diff --git "a/kud_Latn/fineweb-2_000001_remove.jsonl" "b/kud_Latn/fineweb-2_000001_remove.jsonl"
new file mode 100644--- /dev/null
+++ "b/kud_Latn/fineweb-2_000001_remove.jsonl"
@@ -0,0 +1,20 @@
+{"text":"1 Corinthians 2\nPaulo yana guguya1 Tahiguwao, amnuwatuwu avivini hauganane mwalona Yaubada wasana yavaiyama na yawalowei alimiyai, nigele ebeha yau tauhanapu mwalaꞌina. 2 Na hesi nuwanuwagu na Besinana iya vehabana yaguguya alimiyai, iya hiꞌoiye mwalowoi aiwa lagalagana ainai. 3 Eena yagu mahalava alimiyai dova tautapitapiya, na mayagu batutuli yo mayagu atehawawali. 4 Na hinage yagu guguya alimiyai nigele walo wahiwahiyalana yo nuwamasele aidiyena, na hesi Aluꞌaluwa Veꞌahihi yana wahiyalaena. 5 Ainaena yagu guguya ambenalenaꞌo na amyemidiyei ebeha nigele tomowa yadi nuwamasele ainaena, na hesi Yaubada yana wahiyalaena.\nNuwamasele moiha6 Nuwamasele moiha Yaubada ainaena yawalowalo mahalava omiu yami nuwatuwu hunadi alimiyai, na hesi baleꞌu teina ana taunuwamaselewo yo tauloinao yadi nuwamasele mata sawasawalidi. 7 Na nuwamasele Yaubada ainaena mwalona dawadawanina, na teina hauga bada iꞌabiye mahalavayaꞌo. Wuwuna mulitai na baleꞌu iyemasele, mugai nuwanuwana na ada awanamwanamwa imohegita. 8 Na baleꞌu teina ana tauloinao nuwamasele nigele hiyahanapui, na bada ebe hihanapu mugaiyei, nigele howahowana yada Bada galewaena hiꞌoiye mwalowoi aiwa lagalagana ainai. 9 Teina vehabana na Yaubada yana Buki Veꞌahihi iwalo mahalava iwalo:\n\"Nigele teya tomowa iyaꞌita bo iyabenalei,\nyo nigele teya iyanuwatuwui mata imahalava,\nneta bada Yaubada iꞌabinonovaidiꞌo yaiyadiwo hivevelauweine\".\n10 Na hesi Aluꞌaluwa Veꞌahihi ainaena Yaubada nuwamasele bada iꞌabiye mahalavayaꞌo alidai.\nWuwuna Yaubada Aluꞌaluwana ginauli maudoidi ihanapuidi, eena Yaubada yana nuwatuwu dawadawanina hinage ihanahanapuidi. 11 Ta amnuwatuwu avivini ita tomowa, wuwuna ebe yaiya towaho mayana nuwatuwudawani, towahonane iya aluꞌaluwana ihanahanapui dova hinage Yaubada Aluꞌaluwana ibom yana nuwatuwu ihanahanapui. 12 Yaubada Aluꞌaluwana nigele taumiya baleꞌu aluꞌaluwadi dova, na hesi Yaubada Aluꞌaluwana imohegita, ainaena tanuwamasele yana velauwone alidai vehabadi. 13 Ainaena yada walo nuwana yada veꞌita, nigele taumiya baleꞌu yadi nuwamasele ainaena, na hesi Yaubada Aluꞌaluwanaena. Eeta ebe yaiyadiwo Aluꞌaluwanane aidiyai imiyamiya, howahowana walonane hihanapui. 14 Na ebe nigele, nigele howahowana hihanapui, wuwuna aidiyai ebeha ginauli yauyauledi taꞌi. Eena nigele howahowadi ginaulidine hihanapuidi, wuwuna Yaubada Aluꞌaluwana nigele howahowana iꞌabiye maseledi. 15 Ita hesi ginauli maudoidi taveꞌaha iliꞌilimanidi Yaubada Aluꞌaluwanaena ta nigele teya yaiya ebeha iyalauvetalaegita. 16 Dova Yaubada yana Buki iwawaloweiwa iwalo:\n'Moiha taꞌi, nigele ehebo yaiya Yaubada yana nuwatuwu iyahanapui yo eheha iveꞌitaei'.\nNa ita hesi Besinana yana nuwatuwu ainaena tanuwanuwatuwu.\nCopyright information for `KUD\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"<urn:uuid:8c49819b-8201-4bbd-a592-9d4b1d83318e>","dump":"CC-MAIN-2018-17","url":"https:\/\/www.stepbible.org\/?q=version=KUD%7Creference=1Cor.2","date":"2018-04-20T10:16:50Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937440.13\/warc\/CC-MAIN-20180420100911-20180420120911-00538.warc.gz","language":"kud","language_score":0.9985589385,"language_script":"Latn","minhash_cluster_size":5,"top_langs":"{\"kud_Latn_score\": 0.9985589385032654}","num_words":497,"character_repetition_ratio":0.077,"word_repetition_ratio":0.0,"special_characters_ratio":0.174,"stopwords_ratio":0.264,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"text":"Revelation of John 3\nSadisi yadi leta1 'Tausagenawasane tautapwalolowone Sadisi ainai iꞌitaꞌita avivinidine yana leta ulele Sadisiwone vehabadi, na uwalo,\n'Wasa teina ilaoma towahone ainaena, iya towahone Yaubada Aluꞌaluwana 7 yo hinage utui 7 ainai himiyamiya. Iya teina yana walomahalava alimiyai, iwalo:\n'Yami paihowa bada yahanapuidiꞌo, na wasamiu yabenalei ebeha mayawahimiu ammiyamiya, na hesi nigele, wuwuna aluꞌaluwamiu bada himwalowoiꞌo. 2 Ainaena enoꞌenowena amtowolo na hava habuluna alimiyai imiyamiya amꞌabiye mwalaꞌi, na havena maudoina imwalomwalowoi. Yahanapui yami paihowa yagu Yaubada mehenai tupwana nigele hiyadumwalu. 3 Na mwalona veꞌitanane hiveꞌitagomiuꞌo yo ambenalenaꞌo, howahowana amnuwatuwu avivini na amnuwabui, ta ammulita iliꞌilimani. Na ebe nigele enoꞌenowena amyatowolo, howola abo alimiyai yalaowa na aluwamiu yavegavai dova tauꞌaivavali, na nigele amyahanapui aiteya ahubena ainai yalaowa.\n4 'Na tupwamiu Sadisi ainai ami aleꞌo masemaseledi, howola abo omiu baidaguwao talau oviꞌovi maꞌada aleꞌo hewahewadi, wuwuna omiu ilowoinanegomiu. 5 Na ebe yaiyadiwo alimiyena Tomodulele amwahiyala gabaei omiu hinage ami aleꞌo hewahewana amliꞌwadi, na havena yehamiu yawahi bukina ainaena yahoꞌehoꞌe vehulu, na hesi ebeha yehamiu mata yawalo mahalavaedi Tamagu mayana tausagenawasao mehediyai, ebeha omiu yagu boda.\n6 'Eeta ebe alimiyena yaiya matalinana Aluꞌaluwa Veꞌahihi yana walo tauyemidiwo aidiyai ibenalei.\nPiladelipiya yadi leta7 'Tausagenawasane tautapwalolowone Piladelipiya ainai iꞌitaꞌita avivinidine yana leta ulele Piladelipiyaone vehabadi na uwalo,\n'Wasa teina ilaoma iya masemaselena na moihana ainaena, na hinage iya Deivida yana abahoꞌe nimanai iꞌabiꞌabi avivini, na ebe awaꞌeda ihoꞌe nigele teya howahowana na igudui, na hinage ebe igudui nigele teya howahowana ihoꞌe. 8 Iya teina yana walomahalava alimiyai iwalo:\n'Yami paihowao bada yahanapuidiꞌo, na hinage yahanahanapui yami wahiyala tupwana imiyamiya, wuwuna yagu veꞌitao ammulimulitaedi, na hinage yehagu nigele amyauvalaei. Eeta amwaha yahoꞌeyaꞌo mehemiyai na nigele teya howahowana na igudui. 9 Na moiha, hiya Tomodulele yana bodao hiꞌoyama hiwalo ebeha hiya Yudeya, na hesi nigele. Eeta howola abo yaloinaedi na hilaoma mehemiyai na hipwagogo na maudoidi hihanapui ebeha omiu yavelauwegomiu. 10 Na howola abo hauga vitai imahalava baleꞌuwai, na tomowa maudoidi itowoidi na omiu hesi mata vitaine ainai yaꞌita avivinigomiu wuwuna yagu walo ammulimulitaedi na vehabagu amꞌalamaꞌiꞌitaegomiu.\n11 'Muhamuhana abo yalaowa na hava dova alimiyai imiyamiya amꞌabi avivinidi na mata nigele yaiya maihane alimiyena iyavaivehulu. 12 Na ebe alimiyena teya Tomodulele iwahiyala gabaei, yaloina na ivelogidi Yaubada yana vada veꞌahihi vehabana, na mata nigele hinage iyalaugabaei, na alimiyai Yaubada yehana yalele, na hinage Yaubada yana dalava yehana yalele, neta Yelusalem vauvauna, howola abo galewaena iꞌaituluma yagu Yaubada ainaena. Na hinage alimiyai yehagu vauvauna yalele.\n13 'Eeta ebe alimiyena yaiya matalinana, Aluꞌaluwa Veꞌahihi yana walo tauyemidiwo aidiyai ibenalei.\nLaodisiya yadi leta14 'Tausagenawasane tautapwalolowone Laodisiya ainai iꞌitaꞌita avivinidine yana leta ulele Laodisiyaone vehabadi, na uwalo,\n'Wasa teina ilaoma Moiha ainaena iya tauwalo moiha, na hinage iya Yaubada yana paihowao wuwuna, iwalo mahalava alimiyai iwalo:\n15 Yami paihowao bada yahanapuidiꞌo ebeha nigele alaꞌala wowoli yo gwagwama. Nuwanuwagu ehebo tupwa ainai ammiyamiya. 16 Na hesi omiu bada ahiꞌahipuwai, nigele alaꞌala wowoli yo gwagwama yadi tupwai amyamiyamiya. Ainaena awaguwena mata yahowa vehulugomiu. 17 Na omiu amwalo, \"Yau wasawasa, na ginauli maudoina howahowagu\", na nigele amyahanapui ebeha omiu bada wewelohe, na atemuyamuyamiu, na hinage mehegibugibumiu na bugebugewamiu. 18 Ta ainaena yavenuwamwauwegomiu na aliguwena goula moiha amgimwala na ainaena amwasawasa, na hinage aleꞌo hewahewadi amgimwala na amliꞌwadi na havena mabugebugewamiu amlaulau, na hinage mulamula amgimwala na mehemiyai amhiwaidi na mehemiu himaseleuyo.\n19 'Na amnuwatuwu avivini ebeha yaiyadiwo omiu yavelauwegomiu, ta yahinahinabodaigomiu neta yaꞌabiye dumwalugomiu ta amwahiyala na amnuwabui. 20 Na amꞌita, yau yami awaꞌedai yatowotowolo na yaꞌaigohagoha. Na ebe yaiya owa alinagu ubenalei awaꞌeda uhoꞌe, mata yaluwuwa na owa na yau taveꞌauꞌaugelu, na owa baidagu taꞌai yaugogo. 21 Na ebe yaiyadiwo alimiyena Tomodulele amwahiyala gabaei, yatalam alimiyai na baidaguwao tamiya yagu abamiya wasawasa ainai, dova yau Tomodulele yawahiyala gabaeine, ta Tamagu yana abamiya wasawasa ainai baidagu amiyamiyane.\n22 'Eeta ebe alimiyena yaiya matalinana Aluꞌaluwa Veꞌahihi yana walo tauyemidiwo aidiyai ibenalei.'\nCopyright information for `KUD\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"<urn:uuid:27a11f58-0c89-4b8e-848e-d884e43f98f9>","dump":"CC-MAIN-2018-17","url":"https:\/\/www.stepbible.org\/?q=version=KUD%7Creference=Rev.3","date":"2018-04-27T01:10:16Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948738.65\/warc\/CC-MAIN-20180427002118-20180427022118-00103.warc.gz","language":"kud","language_score":0.9998708963,"language_script":"Latn","minhash_cluster_size":4,"top_langs":"{\"kud_Latn_score\": 0.9998708963394165}","num_words":770,"character_repetition_ratio":0.05,"word_repetition_ratio":0.012,"special_characters_ratio":0.172,"stopwords_ratio":0.264,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"text":"1 Thessalonians 31 Haugana Atenisi ainai amiyamiya aꞌateꞌatehawawali vehabamiu eeta yaloina yawalo, 'Timoti, ulau Tesalonaika na ataubwau teinai amiyamiya'. 2 Eeta tahidane Timoti avetamalenawa, wuwuna iya teya ama boda Yaubada yana paihowa Besinana wasana vehabana, tahidane avetamalenawa ta ebeha iꞌabiye wahiyalagomiu na Besinana ainai amyemidi moiha, 3 ta ebe havena yami muyamuya aidiyena amtapitapiya, wuwuna bada miya vitaiwone amhanapuidiꞌo ebeha maudoida talobalobaidi. 4 Mugai ai baidamiu tamiyamiya, bada awaloꞌo alimiyai mata miya vitaiwone alimiyai himahalava, eeta teina himahamahalavane.\n5 Neta vehabana yanuwanuwatuwu mwalaꞌina ta Timoti yavetamalenawa na yami yemidi iꞌita ta wasamiu ivaiyama aliguwai, wuwuna aꞌatehawawali Tomodulele ainai, mata dova ta abatowoi mwalaꞌina imohegomiu na amtapiya ta yama paihowa mwalona alimiyai iꞌabiye yababa.\n6 Ainaena Timoti ilaowa na wasamiu ivaiyama iwalo, 'Tesalonaika Besinana ainai hiyemidi moiha na velau wuwudi na hinage hauga maudoina yada tauboꞌe mugamugaina hinuwatuwu avivini mayadi yaliyaya, na nuwanuwadi ta hiꞌitauyoigita'. Ai hinage dova nuwanuwamai na aꞌitauyoigomiu. 7 Tahimaiyao, bwagana mayama muyamuya yo mayama miyavitai na hesi yami yemidi wasana bada abenalenaꞌo ta iꞌabiye yaliyayagaiꞌo. 8 Ainaena yami towolo wahiyala Bada vehabana ama lautowoi inamwanamwa. 9 Eeta yama awayauwedo Yaubada ainai nigele howahowana alaumwauwi, wuwuna Yaubada ainai yama yaliyaya vehabamiu imwalaꞌi alili. 10 Na boniyai yo ahubena aidiyai aꞌawaꞌawanoi wahiyala ebeha manimiu aꞌitauyoidi yo hinage viha ababeꞌu alimiyai himiyamiya aidiyena aꞌabiye wahiyalagomiu.\n11 Ainaena yagu nuwatuwu bwau teina: Mugai Tamada Yaubada yo yada Bada Yeisu yama amwaha hiloinaei na ainaena alaowa alimiyai. 12 Bwauna ebeha Bada yana velauwena iꞌoiye mwaugomiu na ambom amvelauyoigomiu, yo hinage vali tomowa amvelauwedi, dova ai avelavelauwegomiune. 13 Na ebe haugana yada Bada Yeisu maꞌana tauyemidiwo himahalavama omiu mayami wahiyala yo nuwamiu masemaseledi Tamada Yaubada mehenai amtowolo.\nCopyright information for `KUD\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"<urn:uuid:5670dbf8-ad38-4e0e-9f9f-1d1c64e31084>","dump":"CC-MAIN-2018-17","url":"https:\/\/www.stepbible.org\/?q=version=KUD%7Creference=1Th.3","date":"2018-04-22T20:21:09Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945648.77\/warc\/CC-MAIN-20180422193501-20180422213501-00489.warc.gz","language":"kud","language_score":0.9962543249,"language_script":"Latn","minhash_cluster_size":4,"top_langs":"{\"kud_Latn_score\": 0.9962543249130249}","num_words":423,"character_repetition_ratio":0.039,"word_repetition_ratio":0.0,"special_characters_ratio":0.177,"stopwords_ratio":0.187,"flagged_words_ratio":0.0,"lang_id_score":0.997,"perplexity_score":500.0,"cluster_detection":-1}
+{"text":"Revelation of John 2\nEpeso yadi leta1 'Tausagenawasane tautapwalolowone Epeso ainai iꞌitaꞌita avivinidine yana leta ulele Epesowone vehabadi, na uwalo,\n'Wasa teina ilaoma towahone ainaena iya utuiwone 7 nima tautuwanaena iꞌabi avivinidine, na masele abamwauwina goula 7 ahiꞌahipudiyai ilaulau. Iya teina yana walomahalava alimiyai, iwalo:\n2 'Yahanapuiyaꞌo, neta yami paihowa mwalaꞌina ainaena, yo yami alamaꞌiꞌita aidiyena, amwahiyalaꞌo, eena tauyababao nigele nuwamiu, eeta amtowoidi ta ebeha hiya tauyewasao na hesi hiya nigele, ta yadi oyamaꞌo amlobaidiꞌo. 3 Na hinage alamaꞌiꞌita amhanahanapui, ta paihowa vitaidi na mwalaꞌidi aidiyena nigele amyatapiya yehagu vehabana.\n4 'Na yau ehebo ginauli alimiyai yaꞌita nigele iyanamwanamwa, neta mwalona yami velau namwanamwana aliguwai na hesi bada amlau mwauyaꞌo. 5 Mwalona namwanamwamiu, na amnuwatuwu avivini yami miyamiyawa ainaena ambebeꞌune, eeta amnuwabui na ampaihowa namwanamwa, dova mwalona. Na ebe nigele amyanuwabui mata yalaowa na yami masele abamwauwina yavaivehulu alimiyena. 6 Na yahanapuigomiuꞌo ebeha ginauli namwanamwana alimiyai, neta Nikoleitani yana bodao yadi mumuga amtaꞌwataꞌwataei, yau dova.\n7 'Eeta ebe alimiyena yaiya matalinana ibenalei Aluꞌaluwa Veꞌahihi yana walo tauyemidiwone aidiyai. Na ebe alimiyena yaiya Tomodulele iwahiyala, gabae iya yawahi ana aiwa ainona yatalamwei iꞌai, aiwane itowotowolo Yaubada yana tanovi namwanamwana ainai.\nSimena yadi leta8 'Tausagenawasane tautapwalolo Simenawone ainai iꞌitaꞌita avivinidine yana leta ulele Simena vehabadi na uwalo,\nWasa teina ilaoma iya abavetuwuni yo abaꞌovi ainaena, iya imwalowoiꞌo na itowolouyo ta mayawahina imiyamiya. Iya teina ibom yana walomahalava alimiyai iwalo:\n9 'Bada yahanapuiyaꞌo amveꞌatemuyamuya, neta omiu wewelohe, na hesi moiha omiu wasawasa. Na hinage yahanapuiyaꞌo ebeha tupwadi hiꞌawaꞌawa yababaegomiu na hinage hiwalo, \"Ai Yudeya\", na nigele. Na hesi hiya Tomodulele yana bodao. 10 Na havena ammehemeheuhi ebe ginauli teya ainai muya amlobai. Amnuwatuwu avivini mata howola Tomodulele abo itowoigomiu na tupwamiu hipaigomiu na vada paipaiyai himwauwigomiu, na hesi ami vitaine ahubena 10 aꞌava vehabana. Na amtowolo wahiyala ana higa mwalowoi, ta ebe yawahimiu vateyai yamohegomiu.\n11 'Eeta ebe alimiyena yaiya matalinana Aluꞌaluwa Veꞌahihi yana walo tauyemidiwo aidiyai ibenalei, na hinage yaiyadiwo alimiyena Tomodulele amwahiyala gabaei, mata nigele mwalowoi bwauna iyaꞌabiye yababagomiu.\nPegamosi yadi leta12 'Tausagenawasane tautapwalolowone Pegamosi ainai iꞌitaꞌita avivinidine yana leta ulele Pegamosiwone vehabadi, na uwalo,\n'Wasa teina ilaoma iya mayana elepa aleꞌaleha, mehemehegaina tupwa bwaubwauna ainaena. Iya teina yana walomahalava alimiyai, iwalo:\n13 Bada yahanapuiyaꞌo tupwanane ainai ammiyamiyane neta Tomodulele yana abamiya wasawasana. Na hesi amyemidiyegau, wuwuna nigele amyauvalaegau. Na Tomodulele yana tupwane ainai mwalona ehebo agu tauwalo moiha hiꞌoiye mwalowoiyaꞌo, yehana Anitipasa, na hesi amꞌabi avivinigau mwalaꞌina.\n14 'Mumugamiu tupwana vehabana nigele yayayaliyaya, wuwuna tupwamiu Balam yana veꞌitao ammulimulitaedi. Na yana veꞌitaone mwalona Belaki imulitaedi, na Isileli mumuga yababana iveꞌitadi, neta aiwa tagitagi aiꞌai himomoheiwa, ta hiꞌaiꞌai, yo hinage himehemeheganawali. 15 Na hesi ehebo ginauli nigele namwanamwana, neta tupwamiu Nikoleitani yana bodao yadi veꞌita ammulimulitaedi. 16 Ainaena teina taꞌi mumuga yababana aidiyena amnuwabui. Na ebe nigele, hauga habuluna ainai yalaowa na yaꞌalehaigomiu, elepa aleꞌalehaena awaguwena imahamahalava ainaena.\n17 'Eeta ebe alimiyena yaiya matalinana, Aluꞌaluwa Veꞌahihi yana walo tauyemidiwo aidiyai ibenalei. Na ebe yaiyadiwo Tomodulele amwahiyala gabaei, aiꞌai dawadawanina yamohegomiu. Na hinage ehebo ehebo ainai yaꞌaiyauya gaima hewahewadi, na gaimadine aidiyai yehamiu vauvaudi leleleledi, neta nigele teya howahowana ihanapuidi, bada hibom tauvainane hihanapuidi.\nTayataila yadi leta18 'Tausagenawasane tautapwalolowone Tayataila ainai iꞌitaꞌita avivinidine yana leta ulele Tayatailawone vehabadi, na uwalo,\n'Wasa teina ilaoma Yaubada Natuna ainaena, iya mehena adi ita dova aiwa hawahawawalina, na hinage aena namanamalidi dova pwawati vauvauna higabu. 19 Iya teina yana walomahalava alimiyai, iwalo:\n'Yami paihowao bada yahanapuidiꞌo, yami velau yo yami yemidi yo yami paihowa yo yami alamaꞌiꞌita, na yahanapuigomiuꞌo teina hauga yami paihowao hinamwanamwa alili, na mwalona tupwana.\n20 'Na hesi teina ainai ehebo ginauli vehabana nigele yayayaliyaya, wuwuna Yesibeli ainai amtalamwegomiu, ibom waihiune iwawalone ebeha iya ehebo Yaubada ana tauwalo mahalava, na nigele. Hesi waihiune yagu taupaihowaone iveꞌita pwanolidi ta higanaganawali yo hinage aiwa tagitagi aidiyena iniuniulidi, ta ana himohemohei na tupwana hiꞌaiꞌaidi. 21 Na bada waihiunane yana hauga yamohenaꞌo na ebeha yana meheganawali aidiyena inuwabui, na hesi nigele nuwana na yana pwanoline itaꞌwataꞌwataei. 22 Eeta asiyebwa mata yamohei na ebe yaiyadiwo hiya baidanao hipwanoli muya mwalaꞌina hilobai, ebe yadi paihowa yababana aidiyena nigele hiyanuwabui. 23 Na hinage natunao mata yaꞌoiye mwalowoidi, na ainaena tauyemidiwo maudoidi hihanapuigau ebeha yau tomowa maudoidi yadi nuwanuwatuwu atediyai maudoina yahanahanapuidi, na hinage maudoina alimiyai yayemaiha hava dova yami paihowao, namwanamwadi bo yababadi. 24 Na hesi omiu Tayatailawone maudoimiu, vitai teina yababanane nigele amyamulitaedi, yo Tomodulele yana nuwatuwu honihoni nigele amyahanapui, mata nigele avaꞌavala vitavitaina yayamohegomiu. 25 Na hesi mayami yemidi amtowolo wahiyala ana higa yawuyoma.\n26 'Hinage ebe yaiyadiwo omiu Tomodulele amwahiyala gabaei, na yagu paihowaone besiwa ampaipaihowaidi ana higa yana abaꞌovi ainai, loina yamohegomiu na tupwa maudoidi amloinaedi, dova Tamagu loina imohegauꞌo. Na yami loinane wahiwahiyalana ainaena amloina tomowa aidiyai, dova pwawati ainaena walata taꞌoiwowoli yehaꞌahaꞌa. 28 Na hinage utui sailohana mata yamohegomiu.\n29 'Eeta ebe alimiyena yaiya matalinana, Aluꞌaluwa Veꞌahihi yana walo tauyemidiwo aidiyai ibenalei.\nCopyright information for `KUD\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"<urn:uuid:e02ffd2f-1ae4-4d5c-8d1b-3f639d7f1b76>","dump":"CC-MAIN-2018-17","url":"https:\/\/www.stepbible.org\/?q=version=KUD%7Creference=Rev.2","date":"2018-04-21T04:07:20Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125944982.32\/warc\/CC-MAIN-20180421032230-20180421052230-00102.warc.gz","language":"kud","language_score":0.9998787642,"language_script":"Latn","minhash_cluster_size":4,"top_langs":"{\"kud_Latn_score\": 0.9998787641525269}","num_words":933,"character_repetition_ratio":0.053,"word_repetition_ratio":0.014,"special_characters_ratio":0.17,"stopwords_ratio":0.268,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"text":"1 Thessalonians 4\nYaubada nuwanuwana mumuga namwanamwana1 Tahimaiyao, teina ginauli yana abaꞌovi, mwalona mumuga aveꞌitagomiu ebeha Yaubada amꞌabiye yaliyaya ta teina haugadine bada ammulitaediꞌo eeta havena amlaulaumwau na ebeha Bada Yeisu vehabana ampaihowa hamahamadudu. 2 Yada Bada Yeisu yana loina yamohegomiuꞌo ta amhanapuidiꞌo. 3 Yaubada nuwanuwana yami miya masemaselena na havena ammehemeheganawali, 4 na ehebo ehebo amtawahola mumuga namwanamwana na dumwaluna ainaena. 5 Havena nuwatuwu dawani dova hiya ganamuli Yaubada nigele hiyahanapui.\n6 Hinage havena vali tomowa mwanediyao amhalohaloidi mata dova Bada yana modiꞌini amlobai. Ginaulidine bada mwalona vehabadi avenuwamwauwegomiuꞌo. 7 Wuwuna Yaubada ivesinuwaegita nigele mumuga biꞌibiꞌidi vehabana, na hesi mumuga masemaseledi vehabana. 8 Ainaena ebe yaiya loina ihoꞌe nigele ebeha tomowa yadi loina na hesi Yaubada yana loina ihoꞌehoꞌe wuwuna Aluꞌaluwa Veꞌahihi iya nuwatuwu ana tauꞌabiye masele ta teina Yaubada yana aiyauya alidai.\n9 Tahidao adi velau vehabana, mata nigele ayalelediwa, wuwuna Yaubada bada iveꞌitagomiuꞌo eeta ambom bada amvelauyoigomiuꞌo. 10 Dova hinage tahidao Masedoniya holanai bada amvelauwediꞌo. Eeta awalo huluhuluigomiu ta yami velauwone aidiyai imwalaꞌi. 11 Na hinage amtowoi ta ammiya daumwali na ambom yami paihowa ampaipaihowaidi, na havena tomowa yadi paihowa amvetavetalapiliyedi dova mwalona bada yawaloꞌo alimiyai. 12 Teina ainaena mata hiya nigele Besinana ana tauyemidiwo hiveꞌahihiyegomiu eeta yami miya vehabana havena vali tomowa aidiyai amduiduivahali.\nBada yana laugwaipilema vehabana13 Tahimaiyao, havena amnuwanuwapwanopwano taumwalomwalowoi vehabadi na ebe teya ada gelu imwalowoi, havena amnuwanuwayababa dova hiya nigele yadi yemidi towolouyo ainai. 14 Na ita Yeisu tayemidiyei ebeha mwalowoiyena itowolouyo na hinage tayemidiyei ebeha ada geluwo bada himwalowoiꞌo, Yaubada abo ilauvaidi Yeisu baidanao.\n15 Teina yada Bada yana walo awalowaloweine alimiyai ebeha haugana iwuyoma hiya taumwalowoi Besinana hilobai mugaiyei na ita mayawahida mulitai. 16 Wuwuna Bada alinana mwalaꞌina howola imahalava, na tausagenawasao adi taumugai hinage iyoga yo hinage yoguli hiyuvi mwalaꞌina na Badawa galewaena iꞌaituluma na taumwalowoiwo mwalona Besinana ana tauyemidiwo hitowolo mugai, 17 na hinage ita howola mayawahida hiya baidadao tahae galewai na yada Bada baidada tavelaulobaloba yaloyalovi ainai na iya baidada tamiya vateyai. 18 Eeta teina wasane ainaena amꞌabiye wahiyalagomiu yo amyaliyaya.\nCopyright information for `KUD\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"<urn:uuid:7b3b82b1-0de0-4675-bbe7-80af8e320cf2>","dump":"CC-MAIN-2018-17","url":"https:\/\/www.stepbible.org\/?q=version=KUD%7Creference=1Th.4","date":"2018-04-27T06:39:54Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125949489.63\/warc\/CC-MAIN-20180427060505-20180427080505-00490.warc.gz","language":"kud","language_score":0.9982741475,"language_script":"Latn","minhash_cluster_size":4,"top_langs":"{\"kud_Latn_score\": 0.9982741475105286}","num_words":479,"character_repetition_ratio":0.035,"word_repetition_ratio":0.0,"special_characters_ratio":0.172,"stopwords_ratio":0.24,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"text":"2 Corinthians 12\nYaubada enoꞌitaꞌita Paulo imomoheine1 Nuwahaehae nigele teya hava ana namwanamwa na nigele howahowagu ta awagu yagudui eeta mata yanuwahaehae. Hesi teina haugane enoꞌitaꞌita yo abiye mahalava Bada imomohegauwa mata yaꞌaubabadaedi. 2 Bolimai 14 bada hiꞌoviꞌo ainai tauyemidi ▼ yahanahanapui Yaubada iꞌabihini ta ihahaene galewa haehae aliꞌalilina ainai. Teina ivetuwuni neta matauna ilalaune bo aluꞌaluwa aꞌavana ilalaune nigele yayahanapui, na Yaubada ihanapuiyaꞌo. 3 Yahanapuiyaꞌo neta Yaubada teina tomowane iꞌabihiniyaꞌo ta ihahaeyeine yana abamiya wasawasana ainai. Teina ivetuwuni neta matauna ilalaune bo aluꞌaluwa aꞌavana ilalaune nigele yayahanapui. Yaubada ihanapuiyaꞌo. Na tenem ainai hava ibebenaledine nigele howahowana taꞌaubabadaedi yo nigele iyalowoinanei tomowa awadiyena hiwalowei. 5 Eeta teina vehabana mata yanuwahaehaeyei na yau vehabagu mata nigele yayanuwahaehaeyowegau. Hesi ginauli hava yagu tapitapiya hiꞌabiye mahalavadi mata yanuwahaehaeyedi. 6 Ebe nuwanuwagu yanuwahaehae mata yau nigele buwa wuwuna yawalowalo moiha. Eeta mata nigele yayanuwahaehae wuwuna nigele nuwanuwagu ebeha tomowa hiꞌabihinigau, na hava aliguwai hiꞌiꞌitadine yo hibebenaledine neta aidiyena hiꞌita lobaigau.\n7 Teina abiye mahalavaone Yaubada imomohegaune neta moiha imwalaꞌi alili na Yaubada nigele nuwanuwana ebeha yanuwahaehae. Eeta vitai italamwei aliguwai dova haihaili womawomalina taugu iwomawomali. Na teina neta Tomodulele yana taupaihowa italaigau na iꞌabiye laumwauwigau ta mata nigele yanuwahaehae diꞌwa.\n8 Teina vehabana na mai tonuga Bada ainai yaꞌawanoi ebeha haihaili womawomalina ivai vehulu. 9 Na hesi aliguwai iwalo, 'Havena, yagu veꞌiꞌila owa howahowam wuwuna yam tapiya haugana neta yau yagu alaꞌalawowoli yana hauga wahiyala'. Ainaena na yayaliyaya alili yagu tapitapiya yagagasaedi neta mata Besinana alaꞌalawowoli aliguwai imwauwi. 10 Besinana vehabana na vetapitapiya yo walo hinahinali yo silahe yo taumuya yo vitai hauga maudoina aidiyena yanamwanamwa. Wuwuna yagu tapiya haugana neta abo yawahiyala moiha.\nPaulo inuwanuwatuwu Kolinita vehabadi.11 Yagu walo dova yauyaule na hesi omiu ampaihowaigau eeta teina dova yaꞌauꞌaubabadane. Bada ebe amꞌawa namwanamwaegau, na hesi nigele. Teina tomowaone hiyogauyowedi tauyewasao gamwagamwanimiyai, na hesi nigele hiyanamwanamwa diꞌwaigau, bwagana yau ginauli awaꞌawawa. 12 Gamwagamwamiyai yaꞌalamꞌiꞌita iliꞌilimani na veꞌiveꞌilala yo vedevedede yo paihowa wahiwahiyaladi bagibagilidi aidiyena yaꞌabiye mahalavauyowegau neta yau tauyewasa moihagu. 13 Yagu mumuga gamwagamwanimiyai neta dova hinage yagu mumugane vali tauyemidiwo boda maudoidi aidiyai, na hesi haugana yaꞌahubali ginauli aidiyena nigele teya yayaꞌabiye vitai. Yauwedo na teina paihowa pwanone vehabana amnuwahamuigau.\n14 Teina yagu hauga tonugana yaꞌatububuni ebeha yalaowa ta yatauboꞌeyegomiu na mata nigele yaꞌabiye vitaigomiu. Nigele yami tobwatobwa yayavenuwa wuwuna yau dova tamamiu. Eeta hedaheda nigele yadi paihowa ebeha hinadiyao yo tamadiyao adi haguhagu vehabana hiꞌatububuni. Na hesi hina yo tama hiya yadi paihowa natudiyao adi haguhagu hiꞌatububuni vehabadi. 15 Yagu abayaliyaya neta ami haguhagu vehabana yagu tobwatobwa maudoidi yatalamwedi yo hinage yatalamweuyogau vehabamiu. Neta yagu velau ana mwalaꞌi imiya mahalava. Na vedova omiu yami velau mata ihabulu?\n16 Na tupwamiu amꞌauꞌaubabada amwalo, 'Paulo yama tobwatobwa nigele iyatanotanoidi na yana hanapuwena iꞌoyaꞌoyamaegai'. 17 Tomowaowa yavetamalediwaowa alimiyai, vedova teya aidiyena yaꞌoyamaegomiu na yami tobwatobwa yatanoidi? Nigele! Amhanapuiyaꞌo neta nigele yayapaihowa. 18 Taito yaꞌawanoi hamahamadudui ebeha ilaowa alimiyai. Na tahida teya yavetamalei ta iya baidana hilalaowane. Vedova yami tobwatobwa itanoidi? Nigele. Iya na yau yama mumuga eheꞌehebodine.\n19 Teina leta amvahivahiline nuwana amnuwanuwatuwu ebeha mehemiyai aꞌauꞌaubabadane ama veꞌewa ana abiyedumwalu vehabana, nigele. Na hesi ai Besinana yana taupaihowao ta amiyamiya na aꞌauꞌaubabada Yaubada mehenai ta ebe aꞌabiye wahiwahiyalagomiu. 20 Na yagu meheuhine neta nuwana ebe yamahalavawa ta mata yaꞌitagomiu nigele dova yagu nuwanuwatuwu vehabamiu. Na yami mumugao mata nigele hiyaꞌabiye yaliyayagau, na hava yapaipaihowai mata nigele hiyaꞌabiye yaliyayagomiu. Na yagu meheuhine neta nuwana mata manini yo alomagigili yo modiꞌini yo aiduma yo awayabayababa yo vetalapili yo nuwahaehae yo talina tui yalobaidi. 21 Hinage yagu meheuhine neta nuwana mata yagu laugwaipileuyowa ainai Yaubada iꞌabiye nuwadobiyegau mehemiyai. Na tomowa bodadi mwalona yababa hipaihowaidi ta nigele hiyanuwabui aidiyai mata yadou vehabadi. Hiya nuwatuwu biꞌidi mumugadi hipaipaihowaidi yo meheganawali yo paihowa biꞌibiꞌidi hipaipaihowaidi mata vehabadi yadou.\nCopyright information for `KUD\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"<urn:uuid:99cc6421-623b-4f29-bb7f-c591a6f8997b>","dump":"CC-MAIN-2018-17","url":"https:\/\/www.stepbible.org\/?q=version=KUD%7Creference=2Cor.12","date":"2018-04-26T19:29:27Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948464.28\/warc\/CC-MAIN-20180426183626-20180426203626-00378.warc.gz","language":"kud","language_score":0.9996669292,"language_script":"Latn","minhash_cluster_size":4,"top_langs":"{\"kud_Latn_score\": 0.9996669292449951}","num_words":758,"character_repetition_ratio":0.051,"word_repetition_ratio":0.008,"special_characters_ratio":0.162,"stopwords_ratio":0.249,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"text":"Matthew 10\nYeisu ana tauyewasao yehadi1 Yeisu ana taumulitao hitau 12 iyogaedi na loina yo wahiyala imohedi ta ebe howahowadi aluꞌaluwa yababadi tomowa aidiyena hivai vehuludi yo lovala na tapiya tomowa aidiyena hiꞌabiye namwanamwadi. 2 Yeisu ana tauyewasao hiya yehadi tauwalo mahalava: Mugai Saimoni, iya iyogaei Pita, na tahina Andulu, yo Yemesa na tahina Yoni, hiya tamadi Sebedi, 3 yo Pilipi yo Batolomiu yo Tomasi yo Madiu, iya takesi ana tauvai, na hinage vali Yemesa iya Alipiyosi natuna, yo Tadiusa, 4 na hinage vali Saimoni, iya tauhamadudu mwalaꞌina Isileli yana miyawahi Loma yana abaloina ainaena vehabana, yo Yudasa Isakaliyota, iya howola abo Yeisu ihuhulaei.\nYeisu ana tauyewasao yadi paihowa5 Yeisu hitau 12 iloinaedi na ivetamaledi, iwalo, 'Havena amlaulau nigele Yudeyaone aidiyai, na hinage havena Sameliya dalavanao aidiyai amluwuluwu, 6 na hesi sipi sawasawalidi aidiyai amlau, hiya neta yada bodao Isileliwone, 7 na aidiyai amwalo mahalava ebeha Yaubada yana loina bada ilaomaꞌo. 8 Taulovalao amꞌabiye yawahaidi yo taumwalowoiwo amꞌabiye towolodi yo taulepelowo amꞌabiye namwanamwadi, na hinage viꞌaviꞌa tomowa aidiyena amgabae mahalavaedi. Yaubada yana wahiyala bada imohegomiuꞌo, ainaena omiu hinage ilowoinanegomiu yo amvelau tomowa aidiyai.\n9 'Na yami taꞌiꞌiline ainai havena teya mane yami pehai amdoꞌodoꞌoi tamahina vehabana. 10 Havena hinage peha amvaivai. Havena hinage ami aleꞌo bwauna amvaivaidi, nuwana aemiu ana huma bwauna, nuwana yami digona bwauna amvaivaidi, wuwuna paihowa aiꞌaina howahowana amlobai.\n11 'Na ebe dalava mwalaꞌina bo iuꞌiuna ainai amluwu, ambeha mugai yaiya mumugana namwanamwana, na ainai amvetaumana ana higa dalavanane amlauvehulu. 12 Haugana amluwu vada teya ainai mugai amwalo velau tomowanane ainai na amwalo, \"Yaubada yana nuwadaumwali baidam ammiyamiya\", na abo amluwu. 13 Na ebe wuwunidiyaone yami walovelau ilauwoinanedi, yami velau imiyamiya, na ebe nigele iyalauwoinanedi, yami walovelau iwuyouyowa alimiyai.\n14 'Na ebe nigele teya yaiya iyalauvaigomiu yana vadai, bo yami walo nigele iyabenaledi, dalavanane ainaena ammahalava na aemiu gawalanane amꞌoiye hoyeholu dalavanane ainai, neta abaꞌita dalavane taniwagadiyaone aidiyai, eena mulitai abo dalavanane amlauvehulu. 15 Yawalo moiha, howola abo Yaubada yana lauvetala ana hauga ainai hiya dalavaowa hitaꞌwataꞌwataegomiuwa muya mwalaꞌi aliꞌalilina hilobai, na Sodomaowa yo Gomolaowa yadi muya mata iꞌiuꞌiu.\nMuya mehedai vehabana16 'Amnuwatuwu avivini ebeha yau yavetamalegomiu dova omiu sipi manamanahamiu amlalau edewa manimaninidi ahiꞌahipudiyai, ainaena howahowana amnuwatuwu hanapu weso dova, na hesi ammumuga hegoya dova gabubu.\n17 'Eeta amꞌita avivinigomiu, wuwuna howola abo tomowa hilawegomiu lauvetala vehabana yo hinage vada tapwalolo aidiyai howola abo hiꞌaitutuwegomiu, 18 yo hilauvaigomiu na hilawegomiu tauloina yo tauwasawasa mehediyai na hiveꞌewaigomiu wuwuna omiu ebeha yagu bodao, na wasagu aidiyai amꞌauꞌaubabadaedi, yo hinage taumiya ganamuli yami walomahalava hibenalei.\n19 'Na ebe mehediyai hivetowologomiu havena amꞌateꞌatehawawali ebeha vedova mata amwalone, wuwuna howola abo hauganane ainai Yaubada yami aubabada imohegomiu, 20 na nigele ebeha omiu amꞌauꞌaubabadane na hesi Tamamiu Aluꞌaluwana alimiyena iꞌaꞌaubabadane.\n21 'Na hinage hauga hilalaoma aidiyai tomowa yadi huhu holanai aleha himahalava vehabagu, neta towaho tahina ihuhulaei yo hiyemwalowoi. Hinage dova tama natuna ihuhulaei yo hiyemwalowoi. Hinage hedaheda hinadiyao yo tamadiyao hiꞌalehaedi na hiyemwalowoidi. 22 Mata tomowa maudoidi hiveꞌalehaegomiu wuwuna omiu ebeha agu tauyemidiwo. Na ebe yaiyadiwo hiꞌalamaꞌiꞌita na hitowolo wahiyala ana higa hauga yana abaꞌovi ainai, yaliyaya miyamiya vateyaina hilobai.\n23 'Na ebe ehebo tupwa ainai hitalatalaigomiu amdena vali dalava ainai. Yawalo moiha mata nigele dalava maudoina Isileli holanai amyapaihowa veꞌovi na yau Tomowa Moihagu yalaoma.\n24 'Taumulita nigele howahowana na yana tauveꞌita imwalaꞌi gabaei. Dova hinage taupaihowa nigele howahowana na yana taubada iloinaei. 25 Na hesi inamwanamwa ebe omiu agu taumulitao baidaguwao tatoyatoyawa. Na yau bada yehagu himwauyaꞌo Tomodulele, omiu yagu bodaone howola abo hiꞌawa yababaegomiu moiha.\nMeheuhi vehabana26 'Na havena tomowa ammehemeheuhedi, wuwuna ginauliwone dawadawanidi howola abo Yaubada iꞌabiye mahalavadi na himasele. 27 Na hava guguyou ainai yaꞌauꞌaubabadaeine alimiyai ahubenai amwalo mahalavaedi tomowa maudoidi aidiyai na hava yawalo himhimwedi alimiyai amwalo mahalavaedi yami vatavata ewadiyena.\n28 'Na hiya taumiu hiꞌoiꞌoiye mwalowoidi havena ammehemeheuhedi wuwuna hiya taumiu howahowana hiꞌoiye mwalowoi na hesi aluꞌaluwamiu nigele howahowadi. Hesi Yaubada ammeheuhei, wuwuna ibom howahowana dalava alaꞌalahina ainai taumiu na aluꞌaluwamiu iveyababa bwauwedi.\n29 'Abaꞌita teina, ebe mesimesisiꞌwa bwau tagimwalaidi adi maiha neta toea ehebo, na hesi Yaubada iꞌitaꞌita avivinidi, na ebe ehebo imwalowoi neta Tamamiu yana nuwatuwu ainaena. 30 Na omiu hinage nigele howahowana na vahu amvahili ehebo uluꞌulu ainai, Yaubada adi bagibagili ihanahanapuidi. 31 Eeta havena am mehemeheuhi, wuwuna omiu am hae alili, na abo mesimesisiꞌwa maudoidi.\n32 'Ebe yaiyadiwo hiwalo mahalava vehabagu tomowa mehediyai, howola abo galewai yau hinage vehabadi yawalo mahalava Tamagu mehenai. 33 Na ebe yaiyadiwo hiuvalaegau tomowa mehediyai, yau hinage howola abo galewai Tamagu mehenai yauvalaedi.\nNigele veꞌauꞌaugelu Yeisu iyalawenama na aleha hinage34 'Havena amnuwanuwatuwu ebeha nuwadaumwali yalawenama baleꞌuwai. Nigele, na aleha hinage. 35 Yagu laoma ainai towaho tamana mata iveꞌalehaei, na hinage waihiu hinana iveꞌalehaei, na hinage waihiu lawana ivaꞌalehaei, 36 na towaho yana huhu hiveꞌalehaei.\n37 'Na ebe yaiya tamana yo hinana ivelauwedi mwalaꞌina na yau iuꞌiuna, iya nigele howahowana na imulitaegau. Na ebe yaiya natuna towahona bo waihiuna ivelauwei mwalaꞌina na yau iuꞌiuna, iya nigele howahowana na imulitaegau. 38 Na ebe yaiya yawahina nigele iyatalamwei na imwalowoi aiwa lagalagana ainai, dova yau, iya nigele howahowana na imulitaegau. 39 Na ebe yaiya iya yawahina vehabana ipaipaihowa, howola abo ivesawali. Na ebe yaiya yawahina ivesawali vehabagu, howola abo yawahina namwanamwana ilobai.\nMaiha vehabana40 'Na omiu ebe yaiya ilauvaigomiu, yau na agu tauvetamalene hinage ilauvaigai. 41 Na ebe owa tauwalo mahalava ulauvai yana walomahalava vehabana, howola abo walomahalava ana maiha ulobai. Na ebe owa towaho namwanamwana ulauvai mumugana namwanamwa vehabana, howola abo towaho namwanamwana ana maiha ulobai. 42 Na ebe yaiya tauyemidi vauvauna bwahi gwagwama imohei wuwuna iya agu taumulita yawalo auligo howola abo ana maiha namwanamwana ulobai.'\nCopyright information for `KUD\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"<urn:uuid:f03b80a4-7423-4bd0-806f-024d6c414f6a>","dump":"CC-MAIN-2018-17","url":"https:\/\/www.stepbible.org\/?q=version=KUD%7Creference=Mat.10","date":"2018-04-21T00:20:10Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125944848.33\/warc\/CC-MAIN-20180420233255-20180421013255-00526.warc.gz","language":"kud","language_score":0.999972105,"language_script":"Latn","minhash_cluster_size":5,"top_langs":"{\"kud_Latn_score\": 0.9999721050262451}","num_words":1044,"character_repetition_ratio":0.058,"word_repetition_ratio":0.006,"special_characters_ratio":0.176,"stopwords_ratio":0.257,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"text":"1 Thessalonians 1\nAwayauwedo1 Yau Paulo na Sailasa yo Timoti baidaguwao teina yami leta aleleyawa omiu Yaubada yana bodao Tesalonaika ainai. Omiu Tamada Yaubada yo yada Bada Yeisu Besinana adi tauyemidiwo yadi veꞌiꞌilaena ammiya daumwali.\nTesalonaika himumuga namwanamwa2 Hauga maudoina aꞌawa yauwedo Yaubada ainai, mumugamiu namwanamwana vehabana, yo hinage hauga maudoina Tamada Yaubada ainai aꞌawaꞌawanoi vehabamiu. 3 Wuwuna yami yemidiyena ampaihowa iliꞌilimani, yo hinage yami paihowao velauwena mayami alamaꞌiꞌita yo mayami yemidi yada Bada Yeisu Besinana ainai yo Yaubada Tamada mehenai.\n4 Tahimaiyao, Yaubada bada ivelauwegomiuꞌo yo ivesinuwanegomiuꞌo. 5 Eeta haugana wasa namwanamwana amohegomiu, nigele ebeha walo aꞌava, na hesi Aluꞌaluwa Veꞌahihi walone iꞌabiye wahiyala alimiyai, ta ebe walonane amꞌawa moihaei. Na hinage yama paihowa vehabamiu amꞌiꞌitane neta paihowa dumwaluna. 6 Eeta bada amveꞌaoꞌaonegai yo hinage yada Bada amveꞌaoꞌaonaenaꞌo. Ammiya vitaiꞌo na hesi wasanane amvaiyaꞌo mayami yaliyaya na yaliyayanane Aluꞌaluwa Veꞌahihi ainaena ilalaomane. 7 Ta omiu abaꞌita namwanamwana Besinana ana tauyemidiwo tupwa Masedoniya, yo Gilisi aidiyai. 8 Moiha yada Bada wasanane bada alimiyena idabalalaꞌo Masedoniya, yo Gilisi aidiyai na hinage omiu yami yemidi Yaubada ainai wasana bada idabalalaꞌo tupwa maudoidi aidiyai; ainaena ebe tupwa yehana ainai alalau nigele howahowana vehabamiu aꞌaubabada, 9 wuwuna hiya alimaiyai hiꞌauꞌaubabada yami talam mwalona ai alimaiyai vehabana, ebeha yami abayemidi miyamiyadi amtaꞌwataꞌwataediꞌo ta Yaubada ainai amtalamwegomiuꞌo, wuwuna ibom Yaubada moiha na mayawahina, eeta iya vehabana ampaipaihowa. 10 Na Natuna amhaꞌwahaꞌwai aiteya hauga iꞌaituluma galewaena. Wuwuna Yeisu itowolouyoꞌo mwalowoiyena na howola mata ilaoma na Yaubada yana modiꞌini ainaena ihaloigita.\nCopyright information for `KUD\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"<urn:uuid:84925b0f-febf-4fa7-b22c-39f525aa3651>","dump":"CC-MAIN-2018-17","url":"https:\/\/www.stepbible.org\/?q=version=KUD%7Creference=1Th.1","date":"2018-04-26T19:22:06Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948464.28\/warc\/CC-MAIN-20180426183626-20180426203626-00487.warc.gz","language":"kud","language_score":0.9951791167,"language_script":"Latn","minhash_cluster_size":4,"top_langs":"{\"kud_Latn_score\": 0.9951791167259216}","num_words":396,"character_repetition_ratio":0.048,"word_repetition_ratio":0.0,"special_characters_ratio":0.175,"stopwords_ratio":0.202,"flagged_words_ratio":0.0,"lang_id_score":0.996,"perplexity_score":500.0,"cluster_detection":-1}
+{"text":"2 Corinthians 3\nWaloyemidi vauvauna ana taupaihowa1 Teina walone ana dagugu dova yaꞌawa namwanamwauyowegau, bo? Yau nigele dova yavetaumanaegomiu ta nuwanuwamiu abiye masele letana tomowa aidiyena ilaowa alimiyai ebeha yau yaiya dova tomowa tupwadi. Na nigele ebeha omiu alimiyena amꞌabiye mahalavaegai tomowa aidiyai. 2 Mwalona ilaoma ta wau yagu abiyemasele letana neta omiu. Atemiyai yalelediꞌo ta tomowa bagibagilidi hivahili ta hihanapuiyaꞌo. 3 Na imiya mahalava iliꞌilimani neta Besinana iya teina lelene ilelelene yau aliguwena. Iya nigele abalaulele weꞌaweꞌahana ainaena iyalaulele na hesi Yaubada Mayawahina Aluꞌaluwana Veꞌaveꞌahihina ainaena. Na hinage nigele abalaulele gaima tabatabana dova Mosese yana loina na abalaulelene tomowa atemiyai.\n4 Teina walone awalowei wuwuna Besinana ainaena na aꞌatepatu Yaubada mehenai. 5 Nigele teya hava alimaiyai iyamiyamiya ta ebeha awalowegai neta howahowamai ta mata teina paihowane apaihowai. Alaꞌalawowoli alimaiyai imiyamiya neta Yaubada ainaena ilaolaoma. 6 Iya iꞌabiye alaꞌalawowoligai ta waloyemidi vauvauna awalo mahalavaei. Teina waloyemidi vauvaunane neta nigele loina lelelelena ainaena, na hesi Aluꞌaluwa Veꞌahihi ainaena. Wuwuna loina lelelelena neta tomowa iꞌoiꞌoiye mwalowoidi na Aluꞌaluwa Veꞌahihi tomowa yawahi imohemohedi.\n7 Loinane neta abalaulele gaimana Yaubada ainai ilele ta haugana Mosese ivavaiwa neta Yaubada yana wasawasa namanamalina iꞌabiye mahalava. Moiha Mosese manina maselena mata isawali ta ilau na hesi maninane maselenane imeheꞌaiꞌai moiha ta nigele howahowana na Isileliwone manina hivinunui. Loina ana paihowa alonai tomowa himwalomwalowoi na hinage yana hauga laoma manamanamalina. 8 Na hesi Aluꞌaluwa Veꞌahihi yana laoma namanamalina idiꞌwa alili yana paihowa alonai. 9 Na loina mumugana iya yababa veꞌewana ivaivaiyama neta manamanamalina ilalaomane. Ainaena na Aluꞌaluwa Veꞌahihi iya awadumwalu ilawelawenama neta mata namalina idiꞌwa alili. 10 Na wau namanamalina mugamugaina ana ita dova nigele iyamasele iliꞌilimani wuwuna mulimulitana namalina imwalaꞌi alili. 11 Waloyemidi miyamiyana isawali na hesi mayana namanamalina ilalaomane eeta tahanapui ebeha mata waloyemidi miyamiya vateyaina namanamalina idiꞌwa alili.\n12 Ita yada nuwatuwu hae ana ita teina dova neta vehabana aꞌatepatu moiha. 13 Ita nigele dova Mosese. Iya aleꞌowena manina ilauꞌauꞌauhi haugana yana namanamalina ihabuhabulu ta isasawaline ta ebe Isileliwone havena hivinuvinui. 14 Na mayadi nuwapwanopwano mwalona ta wau haugana waloyemidi mugamugaina hivahili neta hiya aleꞌone ehebonane howola yadi nuwatuwu iꞌoiꞌoiꞌauꞌauhi ta nigele hiyavaivehulu. Wuwuna Besinana ibommo ainaena mata teina aleꞌone Yaubada ivaivehulu. 15 Na mwalona ta wau, haugana Mosese yana loina hivahili neta aleꞌone howola yadi nuwatuwu ilaulauꞌauꞌauhi. 16 Na hesi haugana tomowa iꞌita gwaipileuyo Bada ainai neta Yaubada aleꞌone mata ivaivehulu. 17 Na Badane neta iya Aluꞌaluwa Veꞌahihi. Na havaidova ainai Bada Aluꞌaluwana imiyamiya neta ainai nigele loina bo yababa yana pai teya iyamiyamiya. 18 Ainaena maudoida nigele manida abalauꞌauꞌauhina na Bada yana vewasawasa taveꞌitaei. Na Badane neta iya Aluꞌaluwa Veꞌahihi eeta igwaipilegita ta ana ita dova Besinana yana wasawasa alidai imwalamwalaꞌi.\nCopyright information for `KUD\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"<urn:uuid:ae43c518-3fb7-4227-9456-517513a3f107>","dump":"CC-MAIN-2018-17","url":"https:\/\/www.stepbible.org\/?q=version=KUD%7Creference=2Cor.3","date":"2018-04-23T09:08:57Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945940.14\/warc\/CC-MAIN-20180423085920-20180423105920-00570.warc.gz","language":"kud","language_score":0.9984731674,"language_script":"Latn","minhash_cluster_size":4,"top_langs":"{\"kud_Latn_score\": 0.9984731674194336}","num_words":582,"character_repetition_ratio":0.062,"word_repetition_ratio":0.0,"special_characters_ratio":0.168,"stopwords_ratio":0.225,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"text":"2 Timothy 41 Timoti, amvenuwamwau yamohego Yaubada na Yeisu Besinana mehediyai iya mwalomwalowoidi yo mayawahidi mata ilauvetalaedi, iya howola abo imahalavauyoma na iloinaegita. 2 Amvenuwamwau teina yamohego: Hauga maudoina upaihowa wahiyala na wasane uwalo mahalavaei, hauga vitavitaidi yo hauga yaliyaya aidiyai, na tomowa aidiyai uguguya ta hiyemidi na hinage uꞌabidumwaludi na uꞌabiye wahiyaladi, ta ginaulidine teina aidiyena uveꞌita moiha mayam alamaꞌiꞌita.\n3 Wuwuna hauga hilalaoma aidiyai tomowa veꞌita dumwaluna mata hitaꞌwataꞌwataedi, na vali veꞌita adi benali namwanamwana aidiyai himulita. 4 Na veꞌita vagadi adi mulita aidiyena veꞌita moiha hilaugabei. 5 Owa havena dova hiya. Hauga maudoina utowolo wahiyala na miya vitaina aidiyai uꞌalamaꞌiꞌita, na wasana namwanamwana uwalo mahalavaei. Teina ainaena owa mata taupaihowa wahiwahiyalana Yaubada yana paihowa ainai.\n6 Yau yatalamwegau ta dova yapwaoliyoigau Yaubada ainai ta muhamuhana yagu paihowa yaveꞌovi na baleꞌu teina yalaugabai. 7 Yaubada vehabana bada yaꞌalehaꞌo, na yagu sagena bada yaveꞌoviyaꞌo, eeta hauga maudoina yagu yemidi Besinana ainai. 8 Ainaena mata howola abo yada Bada agu maiha imohegau mayana loina dumwaluna ta ebe yana ahubena imahalavama, ita ana taumulitao ada maiya imohegita.\nWalo yana abaꞌovi9 Timoti, nuwanuwagu ulau mwayamwayauma. 10 Dimasa bada ilaugabaigauꞌo, wuwuna baleꞌu mumugana nuwana ivai ta bada ilaoꞌo Tesalonaika. Kelesenisi hinage bada ilaoꞌo Galetiya, na Taito bada ilaoꞌo Dalimetiya. Hiya agu haguwone maudoidi hilaugabaigauꞌo. 11 Na Luke ibom itupwa.\nTa yam laoma ainai Maki ulauvaiyama, wuwuna iya agu tauhagu namwanamwana.\n12 Tikiko bada yavetamalenaꞌo Epeso ainai.\n13 Ebe ulalaoma tupwana yagu ginauli uvaidi, agu luwuluwu mwalona Tilowasi ainai yalaugabaidiꞌo Kaposi yana vadai, yo yagu pepa abalaulele yo yagu bukiwo, hiya nuwanuwagu uvaidima.\n14 Pwawati ana taupaihowa, yehana Alekisana vitai mwalaꞌina imohegau. Ainaena ana maiha Yaubada howola abo imohei. 15 Alekisana yada veꞌita iveꞌaleha aliliyei. Ainaena owa uꞌita avivinigo.\n16 Yagu lauvetala mugai ainai nigele teya iyahaguigau, na yadi meheuhi ainaena hidena gabaegau na yabom, ta Yaubada yadi yababa teina nigele iyamaiha.\n17 Na yagu lauvetala ainai Yaubada ihaguigau, ta wahiyala imohegau, na wasana maudoina yawalo mahalavaei hiya nigele Yudeya aidiyai. Hinage Yaubada yana hagu aliguwai ta laiyoni awanaena ihaloigau ta namwanamwana ainai imwamwauwigaune. 18 Na vitai aidiyena yada Bada mata ihaguigau ta yana abaloina galewai ainai yaluwu. Yaubada tanoꞌowei wuwuna yana wasawasa miyamiya vateyaina. Moiha.\n19 Yagu velau Pilisila yo Akwila, na Onesipolo mayana huhuwo aidiyai.\n20 Elasitosi imiyamiya Kolinita ainai, na Tilopimo iꞌasiyebwa Melito ainai ta yalaugabaeine.\n21 Na ulau mwayamwayauma wuwuna muhamuhana gwaugwau ana hauga imahalavama. Yubulosi yo Pudinisi yo Linosi yo Kalodiya yo hinage tahidao yadi velau alimwai.\n22 Yada Bada baidam yo aluꞌaluwam iꞌabiye wahiyala, na owa yo yam bodao iveꞌiꞌilaegomiu.\nCopyright information for `KUD\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"<urn:uuid:86c8d12b-d4d1-4dc1-97db-3bf64e796221>","dump":"CC-MAIN-2018-17","url":"https:\/\/www.stepbible.org\/?q=version=KUD%7Creference=2Ti.4","date":"2018-04-26T05:52:25Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948089.47\/warc\/CC-MAIN-20180426051046-20180426071046-00172.warc.gz","language":"kud","language_score":0.998206079,"language_script":"Latn","minhash_cluster_size":4,"top_langs":"{\"kud_Latn_score\": 0.9982060790061951}","num_words":563,"character_repetition_ratio":0.04,"word_repetition_ratio":0.0,"special_characters_ratio":0.182,"stopwords_ratio":0.233,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"text":"Matthew 23\nLoina ana tauveꞌita yo Palisiwone Yeisu iwalowedi1 Eeta Yeisu boda yo ana taumulitao aidiyai iwalo, 2 'Mwalona Isileliwo Mosese iloiloinaedi na wau loina ana tauveꞌitao yo Palisiwo dova hinage hiloiloinaegomiu. 3 Ainaena hava dova hiveꞌitagomiu ammulitaedi, na hesi yadi paihowao havena amveveꞌaoꞌaonaedi, wuwuna hiya hiveꞌita aꞌava na nigele hiyapaipaihowaidi. 4 Hiya avaꞌavala vitaidi tomowa himohemohedi na nigele habuluna hiyaꞌaipate ta avaꞌavaladine aidiyena hiyahaguidi.\n5 'Yadi paihowa maudoina hipaipaihowaidi ta ebeha tomowa hiꞌitadi na hinoꞌowedi, na walowone Buki Veꞌahihi ainaena leleleledi manidiyai yo nimadiyai hiꞌabiye patudi, na adi aleꞌo daodaodi hiliꞌwaliꞌwadi, 6 na guyau adi haugai nuwanuwadi vatavatai himiya yo hinage vada tapwalolo aidiyai abamiya namwanamwadi nuwanuwadi, 7 na ebe abagimwala aidiyai hilau nuwanuwadi na tomowa bagibagilidi hiwalo velauwedi, yo hiꞌawa tauveꞌitaedi. 8 Na omiu nigele tomowa hiyaꞌawa tauveꞌitaegomiu, wuwuna yami tauveꞌitane ehebo mohimohili, na maudoimiu amvetoyatoyawa.\n9 'Hinage havena teya yaiya baleꞌu ainai amꞌawaꞌawa \"Tamaguwei\", wuwuna Tamamiu ehebo mohimohili galewai imiyamiya. 10 Havena hinage tomowa hiꞌawaꞌawa taubadaegomiu, wuwuna Besinana towahona yau yabom yami Taubada. 11 Na ebe yaiya alimiyena ivetaumugai howahowana ivetaupaihowa alimiyai; 12 wuwuna ebe alimiyena iꞌabihiniuyoi mata imiyaꞌaitulu, na hesi ebe yaiya imwau aituluweuyoi mata ihae.\n13 'Omiu loina ana tauveꞌitao yo Palisiwo atemuyamuyamiu, wuwuna yami oyamaena tomowa amꞌauꞌauhidi ta Yaubada yana Abaloina ainai nigele hiyaluwu. 14 Omiu havena amluwuluwu wuwuna tomowa yaiyadiwo nuwanuwadi ebeha hiluwu amꞌauꞌauhidi.\n15 'Omiu loina ana tauveꞌitao yo Palisiwo atemuyamuyamiu, wuwuna ehebo teina yami pwanoli. Amꞌadaꞌadau taꞌiꞌili dalava bagibagilina aidiyai na ebeha ami taumulita ehebo amlobai, na mulitai tomowanane amveꞌita ta dova omiu hava ampaipaihowaine iya dova ipaihowai, ta yana yababa imwalaꞌi iꞌalili eeta ilowoinanei ta iya na omiu dalava alaꞌalahina am veꞌalo.\n16 'Taumugaiwone atemuyamuyamiu, wuwuna omiu mehegibugibumiu, amwalo, \"Ebe yaiya vada tapwalolo yehanaena iꞌawa tamada neta nigele teya hava, na hesi ebe yaiya goulaone vada tapwalolo holanai aidiyena iꞌawa tamada neta ginauli mwalaꞌina, ta ilowoinanei na ginaulidine ipaihowaidi\". 17 Moiha, omiu yauyaulemiu na mehegibugibumiu! Hava ihae alili moiha? Vada tapwalolo ana goula, bo vada tapwalolo? Wuwuna vada tapwalolo ainaena goula iꞌaꞌabiye tabune.\n18 'Na hinage amwalo ebeha, \"Ebe yaiya abapwaoli yehanaena iꞌawa tamada, neta nigele teya hava, na hesi ebe iꞌawa tamada velaunane abapwaoli ainai neta ginauli mwalaꞌina, na ebe hava iwalo yemidiyenaꞌo howahowana ipaihowai\". 19 Omiu yauyaulemiu! Hava mwalaꞌina? Velaune, bo abapwaoli? Abapwaoline ainaena velaune iꞌaꞌabiye tabune.\n20 'Ainaena ebe yaiya abapwaoli yehanaena iꞌawa tamada, iya hinage abapwaoli yana tobwatobwao maudoidi aidiyena iꞌawa tamadaꞌo. 21 Na hinage ebe yaiya vada tapwalolo yehanaena iꞌawa tamada, iya hinage vada tapwalolo ana tobwatobwao yehanaena iꞌawa tamadaꞌo. 22 Na ebe yaiya galewa yehanaena iꞌawa tamada, iya Yaubada na hinage yana abamiya yehanaena iꞌawa tamadaꞌo.\n23 'Omiu loina ana tauveꞌitao yo Palisiwone atemuyamuyamiu, wuwuna omiu tauꞌoyaꞌoyama. Moiha yami velau Yaubada ainai namwanamwana, wuwuna yami velauwone yami ginauli maudoidi aidiyena, tobwatobwa mwalaꞌidi yo hinage ginauli iuꞌiudi dova vali yaba yo vali yaba aidiyena. Na hesi loina tonuga mwalaꞌidi, amnuwapwanopwanowediꞌo, neta mumuga dumwadumwaluna yo atemuyamuya na yemidi. Howahowana ginauli teina mwalaꞌidine ampaihowaidi, na hinage havena ginauli iuꞌiuna amnuwanuwapwanopwanowedi. 24 Omiu taumugaiwone mehegibugibumiu, ami liꞌu ainaena nabugala amvaivai vehuludi na hesi lagulagu mwalaꞌidi kameli dova, amtonotonolidi.\n25 'Omiu loina ana tauveꞌitao yo Palisiwone atemuyamuyamiu moiha, wuwuna yami oyamaena ami vedi yo gaeba papaliꞌaꞌavadi amꞌabiꞌabiye maseledi na hesi holadine biꞌibiꞌidi, neta aivavali yo mumuga yababadi hiꞌoiye mwaudiꞌo. 26 Omiu Palisiwone mehegibugibumiu, ami vedi yo ami gaeba holadi amꞌabiye masele mugaiyedi, eeta ebe papalidine hinage himasele.\n27 'Omiu loina ana tauveꞌitao yo Palisiwone atemuyamuyamiu wuwuna omiu tauꞌoyaꞌoyama, dova magai hewahewadi na masemaselena, ewanai adi ita namwanamwa gaugauna, na hesi holadiyai tomowa hilihiliyadi na ginauli biꞌibiꞌidi himiyamiya. 28 Omiu ami ita tomowa mehediyai ebeha taumugai namwanamwamiu, na holamiyai oyama na yababa maudoina himiyamiya.\n29 'Omiu loina ana tauveꞌitao yo Palisiwone atemuyamuyamiu na tauꞌoyaꞌoyama, wuwuna tauwalo mahalavao mugamugaidi adi magai aidiyai, abanuwatuwu avivini amꞌabiꞌabidi na hinage taudumwaluwo mugai adi abanuwatuwu avivini amꞌatuꞌatububunidi, 30 na amwalo, ebe mwalona tamiyamiya tubudao yadi haugai, havena tahaguhaguidi tauwalo mahalava adi oiyemwalowoi vehabana.' 31 Yami walo teina ainaena amwalo mahalava ebeha tauwalo mahalava adi tauꞌoiye mwalowoiwone tubudiyao omiu. 32 Ainaena hiya yadi paihowaone mata amveꞌovidi.\n33 'Omiu weso natunao, eeta nigele howahowana na dalava aiwa alaꞌalahina ainaena amdena. 34 Ainaena tauwalo mahalavao yo tauhanapuwo yo loina ana tauveꞌitao yavetamalediwa na mata tupwadi amꞌoiye mwalowoidi, nuwana aiwa lagalagana ainai amtutuye patudi, yo tupwadi yami vada tapwalolo aidiyai balavaiyena amsapidi, na dalava ehebo ehebo aidiyena amheusilidi. 35 Eeta yana abaꞌovi ainai, taudumwalu adi oiyemwalowoi ana maiha maudoina omiu mata amlobai. Towaho Abeli iya dumwadumwaluna hiꞌoiye mwalowoiyaꞌo na ainaena ivetuwuni ta ana higa wau Balakaya natuna Sekalaya hinage hiꞌoiye mwalowoi vada tapwalolo na abapwaoli ahiꞌahipudiyai. 36 Moiha taꞌi, oiyemwalowoi maudoidi adi maiha yaso teina mata amlobai.\nYeisu idou Yelusalem vehabana (Luke 13:34-35)37 'Aee Yelusalem! Yelusalem vedova ta tauwalo mahalavao uꞌoꞌoiye mwalowoidine na hinage Yaubada yana tauyewasao gaimaena uꞌoꞌoiye mwalowoidine. Hauga maudoina nuwanuwagu na yam tomowao yayoga ahaidima dova amꞌam natunao pepenaena iꞌoiꞌauꞌauhidi, na hesi hitaꞌwataꞌwataegau. 38 Ainaena Yaubada mata ilauvehulugo na umiya awawa. 39 Na yawalo auligo ebeha mata nigele uyaꞌitauyoigau ana higa yam tomowaone aliguwai hiwalo, \"Iya Yaubada yehanaena ilaoma tanoꞌowei\".'\nCopyright information for `KUD\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2018","id":"<urn:uuid:8e240234-03de-41e4-b816-e2ce42c206e1>","dump":"CC-MAIN-2018-17","url":"https:\/\/www.stepbible.org\/?q=version=KUD%7Creference=Mat.23","date":"2018-04-23T03:32:45Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945724.44\/warc\/CC-MAIN-20180423031429-20180423051429-00560.warc.gz","language":"kud","language_score":0.9999283552,"language_script":"Latn","minhash_cluster_size":5,"top_langs":"{\"kud_Latn_score\": 0.99992835521698}","num_words":958,"character_repetition_ratio":0.081,"word_repetition_ratio":0.004,"special_characters_ratio":0.174,"stopwords_ratio":0.237,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"text":"LUKE\n1\nWasa ana abavegai\n1 Aee taubada Tiyopilo. Tomowa bagibagilidi hi'aipate ebeha hilele dobiyei hava alidai ivevetuwunine. 2 Yeisu wasana hileledi'o hava dova hiya mehediyena hi'i'itamugaiyei, eeta higuguyanei na hi'au'aubabadanei alimaiyai. 3 Ainaena ginaulidine maudoidi hauga mugai ainaena ta wau yahanapui moiha, eeta nuwanuwagu na ebe ginaulidine ya'aubabada ili'ilimanidi alimwai, owa Tiyopilo tauloina namwanamwam vehabam. 4 Ta ebe ginaulidine bada ubenaledi'o wuwudi uhanapuidi na hinage u'awa moihaedi.\nElisabeti yana hiuma\n5 Yagu aubabada ana abavetuwuni teina dova: Hauganane Helodi ivetauwasawasa Yudeya ainai, ehebo taupwaoli yehana Sekalaya imiyamiya. Na mwanena yehana Elisabeti. Hitaubwaune yadi huhuwone taupwaoliwo, na hesi Sekalaya yana boda taupwauliwo yehana Abaya. 6 Na hitau bwauwone Yaubada mehenai himumuga dumwalu ta Yaubada yana loina maudoina hi'awa abi ili'ilimanidi. 7 Na hesi nigele natudi, wuwuna Elisabeti iya iyaipoi na iyemala ai'aihale'o yo hinage mwanena bada iyemala tautaubada'o.\n8 Ehebo hauga ainai Sekalaya yana boda yadi ahubena na pwaoli hipaihowai, Yaubada mehenai. 9 Wuwuna dova yadi mumuga, ta ana geluwone aidiyena Sekalaya vesinuwa ilobai, ainaena Bada yana vada tapwalolo mwala'ina holanai iluwu na ebe gado'a panena igabu abapwaoline ainai. 10 Na panene ana hauga gabu ainai boda mwala'ina maseleyai hi'awa'awanoi Yaubada ainai.\n11 Na Yaubada yana tausagenawasa ehebo imahalava Sekalaya mehenai, na itowotowolo gado'a panena ana abagabu nima tautuwanaena. 12 Tenem ainai Sekalaya i'ita na i'aluwagavai, na hinage mayana meheuhi. 13 Na tausagenawasane iwalo, 'Sekalaya, havena umehemeheuhi na hesi uyaliyaya, wuwuna Yaubada yam awanoi bada ibenalena'o, ta mwanem Elisabeti mata natum towahona ilabahi na yehana uyogaei Yoni. 14 Eeta uyaliyaya na hinage tomowa maudoidi hiyaliyaya gamanane ana labahi vehabana. 15 Wuwuna gamanane mata yehana imwala'i Yaubada mehenai. Havena waini yo bwahi wahiwahiyaladi inumanuwadi, na hinage hauga labahina ainaena mata Alu'aluwa Ve'ahihi i'oiye mwau. 16 Eena iya mata Isileliwo bagibagilidi ilauvaiyoidima yadi Badane Yaubada ainai. 17 Iya mata Bada mehenai imugai ta yana nuwatuwu yo yana ala'alawowoli dova tauwalo mahalava Elaitiya yana wahiyalane, na yana guguya ainaena tamadiyao nuwadi ibuidi ta natudiyao hinuwatuwu avivini, yo hinage hiya loina adi taulo'ewo nuwadi ibuidima amwaha dumwaluna ainai, na Bada vehabana tomowa i'atububunidi.'\n18 Na Sekalaya tausagenawasane iwalo auline, iwalo, 'Walo teina vedova ana awamoiha, wuwuna yau bada yatautaubada'o na mwanegune hinage bada iyemala ai'aihale'o'.\n19 Na tausagenawasane iwalo, 'Yau Gabeliyela, na hauga maudoina Yaubada mehenai yatowotowolo, na wau ivetamalegau wasa teina namwanamwana ya'aubabadaei alimwai. 20 Na hesi yagu walone alimwai nigele uya'awa moihaei, ainaena mata memenam ivitai ta nigele howahowana u'aubabada ana higa yagu walone ana moiha imahalava, abo mulitai u'aubabadauyo.'\n21 Na tomowa maudoidi howola maseleyai hiha'waha'wa, na hinuwanuwatuwu hava vehabana Sekalaya ibwedabwedane vada tapwalolo mwala'ina holanai. 22 Mulitai Sekalaya imahalava, ta nigele howahowana i'aubabada aidiyai, wuwuna memenanane ivitai. Eeta hihanapui ebeha vada tapwalolo mwala'ina holanai ve'ive'ilala i'itaya'o. Ainaena nigele howahowana i'aubabada aidiyai, ta nimanaena i'au'aubabada.\n23 Na Sekalaya yana pwaoli ana ahubenao i'ovi ta ilalau gwaipilene yana dalavai. 24 Na hauga mulitai, mwanena Elisabeti ihiuma, ta wai'ena nima ehe'ehebo holadiyai nigele iyalowolowowouhi na hesi vadai imiyamiya. 25 Na iwalo, 'Teina agu hagu Bada ainaena. Mugai yayaipoi ta yahinimaya na hesi teina ta'i agu hinimayawa i'ovi'o.'\nYeisu yana tubui aubabadana\n26 Elisabeti ihiuma na imiyamiya wai'ena ana bagibagili 6 na Yaubada tausagenawasa Gabeliyela ivetamalei Galili, ehebo dalava yehana Nasaleti ainai. 27 Na ehebo waihiu nuwanuwapuyona ainai imahalava, yehana Meli. Vahalanane iya Yosepa ainai hiwalo abi'abiyei, na towahonane Deivida yana huhu ainaena. 28 Na tausagenawasane ilau iwalo auli, iwalo, 'Yauwedo Meli, Bada yana velau mwala'ina alimwai, na iya baidam'.\n29 Ta Meli nuwana ipwanopwano na inuwanuwatuwu behabeha walone hava ana masele. 30 Na tausagenawasanane iwalo, 'Meli, havena umehemeheuhi. Yaubada yana velau alimwai mwala'i alili imiyamiya, 31 na mata uhiuma ta natum towahona ulabahi na yehana umwauwi Yeisu. 32 Iya howola mata tauwahiyala moiha, na tomowa mata hiwalo vetuvehaeyei na hiwalo, Yaubada Haehae alilina Natuna, na Yaubada mata wahiyala imohei, dova tauwasawasa Deivida yana wasawasa, 33 eena Yakobo yana huhuwone alonai ivewasawasa hauga maudoina ilaulau yo nigele ana higa na yana abaloina mata nigele yana aba'ovi.'\n34 Eeta Meli tausagenawasane ainai iwalo, 'Vedova mata teina? Wuwuna yau nigele mwanegu.'\n35 Na tausagenawasa iwalo, 'Alu'aluwa Ve'ahihi mata alimwai i'aituluma na Yaubada i'abiye wahiyalago na natum ulabahi gama ve'ave'ahihina iya mata hiyogaei Yaubada Natuna. 36 Na uhanapui ebeha yam huhuwena waihiu yehana Elisabeti i'ai'aihale'o na yaiyaipoina, na hesi bada ihiuma'o, ta teina yana wai'ena 6. 37 Wuwuna ginauli maudoina Yaubada howahowana ipaihowaidi.'\n38 Ainaena Meli iwalo, 'Yau Yaubada yana taupaihowa. Hava dova yam walo aliguwai imahalava ta'i.' Eeta tausagenawasanane Meli ilaugabaei na ilalaune.\nMeli yana taubo'e Elisabeti ainai\n39 Na teina tuluhanai Meli itowolo ta Yudeya oyana ibuidi'waidi ta Elisabeti yana dalava ainai imamahalavane. 40 Imahalava ta Sekalaya yana vadai iluwu na Elisabeti iwawalo velauweine. 41 Na hauganane Elisabeti alinana ibenalei, gamawa diyanai iwutugavaine, na hinage Alu'aluwa Ve'ahihi Elisabetinane i'oiye mwau, 42 eeta alinana mwala'ina iwalo, 'Yaubada ivelauwego'o, nigele teya hinage waihiu dova owa. Na natumne mata ulabahine namwanamwa gaugauna moiha. 43 Vedova ta owa yagu Bada hinana ulaoma, ubobo'eyegaune? 44 Hola u'ita, yam walovelau yabenaledi, na gama yana yaliyaya ainaena diyaguwai iwutugavai. 45 Na owa Yaubada yana walo ana tauyemidi, ainaena uyaliyaya, wuwuna mata ana moiha imahalava alimwai.'\nMeli Bada ino'owei\n46 Na Meli iwalo:\n'Bada yano'o'owei,\n47 na ategune iwalo vetuvehaeyei wuwuna Yaubada iya agu Taulivahi.\n48 Yau yana taupaihowa wewelohegu ta'i, na hesi i'ita dobima aliguwai\nna ebe hauga mulitai hilalaoma aidiyai yaso vauvaudi hino'owegau.\n49 Wuwuna Yaubada iya Tauwahiyala moiha paihowa wahiwahiyalana ipaipaihowai vehabagu,\nna iya yehana Ve'ave'ahihina.\n50 Hiya ana tauve'ahihiwo yaso ehebo ehebo aidiyena i'atemuyamuyaedi.\n51 Na hesi hiya taugagasao yo taunuwahaehaewo nimana wahiwahiyalana ainaena i'oi'oipeiyedi.\n52 Na hinage tauwasawasao imwau aituluwedi yadi abamiya wasawasa aidiyena\neena tauwewelohe i'abihinidi.\n53 Na hinage tauvahaliwo ive'aidi ta hi'ai i'iwahi\nna tauwasawasao ivetamaledi nimanima a'avadi.\n54 Ibom yana waloyemidine tubudao aidiyai inuwatuwu avivini ainaena ita Isileli i'atemuyamuyaegita na ihaguigita,\n55 dova yana waloyemidi tubudane Abelaham matubunaone\naidiyai ebeha i'atemuyamuya vateyaiyedi.'\n56 Eeta Meli Elisabeti baidana himiyamiya dova wai'ena tonuga, abo mulitai ilalau gwaipilene yana dalavai.\nYoni tau'abiye bapitaiso yana tubui\n57 Elisabeti imiyamiya ta ilabalaba, gama towahona ilabahi. 58 Na yana bodao yo ana geluwo Bada yana velau ainai hibenalei ta maudoidi baidanao hiyaliyaya.\n59 Na gamanane yana tubui neta ahubena eitina ainai yana bodao hitau'ahaiyama gamanane yana ve'ive'ilala neta tauna hihapi yo ebeha tamana ainai hiyewaligehaei. 60 Eena hinana i'auhi iwalo, 'Havena! Na hesi yehana ammwauwi Yoni.'\n61 Ana geluwone hiwalo, 'Neta yehane omiu nigele yehamiu'.\n62 Eeta nimidiyena tamana hipanivilaei ta ebe vedova yehana hiyogaei. 63 Ta Sekalaya abalaulele i'awanoiyei ta gamanane yehana ilele, iwalo, 'Yehanaede Yoni'. Na boda maudoidi hi'ita ta hi'aluwagavai. 64 Na hauganane tenem ainai Sekalaya memenana imalamalaiuyo, ta i'aubabadauyone na Yaubada ino'owei. 65 Na hesi ana geluwo himeheuhi, na wasanane ita'i'ili Yudeya oyanao na tupwanane maudoidi aidiyai. 66 Na tomowaowa yaiyadiwo hibebenaleine hinuwatuwu behabeha, na hibom hipanivilauyoidi hiwalo, 'Gama teina vedova mata yana paipaihowa?' Wuwuna hi'itaya'o Yaubada yana wahiyala ainai imiyamiya.\nSekalaya yana walomahalava\n67 Sekalaya Alu'aluwa Ve'ahihi i'oiye mwau ta iwalo mahalava iwalo:\n68 'Bada tano'owei, iya Isileli tomowadi yadi Yaubada,\nwuwuna bada iloma'o habi haguigita yo miya vitai ainaena ilivahigita.\n69 Ainaena yana hevali Deivida yana huhuwena\nada Tauvaivehulu i'abiye mahalavaya'o alidai\n70 mwalona tauwalo mahalavao ve'ave'ahihidi mugamugaidi Yaubada yana walo teina dova hiwalo mahalava mugaiyei hiwalo.\n71 Taulivahi mata ivetamalei ta ihaguigita ada alehao aidiyena,\nyo hinage hiya ada tausosomanao aidiyena,\n72 na hinage mwalona iwalo yemidi ebeha tubudao mugamugaidi mata i'atemuyamuyaedi,\nna yana waloyemidine ve'ave'ahihina nigele iyanuwanuwapwanopwanowei.\n73 Waloyemidi teina tubuda Abelaham vehabana Yaubada ainaena\n74 neta mata ilivahigita ada alehao aidiyena\nta ebe mayada atepatu ainai tapaihowa.\n75 Yo hinage mata yada mumuga masemaselena yo dumwadumwaluna ahubena ehebo ehebo iya mehenai.\n76 Na owa natugu, mata hiyogaego Tauwahiyala moiha yana tauwalo mahalava,\nwuwuna owa mata umugai na Bada yana amwaha u'atububuni,\n77 yo hinage yana bodao uvenuwamwauwedi neta yadi mumugao yababadi mata inuwahamuidi na livahi hilobai.\n78 Wuwuna Yaubada yana atemuyamuya alidai imwala'i i'alili\nna howola abo ada livahi galewaena dova masele i'abiye mahalava alidai,\n79 eeta hiya guguyou yo mwalowoi tupwanao aidiyai himiyamiya hinage i'abiye maseledi,\nna maudoida imugaiyegita miya daumwali ana amwaha ainai.'\n80 Ta gamane imwala'i yo yana nuwatuwuwo hinage hiwahiyala, na hesi ibom balabala awawai imiyamiya ana higa Isileliwone aidiyai imahalava, na iguguya.","id":"<urn:uuid:72ae7c85-6d86-4ac6-8d2b-13399c24d725>","dump":"CC-MAIN-2018-30","url":"http:\/\/pngscriptures.org\/kud\/LUK01.htm","date":"2018-07-23T07:35:28Z","file_path":"s3:\/\/commoncrawl\/crawl-data\/CC-MAIN-2018-30\/segments\/1531676595531.70\/warc\/CC-MAIN-20180723071245-20180723091245-00086.warc.gz","language":"kud","language_score":0.9999941587,"language_script":"Latn","minhash_cluster_size":3,"top_langs":"{\"kud_Latn_score\": 0.999994158744812}","num_words":1272,"character_repetition_ratio":0.053,"word_repetition_ratio":0.0,"special_characters_ratio":0.19,"stopwords_ratio":0.349,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"text":"2\nEpeso yadi leta\n1 'Tausagenawasane tautapwalolowone Epeso ainai i'ita'ita avivinidine yana leta ulele Epesowone vehabadi, na uwalo,\n'Wasa teina ilaoma towahone ainaena iya utuiwone 7 nima tautuwanaena i'abi avivinidine, na masele abamwauwina goula 7 ahi'ahipudiyai ilaulau. Iya teina yana walomahalava alimiyai, iwalo:\n2 'Yahanapuiya'o, neta yami paihowa mwala'ina ainaena, yo yami alama'i'ita aidiyena, amwahiyala'o, eena tauyababao nigele nuwamiu, eeta amtowoidi ta ebeha hiya tauyewasao na hesi hiya nigele, ta yadi oyama'o amlobaidi'o. 3 Na hinage alama'i'ita amhanahanapui, ta paihowa vitaidi na mwala'idi aidiyena nigele amyatapiya yehagu vehabana.\n4 'Na yau ehebo ginauli alimiyai ya'ita nigele iyanamwanamwa, neta mwalona yami velau namwanamwana aliguwai na hesi bada amlau mwauya'o. 5 Mwalona namwanamwamiu, na amnuwatuwu avivini yami miyamiyawa ainaena ambebe'une, eeta amnuwabui na ampaihowa namwanamwa, dova mwalona. Na ebe nigele amyanuwabui mata yalaowa na yami masele abamwauwina yavaivehulu alimiyena. 6 Na yahanapuigomiu'o ebeha ginauli namwanamwana alimiyai, neta Nikoleitani yana bodao yadi mumuga amta'wata'wataei, yau dova.\n7 'Eeta ebe alimiyena yaiya matalinana ibenalei Alu'aluwa Ve'ahihi yana walo tauyemidiwone aidiyai. Na ebe alimiyena yaiya Tomodulele iwahiyala, gabae iya yawahi ana aiwa ainona yatalamwei i'ai, aiwane itowotowolo Yaubada yana tanovi namwanamwana ainai.\nSimena yadi leta\n8 'Tausagenawasane tautapwalolo Simenawone ainai i'ita'ita avivinidine yana leta ulele Simena vehabadi na uwalo,\nWasa teina ilaoma iya abavetuwuni yo aba'ovi ainaena, iya imwalowoi'o na itowolouyo ta mayawahina imiyamiya. Iya teina ibom yana walomahalava alimiyai iwalo:\n9 'Bada yahanapuiya'o amve'atemuyamuya, neta omiu wewelohe, na hesi moiha omiu wasawasa. Na hinage yahanapuiya'o ebeha tupwadi hi'awa'awa yababaegomiu na hinage hiwalo, \"Ai Yudeya\", na nigele. Na hesi hiya Tomodulele yana bodao. 10 Na havena ammehemeheuhi ebe ginauli teya ainai muya amlobai. Amnuwatuwu avivini mata howola Tomodulele abo itowoigomiu na tupwamiu hipaigomiu na vada paipaiyai himwauwigomiu, na hesi ami vitaine ahubena 10 a'ava vehabana. Na amtowolo wahiyala ana higa mwalowoi, ta ebe yawahimiu vateyai yamohegomiu.\n11 'Eeta ebe alimiyena yaiya matalinana Alu'aluwa Ve'ahihi yana walo tauyemidiwo aidiyai ibenalei, na hinage yaiyadiwo alimiyena Tomodulele amwahiyala gabaei, mata nigele mwalowoi bwauna iya'abiye yababagomiu.\nPegamosi yadi leta\n12 'Tausagenawasane tautapwalolowone Pegamosi ainai i'ita'ita avivinidine yana leta ulele Pegamosiwone vehabadi, na uwalo,\n'Wasa teina ilaoma iya mayana elepa ale'aleha, mehemehegaina tupwa bwaubwauna ainaena. Iya teina yana walomahalava alimiyai, iwalo:\n13 Bada yahanapuiya'o tupwanane ainai ammiyamiyane neta Tomodulele yana abamiya wasawasana. Na hesi amyemidiyegau, wuwuna nigele amyauvalaegau. Na Tomodulele yana tupwane ainai mwalona ehebo agu tauwalo moiha hi'oiye mwalowoiya'o, yehana Anitipasa, na hesi am'abi avivinigau mwala'ina.\n14 'Mumugamiu tupwana vehabana nigele yayayaliyaya, wuwuna tupwamiu Balam yana ve'itao ammulimulitaedi. Na yana ve'itaone mwalona Belaki imulitaedi, na Isileli mumuga yababana ive'itadi, neta aiwa tagitagi ai'ai himomoheiwa, ta hi'ai'ai, yo hinage himehemeheganawali. 15 Na hesi ehebo ginauli nigele namwanamwana, neta tupwamiu Nikoleitani yana bodao yadi ve'ita ammulimulitaedi. 16 Ainaena teina ta'i mumuga yababana aidiyena amnuwabui. Na ebe nigele, hauga habuluna ainai yalaowa na ya'alehaigomiu, elepa ale'alehaena awaguwena imahamahalava ainaena.\n17 'Eeta ebe alimiyena yaiya matalinana, Alu'aluwa Ve'ahihi yana walo tauyemidiwo aidiyai ibenalei. Na ebe yaiyadiwo Tomodulele amwahiyala gabaei, ai'ai dawadawanina yamohegomiu. Na hinage ehebo ehebo ainai ya'aiyauya gaima hewahewadi, na gaimadine aidiyai yehamiu vauvaudi leleleledi, neta nigele teya howahowana ihanapuidi, bada hibom tauvainane hihanapuidi.\nTayataila yadi leta\n18 'Tausagenawasane tautapwalolowone Tayataila ainai i'ita'ita avivinidine yana leta ulele Tayatailawone vehabadi, na uwalo,\n'Wasa teina ilaoma Yaubada Natuna ainaena, iya mehena adi ita dova aiwa hawahawawalina, na hinage aena namanamalidi dova pwawati vauvauna higabu. 19 Iya teina yana walomahalava alimiyai, iwalo:\n'Yami paihowao bada yahanapuidi'o, yami velau yo yami yemidi yo yami paihowa yo yami alama'i'ita, na yahanapuigomiu'o teina hauga yami paihowao hinamwanamwa alili, na mwalona tupwana.\n20 'Na hesi teina ainai ehebo ginauli vehabana nigele yayayaliyaya, wuwuna Yesibeli ainai amtalamwegomiu, ibom waihiune iwawalone ebeha iya ehebo Yaubada ana tauwalo mahalava, na nigele. Hesi waihiune yagu taupaihowaone ive'ita pwanolidi ta higanaganawali yo hinage aiwa tagitagi aidiyena iniuniulidi, ta ana himohemohei na tupwana hi'ai'aidi. 21 Na bada waihiunane yana hauga yamohena'o na ebeha yana meheganawali aidiyena inuwabui, na hesi nigele nuwana na yana pwanoline ita'wata'wataei. 22 Eeta asiyebwa mata yamohei na ebe yaiyadiwo hiya baidanao hipwanoli muya mwala'ina hilobai, ebe yadi paihowa yababana aidiyena nigele hiyanuwabui. 23 Na hinage natunao mata ya'oiye mwalowoidi, na ainaena tauyemidiwo maudoidi hihanapuigau ebeha yau tomowa maudoidi yadi nuwanuwatuwu atediyai maudoina yahanahanapuidi, na hinage maudoina alimiyai yayemaiha hava dova yami paihowao, namwanamwadi bo yababadi. 24 Na hesi omiu Tayatailawone maudoimiu, vitai teina yababanane nigele amyamulitaedi, yo Tomodulele yana nuwatuwu honihoni nigele amyahanapui, mata nigele ava'avala vitavitaina yayamohegomiu. 25 Na hesi mayami yemidi amtowolo wahiyala ana higa yawuyoma.\n26-27 'Hinage ebe yaiyadiwo omiu Tomodulele amwahiyala gabaei, na yagu paihowaone besiwa ampaipaihowaidi ana higa yana aba'ovi ainai, loina yamohegomiu na tupwa maudoidi amloinaedi, dova Tamagu loina imohegau'o. Na yami loinane wahiwahiyalana ainaena amloina tomowa aidiyai, dova pwawati ainaena walata ta'oiwowoli yeha'aha'a. 28 Na hinage utui sailohana mata yamohegomiu.\n29 'Eeta ebe alimiyena yaiya matalinana, Alu'aluwa Ve'ahihi yana walo tauyemidiwo aidiyai ibenalei.","id":"<urn:uuid:823de75a-6c4a-452d-9c6d-2282acfa3166>","dump":"CC-MAIN-2019-13","url":"http:\/\/pngscriptures.org\/kud\/REV02.htm","date":"2019-03-24T09:24:13Z","file_path":"s3:\/\/commoncrawl\/crawl-data\/CC-MAIN-2019-13\/segments\/1552912203409.36\/warc\/CC-MAIN-20190324083551-20190324105551-00424.warc.gz","language":"kud","language_score":0.9999973774,"language_script":"Latn","minhash_cluster_size":3,"top_langs":"{\"kud_Latn_score\": 0.9999973773956299}","num_words":767,"character_repetition_ratio":0.057,"word_repetition_ratio":0.017,"special_characters_ratio":0.177,"stopwords_ratio":0.326,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"text":"2 YONI\n2 John\nAwayauwedo1 Yau yami bada, na owa waihiu Yaubada ivesinuwaigo ta manatumwao alimiyai leta teina yaleleyawa. Yaꞌawa yauwedo mwalaꞌina alimiyai na hinage hiya amwaha moiha ana taumulitao hiꞌawa yauwedo alimiyai. 2 Wuwuna walomoiha atedai imiyamiya na alidai imiya vateyai. 3 Ainaena Tamada Yaubada na Natuna Yeisu Besinana yadi veꞌiꞌilaena yo yadi atemuyamuyaena yo yadi nuwadaumwaliyena ammiyamiya mayami awamoiha yo hinage mayami velau.\nYeisu Wasana amꞌabi avivini ilimani4 Mugai tupwadi natumwao yaꞌitadi amwaha dumwaluna himulimulitaedi, dova ada loina Tamada ainaena, eeta yayaliyaya mwalaꞌina.\n5 Waihiu ee, yaꞌawanoiyego ebeha teina nigele loina vauvauna yayaleleyawa na hesi loina miyamiyanawa mugai ambenalenaꞌo ebeha maudoida tavelauyowegita. 6 Velau ainona teina ebeha Yaubada yana loina tamulimulitaedi, na loinanane mugai ambenalenaꞌo ebeha velau yana amwahaena talau.\n7 Na tauꞌoyamaꞌo bahudi bada himahalavaꞌo baleꞌuwai ta Yeisu Besinana hiuvauvalaei, hiwalo, 'Nigele iyayemala tomowa'. Eeta yaiya iꞌoyaꞌoyama, iya Besinana ana aleha. 8 Ainaena tauꞌoyamaone aidiyena amꞌita avivinigomiu ta yami paihowa ana moiha havena amvetavetaudawani, na hesi ami maiha maudoina Yaubada mata imohegomiu. 9 Hiya yaiyadiwo Besinana hilaugabaei na yana veꞌita nigele hiyamulitaei Yaubada hinage himiya vehuluyaꞌo, na ebe Besinana yana veꞌitao amꞌabi avivinidi, Tamada yo hinage Natuna alimiyai himiyamiya.\n10 Ainaena ebe yaiya alimiyai ilaoma na yana veꞌita vagana, havena amyogayogaei yami vadai bo amwalowalo velauwei. 11 Havena amyogayogaei mata dova ta yana paihowa yababanawa ainai amhagui.\nWalo yana abaꞌovi12 Ginauli bagibagilidi himiyamiya ta ebeha vehabadi yalaulelewa, na hesi nigele nuwanuwagu pepa ainai yalaulele, wuwuna yanuwatuwu avivini mata mulitai yalaowa ta omiu baidaguwao taꞌauꞌaubabada, na tayaliyaya ovi.\n13 Tahim iya Yaubada ivesinuwaenaꞌo natunao yadi awayauwedo alimwai.\nCopyright information for `KUD\nWelcome to STEP Bible\nFrom Tyndale House, Cambridge UK\nUse the search box to find Bibles, commentaries, passages, search terms, etc. Here are some examples:\nESVGen 1\nThis shows how to quickly lookup a passage.\nNIVESVKJVGen 1\nLooking up a passage in three different translations is also easy.\nESVbrother\nThis asks STEP to search for the Greek word for 'brother' and show the results in the ESV.\nNIVESVlandhe.sed\nThis example runs both a 'Hebrew word search' and a 'Text' search and shows the results in both the NIV and ESV.\nESVthroneDavidIsa-Rev\nYou can mix most searches. This finds any word translated as 'throne' in the Prophets and the New Testament, but only in verses concerning the topic 'David'. This excludes verses which refer to a 'throne' in other contexts.\nKJVWHNUJohn 1\nInterlinear Hebrew & Greek is available for some translations with grammar (and more soon). To reverse the interlinear order, click on a version abbreviation under the verse number.\n© Tyndale House, Cambridge, UK - 2019","id":"<urn:uuid:0134da07-1054-4436-9c9f-0330f9b4788f>","dump":"CC-MAIN-2019-26","url":"https:\/\/www.stepbible.org\/?q=version=%60KUD%7Creference=2John","date":"2019-06-15T20:34:37Z","file_path":"s3:\/\/commoncrawl\/crawl-data\/CC-MAIN-2019-26\/segments\/1560627997335.70\/warc\/CC-MAIN-20190615202724-20190615224724-00189.warc.gz","language":"kud","language_score":0.9953817725,"language_script":"Latn","minhash_cluster_size":1,"top_langs":"{\"kud_Latn_score\": 0.995381772518158}","num_words":410,"character_repetition_ratio":0.04,"word_repetition_ratio":0.0,"special_characters_ratio":0.179,"stopwords_ratio":0.2,"flagged_words_ratio":0.0,"lang_id_score":0.997,"perplexity_score":500.0,"cluster_detection":-1}
+{"text":"12\nYaubada eno'ita'ita Paulo imomoheine\n1 Nuwahaehae nigele teya hava ana namwanamwa na nigele howahowagu ta awagu yagudui eeta mata yanuwahaehae. Hesi teina haugane eno'ita'ita yo abiye mahalava Bada imomohegauwa mata ya'aubabadaedi.\n2 Bolimai 14 bada hi'ovi'o ainai tauyemidi yahanahanapui Yaubada i'abihini ta ihahaene galewa haehae ali'alilina ainai. Teina ivetuwuni neta matauna ilalaune bo alu'aluwa a'avana ilalaune nigele yayahanapui, na Yaubada ihanapuiya'o.\n3-4 Yahanapuiya'o neta Yaubada teina tomowane i'abihiniya'o ta ihahaeyeine yana abamiya wasawasana ainai. Teina ivetuwuni neta matauna ilalaune bo alu'aluwa a'avana ilalaune nigele yayahanapui. Yaubada ihanapuiya'o. Na tenem ainai hava ibebenaledine nigele howahowana ta'aubabadaedi yo nigele iyalowoinanei tomowa awadiyena hiwalowei.\n5 Eeta teina vehabana mata yanuwahaehaeyei na yau vehabagu mata nigele yayanuwahaehaeyowegau. Hesi ginauli hava yagu tapitapiya hi'abiye mahalavadi mata yanuwahaehaeyedi.\n6 Ebe nuwanuwagu yanuwahaehae mata yau nigele buwa wuwuna yawalowalo moiha. Eeta mata nigele yayanuwahaehae wuwuna nigele nuwanuwagu ebeha tomowa hi'abihinigau, na hava aliguwai hi'i'itadine yo hibebenaledine neta aidiyena hi'ita lobaigau.\n7 Teina abiye mahalavaone Yaubada imomohegaune neta moiha imwala'i alili na Yaubada nigele nuwanuwana ebeha yanuwahaehae. Eeta vitai italamwei aliguwai dova haihaili womawomalina taugu iwomawomali. Na teina neta Tomodulele yana taupaihowa italaigau na i'abiye laumwauwigau ta mata nigele yanuwahaehae di'wa.\n8 Teina vehabana na mai tonuga Bada ainai ya'awanoi ebeha haihaili womawomalina ivai vehulu.\n9 Na hesi aliguwai iwalo, 'Havena, yagu ve'i'ila owa howahowam wuwuna yam tapiya haugana neta yau yagu ala'alawowoli yana hauga wahiyala'. Ainaena na yayaliyaya alili yagu tapitapiya yagagasaedi neta mata Besinana ala'alawowoli aliguwai imwauwi.\n10 Besinana vehabana na vetapitapiya yo walo hinahinali yo silahe yo taumuya yo vitai hauga maudoina aidiyena yanamwanamwa. Wuwuna yagu tapiya haugana neta abo yawahiyala moiha.\nPaulo inuwanuwatuwu Kolinita vehabadi.\n11 Yagu walo dova yauyaule na hesi omiu ampaihowaigau eeta teina dova ya'au'aubabadane. Bada ebe am'awa namwanamwaegau, na hesi nigele. Teina tomowaone hiyogauyowedi tauyewasao gamwagamwanimiyai, na hesi nigele hiyanamwanamwa di'waigau, bwagana yau ginauli awa'awawa.\n12 Gamwagamwamiyai ya'alam'i'ita ili'ilimani na ve'ive'ilala yo vedevedede yo paihowa wahiwahiyaladi bagibagilidi aidiyena ya'abiye mahalavauyowegau neta yau tauyewasa moihagu.\n13 Yagu mumuga gamwagamwanimiyai neta dova hinage yagu mumugane vali tauyemidiwo boda maudoidi aidiyai, na hesi haugana ya'ahubali ginauli aidiyena nigele teya yaya'abiye vitai. Yauwedo na teina paihowa pwanone vehabana amnuwahamuigau.\n14 Teina yagu hauga tonugana ya'atububuni ebeha yalaowa ta yataubo'eyegomiu na mata nigele ya'abiye vitaigomiu. Nigele yami tobwatobwa yayavenuwa wuwuna yau dova tamamiu. Eeta hedaheda nigele yadi paihowa ebeha hinadiyao yo tamadiyao adi haguhagu vehabana hi'atububuni. Na hesi hina yo tama hiya yadi paihowa natudiyao adi haguhagu hi'atububuni vehabadi.\n15 Yagu abayaliyaya neta ami haguhagu vehabana yagu tobwatobwa maudoidi yatalamwedi yo hinage yatalamweuyogau vehabamiu. Neta yagu velau ana mwala'i imiya mahalava. Na vedova omiu yami velau mata ihabulu?\n16 Na tupwamiu am'au'aubabada amwalo, 'Paulo yama tobwatobwa nigele iyatanotanoidi na yana hanapuwena i'oya'oyamaegai'.\n17 Tomowaowa yavetamalediwaowa alimiyai, vedova teya aidiyena ya'oyamaegomiu na yami tobwatobwa yatanoidi? Nigele! Amhanapuiya'o neta nigele yayapaihowa.\n18 Taito ya'awanoi hamahamadudui ebeha ilaowa alimiyai. Na tahida teya yavetamalei ta iya baidana hilalaowane. Vedova yami tobwatobwa itanoidi? Nigele. Iya na yau yama mumuga ehe'ehebodine.\n19 Teina leta amvahivahiline nuwana amnuwanuwatuwu ebeha mehemiyai a'au'aubabadane ama ve'ewa ana abiyedumwalu vehabana, nigele. Na hesi ai Besinana yana taupaihowao ta amiyamiya na a'au'aubabada Yaubada mehenai ta ebe a'abiye wahiwahiyalagomiu.\n20 Na yagu meheuhine neta nuwana ebe yamahalavawa ta mata ya'itagomiu nigele dova yagu nuwanuwatuwu vehabamiu. Na yami mumugao mata nigele hiya'abiye yaliyayagau, na hava yapaipaihowai mata nigele hiya'abiye yaliyayagomiu. Na yagu meheuhine neta nuwana mata manini yo alomagigili yo modi'ini yo aiduma yo awayabayababa yo vetalapili yo nuwahaehae yo talina tui yalobaidi.\n21 Hinage yagu meheuhine neta nuwana mata yagu laugwaipileuyowa ainai Yaubada i'abiye nuwadobiyegau mehemiyai. Na tomowa bodadi mwalona yababa hipaihowaidi ta nigele hiyanuwabui aidiyai mata yadou vehabadi. Hiya nuwatuwu bi'idi mumugadi hipaipaihowaidi yo meheganawali yo paihowa bi'ibi'idi hipaipaihowaidi mata vehabadi yadou.","id":"<urn:uuid:e53f9261-da2a-4f10-80c5-9b15e18a766f>","dump":"CC-MAIN-2019-30","url":"https:\/\/ebible.org\/study\/content\/texts\/kud\/C212.html","date":"2019-07-17T02:52:29Z","file_path":"s3:\/\/commoncrawl\/crawl-data\/CC-MAIN-2019-30\/segments\/1563195525009.36\/warc\/CC-MAIN-20190717021428-20190717043428-00245.warc.gz","language":"kud","language_score":0.999984026,"language_script":"Latn","minhash_cluster_size":3,"top_langs":"{\"kud_Latn_score\": 0.9999840259552002}","num_words":594,"character_repetition_ratio":0.057,"word_repetition_ratio":0.01,"special_characters_ratio":0.168,"stopwords_ratio":0.318,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"text":"Madiu 1:17 KUDNT\nEbe Abelaham ainaena na tavahilidima Deivida ainai, neta yaso adi bagibagili 14. Eeta ebe Deivida ainaena yaso tavahilidima haugana Babiloniwone Yudeyaone hilalawedine Babiloni ainai, neta adi bagibagili 14. Na yadi hauga Babiloni ainaena na Besinana towahona yana hauga ainai yaso adi bagibagili hinage 14.\nKUDNT: Yaubada Yana Walo Yemidi Vauvauna","id":"<urn:uuid:fd991572-c6e0-4ef7-b2cd-efcb64ee34e6>","dump":"CC-MAIN-2020-34","url":"https:\/\/www.bible.com\/bible\/1069\/MAT.1.17.KUDNT","date":"2020-08-11T13:57:26Z","file_path":"s3:\/\/commoncrawl\/crawl-data\/CC-MAIN-2020-34\/segments\/1596439738777.54\/warc\/CC-MAIN-20200811115957-20200811145957-00238.warc.gz","language":"kud","language_score":0.9999783039,"language_script":"Latn","minhash_cluster_size":1,"top_langs":"{\"kud_Latn_score\": 0.9999783039093018}","num_words":49,"character_repetition_ratio":0.115,"word_repetition_ratio":0.0,"special_characters_ratio":0.186,"stopwords_ratio":0.327,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"text":"11\nYeisu yana ve'ita awanoi vehabana\n1 Ehebo hauga ainai Yeisu ibom tupwa ehebo ainai i'awa'awanoi. Yana awanoi tuluhanai ana taumulita teya ainai hiwalo, 'Bada awanoi uve'itagai, dova Yoni ana taumulitao awanoi iveve'itadine'.\n2 Ainaena Yeisu aidiyai iwalo, 'Teina dova am'awanoi amwalo:\n\"Tamamai yeham ave'ahihiyei, na a'awanoi ta owa uloinaegai.\n3 Amai ahubena ehebo ehebo aidiyai umohemohegai.\n4 Na mumugamai yababadi unuwahamuidi, dova ai hinage ama geluwo yadi yababa anuwahamuidi.\nNa hesi havena towoi mwala'ina umohemohegai.\"\n5 Na hinage Yeisu aidiyai iwalo, 'Awanoi ana mumuga teina dova. Ebe yaiya owa amtaumana masigili holana ilaoma alimwai na nigele teya hava alimwai ebe umohei tamahina vehabana, ainaena howahowana am gelu teya ainai ulau na u'awanoi uwalo, \"Augelu, howahowana uhaguigau ebe beledi tonuga umohegau,\n6 wuwuna ehebo augelu abomohili amwaha daodaowena ilaoma, na nigele teya hava aliguwai ta tamahina yamohei.\"\n7 'Na ebe towahone vadane holanaena yam walo iyemaihayama iwalo, \"Augelu, havena uvetavetausosomana wuwuna manatuguwao a'e'eno, na hinage awa'eda bada yaguduiya'o, ainaena nigele howahowagu na yahaguigo\".\n8 Na ebe i'awa sewa alimwai, bada uhamadudu, ta ebe i'enotowolo na hava yam awanoi dova imohego.\n9 'Ainaena nuwamiyai yamwauwi, am'awanoi ta Yaubada imohegomiu. Na ambeha ta amlobai, na am'aigohagoha ta awa'eda iho'e alimiyai.\n10 Moiha ta'i, ebe ta'awanoi Yaubada ainai mata imohe alidai, na ebe tabeha mata talobai, na ebe ta'aigohagoha mata awa'eda iho'e alidai.\n11 'Na vedova omiu taulabalaba ebe natumiyao yama vehabana hi'awanoi, mata weso ammohedi?\n12 Bo ebe pou vehabana hi'awanoi, mata alivai ammohedi? Nigele!\n13 Omiu tauyababa, na hesi yami aiyauya natumiyao aidiyai bada amhanahanapui ebeha ginauli namwanamwa a'avadi ammohemohedi. Dova hinage tamamiu galewai yana aiyauya alimiyai inamwanamwa alili, ainaena ebe am'awanoi mata Alu'aluwa Ve'ahihi imohegomiu.'\nYeisu na Tomodulele\n14 Yeisu ehebo towaho ilobai iya alu'aluwa yababana yana wahiyalaena memenana ivitai ta nigele howahowana i'aubabada ainaena Yeisu alu'aluwa yababana igabae mahalavaei ta towahonawa inamwanamwa ta i'au'aubabada. Tenem ainai tomowa hi'ita na nuwadi ipwanopwano.\n15 Eeta tupwadi hiwalo, 'Alawai yadi badane Tomodulele yana ala'alawowoliyena Yeisu alu'aluwa yababana igabae mahalavaei'.\n16 Na tupwadi hinage Yeisu hitowoi na ebeha ila'ilala ehebo ipaihowai vehabadi, ta ebe ainaena hihanapui ebeha yana ala'alawowoli Yaubada ainaena ilalaomane.\n17 Na Yeisu bodaone yadi nuwatuwu bada ihanapuiya'o, ta iwalo aidiyai iwalo, 'Ebe ehebo abaloina ainai tomowa hivewahewahei na hibom hi'ale'alehauyoidi, mata abaloinane itapiya na ibe'u. Na hinage dova ebe ehebo huhu hibom hi'ale'alehauyoidi mata yadi miya iyababa.\n18 Tomodulele dova ebe mayana bodao hi'alehauyoidi, mata yana abaloinane ibe'u. Na vedova ta amwalo ebeha Tomodulele yana ala'alawowoliyena alu'aluwa yababadi yagabagabae mahalavaedi,\n19 na yaiya yede yana ala'alawowoliyena omiu yami tomowao alu'aluwa yababadi higabagabae mahalavaedine? Tomodulele ainaena bo Yaubada ainaena? Teina vehabana amnuwanuwatuwu na amhanapui ebeha yau yaiya?\n20 Na yau hesi Yaubada yana ala'alawowoliyena alu'aluwa yababadi yagabagabae mahalavaedi ainaena amhanapui ebeha Yaubada yana loina bada imahalava'o alimiyai.\n21 'Tomodulele iya dova towaho ehebo wahiwahiyalana na mayana tobwatobwa aleha ainaena yana vada mwala'ina i'ita'ita avivini ta ebe havena teya yaiya yana tobwatobwao i'abi'abiye yababadi.\n22 Na ebe ehebo towaho wahiyalana imahalava, mata towahonane ipai na yana tobwatobwa alehaone itanoidi nimanaena ta ana geluwo imohedi.\n23 'Ebe yaiyadiwo hiya nigele agu tauhaguwo hiya agu alehao. Na hinage yaiyadiwo nigele baidaguwao ayapaipaihowa toyawa, hiya yagu paihowa hi'abi'abiye yababa.\nAlu'aluwa yababana ilau gwaipile towaho holanai\n24 'Ebe alu'aluwa yababana imahalava towaho ehebo ainaena, towahonane mata inamwanamwa, na alu'aluwawa yababanane mata ilau yabayababauhi na yana abamiya ibehabeha. Na ebe nigele iyalobai mata alu'aluwawa ibom ainai iwalo, \"Nuwana ana ita yalau gwaipileuyo yagu abamiyane miyamiyanawa ainai.\n25 Eeta ilau gwaipile ta ilobai abamiyawa masemaselena na atu'atububuna,\n26 ainaena ilau na alu'aluwa 7 yababa alilidi hinage ilauvaidima ta baidanao hiluwu abamiyawa ainai, ta nemai baidanao himiyamiya na towahonane yana miya hi'abiye yababa moiha, na abo mwalona.\nYaliyaya moiha\n27 Haugana Yeisu i'au'aubabada na ehebo waihiu bodaowa aidiyena alinana mwala'ina Yeisu iwalo auli, iwalo, 'Waihiu yehana ilalabahigone na ivevehuhugone iya tauyaliyaya moiha'.\n28 Na Yeisu iwalo, 'Hiya hesi Yaubada yana walo hibenalei na walonane hi'awa'awa abiyei, hiya moiha tauyaliyayaede'.\nYona iya ehebo aba'ita alidai\n29 Haugana bodaone Yeisu hitowolo polupoluwei, ainaena ivetuwuni aidiyai iwalo, 'Yaso teina yaso yababana! Wuwuna ve'ive'ilala vehabana hi'awanoi na hesi mata nigele Yaubada iya'abiye mahalava aidiyai na ve'ive'ilalane ala'alawowolina neta Yona ibom i'a'abiye mahalavane.\n30 Wuwuna Yona yana paihowa ainaena Nineva hihahanapuine ebeha iya Yaubada ainaena ilaoma. Dova hinage yau Tomowa Moihagu yagu paihowa aidiyena omiu yaso teina amhanapuigau ebeha Yaubada ainaena yalaoma.\n31 'Eeta moiha Yaubada yana lauvetala ana ahubena ainai mata Siba yadi tau'alawata itowolo na omiu yaso teina ive'ewaigomiu wuwuna waihiunane amwaha daodaowena ilaoma Solomoni yana walo hanahanapu habi benaleina, na yawalo auligomiu, teina ainai tomowa teya ihae alili abo Solomoni.\n32 'Dova hinage Yaubada yana lauvetala ana ahubena ainai hiya Nineva mata yaso teina hive'ewaigomiu wuwuna Yona aidiyai iguguya ta yadi mumuga yababadi aidiyena hinuwabui'o, na yawalo auligomiu, teina ainai tomowa teya ihae alili na abo Yona.\nLampa ana walo vegevegedi\n33 'Mata nigele teya yaiya lampa iyagabu na iyadawadawani guda ainai bo gaeba alonai, na hesi imwauhini abamwau ewanai ta vada ana tauluwuwo i'abiye maseledi.\n34 Ainaena mehemne taum ana masele dova, ta ebe mehem masemaselena taum maudoina masele i'oiye mwau. Eena ebe mehem iyababa mata taum maudoina iguguyou.\n35 Ainaena u'ita avivini mata dova ta yam maselene iguguyou.\n36 Na ebe taum maudoina masele i'oyemau, na nigele teya guguyou ainai, maudoina mata masemaselena dova lampa mwala'ina yana masele.\nPalisiwo yo loina ana tauve'itau Yeisu iwalowedi\n37 Yeisu i'aubabada i'ovi, na ehebo Palisi Yeisu iyogaei na baidana hi'ai eeta iluwu na imiya aba'ai ainai.\n38 Na Palisine nuwana ipwanopwano wuwuna i'itaya'o Yeisu nimanane nigele iyauwadi na i'ai'ai.\n39 Na Yeisu Palisine bada yana nuwatuwu ihanapuiya'o, ta ainai iwalo, 'Omiu Palisiwone dova vedi na gaeba, wuwuna dagela a'avadi amuwadi, na hesi holamiune imwau aiduma yo mumuga yababadi aidiyena.\n40 Omiu buwa! Yaubada ginauli maudoidi dageladi ipaihowaidi eeta iya hinage holadi ipaihowaidi.\n41 Na ebe yami atemuyamuyaena tauwewelohe hagu ammohemohedi neta mata omiu taumasele.\n42 'Omiu Palisiwone nuwayabayababamiu! Yami ginauli maudoina 10 na alodiyai ehebo. Yaubada ammohemohei, ginauliwone dova haiyala yo pam yo ai'ai adi abiye namwanamwa maudoidi. Na hesi mumuga dumwaluna na Yaubada ana velau nigele vehabadi amyanuwanuwatuwu. Teina paihowaone neta ginauli mwala'idi ebeha ammulitaedi, na yami aiyauya Yaubada ainai havena amnuwanuwapwanopwanowedi.\n43 'Omiu Palisiwone nuwayabayababamiu wuwuna vada tapwalolo aidiyai nuwanuwamiu abamiya namwanamwadi aidiyai ammiyamiya, na hinage nuwanuwamiu ebeha tomowa hivelavelauwegomiu abagimwala aidiyai ve'ahihiyena hive'ahihiyegomiu.\n44 'Omiu nuwayabayababamiu, wuwuna ami ita dova magai nigele ila'ilaladi na ewadiyena tomowa hilaulau.'\n45 Eena ehebo loina ana tauve'ita iwalo Yeisu ainai, iwalo, 'Tauve'ita yam walowone teina aidiyena ai hinage uhinahinaligai!'\n46 Na Yeisu iwalo, 'Omiu loina ana tauve'itao nuwayababamiu, wuwuna tomowa vitai mwala'idi nigele howahowadi na hi'avalaidi na omiu hesi amve'ave'avalaidi. Na omiu nigele habuluna nima gigimiu ehebo amyatuwu ta tenem vitaine amya'abitowoi.\n47 'Nuwayabayababamiu, omiu wuwuna tubumiyaowa tauwalo mahalavao higogohaye mwalowoidiwa adi magaiwone am'abi ili'ilimanidi.\n48 Eeta paihowanane ainaena tubumiyaowa am'awa'awa namwanamwaedi, ebeha hiya tauwalo mahalavaowa hi'oiye mwalowoidi'o na omiu adi magaiwowa aidiyai adi abanuwatuwu avivini am'abi'abidi.\n49 Ginauli teina vehabadi Yaubada yana hanapu imwauwi, iwalo, 'Howola abo tauwalo mahalavao yo yagu tauyewasao yavetamalediwa, na tupwadi am'oiye mwalowoidi na tupwadi am'abiye muyadi'.\n50 Ainaena yaso teina mata maiha maudoina amlobai tauwalo mahalavaowa himwamwalowoiwa bale'u yana abavetuwuni ainaena ta wau vehabadi,\n51 Neta Abeli hi'oiye mwalowoi na ainaena hi'oi'oiye mwalowoi ana higa Sekalaya hi'oiye mwalowoi vada tapwalolo ana abapwaoli ve'ave'ahihina ahi'ahipudiyai. Ainaena oiye mwalowoi maudoina adi maiha yaso teina mata amlobai.\n52 'Na hinage omiu loina ana tauve'itao nuwayabayababamiu wuwuna hanapu ana amwaha amguduiya'o, ta omiu nigele howahowana amluwu, na hinage hiya nuwanuwadi na hiluwu amguduguduidi.'\n53 Haugana Yeisu dalavanane ilaugabaei loina ana tauve'itao yo Palisiwo hiwalo dobidobiyei. Na ginauli bagibagilidi vehabadi hipanivilaei,\n54 ebeha vedova na yana walohapuli hilobai ta ainaena hive'ewai.","id":"<urn:uuid:cb5929d8-a0af-4b9e-9397-2eec9c56d846>","dump":"CC-MAIN-2024-18","url":"http:\/\/ebible.org\/study\/content\/texts\/kud\/LK11.html","date":"2024-04-15T05:16:24Z","file_path":"s3:\/\/commoncrawl\/crawl-data\/CC-MAIN-2024-18\/segments\/1712296816942.33\/warc\/CC-MAIN-20240415045222-20240415075222-00695.warc.gz","language":"kud","language_score":1.0000069141,"language_script":"Latn","minhash_cluster_size":1,"top_langs":"{\"kud_Latn_score\": 1.000006914138794}","num_words":1212,"character_repetition_ratio":0.054,"word_repetition_ratio":0.0,"special_characters_ratio":0.185,"stopwords_ratio":0.355,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"text":"4\nYaubada nuwanuwana mumuga namwanamwana\n1 Tahimaiyao, teina ginauli yana aba'ovi, mwalona mumuga ave'itagomiu ebeha Yaubada am'abiye yaliyaya ta teina haugadine bada ammulitaedi'o eeta havena amlaulaumwau na ebeha Bada Yeisu vehabana ampaihowa hamahamadudu.\n2 Yada Bada Yeisu yana loina yamohegomiu'o ta amhanapuidi'o.\n3 Yaubada nuwanuwana yami miya masemaselena na havena ammehemeheganawali,\n4 na ehebo ehebo amtawahola mumuga namwanamwana na dumwaluna ainaena.\n5 Havena nuwatuwu dawani dova hiya ganamuli Yaubada nigele hiyahanapui.\n6 Hinage havena vali tomowa mwanediyao amhalohaloidi mata dova Bada yana modi'ini amlobai. Ginaulidine bada mwalona vehabadi avenuwamwauwegomiu'o.\n7 Wuwuna Yaubada ivesinuwaegita nigele mumuga bi'ibi'idi vehabana, na hesi mumuga masemaseledi vehabana.\n8 Ainaena ebe yaiya loina iho'e nigele ebeha tomowa yadi loina na hesi Yaubada yana loina iho'eho'e wuwuna Alu'aluwa Ve'ahihi iya nuwatuwu ana tau'abiye masele ta teina Yaubada yana aiyauya alidai.\n9 Tahidao adi velau vehabana, mata nigele ayalelediwa, wuwuna Yaubada bada ive'itagomiu'o eeta ambom bada amvelauyoigomiu'o.\n10 Dova hinage tahidao Masedoniya holanai bada amvelauwedi'o. Eeta awalo huluhuluigomiu ta yami velauwone aidiyai imwala'i.\n11 Na hinage amtowoi ta ammiya daumwali na ambom yami paihowa ampaipaihowaidi, na havena tomowa yadi paihowa amvetavetalapiliyedi dova mwalona bada yawalo'o alimiyai.\n12 Teina ainaena mata hiya nigele Besinana ana tauyemidiwo hive'ahihiyegomiu eeta yami miya vehabana havena vali tomowa aidiyai amduiduivahali.\nBada yana laugwaipilema vehabana\n13 Tahimaiyao, havena amnuwanuwapwanopwano taumwalomwalowoi vehabadi na ebe teya ada gelu imwalowoi, havena amnuwanuwayababa dova hiya nigele yadi yemidi towolouyo ainai.\n14 Na ita Yeisu tayemidiyei ebeha mwalowoiyena itowolouyo na hinage tayemidiyei ebeha ada geluwo bada himwalowoi'o, Yaubada abo ilauvaidi Yeisu baidanao.\n15 Teina yada Bada yana walo awalowaloweine alimiyai ebeha haugana iwuyoma hiya taumwalowoi Besinana hilobai mugaiyei na ita mayawahida mulitai.\n16 Wuwuna Bada alinana mwala'ina howola imahalava, na tausagenawasao adi taumugai hinage iyoga yo hinage yoguli hiyuvi mwala'ina na Badawa galewaena i'aituluma na taumwalowoiwo mwalona Besinana ana tauyemidiwo hitowolo mugai,\n17 na hinage ita howola mayawahida hiya baidadao tahae galewai na yada Bada baidada tavelaulobaloba yaloyalovi ainai na iya baidada tamiya vateyai.\n18 Eeta teina wasane ainaena am'abiye wahiyalagomiu yo amyaliyaya.","id":"<urn:uuid:dacb12ee-53ba-4fa1-a6bb-12df95375a23>","dump":"CC-MAIN-2024-18","url":"http:\/\/ebible.org\/study\/content\/texts\/kud\/H14.html","date":"2024-04-22T16:30:20Z","file_path":"s3:\/\/commoncrawl\/crawl-data\/CC-MAIN-2024-18\/segments\/1712296818312.80\/warc\/CC-MAIN-20240422144517-20240422174517-00589.warc.gz","language":"kud","language_score":0.9999953508,"language_script":"Latn","minhash_cluster_size":1,"top_langs":"{\"kud_Latn_score\": 0.9999953508377075}","num_words":315,"character_repetition_ratio":0.041,"word_repetition_ratio":0.0,"special_characters_ratio":0.168,"stopwords_ratio":0.365,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"text":"3\nSadisi yadi leta\n1 'Tausagenawasane tautapwalolowone Sadisi ainai i'ita'ita avivinidine yana leta ulele Sadisiwone vehabadi, na uwalo,\n'Wasa teina ilaoma towahone ainaena, iya towahone Yaubada Alu'aluwana 7 yo hinage utui 7 ainai himiyamiya. Iya teina yana walomahalava alimiyai, iwalo:\n'Yami paihowa bada yahanapuidi'o, na wasamiu yabenalei ebeha mayawahimiu ammiyamiya, na hesi nigele, wuwuna alu'aluwamiu bada himwalowoi'o.\n2 Ainaena eno'enowena amtowolo na hava habuluna alimiyai imiyamiya am'abiye mwala'i, na havena maudoina imwalomwalowoi. Yahanapui yami paihowa yagu Yaubada mehenai tupwana nigele hiyadumwalu.\n3 Na mwalona ve'itanane hive'itagomiu'o yo ambenalena'o, howahowana amnuwatuwu avivini na amnuwabui, ta ammulita ili'ilimani. Na ebe nigele eno'enowena amyatowolo, howola abo alimiyai yalaowa na aluwamiu yavegavai dova tau'aivavali, na nigele amyahanapui aiteya ahubena ainai yalaowa.\n4 'Na tupwamiu Sadisi ainai ami ale'o masemaseledi, howola abo omiu baidaguwao talau ovi'ovi ma'ada ale'o hewahewadi, wuwuna omiu ilowoinanegomiu.\n5 Na ebe yaiyadiwo alimiyena Tomodulele amwahiyala gabaei omiu hinage ami ale'o hewahewana amli'wadi, na havena yehamiu yawahi bukina ainaena yaho'eho'e vehulu, na hesi ebeha yehamiu mata yawalo mahalavaedi Tamagu mayana tausagenawasao mehediyai, ebeha omiu yagu boda.\n6 'Eeta ebe alimiyena yaiya matalinana Alu'aluwa Ve'ahihi yana walo tauyemidiwo aidiyai ibenalei.\nPiladelipiya yadi leta\n7 'Tausagenawasane tautapwalolowone Piladelipiya ainai i'ita'ita avivinidine yana leta ulele Piladelipiyaone vehabadi na uwalo,\n'Wasa teina ilaoma iya masemaselena na moihana ainaena, na hinage iya Deivida yana abaho'e nimanai i'abi'abi avivini, na ebe awa'eda iho'e nigele teya howahowana na igudui, na hinage ebe igudui nigele teya howahowana iho'e.\n8 Iya teina yana walomahalava alimiyai iwalo:\n'Yami paihowao bada yahanapuidi'o, na hinage yahanahanapui yami wahiyala tupwana imiyamiya, wuwuna yagu ve'itao ammulimulitaedi, na hinage yehagu nigele amyauvalaei. Eeta amwaha yaho'eya'o mehemiyai na nigele teya howahowana na igudui.\n9 Na moiha, hiya Tomodulele yana bodao hi'oyama hiwalo ebeha hiya Yudeya, na hesi nigele. Eeta howola abo yaloinaedi na hilaoma mehemiyai na hipwagogo na maudoidi hihanapui ebeha omiu yavelauwegomiu.\n10 Na howola abo hauga vitai imahalava bale'uwai, na tomowa maudoidi itowoidi na omiu hesi mata vitaine ainai ya'ita avivinigomiu wuwuna yagu walo ammulimulitaedi na vehabagu am'alama'i'itaegomiu.\n11 'Muhamuhana abo yalaowa na hava dova alimiyai imiyamiya am'abi avivinidi na mata nigele yaiya maihane alimiyena iyavaivehulu.\n12 Na ebe alimiyena teya Tomodulele iwahiyala gabaei, yaloina na ivelogidi Yaubada yana vada ve'ahihi vehabana, na mata nigele hinage iyalaugabaei, na alimiyai Yaubada yehana yalele, na hinage Yaubada yana dalava yehana yalele, neta Yelusalem vauvauna, howola abo galewaena i'aituluma yagu Yaubada ainaena. Na hinage alimiyai yehagu vauvauna yalele.\n13 'Eeta ebe alimiyena yaiya matalinana, Alu'aluwa Ve'ahihi yana walo tauyemidiwo aidiyai ibenalei.\nLaodisiya yadi leta\n14 'Tausagenawasane tautapwalolowone Laodisiya ainai i'ita'ita avivinidine yana leta ulele Laodisiyaone vehabadi, na uwalo,\n'Wasa teina ilaoma Moiha ainaena iya tauwalo moiha, na hinage iya Yaubada yana paihowao wuwuna, iwalo mahalava alimiyai iwalo:\n15 Yami paihowao bada yahanapuidi'o ebeha nigele ala'ala wowoli yo gwagwama. Nuwanuwagu ehebo tupwa ainai ammiyamiya.\n16 Na hesi omiu bada ahi'ahipuwai, nigele ala'ala wowoli yo gwagwama yadi tupwai amyamiyamiya. Ainaena awaguwena mata yahowa vehulugomiu.\n17 Na omiu amwalo, \"Yau wasawasa, na ginauli maudoina howahowagu\", na nigele amyahanapui ebeha omiu bada wewelohe, na atemuyamuyamiu, na hinage mehegibugibumiu na bugebugewamiu.\n18 Ta ainaena yavenuwamwauwegomiu na aliguwena goula moiha amgimwala na ainaena amwasawasa, na hinage ale'o hewahewadi amgimwala na amli'wadi na havena mabugebugewamiu amlaulau, na hinage mulamula amgimwala na mehemiyai amhiwaidi na mehemiu himaseleuyo.\n19 'Na amnuwatuwu avivini ebeha yaiyadiwo omiu yavelauwegomiu, ta yahinahinabodaigomiu neta ya'abiye dumwalugomiu ta amwahiyala na amnuwabui.\n20 Na am'ita, yau yami awa'edai yatowotowolo na ya'aigohagoha. Na ebe yaiya owa alinagu ubenalei awa'eda uho'e, mata yaluwuwa na owa na yau tave'au'augelu, na owa baidagu ta'ai yaugogo.\n21 Na ebe yaiyadiwo alimiyena Tomodulele amwahiyala gabaei, yatalam alimiyai na baidaguwao tamiya yagu abamiya wasawasa ainai, dova yau Tomodulele yawahiyala gabaeine, ta Tamagu yana abamiya wasawasa ainai baidagu amiyamiyane.\n22 'Eeta ebe alimiyena yaiya matalinana Alu'aluwa Ve'ahihi yana walo tauyemidiwo aidiyai ibenalei.'","id":"<urn:uuid:9d58fc8a-ba6c-4fae-bdca-39a55db4a3ed>","dump":"CC-MAIN-2024-18","url":"http:\/\/ebible.org\/study\/content\/texts\/kud\/RV3.html","date":"2024-04-15T19:45:02Z","file_path":"s3:\/\/commoncrawl\/crawl-data\/CC-MAIN-2024-18\/segments\/1712296817014.15\/warc\/CC-MAIN-20240415174104-20240415204104-00481.warc.gz","language":"kud","language_score":1.0000042915,"language_script":"Latn","minhash_cluster_size":1,"top_langs":"{\"kud_Latn_score\": 1.0000042915344238}","num_words":604,"character_repetition_ratio":0.056,"word_repetition_ratio":0.015,"special_characters_ratio":0.179,"stopwords_ratio":0.336,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"text":"3\n1 Ebe dova, hava ana namwanamwa ita boda teina yehada Yudeya? Na hinage hava ana namwanamwa ve'ive'ilala tauda hihapihapidi?\n2 Ta moiha, ginauli namwanamwadi bagibagilidi alidai himiyamiya. Na ginauli mugamugaina neta Yaubada yana walo alidai imwauwiya'o.\n3 Na ebe Yudeyaone tupwadi nigele hiyayemidi, neta mata vedova? Mata taunuwatuwu bwaubwau vehabadi na Yaubada yana waloyemidi mata nigele iyayemala moiha, bo?\n4 Mata nigele! Bwagana tomowa maudoidi hi'oya'oyama na Yaubada mata nigele iya'oyama. Dova Yaubada yana Buki ainai hilele hiwalo,\n'Yam walo aidiyai ebeha tomowa hi'awa dumwaluwego.\nLauvetala ainai yam walo hidumwalu ta havena tomowa hiwalo au'auhi.'\n5 Hesi ebe yada mumuga yababa Yaubada yana mumuga namwanamwana i'abiye mahalava, na hava vehabana mata ilaumehe sabuwegitane. Nuwana mumugana nigele hi'abiye dumwalu, bo? (Teina tomowa yadi nuwatuwuwena ya'au'aubabadane.)\n6 Mata nigele. Wuwuna ebe Yaubada nigele yana dumwalu nigele howahowana taumiya bale'u ilauvetalaegita.\n7 Eeta yada ve'oya'oyamaena mata Yaubada yana vewasawasa yo yana dumwalu ta'abiye mahalava, hava vehabana na mata ve'ewa tavai ita tauyababa.\n8 Na nuwana amwa'amwaha yababadi ta paipaihowaidi aidiyena na mata Yaubada yana namwanamwa ta'ita lobai, bo? Mata nigele. Tomowa tupwadi teina ve'itane vehabana na hiwalo sebasebaiyegau. Na ana dumwalu hiya mata ve'ewa hivai.\nNigele teya yana mumuga namwanamwana\n9 Ebeha ita Yudeya yada miyamiyane nigele Yudeya yadi miyamiya inamwanamwa gabaei? Nigele! Bada yave'itagita'o ebeha maudoida tauyababa.\n10 Dova Buki Ve'ahihi yana walomahalava iwalo:\n'Nigele teya yana mumuga dumwaluna. Nigele alili.\n11 Nigele hinage teya yaiya iyahanapui,\nta nigele teya yaiya Yaubada iyabehabehaei.\n12 Eeta, tomowa maudoidi bada hilau hapuli'o\nta amwaha yababana ainai himahalava'o.\nNigele teya hinage yana paihowa namwanamwana. Nigele alili.\n13 Na awadi hibowa dova magai ho'eho'ena,\nta ve'oya'oyama memenadiyena himahamahalava.\nHopadiyena yadi walowone dova weso womawomalidi.\n14 Na walo yabayababa yo manini hauga maudoina himahamahalava.\n15 Na aedi himwayamwayau tomowa adi oiyemwalowoi vehabadi.\n16 Na ebe aiteya tupwa ainai hilalau, mata ginauli maudoina hi'abiye yababadi yo hivenuwayababadi.\n17 Nigele teya nuwadaumwali bo ve'awa au'augelu aidiyai iyamiyamiya.\n18 Yo hinage nigele Yaubada ana meheuhi aidiyai iyamiyamiya.'\n19 Na wau tahanapuiya'o Mosese yana loina hava iwalowaloweine neta iwalowalo lawei yaiyadiwo loina alonai adi taumiya aidiyai. Eeta neta ainai na tomowa mata nigele hiyawalo au'auhi na Yaubada mata tomowa maudoida ilauvetalaegita.\n20 Wuwuna mata nigele yaiya teya iwalo, 'Yaubada mehenai yau yadumwalu wuwuna yana loina hava iwalowalowei maudoina yamulimulitaei'. Loina yana paihowa tomowa ipaihowaidi ta hi'itauyoidi ebeha bada hiyababa'o.\nYaubada imwau dumwaluwegita\n21 Hesi teina hauga Yaubada tomowa imwauye dumwalugitawa iya baidana bada imiya mahalava'o. Iya nigele yana paihowa loina yana tupwa ainai. Bwagana Mosese yana loina yo tauwalo mahalavao teina mumugane hiwalo'auligita.\n22 Yaubada tomowa imwau yedumwalugita yada yemidi ainaena Yeisu Besinana ainai. Teina dova Yaubada ipaihowai maudoida Yeisu Besinana ana tauyemidiwo alidai wuwuna nigele teya ana vagavaga.\n23 Taumiya bale'u maudoida tauyababa, na tamiya wahi Yaubada yana wasawasa ainaena.\n24 Na hesi Yaubada yana aiyauya ve'i'ilaena maudoida imwau yedumwalugita Yeisu Besinana ainaena ta ihahaloigitane.\n25 Na Yaubada Natuna i'aiyauyanei ta 'wahinanaena ilauvaigita Yaubada ainai baidada tave'au'augelu, neta ebe Yeisu tayemidiyei. Teina Yaubada ipaihowai ta ainaena ive'itagita ebeha iya taudumwalu, wuwuna mwalona tomowa yadi yababao i'itadi'waidi na i'alama'i'ita ana higa Yeisu Besinana ivetamalenama alidai.\n26 Eeta teina hauga Yaubada ive'itagita ebeha ibom taudumwaluna, ta Yeisu ana tauyemidiwo ita i'awa dumwaluwegitai.\n27 Eena vedova, howahowana tawalo haehae ginauli teina vehabana? Nigele ta'i! Wuwuna yada yemidi a'ava ainaena i'awa'awa dumwaluwegita, na nigele loina ana awa'abi ainaena.\n28 Ainaena ta'ita lobai neta tomowa yada yemidiyena Yaubada mata i'awa dumwaluwegita, na nigele loina ana awa'abi ainaena.\n29 Yede Yaubada ita Yudeya tabom yada Yaubada? Nigele, na nigele Yudeya hinage yadi Yaubada.\n30 Yaubada ehebo ta'i. Ainaena na ita Yudeya imwauye dumwalugita yada yemidiyena, na hinage nigele Yudeya yadi yemidiyena imwau yedumwaluwedi.\n31 Eeta ebeha teina yemidine vehabana na Mosese yana loina tamwau gabaei, bo? Nigele! Hesi loina ana tupwa ainai tatowolo wahiyala.","id":"<urn:uuid:e6145063-2079-464b-9dcb-9a2f5743205b>","dump":"CC-MAIN-2024-18","url":"http:\/\/ebible.org\/study\/content\/texts\/kud\/RM3.html","date":"2024-04-23T03:49:05Z","file_path":"s3:\/\/commoncrawl\/crawl-data\/CC-MAIN-2024-18\/segments\/1712296818464.67\/warc\/CC-MAIN-20240423033153-20240423063153-00496.warc.gz","language":"kud","language_score":0.9999818802,"language_script":"Latn","minhash_cluster_size":1,"top_langs":"{\"kud_Latn_score\": 0.9999818801879883}","num_words":597,"character_repetition_ratio":0.065,"word_repetition_ratio":0.0,"special_characters_ratio":0.186,"stopwords_ratio":0.395,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}