌopon chi ocho alaq, ma e kꞌo ri xebꞌanaw waꞌ y na xkinaꞌbꞌej taj e ángeles ri xekikꞌulu. 3 Memeskꞌutaj alaq ri e kꞌo pa cárcel, e ꞌana alaq pachaꞌ kꞌo alaq kukꞌ pa ri cárcel; yey memeskꞌutaj ne alaq ri e kꞌo pa kꞌax, e ꞌana alaq pachaꞌ katij alaq kꞌax junam kukꞌ rike.\n4 Lik chuꞌana nim uqꞌij ri kꞌulanikil chiwach onoje alaq y machꞌulaj ne kꞌana alaq ri tzij ꞌanom alaq chiwach alaq; ma konoje ri kaketzꞌabꞌej uwa kiqꞌij kukꞌ jujun chik na kikꞌulel taj y konoje ri kemakun chirij ri kꞌulanikil, waꞌ kaqꞌat tzij pakiwiꞌ ruma ri Dios.\n5 Meꞌek kꞌuꞌx alaq chwi ri puaq. E kiꞌkota alaq rukꞌ ri kꞌo ukꞌ alaq, ma jewaꞌ ubꞌiꞌim ri Dios:\nNa katinya ta kan kꞌenoq\ny na kanwoqꞌotaj ta atoꞌik Dt. 31:6-8; Jos. 1:5\nxchaꞌ. 6 E uwariꞌche lik kaqajikibꞌaꞌ uwach ri tzꞌibꞌital kan pa Ruchꞌaꞌtem ri Dios:\nRi Nuqaw Dios, e Rire ri katoꞌw weꞌin;\nna kanxiꞌij tane kꞌana wibꞌ che ri na utz taj\nkuꞌan juna tikawex chwe Sal. 118:6\nkojchaꞌ.\n7 Chekꞌuna chikꞌuꞌx alaq ri e aj kꞌamal wach e alaq, ri xetzijon Ruchꞌaꞌtem ri Dios che alaq. Chꞌobꞌo alaq raqan janipa ri utz xukꞌam lo ri kibꞌinik kisilabꞌik y e kꞌama alaq re ri kubꞌulibꞌal kikꞌuꞌx rukꞌ ri Cristo.\n8 Ri Qanimajawal Jesucristo na kajalkꞌatitaj taj; Rire jelaꞌ pachaꞌ rojertan, jelaꞌ woꞌora y chiqawach apanoq. 9 Mataqej kꞌu alaq juna kꞌutunik junwi y na usukꞌ taj. Ma e kꞌo ri lik kebꞌok il che taq ri taqanik puwi saꞌ ri katijik, yey waꞌ na jinta kꞌana kutiqoj che ri kibꞌinik kisilabꞌik chwach ri Dios. Ekꞌu ri lik kuya qachuqꞌabꞌ riꞌoj e ri katikiꞌ ri qanimaꞌ chupa ri unimal rutzil ukꞌuꞌx ri Dios.\n10 Ri oj re ri Cristo, kꞌo ri altar qeꞌoj (waꞌ e rukamik ri Cristo chwa ri cruz). Ekꞌu ri keloqꞌniman pa ri Rocho Dios rukꞌ awaj ekamisam, na kayaꞌtaj ta chike kakikꞌul janipa ri yaꞌtal chiqe riꞌoj ruma rukamik ri Cristo.* Pa ri chꞌaꞌtem griego kubꞌiꞌij \"na kayaꞌtaj ta chike kakitij re ri altar qeꞌoj\". 11 Ri kuꞌan ri kajawal raj chakunel pa Rocho Dios e kukoj bꞌi chupa ri Luwar lik Santo ri kikikꞌel rawaj ekamisam ruma ri mak ke ri tinamit, yey ekꞌu ri kitiꞌjil kesax bꞌi chupa ri tinamit re kaporoxik. 12 Jekꞌulaꞌ ri Jesús xesax bꞌi chupa ri tinamit echiriꞌ xkamisaxik chaꞌ rukꞌ rukikꞌel kujosqꞌij ri kanimaꞌ ri tikawex. 13 Joꞌ kꞌu riꞌ rukꞌ ri Jesús, e pachaꞌ junam rukꞌ Rire chojelubꞌi chupa ri tinamit y qakꞌulu qeꞌoj ri kꞌaqbꞌal bꞌi qaqꞌij jelaꞌ pachaꞌ xꞌan che Rire. 14 Ma wara che ruwachulew na jinta juna tinamit lik kakowinik pa utz koj-jeqiꞌ wi; ruma kꞌu riꞌ, e qoyeꞌem ri jun qatinamit na kasach ta uwach.\n15 Ruma kꞌu laꞌ, xaqi e qayaꞌa chwach ri Dios ri qaqasaꞌn re yakbꞌal uqꞌij ruma ri Qanimajawal Jesucristo. Qayaka kꞌu uqꞌij rubꞌiꞌ Rire, e qabꞌiꞌij Rire e Qanimajawal. 16 Lik mikꞌow chikꞌuꞌx alaq xaqi e ꞌana alaq ri utz y toꞌo ibꞌ alaq chiwach alaq. Ma waꞌ e jun qasaꞌn lik kukꞌul ukꞌuꞌx ri Dios.\n17 Lik kojo alaq kitzij ri e aj kꞌamal wach e alaq y yaꞌa ibꞌ alaq chitaqik kuma, ma chwikiqꞌabꞌ rike yaꞌtal wi ruchajixik ri kꞌaslemal alaq chwach ri Dios. Yey rike kakiqꞌalajisaj chwach ri Dios suꞌanik xkiꞌan taq ri kichak ukꞌ alaq. Lik chirajawaxik kꞌu riꞌ kaya ibꞌ alaq chitaqik kuma chaꞌ jelaꞌ rike utz kakiꞌan ri kichak rukꞌ kiꞌkotemal y na rukꞌ ta bꞌis ruma ri kuꞌan alaq alkꞌayew chike; ma we e riꞌ, na jinta kutiqoj ri kichak ukꞌ alaq.\n18 Lik ꞌana kꞌu alaq orar paqawiꞌ. Riꞌoj lik kaqanaꞌ chiqakꞌuꞌx utz ri qaꞌanom, y rukꞌ kꞌu ri qabꞌinik qasilabꞌik kaqaj kaqaꞌan chi utz ronoje. 19 Yey kantzꞌonoj ko che alaq, e ꞌana alaq orar panuwiꞌ chaꞌ kayaꞌtaj tanchi chwe riꞌin kinopon tan ukꞌ alaq.\nKꞌisbꞌal chꞌaꞌtem chike taq riglesias\n20 Ri Dios, ri aj yaꞌl utzil chomal, xukꞌastajisaj lo ri Qanimajawal Jesucristo chikixoꞌl ri ekaminaq. Y ri Cristo e ri Nimalaj Aj Chajinel ke rutinamit ri Dios; yey rukꞌ rukikꞌel Rire, xujikibꞌaꞌ uwach ri kꞌakꞌ tzij na jinta utaqexik. 21 Kantzꞌonoj kꞌu riꞌ che ri Dios, chutoꞌo alaq chaꞌ kaꞌan alaq ri utz y jelaꞌ kaꞌan kꞌu alaq janipa ri karaj Rire. Chuꞌana kꞌu Rire ukꞌ alaq ruma ri Qanimajawal Jesucristo janipa ri rajawal ukꞌuꞌx Rire. Che Rire taqal wi ri yakbꞌal uqꞌij waqꞌij ora y na jinta chi utaqexik chiqawach apanoq. Amén.\n22 Yey kantzꞌonoj che alaq hermanos, lik yaꞌa ibꞌ alaq che umajik usukꞌ waꞌ wa kebꞌ oxibꞌ pixabꞌanik xintzꞌibꞌaj pan che alaq y kꞌulu alaq chi utz.\n23 Kuaj ketaꞌmaj alaq e ri qa hermano Timoteo elinaq chi lo pa cárcel, yey we xkꞌun tan loq, kankꞌam bꞌi wukꞌ echiriꞌ kiꞌnwila alaq.\n24 Yaꞌa alaq rutzil kiwach konoje ri e aj kꞌamal wach e alaq kukꞌ konoje rutinamit ri Dios. Ri e aj Italia kakiya pan rutzil wach alaq. 25 Kꞌulu kꞌu onoje alaq ri unimal rutzil ukꞌuꞌx ri Dios. Amén.\n*13:10 Pa ri chꞌaꞌtem griego kubꞌiꞌij \"na kayaꞌtaj ta chike kakitij re ri altar qeꞌoj\".","id":"","dump":"CC-MAIN-2020-34","url":"https:\/\/ebible.org\/acrNNT\/HEB13.htm","date":"2020-08-09T17:32:52Z","file_path":"s3:\/\/commoncrawl\/crawl-data\/CC-MAIN-2020-34\/segments\/1596439738562.5\/warc\/CC-MAIN-20200809162458-20200809192458-00321.warc.gz","language":"acr","language_score":0.9995136261,"language_script":"Latn","minhash_cluster_size":1,"top_langs":"{\"acr_Latn_score\": 0.9995136260986328}","num_words":852,"character_repetition_ratio":0.053,"word_repetition_ratio":0.012,"special_characters_ratio":0.216,"stopwords_ratio":0.296,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"5\nRi Cristo ojresam chi chuxeꞌ ri taqanik ke raj judiꞌabꞌ\n1 E chuqꞌubꞌej ibꞌ alaq che ri kolobꞌetajik xyaꞌiꞌ chiqe ruma ri Cristo echiriꞌ xojresaj lo chuxeꞌ ri taqanik ke raj judiꞌabꞌ; maya tanchi kꞌu ibꞌ alaq chuxeꞌ rukꞌayewal waꞌ wa taqanik.\n2 Chinta na pe alaq. Riꞌin Pablo, kambꞌiꞌij che alaq: We kaya ibꞌ alaq che ukojik ri retalil re circuncisión chaꞌ kakꞌojiꞌ alaq jusukꞌ chwach ri Dios, riꞌ na jinta uchak ri Cristo che alaq.\n3 Kuaj kambꞌiꞌij tanchi waꞌ: We juna achi kukoj ri retalil re circuncisión, riꞌ chirajawaxik che e kuꞌan ronoje ri taqanik ke raj judiꞌabꞌ.\n4 Ekꞌu ralaq, ri kachꞌobꞌ alaq e kuꞌan alaq jusukꞌ chwach ri Dios ruma ri kataqej alaq wa taqanik, riꞌ che ri Cristo xesaj wi ibꞌ alaq y e xya kan alaq ri unimal rutzil ukꞌuꞌx ri Dios.\n5 Noꞌj riꞌoj, ruma ri Ruxlabꞌixel ri Dios pa qanimaꞌ, qoyeꞌem ri qꞌij echiriꞌ ri Dios kojukꞌulu ma oj chi jusukꞌ chwach ruma ri kubꞌulibꞌal qakꞌuꞌx rukꞌ ri Cristo.\n6 Yey we oj re ri Qanimajawal Jesucristo, na jinta chi keꞌelawi we kaqakoj ri retalil re circuncisión o we na kaqakoj taj. Ma ri lik chirajawaxik e ri kubꞌulibꞌal qakꞌuꞌx rukꞌ ri Cristo, yey waꞌ e kaqakꞌut ruma ri rutzil qakꞌuꞌx.\n7 Ri bꞌinik silabꞌik alaq rukꞌ ri Cristo xjeq lo alaq chi utz. ¿China xqꞌaten e alaq chaꞌ na kabꞌin ta chi alaq chupa ri Qꞌijsaq?\n8 Ri Dios, ri xusikꞌij alaq, na e ta xukꞌut waꞌ che alaq.\n9 Masach chikꞌuꞌx alaq waꞌ: «Echiriꞌ keꞌek jubꞌiqꞌ levadura chupa ri qꞌor re pam, waꞌ kusipowirisaj upa ronoje.» Waꞌ e keꞌeloq: E junoq na saqil ta runaꞌoj, kusachisaj ri kinaꞌoj ri jujun chik.\n10 Ruma kꞌu qayaꞌom qibꞌ ralaq y riꞌin puqꞌabꞌ ri Cristo, e lik kubꞌul nukꞌuꞌx na jinta juna chik naꞌoj alaq puwi waꞌ chwa ri kanchꞌobꞌ riꞌin. Yey we kꞌo junoq kusachisaj naꞌoj alaq, kꞌo chi riꞌ ri qꞌatbꞌal tzij re ri Dios puwiꞌ, xa tobꞌ chinoq.\n11 Ekꞌu riꞌin hermanos, we ta e laꞌ kambꞌiꞌij chirajawaxik kakoj ri retalil re circuncisión che junoq chaꞌ kakolobꞌetajik, riꞌ raj judiꞌabꞌ na kechꞌoꞌjin ta chi wukꞌ y na tzel tane kakita ri tzijonik kanꞌan puwi rukamik ri Qanimajawal Jesucristo chwa ri cruz. Noꞌj na je ta laꞌ uꞌanom.\n12 Ekꞌu chike ri kakisachisaj naꞌoj alaq, ¡ta ne asu kiqꞌata bꞌi ri kulewal!\n13 Ma ralaq hermanos, xsikꞌix alaq chaꞌ na kakꞌojiꞌ ta alaq chuxeꞌ ri taqanik ke raj judiꞌabꞌ; xew kꞌu matzꞌilaꞌ ri bꞌinik silabꞌik alaq rukꞌ taq ri rayibꞌal re ri tiꞌjil alaq. E nimaj ibꞌ alaq chiwach alaq rukꞌ rutzil kꞌuꞌxaj.\n14 Ma ronoje ri taqanik re ri Moisés katzꞌaqat uwach rukꞌ wa chꞌaꞌtem: «Kꞌax chanaꞌa rawatz-achaqꞌ jelaꞌ pachaꞌ ri kꞌax kanaꞌ awibꞌ riꞌat» kachaꞌ.\n15 Noꞌj we ralaq kapurij ibꞌ alaq y katij ne ibꞌ alaq chiwach alaq, chajij kꞌu ibꞌ alaq riꞌ ma kꞌaxtaj asu kasach ne wach alaq chiwach alaq.\nTaq ri rayibꞌal na utz ta uwach ke ri tikawex\n16 Kambꞌiꞌij kꞌu waꞌ che alaq: E taqej alaq janipa ri karaj ri Ruxlabꞌixel ri Dios che alaq chaꞌ jelaꞌ na kaya ta ibꞌ alaq che taq ri rayibꞌal re ri tiꞌjil alaq.\n17 Ma e rurayibꞌal ri tiꞌjil alaq na kukꞌulaj ta ribꞌ rukꞌ ri karaj ri Ruxlabꞌixel ri Dios, yey e ri Ruxlabꞌixel ri Dios na kukꞌulaj ta ribꞌ rukꞌ rurayibꞌal ri tiꞌjil alaq. Kikabꞌichal kꞌu riꞌ kechꞌoꞌjin chikiwach; ruma kꞌu laꞌ, ri tiꞌjil alaq kuqꞌatej ri utz kaꞌaj alaq kaꞌan alaq.\n18 Noꞌj we e ri Ruxlabꞌixel ri Dios ri kakꞌamaw wach alaq, riꞌ na jinta alaq chuxeꞌ ri taqanik re ri Tzij Pixabꞌ.\n19 Lik kaqꞌalajin uwach taq ri na utz taj kakiꞌan ri winaq ri kakitaqej taq ri rayibꞌal re ri kitiꞌjil. Rike e kemakun chirij ri kꞌulanikil, kaketzꞌabꞌej uwa kiqꞌij kukꞌ jujun chik na kikꞌulel taj, kakiꞌan ri chꞌulilaj mak y kakimaj uwach taq ri rayibꞌal re ri kitiꞌjil,\n20 kakiloqꞌnimaj uqꞌij tiox, kakiꞌan itz, tzel kekil jujun chik, e aj chꞌaꞌoj, kꞌax kikꞌuꞌx chikij jujun chik; e aj oyowal, e aj chapanel che chꞌaꞌoj, e aj jachal kipa jujun chik, e aj kꞌutunel re taq naꞌoj na utz taj\n21 tzel kakil jun chik ruma kakirayij ri kꞌo rukꞌ, e kamisanel, e qꞌabꞌaꞌrelabꞌ, kakimol kibꞌ re kakiꞌan chꞌulilaj mak y kakiꞌan jujun chik mak pachaꞌ taq waꞌ. Kambꞌiꞌij kꞌu jumul chik che alaq: Konoje waꞌ na jinta ke kukꞌ ri yaꞌtal chike kebꞌok pa rutaqanik ri Dios.\nRi kibꞌinik kisilabꞌik ri kitaqem janipa ri karaj ri Ruxlabꞌixel ri Dios\n22 Noꞌj rujiqꞌobꞌalil ri Ruxlabꞌixel ri Dios rukꞌ junoq e waꞌ: pa ranimaꞌ kꞌo rutzil kꞌuꞌxaj, kꞌo kiꞌkotemal y kꞌo utzil chomal; kꞌo unimal ukꞌuꞌx, utz ukꞌuꞌx, kꞌo relej ukꞌuꞌx; ri jujun chik kakubꞌiꞌ kikꞌuꞌx rukꞌ, ma janipa ri kubꞌiꞌij, e kuꞌanaꞌ;\n23 na kuꞌan ta nim che ribꞌ y kuchꞌij uchuqꞌabꞌ taq ri rayibꞌal re rutiꞌjil. We jekꞌuriꞌlaꞌ uꞌanom junoq, na kajawax tane riꞌ kꞌo junoq kapixabꞌan re chaꞌ kuꞌan ri utz.\n24 Janipa ri e re ri Qanimajawal Jesucristo, na kakitaqej ta chi ri rayibꞌal re ri kitiꞌjil.\n25 We ri Ruxlabꞌixel ri Dios uyaꞌom ri kꞌakꞌ qakꞌaslemal, qayaꞌa kꞌu ri qabꞌinik qasilabꞌik puqꞌabꞌ Rire.\n26 Maqatzukuj ri yakbꞌal qaqꞌij, maqapetisaj qoyowal chiqawach y matzel meqil jujun chik ruma kaqarayij ri kꞌo kukꞌ.","id":"","dump":"CC-MAIN-2022-33","url":"https:\/\/ebible.org\/study\/content\/texts\/acrNNT\/GL5.html","date":"2022-08-07T18:39:15Z","file_path":"s3:\/\/commoncrawl\/crawl-data\/CC-MAIN-2022-33\/segments\/1659882570692.22\/warc\/CC-MAIN-20220807181008-20220807211008-00149.warc.gz","language":"acr","language_score":0.993322432,"language_script":"Latn","minhash_cluster_size":1,"top_langs":"{\"acr_Latn_score\": 0.9933224320411682}","num_words":850,"character_repetition_ratio":0.078,"word_repetition_ratio":0.0,"special_characters_ratio":0.212,"stopwords_ratio":0.301,"flagged_words_ratio":0.0,"lang_id_score":0.993,"perplexity_score":500.0,"cluster_detection":-1} +{"text":"3\nKaqakꞌul ri Ruxlabꞌixel ri Dios ruma xqakoj ri Utzilaj Tzij\n1 ¡Toqꞌoꞌ wach alaq aj Galacia! Lik ko ꞌanom che ri kꞌuꞌx alaq. ¿China xsokosoꞌn e alaq chaꞌ na kakoj ta chi alaq ri Qꞌijsaq? Ma lik xqꞌalajisax chiwach alaq saꞌ keꞌelawi rukamik ri Qanimajawal Jesucristo chwa ri cruz.\n2 Bꞌiꞌij alaq waꞌ chwe: ¿Xkꞌul alaq ri Ruxlabꞌixel ri Dios ruma xtaqej alaq ri taqanik ke raj judiꞌabꞌ o ruma xta alaq ri Utzilaj Tzij y xkubꞌiꞌ kꞌuꞌx alaq che?\n3 ¿Suꞌchak lik ꞌanom ko che ri kꞌuꞌx alaq? Ma ri bꞌinik silabꞌik alaq chwach ri Dios xjeq lo alaq ruma ruchuqꞌabꞌ ri Ruxlabꞌixel ri Dios, yey woꞌora ¿kaꞌaj kami alaq riꞌ kakꞌisbꞌej alaq waꞌ xa rukꞌ ri chuqꞌabꞌ ralaq?\n4 ¿Na jinta kami utiqom riꞌ che alaq janipa taq ri kꞌulum alaq ruma ri Ruxlabꞌixel ri Dios? Na kankoj ta kꞌana riꞌin we waꞌ na jinta utiqom che alaq.\n5 Ma echiriꞌ ri Dios kuya ri Ruxlabꞌixel che alaq y rukꞌ ruchuqꞌabꞌ kuꞌan nimaq taq milagros chixoꞌl alaq, ¿suꞌanik kuꞌano? ¿E nawi ruma taqem alaq ri taqanik ke raj judiꞌabꞌ o e ruma xta alaq ri Utzilaj Tzij y xkubꞌiꞌ kꞌuꞌx alaq che?\nRi kubꞌulibꞌal ukꞌuꞌx ri Abraham rukꞌ ri Dios\n6 Ri Abraham xkubꞌiꞌ ukꞌuꞌx rukꞌ ri Dios y ruma kꞌu riꞌ xꞌaniꞌ jusukꞌ che.\n7 E uwariꞌche, chirajawaxik ketaꞌmaj alaq waꞌ: E janipa ri lik kubꞌul kikꞌuꞌx rukꞌ ri Dios, riꞌ e ralkꞌoꞌal kan ri Abraham.\n8 Ruchꞌaꞌtem ri Dios xex chi ubꞌiꞌim wi lo pakiwi ri na e ta aj Israel, we rike kakubꞌiꞌ kikꞌuꞌx rukꞌ ri Dios, kebꞌuꞌan jusukꞌ. Ma jewaꞌ ri utzilaj tzij xbꞌiꞌx lo ojertan che ri Abraham:\nAwuma riꞌat, ri Dios kebꞌuꞌan bendecir konoje taq ri tinamit che ruwachulew. Gn. 12:3\n9 Jekꞌuriꞌlaꞌ, konoje ri kakubꞌiꞌ kikꞌuꞌx rukꞌ ri Dios kakikꞌul na ri utz kape rukꞌ Rire, jelaꞌ pachaꞌ ri xukꞌul ri Abraham ruma xkubꞌiꞌ ukꞌuꞌx rukꞌ.\n10 Konoje ri kikubꞌam kikꞌuꞌx kekolobꞌetaj xa ruma kakitaqej uꞌanik ri tzij pixabꞌ, riꞌ e kꞌo chi chuxeꞌ ri qꞌatbꞌal tzij re ri Dios, ma jewaꞌ tzꞌibꞌitalik:\nChina kꞌu ri na kuꞌan ta janipa ri taqanik\ntzꞌibꞌital kan chupa ri Tzij Pixabꞌ,\nriꞌ kꞌo chi chuxeꞌ ri qꞌatbꞌal tzij re ri Dios Dt. 27:26\nkachaꞌ.\n11 Kaqꞌalajin kꞌu riꞌ, na jinta junoq kuꞌan jusukꞌ che ribꞌ chwach ri Dios ruma kutaqej ri Tzij Pixabꞌ, ma jewaꞌ tzꞌibꞌitalik:\nRi e jusukꞌ chwach ri Dios,\nkꞌo kikꞌaslemal ruma ri kubꞌulibꞌal kikꞌuꞌx rukꞌ Rire Hab. 2:4\nkachaꞌ.\n12 E junoq kuchꞌobꞌ raqan kakolobꞌetaj ruma kutaqej ronoje ri Tzij Pixabꞌ, riꞌ na kubꞌul ta ukꞌuꞌx kakolobꞌetaj ruma ri kubꞌulibꞌal ukꞌuꞌx rukꞌ ri Cristo. Yey jenewaꞌ kubꞌiꞌij Ruchꞌaꞌtem ri Dios:\nChina ri kaꞌanaw re ronoje ri kubꞌiꞌij ri Tzij Pixabꞌ,\nriꞌ kꞌo ukꞌaslemal chwach ri Dios ruma kuꞌan waꞌ Lv. 18:5\nkachaꞌ.\n13 Ri Cristo xojresaj chuxeꞌ ri qꞌatbꞌal tzij kꞌo paqawiꞌ ruma xqapalajij Rutzij Upixabꞌ ri Dios; xuꞌan kꞌu waꞌ echiriꞌ xuya ribꞌ paqakꞌaxel ri oj aj mak, ma jewaꞌ ri tzꞌibꞌital kan pa Ruchꞌaꞌtem ri Dios:\nChwach ri Dios, itzel uwach junoq katzayabꞌax chwa juna cheꞌ. Dt. 21:23\n14 E xuꞌan waꞌ ri Qanimajawal Jesucristo chaꞌ ri rutzil ukꞌuꞌx ri Dios, ri xbꞌiꞌtisix che ri Abraham, kayaꞌtaj na pakiwi ri na e ta aj Israel ruma ri Cristo; y jekꞌulaꞌ ruma ri kubꞌulibꞌal qakꞌuꞌx, qonoje kaqakꞌul ri Ruxlabꞌixel ri Dios bꞌiꞌtisim chi uloq.\n15 Hermanos, ri uꞌanom ri Dios kanjunimaj rukꞌ ri kakiꞌan ri tikawex chaꞌ kamaj alaq usukꞌ: Echiriꞌ kebꞌ achijabꞌ kakiꞌan juna tzij chikiwach y kakijikibꞌaꞌ uwach, lik na utz ta kꞌu riꞌ we jun chike kutzelej uchꞌaꞌtem che ri ubꞌiꞌim chik o kukoj uwiꞌ ri kijikibꞌam chik.\n16 Ekꞌu ri Dios xuya rubꞌiꞌtisinik che ri Abraham y che kan ri Jun ralkꞌoꞌal. Rutzij Upixabꞌ ri Dios na jetawaꞌ kubꞌiꞌij «chike kan rawalkꞌoꞌal», pachaꞌ e ukꞌiyal tikawex, ma jewaꞌ kubꞌiꞌij «che kan ri Jun awalkꞌoꞌal»; waꞌ keꞌelawi e ri Cristo.\n17 Wa kintajin che ubꞌiꞌxik e waꞌ: Ri Dios xuꞌan jun tzij rukꞌ ri Abraham. Xikꞌow na kꞌu cuatrocientos treinta junabꞌ kꞌa echiriꞌ ri Moisés xutzꞌibꞌaj kan ri taqanik re ri Tzij Pixabꞌ. Ekꞌu wa taqanik na utz taj kuyoj wa nabꞌe tzij y na kuyoj tane ri xubꞌiꞌtisij lo ri Dios.\n18 Ma we ta kaqakꞌul rubꞌiꞌtisim ri Dios ruma kaqataqej ri Tzij Pixabꞌ, riꞌ na e ta ruma ri bꞌiꞌtisinik xuꞌan ri Dios; noꞌj ri xusipaj ri Dios che ri Abraham e ruma ri bꞌiꞌtisinik uꞌanom chi che.\nRuchak ri Tzij Pixabꞌ tzꞌibꞌital kan ruma ri Moisés\n19 ¿Saꞌ kꞌu ruchak riꞌ ri Tzij Pixabꞌ tzꞌibꞌital kan ruma ri Moisés? E chaꞌ kuqꞌalajisaj chike ri tikawex saꞌ taq ri kimak chwach ri Dios. Y jelaꞌ uꞌanom loq kꞌa che rukꞌunibꞌal ri Jun Alkꞌoꞌal bꞌiꞌtisim loq, waꞌ e ri Cristo; ma che Rire xꞌan wi waꞌ wa bꞌiꞌtisinik. Ri Tzij Pixabꞌ xtzijox kuma ri ángeles che ri Moisés chaꞌ rire kuqꞌatisaj chikiwach ri tinamit;\n20 noꞌj ri Dios echiriꞌ xuꞌan rubꞌiꞌtisinik che ri Abraham, na jinta junoq xqꞌatisan ri tzij chikiwach, ma e Rire xuqꞌatisaj rutzij che ri Abraham y na xajawax ta kꞌu junoq chik.\n21 E uwariꞌche, echiriꞌ ri Dios xuya Rutzij Upixabꞌ che ri Moisés, ¿e nawi xujalkꞌatij ri bꞌiꞌtisinik uꞌanom chi che ri Abraham? Na e taj. Ma we ta e riꞌ, e ri Tzij Pixabꞌ kayaꞌw ri qakꞌaslemal chwach ri Dios, y kojuꞌan kꞌu jusukꞌ riꞌ ruma ri kaqataqej ri tzꞌibꞌital kanoq. Noꞌj na e ta uꞌanom riꞌ.\n22 Ma chupa ri Tzij Pixabꞌ tzꞌibꞌital kanoq, kaqꞌalajinik qonoje ri oj tikawex oj kꞌo puqꞌabꞌ ri mak; e uwariꞌche lik kajawax ri bꞌiꞌtisinik uꞌanom lo ri Dios chike ri kakubꞌiꞌ kikꞌuꞌx rukꞌ ri Qanimajawal Jesucristo.\n23 Echiriꞌ kꞌamajaꞌ kakꞌun ri Jun kakubꞌiꞌ qakꞌuꞌx rukꞌ, e ri Tzij Pixabꞌ xojuchajij y xukꞌam lo qawach chaꞌ kakubꞌiꞌ qakꞌuꞌx rukꞌ ri Cristo echiriꞌ kopon ruqꞌijol kaqꞌalajisax ri Utzilaj Tzij chiqawach.\n24 Ekꞌu keꞌelawi, ri Tzij Pixabꞌ tzꞌibꞌital kan ruma ri Moisés xojuchajij y xukꞌut chiqe ri kajawaxik kaqamajo, pachaꞌ chi oj akꞌalabꞌ; xuqꞌalajisaj kꞌu pan rukꞌunibꞌal ri Cristo chaꞌ ruma ri kubꞌulibꞌal qakꞌuꞌx rukꞌ Rire, ri Dios kuꞌan jusukꞌ chiqe.\n25 Ekꞌu woꞌora kubꞌul chi qakꞌuꞌx rukꞌ ri Cristo, jekꞌulaꞌ na oj jinta chi chuxeꞌ ri Tzij Pixabꞌ ri xukꞌam lo qawach ojertan.\n26 Ma onoje ralaq alaq chi ralkꞌoꞌal ri Dios ruma ri kubꞌulibꞌal kꞌuꞌx alaq rukꞌ ri Qanimajawal Jesucristo.\n27 Onoje kꞌu ralaq ri xkꞌul alaq ri bautismo chupa rubꞌiꞌ ri Jesús, woꞌora alaq chi re ri Cristo y kakꞌut kꞌu alaq waꞌ rukꞌ ri bꞌinik silabꞌik alaq.\n28 Xa jun ꞌanom alaq chwach ri Dios, tobꞌ jujun che alaq e kukꞌil raj judiꞌabꞌ o na e ta kukꞌil, tobꞌ ne jujun che alaq e aj chakibꞌ eloqꞌotalik yey jujun chik kechakun pa ke rike, tobꞌ achi o ixoq; ma onoje ralaq, xa jun ꞌanom alaq ruma alaq kꞌo puqꞌabꞌ ri Qanimajawal Jesucristo.\n29 Yey we alaq re ri Cristo, riꞌ alaq ralkꞌoꞌal ri Abraham yey kakꞌul kꞌu alaq ri sipanik ubꞌiꞌtisim lo ri Dios.","id":"","dump":"CC-MAIN-2022-33","url":"https:\/\/ebible.org\/study\/content\/texts\/acrNNT\/GL3.html","date":"2022-08-07T18:40:25Z","file_path":"s3:\/\/commoncrawl\/crawl-data\/CC-MAIN-2022-33\/segments\/1659882570692.22\/warc\/CC-MAIN-20220807181008-20220807211008-00247.warc.gz","language":"acr","language_score":0.9949997067,"language_script":"Latn","minhash_cluster_size":1,"top_langs":"{\"acr_Latn_score\": 0.9949997067451477}","num_words":1119,"character_repetition_ratio":0.08,"word_repetition_ratio":0.004,"special_characters_ratio":0.211,"stopwords_ratio":0.332,"flagged_words_ratio":0.0,"lang_id_score":0.992,"perplexity_score":500.0,"cluster_detection":-1} +{"text":"3\n1 Ruma kꞌu lik kaqaj chik kaqata rason alaq, xqachꞌobꞌ kꞌu riꞌ kojkanaj kan qatukel riꞌoj chupa ri tinamit Atenas\n2 y xqataq kꞌu bꞌi ri qa hermano Timoteo, ri raj chak ri Dios y toꞌbꞌel qe che utzijoxik ri Utzilaj Tzij re ri Cristo, chaꞌ rire kuꞌnimarisaj kꞌuꞌx alaq y kuꞌpixabꞌaj alaq chaꞌ na kasach ta ri kubꞌulibꞌal kꞌuꞌx alaq,\n3 y jelaꞌ na jinta junoq che alaq kok chukꞌuꞌx waꞌ wa kꞌaxkꞌobꞌik kꞌo wi alaq. Ma etaꞌam alaq lik rewi kojikꞌow chupa taq waꞌ.\n4 Ma echiriꞌ kꞌa oj kꞌo chilaꞌ ukꞌ alaq, xqabꞌiꞌij che alaq kape kꞌaxkꞌobꞌik paqawiꞌ; yey lik etaꞌam chi kꞌu alaq e xuꞌana waꞌ.\n5 Ruma kꞌu lik xuaj kanta rason alaq, xintaq bꞌi ri Timoteo ukꞌ alaq chaꞌ karetaꞌmaj saꞌ uꞌanom ri kubꞌulibꞌal kꞌuꞌx alaq; ma uxiꞌim ribꞌ nukꞌuꞌx kꞌaxtaj ritzel winaq xusok alaq chaꞌ kaya kan alaq ri Cristo y jekꞌulaꞌ riꞌ na jinta xutiqoj ri qachak ukꞌ alaq.\n6 Pero echiriꞌ xtzelej lo ri Timoteo che rilik alaq, xuya chomilaj rason chiqe puwi ri kubꞌulibꞌal kꞌuꞌx alaq y ri rutzil kꞌuꞌx alaq. Yey xubꞌiꞌij chiqe lik oj kꞌo chikꞌuꞌx alaq y lik kaꞌaj alaq kil alaq qawach, jelaꞌ pachaꞌ riꞌoj lik kaqaj kaqil wach ralaq.\n7 E uwariꞌche hermanos, chupa ronoje ri kojtajin che rikꞌowibꞌexik y ri kꞌaxkꞌobꞌik oj kꞌo wi, xkubꞌiꞌ ri qanimaꞌ ruma ri xqata puwi ri kubꞌulibꞌal kꞌuꞌx alaq.\n8 Echiriꞌ xqato lik tikil alaq chi utz chwach ri Qaqaw, waꞌ xunimarisaj qakꞌuꞌx.\n9 Ruma kꞌu riꞌ, na kaqariq taj suꞌanik kaqatioxij che ri Dios ri unimal kiꞌkotemal kaqanaꞌ uma ralaq.\n10 Ma chipaqꞌij chichaqꞌabꞌ na kojuxlan ta che utzꞌonoxik che ri Dios kuya chiqe keꞌqila wach alaq, y jekꞌulaꞌ kaqatoꞌ alaq chaꞌ katzꞌaqat uwach ri kubꞌulibꞌal kꞌuꞌx alaq rukꞌ ri Cristo.\n11 Ekꞌu ri Qaqaw Dios y ri Qanimajawal Jesucristo chuyaꞌa chiqe kojopon ukꞌ alaq.\n12 Ri Qanimajawal chunimarisaj ri rutzil kꞌuꞌx alaq chaꞌ lik kꞌax kanaꞌ ibꞌ alaq chiwach alaq y kꞌax kenaꞌ alaq konoje ri tikawex, jelaꞌ pachaꞌ kaqaꞌan riꞌoj che alaq.\n13 Yey chujikibꞌaꞌ kꞌuꞌx alaq y chutoꞌo alaq chaꞌ ri bꞌinik silabꞌik alaq kuꞌan lik jusukꞌ y na jinta kꞌana mak kariqitaj che alaq chwach ri Qaqaw Dios echiriꞌ kakꞌun tanchi ri Qanimajawal Jesucristo kukꞌ konoje ri santowilaj utinamit.","id":"","dump":"CC-MAIN-2022-33","url":"https:\/\/ebible.org\/study\/content\/texts\/acrNNT\/H13.html","date":"2022-08-12T06:09:30Z","file_path":"s3:\/\/commoncrawl\/crawl-data\/CC-MAIN-2022-33\/segments\/1659882571584.72\/warc\/CC-MAIN-20220812045352-20220812075352-00475.warc.gz","language":"acr","language_score":0.9998177886,"language_script":"Latn","minhash_cluster_size":1,"top_langs":"{\"acr_Latn_score\": 0.9998177886009216}","num_words":363,"character_repetition_ratio":0.086,"word_repetition_ratio":0.0,"special_characters_ratio":0.199,"stopwords_ratio":0.229,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"2\nRi e aj wach re riglesia kakita puwi ri chak kuꞌan ri Pablo chikixoꞌl ri na e taj aj judiꞌabꞌ\n1 Xikꞌow na kꞌu kajlajuj junabꞌ echiriꞌ xinꞌek tanchi Jerusalem rukꞌ ri Bernabé, yey xinkꞌam bꞌi ri Tito qukꞌ.\n2 Xinꞌek kꞌut, ma ri Dios xuqꞌalajisaj chwe chirajawaxik kinopon chilaꞌ. Xqamol kꞌu qibꞌ xew kukꞌ ri e aj wach re riglesia y xinqꞌalajisaj chikiwach ri Utzilaj Tzij kantzijoj chike ri na e ta aj judiꞌabꞌ. E xinꞌan waꞌ chaꞌ janipa ri nuꞌanom chik y taq ri kintajin che uꞌanik na kasach ta uwach.\n3 Wachbꞌiꞌil kꞌu ri Tito yey rire na e ta kukꞌil ri e aj judiꞌabꞌ; na rukꞌ ta kꞌu riꞌ, ri e aj wach re riglesia na xkitaq tane che rire kukoj ri retalil re circuncisión.\n4 Xqamol kꞌu qibꞌ kukꞌ wa e aj wach, ma e kꞌo jujun na e ta saqil hermanos xkimin kibꞌ chiqaxoꞌlibꞌal riꞌoj chaꞌ e kakikꞌakꞌalej ri qabꞌinik qasilabꞌik ri oj re ri Cristo, ri Jun xojresaj lo chuxeꞌ ri taqanik ke raj judiꞌabꞌ. Xkiꞌan waꞌ xa re kakaj kojkꞌojiꞌ pakiqꞌabꞌ rike.\n5 Pero riꞌoj na xqataqej ta kꞌana ri kakibꞌiꞌij chaꞌ jelaꞌ na kajalkꞌataj ta ri Qꞌijsaq re ri Utzilaj Tzij kojom chi alaq.\n6 E taq kꞌu raj wach re riglesia ri lik kꞌo kiwach, tobꞌ na jinta kꞌo kuꞌan chwe riꞌin we ri petinaq loq kꞌo kiwach o na jintaj ma chwach ri Dios xa jun qawach; rike na jinta juna kꞌakꞌ tzij xkikoj puwi ri nukꞌutunik riꞌin.\n7 Y na xew ta waꞌ, ma xkimaj usukꞌ e ri Dios xyaꞌw panuqꞌabꞌ riꞌin rutzijoxik ri Utzilaj Tzij chike ri na e ta aj judiꞌabꞌ, jelaꞌ pachaꞌ xyaꞌiꞌ che ri Pedro rutzijoxik waꞌ chike ri e aj judiꞌabꞌ.\n8 Ma ri Dios, ri xutaq bꞌi ri Pedro re kuꞌana utaqoꞌn chikixoꞌl ri e aj judiꞌabꞌ, e xtaqaw bꞌi weꞌin re kinuꞌana utaqoꞌn chikixoꞌl ri na e ta aj judiꞌabꞌ.\n9 Ekꞌu ri Jacobo, ri Pedro y ri Juan, ri lik kꞌo kiwach pa riglesia, xkimaj usukꞌ e ri Dios yaꞌyom wa jun chak chwe. Xkiya kꞌu riꞌ ri kiqꞌabꞌ chwe riꞌin y che ri Bernabé, kꞌutubꞌal re oj chi kachbꞌiꞌil rike. Y xukꞌul kikꞌuꞌx kojchakun riꞌin y ri Bernabé chikixoꞌl ri na e ta aj judiꞌabꞌ, yey rike e kechakun chikixoꞌl ri e aj judiꞌabꞌ.\n10 Xew kꞌu lik xkitzꞌonoj chiqe na keqameskꞌutaj ta ri e nibꞌaꞌibꞌ y waꞌ lik e kacha nukꞌuꞌx che uꞌanik.\nRi Pablo kuchꞌaꞌbꞌej upa ri Pedro\n11 Na rukꞌ ta kꞌu riꞌ, echiriꞌ ri Pedro xkꞌun pa ri tinamit Antioquía, riꞌin e laꞌ chiwachil lik ko xinchꞌaꞌbꞌej upa ruma ri na usukꞌ taj katajin che uꞌanik.\n12 Ma ri Pedro xaqi kawaꞌ kukꞌ ri hermanos na e ta aj judiꞌabꞌ, noꞌj echiriꞌ xekꞌun jujun e petinaq Jerusalem pa riglesia pa kꞌo wi ri Jacobo, xresaj ribꞌ chikij ri na e ta aj judiꞌabꞌ y na xwaꞌ ta chi kukꞌ, ma kuxiꞌij ribꞌ chikiwach ri lik kebꞌok il che ri retalil re circuncisión.\n13 Ekꞌu ri hermanos e aj judiꞌabꞌ xkiꞌan ke rukꞌ ri Pedro, yey ri Bernabé xpachaꞌbꞌ ne kukꞌ waꞌ wa xa kebꞌ kipalaj.\n14 Echiriꞌ riꞌin xinwilo na e ta kakiꞌan jelaꞌ pachaꞌ ri kubꞌiꞌij ri saqil kꞌutunik re ri Utzilaj Tzij, jewaꞌ ximbꞌiꞌij che ri Pedro chikiwach konoje ri kimolom kibꞌ: «Rilal, lal kukꞌil raj judiꞌabꞌ yey kaꞌan e la pachaꞌ ri kakiꞌan ri hermanos na e ta aj judiꞌabꞌ y na kataqej ta chi la jujun che ri taqanik ke raj judiꞌabꞌ. ¿Saꞌ kꞌu uchak riꞌ kabꞌiꞌij rilal chike ri na e ta aj judiꞌabꞌ chirajawaxik kakitaqej wa taqanik ke ri e aj judiꞌabꞌ?»\nKojkolobꞌetajik ruma ri kubꞌulibꞌal qakꞌuꞌx rukꞌ ri Cristo\n15 Ri oj aj judiꞌabꞌ, chwi qalaxik loq, na oj ta aj palajiy tzij pachaꞌ ri jujun chik tinamit na jinta Rutzij Upixabꞌ ri Dios kukꞌ.\n16 Na rukꞌ ta kꞌu riꞌ, qetaꞌam na jinta junoq kuꞌan jusukꞌ che ribꞌ ruma kutaqej ri taqanik ke raj judiꞌabꞌ; ma ri lik chirajawaxik wi e ri kubꞌulibꞌal kꞌuꞌxaj rukꞌ ri Qanimajawal Jesucristo. E uwariꞌche riꞌoj xqakoj rubꞌiꞌ chaꞌ jelaꞌ Rire kuꞌan jusukꞌ chiqe xew ruma ri kubꞌulibꞌal qakꞌuꞌx rukꞌ y na ruma ta ri kaqataqej juna tzij pixabꞌ. Ma na jinta junoq kuꞌan jusukꞌ che ribꞌ ruma kutaqej ri taqanik ke raj judiꞌabꞌ.\n17 Ekꞌu riꞌoj lik kaqaj kojuꞌan jusukꞌ chwach ri Dios xew ruma ri kubꞌulibꞌal qakꞌuꞌx rukꞌ ri Cristo; yey we chikiwach kꞌu jujun chik, oj aj mak ruma na kaqataqej ta chi ri kitaqanik rike, ¿e nawi keꞌeloq kojuꞌana aj mak ruma ri kubꞌulibꞌal qakꞌuꞌx rukꞌ ri Cristo? ¡Na e ta riꞌ!\n18 Ma we kankꞌosoj tanchi lo uwach ri nukꞌaqom chubꞌi, riꞌ e keꞌeloq in jun aj palajiy tzij.\n19 Riꞌin xinya wibꞌ che uꞌanik ronoje ri taqanik ke raj judiꞌabꞌ chaꞌ jelaꞌ kanꞌan jusukꞌ che wibꞌ, pero xinmaj usukꞌ na ruma ta waꞌ kuꞌan jusukꞌ junoq chwach ri Dios; ekꞌu woꞌora nuyaꞌom wibꞌ che uloqꞌnimaxik ri Dios rukꞌ ronoje ri nukꞌaslem.\n20 Jekꞌulaꞌ, ri nukꞌaslemal na weꞌin ta chik, ma e re ri Qanimajawal Jesucristo. E pachaꞌ xinkam chwa ri cruz junam rukꞌ ri Cristo. Woꞌora che ri nukꞌaslem, ronoje ri kanꞌano e ruma ri kubꞌulibꞌal nukꞌuꞌx rukꞌ Rukꞌajol ri Dios, ri lik kꞌax xinunaꞌo y xuya ribꞌ pa kamik wuma riꞌin.\n21 Na kuaj ta kꞌut kankꞌaq bꞌi uqꞌij ri unimal rutzil ukꞌuꞌx ri Dios; ma we ta kꞌo junoq kuriqo kuꞌan jusukꞌ che ribꞌ chwach ri Dios ruma utaqem ri tzij pixabꞌ, riꞌ na jinta kutiqoj rukamik ri Cristo.","id":"","dump":"CC-MAIN-2022-33","url":"https:\/\/ebible.org\/study\/content\/texts\/acrNNT\/GL2.html","date":"2022-08-07T18:42:47Z","file_path":"s3:\/\/commoncrawl\/crawl-data\/CC-MAIN-2022-33\/segments\/1659882570692.22\/warc\/CC-MAIN-20220807181008-20220807211008-00696.warc.gz","language":"acr","language_score":0.9962221384,"language_script":"Latn","minhash_cluster_size":1,"top_langs":"{\"acr_Latn_score\": 0.9962221384048462}","num_words":894,"character_repetition_ratio":0.085,"word_repetition_ratio":0.011,"special_characters_ratio":0.213,"stopwords_ratio":0.348,"flagged_words_ratio":0.0,"lang_id_score":0.996,"perplexity_score":500.0,"cluster_detection":-1} +{"text":"Rucaꞌm carta xutzꞌibaj ri Pablo che ri Timoteo\n1\nRi Pablo cuya pan rutzil uwach ri Timoteo\n1 Riꞌin in Pablo, in takoꞌn re ri Kanimajawal Jesucristo ma e xraj riꞌ ri Dios chwe cantzijoj ri cꞌaslemal biꞌtisim chique ri caquiya quib pukꞌab ri Kanimajawal Jesucristo. 2 Cantzꞌibaj pan waꞌ wa carta chawe riꞌat Timoteo. Riꞌin lic cꞌax catinnaꞌo ma at pachaꞌ nucꞌajol chupa rubiꞌ ri Cristo. Chacꞌulu cꞌu ri unimal rutzil cꞌuꞌxaj, ri relej cꞌuꞌxaj y ri utzil chomal re ri Kakaw Dios y re ri Kanimajawal Jesucristo.\nRi Pablo cupixabaj ri Timoteo che utzijoxic ri Utzilaj Tzij\n3 Lic quintioxin chwach ri Dios, ri canlokꞌnimaj jelaꞌ pachaꞌ xquiꞌan lo ri watiꞌ-numam ojertan yey lic cunaꞌ nucꞌuꞌx utz nuꞌanom chwach Rire. Yey echiriꞌ canꞌan orar chipakꞌij chichakꞌab xaki catcꞌun chinucꞌuꞌx. 4 E cacꞌun chinucꞌuꞌx rokꞌej xaꞌano echiriꞌ xatcanaj canok y lic cuaj cꞌut canwil awach chaꞌ jelaꞌ caquiꞌcot ri wanimaꞌ. 5 Yey cacꞌun chinucꞌuꞌx ri sakil cubulibal acꞌuꞌx rucꞌ ri Kanimajawal Jesucristo; ma waꞌ nabe xcꞌojiꞌ rucꞌ rawatiꞌ Loida y rachu Eunice, y woꞌora lic kꞌalaj e ne cꞌo awucꞌ riꞌat.\n6 E uwariꞌche lic catimpixabaj puwi ri uyaꞌom ri Dios chawe,✡ 1 Co. 12:4-11 waꞌ e ri xacꞌulu echiriꞌ xinya ri nukꞌab pawiꞌ chaꞌ catuꞌan at aj chac re ri Dios. Lic cꞌu chachukꞌubej awib che uꞌanic waꞌ rucꞌ ronoje acꞌuꞌx. 7 Ma ri Dios na uyaꞌom ta ri Ruxlabixel chike chaꞌ cojuꞌan oj turun; e uyaꞌom chike chaꞌ cacꞌojiꞌ kachukꞌab, rutzil kacꞌuꞌx y sakil kanaꞌoj. 8 E uwariꞌche, matqꞌuix che utzijoxic ri Utzilaj Tzij re ri Kanimajawal Jesucristo y matqꞌuix ne chwe riꞌin ma in cꞌo pa cárcel ruma cantzijoj ri Utzilaj Tzij. Ecꞌu riꞌat, e chacuyu tak ri cꞌaxcꞌobic cape pakawiꞌ ruma rutzijoxic waꞌ, chachꞌija cꞌu ronoje rucꞌ ruchukꞌab ri Dios.\n9 E ri Dios xcoloben keꞌoj y xojusiqꞌuij chaꞌ cojcꞌojiꞌ jusucꞌ chwach; yey waꞌ na e ta ruma ri kaꞌanom riꞌoj, ma e ruma lic e xraj riꞌ Rire chike. Echiriꞌ cꞌamajaꞌ ne cuꞌan ruwachulew, uchꞌobom chic cuya ri unimal rutzil ucꞌuꞌx chike ruma ri Kanimajawal Jesucristo. 10 Y woꞌora ucꞌutum chi ri rutzil ucꞌuꞌx chike ma xutak lo ri Kanimajawal Jesucristo re cojucolobej. Rire xuchꞌij uchukꞌab ri camic y jecꞌulaꞌ xukꞌalajisaj cꞌo cꞌaslemal na jinta utakexic chique ri quicojom ri Utzilaj Tzij.\n11 Yey riꞌin in chaꞌtal lo ruma ri Dios re cantzijoj wa Utzilaj Tzij y re quinuꞌan in takoꞌn y cꞌutunel chiquiwach ri uqꞌuiyal quiwach tak ri ticawex. 12 E uwariꞌche riꞌin cantij ronoje tak wa cꞌaxcꞌobic in cꞌo wi y na quinqꞌuix ta cꞌu che, ma lic wetaꞌam china rucꞌ cubul wi nucꞌuꞌx, yey lic jiquil nucꞌuꞌx che e Rire lic cꞌo uchukꞌab che uchajixic ri uyaꞌom panukꞌab cꞌa che rucꞌunibal ri Cristo.\n13 E lic chacꞌutu chiquiwach ri ticawex ri sakil cꞌutunic atom riꞌat chwe; chaꞌana waꞌ rucꞌ ri cubulibal cꞌuꞌxaj y ri rutzil cꞌuꞌxaj arikom rucꞌ ri Kanimajawal Jesucristo. 14 Rucꞌ rutoꞌbal ri Santowilaj Ruxlabixel ri Dios cꞌo pa kanima��, lic chachajij chi utz ri yaꞌtal chawe ruma ri Dios.\n15 Riꞌat lic awetaꞌam, e qꞌui ri kachbiꞌil e aj Asia xincokꞌotaj canok, y chiquixoꞌl rique cꞌo ri Figelo y ri Hermógenes. 16 Noꞌj ri Onesíforo na xinrokꞌotaj taj. Chucꞌutu cꞌu ri Kanimajawal Jesucristo ri rutzil ucꞌuꞌx che rire y chique tak ri e cꞌo pa rocho, ma rire uqꞌuiyal laj xubochiꞌij nucꞌuꞌx y na xqꞌuix ta chwe tob in cꞌo pa carena chupa ri cárcel. 17 Y echiriꞌ xcꞌun wara Roma, lic xoc il che nutzucuxic pa in cꞌo wi y xinuriko. 18 Yey awetaꞌam ne riꞌat, rire lic xojutoꞌo echiriꞌ oj cꞌo chupa ri tinamit Éfeso. E uwariꞌche cantzꞌonoj che ri Kanimajawal chuyaꞌa ri rajil ucꞌaxel che ri Onesíforo chupa ri qꞌuisbal kꞌij.","id":"","dump":"CC-MAIN-2023-14","url":"https:\/\/www.divinerevelations.info\/documents\/bible\/all_html\/achi_rabinal_acr_gt_acrt_achi_new_testament\/2ti01.htm","date":"2023-03-31T15:14:55Z","file_path":"s3:\/\/commoncrawl\/crawl-data\/CC-MAIN-2023-14\/segments\/1679296949644.27\/warc\/CC-MAIN-20230331144941-20230331174941-00127.warc.gz","language":"acr","language_score":1.0000090599,"language_script":"Latn","minhash_cluster_size":1,"top_langs":"{\"acr_Latn_score\": 1.0000090599060059}","num_words":595,"character_repetition_ratio":0.084,"word_repetition_ratio":0.0,"special_characters_ratio":0.199,"stopwords_ratio":0.299,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"I WUJ TZ'IBTAL CHIQUE I\nAJ HEBRÉO WINAK\n1\nI u tzij i Dios, lic are u C'ojol ire xol u bij chake\n1 I Dios, are xraj cu bij u tzij chique i katit ka mam ujer, xu ya u tzij piqui jolom i je ajbil u tzij, te'uri ique xqui bij u tzij chique i winak. Q'uialmul xu bij jutak paj tzij chique, jalajuj tak u 'onquil xu 'ano are xu ya wi u tzij chique. 2 Xui-ri wo'or, pa tak q'uisbal 'ij, lic are u C'ojol xol u bij u tzij i Dios chake. Are u C'ojol-le xyijbaw i caj, i jyub ta'aj, i 'ij, i ic', i ch'umil. Xak u bim can i Dios chi co'on panok, 'is cu ya pu'ab u C'ojol wach tak i 'olic. 3 Che i u C'ojol-le cakil wi u tzunbal u chomal i Dios; che ire cakil wi i nim laj u 'ij i Dios. Pacha i Jesucrísto, xak queje i Dios. Are i Jesucrísto ca uc'aw ru' u tzij ronojel wach i 'olic, ru' u tzij chi lic nim u cho'ab. Are xutzin che u patan, chi are i relsaxic i ka mac chikij, te'uri xa 'e chicaj, y xcubi pu wikabim i ka nim laj Dios chila.\nI u C'ojol i Dios, 'atz u 'ij chiquiwach i ángel\n4 Xa 'alijinic chi u C'ojol i Dios, 'atz u 'ij chiquiwach i ángel, man i u Kajaw u yom u patan chi mas 'o u 'ij chuwach i que ique. 5 I Dios xu bij che:\nYet at in C'ojol;\nwo'or in yom a c'aslemal* Sálmo 2:17.\nQueje ile xu bij che u C'ojol, péro mi ta julaj u bim ile chique i ángel. Xak xu bij i Dios i tzij-i:\nQuin 'an che wib in u Kajaw ire; ire are ni in C'ojol† 2 Samuel 7:14.\n(Queje ile tz'ibtal canok.)\n6 Xo'on panok, i Dios, are xu tak li u C'ojol chi 'atz‡ I mer tzij xu bij are iri: \"i nabe u C'ojol\"; i usuc' i tzij-le are iri: \"i u C'ojol chi lic nim u patan xak nim u 'ij.\" u 'ij, waral chuwach i jyub ta'aj, xak xu bij:\nConojel i ángel chiqui cojo u 'ij i wac'al.\n(Queje ile tz'ibtalic.)\n7 I wuj re i Dios xak queje iri cu bij:\nI Dios cu 'an chique i ángel chi je u takon;\nje pacha tew; je pacha u rep 'a'§ Sálmo 104:4.\n8 Xui-ri, che u C'ojol, queje iri cu bij:\nYet at Dios, i a patan are i 'atbal tzij chi n-tu q'uisic.\nI 'atbal tzij chi ca 'ano, lic suc'ulic.\n9 Yet lic cawaj i suc'ulic, tzel cawil i n-suc'ul taj,\nrumal-i i Dios, chi a Dios yet, at u chom, xak u yom jun nim laj quicotemal chawe,\nmas nim a quicotemal chiquiwach awachi'il, man yet at 'atol tzij.\n(Queje ile tz'ibtal chupam i wuj re i Dios* 1:8,9 Sálmo 45:6,7.)\n10 Xak cu bij:\nYet, Kajwal, chu xebal 'ij sak, xa yijba i jyub ta'aj;\nxak ru' a 'ab xa yijba i caj.\n11 Ni'pa ile ca q'uisic, péro yet n-ta a q'uisic.\nRonojel ile ca 'elabic, pacha jumolaj c'ul.\n12 Ronojel ile, ca bus na pacha ca 'an che jun c'ul;\nronojel ile ca jaltajic pacha jun winak cu jal u 'u'.\nPéro yet n-cat jaltaj taj, xak i a c'aslemal n-tu q'uisic.\n(Queje ile tz'ibtalic† Sálmo 102:25-27, Isaías 51:6.)\n13 I Dios mi ta julaj u bim iri che jun ángel:\nChat cul pin wikabim, c'a que in ya na pawakan i je aj ch'o'oj awu'.\nXui che u C'ojol xu bij i Dios ile‡ Sálmo 110:1. 14 Conojel i ángel xa je tewalil, je rajchac i Dios; que u tak chi qui to'ic i winak pachin que 'el na chi sak.\n*1:5: Sálmo 2:17\n†1:5: 2 Samuel 7:14\n‡1:6: I mer tzij xu bij are iri: \"i nabe u C'ojol\"; i usuc' i tzij-le are iri: \"i u C'ojol chi lic nim u patan xak nim u 'ij.\"\n§1:7: Sálmo 104:4\n*1:9: 1:8,9 Sálmo 45:6,7\n†1:12: Sálmo 102:25-27, Isaías 51:6\n‡1:13: Sálmo 110:1","id":"","dump":"CC-MAIN-2023-14","url":"https:\/\/ebible.org\/acr-acc\/HEB01.htm","date":"2023-03-21T07:24:57Z","file_path":"s3:\/\/commoncrawl\/crawl-data\/CC-MAIN-2023-14\/segments\/1679296943637.3\/warc\/CC-MAIN-20230321064400-20230321094400-00564.warc.gz","language":"acr","language_score":1.0000056028,"language_script":"Latn","minhash_cluster_size":1,"top_langs":"{\"acr_Latn_score\": 1.0000056028366089}","num_words":648,"character_repetition_ratio":0.061,"word_repetition_ratio":0.066,"special_characters_ratio":0.333,"stopwords_ratio":0.29,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Rucaꞌm carta xutzꞌibaj ri Pablo che riglesia cꞌo Corinto\n1\nRi Pablo cuya pan rutzil quiwach ri hermanos e cꞌo pa ri tinamit Corinto\n1 Riꞌin in Pablo in takoꞌn re ri Kanimajawal Jesucristo ma e ri Dios yaꞌyom wa chac chwe. Riꞌin junam rucꞌ ri hermano Timoteo cakaya pan rutzil wach alak, ri alak utinamit ri Dios re riglesia cꞌo Corinto, y chique conoje ri hermanos ejekel chupa ronoje tak ri luwar re Acaya.* Corinto e jun tinamit cꞌo pa ri luwar re Acaya. 2 Cꞌulu cꞌu alak ri unimal rutzil cꞌuꞌxaj y ri utzil chomal re ri Kakaw Dios y re ri Kanimajawal Jesucristo.\nRi bochibal kacꞌuꞌx cuya ri Dios\n3 ¡Lic nim ukꞌij ri Dios, Rukaw ri Kanimajawal Jesucristo! Ma e Rire ri lic cucꞌut ri cꞌaxnaꞌbal ucꞌuꞌx chike y rucꞌ Rire cape wi ri bochibal kacꞌuꞌx. 4 Rire e cabochiꞌin kacꞌuꞌx chwach ronoje cꞌaxcꞌobic, chaꞌ jelaꞌ riꞌoj utz cakabochiꞌij quicꞌuꞌx ri e cꞌo chupa ronoje cꞌaxcꞌobic. Cakaya cꞌu ri bochibal cꞌuꞌxaj jelaꞌ pachaꞌ ri uyaꞌom ri Dios chike riꞌoj. 5 Ma echiriꞌ canimar ri cꞌaxcꞌobic pakawiꞌ ruma oj re ri Cristo, e lic canimar ri bochibal cꞌuꞌxaj cuya ri Cristo chike. 6 Echiriꞌ riꞌoj cakatij cꞌax yey ri Dios cubochiꞌij kacꞌuꞌx, waꞌ cucꞌam lo bochibal cꞌuꞌxaj y colobetajic re ri Dios che ralak. Jecꞌulaꞌ ri cꞌax katijom y ri bochibal cꞌuꞌxaj kacꞌulum riꞌoj, lic cꞌo cutikoj che alak chaꞌ jelaꞌ cachꞌij alak uchukꞌab ri cꞌaxcꞌobic pachaꞌ ri kicꞌowibem riꞌoj. 7 Lic kajiquibam cꞌu uwach ri cubulibal kacꞌuꞌx ucꞌ alak. Ma ketaꞌam alak jun kucꞌ riꞌoj chupa ri cꞌaxcꞌobic, jecꞌulaꞌ alak jun kucꞌ riꞌoj che ucꞌulic ri bochibal cꞌuꞌxaj cuya lo ri Dios.\n8 Cakaj cꞌut, hermanos, quetaꞌmaj alak janipa chi cꞌaxcꞌobic xkicꞌowibej chilaꞌ Asia. Ruma wa unimal cꞌaxcꞌobic xpe pakawiꞌ, xkanaꞌo na jinta chi kachukꞌab che uchꞌijic waꞌ y xkachꞌob nenareꞌ na jinta chi pa sak cojcꞌasiꞌic. 9 E xkanaꞌ riꞌoj e pachaꞌ kꞌatom chi tzij re camic pakawiꞌ. Pero cꞌo xutikoj chike ri xkicꞌowibej, ma rucꞌ waꞌ xkamajo na jinta uchac ri cacubiꞌ kacꞌuꞌx chikibil kib; xew e cubul kacꞌuꞌx rucꞌ ri Dios, ri quebucꞌastajisaj lo ri ecaminak. 10 Ri Dios e xojesan chwa wa camic yey cꞌa catajin ne che katoꞌic. Cubul cꞌu kacꞌuꞌx rucꞌ, ma ketaꞌam rucꞌ rutoꞌbal Rire cojel pan chi utz woꞌora y chikawach apanok. 11 Y ralak cojtoꞌ ne alak echiriꞌ caꞌan alak orar pakawiꞌ chwach ri Dios. Jecꞌulaꞌ we e qꞌui ri xebanaw re waꞌ, e qꞌui riꞌ ri quetioxin chwach ri Dios ruma ri cuꞌan Rire kuma riꞌoj.\nRi Pablo cukꞌalajisaj suꞌbe na xicꞌow ta Corinto\n12 Cꞌo ri cuya quiꞌcotemal chike; waꞌ e ri kabinic kasilabic kacꞌutum chiwach ralak y chiquiwach conoje ri winak, ma cakanaꞌ chikacꞌuꞌx lic sakil y jusucꞌ ri kabinic jelaꞌ pachaꞌ ri caraj ri Dios. Yey wa kaꞌanom na e ta ruma unimal naꞌoj re ruwachulew; e ruma rutoꞌbal ri Dios kucꞌ. 13 Janipa ri cajilaj alak che ri kacartas, lic e kanaꞌoj riꞌ che alak chaꞌ jelaꞌ camaj alak usucꞌ. 14 Woꞌora majom alak usucꞌ jubikꞌ puwi ri kaꞌanom; koyeꞌem cꞌu ri kꞌij echiriꞌ camaj alak usucꞌ ronoje, chaꞌ jelaꞌ pa rucꞌunibal ri Kanimajawal Jesucristo lic caquiꞌcot alak chike riꞌoj, jelaꞌ pachaꞌ riꞌoj cojquiꞌcot che ralak.\n15 Rucꞌ cꞌu wa cubulibal nucꞌuꞌx ucꞌ alak, xuaj quinicꞌow nabe ucꞌ alak chaꞌ jelaꞌ calaj cacꞌul alak ri relej nucꞌuꞌx, 16 ma xinchꞌobo quinicꞌow ucꞌ alak echiriꞌ quinꞌec Macedonia y quinicꞌow tanchic echiriꞌ canmaj bi nube Judea y jelaꞌ quintoꞌ bi alak che ri nubenam. 17 Jelaꞌ ri xinchꞌobo canꞌano, tob na e ta xuꞌanaꞌ. Ruma cꞌu laꞌ, laj chiwach ralak na xinchꞌob ta chi utz saꞌ ri canꞌano. ¿Xa nawi pa we riꞌin canchꞌob rakan ri canꞌano? ¿O xa nawi queb uwa ri nuchꞌaꞌtem, pachaꞌ junok cubiꞌij: «Lic jiquil uwach quinꞌec,» tob retaꞌam chiribil rib na queꞌec taj? 18 Noꞌj riꞌin na je ta laꞌ canꞌano. Ma ruma lic jusucꞌ ri Dios kucꞌ, na utz ta cꞌu riꞌ we ri kachꞌaꞌtem queb uwach queꞌelawi chiwach alak. 19 Jecꞌulaꞌ ri Kanimajawal Jesucristo, Rucꞌajol ri Dios, ri xojtzijon puwiꞌ che alak junam cucꞌ ri Silvano y ri Timoteo, ruchꞌaꞌtem Rire na queb ta uwach queꞌelawi; ma ronoje ri cubiꞌij lic katzij. 20 Yey ruma Rire e cuꞌana janipa tak rubiꞌtisinic ri Dios kucꞌ. E uwariꞌche cakayac ukꞌij ri Dios, cakabiꞌij «Areꞌ» y «Amén» che ronoje ri ubiꞌim lo chike. 21 Yey e ri Dios ri cujiquibaꞌ kacꞌuꞌx chi utz rucꞌ ri Cristo junam ucꞌ alak y xojuchaꞌo chaꞌ cojuꞌan re Rire. 22 Ecꞌu Rire uyaꞌom ri Ruxlabixel pa kanimaꞌ, cꞌutubal re oj cꞌo chi pukꞌab yey cuꞌana na cꞌu ronoje ri ubiꞌtisim lo chike.\n23 Lic caril ri Dios ri cꞌo pa wanimaꞌ y retaꞌam cꞌut suꞌbe na xinicꞌow ta chilaꞌ Corinto pachaꞌ ri xinchꞌobo. E ma na xuaj taj coc bis chicꞌuꞌx alak ruma canchꞌaꞌbej pa alak.† Ri Pablo xuto cꞌo jun hermano chilaꞌ Corinto xmacunic y ri nicꞌaj hermanos na xeboc ta il che wa mac. Quil 1 Corintios 5:1. E uwariꞌche na xraj taj copon cucꞌ we cꞌamajaꞌ caquiyijbaꞌ waꞌ. Ecꞌu ri xuꞌano, e xtzꞌiban pan chique chaꞌ caquiyijbaꞌ waꞌ y jelaꞌ rire utz copon cucꞌ rucꞌ utzil chomal. 24 Na e ta cꞌu cojeꞌtakana pawiꞌ alak chwi ri cojom alak; ma ruma ri cubulibal cꞌuꞌx alak, tiquil alak chi utz. Ri cakaꞌano e cojchacun ucꞌ alak chaꞌ cacꞌojiꞌ ri quiꞌcotemal pa animaꞌ alak.\n*1:1 Corinto e jun tinamit cꞌo pa ri luwar re Acaya.\n†1:23 Ri Pablo xuto cꞌo jun hermano chilaꞌ Corinto xmacunic y ri nicꞌaj hermanos na xeboc ta il che wa mac. Quil 1 Corintios 5:1. E uwariꞌche na xraj taj copon cucꞌ we cꞌamajaꞌ caquiyijbaꞌ waꞌ. Ecꞌu ri xuꞌano, e xtzꞌiban pan chique chaꞌ caquiyijbaꞌ waꞌ y jelaꞌ rire utz copon cucꞌ rucꞌ utzil chomal.","id":"","dump":"CC-MAIN-2023-14","url":"https:\/\/www.divinerevelations.info\/documents\/bible\/all_html\/achi_rabinal_acr_gt_acrt_achi_new_testament\/2co01.htm","date":"2023-03-31T15:47:52Z","file_path":"s3:\/\/commoncrawl\/crawl-data\/CC-MAIN-2023-14\/segments\/1679296949644.27\/warc\/CC-MAIN-20230331144941-20230331174941-00246.warc.gz","language":"acr","language_score":1.0000095367,"language_script":"Latn","minhash_cluster_size":1,"top_langs":"{\"acr_Latn_score\": 1.000009536743164}","num_words":926,"character_repetition_ratio":0.057,"word_repetition_ratio":0.096,"special_characters_ratio":0.209,"stopwords_ratio":0.302,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Ri Utzilaj Tzij re Jesucristo tzꞌibital can ruma ri Juan\n1\nRi Tzij re ri Dios\n1 Che ri jekebal lo re ruwachulew, xex chi cꞌo lo wi ri Tzij;* \"Ri Tzij\" e ri Kanimajawal Jesucristo ma e Rire ri cukꞌalajisaj ri Dios chike.\nri Tzij xex chi cꞌo lo wi rucꞌ ri Dios yey ri Tzij e ri Dios.\n2 Ecꞌu ri Jun cabiꞌx \"Ri Tzij\" che, xex chi cꞌo lo wi rucꞌ ri Dios chwi echiriꞌ cꞌamajaꞌ ne cajeker lo ruwachulew.\n3 Ruma ne Rire, ri Dios xuꞌan ronoje ri cꞌo che ruwachulew.\nWe tamaji Rire, na cuꞌan ta riꞌ ri Dios janipa ri cꞌolic.\n4 Rucꞌ cꞌu Rire cꞌo wi ri cꞌaslemal,\nyey wa cꞌaslemal e Kꞌijsak chique ri ticawex.\n5 Ri Kꞌijsak cawon chupa ri kꞌekuꞌm,\ny ri kꞌekuꞌm na cuchꞌij ta cꞌana uchupic.\n6 Cꞌo jun achi Juan rubiꞌ yey rire takom lo ruma ri Dios. 7 Ri Juan xcꞌunic chaꞌ cukꞌalajisaj ri Kꞌijsak. Xoluꞌtzijoj cꞌu ri Kꞌijsak chaꞌ jelaꞌ ri ticawex caquicoj ri Kꞌijsak. 8 Ri Juan na e ta ri Kꞌijsak, pero rire xcꞌunic re coꞌltzijon puwi ri Kꞌijsak.\n9 Ri sakil Kꞌijsak cꞌuninak che ruwachulew,\ne cakꞌalajisan runaꞌoj ri Dios chiquiwach tak ri ticawex.\n10 Tob Rire e ꞌanayom re ronoje ri cꞌo che ruwachulew;\nechiriꞌ xcꞌun che ruwachulew,\ntak ri winak na xquetaꞌmaj ta uwach.\n11 Rire xcꞌun cucꞌ rutinamit,\npero rutinamit na xquicꞌul taj.\n12 Conoje cꞌu riꞌ ri xquicꞌulu y xquicoj rubiꞌ,\nxyaꞌtaj chique quebuꞌan e ralcꞌoꞌal ri Dios.\n13 Ecꞌu rique xebuꞌan ralcꞌoꞌal ri Dios,† Raj judiꞌab xquichꞌob rakan rique e ralcꞌoꞌal ri Dios xa cuma e ralcꞌoꞌal can ri Abraham, ri Isaac y ri Jacob. Pero ri kalaxibal chwach ri Dios na e ta pachaꞌ ri quixuꞌmanic ri ticawex che ruwachulew.\nna cuma ta ri quichu-quikaw\nna ruma ta rayibal que ticawex,\nyey na ruma tane ri xraj juna achi;\nma e ruma ri xraj ri Dios.\n14 Ecꞌu wa Tzij✡ Jn. 1:1 xuꞌan achi,\nxjekiꞌ cꞌu chikaxoꞌl riꞌoj,\ny xkil runimal uchomalil.\nY wa unimal uchomalil\ne ri xuya ri Dios che Rire ruma xew Ucꞌajol riꞌ,\nyey Rire lic cꞌo unimal rutzil cꞌuꞌxaj y sakil Kꞌijsak rucꞌ.\n15 Ri Juan xtzijon chwi Rire, jewaꞌ xubiꞌij: «Puwi Rire nubiꞌim chi lo waꞌ: E ri Jun catajin lo chwij, más cꞌo uwach chinuwa riꞌin ma Rire xex chi cꞌo lo wi echiriꞌ cꞌamajaꞌ quinalax riꞌin» xchaꞌ.\n16 Che ronoje tak ri cꞌo pukꞌab, kacꞌamom co keꞌoj,\nma ri unimal rutzil ucꞌuꞌx kucꞌ xaki uleꞌom rib.\n17 Ri Tzij Pixab xyaꞌ ruma ri Moisés;\nnoꞌj ri unimal rutzil ucꞌuꞌx ri Dios y ri Kꞌijsak\ne xkꞌalajin ruma ri Kanimajawal Jesucristo.\n18 Na jinta junok iliyom uwach ri Dios;\npero riꞌoj xketaꞌmaj uwach ruma ri Jun lic xa jun ucꞌuꞌx rucꞌ ri Dios,\nwaꞌ e Rucꞌajol ri Dios, ri lic xew Ucꞌajol riꞌ.\nRaj judiꞌab caquitzꞌonoj che ri Juan Aj Yaꞌl Bautismo china rire\n(Mt. 3:11-12; Mr. 1:7-8; Lc. 3:15-17)\n19 E cꞌo jujun e aj judiꞌab re ri tinamit Jerusalem xequitak lo raj chacunel re ri Rocho Dios y raj levitas rucꞌ, chaꞌ caquitzꞌonoj che ri Juan china rire. Yey ri cꞌulubal uwach xuyaꞌo, lic kꞌalaj; 20 na jinta cꞌo xrewaj chique. Jecꞌuwaꞌ xukꞌalajisaj chique:\n—Riꞌin na in ta Ruchaꞌoꞌn lo ri Dios —xchaꞌ.\n21 Ecꞌuchiriꞌ, xquitzꞌonoj tanchi che:\n—¿Lal china cꞌu riꞌ? ¿Lal ri kꞌalajisanel Elías? —xechaꞌ.\nY rire xubiꞌij:\n—Na in taj —xchaꞌ.\nXquitzꞌonoj cꞌu che:\n—¿Laj lal riꞌ ri jun kꞌalajisanel re ri Dios koyeꞌem cacꞌunic? —xechaꞌ.\nRire xucꞌul cꞌu uwach:\n—Na in taj —xchaꞌ.\n22 Ecꞌuchiriꞌ, xquibiꞌij tanchi che:\n—¿Lal china cꞌu riꞌ? Ma riꞌoj oj petinak re cakacꞌam bi juna cꞌulubal uwach chique ri xetakaw lo keꞌoj. Biꞌij la chike saꞌ ri wach la —xechaꞌ.\n23 Y rire xucꞌul uwach:\n—Riꞌin in ri jun tzijonel casiqꞌuin che ubiꞌxiquil chupa ri luwar catzꞌintzꞌotic: \"Sucꞌupij alak rube ri Kanimajawal\" jelaꞌ pachaꞌ ri tzꞌibital can ruma ri kꞌalajisanel Isaías✡ Is. 40:3 —xchaꞌ.\n24 Ri etakom lok re queboꞌlchꞌaꞌt rucꞌ ri Juan, e cuqꞌuil ri fariseos. 25 Xquitzꞌonoj cꞌu riꞌ che ri Juan:\n—¿Saꞌ cꞌu uchac riꞌ caya la ri bautismo we na lal ta Ruchaꞌoꞌn lo ri Dios, na lal tane ri Elías yey na lal tane ri jun kꞌalajisanel re ri Dios koyeꞌem cacꞌunic? —xechaꞌ.\n26 Ri Juan xucꞌul uwach:\n—Riꞌin canya ri bautismo rucꞌ yaꞌ, noꞌj chixoꞌl ralak cꞌo Jun na etaꞌam ta alak uwach. 27 Ecꞌu waꞌ wa Jun catajin lo chwij riꞌin, e ri Jun xex chi cꞌo lo wi echiriꞌ cꞌamajaꞌ quinalax riꞌin y na takal tane chwe riꞌin canquir ruwach ruxajab —xchaꞌ.\n28 Ronoje waꞌ xuꞌan pa ri luwar Betábara, chꞌaka yaꞌ che ri nimayaꞌ Jordán, pa cuya wi bautismo ri Juan.\nRi bautismo re ri Jesús\n29 Chucaꞌm kꞌij cꞌut ri Juan xril pan ri Jesús e riꞌ catajin roponic rucꞌ y jewaꞌ xubiꞌij:\n«Chiwilapeꞌ, waꞌ e ri Kꞌapoj Bexex re ri Dios, ri quesan re ri quimac ri ticawex che ronoje ruwachulew. 30 Puwi rire xintzijon wi echiriꞌ ximbiꞌij: \"Chwij riꞌin catajin lo jun achi; rire más cꞌo uwach chinuwach riꞌin. Waꞌ xex chi cꞌo lo wi echiriꞌ cꞌamajaꞌ quinalax riꞌin.\" 31 Ri petinak lok na xinwetaꞌmaj taj china ri jun catajin lok; na rucꞌ ta cꞌu riꞌ, riꞌin xincꞌunic re canya ri bautismo rucꞌ yaꞌ, chaꞌ jelaꞌ ri tinamit Israel caquetaꞌmaj uwach rire» xchaꞌ.\n32 Xubiꞌij cꞌu ri Juan:\n«Riꞌin xinwil ri Ruxlabixel ri Dios xkaj lo chicaj pachaꞌ juna palomax y xcꞌojiꞌ puwi rire. 33 Ecꞌu ri petinak lok na xinwetaꞌmaj taj china ri jun catajin lok; pero ri xtakaw lo we riꞌin chaꞌ canya ri bautismo rucꞌ yaꞌ, jewaꞌ xubiꞌij chwe: \"Echiriꞌ cawil ri Santowilaj Ruxlabixel ri Dios cakaj lok y cacꞌojiꞌ puwi jun achi, e rire ri cuya ri bautismo rucꞌ ri Ruxlabixel ri Dios.\" 34 Ecꞌu riꞌin xinwilo y cankꞌalajisaj cꞌu waꞌ: Pakatzij wi, rire e Ucꞌajol ri Dios» xchaꞌ.\nRi e nabe utijoꞌn ri Jesús\n35 Chucaꞌm kꞌij cꞌut, ri Juan cꞌo tanchi chiriꞌ junam cucꞌ caꞌib chique rutijoꞌn rire. 36 Echiriꞌ xrilo xicꞌow ri Jesús, jewaꞌ xubiꞌij:\n—Chiwilapeꞌ, waꞌ e ri Kꞌapoj Bexex re ri Dios‡ \"Bexex re ri Dios\": Jewaꞌ xubiꞌij ri Juan puwi ri Jesús ma Rire xoꞌlcam ruma ri kamac; xꞌan che pachaꞌ caꞌan rojertan echiriꞌ cacamisax juna awaj pucꞌaxel ri ticawex aj mac. Lv. 5:6; 16:3 —xchaꞌ.\n37 Echiriꞌ ri caꞌib utijoꞌn ri Juan xquito xubiꞌij waꞌ, xeterej bi chirij ri Jesús. 38 Ecꞌuchiriꞌ ri Jesús xtzuꞌn chirij y xrilo eteran chirij, xubiꞌij chique:\n—¿Saꞌ ri quitzucuj? —xchaꞌ.\nRique xquibiꞌij che:\n—Rabí (waꞌ queꞌelawi \"lal tijonel\"), ¿pachawi jekel wi la? —xechaꞌ.\n39 Ri Jesús xucꞌul uwach:\n—Chixpetok, choꞌliwilaꞌ —xchaꞌ.\nXebec cꞌut, xquilo pa jekel wi Rire y xecanaj cꞌu can la jun benebal kꞌij chiriꞌ rucꞌ, ma laj ucaj ora§ \"Ucaj ora\": Quil \"hora\" pa vocabulario. chic. 40 Ri Andrés ruchakꞌ ri Simón Pedro, e jun chique ri caꞌib xquita ri xubiꞌij ri Juan y xeterej bi chirij ri Jesús. 41 Ecꞌu ri Andrés nabe na xuꞌtzucuj ri ratz Simón; y echiriꞌ xuriko, jewaꞌ xubiꞌij che:\n—Ya xkarik ri Mesías —xchaꞌ. (\"Mesías\" e queꞌelawi ri Cristo, Ruchaꞌoꞌn lo ri Dios.) 42 Xucꞌam cꞌu bi ri Simón pa cꞌo wi ri Jesús. Ecꞌu ri Jesús echiriꞌ xril uwach, jewaꞌ xubiꞌij che:\n—Riꞌat at Simón, rucꞌajol ri Jonás; pero woꞌora rabiꞌ cancojo e Cefas (waꞌ queꞌelok Pedro)** \"Cefas\" e jun chꞌaꞌtem griego yey \"Pedro\" e jun chꞌaꞌtem arameo. Ucabichal queꞌelawi \"abaj\". —xchaꞌ.\nRi Jesús quebusiqꞌuij ri Felipe y ri Natanael\n43 Chucaꞌm kꞌij cꞌut, ri Jesús xraj xeꞌec pa ri luwar re Galilea. Xeꞌec cꞌut y xucꞌul jun achi Felipe rubiꞌ y xubiꞌij che:\n—Chat-tereja lo chwij —xchaꞌ.\n44 Ri Felipe aj pa ri tinamit Betsaida, waꞌ e tinamit pa ejekel wi ri Andrés y ri Pedro. 45 Ecꞌu ri Felipe xuꞌtzucuj ri Natanael y echiriꞌ xuriko, jewaꞌ xubiꞌij che:\n—Xkarik ri jun ri xtz��iban ri Moisés puwiꞌ chupa ri Tzij Pixab, yey ri kꞌalajisanelab jenelaꞌ xetzꞌiban puwiꞌ: Waꞌ e ri Jesús, rucꞌajol ri José ri aj Nazaret —xcha che.\n46 Xubiꞌij cꞌu ri Natanael:\n—¿Cꞌo neba utz quel lo chupa ri tinamit Nazaret? —xchaꞌ.\nRi Felipe xucꞌul uwach:\n—Saꞌa, chawilapeꞌ —xchaꞌ.\n47 Ri Jesús, echiriꞌ xrilo catajin roponic ri Natanael rucꞌ, jewaꞌ xubiꞌij:\n—Wa jun achi catajin lo ucꞌunic, e jun sakil aj Israel y na jinta socosoꞌnic rucꞌ —xchaꞌ.\n48 Ecꞌu ri Natanael xutzꞌonoj che:\n—¿Chaꞌtaj etaꞌam la nuwach? —xchaꞌ.\nRi Jesús xubiꞌij che:\n—Riꞌin xinwil pan awach echiriꞌ cꞌamajaꞌ ne catusiqꞌuij ri Felipe, echiriꞌ at cꞌo chuxeꞌ ri jun cheꞌ re higo —xchaꞌ.\n49 Xubiꞌij cꞌu ri Natanael che:\n—Lal tijonel, rilal lal Ucꞌajol ri Dios y ri Rey que raj Israel —xchaꞌ.\n50 Ri Jesús xucꞌul uwach:\n—¿Cacoj cami riꞌ waꞌ xa ruma ximbiꞌij chawe xatinwil pan chuxeꞌ ri jun cheꞌ re higo? Chikawach apanok, cawil ne cꞌutubal más nimaꞌk chwa tak waꞌ —xchaꞌ.\n51 Y xubiꞌij ri Jesús:\n—Pakatzij wi cambiꞌij chiwe: Wa chikawach apanok quiwil ne ruwa caj jakalic y quebiwil ri ángeles re ri Dios quebakꞌanic y quekaj lo✡ Gn. 28:12-13 chwi Ralaxel Chiquixoꞌl Ticawex —xchaꞌ.\n*1:1 \"Ri Tzij\" e ri Kanimajawal Jesucristo ma e Rire ri cukꞌalajisaj ri Dios chike.\n†1:13 Raj judiꞌab xquichꞌob rakan rique e ralcꞌoꞌal ri Dios xa cuma e ralcꞌoꞌal can ri Abraham, ri Isaac y ri Jacob. Pero ri kalaxibal chwach ri Dios na e ta pachaꞌ ri quixuꞌmanic ri ticawex che ruwachulew.\n✡1:23 Is. 40:3\n‡1:36 \"Bexex re ri Dios\": Jewaꞌ xubiꞌij ri Juan puwi ri Jesús ma Rire xoꞌlcam ruma ri kamac; xꞌan che pachaꞌ caꞌan rojertan echiriꞌ cacamisax juna awaj pucꞌaxel ri ticawex aj mac. Lv. 5:6; 16:3\n§1:39 \"Ucaj ora\": Quil \"hora\" pa vocabulario.\n**1:42 \"Cefas\" e jun chꞌaꞌtem griego yey \"Pedro\" e jun chꞌaꞌtem arameo. Ucabichal queꞌelawi \"abaj\".\n✡1:51 Gn. 28:12-13","id":"","dump":"CC-MAIN-2023-14","url":"https:\/\/www.divinerevelations.info\/documents\/bible\/all_html\/achi_rabinal_acr_gt_acrt_achi_new_testament\/jhn01.htm","date":"2023-03-31T16:12:07Z","file_path":"s3:\/\/commoncrawl\/crawl-data\/CC-MAIN-2023-14\/segments\/1679296949644.27\/warc\/CC-MAIN-20230331144941-20230331174941-00424.warc.gz","language":"acr","language_score":1.0000069141,"language_script":"Latn","minhash_cluster_size":2,"top_langs":"{\"acr_Latn_score\": 1.000006914138794}","num_words":1550,"character_repetition_ratio":0.056,"word_repetition_ratio":0.083,"special_characters_ratio":0.24,"stopwords_ratio":0.31,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Rucaꞌm carta xutzꞌibaj ri Pedro\n1\nRi Pedro cuya pan rutzil quiwach ri quicojom rubiꞌ ri Cristo\n1 Riꞌin, Simón Pedro, in jun aj chac y takoꞌn re ri Kanimajawal Jesucristo. Cantzꞌibaj pan wa carta che alak, janipa ri yaꞌtal che alak cacubiꞌ cꞌuꞌx alak rucꞌ ri Cristo jelaꞌ pachaꞌ kaꞌanom riꞌoj. Waꞌ wa chomilaj cubulibal cꞌuꞌxaj xyaꞌ chike konoje ruma ri ka Dios y Colobenel Jesucristo, ma Rire lic jusucꞌ ri cuꞌan kucꞌ. 2 E lic qꞌuiyar na pawiꞌ alak ri unimal rutzil cꞌuꞌxaj y ri utzil chomal re ri Dios, yey waꞌ cacꞌul alak ruma etaꞌam alak uwach ri Dios y ri Kanimajawal Jesucristo.\nRi caraj ri Dios che ri kabinic kasilabic\n3 Ri Dios rucꞌ ri unimal uchukꞌab, uyaꞌom chike ronoje tak ri cajawax che ri kacꞌaslemal y ri kabinic kasilabic chwach Rire. Yey cuꞌan waꞌ ruma ri xuya chike caketaꞌmaj uwach Rire, ri xojusiqꞌuij rucꞌ ri unimal uchomalil y ri unimal uwach ukꞌij. 4 Jecꞌuriꞌlaꞌ, ri Dios uyaꞌom nimaꞌk y chom tak biꞌtisinic chike chaꞌ ruma waꞌ cojuꞌana pachaꞌ Rire, ma elinak lo alak pukꞌab ri rayibal na chom ta uwach, ri caquitakej ri winak re ruwachulew.\n5 Ruma cꞌu xcubiꞌ cꞌuꞌx alak rucꞌ ri Cristo, chirajawaxic cꞌu riꞌ cachukꞌubej ib alak chaꞌ ri binic silabic alak cuꞌan lic jusucꞌ. Y na xew ta waꞌ, ma lic ne chirajawaxic quetaꞌmaj alak saꞌ ri caraj ri Dios che alak. 6 We etaꞌam chi cꞌu alak saꞌ ri caraj ri Dios che alak, e ꞌana alak riꞌ. Yey chajij ib alak chi utz chaꞌ na catzak ta alak pa mac, y jecꞌuriꞌlaꞌ cacꞌojiꞌ unimal cꞌuꞌx alak. Yey rucꞌ cꞌu ri unimal cꞌuꞌx alak, e cꞌutu alak pa sakil wi yaꞌom ib alak che jun sakil binic silabic chwach ri Dios. 7 Y ruma cꞌu lic yaꞌom ib alak che jun sakil binic silabic chwach ri Dios, cꞌax naꞌa ib alak chiwach alak. Yey na xew ta waꞌ, ma lic yaꞌa ib alak che ucꞌutic ri rutzil cꞌuꞌx alak chique conoje.\n8 Ma we cꞌo cꞌu tak waꞌ ucꞌ alak y yaꞌom ib alak che uꞌanic tak waꞌ, riꞌ na coc ta xepuyil ucꞌ alak yey cakꞌalajin cꞌu riꞌ lic cꞌo cutikoj ri xetaꞌmaj alak uwach ri Kanimajawal Jesucristo. 9 Noꞌj e junok na jinta tak waꞌ rucꞌ, riꞌ e pachaꞌ xew caril ri cꞌo chwach; e junam rucꞌ pachaꞌ juna potzꞌ, ma xicꞌow ne chucꞌuꞌx e rojertan lic aj mac yey e ri Dios xcuyuw umac. 10 E uwariꞌche hermanos, cambiꞌij waꞌ che alak: E ri Dios xchaꞌw e alak yey e Rire siqꞌuiyom e alak. Ruma cꞌu riꞌ, chukꞌubej ib alak che ucꞌutic pa ri binic silabic alak, pakatzij wi siqꞌuim alak yey chaꞌtal alak ruma ri Dios. We caꞌan alak waꞌ, riꞌ na catzak ta chi alak pa mac. 11 Jelaꞌ cꞌu riꞌ lic cacꞌul alak chi utz pa ri takanic na jinta utakexic re ri Kanimajawal y Kacolobenel Jesucristo.\n12 Ruma cꞌu riꞌ, na canwokꞌotaj ta ucuxtaxic waꞌ che alak, tob ne etaꞌam chi alak wa Kꞌijsak y jiquibam chi cꞌuꞌx alak che. 13 Ma chinuwach riꞌin, xalokꞌ cꞌa in cꞌaslic, lic usucꞌ cancoj pa jolom alak tak wa pixabanic. 14 Ma wetaꞌam ri nucamic xa nakaj chi cꞌo lo wi, yey waꞌ e ri Kanimajawal Jesucristo ukꞌalajisam lo chwe. 15 E uwariꞌche lic inoquinak il che ucuxtaxic waꞌ che alak, chaꞌ echiriꞌ na in jinta chi ucꞌ alak, xaki cacꞌun chicꞌuꞌx alak ronoje waꞌ.\nRi xebilow runimal uwach ukꞌij ri Kanimajawal Jesucristo\n16 Ma ri cꞌutunic xkaꞌan chiwach alak chwi ruchukꞌab y rucꞌunibal ri Kanimajawal Jesucristo, na e ta rucꞌ nucꞌum chꞌaꞌtem noꞌjital cuma ticawex; ma lic rucꞌ ri kawach xkil runimal uwach ukꞌij Rire. 17 Ma riꞌoj xkilo echiriꞌ xkꞌalajisax runimal uchomalil y lic xyac ukꞌij ruma ri Kakaw Dios. Xkata ne rukul ri Dios xchꞌaw chupa ri chomilaj kꞌijsak cꞌo pakawiꞌ, jewaꞌ xubiꞌij: «E Nucꞌajol waꞌ, ri lic cꞌax cannaꞌo y lic quinquiꞌcot che» xchaꞌ. 18 Xkata cꞌu wa kulaj petinak chilaꞌ chicaj echiriꞌ oj cꞌo rucꞌ Rire chwa ri santowilaj juyub.✡ Mt. 17:1-8; Mr. 9:7; Lc. 9:35 19 Wa xkilo e cujiquibaꞌ uwach ri tzij tzꞌibital can cuma ri kꞌalajisanelab chupa Ruchꞌaꞌtem ri Dios. Y lic utz ri caꞌan alak we coc alak il che waꞌ, ma e pachaꞌ juna akꞌ cawon pa kꞌekuꞌm cꞌa pa ri sakribal echiriꞌ quel lo ri nimalaj chꞌumil re ri sakribal.✡ Ap. 22:16 Waꞌ e queꞌelawi rucꞌunibal ri Cristo, ri cutzij upa ri animaꞌ alak. 20 Lic cꞌut chirajawaxic nabe na camaj alak usucꞌ waꞌ: Ri tzꞌibital can chupa Ruchꞌaꞌtem ri Dios, na utz taj cakꞌalajisaxic xa rucꞌ unaꞌoj juna achi. 21 Ma ri kꞌalajisam can chupa Ruchꞌaꞌtem ri Dios, na petinak ta ruma quinoꞌjibal ticawex, e petinak ruma ri Santowilaj Ruxlabixel ri Dios. Ma tak ri santowilaj achijab re ri Dios xechꞌaꞌtic e chirij janipa ri xukꞌalajisaj ri Ruxlabixel ri Dios chique.","id":"","dump":"CC-MAIN-2023-14","url":"https:\/\/www.divinerevelations.info\/documents\/bible\/all_html\/achi_rabinal_acr_gt_acrt_achi_new_testament\/2pe01.htm","date":"2023-03-31T15:52:21Z","file_path":"s3:\/\/commoncrawl\/crawl-data\/CC-MAIN-2023-14\/segments\/1679296949644.27\/warc\/CC-MAIN-20230331144941-20230331174941-00703.warc.gz","language":"acr","language_score":1.0000098944,"language_script":"Latn","minhash_cluster_size":1,"top_langs":"{\"acr_Latn_score\": 1.0000098943710327}","num_words":782,"character_repetition_ratio":0.066,"word_repetition_ratio":0.005,"special_characters_ratio":0.217,"stopwords_ratio":0.306,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"2\nJun cꞌulaniquil pa ri tinamit Caná re Galilea\n1 Oxib kꞌij ricꞌowic waꞌ, xꞌan jun cꞌulaniquil pa ri tinamit Caná re Galilea. Ruchu ri Jesús e jun chique ri e cꞌo chiriꞌ. 2 Ecꞌu ri Jesús, junam cucꞌ rutijoꞌn, xesiqꞌuix pa ri cꞌulaniquil.\n3 Yey cꞌamajaꞌ ne caqꞌuis ri nimakꞌij echiriꞌ xqꞌuis ri vino. Ecꞌu ruchu ri Jesús xubiꞌij che:\n—Xqꞌuis ri vino quetajin che ujachic —xchaꞌ.\n4 Ri Jesús xucꞌul uwach:\n—Tape la, ¿suꞌchac cabiꞌij la waꞌ chwe riꞌin? Ma cꞌamajaꞌ copon ri ora cankꞌalajisaj nuwach —xchaꞌ.\n5 Ecꞌu ruchu ri Jesús xubiꞌij chique ri queniman chiriꞌ:\n—E ꞌana alak ronoje ri cubiꞌij rire che alak —xchaꞌ.\n6 Chiriꞌ cꞌu riꞌ cꞌo wakib tenaꞌx ꞌanatal rucꞌ abaj, waꞌ cacꞌoliꞌ yaꞌ chupa re quijoskꞌiquil raj judiꞌab chwach ri Dios. Chujujunal tenaꞌx, laj coc juna ochenta o juna cien litros yaꞌ chupa.\n7 Ri Jesús xubiꞌij chique ri queniman chiriꞌ:\n—Nojisaj alak che yaꞌ tak wa tenaꞌx —xchaꞌ.\nEcꞌu rique xquinojisaj chi utz.\n8 Ecꞌuchiriꞌ, ri Jesús xubiꞌij chique:\n—Woꞌora chesaj lo alak jubikꞌ y cꞌama bi alak che ri aj wach re wa nimakꞌij —xchaꞌ. Y rique jelaꞌ xquiꞌano.\n9 Ecꞌu ri aj wach re ri nimakꞌij xunaꞌ ri yaꞌ ꞌanom vino che, tob na retaꞌam ta nenareꞌ pa xpe wi. Xew ri queniman chiriꞌ quetaꞌam, ma e rique xebesan lo ri yaꞌ. Ecꞌu ri aj wach xusiqꞌuij rala xcꞌuliꞌic 10 y jewaꞌ xubiꞌij che:\n—Conoje ri ticawex nabe na e caquijach ri chomilaj vino, yey echiriꞌ ri echocom lic qꞌui chi ri quitijom, cꞌa ecꞌuchiriꞌ cajachiꞌ ri xaki tob vino. Noꞌj riꞌat cꞌa e laꞌ xawesaj lo ri sakil vino che wa qꞌuisbal re wa nimakꞌij ��xchaꞌ.\n11 E nabe cꞌutubal waꞌ re ruchukꞌab ri Dios xuꞌan ri Jesús chilaꞌ Caná re Galilea. Rucꞌ waꞌ xukꞌalajisaj ri unimal uwach ukꞌij y ruma laꞌ rutijoꞌn lic xcubiꞌ quicꞌuꞌx rucꞌ.\n12 Echiriꞌ icꞌowinak chi waꞌ, ri Jesús rucꞌ ruchu, cucꞌ tak ruchakꞌ y rutijoꞌn xebec pa ri tinamit Capernaúm. Yey na xecꞌojiꞌ ta chiriꞌ uqꞌuiyal kꞌij.\nRi Jesús queberesaj bi raj cꞌay chupa ri Rocho Dios\n(Mt. 21:12-13; Mr. 11:15-18; Lc. 19:45-46)\n13 Xa nakaj chi cꞌo wi lo ri Pascua, waꞌ e quinimakꞌij raj judiꞌab. Ecꞌu ri Jesús xeꞌec pa ri tinamit Jerusalem. 14 Chiriꞌ pa ri Rocho Dios, xebuꞌrika ri e aj cꞌay boyexab, bexex y palomax, cucꞌ ri e aj jachal uwach puak* Qꞌui uwach ri puak caquicꞌam tak lo ri ticawex yey pa ri Rocho Dios xa jun uwach ri puak cacꞌulic. E uwariꞌche caquijal uwach ri puak echiriꞌ caquiya waꞌ re kasaꞌn. etzꞌul chiriꞌ.\n15 Ecꞌuchiriꞌ, ri Jesús xuꞌan jun asial y rucꞌ waꞌ xeberesaj lo pa ri Rocho Dios conoje rique junam cucꞌ tak ri bexex y ri boyexab e cꞌo pa cꞌayij. Xuxulcꞌatilaꞌ tak bi ri quimexa ri e aj jachal uwach puak, y jelaꞌ xquichicoꞌb bi ri puak. 16 Xubiꞌij cꞌu chique raj cꞌay que palomax:\n—¡Chesaj bi alak tak waꞌ! ¡Maꞌan alak cꞌaybal che ri Rocho ri Nukaw! —xchaꞌ.\n17 Ecꞌuchiriꞌ, xcꞌun chiquicꞌuꞌx rutijoꞌn ri tzꞌibital pa Ruchꞌaꞌtem ri Dios pa cubiꞌij wi:\nRuchajixic ri Ocho la\nlic e ubis nucꞌuꞌx riꞌ Sal. 69:9\ncachaꞌ.\n18 Ecꞌu raj judiꞌab xquitzꞌonoj che:\n—¿Saꞌ ri cꞌutubal caꞌan la chikawach chaꞌ cakacojo yaꞌtal pakꞌab la caꞌan la waꞌ? —xechaꞌ.\n19 Ri Jesús xucꞌul uwach:\n—We xwulij alak wa rocho ri Dios, xa pa oxib kꞌij riꞌin canyac tanchic —xchaꞌ.\n20 Xquibiꞌij cꞌu raj judiꞌab che:\n—Waꞌ wa Rocho Dios pa cuarenta y seis junab xutzin wi. ¿Cayac cami la riꞌ rilal pa oxib kꞌij? —xechaꞌ.\n21 Pero ri \"Rocho Dios\" xchꞌaꞌt ri Jesús puwiꞌ, e rucuerpo Rire. 22 E uwariꞌche, echiriꞌ xcꞌastaj lo chiquixoꞌl ri ecaminak, rutijoꞌn xcꞌun chiquicꞌuꞌx ri ubiꞌim chi lo chique. Cꞌa ecꞌuchiriꞌ xquimaj usucꞌ y xquicoj ri tzꞌibital can chupa Ruchꞌaꞌtem ri Dios puwi ri Jesús y ri biꞌtal can ruma Rire.\nRi Jesús retaꞌam saꞌ ri cꞌo pa canimaꞌ ri ticawex\n23 Echiriꞌ cꞌo ri Jesús Jerusalem pa ri nimakꞌij Pascua, lic e qꞌui ri ticawex xquicoj rubiꞌ Rire ruma xquil tak ri cꞌutubal re ruchukꞌab ri Dios xuꞌano. 24 Noꞌj ri Jesús na xcubiꞌ ta ucꞌuꞌx cucꞌ ma lic retaꞌam quiwach conoje. 25 Na xajawax tane cabiꞌx che saꞌ ri caquichꞌob rakan ri winak, ma Rire retaꞌam saꞌ ri cꞌo chupa ri canimaꞌ.\n*2:14 Qꞌui uwach ri puak caquicꞌam tak lo ri ticawex yey pa ri Rocho Dios xa jun uwach ri puak cacꞌulic. E uwariꞌche caquijal uwach ri puak echiriꞌ caquiya waꞌ re kasaꞌn.","id":"","dump":"CC-MAIN-2023-23","url":"https:\/\/www.divinerevelations.info\/documents\/bible\/all_html\/achi_rabinal_acr_gt_acrt_achi_new_testament\/jhn02.htm","date":"2023-06-03T08:07:39Z","file_path":"s3:\/\/commoncrawl\/crawl-data\/CC-MAIN-2023-23\/segments\/1685224649177.24\/warc\/CC-MAIN-20230603064842-20230603094842-00745.warc.gz","language":"acr","language_score":1.0000081062,"language_script":"Latn","minhash_cluster_size":1,"top_langs":"{\"acr_Latn_score\": 1.0000081062316895}","num_words":716,"character_repetition_ratio":0.063,"word_repetition_ratio":0.062,"special_characters_ratio":0.23,"stopwords_ratio":0.292,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"G%E9nesis 1\n1\nU'anik i kaj xaq i ulew\n1Chuxeb'al ij saq, i Dios xu'an i kaj xaq i ulew. 2Ronojel i ulew yijb'am ti usuk'; i equm utz'apim te'eq ronojel i jamjik, xwi utewal i Dios k'ulala k-e wi puwi i ya.\n3I Dios xub'ij: \"¡Chu'ana saq!\"\nAre uri x-on saq. 4I Dios xrilo chi i saq le lik utz, are uri xujach uxol ru' i equm. 5I Dios xuya pub'i i saq le pa'ij xaq i equm xuya pub'i \"cha'ab'\". Are ile xtz'aqat u'anik che i nab'e ij.#1.5 Pkik'aslemal aj Hebreo i ajlab'al re ij ij kjeqan b'ik are kok-ab', i kuk'isa k'a che uqajb'al ij re ukab' ij.\n6I Dios xub'ij: \"Chyiji jun paqanel lik ko punik'ajal i ya re jachb'al uxol.\"\n7Lik keje ile x-ono; are uri i Dios xu'an jun paqanel lik ko re jachb'al uxol i ya; rumali o xkanaj chuxe' xaq o xkanaj puwi. 8I Dios xuya pub'i i jamjik le kaj. Are ile xtz'aqat u'anik che ukab' ij.\n9I Dios xub'ij: \"Chumolo rib' i ya chi o chuxe' i kaj che jun k'ijib'al, man keje ile kkanaj kan i chaqij chisaq.\"\nLik keje ile x-ono. 10I Dios xuya pub'i i chaqij le Ulew, i uk'iyal ya chi xumol rib', xuya pub'i \"mar\".\nI Dios xrilo chi lik utz ile. 11Xaq xub'ij chik i Dios: \"Chealax li jalajuj taq che' xaq i jalajuj taq es chwach ulew, es chi kuya rijayil chrij u'eslal. Xaq i che' chi kuya uwach chi o ub'a' re rijayil, chrij taq uche'lal.\"\nLik keje ile x-ono. 12Are uri xujeq li alaxik i es xaq i che' chwach ulew: Jalajuj taq es chi kuya rijayil chrij taq u'eslal, xaq i jalajuj taq che' chi kuya uwach chi o ub'a' re rijayil, chrij taq uche'lal. I Dios xrilo chi lik utz ile. 13Are ile xtz'aqat u'anik che urox ij.\n14-15I Dios xub'ij: \"Kajwax i jalajuj taq tzunb'al chwa taq kaj, jachb'al uxol i pa'ij ru' i cha'ab'; ilb'al re u'ijlal i alaj, u'ijlal i sa'ij, ipa ketz'aqat wi i ij xaq i junab'; lik chewalch'in li chwa taq kaj, anb'al saq che ronojel uwach i jyub' ta'aj.\"\nLik keje ile x-ono. 16I Dios xu'an keb' nimaq taq tzunb'al: Jun tzunb'al nim re ktzun pa'ij, jun tzunb'al ch'utin re ktzun cha'ab', xaq xeu'an i ch'umil. 17I Dios xeukoj jalajuj taq tzunb'al chwa taq kaj, anb'al saq che ronojel uwach i jyub' ta'aj; 18xeu'ano re ketzun chipa'ij chicha'ab', xaq jachb'al uxol i saq ru' i equm. I Dios xrilo chi lik utz ile. 19Are ile xtz'aqat u'anik che ukaj ij.\n20I Dios xub'ij: \"Chnoj upam i mar che i jalajuj taq chikop; xaq i tz'ikin cherupup ni chupam i jamjik xaq chwach ronojel uwach i jyub' ta'aj.\"\n21Are uri i Dios xeu'an i nimaq taq chikop aj pa mar, konojel i chikop chi o kik'aslemal chi xaq kesilab' pa ya, xaq konojel i tz'ikin chrij kitz'ikinal.\nI Dios xrilo chi lik utz ile. 22Are uri xuya utzil chomal pkiwi ru' i tziji: \"Chixk'uwalinoq xaq chixk'iyaroq, chinojsaj upam i ya pa taq mar; xaq i tz'ikin chpax ni kiwach chwach i jyub' ta'aj.\"\n23Are ile xtz'aqat u'anik che ujo' ij.\n24I Dios xub'ij: \"I ulew cheralaxsaj li jalajuj taq chikop: Chikop je manxo chi je aj ru' taq ja, chikop aj pa taq es, xaq i kejukmay chwach taq ulew; konojel is chrij taq kichikopil.\" Lik keje ile x-ono. 25I Dios xeu'an i chikop je manxo chi je aj ru' taq ja, chikop aj pa taq es xaq konojel ni'pa kejukmay chwach taq ulew chrij kichikopil. I Dios xrilo chi lik utz ile.\n26Xaq xub'ij chik i Dios: \"Chqa'ana i winaq pacha qak'exwach xaq pacha kojmajawik; are ire ktaqan ni pkiwi i kar aj pa mar, pkiwi i tz'ikin aj chwa taq kaj, pkiwi i chikop je manxo chi je aj ru' taq ja, pkiwi i chikop aj pa taq es xaq pkiwi i chikop chi kejukmay chwach ulew.\" Xcha.\n27Are uri i Dios xuyijb'a i winaq,\nlik pacha uk'exwach Ire xu'an che;\njun achi xaq jun ixoq xu'ano.\n28I Dios xuya utzil chomal pkiwi ru' i tziji:\nChixk'uwalinoq xaq chixk'iyaroq;\nchinojsaj uwach i jyub' ta'aj xaq chixrajawin puwi,\nchixrajawin pkiwi i kar aj pa mar,\npkiwi i tz'ikin aj chwa taq kaj,\nxaq pkiwi konojel i chikop chi kejukmay chwach ulew.\n29Xaq xub'ij chik chke: \"Chiwe yix kinya wi ronojel i tikon chi kuya ija, chi kealax li chwach ulew xaq ronojel i che' chi kwachinik, ronojel ile is re kitijo. 30Xaq i tikon rax kinya ni chke konojel i chikop re kkitijo, chi je o chwach i jyub' ta'aj, chke konojel ni'pa i tz'ikin chi aj chwa taq kaj xaq chke konojel ni'pa i chikop chi kejukmay chwach ulew.\"\nLik keje ile x-ono. 31I Dios lik utz xril ronojel ni'pa i xu'ano. Are ile xtz'aqat u'anik che uwaq ij.\nLearn More About Wuj Pa K'ubultzij\n© Biblia Achí de Cubulco, Derechos reservados de Sociedad Bíblica de Guatemala","id":"","dump":"CC-MAIN-2023-23","url":"https:\/\/www.bible.com\/bible\/3247\/GEN.1.ACHICUB","date":"2023-05-31T20:39:50Z","file_path":"s3:\/\/commoncrawl\/crawl-data\/CC-MAIN-2023-23\/segments\/1685224647409.17\/warc\/CC-MAIN-20230531182033-20230531212033-00495.warc.gz","language":"acr","language_score":0.9977773428,"language_script":"Latn","minhash_cluster_size":1,"top_langs":"{\"acr_Latn_score\": 0.9977773427963257}","num_words":823,"character_repetition_ratio":0.08,"word_repetition_ratio":0.059,"special_characters_ratio":0.274,"stopwords_ratio":0.244,"flagged_words_ratio":0.0,"lang_id_score":0.998,"perplexity_score":500.0,"cluster_detection":-1} +{"text":"Revelation of John 6\nWach xa 'iltajic are xrakch'ix i tz'apbal re u chi' i wuj1 Te'uri, xwil i ral Chij (chi are i Kajwal Jesucrísto) ▼ xu rakch'ij i nabe séllo che i wukub. Are 'uri xin ta u ch'awbal jun chique i cajib chi je pacha ángel; i u ch'awbal pacha u ch'awbal jab. Xu bij:\n—¡Sa'aj y chawila! —co'ono.\n2 Te'uri xin takej, y xwil jun caway, sak rij. 'O jun, cul chirij, 'o jun c'akbal ch'ab pu 'ab. Xak xya' jun coron che pacha ca 'ani che i aj ch'acanel ch'o'oj. Te'uri, xa 'e chi ch'o'oj chi cu ch'ac na.\n3 Te'uri, xak xwil chic i Kajwal xu rakch'ij i ucab séllo. Are 'uri xin ta u ch'awbal i ucab chique i cajib chi je pacha ángel.\n—¡Sa'aj y chawila! —xu bij.\n4 Xel chal jun chic caway, cak rij. 'O jun, cul chirij, xya' pu'ab cu petsaj ch'o'oj chuwach i jyub ta'aj; 'o pu'ab cu 'an chique i winak quiqui camsaj quib chiquiwach. Che ire-le, yatal jun nim laj espáda pu 'ab.\n5 Te'uri, xak xwil chic i Kajwal xu rakch'ij i urox séllo. Are 'uri xin ta u ch'awbal i urox chique i cajib chi je pacha ángel.\n—¡Sa'aj y chawila! —xu bij.\nXin takej, y xwil jun caway, 'ek rij. 'O jun, cul chirij, 'o jun pexu pu 'ab. 6 Are 'uri xin ta jun ch'awbal chiquixol i je cajib chi je pacha ángel. Xu bij:\n—I wa'jal ca pe na; jun sak pwak ▼ are ni rajil i queb líbra trígo, o xak are i rajil wakib líbra cebáda. Xui-ri, ma sach u wach i acéite, xak i víno —xu bij.\n7 Te'uri, xak xwil chic i Kajwal xu rakch'ij i ucaj séllo. Are 'uri xin ta u ch'awbal i ucaj chique i cajib chi je pacha ángel.\n—¡Sa'aj y chawila! —xu bij.\n8 Xin takej, y xwil jun caway, 'an rij. 'O jun, cul chirij, chi \"Camic\" u bi. Xak 'o jun, teren chali chirij, chi rajaw i qui q'uijibal i camnak. Chique i queb-le, xya' piqui'ab quiqui camsaj u q'uial winak. (Conojel i winak chuwach i jyub ta'aj, we ca 'ani cajib tzobaj chique, que camsax ni jun tzobaj che i cajib. Are ile i qui q'uial i winak que camsax na.) I camsabal-que quiqui 'ano: ru' ch'o'oj, ru' wa'jal, ru' yobil, xak ru' tak itzel chicop re u wach i jyub ta'aj.\n9 Te'uri, xak xwil chic i Kajwal xu rakch'ij i ujob séllo. Are 'uri xwil chuxe' i altar, chila 'o wi i canima ique chi xe camsax na xa rumal u tzij i Dios; ique n-xqui mayij tu bixquil u tzij tupu xe camsax rumal.\n10 Xe siq'uin chu bixquil:\n—Lo'laj Kajwal, lic ca 'an na pacha i a bim. ¿Umpa nawi ca 'an i a 'atbal tzij piquiwi i winak re u wach i jyub ta'aj chi xoj qui camsaj? ¿Umpa que a ya pa tojpen rumal i qui mac-le? —xqui bij.\n11 Te'uri xya' qui 'u' sak, xak xbix chique chi che uxlan jubi' chic, c'a ca tz'akat ni u q'uial qui wach i cachalal chi que camsax na pacha ique rumal u chac i Kajwal.\n12 Te'uri, xak xwil chic i Kajwal xu rakch'ij i uwakib séllo. Are 'uri xpe jun nim laj ucabrakan; i 'ij xa 'ekumar u wach pacha jun c'ul lic 'ek; i ic' xo'on cak u wach pacha quic', 13 xak i ch'umil chicaj xe tzak li chuwach ulew. Xo'ono pacha u che'lal hígo are quic'aw jun tew nim, que u puksaj li u wach c'a rax, rumal u cho'ab. 14 I caj juntir xsachic pacha jun wuj xu bor rib. Ronojel i nimak ta jyub xe 'elsax na piqui q'uijibal, xak queje i ral tak jyub je setel chuwi mar. 15 I nimak tak 'atol tzij re u wach i jyub ta'aj xcuwaj quib pa tak jul, xak chuxe' tak abaj re i nimak tak jyub. Xak queje xqui 'an ni nimak qui patan, xak i je beyom, xak i caj'atzil i soldádo, xak i nimak qui cho'ab, xak i 'o cajaw, xak i n-ta cajaw; 'is queje xqui 'an ni conojel. 16 Y xqui bij chique i nimak tak jyub xak chique i nimak tak abaj:\n—¡Chix tzak li chikij! ¡Choj iwuwaj chuwach i jun chi cul pa chom laj u cubibal! ¡Choj i to chuwach i tojpen chi ca pe ru' i Kajwal chi ral Chij ca bix che! 17 Ya xu rik i 'ij re i nim laj tojpen; lic n-ta jun cu ch'ij u c'ulaxic —xqui bij.\nCopyright information for `ACRACC\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"","dump":"CC-MAIN-2018-09","url":"https:\/\/www.stepbible.org\/?q=version=ACRACC%7Creference=Rev.6","date":"2018-02-20T05:49:04Z","file_path":"s3:\/\/commoncrawl\/crawl-data\/CC-MAIN-2018-09\/segments\/1518891812880.33\/warc\/CC-MAIN-20180220050606-20180220070606-00561.warc.gz","language":"acr","language_score":0.9999015331,"language_script":"Latn","minhash_cluster_size":4,"top_langs":"{\"acr_Latn_score\": 0.999901533126831}","num_words":906,"character_repetition_ratio":0.071,"word_repetition_ratio":0.023,"special_characters_ratio":0.273,"stopwords_ratio":0.202,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"Mateo 4\nRi c'ambal upa ri Jesús\n(Mr. 1:12-13; Lc. 4:1-13)\n1Tec'uchiri', ri Jesús xc'am bi ruma ri Ruxlabixel ri Dios pa jun luwar catz'intz'otic cha' cac'am upa ruma ritzel winak. 2Ri Jesús xc'oji' chila' yey cuarenta k'ij y cuarenta ak'ab c'u ri' na jinta c'o xutijo. Q'uisbal re wa' xpe numic che.\n3Xkib c'u ritzel winak ruc' ri Jesús re cuc'am upa cha' catzak pa mac, jewa' xubi'ij che:\n—We katzij at Uc'ajol ri Dios, chat-takan che cha' tak wa'baj cu'an wa —xcha'.\n4Ri Jesús xuc'ul uwach:\n—Jewa' tz'ibital can chupa Rutzij Upixab ri Dios:\nNa xew ta ruma ri wa e c'as ri ticawex,\nma e c'aslic ruma ronoje tak ch'a'tem quel lo puchi' ri Dios Dt. 8:3\n—xcha'.\n5Ec'uchiri', ritzel winak xuc'am bi pa ri santowilaj tinamit Jerusalem c'a chicaj che ruwi ri Rocho Dios. 6Xubi'ij c'u che:\n—We katzij at Uc'ajol ri Dios, chac'aka bi awib c'a chu'lew y na jinta c'o cac'ulumaj, ma jewa' tz'ibital can chupa Rutzij Upixab ri Dios:\nRi Dios quebutak lo ru ángeles awuc'\ncha' catquichajij.\nCatquichap c'u ruc' ri quik'ab\ncha' na ca'chika ta rawakan che juna abaj Sal. 91:11,12\n—xcha'.\n7Ri Jesús xuc'ul uwach:\n—Jewa' tz'ibital can chupa Rutzij Upixab ri Dios:\nMac'am upa ri Dios Kajawxel+ Dt. 6:16\n—xcha'.\n8Ec'uchiri', ritzel winak xuc'am tanchi ubi ri Jesús chutza'm jun nimalaj juyub y xuc'ut c'u chwach, ronoje ri takanic ca'an puwi tak ri tinamit che ruwachulew ruc' ronoje ruchomalil tak wa'. 9Xubi'ij c'u che:\n—Ronoje tak wa' canya pak'ab we caxucuba' awib chinuwach y calok'nimaj nuk'ij —xcha'.\n10Ec'u ri Jesús xubi'ij che:\n—Chatela chinuwach Satanás, ma jewa' tz'ibital can chupa Rutzij Upixab ri Dios:\nLic chalok'nimaj uk'ij ri Dios Kajawxel\ny xew Rire chanimaj uk'ij Dt. 6:13\n—xcha'.\n11Ec'u ritzel winak xuya can ri Jesús y xel bi chiri'. Xec'un c'u lo jujun ángeles y xquijeko caquinimaj ri Jesús.\nRi Jesús cujek cac'utun chwi rutakanic ri Dios\n(Mr. 1:14-15; Lc. 4:14-15)\n12Ri Jesús, echiri' xuto c'o ri Juan pa cárcel, xe'ec tanchi Galilea. 13Xel bi pa ri tinamit Nazaret y xe'jekela pa ri tinamit Capernaúm. Wa' jun tinamit c'o chuchi' ri mar pa ri luwar re Zabulón y re Neftalí. 14Xu'an c'u wa' cha' e cu'ana janipa rutz'ibam can ri k'alajisanel Isaías echiri' xubi'ij:\n15Pa ri luwar re Zabulón y re Neftalí,\nri c'o pa rubeyal ri mar,\nch'aka ya' che ri nimaya' Jordán,\npa tak ri luwar re Galilea pa ejekel wi\nuq'uiyal winak na e ta aj judi'ab;\n16ri ticawex ejekel pa k'eku'm xquil ri K'ijsak\nyey ri ejekel pa ri k'eku'm re camic,\nxwon ri K'ijsak paquiwi' Is. 9:1-2\nxcha'.\n17Chwi c'u lo ri' xujek ri Jesús catzijonic, jewa' cubi'ij: «Tzelej tzij alak chwach ri Dios, ma rutakanic ri Dios petinak chila' chicaj lic xa nakaj chi c'o wulok» cacha'.\nRi Jesús quebusiq'uij cajib e aj chapal car\n(Mr. 1:16-20; Lc. 5:10-11)\n18Echiri' cabin ri Jesús chuchi' ri mar re Galilea, xril pan quiwach queb achijab quichak' quib, jun Simón rubi' (Pedro quecha che) y ri jun chic Andrés rubi'. Rique e aj chapal car, yey e ri' quetajin che uc'akic ri qui atarraya pa ri mar.\n19Ec'u ri Jesús xubi'ij chique:\n—Chixpetok, chixterej lo chwij, y ri'in can'an chiwe ix aj molol ticawex,+ jela' pacha' i'anom lo chique ri car —xcha chique. 20Y na jampatana xquiya can ri qui atarraya y xeterej bi chirij ri Jesús.\n21Xbin c'u pan jubik' chic y xeril chi pan queb achijab quichak' quib, jun Jacobo rubi' y ri jun chic Juan rubi'. Wa ca'ib e uc'ajol ri Zebedeo. Rique e c'o chupa jun barco junam ruc' ri quikaw y quetajin che uc'ojoxic ri qui atarraya. Ec'u ri Jesús xebusiq'uij bi. 22Y na jampatana rique xquiya can ri quibarco y ri quikaw, y xeterej c'u bi chirij ri Jesús.\nRi Jesús cac'utun chiquiwach uq'uiyal winak y lic e q'ui ri quebucunaj\n23Ri Jesús xic'ow che ronoje tinamit re Galilea. Cac'utun pa tak sinagogas chujujunal tinamit, cutzijoj ri Utzilaj Tzij re rutakanic ri Dios y cucunaj ronoje uwach yabil c'o chique ri winak.\n24Conoje ri e c'o pa tak ri tinamit re Siria xqueta'maj tak ri cu'an ri Jesús. Xequic'am c'u lo chwach Rire conoje ri ticawex ruc' tak uq'uiyal c'axc'olil. Wa' e ri e c'o pa yabil, ri c'ax quic'ulumam, ri e c'o paquik'ab itzel uxlabixel, ri quebumaj tew y ri e sic. Ec'u ri Jesús xebucunaj conoje.\n25Lic e q'ui c'u ri xeterej bi chirij. Wa' e petinak Jerusalem y che jujun chic luwar re Judea, cuc' ri e petinak pa tak ri tinamit re Galilea, re Decápolis y che jujun chic tinamit e c'o ch'aka ya' che ri nimaya' Jordán.","id":"","dump":"CC-MAIN-2019-04","url":"http:\/\/bibles.org\/acr-ACRTNT\/Matt\/4","date":"2019-01-24T04:32:59Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547584518983.95\/warc\/CC-MAIN-20190124035411-20190124061411-00184.warc.gz","language":"acr","language_score":0.999953866,"language_script":"Latn","minhash_cluster_size":1,"top_langs":"{\"acr_Latn_score\": 0.9999538660049438}","num_words":760,"character_repetition_ratio":0.059,"word_repetition_ratio":0.011,"special_characters_ratio":0.275,"stopwords_ratio":0.317,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1} +{"text":"9\n1 Tekꞌuchiriꞌ, xubꞌiꞌij chike:\n—Paqatzij wi kambꞌiꞌij chiwe: E kꞌo jujun chike wa e kꞌo wara, na kekam tana we na xkil tubꞌi rukꞌunibꞌal rutaqanik ri Dios rukꞌ unimal chuqꞌabꞌ —xchaꞌ.\nRi jalkꞌatajibꞌal uwach ri Jesús\n(Mt. 17:1-13; Lc. 9:28-36)\n2\nWaqibꞌ qꞌij kꞌu ubꞌiꞌxikil riꞌ waꞌ, echiriꞌ ri Jesús xebꞌuchaꞌ ri Pedro, ri Jacobo y ri Juan y xebꞌukꞌam bꞌi kitukel chwa jun nimalaj juyubꞌ. Chilaꞌ kꞌut xjalkꞌatitaj uwach ri Jesús chikiwach. 3\nRuqꞌuꞌ lik kawolqꞌinik, xuꞌan lik saq pachaꞌ ri nieve;*\nrusaqil xilitajik na jinta kꞌo kaꞌanaw re che ruwachulew. 4\nXaqikꞌateꞌt kꞌut chikiwach xewinaqir ri Elías y ri Moisés, qꞌalajisanelabꞌ re ojertan; e riꞌ kechꞌaꞌt rukꞌ ri Jesús.\n5 Ekꞌu ri Pedro xubꞌiꞌij che ri Jesús:\n—Qajawal, lik utz xyaꞌtaj chiqe riꞌoj oj kꞌo wara. Qaꞌana oxibꞌ rancho:†\njun e la, jun re ri Moisés y jun re ri Elías —xchaꞌ. 6\nRi Pedro xubꞌiꞌij waꞌ ruma na kunaꞌ taj saꞌ ri kubꞌiꞌij, ma rire kukꞌ ri kebꞌ chik rachbꞌiꞌil lik kixiꞌim kibꞌ.\n7 Ekꞌuchiriꞌ, xqaj lo jun sutzꞌ y xuꞌan muꞌj pakiwiꞌ. Chupa kꞌu riꞌ ri sutzꞌ xkita ruqul ri Dios, jewaꞌ xubꞌiꞌij:\n«E Nukꞌajol waꞌ ri lik kꞌax kannaꞌo;\ne chita utzij Rire»\nxchaꞌ.\n8 Kꞌate kꞌu xkilo, xew chi ri Jesús kꞌo kukꞌ.\n9 Echiriꞌ xeqaj lo chwa ri juyubꞌ, ri Jesús xebꞌutaq che na kakitzijoj ta kꞌana che junoq janipa ri xkilo; kꞌate kakitzijoj echiriꞌ Ralaxel Chikixoꞌl Tikawex kꞌastajinaq chi lo chikixoꞌl ri ekaminaq. 10 Ekꞌu rike lik xkikꞌol pa kanimaꞌ ri xbꞌiꞌx chike y xkijeq kakitzꞌonobꞌej chikiwach puwi saꞌ keꞌelawi ri kꞌastajibꞌal lo re Ralaxel Chikixoꞌl Tikawex.\n11 Ekꞌuchiriꞌ, xkitzꞌonoj che ri Jesús:\n—¿Suꞌbꞌe raj kꞌutunel re ri tzijpixabꞌ kakibꞌiꞌij lik chirajawaxik nabꞌe na kakꞌun ri Elías chwach pan rukꞌunibꞌal Ralaxel Chikixoꞌl Tikawex? —xechaꞌ.\n12 Ekꞌu ri Jesús xukꞌul uwach:\n—Qatzij, lik chirajawaxik nabꞌe na kakꞌun ri Elías y kuyijbꞌaꞌ pan ronoje chwach rukꞌunibꞌal Ralaxel Chikixoꞌl Tikawex. Pero ¿saꞌ kichꞌobꞌ riꞌix puwi ri tzꞌibꞌital kan chupa Rutzij Upixabꞌ ri Dios? Ma kubꞌiꞌij lik chirajawaxik na, Ralaxel Chikixoꞌl Tikawex kutij kꞌax y na jinta uqꞌij kaꞌanik. 13 Noꞌj kꞌu riꞌin kanqꞌalajisaj waꞌ chiwe: Ri Elías ya xkꞌunik yey ri winaq xkiꞌan che janipa ri xkaj rike, jelaꞌ pachaꞌ ri tzꞌibꞌital kan puwi rire —xchaꞌ.\nRi Jesús kukunaj jun ala kꞌo puqꞌabꞌ jun itzel uxlabꞌixel\n(Mt. 17:14-21; Lc. 9:37-43)\n14 Echiriꞌ xebꞌopon pa e kꞌo wi kan ri jujun chik utijoꞌn, xkilo e kꞌo ukꞌiyal winaq kisutum kij yey raj kꞌutunel re ri tzijpixabꞌ kekichapalaꞌ che chꞌaꞌoj. 15 Konoje kꞌu ri winaq lik xekiꞌkotik echiriꞌ xkil ri Jesús. Kebꞌanik xeꞌkikꞌuluꞌ apanoq y xkiya rutzil uwach. 16 Xutzꞌonoj kꞌu Rire chike:\n—¿Saꞌ puwi kachapalaꞌ wi ibꞌ alaq kukꞌ rike? —xchaꞌ.\n17 Kꞌo kꞌu jun chikixoꞌl rukꞌiyal winaq jewaꞌ xukꞌul uwach:\n—Lal tijonel, nukꞌamom lo ri nukꞌajol chiwach la, ma rire kꞌo puqꞌabꞌ jun itzel uxlabꞌixel uꞌanom meꞌt che. 18 Xa tobꞌ pa kuchap wi, kukꞌaq pulew. Ekꞌuchiriꞌ, rala kujeq kapuluwan rukꞌaxaj, kaqichꞌichꞌ ruwi taq reꞌ y kakanaj kan junchi chukꞌuchik. Xintzꞌonoj kꞌu chike ri tijoꞌn la chaꞌ kakesaj bꞌi ri itzel uxlabꞌixel, pero rike na xkichꞌij ta resaxik bꞌi —xchaꞌ.\n19 Ekꞌu ri Jesús xukꞌul uwach, jewaꞌ xubꞌiꞌij chike:\n—¡E ri ix tikawex re waqꞌij ora, na kubꞌul ta kꞌana ikꞌuꞌx wukꞌ! ¿Janipa chi lo qꞌij kajawaxik kinkꞌojiꞌ iwukꞌ chaꞌ kakubꞌiꞌ ikꞌuꞌx wukꞌ? ¿Janipa chi lo qꞌij kixinkuyu e laꞌ jelaꞌ iꞌanom? Chikꞌama lo rala wara —xchaꞌ.\n20 Xkikꞌam kꞌu lo rala chwach. Ekꞌu ri itzel uxlabꞌixel echiriꞌ xril uwach ri Jesús, lik ko xujabꞌajaꞌ rala. Ekꞌu rala xtzaq pulew y xujeqo kubꞌalkatilaꞌ ribꞌ, kapuluwan rukꞌaxaj.\n21 Ri Jesús xutzꞌonoj kꞌu che ruqaw rala:\n—¿Jampa ujeqom lo waꞌ che? —xchaꞌ.\nRachi xukꞌul uwach:\n—Chuchꞌutiꞌnal upetebꞌem loq. 22 Ukꞌiyal laj ukꞌaqom pa aqꞌ y pa yaꞌ re kamisaxik uwach. We kꞌo ko paqꞌabꞌ la katoꞌ la, kꞌutu ko ri kꞌaxnaꞌbꞌal kꞌuꞌx la chiqe y chojtoꞌo la —xchaꞌ.\n23 Ri Jesús xukꞌul uwach:\n—¿Suꞌbꞌe kabꞌiꞌij la chwe we kꞌo panuqꞌabꞌ kanꞌan waꞌ? Ma we kꞌo junoq lik kubꞌul ukꞌuꞌx wukꞌ, ronoje kel pana rukꞌ —xchaꞌ.\n24 Ekꞌu ruqaw rala na jampatana ko xchꞌawik, jewaꞌ xubꞌiꞌij:\n—Kubꞌul nukꞌuꞌx ukꞌ la, xew chintoꞌo ko la chaꞌ kanimar ri kubꞌulibꞌal nukꞌuꞌx —xchaꞌ.\n25 Ekꞌu ri Jesús echiriꞌ xrilo katajin kimolotajik rukꞌiyal winaq, xtaqan puwi ri itzelilaj uxlabꞌixel, jewaꞌ xubꞌiꞌij che:\n—Itzelilaj uxlabꞌixel, ri aꞌanom meꞌt y tꞌoꞌk che waꞌla, riꞌin katintaqo: Jat, chatelubꞌi y mat-tzelej chi lo kꞌana rukꞌ —xcha che.\n26 Ewi ri itzel uxlabꞌixel xsikꞌinik y lik ko xujabꞌajaꞌ rala; tekꞌuchiriꞌ, xel bꞌi. Ekꞌu rala xkanaj kanoq pachaꞌ kaminaq chik. Ruma riꞌ, lik e kꞌi ri xebꞌiꞌn re: «Ya xkamik» xechaꞌ.\n27 Pero ri Jesús xuchap ruqꞌabꞌ, xuyako; y rala xtakꞌiꞌik.\n28 Ekꞌuchiriꞌ, xok bꞌi ri Jesús chuchiꞌ jun ja. Ekꞌu rutijoꞌn xechꞌaꞌt rukꞌ xa kitukel chik, jewaꞌ xkitzꞌonoj che:\n—¿Suꞌbꞌe riꞌoj na xqachꞌij tubꞌi resaxik waꞌ wa itzel uxlabꞌixel? —xechaꞌ.\n29 Ri Jesús xukꞌul uwach:\n—E taq waꞌ wa juchꞌobꞌ itzel uxlabꞌixel, xew utz kebꞌesax bꞌi rukꞌ oración y ayuno —xchaꞌ.\nRi Jesús kachꞌaꞌt tanchi puwi rukamik\n(Mt. 17:22-23; Lc. 9:43-45)\n30 Echiriꞌ xebꞌel bꞌi chiriꞌ, xebꞌikꞌow pa taq ri luwar re Galilea. Pero ri Jesús na xraj taj kꞌo ketaꞌman re, 31 ma kakꞌutun chikiwach rutijoꞌn. Jekꞌuwaꞌ kubꞌiꞌij chike:\n«Ralaxel Chikixoꞌl Tikawex kayaꞌiꞌ pakiqꞌabꞌ rachijabꞌ y kakamisax kuma, noꞌj echiriꞌ kaminaq chik, kakꞌastaj lo churox qꞌij» xchaꞌ.\n32 Ekꞌu rutijoꞌn na xkimaj ta usukꞌ la kubꞌiꞌij chike, yey kakixiꞌij kibꞌ kakitzꞌonoj che ri Jesús saꞌ keꞌelawi waꞌ.\nChina ri lik kꞌo uwach\n(Mt. 18:1-5; Lc. 9:46-48)\n33 Xebꞌopon kꞌu chupa ri tinamit Capernaúm y echiriꞌ e kꞌo chi chuchiꞌ jun ja, xutzꞌonoj chike rutijoꞌn:\n—¿Saꞌ puwi kichapalaꞌ wi iwibꞌ chiwach echiriꞌ kixtajin lo chi bꞌe? —xcha chike.\n34 Yey na jinta kꞌu junoq chike xchꞌawik; ma echiriꞌ kꞌa ketajin lo chi bꞌe, e kakichapalaꞌ kibꞌ chikiwach puwiꞌ chinoq chike kayaꞌiꞌ más uwach.\n35 Ewi ri Jesús xtzꞌuyiꞌik, xebꞌusikꞌij ri kabꞌlajuj utijoꞌn y xubꞌiꞌij chike:\n—We kꞌo junoq karaj e rire ri kakꞌojiꞌ nabꞌe chikiwach konoje, riꞌ chirajawaxik che e kakanaj kan pa kꞌisbꞌal chike konoje y kuya ribꞌ kebꞌunimaj —xcha chike.\n36 Xukꞌam kꞌu jun ralko kꞌoꞌm y xuya chikinikꞌajal rike. Xuqꞌaluj kꞌut y jewaꞌ xubꞌiꞌij chike:\n37 —China ri kukꞌul chupa ri nubꞌiꞌ junoq na jinta uwach pachaꞌ wa ralko kꞌoꞌm, e junam rukꞌ in ri kinukꞌulu; yey china ri kakꞌuluw we riꞌin, na xew ta kinukꞌul riꞌin, ma e kukꞌul ri Jun taqayom lo we riꞌin —xchaꞌ.\nChina ri na kachꞌoꞌjin ta chiqij, riꞌ e qukꞌil\n(Lc. 9:49-50)\n38 Ekꞌu ri Juan xubꞌiꞌij che ri Jesús:\n—Qajawal, xqil jun achi kebꞌeresaj bꞌi itzel uxlabꞌixel chupa ri bꞌiꞌ la yey rire na qukꞌil taj. Ekꞌu riꞌoj xqabꞌiꞌij che muꞌan chi waꞌ —xechaꞌ.\n39 Ri Jesús xukꞌul uwach:\n—We kꞌo kaꞌanaw waꞌ, miqꞌatej, ma na jinta junoq kuꞌan juna milagro chupa ri nubꞌiꞌ yey pa joqꞌotaj kꞌu riꞌ kachꞌaꞌt lo chwij. 40 Ma china ri na kachꞌoꞌjin ta chiqij, riꞌ e qukꞌil. 41 China ri kusipaj juna tzima iyaꞌ chupa ri nubꞌiꞌ ruma ix re ri Cristo, paqatzij wi kambꞌiꞌij chiwe, riꞌ na kujam ta kꞌana ri rajil ukꞌaxel.\nRi qꞌatbꞌal tzij re ri Dios kꞌo pakiwi ri kakimin jun chik pa mak\n(Mt. 18:6-9; Lc. 17:1-2)\n42\n»Noꞌj china ri kumin pa mak junoq chike wa chꞌutiꞌq‡\nkubꞌul kikꞌuꞌx wukꞌ, e ne más utz katzayabꞌax bꞌi puqul juna nimalaj kaꞌ re keꞌem y kakꞌaq kꞌu bꞌi chupa ri mar.\n43 »We raqꞌabꞌ e katzaqisan awe pa mak, chaqꞌata bꞌi. Ma xa ne kuya tobꞌ at tꞌum katopon pa ri kꞌaslemal chilaꞌ chikaj, chwa ri kꞌo ukabꞌichal raqꞌabꞌ yey katkꞌaq bꞌi chi xibꞌalbꞌaꞌ re tijbꞌal kꞌax, chupa ri aqꞌ na jinta chi uchupik\n44 pa na kekam ta wi ramoloy\nketijow ke waꞌ wa winaq ekaminaq,\nyey ri aqꞌ na jinta chi uchupik. Is. 66:24\n45 »Yey we rawaqan e katzaqisan awe pa mak, chaqꞌata bꞌi. Ma xa ne kuya tobꞌ at jetzꞌ katopon pa ri kꞌaslemal chilaꞌ chikaj, chwa ri kꞌo ukabꞌichal rawaqan yey katkꞌaq bꞌi chi xibꞌalbꞌaꞌ re tijbꞌal kꞌax, chupa ri aqꞌ na jinta chi uchupik\n46 pa na kekam ta wi ramoloy\nketijow ke waꞌ wa winaq ekaminaq,\nyey ri aqꞌ na jinta chi uchupik. Is. 66:24\n47 »Yey we rawach e katzaqisan awe pa mak, chawesaj bꞌi. Ma xa ne kuya ri xa jun rawach katok pa rutaqanik ri Dios, chwa ri kꞌo ukabꞌichal rawach yey katkꞌaq bꞌi chi xibꞌalbꞌaꞌ re tijbꞌal kꞌax\n48 pa na kekam ta wi ramoloy\nketijow ke waꞌ wa winaq ekaminaq,\nyey ri aqꞌ na jinta chi uchupik. Is. 66:24\n49\n»Chirajawaxik kꞌut konoje kakꞌam na kipa, pachaꞌ kebꞌikꞌowisax pa aqꞌ. E pachaꞌ ri kaꞌan rukꞌ ronoje qasaꞌn kayaꞌiꞌ chwach ri Dios: kakowisax ruma ratzꞌam.* 50\nE ratzꞌam lik kajawaxik, noꞌj we xsach rutzayul, ¿suꞌanik tanchi kaꞌan tza che? Chirajawaxik kꞌut lik kꞌo kutiqoj ribꞌinik isilabꞌik riꞌix jelaꞌ pachaꞌ ratzꞌam lik kuriq uchak.*\nKꞌola kꞌu rutzil chomal chiwach chijujunal —xcha chike.","id":"","dump":"CC-MAIN-2020-05","url":"https:\/\/ebible.org\/acrNNT\/MRK09.htm","date":"2020-01-29T18:04:29Z","file_path":"s3:\/\/commoncrawl\/crawl-data\/CC-MAIN-2020-05\/segments\/1579251801423.98\/warc\/CC-MAIN-20200129164403-20200129193403-00545.warc.gz","language":"acr","language_score":0.9927267432,"language_script":"Latn","minhash_cluster_size":1,"top_langs":"{\"acr_Latn_score\": 0.992726743221283}","num_words":1411,"character_repetition_ratio":0.06,"word_repetition_ratio":0.055,"special_characters_ratio":0.228,"stopwords_ratio":0.236,"flagged_words_ratio":0.0,"lang_id_score":0.994,"perplexity_score":500.0,"cluster_detection":-1} +{"text":"2 ii Ri utzilaj tzij re ri kanimajawal Jesucristo New Testament in Achi Rabinal; acr (GT:acrT:Achi) copyright 2009 Wycliffe Bible Translators, Inc. Language: Achi Dialect: Rabinal Translation by: Wycliffe Bible Translators, Inc. Copyright Information 2009, Wycliffe Bible Translators, Inc. All rights reserved. This translation text is made available to you under the terms of the Creative Commons License: Attribution-Noncommercial-No Derivative Works. ( 3.0\/) In addition, you have permission to port the text to different file formats, as long as you do not change any of the text or punctuation of the Bible. You may share, copy, distribute, transmit, and extract portions or quotations from this work, provided that you include the above copyright information: You must give Attribution to the work. You do not sell this work for a profit. You do not make any derivative works that change any of the actual words or punctuation of the Scriptures. Permissions beyond the scope of this license may be available if you contact us with your request. The New Testament in Achi 2009, Wycliffe Bible Translators, Inc. All rights reserved. This translation is made available to you under the terms of the Creative Commons Attribution-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not make any derivative works that change any of the actual words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners PDF generated using Haiola and XeLaTeX on 27 Jul 2022 from source files dated 9 Oct 2020 a f c-ab f84e7\n3 Contents Mateo Marcos Lucas Juan Hechos Romanos Corintios Corintios Gálatas Efesios Filipenses Colosenses Tesalonicenses Tesalonicenses Timoteo Timoteo Tito Filemón Hebreos Santiago Pedro Pedro Juan Juan Juan Judas Apocalipsis\n4 Mateo 1:1 1 Mateo 1:23 Ri Utzilaj Tzij re Jesucristo tzꞌibital can ruma ri Mateo Ri e ratiꞌ-umam ri Jesús ojertan (Lc. 3:23-38) 1 Ri Kanimajawal Jesucristo e ralcꞌoꞌal can ri David y ralcꞌoꞌal can ri Abraham. E ri quipetebem lo che ri Abraham e tak waꞌ: 2 Ri ralcꞌoꞌal ri Abraham, Isaac rubiꞌ; ri ralcꞌoꞌal ri Isaac, Jacob rubiꞌ; tak ri ralcꞌoꞌal ri Jacob, e ri Judá cucꞌ ri ratzuchakꞌ. 3 Tak ri ralcꞌoꞌal ri Judá, e ri Fares y ri Zara yey rubiꞌ ri quichu e Tamar; ri ralcꞌoꞌal ri Fares, Esrom rubiꞌ; ri ralcꞌoꞌal ri Esrom, Aram rubiꞌ. 4 Ri ralcꞌoꞌal ri Aram, Aminadab rubiꞌ; ri ralcꞌoꞌal ri Aminadab, Naasón rubiꞌ; ri ralcꞌoꞌal ri Naasón, Salmón rubiꞌ. 5 Ri ralcꞌoꞌal ri Salmón, Booz rubiꞌ yey ruchu ri Booz e Rahab. Ri ralcꞌoꞌal ri Booz, Obed rubiꞌ yey rubiꞌ ruchu ri Obed e Rut. Ri ralcꞌoꞌal ri Obed, Isaí rubiꞌ. 6 Ri ralcꞌoꞌal ri Isaí, e ri rey David y ri ralcꞌoꞌal ri David, Salomón rubiꞌ yey ruchu ri Salomón e ri rixokil ri Urías. 7 Ri ralcꞌoꞌal ri Salomón, Roboam rubiꞌ; ri ralcꞌoꞌal ri Roboam, Abías rubiꞌ; ri ralcꞌoꞌal ri Abías, Asa rubiꞌ. 8 Ri ralcꞌoꞌal ri Asa, Josafat rubiꞌ; ri ralcꞌoꞌal ri Josafat, Joram rubiꞌ; ri ralcꞌoꞌal ri Joram, Uzías rubiꞌ. 9 Ri ralcꞌoꞌal ri Uzías, Jotam rubiꞌ; ri ralcꞌoꞌal ri Jotam, Acaz rubiꞌ; ri ralcꞌoꞌal ri Acaz, Ezequías rubiꞌ. 10 Ri ralcꞌoꞌal ri Ezequías, Manasés rubiꞌ; ri ralcꞌoꞌal ri Manasés, Amón rubiꞌ; ri ralcꞌoꞌal ri Amón, Josías rubiꞌ. 11 Tak ri ralcꞌoꞌal ri Josías, e ri Jeconías cucꞌ ri ratz-uchakꞌ; rique xebalax chupa tak ri kꞌij echiriꞌ raj Israel xecꞌam bi Babilonia. 12 Echiriꞌ ecꞌamom chubi Babilonia, xalax jun ralcꞌoꞌal ri Jeconías, Salatiel rubiꞌ; ri ralcꞌoꞌal ri Salatiel, Zorobabel rubiꞌ. 13 Ri ralcꞌoꞌal ri Zorobabel, Abiud rubiꞌ; ri ralcꞌoꞌal ri Abiud, Eliaquim rubiꞌ; ri ralcꞌoꞌal ri Eliaquim, Azor rubiꞌ. 14 Ri ralcꞌoꞌal ri Azor, Sadoc rubiꞌ; ri ralcꞌoꞌal ri Sadoc, Aquim rubiꞌ; ri ralcꞌoꞌal ri Aquim, Eliud rubiꞌ. 15 Ri ralcꞌoꞌal ri Eliud, Eleazar rubiꞌ; ri ralcꞌoꞌal ri Eleazar, Matán rubiꞌ; ri ralcꞌoꞌal ri Matán, Jacob rubiꞌ. 16Y ri ralcꞌoꞌal ri Jacob e ri José, ri rachijil ri María, ruchu ri Jesús. Yey ri Jesús e ri cabiꞌx Cristo che. 17 Jecꞌulaꞌ chi conoje ri ticawex ujekebem lo chwi ri Abraham cꞌa chwach ri David, xebicꞌow cajlajuj lemaꞌj; chwi lo ri David cꞌa chwach echiriꞌ xecꞌam bi raj Israel pa ri tinamit Babilonia, xebicꞌow cajlajuj lemaꞌj; yey chwi lo echiriꞌ xecꞌam bi raj Israel pa ri tinamit Babilonia cꞌa chwach ri ralaxibal ri Cristo, xebicꞌow cajlajuj lemaꞌj. Ri ralaxibal ri Jesús (Lc. 2:1-7) 18 Jewaꞌ xuꞌan ri ralaxibal ri Kanimajawal Jesucristo: Ri María, ruchu ri Jesús, unimam chic cacꞌuliꞌ rucꞌ ri José. Ecꞌuchiriꞌ cꞌamajaꞌ caquijunimaj quib, ri María xcanaj yewaꞌ ixok ruma ruchukꞌab ri Santowilaj Ruxlabixel ri Dios. 19 Ri José, ri rachijil ri María, ruma lic jusucꞌ rubinic y ruma na caraj taj cuya uqꞌuix ri María chiquiwach ri winak, xraj cꞌut cuya canok e laꞌ na jinta cꞌo quenaꞌben re. 20 Ecꞌuchiriꞌ cuchꞌob rakan puwi waꞌ, xakicꞌateꞌt jun ángel re ri Dios xucꞌut rib pa uwachicꞌ y xubiꞌij che: «José, at ralcꞌoꞌal can ri David, maxiꞌij awib che cacꞌam ri María re cuꞌan awixokil, * ma rumatzem rire, ucꞌulum ruma ri Santowilaj Ruxlabixel ri Dios. 21 Calax cꞌu jun ralab y Jesús rubiꞌ cacojo, ma Rire quebucolobej rutinamit che ri quimac» xchaꞌ. 22Ronoje waꞌ xuꞌano chaꞌ e cuꞌana janipa ri cubiꞌij Ruchꞌaꞌtem ri Dios echiriꞌ ri kꞌalajisanel re ri Dios xubiꞌij: 23 Chitanapeꞌ: Jun chomilaj kꞌapoj ali cacanaj yewaꞌ ixok y calax jun ralab. Ecꞌu rubiꞌ cabiꞌxic: Emanuel Is. 7:14 * 1:20 Ri caquiꞌan rojertan raj Israel, e nabe caquiyijbaꞌ ruwujil ri cꞌulaniquil jun junab chwach pan echiriꞌ quecꞌojiꞌ junam pa cocho. Ecꞌuchiriꞌ xcanaj can ri María yewaꞌ ixok, cꞌo chi ruwujil rucꞌulaniquil rucꞌ ri José, tob rire cꞌa cꞌo pa cocho ruchu-ukaw. Ecꞌu riꞌ ri José ruma ri tzij quiꞌanom chic, xuchꞌob rakan cuya can ruwujil re jachbal ib che ri María. Dt. 24:1 1:21 Jesús pa ri chꞌaꞌtem hebreo queꞌelawi Colobenel.\n5 Mateo 1:24 2 Mateo 2:22 xchaꞌ. Waꞌ queꞌelawi Dios xoꞌljekel kucꞌ. 24 Ecꞌuchiriꞌ xcꞌun sak chwach ri José, e xuꞌan ri xtak che ruma ri ángel re ri Dios; xucꞌam cꞌu ri María re rixokil. 25 Pero xuchajij na ruchomal ri María ma na xcꞌojiꞌ ta rucꞌ cꞌa echiriꞌ xalax na ri ralco ralab. Y Jesús rubiꞌ xucojo. 2 Achijab cꞌo quinaꞌoj quebeꞌbina rucꞌ ri Jesús 1 Ri Jesús xalax chilaꞌ Belén re Judea echiriꞌ e rey ri Herodes. Xebopon cꞌu Jerusalem jujun achijab e petinak pa relebal lo ri kꞌij. Rique lic cꞌo quinaꞌoj puwi tak ri chꞌumil. 2 Jecꞌuwaꞌ caquibiꞌij: Pa cꞌo wi ri rey que raj judiꞌab alaxinak? Ma riꞌoj xkil ruchꞌumil cꞌa pa relebal lo ri kꞌij; yey e waꞌ oj petinak chaꞌ coꞌlkalokꞌnimaj ukꞌij quechaꞌ. 3 Echiriꞌ xuta waꞌ ri rey Herodes, lic xsach unaꞌoj che y jelaꞌ xquicꞌulumaj conoje ri winak e aj Jerusalem. 4 Xumol cꞌu quichiꞌ conoje ri nimak e aj chacunel pa Rocho Dios cucꞌ raj cꞌutunel re ri tzijpixab y xutzꞌonoj cꞌu chique pa calax wi ri Cristo, Ruchaꞌoꞌn lo ri Dios. 5 Rique xquibiꞌij che: Ri Cristo calax pa raldea Belén re Judea, ma jewaꞌ utzꞌibam can ri kꞌalajisanel chupa Ruchꞌaꞌtem ri Dios: 6 Riꞌat Belén at cꞌo pa ri luwar re Judea, tob lic at chꞌutiꞌn, riꞌat lic cꞌo awach chiquiwach raj wach e cꞌo Judea, ma awucꞌ riꞌat cape wi ri Jun Takanel; ecꞌu Rire cuꞌana chajinel que ri nutinamit Israel Mi. 5:2 xechaꞌ. 7 Ri Herodes ruma ri xuto, xa xeꞌlakꞌay xebusiqꞌuij rachijab e aj naꞌoj puwi tak ri chꞌumil y xutzꞌonoj cꞌu chique jampa xwinakir waꞌ wa chꞌumil. 8 Tecꞌuchiriꞌ, xebutak bi Belén, jewaꞌ xubiꞌij chique: Oj alak y lic tzucuj alak chi utz ri ralco acꞌa. We xrik cꞌu alak, coꞌlbiꞌij alak chwe pa cꞌo wi chaꞌ jelaꞌ quinꞌec riꞌin y quiꞌnlokꞌnimaj ukꞌij xchaꞌ. 9 Tecꞌuchiriꞌ rachijab e aj naꞌoj xquita ri xubiꞌij ri rey, xquimaj chubi ri quibe. Ecꞌu ri chꞌumil quilom lo cꞌa pa relebal lo ri kꞌij, nabe bi chiquiwach y xtaqꞌuiꞌ cꞌu chwi ri luwar pa cꞌo wi ri ralco acꞌa. 10 Rique echiriꞌ xquil ri chꞌumil, lic xequiꞌcot che. 11 Ecꞌuchiriꞌ xeboc pa ri ja, xquil ri ralco acꞌa rucꞌ ruchu María. Xexuquiꞌic y xquilokꞌnimaj ukꞌij. Xquijak cꞌu uchiꞌ ri quicaxa y xquiya tak sipanic che, waꞌ re oro, re incienso y re mirra lic quiꞌ ruxlab. 12 Chakꞌab cꞌu riꞌ, xkꞌalajisax chique pa wachicꞌ na quetzelej ta chi pa cꞌo wi ri Herodes. Ruma cꞌu riꞌ, xetzelej pa quitinamit pa jun chic be. Cacꞌam bi ri Jesús Egipto cuma ruchuukaw 13 Echiriꞌ rachijab e aj naꞌoj ebelinak chubi rucꞌ ri Jesús, xucꞌut rib jun ángel re ri Dios pa uwachicꞌ ri José y xubiꞌij che: «Chatyactajok, chebacꞌama bi racꞌa y ruchu. Chixanimaj bi cꞌa Egipto y chixcanaja chilaꞌ cꞌate cambiꞌij chiwe jampa quixpetic, ma ri Herodes cutak utzucuxic racꞌa chaꞌ cacamisaxic» xchaꞌ. 14 Xyactaj cꞌu bi ri José chakꞌab, xebucꞌam bi racꞌa y ruchu, y xebec Egipto. 15 Chilaꞌ cꞌut xecꞌojiꞌ wi cꞌa che rucamic ri Herodes. Xuꞌan cꞌu waꞌ chaꞌ e cuꞌana rubiꞌim lo ri Dios ruma ri kꞌalajisanel echiriꞌ jewaꞌ xubiꞌij: «Cꞌa chilaꞌ Egipto xinsiqꞌuij wi lo ri Nucꞌajol» xchaꞌ. 16 Ri Herodes, echiriꞌ xretaꞌmaj xsocosoꞌx can cuma rachijab e aj naꞌoj, lic xpe royowal. Ruma cꞌu riꞌ, xutak quicamisaxic conoje ri raltak co chꞌutiꞌk alabo cꞌamajaꞌ caquiqꞌuis queb junab, chique ri e cꞌo Belén y pa tak ri luwar e cꞌo lo chunakaj. Ecꞌu xucꞌam re riꞌ ri xquibiꞌij ri e aj naꞌoj puwi rukꞌijol echiriꞌ xwinakir ri chꞌumil. 17 Jecꞌulaꞌ e xuꞌana ri tzꞌibital can ruma ri kꞌalajisanel Jeremías echiriꞌ xubiꞌij: 18 Xtataj jun kulaj pa Ramá, okꞌej y sicꞌ rucꞌ bis. E ri Raquel querokꞌej ri ralcꞌoꞌal y na caraj tane cabochiꞌix ucꞌuꞌx ruma ri quicamic ri ralcꞌoꞌal Jer. 31:15 xchaꞌ. Ri Jesús cucꞌ ruchu-ukaw quetzelej tanchi Nazaret 19 Tecꞌuchiriꞌ caminak chi ri Herodes, jun ángel re ri Dios xucꞌut rib pa uwachicꞌ ri José chilaꞌ Egipto y xubiꞌij che: 20 «Chatyactajok, chebacꞌama bi racꞌa junam rucꞌ ruchu y chixtzelej tanchi Israel, ma ya xecam conoje ri cacaj caquicamisaj racꞌa» xchaꞌ. 21 Xyactaj cꞌu ri José, xebucꞌam bi racꞌa y ruchu, y xtzelej lo Israel. 22 Pero xuxiꞌij rib queꞌec Judea, ma xretaꞌmaj e ri Arquelao rucꞌajol ri Herodes ri xcanaj can rey re Judea pucꞌaxel rukaw. Ruma cꞌu ri xkꞌalajisax che pa jun chic uwachicꞌ, 2:15 Os. 11:1\n6 Mateo 2:23 3 Mateo 4:4 xumaj bi ube Galilea. 23 Echiriꞌ xebopon chilaꞌ, xeꞌjekela pa ri tinamit Nazaret, chaꞌ e xuꞌana ri xquibiꞌij ri kꞌalajisanelab chwi ri Jesús: Rire cabiꞌx che aj Nazaret. 3 Catzijon ri Juan Aj Yaꞌl Bautismo (Mr. 1:1-8; Lc. 3:1-9, 15-17; Jn. 1:19-28) 1 Xopon rukꞌijol echiriꞌ ri Juan Aj Yaꞌl Bautismo catzijon pa tak ri luwar catzꞌintzꞌotic re Judea. 2 Jecꞌuwaꞌ cubiꞌij: «Tzelej tzij alak chwach ri Dios, ma rutakanic ri Dios petinak chilaꞌ chicaj lic xa nakaj chi cꞌo wulok» cachaꞌ. 3 Ri kꞌalajisanel Isaías xutzꞌibaj can puwi waꞌ wa Juan echiriꞌ xubiꞌij: Catataj ukul jun tzijonel casiqꞌuin chupa ri luwar catzꞌintzꞌotic, jewaꞌ cubiꞌij: Yijbaꞌ pana alak ri be re ri Kanimajawal; sucꞌupij alak rube Rire Is. 40:3 xchaꞌ. 4 Rukꞌuꞌ ri Juan ucojom ꞌanom rucꞌ rismal camello y rupas ximil che rupa e jun tzꞌuꞌum; ri cutijo e tak ri sacꞌ y uwaꞌal cab re upa tak juyub. 5 Ri ejekel pa ri tinamit Jerusalem cucꞌ conoje ri e cꞌo pa ri luwar re Judea y ri ejekel chuchiꞌ ri nimayaꞌ Jordán, xebel lo che utayic ri Juan. 6 Caquitzꞌonoj cꞌu cuybal quimac chwach ri Dios, y ri Juan cuya ri bautismo chique pa ri nimayaꞌ Jordán. 7 Ecꞌu ri Juan echiriꞌ xrilo lic e qꞌui chique ri fariseos y ri saduceos xecꞌun ruma ri bautismo cuyaꞌo, xubiꞌij chique: «Ralak pachaꞌ alak jupuk chi cumatz! China xbiꞌn re we utz quesaj ib alak chwach ri unimal cꞌaxcꞌobic cutak lo ri Dios pawiꞌ alak? 8 Bina alak jusucꞌ chaꞌ jelaꞌ cakꞌalajinic jalcꞌatim chi ri binic silabic alak, jelaꞌ pachaꞌ ri takal chique ri quitzelem chi quitzij. 9»Y machꞌob ne alak chi ibil ib alak waꞌ: Riꞌoj utz kaꞌanom, ma oj ralcꞌoꞌal can ri Abraham. Ma riꞌin cambiꞌij che alak: We xraj ri Dios, utz cuꞌan ralcꞌoꞌal ri Abraham tob ne che tak waꞌbaj. 10 Yey jiquil chi ne uwach rukꞌatbal tzij ri Dios pawiꞌ alak, e pachaꞌ juna achi uyacom chi ri icaj chwi ri ratzꞌayak ri cheꞌ; ecꞌu tak ri cheꞌ na cuya ta chomilaj jikꞌobal, capokꞌix bi y cacꞌak pa akꞌ. 11»Riꞌin pakatzij wi canya ri bautismo che alak rucꞌ yaꞌ, cꞌutubal re tzelem chi tzij alak chwach ri Dios. Noꞌj cꞌu ri Jun catajin lo chwij riꞌin, cꞌo pukꞌab cuya ri bautismo che alak rucꞌ ri Santowilaj Ruxlabixel ri Dios y rucꞌ akꞌ. Rire más cꞌo uchukꞌab chinuwach riꞌin; na takal tane chwe tob xa canmolej ruxajab. 12 Ecꞌu Rire coluꞌkꞌata tzij paquiwi ri ticawex chaꞌ jelaꞌ cuya ri tojbal takal chique chiquijujunal. E pachaꞌ juna achi rucꞌaꞌam chi ri puꞌbal uwach ri trigo pukꞌab chaꞌ naꞌl cujoskꞌij waꞌ y caresaj rupucꞌ chupa. Tecꞌuchiriꞌ, cujoc ri trigo y cucꞌol chupa rucꞌolibal. Ecꞌu rupucꞌ cuporoj pa ri jun akꞌ na jinta utakexic catenowic» xcha ri Juan. Ri bautismo re ri Jesús (Mr. 1:9-11; Lc. 3:21-22) 13 Ecꞌuchiriꞌ ri Jesús petinak Galilea, xopon chuchiꞌ ri nimayaꞌ Jordán chaꞌ ri Juan cuya ri bautismo che. 14 Pero ri Juan na xraj taj cuya ri bautismo che ri Jesús, jecꞌuwaꞌ xubiꞌij che: Ri lic usucꞌ e rilal ri cayaꞌw la ri bautismo chwe riꞌin. Yey e cami caꞌaj la riꞌ canya riꞌin ri bautismo cheꞌla? xchaꞌ. 15 Ecꞌu ri Jesús xucꞌul uwach: E chaꞌana woꞌora saꞌ ri cambiꞌij riꞌin chawe, ma lic chirajawaxic e cakaꞌan janipa ri lic usucꞌ chwach ri Dios xchaꞌ. Jecꞌulaꞌ ri Juan xuya ri bautismo che. 16 Tecꞌuchiriꞌ ri Jesús xucꞌul ri bautismo, xel lo pa ri yaꞌ. Y na jampatana cꞌu riꞌ xjakataj ruwa caj y xrilo echiriꞌ ri Ruxlabixel ri Dios xkaj lo puwiꞌ pachaꞌ juna palomax. 17 Ecꞌuchiriꞌ, xchꞌaw lo Jun chilaꞌ chicaj, jewaꞌ xubiꞌij: «E Nucꞌajol waꞌ ri lic cꞌax cannaꞌo y lic quinquiꞌcot che» xcha ri Dios. 4 Ri cꞌambal upa ri Jesús (Mr. 1:12-13; Lc. 4:1-13) 1 Tecꞌuchiriꞌ, ri Jesús xcꞌam bi ruma ri Ruxlabixel ri Dios pa jun luwar catzꞌintzꞌotic chaꞌ cacꞌam upa ruma ritzel winak. 2 Ri Jesús xcꞌojiꞌ chilaꞌ yey cuarenta kꞌij y cuarenta akꞌab cꞌu riꞌ na jinta cꞌo xutijo. Qꞌuisbal re waꞌ xpe numic che. 3 Xkib cꞌu ritzel winak rucꞌ ri Jesús re cucꞌam upa chaꞌ catzak pa mac, jewaꞌ xubiꞌij che: We katzij at Ucꞌajol ri Dios, chat-takan che chaꞌ tak waꞌbaj cuꞌan wa xchaꞌ. 4 Ri Jesús xucꞌul uwach: Jewaꞌ tzꞌibital can chupa Rutzij Upixab ri Dios: Na xew ta ruma ri wa e cꞌas ri ticawex,\n7 Mateo 4:5 4 Mateo 4:25 ma e cꞌaslic ruma ronoje tak chꞌaꞌtem quel lo puchiꞌ ri Dios Dt. 8:3 xchaꞌ. 5 Ecꞌuchiriꞌ, ritzel winak xucꞌam bi pa ri santowilaj tinamit Jerusalem cꞌa chicaj che ruwi ri Rocho Dios. 6 Xubiꞌij cꞌu che: We katzij at Ucꞌajol ri Dios, chacꞌaka bi awib cꞌa chuꞌlew y na jinta cꞌo cacꞌulumaj, ma jewaꞌ tzꞌibital can chupa Rutzij Upixab ri Dios: Ri Dios quebutak lo ru ángeles awucꞌ chaꞌ catquichajij. Catquichap cꞌu rucꞌ ri quikꞌab chaꞌ na caꞌchika ta rawakan che juna abaj Sal. 91:11-12 xchaꞌ. 7 Ri Jesús xucꞌul uwach: Jewaꞌ tzꞌibital can chupa Rutzij Upixab ri Dios: Macꞌam upa ri Dios Kajawxel* Dt. 6:16 xchaꞌ. 8 Ecꞌuchiriꞌ, ritzel winak xucꞌam tanchi ubi ri Jesús chutzaꞌm jun nimalaj juyub y xucꞌut cꞌu chwach, ronoje ri takanic caꞌan puwi tak ri tinamit che ruwachulew rucꞌ ronoje ruchomalil tak waꞌ. 9 Xubiꞌij cꞌu che: Ronoje tak waꞌ canya pakꞌab we caxucubaꞌ awib chinuwach y calokꞌnimaj nukꞌij xchaꞌ. 10 Ecꞌu ri Jesús xubiꞌij che: Chatela chinuwach Satanás, ma jewaꞌ tzꞌibital can chupa Rutzij Upixab ri Dios: Lic chalokꞌnimaj ukꞌij ri Dios Kajawxel y xew Rire chanimaj ukꞌij Dt. 6:13 xchaꞌ. 11 Ecꞌu ritzel winak xuya can ri Jesús y xel bi chiriꞌ. Xecꞌun cꞌu lo jujun ángeles y xquijeko caquinimaj ri Jesús. Ri Jesús cujek cacꞌutun chwi rutakanic ri Dios (Mr. 1:14-15; Lc. 4:14-15) 12 Ri Jesús, echiriꞌ xuto cꞌo ri Juan pa cárcel, xeꞌec tanchi Galilea. 13 Xel bi pa ri tinamit Nazaret y xeꞌjekela pa ri tinamit Capernaúm. Waꞌ jun tinamit cꞌo chuchiꞌ ri mar pa ri luwar re Zabulón y re Neftalí. 14 Xuꞌan cꞌu waꞌ chaꞌ e cuꞌana janipa rutzꞌibam can ri kꞌalajisanel Isaías echiriꞌ xubiꞌij: 15 Pa ri luwar re Zabulón y re Neftalí, ri cꞌo pa rubeyal ri mar, chꞌaka yaꞌ che ri nimayaꞌ Jordán, pa tak ri luwar re Galilea pa ejekel wi uqꞌuiyal winak na e ta aj judiꞌab; 16 ri ticawex ejekel pa kꞌekuꞌm xquil ri Kꞌijsak yey ri ejekel pa ri kꞌekuꞌm re camic, xwon ri Kꞌijsak paquiwiꞌ Is. 9:1-2 xchaꞌ. 17 Chwi cꞌu lo riꞌ xujek ri Jesús catzijonic, jewaꞌ cubiꞌij: «Tzelej tzij alak chwach ri Dios, ma rutakanic ri Dios petinak chilaꞌ chicaj lic xa nakaj chi cꞌo wulok» cachaꞌ. Ri Jesús quebusiqꞌuij cajib e aj chapal car (Mr. 1:16-20; Lc. 5:10-11) 18 Echiriꞌ cabin ri Jesús chuchiꞌ ri mar re Galilea, xril pan quiwach queb achijab quichakꞌ quib, jun Simón rubiꞌ (Pedro quecha che) y ri jun chic Andrés rubiꞌ. Rique e aj chapal car, yey e riꞌ quetajin che ucꞌakic ri qui atarraya pa ri mar. 19 Ecꞌu ri Jesús xubiꞌij chique: Chixpetok, chixterej lo chwij, y riꞌin canꞌan chiwe ix aj molol ticawex, jelaꞌ pachaꞌ iꞌanom lo chique ri car xcha chique. 20 Y na jampatana xquiya can ri qui atarraya y xeterej bi chirij ri Jesús. 21 Xbin cꞌu pan jubikꞌ chic y xeril chi pan queb achijab quichakꞌ quib, jun Jacobo rubiꞌ y ri jun chic Juan rubiꞌ. Wa caꞌib e ucꞌajol ri Zebedeo. Rique e cꞌo chupa jun barco junam rucꞌ ri quikaw y quetajin che ucꞌojoxic ri qui atarraya. Ecꞌu ri Jesús xebusiqꞌuij bi. 22 Y na jampatana rique xquiya can ri quibarco y ri quikaw, y xeterej cꞌu bi chirij ri Jesús. Ri Jesús cacꞌutun chiquiwach uqꞌuiyal winak y lic e qꞌui ri quebucunaj 23 Ri Jesús xicꞌow che ronoje tinamit re Galilea. Cacꞌutun pa tak sinagogas chujujunal tinamit, cutzijoj ri Utzilaj Tzij re rutakanic ri Dios y cucunaj ronoje uwach yabil cꞌo chique ri winak. 24Conoje ri e cꞌo pa tak ri tinamit re Siria xquetaꞌmaj tak ri cuꞌan ri Jesús. Xequicꞌam cꞌu lo chwach Rire conoje ri ticawex rucꞌ tak uqꞌuiyal cꞌaxcꞌolil. Waꞌ e ri e cꞌo pa yabil, ri cꞌax quicꞌulumam, ri e cꞌo paquikꞌab itzel uxlabixel, ri quebumaj tew y ri e sic. Ecꞌu ri Jesús xebucunaj conoje. 25 Lic e qꞌui cꞌu ri xeterej bi chirij. Waꞌ e petinak Jerusalem y che jujun chic luwar re Judea, cucꞌ ri e petinak pa tak ri tinamit re Galilea, re Decápolis y che jujun chic * 4:7 Na utz taj camin uwach ri Dios chaꞌ cucꞌut ruchukꞌab. 4:19 Ix aj molol ticawex : Ri chac xyaꞌ chique e quequitzucuj ticawex re quebuꞌan utijoꞌn ri Jesús.\n8 Mateo 5:1 5 Mateo 5:22 tinamit e cꞌo chꞌaka yaꞌ che ri nimayaꞌ Jordán. 5 Ri Jesús cacꞌutun lo chwa jun juyub (Lc. 6:20-26) 1 Ri Jesús, echiriꞌ xeril ruqꞌuiyal winak, xakꞌan chwa ri juyub y xtzꞌuyiꞌic. Ecꞌu rutijoꞌn xquimol quib rucꞌ. 2 Jecꞌuwaꞌ ri xujek ucꞌutic chiquiwach: 3 «Nim quikꞌij calaxic ri caquetaꞌmaj lic chirajawaxic ri Ruxlabixel ri Dios chique, ma rutakanic ri Dios petinak chilaꞌ chicaj cuꞌana que. 4 Nim quikꞌij calaxic ri quebokꞌic, ma ri Dios e cabochiꞌin quicꞌuꞌx. 5 Nim quikꞌij calaxic ri quiꞌanom chꞌutiꞌn che quib chwach ri Dios, ma cayaꞌ na chique, ri luwar ubiꞌtisim chi ri Dios. 6 Nim quikꞌij calaxic ri lic cacha quicꞌuꞌx che utzukuxic ri jusucꞌ binic silabic chwach ri Dios, ma ri Dios e cayaꞌw waꞌ chique. 7 Nim quikꞌij calaxic ri caquicꞌut ri cꞌaxnaꞌbal quicꞌuꞌx chique jujun chic, ma ri Dios cucꞌut ri cꞌaxnaꞌbal ucꞌuꞌx chique rique. 8 Nim quikꞌij calaxic ri uꞌanom chom ri canimaꞌ chwach ri Dios, * ma rique caquil na uwach ri Dios. 9 Nim quikꞌij calaxic ri caquitzucuj utzil chomal chiquiwach, ma cabiꞌx chique rique e ralcꞌoꞌal ri Dios. 10 Nim quikꞌij calaxic ri queternabex rucꞌ cꞌaxcꞌobic ruma ri caquiꞌan ri jusucꞌ chwach ri Dios, ma rutakanic ri Dios petinak chilaꞌ chicaj cuꞌana que. 11»Nim ikꞌij iwalaxic riꞌix echiriꞌ wuma riꞌin quixternabex rucꞌ cꞌax, cacꞌak bi ikꞌij y cabiꞌx ronoje ri na utz taj chiwij yey waꞌ xa rakꞌubal. 12 Chixquiꞌcotok y chixbixonok, ma lic nim ri rajil ucꞌaxel quicꞌul chilaꞌ chicaj. Macam cꞌu iwanimaꞌ che echiriꞌ quixyaꞌ pa cꞌax, ma jelaꞌ xꞌan chique ri kꞌalajisanelab ojertan, ri xenabej lo chiwach riꞌix. Ri cꞌambal naꞌoj puwi ratzꞌam y ri kꞌijsak 13»Wara che ruwachulew riꞌix lic quixajawax chique ri ticawex jelaꞌ pachaꞌ ratzꞌam lic cajawaxic. Yey we xsach rutzayul ratzꞌam, suꞌanic tanchi caꞌan tza che? Riꞌ na jinta chi cꞌana uchac; queꞌcꞌak cꞌu bi y caxajaxoꞌx can uwiꞌ cuma ri ticawex. 14»Riꞌix ix kꞌijsak che ruwachulew. E juna tinamit cꞌo lo chwi juna juyub na utz taj quewaxic. 15 Yey na utz tane catzij juna akꞌ y cachꞌuk uwiꞌ rucꞌ juna mulul re pajbal, ma ri caꞌan che e cayaꞌiꞌ lo chupa rucꞌolibal chicaj chaꞌ jelaꞌ cutzij quiwiꞌ conoje ri e cꞌo pa ri ja. 16 Jecꞌulaꞌ riꞌix, ix kꞌijsak chiquiwach ri ticawex chaꞌ caquil ri chomilaj chac quiꞌano y jelaꞌ e caquiyac ukꞌij ri Kakaw Dios cꞌo chilaꞌ chicaj. Ri Jesús y Rutzij Upixab ri Dios 17»Michꞌob cꞌu riꞌix we riꞌin in cꞌuninak re coꞌlnusacha uwach Rutzij Upixab ri Dios tzꞌibital can cuma ri Moisés y ri kꞌalajisanelab. Ma na in cꞌuninak ta che usachic uwach waꞌ; e in cꞌuninak re coꞌlnukꞌalajisaj rusucꞌ. 18 Pakatzij wi cambiꞌij chiwe: Xalokꞌ cꞌa tiquil rukꞌijol ruwa caj y ruwachulew, na quesax ta cꞌana juna letra yey na quesax tane tob xa juna ralco juchꞌ che Rutzij Upixab ri Dios, ma e cuꞌana na ronoje ri tzꞌibitalic. 19»Ruma cꞌu waꞌ, china ri cupalajij juna takanic tob ne lic chꞌutiꞌn chwach rire yey e tanchi ucꞌutic cuꞌan chiquiwach ri ticawex, riꞌ na jinta uwach chupa rutakanic ri Dios petinak chilaꞌ chicaj. China cꞌu ri cucoj Rutzij Upixab ri Dios yey jelaꞌ cucꞌut chiquiwach jujun chic chaꞌ e caquiꞌano, riꞌ lic cꞌo uwach chupa rutakanic ri Dios. 20»Pakatzij wi cambiꞌij chiwe: Xew quixoc riꞌix chupa wa takanic petinak chilaꞌ chicaj, we ribinic isilabic e más jusucꞌ chwa ri quibinic raj cꞌutunel re ri tzijpixab y ri fariseos. Noꞌj we na je ta laꞌ, riꞌ na takal ta chiwe. Ri Jesús cacꞌutun chwi ri oyowal (Lc. 12:57-59) 21»Riꞌix itom ri xbiꞌx lo chique ri ticawex ojertan chupa Rutzij Upixab ri Dios: Matcamisanic ; yey china cꞌu ri cacamisanic, riꞌ cakꞌat tzij puwiꞌ. 22»Noꞌj riꞌin cambiꞌij chiwe: China ri cape royowal chirij juna ratz-uchakꞌ, riꞌ cakꞌat tzij puwiꞌ. China cꞌu ri cucꞌak bi * 5:8 Waꞌ e ri lic xa jumul quiyaꞌom quib pukꞌab ri Dios rucꞌ ronoje quicꞌuꞌx. 5:13 Mr. 9:50; Lc. 14: :21 Éx. 20:13\n9 Mateo 5:23 6 Mateo 5:45 ukꞌij ri ratz-uchakꞌ, riꞌ cacꞌam bi chwach ri kꞌatbal tzij re ri tinamit. Yey china ri cubiꞌij che juna ratz-uchakꞌ: Na jinta cꞌana achac!, riꞌ catewun puwiꞌ queꞌec pa akꞌ chi xibalbaꞌ re tijbal cꞌax. 23»Ruma cꞌu laꞌ, echiriꞌ cacꞌam bi rakasaꞌn chwa raltar yey chiriꞌ cacꞌun chacꞌuꞌx cꞌo juna awatz-achakꞌ cꞌo royowal chawij, 24 chayaꞌa na can rakasaꞌn chwa raltar y jat nabe rucꞌ rawatz-achakꞌ, jaꞌana utzil chomal rucꞌ. Ecꞌuchiriꞌ, utz catpe tanchi chwa raltar y caya cꞌu riꞌ rakasaꞌn chwach ri Dios. 25»We cꞌo junok cucoj amac y catucꞌam bi pa kꞌatbal tzij, nabe chaꞌana pan utzil chomal rucꞌ pa be chaꞌ jelaꞌ na catuꞌyaꞌa ta chi pukꞌab raj kꞌatal tzij. Ma we na xaꞌan ta riꞌ, raj kꞌatal tzij catuya bi pukꞌab ri ausiliar chaꞌ catuꞌyaꞌa pa cárcel. 26 Pakatzij wi cambiꞌij chawe: Na catel tana lo pa ri cárcel we na xatoj ta can ronoje ramac. Ri Jesús cacꞌutun chwi ri macunic chirij ri cꞌulaniquil 27»Riꞌix itom ri xbiꞌx lo ojertan chupa Rutzij Upixab ri Dios: Matmacun chirij ri cꞌulaniquil. 28»Noꞌj riꞌin cambiꞌij chiwe: We cꞌo junok caril juna ixok y curayij uwach re camacun rucꞌ, riꞌ ya xmacun rucꞌ pa ranimaꞌ. 29»E uwariꞌche, we e rawach uwiquikꞌab ri catzakisan awe pa ri mac, chawesaj y chacꞌaka bi; ma xa ne cuya riꞌ e cajam jun che rawach, chwa ri catcꞌak bi rucꞌ ronoje racuerpo chi xibalbaꞌ re tijbal cꞌax. 30 We e rakꞌab uwiquikꞌab ri catzakisan awe pa ri mac, chakꞌataꞌ y chacꞌaka bi; ma xa ne cuya riꞌ e cajam jun che rakꞌab, chwa ri catcꞌak bi rucꞌ ronoje racuerpo chi xibalbaꞌ re tijbal cꞌax. Ri Jesús cacꞌutun chwi ri jachbal ib (Mt. 19:3-12; Mr. 10:2-12; Lc. 16:18) 31»Jenewaꞌ xbiꞌx lo ojertan: We juna achi caraj cujach bi ri rixokil, xew chuyaꞌa bi ruwujil re jachbal ib che. 32»Noꞌj riꞌin cambiꞌij: We rachi cuya bi ruwujil re jachbal ib che ri rixokil tob rixok na macuninak ta chirij ri cꞌulaniquil, riꞌ e cumin ri rixokil pa ri mac. Ma we rixok jachom bi cucꞌam jun chic achi, camacun cꞌu riꞌ chirij ri cꞌulaniquil. Yey e rachi cacꞌuliꞌ rucꞌ rixok jachom bi, riꞌ jenelaꞌ camacun chirij ri cꞌulaniquil. Ri Jesús cacꞌutun chwi ri chꞌaꞌtem cuꞌan junok echiriꞌ cꞌo cujiquibaꞌ uwach 33»Riꞌix itom ri xbiꞌx lo chique ri ticawex ojertan: Matsocon rucꞌ ri cajiquibaꞌ uwach; e lic chaꞌana janipa rajiquibam uwach chwach ri Dios cachaꞌ. 34»Noꞌj riꞌin cambiꞌij chiwe: Lic macꞌo mijiquibaꞌ uwach pubiꞌ junok. Macꞌo ne mijiquibaꞌ uwach pa rubiꞌ ri caj, ma ri chilaꞌ chicaj e tzꞌulibal pa catakan wi ri Dios. 35 Macꞌo mijiquibaꞌ uwach pubiꞌ ruwa ulew, ma ruwa ulew e utacꞌalibal ri rakan ri Dios. Macꞌo ne mijiquibaꞌ uwach pubiꞌ ri tinamit Jerusalem, ma waꞌ e utinamit ri Nimalaj Takanel Dios. 36 Macꞌo mijiquibaꞌ uwach pubiꞌ ruwiꞌ ijolom, ma riꞌix na quirik tane uꞌanic sak o kꞌek che riwiꞌ, tob tane xa jun chi wiꞌaj. 37 E chibiꞌij ri jusucꞌ. We lic katzij, xew chibiꞌij: Katzij. We na katzij taj, xew chibiꞌij: Na katzij taj. Ma ri cacojiꞌ uwiꞌ ri cabiꞌxic, waꞌ rucꞌ ritzel winak petinak wi. Ri Jesús cacꞌutun chwi ri rutzil cꞌuꞌxaj (Lc. 6:27-36) 38»Riꞌix itom ri xbiꞌx lo ojertan: We cꞌo junok cupuchꞌ rawach, riꞌ takal che capuchꞌ ri riꞌre. We cꞌo junok cutor bi juna aweꞌ, riꞌ takal che cator bi ri riꞌre. Éx. 21:24 39»Noꞌj riꞌin cambiꞌij chiwe: Miꞌan ucꞌaxel che ri cuꞌan ri na utz taj chiwe. We cꞌo cꞌu junok cupachꞌ kꞌab xeꞌ aweꞌ pawiquikꞌab, chayaꞌa luwar che cupachꞌ ri pa mox. 40 We cꞌo junok catuchap pa chꞌaꞌoj pa kꞌatbal tzij re cumaj racoton, asu chayaꞌa ne can rakꞌuꞌ re pisbal awij che. 41 We cꞌo junok catumin bi chuxeꞌ ekaꞌn chaꞌ cawekaj bi jun kilómetro che, asu queb kilómetro chawekaj bi che. 42 Chatsipan che ri nibaꞌ we cutzꞌonoj toꞌbal chawe. We cꞌo junok cachikꞌiman chawe, maꞌan xuꞌyal che. 43»Itom cꞌu ri xbiꞌx lo ojertan: Cꞌax chanaꞌa rawatz-achakꞌ Lv. 19:18 yey tzel chawila ri tzel quilow awe. 44»Noꞌj riꞌin cambiꞌij chiwe: Cꞌax chebinaꞌa ri e aj retzelal cꞌuꞌx chiwij. Chitzꞌonoj ri rutzil ucꞌuꞌx ri Dios paquiwi ri caquitzꞌonoj ri na utz taj piwi riꞌix. Chiꞌana ri utz chique ri tzel quebilow iwe. Chiꞌana cꞌu orar paquiwi janipa ri caquicꞌak bi ikꞌij y ri quixquiternabej rucꞌ cꞌaxcꞌobic 45 chaꞌ jelaꞌ cakꞌalajinic ix ralcꞌoꞌal ri Kakaw Dios 5:25 Ausiliar : E pachaꞌ juna policía wakꞌij ora. 5:27 Éx. 20:14 5:31 Dt. 24:1 5:32 1 Co. 7: :33 Lv. 19:12\n10 Mateo 5:46 7 Mateo 6:20 cꞌo chilaꞌ chicaj. Ma Rire cuꞌan che ri kꞌij quel lo paquiwi ri ticawex caquiꞌan ri utz y paquiwi ri caquiꞌan ri na utz taj, yey cutak lo ri jab paquiwi ri jusucꞌ quibinic quisilabic y paquiwi ri na jusucꞌ ta quibinic quisilabic. 46»Ma we xew cꞌax quebinaꞌ ri cꞌax quenaꞌw iwe, saꞌ cꞌu riꞌ ri rajil ucꞌaxel quicꞌulu? Ma jenelaꞌ caquiꞌan raj tzꞌonol puak re tojonic. 47 We xew quiya rutzil quiwach ri iwatz-ichakꞌ riꞌix, saꞌ cꞌu riꞌ ri utz quixtajin che uꞌanic? Ma jenelaꞌ caquiꞌan ri na quetaꞌam ta uwach ri Dios. 48 Chiꞌana cꞌu jusucꞌ che ri ibinic isilabic jelaꞌ pachaꞌ ri usucꞌliquil ri Kakaw Dios cꞌo chilaꞌ chicaj. 6 Ri Jesús cacꞌutun chwi ri limoxna 1»Miꞌan ri quicꞌut ri jusucꞌ ibinic isilabic chiwachil xa re quixilitaj cuma ri ticawex; ma we jelaꞌ quiꞌano, na jinta rajil ucꞌaxel quicꞌul che Rikaw Dios cꞌo chilaꞌ chicaj. 2 E uwariꞌche, echiriꞌ quiya limoxna che juna nibaꞌ, mitzijoj chique ri ticawex, pachaꞌ ri caquiꞌan ri xa queb quipalaj pa tak sinagogas y pa tak be. Ma rique jelaꞌ caquiꞌano xew chaꞌ cayac quikꞌij. Noꞌj riꞌin pakatzij wi cambiꞌij chiwe: Rucꞌ cꞌu wa yacbal quikꞌij, ya e laꞌ xquicꞌul ri rajil ucꞌaxel ri xquiꞌano. 3 E uwariꞌche, echiriꞌ quiya limoxna chique ri nibaꞌib, miꞌan chiwachil. 4 Jecꞌulaꞌ na jinta cꞌo canaꞌben re, xew Rikaw Dios quetaꞌman waꞌ. Ecꞌu Rire cuya na ri rajil ucꞌaxel chiwe. Ri Jesús cacꞌutun chwi ri oración (Lc. 11:1-13) 5»Echiriꞌ quixchꞌaꞌt rucꞌ ri Dios, miꞌan iweꞌix pachaꞌ ri caquiꞌan ri xa queb quipalaj. Ma rique lic cucꞌul quicꞌuꞌx ri caquibololej oración e laꞌ e tacꞌal pa tak sinagogas y pa tak jachbal be chaꞌ jelaꞌ quebilitaj cuma ri ticawex. Noꞌj riꞌin pakatzij wi cambiꞌij chiwe: Rucꞌ cꞌu wa yacbal quikꞌij, ya e laꞌ xquicꞌul ri rajil ucꞌaxel ri xquiꞌano. 6 Noꞌj riꞌix echiriꞌ quixchꞌaꞌt rucꞌ ri Dios, chixoc pa ja, chitzꞌapij lo ri puerta y chixchꞌaꞌt rucꞌ Rikaw Dios xa ituquel; jecꞌulaꞌ Rikaw Dios caril ri quiꞌan xa ituquel y cuya na cꞌu ri rajil ucꞌaxel chiwe chiwachil. 7»Ecꞌuchiriꞌ quixchꞌaꞌt rucꞌ ri Dios, miwererej chꞌaꞌtem uqꞌuiyal laj pachaꞌ caquiꞌan ri na quetaꞌam ta uwach ri Dios; ma e caquichꞌob rique ruma ri caquiwererej chꞌaꞌtem, quetataj ruma ri Dios. 8 Miꞌan cꞌu iweꞌix pachaꞌ ri caquiꞌan rique, ma Rikaw Dios lic retaꞌam chic saꞌ ri cajawax chiwe echiriꞌ cꞌamajaꞌ ne quitzꞌonoj che. 9»Ecꞌu riꞌix echiriꞌ quixchꞌaꞌt rucꞌ ri Dios utz jewaꞌ tak ri quibiꞌij: Kakaw Dios, Lal cꞌo la chilaꞌ chicaj, lic chetaꞌmaxok nim ukꞌij ri biꞌ la! 10 Peta la, takana la pakawiꞌ; chuꞌana cꞌu ri rajawal cꞌuꞌx la wara che ruwachulew, jelaꞌ pachaꞌ ri caꞌan chilaꞌ chicaj. 11 Yaꞌa co la wakꞌij ri kawa, ri cajawax chike ronoje kꞌij. 12 Cuyu co la kamac, jelaꞌ pachaꞌ riꞌoj cakacuy quimac ri emacuninak chikij. 13 Y maya co la luwar chike cojtzak pa mac; e lic chojcolobej la chwach ritzel winak. Ma pakꞌab Rilal cꞌo wi ronoje takanic y chukꞌab; y xew che Rilal takal wi ri yacbal kꞌij na jinta utakexic. Amén. 14»Ma we riꞌix quicuy quimac tak ri ticawex, jecꞌulaꞌ riꞌ cuꞌan ri Kakaw Dios cꞌo chilaꞌ chicaj, cucuy imac riꞌix. 15 Noꞌj we riꞌix na quicuy ta quimac tak ri ticawex, jecꞌulaꞌ riꞌ cuꞌan ri Kakaw Dios, na cucuy ta imac riꞌix. Ri Jesús cacꞌutun chwi ri ayuno 16»Echiriꞌ riꞌix quiꞌan ayuno, micꞌut bis che ripalaj pachaꞌ ri caquiꞌan ri xa queb quipalaj. Ma rique caquiꞌan waꞌ xa pachaꞌ quebilitaj cuma ri winak. Pakatzij wi cambiꞌij chiwe: Rucꞌ cꞌu wa yacbal quikꞌij, ya e laꞌ xquicꞌul ri rajil ucꞌaxel ri xquiꞌano. 17 Noꞌj riꞌix echiriꞌ quiꞌan ayuno, chichꞌaja ripalaj y chixiya riwiꞌ chi utz. 18 Jecꞌulaꞌ ri ticawex na caquil taj we riꞌix ix cꞌo pa ayuno. Xew cꞌu Rikaw Dios, ri na quilitaj ta uwach, caril ri na caquil ta ri ticawex. Ecꞌu riꞌ Rire cayaꞌw na ri rajil ucꞌaxel chiwe. Ri beyomalil re chilaꞌ chicaj (Lc. 12:32-34) 19»Mixchacun xa re quimol ucꞌuꞌxibal beyomalil re ruwachulew, ma ri wara e tak ri icꞌolom xa capoqꞌuiric y cuꞌan mojos, yey queboc ne elekꞌomab che relekꞌaxic bi. 20 We quiwaj quirik ri sakil beyomalil, e chiꞌana wara che ruwachulew janipa ri 6:1 Mt. 23:5 6:15 Mr. 11:25-26\n11 Mateo 6:21 8 Mateo 7:6 lic cꞌo uchac chwach ri Dios chaꞌ jelaꞌ cꞌo cutikoj chiwe riꞌix chilaꞌ chicaj. Ma ri icꞌolom chilaꞌ na capoqꞌuir taj y na cuꞌan ta mojos, yey na jinta ne elekꞌomab queboc che relekꞌaxic bi. 21 Ma pa cꞌo wi ribeyomalil riꞌix, puwi waꞌ queꞌec wi icꞌuꞌx. Ri cꞌambal naꞌoj puwi ri kawach (Lc. 11:33-36) 22»Ri kawach e pachaꞌ candil re ri kacuerpo, ma ruma waꞌ cojtzuꞌnic chaꞌ utz cojbinic. Jecꞌulaꞌ, we ri kawach utz uꞌanom, ronoje ri kacuerpo nojinak che kꞌijsak y cakil cꞌu ronoje chi utz. 23 Noꞌj we ri kawach na utz taj, ronoje ri kacuerpo cꞌo pa kꞌekuꞌm. Jecꞌulaꞌ, we ri kꞌijsak cꞌo kucꞌ uꞌanom junam rucꞌ ri kꞌekuꞌm, coꞌl chi lo kꞌekuꞌmalil riꞌ oj cꞌo wi! * Ri Jesús cacꞌutun chwi ri puak (Lc. 16:13) 24»Lic cꞌayew we juna aj chac e caꞌib ri rajaw. Ma laj tzel caril ri jun yey cꞌax cunaꞌ ri jun chic; o laj cuyac ukꞌij ri jun yey cucꞌak bi ukꞌij ri jun chic. Ruma cꞌu laꞌ, na utz taj we junok cuya rib che unimaxic ri Dios yey cuya rib che utzucuxic ri beyomalil re ruwachulew. Ri Dios quebuchajij ri ralcꞌoꞌal (Lc. 12:22-31) 25»E uwariꞌche cambiꞌij chiwe riꞌix: Mubisoj icꞌuꞌx ricꞌaslem; mubisoj ne icꞌuꞌx saꞌ riwa y rimikꞌinaꞌ quitijo o saꞌ rikꞌuꞌ quicojo. Na e ta neba más cꞌo uwach ricꞌaslem riꞌix chwach ri quitijo? Yey na e ta neba más cꞌo uwach ri cuerpo chwach rikꞌuꞌ quicojo? 26»Chebiwilape ri tzꞌiquin quexiqꞌuicꞌ che ruwa caj. Rique na queticoꞌnaj taj, na caquiꞌan tane quimolonic y na jinta ne pa caquicꞌol wi ri quimolonic. Na rucꞌ ta cꞌu riꞌ, Rikaw Dios cꞌo chilaꞌ chicaj quebutzuku. Macꞌuwariꞌ riꞌix, ri Dios quixuchajij, ma e más cꞌo iwach riꞌix chiquiwa ri tzꞌiquin! 27» Cꞌo neba junok chiwe riꞌix curik cunajtirisaj jun chic kꞌij che rucꞌaslem wara che ruwachulew? Na jinta junok, tob ne lic cutij ukꞌij che. 28 Suꞌbe cꞌu riꞌ lic cubisoj icꞌuꞌx rikꞌuꞌ quicojo? Chiwilapeꞌ suꞌanic queqꞌuiy ri cotzꞌiꞌj pa tak juyub; waꞌ na quechacun taj y na quequeman ta nenareꞌ chaꞌ caquiꞌan ri quikꞌuꞌ. 29 Yey riꞌin cambiꞌij chiwe: Ri rey Salomón, tob lic cꞌo uchomal rukꞌuꞌ xucojo, waꞌ na xumaj ta cꞌana ruchomalil tak ri cotzꞌiꞌj. 30 Jecꞌulaꞌ we ri Dios uꞌanom chom che ri akꞌes cꞌo wakꞌij pa juyub yey chweꞌk xa caporox pa akꞌ, na cuya ta cami riꞌ ri Dios rikꞌuꞌ cajawax chiwe? Riꞌix lic xa jubikꞌ ri cubulibal icꞌuꞌx rucꞌ ri Dios! 31»Cambiꞌij cꞌu chiwe: Mubisoj icꞌuꞌx y mibiꞌij: Saꞌ ri kawa, saꞌ ri kamikꞌinaꞌ cakatijo? Saꞌ ri kakꞌuꞌ cakacojo? 32 Ma jenelaꞌ caquiꞌan ri winak na quetaꞌam ta uwach ri Dios, e cubisoj quicꞌuꞌx tak waꞌ. Noꞌj riꞌix cꞌo jun Ikaw chilaꞌ chicaj lic retaꞌam cajawax ronoje tak waꞌ chiwe. 33»Ri lic chirajawaxic chiwe nabe e lic chixoc il che rutakanic ri Dios y che ri jusucꞌ binic silabic caraj Rire chiwe. Yey ronoje tak cꞌu ri cajawaxic, xa uwiꞌ chic cayaꞌtaj chiwe. 34 Mubisoj pan icꞌuꞌx ri quiwil chweꞌk, ma chujujunal kꞌij ucꞌamom chi lo rucꞌayewal. 7 Mikꞌat tzij paquiwi jujun chic (Lc. 6:37-38, 41-42) 1»Miꞌan ri xa piwe riꞌix quixuꞌan aj kꞌatal tzij paquiwi jujun chic, chaꞌ jelaꞌ na cakꞌat ta tzij piwi riꞌix. 2 Ma e ruꞌanic quikꞌat tzij riꞌix paquiwi jujun chic, jelaꞌ cuꞌan ri Dios piwi riꞌix; ma rucꞌ ri pajbal quixpajan wi, rucꞌ laꞌ quixpaj wi riꞌix. 3» Suꞌchac e lic catzutzaꞌ rucꞌaj cheꞌ cꞌo chupa ruwach rawatz-achakꞌ yey e na catoc ta cꞌu il che resaxic ri cheꞌ kꞌebel chupa rawach riꞌat? 4 Y we kꞌebel la jun cheꞌ chupa rawach riꞌat, utz nawi cabiꞌij che rawatz-achakꞌ: Chayaꞌa luwar chwe canwesaj la jun ucꞌaj cheꞌ cꞌo chupa rawach? Na utz taj! 5 Xa queb apalaj! Nabe na chawesaj lo la cheꞌ kꞌebel chupa rawach riꞌat, y jelaꞌ cat-tzuꞌn chi utz chaꞌ catoꞌ rawatz-achakꞌ che resaxic lo rucꞌaj cheꞌ cꞌo chupa ruwach rire. 6»Miya chiquiwa ri tzꞌiꞌ janipa ri lic chom chwach ri Dios, ma cꞌaxtaj quepe chiwij y caquirakachꞌij ipa; jecꞌulaꞌ micꞌak chiquiwach ri ak ri perlas cꞌo iwucꞌ, ma cꞌaxtaj xa caquixikꞌixaꞌ uwiꞌ.* * 6:23 Pa ri chꞌaꞌtem hebreo, we cabiꞌx che junok utz ruwach, waꞌ queꞌelawi lic utz ucꞌuꞌx, na caxuꞌyan taj. Yey we cabiꞌx che junok na utz ta ruwach, waꞌ queꞌelawi lic co rucꞌuꞌx y lic xuꞌy. 7:2 Mr. 4:24; Lc. 6:38 * 7:6 Wa versículo na e ta cachꞌaꞌt paquiwi rawaj. Ri queꞌelawi e na utz taj cakaya ri chomilaj cꞌutunic re ri Dios chiquiwach winak itzel quicꞌuꞌx we na cacaj taj caquicꞌulu.\n12 Mateo 7:7 9 Mateo 8:3 Chitzꞌonoj che ri Dios janipa ri cajawax chiwe (Lc. 11:9-13; 6:31) 7»Janipa ri cajawax chiwe, chitzꞌonoj che ri Dios y cayaꞌiꞌ chiwe; chitzucuj rucꞌ Rire janipa ri cajawax chiwe y quiriko; chichꞌaꞌbej Rire y lic quixucajmaj lok. 8 Ma china ri cutzꞌonoj ri cajawax che, cucꞌul na; china ri cꞌo cutzucuj, curik na; y china ri cachꞌaw pan che ruchiꞌ ja, cajakiꞌ na lo che. 9» Cꞌo neba juna achi chixoꞌl, we rucꞌajol cutzꞌonoj pam, cuya juna abaj che; 10 o we cutzꞌonoj car, cumatz ri cuya che? Na jintaj junok! 11 Ecꞌu riꞌ riꞌix tob xa ix ticawex na lic ta utz icꞌuꞌx, na rucꞌ ta cꞌu riꞌ, quirik uyaꞌic chomilaj tak sipanic chique riwalcꞌoꞌal. Macꞌuwariꞌ ri Kakaw Dios cꞌo chilaꞌ chicaj cuya chomilaj tak sipanic chique ri quetzꞌonow re che! 12»Ecꞌu riꞌix chiꞌana chique ri ticawex jelaꞌ pachaꞌ ri quiwaj caquiꞌan rique chiwe. Ma e utakanic waꞌ Rutzij Upixab ri Dios tzꞌibital can cuma ri Moisés y ri kꞌalajisanelab. Ri oquibal chꞌutiꞌn uwach (Lc. 13:24) 13»Chixoc bi che ri oquibal chꞌutiꞌn uwach. Ma ri oquibal y ri be queꞌec chi xibalbaꞌ lic nim uwach, yey lic e qꞌui ri queboc bi chiriꞌ. 14 Noꞌj ri oquibal y ri be queꞌec chi cꞌaslemal na jinta utakexic, lic chꞌutiꞌn uwach, yey na e ta qꞌui ri queboc bi chiriꞌ. Ruchꞌaꞌtem ri ticawex cucꞌutu saꞌ ri cꞌo pa ranimaꞌ (Lc. 6:43-45) 15»Lic chichajij iwib chiquiwach ri caquibiꞌij e kꞌalajisanelab re ri Dios yey xa e socosoꞌnel. Ma waꞌ quecꞌun iwucꞌ riꞌix lic chacojoꞌ utz quicꞌuꞌx, noꞌj chupa ri canimaꞌ xa pachaꞌ e utiw lic e bikꞌonel. 16 Ecꞌu riꞌix quiwetaꞌmaj saꞌ ri cꞌo pa canimaꞌ ri ticawex ruma ri caquiꞌano, we utz o na utz taj.»e pachaꞌ tak ri cheꞌ: ri qꞌuix, na uva ta rujikꞌobalil cuyaꞌo; yey ri xuluquej, na higos ta rujikꞌobalil cuyaꞌo. 17 Jecꞌulaꞌ juna chomilaj cheꞌ, lic chom rujikꞌobalil cuyaꞌo; noꞌj ri cheꞌ na chom taj, na jinta uchac rujikꞌobalil cuyaꞌo. 18 Ri chomilaj cheꞌ na ube taj we na chom ta rujikꞌobalil cuyaꞌo; jecꞌulaꞌ ri cheꞌ na chom taj na cuya ta ujikꞌobalil chom. 19 Yey ronoje cheꞌ we na chom taj rujikꞌobalil cuyaꞌo, cachet bi y caporox pa akꞌ. 20 Riꞌix quiwetaꞌmaj cꞌu uwach juna cheꞌ ruma rujikꞌobalil cuyaꞌo; jecꞌulaꞌ cakꞌalajinic saꞌ tak ri cꞌo pa canimaꞌ ri ticawex ruma ri quibinic quisilabic. Na conoje taj queboc chilaꞌ chicaj (Lc. 13:25-27) 21»Na conoje ta ri caquibiꞌij chwe Kajawal, Kajawal queboc chilaꞌ chicaj pa rutakanic ri Dios, ma xew queboc ri caquiꞌan ri rajawal ucꞌuꞌx ri Nukaw cꞌo chilaꞌ chicaj. 22 Copon cꞌu rukꞌijol echiriꞌ ri Dios cukꞌat tzij paquiwi ri ticawex, yey chupa laꞌ la kꞌij lic e qꞌui ri caquibiꞌij chwe: Wajawal, Wajawal, riꞌoj xkaꞌan kꞌalajisanic chupa ri biꞌ la chique ri ticawex. Yey chupa ri biꞌ la xekesaj bi ri itzel uxlabixel y pa ri biꞌ la xkaꞌan uqꞌuiyal milagros quechaꞌ. 23 Ecꞌuchiriꞌ, riꞌin jewaꞌ cambiꞌij chique: Na xinwetaꞌmaj ta cꞌana iwach, chixela wucꞌ; ma riꞌix xew ix ꞌanal re ri lic itzel uwach. Ri ja tzꞌakom lo paꞌbaj y ri ja xꞌaniꞌ pa sanyeb (Lc. 6:46-49) 24»China cꞌu ri cataw re ri nutzij yey cuꞌan janipa ri cambiꞌij, canjunimaj rucꞌ jun achi lic cꞌo unaꞌoj ma xutzꞌak lo ri rocho paꞌbaj. 25 Xpe cꞌu lo ri jab, lic xnimar tak ri nimayaꞌ y xpe lo unimal cakjikꞌ y xumachꞌ rib che ri ja; na rucꞌ ta cꞌu riꞌ, ri ja na xtzak ta ubi, ma paꞌbaj tzꞌakom lo wi. 26 Noꞌj cꞌu ri cuta ri nutzij yey na cuꞌan ta janipa ri cambiꞌij, canjunimaj rucꞌ jun achi na jinta unaꞌoj, ma xuꞌan ri rocho pa sanyeb. 27 Xpe cꞌu lo ri jab, xenimar tak ri nimayaꞌ, xpe lo unimal cakjikꞌ y xumachꞌ rib che ri ja. Ecꞌu riꞌ ri ja xwuluwub bi y xsach uwach» xchaꞌ. 28 Echiriꞌ xuqꞌuis ubiꞌxic waꞌ ri Jesús, ri winak lic caminak canimaꞌ che rucꞌutunic, 29 ma ruma rucꞌutunic cakꞌalajinic lic cꞌo uwach, na xa ta pachaꞌ ri caquiꞌan raj cꞌutunel re ri tzijpixab. 8 Ri Jesús cucunaj jun achi cꞌo yabil lepra che (Mr. 1:40-45; Lc. 5:12-16) 1 Ecꞌuchiriꞌ xkaj lo ri Jesús chwa ri juyub, lic uqꞌuiyal winak xeterej lo chirij. 2 Tecꞌuchiriꞌ, xopon jun achi cꞌo ri yabil lepra che, xuxuc rib chwach ri Jesús y xubiꞌij che: Wajawal, we caꞌaj co la, joskꞌij la ri nucuerpo che wa yabil xchaꞌ. 3 Ecꞌu ri Jesús xuchap pana rucꞌ rukꞌab y jecꞌuwaꞌ xubiꞌij che:\n13 Mateo 8:4 10 Mateo 8:24 Cuaj, chuꞌana ba chom riꞌ racuerpo xchaꞌ. Xew cꞌu xuqꞌuis ubiꞌxiquil waꞌ, na jampatana xsach ri yabil cꞌo che rachi. 4 Ecꞌu ri Jesús xubiꞌij che: Chatapeꞌ, lic matzijoj che junok riꞌin xatincunaj. Jat chwach raj chacunel pa Rocho Dios chaꞌ rire carilo na jinta chi lepra chawe, y chayaꞌa chwach ri Dios ri kasaꞌn xtakan can ri Moisés che chaꞌ cakꞌalajin chiquiwach ri ticawex at cunutajinak chic xchaꞌ. Ri Jesús cucunaj ri raj chac jun capitán aj Roma (Lc. 7:1-10) 5 Echiriꞌ xopon ri Jesús pa ri tinamit Capernaúm, xopon jun capitán* que ri soldados aj Roma rucꞌ y xujek lic quelaj che, 6 jewaꞌ cubiꞌij: Wajawal, ri waj chac lic yewaꞌ cꞌo chwa uwarabal chiwocho. Rire xuꞌan sic y lic cꞌo pa cꞌax cachaꞌ. 7 Ri Jesús xubiꞌij che: Riꞌin quinꞌec y cancunaj xchaꞌ. 8 Ecꞌu ri capitán xubiꞌij che: Wajawal, riꞌin lic na takal ta chwe coc la chiwocho. Xew biꞌij la: Chatcunutajok, y rucꞌ ri chꞌaꞌtem la, cacunutaj ri waj chac. 9 Ma e pachaꞌ riꞌin, in cꞌo pukꞌab jun takanel y rire ebuyaꞌom uqꞌuiyal soldados panukꞌab. We cambiꞌij cꞌu che junok Jat, queꞌec; o cambiꞌij che junok chic Chatpetok, capetic. Yey we cambiꞌij che juna waj chac Chaꞌana waꞌ, cuꞌano xchaꞌ. 10 Ri Jesús echiriꞌ xuta waꞌ, lic xcam ranimaꞌ che y jewaꞌ xubiꞌij chique ri eteran chirij: Pakatzij wi cambiꞌij chiwe: Na nurikom tane chiquixoꞌl raj Israel junok lic cꞌo unimal cubulibal ucꞌuꞌx pachaꞌ wa jun achi. 11 Cambiꞌij cꞌu chiwe: Lic e qꞌui ri quepe pa relebal lo ri kꞌij y e qꞌui ri quepe putzakibal ri kꞌij y queboc chwa ri mexa pa waꞌim rucꞌ ri Abraham, rucꞌ ri Isaac y rucꞌ ri Jacob chupa rutakanic ri Dios cꞌo chilaꞌ chicaj. 12 Noꞌj tak cꞌu ri caquichꞌobo takal chique caquicꞌul rutakanic ri Dios ruma e ratz-uchakꞌ can ri Abraham, riꞌ quebesax bi y quecꞌak bi pa ri kꞌekuꞌm; chiriꞌ cꞌu riꞌ quebokꞌ wi y cakichꞌichꞌ ruwi queꞌ xchaꞌ. 13 Ecꞌuchiriꞌ, xubiꞌij ri Jesús che ri capitán: Oj chi ocho la, ma jelaꞌ cuꞌanaꞌ pachaꞌ ri xcubiꞌ cꞌuꞌx la che xchaꞌ. Chupa cꞌu laꞌ la jokꞌotaj xcunutaj ri raj chac. Ri Jesús cucunaj ruchu-ujiꞌ ri Pedro (Mr. 1:29-34; Lc. 4:38-41) 14 Ri Jesús xopon chirocho ri Pedro. Chiriꞌ cꞌu riꞌ xril ruchu-ujiꞌ ri Pedro cꞌo chwa uwarabal y lic cꞌo akꞌ chirij. 15 Ecꞌu ri Jesús xuchap rukꞌab y jecꞌulaꞌ xicꞌow ri akꞌ chirij. Ecꞌuchiriꞌ, rixok xyactajic y xujek quebunimaj. Ri Jesús quebucunaj uqꞌuiyal yewaꞌib 16 Echiriꞌ xoc rakꞌab, xequicꞌam lo chwach ri Jesús uqꞌuiyal ticawex e cꞌo paquikꞌab itzel uxlabixel. Ecꞌu ri Jesús rucꞌ ruchꞌaꞌtem xeberesaj bi tak ri itzel uxlabixel chique y xebucunaj conoje ri yewaꞌib. 17 Xuꞌan waꞌ chaꞌ e cuꞌana ri utzijom can ri kꞌalajisanel Isaías echiriꞌ xubiꞌij: Rire xucꞌam bi ri kayabil, y xucꞌam bi ri kacꞌaxcꞌolil Is. 53:4 xchaꞌ. Ri cacaj queterej chirij ri Jesús (Lc. 9:57-62) 18 Ri Jesús echiriꞌ xrilo uqꞌuiyal winak quisutum rij, xebutak rutijoꞌn chaꞌ quekꞌax chꞌaka yaꞌ. 19 Ecꞌu laꞌ la jokꞌotaj xopon rucꞌ ri Jesús jun achi aj cꞌutunel re ri tzijpixab y xubiꞌij che: Lal tijonel, riꞌin quinterej bi chiꞌij la tob pachawi queꞌec wi la xchaꞌ. 20 Ri Jesús xucꞌul uwach: Ri yac cꞌo quijul y ri tzꞌiquin quexiqꞌuicꞌ che ruwa caj cꞌo quisoc; noꞌj Ralaxel Chiquixoꞌl Ticawex na jinta ne uluwar tob xa pa cuxlan wi xchaꞌ. 21 Cꞌo chi jun chique rutijoꞌn xubiꞌij che ri Jesús: Wajawal, yaꞌa la luwar chwe canwoyꞌej cacam na ri nukaw y canmuk canok; tecꞌuchiriꞌ, quinterej chiꞌij la xchaꞌ. 22 Ecꞌu ri Jesús xucꞌul uwach: Riꞌat chat-terej lo chwij; chayaꞌa can chique ri ecaminak chwach ri Dios chaꞌ e rique quemukuw ri catz-quichakꞌ quecamic xchaꞌ. Ri Jesús cukꞌatej ri cakjikꞌ chwi ri mar (Mr. 4:35-41; Lc. 8:22-25) 23 Ecꞌuchiriꞌ, xoc ri Jesús pa jun barco y rutijoꞌn xebec rucꞌ. 24 Tecꞌuchiriꞌ, xpe jun 8:4 Lv. 14:1-32 * 8:5 Capitán : Waꞌ e aj wach que cien soldados.\n14 Mateo 8:25 11 Mateo 9:12 nimalaj cakjikꞌ chwi ri mar y xujeko canoj ri barco che yaꞌ. Yey ri Jesús cawaric. 25 Ecꞌu rutijoꞌn xeꞌquicꞌosoj y xquibiꞌij che: Kajawal! Chojcolobej la, ma cojcamic! xechaꞌ. 26 Ri Jesús xucꞌul uwach: Suꞌchac lic quixiꞌij iwib? Riꞌix lic xa jubikꞌ ri cubulibal icꞌuꞌx wucꞌ xchaꞌ. Ecꞌuchiriꞌ xyactajic, xukꞌatej ri cakjikꞌ y ri yaꞌ. Xtaniꞌ cꞌu riꞌ ri cakjikꞌ y ri yaꞌ xyeniꞌic. 27 Rutijoꞌn lic xcam canimaꞌ che y xquibiꞌij: «Saꞌ ruwach waꞌ waꞌchi? Ma tob ne e ri cakjikꞌ y ri yaꞌ caquicoj utzij!» xechaꞌ. Ri queb achijab aj Gadara e cꞌo paquikꞌab itzel uxlabixel (Mr. 5:1-20; Lc. 8:26-39) 28 Echiriꞌ xopon ri Jesús chꞌaka mar pa ri luwar re Gadara, xoꞌlcꞌul cuma queb achijab ebelinak lo chuxoꞌl tak mukubal que animaꞌ. Quicabichal e cꞌo paquikꞌab itzel uxlabixel y lic itzel quiwachlibal, ma cuma rique na jinta junok quicꞌow chiriꞌ. 29 E tak cꞌu riꞌ waꞌ xquijeko lic co quesiqꞌuinic, jewaꞌ xquibiꞌij: Suꞌchac coꞌlmina ib la kucꞌ, Jesús, Lal Ucꞌajol ri Dios? Petinak cami la re cojya la pa cꞌax echiriꞌ cꞌamajaꞌ ne copon ri kakꞌij? xechaꞌ. 30 E cꞌo cꞌu uqꞌuiyal ak quewaꞌ lo chinimanaj. 31 Ecꞌu ri itzel uxlabixel lic xebelaj che ri Jesús: We cojesaj bi la, yaꞌa la luwar chike cojoc bi cucꞌ ri ak xechaꞌ. 32 Ecꞌuchiriꞌ, xubiꞌij ri Jesús chique: Jix riꞌ xchaꞌ. Tak ri itzel uxlabixel xebel bi chique rachijab y xeboc cucꞌ ri ak. Tecꞌuchiriꞌ, conoje ri ak xeꞌquicꞌaka bi quib chwi jun siwan, xebeꞌtzaka cꞌa chupa ri mar y chiriꞌ xejikꞌ wi. 33 Ecꞌu ri e chajinel que ri ak xebanimajic. Y echiriꞌ xebopon pa ri tinamit, xquijek utzijoxic ronoje ri xquicꞌulumaj ri ak y ri xuꞌan ri Jesús chique ri queb achijab echiriꞌ xeberesaj paquikꞌab ri itzel uxlabixel. 34 Conoje cꞌu ri winak re ri tinamit xepe pa cꞌo wi ri Jesús. Echiriꞌ xquil uwach, lic xquitzꞌonoj che chaꞌ quel bi chiriꞌ pa tak ri quiluwar. * 9:11 Raj tzꞌonol puak re tojonic : Quil cobrador de impuestos pa vocabulario. 9 Ri Jesús cucunaj jun sic (Mr. 2:1-12; Lc. 5:17-26) 1 Ecꞌuchiriꞌ, xoc ri Jesús pa jun barco, xkꞌax chꞌaka yaꞌ y xopon pa ri tinamit pa jekel wi. 2 E cꞌo cꞌu jujun achijab xquicꞌam lo jun achi sic chwach ri Jesús, quitelem lo chwa jun chꞌat. Echiriꞌ ri Jesús xril ri cubulibal quicꞌuꞌx rucꞌ, xubiꞌij che rachi sic: Wal, chanimarisaj acꞌuꞌx, ma ronoje ramac cuytajinak chic xchaꞌ. 3 E cꞌo cꞌu jujun chique raj cꞌutunel re ri tzijpixab jewaꞌ xquichꞌobo: «Wa jun achi lic camacun chirij ri Dios, ma na yaꞌtal ta pukꞌab junok cubiꞌij waꞌ.» 4 Noꞌj ri Jesús xunaꞌbej saꞌ ri caquichꞌobo; ruma cꞌu riꞌ, xubiꞌij chique: Suꞌchac cachꞌob alak ri na utz taj? 5 Saꞌ cꞌu ri na cꞌayew taj cambiꞌij: Ronoje ramac cuytajinak chic o Chatyactajok y chatbinok? 6 E cuaj cꞌut quetaꞌmaj alak waꞌ: Ralaxel Chiquixoꞌl Ticawex yaꞌtal pukꞌab cucuy tak ri mac que ri winak che ruwachulew xchaꞌ. Xubiꞌij cꞌu riꞌ che ri sic: Chatyactajok, chacꞌama bi rachꞌat y jat chaꞌwocho xchaꞌ. 7 Xyactaj cꞌu ri sic y xeꞌec chirocho. 8 Echiriꞌ xquil waꞌ ri winak, lic xcam canimaꞌ che y xquiyac ukꞌij ri Dios ruma uyaꞌom chique ri ticawex caquiꞌan tak waꞌ. Ri Jesús cusiqꞌuij ri Mateo (Mr. 2:13-17; Lc. 5:27-32) 9 Xel cꞌu bi ri Jesús chiriꞌ y xril jun achi aj tzꞌonol puak re tojonic, Mateo rubiꞌ, tzꞌul pa ri luwar pa caꞌan wi ri tojonic che ri gobierno, y xubiꞌij che: Chat-terej lo chwij xchaꞌ. Y ri Mateo xyactajic y xterej bi chirij. 10 Ecꞌu ri Jesús xumaj bi chirocho waꞌchi y xeboc chwa ri mexa cucꞌ rutijoꞌn. Xebopon cꞌu uqꞌuiyal aj tzꞌonol puak re tojonic y uqꞌuiyal aj maquib y xetzꞌuyiꞌ junam cucꞌ. 11 Echiriꞌ xquil waꞌ ri fariseos, xquibiꞌij chique rutijoꞌn ri Jesús: Suꞌchac ri tijonel iwe riꞌix cawaꞌ junam cucꞌ raj tzꞌonol puak re tojonic* y cucꞌ raj maquib? xechaꞌ. 12 Echiriꞌ xuta waꞌ ri Jesús, xubiꞌij chique: E janipa ri utz quiwach, na cajawax ta aj cunanel chique; ma waꞌ xew chique ri e\n15 Mateo 9:13 12 Mateo 9:34 yewaꞌib cajawax wi. 13 Oj cꞌu alak y maja na alak saꞌ queꞌelawi ri cubiꞌij ri Dios chupa Ruchꞌaꞌtem: Ri lic cuaj riꞌin chiwe e ri cꞌutubal re ri cꞌaxnaꞌbal cꞌuꞌxaj, na e ta ri cacamisax awaj re kasaꞌn chinuwach Os. 6:6 cachaꞌ.»riꞌin na in petinak ta che quisiqꞌuixic ri jusucꞌ quibinic quisilabic, ma in petinak che quisiqꞌuixic raj maquib chaꞌ caquijalcꞌatij ri quibinic quisilabic xchaꞌ. Ri tzꞌonobal puwi ri ayuno (Mr. 2:18-22; Lc. 5:33-39) 14 Ecꞌuchiriꞌ, rutijoꞌn ri Juan Aj Yaꞌl Bautismo xekib rucꞌ ri Jesús y xquitzꞌonoj che: Suꞌchac riꞌoj y ri fariseos lic cakaꞌan ayuno yey ri tijoꞌn rilal na caquiꞌan taj? xechaꞌ. 15 Ri Jesús xucꞌul uwach: Utz neba quecꞌojiꞌ pa bis ri esiqꞌuim pa cꞌulaniquil we cꞌa cꞌo rala cacꞌuliꞌic chiquixoꞌl? Na utz taj. Noꞌj copon na ri kꞌij echiriꞌ quesax bi rala chiquixoꞌl; cꞌa ecꞌuchiriꞌ caquiꞌan ayuno. 16 Na jinta junok cucꞌojoj rukꞌuꞌ kꞌeꞌl rucꞌ cꞌojobal cꞌasak, ma ri cꞌojobal cꞌasak, we xcꞌolotaj upa, e cujecꞌ ri cꞌul kꞌeꞌl y más ne curichꞌij bi. 17»Jecꞌulaꞌ ri vino cꞌacꞌ ꞌanom na cakꞌej ta chupa juna surun kꞌeꞌl. Ma we caꞌaniꞌ waꞌ, ri vino cꞌacꞌ echiriꞌ canajtir ukꞌij, curakij ri surun, catix cꞌu riꞌ ri vino y ri surun na jinta chi uchac. Ruma cꞌu laꞌ, ri vino cꞌacꞌ ꞌanom chirajawaxic wi cakꞌej chupa ri surun cꞌasak chaꞌ ucabichal waꞌ cacowinic xchaꞌ. Rumiꞌal ri Jairo y rixok xuchap rukꞌuꞌ ri Jesús (Mr. 5:21-43; Lc. 8:40-56) 18 Echiriꞌ catajin ri Jesús che ubiꞌxiquil tak waꞌ, xcꞌun lo jun achi aj wach re ri tinamit, xuxuc rib chwach y xubiꞌij che: Ri numiꞌal lic cꞌa e laꞌ xcamic. We ta rilal queꞌec la wucꞌ y queꞌyaꞌa ri kꞌab la puwiꞌ, rire cacꞌastaj tanchic xchaꞌ. 19 Ri Jesús xyactajic y xeꞌec rucꞌ rachi, junam cucꞌ rutijoꞌn. 20 Ecꞌu laꞌ, cꞌo jun ixok lic yewaꞌ, e cablajuj lo junab riꞌ na cataniꞌ ta ri yabil re upa icꞌ che. Xkib cꞌu pana chirij ri Jesús y xuchap ruchiꞌ rukꞌuꞌ. 21 Ma xuchꞌob pa ranimaꞌ: «Tob tane xew luꞌkꞌuꞌ canchapo, rucꞌ riꞌ quincunutajic.» 22 Pero ri Jesús xtzuꞌn lo chirij, xutzuꞌ uwach rixok y jewaꞌ xubiꞌij che: Ixok, nimarisaj cꞌuꞌx la, ma xcunutaj la ruma xcubiꞌ cꞌuꞌx la wucꞌ xchaꞌ. Chupa cꞌu riꞌ la jokꞌotaj rixok asu xcunutajic. 23 Ecꞌuchiriꞌ xoc bi ri Jesús chirocho rachi aj wach, quebutzutzaꞌ ri caquichꞌawisaj suꞌ y ri winak quewokokic. 24 Xubiꞌij cꞌu ri Jesús chique: Chixelubi, ma wa ralco ali na caminak taj, xa cawaric xchaꞌ. Yey xa xquitzeꞌej cꞌu ri xubiꞌij. 25 Ecꞌuchiriꞌ xebesax lo ri winak, ri Jesús xoc bi pa cꞌo wi ri ralco ali; xuchap cꞌu rukꞌab y waꞌli xyactajic. 26 Xeꞌec cꞌu utzijoxic riꞌ waꞌ che ronoje tak la luwar. Ri Jesús quebucunaj caꞌib potzꞌ 27 Echiriꞌ xel bi ri Jesús chiriꞌ, xeterej bi caꞌib potzꞌ chirij, lic co quesiqꞌuin che, jewaꞌ caquibiꞌij: Choj-juchꞌ caꞌn co cheꞌla, lal Ralcꞌoꞌal can ri rey David! xechaꞌ. 28 Echiriꞌ xoc ri Jesús chuchiꞌ jun ja, xekib ri caꞌib potzꞌ rucꞌ y Rire xubiꞌij chique: Quicoj riꞌix we riꞌin cꞌo panukꞌab canya ri itzuꞌnibal? xchaꞌ. Rique xquibiꞌij: Cakacojo, Kajawal xechaꞌ. 29 Ecꞌu ri Jesús xuya rukꞌab puwi ri quiwach y xubiꞌij chique: Chuꞌana waꞌ iwucꞌ e chirij ri cubulibal icꞌuꞌx xchaꞌ. 30 Jecꞌulaꞌ xcunutaj ri quiwach. Ewi ri Jesús lic xebupixabaj, jewaꞌ xubiꞌij chique: Lic mitzijoj waꞌ che junok xchaꞌ. 31 Noꞌj rique xew xebel bi, xquijek caquitzijoj pa ronoje tak laꞌ la luwar ri xuꞌan ri Jesús. Ri Jesús cucunaj jun meꞌt 32 Echiriꞌ catajin bi quelic ri queb achijab xcunutaj ri quiwach, ri winak xquicꞌam lo chwach ri Jesús jun achi meꞌt cꞌo pukꞌab jun itzel uxlabixel. 33 Ecꞌuchiriꞌ ri Jesús xresaj bi ri itzel uxlabixel che, ri meꞌt xcunutajic y xujek cachꞌaꞌtic. E tak cꞌu ri winak lic xcam canimaꞌ che waꞌ y xquibiꞌij chiquiwach: «Na kilom ta cꞌana waꞌ wara Israel pachaꞌ wa xkil woꞌora» xechaꞌ. 34 Noꞌj ri fariseos xquibiꞌij: «Laꞌ la Jesús queberesaj bi itzel uxlabixel ruma 9:17 Surun : Quil odre pa vocabulario.\nRomanos 1:1 1 Romanos 1:9 Ri carta xutzꞌibaj ri Pablo che riglesia cꞌo Roma Ri Pablo cuya pan rutzil quiwach ri hermanos e cꞌo Roma 1 Riꞌin in Pablo, in raj chac ri Kanimajawal Jesucristo. In cꞌu siqꞌuim\nLicense Agreement for Bible Texts These Scriptures: May not be altered or modified in any form. They must remain in their original context. May not be sold or offered for sale in any form. May not be used\n2 PEDRO 1:1 1 2 PEDRO 1:7 JAꞌ LI SCHIBAL SCARTA LI PEDROE 1 Joꞌon Simón Pedroun. Joꞌon yajtunelun li Jesucristoe, joꞌon ta xcalbe batel li scꞌope. Chajcꞌoponic batel ta carta yuꞌun coꞌol xa jchꞌunojtic\nALI\/UNIDROIT * ALI 2004 5 UNIDROIT 2004 4 Principles and Rules of Transnational Civil Procedure copyright 2005 by the American Law Institute (ALI), and, for the Principles also the International Institute\nSafe Harbor This presentation contains statements of a forward-looking nature. These statements are made under the safe harbor provisions of the U.S. Private Securities Litigation Reform Act of 1995. You\nTerms of Use The copyright of this thesis is owned by its author. Any reproduction, adaptation, distribution or dissemination of this thesis without express authorization is strictly prohibited. All rights\n2005 Safe Harbor This presentation contains statements of a forward-looking nature. These statements are made under the safe harbor provisions of the U.S. Private Securities Litigation Reform Act of 1995.\nVickers 9.\/E N\/9\/A DGV-,........... bar ( psi)................ L\/min ( US gpm),............. IS O NF PA D DIN (NG ) IS O (DIN ) A. A B B DG V--*N AB P T A AB B P T DG V--*A A P B T DG V--*A L A B DG V--*C\nSAN MATEO 1:1 1 SAN MATEO 1:10 Ri ruc'aslen ri Jesucristo ri tz'ibatel can roma San Mateo Ri quibi' ri e rati't-rumama' ri Jesucristo 1 Re jun vuj re nuchop-el vave', jun vuj ri tz'ibatel-vi can ri quibi'\nTerms of Use The copyright of this thesis is owned by its author. Any reproduction, adaptation, distribution or dissemination of this thesis without express authorization is strictly prohibited. All rights\nREMINDERS Product information in this catalog is as of October 2013. All of the contents specified herein are subject to change without notice due to technical improvements, etc. Therefore, please check\nEsy Interctive Tools Ver.4.2 Esy Interctive Tools Ver.4.2 Esy Interctive Tools Esy Interctive Tools () s 11 s 10 () s () 10 s 16 s 18 s 26 PowerPoint s 27 Esy Interctive Tools EsyMP Multi PC Projection\n旧 约 故 事 旧 约 故 事 CHINESE (SIMPLIFIED) 4 02311 18266 4 31118 266 旧 约 故 事 This publication is a translation of an original English document. In China, it is for personal use by members of The Church of Jesus\nGolden Elixir Reference Series, 2 Index of Zhengtong Daozang edited by Fabrizio Pregadio Golden Elixir Press 2008 This work is distributed according to the Creative Commons Attribution-Noncommercial-Share\n1 TIMOTEO 1:1 1 1 TIMOTEO 1:7 IN ACHTO ITLAHCUILOLAMAU IN TETIOTLATITLANIL PABLO ICA IN TIMOTEO In Pablo quitlahpalohua in Timoteo 1 Nehhuatl Pablo, nitetiotlatitlanil den Jesucristo quen omihto Yehhuatzin\nTX-NR3030 http:\/\/www.onkyo.com\/manual\/txnr3030\/adv\/cs.html Cs 1 2 3 Speaker Cable 2 HDMI OUT HDMI IN HDMI OUT HDMI OUT HDMI OUT HDMI OUT 1 DIGITAL OPTICAL OUT AUDIO OUT TV 3 1 5 4 6 1 2 3 3 2 2 4 3 2 5\n13 6 CH-IN-2 SPKs 2 6 : 13 2003 7 0 13 Notice The content furnished in this document is C-Media audio product knowledge for customers reference However, C-Media Inc assumes no responsibility for the consequences\nLUCAS 1:1 1 LUCAS 1:7 JU CHIVINTI IXLACATA JU CRISTO JU TS'OKLH JU LUCAS Ju Lucas najun tajuch ni va xats'ok'ulai ju ani alhiqui 1 Na lhu lapanacni tats'ok'ulata tijtamin taxtokni ju c'atsacan ni vasalh\nSTELLA DEL MARE G =136 3 4 RE m z SI V. Sozio 3 4 Chia - ro mata d d LA4 LA RE k kk s k k s k kz k s k kz k s k k j - ti - no che il so - le ba - ciò, nean-che u - na nu-vo-la in cie - lo, - ce è la brez\nPure Mathematics 理 论 数 学, 2013, 3, 201-206 http:\/\/dx.doi.org\/10.12677\/pm.2013.33030 Published Online May 2013 (http:\/\/www.hanspub.org\/journal\/pm.html) Chinese Traditional Culture and College Mathematics\nQQGQ2.E232014 - Power Supplies, Information Technology Equipment Including Ele... 1\/10 QQGQ2.E232014 Power Supplies, Information Technology Equipment Including Electrical Business Equipment - Component\nHDMI camera ARTRAY CO,. LTD Introduction Thank you for purchasing the ARTCAM HDMI camera series. This manual shows the direction how to use the viewer software. Please refer other instructions or contact\nTerms of Use The copyright of this thesis is owned by its author. Any reproduction, adaptation, distribution or dissemination of this thesis without express authorization is strictly prohibited. All rights\nParts List and Sewing Equipment Please enter your Chinese text here! 267 Manufacturer: Contact: Manufacturer: Contact: Dürkopp Adler Manufacturing (Shanghai) Co., Ltd. 1201 Luoshan Road, Pudong New Area,\n2012 2011 2011 7 1 Ke r r y Br own 2011 1989 11 2010 2 20 2 20 3 ' ' 8 2008 4 3 5 20, 24 8 Fl or a Sapi o - Anna be l Ega n 2012 Joshua Rosenzweig 2 40 2008 GDP 24 7 26 2008 Shanghai i s t 8 Jeremy Gol\n1994-2009 China Academic Journal Electronic Publishing House. All rights reserved. http:\/\/www.cnki.net 1994-2009 China Academic Journal Electronic Publishing House. All rights reserved. http:\/\/www.cnki.net\nTerms of Use The copyright of this thesis is owned by its author. Any reproduction, adaptation, distribution or dissemination of this thesis without express authorization is strictly prohibited. All rights\n1994-2011 China Academic Journal Electronic Publishing House. All rights reserved. http:\/\/www.cnki.net 1994-2011 China Academic Journal Electronic Publishing House. All rights reserved. http:\/\/www.cnki.net\n1994-2010 China Academic Journal Electronic Publishing House. All rights reserved. http:\/\/www.cnki.net 1994-2010 China Academic Journal Electronic Publishing House. All rights reserved. http:\/\/www.cnki.net\n1994-2010 China Academic Journal Electronic Publishing House. All rights reserved. http:\/\/www.cnki.net 1994-2010 China Academic Journal Electronic Publishing House. All rights reserved. http:\/\/www.cnki.net\nM O D E A T H E E L E M E N T S O F A N A R G U M E N T 1n t h l s t e s t i m o n y g iv e n b e f o r e t h e M a ry l a n d Se n a t e t h e s p e a ke r m a ke s a s t r o n g c l a i m a b o u t t\n1 TIMOTEO 1:1 1 1 TIMOTEO 1:4 IN TAYECANA TAJCUILOLAMATZIN TEN QUIJCUILOHUILIJ IN TATITANIL SAN PABLO PARA IN TAPIXQUE TIMOTEO In Pablo quitajcuilohuilij Timoteo 1 Nejuatzin ya ni Pablo ten nitatitanil","id":"","dump":"CC-MAIN-2022-33","url":"https:\/\/docsplayer.com\/229218044-Ii-ri-utzilaj-tzij-re-ri-kanimajawal-jesucristo-new-testament-in-achi-rabinal-acr-gt-acrt-achi-copyright-2009-wycliffe-bible-translators-inc-lang.html","date":"2022-08-10T20:11:29Z","file_path":"s3:\/\/commoncrawl\/crawl-data\/CC-MAIN-2022-33\/segments\/1659882571210.98\/warc\/CC-MAIN-20220810191850-20220810221850-00077.warc.gz","language":"acr","language_score":0.9999557734,"language_script":"Latn","minhash_cluster_size":1,"top_langs":"{\"acr_Latn_score\": 0.9999557733535767}","num_words":9392,"character_repetition_ratio":0.054,"word_repetition_ratio":0.033,"special_characters_ratio":0.234,"stopwords_ratio":0.241,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}