diff --git "a/kqn_Latn/fineweb-2_000001_keep.jsonl" "b/kqn_Latn/fineweb-2_000001_keep.jsonl" new file mode 100644--- /dev/null +++ "b/kqn_Latn/fineweb-2_000001_keep.jsonl" @@ -0,0 +1,292 @@ +{"text":"MUKAMBIZHO MUKATAMPE PA NSAMBU YAFWAINWA MUNTU\nLULAVANANO\nByo kyayukanyikwa mba buneme ne kwesakena pamo kwa bonse bantu mubisemi byabo, kokuleta kukasuluka, bololoke ne mutende pano pa ntanda;\nByo kyaykanyikwa mba kubula kushingika muntu kileta byubilo byatama byalula milanguluko yanji ne ya ntanda yonse moekala kasa asangalala;\nByokiji mba kyanema, kubula kukanjikizna muntu kuba kyatama, kubula kusatukila butangi, kyawama kumona mba nsambu iji na muntu yavimbilwa,\nByokiji mba kyanema kuleta lumvwanano pakachi ka bantu ne mitundu,\nByokiji mba bisaka bya bantu mu kije kya United Nations byaitabuzhanya mba muntu wafwainwa kwikala na nsambu ya kwikala wakasuluka, waesakena pamo na bantu bakwabo wingijila pamo na bakwabo bantu,\nByokiji mba byalo byaswisha limvwanano kupichila mkije kya United Nations ne kumona mba byalama munemw wa kunemeka bantu,\nByokiji mba kolondela ino milaye ne mikambizho kyanema,\nKine, nanchi kije kya General Assembly kyaitaba mba Uno mukambizho mukatampe wapana nsambu ku muntu kwikala wakasuluka, ekale ke wakuyulula mikoka yonse ya bantu kikupu amba yense muntu nangwa kije kyonse kilondela uno mukamizho, kikekala ke kya kumwenako\nMUKAMBIZHO MWINE PA MAMBO A KUKASULUKA KWA MUNTU MBWIKALO\nKinembelo 1\nBonse bantu basemwa bakasuluka kabiji baesakena pamo mubuneme. Baji na maana a kulanguluka kabiji bobila bantu bakwabo byubilo bakwibasekesha.\nKinembelo 2\nYense muntu uji na nsambu kabiji wakasuluka mwaila mukambizho, kwakubula kutala pa mutundu, mukoka, lwitabilo lwanij mu bya ntanda, bya Lesa, nangwa milanguluko yanji, kana wa mulume nangwa wa mukazhi, bunonshi nangwa bwikalo, kifulo kyanji ne bikwabotu bintu.\nKikwabo, kechi pakekala lupusano pa byabumulwila ntanda nangwa lwa kyalo mwikala yeo muntu ne nangwa kyalo kyatambula bwana bwakyo, nangwa bekilama, nangwa bakikiwila.\nKinembelo 3\nYense muntu uji na nsambu ya kwikala na bumi, wakasuluka kabiji wavimbilwa.\nKinembelo 4\nKafwako nangwa umo ukekala muzha nangwa wa kwingijila mukwabo muntu kwakubula malipilo; buzha kechi bukekalako ine.\nKinembelo 5\nKafwako nangwa umo ukamanyikwanga nangwa kumuyan jishane.\nKinembelo 6\nYense wafwainwa kulangulukila amba muntu mwaila mizhilo.\nKinembelo 7\nBonse bantu baesakena pamo mwaila mizhilo kabiji kechi bafwainwa kwibasalulula mwaila mizhilone. Bonse bafwainwa kuvimbilwa.\nKinembelo 8\nYense muntu mwaila mizhilo wavimbilwa ku mikambizho yatama ya kyalo yabula kuilamo.\nKinembelo 9\nKafwako nangwa umo ye bakakasa nangwa kumupanga mukyalo kwa kubula mambo ne.\nKinembelo 10\nYense muntu uji na nsambu ya kumumvwina mambo o ejizhanya.\nKinembelo 11\n- Yense walenga mambo akatampe kechi wafwainwa kuchibilwa ponka potu ine, poso wazhatwa nao mukije kya mizhilo.\n- Kafwako ye bakazhachisha na mambo kasa abujile kwialenga. Kabiji kechi baka mutongwele mambo akwabo apusana na atanshi mukusaka kumuzhachishane.\nKinembelo 12\nKafwako muntu ye bakakanjikizha kusolola nangwa kwamba bintu byabufyafya byanji, byakisemi kyanji, byanzubo yanji, makalata oanemba nangwa ku mu kabisha na mambo a bifulo byoajinga nabyo. Yense wavimbilwa na muzhilo.\nKinembelo 13\n- Yense uji na nsambu yakwenda ne kuya koasaka nakwikala mukyalo.\n- Yense uji na nsambu ya kufuma mukyalo kyanji ne byalo bikwabo ne kubwela.\nKinembelo 14\n- Yense uji na nsambu ya kunyemena mukyalo kingi kuchina kumumanyika mu kyalo kyanji.\n- Uno muzhilo kechi wikalakone umvwe wanyema kumanyikwa na mambo akwabo kukila bya bumulwila ntanda.\nKinembelo 15\n- Yense wafwainwa kutambula bwina kyalo.\n- Kafwako ye bakakanya kutambula bwina kyalo nangwa kupimpula bwina kyalo bwanji.\nKinembelo 16\n- Bana balume ne bana bakazhi bakoma, kwakubula kutala pa mutundu nangwa mukoka baji na nsambu ya kusongola nangwa kusongolwa ne kwikala na nzubo. Kabiji bafwainwa kwikala basekelamo mu masongola abo.\n- Masongola afwainwa kwikalako poso bonse babiji baitabuzhana.\n- Kisemi kyo kitendekesho mwaila bisaka bya bantu onkao mambo kyafwainwa kuvimbila.\nKinembelo 17\n- Yense uji na nsambu yakunonka kintu, bunke nangwa mukipanyi na bakwabo.\n- Kafwako yebakangata nsabo yanji mu lukanakana.\nKinembelo 18\nYense muntu wafwainwa kwilangulukila ne kwifukwila byakuba.\nKinembelo 19\nYense uji na nsambu ya kwamba moalangulukila, kabiji wakosha kubulanana milanguluko yanji kubanembeshi babyambo.\nKinembelo 20\n- Yense uji na nsambu ya kupwila pamo na bakwabo.\n- Kafwako ye bakonsha kukanjikizha kupwila pamo na bakwabo ne.\nKinembelo 21\n- Yense waswishiwa kwikala na nsambu mu kafulumende wa kyalo kyanji, kupichila mwi aye mwine nangwa ntomesha wasalwa.\n- Yense waswishiwa kwingila mu kafulumende ya kyalo kyanji.\n- Ngovu ya bantu (Milangwe) po paimana bulume bwa kafulumende, ino ngovu ikamwekela mu kusala kwikalako kimye ne kimye kwa bufyafya kwa bantu bonse.\nKinembelo 22\nYense muntu mu kyalo wafwainwa wavimbilwa mubwikalo bwanji, kupichila mu lumvwanano mukyalo kabiji ne pakachi kabyalo, kuila mu bunonshi, bukomo, bwikalo ne kisemwa-bileta buneme ne bukomo kwiaye mwine.\nKinembelo 23\n- Yense wafwainwa kwingila; uji na nsambu ya kusala mingilo yoatemwa yamusekesha kabiji yakonsha kutwajijila.\n- Yense kwakubula lupusanone, wafwainwa kulipilwa malipilo a esakana na mingilo.\n- Yense wingila wafwainwa kulipilwa malipilo a mufwainwa aye mwine pamo ne kisemi kyanji.\n- Yense uji na nsambu yakutwela ne kwikala membala mu bije byambilako bamingilo pakuba mba ekale wavimbilwa.\nKinembelo 24\nYense uji na nsambu ya kukokoloka ne kukaya, kabiji wafwainwa kwingila bimye byatongolwa kabiji wafwainwa kwikala na kimye kya kukokoloka.\nKinembelo 25\n- Yense wafwainwa kwikala na bikwalo bwawama pakuba mba ekale nabututulu bwamubiji, kisemi kyanji kikale bulongo, ekale na kajo kavula, bivwalo byafwainwa, pakulala pawama ne byonse bisakiwa mubwikalo ne mu bumi bwa muntu.\n- Bana bakazhi ne bana babo bafwainwa kulama bulongo. Bonse bana nangwa kechi baji na bashabo bapamute ine nabo bafwainwa kulama bulongo.\nKinembelo 26\n- Yense wafwainwa kufunda. Lufunjisho lwafwainwa kwikala lwatu, kikatakata kutendekelo. Lufunjisho lwa kutendekelapo lwafwainwa kwikala lwa bonse. Lufunjisho lwapeulu lwafwainwa kwikalako.\n- Lufunjisho lwafwainwa kwikala lwakuleta bukomo ku muntu pamo ne kukosesha nsambu yanji. Lukekala lwakuleta lumvwanano, lulekelo, ne bulunda pakachi ka byalo, mitundu ne lwitabilo lwabo, kabiji lukakwasha kusutula mingilo ya kije kya United Nations mukuleta mutende.\n- Bansemi baji na luusa lwakusajila bana babo lufunjisho.\nKinembelo 27\n- Yense uji na luusa lwakwifwezha mu bya kisemwa, byakishakulu kabiji ne kwingijila pamo mukuwamisha byonse bino.\n- Yense uji na luusa lwa kuvimbila mafunde a bwikalo pakuba mba kechi bataye byakishakulu ne.\nKinembelo 28\nYense uji na luusa lwa uno mukambizho wa kambizha bwikalo bwaafwainwa ku muntu.\nKinembelo 29\n- Yense uji na luusa lwa kwikala na bantu bakwabo bo amona mba bwikalo bwanji bwakonsha kuwama.\n- Mwaila ino nsambu, yense muntu ukakonsha kulondela mikambizho mwaila mizhilo kasa amwesha mushingi wa ino mikambizho pamo ne kubakwabo bantu pakuba mba pekale lumvwanano.\n- Ino nsambu yapanyiwa kechi yafwainwa kwiingijisha kwakubula kulondela binshite bine bya kije kya United Nations ine.\nKinembelo 30\nKafwako nangwa kimo mu ino mikambizho kyalamata kukyalo nangwa muntu kyo bakonsha kwingijisha mukwingila byubilo byabula kufwainwa mwaila nsambu ne ngovu ya tongolwane.","id":"","dump":"CC-MAIN-2014-10","url":"http:\/\/www.ohchr.org\/EN\/UDHR\/Pages\/Language.aspx?LangID=kqn","date":"2014-03-12T12:48:14Z","file_path":"s3:\/\/commoncrawl\/crawl-data\/CC-MAIN-2014-10\/segments\/1394021767060\/warc\/CC-MAIN-20140305121607-00035-ip-10-183-142-35.ec2.internal.warc.gz","language":"kqn","language_score":1.0000090599,"language_script":"Latn","minhash_cluster_size":106,"top_langs":"{\"kqn_Latn_score\": 1.0000090599060059}","num_words":1003,"character_repetition_ratio":0.097,"word_repetition_ratio":0.0,"special_characters_ratio":0.174,"stopwords_ratio":0.17,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"© 1996 – 2009 The Office of the High Commissioner for Human Rights\nThis HTML version prepared by the UDHR in Unicode project, http:\/\/www.unicode.org\/udhr.\nByo kyayukanyikwa mba buneme ne kwesakena pamo kwa bonse bantu mubisemi byabo, kokuleta kukasuluka, bololoke ne mutende pano pa ntanda;\nByo kyaykanyikwa mba kubula kushingika muntu kileta byubilo byatama byalula milanguluko yanji ne ya ntanda yonse moekala kasa asangalala;\nByokiji mba kyanema, kubula kukanjikizna muntu kuba kyatama, kubula kusatukila butangi, kyawama kumona mba nsambu iji na muntu yavimbilwa,\nByokiji mba kyanema kuleta lumvwanano pakachi ka bantu ne mitundu,\nByokiji mba bisaka bya bantu mu kije kya United Nations byaitabuzhanya mba muntu wafwainwa kwikala na nsambu ya kwikala wakasuluka, waesakena pamo na bantu bakwabo wingijila pamo na bakwabo bantu,\nByokiji mba byalo byaswisha limvwanano kupichila mkije kya United Nations ne kumona mba byalama munemw wa kunemeka bantu,\nByokiji mba kolondela ino milaye ne mikambizho kyanema,\nKine, nanchi kije kya General Assembly kyaitaba mba Uno mukambizho mukatampe wapana nsambu ku muntu kwikala wakasuluka, ekale ke wakuyulula mikoka yonse ya bantu kikupu amba yense muntu nangwa kije kyonse kilondela uno mukamizho, kikekala ke kya kumwenako\nMUKAMBIZHO MWINE PA MAMBO A KUKASULUKA KWA MUNTU MBWIKALO\nBonse bantu basemwa bakasuluka kabiji baesakena pamo mubuneme. Baji na maana a kulanguluka kabiji bobila bantu bakwabo byubilo bakwibasekesha.\nYense muntu uji na nsambu kabiji wakasuluka mwaila mukambizho, kwakubula kutala pa mutundu, mukoka, lwitabilo lwanij mu bya ntanda, bya Lesa, nangwa milanguluko yanji, kana wa mulume nangwa wa mukazhi, bunonshi nangwa bwikalo, kifulo kyanji ne bikwabotu bintu.\nKikwabo, kechi pakekala lupusano pa byabumulwila ntanda nangwa lwa kyalo mwikala yeo muntu ne nangwa kyalo kyatambula bwana bwakyo, nangwa bekilama, nangwa bakikiwila.\nYense muntu uji na nsambu ya kwikala na bumi, wakasuluka kabiji wavimbilwa.\nKafwako nangwa umo ukekala muzha nangwa wa kwingijila mukwabo muntu kwakubula malipilo; buzha kechi bukekalako ine.\nKafwako nangwa umo ukamanyikwanga nangwa kumuyan jishane.\nYense wafwainwa kulangulukila amba muntu mwaila mizhilo.\nBonse bantu baesakena pamo mwaila mizhilo kabiji kechi bafwainwa kwibasalulula mwaila mizhilone. Bonse bafwainwa kuvimbilwa.\nYense muntu mwaila mizhilo wavimbilwa ku mikambizho yatama ya kyalo yabula kuilamo.\nKafwako nangwa umo ye bakakasa nangwa kumupanga mukyalo kwa kubula mambo ne.\nYense muntu uji na nsambu ya kumumvwina mambo o ejizhanya.\n1. Yense walenga mambo akatampe kechi wafwainwa kuchibilwa ponka potu ine, poso wazhatwa nao mukije kya mizhilo.\n2. Kafwako ye bakazhachisha na mambo kasa abujile kwialenga. Kabiji kechi baka mutongwele mambo akwabo apusana na atanshi mukusaka kumuzhachishane.\nKafwako muntu ye bakakanjikizha kusolola nangwa kwamba bintu byabufyafya byanji, byakisemi kyanji, byanzubo yanji, makalata oanemba nangwa ku mu kabisha na mambo a bifulo byoajinga nabyo. Yense wavimbilwa na muzhilo.\n1. Yense uji na nsambu yakwenda ne kuya koasaka nakwikala mukyalo.\n2. Yense uji na nsambu ya kufuma mukyalo kyanji ne byalo bikwabo ne kubwela.\n1. Yense uji na nsambu ya kunyemena mukyalo kingi kuchina kumumanyika mu kyalo kyanji.\n2. Uno muzhilo kechi wikalakone umvwe wanyema kumanyikwa na mambo akwabo kukila bya bumulwila ntanda.\n1. Yense wafwainwa kutambula bwina kyalo.\n2. Kafwako ye bakakanya kutambula bwina kyalo nangwa kupimpula bwina kyalo bwanji.\n1. Bana balume ne bana bakazhi bakoma, kwakubula kutala pa mutundu nangwa mukoka baji na nsambu ya kusongola nangwa kusongolwa ne kwikala na nzubo. Kabiji bafwainwa kwikala basekelamo mu masongola abo.\n2. Masongola afwainwa kwikalako poso bonse babiji baitabuzhana.\n3. Kisemi kyo kitendekesho mwaila bisaka bya bantu onkao mambo kyafwainwa kuvimbila.\n1. Yense uji na nsambu yakunonka kintu, bunke nangwa mukipanyi na bakwabo.\n2. Kafwako yebakangata nsabo yanji mu lukanakana.\nYense muntu wafwainwa kwilangulukila ne kwifukwila byakuba.\nYense uji na nsambu ya kwamba moalangulukila, kabiji wakosha kubulanana milanguluko yanji kubanembeshi babyambo.\n1. Yense uji na nsambu ya kupwila pamo na bakwabo.\n2. Kafwako ye bakonsha kukanjikizha kupwila pamo na bakwabo ne.\n1. Yense waswishiwa kwikala na nsambu mu kafulumende wa kyalo kyanji, kupichila mwi aye mwine nangwa ntomesha wasalwa.\n2. Yense waswishiwa kwingila mu kafulumende ya kyalo kyanji.\n3. Ngovu ya bantu (Milangwe) po paimana bulume bwa kafulumende, ino ngovu ikamwekela mu kusala kwikalako kimye ne kimye kwa bufyafya kwa bantu bonse.\nYense muntu mu kyalo wafwainwa wavimbilwa mubwikalo bwanji, kupichila mu lumvwanano mukyalo kabiji ne pakachi kabyalo, kuila mu bunonshi, bukomo, bwikalo ne kisemwa-bileta buneme ne bukomo kwiaye mwine.\n1. Yense wafwainwa kwingila; uji na nsambu ya kusala mingilo yoatemwa yamusekesha kabiji yakonsha kutwajijila.\n2. Yense kwakubula lupusanone, wafwainwa kulipilwa malipilo a esakana na mingilo.\n3. Yense wingila wafwainwa kulipilwa malipilo a mufwainwa aye mwine pamo ne kisemi kyanji.\n4. Yense uji na nsambu yakutwela ne kwikala membala mu bije byambilako bamingilo pakuba mba ekale wavimbilwa.\nYense uji na nsambu ya kukokoloka ne kukaya, kabiji wafwainwa kwingila bimye byatongolwa kabiji wafwainwa kwikala na kimye kya kukokoloka.\n1. Yense wafwainwa kwikala na bikwalo bwawama pakuba mba ekale nabututulu bwamubiji, kisemi kyanji kikale bulongo, ekale na kajo kavula, bivwalo byafwainwa, pakulala pawama ne byonse bisakiwa mubwikalo ne mu bumi bwa muntu.\n2. Bana bakazhi ne bana babo bafwainwa kulama bulongo. Bonse bana nangwa kechi baji na bashabo bapamute ine nabo bafwainwa kulama bulongo.\n1. Yense wafwainwa kufunda. Lufunjisho lwafwainwa kwikala lwatu, kikatakata kutendekelo. Lufunjisho lwa kutendekelapo lwafwainwa kwikala lwa bonse. Lufunjisho lwapeulu lwafwainwa kwikalako.\n2. Lufunjisho lwafwainwa kwikala lwakuleta bukomo ku muntu pamo ne kukosesha nsambu yanji. Lukekala lwakuleta lumvwanano, lulekelo, ne bulunda pakachi ka byalo, mitundu ne lwitabilo lwabo, kabiji lukakwasha kusutula mingilo ya kije kya United Nations mukuleta mutende.\n3. Bansemi baji na luusa lwakusajila bana babo lufunjisho.\n1. Yense uji na luusa lwakwifwezha mu bya kisemwa, byakishakulu kabiji ne kwingijila pamo mukuwamisha byonse bino.\n2. Yense uji na luusa lwa kuvimbila mafunde a bwikalo pakuba mba kechi bataye byakishakulu ne.\nYense uji na luusa lwa uno mukambizho wa kambizha bwikalo bwaafwainwa ku muntu.\n1. Yense uji na luusa lwa kwikala na bantu bakwabo bo amona mba bwikalo bwanji bwakonsha kuwama.\n2. Mwaila ino nsambu, yense muntu ukakonsha kulondela mikambizho mwaila mizhilo kasa amwesha mushingi wa ino mikambizho pamo ne kubakwabo bantu pakuba mba pekale lumvwanano.\n3. Ino nsambu yapanyiwa kechi yafwainwa kwiingijisha kwakubula kulondela binshite bine bya kije kya United Nations ine.\nKafwako nangwa kimo mu ino mikambizho kyalamata kukyalo nangwa muntu kyo bakonsha kwingijisha mukwingila byubilo byabula kufwainwa mwaila nsambu ne ngovu ya tongolwane.","id":"","dump":"CC-MAIN-2014-42","url":"http:\/\/unicode.org\/udhr\/d\/udhr_kqn.html","date":"2014-10-26T01:05:49Z","file_path":"s3:\/\/commoncrawl\/crawl-data\/CC-MAIN-2014-42\/segments\/1414119653628.45\/warc\/CC-MAIN-20141024030053-00121-ip-10-16-133-185.ec2.internal.warc.gz","language":"kqn","language_score":1.0000078678,"language_script":"Latn","minhash_cluster_size":64,"top_langs":"{\"kqn_Latn_score\": 1.0000078678131104}","num_words":986,"character_repetition_ratio":0.087,"word_repetition_ratio":0.0,"special_characters_ratio":0.173,"stopwords_ratio":0.172,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"|Mukambizho Mukatampe Pa Nsambu Yafwainwa Muntu|\n\n\nLULAVANANO\nByo kyayukanyikwa mba buneme ne kwesakena pamo kwa bonse bantu mubisemi byabo, kokuleta kukasuluka, bololoke ne mutende pano pa ntanda;\nByo kyaykanyikwa mba kubula kushingika muntu kileta byubilo byatama byalula milanguluko yanji ne ya ntanda yonse moekala kasa asangalala;\nByokiji mba kyanema, kubula kukanjikizna muntu kuba kyatama, kubula kusatukila butangi, kyawama kumona mba nsambu iji na muntu yavimbilwa,\nByokiji mba kyanema kuleta lumvwanano pakachi ka bantu ne mitundu,\nByokiji mba bisaka bya bantu mu kije kya United Nations byaitabuzhanya mba muntu wafwainwa kwikala na nsambu ya kwikala wakasuluka, waesakena pamo na bantu bakwabo wingijila pamo na bakwabo bantu,\nByokiji mba byalo byaswisha limvwanano kupichila mkije kya United Nations ne kumona mba byalama munemw wa kunemeka bantu,\nByokiji mba kolondela ino milaye ne mikambizho kyanema,\nKine, nanchi kije kya General Assembly kyaitaba mba Uno mukambizho mukatampe wapana nsambu ku muntu kwikala wakasuluka, ekale ke wakuyulula mikoka yonse ya bantu kikupu amba yense muntu nangwa kije kyonse kilondela uno mukamizho, kikekala ke kya kumwenako\nMUKAMBIZHO MWINE PA MAMBO A KUKASULUKA KWA MUNTU MBWIKALO\nKinembelo 1\nBonse bantu basemwa bakasuluka kabiji baesakena pamo mubuneme. Baji na maana a kulanguluka kabiji bobila bantu bakwabo byubilo bakwibasekesha.\nKinembelo 2\nYense muntu uji na nsambu kabiji wakasuluka mwaila mukambizho, kwakubula kutala pa mutundu, mukoka, lwitabilo lwanij mu bya ntanda, bya Lesa, nangwa milanguluko yanji, kana wa mulume nangwa wa mukazhi, bunonshi nangwa bwikalo, kifulo kyanji ne bikwabotu bintu.\nKikwabo, kechi pakekala lupusano pa byabumulwila ntanda nangwa lwa kyalo mwikala yeo muntu ne nangwa kyalo kyatambula bwana bwakyo, nangwa bekilama, nangwa bakikiwila.\nKinembelo 3\nYense muntu uji na nsambu ya kwikala na bumi, wakasuluka kabiji wavimbilwa.\nKinembelo 4\nKafwako nangwa umo ukekala muzha nangwa wa kwingijila mukwabo muntu kwakubula malipilo; buzha kechi bukekalako ine.\nKinembelo 5\nKafwako nangwa umo ukamanyikwanga nangwa kumuyan jishane.\nKinembelo 6\nYense wafwainwa kulangulukila amba muntu mwaila mizhilo.\nKinembelo 7\nBonse bantu baesakena pamo mwaila mizhilo kabiji kechi bafwainwa kwibasalulula mwaila mizhilone. Bonse bafwainwa kuvimbilwa.\nKinembelo 8\nYense muntu mwaila mizhilo wavimbilwa ku mikambizho yatama ya kyalo yabula kuilamo.\nKinembelo 9\nKafwako nangwa umo ye bakakasa nangwa kumupanga mukyalo kwa kubula mambo ne.\nKinembelo 10\nYense muntu uji na nsambu ya kumumvwina mambo o ejizhanya.\nKinembelo 11\nKinembelo 12\nKafwako muntu ye bakakanjikizha kusolola nangwa kwamba bintu byabufyafya byanji, byakisemi kyanji, byanzubo yanji, makalata oanemba nangwa ku mu kabisha na mambo a bifulo byoajinga nabyo. Yense wavimbilwa na muzhilo.\nKinembelo 13\nKinembelo 14\nKinembelo 15\nKinembelo 16\nKinembelo 17\nKinembelo 18\nYense muntu wafwainwa kwilangulukila ne kwifukwila byakuba.\nKinembelo 19\nYense uji na nsambu ya kwamba moalangulukila, kabiji wakosha kubulanana milanguluko yanji kubanembeshi babyambo.\nKinembelo 20\nKinembelo 21\nKinembelo 22\nYense muntu mu kyalo wafwainwa wavimbilwa mubwikalo bwanji, kupichila mu lumvwanano mukyalo kabiji ne pakachi kabyalo, kuila mu bunonshi, bukomo, bwikalo ne kisemwa-bileta buneme ne bukomo kwiaye mwine.\nKinembelo 23\nKinembelo 24\nYense uji na nsambu ya kukokoloka ne kukaya, kabiji wafwainwa kwingila bimye byatongolwa kabiji wafwainwa kwikala na kimye kya kukokoloka.\nKinembelo 25\nKinembelo 26\nKinembelo 27\nKinembelo 28\nYense uji na luusa lwa uno mukambizho wa kambizha bwikalo bwaafwainwa ku muntu.\nKinembelo 29\nKinembelo 30\nKafwako nangwa kimo mu ino mikambizho kyalamata kukyalo nangwa muntu kyo bakonsha kwingijisha mukwingila byubilo byabula kufwainwa mwaila nsambu ne ngovu ya tongolwane.","id":"","dump":"CC-MAIN-2018-09","url":"http:\/\/worldpeaceelite.org\/index.php\/udhr?catid=76&id=246:udhr-kaonde","date":"2018-02-20T21:32:20Z","file_path":"s3:\/\/commoncrawl\/crawl-data\/CC-MAIN-2018-09\/segments\/1518891813109.36\/warc\/CC-MAIN-20180220204917-20180220224917-00221.warc.gz","language":"kqn","language_score":1.0000094175,"language_script":"Latn","minhash_cluster_size":8,"top_langs":"{\"kqn_Latn_score\": 1.0000094175338745}","num_words":514,"character_repetition_ratio":0.09,"word_repetition_ratio":0.0,"special_characters_ratio":0.172,"stopwords_ratio":0.171,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"\"Byo tubena kwingijila nanji pamo, twimusashijila namba mutambule lusa lukatampe lwa Lesa kabiji kange mwilwalule kwikala ke lwatutu ne.\"—2 KOLINDA 6:1.\nNYIMBO: 75, 74\n1. Nangwa kya kuba Yehoba ye Mwine Wakila, ñanyi mwingilo ye aichilapo ba kwingila nanji?\nYEHOBA ye Mwine Wakila. Ye walengele bintu byonse, kabiji uji na maana avula bingi ne na bulume bukatampe. Yehoba byo akwashishe Yoba kuyuka kino kishinka, Yoba waambile'mba: \"Nayuka namba anweba mwakonsha kuba bintu byonse kabiji kafwako kintu kyo mwafuukula kuba kyo mwakonsha kukankalwa ne.\" (Yoba 42:2) Yehoba wakonsha kuba byonse byo akeba kuba kwa kubula wa kumukwasha. Bino umwesha butemwe kupichila mu kwitako ba kwingila nanji mu kuba kyaswa muchima wanji.\n2. Ñanyi mwingilo mukatampe Yehoba ye aichileko Yesu kwingijila pamo nanji?\n2 Lesa walengele Mwananji, aye Yesu, saka akyangye kulenga muntu nangwa umo ne bintu byonse ne. Kepo Yehoba aswishishe Mwananji kumukwashako kulenga bintu byonse. (Yoano 1:\n3. Ñanyi mingilo Yehoba yo apele Adama kwingila, kabiji mambo ka?\n3 Yehoba waichileko ne bantu kuba'mba bengijilenga pamo ne aye. Kya kumwenako, waswishishe Adama kutumba banyama mazhina. (Ntendekelo 2:\n4. Bantu bamo baingijile byepi pamo ne Lesa kufikizha kyaswa michima wanji?\n4 Mu kuya kwa moba, Lesa waichileko bantu bakwabo kwingijila pamo ne aye. Nowa wafiikile bwato mo apulukijile aye ne kisemi kyanji mu kimye kya Muyulo. Mosesa wapokolwele kisaka kya bena Isalela kufuma mu Ijipita. Yoshua watangijile bena Isalela kutwela mu Ntanda ya Mulaye. Solomone washimikile nzubo ya Lesa mu Yelusalema. Maliya wasemene Yesu. Abano bantu ba kishinka bonse ne bakwabotu bavula baingijile pamo ne Yehoba kufikizha kyaswa muchima wanji.\n5. Ñanyi mwingilo ye twakonsha kwingilako, kabiji nanchi ko kuba'mba Yehoba kechi wakonsha kwingila uno mwingilo aye mwine nenyi? (Monai kipikichala kitanshi.)\n5 Lelo jino, Yehoba witwita kwingila papelela bulume bwetu kutundaika Bufumu bwanji. Kuji mashinda avula bingi o twakonsha kwingijilamo Lesa. Nangwa kya kuba atweba bonse kechi twakonsha kumwingijila mu jishinda jimotu ne, bino atweba bonse twakonsha kusapwila mambo awama a Bufumu. Umvwe Yehoba wakebelenga, inge waingijile uno mwingilo aye mwine. Inge wakebelenga, inge waambilengatu na bantu pano pa ntanda aye mwine saka aji mwiulu. Yesu waambile'mba Yehoba wakonsha ne kulengela mabwe kubuula bantu pa Mfumu wa Bufumu bwanji. (Luka 19:\nKWINGIJILA PAMO NE LESA KWITULETELA LUSEKELO\n6. Mubeji wa Lesa waambile'mba waumvwanga byepi kwingijila pamo na Shanji?\n6 Kufumatu ne kala, kwingijila pamo ne Yehoba kuletela bakalume banji lusekelo. Saka akyangye kwiya pano pa ntanda, Mubeji wa Lesa waambile'mba: \"Yehoba wandengele, kabiji yami ntendekelo ya byo alenga . . . Najinga sendwe wanji. Kabiji wantemenwangakotu pa juba pa juba; naikalanga na lusekelo kwi aye kimye kyonse.\" (Byambo bya Maana 8:\n7. Mambo ka mwingilo wa kusapwila o wituletela lusekelo?\n7 Yesu waambile'mba twikala bingi na lusekelo kimye kyo tutambwila bintu ne kyo tupana. (Byubilo 20:35) Kituletejile bingi lusekelo kimye kyo twatambwijile bukine, pano bino, mambo ka o kituletela lusekelo inge ketubuuleko bakwetu bukine? Ke na mambo a kuba'mba tumona byo bekala bingi na lusekelo inge bayuka bifunjisha Baibolo ne kutendeka kwikala balunda na Lesa. Tumvwa bingi bulongo inge twamona byo bapimpula ndangulukilo yabo ne bwikalo bwabo. Mwingilo wa kusapwila ye mwingilo wanema bingi kabiji wituletela lusekelo kukila mingilo yonse yo twakonsha kwingila. Ulengela boba bekala balunda na Lesa kwikala na bumi bwa myaka ne myaka.\n8. Bantu bamo baambapo amba ka pa lusekelo lufuma mu kwingijila pamo ne Yehoba?\n8 Inge ketukwashe bantu kufunda pe Lesa, tuyuka'mba tubena kusangajika Yehoba kabiji usanta bingi pa kwibikako kwetu kumwingijila. Kino nakyo kituletela lusekelo. (Tangai 1 Kolinda 15:58.) Ba Marco bekala mu Italy, baambile'mba: \"Nji na lusekelo lukatampe kuyuka'mba mbena kwingijila Yehoba papelela bulume bwami, kechi kwingijila muntu ne, mambo aye wakonsha kulubamo bukiji byo naingila.\" Kyo kimotu ne ba Franco babena kwingijila mu Italy, nabo baambile'mba: \"Kupichila mu Mambo anji ne bintu bya ku mupashi byo etupa, Yehoba wituvululamo pa juba pa juba byo etutemwa ne kuba'mba mingilo yonse yo tumwingijila yanema, nangwa kya kuba kwi atwe bene yakonsha kumweka nobe kechi yanema ne. O ene mambo kwingijila pamo ne Lesa o kundetela lusekelo ne kulengela bwikalo bwami kuwama.\"\nKWINGIJILA PAMO NE LESA KWITULENGELA KUFWENYA KWIPI NE AYE NE NA BAKWETU\n9. Bulunda bwajinga pakachi ka Yehoba ne Yesu bwajinga byepi, kabiji mambo ka?\n9 Inge tubena kwingijila pamo na bantu bo twatemwa, tufwenya kwipi ne abo. Tutendeka kwibayuka bulongo ne kuyuka byubilo byabo. Tuyuka byo bakeba kuba mu bwikalo bwabo ne byo babena kuba pa kuba'mba bafikizhe byo bakeba. Yesu waingijile pamo ne Yehoba pa myaka ya kukankalwa kubala. Butemwe pakachi kabo bwakosele bingi kya kuba kafwako kintu kyakonsheshe konauna bulunda bwabo ne. Yesu walumbulwile byakosele buno bulunda bwabo byo aambile'mba: \"Amiwa ne Batata twi umo.\" (Yoano 10:30) Bakwatankene bingi, kabiji baumvwañananga bingi pa kwingila mingilo yabo.\nKusapwila kukosesha lwitabilo lwetu mambo kwituvululamo milaye ya Lesa ne mizhilo yanji ya butemwe\n10. Mambo ka mwingilo wa kusapwila o witulengela kufwenya kwipi ne Lesa ne na bakwetu?\n10 Yesu walombele Yehoba amba azhikijile baana banji ba bwanga. Mambo ka? Walombele'mba: \"Kuba'mba bekale umo byonka anweba ne amiwa byo tuji umo.\" (Yoano 17:11) Inge tubena kwikela mwayila mafunde a Lesa ne kwingila mwingilo wa kusapwila, tuyuka bulongo byubilo byanji byawama. Tufunda buwame buji mu kuketekela mwi aye ne kulondela lutangijilo lwanji. Kabiji inge twafwenya kwipi ne Lesa, ne aye ufwenya kwipi ne atweba. (Tangai Yakoba 4:8.) Kabiji tufwenya kwipi na balongo betu ne banyenga mambo tupita mu makatazho epasha na o bapitamo ne kumwena lusekelo mu bintutu bimo, kabiji bonse tuji na bikonkwanyi bimotu mu bwikalo. Twingijila pamo, kusekela pamo, ne kuchinchikila pamo mu makatazho. Ba Octavia bekala mu Britain, baambile'mba: \"Kwingijila pamo ne Yehoba kundengela kufwenya kwipi na bakwetu.\" Balumbulwile'mba kyalengela ke na mambo a kuba balenga balunda na bantu \"bakeba kuba bintu byonka byo bakebapo kuba ne abo mu bwikalo bwabo.\" Kine, ne atweba byo byo tumvwa. Inge twamona balongo betu byo bebikako kusangajika Yehoba, kitulengela kufwenya kwipi ne abo.\n11. Mambo ka o tukakijilamo kufwenya kwipi na Yehoba ne na balongo betu mu ntanda ipya?\n11 Pa kino kimye, butemwe bo twatemwa Lesa ne balongo betu bwakosa, bino bukakoselako bingi byo tukekalanga mu ntanda ipya. Akilangulukai pa mingilo yawama yo tukengilanga kulutwe na lwendo. Tukatambwilanga boba bakasangulwa ne kwibafunjisha pe Yehoba. Kabiji tukengilanga pa kuba'mba tukapimpule ntanda kwikala paladisa. Kikekala kya lusekelo bingi kwingijila pamo ne kuya na kulumbuluka pachepache mu bukalama bwa Kilishitu. Bantu bonse po po bakakilamo kufwenya kwipi na bakwabo ne na Yehoba, yenka 'ukapa bilengwa byumi bintu byonse byo bikeba.'\nKWINGIJILA PAMO NE LESA KWITUZHIKIJILA\n12. Mwingilo wa kusapwila wituzhikijila byepi?\n12 Twafwainwa kuzhikijila bulunda bwetu na Yehoba. Twikala mu ntanda ya kwa Satana kabiji twi bambulwa kulumbuluka, onkao mambo, kyapeela kutendeka kulanguluka ne kuba bintu byonka byuba bantu ba mu ino ntanda. Kiji nobe kufwenka mu mukola kuya kubena kufumina mema. Onkao mambo, twafwainwa kufwenka na bulume pa kuba'mba tufike ko tubena kuya. Mu jishinda jimotu, twafwainwa kwibikako pa kuba'mba tubule kongolwa na bintu bya mu ntanda ya kwa Satana. Pano kusapwila kwituzhikijila byepi? Inge tubena kwamba pe Yehoba ne pa Baibolo, tuta muchima pa bintu byanema kabiji byawama, kechi pa bintu byakonsha kukookesha lwitabilo lwetu ne. (Filipai 4:8) Kusapwila kukosesha lwitabilo lwetu mambo kwituvululamo milaye ya Lesa ne mizhilo yanji ya butemwe. Kwitukwasha ne kutwajijila kwikala na byubilo byafwainwa kwitukwasha pa kuba'mba twizhikijile kwi Satana ne ntanda yanji.\nInge twapayankana mu mwingilo wa Yehoba, kechi twikala na kimye kya kutendeka kulanguluka pa makatazho etu ne\n13. Kamonyi umo wikala mu Australia umvwa byepi pa mwingilo wa kusapwila?\n13 Inge twapayankana mu kusapwila, kufunda, ne kwingijila bakwetu mu kipwilo, tuzhikijilwa mambo kechi twikala na kimye kya kutendeka kulanguluka pa makatazho etu ne. Ba Joel bekala mu Australia, baambile'mba: \"Mwingilo wa kusapwila unkwasha kumona bintu byonka byo biji. Umvululamo makatazho abena kupitamo bantu ne buwame bo namwenamo mu kulondela mafunde a mu Baibolo mu bwikalo bwami. Mwingilo wa kusapwila unkwasha kwipelula; undengela kuketekela mwi Yehoba ne kuketekela balongo ne banyenga.\"\n14. Kuchinchika kwetu mu kusapwila kumwesha byepi amba mupashi wa Lesa uji ne atweba?\n14 Kusapwila kwitulengela ne kushiinwa amba mupashi wa Lesa uji ne atweba. Kya kumwenako: Fwanyikizhai kuba'mba muji na mwingilo wa kupa bantu kajo kamo mu kimasamasa kyenu. Kechi mufola mali pa kwingila uno mwingilo ne, bino mwingijishatu mali enu. Kabiji bantu bavula kechi batemwa kajo ko mwibaletela ne, kabiji bamo bemushikwa na mambo a kwibaletela kano kajo. Nanchi mwakonsha kutwajijla kwingila uno mwingilo nyi? Mwakonsha kulefulwa bukiji ne kuleka kumwingila. Pano bino, atweba bavula twatwajijila kwingila mwingilo wa kusapwila myaka yonse, nangwa kya kuba witusendela kimye kyabaya ne mali avula bingi, kabiji ne bantu nabo betwendeleka nangwa kwituzhingijila. Kino kimweshatu patoka'mba mupashi wa Lesa ubena kwitukwasha.\nKWINGIJILA PAMO NE LESA KUMWESHA BYO TWAMUTEMWA NE BYO TWATEMWA BAKWETU\n15. Mwingilo wa kusapwila wakwatankana byepi na bintu Lesa byo akeba kubila bantu?\n15 Mwingilo wa kusapwila wakwatankana byepi na bintu Yehoba byo akeba kubila bantu? Lesa wakebelenga'mba bantu bakekalenga myaka ne myaka, kabiji nangwa kya kuba Adama walengele mambo, kyaswa muchima wa Lesa kechi kyapimpwilwe ne. (Isaya 55:11) Lesa wabikileko lunengezho lwa kwitupokolola ku bundengamambo ne lufu. Waubile byepi bino? Yesu waishile pano pa ntanda ne kupana bumi bwanji kwikala kitapisho. Bino pa kuba'mba bantu bamwenemo mu kitapisho kyanji, bafwainwa kukookela Lesa. Onkao mambo, Yesu wafunjishe bantu bikeba Lesa kwi abo, kabiji wakambizhe baana banji ba bwanga kuba byonka byo aubile. Inge tubena kusapwila ne kukwasha bantu kwikala balunda na Lesa lelo jino, ko kuba'mba tubena kwingijila pamo ne Lesa mu lunengezho lwaji lwa butemwe lwa kupokolola bantu ku bundengamambo ne lufu.\n16. Mwingilo wa kusapwila wakwatankana byepi na mikambizho ikatampe ya Lesa?\n16 Inge tubena kukwasha bantu kutaana jishinda jaya ku bumi bwa myaka ne myaka, tumwesha'mba twibatemwa kabiji twatemwa Yehoba. Aye \"wakeba'mba bantu bonse bapuluke ne kuyukisha bulongo bukine.\" (1 Timoti 2:4) Kimye Mufaliseo umo kyo aipwizhe Yesu pa mukambizho mukatampe wa Lesa, Yesu waambile'mba: \"'Wafwainwa kutemwa Yehoba Lesa wobe na muchima wobe yense, ne na mweo wobe yense ne na maana obe onse.' Uno ye mukambizho mukatampe kabiji ye mutanshi. Wa bubiji wapasha uno, ke uno: 'Wafwainwa kutemwa mukwenu byonka byo witemwa obe mwine.'\" (Mateo 22:\n17. Mumvwa byepi pa munema wa kusapwila mambo awama?\n17 Kine twatokwa bingi. Yehoba witupa mwingilo wituletela bingi lusekelo, witulengela kufwenya kwipi ne aye ne na balongo betu, kabiji witukwasha kuzhikijila bulunda bwetu ne aye. Kabiji witulengela kumwesha byo twatemwa Lesa ne bakwetu. Yehoba uji na bakalume banji bavula bingi kuzhokoloka ntanda, kabiji bano bonse bapita mu makatazho apusana pusana. Bino umvwe twi banyike nangwa bakikulumpe, banonshi nangwa bayanji, bakosa nangwa babula kukosa, bonse twibikako kubuulako bakwetu bintu byo twaitabilamo. Tumvwatu byonka byumvwa ba Chantel bekala ku France, baambile'mba: \"Mwine wa bulume bonse, Mulenga wa bintu byonse, kabiji Lesa wa lusekelo, ubena kuñambila'mba: 'Yanga ukambe! Ukañambileko, ukambe na muchima yense. Nakupa bulume bwami, Mambo ami Baibolo, bukwasho kufuma mwiulu, bakwenu pa ntanda, nakufunjisha ne kukupa mikambizho yawama pa kimye kyafwainwa.' Ke munema mukatampe bingi kwingila mwingilo witupa Yehoba ne kwingijila pamo ne Lesa wetu!\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/kyamba-kya-usopa-kya-kufundamo-january-2016\/kwingijila-pamo-ne-lesa\/","date":"2018-04-19T23:00:23Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937074.8\/warc\/CC-MAIN-20180419223925-20180420003925-00296.warc.gz","language":"kqn","language_score":1.0000100136,"language_script":"Latn","minhash_cluster_size":2,"top_langs":"{\"kqn_Latn_score\": 1.0000100135803223}","num_words":1755,"character_repetition_ratio":0.068,"word_repetition_ratio":0.008,"special_characters_ratio":0.186,"stopwords_ratio":0.27,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2 Onkao mambo, obewa muntu, nangwa wi wa byepi,+ kechi uji na mwakwibingishisha ne, umvwe uzhachisha mukwenu; mambo umvwe wazhachisha mukwenu, wizhachisha obe mwine, mambo ne obewa umuzhachisha mukwenu, uba bintutu bimo.+ 2 Pano twayuka'mba bantu boba bino bintu Lesa wibazhachisha monka mwayila bukine. 3 Bino obewa muntu, byo uzhachisha aba boba bino bintu, bino ne obewa saka wibyuba, nanchi ulanguluka'mba ukapuluka luzhachisho lwa Lesa nyi? 4 Nangwa abya ulengulula kuvula kwa lusa lwanji,+ ne kukooka muchima kwanji,+ ne butekanye bwanji,+ na mambo a kuba kechi wayuka'mba Lesa mu lusa lwanji ubena kukeba'mba akulengele kulapila nenyi?+ 5 Bino na mambo a kukosa muchima kobe ne kubula kulapila, ubena kwitujila obe mwine bukaji bwa Lesa, kabiji Lesa ukamwesha buno bukaji pa juba ja bunchibamambo bwanji bwaoloka.+ 6 Kabiji muntu yense ukamufweta monka mwayila mingilo yanji:+ 7 bumi bwa myaka ne myaka ku boba babena kukeba lukumo, munema ne bumbulwakubola+ kupichila mu kuchinchika na kwingila mingilo yawama; 8 pano bino, aba bamapata ne babula kukookela bukine kabiji boba byatama, bukaji bukebafikila.+ 9 Muntu* yense uba byatama ukamona malwa ne bulanda bukatampe, patanshi Muyudea kepo ne Mungiliki; 10 bino yense uba byawama ukekala na lukumo, munema ne mutende, patanshi Muyudea+ kepo ne Mungiliki.+ 11 Mambo Lesa kechi uji na misalululo ne.+ 12 Mambo bonse balengele mambo kwa kubula mizhilo bakonaika kwa kubula mizhilo;+ bino bonse balengele mambo mu mizhilo bakachibilwa mambo monka mu mizhilo.+ 13 Mambo aba bomvwatu mizhilo kechi bo baoloka kwi Lesa ne, bino aba boba byaamba mizhilo bo bakatelwa'mba baoloka.+ 14 Mambo bantu ba mu bisaka bya bantu byo boba byaamba mizhilo ya Lesa, nangwa kya kuba bano bantu kechi baji na mizhilo ne,+ kimwesha'mba baji na mizhilo mu michima yabo. 15 Abo bene bamwesha'mba bintu biji mu mizhilo byanembwa mu michima yabo, kabiji jiwi jabo ja mu muchima jibashinawina, ne milanguluko yabo ibazhachisha nangwa kwibabingisha. 16 Kino kikobiwa mu juba Lesa jo akachibila bantu mambo kupichila mwi Kilishitu Yesu pa bintu byo balanguluka ne kuba mu bufyamfya,+ monka mwayila mambo awama o nsapwila. 17 Pakuba umvwe obewa utelwa'mba wi Muyudea+ kabiji inge waketekela mu mizhilo ne kwitotela mwi Lesa, 18 ne kuyuka wayuka kyaswa muchima wanji kabiji waitabila bintu byawamisha mambo bakubuula Mizhilo,+ 19 kabiji washiinwa'mba yobe ntangi wa bampofu, kyeya kya baji mu mfishi, 20 muntu ujimunako bantu babula maana, mufunjishi wa baana ba bacheche ne byo waikala na musango wa maana ne wa bukine monka mu Mizhilo— 21 byonkabyo, obewa ufunjisha mukwenu, nanchi kechi wifunjisha obe mwine nenyi?+ Obewa usapwila'mba, \"Kwiba ne,\"+ nanchi wiba nyi? 22 Obewa wamba'mba, \"Kuba bukende ne,\"+ nanchi wibuba nyi? Obewa washikwa bankishi, nanchi wiba bya mu mazubo a bankishi nyi? 23 Obewa witotela mu mizhilo, nanchi ulengulula Lesa na mambo a kuzhilulula Mizhilo nyi? 24 Mambo \"jizhina ja Lesa jibena kunenwa mwenga mu bisaka bya bantu na mambo a anweba,\" byonkatu byo kyanembwa.+ 25 Mukanda+ wakonsha kukuwaminatu umvwe saka ulondela mizhilo;+ bino umvwe uzhilulula mizhilo mukanda wobe waaluka ke watu. 26 Onkao mambo, umvwe muntu wabula kuya ku mukanda+ walama byatongolwa byaoloka bya mu Mizhilo, nanchi kechi bakamumona'mba waya ku mukanda nangwa kya kuba kechi wayile ku mukanda nenyi?+ 27 Kabiji muntu wabula kuya ku mukanda wa kisemwa kupichila mu kulama Mizhilo, ukakuzhachisha obewa uzhilulula mizhilo nangwa kya kuba uji na mizhilo yanembwa kabiji waya ku mukanda. 28 Mambo kwikala Muyudea mwine kechi kwa pangye ya mubijitu ne,+ kabiji mukanda wa mubiji kechi ye mukanda wa kine ne.+ 29 Bino Muyudea wa kine ke yewa uji nabo mu muchima,+ ne mukanda wanji wa kine ke yewa wa mu muchima+ na mambo a mupashi kechi na mambo a mizhilo yanembwa ne.+ Kutotwa kwa uno muntu kufuma kwi Lesa, kechi ku bantu ne.+\nTubyambo twa munshi\n^ Nangwa'mba \"Mweo wa muntu yense.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/loma\/2\/","date":"2018-04-24T01:50:14Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946314.70\/warc\/CC-MAIN-20180424002843-20180424022843-00002.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":588,"character_repetition_ratio":0.056,"word_repetition_ratio":0.0,"special_characters_ratio":0.205,"stopwords_ratio":0.286,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Buno bungauzhi byo bwafikile ku bena Isalela\nKechi bafwainwe kuchiina banyama ba mungye nangwa bantu bashinta byo babwelelenga kufuma mu buzha mu Babilona nangwa pa kuya mu ntanda yabo ne.—Eze 8:21, 22\nBuno bungauzhi byo bubena kufika mu ano moba\nMaana a kuyuka Yehoba apimpula byubilo bya bantu. Bantu bajinga na byubilo bya bumbanzhi baikala ba mutende. Maana a kuyuka Lesa etulengela kwikala mu mutende ntanda yonse\nBuno bungauzhi byo bukafika mu kimye kya kulutwe\nIno ntanda yonse bakeyalula ke paladisa kabiji mukekala mutende, byonkatu Lesa byo akebelenga patanshi. Kafwako muntu nangwa nyama ukaleta bya malwa ne","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/jw-Mutanchi-wa-Kupwila\/december-2016-mwb\/mutanchi-wa-kupwila-dec19-25\/Maana-a-kuyuka-yehoba-akakumbana-pano-pa-ntanda\/","date":"2018-04-23T04:26:58Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945724.44\/warc\/CC-MAIN-20180423031429-20180423051429-00464.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":95,"character_repetition_ratio":0.093,"word_repetition_ratio":0.0,"special_characters_ratio":0.176,"stopwords_ratio":0.295,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Salamo wa Davida. 103 Ndekai amiwa* ntote Yehoba;Ne bintu byonse bya mukachi kami bitote jizhina janji jazhila. 2 Ndekai amiwa* ntote Yehoba;Kange mvulame bintu byonse byo auba ne.+ 3 Aye ukulekelako mambo obe onse+Ne kukubuka bikola byobe byonse;+ 4 Upokolola bumi bobe mu kimbo,*+Kabiji ukuvwika butemwe bwanji bubula kwaluka ne lusa lwanji nobe munchinya.+ 5 Aye ukulengela kwikala na bintu byawama mu bumi bobe bonse,+Pa kuba'mba akulengele kubwela ku bwanyike ne kukosa nobe mpungu.+ 6 Yehoba ubila bintu mu bololoke+ ne mu bunchibamambo bwaolokaKu bonse bo bamanyika.+ 7 Wabuujile Mosesa mashinda anji,+Ne mingilo yanji ku bena Isalela.+ 8 Yehoba ye wa lusa ne kifyele,*+Ubanda kuzhingila kabiji wavula butemwe bubula kwaluka.*+ 9 Aye kechi ukakebakebanga mambo,+Nangwa kuzhingila kikupu ne.+ 10 Aye kechi witubila monka mwayila mambo etu,+Nangwa kwitufweta monka mwayila bubi bwetu ne.+ 11 Mambo byonkatu jiulu byo jiji palepa na ntanda,Byo byo bwabaya butemwe bwanji bubula kwaluka ku boba bamwakamwa.+ 12 Byonkatu musela byo aji kwalepa na muzhika,Byo byo abika kwalepa mizhilulwila yetu.+ 13 Byonkatu nsemi wa mulume byo obila lusa baana banji,Ne Yehoba byo byo aubila lusa aba bamwakamwa.+ 14 Mambo aye wayuka bulongo byo twalengwa,+Uvuluka'mba twi lukungu.+ 15 Moba a muntu ufwa ajitu nobe moba a nsono;+Aye ukenuka nobe buluba bwa mungye.+ 16 Bino inge mwela wapupilapo, bukunchika,Nobe kechi bwajingako ne.* 17 Pakuba butemwe bwa Yehoba bubula kwaluka bo bwa myaka ne myakaKu boba bamwakamwa,+Kabiji bololoke bwanji bufika ne ku bankana babo,+ 18 Ne ku boba balama lulayañano lwanji+Ne boba bateshako muchima kulondela mikambizho yanji. 19 Yehoba waikajika jitanda janji mwiulu;+Kabiji bukalama bwanji buji pa bintu byonse.+ 20 Mutotai Yehoba, anweba bamalaika+ banji bonse ba bulume bukatampe,Bonka boba byo amba+ ne kukookela jiwi janji.* 21 Mutotai Yehoba, anweba mabumba anji onse,+Anweba ba mingilo banji muba kyaswa muchima wanji.+ 22 Mutotai Yehoba, anweba mingilo yanji yonse,Mu mapunzha onse o alama.* Muchima wami* yense atote Yehoba.\nTubyambo twa munshi\n^ Nangwa'mba \"kilende.\"\n^ Nangwa'mba \"bibusa.\"\n^ Nangwa'mba \"lusa lwa myaka.\"\n^ Mu Kihebelu, \"Kabiji mpunzha yanji kechi ya muyuka ne.\"\n^ Mu Kihebelu, \"kumvwa jiwi ja byambo byanji.\"\n^ Nangwa'mba \"mapunzha a bumfumu bwanji.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/masalamo\/103\/","date":"2018-04-27T09:03:22Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524127095762.40\/warc\/CC-MAIN-20180427075937-20180427095937-00542.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":316,"character_repetition_ratio":0.065,"word_repetition_ratio":0.0,"special_characters_ratio":0.218,"stopwords_ratio":0.206,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BALONGO ne banyenga ba ku Kyrgyzstan kubikapotu ne bakwabo bafumine mu byalo bikwabo, baingijile na ngovu pa mwaka umo ne kichika kubayisha ne kuwamisha bishimikwa bya musampi mu muzhi wa Bishkek mu kino kyalo. Mutanchi wa kupana bino bishimikwa waikeleko pa 24 October, 2015, byo papichiletu ñondo umo kufuma kimye kyo bapwishishe mingilo. Bantu 3,000 bo batelekele ku uno mutanchi mu Mazubo a Bufumu 18 ne mu mapunzha akwabo 5, kabiji baumvwine bingi bulongo. Ba Stephen Lett ba mu Jibumba Jitangijila bo baambile jashi jajinga na kishina kya kuba'mba \"Ingijilainga Yehoba na Muchima Yense.\" Juba jalondejilepo, kwajinga mutanchi wa kukosesha lwitabilo lwa basapwishi bavula mu kino kyalo.\nPa Kibelushi, pa 14 May, 2016, bantu 6,435 mu kyalo kya Armenia, bataainwe ku kupanwa kwa ofweshi wa musampi, uji na bibamba byavula byatentakana kuya mwiulu. Kabiji Nzubo ya Kubuñenamo ne bishimikwa bya Sukulu wa Basapwishi ba Bufumu nabyo byapainwe. Majashi alumbulwile byatendekele mwingilo wa bakalume ba Yehoba mu Armenia. Mwingilo wa bantu ba Lesa watendekele kimye bena Armenia bamo kyo bavilukijile ku United States mu myaka ya ma 1900, kabiji wafikile ne mwine mu Armenia mu ma 1970, kino kyalo saka kiji lubaji lwa Soviet Union. Katatakatu jibumba jetu po janembeshe ku kafulumende mwayila mizhilo ya kyalo kabiji ofweshi wa musampi walengelwe. Bavula bataainweko kechi balangulukangapo amba mwingilo wetu mu Armenia ukakoma ne. Bonse mu luonde baitabizhe kimye ba David Splane ba mu Jibumba Jitangijila kyo babijikile kuba'mba bapane bino bishimikwa byawama kwi Yehoba.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/buku-wa-mwaka-2017\/byamwekele\/kupana-musampi-kyrgyzstan-armenia\/","date":"2018-04-22T09:50:46Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945552.45\/warc\/CC-MAIN-20180422080558-20180422100558-00240.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":232,"character_repetition_ratio":0.057,"word_repetition_ratio":0.0,"special_characters_ratio":0.192,"stopwords_ratio":0.293,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Nanchi Lesa Uji na Jizhina Nyi? Nanchi Lesa Uji na Jizhina Nyi? Lesa uji na mazhina avula, nabiji a kuba'mba Wa Bulume Bonse, Mulenga, kabiji Nkambo. (Yoba 34:12; Musapwishi 12:1; Danyela 2:47) Nanchi wipa mwine jizhina nyi? Kyakana kujila Kopololai uno Vidyo Wajingapo Walondelapo Fundai ne Bikwabo NANCHI BAIBOLO WAAMBA'MBA KA? Lesa byo aji Nanchi mulanguluka'mba Lesa wimuta muchima nyi? Fundai byubilo byanji ne byo mwakonsha kwikala balunda na Lesa. NEW WORLD TRANSLATION OF THE HOLY SCRIPTURES (2013 REVISION) Jizhina ja Lesa mu Binembelo bya Kihebelu Mambo ka Baibolo wa Binembelo bya Ntanda Ipya o aingijishisha jizhina ja \"Yehoba\" bino mu ma Baibolo akwabo bejifumyamo jizhina ja Lesa? Pulintai Tumai Musabilo Tumai Musabilo MAMBO AWAMA AFUMA KWI LESA! Nanchi Lesa Uji na Jizhina nyi? Kikaonde Nanchi Lesa Uji na Jizhina nyi? https:\/\/assetsnffrgf-a.akamaihd.net\/assets\/m\/502014331\/univ\/art\/502014331_univ_sqr_xl.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/mambo-awama-afuma-kwi-lesa\/lesa-ye-%C3%B1anyi\/vidyo-jizhina-ja-lesa\/","date":"2018-04-21T12:48:10Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945143.71\/warc\/CC-MAIN-20180421110245-20180421130245-00352.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":128,"character_repetition_ratio":0.106,"word_repetition_ratio":0.0,"special_characters_ratio":0.224,"stopwords_ratio":0.234,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Kafwako buku uji nobe Baibolo ne. Mu Baibolo mo mutanwatu mafunde afuma ku Mulenga wetu. (2 Timoti 3:16) Mu Baibolo muji byambo bitukwasha bingi mu bwikalo. O ene mambo, Baibolo o yaambila'mba: \"Mambo a Lesa o omi kabiji aji bingi na bulume.\" (Bahebelu 4:12) Baibolo witukwasha kikatakata mu mashinda abiji. Witukwasha kwikala bulongo lonka luno, kabiji witukwasha ne kuyuka bulongo Lesa ne milaye yanji.—1 Timoti 4:8; Yakoba 4:8.\nBaibolo wakonsha kwimulengela kwikala bulongo. Baibolo wakonsha kwimukwasha mu bwikalo bwenu. Mafunde a mu Baibolo akonsha kwimukwasha mu bino.\nKwikala na byubilo byawama.—1 Kolinda 6:9, 10.\nKulondela mafunde a mu Baibolo kwakwasha bingi balume ne bakazhi ba mu kyalo kya Asia. Byonkatu byo kikala ku bavula inge popo besongolatu, nabo javula bapusenangamo kabiji bakankalwanga kwisamba saka bakasuluka. Bino byo batendekele kulondela byo batanganga mu Baibolo, bintu byaalukile. Ba Vicent baambile'mba: \"Byo natangilenga mu Baibolo byakwashishe kuyuka bya kupwisha makatazho o twapichilengamo mu masongola mu meso anteka. Kulondela mafunde a mu Baibolo kwitulengela kwikala bingi na lusekelo.\" Bakazhi babo ba Annalou baswile'mba: \"Kutanga byapichilemo bantu batongolwa mu Baibolo kwitukwasha bingi. Luno tubena kwikala na lusekelo mu masongola etu kabiji kechi twakizhamo kukeba bya bwikalo ne.\"\nKwimukwasha kuyuka bulongo Lesa. Ba Vicent baambile pa masongola abo amba: \"Kutanga Baibolo kwandengela bingi kufwenya pepi ne Yehoba.\" Byaambile ba Vicent byamwesha kuba'mba kutanga Baibolo kwakonsha kwimukwasha kwikala balunda na Lesa. Inge mwatendeka kutanga Baibolo, ne anweba Lesa ukekala mulunda nenu. Mukayuka ne bintu byawama byo aamba biji kulutwe, kimye kyo mukekala na \"bumi bwa kine kine\" myaka ne myaka. (1 Timoti 6:19) Kafwako buku mukwabo wakonsha kwimulengela kuyuka bino bintu ne.\nInge ke mutange Baibolo ne kulondela byo yaamba, ne anweba mukamwenamo bingi lonka luno kabiji mukamuyuka bulongo Lesa. Bimo byo mukatanganga mu Baibolo kechi mukebyumvwishanga ne, byonka byo kyajinga ku ntungu mwina Etiopya wajingako kala luno papita ne myaka 2,000. Wajinga na mepuzho avula bingi. Byo bamushikishe inge wayukile byo atangilenga, wakumbwile'mba: \"Nakonsha kwibiyuka byepi kwa kubula muntu wa kundumbulwila?\" * Uno ntungu bamulumbulwijile byo atangilenga kwi Filipa wajinga mwana wa bwanga wa kwa Yesu. (Byubilo 8:30, 31, 34) Ne anweba inge mukeba kuyuka bulongo byaamba Baibolo, lombai kwimufunjisha kyatutu pa www.jw.org\/kqn nangwa tuminai pa keyala wetu uji mu uno magazini. Kabiji mwakonsha kwisamba na Bakamonyi ba kwa Yehoba bekala koko kwenu nangwa yai pa Nzubo ya Bufumu iji ku mpunzha ko mwikela. Nga mambo ka a kubujila kutendeka kutanga Baibolo lelo jonka pa kuba'mba mwikalenga bulongo?\nInge muzhinauka Baibolo, tambai vidyo mwipi wa kuba'mba, Twakonsha Kuyuka Byepi Amba Baibolo wa Kine? Mwakonsha kutaana uno vidyo inge mwauba scan code kakitenguluzha nangwa inge mwaya pa intaneti pa jw.org\/kqn, bino mwachinta panembwa'mba MABUKU > MAVIDYO > BAIBOLO","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/wp201701\/kunkwasha-mu-bwikalo-baibolo\/","date":"2018-04-22T07:22:29Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945497.22\/warc\/CC-MAIN-20180422061121-20180422081121-00060.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":425,"character_repetition_ratio":0.07,"word_repetition_ratio":0.0,"special_characters_ratio":0.191,"stopwords_ratio":0.235,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"NANCHI muji na bongo bunga? Inge mwakumbula'mba bumotu, ko kuba'mba mwafikilapotu. Nangwa byonkabyo, mu mubiji wenu muji bintu bikwabo bingila nobe bongo. Ba sayansi bataana kuba'mba kuji mishipeshipe imo mu mubiji ingila nobe bongo. Ino mishipeshipe itelwa'mba enteric nervous system (ENS), kechi iji ku bongo ne, iji munda.\nIno mishipeshipe ne bongo bingijila pamo pa kukaaya kajo munda. Onkao mambo, bongo bulekela ino mishipeshipe kukaaya kajo munda.\nNangwa kya kuba ino mishipeshipe ingijila pamo na bongo pa kukaaya kajo kechi yaesakana na bongo bwine ne, bino yalengwa mu jishinda ja kukumya bingi. Bantu baji na maselo akaaya kajo munda nobe 200 kufika ku 600 milyonyi. Maselo aji mu ino mishipeshipe ya munda o akaaya kajo. Basayansi bataana kuba'mba inge kya kuba ino mishipeshipe ingijila pamo na bongo yaikejile ku mutwe, ko kuba'mba ino mishipeshipe inge yajinga ikatampe bingi. O ene mambo Buku wa The Second Brain o aambila'mba, \"kyawama kuba'mba kajo ko tuja bekakaaya ku maselo aji munda kwakubula kulomba bukwasho ku bongo.\"\n\"KAJO BYO BEKAKAAYA MUNDA\"\nKuji bintu byavula bingi bimweka pa kuba'mba kajo bekakaaye munda pa kimye kyafwainwa ne kuya ko kafwainwa kuya. Shayuka umo aye Gary Mawe walumbululwile kajo byo bekakaaya munda amba: \"Ke jishinda ja kukumya bingi kabiji jishinkisha bulaka.\" Mu mila muji maselo ayuka kajo kabena kuja muntu inge kawama nangwa ne. Ano maselo akwasha mishipeshipe ingijila pamo na bongo kukaaya kajo ne kwikatwala mu mubiji yense. Kabiji ano maselo engila mwingilo mukwabo wanema bingi wa kumona biji kajo kaja muntu ne kwikakaaya.\nAkilangulukai pa maselo akaaya kajo ataanwa mu mishipeshipe ingijila pamo na bongo. Ino mishipeshipe yo itwala kajo mu kifu pa kuba'mba bekakaaye. Kabiji kuji mishipeshipe yakosa ne yabula kukosa ingijila pamo pa kukaaya kajo.\nKabiji ino mishipeshipe imona kuba'mba bintu byonse bibena kwendatu bulongo mu mubiji. Kajo kamo ko tuja kekala na tulongolo tuleta bikola. Onkao mambo, mu mubiji muji maselo atooka nobe 70 kufika ku 80 aji munda etuzhikijila ku bikola. Inge mwaja kajo kaji na tulongolo, mishipeshipe ingijila pamo na bongo ilengela muntu kulasa ne kupolomya.\nMISHIPESHIPE INGIJILA PAMO NA BONGO\nNangwa kya kuba mishipeshipe ikaaya kajo kwakubula kulomba bukwasho ku bongo, pano bino bongo ne ino mishipeshipe bingijila pamo. Maselo aji mu ino mishipeshipe abuula bongo inge muntu waumvwa nzala ne kuvula kwa kajo ko afwainwa kuja. Ino yonka mishipeshipe ibuula bongo inge waikuta kabiji ilengela muntu ku muchima kulevuma inge waja kajo kavula.\nNangwatu saka mukyangye kutanga kino kibaaba, kampe mwakyumvwapo kala mu mubiji kuba'mba ino mishipeshipe kine ingijila pamo na bongo. Kampe kimye kimo mwaumvwinepo kuba'mba byo mwajiile kajo ka mafuta, mwaumvwine mubiji kukasuluka. Ba sayansi bataana kuba'mba inge muntu waja kajo ka mafuta, ino mishipeshipe ibuula bongo kabiji kino kilengela muntu kukasuluka. O ene mambo bantu o batemenwa kuja kajo ka mafuta inge baji na milanguluko yavula. Kabiji ba sayansi babena kulengapo muchi wingila byonka bingila ino mishipeshipe ya kukwasha bantu baji na bijikila.\nKintu kikwabo kimwesha'mba bongo ne mishipeshipe bingijila pamo ke kukola munda. Kilengela kino ke mishipeshipe ingijila pamo na bongo ikaanya mashi kutwela munda inge muntu waikala na bijikila. Kikwabo kimweka ke kulevuma ku muchima ne kwalula mpeemeno. Kumvwa mu jino jishinda kwitendekelatu ako kwine mambo bongo ne mishipeshipe bingijila pamo.\nInge munda mwatendeka kukola, kechi mwakonsha kwimubuula bya kuba ne. Kino kibena kulumbulula'mba mishipeshipe ingijila pamo na bongo kechi bongo bwine ne. Kechi yakonsha kwimukwasha kulenga lwimbo, byo mwafwainwa kwingijishanga mali nangwa kwingila nkito ne. Nangwa byonkabyo, ba sayansi bakumya bingi pa jino jishinda ja kukumya jingijilamo mishipeshipe ne bongo, kabiji ne lunotu kechi baumvwisha bimweka ne. Onkao mambo, kimye kyo mukakebanga kuja kajo, mukatulumaneko ne kulanguluka pa mishipeshipe ne bongo byo bingijila pamo pa kuba'mba kajo bekakaaye.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/labainga-na3-2017-june\/mishipeshipe-ya-munda-ingijila-pamo-na-bongo\/","date":"2018-04-23T21:02:23Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946199.72\/warc\/CC-MAIN-20180423203935-20180423223935-00404.warc.gz","language":"kqn","language_score":1.000009656,"language_script":"Latn","minhash_cluster_size":2,"top_langs":"{\"kqn_Latn_score\": 1.0000096559524536}","num_words":602,"character_repetition_ratio":0.131,"word_repetition_ratio":0.0,"special_characters_ratio":0.175,"stopwords_ratio":0.181,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"32 \"Umvwai anweba muji mwiulu, ne amiwa nsakwamba,Kabiji baji pano pa ntanda bomvwe byambo bya mu kanwa kami. 2 Mikambizho yami ikanokanga nobe mvula;Byambo byami bikapanganga nobe kime,Byonka biji mvula umimina pa nsonoKabiji byonka biji mvula ubatu waa pa bijimwa. 3 Mambo nkejitayila mbila jizhina ja Yehoba.+ Ambai pa bukata bwa Lesa wetu!+ 4 Aye Jibwe, mingilo yanji yalumbuluka,+Mambo mashinda anji onse aoloka.+ Ye Lesa wa kishinka+ ubula kuba byatama;+Aye waoloka kabiji uba byaoloka.+ 5 Abo bo bauba bintu byatama.+ Kechi bo baana banji ne, bulema bwabo bene.+ Kyo kisemi kyatama kabiji kyaluwankana!+ 6 Nanchi bino byo byo mwafwainwa kumuba Yehoba,+Anweba bantu bakosama kabiji babula maana nyi?+ Nanchi kechi ye Shenu wimulengela amba mwikaleko nenyi?+Nanchi kechi ye wimulengele ne kwimwikazha bulongo nenyi? 7 Vulukai moba a kala;Langulukai pa myaka ya bisemi bya kala. Ipuzhai bashenu, ne abo basakwimubuula;+Ipuzhai bakulumpe benu, ne abo basakwimulondolwela. 8 Kimye Mwine Wakila kyo apele bisaka bya bantu bya buswanyi byabo,+Kimye kyo aabenye baana ba kwa Adama,*+Waabenye mipaka ya bantu+Monka mwayila kuvula kwa bena Isalela.+ 9 Mambo bantu ba Yehoba kyo kyanji kyo eabilapo;+Yakoba kyo kya buswanyi kyanji.+ 10 Wamutaaine mu kyalo kya kiselebwa+Mu kiselebwa mwabula bintu, mujijilatu banyama bonka.+ Wamuzhokolokele ne kumuzhikijila, wamutele muchima,+Kabiji wamuzhikijile nobe kantu ka pa jiso janji.+ 11 Byonkatu mpungu byo asandañanya kinsa kyanji,Kubakamina peulu ya baana,Kutanyika byapi ne kwibasenda,Kwibasenda pa byapi byanji,+ 12 Yehoba bunke bwanji wamutangijilenga;*+Kafwako lesa ungi wajinga ne aye ne.+ 13 Wamulengejile kwenda pa mapunzha a peulu a pano pa ntanda,+Kya kuba wajiilenga kajo kafuminenga mu majimi.+ Wamujiishishenga buki kufuma mu jibwe jikatampeNe manyi kufuma mu jibwe ja nguzha, 14 Mafuta achimba kufuma ku bañombe ne mukaka kufuma ku mikooko,Pamo na mikooko yawamisha,*Ne mikooko ilume ya ku Bashana, ne bambuzhi balume,Pamo na wichi wawamisha;+Kabiji watomenenga mashi* a mañanzañanza. 15 Yeshulunyi* byo abayile, wasatukile. Wabaya, watunkana, wavuvumuka.+ Onkao mambo, wakaine Lesa wamulengele,+Ne kulengulula aye Jibwe ja lupulukilo lwanji. 16 Bamulengejile kwikala na bukaji na mambo a balesa bangi;+Bamuzhingijishenga na bintu bya bunya.+ 17 Batapishanga bitapisho ku bandemona, kechi kwi Lesa ne,+Ku balesa bo babujile kuyuka,Bonka ba katataka,Ku balesa bo babujile kuyuka bashakulu benu. 18 Mwavulamine Jibwe+ wimusemene,Kabiji kechi mwavulukile Lesa yenka wimusemene ne.+ 19 Yehoba byo ekimwene, wibakaine+Mambo baana banji ba balume ne baana banji ba bakazhi bamuzhingijishe. 20 Onkao mambo, waambile'mba, 'Nsakufya kilungi kyami kwi abo;+Nkamone byo bakekala. Mambo kyo kisemi kyaluwankana,+Bo baana babula bukishinka.+ 21 Bandengela kwikala na bukaji* na mambo a balesa batu;+Banzhingijisha na bankishi babo.+ Onkao mambo, ne amiwa nkebalengela kwikala na bukaji na bantu batu;+Nkebazhingijisha na kisaka kya bantu kyakosama.+ 22 Mambo bukaji bwami bwaambula mujilo+Ukateemangatu kufika ne panshi pene pa Kilende,*+Kabiji ukasoka ntanda ne bijimoKabiji ukasoka bitendekesho bya mitumba. 23 Nkavuzha bya malwa byabo;Miketo yami nkeipwishisha pe abo. 24 Bakatembuka na nzala+Kabiji bakafwa ku kikola kya mashika ne kwibonauna kyatama.+ Nkebatumina banyama bakaji+Ne bintu bikalaba panshi biji na bulembe. 25 Pangye, mpoko ikebalengela kufwisha;+Mukachi mukekala moyo+Ku nsongwalume ne kisungu,Mwana ukyamwa pamo na muntu uji na mvwi.+ 26 Nashi nkambe'mba: \"Nkebapalañanya;Kabiji nkebalengela kubula kwibavuluka mu bantu,\" 27 Bino nachiine na mambo a byakonsheshe kwamba balwanyi,+Mambo balwanyi bakonsheshe kwikitwala mungi.+ Inge baambile'mba: \"Bulume bwetu bwibashinda;+Yehoba kechi ye waubile bino byonse ne.\" 28 Mambo abo kyo kisaka kya bantu babula maana,*Kabiji kechi baji na milangwe ne.+ 29 Nanchi inge bajinga na maana!+ Inge balangulukishapo pa kino.+ Inge balangulukapo pa kintu kikebamwekela.+ 30 Muntu umo wakonsha kupangisha byepi bantu 1,000,Kabiji bantu babiji bakonsha kupalañanya byepi bantu 10,000?+ Kanatu aye Jibwe jabo wibapotesha+Kabiji Yehoba wibapana. 31 Mambo jibwe jabo kechi jiji nobe Jibwe jetu ne,+Ne balwanyi betu bayuka kino.+ 32 Mambo muñanzañanza wabo wafuma ku muñanzañanza wa ku SodomaKabiji wafuma ku majimi a ku Gomola.+ Mañanzañanza abo o mañanzañanza aji na bulembe,Bizanze byao byalula.+ 33 Binyu byabo bo bulembe bwa miloolo,Bulembe bwashinta bwa bishipila. 34 Nanchi kino kechi yami nekitula,Saka nekikasa na katetesho mu butala bwami nenyi?+ 35 Kushinkanya ko kwami, ne kukabisha,+Pa kimye kyatongolwa kulu kwabo kukatezhimuka,+Mambo juba ja malwa abo jijitu pepi,Ne kintu kikebafikila kikapelawizha kufika.' 36 Mambo Yehoba ukebachibila mambo bantu banji,+Kabiji ukebobila lusa* bakalume banji+Byo akamona'mba bulume bwabo bwakepa,Ne byo pakashalatu bantu ne bakooka babula wa kwibakwasha. 37 Kepo akamba'mba, 'Balesa babo baji pi,+Jibwe jo bafyaminengamo, 38 Bonka bajiilenga mafuta a bitapisho* byabo,Kutoma binyu bya milambo yabo ya binyu?+ Bemane ne kwimukwasha. Bekale kyenu kya kufyamamo. 39 Pano yukai'mba, amiwa yami iye,+Kabiji kafwako balesa bakwabo ne, kanatu amiwa yenka.+ Yami ngipaya kabiji yami mpana bumi.+ Nkozhañana,+ kabiji mbuka,+Kabiji kafwako ukakonsha kupokolola muntu mu kuboko kwami ne.+ 40 Mambo nasuntula kuboko kwami mwiulu,Kabiji nachipa namba: \"Byo nji wa myaka yonse,\"+ 41 Umvwe nanona mpoko yami ibembela,Ne kunengezha kuboko kwami kuba'mba mfikizhe lukabisho,+Nkashinkanya na balwanyi bami+Ne kuleta bya malwa pa boba banshikwa. 42 Nkalengela miketo yami kupendwa mashi,Kabiji mpoko yami ikaja nyama,Ne mashi a boba bo bakatapa ne a bazha,Ne mitwe ya bantangi ba balwanyi.' 43 Anweba bisaka bya bantu sangalelai pamo na bantu banji,+Mambo ukashinkanya na mambo a mashi a bakalume banji,+Kabiji ukashinkanya na balwanyi banji+Ne kufuchila mambo* kyalo kya bantu banji.\" 44 Byonkabyo, Mosesa waishile ne kwamba byambo byonse bya uno lwimbo ne bantu saka bomvwa,+ aye ne Hosheya*+ mwana wa kwa Nuni. 45 Mosesa byo apwishishe kwamba bino byambo byonse ku bena Isalela bonse, 46 wibambijile'mba: \"Mutesheko muchima ku byambo byonse bya luno lujimuno lwami lo mbena kwimujimunako lelo jino,+ kuba'mba mukakambizhe baana benu kuteshako muchima kulondela byambo byonse bya mu ino Mizhilo.+ 47 Mambo kechi byo byambo byatu ne, bikemulengela kwikala na bumi,+ kabiji na mambo a bino byambo, mukekala moba avula mu kyalo kyo musakutambula byo musakwabuka Yodano.\" 48 Kabiji pa jonkaja juba, Yehoba waambijile Mosesa amba: 49 \"Kanjila ku mutumba wa Abalimu,+ Mutumba wa Nebo,+ uji mu kyalo kya Moabu watalañana na Yeliko umone kyalo kya Kenana, kyo mbena kupa bena Isalela kwikala kyabo.+ 50 Kepo usakufwila ponka pa mutumba po usakukanjila, kabiji usakuya na kulaala kwalaala* bashakulu bobe byonkatu Alona kolojobe byo afwijile ku Mutumba wa Hola+ ne kulaala kwalaala bashakulu banji, 51 mambo anweba bonse babiji kechi mwajinga ba kishinka kwi amiwa mu bena Isalela ku mema a ku Meliba+ ku Kadeshi mu kiselebwa kya Zini ne, mambo kechi mwanzhijikile ku meso a bena Isalela ne.+ 52 Kyalo usakwikimwena palepa, bino kechi usakutwelamo mu kyalo kyo mbena kupa bena Isalela ne.\"+\nTubyambo twa munshi\n^ Nangwa, \"mutundu wa bantu.\"\n^ Ko kuba'mba, Yakoba.\n^ Mu Kihebelu, \"na mafuta a mikooko.\"\n^ Nangwa'mba \"mema o bafinanga ku mañanzañanza.\"\n^ Kulumbulula'mba \"Mololoke,\" jo jizhina ja buneme ja bena Isalela.\n^ Nangwa'mba \"mukao.\"\n^ Nangwa, \"babula kumvwina byo bebafundako.\"\n^ Nangwa'mba \"ukelangulusha pa.\"\n^ Nangwa'mba \"bajiilenga bitapisho byabo byawamisha.\"\n^ Nangwa'mba \"kutokesha.\"\n^ Jo jizhina jine ja kwa Yoshua. Hosheya ke ngipipishilo ya Hoshaaya, jilumbulula'mba \"Kumupulusha kwi Yehoba; Yehoba wakupulusha.\"\n^ Ino ke ñambilo ya kifwanyikizho pa lufu.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/mpitulukilo-ya-mu-mizhilo\/32\/","date":"2018-04-20T23:25:34Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125944742.25\/warc\/CC-MAIN-20180420213743-20180420233743-00084.warc.gz","language":"kqn","language_score":1.000009656,"language_script":"Latn","minhash_cluster_size":1,"top_langs":"{\"kqn_Latn_score\": 1.0000096559524536}","num_words":1043,"character_repetition_ratio":0.042,"word_repetition_ratio":0.0,"special_characters_ratio":0.203,"stopwords_ratio":0.235,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Byambo biji mu Baibolo byafuma kwi Lesa 'kabiji bikwasha bantu pa kwibafunjisha, pa kwibakajipila ne pa kwibololako.' (2 Timoti 3:16) Nanchi bino byambo bya kine nyi? Monai mafunde a mu Baibolo byo akwasha bantu kuchinuzhuka makatazho a mu bwikalo.\nKUKIZHAMO KUTOMA MALWA\nBa Delphine bo twaambapo kala baambile'mba makatazho o bapichilengamo ebalengejilenga kutoma bingi malwa. Baibolo kechi ukanya kutoma malwa ne, bino waamba'mba: \"Kange wikale pa boba batoma binyu byavula\" ne. (Byambo bya Maana 23:20) Kukizhamo kutoma malwa kuleta bikola mu mubiji, bulunda kupwa ne bantu bavula kufwa pa mwaka pa mwaka. Bantu inge ke balondele byaamba Baibolo, bakonsha kuchinuzhuka ano makatazho afuma mu kutoma malwa.\nAbino byo byaubile ba Delphine. Baambile'mba: \"Kutoma malwa kechi kwapwishishe makatazho o najinga nao ne. Bino nalondejile byambo biji pa Filipai 4:6, 7 bya kuba'mba: \"Kange mubambishenga michima yenu na mambo a kintu nangwa kimo ne, bino . . . saka musolola kwi Lesa bintu byo mukeba.\" Kimye kya bufuku inge natendeka kwikala na bijikila, nalombanga kwi Yehoba ne kumubuula byonse biji ku muchima wami pa kuba'mba ankwashe kubula kwikala na bukaji ne kwikala na milanguluko yawama inge naumvwa kutama ku muchima. Inge bwakya lukelo, nalombanga kuba'mba mbule kwikala na milanguluko yatama. Kuba bino kwandengelanga kuta muchima pa bintu byo nji nabyo kukila kuta muchima pa bintu byo nabula. Nafuukwilepo kwikileka kutoma malwa. Kuba bino kwandengejile kwikala na lusekelo kukila bantu batoma malwa.\"\nBULALELALE\nMu bulalelale mufuma bintu byatama bingi. Mafunde a mu Baibolo akonsha kwitukwasha kuchinuzhuka bintu bilengela bulalelale nabiji kusengula kubi ne kutamba bya mulekese. Nsongwalume wa jizhina ja Samuel waambile'mba: \"Kyapelele bingi kutendeka kusengula. Kimye kimo bantu bo nasengulanga nabo kechi nebatemenwe ne, nangwa kya kuba abo bantemenwe. Inge wayuka'mba muntu ye ubena kusengula nanji wakutemwa, kikatazha bingi kuleka kusengula.\" Samuel bamwambilanga'mba watemwa bingi kusengula nangwa kya kuba kechi wayukile'mba byo byo aubanga ne. Kyamukatezhe bingi kuleka kusengula. Waambile'mba, \"kusengula kwatama bingi mambo kwandengejile kwikala na byubilo byatama.\"\nSamuel watangile kibaaba kyaamba pa banyike kyajinga pa intaneti kyaambile pa kusengula. Kabiji walangulukile pa kinembelo kya Byambo bya Maana 20:11 kyaamba'mba: \"Mwana (nangwa'mba \"kalombwana,\" tubyambo twa munshi) bamuyukila ku byubilo byanji, kana byubilo byanji byawama nangwa koloka.\" Ñanyi bintu byafuminemo? Samuel po po ayukile'mba kusengula kubi kechi kwawama ne. Waambile'mba: \"Mwanyike uji na kisela kya kusengula wikala na byubilo byatama inge wasongola. Natendekele kulanguluka pa bikomvwanga mwanamukazhi ye nkasongola inge ke nsengule na mwanamukazhi mukwabo. Kuyuka bino kwandengejile kulanguluka'mba kusengula kubi kwatama nangwa kya kuba kyapela bingi kusengula.\" Samuel walekele kuba bino. Kuleka kusengula kwamulengejila kubula kuba bulalelale.\nBa Antonio nabo bajinga mu kizumba kya kuba bulalelale mambo bajinga na muteeto wa kutamba bya mulekese. Nangwa kya kuba basongwele mwanamukazhi ye batemenwe bingi, batwajijile na kino kyubilo kyatama. Baambile'mba kulanguluka pa kinembelo kya 1 Petelo 5:8 kwibakwashishe bingi. Kino kinembelo kyaamba'mba: \"Jimukai, saka mulaba ne kukenkenta! Mulwanyi wenu aye Diabola upitañana nobe bokwe ubuluma ubena kukeba wa kuja.\" Ba Antonio baambile'mba: \"Bya mulekese byasampukila ne pa katele lelo jino, kabiji kechi bifuma mu milanguluko inge wibitamba ne. Kino kyepelo kyankwashishe kulanguluka pa wakebelenga'mba ngikale na uno muteeto. Nayukile'mba Diabola ye wakebelenga'mba ntambenga bya mulekese. Luno nayuka'mba Yehoba wakonsha kunkwasha 'kujimuka ne kulaba' pa kuba'mba nshinde ino milanguluko yatama ne kuzhikijila muchima wami ne masongola ami.\" Ba Antonio bebakwashishe kusankilapo muteeto wabo watama. Kuba bino kwibakwasha kuchinuzhuka ne makatazho akwabo avula.\nByo twaambapo byamweshatu patoka'mba mu Baibolo, muji mafunde awama akonsha kwitukwasha kuchinuzhuka makatazho. Pano kyakonsha kwikala byepi inge muji na makatazho abula kupwa? Twayai tumone Mambo a Lesa byo akonsha kwitukwasha kupwisha ano makatazho.\nMafunde a mu Baibolo akonsha kwitukwasha kuchinuzhuka makatazho amo","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/kyamba-kya-usopa-na1-2018-jan-feb\/bya-kwitukwasha-kuchinuzhuka-makatazho\/","date":"2018-04-23T21:05:38Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946199.72\/warc\/CC-MAIN-20180423203935-20180423223935-00404.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":580,"character_repetition_ratio":0.071,"word_repetition_ratio":0.0,"special_characters_ratio":0.175,"stopwords_ratio":0.21,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Pakachi ka myaka kitota kya bu 14 ne 16, byayukile basayansi ne bantemwamaana ba ku Europe pa bintu biji mwiulu, byapusenejilemo na mafunjisho a mu Chechi wa Katolika. Muntu watendekele kufunda pa bya mwiulu ke Galileo Galilei.\nGALILEO saka akyangye kusemwa, bantu bavula baitabijile'mba juba, mapulaneti ne tubangabanga byazhokolokanga ntanda. Luno lwajinga lufunjisho lwa Chechi wa Katolika.\nNangwa byonkabyo, Galileo byo aingijishe telesikopo wamwene bishiino byapusenejilemo na byafunjishenga basayansi. Kya kumwenako, byo amwene bintu bifiita byapichilenga peulu ya juba wayukile'mba juba jizhokolokatu ponka po jiji. Kuyuka bino kwalengejile bantu bavula kuyuka biji mwiulu, nangwa byonkabyo byalengejile Chechi wa Katolika kutendeka kukatazha Galileo.\nSAYANSI NE BUPOPWESHI\nMyaka itanshi, mfunji wa bya mulwelele wa ku Poland aye Nicolaus Copernicus watendekele kufunjisha'mba ntanda izhokoloka juba. Galileo watendekele kufunda byanembele Copernicus pa byenda bintu bya mwiulu ne kutaana bishinka byaumvwañenenga na luno lufunjisho. Patanshi, Galileo wazhinaukilenga kunemba bintu byo ataaine mambo wachiinenga'mba bakatendeka kumuseka ne kumwendeleka. Na mambo a lusekelo lo ajinga nalo pa bintu byo amwene mu telesikopo wanji, watendekele kusampanya ku bantu bintu byo ataaine. Basayansi bamo bazhingijile na bintu byo aambilenga, kabiji byo papichile kimye kicheche bantangi ba bupopweshi batendekele kulengulula Galileo inge babena kufunjisha pa mutuntamo.\nMu 1616, Cardinal Bellarmine \"wajinga mukulumpe wa bantu bafunda bya bupopweshi,\" wabuujile Galileo mukambizho wafuukwile Bakatolika pa mambo a mafunjisho a kwa Copernicus. Wabuujile Galileo kyakosa amba alondele mukambizho ye bafuukwile, kabiji kufuma kyokya kimye Galileo kechi waambilepo pa mvula bantu amba ntanda izhokoloka juba ne.\nMu 1623, Papa Urban VIII, mulunda nanji Galileo, watendekele kulama. Onkao mambo, mu 1624, Galileo waambijile papa kufumyapo mukambizho ye bafuukwile mu 1616. Pano bino, Urban waambijile Galileo kulumbulula mafunjisho apusenejilemo a kwa Copernicus ne Aristotle kwa kubula kunemenenapo kumo.\nKepo Galileo anembele buku wa kuba'mba Dialogue on the Great World Systems. Nangwa kya kuba papa waambijile Galileo kubula kunemenenapo kumo, buku wamunembele nobe ubena kutundaika byaambilenga Copernicus. Kechi pabanjile ne, balwanyi ba kwa Galileo batendekele kwamba'mba buku wanji ubena kulengulula papa. Galileo bamupelemo mambo a kufunjisha bya bubela ne kumuzakamisha'mba basa kumumanyika, kabiji bamukanjikizhe kukaana mafunjisho a kwa Copernicus. Mu 1633, Kije kya Loma kyachibile kumukashila mu nzubo kikupu ne kukanya mabuku anji. Galileo wafwijile mu nzubo mu muzhi wa Arcetri, kwipi na Florence, pa 8 January 1642.\nPapa John Paul II waswile'mba Chechi wa Katolika walubankenye pa kulengulula Galileo\nPa myaka yavula, mabuku anembele Galileo kechi baswishishe Bakatolika kwiatanga ne. Nangwa byonkabyo, mu 1979, Chechi yalangulukilepo jikwabo pa byafuukwile Kije kya Loma myaka 300 yapitapo. Kepo mu 1992, Papa John Paul II aswile'mba Chechi wa Katolika walubankenye pa kulengulula Galileo.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/g201506\/galileo\/","date":"2018-04-26T18:24:32Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948426.82\/warc\/CC-MAIN-20180426164149-20180426184149-00085.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":412,"character_repetition_ratio":0.072,"word_repetition_ratio":0.0,"special_characters_ratio":0.171,"stopwords_ratio":0.226,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Byo abatizhiwe, Yesu watendekele kusapwila'mba: 'Bufumu wa Lesa bwafwenya pepi.' Baana ba bwanga bamulondejile byo ayile ku Ngalilea ne ku Yudea. Byo abwelele ku Nazala ko akomejile, Yesu wayile ku nshinagoga, byo bamupele muvungilo wa ngauzhi Isaya, watangile na jiwi ja peulu amba: 'Mupashi wa Yehoba uji pe amiwa pa kuba'mba nsapwile mambo awama.' Kino kyalumbulwilenga ka? Nangwa kya kuba bantu bakebelenga bingi kumona Yesu na kuba bya kukumya, mwingilo mwine ye bamupelejile mupashi wazhila ke wa kusapwila mambo awama. Kepo abujile bamutelekelenga'mba: 'Buno bungauzhi bwafika.'\nByo papichile kimye, Yesu wayile ku Kalunga ka Ngalilea ko akataine baana banji ba bwanga bana bakwatanga masabi. Wibambijile'mba: 'Ndondelainga kabiji nsakwimwalula ke bakukwata bantu.' Bano bajinga ba Petelo, Andeleo, Yakoba ne Yoano. Ponkapotu bashile makonde abo kebamulondele. Bayile ku Ngalilea saka basapwila pa Bufumu bwa Yehoba. Basapwijilenga mu mashinagoga, mu bisankanyi ne mu mikwakwa. Kabiji jibumba jikatampe jamulondejilenga konse ko ayilenga. Ne nkuwa ya kwa Yesu yaumvwanyikile monse mu mapunzha kukafikatu ne ku Silya.\nMu kuya kwa kimye, Yesu wapele batumwa banji bulume bwa kubuka bantu bikola ne kupanga bandemona. Bakwabo bayile nanji na kusapwila mu mizhi ikatampe ne ku nzubo ku nzubo. Banabakazhi ba kishinka kubikapotu ne Maliya wa ku Mangadala, Yoana ne Susana ne bakwabotu bakwashishenga Yesu ne batumwa banji.\nByo apwishishe kufunjisha baana banji ba bwanga, Yesu wibatumine kuya na kusapwila. Byo basapwijilenga mu Ngalilea, bantu bavula baikele baana ba bwanga ne kubatizhiwa. Bavula bakebelenga kwikala baana ba bwanga, kino kyalengejile Yesu kwibafwanyikizha ku bujimi bubena kukebewa kunowa. Waambile'mba: 'Lombai kwi Yehoba pa kuba'mba atume ba mingilo bavula mu mwingilo wanji wa kunowa.' Kepo aichile bakwabo 70 ne kwibatuma babiji babiji na kusapwila mu Yudea monse. Basapwijile bantu bavula bingi pa Bufumu. Baana ba bwanga byo babwelele, babuujile Yesu bintu byonse byamwekele. Diabola wakankelwe kukanya baana ba bwanga kwingila uno mwingilo.\nYesu saka akyangye kuya mwiulu, watundaikile baana banji ba bwanga kutwajijila kwingila uno mwingilo wanema bingi. Wibabuujile'mba: 'Sapwilainga mambo awama mwaya ntanda yonse. Funjishainga bantu Mambo a Lesa, ne kwibabatizha.'\n\"Nafwainwa kusapwila mambo awama a Bufumu bwa Lesa ne ku mizhi ikwabo, mambo kino kyo kyo bantumijile.\"—Luka 4:43","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/mashimikila-a-mu-Baibolo\/12\/yesu-ubena-kusapwila\/","date":"2018-04-27T05:12:56Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125949036.99\/warc\/CC-MAIN-20180427041028-20180427061028-00263.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":347,"character_repetition_ratio":0.066,"word_repetition_ratio":0.0,"special_characters_ratio":0.178,"stopwords_ratio":0.268,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mambo ka o twafwainwa kuvulukilanga lufu lwa kwa Yesu?\nLufu lwa kwa Yesu lwanema bingi kufumatu kala kufika ne lelo jino, mambo wafwile kuba'mba bantu bakekale bulongo byonkatu Lesa byo akebelenga. Muntu kechi bamulengele kuba'mba akoobenga bintu byatama, kukolwa nangwa kufwa ne. (Ntendekelo 1:31) Pano bino, bundengamambo bwatwelele pano pa ntanda na mambo a muntu mutanshi, aye Adama. Yesu wapaine bumi bwanji kuba'mba etupokolole ku bundengamambo ne lufu.—Tangai Mateo 20:28; Loma 6:23.\nLesa wamwesheshe butemwe bwanji pa kwitutumina Mwananji pano pa ntanda kuba'mba etufwile. (1 Yoano 4:9, 10) Yesu waambijile baana banji ba bwanga kuvulukanga lufu lwanji kimye kyo baikele na kijiilo kicheche po aingijishe shinkwa ne binyu. Kuba bino pa mwaka pa mwaka kumwesha'mba tusanchila Lesa ne Yesu pa byo betutemwa.—Tangai Luka 22:19, 20.\nBañanyi bafwainwa kujako shinkwa ne kutoma binyu?\nYesu byo abuujile baana banji ba bwanga kuvulukanga lufu lwanji, waambilenga pa lulayañano nangwa'mba mulaye. (Mateo 26:26-28) Kino kyalengela bantu bachechetu kukekala bamfumu ne bañanga pamo nanji mwiulu. Nangwa kya kuba bantu bavula batanwako pa kuvuluka lufu lwa kwa Yesu, bajakotu ku shinkwa ne kutoma binyu ke bonkaba baji mu luno lulayañano.—Tangai Lumwekesho 5:10.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/wp20150301\/yesu-shinkwa-binyu\/","date":"2018-04-23T08:24:54Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945855.61\/warc\/CC-MAIN-20180423070455-20180423090455-00338.warc.gz","language":"kqn","language_score":1.0000090599,"language_script":"Latn","minhash_cluster_size":1,"top_langs":"{\"kqn_Latn_score\": 1.0000090599060059}","num_words":176,"character_repetition_ratio":0.068,"word_repetition_ratio":0.0,"special_characters_ratio":0.208,"stopwords_ratio":0.216,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Maalo o baingijishanga mu moba anembejilwemo Baibolo o a ka?\nBaibolo waamba kuba'mba maalo beengijishanga kusansa binunka bulongo ku bivwalo ne pa mwanya. (Salamo 45:8; Byambo bya Mana 7:17; Lwimbo wa Solomone 4:14) Maalo ajingako kala kampe afumanga ku kichi kya Agarwood. Kino kichi inge kyaikala ke kivungula, ko kwafumanga manyi. Umvwe batwa kino kivungula, kwafumanga byauba nobe bunga, byo bapoteshanga amba \"maalo.\"\nBaibolo waesakanya matente a Isalela ku \"bichi bya maalo byo ajimba Yehoba.\" (Kubala 24:5, 6) Ano ajinga nobe kichi kya Agarwood, kyalepa kufika ku mamita 30 kabiji kitabila munsa munsa. Nangwa kino kichi kifwamo mu Isalela lelo jino, buku wa kuba'mba A Dictionary of the Bible waamba'mba, \"kechi twakonsha kukana kishinka kya kuba'mba bino bichi ne bikwabotu byo babula kuyuka pa kino kimye [mu ino mpunzha] byajingako kala mu kimpachiko kya Yodano kyaile bingi nkuwa kabiji mwaikalanga ba binemanga.\"\nÑanyi mutundu wa milambo yafwainwe kupanwa mu nzubo ya Lesa mu Yelusalema?\nMizhilo ya Lesa yaambile amba milambo yonse yafwainwa kupanwa ku nzubo ya Lesa kechi yafwainwe kwikala na bulema ne. Lesa kechi wakebanga milambo yalemana ne. (Kulupuka 23:19; Bena Levi 22:21-24) Kwesakana na nembi Muyudea wa mu kitota kya myaka kitanshi, aye Philo, wanembele amba bañanga bapesapesanga banyama ba kupana milambo \"kufuma ku mutwe kufika ne ku maulu\" pa kuba'mba bamone amba bajinga bulongo kabiji kechi \"baji na bulema bwa mutundu yense ne.\"\nShayuka aye E. P. Sanders waambile amba kampe bañanga ba mu nzubo ya Lesa \"baswishangatu aba bapoteshanga banyama ne bañonyi kupoteshatu bo bapesapesa kala. Mu jino jishinda, ubena kupotesha wafwainwa kupa ubena kupota kayukilo ka kumwesha kuba'mba uno nyama nangwa ñonyi ye apota kechi uji na bulema buji bonse ne.\"\nMu mwaka wa 2011, bapoyapoya bya kupoyapoya bataine kano kayukilo pa mpunzha ponka pajinga nzubo ya Lesa, kaji nobe mali a muwayawaya kalengwa na buchimba ko baingijishanga mu kitota kya myaka kitanshi B.C.E. kufika mu 70 C.E. Byambo bijipo mu Kialamaiki byatuntululwa amba \"Kyatoka Kipanwe kwi Lesa.\" Kyamweka nobe bañanga bakasanga tuno tuyukilo ku bintu byo baingijishanga mu bya bupopweshi nangwa ku banyama ba milambo.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/wp20140201\/nanchi-mwayuka-nyi\/","date":"2018-04-23T04:48:06Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945724.44\/warc\/CC-MAIN-20180423031429-20180423051429-00524.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":331,"character_repetition_ratio":0.059,"word_repetition_ratio":0.0,"special_characters_ratio":0.202,"stopwords_ratio":0.239,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA—KYA KUFUNDAMO Kuvumbi 2017\nMu kino kyamba muji mitwe ya kufunda kutendeka pa January 29 kufika pa February 25, 2018.\nTwakonsha kushiinwa byepi amba kukekala lusanguko kulutwe?\nMambo ka bena Kilishitu o banemekela bingi lufunjisho lwa lusanguko?\nNanchi mwatanga magazini a katataka a Kyamba kya Usopa nyi? Monai inge mwakonsha kukumbula ano mepuzho aimena pa byaamba Baibolo.\nMu kimye kya bena Isalela, nanchi baana babo babeji yo yajinga ndonda mwasemekejilwe Mesiasa nyi?\nNanchi bena Kilishitu baji mu masongola bakonsha kwingijisha kakiñambañamba kakanya lusemo (ka IUD) nyi?\nBansemi bena Kilishitu bavula batemwa inge mwanabo ukeba kubatizhiwa, bino bakamwa'mba kampe kulutwe na lwendo ukafuma mu bukine. Bakonsha kukwasha byepi mwanabo kwikala na maana akamulengela kupuluka?\nNangwa kya kuba kubatizhiwa kuleta mwingilo mukatampe, bino banyike kechi bafwainwa kuchiina kubatizhiwa ne.\nJISHIMIKILA JA BWIKALO\nBa Felix Fajardo bajingatu na myaka 16 kimye kyo bafuukwilepo kwikala mwina Kilishitu. Nangwa kya kuba papita ne myaka 70, kechi belangulusha pa kufuukulapo kulondela Nkambo konse ko ebatangijilenga ne.\nIno nteeta isakwimukwasha kuyuka pa kutaana mitwe yapusana pusana yajinga mu magazini a Kyamba kya Usopa mu mwaka wa 2017.","id":"","dump":"CC-MAIN-2018-22","url":"https:\/\/www.jw.org\/kqn\/mabuku\/magazini\/kyamba-kya-usopa-kufundamo-december-2017\/","date":"2018-05-25T00:18:55Z","file_path":"s3:\/\/commoncrawl\/crawl-data\/CC-MAIN-2018-22\/segments\/1526794866894.26\/warc\/CC-MAIN-20180524224941-20180525004941-00336.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":175,"character_repetition_ratio":0.067,"word_repetition_ratio":0.0,"special_characters_ratio":0.178,"stopwords_ratio":0.177,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"SPAIN Mu kino kyalo muji bingi bantu bavula ne bintutu bikwabo byavula bingi. Mu Spain bajima bingi wichi, mañanzañanza ne maolivi. Ku bulenge bwa kino kyalo, kuji mukola walepa makilomita 14 waabanya kyalo kya Spain ne Africa.\nKu kabeta ka ku bulenge muzhika bwa kino kyalo, ko kwaishijile bena Fenesya, Bangiliki ne bantu bafumine ku kyalo kya Tunisia. Bena Loma byo baishile mu kitota kya busatu, batumbile mpunzha yo bashinjile amba Hispania. Balondejilepo kwikala mu ino mpunzha ke bena Visigoth ne bena Mozilemu. Byo baishile mu kino kyalo kechi baubanga bya kisho kyabo ne.\nKatataka papo bantu kukila pa 68 milyonyi bayile na kufwakasha mu kyalo kya Spain. Bantu bavula beya na kumona bisama juba, mapunzha kwa kukayila ku mikola kuji busenga, bintu byo balenga, bya kishakulu, ne bishimikwa bikatampe bijimo. Bantu bavula beya na kumona kajo ko baja mu kyalo kya Spain. Kajo ka mumema, nyama ya mukooko, kajo ko bavwangakanya na kajo kakwabo, bishu bibishi ne bishu byo bateka na manyi afuma ku maolivi. Kajo ko batela'mba Spanish omelets, paella ne tapas, kayukanyikwa bingi mwaya ntanda.\nBena Spain bakasuluka bingi. Bavula mu kino kyalo Bakatolika nangwa kya kuba kechi baya ku chechi ne. Mu myaka ya kulutwe kuno bantu bafuma mu Africa, ku Asia ne ku Latin America baiya na kwikala mu kyalo kya Spain. Bano bantu batemwa bingi kubuulako bakwabo byo baitabilamo ne bisho byabo. Bakamonyi ba kwa Yehoba besamba bingi nabo, kabiji bebafunjisha Baibolo pa mitwe yapusana pusana.\nMu 2015, Bakamonyi kukila pa 10,500, bepaine kushimika nangwa kuwamisha Mazubo a Bufumu 70. Bakulumpe ba mukafulumende bapaine mpunzha pa kushimikila ano mazubo. Pa kuba'mba bakwashe bantu bafuma mu byalo bingi, Bakamonyi ba kwa Yehoba bapwila mu milaka 30 kununga pa mulaka mwine wa Kisipanishi. Mu 2016, bantu kukila pa 186,000, batainweko ku kivuluko kya lufu lwa kwa Yesu Kilishitu.","id":"","dump":"CC-MAIN-2018-22","url":"https:\/\/www.jw.org\/kqn\/mabuku\/magazini\/labainga-na2-2017-april\/kufwakesha-kyalo-kya-spain\/","date":"2018-05-24T22:26:06Z","file_path":"s3:\/\/commoncrawl\/crawl-data\/CC-MAIN-2018-22\/segments\/1526794866870.92\/warc\/CC-MAIN-20180524205512-20180524225512-00265.warc.gz","language":"kqn","language_score":1.000009656,"language_script":"Latn","minhash_cluster_size":1,"top_langs":"{\"kqn_Latn_score\": 1.0000096559524536}","num_words":294,"character_repetition_ratio":0.066,"word_repetition_ratio":0.0,"special_characters_ratio":0.2,"stopwords_ratio":0.279,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA—KYA KUFUNDAMO Mulombola 2017\nMu kino kyamba muji mitwe ya kufunda mu kutendeka pa 29 May kufika pa 2 July, 2017.\nluchipo lulumbulula ka? Binembelo byaambapo'mba ka pa kuchipa kwi Lesa?\nBaibolo waamba'mbat \"pano pa ntanda pabena kupita.\" Ñanyi bintu byavwangwamo mu ino \"ntanda\"?\nJISHIMIKILA JA BWIKALO\nBa Demetrius Psarras bebakashile na mambo a kukana kulwa nkondo. Bino, batwajijile kutota Lesa nangwa kya kuba bapichile mu meseko akatampe.\nMambo ka o twakonsha kwambila'mba Yehoba kechi wakonsha kuba nshiji ne? Mambo ka kuyuka kino kishinka o kwanemena ku bena Kilishitu lelo jino?\nKwipelula ne kulekelako bakwetu mambo kyo kwanemena pa kuba'mba tumonenga bunchibamambo bwaoloka byonka Lesa byo ebumona. Mambo ka?\nLesa wa Bulume Bonse unemeka bingi bakalume banji boba kyaswa muchima wanji, nangwa kya kuba byo boba bimweka nobe kechi byanema ne.","id":"","dump":"CC-MAIN-2018-22","url":"https:\/\/www.jw.org\/kqn\/mabuku\/magazini\/kyamba-kya-usopa-kufundamo-april-2017\/","date":"2018-05-21T10:45:08Z","file_path":"s3:\/\/commoncrawl\/crawl-data\/CC-MAIN-2018-22\/segments\/1526794864063.9\/warc\/CC-MAIN-20180521102758-20180521122758-00055.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":129,"character_repetition_ratio":0.03,"word_repetition_ratio":0.0,"special_characters_ratio":0.193,"stopwords_ratio":0.264,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"OCTOBER 9, 2014\nMASAWAKYA MWAYA NTANDA\nMU NEW YORK—Bakamonyi ba kwa Yehoba ku muzhika wa Africa batwajijila kufunjisha bo bapwila nabo bya kwizhikijila ku uno mwalo ubena kwipayañana wa Ebola.\nAku bayukatu'mba uno mwalo wa Ebola wakumbanatu monse mu Guinea kabiji wafika ne kubwipi bwa kyalo kya Liberia ne kya Sierra Leone, ofweshi wa musampi wa Bakamonyi ba kwa Yehoba ponkapotu watumijile makalata kujimunako bipwilo byonse mu bino byalo bisatu. Kwingijisha mashinda ajinga mu mikambizho yapaine kafulumende, Ino nkalata yalumbulwile bulemo bwa kano kalongolo, byo kasambukilañana ne bya kwizhikijila pa kuba'mba kino kikola kibule kusampana. Ba Collin Attick bambilako Bakamonyi ba kwa Yehoba mu Sierra Leone baambile'mba: \"Bantu bavula kechi bayukile byo bakonsha kuba ne, mambo kino kikola kechi kwayukanyikwa bulongo ne kabiji bavula baambilenga bya bubela pa byatendekele kino kikola kya Ebola mu ano mapuzha. Pano bino ba mu kipwilo byo baumvwine mikambizho pa Nzubo pa Bufumu, ponkapotu batendekele kuba byo bebabujile.\"\nMu July, wimenako Bakamonyi ba kwa Yehoba watatwile kupepula bipwilo bya mu Sierra Leone ne bya mu Guinea. Kila kipwilo waikelengapo moba abiji. Waambilenga jashi jiji na mutwe wa kuba'mba \"Kukokela Kulengela Kupuluka\" na mulanguluko wa kukwasha bantu kuyuka ne kujimuka ne kulondela mashinda akatataka a kwizhikijila kukino kikola ne kutundaika bonse kulondela byo bebabujile. Basakutwajijila kumpempula bipwilo kufikatu ne mu November 2014. Kabiji pa mapunzha onse po bapopwela Lesa (payukanyikwa'mba pa Mazubo a Bufumu) mu Guinea, mu Liberia, ne mu Sierra Leone babikapo mema a kowako ku maboko o babikamo muchi. Bakamonyi bavula babena kulondela bino ne pa ma Nzubo abo, babena kubikapo mema akowa ku maboko.\nKwesakana na sawakya wa ba World Health Organization wa mu 1 Octobermu mu 2014, bantu 7,178 bobasambwile kino kikola kya Ebola kabiji 3,300 boba bafwa ku muzhika wa Africa nangwa kyakuba kibelengelo kya bantu bakasambula kino kikola basa kuvujilako. Bakamonyi bonse mu Guinea ne mu Sierra Leone baji 2,800. Pa bano Kamonyi umo wamukazhi wingila bumanase ye wasambwile kino kikola kya Ebola kabiji wafwile pa 25 September mu 2014. Mu kyalo kya Liberia, muji Bakamonyi 6,365, pa bano bonse jikumi bo bafwa kabiji pa bano bafwa batanu na kamo bengijila mukipatela. Nangwa kyakuba kino kikola kyafika ne mu kyalo kya Nigeria, pano bino kafwako nangwa Kamonyi umo wasambula kino kikola ne. Kabiji kafwako Bakamonyi bamishonale mu bino byalo nangwa umo wasambula kino kikola ne mambo bamishonale pa kikye kimye bavula bayile na kukokoloka nangwa na kushonkena ku Europe ne ku United States. Bamo babwela na kwingila mwingilo wabo wa bumishonale kabiji babena kulondela mikambizho ya byakwizhikijila yafumine ku ofweshi wa musampi wa mu kino kyalo. Bakwabo bamishonale bakyangye kubwela, bakipembelela byo kiji kuba'mba byalo bimo bakanya madeke kwiya kufuma ku byalo bikwabo, kabiji bakwabo kujitu bintu bikwabo bibalengela.\nKavoto ka bukwasho ka Bakamonyi ba kwa Yehoba kabena kukwasha Bakamonyi baji mu byalo mwaangala kino kikola kya Ebola. Babena kukwasha bisemi ne balunda nabo bo bapwila nabo ku muzhika wa Africa. Ba Thomas Nyain bambilako Bakamonyi ba kwa Yehoba mu Liberia baambile'mba: \"Kulondela mafunde a mu Baibolo aamba pa butooto ne kwizhikijila kubena kwitukwasha bingi ku kuyuka bya kuba na luno lukatazho. Kabiji byo tuji Bakamonyi ba kwa Yehoba kechi tulondela bisho bya bantu byo boba byabula mu Baibolo ne. Kuba bino kwazhikijila bonse balongo betu kikatakata mu ano moba a malwa.\"\nMu kyalo kya Sierra Leone babijikile pa waileshi Bakamonyi ba kwa Yehoba byo babena kukwasha bo bapwila nabo ne bantutu ba mu kimasamasa bya kwizhikijila ku kikola kya Ebola. Kafulumende walomba kuba'mba kavoto ka bukwasho ka Bakamonyi kakwasheko bipamo bya mu kafulumende mu ano mapunzha.\nBa J. R. Brown bambilako Bakamonyi bonse bengijila ku ofweshi mukatampe wa ntanda yonse mu New York baambile'mba: \"Kitutundaika bingi pa kumona balongo betu byo babena kulondela mikambizho ya bya kwizhikijila kabiji ne kutwajijila na kwingila mingilo ya Lesa ne kufunjisha bantu Baibolo. Tubena kwibalangulukapo bingi ne kwibalombelako balongo betu baji mu mapunzha muji uno mwalo wa Ebola.\"\nManambala a Lamya(s):\nInternational: J. R. Brown, Office of Public Information, tel. +1 718 560 5000\nGuinea: Thierry Pourthié, tel. +224 631 40 96 50\nLiberia: Thomas Nyain, Sr., tel. +231 886 513 414\nNigeria: Paul Andrew, tel. +234 7080 662 020\nSierra Leone: Collin Attick, tel. +232 77 850 790","id":"","dump":"CC-MAIN-2018-26","url":"https:\/\/www.jw.org\/kqn\/Masawakya\/akatataka\/byalo\/ntanda\/bakamonyi-ba-kwa-yehoba-bayuka-bya-kwizhikijila-mu-2014-ebola\/","date":"2018-06-21T03:05:30Z","file_path":"s3:\/\/commoncrawl\/crawl-data\/CC-MAIN-2018-26\/segments\/1529267864019.29\/warc\/CC-MAIN-20180621020632-20180621040632-00137.warc.gz","language":"kqn","language_score":1.000009656,"language_script":"Latn","minhash_cluster_size":1,"top_langs":"{\"kqn_Latn_score\": 1.0000096559524536}","num_words":664,"character_repetition_ratio":0.09,"word_repetition_ratio":0.0,"special_characters_ratio":0.197,"stopwords_ratio":0.277,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Vulukai Muka Lota—Lubaji 1 Vulukai Muka Lota—Lubaji 1 Kwibikako Kwikala wa Kishinka Kyakana kujila Kopololai uno Vidyo Wajingapo Walondelapo Fundai ne Bikwabo KYAMBA KYA USOPA Bijikila bya Mali Mwanamulume umo wamwenejile kisemi kyanji bintu byo kikeba nangwa kya kuba mutengo wa bintu wabayile bingi. Pulintai Tumai Musabilo Tumai Musabilo VULUKAI MUKA LOTA Vulukai Muka Lota—Lubaji 1 Kikaonde Vulukai Muka Lota—Lubaji 1 https:\/\/assetsnffrgf-a.akamaihd.net\/assets\/m\/1102017513\/univ\/art\/1102017513_univ_sqr_xl.jpg","id":"","dump":"CC-MAIN-2018-34","url":"https:\/\/www.jw.org\/kqn\/mabuku\/mavidyo\/vulukai-muka-lota\/vidyo-lubaji-1\/","date":"2018-08-14T22:32:15Z","file_path":"s3:\/\/commoncrawl\/crawl-data\/CC-MAIN-2018-34\/segments\/1534221209585.18\/warc\/CC-MAIN-20180814205439-20180814225439-00366.warc.gz","language":"kqn","language_score":0.9995645881,"language_script":"Latn","minhash_cluster_size":1,"top_langs":"{\"kqn_Latn_score\": 0.9995645880699158}","num_words":58,"character_repetition_ratio":0.153,"word_repetition_ratio":0.0,"special_characters_ratio":0.207,"stopwords_ratio":0.103,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUFUNJISHO LWA PA KUPOPWELA KWA KISEMI Mosesa Wakomejile mu Ijipita KULUPUKA KITANGO 1-2 Kukwashako Bansemi: Funjilai pamo na kisemi bino bintu bya mu Baibolo. Kopololai LUFUNJISHO LWA PA KUPOPWELA KWA KISEMI Mosesa Wakomejile mu Ijipita KULUPUKA KITANGO 1-2 Kukwashako Bansemi: Funjilai pamo na kisemi bino bintu bya mu Baibolo. Kopololai Bikwabo Bijipo Monai Byonse Kwingila na Kuchinchika Funjishai baana benu bintu bilengela muntu kwikala wachinchika, kabiji bakwashai kufunda lwimbo waamba pa kuchinchika. Mupashi Wazhila byo Etukwasha Kwingijila Yehoba Ingijishai ano mafunjisho kufunjishishamo baana benu kuyuka mupashi wa Yehoba byo etukwasha. Bulunda bwa Kine Bino byambo bisakwimukwasha kwingijisha jishimikila ja mu Baibolo ja kwa Luta kufunjisha baana benu kuyuka byubilo byawama bya mulunda. Monai Byonse Tumai Musabilo Tumai Musabilo BYA KUFUNDA PA KUPOPWELA KWA KISEMI Mosesa Wakomejile mu Ijipita Kikaonde Mosesa Wakomejile mu Ijipita https:\/\/assetsnffrgf-a.akamaihd.net\/assets\/m\/502014106\/univ\/art\/502014106_univ_sqr_xl.jpg","id":"","dump":"CC-MAIN-2018-39","url":"https:\/\/www.jw.org\/kqn\/bifunjisha-baibolo\/baana\/Bya-Kufunda-pa-Kupopwela-kwa-Kisemi\/mosesa-wakomejile-ijipita\/","date":"2018-09-26T04:40:14Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267163326.85\/warc\/CC-MAIN-20180926041849-20180926062249-00474.warc.gz","language":"kqn","language_score":1.0000078678,"language_script":"Latn","minhash_cluster_size":1,"top_langs":"{\"kqn_Latn_score\": 1.0000078678131104}","num_words":132,"character_repetition_ratio":0.099,"word_repetition_ratio":0.244,"special_characters_ratio":0.174,"stopwords_ratio":0.152,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKATAZHO\nAnweba ne benakwenu popo mwafumatu na kutoboka. Mwaamba mu muchima amba, 'Kechi nafwainwa kulomba lulekelo lwa mambo ne mambo kechi yami nanji kutendeka lutobo ne.'\nMwalubako ku byajikumweka, pano bino, mwatwajijilatu monka mwazhingijila. Ke mulanguluke amba ndombe lulekelo lwa mambo, pano bino, kimukatazha kwamba byambo byapela bya kuba'mba \"ndekelaiko mambo.\"\nKILENGELA\nBwitote. Mwanamulume wasongola aye Charles * waswile kuba'mba: \"Kimo kimye kikatazha bingi kwamba'mba 'ndekelaiko mambo' na mambo a kwimona kunema.\" Bwitote bwakonsha kwimulengela kumvwa bingi bumvu pa kuba'mba muswe'mba mwatamisha.\nByo mulangulukapo. Mwakonsha kulanguluka'mba mwafwainwatu kulomba lulekelo lwa mambo umvwe anweba yenu mwaleta lolo lukatazho. Mwanamukazhi wasongolwa wa jizhina ja Jill waambile'mba: \"Inge nayuka'mba yami natamisha kipela bingi kwamba'mba 'ndekelaiko mambo.' Pano inge bonse babiji twajikwiambila byambo bikozha ku muchima kikatazha bingi kwamba'mba ndekelaiko mambo. Neipuzha'mba, mambo ka o nafwainwa kulombela lulekelo lwa mambo inge kya kuba'mba bonse babiji twajikulubankanya?\"\nMwakonsha ne kukilamo kulanguluka'mba kechi mwafwainwa kulomba lulekelo lwa mambo ne, inge kya kuba mwamona'mba mwinakwenu ye walubankanya. Mwanamulume wasongola wa jizhina ja Joseph waambile'mba: \"Inge wamona kuba'mba kechi watamishapo ne, kubula kulomba lulekelo lwa mambo jo jishinda ja kumwesheshamo amba mambo ufwao.\"\nNkomeno yenu. Kampe mwakomena mu kisemi mo babula kulomba lulekelo lwa mambo. Inge byo byo kiji, ko kuba'mba mwafunjile kuba'mba kechi mwafwainwa kulomba lulekelo lwa mambo ne. Na mambo a kuba'mba ku bwanyike kechi mwalombanga lulekelo lwa mambo ne, pa kukoma kikatazha bingi kuba byobyo.\nBYO MWAKONSHA KUBA\nTai muchima ku benakwenu. Esekai kuvulukapo kimye muntu umo kyo emulombele lulekelo lwa mambo ne kuba bino o kwimulengejile kumvwa bulongo ku muchima. Mambo ka a kubujila kuba byobyo ku benakwenu kuba'mba nabo bomvwe bulongo ku muchima? Nangwa kya kuba mwamona'mba kechi yenu mwalubankenye ne, mwakonsha kulomba lulekelo lwa mambo pa byo mwaubile byalengejile kuba'mba benakwenu bazhingile. Kulomba lulekelo lwa mambo kwakonsha kulengela benakwenu kukasuluka.—Jifunde ja mu Baibolo: Luka 6:31.\nTai muchima pa masongola enu. Yukai kuba'mba kulomba lulekelo lwa mambo kechi kulumbulula'mba bemushinda ne, bino mwafwainwa kwikumonanga'mba jishinda ja kukoseshamo masongola enu. Byambo bya Maana 18:19 byaamba'mba muntu utwajijilatu monka azhingijila \"wakatazha kumufwomona, kukila ne muzhi uji na nsakwa yakosa.\" Kikatazha bingi kubwezha mutende inge kya kuba mwatwajijilatu monka mwazhingijila. Pano bino, kulomba lulekelo lwa mambo kukemulengela kukanya kintu kimutamisha benakwenu kwikala ke lukatazho lukatampe. Kuba bino kumwesha'mba mwatangizhako masongola enu mu bwikalo bwenu.—Jifunde ja mu Baibolo: Filipai 2:3.\nPelawizhainga kulomba lulekelo lwa mambo. Kya kine, kulomba lulekelo lwa mambo kwakonsha kukatazha inge kya kuba'mba kechi yenu mwatamisha ne. Pano bino, bilubo bya benakwenu kechi byafwainwa kwimulengela kwikala na byubilo byatama ne. Onkao mambo, kange mukankazhamenga kulomba lulekelo lwa mambo ne kulanguluka'mba bakalubako inge papita kimye ne. Kulomba lulekelo lwa mambo kukakwasha benakwenu nabo kulomba lulekelo lwa mambo. Kabiji inge saka mulomba lulekelo lwa mambo kimye kyonse, ne benakwenu nabo kikebapelela kuba byobyo.—Jifunde ja mu Baibolo: Mateo 5:25.\nMweshainga'mba mwalomba lulekelo lwa mambo kufuma panshi ya muchima. Kubingisha byubilo byenu kwapusana na kulomba lulekelo lwa mambo. Kabiji ne kwamba byambo bya mukeyu nabiji bya kuba'mba \"Ndekelaiko mambo, ne anweba muzhingilatu bukiji\" kechi ko kulomba lulekelo lwa mambo ne. Mwafwainwa kuswa kuba'mba mwatamisha, ne kuyuka'mba mwakozha benakwenu ku muchima nangwa kya kuba mwamona'mba kechi mwauba kintu kikatampe kyakonsha kwibazhingijisha ne.\nYukai kuba'mba bonse mutamisha. Mwafwainwa kwipelula ne kuswa kuba'mba ne anweba mupusa. Kishinka ke kya kuba'mba kafwako muntu ubula kupusa ne. Nangwa kya kuba'mba kechi yenu mwatamisha ne, mwafwainwa kuyuka'mba kuji byo mwauba byalengela kuba'mba bintu biye munsunya. Baibolo waamba'mba: \"Mutanshi kwamba mambo umweka nobe waoloka, posotu mukwabo waiya ne kusolola bishinka pe aye.\" (Byambo bya Maana 18:17) Kuyuka kuba'mba ne anweba mutamisha kukemukwasha kulombanga lulekelo lwa mambo.\n^ par. 7 Mazhina aji mu uno mutwe apimpulwa","id":"","dump":"CC-MAIN-2018-39","url":"https:\/\/www.jw.org\/kqn\/mabuku\/magazini\/g201509\/bya-kulomba-lulekelo-lwa-mambo-masongola\/","date":"2018-09-24T16:38:31Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160568.87\/warc\/CC-MAIN-20180924145620-20180924170020-00125.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":592,"character_repetition_ratio":0.145,"word_repetition_ratio":0.0,"special_characters_ratio":0.175,"stopwords_ratio":0.211,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BINTU BYA KUFUNDA PA KUPOPWELA KWA KISEMI Kwingila na Kuchinchika 1 SAMWELA KITANGO 17 Kukwashako Bansemi: Funjilai pamo na kisemi bino bintu bya mu Baibolo. Kopololai BINTU BYA KUFUNDA PA KUPOPWELA KWA KISEMI Kwingila na Kuchinchika 1 SAMWELA KITANGO 17 Kukwashako Bansemi: Funjilai pamo na kisemi bino bintu bya mu Baibolo. Kopololai Bikwabo Bijipo Monai Byonse Mupashi Wazhila byo Etukwasha Kwingijila Yehoba Ingijishai ano mafunjisho kufunjishishamo baana benu kuyuka mupashi wa Yehoba byo etukwasha. Bulunda bwa Kine Bino byambo bisakwimukwasha kwingijisha jishimikila ja mu Baibolo ja kwa Luta kufunjisha baana benu kuyuka byubilo byawama bya mulunda. Kola Wasatuka Ano mafunjisho afuma pa bipikichala byalumbulula jishimikila ja mu Baibolo ja amba pe Kola. Akonsha kwimukwasha pamo na baana benu kufwanyikizhanga byo kyajinga. Monai Byonse Tumai Musabilo Tumai Musabilo BYA KUFUNDA PA KUPOPWELA KWA KISEMI Kwingila na Kuchinchika Kikaonde Kwingila na Kuchinchika https:\/\/assetsnffrgf-a.akamaihd.net\/assets\/m\/502016188\/univ\/art\/502016188_univ_sqr_xl.jpg","id":"","dump":"CC-MAIN-2018-43","url":"https:\/\/www.jw.org\/kqn\/bifunjisha-baibolo\/baana\/Bya-Kufunda-pa-Kupopwela-kwa-Kisemi\/kwingila-na-kuchinchika\/","date":"2018-10-23T11:53:24Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583516135.92\/warc\/CC-MAIN-20181023111223-20181023132723-00115.warc.gz","language":"kqn","language_score":1.0000088215,"language_script":"Latn","minhash_cluster_size":1,"top_langs":"{\"kqn_Latn_score\": 1.0000088214874268}","num_words":137,"character_repetition_ratio":0.095,"word_repetition_ratio":0.234,"special_characters_ratio":0.178,"stopwords_ratio":0.153,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Pa mwaka pa mwaka, tutengela kijiilo kya ku mupashi kyo twikala nakyo pa kushonkena kwa kijiiji. Tuketako bakwetu kwiya na kushonkena ne atweba pa kuba'mba nabo bakatompe buwame bwa Yehoba. (Sl 34:8) Mabumba a bakulumpe mu bipwilo bakamona jishinda jawama ja kusampenyamo tupepala twa kwichilapo bantu.\nBINTU BYO MWAFWAINWA KULANGULUKANGAPO\nKushonkena kwetu kukekalako kimye ka?\nMukwekele ukatendeka kimye ka?\nJuba ka jo kukekalanga kusambakana kwa kuya mu mwingilo?\nÑanyi bikonkwanyi byo nebikila mu uno mukwekele?\nBañanyi bo nketako?\nBYA KWAMBA\nPa kupwisha kwiimuna, mwakonsha kwamba'mba:\n\"Tubena kwingilako mukwekele wa ntanda yonse wa kwita bantu ku kupwila kwanema bingi. Juba, kimye ne keyala bebinemba pa kano kapepala. Tukomvwa bingi bulongo inge mukeye.\"\nABYA MWAKONSHA KUBWELA KU BANTU BAMWESHESHE LUSEKELO NYI?\nNangwa kya kuba tukeba kwita bantu bavula ku kushonkena, twafwainwa kuta muchima ku bamwesha lusekelo.\nKu mpelo ya mulungu, twafwainwa kupa bantu magazini pamo na kapepala ka kwibechilapo ku kushonkena.","id":"","dump":"CC-MAIN-2018-43","url":"https:\/\/www.jw.org\/kqn\/mabuku\/jw-Mutanchi-wa-Kupwila\/april-2016-mwb\/mutanchi-wa-kupwila-apr25-may1\/2016-jw-kushonkena-kapepala-ka-lwito-mukwekele\/","date":"2018-10-18T23:23:28Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583512015.74\/warc\/CC-MAIN-20181018214747-20181019000247-00116.warc.gz","language":"kqn","language_score":1.0000083447,"language_script":"Latn","minhash_cluster_size":1,"top_langs":"{\"kqn_Latn_score\": 1.0000083446502686}","num_words":148,"character_repetition_ratio":0.052,"word_repetition_ratio":0.0,"special_characters_ratio":0.174,"stopwords_ratio":0.223,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Kitango 11\nMambo ka Lesa o Aswishisha Buyanji?\nNanchi Lesa ye walengela buyanji buji panopantanda nyi?\nÑanyi mambo akolomwenwe mu bujimi bwa Edena?\nLesa ukafumyapo byepi buyanji bo babena kupitamo bantu?\n1, 2. Buyanji bwa mutundu ka bantu bo bapitamo lelo jino, kabiji kino kilengela bavula kwipuzha ñanyi mepuzho?\nPANYUMA ya nkondo yajingako mu kyalo kimo, banabakazhi ne baana bavula baipaiwe be bazhikiletu mu lukimbo umo mukatampe babwela bazhokoloshako ne tumisalabu. Pa tuno tumisalabu panembelwe'mba: \"Mambo ka?\" Kimye kimo buno bo bwipuzho bukozha bingi ku muchima. Bantu bebwipuzha na bulanda umvwe nkondo, malwa, bikola, nangwa bambanzhi baipaya batemwe babo kya nshijitu, kwibonawina mazubo abo, nangwa kwibaletela malwa akabotoka mu mashinda akwabo. Bakeba kuyuka ene mambo bino bya malwa o bibaponena.\n2 Mambo ka Lesa o aswishisha buyanji? Umvwe Yehoba Lesa wa bulume bonse, wa butemwe, maana, ne wa bololoke, mambo ka panopantanda o pavujila lupato ne nshiji? Abya mwakilangulukapo kala pa bino bintu nyi?\n3, 4. (a) Ki ka kimwesha'mba kechi kyatama kwipuzha ene mambo Lesa o aswishisha buyanji ne? (b) Yehoba umona byepi bubi ne buyanji?\n3 Nanchi kyatama kwipuzha ene mambo Lesa o aswishisha buyanji nyi? Bamo bakamwa'mba kwipuzha buno bwipuzho kilumbulula'mba kechi baji na lwitabilo lwantaka ne, nangwa kuba'mba babena kumwesha kubula mushingi kwi Lesa. Nangwa byonkabyo, umvwe ke mutange Baibolo, mukatana'mba bantu bakishinka bajinga na moyo wa kwakamwa Lesa nabo baipuzhanga ano onka mepuzho. Kya kumwenako, ngauzhi Habakuka waipwizhe Yehoba amba: \"Mambo ka o mwaswila'mba mmone bintu byatama, anweba kasa mutalapotu pa bya malwa? Bono ne bukapondo bo bonka bo mbenakumona; kujitu mapata ne kutoboka.\"—Habakuka 1:3.\n4 Nanchi Yehoba wamukajipijile ngauzhi wakishinka Habakuka pa kwipuzha buno bwipuzho nyi? Ine. Mu kifulo kya kumukajipila, Lesa wabikile bino byambo bya kishinka bya kwa Habakuka mu Baibolo wanembeshiwa na mupashi. Kabiji Lesa wamukwashishe kumvwisha bintu byo byajinga ne kwikala na lwitabilo lukatampe. Yehoba ukeba kuba kintutu kimo kwi anweba. Vulukai kuba'mba, Baibolo ufunjisha'mba \"aye wimuta muchima.\" (1 Petelo 5:7) Lesa washikwa bubi ne buyanji bufumamo kukila ne bibushikwa muntu uji yense. (Isaya 55:8, 9) Pano nga mambo ka buyanji o bwavujila bibye panopantanda?\nMAMBO KA BUYANJI O BWAVUJILA BIBYE?\n5. Ñanyi bishinka bimo byambiwa kulondolwelamo buyanji bo babena kupitamo bantu, bino Baibolo ufunjisha'mba ka?\n5 Bantu ba mu bupopweshi bwapusana pusana baya ku bantangi ne bafunjishi babo ba bupopweshi na kwipuzha ene mambo buyanji o bwavujila. Javula, mukumbu wikala wa kuba'mba buyanji kyo kyaswa muchima wa Lesa kabiji ne kuba'mba kala kene wanengezhejile jimo byonse bikamwekana kuvwangakotu ne bya malwa. Bavula bebabula'mba mashinda a Lesa ashupa bingi nangwa kuba'mba ye wipaya bantu ne baana babacheche kumo kuba'mba akekale nabo mwiulu. Pano bino kwesakana na byo mwafunda, Yehoba Lesa kechi ye ulengela byatama nangwa pachechetu ne. Baibolo waamba'mba: \"Lesa kechi uba bubi nangwa pachechetu ne, aye Wa bulume bonse kechi uba byatama nangwa pachechetu ne.\"—Yoba 34:10.\n6. Mambo ka bantu bavula o balubankenya pa kupamo Lesa mambo na mambo a buyanji buji panopantanda?\n6 Nanchi mwayuka ene mambo bantu o balubankenya pa kumupamo Lesa mambo na mambo a buyanji bonse buji panopantanda nyi? Javula bapamo mambo Lesa Wa bulume bonse mambo balanguluka'mba ye mwine kalama wa panopantanda. Kechi bayuka bukine bwanema bufunjisha Baibolo ne. Mwafunjile buno bukine mu Kitango 3 kya uno buku. Kalama mwine wa ino ntanda ke Satana Diabola.\n7, 8. (a) Ntanda imwesha byepi byubilo bya kalama wayo? (b) Nga bumbulwakoloka bwa bantu ne 'bimye ne bintu bisolomokatu' byaleta byepi buyanji?\n7 Baibolo waambatu patoka amba: \"Byonse bya panopantanda biji mu bulume bwa kwa aye mubi.\" (1 Yoano 5:19) Umvwe mwalangulukapo pa kino, nanchi kechi kyayilamo ne nyi? Ino ntanda imwesha byubilo bya kilengwa kya mupashi kibula kumweka kibena 'kujimbaika ba panopantanda ponse.' (Lumwekesho 12:9) Satana watama, wa bujimbijimbi, kabiji wakanama. O ene mambo ntanda iji mu bulume bwanji kyo yavujila lupato, bujimbijimbi, ne kukanama. Kino kyo kishinka kimo kyalengela buyanji kuvula.\n8 Kishinka kya bubiji kyalengela buyanji kuvula ke kya kuba'mba, bantu baikala bambulwakoloka ne bandengamambo kufumatu kimye kya bunsatuki mu bujimi bwa Edena byonka byo twafunjile mu Kitango 3. Bantu bandengamambo bakeba bukalama, mu kuba kino mo mufuma makondo, lumanamo, ne buyanji. (Musapwishi 4:1; 8:9) Kishinka kya busatu kilengela buyanji ke 'bimye ne bintu bisolomokatu.' (Musapwishi 9:11) Mu ntanda Yehoba mo abula kwikala Kalama wa kuzhikijila, bantu bakonsha kuyanda na mambo kutanyiwa pa mpunzha yabula kufwainwa pa kimye kyatama.\n9. Mambo ka o twafwainwa kushiinwa'mba Yehoba uji na kishinka kyawama kya byo aswishisha buyanji kutwajijila?\n9 Kitutekenesha bingi kuyuka'mba Lesa kechi ye ulengela kuyanda ne. Kechi ye ulengela makondo, bumbanzhi, lumanamo, nangwatu bya malwa biponakotu bine bilengela bantu kuyanda ne. Nangwa kiji byonkabyo, tukeba kuyuka kino, Mambo ka Yehoba o aswishisha buyanji bonse bwe? Umvwe ye Wa bulume bonse, ko kuba'mba uji na bulume bwa kwibupwisha. Pano nga mambo ka o abena kutajilapotu? Lesa wa butemwe ye twayuka wafwainwa ujipo na kishinka kimo kyawama.—1 Yoano 4:8.\nMAMBO AKATAMPE AKOLOMWENWE\n10. Satana wazhinaukile ka, kabiji wazhinaukile byepi?\n10 Pa kuba'mba tuyuke ene mambo Lesa o aswishisha buyanji, twafwainwa kuvuluka kimye kyatendekele buyanji. Satana byo alengejile ba Adama ne Evwa kusatukila Yehoba, kwabukile luzhinauko lukatampe bingi. Satana kechi wazhinaukile bulume bwa Yehoba ne. Mambo wayuka'mba bulume bwa Yehoba kechi bupela ne. Satana wazhinaukileko lūsa lwa Yehoba lwa kulama. Pa kutela Lesa amba wabubela utana bangikazhi banji byawama, Satana wapelengamo Yehoba mambo amba kalama watama. (Ntendekelo 3:2-5) Satana wikitazhizhenga mu kuba'mba bantu bakonsha kwikala bingi bulongo kwa kubula bukalama bwa Lesa. Kuno kwajinga kulengulula bumfumu bwa Yehoba, lūsa lwanji lwa kulama.\n11. Mambo ka Yehoba o abujiletu konauna boba bansatuki mu Edena?\n11 Ba Adama ne Evwa basatukijile Yehoba. Kiji nobe baambile'mba: \"Kechi tukeba Yehoba kwikala Kalama wetu ne. Twakonsha kwifuukwila atwe bene kyawama ne kyatama.\" Nga Yehoba wakonsheshe byepi kupwisha ano mambo? Wakonsheshe byepi kufunjisha bilengwa byonse bya maana amba aba bansatuki batamishe kabiji ne kuba'mba jishinda janji kine jo jawamisha? Muntu wakonsha kwamba'mba Lesa inge waipayiletu boba bansatuki walengelapo ne bantu bangi. Bino Yehoba waambile'mba ukeba ntanda kuyula na baana ba ba Adama ne Evwa, kabiji wakebelenga'mba bekale mu paladisa panopantanda. (Ntendekelo 1:28) Yehoba kimye kyonse ufikizha nkebelo yanji. (Isaya 55:10, 11) Kabiji kununga pa kino, konauna boba bansatuki mu Edena inge kechi kwafumishepo luzhinauko lwazhinaukilwe pa mambo a lūsa lwa Yehoba lwa kulama ne.\n12, 13. Ambai kya kumwenako kya ene mambo Yehoba o aswishisha Satana kwikala kalama wa panopantanda kabiji ne ene mambo Lesa o aswishisha bantu kwilama abo bene.\n12 Twayai twambe kya kumwenako. Fwanyikizhai'mba mufunjishi ubena kubula baana banji ba sukulu bya kutana nsamushi. Mwana wa sukulu umo ujitu bulongo na maana pano bino sa aji nsatuki waamba'mba uno mufunjishi jishinda jo abena kutainamo uno lusamushi kechi ijo ne. Pa kuba'mba amweshe'mba mufunjishi waluba, uno nsatuki wakosako ne kukosako na kwamba'mba aye ye wayuka jishinda jawama kutainamo yewo lusamushi. Baana basukulu bamo balanguluka'mba awo mukwabo ubena kwamba kine, kabiji ne abo nabo basatukila kumo. Pano mufunjishi wafwainwa kuba byepi? Umvwe wauba'mba apange boba bansatuki mu kalasi, nga baana basukulu bakwabo basa kwikimona'mba ka? Nanchi kechi bakonsha kwitaba'mba awo mukwabo mwana wa sukulu ne boba bakwabo bakwatankana nanji babena kwamba kya kine ne nyi? Baana ba sukulu bakwabo bashala mu kalasi bakonsha kumulengulula mufunjishi, ke balanguluke'mba wachina kumwambila'mba waluba. Pano ibyepi umvwe mufunjishi waleka yewo nsatuki amba amweshe bakwabo mukalasi byo akonsha kutana yewo lusamushi.\n13 Yehoba wauba kintutu kimo kyakonsha kubapo yewo mufunjishi. Vulukai kuba'mba aba bansatuki ba mu Edena kechi bo bonka bajingapo ne. Bamalaika bavula bamwenengako. (Yoba 38:7; Danyela 7:10) Yehoba mo afwainwe kubila na bobwa bunsatuki kyakonsheshe kulamata aba bamalaika bonse bamwenengako kabiji mu kuya kwa moba inge kyalamachile ne bilengwa byonse bya maana. Pano Yehoba waubapo ka? Wamuleka Satana amba amweshe byo akonsha kulama bantu. Kabiji Lesa waleka ne bantu kwilama abo bene mu buntangi bwa kwa Satana.\n14. Ñanyi mfweto ikafuma mu kufuukula kwa Yehoba kwa kuswisha bantu kwilama abo bene?\n14 Mufunjishi waambiwapo mu kya kumwenako kyetu wayuka'mba uno nsatuki ne baana ba sukulu bakwabo baji ku lubaji lwanji batamisha. Pano bino wayuka ne kuba'mba kwibaswisha'mba beseke kumwesha kyo bakeba kuba kusa kukakwasha bakwabo bonse baji mu kalasi. Umvwe bano bansatuki bakankalwa, aba bonse baana basukulu bakishinka basa kumona'mba mufunjishi ye yenka wafwainwa kutangijila bonse mu kalasi. Kufumatu ponkapo bakayukanga ene mambo mufunjishi o akapangilanga bonse bakasatukanga mu kalasi. Ne Yehoba naye wayuka'mba bantu bonse bamichima yakishinka ne bamalaika bakayuka kuba'mba Satana ne bakwabo bansatuki bakankalwa kabiji ne kuba'mba bantu kechi bakonsha kwilama abo bene ne. Byonka byajinga Yelemiya kala, bakayuka buno bukine bwanema bwa kuba'mba: 'Anweba Yehoba, nayuka namba muntu mwine na maana anji kechi wakonsha kusalulula jishinda jawama kuyamo ne, aye mwine muntu kechi uji na bulume bwa kwenda monka mwafwainwa ne.'—Yelemiya 10:23.\nMAMBO KA YEHOBA O ASWISHISHA BUYANJI PA KIMYE KYABAYA?\n15, 16. (a) Mambo ka Yehoba o aswishisha buyanji kutwajijila pa kimye kyabaya bibye? (b) Mambo ka Yehoba o abujila kukanya bintu nabiji bumbanzhi kubiwa?\n15 Pano nga mambo ka Yehoba o aswishisha buyanji pa kimye kyabaya bibye? Kabiji mambo ka o abujila kukanya bintu byatama kubiwa? Akilangulukai pa bintu bibiji mufunjishi wa mu kya kumwenako kyetu byo akonsha kubula kuba. Kitanshi, kuba wakanya yewa mwana wa sukulu nsatuki kumwesha jishinda jo abena kukeba kutainamo yewo lusamushi ne. Kya bubiji, mufunjishi kuba wakwasha uno nsatuki kuba kyo abena kukeba kuba ne. Po pamotu, akilangulukai pa bintu bibiji byo akebesha kubula kuba Yehoba. Kitanshi, kechi wamukanya Satana ne boba baji ku lubaji lwanji kumwesha'mba bajitu bulongo ne. Onkao mambo pakebewenga'mba papite kimye. Pa myaka yavula yapitapo, bantu baesekaeseka mashinda onse nangwa'mba makafulumende a kwilaminamo abo bene. Bantu bailako bingi palutwe mu bya sayansi ne mu bintutu bikwabo, pano bino nshiji, buyanji, bumbanzhi, ne nkondo bibena kuya na kuvujilakotu. Bukalama bwa bantu bwamweshiwa amba bwakankalwa.\n16 Kya bubiji, Yehoba kechi wamukwashako Satana kulama ino ntanda ne. Kya kumwenako, umvwe Lesa waji ukanya bumbanzhi kubula kubiwa, nanchi inge kechi kiji nobe ubena kukwasha boba bansatuki amba bajitu bulongo ne nyi? Abya Lesa inge kechi ulengela bantu kulanguluka'mba kampe bakonsha kwilama abo bene kwakubula bya malwa byakonsha kufumamo ne nyi? Umvwe Yehoba byobyo aubanga, inge naye waitabizhe bobwa bubela. Pano bino, 'Lesa kechi wayuka kubepa ne.'—Bahebelu 6:18.\n17, 18. Yehoba ukobapo ka pa bintu byatama bifuma mu bukalama bwa bantu ne byubilo bya kwa Satana?\n17 Pano nga ibyepi pa bintu byatama byaubiwa pa kimye kikatampe kya bunsatuki kwi Lesa? Twafwainwa kuvuluka'mba Yehoba ye wa bulume bonse. Onkao mambo, wakonsha kufumyapo kabiji ukafumyapo buyanji bo babena kupitamo bantu. Byonka byo twafunda kala, ntanda yetu yaonaunwa ikawamishiwa kimye kyo ikalulwa ke Paladisa. Bundengamambo bukafumishiwapo kupichila mu lwitabilo bantu lo baitabila mu kitapisho kya bukuzhi bwa kwa Yesu, kabiji lufu lukafumishiwapo kupichila mu lusanguko. Ko kuba'mba Lesa ukengijisha Yesu 'konauna mingilo ya Diabola.' (1 Yoano 3:8) Yehoba ukafikizha bino byonse pa kimye kyafwainwa. Twatemwa bingi kuba'mba kechi wafumyapo byonse bye bukiji bukiji ne, mambo butekanye bwanji bwitupa kimye kya kufunda bukine ne kumwingijila. (2 Petelo 3:9, 10) Kino kimye Lesa ukikeba bapopweshi bakishinka ne kwibakwasha kuchinchika buyanji buji bonse bwakonsha kwibafikila mu ino ntanda ya malwa.—Yoano 4:23; 1 Kolinda 10:13.\n18 Bamo bakonsha kwipuzha'mba, Nanchi buyanji bonse bwe inge kechi bufwako umvwe kya kuba Lesa walengele ba Adama ne Evwa mu jishinda ja kubula kusatuka ne nyi? Pa kuba'mba mukumbule buno bwipuzho, mwafwainwa kuvuluka bupe bwanema bo emupa Yehoba.\nMWINGIJISHANGA BYEPI BUPE BWAFUMA KWI LESA?\n19. Ñanyi bupe bwanema Yehoba bo etupa, kabiji mambo ka o twafwainwa kwibunemekela?\n19 Byonka byo twafunjile mu Kitango 5, bantu balengelwe na lūsa lwa kwifuukwila bintu. Nanchi mwayuka buno bupe byo bwanema nyi? Lesa walenga banyama ba kukankalwa kubala bendatu na maana a kisemwa. (Byambo bya Mana 30:24) Nanchi twakonsha kutemwa umvwe Lesa witulengele nobe bano banyama nyi? Ine, twatemwa bingi pa kwikala na bwana bwa bene bwa kwifuukwila byo tukeba kwikala, mutundu wa bwikalo, balunda bo tukeba kwikala nabo, ne bikwabotu. Bantu batemwa bingi kwikala na bwana bwa bene kabiji bino byobyo akeba Lesa amba twikale.\n20, 21. Twakonsha kwingijisha byepi bulongo bupe bwa bwana bwa bene, kabiji mambo ka o twafwainwa kukebela kuba kino?\n20 Yehoba kechi ukeba mingilo ya kwingila kya kwikanjikizha ne. (2 Kolinda 9:7) Kya kumwenako: Kyepi kyakonsha kusangajika nsemi kukilamo, mwana kusanta kufuma panshi ya muchima wanji nyi, inyi bansemi kumwambila'mba sa usanta? Onkao mambo, bwipuzho ke bwa kuba'mba, Mukengijisha byepi bwana bwa bene bwenu bo emupa Yehoba? Satana, Adama, ne Evwa baingijishe kutama bwana bwa bene bwabo. Bamukaine Yehoba Lesa. Nga anweba musa kubapo ka?\n21 Muji na jishuko ja kwingijisha bulongo bupe bwawama bwa bwana bwa bene. Mwakonsha kwinunga ku bantu bavula baji ku lubaji lwa Yehoba. Basangajika muchima wa Lesa mambo bamushinawina Satana amba wa bubela kabiji kalama wakankalwa kulama. (Byambo bya Mana 27:11) Ne anweba mwakonsha kuba byonkabyo kupichila mu kusala jishinda jawama kwikelamo. Kino kikalondololwa mu kitango kyalondelapo.\nBAIBOLO BYO AFUNJISHA\n▪ Lesa kechi ye ulengela bintu byatama panopantanda ne.—Yoba 34:10.\n▪ Pa kutela Lesa amba wabubela kabiji utana bangikazhi banji byawama, Satana wazhinaukile lūsa lwa Yehoba lwa kulama.—Ntendekelo 3:2-5.\n▪ Yehoba ukengijisha Mwananji, Kalama wa Bufumu bwa Bumesiasa, kufumyapo buyanji bonse bo babena kupitamo bantu ne kufumyapo byonse bifumamo.—1 Yoano 3:8.\n[Kipikichala pa jipa 106, 107]\nYehoba ukafumyapo buyanji bonse\n[Kipikichala pa jipa 110]\nNanchi uno mwana wa sukulu wayuka kukila mufunjishi nyi?\n[Kipikichala pa jipa 113]\nLesa ukemukwasha kuchinchika buyanji","id":"","dump":"CC-MAIN-2018-47","url":"https:\/\/wol.jw.org\/kqn\/wol\/d\/r68\/lp-kd\/1102005141","date":"2018-11-15T06:09:58Z","file_path":"s3:\/\/commoncrawl\/crawl-data\/CC-MAIN-2018-47\/segments\/1542039742567.46\/warc\/CC-MAIN-20181115054518-20181115080518-00290.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":2103,"character_repetition_ratio":0.053,"word_repetition_ratio":0.0,"special_characters_ratio":0.192,"stopwords_ratio":0.229,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BITENTANSHI, binkunkwila ne kutubika kwa mitumba bipaya bingi bantu mu Indonesia. Umvwe bino bya malwa byamweka, bantu ba Yehoba bapelawizha kukwasha boba baji mu makatazho kikatakata balongo ne banyenga. Mu 2005, kwamwekele kitentanshi kikatampe mu muzhi mukatampe wa Gunungsitoli uji pa Jikuji ja Nias ku North Sumatra. Bipwilo byajinga pepi na jikuji ja Sumatra ne ofweshi wa musampi byatumine bukwasho ku yoya mpunzha kwamwekejile kino kitentanshi. Kalama wa mwanzo wa konkakwa ne waimenejilengako ofweshi wa musampi, bayile pa jikuji na kutundaika balongo. Yuniman Harefa mukulumpe mu kipwilo kya Nias, waambile'mba, \"Bantu bo twajinga nabo kipikipi baumvwine bingi moyo. Bino jibumba ja Lesa byo jitunyemejile, twayukile'mba kechi tuji bunke ne.\"\nMusakutemwa kutanga uno mutwe mu %% nyi?\nBena Kilishitu Bekwasha Inge Kwamweka bya Malwa","id":"","dump":"CC-MAIN-2018-47","url":"https:\/\/www.jw.org\/kqn\/mabuku\/mabuku\/2016-Buku-wa-Mwaka-wa-Bakamonyi-ba-kwa-Yehoba\/indonesia\/bena-kilishitu-bekwasha-inge-kwamweka-bya-malwa\/","date":"2018-11-17T08:35:45Z","file_path":"s3:\/\/commoncrawl\/crawl-data\/CC-MAIN-2018-47\/segments\/1542039743351.61\/warc\/CC-MAIN-20181117082141-20181117104141-00202.warc.gz","language":"kqn","language_score":1.0000066757,"language_script":"Latn","minhash_cluster_size":1,"top_langs":"{\"kqn_Latn_score\": 1.0000066757202148}","num_words":121,"character_repetition_ratio":0.031,"word_repetition_ratio":0.0,"special_characters_ratio":0.175,"stopwords_ratio":0.256,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"12 Yehoba waambijile Mosesa amba: 2 \"Buula bena Isalela amba, 'Umvwe mwanamukazhi waimita* ne kusema mwana wa mulume ukekala wa muzhilo pa moba atanu na abiji, byonkatu byo ekala moba o ayilamo ku mwenzhi.+ 3 Pa juba ja butanu na busatu, mwana bakamuchibe kalomolomo.+ 4 Kabiji inanji akatwajijile kwitokesha aye mwine ku mashi anji pa moba 33. Kechi wafwainwa kukwata ku kintu kyazhila ne, kabiji kechi wafwainwa kutwela mu mpunzha yazhila ne, poso moba a kwitokesheshamo apwa. 5 \"'Pano umvwe wasema mwana wa mukazhi, ukekala wa muzhilo pa moba 14, byonkatu byo ekala moba o ayilamo ku mwenzhi. Kabiji akatwajijile kwitokesha aye mwine ku mashi anji pa moba 66. 6 Kabiji moba anji a kwitokesheshamo na mambo a mwana wa mulume nangwa wa mukazhi byo akapwa, akalete kwi ñanga mwana mukooko mulume wa mwaka umo wa mulambo wa kusoka+ ne kaana ka nkunda nangwa katela ka mulambo wa bubi ku kibelo kya tente wa lusambakeno. 7 Akamulete kwi Yehoba ne kumufuchilako mambo, ne aye ukekala wabula wa muzhilo na mambo a kupita mashi anji. Uno ye muzhilo wa mwanamukazhi wasema mwana wa mulume nangwa wa mukazhi. 8 Bino umvwe wakankalwa kuleta mukooko, wafwainwa kuleta tutela tubiji nangwa twana twa nkunda tubiji,+ kamo ka mulambo wa kusoka, kakwabo ka mulambo wa bubi kabiji ñanga ukamufuchilako mambo anji, ne aye ukekala wabula wa muzhilo.'\"\nTubyambo twa munshi\n^ Nangwa'mba \"waimita lukunwa.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/bena-levi\/12\/","date":"2018-04-25T12:32:23Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947803.66\/warc\/CC-MAIN-20180425115743-20180425135743-00399.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":217,"character_repetition_ratio":0.083,"word_repetition_ratio":0.0,"special_characters_ratio":0.204,"stopwords_ratio":0.286,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"WASEMEKELWE MU 1928\nWABATIZHIWE MU 1957\nBWIKALO Nyenga wakwashishe mwatawanji kufunda bukine. Byashimikizha mwananji wa mulume aye Mario Koetin.\nBAMAMA bawamine bingi muchima kabiji batemenwe Baibolo. Byo bataaine Gertrud Ott mishonale waingijilanga mu Manado, ku North Sulawesi, baswile kufunda Baibolo kabiji baishile mu bukine. Pano bino, batata ba Erwin baingilanga mu banki kabiji batalanga pa bintu byatwelanga mu muzhi mukatampe wa Jakarta, kechi batemenwe bukine bwafunjile bamama ne.\nJuba jimo, batata baambijile bamama kusalapo kintu kimo.\nBaambile na bukaji amba, \"Pe amiwa ne bupopweshi usalepo kimo!\"\nBamama balangulukilepo bingi. Kepo bakumbwile na mushingi amba, \"Nasala byonse bibiji, anweba ne Yehoba.\"\nBatata bazhindaminetu nzoo, kabiji bukaji bwafwomokele.\nMu kuya kwa moba, batata balekele kukatazha bamama mambo batemenwe bingi bamama, mambo bajinga na maana ne milangwe.\nNangwa byonkabyo, bamama bakebeshenga bingi kuba'mba batata bafunde bukine. Bamama byo balombelepo pa kimye kyabaya, bavulukile'mba batata batemwa kufunda milaka. Onkao mambo, bafuukwilepo kushanga bazhikula kinembelo kimo kya mu Baibolo wa Kizungu. Bamama babuujile batata amba, \"Mbena kukeba kufunda kizungu. Bamama byo bayukile'mba batata batemwa kuteleka ku majashi a mvula bantu, baambijile batata kutelekako kimye kyo banengezhenga majashi a mu Sukulu wa Mwingilo wa Lesa. Batata baswile. Byo bayukile'mba batata batemwa kutambwila benyi, bebepwizhe inge bafwainwa kutambwila kalama wa mwanzo. Batata baswile. Byo bayukile'mba batata batemwa kisemi kyabo, bebambijile'mba tukekale pamo pa kupwila kwa bwina Kilishitu. Kabiji baswile.\nKukooka muchima kwa bamama ne kwingijisha mashinda awama, kwalengejile batata kukooka muchima. Byo twavilukijile ku England, batainwe ku kupwila ne kwisampa bulunda na mulongo John Barr wajinga mu Jibumba Jitangijila ja Bakamonyi ba kwa Yehoba. Yenkawa mwaka, batata babatizhiwe, akino kyalengejile bamama kutemwa bingi. Batata batwajijile kutemwa bingi bamama.\nBalunda netu bamo bamba'mba bamama bajingatu byonka byajinga Lidiya mwina Kilishitu wa mu myaka kitota kitanshi watambwilanga benyi. (Byu. 16:14, 15) Ngesakanya bamama kwi Sala wakookelanga bingi mwatawanji Abalahama. (1 Pe. 3:4-6) Bamama bawamine muchima, bajinga na mushingi, kabiji bajinga na bulunda bwakosa ne Lesa, akino kyalengejile bantu bonse bebayukile kwibatemwa bingi. Byubilo byabo byawama byo byalengejile batata kufunda bukine. Bamama nebamonanga'mba mwana wa mukazhi wa kwa Sala.\nBamama bawamine muchima, bajinga na mushingi ne na bulunda bwakosa ne Lesa, kabiji bantu bonse bebayukile bebatemenwe bingi","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/2016-Buku-wa-Mwaka-wa-Bakamonyi-ba-kwa-Yehoba\/indonesia\/mwana-wa-mukazhi-wa-kwa-sala\/","date":"2018-04-26T10:06:52Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948125.20\/warc\/CC-MAIN-20180426090041-20180426110041-00103.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":351,"character_repetition_ratio":0.069,"word_repetition_ratio":0.0,"special_characters_ratio":0.174,"stopwords_ratio":0.214,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LABAINGA!\nBwipuzho: Lelo jino mu mafilimu ne pa ma TV batambisha bya bulozhi, bañanga ne bipuku. Mwalangulukapo amba ka? Nanchi kijitu bulongo kutamba bino bintu nangwa kya kuba muji byatama bifumamo nyi?\nMupai: Uno Labainga! waamba pa ene mambo bantu o batemenwa kutamba ano mafilimu nangwa kya kuba muji byatama.\nINGIJISHAI BAIBOLO PA KUFUNJISHA\nBwipuzho: Bufumu bwa Lesa bukapwisha byepi ano makatazho pano pa ntanda?\nKinembelo: Mat 6:10\nBukine: Bufumu bwa Lesa bukaleta mutende, kukwatankana ne luzhikijilo pano pa ntanda byonkatu byo kyaubiwa kala mwiulu.\nBUFUMU BWA LESA BO BU KA? (Pa kubwelako)\nBwipuzho: [Ambai pa bwipuzho buji kunyuma ya talakiti bo mukesambapo pa kukabwelako.] Tukekalanga byepi kimye kikalamanga Bufumu bwa Lesa?\nMupai: [Mumweshai buloshuwa wa Mambo Awama.] Lufunjisho 7 mu uno buloshuwa waamba byo twakonsha kumwenamo mu ino milaye. [Tendekai kufunjisha muntu Baibolo kwingijisha uno buloshuwa.]\nNENGEZHAI JISHINDA JENU JA KWISAMBILAMO\nUse the format in the preceding examples to create your own field service presentation.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/jw-Mutanchi-wa-Kupwila\/april-2017-mwb\/mashinda-kwisambilamo-mu-mwingilo\/","date":"2018-04-26T16:19:18Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948285.62\/warc\/CC-MAIN-20180426144615-20180426164615-00201.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":154,"character_repetition_ratio":0.069,"word_repetition_ratio":0.0,"special_characters_ratio":0.183,"stopwords_ratio":0.169,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BINTU BYA KUFUNDA PA KUPOPWELA KWA KISEMI Mupashi Wazhila byo Etukwasha Kwingijila Yehoba MITONYI BITANGO 13-16 Kukwashako Bansemi: Funjilai pamo na kisemi bino bintu bya mu Baibolo. Kopololai BINTU BYA KUFUNDA PA KUPOPWELA KWA KISEMI Mupashi Wazhila byo Etukwasha Kwingijila Yehoba MITONYI BITANGO 13-16 Kukwashako Bansemi: Funjilai pamo na kisemi bino bintu bya mu Baibolo. Kopololai Bikwabo Bijipo Monai Byonse Kwingila na Kuchinchika Funjishai baana benu bintu bilengela muntu kwikala wachinchika, kabiji bakwashai kufunda lwimbo waamba pa kuchinchika. Bulunda bwa Kine Bino byambo bisakwimukwasha kwingijisha jishimikila ja mu Baibolo ja kwa Luta kufunjisha baana benu kuyuka byubilo byawama bya mulunda. Kola Wasatuka Ano mafunjisho afuma pa bipikichala byalumbulula jishimikila ja mu Baibolo ja amba pe Kola. Akonsha kwimukwasha pamo na baana benu kufwanyikizhanga byo kyajinga. Monai Byonse Tumai Musabilo Tumai Musabilo BYA KUFUNDA PA KUPOPWELA KWA KISEMI Mupashi Wazhila byo Etukwasha Kwingijila Yehoba Kikaonde Mupashi Wazhila byo Etukwasha Kwingijila Yehoba https:\/\/assetsnffrgf-a.akamaihd.net\/assets\/m\/502016105\/univ\/art\/502016105_univ_sqr_xl.jpg","id":"","dump":"CC-MAIN-2018-17","url":"https:\/\/www.jw.org\/kqn\/bifunjisha-baibolo\/baana\/Bya-Kufunda-pa-Kupopwela-kwa-Kisemi\/mupashi-wazhila-byo-etukwasha-kwingijila-yehoba\/","date":"2018-04-20T17:23:11Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125944479.27\/warc\/CC-MAIN-20180420155332-20180420175332-00570.warc.gz","language":"kqn","language_score":1.000009656,"language_script":"Latn","minhash_cluster_size":1,"top_langs":"{\"kqn_Latn_score\": 1.0000096559524536}","num_words":149,"character_repetition_ratio":0.097,"word_repetition_ratio":0.279,"special_characters_ratio":0.175,"stopwords_ratio":0.154,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Masukulu a kufunda pe Lesa anema bingi ku Bakamonyi ba kwa Yehoba. Aba bepana kwingila kimye kyonse mu mwingilo wa kusapwila Bufumu bebanengezhezha masukulu akwibakwasha \"kwingila bulongo mwingilo.\"—2 Timoti 4:5.\nSukulu wa Mwingilo wa Bupainiya. Panyuma ya kwingila mwaka umo mu mwingilo wa bupainiya bwa kimye kyonse, mulongo nangwa nyenga wakonsha kutanwa ku sukulu wa moba atanu na jimo wikela pa Nzubo ya Bufumu iji pepi. Uno sukulu waikelako kukwasha bapainiya kwikala na bulunda bwakosa ne Yehoba, kuwamisha busendwe bwabo mu mwingilo, ne kwibakwasha kutwajijila mu uno mwingilo mu bukishinka.\nSukulu wa Basapwishi ba Bufumu. Uno sukulu wa bañondo babiji waikelako kufunjisha bapainiya bapijilwa benengezha kuya na kwingijila konse kuji kukajilwa. Nabo kijitu nobe babena kwamba'mba: \"Amiwa bano! Ntumai!\" byonka byaubile Yesu Kilishitu, Musapwishi mwine wayukisha. (Isaya 6:8; Yoano 7:29) Kufuma pa nzubo ne kuya na kwingijila kungi kwavwangamo ne kufunda kwikala bwikalo bwapela. Bisho, nkilo ne kajo byakonsha kupusana bingi na byo apijilwa ko afuma. Kimo kimye kikebewa ne kufunda mulaka wakatataka. Uno sukulu ukwasha bonsetu, bakatanda ne bazhike ne baji mu masongola, baji na myaka ya kusemwa kutendekela pa 23 kufika pa 65 kwikala na bipangwa bya mupashi bya kwibakwasha mu mwingilo wabo ne kufunda bintu bibalengela kwibengijisha bingi kwi Yehoba ne jibumba janji.\nSukulu wa Baibolo wa Gileada wa Watchtower. Mu Kihebelu kyambo kya \"Gileada\" kilumbulula \"Mulumba wa Bukamonyi.\" Uno sukulu watendekele mu 1943. Baana ba sukulu kukila pa 8,000 bapwisha uno sukulu bebatuma mu mwingilo wa bumishonale na kushimuna bukamonyi \"kufika kwapela ntanda.\" Kabiji bengila bingi bulongo. (Byubilo 13:47) Bapwishishe uno sukulu byo bafikile kimye kitanshi mu Peru, kechi mwajingapo kipwilo ne. Pano luno muji bipwilo kukila pa 1,000. Bamishonale byo bafikile mu kyalo kya Japan, Bakamonyi kechi bakijile pa jikumi ne. Lelo jino muji Bakamonyi kukila pa 200,000. Uno sukulu wa Gileada wa bañondo batanu mwavwangwa kufunda Mambo a Lesa bulongo. Baji mu mwingilo wa bupainiya bwiikajila nangwa bamishonale, bengijila pa ofweshi wa musampi, ne baji mu mwingilo wa bukalama bwa mwanzo bebeta ku uno sukulu ko bebafunjisha bulongo bya kwibakwasha kushikimana ne kutwala mwingilo wa kusapwila palutwe.\nMambo ka o kwaikela Sukulu wa Mwingilo wa Bupainiya?\nBañanyi bo banengezhezha Sukulu wa Basapwishi ba Bufumu?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/kyaswa-muchima-wa-yehoba\/masukulu-a-bapainiya\/","date":"2018-04-20T21:42:24Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125944742.25\/warc\/CC-MAIN-20180420213743-20180420233743-00149.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":350,"character_repetition_ratio":0.074,"word_repetition_ratio":0.0,"special_characters_ratio":0.19,"stopwords_ratio":0.257,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Lin wikala ku China waambile'mba, \"Baibolo ke buku wayukanyikwa ku bantu bavula. Nangwa byonkabyo, bena China kechi bamuyuka ne, kabiji kechi wibakwasha ne.\"\nAmit wikala ku India waambile'mba, \"Nkankalwa kumvwisha mabuku azhila a mu bupopweshi bwami bwa Bahindu. Pano nakonsha kumvwisha byepi Baibolo Wazhila?\"\nYumiko wikala ku Japan waambile'mba, \"Nanemeka Baibolo kuba'mba buku wa kala kabiji ñumvwa'mba bantu bamupota bingi. Pano bino, amiwa nkyangye kumumonapo.\"\nBantu bavula mwaya ntanda banemeka bingi Baibolo. Pano bino, bayukakotu bicheche biji mu Baibolo. Ne bantutu bavula bekala mu Asia nabo kyo kimotu. Nangwatu mu byalo byavula muji Baibolo namo bicheche byo bayukako.\nMwakonsha kwishikisha'mba, 'Mambo ka o nafwainwa kukebesha kumvwisha byaamba Baibolo?' Kumvwisha byaamba uno buku wazhila kwakonsha kwimukwasha kuyuka bino:\nSekelai mu bintu byonka byo muji nabyo\nYukai mwa kubila na makatazho a mu kisemi\nYukai mwa kubila na bijikila\nKoseshai bulunda bwenu\nIngijishainga bulongo mali\nAkimonai byaubile Yoshiko wa ku Japan. Kechi wayukile biji mu Baibolo ne, aye wafuukwilepo kumutanga. Wamwenejilemo ka? Waambile'mba, \"Baibolo wankwasha kwikala bwikalo bwawama ne kuyuka bintu biji kulutwe, kabiji nayuka byavula.\" Amit ye twaambapo kala wifuukwijilepo kutanga Baibolo. Waambile'mba, \"Nakuminye bingi kutaana'mba mu Baibolo muji mafunde akonsha kukwasha muntu yense.\"\nBaibolo wakwasha bantu bavula bingi. Itangilai anweba bene mumone byo akonsha kwimukwasha.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/wp20151201\/kumvwisha-byaamba-baibolo\/","date":"2018-04-26T15:52:08Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948285.62\/warc\/CC-MAIN-20180426144615-20180426164615-00032.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":205,"character_repetition_ratio":0.072,"word_repetition_ratio":0.0,"special_characters_ratio":0.174,"stopwords_ratio":0.185,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mizhilo ya Mosesa yakambizhe kuba'mba muntu ubena kukeba kukana mukazhanji wafwainwa kunemba kyete kya kumukainapo. Uno muzhilo wazhikijilanga bantu kubula kwikana. Nangwa byonkabyo, Yesu byo ajinga pano pa ntanda, bantangi ba bupopweshi bapeezhezhe bingi mizhilo inge bantu bakeba kwikana. Banabalume bakananga bakazhi babo pabula ne mambo ene a kwikainapo. (\"kyete kya kumupala\" kulumbulula byambo biji pa Mako 10:4, nwtsty; \"Yense ukana mukazhanji,\" \"wauba bukende kabiji kechi wa kishinka ku mukazhanji ne\" kulumbulula byambo biji pa Mako 10:11, nwtsty) Yesu waambile'mba Yehoba ye mwine wabikako masongola. (Mako 10:2-12) Ba mulume ne mukazhi bafwainwa kwikala \"mubiji umo\" myaka ne myaka. Mambotu a kwikainapo kwesakana na byambo biji mu Mateo ke \"bulalelale.\"—Mat 19:9.\nBantu bavula lelo jino kechi banemeka masongola byonkatu byaambile Yesu ne, pakuba bajitu byonka byajinga Bafaliseo. Inge mu masongola mwaikala makatazho, bantu babula kuyuka abo bafuukulapo kwikana. Pakuba bena Kilishitu baji mu masongola, banemeka luchipo lwa masongola ne kwingijisha mafunde a mu Baibolo kwibakwasha kuyuka mwa kubila na makatazho o bapitamo. Inge mupwishe kutamba vidyo wa kuba'mba Butemwe ne Mushingi Bikwasha Kisemi Kukwatankana, apa bino mwisambe ano mepuzho:\nMwakonsha kwingijisha byepi byambo biji pa Byambo bya Maana 15:1 mu masongola enu, kabiji mambo ka o kyawamina?\nMwakonsha kukepeshako byepi makatazho inge mwaingijisha byambo biji pa Byambo bya Maana 19:11?\nÑanyi mepuzho o mwafwainwa kwiipuzha inge masongola enu aji mu lukatazho kabiji mubena kulanguluka'mba mwikane?\nMwakonsha kwikala byepi mwanamulume nangwa mwanamukazhi wawama inge mwaingijisha byambo biji pa Mateo 7:12?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/jw-Mutanchi-wa-Kupwila\/may-2018-mwb\/mutanchi-wa-kupwila-may14-20\/akya-kyasambakanya-lesa\/","date":"2018-04-19T14:14:21Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125936969.10\/warc\/CC-MAIN-20180419130550-20180419150550-00218.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":231,"character_repetition_ratio":0.077,"word_repetition_ratio":0.0,"special_characters_ratio":0.187,"stopwords_ratio":0.19,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Kilengela kwikala na butemwe bubula kwaluka ke bukishinka ne butemwe. Yehoba waingijishe kyaubile Hoseya na mukazhanji wabula bukishinka aye Goma pa kwibafunjisha pa butemwe bubula kwaluka ne kulekelako mambo.—Hos 1:2; 2:7; 3:1-5.\nGoma wamwesheshe byepi kuba'mba kechi wajinga na butemwe bubula kwaluka ne?\nBena Isalela bamwesheshe byepi kuba'mba kechi bajinga na butemwe bubula kwaluka ne?\nHoseya wamwesheshe byepi butemwe bubula kwaluka?\nYehoba wamwesheshe byepi butemwe bubula kwaluka?\nBWIPUZHO BWA KULANGULUKAPO: Nakonsha kumwesha byepi butemwe bubula kwaluka kwi Yehoba?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/jw-Mutanchi-wa-Kupwila\/october-2017-mwb\/mutanchi-wa-kupwila-oct16-22\/yehoba-wanemeka-butemwe-bubula-kwaluka\/","date":"2018-04-23T10:14:22Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945940.14\/warc\/CC-MAIN-20180423085920-20180423105920-00080.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":75,"character_repetition_ratio":0.21,"word_repetition_ratio":0.0,"special_characters_ratio":0.177,"stopwords_ratio":0.2,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KAÑONYI kapasha Kamimbya kafumine ku kibunji kya Arctic kuya ku kibunji kya Antarctica ne kubwelakanya palepa makilomita nobe 35,200. Kupesapesa kwakatataka kumwesha kuba'mba tuno tuñonyi tutumbuka kukila ne pa ano makilomita o twaambapo.\nTubiñambañamba tutelwa'mba geolocators betulamikile ku tuno tuñonyi twavula. Tuno tubiñambañamba twapeela to balamikile ku tuno tuñonyi, twamwesheshe'mba tuno tuñonyi twatumbukile makilomita 90,000 kukila kañonyi kaji konse. Kañonyi kamo katumbukile makilomita nobe 96,000. Mambo ka o paikela luno lupusano?\nMambo tuno tuñonyi inge twatumbuka pa kuya ko tubena kuya tuzhoka kya kuzhokoka. Byonka byo bamwesha, tuñonyi twa ku Atlantic Ocean inge twatumbuka tuzhoka pa kuya ko tubena kuya. Ki ka kitulengela kuba bino? Tuno tuñonyi inge twatumbuka tulondela mubena kuya mwela.\nPa myaka nobe 30 yo twikala, tuno tuñonyi twakonsha kwenda makilomita kukila pa 2.4 milyonyi. Uno museke ujitu nobe kuya ku ñondo jisatu nangwa jina. Shayuka umo waambile'mba, \"kino kikumisha bingi bantu mambo kano kañonyi kechi kajipo ne na kinemenezhi kyabaya ne.\" Buku wa Life on Earth: A Natural History waamba'mba, kilengela tuno tuñonyi kutumbuka miseke yalepa ke \"kyeya kikalako kimye kya kisalo pa mwaka pa mwaka kukila byuba bañonyi bakwabo.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/labainga-na4-2017-august\/ka%C3%B1onyi-kekala-ku-mapunzha-kuji-mashika-kapasha-kamimbya\/","date":"2018-04-23T12:49:48Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945942.19\/warc\/CC-MAIN-20180423110009-20180423130009-00620.warc.gz","language":"kqn","language_score":1.0000084639,"language_script":"Latn","minhash_cluster_size":1,"top_langs":"{\"kqn_Latn_score\": 1.000008463859558}","num_words":179,"character_repetition_ratio":0.096,"word_repetition_ratio":0.0,"special_characters_ratio":0.186,"stopwords_ratio":0.168,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4 Onkao mambo, amiwa kaili+ mwi Nkambo, nemusashijila namba mwendenga monka mwayila lwito+ lo mwaichilwe, 2 na kwipelula konse,+ kukooka muchima, ne na butekanye,+ saka mwitekenya anwe bene na bene mu butemwe,+ 3 ne kwibikishako kulama buumo bwa mupashi mu mutende ulengela kukwatankana.+ 4 Kuji mubiji umo+ ne mupashi umo,+ byonkatu byo kuji luketekelo lumo+ lo mwaichilweko; 5 kujitu Nkambo umo,+ lwitabilo lumo ne lubatizhilo lumo; 6 Lesa umo kabiji Shabo bantu bonse, wakila bonse, wingila mu bonse. Kabiji bulume bwanji bwingila mu bonse. 7 Atweba bonse pa muntu pa muntu betubijile lusa lukatampe kabiji kino kyaubiwe monka mwayijile bupe bo apimine Kilishitu.+ 8 Mambo, kyaambiwa'mba: \"Byo akanjijile mwiulu wasendele bazha; kabiji wapaine bantu kwikala bya bupe.\"+ 9 Pano byambo kya kuba'mba \"wakanjijile mwiulu\" byalumbulula ka, ne kuba'mba waikijile munshi, ko kuba'mba pano pa ntanda? 10 Uno yenka waikijile ye yenka wakanjijile+ kupitaila meulu onse+ kuba'mba afikizhe bintu byonse. 11 Kabiji bamo wibatongwele kwikala batumwa,+ bakwabo bangauzhi,+ bakwabo basapwishi,*+ bakwabo bakafunga kabiji bakwabo kwikala bafunjishi,+ 12 kuba'mba bololengako* bazhijikwa, kwikala ba kwingijila bakwabo ne kukomesha mubiji wa Kilishitu,+ 13 kufikatu ne kimye atweba bonse kyo tukekala na lwitabilo lumo ne kumuyuka bulongo Mwana Lesa, ne kwikala nobe muntu wakoma+ wafika ku kimino kya Kilishitu. 14 Onkao mambo, kechi twafwainwa kukikalanga nobe baana ba bacheche ne, mambo awa ulondela mafunjisho+ a bubela a bantu bajimbaika bakwabo, uji nobe bwato bukumpaulwa ne kulelaulwa na manyaki. 15 Bino pa kwamba bukine monka mu butemwe, twayai tukomenga mu bintu byonse mwi aye mutwe, Kilishitu.+ 16 Mwi aye, mo mwanungakena binungwa byonse bya mubiji+ ne kwibilengela kukwatankana mu manungi onse apana bibena kukebewa. Umvwe kinungwa kyonse kibena kwingila bulongo, kilengela mubiji kukoma ne kubaya mu butemwe.+ 17 Onkao mambo, nemwambila kino ne kwimusashijila mu jizhina ja Nkambo namba, kange mukyendenga mwendela bantu ba mu bisaka bya bantu+ mwayila milanguluko yabo yatu ne.+ 18 Abo milanguluko yabo iji mu mfishi kabiji bebafumya ku bumi bufuma kwi Lesa, mambo kechi bakeba kumuyuka Lesa ne, na mambo a kukosa* kwa michima yabo. 19 Byo baleka kumvwa bumvu, bepana kuba byubilo bya kwizozola*+ ne kuba bubipisho bonse na lwiso. 20 Bino anweba mwafunjile ne kuyuka'mba Kilishitu kechi uji bino ne, 21 umvwe kine mwamumvwine kabiji bemufunjishe kupichila mwi aye, byonkatu bukine byo buji mwi Yesu. 22 Bemufunjishe kuba'mba mwafwainwa kuvuula bumuntu bwa kala+ bwa mwayijile byubilo byo mwajinga nabyo kala kabiji bubena kujimbaikwa na milanguluko yatama imutwala mungi.+ 23 Kabiji mwafwainwa kutwajijila kulengwa ke bapya mu michima* yenu,+ 24 ne kuvwala bumuntu bupya+ bwalengelwe monka mwayila kyaswa muchima wa Lesa mu bololoke ne mu bukishinka bwa kine. 25 Onkao mambo, pano byo mwaleka kwamba bubela, iambilainga bya kine anwe bene na bene,+ mambo atweba twi binungwa bya mubiji umo.+ 26 Mwakonsha kuzhingila, bino kange mulenge mambo ne;+ kange muzhikishe juba monka mwazhingijila ne;+ 27 kabiji kange mumushile kanya Diabola ne.*+ 28 Awa wiba ekileke; bino engile na ngovu, ne kwingila mingilo yawama na maboko anji+ kuba'mba amwenemo byawama bya kupapo wakajilwa.+ 29 Kange muleke byambo byatama bilupuke mu kanwa kenu ne,+ poso byawama byonka bikomesha bantu bibafwainwa pa kyonkakyo kimye kuba'mba bikwashe aba babena kwibyumvwa.+ 30 Kabiji kange mulengele mupashi wazhila wa Lesa kwikala na bulanda ne,+ mambo mwabikwa kayukilo na uno mupashi+ kuba'mba mukakuulwe na bukuzhi+ juba ja kupokololwa byo jikafika. 31 Mfika yonse po yapela,+ bukaji ne kubuuka bukaji, kubwazanga, mwenga+ ne bintu byonse byatama+ mwibifumyemo mwi anweba. 32 Bino saka mwiubila lusa anwe bene na bene, mwikale na michima ya kifyele+ saka mwilekelako mambo anwe bene na bene byonkatu Lesa byo emulekejileko mambo mwi Kilishitu.+\nTubyambo twa munshi\n^ Nangwa'mba \"bataya mbila ya mambo awama.\"\n^ Nangwa'mba \"bafunjishe.\"\n^ Mu Kingiliki, \"kubula kuyuka bintu.\"\n^ Nangwa'mba \"mu bulume bulengela milanguluko yenu kwingila.\" Mu Kingiliki, \"mupashi wa milanguluko yenu.\"\n^ Nangwa'mba \"kumushila mpunzha Diabola ne.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/efisesa\/4\/","date":"2018-04-23T16:37:18Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946077.4\/warc\/CC-MAIN-20180423144933-20180423164933-00565.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":591,"character_repetition_ratio":0.053,"word_repetition_ratio":0.0,"special_characters_ratio":0.204,"stopwords_ratio":0.227,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Yesu?—Ye Jishinda, Bukine, ne Bumi\nUno buku, waamba pa bintu byonse byamwekele mu bwikalo bwa kwa Yesu byanembwa mu Baibolo.\nBYAMBO BITANSHI\nbyubilo bya kwa Yesu ne byo afunijshe biji mu mabuku ana a mambo awama byakonsha kupimpula bwikalo bwenu.\nKITANGO 1\nMalaika Ngabaliela waambile byambo byafumine kwi Lesa byakatezhe kwitabila.\nKITANGO 3\nZekaliya byo atatwiletu kwamba, waambile bungauzhi bwanema bingi.\nKITANGO 4\nNanchi Yosefwa waswile bya mubujile Maliya amba kechi mwanamulume mukwabo wamupa jiimi ne, bino amba waimita na mupashi wazhila nyi?\nKITANGO 5\nTwayuka byepi kuba'mba Yesu kechi wasemekelwe pa 25 December ne?\nKITANGO 6\nBa Yosefwa ne Maliya byo batwajile Yesu ku nzubo ya Lesa, bena Isalela babiji bakote baawile pa bwikalo bwa kwa Yesu bwa kulutwe.\nKITANGO 7\nMambo ka kabangabanga ko bamwene ku Musela o kakibatwajijile ku Mfumu Heloda wakanamine saka kakyangye kwibatwala kwi Yesu?\nKITANGO 8\nBungauzhi bwa mu Baibolo busatu bwafikile mu bwikalo bwa kwa Yesu.\nKITANGO 9\nYesu wajinga na bankasanji babalume ne babakazhi banga?\nKITANGO 10\nBa Yosefwa ne Maliya baakaminwe bingi byo babujile kutana Yesu, bino aye wakuminye bingi pa kumvwa'mba kechi bayukile kwa kumutaana ne.\nKITANGO 11\nBafaliseo ne Basadusea bamo byo baishile kwi aye, Yoano wibanenene. Mambo ka?\nKITANGO 2\nElisabeta ne mwananji wakijinga munda banemekele byepi Yesu?\nKIPUNGU 2\nKITANGO 12\nByo kiji kuba'mba Yesu kechi walengelepo mambo ne, mambo ka o abatizhiwe?\nKITANGO 13\nMeseko apichilemo Yesu o asolola bishinka pe Diabola.\nKITANGO 14\nÑanyi kintu kyalengejile baana ba bwanga ba kwa Yesu batanshi batanu na umo kushiinwa'mba batana Mesiasa?\nKITANGO 15\nYesu wamwesha bainanji kuba'mba Shanji wa mwiulu ye wamutangijilenga, kechi abo ne.\nKITANGO 16\nMizhilo ya Lesa yaswishishe bantu kupota banyama ba mulambo mu Yelusalema, pano mambo ka Yesu o azhingijile basulu bapoteshanga mu nzubo ya Lesa?\nKITANGO 17\n\"Kusemwa jibiji\" kulumbulula ka?\nKITANGO 18\nBaana ba bwanga ba kwa Yoano bajinga na kichima nangwa kya kuba Yoano aye kechi wajinga na kichima ne.\nKITANGO 19\nYesu wabuujile mwanamukazhi mwina samaliya kintu kyo abujile kubuulapo muntu mukwabo ne.\nKITANGO 20\nYesu wabuka mwana wamulume wajinga mu muzhi mukwabo palepele makilomita 26.\nKITANGO 21\nÑanyi byambo byaambile Yesu byalengejile bantu mu Nazala kukeba kumwipaya?\nKITANGO 22\nYesu waambijile baana ba bwanga bana kusankilapo mwingilo wa kukwata masabi ne kutendeka mwingilo mukwabo.\nKITANGO 23\nKimye Yesu kyo apangilemo bandemona mu bantu, wibakainye bandemona kubuula bantu amba Yesu mwana Lesa. Mambo ka?\nKITANGO 24\nBantu baishile kwi Yesu kuba'mba ebabuke, pano Yesu walumbulwile kuba'mba kyo aishijile pano pa ntanda ke kusapwila mambo awama.\nKITANGO 25\nNa byambo bichechetu, Yesu wamwesheshe kuba'mba waubijile lusa bantu bo abukanga.\nKITANGO 26\nÑanyi lukwatankano lwaambilepo Yesu luji pa bundengamambo ne bikola?\nKITANGO 27\nMambo ka Yesu o ajiilanga pamo na bandengamambo?\nKITANGO 28\nYesu waingijishe kishimpi kya bafukuta ba biseba pa kwibakumbula.\nKITANGO 29\nMambo ka Bayudea bavula o batendekejile kukatazha Yesu na mambo a kubuka muntu wakolelwe pa myaka 38?\nKITANGO 30\nBayudea balangulukilenga'mba Yesu ubena kwiesakanya ne Lesa, bino Yesu waambile kuba'mba kechi waesakana pamo ne bashanji ne\nKITANGO 31\nMambo ka Yesu o etelejile'mba \"Nkambo wa Sabado\"?\nKITANGO 32\nBasadusea ne Bafaliseo kechi baumvwañananga ne, bino bakwatankene bingi mu kuba kintu kimo.\nKITANGO 33\nMambo ka Yesu o akambizhizhe bantu bo abukile kubula kubuula bantu muntu wibabuka nangwa byo auba?\nKITANGO 34\nÑanyi lupusano luji pa baana ba bwanga ne batumwa?\nKITANGO 35\nFundai bishinka biji mu jashi jaambile Yesu pa Mutumba.\nKITANGO 36\nÑanyi kintu kyaubile uno mukulumpe wa bashilikale kyalengejile Yesu kukumya?\nKITANGO 37\nAba bamwene kyaubile Yesu bakwatakenye buneme bwa kino kya kukumya.\nKITANGO 38\nMambo ka Yoano o ashikishe inge kya kuba'mba Yesu ye wajinga Mesiasa? Nanchi Yoano wazhinaukilenga nyi?\nKITANGO 39\nYesu waambile'mba pa Juba ja Kije, lukabisho lwa Sodoma lukakepa bingi kukila lukabisho lwa muzhi wa Kapenama, mo aingijilenga mingilo yavula bingi.\nKITANGO 40\nYesu byo abuujile mwanamukazhi wayukanyikilwe'mba pite amba mambo obe alekelwa, nanchi waambilenga'mba kijitu bulongo kulala mizhilo ya Lesa nyi?\nKITANGO 41\nBankasanji balangulukilenga'mba Yesu wakonya.\nKITANGO 42\n'Kiyukilo kya ngauzhi Yona' kyo ki ka?\nKITANGO 43\nYesu waambile bishimpi bitanu na bisatu pa kulumbulula Bufumu bwa mwiulu.\nKITANGO 44\nYesu byo akainye kipuupu ne manyaki, witufunjisha kintu kyanema bingi pa bikekala bwikalo mu Bukalama bwanji.\nKITANGO 45\nNanchi muntu wakonsha kwikala na bandemona bavula nyi?\nKITANGO 46\nMu jino jishimikila jawama, Yesu wamwesheshe bulume bwanji ne lusa lwanji.\nKITANGO 47\nBantu basekele byo baumvwine Yesu waamba'mba kashimbi walaala tulo. Ñanyi kintu kyayukile Yesu kyo babujile kuyuka abo?\nKITANGO 48\nBantu ba mu Nazala kechi bamukaine Yesu na mambo a byo afunjishenga nangwa bya kukumya byo aubilenga ne, bino kwajinga kintu kikwabo kyalengejile kumukana.\nKITANGO 49\nByambo bya kuba'mba 'Bufumu bwafwenya pepi' bilumbulula ka?\nKITANGO 50\nMambo ka Yesu o abuujijile batumwa banji amba umvwe bemumanyika mu muzhi umo, nyemenai mu muzhi mukwabo inge kya kuba kechi bafwainwe kuchina lufu ne?\nKITANGO 51\nMazha a kwa Salome asangajikile Heloda kabiji kyamulengejile kuchipa kuba'mba usakumupa kyonse kyo asakulomba. Ñanyi kintu kyo alombele?\nKITANGO 52\nkyakukumya kyaubile Yesu kyanemene bingi kya kuba banembi ba mabuku ana a Mambo Awama bekinembele.\nKITANGO 53\nÑanyi lufunjisho lwafunjile batumwa kimye Yesu kyo aendele pa mema ne byo akainye luvula?\nKITANGO 54\nMambo ka Yesu o anenejile bantu nangwa kya kuba bafumine kwalepa kwiya kwi aye?\nKITANGO 55\nYesu wafunjishe byambo bimo byafichishe baana banji ba bwanga ku muchima kabiji byalengejile bavula kuleka kumulondela.\nKITANGO 56\nÑanyi bintu bifuma mu kanwa, nangwa'mba bilupuka mu kanwa?\nKITANGO 57\nMambo ka mwanamukazhi o abujile kuzhingila kimye Yesu kyo aesakenye bantu ba mu kisaka kyanji ku twana twa kabwa?\nKITANGO 58\nKepo baana ba bwanga bakwatakenye mbizho ya ambilengapo Yesu.\nKITANGO 59\nMakii a Bufumu o aka? Ñanyi wiengijishe ano makii, kabiji wiengijishe byepi?\nKITANGO 60\nKimwesho kya kyaluka kyo kika? Kabiji kyalumbulwilenga ka?\nKITANGO 61\nYesu waambile'mba kyalengejile kubula kubuka kalombwana ke na mambo a kubula lwitabilo, pano ñanyi wabujile lwitabilo? Kalombwana nyi, inyi bashanji nangwa baana ba bwanga ba kwa Yesu?\nKITANGO 62\nBanabalume bafunjileko kintu kyanema ku mwana mucheche.\nKITANGO 63\nWaambile pa bintu bisatu bya kuba pa kupwisha makatazho akatampe pakachi ka balongo.\nKITANGO 64\nYesu waingijishe kishimpi kya muzha wabujile lusa pa kumwesha Lesa byo amona kwilekelako mambo.\nKITANGO 65\nMu misambo ipi yo esambile na bantu basatu, Yesu waambile pa byubilo byakonsha kulengela muntu kukankalwa kwikala mwananji wa bwanga.\nKIPUNGU 4\nKITANGO 66\nÑanyi kintu kyalengejile batelekelenga kwi Yesu kulanguluka'mba wajinga na ndemona?\nKITANGO 67\nKije kikatampe kya Bayudea kyonse kyakebelenga kuzhachisha Yesu, bino umo wa mu kino kije wamwimenejileko.\nKITANGO 68\nYesu waambile'mba \"bukine bukemukasulula.\" Kwibakasulula ku ka?\nKITANGO 69\nYesu waambile bya kuyuka baana ba kwa Abalahama ne biji Bashanji.\nKITANGO 70\nBaana ba bwanga baipwizhe ene mambo awa mwanamulume o aikejile mpofu. Nanchi walengele mambo nyi? Nanchi bansemi banji bo balengele mambo nyi? Milanguluko ya bantu yaabenejilemo kimye Yesu kyo abukile uno mwanamulume.\nKITANGO 71\nByaambile uno mwanamulume wajinga mpofu byazhingijishe Bafaliseo. Bansemi banji bachine kwibapanga mu nshinagoga ku Bafaliseo.\nKITANGO 72\nYesu byo ajinga mu Yudea, watumine baana ba bwanga 70 kuya na kusapwila Bufumu. Kwepi baana ba bwanga ko bayile na kusapwila, nanchi mu mashinagoga nyi, inyi mu mazubo a bantu?\nKITANGO 73\nYesu waingijishe byepi kishimpi kya mwina Samaliya nangwa amba 'mwina Samaliya wawama' pa kufunjisha lufunjisho lwanema?\nKITANGO 74\nYesu wafwakashijile ba Maliya ne Mata ku nzubo yabo. Ñanyi bintu byo ebafunjishe pa kutambwila benyi? Kabiji ñanyi bintu byo abujile baana banji ba bwanga amba byo bafwainwe kulombanga?\nKITANGO 75\nYesu wabujile boba bamulengulwilenga pa \"munwe wa Lesa\" ne 'Bufumu bwa Lesa byo bwaishile kwi abo kwa kubula kuyuka'. Waambile ne pa byafwainwa kuba bantu pa kwikala na lusekelo lwa kine.\nKITANGO 76\nYesu wasolwele patoka bukamfutumfutu bwa Bafaliseo ne banembeshi. Ñanyi bisendwa byanema byo batwikilenga bantu?\nKITANGO 77\nYesu waambile kishimpi kya mwanamulume munonshi washimikile matala akatampe. Ñanyi lujimuno lo abwazhezhepo pa bizumba biji mu kukeba bunonshi?\nKITANGO 78\nYesu wamwesheshe'mba wakebelenga'mba baana banji ba bwanga bekale na bulunda bwawama na Lesa. Kalama wa kishinka waingila ñanyi mwingilo? Mambo ka lujimuno lwa kwikala benengezha o lwanemena?\nKITANGO 79\nYesu waambile'mba abo bo akwashishenga inge babula kulapila bakonaunwa. Nanchi bakwatakenye lufunjisho Yesu lo ebafunjishenga pa bulunda bwabo ne Lesa nyi?\nKITANGO 80\nBulunda buji pakachi ka mikooko ne kafunga bumwesha Yesu byo amona baana banji ba bwanga. Nanchi bayuka mafunjisho anji ne kumulondela nyi?\nKITANGO 81\nBantu bamo bamulengulwilenga Yesu bamupelemo mambo a kwiesakanya mwine ne Lesa. Wakaine byepi ano mambo?\nKITANGO 82\nYesu walumbulwijile banteleki banji bikebewa pa kuba'mba bakapuluke. Byambo byanemene bingi kimye kyo ebyambile. Nga ano moba bingila nyi?\nKITANGO 83\nKimye kyo ajiilenga kajo mu nzubo ya mu Faliseo, Yesu waambile kishimpi kya kijiilo kikatampe kya mabanga. Waambile lufunjisho lwanema bingi ku bantu ba Lesa bonse. Ñanyi lufunjisho lonka lo?\nKITANGO 84\nKwikala mwana wa bwanga wa kwa Kilishitu mwavwangwa bintu byavula bingi. Yesu waambile byavwangwamo. Bintu byo aambile byalengejile bantu bamo kukumya.\nKITANGO 85\nBafaliseo ne banembeshi balengulwile Yesu na mambo a kupwanañana na bantutu. Pa kwibakumbula, Yesu waingijishe bishimpi kumwesha Lesa byo amona bandengamambo.\nKITANGO 86\nTufunjilako ka ku kishimpi kya kwa Yesu kya mwana waelekele?\nKITANGO 87\nYesu waingijishe kishimpi kya kalama wabujimbijimbi pa kufunjisha bukine bwanema.\nKITANGO 88\nKyakonsha kwitukwasha kumvwisha mwatala kishimpi kya kwa Yesu ke kuyuka bantu bo aambilepo bingi.\nKITANGO 89\nWaambile pa kishinka kyanema kyakonsha kwitukwasha kulekelako boba betulenga mambo javula.\nKITANGO 90\nYesu watazhizhenga muka pa kwamba'mba aba bamwitabila 'kechi bakafwa ne'?\nKITANGO 91\nBintu bibiji byamwekele kimye kyasangwilwe Lazalasa byalengejile ne balwanyi ba kwa Yesu kukankalwa kukana kino kya kukumya.\nKITANGO 92\nMwanamulume ye babukile kechi wasanchijiletu Yesu ne, bino wasanchijile ne muntu mukwabo\nKITANGO 93\nKwikalapo kwa Kilishitu kukekela byepi nobe kubesha kwa mvula?\nKITANGO 94\nMu kishimpi kyanji kya mutonyi wabujile koloka, Yesu wakoseshe buneme bwa kwikala na kyubilo kimo kyawama.\nKITANGO 95\nYesu byo amonanga baana babacheche byapusene bingi na byamonanga baana banji ba bwanga. Mambo ka?\nKITANGO 96\nKi ka kyalengejile Yesu kwamba'mba kyapela ngamela kupita mu jiso ja nguya kukila munonshi kutwela mu Bufumu bwa Lesa?\nKITANGO 97\nBatanshi baikele byepi bapelako kabiji bapeleleko baikele byepi batanshi?\nCHAPTER 98\nYakoba ne Yoano bakebelenga kwikala na bifulo bya munema mu Bufumu, bino kechi bo bonkatu bakebelenga kino ne.\nKITANGO 99\nMashimikila a mu Baibolo amweka nobe abena kwipachika aamba pe Yesu byo abukile mwanamulume mpofu kwipi na Yeliko?\nKITANGO 100\nYesu watazhizhe mwepi byo aambile'mba: \"Yense uji na bintu, bakamubikilapo ne bikwabo, pakuba awa wabulabyo, bakamwangata ne kyo aji nakyo\"?\nKIPUNGU 6\nKITANGO 101\nMaliya nyenga ya kwa Lazalasa waubile kintu kyabushishe mapata, bino Yesu wamupokolweleko.\nKITANGO 102\nWafikizhe bungauzhi baawilwe saka papita ne myaka 500.\nKITANGO 103\nBasulu ba mu Yelusalema kyamweka balondelanga mizhilo pa kuba busulu, pano mambo ka Yesu o ebatelejile'mba tupondo?\nKITANGO 104\nAbya paji lupusano pa kwitabila mwi Yesu ne kumwesha lwitabilo nyi?\nKITANGO 105\nYesu wafunjishe baana banji ba bwanga pa mambo a lwitabilo ne kwibalumbulwila ene mambo Lesa o akainjile kisaka kya bena Isalela.\nKITANGO 106\nFundai bilumbulula kishimpi kya mwanamulume watumine baana banji kuya na kwingila mu bujimi bwanji bwa miñanzañanza ne kishimpi kya muntu washijile bajimi babi bujimi bwanji bwa miñanzañanza.\nKITANGO 107\nKishimpi kya kwa Yesu kyafikizhe bungauzhi.\nKITANGO 108\nPatanshi wazhindamikilepo Bafaliseo, apa bino wabwela wazhindamikapo ne Basaduse, kepo azhindamikile balwanyi bonse bakwatankene pamo.\nKITANGO 109\nMambo ka Yesu o abujijile kuswisha bisho bya bupopweshi?\nKITANGO 110\nYesu waambile pa byaubile mwanamukazhi wafwila pa kufunjisha lufunjisho lwanema bingi.\nKITANGO 111\nBungauzhi bwanji bwafikile patanshi mu myaka kitota kitanshi. Nanchi buno bungauzhi bukafika pakatampe kulutwe nyi?\nKITANGO 112\nNanchi Yesu waambilenga'mba batumwa banji bamo bakekala bakosama bino bakwabo amba bakekala ba maana nyi?\nKITANGO 113\nKishimpi kya kwa Yesu kyalumbululwile bino byambo byo aambile'mba: \"yense uji na bintu, bakamubikilapo ne bikwabo.\"\nKITANGO 114\nKwingijisha kishimpi, Yesu walumbulwile kikalengela bunchibamambo.\nKITANGO 115\nMambo o kyanemena kuba'mba bantangi ba bupopweshi bapele Yudasa mali a siliva 30 kuba'mba asolole Yesu?\nKITANGO 116\nWalengejile batumwa banji kukumya byo aingijile mwingilo wafwainwa kwingila kalume.\nKITANGO 117\nYesu watendekeshe kivuluko baana banji ba bwanga byo bafwainwe kwikalanga nakyo pa mwaka pa mwaka pa Nisanyi 14.\nKITANGO 118\nBatumwa balubile bibafunjishe Yesu patanshi bonkabwa bufuku. Yesu wibatekenyejile ne kwibololako.\nKITANGO 119\nYesu wafunjishe bukine bwanema bingi pa bya kusolomoka Lesa.\nKITANGO 120\nMu ñanyi jishinda baana ba bwanga ba kwa Yesu mo 'bapangila bipangwa'?\nKITANGO 121\nYesu wakonsheshe kushinda byepi pano pa ntanda inge kya kuba ba pano pa ntanda kechi bamwipayile ne?\nKITANGO 122\nWamwesheshe'mba waingijile kintu kyanema bingi kukila ne kuleta lupulukilo ku bantu.\nKITANGO 123\nMambo ka Yesu o alombejile'mba: \"Fumyai kano katomeno kwi amiwa\"? Nanchi wachinuzhukilenga kufwa lufu lwa bukuzhi nyi?\nKITANGO 124\nNangwa kya kuba pajinga pakachi ka bufuku, Yudasa wamutaaine Yesu.\nKITANGO 125\nJishinda jo bachibijilemo mambo a kwa Yesu kechi jayijilemo na mizhilo ne.\nKITANGO 126\nKi ka kyalengejile Petelo kukana Yesu saka ajinga muntu wakosa kabiji wa kishinka?\nKITANGO 127\nBantangi ba bupopweshi bwa Bayudea basolwele byajinga mu milanguluko yabo.\nKITANGO 128\nMambo ka Pilato o atumijile Yesu kwi Heloda kuba'mba amuchibile mambo? Nanchi Pilato kechi wajinga na luusa lwa kuchibila Yesu mambo nyi?\nKITANGO 129\nNe Pilato naye waswile kuba'mba Yesu uji na byubilo byawama.\nKITANGO 130\nMambo ka Yesu o aambijile banabakazhi bajijilenga kwijila abo bene ne baana babo kechi kujila aye ne?\nKITANGO 131\nYesu walayile kapondo umo ye apopelwe nanji pa kichi mulaye wawama.\nKITANGO 132\nMfishi ya kukumya yajingako mute, kitentanshi, ne kwabanapo kwa kipembe kya mu nzubo ya Lesa, byonse bimwesha kishinka kimo.\nKITANGO 133\nMambo ka o bazhiikijile bukiji mubiji wa kwa Yesu juba saka jikyangye kuzhika?\nKITANGO 134\nPanyuma ya lusanguko lwanji, Yesu patanshi wamwekele ku mwananji wa bwanga wa mukazhi kechi ku batumwa banji ne.\nKITANGO 135\nYesu wakwashishe byepi baana banji ba bwanga kushiinwa'mba kine wasanguka?\nKITANGO 136\nPetelo bamuvulwilemo pa bimye bisatu byo akonsha kumwesha'mba watemwa Yesu.\nKITANGO 137\nYesu byo asangwilwe kabiji saka akyangye kuya mwiulu, wabwezhezhepo kubuula baana banji ba bwanga kintu kyo bakatambula ne byo bakekingijishanga.\nKITANGO 138\nYesu waubilenga ka kimye kyo apembejilenga kushinda balwanyi banji?\nKITANGO 139\nYesu ukoba bintu byavula bingi saka akyangye kulubula Bufumu kwi Lesa wanji kabiji Shanji.\nYesu wamwesheshe byubilo bitanun na bisatu mu bwikalo bwanji bonse.\nIngijishai ino nteeta pa kuba'mba mutaane byepelo mu mabuku a Mambo Awama.\nKITANGO 13\nMeseko apichilemo Yesu o asolola bishinka pe Diabola.\nKwesakanya bintu byamwekejile Yesu na byaamba bungauzhi bwa mu Baibolo bimwesha'mba kine wajinga Mesiasa ne byaambapo bitango bimo mu uno buku.\nUno mapu wamwesha mapunzha kwa sapwilanga Yesu.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/yesu\/","date":"2018-04-23T16:36:43Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946077.4\/warc\/CC-MAIN-20180423144933-20180423164933-00565.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":2251,"character_repetition_ratio":0.078,"word_repetition_ratio":0.0,"special_characters_ratio":0.189,"stopwords_ratio":0.195,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"\"NANCHI bukine bo bu ka?\" Buno bo bwipuzho Pontiusa Pilato, kitumbafumu wa bena Loma wajingako mu kitota kya myaka kitanshi bo aipwizhe Yesu kimye kyo bamutotolweshenga ku kinemanga. (Yoano 18:38) Bino Pilato kechi wakebelenga kuyuka bukine ne. Bwipuzho bwanji bwajingatu bwa kapunyi. Byonka byo kyajinga kwi Pilato, bukine bwakonsha kwikala kintu kyo asalapo muntu nangwa kuketekela mu byo bamufunjishe. Kechi kwajinga bintu byafwainwe kukwasha kuyuka bukine ne. Byo kiji ne ku bantu lelo jino.\nBantu bayanga ku Machechi mu kitota kya myaka kya bu 16 mu Europe, kechi bayukile bintu byo bafwainwe kuketekelamo byafwainwe kwikala bukine ne. Na mambo akuba bakomejile mu mafunjisho a papa ne a mu chechi, baitabijile mu mafunde akatataka asampenye bantu bapimpwilenga bintu mu bupopweshi mu Europe pa kyo kya kimye. Ñanyi bintu byo bafwainwe kwitabilamo? Bafwainwe kuyuka byepi bukine?\nMu o a moba, kwajinga banabalume basatu bakwabo bakebeshe bingi bukine. * Bafwainwe kuba byepi pa kuba'mba bayuke bukine ne bwajinga bubela? Kabiji ñanyi bintu byo bataine? Twayai twisambepo.\n\"TWAFWAINWA KULONDELA . . . BYAAMBA BAIBOLO KIMYE KYONSE\"\nBa Wolfgang Capito kufumatu ne ku bwanyike, banemekele bingi byo baitabijilemo bya mu bupopweshi. Bafundanga bya michi, mizhilo, ne bya bupopweshi kabiji baikajile ke ba pulishiti mu 1512 ne mu kuya kwa kimye baikajile ke bantangi baingijilanga bishopu wa ku Mainz.\nPatanshitu, ba Capito baesekele bingi kufwomona bantu bapimpula bintu mu bupopweshi bafunjishanga byapusana na Bakatolika. Nangwa byonkabyo, ba Capito batendekele kutundaika byo bapeselepeselenga. Baubile byepi? Byo kwaishile mafunjisho apusana pusana, wa bya mpito aye James M. Kittelson waambile'mba: \"Ba Capito baketekejile amba kintu kyo wafwainwa kuyukilako inge byo bafunjisha bya kine ke Baibolo, mambo muji bukine.\" Ba Capito bataine kuba'mba lufunjisho lwa kuba'mba shinkwa ne binyu byo bengijisha pa Kusekelela Kijiilo kyapeleleko kya kwa Kilishitu mu Katolika amba byaluka kwikala mubiji ne mashi a kwa Yesu ne kunemeka bafu kechi kwajinga kwa mu binembelo ne. (Monai kakitenguluzha ka kuba'mba \"Bayuke Kana Bino Bintu bya Kine Nangwa Ne.\") Byo balekele kwingijila pamo na bishopu mu 1523, ba Capito bayile na kwikala mu muzhi wa Strasbourg yajinga mpunzha po bapesela peselanga bya bupopweshi.\nNzubo ya ba Capito yajinga mu Strasbourg yo yajinga mpunzha po besambilanga bya bupopweshi ne mafunjisho a Baibolo. Nangwa kya kuba bantu bapimpula bintu mu bupopweshi batundaikanga lufunjisho lwa Balesa Basatu, bino kwesakana na byanembele ba Capito mu buku wa The Radical Reformation, \"kechi mwajingapo lufunjisho lwa balesa basatu ne.\" Mambo ka? Ba Capito batemenwe byanembele upesa pesa bya bupopweshi wa ku Spain aye Michael Servetus waingijishe Baibolo pa kukana lufunjisho lwa Balesa Basatu. *\nUmvwe kya kuba ba Capito bakaine lufunjisho lwa Balesa Basatu, inge bebamanyikile. Onkao mambo, bajimukile byo baambilenga byo balangulukilenga pa luno lufunjisho. Kwesakana na byo banembele, bimwesha kuba'mba bazhinaukanga lufunjisho lwa Balesa Basatu saka bakyangye kumonañana ne Servetus. Ntangi wa Bakatolika umo wanembele amba Ba Capito ne balunda nabo \"batwajijile kwisamba kwa bunke pa mafunjisho a mu bupopweshi ne kukana mafunjisho a Balesa Basatu.\" Panyuma ya kupitapo myaka 100, Ba Capito, batongwelwe amba bo bamo bajinga pa bantu bakananga Balesa Basatu.\nBa Capito bayukile kuba'mba mu Baibolo mo mufuma bukine. Banembele amba, \"Twafwainwa kulondela byaamba Baibolo ne mizhilo ya Kilishitu pa kufunda bya bupopweshi.\" Kwesakana na upesa bya kupesapesa aye Kittelson, ba Capito baambile'mba \"kyalengelanga bapesapesa bya bupopweshi kukankalwa kutana bukine, ke na mambo a kuba'mba kechi balondelanga Binembelo ne.\"\nMartin Cellarius (ye batelanga ne kuba'mba Martin Borrhaus) waikalanga ku nzubo ya ba Capito mu 1526, naye wajinga na kizaku kya kufunda Mambo a Lesa.\n\"KUYUKA LESA WA KINE\"\nCellarius wasemekelwe mu 1499, wafundanga pa bya bupopweshi ne buntemwamaana. Waswile mafunjisho ajinga mu Wittenberg, mu Germany. Byo kiji kuba'mba mu Wittenberg mo mwatendekejile lupimpu lwa bintu mu bupopweshi, Cellarius waingijilanga pamo ne Martin Luther ne bakwabo bakebelenga kupimpula bintu mu mafunjisho a mu chechi. Cellarius wapusenye byepi mafunjisho a bantu ne bukine bwa mu Binembelo?\nKwesakana na buku wa Teaching the Reformation, Cellarius walangulukanga kuba'mba pa kuba'mba bomvwishe \"Binembelo bafwainwe kutanga na mukoyo, kwibyesakanya na bikwabo ne kulomba na lulapilo.\" Ñanyi bintu byataine Cellarius pa kupesa pesa mu Baibolo?\nMu July 1527, Cellarius wanembele byo ataine mu buku wa kuba'mba On the Works of God. Wanembele'mba mafunjisho a mu chechi nabiji a kuba'mba mashi ne mubiji wa kwa Yesu aalukile ke mubiji wa kwa Yesu byajinga bya kifwanyikizho. Kwesakana na Shayuka aye Robin Barnes, buku wa kwa Cellarius \"watundaikile bungauzhi bwa mu binembelo bwaamba pa kimye kya malwa akafikila bantu bonse ne panyuma ya bino, kufika kwa kuwamisha bintu mu ntanda yonse.\"—2 Petelo 3:10-13.\nCellarius waambile pa bintu byanema bingi byaamba pe Yesu Kilishitu. Nangwa kya kuba kechi wakananga lufunjisho lwa Balesa Basatu ne, bino wapusenye \"Shetu wa Mwiulu\" na \"Mwananji Yesu Kilishitu\" kabiji wanembele'mba Yesu wajinga pa balesa bavula kabiji ne pa baana ba Lesa wa bulume bonse.—Yoano 10:34, 35.\nMu buku wanji wa kuba'mba Antitrinitarian Biography wa mu 1850, Robert Wallace waambile'mba, mu byanembele Cellarius kechi walondejilepo lufunjisho lwa Balesa Basatu lwa mu orthodoxy lwajingako mu kitota kya myaka kya bu 16 ne. * Banembeshi bavula balanguluka kuba'mba Cellarius wakaine lufunjisho lwa Balesa Basatu. Bamutongola kuba'mba ye muntu waingijishenga Lesa mu \"kufunjisha bantu pe Lesa wa kine ne Kilishitu.\"\nKUBWEZHA MAFUNJISHO A KINE\nMu 1527, Johannes Campanus shayuka wa bupopweshi wafunjile bingi pa kyokya kimye, wafikijile mu Wittenberg. Nangwa kya kuba popo besambilanga bya kupimpula bintu mu bupopweshi, Campanus kechi watondelwe na byafunjishanga Martin Luther ne. Mambo ka?\nCampanus wakananga lufunjisho lwa kuba'mba mashi ne mubiji wa kwa Yesu byaalukile kwikala byakine. * Kwesakana na munembeshi aye André Séguenny, Campanus waketekejile amba \"Shinkwa wikalatu shinkwa, bino inge kimye kya kusekelela bebingijisha mu bukifwanyikizho kwimenako mubiji wa kwa Kilishitu.\" Byo basambakene mu 1529 mu Marburg Colloquy na kwisamba pa ano mepuzho, Campanus kechi bamuswishishe kwambapo byo afunjile mu Binembelo ne. Panyuma ya bino, bamukainye ku bakwabo bapimpwilenga bintu mu bupopweshi mu Wittenberg.\nBintu byaitabijilemo Campanus byaamba pa Tata, Mwana ne mupashi wazhila byazhingijishe bantu bapimpwilenga bintu mu bupopweshi. Mu buku wanji wa mu 1532 wa kuba'mba Restitution, Campanus wafunjishe'mba Yesu ne Shanji bapusana bingi. Walumbulwile'mba Tata ne Mwana \"ke bamotu,\" byonka bamulume ne mukazhi byo baji mubiji umo bino saka baji bantu babiji. (Yoano 10:30; Mateo 19:5) Campanus waambile'mba Binembelo bingijisha byambo bimwesha'mba Tata uji na bulume kukila Mwana: \"Bino nakeba namba muyuke amba, mutwe wa mwanamulume ye Kilishitu; mutwe wa mwanamukazhi ye mwanamulume; kabiji mutwe wa Kilishitu ye Lesa.\"—1 Kolinda 11:3.\nPano ibyepi pa mupashi wazhila? Campanus waamba jikwabo pa byanembwa mu Baibolo amba: \"Kafwako Binembelo bimwesha amba Mupashi Wazhila ke muntu wa busatu . . . mupashi bamwingijisha nobe bulume bwingila kabiji kino kyalumbulula amba Lesa unengezha ne kuba bintu byonse kupichila mu bulume bwanji bwa ku mupashi.\"—Ntendekelo 1:2.\nLuther watelele Campanus amba wa mwenga kabiji mulwanyi wa Mwana Lesa. Mukwabo pa bapimpwilenga bintu mu bupopweshi wakebelenga kuba'mba bepaye Campanus. Nangwa byonkabyo, Campanus kechi waumvwine moyo ne. Kwesakana na buku wa The Radical Reformation, waambile'mba, \"Campanus waketekejile amba kumvwisha bukine bwa mu Baibolo bwaamba pe Lesa kwikala mutwe kabiji ne mwanamulume kwalengejile Chechi kufwa.\"\nCampanus kechi wikebejile kuba'mba alenge mabumba a bupopweshi ne. Waambile'mba, \"watayiletu kimye na kukeba bukine mu machechi apusenamo na byo aitabilamo.\" Na mambo a bino, waketekejile kuba'mba Chechi wa Katolika ukabwezha mafunjisho a bwina Kilishitu a kine. Pano bino, Bantangi ba mu Katolika bamukashile kampepo pa myaka 20 mu kaleya. Bapesapesa bya mpito bataine amba wafwile nobe mu 1575.\n\"SAKA MUPIMA BINTU BYONSE\"\nKufunda Baibolo na mukoyo kwalengejile Capito, Cellarius, Campanus ne bakwabotu kupusanya bukine ku kubela. Nangwa kya kuba bintu byo bafunjilenga bano bantu bakebelenga bukine kechi byonse byakwatankene na biji mu Baibolo ne, bino bapesele pesele mu Binembelo ne kunemeka bukine bo bafunjile.\nMutumwa Paulo watundaikile bakwabo bena Kilishitu amba: \"Saka mupima bintu byonse ne kuyuka kyawama ne kwikikakachila.\" (1 Tesalonika 5:21) Umvwe mukeba kuyuka bukine, Bakamonyi ba kwa Yehoba banemba buku wa kuba'mba Nanchi Baibolo Kine Ufunjisha'mba Ka?\n^ par. 4 Monai kakitenguluzha ka kuba'mba \"Bilekai Bikomene Pamo Kufika Kimye kya Kunowa,\" pa jipa 44 mu buku wa Jehovah's Witnesses—Proclaimers of God's Kingdom, wanembwa na Bakamonyi ba kwa Yehoba.\n^ par. 8 Monai kibaaba kya kuba'mba \"Michael Servetus—A Solitary Quest for the Truth,\" mu Labainga! wa Kizungu wa May 2006 wanembwa na Bakamonyi ba kwa Yehoba.\n^ par. 17 Pa kwamba pa Cellarius byo aingijishanga kyambo kya kuba'mba \"lesa\" kwi Kilishitu, uno buku waamba'mba: \"Wanembwa'mba deus, kechi Deus ne, kyambo kyapelako bekingijishatu pa kwamba pa Lesa wa Wakila.\"\n^ par. 20 Luther wafunjishenga kuba'mba binyu ne shinkwa bikalako pa Kijiilo kya Nkambo byendela pamo na mubiji wa Yesu.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/wp20140601\/kupimpula-bintu-mu-bupopweshi-bukine-kukeba\/","date":"2018-04-22T05:49:29Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945493.69\/warc\/CC-MAIN-20180422041610-20180422061610-00094.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":1363,"character_repetition_ratio":0.075,"word_repetition_ratio":0.0,"special_characters_ratio":0.187,"stopwords_ratio":0.263,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BUPE ka bo mwakonsha kupa muntu ye mwanemeka? Mu moba a kala, binunka bulongo bimo byanemene bingi byonkatu biji ngolode, kya kuba bino bebipananga kwikala bya bupe byafwainwa mfumu. * O ene mambo bupe bubiji bwaletele bashayuka ba tubangabanga bwa kupa \"mfumu wa Bayudea,\" bwajinga bwa bintu binunka bulongo.—Mateo 2:1, 2, 11.\nKabiji Baibolo waamba ne pa mfumu wa mukazhi wa ku Sheba kimye kyo afwakashijile Solomone amba, 'wapele mfumu matalenta a ngolode 120 ne manyi a balasama avula bingi ne mabwe a buneme. Kechi kwaishilepo jikwabo manyi a balasama avujile nobe oa mfumu wa mukazhi wa ku Sheba o apele Mfumu Solomone ne.' * (2 Byambo bya Moba 9:9) Bamfumu bakwabo nabo batumijile Solomone manyi a balasama kumwesha lusanchilo lwabo.—2 Byambo bya Moba 9:23, 24.\nMambo ka bino binunka bulongo ne bintutu bikwabo o byanemejile ne kwikala na mutengo mukatampe mu moba a kala? Mambo bebingijishanga ku bintu byavula bingi, nabiji kwiwamisha, ku bya bupopweshi ne pa kuzhiika muntu. (Monai kakitenguluzha kaamba'mba, \"Byo Baingijishanga Binunka Bulongo mu Moba a Kala.\") Nangwa kya kuba bantu bebikebanga bingi, abino binunka bulongo byajinga bingi na mutengo pa kwibipota mambo ko bebifumyanga ne kwa kwibipoteshesha kwalepele bingi.\nKUPITA MU MUSANZA WA ALABYA\nMu moba a kala, bichi bimo ko bafumyanga binunka bulongo byamenanga mu Kimpachiko kya Yodano. Pakuba bikwabo bebipotanga ku byalo bingi. Bintu binunka bulongo byavula bebyambapo mu Baibolo. Pa binunka bulongo byo twayuka ke safulonyi, maalo, balasama, kinamonyi, binunka bulongo ne mola. Kufumyako bino, kuji ne bintu bikwabo bilengela kajo kununkila bulongo nabiji kamuni, minti ne anisi.\nNanchi bino binunka bulongo byafumine kwepi? Maalo, kasiya ne kinamonyi byafumanga mu byalo byo tubena kutongola lelo jino amba China, India ne Sri Lanka. Manyi a mola ne binunka bulongo bebifumyanga ku bichi ne bipupu bimena mu musanza wa ku kabeta ka ku bulenge bwa Alabya kukafika ne ku Somalia mu Africa. Manyi a nada afumanga ku Himalayas mu India.\nPa kuba'mba bino binunka bulongo bifike mu Isalela, bebitwalanga kupita ja Alabya. Buku wa The Book of Spices waamba'mba, \"Na mambo a kuba bino, mu myaka kitota kya bubiji ne myaka 1000, kyalo kya Alabya kyaalukile ke kyalo mo batambwilanga bintu kufuma ku byalo bya ku Musela ne ku Muzhika.\" Mizhi ya kala, masakwa ne pakokolokelanga basulu mu Negeve ku kabeta ka ku bulenge bwa Isalela, bimwesha mwapitanga basulu bapoteshanga binunka bulongo. Sawakya wa World Heritage Centre of UNESCO waamba'mba, mu ano mapunzha nao \"alengelanga basulu bavula kumwenamo bintu byavula bingi . . . kufuma ku kyalo kya ku kabeta ka ku bulenge bwa Alabya kukafika ne ku Meditelanya.\"\n\"Bapoteshanga tucheche pa mutengo wabaya, kabiji bantu bebitemenwe mambo byaendanga bingi pa kupotesha.\"—Buku wa The Book of Spices\nBipanyi bya basulu byasendanga bino binunka bulongo kimye kyonse pa kuya ku kyalo kya Alabya pajinga makilomita 1,800. (Yoba 6:19) Baibolo waamba pa kipanyi kya basulu bena Ishimela saka basenda binunka bulongo nabiji \"muchi wa landunuma, balasama ne binunka bulongo\" saka babena kufuma ku Gileada kuya ku Ijipita. (Ntendekelo 37:25) Baana ba kwa Yakoba bapoteshe nkasabo Yosefwa kwikala muzha ku bano basulu.\n\"BUSULU BO BAFILE PA MOBA AVULA\"\nBasulu bena Alabya bo batalanga pa bintu binunka bulongo byo bapoteshanga mu myaka ya kala. Bo bapoteshanga binunka bulongo byafumanga ku Asia, nabiji kasiya ne kinamonyi. Pa kuba'mba balekeshe byalo byaikejile ku Meditelanya kubula kubanga busulu na byalo bya ku Musela, bena Alabya baambanga bintu bya kuchinya bantu kubula kupota bino binunka bulongo. Buku wa The Book of Spices waamba'mba, kupotesha binunka bulongo \"kampe bwajinga busulu bo bafile pa moba avula.\"\nÑanyi mashimikila asampenye bena Alabya? Shayuka Mungiliki aye Herodotus wa mu myaka kitota kya butanu walumbulula bintu byo baambile bya kuchinya bantu kuba'mba ku bino byula bya kinamonyi ko kulengela tuñonyi binsa, kwakatezhe kufikako. Kabiji wanungilepo kunemba'mba, pa kuba'mba muntu asende bino binunka bulongo, bantu babikanga misunyi yavula ya nyama munshi ya mutumba. Bañonyi pa kwiya basendanga ino nyama ne kwiitwala pa binsa byabo, kabiji binsa inge byanema na mambo a ino nyama, byaponanga panshi. Kabiji bantu bukiji bukiji batolanga byula bya kinamonyi ne kwibipotesha ku basulu. Ano mashimikila akumbenetu konse. Buku wa The Book of Spices waamba'mba, \"na mambo a byo kyakatezhe kumunengezha, balulumikanga bingi mutengo pa kupotesha kinamonyi.\"\nKechi papichile ne kimye kyabaya ne, busulu bwafile bena Alabya bantu bebuyukile, kabiji kino kyalengejile ne busulu bwabo kubwela panshi. Mu myaka kitota kitanshi, muzhi wa Alexandria mu Ijipita ye waalukile ke kiito kikatampe mo bapotesheshanga binunka bulongo. Maato a bena Loma afumanga ku Ijipita kuya ku India, mambo bavuwanga maato bashukilwanga luvula wa pa kalunga ka mema ka Indian Ocean kwibatwala ko babena kuya. Onkao mambo, bino binunka bulongo byakumbenetu konse, kabiji mutengo wabwelele bingi panshi.\nLelo jino, buneme bwa binunka bulongo kechi bwaesakana pamo na ngolode ne. Kabiji bino binunka bulongo kechi byafwainwa kwikala bya bupe byafwainwa mfumu ne. Pano bino, bantu bavula mwaya ntanda batwajijila na kulengako manyi a kwifyukawila, michi ne kwibibika ku kajo pa kuba'mba kawamenga pa kwikaja. Onkao mambo, binunka bulongo byavula bingi lelo jino byonkatu byo byajinga kala kene.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/wp20150301\/binunka-bulongo-bya-kala\/","date":"2018-04-22T21:15:11Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945648.77\/warc\/CC-MAIN-20180422193501-20180422213501-00082.warc.gz","language":"kqn","language_score":1.0000085831,"language_script":"Latn","minhash_cluster_size":1,"top_langs":"{\"kqn_Latn_score\": 1.0000085830688477}","num_words":811,"character_repetition_ratio":0.087,"word_repetition_ratio":0.005,"special_characters_ratio":0.187,"stopwords_ratio":0.233,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"23 Byo papichile moba avula kufuma kimye Yehoba kyo akwashishe bena Isalela kukokoloka+ byo ebapokolwele ku balwanyi babo bebazhokolokele, ne Yoshua byo akotele ne kwikala myaka yavula,+ 2 Yoshua waichile bena Isalela bonse,+ bakulumpe babo, bakalama babo, bamitonyi babo ne bantangi babo+ ne kwibambila'mba: \"Amiwa nakota; ne myaka yami yavula. 3 Kabiji mwimwena bintu byonse Yehoba Lesa wenu byo aubile ku bino bisaka byonse bya bantu na mambo a anweba, mambo Yehoba Lesa wenu ye wimulwijilengako.+ 4 Talai, nemupa kyalo+ kya bisaka bikwabo kyashajilepo kupichila mu kuta bubale kuba'mba kikale ke buswanyi bwa mikoka yenu,+ kuvwangakotu ne byalo bya bisaka byonse byo naonawine,+ kufuma ku Yodano kufika ne ku Kalunga ka Mema Kakatampe* ku muzhika.* 5 Kabiji Yehoba Lesa wenu ye wibifumisheko ku meso enu, kabiji wibipangilemo,*+ ne anweba mwatambwile kyalo kwikala ke kyenu, byonkatu Yehoba Lesa wenu byo emulayile.+ 6 \"Pano mwafwainwa kuchinchika kuba'mba mukalamenga ne kulondela byonse byanembwa mu buku wa Mizhilo+ ya Mosesa, pa kuba'mba mukabule kusendukamo ne kuya ku kilujo nangwa ku kipiko,+ 7 kupichila mu kubula kupwanañana na bino bisaka bya bantu+ byashala mwi anweba. Kechi mwafwainwa nangwatu kutela mazhina a balesa+ babo nangwa kuchipila mu jizhina jabo ne, kabiji kechi mwafwainwa kwibengijila nangwa kwibafukamina ne.+ 8 Bino mwafwainwa kukakachila kwi Yehoba Lesa wenu,+ byonkatu byo mwauba kufika ne lelo jino. 9 Yehoba ukapanga bisaka bikatampe kabiji byakosa kufuma kwi anweba,+ mambo kafwako muntu nangwa umo wakonsheshe kwimwimena kufika ne lelo jino ne.+ 10 Muntu umo mwi anweba ukapangishanga bantu kiumbi,+ mambo Yehoba Lesa wenu ubena kwimulwilako,+ byonkatu byo emulayile.+ 11 Onkao mambo, kimye kyonse+ saka muteshako muchima* kutemwa Yehoba Lesa wenu.+ 12 \"Bino umvwe mukabwele munyuma ne kukakachila ku bino bisaka byashala+ mwi anweba ne kusongozhanya+ nabyo ne kupwanañana nabyo, ne abyo bikobenga kintutu kimo kwi anweba, 13 mwafwainwa kuyuka'mba Yehoba Lesa wenu kechi ukatwajijila kwimupangilako* bino bisaka bya bantu ne.+ Bikekala kakose ne kitewa kwi anweba kabiji nobe kipumo munyuma yenu+ kabiji nobe miba mu meso enu, posotu ne byo mukavila mu kino kyalo kyawama Yehoba Lesa wenu kyo emupa. 14 \"Pano talai! Amiwa njitu pepi kufwa,* kabiji mwayukishatu bulongo na michima yenu yonse ne na myeo* yenu yonse amba kafwako kintu nangwa kimo kya mu milaye yawama kimulayile Yehoba Lesa wenu kyabula kufika ne. Bintu byonse byafika kwi anweba. Kafwako nangwa kimo kyabula kufika ne.+ 15 Bino byonkatu milaye yawama Yehoba Lesa wenu yo emulayile byo yafika pe anweba,+ Yehoba byo byo akemuletela ne bya malwa byonse byo alayile* ne kwimonauna mu kino kyalo kyawama Yehoba Lesa wenu kyo emupa.+ 16 Inge mukazhilulule lulayañano lwa Yehoba Lesa wenu lo emukambizhe kulama, kabiji inge mukaye na kwingijila balesa bangi ne kwibafukamina, bukaji bwa Yehoba bukeya pe anweba+ kabiji mukavila bukiji mu kino kyalo kyawama kyo emupa.\"+\nTubyambo twa munshi\n^ Ko kuba'mba, ku Meditelanya.\n^ Nangwa'mba \"kwatalañana na kuzhikila juba.\"\n^ Nangwa'mba \"kwibangata.\"\n^ Nangwa'mba \"Saka mulama myeo yenu bulongo ne.\"\n^ Nangwa'mba \"kwangata.\"\n^ Mu Kihebelu, \"Amiwa mbena kuya lelo mu jishinda jiyamo bantu bonse pano pa ntanda.\"\n^ Nangwa'mba \"ne byambo byonse byatama.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/yoshua\/23\/","date":"2018-04-24T05:41:36Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946564.73\/warc\/CC-MAIN-20180424041828-20180424061828-00265.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":479,"character_repetition_ratio":0.088,"word_repetition_ratio":0.0,"special_characters_ratio":0.199,"stopwords_ratio":0.271,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mu lwelele muji mwela utelwa mu Kizungu amba Carbon. Buku wa kuba'mba Nature's Building Blocks waamba'mba: \"Uno Carbon wingila mwingilo mukatampe bingi ukwasha bantu ne bilengwa kwikala byumi.\" Ku uno Carbon kufuma bintu byapusana pusana bingi, mambo wapeela kuvwangakanya na bintu bikwabo.\nByonka byo tusakumona, carbon inge wavwangakana na carbon mukwabo, mufuma mabwe ne bintu bikwabotu, bimo bimweka nobe machenyi, tumbalaminwe, malata, ne bikwabo nobe mipaipi. Kine, carbon ke jibwe ja kukumya bingi!\nJIBWE JA DIAMOND\nTumabwe twa carbon tubula kumweka na meso, tulamankana ne kulenga mabwe aji na mbaji ina, kabiji kuno ko kufuma jibwe ja diamond. Pa kulamankana, tuno tumabwe tukwatankana na mabwe akwabo mu mbaji yonse ina. Kino kyo kilengela jibwe ja diamond kukosa kukila mabwe onse.\nJIBWE JA GRAPHITE\nJino jibwe jilengwa inge tumaselo twa Carbon twalamankana. Bino na mambo a kuba kechi tukwatankana bulongo ne, jibwe jifumako kechi jakosa ne, kabiji jatezhima. Ku jino jibwe ko ko balenga tumichima twa mapensulu. *\nJIBWE JA GRAPHENE\nTumaselo twa Carbon tulamankana ne kulenga jibwe jiji na mbaji itanu na imo, imweka nobe kilele kya buki. Jibwe ja graphene jakosa bingi. Mu tumichima twa mapensulu mwikala tumaselo twa graphene twavula.\nMASELO ATELWA'MBA FULLERENES\nTuno ke tumaselo twa carbon. Tumo tumweka nobe mpila, tukwabo nobe mipaipi ya mema. Ke tuntu tucheche bingi kya kuba muntu kechi wakonsha kwitumona na meso ne.\nBILENGWA BYUMI\nMu mibiji ya bantu, ya banyama, ne mu bijimwa mutanwa tumaselo twa carbon tukwasha maselo akwabo kwingila bulongo. Tuno tumaselo tutaanwa mu kajo kamo ko tuja.\n\"Byubilo [bya Lesa] bibula kumweka byamweka patoka . . . mambo bimwekela mu bintu byo alenga.\"—Loma 1:20.\n^ jifu. 7 Monai mutwe wa kuba'mba \"Does Anyone Have a Pencil?\" mu Labainga! wa Kizungu wa July 2007.","id":"","dump":"CC-MAIN-2018-22","url":"https:\/\/www.jw.org\/kqn\/mabuku\/magazini\/labainga-na5-2016-october\/carbon-jishinda-kukumya\/","date":"2018-05-26T18:56:18Z","file_path":"s3:\/\/commoncrawl\/crawl-data\/CC-MAIN-2018-22\/segments\/1526794867841.63\/warc\/CC-MAIN-20180526170654-20180526190654-00606.warc.gz","language":"kqn","language_score":0.9999420643,"language_script":"Latn","minhash_cluster_size":1,"top_langs":"{\"kqn_Latn_score\": 0.9999420642852783}","num_words":278,"character_repetition_ratio":0.056,"word_repetition_ratio":0.0,"special_characters_ratio":0.196,"stopwords_ratio":0.183,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA—KYA KUFUNDAMO Nkubomukata 2015\nMu kino kyamba muji mitwe ya kufundamo kufuma pa 6 April kufika pa 3 May 2015.\nBuku wa katataka uji na mutwe wa kuba'mba, \"The Bible The Gospel According to Matthew\" walupwilwe mu Japan. Ñanyi bintu bijimo? Mambo ka o bamunengezhejile?\nPetelo mutanshi 2:21 witutundaika kulondela mu ngayo ya kwa Yesu. Nangwa kya kuba twi bambulwa kulumbuluka, twakonsha kulondela byepi kwipelula ne kifyele kya kwa Yesu?\nKupichila mu bintu byanembwa mu Baibolo tuyuka Yesu byo aji. Monai byo twakonsha kulondela bulongo mu ngayo yanji pa kulondela kuchinchika kwanji ne milangwe.\nTwayuka'mba mwingilo wa kusapwila mambo awama ye mwingilo wanema ye twakonsha kwingila lelo jino. Twakonsha kutwajijila byepi kubaisha mukoyo wetu mu mwingilo wa bwina Kilishitu\nBena Kilishitu batanshi basapwijile byepi bulongo mambo awama? Ñanyi bintu byalengejile mwingilo wa kusapwila kupela mu myaka kitota kitanshi kukila bimye bikwabo mwapita bwikalo bwa bantu?\nÑanyi bintu byaubiwa mu ano moba byakwasha bakalume ba Yehoba kusapwila bulongo mambo awama ntanda yonse?\nÑanyi kintu kyafwainwa kubiwa pa kukwasha balongo ne banyenga bakolwa na mambo a bya kwisansa binunka bulongo? Ñanyi kimye musapwishi wa mukazhi wa Bufumu kyo afwainwa kuvwala kintu ku mutwe?\nKUFUMA MU BUTALA BWETU\nZion's Watch Tower watelele kimye kya Kivuluko kya lufu lwa Kilishitu amba ke \"kimye kyanema bingi\" ne kutundaika batanga kwikivulukanga. Bavulukanga byepi kivuluko mu moba atanshi?","id":"","dump":"CC-MAIN-2018-26","url":"https:\/\/www.jw.org\/kqn\/mabuku\/magazini\/w20150215\/","date":"2018-06-21T01:56:29Z","file_path":"s3:\/\/commoncrawl\/crawl-data\/CC-MAIN-2018-26\/segments\/1529267863980.55\/warc\/CC-MAIN-20180621001211-20180621021211-00117.warc.gz","language":"kqn","language_score":1.0000097752,"language_script":"Latn","minhash_cluster_size":2,"top_langs":"{\"kqn_Latn_score\": 1.0000097751617432}","num_words":218,"character_repetition_ratio":0.072,"word_repetition_ratio":0.0,"special_characters_ratio":0.177,"stopwords_ratio":0.206,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Bakamonyi ba kwa Yehoba batanga ne kufunda byambo biji mu ma Baibolo apusana pusana. Nangwa byonkabyo, banemeka bingi Baibolo wa Binembelo bya Ntanda Ipya mambo muji jizhina ja Lesa, bamutuntulula bulongo kabiji wapela kumvwa.\nJizhina ja Lesa jiji monka. Banembi ba ma Baibolo bamo kechi banemeka mwine nembi ne. Mu Baibolo umo batongola mazhina a bantu 70 baingijileko pa kuba'mba atuntululwe. Pano bino, bashapo jizhina ja mwine wanembele Baibolo aye Yehoba Lesa!\nBino mu Baibolo wa Binembelo bya Ntanda Ipya jizhina ja Lesa bejinemba ponse po jiji byonkatu biji mu mulaka mutanshi kunembelamo Baibolo. Bino mazhina a bene batuntulwile kechi beanembamo ne.\nWatuntululwa bingi bulongo. Kechi bonse batuntulula bulongo byambo byonka byo biji mu mulaka mutanshi ye banembejilemo Baibolo ne. Mu Baibolo umo Mateo 7:13 bamutuntulula amba: \"Twelai pa kibelo kyakepa, mambo kibelo kya kutwelelapo kuya ku helo kyabaya kabiji jishinda japela kwendamo kuya konka.\" Bino mu mwine mulaka mutanshi baingijisha \"lonaiko\" kechi \"helo\" ne. Kampe bantuntuluzhi baingijishe kyambo kya kuba'mba, \"helo\" mambo baitabijile'mba babi bakebamanyikanga myaka ne myaka mu mujilo wa helo. Bino Baibolo kechi waambapo amba byo byo kikekala ne. Onkao mambo, kino kyepelo bekituntulula bingi bulongo mu Baibolo wa Binembelo bya Ntanda Ipya bya Kingiliki bya Bwina Kilishitu. Batuntulula'mba: \"Twelai pa kibelo kyakepa, mambo kibelo kyabaya ne jishinda jabaya bitwala ku lonaiko.\"\n—Mateo 7:13.\nWapela kumvwa. Baibolo bafwainwa kumutuntulula bulongo kabiji wafwainwa kupela kumumvwa. Monai byambo byaingijisha mutumwa Paulo mu Loma 12:11. Inge kulondela kyambo pa kyambo waamba'mba, \"muchima wa lupata.\" Na mambo a kuba'mba bino byambo byakatazha kwibyumvwa mu Kikaonde, Baibolo wa Binembelo bya Ntanda Ipya bya Kingiliki bya Bwina Kilishitu mo atuntulwilwa mwapela kumvwa. Wabula bena Kilishitu amba \"mupashi wazhila emulengele kwikala bamukoyo.\"\nMu Baibolo wa Binembelo bya Ntanda Ipya muji jizhina ja Lesa, bamutuntulula bingi bulongo kabiji wapela kumvwa. Kabiji uno Baibolo kechi wa kupotesha ne, wa kusampanya ku bantu. Kino kyalengela bantu bavula kutanga Baibolo mu mulaka wabo, nangwatu boba babula mali a kupota wa kyabo kyabo.","id":"","dump":"CC-MAIN-2018-39","url":"https:\/\/www.jw.org\/kqn\/Bya-Kuyuka-pa-Bakamonyi-ba-kwa-Yehoba\/faq\/jw-baibolo-nwt\/","date":"2018-09-26T14:30:25Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267165261.94\/warc\/CC-MAIN-20180926140948-20180926161348-00375.warc.gz","language":"kqn","language_score":1.0000100136,"language_script":"Latn","minhash_cluster_size":2,"top_langs":"{\"kqn_Latn_score\": 1.0000100135803223}","num_words":320,"character_repetition_ratio":0.092,"word_repetition_ratio":0.013,"special_characters_ratio":0.181,"stopwords_ratio":0.244,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Yehoba Lesa wituyuka bulongo kabiji kechi witukebela bintu byo twakonsha kunkakalwa ne. Kwi Lesa, bulunda na balongo ne banyenga ke kintu kyanema bingi mu bupopweshi bwa kine. Umvwe tukeba Yehoba kuswa milambo yetu, twafwainwa kutemwa ne kupanga mushingi balongo ne banyenga.\nMusakutemwa kutanga uno mutwe mu %% nyi?\nÑanyi Kintu Yehoba kyo Abena Kukeba'mba Tubenga?","id":"","dump":"CC-MAIN-2018-39","url":"https:\/\/www.jw.org\/kqn\/mabuku\/jw-Mutanchi-wa-Kupwila\/november-2017-mwb\/mutanchi-wa-kupwila-nov20-26\/%C3%B1anyi-kintu-yehoba-kyo-abena-kukebamba-tubenga\/","date":"2018-09-25T15:45:53Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267161661.80\/warc\/CC-MAIN-20180925143000-20180925163400-00281.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":54,"character_repetition_ratio":0.062,"word_repetition_ratio":0.0,"special_characters_ratio":0.175,"stopwords_ratio":0.278,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA—KYA KUFUNDAMO Kapande 2017\nMu kino kyamba muji mitwe ya kufunda kutendeka 25 December, 2017 kufika pa 28 January, 2018.\nUmvwe mumvwa bumvu kwimba pa kupwila, mwakonsha kushinda byepi uno moyo ne kwimba nyimbo ya kutota Yehoba?\nLunengezho lwa mizhi ya kufyamamo lwajingako kala mu Isalela lwitufunjishapo ka pe Lesa byo etulekelako mambo?\nMizhi ya kufyamamo imwesha byepi amba Yehoba uji na lusa? Itufunjishapo ka pe Lesa byo amona bumi? Imwesha byepi bunchibamambo bwanji bwaoloka?\nTwakonsha kwingijisha kimye kyetu ne bulume bwetu kutundaika mwingilo wa kusapwila pa Bufumu.\nAtweba bonse twafwainwa kwibikako pa kuba'mba tukane ndangulukilo ya pano pa ntanda. Akimonai bintu bitanu byamba bantu bimwesha ndangulukilo ya pano pa ntanda.\nMutumwa Paulo wavulwilemo bena Kilishitu bakwabo pa mapesho awama aji kulutwe, kepo ebajimwineko pa bintu byo bafwainwe kuchinuzhuka.\nUmvwe mwavilukila mu kipwilo kwikwabo, kyakonsha kwimukatazha kukasuluka. Mwakonsha kukwatankana byepi na balongo bo mwataana?","id":"","dump":"CC-MAIN-2018-39","url":"https:\/\/www.jw.org\/kqn\/mabuku\/magazini\/kyamba-kya-usopa-kufundamo-november-2017\/","date":"2018-09-23T15:54:23Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159561.37\/warc\/CC-MAIN-20180923153915-20180923174315-00093.warc.gz","language":"kqn","language_score":1.0000098944,"language_script":"Latn","minhash_cluster_size":2,"top_langs":"{\"kqn_Latn_score\": 1.0000098943710327}","num_words":141,"character_repetition_ratio":0.061,"word_repetition_ratio":0.0,"special_characters_ratio":0.178,"stopwords_ratio":0.184,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Bano bambili pa kunyema, mikono yabo yuba bingi kyongo. Bimenako bano bambili bana ne boba baikalapo bilengela byaamba Baibolo kumvwanyika bingi. Mbili mutanshi utoka, waikelepo wajinga mfumu wakatataka uji na munchinya. Kunyuma ya uno mbili, kwalondejilenga mbili uchila. Kabiji waikelepo wajinga na luusa lwa kufumyapo mutende pano pa ntanda. Wa busatu wajinga mbili ufita, ne waikelepo wajinga na shikelu wa kupiminako mu kuboko kwanji saka abijika pa kukepa kwa kajo mu ntanda. Mbili wa buna ke watokoloka. Waikelepo wajinga na myalo ipayañana ne Lufu. Kilende nakyo kyamulondejilenga kabiji bantu bavula bafwile bingi.—Lumwekesho 6:1-8.\nBa Crystal baambile'mba: \"Kimye kitanshi kyo natangile pa bano bambili bana, naumvwine bingi moyo. Namwenetu nobe juba ja kije jibena kwiya. Kino kyandengejile kwakamwa bingi, mambo kechi nenengezhe ne.\"\nBa Ed baambile'mba: \"Naumvwine bingi bulongo pa kutanga pa bambili bana bajinga na misombelo yapusana pusana. Byo naumvwishishe mwatala kino kimwesho, popo nayukile byo kilumbulula.\"\nNanchi mumvwa byonka byaumwinenga ba Crystal ne ba Ed pa bano bambili bana nyi? Byaamba Baibolo pa bano bambili biji mu buku wa Lumwekesho, byayukanyikwa bingi ku bantu bavula. Nanchi mwayuka kuba'mba mwakonsha kufunjilako bintu byavula inge mwaumvwisha kino kimwesho nyi? Mu ñanyi jishinda? Lesa walaya kuba'mba mukekala na lusekelo inge ke mutange ne kufunda byanembwa mu buku wa bungauzhi.—Lumwekesho 1:1-3.\nNangwa kya kuba bantu bavula bachiina bingi byaamba Baibolo pa kino kimwesho kya bambili, pano bino kechi twafwainwa kuchiina ne. Mambo bantu bavula bataana kuba'mba kino kimwesho kikosesha lwitabilo lwabo kabiji kibalengela ne kwikala na luketekelo mu bintu byawama biji kulutwe. Ne anweba mwakonsha kwikala na luno lwitabilo ne luketekelo mu bintu biji kulutwe. Mwane tangai ne mitwe ikwabo yalondelapo.","id":"","dump":"CC-MAIN-2018-43","url":"https:\/\/www.jw.org\/kqn\/mabuku\/magazini\/wp201705\/bambili-bana-ne-baikalapo\/","date":"2018-10-23T05:44:37Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583516071.83\/warc\/CC-MAIN-20181023044407-20181023065907-00441.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":266,"character_repetition_ratio":0.083,"word_repetition_ratio":0.0,"special_characters_ratio":0.176,"stopwords_ratio":0.229,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mambo Awama Afikile mu Mapunzha a Kwalepa\nMu kuya kwa moba bamishonale bafikile, pa bano bafikile pajinga mulongo Pete Paschal, ba Amos Parker ne ba Barbara, ba Richard ne ba Belva Stoddard, baingijilanga mu kyalo kya Bolivia, ne ba Jesse ne ba Lynn Cantwell bafumine ku Colombia. Bano bamishonale balengejile mwingilo kununguluka bingi bukiji. Mu 1973, mwingilo wa kusapwila wanungulukile bingi mu mataunyi a mu kyalo kya Dominican Republic, bino mambo awama kechi afikile mu mapunzha a kwalepa ne. Onkao mambo, banengezhe kuba'mba bakwashe bantu ba mu mapunzha a ku muzhi kuyuka Lesa. Byo babijikile kuba'mba kubena kukebewa bakuya na kusapwila mu mapunzha a ku muzhi, bapainiya 19 ba kimye kyonse bepaine kuya na kwingijilako. Kufuma mu December 1973 kufika mu January 1977, mabumba a bapainiya beatumanga kuya na kusapwila kwabujile kufika mwingilo wa kusapwila nangwa ko baingijilekotu pacheche uno mwingilo.\n\"Twapimpulanga mabuku na banzolo, make, ne bipangwa\"\nPainiya umo waingijileko mu uno mukwekele waambile'mba: \"Inge twatendeka mafunjisho a Baibolo na bantu ne kwibashila mabuku, twabwelanga pa juba jalondelapo ku boba bateleko muchima. Na mambo a kuba'mba bantu bavula mu kino kyalo kechi bajinga na mali ne, twapimpulanga mabuku na banzolo, make, ne bipangwa. Tumusanchila bingi Yehoba mambo kechi twalaajilepo na nzala ne.\" \"Bantu bavula kyo kyajinga kimye kitanshi kumvwapo byambo bya mu Baibolo. Bantangi ba bupopweshi bamo babulanga bantu kuba'mba Yehoba ye Diabola. Bantu bakuminye bingi byo batangile mu Baibolo binembelo nabiji kinembelo kya Salamo 83:18 kyaamba'mba: \"Anweba, yenka wa jizhina ja Yehoba, yenu bunketu Mwine Wakila pano pa ntanda ponse\"! Mu mapunzha amo bantu batangako bingi muchima kya kuba kwaikalanga ne kunengezha kupwila kwa mvula bantu.\nBamishonale Bavula Bafikile ne Musampi Washimikilwe\nBa Abigail Pérez ne bakazhi babo ba Georgina, bamishonale bafikile mu September mu 1979. Bebatumine mu mwingilo wa bukalama bwa mwanzo. Mu 1987, bapwishishe Sukulu wa Gileada abo ba Tom Dean ne ba Shirley bafikile na kunungulula mwingilo wa kusapwila. Kabiji mwingilo waendele bingi bulongo na mambo a ba mu mwingilo wa kimye kyonse bafumine mu kyalo kya Puerto Rico. Mu August 1988, ba Reiner Thompson ne ba Jeanne bebatumine kuya na kwingila mwingilo wa bumishonale mu kyalo kya Dominican Republic. Kuno ko kwajinga kwa butanu kwingijilako mu mwingilo wa bumishonale.\nMu 1989, basapwishi bafikile 11,081, kabiji kyamwekeshetu patoka kuba'mba bantu basakuvujilako bingi, mambo sawakya wamwesheshe kuba'mba bo bafunjishanga Baibolo bajinga 20,494. Na mambo a kuno kuvujilako, bintu kechi byapelele ne. Bishimikwa byajinga pa musampi mu ma 1980 byakepele kya kuba kechi bakonsheshe kwingijilapo bulongo ne, mambo bantu bavujile bingi. Ba Reiner Thompson baambile'mba: \"Pa musampi pavujile bingi bantu. Onkao mambo, kwajinga kukeba bishimikwa mwaya taunyi mwakulamina bintu ne mazubo mwakulaala.\"\nBa Reiner baambile ne kuba'mba: \"Mpunzha pa kushimikila musampi wakatataka yakatezhe bingi kutaana. Musulu umo wisambile ne atweba byo aumvwine kuba'mba tubena kukeba mpunzha. Waambile'mba ubena kukeba kupotesha mpunzha yawama bingi, bino kanatu ku Bakamonyi ba kwa Yehoba. Mu myaka ya kunyuma wajinga na kampanyi walenganga ne kusona bivwalo, kabiji munembeshi wanji ne bakwabotu ba mingilo bajinga Bakamonyi ba kwa Yehoba. Kumona mushingi ye bajinga nanji ne byo baingijile mu bukishinka pa myaka yavula kwa mutokeshe bingi ku muchima. Wabwezhezheko ne mutengo na mambo a kuba wanemekele bingi Bakamonyi ba kwa Yehoba. Ino mpunzha beipotele mu December mu 1988, kepo mpunzha ikwabo yajinga kwipi beipotele mu kuya kwa moba. Ino mpunzha yabaya kukila pa maekita atanu na asatu paji musampi ne Nzubo ya Kubuñenamo.\nBamingilo bavula bakonkakwa ne bafumine mu byalo bingi bepaine baingijile bingi mwingilo wa kushimika musampi wakatataka ne Nzubo ya Kubuñenamo. Ba mu Jibumba Jitangijila abo ba Carey Barber, ba Theodore Jaracz, ne ba Gerrit Lösch bo baishile na kupana bino bishimikwa mu November mu 1996 pa Kibelushi. Juba jalondejilepo kwajinga kupwila mu bibanza bibiji bikatampe bya mu kyokya kyalo. Kabiji bantu kukila pa 10, 000 bayile na kumona musampi wakatataka.\n'Kwabukila ku Makedonya'\nPa kulumbulula mwapita bwikalo bwa bantu ba kwa Yehoba mu Dominican Republic, kechi twakosha kubula kwambapo pa balongo ne banyenga bavula baya na kwingijila ku mapunzha kuji kukajilwa kukatampe mu kino kyalo ne. Bavula bavilukijile ku kino kyalo na ku mpelo ya mu ma 1980, na mambo a kumvwa kuba'mba bantu bajiko batako bingi muchima ku bukine, kya kuba muntu umo wakonsha kwikala na mafunjisho a Baibolo avula bingi. Kyajingatu nobe babena 'kwabukila ku Makedonya.' (Byu. 16:9) Aba bavilukijileko babulanga bakwabo lusekelo lo baikalanga nalo pa kwingila mwingilo wa kunowa mu Dominican Republic. Kino kyalengejile bavula kuvilukila mu kino kyalo ma 1990.\nBamo pa bano bayile na kwingijilako ke ba Stevan Norager ne ba Miriam bafumine ku Denmark. Baingijila mu kyalo kya Dominican Republic kufuma mu mwaka wa 2001. Uno mwaka saka akyangye kufika, ba Miriam baingijile mu kino kyalo pa mwaka umo ne kichika na bakolojabo babakazhi. Pano ki ka kyalengejile bano balume ne bakazhi kuya na kwingijila mu kyalo kingi muji kisho ne mulaka ungi? Ba Miriam baambile'mba: \"Bonse betukomeshe ku bansemi batemwa Lesa bajinga bapainiya beikajila byo bajinga banyike, kabiji batendekele kwingila bupainiya baana babo byo bakomene. Bansemi betundaikanga bingi kwingijila Yehoba na muchima yense mu mwingilo wa kimye kyonse.\"\nBa Stevan ne ba Miriam baikele bapainiya beikajila mu 2006, kabiji bakwasha bantu bavula bingi kuyuka bukine. Ba Stevan baambile'mba: \"Twamwenamo byavula bingi. Nangwa kya kuba tupita mu makatazho ne mu misongo, bino, kechi byakila byawama byo twamona mu bwikalo bwetu, ne lusekelo lwiya na mambo a kukwasha bantu bakishinka kuyuka ne kutemwa Yehoba ne. Kabiji tuji na balunda betutemwa bavula bingi. Kwingijila mu kyalo kya Dominican Republic kwitufunjisha kwipelula ne kutekanya. Kabiji kwikala bwikalo bwapela kwakosesha lwitabilo lwetu ne kwitulengela kuketekela mwi Yehoba na muchima yense.\"\nBa Jennifer Joy ke banyenga bamo pa banyenga bavula babula kusongolwa babena kusapwila mu kyalo kya Dominican Republic. Mu 1992, ba Jennifer byo bayile na kupempula ba Edith White, bainabo ba bakulumpe baingila mu mwingilo wa bumishonale pa myaka yavula, popo bemwenejile bintu byawama bifuma mu mwingilo wa kusapwila. Kabiji bamwene ne banyenga bafumine mu byalo bingi baingijilenga kwajinga \"kukajilwa kukatampe.\" Ba Jennifer baambile'mba: \"Najinga bingi na bumvu kabiji kechi neketekejile ne. Bino nalangulukile kuba'mba, 'Inge bakwetu bakonsha kuba bino, ne amiwa nakonsha.'\"\nBa Jennifer balangulukilengatu kwikalako mwaka umo, bino baingila myaka kukila pa 20 mu Dominican Republic. Bakwasha bavula bo bafunjishanga Baibolo kwikala bapopweshi ba Yehoba. Ba Jennifer baingilako ne mu mwingilo wa kunungulula mwingilo wa kusapwila mu mulaka wa kwamba na maboko kabiji bakwashako ne kunengezha masukulu a kufunjisha bakwabo uno mulaka.\n'Yehoba wandama kufika ne buji lelo. Onkao mambo, kwa kubula nangwa kuzhinaukatu ne, ukandama ne mwaka wiya'\nPano ba Jennifer bamwena mu ka bya mu bwikalo? Baambile'mba: \"Ngya ku Canada na kwingila pa mwaka pa mwaka pa bañondo bacheche. Pa myaka yavula yapitapo, naingila nkito yapusana pusana nabiji kulenga mafilimu a kubika mu makamela, kukopa bipikichala, kupenta mazubo, kulenga malaichi a ku myotoka, ne makapeti a mu mazubo. Kabiji naingijilepo ne mwingilo wa kulumbulwila bakañenda mapunzha, mwingilo wa kwibakwasha mu bya ñendelo, wa kufunjisha Kizungu, ne buntuntuluzhi.\" Ba Jennifer besakanya bwikalo bwabo ku byaikalanga bena Isalela bakala mu kiselebwa. Baambile'mba: \"Bamwenanga bumi mu byambo bifuma mu kanwa ka Yehoba. Byambo byanji byajinga bya kuba'mba ukebalama, ne kya kine wibalamine. Baikalanga na bya kuja pa juba pa juba, kabiji bivwalo byabo ne makwabilo abo kechi afwanga ne. (Mpitu. 8:\nBasapwishi baji na muchima wa kwipana kukila pa 1,000 baya ku kino kyalo kufuma ku byalo byapusana pusana nabiji ku Austria, ku Japan, ku Poland, ku Puerto Rico, ku Russia, ku Spain, ku Sweden, ku Taiwan, ne ku United States. Bano baya na kwingijila kuji kukajilwa kukatampe bafuma mu byalo kukila pa 30 bakwatankana mu bipwilo bingijisha Mulaka wa Kwamba na Maboko wa Kina America (ASL), Kichainizi, Kizungu, Haitian Creole, Kiitalyani, Kilashani ne kipwilo kya Kisipanishi. Nabo bamba byonka byaambile mutumwa Petelo amba: \"Talai! Twasha bintu byonse ne kwimulondela.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/buku-wa-mwaka-wa-2015\/history\/basapwishi-bavula-babena-kukebewa\/","date":"2018-04-23T01:49:29Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945669.54\/warc\/CC-MAIN-20180423011954-20180423031954-00310.warc.gz","language":"kqn","language_score":1.000009656,"language_script":"Latn","minhash_cluster_size":1,"top_langs":"{\"kqn_Latn_score\": 1.0000096559524536}","num_words":1257,"character_repetition_ratio":0.067,"word_repetition_ratio":0.0,"special_characters_ratio":0.187,"stopwords_ratio":0.314,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Nanchi bena Isalela kala balondelanga mafunde a mu Mizhilo ya Mosesa pa kuchiba mambo a pa juba pa juba nyi?\nBIMYE bimo, byo byo baubanga. Akilangulukai pa jifunde jiji pa Mpitulukilo ya mu Mizhilo 24:14, 15 paamba'mba: \"Kechi mwafwainwa kwingijisha bujimuku pa kufweta wa mwingilo wenu wakajilwa kabiji muyanji, nangwa mulongo wenu nangwa muntu wafuma ku kyalo kingi wikala mu kyalo kyenu [ne]. . . . Aye ukemujijila kwi Yehoba, ne anweba mukekala na mambo.\"\nBashayuka bataaine kiyiinga kya mulondo panembelwe byambo bya kusashijila kitumbafumu amba akwashe wa mwingilo. Kino kiyiinga bekitaaine kwipi na muzhi wa Ashadoda, kabiji kyajinga kya kala kene, mwaka wa 600 B.C.E. saka akyangye kufika. Kyamweka wanembelepo byambo ke wa mwingilo waingilanga mu bujimi wakankelwe kufikizha kikonkwanyi kyo bamupele kya kunowa. Wanembelepo'mba: \"Amiwa wa mwingilo wenu byo napwishishe kulonga mu butala kajo ko nanowene moba acheche apitapo, Hoshayahu mwana Shobaya waishile ne kuñangata kivwalo kyami. . . . Bakwetu bonse mo twanowejilenga mu mute wazonga basakuswisha . . . kuba'mba naamba kine. Kafwako mambo o nalengele ne. . . . Umvwe anweba kitumbafumu mwamona'mba kechi mwingilo wenu wa kuntambwilako kivwalo kyami ne, nalomba namba munkwashekotu na mambo a kungubila lusa. Kange mutalepotu wa mwingilo wenu saka bamwangata kivwalo kyanji ne.\"\nNembi, aye Simon Schama waambile'mba uno musashijilo \"ubena kwitufunjisha pa wa mwingilo wakajilwe walombelenga'mba bamubwezhezhe kivwalo kyanji. Bino kechi wapelelatu ponkapo ne. Wamwesha ne kuba'mba uno wa mwingilo wayukilepo bimo pa mizhilo ya mu Baibolo, kikatakata mukambizho uji mu buku wa Bena Levi ne Mpitulukilo ya mu Mizhilo wakanyanga bantu kumanyika bayanji.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/kyamba-kya-usopa-kufundamo-january-2018\/mizhilo-ya-mosesa\/","date":"2018-04-20T21:18:03Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125944682.35\/warc\/CC-MAIN-20180420194306-20180420214306-00621.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":241,"character_repetition_ratio":0.074,"word_repetition_ratio":0.0,"special_characters_ratio":0.188,"stopwords_ratio":0.253,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"JIBUMBA JA YEHOBA byo jibena kuya na kukomenakotu, Mazubo a Bufumu, Mazubo a Kubuñenamo, bishimikwa bya kufunjilamo masukulu a Lesa, maofweshi a bantuntuluzhi, ne bishimikwa bya pa musampi bibena kukebewa bingi mu mapunzha avula. Onkao mambo, kutendeka mu October mu 2013, Jibumba Jitangijila jalengela dipatimenti yakatataka pa kuba'mba uno mwingilo wa kulenga bishimikwa pa bipepala, kushimika ne kuwamisha bishimikwa endenga bulongo kwa kubula kutaya mali avula. Ino dipatimenti ya katataka itelwa'mba Dipatimenti ya Buntungi ya Ntanda Yonse yaikela pa ofweshi mukatampe wa ntanda yonse ku Brooklyn, mu New York. Ino dipatimenti itangijilwa na Kavoto ka Kusampanya ka Jibumba Jitangijila.\nDipatimenti ya Buntungi ya Ntanda Yonse itangijila Dipatimenti ya Buntungi ya Mpunzha iji pa maofweshi misampi, ku Australia, ku Germany, ku South Africa, ne mu United States. Ano madipatimenti o atangijila mwingilo wa kulenga bishimikwa pa bipepala, kushimika ne kuwamisha bishimikwa mu ano mapunzha apusana pusana. Mwingilo wabo ke wa kumona kuba'mba Mazubo a Bufumu avula ashimikwa. Kunyuma kwe Mazubo a Bufumu beashimikanga na lutangijilo lwa Kavoto ka Bantungi ba Mpunzha nangwa na lunengezho lwa kushimika mu byalo biyanji. Luno lunengezho lonse lubiji beluvwanga pamo na mulanguluko wa kulengela mwingilo wa kushimika kwenda bukiji.\nPa kutangijila mwingilo wa kushimika Mazubo a Bufumu ne Mazubo a Kubuñenamo abena kukebewa bingi mu ano moba, Dapatimenti ya Buntungi ya Kyalo yalengelwe pa misampi yonse. Ino dipatimenti ituma sawakya ku Kavoto ka Musampi ka mu kyokyo kyalo. Kintu kimo kyawama bingi pa ino dipatimenti ke kya kuba'mba bakeba abo bene balongo bakushimika Mazubo a Bufumu ne Mazubo a Kubuñenamo.\nMu April mu 2014 bashimikilenga mu mapunzha apusana pusana 270, kubikapo ne maofweshi a bantuntuluzhi 90 ne mazubo a kubuñenamo 35 ne bishimikwa bya pa misampi 130. Kabiji kubena kukebewa kushimika ne kuwamisha Mazubo a Bufumu kukila pa 14,000.\nKikosesha bingi lwitabilo pa kumona Yehoba byo abena kukwatankanya bantu ba mu byalo byapusana pusana, bafuma mu bisho ne milaka yapusana pusana babena kushimika bishimikwa bitumbijika ne kupana lukumo ku jizhina janji jazhila. Mulongo Dan Molchan wingijila pa ofweshi mukatampe wa ntanda yonse mu Kavoto Katala pa ba Mwingilo wa Kimye Kyonse waambile'mba: \"Tuji na mwingilo wabaya bingi. Onkao mambo, tubena kusanchila balongo ne banyenga pa milombelo yabo ne bupe bo bapana bwakukwasha uno mwingilo. Kabiji kechi tulubako kusanchila balongo ne banyenga bepana na muchima yense kwingilako uno mwingilo wa kushimika ne.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/buku-wa-mwaka-wa-2015\/byamwekele\/dipatimenti-buntungi\/","date":"2018-04-22T07:22:11Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945497.22\/warc\/CC-MAIN-20180422061121-20180422081121-00460.warc.gz","language":"kqn","language_score":1.0000091791,"language_script":"Latn","minhash_cluster_size":1,"top_langs":"{\"kqn_Latn_score\": 1.0000091791152954}","num_words":378,"character_repetition_ratio":0.097,"word_repetition_ratio":0.005,"special_characters_ratio":0.175,"stopwords_ratio":0.257,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"\"Twaumvwine bingi bulongo pa butemwe bobe tumwesheshe.\" Abino byo byaambile mwanamukazhi mwina Ukraine watelekele ku nkalata yanema bingi ba Stephen Lett ba mu Jibumba Jitangijila ja Bakamonyi ba kwa Yehoba yo batangile. Wajinga pa Bakamonyi 165,000 batelekelenga kuba Lett byo baishile na kufwakesha kino kyalo pa 10 kufika pa 11 mu May, 2014.\nNkalata yo batangile ne majashi o baambile be atuntulwile mu milaka itanu kabiji bipwilo kukila pa 1,100 bya mu Ukraine batelekelenga ku ano majashi.\nPa ano onka moba kumpelo ya mulungu, ba Mark Sanderson ba mu Jibumba Jitangijila batangile nkalata balongo bonse ba mu Russia. Uno mutanchi watuntulwilwe mu milaka 14 kibiji balongo ne banyenga 180,413 mu bipwilo kukila pa 2,500 mu Belaru ne mu Russia batelekelenga ku uno mutanchi.\nIno nkalata yafumine ku Jibumba Jitangijila beitangile ku bipwilo byonse bya mu Russia ne mu Ukraine. Mulongo Sanderson watangile ino nkalata mu mulaka wa Kilashani. Kino kyalengejile Musapi wa mu Russia kunemba'mba: \"Balongo ne banyenga baumvwine bingi bulongo kumona kuba'mba Jibumba Jitangijila jibata bingi muchima. Atweba bonse twaumvwinetu nobe betupakachilamo ku Jibumba Jitangijila.\"\nIno nkalata yajinga ya kutekenesha ne kukosesha Bakamonyi bajinga mu kino kyalo mwajinga malwañano a bya bu mulwila ntanda. Yatundaikile balongo kutwajijila kubula kwikala \"ba pano pa ntanda\" kupichila mu kubula kwimvwanga mu bya bu mulwila ntanda.—Yoano 17:16.\nKumpelo ya uno mutanchi, Jibumba Jitangijila jatundaikile Bakamonyi kukosesha bulunda bwabo ne Yehoba kupichila mu kulomba, kufunda ne kulanguluka pa byaamba Mambo a Lesa. Bonse mu luonde bebavulwilemo kuba'mba nangwa kyakuba musakutwajijila kupita mu meseko mwafwainwa kuketekela mu mulaye wazhila uji mu Isaya 54:17 wa kuba'mba: \"Kafwako kyela nangwa kimo kyo bakabunda kya kukulwishako kikengila ne.\"\nPakupwisha kutanga ino nkalata, ba mu Jibumba Jitangijila bapezhezheko na byambo bya kuba'mba: \"Twimutemwa bingi. Kabiji shiinwai kuba'mba kimye kyonse twimulangulukapo bingi kabiji twimusashijilako mu milombelo kwi Yehoba.\"\nOfweshi wa musampi wa mu Ukraine wanembele pa kuno kufwakasha'mba: \"Balongo ne Banyenga kibasangajikile bingi pa Butemwe bo bebamwesheshe ne kwibata muchima ko babujilepotu ne kuketekela kufuma ku Jibumba Jitangijila. Kwitufwakashisha ku Mulongo Lett ne Mulongo Sanderson mu Ukraine ne mu Russia pa ano moba abiji, kwamwesheshe bantu ba Lesa byo bakwatankana kabiji kwakwasha balongo kuyuka kuba'mba Yehoba ne Yesu bebata bingi muchima. Atweba bonse twaswa kuba'mba betufwakashijile pa kimye kyafwainwa kabiji twatundaikwa kutwajijila kwingijila Yehoba nangwa tubena kupita mu bya malwa.\"","id":"","dump":"CC-MAIN-2018-17","url":"https:\/\/www.jw.org\/kqn\/Bya-Kuyuka-pa-Bakamonyi-ba-kwa-Yehoba\/mwingilo\/mitanchi-ikwabo\/jibumba-jitangijila-jibena-kutundaika-bakamonyi\/","date":"2018-04-23T08:24:30Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945855.61\/warc\/CC-MAIN-20180423070455-20180423090455-00498.warc.gz","language":"kqn","language_score":1.000009656,"language_script":"Latn","minhash_cluster_size":1,"top_langs":"{\"kqn_Latn_score\": 1.0000096559524536}","num_words":370,"character_repetition_ratio":0.081,"word_repetition_ratio":0.0,"special_characters_ratio":0.179,"stopwords_ratio":0.27,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BYO KILUMBULULA\nKuyuka byo uji kwanema bingi kukila jizhina jobe ne byo umweka. Kino kyavwangamo kuyuka byubilo byobe, byo waitabilamo ne byo uji. Kabiji kwavwangamo ne byo ulanguluka ne bintu byo watemwa kuba.\nENE MAMBO O KYANEMENA\nInge wayuka bulongo byo uji, kikakulengela kutwajijila kwikala na byubilo byawama, kabiji bakwenu kechi bakakukanjikizhanga kuba bintu byatama ne.\nAdrian waambile'mba: \"Bantu bavula baji nobe bilubi byo batanchika mu mashitolo. Kechi basala bya kuvwala byo bafwainwa kuvwala ne, bino bakwabo bo bebasajilako.\"\nCourtney waambile'mba: \"Luno ntokesha Lesa ku muchima nangwa mbena kupita mu makatazho. Byuba bantu bo nesamba nabo byo bindengela kuyuka'mba balunda nami ba kine.\"\nJIFUNDE JA MU BAIBOLO: \"Kilekai kulondela bintu bya buno bwikalo, bino mwalulukenga kupichila mu kupimpulanga milanguluko yenu.\"—Loma 12:2.\nBYO WAKONSHA KUBA\nYuka byubilo byo uji nabyo ne byo ukeba kwikala nabyo kulutwe. Ukoba bino inge wayuka bintu byo uba bulongo, byo ubula kuba bulongo ne byo waitabilamo. Iipuzhe mepuzho alondelapo pa kuba'mba uyuke byo uji.\nBintu byo uba bulongo: Ñanyi mingilo yo nayuka? Ñanyi bintu byo nguba bulongo? (Wakonsha kwiipuzha'mba: Nanchi nkelwa ku mingilo inyi? Nanchi nekanya nyi? Ngingila na ngovu nyi? Nanchi nji na muchima wa bumpanyi nyi?) Ñanyi bintu byawama byo nguba?\nBYA KUBA: Nanchi kikukatazha kuyuka bintu byo uba bulongo nyi? Ipuzha bansemi bobe nangwa mulunda nobe ye waketekela bingi akubuuleko bintu byo uba bulongo ne byo ubula kuba bulongo. Kabiji mwipuzhe ene mambo o aambila byobyo.\nJIFUNDE JA MU BAIBOLO: \"Muntu yense apime byubilo byanji, ne kwitotela mu bintu byanji mwine, kechi kwiesakanya ku muntu mukwabo ne.\"—Ngalatiya 6:4.\nBintu byo ubula kuba bulongo: Ñanyi bintu byo nafwainwa kwingijilapo mu bwikalo bwami? Ñanyi kimye kyo ngesekwa kuba bintu byatama? Mu ñanyi bintu kikatakata mo nafwainwa kwikala na kyubilo kya kwipelula?\nJIFUNDE JA MU BAIBOLO: \"Umvwe twaamba'mba, 'Bundengamambo tufwabo,' ko kuba'mba tubena kwijimbaika atwe bene.\"—1 Yoano 1:8.\nByo waitabilamo: Ñanyi mafunde o ndondela mu bwikalo bwami kabiji mambo ka? Nanchi naitabila mwi Lesa nyi? Ñanyi bishinka bindengela kushiinwa'mba Lesa koaji? Ñanyi byubilo byo mmona kuba'mba byatama kabiji mambo ka? Ñanyi bintu byo naketekela'mba bikamweka kulutwe na lwendo?\nJIFUNDE JA MU BAIBOLO: \"Maana a kupima bintu akakulamanga, ne milangwe ikakuzhikijilanga.\"—Byambo bya Maana 2:11.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/labainga-na2-2018-jul-aug\/bintu-bilengela-bisemi-kwikala-bulongo-kwiyuka-byo-uji\/","date":"2018-04-21T12:42:25Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945143.71\/warc\/CC-MAIN-20180421110245-20180421130245-00218.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":353,"character_repetition_ratio":0.084,"word_repetition_ratio":0.0,"special_characters_ratio":0.19,"stopwords_ratio":0.229,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Uno ke mwisambo Kamonyi wa Yehoba ye akonsha kwisamba na bantu. Twayai tufwanyikizhe kuba'mba Kamonyi wa jizhina ja Kefasa wabwela pa nzubo ya mwanamulume wa jizhina ja Joni.\nKUPITULUKAMO PACHECHE MU KILOTO KYA KWA NEBUKANEZA\nKefasa: Kyawama pa kumonañana jikwabo, ba Joni. Ñumvwa bingi bulongo pa misambo ya mu Baibolo yo twisamba pa mulungu pa mulungu. * Mwaikala byepi kuno kuntu?\nJoni: Bulongotu mwane.\nKefasa: Kyawama kyo. Mwisambo wapeleleko, twaambilenga pa ene mambo Bakamonyi ba kwa Yehoba o bambila'mba Bufumu bwa Lesa bwatendekele kulama mu 1914. * Byonka byo twisambile, twataine bishinka mu bungauzhi buji mu kitango 4 mu buku wa mu Baibolo wa Danyela. Nanchi mukivuluka byanembwamo nyi?\nJoni: Ke kiloto kya Mfumu Nebukaneza kyaamba pa kichi kikatampe.\nKefasa: Mwafikilapotu. Mu kiloto kyalotele Nebukaneza wamwene kichi kikatampe kyafikile ne mwiulu. Waumvwine jiwi kufuma ku muluwe wa Lesa amba bateme kino kichi, kabiji kishiki ne mizhazhi bishale mu mushiji. Panyuma ya kupitapo \"bimye bitanu na bibiji,\" kino kichi kikasapuka jibiji. * Twisambile ne pa ene mambo buno bungauzhi kyo bwaikela na kufika kwa mbaji ibiji. Nanchi mukivuluka kufika kutanshi kwa buno bungauzhi nyi?\nJoni: Bwafikile kwi Nebukaneza patanshi, ke ibyo nyi? Kabiji wakonyenye pa myaka itanu na ibiji.\nKefasa: Ibyo byo mwaamba. Nebukaneza byo akonyenye bufumu bwanji bwachibikile. Bino mu kufika kwa buno bungauzhi kwa bubiji, bukalama bwa Lesa bebuchibikizhe mu jishinda jikwabo pa kimye kyalepa kya bimye bitanu na bibiji. Byonka byo twisambiletu, bimye bitanu na bibiji byatendekele mu 607 B.C.E. kimye kyo baonawine Yelusalema. Kufumatu kyokya kimye, kechi kwajingapo bamfumu pano pa ntanda baimenejilengako Yehoba Lesa pa kulama bantu banji ne. Bino ku mpelo ya bimye bitanu na bibiji, Lesa ukasala Kalama mupya wa kulama bantu banji, ukekala mwiulu. Ko kuba'mba mpelo ya bimye bitanu na bibiji yo ikekala ke ntendekelo ya bukalama bwa Lesa bwa Bufumu bwa mwiulu. Twisamba kala kimye kyatendekele bimye bitanu na bibiji. Inge twakonsha kuyuka bula bwa bimye bitanu na bibiji, twakonsha kuyuka ne kimye kyatendekele Bufumu bwa Lesa kulama. Mubena kulondela byo mbena kwamba nyi?\nJoni: Ee mwane, navuluka ne byo twisambile.\nKefasa: Kyawama. Pano twayai tutwajijile, tumone bimye bitanu na bibiji byo byalepa. Naji kutanganga ne pa yenka uno mutwe pa kuba'mba mvuluke byo twisambilengapo. Nsa kwesekako kulumbulula.\nJoni: Kyawama.\nMPELO YA BIMYE BITANU NA BIBIJI NE NTENDEKELO YA MOBA APELAKO\nKefasa: Mu kufika kwa bungauzhi butanshi kwi Nebukaneza, bino bimye bitanu na bibiji byalepele myaka itanu na ibiji. Bino mu kufika kwa bubiji kwa buno bungauzhi kwaamba pa Bufumu bwa Lesa, bimye bitanu na bibiji byafwainwa kulepa kukila pa myaka itanu na ibiji.\nJoni: Mambo ka o mwaambila byobyo?\nKefasa: Vulukai kuba'mba bimye bitanu na bibiji byatendekele kimye kyo baonawine Yelusalema mu 607 B.C.E. Inge twabala myaka itanu na ibiji kufuma mu uno mwaka, tusa kufika mu mwaka wa 600 B.C.E. Kafwako bintu byamwekele mu uno mwaka byakwatankana na bukalama bwa Lesa ne. Byonka byo twisambiletu, Yesu byoajinga pano pa ntanda, waambile amba bimye bitanu na bibiji byajinga bikyangye kupwa.\nJoni: Po navuluka kino kishinka.\nKefasa: Onkao mambo, kechi twafwainwa kubajila mu myaka yonka ye ne, bimye bitanu na bibiji bilumbulula kimye kyalepa.\nJoni: Pano kimye kyalepa byepi?\nKefasa: Mu buku wa Lumwekesho muji byambo byakwatankana na biji mu buku wa Danyela, bitukwasha kuyuka bimye bitanu na bibiji byo byalepa. Batongolamo bimye bisatu ne kichika amba o moba 1,260. * Onkao mambo bimye bisatu ne kichika kyo kimotu na bimye bitanu na bibiji inge twibivuzha jibiji, ko kuba'mba ke moba 2,520. Nanchi mubena kundondela nyi?\nJoni: Ee, mwane mbena kulondela. Pano bino kechi naumvwisha byo byakwatankana na Bufumu bwa Lesa amba bwatendekele kulama mu 1914 ne.\nKefasa: Kyawama, twayai tumone byo byakwatankana. Kimye kimo mu bungauzhi bwa mu Baibolo, juba jimo jimenako mwaka umo. * Inge twaamba kuba'mba juba jimo jimenako mwaka umo, ko kuba'mba bimye bitanu na bibiji ke myaka 2,520. Pa kubala myaka 2,520 kuya kulutwe kutendekela mu 607 B.C.E., tusa kufika mu mwaka wa 1914. * Mu uno mwaka, mo mwapwile bimye bitanu na bibiji, kabiji Yesu po aikajile ke Mfumu wa Bufumu bwa Lesa. Kabiji mu yenka uno mwaka wa 1914, binkunka bya ntanda yonse bya mu moba apelako byaambijilwe jimo mu Baibolo popo byatendekele kumweka.\nJoni: Ñanyi binkunka byonkabyo?\nKefasa: Akimonai byaambile Yesu byanembwa mu Mateo 24:7. Byo aambilenga pa kimye kyo akatendeka kulama mwiulu, Yesu waambile'mba: \"Mambo kisaka kikalukuka kisaka kikwabo ne bufumu bukalukuka bufumu bukwabo, kabiji kukekala bipowe bya nzala ne bitentanshi kuku ne kuku.\" Yesu waambile'mba mu kino kimye kukekala bipowe bya nzala ne bitentanshi. Nanchi bino byonse binkunka kechi byamweka pa myaka 100 yapitapo ne nyi?\nJoni: Bibena kumweka.\nKefasa: Mu kyonka kino kyepelo, Yesu waambile'mba kukekala ne makondo mu kimye kyo akekala ke Mfumu wa Bufumu bwa Lesa. Kabiji ne buku wa Lumwekesho waambijile jimo amba kechi kukekalatu nkondo mu mpunzha imo ne bino amba mu kimye kya ku mpelo kukekala makondo mu ntanda yonse. * Nanchi mubena kuvuluka kimye kyatendekele nkondo itanshi ya ntanda yonse nyi?\nJoni: Mu 1914 yenka mwaka ye mubena kutongola amba Yesu mo atendekele kulama! Kechi nakonsheshe kwibikwatankanya mu jino jishinda ne.\nKefasa: Mwakonsha kumvwisha inge twisamba pa buno bungauzhi bwaamba pa bimye bitanu na bibiji ne pa bungauzhi bukwabo bwa mu Baibolo bwaamba pa moba akupelako. Bakamonyi ba kwa Yehoba bashiinwa kuba'mba Yesu waikajile ke Mfumu wa Bufumu bwa Lesa mu 1914, kabiji ne moba apelako atendekele mu yenka uno mwaka. *\nJoni: Po natendeka kumvwa pa byo twisambapo.\nKefasa: Byobyo kikala byonkabyo. Ne amiwatu papichile kimye pa kuba'mba ñumvwishe buno bungauzhi. Pa bintu bicheche byo twisambapo, naketekela bisa kwimukwasha kuyuka kuba'mba nangwa kya kuba mwaka wa 1914 kechi watongolwa mu Baibolo ne, bino Bakamonyi ba kwa Yehoba bashiinwa kuba'mba uno mwaka bamulumbulula mu Binembelo.\nJoni: Kimye kyonse byo mwamba bimfika bingi pa muchima mambo byaimena pa binembelo. Kechi mwamba bya mu mutwe wenu ne. Kechi nayuka kyo byakatezha kumvwa bino bintu ne. Pano mambo ka Lesa o abujiletu kunemba mu Baibolo kuba'mba 1914 ye mwaka Yesu ye atendekejilemo kulama mwiulu?\nKefasa: Ba Joni, mwaipuzha bingi bulongo. Kuji bishinka byavula bingi byo twabula kumvwisha bulongo mu Baibolo. Pano mambo ka Lesa o anembejile Baibolo mu jishinda ja kuba'mba muntu wafwainwa kwibikako pa kuba'mba omvwe bijimo? Kampe tukesamba pa uno mwisambo inge nabwelako.\nJoni: Nakonsha kutemwa byobyo.\nNanchi kujipo mutwe wa mu Baibolo ye mwakankalwa kumvwisha nyi? Nanchi mukeba kuyuka mafunjisho nangwa byubiwa mu Bakamonyi ba kwa Yehoba nyi? Umvwe byobyo kiji mwakasuluka kushikisha Kamonyi wa kwa Yehoba. Bakemukwasha kutana mikumbu.\n^ par. 5 Bakamonyi ba kwa Yehoba besamba bya mu Baibolo kyatutu pa mitwe yapusana pusana.\n^ par. 7 Monai kibaaba kya kuba'mba \"Kwisamba na Bantu—Ñanyi Kimye Bufumu bwa Lesa kyo Bwatendekele Kulama?—Lubaji 1\" mu Kyamba kya Usopa kya October 1, 2014.\n^ par. 24 Monai chati wa kuba'mba \"Kiloto kya kwa Nebukaneza Kyaamba pa Kichi.\"\n^ par. 30 Monai kitango 9 mu buku wa kuba'mba Nanchi Baibolo Kine Ufunjisha'mba Ka? wanembwa na Bakamonyi ba kwa Yehoba.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/wp20141101\/nebukaneza-kiloto\/","date":"2018-04-22T22:16:45Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945660.53\/warc\/CC-MAIN-20180422212935-20180422232935-00179.warc.gz","language":"kqn","language_score":1.0000100136,"language_script":"Latn","minhash_cluster_size":2,"top_langs":"{\"kqn_Latn_score\": 1.0000100135803223}","num_words":1104,"character_repetition_ratio":0.097,"word_repetition_ratio":0.0,"special_characters_ratio":0.198,"stopwords_ratio":0.232,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Bantu bafwa bakebasangula pano pa ntanda. Byubilo 24:15\nAkilangulukai pa mapesho o mukekala nao kulutwe umvwe kemumvwe byamba Yehoba! Mukekala na bumi bwawama; kafwako muntu ukakolwanga ne. Bantu babi kechi bakekalako ne, kabiji mukaketekelanga muntu yense.\nMisongo, mabingo nangwa kujila kechi bikekalako jibiji ne. Bantu kechi bakakotanga ne kufwa ne.\nMukekalangatu na kisemi kyenu ne balunda nenu. Mu Paladisa bwikalo bukawama bingi.\nBantu kechi bakomvwanga moyo ne. Bakekalanga bingi na lusekelo.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/umvwainga-mukekala\/mapesho-akafuma-kwi-lesa\/","date":"2018-04-23T20:15:35Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946165.56\/warc\/CC-MAIN-20180423184427-20180423204427-00185.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":70,"character_repetition_ratio":0.039,"word_repetition_ratio":0.0,"special_characters_ratio":0.176,"stopwords_ratio":0.329,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KWESAKANA na jishimikila jimo, kwajinga nsongwalume wayanjile bingi waikalanga mu muzhi wajinga kwalepa bingi na taunyi. Bantu ba mu taunyi bamusekanga mambo balangulukanga'mba wavulañana. Inge kwaiya benyi, bantu bamo ba mu mizhi bamuselekanga pa meso a bantu bavula. Bamumweshanga mali a muwayawaya abiji, ja siliva jikatampe ne jicheche ja ngolode mwakonsheshe kutwela mali abiji a siliva. Bamwambilanga'mba: \"Salapo jo ukeba.\" Uno nsongwalume wasalangapo jali ja siliva waswatuka ne lubilo.\nJuba jimo, mwenyi wamwipwizhe uno nsongwalume amba, \"Nanchi kechi wayuka'mba jali ja siliva jitwelamo jibiji mu jali ja ngolode nenyi?\" Nsongwalume wamwemwesejile ne kwamba'mba, \"Nayuka byobyo.\" Uno mwenyi waipwizhe'mba, \"Pano mambo ka o wasajilapo jali ja siliva? Inge wasalapo jali ja ngolode usakwikala na avula kukila ja siliva.\" Nsongwalume wakumbwile'mba, \"Inge natolapo jali ja ngolode, bantu basakuleka kukaya bisela ne amiwa. Nanchi mwayuka mali a muwayawaya a siliva o nji nao nyi?\" Jishimikila ja uno mwanyike jimwesha kyubilo kyafwainwa kwikala ne na bakulumpe, ko kuba'mba, maana alumbuluka.\nBaibolo waamba'mba: \"Lama maana alumbuluka ne maana a kupima bintu. Ne kulu kobe kechi kuketuntula ne.\" (Maana 3:21, 23) Onkao mambo, kuyuka \"maana alumbuluka\" byo aji ne bya kwiengijisha kwakonsha kwituzhikijila. Etukwasha kubula kwituntula mu kwingijila Lesa, \"kulu\" kwetu kechi kuketuntula ne.\nMAANA ALUMBULUKA O AKA?\nMaana alumbuluka apusanako na Maana a kuyuka bintu ne kukwatakanya. Muntu uji na maana a kuyuka bintu, uyuka bintu byavula bingi nangwa bishinka. Muntu ukwatakanya bintu wakonsha kumona kishinka kimo byo kyakwatankana na kikwabo. Muntu uji na maana, wingijisha bintu byo ayuka ne byo akwatankanya ne kwibingijisha bulongo.\nMuntu wakonsha kutanga ne kukwatankanya biji mu buku wa kuba'mba Nanchi Baibolo Waamba'mba Ka? mu kimyetu kicheche. Kimye kya kufunda, wakonsha kukumbula mikumbu ya kine. Wakonsha kutendeka kupwila ne kukumbulapo mikumbu yawama. Bino byonse byakonsha kumwesha'mba ubena kukomenako mu maana a kuyuka Lesa, bino na kino kibena kulumbulula'mba watendeka kwikala na maana nyi? Ine. Kampe ukwatakanyatu bintu bukiji. Nangwa byonkabyo, umvwe watendeka kwingijisha bukine, kwingijisha maana a kuyuka bintu ne kukwatakanya mu jishinda jawama, ko kuba'mba, watendeka kwikala na maana. Inge byo afuukulapo ke mufume byawama ne kumwesha'mba ulangulukapo bulongo pa bintu, umwesha'mba uji na maana alumbuluka.\nKinembelo kya Mateo 7:24-27 kyalumbulula kishimpi kya kwa Yesu kya bantu babiji bashimikile mazubo. Muntu umo bamulumbulula'mba \"wa maana.\" Na mambo a kulangulukila jimo bintu byakonsha kumweka kulutwe, uno muntu washimikile nzubo yanji pa jibwe. Watajilenga kulutwe kabiji wajinga na maana alumbuluka. Kechi walangulukilenga'mba kushimika nzubo pa busenga kwapeela kabiji kechi kukamutayila mali avula ne. Aye walangulukile pa bintu byakonsha kufumamo kulutwe mu byubilo byanji. Kinkunkwila byo kyapuupijile pa nzubo, kechi yapumukile ne. Bwipuzho ke buno, Twakonsha kwikala byepi na maana alumbuluka ne kwialama?\nKWEPI KO NAKONSHA KWIATAANA?\nPatanshi, yukai kuba'mba pa Mika 6:9 paamba'mba: \"Aba baji na maana [alumbuluka] bakakamwanga jizhina [ja Lesa.]\" Kwakamwa jizhina ja Yehoba kulumbulula kumunemeka. Kilumbulula kumupa mushingi wafwainwa na mambo a jizhina janji byo jimenako, kubikapo ne mizhilo yanji. Pa kuba'mba munemeke muntu, mwafwainwa kuyuka byo alanguluka. Apa bino mwamuketekela ne kufunjilako kwi aye, ne kumwenamo mu bifuma mu kufuukula bulongo byonka byo oba. Inge twalangulukapo bulongo pa byubilo byetu kulutwe byo bikalengela bulunda bwetu ne Yehoba kuwama nangwa kutama, tukafuukula bintu kwesakana na mizhilo yanji. Inge ke tube bino, tukekala na maana alumbuluka.\nKya bubiji, Byambo bya Maana 18:1 byaamba'mba: \"Yense wipaatula ku bakwabo ukebatu kuba bisaka muchima wanji; ukana maana onse alumbuluka.\" Inge twabula kujimuka, twakonsha kwipaatula kwi Yehoba ne ku bantu banji. Pa kuba'mba tuchinuzhuke kwipaatulako, twafwainwa kwikalanga pamo na bantu bakamwa jizhina ja Lesa ne kunemeka mizhilo yanji. Twafwainwa kutaanwanga pa Nzubo ya Bufumu kimye kyonse inge kyakonsheka, ne kupwanañana na kipwilo kya bena Kilishitu. Kimye kya kupwila, twafwainwa kutangako muchima ku byo tufunda ne kwibingijishanga.\nKununga pa bino, umvwe ketulombe kwi Yehoba ne kumubuula byonse biji mu muchima wetu, tukafwenya kwipi ne aye. (Maana 3:5, 6) Inge ketutesheko muchima ku byo tutanga mu Baibolo ne mabuku anengezha jibumba ja Yehoba, tukemwena byawama bya myaka bikafuma mu byubilo byetu ne kuba bintu na maana. Kabiji twafwainwa ne kukookela bitufundako balongo bakoma mu lwitabilo. (Maana 19:20) Inge ke tube bino, kechi 'tukakananga maana alumbuluka' ne, bino tukekala na kino kyubilo kyanema.\nMAANA ALUMBULUKA AKAKWASHA BYEPI KISEMI KYAMI?\nMaana a lumbuluka akonsha kuzhikijila bisemi. Baibolo wakambizha mwanamukazhi wasongolwa kwikala na \"mushingi mukatampe\" ku mwatawanji. (Efi. 5:33) Mwanamulume wafwainwa kuba byepi pa kuba'mba mukazhanji amunemekenga? Inge kya kuba keakanjikizhe mukazhanji kumupa mushingi, kechi mukafuma byawama ne. Na mambo a kuchinuzhuka kutoboka, mwanamukazhi wasongolwa ku mwanamulume uji bino wakonsha kumumweshako mushingi inge po aji. Nanchi wakonsha kumunemeka inge ufwapo nyi? Javula kino kechi kimweka ne. Uno mwanamulume wafwainwa kulanguluka pa kuba bintu mukafuma byawama bya myaka. Inge keamweshe bipangwa bya mupashi, nabiji butemwe ne lusa, mukazhanji ukamupanga mushingi mukatampe. Pano bino, mwanamukazhi mwina Kilishitu wafwainwa kunemeka mwatawanji, nangwa kya kuba umumwesha byubilo byawama nangwa ne.—Nga. 5:22, 23.\nKabiji Baibolo waamba'mba mwanamulume wafwainwa kutemwa mukazhanji. (Efi. 5:28, 33) Na mambo a kukeba'mba mwatawanji amutemwe, mwanamukazhi wakonsha kulanguluka'mba kyawama kubula kumubuula bintu byatama byo afwainwa kuyuka. Nanchi kuba bino kumwesha maana alumbuluka nyi? Pano inge kya kuba kulutwe wayuka kyo bamufile, ki ka kikafumamo? Nanchi ukamumwesha butemwe bukatampe nyi? Kyakonsha kumukatazha kuba bino. Kyakonsha kuwama inge wamonapo kimye kyawama kya kubuujilamo mwatawanji mu meso anteka byatama byamwekele, mwatawanji wakonsha kumunemeka na mambo a bukishinka bwanji. Butemwe bo amutemwa bukabayilako.\nBaana bafwainwa kukookela bansemi babo ne kufunda mashinda a Yehoba. (Efi. 6:1, 4) Nanchi kino kilumbulula'mba bansemi bafwainwa kutongaula byonse tonko tonko byafwainwa kuba mwana ne byo afwainwa kubula kuba nyi? Kuji byavula bikebewa kukila kufunjishatu baana mizhilo ya pa nzubo yo bafwainwa kulondelanga, nangwa bya kwibakambula inge batamisha. Nsemi uji na maana alumbuluka ukwasha mwananji kuyuka ene mambo o afwainwa kukookelanga.\nFwanyikizhai kuba'mba mwana wamwesha kubula mushingi ku bainanji nangwa bashanji mu ñambilo. Kumunena nangwa kumukambula ponkapotu kwakonsha kumulengela kumvwa bumvu nangwa kuzhindamapotu. Bino mu muchima saka azhingila, kabiji kino kyakonsha kumulengela kubula kwikalanga pepi na bansemi banji.\nBansemi baji na maana alumbuluka bakalanguluka pa jishinda jawama ja kujimwinamo baana babo ne luno lujimuno byo lukalengela baana babo kwikala kulutwe. Bansemi kechi bafwainwa kufikenatu kukambula mwanabo na mambo a kuba'mba wibalengesha bumvu ne. Kampe kyakonsha kuwama bamwita ku mbaji ne kwisamba na mwanabo saka batekanya, kumulumbulwila'mba Yehoba ukeba'mba anemekenga bansemi banji pa kuba'mba akamwenemo byawama myaka ne myaka. Inge mwana keanemeke bansemi banji, ko kuba'mba unemeka Yehoba. (Efi. 6:2, 3) Inge kemufunjishe mwana mu jino jishinda, byambo byenu bikamufika pa muchima. Uyuka'mba bansemi banji bamuta muchima, kabiji ukebapanga mushingi mukatampe. Kino kikalengela mwana kukasuluka kulomba bukwasho pa kufuukula bya kuba kulutwe.\nBansemi bamo kechi bakeba kukozha mwanabo ku muchima ne, onkao mambo, bachinuzhuka kumulolako. Pano ki ka kikamweka inge mwana wakoma? Nanchi ukakamwanga Yehoba ne kuyuka buneme buji mu kukookela mizhilo ya Lesa nyi? Nanchi ukalombanga kwi Yehoba na muchima yense, nangwa ukepaatulako aye mwine nyi?—Maana 13:1; 29:21.\nSendwe wa bya kusonga songa ulangulukila jimo kintu kyo akeba kulenga. Kechi ufikenatu kutendeka kusonga kwa kubula kulangulukila jimo kyo akeba kulenga amba akyo kine kisakuwama ne. Bansemi baji na maana alumbuluka bamonapo kimye kya kufunda ne kwingijisha malamuna a Yehoba, kino kibalengela kwakamwa jizhina janji. Na mambo a kubula kwipaatula kwi Yehoba ne jibumba janji, bekala na maana alumbuluka ne kwiengijisha pa kukwasha kisemi.\nPa juba pa juba, tufuukula bintu byakunza bwikalo bwetu bwa kulutwe. Kechi twafwainwa kufuukulanga bintu kya lubilo lubilo ne, bino twafwainwa kutulumana ne kulangulukapo bulongo. Langulukai pa bikafumamo. Lombai lutangijilo lwa Yehoba ne kwingijisha maana anji. Inge ke tube bino, tukalama maana alumbuluka, kabiji aketulengela kwikala na bumi.—Maana 3:21, 22.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/kyamba-kya-Usopa-kufundamo-october-2016\/kulama-maana-alumbuluka\/","date":"2018-04-22T07:44:56Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945497.22\/warc\/CC-MAIN-20180422061121-20180422081121-00133.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":1213,"character_repetition_ratio":0.066,"word_repetition_ratio":0.0,"special_characters_ratio":0.177,"stopwords_ratio":0.208,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Baibolo waamba pa mabumba abiji a banabalume bengila mingilo, \"bakalama ne bankwasho mu kipwilo.\" (Filipai 1:1) Mu bipwilo byonse muji bakulumpe ne bankwasho. Bankwasho betukwasha byepi mu kipwilo?\nBakwasha jibumba ja bakulumpe mu kipwilo. Bankwasho bata muchima ku bintu bya ku mupashi kabiji banabalume baketekelwa bingi, bonse bengila bingi na ngovu, bamo banyike ne bakwabo bakulumpe. Bengila mingilo yanema bingi ya mu jibumba ja Lesa ne mingilotu ikwabo ikebewa kwingila mu kipwilo. Kino kilengela bakulumpe mu kipwilo kuta muchima pa kufunjisha ne pa mingilo ya bukafunga.\nBengila mingilo yanema bingi. Bankwasho bamo bebapa mwingilo wa kutambwila bonse babena kwiya na kupwila. Bakwabo bengijila ku bya kwambilamo, kupana mabuku, ku mali a kipwilo ne kupa basapwishi manyaunda a mwakwingijila. Kabiji bengila ne mwingilo wa kuwamisha Nzubo ya Bufumu. Bakonsha ne kwibambila ku bakulumpe mu kipwilo kuya na kukwasha bakikulumpe. Bankwasho bengila mingilo yonse yo bebapa, kabiji kipwilo kibanemeka bingi pa mingilo yo bengila ne pa kwipana kwabo.—1 Timoti 3:13.\nBaji na byubilo byawama bya bwina Kilishitu. Bankwasho bebatongola na mambo a byubilo byabo byawama bya bwina Kilishitu. Majashi o bamba pa kupwila akosesha bingi lwitabilo lwetu. Byo batangijila mwingilo wa kusapwila, betulengela ne atweba kwikala na kizaku mu mwingilo. Kukwatankana kwabo na bakulumpe, kuleta mutende ne kukwatankana mu kipwilo. (Efisesa 4:16) Mu kuya kwa kimye, nabo bakonsha kufikilamo kwikala bakulumpe mu kipwilo.\nBankwasho mu kipwilo ke banabalume baji byepi?\nBankwasho balengela byepi kipwilo kwingila bulongo?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/kyaswa-muchima-wa-yehoba\/nkwasho-mu-kipwilo\/","date":"2018-04-23T16:36:54Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946077.4\/warc\/CC-MAIN-20180423144933-20180423164933-00325.warc.gz","language":"kqn","language_score":1.0000070333,"language_script":"Latn","minhash_cluster_size":1,"top_langs":"{\"kqn_Latn_score\": 1.0000070333480835}","num_words":231,"character_repetition_ratio":0.102,"word_repetition_ratio":0.0,"special_characters_ratio":0.176,"stopwords_ratio":0.238,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"WASEMEKELWE MU 1911\nWABATIZHIWE MU 1952\nBWIKALO Mukulumpe wa bambanzhi waishile kwikala mu Kavoto ka Musampi.\nJUBA jimo, Kipamo kitala pa bibena kumweka kyatwajile mulongo Sormin ku ofweshi wa mukulumpe wa bashilikale.\nUno mukulumpe wamushikishe'mba, \"Mbuule kishinka, wi mwina Indonesia nyi? Nga Bakamonyi ba kwa Yehoba babena kuba ka kuno ku Indonesia?\"\nMulongo Sormin wamukumbwile'mba, \"Akishai nemubuule byo kiji. Kala najinga mukulumpe wa bambanzhi, pano luno mbena kufunjisha bantu Baibolo. Mwingilo ye mbena kwingila, ye ubena kwingilapo ne Bakamonyi ba kwa Yehoba baji mu Indonesia, wa kukwasha bantu baji byonka byo najinga kwikala bantu bawama.\"\nUno mukulumpe waambile'mba: \"Naumvwa bintu byavula bingi byo bamba pa Bakamonyi ba kwa Yehoba. Pano nashiinwa namba bo bupopweshi bwawama bingi, mambo bwakwasha Sormin kupimpula byubilo byanji.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/2016-Buku-wa-Mwaka-wa-Bakamonyi-ba-kwa-Yehoba\/indonesia\/wajinga-mukulumpe-wa-bambanzhi-waikala-ke-muntu-ye-banemeka\/","date":"2018-04-23T11:04:07Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945942.19\/warc\/CC-MAIN-20180423110009-20180423130009-00632.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":120,"character_repetition_ratio":0.099,"word_repetition_ratio":0.0,"special_characters_ratio":0.184,"stopwords_ratio":0.225,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Byayuka bantu bavula\nBayuka'mba: Bakamonyi ba kwa Yehoba kechi bena Kilishitu ne, o ene mambo o babujila kusekelela kusanguka kwanji.\nBayuka'mba: Bakamonyi ba kwa Yehoba Kechi baitabila amba Yesu wasangwilwe ne.\nBayuka'mba: Bakamonyi ba kwa Yehoba kechi batemwa baana babo ne, mambo kechi basaka amba basangalalenga pa juba Jasangukile Yesu ne.\nKishinka: Twatemwa baana betu. O ene mambo o twatelapo muchima kwibafunjisha ne kwibakwasha kwikala ba lusekelo.\nMambo ka Bakamonyi ba kwa Yehoba o babujila kusekelela kusanguka kwa kwa Yesu?\nBaibolo kechi waambapo pa kusekelela Kusanguka kwa kwa Yesu ne.\nYesu wakambizhe amba tuvulukenga lufu lwanji, kechi kusanguka kwanji ne. Tuvuluka lufu lwanji pa mwaka pa mwaka kulondela kalenda wa mu Baibolo.\n—Luka 22: 19, 20.\nTwaitabila amba bisho bya lusemo byalondelanga bantu kala ko kwafuma kusekelela Kusanguka kwa kwa Yesu. Bino byalengela kusekelela kusanguka kwa kwa Yesu kubula kwitabilwa kwi Lesa. Lesa '\nukeba bantu kumwingijilatu bunke bwanji,' kabiji umvwa kutama ku muchima umvwe saka tuvwangamo bintu byo abula kwitabizha pa kumupopwela.\n—Kulupuka 20:5; 1 Bamfumu 18:21.\nTwaketekela kuba'mba kufuukulapo kubula kusekelela Kusanguka kwa kwa Yesu kwa mu binembelo kabiji kwitukwasha kwingijisha \"\nmaana alumbuluka ne maana a kupima bintu\" mu kifulo kya kulondela mizhilo ya bantu. (Byambo bya Mana 3:21; Mateo 15:3) Nangwa kya kuba pa bimye bimo twisamba na bantu pa bintu byakunza Kusanguka kwa kwa Yesu, umvwe betwipuzha tunemeka kyonse kyafuukulapo muntu mwine.","id":"","dump":"CC-MAIN-2018-17","url":"https:\/\/www.jw.org\/kqn\/Bya-Kuyuka-pa-Bakamonyi-ba-kwa-Yehoba\/faq\/mambo-ka-a-kubujila-kusekelela-kusanguka-kwa-kwa-yesu\/","date":"2018-04-22T09:10:44Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945552.45\/warc\/CC-MAIN-20180422080558-20180422100558-00037.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":217,"character_repetition_ratio":0.118,"word_repetition_ratio":0.0,"special_characters_ratio":0.192,"stopwords_ratio":0.244,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"14 Mu mwaka wa bubiji wa bukalama bwa kwa Yehoashi+ mwana wa kwa Yehoahaza mfumu wa Isalela, Amaziya mwana wa kwa Yehoashi Mfumu wa Yuda mo mo aikele mfumu. 2 Wajinga na myaka ya kusemwa 25 kimye kyo aikele mfumu, kabiji walamine mu Yelusalema myaka 29. Inanji wajinga Yehoadina wa ku Yelusalema.+ 3 Waubilenga byaoloka kwi Yehoba, bino kechi byonka byaubilenga Davida+ mushakulu wanji ne. Waubilenga byonse byaubile Yehoashi shanji.+ 4 Nangwa byonkabyo, mapunzha atuntama kechi beafumishemo ne,+ kabiji bantu batapishenga ne kusoka bya kufutumuna pa mapunzha atuntama.+ 5 Byo akoseshetu bufumu bwanji, waipayile bakalume banji bonka baipayile shanji mfumu.+ 6 Bino baana ba bambanzhi kechi wibepayile ne, monka mwayijile mukambizho wa Yehoba wanembelwe mu buku wa Mizhilo ya Mosesa amba: \"Bashabo kechi bafwainwa kufwa na mambo a baana babo ne, kabiji baana nabo kechi bafwainwa kufwa na mambo a bashabo ne; pakuba muntu yense wafwainwa kufwa na mambo a bubi bwanji mwine.\"+ 7 Watapile bena Edomu+ mu Musanza wa Mukele,+ banabalume 10,000, kabiji waangachile muzhi wa Sela mu nkondo+ ne kumutumba'mba Yokotela kufika ne lelo jino. 8 Kepo Amaziya atumine baluwe kwi Yehoashi mwana wa kwa Yehoahaza, Yehoahaza mwana wa kwa Yehu mfumu wa Isalela amba: \"Iya tulwe nkondo.\"*+ 9 Yehoashi Mfumu wa Isalela watumine ano mawi kwi Amaziya Mfumu wa Yuda amba: \"Mukolobola wa ku Lebanoni watumine jiwi ku kichi kya sida kya ku Lebanoni amba, 'Upane mwanobe ku mwanami kuba'mba ekale mukazhanji.' Nangwa byonkabyo, lukinyama wa ku Lebanoni wapichile ne kunyantaula mukolobola. 10 Na mambo a kuba obewa watapile Edomu,+ muchima wobe kyo elundumikila, iyowe lukumo lobe, pano bino wikalengatu mu nzubo* yobe. Mambo ka o ubena kukebela bya malwa ne kupona, ne kulengela Yuda kuponena pamo ne obewa?\" 11 Bino Amaziya kechi waumvwine ne.+ Onkao mambo, Yehoashi Mfumu wa Isalela wayile, kabiji aye ne Amaziya Mfumu wa Yuda balwile nkondo ku Bete-shemeshi+ wa mu Yuda.+ 12 Bena Yuda bebashinjile ku bena Isalela, onkao mambo, muntu yense wanyemejile ku nzubo* yanji. 13 Yehoashi Mfumu wa Isalela wakwachile Amaziya Mfumu wa Yuda mwana wa kwa Yehoashi, Yehoashi mwana wa kwa Ahaziya, konka ku Bete-shemeshi. Kepo baishile ku Yelusalema, ne aye wapumwine nsakwa ya Yelusalema kufuma ku Kibelo kya Efelaimu+ kufika ku Kibelo kya ku Jikonka,+ makyubichi 400.* 14 Wasendele ngolode yonse ne siliva ne bipe byonse byo bataaine mu nzubo ya Yehoba ne mo balaminanga bya buneme bya mu nzubo* ya mfumu, kuvwangakotu ne bazha. Kepo abwelele ku Samaliya. 15 Bintu bikwabo byapichilemo Yehoashi ne byonse byo aubile ne mingilo yanji ikatampe ne byo alwile ne Amaziya Mfumu wa Yuda, nanchi kechi byanembwa mu buku wa bintu byapichilengamo bamfumu ba mu Isalela nenyi? 16 Kepo Yehoashi bamutwajile na kulaala kwalaala bashakulu banji, kabiji bamuzhiikile mu Samaliya+ konka ko bazhiikile bamfumu ba mu Isalela; kabiji mwananji aye Yeloboma*+ wamuswaine pa bufumu. 17 Amaziya+ mwana wa kwa Yehoashi mfumu wa Yuda waikele myaka 15 kufuma pafwijile Yehoashi+ mwana wa kwa Yehoahaza mfumu wa Isalela.+ 18 Bintu bikwabo byapichilemo Amaziya, nanchi kechi byanembwa mu buku wa bintu byapichilengamo bamfumu ba mu Yuda nenyi? 19 Mu kuya kwa moba, bamwalukijilemo+ mu Yelusalema, kabiji wanyemejile ku Lakishi, bino batumine banabalume bamulondejile ku Lakishi ne kumwipayila konkakwa. 20 Kabiji bamubwezhezhe saka bamusenda mu kalaki ye bakokelenga ku bambili, kabiji bamuzhiikile mu Yelusalema konka ko bazhiikile bashakulu banji mu Muzhi wa Davida.+ 21 Kepo bantu bonse ba mu Yuda basendele Azaliya,*+ wajinga na myaka ya kusemwa 16,+ ne kumuswanyika pa bufumu bwa shanji aye Amaziya.+ 22 Washimukulwile Elata+ ne kumubwezha ku Yuda byo batwajile mfumu* na kulaala kwalaala bashakulu banji.+ 23 Mu mwaka wa bu 15 wa bukalama bwa kwa Amaziya mwana wa kwa Yehoashi mfumu wa Yuda, Yeloboma+ mwana wa kwa Yehoashi Mfumu wa Isalela mo mo aikele mfumu mu Samaliya, kabiji walamine pa myaka 41. 24 Waubilenga byatama kwi Yehoba. Kabiji kechi walekele kuba bubi bonse Yeloboma mwana wa kwa Nebati bo alengejile bena Isalela kuba ne.+ 25 Wabwezhezhe mupaka wa Isalela po ajinga kala kufuma ku Lebo-hamata*+ kukafika ne ku Kalunga ka Mema ka ku Alaba,*+ monka mwayijile byambo bya Yehoba Lesa wa Isalela byo aambile kupichila mwi kalume wanji Yona+ mwana wa kwa Amitai, ngauzhi wa ku Gata-hefela.+ 26 Mambo Yehoba wamwene lumanamo lukatampe lwapichilengamo bena Isalela.+ Kafwako washajile wa kukwasha bena Isalela ne, nangwatu boba babujile wa kwibakwasha nangwa babujile kukosa. 27 Pakuba Yehoba walayile'mba jizhina ja bena Isalela kechi bakejizhimañanya pano pa ntanda ne.+ Onkao mambo, wibapulwishe kupichila mu kuboko kwa kwa Yeloboma mwana wa kwa Yehoashi.+ 28 Bintu bikwabo byapichilemo Yeloboma, bintu byonse byo aubile ne mingilo yanji ikatampe, ne byo alwile ne byo abwezhezhe Damasakasa+ ne Hamata+ ku Yuda mu Isalela, nanchi kechi byanembwa mu buku wa bintu byapichilengamo bamfumu ba mu Isalela nenyi? 29 Kepo Yeloboma bamutwajile na kulaala kwalaala bashakulu banji, konka ko bazhiikile bamfumu ba mu Isalela; kabiji mwananji aye Zekaliya+ wamuswaine pa bufumu.\nTubyambo twa munshi\n^ Nangwa'mba \"tumonañane kilungi na kilungi.\"\n^ Nangwa'mba \"jilapa jobe.\"\n^ Mu Kihebelu, \"tente wanji.\"\n^ Nangwa'mba \"jilapa ja.\"\n^ Ko kuba'mba, Yeloboma wa bubiji.\n^ Kulumbulula'mba \"Yehoba Wankwasha.\" Kabiji utelwa'mba Uziya pa 2Mf 15:13; 2Mo 26:1-23; Is 6:1; ne Zek 14:5.\n^ Ko kuba'mba, shanji Amaziya.\n^ Nangwa'mba \"ku kibelo kya Hamata.\"\n^ Ko kuba'mba, Kalunga ka Mema ka Mukele, nangwa'mba Kalunga ka Mema Kafwa.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/2-bamfumu\/14\/","date":"2018-04-27T03:18:16Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948950.83\/warc\/CC-MAIN-20180427021556-20180427041556-00340.warc.gz","language":"kqn","language_score":1.0000092983,"language_script":"Latn","minhash_cluster_size":1,"top_langs":"{\"kqn_Latn_score\": 1.000009298324585}","num_words":819,"character_repetition_ratio":0.078,"word_repetition_ratio":0.022,"special_characters_ratio":0.209,"stopwords_ratio":0.275,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Uno ke mwisambo Kamonyi wa kwa Yehoba ye akonsha kwisamba na bantu. Twayai tufwanyikizhe kuba'mba Kamonyi wa jizhina ja Anthony wafika pa nzubo ya mwanamulume wa jizhina ja Tim.\nKWITABILA MWI YESU KWANEMA\nAnthony: Byepi ba Tim. Natemwa bingi pa kumonañana nenu jikwabo.\nTim: Ne amiwa naumvwa pa kwimumona.\nAnthony: Nemuletela Kyamba kya Usopa ne Labainga! bya katataka. Naketekela musakutemwa bingi kutanga bibaaba biji mu ano magazini.\nTim: Nasanta bingi. Mwauba bingi bulongo kwiya mambo nji na bwipuzho bo nkeba kwimushikisha.\nAnthony: Kyawama, ñanyi bwipuzho bonka bo?\nTim: Kesha twisambilenga na mukwetu ku nkito. Namubujilenga pa magazini o mwampeele ne mitwe ijimo yawama. Pano bino, wambujile kuba'mba kechi nafwainwa kwiatanga ne mambo Bakamonyi ba kwa Yehoba kechi baitabila mwi Yesu ne. Nanchi ibyo nyi? Namubujile kuba'mba nkemwipuzha juba jo mukeya.\nAnthony: Kyawama, pa kwipuzha. Kyawama mwaipuzha Kamonyi kukila kwipuzha bantu bangi.\nTim: Byo naji kulangulukanga ne amiwa.\nAnthony: Kishinka ke kya kuba'mba Bakamonyi ba kwa Yehoba baitabila mwi Yesu. Twayuka kuba'mba inge twaitabila mwi Yesu popo tukapuluka.\nTim: Ne amiwa byobyo nayukile amba mwaitabila mwi Yesu, bino nazhinaukile byo naumvwine mukwetu waamba amba kechi mwaitabila mwi aye ne. Naketekela tukyangye kwisambapo pa bino ne.\nAnthony: Nanchi ne mutangileko binembelo bya mu Baibolo bimwesha mambo ene o kyanemena kuketekela mwi Yesu nyi? Bino byo binembelo Bakamonyi ba kwa Yehoba byo bengijisha javula mu mwingilo.\nTim: Kijitu bulongo.\nAnthony: Twayai tutendekelepo na byambo byaambile Yesu pa Yoano 14:6. Yesu waambile bino kimye kyo esambilenga na mutumwa wanji. Tutanga amba: \"Yesu wamukumbwile amba: 'Amiwa ne jishinda ne bukine ne bumi. Kafwako wiya kwi Batata ne, poso wapichila mwi amiwa.'\" Kwesakana na byaamba kino kyepelo, twafwainwa kuba byepi pa kuba'mba twisambe na Shetu?\nTim: Kupichila mwi Yesu.\nAnthony: Kya kine. Ne Bakamonyi ba kwa Yehoba byobyo baitabila. Akimonai kino: Kwesakana na byo mwayuka mizhilo ya Lesa, umvwe muntu walomba, wafwainwa kulombela mu jizhina ja kwa ñanyi?\nTim: Mu jizhina ja kwa Yesu.\nAnthony: Ee. Kyo kindengela kimye kyonse pa kulomba kwingijisha jizhina ja kwa Yesu. Ne Bakamonyi ba kwa Yehoba bonse byobyo boba.\nTim: Naumvwa bingi bulongo pa kuyuka bino.\nAnthony: Twayai twisambe pa kinembelo kikwabo kya Yoano 3:16. Kino kyepelo kyanema bingi kya kuba bekitela amba kine kishina kya Mambo awama. Kibena kwambiwapo pano ke kya kuba'mba inge mwatanga byonse byanembelwe pa bwikalo bwa kwa Yesu ne mwingilo wanji pano pa ntanda ne kwibinemba mu kyepelo kimo, byonse byafwainwa kufuma mu kino kyepelo. Akitangai kino kinembelo.\nTim: Kyawama. Paamba amba: \"Mambo Lesa byo ebatemwishe ba pano pa ntanda wapaine Mwananji yenkawa umotu, kuba amba bonse bamwitabila kechi bakonaike ne, poso bakekale na bumi bwa myaka.\"\nAnthony: Nasanta bingi. Nanchi mwakyumvwapo kala kino kyepelo nyi?\nTim: Ee, nekyumvwatu javula kabiji nekimona bekinemba ne pa bipabi.\nAnthony: Ke kyepelo kyayukanyikwa bingi. Monai byaambilepo Yesu: Pa kuba'mba bantu bakekale na bumi bwa myaka kupichila mu butemwe bwa Lesa, bafwainwa kuba byepi?\nTim: Kwikala na lwitabilo.\nAnthony: Ee. Poso mu Mwananji yenka umotu, Yesu Kilishitu. Kabiji kino kishinka kya kuba'mba lwitabilo mwi Yesu lulengela kwikala na bumi bwa myaka ne myaka, bekilumbulula pa jipa 2 mu uno magazini ye naji kwimuletela. Kwambakotu pacheche pa nkebelo ya Kyamba kya Usopa, uno magazini \"utundaika kwikala na lwitabilo mwi Yesu Kilishitu, witufwijile pa kuba'mba tukekale na bumi bwa myaka kabiji ubena kulama nobe Mfumu wa Bufumu bwa Lesa.\"\nTim: Mwaamba bingi bulongo, magazini enu amwesha amba Bakamonyi ba kwa Yehoba baitabila mwi Yesu.\nAnthony: Twasanta.\nTim: Pano mambo ka bantu o bambila amba kechi mwaitabila mwi Yesu ne?\nAnthony: Kuji bintu byavula bilengela bantu kwamba byobyo. Javula kikala bino mambo bamo bomvwatu byamba bantu. Nangwa kampe bebafunjisha bya bubela ku bantangi babo.\nTim: Namona kilengela bantu kwamba'mba kechi mwaitabila mwi Yesu ne, ke na mambo a kuba'mba mwitela amba Bakamonyi ba kwa Yehoba mu kifulo kya kwitela amba Bakamonyi ba kwa Yesu.\nAnthony: Kampe kyo kilengela.\nTim: Mambo ka o mwambila javula pe Yehoba?\n\"NEJIYUKANYIKISHA JIZHINA JENU\"\nAnthony: Kitanshitu, twaitabila kuba'mba kyanema kwingijisha jizhina ja Lesa ja Yehoba byonka byaubanga mwananji, Yesu. Monai byaambile Yesu kimye kyo alombelenga kwi Shanji. Lwanembwa mu Yoano 17:26. Abya mwakonsha kutangapo nyi?\nTim: Ee, paamba'mba \"Nejiyukanyikisha jizhina jenu kwi abo kabiji nkejiyukanyikisha kuba amba butemwe pe amiwa bwikale mwi abo, ne amiwa ngikale ne abo.\"\nAnthony: Nasanta bingi. Monai kuba'mba Yesu waambile amba wayukanyikishe jizhina ja Lesa. Mwalanguluka amba mambo ka o aubijile bino?\nTim: Kechi nayuka bulongo ne.\nKwitabila mwi Yesu kwanema pa kuba'mba tukapuluke\nAnthony: Kampe tutange kinembelo kikwabo kisakwitukwasha kumvwisha. Mbena kukeba namba tutange Byubilo 2:21. Tutangapo amba: \"Kabiji yense wita pa jizhina ja Yehoba ukapuluka.\" Naketekela kuba'mba pano musa kuswa kuba'mba umvwe kwita pa jizhina kwanema pa kuba'mba tukapuluke, kwakubula nangwa kuzhinaukatu ne, Yesu naye byobyo ayukile.\nTim: Ee, byobyo kiji.\nAnthony: Lupulukilo lwa baana banji ba bwanga lwanemene bingi kwi Yesu kabiji kyo kyalengejile kwibakwasha kuyuka jizhina ja Lesa ne kwijingijisha. Kyo kine kintu kitulengela kwamba bingi pe Yehoba. Tumona kuba'mba kyanema kuyukanyikisha jizhina ja Lesa ne kukwasha bantu kwita pa Jizhina janji.\nTim: Pano bino nangwa kya kuba bantu kechi bayuka jizhina ja Lesa ne bya kwijingijisha ne, bino bayuka Lesa ye bambapo.\nAnthony: Mwaamba kishinka. Lesa byo etubula jizhina janji, kino kitulengela kufwenya kwipi ne aye.\nTim: Mwatazha mwepi?\nAnthony: Akilangulukai pa kino: Kechi kyakebewenga amba tuyuke jizhina ja kwa Mosesa ne. Twafwainwe kumuyuka amba mwanamulume waabenye mema apa Kalunga Kachila nangwa watambwijile Mikambizho Jikumi. Popamotu ne Nowa. Inge bamuteleletu amba mwanamulume walengele bwato ne kupulusha kisemi kyanji ne banyama. Yesu Kilishitu naye inge wayukanyikilwe kuba'mba waishile kufuma mwiulu ne kwitufwila. Ke ibyo?\nTim: Ee, byobyo kiji.\nAnthony: Bino Lesa witubujile mazhina a bano bantu. Kuyuka mazhina abo kulengela kumvwisha mashimikila abo. Nangwa kya kuba tukyangye kumumonapo Mosesa, Nowa ne Yesu, kuyukatu mazhina abo kwitulengela kusumininwa amba bajingako.\nTim: Kechi nakilangulukilepo kala bino ne, pano naumvwisha!\nAnthony: Kino kyo kilengela Bakamonyi ba kwa a Yehoba kwingijisha bingi jizhina ja Lesa. Tukeba kukwasha bantu kwikala na luketekelo mwi Yehoba Lesa ne kuketekela amba ko aji ne byo bafwainwa kufwenya kwipi ne aye. Kabiji twamba bingi pa mwingilo mukatampe wingila Yesu wa kwitupulusha. Lekai tutangeko kinembelo kyapelako.\nTim: Tangai.\nAnthony: Twajikutanga Yoano 14:6, paji byambo bya kwa Yesu bya kuba'mba ye \"jishinda ne bukine ne bumi.\" Twayai tutange jikwabo kyepelo kya kutendekelako kiji pa Yoano 14:1. Nanchi mwakonsha kutanga byaambile Yesu mu kyepelo kyapelako nyi?\nTim: Kijitu bulongo. Paamba'mba: \"Mwitabilai Lesa; mungitabile ne amiwa.\"\nAnthony: Nasanta bingi. Na mambo a bino, nanchi musakwamba amba twafwainwa kwitabilatu mwi Yesu nangwa mwi Yehoba nyi?\nTim: Ine. Yesu waambile amba twafwainwa kwitabila mu bonse babiji.\nAnthony: Mwakumbula bingi bulongo. Naketekela musa kuswa ne kuba'mba kwambatu amba naitabila mwi Lesa ne Yesu kechi byo byonka bikebewa ne. Bwikalo bwetu bwafwainwa kumwesha amba twaitabila mwi Yesu.\nTim: Kya kine.\nAnthony: Pano muntu wakonsha kumwesha byepi amba waitabila mwi Lesa ne mwi Yesu? Nalanguluka namba tukesambe pa buno bwipuzho kimye kikwabo. *\nTim: Ee, kijitu bulongo.\nNanchi kujipo mutwe wa mu Baibolo ye mwabula kuyuka bulongo nyi? Nanchi mukeba kuyuka bintu bimo byaitabilamo Bakamonyi ba kwa Yehoba nangwa byubiwa mu bupopweshi bwabo nyi? Umvwe byo byo kiji, ipuzhai Bakamonyi ba kwa Yehoba. Bakemukwasha kumvwisha byo mwabula kuyuka bulongo.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/wp20140501\/bakamonyi-ba-kwa-yehoba-baitabila-mwi-yesu\/","date":"2018-04-25T01:01:16Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947654.26\/warc\/CC-MAIN-20180425001823-20180425021823-00052.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":1175,"character_repetition_ratio":0.079,"word_repetition_ratio":0.0,"special_characters_ratio":0.186,"stopwords_ratio":0.201,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"SHAYUKA aye Desiderius Erasmus (wajingako mu 1469-1536) patanshitu bamunemekele bingi mu byalo bya ku Europe. Bino mu kuya kwa moba, bamulengulwile'mba kitabilambijinga mu bya bupopweshi kimye kyo kwajinga milukuchi mu bya bupopweshi mambo aye wasolwele patoka bintu byatama byo baubanga ne byo bayanjishanga bantu mu Katolika. Lelo jino, bantu ba mu Europe bamunemeka mambo ye waalwile bintu mu bupopweshi. Waubile byepi bino?\nMAFUNJISHO NE BYO AITABIJILEMO\nErasmus wayukile bingi Kingiliki ne Kilatini. Kuyuka ino milaka ibiji kwamulengejile kwesakanya byo batuntulwile ma Baibolo, nabiji Baibolo wa Kilatini wa Vulgate, na byajinga mu Manyusikiliputi a Binembelo bya Kingiliki, bitelwa luno amba Lulayañano Lupya. Kuba bino kwamulengejile kushiinwa kuba'mba byambo biji mu Baibolo byanema bingi kabiji bantu bafwainwa kwibiyuka. Wafuukwilepo kuba'mba wafwainwa kutuntulula Binembelo Byazhila mu mulaka waambanga bantu bavula kimye kyo ajingako.\nErasmus watundaikanga kupimpula bintu mu Chechi wa Katolika mambo wamwene'mba bantu bafwainwa kwikalanga bwikalo bwa bwina Kilishitu kechi bwa kwambatu pa kanwa ne. Kino kyalengejile bantu kukeba kwalula bintu mu Chechi wa bena Loma. Onkao mambo, bamu Chechi wa Bakatolika batendekele kumumona'mba ye walengela bantu kwibalukamo.\nErasmus wasolwele byatama byaubanga Bakatolika ne byo bayanjishanga bantu\nMu byo anembele, Erasmus wasolwele byatama byaubanga bantangi ne bwikalo bwabo bwa bwitote ne kuba'mba ba papa bo batundaikanga makondo. Aye wapuseneko na bantangi ba mu chechi bamwenanga kajiilo mu chechi. Balipilishanga bantu pa kusolola mambo abo, pa kupopwela bo bamonanga'mba bazhila, pa kuzhikilwa na nzala, ne pa kupopwela mu bishimikwa byo bamona'mba byazhila. Erasmus aye wakaine kwivwanga ne mu bintu bikwabo byo baubanga mu chechi, nabiji kulekatu balenga mambo ne kakanya bantu kusongola.\nBINEMBELO BYA KINGILIKI BYA MU LULAYAÑANO LUPYA\nMu mwaka wa 1516, Erasmus momo alupwile Baibolo mutanshi wa Lulayañano Lupya mu Kingiliki ye baswishishe kupulinta. Uno ye wajinga Baibolo mutanshi wa Binembelo bya Kingiliki. Mu uno Baibolo wa Binembelo bya Bwina Kilishitu bya Kingiliki watuntulwile Erasmus mwajinga bipikichala ne byambo byo balumbulula ne lubaji lwa byambo bya mu Kilatini byapuseneko na byajinga mu Baibolo wa Vulgate. Kabiji watwajijile kumuwamisha. Uno Baibolo wawamine bingi kukila Baibolo wa Vulgate wa mu Kilatini.\nLupusano lumo lwajinga pa 1 Yoano 5:7. Mu Baibolo wa Vulgate babikilepo kapemeno kayukanyikwa'mba comma Johanneum mambo batundaikanga lufunjisho lwa balesa basatu. Kino kyepelo bekituntulwile bino amba: \"Mwiulu muji, Tata, Mambo, ne Mupashi, bano basatu ke mubiji umo.\" Bino Erasmus aye wibifuminyemo bino byambo mu ma Baibolo abiji a Lulayañano Lupya o atuntulwile mambo mu manyusikilipiti a Kingiliki kechi byajingamo ne. Mu kuya kwa moba, ba mu chechi bamukanjikizhe kwibibwezhamo mu Baibolo wa busatu ye atuntulwile.\nMa Baibolo atanshi atuntulwile Erasmus awamine o aingijishe bantuntuluzhi ba milaka ya ku Europe. Bano bajinga Martin Luther, William Tyndale, Antonio Brucioli, ne Francisco de Enzinas baingijishe ano ma Baibolo pa kutuntulula Baibolo kutwala mu Kijelemani, Kizungu ne Kiitalyani ne mu mulaka wa Kisipanishi.\nErasmus wajingako kimye kyajingako bantu baubilenga bintu byapusana bingi na biji mu Baibolo. Onkao mambo, Baibolo wa Lulayañano Lupya wa Kingiliki ye atuntulwile bamunemekele bingi ku bafumine mu Katolika. Erasmus bamumonanga'mba naye watundaikanga bantu bafuminenga mu Katolika. Pano bino, bano bantu byo bafuminemo ne kulenga chechi, popo bayukile'mba kechi byobyo aubanga ne. Kabiji wakaine kwipachika na bantu pa bya bupopweshi ne kwivwanga mu milukuchi yajingako pa kyokya kimye. Byo papichile myaka kukila pa 100, shayuka aye David Schaff wanembele'mba Erasmus \"kechi wajingapo mu bupopweshi buji bonse ne, kufikatu ne kimye kyo afwile. Bakatolika ne ba Polotesitanti bakaine'mba kechi bapopwelanga nanji ne.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/awake-na6-2016-december\/desiderius-erasmus\/","date":"2018-04-23T10:10:25Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945940.14\/warc\/CC-MAIN-20180423085920-20180423105920-00524.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":554,"character_repetition_ratio":0.062,"word_repetition_ratio":0.0,"special_characters_ratio":0.167,"stopwords_ratio":0.273,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Bintu byo Mwakonsha Kufunda mu Baibolo\nUno buku usakwimukwasha kuyuka bintu byaubiwe kala, nabiji pa kulenga ino ntanda, kusemwa kwa kwa Yesu ne mwingilo ye aingijile, kufika ne kimye kikeya Bufumu bwa Lesa.\nMwakonsha Kwingijisha byepi uno Buku?\nBaibolo waamba'mba Lesa walengele jiulu ne ntanda. Nanchi wamuyuka malaika mutanshi ye alengele saka akyangye kulenga bintu byonse nyi?\nLesa walengele mwanamulume ne mwanamukazhi mutanshi ne kwibabika mu bujimi bwa Edena. Bafwainwe kwikala na kisemi ne kulenga ntanda kwikala paladisa.\nMambo ka kichi kyajinga mu bujimi bwa Edena o kyanemejile?\nLesa waswile mulambo wa kwa Abela. Mulambo wa kwa Kaina wamukaine. Kaina byo ayukile wazhingijile bingi kya kuba kyamulengejile ne kuba kintu kyatama bingi.\nBamalaika byo basongwele banabakazhi, basemene baana biyangala. Bukapondo bwakumbenetu konse. Bino Nowa wapuseneko bingi—watemenwe Lesa kabiji wamukokelanga.\nMvula wanokele moba 40 mute ne bufuku. Nowa ne kisemi kyanji baikele mu bwato mwaka umo. Kepo Lesa ebabujile amba balupuke.\nBantu bafuukwilepo kushimika muzhi ne kyamba kyalepa. Mambo ka Lesa o avulañenye mulaka ye baambilenga?\nMambo ka Abalahama ne Sala o bashijile nzubo yabo mu muzhi bwa Ula ne kuya ne kwikala bakañenda mu Kenana?\nLesa wafikizhe byepi mulaye wanji kwi Abalahama? Ñanyi mwana wa kwa Abalahama mwafwainwe kufikila buno bungauzhi—mwi Izaka nyi, inyi mwi Ishimela?\nLesa wanokeshe mabwe ateema mujilo ne mujilo pa muzhi wa Sodoma ne Gomola. Mambo ka ino mizhi kyo beyonawijile? Mambo ka o twafwainwa kuvulukilanga muka Lota?\nLesa wabuujile Abalahama amba: 'Yanga na mwanobe yenka ye uji nanji ukamutapishe ku mutumba uji mu kyalo kya Moliya.' Abalahama waubile byepi pa byo bamubuujile byaesekele lwitabilo lwanji?\nIzaka ne Libeka bajinga na mapasa babalume, Isao ne Yakoba. Isao ye wajinga mutanshi kusemwa kabiji ye wafwainwe kutambula kya buswanyi kyanema bingi. Pano mambo ka o apoteshe bubeji?\nYakoba waubile byepi pa kuba'mba malaika amupeshe? Kabiji waubile byepi pa kuba'mba atendeke kumvwañana jikwabo ne Isao?\nYosefwa waubile bintu byawama, pano bino wamanamine bingi. Mambo ka?\nNangwa kya kuba Yosefwa wajinga kwalepa na kisemi kyanji, bino Lesa kechi wamulubileko ne.\nYoba wakookelanga Yehoba nangwa wapichilenga mu bya malwa.\nMosesa bamuzhikijile byo ajinga lukeke, na mambo a byaubile bainanji.\nMambo ka kipupu kyatemenenga mujilo o kyabujile kupya?\nNa mambo a bwitoote Felo wakaine kumvwina kyapelatu kyo bamubujile ne kuletela bya malwa bantu banji.\nAbino binkunka byapusene byepi na binkunka bitanshi bisatu?\nKino kinkunka kyamupezhezhe maana, kabiji kyalengejile Felo kuswisha bena Isalela kuya.\nFelo wapichile mu binkunka jikumi, nanchi wapulukile ku bino byakukumya byaubile Lesa nyi?\nBena Isalela byo bajinga ku Mutumba wa Sinai balayile Lesa kintu kyanema bingi.\nMosesa byo ayile na kutambula Mizhilo Jikumi, bantu balengele mambo akatampe.\nMu uno tente wa lusambakeno mo mwajinga jikwachi ja lulayañano.\nYoshua ne Kaleba bapuseneko na bamwendela ntanda jikumi bayile na kwendela kyalo kya Kenana.\nKola, Datanyi, Abilama, ne bakwabo banabalume 250 balubileko kishinka kyanema bingi pe Yehoba.\nMbongolo wamwene malaika, bino Balamu kechi wamumwenenga ne.\nBintu Lesa byo akambizhe Yoshua ne atweba byakonsha kwitukwasha mu ano moba inge twibilondela.\nNsakwa ya muzhi wa Yeliko yonse yakundukile. Bino nzubo ya kwa Lehaba yashajile nangwa kya kuba yajinga peulu ya nsakwa.\nYoshua walomba kwi Lesa amba: \"Obewa juba, imanatu!\" Nanchi Lesa wakumbwile nyi?\nYoshua byo afwile, bena Isalela betendekele kupopwela bankishi. Bwikalo bwatamine bingi. Bino Lesa wibakwashishe kwingijisha Mutonyi Balaka, ngauzhi wa mukazhi aye Debola, kabiji ne mwanamukazhi aye Yaela waipaile mulwanyi na lupopo wa tente.\nBano banabakazhi bafwilwa babwelele ku Isalela. Umo wajinga Luta, wapupulanga kajo mu bujimi mwamuyukijile Boaza\nBantu balombele Yehoba kwibakwasha mambo bena Mijanyi bebekezhe bufinda. Ki ka kyalengejile nzhita ya kwa Gidiona yajingatu icheche kushinda nzhita ya balwanyi yajinga na bashilikale 135,000?\nElekana waya ku tente wa lusambakeno ku Shilo pane ne Hana, ne Penina ne baana banji. Hana koko alombele Lesa kumupa mwana. Samwela wasemenwe, byo papichiletu mwaka umo.\nÑanyi mulaye walayile Yefita kabiji mambo ka? Mwana wa mukazhi wa kwa Yefita waubile byepi pa byalayile bashanji?\nBaana babiji ba Ñanga Mukatampe Eli baingijilenga mwingilo wa buñanga pa tente wa lusambakeno. Kechi bakokelanga mizhilo ya Lesa ne. Bino Samwela nangwa wajinga mwanyike wapuseneko nabo.\nLesa wapele Samisonyi bulume ne kulwa na bena Filishitiya, bino Samisonyi byo abuujile kufuukulapo bulongo, bena Filishitiya bamukwachile.\nLesa wapele bena Isalela ba mitonyi bakuchiba mambo ne kutangijila bena Isalela, pano bino bakebelenga kwikala na mfumu. Samwela washingile manyi Saulo waikele mfumu wabo mutanshi, bino byo papichile myaka Yehoba wamukaine Saulo. Ki ka kyalengejile?\nYehoba wasajile Davida kwikala mfumu wa bena Isalela, kabiji wamwesheshe patoka kuba'mba wafikilamo kwikala mfumu.\nMambo ka Saulo o ashikijilwe Davida, kabiji Saulo wakebanga kuba ka Davida?\nMwana mfumu wajinga mulunda wa kine wa kwa Davida.\nMambo alengele Davida amuletelejile.\nLesa waumvwine byalombele Mfumu Solomone kabiji wamupele mingilo yavula bingi.\nBeba Isalela bavula balekele kupopwela Yehoba.\nLesa wa kine ye ñanyi? Yehoba nyi, Baela?\nNanchi ne obewa wakonsha kukukosesha nyi?\nBya kukumya bibiji mu imo!\nYezebeli wafuukula bya kwipaya Nabota kuba'mba atambule bujimi bwa miñanzañanza. Yehoba wamukambwile pa byo aubulenga.\nMfumu Yehoshafwata walombele kwi Lesa kimye muzhi wa Yuda kyo bamulukukile ku byalo byajinga pepi.\nNsongwakazhi mwina Isalela wabujile nkambo yanji wamukazhi amba Yehoba uji na bulume bwa kuba bya kukumya.\nKalume wa kwa Elisha wayukile amba 'bo bajinga nabo bavujile kukila balwanyi babo.'\nÑanga wa kishinka wachinchikile ne kukana kutundaika mfumu mubi.\nKyajinga byepi pa kuba'mba ngauzhi wa Lesa bamumine ku jisabi jikatampe? Wafuminemo byepi? Ñanyi kintu Yehoba kyo amufunjishe?\nBalwanyi babena Yuda baambilenga'mba Yehoba kechi ukazhikijila bantu banji ne. Byo balangulukilenga kechi byajinga bya kine ne!\nYosiya waikele mfumu wa bena Yuda saka ajitu na myaka itanu na isatu, wakwashishe bantu banji kupopwela Yehoba.\nByambo byaambile ngauzhi Yelemiya saka ajitu mwanyike byazhingijile bingi bakulumpe ba mu Yuda.\nYehoba walekele kuzhikijila bena Yuda mambo a kutemwa kupopwela bankishi.\nBanyike bayudea batwajijile kukookela Yehoba nangwa kya kuba bajinga mu kipango kya mfumu.\nDanyela walumbulwile mwatajile kiloto kya kukumya kyalotele Nebukaneza.\nShadalaka, meshaka ne abedenego bakaine kupopela kipashañano kya mfumu wa bena Babilona.\nNebukaneza walotele bikamumwekela kulutwe.\nÑanyi kimye kyanembelwe byambo mu jishinda jakukumya pa lubumbulu, kabiji byalumbulwilenga ka?\nWafwainwa kulombanga kwi Yehoba jonse byonka byaubanga Danyela!\nNangwa kya kuba wajinga mu kyalo kya bene, wasongwele ku mfumu nangwa kya kuba wajinga mwana wakishale.\nBena Isalela byo baumvwine byaambile Ezela, bachipile luchipo lwanema bingi kwi Lesa.\nMambo ka Nehemiya o abujile kumvwa moyo byo ayukile'mba balwanyi babena kukeba kwibalukuka?\nMambo ka Zekaliya o abujijilenga kwamba kufikatu ne kimye kyasemekelwe mwaana?\nNgabaliela wabujile Maliya byambo byapimpwile bwikalo bwanji.\nBakafunga baumvwine kusemwa kwa kwa Yesu bayileko.\nMfumu wakanama wakebelenga kwipaya Yesu.\nKi ka kyalengejile bafunjishi kukumya byaambilenga Yesu mu nzubo ya Lesa?\nYoano waikele ngauzhi. Wafunjishanga kuba'mba Mesiasa ubena kwiya. Nanchi bantu baumvwanga byo asapwilanga nyi?\nYoano watazhizhe mwepi pa kwamba'mba Yesu Mwana Mukooko wa Lesa?\nDiabola waesekele Yesu pa bimye bisatu. Ñanyi meseko asatu o bamwesekele? Kabiji Yesu wakumbwile byepi?\nMambo ka Yesu o afumishishemo banyama ne kupinuna matebulu a bantu bapimpwilenga mali mu nzubo ya Lesa?\nMwanamukazhi waishile ku mushima wa kwa Yakoba wakuminye bingi Yesu byo esambilenga nanji. Mambo ka? Ñanyi bintu byo amubuujile byo abuujile kubulapo bakwabo?\nYesu waambijile baana banji ba bwanga bamo kwikala 'bakukwata bantu.' Kepo aichile bakwabo 70 ne kwibafunjisha bya kusapwila mambo awama a bufumu.\nKonse ko ayilenga Yesu, bakolwa baishilenga kwi aye na kukeba kwibabuka. Kabiji wibabukilenga. Wasangwile ne kashimbi.\nMambo ka o ebasajijile? Wayuka mazhina abo nyi?\nYesu ubena kufunjisha bantu bintu byanema bingi.\nÑanyi bintu byo twafwainwa kulombanga?\nKino kya kukumya kitufunjishapo ka pe Yesu ne Yehoba?\nNanchi wayuka batumwa byo baumvwine kimye kyo bamwene kino kya kukumya nyi?\nMambo bantu o bapachijile byaubilenga Yesu?\nYesu byo amwene Maliya ubena kujila, naye wajijile. Pano bino mipolo ya bulanda yaikele ke mipolo ya lusekelo.\nYesu wapele batumwa banji mikambizho yanema bingi kimye kyo bajilenga kijilo kyapeleleko.\nYudasa Isakaliota watangijile bantu bajinga na mipenyi ne tukonkolo kuya ku bujimi wa Ngesemani na kukwata Yesu.\nPetelo bamwambijile bimye bisatu amba wajinga ne Yesu saka babena kota mujilo mu kipango kya kwa Kaifasa. Petelo wakainetu nsalansala amba, 'Kechi namuyuka awo muntu ne.' Kepo shikombwe akokwele.\nMambo ka Pilato o aambijile'mba Yesu bamwipaye?\nÑanyi bintu bya kukumya byamwekele Yesu byo bamwipayile?\nWaubile byepi pa kuba'mba bateko muchima?\nBino saka akyangye kuya, wapele baana banji ba bwanga mizhilo yo bafwainwe kulondelanga.\nÑanyi kintu kya kukumya kibobijile mupashi wazhila?\nBantangi ba bupopweshi baipaile Yesu, bakebelenga kulekesha mwingilo waingijilenga baana ba bwanga. Bino bakankelwe.\nSaulo wamanyikanga bingi bena Kilishitu, pano bino walekele kuba bino.\nMambo ka Lesa o atumijile Petelo ku nzubo ya uno mwanamulume, wabujile Muyudea?\nMutumwa Paulo ne balunda nanji baingijile mwingilo wa bumishonale mu byalo bya kwalepa.\nBandemona, kitentashi ne mpoko byaiyamo byepi mu jino jishimikila?\nBano banabalume bajinga balunda kabiji baingijijile pamo pa myaka yavula bingi.\nByo ayilenga wapichilenga bingi mu makatazho, bino uno mutumwa kechi wabwelelemo ne.\nYesu wamumwesheshe bimwesho byavula bingi bikamweka kulutwe.\nBimwesho byamwene Yoano bimwesha Bufumu wa Lesa byo bukawamya ino ntanda.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/mashimikila-a-mu-Baibolo\/","date":"2018-04-25T05:44:14Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947693.49\/warc\/CC-MAIN-20180425041916-20180425061916-00516.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":1456,"character_repetition_ratio":0.039,"word_repetition_ratio":0.0,"special_characters_ratio":0.168,"stopwords_ratio":0.209,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA—KYA KUFUNDAMO Mankumbinkumbi 2015\nMu uno magazini muji mitwe ya kufundamo kutendeka pa August 31 kufika pa September 27, 2015.\nTangai pa basapwishi baji mu masongola ne babula kusongola nangwa kusongolwa bavilukila ku Russia na kwingijila mu mapunzha muji kukajilwa. Bafunda kuketekela mwi Yehoba\nNanchi paladisa wa ku mupashi ne nzubo ya Lesa ya ku mupashi byaesakana nyi? Ñanyi \"paladisa\" wamwene mutumwa Paulo mu \"jiulu ja busatu\"?\nMwakonsha kutwajijila byepi kwikala na lwitabilo lwakosa mwi Yehoba ne kumwingijila na lusekelo? Langulukai pa bakalume ba Lesa bakikulumpe baambiwapo mu Baibolo bamwingijilenga na lusekelo.\nÑanyi mbila yo bakataya bantu ba Lesa kimye kikatendeka malwa akatampe? Ñanyi kintu kikamwekela bashingwa pa kyokya kimye?\nByaubile Bezalela ne Oholyaba bitufunjisha kino kishinka, kya kuba'mba: Yehoba umona mingilo yetu, nangwatu inge kafwako muntu ubena kwiimona ne.\nBena Kilishitu bakonsha kwifunjisha byepi kwikala bakishinka kwi Yehoba ne Bufumu bwanji?\nTwakonsha kumwesha byepi amba twanemeka mapunzha etu a kupopwelapo? Bashimika byepi Mazubo a Bufumu kabiji bafumya kwepi mali a kuwamishisha?\nBaibolo waamba'mba bichi byavujile bingi mu mapunzha amo a mu Ntanda ya Mulaye. Bino pa kumona ino mpunzha byo mwaubatu pwekuu, twakonsha kwipuzha'mba, nanchi kya kine mwajinga bichi byavula kala nyi?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/w20150715\/","date":"2018-04-22T07:02:06Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945497.22\/warc\/CC-MAIN-20180422061121-20180422081121-00592.warc.gz","language":"kqn","language_score":1.0000100136,"language_script":"Latn","minhash_cluster_size":2,"top_langs":"{\"kqn_Latn_score\": 1.0000100135803223}","num_words":191,"character_repetition_ratio":0.055,"word_repetition_ratio":0.0,"special_characters_ratio":0.174,"stopwords_ratio":0.241,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"YESU papo wamwekele kuzhingila bingi, ke ibyo nenyi? Nanchi wayuka ene mambo o azhingijile nyi? Ke na mambo a kuba'mba bano bantu bajinga mu nzubo ya Lesa mu Yelusalema bajinga bingi na lwiso. Bakebelenga kwikala na mali avula bingi kupichila mu kupotesha bintu ku bantu baishilenga na kupopwela Lesa.\nNanchi wibamona abe bañombe bonse, mikooko ne bankunda nyi? Banabalume bapoteshenga bano banyama monka mu nzubo ya Lesa. Abya wayuka ene mambo nyi? Ke na mambo a kuba'mba bena Isalela bakebanga banyama ne bañonyi ba kuya na kupana bitapisho kwi Lesa.\nMizhilo ya Lesa yaambile'mba, umvwe mwina Isalela walenga mambo, wafwainwe kulambula mulambo kwi Lesa. Kwajinga ne bimye bikwabo bena Isalela byo bapananga milambo. Pano kwepi bena Isalela ko bakonsheshe kutana bañonyi ne banyama ba kulambula kwi Lesa?\nBena Isalela bamo balelanga bañonyi ne banyama. Onkao mambo, bakonsheshe kupana bano ke milambo. Bino bena Isalela bavula kechi bajingapo na banyama nangwa bañonyi ne. Bakwabo baikalanga kwalepa na Yelusalema kabiji kechi bakonsheshenga kuleta banyama babo ku nzubo ya Lesa ne. Onkao mambo, bantu baishilenga ku nzubo ya Lesa na kupota banyama nangwa bañonyi bo bakebelenga. Pano bano banabalume balulumikilenga bingi mutengo. Bajimukijilenga bingi bantu. Kabiji kechi bafwainwe kupoteshanga bintu mu nzubo ya Lesa ne.\nKino kyo kyalengejile Yesu kuzhingila. Onkao mambo, waalumwine matebulu a boba banabalume ne kwichila mali ajingapo. Kabiji walengele bwembya, nangwa'mba kikote kya mizhinge ne kupangamo banyama bonse bajinga mu nzubo ya Lesa. Wakambizhe banabalume bapoteshenga bankunda amba: 'Bifumyaimo bino! Kange mwalule nzubo ya Batata ke ya kutainamo mali avula ne.'\nBaana ba bwanga ba kwa Yesu bamo bajinga nanji kuno ku nzubo ya Lesa mu Yelusalema. Bakuminye bingi pa kumona bintu byaubilenga Yesu. Kepo bavulukile byambo bimo mu Baibolo byaamba pa Mwana Lesa amba: 'Butemwe bo natemwa nzubo ya Lesa bukatemanga mwi amiwa nobe mujilo.'\nKimye Yesu kyo akijinga muno mu Yelusalema ku kijiilo kya Lupitailo, waubile bya kukumya byavula bingi. Panyuma ya bino, Yesu wafumine mu Yudea ne kutendeka lwendo lwanji lwa kubwela ku Ngalilea. Bino pa lwendo lwanji, wapichile mu nkambi ya Samaliya. Twaya tumone byamwekele kokwa.\nYoano 2:13-25; 4:3, 4.\nMepuzho\n- Mambo ka banyama kyo bebapotesheshenga pa nzubo ya Lesa?\n- Ki ka kyalengejile Yesu kuba bukaji?\n- Kwesakana na byo ubena kumona pa kipikichala, nanchi Yesu waubilenga ka papo, kabiji nga abo banabalume bapoteshenga bankunda wibakambizhe'mba ka?\n- Pa kumona byaubilenga Yesu, baana ba bwanga bavulukile ka?\n- Nkambi ka mwapichile Yesu kimye kyo abwelelenga ku Ngalilea?\nBwipuzho bukwabo\n- Tanga Yoano 2:13-25.\nInge twaamba'mba tumone byazhingijile Yesu na mambo a boba baubilenga busulu mu nzubo ya Lesa, nanchi mweno ka yafwainwa pa mambo a busulu mu Nzubo ya Bufumu? (Yoa. 2:15, 16; 1 Ko. 10:24, 31-33)","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/bible-stories\/kipungu-6-kusemwa-kwa-yesu-kufika-ne-ku-lufu-lwanji\/jishimikila-89-yesu-watokesheshe-mu-nzubo-ya-lesa\/","date":"2018-04-20T02:17:15Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937090.0\/warc\/CC-MAIN-20180420003432-20180420023432-00190.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":429,"character_repetition_ratio":0.077,"word_repetition_ratio":0.0,"special_characters_ratio":0.195,"stopwords_ratio":0.238,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"\"Kimye batata kyo bakebelenga kwibafumya mu kipatela, twisambile na dokotala kuba'mba apime mashi abo jibiji. Dokotala waambile'mba bajitu bulongo, pano bino, byo e atajiletajile bulongo wakuminye bingi pa kumona kuba'mba batata kechi bajingatu bulongo ne. Walombele lulekelo lwa mambo ne kwita shayuka mukwabo. Batata luno bakosa. Tuji bingi na lusekelo mambo a kuba'mba twaipwizhe dokotala mepuzho.\"—Maribel.\nKulanguluka pa kimye kyo bemubuula kuya na kumonañana na dokotala ne kwikala mu Kipatela kuleta bingi bijikila. Byonkatu byaubile Maribel, kukwasha mulunda nenu nangwa mulongo wenu kwawama bingi, kimo kimye kwakonsha ne kupulusha bumi bwanji. Pano mwakonsha kukwasha byepi mulongo inge wakolwa?\nSaka mukyangye kuya ku kipatela. Mwafwainwa kukwasha wakolwa kunemba byo abena kumvwa ne muchi yense ye atoma. Kabiji nembai ne mepuzho o mwafwainwa kwipuzha dokotala. Kwashai mulunda nenu kuvuluka bishinka byonse pa kikola kyanji nangwa inge kya kuba mu kisemi mujipo umo wajinga na kyokyo kikola. Kechi muketekele kuba'mba dokotala wayuka byonse nangwa'mba usakwipuzha pa bino byonse ne.\nKimye kyo muji ku kipatela. Mwafwainwa kumona kuba'mba anweba ne wakolwa mwaumvwisha byonse bibena kwamba dokotala. Ipuzhainga mepuzho kabiji chinuzhukainga kubepekezha nobe mwaumvwa. Mwafwainwa kuleka wakolwa kwipuzha mepuzho ne kwiambila mwine kechi kumwambilako ne. Telekeshainga ne kunemba byo babena kwimubuula. Ipuzhaiko ne mashinda akwabo a kubukilwamo. Kimo kimye kyakonsha ne kuwama kubuula dokotala kuba'mba engijishe jishinda jikwabo kubukilamo wakolwa.\nInge mwafuma ku kipatela. Pitulukaimo na wakolwa moba o bemubuula kubwela ku kipatela. Mwafwainwa kumona kuba'mba watambula muchi wafwainwa. Mutundaikai kulondela mikambizho ya kwa dokotala pa kutoma muchi ne kubuula dokotala bukiji bukiji inge muchi ye abena kutoma ke alete lukatazho lukwabo mu mubiji. Tundaikai wakolwa kwikala na muchima wa lusekelo ne kulondela mikambizho ikwabo, nabiji ya kubwelako jikwabo na kumonañana na dokotala. Mukwashai kuyuka biji kikola kyanji.\nKimye kyo Mukiji mu Kipatela\nMwafwainwa kutekanya ne kujimuka. Muntu wakolwa ubena kuya ku kipatela wakonsha kwakamwa ne kumona nobe kechi ukakosa ne. Umvwe mwatekanya ne kutelekesha, mwakonsha kukwasha bonse bo mwaiya nabo kuteka muchima ne kubula kuba bilubo. Monai kuba'mba mwanemba bulongo mapepala onse o bemupa mu kipatela. Mwafwainwa kunemeka luusa lwa wakolwa lwa kwisajila mashinda a kubukilwamo. Umvwe wakolwa kya kuba kechi ubena kwamba ne, mwafwainwa kulondela mashinda o anembele a kumubukilamo ne luusa luji na yewa ye asajile kumwimenako. *\nMwafwainwa kwisamba na badokotala. Kumvwanga moyo kwisamba na badokotala babena kubuka wakolwa ye muji nanji ne. Mwekelo yenu yawama ne mushingi ye mubena kumwesha wakonsha kulengela badokotala kubikako bingi maana ku wakolwa. Mu bipatela byavula, bakolwa bebabuka ku badokotala bavula bingi. Mwakonsha kukwasha badokotala bakwabo baiya na kumona wakolwa kupichila mu kwibabuula byaji kwamba jibumba jikwabo ja badokotala ja kwiya. Na mambo a kuba'mba yenu mwayuka bulongo wakolwa, mwakonsha kwibabuula bintu bimo byo mubena kumona ku yeo wakolwa ye mubena kulama.\nMweshainga mushingi ne kwibasanchila pa mingilo yo bengila. Bengijila mu bipatela bengila nkito yabaya bingi. Onkao mambo bobilainga bintu byonse byo mukeba'mba ne anweba bemubile. (Mateo 7:12) Nemekainga mingilo yo bafunda ne byo bapitamo, kwikala na luketekelo mu byo babena kuba, ne kwibasanchila pa mingilo yo babena kwingila. Inge ke mube bino, mwakonsha kwibatundaika kwingila na muchima yense.\nKafwako muntu wakonsha kuchinuzhuka kukolwa ne. Pano bino, kulangulukila jimo pa bintu byakonsha kumweka kulutwe ne mashinda a kukwashishamo, mwakonsha kukwasha mulunda nenu nangwa mulongo wenu kuyuka bya kuba inge wakolwa.—Byambo bya Maana 17:17.\n^ par. 8 Mizhilo ne bintu bikwabo bya kulondela umvwe muntu wakolwa byapusana pusana monka mwapusena mapunzha. Mwafwainwa kumona'mba mapepala onse anembele wakolwa paji mashinda a kubukilwamo anembwa bulongo kabiji paji mashinda a katataka.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/g201510\/kukwasha-mulongo-wenu-wakolwa\/","date":"2018-04-20T18:29:17Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125944677.39\/warc\/CC-MAIN-20180420174802-20180420194802-00125.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":568,"character_repetition_ratio":0.074,"word_repetition_ratio":0.0,"special_characters_ratio":0.165,"stopwords_ratio":0.181,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Smita, *mwanamukazhi wa myaka 35 wikala mu Dhaka, Bangladesh, wayukanyikilwe kuba'mba wajinga muntu wakifyele bingi kabiji watemwa bantu. Wayukanyikilwe kuba'mba wajinga mwanamukazhi waingilanga bingi kabiji wakebanga kukwasha bantu bintu byo afunjile pe Lesa. Balongo banji ne bantutu bakwabo bakuminye bingi byo akolelwe kikola kya kubazhimukilatu ne kufwa mu mulungutu umo.\nJames ne mukazhanji bajinga na myaka ya mu ma 30 nabo bajinga na byubilo byawama byonka byajingapo ne Smita. Byo kyafikile kimye kya milemba, bayile na kufwakashisha balunda nabo ku Muzhika wa Kitulu kya United States. Kechi babwele mu New York mo baikalanga ne. Kimye kyo bayile, betaine mu mapuso a pa mukwakwa, balunda nabo ne bakwabo mo baingijilanga nkito kibatamijile bingi.\nMubena kwimwena byatama byavula bibena kumweka lelo jino. Makondo abena kulengela bantutu ne bashilikale kufwa. Bumbanzhi bulengela bantu babula mambo kuyanjilamo. Mapuso, bikola ne bya malwa biponakotu bine bifikilatu bantu bonse. Misalululo ne nshiji byakumbanatu ntanda yonse. Kampepo ne anweba bino bintu bya kimumwekelapo kala.\nNa mambo a bino, twafwainwa kushikisha amba:\nMambo ka bintu byatama o bimwekela ku bantu bawama?\nNanchi twafwainwa kupamo Lesa mambo pa bino bibena kubiwa nyi?\nNanchi bya malwa biyakotu abyo bine nyi, inyi bantu bo balengela?\nNanchi bintu byaubile muntu mu bwikalo byo bilengela kuyanda nyi?\nUmvwe kya kuba Lesa wa bulume bonse ko aji, mambo ka o abujila kuzhikijila bantu bawama ku bino bintu?\nNanchi kukekalapo kimye kyo kukabula bubi ne buyanji mu ntanda nyi?\nPa kuba'mba tukumbule ano mepuzho, kuji bintu bibiji byo twafwainwa kuyuka: Mambo ka bintu byatama o bimwekela kabiji Lesa ukobapo byepi?\n^ par. 3 Mazhina apimpulwa.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/wp20140701\/bintu-byatama-kumweka\/","date":"2018-04-26T08:16:42Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948119.95\/warc\/CC-MAIN-20180426070605-20180426090605-00279.warc.gz","language":"kqn","language_score":1.0000100136,"language_script":"Latn","minhash_cluster_size":2,"top_langs":"{\"kqn_Latn_score\": 1.0000100135803223}","num_words":256,"character_repetition_ratio":0.051,"word_repetition_ratio":0.0,"special_characters_ratio":0.177,"stopwords_ratio":0.246,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mwingilo wa kusapwila ubena kukebewa kumwingila bingi bukiji mambo malwa akatampe ajitu pepi. (Man 24:11, 12, 20) Pa kuba'mba tukwashe bantu bavula, twafwainwa kwingijishanga tubikachi twa jw.org pa kuba'mba bayuke keyala wetu ne kufunda Mambo a Lesa. Pa kano kakikachi paji po bakonsha kuba scan paji musaabilo wa kwibatwala paji vidyo wa kuba'mba Mambo ka a Kufunjila Baibolo? ne po bafwainwa kunemba inge kuji bikwabo byo babena kukeba nangwa kufunda Baibolo. Bantu bamo kechi bakeba kutambula mabuku etu ne, bino baswa kuya pa keyala wetu. Twafwainwa kwibapa kakikachi ka jw.org. Pano bino, kechi mwafwainwa kupa bantu babula kutako muchima tuno tubikachi ne.\nPa kupa bantu tuno tubikachi, mwakonsha kwambatu'mba: \"Njina na kakintu kamo ko mbena kukeba kwimupa. Pa kano ka kikachi paji keyala wa pa intaneti paji mabuku o mwakonsha kutanga kyatutu ne mavidyo aamba pa mitwe yapusana pusana.\" (Yoa 4:7) Kano kakikachi ka jw.org kachechetu. Onkao mambo, mwakonsha kusendapo tumo ne kupa bantu pa kimye kiji kyonse.","id":"","dump":"CC-MAIN-2018-30","url":"https:\/\/www.jw.org\/kqn\/mabuku\/jw-Mutanchi-wa-Kupwila\/october-2016-mwb\/mutanchi-wa-kupwila-oct31-nov6\/kwingijisha-bulongo-tubikachi\/","date":"2018-07-18T05:15:41Z","file_path":"s3:\/\/commoncrawl\/crawl-data\/CC-MAIN-2018-30\/segments\/1531676590051.20\/warc\/CC-MAIN-20180718041450-20180718061450-00580.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":154,"character_repetition_ratio":0.075,"word_repetition_ratio":0.0,"special_characters_ratio":0.198,"stopwords_ratio":0.227,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KUMBULAI KWINGIJISHA BIPIKICHALA Mosesa ba Mutana Kopololai bino bipikichala ne kutongola mazhina a Bantu baji ku mukola wa Nile. kopololai Bikwabo Bijipo Monai Byonse Davida Wajingatu na Bilwilo Bicheche, Bino Wachinchikile Esakanya bano bantu ba mu Baibolo na bintu byo babiika po baji. Davida Waishijile mu Jizhina ja Lesa Kwashai mwana wenu kuyuka bilumbulula jizhina ja Lesa. Twajijilai Kulomba Mupashi Wazhila Bino bipikichala bikwasha banyike baji na myaka pakachi ka 6 ne 8 kuyuka ene mambo o kyawamina kutwajijila kulomba. Monai Byonse Tumai Musabilo Tumai Musabilo KUMBULAI KWINGIJISHA BIPIKICHALA Mosesa ba Mutana Kikaonde Mosesa ba Mutana https:\/\/assetsnffrgf-a.akamaihd.net\/assets\/m\/502014108\/univ\/art\/502014108_univ_sqr_xl.jpg","id":"","dump":"CC-MAIN-2018-39","url":"https:\/\/www.jw.org\/kqn\/bifunjisha-baibolo\/baana\/kumbulai-kwingijisha-bipikichala\/mosesa-ba-mutana\/","date":"2018-09-23T21:05:53Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159744.52\/warc\/CC-MAIN-20180923193039-20180923213439-00337.warc.gz","language":"kqn","language_score":1.0000053644,"language_script":"Latn","minhash_cluster_size":1,"top_langs":"{\"kqn_Latn_score\": 1.0000053644180298}","num_words":95,"character_repetition_ratio":0.081,"word_repetition_ratio":0.0,"special_characters_ratio":0.185,"stopwords_ratio":0.211,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KUMBULAI KWINGIJISHA BIPIKICHALA Twajijilai Kulomba Mupashi Wazhila Yukai ene mambo o mwafwainwa kutwajijila kulomba mupashi wazhila wa Lesa. Kopololai Bikwabo Bijipo Monai Byonse Davida Wajingatu na Bilwilo Bicheche, Bino Wachinchikile Esakanya bano bantu ba mu Baibolo na bintu byo babiika po baji. Davida Waishijile mu Jizhina ja Lesa Kwashai mwana wenu kuyuka bilumbulula jizhina ja Lesa. Yehoba Wapele Samisonyi Mupashi Wazhila Kino kikwasha banyike baji na myaka pakachi ka 3 ne 6 kuyuka Samisonyi ne bulume bo ajinga nabo. Monai Byonse Tumai Musabilo Tumai Musabilo KUMBULAI KWINGIJISHA BIPIKICHALA Twajijilai Kulomba Mupashi Wazhila Kikaonde Twajijilai Kulomba Mupashi Wazhila https:\/\/assetsnffrgf-a.akamaihd.net\/assets\/m\/502016109\/univ\/art\/502016109_univ_sqr_xl.jpg","id":"","dump":"CC-MAIN-2018-39","url":"https:\/\/www.jw.org\/kqn\/bifunjisha-baibolo\/baana\/kumbulai-kwingijisha-bipikichala\/kulomba-mupashi-wazhila\/","date":"2018-09-20T22:53:26Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156622.36\/warc\/CC-MAIN-20180920214659-20180920235059-00524.warc.gz","language":"kqn","language_score":1.0000095367,"language_script":"Latn","minhash_cluster_size":2,"top_langs":"{\"kqn_Latn_score\": 1.000009536743164}","num_words":96,"character_repetition_ratio":0.108,"word_repetition_ratio":0.0,"special_characters_ratio":0.178,"stopwords_ratio":0.167,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Bansemi bakamwa Lesa bakebesha bingi baana babo kukekala ba kishinka kwi Yehoba inge bakoma. Bansemi mwakonsha kukwasha baana benu kwikala ba kishinka inge ke mwibafike pa muchima pa kwibafunjisha Mambo a Lesa. Mwafwainwa kutendeka kwibafunjisha saka bakijitu banyike. (Mpi 6:7; Man 22:6) Kuba bino kechi kwapela ne, pano bino mufuma byawama bingi.—3Yo 4.\nByo muji bansemi, mwakonsha kufunjilako kwi Yosefwa ne Maliya. \"Bayanga kimye kyonse ku Yelusalema ku Kijiilo kya Lupitailo pa mwaka pa mwaka.\" Kyakatezhe bingi kuba bino kabiji baingijishanga mali avula bingi. (Luk 2:41) Kyamweka Yosefwa ne Maliya banemekele bingi kwingijila Yehoba pamo na kisemi kyabo. Kyo kimotu ne lelo jino, bansemi bakonsha kufunjisha baana babo kupichila mu byambo ne mu byo boba.—Sl 127:3-5.\nTAMBAI VIDYO WA KUBA'MBA BAFUNJISHE BAANA BABO BULONGO, APA BINO MUKUMBULE ANO MEPUZHO ALONDELAPO:\nBa Jon Schiller ne bakazhi babo ba Sharon batangizheko byepi Bufumu patanshi byo bakomeshenga baana babo?\nBansemi bakonsha kufunjisha byepi baana babo kwesakana na byo baji?\nBansemi bakonsha kukwasha byepi baana babo kushinda meseko eseka lwitabilo lwabo?\nÑanyi bintu byanengezha jibumba ja Yehoba byo mwingijisha pa kukwasha baana benu kwikala balunda na Yehoba?","id":"","dump":"CC-MAIN-2018-39","url":"https:\/\/www.jw.org\/kqn\/mabuku\/jw-Mutanchi-wa-Kupwila\/june-2018-mwb\/mutanchi-wa-kupwila-june18-24\/bansemi-funjishainga-baana-benu-pe-Lesa\/","date":"2018-09-24T15:57:29Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160568.87\/warc\/CC-MAIN-20180924145620-20180924170020-00106.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":178,"character_repetition_ratio":0.082,"word_repetition_ratio":0.0,"special_characters_ratio":0.188,"stopwords_ratio":0.219,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mambo ka Satana ne bandemona o bajimbaikila bantu? Bakeba'mba tusatukile Lesa. Bakeba ne kuba'mba twibapopwelenga. Kabiji kikwabo kyo bakeba ke kwitabila byo bamba ne kwitulengela kuba bintu byashikwa Yehoba. Bintu byo bakeba'mba tubenga byavwangamo bisho bya kupopwela bantu bafwa.\nMuntu ye twatemwa inge wafwa, kitukola bingi ku muchima, kabiji kijitu bulongo kumvwa bulanda. Lazalasa byo afwile, Yesu \"wajijile ne mipolo.\"—Yoano 11:35.\nKuji bisho byavula bingi byuba bantu pa lufu, kabiji byapusana pusana kwesakana na byalo. Bisho byavula kechi bilala mafunde a mu Baibolo ne. Pano bino, bisho bimo bimwesha kuba'mba bantu bafwa baji ku mpunzha ya mipashi ko baji na bumi kabiji bamona bantu bakiji na bumi. Bantu bakiisha pa bijilo, kukizhamo kuba bulanda ne kunengezha bijiilo pa kuba'mba babule kuzhingijisha mipashi ya bantu bafwa. Na mambo a kuba'mba bantu bafwa \"kafwako kintu nangwa kimo kyo bayuka ne,\" aba bonse balondela bino bisho batundaika bubela bwa kwa Satana.—Musapwishi 9:5.\nKuji bisho bikwabo byuba bantu mambo bayuka'mba bantu bafwa bakeba kwibakwasha ku bantu bomi kabiji amba bakonsha kumanyika bantu bomi inge bebazhingijisha. Mu byalo bimo, bantu bekala na bijiilo ne kupana milambo inge papita moba 40 nangwa mwaka umo kufuma pafwijile muntu. Boba bino pa kuba'mba bakwashe bantu bafwa kuya ku mpunzha ya mipashi. Kabiji kisho kikwabo kyuba bantu bavula ke kupana kajo ne bya kutoma ku muntu wafwa.\nKulondela bino bisho kwatama bingi mambo kutundaika bubela bwamba Satana pa bantu bafwa. Nanchi Yehoba wakonsha kuswisha kulondela bisho bitundaika bandemona nyi? Ine, kwalepeshatu!—2 Kolinda 6:14-18.\nBakalume ba Lesa kechi bafwainwa kulondelanga bisho bya bubela bitundaika Satana ne. Bino bafwainwa kutwajijila kukwasha bantu ne kwibatekenesha. Bayuka'mba inge muntu wafwa, Yehoba ye yenkatu wakonsha kumusangula. —Yoba 14:14, 15.\nLesa Washikwa Bantu Bapopwela Mipashi\nBantu bamo batendeka kwisamba na bandemona nangwa kuya ku ñanga. Kuba bino ke kupopwela mipashi. Kupopwela bashakulu, bulozhi, bingelekezha, kuponga ne kwipuzha bantu bafwa ke kupopwela mipashi.\nBaibolo wakanya kuba bino bintu kabiji waamba'mba: \"Mwi anweba kechi mukatanwe muntu nangwa umo ukasoka mwananji wa mulume nangwa mwananji wa mukazhi mu mujilo ne, nangwa uponga, nangwa ñanga wa bisoko nangwa muntu yense uba bya lubuko nangwa mulozhi ne. Kabiji kechi mukatanwe muntu uta bakwabo bwanga nangwa wipuzha muntu wisamba na mipashi nangwa wamba bikamweka kulutwe nangwa wisamba na bafu ne. Mambo muntu yense uba bino bintu ye wa bunya kwi Yehoba.\"—Mpitulukilo ya mu Mizhilo 18:10-12.\nMambo ka Yehoba o akainya kuba bino?\nYehoba witukanya kupopwela mipashi pa kuba'mba bintu bituwamine. Witutemwa bingi kabiji wituta muchima, kabiji wayuka'mba bantu inge ke bapopwele mipashi, bakafumyamo kalulu kuvimba meso.\nBa Nilda bekala ku Brazil bebakatazhanga ku mipashi yatama. Bandemona bebamanyikile bingi. Baambile'mba: \"Bandemona bandamine bingi buzha kabiji bandengejile kukonya. Bankatazhanga bingi kya kuba kechi nalangulukanga bulongo ne. Kino kyandengejile kutendeka kutoma muchi wandengelanga kulaala, kutoma malwa ne kupepa fwanka. Natwajijile kuba bino pa myaka yavula.\"\nByo papichile moba, Yehoba ne Bakamonyi banji bakwashishe ba Nilda kuleka kwisamba na bandemona kabiji luno bekala bwikalo bwawama bingi. Baambile'mba: \"Mbena kutundaika bantu bonse kuba'mba kechi bafwainwa kweseka nangwa pachechetu kupopwela mipashi [yatama] ne.\"","id":"","dump":"CC-MAIN-2018-43","url":"https:\/\/www.jw.org\/kqn\/mabuku\/mabuku\/mipashi-ya-bantu-bafwa\/bandemona-balengela-bantu-kusatukila-Lesa\/","date":"2018-10-18T20:05:13Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583512014.61\/warc\/CC-MAIN-20181018194005-20181018215505-00542.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":489,"character_repetition_ratio":0.062,"word_repetition_ratio":0.0,"special_characters_ratio":0.182,"stopwords_ratio":0.237,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA—KYA KUFUNDAMO Nkubomukata 2016\nMu uno magazini muji mitwe ya kufundamo mu milungu ya April 4 kufika ku May 1, 2016.\nNanchi mukeba kwikala balunda na Yehoba nyi? Funjilaiko ku byaubile Abalahama.\nLuta, Hezekiya, ne Maliya bakoseshe byepi bulunda bwabo na Lesa?\nKufunjilako ku byaubile Yonafwanyi kwakonsha kwitukwasha kwikala ba kishinka kwi Yehoba mu bintu bina byakatazha.\nDavida, Yonafwanyi, Natana, ne Hushai batangizheko byepi bukishinka kwi Yehoba kukila bintu byonse?\nJISHIMIKILA JA BWIKALO\nBa Corwin Robison baingijila Lesa mu bukishinka pa myaka 73, kabiji muno mwavwangwa ne myaka kukila pa 60 yo baingijila pa Betele mu United States.\nKulanguluka pa bino bishinka bisatu byenema kwakonsha kwimukwasha kwikala na lusekelo.","id":"","dump":"CC-MAIN-2018-47","url":"https:\/\/www.jw.org\/kqn\/mabuku\/magazini\/kyamba-kya-usopa-kya-kufundamo-february-2016\/","date":"2018-11-13T17:15:41Z","file_path":"s3:\/\/commoncrawl\/crawl-data\/CC-MAIN-2018-47\/segments\/1542039741324.15\/warc\/CC-MAIN-20181113153141-20181113175141-00200.warc.gz","language":"kqn","language_score":1.0000095367,"language_script":"Latn","minhash_cluster_size":2,"top_langs":"{\"kqn_Latn_score\": 1.000009536743164}","num_words":105,"character_repetition_ratio":0.072,"word_repetition_ratio":0.0,"special_characters_ratio":0.187,"stopwords_ratio":0.257,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA—KYA KUFUNDAMO Kisaka 2015\nMu kino Kyamba kya Usopa muji mitwe ya kufundamo mulungu wa May 4 kufika ku mulungu wa May 31, 2015.\nJISHIMIKILA JA BWIKALO\nBa David Cartwright ne ba Gwen bazhanga mazha a kutombauka mu London. Kufunda Baibolo kwibalengejile kwikala baleesa mu jishinda japusanako bingi.\nMambo ka mabuku etu mu myaka ya kulutwe kuno kyo abena kulumbulwila mashimikila mu jishinda japeela kumvwa?\nTangai kino kishimpi bya kwa Yesu kya bazhike jikumi kyo balumbulula mu jishinda japeela bingi kumvwa, kyaamba pa kintu kyanema kyo twakonsha kufunjilako.\nMu moba a kunyuma, mabuku etu javula alumbululanga bifwanyikizho ne byo bimenako, bino mu ino myaka ya kulutwe kuno kechi byobyo boba ne. Mambo ka?\nUno mutwe watokeshapo bingi bulongo pa kishimpi ya kwa Yesu kya matalenta.\nAba Yesu boakachibila mambo amba mikooko bakwasha byepi balongo banji?\nAba bakokela uno mukambizho wa Lesa bamusangajika bingi kabiji bekala bingi na mapesho a Lesa.","id":"","dump":"CC-MAIN-2018-47","url":"https:\/\/www.jw.org\/kqn\/mabuku\/magazini\/w20150315\/","date":"2018-11-17T11:12:05Z","file_path":"s3:\/\/commoncrawl\/crawl-data\/CC-MAIN-2018-47\/segments\/1542039743353.54\/warc\/CC-MAIN-20181117102757-20181117124757-00228.warc.gz","language":"kqn","language_score":1.0000097752,"language_script":"Latn","minhash_cluster_size":2,"top_langs":"{\"kqn_Latn_score\": 1.0000097751617432}","num_words":148,"character_repetition_ratio":0.071,"word_repetition_ratio":0.0,"special_characters_ratio":0.183,"stopwords_ratio":0.236,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LABAINGA!\nTwafuma mu bisho ne mu milaka yapusana pusana, bino twakwatankana mambo twaitabilatu mu bintu bimo. Bino kyakila byonse, tukebesha bingi kunemeka Yehoba, Lesa mwine mwina Baibolo kabiji Mulenga wa bintu byonse. Twibikako bingi kulondela bintu byaubanga YesuKilishitu, kabiji tumvwa bingi bulongo kutelwa'mba bena Kilishitu. Atweba bonse twingila kimye kyabaya mu mwingilo wa kusapwila nakukwasha bantu kufunda Baibolo ne pa Bufumu bwa Lesa. Na mambo a kuba'mba twi bakamonyi, twamba pe Yehoba Lesa ne Bufumu bwanji, bantu betuyuka'mba twi Bakamonyi ba kwa Yehoba.\nYai pa keyala wetu. Tangai Baibolo pa intaneti. Yukilaipo byavula pe atweba ne byo twaitabilamo.","id":"","dump":"CC-MAIN-2018-47","url":"https:\/\/www.jw.org\/kqn\/","date":"2018-11-14T00:10:27Z","file_path":"s3:\/\/commoncrawl\/crawl-data\/CC-MAIN-2018-47\/segments\/1542039741569.29\/warc\/CC-MAIN-20181114000002-20181114022002-00428.warc.gz","language":"kqn","language_score":1.0000100136,"language_script":"Latn","minhash_cluster_size":4,"top_langs":"{\"kqn_Latn_score\": 1.0000100135803223}","num_words":98,"character_repetition_ratio":0.024,"word_repetition_ratio":0.0,"special_characters_ratio":0.172,"stopwords_ratio":0.296,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA\nBwipuzho: Ñanyi upana bupe bwanema kukila bupe bonse?\nKinembelo: Ya 1:17\nMupai: Kino Kyamba kya Usopa kyaamba pa bupe bwitupa Lesa bwakila bintu byonse.\nINGIJISHAI BAIBOLO PA KUFUNJISHA\nBwipuzho: Lesa ñanyi jizhina?\nKinembelo: Sl 83:18\nBukine: Lesa jizhina janji Yehoba.\nIKALAI BALUSEKELO MU KISEMI KYENU\nBya Kwamba: Tubena kutambisha vidyo mwipi waamba pa kisemi. [Mutambishai vidyo wa kuba'mba Ikalai Balusekelo mu Kisemi Kyenu.]\nMupai: Inge mukeba kutanga buloshuwa watongolwa mu uno vidyo, nakonsha kwimupapo umo nangwa kwimumwesha bya kumukopolola pa intaneti.\nNENGEZHAI JISHINDA JENU JA KWISAMBILAMO\nPa kunengezha bya kwisamba na bantu mu mwingilo, londelai jishinda ja kwisambilamo jiji mu Kabuku ka Kupwila.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/jw-Mutanchi-wa-Kupwila\/november-2017-mwb\/mashinda-a-kwisambilamo-mu-mwingilo\/","date":"2018-04-25T15:18:17Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947822.98\/warc\/CC-MAIN-20180425135246-20180425155246-00459.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":104,"character_repetition_ratio":0.019,"word_repetition_ratio":0.0,"special_characters_ratio":0.184,"stopwords_ratio":0.183,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Dikishonale umo waamba'mba kyambo kya Sayansi kilumbulula \"mwingilo wa kufunda pa bilengwa byonse kupichila mu kwibipimapima ne kumona byo byalengwa.\" Uno mwingilo kechi wapeela ne. Javula, bashayuka ba bya sayansi bakabakana bingi na bya kupimapima ne bya kukebakeba, kabiji kimo kimye kibasendela milungu, bañondo nangwatu myaka yavula saka bapimapimatu kintu kimo. Kimo kimye, kechi bataana ne bintu byo bakeba ne, pano bino, javula bataana bintu byawama bikwasha bantu mu bwikalo. Akimonai bya kumwenako bimo.\nKampanyi umo mu Europe ulenga tubiñambañamba tusuusa mema a ndochi pa kuba'mba bantu babulenga kukolwa inge batoma oo mema. Tubiñambañamba twa uno mutundu tukwasha bingi bantu kikatakata inge kwamweka bya malwa, nabiji kimye kyapichile kitentanshi mu kyalo kya Haiti mu 2010.\nMu lwelele muji biñambañamba bitelwa'mba masetilaiti bingila mwingilo ye batela'mba Global Positioning System (GPS). Bino biñambañamba bikopa bintu bimweka pano pa ntanda. Patanshi, bino biñambañamba bebilengele kuba'mba bikwashenga bashilikale, pano luno bikwasha bendesha myotoka, madeke, mato akatampe, bibinda ne bantu baya na kupitañana mu jisaka kuyuka ko babena kuya. Kine, bashayuka ba bya basayansi balengele uno GPS baingijile bingi, mambo ukwasha bantu kubula kweleka.\nAbya nanchi mwingijisha foni, kompyuta, nangwa intaneti nyi? Nanchi mwamona kuba'mba michi yalenga bashayuka ba bya sayansi imukwasha kukosesha bumi bwenu nyi? Abya mwakikanjilapo mu ndeke nyi? Umvwe ibyo, ko kuba'mba mwamwenamo mu bintu bibena kuba bashayuka ba bya sayansi bibena kukwasha bantu. Bya sayansi bibena kukwasha bantu mu mashinda avula bingi.\nBINTU BYAKANKALWA KUYUKA BASHAYUKA BA BYA SAYANSI\nBashayuka ba bya sayansi babena kwingila bingi na ngovu mu bya kupesapesa pa kuba'mba bayukilepo byavula pa bilengwa. Bashayuka bamo bakopa mukachi ka maselo ne kukeba kuyuka bingila tuntu tucheche tujimo (atom) pa kuba'mba bayuke byatendekele bumi. Pakuba bashayuka ba bya mwiulu abo bebikako bingi kukeba kuyuka bilengwa bya mwiulu ko byafumine. Na mambo a kutwajijila na kukebakeba ne kukopa mwiulu mwine, bashayuka ba bya sayansi bamo balanguluka'mba inge Lesa watongolwa mu Baibolo kine ko aji, inge bamutaana.\nBashayuka ba bya sayansi bamo ne bantemwamaana balanguluka kufika palepa. Monka mwaambijile nembi umo aye Amir D. Aczel, bano bashayuka \"beseka kwingijisha bishinka bya sayansi kumwesha'mba Lesa ufwako.\" Kya kumwenako, shayuka umo wa bya sayansi waya bingi nkuwa waambile'mba: \"Kafwako bishiino bimwesha'mba kuji Lesa walengele ntanda ne jiulu ne. Onkao mambo, twashiinwa kwa kubula luzhinauko amba Lesa ufwako.\" Kabiji bakwabo nabo bamba pa mingilo yaingila Lesa watongolwa mu Baibolo amba \"bingelekezhatu.\" *\nPano bino, bwipuzho ke buno: Nanchi bashayuka ba bya sayansi bataana bishiino byavula bya kuba'mba bambe amba Lesa ufwako nyi? Ine. Nangwa kya kuba bayuka bintu byavula, bino bashayuka ba bya basayansi bavula baswa kuba'mba kuji bintu byavula bingi byo babula kuyuka, kabiji kampe kechi bakebiyuka ne kwibiyukatu ne. Shayuka umo wa bya sayansi ye bapele kilambu kikatampe pa mingilo yanji, aye Steven Weinberg waambile'mba: \"Kechi tukayuka bishinka byonse pa byalengelwe bintu ne.\" Kiloolo mukatampe mu bufumu bwa Great Britain, aye Martin Rees wanembele'mba: \"Kuji bintu byavula byo bakabula kuyuka bantu.\" Kishinka ke kya kuba'mba bashayuka ba bya sayansi kechi bakakonsha kuyuka bilengwa byonse, kutendekelatu ku kajiselo kufika ne ku bintu biji mu lwelele ne. Monai bino bya kumwenako:\nBashayuka bafunda pa bilengwa byumi kechi bayuka bintu byonse byubiwa mukachi ka maselo ne. Bakankalwa kuyuka bulongo maselo byo engijisha kajo, byo alenga bujo bukomesha mubiji (proteins), ne byo asemununa maselo akwabo.\nBulume bukoka bintu ne kwibilengela kupona panshi bwingilatu kimye kyonse. Pano bino, bashayuka bakankalwa kuyuka bulongo bingila buno bulume. Kechi bayuka bulongo buno bulume byo budonsa muntu inge wakiluka mwiulu, nangwa byo bulengela mwenzhi kwendela pamo na ntanda mu lwelele ne.\nBashayuka bafunda pa bilengwa bya mu lwelele bamba'mba lubaji lukatampe lwa bintu biji mu lwelele ke lwa bintu byo babula kuyuka, kabiji bakankalwa ne kwibimona na biñambañamba byabo. Bino bintu bebitelatu'mba 'bulume bwabula kuyukanyikwa' ne 'bintu byabula kuyukanyikwa.' Kufikatu ne luno, bino bintu kechi bebiyuka ne.\nKuji bintu bikwabo byabula kuyukanyikwa bilengela bashayuka ba bya sayansi kukumya. Mambo ka kino kishinka o kyanemena? Nembi umo wa bya sayansi wayukanyikwa bingi wanembele'mba: \"Bintu byo twabula kuyuka byavula bingi kukila byo twayuka. Mu kumona kwami, kufunda bya sayansi kwafwainwa kulengela muntu kukumya ne kukeba kuyukilapo byavula, kechi kukosela pa kintu kimo ne.\"\nOnkao mambo, umvwe mulanguluka'mba bya sayansi byanema kukila biji mu Baibolo kabiji bikalengela bantu kuleka kwitabila mwi Lesa, langulukai pa kino kishinka: Inge kya kuba bashayuka ba bya sayansi na biñambañamba byabo bikatampe bayukakotu bintu bicheche pa bilengwa byo bamona, bakonsha kukana byepi bishinka byamba pe Lesa ubula kumweka, nangwatu na bi��ambañamba bya sayansi? Panyuma ya kulumbulula mwapita bantu pa kufunda bya mu lwelele, buku wa Encyclopedia Britannica wapezhezheko na kino kishinka kya kuba'mba: \"Panyuma ya kupesapesa bya mu lwelele pa myaka 4,000 yapitapo, bantu ne luno bakankalwa kuyuka bulongo bishinka pa bilengwa, byonka byabujile kuyuka bena Babilona.\"\nBakamonyi ba kwa Yehoba bayuka'mba muntu yense uji na luusa lwa kwifuukwila byo akonsha kwitabilamo. Tulondela lutundaiko lwa mu Baibolo lwa kuba'mba: \"Kukooka muchima kwenu kuyukanyikwe ku bantu bonse.\" (Filipai 4:5) O ene mambo o twimutundaikila kwikala na uno muchima ne kwesakanya Baibolo na bya sayansi ne kumona mo byakwatankena.\n^ par. 9 Bantu bamo bakana kwitabila mu Baibolo na mambo a mafunjisho a mu chechi, nabiji lufunjisho lwa kala lwa kuba'mba bintu biji mu lwelele bizhokoloka ino ntanda ayo saka yaikala pakachi, nangwa lwa kuba'mba aa moba atanu na jimo Lesa o alengejilemo ntanda ke moba aji na maola 24.—Monai kakitenguluzha ka kuba'mba: \"Bishinka Byataana Bafunda bya Sayansi byo Byakwatankana na Baibolo.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/wp20150601\/bya-sayansi-bitukwasha-mu-bwikalo\/","date":"2018-04-22T22:16:39Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945660.53\/warc\/CC-MAIN-20180422212935-20180422232935-00579.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":885,"character_repetition_ratio":0.091,"word_repetition_ratio":0.0,"special_characters_ratio":0.176,"stopwords_ratio":0.206,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"15 Balongo bami, mbena kwimuvululako pa mambo awama o nemusapwijile,+ o mwatambwile, kabiji onka o mwakoselamo. 2 Babena kwimupulusha kupichila mu ano mambo awama o nemusapwijile umvwe mwialama, kana inge mwaitabijiletu kyatu. 3 Bintu bitanshi byo nemubuujile byo byobya byo natambwile ne amiwa bya kuba'mba, Kilishitu witufwijile na mambo a bundengamambo bwetu monka mwaambila Binembelo;+ 4 ne kuba'mba bamuzhiikile,+ ne kumusangula+ pa juba ja busatu+ monka mwaambila Binembelo;+ 5 ne kuba'mba wamwekele kwi Kefasa*+ ne ku batumwa Jikumi na Babiji.+ 6 Kabiji wamwekele ku balongo kukila pa 500 pa kimye kimo,+ bavula mwi abo tukiji nabo, nangwa kya kuba bakwabo baponena kala mu tulo twa lufu. 7 Kabiji wamwekele kwi Yakoba,+ kepo amwekele ne ku batumwa bonse.+ 8 Bino kyapeleleko wamwekele ne kwi amiwa+ nobe ku mwana wasemwa mubishi. 9 Amiwa yami mucheche pa batumwa, kabiji kechi nafwainwa kutelwa'mba mutumwa ne, mambo namanyikanga kipwilo kya Lesa.+ 10 Bino na mambo a lusa lukatampe lwa Lesa, lo lwalengela'mba ngikale byonka bino byo nji. Kabiji lusa lwanji lukatampe lo ammwesheshe kechi lwatutu ne, pakuba naingijilenga kwibakila bonse; bino kechi amiwa ne, pakuba ke lusa lukatampe lwa Lesa lo nji nalo. 11 Onkao mambo, nangwa amiwa nangwa abo bo babena kusapwila, bonse twamba mambo antutu amo, kabiji mwietabila. 12 Umvwe kibena kusapwilwa'mba Kilishitu wasangulwa mu bafu,+ pano mambo ka bamo mwi anweba o babena kwambila'mba kafwako lusanguko? 13 Kabiji umvwe kafwako lusanguko lwa bafu, ko kuba'mba Kilishitu kechi wasangwilwe ne. 14 Bino umvwe Kilishitu kechi bamusangwile ne, ko kuba'mba kusapwila kwetu ko kwatu ne lwitabilo lwenu nalo lo lwatu. 15 Kabiji twatanwa'mba twi bakamonyi ba bubela ba Lesa,+ mambo twaamba pe Lesa amba wasangwile Kilishitu,+ ye abujile kusangula umvwe kya kuba bafu kechi bakasangulwa ne. 16 Mambo umvwe bafu kechi bakebasangula ne, ko kuba'mba ne Kilishitu naye kechi bamusangwile ne. 17 Kabiji umvwe Kilishitu kechi wasangwilwe ne, ko kuba'mba lwitabilo lwenu lo lwatu; mukiji mu bundengamambo bwenu.+ 18 Ko kuba'mba ne boba baponena mu tulo twa lufu mwi aye Kilishitu baonaika.+ 19 Umvwe twaketekela mwi Kilishitu na mambo a buno bumi bonka, ko kuba'mba twashamwa kukila bantu bonse. 20 Bino Kilishitu wasangwilwe mu bafu, ye mutanshi* kusangulwa pa boba baponena mu tulo twa lufu.+ 21 Mambo lufu byo lwaishile kupichila mu muntu umo,+ ne lusanguko lwa bafu nalo lwiya kupichila mu muntu umo.+ 22 Byonkatu bantu bonse byo bafwa na mambo a kwa Adama,+ byonkabyo bonse bakasangulwa na mambo a Kilishitu.+ 23 Bino bonse bakasangulwanga monka mo balondankena: Kilishitu ye nsomo,+ kepo ba kwa Kilishitu bakasangulwa mu kimye kya kwikalapo kwanji.+ 24 Ku mpelo, ukalubula Bufumu kwi Lesa wanji kabiji Shanji, saka afumyapo kala makafulumende ne luusa lonse ne bulume bonse.+ 25 Mambo aye wafwainwa kwikala mfumu kufikatu ne kimye Lesa kyo akabika balwanyi bonse munshi ya maulu anji.+ 26 Kabiji mulwanyi wapelako, ko kuba'mba lufu, bakeluzhiya.+ 27 Mambo Lesa \"wakookeshe bintu byonse munshi ya maulu a Kilishitu.\"+ Bino byo aamba'mba, 'Lesa wakookeshe bintu byonse munshi ya maulu a Kilishitu,'+ kechi kibena kumwesha'mba awa wakookeshe bintu byonse naye wikookesha munshi ya maulu a Kilishitu ne.+ 28 Pakuba bintu byonse byo bakebikookesha munshi ya maulu anji, Mwana naye ukekookesha aye mwine kwi Lesa yenka wamukookesheshe bintu byonse+ pa kuba'mba, Lesa ekale bintu byonse ku bantu bonse.+ 29 Inge kiji bino, nga aba babena kubatizhiwa kuba'mba bakafwe, bakamwenamo ka?+ Umvwe bafu kechi bakasangulwa ne, mambo ka o babena kubatizhiwa kuba'mba bakafwe? 30 Mambo ka o twikela mu kizumba kimye kyonse?+ 31 Pa juba pa juba ntalañana na lufu. Namwesha kuba'mba kino kya kine byo netotela pe anweba balongo bami mwi Kilishitu Yesu Nkambo yetu. 32 Umvwe nalwa na banyama bakaji mu Efisesa+ byonka bakwetu* byo boba, nkamwenamo ka? Umvwe bafu kechi bakasangulwa ne, \"twayai tujenga ne kutoma mambo kesha tukafwa.\"+ 33 Kange mujimbaikwe ne. Kupwanañana na babi konauna byubilo byawama.+ 34 Vulukai kubanga bintu byaoloka, kange mulengenga mambo ne, mambo bamo kechi bamuyuka Lesa ne. Mbena kwamba bino namba nemulengeshe bumvu. 35 Nangwa byonkabyo, umo ukashikisha'mba: \"Nanchi bafu bakasangulwa byepi? Kabiji bakasangulwa na mubiji wa mutundu ka?\"+ 36 Obewa muntu ubula kulanguluka bulongo! Kintu kyo ubyala kimenatu kana kyakifwa. 37 Kabiji akya kyo ubyala, kechi ubyala mubiji wakomena jimo ne, bino ubyala lukunwa, kana wa wichi nangwa lukunwa mukwabo; 38 bino Lesa ulengela lukunwa kwikala na mubiji monka mo akebela mwine, kabiji lukunwa umo umo umupa mubiji wanji. 39 Mibiji yonse kechi ijitu pamo ne, bino kuji mibiji ya bantu, kabiji kuji mibiji ya banyama, mibiji ya bañonyi ne ya masabi. 40 Kabiji kuji mibiji ya bya mwiulu+ ne ya bya pano pa ntanda;+ bino lukumo lwa mibiji ya bya mwiulu lo lumo, ne lwa bya pano pa ntanda lo lungi. 41 Juba jiji na lukumo lwajo, ne ñondo naye uji na lukumo lwanji,+ ne tubangabanga nato tuji na lukumo lwato; kabiji lukumo lwa kabangabanga kamo lwapusana na lwa kabangabanga kakwabo. 42 Abino byo bikekala ne lusanguko lwa bafu. Mubiji ubyalwa ubola; mubiji usangulwa kechi ubola ne.+ 43 Ubyalwa saka apelulwa; usangulwa mu lukumo.+ Ubyalwa saka abula kukosa; usangulwa mu bulume.+ 44 Ubyalwa mu mubiji wa mashi; usangulwa mu mubiji wa bumupashi. Umvwe kuji mubiji wa mashi, ko kuba'mba kuji ne mubiji wa bumupashi. 45 Kabiji kyanembwa'mba: \"Muntu mutanshi Adama waikele ke muntu* mumi.\"+ Adama wapelako waalukile ke mupashi upana bumi.+ 46 Nangwa byonkabyo, awa wa bumupashi kechi ye wajinga mutanshi ne. Mubiji wa mashi ye wajinga mutanshi, kepo paishile mubiji wa bumupashi. 47 Muntu mutanshi wafumine pano pa ntanda kabiji walengelwe na lukungu;+ muntu wa bubiji wafumine mwiulu.+ 48 Byonka biji awa walengelwe na lukungu, byo biji ne boba balengwa na lukungu; kabiji byonka biji awa wafumine mwiulu, byo biji ne boba baji mwiulu.+ 49 Kabiji byonkatu byo twapasha muntu ye balengele na lukungu,+ byo byo tukapasha ne yewa wafumine mwiulu.+ 50 Bino balongo bami, nemwambila kino namba mibiji ya mashi kechi yakonsha kuswana Bufumu bwa Lesa, nangwa awa ubola kechi wakonsha kuswana ubula kubola ne. 51 Umvwai! Mbena kwimubuula kintu kyafyamika kyazhila namba: Atweba bonse kechi tukaponena mu tulo twa lufu ne, pakuba bonse baketwalula,+ 52 mu kakimye kacheche, nobe mu kukopa kwa jiso, kimye kikavuma ntolompita yapelako. Mambo ntolompita ikavuma+ ne bafu bakasangulwa kwikala babula kubola, ne atweba baketwalula. 53 Mambo uno mubiji ubola ukaluka ke ubula kubola,+ ne uno ufwa ukaluka ke ubula kufwa.+ 54 Bino uno mubiji ubola byo akaluka ke ubula kubola, ne uno ufwa byo akaluka ke ubula kufwa, kepo byambo byanembwa bikafika bya kuba'mba: \"Lufu belumina myaka ne myaka.\"+ 55 \"Obewa lufu, kushinda kobe kuji pi? Obewa lufu, lumuna wobe uji pi?\"+ 56 Lumuna uleta lufu bo bundengamambo,+ ne bulume bwa bundengamambo yo Mizhilo.*+ 57 Twamusanchila Lesa mambo witulengela kushinda mwi Nkambo yetu Yesu Kilishitu!+ 58 Onkao mambo, balongo bami, ikalai bashikimana,+ babula kutelengela, kimye kyonse saka mwikala na bya kuba byavula+ mu mwingilo wa Nkambo, byo mwayuka'mba mwingilo wenu wa mwi Nkambo, kechi ye watu ne.+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/1-kolinda\/15\/","date":"2018-04-27T05:12:46Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125949036.99\/warc\/CC-MAIN-20180427041028-20180427061028-00023.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":1113,"character_repetition_ratio":0.057,"word_repetition_ratio":0.0,"special_characters_ratio":0.211,"stopwords_ratio":0.228,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Nanchi muji na muchima wa kukeba kuyuka Lesa nyi?\nKyambo kya kuba'mba \"baji na muchima wa kukeba kuyuka Lesa\" kilumbulula \"bantu baketekela mwi Lesa kwibakwasha.\" (Mat 5:3) Tumwesha'mba tukeba Lesa kwitukwasha inge saka . . .\ntutanga Baibolo kimye kyonse\ntunengezha kupwila ne kutanwangako\ntutanga mabuku etu ne aji pa keyala wetu\ntutamba JW Broadcasting wa pa ñondo pa ñondo\nNakonsha kuba byepi pa kuba'mba nkoseshe bulunda bwami ne Lesa?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/jw-Mutanchi-wa-Kupwila\/january-2018-mwb\/mutanchi-wa-kupwila-jan8-14\/bintu-byo-tufunjilako-ku-jashi-ja-pa-mutumba\/","date":"2018-04-26T21:41:16Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948549.21\/warc\/CC-MAIN-20180426203132-20180426223132-00264.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":66,"character_repetition_ratio":0.093,"word_repetition_ratio":0.0,"special_characters_ratio":0.198,"stopwords_ratio":0.288,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Pa 22 October mu 2014, kafulumende wa kyalo kya Turkmenistan wakasulwile Bakamonyi ba kwa Yehoba bobakashile na mambo a kukana kutwela bushilikale nangwa na mambo a kwibabepelatu. * Kabiji pa 2 September mu 2014, bakulumpe ba mu kafulumende wa kyalo kya Turkmenistan bakasulwile ba Bibi ba muka Rahmanova, nabo Bakamonyi ba kwa Yehoba. *\nJibumba Jitangijila ja Bakamonyi ba kwa Yehoba jatumijile nkalata ya kusanchila Ndamakyalo wa kyalo kya Turkmenistan pa byo akasulwile Bakamonyi ba kwa Yehoba kufuma mu kaleya. Kabiji mu ino nkalata balombele ne kuba'mba Bakamonyi babiji bakijinga mu kaleya nabo bebafumye. Bakamonyi ba kwa Yehoba bakebesha bingi kwikala panshi na kwisamba na bakulumpe ba mu kafulumende pa bintu bimo ne pa luusa lo baji nalo pa kuba'mba Bakamonyi bakasuluke.\nKechi Banemeka Luusa lwa Bantu lwa Kwifuukwila Bintu ne lwa Kwisajila Bene Bupopweshi Ne\nBino kyatamakotu ke kya kuba'mba, kyalo kya Turkmenistan kyatwajijila kukasa Bakamonyi ba kwa Yehoba bakyanyike na mambo a kukana kutwela bushilikale. Bakana kutwela mingilo ya bushilikale kechi bebatwezha nkito ikwabo ne, kabiji bebakasa bañondo 12 kufika ku bañondo 24. Inge bebafumya mu kaleya, javula bebatotolwesha jikwabo amba \"bansatuki babula kuleka kulenga mambo\" ne kwibakashila mu tuleya twatama bingi.\nAno mambo a kino, Bakamonyi 15 bobakashile na mambo a kukuna kutwela bushilikale banembele makalata a kwijizhanya ku kipamo kya United Nations Human Rights Committee (CCPR). * Bakamonyi bakwabo babiji, bobakashile na mulanguluko wa kukeba kulekesha mingilo ya bya bupopweshi nabo banembele makalata akwijizhanya ku kipamo kya CCPR.\nMu April mu 2012, kije kya CCPR kyaambile pa bibena kuba kafulumende wa kyalo kya Turkmenistan na luusa lwa bantu kuba'mba, \"bafwainwa kupitamo jikwabo mu mizhilo ne kupa mingilo ikwabo aba bakana kutwela bushilikale. Kipamo kya kyalo kyafwainwa kumona kuba'mba mizhilo yapa bantu luusa lwa kukana kutwela bushilikale.\" Pa kwamba pa bya bupopweshi, uno sawakya watundaikile kafulumende \"kumona kuba'mba mizhilo ne mikambizho yaamba pa bya kunembesha bipamo bya bupopweshi yanemeka luusa lwa bantu lwa kukasuluka mu bya bupopweshi byonka byo bafwachikile mu Lulayañano.\" Bakamonyi ba kwa Yehoba ba mu kyalo kya Turkmenistan bakatemwa bingi inge banembesha kipamo kyabo mambo bakatendeka kwingila mu mutende mingilo yabo ya bya bupopweshi.\nKyamweka Bintu Kulutwe Bikawama\nBakamonyi ba kwa Yehoba baketekela kuba'mba kyaubile kafulumende wa kyalo kya Turkmenistan kikalengela bantu kukasuluka, kikatakata kukasuluka kwifuukwila bintu, kukasuluka mu bya bupopweshi ne kulondela byo baitabilamo. Shabyambo wa Bakamonyi ba kwa Yehoba waambile'mba: \"Bakamonyi ba kwa Yehoba baketekela kuba'mba, kwisamba bulongo na kafulumende wa kyalo kya Turkmenistan kukalengela kafulumende kwi baswisha Bakamonyi kwingila mingilo yo basala bene yaswañana na bwikalo bwabo bwa kwakamwa Lesa.\"\nNdonda ya Byamwekele\nPa 19 May mu 2015\nBa Bahram Hemdemov bebapelemo mambo a kuba bya bupopweshi ne kwibakasa myaka ina. Besakashile panyuma ya kwibalama mu kaleya pa bañondo babiji saka bakyangye kwibatotolwesha.\nMu February ne mu March mu 2015\nBakamonyi ba kwa Yehoba babiji bobakashile na mambo a kukana kutwela bushilikale bebafuminye mu kaleya.\nPa 18 November mu 2014\nBakamonyi babiji bo bakashile na mambo a kukana kutwela bushilikale.\nPa 22 October mu 2014\nNdamakyalo wa kyalo kya Turkmenistan wakasulwile Bakamonyi ba kwa Yehoba batanu na basatu.\nPa 30 September mu 2014\nBakamonyi batanu na bana bebakashile, batanu na babiji bebakashile na mambo a kukana kutwela bushilikale ne bakwabo babiji bebapelemo mambo a bubela ne kwibamanyika na mambo a kulondela byo baitabilamo.\nPa 2 September mu 2014\nBabinemanga ba mu kyalo kya Turkmenistan bakasulwile ba Bibi Rahmanova ne kwibakashila pangye myaka ina yo bakebelenga kwibakashila mu kaleya.\nPa 18 August mu 2014\nBa Bibi Rahmanova bebakashile myaka ina na mambotu a kwibebepela.\nPa 25 July mu 2014\nBakamonyi batanu na babiji bebakashile, batanu bebakashile na mambo a kukana kutwela bushilikale ne bakwabo babiji bebapelemo mambo a bubela ne kwibamanyika na mambo a kulondela byo baitabilamo.\nPa 6 April mu 2014\nBakamonyi 26 bebakwachile, pa bano bakashilepo 13. Bano Bakamonyi 13 bo bakwachile bebambijile kupana mali.\nMu November mu 2013\nBakamonyi batanu na bana bakiji mu kaleya, batanu na basatu bebakashile na mambo a kukana kutwela bushilikale ne umo bamukashile na mambo a bubela pa kulondela byo aitabilamo.\nPa 29 August mu 2013\nBakamonyi basatu batumine makalata a kwijizhanya ku kije kya CCPR mambo kya kyalo kya Turkmenistan kyakana kulondela muzhilo wa kupa bantu luusa lwa kukana kutwela bushilikale.\nPa 1 May mu 2013\nBakamonyi babiji batumine makalata a kwijizhanya ku kije kya CCPR mambo kya kyalo kya Turkmenistan kya kana kulondela muzhilo wapa bantu luusa lwa bakana kutwela bushilikale.\nPa 24 January mu 2013\nBakapokola 30 balukukile nzubo ya ba Navruz Nasyrlayev milungu icheche kufuma po bebabujile kuba'mba batumine nkalata ya kwijizhanya ku kije kya CCPR pa byaubile kafulumende wa Turkmenistan. Bakapokola bapumine kisemi kyonse ne benyi babo pamo.\nPa 7 September mu 2012\nBakamonyi jikumi batwajile makalata a kwijizhanya ku kije kya CCPR mambo kya kyalo kya Turkmenistan kya kana kulondela muzhilo wapa bantu luusa lwa kukana kutwela bushilikale. Ba Navruz Nasyrlayev bobajinga kulutwe pa banembele ino nkalata.\nPa 21 August mu 2008\nBakamonyi ba kwa Yehoba batumine nkalata ya kukeba kunembesha bupopweshi bwabo mu kyalo kya Turkmenistan.\n^ jifu. 2 Monai kibaba kya kuba'mba: \"Bakamonyi ba kwa Yehoba Bebakasulula mu Turkmenistan\"\n^ jifu. 2 Monai kibaba kya kuba'mba, \"Mwanamukazhi Bamukasulula mu Turkmenistan\"\n^ jifu. 6 Kije kikatampe kya Human Rights Committee, kitelwa'mba CCPR kyo kitangijila bingila kije kya International Covenant on Civil and Political Rights (ICCPR). Kyalo kya Turkmenistan kyalayañene na kino kipamo mu mwaka wa 1997 kabiji mu yenka uno mwaka baikajikile luno lulayañano na kipamo kya ICCPR's First Optional Protocol kuba'mba kechi bakelulondelanga ne.","id":"","dump":"CC-MAIN-2018-17","url":"https:\/\/www.jw.org\/kqn\/Masawakya\/mitotololo\/byalo\/turkmenistan\/bakamonyi-ba-kwa-Yehaba-mu-kaleya\/","date":"2018-04-24T05:33:59Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946564.73\/warc\/CC-MAIN-20180424041828-20180424061828-00555.warc.gz","language":"kqn","language_score":1.0000076294,"language_script":"Latn","minhash_cluster_size":1,"top_langs":"{\"kqn_Latn_score\": 1.0000076293945312}","num_words":858,"character_repetition_ratio":0.142,"word_repetition_ratio":0.065,"special_characters_ratio":0.186,"stopwords_ratio":0.321,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mipashi ya Bantu Bafwa—Yakonsha Kwimukwasha nyi, Inyi Yakonsha Kwimukatazha? Nanchi Koiji Nyi?\nBaibolo ufunjisha amba ka pa bantu bafwa? Nanchi bakonsha kwimukwasha nyi, inyi bakonsha kwimukatazha?\nBantu bavula baitabila'mba inge muntu wafwa, uya na kwikala ku mpunzha ya mipashi ko atendeka kukatazha ne kukwasha bantu bashala pano pa ntanda. Nanchi kino kishinka nyi?\nByambo bya Lesa ku mwanamulume mutanshi, Adama, etukwasha kuvwisha biji bantu bafwa.\nMu kimwesho kyo amwene, Lesa wamwesheshe ngauzhi Danyela bilengwa bya mupashi byavula bingi.\nBamalaika bamo baalukile ke batama, ne kulengela bwikalo bwa bantu kutama.\nMashimikila a mu Baibolo ne bibena kumweka ano moba bimwesha kuba'mba bandemona batama bingi.\nBandemona babepa bingi bantu bavula, bino Baibolo kechi uswa bintu bamba ne.\nPa kuba bino, batendeka kubepa bantu.\nÑanyi bintu byakonsha kumwesha kuba'mba mwafukula bintu bulongo?\nSatana ne bandemona kechi bakatwajijila na kujimbaika bantu ne. Kabiji Yehoba ukaleta mapesho ku bantu bonse pano pa ntanda.\nBintu bikekala byepi inge Yehoba wafumyapo bintu byatama byauba Satana pano pa ntanda?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/mipashi-ya-bantu-bafwa\/","date":"2018-04-27T09:03:45Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524127095762.40\/warc\/CC-MAIN-20180427075937-20180427095937-00622.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":161,"character_repetition_ratio":0.064,"word_repetition_ratio":0.0,"special_characters_ratio":0.171,"stopwords_ratio":0.224,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BYALO 47\nBANTU BONSE 744,482,011\nBASAPWISHI 1,611,290\nBANTU BABENA KUFUNDA BAIBOLO 834,121\nKukumbula na Jiwi Jakooka\nMu kyalo kya Georgia, mwanamulume wayile po batanchikile mabuku ne kupatauka amba: \"Kechi nsakwimuswisha kusapwila pa ino mpunzha ne! Kino kyalo kya Georgia kya bena Kilishitu baya mu chechi wa Orthodox.\" Mulongo waikele pepi na kya kutanchikapo mabuku waipwizhe uno mwanamulume na jiwi jakooka inge kya kuba watangilepo kala mabuku etu. Wakumbwile'mba, \"Ine, nkyangye.\" Mulongo wamutundaikile mu jishinda jawama kutangapo buku umo. Kwisamba nanji mu jino jishinda kwamulengejile kufwomona bukaji, kabiji watolelepo mabuku amo. Byo papichile moba, uno mwanamulume wabwelele ne kulomba lulekelo lwa mambo pa byo aubile. Waambile'mba watangijile bainanji bampofu magazini wetu. Bonse aye ne bainanji batemenwe byambo byo batangile kabiji bakebelenga kutambulako wa katataka. Lelo jino, wiya kimye kyonse po tutanchika mabuku na kutambula magazini a katataka.\nJishinda Jawama ja Kupwishishamo Makatazho\nBalongo babiji mu kyalo kya Azerbaijan, byo ayilenga na kusapwila, bataaine nsongwalume waimene kulutwe ya kishimikwa kabiji batatwile kumusapwila. Uno nsongwalume wakumbwile'mba, \"Kechi nakonsha kuteleka ku byo mubena kwamba ne, mambo ke bundengamambo.\" Kepo atolele mupenyi wajinga mu fwangalito wanji ne kwamba'mba, \"Bantu banguba bingi nshiji, kabiji mbena kuya na kwingijisha uno mupenyi kushinkanya nabo.\"\nBalongo bakankamenetu, bino baambile'mba, \"Kwipayañana bundengamambo.\"\nUno nsongwalume waambile'mba, \"Pano ngube byepi?\" Bamutangijile kinembelo kya Loma 12:17-21 ne kumulumbulwila'mba Lesa ye uji na luusa lwa kushinkanya ne kuba'mba atweba kechi twafwainwa kuleka 'bubi bwitushindenga ne, bino tushindenga bubi na byawama.' Bamukwashishe kuyuka buneme bwa kwikala na muchima wakooka ne kuba'mba inge wakozha nangwa kwipaya muntu, jiwi janji ja mu muchima jikamukatazhanga. Uno mwanamulume waumvwine bingi bulongo byo bamukwashishe, kabiji wayile.\nByo papichiletu kimye kicheche, uno mwanamulume wataaine balongo jibiji ne kwibambila'mba: \"Nafuma na kumona muntu ye najikukebanga kwipaya. Kechi najikumukozha ne, bino twisambatu bulongo ne kupwisha lukatazho mu jishinda jawama. Nemusanchila bingi mambo mwankwasha kubula kwibika mu lukatazho.\" Balongo bamulumbulwijile kuba'mba Yehoba ye wamukwashishe.\nMabuku o Batanchikile Atundaikile Nyenga Wakookele mu Lwitabilo\nMyaka ya kunyumakwe, nyenga wa ku Norway wafumine mu bukine. Byo twatendekele kwingijisha bya kutanchikapo mabuku pa kusapwila, javula pa kuya na kupota bintu wapichilanga ponka po batanchikanga mabuku.\nNangwa kya kuba kechi wasolomokele Bakamonyi bajinga po batanchika mabuku ne, wamwene kipikichala kyo balamikilepo ne byamwekelenga bulongo kyo batanchikilepo mabuku. Abino byonse, kubikapo ne mwekelo yawama ya Bakamonyi byamulengejile kukeba kubwela kwi Yehoba ne jibumba janji.\nKabiji wamwene ne byambo bya kuba'mba jw.org, onkao mambo, wafuukwilepo kuya pa uno keyala wetu. Waumvwine bingi bulongo byo kyapela kutaana mpunzha kwaikela Nzubo ya Bufumu iji pepi ne bimye bya kupwila. Wakopolwele mabuku kabiji wayile ku kipwilo kya kwikanjikizhatu. Bamutambwijile bingi bulongo, kabiji bakulumpe mu kipwilo bakebele nyenga kuba'mba amufunjishenga Baibolo. Kechi pabanjile ne, waikele na balunda bavula mu kipwilo kabiji wakoseshe bulunda bwanji na Lesa jibiji. Luno ukumbulapo pa kupwila kimye kyonse ne kuya na kusapwila, kabiji uji bingi na lusekelo mambo ubena kwiyowa bulunda bwawama na Yehoba.\nWasapwijile Bakwabo mo Bafunjila Saka Baji mu Sakya wa Sukulu\nRonja uji na myaka 15 wikala ku Norway, juba jimo wisambilenga na bakwabo mo bafunjila saka baji mu sakya pa lufunjisho lwa kuba'mba bilengwa byaishilekotu bine. Bansongwalume kechi banemekele byo aitabilamo ne, kabiji bamulengejile kumvwa bingi bumvu. Na mambo a kuba'mba walangulukile'mba kechi winengezhezhe bulongo kwisamba na bakwabo pa uno mutwe ne, wayile na kwipuzha bainanji kuba'mba bamubuuleko bishiino bimo bimwesha'mba kuji Mulenga.\nJuba jalondejilepo saka baji mu sakya, Ronja pa kwisamba na bakwabo waingijishe bishinka byo anengezhezhe. Pano bino, bansongwalume baendelekele bingi lwitabilo lwanji mwi Yehoba. Umo wabijikile'mba: \"Mu uno sakya kafwamo nangwa umo waitabila mwi Yehoba ne! Bañanyi baitabila kuba'mba bilengwa byaishilekotu bine, kabiji bañanyi baitabila mwi Yehoba? Suntulai maboko.\" Ronja wakuminye bingi pa kumona mwanyike wamulume waikele kwipi na ko ajinga wasuntula kuboko ne kwamba'mba, \"Amiwa naitabila mwi Yehoba!\" Mwanyike mukwabo naye waamba'mba, \"Ne amiwa naitabila mwi Yehoba!\" Kabiji mwanyike mukwabo naye waamba byonkabyo. Baana ba sukulu bakwabo baumvwine byambo byaambile Ronja kimye kyo esambilenga na bakwabo mo bafunjilanga, kabiji bamo bashiinwe kuba'mba waambilenga bya kine.\nMwanamulume Waluba Kutanga Wataaine Buku\nJuba jimo mute, banabalume bamba mulaka wa ki Arabic bafumine ku Silya bayile pa ofweshi wa musampi wa mu Denmark. Babuujile banyenga batambwila benyi kuba'mba bakebelenga Bakamonyi ba kwa Yehoba. Byo bebabuujile ku banyenga kuba'mba Bakamonyi, bano banabalume baumvwine bingi bulongo. Pano nga keyala bamutaaine pi? Bamwesheshe ba mingilo mu kishimikwa mo balamina mabuku kipikichala kyo bakopele pa foni. Kino kipikichala kyajinga kya jipa jitanshi mu buku wa Nanchi Baibolo Kine Ufunjisha'mba Ka? wa mu mulaka wa ki Arabic panembwa makeyala. Ba mingilo mu kishimikwa mo balamina mabuku bebabuujile kwaikela ofweshi wa musampi.\nBano banabalume babiji kibakatezhe bingi kwisamba na banyenga mu mulaka wa ki Danish. Onkao mambo, baichile mulongo waamba ki Arabic kuba'mba eye esambe nabo. Kyamwekeshetu patoka'mba umo pa bano banabalume wakebelenga kufunda byavula bya mu Baibolo. Mulongo wamwipwizhe ko ekala kabiji wamulayile kuya na kumufwakesha pamo na mulongo mukwabo wamba mulaka wa ki Arabic.\nKimye kyo bamufwakashijile pa nzubo yanji, wabuujile balongo kuba'mba kyo kimye kitanshi Bakamonyi ba kwa Yehoba kwiya pa nzubo yanji. Kabiji wibabuujile'mba wataaine buku mu kabokoshi mufikila makalata, nangwa kya kuba kechi pajingapo jizhina ja kumwesha'mba mwina kano kabokoshi wamba mulaka wa ki Arabic ne. Na mambo a kuba'mba kechi utanga ne, waambijile mulunda nanji kumutangilako kabiji bapwishishe kutanga uno buku pa moba asatu. Byo aumvwine byamulengejile kushiinwa'mba wataana bukine.\nWaikalanga bingi na bijikila na mambo a kuba'mba wajinga kipuluka kabiji kisemi kyanji kyashajile kwalepa. Onkao mambo, byambo bya mu Baibolo bimutekenesha bingi. Kimye kitanshi balongo kyo bamufwakashijile washikishe'mba: \"Mambo ka o mwabujilanga kwiya na kumfwakesha? Nkebesha bingi kufunda bya mu Baibolo.\" Balongo batwajijila kumufunjisha kabiji watemwa bingi bintu byo afunda.\nMuntu Wajinga na Bulanda Waikele na Lusekelo\nDmitry wajinga mukulumpe wa mingilo pa kampanyi ulenga fwanka mu Ukraine, kabiji wafolanga mali avula bingi. Bino byo afunjile'mba fwanka onauna buntuntulu bwa mubiji wa muntu, walekele ino nkito. Kabiji mu bañondo basatu, bainanji ne bako banji babakazhi bafwile. Wajinga bingi na bulanda pa kufwisha bano bantu bo atemenwe bingi. Waketekejile'mba bantangi ba mu chechi ye ayangamo basakumutekesha ne kukumbula mepuzho o ajinga nao, bino kafwako kyafuminemo ne. Mulunda nanji wamubuujile'mba kupwila mu chechi wa Orthodox ke \"kuvwalatu musalaba mu nshingo bino kafwako bukwasho ne.\" Dmitry byo byo aumvwinenga mu muchima. Wamwene kuba'mba kafwako kyo ayukilepo pe Lesa nangwa pa Baibolo ne. Na mambo a bulanda, watatwile kulomba bukwabo. Kepo avulukile'mba kuji ne Bakamonyi ba kwa Yehoba. Wataaine keyala wetu wa pa Intaneti kabiji waumvwine bingi bulongo pa byambo bya mu Baibolo bijipo. Kabiji wayile na kukeba Nzubo ya Bufumu iji kwipi na ko ekala. Byo afikile pa Nzubo ya Bufumu, asha wamutambwijile ne kumwipuzha kyo aendejile. Dmitry wakumbwile'mba, \"Mbena kukeba kufunda Baibolo.\" Papita ne bañondo batanu na umo kufuma kimye kyo atendekele kufunda Baibolo kabiji uya na kupwila ne kukumbulapo.\nKusha Makalata pa Mazubo a Bantu Bakeba Kufunda Bukine\nBa Paul ne ba Faith, bekala mu Britain, besambile bingi bulongo na mwanamukazhi aye Susan, kabiji bamulayile kubwelako jibiji. Byo bamweleleko kechi bamutainepo pa nzubo ne. Ba Paul ne Faith balondejile lutangijilo lwajinga mu Mwingilo Wetu wa Bufumu wa November 2014, lwaambile pa kunemba makalata, kabiji banembejile nkalata ba Susan ne kwibabuula'mba bakabwelako juba jalondejilepo. Byo babweleleko, bataaine ba Susan bebanembela nkalata ne kwiikobeka ku kinzhilo. Mu ino nkalata banembelemo'mba, bayile na kupota bintu bya masongola a mwanabo wamukazhi. Ba Paul ne ba Faith nabo bebashijile nkalata kuba'mba bakeya na kwibamona mulungu walondejilepo. Pa kikye kimye, ba Susan bebapembelejilenga, kabiji byo baishile batendekele kufunda nabo mu buku wa Baibolo Ufunjisha.\nNa mambo a kuba'mba ba Susan banengezhezhenga masongola a mwanabo, baambijile ba Paul ne ba Faith amba bakabule kwiya na kwibamona pa juba jo baumvwañene. Ba Paul ne Faith byo babweleleko jikwabo kechi bebatainepo ne, onkao mambo bashile kakalata po banembele ne nambala wa foni wabo. Baumvwine bingi bulongo byo batambwijile tubyambo pa foni twafumine kwi ba Susan twa kulomba lulekelo lwa mambo pa kubula kwibataanapo amba besambilenga na mulunda nabo mu mashamba. Kufumatu kyokya kimye, ba Susan batwajijila na kufunda Baibolo, kabiji katatakatu papo bayile na kupwila.\nBa Paul ne ba Faith batwajijila kushila bantu tumakalata inge babula kwibatanapo pa mazubo. Baambile'mba: \"Bantu bavula bo tubula kutaana pa mazubo batanga tumakalata to twibashila. Jino ke jishinda jawama bingi!\"\nLwitabilo Lwanji Lwalengejile Manase wa mu Kipatela Kufunda Bukine\nMu August 2014, mulongo bamubikile mu mwanya mu kipatela kya mu kyalo kya Hungary wabelele kikola kilengela mikota ya mashi kushinka. Kyataminekotu, uno mulongo wafwile. Bakazhi ba uno mulongo banembele pe Tünde, manase wa kwashishe bamwatawabo amba:\n\"Mu 2015, amiwa ne mwanami wamulume twataainwe ku Kushonkena kwa Kijiiji kwa kuba'mba, 'Londelainga Yesu!' Byo twapwishishe kushonkena, twaimene po bemikila myotoka kabiji mwanamukazhi waimene kulutwe yetu wataile byola byanji panshi ne kwiya na kunkumbachilamo watendeka ne kujila na mambo a lusekelo. Uno mwanamukazhi wajinga manase walamine bulongo bamwatawami mu kipatela saka papita ne mwaka umo. Uno manase witubuujile byo bengila mu kipatela amba, pa juba pa juba manase yense bamupa mwingilo wa kumonanga muntu umo wabela. Witubujile'mba walombelenga'mba mbene kukeba juba jimo bakampe mwingilo wa kulama benakwenu. Kino kyo kyamwekele.\n\"Tünde waambile'mba byubilo byawama bya bamwatawami ne lwitabilo lwabo lwakosa byo byamutundaikile kutendeka kufunda Baibolo na Bakamonyi ba kwa Yehoba.\n\"Tünde, luno ubena kufunda Baibolo, kabiji ubena kupembelela kimye kyo akatambwila bamwatawami byo bakasangulwa. Ubena kukebesha kukebabuula'mba byubilo byabo byawama ne lwitabilo lwabo lwakosa byo byamulengejile kuyuka Yehoba ne kuketekela mu milaye yanji.\"\nKusapwila ku Myotoka\nNa mambo a milukuchi, bimye bimo bashinkanga pa mipaka imo ya kutwela mu kyalo kya Greece ne Bulgaria, kabiji kino kilengela minongo ya myotoka ibena kupembelela kutwela mu bino byalo kulepa bingi. Basapwishi baji mu kipwilo kya mu Bulgaria kiji ku bwipi na ino mpunzha, bayile na kusapwila ku bendesha ino myotoka ne kwibapa mabuku etu alumbulula Baibolo. Balongo basendele mabuku mu milaka 12. Badalaivwa ba ino myotoka bavula bakookele ne kulefulwa, bino baswile kwisamba nabo. Balongo batelekele byo bebabuujilenga saka batekanya, ne kwibatundaika. Dalaivwa umo waipwizhe'mba, \"Nanchi mwi Bakamonyi ba kwa Yehoba nyi?\" Balongo byo bamukumbwile'mba ee, wambile'mba, \"Naji kuyukatu, mambo Bakamonyi ba kwa Yehoba bo bonkatu bakonsha kusapwila bibye.\" Dalaivwa umo wa ku Austria waambile na lusekelo'mba: \"Kyawama pa kutaana'mba ne kuno kuji Bakamonyi ba kwa Yehoba! Anweba bantu mutwajijile na kukwasha bantu ne kwibabuula bintu byawama biji kulutwe.\" Mukwabo naye waambile'mba: \"Kala kechi nakebanga kutanga mabuku enu ne. Pano bino, luno nsakutanganga mabuku enu.\" Mukwabo watendekele kujila byo bamusapwijile ku mulongo. Waambile'mba wajinga Kamonyi kala. Balongo bamutundaikile'mba kechi wafwainwa kupelelatu pa kutanga mabuku ne, bino wafwainwa ne kutendeka kupwila.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/buku-wa-mwaka-2017\/kusapwila-kufunjisha-mwaya-ntanda\/europe\/","date":"2018-04-22T09:27:57Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945552.45\/warc\/CC-MAIN-20180422080558-20180422100558-00311.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":1717,"character_repetition_ratio":0.048,"word_repetition_ratio":0.0,"special_characters_ratio":0.171,"stopwords_ratio":0.248,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"UNO MALAYE WAWAMA BINGI. Mulenga wetu witulaya kwitupa bumi bwa myaka ne myaka pano pa ntanda. Pano bino bavula kechi baswa kino ne. Bamba'mba juba jimo atweba bantu 'bonse tukafwa, mambo lufu lwitunyeñamina.' Bakwabo balanguluka'mba kyapela kwikala myaka ne myaka mwiulu kechi pano pa ntanda ne. Baamba'mba muntu wakonsha kwikala na bumi bwa myaka ne myaka panyuma ya kufwa ne kuya mwiulu. Nga anweba mulangulukapo'mba ka?\nSaka mukyangye kukumbula buno bwipuzho, patanshi mwafwainwa kulanguluka pa byaambapo Baibolo pa ano mepuzho asatu alondelapo: Jishinda jalengelwamo bantu, jimwesha byepi amba bebalengele kwikala myaka ne myaka? Lesa wakebelenga'mba bantu bakekalenga byepi pano pa ntanda? Nga bantu batendekele byepi kufwa?\nMUNTU WAPUSANAKO NA BILENGWA BIKWABO\nPa bilengwa byonse byalenga Lesa, muntu bamulenga mu jishinda japusanako bingi. Mu ñanyi jishinda? Baibolo waamba'mba bantu bebalenga mu \"kipasha\" kya Lesa. (Ntendekelo 1:26, 27) Kino kilumbulula ka? Kilumbulula'mba muntu bamulengele na byubilo bijipo ne Lesa. Bino byubilo ke butemwe ne bunchibamambo bwaoloka.\nKabiji Lesa witulengele ne na maana a kuyuka bintu byawama ne byatama kabiji ukeba ne kuba'mba twikale balunda nanji. O ene mambo o tusanchila inge twamona byo alenga jiulu, ntanda ne byonse bijimo, kabiji tumvwa bingi bulongo kuteleka ku nyimbo ne bintutu bikwabo. Bantu bo bonkatu bakonsha kwikala balunda na Mulenga. Kino kyo kyalengela bantu kupusanako na bilengwa byonse byalenga Lesa.\nLangulukai pa kino: Inge Lesa wakebelenga'mba twikalengatu myaka icheche, nanchi inge witulengele na bino byubilo byawama byo tuji nabyo nyi? Lesa byo etulengele na bino byubilo, wakebelenga'mba twikalenga bulongo pano pa ntanda myaka ne myaka.\nLESA BYO AKEBELENGA'MBA BANTU BAKEKALENGA\nBamo bamba'mba Lesa kechi wakebelenga bantu kwikala myaka ne myaka ne. Kabiji bamba ne kuba'mba walengele ino ntanda pa kuba'mba bantu bakekalengapotu myaka icheche ne kwibeseka pa kuba'mba amone bakonsha kuya na kwikala mwiulu na Lesa myaka ne myaka. Inge byobyo kiji, ko kuba'mba kyayilamo bingi kupamo Lesa mambo pa bintu byonse byatama biji pano pa ntanda. Byo bamba byapusana na bilanguluka Lesa. Baibolo waamba pe Lesa amba: \"Mambo mashinda anji onse aoloka. Ye Lesa wa kishinka ubula kuba byatama; aye waoloka kabiji uba byaoloka.\"—Mpitulukilo ya mu Mizhilo 32:4.\nBaibolo waamba Lesa byo akebelenga ino ntanda kwikala. Waamba'mba: \"Jiulu jo ja kwa Yehoba, pakuba ntanda wiipana ku baana ba bantu.\" (Salamo 115:16) Kya kine, Lesa wakebelenga kuba'mba bantu bakekalenga myaka ne myaka pano pa ntanda muji bintu byawama. Kabiji walengele ne bintu byakonsha kulengela bantu kwikala bulongo myaka ne myaka.—Ntendekelo 2:8, 9.\n\"Jiulu jo ja kwa Yehoba, pakuba ntanda wiipana ku baana ba bantu\"—Salamo 115:16\nBaibolo waamba Lesa byo akebelenga bantu kwikala pano pa ntanda. Kabiji waambijile bantu batanshi kuba'mba \"muyuzhe ntanda ne kwiijima kabiji mwikale na bunkambo . . . pa bilengwa byumi byonse byenda pa ntanda.\" (Ntendekelo 1:28) Uno wajinga mwingilo wawama bingi wa kuwamisha ino ntanda ne kwiijima ne kwikala Paladisa. Adama ne Evwa kubikapotu ne baana babo bafwainwe kwikala myaka ne myaka pano pa ntanda kechi mwiulu ne.\nMAMBO KA O TUFWILA?\nPano mambo ka o tufwila? Baibolo waamba'mba kilengwa kimo kya mupashi kitelwa'mba Satana nangwa'mba Diabola kyasatukile ne kuzhinauka bukalama bwa Lesa mu bujimi bwa Edena. Mu ñanyi jishinda?\nSatana wajimbaikile bansemi betu batanshi ba Adama ne Evwa ne kwibalengela kusatukila Lesa. Kabiji waambile'mba Lesa wibataine bintu byawama ko kuba'mba luusa lwa kwifuukwila bintu. Kuba bino kwibalengejile kusatukila Lesa ne kulondela byaambile Satana. Ñanyi bintu byafuminemo? Bafwile kwesakana na byaambijile jimo Lesa. Kabiji bebapangile mu Edena kino kibalengejile kubula kwikala na luketekelo lwa kwikala na bumi bwa myaka ne myaka mu Paladisa pano pa ntanda.—Ntendekelo 2:17; 3:1-6; 5:5.\nBunsatuki bwa kwa Adama ne Evwa bwalengela bantu kuyanda bingi. Mambo a Lesa aamba'mba: \"Byonkatu bundengamambo byo bwatwelele pano pa ntanda mu muntu umo, ne lufu nalo lwaishijile mu bundengamambo.\" (Loma 5:12) Tufwa mambo twaswaine bundengamambo bwa bansemi betu batanshi. Lesa kechi walengele bantu kuba'mba bakekalengatu myaka icheche ne.\nMWAKONSHA KWIKALA PANO PA NTANDA MYAKA NE MYAKA\nNangwa kya kuba Adama ne Evwa basatukile, bino byakebelenga Lesa kuba'mba bantu bakekalenga pano pa ntanda kechi byaalukile ne. Na mambo a butemwe ne bunchibamambo bwaoloka bwa Lesa, wanengezhe jishinda ja kwitupokolwelamo ku lufu ne bundengamambo bo twaswaine kufuma ku bansemi betu batanshi. Mutumwa Paulo waambile'mba: \"Mfweto ya bundengamambo lo lufu, pa kuba bupe bo apana Lesa ke bumi bwa myaka ne myaka kupichila mwi Kilishitu Yesu Nkambo yetu.\" (Loma 6:23) Lesa \"wapaine Mwananji yenkawa umotu [Yesu Kilishitu], kuba'mba bonse bamwitabila kechi bakonaike ne, poso bakekale na bumi bwa myaka ne myaka.\" (Yoano 3:16) Byo epaine mwine ne kwikala kitapisho kya bukuzhi, Yesu wapokolwele bonse baswana bundengamambo bwa kwa Adama. *\nKatatakatu mulaye wa Lesa wa kwalula ino ntanda kwikala paladisa akafike. Pa kuba'mba mukekale mu Paladisa, mwafwainwa kulondelanga mukambizho wa kwa Yesu wa kuba'mba: \"Twelai pa kibelo kyakepa, mambo kibelo kyabaya ne jishinda jabaya bitwala ku lonaiko, kabiji bayamo bo bavula; pakuba kibelo kyakepa ne jishinda jakatazha kwendamo, jitwala ku bumi kabiji bejitaana bachechetu.\" (Mateo 7:13, 14) Lupulukilo lwenu lwaimena pa byo muba. Pano mwafwainwa kuba byepi pa kuba'mba mukapuluke?\n^ jifu. 17 Umvwe mukeba kuyukilapo byavula pa bukuzhi byo bwakonsha kwimubila, monai kitango 5 mu buku wa kuba'mba, Nanchi Baibolo Waamba'mba Ka? wanemba Bakamonyi ba kwa Yehoba kabiji uji ne pa keyala wa www.jw.org\/kqn.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/kyamba-kya-usopa-na2-2018-may-june\/mwakonsha-kwikala-myaka-ne-myaka-pano-ntanda\/","date":"2018-04-24T01:22:36Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946314.70\/warc\/CC-MAIN-20180424002843-20180424022843-00226.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":828,"character_repetition_ratio":0.078,"word_repetition_ratio":0.005,"special_characters_ratio":0.192,"stopwords_ratio":0.273,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MU BAIBOLO wenu, Masalamo 83:18 atuntululwa byepi? Mu Baibolo wa New World Translation of the Holy Scriptures ino vesi yatuntululwa amba: \"Namba, bantu bayuke amba, Anweba yenka, wa jizhina ja Yehoba, Yenu Mwine Wakila wa panopantanda ponse.\" Ma Baibolo akwabo amo nao atuntulula ino vesi byonkabye. Nangwa byonkabyo, mu ma Baibolo avula kechi mwanembwa jizhina ja kuba'mba Yehoba ne, mwapingizhiwa mazhina a mushingi nabiji \"Nkambo\" nangwa'mba \"wa Myaka.\" Jizhina ka jafwainwa kwingijishiwa mu ino vesi? Ja mushingi nyi, inyi jizhina ja kuba'mba Yehoba?\nJizhina ja Lesa mu bisopelo bya Kihebelu\nIno vesi yatongola jizhina. Mu Kihebelu kine kitanshi mwanembejilwe byambo byavula bya mu Baibolo, mwanembwa jine jizhina. Jino jizhina jisopelelwa'mba יהוה (YHWH) mu bisopelo bya Kihebelu. Mu Kikaonde jino jizhina jatuntululwa'mba \"Yehoba.\" Nanchi jino jizhina jitanwatu mu vesi imo ya mu Baibolo nyi? Ine. Jitanwa mu Binembelo bine bitanshi bya Kihebelu pepi nobe bimye 7,000!\nJizhina ja Lesa janema byepi? Akilangulukai pa lulombelo lwa kumwenako lo alombele Yesu Kilishitu. Lutendeka bino amba: \"Tata wetu wa mwiulu, Jizhina jenu jizhile.\" (Mateo 6:9) Panyuma ya bibye, Yesu walombele kwi Lesa amba: \"Tata, tumbijikai jizhina jenu.\" Lesa wakumbwile mwiulu amba: \"Nejitumbijika kala, kabiji nkejitumbijika ne jibiji.\" (Yoano 12:28) Ee kine, jizhina ja Lesa janema bingi. Pano nga mambo ka bantuntuluzhi bamo o babujila kunemba jino jizhina mu ma Baibolo abo ne kupingizhapo mazhina a mushingi?\nKyamweka nobe kuji bishinka bibiji bilengela kino. Kishinka kitanshi ke kya kuba'mba, bavula bamba'mba jino jizhina kechi jafwainwa kwingijishiwa ne, mambo ntelelo ine itanshi ya kutelelamo jino jizhina kechi ya yukanyikwa lelo jino ne. Kihebelu kya kala kyanembwanga kwakubula bisopelo bikwasha kutela kyambo. Onkao mambo, kafwako nangwa umo lelo jino wayuka bulongo bantu bajingako kimye kyanembelwangamo Baibolo byo batelanga YHWH ne. Nanchi kino kyafwainwa kwitulengela kubula kwingijisha jizhina ja Lesa nyi? Mu kimye kyanembelwangamo Baibolo, jizhina ja Yesu kampe jatelwanga'mba Yeshua nangwa'mba Yehoshua, pano bino kafwako wayuka kwijitela bulongo ne. Nangwa byonkabyo, bantu mwaya ntanda lelo jino bengijisha ntelelo yapusana pusana ya jizhina ja Yesu, sa bejitelela mu jishinda mo bejiyukila mu mulaka wabo. Kechi bakankazhama kwingijisha jino jizhina na mambotu a kuba'mba kechi bayuka mo bejitelelanga mu myaka kitota kitanshi ne. Po pamotu ne anweba umvwe mwaya ku kyalo kingi, mwakonsha kutana'mba jizhina jenu jumvwanyikila mungi mu mulaka mukwabo. Onkao mambo, kubula kuyuka ntelelo ya kala ya jizhina ja Lesa kechi kyo kine kintu kyakonsha kulengela kubula kwijingijisha ne.\nKishinka kya bubiji kyambiwa javula pa mambo a kufumyamo jizhina ja Lesa mu ma Baibolo ke kisho kya Bayudea kyaikala myaka yavula. Bavula ba mwiabo baitabila'mba jizhina ja Lesa kechi jafwainwa kutelwa ne. Luno lwitabilo kyamweka lwaimena pa kutwala mungi muzhilo wa mu Baibolo waamba'mba: \"Kechi mukejitele jizhina ja Yehoba Lesa wenu patutu ne; mambo aye Yehoba kechi ukamuleka awa muntu watela jizhina janji patutu ne.\"—Kulupuka 20:7.\nUno muzhilo wakanyako kwingijisha kutama jizhina ja Lesa. Nanchi wakanya kwingijisha na mushingi jino jizhina janji nyi? Ine. Banembi ba Baibolo wa Kihebelu (\"Lulayañano lwa Kala\") bonse bajinga bantu bakishinka balondelanga Mizhilo yo apaine Lesa ku bena Isalela ba kala. Nangwa byonkabyo, baingijishanga jizhina ja Lesa bimye byavula bingi. Kya kumwenako, bejibikilemo mu masalamo avula aimbiwanga na mabumba a bapopweshi bavula na jiwi jasansuka. Yehoba Lesa wakambizhe ne bapopweshi banji kwita pa jizhina janji, kabiji aba bakishinka bakokejile. (Yoela 2:32; Byubilo 2:21) Onkao mambo, bena Kilishitu lelo jino kechi bakankazhama kwingijisha jizhina ja Lesa na mushingi, byonka byaubile Yesu ne.—Yoano 17:26.\nJizhina ja Lesa byo bejipingizhapo na mazhina a mushingi, bantuntuluzhi bavula ba Baibolo balubankanya bingi. Balengela Lesa kumweka nobe uji kwalepa kabiji nobe kechi muntu ne, bino Baibolo sa atundaika bantu kwikala 'na kyafyamika nangwa'mba na bulunda ne Yehoba.' (Masalamo 25:14) Akilangulukaipo mulunda nenu wa pa muchima. Nanchi mwakonsha kwipwiluluka kwakubula kuyuka jizhina ja yewo mulunda nenu nyi? Ne bantu nabo umvwe babula kuyuka jizhina ja Lesa ja kuba'mba Yehoba, bakonsha kufwenya byepi kwi aye? Kabiji umvwe bantu ke babule kwingijisha jizhina ja Lesa, kechi bayuka ne byo jilumbulula ne. Jizhina ja Lesa jilumbulula ka?\nLesa aye mwine walondolwele byalumbulula jizhina janji kwi Mosesa kalume wanji wa kishinka. Mosesa byo aipwizhe jizhina ja Lesa, Yehoba wamukumbwile'mba: \"Nkekala mo nkakebela.\" (Kulupuka 3:14, NW) Mu Baibolo wa kwa Rotherham bino byambo byatuntululwa'mba: \"Nkekala monka mukakebela muchima wami.\" Onkao mambo, Yehoba wakonsha kwikela monse mo akebela kuba'mba afikizhe nkebelo yanji.\nUmvwe anweba mwakonsha kwikela monse mo mukebela, mwakonsha kuba ka? Mwakonsha kwibobila ka bakwenu? Umvwe umo wabelesha, mwakonsha kwikala dokotala ne kumubuka. Umvwe mukwabo wabula mali, mwakonsha kumukwashako mali kuba'mba afume mu lukatazho lo ajimo. Pano bino bukine ke bwa kuba'mba, mwapelelela mu byo mwakonsha kwikala. Atweba bonse twapelelela. Byo mufundanga Baibolo, mukakumya byo mukamona Yehoba byo ekela muji monse mubena kukebewa kuba'mba afikizhe milaye yanji. Kabiji kimutokela bingi ku muchima kwingijisha bulume bwanji kukwasha boba bamutemwa. (2 Byambo bya Moba 16:9) Ino mbaji yawamisha ya bumuntu bwa Yehoba kechi imweka ku boba baluba jizhina janji ne.\nEe kine, jizhina ja kuba'mba Yehoba jafwainwa kunembwa mu Baibolo. Kuyuka byo jilumbulula ne kwikala bakasuluka kwijingijisha mu mpopwelo yetu bo bukwasho bwa kwitukwasha kufwenyenyamo kwi Shetu wa mwiulu, aye Yehoba.*\n* Umvwe mukeba kuyukilako byavula pa mambo a jizhina ja Lesa, byo jilumbulula, ne ene mambo o jafwainwa kwingijishiwa mu mpopwelo, monai buloshuwa wa Ishina lya Bulesa Ilikatwalilila Kuli Pe na Pe, wanembwa na Bakamonyi ba kwa Yehoba.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/bible-teach\/jizhina-ja-lesa-byo-jingijishiwa-ne-byo-jilumbulula\/","date":"2018-04-22T09:15:07Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945552.45\/warc\/CC-MAIN-20180422080558-20180422100558-00455.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":860,"character_repetition_ratio":0.084,"word_repetition_ratio":0.0,"special_characters_ratio":0.185,"stopwords_ratio":0.212,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"N DEKE inge ibena kupita mwiulu, ilengela mwela kuzhokoloka kwapela byapi nobe kanzhimbiji na mambo a kwenda lubilo. Uno mwela ulengela ndeke kubula kwenda bukiji ne kwingijisha manyi avula bingi. Kabiji ulengela ne madeke akwabo kubula kwenda bukiji inge abena kulondela munyuma. Onkao mambo, ndeke itanshi inge yatumbuka, ya bubiji yafwainwa kupembelela mwela wafuma ku ndeke itanshi wapwa, apa bino nayo yatumbuka.\nBalenga madeke bataana jishinda ja kukepesheshamo luno lukatazho. Ñanyi jishinda? Babena kulenga byapi bya madeke byapasha mayona atala mwiulu aji ku mpelo ya byapi bya bañonyi nabiji bampungu, tubemba ne bwendabwala.\nLangulukai pa kino: Bañonyi bakatampe inge batumbuka, mayona aji ku mpelo ya byapi byabo atendeka kwimana kufikatu ne kimye kyo atala mwiulu. Mu jino jishinda, bañonyi bakonsha kulelemba mwiulu nangwa kya kuba kechi bavungulula byapi kufika po bipela ne. Kabiji kibakwashako ne kutumbuka bulongo. Bashayuka ba madeke nabo balenga byapi bya madeke byapasha byapi bya bañonyi. Pa kweseka madeke, bataaine kuba'mba inge byapi bya ndeke bebilenga byatala mwiulu ko byapelela ne kwibimika kwesakana na bibena kwenda mwela, bikwashako ndeke kutumbuka bulongo. Mambo ka? Buku wa Encyclopedia of Flight waamba'mba byapi byo batazha mwiulu ku mpelo bikwashako ndeke kupita bulongo mu mwela upuupa nobe kanzhimbiji, kabiji byuba nobe bibena \"kushinjika ndeke kuya kulutwe.\"\nByapi bya ndeke byo batazha mwiulu ko byapelela bipipa kabiji kechi bija mpunzha yabaya ne. Bikwashako madeke kutumbuka bulongo, kusenda bipe byavula, ne kubula kwingijisha manyi avula. Sawakya kufuma ku kipamo kitelwa'mba NASA washimwine'mba mu 2010, \"pa manyi afwainwe kwingijisha madeke onse mu ntanda yonse, pashajile manyi afika ku malita 7,600 milyonyi o babujile kwingijisha,\" kabiji kino kyakepesheko ne mwela watama ufuma ku madeke inge abena kutumbuka.\nMwalangulukapo'mba ka? Nanchi mayona aji ku mpelo ya byapi bya bañonyi balelemba mwiulu aishilekotu ene nyi, inyi alengelwe?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/g201502\/ba%C3%B1onyi-mayona-aji-kwapela-byapi-atala-mwiulu\/","date":"2018-04-19T22:59:42Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937074.8\/warc\/CC-MAIN-20180419223925-20180420003925-00136.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":288,"character_repetition_ratio":0.07,"word_repetition_ratio":0.0,"special_characters_ratio":0.173,"stopwords_ratio":0.149,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"-\nKampu bamwabanya mu mabumba a mikoka isatu isatu (1-34)\nMusakutemwa kutanga uno mutwe mu %% nyi?\n2 Yehoba waambijile Mosesa ne Alona amba: 2 \"Bena Isalela bafwainwa kupopela matente abo konka kuji mabumba abo a mikoka isatu,+ muntu yense kwipi na mbandela* ya kikota kyanji. Bafwainwa kupopa matente abo saka atalañana na tente wa lusambakeno kumuzhokoloka konse konse. 3 \"Aba bakapopela matente abo ku musela, konka kuselela juba, bakekala jibumba ja mikoka isatu ya bena Yuda monka mwayila mabumba* abo; mukulumpe wa bena Yuda ke Nashona+ mwana wa kwa Aminadaba. 4 Bashilikale banji 74,600 bo bo banembele.+ 5 Aba bakapopa matente abo saka balamankana nanji ke mukoka wa bena Isakala; mukulumpe wa bena Isakala ke Netanela+ mwana wa kwa Zuwala. 6 Bashilikale banji 54,400 bo bo banembele.+ 7 Mukoka ukalondelapo ke wa bena Zebuluna; mukulumpe wa bena Zebuluna ke Eliaba+ mwana wa kwa Helona. 8 Bashilikale banji bo banembele bajinga 57,400.+ 9 \"Bonse bo banembele mwingilo wa bushilikale mu kampu wa kwa Yuda bajinga 186,400. Abano bo bakatangilangako pa kwimana lwendo.+ 10 \"Jibumba ja mikoka isatu ya bena Lubenyi+ jikapopela matente abo ku kabeta ka ku bulenge monka mwayila mabumba* abo; mukulumpe wa bena Lubenyi ke Elizula+ mwana wa kwa Shedeula. 11 Bashilikale banji 46,500 bo bo banembele.+ 12 Aba bakapopa matente abo saka balamankana nanji ke mukoka wa bena Shimeona; mukulumpe wa bena Shimeona ke Shelumyela+ mwana wa kwa Zulishadai. 13 Bashilikale banji 59,300 bo bo banembele.+ 14 Mukoka ukalondelapo ke wa bena Gadi; mukulumpe wa bena Gadi ke Elyasafu+ mwana wa kwa Lewela. 15 Bashilikale banji bo banembele bajinga 45,650.+ 16 \"Bonse bo banembele mwingilo wa bushilikale mu kampu wa kwa Lubenyi bajinga 151,450, kabiji bo bakekala ba bubiji pa kwimana lwendo.+ 17 \"Pa kuvilula tente wa lusambakeno,+ bena Levi bafwainwa kwikala pakachi ka makampu akwabo. \"Monka mwayila ndonda ya kupopa matente, byo byo bakoba ne pa kwimana lwendo, au panji au panji,+ monka mwayila mabumba abo a mikoka isatu. 18 \"Jibumba ja mikoka isatu ya bena Efelaimu jikapopela matente ajo ku muzhika monka mwayila mabumba* abo; mukulumpe wa bena Efelaimu ke Elishama+ mwana wa kwa Amihuda. 19 Bashilikale banji 40,500 bo bo banembele.+ 20 Aba bakapopa matente abo saka balamankana nanji ke mukoka wa bena Manase;+ mukulumpe wa bena Manase ke Ngamaliela+ mwana wa kwa Pedazula. 21 Bashilikale banji 32,200 bo bo banembele.+ 22 Mukoka ukalondelapo ke wa bena Benjamina; mukulumpe wa bena Benjamina ke Abidana+ mwana wa kwa Gidionyi. 23 Bashilikale banji bo banembele bajinga 35,400.+ 24 \"Bonse bo banembele mwingilo wa bushilikale mu kampu wa kwa Efelaimu bajinga 108,100, kabiji bo bakekala ba busatu pa kwimana lwendo.+ 25 \"Jibumba ja mikoka isatu ya bena Danyi jikapopela matente abo ku kabeta ka ku buyeke monka mwayila mabumba* abo; mukulumpe wa bena Danyi ke Ahiyeza + mwana wa kwa Amishadai. 26 Bashilikale banji 62,700 bo bo banembele.+ 27 Aba bakapopa matente abo saka balamankana nanji ke mukoka wa bena Ashela; mukulumpe wa bena Ashela ke Pangyela+ mwana wa kwa Okolana. 28 Bashilikale banji 41,500 bo bo banembele.+ 29 Mukoka ukalondelapo ke wa bena Nafitali; mukulumpe wa bena Nafitali ke Ahila+ mwana wa kwa Enana. 30 Bashilikale banji bo banembele bajinga 53,400.+ 31 \"Bonse bo banembele mwingilo wa bushilikale mu kampu wa kwa Danyi bajinga 157,600. Kabiji bo bakapelangako pa kwimana lwendo,+ monka mwayila mabumba abo a mikoka isatu.\" 32 Abano bo bena Isalela bo banembele monka mwayijile bikota byabo; bantu 603,550 bajinga mu makampu bo bo banembele mwingilo wa bushilikale.+ 33 Bino bena Levi kechi bebanembele+ pamo na bena Isalela bakwabo ne,+ byonkatu Yehoba byo akambizhe Mosesa. 34 Bena Isalela baubile bintu byonse Yehoba byo akambizhe Mosesa. Abino byo byo bapopelenga matente monka mwayijile mabumba abo a mikoka isatu+ kabiji byo byo balondankenenga pa kwimana lwendo,+ muntu yense monka mwayijile kisemi kyanji ne mwayijile kikota kyanji.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/kubala\/2\/","date":"2018-04-25T15:17:45Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947822.98\/warc\/CC-MAIN-20180425135246-20180425155246-00219.warc.gz","language":"kqn","language_score":1.0000060797,"language_script":"Latn","minhash_cluster_size":1,"top_langs":"{\"kqn_Latn_score\": 1.000006079673767}","num_words":575,"character_repetition_ratio":0.142,"word_repetition_ratio":0.099,"special_characters_ratio":0.233,"stopwords_ratio":0.163,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4 Balwanyi ba Bayudea ne bena Benjamina+ byo baumvwine'mba aba bafuma mu buzha+ babena kushimika nzubo ya Yehoba Lesa wa Isalela, 2 ponkapo basolomokele Zelubabele ne bakulumpe ba bikota ne kwibambila'mba: \"Tuswishai twimukwasheko kushimika; mambo byonkatu byo muji, ne atweba tupopwela* Lesa wenu+ kabiji tutapisha kwi aye kufumatu mu moba a Eshadona+ Mfumu wa Asilya, yenka wituletele kuno.\"+ 3 Nangwa byonkabyo, Zelubabele ne Yeshua ne bakulumpe ba bikota bya bena Isalela bebambijile'mba: \"Kechi mwakonsha kushimika nzubo ya Lesa wetu pamo ne atweba ne,+ mambo atweba bunke bwetu tusakumushimikilayo Yehoba Lesa wa Isalela, byonkatu bitukambizhe Kilusa Mfumu wa Pelisha.\"+ 4 Kabiji bantu ba mu kyalo batwajijile kulefula* Bayudea ne kwibachinya amba baleke kushimika.+ 5 Bapelenga mali boba babulañana maana kuba'mba bavulañanyenga+ byo bafuukwilepo mu moba onse a kwa Kilusa Mfumu wa Pelisha kufikatu ne kimye Daliusa+ Mfumu wa Pelisha kyo atendekele kulama. 6 Ku ntendekelo ya bukalama bwa kwa Ahaselusa, banembele byambo bya kupamo mambo bangikazhi ba mu Yuda ne ba mu Yelusalema. 7 Kabiji mu moba a kwa Atazakeshi Mfumu wa Pelisha, Bishilama, Mitiledate, Tabele ne balunda nanji bonse banembejile mfumu Atazakeshi; batuntulwile ino nkalata mu Kialamaiki,+ kabiji beinembele mu bisopelo bya Kialamaiki.* 8 * Lehumi kiloolo wa mu kafulumende ne Shimishai munembeshi banembejile ino nkalata Mfumu Atazakeshi ya kupamo mambo ba mu Yelusalema amba: 9 (Yafumine kwi Lehumi kiloolo wa mu kafulumende ne Shimishai munembeshi ne balunda nabo, bamitonyi ne babinemanga babacheche, banembeshi, bena Eleka,+ bangikazhi ba mu Babilonya, bangikazhi ba mu Susa,+ ko kuba'mba bena Elama,+ 10 ne bisaka bya bantu bikwabo byo batwajile mu buzha kwi Asenapa kinemanga wayile nkuwa ne kwibekazha mu mizhi ya mu Samaliya,+ ne bakwabo bajinga mu kibunji kya ku Bushiya bwa Mukola,* pano 11 ino yo nkalata yo bamutumijile.) \"Kwi anweba Mfumu Atazakeshi, kufuma kwi atweba bakalume benu bekala ku kibunji kiji ku Bushiya bwa Mukola: Pano 12 anweba mfumu yukai'mba Bayudea bafumine kwi anweba ne kwiya ko tuji bafika mu Yelusalema. Babena kushimukulula muzhi watama wa bansatuki, kabiji katatakatu bapwishe kushimika masakwa+ ne kuwamisha bitendekesho. 13 Pano anweba mfumu yukai'mba uno muzhi inge bamushimukulule ne masakwa anji apwe, kechi bakapananga musonko, mulambo+ nangwa musonko wa pa mukwakwa ne, kabiji kino kikalengela mali mu bipao bya bamfumu kukepa. 14 Na mambo a kuba tufola mali a ku kipango,* kabiji kechi tubena kukeba bintu byenu anweba mfumu konaika ne, o ene mambo o twatumina ino nkalata kuba'mba anweba mfumu muyuke kino, 15 pa kuba'mba mukebekebe mu buku wa byanembwa bya bashakulu benu.+ Mukebemo mu buku wa byanembwa, po po musakuyuka'mba uno ke muzhi wa bansatuki, boba byatama ku bamfumu ne ku bibunji, kabiji mu yenka uno muzhi mwaikalanga ne boba balengelanga bantu kusatuka mu moba a kala. O ene mambo uno muzhi o bamonawijile.+ 16 Tubena kwimubuula anweba mfumu namba inge uno muzhi bamushimukulule ne masakwa anji apwe, kechi mukekalapo na bulume* pa kibunji kiji ku Bushiya bwa Mukola ne.\"+ 17 Kepo mfumu atumine mawi kwi Lehumi kiloolo wa mu kafulumende ne Shimishai munembeshi ne ku balunda nabo baikalanga mu Samaliya ne ku bajinga mu kibunji kyajinga ku Bushiya bwa Mukola amba: \"Mutende mwane! Bino 18 nkalata yo mwitutumijile beitangile* bulongo ku meso ami. 19 Ne amiwa nakambizhe namba bakebekebe, kabiji kyatanwa'mba kufumatu ne kala, mu uno muzhi mwajinga kwimena bamfumu, ne bunsatuki bwaubiwenga monka.+ 20 Mwajinga bamfumu ba bulume mu Yelusalema bonka balamanga kibunji kyonse kya ku Bushiya bwa Mukola, kabiji bebapanga musonko, mulambo ne musonko wa pa mukwakwa. 21 Pano kambizhai'mba bano bantu baleke kwingila, pa kuba'mba baleke kushimukulula muzhi posotu nkapane mukambizho. 22 Muteko muchima kuba kino, kuchina'mba bintu bya mfumu byakonaikilako.\"+ 23 Nkalata yafumine kwi Mfumu Atazakeshi byo beitangile kwi Lehumi ne Shimishai munembeshi ne balunda nabo, ponkapo bayile ku Yelusalema ku Bayudea ne kwibalekesha mu lupata. 24 Kyo kimye mwingilo wa ku nzubo ya Lesa yajinga mu Yelusalema kyo aimene; waimene byonkabyo kufikatu ne mu mwaka wa bubiji wa bukalama bwa kwa Daliusa Mfumu wa Pelisha.+\nTubyambo twa munshi\n^ Mu Kihebelu, \"tukeba.\"\n^ Mu Kihebelu, \"kukookesha maboko a.\"\n^ Nangwa, \"yanembelwe mu Kialamaiki ne kwiituntulula.\"\n^ Nangwa'mba \"Bushiya bwa Ufelata.\"\n^ Nangwa'mba \"tutambula mali etu a pa ñondo kufuma ku jilapa.\"\n^ Mu Kialamaiki, \"mukekalamo na lubaji mu.\"\n^ Nangwa, \"yatuntululwa ne kwiitanga.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/ezela\/4\/","date":"2018-04-24T09:15:44Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946578.68\/warc\/CC-MAIN-20180424080851-20180424100851-00536.warc.gz","language":"kqn","language_score":1.0000087023,"language_script":"Latn","minhash_cluster_size":1,"top_langs":"{\"kqn_Latn_score\": 1.0000087022781372}","num_words":664,"character_repetition_ratio":0.064,"word_repetition_ratio":0.003,"special_characters_ratio":0.196,"stopwords_ratio":0.273,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Fwanyikizha uji pa intaneti na kutala bipikichala bya bakwenu baji ku kijiilo. Bakwenu bonse baji konka, babena kuja ne kusangalala. Pano bino obewa washalapo, kechi wayuka kine kintu kyo washajilapo ne.\nKe ulanguluke'mba: 'Mambo ka kyo babujila kungichila?'\nKatanda kano, waumvwa kukola ku muchima na mambo a kulangulukila kitala. Ubena kulanguluka'mba bakwenu bakulengulula. Milanguluko ya uno mutundu iji nobe nzubo yo bashimika na bintu byabula kukosa. Ubena kulanguluka ne kwishikisha'mba, 'Mambo ka kyo nabujila balunda?'\nKubula balunda\nKine nyi, inyi bubela\nKechi wakonsha kumvwa mukose ne, umvwe uji na balunda bavula.\nKechi wakonsha kumvwa mukose ne, umvwe wisampa bulunda na bantu pa intaneti.\nKechi wakonsha kumvwa mukose ne, umvwe saka utumina bakwenu byambo pa kafoni kamulupi.\nKechi wakonsha kumvwa mukose ne, umvwe saka ubila bintu bakwenu.\nMukumbu wa bino bintu bina ke bubela.\nMambo ka?\nBalunda ne kubula balunda\nKwikala na balunda bavula kechi ko kupwisha mukose ne.\n\"Nata bingi muchima balunda nami. Kimye kimo ndanguluka namba abo kechi banta muchima ne. Mukose wakonsha kukukwata ne balunda nobe saka baji ponka. Kechi wakonsha kupwa ne.\"\n—Anne.\nKwisampa bulunda na bantu pa intaneti kechi kupwisha mukose ne.\n\"Bantu bamo besampa bulunda na bantu pa intaneti nobe byonka bantu bamo byo bayuzha tubibumbwaloba mu kibamba. Bino kuyuzha bibumbwaloba mu kibamba kechi ko kuleta butemwe ne. Umvwe kya kuba kechi muji na balunda bakine pa intaneti ne, po pamotu ne kwikala na bibumbwaloba bibula kupema.\"\n—Elaine.\nKutumina balunda nenu byambo pa foni kechi kupwisha mukose ne.\n\"Kimye kimo tumvwa bingi mukose. Umvwe kya kuba twaumvwa mukose tutala bingi pa foni amba kampe pajipo mulunda netu witutuminapo byambo. Kabiji mukose ukilamo inge kya kuba kafwako witutuminapo byambo ne.\"\n—Serena.\nKubilapo bintu bimo balunda nobe kechi ko kupwisha mukose ne.\n\"Balunda nami kechi bangubilapo bintu byawama byonka byo nebobila ne. Kwibobila byawama kechi ko kundefula ne. Kinkola bingi ku muchima na mambo a kuba'mba abo kechi bammwesha kifyele ne kungubila bintu byonka byo nebobilapo ne.\"\n—Richard.\nKishinka: Bintu byo tuba mu bwikalo kechi byo bileta mukose ne. Kabiji kechi byo bipwisha mukose ne. Ndangulukilo yetu yo ilengela. Mwanamukazhi umo, Jeanette waambile'mba, \"Muntu mwine ye umvwa mukose.\"\nWakonsha kuba byepi inge kya kuba ufwabo balunda kabiji waumvwa mukose?\nBya kuba umvwe ufwabo balunda\nKange ulanguluke'mba kafwako wakutemwa ne.\n\"Kilengela kubula balunda ke kulanguluka'mba kafwako muntu nangwa umo wantemwa ne. Kikatazha bingi kwisampa bulunda na bantu ne kwisamba nabo mambo tulanguluka'mba betulengulula.\"\n—Jeanette.\nKuba binyenge ne.\n\"Kubula balunda kuji nobe kutapama mu buchichi. Kyakonsha kukatazha kufumamo umvwe twaeseka amba twende monka. Po pamotu ne kwisampa bulunda. Umvwe saka tulanguluka'mba kafwako muntu nangwa umo witutemwa ne, twakonsha kukankalwa kwikala na balunda.\"\n—Erin.\nBaibolo waamba'mba: \"Butemwe . . . kechi bwikebela bintu abo bwine ne.\" (1 Kolinda 13:\nKechi kwisampa bulunda na muntutu yense ne.\n\"Bantu babula balunda bakebesha bingi kwibata muchima. Kino kibalengela kwisampa bulunda na bantu bonse bo batana, mambo basakatu muntu yense kwibatemwa. Bino mwafwainwa kuyuka'mba bantu bamo basakatu'mba mwibobilepo kintu kimo. Inge mwibobila, ne bulunda mpalampala. Mwashalatu kwakubula mulunda jibiji.\"\n—Brianne.\nBaibolo waamba'mba: \"Awa wenda na ba mana ukekala ke wa mana; pakuba awa wenda ne bakosama ukamona byakatazha.\" (Byambo bya Mana 13:20) Umvwe waumvwa nzala usakujatu kyonse kyowamona kikulutu kajo. Po pamotu ne muntu ubena kukebesha mulunda, wakonsha kukeba balunda mu mapunzha atama. Wakonsha kwisampatu ne na muntu uji na byubilo byatama. Wakonsha kulanguluka'mba yenkawe ye mulunda, kafwako mukwabo ne.\nByambo byapelako: Bonse kitukola bingi ku muchima inge kya kuba twabula balunda; pano bino, bamo bakizhamo. Kulangulaka'mba kafwako nangwa umo witutemwa kwakonsha kwitukozha ku muchima. Bino twafwainwa kuyuka'mba milanguluko yo ibena kwitokazha ku muchima. Ino milanguluko twakonsha kwiipwisha.\nTulabijile'mba kechi bonse bakonsha kwikala balunda netu ne. Jeanette ye twaambapo kala waambile'mba, \"Kechi bonse bakonsha kwikala balunda netu ba pa muchima ne, bino kobaji bantu betuta muchima. Kabiji bonse tukeba kwituta muchima. Uno mulanguluko uketukwasha kubula kulanguluka'mba tufwabo balunda betuta muchima ne.","id":"","dump":"CC-MAIN-2018-17","url":"https:\/\/www.jw.org\/kqn\/bifunjisha-baibolo\/banyike\/bepuzha\/babula-balunda-bomvwa-mukose\/","date":"2018-04-24T05:14:01Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946564.73\/warc\/CC-MAIN-20180424041828-20180424061828-00185.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":631,"character_repetition_ratio":0.082,"word_repetition_ratio":0.0,"special_characters_ratio":0.182,"stopwords_ratio":0.22,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"NAFWAINWA KULEKELAKO MAMBO MUKWETU JITANU NA JIBIJI NYI?\nKISHIMPI KYA MUZHA WABUJILE LUSA\nPetelo waumvwine lujimuno lwa kwa Yesu pa bya kupwisha makatazho ekala pakachi ka balongo. Pano bino, Petelo kyamweka wakebelenga kuyuka kuvula kwa bimye byo afwainwa kulekela bakwabo mambo.\nOnkao mambo, waipwizhe'mba: \"Nkambo, bimye binga byo nafwainwa kulekelako mambo mukwetu wandenga mambo? Jitanu na jibiji nyi?\" Bantangi ba bupopweshi bamo bafunjishanga'mba muntu wafwainwa kulekelako mukwabo mambo bimye bisatu. Onkao mambo, Petelo kampe walangulukilenga'mba kulekela mambo \"jitanu na jibiji\" kumwesha'mba muntu uji na muchima wawama.—Mateo 18:21.\nBino kubala bimye bya kulekelako muntu mambo kechi kwayijilemo na byafunjishenga Yesu ne. Onkao mambo, Yesu wamolweleko Petelo amba: \"Nakubuula namba, kechi bimye bitanu na bibiji ne, kana bimye 77.\" (Mateo 18:22) Kino kibena kulumbulula kutwajijilatu na kulekelako muntu mambo. Onkao mambo, Petelo kechi wafwainwe kubala bimye bya kulekelako bakwabo mambo ne.\nKepo Yesu aelele kishimpi Petelo ne baana banji ba bwanga bakwabo kya kwibakwasha kuyuka mutembo ye bajinga nanji wa kwilekelako mambo. Kino kishimpi ke kya muzha wakankelwe kufunjilako ku lusa lwa mubijile nkambo yanji. Mfumu wakebele bazha banji kubwezha nkongole yo bajinga nayo. Muzha umo wajinga na nkongole ya matalenta 10,000 [mandenali 60,000,000] bamuletele kwi aye. Bino wakankelwe kubwezha ino nkongole. Onkao mambo, mfumu wakambizhe'mba aye mwine, mukazhanji, ne baana banji bebapoteshe ne kubwezha nkongole. Ponkapo uno muzha wafukamine panshi ne kumulambila saka amba'mba, \"Akintekenyai, nkemubwezhezha bintu byenu byonse.\"—Mateo 18:26.\nMfumu wamubijile lusa, kabiji wamulekejileko nkongole yanji. Mfumu byo aubiletu bino, uno muzha ponkapo wayile ne kutaana muzha mukwabo wajinga na nkongole yanji ya mandenali 100. Wamukwachile ne kumufina pa nshingo ne kumwambila'mba: \"Mbwezhezhe nkongole yami.\" Bino mukwabo wafukamine panshi ne kumusashijila'mba: \"Akintekenye, nkakubwezhezha nkongole yobe.\" (Mateo 18:28, 29) Pano bino, uno muzha ye balekejileko nkongole ku mfumu kechi waubijile mukwabo lusa byonka byo bamubijile aye kwi nkambo yanji ne. Wayile na kukashisha mukwabo mu kaleya wajingatu na nkongole icheche amba kanatu akabwezhe nkongole yo ajinga nayo.\nKepo Yesu anungilepo amba bazha bakwabo byo bamwene kyo aubile, bayile na kumulobela kwi nkambo yabo. Nkambo yabo wazhingijile kabiji wamwichile ne kumwambila'mba: \"Obewa muzha mubi, amiwa nakulekejileko nkongole yami byo wansashijile. Nanchi kechi wafwainwe kumubila lusa muzha mukwenu byonka byo nakubijile lusa nenyi?\" Mfumu wazhingijile bingi ne kumupana ku baota, amba kanatu akabwezhe nkongole yonse. Kepo Yesu apezhezheko amba: \"Ne Batata ba mwiulu byo byo bakemuba ne anweba, inge mwabula kulekelako mambo balongo benu na muchima wenu yense.\"—Mateo 18:32-35.\nLuno lufunjisho pa mambo a kwilekelako mambo, lwawama bingi. Lesa witulekelako nkongole ikatampe bingi ya bundengamambo. Mambo etulenga mulongo wetu wa mu kipwilo kechi akonsha kwesakana na mambo e tulekelako Lesa ne. Kabiji Yehoba witulekelako mambo bimye byavula bingi. Nanchi ne atweba kechi twafwainwa kulekelako bakwetu inge paji kyatama kyo betuba nenyi? Byonkatu byafunjishe Yesu mu Jashi ja pa Mutumba, Lesa 'uketulekeleko mambo etu byonka byo twibalekelako mambo aba betulenga mambo.'—Mateo 6:12.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/yesu\/mwingilo-mu-ngalilea\/wafunjishe-kwilekelako-mambo\/","date":"2018-04-22T21:10:44Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945648.77\/warc\/CC-MAIN-20180422193501-20180422213501-00339.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":457,"character_repetition_ratio":0.072,"word_repetition_ratio":0.0,"special_characters_ratio":0.187,"stopwords_ratio":0.214,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MALIYA wifukamijile saka aji na bulanda bingi. Wavulukilenga mwananji byo ajijilenga kimye kya kupelako pa kufwa panyuma ya kuyanda kimye kyabaya. Mu ntanda mwaishile mfishi nangwa kya kuba kyajinga mute. Kabiji ntanda yasunkene. (Mateo 27:45, 51) Maliya wayukile kuba'mba Yehoba wakebelenga bantu kuyuka amba kya mukolele bingi ku muchima pa lufu lwa kwa Yesu Kilishitu.\nMfishi byo yapwile, Maliya wajijile bingi mwananji wafwile wajinga ku Ngolongota. (Yoano 19:17, 25) Maliya wafwainwa wajinga bingi na milanguluko. Kampe walangulukilenga pa bintu byaubile Yesu pa myaka 33. Aye ne Yosefwa bapaine mwanabo ye batemenwe bingi mu nzubo ya Lesa mu Yelusalema, kabiji wa kikulumpe aye Shimeona watangijilwe na mupashi kwamba bungauzhi. Waambijile jimo bintu bikatampe bikoba Yesu kabiji wanungilepo ne kuba'mba juba jimo Maliya ukekala na bulanda nobe bamwasa mpoko. (Luka 2:25-35) Pa kikye kimye kyo ajinga na bulanda, popo ayukile mwatajile bino byambo.\nBantu bavula bamba'mba kufwisha mwanobe ke kintu kitanta bingi ku muchima pa bintu byonse byatama bipitamo bantu. Lufu ke mulwanyi watama bingi, kabiji ke kintu kikola bingi ku muchima. (Loma 5:12; 1 Kolinda 15:26) Nanchi mwakonsha kuchinchika na buno bulanda nyi? Byo tusakwisambanga pa bintu byapichilemo Maliya kufumatu kimye Yesu kyo atendekele mwingilo kufikatu ne kimye kyo afwile, tusakufunda pa lwitabilo lwakwashishe Maliya kuchinchika bulanda bwajinga nobe bamwasa mpoko.\n\"KYONSE KYO ASAKWIMWAMBILA, MWI KYUBE\"\nTwayai twisambe pa myaka isatu ne kichika yapichilepo. Maliya wayukile kuba'mba kuji bintu bikamweka. Bantu ba mu muzhi mucheche wa Nazala baambilenga pe Yoano Mubatizhi ne byambo byo aambilenga pa lulapilo. Maliya wayukile kuba'mba mwananji mubeji wamwenenga kuba'mba ke kimye kya kutendeka mwingilo wanji. (Mateo 3:1, 13) Yesu inge wafumapo, Maliya ne baana banji bintu kechi bibawaminanga pa nzubo ne. Mambo ka?\nKampe pa kikye kimye mwatawanji aye Yosefwa saka afwa kala. Umvwe byobyo kyajinga, kechi kyajinga kyenyi kwi Maliya ne. * Yesu pa kikye kimye kechi bamwitangatu amba \"mwana kalipentala\" ne, bino amba \"kalipentala.\" Yesu watwajijile kwingila mwingilo wa bashanji kabiji ye wamwenanga ne ba mu kisemi, mwajinga bankasanji 6 basemekelwe panyuma. (Mateo 13:55, 56; Mako 6:3) Nangwa kya kuba Yesu wafunjishenga Yakoba wamulondejile panyuma, pa kuba'mba akatwajijile na busulu, kufumapo kwa kwa Yesu kechi kyajinga kintu kyapela ku kisemi ne. Nanchi Maliya waumvwine moyo pa kufumapo kwa kwa Yesu na mambo a mutembo ye ajinga nanji nyi? Kechi twayuka ne. Pano bino, bwipuzho bwanema ke bwa kuba'mba: Ukoba byepi inge kya kuba Yesu mwina Nazala waikala ke Yesu Kilishitu, Mesiasa walailwe? Jishimikila jimo ja mu Baibolo jaambapo bimo pa byamwekele.—Yoano 2:1-12.\nYesu wayile kwi Yoano na kumubatizha ne kwikala Mushingwa wa Lesa, nangwa amba Mesiasa. (Luka 3:21, 22) Kabiji watendekele kusala baana banji ba bwanga. Nangwa kya kuba wapayankene na mwingilo wanji, watanangapo kimye kya kusangalela pamo na kisemi ne balunda. Aye ne bainanji, baana ba bwanga ne balongo banji bayile ku kijiilo kya masongola ku Kena muzhi wajinga pa mutumba palepele makilomita 13 kufuma ku Nazala. Byo bajinga ku kijiilo, Maliya wamwene lukatazho lwajingako. Kampe wamwene kuba'mba bamo ba mu kisemi kya besongwelenga batendekele kwinongotwela ne kususuta. Binyu byapwile! Kwesakana na kisho kyabo, kino kyaletanga bingi bumvu ku kisemi kibena kusongwesha. Maliya wibomvwijile lusa ne kubuula Yesu.\nWabujile mwananji amba \"Binyu byapwa.\" Waketekejile amba usa kuba byepi? Bino twakonsha kufwanyikizha kuba amba wayukile kuba'mba mwananji wajinga na bulume bwa kuba bintu bya kukumya. Kampe waketekejile amba katatakatu obepo kimo. Kiji nobe wamwambijilenga mwananji amba \"Mwanami, bakwashe bano bantu!\" Byakumbwile Yesu byamukumishe bingi. Waambile amba: \"Pano nanchi tube byepi amiwa ne anweba?\" Byambo byaambile Yesu kechi byamwesheshenga kubula mushingi ne, nangwa kya kuba bavula byo byo balanguluka. Mu byambo byanji mwajinga nobe ne kukajipilako pacheche. Yesu wabujilenga bainanji amba kechi bajinga na lūsa lwa kwamba pa byo aingijilenga mwingilo ne, wafwainwe kuba bino ke Shanji aye, Yehoba.\nMaliya waitabile bya mubujile mwananji, mambo wajinga mwanamukazhi wipelwile bingi. Wabujile baingijilenga pa kijiilo amba \"Kyonse kyo asakwimwambila, mwi kyube.\" Maliya wayukile kuba'mba kechi wafwainwe kubula mwananji bya kuba ne, aye ne bakwabo bo bafwainwe kulondela byo ebabujilenga. Yesu wamwesheshe kuba'mba aye ne bainanji baumvwijile lusa besongwelenga. Waubile kyakukumya kitanshi kya kwalula mema ke binyu. Ñanyi bintu byafuminemo? \"Ne baana banji ba bwanga bamwitabijile.\" Maliya naye wamwitabijile Yesu. Kechi wamumonanga nobe mwananji ne, bino nobe Nkambo kabiji Mupulushi.\nBansemi lelo jino bakonsha kufunjilako byavula ku lwitabilo lwa kwa Maliya. Kyakine kuba'mba kafwako wakikomeshapo kala mwana uji nobe Yesu ne. Bino umvwe mwana mbulwakulumbuluka wakoma, kuno kukoma kuleta makatazho ku bansemi. Nsemi wakonsha kumonanga mwana nobe ukiji mwanyike, bino ino mweno kechi itwajijila ne. (1 Kolinda 13:11) Bansemi bakonsha kukwasha byepi mwana wakoma? Jishinda jimo ke kuketekela kuba'mba mwana wa kishinka ukatwajijila kulondela mafunde a mu Baibolo kabiji Yehoba ukatwajijila kumupesha. Umvwe nsemi umwesha kuba'mba wipelula kabiji uji na lwitabilo, baana bakoma bakaketekela nsemi kabiji kino kikalengela baana kukoma bulongo. Kwakubula nangwa kuzhinaukatu ne, Yesu waumvwanga bingi bulongo byamutundaikanga Maliya mu mwingilo pa myaka yalondejilepo.\n\"BANKASANJI KECHI BAMWITABIJILE NE\"\nMambo Awama aambatu bintu bicheche pe Maliya mu myaka isatu ne kichika kya mwingilo wa kwa Yesu. Vulukai kuba'mba wajinga mwanamukazhi wafwilwa, kampe wajinga na baana babacheche bajinga pa nzubo. Kino kyakonsheshe kulengela Maliya kubula kuya na kusapwila ne Yesu mu nyaunda mo aikalanga. (1 Timoti 5:8) Bino nangwa byonkabyo, watwajijile kulanguluka langulukapo pa bintu bya ku mupashi byo afunjile pe Mesiasa ne kuya na kupwila ku nshinagoga byonka byo baubanga jonse na kisemi kyanji.—Luka 2:19, 51; 4:16.\nKabiji kyamweka nobe Maliya wajinga mu luonde kimye Yesu kyo aambilenga mu nshinagoga mu Nazala. Wafwainwa wajinga bingi na lusekelo mwananji byo aambile amba bungauzhi bwaambijilwe jimo pe Mesiasa bwafikile pe aye. Kyafwainwa kyamukolele bingi ku muchima pa kumona amba balongo banji bena Nazala kechi bamwitabijile mwananji ne. Bakebelenga ne kumwipaya.—Luka 4:17-30.\nKikwabo kyamulengejile bulanda ke baana banji babalume bakwabo babujile kwitabila Yesu. Pa Yoano 7:5 paamba amba balongo ba kwa Yesu bana kechi bajinga na lwitabilo lwajingapo ne bainabo ne. Tutanga amba: \"Bankasanji kechi bamwitabijile ne.\" Baibolo kechi waambapo pa banyenga babiji ba kwa Yesu ne. * Maliya wayukile byo kyakatazha kwikala mu kisemi muji bantu baitabila mu bintu byapusana pusana. Wafwainwe kwibikako pa kuba'mba atwajijile kwikala wa kishinka ku bukine ne kukwasha ba mu kisemi kyanji kwitabila kwakubula kwibakanjikizha.\nKimye kimo, jibumba ja balongo ba kwa Yesu kubikapotu ne bankasanji bakebelenga \"amba bakamukwate.\" Baambilenga amba \"Wakonya.\" (Mako 3:21, 31) Bino nangwa byonkabyo, Maliya kechi byo alangulukilenga ne mambo wayile ne nabo, kampe na mulanguluko wa kuba'mba basakumwitabila. Nanchi bamwitabijile nyi? Nangwa kya kuba Yesu waubilenga bintu bya kukumya ne kufunjisha bukine, baana bakwabo ba kwa Maliya kechi bamwitabijile ne. Nanchi walangulukilenga byo akonsha kuba pa kuba'mba betabile nyi?\nNanchi mwikala mu kisemi muji bantu baji mu bupopweshi bwapusana pusana nyi? Mwakonsha kufunjilako bintu byavula ku lwitabilo lwa kwa Maliya. Kechi walekele kukwasha balongo banji babula kwitabila ne. Wakebelenga amba bemwene bene lwitabilo byo lwamulengejile kwikala wa mutende ne lusekelo. Watwajijile na kukwasha mwananji wajinga wa kishinka. Nanchi wavulukanga Yesu nyi? Nanchi wamonanga amba ukiji pa nzubo nanji ne kisemi kyanji nyi? Umvwe byobyo kyajinga, wayukile bya kushinda milanguluko ya uno mutundu. Wamonanga kuba'mba kintu kyanema ke kukwasha ne kutundaika Yesu. Nanchi ne anweba mwakonsha kukwasha baana benu kutangizhako Lesa mu bwikalo bwabo nyi?\n\"UKEKALA NA BULANDA UBA NOBE BAKWASA MPOKO\"\nNanchi Maliya wapeshiwe pa kwikala na lwitabilo mwi Yesu nyi? Yehoba kechi ukankalwa kupesha bantu bekala na lwitabilo ne. Maliya naye bamupesheshe. (Bahebelu 11:6) Fwanyikizhai byo kyajinga kimye kyo aumvwine mwananji na kwamba nangwa kumvwa masawakya ku bantu baumvwine majashi anji.\nMu bishimpi byaambile mwananji, nanchi Maliya wafwanyikizhenga kikuwila kyajingako kimye Yesu kyo akomenenga mu Nazala nyi? Yesu byo aambile pa mwanamukazhi ubena kupyanga mu nzubo yanji na kukeba jali ja eleka, kupela bunga bwa shinkwa, nangwa kwambula lampi ne kwiibika pa kyakutulapo lampi, nanchi Maliya walangulukilenga pa mwananji ye aingilanga nanji ino mingilo ya pa nzubo nyi? (Luka 11:33; 15:8, 9; 17:35) Yesu byoambilenga amba kikonkoji kyanji kyapela ne kisendwa kyanji kechi kyakatazha ne, Maliya wafwainwa wavulukile kimye Yosefwa kyo afunjishenga Yesu bya kulenga kikonkoji ne kwikikashila pa nyama pa kuba'mba ekisende bulongo. (Mateo 11:30) Maliya waumvwine bingi bulongo pa kulanguluka mwingilo wanema wamupele Yehoba wa kukomesha ne kufunjisha mwana ukekala Mesiasa. Wafwainwa wajinga na lusekelo pa kufunda ku mufunjishi wayukisha wafunjishanga kwingijisha bintu byayukila jimo bantu.\nMaliya wipelwile. Mwananji kechi wamutumbijikile amba bamupenga mushingi ku bakwabo ne. Byo aingijilenga mwingilo wanji pano pa ntanda, mwanamukazhi umo wajinga mu jibumba ja bantu wabijikile amba inanji Yesu watokwa. Wakumbwile amba: \"Batokwa ke boba bomvwa mambo a Lesa ne kwialama!\" (Luka 11:27, 28) Bajinga mu jibumba byo babujile Yesu amba bainanji ne balongo banji bajinga ponka, waambile amba aba baitabijile bo bajinga bainanji ne balongo banji. Maliya kechi wazhingijile ne, mambo wayukile byaambilengapo Yesu amba bulongo bwa ku mupashi bwanema kukila bwa ku mubiji.—Mako 3:32-35.\nKyakatazha bingi kuyuka byo aumvwinenga Maliya pa kumona mwananji byo afwilenga pa kichi. Wamwenengako byo afwilenga aye mutumwa Yoano, wanembele amba: \"Kwipi na kichi kya lumanamo kwajinga Yesu kwaimene bainanji.\" Kafwako kyakonsheshe kukanya nsemi watemwa mwananji kabiji wa kishinka kwikalako ku bena kufwila mwananji ne. Yesu wamwene bainanji nangwa kyakuba kyamukatezhenga kwamba ne kupema na mambo a misongo. Waambijile mutumwa wanji aye Yoano amba amulaminengako bainanji. Na mambo a kuba'mba balongo ba kwa Yesu kechi baitabijile ne, Yesu kechi waambijile balongo banji kulama bainanji ne, bino waambijile mwana wa bwanga umo kwibalama. Mu jino jishinda, Yesu wamwesheshe byo kyanemena mwanamulume kulama ba mu nzubo yanji kikatakata kwibafunjisha kukosesha bulunda bwabo ne Yehoba.—Yoano 19:25-27.\nYesu byo afwile, Maliya waumvwine bulanda bwaambijilwe jimo kala amba nobe bamwasa mpoko. Umvwe twakankalwa kumvwisha bulanda bo ajinga nabo pa kikye kimye, ko kuba'mba kechi twakonsha kumvwisha ne lusekelo lo ajinga nalo panyuma ya moba asatu ne. Maliya wamwene kyakukumya kyakila pa byonse kimye Yesu kyo asangwilwe. Kabiji lusekelo lwanji lwabayijileko kimye Yesu kyo amwekele ku mulongo wanji aye Yakoba ku mbaji. (1 Kolinda 15:7) Kuno kumonañana ne Yakoba ne balongo ba kwa Yesu kwaletele lusekelo. Pa kupitapo kimye, baitabijile mwi Yesu kuba'mba ye Kilishitu. Kechi papichile ne kimye kyabaya ne, bashinkilwe ku kupwila kwa bwina Kilishitu ne bainabo saka 'balomba na mukoyo.' (Byubilo 1:14) Yakoba ne Yuda banembele ne mabuku a mu Baibolo.\nMaliya bamutela kimye kyapelako saka aji ku kipwilo na baana banji na kulomba. Jishimikila ja kwa Maliya japwa na bintu byawama byo twafwainwa kulondela. Na mambo a lwitabilo lwanji, bulanda bo ajinga nabo nobe bamwasa mpoko bwapwile, kabiji mwafumine byawama. Umvwe twalondela lwitabilo lwanji, ne atweba tukachinchika makatazho o tupitamo mu ino ntanda kabiji baketupesha.\n^ par. 8 Panyuma ya kunembwa kwa bintu byamwekele Yesu saka aji na myaka 12, Yosefwa kechi bamutelapo jibiji mu Mambo Awama ne. Bino Maliya inanji ne baana banji bo banembwamo kechi Yosefwa ne. Yesu bamutela pa kimye kimo amba \"mwana Maliya\" kwa kubula kutongolapo Yosefwa.—Mako 6:3.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/wp20140501\/maliya-inanja-yesu\/","date":"2018-04-22T09:28:17Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945552.45\/warc\/CC-MAIN-20180422080558-20180422100558-00071.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":1717,"character_repetition_ratio":0.052,"word_repetition_ratio":0.0,"special_characters_ratio":0.184,"stopwords_ratio":0.215,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mambo ka o babujila kuswisha bantu kukopolola mabuku a Bakamonyi ba kwa Yehoba ne kwiabika pa makeyala a pa Intaneti abo?\nNa mambo a kuba'mba tusampanya mabuku alumbulula Baibolo kyatutu, bamo balanguluka'mba kijitu bulongo kwiakopolola ne kwiabika pa makeyala akwabo a pa Intaneti. Pano bino, kuba bino ke kulala Mizhilo ya Kulondela * pa kwingijisha biji pa makeyala etu apa Intaneti kabiji mwakonsha kufuma makatazho. Byonkatu byaamba ino mizhilo, kafwako ye baswisha kukopolola bipikichala, mabuku, jizhina jo twingijisha, nyimbo, mavidyo, ne bibaaba biji pa keyala wetu ne kwibibika pa makeyala akwabo ne. Mambo ka o twafwainwa kukookela uno muzhilo?\nByonse biji pa keyala wetu byazhikijilwa na mizhilo. Bansatuki ne boba betwimena kuntundwa bakonsha kubika mabuku etu pa makeyala abo kuba'mba bongole Bakamonyi ba kwa Yehoba. Bino bintu byo banemba pa ano makeyala abo byakonsha kwitulengela kutendeka kuzhinauka byo twaitabilamo. (Sala. 26:4; Maana 22:5) Bamo babika mabuku etu nangwa kayukilo ka jw.org pa bintu byo babena kupotesha ne pa mitanchi ya pa mafoni. Onkao mambo, twazhikijila bintu byonse biji pa keyala wetu kuba'mba bantu babulenga kwibingijisha kutama. (Maana 27:12) Bino inge twaswishishe bantu, nangwatu balongo kubika bintu bitanwa pa keyala wetu pa makeyala akwabo, nangwa kwingijisha kayukilo ka jw.org mu busulu bwabo, bije bya mambo kechi byakonsha kwitukwasha inge twalobela bano bantu ne.\nKukopolola mabuku etu pa makeyala akwabo ke kwibika mu kizumba kikatampe. Yehoba wapana mwingilo wa kunengezha kajo ka ku mupashi ku \"kalume wa kishinka kabiji wa maana\" kwapwa. (Mat. 24:45) Uno \"kalume\" wingijishatu ano makeyala pa kupana kajo ka ku mupashi—www jw.org, tv.jw.org, ne wol.jw.org. Kabiji tujitu na mitanchi isatu ya kukopolwelamo mabuku etu pa mafoni ne biñambañamba bikwabo, kabiji ino mitanchi ke JW Language®, JW Library®, and JW Library Sign Language®. Twayuka kuba'mba ano makeyala engijisha kalume kechi a busulu ne, kabiji kechi muji bujimbijimbi bwa kwa Satana ne. Umvwe twakopolola mabuku etu pa makeyala angi, kechi twakonsha twayuka bintu byatama byo babikamo ne.—Sala. 18:26; 19:8.\nKunungapo, inge ketubike mabuku etu pa makeyala a pa Intaneti aswisha bantu kunembapo byo bakeba, kilengela bansatuki ne bantutu bakwabo kunembapo byambo byatama bilengela bantu kuzhinauka jibumba ja Yehoba. Balongo bamo bepachika na bantu babula Bakamonyi pa Intaneti, kabiji kino kileta mwenga pa jizhina ja Yehoba. Pa Intaneti kechi po pa 'kufunjisha na kukooka muchima aba balengulula' ne. (2 Timo. 2:23-25; 1 Timo. 6:3-5) Kabiji kyatanwa kuba'mba bantu bamo babena kulenga makeyala a pa Intaneti a bubela kwingijisha jizhina ja jibumba ja Lesa, Jibumba Jitangijila, ne mazhina a baji mu Jibumba Jitangijila. Pano bino, kafwako wa mu Jibumba Jitangijila uji na keyala wanji ne.\nKubuula bantu kuya pa jw.org kukwashako kusampanya \"mambo awama.\" (Mat. 24:14) Mabuku ne bintu biji pa keyala wetu byo twingijisha mu mwingilo batwajijila kwibiwamishako. Tukeba kuba'mba bantu bonse bamwenengamo. Byonka byaamba Mizhilo ya Kulondela, musapwishi wakonsha kukopolola buku ne kutumina muntu kwingijisha e-mail, nangwa kumutumina kamusabilo kakonsha kushinkula keyala wa jw.org. Kubuula bantu bakeba kufunda bukine bintu biji pa keyala wetu, ko kuba'mba tubena kwibatwala pa keyala wa kine wingijisha \"kalume wa kishinka kabiji wa maana\" kupana kajo ka ku mupashi.\n^ jifu. 1 Mizhilo ya Kulondela iji kunshi ya keyala wetu wa jw.org, yakanya kubika mabuku onse ajipo pa makeyala akwabo.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/kyamba-kya-usopa-kufundamo-april-2018\/mabuku-makeyala-a-bantu\/","date":"2018-04-24T23:10:31Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947421.74\/warc\/CC-MAIN-20180424221730-20180425001730-00263.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":511,"character_repetition_ratio":0.089,"word_repetition_ratio":0.0,"special_characters_ratio":0.195,"stopwords_ratio":0.25,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Bupopweshi bwafwainwa kukwasha bantu kwikala bakwatankana. Pano bino, bupopweshi bubena kulengela bantu kubula kumvwañana ne kubula kwiketekela.\nNtanda\nBantu bavula bingi pano pa ntanda bekala mu byalo bikanya bya bupopweshi na mambo a mizhilo yabikako makafulumende nangwa misalululo pakachi ka bantu. Mu myaka itanu yapitapo, byalo bibena kumanyika bantu baya mu tumabumba tucheche twa bupopweshi byavujilako.\nEngland\nWajinga mukulumpe wa biloolo bya mu kafulumende aye Tony Blair wanembele mu pepala wa byambo wa Observer amba \"kubila bintu byatama mu jizhina ja bupopweshi\" ko kwalengela bumbanzhi bo tubena kumona ano moba. Kabiji wanungilepo amba \"malwañano abena kubiwa ino myaka kechi abena kwikalako na mambo a bumulwila ntanda byonka byo kyajinga mu myaka kufuma mu 1901 kufika mu 2000 ne. Bino ano malwañano abena kwikalako na mambo a kupusana kwa bisho ne bupopweshi.\"\nBYA KULANGULUKAPO: Mambo ka bupopweshi o bubena kuletela mabano? —Mako 7:6-8.\nAustralia\nKipamo kya mu Australia kilama ne kupana masawakya a bibena kumweka mu kyalo kyashimwine'mba muntu umo pa bena Australia 5 kechi uyapo mu bupopweshi ne. Kino kipamo kyanungapo'mba nangwatu \"boba baji mu bupopweshi kechi batako maana ku bya bupopweshi ne.\" Bantu bachechetu baji mu bupopweshi batako muchima ku bya bupopweshi.\nBYA KULANGULUKAPO: Ñanyi byubilo byatama bibena kumweka mu mabumba a bupopweshi?—Mateo 7:15-20.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/g201501\/bibena-kumweka-mu-bupopweshi\/","date":"2018-04-23T04:19:51Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945724.44\/warc\/CC-MAIN-20180423031429-20180423051429-00622.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":200,"character_repetition_ratio":0.084,"word_repetition_ratio":0.0,"special_characters_ratio":0.182,"stopwords_ratio":0.26,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ANNA * waambile'mba: \"Binyenge bindengela kubula kwikala na bulume bwa kuba kintu nangwa kimo ne, kabiji nkankalwa kuba bintu nangwatu byo natemwa. Nkebatu kulaala kwapwa. Muchima umbuula'mba bantu bandengulula bingi, kabiji ndetelatu bakwetu lunkobe.\"\nJulia waambile'mba: \"Kyawamatu ne kufwa. Pano bino, kechi nakebelenga kufwa ne. Kyo nakebelengatu ke kubula kwikala na bijikila. Natemwa bingi kukwasha bantu, pano bino inge naikala na binyenge, muchima wa lusa ufumamo mwi amiwa.\"\nAnna ne Julia batendekele kwikala na binyenge saka bakijitu banyike. Kabiji banyike bavula nabo bapita mu bintu bya uno mutundu. Anna ne Julia baikalanga na binyenga pa milungu yavula nangwa bañondo. Anna waambile'mba: \"Napelelwanga bingi. Naumvwangatu nobe naponenena mu kimbo kyazhika mwafitatu bwii. Kabiji naumvwanga nobe nkeba kukonya.\"\nBintu byapichilemo Anna ne Julia, byo bibena kupitamo ne banyike bavula lelo jino. Banyike bavula baji bingi na binyenge. Kipamo Kitala pa Bumi bwa Bantu kya World Health Organization (WHO) kyaambile'mba binyenge byo \"bibena kulengela bansongwalume ne bansongwakazhi baji na myaka kutendekela pa 10 kufika ku 19 kukolwakolwa ne kulemana.\"\nBiyukilo bya kuyukilako muntu uji na binyenge bimweka inge watendeka kukoma, kabiji bimwekela ne mu kwikala na kilabila, kubula kukeba kuja kabiji unyana. Kumwekangatu bulanda, kubula kukasuluka, kupopomenwa ne kubula kwimona'mba wanema. Bintu bikwabo bya kuyukilako ke kuleka kukaya na bakwabo, kukankalwa kuta muchima pa kintu kimo, kavulamya, milanguluko nangwa byubilo bimwesha'mba ukeba kwiipaya. Bino biyukilo kechi bakonsha kwibikwata ku kipatela ne. Badokotala batala pa bantu baji na binyenge, bakebakeba biyukilo bikala na yewo muntu pa milungu yavula kabiji bilengela muntu kubula kubanga bintu bulongo.\nBILENGELA BANYIKE KWIKALA NA BINYENGE\nKipamo Kitala pa Bumi bwa Bantu kyaambile'mba: \"Binyenge javula biya na mambo a kwibakatazha ku bakwabo, milanguluko ne kisemwa.\" Bikwabo bilengela ke bino biji panshipo.\nBya mu kisemi. Byonkatu byo kyajinga kwi Julia, binyenge javula bikala bya mu kisemi, akino kibena kumwesha'mba bya mu mashi, kabiji byakonsha ne kulengela muntu kubula kulanguluka bulongo. Bintu bikwabo byakonsha kwikala kikola kya muchima ne kukoma. Kwingijisha bizhima nako kwakonsha kulengela binyenge kubaya inge wabula kwikileka kwibingijisha. *\nKwakamwa. Bijikila bimo kechi byatama ne, pano bino inge byakizhamo byakonsha kutamisha mubiji ne bongo kya kuba byakonsha kulengela mwanyike kwikala na binyenge bibula kupwa. Kintu kine kilengela muntu kwikala na binyenge kechi kyakiyukanyikwa ne, kyamweka kuji bintu byavula bingi bilengela, byonkatu byo twaambapo kala.\nBintu bikwabo bilengela banyike kwikala na binyenge ke bansemi inge bekana, kufwisha wa mu kisemi nangwa mulunda nanji, inge bamukuna, inge watanwa mu mapuso, kukolwakolwa nangwa bulema. Javula mwanyike inge kalangulu ke'mba kechi bamuta muchima ne, kimulengela kwikala na binyenge. Kintu kikwabo kyakonsha kulengela ke kubula kumubila kintu kikatampe kyo akebelenga, nabiji kukankalwa kumupaina mali ku sukulu. Kabiji kumukatazha ku bakwabo, kwakamwa pa byo akekala kulutwe, nangwa inge nsemi ye bakana uji na binyenge kabule kuta muchima mwana, nangwa kubula kuketekela bansemi kwakonsha kulengela mwana kwikala na binyenge. Ñanyi bintu byakonsha kukwasha mwana uji na binyenge?\nZHIKIJILA MUCHIMA WOBE NE MUBIJI\nInge binyenge byakilamo, byakonsha kupwa inge bamupa muchi ne kumukwashako ku bashayuka batala pa bantu baji na ano makatazho. * Yesu Kilishitu waambile'mba: \"Bantu batuntulu kechi bakeba shayuka wa michi ne, poso aba bakolwa.\" (Mako 2:17) Kikola kyakonsha konauna binungwa bya mubiji ne bongo pamo. Twakonsha kupimpulako bintu byo tuba mu bwikalo wetu, mambo bongo ne mubiji bingijila pamo.\nUmvwe muji na binyenge, kyawama kulama bulongo mubiji wenu ne milanguluko. Mwakonsha kujanga kajo kawama, kulaalanga kimye kyabaya ne kubanga bikosesha mubiji. Kukosesha mubiji kulengela kufumya ndochi mu mubiji ne kwimukwasha kwikala na bulume kabiji kino kilengela muntu kulaala bingi. Inge kyakonsheka, kyawama kuyuka bintu bimulengela kwikala na binyenge ne kwinengezhezha jimo kuyuka mwa kubila. Buulaiko mulunda nenu bintu byo mubena kupitamo. Kwikala pamo na kisemi ne balunda kwakonsha kwimukwasha kuyuka mwa kubila kabiji kukepeshako binyenge. Nembai byo mubena kulangulukapo mu buku, akino kyo kyakwashishe ne Julia ye twakwambapo ku ntendekelo. Kintu kyanema bingi kyakonsha kwimukwasha ke kukosesha bulunda bwenu ne Yehoba. Kuba bino kukemulengela kubula kukizhamo kwakamwa. Yesu Kilishitu waambile'mba: \"Bo ba lusekelo aba baji na muchima wa kukeba kuyuka Lesa.\"—Mateo 5:3.\nAnna ne Julia baswa kuba'mba byambo byaambile Yesu kine bingila. Anna waambile'mba: \"Kwingijila Lesa kundengela kuta muchima bantu ne kubula kutatu muchima pa makatazho ami. Kechi kyapela kuba bino ne, nangwa byonkabyo nji bingi na lusekelo.\" Kulomba ne kutanga Baibolo kumukwasha bingi Julia. Waambile'mba: \"Kulomba kwi Lesa ne kumubuula biji ku muchima wami kunkwasha bingi. Kabiji Baibolo unkwasha kuyuka'mba Lesa wannemeka kabiji wanta bingi muchima. Kutanga Baibolo nako kundengela kushiinwa'mba kulutwe kuji bintu byawama bingi.\"\nMulenga wetu aye Yehoba Lesa wayuka nkomeno yetu ne byo tupitamo mu bwikalo, kabiji kisemwa kyetu nakyo kitulengela kumwena bintu mungi. Aye wipana kwitukwasha ne kwitutekenesha. Kimye kimo wingijisha bakwetu baji na lusa kabiji bayuka byo tubena kupitamo. Katatakatu Lesa akafumyepo bikola ne makatazho alengela kwikala na binyenge. Pa Isaya 33:24 paamba'mba: \"Kafwako muntu nangwa umo ukekala mu kyalo ukamba'mba: 'Nakolwa ne.'\"\nBaibolo waamba'mba, Lesa \"ukashimuna mipolo yonse ku meso abo, ne lufu, mabingo, kujila ne misongo kechi bikekalako jibiji ne. Bintu bya kala byapichijila.\" (Lumwekesho 21:4) Uno mulaye witutekenesha bingi! Inge mubena kukeba kuyukilapo byavula pa bintu byakeba Lesa kubila bantu ne ino ntanda, yai pa keyala wetu wa jw.org\/kqn. Pa uno keyala mukataanapo Baibolo wawama bingi ne mitwe ikwabo iji mu mabuku etu yaamba pa bintu byapusana pusana, ne yaamba pa binyenge.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/labainga-na1-2017-february\/banyike-binyenge-bukwasho\/","date":"2018-04-27T05:16:27Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125949036.99\/warc\/CC-MAIN-20180427041028-20180427061028-00415.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":858,"character_repetition_ratio":0.074,"word_repetition_ratio":0.0,"special_characters_ratio":0.175,"stopwords_ratio":0.209,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Betele ke jizhina ja Kihebelu jilumbulula'mba \"Nzubo ya Lesa.\" (Ntendekelo 28:17, 19, tubyambo twamunshi) Ke jizhina jayilamo bingi kutela maofweshi a Bakamonyi ba kwa Yehoba mwaya ntanda po batangijila ne kutundaika mwingilo wa kusapwila. Jibumba Jitangijila jiji pa ofweshi mukatampe wa ntanda yonse ku New York State, mu U.S.A, jo jitangijila mingilo ya pa maofweshi a misampi mu byalo byavula. Bonse bengijila pa musampi bebatela'mba kisemi kya Betele. Byonka bikala kisemi, nabo bakwatankana bingi, bengijila pamo, kujiila kajo pamo ne kufunjila Baibolo bonse pamo.—Salamo 133:1.\nBetele ke kisemi kya bantu bepana. Pa muzhi wa Betele ponse paji banabalume ne banabakazhi bena Kilishitu bepana kuba kyaswa muchima wa Lesa bengila mingilo ya kutundaika Bufumu kimye kyonse. (Mateo 6:33) Kafwako ufola mali ne, bino bonsetu baji na mwakulaala mwawama kabiji bebanengezhezha kajo ne kwibapapo kajali ka kupotamo byo bakeba. Yense uji pa Betele uji na ko engijila, bamo mu maofweshi, bakwabo bateka, kabiji bakwabo bengijila mu kibamba mwakujiila. Bakwabo bengila mwingilo wa kupulinta nangwa wa kulenga mabuku, kuwamisha mu bibamba, kuchapa, kufiika bya kufikafika ne mingilotu ikwabo.\nPaji mingilo yavula itundaika mwingilo wa kusapwila Bufumu. Mwingilo mukatampe pa Betele ke wakusampanya bukine bwa mu Baibolo ku bantu. Uno buloshuwa naye kyo bamunembejile. Bamunengezhe na lutangijilo lwa Jibumba Jitangijila, ne kumutuma pa kompyuta ku mabumba a bantuntuluzhi avula mwaya ntanda, panyuma ya bino bamupulinchile na minkinyi ingila bingi bukiji iji pa Betele mu byalo bimo, apa bino bamusampanya mu bipwilo kukila pa 110,000. Ba mu kisemi kya Betele bengila bingi na ngovu pa kuba'mba balenge mabuku a kutundaikilamo mwingilo wanema bingi wa kusapwila mambo awama.—Mako 13:10.\nBañanyi bengijila pa Betele kabiji balamwa byepi?\nÑanyi mwingilo wanema bingi ubena kukebewa kwingijiwa bukiji ye batundaika pa Betele?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/kyaswa-muchima-wa-yehoba\/betele-ilumbulula-ka\/","date":"2018-04-22T19:22:07Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945637.51\/warc\/CC-MAIN-20180422174026-20180422194026-00266.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":276,"character_repetition_ratio":0.064,"word_repetition_ratio":0.0,"special_characters_ratio":0.187,"stopwords_ratio":0.228,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mfumu Ahaba wamwene bujimi bwa miñanzañanza bwa kwa Nabota, pa kipenze kya kipango mu Yezelela. Ahaba wakebelenga buno bujimi bwa miñanzañanza, kabiji wakebelenga'mba Nabota amupoteshe buno bujimi. Bino Nabota wakaine kumupotesha, mambo Mizhilo ya Yehoba kechi yaswishishe kupotesha mpunzha ya buswanyi ne. Nanchi Ahaba wanemekele byafuukwile Nabota nyi? Ine. Ahaba wazhingijile bingi. Wazhingijile kya kuba wakainenga ne kulupuka ku kibamba ko alaalanga ne kukana kuja.\nMukazhanji, aye Yezebeli wamwambijile'mba: 'Mwi bamfumu mu Isalela. Mwakonsha kwikala na kyonse kyo mubena kukeba. Nsakwimutambwilayo ino mpunzha. Watumine makalata ku bakulumpe ba muzhi, ne kwibabuula'mba bafwainwa kupamo mambo Nabota a kufinga Lesa kabiji bafwainwa kumwasa mabwe afwe. Bakulumpe baubile bibabujile Yezebeli. Kabiji Yezebeli waambijile Ahaba amba: 'Nabota wafwa! Bujimi bwa miñanzañanza pano ke bwenu.'\nNabota kechi ye yenkatu ye baipaile kwi Yezebeli pa kubuula mambo ne. Waipayile bantu bavula bingi batemenwe Yehoba. Wapopwelanga bankishi kabiji waubanga ne bintutu bikwabo byatama. Yehoba wamwene bintu byonse byatama byaubilenga Yezebeli. Pano waubilepo byepi?\nAhaba byo afwile, mwananji aye Yeholama ye waikele mfumu. Yehoba watumine mwanamulume wa jizhina ja Yehu kuya na kukambula Yezebeli ne kisemi kyanji.\nYehu wakanjijile mu kalaki wanji ne kuya ku Yezelela. Yeholama naye wakanjijile mu kalaki ne kuya na kusambakana Yehu na kumwipuzha'mba: 'Nanchi paji mutende pakachi ketu nyi?' Yehu waambile'mba: 'Kafwapo mutende mambo inobe Yezebeli ubena kuba bintu byatama.' Yeholama waalulwile kalaki kuba'mba ayenga. Bino Yehu waashile muketo Yeholama, ne kufwa wafwile.\nKepo Yehu ayile ku kipango kya kwa Yezebeli. Byo aumvwine'mba ubena kwiya, wishingile bya kwishinga ku meso, kuwamisha nsuki ne kutendeka kupembelela mu kibamba kya peulu saka atala pa kipenze. Yehu byo afikile, Yezebeli wamwimwine na bulunji. Yehu waambijile bamwingilo ba kwa Yezebeli amba: \"Mutayai panshi!\" Bamushinjikile Yezebeli pa kipenze, kabiji waponejile panshi ne kufwa wafwile.\nYezebeli byo afwile, Yehu waipaile baana babalume ba kwa Ahaba 70 ne kuzhiisha bupopweshi bwa Baela. Nanchi wamona kino byo kibena kumwesha'mba Yehoba umona bintu byonse nyi? Abya wamona byo akambula bantu boba byatama nyi?\n\"Buswanyi bo batambula na mambo a lwiso kulutwe kechi bukaleta mapesho ne.\"—Byambo bya Maana 20:21","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/mashimikila-a-mu-Baibolo\/8\/ahaba-yezebeli\/","date":"2018-04-22T11:20:37Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945584.75\/warc\/CC-MAIN-20180422100104-20180422120104-00265.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":334,"character_repetition_ratio":0.053,"word_repetition_ratio":0.0,"special_characters_ratio":0.174,"stopwords_ratio":0.21,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Bantu bamo balanguluka'mba bilengwa byaishilekotu bine. Bakwabo nabo bamba'mba Lesa walengelekotu bintu bicheche apa bino wibileka bine ke biye na kwaluka. Nga Baibolo wambapo'mba ka?\nNanchi jishimikila ja mu Baibolo jaamba pa kulengwa jimwesha'mba bilengwa byonse kechi byaishileko kupichila mu kutubika kwa kintu kimo nenyi?\nBaibolo waamba'mba: \"Mu ntendekelo Lesa walengele jiulu ne ntanda.\" (Ntendekelo 1:1) Kechi waamba pa jishinda Lesa jo aingijishe pa kulenga bintu byonse ne. Onkao mambo, inge kya kuba'mba bilengwa byonse byaishileko kupichila mu kutubika kwa kintu kimo, kino kechi kikana byaamba Baibolo ne. Pano bino, Ntendekelo 1:1 wakumbula bwipuzho bwa kuba'mba, Ñanyi walengejile kino kintu kutubika?\nBashayuka ba bya sayansi bavula baitabila'mba kino kintu kyatubikiletu kine ne kulenga tubangabanga ne mapulaneti. Baibolo kechi utundaika luno lufunjisho ne, bino wamba'mba Lesa ye walengele bilengwa byonse, nangwa waingijishe kintu kimo kutubika nangwa waingijishetu jishinda jikwabo ja kwibilengelamo.\n\"Mu ntendekelo Lesa walengele jiulu ne ntanda.\"—Ntendekelo 1:1.\nNanchi Baibolo wamba'mba bilengwa byumi byaluka inge papita kimye nyi?\nEe. Baibolo wamba'mba Lesa walengele bilengwa byumi \"monka mwayila mitundu yabyo.\" (Ntendekelo 1:11, 12, 21, 24, 25) Nanchi mutundu umo wa bilengwa wakonsha kwaluka nyi? Ee. Pano nanchi lupimpu lubiwa ku mutundu wa bilengwa lumwesha'mba mutundu umo wa bilengwa wakonsha kwaluka ne kwikala ke mutundu mukwabo wa katataka nyi? Ine.\nAkilangulukai pa kino. Mu ma 1970 bakebakeba bishinka bafunjilenga pa tunchiña twa pa jikuji ja Galápagos. Bataaine kuba'mba inge kwaikala kwaluka kwa nkiilo ne mwela tunchiña tuji na mivumbo yabayako kechi tufwa bukiji ne. Kino kilengela bamo kwamba'mba ke kishiino kimwesha'mba bilengwa byaluka ne kwikala ke bilengwa bikwabo. Pano nanchi kino ke kishiino kimwesha'mba bilengwa byaluka ne kwikala ke bilengwa bingi nyi, inyi kibena kumweshatu kuba'mba bilengwa byakonsha kupimpulako kwesakana na biji mpunzha ko bitaanwa? Pa kupitapo myaka, kyataainwe kuba'mba tunchiña tuji na mivumbo icheche twavujile jikwabo kukila totwa tuji na mivumbo yabaya. Kukeba keba bino bishinka kwalengejile shenyenye wafunda pa bantu ne bisho byabo aye Jeffrey H. Schwartz kupwisha kuba'mba kupimpulwa kwa mwekelo ya bilengwa kwesakana na mpunzha ko bitaanwa kwibikwashako kubula kufwa umvwe kya kuba kwaikala kwaluka kwa nkiilo, \"bino kechi byaluka ke bilengwa bikwabo bya katataka ne.\"\nNanchi byaamba Baibolo ne lufunjisho lwa kuba'mba bilengwa byaishilekotu bine byakonsha kuswañana nyi?\nBaibolo waamba'mba 'Lesa ye walengele bintu byonse.' (Lumwekesho 4:11) Kechi 'wakokolokele' ne, kufikatu ne byo apwishishe mingilo yanji yo aingijilenga ya kulenga bintu. (Ntendekelo 2:2) Kino kimweshatu patoka kuba'mba: Lesa kechi walengeletu ka kintu kacheche wabwela ke akokoloke, nangwa kwikalatu, apa bino kano ka kintu ke kaye na kwaluka pa kupitapo myaka yavula ne kwikala ke mitundu yapusana pusana ya masabi, bampombo ne bantu ne. * Luno lufunjisho lutelwa'mba kwaluka kufuma mu kilengwa kimo ne kulenga bilengwa byavula, kabiji lufumyapo mwingilo wa Mulenga, Baibolo ye aambapo'mba 'walengele jiulu ne ntanda, kalunga ka mema ne byonse bijimo.'—Kulupuka 20:11; Lumwekesho 10:6.\n\"Anweba Yehoba Lesa wetu, mwafwainwa kutambula lukumo ne buneme ne bulume, mambo yenu mwalengele bintu byonse.\"—Lumwekesho 4:11.\nYukilaipo ne bikwabo: Baibolo waamba'mba \"byubilo [bya Lesa] bibula kumweka byamweka patoka kufumatu kimye kyo alengele ntanda, mambo bimwekela mu bintu byo alenga.\" (Loma 1:20) Kufunda byavula pe Lesa kwakonsha kwitulengela kwikala bwikalo bwawama, mambo ubila bintu byawama bonse bamukebesha mu bukishinka. (Musapwishi 12:13; Bahebelu 11:6) Pa kuba'mba muyukilepo byavula, isambai na Bakamonyi ba kwa Yehoba nangwa yai pa www.jw.org\/kqn. Chintai panembwa'mba BIFUNJISHA BAIBOLO> MEPUZHO A MU BAIBOLO A KUMBULWA.\n^ par. 12 Baibolo kechi wamba'mba Lesa walengele ntanda mu moba atanu na jimo a maola 24 byonka byaitabila bantu bamo ne. Pa kuba'mba muyukilepo byavula, monai buloshuwa wa Kizungu wa kuba'mba Was Life Created? pa mapa 24-27. Uno buloshuwa wanembwa na Bakamonyi ba kwa Yehoba kabiji mwakonsha kumukopolola kyatutu pa www.jw.org.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/g201510\/kupimpulako-kwa-bilengwa-kwesakana-na-biji-mpunzha-ko-bitanwa-lufunjisho-lwa-kubamba-bilengwa-byaishilekotu-bine\/","date":"2018-04-26T17:59:35Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948426.82\/warc\/CC-MAIN-20180426164149-20180426184149-00005.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":577,"character_repetition_ratio":0.075,"word_repetition_ratio":0.0,"special_characters_ratio":0.193,"stopwords_ratio":0.198,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Nanchi Mukeba Kuyuka Byaamba Baibolo Nyi? Nanchi Mukeba Kuyuka Byaamba Baibolo Nyi? Byo mubula kukeba Kufunda kufika palepa Mali Kwitabila byo mwabuula kuyuka Byo mukeba \"Bulume bwenu bwa kulanguluka.\"—Loma 12:1 Kutekanya Bimo byaamba Baibolo byakonsha kwimulengela kukumya. Wajingapo Walondelapo Fundai ne Bikwabo BIFUNJISHA BAIBOLO Mepuzho a mu Baibolo a Kumbulwa Yukai mikumbu ya mu Baibolo ku mepuzho aamba pe Lesa, Yesu, kisemi, buyanji ne bintutu bikwabo. Lombai Lufunjisho lwa Baibolo Lwatutu Mambo ka a Kufunjila Baibolo? Bantu bavula mwaya ntanda babena kutana mikumbu ya mu Baibolo. Nanchi nenuwa mubena kukeba kufunda nyi? Pulintai Tumai Musabilo Tumai Musabilo LABAINGA! Nanchi Mukeba Kuyuka Byaamba Baibolo Nyi? Kikaonde Nanchi Mukeba Kuyuka Byaamba Baibolo Nyi? https:\/\/assetsnffrgf-a.akamaihd.net\/assets\/m\/102017052\/univ\/art\/102017052_univ_sqr_xl.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/labainga-na2-2017-april\/nanchi-mukeba-kuyuka-byaamba-baibolo\/","date":"2018-04-24T01:27:27Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946314.70\/warc\/CC-MAIN-20180424002843-20180424022843-00519.warc.gz","language":"kqn","language_score":1.0000092983,"language_script":"Latn","minhash_cluster_size":1,"top_langs":"{\"kqn_Latn_score\": 1.000009298324585}","num_words":111,"character_repetition_ratio":0.13,"word_repetition_ratio":0.0,"special_characters_ratio":0.192,"stopwords_ratio":0.135,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA—KYA KUFUNDAMO Kuvumbi 2015\nMu uno magazini muji mitwe ya kufundamo mu milungu ya February 1 kufika ku 28, 2016.\nTufunjilako kishinka kikatampe bingi kwi Lesa byo esamba na bantu mu milaka yapusana pusana.\nKavoto ka Bantuntuluzhi ba Baibolo wa Ntanda Ipya kalondejile mafunde anema asatu pa kutuntulula.\nBaibolo walumbulula ndangulukilo yawama yo twafwainwa kwikala nayo pa mambo a kupana kimye kyetu, bulume, ne mali etu, kabiji walumbulula ne ndangulukilo yabula kufwainwa.\nKulondela byaubanga Yesu kwakonsha kwimukwasha byepi kuyuka byambo bya kwamba, kimye kya kwibyamba ne jishinda ja kwibyambilamo?\nTwafwainwa kulangulukangapo byepi pa bikola, kabiji twafwainwa kuba byepi inge twakolwa?\nJISHIMIKILA JA BWIKALO\nKimye ba Michiyo Kumagai kyo balekele kupopwela bashakulu babo, mutende pakachi kabo ne bainabo wapwile. Ba Michiyo bataaine byepi mutende?","id":"","dump":"CC-MAIN-2018-30","url":"https:\/\/www.jw.org\/kqn\/mabuku\/magazini\/w20151215\/","date":"2018-07-22T21:54:34Z","file_path":"s3:\/\/commoncrawl\/crawl-data\/CC-MAIN-2018-30\/segments\/1531676594018.55\/warc\/CC-MAIN-20180722213610-20180722233610-00118.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":121,"character_repetition_ratio":0.049,"word_repetition_ratio":0.0,"special_characters_ratio":0.173,"stopwords_ratio":0.207,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Nanchi kyapela kukokela bansemi bobe nyi?— Bimye bimo kikatazha. Abya wayuka kuba'mba Yesu wakokelanga Yehoba ne bansemi banji ba pano pa ntanda nyi?— Inge ke ulondele byo aubanga, ne obewa ukakokelanga bansemi bobe nangwa kya kuba kechi kyapela ne. Twaya tufunde byavula pa lukokelo lwa kwa Yesu.\nYesu saka akyangye kwiya pano pa ntanda, waikalanga ne Shanji aye Yehoba mwiulu. Pano bino, Yesu wajinga ne na bansemi ba pano pa ntanda. Mazhina abo bajinga ba Yosefwa ne Maliya. Wayuka byo kyajinga pa kuba'mba bekale bansemi banji nyi?—\nYehoba wafumishe bumi bwa kwa Yesu mwiulu ne kwibubika munda ya kwa Maliya pa kuba'mba Yesu akasemwe ne kwikala pano pa ntanda. Kino kyajinga kya kukumya. Yesu wakomenenga munda ya kwa Maliya byonka bikoma baana bonse munda mwa bainabo. Byo papichile bañondo 9, Yesu wasemenwe. Bino byo byo kyajinga pa kuba'mba Maliya ne mwatawanji Yosefwa bekale bansemi ba kwa Yesu pano pa ntanda.\nYesu byo afikizhe myaka ya kusemwa 12, waubile kintu kyamwesheshe kuba'mba watemenwe Shanji wa mwiulu Yehoba. Kino kyamwekele kimye Yesu ne bansemi banji kyo baendele lwendo lwalepa bingi kuya ku Yelusalema na kutanwa ku Kijiilo kya Lupitailo. Pa kubwela ku nzubo, ba Yosefwa ne Maliya kechi bayukile kwajinga Yesu ne. Wayuka ko ajinga nyi?—\nMambo ka Yesu o aikejile mu nzubo ya Lesa?\nBa Yosefwa ne Maliya babwelele bukiji bukiji ku Yelusalema na kukeba Yesu. Baakaminwe bingi mambo kechi bamutaine ne. Bino byo papichile moba asatu, bamutaine mu nzubo ya Lesa. Wayuka kyalengejile Yesu kwikala mu nzubo ya Lesa nyi?— Mambo wafunjilenga pe Shanji wa mwiulu, aye Yehoba. Watemenwe Yehoba kabiji wakebelenga kufunda bya kumutokesha ku muchima. Nangwatu byo akomene, Yesu wakokelanga Yehoba. Yesu wakokejile nangwatu kimye bintu kyo byakatezhe bingi, ko kuba'mba kimye kyo amanaminenga. Nanchi Yesu wakokelanga ne ba Yosefwa ne Maliya nyi?— Ee, Baibolo waamba'mba wibakokelanga.\nWakonsha kufunjilako ka kwi Yesu?— Wafwainwa kukokelanga bansemi bobe, nangwa kya kuba kimye kimo kechi kyapela ne. Nanchi usa kukokelanga nyi?—","id":"","dump":"CC-MAIN-2018-30","url":"https:\/\/www.jw.org\/kqn\/mabuku\/mabuku\/funjishainga-baana-benu\/yesu-kimye-kyonse-wakokelanga\/","date":"2018-07-16T20:45:47Z","file_path":"s3:\/\/commoncrawl\/crawl-data\/CC-MAIN-2018-30\/segments\/1531676589455.35\/warc\/CC-MAIN-20180716193516-20180716213516-00058.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":318,"character_repetition_ratio":0.083,"word_repetition_ratio":0.0,"special_characters_ratio":0.187,"stopwords_ratio":0.242,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA—KYA KUFUNDAMO Mulombola 2014\nUno magazini waamba pa byo twakonsha kwikala na lwitabilo byonka byajinga Mosesa. Yehoba umona byepi mwingilo wa kulama kisemi kabiji witukwasha byepi kwingila uno mwingilo?\nLwitabilo lwalengejile byepi Mosesa kukana bya kusakasaka bya mubiji ne kunemeka mingilo yo bamupele? Mambo ka Mosesa o atajilangatu ku mfweto yo akafwetwa?\nKwikala na lwitabilo mwi Lesa kwakwashishe byepi Mosesa kubula kwikala na moyo wa kuchiina bantu, kabiji kwamukwashishe byepi kuketekela mu milaye ya Lesa? Koseshai lwitabilo lwenu pa kuba'mba mumonenga Yehoba kuba'mba ko aji kabiji ubekebesha kwimukwasha.\nJISHIMIKILA JA BWIKALO\nBa Robert Wallen baingila myaka 64 mu mwingilo wa kimye kyonse, tangai muyuke ene mambo o baambila'mba bamwenamo bintu byavula bingi.\nBamo baya na kwingijila mu byalo bingi pa kuba'mba bafolenga mali avula. Kwikala kwalepa na kisemi kulengela baana ne masongola, ne bulunda bwenu ne Lesa kwikala byepi?\nNsemi umo wamulume wawamishe byepi bulunda na kisemi kyanji bo aonawine na mambo kuya na kwingijila kwalepa? Yehoba wamukwashishe byepi kulama kisemi kyanji, bukomo bwa kyalo byo bwatamine\nTangai muyuke mashinda atanu Lesa mo etulamina ne byo tumwenamo mu byo etuta muchima pa muntu pa muntu.\nMu moba anembejilwemo Baibolo, muntu kutabula kivwalo kyanji mwine nangwa kwikitabula pa kyaji kwatajile mu ka?","id":"","dump":"CC-MAIN-2018-39","url":"https:\/\/www.jw.org\/kqn\/mabuku\/magazini\/w20140415\/","date":"2018-09-23T16:24:54Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159561.37\/warc\/CC-MAIN-20180923153915-20180923174315-00068.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":201,"character_repetition_ratio":0.064,"word_repetition_ratio":0.0,"special_characters_ratio":0.169,"stopwords_ratio":0.244,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Sukulu Wakwasha Mwingilo Kuyilako Palutwe\nYehoba wapesha bingi kwingila na ngovu kwa bakalume banji mu kyalo kya Dominican Republic. Mu 1994 basapwishi ba Bufumu bajinga 16,354 mu bipwilo 259. Na mambo a kuno kuvujilako, bakulumpe ne bankwasho bafikilamo bakebewenga bingi. Mu yenka uno mwaka, Jibumba Jitangijila jaswishishe kutendeka Sukulu wa Lufunjisho lwa Mwingilo mu kyalo kya Dominican Republic, ye bapingizhapo luno na Sukulu wa Basapwishi ba Bufumu.\nMu mwaka wa 2011 mu ñondo wa October, basapwishi 600 bo bapichile mu ma sukulu 25 ajingako mu kino kyalo. Katataka papo, kukila pa kichika kya bano bapita mu uno sukulu babena kwingila mu mwingilo wa kimye kyonse, 71 bapainiya beikajila kabiji batanu bakalama ba myanzo. Masukulu atanshi jikumi aikejile pa musampi, bino kutendeka na sukulu wa nambala 11, masukulu onse pano ekela ku bishimikwa biji mu Villa González.\n\"Bakamonyi ba kwa Yehoba Beta Bingi Muchima\"\nPa 22 September, mu mwaka wa 1998, kinkunkwila kya Hurricane Georges kyapichile mu kyalo kya Dominican Republic ne konauna bintu byavula bingi. Bantu bavula bashajiletu kwa kubula mazubo, kabiji bantu kukila pa 300 bafwile. Ba mu Kavoto Kakwasha Baponenwa na bya Malwa ne ba mu Kavoto ka Bantungi ba Mpunzha, bajinga pa Nzubo ya Bufumu ya mu La Romana na kukwasha bantu baponejilwe na bya malwa. Bantu nobe 300 bo bepaine mu uno mwingilo. Pa bano pajinga ne Bakamonyi 16 bafumine mu byalo bikwabo.\nBashimukulwile nangwa kuwamisha Mazubo a Bufumu 23, ne mazubo 800 a balongo ne banyenga. Kino kinkunkwila kyaonawine ne nzubo ya ba Carmen bapainiya bakikulumpe yo baikelemo myaka 38. Nangwa byonkabyo, bajinga bingi na lusekelo balongo 15 byo bafikile ne kutendeke kwala kitendekesho kya nzubo yabo. Ba Carmen baambile'mba: \"Yehoba kimye kyonse wituvuluka, kabiji wituta bingi muchima. Akitalaitu nzubo yo babena kunshimikila balongo. Bongikala nabo kinkalankulo baambile'mba: 'Bakamonyi ba kwa Yehoba beta bingi muchima, kabiji betemwa bingi.'\" Bantu bavula mu kino kyalo byobyo baambilenga pa kumona balongo ne banyenga byo bakwashishenga bakwabo baponejilwe na bya malwa.\nNangwa kya kuba kinkunkwila kikatampe kya Hurricane Georges kyaonawine bintu byavula bingi, bino byaubile bantu ba Yehoba byatekeneshe balongo ne banyenga ku mubiji ne ku mupashi. Kabiji kyakilamo kunema, muchima wa kwipana wa balongo ne banyenga walengejile Yehoba kutumbijikwa, aye mwine nsulo ya lutekenesho lwa kine.\nMazubo a Bufumu Avula Ashimikilwe\nMazubo a Bufumu avula akebewenga kushimikwa na mambo a kuvujilako kwa baana ba bwanga. Onkao mambo, mu November mu 2000, balongo ne banyenga batendekele mwingilo wa kushimika Mazubo a Bufumu mu kyalo kya Dominican Republic na mali o banengezha a kukwasha baji mu byalo biyanji. Bipwilo byashimikilenga Mazubo a Bufumu anengela mu milungu itanu na isatu. Mu September mu 2011, mabumba abiji a bantungi bashimikile ne kuwamisha Mazubo a Bufumu 145.\nBino bishimikwa ne mabumba a bantungi bepana ashimuna bukamonyi. Mu taunyi umo waikela ku buyeke muzhika wa kino kyalo, balongo bataine pa kushimikila Nzubo ya Bufumu. Painiya wiikajila wisambile na mwina ino mpunzha kuba'mba beipote. Uno mwanamulume wakumbwile'mba: \"Mubena kutayatu kimye kyenu, umvwe mubena kukeba kushimikapo chechi, kechi nsakwimupotesha ino mpunzha ne.\"\nPapichiletu ka kimye kacheche kufuma po baikejile na uno mwisambo, uno mwina mpunzha wayile ku Puerto Plata na kupempula bakolojanji bajinga Bakamonyi ba kwa Yehoba. Byo afikile, wataine bano bakolojanji bakolelwenga babena kwibalama ku kisemi kya Bakamonyi ba kwa Yehoba. Kino kisemi kibatwalanga ku badokotala, ku kupwila ne mu mwingilo wa kusapwila. Uno mwanamulume waipwizhe bakolojanji amba, mupana inga pa byonse byo babena kwimubila. Uno mulongo wakumbwile'mba: \"Kafwako ne. Abo bantu balongo bami.\"\n\"Monka nsemekelwa, nkyangye kumonapo bantu bakwatankana nobe babo ne\"\nNa mambo a lusa lwa Bakamonyi lo amwene, uno mwanamulume watumijile foni painiya wiikajila ye esambile nanji patanshi ne kumubula kuba'mba walangulukapo, pano waswa kwibapotesha yoya mpunzha. Balongo bapotele ino mpunzha ne kutendeka kushimikapo Nzubo ya Bufumu. Uno mwanamulume mukazhanji patanshitu washikilwe bingi Bakamonyi ba kwa Yehoba. Bino byo amwene balongo ne banyenga byo baingijilenga pa kushimika, waambile'mba: \"Monka nsemekelwa, nkyangye kumonapo bantu bakwatankana nobe babo ne.\"","id":"","dump":"CC-MAIN-2018-39","url":"https:\/\/www.jw.org\/kqn\/mabuku\/mabuku\/buku-wa-mwaka-wa-2015\/history\/betemwa-bingi\/","date":"2018-09-25T12:52:23Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267161638.66\/warc\/CC-MAIN-20180925123211-20180925143611-00196.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":625,"character_repetition_ratio":0.068,"word_repetition_ratio":0.0,"special_characters_ratio":0.185,"stopwords_ratio":0.272,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BIPIKICHALA BYALUMBULULA MASHIMIKILA A MU BAIBOLO Samwela Wafuukulapo Kwingijila Yehoba Bantu baikalanga ne Samwela byo balengulwilenga Lesa, aye waubile byepi? Tangai bipikichala byalumbulula mashimikila pa intaneti nangwa kupulinta PDF. Kopololai Bikwabo Bijipo Monai Byonse Mupashi Wazhila Wakwashishe Samisonyi Kwikala na Bulume Samisonyi waubile bintu bya kukumya byo ajinga mutonyi mu Isalela. Mupashi Wazhila wa Yehoba wamukwashishe byepi? Mwakonsha kutambula byepi mupashi wazhila wa Lesa? Kola Wasatukile Nanchi kine wasatukijile Mosesa ne Alona inyi, inyi muntu mukwabo? Lehaba Walondejile byo Bamubuujile Kisemitu kimo kyo kyapulukile kimye bibamba bya Yeliko kyo byaponene. Monai Byonse Tumai Musabilo Tumai Musabilo BIPIKICHALA BIBENA KULUMBULULA JISHIMIKILA JA MU BAIBOLO Samwela Wafuukulapo Kwingijila Yehoba Kikaonde Samwela Wafuukulapo Kwingijila Yehoba https:\/\/assetsnffrgf-a.akamaihd.net\/assets\/m\/502016134\/univ\/art\/502016134_univ_sqr_xl.jpg","id":"","dump":"CC-MAIN-2018-47","url":"https:\/\/www.jw.org\/kqn\/bifunjisha-baibolo\/baana\/bipikichala-bibena-kulumbulula-jishimikila-ja-mu-baibolo\/samwela-wasalapo-yehoba\/","date":"2018-11-16T17:03:23Z","file_path":"s3:\/\/commoncrawl\/crawl-data\/CC-MAIN-2018-47\/segments\/1542039743105.25\/warc\/CC-MAIN-20181116152954-20181116174954-00545.warc.gz","language":"kqn","language_score":1.0000095367,"language_script":"Latn","minhash_cluster_size":2,"top_langs":"{\"kqn_Latn_score\": 1.000009536743164}","num_words":113,"character_repetition_ratio":0.091,"word_repetition_ratio":0.0,"special_characters_ratio":0.161,"stopwords_ratio":0.177,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BYO KILUMBULULA\nBalume ne bakazhi baji na mushingi benemeka bingi nangwa kya kuba bapusenamo mu bintu bimo. Buku wa kuba'mba Ten Lessons to Transform Your Marriage waamba'mba: \"Balume ne bakazhi baji na mushingi bachinuzhuka kumina pa kintu kyo babena kukeba inge bapusenamo. Kabiji bebikako kupwisha makatazho bukiji bukiji. Bateleka inge mukwabo ubena kwamba ne kupwishisha pamo makatazho.\"\nJIFUNDE JA MU BAIBOLO: \"Butemwe . . . kechi bukeba bintu bibuwamina abo bwine ne.\"—1 Kolinda 13:4, 5.\nBa Micah baambile'mba: \"Kutemwa mukazhi kulumbulula kumunemeka ne kubula kuba bintu byakonsha kumufichisha ku muchima ne kutamisha masongola.\"\nENE MAMBO O KYANEMENA\nKubula kwipa mushingi kulengela baji mu masongola kwiambila byambo byatama ne kubula kwinemeka. Bapesapesa bya kupesapesa bataana kuba'mba bino byubilo byakonsha kulengela masongola kupwa.\nBa Brian baambile'mba: \"Kwambila bakazhi benu byambo byatama kwakonsha kwibalengela kumvwa ku muchima kutama ne kumona nobe kechi banema ne, kuba bino kulengela kubula kwikala bulongo mu masongola.\"\nBYO MWAKONSHA KUBA\nIIPUZHAI'MBA\nEsekai kumona byambo byo mwingijisha pa kwisamba na benakwenu pa mulungu umo. Mwafwainwa kwiipuzha'mba:\n'Nanchi kimye kyonse ñambila benakwami byambo byatama nyi, inyi ñamba byawama?'\n'Mu ñanyi mashinda mo nafwainwa kumweshesha'mba mbena kunemeka benakwami?'\nISAMBAI NA BENAKWENU\nÑanyi byubilo ne byambo byakonsha kwimulengela kumona'mba benakwenu bemunemeka?\nÑanyi byubilo ne byambo bya benakwenu bimulengela kumona nobe kechi bemupa mushingi ne?\nBYA KUBA\nNembai bintu bisatu byo mukeba benakwenu kubanga pa kumwesha'mba bemunemeka. Ambilai benakwenu nabo banembe bintu bisatu byo bakeba. Tambulai byanemba benakwenu ne kutendeka kulondela byo banemba.\nNembai byubilo byawama biji na benakwenu. Basanchilainga pa byobyo byubilo.\nBa Megan baambile'mba: \"Mmwesha bamwatawami mushingi mu byo nguba kabiji nkebesha bingi kwibasangajika kimye kyonse. Kechi nguba bintu bikatampe ne, ngubatu tubitu tucheche kabiji byo nguba bimwesha'mba nanemeka bingi benakwami.\"\nKishinka ke kya kuba'mba bintu byo muba byafwainwa kumwesha'mba mwanemeka benakwenu.\nJIFUNDE JA MU BAIBOLO: \"Vwalai muchima wa kifyele, wa lusa, wa kwipelula, wakooka ne wa butekanye.\"—Kolose 3:12.","id":"","dump":"CC-MAIN-2019-04","url":"https:\/\/www.jw.org\/kqn\/mabuku\/magazini\/labainga-na2-2018-jul-aug\/bintu-bilengela-kisemi-kwikala-bulongo-mushingi\/","date":"2019-01-21T08:43:12Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547583763839.28\/warc\/CC-MAIN-20190121070334-20190121092334-00630.warc.gz","language":"kqn","language_score":1.0000100136,"language_script":"Latn","minhash_cluster_size":2,"top_langs":"{\"kqn_Latn_score\": 1.0000100135803223}","num_words":302,"character_repetition_ratio":0.067,"word_repetition_ratio":0.0,"special_characters_ratio":0.175,"stopwords_ratio":0.202,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"English to Kikaonde Translation\n-\nEnglish: The Environmental impact of any mining activity includes issues such as land use, waste management, water, air and soil pollution which are caused by the extraction, processing and the use of its products.\n-\nKikaonde: Konse kujii mukochi kwikala makatazho a ngingijisho ya mushiji, meema, byatayiwa nobe bipepala, mabotolo ne bi swaswa apa ne konaunwa kwa mushiji biino bilengwa ne kufuma kubitaiwa panyuma ya kulengwa kubifuma ku mikochi.\n-\nEnglish: We can't wait for clean energy any longer. The future is green energy, sustainability & renewable energy. There is need for countries to invest in solar power\/renewable and divert from fossil fuels.\n-\nKikaonde: Pakubatu amba kino kyaalo kiikale buulongo, kechi twafwainwa kupembelelatu ngovu ne nsulo ya malaichi ifuma kuminganzanganza itelwa amba 'green energy' ne. Twafwainwa ne kuvilukila kungovu ya malachi ayo yafwainwa kubwezhiwapo nabiji kwingijisha malaichi ya mute 'solar' kukila kwingijisha malaichi afuma kumafuta a munganzanganza.\n-\nEnglish: The legal and regulatory framework that governs the relationship between a host country government and investors in extractive industries is the backbone of long term investor-government relationship. The framework could include several pieces of domestic legislation (including the constitution, mining code, the tax law).\n-\nKikaonde: Buulunda bwa kafulumende nabasulu beimena ayo yaikala ndonda ya musaana wa lumvwangano ke buulunda bwabula kwikala pepi mubya bunsendwe bwa kweengulula kwa mikochi. Pafwainwa kwikalapo mashinda akwaabo alumvwangano lwa mizhiiloo yatala kumikochi ne busonkeshi mino apa kyakwakwaasha mu ngingijilo.\n-\nEnglish: Zambia has acceded to over 20 international environmental conventions, and these have a bearing on natural resource management. Different conventions are at different levels of domestication and implementation. Zambia lacks a well informed and organized local public sector to participate in publicizing the vulnerability of the environment and inculcating a sense of responsibility for the environment.\n-\nKikaonde: Kuji tubuungwe kukila pamakuumi abiiji tuji mulumvwangano na kino kyaalo kutazha pabi lengwa na lesa ne luzhikijilo, tuno tubuungwa twapusaana mungingijilo. Kino kyalo kyeetu kyakajilwa mumfunjishilo yakubula baantu ya kukajilwa kwa bilengwa na lesa apa ne buuyike bwa bilengwa na lesa. Maambo akino kyaletako lukatazho paluzhijikilo.","id":"","dump":"CC-MAIN-2021-17","url":"https:\/\/www.cejzambia.com\/translation-2","date":"2021-04-12T22:10:29Z","file_path":"s3:\/\/commoncrawl\/crawl-data\/CC-MAIN-2021-17\/segments\/1618038069267.22\/warc\/CC-MAIN-20210412210312-20210413000312-00207.warc.gz","language":"kqn","language_score":0.9753671885,"language_script":"Latn","minhash_cluster_size":7,"top_langs":"{\"kqn_Latn_score\": 0.9753671884536743}","num_words":336,"character_repetition_ratio":0.053,"word_repetition_ratio":0.0,"special_characters_ratio":0.165,"stopwords_ratio":0.077,"flagged_words_ratio":0.0,"lang_id_score":0.969,"perplexity_score":500.0,"cluster_detection":1} +{"text":"MAY 19, 2015\nAZERBAIJAN\nKipamo kitala pa bukikizhi bwa kyalo kya Azerbaijan's Ministry of National Security (MNS) kyanungako moba o bakasa ba Irina Zakharchenko ne ba Valida Jabrayilova. Pa 17 February mu 2015, kipamo kya MNS kibapelemo mambo a kusampanya mabuku alumbulula Baibolo \"kwa kubula kutambula luusa\" ne kwibakasa bano banabakazhi. Pa 7 May mu 2015, kochi wa Sabail District Court waswile kukwata bano banabakazhi ne kwibakasa kufika pa 17 July. Kochi wakaine byo balombele kwibakanyatu kwenda kufuma pa nzubo yabo. Bashabyambo bambilako bano Bakamonyi babwezhezhe mambo ku kochi kuba'mba bebakasa kyalunkanankana ne kuba'mba babena kwibayanjisha na milanguluko kabiji bumi bwabo buji mu kizumba bano banabakazhi. Ba luusa batwajijila kupesapesa ano mambo a Bakamonyi.","id":"","dump":"CC-MAIN-2018-17","url":"https:\/\/www.jw.org\/kqn\/Masawakya\/mitotololo\/byalo\/azerbaijan\/azerbaijan-kukasa-mu-kaleya-20150519\/","date":"2018-04-22T21:11:14Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945648.77\/warc\/CC-MAIN-20180422193501-20180422213501-00339.warc.gz","language":"kqn","language_score":1.0000085831,"language_script":"Latn","minhash_cluster_size":1,"top_langs":"{\"kqn_Latn_score\": 1.0000085830688477}","num_words":107,"character_repetition_ratio":0.072,"word_repetition_ratio":0.0,"special_characters_ratio":0.19,"stopwords_ratio":0.252,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4 \"Pano anweba bena Isalela, telekai ku malamuna ne mizhilo yo mbena kwimufunjisha kuba'mba mwiilame, pa kuba'mba mwikale na bumi+ ne kuya mu kyokya kyalo ne kwikitambula, kyo abena kwimupa Yehoba, Lesa wa bashakulu benu. 2 Kechi mukanungepo byambo ku byo mbena kwimukambizha nangwa kufumyapo ne,+ pa kuba'mba mukalamenga mikambizho ya Yehoba Lesa wenu yo mbena kwimukambizha. 3 \"Mwimwenejile byaubile Yehoba pa mambo a Baela wa ku Peola; Yehoba Lesa wenu waipayile banabalume bonse bajinga mwi anweba baongolokejile kwi Baela wa ku Peola.+ 4 Pakuba anweba bonse mwakakachila kwi Yehoba Lesa wenu, mwi bomi kufika ne lelo jino. 5 Umvwai, nemufunjisha malamuna ne mizhilo+ byonkatu Yehoba Lesa wami byo ankambizhe, pa kuba'mba mukealondelenga mu kyalo kyo mukekalamo. 6 Mwafwainwa kuteshako muchima kwialondela,+ mambo bantu bakomvwa ano malamuna bakamona'mba mwi ba maana+ kabiji mwi ba milangwe,+ ne abo bakamba'mba, 'Kino kisaka kikatampe kiji na bantu ba maana kabiji ba milangwe.'+ 7 Nanchi kujipo kisaka kiji na balesa baji kwipi ne akyo, byonkatu Yehoba Lesa wetu byo aji kwipi ne atweba mu bimye byonse byo tumujijila nyi?+ 8 Abya kujipo kisaka kikwabo kiji na malamuna aoloka ne mizhilo iji nobe ino Mizhilo yonse yo mbena kwimubuula lelo jino nyi?+ 9 \"Bino mwafwainwa kuteshako muchima ne kujimuka,* pa kuba'mba mukabule kuvulama bintu byonse byo mwimwenejile, kuba'mba bikabule kufuma mu michima yenu moba onse a bumi bwenu. Kabiji mukebifunjishenga baana benu ne bankana benu.+ 10 Pa juba jo mwaimene ku meso a Yehoba Lesa wenu ku Holeba, Yehoba wañambijile'mba, 'Konkanya bantu pamo kwi amiwa kuba'mba bomvwe byambo byami,+ pa kuba'mba bafunde kungakamwa+ moba onse o bakiji na bumi kabiji bakebifujishenga ne ku baana babo.'+ 11 \"Byonkabyo, anweba mwaishile kwipi ne kwimana munshi ya mutumba, kabiji mutumba watemenenga mujilo kufika ne mwiulu* mwine; kwajinga mfishi ne jikumbi jafitatu bwii.+ 12 Kabiji Yehoba waambile ne anweba jiwi saka jifuma mu mujilo.+ Anweba mwaumvwine jiwi saka jamba byambo, bino kafwako kintu nangwa kimo kyo mwamwenemo mu mujilo ne,+ pakuba mwaumvwinekotu jiwi.+ 13 Kabiji wimubuujile lulayañano lwanji+ lo alayañene ne anweba lo emukambizhe kulama, ko kuba'mba Mikambizho Jikumi.*+ Byo apwishishe kuba bino, wiinembele pa mabwe abiji apapakana.+ 14 Pa kyokya kimye, Yehoba wankambizhe kwimufunjisha malamuna ne mizhilo yo mukalondelanga mu kyalo kyo mubena kuyamo kyo mukatambula. 15 \"Onkao mambo, mwafwainwa kujimuka*—mambo pa joja juba Yehoba jo aambile kwi anweba ku Holeba jiwi saka jifuma mu mujilo, kechi mwamwenemo kintu nangwa kimo ne— 16 pa kuba'mba mukabule kutamisha kupichila mu kwilengela kipashañano kya kusonga kya mutundu yense, kyapasha mwanamulume nangwa mwanamukazhi,+ 17 kyapasha banyama ba pano pa ntanda nangwa bañonyi bapitañana mwiulu,+ 18 nangwa kyapasha kintu kikalaba panshi nangwa kyapasha masabi aji mu mema pano pa ntanda.+ 19 Kabiji byo mukatala mwiulu ne kumona juba, ñondo ne tubangabanga, ko kuba'mba bintu byonse biji mwiulu, kechi mukongolwe ne kwibilambila nangwa kwibingijila ne.+ Yehoba Lesa wenu wibipana ku bantu bonse baji pano pa ntanda. 20 Pakuba Yehoba wimusendele ne kwimufumya mu kisha kya mujilo mo basungulwila kapotwe, ko kuba'mba mu Ijipita, kuba'mba mwikale bantu ba kyanji kyanji,*+ byonkatu byo muji lelo jino. 21 \"Yehoba wanzhingijile na mambo a anweba+ kabiji wachipile ne kuñambila'mba kechi nkabuka Yodano nangwa kutwela mu kyalo kyawama kyo abena kwimupa Yehoba Lesa wenu kwikala ke kyenu kya buswanyi ne.+ 22 Mambo nkafwila mu kino kyalo; kechi nkabuka Yodano ne,+ bino anweba mukabuka ne kutambula kyo kya kyalo kyawama. 23 Mwafwainwa kujimuka kuchina'mba mwakavulama lulayañano lwa Yehoba Lesa wenu lo alayañene ne anweba,+ kabiji kange mukesongele kipashañano kya kusonga kya kintu kyonse kyo emukanya Yehoba Lesa wenu ne.+ 24 Mambo Yehoba Lesa wenu ye mujilo usokañana,+ Lesa ukeba bantu kumwingijilatu bunke bwanji.+ 25 \"Umvwe mukaseme baana ne kwikala na bankana saka mwaikala kala mu kyalo myaka yavula kabiji mukatamishe kupichila mu kwisongela bipashañano bya kusonga+ bya mutundu yense ne kumuzhingijisha Yehoba Lesa wenu na mambo a kuba byatama ku meso anji,+ 26 baji mwiulu ne baji pano pa ntanda basakwikala bakamonyi lelo jino ba kwimushinawina kuba'mba kine mukafwa ne kuvila bukiji mu kyalo kyo mukatambula byo mubena kwabuka Yodano. Kechi mukabandamo ne, bino mukavilatu bonse pelu.+ 27 Kabiji Yehoba ukemupalañenya mu bantu,+ kabiji bachechetu mwi anweba bo bakapuluka+ mu bisaka bya bantu byo akemutwalamo Yehoba. 28 Kabiji mukengijilanga balesa ba bichi ne ba mabwe bo balenga ku bantu,+ balesa babula kumona nangwa kumvwa nangwa kuja nangwa kumvwa bwema. 29 \"Umvwe mukamukebe Yehoba Lesa wenu kokwa, kine mukamutaana,+ umvwe mukamukebe na muchima wenu yense ne na mweo* wenu yense.+ 30 Byo mukapita mu bya malwa ne bino bintu byonse bikemufikile mu oa moba, po po mukabwela kwi Yehoba Lesa wenu ne kumvwa jiwi janji.+ 31 Mambo Yehoba Lesa wenu ye Lesa wa lusa.+ Kechi ukemusha nangwa kwimonauna nangwa kuvulama lulayañano lo achipile ku bashakulu benu ne.+ 32 \"Pano ipuzhai pa mambo a moba a kala saka mukyangye kwikalako kufuma juba Lesa jo alengele muntu pano pa ntanda; kebakebai kufuma kwatendekela jiulu kukafikatu ne ko japelela. Nanchi kwakimwekapo kala kintu kikatampe kya uno mutundu nangwa mwakikyumvwapo kala nyi?+ 33 Nanchi kujipo bantu bakwabo bakyumvwapo kala jiwi ja Lesa saka amba kufuma mu mujilo byonkatu anweba byo mwijumvwine ne kutwajijila kwikala bomi nyi?+ 34 Nanchi kujipo Lesa wakifumyapo kala kisaka mu kisaka kikwabo kupichila mu kwibeseka* na biyukilo, na bya kukumya,+ na nkondo,+ ne na kuboko kwa bulume,+ na kuboko kwakosa ne na mingilo ilenga moyo,+ byonkatu Yehoba Lesa wenu byo aubile kwi anweba mu Ijipita saka mutalako nyi? 35 Anweba bemumwesheshe bino bintu kuba'mba muyuke'mba Yehoba ye Lesa wa kine;+ kafwako mukwabo ne.+ 36 Aye wimulengejile kumvwa jiwi janji kufuma mwiulu kuba'mba emololeko, kabiji pano pa ntanda wimulengejile kumona mujilo wanji mukatampe, ne byambo byanji mwibyumvwine saka bifuma mu mujilo.+ 37 \"Na mambo a kuba mwatemenwe bashakulu benu ne kusala baana* babo balondejile panyuma yabo,+ anweba bemufumishe mu Ijipita saka emumona kupichila mu bulume bwanji bukatampe. 38 Kabiji wapangile kwi anweba bisaka bya bantu byabaya byakosa kwimukila, kuba'mba emutwezhe mu kyalo kyabo ne kwimupakyo kwikala kya buswanyi, byonkatu byo kiji lelo jino.+ 39 Pano kufuma ja lelo, vulukainga bino amba Yehoba ye Lesa wa kine mwiulu ne pano pa ntanda.+ Kechi kujipo mukwabo ne.+ 40 Kabiji mukalamenga malamuna anji ne mizhilo yanji yo mbena kwimukambizha lelo jino, pa kuba'mba anweba ne baana benu bakemulondela panyuma, mukamone byawama kabiji mukekale moba avula mu kyalo kyo abena kwimupa Yehoba Lesa wenu.\"+ 41 Kabiji Mosesa wasajile mizhi isatu yajinga ku musela wa Yodano.+ 42 Umvwe muntu waipaya mukwabo kya mapuso ye abujile kushikwa,+ wafwainwa kunyemena ku umo pa ino mizhi kuba'mba akekale na bumi.+ 43 Muzhi wa Bezela+ wajinga mu kiselebwa ku mutunta,* mo mwajinga bena Lubenyi, muzhi wa Lamota+ wajinga mu Gileada, mo mwajinga bena Gadi ne muzhi wa Golanyi+ wajinga mu Bashana, mo mwajinga bena Manase.+ 44 Ino yo Mizhilo+ Mosesa yo apele bena Isalela. 45 Abino byo byajinga bya kwibavululako, malamuna ne mizhilo Mosesa yo apele bena Isalela byo bafumine mu Ijipita,+ 46 mu kibunji kyajinga kwipi na Yodano, mu musanza watalañene na Bete-peola+ mu kyalo kya kwa Sihona Mfumu wa bena Amoli waikalanga mu Heshibonyi,+ yenka ye bashinjile kwi Mosesa ne ku bena Isalela byo bafumine mu Ijipita.+ 47 Kabiji baangachile kyalo kyanji ne kyalo kya kwa Oga+ Mfumu wa Bashana ne bamfumu babiji ba bena Amoli baikalanga mu kibunji kya ku musela wa Yodano. 48 Kino kyalo kyafumine ku Aloa+ uji kwipi na Kimpachiko* kya Alanonyi kufika ne ku Mutumba wa Siliyoni, ko kuba'mba Helemone.+ 49 Kabiji mpunzha yafikile ne ku Alaba mu kibunji kya ku musela wa Yodano kukafikatu ne ku Kalunga ka Mema ka mu Alaba,* munshi ya mikolo ya Pishika.+\nTubyambo twa munshi\n^ Nangwa'mba \"kutesha muchima ku myeo yenu.\"\n^ Mu Kihebelu, \"kufikatu ne mu muchima wa mwiulu.\"\n^ Mu Kihebelu, \"Byambo Jikumi.\"\n^ Nangwa'mba \"kutesha muchima ku myeo yenu.\"\n^ Nangwa'mba \"ba kya buswanyi kyanji.\"\n^ Nangwa'mba \"mu meseko.\"\n^ Mu Kihebelu, \"lukunwa.\"\n^ Nangwa'mba \"mpunzha yazanduka ne kusebalala.\"\n^ Nangwa'mba \"Kakola ka Alanonyi.\"\n^ Ko kuba'mba, Kalunga ka Mema ka Mukele, nangwa'mba Kalunga ka Mema Kafwa.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/mpitulukilo-ya-mu-mizhilo\/4\/","date":"2018-04-22T09:14:23Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945552.45\/warc\/CC-MAIN-20180422080558-20180422100558-00215.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":1255,"character_repetition_ratio":0.066,"word_repetition_ratio":0.0,"special_characters_ratio":0.202,"stopwords_ratio":0.278,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Bantu bavula mwaya ntanda bayuka'mba juba ja Kiminshiminshi jo juba jasemekejilwepo Yesu Kilishitu. Nanchi mwakipesa pesapo ne kumona inge bena Kilishitu batanshi bajinga balunda ne Yesu basekelelanga kiminshiminshi nyi? Nanchi mwayuka Baibolo byo yaambapo pa moba a kusekelela nyi? Kutaana mikumbu ku ano mepuzho kusakwitukwasha kuyuka inge bena Kilishitu bafwainwa kusekelela Kiminshiminshi.\nKitanshi, Baibolo kechi yaambapo kuvuluka juba jasemekejilwepo Yesu nangwa bapopweshi bakishinka ba Lesa ne. Binembelo byaambatu pa bantu babiji basekejile moba abo a kusemwa. Bano bonse kechi bajinga bapopweshi ba Yehoba Lesa mwine mwina Baibolo ne. Kabiji bintu byamwekele pa ano moba byatamine bingi. (Ntendekelo 40:20; Mako 6:21) Kwesakana na buku wa Encyclopædia Britannica, bena Kilishitu batanshi kechi baubangako \"bisho byaubanga bantu babulanga kupopwela Lesa ne.\"\nYesu wasemekelwe ñanyi juba?\nBaibolo kechi yaambapo juba jasemekejilwepo Yesu ne. Buku wa McClintock and Strong's Cyclopedia, waamba'mba: \"Juba jasemekejilwepo Kilishitu kechi jayukanyikwa mu Lulayañano Lupya nangwatu mu mabuku akwabo ne.\" Kishinka ke kya kuba'mba Yesu inge wakebelenga baana banji ba bwanga kuvulukanga juba janji ja kusemwa, inge wibabujile juba jo asemekelwe.\nKya bubiji, Baibolo kechi waambapo'mba Yesu nangwa baana banji ba bwanga basekelelanga Kiminshiminshi ne. Kwesakana na Buku wa New Catholic Encyclopedia, kusekelela kiminshiminshi bekwambilepo patanshi ku \"mwina Loma wayuka bya kulengalenga mu 336 [C.E.].\" Kabiji waambile bino byambo saka bapwisha kala kunemba Baibolo ne Yesu saka aya kala mwiulu. Onkao mambo, buku wa McClintock and Strong waamba'mba \"Lesa kechi waswisha bantu kusekelela kiminshiminshi ne, kabiji Baibolo kechi waambapo kuba bino mu Binembelo bya ntanda Ipya ne.\" *\nÑanyi kintu Yesu kyo aambijile baana banji ba bwanga kuvulukanga?\nYesu byo ajinga Mufunjishi Wayukisha, wabuujile batumwa banji bintu byo bafwainwe kubanga byanembwa mu Baibolo. Kusekelela kiminshiminshi kechi kwanembwapo mu Baibolo ne. Byonka baana basukulu byo bafwainwa kubula kuba bintu byabula kwibabula mufunjisha wabo, Yesu naye kechi ukeba batumwa banji 'kupitailanga pa bintu byanembwa' biji mu Binembelo byazhila ne.—1 Kolinda 4:6.\nKishinka ke kya kuba'mba bena Kilishitu batanshi bavulukangatu lufu lwa kwa Yesu. Yesu wabuujile baana banji ba bwanga byo bafwainwa kuvulukanga lufu lwanji ne kimye kyo bafwainwa kubilapo bino. Ino mikambizho ne juba ja kuvulukilapo lufu lwanji byanembwa mu Baibolo.—Luka 22:19; 1 Kolinda 11:25.\nByonka byo twaambapo kala, bantu basekelela Kiminshiminshi kuba'mba jo juba ja jasemenwe Yesu, bino bena Kilishitu batanshi kechi balondelanga kisho kyaubanga bantu babulanga kupopwela Lesa ne. Kabiji Baibolo kechi waambapo'mba Yesu nangwa bantu bakwabo basekelelanga Kiminshiminshi ne. Bishinka byo twaambapo byo bilengela bena Kilishitu bavula mwaya ntanda kubula kusekelela Kiminshiminshi.\n^ jifu. 6 Umvwe mukeba kuyukilapo byatendekele bantu kusekelela Kiminshiminshi, monai kibaaba kya kuba'mba \"Bantu Bepuzha'mba . . . Ñanyi bishinka byaamba pa Kiminshiminshi? mu Kyamba kya Usopa kya December 1, 2014, mwakonsha ne kwikitana pa www.jw.org\/kqn.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/kyamba-kya-usopa-na6-2017-november\/bena-kilishitu-kimishimishi-baibolo\/","date":"2018-04-21T12:51:18Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945143.71\/warc\/CC-MAIN-20180421110245-20180421130245-00300.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":424,"character_repetition_ratio":0.088,"word_repetition_ratio":0.0,"special_characters_ratio":0.176,"stopwords_ratio":0.224,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Kino kipungu kyalumbulula biji mu Binembelo bya Kingiliki bya Bwina Kilishitu. Yesu wasemenwe mu kisemi kyabula kunonka kyaikalanga mu muzhi muchechetu. Waingilanga ne bashanji mwingilo wa bukalipentala. Yesu waishile na kupokolola bantu bonse. Yehoba wamusajile kwikala Mfumu wa Bufumu bwa mwiulu. Inge mwi bansemi, kwashai mwanenu ayuke bulongo Yehoba byo asajile kisemi ne mpunzha kwakomejile Yesu. Mulumbulwilai ayuke Yehoba byo azhikijile Yesu kwi Heloda wakebelenga kumwipaya. Kabiji ayuke ne kuba'mba kafwako kintu kyakonsha kulengela Yehoba kukankalwa kuba byo afuukula ne. Mufunjishai ayuke mwingilo Yehoba ye apele Yoano wa kunengezhezha jimo kwiya kwa kwa Yesu. Mulumbulwilai bintu bimwesha kuba'mba kufumatu ku bwanyike, Yesu watemenwe bingi maana a Yehoba.\nBIJI MU KINO KIPUNGU\nMambo ka Zekaliya o abujijilenga kwamba kufikatu ne kimye kyasemekelwe mwaana?\nNgabaliela wabujile Maliya byambo byapimpwile bwikalo bwanji.\nBakafunga baumvwine kusemwa kwa kwa Yesu bayileko.\nMfumu wakanama wakebelenga kwipaya Yesu.\nKi ka kyalengejile bafunjishi kukumya byaambilenga Yesu mu nzubo ya Lesa?\nYoano waikele ngauzhi. Wafunjishanga kuba'mba Mesiasa ubena kwiya. Nanchi bantu baumvwanga byo asapwilanga nyi?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/mashimikila-a-mu-Baibolo\/11\/","date":"2018-04-20T19:19:44Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125944677.39\/warc\/CC-MAIN-20180420174802-20180420194802-00523.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":166,"character_repetition_ratio":0.052,"word_repetition_ratio":0.0,"special_characters_ratio":0.156,"stopwords_ratio":0.187,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ba Gianni ne ba Maurizio baikele balunda kala papita ne myaka 50. Bino kimye kimo, kwashajiletu pacheche bulunda bwabo kupwa. Ba Maurizio bavuluka'mba: \"Kwajinga kimye kimo kyakatezhe bingi po nalubankenye ne kubika bulunda bwetu mu kizumba.\" Ba Gianni banungapo'mba: \"Ba Maurizio bo bamfunjishe Baibolo. Bo bankwashanga kukosesha lwitabilo lwami. Onkao mambo, nakuminye bingi pa kumona kintu kyo baubile. Kyankolele bingi ku muchima mambo nayukile kuba'mba bulunda bwetu busakupwa. Naumvwinetu nobe nashala bunke.\"\nKECHI kyapeela kutaana mulunda wa kishinka ne, onkao mambo, inge twaikalapo na umo, tunemeka bulunda bwetu nanji. Inge bulunda bwetu kebukebe kupwa, twakonsha kuba byepi? Twakonsha kufunjilako ku bantu bamo batongolwa mu Baibolo bajinga balunda, ne byo baubile pa kuba'mba bulunda bwabo bubule kupwa.\nUMVWE MULUNDA NENU WALUBANKANYA\nDavida wajinga kafunga kabiji mfumu, kabiji wajinga na balunda ba pa muchima. Mulunda nanji umo ye twakonsha kuvuluka ke Yonafwanyi. (1 Sam. 18:1) Bino Davida wajinga na balunda bakwabo, nabiji ngauzhi Natana. Baibolo kechi watongola kimye kyo baikele balunda ne. Bino kimye kimo Davida wabuujileko Natana kintu kyajinga mu muchima wanji, byonka byo mwakonsha kubuulako mulunda nenu. Davida wakebelenga kushimika nzubo ya Yehoba. Kyamweka Mfumu Davida wanemekele bingi byamubulangako Natana, mambo wajinga mulunda nanji kabiji wajinga ngauzhi wa Yehoba.—2 Sam. 7:2, 3.\nPano bino, kwamwekele kintu kimo kyakebelenga konauna bulunda bwabo. Mfumu Davida waubile bukende ne Batesheba, ne kwipaisha mwatawanji aye Uliya. (2 Sam. 11:2-21) Pa myaka yavula, Davida wajinga muntu wa kishinka kwi Yehoba kabiji wachibanga mambo monka mo aolokela. Pano ki ka kyalengejile uno mfumu wawama kulenga ano mambo akatampe? Nanchi kechi wayukile'mba byo aubile byatamine nenyi? Nanchi walangulukile'mba wakonsha kufya mambo anji kwi Lesa nyi?\nNga Natana waubile byepi? Nanchi wapembelejile kuba'mba muntu mukwabo akasolomoke mfumu ne kumwambilamo pa kyo aubile nyi? Bantu bakwabo bayukile kuba'mba Davida ye waipaisha Uliya. Natana inge wakebelenga inge wazhindaminepotu, kuchiina'mba inge ambepo, usakonauna bulunda bwanji ne Davida. Kabiji Natana wakonsheshe ne kubika bumi bwanji mu kizumba pa kusolomoka Davida. Mambo Davida waipayishe Uliya, muntu wabujile mambo.\nBino Natana wajinga ngauzhi wa Lesa. Wayukile'mba inge azhindamepotu, bulunda bwanji ne Davida busakutaminakotu kabiji ne jiwi janji ja mu muchima jisakumukatazhanga. Mulunda nanji aye Davida walengele mambo kwi Yehoba. Onkao mambo, mfumu wakebewenga bukwasho pa kuba'mba abwezhe bulunda bwanji ne Yehoba. Kyo kimye kyo akebewenga mulunda wa kishinka, kabiji uno mulunda wajinga Natana. Pa kusolomoka Davida, Natana waingijishe kishimpi kyo ayukile'mba kisakufika Davida pa muchima mambo wayukile amba wajinga kafunga kala. Natana wabuujile Davida byambo bya Lesa mu jishinda jawama, jalengejile Davida kumona'mba walengele mambo akatampe ne kulapila.—2 Sam. 12:1-14.\nMwakonsha kuba byepi inge mulunda nenu walenga mambo akatampe? Mwakonsha kwakamwa'mba inge mwisambe nanji pa mambo o alenga, musakonaunatu bulunda bwenu. Nangwa mwakonsha kulanguluka'mba inge mubuuleko bakulumpe mu kipwilo pa byauba mukwenu, kisakumweka nobe mwamwalukamo. Mwakonsha kuba byepi?\nBa Gianni, bo twaji kwambapo ku ntendekelo bavuluka'mba: \"Namwene amba bintu kechi biji bulongo ne. Ba Maurizio balekele kukasuluka inge babena kwamba ne amiwa. Onkao mambo, nafuukwilepo kwisamba nabo nangwa kya kuba kechi kyapelele ne. Naakaminwe'mba: 'Ñanyi bintu byo nsakwibabuula byo babula kuyuka kala? Kampe basakunzhingijila.' Bino byo navulukile bintu byonse byo twafunjijile nabo pamo, kyankwashishe kuchinchika ne kwisamba nabo. Ba Maurizio nabo bankwashishepo kala. Kechi nakebelenga'mba bulunda bwetu bupwe ne, pakuba nakebelenga kwibakwasha mambo nebatele bingi muchima.\"\nBa Maurizio banungilepo'mba: \"Ba Gianni kechi bampichile mu mbaji ne, baambiletu bishinka. Nayukile'mba yami neletejile makatazho na mambo a byubilo byami, kechi ba Gianni nangwa Yehoba ne. Onkao mambo, nakookejile bukwasho bwa bakulumpe mu kipwilo, kabiji pa kupitapo kimye nawamishe bulunda bwami ne Yehoba.\"\nUMVWE MULUNDA NENU UJI MU LUKATAZHO\nDavida wajinga na balunda bakwabo bamukwashanga mu bimye bya makatazho. Umo pa bano ke Hushai ye batongola mu Baibolo amba wajinga \"mulunda wa kwa Davida.\" (2 Sam. 16:16; 1 Moba 27:33) Kyamweka wajinga kinemanga mu kipango kya mfumu, kabiji wajinga mulunda nanji wa pa muchima ye abuulangako bintu byafyamika.\nKimye mwana wa kwa Davida aye Abisalomo kyo etumbijikile kwikala mfumu, bena Isalela bavula bamutundaikilenga, bino Hushai kechi byo byo aubile ne. Davida byo anyemenenga, Hushai wamulondejile. Davida waumvwine bingi bibi byo bamwalukijilemo ku mwananji ne ku balunda nanji bamo bo aketekejile. Pano bino, Hushai watwajijile kwikala wa kishinka kabiji wabikile bumi bwanji mu kizumba pa kuba'mba akwashe Davida kushinda balwanyi bamusatukijile. Hushai kechi waubile bino na mambo a kuba'mba wajinga wa mwingilo mu kipango kya mfumu ne, bino waubile bino mambo wajinga mulunda wa kishinka.—2 Sam. 15:13-17, 32-37; 16:15–17:16.\nNe lelo jino, kitusangajika bingi kumona balongo ne banyenga byo bakwatankana pamo na mambo a bulunda bwawama, nangwatu bengile mingilo yapusana pusana byepi mu kipwilo. Bemwesha butemwe mu byubilo byabo, uba nobe babena kwiambila bene na bene amba, \"Wi mulunda nami, kabiji nakuta bingi muchima.\"\nBa Federico bemwenejile kino kishinka. Balunda nabo abo ba Antonio bebakwashishe kuchinchika kimye kyo bapichile mu lukatazho. Ba Federico bavuluka'mba: \"Amiwa ne ba Antonio twaikele balunda kimyetu kyo bavilukijile mu kipwilo kyetu. Bonse babiji twajinga bankwasho, kabiji twiyowanga bingi kwingijila pamo uno mwingilo. Palutwe kachechetu, ba Antonio bebatongwele kwikala bakulumpe mu kipwilo. Onkao mambo, natendekele kulondela mu ngayo yabo nangwa kya kuba bajinga balunda nami.\" Pano bino, ba Federico balengele mambo. Ponkapotu, basolomokele bakulumpe mu kipwilo kuba'mba bebakwashe, kabiji bebafumishepo pa bupainiya ne bunkwasho. Nga ba Antonio baumvwine byepi?\nBa Federico bavuluka'mba: \"Namwene kuba'mba ba Antonio bayukile bulanda bo najinga nabo. Bantekeneshe bingi. Kechi bandekelele ne mambo bakebeshe bingi kunkwasha kwingijila Yehoba bulongo jibiji. Bantudaikile kuchinchika ne kwibikako kukosa jibiji mu lwitabilo.\" Ba Antonio balumbulula'mba: \"Nesambanga ne ba Federico kimye kyabaya. Nakebelenga kuba'mba bakasuluke kumbuula byonse byajinga mu muchima wabo.\" Mu kuya kwa kimye, ba Federico bawamishe jibiji bulunda na Lesa, kabiji bebatongwele kwikala bapainiya ne bankwasho. Ba Antonio bapezhako na bino byambo, amba: \"Nangwa kya kuba luno tuji mu bipwilo byapusana, bino bulunda bwetu bwakosa bingi.\"\nNANCHI MWAKONSHA KUMONA NOBE MULUNDA NENU WIMUFUTUKAMO NYI?\nMwakonsha kumvwa byepi inge mulunda nenu wimufutukamo pa kimye kyo mubena kupita mu makatazho? Kikola bingi ku muchima. Nanchi mwakonsha kumulekelako mambo nyi? Nanchi bulunda bwenu bukatwajijila byonka byo bwajinga patanshi nyi?\nVulukai kyamwekejile Yesu kimye kyo kwashajiletu moba acheche kufwa. Aye ne batumwa banji ba kishinka bajinga balunda pa kimye kyabaya kabiji bakwatankene. Yesu wibatelanga'mba balunda nanji. (Yoa. 15:15) Pano ki ka kyamwekele kimye kyo bamukwachile ku balwanyi? Batumwa bamunyemene. Patanshitu, Petelo waambile'mba kechi ukamusha Nkambo yanji ne, bino pa joja juba jakatazha, Petelo wakaine amba kechi wamuyukile Yesu ne.—Mat. 26:31-33, 56, 69-75.\nYesu wayukijile jimo amba ukashala bunke mu kimye kya lweseko. Pano bino, kyamukolele bingi ku muchima byo ashajile bunke. Bino byambo byo aambijile baana banji ba bwanga pa moba acheche alondejile kufuma kimye kyo asangwilwe bimwesha'mba kechi wibazhingijile nangwa kwilangulusha pa byo baubile ne. Yesu kechi watendekele kubajila baana banji ba bwanga bintu byo batamishe, kubikako ne byo baubile pa juba jo bamukwachile ku balwanyi ne.\nPakuba, Yesu watundaikile Petelo ne batumwa. Wibaketekejile bingi kya kuba wibapele mwingilo mukatampe wa kusapwila. Mu jino jishinda Yesu wamwesheshe'mba batumwa bakijinga balunda nanji. Kechi balubilemo butemwe bo ebamwesheshe ne. Batumwa batwajijile na kwibikako kuba kyaswa muchima wa Nkambo yabo. Baingijile mwingilo ye ebapele.—Byu. 1:8; Kolo. 1:23.\nNyenga Elvira uvuluka byo bapusenejilemo na mulunda nanji aye Giuliana. Washimikizha'mba: \"Naumvwine bibi kimye Giuliana kyo ambujile'mba kintu kyo naubile kyamufichishe bingi ku muchima. Ne kya kine, kyo naubile kyatamine. Pano kyo nakuminye ke kya kuba'mba Giuliana waakaminwe pe amiwa ne byubilo byami byo byakonsheshe kundetela makatazho. Namusanchila bingi mambo kechi watele muchima pa byubilo byami byo bya mufichishe ku muchima ne, bino watele muchima pa makatazho o neletejilenga. Namusanchila bingi Yehoba pa kumpa mulunda wanta muchima.\"\nNanchi mulunda wawama uba byepi inge bulunda bwanji na mukwabo kebukebe kupwa? Wafwainwa kwisamba na mulunda nanji na kifyele. Mulunda wa uno mutundu ukakachila ku mukwabo mu bimye byakatazha byonka byaubile Natana ne Hushai, ne kulekelako mukwabo mambo byonka byaubile Yesu. Nanchi byo byo muba na balunda nenu nyi?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/kyamba-kya-usopa-kufundamo-march-2017\/kulamawizha-bulunda-inge-bulunda-bwenu-buji-mu-kizumba\/","date":"2018-04-25T01:56:35Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947654.26\/warc\/CC-MAIN-20180425001823-20180425021823-00275.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":1263,"character_repetition_ratio":0.057,"word_repetition_ratio":0.0,"special_characters_ratio":0.18,"stopwords_ratio":0.222,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BYO MFUNDA BAIBOLO Saka Upana! Tangai jino jishimikila na mwanenu ne kutala pa bipikichala. Kopololai Bikwabo Bijipo Monai Byonse Yesu Saka aji Lukeke Funjishai mwanenu wamucheche pa kusemwa kwa Yesu. Mema Aabana pa Kalunga! Luno lufunjisho lwakonsha kwimukwasha kufunjisha mwanenu kuyuka bena Isalela byo baabukilenga pa Kalunga Kachila. Tala Mwiulu! Tangilai pamo na mwanenu jino jishimikila ja mu Baibolo. Monai Byonse Tumai Musabilo Tumai Musabilo KUFUNDA BAIBOLO Saka Upana! Kikaonde Saka Upana! https:\/\/assetsnffrgf-a.akamaihd.net\/assets\/m\/502014262\/univ\/art\/502014262_univ_sqr_xl.jpg","id":"","dump":"CC-MAIN-2018-17","url":"https:\/\/www.jw.org\/kqn\/bifunjisha-baibolo\/baana\/kufunda-baibolo\/saka-upana\/","date":"2018-04-23T21:06:40Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946199.72\/warc\/CC-MAIN-20180423203935-20180423223935-00244.warc.gz","language":"kqn","language_score":0.9999853373,"language_script":"Latn","minhash_cluster_size":1,"top_langs":"{\"kqn_Latn_score\": 0.9999853372573853}","num_words":73,"character_repetition_ratio":0.088,"word_repetition_ratio":0.0,"special_characters_ratio":0.195,"stopwords_ratio":0.137,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Stephen Taylor ke shayuka ufunjisha pa sukulu mukatampe wa University of Technology mu muzhi wa Sydney, mu kyalo kya Australia. Upesa pesa ne kufunjisha bingila bipamo bipotesha makampanyi akatampe ne mashinda o bakonsha kwingijilamo bulongo. Banembi ba Labainga! besambile nanji ne kumwipuzha mwingilo wanji byo amulengela kwikala na lwitabilo.\nTubuulaiko byo mwapitamo mu bwikalo bwenu.\nBansemi bami bajinga bantu bakishinka bayanga ku chechi, kabiji baingilanga bingi na ngovu. Bantundaikile kufunda bingi, onkao mambo, nafunjile bya busulu pa sukulu mukatampe wa University of New South Wales. Natemenwe bya kupesa pesa, kabiji kino kyandengejile kwingila mwingilo wa kupesa pesa ne kwikala mufunjishi.\nÑanyi bintu byo mwafunjile ku sukulu mukatampe?\nNakebeshe bingi kufunda bingila bipamo bipotesha makampanyi akatampe. Kupichila mu bino bipamo, bantu bakonsha kupota lubaji, nangwa'mba kubikamo mali abo mu makampanyi akatampe, apa bino kampanyi waingijisha oo mali mu mingilo ya pa juba pa juba. Pa mwaka pa mwaka inge kampanyi walenga mali, aba bajimo na lubaji bebabanyako mali asubukapo kwesakana na mali o babikilemo. Kikwabo kyo mpesa pesa ke bintu bilengela mitengo yo bapotesheshapo makampanyi kukanjila nangwa kubwela panshi.\nMwakonsha kwambapo bimo nyi?\nMakampanyi afwainwa kupana sawakya wa mali o abena kulenga kimye kyonse. Bantu bakeba kubikamo mali abo batala pa ano masawakya pa kuba'mba bayuke inge uno kampanyi ubena kulenga mali nangwa ne. Bino javula makampanyi kechi amba bishinka pa mali o abena kulenga ne. Bantu bayuka bya busulu bamba'mba ano makampanyi afya bishinka pa kuba'mba aba bakeba kubikamo mali abo balangulukenga'mba abena kulenga mali avula. Nga bantu bakeba kubikamo mali bakonsha kutaana byepi bishinka? Kabiji ñanyi bishinka byafwainwa kuyuka bipamo bitala pa bibena kwingila ano makampanyi pa kuba'mba bamonenga'mba ano makampanyi kechi abena kubepa ne? Ano o mepuzho o tubena kupesa pesapo na bashayuka bakwetu.\nMwakomejile mu ñanyi bupopweshi?\nNayanga na bansemi bami ku chechi wa Presbyterian. Bino nalekele kuya ku chechi kimye kyo nakijingatu mwanyike. Naitabijile'mba Mulenga koaji kabiji nanemekele bingi Baibolo, bino nalangulukanga'mba bupopweshi kechi bwakonsha kukwasha bantu kupwisha makatazho abo ne. Namonanga bupopweshi nobe ke tubungwetu. Byo nayile ku Europe, nayile ku machechi akatampe avula kabiji nakuminye pa kumona ano machechi byo aji na mali avula bingi bino bantu mu ntanda saka babena kuyanda. Abino bintu byo namwene byankatazhanga bingi mu milanguluko kabiji byandengejile kulengulula bupopweshi.\nÑanyi bintu byalengejile'mba mupimpule milanguluko yenu?\nMwina kwami Jennifer, watendekele kufunda Baibolo na Bakamonyi ba kwa Yehoba ne kutanwa nabo ku kupwila. Onkao mambo, nayile nanji namba nkamone byo bapopwela. Byo nayileko, nataaine kuba'mba kafwapo byo nayukile pa Baibolo ne. Nakankamenetu. Onkao mambo, natendekele kufunda Baibolo na Bakamonyi.\nPa kufunda Baibolo, Bakamonyi baipuzhanga mepuzho, kupesa pesa bishiino, apa bino bafumyapo kishinka. Jino jishinda jo bafunjilangamo jantundaikile bingi mambo ne amiwa jo jo naingijishanga pa kupesa pesa byo najinga pa sukulu mukatampe. Byo papichiletu myaka icheche kufuma kimye kya batizhiwe Jennifer, ne amiwa na batizhiwe ne kwikala Kamonyi wa Yehoba mu 1999.\nNanchi byo mwafunda byakosesha lwitabilo lwenu mu Baibolo nyi?\nEe mwane. Mizhilo Lesa yo apele bena Isalela ba kala yaambile ne pa bintu byalamata ku makatazho a mali ne bya mu bwikalo, onka makatazho atalañanapo na bashayuka ba bya mali lelo jino. Mizhilo yakambizhe bena Isalela kushapo kajo kamo mu majimi abo ka bayanji (lelo jino kyaesakana na bukwasho bupana bantu kupichila mu misonko). Wibakambizhe ne kubula kukongwesha balanda mali na mulanguluko wa kumwenamo nsubu (lelo jino ke kumona kuba'mba bantu bakonsha kukongola mali), ne kuba'mba mu mwaka wa bu 50, bakabwezhenga majimi ku mwine muntu ye bapoteleko oo majimi (lelo jino kuji mizhilo izhikijila luusa muntu lo aji nalo pa bipe byanji). (Bena Levi 19:\nBaibolo ukwasha bantu kwikala na byubilo byawama bitundaika bukomo. Ufunjisha bantu kwikala ba kishinka, baketekelwa, ba lusa ne kwikala bampanyi. (Mpitulukilo ya mu Mizhilo 15:\nKufunda bukine kwimukwasha byepi?\nKufunda Baibolo bo \"bunonshi\" bukatampe bwakila bintu byonse byonji nabyo mu bwikalo bwami\nMwinakwami Jennifer uñambila'mba ano moba nakooka bingi muchima. Kala kechi nakookelanga bakwetu ne, kabiji nakebanga byonse byo mbena kwingijilapo kanatu byafikilamo apa bino natondwa. Kampe kyo kyandengejile kuba bingi bulongo mu sukulu wa bya kubala mali. Kulondela mafunde a mu Baibolo kwankwasha bingi mu bwikalo. Amiwa ne kisemi kyami tuji bingi na lusekelo luno. Kabiji tubuulako ne bakwetu maana awama aji mu Baibolo. Kufunda Baibolo bo \"bunonshi\" bukatampe bwakila bintu byonse bonji nabyo mu bwikalo bwami.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/g201412\/stephen-taylor-mwisambo-wa-mepuzho-pa-bya-kubala-mali\/","date":"2018-04-20T03:40:08Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937113.3\/warc\/CC-MAIN-20180420022906-20180420042906-00011.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":701,"character_repetition_ratio":0.056,"word_repetition_ratio":0.0,"special_characters_ratio":0.169,"stopwords_ratio":0.213,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA\nBwipuzho: Nanchi Lesa witulengele'mba tukafwenga nyi?\nKinembelo: Lum 21:4\nMupai: Kino Kyamba kya Usopa kyalumbulula byaamba Baibolo pa bumi ne lufu.\nINGIJISHAI BAIBOLO PA KUFUNJISHA\nBwipuzho: Mambo ka buyanji o bwavujila bibye?\nKinembelo: 1Yo 5:19\nBukine: Satana Diabola ye ubena kulama ino ntanda.\nKIKALA BYEPI PA KUFUNDA BAIBOLO?\nBya Kwamba: Bakamonyi ba kwa Yehoba bafunjisha Baibolo kyatutu ne kukumbula mepuzho nabiji a kuba'mba: Mambo ka buyanji o bwavujila bibye? Twakonsha kwikala byepi na lusekelo mu kisemi? Nji na vidyo mwipi walumbulula byo tufunjisha Baibolo. [Tambishai Vidyo wa kuba'mba Kikala Byepi pa Kufunda Baibolo?] Awe ye buku ye twingijisha pa kufunjisha Baibolo. [Mumweshai buku ye twingijisha, kabiji inge kyakonsheka, mwakonsha ne kumumwesha byo tufunjisha.]\nNENGEZHAI JISHINDA JENU JA KWISAMBILAMO\nPa kunengezha bya kwisamba na bantu mu mwingilo, londelai jishinda ja kwisambilamo jiji mu Kabuku ka Kupwila.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/jw-Mutanchi-wa-Kupwila\/july-2017-mwb\/mashinda-kwisambilamo-mu-mwingilo\/","date":"2018-04-20T18:28:55Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125944677.39\/warc\/CC-MAIN-20180420174802-20180420194802-00285.warc.gz","language":"kqn","language_score":1.0000100136,"language_script":"Latn","minhash_cluster_size":2,"top_langs":"{\"kqn_Latn_score\": 1.0000100135803223}","num_words":136,"character_repetition_ratio":0.069,"word_repetition_ratio":0.0,"special_characters_ratio":0.185,"stopwords_ratio":0.206,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA—KYA KUFUNDAMO Kainyainya 2017\nMu kino kyamba muji mitwe ya kufunda kutendeka pa 23 October kufika pa 26 November, 2017.\nMashimikila anembwa mu Baibolo akonsha kwitufunjisha byepi kwikala na kino kyubilo? Mambo ka bena Kilishitu o bafwainwa kufunjila bya kwikanya?\nKimye kimo, Yehoba wisolwele kwi Mosesa, kulumbulula jizhina janji ne byubilo byo aji nabyo. Kyubilo kimo pa byubilo Lesa byo atendekejilepo kutongola ke kifyele. Kifyele kilumbulula ka, kabiji mambo ka o mwafwainwa kufunjila pa kino kyubilo?\nJISHIMIKILA JA BWIKALO\nBa David Sinclair bashimikizha lusekelo lwafumamo mu kwingijila pamo na balongo ne banyenga ba kishinka pa myaka 61 yo baingijila pa Betele mu Brooklyn.\nBantu bavula batwajijila kupota Mabaibolo nangwa kya kuba milaka yapimpulwa, makafulumende apimpulwa, ne bantu bamo bakainyenga mwingilo wa kutuntulula Baibolo.\nBantu bavula bapimpula byubilo byabo na mambo a kufunda Mambo a Lesa. Twakonsha kuba byepi pa kuba'mba Mambo a Lesa etufikenga pa muchima?\nMambo ka o twafwainwa kuchinchikila, kabiji twakonsha kufunda byepi kuchinchika?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/kyamba-kya-usopa-kufundamo-september-2017\/","date":"2018-04-20T03:44:48Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937113.3\/warc\/CC-MAIN-20180420022906-20180420042906-00450.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":153,"character_repetition_ratio":0.061,"word_repetition_ratio":0.0,"special_characters_ratio":0.177,"stopwords_ratio":0.281,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Kusapwila ku Babipuluka ne Bafuma mu Byalo Bingi\nNa mambo a babipuluka ne bantu bavula banyemena ku kyalo kya Germany, mwingilo wa kusapwila mu milaka ingi wayilako bingi palutwe. Katataka papo, mu bañondotu batanu na bana, mabumba 229 a milaka ya ku byalo bingi alengelwe. Kabiji basapwishi bafika ku 800 babena kufunda milaka 13 mu masukulu 30 o banengezha a kufunda milaka.\nBalongo betu basapwila ku babipuluka pa mapunzha po bafikila. Batanchika mabuku akila pa 640,000 pa matebulu mu mapunzha kukila pa 200.\nJibumba Jitangijila jaitabizhe mukwekele wa kusapwila ku bano bantu kutendeka mu May kufika mu July 2016. Basapwishi 700 bamba mulaka wa bena Alabya bayile ku mapunzha jikumi mu Austria ne mu Germany na kusapwila bantu bavula bingi bekalamo bamba mulaka wa bena Alabya.\nMali a Muwayawaya o Bataana mu Mikwakwa\nBasapwishi 50 baji mu kipwilo kya Faber's Road Kriol mu kyalo kya Belize javula bendatu panshi pa kusapwila mu nyaunda. Balongo bavula bayanji, bino baji bingi na muchima wa bumpanyi. Myaka icheche yapitapo, balongo batendekele kutola mali a muwayawaya o bataananga panshi mu mikwakwa inge babena kusapwila ku nzubo ku nzubo. Kufuma kyokya kimye, pa mwaka pa mwaka bekala panshi ne kubala mali onse o batolele.\nNangwa kya kuba ano mali achechetu (jali jimo jaesakana na K5), pa mwaka pa mwaka batola mali a muwayawaya kukila pa K2,000. Balongo bengijishapo kichika kimo kya ano mali kulipila ku byonse bibena kukebwa pa Nzubo ya Bufumu, bino ashala beatuma ku mwingilo wa ntanda yonse.\nBantu 4 Milyonyi Batelekelenga\nPa 5 March 2016, kwamwekele kintu kyanema bingi mu mwingilo wa Lesa mu Burundi. Mulongo Anthony Griffin kufuma ku ofweshi mukatampe wa ntanda yonse wafwakashijile musampi wa kino kyalo. Kwaikele kupwila kwa bipwilo byonse kabiji bekubikile pa waileshi wa kyalo. Bantu kukila pa 4 milyonyi batelekele ku kuno kupwila konse.\nKubika kuno kupwila pa waileshi kwalengejile mambo awama kumvwanyika ku bantu bavula, kabiji bantu baambile byawama bingi. Umo wingila ku nzubo ya mabilabila wakwashishe kubika kuno kupwila pa mwela waambile'mba: \"Mwafwainwa kunengezhanga kuno kupwila kimye kyonse.\" Mukwabo waambile'mba: \"Mutwajijile [kunengezha ino mitanchi], mambo ikapulusha bavula.\" Bantu mu masakya avula ne mu tumyotoka bashinkwile mawaileshi na kuteleka ku kuno kupwila.\nBijimba Byalekele Kujila\nByo kwashajile juba jimo kufika juba ja Kivuluko mu 2016, balongo mu jibumba jicheche mu kyalo kya Nepal baumvwine bingi bulanda pa kumvwa'mba kukekala kusekelela ne kujizha bijimba pa sukulu walamankana na kishimikwa mo bakebelenga kwikela na Kivuluko.\nPa kuno kusekelela pekala bingi kyungwe. Balongo byo bawamishenga mu kishimikwa lukelo pa juba ja Kivuluko, umo pa banengezhezhenga bya kusekelela wibambijile'mba, \"Kafwako kyo musakumvwako ne, kanatu bijimba byo tusakujizhanga.\"\nKusekelela kwabo kwatendekele mute, kabiji baubilenga bingi kyungwe. Nangwa kya kuba balongo baingijishe bijimba bikatampe, bino byo bebyesekele, kechi byaumvwanyikilenga ne, na mambo a kyungwe. Balongo baumvwine bingi bulanda, bino balombelepo pa luno lukatazho. Balongo bavula byo batendekele kufika saka kwashalatu maminiti 30 Kivuluko kutendeka, baumvwinetu bijimba bya basekelelenga byaleka kujila. Kyalengejile ke kya kuba'mba bamo pa basekelejilenga ne kutoma maalwa batendekele kulwa, onkao mambo bakapokola baishile ne kulekesha kusekelela kwajingako. Na mambo a kino, balongo baikele na Kivuluko kwa kubula kyungwe.\nBatakaikile Keyala wa jw.org\nGiuseppe ke painiya wikala mu Italy. Wingila ku kampanyi kakwasha bantu na bya kwingijisha Intaneti, kabiji wingijilatu pa nzubo. Mwaka wapwa mu May, aye ne bamingilo bakwabo 70 bashinkilweko ku kusambakana kwa pa kampanyi ko besambile pa mashinda a katataka o bakonsha kwingijisha pa kampanyi. Mukulumpe wa kampanyi waambile'mba kuji makeyala amo a pa Intaneti o banengezha bulongo kya kuba kampanyi wabo wakonsha kufunjilako. Waambwile kompyuta ne kwibamweshapo keyala umo wa pa Intaneti. Giuseppe byo atajile pa kompyuta, wakuminye bingi kumona keyala wa jw.org. Kepo mukulumpe wa kampanyi aambile'mba: \"Uno ye keyala ye banengezha bulongo pa makeyala onse mwaya ntanda.\" Kabiji watendekele kusabaula mashinda awama mo banengezhezha keyala wa jw.org. Waambile pa tumisabilo tulengela'mba muntu kimupeeleleko kutaana bintu byo akeba, ne pa bipikichala byawama bijipo.\nGiuseppe washimikizhe'mba: \"Bakwetu ku nkito bakuminye bingi pa kumona milaka yavula iji pa uno keyala. Mukulumpe wa kampanyi byo apwishishe kwamba, mukulumpe utala pa dipatimenti wetu waambijile bonse mu luonde amba: 'Giuseppe ke Kamonyi wa kwa Yehoba.' Ponkapo mukulumpe wa kampanyi wañambijile'mba: 'Jibumba jenu jaingila mwingilo mukatampe. Jishinda jo mwanengezhezhamo keyala wenu wa Intaneti jawama kya kuba makampanyi onse akonsha kufunjilako. Naketekela mwingila bingi na ngovu pa kuba'mba mutwajijile kubikapo bya katataka, ne kumunengezha bulongo pa kuba'mba bantu kibapeelelenga kuyapo ne kutaana byo bakeba.' Naumvwine bumvu pa kuntakaika pa mwingilo ye nabujile kwingilako. Bino najinga na lusekelo mambo bino byonse byashimwine bukamonyi ku bavula babujile kuyuka bulongo Bakamonyi ba kwa Yehoba. Luno nesamba bingi pa bya mu Baibolo na bo twingila nabo, kabiji mbena kufunjisha ne basatu Baibolo.\" Kampanyi wingilako Giuseppe watwajijila kufunjilako ku byalengwa keyala wa jw.org, kabiji Giuseppe watwajijila kwisamba na balunda nanji bintu bya mu Baibolo.\nWalekele Kupama Mpila\nJorge ke mwanyike wikala mu Argentina. Mu 2010, Jorge bamufunjisheko mambo awama ku mulunda nanji ku sukulu. Palutwe kacheche, watendekele kufunda Baibolo kwingijisha buku wa Nanchi Baibolo Kine Ufunjisha'mba Ka? Mu yoya myaka, wapamanga bingi mpila. Wayukile bingi kupama mpila kya kuba bamutwezhezhe ne mu jibumba ja mpila ya kwikyombesha. Mu April 2014, bamwichile ku kipanyi kya mpila mu Germany. Waumvwine bingi bulongo pa kumwita'mba akapamenga mpila mu kyalo kingi, onkao mambo waswile kuya. Byo kwashajiletu moba acheche kuba'mba Jorge aye ku Europe, mukulumpe wibafunjishanga kupama mpila wamubuujile'mba: \"Nanchi kechi wi Kamonyi wa kwa Yehoba nenyi? Kange ukeonawine bwikalo inge waya ku kyalo kingi ne. Byo najinga mwanyike, najinga Kamonyi wa kwa Yehoba. Bangichile kuya na kupama mpila ku kipanyi kimo mu kyalo kya mu Asia. Bandayile'mba bakampa bintu byavula bingi, kabiji natemenwe. Nayile konka pamo na kisemi kyami, bino twapulwijilemotu mabuula.\" Jorge washimikizha'mba: \"Byambo byaambile uno mukulumpe byandengejile kulangulukapo bulongo ne kufuukulapo kubula kuya ku Europe. Mu 2015, naikele musapwishi, kabiji palutwe kacheche nabatizhiwe.\"\nMapesho a Kubula Kupota\nMu September 2015, kwajinga Kushonkena kwa Kijiiji mu muzhi wa Kampala mu Uganda kwajinga na mutwe wa kuba'mba \"Londelainga Yesu!\" Bantu mu luonde basangalele bingi kimye Mulongo Mark Sanderson wa mu Jibumba Jitangijila kyo alupwile Baibolo wa Binembelo bya Ntanda Ipya mu mulaka wa Luganda.\nMuntu umo ufunda Baibolo waambile'mba: \"Kutambula uno Baibolo wawama kwandetejile bingi lusekelo. Pa kyokya kimye, bantu benengezhezhenga ku kufwakasha kwa Papa wa Bakatolika. Pa kuba'mba bekale na mali a kunengezhezha, bapoteshenga malungo pa madola 30 (K300). Bantu bavula bakebelenga ano malungo mambo bebabuujile'mba 'akebaletela mapesho,' bino kechi bajinga na mali ne. Pakuba amiwa natambwijile mapesho a kubula kupota. Yehoba wapele bonse baishile ku kushonkena ano mapesho, kabiji muntu mwine ye wafwainwe kufuukulapo kupanako mali a bupetu kufuma panshi ya muchima. Moba onse o ntanga Mambo a Yehoba mu mulaka wami, mfunjilako bikwabo pe aye, kabiji ano ke mapesho. Namusanchila bingi Yehoba pa kumpa uno Baibolo.\"\nNanchi Mabuku Beapulinta ku Mipashi Yatama Nyi?\nBantangi ba machechi bamo mu kibunji kimo mu kyalo Congo (Kinshasa) bakebelenga kulengulwisha keyala wa www.jw.org. Onkao mambo, batendekele kufunjisha bantu babo amba mabuku a Bakamonyi ba kwa Yehoba beapulinta ku mipashi yatama. Pa kuba'mba bashiine bantu na ino milanguluko yabo, baambile'mba bisopelo bya \"www\" bimenako nambala wa 666 watongolwa mu Lumwekesho. (Lum. 13:18) Na mambo a kino, bamo bafundanga Baibolo bekilekele.\nBamulume ne mukazhi bapainiya byo balombelepo pa kino kintu, baichile bo bafunjishanga Baibolo kuya ku nzubo kwabo. Batanu na umo baswile kuya, kabiji byo bapwishishe kuja kajo, bano bamulume ne mukazhi batambishe vidyo wa Kizungu wa kuba'mba Jehovah's Witnesses—Organized to Share the Good News. Bintu byamwene bano benyi babo mu uno vidyo bibalengejile kulengulula byambo bya bubela byo bebabuujile pa mabuku etu. Mulungu walondejilepo, kimye bano Bakamonyi kyo bayile na kufunjisha umo pa bano bantu Baibolo, mwatawanji wibakanjikizhe kutambula bupe bwa mali madola 100 (K1000) a kupana ku mwingilo wa ntanda yonse, nangwa kya kuba aye mwine kechi wafunjilenga Baibolo ne.\nKufunda Nyimbo ya Katataka\nBalongo mu mpunzha ya mu mizhi mu kyalo kya Papua New Guinea kechi baji na Intaneti ne, bino bebikako bingi kufunda nyimbo ya Bufumu ya katataka. Onkao mambo, balongo mu kipwilo kya Mundip batuma mulongo umo kuya ku mpunzha kuji Intaneti, ko benda panshi maola abiji kufika pa kukanjijila sakya, ne maola akwabo abiji na sakya kufika ku yoyo mpunzha. Inge mulongo wafika, unemba byambo bya nyimbo ya katataka mu buku wanji ne kubwela jibiji ku kipwilo. Inge wafika ku kipwilo, unemba byambo bya nyimbo pa kipabi pa kuba'mba bonse mu Nzubo ya Bufumu bamonengapo. Bonse mu kipwilo banemba nyimbo yonse ya kwingijisha pa kupwila mu mabuku abo. Bomvwa bingi bulongo kukwatankena pamo na bipwilo byonse mwaya ntanda mu kwimba nyimbo ya kutota Yehoba.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/buku-wa-mwaka-2017\/byamwekele\/masawakya-masawakya\/","date":"2018-04-25T22:23:13Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947968.96\/warc\/CC-MAIN-20180425213156-20180425233156-00397.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":1385,"character_repetition_ratio":0.045,"word_repetition_ratio":0.0,"special_characters_ratio":0.181,"stopwords_ratio":0.251,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mu ano moba a kupelako, bintu byakonsha kwaluka mu kimyetu kicheche. (1Ko 7:31) Lupimpu nangwa mwiluketekela nangwa ne, lwawama nangwa lwatama, lwakonsha kuvulañanya mpopwelo yetu ne kutamisha bulunda bwetu ne Yehoba. Ki ka kyakonsha kwitukwasha kutwajijila kubambakana mu mwingilo wa Lesa nangwa bintu byaluka? Tambai vidyo wa kuba'mba, Bambakanai mu Mwingilo wa Lesa Nangwa Mwaviluka, apa bino mukumbule ano mepuzho alondelapo:\nMulongo umo wakwashishe byepi bashanji?\nJifunde jiji pa Mateo 7:25 jakwashishe byepi kyokya kisemi?\nKino kisemi kinengezhezhe byepi jimo saka bakyangye kuviluka, kabiji kuba bino kwibakwashishe byepi?\nKi ka kyakwashishe kino kisemi mu kipwilo ne mu nyaunda ya katataka?\nLupimpu lwaubiwa mu bwikalo bwami katataka:\nNakonsha kulondela byepi mafunde aji mu uno vidyo mu bwikalo bwami?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/jw-Mutanchi-wa-Kupwila\/november-2017-mwb\/mutanchi-wa-kupwila-nov27-dec3\/Bambakanai-mu-Mwingilo-wa-Lesa-Nangwa-Bwikalo-Bwenu-Bwaaluka\/","date":"2018-04-19T09:27:36Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125936833.6\/warc\/CC-MAIN-20180419091546-20180419111546-00683.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":115,"character_repetition_ratio":0.079,"word_repetition_ratio":0.0,"special_characters_ratio":0.178,"stopwords_ratio":0.191,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"JIFUNDE JA MU BAIBOLO: 'Ilekelaingako mambo umvwe umo uji na mambo na mukwabo. Byonkatu Yehoba byo emulekejileko mambo, ne anweba byo byo mwafwainwa kubanga.'—Kolose 3:13.\nKilumbulula ka? Mu Baibolo bundengamambo buji nobe nkongole, kabiji kwilekelako mambo kuji nobe kufuuta nkongole. (Luka 11:4) Buku umo waambile'mba mu Binembelo, kyambo kya Kingiliki kyo batuntulula'mba 'kulekelako mambo' kilumbulula \"kufuuta nkongole ne kubula kwambila muntu amba apane.\" Onkao mambo, inge twalekelako mambo muntu, ko kuba'mba kechi tukeba aketubwezhezhe kintu ne. Inge twalekelako mambo bakwetu kechi kilumbulula'mba twaswisha kintu kyatama nangwa kukepesha bintu byatama byo betuba ne. Atweba kechi tukeba kulama kintu ku muchima nangwa kya kuba 'umo uji na mambo' ne atweba ne.\nNanchi kino kingila ne lelo jino nyi? Byo tuji bantu babula koloka, atweba bonse tulenga mambo. (Loma 3:23) Onkao mambo, twafwainwa kwikala na muchima wa kulekelako mambo bakwetu, mambo ne atweba juba jimo tukakeba bakwetu kwitulekelako mambo. Byonkabyo, inge twalekelako mambo bakwetu, tukamwenamo bintu byawama. Mu ñanyi jishinda?\nUmvwe twatwajijilatu kuzhingila ne kubula kulekelako mambo bakwetu, ko kuba'mba tukekozhangatu ku muchima atweba bene. Kwikala na bino byubilo kwitulengelatu kubula kwikala na lusekelo, kufwa bukiji ne kwitulengela kubula kukasuluka mu bwikalo bwetu. Kabiji byakonsha ne kwitulengela kukolwa. Dokotala umo aye Yoichi Chida ne wafunda bilanguluka bantu aye Andrew Steptoe banembele mu sawakya wa American College of Cardiology amba: \"Kikola kya muchima kiya na mambo a bukaji ne kuzhingila.\"\nKabiji monai bintu byawama bifumamo mu kulekelako mambo bakwetu. Umvwe twalekelako mambo bakwetu, tukakwatankana ne kwikala mu mutende ne kwikala na bulunda bwakosa. Kyakilapo kunema ke kya kuba'mba tukekala byonka biji Lesa ulekelako mambo bandengamambo balapila, kabiji ukeba ne atweba kubanga byonka bino.—Mako 11:25; Efisesa 4:32; 5:1.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/wp20151001\/bya-kwilekelako-mambo\/","date":"2018-04-19T10:01:07Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125936833.6\/warc\/CC-MAIN-20180419091546-20180419111546-00191.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":267,"character_repetition_ratio":0.103,"word_repetition_ratio":0.0,"special_characters_ratio":0.185,"stopwords_ratio":0.288,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"NEMBA BISHINKA Kulangulukapo Bulongo pa Mizhilo Pepala wa kunembapo mizhilo ya kulangulukapo ne kwisamba na bansemi bobe. Kopolola Bikwabo Bijipo Monai Byonse Bya Kuba na Kukoma kwa Mubiji Uno pepala wakonsha kwimukwasha kuyuka bya kuba na kukoma kwa mubiji. Mwisambo Waimena pa Nyimbo Nanchi bansemi benu batemwa nyimbo yo mutelekako nyi? Nanchi mwatemwa nyimbo bansemi benu yo batelekako nyi? Ingijisha mapepala pa kunemba wesakanye ne kwisamba mikumbu. Languluka Saka Ukyangye Kunemba Nanchi wakonsha kwikala na nembo paji byambo bya mu kinembelo nyi? Monai Byonse Tumai Musabilo Tumai Musabilo BANYIKE PO BAKONSHA KUNEMBA BYAMBO BYABO Kulangulukapo Bulongo pa Mizhilo Kikaonde Kulangulukapo Bulongo pa Mizhilo https:\/\/assetsnffrgf-a.akamaihd.net\/assets\/m\/502016167\/univ\/art\/502016167_univ_sqr_xl.jpg","id":"","dump":"CC-MAIN-2018-17","url":"https:\/\/www.jw.org\/kqn\/bifunjisha-baibolo\/banyike\/pa-kunemba-byambo\/kulangulukapo-bulongo-pa-mizhilo-ya-pa-nzubo\/","date":"2018-04-22T06:55:08Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945497.22\/warc\/CC-MAIN-20180422061121-20180422081121-00512.warc.gz","language":"kqn","language_score":1.0000087023,"language_script":"Latn","minhash_cluster_size":1,"top_langs":"{\"kqn_Latn_score\": 1.0000087022781372}","num_words":104,"character_repetition_ratio":0.103,"word_repetition_ratio":0.0,"special_characters_ratio":0.178,"stopwords_ratio":0.125,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Byo Mwafwainwa Kwikala Nsemi Wawama\nMwakonsha kukomesha byepi baana benu bulongo?\nInge mukeba baana benu kulondela byo mwibafunjisha, ubainga byo mufunjisha baana benu.\nKufunjisha\nKujimuna kechi kulumbulula kukabisha mwana ne, kulumbulula kumukwasha kuyuka mizhilo\nJishinda jimo jaingila bingi bulongo ja kutakaikilamo mwanenu.\nBintu bitanu bya mu Baibolo byakonsha kwimukwasha kuyuka bya kuba inge ke mukome.\nAnweba bansemi, nanchi kechi mupa baana benu mingilo ya pa nzubo ne nyi? Inge ibyo, Vulukai kuba'mba inge ke mufunjishe baana benu mingilo ya pa nzubo, ikebakwasha kwingilanga na ngovu kabiji ikebaletela ne lusekelo.\nMashinda ana akonsha kwimukwasha kukumbula mepuzho epuzha baana ne kwibakwasha kuyuka bya kuchinchika inge mutemwe wenu wafwa.\nMwakonsha kufika byepi mwanenu pa muchima pa kumufunjisha Baibolo?\nAno moba banyike babena kuyuka byaamba pa kwilaala saka bakijitu banyike. Ñanyi bintu byo mwafwainwa kuyuka? Mwafwainwa kuba byepi pa kuba'mba muzhikijile baana benu?\nLujimuno\nNanchi kutundaika baana kwinemeka bene kwatendekele mu 1960 kubena kulengela bansemi kukankalwa kukomesha bulongo baana lelo jino nyi?\nBaibolo waamba'mba pa bintu bisatu byakonsha kukwasha pa kufunjisha baana.\nKupa baana benu bintu byonse byo babena kukeba kwakonsha kwibalengela kubula kwikala na byubilo byawama.\nFunjishai mwana wenu kwipelula kwakubula kumumwesha'mba mwamulengulula.\nMwakonsha kuba byepi umvwe mwanenu wabepa? Uno mutwe waamba pa mafunde a mu Baibolo akonsha kwimukwasha kufunjisha mwanenu buneme bwa kwamba bya kine.","id":"","dump":"CC-MAIN-2018-17","url":"https:\/\/www.jw.org\/kqn\/bifunjisha-baibolo\/kisemi\/kukomesha-baana\/","date":"2018-04-22T22:22:58Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945660.53\/warc\/CC-MAIN-20180422212935-20180422232935-00419.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":212,"character_repetition_ratio":0.081,"word_repetition_ratio":0.0,"special_characters_ratio":0.158,"stopwords_ratio":0.127,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA—KYA KUFUNDAMO Kakubokache 2014\nKino Kyamba kya Usopa kyalumbulula kuba'mba Yehoba mfumu kimye kyonse. Kisa kubaisha ne lusanchilo lwetu pa Bufumu bwa Bumesiasa ne pa byo bwauba.\nKi ka kyalengejile bena Europe kuya ku Muzhika wa Africa, kabiji bamwenamo ka?\nKufunda pe Yehoba byo oba bintu nobe Shetu ne pa biji bukalama bwanji kusakwimulengela kufwenya kwipi ne aye.\nTwakonsha kumwenamo byepi mu bukalama bwa Bufumu? Tangai muyuke Yesu byo aingijishe Bufumu bwa Bumesiasa pa kuwamisha, kufunjisha ne kukwatankanya bantu ba Lesa bakishinka pano pa ntanda.\nBena Kilishitu bakyanyike bavula bepana bekala bingi na lusekelo inge bakwasha bantu. Mwakonsha kuba byepi pa kuba'mba ne anweba mwingileko pakatampe mu mwingilo wa Yehoba?\nÑanyi mashuko aji na bena Kilishitu bakikulumpe o bakonsha kwingijilamo pakatampe mu mwingilo?\nMambo ka o twafwainwa kushiinwa kuba'mba Mfumu watongolwa na Lesa katatakatu akobepo kimo pa kuba'mba kyaswa muchima wa Lesa kikobiwe pano pa ntanda ponse?\nNsongwalume wa ku Columbus, ku Ohio, mu U.S.A. wasajilepo kufunda ki Cambodia. Mambo ka? Kino kyo afuukwilepo kyamukwashishe byepi kulutwe?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/w20140115\/","date":"2018-04-24T16:40:52Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946807.67\/warc\/CC-MAIN-20180424154911-20180424174911-00375.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":168,"character_repetition_ratio":0.06,"word_repetition_ratio":0.0,"special_characters_ratio":0.174,"stopwords_ratio":0.268,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BAANA BA BWANGA BA KWA YOANO BAIPWIZHE YESU PA MAMBO A KUZHIKILWA NA NZALA\nYoano Mubatizhi bamukashile byo papichiletu kimye kicheche kufuma kimye Yesu kyo atainwe ku Kijiilo kya Lupitailo mu 30 C.E. Nangwa kya kuba Yoano wasakishe bingi amba baana banji ba bwanga balondelenga Yesu, bino kechi bonse baubile bino kufuma kimye Yoano kyo bamukashile ne.\nKijiilo kya Lupitailo kya mu 31 C.E byo kyafwenyenyenga pepi, baana ba bwanga ba kwa Yoano bamo baishile kwi Yesu ne kumushikisha'mba: \"Mambo ka atweba ne Bafaliseo o tuzhikilwa na nzala pakuba baana benu ba bwanga kechi bazhikilwa na nzala ne?\" (Mateo 9:14) Bafaliseo bazhikilwanga na nzala mambo kyajinga kisho kya bupopweshi bwabo. Mu kuya kwa kimye, Yesu waingijishe kishimpi mo aambile pa Mufaliseo wimonanga'mba waoloka. Uno Mufaliseo walombelenga'mba: \"Anweba Lesa, nemusanchila bingi mambo amiwa kechi nji nobe bantu bakwabo . . . ne. Kabiji nzhikilwa na nzala jibiji mu mulungu.\" (Luka 18:11, 12) Kyamweka ne baana ba bwanga ba kwa Yoano nabo bazhikilwanga na nzala mambo kyajingatu nobe kisho. Nangwa kampe bazhikilwenga na nzala na mambo a kujila Yoano ye bakashile. Onkao mambo, bantu bakuminye bingi mambo baketekejilenga'mba baana ba bwanga ba kwa Yesu nabo basakumwesha bulanda pa byamwekejile Yoano kupichila mu kuzhikilwa na nzala.\nYesu pa kwibakumbula wibelele kishimpi amba: \"Nanchi balunda ba musongoshi bakonsha kujila umvwe kya kuba musongoshi bakiji nanji nyi? Bino moba akafika kimye musongoshi kyo bakamufumyako kwi abo, ne abo po po bakazhikilwa na nzala.\"—Mateo 9:15.\nYoano waambile pe Yesu amba ye musongoshi. (Yoano 3:28, 29) Na mambo a kuba'mba Yesu wakijinga nabo, baana banji ba bwanga kechi bazhikilwanga na nzala. Palutwe kacheche, Yesu byo afwile, baana banji ba bwanga po po bajijile kabiji kechi bakebelenga kuja ne. Bino byo asangukile, kechi kwajinga kya kwibalengela kujila ne kuzhikilwa na nzala ne.\nKabiji Yesu waingijishe bino bishimpi bibiji amba: \"Kafwako muntu wakonsha kutupika kikamba kya katataka pa kivwalo kya peulu kya kala ne, mambo kikamba kya katataka kitondobola kivwalo ne patabuka pabayilako. Kabiji bantu kechi balonga binyu bya bintonto mu mafukuta a biseba a kala ne. Mambo umvwe bauba bino, mafukuta asabika ne binyu bichika ne konaika. Bino bantu balonga binyu bya bintonto mu mafukuta a biseba a katataka kabiji byonse bibiji kechi byonaika ne.\" (Mateo 9:16, 17) Ñanyi kishinka Yesu kyo aambilengapo?\nYesu wakwashishenga baana ba bwanga ba kwa Yoano Mubatizhi kumvwisha kuba'mba kafwako muntu nangwa umo wafwainwe kuketekela'mba baana banji ba bwanga bafwainwe kulondela bisho bya kala bya Bayudea nabiji kya kuzhikilwa na nzala ne. Kechi waishile na kuwamisha ne kuswisha mpopwelo ya kala yatama kutwajijila ne. Yesu kechi watundaikilenga mpopwelo itundaika bupopweshi bwa Bayudea ne bisho bya bantu byajingako pa kyokya kimye ne. Kechi kyafwainwe kutupika kikamba kya katataka pa kivwalo kya kala ne, nangwa kulonga binyu bya katataka mu fukuta wa kala ne.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/yesu\/mwingilo-mu-ngalilea\/baana-ba-bwanga-kechi-bazhikilwa-na-nzala-ne\/","date":"2018-04-27T09:07:13Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524127095762.40\/warc\/CC-MAIN-20180427075937-20180427095937-00291.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":446,"character_repetition_ratio":0.083,"word_repetition_ratio":0.0,"special_characters_ratio":0.19,"stopwords_ratio":0.289,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Nakomejile mu El Salvador. Bamama bañambilanga amba, 'Diabola usa kwiya akusende' inge nakana kuba byo bañambila. Ne bakumbulanga amba 'Usa kuntana!' Naitabila mwi Lesa, kechi mwi Satana ne.\"—ROGELIO.\nNanchi ne anweba mwaitabila byonka byaitabila Rogelio nyi? Ñanyi kishinka kiji pa bino kyaesakana na byo mwayuka?\nSatana ufwako ne, ke wa kuyukilakotu kuba'mba kuji bubi.\nSatana ko aji, pano bino kechi wata muchima ku bantu ne.\nSatana ke kilengwa kya mupashi kiji na bulume bukatampe bwa kongola bantu.\nKampe kuji bantu bavula baketekela mu bino bishinka byonse biji pano. Nanchi pajipo kishinka kya kine pa bino nyi? Umvwe kya kuba Satana ufwako ne, ko kuba'mba aba bayuka amba Satana kya kine ko aji, baya mungi. Kabiji inge Satana ko aji bino kechi wata muchima ku bantu ne, ko kuba'mba aba bamuchiina Satana bamuchiinatu kyatu. Bino nangwa byonkabyo, inge Satana mujimbijimbi, ko kuba'mba mbanzhi kukila ne bilanguluka bantu bavula.\nAkimonai Mambo a Lesa byo akumbula ano mepuzho: Nanchi Satana ye ñanyi, wakuyukilakotu amba kuji bubi nyi, inyi kilengwa kya mupashi? Inge Satana muntu, nanchi mu muchiina nyi? Inge byobyo kiji, mwakonsha kwizhikijila byepi?","id":"","dump":"CC-MAIN-2018-26","url":"https:\/\/www.jw.org\/kqn\/mabuku\/magazini\/wp20141101\/nanchi-satana-wa-kine\/","date":"2018-06-22T10:13:25Z","file_path":"s3:\/\/commoncrawl\/crawl-data\/CC-MAIN-2018-26\/segments\/1529267864387.54\/warc\/CC-MAIN-20180622084714-20180622104714-00065.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":181,"character_repetition_ratio":0.062,"word_repetition_ratio":0.0,"special_characters_ratio":0.191,"stopwords_ratio":0.21,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"YOSEFWA watajilenga ku musela, aku saka abena kulanguluka kufuma pa munongo wa bantu ne kunyema. Ku mpunzha ya mitumba ko bafikile ko kwajinga muzhi mo aikalanga mu Hebulona. Yakoba, walangulukilenga'mba usakubwela ne kwikala nanji bufuku, bino kechi wayukile kyamwekela mwananji ye atemwa ne. Yosefwa kechi wabwelele kwi shanji ne, wapwishishe mu muchima wanji'mba kechi ukamonañanapo na bashanji bo atemwa jikwabo ne. Meso a bapoteshi ajingatu pe Yosefwa aku saka babena kuya na bangamela mu jishinda jaya ku kabeta ka ku bulenge. Yosefwa bamusendele, kabiji kechi bafwainwe kumulekako ne. Kwi abo, uno nsongwalume wajingatu nobe binunka bulongo nangwa nobe manyi a mutengo o bakapotesha mu Ijipita ne kumwenamo nsubu yavula.\nYosefwa kechi wajinga mukulumpe ne, wajingatu na myaka 17. Fwanyikizhai saka afyeteka meso na kutala kwazhikijilenga juba ku muzhika ku Kalunga Kakatampe, saka abena kulanguluka pa byatama byamumwekela. Kyamukatezhe bingi kuyuka kine kintu kyalengejile bakolojanji kukeba ku mwipaya ne kyo bamupoteshe mu buzha. Kabiji kyamweka mipolo yalukumukilengatu, mambo kechi wayukile bwikalo bwanji byo bukekala ne.\nYosefwa watainwe byepi mu luno lukatazho? Ñanyi bintu byo twafwainwa kufunjilako ku lwitabilo lwa uno nsongwalume ye bayanjishenga ne kumukana ku ba mu kisemi kyanji?\nBYAJINGA KISEMI KYA KWA YAKOBA\nYosefwa wasemenwe mu kisemi kikatampe, pano bino kechi bakwatankene ne. Byaamba Baibolo pa kisemi kya kwa Yakoba bimwesha bintu byatama bifuma mu kusongola mpaji, nangwa kya kuba pa kyokya kimye Lesa waswishishe bantu banji kusongola mpaji kufikatu ne kimye Mwananji kyo aishile ne kubwezha mukambizho mutanshi wa kusongolatu mwanamukazhi umo. (Mateo 19:4-6) Yakoba wajinga na baana kukila pa 14 bo asemejile mu banabakazhi bana, mu bakazhi banji babiji, ba Liya ne Lechela ne mu bamwingilo babo ba Zilipa ne Biliha. Pa kutendekatu, Yakoba watemenwe bingi Lechela, mambo walambile bingi. Kechi watemenwe Liya wajinga mukulumpe ye bamupele mu bujimuku kuba'mba asongole ne. Bano banabakazhi beubilanga kichima, kabiji balengejile ne baana babo nabo kwiubila kichima mu kisemi.—Ntendekelo 29:16-35; 30:1, 8, 19, 20; 37:35.\nLechela wajinga ñumba pa myaka yavula, byo asemene Yosefwa, Yakoba wanemekele bingi uno mwana ye asemene mu bukote. Kimye Yakoba kyo ayilenga na kusambakana kolojanji Isao wajinga na muchima wa bumbanzhi wamwene kuba'mba wazhikijila Lechela ne mwananji Yosefwa. Wibashile mu jibumba ja ba mu nzubo yanji jajinga kunyuma. Pa jino juba Yosefwa wamwene bashanji byo bamutemwa. Akifwanyikizhai byo eumvwinenga byo bwakile lukelo, wafwainwa wakuminye bingi pa kumona shanji wakota bino wajinga bingi na bulume saka abena kusunkuta pa kwenda. Wafwainwe wakuminye bingi pa kuyuka kintu kyalengejile: Bashanji besunshile bufuku bonse na malaika! Mambo ka? Mambo wakebelenga Yehoba Lesa kumupesha. Yakoba bamupesheshe ne kutendeka kumutela'mba Isalela. Mukoka yense ukatelwanga na jizhina janji! (Ntendekelo 32:22-31) Pa kupitapo kimye, Yosefwa wayukile'mba mu baana ba kwa Isalela mo mukafuma mikoka ya bena Isalela.\nByo papichile kimye, bainanji Yosefwa bo atemenwe bingi bafwile saka akijitu mwanyike. Bainanji bafwile pa kusema nkasanji wamulume aye Benjamina. Bashanji bajinga bingi na bulanda kimye kyafwile bainanji. Akifwanyikizhai Yakoba saka abena kushimuna mipolo Yosefwa, saka abena kumutekenesha na luketekelo lwatekeneshe ne bankambo yanji Yakoba, ba Abalahama. Kyafwainwa kyamutekeneshe bingi Yosefwa pa kuyuka'mba Yehoba juba jimo ukasangula bainanji! Kyamweka butemwe bwa kwa Yosefwa bwakutemwa \"Lesa . . . wa bomi\" kabiji mpanyi bwabaijileko bingi. (Luka 20:38; Bahebelu 11:17-19) Lechela byo afwile, Yakoba watemenwe bingi baana banji babalume babiji bo asemejile mwi aye.—Ntendekelo 35:18-20; 37:3; 44:27-29.\nBanyike bavula bakosama bingi inge bebalama bino; pano bino Yosefwa wafunjile byubilo byawama bingi ku bansemi banji, kabiji waikajile na lwitabilo lwakosa ne kuyuka kyawama ne kyatama. Nanchi wazhindamangatu pa bintu byatama byaubilenga bakolojanji pa kuba'mba bamutemwe nyi? Byo ajinga na myaka 17, waingilanga mwingilo wa bukafunga, kabiji inge bakolojanji batendeka kuba bintu byatama wibololangako. Yosefwa wibambangamo kwi bashanji pa byubilo byabo byatama. Kimye kyonse Yosefwa waubanga byawama. (Ntendekelo 37:2) Bino byubilo byanji byawama ne kuchinchika byalengejile kumutemwa bingi kwi bashanji. Kino ke kintu kyawama bingi ku bena Kilishitu bakyanyike kyo bafwainwa kulondela! Inge nkasetu nangwa mukwetu walenga mambo akatampe kechi twafwainwa kufya ne, twafwainwa kubanga byonka byaubile Yosefwa kupichila mu kubuula bafwainwa kukwasha muntu walenga mambo.—Bena Levi 5:1.\nTwakonsha kufunjilako ne kikwabo ku kisemi kya kwa Yosefwa. Bena Kilishitu lelo jino kechi basongola mpaji ne, pano bavula baji mu bisemi muji baana bakushinda, bansemi babula kwibasema ne bankasabo nangwa bakolojabo bo babula kusemwa nabo. Bonse bakonsha kufunjilako ku kisemi kya kwa Yakoba kuba'mba kechi kyawama kutatu muchima bamo mu kisemi ne, mambo kuba bino kulengela kubula kukwatankana mu kisemi. Bansemi ba maana babula baana babo bakwisemena ne bakushinda amba bonse bebatemwa ne kuba'mba bonse baji na bya bupe byo bafwainwa kwingijisha pa kuba'mba kisemi kikale kya lusekelo.—Loma 2:11.\nKICHIMA KYAIKIZHA MIZHAZHI MU MICHIMA\nNa mambo a kuba'mba Yosefwa kimye kyonse waubanga byawama, Yakoba wamupesheshe bingi. Wamusonejile mwananji munkukumba wawama bingi. (Ntendekelo 37:3) Uno munkukumba wajinga na mikambamikamba nangwa'mba misombelo yavula, nangwa byonkabyo kafwako bishinka byavula byaamba pa kino ne. Kyamweka wajinga munkukumba walepa wawama bingi kabiji uno munkukumba kampe wafikanga ku maboko ne ku maulu. Kyamweka wajinga munkukumba wavwalanga banonshi nangwa baana bamfumu.\nByaubile Yakoba byalengejile mwananji kuyuka kuba'mba bashanji bamutemwa. Pano bino, uno munkukumba wamuletejile bingi lukatazho. Uno nsongwalume waingilanga mwingilo wa bukafunga. Uno wajinga mwingilo wakatazha bingi. Fwanyikizhai Yosefwa saka avwala uno munkukumba ubena kwenda mu nsono yazama, kukanjila pa mabwe, nangwa kufumya mikooko ipikankanya mu bipupu bya miba. Kabiji bakolojanji baumvwine byepi pa kino kyamwesheshe kuba'mba Yakoba watemenwe bingi Yosefwa?\nBaibolo wakumbula'mba: \"Bakolojanji byo bamwene'mba: Bashetu bamutemwisha kukila atweba bonse, bamushikilwe ne kumwambila bya mutende ke ne.\" * (Ntendekelo 37:4) Ibyo kino kibalengejile kichima, pano bino bakolojanji Yosefwa kechi bafwainwe kukizhamo kwikala na kichima ne. (Byambo bya Mana 14:30; 27:4) Nanchi ne anweba mwakyubilapo kichima mulongo nangwa nyenga kimye kyo bamupele mwingilo mu kipwilo ye mwakebelenga nyi? Vulukainga bakolojanji Yosefwa. Kichima kibalengejile kuba bintu byo bafwainwe kubula kuba. Byo baubile ke bya kuvululamo bena Kilishitu kuba'mba, kyawama bingi 'kusekela pamo na boba basekela.'—Loma 12:15.\nYosefwa wayukishetu bulongo kuba'mba bakolojanji bamushikwa. Nanchi wafile munkukumba wanji kuchina'mba bakolojanji bakamumona nyi? Kampe byobyo akebelenga kuba. Nangwa byonkabyo, vulukai kuba'mba, Yakoba wamusonejile uno munkukumba kumwesha'mba wamutemwa. Yosefwa wakebelenga kuba bintu kwesakana na byo bamuketekejile ku bashanji, onkao mambo, kimye kyonse wavwalanga uno munkukumba wanji. Byo aubile tufunjilako bintu byanema bingi. Nangwa kya kuba Shetu wa mwiulu kechi uji na misalululo ne, kimye kyonse umona bakalume banji bakishinka ne kwibobila bintu byawama. Kabiji wibakambizha kupusanako na bantu ba mu ino ntanda muji byubilo byatama. Byonka byaubile Yosefwa na munkukumba wanji, ne byubilo byawama bibalengela bena Kilishitu kupusanako na bantu bebazhokoloka. Bino byubilo byabo byawama kimye kimo bilengela bantu kwibobila kichima ne kwibashikwa. (1 Petelo 4:4) Nanchi bena Kilishitu bafwainwa kufya kayukilo kabo ka kwikala bakalume ba Lesa nyi? Ine—boba byonkatu byaubile Yosefwa wabujile kufya munkukumba wanji.—Luka 11:33.\nBILOTO BYA KWA YOSEFWA\nYosefwa walotele biloto bibiji byakukumya. Mu kiloto kitanshi,Yosefwa walotele bakolojanji ne aye babena kukasa bikuta bya kajo awu kyanji awu kyaji. Bino kikuta kyanji kyaimene nkunku, pa kuba bikuta bya bakolojanji byazhokolokele kyaji ne kupona panshi na kwikilambila. Mu kiloto kikwabo; juba ne ñondo, ne tubangabanga jikumi na kamo bya mulambijilenga panshi. (Ntendekelo 37:6, 7, 9) Yosefwa waubilepo byepi pa bino biloto byo alotele?\nBino biloto byafumine kwi Yehoba Lesa. Bino biloto byajinga bungauzhi, Lesa wabujile Yosefwa kubulañana mwatajile bino biloto. Yosefwa wafwainwe kuba byonka byaishile kuba bangauzhi kulutwe pa kubulañana byaamba Lesa ne lukabisho lo atetejilenga bantu banji basatukile.\nYosefwa waambijile bakolojanji mu jishinda jawama amba: \"Umvwai mwane, kino kiloto kyo nalota.\" Bakolojanji bayukile mwatajile kino kiloto kabiji kechi batemenwe ne. Bamwambijile'mba: \"Nanchi obewa ukekala ke mfumu wetu nyi?\" Jishimikila jatwajijila kwamba'mba: \"Onkao mambo bamupachishetu na mambo a biloto byanji ne na mambo a byambo byanji.\" Yosefwa byo ebalumbulwijile kiloto kya bubiji bashanji ne bakolojanji, kechi baumvwine bulongo ne. Tutanga'mba: \"Shanji wamukainye ne kumwambila'mba: I kika kyo walota? Nanchi amiwa ne inobe ne bakolojobe kine tukeya na kukulambila panshi nyi?\" Nangwa byonkabyo, Yakoba watwajijile na kulangulukapo pa kino kiloto. Nanchi Yehoba wakonsha kwamba na mwanyike nyi?—Ntendekelo 37:6, 8, 10, 11.\nYosefwa kechi wajinga mutanshi nangwa wapeleko kwamba byambo bya bungauzhi bya mulengejile kumumanyika ne. Yesu ye mwine walumbulwile byambo bungauzhi kabiji waambijile ne baana banji ba bwanga'mba: \"Umvwe bampachile amiwa, ne anweba bakemupata.\" (Yoano 15:20) Bena Kilishitu bonse bakonsha kufunjilako byavula bingi ku lwitabilo ne ku byachinchikile Yosefwa.\nBAKIZHIZHEMO NE KUKIZHAMO KUMUSHIKWA\nKechi papichile moba avula ne, Yakoba watumine mwananji Yosefwa kuya nakumona baana banji bakulumpe bajishishenga matanga a banyama kwipi na ku Shekema konka kwaikalanga bantu bebashikilwe bingi pa kyo baubile kabiji papichiletu kimye kicheche. Yakoba watele bingi muchima baana banji, onkao mambo, watumine Yosefwa kuya na kumona byo babena kwikala. Nanchi mwakonsha kufwanyikizha byalangulukilenga Yosefwa nyi? Wayukile kuba'mba bakolojanji bakizhizhemo kumupata kukila kala! Walangulukilenga pa byafwainwe kumuba bakolojanji byo bamutumine kwi bashanji. Nangwa byonkabyo, Yosefwa wakokejile ne kuya wayile.—Ntendekelo 34:25-30; 37:12-14.\nLuno lwendo lwalepele bingi, lwajinga lwa kwenda moba ana nangwa atanu. Muzhi wa Shekema waikejile ku muzhika wa Hebulona palepele makilomita 80. Byo afikile ku Shekema wataine bakolojanji baya Dotanyi palepele makilomita kukila pa 22 kuya ja muzhika. Yosefwa byo afikile kwipi na ku Dotanyi, bakolojanji bamumwene byo aishilenga palepa byobya. Ponkapotu bazhingijile bingi byo bamumwene. Jishimikila jamba kuba'mba: \"Baambañene bene na bene amba: 'Talai, wa biloto awa wiya. Nanchi pano tumwipaye ne kumutaya mu mushima, kabiji atweba tukamba'mba: Nyama mukaji wamuja, po po tukamona kana biloto byanji bikoba byepi?'\" Bino Lubenyi wajinga mubeji wibambijile bankasanji amba twayai tumutaye mu mushima, wakebelenga kwiya na kumufumyamo.—Ntendekelo 37:19-22.\nBino Yosefwa kechi wayukile byalangulukilenga bakolojanji byo ebasolomokele ne, waketekejile kuba'mba basakumutambwilatu bulongo. Pano bino, bakolojanji bamulukukile! Bamukwachile ne kumuvula munkukumba, ne kumutaya mu mushima wauma. Yosefwa bamutaile mu mushima! Byo aesekele kuba'mba afumemo wakankelwe kutuntukamo. Byo ajinga mu mushima wamwenengatu kyeya mwiulu ne kumvwa mawi a bakolojanji byo bayilenga. Wajijile ne kwibasashijila, pano bino kechi bateleko ne muchima ne. Babwela ke baje ne kajo kwipi na ku mushima mo bamutaile kwa kubula kumvwa ne lusa. Lubenyi byo afuminepo batendekele kulanguluka bya kumwipaya Yosefwa, bino Yuda waambijile balongo banji kuba'mba bamupoteshe ku basulu bapichilenga. Muzhi wa Dotanyi wajinga kwipi na jishinda japichilangamo basulu kuya ku Ijipita, kabiji kechi papichile ne kimye kyabaya ne, kipanyi kya bena Ishimela ne bena Mijanyi bapichilenga. Yosefwa bamupoteshe, Lubenyi saka akyangye kubwela. Bamupoteshe nkasabo mashakele 20 a siliva kwikala muzha. *—Ntendekelo 37:23-28; 42:21.\nAkitwayai twisambepo jikwabo pa byo twanji kwambapo kuntatwilo. Byo bayilenga ne Yosefwa mu jishinda jaya ku Ijipita jatala ku kabeta ka ku bulenge, wapwishishe mu muchima wanji amba bunga bwapwila pa mpuki. Wachibilweko ku kisemi kyanji! Pa myaka yavula kechi ukayuka bikobiwa ku ba mu kisemi kyanji nabiji byaumvwinenga Lubenyi ne kumanama na milanguluko byo abwelele ne kutana bamupotesha ne. Ne binyenge byajinga ne bashanji bo bebabepele kuba'mba mwanabo ye batemenwe wafwa, kabiji kechi ukamona bankambo yanji ba Izaka, ne nkasanji Benjamina, ye atonganga bingi ne. Nanchi Yosefwa washajiletu kwa kubula kintu kiji kyonse nyi?—Ntendekelo 37:29-35.\nYosefwa wajinga na kintu bakolojanji kyo babujile kumwangata: lwitabilo. Wayukile byavula pe Lesa, aye Yehoba, kabiji kafwako kyakonsheshe kumwangata bino ne, nangwa kya kuba wafumine ku nzubo, wayanjile pa lwendo byo bamusendele pa kuya mu Ijipita, ne byo bamupoteshe kwikala muzha ku mwina Ijipita wajinga bingi munonshi wa jizhina ja Potifwalo. (Ntendekelo 37:36) Lwitabilo lwa kwa Yosefwa lwakosejileko bingi kabiji watwajijile kufwenya kwipi ne Lesa byo apichilenga mu bino bya malwa. Mu mitwe ikalondelapo, tukamba pa luno lwitabilo lwa kwa Yosefwa byo lwalengejile Yehoba Lesa kumwingijisha, ne ku ba mu kisemi kyanji bamushikilwe. Byo kyawamapo kulondela lwitabilo lwa kwa Yosefwa!\n^ par. 15 Bapesapesa bya kupesa pesa baamba'mba, bakolojanji Yosefwa balangulukilenga'mba shabo byo aubijilenga Yosefwa byamwesheshenga'mba ukeba kumupa luusa. Bayukile kuba'mba Yosefwa wajinga mubeji wa kwa Yakoba ye asemejile mu mwanamukazhi ye atemenwe bingi, yenka ye akebelenga kusongola patanshi. Kabiji Lubenyi wajinga mubeji wa kwa Yakoba, walaajile na ntombo wa ba bashanji. Walengeshe bashanji bumvu ne kupusumuna jishuko ja kwikala na luusa lwa bubeji.—Ntendekelo 35:22; 49:3, 4.\n^ par. 25 Nangwatu mu bintu bicheche Baibolo waamba bya kine. Pepala umo walumbulula kuba'mba mashekele 20 a siliva o mali o bapotangamo bazha ku bena Ijipita.","id":"","dump":"CC-MAIN-2018-34","url":"https:\/\/www.jw.org\/kqn\/mabuku\/magazini\/wp20140801\/yosefwa-ne-bakolojanji\/","date":"2018-08-18T05:13:55Z","file_path":"s3:\/\/commoncrawl\/crawl-data\/CC-MAIN-2018-34\/segments\/1534221213286.48\/warc\/CC-MAIN-20180818040558-20180818060558-00217.warc.gz","language":"kqn","language_score":1.0000100136,"language_script":"Latn","minhash_cluster_size":2,"top_langs":"{\"kqn_Latn_score\": 1.0000100135803223}","num_words":1910,"character_repetition_ratio":0.058,"word_repetition_ratio":0.0,"special_characters_ratio":0.18,"stopwords_ratio":0.21,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA—KYA KUFUNDAMO Mulombola 2016\nMu uno magazini muji mitwe ya kufundamo mu milungu ya May 30 kufika ku June 26, 2016.\nBena Kilishitu bafunjilako ka ku jishimikila ja mu Baibolo jaamba pe Yefita ne mwananji wa mukazhi?\nÑanyi kintu kikwabo kyesekwa inge tubena kupita mu meseko? Kabiji bañanyi bachinchikile bakonsha kwimukosesha?\nInge mwaya na kupwila, mumwenamo anwe bene, kukwasha bakwenu, ne kusangajika Yehoba. Mu ñanyi jishinda?\nBintu bina byakonsha kwimukwasha kwinengezha ku makatazho a kubula kuketekala.\nJISHIMIKILA JA BWIKALO\nKi ka kibalengejile kufuma mu Nzubo ya basisita ne kuleka kwikala Bakatolika?\nMambo awama o musapwila akonsha kumima byepi nobe mvula, kukokolosha bantu, ne kwibakwasha kwikala na bumi?","id":"","dump":"CC-MAIN-2018-34","url":"https:\/\/www.jw.org\/kqn\/mabuku\/magazini\/kyamba-kya-usopa-kya-kufundamo-april-2016\/","date":"2018-08-20T08:05:06Z","file_path":"s3:\/\/commoncrawl\/crawl-data\/CC-MAIN-2018-34\/segments\/1534221215858.81\/warc\/CC-MAIN-20180820062343-20180820082343-00126.warc.gz","language":"kqn","language_score":1.0000095367,"language_script":"Latn","minhash_cluster_size":1,"top_langs":"{\"kqn_Latn_score\": 1.000009536743164}","num_words":105,"character_repetition_ratio":0.019,"word_repetition_ratio":0.0,"special_characters_ratio":0.185,"stopwords_ratio":0.21,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Funjishainga Baana Benu\nAno mashimikila akonsha kukwasha baana kufunjilako bintu byanema bingi ku bantu batongolwa mu Baibolo.\nByambo biji mu Mpitulukilo ya mu Mizhilo byakonsha kwi mukwasha kukomesha bulongo baana benu.\nBaibolo waambapo pa kyafyamika kitelwa'mba \"kyafyamika kyazhila.\" Abya ukeba kwikiyuka kino kyafyamika nyi?\nWafwainwa kuba byepi pa kuba'mba wikale nobe Libeka? Tanga jishimikila ne kufunjilako byavula kwi aye.\nFunda uyuke Lehaba ne kisemi kyanji byo bapulukile kimye muzhi wa Yeliko kyo aonawinwe.\nÑanyi mulaye walamine mwana wamukazhi wa kwa Yefita? Twakonsha kwikala byepi byonka byo ajinga?\nWakonsha kulondela byepi Samwela ne kuba byawama nangwa kya kuba bakwenu babena kuba byatama?\nTanga jino jishimikila ja mu Baibolo pa kuba'mba uyuke kyalengejile Davida kubula kuba moyo.\nÑanyi bintu Yehoba byo abuujile Elaija kimye kyo amwenenga nobe ujitu bunke? Wakonsha kufunjilako ka ku byamwekejile Elaija?\nBaibolo witubuula kuba'mba kyamukatezhe bingi nsongwalume Yosiya kuba byawama. Funda uyuke balunda nanji byo bamukwashishe\nNangwa kya kuba bantu bamwambijilenga byatama ne kumuzhingijila, mambo ka Yelemiya o atwajijile kwamba pe Lesa?\nKechi kyapela kukokela bansemi bobe ne. Funda uyuke byaubile Yesu ne byo byakonsha kukukwasha.\nFunda pa bantu 8 banembele mabuku a mu Baibolo bajingako kimye Yesu kyo ajinga pano pa ntanda, ne banabalume banembele pa bwikalo bwanji.\nUno mwanyike wamulume wapulwishe bamwisho wanji. Waubile ka?\nWakonsha kuba byepi pa kuba'mba wikale bwikalo bwawama kabiji bwa lusekelo byonka byaikele Timoti?\nKimye Yesu kyo akalamanga ino ntanda, pano pa ntanda pakekala byepi? Nanchi ne obewa ubena kukeba kukekalamo nyi?","id":"","dump":"CC-MAIN-2018-39","url":"https:\/\/www.jw.org\/kqn\/mabuku\/mabuku\/funjishainga-baana-benu\/","date":"2018-09-23T07:31:57Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159160.59\/warc\/CC-MAIN-20180923055928-20180923080328-00537.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":240,"character_repetition_ratio":0.061,"word_repetition_ratio":0.0,"special_characters_ratio":0.164,"stopwords_ratio":0.171,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Davida wapichile mu meseko avula bingi mu bwikalo bwanji. Kimye kyo anembele Salamo 55, saka apita kala mu bintu nabiji . . .\nKumutuka\nKumumanyika\nKukizhamo Kwizhachisha\nMakatazho a mu Kisemi\nKukolwa\nKumwalukamo\nNangwa kya kuba makatazho amuvujijile, Davida wamwenepo jishinda mwa kuchinchikila. Bonse babena kupita mu makatazho bafwainwa kuvulukanga byambo byanembele Davida byo bamutangijile ku mupashi wazhila bya kuba'mba: \"Twika Yehoba kisendwa kyobe.\"\nTwakonsha kwingijisha byepi kino kyepelo mu ano moba?\nBuulai Yehoba mu lulombelo makatazho enu, bijikila ne bintutu bikwabo\nKebai maana ne bukwasho mu Mambo a Yehoba ne jibumba janji\nKebaipo mashinda akwabo aesakana na mafunde a mu Baibolo a kwimukwasha kuyuka mwa kubila na makatazho","id":"","dump":"CC-MAIN-2018-39","url":"https:\/\/www.jw.org\/kqn\/mabuku\/jw-Mutanchi-wa-Kupwila\/june-2016-mwb\/mutanchi-wa-kupwila-june27-july3\/twika-kisendwa-kyobe-masalamo55-22\/","date":"2018-09-24T11:06:18Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160400.74\/warc\/CC-MAIN-20180924110050-20180924130450-00254.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":105,"character_repetition_ratio":0.015,"word_repetition_ratio":0.0,"special_characters_ratio":0.167,"stopwords_ratio":0.238,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ine. Bakamonyi ba kwa Yehoba kechi jibumba ja muntutu ne. Ke bena Kilishitu bebikako bingi kulondela byubilo bya kwa Yesu Kilishitu ne kuba bintu byo afunjishenga mu bwikalo bwabo.\nNanchi bantu inge baamba'mba aje ke jibumba ja muntutu balumbulula ka?\nBantu balumbulwila mwapusana byambo bya kuba'mba \"jibumba ja muntutu.\" Akimonai bantu bamo byo balumbulula mwatala byambo bya kuba'mba jibumba ja muntutu ne ene mambo bino kyo byapusena na byo tuji.\nBamo balanguluka amba jibumba ja muntutu ke jibumba jilondela muntu nangwa jipatula ku bupopweshi bwa Orthodox. Bakamonyi ba kwa Yehoba kechi besombelatu bupopweshi bwabo ne. Balondela mpopwelo ya bena Kilishitu batanshi bo baambapo mu Baibolo ne byo bafunjishanga. (2 Timoti 3:\n16, 17) Twaitabila amba Binembelo byazhila byo byo twafwainwa kulondelanga, kechi mpopwelo ya orthodox ne.\nBakwabo nabo balanguluka'mba jibumba ja muntutu ke bupopweshi bwatama butangijilwa na muntu. Bakamonyi ba kwa Yehoba kechi batangijilwa na muntu ne. Tulondela Yesu byo abujile baana banji ba bwanga, byo aambile'mba: \"Mujitu na Ntangi umo, aye Kilishitu.\"\n—Mateo 23:10.\nBakamonyi ba kwa Yehoba kechi bupopweshi bwatama ne. Ke bupopweshi bufunjisha bakamonyi ne babula Bakamonyi kwikala na byubilo byawama. Kusapwila kwakwasha bantu bavula kupimpula bwikalo bwabo bwatama, nabiji kuleka kwingijisha michi ne malwa mu mashinda atama. Kabiji tufunjisha bantu bavula kutanga ne kunemba mwaya ntanda ne kukwasha bantu bafikilwa na bya malwa. Tuba bintu byawama abyo bilengela bantu kupimpula bwikalo bwabo byonkatu Yesu byo akambizhe baana banji ba bwanga.","id":"","dump":"CC-MAIN-2018-43","url":"https:\/\/www.jw.org\/kqn\/Bya-Kuyuka-pa-Bakamonyi-ba-kwa-Yehoba\/faq\/nanchi-bakamonyi-ba-kwa-yehoba-jibumba-ja-muntutu\/","date":"2018-10-22T13:57:42Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583515088.88\/warc\/CC-MAIN-20181022134402-20181022155902-00507.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":229,"character_repetition_ratio":0.105,"word_repetition_ratio":0.0,"special_characters_ratio":0.178,"stopwords_ratio":0.24,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KUMBULAI KWINGIJISHA BIPIKICHALA Yehoba Wapele Samisonyi Mupashi Wazhila Kasai kisapi ku mutwe, fwanyikizhai kuba'mba yenu Samisonyi, ne kuyuka mupashi wazhila byo amukwashishe kwikala na bulume. Kopololai Bikwabo Bijipo Monai Byonse Davida Wajingatu na Bilwilo Bicheche, Bino Wachinchikile Esakanya bano bantu ba mu Baibolo na bintu byo babiika po baji. Davida Waishijile mu Jizhina ja Lesa Kwashai mwana wenu kuyuka bilumbulula jizhina ja Lesa. Twajijilai Kulomba Mupashi Wazhila Bino bipikichala bikwasha banyike baji na myaka pakachi ka 6 ne 8 kuyuka ene mambo o kyawamina kutwajijila kulomba. Monai Byonse Tumai Musabilo Tumai Musabilo KUMBULAI KWINGIJISHA BIPIKICHALA Yehoba Wapele Samisonyi Mupashi Wazhila Kikaonde Yehoba Wapele Samisonyi Mupashi Wazhila https:\/\/assetsnffrgf-a.akamaihd.net\/assets\/m\/502016107\/univ\/art\/502016107_univ_sqr_xl.jpg","id":"","dump":"CC-MAIN-2018-43","url":"https:\/\/www.jw.org\/kqn\/bifunjisha-baibolo\/baana\/kumbulai-kwingijisha-bipikichala\/yehoba-wapele-samisonyi-mupashi-wazhila\/","date":"2018-10-19T07:38:50Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583512332.36\/warc\/CC-MAIN-20181019062113-20181019083613-00509.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":105,"character_repetition_ratio":0.103,"word_repetition_ratio":0.0,"special_characters_ratio":0.176,"stopwords_ratio":0.181,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"34 Yosiya+ wajinga na myaka ya kusemwa itanu na isatu kimye kyo aikele mfumu, kabiji walamine mu Yelusalema myaka 31.+ 2 Waubilenga byaoloka kwi Yehoba ne kwenda mu mashinda a kwa Davida mushakulu wanji, kabiji kechi wasendukijile ku kilujo nangwa ku kipiko ne. 3 Mu mwaka wa butanu na busatu wa bukalama bwanji, saka akiji kalombwana, watendekele kukeba Lesa wa Davida mushakulu wanji;+ kabiji mu mwaka wa bu 12, watendekele kutokesha mu Yuda ne mu Yelusalema,+ wafumishemo mapunzha atuntama+ ne bichi* bya milumbulumbu byazhila, bipashañano bya kusonga,+ ne bipashañano bya byela. 4 Kabiji bakundawile bya kusokelapo bitapisho bya Baela saka atalako, kabiji wachibawile bya kusokelapo bya kufutumuna byajinga peulu yabyo. Kabiji watetawile bichi* bya milumbulumbu byazhila, bipashañano bya kusonga, ne bipashañano bya byela ne kwibivingaula ke bungatu kabiji buno bunga wibukushile pa bilende bya boba batapishanga bitapisho ku bino bintu.+ 5 Kabiji wasokejilepo bikupa bya bañanga pa bya kusokelapo bitapisho byabo.+ Onkao mambo, watokeshe mu Yuda ne mu Yelusalema. 6 Kabiji mu mizhi ya mu Manase, mu Efelaimu,+ mu Shimeona ne kufika mu Nafitali, ne mu masala abo ebazhokolokele, 7 wakundawile bya kusokelapo bitapisho ne kutetaula bichi* bya milumbulumbu byazhila ne bipashañano bya kusonga,+ ne kwibivingaula ke bungatu; kabiji wachibawile byonse bya kusokelapo bya kufutumuna byajinga mu kyalo kyonse kya Isalela,+ kepo abwelele ku Yelusalema. 8 Mu mwaka wa bu 18 wa bukalama bwanji, saka atokesha kala kyalo ne nzubo ya Lesa, watumine Shafwana+ mwana wa kwa Azaliya ne Maaseya mukulumpe wa muzhi, ne Yoa mwana wa kwa Yoahaza munembeshi wa mambo kuba'mba bawamishe nzubo ya Yehoba Lesa wanji.+ 9 Baishile kwi Hilikiya ñanga mwine mukatampe ne kumupa mali afumine ku nzubo ya Lesa, bena Levi bakalama ba bibelo o batambwile ku bena Manase, bena Efelaimu, ne bena Isalela bonse,+ kubikakotu ne bena Yuda, bena Benjamina, ne bangikazhi ba mu Yelusalema. 10 Ne abo beapaine ku boba bo batongwele kutangijila mwingilo wa ku nzubo ya Yehoba. Kabiji ba mingilo ba ku nzubo ya Yehoba beengijishe kuwamisha nzubo. 11 Beapaine ku basendwe ne ku bantungi kuba'mba bapote mabwe a kusonga ne bichi bya mbambalo ne myamba ya kushimikila mazubo bamfumu ba Yuda o balekele na konaika.+ 12 Kabiji bano banabalume baingijile mwingilo mu bukishinka.+ Bebatongwejile bena Levi abo ba Yahata ne Obadiya ba mu bena Melali,+ ne Zekaliya ne Meshulama, ba mu bena Kohati,+ kwikala bantangi. Kabiji bena Levi, aba bonse bajinga banyimbi bayukisha,+ 13 batajilenga pa boba baingijilenga mingilo yapusana pusana* kabiji batangijilenga ne ba boba baingijilenga mingilo ya mitundu yonse; kabiji bena Levi bamo bajinga banembeshi, bakapitao ne bakasopa ba pa bibelo.+ 14 Byo basendelenga mali o baletele ku nzubo ya Yehoba,+ Hilikiya ñanga wataaine buku wa Mizhilo ya Yehoba+ yo apaine kupichila* mwi Mosesa.+ 15 Onkao mambo, Hilikiya waambijile Shafwana munembeshi amba: \"Nataana buku wa Mizhilo mu nzubo ya Yehoba.\" Ponkapo Hilikiya wapaine uno buku kwi Shafwana. 16 Kepo Shafwana aletele uno buku ku mfumu ne kumubuula'mba: \"Bakalume benu babena kwingila mingilo yonse yo bebapele. 17 Bafumyamo mali ajinga mu nzubo ya Yehoba, kabiji beapana ku banabalume batongolwa ne ku boba babena kwingila mwingilo.\" 18 Kabiji Shafwana munembeshi wabuujile mfumu amba: \"Kuji buku ye akumpa Hilikiya ñanga.\"+ Kepo Shafwana atendekele kutangila mfumu+ uno buku. 19 Mfumu byo aumvwinetu byambo bya mu Mizhilo, watabwile bivwalo byanji.+ 20 Kepo mfumu akambizhe Hilikiya, ne Ahikama+ mwana wa kwa Shafwana, ne Abidona mwana wa kwa Mika, ne Shafwana munembeshi, ne Asaya kalume wa mfumu amba: 21 \"Yainga mungipwizheko kwi Yehoba ne kwipwizhako bantu bashala mu Isalela ne mu Yuda pa mambo a byambo biji mu buku ye bataana; mambo bukaji bwa Yehoba bukeya pe atweba bwabaya na mambo a kuba'mba bashakulu betu kechi balamine byambo bya Yehoba ne, byo babujile kulondela bintu byonse byanembwa mu uno buku.\"+ 22 Onkao mambo, Hilikiya ne boba bo batumine kwi mfumu bayile kwi Hulada ngauzhi wa mukazhi.+ Aye wajinga muka Shaluma mwana wa kwa Tikiba, Tikiba mwana wa kwa Halahasa, kalama wa nzubo ya bivwalo, kabiji uno mwanamukazhi waikalanga mu Mwanzo wa Bubiji mu Yelusalema; kabiji besambile nanji konkakwa.+ 23 Uno mwanamukazhi wibambijile'mba: \"Yehoba Lesa wa Isalela waamba'mba, 'Kamubuulai muntu waji kwimutuma kwi amiwa amba: 24 \"Yehoba waamba'mba, 'Nkaleta bya malwa pa ino mpunzha ne pa bangikazhi bekalamo,+ mafingo onse anembwa mu buku+ ye baji kutangila mfumu wa Yuda. 25 Mambo bankana+ kabiji babena kusoka bitapisho bya kufutumuna ku balesa bangi ne kunzhingijisha+ na mingilo ya maboko abo yonse, nketulwila bukaji bwami pa ino mpunzha, kabiji kechi bakebupwisha ne.'\"+ 26 Pakuba mfumu wa Yuda yenka waji kwimutuma na kwipuzha kwi Yehoba, mumubuule'mba, \"Yehoba Lesa wa Isalela waamba'mba: 'Pa mambo a byambo byo waji kumvwa,+ 27 na mambo a kuba waji kutako muchima* ne kwipelula kwi Lesa byo waji kumvwa byo naamba pa ino mpunzha ne pa bantu bekalamo kabiji waji kwipelula ku meso ami ne kutabula bivwalo byobe ne kujila ku meso ami, ne amiwa na kumvwa,+ byo byaamba Yehoba. 28 O ene mambo o nkakutwajila na kulaala kwalaala* bashakulu bobe, kabiji bakakulaajika mu kilende kyobe mu mutende, kabiji meso obe kechi akamona bya malwa byonse byo nkaleta pa ino mpunzha ne pa bangikazhi ne.'\"'\"+ Kepo babwelele na kubuula mfumu bino byambo. 29 Onkao mambo, mfumu watumine mawi ne kwita bakulumpe bonse ba mu Yuda ne mu Yelusalema.+ 30 Kepo mfumu ayile ku nzubo ya Yehoba na banabalume bonse ba mu Yuda, ne bangikazhi ba mu Yelusalema, ne bañanga, ne bena Levi, ko kuba'mba bantu bonse, kutendekelatu ku mwanyike kufika ne ku mukulumpe. Watangilenga saka bomvwa byambo byonse bya mu uno buku wa lulayañano ye bataaine mu nzubo ya Yehoba.+ 31 Mfumu waimene pa mpunzha yanji ne kulayañana nabo lulayañano*+ ku meso a Yehoba amba ukalondelanga Yehoba ne kulama mikambizho yanji, ne bya kuvululako byanji, ne malamuna anji na muchima wanji yense ne na mweo* wanji yense+ kupichila mu kulondela byambo bya mu luno lulayañano byonka byanembwa mu uno buku.+ 32 Kabiji walengejile bantu bonse bajinga mu Yelusalema ne mu Benjamina kuswa lulayañano. Kabiji bangikazhi ba mu Yelusalema baubijile monka mwayijile lulayañano lwa Lesa, Lesa wa bashakulu babo.+ 33 Kepo Yosiya afumishemo bintu byonse bya bunya* mu byalo byonse bya bena Isalela,+ kabiji walengejile bantu bonse mu Isalela kwingijila Yehoba Lesa wabo. Mu moba onse a bumi bwanji* kechi balekele kulondela Yehoba Lesa wa bashakulu babo ne.\nTubyambo twa munshi\n^ Nangwa'mba \"pa boba basendanga byanema.\"\n^ Mu Kihebelu, \"apaine na kuboko kwa.\"\n^ Mu Kihebelu, \" waji kunekena.\"\n^ Ino ke ñambilo ya kifwanyikizho ilumbulula lufu.\n^ Nangwa'mba \"lulayañano jikwabo.\"\n^ Nangwa'mba \"bankishi.\"\n^ Mu Kihebelu, \"Mu moba anji onse.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/2-byambo-bya-moba\/34\/","date":"2018-04-23T08:24:37Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945855.61\/warc\/CC-MAIN-20180423070455-20180423090455-00338.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":1031,"character_repetition_ratio":0.061,"word_repetition_ratio":0.004,"special_characters_ratio":0.201,"stopwords_ratio":0.297,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"JUNE 3, 2015\nRUSSIA\nPa 27 May mu 2015, kipamo kya Russian Federation Ministry of Justice kyaswishishe Bakamonyi ba kwa Yehoba kunembesha Jibumba jabo mu Moscow. Bebaswishishe kunembesha jibumba jabo byo papichile myaka itanu kufuma kochi wa European Court of Human Rights (ECHR) po aambijile'mba kochi wa mu kyalo ya Moscow kechi walondejile mizhilo pa kulekesha Bakamonyi ba kwa Yehoba ne.\nByo batotolwele myaka itanu, mu 2004 kochi wa mu nkambi ya Golovinskiy District Court mu Moscow wafuukwilepo kulekesha Bakamonyi ba kwa Yehoba. Mu 2010, kochi wa ECHR wakambizhe kyalo kya Russia kuswisha Bakamonyi kunembesha jibumba jabo ne kwibafuta pa byo bebobile. Kafulumende wa kyalo kya Russia wapaine ano mali, pano bino mu uno mwaka popo bebaswisha kunembesha jibumba jabo.","id":"","dump":"CC-MAIN-2018-17","url":"https:\/\/www.jw.org\/kqn\/Masawakya\/mitotololo\/byalo\/russia\/bakamonyi-banembesha-mu-moscow-20150603\/","date":"2018-04-21T12:47:53Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945143.71\/warc\/CC-MAIN-20180421110245-20180421130245-00112.warc.gz","language":"kqn","language_score":1.0000089407,"language_script":"Latn","minhash_cluster_size":1,"top_langs":"{\"kqn_Latn_score\": 1.0000089406967163}","num_words":114,"character_repetition_ratio":0.109,"word_repetition_ratio":0.0,"special_characters_ratio":0.196,"stopwords_ratio":0.272,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KIMYE kyo bashinkwilenga musampi wa mu Madagascar pa Kibelushi pa 24 January 2015, nyenga umo waambile'mba, \"Natemenwe bingi.\" Aye ne bantu 583 baishileko nabo batemenwe bingi kumona uno musampi uji na bibamba bya katataka 19 ne kibamba mwa kujiila kyo babayishe ne mwa kutekela mo bawamishe. Banungileko ne maofweshi akwabo, Kibamba mwa mali ne mo Balengela Bikekala Kishimikwa ne Madipatimenti a bya Buntungi. Kabiji bibamba mwa kufyatwila mavidyo ne madipatimenti a mulaka wa kwamba na maboko bebalengejile akatataka, kabiji balengele ne Kibamba mwa Kunembelanga Mabuku a Bampofu. Byo bapwishishe kulumbulula byajinga kala mwingilo mu Madagascar, bantu baishileko batemenwe bingi jashi jaambile mulongo Mark Sanderson wa mu Jibumba Jitangijila.\nBantu ba Yehoba mu Jakarta ku Indonesia, baumvwine bingi bulongo kimye mema kyo aumine mu uno muzhi kimye kyo bashinkwilenga musampi wa katataka pa 14 February 2015. Uno musampi luno uji na bibamba bya maofweshi peulu ne bibamba 12 panshi ya kino kishimikwa. Madipatimenti avula a pa Betele beavilwila mu bishimikwa bicheche biji kipikipi. Mulongo Anthony Morris wa mu Jibumba Jitangijila ye waambile jashi ja kushinkula musampi, kabiji bantu 15,257 bapwijile mu kibanza kuba'mba bomvwe jashi jo aambilenga jajinga na mutwe wa kuba'mba, \"Twajijilai Kuchichinka pa Kwingila Mingilo Yawama.\" Kuno kupwila kwaikejile mu mapunzha 41, kwatainwe bantu 11,189, kabiji kuno ko kupwila kukatampe kutanshi kwa bantu ba Yehoba mu Indonesia. Ronald Jacka mishonale mutanshi kuya na kwingijila mu Indonesia, waambile'mba: \"Byo nafikile mu Indonesia mu 1951, mwajingatu basapwishi 26 kwapwa. Pa kushinkula uno musampi lelo, bantu kukila pa 26,000 baiya ku kuno kupwila. Kine, Yehoba wapesha bingi bantu banji mu Indonesia!\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/2016-Buku-wa-Mwaka-wa-Bakamonyi-ba-kwa-Yehoba\/byamwekele\/madagascar-indonesia-kushinkula-musampi\/","date":"2018-04-20T03:39:18Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937113.3\/warc\/CC-MAIN-20180420022906-20180420042906-00091.warc.gz","language":"kqn","language_score":1.0000066757,"language_script":"Latn","minhash_cluster_size":1,"top_langs":"{\"kqn_Latn_score\": 1.0000066757202148}","num_words":246,"character_repetition_ratio":0.059,"word_repetition_ratio":0.0,"special_characters_ratio":0.194,"stopwords_ratio":0.268,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BYO KILUMBULULA\nKulekelako muntu mambo kulumbulula kulubako kintu kyatama kyo auba. Kabiji kechi kulumbulula kukepesha kintu kyatama kyo auba nangwa kubepekezha nobe kechi watamisha ne.\nJIFUNDE JA MU BAIBOLO: \"Itekenyainga anwe bene na bene ne kwilekelako mambo umvwe umo uji na mambo na mukwabo.\"—Kolose 3:13.\nBa Aaron baambile'mba: \"Umwve twatemwa muntu, kechi tuta muchima ku bintu byo alalubankanya ne, bino tuta muchima pa bintu byawama byo abena kuba.\"\nENE MAMBO O KYANEMENA\nKwikala na kizhingijisha kulengela muntu kukolwa, kabiji kuba bino kulengela baji mu masongola kubula kwikala bulongo.\nBa Julia baambile'mba: \"Juba jimo bamwatawami balombele lulekelo lwa mambo byo baubile kintu kyamfichishe ku muchima. Kechi kyapelele kwibalekelako mambo ne. Byo papichile moba ne balekejileko mambo, bino nelangulusha mambo kechi nebalekejileko mambo bukiji ne. Byo nabujile kulekelako mambo benakwami kechi twaikelenga bulongo mu masongola ne.\"\nBYO MWAKONSHA KUBA\nIIPUZHAI'MBA\nInge benakwenu bakemuzhingijishe, mukeipuzhe'mba:\n'Nanchi nzhingila bukiji nyi?'\n'Nanchi byo bauba byatamishatu kya kuba kanatu balombe lulekelo lwa mambo nyi, inyi nafwainwa kulubakotu?'\nISAMBAI NA BENAKWENU\nInge twizhingijisha, nanchi twilekelako mambo bukiji bukiji nyi, inyi papita kimye kyabaya?\nÑanyi bintu byo twafwainwa kuba pa kuba'mba twilekelengako mambo bukiji?\nBYA KUBA\nInge benakwenu bemulenga mambo, kange mulangulukenga kwiboba bintu byatama ne.\nLekelaingako mambo benakwenu inge balubankanya \"mambo atweba bonse twituntula javula.\"—Yakoba 3:2.\nBa Kimberly baambile'mba: \"Kipeela bingi kwilekelako mambo inge bonse mwalubankanya. Bino inge umotu ye watamisha kikatazha. Kwipelula ko kulengela kulekelako mukwenu mambo.\"\nJIFUNDE JA MU BAIBOLO: \"Pwana bukiji na muntu ye uji nanji na mambo.\"—Mateo 5:25.\nInge mwaikala na kizhingijisha, kikemulengela kukolwa, kabiji kuba bino kulengela masongola enu kutama","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/labainga-na2-2018-jul-aug\/bintu-bilengela-baji-mu-masongola-kwikala-bulongo-kwilekelako-mambo\/","date":"2018-04-21T12:37:11Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945143.71\/warc\/CC-MAIN-20180421110245-20180421130245-00517.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":255,"character_repetition_ratio":0.072,"word_repetition_ratio":0.0,"special_characters_ratio":0.175,"stopwords_ratio":0.251,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Yesu waishile pano pa ntanda na kufwila bandengamambo. Nangwa kya kuba wafwile, bino pano pa ntanda wipashinjile. Yehoba watwajijile kwikala wa kishinka ku Mwananji kabiji wamusangwile. Kufikatu ne kimye kyo afwile, Yesu watwajijiletu kwingijila bantu ne kwibalekelako mambo inge balubankanya. Byo asangukile, Yesu wamwekele ku baana banji ba bwanga. Wibafunjishe bya kusapwila mambo uno mwingilo wanema bingi. Inge mwi bansemi, kwashai mwanenu ayuke'mba atweba bonse mu ano moba twafwainwa kwingilanga uno mwingilo.\nBIJI MU KINO KIPUNGU\nYesu wapele batumwa banji mikambizho yanema bingi kimye kyo bajilenga kijilo kyapeleleko.\nYudasa Isakaliota watangijile bantu bajinga na mipenyi ne tukonkolo kuya ku bujimi wa Ngesemani na kukwata Yesu.\nPetelo bamwambijile bimye bisatu amba wajinga ne Yesu saka babena kota mujilo mu kipango kya kwa Kaifasa. Petelo wakainetu nsalansala amba, 'Kechi namuyuka awo muntu ne.' Kepo shikombwe akokwele.\nMambo ka Pilato o aambijile'mba Yesu bamwipaye?\nÑanyi bintu bya kukumya byamwekele Yesu byo bamwipayile?\nWaubile byepi pa kuba'mba bateko muchima?\nBino saka akyangye kuya, wapele baana banji ba bwanga mizhilo yo bafwainwe kulondelanga.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/mashimikila-a-mu-Baibolo\/13\/","date":"2018-04-22T11:19:55Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945584.75\/warc\/CC-MAIN-20180422100104-20180422120104-00585.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":168,"character_repetition_ratio":0.057,"word_repetition_ratio":0.0,"special_characters_ratio":0.166,"stopwords_ratio":0.196,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Lwimbo wa kusanta. 100 Ubai kiwowo kya kushinda kwi Yehoba, ntanda yonse.+ 2 Ingijilainga Yehoba na lusekelo.+ Iyai mu kyenyi kyanji na nyimbo ya lusekelo. 3 Yukai'mba Yehoba ye Lesa.+ Aye ye witulengele, ne atweba twi bantu banji.*+ Twi bantu banji kabiji mikooko yanji yo ajiisha.+ 4 Iyai mu bibelo byanji na kusanta,+ Twelai mu bipango byanji na nyimbo ya kutota.+ Musanchilainga; totainga jizhina janji.+ 5 Mambo Yehoba wawama;+ Butemwe bwanji bubula kwaluka bo bwa myaka ne myaka, Ne bukishinka bwanji bo bwa ku bisemi byonse.+\nTubyambo twa munshi\n^ Nangwa, \"kechi atweba bene ne.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/masalamo\/100\/","date":"2018-04-22T15:24:36Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945604.91\/warc\/CC-MAIN-20180422135010-20180422155010-00449.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":89,"character_repetition_ratio":0.069,"word_repetition_ratio":0.0,"special_characters_ratio":0.229,"stopwords_ratio":0.27,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKATAZHO\nBaji mu masongola bekala na makatazho bingi inge baana bakoma ne kufuma pa nzubo. Baana bonse inge baya na kwiikela bansemi kibakatazha bingi. Ba M. Gary Neuman bakwasha ba mu masongola baambile'mba: \"Nkwasha baji mu masongola bakankalwa kwisamba na bena kwabo inge baana baya na kwiikela. Bansemi inge bashala bunke, kechi bekala na kimye kya kwisamba ne.\" *\nNanchi bino byobyo mubena kupitamo nyi? Inge ibyo, mwakonsha kubapo bimo pa kuba'mba mutendeke kwisamba jikwabo. Twayai twisambe pa bintu byalengela kubula kwisamba na bena kwenu.\nKILENGELA LUKATAZHO\nKukizhamo kwisamba na baana benu kukila bena kwenu. Bansemi bavula batemwa bingi kwisamba na baana babo kukila na bena kwabo. Kuba bino kulengela baji mu masongola kuta bingi muchima baana babo kukila bena kwabo. Kabiji inge baana babo bafuma pa nzubo, kilengela bansemi kuleka kwisamba na bena kwabo. Mwanamukazhi waikala mu masongola pa myaka 59 waambile'mba: \"Byo twaikalanga na baana betu twaubilanga bintu pamo. Bino byo bafumine pa nzubo, kitukatazhanga bingi kubila bintu pamo.\" Kabiji juba jimo, uno mwanamukazhi waambijile ba mwatawanji amba, \"Kechi tubila bintu pamo ne.\"\nBaji mu masongola kibakatazha bingi inge baana bafuma pa nzubo. Buku wa Empty Nesting waamba'mba: \"Inge baana bafuma pa nzubo, baji mu masongola kimwekatu nobe popo besongola.\" Kabiji inge bashala bunke, kechi bengijila pamo ne, bekalatu nobe kechi beyuka ne.\nKyawamakotu ke kya kuba'mba mwafwainwa kuchinuzhuka luno lukatazho ne kwikala na lusekelo mu masongola enu. Baibolo wakonsha kwimukwasha bingi. Twayai tumone.\nBYO MWAFWAINWA KUBA\nMwafwainwa kuswa inge bintu byaaluka. Baibolo waamba pa baana bakoma amba: \"Mwanamulume ukasha bashanji ne bainanji.\" (Ntendekelo 2:24) Kimye kyo mwaikalanga na baana benu, mwingilo ye mwajinga nanji ke wa kwibafunjisha kwikala na byubilo bikebakwasha inge bafuma pa nzubo. Inge ke mulanguluke bino, mukekalanga na lusekelo nangwa kya kuba baana benu bafuma pa nzubo.—Jifunde ja mu Baibolo: Mako 10:7.\nKishinka ke kya kuba'mba bakatwajijila kwikala baana benu. Nangwa byonkabyo, kechi mukebabuulanga bya kuba ne, bino bakeyanga kuba'mba mwibakwashe. Inge bafuma pa nzubo, mukatwajijila kukwasha baana benu bino saka mwata muchima bena kwenu. *—Jifunde ja mu Baibolo: Mateo 19:6.\nIsambainga. Bulainga bena kwenu bintu byo mubena kupitamo inge baana benu bakoma ne kufuma pa nzubo. Kabiji telekainga inge bena kwenu babena kwamba. Baana inge bafuma pa nzubo, pakapita kimye pa kuba'mba mutendeke kumvwañana na bena kwenu kabiji mwafwainwa kwibikako kuba bino mambo mufuma byawama.—Jifunde ja mu Baibolo: 1 Kolinda 13:4.\nIngijilainga pamo bintu bimo. Isambainga pa bikonkwanyi nangwa pa bintu byo mukeba kwingijilanga pamo. Kukomesha baana kwimulengela kwikala na maana. Kabiji ano maana akonsha kwimulengela kukwasha bakwenu.—Jifunde ja mu Baibolo: Yoba 12:12.\nKoseshai masongola enu. Langulukai pa byubilo bimulengejile kutemwa bena kwenu. Langulukai pa bintu byawama ne makatazho o mwashinda. Kushala bubiji bwenu kwakonsha kwimulengela kwikala na kimye kya kulanguluka pa bino bintu. Kabiji inge mwibikako kukwatankana na bena kwenu, masongola enu akakosa bingi ne kubwezha butemwe bwalengejile kutemwa bena kwenu.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/labainga-na4-2017-august\/inge-baana-bakoma-ne-kufuma-pa-nzubo\/","date":"2018-04-22T21:10:37Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945648.77\/warc\/CC-MAIN-20180422193501-20180422213501-00019.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":461,"character_repetition_ratio":0.095,"word_repetition_ratio":0.0,"special_characters_ratio":0.183,"stopwords_ratio":0.195,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Lesa uji nobe nsemi wamulume wa butemwe. 1 Petelo 5:6, 7\nLesa ye Mulenga wetu kabiji wituta bingi muchima. Byonkatu nsemi wa maana kabiji uji na butemwe byo afunjisha baana banji, ne Lesa naye ufunjisha bantu mwaya ntanda jishinda jawama jo bafwainwa kwikelamo.\nLesa wasolola bukine bwitulengela kwikala na lusekelo ne luketekelo.\nUmvwe kemumvwe byamba Lesa, ukemutangijilanga, kwimuzhikijila ne kwimukwasha kuyuka byo mwakonsha kuba na makatazho.\nPano bino, kuji kintu kyakilapo kunema—mukekalanga myaka ne myaka!","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/umvwainga-mukekala\/byambo-bya-kutendekelapo\/","date":"2018-04-23T12:46:26Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945942.19\/warc\/CC-MAIN-20180423110009-20180423130009-00445.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":72,"character_repetition_ratio":0.008,"word_repetition_ratio":0.0,"special_characters_ratio":0.177,"stopwords_ratio":0.264,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Pa kuba'mba Yehoba aketufyeko mu juba ja bukaji bwanji, kechi twafwainwa kupelelatu pa kwipana kwi aye ne. Bino twafwainwa kukookelanga mikambizho Zefwaniya yo apeele bena Isalela.\nMukebai Yehoba: Ikalai na bulunda bwakosa ne Yehoba ne kwingijila pamo na jibumba janji\nKebai bololoke: Kookelainga mizhilo yaoloka ya Yehoba\nKebai bukimote: Twajijilai kuba kyaswa muchima wanji ne kuswa lujimuno lwanji\nNakonsha kutwajijila byepi kukeba Yehoba, bololoke bwanji ne bukimote?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/jw-Mutanchi-wa-Kupwila\/december-2017-mwb\/mutanchi-wa-kupwila-dec4-10\/mukebai-yehoba-juba-ja-bukaji-bwanji-saka-jikyangye-kwiya\/","date":"2018-04-22T11:30:38Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945584.75\/warc\/CC-MAIN-20180422100104-20180422120104-00246.warc.gz","language":"kqn","language_score":1.0000100136,"language_script":"Latn","minhash_cluster_size":2,"top_langs":"{\"kqn_Latn_score\": 1.0000100135803223}","num_words":67,"character_repetition_ratio":0.022,"word_repetition_ratio":0.0,"special_characters_ratio":0.159,"stopwords_ratio":0.239,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MAFUNJISHO Yesu Wajinga Ngauzhi Nobe Mosesa Kopololai luno lufunjisho ne kunemba bishinka bina Yesu byo ajinga nobe Mosesa. Kopololai Bikwabo Bijipo Monai Byonse Kwimba Lwimbo Waamba pa Kuchinchika Funda lwimbo waamba pa kuchinchika, apa bino wimbile pamo na kisemi kyobe. Bipangwa bya Mupashi Wazhila Bino bipikichala bikwasha banyike baji na myaka pakachi ka 8 ne 12 kuyuka bipangwa bya mupashi. Byubilo Byawama bya Mulunda Ano mafunjisho ke a kukwasha baana baji na myaka 8 kufika ne 12 kwikala na byubilo byafwainwa kwikala na mulunda wawama. Monai Byonse Tumai Musabilo Tumai Musabilo BYA KUFUNJISHA BAANA Yesu Wajinga Byepi Nobe Mosesa Kikaonde Yesu Wajinga Byepi Nobe Mosesa https:\/\/assetsnffrgf-a.akamaihd.net\/assets\/m\/502014240\/univ\/art\/502014240_univ_sqr_xl.jpg","id":"","dump":"CC-MAIN-2018-17","url":"https:\/\/www.jw.org\/kqn\/bifunjisha-baibolo\/baana\/Mwingilo-wa-Kuba\/yesu-wajinga-ngauzhi-nobe-mosesa\/","date":"2018-04-26T04:33:53Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948064.80\/warc\/CC-MAIN-20180426031603-20180426051603-00559.warc.gz","language":"kqn","language_score":1.0000082254,"language_script":"Latn","minhash_cluster_size":1,"top_langs":"{\"kqn_Latn_score\": 1.000008225440979}","num_words":102,"character_repetition_ratio":0.083,"word_repetition_ratio":0.0,"special_characters_ratio":0.195,"stopwords_ratio":0.118,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Nanchi kala mivungilo beilenganga ne kwiingijisha byepi?\nMambo Awama anembele Luka aamba pe Yesu byo avungulwile muvungilo wa buku wa Isaya, byo amutangile ne byo amuvungile jikwabo. Kabiji byambo byapelako biji mu Mambo Awama anembele Yoano, Yoano naye waambile pa muvungilo amba kechi wafwainwe kunembamo bya kukumya byonse byaubile Yesu ne.—Luka 4:16-20; Yoano 20:30; 21:25.\nNanchi mivungilo beilenganga byepi? Baingijishanga mpapa, biseba ne mambanga o balamikanga pamo kuba'mba ekale ke muvungilo. Uno muvungilo bamupombakanyanga ku kakichi ne kufya byambo mukachi. Byambo bebinembanga mu bipelu bicheche mu bula bwa muvungilo. Inge muvungilo walepesha, babikangako tubichi konse kwapelela muvungilo, abino byo byakwashanga ubena kutanga kumuvungulula ne kumuvungila ku lubaji lukwabo posotu wataana po abena kukeba kutanga.\nBuku wa The Anchor Bible Dictionary waamba'mba, \"Muvungilo walepele mamita 10 mo banembanga buku yense inge bamuvungulula.\" Bantu bamo bamba'mba Mambo Awama anembele Luka, bakonsha kwianemba mu muvungilo walepa mamita 9.5 mu bula. Bimye bimo, peulu ne panshi ya muvungilo bawamishangapo bulongo ne kukuusako na jibwe japeela, ne kubikako musombelo.\nBañanyi bajinga \"bañanga bakatampe\" bo baambapo mu Binembelo bya Kingiliki bya Bwina Kilishitu?\nKufumatu kimye kyatendekele buñanga mu bena Isalela, muntutu umo ye waikalanga ñanga mukatampe mu bwikalo bwanji bonse. (Kubala 35:25) Alona ye wajinga mutanshi kwikala ñanga mukatampe. Mu kuya kwa moba, pa kino kifulo inge nsemi wa mulume wafwa baswanyikangapo mwananji mubeji. (Kulupuka 29:9) Baana ba balume bavula ba kwa Alona baingilanga mwingilo wa buñanga, pano bino bachechetu bo baikalanga bañanga bene bakatampe.\nBena Isalela byo batendekele kwibalama ku bantu bangi, bantangi babujile bena Isalela bajinga na luusa lwa kusala ne kufumyapo bañanga bene bakatampe ba Bayudea. Nangwa byonkabyo, bavula bo batongolanga bafumanga mu bisemi bimo nabiji kya kwa Alona. Kyambo kya kuba'mba \"bañanga bakatampe\" kilumbulula muntu wafuma mu kisemi kya buñanga. Bañanga bakatampe mwavwangile bakulumpe ba bipanyi 24 bya buñanga; ba mu kisemi kya bañanga bene bakatampe bo banemekele; ba mu kisemi mwafumanga bañanga bene bakatampe ne boba bo balekeshe mwingilo wa buñanga nabiji Anasa.—1 Byambo bya Moba 24:1-19; Mateo 2:4; Mako 8:31; Byubilo 4:6.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/kyamba-kya-usopa-january-2016\/ba%C3%B1anga-bakatampe-ne-mivungilo-ya-mu-baibolo\/","date":"2018-04-20T17:20:46Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125944479.27\/warc\/CC-MAIN-20180420155332-20180420175332-00160.warc.gz","language":"kqn","language_score":1.0000034571,"language_script":"Latn","minhash_cluster_size":1,"top_langs":"{\"kqn_Latn_score\": 1.000003457069397}","num_words":320,"character_repetition_ratio":0.071,"word_repetition_ratio":0.0,"special_characters_ratio":0.19,"stopwords_ratio":0.181,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Kwikala na Bumi Bwawama\nBintu bitanu byo mwakonsha kuba lelo jino byakonsha kwimukwasha kwikala na butuntulu bwa mubiji bwawama.\nPa juba pa juba, mubiji mwine wizhikijila ku bikola byakonsha kwitwipaya\nNanchi maana a mu Baibolo akonsha kwimukwasha kwikala na lusekelo nyi?\nNanchi kechi twakonsha kwikala na lusekelo nenyi?\nBashayuka ba ano moba baswa mashinda awama o bataine a kubukilwamo bantu mu myaka ya ma 1800.\nBya Kuba Inge Mwakolwa\nKi ka kimukwasha Elisa kuchinchika ne kulubako ku misongo yanji bimye bimo?\nBya Kuba Inge Mwalemana\nMwanamukazhi waendelangatu mu kakinga waikele na \"bulume bwakila bwa bantu\" na mambo a lwitabilo lwanji.\nNanchi bampofu bakonsha kyakine bakonsha bulume bwa kumvwa, bulume bwa kumvwa bwema ne bulume bwa kukwata nyi?\nNangwa kya kuba, Jairo ubena kumanama na kikola kya ku bongo, wikala bwikalo bwawama.\nFélix Alarcón wataana kintu kyawama kufumatu kimye kyo ataainwe mu mapuso atama bingi na kapulututu amulengejile kulemana kufuma mu nshingo kufika ne ku maulu.\nByo bafikizhe myaka ya kusemwa 20, ba Miklós Aleksza balemene na mambo a mapuso. Baibolo wibakwashishe byepi kutana luketekelo lwa kine lwa kimye kya kulutwe?\nBya Kulama Bakolwa\nBa mu kisemi bafwainwa kutekenesha byepi mulongo wabo uji na kikola kibula kupwa? Balama balwazhi bakonsha kuba byepi pa kuba'mba babulenga kumvwa ku muchima kutama kimye kyo babena kubezha mulongo wabo?\nBikola\nBintu 9 byakonsha kwimukwasha bya kuba na bikola bya ku bongo.\nKyatamina ka kwifuukwilapo anweba bene kuleka kuja kajo kamo amba mubiji wikakana?\nMwakonsha kwivimbila inge mwikala nangwa mubena kukeba kuya na kufwakasha mu kyalo muji kikola kya malelya.\nBijikila\nYukai biyukilo byakonsha kumwesha'mba muntu uji na binyenge, biyukilo, ne bilengela. Bansemi ne bantutu byo bakonsha kwibakwasha.\nBijikila\nBishinka bitanu byakonsha kukukwasha kuyuka byakuba na bijikila.\nKafwako muntu ubuula kupitamo mu bijikila ne. Nanchi bijikila byakonsha kupwa nyi?\nBijikila byawama byakonsha kwimukwasha; byatama byakonsha kwimuletela makatazho. Mwakonsha kuba byepi na bino bijikila?\nInge ke mukeba kuba bintu byonse, mukakankalwa kubapotu nangwa kimo. Mwakonsha kuba byepi pa kuba'mba mubulenga kukookesha?\nBintu byakonsha kwaluka mu bwikalo kimye kiji kyonse, kabiji kimye kimo kikatazha kuyuka bya kuba. Monai banyike bamo byo boba inge bintu byaaluka mu bwikalo.\nMashinda asatu akonsha kwimukwasha kubula kwakamwa.\nMashinda a Kubukilwamo\nKulanguluka pa kimye kyo bemubuula kuya na kumonañana na dokotala ne kwikala mu Kipatela kuleta bingi bijikila. Pano mwakonsha kukwasha byepi mulunda nenu nangwa mulongo inge wakolwa?","id":"","dump":"CC-MAIN-2018-17","url":"https:\/\/www.jw.org\/kqn\/bifunjisha-baibolo\/mutende-lusekelo\/kukasuluka-ku-mubiji-ne-mu-milanguluko\/","date":"2018-04-23T22:17:21Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946199.72\/warc\/CC-MAIN-20180423203935-20180423223935-00623.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":382,"character_repetition_ratio":0.08,"word_repetition_ratio":0.0,"special_characters_ratio":0.168,"stopwords_ratio":0.178,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Nanchi wakonsha kuchinuzhuka kwibitamba nyi?\nInge wingijisha intaneti, uyuke'mba juba jimo ukamonapo bya mulekese bimo. Hayley uji na myaka 17 waambile'mba, \"kechi kwikala ne kwibikeba ne, abyo byonka byo bikukeba.\"\nBya mulekese byakonsha kongola ne boba bafuukulapo kwibichinuzhuka. Greg uji na myaka 18 waambile'mba, \"Nafuukwilepo kuba'mba kechi nkatambapo bya mulekese ne, bino nebitambile. Kechi wakonsha kwamba'mba kino kechi kikammwekela ne.\"\nLelo jino, bya mulekese byapeela kutaana kukila byo kyajinga kala. Kabiji byo kwaiya kwitumina byambo, bipikichala nangwa mavidyo abindankanya mubiji, bakyanyike bavula balenga ne kutuma bya mulekese byabo.\nKishinka: Ubena kupita mu lukatazho lukatampe kukila lwapichilemo bansemi yobe nangwa bankambo yobe kimye kyo bajinga pa jifumbi jobe. Bwipuzho ke buno, nanchi wakonsha kukana kutamba bya mulekese nyi?\nWakonsha, inge wasalapo kuba byobyo. Bino patanshi wafwainwa kushiinwa'mba bya mulekese byatama. Twaya twisambe pa bubela bumo ne bishinka bimo pa uno mutwe.\nBubela ne bishinka\nBubela: Bya mulekese kechi byakonsha kuntwala mungi ne.\nKishinka: Byonkatu fwanka byo oba ku mapwapwa obe, ne bya mulekese byo byo byuba ku milanguluko yobe. Bikonauna. Bilengulula kintu kyanema Lesa kyo alengele'mba kikekalenga myaka pakachi ka bantu babiji. (Ntendekelo 2:24) Mu kuya kwa kimye byakonsha ne kukulengela kubula kutako muchima ku kyawama ne kyatama. Kyakumwenako, bashayuka bamo bamba'mba banabalume batemwa kutamba bya mulekese kechi batako muchima ku banabakazhi babo ne, bebamanyika.\nBaibolo waamba'mba kuji bantu bamo 'babuula bumvu.' (Efisesa 4:19) Mawi abo a mu muchima aleka kwingila kya kuba bafika ne pa kipimo kya kuleka kwilangulusha umvwe bauba byatama.\nBubela: Bya mulekese byakonsha kukufunjisha kwilaala.\nKishinka: Bya mulekese bikufunjisha lwiso. Bilengela kubula kunemeka wamulume nangwa wamukazhi ne kumumona nobe wa kwilaalatu nanji pa kuba'mba upwishe kilaka kyo uji nakyo. O ene mambo upesapesa umo o aambijile'mba aba batamba bya mulekese bakankalwa kupwisha kilaka kya kwilaala inge batwela mu masongola.\nBaibolo ubuula bena Kilishitu kukana \"bulalelale, bubipisho, kusakasaka kubindankanya muchima, kusakasaka kubi ne lwiso,\" ko kuba'mba bintu byonse biya na mambo a kutamba bya mulekese.\nBubela: Aba bakana bya mulekese bamona kwilaala amba kimalwamalwa.\nKishinka: Bantu bakana bya mulekese banemeka bingi kwilaala. Bamona'mba buno ke bupe bwalengele Lesa bulengela bantu baji mu masongola kukwatankana. Aba baji na ino ndangulukilo bo beyowa bingi kwilaala inge batwela mu masongola.\nBaibolo kechi upita mu mbaji kwamba pa kwilaala ne. Kyakumwenako, wabuula banabalume basongola amba: \"Usangalele mu mukazhobe wa mu bwanyike bobe . . . Wikale wa kwibukomoka butemwe bwanji moba onse.\"\nBya Kukana Kutamba bya Mulekese\nWakonsha kuba byepi inge wamona'mba lweseko lwa kutamba bya mulekese lwakatazha kushinda? Kunemba \"Bya Kukana Kutamba bya Mulekese\" kwakonsha kukukwasha.\nYuka kuba'mba wakonsha kushinda lweseko lwa kukeba kutamba bya mulekese. Kabiji inge utamba bya mulekese wakonsha ne kwibileka. Ukamwenamo byavula mu kuba kino.\nLanguluka pe Calvin waambile'mba watendekele kutamba bya mulekese saka aji na myaka nobe 13. Waambile'mba: \"Nayukile'mba byatama, pano bino nakankelwe kwikileka. Kabiji inge nafuma na kwibitamba muchima wankatazhanga bingi. Mu kuya kwa moba batata bayukile, kabiji kwambatu kine naumvwine bingi bulongo! Mambo bampele bukwasho bo nakebelenga.\"\nCalvin wafunda kukana kutamba bya mulekese. Waamba'mba: \"Kutamba bya mulekese kechi kwawama ne, mambo ne pa kino kimye bipikichala bikiya mu milanguluko yami. Kabiji jimo mponena mu lweseko lwa kulanguluka pa bintu byo nakonsha kumona inge natamba bintu byo nafwainwa kubula kutamba. Bino ndanguluka pa byo nji wa lusekelo, wabula biko ne pa bintu byawama bya bwikalo bwami bwa kulutwe inge nauba bintu monka mukebela Yehoba.\"","id":"","dump":"CC-MAIN-2018-17","url":"https:\/\/www.jw.org\/kqn\/bifunjisha-baibolo\/banyike\/bepuzha\/mambo-ka-o-nafwainwa-kubula-kutamba-bya-mulekese\/","date":"2018-04-19T16:44:14Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125936981.24\/warc\/CC-MAIN-20180419150012-20180419170012-00096.warc.gz","language":"kqn","language_score":1.000009656,"language_script":"Latn","minhash_cluster_size":1,"top_langs":"{\"kqn_Latn_score\": 1.0000096559524536}","num_words":542,"character_repetition_ratio":0.091,"word_repetition_ratio":0.0,"special_characters_ratio":0.176,"stopwords_ratio":0.177,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MUBENA kwinengezha kuya mu mwingilo lukelo juba jo mubena kubula kuya ku nkito. Mwakankazhama na mambo a kuba'mba mubena kumvwa kukoka. Mubena kukeba bingi kukokoloka jojo juba. Mwalomba ne kufukulapo kuya. Mwaingila na nyenga wa kishinka wa kikulumpe, kabiji kuchinchika kwanji ne lusa kwimutundaika. Byo mubena kusapwila ku nzubo ku nzubo, mwatana kuba'mba banyenga ne balongo mwaya ntanda yonse babena kusapwila pa mambo amo, kwingijisha mabuku amo, kabiji bonse babena kumwenamo mu lufunjisho lumotu. Pa kufika ku nzubo, bulume bwabwelamo. Mwaumvwa bulongo mambo mwakuya mu mwingilo.\nPa kino kimye, mwingilo wanema wa bena Kilishitu ke wa kusapwila pa Bufumu bwa Lesa. Yesu waambijile jimo amba mwingilo wa kusapwila ukengijiwa bingi mu moba akupelako. (Mat. 24:14) Nga buno bungauzhi bubena kufika byepi? Mu kino kipungu, tusakufunda pa bantu, mashinda, ne bintu byo baingijisha pa kwingila mwingilo wa bwina Kilishitu ubena kukwasha bantu bavula mwaya ntanda yonse kuketekela Bufumu bwa Lesa.\nBIJI MU KINO KIPUNGU\nKITANGO 6\nMambo ka Yesu o aketekejile kuba'mba ukekala na jibumba ja basapwishi bepana mu moba akapelako? Mwakonsha kumwesha byepi kuba'mba mubena kutangizhako Bufumu?\nKITANGO 7\nYukai mashinda aingijisha bantu ba Lesa kusapwila mambo awama mpelo saka ikyangye kwiya.\nKITANGO 8\nMwingilo wetu wa kutuntulula umwesha byepi kuba'mba Yesu ubena kwitukwasha? Ñanyi bishinka byaamba pa mabuku etu bimulengela kushiinwa kuba'mba Bufumu bwa kine?\nKITANGO 9\nYesu wafunjishe baana banji ba bwanga bintu bibiji byanema pa mwingilo mukatampe wa ku mupashi wa kunowa. Bino bintu bitukunza byepi lelo jino?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/lesa-bufumu\/kusapwila\/","date":"2018-04-25T22:35:26Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947968.96\/warc\/CC-MAIN-20180425213156-20180425233156-00059.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":236,"character_repetition_ratio":0.064,"word_repetition_ratio":0.0,"special_characters_ratio":0.178,"stopwords_ratio":0.229,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"11 Nakonsha kutemwa bingi umvwe mwantekenya mu kubula maana kwami kucheche. Pano bino mubena kuntekenya! 2 Mambo nemubila mukao yenka mukao* ubapo Lesa, nemulayile kwimusongwesha ku mwanamulume umo aye Kilishitu kabiji mbena kukeba kwimufikizha kwi aye nobe kisungu wilama.*+ 3 Nangwa byonkabyo, naakamwa kuba'mba, byonkatu muloolo byo ajimbaikile Evwa mu bujimuku bwanji,+ milanguluko yenu yakeya konaika kufuma ku bukishinka ne ku kwilama bulongo byafwainwa Kilishitu.+ 4 Umvwe muntu ungi waiya na kusapwila pe Yesu wapusana na ye twasapwijilepo, nangwa mwatambula mupashi wapusana na ye mwatambwile, nangwa mwatambula mambo awama apusana na o mwatambwile,+ mupelawizha bingi kumutekenya. 5 Mambo nayuka namba, batumwa benu bawamisha kechi bankila mu kintu nangwa kimo ne.+ 6 Nangwa kya kuba kechi nayuka kwamba bulongo ne,+ bino maana nji nao; twialumbulwile bulongo kwi anweba mu mashinda onse ne mu bintu byonse. 7 Nanchi nalengele mambo pa kwipelula namba anweba mutumbijikwe, byo nemusapwijile na lusekelo mambo awama a Lesa kwa kubula kwimulipilisha nyi?+ 8 Bipwilo bikwabo nebitambwile* bintu* byabyo kuba'mba nemwingijile.+ 9 Bino byo najinga nenu saka nakajilwa bintu, kechi nakatezhepo muntu nangwa umo ne, mambo balongo bafumine ku Makedonya bampele byonse byo nakajilwe.+ Mu bintu byonse kechi nakebelenga kwimukatazha ne, kabiji nkatwajijila kwikala byonkabyo.+ 10 Byonkatu bukine bwa Kilishitu byo buji mwi amiwa, kechi nkaleka kwitotela+ mu bibunji bya mu Akaya ne. 11 Mambo ka o nabujile kwimukatazha? Nanchi na mambo a kuba kechi nemutemwa nenyi? Lesa wayuka'mba nemutemwa. 12 Bino amiwa nkatwajijila kuba byo mbena kuba,+ kuba'mba nkapwishe akya kintu kyo babepelamo aba bakeba kintu* kya kwiesakenyapo ne atweba mu bintu byo betotelamo. 13 Mambo bantu ba uno mutundu bo batumwa ba bubela, ba mingilo ba bujimbijimbi, kabiji bebepekezha kwikala batumwa ba kwa Kilishitu.+ 14 Kabiji kino kechi kya kukumya ne, mambo Satana watwajijila na kwialula kwikala nobe malaika wa kyeya.+ 15 Onkao mambo, kino kechi kya kukumya ne, umvwe ba mingilo banji bealula kwikala nobe ba mingilo baoloka. Bino mpelo yabo ikekala monka mwayila mingilo yabo.+ 16 Naamba jibiji namba: Muntu nangwa umo kange alanguluke'mba maana mfwao ne. Bino nangwa kya kuba mwammona bino, muntambule byonkabyo nobe muntu wabula maana, kuba'mba ne amiwa netoteko pacheche. 17 Byo mbena kwamba, kechi mbena kulondela byamba Nkambo ne, mbena kwamba byonka byakonsha kwamba muntu wabula maana, na kwitota ne kwiketekela. 18 Bavula byo babena kwitotela mu bintu bya ku mubiji,* ne amiwa nsakwitota. 19 Anweba byo muji na \"maana,\" mumvwa bulongo kwibatekenya bantu babula maana. 20 Mambo mumutekenya yense wimulama buzha, yense wimupukula bintu byenu, yense wimwangata byo muji nabyo, yense witumbijikila pe anweba ne yense wimupuma mu kilungi. 21 Naamba kino mu kwilengulwisha atweba bene, mambo kyakonsha kumweka nobe twikyubila mu kubula kukosa. Bino bakwabo inge bekyubila mu kuchinchika—mbena kwamba nobe muntu wabula maana—ne amiwa mbena kwikyuba mu kuchinchika. 22 Nanchi abo bo Bahebelu nyi? Ne amiwa ne Muhebelu.+ Nanchi abo bo bena Isalela nyi? Ne amiwa ne mwina Isalela. Nanchi abo bo baana* ba kwa Abalahama nyi? Ne amiwa nemwananji.+ 23 Nanchi abo bo ba mingilo ba kwa Kilishitu nyi? Nakumbula nobe muntu wakonya, amiwa ne bakila bonse: Naingila mingilo yavula,+ bankashile bimye byavula,+ bampumine bipumo byavula kabiji napichile mu bintu byavula bileta lufu.+ 24 Pa bimye bitanu, Bayudea bampumine bipumo 40 kufumyapo kimo,+ 25 pa bimye bisatu, bampumine na tumama,+ pa kimye kimo bangashile mabwe,+ pa bimye bisatu maato o najingamo aonaikile,+ bufuku ne mute najinga pa kalunga ka mema; 26 naendanga javula, kupita mu bizumba bya pa mikola, kukeba kungipaya ku tupondo, kukeba kungipaya ku bantu ba mu kisaka kyami,+ kukeba kungipaya ku bisaka bya bantu,+ mu bizumba bya mu muzhi,+ mu bizumba bya mungye, mu bizumba bya pa kalunga ka mema, mu bizumba bya balongo ba bubela, 27 mu kwingila mingilo yakosa ne ya kumanama, mu kutoñama javula,+ mu kufwa nzala ne kilaka,+ mu kubula kajo javula,+ mu mashika ne mu kubula bya kuvwala.* 28 Kununga pa bino bintu byonse bya pangye, kuji ne kyokya kinkatazha pa juba pa juba:* ko kuba'mba kijikila pa mambo a bipwilo byonse.+ 29 Ñanyi wabula kukosa, ne amiwa nabula kukosa? Ñanyi ye batuntwisha, ne amiwa kuzhingila ne? 30 Umvwe kyamfwainwa amiwa kwitota, nketotela mu bintu bimwesha kubula kukosa kwami. 31 Lesa, Shanji Nkambo Yesu, aye utotwa myaka ne myaka, wayuka'mba kechi mbena kubepa ne. 32 Mu Damasakasa, kitumbafumu wa kwa mfumu Aletasi wasopelenga muzhi mukatampe wa bena Damasakasa kuba'mba ankwate, 33 bino bangikizhizhe mu ntumbe ne kundupwila pa kipenze kya nsakwa ya muzhi+ ne kupuluka napulukile mu maboko anji.\nTubyambo twa munshi\n^ Mu Kingiliki, \"mukoyo wa Lesa.\"\n^ Nangwa'mba \"watoka.\"\n^ Nangwa'mba \"nebyangachile.\"\n^ Nangwa'mba \"bukwasho.\"\n^ Nangwa'mba \"kintu kyo babepelamo.\"\n^ Ko kuba'mba, mumwena bantu.\n^ Mu Kingiliki, \"lukunwa.\"\n^ Mu Kingiliki, \"najinga na bwamba.\"\n^ Nangwa'mba \"makatazho amfikila pa juba pa juba.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/2-kolinda\/11\/","date":"2018-04-22T07:21:51Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945497.22\/warc\/CC-MAIN-20180422061121-20180422081121-00540.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":735,"character_repetition_ratio":0.053,"word_repetition_ratio":0.0,"special_characters_ratio":0.206,"stopwords_ratio":0.244,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"NEMBA BISHINKA Mambo ka o Naitabila mwi Lesa? Uno pepala pa kunemba usa kukukwasha kushiinwa kuba'mba Lesa koaji. Kopolola Bikwabo Bijipo Monai Byonse Bya Kuba na Kukoma kwa Mubiji Uno pepala wakonsha kwimukwasha kuyuka bya kuba na kukoma kwa mubiji. Mwisambo Waimena pa Nyimbo Nanchi bansemi benu batemwa nyimbo yo mutelekako nyi? Nanchi mwatemwa nyimbo bansemi benu yo batelekako nyi? Ingijisha mapepala pa kunemba wesakanye ne kwisamba mikumbu. Kulangulukapo Bulongo pa Mizhilo Langulukishapo bulongo pa mizhilo yo ubena kukankalwa kukookela. Monai Byonse Tumai Musabilo Tumai Musabilo BANYIKE PO BAKONSHA KUNEMBA BYAMBO BYABO Mambo ka o Naitabila mwi Lesa? Kikaonde Mambo ka o Naitabila mwi Lesa? https:\/\/assetsnffrgf-a.akamaihd.net\/assets\/m\/502014157\/univ\/art\/502014157_univ_sqr_xl.jpg","id":"","dump":"CC-MAIN-2018-17","url":"https:\/\/www.jw.org\/kqn\/bifunjisha-baibolo\/banyike\/pa-kunemba-byambo\/mambo-ka-o-naitabila-mwi-lesa\/","date":"2018-04-27T00:15:23Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948617.86\/warc\/CC-MAIN-20180426222608-20180427002608-00438.warc.gz","language":"kqn","language_score":1.0000085831,"language_script":"Latn","minhash_cluster_size":2,"top_langs":"{\"kqn_Latn_score\": 1.0000085830688477}","num_words":106,"character_repetition_ratio":0.096,"word_repetition_ratio":0.0,"special_characters_ratio":0.189,"stopwords_ratio":0.142,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Yelemiya bamupele mwingilo wa kujimunako Bayudea pa lonaiko lwaishilenga mambo bavulamine Lesa wabo, aye Yehoba. (Ye 13:25) Ñanyi bintu byalengejile kino kisaka kuvulama Yehoba? Bisemi bya bena Isalela balekele kuta muchima kwi Lesa wabo. Mitwe ya bisemi kechi yalondelanga bibakambizhe Yehoba mu Mpitulukilo ya mu Mizhilo 6:5-7.\nLelo jino, mu bipwilo muji bisemi byata muchima kwi Lesa, bikosesha bingi bipwilo. Mitwe ya bisemi yakonsha kukwasha bisemi byabo kuvulukanga Yehoba inge ke bikale na Kupopwela kwa Kisemi kimye kyonse. (Sl 22:27) Panyuma ya kutamba vidyo wa kuba'mba \"These Words . . . Must Be on Your Heart\"—Family Interviews, kumbulai ano mepuzho:\nBisemi bimo bishinda byepi makatazho eya na mambo a kupopwela kwa kisemi?\nÑanyi bintu byawama bifuma mu kwikala na mutanchi wa Kupopwela kwa Kisemi kimye kyonse?\nÑanyi makatazho o ngikala na o pa kupopwela kwa kisemi, kabiji nakonsha kuba byepi pa kuba'mba neapwishe?","id":"","dump":"CC-MAIN-2018-22","url":"https:\/\/www.jw.org\/kqn\/mabuku\/jw-Mutanchi-wa-Kupwila\/march-2017-mwb\/mutanchi-wa-kupwila-mar27-apr2\/kwashai-kisemi-kyenu-kuvulukanga-yehoba\/","date":"2018-05-25T01:52:55Z","file_path":"s3:\/\/commoncrawl\/crawl-data\/CC-MAIN-2018-22\/segments\/1526794866917.70\/warc\/CC-MAIN-20180525004413-20180525024413-00555.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":137,"character_repetition_ratio":0.072,"word_repetition_ratio":0.0,"special_characters_ratio":0.198,"stopwords_ratio":0.19,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Nanchi mwatanga magazini a katataka a Kyamba kya Usopa nyi? Monai inge mwakonsha kukumbula ano mepuzho:\nÑanyi mambo aambilengapo Yesu mu lujimuno luji mu Mateo 18:15-17?\nWaambilenga pa makatazho bena Kilishitu babiji o bakonsha kupwisha bubiji bwabo. Bino inge muntu walenga ano mambo wakana kulapila bafwainwa kumupanga mu kipwilo. Ano mambo akonsha kuvwangamo bintu nabiji bujimbijimbi ne kayebe.—w16.05 ji. 7.\nMwakonsha kuba byepi pa kuba'mba mumwenengamo mu kutanga Baibolo?\nMwakonsha kuba bino byalondelapo: Tangainga binembelo byonse ne kumona byo mwakonsha kufunjilako ku kinembelo kyonse kyo mubena kutanga; ishikishainga mepuzho nabiji bwa kuba'mba 'Nakonsha kwibingijisha byepi mu kukwashako bakwetu?'; kabiji ingijishainga bingijisho byo muji nabyo kukebakeba bishinka bikwabo pa kuba'mba mumvwishe byo mwatanga.—w16.05 ma. 28-30.\nNanchi kyatama mwina Kilishitu kumvwa bulanda inge mutemwe wanji wafwa nangwa kya kuba waitabila mu lusanguko nyi?\nKwitabila mu lusanguko kechi kufumyapo bulanda bwikala na mwina Kilishitu inge wafwisha mutemwe wanji ne. Abalahama wamujijile bingi Sala. (Nte. 23:2) Inge papita kimye muntu wakonsha kukepeshako bulanda.—wp16.3 ji. 4.\nMwanamulume wajinga na fukuta mwajinga bya kunembako munembeshi watongolwa mu Ezikyo kitango 9, ne banabalume batanu na umo bajinga na bya kwipayañenako bemenako bañanyi?\nTwayuka'mba bemenako mazhita a mwiulu aonawine Yelusalema kabiji akeya na konauna ino ntanda yatama ya kwa Satana pa Amagedonyi. Lelo jino, mwanamulume uji na bya kunembako munembeshi wimenako Yesu Kilishitu ukabika tuyukilo pa bantu bakapuluka.—w16.06 ma. 31-32.\nBaibolo wapuluka mu ñanyi bizumba?\n(1) Wapulukile kizumba kya kubola mambo bintu byo baingijishe kunembapo nabiji mambanga ne biseba bibola; (2) bantangi ba bumulwila ntanda ne ba bupopweshi bakebelenga konauna Baibolo; ne (3) bantu bamo bakebelenga kupimpulako byambo bijimo.—wp16.4 ma. 4-7.\nMwina Kilishitu wakonsha kupeezhako byepi bwikalo bwanji?\nNembai mutanchi wa bintu byo mukeba, kabiji kange monaunenga mali na kupota bintu byabula kunema ne. Lengai mutanchi wa bintu byo mukeba kupota. Tayai bintu byo mubula kwingijisha ne kubwezha nkongole bukiji bukiji. Langulukai byo mwakonsha kubula kutayanga kimye kyabaya pa nkito, kabiji nengezhai byo mwakonsha kwingilangako kimye kyabaya mu mwingilo.—w16.07 ji. 10.\nÑanyi kintu Baibolo kyo aamba'mba kyanema kukila ngolode nangwa siliva?\nNanchi kijitu bulongo mulongo kubula kutenda myevu nyi?\nMu bisho bimo kijitu bulongo kushako myevu icheche ku mubanga kabiji kechi kyakonsha kulengela bantu kukana kuteleka ku mambo a Bufumu ne. Nangwa byonkabyo, balongo bakwabo kechi bakeba kulama myevu ne. (1 Ko. 8:9) Mu bisho bimo ne mapunzha amo bamona'mba kechi kyawama mwina Kilishitu kwikala na myevu ne.— w16.09 ji. 21.\nMambo ka o twafwainwa kubujila kuzhinauka jishimikila ja mu Baibolo jaamba pa nkondo yalwile Davida ne Goliata?\nGoliata walepele mamita 2.9, ko kuba'mba walepele kukila muntu ye bamba'mba walepa kukila bantu bonse pa ntanda lelo jino. Bapoya bya kupoyapoya bataine po banemba'mba, nzubo ya kwa Davida, ne Yesu waambilepo pe Davida. Mapunzha atongolwamo amwesha'mba jino jishimikila ja kine.—wp16.5 ji. 13.\nÑanyi lupusano luji pa maana a kuyuka bintu, kukwatakanya bintu, ne maana?\nMuntu uji na maana a kuyuka bintu, uyuka bintu byavula bingi nangwa bishinka. Muntu ukwatakanya bintu wakonsha kumona kishinka kimo byo kyakwatankana na kikwabo. Pakuba muntu uji na maana wingijisha bulongo bintu byo ayuka ne byo akwatankanya.—w16.10 ji. 18.","id":"","dump":"CC-MAIN-2018-34","url":"https:\/\/www.jw.org\/kqn\/mabuku\/magazini\/kyamba-kya-usopa-kya-kufundamo-december-2016\/nanchi-mukivuluka-nyi-december-2016\/","date":"2018-08-17T21:08:15Z","file_path":"s3:\/\/commoncrawl\/crawl-data\/CC-MAIN-2018-34\/segments\/1534221212910.25\/warc\/CC-MAIN-20180817202237-20180817222237-00387.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":486,"character_repetition_ratio":0.051,"word_repetition_ratio":0.0,"special_characters_ratio":0.197,"stopwords_ratio":0.2,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Kwikala ngikazhi wa mu Loma kwakwashishe byepi Paulo kwingila bulongo?\nKwikala ngikazhi wa mu Loma kwalengelanga muntu kwingilako mingilo imo ne kubakotu bintu bikwabo ku mpunzha konse ko aya. Mwina Loma walondelangatu mizhilo ya bena Loma kwapwa, kechi mizhilo ya mu bibunji bingi ne. Inge muntu bamupamo mambo, waswanga kumutotolwesha kwesakana na mizhilo, nangwa byonkabyo, bamuswishanga kutwala mambo anji ku kije kya bena Loma. Umvwe muntu bamutaana na mambo a kuba'mba wafwainwa kufwa, bamuswishanga kwiatwala ku mfumu.\nO ene mambo Cicero mwina Loma ye banemekele bingi mu bya bumulwila ntanda mu myaka kitota kitanshi, o anembejile'mba: \"Kukasa ngikazhi wa mu Loma ajinga mambo akatampe bingi; kupuma muntu ajinga a bulala; kwipaya muntu kwajingatu pamo na muntu waipaya bansemi banji nangwa mulongo wanji.\"\nMutumwa Paulo wasapwijile bingi bulongo mu Bufumu bonse bwa bena Loma. Pa bimye bisatu, waingijishe luusa lwanji byo ajinga ngikazhi wa mu Loma: (1) Wabuujile kije kya bena Filipai amba bamulengele mambo pa kumupuma. (2) Waambile ko afumine pa kuba'mba bakabule kumupuma pa kuya ku Yelusalema. (3) Watwajile mambo anji kwi Kesala, mfumu wa mu Loma, pa kuba'mba akomvwe byajinga mambo o bamupelengamo.—Byubilo 16:37-39; 22:25-28; 25:10-12.\nBakafunga bebafwetanga byepi mu moba a kala?\nMushakulu Yakoba wafungilenga mikooko ya bako banji ba Labanyi myaka 20. Yakoba waingijile Labanyi myaka 14 pa kuba'mba amupe baana banji ba bakazhi babiji, kabiji myaka yashajileko 6 bamupelejilemo banyama. (Ntendekelo 30:25-33) Magazini umo wa Biblical Archaeology Review waamba'mba: \"Lumvwañano lo baumvwañene Labanyi ne Yakoba pa mambo a kufunga mikooko lwipasha bingi na byanembele banembi ba kala ne batanga Binembelo.\"\nBakeba bya kukebakeba bataaine po banemba byo baubanga kala inge balayañana kuba bintu bimo pa mapunzha a Nuzi, Larsa ne mapunzhatu akwabo aji mu Iraq. Luno lulayañano belubanga pa mwaka pa mwaka pa kutenda boya bwa mikooko kukafikatu ne ku mwaka mukwabo. Bakafunga baswanga kwingila ino mingilo inge bebapa banyama bo banemba kwesakana na myaka iji na banyama inge ba balume nangwa ba bakazhi. Umvwe mwaka wapwa, mwina banyama watambulanga boya bwa mikooko, nangwa kajo kakwabo ko balenganga ku mukaka, baana ba banyama ne bintutu bikwabo. Bintu byonse byasubukangapo bebipananga ku kafunga.\nPa kuba'mba mikooko ivule, bavuzhanga mikooko ikazhi yo bapanga kafunga kuba'mba eifungenga. Mikooko ikazhi 100 yasemanga baana 80. Kafunga wabwezhangapo ungi inge umo wafwa nangwa waeleka. Onkao mambo, kafunga watangako bingi muchima kulama bulongo banyama bo bamupa.","id":"","dump":"CC-MAIN-2018-34","url":"https:\/\/www.jw.org\/kqn\/mabuku\/magazini\/wp20150301\/mutumwa-paulo-baibolo-bakafunga\/","date":"2018-08-16T14:02:46Z","file_path":"s3:\/\/commoncrawl\/crawl-data\/CC-MAIN-2018-34\/segments\/1534221211000.35\/warc\/CC-MAIN-20180816132758-20180816152758-00222.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":372,"character_repetition_ratio":0.056,"word_repetition_ratio":0.0,"special_characters_ratio":0.192,"stopwords_ratio":0.204,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mutende wa Kubula Kuketekela\nBa Lennart Johnson ne ba Virginia ne ba Roy Brandt ne ba Juanita bamishonale batwajijile mu mwingilo wabo mu ino myaka yakatezhe bingi mo balekeshe mwingilo. Ba Lennart bavuluka'mba: \"Ba Roy Brandt ne amiwa betwichile ku mukulumpe wa mu kafulumende na kwitutebawisha. Uno mukulumpe wa mu kafulumende wa kwa Trujillo kimye kimo waichile Mulongo Manuel Hierrezuelo kuba'mba eye amonañane nanji. \"Kyatamine bingi mambo Mulongo Manuel bamwipaile kimye kyo bamutebawishenga. Wajinga wa kishinka kufikatu ne ku mpelo. Pano ki ka kyamwekejile ba Lennart ne ba Roy? Ba Lennart batwajijile kwamba'mba: \"Byo twafikile, betwipwizhe mepuzho umo umo, kwa bunke, kabiji byonse byo twaambilenga bebikopelenga. Pa kyo kya kimye kafwako kyamwekele ne, bino byo papichile bañondo babiji, pepala wa byambo umo waambile'mba kafulumende wa kwa Trujillo wakasulula Bakamonyi ba kwa Yehoba kabiji ne kuba'mba bakonsha kutendeka mwingilo wabo jikwabo.\"\nMu 1950, mwingilo wetu saka bakyangye kumulekesha, basapwishi bajinga 261 basapwijilenga mu kyalo kya Dominican Republic. Mwingilo wetu byo bamuswishishe mu August 1956, basapwishi basapwijilenga mambo awama bafikile 522. Balongo bajinga bingi na lusekelo, byo bayukile kuba'mba bakasuluka kwingila mwingilo wa kusapwila panyuma ya kupitapo myaka itanu na umo ya kukaswa, kwibakanya ne kwibaketa.\nBantu ba Yehoba baubile byepi bintu byo byaalukile kwa kubula kuketekela? Ponkapotu batendekele kunengezha jikwabo bya kwingila mwingilo wa kusapwila. Bakebele pa kupwijila bipwilo ne kulenga ma mapu a mwakwingijila ne mafwailo a kipwilo. Balongo batemenwe bingi byo batendekele kuonda ne kutambula mabuku. Baingijile bingi na ngovu mu kino kimye kyo bakasulukile kusapwila. Kuno kwibikako kwabo kwalengejile mu bañondotu basatu, mu November mu 1956, basapwishi kufika 612 baingijilenga mwingilo wa kusapwila.\nLumpatompato lwa Bantangi ba Bupopweshi\nNangwa byonkabyo, bantangi ba mu Katolika ponkapotu batendekele kutopeka Bakamonyi. Bantangi babupopweshi bajinga bingi na bulume bwa kutundaika kafulumende kuzhiisha Bakamonyi mambo Trujillo wafwachikile pepala wa lumvwañano na mukulumpe wa Bakatolika. Pulishiti wa mu Katolika aye Oscar Robles Toledano, watumine nkalata ku Munembeshi wa Kyalo aye Virgilio Álvarez Pina, ya kulomba kafulumende kuba'mba amukwasheko \"kujimunako bantu ba mu Dominican mambo 'Bakamonyi ba kwa Yehoba' ke jibumba ja bantu batama bingi.\"\nToledano waambile'mba, patanshitu twafwainwa kumona kuba'mba twalekesha \"mwingilo wa Bakamonyi ba kwa Yehoba wa kujimbaika bantu.\" Nkalata ya kwa Toledano yaambile ne kuba'mba balekesha mabuku abo kwialeta mu kino kyalo, \"kikatakata buku wa kuba'mba 'The Truth Shall Make You Free' ('Bukine Bukemukasulula') ne magazini wa Kyamba kya Usopa.\"\nMwingilo Bamulekesha Jikwabo\nBantangi babupopweshi bakwatankene na kafulumende wa kwa Trujillo kuba'mba balukuke Bakamonyi. Francisco Prats-Ramírez wajinga ndamakyalo wa Dominican Party, watumijile nkalata Trujillo mu June mu 1957 ne kulumbulula'mba: \"Mbena kulanguluka kuba'mba tukasambakane ne kwisamba pa bya kulekesha byubilo byatama ne muteeto wa kukana bya bumulwila ntanda wa Bakamonyi ba kwa Yehoba.\"\nUno mukwekele wabo mwafumine bintu byatama bingi, byonka byo balumbulula mu buku wa kuba'mba Trujillo\nKukwatankana kwa Chechi ne Kafulumende kwibalengejile kuba kyo bakebelenga. Mu July, kipamo kya Congress of the Dominican Republic kyabikileko muzhilo wa kukanya mwingilo wa Bakamonyi ba kwa Yehoba. Balongo nobe 150 bebakashile.","id":"","dump":"CC-MAIN-2018-39","url":"https:\/\/www.jw.org\/kqn\/mabuku\/mabuku\/buku-wa-mwaka-wa-2015\/history\/kukasuluka-ne-kwibakanya-jikwabo\/","date":"2018-09-23T10:08:22Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159193.49\/warc\/CC-MAIN-20180923095108-20180923115508-00103.warc.gz","language":"kqn","language_score":1.0000088215,"language_script":"Latn","minhash_cluster_size":1,"top_langs":"{\"kqn_Latn_score\": 1.0000088214874268}","num_words":480,"character_repetition_ratio":0.072,"word_repetition_ratio":0.0,"special_characters_ratio":0.172,"stopwords_ratio":0.256,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KIPANGWA kiji na musombelo wa kifufya kitelwa'mba Pollia condensata kitanwa mu Africa ke kipangwa kiji na musombelo wa kifufya wakema bingi kukila bipangwa bikwabo. Nangwa byonkabyo, kino kipangwa inge mwikichiba kechi kiji na musombelo wa kifufya mukachi ne. Ki ka kilengela'mba kino kipangwa kikale na uno musombelo pangye?\nLangulukai pa kino: Maselo aji mu kino kipangwa kitelwa'mba berry aji na tubintu tuji nobe tumizhazhi mukachi twatanchikwa nobe mankishi aji mu kibiliki. Tuno tumizhazhi twatanchikwa mu bipungu bipungu, bipungu bimo bya tuno tumizhazhi byaikela mukachi kabiji kino kilengela tuno tumizhazhi kwipomba na tuji peulu. Tuno tumizhazhi kechi tuji na musombelo wa kifufya ne. Kilengela uno musombelo ke byatanchikwa tuno tumizhazhi. Nangwa kya kuba kino kipangwa kechi kiji na uno musombelo wa kifufya mukachi ne, bino byatanchikwa tumizhazhi mukachi kyo kilengela uno musombelo ubekauka. Kino kipangwa inge mwaimena mu kabeya, kimwesha misombelo yapusana pusana, kilengela bino ke byatanchikwa tuno tumizhazhi tuji mukachi. Bino inge mwafwenya pepi, misombelo ya kino kipangwa kechi imwekesha ne.\nBipangwa bya Pollia berries kechi biji na musombelo wa kifufya mukachi ne. Nangwa byonkabyo, bitwajijila kwikala na musombelo wabyo nangwatu inge byapona ku kichi. Bipangwa bimo byo batolele myaka ya kala ne luno bimwekatu nobe popo byapona ku kichi. Kino kipangwa kechi kiji na muleele mukatampe ne, kijitu na tumileele tucheche twavula mukachi kabiji kiji na bwema bulengela tuñonyi kwiya na kuja kino kipangwa.\nBashayuka ba bya sayansi bataana kuba'mba ku kino kipangwa kya Pollia berry bakonsha kulengako bintu bibula kuchuchuka nangwa kulenga bipepala bibula kwaluka musombelo.\nMwalangulukapo'mba Ka? Nanchi kipangwa kiji na musombelo wa kifufya kitelwa'mba Pollia Berry kyaishilekotu nyi, inyi bekilengele?","id":"","dump":"CC-MAIN-2018-43","url":"https:\/\/www.jw.org\/kqn\/mabuku\/magazini\/labainga-na4-2017-august\/kipangwa-kiji-na-Musombelo-wa-Kifufya-Pollia-Berry\/","date":"2018-10-19T19:59:55Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583512434.71\/warc\/CC-MAIN-20181019191802-20181019213302-00303.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":264,"character_repetition_ratio":0.146,"word_repetition_ratio":0.0,"special_characters_ratio":0.162,"stopwords_ratio":0.189,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BYALO 49\nBANTU BONSE 4,466,374,770\nBASAPWISHI 728,989\nBANTU BABENA KUFUNDA BAIBOLO 771,272\nMuntu Umo Walengejile Bavula Kufunda Bukine\nBa Jonathan bekala mu kyalo kya Philippines bapembelejilenga kumonañana na dokotala. Mwanamukazhi waingijilanga pa ofweshi po batambwila bantu mu kipatela wamwene ba Jonathan byo bavwajile bingi bulongo. Onkao mambo wibepwizhe inge kya kuba bengila ku kampanyi utala pa kwivimbila ku mapuso. Ba Jonathan balumbulwile'mba bajinga Bakamonyi ba kwa Yehoba kabiji baishile na kukwasha Kamonyi mukwabo wajinga mu kipatela. Uno mwanamukazhi, wa jizhina ja Laila watemenwe bingi, kabiji wabuujile ba Jonathan amba bashanji batanganga bingi Kyamba kya Usopa saka bakyangye kufwa. Ba Jonathan besambile nanji pa kinembelo kya Yoano 5:28, 29 ne kumupa talakiti wa kuba'mba Ñanyi Luketekelo Lotuji Nalo ku Batemwe Betu Bafwa?\nPa bimye byalondejilepo byo bayile ku kipatela, ba Jonathan batwajilanga Laila mabuku, kabiji mu kuya kwa kimye bamukebejile nyenga watendekele kumufunjisha Baibolo. Mu mobatu acheche, bamwatawanji Laila batendekele kufunda Baibolo, kubikapotu ne nkasanji wamukazhi, ne bainanji.\nRose, waikalanga kwipi na paikalanga Laila washikishe Laila kyalengelanga'mba pa nzubo yanji peyenga bantu bavula bingi. Laila wamubuujile'mba ubena kufunda Baibolo na Bakamonyi ba kwa Yehoba. Na mambo a kino, Rose naye watendekele kufunda Baibolo, kabiji byo ayile na kufwakesha nkasanji wamukazhi aye Abigail ku muzhi, wamubuujile bintu byo afunjilenga. Nkasanji wakebeshe kuyuka bino bintu, onkao mambo walombele kuba'mba naye bamufunjishenga Baibolo. Bainanji Rose nabo batendekele kufunda Baibolo.\nLaila wabatizhiwe pa kushonkena kwa kijiiji kwajingako katataka. Bainanji nabo babatizhiwa. Kabiji Rose ne nkasanji babatizhiwe mwaka wapwa. Bainanji Rose luno babena kupwila kimye kyonse. Kabiji balongo ba kwa Laila bakwabo batwajijila kufunda Baibolo. Bino byonse byamwekele na mambotu a muntu umo wisambile na Kamonyi pa kipatela.\nKwingijisha Biñambañamba bya Katataka pa Kukeba Bantu Bashinka Matwi\nMu kyalo kya Sri Lanka, mwingilo wa kusapwila bantu mu mulaka wa kwamba na maboko ubena kuyilako palutwe. Mu 2015, Bakamonyi bajingatu na mazhina 80 a bantu bashinka matwi, kabiji beanembeletu pa mapepala. Mu yenkawa mwaka, balengele kipwilo kitanshi kya mulaka wa kwamba na maboko, kabiji banembele mazhina 420 a bantu bashinka matwi. Beanembele pa kompyuta ne kwingijisha intaneti pa kuyuka bulongo mapunzha kwikala bano bantu. Balongo bebikako kumonañana na bavula pa bano bantu bashinka matwi nangwa kwisamba nabo kwingijisha kompyuta ne kwibatumina tubyambo twa pa foni. Bamulume ne mukazhi bamishonale baambile'mba: \"Luno basapwishi bashinka matwi baji na nyaunda mo baya na kusapwila. Kala bafwakashishangatu bantu bashinka matwi bo bayukijile jimo kwapwa.\"\nMukulumpe wa mu Kafulumende Wibasanchijile Bingi\nBalongo mu kyalo kya Mongolia bengila na mukoyo mu jishinda jiikajila ja kusapwilamo ku mvula bantu nangwatu inge kuji bingi mashika. Mukulumpe umo wa mu kafulumende wayile po batanchikile mabuku ne kutolapo umo, kabiji wanembele nkalata ya kwibasanchila. Wanembele'mba: \"Ngya mu bupopweshi bwa ba Buddha. Bino nafunda byavula pa bupopweshi bwapusana pusana, mambo ndondela jifunde ja kuba'mba kechi twafwainwa kuminatu jishinda jimo ne, bino twafwainwa ne kuyuka byuba bantu bakwabo. Na mambo a bintu byo natanga mu mabuku enu, nafuukulapo kunemba nkalata ya kwimusanchila. Namona kuba'mba mwibikako bingi kunemba bintu bya kukwasha bantu mu bwikalo. Kintu kimo kyo nafunda mu mabuku enu ke kya kuba'mba kyanema kutanga Baibolo. Uno ke buku muji bukine. Baibolo witubuula bya kwikala bwikalo bwawama. Nasanchila bonse bengila na ngovu kutuntulula mabuku mu mulaka wa bena Mongolia. Kabiji nasanchila ne bonse bemana mu mute nangwa mu mashika na kupana mabuku ku bantu a kwibakwasha.\"\nLesa Wakumbwile Milombelo Yanji\nPainiya wa jizhina ja Brett wikala mu muzhi wa Hong Kong, wisambile na nsongwalume uji pepi kufikizha myaka 30 ne kumupa talakiti wa kuba'mba Ñanyi kintu kyakonsha kwituletela lusekelo mu kisemi? Uno nsongwalume byo amwenetu talakiti, watendekele kujila. Waambile'mba wakomejile mu kisemi kya Bakamonyi, bino byo afikizhe myaka 16, wafuminepo pa nzubo. Kabiji pa myaka itanu yalondejilepo, waikalangatu mu mikwakwa ne kwingijisha bizhima kufikatu ne byo batendekele kumukwasha ku kipamo kikwasha bayanji.\nWanungilepo'mba lukelo saka akyangye kusambakana uno mulongo, walombele kwi Lesa amba, \"Inge kya kuba bupopweshi bo nayangamo ku bwanyike bo bwa kine, lelo nalomba namba mummweshe kiyukilo.\" Washiinwe kuba'mba Lesa wakumbula lulombelo lwanji. Bayile bonse babiji mu shitolo mwa kujiila kajo ne kwikala panshi na kwisamba mu buloshuwa wa kuba'mba Bwelai kwi Yehoba. Bino uno nsongwalume wabwelelenga kwabo ku France jonkajo juba, onkao mambo, wapele mulongo nambala wanji wa foni. Palutwe kacheche, nsongwalume watumijile Brett nkalata ne kumubuula'mba: \"Yehoba wakumbula milombelo yami. Pa Mulungu, nkaya ku Nzubo ya Bufumu iji kwipi na pa nzubo.\" Wisambile na Bakamonyi ba kwa Yehoba mu France ne kutendeka kufunda Baibolo ne kupwila kimye kyonse.","id":"","dump":"CC-MAIN-2018-43","url":"https:\/\/www.jw.org\/kqn\/mabuku\/mabuku\/buku-wa-mwaka-2017\/kusapwila-kufunjisha-mwaya-ntanda\/asia-ne-middle-east\/","date":"2018-10-21T01:50:47Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583513548.72\/warc\/CC-MAIN-20181021010654-20181021032154-00355.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":722,"character_repetition_ratio":0.056,"word_repetition_ratio":0.0,"special_characters_ratio":0.174,"stopwords_ratio":0.256,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"6 Kabiji Yehoba wañambijile jikwabo amba: 2 \"Obewa mwana muntu, tala ku mitumba ya Isalela ne kwaula bintu bikeimwekela. 3 Ukambe'mba, 'Anweba mitumba ya Isalela, umvwai byaamba Nkambo Mfumu Yehoba: Nkambo Mfumu Yehoba waambila mitumba, tutumbatumba, mikola ne bimpachiko amba: \"Talai! Amiwa nkaleta mpoko pe anweba kabiji nkonauna mapunzha enu atuntama. 4 Nkakundula bya kusokelapo bitapisho byenu ne kulalaula bya kufutumwinapo,+ ne bantu benu bo bakepaya nkebataya ku bankishi benu ba bunya.*+ 5 Nkataya mibiji yafwa ya bena Isalela ku bankishi babo kabiji nkataya bikupa byenu ku bya kusokelapo bitapisho byenu byonse.+ 6 Mu mapunzha onse mo mwikala, mizhi yonse bakeyonauna+ ne mapunzha enu atuntama bakebikundaula kabiji bikashalatu masala.+ Bya kusokelapo bitapisho byenu bakebikundula ne kwibyonauna, bankishi benu ba bunya bakebonauna, bya kufutumwinapo byenu bakebilalaula, ne bintu byo mwalenga byonse nabyo bikazhiya. 7 Bantu bo bakepaya bakalaalazhamatu mukachi kenu,+ kabiji mukayuka'mba amiwa yami Yehoba.+ 8 \"'\"Pano bino, nkashapo bamo, mambo bamo mwi anweba bakapuluka ku mpoko mu bisaka bya bantu kimye kyo bakemupalañenya mu byalo byonse.+ 9 Kabiji aba bakapuluka, bakamvuluka mu bisaka bya bantu mo bakebatwala buzha.+ Bakayuka'mba najinga na bulanda mambo a kuba kechi bajinga na bukishinka kwi amiwa ne,+ batele michima yabo ku bankishi babo ba bunya.+ Kikebalenga bingi bumvu ne kumvwa kutama ku muchima na mambo a bintu byonse byatama ne bya bunya byo baubile.+ 10 Kepo bakayuka'mba amiwa yami Yehoba, ne byambo byo naambile bya kwibasopesha namba nkeboba byatama, kechi byajinga byatutu ne.\"'+ 11 \"Nkambo Mfumu Yehoba waamba'mba: 'Popwela mu maboko obe ne kunyantaula maulu obe panshi, ne kuba bulanda pa bintu byonse byatama, bya bunya byonse byaubile bena Isalela, mambo abo bakafwa ku mpoko, ku nzala ne ku mwalo.+ 12 Baji kwalepa bakafwa ku mwalo, baji kwipi bakafwa ku mpoko, ne boba bakapuluka ku bino byonse bakafwa ku kipowe kya nzala; kabiji nkebazhingijila bingi.+ 13 Kepo mukayuka'mba amiwa yami Yehoba,+ kimye mibiji yabo yafwa kyo ikalaalazhamatu muji bankishi babo ba bunya, kuzhokoloka bya kusokelapo bitapisho+ byabo byonse, peulu ya tutumbatumba tonse, peulu ya mitumba yonse, munshi ya bichi byatenkuma ne munshi ya misampi ya bichi bikatampe ko bafumya bintu binunka bulongo bya kutapisha ku balesa babo bonse ba bunya.+ 14 Nkatanyika kuboko kwami ne kwibakambula ne kwalula kyalo kyabo kwikala masala kabiji mapunzha onse mo bekala akashalatu masala kukila bimweka kiselebwa kiji kwipi na Dibula. Kabiji bakayuka'mba amiwa yami Yehoba.'\"\nTubyambo twa munshi\n^ Kyambo kya Kihebelu kyakonsha kulumbulula'mba \"tuvwi\" kabiji bekingijisha kunenañenamo.","id":"","dump":"CC-MAIN-2018-43","url":"https:\/\/www.jw.org\/kqn\/mabuku\/baibolo\/nwt\/mabuku\/ezikyo\/6\/","date":"2018-10-23T03:37:29Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583516003.73\/warc\/CC-MAIN-20181023023542-20181023045042-00024.warc.gz","language":"kqn","language_score":1.0000094175,"language_script":"Latn","minhash_cluster_size":2,"top_langs":"{\"kqn_Latn_score\": 1.0000094175338745}","num_words":384,"character_repetition_ratio":0.07,"word_repetition_ratio":0.0,"special_characters_ratio":0.19,"stopwords_ratio":0.219,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KUJI ñambilo ya kuba'mba \"Mali bo bwikalo.\" Kino kyafwainwa kwikala kishinka. Mambo mali o etukwasha mu bwikalo bwetu kupota kajo, bivwalo ne kusonkela nangwa kupota nzubo. Muntu utala pa bya mali wanembele'mba: \"Mali anema bingi mu bwikalo bwa muntu. Inge kya kuba'mba mali beafumyako, kyakonsha kukatazha bingi kabiji mu ntanda mwakonsha kwikala nkondo.\"\nNangwa byonkabyo, kuji bintu bimo byakonsha kubula kupotwa na mali. Unemba nsansawilo wa ku kyalo kya Norway aye Arne Garborg waambile'mba inge uji na mali \"wakonsha kupota kajo, pano bino, kechi wakonsha kupota kijiika ne; wakonsha kupota muchi, pano bino, kechi wakonsha kupota butuntulu bwa mubiji ne; wakonsha kupota myanya yawama, pano bino, kechi wakonsha kupota tulo ne; wakonsha kufunda, pano bino, kechi wakonsha kupota maana ne; wakonsha kwiwamisha, pano bino, kechi wakonsha kupota buuya ne; wakonsha kumweka bulongo, pano bino, kechi wakonsha kukasulukila bantu ne; wakonsha kwikala na bya kisangajimbwe, pano bino, kechi wakonsha kwikala na lusekelo ne; wakonsha kuyukanyikwa ku bavula, pano bino, kechi wakonsha kupota balunda ne; wakonsha kwikala na bamingilo, pano bino, kechi wakonsha kupota bukishinka ne.\"\nInge muntu waikala na ndangulukilo yawama pa mali, wiamona'mba a kumukwashako kufikizha bikonkwanyi byanji. Pano bino, kukeba mali kechi kyo kintu kyo anemekesha mu bwikalo bwanji ne. Kuba bino kumulengela kutondwa na byo aji nabyo. Baibolo witujimunako amba \"kutemwa mali ye muzhazhi wa misango yonse ya bubi, kabiji bamo na mambo a kwiakebesha . . . beasaula bene na misongo yavula.\"—1 Timoti 6:10.\nYukai'mba kutemwa mali ko kuleta makatazho, kechi mali ene ne. Kya kine, kutemwa mali kwakonsha kulengela bulunda kupwa ne kuleta mabano mu bisemi. Langulukai pa bino byalondelapo.\nDaniel: * \"Nalangulukanga'mba mulunda nami Thomas wajinga bingi bulongo kabiji wa kishinka. Twaumvwañananga bingi kufikatu ne kimye kyo apotele motoka ye naingijishanga kala. Kechi nayukile'mba motoka wami wajinga na lukatazho ne. Pano bino, waswile kupota uno motoka kabiji twaumvwañene kuba'mba inge waikala na lukatazho kechi wafwainwe kumubwezha ne. Byo papichile bañondo basatu motoka wafwile. Thomas walangulukile'mba namubepele kabiji aye wakoselepotu amba namubwezhezhe mali anji. Nakuminye bingi. Byo naesekele kwisamba nanji, aye wazhingijile kya kine kine. Kimye kyo akebelenga ano mali anji, Thomas wamwesheshe muchima watama bingi.\"\nEsin: \"Nesrim ye nkasami ye njitu nanji. Twaumvwañananga bingi, kechi nalangulukangapo amba bintu bikaya munsunya na mambo a mali ne. Pano bino, kino kyo kyamwekele. Bansemi betu byo bafwile, betushijile mali kabiji betulayile'mba tukeabanetu pakachi. Nkasami wakaaine kulondela byalayile bansemi betu, aye wakebelenga kusenda mali avula kukila amiwa. Mambo a kuba'mba nafuukwilepo kulondela byaambile bansemi, aye wazhingijile bingi kabiji wampingijile kunguba kyatama. Kufikatu ne lelo kechi tumvwañana ne.\"\nMALI NE KUZHACHISHA BANTU\nKwikala na milanguluko yabula kufwainwa pa mali kulengela bantu kuzhachisha bakwabo. Muntu wanonka wakonsha kutendeka kulanguluka'mba bayanji bankope kechi bakeba kuwamishako bwikalo bwabo ne. Nangwa muyanji wakonsha kutendeka kulanguluka'mba bantu baji na bintu byavula batemwa bingi bunonshi, nangwa'mba baji na lunkumbwa lwa bintu. Mwanyike wafuma mu kisemi kya banonshi wa jizhina ja Leanne naye byobyo bamuzhachishanga byonkabye. Washimikizha'mba:\nLujimuno lwa mu Baibolo lwaamba pa mali lwawama bingi kabiji lwakonsha kwitukwasha ne pa kino kimye\n\"Bantu bamonanga'mba batata baji na mali avula bingi. Onkao mambo, javula bantu bañambilanga byambo nabiji bya kuba'mba: 'Inge paji kyo ubena kukeba uyatu na kubuula bashobe.' Nangwa'mba, 'Atweba twibayanji kechi twakonsha kupota myotoka yawama byonka byuba bansemi bobe ne.' Kyapeleleko nebambijile bakwetu namba bekileke kuñambila bino byambo, kabiji nebalumbulwijile kuba'mba byambo byabo binkozha bingi ku muchima. Kechi nakebelenga bakwetu kummonanga'mba muntu uji na mali avula ne, bino amba muntu ubila bantu bakwabo bintu byawama.\"\nBYAMBA BAIBOLO\nBaibolo kechi wakanya kwikala na mali ne, kabiji kechi ulengulula boba baji na mali avula ne. Kyatamako, kechi kuvula kwa mali muntu o aji nao ne, bino, ke muchima ye amwesha pa bintu byo aji nabyo nangwa byo akeba kwikala nabyo. Lujimuno lwa mu Baibolo lwaamba pa mali lwawama bingi kabiji lwakonsha kwitukwasha ne pa kino kimye. Langulukai pa bino.\nBAIBOLO WAAMBA'MBA: \"Kange wiyanjishe obe mwine na kukeba bunonshi ne.\"—Byambo bya Maana 23:4.\nKwesakana na byaamba buku wa The Narcissism Epidemic, bantu bakebesha bunonshi bakolwa \"bikola bya ku bongo, ne bikola bikwabo nabiji bilonda pa mukoshi, kukolwa musana, kukolwa mutwe kabiji batoma bingi malwa ne kwingijisha bibi michi ipendañana. Kukebesha mali javula kubika bantu mu makatazho.\"\nBAIBOLO WAAMBA'MBA: \"Mwikale babula kutemwa mali, sekelainga mu bintu byonka byo muji nabyo.\"—Bahebelu 13:5.\nMuntu usekela mu bintu byo aji nabyo kechi wikala na bijikila bya mali ne; bino, wayuka bintu byanema mu bwikalo kabiji kechi uleka bino bijikila kumulengela kwikala na binyenge ne. Inge kya kuba'mba mali apwa kechi wakamwa ne, bino wibikishako kwikala na muchima wajingapo na mutumwa Paulo wanembele'mba: \"Nayuka mwa kwikela umvwe nakajilwa nangwa umvwe nji na bintu byavula. Kabiji mu bintu byonse ne mu bwikalo bonse nafunda kyafyamika kya kusekela nangwa naikuta nangwa nafwa nzala, nangwa nji na bintu byavula nangwa mfwabyo.\"—Filipai 4:12.\nBAIBOLO WAAMBA'MBA: \"Awa uketekela mu bunonshi bwanji ukapona.\"—Byambo bya Maana 11:28.\nBakebakeba bishinka bataana kuba'mba mali kyo kintu kimo kileta bingi makatazho mu masongola ne kulengela masongola kupwa. Kabiji makatazho a mali o alengela ne bantu kwikujika. Bantu bamo banemekako mali kukila masongola nangwatu bumi bwabo. Pano bino, aba babula kutemwisha mali kechi baketekela mu mali ne. Bayuka bukishinka bwa byambo byaambile Yesu bya kuba'mba: \"Muntu nangwatu ekale na bintu byavula, bintu byo aji nabyo kechi byo bimulengela kwikala na bumi ne.\"—Luka 12:15.\nMUMONA BYEPI MALI?\nKwipima anweba bene kwakonsha kwimukwasha kwikala na milanguluko yawama pa mali. Iipuzhai ano mepuzho alondelapo.\nNanchi nkeba kunoka bukiji bukiji kwingijisha mashinda a bujimbijimbi nyi?\nNanchi nkankalwa kupapo bakwetu mali ami nyi?\nNanchi nesampa bulunda na bantu batemwatu kwamba pa mali ne bintu byo baji nabyo nyi?\nNanchi mbepa bubela nangwa kwingijisha mashinda a bujimuku pa kuba'mba ngikale na mali avula nyi?\nNanchi mali andengela kwimona kunema nyi?\nNanchi ndangulukatu pa mali kimye kyonse nyi?\nNanchi kulanguluka pa mali kubena kubika bumi bwami ne bwa kisemi kyami mu kizumba nyi?\nIkalai bampanyi\nInge mwakumbula'mba ee ku ano mepuzho ko kuba'mba mwafwainwa kwingila na ngovu kushinda milanguluko ya kukeba kwikala na bintu byavula. Chinuzhukainga kwipapika na bantu batatu muchima pa mali ne bunonshi. Pwanañanainga na bantu banemeka mafunde a byubilo byawama kechi boba batemwa bunonshi ne.\nKange muleke kutemwa mali kujimbe mizhazhi mu muchima wenu ne. Bino, ingijishainga mali bulongo. Kechi mwafwainwa kunemeka mali kukila byo mwanemeka balunda nenu, kisemi ne butuntulu bwa mubiji bwenu ne. Inge ke mube bino, mukamwesha kuba'mba muji na ndangulukilo yawama pa mali.\n^ par. 7 Mazhina mu kino kibaba apimpulwa.","id":"","dump":"CC-MAIN-2018-43","url":"https:\/\/www.jw.org\/kqn\/mabuku\/magazini\/g201509\/byepelo-baibolo-pa-mali\/","date":"2018-10-19T20:38:38Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583512434.71\/warc\/CC-MAIN-20181019191802-20181019213302-00014.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":1045,"character_repetition_ratio":0.083,"word_repetition_ratio":0.014,"special_characters_ratio":0.181,"stopwords_ratio":0.21,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"14 OCTOBER 2014\nGEORGIA\nPa 7 October mu 2014, kochi wa European Court of Human Rights (ECHR) wabingishe Bakamonyi ba kwa Yehoba mu kyalo kya Republic of Georgia. Mu mambo ba Begheluri ne Bakwabo bo balobejile kyalo kya Georgia, beatwajile kala ku kochi papita ne myaka 12, kabiji mwavwangilwe bantu 99 bo bapumine ne kwibasebanya mu mapunzha 30 apusana pusana. Umo pa bano wajinga Kamonyi wa kwa Yehoba. Ino milukuchi yatendekele kimye bakapokola kyo batendekele kulukuka ba mu bupopweshi bwapusana pusana, ko kyakayanga ne milukuchi ya kulukuka Bakamonyi ba kwa Yehoba mu mazubo abo mu bije ne mu mikwakwa ya uba ne woo.\nKochi wa ECHR wamwene kuba'mba bantu batumine makalata a kwijizhañanya 160, ku ba mu kafulumende kabiji kyatainwe kuba'mba bakapokola ne ba mu kafulumende bamo nabo bajinga pa bano balukukilenga bano bantu. Bano bantu bobalobejile kafwako kyobebobile. Kabiji na mambo akuba bano bamanyikilenga bantu kechi bebakabishe ne, kino kibalengejile kutwajijila kulukuka bantu.\nKulukuka kumo ke kokwa kwaubiwe pa 8 September mu 2000, kimye Bakamonyi nobe 700 kyo bebalukukile byo babuñenenga mu muzhi wa Zugdidi. Kwa kubula nangwa kuketekela, jibumba ja bakapokola jitelwa'mba SWAT jalukukile po bapwijilenga saka bavwala ne byakwizhikijila, basoka bishimikwa byo bashimikile bya kupwijilamo ne kupuma bapopweshi kukila pa 50. Bakamonyi ponkapotu bayile na kuloba. Nangwa byonkabyo ba mu kafulumende bakaine kukambula bano bantu, kabiji bantu bobalukukile mizhilo kechi ibazhikijile ne.\nKochi wa ECHR Wazhachisha Kafulumende na Mambo a Kutalapotu pa Byatama\nNa mambo a kuba'mba ba luusa batajilengapotu kwa kubula kukeba bishinka nangwa kukambula balengele mambo, mu 2002 aba bobalukukile bafuukwilepo kutwala mambo abo ku kochi wa ECHR.\nPa 7 October, kochi wa ECHR waambile'mba: \"Kafulumende wa kyalo kya Georgia ye walengejile kuba'mba Bakamonyi ba kwa Yehoba mu kyalo kyonse bebalukukenga mambo kechi wakabishanga balenganga ano mambo ne.\" Ino Kochi yaambile ne kuba'mba: \"Bakamonyi ba kwa Yehoba bebalukukilenga mambo bebashikwa\" kabiji ne ba luusa nabo bamwesheshe bino byubilo, \"kyamwesheshetu patoka kuba'mba nabo bebashikwa . . . , ne kuba'mba basekelamo kwibamanyika bano bantu.\"\n\"Kafulumende wa kyalo kya Georgia ye walengejile kuba'mba Bakamonyi ba kwa Yehoba mu kyalo kyonse bebalukukenga mambo kechi wakabishanga balenganga ano mambo ne.\"\n— mambo alobele ba Begheluri ne Bakwabo Kulobela Kyalo kya Georgia, no. 28490\/02, 7 October 2014, p. 40, ji. 145\nOnkao mambo, kochi wa ECHR wazhachishe kafulumende wa kyalo kya Georgia mambo bayanjishe bantu 47 ne kunyanchijila luusa lwa bantu 88 lwa kukasuluka mu bya bupopweshi. Kochi wa ECHR wakambizhe kafulumende \"kuleka kunyanchijila luusa lwa bantu byonka byaambile Kochi ne kuwamisha byonse byo batamisha\" pa byo baubile pa \"kuminatu pa milanguluko yabo.\" Kochi wa ECHR waambijile kafulumende kufuta bakamonyi mali a ku Europe 45,000 bo bamanyikilenga ne bo baonawijile bintu ne mali o bapainenga ku bya mambo.\nBakepesheko Kumanyika Bakamonyi ba kwa Yehoba mu Georgia\nNangwa kya kuba bakepesheko kwibamanyika mu 2004, pano bino Bakamonyi mu Georgia batwajijila na kwibamanyika ne kwibalukuka. Mu 2013, kwajinga masawakya 53 aambilenga pa kumanyikwa kwa Bakamonyi. Kochi pa kuchiba mambo aba Begheluri waambijile kafulumende wa kyalo kya Georgia kupelawizha kukebakeba bishinka bibena kulengela kumanyika bantu babo. Bakamonyi ba kwa Yehoba baketekela kuba'mba kafulumende ukakabisha ne kukambula bantu baji na muteeto wa kumanyika bantu kya nshiji.","id":"","dump":"CC-MAIN-2018-43","url":"https:\/\/www.jw.org\/kqn\/Masawakya\/mitotololo\/byalo\/georgia\/echr-kufukula-kukasuluka-bupopweshi-kumanyika\/","date":"2018-10-23T04:21:21Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583516003.73\/warc\/CC-MAIN-20181023023542-20181023045042-00312.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":492,"character_repetition_ratio":0.095,"word_repetition_ratio":0.058,"special_characters_ratio":0.191,"stopwords_ratio":0.329,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Bijipo\nBaibolo Wakonsha Kwimukwasha Byepi?\nBaibolo wakwasha bantu bavula bingi kupwisha makatazho o bapitamo pa juba pa juba. Kuba bino kwibalengela kukepeshako binyenge ne kwikala na mutende mu bwikalo bwabo.\nBaji mu masongola ne bisemi babena kupita bingi mu makatazho. Mafunde aji mu Baibolo akonsha kwimukwasha kukosesha bisemi byenu.\nYukai Baibolo byo yakonsha kukwasha banyike na makatazho o bapitamo.\nIngijishai bino bingijisho bya kwimukwasha kufunda, byafuma mu Baibolo, kufunjisha baana benu kwibafunjisha byubilo byawama.\nBaibolo Waamba'mba Ka?\nYukai mikumbu ya mu Baibolo ku mepuzho aamba pe Lesa, Yesu, kisemi, buyanji ne bintutu bikwabo.\nSalainga bingijisho byakonsha kwimukwaha kufunda Baibolo mu jishinda jawama.\nTangai pa mwapita Baibolo pa kuba'mba atwajijile kwikalako ne lelo jino. Yukai bishinka byamwesha byo akwatankana mu bya mpito ne ene mambo o twafwainwa kuketekela Baibolo.\nNanchi Baibolo wakwatankana na byamba sayansi nyi? Byaamba Baibolo ne bishinka byataana bashayuka ba bya sayansi bya kine.\nUno buku ke wa kwimukwasha kufunda byaamba Baibolo pa mitwe yapusana pusana, nabiji mutwe wa kuba'mba mambo ka o tuyanjila, ki ka kimweka inge muntu wafwa, kisemi kyenu kyakonsha kwikala kya lusekelo ne mitwe ikwabotu.\nFundainga Baibolo ne Bakamonyi ba kwa Yehoba\nBantu bavula mwaya ntanda babena kutana mikumbu ya mu Baibolo. Nanchi nenuwa mubena kukeba kufunda nyi?\nBakamonyi ba kwa Yehoba bayukanyikwa kuba'mba bafunjisha bantu Baibolo kyatutu mwaya ntanda yonse kwingijisha jino jishinda jawama bingi. Monai byo boba bino.\nIkalai na lufunjisho lwa Baibolo lwatutu pa kimye ne mpunzha yo mukeba.","id":"","dump":"CC-MAIN-2019-13","url":"https:\/\/www.jw.org\/kqn\/bifunjisha-baibolo\/","date":"2019-03-24T17:59:48Z","file_path":"s3:\/\/commoncrawl\/crawl-data\/CC-MAIN-2019-13\/segments\/1552912203464.67\/warc\/CC-MAIN-20190324165854-20190324191854-00385.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":238,"character_repetition_ratio":0.065,"word_repetition_ratio":0.0,"special_characters_ratio":0.166,"stopwords_ratio":0.193,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LABAINGA! Kapyantoto 2015 | Bintu—5 Bya Kwimukwasha Kuwamishako Butuntulu Bwa Mubiji Lelo Jino\nByo muba byakonsha kukepeshako nangwa kwivimbila ku bikola.\nMUTWE WA PA NKUPIKO\nBintu bitanu byo mwakonsha kuba lelo jino byakonsha kwimukwasha kwikala na butuntulu bwa mubiji bwawama.\nBYA KUKWASHA KISEMI\nNanchi kukashijilwa kuji nobe kwimukasa nshimbi nangwa kimiko kyakonsha kulengela masongola enu kukosa nyi?\nBIPIKICHALA BYA BANTU BA KALA\nMu 1992, Papa John Paul II waambile byambo bya kumishe Chechi wa Katolika ne byo bamanyikile Galileo.\nBYAMBAPO BAIBOLO\nNanchi bukende bupwisha masongola nyi?\nJingila mwingilo wiikela kabiji wanema ku mabwe amakolale.\nBIBENA KUMWEKA MU NTANDA\nMajashi omvwanyika pa mwela alengela kwipuzha'mba, \"Mambo ka bantu o bakankelwa kelekesha konauna ntanda?\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/g201506\/","date":"2018-04-22T09:10:50Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945552.45\/warc\/CC-MAIN-20180422080558-20180422100558-00037.warc.gz","language":"kqn","language_score":1.0000094175,"language_script":"Latn","minhash_cluster_size":2,"top_langs":"{\"kqn_Latn_score\": 1.0000094175338745}","num_words":109,"character_repetition_ratio":0.026,"word_repetition_ratio":0.0,"special_characters_ratio":0.172,"stopwords_ratio":0.165,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Yehoba walaya'mba: 'Ukashimuna mipolo yonse ku meso abo, ne lufu, mabingo, kujila ne misongo kechi bikekalako jibiji ne. Bintu bya kala bikapichijila.'\nYehoba wabikile Adama ne Evwa mu bujimi bwa Edena kuba'mba bekalenga mu mutende ne na lusekelo. Bafwainwe kupopwelanga Shabo wa mwiulu ne kusemununa ne kuyuzha ntanda na baana babo. Bino bintu byaalukile Adama ne Evwa byo basatukijile Yehoba. Mu uno buku twafunda kuba'mba byonse byalaya Lesa bikafika. Bufumu bwanji bukalengela bwikalo kuwama bingi pano pa ntanda, byonka byo alayile Abalahama.\nKatatakatu Satana ne bandemona ne bantu boba byatama bakebazhiye bonse. Bantu bonse bakekalanga pano pa ntanda, bakapopwelangatu Yehoba kwapwa. Kechi tukakolwanga nangwa kufwa ne. Pa juba pa juba tukabukanga na butuntulu bwa mubiji bwawama kabiji bwikalo bukawama bingi. Ino ntanda yonse ikekala Paladisa. Bantu bonse bakekala na kajo ne mazubo awama. Bantu bakekala na lusa. Kechi kukekalapotu nangwa umo wakanama muchima nangwa mbanzhi ne. Banyama bamungye kechi baketuchinanga ne. Kabiji ne atweba kechi tukebachinanga ne.\nKabiji tukekala bingi na lusekelo kimye Yehoba kyo akasangula bantu bafwa. Tukamonañana ne na bantu bajingako kala bakasangulwa nabiji Abela, Nowa, Abalahama, Sala, Mosesa, Luta, Eshita, ne Davida. Tukengijilanga nabo pamo pa kwalula ino ntanda ke Paladisa. Ino mingilo iketuletelanga bingi lusekelo.\nYehoba ubena kukeba kuba'mba ne obewa ukekalemo. Popo ukamuyuka bingi bulongo kukila ne byo wamuyuka luno. Tutwajijile kwikala balunda ne Yehoba mu bumi bwetu bonse, kufumatu lelo jino ne myaka ne myaka.\n\"Anweba Yehoba Lesa wetu, mwafwainwa kutambula lukumo ne buneme ne bulume, mambo yenu mwalengele bintu byonse kabiji na mambo a kyaswa muchima wenu, byaikeleko ne kulengwa.\"—Lumwekesho 4:11","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/mashimikila-a-mu-Baibolo\/14\/bufumu-bwenu-paladisa\/","date":"2018-04-26T12:36:32Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948126.97\/warc\/CC-MAIN-20180426105552-20180426125552-00613.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":257,"character_repetition_ratio":0.048,"word_repetition_ratio":0.0,"special_characters_ratio":0.176,"stopwords_ratio":0.296,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ARMENIA Muji Lunengezho lwa Kupa Bena Kilishitu Nkito Ikwabo Bakana Kutwela Bushilikale\nMu 2013, kafulumende wa kyalo kya Armenia wabikileko lunengezho lwa kupa bakana kutwela bushilikale nkito ikwabo. Kino kyalengejile Bakamonyi ba kwa Yehoba ba mu Armenia kusalapo nkito yo bakeba kwingila kukila kwibakasa mu kaleya na mambo a kukana kutwela bushilikale. Mu January mu 2014, musampi wa mu kino kyalo wapaine sawakya wa kuba'mba balongo 71 batendekele kwingila mingilo ikwabo kwesakana na luno lunengezho lwa katataka. Balongo bamo, batekela bamingilo bya kuja nangwa kukwashako bamanase mu bipatela. Mukulumpe utala pa luno lunengezho waambile byawama pa bingila balongo ino mingilo yakatazha. Balongo basanta bingi pa luno lunengezho lwa kwingilako mingilo ikwabo kukila kutwela bushilikale mambo kino kibalengela kutwajijila kwikala na jiwi jawama ja muchima byo baji bena Kilishitu. * Mulongo umo waambile'mba: \"Namusanchila bingi Yehoba pa luno lunengezho lwa kwitupako mingilo yapusanako. Kino kitulengela kubula kutwela bushilikale ne kukasuluka kupopwela Lesa.\"\nDOMINICAN REPUBLIC Baswishishe Masongola Atanshi Abula a Bakatolika a Bakamonyi ba kwa Yehoba\nMu 1954, kyalo kya Dominican Republic kyafwachikile pepala wa lumvwañano na mukulumpe wa Bakatolika ne kulengela Chechi wa Katolika yenkatu kwikala na luusa lwa kusongwesha. Inge babena kwisongola kechi bebasongwesha ku Chechi wa Katolika ne, ko kuba'mba bakebasongwesha ku wa mu kafulumende. Mu 2010 kafulumende walengele buku wa mizhilo waswishishe bantangi ba mu bupopweshi kwikala na luusa lwa kusongwesha. Kafulumende wafunjishe bakebelenga kwibapa bipepala bya kwibaswisha kuba bino. Ofweshi wa musampi wa mu Dominican Republic wasajile bakulumpe mu bipwilo 30 kuya na kutanwako, kabiji pa bantu kukila pa 2,000 bakebelenga kwikala na kyete kya kwibapa luno luusa, basajilepotu bantu 32 bafikijilemo. Pano bino balongo betu bonse 30 bebasajile ne kwibapa byete bya kwibaswisha kusongwesha Bakamonyi.\nINDIA Basapwila kwa Kubula Moyo\nPa 27 January mu 2014, kochi utala pa luusa lwa bantu wa Karnataka State Human Rights Commission wachibile'mba mukulumpe wa bakapokola aye Police Sub-Inspector (PSI) wa ku Old Hubli Police Station mu kyalo kya Karnataka wanyachijile luusa lwa Mulongo Sundeep Muniswamy mambo bakapokola bakankelwe kumuzhikijila ku jibumba jamulukukile pa 28 June mu 2011. Kino kije kyapelemo mambo uno mukulumpe wa bakapokola a kunyanchijila luusa lwa uno mulongo ne kukambizha kuba'mba kafulumende a mukabishe uno mukulumpe wa bakapokola ne kumulipilisha 20,000 rupees, (mali aesakana na madola a kina America 326) kuba'mba akamufwete Mulongo Muniswamy. Kino kije kyakambizhe kafulumende kufumya ano mali ku mfweto ya uno mukulumpe wa bakapokola.\nMulongo Muniswamy waambile kuba'mba aye ne kisemi kyanji basanchila bingi Yehoba pa byafukwile kino kije kabiji bakebesha bingi kutwajijila kusapwila mambo awama kwa kubula moyo. Kufukula kwa kino kije kwamukoseshe bingi lwitabilo uno mulongo kabiji kwamulengela ne kushiinwa kuba'mba kine Yehoba uzhikijila bantu banji. Kabiji kwalengela ne bakulumpe ba mu kafulumende kutapo muchima kuzhikijila luusa lwa Bakamonyi ba kwa Yehoba mu Karnataka. Mambo a bumbanzhi o bapelengamo Mulongo Muniswamy ne mulongo mukwabo naye uji mu onka ano mambo akiji ku kochi.\nKYRGYZSTAN Kavoto ka mu Kije Kikatampe Kitala pa Luusa lwa Bantu Kazhikijila Bakana Kutwela Bushilikale\nJuba ja 19 November mu 2013, ke juba janema bingi ku bakana kutwela bushilikale. Kavoto ka mu Kije Kikatampe kachibile kuba'mba mambo o bapelemo Bakamonyi ba kwa Yehoba 11 mu kyalo kya Kyrgyzstan kechi ayilamo ne. Uno muzhilo waambile kuba'mba aba bakengilanga mingilo ikwabo bakapananga mali a kukwasha mwingilo wa bashilikale. Uno muzhilo waamba ne kuba'mba aba bakana kutwela bushilikale bafwainwa kutwela bushilikale inge bapwisha mingilo ikwabo yo bebapa. Kino kije kya Constitutional Chamber kyaambile kuba'mba kyo baubile ke kunyanchijila luusa lwa bantu lwa kupopwela pa kwibakanjikizha kwingila mingilo ikwabo na bino byazhokolokeleko. Onkao mambo, mu bañondo batanshi mu mwaka wa 2014, Kije Kikatampe kya mu Kyrgyzstan kyafukwilepo kulondela byafukwile Kavoto ka mu Kije Kikatampe ne kufumya mu kaleya Bakamonyi ba kwa Yehoba 14 bobakashile na mambo bumbanzhi kwesakana na byaambile muzhilo wa kala. Bino byo bafukwile byalengejile bakana kutwela bushilikale kukasuluka nangwa kya kuba ano mambo aikele ku kije myaka itanu na ibiji. Kwibikako kwa bano balongo bakyanyike kwatumbijikile jizhina ja Yehoba kabiji kwalengela twakasuluka kupopwela Lesa mu kyalo kya Kyrgyz Republic.\nNIGERIA \"Yehoba Wampesha Bingi\"\nMu Nigeria ku mpunzha ya Abia State, Bakamonyi ba kwa Yehoba bebazakamishanga ne kwibamanyika na mambo a kukana kutwela mu tubungwe twa bantu ba mafumbi amo. * Mu tuno tubungwe twa mu bimasamasa boba bya bumbanzhi ne bulozhi. Juba jimo lukelo mu November mu 2005, wa mu kabungwe ka Asaga Ohafia kalukukile mulongo Emmanuel Ogwo ne bakazhi banji pa nzubo ne kusenda bipe amba mambo kechi bapana musonko upana ba mu kano kabungwe ne. Uno mulongo ne nyenga bashajiletu na bivwalo byo bavwajile pa mubiji kwapwa. Mu 2006, kano kabungwe kapangile Mulongo Ogwo pa mu muzhi. Mulongo ne Nyenga Ogwo bakafyamine ku mulongo wibalamine mu muzhi mukwabo. Nangwa kya kuba Mulongo Ogwo wabwelele ku nzubo yanji mwaka walondejilepo, bano ba mu kano kabungwe ka bantu ba jifumbi jimo kechi balekele kumukatazha ne, kabiji bakaine ne kwibabwezhezha bipe byabo.\n^ par. 1 Kabungwe ka bantu ba jifumbi jimo javula mwikalatu banabalume bonkatu kwapwa bakomena pamo mu yenkao muzhi.\nKyapeleleko pa 15 April mu 2014, Kochi Mukatampe wa mu Abia State wachibile'mba Mulongo Ogwo walondejile luusa lo aji nalo mambo mizhilo yaswisha muntu kukasuluka kupwanañana ne kwisajila bupopweshi bo akeba aye mwine. Bipe bya Mulongo Ogwo byo baangachile bafwainwa kumubwezhezha. Luno, Bakamonyi kechi bebayanjisha byonka byo bebayanjishanga kala ne. Kabiji balongo ba mu Asaga Ohafia luno babena kusapwila saka bakasuluka.\nByo babijikile byafukwile kochi, Mulongo Ogwo waambile'mba: \"Natombaukile na lusekelo, kabiji natemenwe bingi. Naumvwine kuba'mba Yehoba wabinga na mambo, ne bamalaika kine bajinga ne amiwa. Yehoba wampesha bingi.\"\nRUSSIA Kochi Waswisha jw.org\nLukatazho lubena kupitamo balongo mu Russia lwalengela \"mambo awama kukoma\" mu kino kyalo. (Fili. 1:12) Nangwa kya kuba, babinemanga ba mu kafulumende bamo ne bantangi ba bupopweshi bashikwa bingi bupopweshi bwetu, bino balongo betu mu Russia batwajijila kwikala bakishinka kabiji Yehoba ubena kupesha kwibikako kwabo.\nKubinga na mambo kumo kubena kumwesha bino ke kokwa kwaubiwe mu muzhi wa Tver'. Mu 2013, shabyambo wa mu ofweshi mwa kuloba mambo mu Tver' walobele ku kochi wa mu yenkawa muzhi kuba'mba bakanye kwingijisha keyala wa jw.org mu Russia. Kwa kubula kubulako nangwa umo wimenako Bakamonyi ba kwa Yehoba mu bya mambo, kochi yabingishe uno shabyambo. Balongo byo baumvwine byafukwile kochi popo banembele nkalata ya kulomba kubwezhapo ano mambo jikwabo. Pa 22 January mu 2014 kochi wa Tver' Regional Court wakaine byafukwile kochi mucheche ne kwitubingisha. Tubena kumusanchila bingi Yehoba ne anweba balongo mwaya ntanda yonse pa milombelo yenu. Balongo bavula mu Russia pano babena kwiyowa kajo ka ku mupashi kaji pa keyala wa jw.org.\nTURKEY Batwajijila Kunyanchijila Luusa lwa Bakana Kutwela Bushilikale\nBa Bariş Görmez ke Bakamonyi ba kwa Yehoba mu kyalo kya Turkey baikele mu kaleya myaka ina na mambo a kukana kutwela bushilikale. Byo bajinga mu kaleya bebamanyikile bingi ku bakapokola bapalapala bebapantaulanga ne kwibapumpula na tukonkolo. Kabiji bamanamine bingi mu kakibamba mo bebakashijile. Na mambo a kuba'mba Mulongo Görmez walepa bingi, wakankalwanga kulaala pa mwanya yebamupele. Onkao mambo, wakimbakanañamo pa kulaala pa myanya ibiji kya kwivunga. Kyapeleleko bakulumpe ba kaleya bamuswishishe kwingijisha mateleshi ikatampe yafumine ku ba mu kipwilo.\nMu 2008, Mulongo Görmez ne Bakamonyi bakwabo balobele ku kochi mukatampe wa European Court of Human Rights kuba'mba kafulumende wa kyalo kya Turkey ubena kunyanchijila luusa lwabo lwa kukasuluka kupopwela Lesa pa kwibakasa na mambo kukana kutwela bushilikale. Pa 3 June mu 2014, uno Kochi wabingishe Bakamonyi ne kukambizha kafulumende wa kyalo kya Turkey kuba'mba wafwainwa kubwezhezha bano balongo bintu byo bebonawijile. Kino kyo kimye kya busatu kochi wa European Court kyo abingisha Bakamonyi ba kwa Yehoba mu Turkey na mambo a uno mutundu. Nangwa kya kuba Bakamonyi ba kwa Yehoba bamo bakiji mu kaleya mu Turkey, bino ano mambo kechi akapwa ne, kanatu kafulumende wa kyalo kya Turkey akaleke kuyanjisha bakana kutwela bushilikale.\nKwamba pa Masawakya a Kala\nAzerbaijan: Balongo batwajijila kwibalukuka ku bakapokola kimye kya kupwila, bakanya mabuku etu, ne kwibakasa inge bebatana na kusapwila kabiji babena kunyanchijila luusa lwabo ne mu bintu bikwabotu. Uno kafulumende watwajijila kukana kuswisha jikwabo bupopweshi bwa Bakamonyi ba kwa Yehoba. Balongo batuma makalata 19 ku kochi mukatampe wa European Court of Human Rights akulobela kyalo ya Azerbaijan pa ano mambo. Nangwa kya kuba muji ino milukuchi, Yehoba ubena kupesha bantu banji mambo basapwishi bavujilako bingi. Kabiji balupwile ne Baibolo wa Binembelo bya Ntanda Ipya yense mutuntulu mu mulaka wa Azerbaijani. Kino kyaletele bingi lusekelo.\nEritrea: Mu kino kyalo, balongo betu batwajijila kwingijila Yehoba mu bukishinka nangwa kya kuba babena kwibamanyika. Balongo basatu abo ba Paulos Eyassu, ba Isaac Mogos, ne ba Negede Teklemariam bebakasa mu kaleya pa myaka 20 kufuma pa 24 September mu 1994. Kafulumende wa kyalo kya Eritrea wakasa Bakamonyi nobe 150 ne babula Bakamonyi batainwe ku Kivuluko kya lufu lwa kwa Kilishitu pa 14 April mu 2014. Pa bobakasa paji baana ba bañondo 16 kufika ku bakikulumpe baji na myaka kukila pa 85. Kabiji kafulumende wakashile ne Bakamonyi bakwabo kukila pa 30 ne babula Bakamonyi batainwe ku jashi jiikajila pa 27 April mu 2014. Bino bavula bebakasulula.\nKazakhstan: Kipamo Kitala pa bya Bupopweshi kyakanya mabuku etu 14 kwialeta ne kwiasampanya mu kyalo kya Republic of Kazakhstan. Kabiji balongo kechi bakasuluka kwisamba na bantu pa byo baitabilamo pangye ya mpunzha yabo ya kupopwelapo ne. Balongo nobe 50 bebakasa ne kwibapamo mambo a kwingila mwingilo wa bumishonale kwa kubula kwibaswisha mwayila mizhilo. Pa kuba'mba bazhikijile luusa lwabo lwa kukasuluka kwamba pa bintu byo baitabilamo, bano balongo batuma makalata a kuloba bimye 26 ku kochi mukatampe wa United Nations Human Rights Committee.\n^ par. 1 Muntu mwine wakonsha kusalapo kwingila ino mingilo yabula ya bushilikale nangwa kukana kwingila kwesakana na jiwi janji ja muchima.\nAn age-grade association is comprised of individuals, usually males, who are contemporaries living in the same village.\nBuldu and Others v. Turkey, No. 14017\/08, June 3, 2014.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/buku-wa-mwaka-wa-2015\/byamwekele\/bya-mambo\/","date":"2018-04-19T23:33:23Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937074.8\/warc\/CC-MAIN-20180419223925-20180420003925-00462.warc.gz","language":"kqn","language_score":1.0000092983,"language_script":"Latn","minhash_cluster_size":1,"top_langs":"{\"kqn_Latn_score\": 1.000009298324585}","num_words":1557,"character_repetition_ratio":0.072,"word_repetition_ratio":0.0,"special_characters_ratio":0.179,"stopwords_ratio":0.263,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKATAZHO\nBanyike bafuma pa mazubo a bansemi babo kuya na kwiikela javula babwela jikwabo ku nzubo ya bansemi babo na mambo a makatazho a mali. Nanchi kino kya kimumwekelapo kala nyi?\nNangwa mwatemwa bashenu nangwa bainenu kubwela jikwabo na kwikala nabo kwakonsha kwimukatazha bingi. Nsongwakazhi wa jizhina ja Sarah * waambile'mba: \"Kwiikela ne kwimwena amiwa mwine kwandengejile kumona kuba'mba kechi nakonsha kuketekela muntu amba ankwashe ne. Pano kubwela na kwikala na bansemi kwandengejile kumona nobe nkiji mwanyike.\" Nsongwalume wa jizhina ja Richard naye waambile'mba: \"Kechi nakebelenga kubwela nakwikala na bansemi ne. Na mambo a kukankalwa kwimwena, namwene nobe kafwako kyo nakonsha kuba ne.\"\nInge mubena kupita mu lukatazho lwa uno mutundu, kino kibaba kyakonsha kwimukwasha kwiikela jikwabo.\nKILENGELA\nLukatazho lwa mali. Banyike bavula bakumya bingi pa kutana kuba'mba kwiikela kwakatazha bingi. Richard ye twaambapo ku ntendekelo ya kino kibaba waambile'mba: \"Mali onse o najinga nao apwile.\" Abino byo byapichilemo ne Shaina nsongwakazhi wa myaka 24 wabwelele ku bansemi panyuma ya kupitapo mwaka umo ne bañondo batanu na umo. Waambile'mba: \"Nafwainwe kwingijisha mali ami bulongo. Nafumine ku bansemi saka nabula mali kabiji nabwelele ku bansemi na nkongole.\" *\nLukatazho lwa nkito. Shaina wataaine kuba'mba nkito inge yapwa yakonsha kulengela muntu kubula kulanguluka bulongo. Waambile'mba: \"Kimye kyo napwishishe kufunda bya mu kipatela, natendekele kwingila ku kipamo kimo kyankwashishe kutwela nkito. Pano bino, ino nkito byo yapwile, kafwako bikwabo byo naubilenga ne. Naikele ku mpunzha ya ku muzhi kwabujile kwa kutwela nkito yo nayukile.\"\nKuketekela bintu bibula kumweka. Bakitwala bavula batwela nkito kwa kubula kuyuka mwa kwikela. Mingilo yo bengila javula ikatazha kukila byo baketekejilenga. Bakumya bingi kutaana kuba'mba kwiikela kechi kwibaletela lusekelo byonka byo baketekejilenga ne. Kechi bamwenenga'mba kwiikela kwakatazha ne.\nBYO MWAKONSHA KUBA\nBuulai bansemi benu kuba'mba mubena kukeba kubwela ku nzubo. Isambai pa bino bintu: Mukekala nabo kimye kyabaya byepi? Ñanyi bintu byo mukobanga pa kuba'mba mukebakwashengako bikebewa pa nzubo? Ñanyi mingilo ya pa nzubo yo mukengilanga? Ñanyi mashinda o mukengijisha pa kuba'mba mukekale na mali a kwikwashishamo pa kuba'mba mukaye na kwiikela jikwabo? Nangwa muji na myaka yavula nangwa icheche, mwafwainwa kuyuka'mba mwabwela na kwikala na bansemi kabiji mwafwainwa kukookela mizhilo yabo.—Jifunde ja mu Baibolo: Kulupuka 20:12.\nYukai bya kwingijisha mali bulongo. Buku wa kuba'mba The Complete Guide to Personal Finance: For Teenagers and College Students waamba'mba: \"Jishinda jo mwingijishishamo mali jo jimwesha kana mwakonsha kulama bulongo mali nangwa ne. . . . Kyakonsha kwimukwasha ke kuyuka'mba kechi mwafwainwa kutaya mali ku bintu byabula kunema ne.\"—Jifunde ja mu Baibolo: Luka 14:28.\nSwainga byo bemufundako. Bansemi nangwa bantu bakwabo bakoma bakonsha kwimukwasha kuyuka bya kulama bulongo mali, bya kulenga mwaba wa mali ne bya kupana misonko. Nsongwakazhi wa jizhina ja Marie waambile'mba: \"Natendekele jikwabo kufunda bya kulenga mutanchi wa bya kupotapota. Mulunda nami wakwashishe kunemba bintu byanema ne byabula kunema. Panyuma ya kupituluka mu byo nanembele nataaine kuba'mba byavula byo nanembele kechi byanemene ne. Nafunjile ne bya kwikala na kyubilo kyanema bingi kikebewa pa kwikala bunke. Kino kyubilo ke kwikanya.\"—Jifunde ja mu Baibolo: Byambo bya Maana 13:10.\nKyanema kukila mwingilo ye mwingila ke kuyuka bulongo bya kumwingila\nIngijishainga mashinda apusana pusana pa kukeba nkito. Ingijishainga kimye kyo muji nakyo kukebelamo nkito ikwabo. Kya kwimujimunako: Bantu bamo bakonsha kwimubuula'mba mwafwainwa kusala nkito yo mwatemwa. Bino kukebatu nkito yo mwatemwa kwakonsha kwimulengela kubula kutaana bukiji nkito ne kulengulula nkito ikwabo yo mwakonsha kutaana. Kange mutayenga kimye na kukeba nkito yo mwatemwa ne, bino, inengezhainga kutwela nkito yapusana pusana. Mwafwainwa kuvulukanga kuba'mba kyanema kukila mwingilo ye mwingila ke kuyuka bulongo bya kumwingila. Kabiji kyataanwa kuba'mba inge mwapijilwa nkito yo mwingila ne kuyuka bulongo bya kwiingila, mukeitemwa. Kechi mwafwainwa kwingila nkito imutokela ku muchima pa kuba'mba mwiitemwe ne.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/g201510\/kubwela-ku-bansemi\/","date":"2018-04-27T05:13:12Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125949036.99\/warc\/CC-MAIN-20180427041028-20180427061028-00343.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":595,"character_repetition_ratio":0.064,"word_repetition_ratio":0.003,"special_characters_ratio":0.173,"stopwords_ratio":0.168,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MWAKA YE BASEMEKELWE: 1974\nKYALO: MEXICO\nMWAPITA BWIKALO BWABO: BATEMENWE KULWA NE BUKAPONDO\nBWIKALO BWAMI BWA KALA:\nNasemekejilwe mu muzhi wa Ciudad Mante, muzhi wawama uji mu kibunji kya Tamaulipas, mu Mexico. Bantu bekala mu ino mpunzha bampanyi kabiji baji bingi na kifyele. Bino na mambo a kuba mwajinga mabumba a bakapondo, ino mpunzha yatamine bingi.\nTwasemenwe banabalume bana. Amiwa yami ndondela mubeji. Bansemi bo bandengejile kubatizhiwa mu chechi wa Katolika. Kabiji kulutwe na lwendo, natendekele kwimba mu kwaya wa mu chechi. Nakebanga kusangajika Lesa mambo nachinanga kunsoka mu mujilo wa helo myaka ne myaka.\nBatata betunyemene saka njitu na myaka itanu. Kino kyandengejile kwikala bingi na binyenge kabiji namonanga'mba bumi kechi bwanema ne. Nakankelwe kuyuka ene mambo o betunyemejile, mambo twibatemenwe bingi. Bamama baingilanga kimye kyabaya pa kuba'mba bataane bya kwitujisha.\nNa mambo a kuba bamama kechi baikalanga pa nzubo javula ne, nalofwanga ku sukulu ne kuya na kukaya na banyike bakomeneko pe amiwa. Ko ko nafunjijile kutukana, kupeepa fwanka, kwiba, ne bya kutaya binkonyi. Nakebanga'mba bantu banchinenga. Onkao mambo, nafunjile bya kutaya binkonyi, bibaka, bya kufina tukono, kuloza mata ne bya kwasa mipenyi. Saka nkijitu nsongwalume, naikele kapondo. Javula twalwanga na mata, kabiji bimye bimo bankozhanga ne bizabila bya mashi ne kunsha napungila mu mukwakwa. Kino kyalengelanga bamama kumvwa bingi bulanda inge bantaana na bizabila bya mashi ne kunyemeshesha ku kipatela!\nByo najinga na myaka 16, Jorge mukwetu mo twakomenanga waishile na kwitumonapo. Witubujile'mba luno ke Kamonyi wa kwa Yehoba kabiji wakebelenga kwitubuulako byambo byanema. Waingijishe Baibolo pa kwitubuula bintu byo aitabilamo. Kechi nakitangilepo Baibolo kala ne. Onkao mambo, naumvwine bingi bulongo byo nayukile jizhina ja Lesa ne kyaswa muchima wanji. Jorge witwipwizhe inge twakebelenga kufunda Baibolo. Twaswile.\nBAIBOLO BYO APIMPWILE BWIKALO BWAMI:\nNafunjile'mba Baibolo kechi waambapo'mba bantu bakapyanga mu mujilo wa helo myaka ne myaka ne. Kino kyantekeneshe bingi. (Salamo 146:4; Musapwishi 9:5) Byo nayukile kino kishinka, nalekele kuchina'mba Lesa ukankabisha mu mujilo. Po po natendekele kumona'mba Lesa ye Shetu witutemwa bingi kabiji ukeba'mba twikalenga bulongo.\nByo natwajijile kufunda Baibolo, natendekele kumona kuba'mba nafwainwe kupimpula byubilo byami. Namwene kuba'mba nafwainwa kwipelula ne kuleka byubilo bya bukapondo. Lujimuno luji pa 1 Kolinda 15:33 lwankwashishe bingi. Paamba'mba: \"Kupwanañana na babi konauna byubilo byawama.\" Namwene kuba'mba umvwe nkeba kupimpula byubilo byami, nafwainwe kuleka kukaya na bantu baji na byubilo byatama. Onkao mambo, nalekele kupwanañana na balunda nami ba kala ne kutendeka kupwanañana na bena Kilishitu. Mambo abo balondela mafunde a mu Baibolo pa kupwisha makatazho, kechi bengijisha binkonyi nangwa mata ne.\nKinembelo kikwabo kyankwashishe ke Loma 12:17-19. Kyaamba'mba: \"Kange mushinkanyenga kibi na kibi ku muntu nangwa umo ne. . . . Umvwe kyakonsheka, monka mwayila bulume bwenu, ikalainga mu mutende na bantu bonse. . . . Kange mushinkanyenga ne, . . . mambo kyanembwa'mba: \"'Kushinkanya ko kwami; amiwa nkashinkanya nabo,' byo byaamba Yehoba.\"\" Kino kishinka kyandengejile kuyuka'mba Yehoba ukapwisha nshiji yonse mu kimye kyanji ne mu jishinda janji. Pachepache, natendekele kuleka byubilo byami bya bukapondo.\nKechi nkalubamo byamwekele juba jimo mabanga byo nabwelelenga ku nzubo ne. Jibumba ja bakapondo jo twalwanga najo kala jandukukile, kabiji mukulumpe wa jino jibumba wañimbile munyuma ne kuñambila'mba: \"Ipokolole obe mwine.\" Ponkapotu, nalombele lulombelo lwipi kwi Yehoba, amba ankwashe kuchinchika bipumo. Nangwa kya kuba nakebelenga kulwa nabo, bino nekainye kabiji napusumukile ne kunyema. Juba jalondejilepo, nasambakene mukulumpe wa jino jibumba saka ajitu bunke. Kyaishiletu mu milanguluko ke kushinkanya, bino bukiji bukiji nalombele kwi Yehoba amba ampe bulume bwa kwikanya kuba byatama. Nakuminye bingi kumona uno nsongwalume byo aishile kwi amiwa ne kwamba'mba: \"Ndekeleko mambo pa byo naubile kesha bufuku. Kishinka ke kya kuba'mba nkeba kwikala na byubilo byo ujipo nabyo. Nkeba kufunda Baibolo.\" Namusanchila Yehoba pa kunkwasha kufwomona bukaji bwami. Mambo kyo kyalengejile'mba ntendeke kumufunjisha Baibolo uno nsongwalume.\nKya bulandatu ke kya kuba'mba balongo bami bonse kechi batwajijile kufunda Baibolo pa kyokya kimye ne. Nangwa byonkabyo, natwajijile kufunda Baibolo, kabiji kechi naswishishe muntu nangwa umo kunkanya kufunda ne. Nayukile'mba kupwanañana na bantu ba Lesa kimye kyonse kukankwasha kushinda binyenge byo najinga nabyo, kabiji bena Kilishitu bakekala nobe balongo bo nasemwa nabo. Natwajijile kufunda Baibolo, kabiji mu 1991 nabatizhiwe ne kwikala Kamonyi wa kwa Yehoba.\nBYO NAMWENAMO:\nNazhingilanga bingi kabiji najinga kapondo. Nakebanga'mba bantu banchinenga. Bino Mambo a Lesa apimpula bwikalo bwami. Luno, nsapwila mambo a mutende a mu Baibolo ku bonse bakeba kuteleka. Naingijila Lesa mu mwingilo wa kimye kyonse pa myaka 23 yapitapo.\nPa kimye kicheche, naingijile mwingilo wa kwipana pa ofweshi wa musampi wa Bakamonyi ba kwa Yehoba mu kyalo kya Mexico. Byo naingijilenga pa uno ofweshi, nasambakene nsongwakazhi mwina Kilishitu wa jizhina ja Claudia, kabiji mu 1999, twisongwele. Namusanchila bingi Yehoba pa kumpa uno mulunda wa kishinka wa kunkwasha.\nTwajinga mu kipwilo mo bengijisha mulaka wa kwamba na maboko wa bena Mexico, mo twakwashanga bantu bashinka matwi kuyuka Yehoba. Palutwe kacheche, betwambijile kuya ku kyalo kya Belize na kusapwila mambo awama. Twapeezhako bwikalo bwetu. Kabiji twatondwa na byonka byo tuji nabyo. Bwikalo bwetu bwituletela bingi lusekelo.\nMu kuya kwa moba, bamama batendekele kufunda Baibolo jibiji, kabiji babatizhiwe. Kabiji bakolojami ne benakwabo ne baana babo nabo luno ke Bakamonyi ba kwa Yehoba. Balunda nami bamo ba kala bo nasapwijile mambo awama a Bufumu nabo babena kwingijila Yehoba.\nBino kyatamakotu ke kya kuba'mba balongo bami bamo bafwa mambo kechi balekele byubilo byabo bya bukapondo ne. Inge kechi napimpwile byubilo byami bya bukapondo ne, kampe ne amiwa inge nafwa. Namusanchila bingi Yehoba pa kunkwasha kwikala mulunda nanji ne kundeta mu jibumba ja bapopweshi banji, batekenye ne kumfunjisha bya kwikela mwayila mafunde a mu Baibolo.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/kyamba-kya-usopa-na5-2016-september\/kapondo-watemenwe-kulwa-wapimpula-bwikalo\/","date":"2018-04-24T01:50:33Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946314.70\/warc\/CC-MAIN-20180424002843-20180424022843-00002.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":890,"character_repetition_ratio":0.05,"word_repetition_ratio":0.0,"special_characters_ratio":0.178,"stopwords_ratio":0.257,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Bufumu bwa bena Asilya bwatendekele ne kulama ba mu bufumu bwa mikoka jikumi bwa bena Isalela. Senakelibu mfumu wa bena Asilya wakebelenga ne kwangata bufumu bwa mikoka ibiji bwa bena Yuda. Watendekele kwangata mizhi ya bena Yuda. Bino Yelusalema ye muzhi ye akebeshenga bingi. Senakelibu kechi wayukile kuba'mba Yehoba ukazhikijila Yelusalema ne.\nHezekiya mfumu wa bena Yuda wapele Senakelibu mali avula bingi kuba'mba abule kulukuka Yelusalema. Senakelibu watumine bashilikale banji kuya na kulukuka Yelusalema nangwa kya kuba watambwile ano mali. Bantu bajinga mu uno muzhi baumvwine bingi moyo mambo bena Asilya bafikile kwipi na uno muzhi. Kepo Hezekiya ebambijile'mba: 'Kuba moyo ne. Bena Asilya bakosa, pano bino Yehoba usakwitupa bulume bwa kwibashinda.'\nSenakelibu watumine muluwe wanji aye Labashake kuya ku Yelusalema na kwibendeleka. Labashake waimene pangye ya muzhi na kubijika'mba: 'Yehoba kechi wakonsha kwimupulusha ne. Kange Hezekiya emujimbaike ne. Kafwako lesa wakonsha kwimupokolola mu kwi atweba ne.'\nHezekiya walombele kwi Yehoba kuba'mba amubule bya kuba. Yehoba wamukumbwile'mba: 'Kuba moyo na byambo byaamba Labashake ne. Senakelibu kechi ukalukuka muzhi wa Yelusalema ne.' Kyalondejilepo, Hezekiya watambwijile makalata atumine Senakelibu. Mu ano makalata wanembelemo amba: 'Leka byo ubena kulanguluka. Yehoba kechi ukemupokolola ne.' Bino Hezekiya walombele'mba: 'Anweba Yehoba, tupokololai, pa kuba'mba bantu bonse bayuke kuba'mba anweba yenu Lesa wa kine.' Yehoba wamwambijile'mba: 'Mfumu wa bena Asilya kechi ukatwelamo mu Yelusalema ne. Nkazhikijila muzhi wami.'\nBino Senakelibu aye wapwishishe mu muchima wanji amba muzhi wa Yelusalema ukekala muzhi wanji. Juba jimo bufuku, Yehoba watumine malaika wajinga bashilikale babena Asilya pangye ya muzhi wa Yelusalema. Uno malaika waipaile bashilikale ba bena Asilya 185,000. Bashilikale bonse ba Mfumu Senakelibu bafwile. Wabwelele kwabo mambo kafwako kyo afwainwe kuba ne, bamushinjile. Yehoba wazhikijile Hezekiya ne muzhi wa Yelusalema byonka byo amulayile. Inge wajinga mu muzhi wa Yelusalema, nanchi ne obewa inge waketekejile mwi Yehoba nyi?\n\"Malaika wa Yehoba uzhokoloka boba bakamwa Lesa, kabiji wibapokolola.\"—Salamo 34:7","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/mashimikila-a-mu-Baibolo\/9\/hezekiya\/","date":"2018-04-26T08:17:27Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948119.95\/warc\/CC-MAIN-20180426070605-20180426090605-00199.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":305,"character_repetition_ratio":0.097,"word_repetition_ratio":0.0,"special_characters_ratio":0.175,"stopwords_ratio":0.226,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Bena Isalela bamo bakishajile na kwikala mu Bufumu bwa bena Pelisha nangwatu byo papichile myaka 70 kufuma pabwelejile bena Isalela ku Yelusalema. Umo pa bano bashajile wajinga ñanga Ezela, wafunjishanga Mizhilo ya Yehoba. Ezela byo aumvwine kuba'mba bantu mu Yelusalema kechi balondejilenga Mizhilo ne, wakebeshe bingi kuya na kukwasha bantu. Atazakeshi Mfumu wa bena Pelisha wamwambijile'mba: 'Lesa wa kulengejile kwikala na maana kuba'mba ufunjishenga Mizhilo bantu banji. Uye pamo na bonse basakukeba kuya ne obewa. Ezela wakonkenye bonse bakebelenga kubwela ku Yelusalema. Bonse balombele pamo Yehoba kwibazhikijila pa lwendo lwabo. Kepo batendekele kuya ku Yelusalema.\nByo papichile bañondo bana, bafikile mu Yelusalema. Babitumbafumu babuujile Ezela amba: 'Bena Isalela baleka kukookela Yehoba. Basongola banabakazhi bapopwela balesa babubela. Ezela waubile byepi? Ezela waimene ku meso a bantu bonse ne kufukama panshi, watendeka ne kulomba'mba: 'Anweba Yehoba mwitubila byavula, bino atweba twimulenga mambo.' Bantu balapijile, pano bino batwajijile kuba bintu byatama. Ezela watongwele bakulumpe ne bamitonyi bakuchibila bantu mambo o balengelenga. Mu bañondo basatu balondejilepo, bantu bonse babujilenga kukookela Yehoba bebapangile mu muzhi.\nByo papichile myaka 12, saka bapwisha kushimika nsakwa ya Yelusalema, Ezela wakonkenye bantu mu lubanza ne kwibatangila Mizhilo ya Lesa. Ezela byo azhikwile buku, bantu bonse baimene. Batotele Yehoba, kabiji bonse basuntwile maboko abo mwiulu kumwesha patoka kuba'mba baswa. Kepo Ezela atwajijile kutanga ne kwibalumbulwila mwatala Mizhilo. Bantu bonse bazhindaminetu nzoo na kuteleka. Baswile kuba'mba kine basatukila Yehoba jikwabo kabiji batendekele kujila. Juba jalondejilepo, Ezela watwajijile kwibatangila Mizhilo. Kepo bayukile kuba'mba bafwainwa kwikala na Kijiilo kya Mimba. Ponkapotu batendekele kunengezha kino kijiilo.\nBantu basangalele pa kino kijiilo pa moba atanu na asatu kabiji basanchijilenga Yehoba mambo banowele kajo kavula yeo mwaka. Kufumatu mu moba a kwa Yoshua, kechi kwajingapo Kijiilo kyajinga nobe kino ne. Kino kijiilo byo kyapwile, bantu bakonkene pamo ne kulomba'mba: 'Anweba Yehoba mwitupokolwele mu buzha, mwitupelenga kajo mu kiselebwa, kabiji mwitupele ino ntanda yawama. Bino twimusatukijilenga javula bingi. Mwatumanga bangauzhi bakwitujimunako, bino kechi twibomvwinanga ne. Nangwa byonkabyo anweba mwatwajijile kwitutekenya. Mwalamine mulaye wenu ye mwalayile Abalahama. Ja lelo tubena kwimulaya kuba'mba tusakwimukokelanga.' Kepo banembele uno mulaye wabo. Kabiji babinemanga, bena Levi ne bañanga bonse bafwachikilepo.\n\"Batokwa ke boba bomvwa mambo a Lesa ne kwialama!\"—Luka 11:28","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/mashimikila-a-mu-Baibolo\/10\/ezela-wafunjishanga-mizhilo-ya-lesa\/","date":"2018-04-26T04:34:15Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948064.80\/warc\/CC-MAIN-20180426031603-20180426051603-00479.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":355,"character_repetition_ratio":0.06,"word_repetition_ratio":0.0,"special_characters_ratio":0.165,"stopwords_ratio":0.237,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MU 1953 bashayuka ba bya sayansi ba James Watson ne ba Francis Crick bataaine kintu kyanema bingi kitukwasha kumvwisha biji bumi. Bataaine ka jiselo kalengela kipasha kaji nobe ndandalashi yapikankana katelwa'mba DNA. * Kano ka kintu kaji nobe kalutambo kataanwa mukachi ka maselo mo mutaanwa bintu byavula bingi byatanchikwa bulongo bilengela maselo kwingila bulongo. Bino bya kukumya byataaine bashayuka byalengejile kuba'mba bayukilepo ne bintu bikwabo mu bya sayansi. Pano ñanyi mwingilo wingila ano maselo? Nga bino byonse byaishileko byepi?\nENE MAMBO MU MASELO O MUTAAINWA BINTU BYAVULA\nNanchi mwakiipuzhapo kala kilengela luchacha kwikala ke kichi nangwa kajike ka lusemo kwikala ke muntu nyi? Nangwa mwakiipuzhapo kala kimulengela kupasha bansemi benu nyi? Mikumbu yaimena pa bintu bitaanwa mu kajiselo ka kipasha katelwa'mba DNA.\nMu maselo onse mutanwa tumaselo twa DNA tuji na bintu byavula bingi byapasha ndandalashi yalepa bingi yapikankana. Mu maselo aji mu bantu, nangwa'mba DNA, bintu byapasha madandalashi biji na twakimbakana nobe tukonkobele twavula bingi nobe 3 bilyonyi. Bashayuka ba sayansi bamba'mba tuno tukonkobele tulengwa inge bintu bibiji bitaanwa mu kajiselo ka DNA byavwangakana pamo. Bino bisopelo biji bina. Kwingijisha kisopelo kitanshi kya mazhina abyo, abino bintu binembwa'mba A, C, G, ne T, kulondela ndonda ya bisopelo. * Mu mwaka wa 1957, ba Crick baambile'mba kampe ndonda ya bintu ikoma kufuma pa kipimo kimo kuya pa kikwabo yo ilenga kino kyapasha ndandalashi. Mu myaka ya mu ma 1960, batendekele kukwatakanya DNA byo ilumbulula.\nMu DNA mo mwikala bintu biji nobe bipikichala, mawi ne bintutu bikwabo. Kabiji bino bintu byakonsha kulengwa mu mashinda apusana pusana. Kompyuta ulama bino bintu kwingijisha mitanchi yalengelwa jimo. Pano bino, maselo alenga ne kulama bino bintu kupichila mu kuvwangakana pamo kwa bintu bibiji nangwa byavula bitaanwa mu maselo, kikatakata mu DNA mo mutanwa bintu byavula bingi. Kajiselo ka DNA kabanwapo ne kulenga bintu bikwabo bitukwasha kuyuka biji bumi.\nMaselo engijisha byepi bino bintu? Fwanyikizhai kuba'mba kajiselo ka DNA kaji nobe mikambizho imo yanembwa bulongo ya kulondela pa kulenga bintu bimo bibena kukebewa. Kino kyo kikwasha ne kulenga kintu kibena kukebewa kwa kubula kulengamo kintu kingi. Mu maselo a muntu, abino byonse byubiwa mundonda mambo a kuba'mba byaikelako jimo. Kino kyo kilengela kuba'mba bintu bilengwe mu jishinda jawama.\nBintu biji mu maselo aji mu tuno tulongolo byakonsha kuyuzha buku uji na mapa 1,000.\nMaselo a kipasha ekala kufikatu ne kimye kyo abena kukebewa, nabiji inge babena kukeba kupingishapo maselo aonaika na maselo akatataka nangwa maselo alengela mwana kupasha bansemi banji. Nanchi mu DNA muji bintu byavula byepi? Langulukai pa tulongolo twakepa bingi nangwa'mba twishi. Shayuka wa ku German aye Bernd-Olaf Küppers wanembele'mba: \"Inge kya kuba bintu biji mu maselo aji mu tuno tulongolo byajinga nobe mulaka wamba bantu, byambo byalumbulula byo byalengwa byakonsha kuyuzha buku uji na mapa 1,000.\" Kabiji shayuka aye David Deamer wanembele'mba: \"Bantu bakumya bingi pa kumona bintu byavula biji mu tubintu tucheche tuji na bumi.\" Nga bintu bikala mu maselo a muntu twakonsha kwibyesakanya ku ka? Küppers waambile'mba: \"Biji nobe mabuku avula bingi aji mu kibamba mo balamina mabuku apusana pusana.\"\n\"BYANEMBWA MU JISHINDA JAPEELA KUMVWA\"\nKüppers waambile'mba bintu biji mu DNA twakonsha kwibilumbulula'mba \"mulaka wa mu maselo.\" Byonka biji mulaka wamba bantu, \"mulaka wa mu maselo naye uji na mizhilo ilondelwa.\" Mu jishinda jikwabo, maselo a DNA aji na \"mulakazhilo\" nangwa'mba mizhilo ilondelwa pa kulenga mikambizho ne bya kwiilondela.\nBintu bitanwa mu DNA byo bilenga bujo bukomesha mubiji. Kabiji uno mutanchi ye ukwasha ne bintu bikwabo bilenga maselo akwabo apusana pusana mu mubiji. Bino byonka byo bitangijila kulengwa kwa maselo a bikupa, misunyi, mishipeshipe ne kikoba. Shayuka wa sayansi aye Richard Dawkins wanembele'mba: \"Kino kyapasha muzhinge kitanwa mu DNA mo mwikala bintu byonse biji nobe byambo byanembwa, kisopelo kimo kimenako kintu kimo. Kabiji tukumya bingi pa kumona kuba'mba ino mizhilo yanembwa mu jishinda japeela kumvwa.\"\nNembi wa Baibolo Davida walombele kwi Lesa amba: \"Meso enu ammwene saka nji munda; binungwa bya mubiji wami byonse byanembelwe mu buku wenu.\" (Salamo 139:16) Kya kine, Davida waingijishenga ñambilo ya nsansawilo. Pa no bino, byo anembele byajinga bya kine, byonkatu byo kiji ku banembi ba Baibolo bonse. Kafwako walondejile mashimikila a bubela a kishakulu nangwa milanguluko ya bantu ba kala ne.—2 Samwela 23:1, 2; 2 Timoti 3:16.\nABINO BYONSE BYAISHILEKO BYEPI?\nBashayuka ba sayansi inge balumbululapo kintu kimo kyabujile kuyukanyikwa kala, kibalengela kukeba kuyukilapo ne bikwabo. Abino byobyo kyajinga ne kimye kyo bataaine DNA. Byo bayukile kuba'mba mu kajiselo ka kipasha katelwa'mba DNA muji bintu byavula bingi, bantu bavula beipwizhenga'mba, 'Pano abino bintu byaishileko byepi?' Kishinka ke kya kuba'mba, kafwako muntu wamweneko byalengelwenga kajiselo ka DNA katanshi ne. Onkao mambo, kiji kwi atweba bene kushiinwa bino nangwa ne. Nangwa byonkabyo, byo tufuukulapo kechi byafwainwa kwikala bya kufwanyikizhatu ne. Langulukai pa ngesakenyo ya bino bintu.\nMu mwaka wa 1999, mu kyalo kya Pakistan bataainemo bipe bya buchimba byalalaika panembelwe biyukilo byabula kuyukanyikwa. Ne lelo jino kafwako wakonsha kwibitanga nangwa kwibilumbulula ne. Nangwa byonkabyo, bantu balanguluka'mba kuji muntu wibilengele.\nByo papichile myaka icheche panyuma ya kuba ba Watson ne ba Crick bataana bintu biji mu DNA, bashayuka bamo nabo batendekele kukeba bulume bwa mu mwela bulengela waileshi kukwata mawi. Kufumatu kyokya kimye, batendekele kukeba kuyuka bilengwa bibula kumweka biji ku mapulaneti akwabo.\nMambo ka a kubila bino? Bantu balanguluka'mba byambo byanembwa pa bipe bya buchimba nangwatu biyukilo bya mulwelele kuji wibilengele uji bingi na maana. Kechi bakeba kumona ubena kunemba byobyo byambo pa kuba'mba bashiinwe kuba'mba byanembelwe ne. Pano bino, kimye kyo batulukile kajiselo ka bumi katelwa'mba DNA, bavula kechi baswile kuba'mba kuji wa maana wikalengele ne, baambilenga'mba kaishilekotu kene. Nanchi kulanguluka bino kwawama nyi? Nanchi uno mulanguluko uswañana na bishinka bikwabo nyi? Abya kyafuma ku bashayuka ba sayansi nyi? Bashayuka basayansi bavula babanda mu uno mwingilo kechi baswa ne. Pa bakana paji ne ba dokotala ba Gene Hwang ne ba Shayuka ba Yan-Der Hsuuw. * Monai byo baambapo.\nDokotala Gene Hwang wafunda pa kilengela mwana kupasha bansemi banji, kimye kimo waitabijile'mba bintu bilengeletu bine, bino, bintu byo ataaine byapimpwile ndangulukilo yanji. Wabuujile banembi ba Labainga! amba, \"kufunda pa kilengela mwana kupasha bansemi banji kundengela kulanguluka bingi pa bumi byo bwalengwa. Kino kindengela kukumya bingi pa maana aji na Mulenga.\"\nShayuka Yan-Der Hsuuw ke mukulumpe wa pa Sukulu Mukatampe wa Taiwan's National Pingtung University of Science and Technology utala pa kulengwa kwa mwana. Pa kimye kimo naye waitabijile'mba bintu bilengeletu bine. Pano bishinka byo ataaine byamulengejile kupimpula ndangulukilo yanji. Pa kwamba pa byabanya maselo ne kwingila mingilo yapusana pusana, waambile'mba: \"Maselo abena kukebewa afwainwa kulengwa pa kimye kyafwainwa ne kwikala pa mpuzha pafwainwa. Kitendekelapo ke kwibungizha pamo ne kwikala bibese byalengwa na maselo, kabiji bino bibese byo bilenga binungwa bya mubiji ne mbavu. Muntu ulenga bya kulengalenga kechi wafwainwa ne kulanguluka kuba bino ne. Pano bino, mikambizho ilondelwa pa kulengwa kwa mwana munda yanembwa bingi bulongo mu kajiselo ka DNA. Inge nalanguluka pa ndengelo ya bino bintu, nshiinwa kuba'mba kine Lesa ye walenga bumi.\"\nNANCHI KUYUKA BINO BISHINKA KWANEMA NYI?\nEe kwanema. Inge Lesa ye walenga bumi, ko kuba'mba ye wafwainwa kutambula lukumo kechi bantu bamba'mba bumi bwaishilekotu bwine ne. (Lumwekesho 4:11) Kabiji inge kya kuba kuji Mulenga wa maana witulengele, ko kuba'mba kuji ene mambo o twaikelako. Inge bumi bwaishilekotu bwine, kechi kyafwainwa kwikala byobyo ne. *\nBantu bavula bakebesha bingi kutaana mikumbu ya ano mepuzho. Shayuka wa bikola bya mu mishipe ne bya ku bongo aye Viktor Frankl waambile'mba: \"Kintu kitundaika muntu kutwajijila kwikala na bumi ke kukeba kuyuka ene mambo o aikelako.\" Mu jishinda jikwabo, muntu ukeba bingi kuyuka Lesa, kino kyo kimwesha kuba'mba kya kine Lesa ye walengele muntu. Pano inge Lesa ye witulengele, nanchi witupa kintu kyakonsha kwitukwasha kufunda pe aye nyi?\nYesu Kilishitu wakumbwile buno bwipuzho byo aambile'mba: \"Muntu kechi ukamwena bumi mu kajo konkatu ne, poso ne mu byambo bifuma mu kanwa ka Yehoba [nangwa'mba ka Lesa].\" (Mateo 4:4) Byambo bya Yehoba bitanwa mu Baibolo byakwasha bantu bavula bingi. Bibalengela kwikala bulongo ne kwikala na luketekelo lwa kulutwe. (1 Tesalonika 2:13) Baibolo wakonsha kwimukwasha ne anweba. Kya kine, mwafwainwa kwikalapo na kimye kya kufunda uno buku.\n^ par. 3 Ba Watson ne ba Crick batwajijile na mwingilo wa kukeba kuyuka biji DNA watendekele bashayuka bakwabo myaka ya kala. Bisopelo bya DNA mu kizungu bimenako deoxyribonucleic acid.—Monai kakitenguluzha ka kuba'mba \"Myaka Bashayuka yo Batulukijilemo Bintu Biji mu DNA.\"\n^ par. 6 Abino bimenako adenine, cytosine, guanine, ne thymine.\n^ par. 18 Mwakonsha kutaana Misambo ya mepuzho na Bashayuka ba bya sayansi pa keyala wetu wa intaneti wa Kizungu wa jw.org. Chintai panembwa'mba Search, ne kunembamo amba \"interview scientist.\"\n^ par. 22 Mepuzho aamba pa lufunjisho lwa kuba'mba bumi bwalengelwe ne lufunjisho lwa kuba'mba bumi bwaishilekotu bwine akumbulwa mu mabuloshuwa a Kizungu a kuba'mba The Origin of Life—Five Questions Worth Asking ne wa kuba'mba Was Life Created? Mwakonsha kwiataana pa www.jw.org.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/g201508\/dna-iji-mu-maselo\/","date":"2018-04-26T04:34:21Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948064.80\/warc\/CC-MAIN-20180426031603-20180426051603-00479.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":1421,"character_repetition_ratio":0.049,"word_repetition_ratio":0.0,"special_characters_ratio":0.183,"stopwords_ratio":0.182,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"16 Yehoba waambijile Mosesa baana ba kwa Alona babiji byo bafwile na mambo a kufwenya kwipi kwi Yehoba.+ 2 Yehoba waambijile Mosesa amba: \"Buula Alona kolojobe kuba'mba kechi akatwelenga mu mpunzha yazhila pa kimye kyonse+ mukachi ka kipembe+ kulutwe ya Jikwachi ne, pa kuba'mba akabule kufwa,+ mambo nkamweka mu jikumbi+ peulu ya kizhiko.+ 3 \"Abino byo bintu Alona byo afwainwa kuleta pa kwiya mu mpunzha yazhila: mwana ñombe wa mulambo wa bubi+ ne mukooko mulume wa mulambo wa kusoka.+ 4 Wafwainwa kuvwala kivwalo kyazhila kyalepa kya kisapi kya linenyi,+ kabiji kaputula* ka kisapi kya linenyi+ kafwainwa kuvweta mubiji* wanji, kabiji wafwainwa kwinyinga mushipi wa kisapi kya linenyi+ ne kukasa kitambala+ ku mutwe. Abino ke bivwalo byazhila.+ Akowe na mema+ ne kwibivwala. 5 \"Wafwainwa kutambula ku jibumba ja bena Isalela+ baana ba bambuzhi balume babiji kwikala mulambo wa bubi ne mukooko mulume wa mulambo wa kusoka. 6 \"Alona wafwainwa kwilambwila ñombe kwikala mulambo wa bubi, kabiji akefuchileko mambo anji mwine+ ne a ba mu nzubo yanji. 7 \"Akasende bambuzhi babiji ne kwibemika kwi Yehoba konka ku kibelo kya tente wa lusambakeno. 8 Kabiji Alona akate bubale pa bano bambuzhi babiji, bubale bumo bwa kwa Yehoba ne bubale bukwabo bwa kwa Azazela.* 9 Alona akalete mbuzhi ye bakakwata ku bubale+ bwa kwa Yehoba ne kumulambula kwikala mulambo wa bubi. 10 Pakuba mbuzhi ye bakakwata ku bubale bwa kwa Azazela bakamulete ne kumwimika kwi Yehoba kwikala wa kufuchilapo mambo kabiji bakamuleke akaye mu kiselebwa kwi Azazela.+ 11 \"Alona akalete ñombe wa mulambo wa bubi ne kwifuchilako mambo anji aye mwine ne ba mu nzubo yanji; apa bino, akepaye ñombe wa mulambo wanji wa bubi.+ 12 \"Akashikule kya kwapwilapo mujilo+ ne kuyuzhapo makala aji pa kya kusokelapo bitapisho+ kiji ku meso a Yehoba ne mikono ibiji ya bya kufutumuna binunka bulongo+ ne kwibileta mukachi ka kipembe.+ 13 Kabiji akabike bya kufutumuna pa mujilo kwi Yehoba,+ ne bwishi bwa bya kufutumuna bukavwete kizhiko kya Jikwachi+ ja Lushimuno,+ pa kuba'mba akabule kufwa. 14 \"Kabiji akashikulepo mashi amo a ñombe+ ne kwiasansa na munwe wanji kulutwe ya kizhiko ku musela, ne mashi akwabo akeasanse na munwe wanji bimye bitanu na bibiji kulutwe ya kizhiko.+ 15 \"Kabiji akepaye mbuzhi wa mulambo wa bubi wa bantu+ ne kuleta mashi mukachi ka kipembe+ ne kwiasansa kulutwe ya kizhiko byonkatu byo aubile na mashi a ñombe.+ 16 \"Kabiji wafwainwa kufuchilako mambo mpunzha yazhila na mambo a kwizhilulula kwa bena Isalela ne mizhilulwila yabo ne bubi bwabo,+ kabiji abino byo byo afwainwa kuba ku tente wa lusambakeno uji mukachi kabo na mambo a kwizhilulula kwabo. 17 \"Kafwako muntu nangwa umo wafwainwa kutwela mu tente wa lusambakeno kimye kyo akatwelanga na kufuchilako bantu mambo mu mpunzha yazhila, kufikatu ne byo akalupukamo. Akefuchileko mambo anji aye mwine ne a ba mu nzubo yanji+ ne a kipwilo kyonse kya bena Isalela.+ 18 \"Akalupuke ne kuya ku kya kusokelapo bitapisho+ kiji ku meso a Yehoba ne kwikifuchilako mambo, kabiji akashikulepo mashi amo a ñombe ne a mbuzhi ne kwiashinga ku nsengo iji ku mbaji yonse ya kya kusokelapo bitapisho. 19 Kabiji akasanse mashi amo na munwe wanji pa kya kusokelapo bitapisho bimye bitanu na bibiji ne kwikitokesha ne kwikizhijika ku kwizhilulula kwa bena Isalela. 20 \"Umvwe wapwisha kufuchilako mambo+ mpunzha yazhila ne tente wa lusambakeno ne kya kusokelapo bitapisho,+ akalete mbuzhi mumi.+ 21 Alona akatenteke maboko anji pa mutwe wa mbuzhi mumi ne kusolwela ponka mambo a bena Isalela onse, mizhilulwila yabo yonse ne bubi bwabo bonse ne kwibibika pa mutwe wa mbuzhi+ ne kumutwala mu kiselebwa ku muntu ye basajila jimo kuba kino.* 22 Uno mbuzhi ukasenda bubi bwabo bonse+ mu kiselebwa+ kabiji akaleke uno mbuzhi akaye mu kiselebwa.+ 23 \"Kepo Alona akatwele mu tente wa lusambakeno ne kuvuula bivwalo bya kisapi kya linenyi byo akavwala pa kutwela mu mpunzha yazhila kabiji akebitule panshi monkamwa. 24 Wafwainwa mwine* kowela+ mu mpunzha yazhila ne kuvwala bivwalo byanji;+ kabiji akalupukemo ne kulambula mulambo wanji wa kusoka+ ne mulambo wa kusoka wa bantu+ ne kwifuchilako mambo anji aye mwine ne a bantu.+ 25 Kabiji akasoke mafuta a mulambo wa bubi pa kya kusokelapo bitapisho. 26 \"Mwanamulume ukatwala mbuzhi wa kwa Azazela+ akachape bivwalo byanji ne kowa na mema, kabiji inge wapwisha kuba bino, wakonsha kutwela mu kampu. 27 \"Kabiji ñombe wa mulambo wa bubi ne mbuzhi wa mulambo wa bubi, bene bena mashi akufuchilako mambo bo bakaleta mu mpunzha yazhila, bakebatwale pangye ya kampu, kabiji myayi yabo, nyama yabo ne busobe bwabo bakebisoke mu mujilo.+ 28 Muntu ukebisoka akachape bivwalo byanji ne kowa na mema, kabiji inge wapwisha kuba bino, wakonsha kutwela mu kampu. 29 \"Jino jikekala jilamuna jenu ja myaka: Mu ñondo wa butanu na bubiji pa juba ja bujikumi ja ñondo mukemanyike anwe bene,* kabiji kechi mwafwainwa kwingila mwingilo ne,+ nangwa mwina kyalo nangwa muntu wafuma ku kyalo kingi ye mukekalanga nanji. 30 Pa jino juba, po po bakemufuchilako mambo+ enu kuba'mba bakemutele'mba babula muzhilo. Mukekala babula muzhilo ku bubi bwenu bonse kwi Yehoba.+ 31 Uno ke sabado wa kukokolokelamo anweba, kabiji mukemanyikenga anwe bene.*+ Jino ke jilamuna ja myaka. 32 \"Ñanga washingwa+ ne kuzhijikwa* kwingila mwingilo wa buñanga+ ukapingakena pe shanji,+ ye ukafuchilangako bantu mambo ne kuvwala bivwalo bya kisapi kya linenyi,+ ko kuba'mba bivwalo byazhila.+ 33 Akafuchileko mambo nzubo yazhila,+ tente wa lusambakeno+ ne kya kusokelapo bitapisho;+ kabiji ukafuchilako mambo bañanga ne kipwilo kyonse kya bantu.+ 34 Jino jikekala jilamuna jenu ja myaka,+ kuba'mba mukafuchilengako mambo bena Isalela na mambo a bubi bwabo bonse jimo pa mwaka pa mwaka.\"+ Onkao mambo, waubile byonkatu Yehoba byo akambizhe Mosesa.\nTubyambo twa munshi\n^ Nangwa'mba \"bivwalo bya mukachi.\"\n^ Nangwa'mba \"mubiji wanji uji patoka.\"\n^ Kampe kulumbulula'mba \"Mbuzhi Uzhimañana.\"\n^ Nangwa'mba \"muntu winengezha.\"\n^ Mu Kihebelu, \"mubiji wanji.\"\n^ Nangwa'mba \"myeo yenu.\" \"Kwimanyika obe mwine\" kulumbulula mbaji yavula ya kwikainyamo, kuvwangakotu ne kuzhikilwa na nzala.\n^ Nangwa'mba \"myeo yenu.\"\n^ Mu Kihebelu, \"uji na kuboko ko bakayuzha.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/bena-levi\/16\/","date":"2018-04-23T04:52:38Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945724.44\/warc\/CC-MAIN-20180423031429-20180423051429-00523.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":928,"character_repetition_ratio":0.082,"word_repetition_ratio":0.017,"special_characters_ratio":0.203,"stopwords_ratio":0.296,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Umvwainga Byamba Lesa Mukekale Myaka\nMulenga wetu ukeba'mba etutangijilenga, kwituzhikijila ne kwitupesha.\nNa mambo a kutemwa bantu, Lesa ubena kwitufunjisha byo twakonsha kwikalanga.\nTwafwainwa kuyuka byo twafwainwa kuba ne bantu bakonsha kwitukwasha.\nTwakonsha kufunda pa jizhina janji ne pa byubilo byanji.\nLubaji lutanshi lwa mu Baibolo lwa lumbulula byo bwajinga.\nBintu byatama byatendekele kumweka.\nÑanyi bintu byaubilenga bantu byamwesheshe byajinga mu michima yabo?\nKechi jishimikila jakalatu ne.\nMambo ka o a kyanemena kumuyuka?\nMufuma mapesho avula bingi.\nBaibolo waamba pa bintu bikamweka kulutwe inge kimye kyafwenya pepi.\nAbino byo bintu byo mukekala nabyo.\nÑanyi bintu byo twakonsha kumulomba?\nMulenga mwine walengele kisemi ubula bantu bya kwikala mu kisemi.\nKuji bintu byo atemwa ne bintu byo ashikwa.\nInge mwaikala bakishinka kwi Yehoba, bukemulengela kufukula bintu na maana.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/umvwainga-mukekala\/","date":"2018-04-20T17:20:59Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125944479.27\/warc\/CC-MAIN-20180420155332-20180420175332-00080.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":126,"character_repetition_ratio":0.063,"word_repetition_ratio":0.0,"special_characters_ratio":0.162,"stopwords_ratio":0.262,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA\nBwipuzho: Bonse tukeba lutekenesho. Pano twakonsha kwilutana pi?\nKinembelo: 2Ko 1:3, 4\nBapai: Kino Kyamba kya Usopa kyalumbulula Lesa byo etutekenesha.\nKYAMBA KYA USOPA (nkupiko ya kunyuma)\nBwipuzho: Bamo balanguluka'mba Bufumu bwa Lesa buji mukachi ka muchima wa muntu; bakwabo nabo bamba'mba bukeya inge bantu bakwatankana ne kuleta mutende pano pa ntanda ponse. Nga anweba mulangulukapo'mba ka?\nKinembelo: Da 2:44\nBapai: Baibolo waamba'mba Bufumu bwa Lesa ke kafulumende wa kine. Kino kibaaba kyaamba pa bintu bikwabo Baibolo byo yaamba pa Bufumu bwa Lesa.\nFUNJISHAI BUKINE\nBwipuzho: Twakonsha kuyuka byepi kuba'mba Lesa wituta muchima?\nKinembelo: 1Pe 5:7\nBukine: Lesa wituswisha kulomba kwi aye mambo wituta muchima.\nNENGEZHAI JISHINDA JENU JA KWISAMBILAMO\nPa kunengezha bya kwisamba na bantu mu mwingilo, londelai jishinda ja kwisambilamo jiji mu Kabuku ka Kupwila.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/jw-Mutanchi-wa-Kupwila\/september-2016-mwb\/mashinda-a-kwisambilamo-mu-mwingilo\/","date":"2018-04-26T16:19:00Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948285.62\/warc\/CC-MAIN-20180426144615-20180426164615-00201.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":126,"character_repetition_ratio":0.08,"word_repetition_ratio":0.0,"special_characters_ratio":0.193,"stopwords_ratio":0.19,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BASEMEKELWE MU 1943\nBABATIZHIWE MU 1961\nBWIKALO BWABO Bafunjile bukine saka bakijitu banyike kabiji baingijila Yehoba mu mwingilo wa kimye kyonse kukila pa myaka 50.\nNABATIZHIWE kimye kyo nafunjilenga bya mizhilo pa sukulu mukatampe panyumatu ya kupitapo nobe ñondo umo kufuma po baipaijile Trujillo mu 1961. Batata bakebelenga'mba nkekale shabyambo, bino namwene buwame bwa kufunda pe Lesa. Nafuminepo pa sukulu mukatampe nangwa kya kuba batata bakebelenga kuba'mba ntwajijile. Byo papichiletu moba acheche, batongwele kwikala painiya wiikajila.\nMpunzha imo konayile na kwingijila ke ku La Vega. Ku ino mpunzha kwavula bingi Bakatolika kufumatu ne kala. Kimye kyo najinga kokwa, kafwakotu nangwa umo wafunjile bukine ne. Kimye kyo naambanga majashi avula bantu, kwatanwangatu muntu umo, mukwetu mo twaingijilanga bupainiya. Nangwa byonkabyo, Yehoba wankwashishe kutwajijila kupichila mu lufunjisho lwa pa bunke lwa Baibolo, kutanwa ku kubuñana ne milombelo ya panshi ya muchima. Nalombanga kwi Yehoba kuba'mba mu La Vega mukekalepo kipwilo. Nji bingi na lusekelo, mambo lelo jino muji bipwilo 14 ne Mazubo a Bufumu atanu na imo, kabiji muji basapwishi ba Bufumu kukila pa 800.\nNasongwele ba Ángela mu 1965, kabiji betwichile ku Betele mu 1981. Byo nabatizhiwe mu kino kyalo mwajingatu basapwishi 681. Lelo jino basapwishi bakila pa 36,000 kabiji bantu bavula bashinkwako ku kupwila kwetu kukatampe. Umvwe navuluka bintu byo byajinga kala, nkumya bingi pa kumona Yehoba byo ashinkula michima ya bantu bavula pa kuba'mba bafunde bukine bwa mu Baibolo.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/buku-wa-mwaka-wa-2015\/history\/yehoba-washinkula-michima\/","date":"2018-04-24T16:53:55Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946807.67\/warc\/CC-MAIN-20180424154911-20180424174911-00134.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":220,"character_repetition_ratio":0.054,"word_repetition_ratio":0.0,"special_characters_ratio":0.191,"stopwords_ratio":0.236,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Bakamonyi ba kwa Yehoba bayukanyikwa bingi na mambo a kusapwila pa mvula bantu. Nanchi mwayuka'mba tuji ne na mutanchi wa kufunjisha bantu Baibolo ntanda yonse nyi?\nMu 2014, Bakamonyi nobe 8,000,000 baji mu byalo 240, bafunjishenga bantu Baibolo pepi na 9,500,000 pa ñondo pa ñondo. * Kine, bantu babena kufunda Baibolo ne atweba bavula kukila kibelengelo kya bantu bekala mu byalo 140!\nPa kuba'mba bengile uno mwingilo wa kufunjisha, Bakamonyi ba kwa Yehoba banemba ma Baibolo, mabuku, magazini ne mabuku akwabo alumbulula Baibolo pepi na bilyonyi umo ne kichika pa mwaka pa mwaka, mu milaka 700! Kunemba ano mabuku mu milaka yavula kwalengela bantu kufunda Baibolo mu milaka yabo.\nMIKUMBU KU MEPUZHO EPUZHA BANTU JAVULA PA MUTANCHI WETU WA KUFUNJISHA BAIBOLO\nKikala byepi pa kufunda Baibolo?\nTwamba pa mitwe yapusana pusana ya mu Baibolo ne kutanga byepelo bya mu Baibolo byaamba pa yoyo mitwe. Kya kumwenako, Baibolo wakumbula mepuzho nabiji a kuba'mba: Lesa ye ñanyi? Nga Lesa uji byepi? Nanchi uji na jizhina nyi? Wikala kwepi? Nanchi twakonsha kufwenya kwipi ne aye nyi? Lukatazho lwikalapo ke kuyuka bya kutaana mikumbu mu Baibolo.\nPa kukwasha bantu kutaana mikumbu, twingijisha buku wa mapa 224 wa kuba'mba Nanchi Baibolo Kine Ufunjisha'mba Ka? * Uno buku bamunembejile kukwasha bantu kumvwisha mafunjisho atanshi a mu Baibolo. Muji mitwe yaamba pe Lesa, pe Yesu Kilishitu, pa buyanji bwa bantu, pa lusanguko, pa lulombelo ne ikwabotu yavula.\nKwepi kabiji kimye ka kya kufunda?\nMwakonsha kufunda pa kimye ne mpunzha yo mubena kukeba.\nKufunda kulepa byepi?\nBantu bavula baswa kufunda Baibolo pa jiola jimo nangwa kukilapo mulungu ne mulungu. Bino kimye kya kufunda kyalauka alaukatu. Tukafundanga kwesakana na kimye kyo muji nakyo. Bamo bafundatu pa maminiti 10 nangwa 15 mu mulungu.\nMali anga o bapana pa kufunda?\nKufunda ne mabuku o twingijisha ke atutu. Kino kyayilamo na byaambile Yesu ku batumwa banji amba: \"Mwatambwiletu kyatu, ne anweba panaitu kyatu.\"—Mateo 10:8.\nLufunjisho lonse lwalepa byepi?\nKiji kwi anweba kufuukula maminiti o mukeba kufunda. Buku wa kuba'mba Nanchi Baibolo Kine Ufunjisha'mba Ka? uji na mafunjisho 19. Mwakonsha kufunda ano mafunjisho onse kwesakana na kimye kyo mwikala nakyo.\nNanchi kana naikala Kamonyi wa kwa Yehoba pa kuba'mba mfunde nyi?\nIne. Twayuka'mba muntu yense uji na luusa lwa kwifuukwila bintu byo akonsha kwitabilamo. Nangwa byonkabyo, bantu bafunda mafunjisho atanshi a mu Baibolo, bakonsha kufukulapo kwikala Bakamonyi.\nKwepi ko nakonsha kutaana byambo bikwabo?\nKeyala wa jw.org uji na byambo byavula byaamba pa bintu byo twaitabilamo ne mingilo ya Bakamonyi ba kwa Yehoba.\nNakonsha kuba byepi pa kutaana muntu wa kumfunjisha Baibolo?\nMwakonsha kunemba pa keyala wa www.jw.org.\n-\nMwakonsha kwisamba na Kamonyi wa kwa Yehoba uji ko mwikela.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/wp20150401\/mutanchi-wa-kufunjisha-baibolo\/","date":"2018-04-26T04:34:26Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948064.80\/warc\/CC-MAIN-20180426031603-20180426051603-00319.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":421,"character_repetition_ratio":0.067,"word_repetition_ratio":0.0,"special_characters_ratio":0.199,"stopwords_ratio":0.252,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KUMBULAI KWINGIJISHA BIPIKICHALA Kwibapokolola pa Kalunga Kachila Kopololai luno lufunjisho ne kutongola bantu babiji ba mu Baibolo. Mulenge kyabulapo. Kopololai Bikwabo Bijipo Monai Byonse Davida Wajingatu na Bilwilo Bicheche, Bino Wachinchikile Esakanya bano bantu ba mu Baibolo na bintu byo babiika po baji. Davida Waishijile mu Jizhina ja Lesa Kwashai mwana wenu kuyuka bilumbulula jizhina ja Lesa. Twajijilai Kulomba Mupashi Wazhila Bino bipikichala bikwasha banyike baji na myaka pakachi ka 6 ne 8 kuyuka ene mambo o kyawamina kutwajijila kulomba. Monai Byonse Tumai Musabilo Tumai Musabilo KUMBULAI KWINGIJISHA BIPIKICHALA Kwibapokolola pa Kalunga Kachila Kikaonde Kwibapokolola pa Kalunga Kachila https:\/\/assetsnffrgf-a.akamaihd.net\/assets\/m\/502014193\/univ\/art\/502014193_univ_sqr_xl.jpg","id":"","dump":"CC-MAIN-2018-17","url":"https:\/\/www.jw.org\/kqn\/bifunjisha-baibolo\/baana\/kumbulai-kwingijisha-bipikichala\/bena-isalela-kwibapokolola-kalunga-kachila\/","date":"2018-04-23T09:47:32Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945940.14\/warc\/CC-MAIN-20180423085920-20180423105920-00482.warc.gz","language":"kqn","language_score":1.0000087023,"language_script":"Latn","minhash_cluster_size":1,"top_langs":"{\"kqn_Latn_score\": 1.0000087022781372}","num_words":97,"character_repetition_ratio":0.098,"word_repetition_ratio":0.0,"special_characters_ratio":0.176,"stopwords_ratio":0.196,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA\nBwipuzho: Abya mwalanguluka kuba'mba ntanda yakonsha kuwama inge bonse balondela jino jifunde nyi?\nKinembelo: Heb 13:18\nMupai: Baibolo witutundaika kwikala ba kishinka mu bintu byonse. Onkao mambo, bukishinka bwanema bingi mu mbaji yonse ya bwikalo bwetu. Uno ye mutwe ye baambapo mu kino Kyamba kya Usopa.\nKYAMBA KYA USOPA (nkupiko ya kunyuma)\nBwipuzho: Mbena kukeba kuyuka byo mulanguluka pa buno bwipuzho. [Tangai bwipuzho butanshi.] Bantu bamo balanguluka kuba'mba inge twafwa tutwajijila kwikalako, bino bamo balanguluka kuba'mba lufu yo mpelo ya byonse. Nga anweba mulangulukapo byepi?\nKinembelo: Mus 9:5 Uno mutwe waamba ne pa bishinka bikwabo byaamba pa kino.\nMupai: Jino jipa jalumbulula ne bikwabo byaamba Baibolo pa uno mutwe. Abya mwakonsha kutemwa kumutanga nyi? Apa bino tukesambepo kimye kikwabo.\nMAMBO AWAMA AFUMA KWI LESA!\nMupai: Naji kwiya na kwimubuula pa lufunjisho lwa Baibolo lo tufunjisha kyatu. Uno buloshuwa wamwesha mo mwakonsha kutana mikumbu mu Baibolo ya mepuzho anema.\nBwipuzho: Nanchi mwakitangapo kala Baibolo nyi? Lekai nemumweshe lufunjisho byo lwapela kufunda mu uno buloshuwa. [Isambai nanji bwipuzho 1 mu lufunjisho 2.]\nKinembelo: Lum 4:11\nNENGEZHAI JISHINDA JENU JA KWISAMBILAMO\nPa kunengezha bya kwisamba na bantu mu mwingilo, londelai jishinda ja kwisambilamo jiji mu Kabuku ka Kupwila.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/jw-Mutanchi-wa-Kupwila\/january-2016-mwb\/bya-kwamba-mu-mwingilo\/","date":"2018-04-23T23:52:35Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946256.50\/warc\/CC-MAIN-20180423223408-20180424003408-00348.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":193,"character_repetition_ratio":0.069,"word_repetition_ratio":0.0,"special_characters_ratio":0.187,"stopwords_ratio":0.15,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mazubo a Bufumu ke bishimikwa bya kwa Yehoba. Bino bishimikwa byanema bingi. Atweba bonse twafwainwa kuba byepi pa kuba'mba twingilengako mwingilo wa kuwamisha Nzubo ya Bufumu? Isambai ano mepuzho inge mwapwisha kutamba vidyo wa kuba'mba: Kulama Bulongo Mazubo a Bufumu.\nMambo ka Mazubo a Bufumu kyo anemena bingi?\nMambo ka o twafwainwa kulaminanga bulongo Mazubo a Bufumu?\nBañanyi bafwainwa kwingilanga mwingilo wa kuwamisha Nzubo ya Bufumu?\nMambo ka kwizhikijila ku mapuso o kwanemena, kabiji ñanyi bintu bimo byo mwakumona mu vidyo byo mwafwainwa kuba pa kwizhikijila?\nBupe bo tupana bunemeka byepi Yehoba?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/jw-Mutanchi-wa-Kupwila\/may-2017-mwb\/mutanchi-wa-kupwila-may8-14\/kuwamisha-mazubo-a-bufumu\/","date":"2018-04-27T09:07:22Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524127095762.40\/warc\/CC-MAIN-20180427075937-20180427095937-00531.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":92,"character_repetition_ratio":0.103,"word_repetition_ratio":0.0,"special_characters_ratio":0.171,"stopwords_ratio":0.207,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Chintai jikwabo po banemba'mba ntatwilo nangwa chintai pa kamutwe ko mubena kukeba pa tumitwe tuji kunshi.\nMitwe iji mu kino kipungu imwesha ene mambo o mwakonsha kuketekela Baibolo, byo mwakonsha kufunjilako bintu byavula ne Baibolo byo ikwasha bantu.\nMonai byo babikapo katataka.\nMasawakya akatataka aamba pa bintu bibena kumwekela Bakamonyi ba kwa Yehoba mwaya ntanda.\nFundai byavula pe atweba. Yukai ko twikela na kupwila, bya kwisamba ne atweba, kabiji ne byo mwakonsha kwikala na lufunjisho lwa Baibolo lwatutu.","id":"","dump":"CC-MAIN-2018-17","url":"https:\/\/www.jw.org\/kqn\/byo-mubena-kukeba-kafwapo\/","date":"2018-04-21T18:05:55Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945272.41\/warc\/CC-MAIN-20180421164646-20180421184646-00466.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":78,"character_repetition_ratio":0.039,"word_repetition_ratio":0.0,"special_characters_ratio":0.168,"stopwords_ratio":0.231,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Nanchi mwakankalwapo kala kutekenesha mulunda nenu wafwishishepo mutemwa wanji nyi? Kimye kimo kechi twakonsha kuyuka bya kwamba ne bya kuba ne. Bino kuji bintu bimo byo twakonsha kuba.\nJavula kikebewatu ke kuyako ne kwamba byambo nabiji bya kuba'mba \"Kyatama bingi.\" Mu bisho byavula, kukumbachilamo muntu nangwa kumukwata pa kuboko kumwesha'mba mwamuta bingi muchima. Inge muntu uji na bulanda ubena kukeba kwamba, mwafwainwa kutelekesha. Kintu kikwabo kyanema ke kubilapo bimo kisemi kiji na bulanda. Mwakonsha ne kwibakwashako mingilo yo bakonsha kukankalwa kwingila, kampe kwibatekelako kajo, kwibakwashako kulama baana nangwa kwibakwashako kunengezha bya kijilo. Kwibakwashako mu jino jishinda kwanema bingi kukila kwambatu byambo.\nMu kuya kwa kimye, mwakonsha ne kutendeka kwamba pa byubilo byawama byajinga na yewo muntu wafwa. Misambo ya uno mutundu yakonsha kulengela kisemi kyaponenwa na bya malwa kwikalako na lusekelo. Ba Pam bafwishishe bamwata wabo ba Ian, papita ne myaka itanu na umo. Baambile'mba: \"Bantu bambuula bintu byawama byaubanga ba Ian byo nabujile ne kuyuka, kabiji kino kindengela kwikala bingi na lusekelo.\"\nBashayuka bamba'mba nangwa kya kuba bantu baji na bulanda batambula bukwasho bwavula bingi kimye kitanshi, bino balunda nabo kechi batwajijila na kwibakwasha ne, mambo a kuba'mba batendeka kwingila mingilo yabo ya pa juba pa juba. Onkao mambo, mwafwainwa kwisambanga na mulunda nenu wafwisha mutemwe wanji kimye kyonse. * Bantu bavula baponenwa na bya malwa baamba'mba kwibafwakesha pa kimye pa kimye kyakonsha kwibakwashako kukepeshako bulanda.\nAkilangulukai pe Kaori nsongwakazhi mwina Japan wafwishishe bainanji kabiji pa kupitapo bañondo 15 bakolojanji babakazhi nabo bafwile. Kyawamineko ke kya kuba'mba balunda nanji ba kishinka bamukwashanga kimye kyonse. Mulunda umo wakomako pe aye ke ba Ritsuko bepaine kwikala mulunda nanji wa kumukwasha kimye kyonse. Kaori waambile'mba: \"Kwambatu kine, kechi naumvwine bulongo pa byo baubilenga ne. Kechi nakebelenga muntu nangwa umo kwikala nobe bamaama ne, kabiji kechi nalangulukilenga'mba kuji muntu wakonsha kuba bino ne. Bino, nebatemenwe bingi ba Ritsuko na mambo a byo bankwashanga. Twayilanga pamo mu busapwishi pa mulungu pa mulungu ne ku kupwila kwa bwina Kilishitu. Bangitanga ku nzubo yabo na kutomena pamo makabe ne kumpotela bya kuja, kabiji bimye byavula bantuminanga makalata ne tubikachi. Byaubanga ba Ritsuko byandengejile kulubako ku bintu byo napichilemo.\"\nPapita ne myaka 12 kufuma pafwijile bainanji Kaori, kabiji pa kino kimye aye ne bamwatawanji baji mu mwingilo wa kimye kyonse. Kaori waambile'mba: \"Ba Ritsuko batwajijila kunta muchima. Inge nabwela ku mpunzha ko ngikala, nebafwakesha kimye kyonse kabiji neyowa misambo yabo ya lutundaiko.\"\nBakwabo bamwenejilemo mu bukwasho ke ba Poli, Bakamonyi ba kwa Yehoba bekala ku Cyprus. Ba Poli bajinga na bamwata wabo ba Sozos bawamine bingi muchima. Bano bamwata wabo bamweshanga byubilo byawama byo bajinga kafunga wa bwina Kilishitu kupichila mu kwita baana ba kishale ne bantu bafwilwa ku nzubo yabo na kwisamba ne na kujila pamo bya kuja. (Yakoba 1:27) Kyatamineko ke kya kuba'mba saka baji na myaka 53, ba Sozos bafwile na kansa ya ku bongo. Ba Poli baambile'mba: \"Nafwishishe bamwatawami ba kishinka bo naikele nabo myaka 33 mu masongola.\"\nPanyuma ya kijilo, ba Poli bayile na kwikala ku Canada na mwanabo wamulume Daniel wajinga na myaka 15. Byo bayile kokwa, batendekele kupwila na Bakamonyi ba kwa Yehoba. Ba Poli baambile'mba: \"Balongo ne banyenga mu kino kipwilo kechi bayukile byo napichilemo ne, bino betukwashanga bingi ne kwitutekenesha na byambo byabo byawama. Buno bukwasho bwaishile pa kimye kyawama bingi mambo kyo kimye mwanami kyo akebelenga bingi bashanji. Bakulumpe mu kipwilo bamwesheshe kuba'mba bata bingi muchima Daniel. Umo pa bano waitangako Daniel kimye kyo bapwanañananga na balunda nabo nangwatu kimye kyo bayanga na kupama mpila.\" Pa kino kimye ba Poli ne mwanabo babena kuba bingi bulongo.\nKwambatu kine, kuji mashinda avula bingi mo twakonsha kukwashisha ne kutundaika bantu baji na bulanda. Baibolo naye witutundaika na luketekelo lwawama luji kulutwe.\n^ jifu. 6 Bantu bamo banemba juba jafwijilepo muntu pa kalenda pa kuba'mba jikebavululengamo kutekenesha bobo bantu bafwishishe yewo muntu pa juba jonka jo afwijilepo nangwa inge jino juba ke jifwenye pepi.","id":"","dump":"CC-MAIN-2018-34","url":"https:\/\/www.jw.org\/kqn\/mabuku\/magazini\/kyamba-kya-usopa-na3-2016-ndolo\/bya-kutekenesha-muntu-uji-na-bulanda\/","date":"2018-08-18T01:53:06Z","file_path":"s3:\/\/commoncrawl\/crawl-data\/CC-MAIN-2018-34\/segments\/1534221213247.0\/warc\/CC-MAIN-20180818001437-20180818021437-00587.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":635,"character_repetition_ratio":0.056,"word_repetition_ratio":0.0,"special_characters_ratio":0.175,"stopwords_ratio":0.23,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Vulukai Muka Lota\nLujimuno lwapaine Yesu myaka 2,000 yapitapo ne luno lwanema bingi. Monai Ba Brian ne Ba Gloria byo babena kuzhikijila baana babo ku bino bizumba byajimwinepo Yesu.\nKisemi kya mwina Kilishitu wakishinka kyakonsha kukeba byepi bunonshi kabiji pa kimye kimo ne kwingijila Lesa?\nÑanyi bintu byakonsha kwitulengela kuleka kulondela mizhilo ya Lesa?\nYesu waambile pa jino jishimikila pa kuba'mba tufunjileko. Kechi kyafwainwa kwikala byonka byo kyajinga kwi muka Lota ne. Kabiji kechi byo kyafwainwa kwikala ne kwi atweba ne.","id":"","dump":"CC-MAIN-2018-39","url":"https:\/\/www.jw.org\/kqn\/mabuku\/mavidyo\/vulukai-muka-lota\/","date":"2018-09-21T06:42:23Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156857.16\/warc\/CC-MAIN-20180921053049-20180921073250-00048.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":80,"character_repetition_ratio":0.045,"word_repetition_ratio":0.0,"special_characters_ratio":0.173,"stopwords_ratio":0.275,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Yesu waambijile baana banji ba bwanga amba: \"Kyeya kyenu kimweke ku bantu bonse, kuba'mba bamone mingilo yenu yawama ne kutumbijika Shenu wa mwiulu.\" (Mateo 5:16) Pa kuba'mba tube bino tubena kwingijisha biñambañamba byaiyamo, kubikapo ne intaneti. Pa keyala wetu wa jw.org\/kqn, po patanwa byaitabilamo Bakamonyi ba kwa Yehoba ne mingilo yabo. Ñanyi mitwe imo itanwapo?\nMikumbu ya mu Baibolo ya mepuzho epuzha bavula. Mwakonsha kutaana mikumbu ya mepuzho avula anema bingi akatazha bavula. Talakiti wa kuba'mba Nanchi Buyanji Bukapwa Nyi? ne wa kuba'mba Umvwe Muntu Wafwa, Wakonsha Kwikala Mumi Jibiji Nyi? aji ne pa intaneti mu milaka kukila pa 600. Kabiji mwakonsha ne kutaana Baibolo wa Binembelo bya Ntanda Ipya mu milaka kukila pa 130 ne mabuku a kwingijisha pa kufunda Baibolo nabiji buku wa Nanchi Baibolo Kine Ufunjisha'mba Ka? ne Kyamba kya Usopa ne Labainga! wakatataka. Ano mabuku mwakonsha kwiatanga, nangwa kukopolola byambo pa MP3, PDF, nangwa kwingijisha EPUB. Mwakonsha ne kupulinchila bantu bamwesha lusekelo bya mu mulaka ye bomvwa. Kabiji mavidyo avula nao atanwapo ne mu milaka ya kwamba na maboko. Kabiji mwakonsha kukopolola bifwanyikizho bya mu Baibolo, ne mashimikila a mu Baibolo o batangila jimo ne nyimbo yawama ya kumvwako kimye kyo mubena kukokoloka.\nBishinka pa Bakamonyi ba kwa Yehoba. Pa keyala wetu patanwa masawakya ne bipikichala bya bimweka mu mwingilo wetu wa ntanda yonse, biponako bikunza Bakamonyi ba kwa Yehoba ne byo bakwasha bantu baji mu bya malwa. Mwakonsha ne kutanapo mabulañano a kushonkena kwa kijiiji ne makeyala a maofweshi a misampi.\nNa bino biñambañamba byaiyamo, tubena kusamisha kyeya kya bukine mwaya ntanda yonse. Bantu bonse mwaya ntanda, ne ba ku Antarctica, bonsetu babena kumwenamo. Tubena kulomba kuba'mba \"byambo bya Yehoba bikomenga bukiji\" mwaya ntanda yonse ne kuleta lukumo kwi Yehoba.—2 Tesalonika 3:1.\nNga keyala wetu wa jw.org\/kqn ubena kukwasha byepi bantu kufunda bukine bwa mu Baibolo?\nÑanyi bintu byo mukeba kumona pa keyala wetu wa pa intaneti?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/kyaswa-muchima-wa-yehoba\/keyala-wa-pa-intaneti-wa-bakamonyi-ba-yehoba\/","date":"2018-04-20T07:08:13Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937161.15\/warc\/CC-MAIN-20180420061851-20180420081851-00042.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":308,"character_repetition_ratio":0.068,"word_repetition_ratio":0.0,"special_characters_ratio":0.189,"stopwords_ratio":0.26,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Lelo jino bavula 'batulapo bya bupe,' ko kuba'mba mali amo ne kuya na kwiabika mu tubokoshi twa bupe panembwa'mba, \"Mwingilo wa Ntanda Yonse.\" (1 Ko. 16:2) Pa ñondo pa ñondo, bipwilo bituma buno bupe ku ofweshi wa Bakamonyi ba kwa Yehoba uji mu kyalo kyabo. Kabiji mwakonsha kutuma bupe ku kije kyaswishiwa na mizhilo kingijisha Bakamonyi ba kwa Yehoba mu kyalo kyenu. Pa kuba'mba muyuke jizhina ja kije kyaswishiwa na muzhilo kingijisha Bakamonyi ba kwa Yehoba mu kyalo kyenu, nembelai ku ofweshi wa musampi wa mu kyalo kyenu. Mwakonsha kutaana keyala wa ofweshi wa musampi pa intaneti kwingijisha keyala wa www.jw.org\/kqn. Bupe bo mwakonsha kutuma ke buno:\nKUPANA BUPE KWA KUBULA KUBULAÑANA BYO BUKENGILA\n-\nKutuma mali kwingijisha biñambañamba, ne tubikachi twa ku banki. Ku misampi imo mwakonsha kuba bino kwingijisha keyala wa jw.org nangwa keyalatu mukwabo.\n-\nBuno bwakonsha kwikala bupe bwa mali, bipe nangwa bintu bikwabo byanema. Mwafwainwa kutumina pamo na nkalata ibena kulumbulula kuba'mba ao mali nangwa bipe byo mwatuma bakebingijishe mo bakebela.\nKUPANA BUPE NE KUBULAÑANA BYO BUKENGILA\n-\nKe mali apanwa kuba'mba beengijishe, pano bino, bakonsha kumubwezhezha mwine mwinao inge wiakeba.\n-\nMwafwainwa kutumina pamo na nkalata ya kulumbulula bikengila bobo bupe.\nKUNENGEZHEZHA JIMO BYA KUPANA BUPE\nKununga pa bupe bwa mali ne bipe, kuji mashinda akwabo a kupainamo mali a kukwasha mwingilo wa Bufumu wa ntanda yonse. Ano mashinda atanchikwa panshipo. Saka mukyangye kutuma bupe kwingijisha jishinda jo mukeba, patanshi buulai ofweshi wa musampi wa mu kyalo kyenu kuba'mba muyuke mashinda o bengijisha mu kyokyo kyalo. Byo kiji kuba'mba mizhilo ya kafulumende ne mpaino ya misonko yapusana pusana, kyanema bingi kwipuzha dipatimenti utala pa bya mizhilo ne misonko uji pa musampi saka mukyangye kusalapo jishinda jawama ja kupainamo bupe.\nKwivimbila: Ke bupe bupanwa kupichila mu kutongola kije kingijisha Bakamonyi ba kwa Yehoba kuba'mba kikatambula mali amo a kwivimbila nangwa a penshonyi.\nMali aji ku Kipao: Mali aji ku kipao, bipepala bya kufishishapo mali ku kipao, nangwa mali a muntu watambula penshonyi akonsha kunengezhiwa nangwa kupanwa ku kije kingijisha Bakamonyi ba kwa Yehoba inge wafwa, kwesakana na mizhilo ya ku kyokyo kipao.\nBipe Nangwa Mali a Muntu pa Kampanyi ne Mali a Muntu o Akongwesha Kampanyi: Bino bintu byakonsha kupanwa ku kije kingijisha Bakamonyi ba kwa Yehoba kuba'mba ke bupe bwapanwa bwa kubula kubwezha nangwa kutambula buno bupe inge mwine wafwa.\nBishimikwa ne Mpunzha: Bishimikwa nangwa mpunzha byakonsha kupanwa ku kije kingijisha Bakamonyi ba kwa Yehoba kupichila mu kupana bupe bwa kuba'mba bakebwingijishe mo bakebela, nangwa inge kya kuba muntu wapana nzubo, awa wapana nzubo wakonsha kukitwajijila kwikalamo saka akiji mumi.\nBupe bwa pa Mwaka: Bupe bwa pa mwaka ke lunengezho lulengela muntu kupana mali a penshonyi pa mwaka pa mwaka ku kije kingijisha Bakamonyi ba kwa Yehoba, ko kuba'mba mali o afwainwe aye mwine kutambulanga nangwa ye atongwele kuba'mba akatambulenga oo mali. Awa wapana buno bupe bakamukepesheshako misonko mu yewo mwaka ye atendekelamo kupana bobo bupe.\nBuswe ne Mali Afiwa ku Kipamo: Bipe nangwa mali akonsha kupanwa ku kije kingijisha Bakamonyi ba kwa Yehoba kupichila mu kunemba buswe kwesakana na mwayila mizhilo, nangwa kutongola kije kikatambulanga bobo bupe. Luno lunengezho lwakonsha kulengela wapana buno bupe kumukepesheshako misonko.\nInge mukeba kuyukilapo bikwabo pa mashinda a kupainamo bupe bwa kukwasha mwingilo wa ntanda yonse wa Bakamonyi ba kwa Yehoba, monai buloshuwa wa kuba'mba Charitable Planning to Benefit Kingdom Service Worldwide uji mu Kizungu ne mu Kisipanishi. Uno buloshuwa walumbulula mashinda apusana pusana muntu mo akonsha kupaina bupe. Mashinda amo anembwa mu uno buloshuwa kechi akonsha kwingila mu kyalo kyenu ne, na mambo a misonko ne mizhilo ikwabo. Bantu bavula bakwasha mwingilo wetu wa ntanda yonse kabiji bamwenamo bingi mambo bebakepesheshako misonko inge bapana mu ano mashinda. Umvwe uno buloshuwa mo aji mu kyalo kyenu, mwakonsha kutambulako umo ku munembeshi mu kipwilo kyenu.\nPa kuba'mba muyukilepo byavula, mwakonsha kuchinta panembwa'mba \"Make a Donation to Our Worldwide Work\" kaikela panshi pa keyala wa jw.org, nangwa kwipuzha ku ofweshi wa musampi.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/kyamba-kya-usopa-november-2016\/mwingilo-wabaya\/","date":"2018-04-20T07:07:00Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937161.15\/warc\/CC-MAIN-20180420061851-20180420081851-00042.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":646,"character_repetition_ratio":0.103,"word_repetition_ratio":0.003,"special_characters_ratio":0.175,"stopwords_ratio":0.201,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KUMBULAI KWINGIJISHA BIPIKICHALA Fukuta wa pa Kyaji wa Ñanga Mwine Mukatampe Kopololai bipikichala byo mwakonsha kupenta kabiji muyuke ne mwatala fukuta wa pa kyaji wavwalanga ñanga mwine mukatampe wa bena Isalela. Kopololai Bikwabo Bijipo Monai Byonse Davida Wajingatu na Bilwilo Bicheche, Bino Wachinchikile Esakanya bano bantu ba mu Baibolo na bintu byo babiika po baji. Davida Waishijile mu Jizhina ja Lesa Kwashai mwana wenu kuyuka bilumbulula jizhina ja Lesa. Twajijilai Kulomba Mupashi Wazhila Bino bipikichala bikwasha banyike baji na myaka pakachi ka 6 ne 8 kuyuka ene mambo o kyawamina kutwajijila kulomba. Monai Byonse Tumai Musabilo Tumai Musabilo KUMBULAI KWINGIJISHA BIPIKICHALA Fukuta wa pa Kyaji wa Ñanga Mwine Mukatampe Kikaonde Fukuta wa pa Kyaji wa Ñanga Mwine Mukatampe https:\/\/assetsnffrgf-a.akamaihd.net\/assets\/m\/502014299\/univ\/art\/502014299_univ_sqr_xl.jpg","id":"","dump":"CC-MAIN-2018-17","url":"https:\/\/www.jw.org\/kqn\/bifunjisha-baibolo\/baana\/kumbulai-kwingijisha-bipikichala\/fukuta-wa-pa-kyaji-wa-%C3%B1anga-mwine-mukatampe\/","date":"2018-04-23T13:36:25Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946011.29\/warc\/CC-MAIN-20180423125457-20180423145457-00555.warc.gz","language":"kqn","language_score":1.0000033379,"language_script":"Latn","minhash_cluster_size":1,"top_langs":"{\"kqn_Latn_score\": 1.0000033378601074}","num_words":117,"character_repetition_ratio":0.097,"word_repetition_ratio":0.037,"special_characters_ratio":0.181,"stopwords_ratio":0.231,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"PA MYAKA kukila 3,000 yapitapo, mushakulu Yoba wataine kishinka kya kuba'mba, bañonyi betulengela kuyuka mingilo ya Lesa. Bino byo boba, bitulengela kumvwisha bintu bimo. Baibolo waambapo bingi pa bañonyi. Ku bano bañonyi tufunjilako byavula mu bwikalo ne byo twafwainwa kwikala balunda ne Lesa. Twayai twambepo pa bañonyi bamo.\nKULENGELA KAMIMBYA KINSA\nBantu baikalanga mu Yelusalema bayukile bingi bulongo tumimbya. Mambo twalengelanga binsa mu jizezelo ja kishimikwa. Tumo twalengejile binsa ku nzubo ya Lesa yashimikile Solomone. Tuno tumimbya twalengenga binsa ku nzubo ya Lesa pa mwaka pa mwaka twazhikijilwanga kabiji twana twato twakomanga bulongo.\nMwana wa kwa Kola wanembele Salamo 84 waingijilanga pa nzubo ya Lesa mulungu umo pa bañondo batanu na umo. Wamonanga binsa mu kipango kya nzubo ya Lesa. Wakebanga bingi kwikalamo kikupu nobe tuno tumimbya twalenganga binsa mu bipango bya Yehoba. Waambile'mba: \"Byo natemwapo tente wenu wa lusambakeno, anweba Yehoba wa mabumba! Muchima wami yense utonga, kine nkebesha bingi kwikala mu bipango bya Yehoba. . . Mambo ne kañonyi kataana mwa kwikala konkakwa ne kamimbya kalenga kinsa, mokalamina twana twako kwipi na kya kusokelapo bitapisho kyenu, anweba Yehoba wa mabumba, Mfumu wami kabiji Lesa wami!\" (Salamo 84:1-3) Nanchi ne atweba ne baana betu tusanta ne kukebesha kupwila pamo na bantu ba Lesa nyi?—Salamo 26:8, 12.\nÑENDABWALA WAYUKA KIMYE KYANJI\nNgauzhi Yelemiya wanembele'mba: 'Ñendabwala wayuka kimye kyanji.' Kwa kubula nangwa kuzhinaukatu ne, wamonanga tuno tuñonyi byo twavilukanga mu Ntanda ya Mulaye. Kimye kya mwela wa mebele, bañendabwala batoka kukila pa 300,000 bavilukanga kufuma ku Africa kuya ku Buyeke bwa Europe kukilañanya mu Musanza wa Yodano. Tuno tuñonyi tuyuka kimye kya kubwela kotusemena mu kimye kya kisalo. Byonka biji tuñonyi tukwabo tuviluka, nato 'twayuka kimye kya kubwelelamo.'—Yelemiya 8:7.\nBuku wa Collins Atlas of Bird Migration waamba'mba: \"Tuno tuñonyi twingijisha maana a kisemwa kuyuka kimye kya kuviluka.\" Yehoba Lesa wapele maana tuno tuñonyi a kuyuka kimye kya kuviluka. Bino muntu bamupa bulume bwa kulanguluka ne kuyuka kimye. (Luka 12:54-56) Kupusanako na maana a kisemwa a ñendabwala, maana a kuyuka Lesa o alengela bantu kuyuka bintu bibena kumweka mu ano moba a kupelako. Bena Isalela bajingako mu moba a kwa Yelemiya kechi bamonanga bino biyukilo ne. Lesa walumbulwile kyalengejile. Waambile'mba: \"Bakana byambo bya Yehoba, pano ñanyi maana o baji nao?\"—Yelemiya 8:9.\nLelo jino kuji bishinka byavula bitulengela kuyuka'mba tubena kwikala mu moba Baibolo o itela'mba, \"moba a kupelako.\" (2 Timoti 3:1-5) Nanchi mwafunjilako ku ñendabwala ne kuyuka \"kimye\" kyo tujimo nyi?\nMPUNGU UMONA BINTU BIJI KWALEPA\nBaibolo waamba pa mpungu bimye byavula bingi, kabiji bano bañonyi bavula bingi mu Ntanda ya Mulaye. Mpungu 'ulengela kinsa kyanji peulu, kabiji ponka pa kinsa po po akebela kajo, mambo meso anji amona kufika kwalepa.' (Yoba 39:27-29) Meso a mpungu amona palepa bingi. Wakonsha kumona kalulu kaji palepa kilomita umo.\nMpungu 'umona bintu biji kwalepa,' pa kuba Yehoba aye uyuka ne bikamweka kulutwe. O ene mambo Yehoba Lesa o aambijile'mba: \"Kufumatu ku ntendekelo amiwa ñambila jimo bintu bikamweka kulutwe, kabiji kufumatu ne kala kene amiwa ñamba bintu bikyangye kumweka.\" (Isaya 46:10) Kukookela byaamba Yehoba kwitulengela kumwenamo byawama mu maana ne mu bulume bwanji bwa kuyuka bikamweka kulutwe.—Isaya 48:17, 18.\nBaibolo waesakanya baketekela mwi Lesa ku bampungu amba: \"Aba baketekela mwi Yehoba bakekala na bulume. Bakatumbukanga kuya mwiulu nobe bampungu.\" (Isaya 40:31) Mpungu kimupelela kulelemba mambo uyuka paji mwela wakaba upupa kuya mwiulu. Inge wafika paji uno mwela, utanyika byapi ne kutendeka kuzhokolokangatu ponkapo saka babena kumutwala mwiulu ku mwela wakaba. Mpungu kechi wingijishatu bulume bwanji byo etumpa mwiulu ne kusumuka kufika kwalepa ne. Ne bantu baketekela mwi Yehoba nabo batalatu kwi aye mambo wibalaya kwibapa \"bulume bwakila bwa bantu.\"—2 Kolinda 4:7, 8.\n\"BYONKA KYAJE BYO AKONKENYA PAMO TWANA TWANJI\"\nByo ajinga pepi kufwa, Yesu waimene saka abena kutala Muzhi mukatampe wa Bayudea. Waambile'mba: \"Yelusalema, Yelusalema, obewa wipaya bangauzhi ne kwasa mabwe boba bo bakutumina. Nakebeshe bingi kukonkanya pamo baana bobe, byonka kyaje byo akonkenya pamo twana twanji mu byapi! Bino obewa kechi wakebele kino ne.\"—Mateo 23:37.\nLesa wapa bañonyi maana a kuzhikijila twana twabo. Bañonyi basemenatu panshi, nabiji banzolo bakenkenta bingi pa kuba'mba bamone bilwanyi. Inge nzolo wamona mpungu nangwa kabemba, ujimunako twana twanji pa kuba'mba tufyame mu byapi byanji. Kabiji mu byapi momo tufyama inge kuji bingi mute nangwa mvula mukatampe. Yesu naye wakebelenga kuzhikijila bangikazhi ba mu Yelusalema ne kwibakwasha kwikala na bulunda bwawama ne Lesa. Mu ano moba, Yesu ubena kwitwita kwiya koaji pa kuba'mba etukokoloshe ne kwituzhikijila ku bisendwa ne bijikila bya mu bwikalo.—Mateo 11:28, 29.\nKuji bintu byavula byo twakonsha kufunjilako ku bañonyi. Inge mwamona byo boba, esekainga kulanguluka pa byaambapo Binembelo pa bañonyi. Kulanguluka pa kamimbya kusakwimukwasha kunemeka nzubo ya Yehoba. Ketekelai mwi Yehoba mambo upana bulume bulengela kwikala nobe bampungu. Yai kwi Yesu pa kuba'mba bukine bwa mambo a Lesa bwimuzhikijilenga byonka kyaje byo azhikijila twana twanji mu byapi. Ikalainga bajimuka byonka biji bañendabwala ne kuyuka moba o tubena kwikalamo kwesakana na bibena kumweka mu ntanda.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/kyambo-kya-usopa-na6-2016-november\/ba%C3%B1onyi-batongolwa-mu-baibolo\/","date":"2018-04-23T21:02:06Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946199.72\/warc\/CC-MAIN-20180423203935-20180423223935-00004.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":784,"character_repetition_ratio":0.048,"word_repetition_ratio":0.0,"special_characters_ratio":0.194,"stopwords_ratio":0.223,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BANTU bamba byavula bingi pa bumi ne pa lufu. Bamo balanguluka'mba inge muntu wafwa utwajijila kwikala na bumi mu mubiji mukwabo nangwa'mba uya na kwikala ku mpunzha ikwabo. Kabiji bakwabo balanguluka'mba usemwa jikwabo ne kwikala na bumi mu kilengwa kikwabo. Bakwabo bamba'mba lufu yo mpelo ya muntu.\nKampe ne anweba kuji byo mwayukapo pa uno mutwe, kwesakana na ko mwakomejile ne kisho kyenu. Byo kiji kuba'mba bantu bamba byapusana pusana pa kimweka inge muntu wafwa, abya kujipo muntu ye twaketekela wafwainwa kwitubuula mukumbu wa buno bwipuzho bwakatazha bantu nyi?\nPa myaka yavula yapitapo, bantangi ba bupopweshi bafunjisha lufunjisho lwa kuba'mba mweo kechi ufwa ne. Bantu bavula baya mu bupopweshi bwayukanyikwa nabiji bwa Bena Kilishitu, bwa ba Hindu, bwa Bayudea, bwa ba Mozilemu ne bukwabotu baitabila'mba mweo kechi ufwa ne. Bamba kuba'mba muntu inge wafwa, mweo wanji utwajijila kwikala na bumi ku mpunzha ya mipashi. Bantu baya mu bupopweshi bwa ba Budda, baitabila'mba muntu inge wafwa usemekelwa mu kintu kikwabo ne kuya ku mpunzha ikwabo ko atwajijila kwikala bwikalo bwa lusekelo kabiji bwa mutende yo batela'mba Nirvana.\nNa mambo a luno lufunjisho, bantu bavula mwaya ntanda baitabila'mba lufu lulengela bantu kuya na kwikala mu kyalo kikwabo. Bantu bavula bamba'mba lufu lwibalengela kwikala na bumi bukwabo kabiji bamba kuba'mba lufu kyo kyaswa muchima wa Lesa. Pano Baibolo waambapo'mba ka pa uno mutwe? Mwane tangai mutwe walondelapo. Musakukumya bingi pa kuyuka mukumbu.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/kyamba-kya-usop-na4-2017-july\/bwipuzho-bwaamba-pa-bumi-ne-pa-lufu\/","date":"2018-04-25T01:56:42Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947654.26\/warc\/CC-MAIN-20180425001823-20180425021823-00435.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":229,"character_repetition_ratio":0.081,"word_repetition_ratio":0.0,"special_characters_ratio":0.178,"stopwords_ratio":0.245,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"9 Pa mambo a mwingilo wa kukwasha bazhijikwa,+ kechi nafwainwa ne kwimunembela ne, 2 mambo nayuka kwipana kwenu ko netotelamo ku bena Makedonya kuba'mba bena Akaya benengezhejile jimo papita ne mwaka umo, kabiji mukoyo wenu watundaika bavula mwi abo. 3 Bino mbena kutuma balongo pa kuba'mba kwitota kwetu pe anweba kubule kwikala kwatutu mu kino kintu ne kuba'mba mwinengezhe jimo, byonka byo naambile'mba byo byo mukekala. 4 Mambo umvwe bena Makedonya bakeshile pamo ne amiwa ne kwimutaana'mba kechi mwinengezha ne, atweba—kechi anweba ne—yetu tukomvwinamo bumvu, na mambo a byo twimuketekela. 5 Onkao mambo, nalanguluka namba kyamfwainwa kutundaika balongo kwishila jimo kwi anweba ne kukonkenya jimo bya bupe byenu byo mwalayile, kuba'mba buno bupe tukebutaane mwibunengezhezha jimo, kabiji kino kikamwesha'mba kechi twimukanjikizhe pa kwibupana ne. 6 Bino na mambo a kino, awa ukusa bicheche ukanowa bicheche, ne yewa ukusa byavula ukanowa byavula.+ 7 Muntu yense obe monka mo afuukwila mu muchima wanji, kechi apane na bulanda nangwa na mambo a kumukanjikizha ne,+ mambo Lesa watemwa muntu upana na lusekelo.+ 8 Kabiji Lesa wakonsha kwimubila lusa lukatampe kuba'mba mwikale na bintu byonse byo mukeba ne kwikala na bintu byavula bya kwingijilamo mingilo yonse yawama.+ 9 (Monkatu mo kyanembelwa'mba: \"Upana bupe bwavula;* wapapo ne bayanji. Bololoke bwanji bukatwajijila myaka ne myaka.\"+ 10 Aye upana nkunwa yavula ku njimi ne kajo ka kuja, ukemupa nkunwa yavula ya kubyala kabiji ukemukwasha kunowa bintu byavula mu mingilo yenu ya bololoke.) 11 Bemupesha mu bintu byonse kuba'mba mupanenga byavula, byonka bilengela bantu kusanchila Lesa kupichila mwi atweba; 12 Mambo kwingila uno mwingilo kechi kwa kukwashatu bazhijikwa+ mu byo bakajilwa ne, bino ne bantu bavula bakamusanchilanga Lesa na mambo a uno mwingilo. 13 Na mambo a kintu kifuma mu uno mwingilo, bantu bamutumbijika Lesa mambo munekenena mambo awama aamba pe Kilishitu o musapwila, ne na mambo a bumpanyi bwenu bwa kupana kwi abo ne ku bonse.+ 14 Kabiji byo bemusashijilako, bamwesha'mba bemutemwa bingi na mambo a lusa lukatampe lwa Lesa luji pe anweba. 15 Tusanchila Lesa na mambo a kya bupe kyanji kya kukankalwa ne mwa kwikilumbulwila.\nTubyambo twa munshi\n^ Nangwa'mba \"na muchima yense.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/2-kolinda\/9\/","date":"2018-04-26T16:19:28Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948285.62\/warc\/CC-MAIN-20180426144615-20180426164615-00361.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":331,"character_repetition_ratio":0.055,"word_repetition_ratio":0.0,"special_characters_ratio":0.192,"stopwords_ratio":0.305,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BIPIKICHALA BIBENA KULUMBULULA JISHIMIKILA JA MU BAIBOLO Mupashi Wazhila Wakwashishe Samisonyi Kwikala na Bulume Ki ka kyalengejile Samisonyi kwikala na bulume kukila bantu bonse? Tanga byambo byalumbulula kino kipikichala kiji mu Baibolo pa intaneti nangwa pa pepala ye wapulinta. Kopolola Bikwabo Bijipo Monai Byonse Samwela Wafuukulapo Kwingijila Yehoba Samwela wamwenenga bintu byatama pa nzubo ya Lesa byaubilenga bañanga. Ñanyi bintu byamukwashishe kufuukulapo kwingijila Yehoba nangwa kya kuba bakwabo baubilenga byatama? Kola Wasatukile Nanchi kine wasatukijile Mosesa ne Alona inyi, inyi muntu mukwabo? Lehaba Walondejile byo Bamubuujile Kisemitu kimo kyo kyapulukile kimye bibamba bya Yeliko kyo byaponene. Monai Byonse Tumai Musabilo Tumai Musabilo BIPIKICHALA BIBENA KULUMBULULA JISHIMIKILA JA MU BAIBOLO Mupashi Wazhila Wakwashishe Samisonyi Kwikala na Bulume Kikaonde Mupashi Wazhila Wakwashishe Samisonyi Kwikala na Bulume https:\/\/assetsnffrgf-a.akamaihd.net\/assets\/m\/502015259\/univ\/art\/502015259_univ_sqr_xl.jpg","id":"","dump":"CC-MAIN-2018-17","url":"https:\/\/www.jw.org\/kqn\/bifunjisha-baibolo\/baana\/bipikichala-bibena-kulumbulula-jishimikila-ja-mu-baibolo\/samisonyi-mupashi-wazhila\/","date":"2018-04-20T05:25:52Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937114.2\/warc\/CC-MAIN-20180420042340-20180420062340-00570.warc.gz","language":"kqn","language_score":1.0000094175,"language_script":"Latn","minhash_cluster_size":1,"top_langs":"{\"kqn_Latn_score\": 1.0000094175338745}","num_words":125,"character_repetition_ratio":0.087,"word_repetition_ratio":0.086,"special_characters_ratio":0.161,"stopwords_ratio":0.136,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3 \"Kepo twaalulukile ne kuya mu jishinda jaya ku Bashana. Kabiji Oga mfumu wa Bashana waishile na bantu banji bonse na kulwa nkondo ne atweba ku Edeleyi.+ 2 Ponkapo Yehoba wañambijile'mba, 'Kange mumuchine ne, mambo amiwa nsakwimupaye, bantu banji bonse ne kyalo kyanji, kabiji mukamuba byonka byo mwaubile Sihona mfumu wa bena Amoli waikalanga mu Heshibonyi.' 3 Onkao mambo, Yehoba Lesa wetu witupele Oga Mfumu wa Bashana ne bantu banji bonse, ne atweba twibepayile kya kuba kafwakotu nangwa umo wapulukile ne. 4 Kabiji twaangachile mizhi yanji yonse. Kechi kwashajilepo muzhi nangwa umo ye twabujile kwibangata ne, mizhi 60 ne kibunji kyonse kya Alagoba kya mu bufumu bwa kwa Oga mu Bashana.+ 5 Ino mizhi yonse yajinga na masakwa akosa alepa ajinga na bibelo ne mipingilo, kubikapotu ne mizhi icheche yavula. 6 Nangwa byonkabyo, twaonawine byonsetu+ byonkatu byo twaubile Sihona Mfumu wa Heshibonyi, twaonawine mizhi yonse kuvwangakotu ne banabalume, banabakazhi ne baana.+ 7 Kabiji twasendele banyama bonse ba kulela ne bipukulwa bya mu mizhi. 8 \"Kabiji twaangachile kyalo kya bamfumu babiji ba bena Amoli+ baikalanga mu kibunji kya Yodano, kufuma ku Kimpachiko* kya Alanonyi kukafika ne ku Mutumba wa Helemone+ 9 (mutumba bena Shidona ye batelanga'mba Siliyoni, kabiji bena Amoli bamutelanga'mba Senila), 10 ne mizhi yonse yajinga ku mutunta,* Gileada yense, Bashana yense kukafikatu ne ku Saleka ne ku Edeleyi,+ mizhi yajinga mu bufumu bwa kwa Oga mu Bashana. 11 Oga Mfumu wa Bashana ye wapeleleko mu bena Lefwaimu. Makila* anji bealengele na kapotwe,* kabiji ne lunotu aji mu Laba wa bena Amonyi. Mu bula ajinga makyubichi atanu na ana ne mu bwipi makyubichi* ana monka mwayila kipimo kya kyubichi. 12 Kabiji twatambwile kino kyalo kwikala ke kyetu: kufuma ku Aloa+ uji kwipi na Kimpachiko* kya Alanonyi ne kichika kya kibunji kya mitumba ya Gileada. Kabiji napana mizhi yakyo ku bena Lubenyi ne ku bena Gadi.+ 13 Kabiji kibunji kyashajileko kya Gileada ne Bashana yense wajinga mu bufumu bwa kwa Oga, nebipana ku kichika kya mukoka wa bena Manase.+ Kibunji kyonse kya Alagoba kiji ku Bashana bekiyukile'mba kyo kyalo kya bena Lefwaimu. 14 \"Yaila+ mwana wa kwa Manase watambwile kibunji kyonse kya Alagoba+ kukafika ne ku mupaka wa bena Geshula ne bena Maakata,+ kabiji watumbile aya mizhi ya mu Bashana jizhina janji amba Havota-yaila*+ kufika ne lelo jino. 15 Kabiji napana Gileada kwi Makila.+ 16 Kabiji bena Lubenyi ne bena Gadi,+ nebapa kufuma ku Gileada kukafika ne ku Kimpachiko* kya Alanonyi, pakachi ka kimpachiko po pa mupaka, kufika ne ku Yaboka, kimpachiko kiji ku mupaka wa bena Amonyi, 17 ne Alaba ne Mukola wa Yodano ne kitulu kyanji kufuma ku Kineleta kukafika ne ku Kalunga ka Mema ka mu Alaba, ko kuba'mba Kalunga ka Mukele* munshi ya mikolo ya Pishika uji ku musela.+ 18 \"Kabiji nemukambizhe namba: 'Yehoba Lesa wenu wimupa kino kyalo kwikala ke kyenu. Banabalume benu bakosa bonse bakasenda bilwilo byabo ne kwabuka, kabiji bakatangilako kulutwe ya balongo benu bena Isalela.+ 19 Kanatu bakazhi benu, baana benu ne bilelwa byenu (nayuka'mba muji na bilelwa byavula) bo bakashala mu mizhi yo nemupa, 20 posotu Yehoba akalengele balongo benu kukokoloka byonkatu byo auba kwi anweba, kabiji bakatambule kyalo kyabo kya kwikalamo, Yehoba Lesa wenu kyo akebapa ku bushiya bwa Yodano. Po po mukabwela, muntu yense ku mpunzha yanji yo namupa.'+ 21 \"Kabiji pa kyokya kimye namukambizhe Yoshua namba:+ 'Wimwena Yehoba Lesa wobe byo auba ku bano bamfumu babiji. Yehoba ukoba kintutu kimo ku bufumu bonse bo ubena kwabukilako.+ 22 Kechi mwafwainwa kwibachina ne, mambo Yehoba Lesa wenu ye ubena kwimulwilako.'+ 23 \"Kabiji namusashijile Yehoba pa kyokya kimye namba, 24 'Anweba Nkambo Mfumu Yehoba, mwatendeka kumwesha kalume wenu bukata bwenu ne kuboko kwenu kwa bulume,+ nanchi kujipo lesa uji mwiulu nangwa pano pa ntanda wakonsha kuba mingilo ya bulume nobe anweba nyi?+ 25 Mwane nswishai ngabuke ne kumona kyalo kyawama kiji ku bushiya bwa Yodano, ku kibunji kyawama kya mitumba ne ku Lebanoni.'+ 26 Bino Yehoba wakinzhingijile na mambo a anweba,+ kabiji kechi wañumvwine ne. Yehoba wañambijile'mba, 'Pela ponkapo! Kechi uñambile jibiji pa mambo a kino ne. 27 Kanjila peulu ya Pishika+ ne kutala ku muzhika ne ku kabeta ka ku buyeke ne ku kabeta ka ku bulenge ne ku musela umone kyalo na meso obe, mambo kechi ukabuka uno Yodano ne.+ 28 Tongola Yoshua+ kabiji umutundaike ne kumukosesha, mambo ye ukatangilako kulutwe ya bano bantu pa kwabuka+ kabiji ye ukebalengela kuswana akya kyalo kyo usakumona.' 29 Bino byonse byamwekele byo twaikelenga mu musanza wajinga kwipi na Bete-peola.+\nTubyambo twa munshi\n^ Nangwa'mba \"mpunzha yazanduka ne kusebalala.\"\n^ Nangwa'mba \"mbokoshi yo balenga bulongo; kikondo.\"\n^ Nangwa, \"lujibwe ufiita.\"\n^ Kulumbulula'mba \"Muzhi wa Matente wa Yaila.\"\n^ Ko kuba'mba, Kalunga ka Mema Kafwa.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/mpitulukilo-ya-mu-mizhilo\/3\/","date":"2018-04-23T22:14:27Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946199.72\/warc\/CC-MAIN-20180423203935-20180423223935-00184.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":735,"character_repetition_ratio":0.048,"word_repetition_ratio":0.0,"special_characters_ratio":0.205,"stopwords_ratio":0.287,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"11 Kepo Yehoba aambijile Mosesa amba: \"Kwashala kinkunka kimo kyo nsakuleta kwi Felo ne ku bena Ijipita. Apa bino, ukemuleka'mba muye.+ Byo akemuleka, kine aye ukemupangamo muno.+ 2 Pano buula bantu amba banabalume bonse ne banabakazhi bonse bafwainwa kulomba bipe bya siliva ne bya ngolode ku bo bekala nabo kipikipi.\"+ 3 Kabiji Yehoba walengejile bantu kwibobila bibusa ku bena Ijipita. Kabiji Mosesa bamunemekele bingi mu kyalo kya Ijipita ku bakalume ba kwa Felo ne ku bantu. 4 Kepo Mosesa aambile'mba: \"Yehoba waamba'mba, 'Pakachi ka bufuku nsakupita mu Ijipita,+ 5 kabiji babeji bonse ba mu kyalo kya Ijipita basakufwa,+ kutendekelatu ku mubeji wa kwa Felo waikala pa jitanda janji kufika ne ku mubeji wa muzha wanji wa mukazhi ubena kwingijila ku jibwe ja kupelelapo, ne babeji bonse ba banyama.+ 6 Mu kyalo kyonse kya Ijipita mukekala kujila kukatampe kukyangye kumwekapo kala, kabiji kechi kukabwelapo jibiji ne.+ 7 Bino kafwako kabwa nangwa umo ukaboza* bena Isalela nangwa banabalume nangwa bilelwa byabo ne, pa kuba'mba mukayuke'mba bintu Yehoba byo obila bena Ijipita byapusana bingi na byo obila bena Isalela.'+ 8 Kabiji bakalume benu bonse bakeya kwi amiwa ne kumfukamina ne kwamba'mba, 'Yanga, obewa ne bantu bonse bo uji nabo.'+ Ne amiwa nkaya.\" Ponkapo Mosesa wafumineko kwi Felo na bukaji. 9 Kepo Yehoba aambijile Mosesa amba: \"Felo kechi usakwimumvwina ne,+ pa kuba'mba mvuzhe bya kukumya byami mu kyalo kya Ijipita.\"+ 10 Mosesa ne Alona baubile bino byonse bya kukumya kwi Felo,+ pano bino Yehoba waswishishe muchima wa kwa Felo kukosa, kabiji kechi walekele bena Isalela kufuma mu kyalo kyanji ne.+\nTubyambo twa munshi\n^ Mu Kihebelu, \"ukanona lujimi wanji.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/kulupuka\/11\/","date":"2018-04-21T18:25:49Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945272.41\/warc\/CC-MAIN-20180421164646-20180421184646-00545.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":254,"character_repetition_ratio":0.066,"word_repetition_ratio":0.0,"special_characters_ratio":0.204,"stopwords_ratio":0.268,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"28 \"Ukasale mu bena Isalela, Alona+ kolojobe pamo na baana banji ba balume+ abo ba Nadaba, Abihu,+ Eleaza ne Itamala+ kuba'mba bakañingijilenga mwingilo wa buñanga.+ 2 Ukasonene Alona kolojobe bivwalo byazhila bya buneme kabiji bya buya.+ 3 Ukambile basendwe* bonse bo napa maana,+ kabiji bafwainwa kusonena Alona bivwalo bya kumuzhijikilamo, pa kuba'mba akañingijilenga mwingilo wa buñanga. 4 \"Abino byo bivwalo byo bakasona: fukuta wa pa kyaji,+ kajilaya kabula maboko,+ mukangyo wabula maboko,+ munkukumba wa mabala mabala,+ kitambala ne mushipi wa kisapi;+ bakasonene Alona kolojobe ne baana banji bino bivwalo byazhila, pa kuba'mba bakañingijilenga mwingilo wa buñanga. 5 Basendwe bakengijishe ngolode, tonge wafituluka ne wachijisha, wachiluluka ne kisapi kyawamisha kya linenyi. 6 \"Bakalenge kajilaya kabula maboko na ngolode, na tonge wafituluka ne wachijisha, na boya bwachiluluka ne na kisapi kyawamisha kya linenyi wa kuzhinga, kabiji bafwainwa kwikasona bulongo.+ 7 Kabiji kakekale na matepe abiji pa bipuzhi ne kwiasonena peulu. 8 Mushipi wa kupikula+ wa kunyinga pa kajilaya kabula maboko wafwainwa kwikala wa kisapi kimotu: wa ngolode, wa tonge wafituluka ne wachijisha, wa boya bwachiluluka kabiji wa kisapi kyawamisha kya linenyi wa kuzhinga. 9 \"Ukashikule mabwe a onika+ abiji ne kunembapo mazhina a baana ba kwa Isalela,+ 10 mazhina atanu na jimo ukeanembe pa jibwe jimo kabiji akwabo atanu na jimo ukeanembe pa jibwe jikwabo monka mwayila kusemwa kwabo. 11 Sendwe unemba pa mabwe akanembe mazhina a baana ba kwa Isalela pa mabwe abiji byonkatu muntu byo akonsha kunemba pa shitampa.+ Kepo ukeabike mu tubintu to balenga na ngolode. 12 Kabiji ukabike mabwe abiji pa matepe abiji aji peulu ya kajilaya kabula maboko kwikala a kuvulukilako baana ba kwa Isalela,+ kabiji Alona wafwainwa kusenda ano mazhina abo pa matepe anji abiji aji pa bipuzhi ku meso a Yehoba kwikala kya kwibavululako. 13 Ukalenge tubintu twa ngolode, 14 ne minyololo ibiji ya ngolode yawamisha yo bazhinga nobe muzhinge,+ kabiji wafwainwa kukasa ino minyololo ya kupikula ku tuno tubintu to balenga na ngolode.+ 15 \"Ukasone fukuta wa pa kyaji wa kuchibilamo mambo.+ Wafwainwa kumulenga byonka biji kajilaya kabula maboko: ko balenga na ngolode, na tonge wafituluka ne wachijisha, na boya bwachiluluka ne na kisapi kyawamisha kya linenyi wa kuzhinga.+ 16 Wafwainwa kwesakana monsetu pa kumuchimpa, mu bula ne mu bwipi nobe mu kuboko.* 17 Wafwainwa kutanchikamo mabwe, mikuku ina ya mabwe. Mu mukuku mutanshi mwafwainwa kwikala jibwe ja lubi, ja topaze ne ja emalode. 18 Mu mukuku wa bubiji mwafwainwa kwikala jibwe ja takozi, ja safila ne ja yasipa. 19 Mu mukuku wa busatu mwafwainwa kwikala jibwe ja lishama, ja akate ne ja ametesete. 20 Mu mukuku wa buna mwafwainwa kwikala jibwe ja kisolite, ja onika ne ja jedi. Bafwainwa kwiabika mu tubintu to balenga na ngolode. 21 Ano mabwe afwainwa kwesakana na mazhina 12 a baana ba kwa Isalela. Mazhina onse afwainwa kunembwa nobe shitampa, jizhina jimo jimo jafwainwa kwimenako mukoka umo pa mikoka 12. 22 \"Ukapikule minyololo ya pa fukuta wa pa kyaji iji nobe mizhinge ya ngolode yawamisha.+ 23 Ukalenge tumakosa tubiji twa ngolode twa ku fukuta wa pa kyaji ne kubika tuno tumakosa tubiji kunsa konse kubiji kwa fukuta wa pa kyaji. 24 Ukatwezhe mizhinge ibiji ya ngolode mu tumakosa tubiji tuji kunsa ya fukuta wa pa kyaji. 25 Ukatwezhe kwapela mizhinge ibiji mu tubintu tubiji to balenga na ngolode, kabiji wafwainwa kwitukashila pa matepe aji pa bipuzhi bya kajilaya kabula maboko palutwe. 26 Kabiji ukalenge tumakosa tubiji twa ngolode ne kwitubika kunsa ya fukuta wa pa kyaji saka twatentakana pa kajilaya kabula maboko.+ 27 Kabiji wafwainwa kulengelapo tumakosa tukwabo tubiji twa ngolode ne kwitubika palutwe ya kajilaya kabula maboko, munshi ya matepe abiji apa bipuzhi kwipi na po kanungakena, peulu ya mushipi wa kupikula wa pa kajilaya kabula maboko.+ 28 Fukuta wa pa kyaji bafwainwa kumukwata na muzhinge wa kifufya, ne kukashila tumakosa tuji ku tumakosa tuji ku kajilaya kabula maboko. Tuno tukalengela fukuta wa pa kyaji kwikala pa kajilaya kabula maboko, peulu ya mushipi wa kupikula. 29 \"Alona wafwainwa kusenda mazhina a baana ba kwa Isalela pa fukuta wa pa kyaji wa kuchibilamo mambo ponka pa muchima wanji umvwe watwela Mwazhila kwikala kya kumuvululako kya kikupu ku meso a Yehoba. 30 Kabiji ukabike Ulimu ne Tumimu*+ mu fukuta wa pa kyaji wa kuchibilamo mambo, kabiji byafwainwa kwikala ponka pa muchima wa kwa Alona byo akeya ku meso a Yehoba, Alona wafwainwa kusenda uno fukuta wa kuchibilamo mambo bena Isalela pa muchima wanji kwi Yehoba kimye kyonse. 31 \"Ukalenge mukangyo wabula maboko wa kuvwala mukachi ya kajilaya kabula maboko uji na musombelo wa kifufya.+ 32 Kwiulu* na pakachi kwafwainwa kwasama. Kabiji akwa kwaasama kwafwainwa kuzhokoloka mufumo wa kupikula. Kwafwainwa kwasama nobe jilaya ja nkondo kuchina'mba kwakatabuka. 33 Kunshi ya uno mukangyo wafwainwa kuzhokoloshako mapomegulanchi a tonge wa kifufya ne wachijisha, ne na boya bwachiluluka pamo na tumangengele twa ngolode pakachi kao. 34 Wafwainwa kubika apo kangengele ka ngolode apo mpomegulanchi kabiji apo kangengele ka ngolode apo mpomegulanchi kuzhokoloka kunshi ya mukangyo wabula maboko. 35 Alona wafwainwa kuvwalanga uno mukangyo pa kwingila, kabiji ukomvwanyikanga umvwe keatwele mwazhila ku meso a Yehoba ne byo akalupukanga, kuchina'mba wakafwa.+ 36 \"Ukalenge kyela kibekauka na ngolode yawamisha ne kunembapo byonkatu muntu byo akonsha kunemba pa shitampa, amba: 'Buzhile bo bwa kwa Yehoba.'+ 37 Wafwainwa kwikikasa ku kitambala+ na muzhinge wafituluka; kyafwainwa kwikala kulutwe ya kino kitambala. 38 Kikekale pa kilungi kya kwa Alona, kabiji Alona ukatwikwa mambo umvwe muntu walenga mambo ku bintu byazhila,+ bena Isalela byo bakazhijika kimye kyo bakebipananga kwikala bya bupe byazhila. Kyafwainwa kwikala pa kilungi kyanji kimye kyonse, pa kuba'mba Yehoba akebobile bibusa. 39 \"Ukapikule munkukumba wa mabala mabala na kisapi kyawamisha kya linenyi, ukalenge kitambala na kisapi kyawamisha kya linenyi ne kupikula mushipi wa kisapi.+ 40 \"Kabiji ukasone ne minkukumba, mishipi ya bisapi ne bisochi bya baana ba kwa Alona+ bya buneme kabiji bya buya.+ 41 Ukavwike Alona kolojobe ne baana banji, ukebashinge manyi,+ kwibatongola*+ ne kwibazhijika ne abo bakañingijilenga mwingilo wa buñanga. 42 Kabiji ukebasonene tuputula* twa kisapi kya linenyi twa kuvweta pa binungwa byabo bya lusemo.+ Twafwainwa kulepa kufuma mu musana kufika pa mambwata. 43 Alona ne baana banji bo bafwainwa kwituvwala kimye kyo bakatwelanga mu tente wa lusambakeno nangwa byo bakeyanga ku kya kusokelapo bitapisho na kwingijila mu mpunzha mwazhila, kuchina'mba bakazhatwa ne kufwa. Jino ke jilamuna ja myaka ne myaka kwi aye ne ku baana* banji bakamulondela panyuma yanji.\nTubyambo twa munshi\n^ Mu Kihebelu, \"baji na muchima wa maana.\"\n^ Ko kuba'mba, bula buji pakachi ka kyala ne kanyansa, nobe masentimita 22.2. Monai bya Kulumbulula B14.\n^ Nangwa'mba \"Ku mutwe.\"\n^ Mu Kihebelu, \"kuyuzha kuboko kwabo.\"\n^ Nangwa'mba \"bivwalo bya mukachi.\"\n^ Mu Kihebelu, \"lukunwa.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/kulupuka\/28\/","date":"2018-04-23T04:52:19Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945724.44\/warc\/CC-MAIN-20180423031429-20180423051429-00443.warc.gz","language":"kqn","language_score":1.0000091791,"language_script":"Latn","minhash_cluster_size":1,"top_langs":"{\"kqn_Latn_score\": 1.0000091791152954}","num_words":1039,"character_repetition_ratio":0.096,"word_repetition_ratio":0.017,"special_characters_ratio":0.195,"stopwords_ratio":0.251,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"SUSAN watendekele kwikala na mepuzho pe Lesa saka aji na myaka ya kusemwa itanu na ibiji, kimye mulunda nanji Al wajinga na myaka itanu na ina kyo ajinga mu kipatela na mambo a kikola kya kalepu saka abena kupemenatu ku munkinyi. Wanembele bintu byo apichilemo mu pepala wa byambo wa The New York Times pa 6 January, 2013.\nByo afumine ku kipatela na kumona Al, Susan waipwizhe bainanji amba: \"Mambo ka Lesa o aubila bibye ku mwanyike wa mulume?\"\nBainanji bakumbwile'mba: \"Pulishiti wamba'mba Lesa mwine wayuka kyo aubila bino, pano bino amiwa kechi nayuka kyo aubila bibye ne.\"\nByo papichile myaka ibiji mu 1954 Jonas Salk wataaine muchi wa kalepu kabiji kino kyalengejile bainanji Susan kwamba'mba Lesa ye wamutangijile kutaana uno muchi.\nSusan wakumbwile'mba: \"Lesa wafwainwe kutangijila badokotala kala pa kuba'mba Al abule kupemenanga ku munkinyi.\"\nSusan pa kupwisha kunemba jishimikila janji ja bintu byo apichilemo ku bwanyike wanembele'mba: \"[Al] wafwile byo papichile myaka 8, pa kino kimye naitabijile'mba Lesa kafwako.\"\nByonka biji Susan, bantu bavula bapitapo mu bya malwa nangwa bamonako bakwabo na kupita mu bya malwa bakankalwa kutaana mikumbu yalumbuluka ya mepuzho abo pe Lesa. Bamo baitabila'mba Lesa ufwako. Bakwabo kechi bakana'mba Lesa kafwako ne, bino bazhinauka.\nBantu bakana'mba Lesa ufwako nangwa boba bazhinauka kechi baluba bya bupopweshi ne. Pano bino, bintu bimweka mu bupopweshi byo bibalengela kuzhinauka. Balanguluka'mba bupopweshi bwakankalwa kukumbula mepuzho akatazha bingi aamba pa bumi. Ñanyi mepuzho onkao? Ano o mepuzho akatazha ne boba bamba'mba baitabila mwi Lesa. Langulukai pa mepuzho asatu bantu bavula o bakeba kwipuzha Lesa inge kya kuba bebapa kimye kya kuba byobyo, ne mikumbu ya mu Baibolo.\n1 \"MAMBO KA O MUSWISHISHA BUYANJI?\"\nMambo ka a kwipwizha bino?\nBavula balanguluka'mba, 'Lesa wa butemwe wakonsha kukanya byatama kubiwa.'\nBYA KULANGULUKAPO: Twakonsha kukumya bingi nangwa kukankamatu pa kumona byubilo ne bisho byo bantu ba nkomeno yapusana pusana. Kino kyakonsha kwitulengela kulanguluka'mba kechi baji na byubilo byawama ne. Akilangulukai pa kino, mu bisho bimo bantu balanguluka'mba kutala muntu ye ubena kwisamba nanji kumwesha'mba wamunemeka; pakuba mu bisho bikwabo kuba bino kumwesha'mba kechi uji na mushingi ne. Pano bino, kechi twakonsha kwamba'mba kisho kyabo kyatama ne, kikebewa ke kwibayuka bulongo.\nNanchi bino byobyo twakonsha ne kuba inge tukeba kuyuka Lesa nyi? Bavula baitabila'mba buyanji ko kayukilo kamwesha'mba Lesa ufwako. Pakuba aba bayuka ene mambo Lesa o aswishisha buyanji bashiinwa'mba Lesa koaji.\nBYAMBA BAIBOLO: Milanguluko ya Lesa ne mashinda anji apusana na etu. (Isaya 55:8, 9) Na mambo a bino, byubilo bya Lesa ne byo apembelela saka akyangye kubapo bimo twakonsha kumona nobe kechi byailamo ne.\nPano bino, Baibolo kechi witubuula kuswisha ndangulukilo yabula kuyilamo nabiji ya kuba'mba \"mingilo ya Lesa yakatazha kukwatakanya\" ne. Bino witutundaika kufunda byavula pe Lesa pa kuba'mba tuyuke ene mambo o obila bino ne kine kintu kimulengela kuba byobyo. * Twakosha ne kufwenya kwipi ne aye.—Yakoba 4:8.\n2 \"MAMBO KA MU BUPOPWESHI O MWAVUJILA BUJIMBIJIMBI?\"\nMambo ka a kwipwizha bino?\nBantu balanguluka'mba, 'Inge kya kuba'mba Lesa wanemeka bukishinka, inge kechi kuji bantu bavula bebepekezha'mba bamupopwela ne.'\nBYA KULANGULUKAPO: Fwanyikizhai mwana wa mulume wakana mafunde awama a bashanji kabiji wafuma pa nzubo ne kuya na kwikala bwikalo buncha. Nangwa bashanji kechi batemwa byo afuukulapo ne, bino bamuswisha kuba byo afuukula. Nanchi bantu bakonsha kumutaana bakonsha kwamba'mba uno mwana uji na bashanji batama, nangwa'mba kechi uji na bashanji nenyi? Ine! Kyo kimotu ne bujimbijimbi buji mu bupopweshi bumwesha kuba'mba Lesa kya kine uswisha bantu kwifuukwila bintu byo bakeba mu bwikalo bwabo.\nBYAMBA BAIBOLO: Lesa washikwa bujimbijimbi bubiwa mu bupopweshi. (Yelemiya 7:29-31; 32:35) Pano bino, uswisha bantu kwifuukwila abo bene. Bantu bavula bamba'mba baitabila mwi Lesa balondela mafunjisho a bantu ne kuba bintu byo bakeba abo bene.—Mateo 15:7-9.\nPano bino, bupopweshi bwaitabilwa kwi Lesa bwapusanako, kechi buba bintu bya bujimbijimbi ne. * Yesu waambile'mba: \"Kino kyo kyo bakayukilako bonse amba mwi baana bami ba bwanga, umvwe mwitemwa anwe bene na bene.\" (Yoano 13:35) Buno butemwe bwafwainwa kwikala bwabula \"bujimbijimbi.\" (Loma 12:9) Bupopweshi bwavula kechi bulondela uno mukambizho ne. Mu 1994 kimye kyo kwaikele nkondo mu Rwanda, bantu bavula bingi bamu bupopweshi beipayilenga bene na bene na mambo a kupusana kwa milaka. Pano bino, Bakamonyi ba kwa Yehoba kechi bevwangilemo mu kwipaya bantu ne, kabiji bavula babikilenga bumi bwabo mu kizumba pa kuba'mba bazhikijile bakwabo ba mu lwitabilo ne babula Bakamonyi. Bino byubilo bimwesha kuba'mba mu bupopweshi kechi mwakonsha kwikala bujimbijimbi ne.\n3 \"MAMBO KA O TWAIKELA PANO PA NTANDA?\"\nMambo ka a kwipwizha bino?\nBamo bakonsha kwipuzha'mba: 'Mambo ka bantu o bekelatu na bumi myaka 80 nangwa 90? Mambo ka a kwikela na bumi bwaipipa bibye?'\nBYA KULANGULUKAPO: Bantu bavula babula kwitabila Lesa bayuka buneme bwa bintu byavula bingi byakobankana biji pano pa ntanda ne jishinda jo byalengelwamo. Balanguluka'mba pulaneti wetu, mapulaneti akwabo, ne ñondo byalengwa mu jishinda ja kukwasha bilengwa na Lesa kwikala na bumi. Bamba'mba pulaneti yense bamulenga bingi bulongo pa kuba'mba akwashenga bintu biji na bumi pano pa ntanda.\nBYAMBA BAIBOLO: Nangwa kya kuba bantu bavula bamona buno bumi bwaipipa amba kiyukilo kimwesha'mba Lesa ufwako, bino bilengwa biji pano pa ntanda bimwesha'mba kuji Mulenga. (Loma 1:20) Kuji ene mambo Lesa o alengejile bino bintu, kabiji kyo kyalengela ne kuba'mba twikaleko. Lesa walengele bantu kuba'mba bekalenga pano pa ntanda myaka ne myaka kabiji kechi walubako mulanguluko wanji ne.—Salamo 37:11, 29; Isaya 55:11.\nNangwa kya kuba twakonsha kumona'mba Lesa koaji kupichila mu bintu byo alenga ne byubilo byanji bimweka mu ntanda, kechi wakebelenga'mba tumuyukiletu kupichila mu bino bintu ne. Pa kuba'mba tuyuke kyaswa muchima wa Lesa ne ene mambo o twaikelako, twafwainwa kwisamba ne Lesa. Lesa wingijisha Baibolo pa kwisamba ne atweba kwingijisha byambo byapeela kumvwa. * Bakamonyi ba kwa Yehoba bemutundaika kulanguluka pa mikumbu itanwamo.\n^ par. 17 Pa kuba'mba muyuke ene mambo Lesa o aswishisha buyanji, monai kitango 11 mu buku wa Nanchi Baibolo Kine Ufunjisha'mba Ka? wanemba Bakamonyi ba kwa Yehoba. Uji ne pa intaneti pa www.jw.org\/kqn.\n^ par. 23 Pa kuba'mba muyukilepo byavula, monai kitango 15 mu buku wa Nanchi Baibolo Kine Ufunjisha'mba Ka? Wanemba Bakamonyi ba kwa Yehoba. Uji ne pa intaneti pa www.jw.org\/kqn.\n^ par. 29 Pa kuba'mba muyukilepo byavula, monai kitango 3 mu buku wa Nanchi Baibolo Kine Ufunjisha'mba Ka? Wanemba Bakamonyi ba kwa Yehoba. Uji ne pa intaneti pa www.jw.org\/kqn.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/g201510\/mepuzho-a-kushikisha-lesa\/","date":"2018-04-20T17:20:53Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125944479.27\/warc\/CC-MAIN-20180420155332-20180420175332-00000.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":991,"character_repetition_ratio":0.06,"word_repetition_ratio":0.065,"special_characters_ratio":0.197,"stopwords_ratio":0.269,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"APRIL 30, 2015\nMASAWAKYA MWAYA NTANDA\nMU NEW YORK—Mu United States, Bakamonyi ba kwa Yehoba bakatendeka kushonkena kwa mu 2015 pa 22 May. Kushonkena kwa Kijiiji kwa mu 2015 kwa \"Londelainga Yesu!\" kukapwa mu January mu 2016. Kushonkena konse saka kukyangye kutendeka, Bakamonyi ba kwa Yehoba bakekalanga na mukwekele wa milungu isatu wa kwita bantu kwiya na kutanwa ku kuno kupwila kyatutu.\nBa J. R. Brown bambilako Bakamonyi ba kwa Yehoba pa ofweshi mukatampe wa ntanda yonse ku Brooklyn, mu New York baambile'mba: \"Kushonkena kwa uno mwaka kwaamba bingi pe Yesu Kilishitu ne bantu bonse ba mu milaka, bisho ne nkomeno ne mafumbi apusana pusana bekala mwaya ntanda yonse byo bakonsha kulondela byo aubanga.\" Twaketekela kuba'mba bantu bonse bakamwenako bingi pa kuno kupwila kwaamba pe Yesu. Kupwila kwa uno mwaka kwapusanako, mambo muji mavidyo a bena kumwesha byo twakonsha kumwenamo inge ketulondele Yesu mu bwikalo bwetu bwa pa juba pa juba.\nMapunzha ne moba a Kushonkena kwa Kijiiji kwa mu 2015 kwa \"Londelainga Yesu\" aji pa keyala wa Bakamonyi ba kwa Yehoba wa jw.org. Ba ku mazubo a mabilabila ne mapepala a byambo inge bakeba kuyukilapo byavula bakonsha kwisamba na ofweshi wa musampi wa Bakamonyi ba kwa Yehoba. Bonse babena kukeba kwambapo pa bikamwekanga pa kushonkena bafwainwa kutongola ko bafuma ne bo babena kwimenako.\nMedia Contact(s):\nInternational: J. R. Brown, Office of Public Information, tel. +1 718 560 5000","id":"","dump":"CC-MAIN-2018-17","url":"https:\/\/www.jw.org\/kqn\/Masawakya\/akatataka\/byalo\/ntanda\/bakamonyi-kushonkena-2015\/","date":"2018-04-24T01:22:23Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946314.70\/warc\/CC-MAIN-20180424002843-20180424022843-00466.warc.gz","language":"kqn","language_score":1.0000092983,"language_script":"Latn","minhash_cluster_size":1,"top_langs":"{\"kqn_Latn_score\": 1.000009298324585}","num_words":218,"character_repetition_ratio":0.096,"word_repetition_ratio":0.0,"special_characters_ratio":0.211,"stopwords_ratio":0.275,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Paulo ne Silasa batotelenga Lesa byo bajinga mu kaleya. (By 16:25) Mu ano moba, bena Kilishitu bakwetu baimbilenga nyimbo ya Bufumu byo bajinga mu kaleya ka ba Nazi ka Sachsenhausen mu Germany ne byo bajinga mu kaleya mu Siberia. Bino bya kumwenako bimwesha kuba'mba nyimbo yakonsha kukwasha bena Kilishitu babena kupita mu meseko kuchinchika.\nKatatakatu mu milaka yavula basakwikala na buku wa nyimbo wa katataka uji na mutwe wa kuba'mba 'Imbilainga Yehoba na Lusekelo.' Inge tukatambwile uno buku wa nyimbo, twafwainwa kufundanga ino nyimbo pa kupopwela kwa kisemi pa kuba'mba tukeilabijile. (Ef 5:19) Kuba bino kukalengela mupashi wazhila kwitukwasha kwiivuluka inge ke tupite mu meseko. Nyimbo ya Bufumu itukwasha kuta muchima pa luketekelo lwetu. Itukwasha kuchinchika inge tubena kupita mu meseko. Kabiji inge tubena kumvwa bulongo pa kwimba, byambo byawama bijiimo bitukwasha 'kwimba na lusekelo' mambo bitufika pa michima yetu. (1Mo 15:16; Sl 33:1-3) Twayai tufundenga ne kwimba nyimbo yetu ya Bufumu.\nTAMBISHAI VIDYO WA KUBA'MBA LWIMBO WATUNDAIKILE BAJINGA MU KALEYA. APA BINO MUKUMBULE MEPUZHO ALONDELAPO:\nÑanyi bintu byalengejile Mulongo Frost kunemba uno lwimbo?\nUno lwimbo watundaikile byepi balongo bajinga mu kaleya ka Sachsenhausen?\nNyimbo ya Bufumu yakonsha kwimukosesha byepi mu bintu byo mupitamo pa juba pa juba?\nÑanyi nyimbo ya Bufumu yo mwakonsha kutemwa kulabijila?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/jw-Mutanchi-wa-Kupwila\/april-2017-mwb\/mutanchi-wa-kupwila-apr17-23\/nyimbo-ya-bufumu-itukwasha-kuchinchika\/","date":"2018-04-25T20:12:14Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947957.81\/warc\/CC-MAIN-20180425193720-20180425213720-00067.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":202,"character_repetition_ratio":0.084,"word_repetition_ratio":0.0,"special_characters_ratio":0.187,"stopwords_ratio":0.203,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 Amiwa Shimona Petelo kalume kabiji mutumwa wa Yesu Kilishitu, ku bonse baji na lwitabilo lwa buneme nobe lwetu* kupichila mu bololoke bwa Lesa wetu ne Mupulushi Yesu Kilishitu: 2 Lusa lukatampe ne mutende bimuvujile anweba kupichila mu kumuyukisha bulongo+ Lesa ne Yesu Nkambo yetu, 3 mambo mu bulume bwanji witupa* bintu byonse bitukwasha mu bwikalo ne kwikala na munema wa kumunemeka kupichila mu kuyuka bulongo awa witwichile+ mu lukumo lwanji ne kulumbuluka kwanji. 4 Kupichila mu bino bintu, aye witupa* milaye yanema kabiji ikatampe,+ kuba'mba kupichila mu bino bintu mwikale na byubilo bijipo ne Lesa,+ byo mwapuluka ku bubole buji pano pa ntanda bwiya na mambo a lwiso. 5 Na mambo a kino, ibikishaingako+ kuba'mba, ku lwitabilo lwenu munungeko buwame,+ ku buwame bwenu munungeko kuyuka bintu,+ 6 ku kuyuka bintu kwenu munungeko kwikanya,+ ku kwikanya kwenu munungeko kuchinchika, ku kuchinchika kwenu munungeko munema wa kunemeka Lesa,+ 7 ku munema wenu wa kunemeka Lesa munungeko butemwe bwa kutemwa balongo, kabiji ku butemwe bwenu bwa kutemwa balongo munungeko butemwe.+ 8 Mambo umvwe muji na bino byubilo kabiji byavula, kechi bikemulengela kukooka nangwa kubula kupanga bipangwa+ pa mambo a kuyuka bulongo Nkambo yetu Yesu Kilishitu ne. 9 Mambo umvwe muntu wabula bino byubilo, ye mpofu wazhinzhibala kuba'mba abule kumona kyeya,*+ kabiji wavulama kumutokesha ko bamutokeshe ku bundengamambo bwanji+ bwa kala. 10 Onkao mambo, balongo bami, ibikishaingako kuba'mba kwitwa+ ne kusalwa kwenu kutwajijile kwikala byonkabyo, mambo umvwe mwatwajijila kuba bino bintu, kechi mukakankalwa ne.+ 11 Monka mu kuba bino mukobilwa bingi bibusa* kabiji mukatwela mu Bufumu bwa myaka ne myaka+ bwa Nkambo yetu kabiji Mupulushi aye Yesu Kilishitu.+ 12 Na mambo a kino, amiwa nateshakotu muchima kwimuvululamo kimye kyonse bino bintu byonse, nangwa kya kuba mwibiyukila jimo kabiji mwakosela mu bukine buji mwi anweba ne pa kino kimye. 13 Bino namona namba kyawama byo nkiji mu uno tente*+ kwimuvululamo bino bintu,+ 14 byo nayuka'mba, nji pepi kuvuula uno tente wami, byonkatu Nkambo yetu Yesu Kilishitu byo andumbulwijile.+ 15 Kimye kyonse, nsakwibikishangako kuba'mba byo nkafumapo, mukakonshenga kuvuluka* bino bintu byonse anwe bene. 16 Byo twimubuujile pa bulume ne kwikalapo kwa Nkambo yetu Yesu Kilishitu, kechi twalondejile mashimikila a bubela ashimikizha bantu mu bujimuku bwabo ne, bino twimwenejile na meso lukumo lwanji lukatampe.+ 17 Mambo aye watambwile munema ne lukumo kufuma kwi Lesa Tata, kimye kyo bamwambijile bino byambo* mu lukumo lukatampe amba: \"Uno ye Mwanami ye natemwa, mo mmwena lusekelo.\"+ 18 Kine, bino byambo twibyumvwine saka bifuma mwiulu kimye kyo twajinga nanji ku mutumba wazhila. 19 Onkao mambo, tuji na byambo bya bungauzhi byalumbululwa bulongo, kabiji mubena kuba bingi bulongo kuteshako muchima nobe ku lampi+ ubena kuteema mu mpunzha mwafiita (kufikatu ne ku makya ne ntanda wa ku makya+ byo asela) mu michima yenu. 20 Mambo anweba mwayuka kino amba kafwako bungauzhi bwa mu Binembelo bwaishileko na maana a muntu ne. 21 Mambo bungauzhi kechi bwaishileko na kyaswa muchima wa muntu ne,+ bino bantu baambilenga byafumine kwi Lesa byo bebatangijile* ku mupashi wazhila.+\nTubyambo twa munshi\n^ Nangwa'mba \"lwitabilo lonka lo tujipo nalo.\"\n^ Nangwa'mba \"witupa kyatutu.\"\n^ Nangwa'mba \"witupa kyatutu.\"\n^ Nangwa, \"mpofu, ubula kumona palepa.\"\n^ Nangwa'mba \"bakemupa byavula.\"\n^ Ko kuba'mba, mubiji wanji wa pano pa ntanda.\n^ Nangwa'mba \"kutongola.\"\n^ Mu Kingiliki, \"jino jiwi.\"\n^ Mu Kingiliki, \"bebasendele ku; bebatwajile ku.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/2-petelo\/1\/","date":"2018-04-23T15:55:40Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946077.4\/warc\/CC-MAIN-20180423144933-20180423164933-00374.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":511,"character_repetition_ratio":0.067,"word_repetition_ratio":0.0,"special_characters_ratio":0.201,"stopwords_ratio":0.249,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BYO ALUMBULULA\nMafunde ke bintu byaitabilamo bantu kabiji byo balondela pa kufuukula bintu. Umvwe mwibikako kwikala bakishinka mu bintu byonse, ne baana benu nabo bakekala bakishinka.\nMafunde avwangamo ne bintu bilondela bantu mu bwikalo bwabo. Muntu ulondela mafunde wingila bingi na ngovu, uba bintu bulongo kabiji ulangulukilako bakwabo. Bino byubilo tutendeka kwikala nabyo saka tukiji banyike.\nJIFUNDE JA MU BAIBOLO: \"Funjishai mwana jishinda jo afwainwa kwendamo; inge wakoma kechi ukasendukamo ne.\"—Byambo bya Maana 22:6.\nENE MAMBO O KYANEMENA\nKyanema bingi kwikala na byubilo byawama mambo luno kuji bya kulenga lenga byavula bingi. Ba Karyn baambile'mba: \"Mafoni akonsha kulengela bantu kwikala na byubilo byatama kimye kyonse. Kabiji baana bakonsha kutamba bintu byatama pa kiñambañamba kyabo saka tuji nabo.\"\nJIFUNDE JA MU BAIBOLO: \"Bantu bakoma . . . baji na milangwe yo bafunjisha kuyuka kyawama ne kyatama.\"—Bahebelu 5:14.\nMafunde anema bingi mu bwikalo. Etulengela kwikala na ñambilo yawama (nabiji ya kuba'mba \"nasanta mwane\") ne ñambilotu ikwabo ya mushingi. Kabiji mwavwangwa ne kulangulukilako bakwetu. Byubilo bya bantu ano moba bimwesha'mba batatu muchima ku bintu bya ku mubiji.\nJIFUNDE JA MU BAIBOLO: \"Bintu byonse byo mukeba'mba bantu bemubile, ne anweba mwafwainwa kwibobila byonkabyo.\"—Luka 6:31.\nBYO MWAKONSHA KUBA\nFunjishainga baana benu mafunde awama. Bapesapesa bya kupesapesa bamba'mba, inge banyike bebafunjisha kubula kuba bulalelale kechi bakebuba ne.\nBYA KUBA: Ambainga pa bintu bibena kumweka mu ntanda pa kukwasha baana benu kwikala na byubilo byawama. Inge pa televizhonyi baambapo pa muntu waipayañana, mwakonsha kwamba'mba: \"Ano moba bantu babena kuba bakwabo bintu byatama bingi. Ñanyi kintu kibena kulengela bantu kuba bino?\"\nBa Brandon baambile'mba: \"Banyike inge babula kuyuka kyawama ne kyatama, kibakatazha kuba bintu byawama.\"\nFunjishainga baana benu kwikala na byubilo byawama. Baana babacheche nabo bakonsha kufunda bya kwamba na mushingi. Kabiji bakonsha ne kufunda kunemeka bakwabo. Buku wa Parenting Without Borders waamba'mba: \"Inge baana bafunda kunemeka ba mu kisemi kyabo, bakwabo ku sukulu, ne bantu bonse mu kimasamasa, bakafunda kulangulukilako bakwabo ne kwibobila byawama.\"\nBYA KUBA: Painga baana benu mingilo pa nzubo, kuba bino kwibalengela kuyuka buneme bwa kukwasha bantu.\nBa Tara baambile'mba: \"Inge baana betu bafunda kwingila mingilo ya pa nzubo, kechi kikebakatazhanga kwingila inge batendeka kwiikela ne. Mambo batendekele kwingila mingilo ya pa nzubo saka bakijitu banyike.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/labainga-na2-2018-jul-aug\/bintu-bilengela-bisemi-kwikala-bulongo-mafunde\/","date":"2018-04-21T22:04:19Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945448.38\/warc\/CC-MAIN-20180421203546-20180421223546-00463.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":356,"character_repetition_ratio":0.067,"word_repetition_ratio":0.0,"special_characters_ratio":0.181,"stopwords_ratio":0.199,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"PA MYAKA yapitapo, mu pepala wa byambo wa ku Korea wa The Chosun Ilbo wajinga na mutwe peulu wa kuba'mba, \"'Shim Cheong,' Wabujile Kuyukapo Biji Byonse pe Yesu. Nanchi Wayile mu Mujilo wa Helo Nyi?\"\nBino byambo byazakwile bingi michima ya bantu mambo Shim Cheong wajinga nsongwakazhi wawama bingi muchima wa mu Korea wipaine kulama bashanji bajinga bampofu. Pa myaka yavula, bamutakaikanga bingi. Mu Korea, Shim Cheong wayukanyikwa amba mwana wamukazhi ye bafwainwa kulondela bonse.\nBavula balangulukanga amba kukambula muntu wa uno mutundu mu mujilo wa Helo na mambo a kwikala mwina Kilishitu wabula kubatizhiwa, kechi kyayijilemo ne. Kabiji bino byaubiwe bukine pe Kilishitu saka bukyangye kufika mu muzhi mo aikalanga.\nKino kibaaba mwajinga ne mwisambo na ntangi wa bupopweshi. Bamushikishe umvwe kya kuba aba bonse bafwile kwa kubula kufunda pe Yesu baji mu mujilo wa Helo. Wakumbwile'mba \"Kechi twayuka ne. Twayukatu amba Lesa wayuka byo akoba na bano bantu.\"\nLUBATIZHILO LUKEBEWA PA KUPULUKA\nBuku wa The New Catholic Encyclopedia waamba'mba: \"Lubatizhilo lukebewa pa kuba'mba muntu apuluke. Byonkatu byaambile ne Kilishitu, muntu wafwainwa kusemwa jibiji mu mema ne Mupashi Wazhila. Kwakubula bino, kechi wakonsha kutwela mu Bufumu bwa Lesa ne.\" (Yoano 3:5) Na mambo a bino, bavula baitabila amba muntu umvwe wafwa kwakubula kubatizhiwa, baya mu mujilo wa helo nangwa kumanyikwa mu jishindatu jikwabo saka afwa.\nNangwa byonkabyo, bamo bakana luno lufunjisho. Bantu bavula bafwa kwakubula kufunda biji mu Baibolo. Nanchi bafwainwa kumanyikwa myaka ne myaka nyi? Nga Baibolo wambapo amba ka pa kino?\nMULAYE WA MU BAIBOLO\nBaibolo waambatu patoka kuba'mba Lesa kechi washikwa bantu bafwa kwakubula kuyuka byo akeba ne. Byubilo 17:30 wamba'mba: \"Lesa wikivulamako kimye bantu kyo bajinga mu bulubi.\" Pano nga Baibolo wambapo byepi pa bantu bafwile kwakubula kwa kubula kufunda pe Lesa?\nTwakonsha kutana mukumbu mu byambo bya kwa Yesu byo abujile kapondo ye bamupopele nanji. Uno mwanamulume waambijile Yesu amba: \"Mukamvuluke kimye kyo mukeya mu Bufumu bwenu.\" Nga Yesu wamukumbwile amba ka? \"Kine nakwambila lelo namba, Ukekala ne amiwa mu Paladisa.\"—Luka 23:39-43.\nNanchi Yesu wamulayilenga uno mwanamulume kuba'mba ukaya mwiulu nyi? Ine. Uno mwanamulume kechi 'wasemenwe jibiji' ku mema ne ku mupashi ne byakebewenga pa kuba'mba muntu aye mu Bufumu bwa mwiulu ne. (Yoano 3:3-6) Bino Yesu walayilenga kapondo amba ukekala mu Paladisa. Na mambo a kwikala Muyudea, uno mwanamulume wafwainwa wayukile pa Paladisa wajinga pano pa ntanda ko kuba'mba bujimi bwa Edena bwaambiwapo mu buku mutanshi wa mu Baibolo. (Ntendekelo 2:8) Byamwambijile Yesu byamulengejile kwikala na luketekelo lwa kusangulwa ne kwikala mu Paladisa pano pa ntanda.\nKabiji Baibolo walaya \"lusanguko lwa baoloka ne babula koloka.\" (Byubilo 24:15) \"Babula koloka\" ke boba babujile kulondela mizhilo ya Lesa mambo kechi bayukile kyaswa muchima wa Lesa ne. Yesu ukasangula yewa ngubabibi wabula koloka ne bantutu bakwabo bavula babujile kuyuka Lesa. Mu Paladisa bakebafunjisha bikeba Lesa kabiji bakekala na kimye kya kumwesha byo batemwa Lesa kupichila mu kukokela mikambizho yanji.\nUMVWE BABULA KOLOKA BASANGULWA\nUmvwe babula koloka basangulwa, nanchi bakebachibila mambo kwesakana na byo baubile kala nyi? Ine. Loma 6:7 waamba'mba: \"Mambo awa wafwa, bamukasulula ku bundengamambo bwanji.\" Babula koloka banowene lufu mu bundengamambo bwabo. Onkao mambo, bakebachibila mambo pa byo bakobanga umvwe basangulwa, kechi pa byo baubanga saka bakyangye kufwa ne. Bakamwenamo byepi?\nPanyuma ya lusanguko, babula koloka bakekala na kimye kya kufunda pa mizhilo ya Lesa ikayukanyikwa umvwe bazhikula mivungilo ya kifwanyikizho. Panyuma ya bino, bakebachibila mambo \"monka mwayijile mingilo yabo\" ko kuba'mba umvwe balondela mizhilo ya Lesa nangwa ne. (Lumwekesho 20:12, 13) Ku bavula babula koloka, kino kikekala kimye kitanshi kya kwikala na jishuko ja bumi bwa myaka pano pa ntanda pa kufunda ne kulondela kyaswa muchima wa Lesa.\nLuno lufunjisho lwa mu Baibolo lwalengela bavula kwikala na luketekelo jibiji mwi Lesa. Byobyo kyajinga ne kwi Yeong Sug. Wakomejile mu kisemi kya Bakatolika bene bene. Ba mu kisemi kyanji bajinga bapulishiti. Byo akebelenga kwikala sisita wa mu Katolika, watendekele kwikala nabo. Palutwe kacheche, wafuminemo na mambo a byo baubanga. Kabiji wakaine ne lufunjisho lwa mujilo wa helo mambo wayukile amba kuyanjisha bantu mu mujilo ke kyubilo kimwesha kubula kutemwa bantu.\nKamonyi wa kwa Yehoba watangijile Yeong Sug byambo bya mu Baibolo bya kuba'mba: \"Mambo bomi bayuka'mba tukafwa, bino bafu kafwako kyo bayuka ne, kabiji kechi kwakibashajila mfweto ne; baleka nangwa kwibavuluka.\" (Musapwishi 9:5) Uno kamonyi wamukwashishe kuyuka amba bashakulu banji kechi babena kumanyikwa mu mujilo wa helo ne. Bino amba balala mu tulo twa lufu ne kupembelela lusanguko.\nByoamwene amba bantu bavula kechi bayuka bukine bwa mu Baibolo ne, Yeong Sug walondejile byambo bya kwa Yesu byanembwa pa Mateo 24:14 bya kuba'mba: \"Kabiji ano mambo awama a Bufumu akasapwilwa pano pa ntanda ponse kuba amba ba mu bisaka byonse bya bantu bakeomvwe, apa bino mpelo ikafike.\" Luno wingilako mu mwingilo wa kusapwila mambo awama ne kubulako bakwabo luketekelo luji mu Baibolo.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/wp20140601\/lusanguko-lwa-bashakulu\/","date":"2018-04-22T22:16:55Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945660.53\/warc\/CC-MAIN-20180422212935-20180422232935-00179.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":776,"character_repetition_ratio":0.052,"word_repetition_ratio":0.0,"special_characters_ratio":0.187,"stopwords_ratio":0.254,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Yesu byo ayukile'mba Bafaliseo ne baana ba bwanga ba kwa Heloda bakeba kumwipaya, aye ne baana banji ba bwanga bafumineko ne kuya ku Kalunga ka Ngalilea. Mabumba a bantu kufuma monse mu Ngalilea, mizhi ya mu Tila ne Shidona ne ku lubaji lwa ku musela wa Mukola wa Yodano, ku Yelusalema, ne ku Idumea ku kabeta ka ku bulenge baishile kwi aye. Yesu wabukile bantu bavula kya kuba ne bonse bajinga na bikola byakatazha baishilenga koaji. Kechi bapembelejilenga'mba ebakwate ne, abo baishilenga ko aji na kumukwata.—Mako 3:9, 10.\nNa mambo a kuba jibumba jakijishemo kubaya, Yesu waambijile baana banji ba bwanga kumuletela bwato kuba'mba akanjilemo ne kwibushinjika kufuma ku kitulu, pa kuba'mba jibumba jibule kumubunga. Kabiji wakonsheshe kwibafunjisha saka aikala mu bwato nangwa kuya ku mpunzha ikwabo yajinga kwipi na kitulu kuba'mba akwashe bantu bavula.\nMwana wa bwanga aye Mateo wamwene'mba mingilo ya kwa Yesu yafikizhe \"akya kyaambiwe kupichila mwi ngauzhi Isaya.\" (Mateo 12:17) Ñanyi bungauzhi Yesu bo afikizhe?\nWafikizhe bungauzhi bwa kuba'mba: \"Talai! Kalume wami ye nasala, ye natemwa, kabiji mo mmwena lusekelo! Nabika mupashi wami pe aye, ne aye ukabuula bisaka bya bantu jishinda jaoloka ja kubilamo bintu. Aye kechi ukatoboka nangwa kutama muteto ne, kabiji kafwako ukomvwa jiwi janji mu mikwakwa ikatampe ne. Jitete jafyotoka kechi ukejichimuna ne, nangwa muzhinge ufutumuka kechi ukamuzhimya ne, poso akafikizhe bunchibamambo bwaoloka. Kine, bisaka bya bantu bikaketekela mu jizhina janji.\"—Mateo 12:18-21; Isaya 42:1-4.\nYesu ye kalume ye batemwa kabiji Lesa mo amwena lusekelo. Kabiji Yesu wamwesheshe byafwainwa kwikala bunchibamambo bwaoloka bwa kine, bo bafile ku mafunjisho a bupopweshi bwa bubela. Na mambo a kubula kwingijisha bulongo Mizhilo ya Lesa, Bafaliseo kechi bakwashanga muntu wakolwa pa juba ja Sabado ne. Pa kumwesha bunchibamambo bwaoloka bwa Lesa ne kumwesha kuba'mba mupashi wa Lesa wajinga pe aye, Yesu wakasulwile bantu ku bisendwa bya bisho bya bantu byatama. Kino kyo kyalengejile bantangi ba bupopweshi kukeba kumwipaya. Byo kyataminepo.\nNanchi byambo bya kuba'mba \"aye kechi ukatoboka nangwa kutama muteto ne, kabiji kafwako ukomvwa jiwi janji mu mikwakwa ikatampe ne\" byatala mu ka? Byo abukilenga bantu, Yesu kechi waswishanga bantu nangwa bandemona \"kumusolola ku bantu\" ne. (Mako 3:12) Kechi wakebelenga bantu kufunda pe aye mu mikwakwa kupichila mu kutaya mbila nangwa bantu kwamba masawakya a bubela pe aye ne.\nKabiji Yesu wasapwijilenga byambo bya lutekenesho ku bantu bo bafyotwele nobe jitete jo bachimuna ne kunyantaula. Bajinga nobe muzhinge ubena kufutumuka ujitu pepi kuzhima. Yesu kechi wachimwine jitete jo bafyotwele nangwa kuzhimya muzhinge wafutumukilenga ne. Bino na mambo a lusa ne butemwe, aye wainwinenga bulongo bakimote. Kine, Yesu ye muntu bantu ye bafwainwa kuketekela.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/yesu\/mwingilo-mu-ngalilea\/wafikizhe-bungauzhi-bwa-kwa-Isaya\/","date":"2018-04-22T09:28:05Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945552.45\/warc\/CC-MAIN-20180422080558-20180422100558-00391.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":420,"character_repetition_ratio":0.047,"word_repetition_ratio":0.034,"special_characters_ratio":0.187,"stopwords_ratio":0.262,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKATAZHO\nBantu bamo bamba'mba kechi kyakonsheka kukizhamo kutakaika mwana ne. Bakwabo nabo bamba'mba kutakaika mwana kimye kyonse kwakonsha kumonauna ne kumulengela kumona nobe uji na luusa lonse.\nKununga pa kutakaika mwana, mwakonsha ne kulanguluka pa bintu byo mumutakaikilapo. Kutakaika kwa mutundu ka kwakonsha kutundaika mwanenu? Kabiji kutakaika kwa mutundu ka kwakonsha kumulengela kubula kuba bulongo? Mwakonsha kutakaika byepi mwanenu pa kuba'mba mufume bintu byawama?\nBYO MWAFWAINWA KUYUKA\nKechi lutakaiko lonse luji pamo ne. Akilangulukai pa bino byalondelapo.\nKukizhamo kutakaika mwana kwakonsha kumonauna. Bansemi bamo bakizhamo kutakaika baana babo pa kuba'mba bebakwashe kuyuka'mba boba bulongo. Shayuka wafunda bya kukomesha baana aye David Walsh wajimunañanako amba banyike \"bayuka'mba lutakaiko lwenu kechi lwayilamo ne, ne kuba'mba byo mubena kwamba kechi byo biji mu muchima wenu ne. Kabiji bayuka ne kuba'mba kafwako kintu kyo bauba kya kwibatakaikilapo ne. Kino kyakonsha kwibalengela kubula kwimuketekela.\" *\nKutakaika mwana pa bintu byo auba kwawama bingi. Fwanyikizhai kuba'mba mwanenu wa mukazhi wayuka bingi bya kulengalenga. Mu kisemwatu, mwakonsha kumusanchila pa kuba bino kabiji mwafwainwa kumutundaika kutwajijila na kuba bulongo. Nangwa byonkabyo, mu kuba bino mwakonsha kufuma lukatazho. Kutakaika mwanenu pa mambo a kya bupe kyo aji nakyo kwakonsha kulengela mwanenu kulanguluka'mba mingilo yo afwainwatu kwingila ke yoya yabula kukatazha. Kino kyakonsha ne kumulengela kubula kufunda mingilo ya katataka kuchina'mba usakukankalwa. Wakonsha ne kulanguluka'mba, 'Inge kyo nkeba kuba kyakatazha, mambo ka a kwikyubila mambo kechi basakusanchila inge nakankalwa ne.'\nKutakaika mwana pa byo abena kwibikako kwawama bingi. Baana bo batakaika na mambo a kwingila na ngovu ne mukoyo, kechi na mambo a bya bupe byo baji nabyo ne, bafunda kishinka kyanema bingi kya kuba'mba kuyuka bulongo bya kwingila mwingilo umo kukebewa kutekanya ne kwibikako. Buku wa Letting Go With Love and Confidence waamba'mba inge bayuka bino, \"bengila bingi na ngovu pa kuba'mba bobe kyo babena kukeba. Nangwa inge bakankalwa byo babena kuba, kechi bemona'mba bakankalwa ne, bino bafunjilako.\"\nBYO MWAKONSHA KUBA\nMutakaikainga pa byo ebikako kechi pa kya bupe kyo aji nakyo ne. Kubuula mwanenu amba, \"Namona utako bingi muchima pa kulenga bya kulengalenga,\" kwakonsha kumukwasha kukila kumubuula'mba, \"Uji bingi na maana a kulenga bintu.\" Bino byambo byonse bya lutakaiko, bino, mukuku wa bubiji ubena kumwesha'mba maana a kisemwa o onka akonsha kulengela mwanenu kuba bulongo.\nInge mwatakaika mwanenu pa kwibikako kwanji mukamufunjisha kuba'mba wakonsha kuyuka mingilo inge wibikako. Kuba bino kwakonsha kulengela mwanenu kwingila mingilo ikwabo yakosa kwa kubula kwiichina.—Jifunde ja mu Baibolo: Byambo bya Maana 14:23.\nKwashai mwanenu bya kuba inge wakankalwa kuba kintu kyo akebelenga. Nangwa bantu baoloka bimye bimo nabo balubankanya. (Byambo bya Maana 24:16) Pano inge balubankanya, babwela batendeka kuba bulongo na mambo a kufunjila ku bilubo byabo. Mwakonsha kukwasha byepi mwanenu kwikala na uno muchima?\nMwakonsha kumutakaika pa kwibikako kwanji. Fwanyikizhai bino: Twambe'mba mwabuula mwanenu wamukazhi amba, \"Uji na maana a kisemwa mu nsamushi,\" pano bino, wakankalwa meseko a nsamushi ku sukulu. Wakonsha kumona'mba maana anji a kisemwa apwa, onkao mambo, kechi ukebikako kuba'mba awamishe bintu ne.\nInge ke mumutakaike pa kwibikako kwanji, mukamutundaika kwingila na ngovu. Mwakonsha kukwasha mwanenu kubula kwakamwa inge wakankalwa kwingila mwingilo umo, kechi wafwainwa kumona'mba kyapwa bunga bwapwila pa mpuki ne. Onkao mambo, mwakonsha kumulengela kwingijisha jishinda jikwabo nangwa kwingila bingi na ngovu.—Jifunde ja mu Baibolo: Yakoba 3:2.\nMufundaingako mwanenu bulongo. Inge mwaingijisha jishinda jawama, mwakonsha kukwasha mwanenu kubula kwikala na bulanda inge wakankalwa kwingila mwingilo umo. Kabiji inge saka mutakaika mwanenu mu jishinda jawama kimye kyonse, mwakonsha kumulengela kwibikako inge wakankalwa kuba bintu bimo. Kino kikalengela aye ne anweba kwikala na lusekelo mu bintu byo akengilanga.—Jifunde ja mu Baibolo: Byambo bya Maana 13:4.\n^ par. 8 Bino byambo byafuma mu buku wa Kizungu wa kuba'mba No: Why Kids—of All Ages—Need to Hear It and Ways Parents Can Say It.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/g201511\/lutakaiko-lutundaika-baana\/","date":"2018-04-21T14:09:57Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945222.55\/warc\/CC-MAIN-20180421125711-20180421145711-00594.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":605,"character_repetition_ratio":0.081,"word_repetition_ratio":0.0,"special_characters_ratio":0.175,"stopwords_ratio":0.193,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ba mu kisemi kya Betele bengijila ku madipatimenti apusana pusana. Bonse batundaika mwingilo wa kusapwila mu kyalo kimo nangwa mu byalo byavula. Bamo bengila mu mabumba a ntuntulwilo, kupulinta magazini, kulenga mabuku, kwingijila mu mazubo mo balamina mabuku, kulenga mavidyo, kukopa mawi nangwa mingilotu ikwabo ya kukwasha mpunzha iji mu maboko abo.\nKavoto ka Musampi ko katala pa bibena kwenda mingilo. Jibumba Jitangijila japa Kavoto ka Musampi mwingilo wa kutala pa bibena kwenda mingilo pa ofweshi wa musampi. Mu kano kavoto mwikala bakulumpe bafikilamo basatu nangwa kukilapo. Kavoto kabula Jibumba Jitangijila ngyalutwe ya mingilo mu kyalo kiji mu maboko abo ne makatazho ekalako. Ano masawakya akwashako Jibumba Jitangijila kusala mitwe yo bakambapo mu mabuku akalondelapo, pa kupwila ne pa kubuñana. Bemenako Jibumba Jitangijila bebatuma kuya na kufwakesha misampi ne kukwasha Kavoto ka Musampi bya kwingila mingilo yabo. (Byambo bya Maana 11:14) Kwikala mutanchi wiikajila ne jashi jamba ntomesha wa ofweshi wa ntanda yonse ja kutundaika baji mu nyaunda ya musampi.\nBatundaika bipwilo. Balongo batongolwa baji pa musampi bo baswisha kuba'mba kwikale bipwilo bikwabo byakatataka. Bano balongo batangijila ne mwingilo wa bapainiya ba kimye kyonse, bamishonale ne bakalama benda bengijila mu nyaunda ya musampi. Banengezha kubuñana ne kushonkena kwa kijiiji, kushimika Mazubo a Bufumu ne kumona kuba'mba bipwilo byonse byatambwila mabuku a kwibakwasha ku mupashi. Mingilo yonse ya pa ofweshi wa musampi yo ilengela mwingilo wa kusapwila kwenda bulongo.—1 Kolinda 14:33, 40.\nKavoto ka Musampi kakwashako byepi Jibumba Jitangijila?\nÑanyi mingilo iji pa ofweshi wa musampi?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/kyaswa-muchima-wa-yehoba\/ofweshi-wa-musampi-wa-bakamonyi-ba-kwa-yehoba\/","date":"2018-04-21T12:51:29Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945143.71\/warc\/CC-MAIN-20180421110245-20180421130245-00620.warc.gz","language":"kqn","language_score":1.000007391,"language_script":"Latn","minhash_cluster_size":1,"top_langs":"{\"kqn_Latn_score\": 1.0000073909759521}","num_words":242,"character_repetition_ratio":0.093,"word_repetition_ratio":0.0,"special_characters_ratio":0.172,"stopwords_ratio":0.19,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Nanchi muji na bulanda na mambo a kuba mulongo wenu wafwa nyi? Inge ibyo, mwakonsha kuba byepi? Monai Baibolo byo yakwashishe banyike basatu bajinga na luno lukatazho.\nJISHIMIKILA JA BA DAMI\nKimye kitanshi kechi kyankolele ku muchima ne. Bino ba tata kikola byo kyabayile, bamama bakebele motoka ya kwibatwajilamo ku kipatela. Ne luno nkivuluka byo kyajinga pa kwibasenda. Jino jo jajinga juba japeleleko kumona batata. Byo papichile moba asatu, batata bafwile na kikola kivimbisha mishipeshipe ya ku muchima kimye kyo najinga na myaka itanu na uno.\nPa myaka yavula nepangamo mambo pa lufu lwa ba tata. Ne luno mvuluka bamanase byo baishile na kwibasenda. Neipuzha mepuzho a kuba'mba: 'Mambo ka o nabujile kwimena pepi na ko bajinga? Mambo ka o nabujile kubapo bimo?' Byo mmona bakulumpe bakolwa kolwa, neipuzha'mba, mambo ka o baikela na bumi, batata saka bafwa? Bino bamama bankwashishe byo baambile pa byo nalangulukanga. Byo tuji Bakamonyi ba kwa Yehoba balongo ne banyenga betutundaikanga bingi.\nBantu bamo balanguluka'mba, wakonshatu kumvwa bulanda kimye kyamweka kintu kyatama, bino inge papita kimye bulanda bupwa, pano bino kechi byo byo kyajinga kwi amiwa ne. Byo nakijingatu mwanyike kechi naumvwinepo bulanda ne, bino bulanda bwakijilemo byo nakomeneko.\nAnweba banyike mwafwisha bansemi yenu, \"Bulaiko bantu bintu byo mubena kupitamo. Inge mwauba bino, mukazhikijila bumi bwenu.\"\nKyankolele bingi ku muchima byo nayukile'mba batata bafwa. Bino mulaye uji pa Lumwekesho 21:4, wa kuba'mba Lesa \"ukashimuna mipolo yonse ku meso [etu], ne lufu, mabingo, kujila ne misongo kechi bikekalako jibiji ne. Bintu bya kala byapichijila,\" untekenesha bingi.\nJISHIMIKILA JA BA DERRICK\nBintu bimo byo mvuluka javula pa batata ke byo twayanga na kuloba masabi ne kwikala mu mitumba. Batemenwe bingi mitumba.\nBatata bajinga na kikola kya muchima pa myaka yavula; mvuluka byo nayanga na kwibamona mu kipatela byo najinga mwanyike. Pano bino kechi nayukile kuba'mba kikola kyabayile ne. Batata bafwile na kikola kya muchima byo najinga na myaka itanu na ina.\nByo bafwile, najijile bingi. Nakankelwenga kupema bulongo, kabiji kechi nakebelenga kwamba na muntu ne. Mu bwikalo bwami nkyangye kumvwapo byo naumvwine pa lufu lwa batata ne, kabiji pa kyokya kimye, kechi nakebanga kuba kiji kyonse ne. Bakwetu mo twayilanga ku chechi bantele bingi muchima kimye kitanshi, pano bino mu kuya kwa kimye balekele. Bantu bamo baambanga'mba, \"kimye kya kufwa batata kyafikile\" ne kuba'mba, \"Lesa ye wibeta\" ne kuba'mba \"Baya mwiulu.\" Byo baambanga kechi byamfikile pa muchima ne, nangwa kya kuba kechi nayukile byaamba Baibolo pa bino bintu ne.\nBamama bo batendekejilepo kufunda Baibolo na Bakamonyi ba kwa Yehoba. Byo papichile kimye, amiwa ne bakolojami twatendekele kufunda Baibolo. Twafunjile biji bantu bafwa ne Lesa byo alaya kwibasangula. (Yoano 5:28, 29) Kinembelo kya Isaya 41:10 kyankwashishe bingi. Pa kino kinembelo Lesa waamba'mba: \"Kange uchine ne, mambo amiwa nji ne obewa. Kange wakamwe ne, mambo amiwa yami Lesa wobe. Amiwa nkakukosesha ne kukukwasha.\" Kuyuka kuba'mba Yehoba wajinga ne amiwa kimye kyo najinga na bulanda kwantundaikile bingi. Kabiji ne ano moba kuyuka bino, kuntundaika bingi.\nJISHIMIKILA JA BA JEANNIE\nByo najinga na myaka itanu na ibiji, bamama bafwile na kansa. Jino juba jamwekelengatu nobe mbena kulota. Mvuluka ne kuba'mba byo bafwile, bankambo bajingapo. Kabiji bonse bamwekelengatu nobe kafwako ne kyamweka ne. Kabiji mvuluka ne kuba'mba pa joja juba twabelejiletu make. Natendekele kwikala na milanguluko yavula bingi.\nPa kyokya kimye ne mu myaka yalondejilepo, namwene'mba nafwainwe kuchinchika ne kulama bulongo nkasami wamukazhi. Onkao mambo kechi namweshanga'mba nji na bulanda ne. Nangwatu nebepekezhanga nobe kechi nji na bulanda ne, bino nayukile'mba kuba bino kechi kyawama ne.\nKimye kyafwile bamama, Bakamonyi ba kwa Yehoba mu kipwilo mo twayanga betukwashishe bingi. Nangwa kya kuba popo twatendekeletu kuya ku Nzubo ya Bufumu, bakwetu ba mu lwitabilo betukwashishe bingi ubatu nobe bajinga kisemi kyetu. Mwaka umo wapwiletu kwakubula kutekapo kajo, mambo balongo ne banyenga betupanga kajo pa juba pa juba.\nMvuluka bingi kinembelo kya Salamo 25:16, 17. Pa kino kinembelo nyimbi wa masalamo waambijile Lesa amba: \"Alulukilai kwi amiwa ne kungubila lusa, mambo njitu bunke kwa kubula wa kunkwasha. Bijikila bya mu muchima wami byamvujila; Nkasululai ku bulanda bwami.\" Kintundaika bingi kuyuka kuba'mba Lesa kechi witusha bunke inge tubena kupita mu makatazho ne. Kufunda Baibolo kwankwasha kutwajijila kulanguluka pa bintu byawama nabiji mulaye wa mu Baibolo wa lusanguko. Nji na luketekelo lwa kukamonañana na bamama kimye kyo bakekala na butuntulu bwa mubiji bwawama mu paladisa pano pa ntanda.—2 Petelo 3:13.\nNanchi mubena kukeba kuyuka Baibolo byo itekenesha bantu baji na bulanda nyi? Kopololai kyatutu buku wa mu Kibemba wa kuba'mba \"Ilyo Untu Watemwa Afwa.\" Yai pa www.jw.org\/bem, ne kuchinta po banemba'mba IMPAPULO > IFITABO NA MA BROSHUWA.","id":"","dump":"CC-MAIN-2018-26","url":"https:\/\/www.jw.org\/kqn\/mabuku\/magazini\/labainga-na2-2017-april\/inge-baana-baji-na-bulanda\/","date":"2018-06-18T05:58:41Z","file_path":"s3:\/\/commoncrawl\/crawl-data\/CC-MAIN-2018-26\/segments\/1529267860089.11\/warc\/CC-MAIN-20180618051104-20180618071104-00362.warc.gz","language":"kqn","language_score":1.0000100136,"language_script":"Latn","minhash_cluster_size":2,"top_langs":"{\"kqn_Latn_score\": 1.0000100135803223}","num_words":743,"character_repetition_ratio":0.048,"word_repetition_ratio":0.0,"special_characters_ratio":0.187,"stopwords_ratio":0.276,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"NEMBA BISHINKA Bya Kukana Kutamba bya Mulekese Nemba bishinka byakonsha kukukwasha kuchinuzhuka kutamba bya mulekese. Kopololai Bikwabo Bijipo Monai Byonse Bya Kuba na Kukoma kwa Mubiji Uno pepala wakonsha kwimukwasha kuyuka bya kuba na kukoma kwa mubiji. Mwisambo Waimena pa Nyimbo Nanchi bansemi benu batemwa nyimbo yo mutelekako nyi? Nanchi mwatemwa nyimbo bansemi benu yo batelekako nyi? Ingijisha mapepala pa kunemba wesakanye ne kwisamba mikumbu. Kulangulukapo Bulongo pa Mizhilo Langulukishapo bulongo pa mizhilo yo ubena kukankalwa kukookela. Monai Byonse Tumai Musabilo Tumai Musabilo BANYIKE PO BAKONSHA KUNEMBA BYAMBO BYABO Bya Kukana Kutamba bya Mulekese Kikaonde Bya Kukana Kutamba bya Mulekese https:\/\/assetsnffrgf-a.akamaihd.net\/assets\/m\/502014197\/univ\/art\/502014197_univ_sqr_xl.jpg","id":"","dump":"CC-MAIN-2018-34","url":"https:\/\/www.jw.org\/kqn\/bifunjisha-baibolo\/banyike\/pa-kunemba-byambo\/bya-kukana-kutamba-bya-mulekese\/","date":"2018-08-18T05:02:26Z","file_path":"s3:\/\/commoncrawl\/crawl-data\/CC-MAIN-2018-34\/segments\/1534221213286.48\/warc\/CC-MAIN-20180818040558-20180818060558-00040.warc.gz","language":"kqn","language_score":0.9999936819,"language_script":"Latn","minhash_cluster_size":1,"top_langs":"{\"kqn_Latn_score\": 0.9999936819076538}","num_words":101,"character_repetition_ratio":0.099,"word_repetition_ratio":0.0,"special_characters_ratio":0.176,"stopwords_ratio":0.069,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Panyuma ya kwibapokolola pa Kalunga ka Mema Kachila mu maboko a kwa Felo ne nzhita yanji, bena Isalela bajinga na bishinka byavula bingi bibalengejile kumusanchila Yehoba. Ne atweba twafwainwa kusanchilanga Yehoba. Kya kine kuba'mba twakonsha kulefulwa umvwe ketupite mu meseko. Mu bimye bya uno mutundu, kulanguluka pa bintu byawama bitubila Lesa kwakonsha kwitutekenesha ne kwitukosesha.\nPa bintu byawama bitupa Lesa, paji ne luketekelo lwa kupokololwa ku bintu byonse bitulengela kuyanda ne bya malwa. Nangwatu tukapite mu makatazho a mutundu ka, twayuka kuba'mba Yehoba kechi uketulekela ne. Kafunga wetu witutemwa bingi witunengezhezha byonse byo tukeba pa kuba'mba tumwingijilenga mu bukishinka. Aye \"ye kya kufyamamo kyetu kabiji bo bulume bwetu, witukwasha kimye kyonse kyo tupita mu bya malwa.\" (Sala. 46:1) Kulanguluka pa bintu byawama bitubila Lesa kuketukwasha kuyuka bya kuba na makatazho akatampe a mu bwikalo. Mu uno mwaka yense, twayai tulangulukenga na lusekelo pa bintu bitubila Lesa kabiji bino bintu bitulengelenga 'kumusanchila Yehoba, mambo wawama; butemwe bwanji bubula kwaluka bo bwa myaka ne myaka.'","id":"","dump":"CC-MAIN-2018-34","url":"https:\/\/www.jw.org\/kqn\/mabuku\/mabuku\/buku-wa-mwaka-wa-2015\/kinembelo-kya-mwaka\/","date":"2018-08-20T17:30:58Z","file_path":"s3:\/\/commoncrawl\/crawl-data\/CC-MAIN-2018-34\/segments\/1534221216718.53\/warc\/CC-MAIN-20180820160510-20180820180510-00404.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":162,"character_repetition_ratio":0.076,"word_repetition_ratio":0.0,"special_characters_ratio":0.173,"stopwords_ratio":0.265,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MWENDELA ntanda wakuminye bingi pa byo ataine. Mu kiselebwa kya mu Algeria, watainemo kishimikwa kyatungile bena Loma panyuma ya kushinda kyazhikamineko mu busenga. Scotsman James Bruce watulukile kino kishimikwa mu 1765, kechi wayukile kuba'mba waimene peulu ya bikulukulu bya muzhi mukatampe wa bena Loma ye batungile ku kabeta ka buyeke ka Africa utelwa amba muzhi wa kala wa Thamugadi luno utelwa amba Timgad.\nPanyuma ya kupitapo myaka 100, mu 1881, bamfunji ba bya kupoyapoya ba ku France batendekele kuzhiikula bintu bya kala byajinga mu Timgad. Nangwa kya kuba ino mpunzha yajinga mu kiselebwa, bino byo bataine byamwesheshenga amba bantu baikalanga bwikalo bwawama bingi. Pano ki ka kyalengejile bena Loma kushimika muzhi wawama mu ino mpunzha? Kabiji ñanyi bintu byo twafwainwa kufunjilako ku uno muzhi wakala ne bantu baikalangamo?\nBYAKEBELENGA BAMULWILANTANDA BYABUJILE KUYUKANYIKWA\nBena Loma byo batendekele kulama ku kabeta ka buyeke bwa Africa mu myaka kitota kitanshi B.C.E., bebalukukile ku mikoka ya bantu bavilauka vilauka. Bena Loma bafwainwe kuba byepi pa kuba'mba bomvwañanenga na bantu bo bataine? Patanshitu, nzhita ya busatu ya bashilikale ba kwa Augustus batungile masakwa avula akosa ne byamba bya kulondelapo mu mitumba yaikela mu kabeta ka ku buyeke mu kyalo kitelwa luno amba Algeria. Pa kupitapo kimye, batungile muzhi wa Timgad na nkebelo yabujile kuyukanyikwa.\nBena Loma batungile muzhi wa Timgad pa kuba'mba mwikalenga bashilikale batambula penshonyi, pano bino batungile uno muzhi pa kuba'mba batambule bulume bwa bantu baikalangako. Jishinda jo baingijishe jaingijile. Bantu baiyanga na kupotesha bintu mu Timgad batendekele kukumbwa bwikalo bwawama bwajingamo. Pa kuba'mba bebaswishe kwikala mu Timgad mwaikalangatu bena Loma, bavula batendekele kutwela bushilikale ku bena Loma pa myaka 25 pa kuba'mba abo ne bisemi byabo bekale ke bangikazhi ba mu Loma.\nBena Africa kechi batondelwe kwikalatu na bitupa bya kina Loma ne, bino bamo baikele ne pa bifulo bya peulu mu Timgad ne mu mapunzhatu akwabo a mu Loma. Jishinda jaingijishe bena Loma ja kongola bantu jaingijile kya kuba byo papichile myaka 50 bavula baikalanga mu Timgad bajinga bena Africa ba ku kabeta ka ku buyeke.\nBENA LOMA BYO BAJIMBAIKILE BANTU\nBena Loma baubile byepi pa kuba'mba bajimbaike bantu baikalanga mu Timgad mu kimye kichechetu? Batundaikanga kubula misalululo na bantu bakwabo mambo balondejile muzhilo waambile kinemanga aye Cicero mwina Loma. Bena Loma bajinga bashilikale ne bena Africa bajinga na mapunzha aesakanatu. Mazubo ajinga mu muzhi beashimikile bulongo pa mpunzha yabayile mamita 20 kuzhokoloka kabiji kwapichile ne mikwakwa icheche. Ino mpunzha yaesakene bulongo kabiji yawama yo yakomokanga bano bantu.\nByonka byo kyaikalanga mu mizhi yavula ya bena Loma, bano bantu nabo bayanga na kusambakana ku kisankanyi pa moba kwavulanga bantu pa kuba'mba bomvwe inge kuji mbila yakatataka nangwa kuya na kukaya. Bantu baikalanga mu mitumba yajinga pepi bafwanyikizhanga saka babena kwenda mu mashinda mwajinga bimfutele saka kwazonga mute nangwa kowa mu bizhiba. Bafwanyikizhanga kwikala ku mishima saka besamba na balunda nabo. Bakebeshanga bingi bwikalo bwa uno mutundu.\nKibanza mwakukaila kyalengejile bena Loma kujimbaika bano bantu. Kino kibanza kyatwezhanga bantu kukila pa 3,500, bafumanga ku Timgad ne mu mizhi ya kipi kipi. Bankaizhi bakayanga bisela pa mutuntamo byamweshanga bya bulalelale ne bumbanzhi bwajinga mu Loma.\nBupopweshi bwa bena Loma bwatundaikanga bino bisela. Panshi ne ku bibumbulu mwakowela balengejileko bipikichala byawama byamwesheshenga bankishi ba bubela. Byo kiji kuba'mba kowa kwajinga kintu kyanema bingi, bangikazhi batendekele kutemwa bupopweshi ne balesa babena Loma. Jishinda jo baingijishe kulengela bena Africa kutemwa bisho bya bena Loma jaingijile bingi bulongo kya kuba pa mabwe a kusonga o babikanga pa bilende balengelangapo balesa babo ne babena Loma.\nMUZHI YENSE WAJINGATU MU BWILUBE\nMfumu wa bufumu bukatampe aye Trajan byo atulukile uno muzhi mu 100 C.E., bena Loma bamutundaikile kujimamo kajo ka museke, manyi a olivi ne binyu ku kabeta ka buyeke bwa Africa. Bena Loma koko bayanga na kusenda kajo. Muzhi wa Timgad naye wanonkele byonka byajinga mizhi ikwabo yalamwanga na bena Loma. Pa kupitapo kimye, bantu baikalanga mu Timgad bavujile kabiji muzhi wabayijileko kya kuba batendekele ne kushimika pangye ya nsakwa.\nBantu baikalanga mu uno muzhi ne bene bena mpunzha banonkele bingi mambo baubanga busulu na bena Loma, bino bene banjimi bamwenangamotu pacheche. Mu myaka kitota kya busatu C.E., kubaya kwa misonko kwalengejile banjimi kubula kumvwañana. Bamo bayanga mu Katolika bafuminemo ne kwinunga ku jibumba ja bebepekezhanga kwikala bena Kilishitu bafumine mu Chechi wa Katolika na mambo a mazhikakanwa batelwanga amba Donatists.—Monai kakitenguluzha ka kuba'mba \"Donatists—Kechi 'Chechi ya Kine Ne.'\"\nByo papichile myaka ya kupusenamo kwa bupopweshi, nkondo mukachi ka kyalo, kwibalukuka ku balwanyi, bena Loma bulume bwapwile bwa kulama bena Africa. Byo kyafikilenga mu myaka kitota kya bu 6 C.E., muzhi wa Timgad bamonawine ku mikoka ya bena Alabya ne kushala ke masala pa myaka kukila pa 1,000.\n\"BUNO BO BWIKALO!\"\nBamfunji ba bya kupoyapoya bazhikwile byajinga mu muzhi wa Timgad bakuminye bingi byo bataine panembwa byambo mu Kilatini. Pajinga byambo bya kuba'mba: \"Bukibinda, kowa, kukaya, kuseka buno bo bwikalo!\" Mwina France unemba pa bya mpito waambile'mba, \"bino byambo bimwesha buntemwa maana bwa kubula luketekelo, bino bamo bakonsha kwibimona nobe muji maana.\"\nBuno bo bwajinga bwikalo bwa bena Loma pa myaka yavula. Mutumwa wa bwina Kilishitu aye Paulo waambile pa bwikalo bwa uno mutundu amba \"Twayai tujenga ne kutoma mambo kesha tukafwa.\" Nangwa kya kuba bayanga ku bupopweshi, bena Loma balangulukangatu pa bintu bya pa kyonkakya kimye kechi pa bikekala bwikalo bwabo bwa kulutwe ne. Paulo wajimwineko bena Kilishitu amba bafwainwe kuchinuzhuka bantu ba uno mutundu byo aambile'mba: \"Kange mujimbaikwe ne. Kupwanañana na babi konauna byubilo byawama.\"—1 Kolinda 15:32, 33.\nNangwa kya kuba bena Timgad bajingako kala papita ne myaka 1,500, bantu byo bamona bintu kechi byapusana na byo bebimonanga ne. Lelo jino, bantu batatu muchima pa bintu bya pa kino kimye. Bamona amba bwikalo bwa bena Loma bwawamine bingi nangwa kya kuba mwafumine bintu byatama. Bino Baibolo witujimunako kuba'mba: \"Bintu pano pa ntanda bibena kwaluka.\" Kabiji itutundaika 'kubula kukizhamo kwingijisha bya pano pa ntanda.'—1 Kolinda 7:31.\nBikulukulu bya muzhi wa Timgad bimwesha kuba'mba bwikalo bwawama kabiji bwa lusekelo kechi bufuma pa byambo byo bazhikwile mu busenga byajinga pa kipabi ku kabeta ka buyeke ka Africa ne. Bino bwikalo bwawama bwaimena pa kulondela bino byambo bya mu Baibolo bya kuba'mba: \"Kabiji pano pa ntanda pabena kupita ne bya kusakasaka bijipo, pakuba awa uba kyaswa muchima wa Lesa ukekala myaka ne myaka.\"—1 Yoano 2:17.","id":"","dump":"CC-MAIN-2018-39","url":"https:\/\/www.jw.org\/kqn\/mabuku\/magazini\/wp20141201\/kala-muzhi-timgad\/","date":"2018-09-23T17:18:35Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159561.37\/warc\/CC-MAIN-20180923153915-20180923174315-00479.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":1020,"character_repetition_ratio":0.067,"word_repetition_ratio":0.0,"special_characters_ratio":0.179,"stopwords_ratio":0.22,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Inge mwatanapo mwanyike pa nzubo, mwafwainwa kwipuzha kuji bansemi banji. Kuba bino kumwesha kuba'mba twanemeka bansemi banji. (Man 6:20) Inge mwanyike wituswisha kutwela mu nzubo, twafwainwa kukana. Inge bansemi bafwapo, twafwainwa kubwelako kimye kikwabo.\nInge mwana wakomako, kampe uji na myaka kukila pa 13, napotu twafwainwa patanshi kwisamba na bansemi banji. Inge bansemi bafwapo, mwakonsha kumwipuzha inge bansemi bamuswisha kutanga mabuku o akeba mwine. Inge bamuswisha, twakonsha kumupa buku nangwa kumubula biji pa keyala wa intaneti wa jw.org.\nInge twabwela na kumona mwanyike ye twisambile nanji, saka tukyangye kwisamba nanji twafwainwa patanshi kumona bansemi banji. Twafwainwa kuba bino pa kuba'mba tulumbulule kyo twaendela ne kwibabula buneme bwa mafunde aji mu Baibolo aamba pa kisemi. (Sl 119:86, 138) Kunemeka ne kupa mushingi bansemi kushimuna bukamonyi, kabiji kwakonsha kulengela kukasapwila ba mu kisemi mambo awama kimye kikwabo.—1Pe 2:12.","id":"","dump":"CC-MAIN-2018-39","url":"https:\/\/www.jw.org\/kqn\/mabuku\/jw-Mutanchi-wa-Kupwila\/september-2016-mwb\/mutanchi-wa-kupwila-sept5-11\/inge-mwatanapo-mwanyike\/","date":"2018-09-19T07:04:36Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155942.15\/warc\/CC-MAIN-20180919063526-20180919083526-00313.warc.gz","language":"kqn","language_score":1.0000100136,"language_script":"Latn","minhash_cluster_size":2,"top_langs":"{\"kqn_Latn_score\": 1.0000100135803223}","num_words":131,"character_repetition_ratio":0.1,"word_repetition_ratio":0.0,"special_characters_ratio":0.191,"stopwords_ratio":0.137,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Bonse banemeka bupopweshi bafwainwa kumona kuba'mba bupopweshi bo bajimo bwaitabilwa kwi Lesa ne Yesu. Inge kechi bashiinwa ne, pano mambo ka o bayilamo?\nYesu wakaine mulanguluko wa kuba'mba bupopweshi bonse bukalengela bantu kupuluka mambo bujitu nobe mashinda apusana pusana atwala ku lupulukilo. Yesu waambile'mba: \"\nKibelo kyakepa ne jishinda jakatazha kwendamo, jitwala ku bumi kabiji bejitana bachechetu.\" (Mateo 7:14) Bakamonyi ba kwa Yehoba baitabila kuba'mba bejitana jino jishinda. Umvwe ne byobyo ne, inge bakeba bupopweshi bungi.","id":"","dump":"CC-MAIN-2018-43","url":"https:\/\/www.jw.org\/kqn\/Bya-Kuyuka-pa-Bakamonyi-ba-kwa-Yehoba\/faq\/bupopweshi-bwa-kine\/","date":"2018-10-19T05:27:39Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583512323.79\/warc\/CC-MAIN-20181019041222-20181019062722-00324.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":74,"character_repetition_ratio":0.086,"word_repetition_ratio":0.0,"special_characters_ratio":0.179,"stopwords_ratio":0.216,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Saka akyangye kufwa, Yesu wakambizhe baana banji ba bwanga kuvulukanga kitapisho kyo ebabuujilenga bya kuba. Wibambijile'mba: \"Saka muba kino mu kumvuluka.\"—Luka 22:19.\nUno mwaka, Kuvuluka lufu lwa kwa Yesu kukekalako pa Kitanu, pa 3 April, inge juba jazhika. Bakamonyi ba kwa Yehoba bemwita anweba ne kisemi kyenu kwiya na kutanwako ne kuteleka ku jashi jikalumbululanga lufu lwa kwa Yesu kyo lwanemena ne kintu kyo mwakonsha kuba pa kuba'mba mukamwenemo bintu byawama.","id":"","dump":"CC-MAIN-2018-43","url":"https:\/\/www.jw.org\/kqn\/mabuku\/magazini\/wp20150301\/2015-kivuluko\/","date":"2018-10-22T01:52:05Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583514443.85\/warc\/CC-MAIN-20181022005000-20181022030500-00485.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":69,"character_repetition_ratio":0.052,"word_repetition_ratio":0.0,"special_characters_ratio":0.194,"stopwords_ratio":0.174,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Kwambatu kine, Baibolo ke buku wa kala kene. Waikala myaka inga? Papita myaka 3,500 kufuma po batendekejile kunemba Baibolo ku Middle East. Kino kyajinga kimye kya bufumu bwakosa bwa ku China ne kimye kyatendekele bupopweshi bwa Babuda mu India.—Monai kakitenguluzha kaamba'mba \"Bishinka Byaamba pa Baibolo.\"\nBaibolo ukumbula mepuzho anema epuzha bantu\nPa kuba'mba buku akwashe bantu ne kwibabuula bya kuba, bafwainwa kumunemba mu jishinda japeela kumvwa. Auno buku ke Baibolo. Ukumbula mepuzho anema epuzha bantu.\nNanchi mwakiipuzhapo kala kuba'mba, 'Mambo ka o twaikelako nyi?' Abuno bwipuzho bwakatazha bantu pa myaka yavula, kabiji bukibakatazha. Pano bino, twakonsha kutaana mukumbu mu bitango bibiji bitanshi bya mu Baibolo, mu buku wa Ntendekelo. Jishimikila ja mu Baibolo jaamba pa \"ntendekelo,\" ko kuba'mba myaka yavula kimye jiulu, myala yanshansha, tubangabanga ne ntanda kyo byaikeleko. (Ntendekelo 1:1) Jalumbulula bintu byamwekelenga, bantu byo batendekele kwikala mu ntanda, bilengwa byapusana pusana byo byaishileko, bantu byo balengelwe ne ene mambo bintu byonse kyo ebilengejile.\nBAMUNEMBELA MU JISHINDA JAPEELA KUMVWA\nMu Baibolo muji mafunde etukwasha kuyuka bya kupwisha makatazho o tupitamo kimye kyonse. Ano mafunde kechi akatazha kwiayuka ne. Kuji bintu bibiji bilengela.\nKintu kitanshi, byambo biji mu Baibolo byapeela kumvwa kabiji byawama bingi. Mu Baibolo kechi muji byambo byavula byakobankana ne, byambo bijimo byapeela kumvwa kabiji bitufika pa muchima. Kabiji byambo byakatazha bebilumbulula kwingijisha byambo byapeela byamba bantu kimye kyonse.\nYesu waingijishenga bishimpi byavula byapeela byayuka bantu pa kuba'mba ebafunjishe bintu byanema bya kwibafika pa muchima. Bishimpi byavula byo aingijishe bitanwa mu Jashi ja pa Mutumba jiji mu bitango 5 kufika ku 7 mu buku wa Mateo. Muntu umo waambile'mba, ajino \"jashi kechi ja kwitukwashatu kuyuka bintu byavula ne, bino jitukwasha kuyuka byo twafwainwa kubanga.\" Mwakonsha kutanga bino bitango mu maminiti 15 kufika ku 20, kabiji mukakumya kuyuka'mba byambo byaambile Yesu byapeela kabiji bikwasha bingi.\nKintu kikwabo kilengela Baibolo kupeela kumumvwa ke na mambo a bintu bijimo. Kechi buku wa bishimi ne. Byonkatu byaamba buku wa The World Encyclopedia, \"uno buku waamba pa bantu bayile nkuwa ne bantutu, bintu byo bapichilemo, byo bapembejilenga, bintu byo batamishanga ne bintu byawama byo baubanga.\" Kyapeela atweba kufwanyikizha ne kumvwisha ano mashimikila aamba pa bantu bajingako ne bintu byamwekele ne bintu byanema byo twafwainwa kufunjilako.—Loma 15:4.\nBONSE BAJI NANJI\nPa kuba'mba mumvwishe biji mu buku, wafwainwa kwikala mu mulaka ye mwayuka. Lelo jino, nangwa kya kuba mwikala kungi nangwa mwamba mulaka ungi, mwakonsha kumvwa byaamba Baibolo mambo bamunemba mu mulaka ye mwayuka. Monai bintu byavwangwamo pa kuba kino.\nKutuntulula. Baibolo bamunembele patanshi mu Kihebelu, Kialamaiki ne Kingiliki. Bantu bachechetu bo bamutanganga. Pa kuba'mba ekaleko ne mu milaka ikwabo, bantuntuluzhi baingijile na ngovu. Tubena kwibasanchila bingi pa kwibikako kwabo, mambo Baibolo bamutuntulula yense nangwa lubaji lumo mu milaka 2,700. Kino kibena kulumbulula'mba bantu bavula babena kutanga Baibolo mu mulaka wabo.\nKunemba. Byambo bitanshi bya mu Baibolo bebinembele pa bintu byonaika nabiji biseba ne mambanga. Pa kuba'mba balame bino byambo, bebinembanga ne kwibinembulwila pa bintu bikwabo na maboko. Abino byo banembangapo byajinga bingi na mutengo, kabiji bantutu bacheche bo baikalanga nabyo. Na mambo a kulenga munkinyi wa kupulintilako wa Gutenberg myaka 550 yapichilepo, bantu bavula baikele na Baibolo. Kwesakana na sawakya umo, ma Baibolo kukila pa 5 bilyonyi beapana ku bantu bavula, mutuntulu nangwa lubaji lumo.\nKafwako buku wa bupopweshi wakonsha kwesakana nabiji Baibolo ne. Onkao mambo, Baibolo ke buku bantu ye bakonsha kumvwisha. Nangwa byonkabyo, kechi kyapeela kumumvwa ne. Bino bukwasho ko buji. Pano bañanyi bakonsha kwimukwasha? Wakonsha kwimukwasha byepi? Monai mutwe walondelapo.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/wp20151201\/kumvwisha-byaamba-baibolo-2\/","date":"2018-04-23T13:33:18Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946011.29\/warc\/CC-MAIN-20180423125457-20180423145457-00475.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":559,"character_repetition_ratio":0.05,"word_repetition_ratio":0.0,"special_characters_ratio":0.176,"stopwords_ratio":0.231,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BYO BABIKAPO KATATAKA Nanchi Baibolo Waamba'mba Ka?—Bitango 1 kufika ku 4 Pano Pobiji Nanchi Baibolo Waamba'mba Ka?—Bitango 1 kufika ku 4 Pano Pobiji Bitango 1 kufika ku 4 bya mu buku wa Nanchi Baibolo Waamba'mba Ka? Pano poaji pa jw.org. Pulintai Tumai Musabilo Tumai Musabilo BYO BABIKAPO KATATAKA Nanchi Baibolo Waamba'mba Ka?—Bitango 1 kufika ku 4 Pano Pobiji Kikaonde Nanchi Baibolo Waamba'mba Ka?—Bitango 1 kufika ku 4 Pano Pobiji","id":"","dump":"CC-MAIN-2018-17","url":"https:\/\/www.jw.org\/kqn\/byo-babikapo-katataka\/bhs-bitango-1-4-pano-pobiji\/","date":"2018-04-21T22:06:21Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945448.38\/warc\/CC-MAIN-20180421203546-20180421223546-00423.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":59,"character_repetition_ratio":0.164,"word_repetition_ratio":0.08,"special_characters_ratio":0.216,"stopwords_ratio":0.169,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LANGULUKAI pa juba jimuletejile bingi lusekelo mu bwikalo bwenu. Abya jajinga juba ja masongola enu nyi, inyi jasemekelwe mwanenu mubeji? Nangwa apo kampe jajinga juba jo mwabatizhiwe. Jino jafwainwa jo jajinga juba ja lusekelo bingi mu bwikalo bwenu. Kabiji pa joja juba, balongo ne banyenga basangalele bingi pa kumona byo mwamwesheshe'mba mwatemwa Lesa na muchima wenu yense ne na mweo wenu yense ne na maana enu onse ne na bulume bwenu bonse.—Mako 12:30.\nKwa kubula ne kuzhinaukatu ne, mwimwena lusekelo lukatampe luji mu kwingijila Yehoba kufumatu kimye kyo mwabatizhiwe. Pano bino, basapwishi bavula kechi batwajijila kwikala na lusekelo lo bajinga nalo kala ne. Ki ka kyalengela? Ñanyi bishinka byafwainwa kwitulengela kutwajijila kwingijila Yehoba na lusekelo?\nKYALENGELA BAMO LUSEKELO KUPWA\nMambo a Bufumu etuletela bingi lusekelo. Mambo ka? Mambo Yehoba walaya'mba katatakatu Bufumu bukafumyepo ino ntanda yatama ne kupingizhapo ntanda ipya ya Lesa. Zefwaniya 1:14 waamba'mba: \"Juba jikatampe ja Yehoba jijitu pepi! Jijitu pepi kabiji jibena kupelawizha bingi kwiya!\" Pano bino inge ketulanguluke'mba twapembelela kimye kyabaya kukila byo twaketekejilenga, kyakonsha kwitupwishisha lusekelo. Kino kyakonsha kwitulengela kukooka ne kubwela panyuma mu mwingilo wa Lesa.\nInge ketupwanañane pamo na balongo ne banyenga, tutundaikwa kutwajijila kwingijila Yehoba na lusekelo. Apo kampe byubilo byawama bya bantu ba Yehoba byo bitulengejile kwiya mu bupopweshi bwa kine ne kwitukwasha kutendeka kwingijila Lesa na lusekelo. (1 Petelo 2:12) Bino, ki ka kyakonsha kumweka inge mulongo umo nangwa nyenga bamufundako na mambo a kuba kechi wakookejile mikambizho ya Lesa ne? Kino kyakonsha kulefula bamo mu kipwilo ne kulengela lusekelo lwabo kupwa.\nKutemwa mali nako kwakonsha kwitupwishisha lusekelo. Mu ñanyi jishinda? Ntanda ya kwa Satana ikeba kwitujimbaika amba tupotenga bintu byabula ne kunema ne. Onkao mambo, twayai tuvulukenga byaambile Yesu amba: \"Kafwako muntu wakonsha kwingijila bankambo babiji ne; mambo ukatemwapo umo ne kushikwa mukwabo, nangwa kukookela umo ne kukana mukwabo. Kechi mwakonsha kwingijila Lesa ne Nsabo pa kimye kimo ne.\" (Mateo 6:24) Kechi twakonsha kwingijila Yehoba na lusekelo aku na kukeba kwikala na bintu byavula bya mu ino ntanda ne.\nKWIKALA NA LUSEKELO MU MWINGILO WA YEHOBA\nKwingijila Yehoba kechi mutembo ku boba bamutemwa ne. (1 Yoano 5:3) Vulukai'mba Yesu waambile'mba: \"Iyai ko nji, anweba bonse bakooka ne kunemenwa, ne amiwa nkemukokolosha. Sendai kikonkoji kyami ne kufunda kwi amiwa, mambo nekimote kabiji nakooka muchima, ne anweba mukakokoloka. Mambo kikonkoji kyami kyapeela, ne kipe kyami kyapeela.\" (Mateo 11:\nTwingijila Lesa wa lusekelo, yenka Upana Bumi. (Byubilo 17:28; 1 Timoti 1:11) Twayuka'mba Mulenga wetu ye witupele bumi. Onkao mambo, twayai tutwajijile kumwingijila na lusekelo, nangwatu papite myaka yavula kufuma po twabatizhiwe.\nAkilangulukai pe ba Héctor, baingijila Yehoba mu mwingilo wa mwanzo pa myaka 40. \"Nangwatu mu bukote,\" batwajijila kwingijila Yehoba na lusekelo. (Salamo 92:\nYehoba witupa kitapisho kya bukuzhi, kilengela'mba twikale na lusekelo mu bwikalo. Kine, \"Lesa watemenwe bingi ba pano pa ntanda kya kuba wapaine Mwananji yenkawa umotu, kuba'mba bonse bamwitabila kechi bakonaike ne, poso bakekale na bumi bwa myaka ne myaka.\" (Yoano 3:16) Ee, mambo etu akonsha kulekelwa kabiji twakonsha kwikala na bumi bwa myaka inge twamwesha lwitabilo mu bupe bwa bukuzhi bwitupa Lesa na mambo a kwitutemwa. Kino ke kishinka kyawama kitulengela kusanta. Kabiji kusanta pa bukuzhi kuketulengela kwingijila Yehoba na lusekelo.\nMulongo wa jizhina ja Jesús, waikalanga ku Mexico, waambile'mba: \"Naikele muzha ku nkito. Kimye kimo naingilanga moba asatu mute ne bufuku kwa kubula kukokoloka, nangwa kya kuba kafwako bankanjikizhenga kwingila byobyo ne. Naingilangatu byobyo pa kuba'mba ngikale na mali avula. Kepo nafunjile pe Yehoba ne byo apaine Mwananji ye atemwa kuba'mba afwile bantu. Nakebeshe bingi kumwingijila. Onkao mambo, nepaine kwi Yehoba, kabiji saka naingijila kampanyi pa myaka 28, nafuukwilepo kuleka nkito ne kutendeka mwingilo wa kimye kyonse.\" Abino byo byatendekele ba Jesús kwingijila Yehoba na lusekelo.\nKwikala na byubilo byawama kwituletela lusekelo. Nanchi muvuluka byajinga bwikalo bwenu saka mukyangye kuyuka Yehoba nyi? Mutumwa Paulo wavulwilemo bena Kilishitu mu Loma amba bajinga \"bazha ba bundengamambo\" pano bino baikele \"bazha ba bololoke.\" Na mambo a kuba baikele bwikalo bwawama, batengejilenga bumi bwa myaka ne myaka. (Loma 6:\nAkilangulukai pe ba Jaime. Bakananga'mba Lesa ufwako, kabiji balwanga bulwi bwa binkonyi. Ba Jaime batendekele kutaanwa ku kupwila kwa bwina Kilishitu kabiji batemenwe bingi pa kumona bantu byo betemwa. Ba Jaime balombele Yehoba amba ebakwashe kwitabila mwi aye, pa kuba'mba baleke bwikalo bwabo buncha. Ba Jaime baambile'mba: \"Bichebiche, nafunjile'mba ko aji Shetu witutemwa kabiji Lesa wa lusa. Kulama mizhilo ya Yehoba yaoloka kwanzhikijila bingi. Inge kya kuba kechi nalekele byubilo byami ne, kampe inge bangipayile byonka byo baipayile bakwetu bamo mo twalwilanga binkonyi. Myaka yo naingijila Yehoba yo myaka yandetela bingi lusekelo mu bwikalo bwami.\"\nKULEKA KUBA BYAWAMA NE\nTwafwainwa kubanga byepi po tukipembelela mpelo ya ino ntanda ibi? Vulukai'mba tubena kuba kyaswa muchima wa Lesa ne kutengela bumi bwa myaka ne myaka. \"Onkao mambo, kange tuleke kuba kyawama ne, mambo mu kimye kyafwainwa tukanowa umvwe twabula kukooka.\" (Ngalatiya 6:\nTwayuka kwa kubula kuzhinauka amba Yehoba uketufweta pa kuchinchika kwetu mambo wayuka mingilo yetu ne butemwe bo tumwesha kwi aye ne jizhina janji. Inge twatwajijila kumwingijila na lusekelo, tukekala nobe nyimbi wa masalamo, aye Davida waambile'mba: \"Kimye kyonse ndanguluka pe Yehoba. Na mambo a kuba uji ku kuboko kwami kwa kilujo, kechi nkatenkena ne. Onkao mambo, muchima wami wasangalala, mubiji wami yense wasekela. Kabiji naikala ku matwi nzoo.\"—Salamo 16:8, 9.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/kyamba-kya-usopa-kya-kufundamo-february-2016\/twajijilai-kwingijila-lesa-na-lusekelo\/","date":"2018-04-23T08:28:23Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945855.61\/warc\/CC-MAIN-20180423070455-20180423090455-00458.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":849,"character_repetition_ratio":0.071,"word_repetition_ratio":0.0,"special_characters_ratio":0.184,"stopwords_ratio":0.249,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mwakasuluka kwiya na kufwakasha pa maofweshi etu ne pa bishimikwa po tupulinchila mabuku. Monai kwaikela maofweshi etu ne kimye kya kufwakasha.\nHungary\nBUDAPEST\nKövirózsa u. 1.\nH-1163\nHUNGARY\n+361 401-1100\nKimye kya Kufwakasha\nKufuma pa Kimo kufika pa Kitanu\n8:00 a.m. kufika pa 11:00 a.m. ne 1:00 p.m. kufika pa 4:00 p.m.\nKimye, ola umo ne maminiti 15\nByubiwa pa musampi\nUtala pa mwingilo wa mu bipwilo kukila pa 280 bya mu Hungary ne kutundaika bipwilo bingijisha mulaka wa Hungarian mu Slovakia ne Ukraine. Batuntulula mabuku alumbulula Baibolo mu ki Hungaria ne Lovári. Balenga bifwanyikizho bya mawitu mu ki Hungaria ne mavidyo a mu Mulaka wa Kwamba na Maboko a mu Hungaria.","id":"","dump":"CC-MAIN-2018-17","url":"https:\/\/www.jw.org\/kqn\/Bya-Kuyuka-pa-Bakamonyi-ba-kwa-Yehoba\/maofweshi\/hungary\/","date":"2018-04-19T22:58:39Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937074.8\/warc\/CC-MAIN-20180419223925-20180420003925-00536.warc.gz","language":"kqn","language_score":0.9996426105,"language_script":"Latn","minhash_cluster_size":1,"top_langs":"{\"kqn_Latn_score\": 0.9996426105499268}","num_words":103,"character_repetition_ratio":0.078,"word_repetition_ratio":0.0,"special_characters_ratio":0.246,"stopwords_ratio":0.32,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mu kimye kyo bakainye mwingilo, bipwilo byavula byatwajijile na kupwila mu mazubo. Na mambo a kuchina kwibalabijila ku bantu, bipwilo byavula kechi byaimbanga nyimbo ya Bufumu ne. Pa mapunzha amo po bapwilanga patanwanga bakapokola, pano bino kechi bakatazhanga balongo ne.\nJavula balongo banengezhanga kijiilo kya kisemi nangwa kijiilo kya masongola kuba'mba bantu bavula beye ku kubuñana. Tagor Hutasoit walumbulwile'mba: \"Ba mulume ne mukazhi banembeshanga masongola abo ne kutambula kipepala ku bakapokola kya kwibaswisha kwikala na kijiilo kikatampe kya masongola. Kimye kya kijiilo, ba mulume ne mukazhi baikalanga pa mutuntamo aku balongo saka babena kwamba majashi a Baibolo.\"\nPa kubuñana kumo, kapokola waichile Tagor ku mbaji.\nKapokola wamwipwizhe'mba: \"Masongola avula ekalatu na maola abiji nangwa asatu. Pano mambo ka masongola enu kyo abanjila kufuma lukelo kufika mabanga?\"\nTagor wakumbwile'mba: \"Ba mulume ne mukazhi bamo bekala na makatazho avula, kabiji bakebewa kwibabuula mafunde avula a mu Mambo a Lesa.\"\nKapokola waambile'mba: \"Waamba kine.\"\nKwingijisha bijiilo bya masongola byapusana pusana, balongo baambile majashi pa Kushonkena kwa Kijiiji kwajingako mu 1983, kwajinga na mutwe wa kuba'mba, \"Kingdom Unity,\" kwaikejile mu kibanza kikatampe kya mu Jakarta. Balongo ne bantu bakwabo 4,000 bo batainwe ku kuno kushonkena, kabiji bantu 125 babatizhiwe mu bufyamfya kushonkena saka kukyangye kutendeka. Kwibakanya byo kwakepeleko, balongo baikelenga na kushonkena kukatampe kuvwangakotu ne kokwa kwatainwe bantu kukila pa 15,000.\nBashimikile Ofweshi wa Musampi Saka Bebalekesha Mwingilo\nPakachi ka 1980 ne 1990, ofweshi wa musampi watwajijile na kwambila kafulumende amba aswishe Bakamonyi ba kwa Yehoba kwingilanga mwingilo wabo. Balongo ba mu byalo bingi banembele makalata ku kafulumende wa Indonesia ne ku bantomesha babo kuba'mba bayuke ene mambo Bakamonyi ba kwa Yehoba kyo babena kwibakainya mu Indonesia. Ba biloolo bavula baswile uno mulanguluko, pakuba Mukulumpe Mwine Watalanga pa Kipamo kya Bena Kilishitu wakaine uno mulanguluko.\nMu 1990, balongo bafuukwilepo kushimika ofweshi wa musampi wa katataka ku mpunzha kwafyamika. Mu yenkawa mwaka, Jibumba Jitangijila jaswishishe kupota mpunzha kwipi na Bogor, muzhi mucheche palepele makilomita 40 ku kabeta ka ku bulenge bwa Jakarta. Nangwa byonkabyo, balongo bachechetu bo bayukile kushimika. Pano bakashimika byepi kino kishimikwa kya katataka?\nMukumbu wafumine ku balongo ne banyenga mwaya ntanda. Ofweshi wa mu Brooklyn Utala pa Buntungi ne Ofweshi uji mu Australia Utala pa bya Kulengalenga watumine mapepala amwesheshenga bikekala uno ofweshi. Balongo ne banyenga 100 bepaine kukwasha kushimika pa myaka ibiji.\nHosea Mansur, mulongo mwina Indonesia wisambilenga na biloolo byapusana pusana, waambile'mba: \"Bakulumpe ba Bamozilemu byo bamwene bisopelo bya kuba'mba H.M, pa kampompo ko navwajile, balangulukilenga'mba kisopelo kya H kyaimenejilengako 'Hājjī,' jizhina ja ntangi ye banemekele ku bantu baiyanga na kupana bya bupe mu muzhi wa Mecca. Onkao mambo, bannemekele bingi. Kubula kumvwisha mwatajile bisopelo, kwalengejile mwingilo kwenda bulongo.\"\nOfweshi wa musampi wa katataka bamupaine pa 19 July 1996. John Barr wa mu Jibumba Jitangijila ye waambile jashi. Bantu 285 kuvwangakotu ne bantu 118 baimenejilengako misampi ne bamishonale bafumine mu byalo byavula ne balongo ne banyenga 59 bengijila pa Betele wa mu Indonesia nabo batainweko. Byo papichiletu moba abiji kufuma po bapaine uno musampi, bantu 8,793 batainwe ku Kushonkena kwa Kijiiji mu Jakarta, kwajinga na mutwe wa kuba'mba \"Messengers of Godly Peace.\"\nYehoba Upokolola Bantu Banji\nMu 1998, Soeharto (Suharto) ndamakyalo walamine pa myaka yavula mu Indonesia, wafumine pa bundamakyalo, kabiji kino kyalengejile amba kwikale kafulumende wa katataka. Onkao mambo, balongo bebikileko kuba'mba bebaswishe kutendeka kwingila mwingilo wabo.\nBa Djohan Effendi banembeshi ba mu kafulumende wa mu Indonesia byo bayile ku New York mu 2001 na kufwakasha, bakafikile ne ku Betele wa ku Brooklyn ko bakamonañene na balongo basatu ba mu Jibumba Jitangijila. Batemenwe bingi bintu byo bamwene kokwa, kabiji bamwene'mba Bakamonyi ba kwa Yehoba monse mwaya ntanda baji na byubilo byawama. Ba Effendi baswile mulanguluko wa kuleka kukanya mwingilo, bino baambile'mba Marzuki Darusman kiloolo mukatampe mu Indonesia ye wakonshatu kuswisha.\nKiloolo mukatampe naye waswishishe uno mulanguluko, pakuba biloolo byakanamine mo baingijilanga byamwambijile'mba inge aswishe, basakumufumyapo pa kifulo kyanji. Pa 1 June 2001, mulongo Tagor Hutasoit bamutwajile ku ofweshi wa kiloolo mukatampe. Tagor waambile'mba, \"Pa myaka 25 yapichilepo, mu yenka uno ofweshi mo mo bampele pepala wa kukanya Bakamonyi ba kwa Yehoba. Bino pa juba japeleleko uno kiloolo kwikala mu ofweshi, wampele pepala wa kuswisha Bakamonyi.\"\nPa 22 March 2002, Kipamo Kitala pa bya Bupopweshi kyaswishishe Bakamonyi ba kwa Yehoba mu Indonesia kunembesha ku kafulumende. Kiloolo mu kino kipamo wabuujile baimenejilengako musampi amba: \"Akino kipepala kechi kimuswisha kukasuluka mu mpopwelo yenu ne. Lesa ye mwine wimuswisha. Uno pepala ubena kumweshatu'mba bupopweshi bwenu bebuyuka ku kafulumende. Ne anweba mwakasuluka byonkatu biji bupopweshi bonse, kabiji kafulumende ukemwambilangako.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/2016-Buku-wa-Mwaka-wa-Bakamonyi-ba-kwa-Yehoba\/indonesia\/bebaswishishe-kwingila-mingilo-ya-lesa\/","date":"2018-04-23T01:49:48Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945669.54\/warc\/CC-MAIN-20180423011954-20180423031954-00630.warc.gz","language":"kqn","language_score":1.0000092983,"language_script":"Latn","minhash_cluster_size":1,"top_langs":"{\"kqn_Latn_score\": 1.000009298324585}","num_words":723,"character_repetition_ratio":0.058,"word_repetition_ratio":0.0,"special_characters_ratio":0.18,"stopwords_ratio":0.261,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"\"Kyamwekele kyambazhimwine bingi kabiji kyandengejile ne kukeba kupona. Bwishi bwafumijilenga mu tumawindo tucheche kabiji ofweshi yajinga peulu yatendekele kupya.\"—Joshua.\nMu mapepala a byambo javula mwikala masawakya a bitentanshi, binkunkwila, kulukukwa ku bambanzhi ne kuloza baana ba basukulu. Kyapeela bingi kutanga bya malwa bibena kumwekela bakwetu, bino kikatazha bingi inge yetu bibena kumwekela. Mwakonsha kuba byepi pa kuba'mba mwizhikijile ku bya malwa saka bikyangye kumweka, inge bibena kumweka ne panyuma ya kumweka?\nBYA MALWA SAKA BIKYANGYE KUMWEKA—INENGEZHEZHAI JIMO!\nBYA MALWA byakonsha kumwekela muntu uji yense. Kwinengezhezha jimo kyo kintu kyanema kyakonsha kuzhikijila bumi bwetu. Pano ñanyi bintu byavwangwa mu kwinengezhezha jimo?\nNengezhezhai jimo milanguluko. Yukai'mba bya malwa byakonsha kumweka kimye kiji kyonse kabiji anweba ne balunda nenu mwakonsha kwikala mu kizumba. Onkao mambo, inengezhezhainga jimo bya malwa saka bikyangye kumweka.\nYukai bya malwa byakonsha kumweka mu nyaunda mo mwikala. Yukai ko mwakonsha kunyemena. Monai kuba'mba bintu byo baingijisha pa kushimika nzubo yenu ne ko beishimikila kwawama. Fumyaimo bintu byonse byakonsha kulengela nzubo yenu kupya na mujilo. Mwafwainwa kubikangamo mabwe a katataka mu tuma alamu twa mujilo inge papita mwaka umo.\nNengezhezhai jimo byakonsha kwimukwasha. Malaichi, mema, foni ne ñendelo byakonsha kukatazha. Inge muji na motoka, mwafwainwa kumona'mba mu tanki muji manyi, muji na kajo, mema ne kyola mo mwabika bya kwingijisha inge kwamweka bya malwa.—Monai kakitenguluzha ka kuba'mba, \"Nanchi Muji na Byakwingijisha Nyi?\"\nYukai manambala a mafoni a balunda nenu baji pepi ne baji kwalepa.\nYukai ko mwakonsha kunyemena inge kwamweka bya malwa. Yukai ko mwakonsha kulupukila mu kishimikwa kyo mujimo ne kwakonsha kunyemena baana benu inge baji ku sukulu. Nengezhezhai jimo ko mwakonsha kusambakena na kisemi kyenu nabiji pa sukulu, pa kishimikwa kya mabuku (library) kiji kwipi, ne kikwabo kyaikela kwalepa. Bakulumpe ba mu kafulumende javula batundaika bisemi kuyanga ku ano mapunzha ko bakonsha kusambakena inge kwamweka bya malwa.\nInengezhai bulongo pa kuba'mba mukakwashe bakulumpe ne bakolwa.\nBYA MALWA INGE BIBENA KUMWEKA—KECHI MWAFWAINWA KUKANKAZHAMA NE\nBa Joshua bo twaji kwambapo ku ntendekelo baambile'mba: \"Mujilo byo aambukile, bantu bakankazhaminenga kunyema. Bamo batendekele kuzhimya makompyuta abo ne kulonga mema mu mabotolo. Mwanamulume umo waambile'mba: 'Kunyema ne.'\" Nangwa kya kuba bamo bakankazhaminenga kunyema, Ba Joshua babijikile'mba: \"Fumaimo bonse!\" Bakwabo mo baingijilanga batendekele kwibalondela kukunkulukila panshi. Ba Joshua banungilepo amba: \"Umvwe mukwenu wapona, mwafwainwa kumwimanya.\" Kabiji batwajijile kutundaika bantu amba \"tusakupuluka!\"\nInge kishimikwa kyatendeka kupya. Mwafwainwa kulupukamo bukiji bukiji. Bwishi bwakonsha kulengela kukankalwa kumona bulongo kabiji bantu bavula bafwa na mambo a kukaula bwishi. Kechi mwafwainwa kusenda bipe ne. Kunyema bukiji kwakonsha kupulusha bumi bwenu.\nInge kwamweka kitentanshi. Monai ko mwakonsha kunyemena pa kuba'mba mwizhikijile. Inge kitentanshi kyapita, mwafwainwa kulupuka bukiji mu kishimikwa ne kwimana kwalepa. Bantu bakwasha baponenwa na bya malwa bakonsha kukelwa kufika. Onkao mambo, kwashai bakwenu inge kyakonsheka.\nInge kwamweka kinkunkwila kya mema. Inge kinkunkwila kya mema kyafika ku kitulu, mwafwainwa kunyemena kumutunta bukiji bukiji, mambo kwafwainwa kumweka manyaki akwabo.\nInge kwamweka kanzhimbiji kakatampe nangwa mvula wa mukwe. Mwafwainwa kupelawizha kunyemena mu kishimikwa kyakosa.\nInge kwamweka muyulo. Lupukai mu bishimikwa byayujilwamo. Kechi mwafwainwa kukubula mu mema nangwa kupitamo na motoka ne. Mu mema mwikala ndochi kabiji mwikala ne bintu byakonsha kubika bumi bwenu mu kizumba nabiji ntambo ya malaichi, bintu byo basenda na mukwe ne bimbo.\nNanchi Mwayuka Nyi? Motoka inge ubena kupita mu mema pazhika mamita 0.6 bakonsha kwiikumpula. Bantu bavula bafwa mu muyulo mambo bapita mu mema na myotoka.\nInge bakulumpe ba mu kafulumende bemukambizha'mba fumai ku mpunzha ko mwikala, mwafwainwa kufumako bukiji! Yukishai balunda nenu ko muji mambo bakonsha kutendeka kwimukeba ne kubika bumi bwabo mu kizumba.\nNanchi mwayuka nyi? Kwitumina tubyambo pa foni kwakonsha kwimukwasha bingi kukila kutuma foni.\nInge bakulumpe ba mu kafulumende bemukambizha kubula kufuma mu nzubo, mwafwainwa kwikala mukachi. Inge mwela bamutamisha na bulembe pangye nangwa inge paji balwanyi, ikalai mukachi, shinkai bibelo, mawindo ne monse mutwelela mwela. Kabiji mwafwainwa kunyemena kwawama mu kishimikwa kyenu pa kuba'mba mwizhikijile ku kyuya. Telekainga ku TV nangwa ku masawakya pa kijimba. Kechi mwafwainwa kulupuka mo mwafyama ne, kanatu bakulumpe ba mu kafulumende bemwambila kulupukamo.\nPANYUMA YA BYA MALWA—MONAI KUBA'MBA MWIZHIKIJILA!\nIzhikijilai ku bikola ne ku bizumba.\nIkalainga na bakwenu, kechi kwikalatu bunke ne.\nMonai kuba'mba ko mubena kwikala kuji butooto.\nVwalai bya kwizhikijila inge mubena kwingila. Mwafwainwa kuvwala bya ku maboko, nsapato yakosa, kisote kyakosa ne kya lukungu ku myona. Mwafwainwa kujimuka na ntambo ya malaichi ne makala a mujilo.\nIngilainga mingilo yenu ya pa juba pa juba. Baana benu bafwainwa kumona'mba kechi muji na bijikila ne. Ingijilainga pamo nabo mingilo ya ku sukulu, kukaya ne kupopwela pamo na kisemi. Kechi kutwajijilatu na kuteleka ku masawakya abena kwamba pa bya malwa byamwekele ne. Kabiji kechi mwafwainwa kuzhingijila kisemi kyenu pa byamwekele ne. Tambwilainga bukwasho ku bakwenu ne kukwasha bakwenu.\nMwafwainwa kuswa kuba'mba bya malwa byo byaonauna bipe. Kafulumende ne bipamo bikwasha bantu baponenwa na bya malwa bakwashatu bantu, kechi bebapa bintu byonse byaonaika ne. Pa kuba'mba twikale na butuntulu bwa mubiji bwawama, twafwainwa kwikala na mema awama, kajo, bya kuvwala ne mwakwikala.\nYukai'mba mukekala na bijikila kabiji mwafwainwa kukeba bukwasho. Javula bantu bekala na bijikila inge bya malwa byapita. Bakonsha kupita mu makatazho avula nabiji kupopomenwa ne kwikala na kilabila. Kyakonsha kwimukwasha ke kwisambanga na balunda nenu bemuta muchima.\nNangwa kya kuba ba Joshua kechi bafwile na mujilo ne, bino balunda nabo bavula bafwile. Ba Joshua batambwijile bukwasho kufuma ku bakulumpe mu kipwilo ne ku bantu bakwasha boba baponenwa na bya malwa. Baambile'mba, \"bantekeneshe bingi kabiji bambujile'mba makatazho o mbena kupitamo kechi akatwajijila ne. Byo papichile bañondo batanu na umo, makatazho o napichilengamo apwile nangwa kya kuba papichile moba avula.\"\nBya malwa bimwekelatu bantu bonse. Bino bantu bamo bapamo Lesa mambo kuba'mba ye ulengela bino bya malwa. Bantu bavula bezhachisha byonka byuba ba Joshua baambile'mba: \"Nanchi inge naubilepo bimo byafwainwe kupulusha bantu bavula. Byo naitabilamo bintekenesha bingi. Naitabila kuba'mba katatakatu Lesa akafumyepo nshiji yonse iji pano pa ntanda. Pa kino kimye, nebikako kuba bintu byakonsha kundetela lusekelo.\"—Lumwekesho 21:4, 5. *","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/labainga-na5-2017-october\/bya-malwa-byo-mwakonsha-kwizhikijila\/","date":"2018-04-23T06:57:34Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945793.18\/warc\/CC-MAIN-20180423050940-20180423070940-00368.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":969,"character_repetition_ratio":0.072,"word_repetition_ratio":0.0,"special_characters_ratio":0.168,"stopwords_ratio":0.206,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"42 Ponkapo wandupwile pangye ne kuntwala ku kabeta ka ku buyeke ku kipango kya pangye.+ Kabiji wandetele ku nzubo yajinga na bibamba bya kujiilamo yajinga pepi na mpunzha mwabujile bintu,+ ku kabeta ka ku buyeke bwa kishimikwa kikwabo.+ 2 Bula bwayo na ku kibelo kyaikejile ku kabeta ka ku buyeke bwajinga makyubichi* 100, ne makyubichi 50 mu bwipi. 3 Bibamba bya kujiilamo byaikejile pakachi ka kipango kya mukachi, ne mukwakwa ye baajilemo mabwe wa ku kipango kya pangye, pajinga makyubichi 20.+ Kabiji bukonde bwabyo bwatalañene na mazubo asatu atentakene kuya peulu. 4 Pakachi ka mazubo ajinga na bibamba* bya kujiilamo, pajinga kajishinda+ kajinga na makyubichi 10 mu bwipi, ne makyubichi 100 mu bula,* kabiji bibelo byabyo byatajile ku kabeta ka ku buyeke. 5 Bibamba bya kujiilamo byajinga peulu ya nzubo byakepeleko kukila byobya byajinga pakachi ne panshi, mambo bukonde bwabyo bwajiile mpunzha yabaya. 6 Na mambo a kuba mazubo asatu atentakene kuya peulu, kechi ajinga na mashiki nabiji oa ajingapo ku bipango ne. O ene mambo bibamba bya peulu o byakepejile kukila byobya byajinga pakachi ne panshi. 7 Lubumbulu wa mabwe wajinga pepi na bibamba bya kujiilamo kwipi na kipango kya pangye kabiji watajile ku bibamba bikwabo bya kujiilamo, wajinga makyubichi 50. 8 Bula bwa bibamba bya kujiilamo byatajile ku kipango kya pangye bwajinga makyubichi 50, pakuba makyubichi 100 bo bwajinga bula bwa byobya byatajile ku nzubo ya Lesa. 9 Bibamba bya kujiilamo byajinga na kibelo ku musela kya kutwelelamo mukachi kufuma mu kipango kya pangye. 10 Kabiji mwajinga ne bibamba bya kujiilamo mukachi* konka ku lubumbulu wa mabwe wajinga ku kipango ku musela kwipi na lubanza ne kishimikwa.+ 11 Kabiji kwajinga kajishinda pakachi ka bibamba bya kujiilamo,+ byonkatu byajinga koka kajinga pakachi ka byobya bya ku kabeta ka ku buyeke. Abino bibamba byonse byaesakene pamo na bikwabo mu bula ne mu bwipi, kabiji byajinga na kwa kulupukila, ne nshimikilo yabyo yajingatu pamo. Bibelo byabyo 12 byajingatu pamo na byobya bibelo byajinga ku bibamba bya kujiilamo byatajile ku kabeta ka ku bulenge. Kabiji kwatendekejile kajishinda, kwajinga kibelo saka mukyangye kufika ku lubumbulu wa mabwe watajile ku musela ko batwelelanga.+ 13 Kepo añambijile'mba: \"Bibamba bya kujiilamo byajinga ku kabeta ka ku buyeke ne byobya byajinga ku kabeta ka ku bulenge kwipi na lubanza,+ byo bibamba byazhila, bañanga baiyanga kwi Yehoba mo bajiilanga milambo yazhijisha.+ Mu bino bibamba mo mo batulanga milambo yazhijisha, milambo ya kajo, milambo ya bubi ne milambo ya mambo, mambo ino mpunzha yajinga yazhila.+ 14 Bañanga byo batwelangamo, kechi balupukanga mu ino mpunzha mwazhila ne kuya ku kipango kya pangye kwa kubula patanshi kuvuula bivwalo byabo bya kwingijilamo ne,+ mambo byazhijile. Bavwalanga bivwalo bingi pa kuya ku bantu.\" 15 Byo apwishishe kupima mukachi ka nzubo ya Lesa,* wandupwijile pangye ku kibelo kyatajile ku musela,+ kabiji wapimine nzubo yonse. 16 Wapimine lubaji lwa nzubo ku musela na jitete* ja kupiminako. Kwesakana na byo apimine luno lubaji na jitete ja kupiminako, wataaine'mba lwalepele matete 500. 17 Wapimine lubaji lwa nzubo ku kabeta ka ku buyeke, kabiji kwesakana na byo apimine luno lubaji na jitete ja kupiminako, wataaine'mba lwalepele matete 500. 18 Wapimine lubaji lwa nzubo ku kabeta ka ku bulenge, kabiji kwesakana na byo apimine luno lubaji na jitete ja kupiminako, wataaine'mba lwalepele matete 500. 19 Wayile ku lubaji lwa nzubo ku muzhika. Wapimine luno lubaji na jitete ja kupiminako kabiji lwalepele matete 500. 20 Wapimine nzubo mu mbaji yonse ina. Yajinga na lubumbulu wiizhokolokele+ kabiji mu bula ne mu bwipi mwalepele matete 500,+ mwa kwabenya mpunzha yazhila ne yabula kuzhila.+\nTubyambo twa munshi\n^ Kino kibena kwamba pa makyubichi alepa. Monai bya Kulumbulula B14.\n^ Nangwa'mba \"tumazubo.\"\n^ Kwesakana na Baibolo wa Kingiliki wa Septuagint, ke \"makyubichi 100 mu bula.\" Kinembelo kya Kihebelu kyaamba'mba: \"Jishinda ja kyubichi umo.\" Monai bya Kulumbulula B14.\n^ Mu Kihebelu, \"mu mbavu ya.\"\n^ Mu Kihebelu, \"nzubo ya mukachi.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/ezikyo\/42\/","date":"2018-04-21T18:06:23Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945272.41\/warc\/CC-MAIN-20180421164646-20180421184646-00546.warc.gz","language":"kqn","language_score":1.0000090599,"language_script":"Latn","minhash_cluster_size":1,"top_langs":"{\"kqn_Latn_score\": 1.0000090599060059}","num_words":596,"character_repetition_ratio":0.111,"word_repetition_ratio":0.051,"special_characters_ratio":0.203,"stopwords_ratio":0.25,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mu 1953, Peter Vanderhaegen bamutumine kwikala kalama wa mwanzo ku Indonesia. Waingijilanga mu kyalo kyonse kyabayile makilomita 5,100 kufuma ku musela kufika ku muzhika, kabiji kufuma ku kabeta ka ku buyeke kufika ku kabeta ka ku bulenge pajinga makilomita 1,800. Pa kuba'mba apwishe ino nyaunda yonse, wapichilenga mu bintu byavula bingi.\nMu 1954, mulongo Vanderhaegen wayile na kwingijila ku musela wa Indonesia, ku mpunzha kwavujile bantu batemwa bya bupopweshi kabiji kwajinga ne makuji a Bali, mwavujile Bahindu; mu Lombok ne Sumbawa mwavujile Bamozilemu; mu Flores mwavujile Bakatolika; kabiji mu Sumba, Alor ne mu Timor mwavujile ba Polotesitanti. Byo naendanga mu bwato, nasapwilangako pacheche pa makuji mu jishinda saka nkyangye kuya ku Kupang, muzhi mukatampe wa Timor. Mulongo Vanderhaegen waambile'mba: \"Nasapwijile mu Timor pa milungu ibiji. Nangwa kya kuba kwanokele mvula mukatampe, nashijile bantu mabuku onse o najinga nao, natambwijile mazhina a bantu 34 bo natwajilanga magazini, kabiji nafunjishanga bantu bavula Baibolo. Bapainiya beikajila batwajijile kufunda na bano bantu kabiji balengele kipwilo mu Kupang. Mambo awama akafikile ne ku makuji akwabo ajinga kipi kipi a Rotè, Alor, Sumba ne Flores.\nBantangi ba ba Polotesitanti byo bamwene bantu babo na kuteleka bibena kwamba Bakamonyi ba kwa Yehoba, bazhingijile bingi. Mukulumpe wa bantangi ba bupopweshi wazakamishe Thomas Tubulau mwanamulume mukulumpe wajinga na kuboko kumo walenganga byela kuba'mba aleke kufunda na Bakamonyi, ne kumubuula'mba umvwe abule kuleka kubuula bantu byo abena kufunda, pakafwa muntu. Thomas wamukumbwile'mba: \"Kafwako mwina Kilishitu wakonsha kwamba byo mubena kwamba ne. Kechi nkeyako jibiji ku chechi kwenu ne.\" Thomas waikele musapwishi wa Bufumu waingijilenga bingi bulongo kabiji mwananji wa mukazhi waikele painiya wiikajila.\nNangwa byonkabyo, bantangi ba mu muzhi wa Timor bakebeshetu kuzhiya Bakamonyi ba kwa Yehoba. Mu 1961, babuujile Kipamo Kitala pa bya Bupopweshi ne bashilikale ba konkakwa kuba'mba balekeshe mwingilo wa kusapwila ku nzubo ku nzubo. Balongo bapimpwile mashinda a kusapwilamo. Basapwilanga bantu pa bisankanyi, ku mishima, ku bantu bakwatanga masabi ne kwiatwala ku mutunta ne ku bisemi byawamishanga ku bilende. Byo papichile ñondo umo, bashilikale babijikile pa waileshi amba bupopweshi bonse buji mu Timor bwakasuluka. Nangwa kya kuba Kipamo Kitala pa bya Bupopweshi kyakoselekotu'mba mwingilo wa ku nzubo ku nzubo bamukanya, balongo baambijile kino kipamo kunemba byo babena kwamba. Abano ba biloolo bakaine. Abino byo byapwile, balongo batendekele mwingilo wa kusapwila ku nzubo ku nzubo kwa kubula wa kwibakanya.\nPiet, Nell de Jager, Hans ne Susie van Vuure bamishonale byo bafikile ku Papua mu 1962, nabo bebakainyenga ku bantangi ba bupopweshi. Ba biloolo basatu basolomokele bamishonale ne kwibambila'mba baye na kusapwila ku mpunzha kungi. Abano bantangi baambilanga pa mutuntamo, kunemba mu mapepala a byambo nangwa pa mawaileshi pa kupamo mambo Bakamonyi ba kwa Yehoba amba babena kulwisha kafulumende. Kabiji bakanjikizhenga bantu, kwibachinya ne kwibapa bintu kuba'mba baleke kufunda na bamishonale. Bakanjikizhenga bamfumu kuba'mba bakanye mwingilo wa kusapwila.\nBintu byaalukile kimye mfumu kyo aichile bamishonale kwiya na kusapwila mu muzhi. Hans waambile'mba, \"Mfumu byo apwizhizhe pamo bantu ba mu muzhi wanji, amiwa ne Piet twaambile majashi epi abiji kulumbulula mwingilo wetu byo aji. Bakazhi betu bamwesheshe byo tuba pa kufika pa mazubo a bantu ne kuswa inge betwambila'mba twelai ne kwisamba nabo byambo bicheche bya mu Baibolo. Mfumu ne bantu banji batemenwe bingi byo twamwesheshe byo tusapwila kabiji wituswishishe kutwajijila kwingila mwingilo wetu kwa kubula wa kwitukanya.\"\nBintu bya uno mutundu byatwajijile kumweka. Bamozilemu kechi bakanyanga mwingilo wa kusapwila ne; lukatazho lwa kwitukanya lwafumanga ku bantangi ba bupopweshi. Abino bintu bibena kumweka ne lelo jino.\n\"Bakemutwala ku Biloolo . . . Kuba'mba Mwibasapwile\"\nYesu waambijile baana banji ba bwanga amba: \"Bakemutwala ku biloolo ne ku bamfumu na mambo a amiwa, kuba'mba mwibasapwile abo ne ba mu bisaka bikwabo.\" (Mat. 10:18) Abino byambo byaesakana na bintu byamwekelenga mu Indonesia.\nMu 1960, shayuka wa bya bupopweshi mwina Netherlands mu Jakarta wanembele buku waambilenga'mba Bakamonyi ba kwa Yehoba bena Kilishitu ba bubela. Auno buku walengejile bantangi bavula ba bupopweshi kukatazha Bakamonyi. Ntangi umo wa bupopweshi mu muzhi umo, wanembele nkalata ku Kipamo Kitala pa bya Bupopweshi kupamo mambo Bakamonyi amba babena \"kutwala mungi bantu betu.\" Ba biloolo byo baichile balongo kuba'mba belumbulwile bene, baambile bishinka ne kusapwila bulongo. Kiloolo wa bya bupopweshi umo waambijile bakwabo amba: \"Lekai kukatazha Bakamonyi ba kwa Yehoba. Babena kulabishamo ba Polotesitanti babula kuyuka bintu.\"\nMu 1964, jibumba ja bantangi ba Polotesitanti mu Papua jayile ku kije kya mambo Kitala pa bya Bupopweshi ne Bintu Bikwabo kuba'mba balekeshe mwingilo wa Bakamonyi ba kwa Yehoba. Ofweshi wa musampi walombele kuba'mba bakelumbulwile ku kavoto. Tagor Hutasoit waambile'mba, \"Twisambile na kavoto pa jiola jimo ne kulumbulula bulongo mwingilo wetu wa kufunjisha bantu Baibolo byo aji. Polotesitanti umo wivwangile mu bya bumulwila ntanda, witupelemo mambo kuba'mba twalengela bupopweshi kwabenamo mu Papua. Bamozilemu bavula bajinga mu kano kavoto bajinga bingi na lusa. Betwambijile'mba: 'Mizhilo yetu ya kyalo yaswisha bupopweshi bonse, onkao mambo mwakasuluka kusapwila.'\" Kuno kusambakana byo kwapwile, kiloolo uji pa kifulo kikatampe mu kafulumende mu Papua waambile'mba: \"Kafulumende wa katataka waamba'mba bupopweshi bwakasuluka kuvwangakotu ne bupopweshi bwa katataka.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/mabuku\/2016-Buku-wa-Mwaka-wa-Bakamonyi-ba-kwa-Yehoba\/indonesia\/bupopweshi-bwakasuluka\/","date":"2018-04-22T09:27:51Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945552.45\/warc\/CC-MAIN-20180422080558-20180422100558-00471.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":804,"character_repetition_ratio":0.072,"word_repetition_ratio":0.0,"special_characters_ratio":0.175,"stopwords_ratio":0.284,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"BYO KILUMBULULA\nKyambo kya kuba'mba lujimuno, kyakonsha kulumbulula kutangijila nangwa kufunjisha muntu. Javula kino kimweka inge bansemi babena kufunjisha mwanabo kuleka byubilo byatama. Kabiji kino kyambo kilumbulula ne kufunjisha baana kwikala na byubilo byawama byakonsha kwibakwasha kufuukulanga bintu bulongo mu bwikalo bwabo.\nENE MAMBO O KYANEMENA\nAno moba mu bisemi byavula, bansemi baleka kufunjisha baana, bachina kwibafunjisha mambo balanguluka'mba kuba bino kulengela baana kumona nobe kechi banema ne. Nangwa byonkabyo, bansemi ba maana bafunjisha baana babo ne kwibapa mizhilo yo bafwainwa kulondelanga.\nBa Pamela baambile'mba: \"Baana bafwainwa kuyuka'mba kechi byonse byo bafwainwa kuba ne, kuba bino kwibalengela kukoma bulongo. Inge bansemi kebabule kufunjisha baana babo, baana bakekalatu nobe bwato buji pa kalunga ka mema bo babena kukumpula ku luvula, kechi bakayuka byo bafwainwa kuba mu bwikalo bwabo ne.\"\nBYO MWAKONSHA KUBA\nKange mwikileke ne. Inge mwanenu kechi ubena kulondela mizhilo ya pa nzubo ne, mwafwainwa kumololako. Umvwe mwanenu ubena kulondela mizhilo ya pa nzubo mwafwainwa kumusanchila.\nBa Christine baambile'mba: \"Kimye kyonse nsanchila bingi baana bami pa kwikala balukookela, mambo kyakatazha bingi mu ino ntanda baana kwikala na lukookelo. Inge ke musanchile baana, kibapelela bingi kuswa kwibafundako.\"\nJIFUNDE JA MU BAIBOLO: \"Kyonka muntu kyo abyala, kyo kyo akanowa.\"—Ngalatiya 6:7.\nMwafwainwa kutekanya. Mwafwainwa kufunjishanga baana benu kwesakana na mafumbi, bulume ne bintu byatama byo bauba. Kukambula mwana kwesakana na bintu byo auba kulengela mwana kufunjilako ku byo auba. Twambe bino, inge mwanenu kechi ubena kwingijisha bulongo foni ne, mwakonsha kumwangata foni. Kabiji kechi mwafwainwa kufikenangatu kuzhingila inge mwanenu watamisha ne.\nBa Wendell baambile'mba: \"Inge mwanami walubankanya, nkeba bingi kuyuka inge wakubilamotu nangwa ne. Paji lupusano pa kubilamotu kintu ne kuba kintu kya mapuso. Inge mwayuka bino, kipeela kuyuka bya kukwasha mwanenu.\"\nJIFUNDE JA MU BAIBOLO: \"Kange muzhingijishenga baana benu ne, pa kuba'mba babule kupopomenwa.\"—Kolose 3:21.\nTemwainga baana benu. Kyapela bingi baana kukookela byo mubena kwibabuula inge bayuka'mba mwibatemwa.\nBa Daniel baambile'mba: \"Mwanetu inge walubankanya, patanshi twamusanchilanga pa bintu byawama byo aubanga. Twamulumbulwilanga kuba'mba kechi wafwainwa kwilengulula na mambo a byo alubankanya ne, bino wafwainwa kupimpulako, kabiji tukeba kumukwasha kuba bino.\"\nJIFUNDE JA MU BAIBOLO: \"Butemwe butekanya ne kuba lusa.\"—1 Kolinda 13:4.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/labainga-na2-2018-jul-aug\/bintu-bilengela-kisemi-kwikala-bulongo-lujimuno\/","date":"2018-04-23T03:35:03Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945724.44\/warc\/CC-MAIN-20180423031429-20180423051429-00233.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":346,"character_repetition_ratio":0.072,"word_repetition_ratio":0.0,"special_characters_ratio":0.174,"stopwords_ratio":0.197,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Bupopweshi\nNanchi buno bo bupopweshi bobo nkeba nyi?\nUbena kwiya nyi, inyi waishile kala?\nLupulukilo\nJishinda ja ku lupulukilo jo jepi? Muntu ba mupulusha ku ñanyi bintu?\nBukuzhi bwitulengela byepi kukasuluka ku bundengamambo?\nBundengamambo ne Lulekelo lwa Mambo\nMwakonsha kuyuka byepi inge mwalenga mambo abula kulekelwa?\nByubilo byuba Bupopweshi\nBaibolo yaamba'mba Sabado lulayañano lwa myaka ne myaka, pano mambo ka o twafwainwa kubujila kukokela?","id":"","dump":"CC-MAIN-2018-17","url":"https:\/\/www.jw.org\/kqn\/bifunjisha-baibolo\/mepuzho\/biji-lwitabilo-ne-kupopwela-lesa\/","date":"2018-04-23T09:47:00Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945940.14\/warc\/CC-MAIN-20180423085920-20180423105920-00322.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":64,"character_repetition_ratio":0.023,"word_repetition_ratio":0.0,"special_characters_ratio":0.162,"stopwords_ratio":0.141,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA Mulombola 2015 | Nanchi Mwakonsha Kutemwa Kufunda Baibolo Nyi?\nBantu bavula kuzhokoloka ntanda yonse babena kumwenamo mu kufunda Baibolo na Bakamonyi ba kwa Yehoba. Monai byo mwakonsha kumwenamo mu kufunda Baibolo.\nMUTWE WA PA NKUPIKO\nNanchi mulanguluka'mba, 'napayankana,' nangwa 'Kimye kya kufundanga jonse mfwakyo'?\nTanai mikumbu ya mepuzho atanu na asatu epuzha bantu javula pa mutanchi wa kufunjisha Baibolo\nBAIBOLO UPIMPULA BWIKALO BWA BANTU\nMufunjishi byo batendekele kumufunjisha ku mwana wa sukulu, Doris Eldred wataine mikumbu ya mepuzho o ajinga nao mu bwikalo\nKa kipimvwa ka mu Rylands ka Mambo Awama a kwa Yoano, ko ka kipimvwa ka Binembelo bya Bwina Kilishitu bya Kingiliki kanembelwe kala kukila ma manyusikilipiti onse.\nKWISAMBA NA BANTU\nBantu bavula basekela kusemwa kwa kwa Yesu pa Kiminshiminshi ne kusangulwa kwanji pa Ishita. Pano mambo ka Bakamonyi ba kwa Yehoba o bavulukilatu lufu lwa Yesu?\nÑanyi mwingilo wajinga na mukulumpe wa bashilikale mu nzhita ya bena Loma? Tutajilo twa kala twapusana byepi na twa mu ano moba?\nNanchi kukekalapo bantu baketemwa bene na bene nyi?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/wp20150401\/","date":"2018-04-23T21:28:18Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946199.72\/warc\/CC-MAIN-20180423203935-20180423223935-00554.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":170,"character_repetition_ratio":0.063,"word_repetition_ratio":0.0,"special_characters_ratio":0.175,"stopwords_ratio":0.229,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MWAKA WA KUSEMWA: 1958\nKYALO: ITALY\nMWAPITA BWIKALO BWABO: WAJINGA MU JIBUMBA JA TUPONDO\nBWIKALO BWAMI BWA KALA:\nNasemekejilwe ne kukomena mu ka muzhi kaji mu Loma mwaikalanga bantu bayanji. Bwikalo bwakatezhe bingi. Kechi nayukile bamaama bansema ne, kabiji kechi twaumvwañananga na batata ne. Nakomejiletu mu mikwakwa ne kwimwena mwakujila.\nByo nafikizhe myaka 10, natendekele kwiba. Byo nafikizhe myaka 12, nafumine pa nzubo. Pa bimye byavula, batata baiyanga na kusenda ku ofweshi mukatampe wa bakapokola kumbwezha ku nzubo. Natobokanga bingi na bantu kabiji najinga mbanzhi kabiji wa bukaji. Byo nafikizhe myaka 14, nalekele kwikala na bansemi pa nzubo. Natendekele kwingijisha bizhima ne kululumbatu mu mikwakwa. Na mambo a kubula pa kulaala, nalaalangatu mu myotoka. Umvwe bwakya, nayanga na kukeba kuji mema akowa.\nNaikele pompwe mwine kya kuba navutulanga bantu byola ne kwiba bijimo kabiji nayanga ne na kwiba mu mazubo a bantu kimye kya bufuku. Natendekele kuya nkuwa na mambo a bwivi kabiji natwelele mu jibumba ja tupondo kyandengejile kutendeka kwiba mu ma banki. Na mambo a kwikala pompwe mwine, banketekejile bingi mu jibumba ja tupondo. Kechi nashanga buta ne, kabiji nalalangatu nabo ku mitwe. Bukapondo, kwingijisha bizhima, kwiba ne kutukana byo bintu byo naubanga. Bakapokola baendangatu na kumfumpila. Bankashile mu kaleya pa bimye byavula kabiji baubangatu bankasa nafuma kabiji papitangatu kimye kicheche na bwelamo.\nBAIBOLO BYO APIMPWILE BWIKALO BWAMI:\nJuba jimo byo bankasulwile mu kaleya, nayile nakumona ba maama ba banyike. Kechi nayukile amba bano bamaama ne bankasami baikele Bakamonyi ba kwa Yehoba ne. Bañambijile kuya na kupwila nabo kabiji naswile kuya nabo. Byo twafikile pa Nzubo ya Bufumu, ne bambijile amba nsakwikela ku kibelo pa kuba'mba mmonenga basa kutwelanga ne kulupuka. Pano bino nasendele ne buta.\nKuno kupwila kwandengejile kupimpula bwikalo bwami. Navulukile kuba'mba nafwainwa kupimpula bwikalo bwami. Bantambwijile bingi bulongo ne kungimuna na lusekelo. Ne lunotu nkivuluka Bakamonyi byo bantambwijile na lusekelo. Bano bapusene bingi na bantu bo napwanañananga nabo!\nNatendekele kufunda Baibolo na Bakamonyi. Kutwajijila na kufunda kwandengejile kupimpula bwikalo bwami. Byambo biji mu Byambo bya Mana 13:20 bya kuba'mba: \"Awa wenda na ba mana ukekala ke wa mana; pakuba awa wenda ne bakosama ukamona byakatazha,\" byamfikile bingi pa muchima. Nayukile kuba'mba nafwainwe kuleka kupwanañana na jibumba ja tupondo. Kuba bino kechi kwapelele ne, bino Yehoba wankwashishe.\nKyo kyajinga kimye kitanshi kutendeka kupimpula byubilo byami mu bwikalo\nNalekele byubilo byonse byatama. Nalekele kupepa fwanka ne kwingijisha bizhima. Natendele nsuki, kuleka kuvwala mashikiyo ne kutukana. Kyo kyajinga kimye kitanshi kutendeka kuleka kuba bino bintu mu bwikalo bwami.\nKechi natemenwe kutanga ne kufunda ne. Onkao mambo, kyankatezhe bingi kufunda Baibolo. Pano bino, kwibikako kwandengejile kutemwa Yehoba kabiji jiwi jami ja mu muchima jatendekele kunzhachisha. Javula nazhinaukanga umvwe kya kuba Yehoba wakonsha kundekelako mambo pa bubi bo naubile. Pano bino, kutanga pe Yehoba byo alekejileko mambo Mfumu Davida kwantekeneshe bingi.—2 Samwela 11:1–12:13.\nLukatazho lukwabo lo najinga nalo ke lwa kusapwila ku nzubo ku nzubo. (Mateo 28:19, 20) Nachiinanga kuba'mba kampepo nakonsha kutana muntu ye naubile byatama kala. Bino pa kupitapo kimye, nalekele kuchiina. Najinga bingi na lusekelo pa kukwasha bantu kufunda pe Shetu wa mwiulu awo witulekelako mambo.\nBYO NAMWENAMO:\nKufunda pe Yehoba kwapulwishe bumi bwami. Bakwetu bavula bafwa kabiji bakwabo baji mu kaleya. Pano bino amiwa nji bingi na lusekelo mu bwikalo ne kwikala na luketekelo lwa bintu byawama biji kulutwe. Nafunda kwikepesha, kukokela ne kuyuka bya kuba umvwe nazhingila. Ne kyafumamo, twikala mutende na bantu. Kabiji nasongola ne wa mukazhi wawama aye Carmen. Tukwasha bantu kufunda biji mu Baibolo kabiji kino kituletela bingi lusekelo.\nKimye kimo, Oa ne amiwa twingijila mu ma banki mwingilo wa kuwamisha kwakubula kwiba.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/wp20140701\/mu-jibumba-ja-tupondo-kupimpula-bwikalo\/","date":"2018-04-22T07:44:41Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945497.22\/warc\/CC-MAIN-20180422061121-20180422081121-00453.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":583,"character_repetition_ratio":0.052,"word_repetition_ratio":0.0,"special_characters_ratio":0.179,"stopwords_ratio":0.268,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mwakasuluka kwiya na kufwakasha pa maofweshi etu ne pa bishimikwa po tupulinchila mabuku. Monai kwaikela maofweshi etu ne kimye kya kufwakasha.\nItaly\nCongregazione Cristiana Dei Testimoni di Geova\nVia della Bufalotta 1281\nI-00138 ROME RM\nITALY\n+39 06-872941\nKimye kya Kufwakasha\nKufuma pa Kimo kufika pa Kitanu\n8:00 a.m. kufika pa 10:30 a.m. ne 1:00 p.m. kufika pa 3:30 p.m.\nKimye, ola umo\nByubiwa pa musampi\nBatuntulula mabuku alumbulula Baibolo mu mulaka wa Italian ne mu Mulaka wa Kwamba na Maboko wa bena Italy. Balenga bifwanyikizho bya mawitu ne mavidyo. Batala pa mwingilo mu bipwilo kukilaila pa 3,000 ne mabumba mu Italy ne byalo bikwabo.","id":"","dump":"CC-MAIN-2018-17","url":"https:\/\/www.jw.org\/kqn\/Bya-Kuyuka-pa-Bakamonyi-ba-kwa-Yehoba\/maofweshi\/italy\/","date":"2018-04-27T05:12:38Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125949036.99\/warc\/CC-MAIN-20180427041028-20180427061028-00503.warc.gz","language":"kqn","language_score":0.9990159869,"language_script":"Latn","minhash_cluster_size":1,"top_langs":"{\"kqn_Latn_score\": 0.9990159869194031}","num_words":97,"character_repetition_ratio":0.06,"word_repetition_ratio":0.0,"special_characters_ratio":0.25,"stopwords_ratio":0.278,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Bantu bavula baji na muteeto wa kukelwa bayuka'mba kukelwa kwatama. Pano javula katende ko kebalengela kukelwa. Mu Baibolo muji mafunde akonsha kwitukwasha.\nNanchi kubula kukelwa kwanema nyi?\nENE MAMBO O KWANEMENA\nBamo bataana kuba'mba kufika bukiji ko bemulaya kukepeshako bijikila. Kubula kukelwa kulengela bantu kwitunemeka. Mambo ka?\nKubula kukelwa kumwesha'mba mwafikilamo. Kufika bukiji kumwesha'mba mwayuka bya kwabanya kimye mu bwikalo bwenu. Kabiji kafwako bintu byakonsha kwimulengela kukankalwa kuba byo mwafukula ne, kana kyakatazhatu.\nKubula kukelwa kulengela kwimuketekela kumwesha'mba mwi ba kishinka. Mu ino ntanda mwavula bantu babula kufikizha byo balayañana na bakwabo, bantu banemeka bingi bantu bafikizha byo balaya. Bantu bobaketekela bebanemeka bingi ku balunda nabo ne ba mu kisemi. Bakulumpe ba mingilo nabo banemeka bingi bantu babula kukelwa ku nkito kabiji bengila bintu mu kimye kyo bebapa. Kino kyakonsha ne kwibalengela kwibanungilako nsabo ne kwibaketekela bingi.\nBYAMBA BAIBOLO\nMu Baibolo muji Binembelo bimo byaamba pa kubuula kukelwa. Baibolo waamba'mba: \"Bintu byonse byubiwe na mushingi ne mo byalondankena.\"(1 Kolinda 14:40) Inge bantu babiji baswañana kuya ku mpunzha imo pa kimye kimo, kyanema bingi kulama kimye. Kabiji Baibolo waamba ne kuba'mba: \"Bintu byonse biji na kimye kyabyo, ne mingilo yonse ya pano pa ntanda iji na kimye kyayo.\" (Musapwishi 3:1) Mu kino kyepelo muji byambo bya kuba'mba kuji \"kimye kya kujimba ne kimye kya kujimbula byo bajimbile.\"(Musapwishi 3:2) Njimi ubyala pa kimye kyafwainwa pa kuba'mba akanowe kajo kavula. Ko kuba'mba njimi inge wabula kukelwa, unowa kajo kavula.\nBaibolo waambapo ne kishinka kikwabo kimwesha buneme bwa kubuula kukelwa. Kubula kukelwa kumwesha'mba twanemeka bakwetu mambo kechi tukeba kwibatayila kimye ne. (Filipai 2:3, 4) Onkao mambo, aba baji na muteeto wa kukelwa, bebila bakwabo kimye.\n\"Saka muta muchima ku bintu bya bakwenu kabiji kange mulangulukengatu pa bintu byenu byonka ne.\"—Filipai 2:4.\nMwafwainwa kuba byepi pa kuba'mba mubulenga kukelwa?\nBYAMBA BAIBOLO\nBaibolo witutundaika kufukwila jimo bya kuba kulutwe. (Byambo bya Maana 21:5) Inge kimye kyonse mukelwa, kampe kilengela muba bintu byavula pa kimye kimo. Chinuzhukainga bintu byabula kunema bimutayila kimye. Ikalainga na bintu bicheche bya kuba ne kumona kuba'mba mwaimana bukiji pa kuba'mba mubulenga kukelwa. Kuba bino, kukemulengela kubula kukelwa nangwa kya kuba pamweka bintu byakonsha kwimulengela kukelwa.\nBaibolo waamba'mba kwipelula kwanema bingi. (Byambo bya Maana 11:2) Kino kulumbulula'mba twafwainwa kuyuka pa kupelela. Saka mukyangye kuswa, langulukaipo inge mukakonsha kuba byobyo. Inge mwaswa kwa kubula kulangulukapo, kyakonsha kwimulengela kwikala na bijikila ne kufichisha bakwenu ku muchima.\nBaibolo waamba ne kuba'mba twafwainwa kwingijishanga kimye kyetu bulongo. (Efisesa 5:15, 16) Tendekelaingapo kuba bintu byanema. Inge musa kukanjila sakya nangwa kimye kyo mubena kupembelela bakwenu, mwafwainwa kubangapo bimo nabiji kutanga nangwa kulangulukila jimo pa byo musa kuba jojo juba.\n\"Bintu bifuukula muntu wingila na ngovu bikalumbuluka.\" —Byambo bya Maana 21:5.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/awake-na6-2016-december\/kubula-kukelwa\/","date":"2018-04-27T05:10:20Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125949036.99\/warc\/CC-MAIN-20180427041028-20180427061028-00065.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":431,"character_repetition_ratio":0.074,"word_repetition_ratio":0.0,"special_characters_ratio":0.184,"stopwords_ratio":0.174,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"\"MWINGILO wa kunowa kine wabaya, pakuba ba mingilo bakepa. Onkao mambo, lombai Mwine mwina mwingilo wa kunowa kuba'mba atume ba mingilo mu mwingilo wanji wa kunowa.\" (Luka 10:2) Abino byambo byaambile Yesu kala papita ne myaka 2,000 byalumbulula bulongo kibena kumweka mu kyalo kya Myanmar lelo jino. Mambo ka? Mu Myanmar mujitu basapwishi 4,200 babena kusapwila mambo awama ku bantu 55 milyonyi baji mu kino kyalo.\nNangwa byonkabyo, \"Mwine mwina mwingilo wa kunowa\" aye Yehoba, ubena kutundaika balongo ne banyenga mu byalo byapusana pusana kuya na kwingijila ku Asia pa kuba'mba bakwasheko mu mwingilo wa kunowa. Ñanyi kintu kibalengejile kusha byalo byabo? Ñanyi kintu kibakwashishe pa kuba'mba baviluke? Kabiji ñanyi mapesho o babena kwiyowa? Twayai tumone.\n\"IYAI, TUBENA KUKEBA BAPAINIYA BAVULA\"\nMyaka ya kunyuma, painiya wa ku Japan, aye Kazuhiro, wafwile kashita ne kupungila kabiji bamunyemesheshe ku kipatela. Ba dokotala bamukanyishe kwendesha motoka pa myaka ibiji. Mulongo Kazuhiro wakankamenetu. Wishikishe mwine'mba, 'Nsakwingilanga byepi mwingilo ye natemwa wa bupainiya?' Walombele na mukoyo kuba'mba Yehoba amukwashe kutwajijila mu mwingilo wa bupainiya.\nBa Kazuhiro bashimikizhe'mba: \"Byo papichiletu ñondo umo, mulunda nami wayile na kwingijila ku Myanmar waumvwine lukatazho lo najinga nalo. Wantuminejile foni ne kwamba'mba: 'Mu Myanmar twingijishatu masakya. Inge waiya kuno ukatwajijila kusapwila kwa kubula kwendesha motoka.' Naipwizhe ba dokotala inge nakonsheshe kuya ku Myanmar. Nakuminye bingi ba dokotala byo bambuujile'mba: 'Dokotala wafunda pa bikola bya ku bongo wa ku Myanmar waiya na kwingijilako mu Japan. Nsakumubuula lukatazho lobe. Inge kikola kyobe kikabwelepo jibiji, ukakukwasha.' Namwene kuba'mba byambuujile dokotala wajinga mukumbu wafumine kwi Yehoba.\"\nPonkapotu ba Kazuhiro batumine nkalata ku ofweshi wa musampi wa ku Myanmar kwipuzha kuba'mba abo ne benakwabo bakaye na kwingijilako bupainiya. Byo papichiletu moba atanu, ofweshi wa musampi wakumbwile'mba, \"Iyai, tubena kukeba bapainiya bavula.\" Ba Kazuhiro ne benakwabo ba Mari, bapoteshe myotoka yabo, batambula ne bipepala bya kutwelelapo mu kyalo kikwabo, kabiji bapotele ne machikichi a ndeke. Lelo jino, baji mu jibumba ja mulaka wa kwamba na maboko mu muzhi wa Mandalay, kabiji baji bingi na lusekelo. Ba Kazuhiro baambile'mba: \"Kino kitulengela kukosesha lwitabilo lwetu mu mulaye wa Lesa uji pa Salamo 37:5, wa kuba'mba: 'Fikizha jishinda jobe kwi Yehoba; ketekela mwi aye, ne aye ukakukwasha.'\"\nYEHOBA USHINKULA MASHINDA\nMu 2014, Bakamonyi ba kwa Yehoba mu Myanmar baikele na kushonkena kukatampe. Kwataainwe bantu bafumine mu byalo bikwabo. Umo pa bataainweko wajinga nyenga wa myaka 34 wafumine ku United States, aye Monique waambile'mba: \"Byo nabwelele ku kufuma ku kushonkena, nalombele kwi Yehoba kuba'mba ankwashe kufuukulapo byo nakonsheshe kuba mu bwikalo. Onkao mambo, nesambile na bansemi pa bikonkwanyi byami bya mu mwingilo wa Lesa. Banswishishe kuba'mba nafwainwa kubwela ku Myanmar, bino papichile kimye kyabaya ne kulombapo bimye byavula pa kuba'mba mfuukulepo.\" Ba Monique balumbulula kyalengejile.\n\"Yesu watundaikile baana banji ba bwanga 'kubajila jimo mali a kwingijisha.' Onkao mambo, neshikishe amiwa mwine'mba: 'Nanchi nakonsha kuviluka nyi? Inge navilukila ku kyalo kikwabo, nanchi nkakonsha kutaana mwa kumwena bya mu bwikalo kwa kubula kutaya kimye kyabaya ku nkito nyi?'\" Kabiji baambile'mba: \"Namwene kuba'mba kechi najinga na mali avula a kukonsha kuvilukila ku kyalo kingi ne.\" Pano baubile byepi pa kuba'mba baviluke?—Luka 14:28.\nBa Monique bashimikizhe'mba: \"Juba jimo bakulumpe pa nkito bangichile'mba ngye na kwibamona. Naakaminwe, mambo nalangulukilenga'mba bakeba kumpanga nkito. Pano bino, bansanchijile pa byo naingilanga bulongo mingilo. Kepo bambuujile'mba basakumbikilapo mali akwabo a kunsanchila pa kwingila bulongo kabiji ano o mali o nakebelenga pa kuba'mba mbwezhe nkongole yo najinga nayo.\"\nBa Monique bavilukijile ku Myanmar mu December 2014, kabiji ne luno bakiji konka. Bomvwa byepi pa kwingijila ku mpunzha kwakepa basapwishi? Baambile'mba: \"Nji bingi na lusekelo pa kwingijila kuno. Mbena kufunjisha bantu basatu Baibolo. Umo uji na myaka 67. Jonse pa kuñimuna bamwemwesela ne kumpakachilamo. Bajijile ne mipolo byo bafunjile amba jizhina ja Lesa, Yehoba. Baambile'mba: 'Kyo kimye kitanshi kyo naumvwapo kuba'mba jizhina ja Lesa Yehoba. Wimwanyike bingi, bino wamfunjisha bintu byanema bingi byo nabujile kuyuka.' Ne amiwa najijile. Bino bintu byo bindengela kwikala na lusekelo pa kwingijila kwakepa basapwishi.\" Katatakatu papo, ba Monique bataainwe ku Sukulu wa Basapwishi ba Bufumu.\nKikwabo kyatundaikile bamo kuya na kwingijila ku Myanmar ke sawakya waambile pa kino kyalo wajinga mu Buku wa Mwaka wa Bakamonyi ba kwa Yehoba wa 2013. Nyenga uji na myaka ya mu ma 30 aye Li waikalanga monka mu Asia. Uno nyenga waingilanga nkito ya kimye kyonse, bino sawakya wajinga mu Buku wa Mwaka wamulengejile kufuukulapo kuya na kwingijila ku Myanmar. Waambile'mba: \"Kimye kyo nataainwe ku kushonkena kukatampe mu 2014 mu muzhi wa Yangon, namonañene na ba mulume ne mukazhi bayile na kwingijila kwakepa basapwishi mu nyaunda ya mulaka wa Kichainizi mu Myanmar. Na mambo a kuba'mba ñamba Kichainizi, nafuukwilepo kuya ku Myanmar na kutundaika jibumba ja Kichainizi. Nakwatankene ne Monique, kabiji twavilukijile ku Mandalay. Yehoba witukwashishe kutaana nkito ya bufunjisha pa sukulu umo ya kwingila pa moba amo mu mulungu, kabiji twataaine ne nzubo yajingatu pabwipi. Nangwa kya kuba kwatwa bingi kyuya kabiji tupita mu makatazho amo, bino tuji bingi na lusekelo kwingijila kuno. Bantu mu Myanmar bekala bwikalo bwapeela, bino baji bingi na mushingi kabiji baswa kuteleka ku mambo awama. Kindetela bingi lusekelo pa kumona Yehoba byo abena kutangijila mwingilo kuno. Nashiinwa'mba kyo kyaswa muchima wa Yehoba kuba'mba amiwa ngiye kuno ku Mandalay.\"\nYEHOBA UMVWA MILOMBELO\nBavula baya na kwingijila kwakepa basapwishi bemwena buwame bwa kulomba. Akyumvwai byaubile ba Jumpei ne benakwabo ba Nao, bonse baji na myaka ya mu ma 30. Bajinga mu kipwilo kya mulaka wa kwamba na maboko mu Japan. Mambo ka o bavilukijile ku Myanmar? Ba Jumpei bashimikizhe'mba: \"Amiwa ne bakazhi bami twalangulukangapo kuya na kwingijila kwakepa basapwishi ba Bufumu mu kyalo kikwabo. Mulongo umo ye twajinga nanji mu kipwilo kya mulaka wa kwamba na maboko mu Japan naye wavilukijile ku Myanmar. Nangwa kya kuba kechi twalamine mali avula ne, bino twavilukile mu May 2010. Balongo ne banyenga mu Myanmar betutambwijile bingi bulongo.\" Uno mulongo umvwa byepi pa kwingijila mu nyaunda ya mulaka wa kwamba na maboko mu Myanmar? Waambile'mba: \"Kuji bantu bavula bingi bakeba kufunda bukine. Inge twibatambisha mavidyo a mu mulaka wa kwamba na maboko, bomvwa bingi bulongo. Tuji bingi na lusekelo pa kufuukulapo kwiya na kwingijila Yehoba kuno.\"\nBa Jumpei ne ba Nao bataana kwepi mali a kwingijisha? Ba Jumpei baambile'mba: \"Byo twapwishisheko myaka isatu, twashajiletu na mali acheche a kwikwashishamo, kabiji kechi twajinga na mali a kusonkela ku nzubo mwaka walondejilepo ne. Amiwa ne benakwami twalombelepo bingi na mukoyo. Kwa kubula ne kuketekela, twatambwijile nkalata kufuma ku ofweshi wa musampi kwitubuula kuba'mba betutongola kwikala bapainiya beikajila pa kimye kicheche. Twaketekejile mwi Yehoba, kabiji twimwenejile byo etuta muchima. Witukwasha mu mashinda apusana pusana.\" Katatakatu papo, ba Jumpei ne ba Nao bataainwe ku Sukulu wa Basapwishi ba Bufumu.\nYEHOBA UBENA KUTUNDAIKA BANTU BAVULA\nÑanyi kintu kyalengejile mulongo uji na myaka 43 wa jizhina ja Simone, mwina Italy, ne mwinakwanji aye Anna wa myaka 37 mwina New Zealand, kuvilukila ku Myanmar? Ba Anna baambile'mba: \"Sawakya ye twatangile mu Buku Wa Mwaka wa mu 2013 waambile pa Myanmar. Ba Simone baambile'mba: \"Ke kintu kyanema bingi kwingijila mu Myanmar. Bwikalo kuno bwapeela bingi, kabiji nji na kimye kyabaya kya kwingila mwingilo wa Yehoba. Kitusangajika bingi pa kumona Yehoba byo abena kwitulama byo tubena kwingijila ku mpunzha kwakepa basapwishi.\" (Sala. 121:5) Ba Anna baambile'mba: \"Nji na lusekelo lukatampe kukila kala. Twikala bwikalo bwapeela. Ngikala na bamwata wami kimye kyabaya, kabiji butemwe bwetu bwabayilako. Kabiji tuji na balunda bavula bingi. Bantu kechi bakana kwisamba na Bakamonyi ne, kabiji bavula bakeba kufunda bukine.\" Mu ñanyi mashinda?\nBa Anna bashimikizhe'mba: \"Juba jimo, pa kisankanyi nasapwijile mwana sukulu ufunda pa sukulu mukatampe kabiji namulayile kubwelako. Byo nabweleleko, waichileko ne mulunda nanji. Byo nabweleleko ja bubiji waichijilepo balunda nanji bakwabo. Mu kuya kwa kimye, waichijilepo ne bakwabo. Luno mfunjisha batanu.\" Ba Simone baambile'mba: \"Bantu mu nyaunda bakasuluka kabiji bakeba kufunda. Bavula baji bingi na kizaku kya kufunda. Kimyetu kyo kikepa pa kuba'mba twibafunjishe bonse.\"\nPano ñanyi bintu byo baubile pa kuba'mba bafuukulepo kuvilukila ku Myanmar? Ba Mizuho bafumine ku Japan, bashimikizhe'mba: \"Amiwa ne bamwatawami ba Sachio, twalangulukangapo bingi pa kuya na kwingijila ku mpunzha kwakepa basapwishi, bino kechi twayukile kwa kuya ne. Byo twatangile sawakya wajinga mu Buku wa Mwaka wa 2013 waambile pa kyalo kya Myanmar, twaumvwine bingi bulongo pa mashimikila ajingamo kya kuba twatendekele ne kulangulukapo kumona inge twakonsheshe kuya na kwingijila ku Myanmar.\" Ba Sachio banungilepo'mba: \"Twafuukwilepo kuya na kufwakesha muzhi mukatampe wa Yangon mu kyalo kya Myanmar pa mulungu umo kuba'mba tuyuke kino kyalo byo kiji. Kuno kufwakasha kwitulengejile kushiinwa kuba'mba twakonsha kuvilukilako.\"\nNANCHI MWAKONSHA KWIPANA NYI?\nBa Rodney ne benakwabo ba Jane, bafumine ku Australia, bonse babiji baji na myaka ya mu ma 50, ne mwanabo wa mulume aye Jordan ne wa mukazhi Danica, baingijila kwakepa basapwishi ku Myanmar kutendeka mu 2010. Ba Rodney baambile'mba: \"Twatundaikilwe bingi pa kumona bantu byo baji na nzala ya kukeba Mambo a Lesa. Mbena kutundaika ne bisemi bikwabo kuya na kwingijila ku mapunzha aji nobe Myanmar.\" Mambo ka? \"Uno mwingilo wakwasha kisemi kyetu kufwenya kwipi ne Yehoba. Banyike bavula balabamatu na mafoni, myotoka, kukeba makito, ne bintutu bikwabo. Pakuba baana betu bapayankana na kufunda byambo bya kwingijisha mu mwingilo. Babena kufunda bya kwisamba na bantu babula kuyuka Baibolo ne bya kukumbulapo pa kupwila, kabiji babena kufunda ne bintu bikwabo byakunza mpopwelo yetu.\"\nMulongo Oliver uji na myaka 37 wafumine ku United States, walumbulula ene mambo o atundaikila bakwabo kwingilako uno mwingilo amba: \"Kwingijila Yehoba ku kyalo kingi kuji bwikalo bwapusana na bo wapijilwa, mufuma byawama bingi. Kuya na kwingijila ku kyalo kikwabo kwankwasha kukinka manungo mwi Yehoba mu bintu byonse. Kwingijila pamo na bantu bo nabujile kuyuka kala bino baitabila mu bintu byonka byo naitabilamo kwankwasha kumona kuba'mba kafwako kintu kikwabo kyanema kukila Bufumu bwa Lesa ne.\" Kufikatu ne lelo jino, ba Oliver ne benakwabo ba Anna, batwajijila kwingila na mukoyo mu nyaunda ya Kichainizi.\nNyenga uji na myaka 52 aye Trazel, wafumine ku Australia, ne kuvilukila ku Myanmar mu 2004. Waambile'mba: \"Aba baji na bwikalo bwakonsha kwibaswisha, mbena kwibatundaika kuya na kwingijila ku mpunzha kwakepa basapwishi. Nataana kuba'mba inge wipana kwingila, Yehoba ukupesha. Kechi nayukilepo'mba nkekalanga bino ne. Mbena kwikala bwikalo bwa lusekelo bo nabujilenga ne kuketekela.\"\nTwaketekela bino byambo bya lutundaiko byaambile boba babena kwingijila kwakepa basapwishi ku Myanmar bisakwimutundaika kulangulukapo kuya na kukwasha bantu baji na michima ya kukeba kufunda bukine baji mu mapunzha mo babula kusapwila javula. Kya kine, bantu babena kwingijila kwakepa basapwishi babena kwimwita'mba, \"Abukilai kuno ku Myanmar, mwitukwashe.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/kyamba-kya-usopa-kufundamo-july-2018\/bepaine-na-muchima-yense-mu-myanmar\/","date":"2018-04-26T21:44:29Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948549.21\/warc\/CC-MAIN-20180426203132-20180426223132-00162.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":1689,"character_repetition_ratio":0.076,"word_repetition_ratio":0.001,"special_characters_ratio":0.184,"stopwords_ratio":0.272,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA—KYA KUFUNDAMO Kasalakanduba 2015\nMu uno magazini mu mitwe ya kufundamo mu milungu ya September 28 kufika ku October 25, 2015.\nJISHIMIKILA JA BWIKALO\nTangai jishimikila ja bwikalo bwa ba Geoffrey Jackson, baji mu Jibumba Jitangijila.\nMwakonsha kushiinwa byepi amba Yehoba uji ne anweba nangwatu mu bimye bya meseko?\nTuji na bishinka bibiji bitulengela kulaba ne kukenkenta, kikatakata mu ano moba a kupelako.\nBantu ba Lesa bafwainwa kwinengezha byonka binengezha boba babena kukeba kuvilukila ku kyalo kingi.\nByambo bya kuba'mba, bo mupwanañana nabo, kechi bilumbululatu bantu bo mutanwa nabo kimye kyonse ne.\nWasankilangapo byepi bintu bimo bya mu bwikalo bwanji pa kuba'mba alondelenga Yesu?\nKUFUMA MU BUTALA BWETU\nLumvwañano lwa kuvilula bangikazhi pakachi ka kyalo kya France ne kya Poland lo baumvwañene mu 1919 mwafumine bintu byo babujile kuketekela.","id":"","dump":"CC-MAIN-2018-22","url":"https:\/\/www.jw.org\/kqn\/mabuku\/magazini\/w20150815\/","date":"2018-05-27T16:57:07Z","file_path":"s3:\/\/commoncrawl\/crawl-data\/CC-MAIN-2018-22\/segments\/1526794869272.81\/warc\/CC-MAIN-20180527151021-20180527171021-00303.warc.gz","language":"kqn","language_score":1.0000095367,"language_script":"Latn","minhash_cluster_size":1,"top_langs":"{\"kqn_Latn_score\": 1.000009536743164}","num_words":126,"character_repetition_ratio":0.014,"word_repetition_ratio":0.0,"special_characters_ratio":0.186,"stopwords_ratio":0.23,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Yesu waingijishe kishimpi kya wichi ne nseku pa kulumbulula byo akasala ne kukonkanya pamo bena Kilishitu bonse bashingwa baji nobe wichi kutendeka mu mwaka wa 33 C.E.\n'Muntu wakushile nkunwa yawama mu bujimi bwanji'\nNjimi: Yesu Kilishitu\nNkunwa yawama yo bakushile: Baana ba bwanga ba kwa Yesu bashingwa na mupashi wazhila\nBujimi: Bantu bonse pano pa ntanda\n\"Bantu byo balaajile, mulwanyi wanji waishile ne kukusamo nseku\"\nMulwanyi: Diabola\nBantu balaajile: Batumwa bafwile\n\"Bilekai bikomene pamo kufika kimye kya kunowa\"\nWichi: Bena Kilishitu bashingwa\nNseku: Bantu bebepekezha kwikala bena Kilishitu\n\"Patanshi ifumyaimo nseku . . . ; apa bino mubungizhe wichi\"\nBakalume\/ba kunowa: Bamalaika\nKufumyamo nseku: Kwabanya bantu bebepekezha kwikala bena Kilishitu na bena Kilishitu bashingwa\nKulonga mu butala: Bena Kilishitu bashingwa bebapwizha pamo mu kipwilo kya kine\nKimye kya kunowa byo kyatendekele, ñanyi bintu byapusenyeko bena Kilishitu ba kine ku bena Kilishitu ba bubela?\nÑanyi bintu byawama byo nafunjilako byo naumvwisha mwatala kino kishimpi?","id":"","dump":"CC-MAIN-2018-34","url":"https:\/\/www.jw.org\/kqn\/mabuku\/jw-Mutanchi-wa-Kupwila\/february-2018-mwb\/mutanchi-wa-kupwila-feb5-11\/kishimpi-wichi-ne-nseku\/","date":"2018-08-19T18:33:20Z","file_path":"s3:\/\/commoncrawl\/crawl-data\/CC-MAIN-2018-34\/segments\/1534221215261.83\/warc\/CC-MAIN-20180819165038-20180819185038-00685.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":149,"character_repetition_ratio":0.112,"word_repetition_ratio":0.0,"special_characters_ratio":0.175,"stopwords_ratio":0.208,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Kipamo kya World Health Organization kyataana kuba'mba mu 2013, bantu kukila 198 milyonyi bakolelwe malelya kabiji bantu 584,000 bo bafwile. Pa bantu 5 bafwile, 4 bajinga baana babula kufikizha myaka itanu. Kino kikola kiji mu byalo nobe 100 kuzhokoloka ntanda yonse, kabiji bantu 3.2 bilyonyi baji mu kizumba.\n1 KIKOLA KYA MALELYA KYO KI KA?\nKikola kya malelya kiiya na tulongolo. Kiyukanyikilwa ku kukaba mubiji, mashika, kusulwila, kukola mutwe, kukola mubiji, kulevuma ku muchima ne kulasa. Bino biyukilo byakonsha kwiya jikwabo inge papita maola 48 kufika ku 72, kwesakanatu na mutundu wa kalongolo kaji mu mubiji ne kimye kyakolelwe muntu.\n2 KIKOLA KYA MALELYA KIIYA BYEPI?\nTulongolo twa malelya tutelwa'mba Plasmodia, tutwela mu mashi a muntu inge kya kuba muntu bamusuma ku lumwañenze mukazhi utelwa'mba Anopheles.\nTuno tulongolo tuya mu maselo a ku jichima ja muntu wakolwa, ko tuya na kusemununa.\nInge jiselo ja ku jichima jalajika, jifumya tuno tulongolo ne kuya mu maselo achila a mashi a muntu wakolwa. Amwa tutwajijila na kusemununa.\nInge jiselo jichila ja mashi jalajika, jilupula tuno tulongolo, kabiji tuya mu maselo achila a mashi akwabo.\nTuno tulongolo tutwajijila kutwela mu maselo achila a mashi ne kulajika. Muntu wakolwa umwesha biyukilo bya kikola kya malelya kimye kyonse inge kya kuba maselo achila alajika.\n3 MWAKONSHA KWIVIMBILA BYEPI?\nInge mwikala mu kyalo mwavula malelya . . .\nIngijishainga kyandaluba. Kyafwainwa\nkwikala kyo babikako muchi.\nkwikala kyabula kusabika nangwa kutabuka.\nkutwela bulongo ku mateleshi.\n-\nSansainga mu nzubo muchi.\nInge kyakonsheka, bikaimo masefwa mu bibelo ne mu bipenze, kabiji ingijishainga bintu bitalazha mwela mu nzubo nangwa fani yakonsha kupanga mwañenze.\nVwalainga bivwalo byabula kukemesha bivweta mubiji yense.\nInge kyakonsheka, chinuzhukainga kuya kwavimba, kutaanwa mwañenze, ne pa mema abula kupita po isemena.\nInge mwakolwa, pelawizhai kukeba muchi.\nInge mubena kunengezha kuya ku kyalo kwavula malelya . . .\nIpuzhai byo kuji saka mukyangye kuya. Tulongolo tuleta malelya twakonsha kupusana monka mwapusena mapunzha, kabiji kino kyakonsha kwimukwasha kuyuka muchi ye mwafwainwa kwingijisha. Kabiji mwafwainwa kushikisha dokotala kuba'mba emubuule bintu byo mwafwainwa kuchinuzhuka kwesakana na biji butuntulu bwenu bwa mubiji.\nKimye kyo mubena kufwakasha, londelainga mikambizho iji mu kino kibaaba ya boba bekala mu kyalo mwavula kikola kya malelya.\nInge mwakolwa, pelawizhai kukeba muchi. Yukai'mba tuyukilo twakonsha kumweka pakachi ka mulungu umo ne milungu ina kufuma patwelejile tulongolo.","id":"","dump":"CC-MAIN-2018-39","url":"https:\/\/www.jw.org\/kqn\/mabuku\/magazini\/g201507\/kikola-kya-mashika-kyo-ki-ka-bishinka\/","date":"2018-09-22T09:12:05Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158279.11\/warc\/CC-MAIN-20180922084059-20180922104459-00449.warc.gz","language":"kqn","language_score":1.000009656,"language_script":"Latn","minhash_cluster_size":1,"top_langs":"{\"kqn_Latn_score\": 1.0000096559524536}","num_words":359,"character_repetition_ratio":0.063,"word_repetition_ratio":0.0,"special_characters_ratio":0.184,"stopwords_ratio":0.181,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Nsemi wa mulume wa ku Brazil waambile'mba: \"Kupopwela kwa kisemi kwetu kuwama bingi, kya kuba inge nabula kubula kisemi amba kyapwa, tubazhimukangatu twafika ne pakachi ka bufuku.\" Mutwe wa kisemi wa ku Japan waambile'mba mwanami wamulume wa myaka 10 kechi umona ne kimye byo kyenda ne, kabiji ukebatu amba tutwajijile. Mambo ka? Bashanji baambile'mba: \"Umvwa bulongo kabiji kumuletela bingi lusekelo.\"\nPano bino, kechi baana bonse bomvwa bulongo, ne kwamba saka bakasuluka pa kupopwela kwa kisemi ne, kabiji bamo kechi bekutemwa ne. Pano mambo ka? Nsemi wamulume wa ku Togo waambile'mba: \"Kupopwela Yehoba kechi kwafwainwa kuletanga mukose ne.\" Umvwe kyaikala bino, nanchi ke na mambo a jishinda jo bobilamo kupopwela kwa kisemi nyi? Bisemi byavula byatana kuba'mba kupopwela kwa kisemi kwafwainwa kwikala kwa \"kumwenamo lusekelo\" byonka byaambile Isaya pa juba ja Sabado.—Isa. 58:13, 14.\nBansemi babalume bena Kilishitu batana amba pa kuba'mba kisemi kyabo kimwenengamo mu kupopwela kwa kisemi, bonse bafwainwa kukasuluka pa kwamba. Ba Ralf baji na baana babakazhi basatu ne wamulume umo, baamba'mba kupopwela kwa kisemi kwabo kwikalatu nobe babena kwisamba kabiji bonse bambapo. Ibyo kuba'mba kechi kyapela kulengela yense kutemwa byo mubena kufundapo ne. Nsemi wamukazhi umo waamba amba: \"Kechi nakonsha kulengela kupopwela kwa kisemi kuwama kwesakana na byo nkeba ne.\" Nanchi anweba mwakonsha kuba bino nyi?\nKWALAULA MASHINDA\nNsemi wamulume uji na baana babiji wa ku Germany, waambile'mba: \"Twafwainwa kwalaulangako pa kufunda.\" Natalia nsemi wamukazhi uji na baana babiji waambile amba: \"Kintu kyanema kyo tuba mu kisemi kyetu ke kwalaula mashinda mwakubila.\" Bisemi byavula byabanya kupopwela kwa kisemi mu mbaji yapusana pusana. Cleiton nsemi wamulume uji na baana babiji wa ku Brazil waamba kuba'mba, \"Kino kilengela kufunda kuwama ne bonse kwivwangamo.\" Umvwe baabanya kimye kya kufunda, bansemi bakonsha kuyuka bikeba mwana yense kwesakana na jifumbi jo ajipo. Bansemi bakonsha kuyuka bibena kukeba yense wa mu kisemi, kabiji bakonsha kwalula bya kufundapo ne jishinda ja kufunjishishamo.\nBisemi bimo bibena kuba byepi pa kwalaula mashinda a kufunjilamo? Bamo batendeka kupopwela kwa kisemi na kwimba nyimbo ya kutota Yehoba. Juan wa ku Mexico waamba amba: \"Kino kilengela kunengezha milanguluko pa bintu byo tusakufundapo.\" Ba mu kisemi basala nyimbo yakwatankana na mutwe ye basakufundapo.\nBisemi byavula bitangila pamo kipungu kimo kya mu Baibolo. Pa kuba'mba bonse bevwangemo, ba mu kisemi babana pa kutanga kwesakana na bantu baambile byobyo byambo biji mu Baibolo. Nsemi wamulume mwina Japan waambile kuba'mba, \"Aye kyamukatezhe kuba bino kimye kitanshi.\" Baana banji babiji babalume batemenwe bingi kubila pamo bino na bansemi babo. Bisemi bimo bifwanyikizha ne mashimikila a mu Baibolo. Roger nsemi wamulume uji na baana babalume babiji wa ku South Africa, waambile amba: \"Banyike bakonsha kuvuluka bintu biji mu jishimikila ja mu Baibolo bansemi byo bakonsha kulubamo.\"\nJishinda jikwabo ja kwalawilamo pa kufunda ke kwingijila pamo, nabiji kulenga bwato bwa kwa Nowa bwa kifwanyikizho nangwa kushimika nzubo ya Lesa yashimikile Solomone. Kupesapesa pa kuba'mba mube bino kulengela kumwenamo. Kya kumwenako, mu kibamba kya kukokolokelamo kya kisemi kimo mu Asia, kashimbi wa myaka 5, bansemi, ne bankambo yanji babakazhi, balengele mashinda a bumishonale mwapichile mutumwa Paulo pa kipabi. Bisemi bikwabo bilenga biji mu mashimikila a mu buku wa Kulupuka pa kipabi. Donald uji na myaka 19 wa ku Togo waambile kuba'mba kwalaula \"mashinda a kupopwela kwa kisemi kwalengela kisemi kyetu kukwatankana.\" Nanchi mwakonsha kulangulukapo bintu byakonsha kulengela kupopwela kwa kisemi kyenu kuwama nyi?\nKUNENGEZHA BULONGO KWANEMA BINGI\nNangwa kya kuba kwalaula mashinda kulengela kupopwela kwa kisemi kuwama, pa kuba'mba mumwenemo mu lufunjisho kikebewa kunengezha. Kimo kimye banyike bakoka bukiji, onkao mambo bansemi babalume bafwainwa kulangulukapo bulongo ne kunengezhezha jimo byo basa kufunda. Nsemi wamulume umo waambile kuba'mba: \"Umvwe nanengezha bonse bamwenamo.\" Nsemi wamulume wa ku Germany ubujila jimo kisemi kyanji bintu byo bakafundapo mu milungu ya kulutwe. Nsemi wamulume uji na baana 6, baji na myaka kutendeka pa 2 kufika pa 12, wa ku Benin unengezhezha jimo mepuzho umvwe bakatambanga DVD waimena pa Baibolo pa kupopwela kwa kisemi saka ku kiji kimye. Kunengezha kwakonsha kulengela kupopwela kwa kisemi kuwama.\nUmvwe kisemi kyayukila jimo byo bakafunda kulutwe, bakonsha kwambangapo mukachi ka mulungu, kabiji kino kibalengela kwikala na kizaku kya kufunda. Inge yense wa mu kisemi uji na mwingilo wa kuba, ukanemeka kupopwela kwa kisemi.\nIKALAINGA NA KUPOPWELA KWA KISEMI KIMYE KYONSE\nBisemi byavula kechi bikala na kupopwela kwa kisemi kimye kyonse ne.\nBansemi babalume bengila kimye kyabaya pa kubatu amba batane kajo ka kisemi. Kya kumwenako, nsemi umo wamulume mu Mexico ufuma pa nzubo na 6 koloko wa lukelo ne kubwela na 8 koloko wa bufuku. Kabiji kimye kimo bapimpula kimye kya Kupopwela kwa Kisemi na mambo a bintu bikwabo bya ku mupashi, nabiji mulungu wafwakasha kalama wa mwanzo nangwa wa kushonkena ka nkambi.\nNangwa byonkabyo, twafwainwa kumona kuba'mba tubena kwikala na kupopwela kwa kisemi kimye kyonse. Loïs uji na myaka 11 wa ku Togo, waambile bino pa kisemi kyabo amba: \"Nangwa kya kuba kimye kimo tukelwa kutendeka kupopwela kwa kisemi na mambo a bintu bimo bimweka mu kimye kya mute, bino kimye kyonse twikala na kupopwela kwa kisemi.\" Kino kyo kilengela bisemi bimo kwikala na kupopwela kwa kisemi mu moba a kutendekelapo mu mulungu. Inge kwamweka bintu bya kubula kuketekela, bakonsha kumonapo juba jikwabo mu yenkao mulungu.\nByonkatu bilumbulula byambo bya kuba'mba \"kupopwela kwa kisemi,\" luno ke lubaji lwa kupopwela Yehoba. Bonse ba mu kisemi kyenu bapanenga \"byambo bya lutotelo nobe milambo\" kwi Yehoba pa mulungu pa mulungu. (Ho. 14:2) Lekai kupopwela kwa kisemi kwikalenga kimye kya lusekelo ku bonse ba mu kisemi kyenu \"mambo lusekelo lwa Yehoba bo bulume bwenu.\"—Ne. 8:9, 10.","id":"","dump":"CC-MAIN-2018-39","url":"https:\/\/www.jw.org\/kqn\/mabuku\/magazini\/w20140315\/kupopwela-kwa-kisemi\/","date":"2018-09-23T08:39:34Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159165.63\/warc\/CC-MAIN-20180923075529-20180923095929-00179.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":892,"character_repetition_ratio":0.105,"word_repetition_ratio":0.0,"special_characters_ratio":0.182,"stopwords_ratio":0.215,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 Amiwa Paulo kalume wa Lesa, mutumwa wa kwa Yesu Kilishitu mwayila lwitabilo lwa basalwa ba Lesa ne kuyukisha bulongo bukine monka mwayila munema wa kunemeka Lesa, 2 kabiji byaimena pa luketekelo lwa bumi bwa myaka ne myaka+ bo alayile kala Lesa ubula kubepa;+ 3 pakuba mu kimye kyanji kyatongolwa, wasolwele mambo anji kupichila mu mwingilo wa kusapwila ye bampele+ mwayila mukambizho wa Mupulushi wetu, aye Lesa; 4 kwi obewa Titusa, mwanami wa kine uji na lwitabilo lo tujipo nalo: Lusa lukatampe ne mutende bifuma kwi Lesa Tata ne kwi Kilishitu Yesu Mupulushi wetu bikale pe obewa. 5 Nakushile mu Keleta kuba'mba olole bintu byayile munsunya* ne kutongola bakulumpe mu kipwilo mu mizhi yonse, byonka byo nakukambizhe: 6 inge kya kuba muji mwanamulume wabula mambo, uji na mukazhi umo, uji na baana baitabila babula kwikala bwikalo buncha* nangwa babula bansatuki.+ 7 Mambo byo aji kalume wa Lesa, kalama wafwainwa kwikala wabula kaneneno, kechi uba bintu monka mwakebela muchima wanji ne,+ kechi uzhingila bukiji ne,+ kechi kitomi ne, ubula kupumana, kechi wa lwiso lwa mali ne bintu ne, 8 bino utambwila benyi,+ watemwa byawama, ulanguluka bulongo,*+ waoloka, wa kishinka,+ wikanya,+ 9 ukwachisha mambo a kishinka* pa kwingijisha busendwe bwanji bwa kufunjisha,+ kuba'mba akonshe kutundaika* bakwabo na lufunjisho lwawama*+ ne kukajipila+ aba balengulula. 10 Mambo ko baji banabalume bavula basatuka, bakyabauki, bajimbijimbi, kikatakata boba bakosela mukanda.+ 11 Kyafwainwa kwibakanya kwamba bano banabalume, mambo babena konauna lwitabilo lwa bisemi kupichila mu kufunjisha bintu byo bafwainwa kubula kufunjisha, na mambo a lwiso lwa mali ne bintu. 12 Umo mwi abo, yenka ngauzhi wabo, waambile'mba: \"Bena Keleta kimye kyonse bo ba bubela, banyama bakaji, kabiji bankope bakebatu kuja.\" 13 Kuno kushimuna kwa kine. Na mambo a kino, saka wibakajipila kyakosa kuba'mba bekale na lwitabilo lwakosa, 14 ne kubula kutesha muchima ku bishimi bya Bayudea ne mikambizho ya bantu bafuma mu bukine. 15 Ku bantu ba michima yatoka, bintu byonse byatoka;+ pakuba ku bantu ba michima yatama ne babula bukishinka, kafwako kintu nangwa kimo kyatoka ne, mambo milanguluko yabo ne mawi abo a mu michima beatamisha.+ 16 Bamba pa bantu amba bamuyuka Lesa, bino bamukana na mingilo yabo,+ mambo abo bo ba bunya, babula kukookela kabiji babula kufwainwa kwingila mingilo yawama.\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/titusa\/1\/","date":"2018-04-27T00:15:38Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948617.86\/warc\/CC-MAIN-20180426222608-20180427002608-00598.warc.gz","language":"kqn","language_score":1.0000095367,"language_script":"Latn","minhash_cluster_size":1,"top_langs":"{\"kqn_Latn_score\": 1.000009536743164}","num_words":391,"character_repetition_ratio":0.055,"word_repetition_ratio":0.0,"special_characters_ratio":0.202,"stopwords_ratio":0.256,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"60 \"Obewa mwanamukazhi,+ imana usame, mambo kyeya kyobe kyaiya. Lukumo lwa Yehoba lwakusamina.+ 2 Umvwa! Mfishi ikavweta ntandaNe mfishi yafiitatu bwii ikekala pa bisaka bya bantu;Pakuba Yehoba ukakusamina,Ne lukumo lwanji lukamwekela pe obewa. 3 Bisaka bya bantu bikeya ku kyeya kyobe+Ne bamfumu+ bakeya ku kusama kwa lukumo lobe.*+ 4 Inuka ukenkente konse konse! Bantu bonse bakonkana; babena kwiya kwi obewa. Baana bobe ba balume babena kwiya kufuma kwalepa,+Ne baana bobe ba bakazhi saka bebapaapa munyuma.+ 5 Pa kyokya kimye ukamona ne kusangalala,+Kabiji muchima wobe ukasekela ne kusangalala bingi,Mambo bakakupa bya bunonshi bya ku kalunga ka mema;Ne bya buneme bya mu bisaka bya bantu bikekala ke byobe.+ 6 Kipanyi kya bangamela kikakumbana mu kyalo kyobe,Baana ba bangamela ba ku Mijanyi ne ku Efwa.+ Aba bonse ba ku Sheba bakeya;Bakasenda ngolode ne binunka bulongo. Bakamba bya kutota Yehoba.+ 7 Matanga onse a mikooko a ku Keda+ akeya kwi obewa. Mikooko ilume ya ku Nebayota+ ikakwingijilanga. Nkeiswisha kwiileta pa kya kusokelapo bitapisho kyami,+Kabiji nkawamisha nzubo yami ya lukumo.*+ 8 Nanchi bañanyi bo, babena kupita mwiulu nobe makumbi,Nobe bankunda babena kubwela ku bikumbi* byabo? 9 Mambo bekala ku makuji bakaketekela mwi amiwa;+Maato a ku Tashishi o atangilako,*Kuleta baana bobe kufuma kwalepa,+Saka basenda siliva ne ngolode yabo,Kuba'mba batumbijike jizhina ja Yehoba Lesa wobe kabiji Wazhila wa Isalela, Mambo aye ukakutumbijika.+ 10 Bantu bafuma ku kyalo kingi bo bakashimika masakwa obe,Ne bamfumu babo bakakwingijilanga,+Mambo amiwa nakupumine na mambo a bukaji bwami,Pano bino, na mambo a bibusa* byami nkakubila lusa.+ 11 Bibelo byobe bikekalangatu bya kyashi kikupu;+Kechi bakebishinkanga mute nangwa bufuku ne,Kuba'mba bakakuletelenga bunonshi bwa ku bisaka bya bantu,Kabiji bamfumu babo bo bakekala batanshi kuba kino.+ 12 Mambo kisaka kyonse kya bantu nangwa bufumu bonse bukabula kukwingijila bukonaika,Ne bisaka bya bantu bakebyonaunatu pelu.+ 13 Lukumo lwa Lebanoni lukeya kwi obewa,+Kichi kya yunipa, kichi kya ashi* ne kya sipulesi bikeya pamo,+Kuba'mba biwamishe mpunzha ya nzubo yami; Nkatumbijika mpunzha pa kunyanta maulu ami.+ 14 Baana ba boba bakumanyikilenga bakeya na kukufukamina;Bonse bakulengulwilenga bakakufukamina,Kabiji bakakutela'mba yobe muzhi wa Yehoba,Ko kuba'mba muzhi wa Ziona wa yewa Wazhila wa Isalela.+ 15 Inge kya kuba'mba bakushetu ne kukushikwa kwa kubula nangwa umo upitamo ne,+Amiwa nkakwalula ke wakwitotelamo kikupu,Bisemi byonse mo mo bikasangalelanga kimye kyonse.+ 16 Kabiji obewa ukatoma mukaka wa bisaka bya bantu,+Ukamwa ne ku mabele a bamfumu;+Kabiji po po ukayuka'mba amiwa yami Yehoba, Mupulushi wobe,Lesa wa Bulume wa kwa Yakoba ye Mukuzhi wobe.+ 17 Pajinga mukuba, nkapingakenyapo ngolode,Kabiji pajinga kyela kya kapotwe nkapingakenyapo siliva,Pajinga bichi nkapingakenyapo mukuba,Pajinga mabwe, nkapingakenyapo kyela kya kapotwe;Kabiji nkatongola mutende kwikala ntangi wobeNe bololoke kwikala mukulumpe wobe.+ 18 Bumbanzhi kechi bukomvwanyikapo jibiji mu kyalo kyobe ne,Nangwatu mu mapunzha obe kechi mukekalapo bikakunduka nangwa bikonaika ne.+ Kabiji ukatela masakwa obe amba Lupulukilo+ ne bibelo byobe amba Lutotelo. 19 Mambo juba kechi jikakusamishanga kyeya mute ne,Nangwatu ñondo naye kechi ukakusamishanga kyeya ne,Mambo Yehoba ye ukekala kyeya kyobe myaka ne myaka,+Kabiji Lesa wobe ye ukekala lukumo lobe.+ 20 Kabiji juba jobe kechi jikazhikanga ne,Ñondo naye kechi ukatapa mfishi ne,Mambo Yehoba ye ukekala kyeya kyobe myaka ne myaka,+Kabiji moba obe a kujila akapwa.+ 21 Kabiji bantu bobe bonse bakekala ke baoloka;Bakekalanga mu ntanda myaka ne myaka. Ye musele ye najimbile,Yo mingilo ya maboko ami+ namba ntumbijikilwemo.+ 22 Wajinga mukoka mucheche ukekala ke mukoka mukatampeNe mukoka wakepa ukekala ke mukoka wakosa. Amiwa Yehoba yami nkapelawizha kwikifikizha mu kimye kyakyo.\"\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/isaya\/60\/","date":"2018-04-26T21:48:56Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948549.21\/warc\/CC-MAIN-20180426203132-20180426223132-00562.warc.gz","language":"kqn","language_score":1.0000076294,"language_script":"Latn","minhash_cluster_size":1,"top_langs":"{\"kqn_Latn_score\": 1.0000076293945312}","num_words":566,"character_repetition_ratio":0.051,"word_repetition_ratio":0.0,"special_characters_ratio":0.19,"stopwords_ratio":0.203,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"22 Kepo Davida aambile'mba: \"Ino yo nzubo ya Yehoba Lesa wa kine, kabiji kino kyo kya kusokelapo bitapisho bya mulambo wa kusoka wa bena Isalela.\"+ 2 Kabiji Davida wakambizhe'mba bakonkanye pamo bantu bafumine ku byalo bingi+ bajinga mu kyalo kya Isalela, kabiji wibapele mwingilo wa kuchiba ne kusonga mabwe a kushimikila nzubo ya Lesa wa kine.+ 3 Kabiji Davida wanengezhezhe ne kapotwe wavula wa kulengelako misomali ya ku binzhilo bya ku bibelo ne wa kulengelako makalampa, ne mukuba wavula wa kukankalwa kupima,+ 4 ne bichi bya sida+ bya kukankalwa kubala, mambo bena Shidona+ ne bena Tila+ baletele bichi bya sida byavula bingi kwi Davida. 5 Kabiji Davida waambile'mba: \"Mwanami Solomone ukiji mwanyike kabiji kechi wayuka bintu byavula ne,*+ ne nzubo yo akashimikila Yehoba ikabaya bingi,+ kya kuba nkuwa yayo ne lukumo+ lwayo lukafika mu byalo byonse.+ Onkao mambo, nsakumunengezhezha bintu.\" Byonkabyo, Davida wanengezhezhe bintu byavula saka akyangye kufwa. 6 Kabiji waichile mwananji aye Solomone ne kumukambizha kushimika nzubo ya Yehoba Lesa wa Isalela. 7 Davida waambijile Solomone mwananji amba: \"Muchima wami wakebeshe bingi kushimika nzubo mwa kutumbijikila jizhina ja Yehoba Lesa wami.+ 8 Bino jiwi ja Yehoba jaishile kwi amiwa amba, 'Waichila mashi avula bingi ne kulwa makondo akatampe. Kechi ukanshimikila nzubo mwa kutumbijikila jizhina jami ne,+ mambo waichila mashi avula bingi pano pa ntanda ku meso ami. 9 Pano umvwa! Ukasema mwana wa mulume+ ukekala muntu wa mutende,* kabiji nkamulengela kukokoloka ku balwanyi banji bonse bakamuzhokoloka,+ mambo Solomone*+ jo jikekala jizhina janji kabiji nkalengela bena Isalela kwikala mu mutende ne ku matwi nzoo mu moba anji.+ 10 Ye ukanshimikila nzubo mwa kutumbijikila jizhina jami.+ Ukekala mwanami, ne amiwa nkekala shanji.+ Nkekajika jitanda ja bufumu bwanji pa bena Isalela myaka ne myaka.'+ 11 \"Pano mwanami, Yehoba ekale nobe, kabiji umonenga byawama ne kushimika nzubo ya Yehoba Lesa wobe, byonkatu byo aambile na mambo a obewa.+ 12 Yehoba akakupe maana ne milangwe+ kimye kyo akakupa bukalama bwa pa bena Isalela, pa kuba'mba ukalondelenga mizhilo ya Yehoba Lesa wobe.+ 13 Inge ukalondelenga bulongo malamuna+ ne mizhilo Yehoba yo akambizhe Mosesa kupa bena Isalela,+ po po ukamonanga byawama. Chinchika ne kukosa. Kange ube moyo nangwa kukakilwa ne.+ 14 Amiwa namanama bingi pa kunengezha bintu bya ku nzubo ya Yehoba, matalenta* a ngolode 100,000, matalenta a siliva 1,000,000 ne mukuba wavula ne kapotwe+ bya kukankalwa kupima, kabiji nanengezha bichi ne mabwe,+ bino ne obewa ukanungapo. 15 Obewa uji na ba mingilo bavula—basonga mabwe, bashimika na mabwe,+ basendwe ba bichi ne basendwe bavula bapusana pusana.+ 16 Ngolode, siliva, mukuba ne kapotwe byavula bya kukankalwa kupima.+ Imana utendeke mwingilo, kabiji Yehoba ekale nobe.\"+ 17 Kepo Davida akambizhe babinemanga bonse ba bena Isalela amba bakwashe mwananji aye Solomone ne kwamba'mba: 18 \"Nanchi Yehoba Lesa wenu kechi uji nenu, kabiji kechi wimulengela kukokoloka konse konse nenyi? Mambo wampele bangikazhi ba mu kino kyalo, kabiji kyalo bekishinda ku meso a Yehoba ne ku meso a bantu banji. 19 Pano fuukulaipo mu michima yenu ne myeo* yenu kukeba Yehoba Lesa wenu,+ ne kutendeka kushimika nzubo yazhila ya Yehoba Lesa wa kine,+ pa kuba'mba balete jikwachi ja lulayañano lwa Yehoba ne bipe byazhila bya Lesa wa kine+ mu nzubo yo bashimika ya kutumbijikilamo jizhina ja Yehoba.\"+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/1-byambo-bya-moba\/22\/","date":"2018-04-23T09:46:49Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945940.14\/warc\/CC-MAIN-20180423085920-20180423105920-00082.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":546,"character_repetition_ratio":0.068,"word_repetition_ratio":0.0,"special_characters_ratio":0.204,"stopwords_ratio":0.269,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"46 \"Nkambo Mfumu Yehoba waamba'mba: 'Kibelo kya mu kipango kya mukachi kyatala ku musela,+ kyafwainwa kushala monka kyashinkikila+ pa moba a mwingilo atanu na jimo,+ pano bino, pa juba ja Sabado ne ja kutentama kwa ñondo bafwainwa kwikishinkula. 2 Kinemanga ukatwela kufuma pangye kutwelela ku kazubo ka ku kibelo,+ kabiji ukemana ku jishiki ja pa kibelo. Bañanga bakapana milambo yanji ya kusoka ne bitapisho byanji bya mutende, kabiji aye ukafukama pa kibelo ne kulupukamo. Bino kibelo bakekishatu kyashi kufikatu ne mabanga. 3 Pa Masabado ne pa kutentama kwa bañondo, bantu ba mu kyalo nabo bakafukamanga kwi Yehoba pa kibelo.+ 4 \"'Milambo ya kusoka ikapananga kinemanga kwi Yehoba pa juba ja Sabado, yafwainwa kwikala ya baana ba mikooko balume batanu na umo babula bulema ne mukooko mulume umo wabula bulema.+ 5 Akapanenga efa* umo wa mulambo wa kajo kwesakana na mukooko mulume, ne kintu kyonse kyo afwainwa kupana pa baana ba mikooko balume, kubikapo ne hini* wa manyi aesakana na kipimo kya efa kimo.+ 6 Pa juba ja kutentama kwa ñondo, akapanenga mwana ñombe wabula bulema wa mu jitanga, baana ba mikooko balume batanu na umo ne mukooko mulume umo; bano banyama bafwainwa kwikala babula bulema.+ 7 Wafwainwa kupana kipimo kya efa umo wa mulambo wa kajo pa mwana ñombe umo, mukooko mulume, ne kintu kyonse muntu kyo akonsha kupana pa baana ba mikooko balume. Kabiji wafwainwa kupana ne hini wa manyi pa kipimo kya efa kimo. 8 \"'Umvwe kinemanga watwela, wafwainwa kutwelela ku kibamba kya pa kibelo kiji ku kibelo, kabiji wafwainwa kulupukila konka ko aji kutwelela.+ 9 Kabiji inge bantu ba mu kyalo baiya kwi Yehoba kimye kya bijiilo,+ aba bakatwelela ku kibelo kya ku kabeta ka ku buyeke+ pa kwiya na kumupopwela, bafwainwa kulupukila ku kibelo kya ku kabeta ka ku bulenge.+ Kabiji aba bakatwelela ku kibelo kya ku kabeta ka ku bulenge, bafwainwa kulupukila ku kibelo kya ku kabeta ka ku buyeke. Kafwako muntu nangwa umo wafwainwa kulupukila ku kibelo konka ko aji kutwelela ne, bino bonse bafwainwa kulupukila ku kibelo kikwabo kiji kulutwe yabo. 10 Pakuba kinemanga ye baji nanji, aye ukatwela inge batwela, kabiji inge balupuka naye wafwainwa kulupuka. 11 Pa kimye kya bijiilo, ne bijiilo bikatampe bya pa mwaka bakapananga efa umo wa mulambo wa kajo pa mwana ñombe, mukooko mulume, ne kintu kyonse muntu kyo afwainwa kupana pamo na baana ba mikooko balume, kubikapo hini umo wa manyi pa efa.+ 12 \"'Umvwe kinemanga wapana mulambo wa kusoka+ nangwa bitapisho bya mutende kwikala mulambo wa kwifuukwila kwi Yehoba, bakamushinkwila kibelo kyatala ku musela, kabiji ukapana mulambo wanji yense wa kusoka ne bitapisho byanji bya mutende byonka byo oba pa juba ja Sabado.+ Inge walupuka pangye, kibelo bafwainwa kwikishinka.+ 13 \"'Pa juba pa juba mwafwainwa kupana mwana mukooko mulume wa mwaka umo wabula bulema kwikala mulambo wa kusoka kwi Yehoba.+ Mwafwainwa kubanga bino lukelo pa juba pa juba. 14 Kabiji kimye kyonse lukelo, mukapanenga kipimo kimo kya mu bipimo bitanu na kimo bitwela mu efa kwikala mulambo wa kajo kubikapo ne manyi a kipimo kimo kya mu bipimo bisatu bya hini a kusansa pa bunga bwalamba, kwikala mulambo wa kupana kwi Yehoba kimye kyonse. Ano ke malamuna a myaka ne myaka. 15 Lukelo pa juba pa juba bafwainwa kupananga mwana mukooko mulume, mulambo wa kajo ne manyi kwikala ke mulambo wa kusoka wa kimye kyonse.' 16 \"Nkambo Mfumu Yehoba waamba'mba: 'Umvwe kinemanga wapana bya bupe ku baana banji bonse kwikala bya buswanyi, bino bya bupe bikekala bya baana banji. Bikekala ke bya buswanyi bwabo. 17 Bino umvwe wapana kya bupe kya mu bya buswanyi byanji kwi kalume wanji umo, bikekala ke byanji kufikatu ne mwaka ye bakamukasulula;+ apa bino bakebibwezhe ku kinemanga. Pakuba bya buswanyi bya baana banji bikekala byabo kikupu. 18 Kinemanga kechi wafwainwa kwangata bantu bintu byabo bya buswanyi mu lupata ne. Wafwainwa kupa baana banji bintu bya mu buswanyi bwanji, pa kuba'mba muntu nangwa umo akabule kwangata bantu bami bintu byabo.'\" 19 Ponkapo wantwezhejile ku kibelo kya kutwelela+ mu bibamba byazhila* bya kujiilamo bya bañanga byatajile ku kabeta ka ku buyeke,+ kabiji kuno namweneko mpunzha ku muzhika yajinga kunyuma yabyo. 20 Wañambijile'mba: \"Ino yo mpunzha kukatekelanga bañanga mulambo wa mambo, mulambo wa bubi, kabiji ko ko bakoshelanga mulambo wa kajo,+ pa kuba'mba bakabule kusendapo kintu nangwa kimo pa kuya mu kipango kya pangye ne kuzhijika bantu.\"+ 21 Wandetele ku kipango kya pangye ne kumpisha mu makonka ana a kipango, kabiji namwene kipango kyajinga mu makonka a kipango kya pangye. 22 Kabiji mu makonka ana a mu kipango, mwajinga bipango bya bicheche byajinga mu bula makyubichi* 40 ne mu bwipi 30. Byonse bina byaesakene.* 23 Ku bino bipango byonse bina kwazhokolokele momeno,* kabiji munshi ya momeno bashimikilemo tubibamba mwa kutekela milambo. 24 Ponkapo wañambijile'mba: \"Ano o mazubo, bantu baingijilanga mu nzubo ya Lesa o batekelangamo bitapisho bya kupana ku bantu.\"+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/ezikyo\/46\/","date":"2018-04-19T18:35:27Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937015.7\/warc\/CC-MAIN-20180419165443-20180419185443-00030.warc.gz","language":"kqn","language_score":1.0000071526,"language_script":"Latn","minhash_cluster_size":1,"top_langs":"{\"kqn_Latn_score\": 1.000007152557373}","num_words":813,"character_repetition_ratio":0.08,"word_repetition_ratio":0.0,"special_characters_ratio":0.2,"stopwords_ratio":0.258,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"28 Byo twapulukile bonse, po po twayukile'mba jino jikuji jatelwanga'mba Melita.+ 2 Kabiji bantu* baambilenga mulaka ungi betubijile bingi lusa.* Babanzhile mujilo ne kwitutambwila bulongo na mambo a mvula wanokelenga ne mashika. 3 Bino Paulo byo abungulwile nsala ne kwiibika pa mujilo, na mambo a kyuya kipiji waswatukilepo ne kuumina pa kuboko kwa kwa Paulo. 4 Bantu baambilenga mulaka ungi byo bamwene uno muloolo wa bulembe saka aumina pa kuboko kwanji, batendekele kwamba mulwabo amba: \"Kine, uno muntu mbanzhi, nangwa kya kuba wapuluka pa kalunga ka mema, Bunchibamambo Bwaoloka* kechi bwamuswisha'mba ekale mumi ne.\" 5 Nangwa byonkabyo, wamukunchijile muloolo mu mujilo kabiji kafwako kyatama kyamumwekejile ne. 6 Bino bantu balangulukilenga'mba usakuvimba nangwa kufwa ponkapotu. Byo bapembejile pa kimye kyabaya ne kumona'mba kafwako kyatama kyamumwekela ne, bapimpwile milanguluko ne kutendeka kwamba'mba ye lesa. 7 Kwipi na yonka ino mpunzha kwajinga majimi a mukulumpe wa jino jikuji wa jizhina ja Pubiliusa, witutambwijile bingi bulongo ne kwitulama pa moba asatu. 8 Shanji Pubiliusa walaajile pa mwanya saka akolwa kikola kya mashika ne kupolomya mashi, kabiji Paulo byo atwelele mo ajinga, walombele ne kumutenteka maboko, ne kumubuka.+ 9 Kino byo kyamwekele, bantu bonse ba pa jikuji bajinga na bikola, nabo batendekele kwiya kwi aye kabiji wibabukile.+ 10 Betunemekele ne na bya bupe byavula, kabiji byo twayilenga na bwato, betupaikijile bintu byonse byo twakajilwe. 11 Byo papichile bañondo basatu, twakanjijile bwato bwajinga na kiyukilo kya kuba'mba \"Baana ba Balume ba kwa Zuse.\" Buno bwato bwafumine ku Alekesandiliya kabiji bwaikele pa jino jikuji mu bañondo ba mashika. 12 Kabiji byo twafikile pa kiito kya Silakusa, twaikelepo moba asatu; 13 byo twafuminepo twazhokolokele ne kufika ku Legiuma. Byo papichile juba jimo, kwaishile luvula kufuma ku kabeta ka ku bulenge kabiji pa juba ja bubiji twafikile ku Mputeoli. 14 Kuno twataaineko balongo kabiji betusashijile'mba twikale nabo pa moba atanu na abiji, kabiji twayile ku Loma. 15 Kabiji balongo mu Loma byo baumvwine'mba tubena kuya konka, betutundaijile kufikatu ne ku Kisankanyi kya Apiusa ne ku Mazubo a Benyi Asatu. Paulo byo ebamwene, wamusanchijile Lesa ne kukosa wakosele.+ 16 Byo twafikile mu Loma, Paulo bamuswishishe kwikala bunke bwanji pamo na mushilikale wamusopelenga. 17 Nangwa byonkabyo, byo papichile moba asatu, waichile bakulumpe ba Bayudea. Byo bakonkene pamo, wibambijile'mba: \"Anweba bakwetu, balongo, nangwa kya kuba kafwako kyatama kyo nauba ku bantu betu nangwa ku bisho bya bashakulu betu ne,+ bampaine ku bena Loma nobe nekaili+ kufuma ku Yelusalema. 18 Ne abo byo bangipwizheipwizhe,+ bakebelenga kunkasulula, mambo kechi bantaainepo na mambo a kungipayilapo ne.+ 19 Bino Bayudea byo bakaine, nalombele namba mambo ami beatwale kwi Kesala,+ bino kechi na mulanguluko wa kukeba kupamo mambo kisaka kyami ne. 20 O ene mambo o naji kukebela kumonañena nenu ne kwisamba nenu, mambo bankasa uno munyololo na mambo a luketekelo lwa bena Isalela.\"+ 21 Abo bamwambijile'mba: \"Atweba kechi twatambwilapo makalata kufuma ku Yudea pa mambo a obewa ne, kabiji mu balongo bafumako, kafwako nangwa umo witubuulapo nangwa kwamba kyatama pe obewa ne. 22 Bino twalanguluka'mba kyawama kumvwa milanguluko yobe, mambo twayuka'mba buno bupopweshi+ bubena kunenwa bibi konse konse.\"+ 23 Banengezhezhe juba jimo ja kwisamba nanji, kabiji bakonkene bavula mu nzubo mo afikijile. Kufuma lukelo kufika mabanga, aye wibalumbulwijile mambo kupichila mu kushimuna bulongo mambo a Bufumu bwa Lesa, kuba'mba ebetabishe pe Yesu+ kwingijisha Mizhilo ya Mosesa+ ne byaawile Bangauzhi.+ 24 Bamo batendekele kwitabila bintu byo aambilenga; bakwabo kechi bebitabijile ne. 25 Na mambo a kuba baabenejilemo, batendekele kupalañana, kabiji Paulo waambile bino byambo bya kuba'mba: \"Mupashi wazhila waambile kupichila mwi ngauzhi Isaya ku bashakulu benu, 26 amba, 'Yanga ku bano bantu ne kwamba'mba: \"Kumvwa mukomvwa, bino kechi mukakwatakanya ne, kabiji kutala mukatala bino kechi mukamona ne.+ 27 Mambo michima ya bano bantu yakosa, kabiji bomvwa na matwi abo, bino kechi batako muchima ne, kabiji bazhinzhibala, kuba'mba babule kumona na meso abo ne kumvwa na matwi abo ne kukwatakanya na michima yabo ne kubwela kuba'mba nebabuke ne.\"'+ 28 Onkao mambo, umvwishai kino kuba'mba, luno lupulukilo lufuma kwi Lesa belutwala ku bisaka bya bantu;+ ne abo bakelumvwa.\"+ 29 *—— 30 Onkao mambo, waikelenga konkakwa myaka ibiji ituntulu mu nzubo yo asonkelanga,+ kabiji watambwilanga bulongo bonse baiyanga kwi aye, 31 saka ebasapwila pa Bufumu bwa Lesa ne kwibafunjisha bintu byaamba pe Nkambo Yesu Kilishitu saka akasuluka pa kwamba,*+ kwa kubula wa kumukanya.\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/byubilo\/28\/","date":"2018-04-19T10:18:03Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125936833.6\/warc\/CC-MAIN-20180419091546-20180419111546-00591.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":713,"character_repetition_ratio":0.042,"word_repetition_ratio":0.0,"special_characters_ratio":0.196,"stopwords_ratio":0.286,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"42 Ponkapo Yoba wakumbwile Yehoba amba: 2 \"Pano nayuka namba anweba mwakonsha kuba bintu byonseKabiji kafwako kintu kyo mwafuukula kuba kyo mwakonsha kukankalwa ne.+ 3 Mwaji kwamba'mba, 'Uno ye ñanyi uvulañanya bintu byo nafuukula, byo abula kuyuka?'+ Onkao mambo, amiwa naambilenga kwa kubula kuyukaPa bintu bya kukumya byo nabujile kuyuka.+ 4 Mwaji kwamba'mba, 'Akinteleke ñambe. Amiwa nsakukwipuzha, ne obewa umbule.'+ 5 Nemumvwangatu na matwi ami,Pano nemumona na meso ami. 6 O ene mambo o nalengulwila* byambo byo naambile,+Kabiji nalapila saka nepukula mu maloba ne mu buto.\"+ 7 Yehoba byo apwishishe kwamba bino byambo kwi Yoba, Yehoba waambijile Elifwaza mwina Temanyi amba: \"Nakuzhingijila bingi obewa ne balunda nobe babiji,+ mambo kechi mwaambile bya kine pe amiwa+ byonka byaubile Yoba kalume wami ne. 8 Pano sendai bañombe balume batanu na babiji ne mikooko ilume itanu na ibiji, muye kwi Yoba kalume wami mukapane bitapisho bya kusoka. Kabiji Yoba kalume wami usakwimulombelako.+ Nsakuswa misashijilo* yanji kuba'mba mbule kwimuba monka mwayila kukosama kwenu, mambo anweba kechi mwaambile bya kine pe amiwa byonka byaubile Yoba kalume wami ne.\" 9 Onkao mambo, Elifwaza mwina Temanyi, Bilidada mwina Shua ne Zofwala mwina Naamata bayile ne kuba bibakambizhe Yehoba. Kabiji Yehoba waswile lulombelo lwa kwa Yoba. 10 Yoba byo apwishishe kulombelako balunda nanji,+ Yehoba wafumishepo bya malwa pe Yoba+ ne kumubwezhezha bunonshi* bwanji. Yehoba wamupele bintu byavula kukila pa byo ajinga nabyo kala, pa kintu kimo bibiji pa kintu kimo bibiji.+ 11 Balongo banji bonse ne banyenga yanji bonse ne balunda nanji+ ba kala bonse baishile kwi aye ne kujiila nanji pamo kajo mu nzubo yanji. Bamukoseshenga ne kumutekenesha pa bya malwa byonse byaswishishe Yehoba kumumwekela. Bonse pa muntu pa muntu bamupele mali ne mashikiyo a ngolode. 12 Byonkabyo, Yehoba wapesheshe bwikalo bwa kwa Yoba bwapeleleko kukila butanshi,+ kabiji Yoba waikele na mikooko 14,000, bangamela 6,000, bañombe ba ku bikonkoji 1,000 ne bambongolo bakazhi 1,000.+ 13 Kabiji wasemene ne baana bakwabo ba balume batanu na babiji ne baana ba bakazhi bakwabo basatu.+ 14 Mwananji wa mukazhi mutanshi wamutumbile'mba Yemima, wa bubiji amba Keziya ne wa busatu amba Kelenapuchi. 15 Mu kyalo kyonse, kechi mwajingapo banabakazhi balambile nobe baana ba bakazhi ba kwa Yoba ne, kabiji shabo wibapele bya buswanyi pamo na bakolojabo. 16 Bino byonse byo byapwile, Yoba waikele myaka 140, kabiji wamwene baana banji ne bankana banji, ko kuba'mba bisemi bina. 17 Kabiji Yoba wafwile saka aikala myaka yavula ne kutondwa na bumi.*\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/yoba\/42\/","date":"2018-04-21T21:44:39Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945448.38\/warc\/CC-MAIN-20180421203546-20180421223546-00458.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":416,"character_repetition_ratio":0.054,"word_repetition_ratio":0.015,"special_characters_ratio":0.206,"stopwords_ratio":0.224,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"10 Balongo bami, mbena kukeba namba muyuke'mba bashakulu betu bajinga munshi ya jikumbi+ kabiji bonse bapichile mu kalunga ka mema+ 2 kabiji bonse babatizhiwe mwi Mosesa kupichila mu jikumbi ne mu kalunga ka mema, 3 kabiji bonse bajiile kajo ka ku mupashi kantutu kamo+ 4 kabiji bonse batomene mema a ku mupashi antutu amo.+ Mambo batomenenga ku jibwe ja ku mupashi jibalondejilenga, ne jino jibwe jaimenejilengako* Kilishitu.+ 5 Nangwa byonkabyo, kechi bonse bamutokeshe Lesa ku muchima ne, mambo bamo bebepayijile mu kiselebwa.+ 6 Bino bintu byaikala bya kufunjilako atweba, kuba'mba tubulenga kukeba bintu byatama byo bakebelengapo abo.+ 7 Kange tupopwelenga bankishi, byonka byo baubile bamo mwi abo ne; byonkatu byo kyanembwa'mba: \"Bantu baikele na kuja ne kutoma. Kepo baimene ne kusangalala.\"+ 8 Kechi tubenga bulalelale* byonka byo baubilenga bamo bulalelale* ne, kya kuba bantu 23,000 bafwile mu juba jimo.+ 9 Kabiji kange tumweseke Yehoba*+ byonka byamwesekele bamo ne, bano bebepayile ku miloolo.+ 10 Kabiji kechi twikale bakunyinyita byonka bamo byo banyinyichilenga ne,+ bano bebepayile ku malaika.+ 11 Abya bintu bibamwekejilenga kwikala bya kufunjilako, kabiji bebinembele kwitujimunako atweba+ bo yafikila mpelo ya buno bwikalo. 12 Onkao mambo, awa ulanguluka'mba waimana, ajimuke kuchina'mba wakapona.+ 13 Kafwako lweseko lwimufikila lwabula kupitamo bantu bakwabo ne.+ Bino Lesa wa kishinka, kabiji kechi ukemuleka'mba mwesekwe lweseko lwakila pa bulume bwenu ne,+ bino mu lweseko lonse aye ukemumwena jishinda ja kuchinchikilamo.+ 14 Onkao mambo, anweba batemwe bami, chinai kupopwela bankishi.+ 15 Mbena kwamba kwi anweba bantu ba milangwe; ifuukwilaipo anwe bene kana byo mbena kwamba bya kine nangwa ne. 16 Nanchi katomeno ka mapesho ko tupesha, kechi kalumbulula kwabana mashi a Kilishitu nenyi?+ Nanchi shinkwa ye tutebaula, kechi ulumbulula kwabana mubiji wa Kilishitu nenyi?+ 17 Mambo kujitu shinkwa umo nangwa kya kuba twavula, twi mubiji umo,+ mambo bonse tujako uno shinkwa umo. 18 Akimonai bena Isalela ba kisemwa: Nanchi aba baja bitapisho kechi babana na kya kusokelapo bitapisho nenyi?+ 19 Nanchi mbena kwamba'mba ka? Nanchi mbena kwamba'mba kintu kyo batapishisha bankishi kyo kintu nyi, inyi nkishi kyo kintu? 20 Ine; bino naamba namba bintu bitapisha bisaka bya bantu batapishisha bandemona, kechi batapisha kwi Lesa ne;+ kabiji kechi mbena kukeba namba mushilañanenga na bandemona ne.+ 21 Kechi mwafwainwa kutoma mu katomeno ka Yehoba* ne mu katomeno ka bandemona ne; kechi mwafwainwa kuja ku \"tebulu wa Yehoba\"*+ ne ku tebulu wa bandemona ne. 22 Nangwa 'nanchi tubena kumuzhingijisha Yehoba* nyi'?+ Abya twamukila mu kukosa nyi? 23 Bintu byonse bijitu bulongo mwayila mizhilo, bino kechi byonse byafwainwa kuba muntu ne. Bintu byonse bijitu bulongo mwayila mizhilo, bino kechi byonse bikomesha muntu ne.+ 24 Onkao mambo, muntu yense kechi akebengatu bintu byamuwamina aye mwine ne, poso bintu byawamina ne mukwabo.+ 25 Jainga nyama yonse yo bapotesha pa kisankanyi, kange mushikishenga na mambo a jiwi jenu ja mu muchima ne, 26 mambo \"ntanda yo ya kwa Yehoba* ne bintu byonse bijimo.\"+ 27 Umvwe muntu wabula kwitabila wimwita kabiji mwakeba kuya, jai byonse byo emupa, kwa kubula kushikisha nangwa kimo na mambo a jiwi jenu ja mu muchima. 28 Bino inge umo wimubuula'mba: \"Akye bekitapishisha bankishi,\" kwikija ne, na mambo a yewo wimubuula ne na mambo a jiwi ja mu muchima.+ 29 Kechi mbena kwamba pa jiwi jenu ja mu muchima ne, bino ja muntu mukwabo. Pano mambo ka bwana bwa bene bwami o bebuzhachishisha ku jiwi ja mu muchima ja muntu mukwabo?+ 30 Umvwe mbena kuja na kusanta, mambo ka onnenenwa bibi na mambo a kyokya kyo nsanchila Lesa?+ 31 Onkao mambo, inge mubena kuja, nangwa mubena kutoma nangwa mubena kuba kintu kya byepi nangwa kya byepi, bintu byonse saka mwibyubila lukumo lwa Lesa.+ 32 Kechi mwikale bya kwituntulako Bayudea ne Bangiliki nangwa kipwilo kya Lesa ne,+ 33 byonkatu ne amiwa byo mbena kwibikako kutokesha bantu bonse ku muchima mu bintu byonse, kechi nkebatu bintu byangwamina amiwa mwine ne,+ poso byawamina bavula kuba'mba bapuluke.+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/1-kolinda\/10\/","date":"2018-04-26T18:56:29Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948464.28\/warc\/CC-MAIN-20180426183626-20180426203626-00508.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":640,"character_repetition_ratio":0.052,"word_repetition_ratio":0.0,"special_characters_ratio":0.207,"stopwords_ratio":0.259,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LABAINGA! Mankumbinkumbi 2015 | Nanchi Muji na Bulume pa Bumi Bwenu Nyi?\nNanchi mumvwa nobe bumi kechi bwenu nenyi? Monai byo mwakonsha kuba pa kwikala na bulume pa bumi bwenu.\nMUTWE WA PA NKUPIKO\nKanga muleke makatazho o mwabujile kuketekela kuvulañanya bumi bwenu ne.\nMUTWE WA PA NKUPIKO\nBintu bina byakonsha kwimukwasha kuyuka mwakubila inge bintu byo mwakonsha kubula kwalula byo mwabujile kuketekela bimumwekela.\nMUTWE WA PA NKUPIKO\nInge ke mukeba kuba bintu byonse, mukakankalwa kubapotu nangwa kimo. Mwakonsha kuba byepi pa kuba'mba mubulenga kukookesha?\nMUTWE WA PA NKUPIKO\nNanchi javula mwikala na bijikila, kuzhingila ne bulanda nyi? Kuji bintu bimo byakonsha kwimukwasha kushinda bino.\nMUTWE WA PA NKUPIKO\nKuji bintu byakonsha kwimukwasha kwikala na bulume pa bumi bwenu kukila ne byo mwaketekejilenga.\nBYALO NE BANTU\nMu 'Kyalo kya Jiulu ja Kifufya' bantu bavilauka vilauka batambwila benyi.\nBYA KUKWASHA KISEMI\nMwakonsha kuba byepi inge kya kuba byapwa na ye mwakebelenga kwisongola nanji kabiji kibena kwimukola ku muchima?\nBYAMBAPO BAIBOLO\nNanchi mwafwainwa kusala nkito ya kwingila nyi?\nMwakonsha kwivimbila inge mwikala nangwa mubena kukeba kuya na kufwakasha mu kyalo muji kikola kya malelya.\nNANCHI KYALENGELWE NYI?\nWakonsha kusuma kintu na ngovu kukila byakonsha kusuma bokwe nangwa kisumpa jisatu, nangwa byonkabyo, mubanga wa kiwele umvwa bingi bukiji inge kwakunkula kintu kukila ne biji ku nuñunu ya munwe wa muntu. Mu ñanyi jishinda?\nMitwe Ikwabo\nLesa umona byepi bangivi? Tanga Kulupuka 20:15. Tamba uno vidyo ne kumona byaubile Kaleba.","id":"","dump":"CC-MAIN-2018-43","url":"https:\/\/www.jw.org\/kqn\/mabuku\/magazini\/g201507\/","date":"2018-10-23T09:09:12Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583516123.97\/warc\/CC-MAIN-20181023090235-20181023111735-00548.warc.gz","language":"kqn","language_score":1.0000098944,"language_script":"Latn","minhash_cluster_size":2,"top_langs":"{\"kqn_Latn_score\": 1.0000098943710327}","num_words":233,"character_repetition_ratio":0.095,"word_repetition_ratio":0.0,"special_characters_ratio":0.175,"stopwords_ratio":0.202,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LABAINGA! Na. 2 2017 | Ñanyi Utundaika Bingelekezha?\nAno moba mafilimu avula muji bingi bingelekezha.\nMwalangulukapo'mba ka? Nanchi kutamba mafilimu muji bingelekezha kijitu bulongo nyi, inyi mwakonsha kufuma byatama?\nUno \"Labainga!\" walumbulula kilengela bantu kutemwa bintu mwavwangwa bingelekezha kabiji waamba ne pa utundaika bino bintu.\nMUTWE WA PA NKUPIKO\nBulozhi, bipuku ne bandemona ke bintu bimo bibena kuba bantu ano moba. Bana kuba bino Babena kwibatundaika kuba ka?\nMUTWE WA PA NKUPIKO\nNangwa kya kuba bantu balanguluka'mba bingelekezha ne bulozhi bijitu bulongo, bino Baibolo waamba'mba byatama bingi. Nanchi Binembelo byaambapo'mba ka pa bino bintu kabiji mambo ka?\nNANCHI KYALENGELWE NYI?\nByuba lunyuki pa kwikala pa kintu kwa kubula kutupila byakonsha kukwasha byepi balenga tubintu twakwingijisha tutumbuka?\nBYA KUKWASHA KISEMI\nKufwisha bansemi kikola bingi ku muchima. Ñanyi bintu byakonsha kutekenesha banyike baji na bulanda?\nBaibolo wakwashishe byepi banyike basatu kuchinchika byo bafwishishe ba mu kisemi?\nBYALO NE BANTU\nMu kyalo kya Spain muji bingi bantu bavula ne bintutu bikwabo byavula bingi. Mu kyalo kya Spain bajima bingi wichi kukila byalo byonse pano pa ntanda.\nBYAMBAPO BAIBOLO\nBantu bavula balanguluka'mba musalaba ko kayukilo ka bwina Kilishitu. Nanchi Yesu wafwijile pa musalaba nyi? Nanchi baana ba bwanga ba kwa Yesu baingijishanga musalaba pa kupopwela Lesa nyi?\nYukai bintu byo mwafwainwa kuyuka pa kumvwisha byaamba Baibolo.","id":"","dump":"CC-MAIN-2019-04","url":"https:\/\/www.jw.org\/kqn\/mabuku\/magazini\/labainga-na2-2017-april\/","date":"2019-01-23T20:21:10Z","file_path":"s3:\/\/commoncrawl\/crawl-data\/CC-MAIN-2019-04\/segments\/1547584350539.86\/warc\/CC-MAIN-20190123193004-20190123215004-00143.warc.gz","language":"kqn","language_score":1.0000100136,"language_script":"Latn","minhash_cluster_size":2,"top_langs":"{\"kqn_Latn_score\": 1.0000100135803223}","num_words":209,"character_repetition_ratio":0.062,"word_repetition_ratio":0.0,"special_characters_ratio":0.171,"stopwords_ratio":0.196,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3 \"Unembele malaika wa mu kipwilo kya mu Saladisa amba: Awa uji na mipashi itanu na ibiji ya Lesa+ ne tubangabanga tutanu na tubiji waamba bino bintu amba:+ 'Nayuka mingilo yobe, kabiji uji na jizhina ja kuba'mba wi mumi, bino saka wafwa.+ 2 Saka ulaba ne kunkenkenta+ kuba'mba ukoseshe bintu byashalapo byajinga pepi kufwa, mambo namona namba kechi waingila* mingilo yonse ya kupa Lesa wami ne. 3 Onkao mambo, vulukanga bintu byo watambwile ne kumvwa, kabiji saka wibilama ne kulapila.+ Umvwe saka ubula kulaba ne kunkenkenta, amiwa nkeya nobe ngivi+ kabiji kechi ukayuka nangwatu pacheche kimye kyo nkeshilamo kwi obewa ne.+ 4 \"'Nangwa byonkabyo, uji na bantu bacheche mu Saladisa babula kutamisha bivwalo byabo,+ kabiji bakendanga ne amiwa mu bivwalo bitoka+ mambo abo bafwainwa uno munema. 5 Awa ushinda+ bakamuvwika bivwalo bitoka,+ kabiji kechi nkafuuta jizhina janji mu buku wa bumi ne,+ bino nkasolola jizhina janji kwi Batata ne ku bamalaika babo.+ 6 Uji na matwi omvwe bibena kwamba mupashi ku bipwilo.' 7 \"Unembele malaika wa mu kipwilo kya mu Filadelifya amba: Awa wazhila+ kabiji wa kine+ uji na kii wa kwa Davida,+ ushinkula binzhilo kuba'mba muntu nangwa umo abule kwibishinka, kabiji ushinka kuba'mba muntu nangwa umo abule kwibishinkula, waamba bino bintu amba: 8 'Nayuka mingilo yobe—tala! Nakushinkwila kinzhilo muntu nangwa umo kyo akonsha kubula kushinka ne.+ Nayuka'mba uji na bulume bucheche, kabiji walamine byambo byami kabiji waikele wa kishinka ku jizhina jami. 9 Tala! Aba ba mu nshinagoga ya kwa Satana betela'mba Bayudea,+ bino saka babula Bayudea, kabiji babena kubepa bubela—tala! Nkebalengela kwiya na kufukama* ku maulu obe ne kwibabuula'mba nakutemwa. 10 Na mambo a kuba walamine byambo pa mambo a kuchinchika kwami,*+ ne amiwa nkakulama mu kimye kya lweseko+ kyonkakya kikeya pano pa ntanda ponse, kya kwibeseka aba bekala pano pa ntanda. 11 Mbena kwiya bukiji.+ Kwachisha kintu kyo uji nakyo, pa kuba'mba muntu nangwa umo akabule kukwangata munchinya wobe.+ 12 \"'Awa ushinda—nkamulengela kwikala jishiki ja mu nzubo ya Lesa wami, kabiji aye kechi ukalupukamo ne, kabiji nkanemba pe aye jizhina ja Lesa wami,+ ne jizhina ja muzhi wa Lesa wami, Yelusalema Mupya+ ufuma mwiulu kwi Lesa wami, ne jizhina jami jipya.+ 13 Uji na matwi omvwe bibena kwamba mupashi ku bipwilo.' 14 \"Unembele malaika wa mu kipwilo kya mu Laodikea+ amba: Aye Amena+ kamonyi wa kishinka kabiji wa kine,+ ntendekelo ya bilengwa bya Lesa,+ waamba bino bintu amba: 15 'Nayuka mingilo yobe, amba kechi wauba munyango nangwa kutwa kyuya ne. Nanchi inge waubile munyango nangwa kutwa kyuya. 16 Bino byo wauba kyambazhi, ne kuba kyuya+ nangwa munyango ne,+ amiwa nsakukushipamo mu kanwa kami. 17 Mambo obewa wamba'mba, \"Amiwa yami munonshi+ kabiji nanonka bintu byonse kechi nakajilwapo kintu nangwa kimo ne,\" bino kechi wayuka'mba uji mu malwa, ulenga lusa, wayanda, wi mpofu kabiji uji na bwamba ne, 18 nakukambizha namba pota kwi amiwa ngolode yatubulwa bulongo na mujilo kuba'mba wikale munonshi, ne kupota bivwalo bitoka uvwale pa kuba'mba bumvu bwa bwamba bobe bubule kumweka,+ kabiji upote muchi wa kulamba mu meso+ kuba'mba umonenga.+ 19 \"'Aba bonse bo natemwa nebakajipila ne kwibafunjisha.+ Onkao mambo, ikala wa mukoyo ne kulapila.+ 20 Tala! Amiwa naimana pa kibelo saka nkonkonsha. Umvwe muntu waumvwa jiwi jami ne kunshinkwilako, nkatwela mu nzubo yanji ne kujiila nanji pamo kajo ka mulajilo ne aye ukajiila pamo ne amiwa. 21 Awa ushinda+ nkamuswisha kwikala pamo ne amiwa pa jitanda jami,+ byonkatu byo nashinjile ne kwikala+ ne Batata pa jitanda jabo. 22 Uji na matwi omvwe bibena kwamba mupashi ku bipwilo.'\"\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/lumwekesho\/3\/","date":"2018-04-19T14:11:43Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125936969.10\/warc\/CC-MAIN-20180419130550-20180419150550-00458.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":593,"character_repetition_ratio":0.051,"word_repetition_ratio":0.024,"special_characters_ratio":0.21,"stopwords_ratio":0.246,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"40 Kepo Yehoba aambijile Mosesa amba: 2 \"Pa juba jitanshi mu ñondo mutanshi, ukafiike tente wa lusambakeno.+ 3 Ukabikemo jikwachi ja Lushimuno+ ne kupembekako kipembe ku Jikwachi.+ 4 Ukatwezhemo tebulu+ ne kubikamo bipe bya pa tebulu kabiji ukatwezhemo kya kutulapo malampi+ ne kwambula malampi akyo.+ 5 Kabiji ukabike kya kusokelapo bya kufutumuna+ kya ngolode kwipi na jikwachi ja Lushimuno ne kubika kipembe* kya kuzhika mu kibelo kya tente wa lusambakeno.+ 6 \"Ukabike kya kusokelapo bitapisho bya mulambo wa kusoka+ kwipi na kibelo kya tente wa lusambakeno, 7 ne kubika shomeka pakachi aku tente wa lusambakeno aku kya kusokelapo bitapisho, kabiji ukabikemo ne mema.+ 8 Kepo ukalenge kipango+ kuzhokoloka tente wa lusambakeno ne kubikako kipembe*+ ku kibelo kya ku kipango. 9 Kabiji ukashikule manyi a kushinga+ ne kwiashinga ku tente wa lusambakeno yense ne ku bintu byonse bijimo,+ kabiji ukamuzhijike ne bipe bijimo byonse, ne tente wa lusambakeno ukekala wazhila. 10 Ukashinge ku kya kusokelapo bitapisho bya mulambo wa kusoka ne ku bipe byakyo byonse ne kuzhijika kya kusokelapo bitapisho, ne akyo kikekala kyazhijisha.+ 11 Kabiji ukashinge shomeka ne kya kumutentekapo ne kumuzhijika. 12 \"Kepo ukalete Alona ne baana banji ba balume kwipi na kibelo kya ku tente wa lusambakeno ne kwibovwa na mema.+ 13 Ukavwike Alona bivwalo byazhila+ kabiji ukamushinge+ manyi ne kumuzhijika, ne aye ukañingijilanga mwingilo wa buñanga. 14 Apa bino, ukalete baana banji ba balume ku bwipi ne kwibavwika minkukumba.+ 15 Ukebashinge manyi byonka byo ukashinga shabo,+ ne abo bakañingijilenga mwingilo wa buñanga, kabiji kushingwa kwabo kukatwajijila kwikala ke buñanga bwa myaka ne myaka kufikatu ne ku bisemi byabo bya kulutwe.\"+ 16 Mosesa waubile bintu byonse byamukambizhe Yehoba.+ Waubiletu byonkabyo. 17 Mu ñondo mutanshi mu mwaka wa bubiji pa juba jitanshi ja ñondo, bafiikile tente wa lusambakeno.+ 18 Mosesa byo afiikile tente wa lusambakeno,+ wabikile panshi bitako bya kusokekamo, waimikile mafulemu,+ wakujilemo myamba+ ne kwimika mashiki anji. 19 Mosesa watandubwijile tente+ peulu ya tente wa lusambakeno ne kubikapo kya kuvweta+ peulu ya tente, byonkatu Yehoba byo amukambizhe. 20 Byo apwishishe kuba bino, washikwile mabwe a Lushimuno+ ne kwiabika mu Jikwachi,+ kabiji wakujile mibanda+ ku Jikwachi ne kuzhikapo kizhiko+ peulu ya Jikwachi.+ 21 Mosesa wabikile Jikwachi mu tente wa lusambakeno ne kubika kipembe+ kya kuzhita ku jikwachi ja Lushimuno,+ byonkatu Yehoba byo amukambizhe. 22 Kabiji Mosesa wabikile tebulu+ mu tente wa lusambakeno ku lubaji lwa ku kabeta ka ku buyeke bwa tente wa lusambakeno pangye ya kipembe. 23 Kabiji watanchikile bashinkwa+ pa tebulu kwi Yehoba, byonkatu Yehoba byo akambizhe Mosesa. 24 Wabikile kya kutulapo malampi+ mu tente wa lusambakeno kulutwe ya tebulu ku lubaji lwa ku kabeta ka ku bulenge bwa tente wa lusambakeno. 25 Kabiji waambwile malampi+ ku meso a Yehoba, byonkatu Yehoba byo akambizhe Mosesa. 26 Kabiji Mosesa wabikile kya kusokelapo bitapisho kya ngolode+ mu tente wa lusambakeno kwipi na kipembe, 27 pa kuba'mba asokelepo bya kufutumuna binunka bulongo,+ byonkatu Yehoba byo akambizhe Mosesa.+ 28 Kepo abikile kipembe*+ mu kibelo kya tente wa lusambakeno. 29 Mosesa wabikile kya kusokelapo bitapisho bya mulambo wa kusoka+ ku kibelo kya tente wa lusambakeno, pa kuba'mba alambwilepo mulambo wa kusoka+ ne mulambo wa kajo, byonkatu Yehoba byo amukambizhe. 30 Kepo abikile shomeka pakachi aku tente wa lusambakeno aku kya kusokelapo bitapisho ne kubikamo mema a kowa.+ 31 Mosesa ne Alona ne baana banji ba balume baowelemo ku maboko ne ku maulu. 32 Kimye kyonse kyo batwelanga mu tente wa lusambakeno nangwa pa kuya ku kya kusokelapo bitapisho, baowangamo,+ byonkatu Yehoba byo akambizhe Mosesa. 33 Kepo alengele kipango+ kuzhokoloka tente wa lusambakeno ne kya kusokelapo bitapisho, kabiji wabikile kipembe* mu kibelo kya ku kipango.+ Onkao mambo, Mosesa wapwishishe kwingila. 34 Kabiji jikumbi javwetele tente wa lusambakeno ne lukumo lwa Yehoba lwakumbene mu tente wa lusambakeno.+ 35 Mosesa kechi wakonsheshe kutwela mu tente wa lusambakeno ne, mambo jikumbi jajinga ponka peulu ya tente wa lusambakeno ne lukumo lwa Yehoba lwakumbene monka.+ 36 Mu lwendo lwabo lonse, bena Isalela baimenenga ne kuya umvwe jikumbi jafumapo pa tente wa lusambakeno.+ 37 Pano bino, umvwe jikumbi jabula kufumapo, kechi baimenenga ne kuya ne, kufikatu ne juba jo jikafumapo.+ 38 Mambo mu lwendo lwabo lonse, jikumbi ja Yehoba jaikalanga peulu ya tente wa lusambakeno mute, kabiji bufuku paikalanga mujilo ne ba mu nzubo ya kwa Isalela bonse bamumonanga.+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/kulupuka\/40\/","date":"2018-04-21T12:38:09Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945143.71\/warc\/CC-MAIN-20180421110245-20180421130245-00197.warc.gz","language":"kqn","language_score":0.9999982119,"language_script":"Latn","minhash_cluster_size":1,"top_langs":"{\"kqn_Latn_score\": 0.9999982118606567}","num_words":705,"character_repetition_ratio":0.143,"word_repetition_ratio":0.003,"special_characters_ratio":0.199,"stopwords_ratio":0.313,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"32 Bena Lubenyi+ ne bena Gadi+ bajinga na bilelwa byavula bingi kabiji bamwene'mba mapunzha a mu Yazela+ ne mu Gileada, ajinga mapunzha awama a kulaminamo banyama. 2 Onkao mambo, bena Lubenyi ne bena Gadi baishile kwi Mosesa, kwi Eleaza ñanga ne ku bakulumpe ba jibumba kabiji baambile'mba: 3 \"Atalota, Dibona, Yazela, Nimila, Heshibonyi,+ Eleale, Sebama, Nebo+ ne Beyona,+ 4 mapunzha Yehoba o ashinjile bena Isalela+ saka batalako, ke mapunzha awama a kulaminamo bilelwa kabiji atweba bakalume benu tuji na bilelwa byavula bingi.\"+ 5 Batwajijile kwamba'mba: \"Umvwe kino kimutokela ku muchima, tupai ano mapunzha atweba bakalume benu ekale ke etu. Kange mwitutwale ku bushiya bwa Yodano ne.\" 6 Kepo Mosesa aambijile bena Gadi ne bena Lubenyi amba: \"Nanchi balongo benu basakuya ku nkondo ne anweba saka mwashala monka muno nyi? 7 Mambo ka o mubena kulefwila bena Isalela kuba'mba babule kwabukila mu kyalo Yehoba kyo akebapa? 8 Abino byo byaubile bashenu kimye kyo nebatumine kufuma ku Kadeshi-balaneya kuya na kumona kyalo.+ 9 Byo bafikile ku Kimpachiko* kya Eshikola+ ne kumona kyalo, balefwile bena Isalela kuba'mba babule kuya mu kyalo Yehoba kyo ebalayile kwibapa.+ 10 Yehoba wibazhingijile pa joja juba ne kuchipa amba:+ 11 'Bantu bafumine mu Ijipita kutatwila pa baji na myaka 20 kuya peulu kechi bakatwelamo mu kyalo+ kyo nachipile kwi Abalahama, Izaka ne Yakoba ne,+ mambo kechi bandondela na muchima wabo yense ne, 12 kanatu Kaleba+ mwana wa kwa Yefune mwina Kenizi ne Yoshua+ mwana wa kwa Nuni, mambo abo balondela Yehoba na muchima yense.'+ 13 Onkao mambo, Yehoba wazhingijile bena Isalela ne kwibalengela kupitañana mu kiselebwa myaka 40+ posotu kisemi kyonse kyaubilenga byatama kwi Yehoba byo kyavijile.+ 14 Anweba bandengamambo, mubena kubatu byonka byaubanga bashenu balengejile Yehoba kuzhingijila bena Isalela. 15 Umvwe muleke kumulondela, ne aye ukebalekela mu kiselebwa jibiji, kabiji mukepayisha bano bantu bonse.\" 16 Kabiji baishile kwi aye pa kimye kikwabo ne kwamba'mba: \"Tuswishai tushimike bipaka bya mabwe bya banyama betu ne mizhi ya baana betu. 17 Bino atweba tukenengezha kulwa nkondo+ ne kutangilako kulutwe ya bena Isalela kufikatu ne byo tukebafikizha ku mpunzha yabo, pakuba baana betu bakashala monka mu mizhi yetu ya masakwa, saka bazhikijilwa kwa kubula kwibakatazha ku bangikazhi ba mu kyalo. 18 Kechi tukabwela kwetu ne, posotu mwina Isalela yense akatambule mpunzha kwikala ke kya buswanyi bwanji.+ 19 Mambo kechi tukatambula kya buswanyi pamo ne abo ku bushiya bwa Yodano nangwa kukila Yodano ne, mambo twatambula kala kya buswanyi kyetu ku musela wa Yodano.\"+ 20 Mosesa wibambijile'mba: \"Umvwe mukobe kino: Mukashikule bilwilo ne kuya ku nkondo ku meso a Yehoba;+ 21 kabiji umvwe anweba bonse mukasende bilwilo ne kwabuka Yodano konka ku meso a Yehoba, byo abena kupanga balwanyi banji ku meso anji+ 22 poso kyalo byo bakekishinda ku meso a Yehoba,+ bino bintu inge bikapwe po po mukabwela+ kabiji kechi mukekala na mambo kwi Yehoba ne ku bena Isalela ne. Kepo ino mpunzha ikekala ke yenu ku meso a Yehoba.+ 23 Pakuba umvwe mukabule kuba bino, mukamulenga mambo Yehoba. Kabiji yukai'mba bakemutwika bubi bwenu. 24 Onkao mambo, mwakonsha kushimika mizhi ya baana benu ne bipaka bya banyama benu,+ bino mwafwainwa kufikizha kyo mwalaya.\" 25 Bena Gadi ne bena Lubenyi bamwambijile Mosesa amba: \"Atweba bakalume benu tukoba byonkatu bitukambizha nkambo yetu. 26 Baana betu, bakazhi betu ne bilelwa byetu ne banyama betu bonse ba kulela bakashala muno mu mizhi ya Gileada,+ 27 bino atweba bakalume benu tukabuka bushiya, muntu yense saka asenda kilwilo kya nkondo ku meso a Yehoba,+ byonkatu nkambo yetu byo aamba.\" 28 Onkao mambo, Mosesa wapaine mukambizho pa mambo a abo kwi Eleaza ñanga, kwi Yoshua mwana wa kwa Nuni ne ku bakulumpe ba pa bikota bya mikoka ya bena Isalela. 29 Mosesa wibambijile'mba: \"Umvwe bena Gadi ne bena Lubenyi bakabuke Yodano pamo ne anweba, muntu yense saka asenda kilwilo kya nkondo ku meso a Yehoba kabiji mukashinde kyalo, mukebape mpunzha ya Gileada kwikala ke yabo.+ 30 Bino umvwe bakabule kusenda bilwilo bya nkondo ne kwabuka pamo ne anweba, ko kuba'mba bakekala ne anweba mu kyalo kya Kenana.\" 31 Ponkapo bena Gadi ne bena Lubenyi baambile'mba: \"Byonse byaamba Yehoba kwi atweba bakalume benu byo byo tukoba. 32 Tukasenda bilwilo ne kwabukila mu kyalo kya Kenana+ ku meso a Yehoba, bino mpunzha yetu ya buswanyi ikekela kuno konka ku bushiya bwa Yodano.\" 33 Onkao mambo, Mosesa wapele bena Gadi, bena Lubenyi+ ne kichika kya mukoka wa kwa Manase+ mwana wa kwa Yosefwa bufumu bwa kwa Sihona+ mfumu wa bena Amoli, ne bufumu bwa kwa Oga+ mfumu wa Bashana ne mpunzha ya mizhi yajinga mu oa manyaunda ne mizhi yazhokolokele kino kyalo. 34 Kabiji bena Gadi bashimikile* Dibona,+ Atalota,+ Aloa,+ 35 Atalota-shofwana, Yazela,+ Yongobeya,+ 36 Bete-nimila+ ne Bete-halama,+ mizhi yajinga na masakwa kabiji bashimikile ne bipaka bya banyama bya mabwe. 37 Kabiji bena Lubenyi bashimikile Heshibonyi,+ Eleale,+ Kiliataimu,+ 38 Nebo,+ Baela-meona+ ne Sibima; kabiji mazhina ayo beapimpwile kabiji ino mizhi yo bashimukulwile beitumbile mazhina angi. 39 Baana ba kwa Makila+ mwana wa kwa Manase bayile ku Gileada ne kushinda kabiji bapangilemo bena Amoli baikalangamo. 40 Onkao mambo, Mosesa wapaine Gileada kwi Makila mwana wa kwa Manase, ne abo baikelenga monka.+ 41 Kabiji Yaila mwana wa kwa Manase wayile kwi abo ne kwangata tumizhi twabo kabiji witutelele'mba Havota-yaila.*+ 42 Kabiji Noba wayile ne kwangata Kenata ne mande anji,* kabiji wiatumbile jizhina janji amba Noba.\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/kubala\/32\/","date":"2018-04-21T18:06:34Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945272.41\/warc\/CC-MAIN-20180421164646-20180421184646-00466.warc.gz","language":"kqn","language_score":1.0000097752,"language_script":"Latn","minhash_cluster_size":2,"top_langs":"{\"kqn_Latn_score\": 1.0000097751617432}","num_words":870,"character_repetition_ratio":0.064,"word_repetition_ratio":0.005,"special_characters_ratio":0.208,"stopwords_ratio":0.246,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"11 Tayai* kajo kenu pa mema,+ mambo mukekataana jikwabo umvwe papita moba avula.+ 2 Abanyai kajo kamo ku bantu batanu na babiji nangwa ku batanu na basatu,+ mambo kechi mwayuka bintu byatama* bikamweka pano pa ntanda ne. 3 Umvwe makumbi afinda, anokesha mvula mukatampe pano pa ntanda; kabiji inge kichi kyaponena ku kabeta ka ku bulenge nangwa ku kabeta ka ku buyeke, kikekala konkakwa ko kyaponena. 4 Muntu utala bibena kwenda mwela kechi ukabyala nkunwa ne, ne yewa utala makumbi kechi ukanowa kajo ne.+ 5 Byonkatu byo mwabula kuyuka bingila mupashi mu bikupa bya mwana* uji munda ya inanji,+ byo byo mwabula ne kuyuka bintu byonse byauba Lesa wa kine.+ 6 Byalai nkunwa yenu lukelo kabiji mabanga kange mwikaletu ne;+ mambo kechi mwayuka ikamena ne, kana iye nyi, kana yoya, nangwa kana yonse ikamena. 7 Kyeya nakyo kyawama bingi, kabiji kyawama meso kumona kyeya. 8 Mambo inge muntu waikala myaka yavula, asangalele mu yoyo myaka yonse.+ Kabiji wafwainwa kuvuluka'mba moba a bya malwa akonsha kuvula. Bintu byonse bikamweka kulutwe, bikekala ke byatu.+ 9 Obewa nsongwalume, sangalela mu moba a bunsongwalume bobe, kabiji muchima wobe asekele mu bwanyike bobe. Saka uba bintu monka mukebela muchima wobe ne kuya konse kukutangijila meso obe; bino yuka'mba Lesa wa kine ukakuchibila mambo* pa bintu byonse byo uba.+ 10 Onkao mambo, fumya makatazho mu muchima wobe ne kuzhikijila mubiji wobe ku bintu byatama, mambo moba a bwanyike ne a bunsongwalume o atu.+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/musapwishi\/11\/","date":"2018-04-24T05:34:12Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946564.73\/warc\/CC-MAIN-20180424041828-20180424061828-00635.warc.gz","language":"kqn","language_score":1.000005722,"language_script":"Latn","minhash_cluster_size":1,"top_langs":"{\"kqn_Latn_score\": 1.0000057220458984}","num_words":269,"character_repetition_ratio":0.063,"word_repetition_ratio":0.0,"special_characters_ratio":0.207,"stopwords_ratio":0.249,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"14 \"Anweba mwi baana ba Yehoba Lesa wenu. Kechi mukechibaule+ nangwa kutenda kipepule bilungi byenu na mambo a muntu wafwa ne.+ 2 Mambo anweba mwi bantu bazhila+ kwi Yehoba Lesa wenu, kabiji Yehoba wimusala kwikala bantu banji, kya bunonshi* kyanji kufuma mu bisaka bya bantu bonse baji pano pa ntanda.+ 3 \"Kechi mukaje kintu kya bunya nangwa kimo ne.+ 4 Bano bo banyama bo mwakonsha kuja:+ ñombe mulume, mukooko, mbuzhi, 5 nsebula, lupaala, sontwa, kikwinji, ntengu, mukooko wa mungye ne mukooko wa ku mutumba. 6 Mwakonsha kuja nyama yense uji na mikono yalenduka kabiji usheñununa kajo. 7 Nangwa byonkabyo, kechi mukajenga bano banyama basheñununa kajo nangwa boba baji na mikono yalenduka ne: ngamela, kalulu ne kibila, mambo basheñununa kajo bino kechi baji na mikono yalenduka ne. Bo ba muzhilo kwi anweba.+ 8 Ne nkumba, mambo uji na mikono yalenduka, bino kechi usheñununa kajo ne. Ye wa muzhilo kwi anweba. Kechi mukaje nyama yabo nangwa kukwata pa mibiji yabo yafwa ne. 9 \"Byumi byonse bya mu mema byo mwakonsha kuja ke bino: Kintu kyonse kiji na towelo ne mabamba mwakonsha kuja.+ 10 Pakuba kechi mukaje kintu kyonse kyabula towelo ne mabamba ne. Kyo kya muzhilo kwi anweba. 11 \"Mwakonsha kuja ñonyi yense wabula wa muzhilo. 12 Bañonyi bo mukabulanga kuja ke bano: mpungu, nkwashi, jikubi mukatampe,+ 13 kiswakozhi, kibimbe ne mitundu yonse ya bibimbe, 14 mitundu yonse ya bikwangala, 15 osetelechi, kapwa, kabwilile, mitundu yonse ya tubemba, 16 kapwa kakacheche, jikwikwi, kafutubiji, 17 pelekanyi, jikubi mucheche, mulondwe, 18 ñendabwala, mitundu yonse ya tukonge tukatampe, susute ne mujima. 19 Bilengwa* byonse biji na byapi byenda kisamba ke bya muzhilo kwi anweba. Kechi mukebije ne. 20 Bilengwa byonse bitumbuka byabula muzhilo mwakonsha kwibija. 21 \"Kechi mukaje nyama wifwila ne.+ Mwakonsha kumupana ku muntu wafuma ku kyalo kingi, wikala mu mizhi* yenu ne aye wakonsha kwiija; nangwa mwakonsha kwiipotesha ku muntu ungi. Mambo anweba mwi bantu bazhila kwi Yehoba Lesa wenu. \"Kechi wafwainwa kuteeka mwana mbuzhi mu mukaka wa inanji ne.+ 22 \"Pa mwaka pa mwaka, mukapanenga bya bujikumi bikafumanga mu nkunwa yenu yonse yo mukabyalanga mu majimi enu.+ 23 Bya bujikumi bya mu kajo kenu, bya mu binyu byenu bya katataka, bya mu manyi enu ne babeji ba bañombe ne ba mikooko yenu, byonse mukebijiilenga kwi Yehoba Lesa wenu mu mpunzha yo akasala mwa kwikala jizhina janji,+ pa kuba'mba mukafunde kumwakamwa Yehoba Lesa wenu moba onse.+ 24 \"Pakuba umvwe museke akemulepele kabiji mwakankalwa kubila bino bintu mu mpunzha yo akasala Yehoba Lesa wenu mwa kwikala jizhina janji+ na mambo a kuba kwalepa na ko mwikala (mambo Yehoba Lesa wenu ukemubila bibusa), 25 mukebipoteshe ne kusendela mali mu mafukuta ne kuya nao ku mpunzha yo akasala Yehoba Lesa wenu. 26 Mwakonsha kwingijisha oo mali kupotamo kintu kyonse kyo mubena kukeba,* nabiji bañombe, mikooko, bambuzhi, binyu ne maalwa akwabo ne bintu byonse byo mukakeba;* kabiji mukebijiile konkakwa kwi Yehoba Lesa wenu ne kusangalala anweba ne ba mu mazubo enu.+ 27 Kechi mukavulame mwina Levi wikala mu mizhi yenu ne,+ mambo aye kechi uji na kya kumwabilapo nangwa kya buswanyi mukachi kenu ne.+ 28 \"Ku mpelo yonse ya myaka isatu, mukalete bya bujikumi byonse bya mu kajo kenu bya mu yewo mwaka ne kwibilamina mu mizhi yenu.+ 29 Kabiji mwina Levi wabula kya kwibabilapo nangwa kya buswanyi ne muntu wafuma ku kyalo kingi, mwana wabula bashanji* ne mwanamukazhi wafwilwa bekala mu mizhi yenu, bakeya na kuja ne kwikuta,+ kuba'mba Yehoba Lesa wenu akemupeshe mu byonse byo muba.+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/mpitulukilo-ya-mu-mizhilo\/14\/","date":"2018-04-23T04:26:52Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945724.44\/warc\/CC-MAIN-20180423031429-20180423051429-00144.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":584,"character_repetition_ratio":0.073,"word_repetition_ratio":0.0,"special_characters_ratio":0.211,"stopwords_ratio":0.267,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"16 Yoba wakumbwile'mba: 2 \"Naumvwapo kala bintu byavula bya uno mutundu. Anweba bonse mwi ba kutekenesha baleta lukatazho!+ 3 Nanchi byambo byatutu* bikapwa nyi? Ñanyi kintu kibena kwimulengela kwamba bibye? 4 Ne amiwa nakonsha kwamba byonka byo mubena kwamba. Inge yenu mwajinga byonka byo nji,*Inge nemwambila byambo bya kwimongolaNe kupukunya mutwe wami kwi anweba.+ 5 Nangwa byonkabyo, inge nemukosesha na byambo byami,Ne byambo byami bya lutekenesho byakonsha kwimulengela kupemenwa.+ 6 Umvwe naamba, misongo yami kechi ibena kubwelako panshi ne,+Kabiji inge naleka kwamba, misongo yami ikabwelako byepi panshi? 7 Bino aye wankookesha;+Waonauna ba mu nzubo* yami bonse. 8 Mwankwata kabiji kyaikala ke kishiino,Kya kuba mbena kunyainakotu ne kunshiina ku meso ami. 9 Wantabaula na bukaji bwanji kabiji wanshikwa.+ Unshenkela ku meno. Mulwanyi wami wantala na meso a bukaji.+ 10 Baasamika tunwa twabo kuba'mba banje,+Kabiji bañendeleka ne kumpuma ku mabuta;Bavula bambungulukila.+ 11 Lesa wampana mu maboko a bansongwalume,Kabiji wantaya mu maboko a babi.+ 12 Naikele mu mutende, pakuba aye wanchimawine;+Wankwachile pa nshingo ne kunsansakanya;Kepo añimika nobe kintu kyanji kya kwasapo. 13 Bantu banji bataya miketo banzhokoloka;+Usabaula mafyo ami+ kabiji kechi ungubila lusa ne;Witulwila ndulu yami panshi. 14 Undalaula nobe lubumbulu ne kumpulankanya;Umvundumukila nobe mushilikale. 15 Nasona kisapi kya majila kya kuvweta pa mubiji wami,+Kabiji nazhiika buneme* bwami mu maloba.+ 16 Meso ami achila na kujila,+Ne pa bikope byami pafiitatu bwii,* 17 Nangwa kya kuba maboko ami kechi aubapo bya bukapondo neLulombelo lwami lwalumbuluka. 18 Obewa mushiji kange uzhiikepo pa mashi ami ne!+ Kabiji kange kwikale mpunzha ko nkalekela kujila ne! 19 Nangwatu luno, kamonyi wami uji mwiulu;Awa wakonsha kuñambilako uji mwiulu mwine. 20 Balunda nami babena kuñendeleka+Byo mbena kujila mipolo* kwi Lesa.+ 21 Pekale wa kuchiba mambo pakachi ka muntu ne Lesa,Byonkatu byakonsha kuba muntu pakachi ka bantu babiji.+ 22 Mambo kwashalatu myaka icheche,Ne amiwa nkaya ko nkabula kubwela.+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/yoba\/16\/","date":"2018-04-21T14:35:05Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945222.55\/warc\/CC-MAIN-20180421125711-20180421145711-00259.warc.gz","language":"kqn","language_score":1.0000070333,"language_script":"Latn","minhash_cluster_size":1,"top_langs":"{\"kqn_Latn_score\": 1.0000070333480835}","num_words":317,"character_repetition_ratio":0.057,"word_repetition_ratio":0.0,"special_characters_ratio":0.202,"stopwords_ratio":0.186,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA Nkubomukata 2015 | Byo Mwakonsha Kwingila Nkito na Lusekelo\nBantu bavula bomvwa bulongo kwingila nkito kabiji bamwenamo bingi. Ki ka kibakwasha kwikala na muchima wa kwingila nkito na ngovu?\nMUTWE WA PA NKUPIKO\nBantu bamo balanguluka amba nkito yakosa ibalengulwisha. Bino bavula bengila na ngovu na lusekelo. Ki ka kibakwasha kwikala balusekelo?\nMUTWE WA PA NKUPIKO\nMonai mashinda amo aambapo Baibolo mo akonsha kwitukwasha kwingila nkito na lusekelo ne kumwenamo.\nKWISAMBA NA BANTU\nNangwa kya kuba Baibolo ke buku wa kala, byanembwamo bingila ne lelo jino. Mafunde a mu Baibolo akonsha kwimukwasha byepi mu bwikalo?\nBAIBOLO UPIMPULA BWIKALO BWA BANTU\nErnest Loedi wataine mikumbu ya mepuzho anema mu bwikalo. Mikumbu ya mu Baibolo yamulengela kwikala na luketekelo lwa kulutwe.\nLONDELAINGA LWITABILO LWABO\nKi ka kyakwashishe Yosefwa kulumbulula biloto bya mukulumpe wa bakaseya wa bena Ijipita, uteka ne Felo? Nga Yosefwa wafumine byepi mu kaleya mu jubatu jimo?\nAkilangulukai pa mutende ne luzhikijilo bikaleta kafulumende wa ntanda yonse. Mambo ka o twafwainwa kuketekela mulaye wa Lesa wa kuleta uno kafulumende? Ñanyi wakonsha kwikala kalama wawama?","id":"","dump":"CC-MAIN-2018-43","url":"https:\/\/www.jw.org\/kqn\/mabuku\/magazini\/wp20150201\/","date":"2018-10-24T02:49:53Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583518753.75\/warc\/CC-MAIN-20181024021948-20181024043448-00012.warc.gz","language":"kqn","language_score":1.0000088215,"language_script":"Latn","minhash_cluster_size":1,"top_langs":"{\"kqn_Latn_score\": 1.0000088214874268}","num_words":175,"character_repetition_ratio":0.067,"word_repetition_ratio":0.0,"special_characters_ratio":0.169,"stopwords_ratio":0.234,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"21 Kepo Yehoba avulukile Sala monka mo aambijile, kabiji Yehoba wamubijile Sala byonka byo amulayile.+ 2 Onkao mambo, Sala waimichile+ ne kusema mwana wa mulume kwi Abalahama monka mu bukote bwanji pa kyonka kimye Lesa kyo amulayile.+ 3 Abalahama watumbile jizhina mwananji wa mulume ye asemene mwi Sala amba Izaka.+ 4 Kabiji Abalahama watwajile mwananji Izaka ku mukanda byo afikizhe moba atanu na asatu, monka mo bamukambizhizhe kwi Lesa.+ 5 Abalahama wajinga na myaka 100 kimye mwananji Izaka kyo asemenwe. 6 Kepo Sala aambile'mba: \"Lesa wandengela kusekela; yense ukomvwa kino ukasangalela pamo ne amiwa.\"* 7 Kabiji waambile'mba: \"Ñanyi wakonsheshe kwambila Abalahama amba, 'Sala ukasema baana'? Pakuba amiwa nasema mwana wa mulume kwi aye mu bukote bwanji.\" 8 Kabiji Izaka byo akomene bamusumwine, ne Abalahama wanengezhe kijiilo kikatampe pa jonka jino juba jo bamusumwine. 9 Bino Sala wamwenenga'mba mwana wa mulume wa kwa Hegala+ mwina Ijipita ye asemene kwi Abalahama ubena kwendeleka Izaka.+ 10 Kepo aambijile Abalahama amba: \"Mupangai uno muzha ne mwananji, mambo mwana wa uno muzha kechi ukekala nswanyi pamo na mwanami Izaka ne.\"+ 11 Pano bino, Abalahama kechi watemenwe byaambile Sala pa mwananji ne.+ 12 Ponkapo Lesa waambijile Abalahama amba: \"Kange uzhingile na byaamba Sala pa mwana ne muzha wobe wa mukazhi ne. Umvwa byo aamba,* mambo awa ukatelwa'mba mwanobe* ukafuma mwi Izaka.+ 13 Bino pa mambo a mwana wa mulume wa muzha,+ mwi aye mukafuma kisaka,+ mambo naye mwanobe.\"* 14 Ponkapo Abalahama wabuukile lukelokelo ne kutola shinkwa ne fukuta wa kiseba wa mema ne kupa Hegala. Wamutwikilebyo pa kipuzhi ne kumwambila'mba yanga obewa ne mwanobe.+ Kepo ayile na kukapitañana mu kiselebwa kya Belesheba.+ 15 Kyapeleleko, mema apwilemo mu fukuta wa kiseba, kabiji watujile mwana munshi ya kipupu. 16 Pakuba aye wakekele bunke palepa byobya pakonsha kufika muketo umvwe bamutaya, mambo waambile'mba: \"Kechi nkeba kumonako kusakufwila mwanami ne.\" Onkao mambo, waikele palepa byobya na kujila mabingo. 17 Ponkapo Lesa waumvwine jiwi ja mwana+ kabiji malaika wa Lesa kufuma mwiulu waichile Hegala ne kumushikisha'mba:+ \"Mambo ka o ubena kujijila? Kange wakamwe ne, mambo Lesa waumvwa jiwi ja mwanobe konkakwa ko aji. 18 Pano imana umubushe mwana ne kumukwata na kuboko kobe mambo amiwa nkamwalula ke kisaka kikatampe.\"+ 19 Kepo Lesa alabishe meso anji ne aye wamwene mushima wa mema, kabiji wayileko ne kuyuzha mema mu fukuta wa kiseba ne kutomesha mwana. 20 Lesa wajinga na uno mwana+ byo akomenenga. Waikelenga mu kiselebwa kabiji waikele ke kibinda utaya miketo. 21 Kabiji waikelenga mu kiselebwa kya Palana,+ ne inanji wamukebejile mwanamukazhi mu kyalo kya Ijipita. 22 Pa kyokya kimye, Abimeleki ne Fikola mukulumpe wa nzhita baambijile Abalahama amba: \"Lesa uji ne obewa mu bintu byonse byo uba.+ 23 Pano chipa kwi Lesa kuba'mba kechi ukangalukamo amiwa, baana bami ne bankana bami ne, ne kuba'mba ukammwesha amiwa ne kyalo kyo waikalamo butemwe bubula kwaluka bo nakumwesha.\"+ 24 Kepo Abalahama aambile'mba: \"Nachipa kwesakana na byo mwaamba.\" 25 Nangwa byonkabyo, Abalahama wijizhañenye kwi Abimeleki pa mambo a mushima wa mema bakalume ba kwa Abimeleki ye baangachile mu lupata.+ 26 Abimeleki waambile'mba: \"Kechi nayuka waubile kino ne; ne obewa kechi wambuujile ne, kabiji kechi nekyumvwapo kala ne, nekyumvwatu lelo jonka.\" 27 Ponkapo Abalahama washikwile mikooko ne bañombe ne kupa Abimeleki kabiji bano bonse babiji balayañene lulayañano. 28 Kabiji Abalahama byo asajile mikooko ikazhi itanu na ibiji kufuma mu jitanga ne kwiitula bunke, 29 Abimeleki washikishe Abalahama amba: \"Mambo ka o wasajila mikooko ikazhi itanu na ibiji ne kwiitula bunke?\" 30 Aye waambile'mba: \"Tambulai mikooko ikazhi itanu na ibiji kwikala kishiino kya kuba'mba uno mushima yami namupoyile.\" 31 O ene mambo o atelejile aya mpunzha amba Belesheba,*+ mambo kuno bonse babiji ko ko balayañenejile. 32 Onkao mambo, balayañene lulayañano+ pa Belesheba, kabiji bino byo byapwile Abimeleki ne Fikola mukulumpe wa nzhita babwelele ku kyalo kya bena Filishitiya.+ 33 Kepo Abalahama ajimbile kichi kya tamaleshika ku Belesheba, ne kwita pa jizhina ja Yehoba,+ Lesa wa myaka ne myaka.+ 34 Kabiji Abalahama waikele* kimye* kyabaya mu kyalo kya bena Filishitiya.+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/ntendekelo\/21\/","date":"2018-04-21T18:25:41Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945272.41\/warc\/CC-MAIN-20180421164646-20180421184646-00545.warc.gz","language":"kqn","language_score":1.0000095367,"language_script":"Latn","minhash_cluster_size":1,"top_langs":"{\"kqn_Latn_score\": 1.000009536743164}","num_words":659,"character_repetition_ratio":0.061,"word_repetition_ratio":0.0,"special_characters_ratio":0.205,"stopwords_ratio":0.264,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"36 Kabiji bakulumpe ba bisemi bya bena Gileada mwana wa kwa Makila,+ Makila mwana wa kwa Manase wa mu bisemi bya baana ba kwa Yosefwa, baishile na kwambila Mosesa ne bakulumpe, mitwe ya bisemi bya bena Isalela. 2 Baambile'mba: \"Yehoba wimukambizhe anweba nkambo yetu kwabanya kyalo kupichila mu kuta bubale+ kuba'mba kyalo kikale buswanyi bwa bena Isalela; kabiji anweba nkambo yetu bemukambizhe kwi Yehoba kupana kya buswanyi kya kwa Zelofehada mulongo wetu ku baana banji ba bakazhi.+ 3 Pakuba umvwe bakasongolwe ku banabalume ba mu mukoka mukwabo wa bena Isalela, ko kuba'mba buswanyi bwa bano banabakazhi bakebwangata kufuma ku buswanyi bwa bashetu ne kwibununga ku buswanyi bwa mukoka ye bakasongolwako. Bakebwangata kufuma ku buswanyi bwetu bo betupele kupichila mu kuta bubale. 4 Bino umvwe mwaka wa Bwana bwa Bene*+ bwa bena Isalela akafike, buswanyi bwa bano banabakazhi bakebununga kikupu ku buswanyi bwa mukoka ye bakasongolwako, kabiji buswanyi bwabo bakebwangata kufuma ku buswanyi bwa mukoka wa bashetu.\" 5 Kepo Mosesa akambizhe bena Isalela monka mwamukambizhizhe Yehoba amba: \"Ba mu mukoka wa baana ba kwa Yosefwa baambatu bulongo. 6 Abino byo byakambizha Yehoba pa mambo a baana ba bakazhi ba kwa Zelofehada amba: 'Bakonsha kusongolwa ku yense ye babena kukeba. Pano bino, bafwainwa kusongolwatu ku muntu wa mu kisemi kya mu mukoka wa bashabo. 7 Kafwako kya buswanyi kya bena Isalela kyafwainwa kutuntululwa kufuma ku mukoka umo kuya ku mukoka mukwabo ne, mambo bena Isalela bafwainwa kulama kya buswanyi kya mukoka wa bashakulu babo. 8 Kabiji mwana wa mukazhi yense uji na kya buswanyi mu mikoka ya bena Isalela, wafwainwa kusongolwatu ku wa mu kisemi kya mu mukoka wa bashanji,+ pa kuba'mba bena Isalela bakalame kya buswanyi kya bashakulu babo. 9 Kafwako kya buswanyi kyafwainwa kutuntululwa kufuma ku mukoka umo kuya ku mukoka mukwabo ne, mambo mikoka ya bena Isalela yafwainwa kulama kya buswanyi kyabo.'\" 10 Baana ba bakazhi ba kwa Zelofehada baubile byonkatu Yehoba byo amukambizhe Mosesa.+ 11 Onkao mambo, baana ba bakazhi ba kwa Zelofehada+ abo ba Mala, Tiliza, Hogala, Milika ne Nowa, basongwelwe ku baana ba balongo ba bashabo. 12 Basongwelwe ku banabalume ba mu bisemi bya kwa Manase mwana wa kwa Yosefwa, kuba'mba bya buswanyi byabo bikatwajijile kwikala mu mukoka wa mu kisemi kya bashabo. 13 Ino yo mikambizho ne mizhilo Yehoba yo apele bena Isalela kupichila mwi Mosesa monka mu biselebwa bya Moabu byajinga ku Yodano kwipi na Yeliko.+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/kubala\/36\/","date":"2018-04-19T18:35:18Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937015.7\/warc\/CC-MAIN-20180419165443-20180419185443-00590.warc.gz","language":"kqn","language_score":1.0000087023,"language_script":"Latn","minhash_cluster_size":1,"top_langs":"{\"kqn_Latn_score\": 1.0000087022781372}","num_words":421,"character_repetition_ratio":0.099,"word_repetition_ratio":0.015,"special_characters_ratio":0.193,"stopwords_ratio":0.271,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mambo ka bantu bamo bafunda bya sayansi o bakankelwa kuswa'mba bumi bwitendekejiletu bwine?\nKafwako kintu kyanema kwesakana pamo na carbon ku bilengwa byumi ne. Nanchi carbon ye mu ka? Kabiji mambo ka o anemena bingi?\nÑanyi bintu byalengela bashayuka ba sayansi kusankilapo lwitabilo lwabo lwa kuba'mba bilengwa byaishilekotu bine?\nNanchi Bilengwa Byaishilekotu Abyo Bine nyi, Inyi Paji Wibilengele?\n—Lufunjisho 1: Mambo ka a Kwitabila mwi Lesa?\nNanchi wakonsha kulumbulula bulongo ene mambo o waitabila mwi Lesa nyi? Mona byo wakonsha kukumbula inge bakwipuzha pa byo waitabilamo.\nNanchi Bilengwa Byaishilekotu Abyo Bine nyi, Inyi Paji Wibilengele?\n—Lufunjisho 2: Nanchi Wakonsha Kuswa'mba Bilengwa Byaishilekotu Bine Nyi?\nBishinka bisatu byakonsha kukulengela kuswa.\nNanchi Bintu Byalengelwe Nyi, Inyi Bilengeletu Abyo Bine?\n—Lufunjisho 3: Mambo ka o Twafwainwa Kuswa Kuba'mba Bintu Byalengelwe?\nNanchi wafwainwa kukana byamba sayansi pa kuba'mba witabile'mba bintu byalengelwe nyi?\nNanchi Bilengwa Byaishilekotu Abyo Bine nyi, Inyi Paji Wibilengele?—Lufunjisho 4: Nakonsha Kulumbulwila Byepi Muntu byo Naitabilamo pa Bilengwa?\nKechi wafwainwa kuyuka sayansi pa kuba'mba ulumbulwile bakwenu walengele bintu ne. Wakonsha kwingijisha bishinka biji mu Baibolo.\nYepi ndumbulwilo ibena kumvwanyika bulongo?\nNanchi jishimikila ja mu Baibolo jaamba pa kulengwa kechi jaswañana na byaamba sayansi ne nyi?","id":"","dump":"CC-MAIN-2018-17","url":"https:\/\/www.jw.org\/kqn\/bifunjisha-baibolo\/byamba-sayansi\/bintu-byaishilekotu-bine-nangwa-bebilengele\/","date":"2018-04-25T12:40:31Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947803.66\/warc\/CC-MAIN-20180425115743-20180425135743-00479.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":189,"character_repetition_ratio":0.091,"word_repetition_ratio":0.011,"special_characters_ratio":0.169,"stopwords_ratio":0.159,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"19 \"Wafwainwa kwimba lwimbo wa bulanda* pa mambo a babinemanga ba bena Isalela 2 ne kwamba'mba,'Nanchi inobe wajinga ñanyi? Wajinga bokwe mukazhi wajinga pa kipanyi kya mabokwe. Waikelenga na baana ba mabokwe bakaji kabiji wakomeshe baana banji. 3 Wakomeshepo mwana umo waikele ke bokwe mukaji.+ Wafunjile bya kukwata banyama,Kabiji wajiilenga ne bantu. 4 Ba mu bisaka bya bantu baumvwine nkuwa yanji kabiji waponejile mu kimbo kyabo,Ne kumukwata kabiji bamutwajile mu kyalo kya Ijipita saka bamukoba kanda ko bakashila ku lutambo.+ 5 Inanji wapembejilenga, kabiji byo papichile kimye wamwene kuba'mba mwananji kechi ukabwela ne. Onkao mambo, wasendelepo mwana mukwabo ne kumufunjisha kwikala ke bokwe mukaji. 6 Kabiji naye waendejilenga pamo na mabokwe akwabo ne kwikala ke bokwe mukaji. Wafunjile bya kukwata banyama, kabiji wajiilenga ne bantu.+ 7 Walukukilenga bantu bajinga mu byamba byakosa ne konauna mizhi yabo,Kya kuba kyalo kyashajiletu ke masala na mambo a kubuluma kwanji.+ 8 Bisaka bya bantu bikwabo byamuzhokolokele, byaishile na kumuta bukonde bwabyo,Kabiji waponejile mu kimbo kyabyo ne kumukwachila monka. 9 Byo bamukobele kanda, bamubikile mu kitangaji kabiji bamuletele ku mfumu wa Babilona. Bamulamijile konkakwa, kya kuba jiwi janji kechi jaumvwanyikilepo jikwabo pa mitumba ya bena Isalela ne. 10 Inobe wajinga nobe kichi kya miñanzañanza+ mu mashi* obe, kyo bajimba ku mema. Kyapangile bipangwa ne kwikala na misampi yavula na mambo a kuvula kwa mema. 11 Kyaikele na misampi* yakosa bingi yo bafwainwe kulengelako ndondo ya bufumu. Kyakomene ne kulepa kukila bichi bikwabo,Kabiji kyamwekelanga palepa na mambo a kulepa ne na mambo a kuvula kwa misampi ne mabuula akyo. 12 Bino na mambo a bukaji bekizhujile+ ne kwikinyukwila panshi,Ne mwela wafumine ku musela waumishe bipangwa byakyo. Misampi yakyo yakosa yaposaukile ne kuma+ kabiji yapile na mujilo.+ 13 Kepo bakekijimbile mu kiselebwa,Mu kyalo kyauma mwabujile mema.+ 14 Mujilo wakwachile ku misampi* ne kusoka bipangwa ne mizhazhi yakyo,Kabiji kafwako musampi nangwa umo washajileko ye bafwainwe kulengako ndondo ya bufumu ne.+ \"'Uno ye lwimbo wa bulanda, kabiji ukekala lwimbo wa bulanda.'\"\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/ezikyo\/19\/","date":"2018-04-22T04:01:58Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945484.58\/warc\/CC-MAIN-20180422022057-20180422042057-00440.warc.gz","language":"kqn","language_score":1.000007987,"language_script":"Latn","minhash_cluster_size":1,"top_langs":"{\"kqn_Latn_score\": 1.0000079870224}","num_words":350,"character_repetition_ratio":0.058,"word_repetition_ratio":0.0,"special_characters_ratio":0.191,"stopwords_ratio":0.277,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"16 Tuma mukooko mulume ku ndamakyalo wa mu kyalo,Kufuma ku muzhi wa Seila kupita mu kiselebwaKukafika ne ku mutumba wa mwana wa mukazhi Ziona. 2 Byonkatu kañonyi byo bekapanga pa kinsa kyako,+Ne banabakazhi bena Moabu bakekala pa myaba ya Alanonyi.+ 3 \"Bajimuneko, fuukula bya kuba. Ikala ke kimfutele mu kimye kya mute byonka byo kikala bufuku. Fyako boba bo bapanga kabiji kange usolole boba babena kunyema ne. 4 Obewa Moabu, leka bantu bami bapalañenamo bekale mwi obewa. Ikala ke kya kufyamamo kyabo na mambo a yewa wipayañana.+ Awa umanyika bakwabo kechi ukekalako ne,Lonaiko lukapwa,Ne boba babena kunyantaula bakwabo bakavila pano pa ntanda. 5 Kepo jitanda jikekajikwa mu butemwe bubula kwaluka. Awa ukekalapo monka mu tente wa kwa Davida ukekala wa kishinka;+Ukachiba mambo monka mo aolokela kabiji ukapelawizha kuba bintu byaoloka.\"+ 6 Twaumvwa kwitota kwa Moabu, kuba'mba witota bingi,+Twaumvwa kwilundumika kwanji, kwitota kwanji ne bukaji bwanji;+Pano bino, bintu byo amba bikekala ke byatutu. 7 Onkao mambo, bena Moabu bakajila Moabu;Bonse bakajila mabingo.+ Aba bo bakapuma bakajila na mambo a kubula bashinkwa bo balenga na mañanzañanza auma a ku Kila-haleseta.+ 8 Mambo bichi bya miñanzañanza bya mu muzhi wa Heshibonyi+ byalelele,Ko kuba'mba mañanzañanza a mu muzhi wa Sibima,+Bantangi ba bisaka bya bantu banyantawile mañanzañanza abyo apya;*Bafikile ne ku Yazela;+Shoo kukafikatu ne ku kiselebwa. Mizhazhi yabyo yatabile, yakafikile ne ku kalunga ka mema. 9 O ene mambo o nkajijila na mambo a miñanzañanza ya mu Sibima byonka byo najijile ya mu Yazela. Obewa Heshibonyi ne obewa Eleale, nkemutekezha na mipolo yami,+Mambo kubijika pa mambo a kimye kipilamo kajo kenu ne kya kunowenamo kwapwa.* 10 Lusekelo ne kusangalala bebyangatamo mu majimi a bipangwa,Kabiji mu bujimi bwa miñanzañanza kechi muji kwimba nyimbo ya lusekelo nangwa kyungwe ne.+ Kabiji aba bafina mañanzañanza kechi bakeafinapo jibiji mu bya kufiinamo binyu ne,Mambo amiwa nkapwisha kyungwe.+ 11 O ene mambo, muchima wami ubena kukulunkunta na mambo a bena Moabu,+Nobe kyansa kyo babena kujizha,Kabiji munda mwami namo mubena kuba kachololo na mambo a Kila-haleseta.+ 12 Nangwatu kya kuba Moabu ukaya ku mapunzha atuntama ne kuya na kulomba mu nzubo yanji yazhila, milombelo yanji ikekala ke yatutu.+ 13 Abino byo byambo Yehoba byo aambilepo kala pa bena Moabu. 14 Kabiji Yehoba waamba'mba: \"Mu myaka isatu, byonka bijitu myaka ya muntu wa mingilo,* bya lukumo bya kwa Moabu bakebilengulula bingi kabiji mwi aye mukekala kiwowo kyapusana pusana, ne bantu bakashalamo bakakepa bingi kabiji kechi bakanema ne.\"+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/isaya\/16\/","date":"2018-04-21T22:06:41Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945448.38\/warc\/CC-MAIN-20180421203546-20180421223546-00423.warc.gz","language":"kqn","language_score":1.0000058413,"language_script":"Latn","minhash_cluster_size":1,"top_langs":"{\"kqn_Latn_score\": 1.000005841255188}","num_words":422,"character_repetition_ratio":0.058,"word_repetition_ratio":0.0,"special_characters_ratio":0.196,"stopwords_ratio":0.268,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KUSHONKENA\nTwimwita kutaanwako moba onse asatu a kushonkena kwa Bakamonyi ba kwa Yehoba kuji na mutwe wa kuba'mba 'Kange Mube Moyo Ne'!\nMABUKU & MABULOSHUWA\nMUTANCHI WA KUPWILA KWA BWIKALO NE MWINGILO WETU WA BWINA KILISHITU\nLABAINGA!\nKulondela mafunde a mu Baibolo kwimulengela kwikala na lusekelo mu kisemi.\nKYAMBA KYA USOPA—KYA KUFUNDAMO\nMu kino kyamba muji mitwe ya kufunda kutendeka pa 3 kufika pa 30 September, 2018.\nMABUKU & MABULOSHUWA\nMu Baibolo muji mafunde awama bingi akonsha kwitukwasha kuyuka bya kwikala mu butemwe bwa Lesa.","id":"","dump":"CC-MAIN-2018-17","url":"https:\/\/www.jw.org\/kqn\/byo-babikapo-katataka\/","date":"2018-04-23T22:14:42Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946199.72\/warc\/CC-MAIN-20180423203935-20180423223935-00504.warc.gz","language":"kqn","language_score":1.000005126,"language_script":"Latn","minhash_cluster_size":1,"top_langs":"{\"kqn_Latn_score\": 1.0000051259994507}","num_words":80,"character_repetition_ratio":0.064,"word_repetition_ratio":0.0,"special_characters_ratio":0.191,"stopwords_ratio":0.25,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Nanchi bantu bakekalapo mutende pano pa ntanda nyi?\nMwakonsha kukumbula amba ka?\nEe\nIne\nKampe\nByamba Baibolo\nMu bukalama bwa kwa Yesu Kilishitu, \"mutende ukavula moba onse kufikatu ne ñondo byo akabula kwikalako.\" Kino kibena kulumbulula'mba myaka ne myaka.—Salamo 72:7.\nÑanyi bintu bikwabo byo tufunda mu Baibolo?\nNanchi bantu bakonsha kwikala na mutende wa mu milanguluko nyi?\nBantu bamo baitabila kuba'mba . . . uno mutende wa mu milanguluko bantu kechi bakonsha kwikala nanji mu ino ntanda mwavula buyanji ne nshiji ne. Mwalangulukapo amba ka?\nByamba Baibolo\nNangwatu luno, balunda na Lesa beyowa \"mutende wa Lesa wakila milanguluko ya bantu.\"—Filipai 4:6, 7.\nÑanyi bintu bikwabo byo tufunda mu Baibolo?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/kyamba-kya-usopa-na5-2017-september\/byepelo-bya-mu-baibolo-byaamba-pa-mutende\/","date":"2018-04-26T08:17:13Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948119.95\/warc\/CC-MAIN-20180426070605-20180426090605-00439.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":103,"character_repetition_ratio":0.077,"word_repetition_ratio":0.0,"special_characters_ratio":0.201,"stopwords_ratio":0.252,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"5 Bano bo baana ba kwa Lubenyi+ mubeji wa kwa Isalela. Ye wajinga mubeji, bino na mambo a kuba wazhilulwile mwanya wa bashanji,+ luusa lwanji lwa bubeji belupaine ku baana ba kwa Yosefwa+ mwana wa kwa Isalela, onkao mambo, kechi banembele kisemi kyanji monka mwayijile luusa lwa bubeji ne. 2 Nangwa kya kuba Yuda+ wakijile balongo banji bonse kabiji mwi aye mo mwafumine ntangi,+ bino luusa lwa bubeji belupaine kwi Yosefwa. 3 Baana ba kwa Lubenyi mubeji wa kwa Isalela bajinga Hanoki, Palu, Hezelona ne Kami.+ 4 Baana ba kwa Yoela bajinga Shemaya, Shemaya wasemene Gogi, Gogi wasemene Shimei, 5 Shimei wasemene Mika, Mika wasemene Leaya, Leaya wasemene Baela, 6 ne Baela wasemene Bela, yenka Tigilata-pilinesa+ Mfumu wa Asilya ye atwajile mu buzha; ye wajinga kinemanga wa bena Lubenyi. 7 Balongo banji monka mwayijile bisemi byabo ne kunembwa kwa baana babo bajinga Yeyela mukulumpe, Zekaliya, 8 ne Bela mwana wa kwa Azaza, Azaza mwana wa kwa Shema, Shema mwana wa kwa Yoela, waikalanga mu Aloa+ kukafika ne ku Nebo ne ku Baela-meona.+ 9 Kabiji waikajile ku musela kukafika ne kwatendekela kiselebwa kya ku Mukola wa Ufelata,+ mambo bilelwa byabo byavujile bingi mu kyalo kya Gileada.+ 10 Mu moba a kwa Saulo, balwile nkondo na bena Haguli, kabiji bebashinjile, onkao mambo, abo baikele mu matente abo mu nyaunda yonse ya ku musela wa Gileada. 11 Ba mu kisemi kya kwa Gadi baikelenga kipi kipi nabo mu kyalo kya Bashana kukafika ne ku Saleka.+ 12 Yoela ye wajinga mukulumpe, Shafwama ye wajinga wa bubiji, kabiji Yanai ne Shafwata bajinga bantangi mu Bashana. 13 Kabiji balongo babo ba mu bikota byabo bajinga Mikela, Meshulama, Sheba, Yolai, Yakana, Zia ne Ebelu, bonse pamo batanu na babiji. 14 Bano bo bajinga baana ba kwa Abihaila mwana wa kwa Huli, Huli mwana wa kwa Yalowa, Yalowa mwana wa kwa Gileada, Gileada mwana wa kwa Mikela, Mikela mwana wa kwa Yeshishai, Yeshishai mwana wa kwa Yado, Yado mwana wa kwa Buza. 15 Ahi mwana wa kwa Abidiela, Abidiela mwana wa kwa Guni, ye wajinga mukulumpe wa kikota kyabo. 16 Baikalanga mu Gileada,+ mu Bashana+ ne mu mande anji,* ne mu mapunzha onse a munyemvu a ku Shalona ne ko akapelejile. 17 Bonse bebanembele monka mwayijile bisemi byabo mu moba a kwa Yotamo+ Mfumu wa Yuda ne mu moba a kwa Yeloboma*+ Mfumu wa Isalela. 18 Bena Lubenyi, bena Gadi ne kichika kya mukoka wa bena Manase bajinga na nzhita mwajinga ba bilobo 44,760 basendanga makebo ne mapoko ne mata a mukanda* kabiji bebafunjishe kulwa nkondo. 19 Balwile nkondo na bena Haguli,+ bena Yetula, bena Nafishi+ ne bena Nodaba. 20 Kabiji bebakwashisheko kwibalwisha, kya kuba bena Haguli ne bonse bo bajinga nabo bebapaine mu kuboko kwabo, mambo bamulombele Lesa amba ebakwashe mu nkondo, ne aye waumvwine misashijilo yabo mambo bamuketekejile.+ 21 Bebangachile bilelwa byabo—bangamela 50,000, mikooko 250,000, ne bambongolo 2,000—basendele ne bantu* 100,000. 22 Bavula bafwile, mambo Lesa wa kine ye walwile nkondo.+ Ne abo baikele mu mpunzha yabo kufikatu ne kimye kya kuya mu buzha.+ 23 Ba mu kichika kya mukoka wa bena Manase+ baikalanga mu kyalo kyatendekejile ku Bashana kukafika ne ku Baela-helemone ne ku Senila ne ku Mutumba wa Helemone.+ Bavujile bingi. 24 Bano bo bajinga bakulumpe ba bikota byabo: Efela, Ishi, Eliela, Azalyela, Yelemiya, Hodaviya ne Yadiele; bajinga ba bilobo, banabalume baya nkuwa, kabiji bakulumpe ba bikota byabo. 25 Bino kechi bajinga ba kishinka kwi Lesa wa bashakulu babo ne, kabiji baubilenga bupite na balesa ba mitundu ya bantu ba mu kyalo,+ bonka Lesa bo avizhizhe ku meso abo. 26 Onkao mambo, Lesa wa Isalela wakolomwene muchima wa kwa Pula Mfumu wa Asilya+ (ko kuba'mba Tigilata-pilinesa+ Mfumu wa Asilya) kya kuba watwajile mu buzha bena Lubenyi, bena Gadi ne kichika kya mukoka wa bena Manase ne kwibaleta ku Hala, Habola, Haala ne ku mukola wa Gozani,+ konka ko baji kufika ne lelo.\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/1-byambo-bya-moba\/5\/","date":"2018-04-26T10:04:53Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948125.20\/warc\/CC-MAIN-20180426090041-20180426110041-00343.warc.gz","language":"kqn","language_score":1.000000596,"language_script":"Latn","minhash_cluster_size":1,"top_langs":"{\"kqn_Latn_score\": 1.0000005960464478}","num_words":650,"character_repetition_ratio":0.062,"word_repetition_ratio":0.006,"special_characters_ratio":0.22,"stopwords_ratio":0.282,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA Na. 1 2016 | Mambo ka o Twafwainwa Kwikela ba Kishinka?\nBantu bavula babepa umvwe babena kwisamba na bakwabo. Mambo ka o twafwainwa kupusenako na bantu baji bino?\nMUTWE WA PA NKUPIKO\nBintu byapichilemo Hitoshi bimweka.\nMUTWE WA PA NKUPIKO\nYukai bifuma mu kwamba bubela.\nMUTWE WA PA NKUPIKO\nByuba muntu byo bimwesha inge wanemeka kwikala bukishinka nangwa ne.\nBAIBOLO UPIMPULA BWIKALO BWA BANTU\nByambo byatangile Alain Broggio mu Baibolo pa 1 Yoano 1:9 byamufikile bingi pa muchima.\nNanchi kala mivungilo beilenganga ne kwiingijisha byepi? Bañanyi bajinga \"bañanga bakatampe\" bo baambapo mu Binembelo bya Kingiliki bya Bwina Kilishitu?\nMashinda asatu akonsha kwimukwasha kubula kwakamwa.\nMAANA A KALA AKWASHA BANTU BYA KWIKALA LELO JINO\nYesu kechi waambiletu'mba kilekai kubambisha michima ne, bino walumbulwile ne ene mambo a kubula kubambisha muchima.\nNanchi bantu bafwa bakonsha kwikala na bumi jibiji nyi?","id":"","dump":"CC-MAIN-2018-30","url":"https:\/\/www.jw.org\/kqn\/mabuku\/magazini\/kyamba-kya-usopa-january-2016\/","date":"2018-07-23T18:21:43Z","file_path":"s3:\/\/commoncrawl\/crawl-data\/CC-MAIN-2018-30\/segments\/1531676599291.24\/warc\/CC-MAIN-20180723164955-20180723184955-00405.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":136,"character_repetition_ratio":0.076,"word_repetition_ratio":0.0,"special_characters_ratio":0.181,"stopwords_ratio":0.243,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"31 Yehoba watwajijile kwambila Mosesa amba: 2 \"Umvwa, nasala* Bezalela+ mwana wa mulume wa kwa Uli mwana wa mulume wa kwa Hula wa mu mukoka wa bena Yuda.+ 3 Nkamuyuzha na mupashi wa Lesa, nkamupa maana, milangwe ne maana a kuyuka bintu byonse bya busendwe, 4 kuba'mba akalengenga bintu na manono kwingijisha ngolode, siliva ne mukuba, 5 kuchiba mabwe ne kwiabika bulongo+ ne kulenga bintu byapusana pusana kufuma ku bichi.+ 6 Kabiji natongola muntu wa kumukwashako aye Oholyaba+ mwana wa mulume wa kwa Ahisamaka wa mu mukoka wa bena Danyi kabiji nkapana maana ku basendwe* bonse kuba'mba bakalenge bintu byonse byo nakukambizha:+ 7 tente wa lusambakeno,+ jikwachi ja Lushimuno+ ne kizhiko kya kuzhika+ peulu yajo, ne bipe byonse bya ku tente, 8 tebulu+ ne bipe bya ku tebulu, kya kutulapo malampi kya ngolode yawamisha ne bipe byakyo,+ kya kusokelapo bya kufutumuna,+ 9 kya kusokelapo bitapisho bya mulambo wa kusoka+ ne bipe byakyo, shomeka ne kya kumutentekapo,+ 10 bivwalo byawama bya kupikula, bivwalo byazhila bya kwa Alona ñanga, bivwalo bya baana banji ba balume bya kwingijilamo mwingilo wa buñanga,+ 11 manyi a kushinga ne bya kufutumuna binunka bulongo bya ku nzubo yazhila.+ Bakebyube byonse monka mo nakukambizhizha.\" 12 Kabiji Yehoba waambijile Mosesa amba: 13 \"Ubuule bena Isalela amba, 'Mwafwainwa kulama masabado ami,+ mambo kyo kiyukilo kiji pakachi kami ne anweba kufika ne ku bisemi byenu bikeya kulutwe kuba'mba mukayuke'mba amiwa Yehoba, yami mbena kwimuzhijika. 14 Mwafwainwa kulama Sabado, mambo ke juba jazhila kwi anweba.+ Muntu yense ukejizhilulula, bafwainwa kumwipaya. Umvwe muntu akengile mwingilo pa jino juba, awo muntu* bafwainwa kumuchibako* ku balongo banji.+ 15 Mukengilenga mingilo mu moba atanu na jimo, bino pa juba ja butanu na bubiji, jikekale ja sabado ja kukokolokelamo.+ Ke juba jazhila kwi Yehoba. Muntu yense ukengila mwingilo pa juba ja Sabado, bafwainwa kumwipaya. 16 Bena Isalela bakalamenga Sabado; bakalamenga Sabado ne mu bisemi byabo byonsetu bikeya kulutwe. Kino kintu ke lulayañano lwa myaka ne myaka. 17 Akino ke kiyukilo kya myaka ne myaka kiji pakachi kami ne bena Isalela,+ mambo mu moba atanu na jimo, Yehoba mo mo alengejile jiulu ne ntanda, kabiji pa juba ja butanu na bubiji wakokolokele ne kupemenwa.'\"+ 18 Byo apwishishetu kwamba nanji ku Mutumba wa Sinai, Lesa wapele Mosesa mabwe abiji apapakana a Lushimuno,+ Lesa mwine o anembelepo na munwe wanji.+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-30","url":"https:\/\/www.jw.org\/kqn\/mabuku\/baibolo\/nwt\/mabuku\/kulupuka\/31\/","date":"2018-07-18T03:17:25Z","file_path":"s3:\/\/commoncrawl\/crawl-data\/CC-MAIN-2018-30\/segments\/1531676590046.11\/warc\/CC-MAIN-20180718021906-20180718041906-00547.warc.gz","language":"kqn","language_score":1.0000078678,"language_script":"Latn","minhash_cluster_size":1,"top_langs":"{\"kqn_Latn_score\": 1.0000078678131104}","num_words":404,"character_repetition_ratio":0.054,"word_repetition_ratio":0.0,"special_characters_ratio":0.207,"stopwords_ratio":0.24,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MUTANCHI WA KUPWILA KWA BWIKALO NE MWINGILO WETU WA BWINA KILISHITU Kakubokache 2018\nBya Kwisamba na bantu pa buneme bwa Baibolo mu ano moba.\nBYA BUNEME BIJI MU MAMBO A LESA\nYoano waikalanga bwikalo bwapeela kabiji wateletu muchima pa kuba kyaswa muchima wa Lesa. Ne mu ano moba kwikala bwikalo bwapeela kwitulengela kwingilako pakatampe mu mwingilo wa Lesa.\nBYA BUNEME BYA MU MAMBO A LESA\nKyambo kya kuba'mba \"baji na muchima wa kukeba kuyuka Lesa\" kilumbulula ka? Nakonsha kuba byepi pa kuba'mba nkoseshe bulunda bwami ne Lesa?\nBYAFWAINWA KWIKALA BENA KILISHITU\nPano ñanyi kishinka kyafunjishenga Yesu pa kupwana na bakwetu ne pa kutokesha Lesa ku muchima pa ku mupopwela?\nBYA BUNEME BIJI MU MAMBO AWAMA\nPa bintu byonse byo tulomba, ñanyi bintu byakilamo kunema byo twafwainwa kulombapo?\nBYAFWAINWA KWIKALA BENA KILISHITU\nMu Jashi jo aambile Yesu pa Mutumba, watazhizhe mwepi byo aambijile baana banji ba bwanga kuleka kubambisha michima?\nBYA BUNEME BIJI MU MAMBO A LESA\nYesu byo abukilenga bantu kyamwesheshe bulume bo aji nabo. Pano bino kutemwa bantu ne lusa byo byamulengelanga kuba bino.\nBYA BUNEME BIJI MU MAMBO A LESA\nInge twabatizhiwa, tutambula kikonkoji kya kwikala baana ba bwanga ba kwa Yesu, kabiji tuswa mwingilo ne mitembo yakatazha, bino kwingila uno mwingilo kwitutekenesha bingi.","id":"","dump":"CC-MAIN-2018-34","url":"https:\/\/www.jw.org\/kqn\/mabuku\/jw-Mutanchi-wa-Kupwila\/january-2018-mwb\/","date":"2018-08-18T01:51:36Z","file_path":"s3:\/\/commoncrawl\/crawl-data\/CC-MAIN-2018-34\/segments\/1534221213247.0\/warc\/CC-MAIN-20180818001437-20180818021437-00107.warc.gz","language":"kqn","language_score":1.0000100136,"language_script":"Latn","minhash_cluster_size":2,"top_langs":"{\"kqn_Latn_score\": 1.0000100135803223}","num_words":205,"character_repetition_ratio":0.097,"word_repetition_ratio":0.0,"special_characters_ratio":0.176,"stopwords_ratio":0.322,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mu moba a kala, bena Isalela bebakwashanga kushinda nkondo kwi Lesa wabo aye Yehoba. Nanchi kino kibena kulumbulula'mba Lesa uswisha kulwa nkondo luno nyi?\nMambo ka bena Isalela o balwilanga nkondo kala?\nBYAMBA BANTU\nBena Isalela bapopwelanga \"lesa wa nkondo.\"\nBYAMBA BAIBOLO\nBisaka byashindanga bena Isalela byatemenwe bingi bukapondo kabiji byajinga na byubilo byatama nabiji kwilaala na banyama, kwilaala na balongo babo ne kutapisha baana babo. Lesa byo ebapeele kimye kyabaya kya kupimpula byubilo byabo, waambile'mba: \"Mambo bino bintu byo byalengela bisaka byo mbena kupanga kwi anweba kwizhilulula.\"—Bena Levi 18:21-25; Yelemiya 7:31.\n\"Na mambo a bubi bwa bino bisaka Yehoba Lesa wenu byo abena kupanga kufuma kwi anweba.\"—Mpitulukilo ya mu Mizhilo 9:5.\nNanchi Lesa utundaika bantu kulwa nkondo lelo jino nyi?\nBIMWEKA INGE KUJI NKONDO\nBantangi ba bupopweshi bamba'mba Lesa ye wibakwasha kushinda nkondo. Buku wa The Causes of War waamba'mba: \"Kufumatu ne kala, bupopweshi butundaika bingi kulwa nkondo.\"\nBYAMBA BAIBOLO\nBena Kilishitu kechi bebaswisha kulwa nkondo na balwanyi babo ne. Mutumwa Paulo wanembejile bena Kilishitu bakwabo amba: \"Umvwe kyakonsheka, monka mwayila bulume bwenu, ikalainga mu mutende na bantu bonse.\"—Loma 12:18, 19.\nYesu kechi watundaikanga baana banji ba bwanga kulwa nkondo ne. Bino wibabujile'mba: \"Temwainga balwanyi benu ne kulombelako boba bemumanyika, pa kuba'mba mwikale baana ba Shenu wa mwiulu.\" (Mateo 5:44, 45) Bantu inge babena kulwa nkondo mu kyalo mo bekala, bena Kilishitu kechi bafwainwa kulwako ne, mambo kechi \"ba pano pa ntanda\" ne. (Yoano 15:19) Umvwe Lesa ukeba bapopweshi banji kutemwa balwanyi babo ne kubula kwivwanga mu bya pano pa ntanda, wafwainwa kutundaika byepi bantu balwa nkondo lelo jino?\n\"Bufumu bwami kechi bwa pano pa ntanda ne. Umvwe Bufumu bwami bwajinga bwa pano pa ntanda, inge ba mingilo bami baji kundwilako kuba'mba babule kumpana ku Bayudea. Pakuba Bufumu bwami kechi bwa pano pa ntanda ne.\"—Yoano 18:36.\nNanchi nkondo ikapwa nyi?\nBYAMBA BANTU\nKafwako muntu wakonsha kupwisha nkondo ne. Buku wa War and Power in the 21st Century waamba'mba: \"Nkondo ikatwajijila kwikalako. Mu ntanda kechi mukekalapo mutende ne.\"\nBYAMBA BAIBOLO\nNkondo ikapwatu inge bantu balwa nkondo bebafumyapo. Kabiji Bufumu bwa Lesa, ko kuba'mba kafulumende ubena kulama mwiulu katatakatu bukonaune bilwilo bya nkondo ne kufunjisha bantu kwikala mu mutende. Baibolo witubuula'mba Lesa \"ukolola bintu kuba'mba bisaka bya bantu byakosa biji kwalepa bikamwenemo. Bakabundanga mapoko abo ne kwialula ke bya kujimako ne mafumo abo bakealula ke a kukopawilako misampi. Kisaka kya bantu kechi kikasuntwila mpoko kisaka kikwabo ne, kabiji kechi bakafunda kulwa nkondo jibiji ne.\"—Mika 4:3.\nBaibolo wamba'mba mu Bufumu bwa Lesa kechi mukekala makafulumende a bantu akobanga byatama ne kubikako mizhilo ikalengela bantu kusatukila kafulumende nangwa ileta misalululo ne kulengela bantu kwabenamo ne. Kuba bino kukalengela nkondo kupwa. Lesa walaya amba: \"Kechi bakekozhanga nangwa kwionauna ne, mambo pano pa ntanda pakakumbana maana a kuyuka Yehoba byonkatu mema byo akumbana mu kalunga ka mema.\"—Isaya 11:9.\n\"Upwisha nkondo pa ntanda ponse. Uchimauna buta bwa mukanda ne jifumo; usoka makalaki a nkondo mu mujilo.\"—Salamo 46:9.","id":"","dump":"CC-MAIN-2018-39","url":"https:\/\/www.jw.org\/kqn\/mabuku\/magazini\/labainga-na5-2017-october\/Byambapo-Baibolo-nkondo\/","date":"2018-09-22T11:10:28Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158320.19\/warc\/CC-MAIN-20180922103644-20180922124044-00289.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":469,"character_repetition_ratio":0.067,"word_repetition_ratio":0.0,"special_characters_ratio":0.196,"stopwords_ratio":0.243,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA Na. 6 2016 | Bimwesho Byaamba pa bya Mwiulu\nYukai bintu bibula kumweka byanembwa mu Baibolo.\nMUTWE WA PA NKUPIKO\nNanchi twakonsha kuyuka bya mwiulu nyi?\nMUTWE WA PA NKUPIKO\nBinembelo byaambapo'mba ka pe Yehoba Lesa, pe Yesu Kilishitu ne pa bamalaika ba kishinka?\nKu bañonyi kechi tufunjilakotu kuba'mba Lesa ye walengele bintu byonse ne, bino betulengela ne kulangulukishapo bulongo pa bintu byanema bya mu bwikalo.\nWaingijile byepi uno mwingilo nangwa kya kuba bamwimejile kuntundwa?\nJISHIMIKILA JA BWIKALO\nNsongwalume watainwe mu mapuso atama bingi alengejile walemana, bino wafunjile bintu byamulengejile kushiinwa'mba Mulenga kine ko aji.\nNanchi Lesa umvwa ne kukumbula milombelo yenu nyi?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/kyambo-kya-usopa-na6-2016-november\/","date":"2018-04-25T17:23:33Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947931.59\/warc\/CC-MAIN-20180425154752-20180425174752-00035.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":103,"character_repetition_ratio":0.046,"word_repetition_ratio":0.0,"special_characters_ratio":0.176,"stopwords_ratio":0.233,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MUTANCHI WA KUPWILA KWA BWIKALO NE MWINGILO WETU WA BWINA KILISHITU Ndolo 2017\nMashinda a kwisambilamo pa kusha Kyamba kya Usopa! ne kufunjisha bukine bwaamba pa bikamweka kulutwe. Ingijishai ano mashinda pa kunengezha jishinda jenu ja kwisambilamo.\nBYA BUNEME BIJI MU MAMBO A LESA\nYehoba Lesa walayile'mba ka ngauzhi Yelemiya byo amubujile kupota bujimi? Yehoba wamwesheshe byepi amba wawama?\nBYA BUNEME BIJI MU MAMBO A LESA\nEbeda-meleka wachinchikile ne kuya ku Mfumu Zedekiya mambo waumvwijile lusa Yelemiya.\nBYAFWAINWA KWIKALA BENA KILISHITU\nMazubo a Bufumu atelwa pa jizhina jazhila ja Lesa, onkao mambo twafwainwa kwiawamishanga ne kwialama na butooto. Atweba bonse twakonsha kuba byepi pa kuba'mba twingilengako mwingilo wa kuwamisha Nzubo ya Bufumu?\nBYA BUNEME BIJI MU MAMBO A LESA\nNgauzhi Yelemiya ne Mfumu Zedekiya bajingako kimye kyaonawinwe muzhi wa Yelusalema, pano bino bibamwekejile byapusana bingi.\nBYAFWAINWA KWIKALA BENA KILISHITU\nYehoba umona byepi bamwingijila mu bukishinka bebikako kwingila nangwa bakota?\nBYA BUNEME BIJI MU MAMBO A LESA\nBaluka wapopwelanga Yehoba kabiji wajinga wa kishinka kwi Yelemiya, bino watendekele kukumbwa bunonshi. Ñanyi bintu byafwainwe kuba Baluka pa kuba'mba apuluke lonaiko lwa muzhi wa Yelusalema?\nBYA BUNEME BIJ MU MAMBO A LESA\nBena Babilona bakanamine ku bantu ba Yehoba. Bena Isalela bebafumishe mu buzha byo balapijile, pano ñanyi bintu byamwekejile bena Babilona?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/jw-Mutanchi-wa-Kupwila\/may-2017-mwb\/","date":"2018-04-22T09:15:00Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945552.45\/warc\/CC-MAIN-20180422080558-20180422100558-00455.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":208,"character_repetition_ratio":0.098,"word_repetition_ratio":0.0,"special_characters_ratio":0.165,"stopwords_ratio":0.284,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MITOTOLOLO\nKochi mucheche wa mu Karongi wabingisha baana ba sukulu Bakamonyi, ne kunemeka luusa lwa kwisajila abo bene bupopweshi. Nanchi bino byachibile kochi bikalengela kuleka kumanyika baana ba sukulu mu Rwanda na mambo a byo baitabilamo nyi?\nMITOTOLOLO\nKochi mucheche wa mu Karongi wabingisha baana ba sukulu Bakamonyi, ne kunemeka luusa lwa kwisajila abo bene bupopweshi. Nanchi bino byachibile kochi bikalengela kuleka kumanyika baana ba sukulu mu Rwanda na mambo a byo baitabilamo nyi?\nByalo mobakasa Bakamonyi ba kwa Yehoba mu tuleya twatama bingi na mambotu a kulondela byo baitabilamo, bino saka baji na luusa lwa kwifuukwila bintu abo bene.\nKochi wa European Court of Human Rights Waswa Byaamba Kyalo kya Georgia Kuba'mba Bayanjishenga Bakamonyi ba kwa Yehoba\nKyalo kya Georgia kyaambile'mba kufuta bipamo bya Bakamonyi 'kechi kwayijilemo ne.' Byafuukwile kafulumende byalengejile kumanyika Bakamonyi pa myaka yavula.\nNanchi kyalo kya Azerbaijan kikaleka bantu bakasuluka mu bya bupopweshi ne kukasulula banabakazhi babiji babula mambo bo bakasa abo ba Irina Zakharchenko ne ba Valida Jabrayilova, ne kuswisha Bakamonyi kukasuluka mu bya bupopweshi nyi?\nMakochi aambile'mba luusa lwa kukana kutwela bushilikale kechi twafwainwa kwilunyanchijila na mambotu a kuzhikijila kyalo ne.\nBakamonyi ba kwa Yehoba mu Georgia babena kutundaika kunemeka luusa lwa bantu byonka byachibile kochi wa ECHR\nMukwekele wa mu April mu 2015 ukalengela ba luusa mu kafulumende kuyuka byachibile mambo kochi wa European Court of Human Rights pa mwingilo wa Bakamonyi ba kwa Yehoba.\nBakulumpe ba mu kafulumende bavulañanya mwingilo wa Bakamonyi ba kwa Yehoba kupichila mu kwibalipilisha mali avula ne kwibakasa. Nanchi bakulumpe ba mu kyalo kya Azerbaijan bakaleka kumanyikañana kya lunkanankana nyi?\nKafulumende wa wakasa Bakamonyi bakyanyike bavula bakana kutwela bukine. Kochi UN Human Rights Committee wabujile kyalo kya South Korea jabutanu amba kechi baji na bishinka byakwibalengela kukasa bakana kutwela bushilikale ne.\nBakamonyi ba kwa Yehoba bebatakaika ku bakwabo mo bengijila ne bakulumpe ba nkito batangijila bamingilo yabula ya bushilikale.\nBakamonyi ba kwa Yehoba Babwezha Mambo ku Kochi wa Rostov Regional Court Jikwabo—Nanchi Bakabinga nyi, Inyi Bakebakasa?\nPa 11 December mu 2014, mu kochi wa Rostov Regional Court bakambanga mambo a Bakamonyi ba kwa Yehoba 16 ba ku Taganrog, mu Russia o babwezhezhe ku kochi. Babena kwibapamo mambo a bumbanzhi amba \"bakizhamo bya bupopweshi.\"\nPa 22 October mu 2014, Ndamakyalo Berdimuhamedov wakasulwile Bakamonyi ba kwa Yehoba bobakashile mu Turkmenistan na mambo a byo baitabilamo.","id":"","dump":"CC-MAIN-2018-17","url":"https:\/\/www.jw.org\/kqn\/Masawakya\/mitotololo\/","date":"2018-04-19T18:29:24Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937015.7\/warc\/CC-MAIN-20180419165443-20180419185443-00611.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":379,"character_repetition_ratio":0.104,"word_repetition_ratio":0.151,"special_characters_ratio":0.166,"stopwords_ratio":0.301,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LABAINGA! Na. 3 2016 | Kutuntulula mu Milaka Yavula\nBakamonyi ba kwa Yehoba babena mwingilo kwingila mwingilo mukatampe wa kutuntula.\nMUTWE WA PA NKUPIKO\nMambo ka Bakamonyi ba kwa Yehoba o batuntulwila mabuku abo mu milaka yavula bingi?\nMUTWE WA PA NKUPIKO\nNtuntuluzhi umo waambile byo bengila uno mwingilo ne ene o bamwingijila.\nBIPIKICHALA BYA BANTU BA KALA\nBisemi byavula lelo jino bimwenamo mu bintu byaubile uno mwanamulume. Mambo ka?\nBYA KUKWASHA KISEMI\nMashinda esambilamo banabalume apusana bingi na a banabakazhi. Kuyuka bino kwakonsha kwimukwasha kubula kuzhingila.\nBYAMBAPO BAIBOLO\nBaibolo waamba'mba 'kwa kubula lwitabilo kechi kyakonsheka kutokesha Lesa ku muchima ne.' Lwitabilo lulumbulula ka? Mwakonsha kwikala byepi na lwitabilo?\nKyatamina ka kwifuukwilapo anweba bene kuleka kuja kajo kamo amba mubiji wikakana?\nNANCHI KYALENGELWE NYI?\nKi ka kilengela lunyeu kushikula bintu byanema kukila mubiji wanji?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/labainga-na3-2016-june\/","date":"2018-04-23T16:36:33Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946077.4\/warc\/CC-MAIN-20180423144933-20180423164933-00485.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":131,"character_repetition_ratio":0.065,"word_repetition_ratio":0.0,"special_characters_ratio":0.17,"stopwords_ratio":0.198,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"16 Yehoba wañambijile jibiji amba: 2 \"Kechi wafwainwa kusongola mwanamukazhi ne kusema baana ba balume ne baana ba bakazhi mu ino mpunzha ne. 3 Mambo Yehoba waamba pa baana ba balume ne baana ba bakazhi babena kusemwa mu ino mpunzha ne pa mambo a bainabo ne bashabo bebasemene mu kino kyalo amba: 4 'Bakafwa ku bikola bikatampe,+ bino kafwako muntu nangwa umo ukebajila nangwa kwibazhiika ne; bakekala nobe mbolezha mu mushiji.+ Bakafwa ku mpoko ne ku kipowe kya nzala+ kabiji mibiji yabo yafwa ikekala ke kajo ka bañonyi ne banyama ba mungye.' 5 Mambo Yehoba waamba'mba,'Kange mutwele mu nzubo muji kijiilo kya baji pa kijilo ne,Kabiji kange muye na kwibajijishapo nangwa kwibatekenesha ne.'+ 'Mambo amiwa nafumyapo mutende wami,Butemwe bwami bubula kwaluka ne lusa pa bano bantu,'+ byo byaamba Yehoba. 6 Banyike ne bakulumpe bonse bakafwila mu ino mpunzha. Kechi bakebazhiika ne,Kafwako muntu nangwa umo ukebajila ne,Kabiji kafwako muntu nangwa umo ukechibaula aye mwine nangwa kutenda kakuku mutwe na mambo a abo ne.* 7 Kabiji kafwako muntu nangwa umo ukaleta kajo ka kupa boba bakajilanga,Ka kwibatekenesha pa mambo a bantu babo bafwa ne;Kabiji kafwako muntu nangwa umo ukebapa katomeno ka kwibatekeneshaKuba'mba batome pa mambo a lufu lwa bashabo nangwa lwa bainabo ne. 8 Kabiji kechi mwafwainwa kutwela mu nzubo muji kijiiloNe kwikala nabo na kuja ne kutoma ne.' 9 \"Mambo Yehoba wa mabumba, Lesa wa Isalela waamba'mba, 'Mu moba a bwikalo bwenu mu ino mpunzha, amiwa nkazhindamika jiwi ja kusekela ne kusangalala, jiwi ja musongwa ne ja musongoshi anweba saka mutalako.'+ 10 \"Byo ukebabuula bano bantu bino byambo byonse, abo bakakwipuzha'mba, 'Mambo ka Yehoba o aambila'mba uketuletela bino bya malwa byonse bikatampe? Ñanyi bubi ne mambo o twamulenga Yehoba Lesa wetu?'+ 11 Obewa ukebakumbule'mba, \"Yehoba waamba'mba, 'Nkoba bino mambo bashakulu benu banshile amiwa+ ne kulondela balesa bangi na kwibengijila ne kwibafukamina.+ Bino amiwa bangalukijilemo kabiji kechi balamine mizhilo yami ne.+ 12 Pano anweba mwakizhamo kuba bintu byatama kukila bashakulu benu,+ kabiji anweba bonse pa muntu pa muntu mulondela bikeba michima yenu yatama kechi munkookela ne.+ 13 Onkao mambo, amiwa nkemufumyamo mu kino kyalo ne kwimutwala mu kyalo kyo mwabula kuyuka anweba nangwa bashakulu benu,+ kabiji mukengijilanga balesa bangi mute ne bufuku+ mambo kechi nkemubila lusa ne.\"' 14 \"Yehoba waamba'mba, 'Nangwa byonkabyo, moba abena kwiya po bakabula kwamba'mba: \"Byonkatu Yehoba byo aji na bumi, yenka wafumishe bena Isalela mu kyalo kya Ijipita!\"+ 15 pano bino, bakamba'mba: \"Byonkatu Yehoba byo aji na bumi, yenka wafumishe bena Isalela mu kyalo kya ku kabeta ka ku buyeke ne mu byalo byonse mo ebapalañenyejile!\" amiwa nkebabwezha ku kyalo kyabo kyo napele bashakulu babo.'+ 16 Yehoba waamba'mba, 'Amiwa mbena kwita bantu bavula bakwata masabi,Kabiji bakebakwata. Kufuma bano, amiwa nketa babibinda bavula,Kabiji bakebakeba pa mitumba yonse ne pa tutumbatumba tonseNe mu milala ya mu mabwe. 17 Mambo meso ami amona bintu byonse byo boba.* Kechi bafyama kwi amiwa ne,Kabiji bubi bwabo kechi bwafyama ku meso ami ne. 18 Patanshi nkebobila monka mwayila bubi bwabo ne mambo abo,+Mambo batamisha kyalo kyami na bipashañano* bya bankishi babo ba bunya babula kupemaKabiji bakumbanya kyalo kyami na bintu byabo bya bunya.'\"+ 19 Anweba Yehoba, yenu bulume bwami kabiji nsakwa yami yakosa,Yenu kya kufyamamo kyami mu kimye kya bya malwa,+Bisaka bya bantu bikeya kwi anweba kufuma monse mwaya ntanda,Kabiji bikamba'mba: \"Bashakulu betu balondejilenga bintu bya bubela,Bintu byatu ne bintu byabula kunema byakonsha kubula kwibakwasha.\"+ 20 Nanchi muntu wakonsha kwilengela aye mwine balesa nyi?Kechi wakonsha kulenga balesa ba kine ne.+ 21 \"Onkao mambo, nkebafunjisha,Pa kikye kimye, nkebamwesha bulume bwami ne ngovu yami, Kabiji bakayuka'mba jizhina jami yami Yehoba.\"\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/yelemiya\/16\/","date":"2018-04-21T23:46:15Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945459.17\/warc\/CC-MAIN-20180421223015-20180422003015-00087.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":605,"character_repetition_ratio":0.06,"word_repetition_ratio":0.013,"special_characters_ratio":0.199,"stopwords_ratio":0.269,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"7 Yehoba byo apwishishe kwamba, waambijile Nowa amba: \"Twela mu bwato ne ba mu nzubo yobe pamo, mambo nataana'mba yobe waoloka ku meso ami pa bantu bonse ba mu kino kisemi.+ 2 Wafwainwa kutwezha mitundu yonse ya banyama babula muzhilo batanu na babiji batanu na babiji,+ mulume ne mukazhi; ne kutwezha banyama bonse ba muzhilo babiji babiji, mulume ne mukazhi; 3 kabiji ukatwezhe bilengwa byonse bipita mwiulu bitanu na bibiji bitanu na bibiji, kilume ne kikazhi, pa kuba'mba bikasemunune ne kwikala na bumi pano pa ntanda.+ 4 Mambo pa kupitapo moba atanu na abiji, nkanokesha mvula+ pano pa ntanda pa moba 40 mute ne bufuku,+ kabiji nkonauna byumi byonse biji pano pa ntanda byo nalengele.\"+ 5 Kabiji Nowa waubile byonse Yehoba byo amukambizhe kuba. 6 Nowa wajinga na myaka 600 kimye muyulo wa mema kyo aishile pano pa ntanda.+ 7 Onkao mambo, Nowa watwelele mu bwato na baana banji, mukazhanji ne bakazhi ba baana banji, muyulo wa mema saka akyangye kwiya.+ 8 Banyama bonse babula muzhilo ne bonse ba muzhilo ne bilengwa byonse bitumbuka ne byonse bikalaba panshi,+ 9 byatwelele bibiji bibiji mu bwato mwajinga Nowa, kilume ne kikazhi, byonkatu Lesa byo akambizhe Nowa. 10 Kabiji byo papichile moba atanu na abiji, muyulo wa mema waishile pano pa ntanda. 11 Mu mwaka wa bu 600 mu bwikalo bwa kwa Nowa, mu ñondo wa bubiji, pa juba ja bu 17 ja ñondo, pa joja juba mema a mwiulu atendekele kunoka ne bipenze bya mema bya mwiulu byashinkukile.+ 12 Kabiji mvula wanokele pano pa ntanda pa moba 40 mute ne bufuku. 13 Pa jonkaja juba, Nowa watwelele mu bwato pamo na baana banji, Shema, Hama, Yafeta,+ mukazhanji ne bakazhi ba baana banji basatu.+ 14 Batwelele na banyama bonse ba mungye monka mwayila mitundu yabo, banyama ba kulela monka mwayila mitundu yabo, bikalaba panshi byonse monka mwayila mitundu yabyo, bilengwa byonse bitumbuka monka mwayila mitundu yabyo, bañonyi bonse ne byonse biji na byapi. 15 Byatwelelenga mu bwato bwa kwa Nowa bibiji bibiji, byonsetu byajinga na muya wa bumi.* 16 Onkao mambo, bilengwa bya mitundu yonse byatwelele mu bwato, kilume ne kikazhi, byonkatu Lesa byo amukambizhe Nowa. Kepo Yehoba ashinkile kinzhilo. 17 Muyulo watwajijile* pano pa ntanda pa moba 40, kabiji mema avujilengakotu ne kuselula bwato kya kuba bwatumpaukilengatu peulu ya mema. 18 Mema ayilengatu na kuvula ne kulobesha ntanda kabiji bwato bwatumpaukilenga peulu ya mema. 19 Mema avujile bingi pano pa ntanda kya kuba ne mitumba yonse yalepa ya pano pa ntanda yaibijile.+ 20 Mema avujile bingi kabiji apitaijile peulu ya mitumba makyubichi* 15. 21 Onkao mambo, bilengwa byonse byumi byajinga pano pa ntanda, bitumbuka, banyama ba kulela, banyama ba mungye, ne bilengwa byenda bisamba bisamba byafwile, ne bantu bonse bafwile.+ 22 Bilengwa byonse byajinga na muya wa bumi* byajinga ku mutunta nabyo byafwile.+ 23 Onkao mambo, Lesa wavizhizhe byonse byumi pano pa ntanda, bantu, banyama, bikalaba panshi ne bilengwa bipita mwiulu. Byonse bebivizhizhe pano pa ntanda;+ Nowa ne bo ajinga nabo mu bwato bo bonkatu bapulukile.+ 24 Kabiji mema aikele moba 150 saka alobesha ntanda.+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/ntendekelo\/7\/","date":"2018-04-23T03:50:27Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945724.44\/warc\/CC-MAIN-20180423031429-20180423051429-00487.warc.gz","language":"kqn","language_score":1.0000095367,"language_script":"Latn","minhash_cluster_size":1,"top_langs":"{\"kqn_Latn_score\": 1.000009536743164}","num_words":513,"character_repetition_ratio":0.079,"word_repetition_ratio":0.0,"special_characters_ratio":0.214,"stopwords_ratio":0.261,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"10 Yehoba waambijile Mosesa amba: 2 \"Lenga matolompita obe abiji;+ ukeabunde a siliva ne kwiengijisha pa kwita jibumba ne pa kwimana lwendo. 3 Umvwe onse abiji beavumya, jibumba jonse jafwainwa kwiya kwi obewa ku kibelo kya tente wa lusambakeno.+ 4 Umvwe bavumyatu ntolompita imo, bantangi, ko kuba'mba bakulumpe ba bisaka bya bena Isalela, bo bonkatu bakeya kwi obewa.+ 5 \"Umvwe bavumya ntolompita na musango wapusana pusana, jibumba ja boba baji ku musela+ jikemane lwendo. 6 Kabiji umvwe bavumya ntolompita ja bubiji, mu musango wapusana pusana, jibumba jiji ku kabeta ka ku bulenge+ jikemane lwendo. Abino byo byo bafwainwa kuvumya matolompita pa kwimana lwendo. 7 \"Pa kwita kipwilo pamo, bafwainwa kuvumya matolompita,+ bino kechi kwiavumya mu musango wapusana pusana ne. 8 Baana ba kwa Alona, bañanga, bafwainwa kuvumya matolompita.+ Kabiji bakeengijishenga kwikala jilamuna ja myaka jikalondelanga bisemi byenu byonse bikeya kulutwe. 9 \"Umvwe mubena kuya na kulwa nkondo na balwanyi babena kwimumanyika mu kyalo kyenu, mwafwainwa kuvumya ntolompita+ ya kutendekelamo kulwa, kabiji Yehoba Lesa wenu ukemuvuluka ne kwimupokolola ku balwanyi benu. 10 \"Kabiji mu moba enu a kusangalelamo,+ pa bijiilo+ byenu bya ku ntendekelo ya bañondo, mukavumyenga matolompita pa kulambula milambo yenu ya kusoka+ ne bitapisho byenu bya mutende;+ ano matolompita akekala a kuvululako Lesa wenu. Amiwa yami Yehoba Lesa wobe.\"+ 11 Mu mwaka wa bubiji mu ñondo wa bubiji pa juba ja bu 20 ja ñondo,+ jikumbi jafuminepo pa tente wa lusambakeno+ wa Lushimuno. 12 Byonkabyo, bena Isalela baimene lwendo kufuma mu kiselebwa kya Sinai monka mo bebabuujile mwa kwendela,+ kabiji jikumbi jaimene mu kiselebwa kya Palana.+ 13 Akino kyo kyajinga kimye kitanshi kyo baimene lwendo lwabo monka mwibakambizhizhe Yehoba kupichila mwi Mosesa.+ 14 Onkao mambo, jibumba ja mikoka isatu ja bena Yuda jo jajinga jitanshi kwimana lwendo monka mwayijile mabumba* abo, kabiji Nashona+ mwana wa kwa Aminadaba ye watangijilenga jibumba. 15 Netanela+ mwana wa kwa Zuwala ye watangijilenga jibumba ja mukoka wa bena Isakala. 16 Eliaba+ mwana wa kwa Helona ye watangijilenga jibumba ja mukoka wa bena Zebuluna. 17 Byo bapopolwele tente wa lusambakeno,+ bena Geleshona+ ne bena Melali+ basendanga tente wa lusambakeno, baimene lwendo. 18 Kepo jibumba ja mikoka isatu ja bena Lubenyi jaimene lwendo monka mwayijile mabumba* abo, kabiji Elizula+ mwana wa kwa Shedeula ye watangijilenga jibumba. 19 Shelumyela+ mwana wa kwa Zulishadai ye watangijilenga jibumba ja mukoka wa bena Shimeona. 20 Elyasafu+ mwana wa kwa Dewela, ye watangijilenga jibumba ja mukoka wa bena Gadi. 21 Kabiji bena Kohati basendanga bipe bya mu nzubo yazhila,+ baimene lwendo. Tente wa lusambakeno bafwainwe kumufiika abo saka bakyangye kufika. 22 Kabiji jibumba ja mikoka isatu ja bena Efelaimu jaimene lwendo monka mwayijile mabumba* abo, kabiji Elishama+ mwana wa kwa Amihuda ye watangijilenga jibumba. 23 Ngamaliela+ mwana wa kwa Pedazula ye watangijilenga jibumba ja mukoka wa bena Manase. 24 Abidana+ mwana wa kwa Gidionyi ye watangijilenga jibumba ja mukoka wa bena Benjamina. 25 Kabiji jibumba ja mikoka isatu ja bena Danyi jaimene lwendo monka mwayijile mabumba* abo, jino jo jibumba japeleleko ku mabumba onse jibazhikijilenga kunyuma. Kabiji Ahiyeza+ mwana wa kwa Amishadai ye watangijilenga jibumba. 26 Pangyela+ mwana wa kwa Okolana ye watangijilenga jibumba ja mukoka wa bena Ashela. 27 Ahila+ mwana wa kwa Enana ye watangijilenga jibumba ja mukoka wa bena Nafitali. 28 Abino byo byo baendanga bena Isalela ne mabumba* abo pa kwimana lwendo.+ 29 Kabiji Mosesa waambijile Hobaba mwana wa kwa Lewela*+ mwina Mijanyi muko wa kwa Mosesa amba: \"Tubena kuya ku mpunzha yo etulayile Yehoba amba, 'Nkemupayo.'+ Twayai tuye bonse,+ ne atweba tukemubila byawama, mambo Yehoba walayile kubila bena Isalela bintu byawama.\"+ 30 Bino Hobaba wamwambijile'mba: \"Kechi nsakuya nenu ne, nsakubwela ku kyalo kyami konka kuji balongo bami.\" 31 Ponkapo Mosesa wamwambijile'mba: \"Mwane kange mwitushe ne, mambo yenu mwayuka ko tukatebelela mu kiselebwa kabiji yenu muketutangijila.* 32 Kabiji umvwe muye ne atweba,+ bintu byonse byawama biketubila Yehoba, ne atweba tukemubilabyo.\" 33 Ponkapo baimene lwendo lwa moba asatu kufuma ku mutumba wa Yehoba,+ kabiji jikwachi+ ja lulayañano lwa Yehoba jatangijileko pa lwendo lwabo lwa moba asatu na kwibakebela pa kukokolokela.+ 34 Kabiji umvwe baimana lwendo kufuma po batebelejilenga, jikumbi+ ja Yehoba jaikelenga peulu yabo juba jonse. 35 Umvwe Jikwachi bejisenda, Mosesa waambanga'mba: \"Anweba Yehoba, imanai,+ balwanyi benu bapalañane, ne boba bemushikwa bemunyeme.\" 36 Kabiji umvwe jikwachi bejitula, waambanga'mba: \"Anweba Yehoba, bwelai ku biumbi bya kukankalwa kubala bya bena Isalela.\"+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/kubala\/10\/","date":"2018-04-26T21:44:01Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948549.21\/warc\/CC-MAIN-20180426203132-20180426223132-00402.warc.gz","language":"kqn","language_score":1.000009656,"language_script":"Latn","minhash_cluster_size":1,"top_langs":"{\"kqn_Latn_score\": 1.0000096559524536}","num_words":716,"character_repetition_ratio":0.113,"word_repetition_ratio":0.0,"special_characters_ratio":0.2,"stopwords_ratio":0.197,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA Ndolo 2014 | Nanchi kujipo wayuka biji kulutwe nyi?\nMukumbu wakonsha kupimpula bwikalo bwenu.\nMUTWE WA PA NKUPIKO\nÑanyi wakyaulapo kala bya kine bikamweka kulutwe?\nMUTWE WA PA NKUPIKO\nKuji wambila jimo bya kulutwe ye twafwainwa kuketekela.\nKWISAMBA NA BANTU\nUmvwe ibyo, Mambo ka o babula kwitelela amba Bakamonyi ba kwa Yesu?\nMambo ka Bayudea o baimbijile Pilato amba bachimaune maulu a kwa Yesu? Nanchi Davida wayipaile Goliata kwingijishatu jibwe nyi?\nLONDELAINGA LWITABILO LWABO\nKya kumwenako kya kwa Maliya, inanji Yesu, kyakonsha kwimukwasha inge muji na bulanda bwabaya.\nUmvwe Lesa ye ulama ino ntanda, mambo ka buyanji o bwavujila?","id":"","dump":"CC-MAIN-2018-22","url":"https:\/\/www.jw.org\/kqn\/mabuku\/magazini\/wp20140501\/","date":"2018-05-25T11:22:14Z","file_path":"s3:\/\/commoncrawl\/crawl-data\/CC-MAIN-2018-22\/segments\/1526794867085.95\/warc\/CC-MAIN-20180525102302-20180525122302-00234.warc.gz","language":"kqn","language_score":1.000009656,"language_script":"Latn","minhash_cluster_size":1,"top_langs":"{\"kqn_Latn_score\": 1.0000096559524536}","num_words":100,"character_repetition_ratio":0.043,"word_repetition_ratio":0.0,"special_characters_ratio":0.182,"stopwords_ratio":0.16,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA Kuvumbi 2015 | Mwakonsha Kumvwisha Byaamba Baibolo\nNanchi mwakiipuzhapo kala kuba'mba, 'Mambo ka o kyakatezha kumvwisha byaamba Baibolo?'\nMUTWE WA PA NKUPIKO\nBavula banemeka uno buku wazhila, pano bino kechi bayuka'mba wakonsha kwibakwasha ne.\nMUTWE WA PA NKUPIKO\nBishinka bina bimwesha'mba bantu bonse bakonsha kumvwisha byaamba Baibolo.\nMUTWE WA PA NKUPIKO\nUmvwe Baibolo bamunembela bantu kumvwa byo aamba, mambo ka a kukebela muntu wa kwimukwasha kumumvwisha?\nNanchi bukamfutumfutu bwimulengela kufumya ku bya bumulwila ntanda, bupopweshi nangwa bya busulu nyi?\nNanchi Bayudea baishile ku Yelusalema pa Pentekosita mu 33 C.E \"bafumine mu byalo byonse\" nyi? Nanchi bantu bavula bayanga ku Yelusalema ku bijiilo bya Bayudea bafikilanga kwepi?\nYesu watazhizhe mwepi byo aambile'mba: \"Obewa wi Petelo, kabiji pa jonka jino jibwe po po nkashimikila kipwilo kyami\"?\nBATANGA MAGAZINI ETU BEPUZHA'MBA\nNangwa kya kuba bisho bya Kiminshiminshi byafuma ku bantu babula kupopwela Lesa, nanchi kino kyakonsha kukanya muntu kwibilondela nyi?\nMambo ka Lesa o abena kwichila bantu bakeba kuyuka bukine?\nMitwe Ikwabo\nNanchi mu Baibolo mujipo milanguluko ya sayansi ya bubela nyi?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/magazini\/wp20151201\/","date":"2018-04-26T16:31:02Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948285.62\/warc\/CC-MAIN-20180426144615-20180426164615-00493.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":169,"character_repetition_ratio":0.071,"word_repetition_ratio":0.0,"special_characters_ratio":0.176,"stopwords_ratio":0.207,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"6 Onkao mambo, byo twapwisha kufunda mafunjisho atanshi+ aamba pe Kilishitu, twayai tukomenga,+ kechi twale kitendekesho jibiji ne, ko kuba'mba kulapila ku mingilo yafwa ne kwitabila mwi Lesa, 2 lufunjisho lwaamba pa lubatizhilo lwapusana pusana ne kutenteka maboko,+ lusanguko lwa bafu+ ne luzhachisho lwa myaka ne. 3 Atweba tukakomenangakotu, umvwe Lesa waswa. 4 Mambo aba batambula kala kyeya+ ne kutompako ku kya bupe kya kuya mwiulu kabiji batambula mupashi wazhila, 5 ne kutompa pa mambo awama a Lesa ne bintu bya bulume bikooba Lesa mu bwikalo* bukeya, 6 bino bapondoka,+ kechi kyakonsheka kwibakwasha kulapila jibiji ne, mambo bamupopa jibiji Mwana Lesa pa kichi ne kumulengesha bumvu pa bantu bavula.+ 7 Mambo mushiji utambula mapesho kufuma kwi Lesa byo atwezha mema a mvula unokelapo javula ne kumenesha bijimwa bya kwingijisha boba bebijimine. 8 Bino umvwe wamenesha miba ne tubichi tuji na miba, ulengululwa kabiji uji pepi kufingwa, ne ku mpelo yanji bamusoka. 9 Anweba batemwe bami, twashiinwa'mba anweba muji na bintu byawama, bintu byawama bileta lupulukilo, nangwa kya kuba tubena kwamba bino. 10 Mambo Lesa waoloka kabiji kechi wakonsha kuvulama mingilo yenu ne butemwe bo mwamwesha jizhina janji ne,+ byo mwibengijilenga bazhijikwa ne byo mwatwajijila na kwibengijila. 11 Bino twakeba namba anweba bonse pa muntu pa muntu mutwajijile kwingila na ngovu byonkatu byo mwaingijilenga kala kuba'mba mulumbulule luketekelo lwenu+ kufika ne ku mpelo,+ 12 pa kuba'mba mubule kwikala bankope,+ bino mwikale ba kulondela boba baswana bintu byo alayile Lesa na mambo a lwitabilo ne na butekanye bwabo. 13 Lesa byo alayile Abalahama, kechi kwajingapo muntu mukwabo wamukila wa kuchipilamo ne, wichipijile mwine,+ 14 amba: \"Kine nkakupesha kabiji kine nkakuvuzha.\"+ 15 Onkao mambo, Abalahama byo apembelejile mu butekanye, watambwile uno mulaye. 16 Mambo bantu bachipa kupichila mu muntu wibakila ne luchipo lwabo lupwisha mapata onse, mambo luchipo lumwesha'mba byo baamba bya kine.+ 17 Kyo kimotu, Lesa byo afuukwilepo kumwesha patoka banswanyi ba mulaye+ byo abula kwaluka mu kintu kyo afuukula, wachipile kumwesha'mba waamba kine, 18 pa kuba'mba mu bintu bibiji bibula kwaluka Lesa mo abula kubepa,+ atweba twanyemena mwa kufyama twikale na lutundaiko lwakosa kuba'mba tukwachishe ku lolwa luketekelo lo betupa. 19 Tuji na luno luketekelo+ luji nobe kimiko kya mweo* wetu, lwa kine kabiji lwakosa, kabiji lutwela mu kipembe,+ 20 mo etutwelelako awa watangilako kala, aye Yesu+ waikala ñanga mwine mukatampe myaka ne myaka byonka byajinga Melekizedeke.+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/bahebelu\/6\/","date":"2018-04-24T09:55:13Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946578.68\/warc\/CC-MAIN-20180424080851-20180424100851-00557.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":408,"character_repetition_ratio":0.053,"word_repetition_ratio":0.0,"special_characters_ratio":0.197,"stopwords_ratio":0.275,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"21 Banabalume bena Isalela bachipile luno luchipo ku Mizipa amba:+ \"Kafwako nangwa umo mwi atweba wafwainwa kusongwesha mwananji wa mukazhi ku mwanamulume mwina Benjamina kwikala mukazhanji ne.\"+ 2 Kabiji bena Isalela baishile ku Betele+ ne kwikala konkakwa kwi Lesa wa kine kufika ne mabanga, saka bajila na mawi a peulu ne kuwowakana. 3 Kabiji baambilenga'mba: \"Anweba Yehoba, Lesa wa Isalela, mambo ka kino kintu o kyamwekela mu Isalela? Mambo ka mukoka umo o akonsha kubujilamo mu Isalela lelo jino?\" 4 Kabiji juba jalondejilepo bantu baimene lukelo ne kushimika kya kusokelapo bitapisho konkakwa ne kulambwilapo milambo ya kusoka ne milambo ya mutende.+ 5 Kepo bena Isalela bashikishe'mba: \"Pa mikoka yonse ya bena Isalela, wepi wabujile kwiya na kubuñana ku meso a Yehoba ku Mizipa?\" mambo bachipile luchipo lukatampe lwa kuba'mba yense ukabula kwiya kwi Yehoba ku Mizipa, kine bafwainwa kumwipaya. 6 Kabiji bena Isalela baumvwine bulanda na mambo a kyamwekejile bena Benjamina balongo babo. Baambile'mba: \"Lelo jino mukoka umo ufwamo mu Isalela. 7 Tusakuba byepi pa kukebela boba bashalapo bakazhi, byo twachipile mu jizhina ja Yehoba+ kubula kusongwesha baana betu ba bakazhi kwi abo?\"+ 8 Bashikishe'mba: \"Pa mikoka ya bena Isalela, wepi wabujile kwiya kwi Yehoba ku Mizipa?\"+ Kyatainwe kuba'mba ku Yabeshi-gileada kafwako nangwa umo wafumineko kwiya ku kampu kwajinga kipwilo ne. 9 Bantu byo bebabajile, bataaine kuba'mba kafwako nangwa umo pa bangikazhi ba mu Yabeshi-gileada wajingapo ne. 10 Onkao mambo, jibumba jatumine kokwa banabalume bakosa bingi 12,000. Bebakambizhe'mba: \"Yainga mukatape na mpoko bangikazhi ba mu Yabeshi-gileada, kuvwangakotu ne banabakazhi ne baana.+ 11 Kino kyo kyo mwafwainwa kuba: Mwafwainwa kwipaya mwanamulume yense pamotu ne mwanamukazhi yense wakilaalapo kala na mwanamulume.\" 12 Mu bangikazhi ba mu Yabeshi-gileada, bataainemo bakamwale 400, bisungu, babujile kulaalapo na mwanamulume. Onkao mambo, bebaletele ku kampu ku Shilo,+ uji mu kyalo kya Kenana. 13 Kepo jibumba jonse jatumine mawi ku bena Benjamina bajinga ku jibwe jikatampe ja Limonyi+ ne kwibatayila mbila ya mutende. 14 Onkao mambo, bena Benjamina babwelele pa kyokya kimye. Bebapele banabakazhi bo balamine na bumi bafumine mu banabakazhi ba ku Yabeshi-gileada,+ bino kechi bebakebejile banabakazhi bavula ba kwibapa ne. 15 Kabiji bantu baumvwine bulanda na mambo a kyamwekejile bena Benjamina,+ mambo Yehoba wibapaatwileko ku mikoka ya bena Isalela. 16 Bakulumpe ba jibumba baambile'mba: \"Tusakuba byepi pa kukebela banabalume bashalapo bakazhi, banabakazhi bonse byo bebepayile mu bena Benjamina?\" 17 Bakumbwile'mba: \"Aba bapulukile mu bena Benjamina bafwainwa kwikala na buswanyi, pa kuba'mba mukoka akabule kuzhiya mu bena Isalela. 18 Pano bino, kechi betuswisha kusongwesha baana betu ba bakazhi kwi abo ne, mambo bena Isalela bachipile'mba: 'Wafingwa yense ukasongwesha mwanamukazhi ku mwina Benjamina.'\"+ 19 Kepo baambile'mba: \"Umvwai! Kijiilo kya Yehoba kikalako pa mwaka pa mwaka mu Shilo,+ uji ku kabeta ka ku buyeke bwa Betele ne ku musela wa mukwakwa mukatampe wafuma ku Betele kuya ku Shekema ne ku kabeta ka ku bulenge bwa Lebona.\" 20 Onkao mambo, bakambizhe banabalume bena Benjamina amba: \"Yainga mukabelamine mu majimi a miñanzañanza. 21 Kabiji byo mukamona bansongwakazhi* ba ku Shilo balupuka na kuzha, anweba bonse pa muntu pa muntu mukafume mu majimi a miñanzañanza ne kwisajilapo bakazhi pa bansongwakazhi ba ku Shilo kabiji mukabwele mu kyalo kya Benjamina. 22 Kabiji bashabo ne balongo babo inge bakeye na kwijizhanya kwi atweba, tukebabuula amba, 'Tubilai bibusa na mambo a abo, mambo twakankelwe kwibakebela bakazhi kupichila mu kulwa nkondo,+ ne anweba kechi mwakonsha kwibapa bakazhi kwa kubula kwikala na mambo ne.'\"+ 23 Onkao mambo, banabalume bena Benjamina baubile kino, kabiji bonse pa muntu pa muntu basendele mukazhi kufuma mu banabakazhi bazhilenga. Byo bapwishishe, babwelele ku buswanyi bwabo ne kushimukulula mizhi+ yabo ne kwikala monka. 24 Pa kyokya kimye, bena Isalela bapalañene kufuma kokwa, muntu yense wabwelele ku mukoka wanji ne ku kisemi kyanji, kabiji bafumineko, muntu yense wabwelele ku buswanyi bwanji. 25 Mu oa moba kechi mwajinga mfumu mu Isalela ne.+ Muntu yense waubanga kyonka kyo amona amba kijitu bulongo.*\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/mitonyi\/21\/","date":"2018-04-21T12:37:32Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945143.71\/warc\/CC-MAIN-20180421110245-20180421130245-00597.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":651,"character_repetition_ratio":0.07,"word_repetition_ratio":0.0,"special_characters_ratio":0.197,"stopwords_ratio":0.283,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"61 Mupashi wa Nkambo Mfumu Yehoba uji pe amiwa,+Mambo Yehoba wanshingile manyi kuba'mba nsapwile mambo awama ku bakimote.+ Wantumine kuba'mba nkakase pa bilonda bya balajika michima,Kuba'mba nkabijike kukasululwa kwa bantu bo batwajile mu buzhaNe kulabisha meso a bakaili,+ 2 Kuba'mba nsapwile mwaka wa bintu byawama* bya Yehoba,Ne juba ja kushinkanya kwa Lesa wetu,+Kuba'mba ntekeneshe bonse babena kujila,+ 3 Namba nkwashe boba babena kujila Ziona,Kwibavwika kitambala kechi kwibashinga buto ne,Kwibashinga manyi a lusekelo kechi a kujila ne,Kwibapa kivwalo kya lutotelo kechi kya kupopomenwa ne. Kabiji bakebatela'mba bichi bikatampe bya bololoke,Byajimbile Yehoba kuba'mba bimutumbijikenga.+ 4 Bakashimukulula bintu byonse bya kala byaonaikile;Bakashimika jikwabo mapunzha a kala aonaikile,+Kabiji bakashimukulula mizhi yaonaikile,+Ko kuba'mba mapunzha ashajiletu masala ku bisemi byonsetu.+ 5 \"Benyi bakeya na kufunga matanga enu,Ne bantu ba mu byalo bingi+ bakekala bakwimujiminako ne kwimufiinako mañanzañanza enu.+ 6 Pakuba anweba bakemutela'mba bañanga ba Yehoba;+Bakemutela'mba ba mingilo ba Lesa wetu. Mukajanga bya bunonshi bya mu bisaka bya bantu,+Kabiji muketotelanga mu lukumo* lwabo. 7 Bantu bami bakekala na bintu byavula, kechi bakebalengesha bumvu ne,Kabiji abo bakasekela mu bintu byabo, kechi bakebalengulula ne. Kine abo bakatambula bintu byavula biji mu kyalokyabo.+ Bakekala na lusekelo lwa myaka ne myaka.+ 8 Mambo amiwa Yehoba natemwa bunchibamambo bwaoloka;+Nashikwa bwivi ne bintu byatama.+ Amiwa nkebafweta monka mwayila mingilo yabo,Kabiji nkalayañana nabo lulayañano lwa myaka ne myaka.+ 9 Baana* babo bakayukanyikwa mu bisaka bya bantu+Ne bisemi byabo bikayukanyikwa mu mitundu ya bantu. Muntu yense ukebamona ukebayuka,Kuba'mba bo baana* bo bapesha kwi Yehoba.\"+ 10 Amiwa nkasangalela mwi Yehoba. Ne muchima wami* yense ukasangalela mwi Lesa wami.+ Mambo aye wamvwika bivwalo bya lupulukilo;+Wampombakanya munkukumba* wa bololoke,Byonkatu musongoshi byo epombakanya kisapi ku mutwe nobe ñanga,+Kabiji nobe musongwa wikobaika bya buneme. 11 Mambo byonkatu ntanda byo imenesha bintu byayoNe bujimi byo bumenesha bintu byo babyalamo,Byonkabyo, ne Nkambo Mfumu YehobaByo byo akalengela bololoke+ ne lutotelo+ kwikala ku bisaka byonse bya bantu.\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/isaya\/61\/","date":"2018-04-26T10:09:01Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948125.20\/warc\/CC-MAIN-20180426090041-20180426110041-00593.warc.gz","language":"kqn","language_score":1.0000066757,"language_script":"Latn","minhash_cluster_size":1,"top_langs":"{\"kqn_Latn_score\": 1.0000066757202148}","num_words":334,"character_repetition_ratio":0.056,"word_repetition_ratio":0.0,"special_characters_ratio":0.185,"stopwords_ratio":0.231,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"13 Bino byo byambo byaambile Isaya+ mwana wa kwa Amozi byo amwene mu kimwesho pa mambo a bintu bikamwekela Babilona+ amba: 2 \"Imika kiyukilo*+ pa mutumba pabula bichi ne nsono. Wibabijike ne kwibalabula,Pa kuba'mba beye batwele mu bibelo bya babinemanga. 3 Amiwa napana mukambizho ku bantu bo natongola.*+ Nakambizha nzhita yami kuba'mba imweshe bukaji bwami,Yonka yo netotelamo. 4 Umvwai! Jibumba jiji mu mitumba;Jibena kumvwanyika nobe kyungwe kya bantu bavula! Umvwai! Kiwowo kya bamfumu,Ba mu bisaka bya bantu byo bakonkanya pamo!+ Yehoba wa mabumba ubena kupwizha pamo nzhita ya kuya ku nkondo.+ 5 Babena kufuma ku kyalo kiji kwalepa,+Konka kwapela jiulu,Yehoba ne byela bya nkondo bya bukaji bwanji,Kuba'mba bonaune bya pano pa ntanda ponse.+ 6 Wowakanai, mambo juba ja Yehoba jafwenya kala pepi! Jo juba aye wa Bulume Bonse jo akonawinamo bintu.+ 7 O ene mambo maboko onse o akakookelatu zubulu,Ne michima ya bantu bonse ikakakilwa na moyo.+ 8 Bantu kikebapezha maana.+ Misongo ne bisanso bikebafikila,Nobe mwanamukazhi uji pepi kupaapa. Baketalanga mulwabo saka bakankamana,Ne bilungi byabo saka byauba bulanda. 9 Umvwai! Juba ja Yehoba jibena kwiya,Jashinta kabiji jibena kwiya na bulume ne na bukaji bukatampe,Pa kuba'mba jilengele bantu baji mu kyalo kukankamanatu,+Ne konauna bandengamambo bajimo. 10 Mambo tubangabanga twa mwiulu ne mwala wanshansha*+Kechi bikapana kyeya ne;Juba jikafiita inge jasela,Ne ñondo naye kechi ukapana kyeya ne. 11 Nkatotolwesha bantu ba pano pa ntanda na mambo a byubilo byabo byatama,+Ne babi na mambo a bubi bwabo. Nkapwisha kwitota kwa boba beubila bintu bene,Kabiji nkapelula bantu belundumika.+ 12 Nkalengela muntu ufwa kukatazha kumutaana kukila byo bataana ngolode ye basungulula,+Ne bantu kukatazha kwibataana kukila byo bataana ngolode ya ku Ofila.+ 13 O ene mambo o nkatenkenya meulu,Ne ntanda nkeisunkenya po iji+Pa juba Yehoba wa mabumba jo akamwesheshamo bukaji bwanji bukatampe. 14 Byonka byuba lupaala ye bakeba kwipaya ne jitanga jabula kafunga,Muntu yense ukabwela ku balongo banji;Muntu yense ukanyemena ku kyalo kyanji.+ 15 Muntu yense ye bakataana bakamupulankanya,Kabiji yense ye bakakwata, bakamutapa na mpoko.+ 16 Baana babo bakebonaunatu shata, abo saka batalako,+Bakebasendela bintu bya mu mazubo abo,Ne bakazhi babo bakalaala nabo kya kwibakanjikizha. 17 Onkao mambo, nkebaletela bena Meda kuba'mba bakebalukuke,+Bonka bamona siliva amba watuKabiji bonka babula kusangalela mu ngolode. 18 Bansongwalume bakafwa ku mata abo a mukanda;+Kechi bakobila lusa baana baboNangwa kumvwina lusa baana ne. 19 Kabiji Babilona, bufumu bukatampe* kukila bukwabo bonse,+Muzhi wa buya ye betotelamo bena Kalodeya,+Ukekalatu nobe mizhi ya Sodoma ne Gomola kimye Lesa kyo eyonawine.+ 20 Mu Babilona kechi mukekala bantu jibiji ne,Kabiji kechi ikekala mpunzha mukekalanga bisemi byonse bikeya kulutwe ne.+ Kafwako mwina Alabya ukapopelamo tente wanji,Kabiji bakafunga kechi bakajiishishangamo mikooko yabo ne. 21 Bilengwa bya mu kiselebwa bikalaalanga monka;Mu mazubo abo mukayulatu tupwansengo. Bañonyi batelwa'mba baosetelechi bakekalanga monka,+Ne bikwinji* bikakayilanga monka. 22 Banyama babwaluka bakabwalukilanga mu byamba byanji,Ne balubwala bakekalanga mu mapunzha anji awama a mu jilapa. Kimye kya muzhi wa Babilona kyafwenya pepi, kabiji moba anji kechi akakulayila ne.\"+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/isaya\/13\/","date":"2018-04-20T17:35:54Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125944479.27\/warc\/CC-MAIN-20180420155332-20180420175332-00330.warc.gz","language":"kqn","language_score":1.0000078678,"language_script":"Latn","minhash_cluster_size":1,"top_langs":"{\"kqn_Latn_score\": 1.0000078678131104}","num_words":491,"character_repetition_ratio":0.046,"word_repetition_ratio":0.0,"special_characters_ratio":0.191,"stopwords_ratio":0.212,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"27 Pa joja juba, Yehoba ukengijisha mpoko yanji yatwa kabiji yakosa,+Ukakambula Leviatana,* muloolo wenda lubilo,Yenka Leviatana, muloolo uminyangala,Kabiji ukepaya kinyama kikatampe kikala mu kalunga ka mema. 2 Pa joja juba, aye* mukamwimbile lwimbo amba: \"Obewa bujimi bwa miñanzañanza mufuma binyu!+ 3 Amiwa Yehoba, yami mbena kwibuzhikijila.+ Nebutekezha kimye kyonse.+ Nebuzhikijila mute ne bufuku,Pa kuba'mba muntu nangwa umo abule kwibonauna.+ 4 Amiwa kechi nebuzhingijila ne.+ Ñanyi ukantula bulemo na bichi bya miba ne na nsono mu kimye kya nkondo?Amiwa nkebinyantaula ne kwibisoka byonsetu mu mujilo. 5 Nangwa byonkabyo, mulekai aye afyame mwi amiwa. Mulekai apwane ne amiwa;Mulekai ekale mu mutende ne amiwa.\" 6 Mu moba a kulutwe, Yakoba ukekizha mizhazhi,Bena Isalela bakamena misele ne kusapuka,+Kabiji bakayuzha kyalo na bipangwa byavula.+ 7 Nanchi bakamupuma na kichi kya muntu ubena kumupuma nyi? Nangwa abya bakamwipaya byonka byo baipayile bantu banji nyi? 8 Na mambo a kukumya, kikakukatazha bingi pa kuba'mba umupange. Pa joja juba, aye ukebapanga na mwela wanji washinta ukafuma ku musela.+ 9 Onkao mambo, Yakoba bakamulekelako mambo,+Kabiji bino byo bintu byo akamwenamo kimye kyo bakamulekelako mambo anji: Aye ukaalula mabwe onse a ku kya kusokelapo bitapishoKwikala nobe mabwe o bavingaula,Kabiji kafwako bichi* bya milumbulumbu byazhila ne bya kufutumwinapo bikashalapo ne.+ 10 Mambo muzhi uji na masakwa akosa ukashalatu masala;Mapunzha mujiila banyama akashalatu nobe mu kiselebwa.+ Baana bañombe mo mo bakajiilanga ne kulaalaKabiji bakaja misampi yanji.+ 11 Misampi yanji byo ikooma,Banabakazhi bakeya ne kwiikopaulako,Ne kwiibanza mujilo. Mambo bano bantu kechi baji na maana ne.+ O ene mambo Mulenga wabo o akabujila kwibobila lusa,Ne yewa wibalengele kechi ukebobila bibusa ne.+ 12 Pa joja juba, Yehoba ukemupwizha pamo anweba bena Isalela+ umo umo kwimufumya ku mapunzha a ku Mukola* kukafika ne ku Kimpachiko kya Ijipita,+ byonkatu muntu byo akunta bipangwa ku kichi ne kwibitolaula kimo kimo. 13 Pa joja juba, lusengo ukavuma+ kabiji aba babena kufwa mu Asilya+ ne boba bapalañenejile mu kyalo kya Ijipita,+ bakeya ne kufukama kwi Yehoba ku mutumba wazhila mu Yelusalema.+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/isaya\/27\/","date":"2018-04-23T23:33:19Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946256.50\/warc\/CC-MAIN-20180423223408-20180424003408-00135.warc.gz","language":"kqn","language_score":1.0000089407,"language_script":"Latn","minhash_cluster_size":1,"top_langs":"{\"kqn_Latn_score\": 1.0000089406967163}","num_words":350,"character_repetition_ratio":0.059,"word_repetition_ratio":0.0,"special_characters_ratio":0.195,"stopwords_ratio":0.251,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA Na. 6 2017 | Ñanyi Bupe Bwanema Kukila Bupe Bonse?\nMWALANGULUKAPO'MBA KA?\nÑanyi mpanyi mukatampe wakila bantu bonse?\n\"Bya bupe byonse byawama ne byalumbuluka bifuma mwiulu, saka biya panshi kufuma kwi Shetu wa byeya, ubula kwaluka byaluka kimvule.\"—Yakoba 1:17.\nAkino Kyamba kya Usopa kisakwitukwasha byo twafwainwa kusanchila Lesa pa bupe bo etupa.\nMUTWE WA PA NKUPIKO\nNanchi mwakonsha kutemwa kupana bupe nangwa kutambula bupe bwanemeka bantu bingi nyi?\nMUTWE WA PA NKUPIKO\nKechi kyapeela kutaana bupe bwafwainwa kupa muntu ne. Bupe bunema bingi inge kya kuba muntu ye mwapa wibunemeka.\nMUTWE WA PA NKUPIKO\nLesa wapa bantu bupe bwavula bingi, pa buno bupe bumo bwanema kukila bonse.\nBipikichala byo balenga bimwesha byamwekanga Yesu bitaanwa mu mabuku avula. Binembelo byaambapo amba ka pa byamwekanga Yesu?\nNangwa kya kuba twaikala moba avula pa ntanda, atweba bonse tuba bilubankanya. Twakonsha kuba byepi inge twalubankanya?\nKuyuka bishinka kusakwimukwasha kuyuka o batuntulwila mabaibolo avula.\nNanchi balunda ba kwa Yesu basekelelanga Kiminshiminshi nyi?\nAmagedonyi kino kyambo kileta bingi moyo, pano kino kyambo kyatala mwepi?\nMitwe Ikwabo\nBantu bavula basekelela kusemwa kwa kwa Yesu nangwa kya kuba bayuka kino ko kyafumine. Fundai ene mambo Bakamonyi ba kwa Yehoba o babujile kusekelela.","id":"","dump":"CC-MAIN-2018-26","url":"https:\/\/www.jw.org\/kqn\/mabuku\/magazini\/kyamba-kya-usopa-na6-2017-november\/","date":"2018-06-17T23:02:39Z","file_path":"s3:\/\/commoncrawl\/crawl-data\/CC-MAIN-2018-26\/segments\/1529267859817.15\/warc\/CC-MAIN-20180617213237-20180617233237-00306.warc.gz","language":"kqn","language_score":1.000009656,"language_script":"Latn","minhash_cluster_size":1,"top_langs":"{\"kqn_Latn_score\": 1.0000096559524536}","num_words":193,"character_repetition_ratio":0.064,"word_repetition_ratio":0.0,"special_characters_ratio":0.179,"stopwords_ratio":0.171,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4 \"Umvwai bino byambo, anweba bañombe ba ku Bashana,Bonka baji pa mutumba wa Samaliya,+Anweba banabakazhi mujimbaika bakajilwa+ ne kumanyika bayanji,Anweba yenka mwambila bamwatawenu* amba, 'Tuletelaipo bya kutoma!' 2 Nkambo Mfumu Yehoba wachipa monka mwayila buzhile bwanji amba,'\"Umvwai! Moba a bena kwiya o bakemushikula na twanda to bashikwilako nyamaNe anweba bashala bakemushikula na twanda twa masabi. 3 Mukalupukila pa nsakwa pasabika, muntu yense saka ashinkamanatu pamo;Kabiji bakemutaya mu Helemone,\" byo byaamba Yehoba.' 4 'Iyai ku Betele ne kulenga mambo,*+Ne ku Giligala ne kulenga mambo avula!+ Mukalete bitapisho+ byenu lukelo,Ne bya bujikumi+ pa juba ja busatu. 5 Sokai kitapisho kya kusanta kya shinkwa wabula mbizho;+Tayai mbila ya milambo yenu ya kwifuukwila! Mambo kino kyokyo mwatemwa kuba, anweba bena Isalela,' byo byaamba Nkambo Mfumu Yehoba. 6 'Kabiji amiwa, natokeshe meno enu na mambo a kubula kajo* mu mizhi yenu yonseNe kulengela kajo kupwa mu mazubo enu onse;+Bino kechi mwabwelele kwi amiwa ne,'+ byo byaamba Yehoba. 7 'Kabiji kechi nanokeshe mvula pa bañondo basatu saka mukyangye kunowa ne;+Nanokeshe mvula mu muzhi umo bino mu muzhi mukwabo ne. Mpunzha imo ya mu kyalo yajinga na mvula,Bino mpunzha ikwabo ya mu kyalo kechi yajinga na mvula ne, yajingatu yauma. 8 Bantu ba mu mizhi ibiji nangwa isatu babalangilengatu pa kuya ku muzhi umo na kutoma mema,+Kabiji kechi batondelwenga ne;Bino kechi mwabwelele kwi amiwa ne,'+ byo byaamba Yehoba. 9 'Nemupumine na kyuya ne na kabuwa.+ Mwavuzhizhe majimi enu a bipangwa ne a miñanzañanza,Bino nzhiye yajiilenga bichi byenu bya makuyu ne bya maolivi;+ Kabiji kechi mwabwelele kwi amiwa ne,'+ byo byaamba Yehoba. 10 'Nemutumijile mwalo byonka byajinga yewa wa mu Ijipita.+ Bansongwalume benu nebepayile+ na mpoko ne kwangata bambili benu.+ Nalengejile kununka kwa makampu enu kumvwanyika mu myona yenu;+Bino kechi mwabwelele kwi amiwa ne,' byo byaamba Yehoba. 11 'Nemuletejile lonaikoByonkatu byo naonawine Sodoma ne Gomola.+ Kabiji mwajingatu nobe mwandalo ye bakoka mu mujilo;Bino kechi mwabwelele kwi amiwa ne,'+ byo byaamba Yehoba. 12 Onkao mambo, kino kyo kintu kyo nkakuba, obewa Isalela. Mambo kino kyo kintu kyo nkakuba,Inengezhe kuba'mba usambakane Lesa wobe, obewa Isalela. 13 Umvwa! Aye ye walengele mitumba+ ne mwela;+Aye ubuula muntu milanguluko yanji,Walula lukelo kwikala ke mfishi,+Kabiji unyantaula pa mapunzha atuntama a pano pa ntanda;+Yehoba Lesa wa mabumba jo jizhina janji.\"\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/amosi\/4\/","date":"2018-04-25T01:02:08Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947654.26\/warc\/CC-MAIN-20180425001823-20180425021823-00132.warc.gz","language":"kqn","language_score":1.000009656,"language_script":"Latn","minhash_cluster_size":1,"top_langs":"{\"kqn_Latn_score\": 1.0000096559524536}","num_words":394,"character_repetition_ratio":0.084,"word_repetition_ratio":0.0,"special_characters_ratio":0.201,"stopwords_ratio":0.266,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"46 Belu* wafukama+ ne Nebo wabandama. Bankishi babo bebabika pa banyama, banyama basenda bipe,+Bebasenda nobe bipe byanema binemena banyama. 2 Bonse babandama ne kufukama pamo;Kechi bakonsha kupokolola bipe* ne,Ne abo bene* bebatwala mu buzha. 3 \"Obewa Yakoba ne anweba bonse mwashalapo ba mu kisaka kya Isalela,+ ntelekai,Anweba bo nalaminenga kufumatu kimye kyo mwasemenwe kabiji bo nasendelenga saka mukijitu munda.+ 4 Nkekalatu byonka byo nji kufikatu ne byo mukakoma;+Nkemupapangatu kufikatu ne byo mukatuñuna mvwi. Byonkatu byo nauba, nkemupapanga, kwimulela ne kwimupokolola.+ 5 Ñanyi ye mukangesakanya nanji nangwa kumfwanyikizhako,+Kuba'mba nepashe nanji?+ 6 Kuji boba basukumuna ngolode kufuma mu mafukuta abo;Bapima siliva pa shikelu. Bambila sendwe wa byela kuba'mba ebibunde kwikala lesa.+ Kepo abo bamufukamina ne kumupopwela.*+ 7 Bamusendela pa bipuzhi byabo;+Bamushikula ne kumubika pa mpunzha yanji, kabiji wimanatu ponkapo. Aye kechi ufuma po bamubika ne.+ Bamujijila, bino aye kechi wibakumbula ne;Aye kechi wakonsha kupokolola muntu nangwa umo mu bya malwa ne.+ 8 Vulukainga kino kuba'mba mukose. Langulukainga pa kino anweba muzhilulula mizhilo. 9 Vulukainga bintu byamwekele kala kene,*Kuba'mba amiwa yami Lesa, kafwako mukwabo ne. Amiwa yami Lesa, kafwako mukwabo waesakana ne amiwa ne.+ 10 Kufumatu ku ntendekelo amiwa ñambila jimo bintu bikamweka kulutwe,Kabiji kufumatu ne kala kene amiwa ñamba bintu bikyangye kumweka.+ Naamba namba, 'Bintu byo nafuukula bikafika,+Kabiji nkoba kintu kyonse kyo nkeba.'+ 11 Amiwa mbena kwita makubi kwiya kufuma kuselela juba,*+Nketa muntu kufuma ku kyalo kiji kwalepa kwiya na kuba kintu kyo nafuukula.+ Kintu kyo naamba nkekifikizha. Kintu kyo nafuukula nkekyuba.+ 12 Ntelekai anweba mwakosa michima,Anweba mwaleka kuba byaoloka. 13 Naleta bololoke bwami kwipi;Kechi buji kwalepa ne, Ne lupulukilo lwami kechi lukabanda ne.+ Nkapulusha Ziona, ne Isalela nkamupa lukumo lwami.\"+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/isaya\/46\/","date":"2018-04-22T19:22:27Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945637.51\/warc\/CC-MAIN-20180422174026-20180422194026-00106.warc.gz","language":"kqn","language_score":1.0000069141,"language_script":"Latn","minhash_cluster_size":1,"top_langs":"{\"kqn_Latn_score\": 1.000006914138794}","num_words":298,"character_repetition_ratio":0.058,"word_repetition_ratio":0.0,"special_characters_ratio":0.197,"stopwords_ratio":0.191,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"28 Kabiji Davida wakonkenye pamo babinemanga ba bena Isalela mu Yelusalema: babinemanga ba mikoka, bakulumpe ba bipanyi+ byaingijilanga mfumu, bakulumpe ba biumbi ne ba bitota,+ bakulumpe balamanga bipe byonse bya mfumu+ ne bilelwa byanji ne bya baana banji,+ pamo ne mukulumpe wa bakapaso ne babilobo ne banabalume bafikilamo.+ 2 Kepo Mfumu Davida aimene ne kwamba'mba: \"Ñumvwai, anweba balongo bami ne bantu bami. Muchima wami wakebeshe bingi kushimika nzubo mwa kwikala jikwachi ja lulayañano lwa Yehoba ne kwikala ke kya kunyantapo Lesa wetu,+ kabiji nanengezhezhe bintu kuba'mba nshimike.+ 3 Bino Lesa wa kine wañambijile'mba, 'Kechi ukanshimikila nzubo ya kutumbijikilamo jizhina jami ne,+ mambo wi muntu wa makondo kabiji waichila mashi + avula.' 4 Nangwa byonkabyo, Yehoba Lesa wa Isalela wansajile pa bonse ba mu nzubo ya batata kuba'mba ngikale mfumu wa bena Isalela kikupu,+ mambo wasajile Yuda amba ekale ntangi+ kabiji mu ba mu nzubo ya kwa Yuda, wasajilemo nzubo ya batata,+ kabiji mu baana ba batata, yami ye atongwele kuba'mba ngikale mfumu wa bena Isalela bonse.+ 5 Yehoba wampa baana bavula, kabiji mu bano baana bami bonse,+ wasalamo Solomone mwanami+ kuba'mba ekale pa jitanda ja bufumu bwa Yehoba bwa pa bena Isalela.+ 6 \"Wañambijile'mba, 'Mwanobe Solomone ye ukanshimikila nzubo ne bipango byami, mambo namusala kwikala mwanami ne amiwa nkekala shanji.+ 7 Nkekajika bufumu bwanji kikupu+ inge akatesheko muchima kulondela mikambizho yami ne mizhilo yami,+ byonka byo abena kuba luno.' 8 Onkao mambo, mbena kwamba ku bena Isalela bonse, ko kuba'mba kipwilo kya Yehoba ne Lesa wetu ubena kumvwa namba: Mutesheko muchima kulondela ne kukeba mikambizho yonse ya Yehoba Lesa wetu, pa kuba'mba mukekalenga mu kyalo kyawama+ ne kwikipana ku baana benu bakalondelapo kwikala buswanyi bwabo bwa myaka. 9 \"Kabiji obewa mwanami Solomone, umuyuke Lesa wami amiwa shobe ne kumwingijila* na muchima yense+ ne na lusekelo, mambo Yehoba ukebakeba mu michima yonse,+ kabiji umona milanguluko yonse.+ Inge wamukeba, aye ukesolola kwi obewa,+ bino inge wamusha, aye ukakukana kikupu.+ 10 Tala, Yehoba wakusala kuba'mba ushimike nzubo yanji yazhila. Uchinchike kabiji uye na kwingila.\" 11 Kepo Davida apele mwananji Solomone mutanchi+ wamwesheshenga bikekala kibamba kya ku kibelo+ ne wa bibamba bya nzubo, bibamba mwa kulamina bintu, bibamba byayo bya peulu, bibamba byayo bya mukachi ne nzubo mwa kubika kizhiko kya kufuchilapo* mambo.+ 12 Wamupele mutanchi wa bintu byonse byo bamumwesheshe ku mupashi wa Lesa pa mambo a bipango+ bya nzubo ya Yehoba, bibamba byonse bya kujiilamo biizhokolokele, mwa kulamina bya buneme bya mu nzubo ya Lesa wa kine, ne mwa kulamina bya buneme byo bazhijikile;*+ 13 wamupele ne mikambizho ya bipanyi bya bañanga+ ne bena Levi, ne mingilo yonse ya ku nzubo ya Yehoba, ne bipe byonse bya kwingijilamo mwingilo wa ku nzubo ya Yehoba; 14 wamutongwejile ne kinemenezhi kya ngolode, ngolode ya bipe byonse bya kwingijilamo mingilo yapusana pusana, ne kinemenezhi kya bipe byonse bya siliva, ne bipe byonse bya kwingijilamo mingilo yapusana pusana; 15 ne kinemenezhi kya bya kutulapo malampi+ bya ngolode ne malampi abyo a ngolode, kinemenezhi kya bya kutulapo malampi byapusana pusana ne malampi abyo, ne kinemenezhi kya bya kutulapo malampi bya siliva, kya kutulapo malampi kimo kimo ne malampi akyo monka mwayijile mwingilo wakyo; 16 ne kinemenezhi kya ngolode ya kulengelako matebulu a kubikapo bashinkwa+ batentakana,* monka mwayijile matebulu onse, ne siliva wa kulengelako matebulu a siliva, 17 ne ngolode yawamisha ya mafoloko, masanyi afukumana, milondo, ne kinemenezhi kya masanyi afukumana acheache a ngolode,+ monka mwayijile nsanyi yafukumana icheche imo imo ne kinemenezhi kya masanyi afukumana acheache a siliva, monka wayijile nsanyi yafukumana icheche imo imo. 18 Kabiji wamubuujile ne kinemenezhi kya ngolode yo batubwile bulongo ya kya kusokelapo bya kufutumuna+ ne ya kifwanyikizho kya kalaki,+ ko kuba'mba, bakelubi+ ba ngolode batanyikile byapi byabo ne kuzhika jikwachi ja lulayañano lwa Yehoba. 19 Kabiji Davida waambile'mba: \"Kuboko kwa Yehoba kwajinga pe amiwa, kabiji wampele maana kuba'mba nembe+ bintu byonse bya pa mutanchi.\"+ 20 Kepo Davida aambijile Solomone mwananji amba: \"Chinchika ne kukosa kabiji uye na kwingila. Kange ube moyo nangwa kukakilwa ne, mambo Yehoba Lesa, Lesa wami uji ne obewa.+ Aye kechi ukakusha nangwa kukutaya ne,+ bino ukekala ne obewa kufikatu ne mingilo yonse ya ku nzubo ya Yehoba byo ikapwa. 21 Obewa uji na bipanyi bya bañanga+ ne bena Levi+ ba kwingila mingilo yonse ya ku nzubo ya Lesa wa kine. Obewa uji na basendwe bepana kwingila mingilo yapusana pusana,+ ne babinemanga+ ne bantu bonse bakalondelanga mikambizho yobe yonse.\"\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/1-byambo-bya-moba\/28\/","date":"2018-04-26T18:56:50Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948464.28\/warc\/CC-MAIN-20180426183626-20180426203626-00268.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":741,"character_repetition_ratio":0.066,"word_repetition_ratio":0.003,"special_characters_ratio":0.196,"stopwords_ratio":0.255,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2 Konkanai pamo, kine ikonkanyai,+Anweba kisaka kya bantu babula kumvwa bumvu.+ 2 Jilamuna saka jikangye kutendeka kwingila,Juba saka jikyangye kupita nobe muungu,Bukaji bwa Yehoba saka bukyangye kwiya pe anweba,+Juba ja bukaji bwa Yehoba saka jikyangye kwiya pe anweba, 3 Mukebai Yehoba,+ anweba bakimote* bonse ba pano pa ntanda,Bonka balama malamuna* anji aoloka. Kebai bololoke, kebai bukimote.* Apo kampe bakemufyako mu juba ja bukaji bwa Yehoba.+ 4 Mambo muzhi wa Gaza ukashalatu kwa kubula bantu;Ne Ashekelona bakamonauna.+ Ashadoda bakamupanga mute wansanana,Ne Ekelona bakamutupula.+ 5 \"Malwa abo aba bekela ku musezho wa kalunga ka mema, kisaka kya bena Keleta!+ Yehoba wimuzhachisha. Obewa Kenana, kyalo kya bena Filishitiya, nkakonauna,Kya kuba kafwako ngikazhi ukashalamo ne. 6 Kabiji musezho wa kalunga ka mema ukekala ke mwa kujiila banyama,Mukekala ne mishima ya bakafunga ne bipaka bya mabwe bya mikooko. 7 Kikekala ke kibunji kya bashalapo ba mu nzubo ya kwa Yuda;+Bakajiilanga konkakwa. Mu mazubo a mu Ashekelona mo mo bakalaalanga mabanga. Mambo Yehoba Lesa wabo ukebata muchima,*Kabiji aye ukabwezha bantu babo baji mu buzha.\"+ 8 \"Naumvwa myendeleko ya kwa Moabu+ ne mwenga wa bena Amonyi,+Bonka baendeleka bantu bami ne kwitota amba basakwangata nyaunda yabo.\"+ 9 Yehoba wa mabumba, Lesa wa Isalela waamba'mba, \"Byonkatu byo nji na bumi,Moabu ukekala nobe Sodoma,+Ne bena Amonyi bakekala nobe Gomola,+Mpunzha ya miba, ne kimbo kya mukele, kabiji masala a kikupu.+ Bakebapukula bintu ku bantu bami bashalapo,Kabiji bakebapangamo ku bashalapo ba mu kisaka kyami. 10 Kino kyo kikebamwekela na mambo a bwitote bwabo,+Mambo baendelekelenga bantu ba Yehoba wa mabumba ne kwitumbijikila pe abo. 11 Yehoba ukebalengesha moyo;*Mambo ukonauna* balesa bonse ba pano pa ntanda,Kabiji makuji onse a bisaka bya bantu akamufukamina,*+Awu pa mpunzha yanji, awu pa mpunzha yanji. 12 Ne anweba bena Etiopya mpoko yami+ ikemutapa. 13 Aye ukatanyikila kuboko kwanji ku kabeta ka ku buyeke ne konauna Asilya,Kabiji ukalula Ninevwa,+ ke masala mwauma nobe mu kiselebwa. 14 Mitema ya banyama ikalaalanga monka, ko kuba'mba mitundu yonse ya banyama ba mungye.* Pelekanyi ne nungu bakalaalanga bufuku ku mitwe ya mashiki ajimo. Jiwi ja kwimba jikomvwanyika mu kipenze. Ku bibelo kukalumbamatu bintu byakundauka;Mambo aye ukalengela mapulanga a bichi bya sida kushalatu patoka. 15 Uno ye muzhi witotelenga waikajile mu mutende,Waambilenga mu muchima wanji amba, 'Yami yenkatu, kafwako mukwabo ne.' Pano byo aikalapo ke kintu kya kukumya,Mpunzha mwa kulaala banyama ba mungye! Yense ukapichilangako uketangatu mulozhi ne kupukunya mutwe.\"+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/zefwaniya\/2\/","date":"2018-04-27T03:26:33Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948950.83\/warc\/CC-MAIN-20180427021556-20180427041556-00023.warc.gz","language":"kqn","language_score":1.0000033379,"language_script":"Latn","minhash_cluster_size":1,"top_langs":"{\"kqn_Latn_score\": 1.0000033378601074}","num_words":412,"character_repetition_ratio":0.051,"word_repetition_ratio":0.0,"special_characters_ratio":0.197,"stopwords_ratio":0.228,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"9 Pa juba ja bu 24 ja ñondo bena Isalela bakonkene pamo; bazhikijilwenga na nzala saka benyinga bisapi bya majila ne kwipukula maloba.+ 2 Aba basemenwe mu bena Isalela bepaatwileko ku bantu ba mu byalo bingi,+ kabiji baimene ne kusolola bubi bwabo ne mambo a bashabo.+ 3 Kepo baimene pa mpunzha yabo ne kutanga buku wa Mizhilo+ ya Yehoba Lesa wabo pa maola asatu;* ne pa maola akwabo asatu basolwelenga mambo abo ne kufukama kwi Yehoba Lesa wabo. 4 Yeshua, Bani, Kadamiela, Shebaniya,+ Buni, Shelebiya, Bani ne Kenanyi baimene pa mutuntamo+ wa bena Levi, kabiji babijikile kwi Yehoba Lesa wabo. 5 Kabiji bena Levi, Yeshua, Kadamiela, Bani, Hashabaneya, Shelebiya, Hodiya, Shebaniya ne Petahiya baambile'mba: \"Imanai mumutote Yehoba Lesa wenu myaka ne myaka.+ Kabiji balekai batote jizhina jenu ja lukumo, jatumbalala kukila bibusa byonse ne lutotelo. 6 \"Anweba yenu Yehoba bunketu;+ mwalengele mwiulu, ee kine, mwalengele mwiulu mwine ne byonse bijimo, ntanda ne byonse bijipo, tulunga twa mema ne byonse bijimo. Kabiji mwibilama byonse na bumi, ne jibumba ja bya mwiulu jibena kwimufukamina. 7 Anweba mwi Yehoba Lesa wa kine, yenka wasajile Abulama+ ne kumufumya ku Ula+ wa bena Kalodeya ne kumutumba'mba Abalahama.+ 8 Mwamwene'mba muchima wanji wajinga wa kishinka kwi anweba,+ onkao mambo, mwalayañene nanji lulayañano amba mukamupa kyalo kya bena Kenana, bena Hiti, bena Amoli, bena Pelizi, bena Yebusi ne bena Giligashi, ne kwikipana ku baana* banji;+ kabiji mwafikizhe milaye yenu, mambo anweba mwaoloka. 9 \"Kabiji mwamwene kumanama kwa bashakulu betu mu Ijipita,+ ne kumvwa kujila kwabo ku Kalunga ka Mema Kachila. 10 Kabiji mwamwesheshe biyukilo ne bya kukumya kwi Felo ne ku bakalume banji bonse ne ku bantu bonse ba mu kyalo kyanji,+ mambo mwayukile'mba bamanyikilenga bantu benu.+ Mwilengejile jizhina jonka jijipo ne lelo jino.+ 11 Kabiji mwaabenye kalunga ka mema ku meso abo, kya kuba baabukile kalunga ka mema pa mushiji wauma,+ kabiji mwatayile aba bebapupijilenga mwine mwazhika nobe jibwe jo bataya mu mema abena kupomoka.+ 12 Mu kimye kya mute mwibatangijilenga na jikumbi jaimana mulumbulumbu, kabiji mu kimye kya bufuku na mujilo waimana mulumbulumbu, pa kuba'mba atokeshe mu jishinda jo bafwainwe kuyamo.+ 13 Kabiji mwaikijile pa Mutumba wa Sinai+ ne kwisamba nabo kufuma mwiulu+ kabiji mwibapele bunchibamambo bwaoloka, mizhilo ya bukine,* malamuna awama ne mikambizho.+ 14 Mwibabuujile Sabado wenu wazhila,+ kabiji mwibapele mikambizho, malamuna ne mizhilo kupichila mwi Mosesa kalume wenu. 15 Mwibapele kajo kufuma mwiulu kimye kyo bafwile nzala,+ kabiji mwalupwile mema kufuma mu jibwe kimye kyo bafwile kilaka,+ kabiji mwibambijile kutwela ne kutambula kyalo kyo mwachipile* amba mukebapa. 16 \"Bino abo bashakulu betu, belundumikilenga+ ne kukosesha* michima,+ kabiji kechi baumvwinanga mikambizho yenu ne. 17 Bakaine kumvwa,+ kabiji kechi bavulukile mingilo ya kukumya yo mwibobijile ne, bino bakoseshe michima* ne kutongola ntangi kuba'mba babwele mu buzha mo bajinga mu Ijipita.+ Bino anweba mwi Lesa waswila jimo kulekela mambo,* wa kifyele* ne lusa, ubanda kuzhingila kabiji wavula butemwe* bubula kwaluka,+ kabiji kechi mwibatayile ne.+ 18 Nangwatu byo belengejile kipashañano kya kyela kya mwana ñombe ne kwamba'mba, 'Uno ye Lesa wenu yenka wimufumishe mu Ijipita,'+ ne byo baubile bintu bikatampe bya kubula mushingi, 19 nangwatu kyajinga bino, na mambo a lusa lwenu lukatampe, anweba kechi mwibatayile mu kiselebwa ne.+ Jikumbi jaimana mulumbulumbu jibatangijilanga mu jishinda mute, kabiji kechi jafumangapo pe abo ne, nangwa mujilo waimana mulumbulumbu wibatokesheshanga mu jishinda bufuku, kechi wafumangapo ne.+ 20 Kabiji mwibapele mupashi wenu kuba'mba ebape milangwe,+ kabiji kechi mwibataaine manna ne,+ mwibapele mema byo bafwile kilaka.+ 21 Mwibapelenga kajo mu kiselebwa myaka 40. Kafwako kyo bakajilwenga ne.+ Bivwalo byabo kechi byafwilenga ne,+ ne maulu abo kechi avimbilenga ne. 22 \"Mwibapele bufumu bwavula ne bantu, ne kwibabanya awu kyalo kyanji, awu kyalo kyanji,+ onkao mambo, batambwile kyalo kya kwa Sihona,+ ko kuba'mba, kyalo kya mfumu wa Heshibonyi,+ ne kyalo kya kwa Oga+ mfumu wa Bashana. 23 Kabiji mwavuzhizhe baana babo nobe tubangabanga twa mwiulu.+ Kepo mwibaletele mu kyalo kyo mwachipile ku bashakulu babo amba bafwainwa kutwelamo ne kwikitambula.+ 24 Onkao mambo, baana babo batwelelemo ne kutambula kyalo,+ kabiji mwashinjile ku meso abo bena Kenana,+ bajinga bangikazhi mu kino kyalo, ne kwibapana mu maboko abo, pamo na bamfumu babo ne bantu ba mu kyalo, kuba'mba bebobe kyo bakebelenga. 25 Kabiji baangachile mizhi ya masakwa akosa+ ne kyalo kyafuka* bulongo,+ ne kutambula mazubo mwajinga bintu byonse byapusana pusana byawama, mishima* ya mema yo bapoyijile jimo, majimi a miñanzañanza, majimi a maolivi+ ne bichi byavula bya bipangwa. Onkao mambo, bajiilenga ne kwikuta ne kubaya, kabiji basangalelenga mu buwame bwenu bukatampe. 26 \"Nangwa byonkabyo, balekele kukookela kabiji bemusatukijile+ ne kuvundamina ku Mizhilo yenu.* Baipayile bangauzhi benu bonka bebajimwinengako kuba'mba bebabwezhe kwi anweba, kabiji baubile bintu bikatampe bya kubula mushingi.+ 27 Na mambo a kino mwibapaine mu maboko a balwanyi babo,+ bonka bebamanyikilenga.+ Bino byo bamanaminenga bemujijilanga, ne anweba mwaumvwanga mwiulu; kabiji na mambo a lusa lwenu lukatampe, mwibaletelanga bapokolweshi bebapokololanga mu maboko a balwanyi babo.+ 28 \"Bino inge bakasulukatu, baubanga jikwabo bintu byatama ku meso enu,+ ne anweba mwibapananga mu maboko a balwanyi babo bonka bebayanjishanga.*+ Kabiji baalulukilanga kwi anweba ne kwimujijila amba mwibakwashe,+ ne anweba mwaumvwanga mwiulu ne kwibapokolola javula na mambo a lusa lwenu lukatampe.+ 29 Nangwa kya kuba mwibajimwinengako kuba'mba mwibabwezhe ku Mizhilo yenu, belundumikanga ne kukana kumvwina mikambizho yenu;+ kabiji balengelenga mambo pa kubula kulondela malamuna enu, onka alengela muntu kwikala na bumi inge wialondela.+ Bino bemuvundamijile saka bakosesha michima ne kukosesha mashingo abo, kabiji bakaine kumvwa. 30 Mwibatekenyejile+ pa myaka yavula ne kutwajijila kwibajimunako na mupashi wenu kupichila mu bangauzhi benu, bino abo bakaine kumvwa. Kepo mwibapaine mu maboko a bantu ba mu byalo.+ 31 Kabiji na mambo a lusa lwenu lukatampe, kechi mwibavizhizhe+ nangwa kwibataya ne, mambo mwi Lesa wa kifyele* kabiji wa lusa.+ 32 \"Pano anweba Lesa wetu, Lesa mukatampe, wa bulume, kabiji ulengesha moyo, anweba mwalama lulayañano lwenu ne kumwesha butemwe bubula kwaluka,+ kange mutalepotu pa buyanji bwetu bwitufikila atweba ne bamfumu betu, babinemanga betu,+ bañanga,+ bangauzhi betu,+ bashakulu betu, ne bantu bonse kufuma mu moba a bamfumu ba Asilya+ kufika ne lelo jino ne. 33 Anweba mwajinga baoloka mu bintu byonse bitufikijile, mambo mwauba bintu mu bukishinka; bino atweba yetu twatamisha.+ 34 Pakuba bamfumu betu, babinemanga betu, bañanga betu, ne bashakulu betu kechi balondejilenga Mizhilo yenu nangwa kutako muchima ku mikambizho nangwa ku bya kuvululako* byenu byonka byo mwibafunjilengako ne. 35 Nangwatu byo bajinga mu bufumu bwabo saka basangalela mu bintu byawama byo mwibapele ne byo bajinga mu kyalo kyabaya kabiji kyafuka* bulongo kyo mwibapele, kechi bemwingijilenga ne,+ kabiji kechi balekele byubilo byabo byatama ne. 36 Pano lelo jino, twi bazha+—kine, twi bazha mu kyalo kyo mwapele bashakulu betu kuba'mba bajenga bipangwa byakyo ne bintu byakyo byawama. 37 Kajo kakyo kavula ko ka bamfumu bo mwitupa kwitutangijila na mambo a bubi bwetu.+ Babena kulama mibiji yetu ne bilelwa byetu pamo monka mo bamwena'mba kijitu bulongo, kabiji tuji mu lumanamo lukatampe. 38 \"Na mambo a bino bintu byonse, tubena kulayañana lulayañano lwa kine+ ne kwilunemba, ne kwilwitabizha kupichila mu kubikapo katetesho ka babinemanga betu, bena Levi ne bañanga betu.\"+\nTubyambo twa munshi\n^ Mu Kihebelu, \"kimye kimo pa bimye bina bya juba.\"\n^ Mu Kihebelu, \"lukunwa wanji.\"\n^ Nangwa'mba \"mizhilo ya kine.\"\n^ Mu Kihebelu, \"mwasuntwile kuboko kwenu.\"\n^ Mu Kihebelu, \"bakoseshe mashingo abo.\"\n^ Mu Kihebelu, \"bakoseshe mashingo abo.\"\n^ Nangwa'mba \"Lesa ulekela mambo.\"\n^ Nangwa'mba \"bibusa.\"\n^ Nangwa'mba \"lusa.\"\n^ Nangwa'mba \"kyawama.\"\n^ Ko kuba'mba, kimbo mwa kulamina mema.\n^ Mu Kihebelu, \"kutaya Mizhilo yenu kunyuma yabo.\"\n^ Nangwa'mba \"bebonaunanga.\"\n^ Nangwa'mba \"bibusa.\"\n^ Nangwa'mba \"lujimuno lwenu.\"\n^ Nangwa'mba \"kyawama.\"","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/nehemiya\/9\/","date":"2018-04-20T17:22:38Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125944479.27\/warc\/CC-MAIN-20180420155332-20180420175332-00250.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":1177,"character_repetition_ratio":0.056,"word_repetition_ratio":0.0,"special_characters_ratio":0.201,"stopwords_ratio":0.262,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"11 Yabina mfumu wa Hazola byo aumvwinetu byamwekele, watumine mawi kwi Yobaba mfumu wa Madona,+ ne kwi mfumu wa Shimilona, ne kwi mfumu wa Akashafwa,+ 2 ne ku bamfumu bajinga ku kabeta ka ku buyeke bwa mpunzha ya mitumba, ne ku boba bajinga mu misanza* ku kabeta ka ku bulenge bwa Kineleta, ne ku boba bajinga mu Shefela ne ku mikolo ya Dola+ ku muzhika, 3 ku bena Kenana+ bajinga ku musela ne ku muzhika, ku bena Amoli+, ku bena Hiti, ku bena Pelizi ne ku bena Yebusi bajinga mu mpunzha ya mitumba, ne ku bena Hivi+ bajinga munshi ya mutumba wa Helemone+ mu kyalo kya Mizipa. 4 Byonkabyo, baishile na mazhita abo onse, avula bingi nobe busenga bwa ku kitulu kya kalunga ka mema, pamo na bambili bavula bingi ne makalaki a nkondo avula. 5 Abano bamfumu bonse baumvwañene kusambakana pamo kabiji baishile na kutebelela bonse pamo ku mema a ku Meloma amba balwe na bena Isalela. 6 Ponkapo Yehoba waambijile Yoshua amba: \"Kange wibachine ne,+ mambo kesha pa kyonka kino kimye, nkebapana bonse saka bafwa ku bena Isalela. Bambili babo ukebachibe mishipeshipe ya ku bijoma+ byabo kabiji makalaki abo wafwainwa kwiasoka mu mujilo.\" 7 Yoshua pamo na banabalume ba nkondo bonse balukukile bano bantu ku mema a ku Meloma kwa kubula kuketekela. 8 Yehoba wibapaine mu maboko a bena Isalela,+ kabiji bebashinjile ne kwibapangisha kukafika ne ku Shidona Mukatampe+ ne ku Misalefota-maimu,+ ne ku Kimpachiko kya Misipa ku musela, kabiji bebepayiletu bonse kechi pashajilepotu nangwa umo ne.+ 9 Kepo Yoshua ebobile byonkatu byamubuujile Yehoba; wachibile mishipeshipe ya bambili babo ne kusoka makalaki abo mu mujilo.+ 10 Kabiji Yoshua waalulukile ne kushinda muzhi wa Hazola ne kutapa mfumu wanji na mpoko,+ mambo muzhi wa Hazola ye wajinga kala muzhi mukatampe wa buno bufumu bonse. 11 Bonse* bajingamo bebatapile na mpoko ne kwibonauna.+ Kafwako nangwa umo wapemenenga washajilemo ne.+ Kepo asokele muzhi wa Hazola na mujilo. 12 Yoshua washinjile mizhi yonse ya bano bamfumu ne kushinda bamfumu bayo bonse na mpoko.+ Wibepayile bonse+ byonkatu Mosesa kalume wa Yehoba byo akambizhe. 13 Bino bena Isalela kechi basokele mizhi yonse yajinga pa milumba ya masala ne, kanatu muzhi wa Hazola; ye yenkatu Yoshua ye asokele. 14 Bipukulwa byonse bya mu ino mizhi ne bilelwa, bebipukwile bena Isalela.+ Batapile bantu bonse na mpoko posotu ne byo bebavizhizhe bonsetu pelu.+ Kechi bashilepo mumi nangwa umo ne.+ 15 Byonkatu Yehoba byo akambizhe Mosesa kalume wanji, ne Mosesa byo byo akambizhe Yoshua,+ kabiji Yoshua byo byo aubile. Kechi washilepo kuba kintu nangwa kimo Yehoba kyo akambizhe Mosesa ne.+ 16 Yoshua washinjile kino kyalo kyonse, mpunzha ya mitumba, Negeba+ yense, kyalo kya Goshenyi kyonse, Shefela,*+ Alaba,+ ne mpunzha ya mitumba ya Isalela ne mapunzha a mwakunama, 17 kufuma ku Mutumba wa Halaka, wakafika ku Seila ne ku Baela-gadi+ ku Kimpachiko kya Lebanoni munshi ya Mutumba wa Helemone,+ wakwachile bamfumu babo bonse ne kwibashinda kabiji wibepayile. 18 Yoshua walwile nkondo na bano bamfumu bonse pa kimye kyabaya. 19 Kafwako muzhi walayañene lulayañano lwa mutende na bena Isalela ne, kanatu bena Hivi baikalanga mu Gibeona.+ Bashala bonse bebashinjile mu nkondo.+ 20 Yehoba ye waswishishe michima yabo kukosa+ kuba'mba balwe nkondo na bena Isalela, pa kuba'mba ebonaune kwa kubula kwibobila lusa.+ Bebavizhizhe byonkatu Yehoba byo akambizhe Mosesa.+ 21 Pa kyonkakya kimye, Yoshua wavizhizhe bena Anaki+ ku mpunzha ya mitumba, mu Hebulona, mu Debila, mu Anaba ne mu mpunzha yonse ya mitumba ya Yuda ne mpunzha yonse ya mitumba ya Isalela. Yoshua wibepayile ne konauna mizhi yabo.+ 22 Kafwako mwina Anaki nangwa umo washajile mu kyalo kya bena Isalela ne; bashajiletu+ mu Gaza,+ mu Gata+ ne mu Ashadoda.+ 23 Byonkabyo, Yoshua washinjile kyalo kyonse byonkatu Yehoba byo alayile Mosesa,+ kabiji Yoshua wikipaine kwikala kya buswanyi ku bena Isalela kupichila mu kwikyabanya monka mwayijile mikoka yabo.+ Kabiji mu kyalo kechi mwajingapo nkondo ne.+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/yoshua\/11\/","date":"2018-04-20T07:08:56Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937161.15\/warc\/CC-MAIN-20180420061851-20180420081851-00522.warc.gz","language":"kqn","language_score":1.0000094175,"language_script":"Latn","minhash_cluster_size":1,"top_langs":"{\"kqn_Latn_score\": 1.0000094175338745}","num_words":650,"character_repetition_ratio":0.062,"word_repetition_ratio":0.0,"special_characters_ratio":0.203,"stopwords_ratio":0.283,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"19 Kimye Apolosa+ kyo akijinga mu Kolinda, Paulo wapichilenga mu mapunzha a mu kibunji kya Asha ne kufika ku Efisesa.+ Kabiji wataaineko baana ba bwanga 2 ne kwibepuzha'mba: \"Nanchi mwatambwile mupashi wazhila kimye kyo mwaitabijile nyi?\"+ Abo bamukumbwile'mba: \"Tukyangye kumvwapo amba kuji mupashi wazhila.\" 3 Onkao mambo, wibepwizhe'mba: \"Nanchi mwabatizhiwe mu ka?\" Abo bamukumbwile'mba: \"Mu lubatizhilo lwa kwa Yoano.\"+ 4 Paulo waambile'mba: \"Lubatizhilo lwabatizhanga Yoano lwajinga kiyukilo kya kulapila,+ saka abuula bantu kwitabila mu yewa wamulondejilenga,+ ko kuba'mba mwi Yesu.\" 5 Byo baumvwine kino, babatizhiwe mu jizhina ja Nkambo Yesu. 6 Paulo byo ebatentekele maboko, mupashi wazhila wibekijile,+ kabiji batendekele kwamba mu milaka ingi ne kwaula.+ 7 Bonse pamo bajinga nobe banabalume 12. 8 Byo atwelelenga mu nshinagoga,+ pa bañondo basatu waambilenga na kuchinchika ne kwamba majashi ne kwisamba nabo saka ebetabisha pa mambo a Bufumu bwa Lesa.+ 9 Bino bamo byo bakaine kwitabila,* ne kwamba byatama ku jibumba pa mambo a Jishinda,+ aye wafumineko kwi abo+ ne kusenda baana ba bwanga, kabiji pa juba pa juba waambilenga majashi mu kibamba kikatampe kya sukulu wa Tilanusa. 10 Waubile kino pa myaka ibiji, kya kuba bonse baikelenga mu kibunji kya Asha baumvwine mambo a Nkambo, Bayudea ne Bangiliki. 11 Kabiji Lesa waubilenga mingilo ya kukumya kupichila mwi Paulo,+ 12 kya kuba bantu basendelenga bisapi ne maapolonyi byakunkwilenga Paulo ne kwibitwala ku bantu bakolelwenga+ ne bikola byabo byapwilenga, kabiji mipashi yatama nayo yalupukilengamo.+ 13 Bino Bayudea bamo bapitañananga na kupanga bandemona nabo baesekele kwingijisha jizhina ja Nkambo Yesu ku boba bajinga na mipashi yatama; baambilenga'mba: \"Nemukambizha mwi Yesu, Paulo ye asapwilapo.\"+ 14 Kwajinga baana ba balume batanu na babiji ba kwa Sekeba ñanga mukatampe Muyudea baubilenga bino. 15 Bino mupashi watama wibepwizhe'mba: \"Yesu namuyuka+ kabiji Paulo naye namuyuka;+ bino anweba yenu bañanyi?\" 16 Ponkapo uno muntu wajinga na mupashi watama wibavundumukijile ne kwibashinda bonse, kya kuba banyemenemo mu yoya nzubo matakotu kabiji bebakozhezhe. 17 Kino kyayukanyikilwe ku bonse, ku Bayudea ne ku Bangiliki baikalanga mu Efisesa; ne bonse baubile bingi moyo ne jizhina ja Nkambo Yesu jatumbalelenga. 18 Kabiji aba bonse baitabijile baishilenga na kusolola ne kwamba patoka bintu byatama byo baubanga. 19 Bantu bavula baubanga bya buñanga bakonkenye pamo mabuku abo ne kwiasoka bonse saka bamonako.+ Kabiji babajile mali akonsheshe kupotwa ano mabuku, ne ano mali a siliva afikile 50,000. 20 Onkao mambo, na bulume byambo bya Yehoba* byayilenga na kukumbana ne kushinda byashinjilenga.+ 21 Bino bintu byo byaubiwe, Paulo wafuukwilepo kuba'mba inge wapita mu Makedonya+ ne Akaya, ukaya ku Yelusalema.+ Waambile'mba: \"Inge nkafike kokwa, nafwainwa kuya ne ku Loma.\"+ 22 Onkao mambo, watumineko ku Makedonya bantu babiji bamukwashishenga, Timoti+ ne Elasatusa,+ bino aye wakikajileko kimye kicheche mu kibunji kya Asha. 23 Pa kyonkakya kimye kwabuukile lupata lukatampe+ pa mambo a Jishinda.+ 24 Mambo muntu wa jizhina ja Demeteliusa sendwe wa siliva walenganga tumazubo twa siliva twa kwa Atemesa, wanonkeshe basendwe bavula.+ 25 Wibakonkenye pamo ne bakwabo balenganga bino bintu ne kwibambila'mba: \"Anweba bakwetu, mwayukishatu kuba'mba mu buno busulu mo mo tumwena mali. 26 Kabiji mwamona ne kumvwa uno Paulo byo aitabisha bantu bavula mu Efisesa+ ne monse mu kibunji kya Asha, ne kwibalulwila ku lufunjisho lukwabo saka amba'mba balesa balengwa na maboko kechi bo balesa ne.+ 27 Kabiji kintu kyatamako ke kya kuba'mba, busulu bwetu kechi bo bonka busakonaikatu ne, bino ne nzubo ya lesa wa mukazhi mukatampe aye Atemesa nayo ikekala ke yatu, ne lukumo lwa Atemesa ye bapopwela ba mu kibunji kyonse kya Asha ne ba pano pa ntanda ponse, lukapwa.\" 28 Bantu byo baumvwine kino, bazhingijile bingi batendeka ne kubijika'mba: \"Atemesa wa bena Efisesa ye mukatampe!\" 29 Onkao mambo, mu muzhi mwabuukile kiwowo, kabiji bonse banyemejile mu nzubo ya makayo, saka batajangizha bena Makedonya abo ba Ngayusa ne Alisatakusa+ baendelanga pamo ne Paulo. 30 Pakuba Paulo wakebeshe bingi kutwela mukachi mwajinga bantu, bino baana ba bwanga bamukainye. 31 Kabiji bakulumpe banengezhanga bijiilo ne bisela bajinga balunda nanji, bamutumijile muluwe ne kumusashijila'mba kange abike bumi bwanji mu kizumba, ne kuya mu nzubo ya makayo ne. 32 Bamo babijikilenga kintu kimo, bakwabo nabo baambilenga kintu kikwabo; kabiji jibumba javulañene ne bavula kechi bayukile ene mambo o bakonkenejile pamo ne. 33 Onkao mambo, bamulupwilemo Alekesanda mu jibumba, Bayudea saka bamushindaika, kabiji Alekesanda wasuntwile kuboko kuba'mba eambile mwine ku bantu. 34 Bino byo bamuyukile'mba Muyudea, bonse babijikilenga pa maola abiji amba: \"Atemesa wa bena Efisesa ye mukatampe!\" 35 Kinemanga wa muzhi byo azhindamikilepo bantu, waambile'mba: \"Anweba bena Efisesa, ñanyi muntu wabula kuyuka'mba muzhi wa bena Efisesa ye ulama nzubo ya kwa Atemesa mukatampe kabiji kipashañano kyaponene mwiulu? 36 Byo kiji kuba'mba bino bintu kechi byakonsha kulengululwa ne, akitekanyai, kuba kanswatu ne. 37 Mambo anweba mwaleta bano bantu kuno babula batupondo ba mazubo azhila kabiji babula kunena lesa wetu wa mukazhi. 38 Onkao mambo, umvwe Demeteliusa+ ne basendwe bo aji nabo babena kupamo mambo bano bantu pa kintu kyo bayuka, bije ne bakulumpe* ba byalo ba kuchiba ano mambo, ko baji; balekai beye bepemo mambo abo bene na bene. 39 Bino umvwe mubena kukeba kintu kikwabo, bakekichiba ku kije kikalako kimye kyonse. 40 Kine baketupamo mambo a bunsatuki pa kino kintu kyamweka lelo, mambo bishinka tufwabyo bya kwamba pa ene mambo o kwaikela kino kiwowo.\" 41 Byo apwishishe kwamba bino bintu, wapalañenye jibumba.\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/byubilo\/19\/","date":"2018-04-20T21:17:42Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125944682.35\/warc\/CC-MAIN-20180420194306-20180420214306-00141.warc.gz","language":"kqn","language_score":1.000009656,"language_script":"Latn","minhash_cluster_size":1,"top_langs":"{\"kqn_Latn_score\": 1.0000096559524536}","num_words":860,"character_repetition_ratio":0.044,"word_repetition_ratio":0.0,"special_characters_ratio":0.199,"stopwords_ratio":0.258,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 Amiwa Paulo mutumwa wa Kilishitu Yesu monka mwayila mukambizho wa Lesa Mupulushi wetu ne Kilishitu Yesu paimena luketekelo lwetu,+ 2 kwi obewa Timoti*+ mwanami wa kine+ mu lwitabilo: Lusa lukatampe ne kifyele ne mutende bifuma kwi Lesa Tata ne kwi Kilishitu Yesu Nkambo yetu bikale pe obewa. 3 Byonkatu byo nakutundaikile kwikala mu Efisesa byo najinga pepi kuya ku Makedonya, mbena kukutundaika ne luno, kuba'mba wibakambizhe bamo baleke kufunjisha mafunjisho angi, 4 nangwa kutako muchima ku mashimikila a bubela ne+ bya kulondolola bisemi. Abino bintu kechi bikwashañana ne,+ bilengelatu bantu kufwanyikizha bintu, kechi bipana bintu bifuma kwi Lesa bikosesha lwitabilo ne. 5 Ene mambo uno mukambizho o aikelako ke a kuba'mba twikale na butemwe+ bufuma mu muchima watoka ne na jiwi ja mu muchima jawama ne na lwitabilo+ lwabula bujimbijimbi. 6 Na mambo a kuba bamo bakana bino bintu, bekala na misambo yatu.+ 7 Bakeba kwikala bafunjishi+ ba mizhilo, bino kechi baumvwisha mwatala bintu byo bamba nangwa bintu byo bauminapotu popolo ne. 8 Twayuka'mba Mizhilo yawama umvwe muntu wiingijisha bulongo,* 9 mambo mizhilo kechi yaikelako muntu waoloka ne, bino yaikalako na mambo a bampupabizhila+ ne bansatuki, bantu babula kwakamwa Lesa ne bandengamambo, babula bukishinka ne bazhilulula kyazhila, bepaya bashabo ne bepaya bainabo, bepayañana, 10 ba bulalelale,* banabalume belaala na banabalume bakwabo, babombola bantu, ba bubela, bachipa bubela, ne bintu byonse byapusana na mafunjisho awama*+ 11 lwa mwayila mambo awama a lukumo lwa Lesa wa lusekelo, o bampele.+ 12 Namusanchila Kilishitu Yesu Nkambo yetu, wampele bulume, mambo wammwene'mba ne wa kishinka kupichila mu kumpa mwingilo,+ 13 nangwa kya kuba kala najinga wa mwenga, wamanyikanga bantu kabiji wa bulunji.+ Nangwa byonkabyo, bangubijile lusa mambo naubilenga bino bintu mu bulubi ne mu kubula lwitabilo. 14 Bino Nkambo yetu wangubijile lusa lukatampe kabiji nji na lwitabilo ne butemwe mwi Kilishitu Yesu. 15 Kino kyambo kya kishinka kabiji kyafwainwa kwitabilwa: Kilishitu Yesu waishile pano pa ntanda na kupulusha bandengamambo.+ Mwi abo, yami wakilamo.+ 16 Nangwa byonkabyo, bangubijile lusa kuba'mba monka mwi amiwa byo nji mwine wakilamo kulenga mambo, Kilishitu Yesu amweshe butekanye bwanji kuba'mba ngikale wa kumwenako bonse bakamwitabila pa kuba'mba bakatambule bumi bwa myaka ne myaka.+ 17 Kwi aye Mfumu wa myaka,+ ubula kubola,+ ubula kumweka,+ yenka Lesa,+ kwikale buneme ne lukumo myaka ne myaka. Amena. 18 Uno mukambizho namupana kwi obewa mwanami Timoti, monka mwayila bungauzhi bwaawilwe pa mambo a obewa, kuba'mba kupichila mu bino bintu ulwenga bulwi bwawama,+ 19 saka ukwachisha lwitabilo ne jiwi ja mu muchima jawama,+ bamo jo bataya, ne kwibalengela konauna lwitabilo lwabo nobe bwato. 20 Pa bano paji ne Haiminusa+ ne Alekesanda, kabiji bano nebafikizha kwi Satana+ kuba'mba bafunde baleke kuba Lesa mwenga.\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/1-timoti\/1\/","date":"2018-04-22T21:15:04Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945648.77\/warc\/CC-MAIN-20180422193501-20180422213501-00242.warc.gz","language":"kqn","language_score":1.0000095367,"language_script":"Latn","minhash_cluster_size":1,"top_langs":"{\"kqn_Latn_score\": 1.000009536743164}","num_words":458,"character_repetition_ratio":0.061,"word_repetition_ratio":0.0,"special_characters_ratio":0.197,"stopwords_ratio":0.251,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"20 Kiwowo byo kyapwile, Paulo waichile baana ba bwanga, kabiji byo ebatundaikile ne kwibashajikapo, wayile ku Makedonya. 2 Byo apichile mu oa mapunzha ne kutundaika bajingamo na byambo byavula, waishile mu kyalo kya Gilisi. 3 Waikeleko bañondo basatu, bino na mambo a Bayudea bamumvwañenejile+ byo ajinga pepi kuya ku Silya, wafuukwilepo kubwela kupichila ku Makedonya. 4 Wajinga pamo na Sopetela mwana wa mulume wa kwa Pilusa wa ku Beliya, Alisatakusa+ ne Sekundusa mwina Tesalonika, Ngayusa wa ku Delebe, Timoti+ ne Tikikusa+ ne Tolofimusa+ bafumine mu kibunji kya Asha. 5 Bano banabalume batangijilepo kabiji betupembejilenga mu Toloasa; 6 bino moba a Bashinkwa Babula Mbizho+ byo apwile, twafumine ku Filipai na bwato ne kufika ko bajinga mu Toloasa pa moba atanu, kabiji twaikeleko moba atanu na abiji. 7 Pa juba jitanshi ja mulungu, byo twakonkenejile pamo na kuja, Paulo watatwile kwibambila, mambo wayukile'mba kesha ukaya; kabiji waambilengatu kufika ne pakachi ka bufuku. 8 Kabiji mu kibamba kya peulu mo twakonkenejile mwajingatu malampi acheche. 9 Nsongwalume umo aye Yutikusa waikele pa kipenze kimye Paulo kyo aambilenga, kabiji byo aponejile mu tulo, waponene panshi kufuma pa kibamba kya busatu kya peulu kabiji bamushikwile saka afwa. 10 Bino Paulo wakunkulukile panshi, ne kuponena pe aye ne kumukumbata+ ne kwamba'mba: \"Kilekai kuwowakana, mambo ukiji mumi.\"*+ 11 Kepo Paulo abwelele jibiji mu kibamba kya peulu ne kutatula* kuja. Watwajijile kwamba pa kimye kyabaya kufikatu ne ku makya, ne kufuma wafumineko. 12 Kabiji bamusendele nsongwalume saka aji mumi ne abo batemenwe bingi. 13 Kabiji twakanjijile mu bwato ne kuya ku Asosa, kuba'mba tukasende Paulo byonka byo etubuujile, mambo aye mwine wakebele kwenda panshi. 14 Byo twamusambakene ku Asosa, twamusendele mu bwato ne kuya ku Mitilene. 15 Kabiji byo twafumineko na bwato pa juba jalondejilepo, twafikile pa Kiosa, bino juba jalondejilepo twafikile ku Samosa, kabiji juba jikwabo jalondejilepo twafikile ku Miletusa. 16 Paulo wafuukwilepo kupitayila Efisesa+ na bwato, pa kuba'mba abule kutaya kimye mu kibunji kya Asha, mambo wakebelenga kufika bukiji mu Yelusalema+ pa juba ja Kijiilo kya Pentekosita umvwe kyakonsheka. 17 Nangwa byonkabyo, byo ajinga mu Miletusa watumineko mawi ku Efisesa ne kwita bakulumpe mu kipwilo. 18 Byo baishile kwi aye, wibambijile'mba: \"Mwayukishatu bulongo byo naikelenga nenu kufumatu juba jitanshi jo naishile mu kibunji kya Asha,+ 19 saka ñingijila Nkambo na muchima wa kwipelula,+ na mipolo ne na meseko amfikijile na mambo a kumpingila ku Bayudea, 20 kabiji kechi nalekele kwimubuula bintu byanema* nangwa kuleka kwimufunjisha patoka+ ne ku nzubo ku nzubo ne.+ 21 Bino nebashimwijile bulongo Bayudea ne Bangiliki kuba'mba bafwainwa kulapila+ ne kwalulukila kwi Lesa ne kwitabila mwi Nkambo yetu Yesu.+ 22 Pano, yukai kino amba mupashi wandengela kuya ku Yelusalema, nangwa kya kuba kechi nayuka bintu bikammwekela kokwa ne, 23 bino kyo nayukakotu ke kya kuba'mba mu mizhi yonse mo nkapita mupashi wazhila ubena kumbuula'mba tuleya ne bya malwa bibena kumpembelela.+ 24 Nangwa byonkabyo, kechi natesha muchima ku bumi* bwami nobe kyo kintu kyanema ne, bino kyo mbena kukebesha ke kupwisha kikonkwanyi kyami+ ne mwingilo ye natambwile kwi Nkambo Yesu wa kushimuna bulongo mambo awama a lusa lukatampe lwa Lesa. 25 \"Kabiji nayuka namba kafwako nangwa umo mwi anweba ye nasapwijile mambo a Bufumu ukamonapo kilungi kyami jibiji ne. 26 Onkao mambo, nemwita kuba'mba muyuke'mba amiwa nabinga ku mashi a bantu bonse,+ 27 mambo kechi nalekele kwimubuula kyaswa muchima wa Lesa ku bantu ne.+ 28 Saka mwita muchima anwe bene+ ne jitanga jonse, mupashi wazhila jo emutongwejilepo bukalama+ kuba'mba mufungenga kipwilo kya Lesa+ kyo apotele na mashi a Mwananji.+ 29 Nayuka namba byo nkafumako, misuka ikaji ikatwela mwi anweba+ kabiji kechi ikalama jitanga na kifyele ne, 30 kabiji mwi anweba mukafuma bantu bakafunjishanga mafunjisho aluwankana kukeba kongola baana ba bwanga amba bebalondelenga.+ 31 \"Onkao mambo, labainga ne kunkenkenta, kabiji vulukai'mba pa myaka isatu,+ bufuku ne mute, kechi nalekele kwimutundaika na mipolo anweba pa muntu pa muntu ne. 32 Pano Lesa ne byambo bya lusa lwanji lukatampe bimuzhikijile, byo byambo byakonsha kwimukosesha ne kwimupa buswanyi mu bonse bazhijikwa.+ 33 Kechi nakebelepo siliva, ngolode nangwa bivwalo bya muntu ne.+ 34 Anweba mwayukishatu bulongo kuba'mba naingijilenga na maboko ami pa kuba'mba ngikale na bintu byo nakebelenga+ ne kukwasha bo najinga nabo. 35 Mu bintu byonse nemumwesheshe kuba'mba kupichila mu kwingila kyakosa byonka bino,+ mwafwainwa kukwasha boba babula kukosa kabiji mwafwainwa kuvulukanga byambo bya Nkambo Yesu byo aambile'mba: 'Mu kupana mufuma lusekelo lukatampe+ kukila mu kutambula.'\" 36 Byo apwishishe kwamba bino bintu, wafukamine na bonse ne kulomba. 37 Bonse bajijile ne kumukumbachilamo Paulo* ne kumufyompa, 38 mambo baubile bingi bulanda na mambo a byambo byo aambile bya kuba'mba kechi bakamonapo kilungi kyanji jibiji ne.+ Kepo bamushinjikinyeko pa kuya kwajinga bwato.\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/byubilo\/20\/","date":"2018-04-21T22:06:34Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945448.38\/warc\/CC-MAIN-20180421203546-20180421223546-00183.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":765,"character_repetition_ratio":0.041,"word_repetition_ratio":0.0,"special_characters_ratio":0.196,"stopwords_ratio":0.288,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"15 Elifwaza+ mwina Temanyi wakumbwile'mba: 2 \"Nanchi muntu wa maana wakonsha kukumbula na byambo* byatutu nyi? Nangwa abya wakonsha kuyuzha muchima wanji na byambo byatutu nyi? 3 Kunenañana na byambotu ko kwatu,Kabiji mu kwambatu kafwamo byawama bifumamo. 4 Mambo obewa wapeezha kwakamwa Lesa,Kabiji kechi wata muchima pa buneme bwa kulanguluka languluka pe Lesa ne. 5 Mambo bubi bobe bo bukufunjisha bya kwamba,*Kabiji usalapo ñambilo ya bujimuku. 6 Kanwa kobe ko kakuzhachisha kechi amiwa ne;Byatunwa byobe byo bikushinawina.+ 7 Nanchi yobe wajinga mutanshi kusemwa nyi? Nangwa abya wasemenwe tutumbatumba saka tukyangye kwikalako nyi? 8 Nanchi utelekako ku mwisambo wa Lesa wa mu bufyamfya nyi? Nangwa ubena kulanguluka'mba yobe yenka ujitu na maana nyi? 9 Ñanyi bintu byo wayuka byo twabula kuyuka atweba?+ Ñanyi bintu byo ukwatakanya, byo tubula kukwatakanya atweba? 10 Baji na mvwi ne bakote bonse tuji nabo,+Banabalume bakoma kukila bashobe. 11 Nanchi byambo bya Lesa bya lutekenesho kechi bya kuwaina,Nangwa byambo byo bakwambila saka batekanya nenyi? 12 Ñanyi kintu kikulengela kukosesha muchima wobe? Kabiji mambo ka meso obe kyo amwekela bukaji? 13 Mambo wazhingijila Lesa,Ne kuswisha byambo bya uno mutundu kulupuka mu kanwa kobe. 14 Muntu ufwa ye wa byepi kya kuba'mba ekale watoka? Nangwa yense wasemwa ku mwanamukazhi kya kuba'mba ekale waoloka?+ 15 Umvwa, aye kechi waketekela bazhila banji ne,Kabiji nangwatu mwiulu kechi mwatoka ku meso anji ne.+ 16 Kikakilamo ku muntu uba bya bunya ne bujimbijimbi,+Ukebesha kuba byatama byonkatu muntu byo akebesha kutoma mema! 17 Nsakukubuula; nteleke! Nsakukubuula bintu byo namona, 18 Bintu bantu ba maana byo bebashimikizhe ku bashabo,+Bintu byo babujile kufya. 19 Bonka bo bapeletu kyalo,Kabiji kafwako mwenyi wapichile po bajinga ne. 20 Muntu mubi umanama moba anji onse,Muntu wakanama naye umanama myaka yanji yonse yo bamulamina. 21 Matwi anji omvwa bintu bilengesha moyo;+Mu kimye kya mutende, mazhita amulukuka. 22 Kechi waketekela'mba ukafumamo mu mfishi ne;+Bamulamina kuba'mba bakamwipaye na mpoko. 23 Upitañana na kukeba kajo* ne kwipuzha'mba, kaji pi? Wayukishatu bulongo kuba'mba juba ja mfishi jijitu pepi. 24 Bya malwa ne bulanda bimumvwisha moyo;Bimushinda byonkatu byuba mfumu winengezha kuya na kulwa. 25 Mambo aye watanyika kuboko kwanji na kulwisha LesaKabiji ukeba kulengulula* wa Bulume Bonse; 26 Na mambo a kwitota umuvundumukila,Na jikebo janji jajita ne kukosa; 27 Kilungi kyanji kyaubisha mafuta,Ne kifuka kyanji kyabaya na mafuta; 28 Wikala mu mizhi yo bakonauna,Mu mazubo mukabula kwikala muntu nangwa umo ne,Onka akashalatu ke milumba ya mabwe. 29 Kechi ukanonka ne, kabiji bya bunonshi byanji kechi bikavula ne,Ne bintu byo aji nabyo kechi bikakumbana mu kyalo ne. 30 Kechi ukafumamo mu mfishi ne;Lubebe lukomisha musampi wanji ubena kusapuka,*Kabiji ukafwa na jiwi ja mu kanwa ka Lesa.*+ 31 Kechi wafwainwa kuya mungi ne kuketekela mu bintu byatutu ne;Mambo bintu byo akatambula bikekalatu byatutu; 32 Kikamweka juba janji saka jikyangye kufika,Ne misampi yanji kechi ikatepukanga ne.+ 33 Ukekalatu nobe muñanzañanza wakunta mañanzañanza anji abishi,Kabiji ukekala nobe kichi kya maolivi kyakunta buluba bwakyo. 34 Mambo jibumba ja bantu babula kwakamwa* Lesa kechi jikekala na bulume ne,+Kabiji mujilo ukasoka matente a ba mazhikakanwa. 35 Bemita makatazho ne kusema bubi,Mu mavumo abo mufuma bujimbijimbi.\"\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/yoba\/15\/","date":"2018-04-23T21:35:25Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946199.72\/warc\/CC-MAIN-20180423203935-20180423223935-00228.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":508,"character_repetition_ratio":0.048,"word_repetition_ratio":0.0,"special_characters_ratio":0.199,"stopwords_ratio":0.207,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"10 Malwa abo aba bapana mikambizho yatama,+Bonka banemba mizhilo ya kumanyikilamo bakwabo, 2 Bonka bakana kuchibila bayanji mambo,Bakana kuchibila mambo aba bakajilwa baji mu bantu bami monka mo aolokela,+Bangata bintu bya banabakazhi bafwilwaKabiji bangata ne bintu bya baana babula bashabo!*+ 3 Ñanyi kintu kyo mukoba pa juba jo bakemuchibila mambo,*+Umvwe lonaiko lukeye kufuma kwalepa?+ Nanchi mukakeba bukwasho kwi ñanyi?+Kabiji bunonshi* bwenu mukebusha kwepi? 4 Kafwako kikwabo kyo mukoba ne, mukabasamatu mu bakailiNangwa kufwila pamo na bantu bo bakepaya. Na mambo a bino byonse, bukaji bwanji kechi bukafwomoka ne,Pakuba aye watwajijila kutanyika kuboko kwanji kuba'mba ebakambule.+ 5 \"Monai! Bena Asilya,+Ko kamama ko nkengijisha kumwesheshamo bukaji bwami+Kabiji ndondo iji mu kuboko kwabo yo nkengijisha kumwesheshamo kuzhingila kwami! 6 Nkamutuma kuya na kulukuka kisaka kya milengulwila,+Na kulukuka bantu banzhingijishe;Nkamukambizha kusenda bintu byavula byo baangachileNe kwibanyantaula nobe mateshi a mu mikwakwa.+ 7 Pano bino, aye kechi ukalanguluka bino neMu muchima wanji kechi mukeyapo ino milanguluko ne;Mambo mu muchima wanji mujitu bya kwipayañana,Ne bya konauna bisaka byavula, kechi bicheche ne. 8 Mambo aye waamba'mba,'Nanchi babinemanga bami bonse kechi bo bamfumu nenyi?+ 9 Nanchi muzhi wa Kalino+ kechi ujitu nobe muzhi wa Kakemishi nenyi?+ Nanchi muzhi wa Hamata+ kechi ujitu nobe muzhi wa Alapada nenyi?+ Nanchi muzhi wa Samaliya+ kechi ujitu nobe muzhi wa Damasakasa nenyi?+ 10 Kuboko kwami kwafikila bufumu bwa balesa batutu,Buji na bipashañano bya kusonga byavula kukila byobya byajinga mu Yelusalema ne mu Samaliya!+ 11 Nanchi bino kechi byo byo nkoba kwi Yelusalema ne bankishi banjiByonkatu byo naubile kwi Samaliya ne balesa banji batutu nenyi?'+ 12 \"Yehoba byo akapwisha mwingilo wanji yense pa Mutumba wa Ziona ne mu Yelusalema, aye* ukakambula mfumu wa Asilya na mambo a kwilundumika, kwitota ne milengulwila yanji.+ 13 Mambo aye waamba'mba,'Nkoba kino na bulume bwamiNe na maana ami, mambo ne wa maana. Nkafumya mipaka ya mitundu ya bantu+Ne kwangata bya bunonshi byabo,+Kabiji nkashinda bangikazhi bekalamo byonka byuba kiyangala.+ 14 Byonka muntu byo akula kuboko kwanji mu kinsa,Ne kuboko kwami byo byo kukasenda bya bunonshi bya mitundu ya bantu;Kabiji byonka bitoolaula muntu make o basha,Byo byo nkakonkanya pamo bantu ba pano pa ntanda ponse! Kafwako nangwa umo ukabakamisha byapi byanji nangwa kwasamika kanwa kanji nangwa kuba bukaji ne.'\" 15 Nanchi katemo kakonsha kwitota ku muntu wikengijisha kutemenako nyi? Abya kya kuchibilako mapulanga kyakonsha kwitota ku muntu wikingijisha kuchibilako nyi? Nanchi ndondo+ yakonsha kusunkenya muntu wiishikula nyi? Nangwa kamama kakonsha kushikula muntu wabula kulengwa na mapulanga nyi? 16 Onkao mambo, Nkambo wa kine, aye Yehoba wa mabumba,Ukalengela bantu banji babaya kunyana,+Kabiji Asilya kechi ukekalapo jibiji na lukumo ne, ukekala nobe bamusokatu pelu mu mujilo.+ 17 Kyeya+ kya bena Isalela kikaluka ke mujilo,+Ne Wazhila wanji ukekala ke lubebe lwa mujilo;Mu jubatu jimo, ukambuka ne kusoka nsono ne bichi bya miba. 18 Lesa ukafumyapo lukumo lwa jisaka ne bujimibwanji; Kikekalatu nobe kunyana kwa muntu wakolwa.+ 19 Bichi bikashalamo mu jisaka janjiBikakepa bingi kya kuba ne mwana mucheche wakonsha kwibibala ne kwibinemba. 20 Pa joja juba, aba bakashala mu bena IsalelaNe boba bakapuluka mu kisaka kya YakobaKechi bakakinka manungo mu muntu wibakambwile ne;+Pakuba bakakinka manungo mwi Yehoba,Wazhila wa Isalela mu bukishinka. 21 Aba bakashalapo, ko kuba'mba ba mu kisaka kya kwa Yakoba,Bo bonka bakabwela kwi Lesa wa Bulume.+ 22 Obewa Isalela, nangwa kya kuba bantu bobeBavula nobe busenga bwa ku kalunga ka mema,Aba bonka bakashalapo, bo bakabwela.+ Lesa wafuukulapo kuvizha bano bantu,+Kabiji bunchibamambo bwaoloka bukebafikila.*+ 23 Kine, kintu kyafuukulapo Nkambo Mfumu, Yehoba wa mabumba,Ukekyuba mu kyalo kyonse.+ 24 Onkao mambo, Nkambo Mfumu, Yehoba wa mabumba waamba'mba: \"Anweba bantu bami mwikala mu Ziona, kange muchine bena Asilya bemupuminenga na kamama+ ne na ndondo byonkatu bimubilenga bena Ijipita ne.+ 25 Mambo mu kakimyetu kacheche, nkebazhachisha; kabiji bukaji bwami bukebafikila ne kwibonauna.+ 26 Yehoba wa mabumba ukatola kikote kya kumukapwilako+ byonkatu byo ashinjile Mijanyi kwipi na jibwe ja Oleba.+ Kabiji ndondo yanji ukeitanyikila peulu ya kalunga ka mema, kabiji ukeisuntula peulu byonkatu byo aubile na Ijipita.+ 27 Pa joja juba, bipe bya mfumu wa Asilya bikafuma pa bipuzhi byenu,+Kabiji kikonkoji kyanji kikafuma pa nshingo yenu,+Ne kikonkoji kikachimuka+ na mambo a manyi.\" 28 Aye ukeya na kulukuka muzhi wa Ayata;+Ukapita mu muzhi wa Migilona;Ukasha bipe byanji mu muzhi wa Mikimashi.+ 29 Bakabukila pa mwaba;Bakalaajila mu muzhi wa Geba;+Ba mu muzhi wa Lama bakoba moyo, ne ba mu muzhi wa Gibea+ wajinga muzhi wa kwa Saulo bakanyemamo.+ 30 Obewa mwanamukazhi wa mu muzhi wa Galimu, jila mabingo ne kuwowakana! Obewa muzhi wa Laishi, umvwa! Ne obewa Anatota, muzhi muyanji!+ 31 Ba mu muzhi wa Mademena bakanyemamo. Bangikazhi ba mu muzhi wa Gebima bakataana mwa kufyama. 32 Lelo jonka usakutebelela mu muzhi wa Noba.+ Wasuntwila kuboko kwanji pa mutumba wa mwana wa mukazhi Ziona,Mutumba paikejile Yelusalema. 33 Umvwai! Nkambo wa kine, aye Yehoba wa mabumba,Ubena kukoopaula misampi na bulume bulenga moyo;+Bichi byalepa babena kwibitema,Kabiji bichi byalepa bebinyundwila panshi. 34 Aye ukatema na kyela* kya kapotwe jivunda ja mu jisaka,Ne bichi bya ku Lebanoni bakebiponesha na bulume bukatampe.\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/isaya\/10\/","date":"2018-04-25T22:22:45Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947968.96\/warc\/CC-MAIN-20180425213156-20180425233156-00237.warc.gz","language":"kqn","language_score":1.000009656,"language_script":"Latn","minhash_cluster_size":1,"top_langs":"{\"kqn_Latn_score\": 1.0000096559524536}","num_words":816,"character_repetition_ratio":0.047,"word_repetition_ratio":0.0,"special_characters_ratio":0.193,"stopwords_ratio":0.238,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 Byambo bya kwa Nehemiya*+ mwana wa kwa Hakaliya: Mu ñondo wa Kiselevu,* mu mwaka wa bu 20, najinga mu Shushani,*+ muji bishimikwa byakosa.* 2 Pa kyonkakya kimye, Hanani+ wa mu balongo bami, waishile na banabalume bamo kufuma ku Yuda, ne amiwa nebashikishe pa mambo a Bayudea bapulukile mu buzha+ ne biji Yelusalema. 3 Abo bakumbwile'mba: \"Aba bashala mu kibunji bapulukile mu buzha babena kumanama bingi kabiji bebalengesha bumvu.+ Masakwa a Yelusalema akunduka+ ne binzhilo byao bebisoka na mujilo.\"+ 4 Byo naumvwinetu bino byambo, naikele panshi ne kujila pa moba avula, kabiji nazhikijilwenga na nzala+ ne kulomba kwi Lesa wa mwiulu. 5 Naambile namba: \"Anweba Yehoba, Lesa wa mwiulu, Lesa mukatampe kabiji ulengesha moyo yenka anweba mulama lulayañano lwenu ne kumwesha butemwe bubula kwaluka ku boba bemutemwa kabiji balama mikambizho yenu,+ 6 nemusashijila namba, kutwi kwenu kuteleke ne meso enu alabe kuba'mba muteleke ku lulombelo lwami amiwa kalume wenu lo mbena kulomba kwi anweba lelo, mute ne bufuku,+ pa mambo a bakalume benu, bena Isalela, saka nsolola mambo alenga bena Isalela kwi anweba. Twalenga mambo, amiwa ne ba mu nzubo ya batata.+ 7 Twauba kintu kyatama bingi kwi anweba+ pa kubula kulama mikambizho, malamuna ne mizhilo yo mwapele Mosesa+ kalume wenu. 8 \"Mwane vulukai byambo byo mwakambizhe* Mosesa kalume wenu amba: 'Inge mwabula kwikala ba kishinka, nkemupalañenya mu bantu.+ 9 Bino inge mukabwele kwi amiwa ne kulama mikambizho yami ne kwiikookela, nangwa kya kuba bakemupalañenya kwapela jiulu, nkemukonkanya pamo+ kufuma koko ne kwimuleta mu mpunzha yo nasala mwa kwikala jizhina jami.'+ 10 Abo ke bakalume benu kabiji bantu benu, bonka bo mwapokolwele na bulume bwenu bukatampe ne na kuboko kwenu kwakosa.+ 11 Anweba Yehoba, nemusashijila, kutwi kwenu kuteleke ku lulombelo lwami amiwa kalume wenu ne ku lulombelo lwa bakalume benu basekela mu kwakamwa jizhina jenu, kabiji napopwela mwane, ngubilai byawama amiwa kalume wenu lelo, kabiji uno muntu angubile lusa.\"+ Amiwa najinga kaseya wa mfumu.+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/nehemiya\/1\/","date":"2018-04-24T01:50:22Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946314.70\/warc\/CC-MAIN-20180424002843-20180424022843-00002.warc.gz","language":"kqn","language_score":1.0000053644,"language_script":"Latn","minhash_cluster_size":1,"top_langs":"{\"kqn_Latn_score\": 1.0000053644180298}","num_words":344,"character_repetition_ratio":0.059,"word_repetition_ratio":0.0,"special_characters_ratio":0.203,"stopwords_ratio":0.244,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"9 Aku bapwishatu kuba bino bintu, babinemanga baishile kwi amiwa ne kwamba'mba: \"Bena Isalela ne bañanga ne bena Levi kechi befumyako ku bantu ba mu byalo ne ku byubilo byabo bya bunya,+ bya bena Kenana, bya bena Hiti, bya bena Pelizi, bya bena Yebusi, bya bena Amonyi, bya bena Moabu, bya bena Ijipita+ ne bya bena Amoli ne.+ 2 Abo ne baana babo ba balume basongola baana ba bakazhi ba bano bantu.+ Pano abo baana* bazhila,+ bo babena kupwanañana na bantu ba mu byalo.+ Babinemanga ne bakalama ba kibiji bo bene balenga ano mambo a kubula bukishinka.\" 3 Byo naumvwinetu kino kintu, natabwile kivwalo kyami ne mukangyo wami wabula maboko kabiji nayokwele nsuki yami imo ne myevu yami ne kwikala saka nakakilwa. 4 Kepo bantu bonse baakaminwenga* byambo bya Lesa wa Isalela bakonkene ne kunzhokoloka na mambo a kubula bukishinka kwa boba bafumine mu buzha, byo naikele saka nakakilwa kufikatu ne kimye kya mulambo wa kajo wa mabanga.+ 5 Kabiji pa kimye kya mulambo wa kajo wa mabanga,+ naimene kufuma po naikele na bulanda, ne kivwalo kyami ne mukangyo wami wabula maboko saka byatabuka, kabiji nafukamine ne kutanyika maboko ami kwi Yehoba Lesa wami. 6 Kabiji naambile namba: \"Anweba Lesa wami, naumvwa bumvu kabiji kyankatazha ne kwinuna kilungi kyami kwi anweba Lesa wami, mambo bubi bwetu bwavula kabiji bwakila ne pa mitwe yetu ne mambo etu afika ne mwiulu.+ 7 Kufumatu mu moba a bashakulu betu kufika ne lelo jino, mambo etu abaya;+ kabiji na mambo a bubi bwetu, atweba ne bamfumu betu ne bañanga betu betupana mu maboko a bamfumu ba mu byalo, ne ku mpoko,+ ne mu buzha,+ ne kwitwangata bintu,+ ne kwitulengesha bumvu, byonkatu byo kiji lelo jino.+ 8 Bino mu kakimye kacheche, anweba Yehoba Lesa wetu mwitubila bibusa kupichila mu kupulusha bashalapo ne kwitupa kifulo kyazhikijilwa mu mpunzha yenu yazhila+ kuba'mba meso etu asangalale, anweba Lesa wetu, ne kuba'mba twikale na bulume bucheche mu buzha bwetu. 9 Nangwa kya kuba twibazha,+ anweba Lesa wetu kechi mwitulekelela mu buzha bwetu ne; bino mwitumwesha butemwe bwenu bubula kwaluka ku bamfumu ba Pelisha,+ ne kwitupa bulume jikwabo kuba'mba tushimike nzubo yenu anweba Lesa wetu+ ne kushimukulula byakundauka byayo ne kwitupa nsakwa* ya mabwe mu Yuda ne mu Yelusalema. 10 \"Pano anweba Lesa wetu, tusakwamba'mba ka pa kino? Mambo twaleka kulondela mikambizho yenu, 11 yonka yo mwitupele kupichila mu bakalume benu bangauzhi, amba: 'Kyalo kyo mubena kuya na kutambula ke kyalo kiji na biko na mambo a biko bya bantu ba mu byalo, ne na mambo a byubilo byabo bya bunya byo bayuzhamo kufumatu ko kyatendekela kufika ne ko kyakapela na mambo a bubipisho bwabo.+ 12 Onkao mambo, kange mukasongweshenga baana benu ba bakazhi ku baana babo ba balume ne, nangwa kuswa kusongwesha baana babo ba bakazhi ku baana benu ba balume ne;+ kabiji kechi mukakebenga mutende wabo ne bunonshi bwabo ne,+ pa kuba'mba mukakose ne kuja bintu byawama bya mu kyalo ne kwikitambula kwikala ke kya baana benu kikupu.' 13 Kabiji bintu byonse byo bitufikila na mambo a byubilo byetu byatama ne mambo etu akatampe, mambo anweba Lesa wetu, kechi mwitubila monka mwayila bubi bwetu ne,+ kabiji mwituswisha atweba tuji pano kupuluka,+ 14 nanchi twafwainwa kulala byepi jibiji mikambizho yenu ne kusongozhanya na bantu boba bino bintu bya bunya?+ Nanchi kechi mwakonsha kwituzhingijila ne kwituvizha kwa kubula nangwa umo ushalapo nangwa kupuluka nenyi? 15 Anweba Yehoba Lesa wa Isalela, mwaoloka,+ mambo atweba twapuluka yetu twashalapo kufika ne lelo jino. Tuji ku meso enu saka tuji na mambo, kyakatazha kwimana kwi anweba na mambo a kino.\"+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/ezela\/9\/","date":"2018-04-27T05:20:14Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125949036.99\/warc\/CC-MAIN-20180427041028-20180427061028-00051.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":613,"character_repetition_ratio":0.058,"word_repetition_ratio":0.0,"special_characters_ratio":0.202,"stopwords_ratio":0.308,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"27 Yotamo+ wajinga na myaka ya kusemwa 25 kimye kyo aikele mfumu, kabiji walamine mu Yelusalema myaka 16. Inanji wajinga Yelusha mwana wa kwa Zadoka.+ 2 Waubilenga byaoloka ku meso a Yehoba, byonkatu byaubanga Uzaya shanji,+ bino aye kechi watwelelemo mu nzubo ya Yehoba ne.+ Bino bantu baubilenga byatama. 3 Kabiji washimikile kibelo kya peulu kya nzubo ya Yehoba,+ ne kushimikilapo byavula pa nsakwa ya Ofela.+ 4 Washimikile ne mizhi+ mu kibunji kya mitumba kya Yuda,+ ne bishimikwa byakosa+ ne byamba+ mu jisaka. 5 Walwile nkondo na mfumu wa bena Amonyi+ kabiji wibashinjile, kya kuba mu yenkawa mwaka bena Amonyi bamupele matalenta* a siliva 100, ne bipimo* bya kolo bya wichi 10,000 ne a mbaale 10,000. Kabiji bena Amonyi bamupele bino mu mwaka wa bubiji ne wa busatu.+ 6 Onkao mambo, Yotamo wakosejilengakotu, mambo wasajile* jishinda jaoloka ku meso a Yehoba Lesa wanji. 7 Bintu bikwabo byapichilemo Yotamo ne makondo onse o alwile ne bintu byo aubile, byanembwa mu Buku wa Bamfumu ba mu Isalela ne ba mu Yuda.+ 8 Wajinga na myaka ya kusemwa 25 kimye kyo aikele mfumu, kabiji walamine mu Yelusalema myaka 16.+ 9 Kepo Yotamo bamutwajile na kulaala kwalaala bashakulu banji, kabiji bamuzhiikile mu Muzhi wa Davida.+ Kabiji mwananji aye Ahaza waswaine pa bufumu.+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/2-byambo-bya-moba\/27\/","date":"2018-04-20T02:17:22Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937090.0\/warc\/CC-MAIN-20180420003432-20180420023432-00110.warc.gz","language":"kqn","language_score":1.000007987,"language_script":"Latn","minhash_cluster_size":1,"top_langs":"{\"kqn_Latn_score\": 1.0000079870224}","num_words":234,"character_repetition_ratio":0.065,"word_repetition_ratio":0.044,"special_characters_ratio":0.222,"stopwords_ratio":0.316,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"5 Pa kuya ku nzubo ya Lesa wa kine,+ mwafwainwa kwikala na byubilo byawama; kyawama kuya na mulanguluko wa kukeba kuteleka,+ kukila kulambula milambo byonka byuba bantu bakosama,+ mambo abo kechi bayuka'mba byo babena kuba byatama ne. 2 Kange mupelawizhe kulupula byambo mu kanwa kenu ne, nangwa kwamba na kanswatu kwi Lesa wa kine ne,+ mambo Lesa wa kine wikala mwiulu, pakuba anweba mwikala pano pa ntanda. O ene mambo o mwafwainwa kusajilanga byambo bya kwamba.+ 3 Mambo biloto biiya na mambo a kwikala na milanguluko yavula,*+ kabiji muntu wakosama wamba byatama na mambo a kuvuzha bya kwamba.+ 4 Umvwe walaya Lesa kintu, kange ubande kwikifikizha ne,+ mambo aye kechi usekela mu bantu bakosama ne.+ Kintu kyo walaya, kifikizhe.+ 5 Kyawama kubula kulaya kintu kukila kulaya ne kwikifikizha ne.+ 6 Kange uswishe kanwa kobe kakulengele* kulenga mambo ne,+ kabiji kange wambile malaika* amba nalubankenye ne.+ Nanchi mambo ka o wafwainwa kulengela Lesa wa kine kukuzhingijila na byo wamba kuba'mba onaune mingilo yobe?+ 7 Mambo byonkatu biloto byo biiya na mambo a kwikala na milanguluko yavula,+ ne kuvuzha bya kwamba nako ko kwatu. Bino akamwanga Lesa wa kine.+ 8 Inge mwamona kalama na kuyanjisha muyanji ne kubula kumuchibila mambo monka mo aolokela ne kubula kuba bintu byawama ku bantu bo alama mu nkambi yenu, kange mukumye ne.+ Mambo babilolo bebamona ku mwine wibakila, kabiji kuji ne babilolo bakwabo bebakila. 9 Kabiji bantu bonse bamwenamo mu bintu bifuma mu mushiji; mambo ne mfumu naye uja kajo kafuma mu mushiji.+ 10 Muntu watemwa mali kechi ukatondwa na mali ne, nangwatu yewa watemwa bya bunonshi kechi ukatondwa na bunonshi ne.+ Kino nakyo kyo kyatu.+ 11 Bintu byawama inge byavula, bakwibija nabo bavula.+ Pano nga mwinabyo umwenamo ka, nanchi kwibitalatu nyi?+ 12 Tulo twa wa mwingilo tuwama bingi nangwa kya kuba waja bintu bicheche nangwa byavula, pakuba munonshi na mambo a kwikala na bintu byavula kechi ulaala tulo ne. 13 Namona bintu byatama* bingi byo babena kuba pano pa ntanda: muntu ufya bya bunonshi bwanji ne kumuletela bya malwa. 14 Bino bya bunonshi byaonaikile na mambo a kintu* kyatama kyamwekele, kabiji byo asemene mwana wakankelwe ne kya kumushiila.+ 15 Mambo byonkatu muntu byo afumine munda mwa bainanji mabokotu, byo byo akaya byonkabyo.+ Kabiji kechi ukasendapo kintu nangwa kimo pa bintu byonse byo aingijile ne.+ 16 Akino nakyo ke kintu kyatama:* Mambo byonkatu byo aishile byo byo akaya; onkao mambo, ñanyi mfweto imwenamo muntu utwajijila kwingila mingilo kyatu?+ 17 Kabiji moba onse ujiila mu mfishi ne kwikala na bijikila byavula, kukolwa ne bukaji.+ 18 Akino kyo kyo namona namba kyawama kabiji kyafwainwa: kya kuba'mba muntu wafwainwa kuja, kutoma ne kumwena lusekelo mu mingilo yanji yonse+ yo engila pano pa ntanda mu moba a bwikalo bwanji bwa kakimye kacheche Lesa wa kine o amupa, mambo bino bintu yo mfweto yanji.+ 19 Kabiji inge Lesa wa kine wapa muntu bya bunonshi ne bintutu bikwabo+ ne kumulengela kwiyowa bino bintu, wafwainwa kutambula mfweto yanji ne kusangalela mu mingilo yanji. Buno ke bupe bwafuma kwi Lesa.+ 20 Mu bwikalo bwanji kechi ukamona* ne moba anji byo apwa ne, mambo Lesa wa kine wamupa bintu byavula bimulengela kusangalala.+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/musapwishi\/5\/","date":"2018-04-27T09:03:39Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524127095762.40\/warc\/CC-MAIN-20180427075937-20180427095937-00302.warc.gz","language":"kqn","language_score":1.000009656,"language_script":"Latn","minhash_cluster_size":1,"top_langs":"{\"kqn_Latn_score\": 1.0000096559524536}","num_words":539,"character_repetition_ratio":0.061,"word_repetition_ratio":0.0,"special_characters_ratio":0.205,"stopwords_ratio":0.291,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"KYAMBA KYA USOPA Mankumbinkumbi 2015 | Bya Kuba na Bijikila\nBantu bavula babena kupita mu bya malwa ne makatazho, pano bino, bamo kechi bakizhamo kwikala na bijikila byuba bamo ne. Mambo ka?\nMUTWE WA PA NKUPIKO\nBya kukebakeba bya katataka byataana kuba'mba nangwatu kubula kukizhamo kwikala na bijikila kubena kulengela bantu kufwa bukiji. Mwakonsha kuyuka byepi mwa kubila?\nMUTWE WA PA NKUPIKO\nMwanamulume umo wamwenejile kisemi kyanji bintu byo kikeba nangwa kya kuba mutengo wa bintu wabayile bingi.\nMUTWE WA PA NKUPIKO\nJishimikila ja mwanamukazhi ye bashile, ye bakaine, wayukile mwa kwikela, ne kuyuka byo kilumbulula kwikala na lwitabilo.\nMUTWE WA PA NKUPIKO\nMwakonsha kuyuka byepi mwa kubila na nkondo, bumbanzhi, konauna mwela, kwalauka aluka kwa nkilo ne myalo?\nBAIBOLO UPIMPULA BWIKALO BWA BANTU\nStephen McDowell wajinga nsongwalume wakanamine bingi, bino byo abujile kutanwa pa bantu baipayile muntu kwamulengejile kupimpula byubilo byanji.\nTwakonsha kutaana mukumbu mu mashimikila a kwa Yoba, Lota, ne Davida, abano bonse balengele mambo akatampe.\nMpelo beingijishanga byepi mu moba a kala? Kyambo kya kuba'mba \"mu kyaji\" kilumbulula ka?\nNanchi kukekalapo kimye bubi kyo bukabula kwikalako nyi?","id":"","dump":"CC-MAIN-2018-22","url":"https:\/\/www.jw.org\/kqn\/mabuku\/magazini\/wp20150701\/","date":"2018-05-21T20:48:49Z","file_path":"s3:\/\/commoncrawl\/crawl-data\/CC-MAIN-2018-22\/segments\/1526794864544.25\/warc\/CC-MAIN-20180521200606-20180521220606-00327.warc.gz","language":"kqn","language_score":1.0000097752,"language_script":"Latn","minhash_cluster_size":1,"top_langs":"{\"kqn_Latn_score\": 1.0000097751617432}","num_words":178,"character_repetition_ratio":0.08,"word_repetition_ratio":0.0,"special_characters_ratio":0.176,"stopwords_ratio":0.219,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LABAINGA! Na. 3 2017 | Nanchi Baibolo Kine Wafuma kwi Lesa Nyi?\nNanchi Baibolo kine wafuma kwi Lesa nyi? Inyi mujitu mashimikila a bantu?\nUno \"Labainga\" waamba pa bintu bisatu bimwesha'mba Baibolo wafuma kwi Lesa.\nMUTWE WA PA NKUPIKO\nBantu bamo bamba'mba Baibolo kampe ke buku wa Lesa. Bamo bamona Baibolo amba ke buku muji mashimikila a kala ne mizhilo yanembele bantu.\nMUTWE WA PA NKUPIKO\nBaibolo kechi waambijiletu jimo pa bilengwa bintu ba sayansi saka bakyangye kwibyambapo ne, bino waamba ne pa kimye kyatendekele kulama bufumu ne kimye kyo bebonawine, kabiji wakumbula ne mepuzho anema a mu bwikalo.\nBYA KUKWASHA KISEMI\nAnweba bansemi, nanchi kechi mupa baana benu mingilo ya pa nzubo ne nyi? Inge ibyo, Vulukai kuba'mba inge ke mufunjishe baana benu mingilo ya pa nzubo, ikebakwasha kwingilanga na ngovu kabiji ikebaletela ne lusekelo.\nMishipeshipe ya munda ingijila pamo na Bongo yaikela munda. Ñanyi mwingilo yo ingila?\nMWISAMBO WA MEPUZHO\nBa Fan Yu byo batendekele kufunda nsamushi, baitabijile kuba'mba bintu bilengeletu bine. Pano luno baitabila kuba'mba Lesa ye walengele bintu byonse. Mambo ka?\nBYAMBAPO BAIBOLO\nMu mabuku ne mu mafilimu mutanwa bipikichala bya bamalaika ba kulenga. Binembelo byambapo amba ka pa bamalaika?\nNANCHI KYALENGELWE NYI?\nBanyama ba mu mema bavula baji na kikoba kyajita kiji na mafuta kilengela mubiji kutwa kyuya. Kasabushi kengijisha jishinda japusanako.\nMitwe Ikwabo\nInge bantu bobalembele, nanchi twakonsha kwamba mba mambo a Lesa nyi? Mu Baibolo muji milanguluko ya ba Nganyi?","id":"","dump":"CC-MAIN-2018-30","url":"https:\/\/www.jw.org\/kqn\/mabuku\/magazini\/labainga-na3-2017-june\/","date":"2018-07-23T08:40:57Z","file_path":"s3:\/\/commoncrawl\/crawl-data\/CC-MAIN-2018-30\/segments\/1531676595531.70\/warc\/CC-MAIN-20180723071245-20180723091245-00166.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":234,"character_repetition_ratio":0.054,"word_repetition_ratio":0.0,"special_characters_ratio":0.183,"stopwords_ratio":0.239,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MUTANCHI WA KUPWILA KWA BWIKALO NE MWINGILO WETU WA BWINA KILISHITU Mankumbinkumbi 2017\nMashinda a kwisambilamo pa kusha Kyamba kya Usopa ne pa kufunjisha bukine pa buyanji. Ingijishai ano mashinda pa kunengezha jishinda jenu ja kwisambilamo.\nBYA BUNEME BIJI MU MAMBO A LESA\nMuchima wingila ñanyi mwingilo pa kusala bya kisangajimbwe nangwa mvwajilo ne nzañwino? Kuta muchima ku lutangijilo lwa Lesa kulumbulula ka?\nBYA BUNEME BIJI MU MAMBO A LESA\nTufunjilako ka ku Mfumu Zedekiya pa byatama bifumamo inge twabula kufikizha byo twalayañana?\nBYA BUNEME BIJI MU MAMBO A LESA\nÑanyi bantu banembwa mu Baibolo bamwesha Yehoba byo alekelako mambo? Byo aubile ne Davida, Manase, ne Petelo bitukwasha byepi kuyuka'mba uketulekelako mambo?\nBYAFWAINWA KWIKALA BENA KILISHITU\nKyakonsha kukatazha kwilekelako mambo o twalengele kala atweba bene nangwa kya kuba Yehoba Lesa witulekelako kala mambo. Ki ka kyakonsha kwitukwasha?\nBYA BUNEME BIJI MU MAMBO A LESA\nBungauzhi bwaamba pe Yesu bwanemba mu buku wa Ezikyo amba ye mwina mwina bufumu bwafikile byepi? Nga kino kitufunjishapo ka pe Yehoba?\nBYAFWAINWA KWIKALA BENA KILISHITU\nNge tuji pa kibelo kechi twakonsha kuyuka'mba bena nzubo babena kumona nangwa kumvwa byo tubena kwamba ne. Ñanyi bintu byo twafwainwa kubula kuba inge twaimana pa kibelo kya muntu mu mwingilo wa kusapwila?","id":"","dump":"CC-MAIN-2018-43","url":"https:\/\/www.jw.org\/kqn\/mabuku\/jw-Mutanchi-wa-Kupwila\/july-2017-mwb\/","date":"2018-10-20T13:46:09Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583512750.15\/warc\/CC-MAIN-20181020121719-20181020143219-00076.warc.gz","language":"kqn","language_score":1.0000100136,"language_script":"Latn","minhash_cluster_size":2,"top_langs":"{\"kqn_Latn_score\": 1.0000100135803223}","num_words":202,"character_repetition_ratio":0.096,"word_repetition_ratio":0.0,"special_characters_ratio":0.169,"stopwords_ratio":0.292,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"6 Davida wakonkenye pamo jibiji bashilikale bena Isalela bonse bayuka kulwa, banabalume 30,000. 2 Kepo Davida ne bantu bonse bo ajinga nabo bayile ku Baelayuda na kusenda Jikwachi ja Lesa wa kine,+ jonka bantu jo bechilapo jizhina ja Yehoba wa mabumba,+ yenka waikala peulu* ya bakelubi.+ 3 Nangwa byonkabyo, babikile Jikwachi ja Lesa wa kine mu kikochikala+ kya katataka kwijifumya mu nzubo ya kwa Abinadaba+ yajinga pa katumbatumba; kabiji Uza ne Ahio, baana ba kwa Abinadaba bo batangijilenga kikochikala kya katataka. 4 Byonkabyo, basendele Jikwachi ja Lesa wa kine kwijifumya mu nzubo ya kwa Abinadaba yajinga pa katumbatumba, kabiji Ahio watangijileko kulutwe ya Jikwachi. 5 Davida ne bena Isalela bonse basekejilenga ku meso a Yehoba na mitundu yonse ya bijimba bya mapulanga a kichi kya yunipa, byansa, bijimba bikwabo bya mizhinge,+ minsakayi,+ mikakaashi ne nsonsolo.+ 6 Bino byo bafikile ku kipujilo kya Nakona, Uza watanyikile kuboko kwanji ne kukwata Jikwachi ja Lesa wa kine,+ mambo bañombe bakebele kwijiponesha. 7 Ponkapo Yehoba wabuukijile Uza bukaji, kabiji Lesa wa kine wamukambwile+ na mambo a kubula mushingi,+ ne kufwa wafwijile konka ku Jikwachi ja Lesa wa kine. 8 Bino Davida wazhingijile* mambo bukaji bwa Yehoba bwaishile pe Uza; kabiji aya mpunzha beitela'mba Pelezuza* kufikatu ne lelo jino. 9 Onkao mambo, Davida wamuchiine Yehoba+ aja juba ne kwamba'mba: \"Nanchi Jikwachi ja Yehoba jikeya byepi kwi amiwa?\"+ 10 Davida kechi wakebele kuleta Jikwachi ja Yehoba mu Muzhi wa Davida mo aikalanga ne.+ Davida wijitwajile ku nzubo ya kwa Obeda-edomu+ mwina Gata. 11 Jikwachi ja Yehoba jaikele bañondo basatu ku nzubo ya kwa Obeda-edomu mwina Gata, kabiji Yehoba watwajijile kupesha Obeda-edomu ne ba mu nzubo yanji.+ 12 Mfumu Davida bamubuujile'mba: \"Yehoba wapesha ba mu nzubo ya kwa Obeda-edomu ne bintu byonse byo aji nabyo na mambo a Jikwachi ja Lesa wa kine.\" Onkao mambo, Davida wayile na kusenda Jikwachi ja Lesa wa kine kwijifumya ku nzubo ya kwa Obeda-edomu ne kwijitwala ku Muzhi wa Davida saka asangalala.+ 13 Aba basendele+ Jikwachi ja Yehoba byo baendeleko ntampulo itanu na umo, aye watapishe ñombe ne nyama wanuna. 14 Davida wazhilenga na bulume bwanji bonse ku meso a Yehoba; waubilenga kino saka avwala* kajilaya kabula maboko ka kisapi kya linenyi.+ 15 Davida ne bena Isalela bonse baletelenga Jikwachi+ ja Yehoba saka bemba na lusekelo+ ne kuvumya lusengo.+ 16 Bino Jikwachi ja Yehoba byo jafikile mu Muzhi wa Davida, Mikala+ mwana wa mukazhi wa kwa Saulo wasumbijile mu kipenze ne kumona Mfumu Davida saka akilauka ne kuzha ku meso a Yehoba; kabiji wamulengulwile mu muchima wanji.+ 17 Byonkabyo, baletele Jikwachi ja Yehoba ne kwijibika pa mpunzha yajo mu tente, Davida ye ejipopejile.+ Kepo Davida alambwile milambo ya kusoka+ ne bitapisho bya mutende+ kwi Yehoba.+ 18 Davida byo apwishishe kulambula milambo ya kusoka ne bitapisho bya mutende, wapesheshe bantu mu jizhina ja Yehoba wa mabumba. 19 Kabiji bena Isalela bonse, mwanamulume ne mwanamukazhi, wibapele au shinkwa wanzhingwile, au shinkwa wanzhingwile, bashinkwa bo balengele na bisonga ne bashinkwa bo balengele na mañanzañanza auma, kepo bantu bonse bayile, au ku nzubo yanji, au ku nzubo yanji. 20 Davida byo abwelele na kupesha ba mu nzubo yanji, Mikala+ mwana wa mukazhi wa kwa Saulo wamutundaijile. Waambile'mba: \"Mfumu wa Isalela byo aji kwitumbijikapo aye mwine byo aji kuvuula lelo jino ku meso a bazha ba bakazhi ba bakalume banji, byonkatu muntu wabula maana byo evuula aye mwine pa luntunanwa!\"+ 21 Ponkapo Davida wamwambijile Mikala amba: \"Naji kusekelanga kwi Yehoba, yenka wansajile ne kusha bashobe ne ba mu nzubo yabo bonse, kabiji yenka wantongwele kwikala ntangi wa bantu ba Yehoba, bena Isalela.+ Onkao mambo, nsakusekela ku meso a Yehoba, 22 kabiji nsakwipelula kukila ne pano, ne kwimona ami mwine kupela. Bino ku bazha ba bakazhi bo waambapo, nsakutumbijikwa.\" 23 Onkao mambo, Mikala+ mwana wa kwa Saulo, kechi wasemenepo mwana ne, kufikatu ne juba jo afwile.\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/2-samwela\/6\/","date":"2018-04-20T23:25:09Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125944742.25\/warc\/CC-MAIN-20180420213743-20180420233743-00084.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":647,"character_repetition_ratio":0.084,"word_repetition_ratio":0.003,"special_characters_ratio":0.203,"stopwords_ratio":0.286,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"7 Nanchi anweba balongo kechi mwayuka'mba, (mbena kwamba ku boba bayuka mizhilo) Mizhilo iji na luusa pa muntu byo akiji mumi nenyi? 2 Mwanamukazhi wasongolwa wakaswa na muzhilo kimye mwatawanji kyo akiji mumi; bino umvwe mwatawanji wafwa, wakasululwa ku muzhilo wa mwatawanji.+ 3 Byonkabyo, umvwe wasongolwa ku mwanamulume mukwabo, mwatawanji saka akiji mumi, bakamutela'mba nkende.+ Pano bino, umvwe mwatawanji wafwa, wakasuluka ku muzhilo wanji, onkao mambo, umvwe wasongolwa ku mwanamulume mukwabo kechi ukatelwa'mba nkende ne.+ 4 Onkao mambo, anweba balongo bami, mwafwile ku Mizhilo kupichila mu mubiji wa Kilishitu, kuba'mba mwikale bantu ba muntu mukwabo,+ ye basangwile mu bafu,+ pa kuba'mba tupangenga bipangwa kwi Lesa.+ 5 Mambo byo twakijinga mu buntunshi, bya kusakasaka byetu bya bundengamambo bebisolwele ku Mizhilo kabiji byaingijilenga mu mibiji* yetu kuba'mba bipangenga bipangwa bileta lufu.+ 6 Pano twakasululwa ku Mizhilo,+ mambo twafwile ku kyokya kitulaminenga, pa kuba'mba twikale bazha mu bwikalo bwa katataka mu mupashi+ kechi mu bwikalo bwa kala mu mizhilo yanembwa ne.+ 7 Pano tusakwamba'mba ka? Nanchi Mizhilo bo bundengamambo nyi? Ine! Kine Mizhilo umvwe kechi yajingako ne,+ inge kechi nayuka bundengamambo ne. Inge Mizhilo kechi yaambile'mba: \"Kechi wafwainwa kukumbwa ne,\"+ inge kechi nayukile'mba lunkumbwa lwatama ne. 8 Bino na mambo a mukambizho, bundengamambo bwataaine jishinda ja kuletelamo lunkumbwa mwi amiwa lwa misango yonse, mambo kwa kubula mizhilo bundengamambo bwafwile.+ 9 Najinga mumi byo pabujile mizhilo. Bino mukambizho byo aishile, bundengamambo bwasangukile jibiji, bino amiwa nafwile.+ 10 Mukambizho wafwainwe kutangijila ku bumi,+ nataaine'mba utwala ku lufu. 11 Na mambo a mukambizho, bundengamambo bwataaine jishinda ja kunjimbaikilamo ne kungipaya. 12 Onkao mambo, Mizhilo yazhila ne mukambizho naye wazhila kabiji waoloka ne kuwama.+ 13 Nanchi akya kyawama kyandetejile lufu nyi? Ine! Bino ke bundengamambo, pa kuba'mba bundengamambo bumweke'mba bo bwangipaya kupichila mu kintu kyawama,+ kuba'mba kupichila mu mukambizho bundengamambo buyukanyikwe'mba bwatama bingi.+ 14 Mambo twayuka'mba Mizhilo yafuma kwi Lesa; bino amiwa nemuntunshi ye bapotesha ku bundengamambo.+ 15 Mambo kyo nguba kechi nekiyuka ne. Mambo akya kyo nkeba kuba kechi nekyuba ne, bino akya kyo nashikwa kyo kyo nguba. 16 Nangwa byonkabyo, umvwe nguba kintu kyo mbula kukeba, naswa kuba'mba Mizhilo yawama. 17 Bino kechi yami mbena kwikyuba ne, bundengamambo buji mwi amiwa bo bubena kwikyuba.+ 18 Mambo nayuka namba mwi amiwa, ko kuba'mba mu mubiji wami kafwamo kintu kyawama ne; muchima wa kukeba kuba kyawama nji nanji, pakuba bulume bwa kwikyuba mfwabo.+ 19 Mambo kyawama kyo nkeba kuba kechi nekyuba ne, bino kyatama kyo mbula kukeba kuba, kyo kyo nguba. 20 Umvwe kya kuba nguba kintu kyo mbula kukeba kuba, ko kuba'mba kechi yami nekyuba ne, bino ke bundengamambo buji mwi amiwa. 21 Namona uno muzhilo wa kuba'mba: Byo nkeba kuba kyaoloka, kyatama kyo kinkosela.+ 22 Mu muchima wami nsekela bingi mu mizhilo ya Lesa,+ 23 bino namona mu mubiji* wami muji muzhilo mukwabo ubena kulwa na muzhilo wa mu muchima wami+ ne kuntwala mu buzha ku muzhilo wa bundengamambo+ uji mu mubiji* wami. 24 Amiwa kamulanda! Ñanyi ukampokolola ku uno mubiji ubena kuya ku lufu? 25 Sanchila Lesa kupichila mwi Yesu Kilishitu Nkambo yetu! Onkao mambo, na muchima wami amiwa nemuzha ku mizhilo ya Lesa, bino ku mubiji, nemuzha ku muzhilo wa bundengamambo.+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/loma\/7\/","date":"2018-04-25T22:22:54Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947968.96\/warc\/CC-MAIN-20180425213156-20180425233156-00157.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":535,"character_repetition_ratio":0.074,"word_repetition_ratio":0.0,"special_characters_ratio":0.202,"stopwords_ratio":0.228,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MUTANCHI WA KUPWILA KWA BWIKALO NE MWINGILO WETU WA BWINA KILISHITU Mulombola 2018\nKwisamba na bantu pa Baibolo ne bya kwikala bwikalo bwa lusekelo.\nBYA BUNEME BIJI MU MAMBO A LESA\nNangwa kya kuba Kijiilo kya Lupitailo kechi kyaimenejilengako Kivuluko kya lufu lwa kwa Yesu Kilishitu ne, bino twakonsha kufunjilako bintu byavula bingi.\nBYA BUNEME BIJI MU MAMBO A LESA\nKufunjisha bantu kwikala ke baana ba bwanga kulumbulula kwibafunjisha kulama bintu byonse byakambizhe Yesu. Mwingilo wetu wa kufunjisha bantu kwikala ke baana ba bwanga wavwangamo kufunjisha bantu kulondela byafunjishe Yesu ne byo aubanga.\nBYAFWAINWA KWIKALA BENA KILISHITU\nYesu wakambizhe baana banji ba bwanga kuya na kufunjisha bantu kwikala ke baana ba bwanga. Ñanyi bintu byavwangwa mu kuba bino? Twakonsha kukwasha byepi bantu kuyilako palutwe?\nBYA BUNEME BIJI MU MAMBO A LESA\nTufunjilako ka ku kya kukumya kyanembwa pa Mako 2:5-12? Jino jishimikila jakonsha kwimukwasha byepi kuchinchika inge mubena kukolwa?\nBYA BUNEME BIJI MU MAMBO A LESA\nMambo ka Yesu o kyamufichile ku muchima pa kumona byubilo bya bantangi ba bupopweshi bwa Bayudea? Ñanyi mepuzho akonsha kwitulengela kuyuka inge tubila bantu lusa byonka byajinga Yesu?\nBYA BUNEME BIJI MU MAMBO A LESA\nKulanguluka pa mashimikila a mu Baibolo aamba pa lusanguko kukosesha lwitabilo lwetu ne kwitulengela kushiinwa kuba'mba batemwe betu bafwa bakasangulwa.\nBYAFWAINWA KWIKALA BENA KILISHITU\nPa kuba'mba tufunjishe muntu bulongo, twafwainwa kuyuka bya kwingijisha mabuku o tufunjishamo bantu. Ñanyi buku mwine ye tufunjishamo bantu? Twakonsha kuyuka byepi bya kwingijisha bulongo mabuku otufunjishamo bantu?","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/jw-Mutanchi-wa-Kupwila\/april-2018-mwb\/","date":"2018-04-23T03:50:44Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945724.44\/warc\/CC-MAIN-20180423031429-20180423051429-00007.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":241,"character_repetition_ratio":0.102,"word_repetition_ratio":0.0,"special_characters_ratio":0.166,"stopwords_ratio":0.261,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"10 Kepo Yehoba aambijile Mosesa amba: \"Yanga kwi Felo, mambo amiwa namuswisha kukosesha muchima wanji ne michima ya bakalume banji,+ pa kuba'mba mmweshe bino biyukilo kwi abo,+ 2 ne kuba'mba ukabuulenga baana bobe ne bankana bobe byo nauba mu kyalo kya Ijipita ne biyukilo byo nauba kwi abo;+ kabiji bakayuka'mba kine yami Yehoba.\" 3 Ponkapo Mosesa ne Alona bayile kwi Felo ne kumubuula'mba: \"Abino byo byaamba Yehoba Lesa wa Bahebelu amba, 'Nanchi ukakana kunkookela kufika kimye ka?+ Leka bantu bami baye na kuñingijila. 4 Mambo umvwe utwajijile kwibakanya kuya, kesha nkaleta nzhiye mu kyalo kyobe. 5 Kabiji nzhiye ikakumbana mu kyalo kyonse, kabiji kechi mukakonsha kumona mushiji ne. Ayo ikaja byonse byabujile konaika na mvula wa mabwe kabiji ikaja bichi byenu byonse byamena mu majimi.+ 6 Ikayula mu mazubo obe, mu mazubo a bakalume bobe bonse ne mu mazubo a bena Ijipita bonse, kya kuba bashenu ne bankambo yenu kechi bamwenepo kintu kya uno mutundu kufuma kimye kyo baikele mu kino kyalo kufika ne lelo jino ne.'\"+ Ponkapo Mosesa waalulukile ne kufumako kwi Felo. 7 Kepo bakalume ba kwa Felo bamushikishe'mba: \"Nanchi uno muntu ukatwajijilatu na kwituletela bya malwa* nyi? Balekai bano bantu baye na kwingijila Yehoba Lesa wabo. Nanchi kechi mwamona Ijipita byo aonaika nenyi?\" 8 Ponkapo Mosesa ne Alona bebabwezhezhe jibiji kwi Felo, ne aye wibambijile'mba: \"Yainga mukengijile Yehoba Lesa wenu. Pano bañanyi bakaya?\" 9 Mosesa wakumbwile'mba: \"Tukaya na baana betu babacheche, bakulumpe, baana betu ba balume ne ba bakazhi, mikooko yetu ne bañombe betu,+ mambo tukekala na kijiilo kwi Yehoba.\"+ 10 Felo wibambijile'mba: \"Umvwe nnemuleke anweba ne baana benu muye, ko kuba'mba kine Yehoba muji nanji!+ Kyamwekatu patoka kuba'mba mubena kukeba kuba kintu kyatama. 11 Banabalume bonkatu bo basakuya na kwingijila Yehoba, mambo kyo kyo mwakebelenga.\" Ponkapo bebapangile kufuma kwi Felo. 12 Kabiji Yehoba waambijile Mosesa amba: \"Tanyika kuboko kobe pa kyalo kya Ijipita kuba'mba nzhiye iye mu kyalo kya Ijipita ne kuja bijimwa byonse bya mu kyalo ne byonse byabujile konaika na mvula wa mabwe.\" 13 Ponkapo Mosesa watanyikile kamama kanji pa kyalo kya Ijipita, ne Yehoba walengejile mwela wa ku musela kupupila pa kyalo mute yense ne bufuku bonse. Byo bwakile lukelo, mwela wa ku musela waletele nzhiye. 14 Ne nzhiye yaishile pa kyalo kyonse kya Ijipita ne kwikala mu mapunzha onse a Ijipita.+ Yavujile bingi;+ kechi kwajingapo nzhiye yavujile byobya kala ne, kabiji kechi kukekalapo yavula byonkabya ne. 15 Nzhiye yakumbene kyalo kyonse kabiji pa mushiji paubiletu fitu na nzhiye; yajiile bijimwa byonse bya mu kyalo ne bipangwa byonse bya ku bichi byabujile konaika na mvula wa mabwe; kafwako nangwa kimo kyatalala kya ku bichi nangwa kya ku bijimwa bya mu majimi a mu kyalo kyonse kya Ijipita kyashajilepo ne. 16 Ponkapo Felo waichile Mosesa ne Alona ne kwibambila'mba: \"Namulenga mambo Yehoba Lesa wenu ne anweba. 17 Pano napopwela, ndekelaiko mambo japelako, kabiji mumusashijile Yehoba Lesa wenu afumye kino kinkunka kyatama pe amiwa.\" 18 Byonkabyo, aye* wafumineko kwi Felo ne kumusashijila Yehoba.+ 19 Kepo Yehoba azhalulwile mwela, kabiji waikele ke mwela wa ku muzhika wakosa bingi, kabiji wasendele nzhiye ne kwiitwala mu Kalunga ka Mema Kachila. Kafwako luzhiye nangwa umo washajilepo mu mapunzha onse a Ijipita ne. 20 Nangwa byonkabyo, Yehoba waswishishe muchima wa kwa Felo kukosa,+ kabiji kechi walekele bena Isalela amba baye ne. 21 Kabiji Yehoba waambijile Mosesa amba: \"Tanyika kuboko kobe mwiulu kuba'mba mu kyalo kyonse kya Ijipita mwikale mfishi yafitatu bwii.\" 22 Ponkapo Mosesa watanyikile kuboko kwanji mwiulu ne mfishi yafitatu bwii yaikele mu kyalo kyonse kya Ijipita pa moba asatu.+ 23 Bakankelwenga kwimona mulwabo kabiji kafwako waimene kufuma po aikele pa moba asatu ne; pakuba bena Isalela bonse bajinga na kyeya ko baikelenga.+ 24 Kepo Felo aichile Mosesa ne kumwambila'mba: \"Yainga mukengijilenga Yehoba.+ Pano bino, mikooko yenu ne bañombe benu basakushala. Musende ne baana benu.\" 25 Bino Mosesa waambile'mba: \"Anweba yenka musakwitupa* ne bitapisho ne milambo ya kusoka, kabiji tukeilambula kwi Yehoba Lesa wetu.+ 26 Tusakusenda ne banyama betu. Kafwako nyama* nangwa umo usakushala ne, mambo bamo tukebengijishanga pa kupopwela Yehoba Lesa wetu kabiji kechi twayuka milambo yo tukalambulanga pa kupopwela Yehoba ne, posotu tukafike konkakwa.\" 27 Onkao mambo, Yehoba waswishishe muchima wa kwa Felo kukosa kabiji kechi waswile kwibaleka amba baye ne.+ 28 Felo waambijile Mosesa amba: \"Fuma papo! Kange ukamone kilungi kyami jibiji ne, mambo mu juba jo ukamona kilungi kyami, ukafwa.\" 29 Mosesa waambile'mba: \"Byonkatu byo mwaamba, kechi nkamona kilungi kyenu jibiji ne.\"\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/kulupuka\/10\/","date":"2018-04-26T16:27:06Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948285.62\/warc\/CC-MAIN-20180426144615-20180426164615-00514.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":740,"character_repetition_ratio":0.066,"word_repetition_ratio":0.0,"special_characters_ratio":0.2,"stopwords_ratio":0.273,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3 Bintu byonse biji na kimye kyabyo,Ne mingilo yonse ya pano pa ntanda iji na kimye kyayo: 2 Kuji kimye kya kusemwa ne kimye kya kufwa;Kimye kya kujimba ne kimye kya kujimbula byo bajimbile; 3 Kuji kimye kya kwipayañana ne kimye kya kubukañana;Kimye kya kukundula ne kimye kya kushimika; 4 Kuji kimye kya kujila ne kimye kya kuseka;Kimye kya bulanda ne kimye kya kuzha;* 5 Kuji kimye kya kutaya mabwe ne kimye kya kubungizha mabwe pamo;Kimye kya kwipakachilamo ne kimye kya kwitalatu; 6 Kuji kimye kya kukeba kintu ne kimye kya kuleka kukeba;Kimye kya kulama bintu ne kimye kya kwibitaya; 7 Kuji kimye kya kutabula+ ne kimye kya kusona;Kimye kya kuzhindama+ ne kimye kya kwamba;+ 8 Kuji kimye kya kwitemwa ne kimye kya kwishikwa;+Kimye kya nkondo ne kimye kya mutende. 9 Nanchi wa mwingilo umwenamo ka mu mingilo yanji yonse yo engila?+ 10 Namona mingilo Lesa yo apa bantu kuba'mba ibalengele kupayankana. 11 Lesa wauba bintu byawama* mu kimye kyabyo.+ Wabika ne mulanguluko wa kwikala myaka ne myaka mu michima ya bantu; pano bino, bantu kechi bakonsha kuyuka mingilo yaingila Lesa wa kine kufuma ku ntendekelo kufika ne ku mpelo ne. 12 Namona kuba'mba kintu kyawama ku muntu ke kusangalala ne kuba bintu byawama mu bwikalo bwanji,+ 13 ne kuba'mba muntu yense wafwainwa kuja, kutoma ne kusangalela mu mingilo yanji yonse. Kino ke kya bupe kyafuma kwi Lesa.+ 14 Nayuka namba bintu byonse byalenga Lesa wa kine bikekala myaka ne myaka. Kafwako kyo bafwainwa kunungako nangwa kufumyako ne. Lesa wa kine wauba bino pa kuba'mba bantu bamwakamwenga.+ 15 Bintu byamweka, byamwekelepo ne kala, kabiji abya bijiko, byajingako ne kala;+ pakuba Lesa wa kine ukebela byawama boba bo bamanyika. 16 Kabiji namona kino pano pa ntanda kya kuba'mba: Pafwainwe bunchibamambo bwaoloka pajinga bubi, kabiji pafwainwe bololoke napo pajinga bubi.+ 17 Naambile mu muchima wami namba: \"Lesa wa kine ukachibila mambo baoloka ne babi,+ mambo mingilo yonse ne bintu byonse byuba muntu biji na kimye kyabyo.\" 18 Kabiji naambile mu muchima wami pa mambo a bantu kuba'mba Lesa wa kine ukebeseka ne kwibamwesha'mba bajitu nobe banyama, 19 mambo kintu kimwekela* bantu kyo kimwekela ne banyama; kintutu kimo kibamwekela bonse.+ Mambo bantu ne banyama bonse bafwa; bonse bajitu na muya umo.+ Onkao mambo, muntu kechi wakila banyama ne, mambo byonse byo byatu. 20 Bonse bayatu kuntu kumo.+ Bonse bafumine ku maloba+ kabiji bonse babwela ku maloba.+ 21 Ñanyi wayuka inge muya wa bantu uya mwiulu, ne kuba'mba muya wa banyama ushala pa ntanda?+ 22 Kabiji namwene kuba'mba kintu kyawamatu ku muntu ke kumwena lusekelo mu mingilo yanji,+ mambo yo mfweto yanji; mambo ñanyi wakonsha kumulengela kumona bintu bikamweka inge wafwa?+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/musapwishi\/3\/","date":"2018-04-23T10:14:15Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945940.14\/warc\/CC-MAIN-20180423085920-20180423105920-00240.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":457,"character_repetition_ratio":0.103,"word_repetition_ratio":0.0,"special_characters_ratio":0.209,"stopwords_ratio":0.311,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MUTANCHI WA KUPWILA KWA BWIKALO NE MWINGILO WETU WA BWINA KILISHITU Kuvumbi 2016\nMashinda a kwisambilamo pa kusha Labainga! ne kufunjisha bukine bwaamba pa bilengela buyanji. Ingijishai ano mashinda pa kunengezha jishinda jenu ja kwisambilamo.\nBYA BUNEME BIJI MU MAMBO A LESA\nNgauzhi Isaya walumbulwile kwalula bilwilo ke bya kujiminako, ko kuba'mba bantu ba Yehoba Lesa bakekala ba mutende. (Isaya 2:4)\nBYAFWAINWA KWIKALA BENA KILISHITU\nBuku wa \"Butemwe bwa Lesa\" ukwasha bantu bo tufunjisha Baibolo kuyuka byo bakonsha kwingijisha mafunde a lesa mu bwikalo bwabo.\nBYA BUNEME BIJI MU MAMBO A LESA\nIsaya waambijile jimo amba Mesiasa ukasapwila mu Ngalilea. Yesu wafikizhe buno bungauzhi byo ayilenga na kusapwila mambo awama.\nBYAFWAINA KWIKALA BENA KILISHITU\nTwakonsha kulondela byepi muchima wa kwipana ne lwitabilo lwajingapo ne Isaya? Funjilaiko ku kisemi kyavilukijile kwakepa basapwishi.\nBYA BUNEME BIJI MU MAMBO A LESA\nBungauzhi bwa kwa Isaya bwaamba pa Paladisa pano pa ntanda bwafikile byepi kala, luno ne ku kulutwe?\nBYAFWAINWA KWIKALA BENA KILISHITU\nBalongo babiji bajinga balwanyi kala ke balongo—mumwekela bulume bwa bintu byo etufunjisha Lesa.","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/jw-Mutanchi-wa-Kupwila\/december-2016-mwb\/","date":"2018-04-21T12:40:57Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945143.71\/warc\/CC-MAIN-20180421110245-20180421130245-00618.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":170,"character_repetition_ratio":0.086,"word_repetition_ratio":0.0,"special_characters_ratio":0.17,"stopwords_ratio":0.271,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"14 Paulo ne Banabasa byo bafikile mu Ikonyuma, batwelele mu nshinagoga ya Bayudea ne kwamba mu jishinda jalengejile jibumba jikatampe ja Bayudea ne Bangiliki kwitabila. 2 Bino Bayudea babujile kwitabila, balengejile bantu ba mu bisaka bya bantu kwalukilamo balongo.+ 3 Onkao mambo, baikeleko kimye kyabaya kokwa saka bamba na kuchinchika na luusa lwibapele Yehoba,* yenka washimwine byambo bya lusa lwanji lukatampe kupichila mu kwibaswisha kuba biyukilo ne bya kukumya.*+ 4 Nangwa byonkabyo, bantu bavula mu yewa muzhi baabenejilemo; bamo bakebelengako Bayudea, bakwabo bakebelengako batumwa. 5 Bantu ba mu bisaka bya bantu ne Bayudea pamo ne bantangi babo, byo bakebelenga kwibamanyika ne kwibasa mabwe,+ 6 bebabuujile pa mambo a kino, ne abo banyemejile ku mizhi ya Likonya, Lisitila, Delebe ne mizhi yajinga pepi.+ 7 Akwa basapwijilenga mambo awama. 8 Mu Lisitila mwajinga mwanamulume waikele panshi walemene maulu. Aye wasemekelwetu saka alemana kabiji kechi waendelepo ne. 9 Uno muntu watelekelenga ku byaambilenga Paulo. Paulo byo amutajishe ne kumona'mba uji na lwitabilo lwa kuba'mba usakubukwa,+ 10 waambile na jiwi ja peulu amba: \"Imana.\" Ponkapo uno muntu wakilaukile ne kutatula kwenda.+ 11 Mabumba byo amwene kino kintu kyaubile Paulo, abijikile mu Mulaka wa Likonya amba: \"Balesa baaluka ke bantu kabiji betwikijila!\"+ 12 Batatwile kutela Banabasa amba Zuse, ne Paulo amba Helimesa, mambo Paulo ye waambanga javula. 13 Kabiji ñanga wa kwa Zuse, wajinga na nzubo yo bamupopwelangamo yatajile ku muzhi, waletele ku kibelo bañombe balume ne minchinya ya maluba ne kukeba kutapisha bitapisho pamo na mabumba. 14 Nangwa byonkabyo, batumwa abo ba Banabasa ne Paulo byo baumvwine kino, batabwile bivwalo byabo ne kuswatukila mu jibumba ne kwamba na jiwi ja peulu amba: 15 \"Anweba bakwetu, mambo ka o mubena kubila bino bintu? Ne atweba twi bantutu byonka byo muji.+ Tubena kwimusapwila mambo awama kuba'mba mufumeko ku bino bintu byatu ne kwalulukila kwi Lesa mumi, walengele jiulu ne ntanda ne kalunga ka mema ne byonse bijimo.+ 16 Mu bisemi bya kala, Lesa waswishishe bisaka bya bantu kuya mu mashinda abyo,+ 17 nangwa kya kuba kechi waikeletu kwa kubula kwiyukisha aye mwine kwi anweba ne,+ waubile byawama kupichila mu kwimupa mvula ne kimye kipilamo kajo+ saka emupa kajo kavula ne kulengela michima yenu kusangalala.\"+ 18 Nangwa kya kuba baambile bino, kibakatezhe bingi kukanya bantu kutapisha bitapisho kwi abo. 19 Bino Bayudea bafumine ku Antioka ne ku Ikonyuma, baitabishe mabumba,+ kabiji Paulo bamwashile mabwe ne kumukululwila pangye ya muzhi, kabiji balangulukile'mba wafwa.+ 20 Nangwa byonkabyo, baana banji ba bwanga byo bamuzhokolokele, wabuukilepo ne kutwela mu muzhi. Juba jalondejilepo aye ne Banabasa bafumineko ne kuya ku Delebe.+ 21 Byo basapwijile mambo awama mu yewa muzhi ne kukwasha bantu bamo kwikala baana ba bwanga, babwelele ku Lisitila, Ikonyuma ne ku Antioka. 22 Akwa bakoseshenga baana ba bwanga+ ne kwibatundaika kukosela mu lwitabilo ne kwamba'mba: \"Pa kutwela mu Bufumu bwa Lesa, twafwainwa kupita mu bya malwa byavula.\"+ 23 Kabiji bebatongwejile bakulumpe mu kipwilo kimo kimo,+ saka bazhikilwa na nzala ne kulomba,+ kabiji bebapaine kwi Yehoba* yenka ye baitabijile. 24 Kepo bakapichile mu Pisidya kukafika ne ku Pamifilya,+ 25 kabiji byo basapwijile mambo a Lesa mu Pelega, bayile ku Atalya. 26 Byo bafumineko bayile na bwato ku Antioka, ko bebalombejileko ku balongo amba Lesa ebamweshe lusa lukatampe pa mwingilo ye baingijile.+ 27 Byo bafikile ne kukonkanya pamo kipwilo, bashimikizhe bintu byavula Lesa byo aubile kupichila mwi abo, ne kuba'mba Lesa washinkwila bisaka bya bantu kibelo kya lwitabilo.+ 28 Onkao mambo, baikeleko moba amo na baana ba bwanga.\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/byubilo\/14\/","date":"2018-04-24T01:22:30Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125946314.70\/warc\/CC-MAIN-20180424002843-20180424022843-00626.warc.gz","language":"kqn","language_score":1.0000084639,"language_script":"Latn","minhash_cluster_size":1,"top_langs":"{\"kqn_Latn_score\": 1.000008463859558}","num_words":580,"character_repetition_ratio":0.046,"word_repetition_ratio":0.0,"special_characters_ratio":0.199,"stopwords_ratio":0.278,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4 Onkao mambo, mulaye wa kutwela mwa kukokolokela mwanji byo atwajijila, tujimuke kuchina'mba muntu nangwa umo mwi anweba wakakankalwa kufikizha bikebewa pa kutwelamo.+ 2 Mambo ne atweba betusapwijile mambo awama+ byonkatu byo bebasapwijile ne abo; bino mambo o baumvwine kechi ebalengejile kumwenamo byawama ne, mambo kechi bajinga na lwitabilo lwajingapo na boba bakookejile ne. 3 Atweba tuji na lwitabilo, tutwela mwa kukokolokela, byonkatu byo aambile'mba: \"Onkao mambo, nachipile na bukaji namba, 'Kechi bakatwelamo mwa kukokolokela mwami ne,'\"+ nangwa kya kuba mingilo yanji yapwile kufumatu ku ntendekelo ya pano pa ntanda.+ 4 Mu kinembelo kimo, waamba pa juba ja butanu na bubiji amba: \"Lesa wakokolokele ku mingilo yanji yonse pa juba ja butanu na bubiji,\"+ 5 kabiji wanungilepo amba: \"Kechi bakatwelamo mwa kukokolokela mwami ne.\"+ 6 Onkao mambo, byo kuji bamo bakatwelamo ne boba bo basapwijile mambo awama patanshi kechi batwelelemo ne, na mambo a kubula kukookela,+ 7 watongwele juba jikwabo byo papichile myaka yavula, mu salamo wa Davida amba, \"Lelo\"; byonka byo kyaambiwa kala amba: \"Lelo jino, umvwe anweba mumvwe jiwi janji, kange mukoseshe michima yenu ne.\"+ 8 Mambo inge Yoshua+ wibatangijile mwa kukokolokela, Lesa inge kechi watongwele juba jikwabo ne. 9 Onkao mambo, kuji sabado wa kukokolokelamo bantu ba Lesa.+ 10 Mambo muntu watwela mwa kukokolokela mwa Lesa, wakokoloka ne ku mingilo yanji, byonkatu Lesa byo akokolokele ku mingilo yanji.+ 11 Onkao mambo, twayai twibikisheko kutwela mwa kukokolokela, pa kuba'mba muntu nangwa umo abule kwikala wabula lukookelo byonka byo bajinga abo.+ 12 Mambo, mambo a Lesa o omi kabiji aji bingi na bulume,+ kabiji atwa kukila mpoko yatwa kubiji,+ atwela ne kwabanya mweo* ne mupashi,* kabiji abanya manungi ne mikolokofwa, kabiji ayuka biji milanguluko ne bikeba muchima. 13 Kabiji kafwako kilengwa nangwa kimo kyafyama kwi aye ne,+ bino bintu byonse bijitu patoka kabiji byasololwa kwi yewa ye tukatotololako.+ 14 Onkao mambo, byo tuji na ñanga mwine mukatampe waya kala mwiulu aye Yesu Mwana Lesa,+ twayai tutwajijile kusolola patoka lwitabilo lwetu mwi aye.+ 15 Mambo kechi tuji na ñanga mwine mukatampe ubula kwitumvwina lusa pa kubula kukosa kwetu ne,+ bino tuji na yewa waesekelwe mu meseko onse o tupitamo, bino aye kechi walengelepo mambo ne.+ 16 Onkao mambo, twayai tufwenye kwipi ku jitanda ja lusa lukatampe saka twakasuluka pa kwamba,+ pa kuba'mba betubile kifyele ne lusa lukatampe lwa kwitukwasha pa kimye kyafwainwa.\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/bahebelu\/4\/","date":"2018-04-25T22:26:44Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125947968.96\/warc\/CC-MAIN-20180425213156-20180425233156-00495.warc.gz","language":"kqn","language_score":1.0000095367,"language_script":"Latn","minhash_cluster_size":1,"top_langs":"{\"kqn_Latn_score\": 1.000009536743164}","num_words":408,"character_repetition_ratio":0.074,"word_repetition_ratio":0.0,"special_characters_ratio":0.202,"stopwords_ratio":0.282,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2 Kabiji malaika wa Yehoba+ wafumine ku Giligala+ ne kuya ku Bokimu ne kwamba'mba: \"Nemufumishe mu Ijipita ne kwimutwala mu kyalo kyo nachipile ku bashakulu benu.+ Kabiji naambile namba, 'Kechi nkalala lulayañano lwami lo nalayañene ne anweba ne.+ 2 Kabiji anweba kechi mwafwainwa kulayañana lulayañano na bangikazhi ba mu kino kyalo ne,+ kabiji mwafwainwa kukundaula bya kusokelapo bitapisho byabo.'+ Bino kechi mwakookela jiwi jami ne.+ Mambo ka o mwaubila kino? 3 O ene mambo, o naambijile ne kuba'mba, 'Kechi nkebapanga kwi anweba ne,+ ne abo bakekala ke kitewa kwi anweba,+ ne balesa babo bakemongola.'\"+ 4 Malaika wa Yehoba byo aambile bino byambo ku bena Isalela bonse, bantu batendekele kujila mabingo. 5 Onkao mambo, batumbile yoya mpunzha amba Bokimu,* kabiji konkakwa batapishe kitapisho kwi Yehoba. 6 Yoshua byo aambijile bantu kuya, mwina Isalela yense wayile au kwanji, au kwanji, ne kwikala mu kyalo kyo batambwile.+ 7 Bantu batwajijile kwingijila Yehoba mu moba onse a kwa Yoshua, ne mu moba onse a bakulumpe bashajilepo Yoshua saka afwa kala, bonka bamwene mingilo yonse ikatampe Yehoba yo aubijile bena Isalela.+ 8 Kabiji Yoshua mwana wa kwa Nuni, kalume wa Yehoba, wafwile saka aji na myaka 110.+ 9 Onkao mambo, bamuzhiikile mu nyaunda ya buswanyi bwanji mu Timinata-heleshi,+ mu kibunji kya mitumba kya Efelaimu ku kabeta ka ku buyeke bwa Mutumba wa Gaasha.+ 10 Akya kisemi kyonse kyayile na kulaala kwalaala* bashakulu bakyo, kabiji kwaishile kisemi kikwabo kyabujile kuyuka Yehoba nangwa bintu byo aubijile bena Isalela. 11 Onkao mambo, bena Isalela baubile byatama ku meso a Yehoba kabiji baingijilenga* Baela.+ 12 Byonkabyo, bashile Yehoba, Lesa wa bashabo, yenka wibafumishe mu kyalo kya Ijipita.+ Kabiji balondejilenga balesa bangi, balesa ba mitundu ya bantu ibazhokolokele+ ne kwibafukamina ne kuzhingijisha Yehoba.+ 13 Bashile Yehoba ne kwingijila Baela ne bipashañano bya Ashatoleta.+ 14 Kepo bukaji bwa Yehoba bwabuukijile bena Isalela, onkao mambo, wibapaine ku balwanyi bebapukwilenga bintu.+ Wibapoteshe mu maboko a balwanyi bebazhokolokele,+ kabiji kechi bajinga na bulume bwa kulwa na balwanyi babo ne.+ 15 Konse konse ko bayilenga, Yehoba wibalukijilemo, ne bya malwa bibafikijilenga,+ byonkatu Yehoba byo aambile ne byonkatu Yehoba byo achipile kwi abo,+ kabiji bamanamine bingi.+ 16 Onkao mambo, Yehoba wibapelenga bamitonyi ba kwibapokolola mu maboko a boba bebapukwilenga bintu.+ 17 Bino nangwatu bamitonyi, kechi bebomvwinanga ne, kabiji baubilenga bupite na balesa bangi ne kwibafukamina. Bafuminemo bukiji mu jishinda jaendelengamo bashakulu babo, bakookelanga mikambizho ya Yehoba.+ Abo bakankelwe kuba bino. 18 Inge Yehoba wibasajila bamitonyi,+ Yehoba waikalanga na mutonyi yense ne kwibapokolola mu maboko a balwanyi babo mu moba onse a yewo mutonyi; mambo Yehoba wibomvwinanga lusa*+ na mambo a kubinza kwabo kwibaletelanga boba bebamanyikilenga+ ne boba bebayanjishenga. 19 Bino inge mutonyi wafwa, bakizhangamo kuba byubilo byatama kukila bashabo, kupichila mu kulondela balesa bangi, kwibengijila ne kwibafukamina.+ Kechi balekele bintu byo baubanga ne bwitote bwabo ne. 20 Kepo bukaji bwa Yehoba bwabuukijle bena Isalela,+ kabiji waambile'mba: \"Na mambo a kuba kino kisaka kyalala lulayañano+ lo nakambizhe bashakulu bakyo kabiji kechi kyankookela + ne, 21 amiwa kechi nkapanga kwi anweba kisaka nangwatu kimo Yoshua kyo ashile kimye kyo afwile ne.+ 22 Nkooba bino kuba'mba nkeseke kana bena Isalela bakatwajijila kwenda mu jishinda ja Yehoba+ byonkatu byaubile bashakulu babo nangwa ne.\" 23 Onkao mambo, Yehoba waswishishe bino bisaka kushalamo. Kechi wibipangilemo bukiji ne, kabiji kechi wibipaine mu kuboko kwa kwa Yoshua ne.\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/mitonyi\/2\/","date":"2018-04-19T22:59:00Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937074.8\/warc\/CC-MAIN-20180419223925-20180420003925-00536.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":561,"character_repetition_ratio":0.054,"word_repetition_ratio":0.0,"special_characters_ratio":0.196,"stopwords_ratio":0.301,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 Byambo bya kwa Amosi,* wajinga pa bakafunga ba mikooko ba mu Tekoa,+ byo atambwijile mu kimwesho pa mambo a Isalela mu moba a kwa Uzaya+ Mfumu wa Yuda ne mu moba a kwa Yeloboma+ mwana wa kwa Yoashi,+ mfumu wa Isalela, myaka ibiji kitentanshi saka kikyangye kwiya.+ 2 Waambile'mba: \"Yehoba ukabuluma mu Ziona,Kabiji ukabijika na jiwi janji mu Yelusalema. Mapunzha a munyemvu a bakafunga akajila,Ne peulu ya mutumba wa Kamela pakoma.\"+ 3 \"Abino byo byaamba Yehoba amba,'\"Na mambo a mizhilulwila* isatu ya Damasakasa, ne ina, kechi nkamulekatu ne,Mambo bapuujile Gileada na bya kupuulako bya kyela.+ 4 Onkao mambo, nkatuma mujilo pa ba mu nzubo ya kwa Hazela,+Kabiji ukasoka byamba byakosa bya kwa Benehadada.+ 5 Nkamokaula mipingilo ya Damasakasa;+Nkonauna bangikazhi ba ku Bekata-avenaNe yewa ulama* ku Bete-edena;Ne bena Silya bakaya mu buzha ku Kila,\"+ byo byaamba Yehoba.' 6 Yehoba waamba'mba,'\"Na mambo a mizhilulwila isatu ya Gaza,+ ne ina, kechi nkamulekatu ne,Mambo basendele jibumba jonse ja bazha+ ne kwijipana mu kuboko kwa kwa Edomu. 7 Onkao mambo, nkatuma mujilo pa nsakwa ya Gaza,+Kabiji ukasoka byamba byanji byakosa. 8 Nkonauna bangikazhi ba mu Ashadoda,+Ne yewa ulama* ku Ashekelona;+Nkamulwisha Ekelona na kuboko kwami,+Ne bena Filishitiya bashalapo bakavila,\"+ byo byaamba Nkambo Mfumu Yehoba.' 9 Yehoba waamba'mba,'Na mambo a mizhilulwila isatu ya Tila,+ ne ina, kechi nkamulekatu ne,Mambo bapaine jibumba jonse ja bazha kwi Edomu,Ne na mambo a kuba'mba kechi bavulukile lulayañano lwa balongo ne.+ 10 Onkao mambo, nkatuma mujilo pa nsakwa ya Tila,Kabiji ukasoka byamba byanji byakosa.'+ 11 Yehoba waamba'mba,'Na mambo a mizhilulwila isatu ya Edomu,+ ne ina, kechi nkamulekatu ne,Mambo wapupijilenga mulongo wanji na mpoko,+Kabiji wakaine kumubila lusa;Na mambo a bukaji bwanji utwajijila na kwibatabaula kwa kubula lusa,Kabiji watwajijila kwibazhingijila.+ 12 Onkao mambo, nkatuma mujilo ku Temanyi,+Kabiji ukasoka byamba byakosa bya Bozula.'+ 13 Yehoba waamba'mba,'\"Na mambo a mizhilulwila isatu ya bena Amonyi,+ ne ina, kechi nkebalekatu ne,Mambo batumbwile banabakazhi baimichile ba ku Gileada kuba'mba babayishe nyaunda yabo.+ 14 Onkao mambo, nkabanza mujilo pa nsakwa ya Laba,+Kabiji ukasoka byamba byanji byakosa,Na kiwowo kya nkondo mu juba ja nkondo,Na luvula mu juba ja kinkunkwila. 15 Kabiji mfumu wabo ukaya mu buzha pamo na babinemanga banji,\"+ byo byaamba Yehoba.'\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/amosi\/1\/","date":"2018-04-26T08:20:54Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125948119.95\/warc\/CC-MAIN-20180426070605-20180426090605-00039.warc.gz","language":"kqn","language_score":1.0000091791,"language_script":"Latn","minhash_cluster_size":1,"top_langs":"{\"kqn_Latn_score\": 1.0000091791152954}","num_words":380,"character_repetition_ratio":0.081,"word_repetition_ratio":0.0,"special_characters_ratio":0.211,"stopwords_ratio":0.282,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3 Malwa anji muzhi wichila mashi! Wayulatu paa na bujimbijimbi ne bwivi. Kechi wikalatu kwa kubula nyama ya kuja ne! 2 Kuji kuvuma kwa bikote ne kyungwe kya bitanga bya makalaki,Ne bambili babena kunyema ne makalaki abena kululuma. 3 Benda pa bambili, mapoko abena kubekauka ne mafumo abena kubesha,Bantu bavula bo batapa ne milumba ya bafwa—Mibiji ya bafwa yavula bingi. Betuntula mu mibiji ya bafwa. 4 Kino kyamweka na mambo a byubilo byavula bya bupite bya kwa yewa pite,Yenka walamba kabiji uji na buya, nkambo wa manga,Yenka ongola bisaka bya bantu na bupite bwanji ne bisemi na manga anji. 5 Yehoba wa mabumba waamba'mba, \"Umvwa! Nkalwa nobe,\"*+\"Nkakupimpula bifunga byobe ne kukuvwetabyo ku meso;Nkalengela bisaka bya bantu kukutambila,Ne bufumu bwavula kumona bumvu bobe. 6 Nkakukapika bya bunyaNe kukulengela kwikala wa bunya;Nkakulengela kwikala ke kintu kya kutamba.+ 7 Yense ukakumona ukakunyema+ ne kwamba'mba,'Ninevwa bamonauna! Bañanyi basakumubila lusa?' Kwepi ko nsakutaana bakukutekenesha? 8 Nanchi wanema kukila No-amonyi*+ waikele kwipi na mifolo ya Nile nyi?+ Mema amuzhokolokele;Bunonshi bwanji bwajinga kalunga ka mema ne nsakwa yanji yajinga kalunga ka mema. 9 Etiopya ne Ijipita o ajinga masulo a ngovu yanji ikatampe. Puta+ ne bena Libya bo bajinga bankwasho bobe.+ 10 Pano bino, bamutwajile mu buzha;Wayile mu buzha.+ Baana banji nabo bebasansawijile pa mansanga onse a mikwakwa.* Batele bubale pa banabalume banji bashiñama,Kabiji banabalume banji bonse bakulumpe bebakashile mashimbi. 11 Ne obewa ukapendwa;+Ukaya na kufyama. Kabiji ukakeba kufyama ku mulwanyi. 12 Mapunzha obe onse aji na masakwa akosa, aji nobe bichi bya mukuyu biji na makuyu atanshi kupya;Inge bebisunkenya aponena mu tunwa twa bantu bakeba kwiaja. 13 Umvwa! Nzhita yo uji nayo ijitu nobe banabakazhi. Bibelo bya kyalo kyobe bikashalatu bya kyashi mwa kutwelela balwanyi bobe. Mujilo ukasoka mipingilo ya binzhilo byobe. 14 Tapulai mema a kwingijisha inge bemuzhokoloka!+ Koseshai mapunzha enu aji na masakwa akosa. Twelai mu mateshi ne kutobola mulobwe;Kwatai kikombola kya matafwali. 15 Nangwatu konkakwa mujilo ukakusoka. Mpoko ikakutapa.+ Ikakonauna byonkatu byuba nzhiye yana.+ Ivuzhe obe mwine byonka byavula nzhiye yana! Kine vula byonka byavula nzhiye! 16 Wavuzha basulu bobe kukila tubangabanga twa mwiulu. Nzhiye yana iubula kabiji itumbuka. 17 Bakasopa bobe baji nobe nzhiye,Kabiji bantangi bobe baji nobe nzhiye yavula. Ifyama mu mabwe a ku bipaka pa juba ja mashika,Bino inge kwasama mute itumbuka;Kabiji kafwako uyuka ko iya ne. 18 Bakafunga bobe babena kukunuka, obewa mfumu wa Asilya;Babineme bobe baikala mu mapunzha abo. Bantu bobe bapalañena pa mitumba,Kabiji kafwako nangwa umo ubena kwibakonkanya pamo ne.+ 19 Kafwako wa kukukwasha ku bya malwa byobe ne. Kilonda kyobe kechi kyakonsha kubukwa ne. Aba bonse bakomvwa sawakya pa mambo a obewa bakapopwela mu maboko;+Mambo ñanyi ye wabula kumanyikapo kala na mambo a kukanama kobe?\"+\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/nahumi\/3\/","date":"2018-04-23T10:10:32Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945940.14\/warc\/CC-MAIN-20180423085920-20180423105920-00124.warc.gz","language":"kqn","language_score":1.000002265,"language_script":"Latn","minhash_cluster_size":1,"top_langs":"{\"kqn_Latn_score\": 1.0000022649765015}","num_words":462,"character_repetition_ratio":0.049,"word_repetition_ratio":0.0,"special_characters_ratio":0.195,"stopwords_ratio":0.184,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"18 Jibumba jonse ja bena Isalela jakonkene ku Shilo+ kabiji japopejile tente wa lusambakeno konkakwa,+ mambo kyalo bekishinjile.+ 2 Pano bino, kwakishajile mikoka ya bena Isalela itanu na ibiji yabujile kutambula buswanyi bwayo. 3 Onkao mambo, Yoshua waambijile bena Isalela amba: \"Nanchi bimye binga byo mukekalangatu kwa kubula kuya na kutambula kyalo kyo emupa Yehoba, Lesa wa bashakulu benu?+ 4 Mpai banabalume, mu mukoka umo mufume banabalume basatu kuba'mba nebatume; bafwainwa kuya na kupitañana mu kyalo kyonse na kunemba byo kiji monka mwayila buswanyi bwabo. Kepo bakabwela kwi amiwa. 5 Bafwainwa kwikyabana abo bene mu tubyalo tutanu na tubiji.+ Bena Yuda bakatwajijila kwikala mu nyaunda yabo ya ku kabeta ka ku bulenge,+ kabiji ba mu kisemi kya kwa Yosefwa bakatwajijila kwikala mu nyaunda yabo ya ku kabeta ka ku buyeke.+ 6 Pakuba anweba mukekinembe kyalo ne kwikyabanya mu tubyalo tutanu na tubiji, kabiji mukekilete kwi amiwa, ne amiwa nkemutela bubale+ konka kuno ku meso a Yehoba Lesa wetu. 7 Pakuba bena Levi kechi baji na kya kwibabilapo mwi anweba ne,+ mambo buñanga bwa Yehoba bo buswanyi bwabo;+ kabiji bena Gadi, bena Lubenyi ne kichika kya mukoka wa bena Manase+ batambula kala buswanyi bwabo ku bushiya bwa Yodano ku musela, bo bebapele kwi Mosesa kalume wa Yehoba.\" 8 Banabalume benengezhezhe kuya, kabiji Yoshua wakambizhe boba bayilenga na kunemba kyalo amba: \"Yainga mukapitañane mu kyalo ne kwikinemba ne kubwela kwi amiwa, ne amiwa nkemutela bubale ku meso a Yehoba ku Shilo.\"+ 9 Byonkabyo, banabalume bayile na kupitañana mu kyalo ne kwikinemba monka mwayijile mizhi ikatampe itanu na ibiji, bekinembele mu buku. Kepo babwelele kwi Yoshua ku kampu ku Shilo. 10 Kabiji Yoshua wibatele bubale ku Shilo ku meso a Yehoba.+ Konkakwa Yoshua waabenye kyalo ku bena Isalela monka mwayijile tubyalo twabo.+ 11 Bubale butanshi bwaponejile pa mukoka wa bena Benjamina monka mwayijile bisemi byabo, ne nyaunda yo bebapele yajinga pakachi ka bena Yuda+ ne ba mu kisemi kya kwa Yosefwa.+ 12 Mupaka wabo wa ku kabeta ka ku buyeke watendekejile ku Yodano, kabiji wakapichile ku mukolo wa Yeliko+ ku kabeta ka ku buyeke ne kupita pa mutumba ku muzhika, kabiji wafikile ku kiselebwa kya Bete-avena.+ 13 Kabiji mupaka wafumine kokwa kufika ku Luza ku mukolo wa ku kabeta ka ku bulenge bwa Luza, ko kuba'mba Betele;+ mupaka wapichile ku Atalota-adala+ pa mutumba uji ku kabeta ka ku bulenge bwa Bete-holona uji Kwakunama.+ 14 Ne mupaka bamuchibijile ku muzhika kabiji wapichile ku kabeta ka ku bulenge kufuma ku mutumba watalañana na Bete-holona ku kabeta ka ku bulenge; wapelejile ku Kiliata-baela, ko kuba'mba Kiliata-yealimu+ muzhi mukatampe wa Yuda. Uno ye mupaka wa ku muzhika. 15 Mupaka wa ku kabeta ka ku bulenge wafumine kwapelela Kiliata-yealimu, kabiji wafikile ku muzhika; wapichile ku nsulo ya mema a ku Nefetoa.+ 16 Uno mupaka wafikile kwapelela mutumba watalañana na Kimpachiko kya Mwana wa kwa Hinomu,+ kiji mu Kimpachiko* kya Lefwaimu+ ku kabeta ka ku buyeke, kabiji wapichile mu Kimpachiko kya Hinomu, kufika ku mukolo wa bena Yebusi+ wa ku kabeta ka ku bulenge ne ku Ene-logela.+ 17 Kabiji bamupishishe ku kabeta ka ku buyeke kufika ku Ene-shemeshi ne ku Gelilota, uji kwatalañana na jishinda jatuntukila ku Adumimu,+ kabiji wafikile ku jibwe+ ja kwa Bohana+ mwana wa kwa Lubenyi. 18 Kabiji wapichile ku mukolo wa ku kabeta ka ku buyeke watalañana na Alaba kabiji wafikile ku Alaba. 19 Kabiji mupaka wapichile ku kabeta ka ku buyeke ku mukolo wa Bete-hogala,+ kabiji wapelejile ku kabeta ka ku buyeke bwa kiito kya ku Kalunga ka Mukele*+ kiji kwapelela Yodano ku kabeta ka ku bulenge. Uno ye wajinga mupaka wa ku kabeta ka ku bulenge. 20 Yodano ye wajinga mupaka wa ku musela. Buno bo bwajinga buswanyi bwa ba mu kisemi kya kwa Benjamina monka mwayijile bisemi byabo, monka mwapichijile mipaka yabo konse konse. 21 Kabiji mizhi ikatampe ya mukoka wa bena Benjamina monka mwayijile bisemi byabo, yajinga: Yeliko, Bete-hogala, Emekekeziza, 22 Bete-alaba,+ Zemalaimu, Betele,+ 23 Avimu, Pala, Ofula, 24 Kefwala-amonyi, Ofuni ne Geba+—mizhi ikatampe 12 ne mizhi yayo icheche. 25 Gibeona,+ Lama, Beelota, 26 Mizipa, Kefila, Moza, 27 Lekema, Ilapela, Talala, 28 Zelaya,+ Haelefwa, Yebusi, ko kuba'mba Yelusalema,+ Gibea+ ne Kiliata—mizhi ikatampe 14 ne mizhi yayo icheche. Buno bo bwajinga buswanyi bwa ba mu kisemi kya kwa Benjamina monka mwayijile bisemi byabo.\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/yoshua\/18\/","date":"2018-04-22T21:11:01Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125945648.77\/warc\/CC-MAIN-20180422193501-20180422213501-00099.warc.gz","language":"kqn","language_score":1.0000082254,"language_script":"Latn","minhash_cluster_size":1,"top_langs":"{\"kqn_Latn_score\": 1.000008225440979}","num_words":713,"character_repetition_ratio":0.099,"word_repetition_ratio":0.02,"special_characters_ratio":0.207,"stopwords_ratio":0.283,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"12 Nafwainwa kwitota. Nangwa kechi kyayilamo ne, pano nsakwamba pa bimwesho+ ne byambo bya lumwekesho byafuma kwi Nkambo.+ 2 Nayuka muntu uji mwi Kilishitu, myaka 14 yapitapo—kana na mubiji nangwa kwa kubula mubiji, kechi nayuka ne; Lesa ye wayuka—bamutwajile mu jiulu ja busatu. 3 Kine namuyuka uno muntu—kana bamutwajile mu mubiji nangwa kwa kubula mubiji, kechi nayuka ne; Lesa ye wayuka— 4 ye batwajile mu paladisa, kabiji waumvwine byambo byo bakonsha kubula kwamba kabiji byo babula kuswisha muntu kwamba. 5 Nketotela mu muntu wa uno mutundu, bino kechi nketota ne, poso mu kubula kukosa kwami. 6 Nangwa kya kuba nkeba kwitota, kechi nkekala muntu wabula maana ne, mambo nkamba bukine. Bino nekanya kuba kino, pa kuba'mba muntu nangwa umo abule kukilamo kunnemeka kukila pa bintu byo amona mwi amiwa nangwa byo omvwa kwi amiwa, 7 na mambotu a bintu byo bammwesha. Pa kuba'mba babule kukizhamo kuntumbijika, bambikile mwiba mu mubiji,+ malaika wa kwa Satana, kuba'mba ampumepumenga pa kuba'mba babule kukizhamo kuntumbijika. 8 Namusashijile Nkambo bimye bisatu pa mambo a kino kintu namba kimfume. 9 Bino aye wañambijile'mba: \"Lusa lwami lukatampe lwa kuwaina, mambo bulume bwami bubena kulumbulukila mu kubula kukosa.\"+ Byonkabyo, na lusekelo nketotela mu kubula kukosa kwami, pa kuba'mba bulume bwa Kilishitu butwajijile kwikala pe amiwa nobe tente. 10 Onkao mambo, nsekela mu kubula kukosa, mu kutukwa, mu bimye bya kukajilwa, mu kumanyikwa ne mu makatazho na mambo a Kilishitu. Mambo umvwe nakooka, ngikala ke wakosa.+ 11 Naaluka ke wabula maana. Yenu mwandengela kwikala bino, mambo yenu mwafwainwa kundumbulula. Mambo batumwa benu bawamisha kechi bankijile mu kintu nangwa kimo ne, nangwa kya kuba newatu.+ 12 Kine anweba mwimwenejile biyukilo bya butumwa bwami byamwekele mwi anweba na kuchinchika kukatampe,+ ne na biyukilo ne bya kukumya* ne mingilo ikatampe.+ 13 Nanchi ñanyi kintu kyalengejile'mba babule kwimubila bibusa byavula kukila bipwilo bikwabo byo nabujile amiwa kwimukatazhapo?+ Ndekelaiko mambo pa kino kintu kyo natamishe. 14 Umvwai! Kino kyo kimye kya busatu kyo nakeba kwiya ko muji, kabiji kechi nkemukatazhapo ne. Mambo kechi mbena kukebako bintu byenu ne,+ mbena kukebako anweba bene;+ mambo baana kechi baketekelwa kutujila bintu bansemi babo ne, bino bansemi bo bafwainwa kutujila baana babo. 15 Mambo amiwa nkapana na lusekelo bintu byami byonse ne kwipana ami mwine na mambo a anweba.*+ Amiwa byo nemutemwa bingi, nanchi anweba mwafwainwa kuntemwa pacheche nyi? 16 Nangwa byonkabyo, kechi nemukatezhepo ne.+ Pano bino, mwamba'mba, \"nemujimbaikile\" kabiji nemukwachile \"mu bujimuku.\" 17 Nanchi amiwa nemujimukijile kupichila mu umo wa boba bo nemutumijile nyi? 18 Nakambizhe Titusa ne kumutumina pamo na mulongo. Nanchi Titusa wimujimukijile nyi?+ Nanchi kechi twaendelenga mu mupashi umotu nenyi? Nanchi kechi twaendelenga mu ngayo imotu nenyi? 19 Nanchi kimye kyonsekye mwitulangulukijilenga amba tubena kwifumya mu mambo o mubena kwitupamo nyi? Tubena kwamba kwi Lesa byo tuji mwi Kilishitu. Bino anweba batemwe, bintu byonse byo tuba twibyuba'mba bimukomeshe. 20 Mambo nachina namba byo nkeya nkabule kwimutaana mwaikala mo mbena kubula kukebela, kabiji nkabule kwikala kwi anweba mo mubena kubula kukebela, bino kuchina'mba kwakekala lutobo, kichima, bukaji, mabano, miyebe, bya kutepeta,* kwilundumika ne biwowo. 21 Kampe byo nkabwela jibiji, Lesa wami wakeya kundengesha bumvu kwi anweba, ne amiwa nakajila na mambo a boba bavula balengele mambo kala bino babula kulapila ku bubipisho bwabo ne bulalelale* ne byubilo bya kwizozola* byo baubilenga.\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/2-kolinda\/12\/","date":"2018-04-20T01:40:40Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125937090.0\/warc\/CC-MAIN-20180420003432-20180420023432-00571.warc.gz","language":"kqn","language_score":1.0000100136,"language_script":"Latn","minhash_cluster_size":1,"top_langs":"{\"kqn_Latn_score\": 1.0000100135803223}","num_words":556,"character_repetition_ratio":0.048,"word_repetition_ratio":0.004,"special_characters_ratio":0.196,"stopwords_ratio":0.234,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 Amiwa Paulo kalume wa kwa Kilishitu Yesu waichilwe kwikala mutumwa ne kutongolwa'mba nsapwile mambo awama a Lesa,+ yami nemunembela. 2 Ano mambo awama, Lesa wialayile kala mu Binembelo byazhila kupichila mu bangauzhi banji. 3 Kabiji aamba pa Mwananji wafumine mu baana* ba kwa Davida.+ 4 Bino na bulume bwa mupashi, watongwelwe'mba Mwana Lesa+ byo amusangwile mu bafu.+ Uno Mwana ye Yesu Kilishitu Nkambo yetu. 5 Mwi aye mo mo twatambwijile lusa lukatampe ne butumwa+ kuba'mba ba mu bisaka bya bantu+ bamukookele ne kwikala na lwitabilo na mambo a jizhina janji, 6 mu bisaka bya bantu ne anweba mo mo muji kabiji Lesa wimwita kuba'mba mwikale ba kwa Yesu Kilishitu— 7 kwi anweba bonse baji mu Loma Lesa bo atemwa, batelwa'mba bazhijikwa: Lusa lukatampe ne mutende bifuma kwi Lesa Tata wetu ne kwi Nkambo Yesu Kilishitu bikale pe anweba. 8 Patanshi, namusanchila Lesa wami kupichila mwi Yesu Kilishitu na mambo a anweba, mambo lwitabilo lwenu babena kwilwambapo mwaya ntanda yonse. 9 Mambo Lesa ye ñingijila mwingilo wazhila na muchima wami yense na mambo awama aamba pa Mwananji, ye kamonyi wami wayuka'mba kimye kyonse nemutela mu milombelo yami kwa kubula kuleka,+ 10 saka nsashijila Lesa namba umvwe kyo kyaswa muchima wanji, nkeye kwi anweba. 11 Mambo nkebesha bingi kwimumona, namba nkemupe bya bupe bya mupashi pa kuba'mba mukakose; 12 nangwa'mba tukekoseshe atwe bene na bene+ mu lwitabilo lwetu, ko kuba'mba lwitabilo lwenu ne lwami. 13 Balongo bami, mbena kukeba namba muyuke'mba nakebeshe bingi bimye byavula kwiya kwi anweba—bino bankanya kufikatu ne luno—pa kuba'mba ne mwi anweba nkataanemo bipangwa byonkatu byo kiji mu bisaka bya bantu. 14 Amiwa nji na nkongole ku Bangiliki ne ku bantutu,* ku ba maana ne babula maana; 15 onkao mambo, nakebesha bingi kusapwila mambo awama ne kwi anweba muji mu Loma.+ 16 Mambo amiwa kechi neobila bumvu mambo awama ne;+ kabiji mambo awama bo bulume bwa Lesa buleta lupulukilo ku yense waitabila,+ patanshi ku Muyudea+ kepo ne ku Mungiliki.+ 17 Lesa usolola bololoke bwanji kupichila mu mambo awama kabiji aba baji na lwitabilo bamona kino,+ kabiji kikosesha lwitabilo lwabo, monka mo kyanembelwa'mba: \"Mololoke ukekala na bumi na mambo a lwitabilo.\"+ 18 Lesa mwiulu ubena kumwesha bukaji bwanji+ ku bantu babula kumukookela kabiji babula koloka bonka boba bintu byatama kuba'mba bakanye bantu kuyuka bukine,+ 19 mambo kintu kyo bayuka pe Lesa kyamweka mo baji, mambo Lesa wibasolwelakyo.+ 20 Byubilo byanji bibula kumweka byamweka patoka kufumatu kimye kyo alengele ntanda, mambo bimwekela mu bintu byo alenga,+ ko kuba'mba bulume bwanji bwa myaka+ ne kuba'mba ye Lesa,+ pa kuba'mba babule kwikangaizha. 21 Mambo nangwa kya kuba Lesa bamuyukile, kechi bamutumbijikile'mba ye Lesa nangwa kumusanchila ne, bino abo baalukile ke batu mu milanguluko, ne michima yabo yabula maana yafichiletu bwii.+ 22 Nangwa kya kuba balangulukilenga'mba baji na maana, baalukile ke bakosama 23 kabiji bapimpwile lukumo lwa Lesa ubula kubola kutumbijikilamo kipashañano kya muntu ubola, bañonyi, banyama ne bikalaba panshi.+ 24 Onkao mambo, Lesa wibashile ne kwibaleka na kuba bubipisho monka mwayila lwiso lwa michima yabo, kuba'mba mibiji yabo ilengululwe mukachi kabo. 25 Bapimpwile bukine bwa Lesa na bubela saka banemeka* ne kwingijila bilengwa mu kifulo kya kwingijila Mulenga, aye utotwa myaka yonse. Amena. 26 O ene mambo, Lesa o ebalekejile kwikala na milanguluko yatama ibindankanya muchima,+ mambo banabakazhi babo balekele kubila mwayila kisemwa kya bantu;+ 27 byonkabyo, banabalume nabo balekele kwilaala na banabakazhi ne kukebesha kwilaala mulwabo, banabalume na banabalume,+ saka boba bintu bya bunya ne kutambula mfweto ya luzhachisho, yafwainwa bubi bwabo.+ 28 Byonkatu byo babujile kukeba kuyuka Lesa, Lesa wibalekele na milanguluko yabo yatama kuba'mba bobenga bintu byabula kufwainwa.+ 29 Kabiji baubilenga bintu byonse byabula koloka,+ bubi, lunkumbwa,+ ne bintu byatama, kichima,+ bumbanzhi,+ lutobo, bujimbijimbi,+ ne bulwanyi,+ kwikala ba miyebe, 30 ba lubabo,+ bashikwa Lesa, bashinta, betota, belundumika, balanguluka kuba byatama, babula kukookela bansemi,+ 31 babula maana,+ babula kufikizha byo balaya, babula kutemwa bantu bakwabo, kabiji babula lusa. 32 Nangwa kya kuba bano bantu bayuka bulongo mizhilo yaoloka ya Lesa—kuba'mba bonse boba bino bintu bafwainwa kufwa+—abo kechi bebyubatu ne, bino betabizha ne boba bebyuba.\nMusakutemwa kutanga uno mutwe mu %% nyi?\nBYA KUKOPOLOLA\nBaibolo wa Binembelo bya Ntanda Ipya (Byo bapitulukamo mu 2013)\nTumai Musabilo\nKikaonde\nBaibolo wa Binembelo bya Ntanda Ipya (Byo bapitulukamo mu 2013)\nhttps:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg\n-\nTumai MusabiloTumai MusabiloKikaondeBaibolo wa Binembelo bya Ntanda Ipya (Byo bapitulukamo mu 2013)https:\/\/assetsnffrgf-a.akamaihd.net\/assets\/a\/nwt\/KD\/wpub\/nwt_KD_lg.jpg","id":"","dump":"CC-MAIN-2018-17","url":"https:\/\/www.jw.org\/kqn\/mabuku\/baibolo\/nwt\/mabuku\/loma\/1\/","date":"2018-04-27T05:20:20Z","file_path":"s3:\/\/commoncrawl\/crawl-data\/CC-MAIN-2018-17\/segments\/1524125949036.99\/warc\/CC-MAIN-20180427041028-20180427061028-00611.warc.gz","language":"kqn","language_score":1.0000098944,"language_script":"Latn","minhash_cluster_size":1,"top_langs":"{\"kqn_Latn_score\": 1.0000098943710327}","num_words":675,"character_repetition_ratio":0.053,"word_repetition_ratio":0.0,"special_characters_ratio":0.202,"stopwords_ratio":0.249,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}