diff --git "a/eza_Latn/fineweb-2_000001_keep.jsonl" "b/eza_Latn/fineweb-2_000001_keep.jsonl" new file mode 100644--- /dev/null +++ "b/eza_Latn/fineweb-2_000001_keep.jsonl" @@ -0,0 +1,353 @@ +{"text":"EZAA: Bible\nJohn (Jọnu) 3:16\n16 \"Lẹ Chileke bẹ yenukaru ndiwhe obu, yetabe whẹ iya nke ọwhu ọ nụru Nwa lanụ, o nwe kpụ nke ọwhu bụkwanu onye wowaru onwiya ye Nwa iya ono l'ẹka t'onye ọbu ba ala l'iyi. O chia ndzụ tututu-mịmimi bẹ onye ono l'e-nwe.\nAdvertisements","id":"","dump":"CC-MAIN-2017-30","url":"https:\/\/christianchildmultilingualbibleverse.wordpress.com\/2017\/07\/13\/gods-love-ezaa-bible\/","date":"2017-07-28T15:01:35Z","file_path":"s3:\/\/commoncrawl\/crawl-data\/CC-MAIN-2017-30\/segments\/1500550969387.94\/warc\/CC-MAIN-20170728143709-20170728163709-00298.warc.gz","language":"eza","language_score":0.9999461174,"language_script":"Latn","minhash_cluster_size":4,"top_langs":"{\"eza_Latn_score\": 0.999946117401123}","num_words":47,"character_repetition_ratio":0.008,"word_repetition_ratio":0.0,"special_characters_ratio":0.26,"stopwords_ratio":0.319,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"EZAA: Bible\nEphesians (Éfesọsu) 6:10-18\n10 Iwhe mu gude akpochi iya ishi bụru, unu nọshia ike l'atụgba ono, unu lẹ Onye-Nwe-Ọha tụgbaru nke ọwhu ike iya ono, nyịberu gẹ l'aa-nọ atụ ọnu iya l'e-me unu t'unu shihu ike.\n11 Unu tụko ngwọgu, shi l'ẹka Chileke kwaa onwunu nke ọwhu unu l'a-dụ ike kfụru, lwụ-gbua iwhe bụkota ejo ẹregede nke Oshifutuswe.\n12 L'ọ tọ bụkwa madzụ mmaanụ bẹ anyi l'iya l'alwụ ọgu. Ndu anyi lẹ whẹ l'alwụ bụkwa ndu l'achị ndu ishi lile l'imigwe mẹe ndu l'ekfu iwhe l'aanụ l'imigwe mẹe ndu imigwe, nwe mgboko-o, l'agba tsụrikiti-a mẹe igweligwe ejo ndụ-ọgu, nọkota l'imigwe.\n13 Ọo ya bụ, t'unu chilikota ngwọgu, shi l'ẹka Chileke, unu chilikota iya nta-a! Ọo ya bụkwanu nteke ejo ụboku ono rwuleruwho, unu adụ ike kfụru kfụshia ike, mbụ unu lwu-gee ọgu ono, unu akfụleru-a kfụshia ike l'ẹka unu kfụru.\n14 Sụa, t'unu kfụru kwabẹ akwabẹ! T'unu gude ire-lanụ kee onwunu g'ọo onye gude ajị kebuta uwe iya l'ukfu. T'unu wota ọdu chịriri mebe uwe-igwe, ndu l'eje ọgu l'egudeje gbobuta obu whẹ.\n15 Unu gudeshia ozhi-ọma nke ẹhu ọdu guu ono ike t'ọ bụru akpọkpa, unu l'e-ye l'ọkpa; gude kfụshia ike tẹ ẹturu ba alọkata unu.\n16 Unu gudefukwaawho ekwekwe, unu kweru nke Jisọsu t'ọ bụru iwhe unu l'e-gbobeje gude ezeru onwunu, gude iya anashị akfụ, Onye-Ejo-Ụboku ono, bụ Oshifutuswe l'agbarụ unu. Mbụ akfụ ono, l'enwu ọku, shi l'ẹka Sétanu.\n17 Unu nata ndzọta, Chileke dzọtaru unu t'ọ bụru okpu-igwe, unu l'e-kpu. Unu ewota okfu Chileke gude l'ẹka t'ọ bụru ogu-ịgba, Ume Chileke yeru unu l'ẹka.\n18 L'iwhe g'iwhe ha ono bẹ unu l'a-nọ ekfuru Chileke sụ; t'o yetaru unu ẹka. Unu nọdulekwawho l'ẹka Ume-Dụ-Nsọ kfuje nụ Chileke nteke nteke. O noo iwhe meru unu je l'anwụje ẹnya nteke nteke. T'unu ba ahakwa okfu anụ Chileke l'iswi ẹhu ndu nkiya.","id":"","dump":"CC-MAIN-2017-30","url":"https:\/\/christianchildmultilingualbibleverse.wordpress.com\/2017\/07\/13\/the-armor-of-god-ezaa-bible\/","date":"2017-07-24T06:47:08Z","file_path":"s3:\/\/commoncrawl\/crawl-data\/CC-MAIN-2017-30\/segments\/1500549424756.92\/warc\/CC-MAIN-20170724062304-20170724082304-00602.warc.gz","language":"eza","language_score":0.999933362,"language_script":"Latn","minhash_cluster_size":4,"top_langs":"{\"eza_Latn_score\": 0.9999333620071411}","num_words":292,"character_repetition_ratio":0.051,"word_repetition_ratio":0.0,"special_characters_ratio":0.256,"stopwords_ratio":0.264,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 1\nMbụlembu\n1Lẹ mbụlembu nteke Chileke meru igwe mee mgboko, 2bẹ mgboko dabuleruwho whorochangu, to nwe ụgbugba. Ọ bụru mini bẹ jiru ẹka lile, ẹkpuroochi gbakọta l'eli mini ono. Ume Chileke l'erwuwhe l'eli mini ono.\n3Ọo ya bụ Chileke sụ: \"T'iwhoro ngashịa.\" Iwhoro bya angashịa. 4Chileke bya awhụ l'iwhoro ono dụ ree. O wokahu iwhoro ono yẹle ọochi ono dobegee iche iche. 5Chileke gụa iwhoro ono eswe. Ọ gụa ẹkpuroochi ono ẹnyashi. Chi jihu bya asahụ. O noo bụru mbọku nke mbụ.\n6Ọo ya bụ Chileke sụ: \"T'iwhe nọdu l'echilabọ mini gude nọ-buhu mini ono ẹbo.\" 7Tọ dụ iya bụ, Chileke mee ìwhè dobe, ọ nọkahu mini ọwhu dụ l'imeli yẹle ọwhu dụ l'alị ẹbo. Ọ dụ g'o kfuru iya. 8Chileke gụa iwhe ono akpamigwe. Chi jihu bya asahụ. O noo bụru mbọku nke ẹbo.\n9Chileke sụ: \"Tẹ mini ọwhu dụ lẹ mkpula akpamigwe wụkobe ẹka lanụ, t'eli mgboko fụta iwhe.\" Ọ dụ g'o kfuru iya. 10Chileke gụa eli mgboko ono alị; ọ gụa mini ono, wụkoberu ẹka lanụ ono eze-ẹnyimu. Chileke whụ l'ọ dụ ree.\n11Ọo ya bụ, Chileke sụ t'alị fushia ụnwu irwu, mbụ iwhe l'eye mebyi mẹe oshi-ọmi yẹle akpụru dụ iya nụ; t'ọwhunonu fushia l'ụdu iya l'ụdu iya. Ọ dụ g'o kfuru iya. 12Alị bya efushia ụnwu irwu, mbụ iwhe l'eye mebyi l'ụdu iya l'ụdu iya mẹe oshi-ọmi, yẹle akpụru dụ iya nụ l'ụdu iya l'ụdu iya. Chileke bya awhụ l'ọ dụ ree. 13Chi jihu bya asahụ. O noo bụru mbọku nke ẹto.\n14Chileke sụ: \"T'iwhoro ngashịa l'akpamigwe, shi nno kekahu eswe yẹle ẹnyashi. Whẹ egoshije nteke bụ oge iwhe mẹe nteke bụ ujiku owhu mẹe nteke awha gbarụ. 15T'iwhoro, dụ l'akpamigwe ono ngakọta mgboko.\" Ọ dụ g'o kfuru iya. 16Chileke bya emee iwhoro labọ, pageeru ẹka. Iwhoro ọwhu ka shii b'o meru t'o chije l'eswe; o mee iwhoro ọwhu ka ọlwa alị t'o chije l'ẹnyashi. Ọ bya emefukwaawho kpokponde. 17Chileke bya edobe whẹ l'akpamigwe t'iwhoro whẹ ngakọta mgboko. 18Tẹ whẹ chije l'eswe mẹe l'ẹnyashi, gude kekahu iwhoro yẹle ẹkpuroochi. Chileke whụ l'ọ dụ ree. 19Chi jihu bya asahụ. O noo bụru mbọku nke ẹno.\n20Chileke sụ: \"T'anụ, nọ ndzụ ha l'igweligwe kposhia kụru lẹ mini; ẹnu awata owhe ewhewhe l'imeli lẹ mkpula akpamigwe.\" 21Ọo ya bụ, Chileke kee eze anụ, bugee l'eze-ẹnyimu mẹe iwhe nọ ndzụ l'ejewhekaa ejewhe l'ụdu iya l'ụdu iya; whẹ bukotaru l'ime mini mẹe ẹnu, l'ewhe ewhewhe l'ụdu iya l'ụdu iya. Chileke bya awhụ l'ọ dụ ree. 22O noo ya, Chileke bya agọru ọnu-ọma nụ iwhe ono g'ọ ha sụ: \"Unu zụ̀a azụ̀zù ha l'igwe. Unu zụ-jia mini eze-ẹnyimu; ẹnu azụ-jia mgboko.\" 23Chi jihu bya asahụ. O noo bụru mbọku nke ise.\n24Chileke sụ: \"Tẹ mgboko chịfuta anụ, nọ-gee ndzụ l'ụdu iya l'ụdu iya. T'elwu mẹe anụ, l'awụ l'ẹwho mẹe anụ-ẹgbudu fụshia l'ụdu iya l'ụdu iya.\" Ọ dụ g'o kfuru iya. 25Chileke bya emee anụ-ẹgbudu l'ụdu iya l'ụdu iya; mee élwù l'ụdu iya l'ụdu iya; mee anụ, l'awụ l'ẹwho l'ụdu iya l'ụdu iya. Chileke bya awhụ l'ọ dụ ree.\n26Tọ dụ iya bụ, Chileke sụ: \"T'anyi mee madzụ t'o shia anyi; dụ g'anyi dụ. Tẹ whẹ bụru ishi, l'achị ẹma, nọ l'eze-ẹnyimu, l'achị ẹnu, l'ewhe l'eli mẹe élwù mẹe mgboko l'owhu mẹe iwhe lile, l'awụ l'ẹwho.\"\n27Ọo ya bụ, Chileke mee madzụ, o shia ya.\nỌ bụru gẹ Chileke dụ bụ g'o meru iya.\nỌ bụru nwoke yẹle nwanyị b'o meru whẹ bụru.\n28Chileke gọru ọnu-ọma nụ whẹ sụ whẹ: \"Unu zụ̀a azụ̀zù kabaa l'igwe. Unu zụ-jia mgboko bụru ishi iya. Unu bụru ishi, l'achị ẹma, bu l'eze-ẹnyimu mẹe ẹnu, l'ewhe l'eli mẹe iwhe lile, nọ ndzụ, l'ejewhe lẹ mgboko l'owhu.\"\n29O noo ya, Chileke sụ: \"Mu nụwaru unu iwhe l'eye mebyi lẹ mgboko-o mẹe iwhe bụ oshi-ọmi yẹle mebyi iya t'ọ bụru nri unu. 30Anụ, dụkota lẹ mgboko-o mẹe ẹnu, l'ewhe l'eli mẹe iwhe lile l'awụ l'ẹwho; mbụ-zhia iwhe lile, nọ ndzụ e meru dobe lẹ mgboko bẹ mu meru t'irwu oshi bụru nri whẹ.\" Ọ dụ g'o kfuru iya. 31Chileke bya awhụ l'iwhe lile, o meru bẹ dụkota-gezhia ree shii. Chi jihu bya asahụ. O noo bụru mbọku nke ishii.","id":"","dump":"CC-MAIN-2018-22","url":"http:\/\/cy.bibles.org\/eza-EZAB\/Gen\/1","date":"2018-05-24T17:12:28Z","file_path":"s3:\/\/commoncrawl\/crawl-data\/CC-MAIN-2018-22\/segments\/1526794866733.77\/warc\/CC-MAIN-20180524170605-20180524190605-00269.warc.gz","language":"eza","language_score":1.0000077486,"language_script":"Latn","minhash_cluster_size":9,"top_langs":"{\"eza_Latn_score\": 1.0000077486038208}","num_words":680,"character_repetition_ratio":0.103,"word_repetition_ratio":0.013,"special_characters_ratio":0.267,"stopwords_ratio":0.329,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 24\nOleta oryọku ẹnya\n1Tọ dụ iya bụ, Onye-Nwe-Ọha bya ekfuru yeru Mósisu sụ iya: 2\"Kfuru ndu Ízurẹlu tẹ whẹ wotaru ghu ọkpobe mmanụ ólivu, a tsụru l'ọtumu, l'ee-yeje l'oryọku t'iwhoro ngajẹe ntekenteke. 3Tẹ Érọnu yẹle ụnwu iya yeje ọku l'oryọku ono l'atatiwhu Onye-Nwe-Ọha l'ime Ụlo-ẹkwa-ndzuko ono, mbụ l'okotazụ ẹkwa whọ, e gude gebuta Igbe Iwu whọ. Tẹ whẹ mejekwaa oryọku ono t'o shi l'urwẹnyashi nwuje ntekenteke l'atatiwhu Onye-Nwe-Ọha jeye l'ụtsu. Tẹ ndu Ízurẹlu dobekwa nsọ ono shi l'ọgbo rwua l'ọgbo. 4Tẹ Érọnu letakwa oryọku ono ẹnya, mbụ oryọku ono, tukoru l'eli iwhe ono, e meru l'ọkpobe mkpọla-ododo, l'aadọbeje oryọku, mee ya t'o nwuje enwu l'atatiwhu Onye-Nwe-Ọha ntekenteke.\nBuredi, e doberu Chileke nsọ\n5\"Gude ụturutuu-witi gheta ishi buredi iri l'ẹbo, t'iwhe, l'a-la lẹ nnanụ bụru nkere labọ l'ime nkere iri efere nkwẹka ụturutuu-witi. 6Woru buredi ọbu doo l'ogiri labọ, ishi buredi ishii ishii l'ogiri nnanụ nnanụ l'eli teburu ono, dụ l'atatiwhu Onye-Nwe-Ọha, e gude ọkpobe mkpọla-ododo mee. 7Woru ụ̀nwù-isẹnsu, guru egugu ye l'ogiri buredi ono l'ẹhu l'ẹhu, t'ọ nọ-chia ẹnya buredi ono bụru ngwo-ẹja, l'aakpọ ọku anụ Onye-Nwe-Ọha. 8Mbọku-ọtuta-ume, futaru ishi l'igwe bẹ Érọnu l'e-dozhije iya gẹ l'ọo-dụ l'iwhu Onye-Nwe-Ọha l'ẹwha ndu Ízurẹlu; t'ọ bụru ọgbandzu, l'a-nọ tụgburu. 9Buredi ono bụ Érọnu yẹle ụnwu iya nwe iya, tẹ whẹ nọdujekwa l'ẹka dụ nsọ taa ya, o noo nkele o tso l'òkè, dụ nsọ shii l'iwhe bụ ngwo-ẹja, l'aakpọ ọku anụ Onye-Nwe-Ọha.\"\nOnye kfubyiru ẹwha Onye-Nwe-Ọha\n10O nweru nwoke ọbu, ne iya bụ onye Ízurẹlu, nna iya bụru onye Íjiputu, whẹ lẹ ndu Ízurẹlu l'alịje eje iwhe. A nọnyaa, ọgu tsuru yẹle onye Ízurẹlu l'ẹka whẹ kpọberu ụlo-ẹkwa eburu whẹ. 11Nwa nwanyị Ízurẹlu ono kfubyishilahaa ẹwha Onye-Nwe-Ọha. A kpụta iya jekfu Mósisu. Ẹwha ne iya bụ Shelomiti, bụ nwada Dibyiri onye ikfu Danu. 12A kpụta iya je atụ-chia t'ọ nọdu jeye tẹ whẹ marụ iwhe bụ uche Onye-Nwe-Ọha.\n13Tọ dụ iya bụ, Onye-Nwe-Ọha bya ekfuru yeru Mósisu sụ iya: 14\"Kpụfu onye ọbu, kfubyiru ẹwha mu ọbu l'azụ ẹka unu kpọberu ụlo-ẹkwa eburu unu. Tẹ ndu lile, nụru nteke l'ookfubyi ẹwha mu ọbu byabẹ iya ẹka l'ishi, t'edzudzu-ọha gude ẹwhuru tụ-gbua ya. 15Iwhe l'ii-kfuru ndu Ízurẹlu abụru: Onye kfubyiru ẹwha Chileke iya bụkwa onye ọbu l'e-vuru iwhe-dụ-ẹji, dụ iya nụ. 16Onye kfubyiru ẹwha Onye-Nwe-Ọha bẹ l'ee-gbu egbu. T'edzudzu-ọha l'owhu gudekwa ẹwhuru tụ-gbua onye ọbu. Onye ọbu onye ọbu m'ọ bụ onye lwarụ alwa m'ọ bụ onye a nwụru lẹ Ízurẹlu, o -kfubyia ẹwha Onye-Nwe-Ọha, t'e gbua ya egbu.\n17\"Onye gburu madzụ, t'e gbukwa yẹbedua. 18Onye gburu anụ onye ọdo dochikwaa ẹnya iya, t'o gudekwa ọwhu nọ ndzụ dochia ẹnya iya ọwhu nwụhuru anwụhu.\n19\"Onye meru madzụ ibe iya iwhe ọrwu dụ iya l'ẹhu, bẹ l'ee-mekwawho t'ọrwu dụ l'ẹhu nke yẹbedua. 20Onye gbajiru madzụ ibe iya ọkpu t'a gbajilatakwa iya ọkpu nkiya. Onye meru ẹnya pyahụ ibe iya t'e mekwaawho t'ẹnya pyahụ yẹbedua. Nteke bụ l'ọo eze b'o chikwofuru onye ọdo, t'e chikwofukwa nkiya. Ọo ẹgube ọrwu, madzụ kẹru ibe iya bẹ l'aa-kẹe yẹbedua. 21Onye gburu anụ onye ọdo; t'o dochikwaa ẹnya iya. Onye gburu madzụ t'e gbukwaa yẹbedua. 22Unu mee t'iwu ono bụru nnanụ l'ẹhu ndu a nwụru anwụ lẹ Ízurẹlu mẹe l'ẹhu ndu lwarụ alwa. Ọo Mu bụ Onye-Nwe-Ọha bụru Chileke unu.\"\n23Mósisu kfugelewho yeru ndu Ízurẹlu, whẹ kpụfu onye ono, kfubyiru ẹwha Onye-Nwe-Ọha azụ ẹka whẹ kpọberu ụlo-ẹkwa ebubu whẹ, bya atụ-gbua ya l'ẹwhuru. Ọo ya bụ, ndu Ízurẹlu mee iwhe Onye-Nwe-Ọha tụru Mósisu iwu tẹ whẹ mee.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/24","date":"2018-12-16T06:56:59Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827281.64\/warc\/CC-MAIN-20181216051636-20181216073636-00387.warc.gz","language":"eza","language_score":1.0000091791,"language_script":"Latn","minhash_cluster_size":1,"top_langs":"{\"eza_Latn_score\": 1.0000091791152954}","num_words":568,"character_repetition_ratio":0.082,"word_repetition_ratio":0.007,"special_characters_ratio":0.245,"stopwords_ratio":0.255,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 37:10\n10O je ezeeru iya nna iya g'o zeru iya ụnwunna iya; nna iya gbọ-chia ya ọnu sụ iya: \"?Ọo ẹgube nrọ gụnu b'ị rọru nno? ?Iwhe l'iikfunu bụ lẹ mbẹdua, bụ nna ghu mẹe ne ghu mẹe ụnwunna ghu l'e-megee ewhuzejeru ghu ishi l'alị abarụ ghu ẹja\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/37\/10","date":"2018-12-19T14:17:29Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376832330.93\/warc\/CC-MAIN-20181219130756-20181219152756-00188.warc.gz","language":"eza","language_score":0.9999955893,"language_script":"Latn","minhash_cluster_size":1,"top_langs":"{\"eza_Latn_score\": 0.9999955892562866}","num_words":48,"character_repetition_ratio":0.008,"word_repetition_ratio":0.0,"special_characters_ratio":0.279,"stopwords_ratio":0.292,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 10:12\n12Tọ dụ iya bụ, Mósisu bya ekfuru yeru Érọnu yẹle ụnwu iya ndu ọwhu whuduru nụ, bụ Eliyéza yẹle Itama; sụ whẹ: \"Unu wota ngwo-ẹja nri, whuduru nụ lẹ ngwo-ẹja ono, a kpọru ọku nụ Onye-Nwe-Ọha. Unu anọdu lẹ mgboro ẹnya-mgbẹja ria ya. Ọle t'unu be eyekwa iya iwhe l'ekoje buredi, nkele ọo ngwo-ẹja, dụ nsọ shii b'ọ bụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/10\/12","date":"2018-12-10T11:08:12Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823322.49\/warc\/CC-MAIN-20181210101954-20181210123454-00432.warc.gz","language":"eza","language_score":0.9998980761,"language_script":"Latn","minhash_cluster_size":1,"top_langs":"{\"eza_Latn_score\": 0.9998980760574341}","num_words":60,"character_repetition_ratio":0.019,"word_repetition_ratio":0.0,"special_characters_ratio":0.265,"stopwords_ratio":0.3,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Mbụlembu 24:7\n7Onye-Nwe-Ọha, bụ Chileke nke imigwe; onye ono, dufutaru mu l'ibe nna mu mẹe l'alị ẹka ono, a nwụru mu anwụ, mbụ onye ono, kfuru okfu yeru mu, bya ekwee mu ụkwa ribuaru mu iya lẹ nte sụ l'ọo ẹpa mu bẹ l'ọo-nụ alị-a; Chileke ono l'e-zhia ojozhi iya t'o vutaru ghu ụzo nke ọwhu l'ịi-whụ nwanyị, l'ịi-lụtaru nwa mu l'ẹka ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/24\/7","date":"2018-12-10T21:36:26Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823445.39\/warc\/CC-MAIN-20181210212544-20181210234044-00600.warc.gz","language":"eza","language_score":1.0000094175,"language_script":"Latn","minhash_cluster_size":1,"top_langs":"{\"eza_Latn_score\": 1.0000094175338745}","num_words":62,"character_repetition_ratio":0.012,"word_repetition_ratio":0.0,"special_characters_ratio":0.277,"stopwords_ratio":0.387,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 27:11\n11Ụzo isheli iya bụkwawho ẹkwa, dụ nji-ẹka ụkporo ugbo ise l'ogologo bẹ l'ee-gude gebuta iya. E gude ope kpụta itso ụkporo yẹle ọkpa itso ono ụkporo, kpọbe l'ụzo isheli ono. Gude mkpọla-ọcha kpụshia ukoloba, l'ee-gude kota ẹkwa ono yẹle iwhe l'ee-swebe l'itso ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/27\/11","date":"2018-12-12T19:45:33Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824115.18\/warc\/CC-MAIN-20181212181507-20181212203007-00434.warc.gz","language":"eza","language_score":0.9983089566,"language_script":"Latn","minhash_cluster_size":1,"top_langs":"{\"eza_Latn_score\": 0.9983089566230774}","num_words":44,"character_repetition_ratio":0.022,"word_repetition_ratio":0.0,"special_characters_ratio":0.246,"stopwords_ratio":0.205,"flagged_words_ratio":0.0,"lang_id_score":0.998,"perplexity_score":500.0,"cluster_detection":1} +{"text":"Awụfu 27:16\n16\"A bya l'ọnu ẹka, l'ee-shije abata l'ọma ogboduwhu ono; t'e gude ẹkwa, dụ nji-ẹka ụkporo gebuta iya. Mbụ ẹkwa, e gude oghu, dụ urwukpu urwukpu mẹe oghu ododo mẹe nke uswe-uswe mẹe oghu ọcha, a swịru gẹ l'aaswịje ụdo bẹ l'ee-gebuta iya. T'ọ bụkwaru onye marụ okwe ẹkwa ree bẹ l'e-kwe iya nụ. A kpụta itso ẹno yẹle ọkpa itso ono ụzo ẹno, l'aa-kpọbe l'ọnu ẹka ono, l'ee-shije abata l'ọma ogboduwhu ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/27\/16","date":"2018-12-15T05:25:25Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826715.45\/warc\/CC-MAIN-20181215035757-20181215061757-00439.warc.gz","language":"eza","language_score":0.9998495579,"language_script":"Latn","minhash_cluster_size":1,"top_langs":"{\"eza_Latn_score\": 0.9998495578765869}","num_words":73,"character_repetition_ratio":0.094,"word_repetition_ratio":0.0,"special_characters_ratio":0.271,"stopwords_ratio":0.219,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 16:29\n29Nyatakwa l'ọo Onye-Nwe-Ọha bẹ nụru unu mbọku-ọtuta-ume. Ọo ya meru g'o gude l'ọobuje o -rwua mbọku nke ishii, mu anụ unu nri, l'e-dzuru unu eriri abalị labọ. O -rwujee lẹ mbọku nke ẹsaa t'onyenọnu nọduje-zhiawho l'ẹka ọ nọ. Tọ bọ dụshi onye l'a-lụfuje alụfu.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/16\/29","date":"2018-12-13T16:03:44Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824912.16\/warc\/CC-MAIN-20181213145807-20181213171307-00121.warc.gz","language":"eza","language_score":0.99966681,"language_script":"Latn","minhash_cluster_size":1,"top_langs":"{\"eza_Latn_score\": 0.9996668100357056}","num_words":45,"character_repetition_ratio":0.015,"word_repetition_ratio":0.0,"special_characters_ratio":0.275,"stopwords_ratio":0.244,"flagged_words_ratio":0.0,"lang_id_score":0.997,"perplexity_score":500.0,"cluster_detection":1} +{"text":"Livitikọsu 8:26\n26O je lẹ nkata, e yeru buredi, l'eete eyee iwhe l'ekoje buredi, dụ l'atatiwhu Onye-Nwe-Ọha, o wota iya ẹcha-mbeke lanụ, l'eete eyee iwhe l'ekoje buredi mẹe ishi buredi lanụ, e yeru mmanụ mẹe ẹcha balịbali lanụ. O wota iya tụkwase l'ẹba anụ ono yẹle ụtakfu ọkpa ẹka-ụtara anụ ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/8\/26","date":"2018-12-11T15:22:16Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823657.20\/warc\/CC-MAIN-20181211151237-20181211172737-00124.warc.gz","language":"eza","language_score":0.999984026,"language_script":"Latn","minhash_cluster_size":1,"top_langs":"{\"eza_Latn_score\": 0.9999840259552002}","num_words":50,"character_repetition_ratio":0.111,"word_repetition_ratio":0.0,"special_characters_ratio":0.25,"stopwords_ratio":0.26,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 23:20\n20T'onye l'agbajẹ ẹja nụ Chileke wota ụnwu ebyila labọ ono maa amama l'iwhu Onye-Nwe-Ọha t'ọ bụru ngwo-ẹja amama yẹle buredi ono, e meru lẹ mebyi iwhe mbụ. Ngwo-ẹja ono g'ọ ha bẹ dụru Onye-Nwe-Ọha nsọ. Onye ọ bụ nkiya bụ onye ono l'agbajẹ ẹja nụ Chileke.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/23\/20","date":"2018-12-11T06:37:54Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823588.0\/warc\/CC-MAIN-20181211061718-20181211083218-00235.warc.gz","language":"eza","language_score":0.9999479055,"language_script":"Latn","minhash_cluster_size":1,"top_langs":"{\"eza_Latn_score\": 0.9999479055404663}","num_words":47,"character_repetition_ratio":0.115,"word_repetition_ratio":0.0,"special_characters_ratio":0.258,"stopwords_ratio":0.298,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Awụfu 8:3\n3Mbara l'a-tụko ẹnyimu Nayịlu narụ; kposhia bya akụru l'ibe ghu mẹe l'ime ụlo ẹka l'ịizeje mẹe l'iwhe-azẹe ghu mẹe l'ụlo ndu ozhi ghu mẹe l'ibe ndu alị ghu l'owhu mẹe l'ọnu ekfu, l'eeshijeru ghu iwhe mẹe l'ochi, l'eegudeje agwọ-whube iwhe e gude emeru ghu buredi.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/8\/3","date":"2018-12-10T16:14:53Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823348.23\/warc\/CC-MAIN-20181210144632-20181210170132-00292.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":46,"character_repetition_ratio":0.038,"word_repetition_ratio":0.0,"special_characters_ratio":0.253,"stopwords_ratio":0.239,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 14:14\n14Whẹ l'e-kfukwaru iya ndu bu l'alị-a nkele whẹ nụkotawaru gẹ gụbe Onye-Nwe-Ọha gude eswi whẹ, nụwaa lẹ whẹ l'egudeje ẹnya whẹ whụ gụbe Onye-Nwe-Ọha mẹe l'urwukpu nkeghu l'atukojeru whẹ l'eli mẹe l'ọobuje, o -rwua l'eswe, gụ egude urwukpu, kpụru orogbodo edu whẹ; o -rwua l'ẹnyashi gụ egude ọku, kpụru orogbodo nọdukwa whẹ whọ l'ụzo iwhu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/14\/14","date":"2018-12-16T03:36:06Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827252.87\/warc\/CC-MAIN-20181216025802-20181216051802-00599.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":56,"character_repetition_ratio":0.1,"word_repetition_ratio":0.0,"special_characters_ratio":0.252,"stopwords_ratio":0.268,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 20:11\n11O noo nkele ọo abalị ishii bẹ mụbe Onye-Nwe-Ọha meru igwe, mee mgboko yẹle eze-ẹnyimu mẹe iwhe lile, dụkota iya nụ. O belewho lẹ mbọku nke ẹsaa ya, mu tụta ume. Ọ bụru iwhe ono meru g'o gude mụbe Onye-Nwe-Ọha gọru ọnu-ọma nụ mbọku-ọtuta-ume ono; bya emee ya; ọ dụ nsọ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/20\/11","date":"2018-12-17T19:51:23Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829115.83\/warc\/CC-MAIN-20181217183905-20181217205905-00537.warc.gz","language":"eza","language_score":1.00000453,"language_script":"Latn","minhash_cluster_size":1,"top_langs":"{\"eza_Latn_score\": 1.000004529953003}","num_words":52,"character_repetition_ratio":0.073,"word_repetition_ratio":0.0,"special_characters_ratio":0.27,"stopwords_ratio":0.327,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 12:7\n7Onye ono l'agbajẹ ẹja nụ Chileke eworu ngwo-ẹja ono gbaarụ Onye-Nwe-Ọha gude kfụa ụgwo iwhe-dụ-ẹji, nwanyị ono meru. Ya abya abụru onye l'aata as���he nsọ nke mmee ono, larụ iya nụ. O nokwa iwu nke nwanyị, nwụru nwa nwoke m'ọ bụ nwa nwanyị ndono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/12\/7","date":"2018-12-10T08:41:29Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823320.11\/warc\/CC-MAIN-20181210080704-20181210102204-00458.warc.gz","language":"eza","language_score":0.9978554249,"language_script":"Latn","minhash_cluster_size":1,"top_langs":"{\"eza_Latn_score\": 0.9978554248809814}","num_words":45,"character_repetition_ratio":0.0,"word_repetition_ratio":0.0,"special_characters_ratio":0.245,"stopwords_ratio":0.244,"flagged_words_ratio":0.0,"lang_id_score":0.993,"perplexity_score":500.0,"cluster_detection":1} +{"text":"Awụfu 28:28\n28Tẹ whẹ wota eri, e gude oghu, dụ urwukpu-urwukpu swịa gude keta echi ono, e likfuberu l'ẹkwa ono, l'eegudeje ekwechi obu ono kegbabe l'echi ọwhu e likfuberu l'uwe ifọdu ono nke ọwhu l'oo-tukoru l'eli wẹrere ẹkwa ono, l'eekebutaje l'ukfu l'uwe ifọdu ono, t'ẹkwa ono, l'eegudeje ekwechi obu ono ba anọ akụ jịlajila l'eli uwe ifọdu ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/28\/28","date":"2018-12-09T21:19:36Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823183.3\/warc\/CC-MAIN-20181209210843-20181209232843-00343.warc.gz","language":"eza","language_score":0.9997839332,"language_script":"Latn","minhash_cluster_size":1,"top_langs":"{\"eza_Latn_score\": 0.9997839331626892}","num_words":57,"character_repetition_ratio":0.121,"word_repetition_ratio":0.0,"special_characters_ratio":0.248,"stopwords_ratio":0.193,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 39\nJósẹfu yẹle nyee Pọtifa\n1Tọ dụ iya bụ, e duru Jósẹfu jeshia Íjiputu. Pọtifa zụ-nweta iya l'ẹka eri Ishimẹlu ono, bụ ndu du iya jee Íjiputu. Potifa bụ onye Íjiputu; ọ bụru onye lanụ lẹ ndu nọ l'oke-ọkwa Fero. Ọ ya bụ onye ishi ndu ojọgu, l'eche Fero nche.\n2Onye-Nwe-Ọha swiru Jósẹfu ọkpobe eswiru, iwhe kweru iya. O buru l'ụlo nwoke Íjiputu ono, bụ onye-nwe-iya. 3Onye-nwe-iya nụ ono bya awhụ lẹ Onye-Nwe-Ọha swiru Jósẹfu mẹe lẹ Onye-Nwe-Ọha meru ẹka l'atụ Jósẹfu atụtu l'iwhe lile, l'oome; 4Jósẹfu tụbe iya l'ẹnya. O mee Jósẹfu onye ozhi iya; mee ya onye ishi l'eleta ibe iya ẹnya, bya eyekota iya iwhe lile o nweru l'ẹka. 5Wata nteke Pọtifa meru Jósẹfu onye ishi, l'eleta ibe iya ẹnya, bya eyekota iya iwhe lile o nweru l'ẹka bẹ Onye-Nwe-Ọha gude iswi ẹhu Jósẹfu ono wata ọgo ọnu-ọma eswibe l'ibe nwoke Íjiputu ono. Ọnu-ọma ono, Onye-Nwe-Ọha gọru iya dụkota je akpaa l'iwhe lile o nweru l'ibe iya mẹe ọwhu, o nweru l'ẹgu. 6Pọtifa hakọtaru Jósẹfu iwhe lile o nweru t'o leta ẹnya; tọ dụhewaro iwhe yẹbedua l'akpajẹkwadu ishi iya; gbahaa tẹ ya ria nri.\nJósẹfu bẹ marụ ụma nwoke, bya adụ ugvu l'ẹnya. 7A nọtanyaa, Jósẹfu tụba nyee onye-nwe-iya nụ l'ẹnya. Ọ sụ Jósẹfu t'ọ bya tẹ yẹle iya zẹe.\n8Jósẹfu jịka jị-nyia ẹnya; sụ nyee onye-nwe-iya nụ ono: \"Onye-nwe-mu nu hakọtaru mu iwhe lile o nweru tẹ mu leta ẹnya; tọ dụhe iwhe l'ọokpakwadu ishi iya l'ibe iya. Iwhe lile o nweru g'ọ ha b'o yekotaru mu l'ẹka. 9Ọo gẹ yẹbedua ha bụ gẹ mu ha l'ụlo-ọ. Ọ tọ dụdu iwhe onye-nwe-mu nụ wohajeru mu ewoha, t'a gụfu-zhiawho gụbedua, o noo nkele ị bụ nyee ya. ?Ndẹe gẹ mu l'a-dụ mee ẹgube ejo-ememe ono, mbụ mee iwhe-dụ-ẹji melwu Chileke?\" 10Mbọku fụtaru afụta bẹ nwanyị ono l'ekfujeru Jósẹfu iwhe ono, ọle Jósẹfu te ekwejedu tẹ yẹle iya zẹe; t'o kweje kpakụbe iya ntse.\n11O rwua ujiku lanụ, Jósẹfu bahụ l'ime ụlo tẹ ya jee ozhi, dụru iya nụ. Tọ dụ ndu l'eje ozhi l'ụlo ono, dụ onye ọwhu nọ iya nụ. 12Nyee Pọtifa zụ iya l'uwe iya, sụ iya t'ọ bya tẹ yẹle iya zẹe. Jósẹfu yefu uwe iya ono haa ya l'ẹka gude ọso gbafụ l'ụlo ono.\n13Ọ whụlewho lẹ Jósẹfu yefuwaru uwe iya haa ya l'ẹka gbafụ l'ụlo, 14o kushia ndu l'ejeru iya ozhi l'ụlo sụ whẹ: \"Unu leedawho ohu-a bụ onye Híburu, e dutaru dobe l'ẹka-a t'o mechishije anyi iwhu. Ọ bakfutaru mu l'ime ụlo l'ẹka-a sụ tẹ mu l'iya zẹe. Ọ kwa iya bụ, mu chishia mkpu. 15Ọ nụlewho gẹ mu l'echi mkpu, ọ haa mu uwe iya l'ẹka, gude ọso gbafụ l'ụlo.\"\n16Nyee Pọtifa gude uwe ono jeye Pọtifa, bụ onye-nwe Jósẹfu bata. 17Ọ kọlahaaru iya sụ iya: \"Ohu-a, bụ onye Híburu, i dubataru anyi l'ẹka-a bẹ shi eme t'o mechia mu iwhu. 18Ọ whụlewho gẹ mu chishiru mkpu, ọ haa mu uwe iya l'ẹka gude ọso gbafụ l'ụlo.\"\n19Onye-nwe Jósẹfu nụlewho iwhe ono, nyee ya kfuru iya sụ l'o noo gẹ ohu iya meru iya ndono, ọ vọru ọku ghụa ẹhu. 20Onye-nwe Jósẹfu ono kpụta iya je eye l'ọka-mkpọro, ẹka eze l'atụ-chije ndu mkpọro iya.\nJósẹfu nọdu l'ụlo mkpọro ono, 21Onye-Nwe-Ọha swileru iya-a ọkpobe eswiru, goshi iya lẹ ya yeru iya obu. O mee; Jósẹfu dụ onye l'eche ọka-mkpọro ono l'obu. 22Ọo ya bụ, onye l'eche ọka-mkpọro ono mee Jósẹfu ishi ndu nọkota l'ọka-mkpọro ono. Iwhe lile, l'eemekota l'ẹka ono bụru Jósẹfu b'ọ dụ l'ẹka. 23Iwhe e yeru Jósẹfu l'ẹka bẹ onye l'eche ọka-mkpọro ono ta gẹkfubejedu ẹka, o noo nkele Onye-Nwe-Ọha swiru Jósẹfu eswiru, nụ iya ẹka ọboroto l'akpụto l'iwhe lile, l'oome.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/39","date":"2018-12-14T20:22:51Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826306.47\/warc\/CC-MAIN-20181214184754-20181214210754-00020.warc.gz","language":"eza","language_score":0.9999927282,"language_script":"Latn","minhash_cluster_size":1,"top_langs":"{\"eza_Latn_score\": 0.9999927282333374}","num_words":602,"character_repetition_ratio":0.07,"word_repetition_ratio":0.024,"special_characters_ratio":0.261,"stopwords_ratio":0.304,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 20\nAnwụhu Miriyamu\n1Tọ dụ iya bụ, o rwua l'ọnwa mbụ l'awha, ndu Ízurẹlu l'owhu jerwua echi-ẹgu Zinu. Whẹ je anọdu lẹ Kádẹshi. Miriyamu nọdu l'ẹka ono nwụhu; e lia ya l'ẹka onokwawhọ.\nMini, shi l'ẹwhuru\n2Nteke onoya bẹ l'adụdua mini, dụ nụ, ndu Ízurẹlu l'a-ngụ; whẹ chịkobe onwowhe tatso Mósisu yẹle Érọnu okfu. 3Whẹ wata ọbaru Mósisu mba sụ: \"Ọ gẹge akarụ anyi mma, ọ bụ l'anyi nwụshihuru nteke whọ, ndibe anyi nwụshihuru l'iwhu Onye-Nwe-Ọha. 4?Ọo gụnu meru g'o gude ị chịta anyịbe ndu nke Onye-Nwe-Ọha bya awụshi l'echi-ẹgu l'ẹka-a t'anyi l'élwù anyi nwụshihu? 5?Ndẹe iwhe meru g'o gude i dufuta anyi l'alị Íjiputu bya eduru dobe lẹ mkpọkoro ẹka-a, l'adụa witi, dụ iya nụ, figu ta adụ iya, vayịnu ta adụ iya, itorokuma ta adụ iya, t'ọ dụ iya mbụ mini, anyi l'a-ngụ?\" 6Tọ dụ iya bụ, Mósisu yẹle Érọnu lụfushia l'ẹka ono, ndu Ízurẹlu dọru tụgburu jeshia l'ọnu Ụlo-ẹkwa-ndzuko je adaa kpupyabegee iwhu l'alị. O-gbu-zaazaa Onye-Nwe-Ọha nwuaru whẹ.\n7Onye-Nwe-Ọha sụ Mósisu: 8\"Wota mgbọro whọ tẹ gụ lẹ nwune ghu Érọnu chịkobe ndu Ízurẹlu ọnu. Gụ ekfuru okfu yeru ẹwhuru l'ẹka whẹ l'anọ ele ghu ẹnya tẹ mini shi iya gbafụta. O noo ụzo, l'ii-shi mee t'ẹwhuru ono gbafụtaru whẹ mini ndono. Ọ bụkwaruwho nno bẹ l'ii-shi mee tẹ ndu Ízurẹlu mẹe élwù whẹ ngụa mini.\" 9Tọ dụ iya bụ, Mósisu bya ewota mgbọro ono l'atatiwhu Onye-Nwe-Ọha g'o kfuru iya.\n10Mósisu yẹle Érọnu bya achịkobe ndu Ízurẹlu l'iwhu ẹwhuru ono, Mósisu sụ whẹ: \"Unu ngabẹ nchị ntaa unubẹ ndu okwefu ike ono. ?Unu l'ekfu t'anyi kuta mini l'ẹwhuru-a nụ unu?\" 11Ọo ya bụ, Mósisu halia ẹka imeli chia mgbọro ono ugbo labọ l'eli ẹwhuru ono. Mini shi l'ẹwhuru ono nwushihu agbọ jọjojo, ndu Ízurẹlu mẹe élwù whẹ ngụa ya.\n12Ọle Onye-Nwe-Ọha bẹ sụru Mósisu yẹle Érọnu: \"Eshi-ọwhu unu l'enwee ekweta l'ẹka mu nọ nke t'unu dobe mu nsọ l'ẹnya ndu Ízurẹlu bẹ unu l'ẹte edurwuhekwa whẹ l'alị ono, mu nụru whẹ.\"\n13Mini ono bụ mini Meriba,+ nkele ọo l'ẹka ono bẹ ndu Ízurẹlu nọdu swọoru Onye-Nwe-Ọha ụswo, Onye-Nwe-Ọha goshi whẹ lẹ ya dụ nsọ.\nNdu Edọmu te ekwedu tẹ ndu Ízurẹlu ghata l'alị whẹ\n14Mósisu bya eshi lẹ Kádẹshi zhia ozhi t'e je zhia eze ndu Edọmu sụ: \"Ọ waa iwhe Ízurẹlu, bụ nwune ghu l'ekfu ndọwa: Unu mawarụ ẹgube iwhe-ọtsulanu lile, byakfutaru anyi. 15Unu mawarụ gẹ nna anyi ochee whẹ gude jeshia alị Íjiputu, anyi bua lẹ Íjiputu nọo ọdu. Ndu Íjiputu kpaa nna anyi whẹ ono ẹhu shii, bya akpakwaawhọ anyịbedua. 16Obenu lẹ nteke anyi ryakuru Onye-Nwe-Ọha b'ọ nụru olu anyi, bya ezhia ojozhi, ọ bya edufuta anyi lẹ Íjiputu. Ntaa bẹ anyi nọwa lẹ Kádẹshi, bụ mkpụkpu, unu lẹ whẹ narụ ọnu ẹgu. 17Byiko hanụa t'anyi shi l'alị unu ghata. Anyi te eshidu l'ẹgu unu aghata, anyi te eshi l'ẹka unu meru mgbabu vayịnu aghata, tọ dụ wẹlu unu, anyi bya l'e-kuta mini ngụa. Anyi l'e-tsoleruwho ogborogbo echi-ụzo ghata. Anyi ta abyadụ l'a-swịba aswịba l'ụzo ẹka-ụtara m'ọ bụ l'ụzo ẹka-ịcha jeye anyi aghatagezhia ree l'alị unu.\"\n18Ọle eze ndu Edọmu yeru iya ọnu sụ: \"Unu ba abyakwa ọgha l'alị anyi; ọdua bẹ mu l'e-gudekwa ogu-ịgba byakfutashia unu ọgu.\"\n19Ndu Ízurẹlu sụ iya: \"Anyi l'e-shia ogborogbo echi-ụzo ghata, ọ -bụru l'anyi ngụru mini unu, ọdua l'ọo élwù anyi bẹ ngụru mini unu, anyi akfụa unu ụgwo iya. Haarọ t'anyi gude ọkpa ghata, ọ tọ dụkwa iwhe ọdo.\"\n20Ọle eze ndu Edọmu bẹ sụru tẹ whẹ ba aghatashị. Ọo ya bụ, ndu Edọmu chịta igweligwe unwoke whẹ, bụ ndu ọkpehu dụ jekfushia ndu Ízurẹlu ọgu. 21Eshi-ọwhu ndu Edọmu jịkaru tẹ ndu Ízurẹlu ba aghatashị l'alị whẹ, ndu Ízurẹlu kwe ghachi l'ẹka whẹ nọ.\nAnwụhu Érọnu\n22Ndu Ízurẹlu l'owhu gbalihu lẹ Kádẹshi tụgburu jeye whẹ jerwua l'ugvu Họru. 23Ọo l'ugvu Họru dụkube oge alị ndu Edọmu bẹ Onye-Nwe-Ọha nọdu sụ Mósisu yẹle Érọnu: 24\"Érọnu bẹ bya l'anwụhu lakfu ndụ-ichee ya whẹ. Oo-to jerwudu alị ono, mu nụru ndu Ízurẹlu nkele unu kwefuru ike l'iwu, mu tụru lẹ nke mini Meriba. 25Duta Érọnu yẹle Eliyéza, bụ nwa iya t'unu nyihu eli ugvu Họru, 26gụ eyeshia Érọnu uwe iya yee Eliyéza, bụ nwa iya nkele Érọnu l'a-nọdu l'ẹka ono nwụhu lakfu ndụ-ichee ya whẹ.\" 27Mósisu mee iwhe Onye-Nwe-Ọha sụru t'o mee. Ndu Ízurẹlu l'ele whẹ ẹnya; whẹ nyihu eli ugvu Họru ono. 28Mósisu yeshia Érọnu uwe iya yee Eliyéza, bụ nwa iya. Érọnu nwụhu l'eli ugvu l'ẹka ono. Mósisu yẹle Eliyéza shi l'eli ugvu ono nyizeta. 29Ndu Ízurẹlu l'owhu whụlewho lẹ Érọnu bẹ nwụhuwaru, iwhe bụ ọzo-ụlo Ízurẹlu ryakọta ẹkwa iya ụkporo abalị l'abalị iri.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/20","date":"2018-12-16T13:40:14Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827727.65\/warc\/CC-MAIN-20181216121406-20181216143406-00502.warc.gz","language":"eza","language_score":1.0000059605,"language_script":"Latn","minhash_cluster_size":1,"top_langs":"{\"eza_Latn_score\": 1.0000059604644775}","num_words":755,"character_repetition_ratio":0.074,"word_repetition_ratio":0.0,"special_characters_ratio":0.248,"stopwords_ratio":0.262,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 21\nNdu Ízurẹlu lwụ-gburu ndu Áradu\n1Nteke onye eze Kenanu ono, l'achị mkpụkpu Áradu, mbụ onye ono, bu l'echi-ẹgu, dụ l'ọhuda nụru lẹ ndu Ízurẹlu bẹ shi l'ụzo Atarimu abya, o kwe tso ndu Ízurẹlu ọgu, kpụta ndu ọwhu ọ kpụtaru lẹ ndzụ. 2Ndu Ízurẹlu ribuaru Onye-Nwe-Ọha nte sụ: \"Ọ -bụru l'ii-woru ndu-a ye anyi l'ẹka bẹ anyi l'e-mebyishikota mkpụkpu whẹ g'ọ ha kpamụ kpamụ shi nno woru iya nụ gụbe Chileke.\" 3Onye-Nwe-Ọha ngabẹru ndu Ízurẹlu nchị l'olu, bya eworu ndu Kenanu ye whẹ l'ẹka. Whẹ tụko ndu ono mẹe mkpụkpu whẹ mebyishikota kpamụ kpamụ shi nno woru whẹ nụ Chileke. Ọo ya bụ, e kulahaa ẹka ono Họruma.+\nAgwọ, e meru l'ope\n4Ndu Ízurẹlu bya eshi l'ugvu Họru palita ije tụgbua, whẹ je etsota ụzo ọwhu larụ Eze-ẹnyimu Uswe-uswe nke ọwhu whẹ l'a-gbango alị Edọmu. Whẹ jenyaa l'echi-ụzo, whẹ ta adụhe ike takọta nshi. 5Whẹ wata okfulwu Chileke yẹle Mósisu sụ: \"Ndẹe g'e meru unu dufuta anyi lẹ Íjiputu bya awụshi l'echi-ẹgu-a t'anyi nwụshihu? Ẹka nri l'adụa, mini ta adụ iya. Ejo nri-a, anyi tsoru eriwhe bẹ laakwarụ anyi ashị.\" 6Tọ dụ iya bụ, Onye-Nwe-Ọha zhia ejo agwọ t'ọ bya l'echilabọ ndu Ízurẹlu, agwọ ono taa ndu Ízurẹlu nke ọwhu bụ l'igweligwe l'ime whẹ bẹ nwụshihuru. 7Ndu Ízurẹlu byakfuta Mósisu bya asụ iya: \"Anyi mewaru iwhe-dụ-ẹji nkele anyi kfulwuru Onye-Nwe-Ọha mẹe gụbedua l'onwoghu. Kfunuru nụ Onye-Nwe-Ọha nke ọwhu l'oo-wofuru anyi agwọ ono.\" Ọo ya bụ, Mósisu bya ekfuru nụ Onye-Nwe-Ọha l'iswi ndu Ízurẹlu ono. 8Onye-Nwe-Ọha sụ Mósisu: \"Meta ejo agwọ tukobe l'eli itso lanụ nke ọwhu bụ onye agwọ whọ tajẹru ẹrwu, o -lee ya ẹnya, ya anọdu ndzụ.\" 9Ọo ya bụ, Mósisu gude ope meta agwọ bya atukobe iya l'eli itso lanụ. L'ọobuje, onye agwọ whọ tarụ, o -lewa ẹnya l'agwọ ono, e meru l'ope, ya anọdu ndzụ.\nNdu Ízurẹlu nọ l'ije whẹ eje Moabu\n10Ndu Ízurẹlu palihu ije tụgbukwaru rwua Obotu, whẹ kpọbe ụlo-ẹkwa ebubu whẹ. 11Whẹ shi lẹ Obotu palihu tụgbua, je akpọbe ụlo-ẹkwa ebubu whẹ lẹ Iye Abarimu l'echi-ẹgu ono, dụ chee iwhu lẹ Moabu l'ụzo ẹka ẹnyanwu l'eshije awata. 12Whẹ shi l'ẹka ono palita tụgbua rwua nsụda Zerẹdu, whẹ kpọbe ụlo-ẹkwa ebubu whẹ l'ẹka ono. 13Whẹ shikwa l'ẹka ono palita tụgbua, kpọbe ụlo-ẹkwa ebubu whẹ l'azụ ẹnyimu Anọnu azụ iya ọwhu l'ẹka ono, dụ l'echi-ẹgu ono, dụ watalẹwho l'oge-alị onye lẹ ndu Amọru nkele ọo ẹnyimu Anọnu bụ oge onye lẹ ndu Moabu. Ọ nọkahuru ndu Moabu whẹ lẹ ndu Amọru. 14Ọo ya meru g'o gude e kfua l'ẹkwo, e deru nke ọ̀gù, Onye-Nwe-Ọha lwụru sụ: \"Mkpụkpu Wahebu dụ lẹ Sufa yẹle nsụda nsụda ẹnyimu Anọnu 15mẹe lẹ n-weze, dụ lẹ nsụda nsụda ono, nọ je akpaa lẹ mkpụkpu Áru. Ọ dụ nno je agbakfuru l'oge-alị ndu Moabu.\"\n16Whẹ palihu l'ẹka ono kwasẹru ije whẹ; rwua Byiye bụ iya bụ wẹlu ono, Onye-Nwe-Ọha sụru Mósisu: \"Chịkobe ndu Ízurẹlu l'ẹka lanụ tẹ mu nụ whẹ mini tẹ whẹ ngụa.\" 17Tọ dụ iya bụ, ndu Ízurẹlu gụa egvu-a sụ:\n\"Gụbe wẹlu, nwụfuta mini!\nT'a gụru egvu nụ iya.\n18Ndu gvuru wẹlu ono bụ ndu ishi,\nmbụ l'ọo ndu a marụ ẹwha\nwhẹ lẹ Ízurẹlu bẹ gvuru iya.\nIwhe whẹ gude gvua ya bụ\nmgbọro ndu eze mẹe mgbọro nkewhe.\"\nTọ dụ iya bụ, whẹ shi l'echi-ẹgu ono, ọ bụru whẹ oje Matana. 19Whẹ shi lẹ Matana lụfu lẹ Nahalẹlu, shi lẹ Nahalẹlu lụfu lẹ Bamotu, 20shi lẹ Bamotu lụfu lẹ nsụda, dụ l'alị Moabu lẹ mgboro ugvu Pisiga, bụ ẹka, l'aanọduje ele alị, daburu mgbegere.\nÍzurẹlu lwụ-gburu Sáyihọnu, bụ eze ndu Amọru\n21Tọ dụ iya bụ, ndu Ízurẹlu zhia ozhi t'e je zhia Sáyihọnu, bụ eze ndu Amọru sụ iya: 22\"Hanụa t'anyi ghata l'alị unu. Anyi ta aswịbakwa l'ẹgu unu, anyi ta aswịba lẹ mgbabu vayịnu unu. Tọ dụ wẹlu unu, anyi bya l'e-kuta mini ngụa, ọolewho l'oji mbeke bẹ anyi l'e-tsogburu jeye anyi alụfu-gee l'alị unu.\" 23Obenu lẹ Sáyihọnu jịkaru tẹ ndu Ízurẹlu ba aghatashị l'alị iya. Ọ chịkobe ndu nkiya gẹ whẹ ha, whẹ jekfushia ndu Ízurẹlu ọgu l'echi-ẹgu. Whẹ rwulewho mkpụkpu Jahazu, ọ tatso ndu Ízurẹlu ọgu. 24Ndu Ízurẹlu gude ogu-ịgba gbua ya, shizhiawho l'ẹnyimu Anọnu nata iya alị iya ono je akpaa l'ẹnyimu Jabọku, jeyewaro l'alị ndu Amọnu. Oge alị ndu Amọnu b'a tụru agbarara mgburumgburu, o shihu ike. 25Ndu Ízurẹlu lwụtakota mkpụkpu ndu Amọru g'ọ ha buchikota, whẹ lwụtakwawho mkpụkpu Hẹshibonu mẹe mkpụkpu, nọ-wheru iya nụ mgburumgburu. 26Hẹshibonu bẹ bụ mkpụkpu Sáyihọnu, eze ndu Amọru. Yẹle eze, shihawa achị ndu Moabu bẹ lwụjeru ọgu, Sáyihọnu lwụtakota alị iya je akpaa l'ẹnyimu Anọnu. 27Ọo ya kparụ iwhe ndu nkụku l'awajẹ nkụku kfua sụ:\n\"Bya mkpụkpu Hẹshibonu, t'a tụ-whu iya azụ,\nmbụ t'a tụ-whu mkpụkpu Sáyihọnu azụ,\ntụa ya t'o shihu ike.\n28O noo nkele ọku shi lẹ Hẹshibonu lụfu,\nmbụ l'ire-ọku shi lẹ mkpụkpu Sáyihọnu lụfu.\nO kegbushiwaru mkpụkpu Arụ nke ndu Moabu,\nmbụ ndu nwe ugvu, dụ lẹ mgboro ẹnyimu Anọnu.\n29Nshọbukwa unubẹ ndu Moabu!\nA lawarụ unu l'iyi, unubẹ ndu l'agwa agwa Kemọshi!\nỤnwegirima unu unwoke b'o mewaru,\nwhẹ gbalakọta lashia alị ọdo.\nỤnwegirima unu ụnwanyi b'o mewaru,\nwhẹ bụwaru ndu a kpụru lẹ ndzụ\nnụ Sáyihọnu, bụ eze ndu Amọru.\n30Anyi meru, whẹ bụru kpukpuru-swoo.\nMkpụkpu Hẹshibonu bụwa kpurupyata\nje akpaa lẹ mkpụkpu Dibọnu.\nAnyi meru whẹ ọzara-l'ukpo jeye lẹ mkpụkpu Nofa,\nmbụ jeye lẹ mkpụkpu Medeba.\"\nNdu Ízurẹlu lwụ-gburu Ọgu, bụ eze ndu Báshanu\n31Tọ dụ iya bụ, ndu Ízurẹlu buru l'alị ndu Amọru. 32Mósisu zhia ndu l'e-je ngge lẹ mkpụkpu Jaza, whẹ jegelewho, ndu Ízurẹlu je alwụta mkpụkpu, dụ iya nụ chịkashia ndu Amọru, shi buru l'ẹka ono.\n33Ọo ya bụ, ndu Ízurẹlu ghachi tụgburu ụzo ọwhu shiru jeshia alị Báshanu. Ọgu, bụ eze, l'achị ndu Báshanu chịta ndu nkiya gẹ whẹ ha jekfushia whẹ ọgu lẹ mkpụkpu Edereyi.\n34Onye-Nwe-Ọha sụ Mósisu: \"Ba atsụkwa iya egvu nkele mu yewaru ghu iya l'ẹka mẹe ndu nkiya mẹe alị iya. Mekwaa ya iwhe i meru Sáyihọnu, bụ eze, bu lẹ Hẹshibonu achị ndu Amọru.\" 35O noo ya, ndu Ízurẹlu gbua Ọgu, gbushia ụnwegirima iya mẹe ndu nkiya gẹ whẹ ha nke ọwhu bụ l'ọ tọ dụdu onye wafụru nụ l'ime whẹ. Ndu Ízurẹlu nata alị iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/21","date":"2018-12-14T02:43:04Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825349.51\/warc\/CC-MAIN-20181214022947-20181214044447-00503.warc.gz","language":"eza","language_score":0.9999767542,"language_script":"Latn","minhash_cluster_size":1,"top_langs":"{\"eza_Latn_score\": 0.9999767541885376}","num_words":1017,"character_repetition_ratio":0.074,"word_repetition_ratio":0.0,"special_characters_ratio":0.245,"stopwords_ratio":0.301,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 22\nGẹ ndu l'agbajẹ ẹja nụ Chileke l'e-meje nke iwhe dụ nsọ\n1Tọ dụ iya bụ, Onye-Nwe-Ọha bya asụ Mósisu: 2\"Kfuru Érọnu yẹle ụnwu iya tẹ whẹ kwabẹjekwaru iwhe ono, ndu Ízurẹlu doberu mu nsọ ẹnya nggẹ whẹ te egude iya merwua ẹwha mu ono, dụ nsọ. Ọo Mu bụ Onye-Nwe-Ọha.\" 3Sụ whẹ agha: \"Shi l'ọgbo rwua l'ọgbo, iwhe bụ ẹpa unu, bụ onye l'aasọ nsọ, jekuberu iwhe dụ nsọ, ndu Ízurẹlu doberu mụbe Onye-Nwe-Ọha nsọ, onye ọbu bẹ l'ee-kefukwa l'oke l'iwhu mu. Ọo Mu bụ Onye-Nwe-Ọha.\n4\"Onye shi l'eri Érọnu, ẹhu-ba-dụ-mma, l'eswe nswe l'eme l'akpọ-ẹhu, ọdua l'ọo onye iwhe l'alwashị l'ẹhu, t'onye ọbu be erikwa iwhe dụ nsọ jeye nteke l'aa-sọ-buhu iya nsọ. Onye bụ ẹpa Érọnu ẹhu iya chiru l'iwhe chiru ẹhu l'odzu shi nno bụru iwhe l'aasọ nsọ m'ọ bụ l'o chiru nwoke, gbọru ụnwuda ẹhu, 5m'ọ bụ onye ẹhu iya denyiru l'iwhe l'awụ l'ẹwho, bụ iwhe l'ee-me iya t'ọ bụru onye l'aasọ nsọ, m'ọ bụ l'ẹhu iya denyiru l'onye l'aasọ nsọ m'ọ bụ l'o nweru iwhe ọdo, meru iya, ọ bụru onye l'aasọ nsọ, b'ọ bụakwa onye l'aasọ nsọ. 6Onye ẹhu iya denyiru l'ụdu iwhe ono l'a-bụru onye l'aasọ nsọ jeye chi ejihu. T'o bo rikwa iwhe dụ nsọ, gbahaa l'o gude mini ghụa ẹhu. 7Ẹnyanwu rịbade l'ishi bẹ onye ọbu l'a-bụru onye l'aata sọhe nsọ, ya eria iwhe dụ nsọ, o noo nkele ọo nri gbarụ iya nụ ndono. 8T'o bo rijekwa iwhe nwụhuru anwụhu m'ọ bụ iwhe anụ dzugburu, oo-vutakwa mmerwu m'o ria ya. Ọo Mu bụ Onye-Nwe-Ọha.\n9\"Tẹ ndu l'agbajẹ ẹja nụ Chileke mejekwa iwhe mu sụru tẹ whẹ meje; ọdua bẹ ikpe iya l'a-nmakwa whẹ, whẹ anwụhu. Ọo Mu bụ Onye-Nwe-Ọha, onye doberu whẹ nsọ.\n10\"T'onye l'abụa onye shi l'eri ndu l'agbajẹ ẹja nụ Chileke be erijekwa iwhe dụ nsọ. T'onye bụ ẹbyii l'ibe onye l'agbajẹ ẹja nụ Chileke m'ọ bụ onye o butaru ozhi be erikwa iwhe dụ nsọ. 11Ọle ọ -bụru l'onye l'agbajẹ ẹja nụ Chileke gude okpoga iya gbata ohu m'ọ bụ l'a nwụru iya ohu l'uwhu, tẹ ndu ono rijekwaa nri ono. 12Nwa nwanyị onye l'agbajẹ ẹja nụ Chileke, lụru onye l'abụa eri ndu l'agbajẹ ẹja nụ Chileke te erikwa iwhe ono, dụ nsọ, l'aanụje ndu l'agbajẹ ẹja Chileke. 13Ọle ọ -bụru lẹ nwa nwanyị ono, l'agbajẹ ẹja nụ Chileke ono tẹke anwụtadua nwa, ji iya nwụhu m'ọ bụ l'a chịfuru iya achịfu, ọ laa ibe nna iya, t'o rijekwaa nri nna iya, g'o shi erije iya nteke ọ bụ nwata. Ọle t'onye l'abụa onye eri ndu l'agbajẹ ẹja nụ Chileke be erikwa iya.\n14\"Onye riru iwhe dụ nsọ l'amagama, t'onye ọbu kfụkwaa ụgwo iya nụ onye l'agbajẹ ẹja nụ Chileke, kfụru nkere ise tukobe iya. 15Tẹ ndu l'agbajẹ ẹja nụ Chileke be emerwukwa iwhe ono, dụ nsọ, shi l'ẹka ndu Ízurẹlu, bụ ọwhu whẹ nụru Onye-Nwe-Ọha. 16T'a ba ahakwa tẹ ndu l'ẹte agbaa ria iwhe ono, dụ nsọ, shi nno mee tẹ ndu ọbu vuru ejo-iwhe dụ iya nụ, bụru ndu ikpe nmarụ, nkele ọo Mu bụ Onye-Nwe-Ọha, onye doberu whẹ nsọ.\"\n17Tọ dụ iya bụ, Onye-Nwe-Ọha bya ekfuru yeru Mósisu sụ iya: 18\"Kfuru Érọnu yẹle ụnwu iya mẹe ndu Ízurẹlu gẹ whẹ ha sụ whẹ agha: Onye bụ onye Ízurẹlu, m'ọ bụ onye lwarụ alwa, bu ebu lẹ Ízurẹlu gude iwhe bya t'e gude iya gbaarụ Onye-Nwe-Ọha ẹja ọkpokota-iwhe-ọku, l'ọnodu ụgwo ụkwa, onye ọbu kweru, m'ọ bụ l'ọo iwhe zụru iya nkwe l'obu, 19t'onye ọbu kpụtakwa anụ, bụ okee ya, l'adụa ẹka ọrwu dụ iya l'ẹhu bya. Iwhe l'oo-gude bya bụ oke-eswi m'ọ bụ ebyila m'ọ bụ mkpi nggẹ a nafụ iya unu l'ẹka. 20Unu ba anụkwa iwhe ọrwu dụ l'ẹhu nkele a ta anafụkwa iya unu l'ẹka. 21Onye l'anụ Onye-Nwe-Ọha ngwo-ẹja ẹhu-guu shi nno emedzu ụkwa m'ọ bụ l'ọonu iya g'ọ zụru iya nkwe l'obu, ọ -bụru eswi m'ọ bụ atụru m'ọ bụ eghu, t'ọ bụkwaru ọwhu ẹhu dzuru oke, l'adụa ẹka ọrwu dụ iya l'ẹhu nggẹ a nafụ iye ya l'ẹka. 22Unu ba anụkwa Onye-Nwe-Ọha anụ, l'atsọ ishi m'ọ bụ ọwhu l'ete ọkpa m'ọ bụ ọwhu iwhe mekaru m'ọ bụ ọwhu iwhe l'alwashị l'ẹhu m'ọ bụ ọwhu iwhe l'eme l'akpọ-ẹhu. Unu be egudekwa anụ, dụ ẹgube ono je akpọoru Onye-Nwe-Ọha ọku l'ẹnya-mgbẹja. 23A bya l'iwhe zụru unu nkwe l'obu, unu nwekwaru ike unu anụ eswi m'ọ bụ atụru, ọrwu dụ l'ẹhu. Ọle ẹgube iya ono bẹ l'aata anatadụ l'ụgwo ụkwa, onye kweru. 24Unu ba anụjekwa Onye-Nwe-Ọha anụ, e mekaru iwhe l'ẹkwoku-akpụraku m'ọ bụ ọwhu a gbapyaru ẹkwoku-akpụraku m'ọ bụ ọwhu iwhe lajarụ ẹkwoku-akpụraku m'ọ bụ ọwhu e bufuru nkiya ebufu. Unu be emejekwa iwhe dụ ẹgube ono l'alị unu. 25Unu ba anụjekwa anụ, shi l'ẹka onye ọha ọdo t'ọ bụru nri, unu l'anụ Chileke unu. Eshi-ọwhu ẹgube anụ ono dụ g'ọo anụ, ọrwu dụ l'ẹhu, bẹ l'aata anatakwa iya unu l'ẹka.\"\n26Tọ bụdu iya bụ, Onye-Nwe-Ọha bya ekfuru yeru Mósisu sụ iya: 27\"A nwụa oke-eswi m'ọ bụ atụru m'ọ bụ eghu, a hajẹe ya tẹ yẹle ne iya nọo abalị ẹsaa. Wata lẹ mbọku nke ẹsato tụgburu bẹ l'aa-nata iya t'ọ bụru ngwo-ẹja, l'aakpọ ọku anụ Onye-Nwe-Ọha. 28Unu ba akpakọjekwa ne eswi yẹle nwa iya m'ọ bụ atụru yẹle nwa iya gbua abalị lanụ.\n29\"Ọ -bụru l'unu l'agbarụ Onye-Nwe-Ọha ẹja ekele, t'unu mejekwa iya l'ụzo, dụ ree nke ọwhu l'aa-nafụ iya unu l'ẹka. 30T'ọ bụkwaru abalị lanụ bẹ l'ee-rikota iya; ba adụkwa ọwhu unu l'e-riwhodo eriwhodo t'ọ fụta ụtsu. Ọo Mu bụ Onye-Nwe-Ọha.\n31\"Unu dobekwa iwu mu, meje iya ememe. Ọo Mu bụ Onye-Nwe-Ọha. 32Unu be emerwukwa ẹwha mu ono, dụ nsọ. Tẹ ndu Ízurẹlu hụbekwa mu ama g'ọo onye dụ nsọ. Ọo Mu bụ Onye-Nwe-Ọha onye meru, unu dụ nsọ. 33Ọ kwa mu whọ dufutaru unu l'alị Íjiputu tẹ mu bụru Chileke unu. Ọo Mu bụ Onye-Nwe-Ọha.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/22","date":"2018-12-17T06:58:41Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828448.76\/warc\/CC-MAIN-20181217065106-20181217091106-00385.warc.gz","language":"eza","language_score":1.0000097752,"language_script":"Latn","minhash_cluster_size":1,"top_langs":"{\"eza_Latn_score\": 1.0000097751617432}","num_words":954,"character_repetition_ratio":0.111,"word_repetition_ratio":0.0,"special_characters_ratio":0.27,"stopwords_ratio":0.331,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 23\nOri-oge Onye-Nwe-Ọha\n1Tọ dụ iya bụ, Onye-Nwe-Ọha bya ekfuru yeru Mósisu sụ iya: 2\"Kfuru ndu Ízurẹlu sụ whẹ agha: Ọ waa bụ oge, Onye-Nwe-Ọha tụ-buru atụ-bu t'e rije ndọwa; mbụ oge, unu l'a-ryajẹ aryarya t'ọ bụru ndzuko dụ nsọ. 3Abalị ishii bẹ unu l'e-jeje ozhi; mbọku nke ẹsaa abụru mbọku Sabatụ, bụ mbọku-ọtuta-ume. Mbọku ono l'a-bụru ndzuko, dụ nsọ. T'unu be ejejekwa ozhi mbọku ono, ọ kwa mbọku-ọtuta-ume nke Onye-Nwe-Ọha l'iwhe bụ ẹka unu bu. 4Ọ waa bụ oge, Onye-Nwe-Ọha tụ-buru atụ-bu t'e rije, bụ nteke l'ee-nweje ndzuko, dụ nsọ. Unu l'a-ryajẹ iya arya m'o rwua nteke a tụ-buru iya.\nOri-oge O-je-ghata\n5\"Mbọku, l'ee-rije oge O-je-ghata Onye-Nwe-Ọha bụ mẹ ọnwa mbụ dụ l'abalị iri l'ẹno; l'urwẹnyashi mbọku ono. 6L'abalị iri l'ise l'ọnwa ono bẹ unu l'e-rijeru Onye-Nwe-Ọha oge buredi, l'eete eyee iwhe l'ekoje buredi. Abalị ẹsaa bẹ unu l'a-ta buredi, l'eete eyee iwhe l'ekoje buredi. 7Mbọku mbụ, l'eeri-oge ono bẹ unu l'e-nwe ndzuko, dụ nsọ. T'ọ bọ dụkwa ozhi, unu l'e-je mbọku ono. 8Abalị ẹsaa bẹ unu l'a-nọdulewho gbakọtaru Onye-Nwe-Ọha ẹja, l'aakpọ ọku. Mbọku nke ẹsaa ono bẹ l'ee-nwe ndzuko, dụ nsọ. Ba adụkwa ozhi, l'eejeje eje, unu l'e-je mbọku ono l'owhu.\"\nOri-oge Mebyi Iwhe mbụ\n9Tọ dụ iya bụ, Onye-Nwe-Ọha bya ekfuru yeru Mósisu sụ iya: 10\"Kfuru ndu Ízurẹlu sụ whẹ agha: Unu -bahụlewho l'alị ono, mu l'eme tẹ mu nụ unu, unu -kpata iwhe unu meberu l'alị, t'unu wotakwaru onye l'agbajẹ ẹja nụ Chileke ukfu lanụ l'iwhe mbụ, unu l'e-vu ụzo kpata. 11T'onye l'agbajẹ ẹja nụ Chileke ono maa ukfu iwhe ono amama l'iwhu Onye-Nwe-Ọha nggẹ Chileke anata iya unu l'ẹka. Mbọku, l'ọo-ma iya bụ mbọku l'etsota mbọku-ọtuta-ume. 12Mbọku, unu l'a-ma ukfu iwhe ono l'iwhu Onye-Nwe-Ọha bẹ unu l'a-nụkwawho Onye-Nwe-Ọha ebyila, gbarụ awha, ọrwu l'adụa l'ẹhu t'ọ bụru ngwo-ẹja ọkpokota-iwhe-ọku. 13Ngwo-ẹja nri, l'e-tso iya bụ ụzo labọ l'ime nkere iri efere nkwẹka ụturutuu-witi, a gwọkoberu mmanụ t'ọ bụru ngwo-ẹja, a kpọru ọku nụ Onye-Nwe-Ọha, mkpọ iya dụ ree, e ye iya mmẹe, jiru ekpemu labọ t'ọ bụru ngwo-ẹja mmẹe. 14Unu ba atakwa buredi mẹe witi, a hụru ahụ mẹe ọwhu dụ oyiru jeye mbọku ono gẹdegede, bụ mbọku unu l'e-wotaru Chileke unu ngwo-ẹja ono. Ọo iwhe mu tọru ọkpa iya t'ọ dụ jeyewaroya ndono, shi l'ọgbo rwua l'ọgbo l'iwhe bụ ẹka unu bu.\nOri-Oge Idzu\n15\"A bya lẹ mbọku ono, l'etsota mbọku-ọtuta-ume ono, unu gbarụ ẹja amama whọ, unu shi mbọku ono nọ-dzua idzu ẹsaa kperegedemu. 16Unu gụa ụkporo abalị ugbo labọ l'abalị iri dobe, unu nọ-dzulewho mbọku-ọtuta-ume ẹsaa, lẹ mbọku ọwhu l'etsota mbọku-ọtuta-ume nke ẹsaa ono; t'unu nụ Onye-Nwe-Ọha ngwo-ẹja nri ọwhuu. 17Tẹ ndu nọnu shi l'ibe whẹ wota ishi buredi ẹbo-ẹbo t'ọ bụru ngwo-ẹja amama. Buredi ono bụ ụzo labọ l'ime nkere iri efere nkwẹka ụturutuu-witi, e yeru iwhe l'ekoje buredi bẹ l'ee-gude ghee ya, unu anụ iya t'ọ bụru mebyi iwhe mbụ, unu nụru Onye-Nwe-Ọha. 18Iwhe unu l'e-yekobefua l'ishi buredi ono bụ ụnwu ebyila ẹsaa, gbagewaru awha, l'adụa ẹka ọrwu dụ whẹ l'ẹhu mẹe nwa oke-eswi lanụ mẹe ebyila labọ, t'ọ bụru ngwo-ẹja ọkpokota-iwhe-ọku, l'aanụ Onye-Nwe-Ọha yẹle ngwo-ẹja nri mẹe ngwo-ẹja mmẹe, tso iya nụ t'ọ bụru ngwo-ẹja, a kpọru ọku, mkpọ iya dụ Onye-Nwe-Ọha ree. 19Ọo ya bụ, unu abya akpụta mkpi lanụ gbaa ẹja iwhe-dụ-ẹji, bya akpụta ụnwu ebyila labọ, gbageeru awha t'ọ bụru ngwo-ẹja ẹhu-guu. 20T'onye l'agbajẹ ẹja nụ Chileke wota ụnwu ebyila labọ ono maa amama l'iwhu Onye-Nwe-Ọha t'ọ bụru ngwo-ẹja amama yẹle buredi ono, e meru lẹ mebyi iwhe mbụ. Ngwo-ẹja ono g'ọ ha bẹ dụru Onye-Nwe-Ọha nsọ. Onye ọ bụ nkiya bụ onye ono l'agbajẹ ẹja nụ Chileke. 21Mbọku ono bẹ unu l'e-nwe ndzuko, dụ nsọ. T'ọ bọ dụkwa ozhi, unu l'e-je mbọku ono l'owhu. Iwhe ono bụ iwhe a tọru ọkpa iya sụ t'unu tsoje jeyewaroya, shi l'ọgbo rwua l'ọgbo l'iwhe bụ ẹka unu bu ebu.\n22\"Unu -kpadẹkwa iwhe unu meberu l'alị, t'unu kpatajẹkwa iya kpawhodo ọwhu dụ l'oge alị. Unu be ejejekwa ọkpa mkpakwa iwhe unu kpawhodoru l'ẹka unu kpatarụ iwhe. Unu hajẹ ono t'ọ bụru nke ndu ụkpa mẹe ndu lwarụ alwa. Ọo Mu bụ Onye-Nwe-Ọha bụru Chileke unu.\"\nOri Awha-Ọ̀whúú\n23Tọ dụ iya bụ, Onye-Nwe-Ọha bya ekfuru yeru Mósisu sụ iya: 24\"Kfuru ụnwu Ízurẹlu sụ whẹ agha: Mbọku mbụ l'ọnwa ẹsaa, nwụtaru anwụta l'a-bụjeru unu mbọku-ọtuta-ume, mbọku ono bẹ unu l'e-nweje ndzuko, dụ nsọ. Mbọku ono bẹ l'ee-gbu opyi-ọku gude karụ iya ọha-l'eze. 25T'ọ bọ dụkwa ozhi, unu l'e-jeje mbọku ono l'owhu, unu gbajẹru Onye-Nwe-Ọha ẹja, l'aakpọ ọku mbọku ono.\"\nMbọku ọkfu ụgwo iwhe-dụ-ẹji\n26Tọ dụ iya bụ, Onye-Nwe-Ọha bya ekfuru yeru Mósisu sụ iya: 27\"Abalị iri l'ọnwa ẹsaa ono l'a-bụje mbọku ọkfu ụgwo iwhe-dụ-ẹji. Mbọku ono bẹ l'a-bụru unu ndzuko dụ nsọ. Unu l'a-swị ẹgu, unu agbaa ẹja, l'aakpọ ọku nụ Onye-Nwe-Ọha. 28Ba adụkwa ozhi, unu l'e-je mbọku ono nkele mbọku ono bụkwa mbọku ọkfu ụgwo iwhe-dụ-ẹji; mbọku ono l'aa-nọdu l'iwhu Onye-Nwe-Ọha, bụ Chileke kfụa ụgwo iwhe-dụ-ẹji unu metagbaberu. 29Onye nọdu tọ swị ẹgu mbọku ono bẹ l'ee-kefu l'oke l'ẹka ndibe whẹ nọ. 30Onye jekwanuru ozhi mbọku ono bẹ mu l'e-me t'ọ tọhu l'echilabọ ndu nkewhe. 31T'ọ bọ dụkwa ozhi, unu l'e-je. Ọ kwa iwhe a tọru ọkpa iya doberu unu jeyewaro ya ndono, shi l'ọgbo rwua l'ọgbo l'iwhe bụ ẹka unu bu. 32Mbọku ono l'owhu bụkwaru unu mbọku-ọtuta-ume. Unu swịa ẹgu, unu eshi l'urwẹnyashi abalị tete l'ọnwa ono tụta ume ono rwua l'urwẹnyashi mbọku, ọnwa l'agba abalị iri.\"\nOri-oge Ime-Mkpu\n33Tọ dụ iya bụ, Onye-Nwe-Ọha bya ekfuru yeru Mósisu sụ iya: 34\"Kfuru ụnwu Ízurẹlu sụ whẹ agha: Abalị iri l'ise l'ọnwa ẹsaa l'a-bụru ori oge Ime-Mkpu nke Onye-Nwe-Ọha. Unu l'e-ri oge ono abalị ẹsaa. 35Mbọku nke mbụ bẹ l'a-bụru unu ndzuko, dụ nsọ. T'ọ bọ dụkwa ozhi, unu l'e-je mbọku ono l'owhu. 36Abalị ẹsaa ono bẹ unu l'a-nụje Onye-Nwe-Ọha ẹja, l'aakpọ ọku. Lẹ mbọku nke ẹsato, unu enweru ndzuko, dụ nsọ, bya anụkwawho Onye-Nwe-Ọha ngwo-ẹja, l'aakpọ ọku. Mbọku ono l'a-bụru ndzuko, dụ nsọ, ba adụkwa ozhi, unu l'e-je mbọku ono l'owhu.\n37\"O noo bụ ori-oge, Onye-Nwe-Ọha tụ-buru atụ-bu, mbụ oge, unu l'a-ryajẹ aryarya t'ọ bụru ndzuko, dụ nsọ. T'a nụkwa Onye-Nwe-Ọha ngwo-ẹja, l'aakpọ ọku; mbụ ngwo-ẹja ọkpokota-iwhe-ọku mẹe ngwo-ẹja nri mẹe ngwo-ẹja mmẹe mẹe ngwo-ẹja ọdo, ọwhu nọnu bẹ l'aa-nụje mbọku, gbarụ iya nụ. 38A gụfukwa iya rọ mbọku-ọtuta-ume, a gụfu iya iwhe unu l'a-nụje Onye-Nwe-Ọha, gụfu iya ọkfu ụgwo ụkwa onye kweru, gụfu iya iwhe anụnu ọwhu unu tụru obu unu ama anụ Onye-Nwe-Ọha.\n39\"L'abalị iri l'ise l'ọnwa ẹsaa nteke unu kpatagewaru iwhe unu meberu l'alị chịbata, t'unu rikwaa oge Onye-Nwe-Ọha abalị ẹsaa. Mbọku nke mbụ iya yẹle mbọku nke ẹsato iya bẹ l'a-bụje mbọku odzuta ike. 40Mbọku nke mbụ bẹ unu l'e-wotaje akpụru oshi, dụ ree mẹe igu ooshi mẹe ẹkali oshi, ẹkwo dụ jịkfu jịkfu mẹe ẹkali oshi wilo, unu egude iya je ete ẹswa l'iwhu Onye-Nwe-Ọha, bụ Chileke unu abalị ẹsaa. 41Unu rijee ya abalị ẹsaa l'ẹwha Onye-Nwe-Ọha t'ọ bụru oge, l'eeri eri awha g'awha ha. Iwhe ono bụ iwhe a tọru ọkpa iya t'ọ dụru unu jeyewaroya shi l'ọgbo rwua l'ọgbo. Unu rijee ya l'ọnwa ẹsaa. 42Ẹka unu l'e-bujeru l'abalị ẹsaa ono bụ l'ime mkpuumkpu. T'iwhe bụ onye a nwụru lẹ Ízurẹlu bukwaru lẹ mkpuumkpu nteke ono. 43Ọo ya bụ, nggẹ ẹpa unu amarụ lẹ mu meru t'ụnwu Ízurẹlu buru lẹ mkpuumkpu nteke ono, mu dufutaru whẹ lẹ Íjiputu. Ọo Mu bụ Onye-Nwe-Ọha bụru Chileke unu.\"\n44Mósisu bya atọgboru ndu Ízurẹlu ọkpa ori-oge ono, Onye-Nwe-Ọha tụ-buru atụ-bu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/23","date":"2018-12-10T04:27:32Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823303.28\/warc\/CC-MAIN-20181210034333-20181210055833-00386.warc.gz","language":"eza","language_score":1.0000077486,"language_script":"Latn","minhash_cluster_size":1,"top_langs":"{\"eza_Latn_score\": 1.0000077486038208}","num_words":1220,"character_repetition_ratio":0.1,"word_repetition_ratio":0.045,"special_characters_ratio":0.262,"stopwords_ratio":0.282,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 3:9\n9Ya bya eshi l'anụ ngwo-ẹja ẹhu-guu ono buta ẹka l'ee-gude gbaarụ Onye-Nwe-Ọha ẹja, l'aa-kpọ ọku nụ iya. T'o heshia ẹba iya l'owhu; ya eshi lẹ mgboro ọkpu ukfu iya buta ukfumọdzu iya l'owhu, bụ ẹka ẹba l'adụje. Ẹba, kwechiru ẹwho anụ ono mẹe ẹba, dụ l'ẹwho iya bẹ l'ee-hetafua.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/3\/9","date":"2018-12-10T15:50:37Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823348.23\/warc\/CC-MAIN-20181210144632-20181210170132-00188.warc.gz","language":"eza","language_score":0.9999775887,"language_script":"Latn","minhash_cluster_size":1,"top_langs":"{\"eza_Latn_score\": 0.9999775886535645}","num_words":50,"character_repetition_ratio":0.014,"word_repetition_ratio":0.0,"special_characters_ratio":0.267,"stopwords_ratio":0.3,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 20\nIwu iri, shi l'ẹka Chileke\n1Onye-Nwe-Ọha bya ekfua okfu lile-e sụ:\n2\"Ọo Mu bụ Onye-Nwe-Ọha, bụ Chileke unu, mbụ onye ono, dufutaru unu l'alị Íjiputu; l'alị ẹka ono, unu shi bụru ohu.\n3\"Tọ bọ dụkwa iwhe ọdo, unu l'a-bajẹru ẹja, gbahaa mụbe Chileke kpụ.\n4\"Unu be emetakwaru onwunu ntẹkpe e meru, ọ dụ g'ọo iwhe nọ l'imigwe m'ọ bụ iwhe nọ lẹ mgboko m'ọ bụ iwhe nọ lẹ mini-ime-alị. 5Unu be ebujekwaru whẹ iwhu l'alị m'ọ bụ baarụ whẹ ẹja. O noo nkele mụbe Onye-Nwe-Ọha, bụ Chileke unu l'ekoje okoowhoo. Mu l'ahụ̀je ndu kpọru mu ashị àhụ̀hù iwhe dụ ẹji, whẹ meru mu; kwobe iya hụ̀a ụnwu whẹ mẹe ụnwu nwanwa whẹ mẹe ụnwu nwanwa-nwanwa whẹ àhụ̀hù. 6Obenu l'iwhe bụ ndu yeru mu obu; eme iwhe iwu mu kfuru bẹ mu l'emeje tẹ n-yemobu mu bụru o-je-lẹ-nwanwa l'ẹhu whẹ.\n7\"Unu be ekujekwa ẹwha mụbe Onye-Nwe-Ọha, bụ Chileke unu l'ụzo, l'akfụaru nhamụnha. Nkele mụbe Onye-Nwe-Ọha ta abyakwa l'a-ha ndu l'ekuje ẹwha mu l'ụzo, l'akfụaru nhamụnha tẹ mu ba anụ whẹ awhụ.\n8\"Unu nyatajẹkwa mee mbọku Sabatụ bụ iya bụ mbọku-ọtuta-ume t'ọ dụ nsọ. 9Ọo abalị ishii bẹ unu l'e-seje anya, gude jekota ozhi unu. 10Ọle mbọku nke ẹsaa, bụ mbọku-ọtuta-ume nke Onye-Nwe-Ọha, bụ Chileke unu. Tọ bọ dụkwa ozhi, unu l'e-jeje mbọku ono. Unu be ekwejekwa t'ụnwu unu mẹe ndu unu gbarụ ohu mẹe élwù unu mẹe ndu lwarụ alwa, bu lẹ mkpụkpu unu; jee ozhi mbọku ono. 11O noo nkele ọo abalị ishii bẹ mụbe Onye-Nwe-Ọha meru igwe, mee mgboko yẹle eze-ẹnyimu mẹe iwhe lile, dụkota iya nụ. O belewho lẹ mbọku nke ẹsaa ya, mu tụta ume. Ọ bụru iwhe ono meru g'o gude mụbe Onye-Nwe-Ọha gọru ọnu-ọma nụ mbọku-ọtuta-ume ono; bya emee ya; ọ dụ nsọ.\n12\"Unu kwabẹje ne lẹ nna, nwụru unu ugvu. Ọo ya bụ, nke ọwhu ndzụ unu l'a-dụ ogologo l'alị ono, Onye-Nwe-Ọha, bụ Chileke unu l'abya unu anụnu.\n13\"Unu be egbujekwa ọchi.\n14\"Unu be erikwa ogori.\n15\"Unu be ezhijekwa oshi.\n16\"Unu ba atukobejekwa madzụ ibe unu iwhe l'oomee.\n17\"T'ụlo madzụ ibe unu mẹe nyee ya mẹe ohu, ọ gbatarụ agbata mẹe élwù iya mẹe iwhe o nwe enwe g'ọ ha ba adụjekwa unu nke t'a sụ l'ọo unu nwe iya.\"\n18O noo ya, ndu Ízurẹlu gẹ whẹ ha whụlewho g'egbe-igwe ono l'ada mẹe g'ebemu ono l'awa whoowhoo, whẹ nụkwaawho ụda opu ono, bya awhụ g'ugvu ono l'akpụshi ẹnwuru ọku, ẹhu wata whẹ anmanma l'ẹka whẹ l'atsụ egvu. Whẹ je akfụru otẹnya, 19sụ Mósisu: \"Kfujeru yeru anyi gụbedua; l'anyi l'a-ngabẹe nchị. Ọle tẹ Chileke be ekfukwa yeru anyi l'onwiya; a nọnyaa anyi nwụshihu.\"\n20Mósisu sụ ndu Ízurẹlu: \"Unu ba atsụshi egvu. O noo nkele Chileke bẹ byarụ t'ọ data unu nke ọwhu unu l'a-nọje atsụ Chileke egvu haa ome iwhe-dụ-ẹji.\"\n21Ndu Ízurẹlu je akfụru otẹnya; ọwhube Mósisu jeshia lẹ mgboro ẹka ono, gbarụ tsụrikiti ono, bụ ẹka Chileke nọ.\nỌtu ẹnya-mgbẹja Onye-Nwe-Ọha\n22Onye-Nwe-Ọha sụ Mósisu: \"Ọ waa iwhe l'ii-kfuru ndu Ízurẹlu ndọwa: Unubẹdua l'onwunu whụwaru gẹ mu shi l'imigwe kfuru yeru unu. 23T'ọ bọ dụkwa agwa, unu l'e-meta swikube mu. Unu be egudekwa mkpọla-ọcha, ọdua l'ọo mkpọla-ododo meta agwa doberu onwunu.\n24\"Unu gudeje ẹja, shi l'alị tụaru mu ẹnya-mgbẹja, unu egbujeeru mu atụru l'eli iya mẹe eghu mẹe eswi, gude gbaarụ mu ẹja ọkpokota-iwhe-ọku mẹe ẹja ẹhu-guu. Ẹka lile, mu meru t'a nyatajẹ ẹwha mu bẹ mu l'a-byakfutaje unu bya agọru ọnu-ọma nụ unu. 25Ọ -bụru l'unu gude ẹwhuru atụru mu ẹnya-mgbẹja, unu be egudekwa ẹwhuru, a waru awa tụa ya. O noo nkele unu -tsua ya ọngu bẹ unu merwuwaru iya. 26Unu ba atụjekwa ẹnya-mgbẹja ono t'ọ ha l'eli; unu be eyekwa iya iwhe l'aa-gbakojeru agbakoru enyihuje iya enyihu; a nọnyaa, unu ghebe onwunu ọnu l'ẹnya-mgbẹja ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/20","date":"2018-12-17T00:50:09Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828018.77\/warc\/CC-MAIN-20181216234902-20181217020902-00310.warc.gz","language":"eza","language_score":1.0000089407,"language_script":"Latn","minhash_cluster_size":1,"top_langs":"{\"eza_Latn_score\": 1.0000089406967163}","num_words":614,"character_repetition_ratio":0.073,"word_repetition_ratio":0.0,"special_characters_ratio":0.258,"stopwords_ratio":0.34,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 13\nÉbiramu yẹle Lọtu kewaru\n1O noo ya, Ébiramu yẹle nyee ya mẹe iwhe lile o nwe enwe mẹe Lọtu shi l'alị Íjiputu tụgburu lashia echi-ẹgu ọhuda. 2Nteke onoya bẹ Ébiramu nwewaru élwù; nweru mkpọla-ọcha; nweru mkpọla-ododo; nweshia ya ike.\n3Whẹ bya eshi l'echi-ẹgu ọhuda ono palihu ije. Whẹ jezhiawho gẹ whẹ l'eje jeye whẹ rwua Bẹtelu, bya adawhu azụ l'ẹka ono, whẹ vu ụzo kpọbe ụlo-ẹkwa whẹ; ẹka ọbu bẹ dụ l'echilabọ Bẹtelu yẹle É-ayị; 4mbụ ẹka ono, Ébiramu tụru ẹnya-mgbẹja, nọdu iya kpọ-kua ẹwha Onye-Nwe-Ọha.\n5O noo ya, ọwhube Lọtu, bụ onye yẹle Ébiramu lị l'ije ono bẹ nwekwaruwho igwe-atụru mẹe igwe-eswi mẹe ụlo-ẹkwa nkiya. 6Alị ono ta asụhe whẹ labọ ebubu. Nkele élwù whẹ kwatarụ paa ẹka apaa nke ọwhu bụ lẹ whẹ ta anọkotahedu l'ẹka lanụ. 7Ọo ya bụ, ụswo daarụ ndu l'echeru Ébiramu élwù yẹle ndu l'echeru Lọtu nkiya. Nteke ono bẹ ndu Kenanu mẹe ndu Pẹ́rezu shi bukwaduru l'alị ono. 8Ébiramu bya asụ Lọtu: \"Be ekweshinu t'ụswo daarụ mu lẹ ghu; ya eje adarụ ndu l'echeru ghu élwù yẹle ndu l'eche nke mbẹdua; eshi-ọwhu mu lẹ ghu bụ abụbu. 9?Ọ kwa l'ị tụkowaru alị ọbu g'ọ ha whụkota? T'anyi ba akwọkfuheru l'ẹka lanụ. Hatazhiawho ẹkiya ọwhu dụ ghu ree je eburu. Ọ -bụru l'ị hatarụ ẹka-ịcha, mu alashia ẹka-ụtara; nteke bụ l'ị hatarụ ẹka-ụtara, mu alashia ẹka-ịcha.\"\n10Lọtu bya apalia ẹnya imeli whụ lẹ nsụda Jọ́danu bẹ nweru mini ree-ree-ree; m'a tụgburu Zowa; ẹka ono l'owhu dụlewho g'ọo mgbabu Onye-Nwe-Ọha, dụkwawho g'ọo alị Íjiputu. Nteke ono bẹ Onye-Nwe-Ọha l'ẹteke emebyidua alị Sódomu yẹle Gọmóra. 11Tọ dụ iya bụ, Lọtu hata nsụda Jọ́danu l'owhu, bya atụgburu lashia ụzo ẹnyanwu-awata nsụda ono. Ọ bụru iya bụ l'ụmadzu labọ ono ekewaa. 12Ébiramu buru l'alị Kenanu; Lọtu je eburu lẹ mkpụkpu l'ime mkpụkpu, dụ-gee lẹ nsụda ono. Ọ kpọ-zhiawho ụlo-ẹkwa iya jeye alị Sódomu. 13O noo ya, ndu Sódomu bụ ndu l'eme ejo-ememe; iwhe-dụ-ẹji, whẹ l'emegbabe Onye-Nwe-Ọha paa ẹka.\n14Gẹ Lọtu kewafugeeru onwiya l'ẹka Ébiramu bẹ Onye-Nwe-Ọha sụru Ébiramu: \"Palia ẹnya ghu imeli, shi l'ẹka ono, ị nọ lee ẹnya l'ụzo isheli; gụ elee l'ụzo ọhuda; gụ elee l'uzo ẹnyanwu-awata; gụ elee l'ụzo ẹnyanwu-arịba. 15Alị lile, ị whụru bẹ mu l'a-nụ gụ l'ẹpa ghu t'ọ bụru nkunu jeye lẹ gbururu. 16Mu l'e-me t'ẹpa ghu ha g'ọo ẹja dụ l'alị, nke ọwhu bụ l'onye dụ ike gụta ẹja, dụ l'alị bẹ l'a-dụ ike gụta ẹpa ghu l'ọgu. 17Jegbakota alị ono l'ogologo mẹe l'uswe. O noo nkele ọo ghu bẹ mu l'a-nụkota iya.\"\n18Ọo ya bụ, Ébiramu whọta ụlo-ẹkwa iya, je eburu lẹ mgboro eze oshi Mamure, dụ lẹ Hiburọnu. Ọ nọdu l'ẹka ono tụaru Onye-Nwe-Ọha ẹnya-mgbẹja.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/13","date":"2018-12-14T09:31:15Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825512.37\/warc\/CC-MAIN-20181214092734-20181214114234-00592.warc.gz","language":"eza","language_score":0.999982357,"language_script":"Latn","minhash_cluster_size":1,"top_langs":"{\"eza_Latn_score\": 0.9999823570251465}","num_words":437,"character_repetition_ratio":0.052,"word_repetition_ratio":0.0,"special_characters_ratio":0.252,"stopwords_ratio":0.261,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 11\nỌku, shi l'ẹka Onye-Nwe-Ọha\n1Tọ dụ iya bụ, ndu Ízurẹlu wata ọku walaa ekfu lẹ whẹ nọ l'iwhe-ọtsulanu. Walaa ono, whẹ l'akụ bya erwua Onye-Nwe-Ọha lẹ nchị shi nno kpatsua ya ẹhu-eghughu. Ọku, shi l'ẹka Onye-Nwe-Ọha bya ekegbushikota ndu Ízurẹlu ndu ọwhu kpọberu ụlo-ẹkwa ebubu whẹ l'ụzo ishi ishi. 2Ndu Ízurẹlu bya aryaku Mósisu, o kfuru nụ Onye-Nwe-Ọha; ọku ono nyịshihu. 3Ọo ya bụ, e kulahaa ẹwha ẹka ono Tabera,+ nkele ọku, shi l'ẹka Onye-Nwe-Ọha bya ekegbushia whẹ.\nNri, l'eeku Mana\n4Ikpoto ndu ono whẹ lẹ ndu Ízurẹlu gwarụ ọgwamogwa tsoru l'ije ono wata ọrya ọrya ẹgu nri. Ndu Ízurẹlu wata ọrya ẹkwa ọdo asụje: \"?Oo onye l'a-nụ anyi anụ t'anyi taa? 5Anyi nyatarụ nteke anyi nọ l'alị Íjiputu, mbụ nteke anyi shi anọje ata anụ ẹma, anyi ta akfụ ụgwo iya, eri kukumba, eri ụgboma-mini, eri liku mẹe alịbasa mẹe galịku. 6Ọle ntaa bẹ l'adụhedua iwhe l'agụjekwadu anyi ẹgu eriri, tọ dụ iwhe ọdo, anyi l'awhụjekwadu ria, gbahaa mana-a.\"\n7Nri ono, bụ mana bẹ ụgbugba iya dụ g'ọo akpụru koriyanda, i -lee ya ẹnya ya adụ g'ọo etse bedelọmu. 8Ndu Ízurẹlu l'ejeje je ekpokoo ya gwee egwegwe, m'ọ kwanụ tsua etsutsu l'ọtumu. Whẹ l'ahajẹru shia ya eshi,, harụ ghee ya eghe. Ụtso iya l'adụje g'ọo iwhe e gude mmanụ ólivu ghee. 9Nteke mana ono l'adajẹru whẹ bụ mẹ iji dadẹlewho l'ẹka whẹ kpọberu ụlo-ẹkwa ebubu whẹ l'ẹnyashi.\nMósisu l'edoru Onye-Nwe-Ọha edo\n10Mósisu bya anụa gẹ ndu Ízurẹlu wụshi-geeru l'ọnu ụlo-ẹkwa ebubu whẹ aryakaa ẹkwa, ndu nọnu l'ọzo-ụlo nkewhe, Onye-Nwe-Ọha vọru ọku ghụa ẹhu l'ẹka whẹ nọ, ọ tsụlahaa Mósisu l'ẹhu. 11Ọ jịa Onye-Nwe-Ọha sụ iya: \"?Ọo gụnu kpatarụ iwhe i wokfutaru mụbe onye ozhi nkeghu ụdu iwhe-ọtsulanu, dụ ẹgube-ẹ? ?Ọo gụnu meru, mu ta adụ ghu l'obu meru g'o gude ị parụ ivu ẹhu ndu-a gẹ whẹ ha byabẹ mu l'ishi tẹ mu vuru? 12?Ọo mbẹdua bẹ yeru ime ndu-a gẹ whẹ ha, tọo mu nwụshiru whẹ? ?Ndẹe iwhe meru g'o gude ị sụ tẹ mu heru whẹ g'ọo onye l'ehe nwata jeye nteke mu l'e-heru whẹ rwua alị ẹka ono, i kweru ụkwa iya bya eribuaru nna whẹ oche lẹ nte sụ l'ịi-nụ whẹ? 13?Ọo awe bẹ mu l'a-whụ anụ, mu l'a-nụgbabe ndu-a? Ntekenteke bẹ whẹ l'anọje arya ẹkwa ekpu mu asụje tẹ mu nụ whẹ anụ tẹ whẹ taa! 14Mu ta adụkwa ike ehekota ndu-a nwẹkinyi mu, ivu ẹhu whẹ l'anyị-gbukwa mu anyị-gbu. 15O bekwa nke t'i shi nno mee mu iya, gbẹ-chia gbule mu whọ mgbu lanụ ntaa, m'ọ -bụru lẹ mu dụ ghu l'obu, nke ọwhu mu l'ẹte anọdu ndzụ gude ẹnya mu whụ gẹ l'ọodua.\"\n16Onye-Nwe-Ọha bya eyeeru Mósisu ọnu sụ iya: \"Chịta ndu bụ ọgurenya Ízurẹlu ụkporo madzụ ugbo ẹto l'ụmadzu iri tẹ whẹ byakfuta mu, mbụ ndu ị hụberu ama lẹ whẹ bụwho ndu bụ ọgurenya, bụru ndu ishi whẹ. Chịta whẹ tẹ gụ lẹ whẹ tụko bya akfụru lẹ Ụlo-ẹkwa-ndzuko. 17Mu l'e-nyizeta byakfuta ghu l'ẹka ono, mu lẹ ghu ekfugba okfu, mu aharu ume, dụ ghu l'ẹhu habọta woru ye ndu ono l'ẹhu nkewhe nke ọwhu whẹ l'e-yeta ẹka evubude ghu ivu ono, t'i be evuhe iya nwẹka ghu. 18Gụ ekfuru ndu Ízurẹlu tẹ whẹ doo onwowhe nsọ m'ọgvu echile, l'o -rwua echile bẹ whẹ l'a-ta anụ. Nkele mụbe Onye-Nwe-Ọha bẹ nụwaru ẹkwa ono, whẹ shi aryakaa asụje woo: '?Oo onye l'a-nụ anyi anụ t'anyi taa? Nteke whẹ shi nọdu lẹ Íjiputu bẹ kakwarụ whẹ mma.' Ntaa bẹ Onye-Nwe-Ọha byawa l'anụ unu anụ t'unu taa. 19Anụ ono, mu bya l'anụ unu ono bẹ unu l'ẹte atagedu l'ujiku owhu, unu ta atage iya l'ujiku labọ, unu ta atage iya l'ime ujiku ise, unu ta atage iya l'ime ujiku iri, unu ta atage iya l'ime ụkporo abalị. 20Unu l'a-ta anụ ono ọnwa owhu; tata iya jeye ya eshi unu l'imi ebushihu ebushihu, mbụ jeye ya alaa unu ashị, o noo nkele unu jịkaru Onye-Nwe-Ọha, onye swiru unu, ryarụ ẹkwa kpua ya sụ: '?Ndẹ-zhia iwhe meru anyi shi l'alị Íjiputu fụta?' \"\n21Tọ dụ iya bụ, Mósisu sụ Onye-Nwe-Ọha: \"Ị whụanaru-a l'ọo ụkporo ụnu madzụ ụkporo ugbo ẹto, l'ụkporo ụnu madzụ ugbo iri l'ise bẹ mu lẹ whẹ gude ọkpa eje ẹgube-ẹ. Ọ bụru whẹ b'ị sụru l'ịi-nụ anụ, whẹ l'a-ta ọnwa owhu. 22?Ọo gụnu bẹ l'aa-nụ whẹ bya l'e-dzuru whẹ, e -gbua m'o beru e gbua enyi m'ọ bụ atsụ patarụ whẹ; ?ọ bya l'e-dzuru whẹ, o beru e -gbushiaru whẹ ẹma, nọkota l'eze-ẹnyimu ?ọ bya l'e-dzuru whẹ?\"\n23Onye-Nwe-Ọha sụ Mósisu: \"Ẹka mụbe Onye-Nwe-Ọha ?ọ dụ mkpụrumkpu tọo? Ntaa b'ị bya l'awhụ mẹ iwhe mu kfuru l'oo-medzu tẹ too medzudu.\"\nNdu bụ ọgurenya Ízurẹlu l'ekfuchiru Chileke\n24O noo ya, Mósisu bya alụfu je akarụ ndu Ízurẹlu iwhe Onye-Nwe-Ọha kfuru. Ọ chịta ndu bụ ọgurenya ụkporo madzụ ugbo ẹto l'ụmadzu iri ono, whẹ bya akfụ-wheta Ụlo-ẹkwa ono mgburumgburu. 25Ọo ya bụ, Onye-Nwe-Ọha gude urwukpu nyizeta bya ekfuru yeru Mósisu, harụ ume, dụ Mósisu l'ẹhu habọta woru ye ndu bụ ọgurenya ụkporo ugbo ẹto l'ụmadzu iri ono l'ẹhu. Nteke ume ono byalẹru whẹ whọ l'ẹhu, whẹ awata anọ ekfuchiru Chileke. Obenu lẹ whẹ te ekfuchiduru iya tụgbuwaruro.\n26Ọle o nweru ụmadzu labọ ọdo, kwaburu l'ụlo-ẹkwa ebubu whẹ, ẹwha onye lanụ bụ Ẹludadu, ẹwha onye ọwhua bụru Medadu. Whẹ tso lẹ ndu bụ ọgurenya, e deshiru ẹwha whẹ, ọle whẹ te etsodu jee lẹ Ụlo-ẹkwa ono. Obenu l'ume ono byalẹru-a bya eji whẹbedua ẹhu, whẹ nọdu l'ẹka whẹ kpọberu ụlo-ẹkwa ebubu whẹ kfuchilahaaru Chileke. 27Nwata nwokoro ọbu gbagbụa je asụ Mósisu: \"Ẹludadu yẹle Medadu nọdukwa l'ẹka whẹ kpọberu ụlo-ẹkwa ebubu whẹ ekfuchiru Chileke.\"\n28Jóshuwa nwa Nunu, onye shi nkeshi nteke ọ bụ nwata jetaru Mósisu ozhi tụfulekwawho ọnu sụ: \"Onye-nwe-mu nụ Mósisu, kfuru whẹ tẹ whẹ dobe ọnu ndoo.\"\n29Mósisu sụ iya: \"?Ọo ọdzori bẹ l'ịigbarụ mu ẹgube ono tọo? Ọ gẹga adụ mu ree, ọ -bụ l'ọ dụ g'e shi ndu nke Onye-Nwe-Ọha gẹ whẹ ha bụkotaru ndu nkfuchiru, m'ọkwanu ọ dụ g'e shi Onye-Nwe-Ọha yekota whẹ ume iya l'ẹhu.\" 30E megee, Mósisu mẹe ndu bụ ọgurenya Ízurẹlu ono lawhu azụ l'ẹka whẹ kpọberu ụlo-ẹkwa ebubu whẹ.\nOnye-Nwe-Ọha wotaru ọkwa t'ọ bụru anụ atata\n31O noo ya, whẹrewhere bya eshi l'ẹka Onye-Nwe-Ọha nọ whelahaa, o shi l'eze-ẹnyimu chịkashia ọkwa, whẹ dashịa lẹ mgboro mgboro ẹka whẹ kpọberu ụlo-ẹkwa ebubu whẹ ono. Whẹ tụko ẹka ono g'ọ ha dzuru rwua iwhe ha g'ọo ẹka madzụ l'adụ ike jee l'ọkpa ujiku lanụ, ewhekaa iwhe rwuru nha-ọkpa ẹto watalẹwho l'ọma-alị. 32Mbọku ono l'owhu mẹe ẹnyashi ono l'owhu mẹkwawho echile iya bẹ whẹ tsoru je anwụkoo ọkwa ono. Onye nwụtanukaru nwanshị bẹ nwụ-jiru efere-nkwẹka ụkporo ugbo ise. Whẹ kpasaa ya t'ọ kpọo nkụ, ọ tụko ẹka ono, whẹ kpọberu ụlo-ẹkwa ebubu whẹ ono dzuru mgburumgburu. 33Gẹ whẹ kpụkwadua anụ ono l'ọnu ata, tẹmenu whẹ tagee ya bẹ ẹhu-eghughu volihuru Onye-Nwe-Ọha l'ẹhu l'ẹka ndu Ízurẹlu nọ, ọ tụru ejo mgbu-ọnwu nụ whẹ. 34O noo ya, e kulahaa ẹwha ẹka ono Kiburotu Hatava,+ nkele ọo ẹka ono b'e liru iwhe bụ ndu whụru kpakekpake nri.\n35Whẹ shi lẹ Kiburotu Hatava l'ẹka ono tụgbua jeshia Hazerotu je anọshia.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/11","date":"2018-12-10T10:23:06Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823322.49\/warc\/CC-MAIN-20181210101954-20181210123454-00472.warc.gz","language":"eza","language_score":1.000009656,"language_script":"Latn","minhash_cluster_size":1,"top_langs":"{\"eza_Latn_score\": 1.0000096559524536}","num_words":1166,"character_repetition_ratio":0.079,"word_repetition_ratio":0.0,"special_characters_ratio":0.253,"stopwords_ratio":0.288,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 1:9\n9Ẹwho anụ ono yẹle ẹka iya mẹe ọkpa iya bẹ onye ono l'e-gude mini saa asa. Onye l'agbajẹ ẹja nụ Chileke atụko anụ ono l'owhu kpọo ọku l'ẹnya-mgbẹja ono, t'ọ bụru mgbẹja a kpọkotaru ọku, mbụ mgbẹja, a kpọru ọku, mkpọ iya dụ Onye-Nwe-Ọha ree.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/1\/9","date":"2018-12-10T23:50:22Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823516.50\/warc\/CC-MAIN-20181210233803-20181211015303-00186.warc.gz","language":"eza","language_score":0.9998697042,"language_script":"Latn","minhash_cluster_size":2,"top_langs":"{\"eza_Latn_score\": 0.999869704246521}","num_words":46,"character_repetition_ratio":0.008,"word_repetition_ratio":0.0,"special_characters_ratio":0.255,"stopwords_ratio":0.283,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 28:15\nẸkwa, l'eegudeje ekwechi obu\n15\"T'onye l'eme nka kwee ẹkwa, l'eegudeje ekwechi obu, l'ee-gudeje achọ iwhe bụ uche Chileke. T'e gude iwhe ono, e gude kwee uwe ifọdu whọ kwee ya; bụ iya bụ mkpọla-ododo, a tụru g'ọo oghu mẹe oghu, dụ urwukpu-urwukpu mẹe oghu, l'eke mmee-mmee mẹe nke uswe-uswe mẹe oghu ọcha, a swịru g'ọo ụdo.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/28\/15","date":"2018-12-19T15:44:53Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376832559.95\/warc\/CC-MAIN-20181219151124-20181219173124-00149.warc.gz","language":"eza","language_score":1.0000066757,"language_script":"Latn","minhash_cluster_size":1,"top_langs":"{\"eza_Latn_score\": 1.0000066757202148}","num_words":57,"character_repetition_ratio":0.104,"word_repetition_ratio":0.0,"special_characters_ratio":0.269,"stopwords_ratio":0.246,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 22:6\n6Iwhe mu l'aryọ ghu ntaa bụkwa t'ị bya atụaru mu ndu ono ọnu, o noo nkele whẹ ka mu ẹkuku. O nwekwaru gẹ l'ọo-dụ, mu alwụ-gbua whẹ chịa whẹ l'alị-a. Mu marụ l'onye ị gọru ọnu-ọma nụ bẹ ọnu-ọma l'etsoje; onye ị tụru ọnu bẹ ejo ọnu l'etsoje.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/22\/6","date":"2018-12-16T07:42:42Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827596.48\/warc\/CC-MAIN-20181216073608-20181216095608-00351.warc.gz","language":"eza","language_score":1.0000081062,"language_script":"Latn","minhash_cluster_size":1,"top_langs":"{\"eza_Latn_score\": 1.0000081062316895}","num_words":49,"character_repetition_ratio":0.0,"word_repetition_ratio":0.0,"special_characters_ratio":0.292,"stopwords_ratio":0.347,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 5\nIwhe bụ madzụ -mee ya, ya agbaa ẹja iwhe-dụ-ẹji\n1\"Ọ -bụru lẹ madzụ meru iwhe-dụ-ẹji okfu l'ọ whụru iwhe meru nụ, ọdua l'e meru t'ọ marụ iwhe ono, a bya aryaa ya l'edzudzu-ọha t'onye mazhiaru ọgha iya bya agbaa ẹka-ebe, onye ono ta afụta bya ekfua iwhe ọ marụ, ejo-iwhe ono, o meru kwa l'ishi iya b'o tukoru.\n2\"Ọdua lẹ madzụ bẹ ẹka iya denyiru l'iwhe l'aasọ nsọ m'ọ bụ odzu anụ-ẹgbudu, l'aasọ nsọ m'ọ bụ odzu élwù, l'aasọ nsọ m'ọ bụ odzu anụ, l'awụ l'ẹwho, l'aasọ nsọ, onye ọbu bụakwa onye l'aasọ nsọ; m'o beru t'ọ ma ama, ọ bụakwa onye ikpe nmarụ.\n3\"Ọdua l'ẹka iya denyiru l'iwhe l'aasọ nsọ, shi l'ẹhu madzụ, o beru ọ bụru iwhe l'aasọ nsọ, dụ ọdu-agha, mbụ iwhe l'emeje, madzụ abụru onye l'aasọ nsọ, m'o beru t'ọ ma ama; ọ bụakwa onye ikpe nmarụ mẹ ọ malẹruwho.\n4\"Onye kfụ-burihuru gbaheleketengu ribua nte iwhe l'oo-me m'ọ bụ ejo-iwhe m'ọ bụ iwhe dụ ree, o beru ọ bụru ụdu nte dụ ọdu-agha bẹ madzụ kfụ-burihuru ria, lẹ b'o vuadaa ụzo rịa ya arịri, onye ọbu bụakwa onye ikpe nmarụ m'ọ malẹruwho.\n5\"Ọ -bụru l'o nweru onye meru iwhe ono, a gụshiru, shi nno mee t'ikpe nma iya, t'onye ọbu dụshikwaa iwhe-dụ-ẹji ọbu, o meru. 6T'onye ono, meru iwhe-dụ-ẹji shi l'eghu iya mẹe atụru iya kpụta ada atụru m'ọ bụ ada eghu t'ọ bụru ngwo-ẹja iwhe-dụ-ẹji l'ọogbaru Onye-Nwe-Ọha. Onye l'agbajẹ ẹja nụ Chileke eshi nno kfụa ụgwo iwhe-dụ-ẹji ọbu, onye ọbu meru.\n7\"Ọ -bụru l'ẹka onye ọbu te erwudu lẹ nwatụru, ya anwụtaru Onye-Nwe-Ọha ndo labọ m'ọ bụ kparakụ labọ nke iwhe-dụ-ẹji ono, o meru. Nnanụ l'a-bụru ngwo-ẹja iwhe-dụ-ẹji; nnanụ abụru ngwo-ẹja ọkpokota-iwhe-ọku. 8T'onye ọbu nwụta ụnwu-ẹnu ono wojeru onye l'agbajẹ ẹja nụ Chileke. Onye l'agbajẹ ẹja nụ Chileke ono evuru ụzo gbaa ọwhu bụ ngwo-ẹja iwhe-dụ-ẹji. T'ọ ghaa ya ẹka l'olu, ọle t'o bo swibufukwa iya ishi. 9Ya emeta mmee ngwo-ẹja iwhe-dụ-ẹji ono whee l'agụga ẹnya-mgbẹja ono; haa mmee ya ọwhu whuduru nụ t'ọ lashị l'ukfu ẹnya-mgbẹja ono. Ọo ngwo-ẹja iwhe-dụ-ẹji b'ọ bụ. 10Ya abya nteke ono bya egude ẹnu nke ẹbo whọ gbaa ẹja ọkpokota-iwhe-ọku; mee ya gẹ l'eemeje iya. O noo g'onye ono, l'agbajẹ ẹja nụ Chileke l'e-shi kfụa ụgwo iwhe-dụ-ẹji, onye ono meru; a gụaru iya nvụ.\n11\"Nteke bụ l'ẹka onye ọbu te erwufudua lẹ ndo labọ m'ọ bụ lẹ kparakụ labọ, t'onye ọbu wota ụturutuu-witi, jiru nkere iri nkwẹka, t'ọ bụru ngwo-ẹja iwhe-dụ-ẹji, l'ee-gude safụ iwhe-dụ-ẹji o meru. T'ọ bo yekwa iya mmanụ, too ye iya ụ̀nwù-isẹnsu nkele ọo ngwo-ẹja iwhe-dụ-ẹji b'ọ bụ. 12T'o wojeru iya onye l'agbajẹ ẹja nụ Chileke. Onye l'agbajẹ ẹja nụ Chileke ono ahajia ya ẹka t'ọ kfụru l'ọzori ngwo-ẹja ono; woru iya kpọo ọku l'ẹnya-mgbẹja, l'eli ngwo-ẹja, l'aakpọ ọku anụ Onye-Nwe-Ọha. Ọo ngwo-ẹja iwhe-dụ-ẹji b'ọ bụ. 13Ọo l'ụzo, dụ nno bẹ onye l'agbajẹ ẹja nụ Chileke l'e-shi kfụa ụgwo iwhe-dụ-ẹji, onye ono meshiru; a gụaru iya nvụ. Iwhe whuduru nụ lẹ ngwo-ẹja ono l'a-bụru nke onye l'agbajẹ ẹja nụ Chileke ono; ẹgube ono, ọ dụ lẹ ngwo-ẹja nri.\"\nNgwo-ẹja ọkfu-ụgwo\n14Onye-Nwe-Ọha bya ekfuru yeru Mósisu sụ iya: 15\"O -nweru onye mesweru nụ, mbụ l'o meru iwhe-dụ-ẹji l'amagama t'ọ nụ Onye-Nwe-Ọha iwhe gbarụ iya nụ, t'onye ọbu shi l'eghu iya mẹe atụru iya kpụta ebyila, l'adụa ẹka ọrwu dụ iya l'ẹhu bya anụ Onye-Nwe-Ọha t'ọ bụru ngwo-ẹja ọkfu-ụgwo. T'e gudekwa shẹkelu mkpọla-ọcha ụlo-nsọ marụ aswa ebyila ono. Ọo ngwo-ẹja ọkfu-ụgwo b'ọ bụ. 16T'onye ọbu meshia iwhe ono, o mesweru l'ọnodu iwhe ono, dụ nsọ ono. T'o yekwa nkere ise l'iwhe ono, woru je anụ onye l'agbajẹ ẹja nụ Chileke. Onye l'agbajẹ ẹja nụ Chileke ono egude ebyila whọ gbaa ẹja ọkfu-ụgwo, shi nno kfụa ụgwo iwhe-dụ-ẹji, onye ono meru; a gụaru iya nvụ.\n17\"O -nweru onye meru iwhe-dụ-ẹji, mee iwhe Onye-Nwe-Ọha tụru l'iwu t'e be emeshi, t'ọ ma ama; onye ọbu bẹ ikpe nmaakwarụ. Ọ bụru iya bẹ vu ejo-iwhe, dụ iya nụ. 18T'onye ọbu shi l'atụru iya yẹle eghu iya kpụta ebyila, l'adụa ẹka ọrwu dụ iya l'ẹhu, t'ọ bụru ngwo-ẹja ọkfu-ụgwo, m'ọ bụ ya ewota iwhe aswa yẹle ebyila ono bụ iwhe lanụ. T'ọ nụ iya onye l'agbajẹ ẹja nụ Chileke t'o gude iya kfụa ụgwo iwhe ọbu, o meru l'amagama, a gụaru iya nvụ. 19Ọo ngwo-ẹja ọkfu-ụgwo b'ọ bụ, nkele onye ono bẹ ikpe nmarụ l'iwhu Onye-Nwe-Ọha.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/5","date":"2018-12-16T04:04:39Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827252.87\/warc\/CC-MAIN-20181216025802-20181216051802-00084.warc.gz","language":"eza","language_score":1.0000091791,"language_script":"Latn","minhash_cluster_size":1,"top_langs":"{\"eza_Latn_score\": 1.0000091791152954}","num_words":714,"character_repetition_ratio":0.123,"word_repetition_ratio":0.026,"special_characters_ratio":0.266,"stopwords_ratio":0.279,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 6\n1Tọ dụ iya bụ, Onye-Nwe-Ọha bya ekfuru yeru Mósisu sụ iya: 2\"Madzụ -mee iwhe-dụ-ẹji, shi nno meswee Onye-Nwe-Ọha nkele ọ dzụru ibe iya ejire l'iwhe a nụru iya t'o dobe m'ọ bụ t'o leta ẹnya, ọdua l'ọ narụ iwhe madzụ ibe iya kerafu ẹnya, m'ọ bụ l'o riru madzụ ibe iya urwu, 3m'ọ bụ l'ọ tụrutaru iwhe tuwhahuru etuwhahu, to kwe lẹ ya marụ ọgha iya, ọdua l'ọ kpapyabẹru iwhe o meru gụa ẹnwa, ọdua l'onye ọbu bẹ meru iwhe dụ ẹgube ono, shi nno mee iwhe-dụ-ẹji. 4Onye ono, meru iwhe-dụ-ẹji ono, shi nno meta iwhe ikpe nmarụ iya bẹ iwhe l'oo-me bụ t'o wolahu iwhe ọbu, ọ natarụ madzụ kerafu ẹnya, m'ọ bụ iwhe ọbu, o riru madzụ urwu iya, m'ọ bụ iwhe ọbu, a nụru iya t'o dobe, o ria ya, m'ọ bụ iwhe ọbu, tuwhahuru etuwhahu, ọ tụrutaru, 5m'ọ bụ iwhe bụ-zhiawho iwhe o meru ọ kpapyabẹ iya gụa ẹnwa. T'onye ọbu kfụkotakwa ụgwo iwhe ono g'ọ ha, ya atukobefua ya iwhe ha ẹgube ono nkere ise woru nụ onye nwe iwhe ono. Mbọku, l'ọo-kfụ ụgwo iwhe ono bụ mbọku, l'oo-wota ngwo-ẹja ọkfu-ụgwo bya anụnu. 6Ngwo-ẹja ikpe-anmanma, l'ọo-gbarụ Onye-Nwe-Ọha bẹ l'oo-wotaru onye l'agbajẹ ẹja nụ Chileke. T'o shi l'eghu iya mẹe l'atụru iya kpụta ebyila, l'adụa ẹka ọrwu dụ iya l'ẹhu, m'ọ ya anụ iwhe aswa yẹle ebyila ono bụ iwhe lanụ. 7Onye l'agbajẹ ẹja nụ Chileke ono anọdu l'iwhu Onye-Nwe-Ọha kfụa ụgwo iwhe-dụ-ẹji, onye ono meru; a gụaru iya nvụ l'iwhe g'iwhe ha, o meru, ikpe iya nmarụ iya.\"\nNgwo-ẹja ọkpokota-iwhe-ọku\n8Onye-Nwe-Ọha bya ekfuru yeru Mósisu sụ iya: 9\"Kfuru Érọnu yẹle ụnwu iya sụ whẹ l'ọ waa iwu, dụ lẹ ngwo-ẹja ọkpokota-iwhe-ọku: Tẹ mgbẹja ọkpokota-iwhe-ọku nọkotajekwa l'ọku, dụ l'ẹnya-mgbẹja ẹnyashi owhu jeye l'ụtsu. Ọku, dụ l'ẹnya-mgbẹja ono l'a-nọlewho enwule iya whọ mkpụrudumalanu l'eli. 10O -rwua l'ụtsu, t'onye l'agbajẹ ẹja nụ Chileke ono chịta uwe iya ono, e meru l'oghu ọcha yẹle nwịba iya weru. Ya abya ekpota ntụ, shi lẹ ngwo-ẹja ọkpokota-iwhe-ọku ono, bụ ọwhu ọku kepyashiru l'ẹnya-mgbẹja ono kporu wụa l'agụga ẹnya-mgbẹja ono. 11Nteke ono bẹ l'oo-yefu uwe ono; chịta uwe ọdo yee; pata ntụ ono lụfu azụ ẹka ndu Ízurẹlu kpọbe-geeru ụlo-ẹkwa whẹ; l'ẹka mmerwu l'adụa. 12Ọku ono, dụ l'ẹnya-mgbẹja ono bẹ l'ee-me t'o nwulewho gẹ l'oonwu; t'ọ bọ nyịhukwa anyịhu. T'onye l'agbajẹ ẹja nụ Chileke yejekwa iya nkụ l'ụtsu mbọku mbọku. Ya ewojeru anụ ngwo-ẹja ọkpokota-iwhe-ọku doo ya rii l'eli, ya akpọjekwawho ẹba, shi l'anụ ngwo-ẹja ẹhu-guu ọku l'eli iya. 13T'ọku nwujelekwawho mkpụrudumulanu l'eli ẹnya-mgbẹja ono, t'ọ bọ nyịhujekwa anyịhu.\nNgwo-ẹja nri\n14\"Ọ waa bụ iwu, dụ lẹ ngwo-ẹja nri: Ọo ụnwu Érọnu l'a-nọduje l'iwhu Onye-Nwe-Ọha gbaa ẹja ono l'atatiwhu ẹnya-mgbẹja. 15T'onye l'agbajẹ ẹja nụ Chileke hata ụturutuu-witi, a gwọkoberu mmanụ ọwhu jiru mkpoji-ẹka, wotakwawho ụ̀nwù-isẹnsu lile, e yeru lẹ ngwo-ẹja nri ono, je akpọo ọku l'ẹnya-mgbẹja ono t'ọ kfụru l'ọzori ngwo-ẹja nri ono, bụru ngwo-ẹja, mkpọ iya dụ Onye-Nwe-Ọha ree. 16Uwhudu iya bụ Érọnu yẹle ụnwu iya l'e-rije iya. Ọle tẹ whẹ be eyejekwa iya iwhe l'ekoje buredi. Ẹka whẹ l'a-nọduje ria ya bụ l'ẹka dụ nsọ. Ẹka whẹ l'a-n��duje eri iya bụ l'ọma ogboduwhu ụlo-ẹkwa ndzuko. 17T'e be eyekobejekwa iya iwhe l'ekoje buredi m'e ghedele iya whọ. Mu nụru whẹ iya t'ọ bụru oke iya nkewhe lẹ ngwo-ẹja, a kpọru ọku nụ mu. Ngwo-ẹja ono bẹ dụ nsọ shii g'ọo ngwo-ẹja iwhe-dụ-ẹji yẹle ngwo-ẹja ikpe-anmanma. 18Iwhe, bụ nwoke, bụ ẹpa Érọnu bẹ l'e-rije oke iwhe, shi lẹ ngwo-ẹja ono, a kpọru ọku nụ Onye-Nwe-Ọha. O noo bụ iwhe a tọru ọkpa iya doberu ẹpa Érọnu l'owhu jeyewaroya shi l'ọgbo rwua l'ọgbo. Onye ẹka iya denyiru lẹ ngwo-ẹja ono bụwa onye dụ nsọ.\"\n19Onye-Nwe-Ọha bya asụ Mósisu woo ya: 20\"Ọ waa bụ ngwo-ẹja, ẹpa Érọnu l'e-gwoje nụ Onye-Nwe-Ọha mbọku, a wụru whẹ mmanụ l'ishi: Iwhe whẹ l'e-gudeje bụ ụturutuu-witi, jiru nkere iri nkwẹka, t'ọ bụru ngwo-ẹja nri, l'ee-gwoje ntekenteke. Nkerẹbo iya bẹ l'ee-gwoje l'ụtsu, gwoo nkere ẹbo iya ọwhua l'urwẹnyashi. 21T'e ye iya lẹ mbeji, gwọkobe iya mmanụ ree, ghee ya egheghe pabata. Gụ eworu iya gwepyashia egwepyashi gude bya egwooru Onye-Nwe-Ọha, t'ọ bụru ngwo-ẹja nri, mkpọ iya dụ Onye-Nwe-Ọha ree. 22Ọo onye bụ ẹpa Érọnu ono, a wụru mmanụ t'ọ nọ-chia ẹnya iya bụru onye l'agbajẹ ẹja nụ Chileke l'a-gba ẹja ono l'onwiya. Ẹja ono bụ Onye-Nwe-Ọha bẹ nweru iya nụ. Iwhe ono bụ iwhe a tọru ọkpa iya t'ọ dụ jeyewaroya. T'a kpọkotajekwa iya ọku g'ọ ha. 23Iwhe bụ ngwo-ẹja nri, onye l'agbajẹ ẹja nụ Chileke gworu bẹ l'aa-kpọ ọku g'ọ ha; e te eridu iya eriri.\"\nNgwo-ẹja iwhe-dụ-ẹji\n24Tọ dụ iya bụ, Onye-Nwe-Ọha bya asụ Mósisu: 25\"Kfuru Érọnu yẹle ụnwu iya sụ whẹ: Ọ waa bụ iwu, dụ lẹ ngwo-ẹja iwhe-dụ-ẹji. Ọo l'ẹka l'eegbuje anụ, e gude agba ẹja ọkpokota-iwhe-ọku bẹ l'ee-gbuje anụ, e gude agba ẹja iwhe-dụ-ẹji; mbụ l'aa-nọduje l'iwhu Onye-Nwe-Ọha gbua anụ ọbu. Ngwo-ẹja ono dụkwa nsọ shii. 26Onye l'agbajẹ ẹja nụ Chileke, gbarụ ẹja iwhe-dụ-ẹji ono bụ iya l'e-ri iya. T'ọ nọdukwa l'ẹka dụ nsọ ria ya. Ẹka l'ọo-nọdu ria ya bụ l'ọma ogboduwhu Ụlo-ẹkwa ndzuko. 27Onye ẹhu iya chiru l'anụ ono dụakwa nsọ. Ọ -bụru lẹ mmee anụ ono kfụkashiru kpua l'uwe iya, t'a nọdukwa l'ẹka dụ nsọ saa uwe ọbu, ọ kfụkashiru kpua. 28Ọ -bụru l'ọo ite, a kpụru l'ụrwa b'e gude shia anụ ono, t'a tụkpokwaa ya atụkpo; nteke bụ l'ọo ite-igwe t'e huchakwaa ya ehucha, gude mini nmasaa ya anmasa. 29Iwhe bụ nwoke lẹ ndu l'agbajẹ ẹja nụ Chileke l'e-ri iya. Ngwo-ẹja dụkwa nsọ shii. 30Ọle t'e be erikwa anụ, a gbarụ ẹja iwhe-dụ-ẹji, e wobataru mmee ya lẹ Ụlo-ẹkwa-ndzuko t'e gude kfụa ụgwo iwhe-dụ-ẹji lẹ Ẹka-dụ-nsọ. T'a kpọkwa anụ ọbu ọku.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/6","date":"2018-12-19T02:11:31Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376830305.92\/warc\/CC-MAIN-20181219005231-20181219031231-00085.warc.gz","language":"eza","language_score":1.0000084639,"language_script":"Latn","minhash_cluster_size":1,"top_langs":"{\"eza_Latn_score\": 1.000008463859558}","num_words":931,"character_repetition_ratio":0.094,"word_repetition_ratio":0.0,"special_characters_ratio":0.261,"stopwords_ratio":0.291,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 6:19\n19\"Onye ono, dụru Onye-Nwe-Ọha nsọ ono -rwushigelewho ẹgbushi ono, o doberu nsọ; ọo ya bụ; onye l'agbajẹ ẹja nụ Chileke eworu ẹka ebyila ono, e shiru eshi dẹe ya l'ẹka t'ọ parụ mẹe akara lanụ, l'eete eyee iwhe lekoje buredi, shi lẹ nkata whọ mẹe ẹcha-mbeke lanụ, l'eete eyee iwhe l'ekoje buredi.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/6\/19","date":"2018-12-15T08:04:56Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826800.31\/warc\/CC-MAIN-20181215061532-20181215083532-00217.warc.gz","language":"eza","language_score":1.0000011921,"language_script":"Latn","minhash_cluster_size":1,"top_langs":"{\"eza_Latn_score\": 1.0000011920928955}","num_words":53,"character_repetition_ratio":0.108,"word_repetition_ratio":0.0,"special_characters_ratio":0.259,"stopwords_ratio":0.302,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 22:5\n5\"Ọ -bụru lẹ madzụ bẹ chịru élwù iya ye, o je ataa iwhe e meberu l'okfu onye ọdo m'ọ bụ lẹ mgbu vayịnu onye ọdo, m'ọ kwanụ l'ọ harụ whẹ ẹka; whẹ je anọdu ata iwhe e meberu l'okfu onye ọdo, t'onye ọbu wota iwhe kagezhia ree, shi l'okfu nkiya m'ọ bụ lẹ mgbu vayịnu iya gude kfụa ụgwo iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/22\/5","date":"2018-12-10T06:01:34Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823318.33\/warc\/CC-MAIN-20181210055518-20181210081018-00286.warc.gz","language":"eza","language_score":1.0000058413,"language_script":"Latn","minhash_cluster_size":1,"top_langs":"{\"eza_Latn_score\": 1.000005841255188}","num_words":61,"character_repetition_ratio":0.108,"word_repetition_ratio":0.0,"special_characters_ratio":0.276,"stopwords_ratio":0.311,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 14:36\n36Onye l'agbajẹ ẹja nụ Chileke ono l'a-sụ t'e gwoshikota iwhe dụ l'ụlo ọbu, tẹmenu ya abahụ je awhụ evu ọbu ọ tsụru, ọdua bẹ iwhe lile, dụ l'ụlo ọbu l'a-bụkwa iwhe l'aasọ nsọ. E -gwoshigelewho iwhe l'ụlo ono, t'onye l'agbajẹ ẹja nụ Chileke ono bahụ iya je elelee ya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/14\/36","date":"2018-12-14T10:57:14Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825512.37\/warc\/CC-MAIN-20181214092734-20181214114234-00622.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":50,"character_repetition_ratio":0.109,"word_repetition_ratio":0.0,"special_characters_ratio":0.269,"stopwords_ratio":0.34,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 20\nỌhù onye meru iwhe-dụ-ẹji àhụ̀hù\n1Tọ dụ iya bụ, Onye-Nwe-Ọha bya ekfuru yeru Mósisu sụ iya: 2\"Kfuru yeru ụnwu Ízurẹlu sụ whẹ agha: Iwhe bụ madzụ, bụ onye Ízurẹlu m'ọ bụ onye lwarụ alwa, bu l'alị Ízurẹlu, wotaru nwa iya je anụ agwa Molẹku, be l'ee-gbu egbu. Ndu alị ono gẹ whẹ ha l'a-tugbu onye ọbu l'ẹwhuru. 3Mụbe Onye-Nwe-Ọha l'onwomu l'a-tanwụbe iwhu nụa onye ọbu awhụ, kefu iya l'oke l'echilabọ ndibe whẹ nkele nteke o woru nwa iya nụ agwa Molẹku b'o merwuwaru ụlo-nsọ nkemu; merwukwaawho ẹwha mu ono, dụ nsọ. 4Ndu mkpụkpu ono -mee iwhu gẹ whẹ ta awhụdu iwhe onye ono, wotaru nwa iya nụ agwa Molẹku ono meru, haa ya egbugbu, 5mu atanwụbe iwhu nụa onye ono awhụ yẹle ndibe iya gẹ whẹ ha, kefu whẹ l'oke l'echilabọ ndibe whẹ, mbụ onye ọbu l'ishi onwiya yẹle ndu ono, tso iya agwa Molẹku, shi nno bụru ndu l'eri ogori.\n6\"Onye l'ejeje njịta l'ẹka ndu l'awhụ awhụ m'ọ bụ l'ẹka ndu l'eme amamanshi bẹ tsookwa whẹ dụ ghẹle-ghẹle-ghẹle. Mu l'a-tanwụbekwa iwhu nụa onye ọbu áwhụ, kefu iya l'oke l'ẹka ndibe whẹ nọ.\n7\"Unu dobekwa onwunu nsọ, bụru ndu dụ nsọ nkele ọo Mu bụ Onye-Nwe-Ọha bụru Chileke unu. 8Unu dobekwa iwhe mu tọru ọkpa iya, meje iya eme nkele ọo Mu bụ Onye-Nwe-Ọha, l'emeje t'unu dụ nsọ.\n9\"Onye whuru nna iya m'ọ bụ ne iya iwhu, bẹ l'ee-gbu egbu. Ọ kwa onye ọbu vu ọchi onwiya, eshi-ọwhu ọ bụ nna iya m'ọ bụ ne iya b'o whuru iwhu.\n10\"Nwoke yẹle nyee nwoke ibe iya -zẹe shi nno ria ogori, t'a kpakọkwa nwoke ọbu yẹle nwanyị ọbu gbua.\n11\"Nwoke jekfuru nyee nna iya azẹe bụkwa nna iya b'o mechiru iwhu. Nwoke ọbu yẹle nyee nna iya ọbu bẹ l'aa-kpakọ gbua, whẹ evuru ọchi onwowhe.\n12\"Nwoke jekfuru nyee nwa iya azẹe; t'a kpakọkwa whẹ gbua, ọ kwa ẹja-agvụ-l'alị bẹ whẹ meru, whẹbedua l'e-vuru ọchi onwowhe.\n13\"Nwoke jekfuru nwoke ibe iya azẹe nwoke lẹ nwanyị bẹ yẹle nwoke ibe iya mekwaru ahụma. T'a kpakọkwa whẹ gbua; whẹ evuru ọchi onwowhe.\n14\"Nwoke lụru nwanyị, bya alụa ne nyee ya bụkwa ejo-ememe b'o meru. T'a kpakọkwa nwoke ono yẹle ụnwanyi labọ ono kpọo ọku, nke ọwhu ejo-ememe, dụ nno l'ẹte adụ l'echilabọ unu.\n15\"Nwoke jekfuru anụ azẹe bẹ l'ee-gbu egbu, gbukwawho anụ ọbu.\n16\"Nwanyị woru onwiya jabẹru anụ, anụ ọbu jekfu iya azẹe, t'e gbua nwanyị ọbu yẹle anụ ọbu, whẹ evuru ọchi onwowhe.\n17\"Nwoke lụru nwune iya nwanyị m'ọ bụ nwanna iya nke nwanyị, bya ejekfu iya azẹe, b'ọ kwa iwhe-iwhere. T'a nọdukwa l'edzudzu-ọha ndibe whẹ gbua whẹ nkele ọo nwune iya b'o mechiru iwhu. Ọ kwa iya vu ejo-iwhe, o metaru.\n18\"Nwoke jekfuru nwanyị, nsọ l'eme azẹe bẹ meekwaru t'ẹnu ẹka mmee l'eshije alwa nwanyị ono gheru iya ọnu, yẹbe nwanyị bẹ kpuhawaru ẹnu ẹka mmee l'eshije alwa iya o gheru ọnu. T'a kpakọkwa nwoke ono yẹle nwanyị ono kefu l'oke l'echilabọ ndibe whẹ.\n19\"Be ejekfukwa nwune ne ghu azẹe m'ọ bụ nwune nna ghu. Onye meru nno bẹ bụkwa onye yẹle iya bụ ọkpobe abụbu b'o mechiru iwhu. Ọ kwa unu l'e-vuru ejo-iwhe, unu metaru.\n20\"Nwoke jekfuru nyee nwune nna iya azẹe m'ọ bụ jekfu nyee nwune ne iya azẹe, bẹ mechiru nwune nna iya ono m'ọ bụ nwune ne iya ono iwhu. Ọ kwa whẹ l'e-vuru ejo-iwhe, whẹ metaru. Whẹ labọ l'a-gbarụ ẹka nwa nwụshihu.\n21\"Nwoke lụru nyee nwune iya bẹ mekwaru iwhe l'aasọ nsọ, ọo nwune iya ono b'o mechiru iwhu. Whẹ labọ l'a-gbarụ ẹka nwa nwụshihu.\n22\"Unu dobekota iwhe mu tọru ọkpa iya mẹe iwhe mu tụru l'iwu g'ọ ha, meje iya eme nke ọwhu alị ọbu, mu l'edu unu ala l'ẹte agbọshi unu. 23Unu be etsokwa ẹka ndu mba ono, mu l'achịfuru unu l'iwhu, ọo iwhe ono g'ọ ha bẹ whẹ meru, meru g'o gude mu l'asọ whẹ oyi. 24Mu kfuhawaru unu sụ l'unu l'e-woru alị whẹ, mbụ lẹ mu l'a-nụ iya unu t'ọ bụru nkunu, bụ iya bụ alị ono, mini-ẹra eswi yẹle mmanụ-ẹnwu jiru ejiji. Ọo Mu bụ Onye-Nwe-Ọha bụru Chileke unu onye họfutaru unu dobe iche l'echilabọ ndiwhe.\n25\"Ọ kwa iya bụ, unu mejekwa iya t'o doo ẹnya, mbụ ọdu l'iche dụ l'anụ l'aasọ nsọ yẹle anụ l'aata asọ nsọ mẹe l'ẹnu l'aasọ nsọ yẹle ẹnu l'aata asọ nsọ. Unu be egudekwa anụ m'ọ bụ ẹnu m'ọ bụ iwhe l'awụ l'ẹwho merwua onwunu, mbụ ụnwu anụ ono mu doberu iche t'unu sọje nsọ. 26Unu dụkwaru mu nsọ, o noo nkele mbẹdua, bụ Onye-Nwe-Ọha dụ nsọ. Mu họfutawaru unu l'echilabọ ndiwhe t'unu bụru nkemu.\n27\"Nwoke, ọdua l'ọo nwanyị, l'akpatajẹ ndu maa ishi iwhe, m'ọ bụ onye bụ nwa jibya, t'e gbua onye ọbu egbu. T'e gude ẹwhuru tugbua whẹ, whẹbedua evuru ọchi onwowhe.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/20","date":"2018-12-13T12:58:33Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824822.41\/warc\/CC-MAIN-20181213123823-20181213145323-00383.warc.gz","language":"eza","language_score":1.0000092983,"language_script":"Latn","minhash_cluster_size":1,"top_langs":"{\"eza_Latn_score\": 1.000009298324585}","num_words":779,"character_repetition_ratio":0.066,"word_repetition_ratio":0.0,"special_characters_ratio":0.258,"stopwords_ratio":0.289,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 5:27\n27Ọ -bụrua woo l'o merwuru onwiya, mbụ l'ọ bụ onye ji iya l'ẹte egudee ire iya ẹka, nteke a nụleru iya whọ mini ono ọ ngụa, ọ bahụ iya l'ẹwho bẹ l'oo-wokfuta iya ejo ụkpazhi-ọnwu-ọnu. Oo-me t'ẹkpa-nwa iya chihu mẹe t'ọ bọ tụ nwa l'iwhu ụtakfu; tẹmenu a kpọ iya l'iwhu l'ibe whẹ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/5\/27","date":"2018-12-14T11:52:23Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825728.30\/warc\/CC-MAIN-20181214114739-20181214140239-00535.warc.gz","language":"eza","language_score":1.0000095367,"language_script":"Latn","minhash_cluster_size":1,"top_langs":"{\"eza_Latn_score\": 1.000009536743164}","num_words":54,"character_repetition_ratio":0.0,"word_repetition_ratio":0.0,"special_characters_ratio":0.285,"stopwords_ratio":0.296,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 22\nBélaku zhiru t'e je ekua Bélamu\n1Ndu Ízurẹlu palihu tụgbua, whẹ rwua whorokoto alị ndu Moabu, whẹ kpọbe ụlo-ẹkwa ebubu whẹ l'agụga ẹnyimu Jọ́danu, dụ chee iwhu lẹ mkpụkpu Jériko.\n2Bélaku nwa Zipo whụa iwhe lile, ndu Ízurẹlu meru ndu Amọru. 3Ẹhu rwụrwushihu ndu Moabu l'okfu ẹhu ndu Ízurẹlu nkele whẹ hanụka l'igwe. Egvu ndu Ízurẹlu gudeshia ndu Moabu. 4Ndu Moabu jekfu ndu bụ ọgurenya ndu Midiyanu je asụ whẹ: \"Ntaa bẹ ikpoto ndu Ízurẹlu-a l'a-tụko iwhe gbarụ anyi mgburumgburu lwụkota g'eswi, l'atụkoje ẹwu, dụ l'ẹgu lwụkota.\" Ọo ya bụ, Bélaku nwa Zipo, bụ eze, l'achị ndu Moabu nteke ono 5bya ezhia t'e je ekua Bélamu nwa Beyo, onye nọ lẹ mkpụkpu Petọ l'alị Amawu, dụ lẹ mgboro ẹnyimu Yufurétisu. Bélaku zhiru iya sụ: \"O nweru ndu shi l'alị Íjiputu fụta bya atụko mgboko l'owhu dzuru. Ntaa bẹ whẹ nọkwa mu lẹ mgboro. 6Iwhe mu l'aryọ ghu ntaa bụkwa t'ị bya atụaru mu ndu ono ọnu, o noo nkele whẹ ka mu ẹkuku. O nwekwaru gẹ l'ọo-dụ, mu alwụ-gbua whẹ chịa whẹ l'alị-a. Mu marụ l'onye ị gọru ọnu-ọma nụ bẹ ọnu-ọma l'etsoje; onye ị tụru ọnu bẹ ejo ọnu l'etsoje.\"\n7Ọo ya bụ, ndu bụ ọgurenya ndu Moabu mẹe ndu bụ ọgurenya ndu Midiyanu gude ụgwo, l'aakfụje t'a gbaa ẹja tụgbua jekfushia Bélamu, je ezhia ya ozhi, Bélaku zhiru iya. 8Bélamu sụ whẹ: \"Unu radụ aradụ l'ẹka-a l'ẹnyashi-a nke ọwhu mu l'a-karu unu iwhe Onye-Nwe-Ọha l'e-kfuru yeru mu.\" Ọo ya bụ, Bélamu whẹ lẹ ndu ishi Moabu ono tụko nọdu.\n9Chileke byakfuta Bélamu bya ajị iya sụ: \"?Ọo ndu ole bẹ gụ lẹ whẹ nọdu nno?\"\n10Bélamu sụ Chileke: \"Bélaku nwa Zipo, bụ eze ndu Moabu bẹ zhiru mu ozhi sụ 11l'o nweru ndu shi l'alị Íjiputu fụta bya atụko mgboko l'owhu dzuru. Tẹ mu bya eburu ọnu nụru iya ndu ono, l'o nweru gẹ l'ọo-dụ, ya alwụ-gbua whẹ chịshia whẹ l'alị whẹ.\"\n12Chileke sụ Bélamu: \"Be etsobukwaa whẹ jee, be ebukwaru ọnu nụ ndu ono nkele whẹ bụkwa ndu a gọru ọnu-ọma nụ.\"\n13O rwua l'ụtsu iya, Bélamu fụta bya ekfuru ndu ishi ono, l'ejeru Bélaku ozhi sụ whẹ: \"Unu lashia alị unu lẹ Onye-Nwe-Ọha te ekwedu tẹ mu tsoru unu jee.\" 14Ọo ya bụ, ndu ishi Moabu tụgbua lashia je asụ Bélaku: \"Bélamu jịkakwaru lẹ ya te etsodu anyi abya.\"\n15Bélaku bya ezhifu ndu ishi ọdo, kabaa l'igwe, mbụ ndu a ka ọkwabe ugvu amamẹ ndu nke mbụ whọ. 16Whẹ byakfuta Bélamu sụ iya: \"Ọ waa bụ iwhe Bélaku nwa Zipo kfuru: T'ọ bọ dụkwa iwhe l'ii-kwe t'ọ kpọshia ghu ọbya nkemu. 17Nkele mu l'a-kwabẹ ghu ugvu, parụ ẹka, mu emeeru ghu iwhe ị sụru tẹ mu meeru ghu. Byarọ bya ebuaru ndu-a ọnu.\"\n18Bélamu sụ ndu ozhi Bélaku ono: \"O -beru Bélaku je l'a-nụ mu ụlo iya ono, mkpọla-ododo mẹe mkpọla-ọcha jiru eji, mu te emeghatadu iwhe Onye-Nwe-Ọha, bụ Chileke mu kfuru. Mu te ewofudu iya iwhe ewofu, mu te eyekwa iya iwhe eyekwa. 19Ngwa, t'unu radụ l'ẹka-a lẹ gẹ ndu nke ọwhua radụru tẹ mu marụ mẹ o nweru iwhe Onye-Nwe-Ọha l'e-kfubaaru yeru mu.\"\n20Chileke byakfuta Bélamu l'ẹnyashi bya asụ iya: \"Ọ -bụru l'ọo oku bẹ ndu-a byarụ ghu ekuku, gbalihu tsoru whẹ, ọle ọo iwhe mu sụru t'i mee bẹ l'ii-me kpụ.\"\nNkakfụ-ịgara Bélamu l'ekfu okfu\n21Bélamu gbalihu l'ụtsu dozhia nkakfụ-ịgara iya tsoru ndu ishi Moabu ono, whẹ tụgburu. 22Ọle ẹhu ghuru Chileke eghu shii g'ọ tụgburu jeshia. Ojozhi-imigwe, shi l'ẹka Onye-Nwe-Ọha je akfụru kwachia ya ụzo. Nteke ono bẹ Bélamu nọdu l'eli nkakfụ-ịgara iya agba eje yẹle ndu ozhi iya ụmadzu labọ lịru. 23Nkakfụ-ịgara ono whụa ojozhi Onye-Nwe-Ọha ono g'ọ kfụru l'echi-ụzo, mịfuta ogu-ịgba iya gude l'ẹka, ọ ghakọbe l'ụzo swịba l'ẹgbudu. Bélamu chia nkakfụ-ịgara ono iwhe t'ọ gọ-zhia ya batawhu azụ l'echi-ụzo. 24Ojozhi-imigwe, shi l'ẹka Onye-Nwe-Ọha ono je akfụru lẹ nwẹswara ụzo, dụ lẹ mgbakụ mgbabu vayịnu labọ ọbu, mgbodo dụ ibẹka ẹbo-ẹbo. 25Nteke nkakfụ-ịgara ono whụru ojozhi Onye-Nwe-Ọha ono, o nwuta onwiya je gbabẹ lẹ mgbodo ono, nwuta Bélamu ọkpa hua lẹ mgbodo ono; Bélamu chia ya iwhe ọdo. 26Ojozhi-imigwe, shi l'ẹka Onye-Nwe-Ọha ono tụgbukwaru je akfụru l'ẹka ọbu, dụ kpagụu. Ẹka ono te enwedu ụzo, l'ee-shi swịa l'ẹka-ụtara, t'o nwe ụzo, l'ee-shi swịa l'ẹka-ịcha. 27Nteke nkakfụ-ịgara ono whụleruwho ojozhi Onye-Nwe-Ọha ono; ọ nmakpuru lẹ mkpula Bélamu, iwe bya Bélamu l'ẹhu, o chilahaa ya mgbọro iya. 28Onye-Nwe-Ọha kụhaa nkakfụ-ịgara ono ọnu, o kfuru okfu yeru Bélamu sụ iya: \"?Ọo gụnu bẹ mu meru ghu, meru g'o gude i chia mu iwhe ugbo ẹto?\"\n29Bélamu sụ nkakfụ-ịgara ono: \"Iwhe mu kwoberu echi ghu iwhe bụ l'iime mu eswe. Ọ -bụ lẹ mu gude ogu-ịgba l'ẹka mẹ mu egbugbua ghu ntaa.\"\n30Nkakfụ-ịgara ono sụ Bélamu: \"?Mu ta abụdu nkakfụ-ịgara, i nwe enwe tọo? I shi eshi bụ gụnu gbata mu jeye ntanụ. ?Mu mejehawaru ghu ẹgube umere-e?\"\nBélamu sụ iya: \"Waawa.\"\n31O noo ya, Onye-Nwe-Ọha bya emee tẹ Bélamu saa ẹnya, ọ whụa ojozhi Onye-Nwe-Ọha ono g'ọ kfụru l'echi-ụzo mịfuta ogu-ịgba iya gude l'ẹka. Bélamu whuzeta ishi ewhuzeta daa kfube iwhu l'alị. 32Ojozhi-imigwe, shi l'ẹka Onye-Nwe-Ọha ono jịa ya sụ: \"?Ọo gụnu meru iwhe i chiru nkakfụ-ịgara ghu iwhe ugbo ẹto? Mu byarụ tẹ mu kwachia ghu ụzo nkele ụzo, i cheberu bẹ gbagọru agbagọ l'ẹnya nkemu. 33Ugbo ẹto bẹ nkakfụ-ịgara-a whụru mu tọchakotaru mu l'ụzo. Ọ -bụ l'ọ tọ tọcharu mu l'ụzo mẹ mu egbuwa ghu tọgbo nteke onowho, haa yẹbedua t'ọ nọdu ndzụ.\"\n34Bélamu sụ ojozhi ono, shi l'ẹka Onye-Nwe-Ọha: \"Mu mewaru iwhe-dụ-ẹji nkele mu ta amadụ l'i kfụru kwachia mu ụzo. Ọo ya bụ, ọ -bụru l'ọ tọ dụdu ghu ree tẹ mu je, mu adawhu azụ.\"\n35Ojozhi-imigwe, shi l'ẹka Onye-Nwe-Ọha ono sụ Bélamu: \"Tsoruro ndu ono jeshia, ọle t'ọ bụkwaru iwhe mu sụru t'i kfua bẹ l'ii-kfu nwẹkiya.\" Ọo ya bụ, Bélamu yẹle ndu ishi ono, l'ejeru Bélaku ozhi tụgburu, ọ bụru whẹ ejeje.\nBélamu nọ l'ibe Bélaku\n36Nteke Bélaku nụru lẹ Bélamu l'abyawaa, ọ lụfu gbaje iya ndzuta lẹ mkpụkpu, dụ l'alị Moabu l'oge ẹnyimu Anọnu, mbụ l'ẹka oge-alị ono beru. 37Bélaku sụ Bélamu: \"Mu zhiru ozhi t'a bya ekua ghu ọku-ọku t'ị bya. ?Ọo hụnu gụnu meru t'ị bya eshi ono? ?Ọo lẹ mu ta adụdu ike ebu ghu obunggo ha shii tọo?\"\n38Bélamu sụ Bélaku: \"Ọ dụ ree, mu byawaru-a. ?O nweru iwhe mu l'adụ ike ekfu ntaa ọwhulabukwa? Ọo okfu, Chileke yeru mu l'ọnu bẹ mu l'e-kfu.\" 39Ọo ya b��, Bélamu tsoru Bélaku, whẹ jeshia Kiriyatu Huzotu. 40Bélaku gbushia eswi mẹe atụru gude gba ẹja, bya aharu nụ Bélamu yẹle ndu ishi ono, whẹ l'iya lị.\nOkfu mbụ, Bélamu natarụ l'ẹka Onye-Nwe-Ọha\n41O bẹ l'ụtsu echile iya, Bélaku duta Bélamu, whẹ tụgbua jeshia Bamotu-bálu. Bélamu shi l'ẹka ono harụ ndu Ízurẹlu ụwhodu whụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/22","date":"2018-12-17T14:58:31Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828507.84\/warc\/CC-MAIN-20181217135323-20181217161323-00504.warc.gz","language":"eza","language_score":1.0000069141,"language_script":"Latn","minhash_cluster_size":1,"top_langs":"{\"eza_Latn_score\": 1.000006914138794}","num_words":1109,"character_repetition_ratio":0.076,"word_repetition_ratio":0.009,"special_characters_ratio":0.257,"stopwords_ratio":0.29,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 5:19\n19Nteke ono onye l'agbajẹ ẹja nụ Chileke ono anụ iya nte t'o ria sụ: 'Ọ -bụru l'ọ tọ dụdu nwoke ọdo, gụ l'iya zẹbuwaa, tịi kpa korikori, shiwaa nno merwua onwoghu l'ẹka nwoke ọdo, l'ẹte abụa ji ghu, tẹ mgbilu mini-a, l'emeje tẹ madzụ bụru onye vu ejo-ọnu ba adụkwa iwhe l'oo-me ghu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/5\/19","date":"2018-12-15T05:17:54Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826715.45\/warc\/CC-MAIN-20181215035757-20181215061757-00506.warc.gz","language":"eza","language_score":0.9999974966,"language_script":"Latn","minhash_cluster_size":1,"top_langs":"{\"eza_Latn_score\": 0.9999974966049194}","num_words":54,"character_repetition_ratio":0.021,"word_repetition_ratio":0.0,"special_characters_ratio":0.277,"stopwords_ratio":0.148,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 8:21\n21Onye-Nwe-Ọha bya anụa mkpọ ngwo-ẹja ono, l'atsọ g'ọo gụnu, o kfua l'ime obu iya sụ: \"Mu ta abyadụ l'egudebaa okfu ẹhu madzụ tụa alị ọnu ọdo. Mu makwarụ-a lẹ wata nteke madzụ bụ nwata bẹ iwhe l'ọonoje-zhiawho arị l'obu iya bụlewho ejo-iwhe. Mu ta abyadụ l'emebyishibaa iwhe lile, mu meru ememe, nọ ndzụ ọdo ẹgube-ẹ, mu meru iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/8\/21","date":"2018-12-19T09:37:30Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376831933.96\/warc\/CC-MAIN-20181219090209-20181219112209-00548.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":59,"character_repetition_ratio":0.048,"word_repetition_ratio":0.0,"special_characters_ratio":0.259,"stopwords_ratio":0.271,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 38:19\n19Ọnu-abata ọma-ogboduwhu ono b'e metaru itso ẹno yẹle ẹnya ẹka l'aa-kpọbe-gee itso ono uzhi ẹno. Iwhe nweru ukoloba, l'ee-gude kobe ẹkwa ono l'itso ono mẹe iwhe l'ee-swebegee l'itso ono b'e mekotaru lẹ mkpọla-ọcha. E gudekwawho mkpọla-ọcha rwụkota l'eli itso ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/38\/19","date":"2018-12-15T20:10:32Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827097.43\/warc\/CC-MAIN-20181215200626-20181215222626-00154.warc.gz","language":"eza","language_score":0.9999953508,"language_script":"Latn","minhash_cluster_size":1,"top_langs":"{\"eza_Latn_score\": 0.9999953508377075}","num_words":41,"character_repetition_ratio":0.06,"word_repetition_ratio":0.0,"special_characters_ratio":0.246,"stopwords_ratio":0.244,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 39\nUwe ndu l'agbajẹ ẹja nụ Chileke\n(Awụ. 28)\n1Whẹ gude oghu, dụ urwukpu-urwukpu mẹe oghu ododo mẹe nke uswe-uswe; kweeru ndu l'agbajẹ ẹja nụ Chileke uwe, whẹ l'e-yeje gude eje ozhi l'ụlo-nsọ ono. Whẹ kwekwaruwho Érọnu uwe, dụ nsọ, l'ụzo Onye-Nwe-Ọha tụru Mósisu iwu t'e mee ya.\nUwe ifọdu\n2Whẹ gude oghu mkpọla-ododo yẹle oghu, dụ urwukpu-urwukpu mẹe oghu ododo mẹe nke uswe-uswe mẹe ọkpobe ẹkwa ọcha, a kparụ ọ dụ ree; kwee uwe ifọdu. 3Whẹ woru mkpọla-ododo kụsaa akụsa mee ya; ọ dụ kụwhekuwhe, bya ebyishia ya ọ dụ g'ọo eri agwara; whẹ gude iya tụngashia atụngashi lẹ mgbaku oghu urwukpu-urwukpu ono yẹle oghu ododo ono mẹe nke uswe-uswe ono mẹe ọkpobe ẹkwa ọcha ono, a kparụ ọ dụ ree, ọ bụru ẹka ọrwu onye marụ ome nka b'ọ bụ. 4Whẹ bya eworu wẹrere ẹkwa labọ gbarụ ye l'ukfumẹka uwe ifọdu ono ishi labọ; t'e gudeje wẹrere ẹkwa ono whẹ ẹbo ligbabe nke atatiwhu yẹle nke azụ. 5Whẹ bya emetakwawho wẹrere ẹkwa, l'ee-gudeje kebuta iya l'ukfu woru ye iya. Wẹrere ẹkwa ono bẹ yẹle ifọdu ono tụko bụru iwhe lanụ. Iwhe e gude kwee ya bụ oghu mkpọla-ododo mẹe oghu urwukpu-urwukpu mẹe oghu ododo mẹe nke uswe-uswe yẹle ọkpobe ẹkwa ọcha, a kparụ ọ dụ ree; ọ bụru gẹ Onye-Nwe-Ọha tụru iya Mósisu l'iwu bụ g'e meru iya. 6Ẹwhuru onikusu bẹ whẹ gude mkpọla-ododo ono, a kparụ akpa swia ogboromọnu iya mgburumgburu. Ọ bụru ẹgube ono, onye l'apyịje ẹwhuru, l'ere ire l'akashịje ẹwha l'iwhe-ọhubama bụ gẹ whẹ kakọtaru ẹwha ụnwu Ízurẹlu l'ẹwhuru ono. 7Whẹ bya adzụpyabe ẹwhuru labọ ono l'ukfumẹka uwe ifọdu ono whẹ labọ nke ọwhu Onye-Nwe-Ọha l'e-gudeje iya nyata ụnwu Ízurẹlu; bụ iya bụ gẹ Onye-Nwe-Ọha tụru iya Mósisu l'iwu t'e mee ya.\nẸkwa-nkwechi-obu\n8Whẹ bya ekwee ẹkwa-nkwechi-obu, l'ee-gudeje achọ iwhe bụ uche Onye-Nwe-Ọha. Whẹ kweru iya ọ dụ g'ọo uwe ifọdu whọ, e kweru l'oghu mkpọla-ododo mẹe oghu, dụ urwukpu-urwukpu mẹe oghu ododo mẹe nke uswe-uswe yẹle ọkpobe ẹkwa ọcha, a kparụ ọ dụ ree, mbụ ẹka ọrwu onye marụ ome nka. 9O nweru mgburẹku ẹno, dụ nkwere labọ. Mgburẹku iya whẹ ẹno bẹ hakọta ishi nhakọ. Ogologo iya dụ ntụ-ẹka lanụ, ọsa iya dụkwawho ntụ-ẹka lanụ. 10Whẹ bya adzụpyabe ẹwhuru, l'erekaa ire; ọ kpẹe giriri uzhi ẹno l'ẹkwa ono. Ẹwhuru, nọ l'ogiri nke mbụ bụ rubyi yẹle topazu mẹe berilu. 11Ẹwhuru, nọ l'ogiri nke ẹbo bụ tọkwasu yẹle safaya mẹe emeraludu. 12Ẹwhuru, nọ l'ogiri nke ẹto; bụ jasintu yẹle agetu mẹe amitisutu. 13Ẹwhuru, nọ l'ogiri nke ẹno; bụ kirisolayitu yẹle onikusu mẹe jasupa. Ẹwhuru ono g'ọ ha bẹ whẹ doru; ọ nọdu l'ime mkpọla-ododo ono, a kparụ akpakpa. 14Iwhe ọ dụ bụ ẹwhuru iri l'ẹbo. Whẹ nwegeeru ẹwha l'iche l'iche, nọ-chiru ẹnya ẹwha ụnwu Ízurẹlu. E deshiru ẹwha ụnwu Ízurẹlu ono l'ẹwhuru ono; ọ dụ g'ọo iwhe-ọhubama nọ-chia ẹnya ikfu iri l'ẹbo ndu Ízurẹlu. 15Whẹ gude oghu ọkpobe mkpọla-ododo swịshia ẹgbirigba, l'ee-likfubegee l'ẹkwa-nkwechi-obu ọbu. A swịshiru iya, ọ dụ g'ọo onye swịru ụdo. 16Whẹ gude mkpọla-ododo kpaa iwhe-akpakpa labọ yẹle echi labọ, woru echi labọ ono ye l'ishishi ẹkwa-nkwechi-obu ono, 17bya eworu ẹgbirigba mkpọla-ododo whọ ligbabegee l'echi ono, e yeru l'ishishi ẹkwa-nkwechi-obu ono. 18Whẹ wota ishishi ẹgbirigba ono whẹ labọ ligbabe lẹ mkpọla-ododo whọ, a kparụ akpakpa; bya eworu iya tụgbabe lẹ wẹrere ẹkwa whọ, a gbarụ ye l'ukfumẹka uwe ifọdu whọ lẹ nke atatiwhu iya. 19Whẹ bya egude mkpọla-ododo meta echi labọ ọdo, ligbabe l'ishishi ẹkwa-nkwechi-obu ono l'ụzo alị iya. Whẹ ligbaberu iya l'ime ẹkwa-nkwechi-obu ono, ibiya ọwhu tukoru l'eli uwe ifọdu whọ. 20Whẹ bya egude mkpọla-ododo metafua echi labọ ọdo, woru iya libegee l'ishishi wẹrere ẹkwa labọ whọ l'ụzo alị iya, mbụ wẹrere ẹkwa ono, e liberu l'ukfumẹka uwe ifọdu ono. Whẹ liberu iya ọ nọkube ẹka ono, e yeru wẹrere ẹkwa ono, e gude ekebuta ukfu uwe ifọdu ono. 21Whẹ gude eri, e gude oghu dụ urwukpu-urwukpu swịa litachaa echi nke ẹkwa-nkwechi-obu ono yẹle echi nke uwe ifọdu whọ, nke ọwhu l'ọo-nọdu lẹ mgboro wẹrere ẹkwa ono, e gude ekebuta ukfu uwe ifọdu whọ, ndụge ẹkwa-nkwechi-obu whọ ta anọje akụ pẹepee l'eli uwe ifọdu ono, bụ iya bụ gẹ Onye-Nwe-Ọha tụru iya Mósisu l'iwu t'e mee ya.\nUwe ọdo, ndu l'agbajẹ ẹja nụ Chileke l'eyeje\n22Whẹ gude ẹkwa, dụ urwukpu-urwukpu mee uwe mkpẹelanu, l'ee-yeje uwe ifọdu ono l'eli iya; ọ bụru ẹka ọrwu onye marụ okwe ẹkwa ree b'ọ bụ. 23Whẹ kweru iya, ẹka l'eepyoje iya ishi nọdu iya l'echilabọ; bya eswia ogboromọnu iya eswiswi gẹ l'eeswije olu uwe mmaanụ, t'ọ bọ lakahụ. 24Whẹ gude oghu, dụ urwukpu-urwukpu mẹe oghu ododo mẹe nke uswe-uswe mẹe ẹkwa, a kparụ ọ dụ ree, meta iwhe ọbu, dụ-gee g'ọo akpụru itorokuma, dowhee ọnu uwe ono mgburumgburu. 25Whẹ bya egude ọkpobe mkpọla-ododo meshia atangụ dowhee ogboromọnu uwe ono mgburumgburu lẹ mgbaku iwhe ono, dụ-gee g'ọo akpụru itorokuma ono. 26Atangụ ono yẹle iwhe ono, e meru ọ dụ g'ọo akpụru itorokuma ono bẹ nọ-wheru ogboromọnu uwe ono mgburumgburu. E dongashiru whẹ edongashi l'ọnu uwe ono, l'ee-yeje ejeru Onye-Nwe-Ọha ozhi, bụ iya bụ gẹ Onye-Nwe-Ọha tụru iya Mósisu l'iwu t'e mee ya. 27Whẹ gude ọkpobe ẹkwa ọcha kweeru Érọnu yẹle ụnwu iya uwe mkpẹelanu; ọ bụru ẹka ọrwu onye marụ okwe ẹkwa ree b'ọ bụ. 28Whẹ gudekwawho ọkpobe ẹkwa ọcha kwee okpu-ẹkwa m��e okpu ndu l'agbajẹ ẹja nụ Chileke; gude ọkpobe ẹkwa ọcha, a kparụ ọ dụ ree kwee nwịba. 29Whẹ gude ọkpobe ẹkwa ọcha, a kparụ ọ dụ ree mẹe oghu, dụ urwukpu-urwukpu mẹe oghu ododo mẹe nke uswe-uswe mee ẹkwa-okebuta-l'ukfu; ọ bụ ẹka ọrwu onye marụ odengashi iwhe edengashi; bya abụru gẹ Onye-Nwe-Ọha tụru iya Mósisu l'iwu t'e mee ya. 30Whẹ gude ọkpobe mkpọla-ododo meta iwhe dụ g'ọo okpekpu; ọ bụru okpu-dụ-nsọ; bya edee ya iwhe gẹ l'eedeje l'iwhe-ọhubama. Iwhe whẹ deru iya bụ: IWHE, DỤRU ONYE-NWE-ỌHA NSỌ. 31Whẹ wota eri, e gude oghu, dụ urwukpu-urwukpu swịa, libe l'iwhe ono, dụ g'ọo okpekpu ono; woru iya lipyabe l'atatiwhu okpu-ẹkwa whọ; bụ iya bụ gẹ Onye-Nwe-Ọha tụru iya Mósisu l'iwu t'e mee ya.\nMósisu jeru ọgba-whe Mkpuumkpu ono\n32Tọ dụ iya bụ, ọrwu lile, e gude l'ẹka arwụ lẹ mkpuumkpu-ẹkwa ono, mbụ Ụlo-ẹkwa-ndzuko ono bya agvụkota. Ndu Ízurẹlu mekotawaa gẹ Onye-Nwe-Ọha sụru Mósisu t'e mee. 33O noo ya, whẹ vutaru Mósisu mkpuumkpu-ẹkwa ono g'ọ ha; bụ iya bụ ẹkwa, l'ee-kpu iya mẹe ngwa tso iya nụ mẹe iwhe ono, nweru ukoloba, e yeru iya mẹe oshi, l'ee-gude kpọbe iya mẹe wẹrere oshi ono, l'ee-swebushigee lẹ mgbo iya mẹe itso iya mẹe ọkpa mgbo iya, 34mẹe akpọ ebyila ono, a tsẹru l'uswe, l'ee-gude kpua mkpuumkpu-ẹkwa ono mẹe akpọ umoro-ẹnyimu ono mẹe ẹkwa ono, l'ee-gude gbobuta Ẹka-kakọta-ọdu-nsọ ono, 35mẹe Igbe Iwu ono mẹe mkpara ono, l'ee-gudeje apa iya mẹe okfu igbe ono, l'aa-nọduje akfụ ụgwo iwhe-dụ-ẹji, 36mẹe teburu ono yẹle arya, tso iya nụ mẹe buredi ono, l'ee-dobeje l'iwhu Onye-Nwe-Ọha, 37mẹe iwhe ono, l'aatukobeje oryọku ono, e meru l'ọkpobe mkpọla-ododo mẹe oryọku iya yẹle ngwa, tso iya nụ mẹe mmanụ ono, l'ee-gudeje anwụ ọku, 38mẹe ẹnya-mgbẹja ono, e meru lẹ mkpọla-ododo mẹe mmanụ ono, l'aa-wụ l'ishi ono mẹe ụ̀nwù-isẹnsu ono, l'eshi kwẹkwekwe mẹe ẹkwa ono, l'ee-gebuta ọnu-abata mkpuumkpu-ẹkwa ono, 39mẹe ẹnya-mgbẹja ono, bụ ẹka l'aa-gbajẹ ẹja ọkpokota-iwhe-ọku, e gude ope mee mẹe iwhe iya ono, a kparụ ọ dụ nggarafu nggarafu g'ọo ụgbu ono mẹe mkpara iya yẹle arya, tso iya nụ g'ọ ha mẹe eze efere ono yẹle iwhe ono, l'aa-sụbeje iya ono, 40mẹe ẹkwa ono, l'ee-gude gebuta ọma-ogboduwhu ono yẹle itso iya mẹe ẹnya ẹka, l'aa-kpọbe-gee itso ono g'ọ ha mẹe ẹkwa, l'ee-gude gebuta ọnu-abata ọma ogboduwhu ono mẹe eri iya mẹe abara iya yẹle iwhe lile, l'ee-gude eje ozhi lẹ mkpuumkpu-ẹkwa ono, mbụ Ụlo-ẹkwa-ndzuko ono, 41mẹe uwe ono, e kweru ekwekwe, l'ee-yeje gude eje ozhi l'ụlo-nsọ ono, mbụ uwe, dụ nsọ nke Érọnu, bụ onye l'agbajẹ ẹja nụ Chileke yẹle nke ụnwu iya, whẹ l'e-yeje nteke whẹ l'eje ozhi g'ọo ndu l'agbajẹ ẹja nụ Chileke. 42Ndu Ízurẹlu mekotaru iwhe lile ono gẹ Onye-Nwe-Ọha tụru iya Mósisu l'iwu t'e mee ya. 43Mósisu bya elee ẹnya l'ọrwu ono, whẹ rwụru, whụ lẹ whẹ mekotaru iya gẹ Onye-Nwe-Ọha sụru t'e mee ya. Ọo ya bụ, ọ bya agọru ọnu-ọma nụ whẹ, gude kele whẹ ekele ozhi ono, whẹ jeru.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/39","date":"2018-12-12T04:48:54Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823738.9\/warc\/CC-MAIN-20181212044022-20181212065522-00350.warc.gz","language":"eza","language_score":1.0000041723,"language_script":"Latn","minhash_cluster_size":1,"top_langs":"{\"eza_Latn_score\": 1.0000041723251343}","num_words":1350,"character_repetition_ratio":0.089,"word_repetition_ratio":0.036,"special_characters_ratio":0.242,"stopwords_ratio":0.313,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 33:5\n5Mkpata iya bụ lẹ Onye-Nwe-Ọha sụru Mósisu: \"Kfuru ndu Ízurẹlu agha: 'Unu bụnuka ndu kpọkponyi. Ọ -bụru l'ọo tẹ mu je unu etsotso ilile bẹ mu l'e-gbushikwa unu. Ọo ya bụ, t'unu yeshia ngwa ono, unu kwarụ gude memashia onwowhe ntaantaa tọgbo tẹ mu rịa ọriri marụ iwhe mu l'e-me unu.' \"","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/33\/5","date":"2018-12-18T16:07:11Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829429.94\/warc\/CC-MAIN-20181218143757-20181218165757-00318.warc.gz","language":"eza","language_score":1.0000014305,"language_script":"Latn","minhash_cluster_size":1,"top_langs":"{\"eza_Latn_score\": 1.0000014305114746}","num_words":52,"character_repetition_ratio":0.0,"word_repetition_ratio":0.0,"special_characters_ratio":0.264,"stopwords_ratio":0.385,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 20:17\n17Byiko hanụa t'anyi shi l'alị unu ghata. Anyi te eshidu l'ẹgu unu aghata, anyi te eshi l'ẹka unu meru mgbabu vayịnu aghata, tọ dụ wẹlu unu, anyi bya l'e-kuta mini ngụa. Anyi l'e-tsoleruwho ogborogbo echi-ụzo ghata. Anyi ta abyadụ l'a-swịba aswịba l'ụzo ẹka-ụtara m'ọ bụ l'ụzo ẹka-ịcha jeye anyi aghatagezhia ree l'alị unu.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/20\/17","date":"2018-12-11T10:56:40Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823618.14\/warc\/CC-MAIN-20181211104429-20181211125929-00479.warc.gz","language":"eza","language_score":0.9906954169,"language_script":"Latn","minhash_cluster_size":1,"top_langs":"{\"eza_Latn_score\": 0.9906954169273376}","num_words":54,"character_repetition_ratio":0.074,"word_repetition_ratio":0.0,"special_characters_ratio":0.257,"stopwords_ratio":0.148,"flagged_words_ratio":0.0,"lang_id_score":0.986,"perplexity_score":500.0,"cluster_detection":1} +{"text":"Mbụlembu 7\nUtso\n1O noo ya, Onye-Nwe-Ọha bya asụ Nowa: \"Bahụ l'ime ụgbo ono, gụ lẹ ndibe ghu l'owhu, o noo nkele ọo gụbedua kpụ bụ onye dụ chịriri, mu whụwaru l'ọgbo ọwa. 2Họta anụ, l'ẹte asọ nsọ ẹsaa ẹsaa okee lẹ nyee; l'ụdu iya l'ụdu iya. Gụ ahọta anụ, l'aasọ nsọ ẹbo-ẹbo okee lẹ nyee; l'ụdu iya l'ụdu iya. 3O nokwawho gẹ l'ịi-họta ẹnu ẹsaa ẹsaa oke lẹ nyee; l'ụdu iya l'ụdu iya; dobe whẹ ndzụ lẹ mgboko. 4Ujiku ẹsaa ntaa bẹ mu l'e-me tẹ mini chịgba mgboko; ụkporo abalị ugbo labọ; eswe l'ẹnyashi, gude mebyishikota iwhe lile, nọ ndzụ, mu meru lẹ mgboko.\"\n5Nowa bya emekotagezhia iwhe lile ono ẹgube, Onye-Nwe-Ọha sụru t'o mee ya.\n6Nowa bẹ nọwaru ụnu awha l'ụkporo awha ugbo iri nteke utso ono byarụ lẹ mgboko. 7Nowa yẹle ụnwu iya mẹe nyee ya mẹe unyomu ụnwu iya whẹ bahụ l'ime ụgbo ono gude gbalaarụ utso ono. 8Anụ, l'ẹte asọ nsọ mẹe ọwhu, l'aasọ nsọ mẹe ẹnu mẹe iwhe l'awụ l'ẹwho; 9dụ-gee ẹbo-ẹbo okee lẹ nyee tsoru Nowa bahụ l'ime ụgbo ono, ẹgube Chileke kfuru iya Nowa t'ọ dụ. 10A nọlewho ujiku ẹsaa, utso ono bya lẹ mgboko.\n11L'awha kwe Nowa ụnu awha l'ụkporo awha ugbo labọ, g'ọnwa nke ẹbo dụlewho l'abalị iri l'ẹsaa gẹdegede bẹ ọgba mini ime ime alị gbafushihuru; a gụhashia ẹnya mini, dụ l'akpamigwe ghebekota ọnu. 12Igweli chịa mini ebee-ebee lẹ mgboko; ụkporo abalị ugbo labọ, eswe l'ẹnyashi.\n13Nowa yẹle ụnwu iya, bụ Shemu mẹe Hamu mẹe Jafẹti mẹe nyee ya mẹe unyomu ụnwu iya whẹ ẹto tụko bahụkota l'ime ụgbo ono mbọku ono. 14Anụ ẹgbudu l'ụdu iya l'ụdu iya mẹe élwù l'ụdu iya l'ụdu iya mẹe iwhe lile, l'awụ l'ẹwho l'ụdu iya l'ụdu iya mẹe ẹnu l'ụdu iya l'ụdu iya, mbụ iwhe lile, furu ẹba; tsoru whẹ bahụ. 15Iwhe lile, e meru ememe, nọ ndzụ, l'atụ ume dụ-gee ẹbo-ẹbo okee lẹ nyee tsoru Nowa bahụ l'ụgbo ono. 16Iwhe bahụru l'ime ụgbo ono bụkota okee lẹ nyee iwhe lile, nọ ndzụ; ẹgube ono, Chileke sụru Nowa t'ọ dụ. E megee; Onye-Nwe-Ọha guchia ụgbo ono; guburu Nowa whẹ ye l'ime iya.\n17Utso ono gbakọta ụkporo abalị ugbo labọ lẹ mgboko. Mini ono l'aka shii eje eje, bya etsee ha l'eli; palia ụgbo ono oroke-imeli-imeli, ụgbo ono l'ese l'eli. 18Mini ono l'etselewho kụlakula lẹ mgboko; ụgbo ono l'esewhe l'eli mini ono. 19Mini ono l'etselewho aka shii eje eje lẹ mgboko; tụko ugvu, dụkota igwe lẹ mkpula gbamikota. 20Mini ono bya etsee gude nha-ọkpa iri l'ise kakọta ugvu l'eli. 21Iwhe lile, nọ ndzụ, l'eme ụkporo lẹ mgboko nwụshihukota, mbụ-zhia ẹnu mẹe élwù mẹe anụ-ẹgbudu mẹe iwhe e meru ememe, kụru lẹ mgboko yẹle madzụ. 22Iwhe lile, nọkota l'eli mgboko, nọ ndzụ, l'atụ ume l'imi nwụshihukota. 23Iwhe lile, nọ ndzụ, nọkota lẹ mgboko bẹ Chileke meru tẹ whẹ bụru ọzara-l'ukpo, mbụ-zhia madzụ mẹe anụ mẹe iwhe l'awụ l'ẹwho mẹe ẹnu, l'ewhe l'eli. Ọ bụleruwho Nowa kpụ mẹe iwhe tso iya nọdu l'ime ụgbo ono bẹ wafụru nụ.\n24Utso ono dọru lẹ mgboko nọo ụkporo abalị ugbo ẹsaa l'abalị iri.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/7","date":"2018-12-12T19:45:45Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824115.18\/warc\/CC-MAIN-20181212181507-20181212203007-00073.warc.gz","language":"eza","language_score":0.9999980927,"language_script":"Latn","minhash_cluster_size":1,"top_langs":"{\"eza_Latn_score\": 0.9999980926513672}","num_words":503,"character_repetition_ratio":0.096,"word_repetition_ratio":0.0,"special_characters_ratio":0.257,"stopwords_ratio":0.268,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 5:21\n21tẹ Onye-Nwe-Ọha mekwaa t'ẹkpa-nwa chihu ghu, mbụ t'ị ba atụ nwa l'iwhu ụtakfu, gụ abụru onye l'aa-kpọ l'iwhu, bya abụru onye l'anma l'ejo ẹtu l'ibe unu.' O noo nteke onye l'agbajẹ ẹja nụ Chileke ono l'a-pẹ nwanyị ono nte ono t'o ria gude tụa onwiya ọnu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/5\/21","date":"2018-12-17T12:30:33Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828507.57\/warc\/CC-MAIN-20181217113255-20181217135255-00529.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":47,"character_repetition_ratio":0.047,"word_repetition_ratio":0.0,"special_characters_ratio":0.283,"stopwords_ratio":0.213,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 23:15\n15\"Unu l'e-rije oge ono, l'aatajẹ buredi, l'ete eyee iwhe l'ekoje buredi. Abalị ẹsaa bẹ unu l'a-tajẹ buredi ono, l'eete eyee iwhe l'ekoje buredi, ẹgube mu tụru iya l'iwu t'unu meje iya. Unu rije oge ono nteke ono, l'eerije iya l'ọnwa Abyibu, nke l'ọo l'ọnwa ono bẹ unu lụfutaru l'alị Íjiputu.\n\"T'ọ b'ọ dụkwa onye l'a-gbajẹ ẹka bya l'atatiwhu mu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/23\/15","date":"2018-12-16T17:05:22Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827963.70\/warc\/CC-MAIN-20181216165437-20181216191437-00314.warc.gz","language":"eza","language_score":1.0000087023,"language_script":"Latn","minhash_cluster_size":1,"top_langs":"{\"eza_Latn_score\": 1.0000087022781372}","num_words":60,"character_repetition_ratio":0.098,"word_repetition_ratio":0.0,"special_characters_ratio":0.28,"stopwords_ratio":0.333,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 36\nẸpa Ịso\n1Ọ waa ẹpa Ịso ndọwa bụ iya bụ Edọmu.\n2Ịso bẹ lụru ụnwanyi ndu Kenanu. Ọ lụru Eda, bụ nwada Elọnu, onye Hetu; lụa Oholibama, bụ nwada Ana; bụru nwanwa Zibyiyọnu, onye Hevu. 3Onye ọdo, ọ lụru bụ Basumatu, bụ nwada Ishimẹlu, bya abụru nwune Nebayotu.\n4Eda nwụtaru Ịso Elifazu; Basumatu nwụtaru iya Ruwẹlu; 5Oholibama nwụtaru iya Jewushi mẹe Jalamu mẹe Kora. Ndu ono bụkota ụnwu, a nwụshiru Ịso l'alị Kenanu.\n6O noo ya, Ịso bya eduta unyomu iya mẹe ụnwu iya unwoke mẹe ụnwu iya ụnwanyi mẹe iwhe bụ ndibe iya gẹ whẹ ha; rwuta élwù iya mẹe anụ ọdo, o nweru mẹe iwhe o setaru eseta l'alị Kenanu; whẹ tụgbua lashia alị Siye; je eburu otẹnya l'ẹka nwune iya Jékọpu bu. 7Ẹku, whẹ nweru bẹ panụkaru ẹka nke ọwhu bụ l'ọ kariru gẹ yẹle nwune iya l'e-me bukotaru l'ẹka lanụ. Alị ono, whẹ bụ nlwamụnlwa ono ta asụhe whẹ ebubu nkele élwù, whẹ nweru bẹ hanụka shii. 8Ọo ya bụ, Ịso je eburu l'alị ugvu ugvu Siye. Ọo Ịso bụ Edọmu.\n9Ọ waa bụ ẹpa Ịso, bụ nna ndu Edọmu l'alị ugvu ugvu Siye.\n10Ọ waa bụ ẹwha, unwoke Ịso nwụshiru: Elifazu bụ nwa nwoke, nyee Ịso ọwhu l'eeku Eda nwụtaru iya. Ruwẹlu bụru nwa nwoke, nyee ya ọwhu l'eeku Basumatu nwụtaru iya.\n11Ụnwoke Elifazu nwụtaru bụ Temanu, Omarụ, Zefo, Gatamu mẹe Kenazu.\n12Nwa Ịso ono, bụ Elifazu nweru nwanyị, l'ẹte ọlua l'ọkpoku nwanyị, ẹwha iya bụ Timuna. Nwanyị ono nwụtaru iya nwa nwoke, l'aza Amalẹ́ku. Ndu ono bụkota ụnwu nwanwa Eda, bụ nyee Ịso.\n13Ụnwoke, Ruwẹlu nwụtaru bụ Nahatu, Zera, Shama mẹe Miza. Ndu ono bụkota ụnwu nwanwa Basumatu, bụ nyee Ịso.\n14Ụnwoke Oholibama, bụ nyee Ịso nwụshiru iya bụ: Jewushi mẹe Jalamu mẹe Kora. Oholibama bụ nwada Ana bya abụru nwanwa Zibyiyọnu.\n15Ọ waa ndu bụ ishi l'ẹpa Ịso ndọwa: Ọkpara Ịso, bụ Elifazu bẹ nwụtaru unwoke, ẹwha whẹ bụ Temanu, Omarụ, Zefo, Kenazu, 16Kora, Gatamu mẹe Amalẹ́ku. Ndu ono shi l'eri Elifazu; whẹ bụru ishi l'alị Edọmu. Whẹ bụ ụnwu nwanwa Eda.\n17Ruwẹlu, bụ nwa Ịso nwụtaru unwoke, ẹwha whẹ bụ: Nahatu, Zera, Shama mẹe Miza. Ndu ono shi l'eri Ruwẹlu; whẹ bụru ishi l'alị Edọmu. Whẹ bụ ụnwu nwanwa nyee Ịso, bụ Basumatu.\n18Oholibama, bụ nyee Ịso nwụtaru unwoke, ẹwha whẹ bụ: Jewushi mẹe Jalamu mẹe Kora. Ndu ono bụ ndu ishi; ọ bụru nyee Ịso, bụ Oholibama nwada Ana nwụshiru whẹ.\n19Gẹ whẹ hakọta ono bụkota unwoke, Ịso bụ iya bụ Edọmu nwụshiru. Ọ bụru whẹ bụ ndu ishi whẹ.\n20Ọ waa unwoke Siye, onye Họru nwụtaru ndọwa, mbụ ndu bu l'alị ono: Lotanu, Shobalu, Zibyiyọnu, Ana, 21Dishọnu, Ẹ́za mẹe Dishanu. Ndu ono bụ ndu ishi ndu Họru; whẹ bụru ụnwu Siye ono, bu l'alị Edọmu.\n22Unwoke Lotana nwụtaru bụ: Hori mẹe Hemanu. Timuna bụ nwune Lotanu nke nwanyị.\n23Unwoke Shobalu nwụtaru bụ: Aluvanu, Manahatu, Ebalu, Shefo mẹe Onamu.\n24Unwoke Zibyiyọnu nwụtaru bụ: Aya mẹe Ana. Ana nke ọwaa bụ iya chọ-vuru ọnu-iyi ọbu, l'evo chichichi l'echi-ẹgu gẹ l'ooche nkakfụ-ịgara nna iya, bụ Zibyiyọnu.\n25Ụnwu, Ana nwụtaru bụ: Dishọnu mẹe Oholibama, bụ nwa iya nwanyị.\n26Unwoke Dishọnu nwụtaru bụ Hemudanu, Eshubanu, Ituranu mẹe Keranu.\n27Unwoke Ẹ́za nwụtaru bụ: Byilihanu mẹe Zavanu mẹe Akanu.\n28Unwoke Dishanu nwụtaru bụ: Uzu mẹe Aránu.\n29Ndu bụ ishi ndu Họru bụ: Lotanu, Shobalu, Zibyiyọnu, Ana, 30Dishọnu, Ẹ́za mẹe Dishanu. Ọo whẹbedua bụ ishi ndu Họru l'ikfu whẹ l'ikfu whẹ l'alị Siye ono.\nNdu eze, l'achị ndu Edọmu\n31Ọ waa bụ ndu eze, vu ụzo chịa alị Edọmu, tẹmenu eze ọdo, shi Ízurẹlu bya achịa:\n32Bela nwa Beyo chịru lẹ Edọmu. Mkpụkpu iya l'aza Dinuhaba.\n33Bela nwụhulewho, Jobabu nwa Zera, onye shi Bozura nọ-chia ẹnya iya chịlahaa.\n34Jobabu nwụhulewho, Hushamu, bụ onye shi l'alị ndu Temanu nọ-chia ẹnya iya chịlahaa.\n35Hushamu nwụhulewho; Hedadu nwa Bedadu nọ-chia ẹnya iya chịlahaa. Ọ lwụ-gburu ndu Midiyanu l'alị Moabu. Mkpụkpu nkiya l'aza Avitu.\n36Hedadu nwụhulewho; Samula, bụ onye shi Masurẹka nọ-chia ẹnya iya chịlahaa.\n37Samula nwụhulewho, Shawulu nke Rehobotu, dụ lẹ mgboro ẹnyimu nọ-chia ẹnya iya chịlahaa.\n38Shawulu nwụhulewho; Bálu-hananu nwa Akụbo nọ-chia ẹnya iya chịlahaa.\n39Bálu-hananu nwa Akụbo nwụhulewho, Hada nọ-chia ẹnya iya chịlahaa. Mkpụkpu iya bẹ l'eekuje Pawu. Ẹwha nyee ya bụ Mehetabẹlu, bụ nwada Maturedi. Maturedi bụkwanu nwada Mezahabu.\n40Ọ waa ẹwha ndu bụ ishi l'ẹpa Ịso ndọwa, l'ẹnya-uwhu whẹ l'ẹnya-uwhu whẹ mẹe ẹwha ẹka whẹ bugee l'azakaa: Timuna, Aluva, Jetẹtu, 41Oholibama, Ela, Pinọnu, 42Kenazu, Temanu, Mibuza, 43Magudẹlu mẹe Iramu. Ndu ono gẹ whẹ ha bụkota ishi ndu Edọmu mẹe ẹka whẹ bugee l'alị ono, bụ nke whẹ.\nGẹ whẹ ha bụkota ndibe Ịso, bụ nna ndu Edọmu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/36","date":"2018-12-19T16:10:38Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376832559.95\/warc\/CC-MAIN-20181219151124-20181219173124-00017.warc.gz","language":"eza","language_score":0.9992013574,"language_script":"Latn","minhash_cluster_size":1,"top_langs":"{\"eza_Latn_score\": 0.9992013573646545}","num_words":761,"character_repetition_ratio":0.076,"word_repetition_ratio":0.0,"special_characters_ratio":0.245,"stopwords_ratio":0.301,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Mbụlembu 32:20\n20T'unu nyatajẹkwa sụ iya l'onye ozhi iya, bụ Jékọpu nọ l'ụzo azụ eje abya.\" Iwhe Jékọpu gude mee ya nno bụ l'ọ rịru lẹ ya l'e-gude iwhe ono, ya nụru, e gude vuru ụzo ono mee t'obu guzeta Ịso nke ọwhu bụ Ịso whụle iya whọ ya anabata yẹbe Jékọpu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/32\/20","date":"2018-12-13T11:50:01Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824675.15\/warc\/CC-MAIN-20181213101934-20181213123434-00384.warc.gz","language":"eza","language_score":1.0000047684,"language_script":"Latn","minhash_cluster_size":1,"top_langs":"{\"eza_Latn_score\": 1.000004768371582}","num_words":51,"character_repetition_ratio":0.0,"word_repetition_ratio":0.0,"special_characters_ratio":0.273,"stopwords_ratio":0.294,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 13:6\n6O -bekwa lẹ mbọku nke ẹsaa t'onye l'agbajẹ ẹja nụ Chileke ono lerwubakwaa ya whọ ẹnya. Ọ -bụru l'ẹka-iwhe-dụ iya ono rwakputawaru arwakputa; tọ bajahụ abajahụ, t'onye l'agbajẹ ẹja nụ Chileke ono gụkwaa onye ono l'onye l'aata asọ nsọ. Ọo ẹkpa mmaka b'ọ bụ. T'ọ saa uwe iya asa bụru onye l'aata asọ nsọ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/13\/6","date":"2018-12-12T03:35:54Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823712.21\/warc\/CC-MAIN-20181212022517-20181212044017-00138.warc.gz","language":"eza","language_score":0.9981327653,"language_script":"Latn","minhash_cluster_size":1,"top_langs":"{\"eza_Latn_score\": 0.9981327652931213}","num_words":55,"character_repetition_ratio":0.104,"word_repetition_ratio":0.0,"special_characters_ratio":0.252,"stopwords_ratio":0.273,"flagged_words_ratio":0.0,"lang_id_score":0.993,"perplexity_score":500.0,"cluster_detection":1} +{"text":"Livitikọsu 11:32\n32Iwhe bụ iwhe ọ dapyabẹru nteke ọ nwụhuru anwụhu bụakwa iwhe l'aasọ nsọ m'ọ bụ iwhe e gude oshi mee m'ọ bụ uwe m'ọ bụ akpọ anụ m'ọ bụ ẹda ukpo, mbụ-zhia iwhe bụ arya, e gude eme iwhe. T'e dekwaa arya ọbu edee lẹ mini, ya abụru iwhe l'aasọ nsọ jeye chi ejihu, tẹmenu a tụrwua ya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/11\/32","date":"2018-12-12T00:17:44Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823710.44\/warc\/CC-MAIN-20181212000955-20181212022455-00205.warc.gz","language":"eza","language_score":1.0000092983,"language_script":"Latn","minhash_cluster_size":1,"top_langs":"{\"eza_Latn_score\": 1.000009298324585}","num_words":59,"character_repetition_ratio":0.056,"word_repetition_ratio":0.0,"special_characters_ratio":0.27,"stopwords_ratio":0.305,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 9:13\n13Ọle onye l'ẹte abụa l'aasọ iya nsọ t'ọ dụ iwhe ọdo, o jeru, onye ọbu te eri oge O-je-ghata ono, t'e kefukwa onye ọbu l'oke l'ẹka ndibe whẹ nọ nkele ọ tọ nụdu Onye-Nwe-Ọha ngwo-ẹja iya l'oge nteke a tụ-buru atụ-bu. Onye ono bẹ iwhe-dụ-ẹji, o meru l'a-tukokwaru l'ishi.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/9\/13","date":"2018-12-12T23:04:00Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824180.12\/warc\/CC-MAIN-20181212225044-20181213010544-00624.warc.gz","language":"eza","language_score":1.0000077486,"language_script":"Latn","minhash_cluster_size":1,"top_langs":"{\"eza_Latn_score\": 1.0000077486038208}","num_words":50,"character_repetition_ratio":0.007,"word_repetition_ratio":0.0,"special_characters_ratio":0.29,"stopwords_ratio":0.3,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 18\nAzẹe nwoke lẹ nwanyị ọwhu dụ lẹ nsọ\n1Tọ dụ iya bụ, Onye-Nwe-Ọha bya ekfuru yeru Mósisu sụ iya: 2\"Kfuru nụ ụnwu Ízurẹlu sụ whẹ agha: Ọo Mu bụ Onye-Nwe-Ọha bụru Chileke unu. 3Unu be emejekwa umere, l'eemeje lẹ Íjiputu, bụ ẹka unu shi buru. Unu eje emejekwa umere, l'eemeje lẹ Kenanu, bụ ẹka mu l'edu unu ala. Unu ba awọtakwa ẹka whẹ. 4Unu dobejekwa iwhe mu tụru l'iwu mẹe iwhe mu tọru ọkpa iya sụ t'e tsoje. Ọo Mu bụ Onye-Nwe-Ọha bụru Chileke unu. 5Unu dobejekwa iwhe mu tọru ọkpa iya sụ t'e tsoje, unu edobejekwa iwhe mu tụru l'iwu. Ndzụ l'a-dụ onye l'eme iya nụ. Ọo Mu bụ Onye-Nwe-Ọha.\n6\"Ba adụkwa onye l'e-jekfu onye yẹle iya bụ abụbu azẹe. Ọo Mu bụ Onye-Nwe-Ọha. 7Be ejekfukwa ne ghu azẹe, shi nno mechia nna ghu iwhu. Ọo ne ghu b'ọ bụ, be ejekfukwa iya azẹe. 8Be ejekfukwa nyee nna ghu azẹe nkele ọ kwa omechi nna ghu iwhu b'ọ bụ. 9Be ejekfukwa nwune ghu m'ọ bụ nwanna ghu azẹe, m'a nwụru gụ l'iya l'uwhu lanụ, m'a nwụru iya l'ẹka ọdo. 10Be ejekfukwa nwanwa ghu azẹe m'ọ bụ nwa ghu nwoke m'ọ bụ nwa ghu nwanyị nwụru iya, o noo bụkwa omechi onwoghu iwhu. 11Be ejekfukwa nwa nyee nna ghu azẹe, mbụ onye a nwụtaru nna ghu, ọ kwa nwanna ghu b'ọ bụ. 12Be ejekfukwa nwune nna ghu azẹe, ọ kwa nwanyị, yẹle nna ghu bụ abụbu. 13Be ejekfukwa nwune ne ghu azẹe, ọ kwa nwanyị, yẹle ne bụ abụbu. 14Be ejekfukwa nyee nwune nna ghu azẹe, shi nno mechia nwune nna ghu iwhu. Ọ kwa nyee nwune nna ghu b'ọ bụ. 15Be ejekfukwa nyee nwa ghu azẹe, ọ kwa nyee nwa ghu b'ọ bụ. Be ejekfukwa iya azẹe. 16Be ejekfukwa nyee nwune ghu azẹe nkele ọ kwa omechi nwune ghu iwhu b'ọ bụ. 17Be ejekfukwa nwanyị yẹle nwa iya azẹe, be ejekfukwa nwanwa nwanyị ono azẹe m'ọ bụ onye ọwhu nwa iya nwoke nwụru m'ọ bụ onye ọwhu nwa iya nwanyị nwụru, ndu ono bụkwa abụbu ghu. Ọo ejo-ememe bẹ onye l'eme nno l'eme. 18Be ejekwa alụta nwune nyee ghu bya edobe tẹ yẹle nwune iya kpalahaa ẹnya l'ibe ghu, ejekfu iya azẹe l'ẹka nyee ghu nọkwadu ndzụ.\n19\"Be ejekfukwa nwanyị azẹe nteke nsọ l'eme iya, mbụ nteke l'aasọkwadu iya nsọ nke nsọ-nwanyị ono, l'eme iya nụ. 20Be ejekfukwa nyee nwoke ibe ghu azẹe, shi nno merwua onwoghu. 21Ba adụkwa nwa ghu, l'ii-woru nụ t'a kpọo ọku nụ agwa Molẹku, shi nno merwua ẹwha Chileke ghu. Ọo Mu bụ Onye-Nwe-Ọha. 22Be ejekfukwa nwoke ibe ghu azẹe nwoke lẹ nwanyị, ọ kwa ahụma b'ọ bụ. 23Be ejekfukwa anụ azẹe, i mee nno bẹ l'ii-merwukwa onwoghu. Tẹ nwanyị be ewokwaru onwiya jabẹru anụ tẹ yẹle iya zẹe, o noo kwa ome ẹja-agvụ-l'alị.\n24\"Unu be egudekwa iwhe ono merwushia onwunu nkele ọo ụdu iwhe ono bẹ mba gẹ mba ha ono, mu l'achịfuru unu l'iwhu gude merwushia onwowhe. 25Ọo iwhe ono bẹ alị ono gude bụru ẹka e merwuru emerwu, mu gude nke ejo-iwhe ono, whẹ meru gwaa ndu bu iya nụ ọchi, mee alị ono ọ gbọo whẹ g'ọo onye gbọru ẹgbo. 26T'unubẹdua l'onwunu dobekwa iwhe ono, mu tọru ọkpa iya sụ t'e tsoje mẹe iwhe ono, mu tụru l'iwu. Unu be ejekwa oye ẹka l'iwhe ono, bụ ahụma ono m'ọo nnanụ, mbụ unubẹ ndu a nwụru lẹ Ízurẹlu m'ọ bụ ndu lwarụ alwa, bu l'echilabọ unu; 27nkele ọo ahụma ono g'ọ ha bẹ ndu vu unu ụzo bua l'alị ono meru, alị ono bụru ẹka mmerwu dụ. 28Unu -merwua alị ono emerwu bẹ l'ọo-gbọshikwa unu g'ọ gbọshiru mba ono, vu unu ụzo bua ya. 29Onye meru ahụma ono m'ọo nnanụ bẹ l'ee-kefukwa l'oke l'echilabọ ndibe whẹ.\n30\"Ọo ya bụ, t'unu meje iwhe ono, mu kfuru unu. Ba adụkwa ejo omelalị ono, e shi emeje tẹmenu unu lwa dụ ọwhu unu l'e-ye ẹka unu; unu be egudekwa iya merwushia onwunu. Ọo Mu bụ Onye-Nwe-Ọha bụru Chileke unu.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/18","date":"2018-12-09T19:12:32Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823009.19\/warc\/CC-MAIN-20181209185547-20181209211547-00200.warc.gz","language":"eza","language_score":1.0000094175,"language_script":"Latn","minhash_cluster_size":1,"top_langs":"{\"eza_Latn_score\": 1.0000094175338745}","num_words":656,"character_repetition_ratio":0.098,"word_repetition_ratio":0.003,"special_characters_ratio":0.26,"stopwords_ratio":0.271,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 11:1\nỌku, shi l'ẹka Onye-Nwe-Ọha\n1Tọ dụ iya bụ, ndu Ízurẹlu wata ọku walaa ekfu lẹ whẹ nọ l'iwhe-ọtsulanu. Walaa ono, whẹ l'akụ bya erwua Onye-Nwe-Ọha lẹ nchị shi nno kpatsua ya ẹhu-eghughu. Ọku, shi l'ẹka Onye-Nwe-Ọha bya ekegbushikota ndu Ízurẹlu ndu ọwhu kpọberu ụlo-ẹkwa ebubu whẹ l'ụzo ishi ishi.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/11\/1","date":"2018-12-19T13:13:37Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376832330.93\/warc\/CC-MAIN-20181219130756-20181219152756-00314.warc.gz","language":"eza","language_score":1.0000097752,"language_script":"Latn","minhash_cluster_size":1,"top_langs":"{\"eza_Latn_score\": 1.0000097751617432}","num_words":50,"character_repetition_ratio":0.125,"word_repetition_ratio":0.0,"special_characters_ratio":0.248,"stopwords_ratio":0.3,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 13:20\n20Unu amarụ g'alị whẹ dụ, unu marụ m'ọo alị l'emehuje iwhe e meberu iya, tọo alị, ụchi gbarụ, unu amarụ m'ọo alị oshi oshi, tọo tọ dụ iya. T'obu shihu unu ike, unu egude akpụru oshi, shi alị ono lwa.\" Nteke ono bụ nteke, akpụru vayịnu ọnumbu l'anọje achashịka.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/13\/20","date":"2018-12-12T23:51:37Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824180.12\/warc\/CC-MAIN-20181212225044-20181213010544-00275.warc.gz","language":"eza","language_score":0.9998784065,"language_script":"Latn","minhash_cluster_size":1,"top_langs":"{\"eza_Latn_score\": 0.9998784065246582}","num_words":50,"character_repetition_ratio":0.038,"word_repetition_ratio":0.0,"special_characters_ratio":0.277,"stopwords_ratio":0.28,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 18:1\nOzhi, dụru ndu l'agbajẹ ẹja nụ Chileke mẹe eri Lívayi\n1Onye-Nwe-Ọha sụ Érọnu: \"Gụbedua l'onwoghu mẹe ẹpa ghu mẹe iwhe bụ ọzo-ụlo nna ghu l'owhu b'ọ tukoru l'ishi, mbụ ejo-iwhe, e meru l'ẹka-dụ-nsọ nkemu. Ọ bụru gụbedua l'onwoghu mẹe ẹpa ghu b'ọ tukokwaruwho l'ishi, mbụ ejo-iwhe, e meru lẹ nke ọbu onye l'agbajẹru mu ẹja.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/18\/1","date":"2018-12-11T05:28:31Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823565.27\/warc\/CC-MAIN-20181211040413-20181211061913-00001.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":56,"character_repetition_ratio":0.099,"word_repetition_ratio":0.0,"special_characters_ratio":0.263,"stopwords_ratio":0.214,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 30\n1Réchẹlu whụ lẹ ya ta anwụtaduru Jékọpu nwa, o kolahaaru nwune iya nwanyị okoowhoo. Ọ sụ Jékọpu: \"Yee mu ime, ọdua bẹ mu l'a-nwụhukwa.\"\n2Jékọpu vọru ọku ghụa ẹhu l'ẹka Réchẹlu nọ, sụ iya: \"?Ọo mbẹdua bụ Chileke onye meru t'ị ba anwụtashi nwa?\"\n3Tọ dụ iya bụ, Réchẹlu sụ iya: \"Lee Byiliha, bụ nwamgbọko, l'ejeru mu ozhi l'ụlo, duta iya lajẹru iya l'ụlo t'ọ nw���taru mu ụnwegirima nke ọwhu mu l'e-shi iya l'ẹka nweru ụnwu.\"\n4Ọo ya bụ, Réchẹlu duta nwamgbọko ono, l'ejeru iya ozhi l'ụlo, bụ Byiliha dee ya t'ọ lụlahaa. Jékọpu bya alaaru Byiliha l'ụlo, 5Byiliha tsụta ime nwụaru Jékọpu nwa nwoke. 6O noo ya, Réchẹlu sụ: \"Ntaa bẹ Chileke hawarụ mu enge. Ọ nụwaru iwhe mu kfuru nụ iya, bya anụ mu nwa nwoke.\" Ọo ya meru ọ gụa ya Danu.\n7A nọnyakwaa, nwamgbọko ono, l'ejeru Réchẹlu ozhi l'ụlo, bụ Byiliha bya atsụta ime ọdo, nwụaru Jékọpu nwa nwoke nke ẹbo. 8Tọ dụ iya bụ, Réchẹlu sụ: \"Mu lẹ nwune mu nwanyị kpawarụ ẹnya shii, ọle mu kawa iya ẹkuku.\" Ọo ya bụ, ọ gụa ya Náfutali.\n9Nteke Lii bya whụa lẹ ya ta anwụhedu nwa, o duta nwamgbọko ọwhu l'ejeru yẹbedua ozhi l'ụlo, bụ Zilipa dee Jékọpu t'ọ lụlahaa. 10Nwamgbọko ono, l'ejeru Lii ozhi l'ụlo, bụ Zilipa bya anwụtaru Jékọpu nwa nwoke. 11Tọ dụ iya bụ, Lii sụ: \"Ọwa-a kwa iwhe-ekweru.\" Ọo ya bụ, ọ gụa ya Gadu.\n12Nwamgbọko ono, l'ejeru Lii ozhi l'ụlo, bụ Zilipa bya anwụtafuaru Jékọpu nwa nwoke nke ẹbo. 13Tọ dụ iya bụ, Lii sụ: \"Ẹhu-ụtso jikwaru mu obu pyịmu pyịmu. Ụnwanyi l'e-kuje mu onye ẹhu-ụtso dụ.\" Ọ gụa ya Asha.\n14O rwua nteke l'eebuje witi, Rúbẹnu jee l'ẹgu; ọ whụa akpụru oshi mandureku; ọ wọta iya wolataru ne iya, bụ Lii. Réchẹlu sụ Lii: \"Byiko, nụnu mu akpụru mandureku ono, nwa ghu wọtaru.\"\n15Lii sụ iya: \"?Ji mu ọwhu, ị natarụ mu te edzuduru ghu, ?iime t'ị natafụa mu akpụru mandureku, nwa mu nụru mu?\"\nRéchẹlu sụ iya: \"Ọ dụ ree, ngwa t'ọ laarụ ghu l'ụlo l'ẹnyashi-a l'ụgwo akpụru mandureku nwa ghu ọbu.\"\n16Ọo ya bụ, Jékọpu shilewho l'ẹgu alwa l'urwẹnyashi mbọku ono, Lii gbata iya ndzuta sụ iya: \"Lakwaarụ mu l'ụlo l'ẹnyashi-a. Mu gudekwa akpụru oshi mandureku nwa mu zụta ghu.\" Ọo ya bụ, Jékọpu laarụ Lii l'ụlo l'ẹnyashi ono.\n17Chileke nụa ekfukfu, Lii kfuru nụ iya; ọ tsụta ime bya anwụtaru Jékọpu nwa nwoke nke ise. 18Lii sụ: \"Chileke buakwaru mu obunggo nkele mu dutaru nwamgbọko l'ejeru mu ozhi l'ụlo dee ji mu Jékọpu; ọ lụlahaa.\" Ọ gụa nwata ọbu Ísaka.\n19Lii tsụta ime ọdo nwụtaru Jékọpu nwa nwoke nke ishii. 20Tọ dụ iya bụ, Lii sụ: \"Chileke nụakwaru mu ẹguru iwhe dụ ree. Ntaa bẹ mu bya l'a-nọ eri ugvu l'ẹka ji mu, eshi-ọwhu mu nwụtaru iya unwoke ishii.\" Ọo ya bụ, ọ gụa ya Zébulọnu.\n21E megee, ọ bya anwụa nwata nwanyị, gụa ya Dayina.\n22O noo ya, Chileke bya anyata Réchẹlu; nụa ekfukfu, l'ookfu anụ iya, bya ekpuhaa ẹkpa-nwa iya t'ọ tsụje ime. 23Ọ tsụta ime; nwụa nwoke sụ: \"Chileke tukofuwaru mu iwhe-iwhere l'ẹhu.\" 24Ọ gụa ya Jósẹfu sụ: \"Tẹ Onye-Nwe-Ọha yekwanuru mu nwa nwoke ọdo l'ọwa-a.\"\nAtụru Jékọpu zụshiru ụnwu ha l'igwe\n25Gẹ Réchẹlu nwụ-geeru Jósẹfu, bẹ Jékọpu jekfuru Lebanu je asụ iya: \"Dua mu tẹ mu lashia ibe anyi, bụ ẹka a nwụru mu. 26Haa tẹ mu chịta unyomu mu mẹe ụnwegirima mu, bụ ndu mu jeru ghu ozhi l'ishi whẹ lashia. Ị mawarụ gẹ mu jetaberu ghu ozhi.\"\n27Lebanu sụ iya: \"Ọ -bụru lẹ mu dụ ghu l'obu, byiko nọtabanua. Lẹ mu whụwaru l'ọo iswi ghu bẹ Onye-Nwe-Ọha gude gọru ọnu-ọma nụ mu ẹgube-ẹ.\" 28Ọ sụkwa iya whọ: \"Karụ mu iwhe l'a-bụ ụgwo ọrwu ghu tẹ mu kfụje ghu iya.\"\n29Jékọpu sụ iya: \"Ị mawarụ gẹ mu jetaberu ghu ozhi mẹe g'elwu ghu gude zụshi-be ụnwu gẹ mu l'eletaru ghu iya. 30Iwhe i shi nweru ta abadụ nwishi nteke mu byarụ. Ọle eshi mu lẹ ghu bu b'ọ hawa shii. O noo nkele ọobuje, ibiya ọwhu mu shiru Onye-Nwe-Ọha agọru ọnu-ọma nụ ghu. ?Ọo hụnu nteke ole ntaa bẹ mu l'a-gba mkpu ẹhu nke mu lẹ ndibe mu?\"\n31Lebanu sụ iya: \"?Ọo gụnu bẹ mu l'a-nụ ghu?\"\nJékọpu sụ iya: \"Ba adụshi iwhe l'ịi-nụ mu. Ọ chịa i -kweta iwhe-e, mu l'abya ekfukfu; mu echebaaru ghu atụru ghu. 32Haa tẹ mu jegbakota l'elwu ghu ntanụ, je ahọshikota iya atụru mẹe eghu ndu ọwhu tụkashiru iwhe l'ẹhu mẹe ndu ọwhu dengashiru iwhe l'ẹhu mẹe ụnwaturu, l'ejikaa uji, t'ọ bụru aswa ozhi mu. 33Ii-megee marụ lẹ mu bu onye ire-lanụ nteke l'ịi-bya enyoo iwhe ono, i gude kfụa mu ụgwo ono. Ị -byalẹwho ị whụa ya eghu, l'atụkashia iwhe l'ẹhu; t'o dengashi iwhe l'ẹhu; ọ dụa l'ọo nwatụru, l'ẹte eji uji; gụ ekua mu onye oshi.\"\n34Lebanu sụ iya: \"Mu kwetaakwaru. Tọ dụkwa g'i kfuru iya.\" 35Ọ bụru mbọku ono gẹdegede bẹ Lebanu tụgburu je ahọshikota mkpi, dengashiru iwhe l'ẹhu mẹe ndu ọwhu tụkashiru iwhe l'ẹhu mẹe ne eghu ndu ọwhu tụkashiru iwhe l'ẹhu mẹe ndu ọwhu dengashiru iwhe l'ẹhu mẹe atụru, l'ejikaa uji gẹ whẹ ha. Ọ chịru iya nụ ụnwegirima ibe iya tẹ whẹ cheje. 36Ọ chịta élwù ono jee ije abalị ẹto je edobe iche l'ẹka l'a-nọru yẹle Jékọpu otẹnya. Jékọpu chelahaa élwù Lebanu ono ndu ọwhu, ọ chị-whodoru.\n37Jékọpu gbuta ẹkali-oshi pọpula, dụ oyii mẹe oshi alụmondu mẹe oshi pulenu. Ọ swabatagee ẹkali oshi ono ụgbo, bya edengashia ya iwhe ọcha. 38Ọ bya ewota ẹkali-oshi ono, ọ swashịru ụgbo ono dobegee l'iwhe l'eyejeru élwù mini nke ọwhu élwù ono l'eleje iya ẹnya mẹ whẹ je ọnguta mini. L'ọobuje nteke élwù ono jeru ọngu mini, whẹ gbadẹlewho oke, 39whẹ anọdu l'atatiwhu ẹkali-oshi ono shia onwowhe. Whẹ abya anwụshia ụnwu, dengashiru iwhe l'ẹhu mẹe ọwhu tụkashiru iwhe l'ẹhu. 40Jékọpu bya ahọshia ụnwu élwù ono dobekota iche, bya eworu ndu ọwhu chịru yeru ndu ọwhu dengashiru iwhe l'ẹhu mẹe nke oji whọ, bụ nke Lebanu. O shi ẹgube ono nweru élwù nke ẹka iya, t'ọ chịkobeje iya lẹ nke Lebanu. 41L'ọobuje nyee élwù ono ndu ọwhu shihuru ike -gbadẹlewho okee, Jékọpu eje eworu ẹkali-oshi ono ye l'iwhe ono, l'eeyejeru élwù mini dobe l'ẹka whẹ l'a-nọ ele iya ẹnya nke ọwhu whẹ l'a-nọdu lẹ mgboro ẹkali-oshi ono shia onwowhe. 42O rwua l'anụ ọwhu dụ pyagọ pyagọ, ya eje edobeheru iya ẹkali-oshi ono. Ọo ya bụ, e shiwaro ẹgube ono, élwù ono ndu ọwhu dụ pyagọ pyagọ laarụ Lebanu; ndu ọwhu shihuru ike laarụ Jékọpu. 43Jékọpu shi nno kwata akwata nweru iwhe shii; nweru igweligwe élwù mẹe ohu; ụnwanyi mẹe unwoke, bya enweru ịnya-kamẹlu mẹe nkakfụ-ịgara.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/30","date":"2018-12-18T12:49:47Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829399.59\/warc\/CC-MAIN-20181218123521-20181218145521-00011.warc.gz","language":"eza","language_score":1.0000063181,"language_script":"Latn","minhash_cluster_size":1,"top_langs":"{\"eza_Latn_score\": 1.0000063180923462}","num_words":1092,"character_repetition_ratio":0.073,"word_repetition_ratio":0.007,"special_characters_ratio":0.257,"stopwords_ratio":0.299,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 9:21\n21O nweru nteke urwukpu ono l'eshije l'urwẹnyashi nọo jeye ụtsu; o rwua l'ụtsu ọ palihu imeli imeli, whẹ apalita ije whẹ tụgbua. Mbụ o beru ọ bụru m'ọo l'eswe bẹ urwukpu ono palihuru imeli, ọdua l'ọo ẹnyashi; nteke ọ bụ-zhiawho, nteke ọ bụ-zhiawho, ndu Ízurẹlu apalia ije whẹ tụgbua.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/9\/21","date":"2018-12-10T19:59:37Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823442.17\/warc\/CC-MAIN-20181210191406-20181210212906-00013.warc.gz","language":"eza","language_score":0.9999947548,"language_script":"Latn","minhash_cluster_size":1,"top_langs":"{\"eza_Latn_score\": 0.9999947547912598}","num_words":50,"character_repetition_ratio":0.113,"word_repetition_ratio":0.0,"special_characters_ratio":0.246,"stopwords_ratio":0.28,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 6:22\n22Ọo onye bụ ẹpa Érọnu ono, a wụru mmanụ t'ọ nọ-chia ẹnya iya bụru onye l'agbajẹ ẹja nụ Chileke l'a-gba ẹja ono l'onwiya. Ẹja ono bụ Onye-Nwe-Ọha bẹ nweru iya nụ. Iwhe ono bụ iwhe a tọru ọkpa iya t'ọ dụ jeyewaroya. T'a kpọkotajekwa iya ọku g'ọ ha.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/6\/22","date":"2018-12-12T02:52:31Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823712.21\/warc\/CC-MAIN-20181212022517-20181212044017-00058.warc.gz","language":"eza","language_score":1.0000023842,"language_script":"Latn","minhash_cluster_size":1,"top_langs":"{\"eza_Latn_score\": 1.000002384185791}","num_words":49,"character_repetition_ratio":0.0,"word_repetition_ratio":0.0,"special_characters_ratio":0.27,"stopwords_ratio":0.367,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 20\nÉbirihamu yẹle Ábyimelẹku\n1Ébirihamu shi l'ẹka o bu tụgbua ụzo echi-ẹgu ọhuda je eburu l'ẹka nọ Kádẹshi yẹle echi-ẹgu Shuru l'echi. A nọnyaa o je ebuta nwanshị lẹ Gera. 2Ébirihamu l'asụje lẹ nyee ya Séra bụ nwune iya nwanyị. Ábyimelẹku, bụ eze ndu Gera zhia, e je edutaru iya Séra.\n3O be l'ẹnyashi ujiku lanụ, Chileke byakfuta Ábyimelẹku lẹ nrọ sụ iya: \"Ị bụakwa maa l'okfu ẹhu nwanyị ono, i dutaru. Ọo nyee nwoke ibe ghu ndono.\"\n4Nteke ono bẹ Ábyimelẹku yẹle Séra tẹke azẹdua. Ọo ya bụ, ọ sụ Onye-Nwe-Ọha: \"Onye-Nwe-Ọha ?ii-gbu ndu l'adụa iwhe whẹ meru? 5Ọo Ébirihamu bẹ sụru mu l'ọo nwune iya nwanyị, nwanyị l'onwiya sụkwa mu whọ lẹ Ébirihamu bụ nwune iya nwoke. Iwhe mu meru bẹ mu mekwaru l'obu ọcha mẹe l'iswi ọdu mma.\"\n6Chileke sụ iya lẹ nrọ ono: \"Mu makwarụ-a l'obu dụ ghu ọcha l'iwhe i meru; ọ bụru mbẹdua bẹ gbochiru ghu nụ t'i me iwhe-dụ-ẹji l'ẹka mu nọ. Ọo ya meru g'o gude mu te ekwe t'i je iya ome ẹka l'ẹhu. 7Ngwa, duta nwanyị ono nụ ji iya nkele ji iya bụkwa onye nkfuchiru Chileke. Oo-kfuru nụ mụbe Chileke l'iswi ẹhu ghu; gụ anọdu ndzụ. Nteke bụ l'i ti dutadu iya je anụ ji iya, makwarụ lẹ gụ lẹ ndibe ghu l'a-nwụshihukwa.\"\n8O rwua l'ọnmewa ụtsu iya, Ábyimelẹku bya ekukoo ndu ozhi iya gẹ whẹ ha; kọkotaru whẹ iwhe lile ono; egvu baa whẹ l'ẹhu. 9Ábyimelẹku bya ekua Ébirihamu sụ iya: \"Ọo ẹgube iwhe gụnu b'i meru whẹ ẹgube-ẹ? ?Ndẹe ụzo, mu shi melwu ghu nke t'ị kpata tẹ mu lẹ ndu, nọ l'alị-eze mu mee iwhe-dụ-ẹji, ha shii ẹgube? I mekwaru mu iwhe l'ẹte adụa nke tii mee mu!\" 10Ábyimelẹku jịa Ébirihamu sụ iya: \"?Ọo gụnu b'i shi arị meru i mee iwhe dụ nno?\"\n11Ébirihamu sụ iya: \"Mu rịru lẹ ndu ẹka-a ta atsụdu Chileke egvu; whẹ je l'e-gbu mu l'okfu ẹhu nyee mu. 12Ọdo bụ-zhiadanu l'ọ bụ nwune mu nwanyị gẹdegede. Nkele ọo nna lanụ nwụru mu l'iya. Ọle mu l'iya te eshidu lẹ ne lanụ. Ọ bụru nyee mu, mu l'alụ alụlu. 13Nteke Chileke meru tẹ mu shi l'ibe nna mu wata ejewhe, bẹ mu sụru nyee mu ono agha: Lẹ gẹ l'oo-gude egoshi l'o yeru mu obu bụ l'iwhe bụ-zhia ẹka lile anyi jeru t'ọ sụjekwa lẹ mu bụ nwune iya nwoke.\"\n14Tọ dụ iya bụ, Ábyimelẹku bya erwuta atụru; rwuta eswi; duta ohu; unwoke mẹe ụnwanyi nụ Ébirihamu, bya eduru nyee ya Séra dewhu iya azụ. 15Ábyimelẹku sụ Ébirihamu: \"Ẹka-a l'owhu bụkota alị mu; hatazhiawho ẹka iya ọwhu dụ ghu ree buru.\"\n16A bya l'ẹka Séra nọ; ọ sụ: \"Mu nụakwaru nwune ghu nwoke mkpọla-ọcha, ẹrwa iya dụ ụnu shẹkelu ugbo labọ l'ụkporo shẹkelu ugbo iri. O noo iwhe mu gude asụ ghu t'ị parụ haa l'emeswe ono, anyi mesweru ghu l'iwhu ndu ono, gụ lẹ whẹ lị. Mbụ l'iswi dụkwa ghu mma.\"\n17Ébirihamu bya ekfuru nụ Chileke; Chileke mee Ábyimelẹku mẹe nyee ya mẹe ụnwanyi, bụ ohu iya; whẹ nwụlahaa ụnwu ọdo. 18O noo nkele Onye-Nwe-Ọha shi mechishia ụnwanyi ibe Ábyimelẹku ẹkpa-nwa whẹ; ọ bụru l'okfu ẹka Séra, bụ nyee Ébirihamu b'o shi.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/20","date":"2018-12-19T09:07:12Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376831933.96\/warc\/CC-MAIN-20181219090209-20181219112209-00620.warc.gz","language":"eza","language_score":0.9999911785,"language_script":"Latn","minhash_cluster_size":1,"top_langs":"{\"eza_Latn_score\": 0.9999911785125732}","num_words":522,"character_repetition_ratio":0.062,"word_repetition_ratio":0.0,"special_characters_ratio":0.258,"stopwords_ratio":0.287,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 30\nẸnya-mgbẹja ụ̀nwù-isẹnsu\n1\"Gude oshi akeshiya kụa ẹnya-mgbẹja, bụ ẹka l'aa-kpọje ụ̀nwù-isẹnsu ọku. 2Ogologo iya l'a-dụ nji-ẹka lanụ; uswe iya adụ nji-ẹka lanụ bụ iya bụ lẹ mgburẹku iya whẹ ẹno l'a-ha ẹnya nhamụnha. Eli iya adụ nji-ẹka labọ. Tẹ mpu, l'ee-chiibegee l'ẹka ono yẹle ẹnya-mgbẹja ono l'onwiya rwagbabẹkwa bụru nnanụ. 3Woru ọkpobe mkpọla-ododo rwụkota eli iya mẹe mgburẹku iya mẹe mpu iya ono g'ọ ha. Gudekwawhọ mkpọla-ododo kpụ-wheta mgburẹku iya mgburumgburu. 4Kpụta echi mkpọla-ododo ẹbo-ẹbo hebegee lẹ mgburẹku iya ibẹka ibẹbo. Hebekwa iya t'ọ nọdu-gee lẹ mkpula iwhe ono, a kpụ-wheru iya mgburumgburu ono. Ọo l'echi ono bẹ l'ee-pyoje mkpara, l'ee-gudeje apa iya. 5Gude oshi akeshiya pyịta mkpara ono, rwụkota iya mkpọla-ododo. 6Ẹka l'ii-dobe ẹnya mgbẹja isẹnsu ono bụ l'iwhu ẹkwa whọ, e gude gebuta Igbe Iwu, mbụ okfu igbe ono, l'aa-nọduje akfụ ụgwo iwhe-dụ-ẹji whọ, e gude kpuchia Igbe Iwu ono, bụ ẹka mu l'a-byakfutaje ghu.\n7\"Tẹ Érọnu kpọjekwa ụ̀nwù-isẹnsu, l'eshi kwẹkwekwe ọku l'ẹnya-mgbẹja ono l'ụtsu g'ụtsu ha mẹ o jelewho odozhi oryọku. 8O -rwujee l'urwẹnyashi mẹ o je oye ọku l'oryọku ono, t'ọ kpọjekwawho ụ̀nwù-isẹnsu ono ọku l'ẹnya-mgbẹja ono kwawhọ. Ụ̀nwù-isẹnsu ono bẹ l'aa-kpọje ọku l'atatiwhu Onye-Nwe-Ọha shi l'ọgbo rwua l'ọgbo gbururu jeyewaroya. 9Unu be egudekwa ụ̀nwù-isẹnsu ọdo, l'adụa nsọ bya akpọ ọku l'ẹnya mgbẹja isẹnsu ono. Ya adụkwa ẹja ọkpokota-iwhe-ọku, m'ọbu ngwo-ẹja-nri, m'ọbu ngwo-ẹja-mmẹe, unu l'e-gudeje bya l'ẹnya-mgbẹja-a. 10Ugbo lanụ l'awha bẹ Érọnu l'e-teje mmee lẹ mpu ẹnya-mgbẹja ono gude kfụa ụgwo iwhe-dụ-ẹji, dụ iya nụ. Ọ kwa mmee anụ, a gbarụ ẹja iwhe-dụ-ẹji, e gude akfụ ụgwo iwhe-dụ-ẹji bẹ l'oo-teje lẹ mpu ono awha g'awha ha, shi l'ọgbo rwua l'ọgbo. Ẹka ono bụkwa ẹka kachaa ọduru Onye-Nwe-Ọha nsọ.\"\nỤtu Ụlo-ẹkwa-ndzuko\n11O noo ya, Onye-Nwe-Ọha sụ Mósisu: 12\"Nteke l'ịi-gụ ndu Ízurẹlu ọgu t'ị marụ gẹ whẹ ha, t'onye a gụjeru kfụkwaa aswa ishi onwiya nụ Onye-Nwe-Ọha gude gbata onwiya. Ọo ya bụ nke ọwhu nchịkarehu l'ẹte abyakfuta whẹ nteke l'ịi-gụ whẹ ọgu ọbu. 13Ọ waa iwhe onye a gụjeru ọgu ono l'a-kfụje ndọwa; ọo-kfụje nkere labọ shẹkelu mkpọla-ọcha. T'ẹrwa mkpọla-ọcha ọbu bụkwaru iwhe lanụ yẹle shẹkelu ụlo-nsọ. Mkpọla-ọcha ono bẹ l'ee-buta ụkporo m'e bude iya ebu. Nkere labọ shẹkelu mkpọla-ọcha ono bẹ l'ee-doberu mụbe Onye-Nwe-Ọha nsọ. 14Iwhe bụ onye a gụru ọgu ono, bụ onye gbawarụ ụkporo awha tụgbua bẹ l'a-nụ iwhe ono t'e doberu mụbe Onye-Nwe-Ọha nsọ. 15Tẹ ndu nweru iwhe ba anụghatakwa nkere labọ shẹkelu mkpọla-ọcha; ndu-ụkpa eje anụ-petekwa iya; nteke unu l'a-nụ iwhe ono t'e doberu Onye-Nwe-Ọha nsọ gude kfụa ụgwo iwhe-dụ-ẹji, unu meru. 16Nata ndu Ízurẹlu okpoga ono, whẹ tụru, e gude akfụ ụgwo iwhe-dụ-ẹji, whẹ meru; woru iya ye l'ozhi Ụlo-ẹkwa-ndzuko. Ọo ya bẹ mụbe Onye-Nwe-Ọha l'e-gude anyata ndu Ízurẹlu l'atatiwhu mu; ọ bụru iya bẹ l'ee-gude kfụa ụgwo iwhe-dụ-ẹji, unu meru.\"\nEze efere\n17O noo ya, Onye-Nwe-Ọha sụ Mósisu: 18\"Gude ope mee eze efere, l'ee-gudeje aghụ ẹhu. Gudekwawho ope mee ọkpa iya. Sụbe iya lẹ mgbaku Ụlo-ẹkwa-ndzuko ono yẹle ẹnya-mgbẹja ono, kuru mini ye iya. 19T'ọ bụru mini, Érọnu yẹle ụnwu iya l'a-kwọje ẹka yẹle ọkpa. 20Whẹ -bahụdejekwa lẹ Ụlo-ẹkwa-ndzuko ono, tẹ whẹ vujeedaru ụzo kwọo ẹka yẹle ọkpa lẹ mini ono nke ọwhu whẹ l'ẹte anwụshihu. Tẹ whẹ kwọjekwawho ẹka yẹle ọkpa mẹ whẹ l'eje l'ẹnya-mgbẹja ono ọkporu Onye-Nwe-Ọha ẹja ọku, nke ọwhu whẹ l'ẹte anwụshihu. 21Tẹ whẹ kwọjekwaa ẹka whẹ yẹle ọkpa whẹ nke ọwhu whẹ l'ẹte anwụshihu. O noo bụ iwu, dụru Érọnu yẹle ẹpa iya, shi l'ọgbo rwua l'ọgbo jeye lẹ gbururu.\"\nMmanụ ọowu l'ishi\n22O noo ya, Onye-Nwe-Ọha sụ Mósisu: 23\"Wota ọkpobe iwhe l'eshikaa kwẹkwekwe, ọ dụ g'ọ bụ Mẹru, dụ mini-mini, ọwhu ẹrwa iya dụ ụnu shẹkelu l'ụkporo ugbo ise mẹe sịnamonu, l'eshi mkpọ, ọwhu ẹrwa iya dụ ụkporo shẹkelu iri l'ẹbo lẹ shẹkelu iri bụ iya bụ nkerẹbo mẹru whọ mẹe oshi ẹchara-mbeke, l'eshi mkpọ ọwhu ẹrwa iya dụ ụkporo shẹkelu ugbo iri l'ẹbo lẹ shẹkelu iri, 24mẹe kasiya ọwhu ẹrwa iya dụ ụnu shẹkelu l'ụkporo ugbo iri. T'ẹrwa iwhe ono g'ọ ha yẹle shẹkelu ụlo-nsọ mụbe Chileke bụkwaru iwhe lanụ. Gụ ewotakwawho mmanụ ólivu, jiru ekpemu ẹsato. 25T'onye marụ ome mmanụ-mbeleke gwakọbe iwhe lile ono t'ọ bụru mmanụ, dụ nsọ l'eshi kwẹkwekwe, l'aawụje l'ishi. Ọo-bụru mmanụ, dụ nsọ, l'aa-wụje l'ishi. 26Gude mmanụ ono wụgbakota Ụlo-ẹkwa-ndzuko mẹe Igbe Iwu, 27mẹe teburu yẹle ngwa lile, dụkota iya nụ mẹe iwhe l'aatukobeje oryọku yẹle ngwa, dụkota iya nụ g'ọ ha mẹe ẹnya-mgbẹja ụ̀nwù-isẹnsu, 28mẹe ẹnya-mgbẹja, bụ ẹka l'aa-gbajẹ ẹja ọkpokota-iwhe-ọku yẹle ngwa, dụkota iya nụ g'ọ ha mẹe eze efere yẹle ọkpa iya. 29Dobekota iwhe lile ono nsọ, t'ọ bụru iwhe kakọta nsọ nke ọwhu bụ iwhe denyiru iya nụ; iwhe ọbu adụkwawho nsọ.\n30\"Wụa Érọnu yẹle ụnwu iya mmanụ l'ishi; dobe whẹ nsọ nke ọwhu whẹ l'a-nọ ejeru mụbe Onye-Nwe-Ọha ozhi g'ọo ndu l'agbajẹ ẹja nụ Chileke. 31Kfuaru ndu Ízurẹlu lẹ mmanụ ono bụ mmanụ mu, dụ nsọ, l'aa-wụje l'ishi, shi l'ọgbo rwua l'ọgbo. 32T'a ba awụjekwa iya madzụ mmaanụ l'ẹhu. T'ọ bọ dụkwa mmanụ ọdo, l'aa-gwajẹ t'ọ dụ g'ọo ono. Mmanụ ono bẹ dụkwa nsọ. Ọo ya bụ t'unu dobekwa iya t'ọ bụru iwhe dụru unu nsọ. 33Onye gwarụ mmanụ ọdo, ọ dụ g'ọo mmanụ ono, ọdua l'o nweru onye wụru iya madzụ mmaanụ l'ishi, l'abụa onye l'agbajẹ ẹja nụ Chileke, t'e kefukwa onye ọbu l'oke l'echilabọ ụnwunna iya.\"\nỤ̀nwù-Isẹnsu\n34O noo ya, Onye-Nwe-Ọha sụ Mósisu: \"Wota iwhe l'eshi mkpọ, dụ g'ọo etse yẹle onika mẹe galubanumu yẹle furankisẹnsu, guru egu, tụa ya l'iwhe l'eegudeje atụ ẹrwa iwhe t'ọ hakọta ishi ẹnya nhamụnha. 35T'onye marụ ome mmanụ-mbeleke gwakọbe iwhe lile ono t'ọ bụru ụ̀nwù-isẹnsu, l'eshi kwẹkwekwe. T'a pyashị iya únú; mee ya t'o gua egugu; mekwa ya whọ t'ọ dụ nsọ. 36Harụ iya gwee egwegwe dobe l'atatiwhu Igbe Iwu, nọ lẹ Ụlo-ẹkwa-ndzuko bụ iya bụ ẹka ono, mu l'a-byakfuta unu ono. T'ụ̀nwù-isẹnsu bụkwaru unu iwhe kakọta ọdu nsọ. 37Unu be emekwa ụ̀nwù-isẹnsu nke unu t'ọ dụ g'ọo ono. Unu doberu iya mụbe Onye-Nwe-Ọha nsọ. 38Onye meru ụ̀nwù-isẹnsu ọdo, dụ g'ọo bụ ono, doberu onwiya g'ọo mmanụ-mbeleke, t'e kefukwa onye ọbu l'oke l'echilabọ ụnwunna iya.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/30","date":"2018-12-19T13:12:11Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376832330.93\/warc\/CC-MAIN-20181219130756-20181219152756-00341.warc.gz","language":"eza","language_score":1.0000087023,"language_script":"Latn","minhash_cluster_size":1,"top_langs":"{\"eza_Latn_score\": 1.0000087022781372}","num_words":991,"character_repetition_ratio":0.071,"word_repetition_ratio":0.002,"special_characters_ratio":0.249,"stopwords_ratio":0.258,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 16:40\n40t'ọ bụru iwhe ndu Ízurẹlu l'e-gudeje anyata l'ọ tọ dụdu onye l'ẹte abụa ẹpa Érọnu, bya l'a-kpụlitajeru bya ọkpo ụ̀nwù-isẹnsu ọku l'atatiwhu Onye-Nwe-Ọha ẹgube ono Onye-Nwe-Ọha shi l'ẹka Mósisu kfua ya, onye ọdo -mekwanua ya eme, ya adụru onye ọbu ẹgube ọ dụru Kora yẹle ndu otu iya whẹ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/16\/40","date":"2018-12-13T09:54:23Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824601.32\/warc\/CC-MAIN-20181213080138-20181213101638-00110.warc.gz","language":"eza","language_score":1.0000059605,"language_script":"Latn","minhash_cluster_size":1,"top_langs":"{\"eza_Latn_score\": 1.0000059604644775}","num_words":50,"character_repetition_ratio":0.034,"word_repetition_ratio":0.0,"special_characters_ratio":0.254,"stopwords_ratio":0.3,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 17:19\n19Chileke sụ iya: \"Mu kwetaru-a; l'ọ lẹ nyee ghu Séra l'a-nwụtaru ghu nwa nwoke. Iwhe l'ịi-gụ iya bụ Áyiziku. Mu l'e-me ọgbandzu mu t'o shihu ike l'ẹhu iya mẹe l'ẹhu ẹpa iya, bụ ndu ọwhu l'etso iya l'azụ; mbụ ọgbandzu l'a-nọ jeye lẹ gbururu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/17\/19","date":"2018-12-11T09:41:12Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823614.22\/warc\/CC-MAIN-20181211083052-20181211104552-00195.warc.gz","language":"eza","language_score":1.0000070333,"language_script":"Latn","minhash_cluster_size":1,"top_langs":"{\"eza_Latn_score\": 1.0000070333480835}","num_words":45,"character_repetition_ratio":0.008,"word_repetition_ratio":0.0,"special_characters_ratio":0.293,"stopwords_ratio":0.356,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 25:47\n47\"Ọ -bụru l'onye lwarụ alwa m'ọ bụ onye byarụ abya, unu l'iya bu bẹ nweru iwhe, onye Ízurẹlu ibe ghu, yẹle iya bukube -daa ụkpa, o woru onwiya ree onye ono, lwarụ alwa, bukube ghu nụ m'ọ bụ woru onwiya ree onye ibe onye ono, lwarụ alwa ono,","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/25\/47","date":"2018-12-19T12:26:25Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376832259.90\/warc\/CC-MAIN-20181219110427-20181219132427-00366.warc.gz","language":"eza","language_score":0.9948120117,"language_script":"Latn","minhash_cluster_size":1,"top_langs":"{\"eza_Latn_score\": 0.99481201171875}","num_words":49,"character_repetition_ratio":0.12,"word_repetition_ratio":0.0,"special_characters_ratio":0.275,"stopwords_ratio":0.327,"flagged_words_ratio":0.0,"lang_id_score":0.996,"perplexity_score":500.0,"cluster_detection":1} +{"text":"Awụfu 27:18\n18Ọma ogboduwhu ono l'a-dụ nji-ẹka ụkporo ugbo ise l'ogologo; dụ nji-ẹka ụkporo ugbo labọ lẹ nji-ẹka iri l'uswe. Eli iya adụ nji-ẹka ise. Ee-gude ẹkwa ọcha, a kparụ ọkpobe akpakpa gebuta iya. Ọkpa itso ọma ogboduwhu ono bụ ope bẹ l'ee-gude kpụkota iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/27\/18","date":"2018-12-17T00:16:55Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828018.77\/warc\/CC-MAIN-20181216234902-20181217020902-00441.warc.gz","language":"eza","language_score":0.9885835648,"language_script":"Latn","minhash_cluster_size":1,"top_langs":"{\"eza_Latn_score\": 0.9885835647583008, \"izz_Latn_score\": 0.011235369369387627}","num_words":44,"character_repetition_ratio":0.125,"word_repetition_ratio":0.0,"special_characters_ratio":0.258,"stopwords_ratio":0.205,"flagged_words_ratio":0.0,"lang_id_score":0.986,"perplexity_score":500.0,"cluster_detection":1} +{"text":"Mbụlembu 43\nỤnwunna Jósẹfu dawhuru azụ l'alị Íjiputu\n1O noo ya, mkpẹgu ono l'emeshi ike l'alị Kenanu. 2Ndibe Jékọpu rigelewho nri ono, whẹ shi l'alị Íjiputu vulata, Jékọpu sụ ụnwu iya: \"Unu jewhukwa azụ je azụtabaaru anyi nri ọbu.\"\n3Juda sụ iya: \"Nwoke ono kfukwaru iya rwẹe ya anyi arwẹ lẹ nchị sụ l'anyi ta abyakwa l'awhụ iya ẹnya ọdo, gbahaa l'anyi lẹ nwanna anyi lị bya. 4I -je l'e-kweta haa t'anyi lẹ nwanna anyi lịru; anyi eje azụtaru ghu nri ọbu. 5Nteke bụ l'i ti kwedu t'o tsoru anyi jee bẹ anyi l'ete ejekwa, o noo nkele nwoke ono kfukwaru iya anyi hoo haa; l'anyi ta abyakwa l'awhụ iya ẹnya ọdo, gbahaa l'anyi lẹ nwanna anyi lị bya.\"\n6Ízurẹlu sụ: \"?Ndẹe iwhe meru unu je asụ nwoke ono l'unu nweru nwanna ọdo, shi nno mee, ẹgube iwhe-ọtsulanu ọwaa byakfuta mu?\"\n7Whẹ sụ iya: \"Ọo nwoke ono jịlahaaru anyi njịkponu; jịa anyi ajị ẹhu anyi mẹe ajị ndibe anyi. Ọ jịru anyi sụ: '?Nna unu nọkwadu-a ndzụ? ?Unu nwebaaru nwune ọdo?' Anyi kwenu, ee, shi nno yeru iya ọnu l'ajị ọ jịru anyi. ?Anyi g'eshihunu agha marụ l'ọo-sụ t'anyi duta nwanna anyi ọbu byatashia ẹka ono?\"\n8O noo ya, Juda sụ Ízurẹlu, bụ nna iya: \"Duru nwata ono yeru mu t'anyi jee nke ọwhu anyi lẹ ghu mẹe ụnwu anyi l'a-nọdu ndzụ t'ẹgu be egbushi anyi. 9Mbẹdua, bụ Juda l'asụbe ndzụ mu l'ishi nwata ono sụ: o -nweru iwhe meru iya nụ t'a jịa mu ajị iya. E -megee mu te eduwhuru ghu iya azụ, t'ọ bụru mbẹdua bẹ l'aa-ta ụta iya jeye lẹ gbururu. 10Ọ tọo bụwaa l'anyi shi eshi ono nọduta, anyi gẹge ejeekwa ugbo labọ lwawaa nụ.\"\n11Tọ dụ iya bụ, nna whẹ bụ Ízurẹlu sụ whẹ: \"Ọ -bụru l'e mefutaje iya nno, t'unu wota mebyi iwhe kacha ree, shi l'alị-a ye l'ẹkpa, unu l'a-nụ nwoke ono gude meeru iya iwhe-ọma. Unu egude mmanụ bamụ mẹe mmanụ-ẹnwu mẹe etse mẹe mẹru mẹe akpụru oshi pisutasho mẹe akpụru oshi alụmondu, unu l'a-nụ iya. 12Unu egude okpoga, ha g'ọo ọwhu unu gudehawaa jee l'ọgiya ọwhu ugbo labọ nkele ọ gbarụ t'unu nụ-whu okpoga whọ, e yeru unu l'ọnu ẹkpa whọ azụ. Onye marụ ?ọo ẹka je abaa whẹ mba, whẹ yeswe ya tọo gụnu? 13Unu duta nwanna unu ọbu jekfuwhu nwoke ono azụ. 14Tẹ Chileke, bụ Ọkalibe-kakọta-ike mee tẹ imiko unu dụ nwoke ono nke ọwhu l'oo-kwe t'unu lẹ nwune unu ọwhu mẹe Bénjaminu lịru lwa. A bya lẹ mbẹdua, ọ -bụru ume-nwa l'e-me mu t'o menua mu.\"\n15Ọo ya bụ, whẹ bya ewota iwhe ono, whẹ l'a-nụ Jósẹfu, wota okpoga, ha g'ọo ọwhu whẹ gudehawaa jee l'ugbo iya ọwhu ugbo labọ, whẹ duta Bénjaminu jeshia Íjiputu. Whẹ rwua je esee Jósẹfu l'iwhu. 16Jósẹfu bya awhụ gẹ whẹ lẹ Bénjaminu lị. Ọ sụ onye l'ejeru iya ozhi l'ụlo: \"Duru ndu-a je l'ụlo mu. Gbua anụ gude mee nri nkele mu l'unwoke-e l'a-tụko ẹka nri l'eswe.\"\n17Nwoke ono bya emee gẹ Jósẹfu kfuru, duta whẹ jeshia l'ụlo Jósẹfu. 18Egvu gudeshia unwoke ono l'e duru whẹ je edobe l'ụlo Jósẹfu. Onyenọnu nọdu ya asụ ibe iya: \"Ọo bụkwa nke okpoga whọ, e yewhuru azụ l'ẹkpa anyi l'ọgiya ọwhu, anyi byahawaru meru iwhe a bya achịru anyi wụshi l'ẹka-a. Iwhe l'ọocho bụ ọwhu, l'ọo-gbarụ kobe anyi, shi nno mee anyi nwohuta, chịta nkakfụ-ịgara anyi woru.\"\n19O noo ya, whẹ jekfu onye ozhi Jósẹfu ono l'ọnu ụlo sụ iya: 20\"Byiko onye-nwe-anyi, anyi byahawaru ẹka-a ọzuta nri, 21anyi tụgburu ala, jeta rwua ẹka anyi radụru, bya atọshia ẹkpa anyi, okpoga anyi dụkota l'ọnu ẹkpa anyi l'ẹhu l'ẹhu. Okpoga ono halẹwho g'ọ ha. Anyi gudekwa iya bya l'ọgiya ọwa t'anyi nụ-whu iya unu azụ. 22Anyi gudefukwaawho okpoga ọdo, anyi l'e-gude zụtabaa nri. Anyi ta amadụ onye bụ iya yewhuru okpoga anyi ono azụ l'ẹkpa.\"\n23Ọ sụ whẹ: \"Tẹ meji mmakfuru unu ammakfuru. T'unu ba atsụshi egvu. Ọo Chileke unu, mbụ Chileke nke nna unu bẹ yeru unu okpoga ono l'ẹkpa unu. Okpoga, unu kfụru mbọku ono bẹ mu natakwarụ-a.\" Tọ dụ iya bụ, o je ekufutaru whẹ Símiyọnu.\n24Onye ozhi Jósẹfu ono duta whẹ bahụ l'ụlo Jósẹfu, kee whẹ mini, whẹ kwọo ọkpa, o doberu nkakfụ-ịgara whẹ nri. 25Whẹ kwakọbe iwhe ono, whẹ gude, whẹ l'a-nụ Jósẹfu, mee ya gẹ l'ọo-dụ whẹ anụ iyẹ ya nteke ọ lwarụ l'eswe nkele whẹ nụru l'ọo ẹka ono bẹ whẹ l'e-ri nri.\n26Jósẹfu lwalẹwho, whẹ woru iwhe ono, whẹ gude bya ono nụ iya, bya ewhuzeru iya iwhu l'alị baarụ iya ẹja. 27Ọ jịa whẹ sụ: \"?Ẹhu dụa unu mma? ?Ẹhu dụa nna unu nwoke ọgurenya ono, unu kfuru mu okfu iya mma? ?Ọ nọkwadu-a ndzụ?\"\n28Whẹ sụ iya: \"Onye ozhi ghu ono, bụ nna anyi bẹ ẹhu dụkwa-a mma; ọ nọkwa-a ndzụ.\" Whẹ whuzeta ishi baarụ iya ẹja, gude kwabẹ iya ugvu.\n29Ọ palia ẹnya whụ nwune iya, bụ Bénjaminu, onye ọwhu yẹle iya shi lẹ ne lanụ. Ọ sụ whẹ: \"?Ọo nwune unu nke nwata ọbu, unu kfuru mu okfu iya ndọwa?\" Ọ sụ Bénjaminu: \"Nwa mu, tẹ Chileke meeru ghu eze-iwhe-ọma.\" 30Obu bya l'agbajahụ Jósẹfu g'ọ whụru nwune iya ono. Jósẹfu lụfu-kebe ẹgwegwa, je achọo ẹka l'ọo-nọdu ryaa ẹkwa. Ọ bahụ l'ime mkpu iya je anọdu ryaa ẹkwa.\n31Ọ bya aswaa iwhu lụfuta ọdo, bya egudeshia ẹka ike l'obu sụ t'e wotaru whẹ nri tẹ whẹ ria.\n32E doberu Jósẹfu nri nkiya iche, doberu ụnwunna iya nkewhe iche, doberu ndu Íjiputu, whẹ l'iya l'atụkoje ria nri nkewhe iche, o noo nkele ndu Íjiputu whẹ lẹ ndu Híburu te eyekojedu ẹka lẹ nri nkele ọ bụru ndu Íjiputu ahụma. 33Ndu ono nọdu ghaaru Jósẹfu iwhu, doo onwowhe gẹ whẹ gude bụru ọgbo; wata l'onye ọwhu bụ ọgurenya jeye l'onye ọwhu kagezhia ọbu nwata. Whẹ nọdu; onyenọnu elee ibe iya ẹnya l'iwhu nkele ọ dụ whẹ biribiri. 34E shi lẹ teburu nke Jósẹfu hẹe whẹ nri, nke Bénjaminu ka nke ndu ọwhu shii ugbo ise. Whẹ lẹ Jósẹfu tụko ria nri, ngụa g'ọ dụ whẹ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/43","date":"2018-12-13T04:36:42Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824448.53\/warc\/CC-MAIN-20181213032335-20181213053835-00045.warc.gz","language":"eza","language_score":1.0000091791,"language_script":"Latn","minhash_cluster_size":1,"top_langs":"{\"eza_Latn_score\": 1.0000091791152954}","num_words":987,"character_repetition_ratio":0.037,"word_repetition_ratio":0.01,"special_characters_ratio":0.26,"stopwords_ratio":0.276,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 6:6\n6\"Ọo ya bụ, t'unu sụ ndu Ízurẹlu: 'Ọo Mu bụ Onye-Nwe-Ọha; mu l'a-nafụta unu l'ozhi mkpọnwuru ono, ndu Íjiputu dzuberu unu; mu emee t'unu nweru onwunu; t'unu ba abụhe ohu whẹ. Mu l'a-machị ẹka mu gude gbafụta unu; bya emeshia iwhe dụ biribiri gude nụa whẹ awhụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/6\/6","date":"2018-12-19T05:16:27Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376831334.97\/warc\/CC-MAIN-20181219045716-20181219071716-00293.warc.gz","language":"eza","language_score":1.0000035763,"language_script":"Latn","minhash_cluster_size":1,"top_langs":"{\"eza_Latn_score\": 1.0000035762786865}","num_words":48,"character_repetition_ratio":0.0,"word_repetition_ratio":0.0,"special_characters_ratio":0.27,"stopwords_ratio":0.396,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 46\nJékọpu l'ala alị Íjiputu\n1O noo ya, Ízurẹlu bya egwokota iwhe lile o nweru palihu ije. Ọ rwua mkpụkpu Byiyesheba, ọ gbarụ Chileke nke nna iya, bụ Áyiziku ẹja.\n2Tọ dụ iya bụ, Chileke bya ekfuru yeru Ízurẹlu l'ọwhulenya, ọ whụru l'ẹnyashi ono sụ iya: \"Jékọpu, Jékọpu.\"\nỌ sụ: \"Owee.\" 3Ọ sụ iya: \"Ọo mbẹdua bụ Chileke, mbụ Chileke nke nna ghu.\" Sụ iya: \"T'egvu ọla Íjiputu ba atsụshi ghu, o noo nkele mu l'e-me ghu, gụ abụru mba, parụ ẹka l'ẹka ono. 4Mu l'e-tsoru ghu jee alị Íjiputu ono; mu eduwhukwa ghu whọ azụ. Ọo Jósẹfu gẹdegede bẹ l'a-nọdu swiru ghu nteke l'ịi-nwụhu.\"\n5O noo ya, Jékọpu shi lẹ mkpụkpu Byiyesheba palihu. Ụnwu Ízurẹlu gude ụgbo-ịnya ono, Fero nụru pata nna whẹ ono, bụ Jékọpu mẹe ụnwu whẹ mẹe unyomu whẹ. 6Whẹ rwutakwawho élwù whẹ mẹe iwhe whẹ setaru l'alị Kenanu. Ọ bụru iya bụ lẹ Jékọpu yẹle ẹpa iya l'owhu alashia alị Íjiputu. 7O duta ụnwu iya nwoke mẹe ụnwu nwanwa iya nwoke mẹe ụnwu iya nwanyị mẹe ụnwu nwanwa iya nwanyị, bya edutakota iwhe bụ ẹpa iya l'owhu, whẹ lashia alị Íjiputu.\n8Ọ waa ẹwha ụnwu Ízurẹlu, mbụ Jékọpu yẹle ẹpa iya, bụ ndu larụ alị Íjiputu ndọwa:\nRúbẹnu, bụ ọkpara Jékọpu.\n9Ụnwu Rúbẹnu bụ Hanọku, Palu, Hẹzuronu mẹe Kami.\n10Ụnwu nke Símiyọnu bụ Jemuwẹlu, Jaminu, Ohadu, Jakinu, Zoha mẹe Shawulu, nwa nwanyị onye Kenanu.\n11Ụnwu nke Lívayi bụ Geshọnu mẹe Kohatu mẹe Merari.\n12Ụnwu nke Juda bụ Ẹru, Onanu, Shila, Pẹ́rezu mẹe Zera. Ọle Ẹru yẹle Onanu bẹ nwụhuwaru nụ l'alị Kenanu. Ụnwu Pẹ́rezu bụ Hẹzuronu mẹe Hamulu.\n13Ụnwu nke Ísaka bụ Tola, Puwa, Jobu mẹe Shimurọnu.\n14Ụnwu nke Zébulọnu bụ Serẹdu mẹe Elọnu mẹe Jahulẹlu.\n15Ndu ono gẹ whẹ ha bụkota ụnwu, Lii nwụshiru Jékọpu lẹ Padanu Arámu, t'a gụfukwa iya Dayina, bụ nwa iya nwanyị. Ụnwu iya nwoke ono yẹle nke nwanyị bẹ dụkota ụkporo madzụ l'ụmadzu iri l'ẹto.\n16Ụnwu nke Gadu bụ Zifọnu, Hagi, Shuni, Ezubọnu, Eri, Arodi mẹe Areli.\n17Ụnwu nke Asha bụ Imuna, Ishiva, Ishivi mẹe Beríya. Nwune whẹ nke nwanyị bụ Séra. Ụnwu Beraya bụ Heba mẹe Milikẹlu.\n18Ndu ono bụkota ụnwu, Zilipa nwụshiru Jékọpu, mbụ onye ono Lebanu kuru nụ nwa iya nwanyị, bụ Lii t'o jeru iya ozhi l'ụlo. Iwhe whẹbedua dụkota bụ ụmadzu iri l'ishii.\n19Ụnwu Réchẹlu, bụ nyee Jékọpu nwụtaru iya bụ Jósẹfu yẹle Bénjaminu. 20L'alị Íjiputu b'a nọdu nwụtaru Jósẹfu Manáse yẹle Ífuremu. Nwanyị, nwụru Jósẹfu ụnwegirima ono bụ Asenatu, bụ nwada Potifera onye l'agbajẹru ndu Ọ́nu ẹja.\n21Ụnwu nke Bénjaminu bụ:\nBela, Beka, Ashibẹlu, Gera, Némanu, Ehi, Roshi, Mupyimu, Hupimu mẹe Arudu.\n22Ndu ono gẹ whẹ ha bụkota ụnwu, Réchẹlu nwụshiru Jékọpu. Iwhe whẹ dụkota bụ ụmadzu iri l'ẹno.\n23Nwa nke Danu bụ Hushimu.\n24Ụnwu nke Náfutali bụ Jahuzẹlu, Guni, Jeza mẹe Shilemu.\n25Ndu ono bụkota ụnwu, Byiliha, onye ono Lebanu duru nụ nwa iya nwanyị, bụ Réchẹlu nwụshiru Jékọpu. Iwhe whẹ dụkota bụ ụmadzu ẹsaa.\n26Iwhe bụ ndu whẹ lẹ Jékọpu lị laa alị Íjiputu, mbụ ẹpa iya ono dụkota ụkporo ụmadzu ugbo ẹto l'ụmadzu ishii l'ọnogu; t'a gụfukwa unyomu ụnwu iya whẹ. 27A -bya eyekobe iya ụnwu labọ ono, a nwụtaru Jósẹfu l'alị Íjiputu bẹ ndibe Jékọpu, larụ Íjiputu dụkota ụkporo ụmadzu ugbo ẹto l'ụmadzu iri.\n28O noo ya, Jékọpu bya ezhia Juda t'o vuru iya ụzo je ezhia Jósẹfu lẹ ya l'abyakwaa, t'ọ gbata iya ndzuta karụ whẹ ibe iya ọwhu bụ alị Goshẹnu. Whẹ jezhiawho jeye whẹ rwua alị Goshẹnu. 29Jósẹfu bya edozhia ụgbo-ịnya iya gẹ l'ọo-dụ; ọ bụru iya oje alị Goshẹnu tẹ ya je agbata nna iya, bụ Ízurẹlu ndzuta. Ọ bya abyakfuta iya bya ewota ẹka rwụkua ya l'olu wata ẹkwa; ọ ryaa ẹkwa ono nọo ọdu.\n30Ízurẹlu sụ Jósẹfu: \"Anwụhu je l'e-gbu mu ntaa t'o gbuwa mu ro; eshi-ọwhu mu whụru ghu ẹnya; ị nọdukwadu ndzụ.\"\n31Tọ dụ iya bụ, Jósẹfu sụ ụnwunna iya mẹe ndibe nna iya l'owhu: \"Mu bya l'e-jekfu Fero je karụ iya l'ụnwunna mu mẹe ndibe nna mu, shi buru l'alị Kenanu bẹ lwakfutawaru mu nụ. 32Mu l'e-kfuru iya l'unu bụ ndu l'eche atụru; l'unu bụ ndu l'akpa élwù; ọdo bụ l'unu chị atụru unu mẹe eswi unu mẹe iwhe lile, unu nweru bya. 33Fero kulewho unu bya ajị unu: '?Ọo gụnu bụ ẹka-ọrwu unu?' 34Unu sụkwa iya l'unubẹ ndu ozhi iya bẹ shi lẹ nwata bụru ndu l'akpa élwù; ọ bụru iwhe nna unu oche whẹ meru mewhodoru unu. Ọo ya bụ, nggẹ unu eburu l'alị Goshẹnu, o noo nkele ndu Íjiputu l'asọ ndu l'eche atụru nsọ.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/46","date":"2018-12-15T14:45:59Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826856.91\/warc\/CC-MAIN-20181215131038-20181215153038-00048.warc.gz","language":"eza","language_score":0.999997139,"language_script":"Latn","minhash_cluster_size":1,"top_langs":"{\"eza_Latn_score\": 0.9999971389770508}","num_words":747,"character_repetition_ratio":0.053,"word_repetition_ratio":0.0,"special_characters_ratio":0.248,"stopwords_ratio":0.317,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 47\n1Jósẹfu bya ejekfu Fero je asụ iya: \"Nna mu yẹle ụnwunna mu mẹe atụru whẹ mẹe eswi whẹ mẹe iwhe lile, whẹ nweru bẹ shiakwa l'alị Kenanu byarwuta alị Goshẹnu.\" 2Ọ họta ụmadzu ise l'ụnwunna iya ono jekfu Fero.\n3Fero jịa ụnwunna Jósẹfu ono sụ whẹ: \"?Ọo gụnu bụ ẹka-ọrwu unu?\"\nWhẹ sụ Fero: \"Anyịbe ndu ozhi ghu bụkwa ndu l'eche atụru; ọo iwhe ono bẹ nna anyi oche whẹ meru mewhodoru anyi.\" 4Whẹ sụkwa iya whọ: \"Anyi byarụ t'anyi buru eburu l'alị-a, o noo nkele mkpẹgu parụ ẹka l'alị Kenanu; atụru anyịbe ndu ozhi ghu te enwehe ẹka l'ọo-tajẹ nri. Byiko t'anyịbe ndu ozhi ghu bunuru lẹ Goshẹnu.\"\n5Fero sụ Jósẹfu: \"Nna ghu mẹe ụnwunna ghu byakfutaakwaru ghu. 6Alị Íjiputu bụ ghu b'ọ dụ l'ẹka. Chọta ẹka kagezhia ree l'alị-a nụ nna ghu yẹle ụnwunna ghu tẹ whẹ buru. Nụ whẹ alị Goshẹnu tẹ whẹ buru. Ọ -bụru lẹ whẹ nweru unwoke, ike ozhi dụ; gụ eye ndu ọbu tẹ whẹ letaru iya élwù nkiya.\"\n7O noo ya, Jósẹfu bya eduta nna iya, bụ Jékọpu, whẹ jekfu Fero. Jékọpu gọoru Fero ọnu-ọma. 8Fero sụ iya: \"?Ọo awha ole b'ị nọwaru?\"\n9Jékọpu sụ Fero: \"Awha, mu shi ghawheta mgboko bụ ụkporo awha ugbo ishii l'awha iri. Awha, mu nọwaru bẹ habekwa nwahabe, ọle ọo iwhe-ọtsulanu bẹ mu jekotaru l'ime iya; tọhe lẹ mu nọ-rwuwaru gẹ ndụ-ichee mu whẹ nọ-rwuru lẹ mgboko.\" 10Jékọpu gọ-geeru Fero ọnu-ọma, ọ bụru iya atụgburu.\n11Tọ dụ iya bụ, Jósẹfu bya emee, nna iya yẹle ụnwunna iya buru l'alị Íjiputu. Ọ nụ whẹ alị Íjiputu ẹka kagezhia ree tẹ whẹ buru bụ iya bụ alị Ramísẹsu, bụ gẹ Fero sụru t'o mee ya. 12Jósẹfu zụlahaa nna iya lẹ nri yẹle ụnwunna iya mẹe iwhe bụ ndibe nna iya l'owhu. Ọo gẹ ndu whẹ l'azụ habe bụ gẹ nri l'ọonuje whẹ l'ahajẹ.\nJósẹfu yẹle mkpẹgu ono\n13Mkpẹgu ono bẹ parụ ẹka, o mee nri ta adụhe l'alị ono mgburumgburu. Ndu Íjiputu mẹe ndu Kenanu tụko anwụkaa pyalapyala; ọ bụru mkpẹgu ono meru iya. 14Ndu Íjiputu mẹe ndu Kenanu tụko okpoga, dụ l'alị whẹ gude kpafụkota lẹ nri l'ẹka Jósẹfu. Jósẹfu vutakota okpoga ono je edobe l'ụlo Fero. 15Okpoga ndu Íjiputu yẹle nke ndu Kenanu gvụlewho, ndu Íjiputu byakfutashia Jósẹfu bya asụ iya: \"Nụ anyi nri! ?Ịi-nọdu ele anyi l'ẹnya; anyi anwụshihu? Okpoga, anyi nweru bẹ anyi kpafụakwaru lẹ nri.\"\n16Jósẹfu sụ whẹ: \"Okpoga unu -gvụwa, unu akpụtaru mu eswi unu l'ụgwo nri, mu l'a-nụ unu.\" 17Ọo ya bụ, whẹ kpụtalahaa élwù whẹ, mbụ ịnya mẹe atụru mẹe eghu mẹe eswi mẹe nkakfụ-ịgara l'ụgwo nri, Jósẹfu l'anụje whẹ. O noo g'o shi nụ whẹ nri jeye awha ono kụgba ishi. Whẹ l'akpẹje iya élwù l'ụgwo nri ono.\n18O be l'awha ọwhu tsotaru iya nụ; whẹ byakfutashia ya bya asụ iya: \"Nkele okpoga anyi gvụru, élwù anyi bụwaru l'ẹka ghu b'ọ lakọtaru bẹ anyi te emekwaru iya gụbe onye-nwe-anyi l'edomi. O to nwehekwa iwhe ọdo, anyi ji ẹka, t'a gụfu onwanyi mẹe alị anyi. 19?Ịi-nọdu ele anyi l'ẹnya, anyi anwụshihu, mbụ anyịbedua l'ishi onwanyi mẹe ndu alị anyi? Zụa anyi nzụkota; gụ azụa alị anyi l'ụgwo nri. T'alị anyi bụwaruro nke Fero; anyịbedua l'onwanyi abụru ohu iya. Nụ anyi nri, anyi l'e-ri t'anyi ba anwụshihu; gụ anụ anyi mmebyi-iwhe, anyi l'a-kụ l'alị ono t'ọ bọ dabuheru iwhoro.\"\n20O noo ya, Jósẹfu bya azụtakotaru Fero alị lile, dụ lẹ Íjiputu. Ndu Íjiputu gude gẹ mkpẹgu ono habe shii rekota alị whẹ. Alị ono bụkotaru nke Fero. 21Jósẹfu shi ishi lanụ mekota ndu Íjiputu ohu jeye ẹka whẹ beru l'alị ono. 22Alị, l'ẹte ọzua nkwẹkiya bụ alị nke ndu l'agbajẹ ẹja nkele Fero l'ekeje oke nri gba whẹ. Oke nri ono, Fero l'ekeje nụ whẹ bẹ l'asụjeru whẹ. O noo iwhe meru g'o gude whẹ te ere alị nkewhe ere.\n23Jósẹfu sụ whẹ: \"Eshi-ọwhu mu zụwaru unu nzụkota, zụwaa alị unu t'ọ bụru nke Fero, unu lee mmebyi-iwhe, unu l'e-je akụa l'alị ono. 24O rwua l'oge akpata iya, unu ekeje ya ụzo ise nụ Fero ụzo lanụ; ụzo ẹno ọwhu abụru nkunu, unu l'e-dobe akụ kọ-whu iya azụ. Ọ kwa iya whọ bẹ unu l'a-nọje eri mẹe ndibe unu mẹe ụnwegirima unu.\"\n25Whẹ sụ iya: \"Ị dzọwaru anyi ndzụ. Byiko t'ọ dụnu gụbe onye-nwe-anyi ree nke t'anyi bụru ohu Fero.\"\n26Ọo ya bụ, Jósẹfu bya atụa ya ọ bụru iwu l'alị Íjiputu; iwu ono dụ byeye ntanụ. Iwu ọbu bụ l'ụzo lanụ l'ụzo ise l'iwhe a kpatarụ l'okfu bẹ l'aa-nụje Fero. Ọo lẹwho alị ndu l'agbajẹ ẹja nwẹkiya bẹ l'ẹte abụdu nke Fero.\n27O noo ya, ndu Ízurẹlu buru l'alị Goshẹnu, dụ lẹ Íjiputu. Whẹ buru l'ẹka ono nweru iwhe, bya azụa azụzu kabaa l'igwe l'ọnogu.\n28Jékọpu bua l'alị Íjiputu awha iri l'ẹsaa; ọ gbaa ụkporo awha ugbo ẹsaa l'awha ẹsaa. 29O gbabedelewho Ízurẹlu l'a-nwụhu; o kua nwa iya Jósẹfu sụ iya: \"Ọ -bụru lẹ mu dụ ghu l'obu; ye mu ẹka l'ehe riaru mu nte l'ị tịi byadụ l'e-li mụbe Jékọpu l'alị Íjiputu, shi nno goshi l'i yeru mu obu, bya abụru onye gbarụ t'e gude ire iya ẹka! 30Mu -nwụhulewho lakfu ndụ-ichee mu whẹ lẹ maa; patakwa odzu mu pafụ l'alị Íjiputu je elia mu l'ẹka e liru whẹbedua.\"\nJósẹfu sụ iya: \"Mu l'e-mekotagezhia g'i kfuru.\"\n31Ọ sụ iya t'o ribuaru iya nte l'oo-me iya. Jósẹfu bya eribuaru iya nte. Ízurẹlu zẹ-zhita dẹe iwhu l'ishi ugbooshi iya baarụ Chileke ẹja.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/47","date":"2018-12-18T12:51:58Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829399.59\/warc\/CC-MAIN-20181218123521-20181218145521-00049.warc.gz","language":"eza","language_score":1.0000035763,"language_script":"Latn","minhash_cluster_size":1,"top_langs":"{\"eza_Latn_score\": 1.0000035762786865}","num_words":892,"character_repetition_ratio":0.049,"word_repetition_ratio":0.0,"special_characters_ratio":0.257,"stopwords_ratio":0.279,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 29:33\n33Ọo whẹbedua l'a-ta anụ, e gude gbaa ẹja ono, e gude kfụa ụgwo iwhe-dụ-ẹji whẹ, mbụ ono, e gude mee tẹ whẹ bụru ndu l'a-wụ mmanụ l'ishi dobe whẹ nsọ nke ọwhu whẹ l'a-bụru ndu l'agbajẹ ẹja nụ Chileke. Ba adụkwa onye ọdo, l'e-je iya atata, l'ọ kwa iwhe dụ nsọ b'ọ bụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/29\/33","date":"2018-12-16T14:42:12Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827769.75\/warc\/CC-MAIN-20181216143418-20181216165418-00560.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":54,"character_repetition_ratio":0.052,"word_repetition_ratio":0.0,"special_characters_ratio":0.299,"stopwords_ratio":0.259,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 8\nOdobe oryọku\n1Onye-Nwe-Ọha sụ Mósisu: 2\"Kfuru Érọnu sụ iya l'ọ bya l'a-dọbe oryọku, t'ọ dọbe oryọku ẹsaa ono nke ọwhu iwhoro iya l'a-ngashị atatiwhu iwhe ono, a tukoberu iya.\" 3Érọnu mee ya ẹgube ono, a sụru t'o mee ya bya adọbe oryọku ono nke ọwhu iwhoro iya ngashịru atatiwhu iwhe ono, a tukoberu iya, bụkwanu gẹ Onye-Nwe-Ọha tụru iya Mósisu l'iwu. 4Ọ waa bụ g'e gude mee iwhe ono, l'aatukobeje oryọku ono: Ọo mkpọla-ododo, e tsusaru ọsa b'e gude mekota iya watalẹwho l'ike iya jeye lẹ nchị iya. Iwhe ono, l'aatukobeje oryọku ono b'e meleruwho l'ụdudu, Onye-Nwe-Ọha goshiru Mósisu.\nỌsafu ndu Lívayi mmerwu\n5Onye-Nwe-Ọha sụ Mósisu: 6\"Wofuta ndu Lívayi l'echilabọ ndu Ízurẹlu safụ whẹ mmerwu l'ẹhu. 7Ọ waa gẹ l'ii-shi safụ whẹ mmerwu ono ndọwa: Wota mini l'eegudeje atụrwu iwhe whee whẹ l'ẹhu, whẹ akpụshikota iwhe bụ ẹji, dụ whẹ l'ẹhu, bya asashịa uwe whẹ shi nno safụ onwowhe mmerwu. 8Whẹ ewota nwa oke-eswi yẹle ngwo-ẹja nri, tso iya nụ, mbụ ọkpobe ụturutuu-witi, a gwọkoberu mmanụ. Ọo ya bụ, gụ ewotafua nwa oke-eswi ọdo, l'ee-gude gbaa ẹja iwhe-dụ-ẹji. 9Gụ eduru ndu Lívayi bya l'iwhu Ụlo-ẹkwa-ndzuko; kua iwhe bụ Ízurẹlu l'owhu tẹ whẹ byakọta ẹka ono. 10Nteke i duru ndu Lívayi bya l'atatiwhu Onye-Nwe-Ọha, tẹ ndu Ízurẹlu byibe whẹ ẹka l'ishi. 11Érọnu abya eworu ndu Lívayi ono nụ Onye-Nwe-Ọha tẹ whẹ bụru iya ngwo-ẹja amama, shi l'ẹka ndu Ízurẹlu nke ọwhu whẹ l'a-nọ ejeru Onye-Nwe-Ọha ozhi. 12Nteke ono, ndu Lívayi abya ebyibegee oke-eswi ono ẹka l'ishi, gụ egude nnanụ gbaa ẹja iwhe-dụ-ẹji, gude nnanụ gbaa ẹja ọkpokota-iwhe-ọku nụ Onye-Nwe-Ọha, shi nno kfụa ụgwo iwhe-dụ-ẹji ndu Lívayi megbaberu.\n13\"Tẹ ndu Lívayi nọdu l'atatiwhu Érọnu yẹle ụnwu iya, gụ eye whẹ l'ẹka Onye-Nwe-Ọha tẹ whẹ bụru iya ngwo-ẹja amama. 14O noo ụzo, l'ii-shi dobe ndu Lívayi iche l'ẹka ndu Ízurẹlu ọwhu nọ. Ndu Lívayi l'a-bụ ndu nkemu. 15I -safụ-gelewho ndu Lívayi mmerwu l'ẹhu, bya eworu whẹ nụ Onye-Nwe-Ọha g'ọo ngwo-ẹja amama ono, ọo ya bụ, whẹ ejelahaa ozhi lẹ Ụlo-ẹkwa-ndzuko. 16Ọo whẹbedua bẹ l'aa-parụ ọpa-l'owhu nụ mu l'echilabọ ndu Ízurẹlu. Mu wotawaru whẹ tẹ whẹ bụru ndu nkemu nọ-chia ẹnya iwhe bụ ọkpara l'alị Ízurẹlu l'owhu, mbụ iwhe bụ unwoke mbụ, vu ụzo waa ẹkpa-nwa l'alị Ízurẹlu l'owhu. 17Ndu bụ ọkpara l'alị Ízurẹlu l'owhu, mbụ madzụ mẹe anụmanu bẹ bụkota nkemu. Nteke ono, mu gbushikotaru iwhe bụ ọkpara l'alị Íjiputu bẹ mu doberu whẹ iche tẹ whẹ bụru nkemu. 18Ntaa bẹ mu wotawaru ndu Lívayi tẹ whẹ nọ-chia ẹnya ndu bụ ọkpara l'alị Ízurẹlu l'owhu. 19L'echilabọ ndu Ízurẹlu l'owhu bẹ mu wotawaru ikfu Lívayi woru nụ Érọnu yẹle ụnwu iya, tẹ whẹ jejeru ndu Ízurẹlu ozhi lẹ Ụlo-ẹkwa-ndzuko, whẹ akfụjee ụgwo iwhe-dụ-ẹji ụnwu Ízurẹlu meru, nke ọwhu mgbu-ọnwu l'ete egbu whẹ mẹ whẹ kpọkilitaru ẹka-dụ-nsọ ntse.\"\n20Mósisu mẹe Érọnu mẹe iwhe bụ ndu Ízurẹlu l'owhu bya emeru yeru ndu Lívayi ẹgube ono Onye-Nwe-Ọha tụru iya Mósisu l'iwu t'e meeru ndu Lívayi. 21Ndu Lívayi safụ onwowhe mmerwu, shi l'iwhe-dụ-ẹji, whẹ metagbaberu, bya asaa uwe whẹ asa. Ọo ya bụ, Érọnu woru whẹ nụ Onye-Nwe-Ọha tẹ whẹ bụru iya ngwo-ẹja amama, bya akfụa ụgwo iwhe-dụ-ẹji, whẹ metagbaberu, shi nno sachaa whẹ mmerwu, dụ whẹ l'ẹhu. 22E megee, ndu Lívayi nọdu Érọnu yẹle ụnwu iya l'ẹka wata oje ozhi lẹ Ụlo-ẹkwa-ndzuko. Ọ bụru lẹge Onye-Nwe-Ọha tụru iya Mósisu l'iwu bụ gẹ whẹ meru ndu Lívayi ono.\n23Onye-Nwe-Ọha bya asụ Mósisu: 24\"Iwhe-e bẹ bụ ndu Lívayi b'ọ dụru: Onye gbarụ ụkporo awha l'awha ise tụgbua bẹ l'a-nọ eje ozhi lẹ Ụlo-ẹkwa-ndzuko. 25Onye jetawaru rwua ụkporo awha ugbo labọ l'awha iri bẹ l'a-tụta ume ozhi, jebuhu ozhi l'ooje lẹ Ụlo-ẹkwa-ndzuko. 26Ọle ọ -dụkwa onye ọbu t'o yeru ụnwunna iya ẹka l'ozhi Ụlo-ẹkwa-ndzuko ono, t'o yetakwa iya rọ, obenu l'onye ọbu bẹ jebuhuwaru ozhi. O noo ụzo, l'ii-shi nụ ndu Lívayi ozhi, whẹ l'a-nọ eje ndono.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/8","date":"2018-12-10T07:19:02Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823318.33\/warc\/CC-MAIN-20181210055518-20181210081018-00256.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":628,"character_repetition_ratio":0.1,"word_repetition_ratio":0.0,"special_characters_ratio":0.247,"stopwords_ratio":0.283,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 3\nMósisu mẹe ọku, l'enwu l'irwu nwooshi\n1O noo ya, Mósisu l'eche atụru Jeturo, bụ nna nyee ya; bya abụru onye l'anọje agwaru ndu Midiyanu iwhe. O rwua ujiku lanụ, ọ chịta atụru ono jeshia ẹka teru ẹnya l'echi-ẹgu, o jeta rwua l'ugvu Horẹbu bụ iya bụ ugvu Chileke. 2Ọ nọdu l'ẹka ono, Ojozhi-imigwe, shi l'ẹka Onye-Nwe-Ọha gude ọku, l'enwu lẹ nwooshi nshịi hee l'iwhu iya. Mósisu whụa g'ọku ono l'enwu lẹ nwooshi nshịi ono t'o ke iya ekeke. 3Ọo ya bụ, Mósisu sụ tẹ ya bya ejeedaa; je awhụ iwhe ọwa, tụfuru ẹhu, l'eme nụ-a; tẹ ya maadarụ iwhe kpatarụ ọku ono te eke nwooshi ono ekeke.\n4Onye-Nwe-Ọha whụlewho l'ọ kpụlitawaru ntse tẹ ya whụ iwhe ono, Chileke shi lẹ nwooshi nshịi ono kua ya oku sụ: \"Mósisu! Mósisu!\"\nMósisu za iya sụ: \"Owee; lekwa mu l'ẹka-a.\"\n5Chileke sụ iya: \"Ba akpịlitahekwaru ọdo! Yefu akpọkpa ghu nkele ẹka ono, ị kfuru bẹ bụ alị, dụ nsọ.\" 6Bya asụ iya \"Ọo mbẹdua bụ Chileke nke nna ghu; bụru Chileke nke Ébirihamu; bụru Chileke nke Áyiziku; bụkwaruwho Chileke nke Jékọpu.\" Mósisu tsẹe iwhu nkele ọotsu egvu ole Chileke ẹnya.\n7Tọ dụ iya bụ, Onye-Nwe-Ọha sụ: \"Mu whụwaru iwhe-ọtsulanu, ndu nke mu l'eje l'alị Íjiputu. Mu nụwaru mkpu, whẹ l'echi t'a dzọfuta whẹ l'ẹka ndu udumalị, tẹmenu iwhe-ọtsulanu, whẹ l'eje rwuwa mu l'ẹhu. 8Mu byawaru tẹ mu nafụta whẹ l'ẹka ndu Íjiputu mẹe tẹ mu dufuta whẹ l'alị ono duba whẹ l'alị dụ ree bụru alị ha shii, mbụ l'alị mini-ẹra eswi yẹle mmanụ-ẹnwu jiru ejiji, bụ iya bụ alị ndu Kenanu mẹe nke ndu Hetu mẹe nke ndu Amọru mẹe nke ndu Pẹ́rezu mẹe nke ndu Hevu mẹe nke ndu Jebusu. 9Ntaa bẹ mkpu, ndu Ízurẹlu l'echi rwuwaru mu lẹ nchị, mu whụwa gẹ ndu Íjiputu gude akpabe whẹ ẹhu. 10Ntaa bẹ mu l'ezhi ghu t'i jekfu Fero je edufuta ndu nkemu ono, bụ ụnwu Ízurẹlu l'alị Íjiputu.\"\n11Ọle Mósisu bẹ sụru Chileke: \"?Oo onye bẹ mu bụ nke tẹ mu je akpọ Fero iwhu, dufuta ụnwu Ízurẹlu l'alị Íjiputu?\"\n12Chileke sụ: \"Mu l'e-swiru ghu eswiru. Ọdo bụ l'ọo waa l'abụru iwhe-ọhubama, l'ii-gude marụ l'ọo mu zhiru ghu. I -dufutagelewho ndu Ízurẹlu ono l'alị Íjiputu, unu abaarụ mụbe Chileke ẹja l'ugvu-a.\"\n13Ọo ya bụ, Mósisu sụ Chileke: \"Ọ -bụkwanuru lẹ mu jekfuru ndu Ízurẹlu je asụ whẹ lẹ Chileke nke nna whẹ zhiru mu tẹ mu byakfuta whẹ. Whẹ -jịkwanu mu ẹwha ghu, ?mu l'a-sụ whẹ agha?\"\n14Chileke sụ Mósisu: \"MU BỤ ONYE MU BỤ. Iwhe l'ii-kfuru ndu Ízurẹlu bụ lẹ-a: 'MỤ BỤ bẹ zhiru ghu t'ị byakfuta whẹ.' \"\n15Chileke sụkwawho Mósisu t'ọ sụ ndu Ízurẹlu: \"Ọo Onye-Nwe-Ọha,+ bụ Chileke nke nna unu whẹ, mbụ Chileke nke Ébirihamu bụru Chileke nke Áyiziku mẹe Chileke nke Jékọpu bẹ zhiru ghu nụ t'i byakfuta whẹ. O nokwa ẹwha mụbe Chileke ndono jeye lẹ tututu-mịmimi. Mbụ l'o noo ẹwha l'ee-gude marụ mu shi l'ọgbo rwua l'ọgbo.\n16\"Je je ekukobe ndu bụ ọgurenya ndu Ízurẹlu sụ whẹ agha: 'Onye-Nwe-Ọha, bụ Chileke nke nna whẹ, mbụ Chileke nke Ébirihamu bụru Chileke nke Áyiziku mẹe Chileke nke Jékọpu bẹ byakfutaru mu bya asụ: Mu lewaru unu ẹnya whụ ẹgube iwhe l'eeme unu l'alị Íjiputu. 17Mu kwewaa ụkwa lẹ mu l'e-dufuta unu l'iwhe-ọtsulanu ono unu l'eje l'alị Íjiputu ono, duru unu je edobe l'alị ndu Kenanu mẹe nke ndu Hetu mẹe nke ndu Amọru mẹe nke ndu Pẹ́rezu mẹe nke ndu Hevu mẹe nke ndu Jebusu, mbụ alị ono mini-ẹra eswi yẹle mmanụ-ẹnwu jiru ejiji.'\n18\"Ndu bụ ọgurenya Ízurẹlu bẹ l'a-ngabẹru ghu-a nchị l'olu. Ọo ya bụ, gụbedua gụ lẹ ndu bụ ọgurenya ono atụko lịru jekfu eze ndu Íjiputu je asụ iya: 'Onye-Nwe-Ọha, bụ Chileke nke ndu Híburu bẹ byakfutaakwaru anyi. Hanụa anyi t'anyi jee ije ujiku ẹto bahụ l'echi-ẹgu je agbaa ẹja nụ Onye-Nwe-Ọha, bụ Chileke anyi.' 19Mu makwarụ-a l'eze ndu Íjiputu ono te ekwedu t'unu tụgbua; gbahaa l'e meru iya l'ẹka ike. 20Ọo ya bụ lẹ mu l'a-machị ẹka mu, gude iwhe dụ biribiri, mu l'e-me lẹ Íjiputu nụa whẹ chịikfuu. Iwhe ono -nwụ-gelewho bẹ l'oo-kwetagezhia haa unu t'unu lashia.\n21\"Mu l'e-me t�� ndu Ízurẹlu dụ ndu Íjiputu l'obu nke ọwhu bụkwanu unu ladẹlewho bẹ unu ta agbadụ ẹka ala. 22Nwanyị nọnu l'a-ryọta onye obutobu iya mẹe nwanyị, bu l'ụlo whẹ arya, e meru lẹ mkpọla-ọcha mẹe arya, e meru lẹ mkpọla-ododo mẹe uwe, unu l'e-ye ụnwegirima unu. Ọo ya bụ, unu eshi nno gwoo iwhe ndu Íjiputu gude lashia.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/3","date":"2018-12-13T20:41:19Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825098.68\/warc\/CC-MAIN-20181213193633-20181213215133-00571.warc.gz","language":"eza","language_score":1.000009656,"language_script":"Latn","minhash_cluster_size":1,"top_langs":"{\"eza_Latn_score\": 1.0000096559524536}","num_words":735,"character_repetition_ratio":0.084,"word_repetition_ratio":0.05,"special_characters_ratio":0.253,"stopwords_ratio":0.355,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 29:28\n28Ndu Ízurẹlu -gude iwhe bya ọgba ẹja, tẹ ǹdụ́ anụ yẹle ụtakfu iya bụjeru oke, rwuberu Érọnu yẹle ụnwu iya. O noo bụ oke-iwhe, rwuberu ndu l'agbajẹ ẹja nụ Chileke l'iwhe ndu Ízurẹlu gude bya ọgba ẹja ẹhu-guu. O je l'a-bụru ngwo-ẹja, whẹ doberu Onye-Nwe-Ọha nsọ. Iwhe ono l'a-bụru iwhe a tọru ọkpa iya dobe.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/29\/28","date":"2018-12-17T07:52:21Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828448.76\/warc\/CC-MAIN-20181217065106-20181217091106-00534.warc.gz","language":"eza","language_score":1.0000097752,"language_script":"Latn","minhash_cluster_size":1,"top_langs":"{\"eza_Latn_score\": 1.0000097751617432}","num_words":56,"character_repetition_ratio":0.065,"word_repetition_ratio":0.0,"special_characters_ratio":0.261,"stopwords_ratio":0.304,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 34\nDayina yẹle ndu Shékemu\n1O be mbọku ọbu, Dayina, bụ nwa nwanyị, Lii nwụtaru Jékọpu bya akparu ụri jekfushia ụnwanyi ndu alị ono. 2Shékemu, bụ nwa Hemọ onye Hevu, bụ onye ishi, l'achị ọnu ẹgu ono bya awhụ iya, o jipyabe iya gude iya l'ọkpehu yẹle iya zẹe, shi nno mebyishia ya. 3Dayina, bụ nwa nwanyị Jékọpu ono laa Shékemu l'ẹhu; o ye iya obu bya emelahaaru iya ọnu-ụtso. 4Shékemu sụ nna iya, bụ Hemọ t'ọ lụaru iya nwamgbọko ono t'ọ bụru nyee ya.\n5Jékọpu nụa lẹ ada iya, bụ Dayina b'e mebyishiwaru, o gude ẹka l'obu jeye ụnwu iya nke nwoke lwa, nkele nteke ọ nụru iya bẹ ụnwu iya nọ l'ẹgu echeru iya élwù.\n6Ọo ya bụ, Hemọ, bụ nna Shékemu tụgbua jeshia tẹ whẹ lẹ Jékọpu kfugbabe. 7Ụnwu Jékọpu nụa iwhe meru nụ, shi l'ẹgu lwatashia. Awhụ ji whẹ obu; ẹhu l'eghu whẹ damụdamu, o noo nkele Shékemu meru iwhe-iwhere nụ ndu Ízurẹlu nkele o jekfuru nwada Jékọpu, bụ iwhe l'ẹte agbaa nke t'ọ nwụa.\n8Hemọ sụ whẹ: \"Nwa mu Shékemu bẹ obu iya dụkwa lẹ nwada unu. Byiko, unu kenu iye ya t'ọ lụa. 9T'anyi lẹ unu lụgbaje nụ nwanyị, unu keje anyi ụnwada unu, unu alụtaje ụnwada nke anyị. 10T'anyi l'unu tụko buru. Alị anyi bẹ daburu whorokoto l'iwhu unu. Unu buru iya; nọdu iya gbajẹ nghọ, unu anọdu iya seta iwhe.\"\n11Ọo ya bụ, Shékemu sụ nna Dayina yẹle unwune iya: \"Unu kwenu lẹ mu dụ unu l'obu; iwhe unu sụ-zhiaruwho tẹ mu nụ unu bẹ mu l'a-nụ unu. 12Unu hụa aswa ishi nwada unu, unu ekfua iwhe-ọma, mu l'e-meru unu g'ọ dụ unu. Iwhe bụ iwhe unu sụru tẹ mu kwaa bẹ mu l'a-kwaru unu. Ọo zhiawho t'unu kee mu nwamgbọko ono t'ọ bụru nyee mu.\"\n13Ụnwu Jékọpu gude akọ yeeru Shékemu yẹle nna iya, bụ Hemọ ọnu l'okfu ẹhu Dayina, bụ nwune whẹ nwanyị ono, Shékemu guderu mebyishia. 14Whẹ sụ whẹ: \"Tụswekwa! Anyi ta abyakwa l'eme iya eme; nke t'anyi kee nwada anyi nwoke, l'ebua ugvu. Ọo-bụkwaru anyi iwhe-iwhere. 15Iwhe lanụ, anyi l'e-gude kweta bụ: t'unu je adụ gẹ anyịbedua dụ; t'iwhe, bụ unwoke unu bukota ugvu. 16Ọo ya bụ, anyi ekelahaa unu ụnwada anyi; lụtalahaa ụnwada nke unu; anyi l'unu ebua ẹghirigha, bya abụru ndu lanụ. 17Ọle ọ -bụru l'unu te ekwetadu iwhe anyi kfuru je ebushia ugvu; anyi ekuta nwada anyi, shi ọwhu anyi shi lashia.\"\n18Iwhe whẹ kfuru dụ Hemọ yẹle nwa iya bụ Shékemu ree. 19Nwokorọbya ono, bụ Shékemu te ejezhidua ome ebebe ilile l'iwhe whẹ kfuru nkele nwada Jékọpu ono bẹ larụ iya l'ẹhu shii. Shékemu bụ iya b'a kagee ọkwabe ugvu l'ibe nna iya l'owhu. 20Ọo ya bụ, Hemọ yẹle nwa iya, bụ Shékemu jeshia ọnu-abata mkpụkpu whẹ je ekfuru yeru unwoke mkpụkpu ono. 21Whẹ jerwua bya asụ whẹ: \"Ndu-a bẹ umere whẹ lanụkakwaru anyi l'ẹhu. T'a hanụa tẹ whẹ buru l'alị-a; nọdu iya agba nghọ nkele alị bẹ hanụkaro ọsa. Anyi lẹ whẹ l'a-nọdu alụgbaru nwanyị. 22Ọle ọo iwhe lanụ bẹ ndu ono l'e-gude kweta t'anyi lẹ whẹ tụko buru, bụru ndu lanụ. Iwhe ọbu bụ: m'ọ -bụru l'unubẹ unwoke anyi je l'e-kweta bushia ugvu g'ọo whẹbedua. 23?Unu ta amadụ l'élwù whẹ mẹe iwhe whẹ setaru mẹe iwhe bụ anụ, whẹ nweru l'a-bụkota nke anyi? Unu t'anyi kweta iwhe whẹ kfuru nggẹ anyi lẹ whẹ tụko buru.\"\n24Unwoke lile, fụtaru ọnu-abata mkpụkpu ono kwetakota iwhe Hemọ yẹle nwa iya Shékemu kfuru. Unwoke mkpụkpu ono bya ebukota ugvu gẹ whẹ ha.\n25A nọlewho ujiku ẹto nkele whẹ buru ugvu ono, whẹ l'anyakwadụ ọnya ugvu ono; ụnwu Jékọpu ụmadzu labọ ndu ọwhu whẹ lẹ Dayina shi l'ẹwho lanụ bụ iya bụ Símiyọnu mẹe Lívayi gbalihu mmịta nkogo whẹ bahụ lẹ mkpụkpu ono, mee whẹ lẹ nzirizẹhu; tụko unwoke mkpụkpu ono gẹ whẹ ha gbushikota. 26Whẹ gbugee gbua Hemọ yẹle nwa iya, bụ Shékemu; dulia Dayina l'ụlo Shékemu, ọ bụru whẹ alala. 27Ụnwu Jékọpu ndu ọwhu bya abakfu ndu ono, e gburu egbugbu, mee whẹ emerekete; kwaa ivu, dụ lẹ mkpụkpu ono l'okfu ẹhu nwune whẹ nwanyị ono, e mebyishiru. 28Whẹ rwukoo atụru whẹ mẹe eghu whẹ mẹe eswi whẹ mẹe nkakfụ-ịgara whẹ; gwotakota iwhe lile, dụ lẹ mkpụkpu ono mẹe ọwhu dụ l'ẹgu. 29Whẹ gwotakota ẹku whẹ; chịtakota ụnwanyi whẹ mẹe ụnwegirima whẹ; kwakọta ivu lile, dụ l'ụlo whẹ.\n30Tọ dụ iya bụ, Jékọpu sụ Símiyọnu yẹle Lívayi: \"Ẹgube nko ọwhu unu kpatabụkwaaru kobe mu ntaa ọwa. Ntaa bẹ unu mewaru, mu l'eshi roo l'ẹka ndu Kenanu mẹe ndu Pẹ́rezu nọ bụ iya bụ ndu bu l'alị-a. ?Mbẹ unu marụ-a l'anyi ha nwanshị? Ọ -bụru tẹ whẹ tụru ike yeru onwowhe byakfutashia mu ọgu bẹ mu lẹ ndibe mu l'a-bụkwa kpurupyata.\"\n31Whẹ sụ iya: \"?Ọ dụkwanu ree tẹ whẹ mee nwune anyi nwanyị g'ọo nwanyị-ọkpara?\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/34","date":"2018-12-16T16:15:30Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827769.75\/warc\/CC-MAIN-20181216143418-20181216165418-00015.warc.gz","language":"eza","language_score":1.0000092983,"language_script":"Latn","minhash_cluster_size":1,"top_langs":"{\"eza_Latn_score\": 1.000009298324585}","num_words":789,"character_repetition_ratio":0.046,"word_repetition_ratio":0.0,"special_characters_ratio":0.25,"stopwords_ratio":0.338,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 12:48\n48\"Onye lwarụ alwalwa, bu l'echilabọ unu, l'achọ tẹ ya ria oge O-je-ghata nke Onye-Nwe-Ọha ono; ya ebukota ndibe iya unwoke ugvu gẹ whẹ ha. Ọo ya bụ, ya etsoru ria oge ono ẹgube ndu a nwụru l'alị ono l'eri. Ọle t'ọ bọ dụkwa nwoke, l'ebua ugvu, l'e-tso ria oge ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/12\/48","date":"2018-12-15T14:33:39Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826856.91\/warc\/CC-MAIN-20181215131038-20181215153038-00058.warc.gz","language":"eza","language_score":0.9999088049,"language_script":"Latn","minhash_cluster_size":1,"top_langs":"{\"eza_Latn_score\": 0.9999088048934937}","num_words":51,"character_repetition_ratio":0.022,"word_repetition_ratio":0.0,"special_characters_ratio":0.29,"stopwords_ratio":0.275,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Ọ́gú 3:38\n38Ndu bụ whẹ l'a-kpọbeje ụlo-ẹkwa ebubu nkewhe t'o chebe iwhu lẹ Ụlo-ẹkwa-ndzuko bụ iya bụ l'ụzo ẹnyanwu-awata mkpuumkpu-ẹkwa bẹ bụ Mósisu yẹle Érọnu mẹe ụnwu Érọnu. Ọo whẹ bẹ ozhi lile, l'eejeje eje l'ụlo-nsọ kwakọtaru l'ẹka. Whẹ l'ejechiru iya iwhe bụ ndu Ízurẹlu l'owhu. Onye ọdo, jekuberu mgboro ụlo-nsọ bẹ l'ee-gbu egbu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/3\/38","date":"2018-12-15T20:13:56Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827097.43\/warc\/CC-MAIN-20181215200626-20181215222626-00505.warc.gz","language":"eza","language_score":1.000009656,"language_script":"Latn","minhash_cluster_size":1,"top_langs":"{\"eza_Latn_score\": 1.0000096559524536}","num_words":53,"character_repetition_ratio":0.0,"word_repetition_ratio":0.0,"special_characters_ratio":0.248,"stopwords_ratio":0.358,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 14:21\n21\"Ọle ọ -bụru l'onye ọbu bụ onye ụkpa, ẹka iya te ekfube l'iwhe ono, a gụshiru, onye ọbu akpụta ebyila lanụ nụ t'a gbaa ẹja ikpe-anmanma, a maa ya amama t'ọ bụru ngwo-ẹja amama, e gude akfụ ụgwo iwhe-dụ-ẹji, onye ọbu metaru. Ya ewotakwawho nkere iri efere-nkwẹka ụturutuu-witi, a gwọkoberu mmanụ t'ọ bụru ngwo-ẹja nri mẹe ekpemu mmanụ,","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/14\/21","date":"2018-12-11T09:52:38Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823614.22\/warc\/CC-MAIN-20181211083052-20181211104552-00586.warc.gz","language":"eza","language_score":0.9935135245,"language_script":"Latn","minhash_cluster_size":1,"top_langs":"{\"eza_Latn_score\": 0.9935135245323181}","num_words":59,"character_repetition_ratio":0.07,"word_repetition_ratio":0.0,"special_characters_ratio":0.252,"stopwords_ratio":0.169,"flagged_words_ratio":0.0,"lang_id_score":0.996,"perplexity_score":500.0,"cluster_detection":1} +{"text":"Ọ́gú 7:3\n3Iwhe whẹ nụru Onye-Nwe-Ọha bẹ bụ ọgba-kperekpere ishii, e kpuchiru iwhe mẹe oke-eswi iri l'ẹbo. Ndu ishi ono bẹ nụru oke-eswi nnanụ nnanụ l'ẹhu l'ẹhu. Whẹ dụ ẹbo-ẹbo nụ ọgba-kperekpere lanụ. O noo iwhe whẹ wotaru bya anụ l'iwhu mkpuumkpu-ẹkwa ndono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/7\/3","date":"2018-12-10T02:10:19Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823236.2\/warc\/CC-MAIN-20181210013115-20181210034615-00547.warc.gz","language":"eza","language_score":1.000009656,"language_script":"Latn","minhash_cluster_size":1,"top_langs":"{\"eza_Latn_score\": 1.0000096559524536}","num_words":42,"character_repetition_ratio":0.08,"word_repetition_ratio":0.0,"special_characters_ratio":0.243,"stopwords_ratio":0.357,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 25:50\n50Tẹ yẹbedua yẹle onye gbarụ iya ohu nọdukwa gbakọo awha ole, ọ bụ eshi nteke o reru onwiya rwua l'awha ẹhu-ụtso. T'aswa, l'ọo-kfụ gude gbata onwiya bụkwaru iwhe lanụ yẹle awha ole, wuduru nụ. T'e lekwaa ẹnya l'ụgwo, l'aa-kfụ l'ozhi ujiku owhu gude gbakọru iyẹ ya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/25\/50","date":"2018-12-19T11:23:04Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376832259.90\/warc\/CC-MAIN-20181219110427-20181219132427-00390.warc.gz","language":"eza","language_score":0.9999967813,"language_script":"Latn","minhash_cluster_size":1,"top_langs":"{\"eza_Latn_score\": 0.9999967813491821}","num_words":47,"character_repetition_ratio":0.015,"word_repetition_ratio":0.0,"special_characters_ratio":0.253,"stopwords_ratio":0.149,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 39:29\n29Whẹ gude ọkpobe ẹkwa ọcha, a kparụ ọ dụ ree mẹe oghu, dụ urwukpu-urwukpu mẹe oghu ododo mẹe nke uswe-uswe mee ẹkwa-okebuta-l'ukfu; ọ bụ ẹka ọrwu onye marụ odengashi iwhe edengashi; bya abụru gẹ Onye-Nwe-Ọha tụru iya Mósisu l'iwu t'e mee ya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/39\/29","date":"2018-12-10T14:00:46Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823339.35\/warc\/CC-MAIN-20181210123246-20181210144746-00536.warc.gz","language":"eza","language_score":0.9999995232,"language_script":"Latn","minhash_cluster_size":1,"top_langs":"{\"eza_Latn_score\": 0.9999995231628418}","num_words":43,"character_repetition_ratio":0.0,"word_repetition_ratio":0.0,"special_characters_ratio":0.252,"stopwords_ratio":0.326,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 43:11\n11Tọ dụ iya bụ, nna whẹ bụ Ízurẹlu sụ whẹ: \"Ọ -bụru l'e mefutaje iya nno, t'unu wota mebyi iwhe kacha ree, shi l'alị-a ye l'ẹkpa, unu l'a-nụ nwoke ono gude meeru iya iwhe-ọma. Unu egude mmanụ bamụ mẹe mmanụ-ẹnwu mẹe etse mẹe mẹru mẹe akpụru oshi pisutasho mẹe akpụru oshi alụmondu, unu l'a-nụ iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/43\/11","date":"2018-12-13T04:49:12Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824448.53\/warc\/CC-MAIN-20181213032335-20181213053835-00066.warc.gz","language":"eza","language_score":1.0000087023,"language_script":"Latn","minhash_cluster_size":1,"top_langs":"{\"eza_Latn_score\": 1.0000087022781372}","num_words":56,"character_repetition_ratio":0.079,"word_repetition_ratio":0.0,"special_characters_ratio":0.269,"stopwords_ratio":0.357,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 12\nChileke l'eku Ébiramu\n1Onye-Nwe-Ọha bya sụ Ébiramu: \"Haa alị ghu; haa ndibe unu; haa ogboduwhu ibe nna ghu; lashia alị, mu l'e-goshi ghu.\n2\"Mu l'e-me ghu gụ abụru mba, parụ ẹka apaa;\nmu agọru ọnu-ọma nụ ghu.\nMu l'e-me t'ẹwha ghu bụru oke ẹwha.\nGụ abụru onye ọnu-ọma l'e-shi l'ẹhu iya erwube ndu ọdo.\n3Ndu gọru ghu ọnu bẹ mu l'a-gọru ọnu.\nIwhe bụ ndu tụru ghu ọnu bẹ mu l'a-tụ ọnu.\nMu l'e-shi l'ẹka ghu gọoru ndu mgboko l'owhu ọnu.\"\n4Ọo ya bụ, Ébiramu tụgbua ẹgube, Onye-Nwe-Ọha kfuru iya. Lọtu tsoru iya. Nteke Ébiramu shi lẹ Háranu lụfu b'ọ gbawarụ ụkporo awha ugbo ẹto l'awha iri l'ise. 5Tọ dụ iya bụ, Ébiramu bya eduta nyee ya, bụ Serayi yẹle Lọtu, bụ nwa nwune iya; gwota arya, whẹ doberu, bya eduta ndu whẹ nwe lẹ Háranu, ọ bụru whẹ ọla alị Kenanu. Whẹ jezhiawho ije jeye whẹ jerwua ẹka ono.\n6Ébiramu whẹ bẹ tsoru alị ono jezhiawho ije jeye whẹ jerwua ẹka eze oshi More gvuru lẹ mgboro mkpụkpu Shékemu. Nteke ono bẹ ndu Kenanu bukwadu l'alị ono. 7Onye-Nwe-Ọha byakfuta Ébiramu bya asụ iya: \"Ọo ẹpa ghu bẹ mu l'a-nụ alị-a.\" Ébiramu bya atụaru Onye-Nwe-Ọha ono, byakfutaru iya nụ ẹnya-mgbẹja.\n8Ébiramu whẹ bya eshi l'ẹka ono jeshia alị ugvu ugvu, dụ l'ụzo ẹnyanwu-awata Bẹtelu; je akpọbe ụlo-ẹkwa whẹ. Bẹtelu nọdu whẹ l'ụzo ẹnyanwu-arịba; É-ayị nọdu whẹ l'ụzo ẹnyanwu-awata. Ébiramu tụkwaaruwho Onye-Nwe-Ọha ẹnya-mgbẹja l'ẹka ono, bya akpọ-kua ẹwha iya. 9Ébiramu whẹ palihukwa ije; chebe iwhu l'ụzo echi-ẹgu ọhuda.\nÉbiramu larụ alị Íjiputu je eburu\n10Tọ dụ iya bụ, mkpẹgu wata ememe l'alị ono; Ébiramu whẹ lashia alị Íjiputu tẹ whẹ je ebuta, o noo nkele mkpẹgu ono l'emeshi ike. 11Whẹ bya l'abahụ l'alị Íjiputu, Ébiramu sụ nyee ya, bụ Serayi: \"Mu marụ l'ị bụ nwanyị l'amanụka ụma. 12Ndu Íjiputu -whụle ghu whọ bẹ whẹ l'a-sụkwa l'ị bụ nyee mu. Whẹ egbua mu; haa gụbedua t'ị nọdu ndzụ. 13Sụjekwa l'ị bụ nwune mu nwanyị, nke ọwhu whẹ l'e-meru mu ree l'okfu ẹhu ghu, mẹe tẹ whẹ kwobe iswi ẹhu ghu dobe mu ndzụ.\"\n14Ébiramu whẹ bahụlewho l'alị Íjiputu, ndu Íjiputu whụ lẹ yẹbe nwanyị l'amashị ụma ike. 15Ndu ozhi Fero whụle iya whọ, whẹ je atụaru Fero ọnu iya. A bya eduta iya jeshia ibe Fero. 16Fero meeru Ébiramu ree l'okfu ẹhu Serayi, bya akpẹe ya atụru yẹle eswi mẹe nyee nkakfụ-ịgara; duru ndu ozhi, unwoke mẹe ụnwanyi nụ iya; kpẹkwa iya whọ ịnya-kamẹlu.\n17Ọle Onye-Nwe-Ọha lọru ejo ẹhu-ba-dụ-mma tụ Fero yẹle ndibe iya, l'okfu ẹhu Serayi, bụ nyee Ébiramu. 18Ọo ya bụ, Fero kua Ébiramu sụ iya: \"?Ọo ẹgube iwhe gụnu b'i meru mu ẹgube-ẹ? ?Ọo gụnu meru t'ị karụ mu l'ọo nyee ghu? 19?Ọo gụnu meru iwhe ị sụru l'ọo nwune ghu nwanyị; ị haa, mu duta iya gẹ woo l'ọ bụ nyee mu? Aa, lekwa nyee ghu ndọwa. Duta iya t'unu shi ọwhu unu shi!\" 20Fero bya asụ tẹ ndu ozhi iya duta Ébiramu dufu. Whẹ dufu yẹle nyee ya mẹe iwhe lile o nwe.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/12","date":"2018-12-16T06:15:13Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827281.64\/warc\/CC-MAIN-20181216051636-20181216073636-00591.warc.gz","language":"eza","language_score":1.0000090599,"language_script":"Latn","minhash_cluster_size":1,"top_langs":"{\"eza_Latn_score\": 1.0000090599060059}","num_words":497,"character_repetition_ratio":0.056,"word_repetition_ratio":0.0,"special_characters_ratio":0.26,"stopwords_ratio":0.28,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 28\nUwe, ndu l'agbajẹ ẹja nụ Chileke l'e-yeje\n1\"Shi l'echilabọ ndu Ízurẹlu duta nwune ghu, bụ Érọnu yẹle ụnwu iya, bụ Nedabu mẹe Abyihu mẹe Eliyéza mẹe Itama, tẹ whẹ bya abụru ndu l'agbajẹru mụbe Onye-Nwe-Ọha ẹja. 2Kwaarụ nwune ghu Érọnu uwe, dụ nsọ nke ọwhu l'ọo-dụ ugvu, ama ụma l'ẹnya. 3Ọo ndu marụ ome nka, mbụ ndu ono, mu nụru mmamagụ tẹ whẹ marụ ome iwhe l'ụzo, dụ nno bẹ l'ii-kfuru tẹ whẹ kwaarụ Érọnu uwe, l'ee-gude doo ya nsọ nke ọwhu l'ọo-bụ onye l'agbajẹru mụbe Onye-Nwe-Ọha ẹja. 4Ọ waa ẹgube uwe, whẹ l'a-kwashịru iya ndọwa: ẹkwa, l'eegudeje ekwechi obu, uwe ifọdu, uwe mkpẹelanu, uwe ime-ẹhu, okpu-ẹkwa, wẹrere-ẹkwa mẹe l'eekeje l'ukfu. Tẹ whẹ kwaarụ nwune ghu Érọnu mẹe ụnwu iya uwe ono, dụ nsọ nke ọwhu whẹ l'a-bụ ndu l'agbajẹru mụbe Onye-Nwe-Ọha ẹja. 5Kfuru whẹ tẹ whẹ gude mkpọla-ododo, a tụru g'ọo oghu mẹe oghu, dụ urwukpu-urwukpu mẹe oghu l'eke mmee-mmee mẹe nke uswe-uswe mẹe oghu ọcha, a swịru g'ọo ụdo kpaa uwe ono.\nUwe Ifọdu\n6\"Tẹ ndu l'eme nka gude oghu mkpọla-ododo mẹe oghu, dụ urwukpu-urwukpu mẹe oghu, l'eke mmee-mmee mẹe nke uswe-uswe mẹe ọghu ọcha, a swịru g'ọo ụdo, kpata uwe ifọdu. 7Uwe ifọdu ono bẹ l'aa-kpata wẹrere ẹkwa labọ ye l'ukuvu iya ishi labọ. E gudeje wẹrere ẹkwa ono whẹ labọ ligbabe nke atatiwhu yẹle nke azụ. 8Onye l'eme nka ekwetakwawho wẹrere ẹkwa, l'ee-gudeje kebuta iya l'ukfu ye iya. Wẹrere ẹkwa ono bẹ yẹle uwe ifọdu ono l'a-tụko bụru iwhe lanụ. T'e gude mkpọla-ododo, a tụru g'ọo oghu mẹe oghu, dụ urwukpu-urwukpu mẹe oghu, l'eke mmee-mmee mẹe nke uswe-uswe mẹe oghu ọcha, a swịru g'ọo ụdo kwee ya.\n9\"Wota ẹwhuru onikusu labọ, deshia ẹwha ụnwu Ízurẹlu l'eli iya. 10Dee ẹwha ụnwu Ízurẹlu ono ishii l'eli ẹwhuru lanụ; gụ edee ẹwha ishii ọwhuu l'eli ẹwhuru lanụ ọwhu. Deshikwaa ẹwha ono lẹ g'e gude nwụshia whẹ. 11Ọo g'onye marụ ọwa ẹwhuru, l'ere ire l'awajẹ iya, kaa ya iwhe-ọhubama, bụ gẹ l'ịi-ka ẹwha ụnwu Ízurẹlu l'eli ẹwhuru labọ ono. Gụ awụa mkpọla-ododo l'ogboromọnu ẹwhuru ono mgburumgburu. 12Dzụru ẹwhuru labọ ono ye l'ukfumẹka uwe ifọdu ono whẹ labọ nke ọwhu mụbe Onye-Nwe-Ọha l'e-gudeje iya anyata ụnwu Ízurẹlu. Ẹwha ụnwu Ízurẹlu ono l'a-nọ l'ukuvu Érọnu whẹ labọ; t'ọ bụru iwhe mu l'e-gudeje anyata whẹ. 13Rwụa mkpọla-ododo l'ogboromọnu ẹwhuru ono. 14Gụ egude oghu ọkpobe mkpọla-ododo swịa gwọgirigwo labọ, swịa ya t'ọ gangashịa agangashị g'ọo ụdo. Gụ elikfube gwọgirigwo ono lẹ mkpọla-ododo ono, a wụru l'ogboromọnu ẹwhuru ono.\nẸkwa, l'eegudeje ekwechi obu\n15\"T'onye l'eme nka kwee ẹkwa, l'eegudeje ekwechi obu, l'ee-gudeje achọ iwhe bụ uche Chileke. T'e gude iwhe ono, e gude kwee uwe ifọdu whọ kwee ya; bụ iya bụ mkpọla-ododo, a tụru g'ọo oghu mẹe oghu, dụ urwukpu-urwukpu mẹe oghu, l'eke mmee-mmee mẹe nke uswe-uswe mẹe oghu ọcha, a swịru g'ọo ụdo. 16T'e kwee ya t'o nweru mgburẹku ẹno, hakọta ishi nhakọ, ya enweru mpyaji labọ. T'ogologo iya dụ ọbochi-ẹka ẹto; uswe iya adụkwawho ọbochi-ẹka ẹto.\n17\"Dzụpyabe ẹwhuru, l'erekaa ire t'ọ kpẹe giriri uzhi ẹno l'ẹkwa ono. Ẹwhuru, l'ere ire, l'a-nọdu l'ogiri nke mbụ bụ rubyi yẹle topazu mẹe berilu. 18A bya l'ogiri nke ẹbo; bụ tọkwasu yẹle safaya mẹe emeraludu bẹ l'ii-do iya. 19Ogiri nke ẹto abụru jasintu yẹle agetu mẹe amitisutu bẹ l'ii-do iya. 20Ogiri nke ẹno abụru kirisolayitu yẹle onikusu mẹe jasupa bẹ l'ii-do iya. Gụ awụa mkpọla-ododo l'ogboromọnu ẹwhuru ono. 21Iwhe ẹwhuru ono l'a-dụ bụ iri l'ẹbo. Gẹ whẹ ha nnanụ nnanụ nọ-chiru ẹnya ụnwu Ízurẹlu. T'e deshia ẹwha ụnwu Ízurẹlu l'eli ẹwhuru ono t'ọ dụ g'ọo iwhe-ọhubama, l'anọ-chi ẹnya ikfu iri l'ẹbo ndu Ízurẹlu.\n22\"Gude ọkpobe mkpọla-ododo swịshia gwọgirigwo, l'ee-likfubegee l'ẹkwa ọbu, l'eegudeje ekwechi obu. Swịshia ya t'ọ gangashịa agangashị g'ọo ụdo. 23Gude mkpọla-ododo kpụta echi labọ ye l'ishi ẹkwa ono, l'eegudeje ekwechi obu ono. 24Gụ elibe gwọgirigwo mkpọla-ododo ono whẹ labọ l'echi ono, e yeru l'ishi ẹkwa ono, l'eegudeje ekwechi obu ono. 25Wota ishishi gwọgirigwo ono, a gangashịru, ọ dụ g'ọo ụdo ono whẹ labọ likfubegee lẹ mkpọla-ododo whọ, a wụru l'ogboromọnu ẹwhuru labọ whọ, e likfuberu l'ukfumẹka uwe ifọdu whọ. 26Gude mkpọla-ododo kpụta echi labọ ọdo likfube l'ishi ẹkwa ono, l'eegudeje ekwechi obu l'ụzo ụzo alị iya. Likfubekwa iya l'ime ẹkwa ono, l'eegudeje ekwechi obu ono, mbụ l'ibe iya ọwhu tukoru l'eli uwe ifọdu ono. 27Gude mkpọla-ododo kpụtafua echi labọ ọdo likfubegee l'ụzo alị; l'iwhu ukfumẹka uwe ifọdu ono whẹ labọ. Likfubekwa iya l'eli ẹka ono, a gbagbabẹru wẹrere ẹkwa ono, l'eekebutaje l'ukfu l'uwe ifọdu ono. 28Tẹ whẹ wota eri, e gude oghu, dụ urwukpu-urwukpu swịa gude keta echi ono, e likfuberu l'ẹkwa ono, l'eegudeje ekwechi obu ono kegbabe l'echi ọwhu e likfuberu l'uwe ifọdu ono nke ọwhu l'oo-tukoru l'eli wẹrere ẹkwa ono, l'eekebutaje l'ukfu l'uwe ifọdu ono, t'ẹkwa ono, l'eegudeje ekwechi obu ono ba anọ akụ jịlajila l'eli uwe ifọdu ono.\n29\"Ọo ya bụ, Érọnu -bahụdeje lẹ Ẹka-dụ-nsọ, ẹwha ụnwu Ízurẹlu atukoru iya l'obu; mbụ l'ẹwha ụnwu Ízurẹlu l'a-tukoru l'ẹkwa ono, l'eegudeje ekwechi obu, mbụ ẹkwa ono, l'eegudeje achọ iwhe bụ uche Chileke, shi nno mee t'ẹwha ụnwu Ízurẹlu bụru iwhe l'a-dụ l'atatiwhu Onye-Nwe-Ọha t'ọ bụru iwhe Onye-Nwe-Ọha l'e-gude anyata whẹ ntekenteke. 30Ẹkwa ono, l'eegudeje ekwechi obu ono bẹ l'ii-yekwawho ido Urimu mẹe Tumimu. Whẹ l'a-tukojeru Érọnu l'obu nteke o jedejeru l'atatiwhu Onye-Nwe-Ọha. Ọo ya bụ l'ọo Érọnu bẹ l'ọo-tukoru l'obu, mbụ iwhe ono, l'eegudeje achọ iwhe bụ uche Chileke l'ẹhu ndu Ízurẹlu l'atatiwhu Onye-Nwe-Ọha ntekenteke.\nUwe ọdo, ndu l'agbaj�� ẹja nụ Chileke l'eyeje\n31\"Gude ẹkwa, dụ urwukpu-urwukpu kwee uwe mkpẹelanu, l'ee-ye yepyabe iya uwe ifọdu ono l'eli. 32Kwee ya t'ẹka l'eepyoje iya ishi dụ l'echilabọ. E swia ya ogboromọnu gẹ l'eeswije olu uwe; t'ọ bọ lakahụ. 33Gude oghu, dụ urwukpu-urwukpu mẹe oghu, l'eke mmee-mmee mẹe nke uswe-uswe, kpata iwhe dụ-gee g'ọo akpụru itorokuma, dowhee l'ogboromọnu uwe ono mgburumgburu l'ụzo alị. Gudekwawho mkpọla-ododo kpụta atangụ, l'a-dụ iya l'echilabọ mgburumgburu. 34Atangụ ono, e gude mkpọla-ododo mee mẹe iwhe ono, e meru, ọ dụ g'ọo akpụru itorokuma ono bẹ l'a-nọ-whegee ogboromọnu uwe ono mgburumgburu. Dongashia whẹ edongashi l'ọnu uwe ono. 35Érọnu l'e-yeje iya nteke l'ooje ozhi. Atangụ ono bẹ l'aa-nụje ụda iya mẹ ọ -bahụdeje lẹ Ẹka-dụ-nsọ yẹle nteke o shi l'atatiwhu Onye-Nwe-Ọha alụfuta nke ọwhu l'ọotoo nwụhu.\n36\"Gude ọkpobe mkpọla-ododo kpụta iwhe dụ g'ọo okpekpu, dee ya iwhe gẹ l'eedeje iwhe-ọhubama. Iwhe l'ii-de iya bụ: Onye-e dụru Onye-Nwe-Ọha nsọ. 37Wota eri, e gude oghu, dụ urwukpu-urwukpu swịa libe l'iwhe ono, dụ g'ọo okpekpu ono; lipyabe iya l'atatiwhu okpu-ẹkwa whọ. 38Érọnu -kpuru okpu ono, e gude ẹkwa kwaa, iwhe ono akụda nọdu iya l'egedege iwhu. Ọo Érọnu bẹ l'ọo-tụ-koru l'ishi, mbụ mmerwu, e merwuru iwhe-dụ-nsọ, mbụ iwhe ono, ndu Ízurẹlu doberu nsọ t'ọ bụru iwhe whẹ nụru mụbe Onye-Nwe-Ọha, o beru iwhe ọbu, whẹ doberu mu nsọ ọbu dụ ọdu agha. Iwhe ono, dụ g'ọo okpekpu ono l'a-kụdaje nọdu Érọnu l'egedege iwhu; ndụge iwhe ono, ndu Ízurẹlu doberu nsọ adụkwanu mụbe Onye-Nwe-Ọha ree anata.\n39\"Gude oghu ọcha kwee uwe-ime-ẹhu whọ mẹe okpu-ẹkwa whọ. T'ọ bụkwaru onye marụ okwe ẹkwa ree bẹ l'a-kpata wẹrere-ẹkwa whọ, l'eekeje l'ukfu. 40A bya l'ẹka ụnwu Érọnu nọ, gụ ekwetaru whẹ uwe-ime-ẹhu yẹle wẹrere-ẹkwa, l'eekeje l'ukfu mẹe okpu ndu l'agbajẹ ẹja nụ Chileke nke ọwhu whẹ l'a-dụ ugvu l'ẹnya, ama ụma. 41I -yegelewho nwune ghu Érọnu mẹe ụnwu iya uwe ono, gụ awụa whẹ mmaanụ l'ishi, shi nno mee tẹ whẹ bụru ndu l'agbajẹ ẹja nụ Chileke. Gụ edobe whẹ nsọ nke ọwhu whẹ l'a-nọ ejeru mụbe Onye-Nwe-Ọha ozhi g'ọo ndu l'agbajẹ ẹja nụ Chileke.\n42\"Gụ egude ẹkwa ọcha kpatarụ whẹ nwịba, whẹ l'e-yeje, gude yechia ime ẹhu whẹ. Nwịba ono l'e-shi whẹ l'ukfu be whẹ l'ụtakfu. 43Tẹ Érọnu yẹle ụnwu iya yejekwa nwịba ono mẹ whẹ bahụdeje lẹ Ụlo-ẹkwa-ndzuko m'ọ bụ nteke whẹ jederu ẹnya-mgbẹja, dụ lẹ Ẹka-dụ-nsọ tẹ whẹ jeeru mu ozhi, nke ọwhu whẹ l'ẹte emeta iwhe-ụta tukobe onwowhe l'ishi, shi nno nwụshihu.\n\"T'iwu ono dụru Érọnu yẹle ẹpa iya jeye lẹ tututu-mịmimi.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/28","date":"2018-12-16T10:09:51Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827639.67\/warc\/CC-MAIN-20181216095437-20181216121437-00318.warc.gz","language":"eza","language_score":1.0000098944,"language_script":"Latn","minhash_cluster_size":1,"top_langs":"{\"eza_Latn_score\": 1.0000098943710327}","num_words":1295,"character_repetition_ratio":0.098,"word_repetition_ratio":0.037,"special_characters_ratio":0.245,"stopwords_ratio":0.236,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 18:8\nOke iwhe rwuberu ndu l'agbajẹ ẹja nụ Chileke\n8O noo ya, Onye-Nwe-Ọha sụ Érọnu: \"Ntaa bẹ mu wowaru iwhe lile, bụ iwhe l'aanụje mu anụ eye ghu l'ẹka. Iwhe lile, bụ iwhe ndu Ízurẹlu dobejeru nsọ nụ mu bẹ mu sụwaru t'ọ bụru oke-iwhe gụ l'ẹpa ghu jeye lẹ gbururu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/18\/8","date":"2018-12-17T14:28:20Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828507.84\/warc\/CC-MAIN-20181217135323-20181217161323-00008.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":51,"character_repetition_ratio":0.069,"word_repetition_ratio":0.0,"special_characters_ratio":0.265,"stopwords_ratio":0.373,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 25:33\n33Njakata iya lanụ l'e-nweru iwhe dụ g'ọo omogo ẹto, l'ee-me t'ọ dụ g'ọo igu ooshi alụmondu. Whẹ l'e-nweru iwhe dụ g'ọo nwopu igu ooshi; nweru iwhe dụ-gee g'ọo igu ooshi, jarụ ajaja l'ẹhu l'ẹhu. Ọo ẹgube ono bẹ l'ọo-dụgbakota lẹ njakata iwhe l'aadọbeje oryọku ono, dzekfugeeru lẹ mkpara iya ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/25\/33","date":"2018-12-14T23:43:39Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826530.72\/warc\/CC-MAIN-20181214232243-20181215014243-00436.warc.gz","language":"eza","language_score":1.0000098944,"language_script":"Latn","minhash_cluster_size":1,"top_langs":"{\"eza_Latn_score\": 1.0000098943710327}","num_words":51,"character_repetition_ratio":0.124,"word_repetition_ratio":0.0,"special_characters_ratio":0.267,"stopwords_ratio":0.314,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 11:26\n26Ọle o nweru ụmadzu labọ ọdo, kwaburu l'ụlo-ẹkwa ebubu whẹ, ẹwha onye lanụ bụ Ẹludadu, ẹwha onye ọwhua bụru Medadu. Whẹ tso lẹ ndu bụ ọgurenya, e deshiru ẹwha whẹ, ọle whẹ te etsodu jee lẹ Ụlo-ẹkwa ono. Obenu l'ume ono byalẹru-a bya eji whẹbedua ẹhu, whẹ nọdu l'ẹka whẹ kpọberu ụlo-ẹkwa ebubu whẹ kfuchilahaaru Chileke.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/11\/26","date":"2018-12-09T23:26:29Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823228.36\/warc\/CC-MAIN-20181209232026-20181210013526-00219.warc.gz","language":"eza","language_score":1.0000088215,"language_script":"Latn","minhash_cluster_size":1,"top_langs":"{\"eza_Latn_score\": 1.0000088214874268}","num_words":57,"character_repetition_ratio":0.075,"word_repetition_ratio":0.0,"special_characters_ratio":0.242,"stopwords_ratio":0.333,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 39:26\n26Atangụ ono yẹle iwhe ono, e meru ọ dụ g'ọo akpụru itorokuma ono bẹ nọ-wheru ogboromọnu uwe ono mgburumgburu. E dongashiru whẹ edongashi l'ọnu uwe ono, l'ee-yeje ejeru Onye-Nwe-Ọha ozhi, bụ iya bụ gẹ Onye-Nwe-Ọha tụru iya Mósisu l'iwu t'e mee ya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/39\/26","date":"2018-12-18T21:22:18Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829812.88\/warc\/CC-MAIN-20181218204638-20181218230638-00533.warc.gz","language":"eza","language_score":1.0000084639,"language_script":"Latn","minhash_cluster_size":1,"top_langs":"{\"eza_Latn_score\": 1.000008463859558}","num_words":43,"character_repetition_ratio":0.056,"word_repetition_ratio":0.0,"special_characters_ratio":0.255,"stopwords_ratio":0.349,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 20:5\n5Unu be ebujekwaru whẹ iwhu l'alị m'ọ bụ baarụ whẹ ẹja. O noo nkele mụbe Onye-Nwe-Ọha, bụ Chileke unu l'ekoje okoowhoo. Mu l'ahụ̀je ndu kpọru mu ashị àhụ̀hù iwhe dụ ẹji, whẹ meru mu; kwobe iya hụ̀a ụnwu whẹ mẹe ụnwu nwanwa whẹ mẹe ụnwu nwanwa-nwanwa whẹ àhụ̀hù.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/20\/5","date":"2018-12-10T17:11:38Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823382.1\/warc\/CC-MAIN-20181210170024-20181210191524-00284.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":49,"character_repetition_ratio":0.099,"word_repetition_ratio":0.0,"special_characters_ratio":0.246,"stopwords_ratio":0.429,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 22:13\n13Ọle ọ -bụru lẹ nwa nwanyị ono, l'agbajẹ ẹja nụ Chileke ono tẹke anwụtadua nwa, ji iya nwụhu m'ọ bụ l'a chịfuru iya achịfu, ọ laa ibe nna iya, t'o rijekwaa nri nna iya, g'o shi erije iya nteke ọ bụ nwata. Ọle t'onye l'abụa onye eri ndu l'agbajẹ ẹja nụ Chileke be erikwa iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/22\/13","date":"2018-12-17T01:35:12Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828018.77\/warc\/CC-MAIN-20181216234902-20181217020902-00496.warc.gz","language":"eza","language_score":0.9972214103,"language_script":"Latn","minhash_cluster_size":1,"top_langs":"{\"eza_Latn_score\": 0.9972214102745056}","num_words":56,"character_repetition_ratio":0.113,"word_repetition_ratio":0.0,"special_characters_ratio":0.271,"stopwords_ratio":0.321,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Awụfu 9\nỌnwu élwù\n1O noo ya, Onye-Nwe-Ọha sụ Mósisu: \"Jekfu Fero je asụ iya: 'Ọ waa iwhe Onye-Nwe-Ọha, bụ Chileke nke ndu Híburu l'ekfu ndọwa: \"Haa tẹ ndibe mu tụgburu, ndụge whẹ abaarụ mu ẹja. 2Ọ -bụru l'ị jịkaru tẹ whẹ ba atụgbushi, i sede whẹ, 3bẹ Onye-Nwe-Ọha l'e-gudekwa ejo ẹhu-ba-dụ-mma daa élwù unu ẹka l'ẹhu. Mbụ l'oo-gude ejo ẹhu-ba-dụ-mma daa ịnya unu ẹka l'ẹhu mẹe nkakfụ-ịgara unu mẹe ịnya-kamẹlu unu mẹe eswi unu mẹe atụru yẹle eghu unu. 4Ọle Onye-Nwe-Ọha l'e-me t'oge kpaarụ élwù ndu Ízurẹlu whẹ lẹ nke ndu Íjiputu nke ọwhu bụ l'ọ tọ dụdu ọwhu bụ nke ndu Ízurẹlu bya l'a-nwụhu m'ọo nnanụ.\" ' \"\n5Onye-Nwe-Ọha bya akaa nteke l'oo-mee iwhe ono sụ: \"Echile ọwa-a bẹ mụbe Onye-Nwe-Ọha l'e-me iwhe ono l'alị-a.\" 6O rwua echile iya, Onye-Nwe-Ọha mee iwhe ono. Élwù ndu Íjiputu tụko nwụshihukota g'ọ ha. Obenu l'ọ tọ dụdu élwù nke ndu Ízurẹlu, nwụhuru nụ m'ọo nnanụ. 7Fero ye ndu jeru je awhụ l'ọ tọ dụdu élwù ndu Ízurẹlu, nwụhuru nụ m'ọo nnanụ. Fero kpochilee obu iya, t'o kwe haa tẹ ndu Ízurẹlu tụgbua.\nEzonwu byarụ ọgu\n8Ọo ya bụ, Onye-Nwe-Ọha sụ Mósisu yẹle Érọnu: \"Unu kpota ntụ, jiru ọbochi-ẹka l'ovokọku, tẹ Mósisu nọdu l'atatiwhu Fero whụkashia ya l'imeli. 9Oo-tsukashihu ghọo udzu ẹja dzuru alị Íjiputu l'owhu; ya aghọo ezonwu tsekashia madzụ l'ẹhu yẹle anụ, bu l'alị ono l'owhu; bya efushihu bụru ọnya l'ẹhu whẹ.\"\n10Whẹ bya ekpota ntụ ono l'ovokọku; whẹ kfụru l'atatiwhu Fero, Mósisu whụkashia ya l'imeli. Ọ ghọo ezonwu tsekashia madzụ l'ẹhu yẹle anụ, bya efushihu bụru ọnya l'ẹhu whẹ. 11Ndu jibya ta adụ ike kfụru l'atatiwhu Mósisu; iwhe kparụ iya nụ bụru l'ezonwu ono tsekashikwaru whẹ whọ ẹgube o tsekashiru ndu Íjiputu ọwhu. 12Ọle Onye-Nwe-Ọha kpochiru obu Fero; t'o kwe ngabẹru Mósisu yẹle Érọnu nchị ẹgube ono Onye-Nwe-Ọha kfuhawaru iya Mósisu l'ọo-dụ.\nAka-mini byarụ ọgu\n13Ọo ya bụ, Onye-Nwe-Ọha sụ Mósisu: \"Gbalihu l'ọnmewa ụtsu je akfụru l'atatiwhu Fero sụ iya: 'Ọ waa iwhe Onye-Nwe-Ọha, bụ Chileke nke ndu Híburu l'ekfu ndọwa: Haa tẹ ndibe mu tụgbua nke ọwhu whẹ l'a-baru mu ẹja. 14Nkele nke ugbo iya ọwa-a bẹ mu l'e-zhi ejo nchịkarehu ọwhu l'a-lọ gụ lẹ ndu ozhi ghu whẹ mẹe ndu alị ghu ẹka lẹ meji. Ọo ya bụ nke ọwhu l'ịi-ma l'ọ tọ dụdu onye dụ g'ọo mbẹdua lẹ mgboko l'owhu. 15O noo nkele ntaa bẹ mu gege amachịhawa ẹka mu gude ejo ẹhu-ba-dụ-mma gbushia gụ lẹ ndu alị ghu mẹ unu abụru kpurupyata lẹ mgboko. 16Ọle iwhe meru g'o gude mu haa ghu bụ tẹ mu goshi ghu g'ọkpehu mụbe Onye-Nwe-Ọha habe shii mẹe nke ọwhu l'ee-kfukashi ẹwha mu lẹ mgboko kpaa whuu. 17Ntaa bẹ l'iipalikwadu onwoghu imeli l'ẹka ndibe mu nọ; ị jịka l'ị tịi hadụ whẹ tẹ whẹ laa. 18Sụa, oge ntaa echile bẹ mu l'a-tụ ejo aka-mini l'alị-a; mbụ ụdu iya ọwhu l'ẹte atụbua l'alị Íjiputu nkeshi ọ watarụ adụdu byeye nta-a. 19Ọo ya bụ, t'i zhia ozhi ntaa, t'e je achịbata iwhe-edobe ghu, mbụ-zhia iwhe i nwe enwe, nọ l'ẹgu g'ọ ha tẹ whẹ bya anọdu l'aguguru ẹka iwhe l'e-gbochita whẹ, o noo nkele aka-mini ono l'a-tụ-gbushikota iwhe bụ madzụ yẹle anụmanu, nọ l'ẹgu, l'ẹte achịbataa l'uwhu; whẹ atụko nwụshihu.' \"\n20Ọo ya bụ, ndu ọwhu, l'atsụ okfu Onye-Nwe-Ọha egvu l'ime ndu ozhi Fero bya emee ẹgwegwa chịbata ohu whẹ mẹe iwhe-edobe whẹ l'ime ụlo. 21Obenu lẹ ndu ọwhu l'ẹte agụbee okfu Onye-Nwe-Ọha iwhe bẹ harụ ohu whẹ mẹe iwhe-edobe whẹ l'ẹgu.\n22Ọo ya bụ, Onye-Nwe-Ọha sụ Mósisu: \"Machịa ẹka ghu l'ụzo akpamigwe nke ọwhu aka-mini l'a-wata atụtu l'alị Íjiputu l'owhu; tụ-gbushia madzụ mẹe iwhe-edobe mẹe irwu, dụ l'ẹgu l'alị Íjiputu l'owhu.\" 23Mósisu bya amachịa mgbọro iya l'ụzo akpamigwe, Onye-Nwe-Ọha zhia egbe-igwe yẹle aka-mini, ọ wata atụtu. Ebemu l'awa whoowhoo l'ọma mgboko. Onye-Nwe-Ọha chịa aka-mini l'alị Íjiputu. 24Aka-mini l'atụ; ebemu gwakọbe l'aka-mini ono awa whoowhoo eje l'iwhu l'iwhu. Eze aka-mini, parụ ẹka apaa wata atụtu, mbụ ụdu aka-mini ọwhu l'ẹte atụbua l'alị Íjiputu nkeshi ọ watarụ bụru mba ẹka iya. 25Aka-mini ono tugbushia iwhe lile, bụ iwhe nọ l'ẹgu l'alị Íjiputu ono l'owhu, mbụ l'ọ tugbushiru madzụ mẹe iwhe-edobe; tụpyashia oshi lile, irwu dụ l'ẹgu; bya ezhijashia oshi lile, dụ l'ẹgu. 26Ẹka aka-mini ono harụ nwẹkiya atụtu bụ alị Goshẹnu, bụ iya bụ ẹka ndu Ízurẹlu bu.\n27O noo ya, Fero zhia t'e je ekua Mósisu yẹle Érọnu sụ whẹ: \"Mu mewaru iwhe-dụ-ẹji ntaa. Ọo Onye-Nwe-Ọha bẹ iswi dụ mma; mbẹdua, bụ Fero; mu lẹ ndu nkemu l'achọ okfu. 28Kfuru nụ Onye-Nwe-Ọha nkele egbe-igwe ono yẹle aka-mini ono tụta-shiwaru. Mu l'a-ha unu t'unu tụgbua; t'unu ba anọduhe ọdo.\"\n29Mósisu sụ iya: \"Mu bebelewho alụfu lẹ mkpụkpu-a bẹ mu l'a-chili ẹka imeli, kfuru nụ Onye-Nwe-Ọha. Egbe-igwe adabuhu, igweli atụ-buhu aka-mini. Ọo ya bụ nke ọwhu l'ịi-ma lẹ mgboko-o bụ nke Onye-Nwe-Ọha. 30Ọle mu marụ-a lẹ gụbedua; gụ lẹ ndu ozhi ghu ta atsụdedu-a Onye-Nwe-Ọha, bụ Chileke egvu.\"\n31Òghú ono, bụ fulakusu mẹe balị bẹ aka-mini ono mebyishikwaruwho nkele balị l'eyeshiwa mebyi; òghú fulakusu bụkwaduru igu bẹ l'ọotu. 32Ọle ọwhube akpụru witi mẹe akpụru supẹlutu bẹ l'ootoo mebyishidua nkele ọ tọ dụ nteke ono bẹ l'ọochaje.\n33Mósisu bya eshi l'ẹka Fero nọ lụfu lẹ mkpụkpu ono. Ọ chiliaru Onye-Nwe-Ọha ẹka. Egbe-igwe ono mẹe aka-mini ono tụ-buhu; igweli chị-buhu mini l'alị ono. 34Fero whụlewho lẹ mini ono buhuwaru, aka-mini ono mẹe egbe-igwe ono tụ-buhuwa, o mee iwhe-dụ-ẹji ọdo. Obu iya kpochia mẹe nke ndu ozhi iya. 35Ọo ya bụ, Fero kpọ-chia obu iya, t'o kwe haa ndu Ízurẹlu tẹ whẹ tụgburu, bụ iya bụ gẹ Onye-Nwe-Ọha shihawa l'ọnu Mósisu kfua l'ọo-dụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/9","date":"2018-12-14T21:12:30Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826354.54\/warc\/CC-MAIN-20181214210553-20181214232553-00577.warc.gz","language":"eza","language_score":1.0000098944,"language_script":"Latn","minhash_cluster_size":1,"top_langs":"{\"eza_Latn_score\": 1.0000098943710327}","num_words":912,"character_repetition_ratio":0.076,"word_repetition_ratio":0.016,"special_characters_ratio":0.256,"stopwords_ratio":0.266,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 10:14\n14Gụbedua gụ l'ụnwu ghu unwoke mẹe ụnwu ghu ụnwanyi l'a-tajẹ ǹdụ́ anụ ono, e gude gbaa ẹja amama yẹle ụtakfu ọkpa iya ono, a nụru unu anụnu. Ẹka unu l'a-nọduje ata iya bụ l'ẹka mmerwu l'adụa. Ọo iwhe a nụru unu t'ọ bụru oke, rwuberu ghu nụ, rwube ụnwu ghu; mbụ iwhe shi l'iwhe ụnwu Ízurẹlu gude gbaa ẹja ẹhu-guu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/10\/14","date":"2018-12-13T19:57:52Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825098.68\/warc\/CC-MAIN-20181213193633-20181213215133-00434.warc.gz","language":"eza","language_score":1.0000069141,"language_script":"Latn","minhash_cluster_size":1,"top_langs":"{\"eza_Latn_score\": 1.000006914138794}","num_words":61,"character_repetition_ratio":0.062,"word_repetition_ratio":0.0,"special_characters_ratio":0.261,"stopwords_ratio":0.18,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 11:16\n16Onye-Nwe-Ọha bya eyeeru Mósisu ọnu sụ iya: \"Chịta ndu bụ ọgurenya Ízurẹlu ụkporo madzụ ugbo ẹto l'ụmadzu iri tẹ whẹ byakfuta mu, mbụ ndu ị hụberu ama lẹ whẹ bụwho ndu bụ ọgurenya, bụru ndu ishi whẹ. Chịta whẹ tẹ gụ lẹ whẹ tụko bya akfụru lẹ Ụlo-ẹkwa-ndzuko.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/11\/16","date":"2018-12-15T17:51:10Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826968.71\/warc\/CC-MAIN-20181215174802-20181215200802-00188.warc.gz","language":"eza","language_score":1.0000098944,"language_script":"Latn","minhash_cluster_size":1,"top_langs":"{\"eza_Latn_score\": 1.0000098943710327}","num_words":49,"character_repetition_ratio":0.054,"word_repetition_ratio":0.0,"special_characters_ratio":0.248,"stopwords_ratio":0.367,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 26\nÁyiziku yẹle Ábyimelẹku\n1A nọnyaa; mkpẹgu bya l'alị ono ọdo; t'a gụfukwa iya ọwhu mejehawaru l'oge nke Ébirihamu. Áyiziku lashia mkpụkpu Gera; lakfu Ábyimelẹku, bụ eze ndu Fílistiya 2Onye-Nwe-Ọha bya abyakfuta Áyiziku sụ iya: \"Be ejekwa ọla Íjiputu. Bukwaru l'alị, mu l'a-sụ ghu t'i buru. 3Butafua nwanshịi l'alị-a; lẹ mu l'a-nọdu-a swiru ghu; mu agọru ọnu-ọma nụ ghu. Ọo gụ l'ẹpa ghu bẹ mu l'a-nụkota alị-a g'ọ ha; mu je l'e-mekotagezhia iwhe lile, mu riburu Ébirihamu lẹ nte lẹ mu l'e-meru iya. 4Mu l'e-me t'ẹpa ghu ha l'igwe g'ọo kpokponde, dụ l'igweli; mu anụkota whẹ alị-a g'ọ ha. Ọo ẹpa ghu bẹ l'ee-shi l'ẹka whẹ gọru ọnu-ọma nụ mba gẹ mba ha lẹ mgboko. 5Ishi iya bụ lẹ Ébirihamu bẹ nụru mụbe Onye-Nwe-Ọha okfu; dobe okfu mu; mee iwhe mu sụru t'o mee mẹe iwhe mu tọru ọkpa iya, bya edobekota iwu mu.\" 6O noo ya, Áyiziku buru lẹ mkpụkpu Gera.\n7Nteke unwoke ẹka ono kpalahaaru iya ishi nyee ya, ọ sụ whẹ l'ọo nwune iya nwanyị b'ọ bụ. Iwhe o kwoberu kfua nno bụ l'ọotsu egvu ọsu l'ọo nyee ya. Ọ rịru lẹ ndu ẹka ono l'e-gbu iya nata iya Ribẹka nkele Ribẹka l'ama ụma shii.\n8Áyiziku bẹ buwaa l'ẹka ono nọo ọdu. O be nteke ọbu, Ábyimelẹku, bụ eze ndu F��listiya pyofu ẹnya lẹ windo whụa Áyiziku gẹ l'oori Ribẹka, bụ nyee yẹbe Áyiziku ẹtuturu. 9Ábyimelẹku kua Áyiziku sụ iya: \"?Ọo kwa lẹ nwanyị ono bụ nyee ghu? ?Ọo gụnu meru g'o gude ị sụ l'ọo nwune ghu nwanyị b'ọ bụ?\"\nÁyiziku sụ iya: \"Mu rịkwaru l'ee-gbu mu l'okfu ẹhu iya.\"\n10Ọo ya bụ, Ábyimelẹku sụ iya: \"?Ọo ẹgube iwhe gụnu b'i meru anyi ẹgube-ẹ? Nggẹ l'o nweru nwoke ibe anyi jekfuru nyee ghu ono azẹe mẹe g'eshi nno mee t'ejo-iwhe tukoru anyi l'ishi.\"\n11Ọo ya bụ, Ábyimelẹku bya alọo ndu ẹka ono ẹka lẹ nchị sụ whẹ: \"Onye kparụ nwoke-e ẹka, ọ dụa l'ọo nyee ya bẹ l'ee-gbukwa egbu!\"\n12Áyiziku bya akọbe iwhe l'alị ono, kpata iwhe ha g'ọo iwhe ono, ọ kọru uzhi ụkporo ugbo ise l'awha ono, o noo nkele Onye-Nwe-Ọha gọru ọnu-ọma nụ iya. 13Ọ bya enweru iwhe; ẹku l'abyarụ iya jeye ọ bụru eze madzụ. 14O nweru igweligwe atụru mẹe eswi mẹe ohu. A nọnyaa, ndu Fílistiya whụlahaaru iya ụwhu ẹnya. 15Ọo ya bụ, ndu Fílistiya je atuchishia wẹlu lile, ndu ohu Ébirihamu, bụ nna iya tụshiru nteke nna iya nọ ndzụ, gude ẹja nwuchishikota iya kpamụ.\n16Ábyimelẹku bya asụ Áyiziku: \"Kwata lụfuru anyi, o noo nkele ị kawaa anyi ẹkuku shii.\"\n17Tọ dụ iya bụ, Áyiziku kwafụ l'ẹka ono, je akpọbe ụlo-ẹkwa iya lẹ nsụda Gera, buru l'ẹka ono. 18Áyiziku bya atụkwashia wẹlu ono, a tụhawaru nteke nna iya Ébirihamu nọ ndzụ, mbụ wẹlu ono, ndu Fílistiya nwuchishiru gẹ nna iya nwụhu-geeru. Ọ gụkwata whẹ ẹwha ono, nna iya shihawa gụa whẹ.\n19Ndu ozhi Áyiziku bya egvua wẹlu lẹ nsụda ono gvuvu iya ẹka mini, doru rịsaa shi anwụshi. 20Ụswo daarụ ndu l'eche élwù ndu Gera mẹe ndu l'eche élwù Áyiziku l'okfu wẹlu ono. Whẹ sụ lẹ mini ono bụ mini whẹbe ndu mkpụkpu Gera. Áyiziku gụa wẹlu ono Isẹku;+ nkele a swọru iya ụswo. 21Whẹ bya atụa wẹlu ọdo; whẹ swọkwaruwho ụswo ye iya. Áyiziku gụa ono Sitina.+ 22Ọ gbalihu je atụa wẹlu ọdo; ụswo ta adahẹ l'ono. O kwe gụa ya Rehobotu sụ: \"Ntaa bẹ Onye-Nwe-Ọha mewaru; anyi tụsaru ẹhu l'alị-a; anyi je l'a-nọdu iya fua efu mịa amị g'ọo oshi-ọmi.\"\n23Áyiziku bya eshi l'ẹka ono lashia Byiyesheba. 24Onye-Nwe-Ọha byakfuta iya l'ẹnyashi mbọku ono sụ iya: \"Ọo mbẹdua bụ Chileke nke nna ghu Ébirihamu. Ba atsụkwa egvu, o noo nkele mu swiru ghu eswiru. Mu l'e-gude iswi ẹhu onye ozhi mu ono, bụ Ébirihamu gọru ọnu-ọma nụ ghu; mee t'ẹpa ghu ha l'igwe.\"\n25Ọo ya bụ, Áyiziku tụa ẹnya-mgbẹja l'ẹka ono, bya akpọ-kua ẹwha Onye-Nwe-Ọha. Ọ kpọbewaro ụlo-ẹkwa iya l'ẹka ono. Ndu ozhi iya tụa ya wẹlu.\n26Ábyimelẹku bya eshi lẹ mkpụkpu Gera jekfu Áyiziku. Onye yẹle Ábyimelẹku lị bụ Ahụzatu, bụ onye l'agbazhiru iya égò mẹe Fayíkolu, bụ onye ishi ndu ojọgu iya. 27Áyiziku jịa whẹ sụ: \"?Ọo gụnu bẹ unu byarụ ememe lẹ nkemu; l'ẹka mu dụkwa unu ashị, unu chịa mu l'alị unu.\"\n28Whẹ sụ iya: \"Anyi whụwaru lẹ Onye-Nwe-Ọha swiru ghu eswiru. Ọo ya meru anyi sụ l'ọ gbarụ t'anyi lẹ ghu ria nte nchị-ọdu-ndoo; anyi lẹ ghu agbaa ndzụ; 29l'ịi-tịi byadụ l'e-me anyi ejo-iwhe; ẹgube ono, anyi l'ẹte akpaa ghu ẹka, t'ọ dụ iwhe anyi meru, gbahaa odoo bẹ anyi meru ghu; dufu unu, unu lụfu l'ẹhu-guu. Onye-Nwe-Ọha byawaa agọru ọnu-ọma nụ ghu ntaa.\"\n30Áyiziku bya eshishiaru whẹ nri, whẹ ria ngụa. 31O rwua echile iya; whẹ gbalihu l'ọnmewa ụtsu; ria nte l'ẹhu l'ẹhu. Áyiziku dufu whẹ, whẹ lụfu l'ẹhu-guu.\n32Mbọku ono bẹ ndu ozhi Áyiziku bya ekfuaru iya nke wẹlu ono, whẹ tụru sụ iya lẹ whẹ whụkwaru iya mini. 33Ọ gụa ya Shiba.+ O noo iwhe meru ẹwha mkpụkpu ono bụru Byiyesheba byeye ntanụ.\n34Ịso gbalẹwho ụkporo awha ugbo labọ; o je alụa Juditu, bụ nwada Beri, onye Hetu. Ọ bya alụkwawho Basumatu, nwada Elọnu, bụkwawho onye Hetu. 35Whẹ bụru awhụ dụru Áyiziku yẹle Ribẹka.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/26","date":"2018-12-11T11:22:29Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823618.14\/warc\/CC-MAIN-20181211104429-20181211125929-00626.warc.gz","language":"eza","language_score":0.9999966621,"language_script":"Latn","minhash_cluster_size":1,"top_langs":"{\"eza_Latn_score\": 0.9999966621398926}","num_words":853,"character_repetition_ratio":0.06,"word_repetition_ratio":0.0,"special_characters_ratio":0.258,"stopwords_ratio":0.3,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 19:19\n19Onye ọbu, l'ẹte asọ nsọ l'e-whe onye ono, l'aasọ nsọ mini ono lẹ mbọku nke ẹto mẹe lẹ mbọku nke ẹsaa. O -rwua lẹ mbọku nke ẹsaa ono, ya atụrwu ya mmerwu ono. Onye ono, a tụrwuru mmerwu ono abya asaa uwe iya asa, gude mini ghụa ẹhu, ya abya abụru onye l'ẹte asọhe nsọ l'urwẹnyashi mbọku ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/19\/19","date":"2018-12-13T03:50:23Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824448.53\/warc\/CC-MAIN-20181213032335-20181213053835-00439.warc.gz","language":"eza","language_score":0.9992086291,"language_script":"Latn","minhash_cluster_size":1,"top_langs":"{\"eza_Latn_score\": 0.9992086291313171}","num_words":59,"character_repetition_ratio":0.102,"word_repetition_ratio":0.0,"special_characters_ratio":0.271,"stopwords_ratio":0.339,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Livitikọsu 6:5\n5m'ọ bụ iwhe bụ-zhiawho iwhe o meru ọ kpapyabẹ iya gụa ẹnwa. T'onye ọbu kfụkotakwa ụgwo iwhe ono g'ọ ha, ya atukobefua ya iwhe ha ẹgube ono nkere ise woru nụ onye nwe iwhe ono. Mbọku, l'ọo-kfụ ụgwo iwhe ono bụ mbọku, l'oo-wota ngwo-ẹja ọkfu-ụgwo bya anụnu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/6\/5","date":"2018-12-17T00:45:16Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828018.77\/warc\/CC-MAIN-20181216234902-20181217020902-00507.warc.gz","language":"eza","language_score":1.0000090599,"language_script":"Latn","minhash_cluster_size":1,"top_langs":"{\"eza_Latn_score\": 1.0000090599060059}","num_words":48,"character_repetition_ratio":0.046,"word_repetition_ratio":0.0,"special_characters_ratio":0.251,"stopwords_ratio":0.417,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 32:1\nNweswi, a kpụru lẹ mkpọla-ododo\n1Nteke ndu Ízurẹlu leru ẹnya lẹ Mósisu l'a-kpọnukawa ụkfu l'eli ugvu ono, whẹ dzukobe byakfutashia Érọnu bya agbaa ya mgburumgburu; sụ iya: \"Gbalihu metaru anyi agwa, l'a-nọ edu anyi. Nkele Mósisu-a, bụ onye ono, bụ iya dufutaru anyi l'alị Íjiputu bẹ anyi l'ẹte amakwaa iwhe meru iya nụ.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/32\/1","date":"2018-12-13T21:18:51Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825098.68\/warc\/CC-MAIN-20181213193633-20181213215133-00633.warc.gz","language":"eza","language_score":0.9999586344,"language_script":"Latn","minhash_cluster_size":1,"top_langs":"{\"eza_Latn_score\": 0.9999586343765259}","num_words":54,"character_repetition_ratio":0.006,"word_repetition_ratio":0.0,"special_characters_ratio":0.239,"stopwords_ratio":0.296,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 39:5\n5Wata nteke Pọtifa meru Jósẹfu onye ishi, l'eleta ibe iya ẹnya, bya eyekota iya iwhe lile o nweru l'ẹka bẹ Onye-Nwe-Ọha gude iswi ẹhu Jósẹfu ono wata ọgo ọnu-ọma eswibe l'ibe nwoke Íjiputu ono. Ọnu-ọma ono, Onye-Nwe-Ọha gọru iya dụkota je akpaa l'iwhe lile o nweru l'ibe iya mẹe ọwhu, o nweru l'ẹgu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/39\/5","date":"2018-12-16T05:32:32Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827281.64\/warc\/CC-MAIN-20181216051636-20181216073636-00634.warc.gz","language":"eza","language_score":1.0000063181,"language_script":"Latn","minhash_cluster_size":1,"top_langs":"{\"eza_Latn_score\": 1.0000063180923462}","num_words":54,"character_repetition_ratio":0.112,"word_repetition_ratio":0.0,"special_characters_ratio":0.246,"stopwords_ratio":0.278,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 11:18\n18Gụ ekfuru ndu Ízurẹlu tẹ whẹ doo onwowhe nsọ m'ọgvu echile, l'o -rwua echile bẹ whẹ l'a-ta anụ. Nkele mụbe Onye-Nwe-Ọha bẹ nụwaru ẹkwa ono, whẹ shi aryakaa asụje woo: '?Oo onye l'a-nụ anyi anụ t'anyi taa? Nteke whẹ shi nọdu lẹ Íjiputu bẹ kakwarụ whẹ mma.' Ntaa bẹ Onye-Nwe-Ọha byawa l'anụ unu anụ t'unu taa.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/11\/18","date":"2018-12-10T20:26:01Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823442.17\/warc\/CC-MAIN-20181210191406-20181210212906-00190.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":57,"character_repetition_ratio":0.039,"word_repetition_ratio":0.0,"special_characters_ratio":0.275,"stopwords_ratio":0.246,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 8:29\n29Mósisu wota ǹdụ́ anụ ono maa amama l'iwhu Onye-Nwe-Ọha t'ọ bụru ngwo-ẹja amama. Ǹdụ́ anụ ono bụ oke, rwuberu Mósisu l'ebyila ono, e gude mee Érọnu yẹle ụnwu iya tẹ whẹ bụru ndu l'agbajẹ ẹja nụ Chileke; bụ gẹ Onye-Nwe-Ọha tụru Mósisu iwu t'o meje iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/8\/29","date":"2018-12-10T17:28:49Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823382.1\/warc\/CC-MAIN-20181210170024-20181210191524-00127.warc.gz","language":"eza","language_score":0.9999742508,"language_script":"Latn","minhash_cluster_size":1,"top_langs":"{\"eza_Latn_score\": 0.999974250793457}","num_words":47,"character_repetition_ratio":0.077,"word_repetition_ratio":0.0,"special_characters_ratio":0.254,"stopwords_ratio":0.213,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Ọ́gú 15:3\n3unu -gbadẹlewho ẹja anụ Onye-Nwe-Ọha, unu eshi l'igwe élwù unu họta anụ gbua kpọo ọku gude gbaa ẹja ọbu t'ọ bụru ngwo-ẹja, mkpọ iya dụ Onye-Nwe-Ọha ree. Unu l'e-meje iya nno l'ẹja ọkpokota-iwhe-ọku mẹe nteke unu l'anụ mu iwhe gude emedzu ụkwa, unu kweru mu mẹe nteke unu l'anụ mu iwhe shi unu l'obu m'ọ bụ nteke unu l'agba ẹja l'ori oge.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/15\/3","date":"2018-12-12T17:23:14Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824059.7\/warc\/CC-MAIN-20181212155747-20181212181247-00320.warc.gz","language":"eza","language_score":1.0000098944,"language_script":"Latn","minhash_cluster_size":1,"top_langs":"{\"eza_Latn_score\": 1.0000098943710327}","num_words":63,"character_repetition_ratio":0.115,"word_repetition_ratio":0.0,"special_characters_ratio":0.264,"stopwords_ratio":0.317,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 12:17\n17\"Unu l'e-me ori-oge mbọku, l'aatajẹ buredi, l'eete eyee iwhe l'ekoje buredi, o noo nkele ọo mbọku ono gẹdegede bẹ mu dufutaru unubẹ ndu Ízurẹlu g'unu ha l'alị Íjiputu. Ọo ya bụ, t'unu dobe mbọku ono t'ọ bụru mbọku, unu l'e-rije oge; t'ọ bụru iwu, unu l'e-dobe shi l'ọgbo rwua l'ọgbo jeye lẹ tututu-mịmimi.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/12\/17","date":"2018-12-17T08:24:17Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828448.76\/warc\/CC-MAIN-20181217065106-20181217091106-00604.warc.gz","language":"eza","language_score":0.9999544621,"language_script":"Latn","minhash_cluster_size":1,"top_langs":"{\"eza_Latn_score\": 0.9999544620513916}","num_words":54,"character_repetition_ratio":0.032,"word_repetition_ratio":0.0,"special_characters_ratio":0.279,"stopwords_ratio":0.241,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 45\nJósẹfu l'eme t'ụnwunna iya marụ onye ya bụ\n1O noo ya, Jósẹfu ta adụhe ike kpaa onwiya sede l'iwhu ndu ozhi iya, kfụkube iya nụ. Ọ ryashịa sụ t'onyenọnu shi iya l'atatiwhu lụfu. Tọ dụ onye ọdo, nọ l'ẹka ono nteke Jósẹfu meru ụnwunna iya marụ onye ya bụ. 2O byiswee ẹkwa, ryaa iwhe ọ ryarụ nke ọwhu ndu Íjiputu nụru iya; ndibe Fero nụa ya.\n3Jósẹfu sụ ụnwunna iya: \"Ọ kwa mbẹdua bụ Jósẹfu. ?Nna mu nọkwadua ndzụ?\" Ọnu kpụru ụnwunna iya ono okfu, o noo nkele ọ dụnuka whẹ biribiri.\n4O noo ya, Jósẹfu bya sụ ụnwunna iya: \"Unu kpụlitabaaru mu ntse.\" Whẹ bya akpịlitaru iya ntse. Ọ sụ whẹ: \"Ọo mu bụ nwanna unu Jósẹfu, onye ono, unu reru ndu Íjiputu. 5Sụ whẹ, t'awhụ be ejikwa unu obu; t'unu ba atakọbekwaru onwunu okfu l'unu reru mu, o noo nkele ọo Chileke bẹ zhiru mu tẹ mu vuru unu ụzo bya ẹka-a nggẹ mu a-dzọo unu ndzụ. 6Ọo awha labọ bẹ mkpẹgu ono mekwaduru l'alị-a; o whudukwaduro awha ise ọdo, madzụ l'ẹte abyaa l'a-kọbe iwhe l'alị; ọwhu ọ bụro nke ọkpata iwhe shi iya nụ. 7Ọo Chileke bẹ zhiru mụbe Jósẹfu tẹ mu vuru unu ụzo byatashia ẹka nke ọwhu mu l'e-me t'ẹpa unu whudu ewhudu owhu lẹ mgboko; mee t'igweligwe l'ime unu nọdu ndzụ.\n8\"Ọo ya bụ, l'ọ tọ bụdu unu zhiru mu tẹ mu byatashia ẹka-a. Ọo Chileke bẹ zhiru mu nụ. O meru mu, mu nọdu ọnodu nna Fero; bya emee mu onye nwe ibe iya l'owhu mẹe onye l'achị Íjiputu kpaa-whuu. 9Ntaa bụkwa t'unu tụgbua ẹgwegwa lashia je asụ nna mu l'ọwaa iwhe mụbe nwa iya, bụ Jósẹfu sụru t'e zhia ya: Lẹ Chileke mewaru mu; ọ bụru mu nwe ndu Íjiputu l'owhu. Lwakfuta mu ntaantaa. Be ejekwa ọkpo ụkfu. 10Unu sụ iya l'ẹka l'oo-buru bụ alị Goshẹnu, mbụ l'oo-bukube mu ntse yẹle ụnwegirima iya mẹe ụnwu nwanwa iya mẹe atụru iya mẹe eswi iya mẹwaro iwhe lile o nwe enwe g'ọ ha. 11Ọo-nọdu l'ẹka ono mu azụ iya nkele o whudukwaduru awha ise, ẹgu l'e-mefua. Ọdua bẹ ẹgu l'e-mekwa yẹle ndibe iya mẹe iwhe lile o nweru g'ọ ha, whẹ akpalahaa ụkpa mkpẹri.\n12\"Sụa unubẹdua l'onwunu bẹ gudewa ẹnya unu whụ, nwune mu Bénjaminu gudewa ẹnya iya whụ l'ọo mbẹdua l'ekfu okfu-a eyeru unu. 13Unu kọoru nna mu ẹgube ugvu, mụbe Jósẹfu nweru l'alị Íjiputu mẹe iwhe lile, unu gude ẹnya unu whụkota. Unu lakebe ẹgwegwa je eduta nna mu t'ọ bya ẹka-a.\"\n14O noo ya, Jósẹfu gbakụa nwune iya Bénjaminu ẹka l'olu wata ọrya ẹkwa; Bénjaminu rwụkota iya ryashịa ẹkwa nkiya. 15Jósẹfu bya egude ẹnya-mini ẹkwa tsutsukota ụnwunna iya ono ọnu gẹ whẹ ha. E megee yẹle ụnwunna iya ono kfugbalahaa okfu yeru ibe whẹ.\n16E je ekfukashia ya l'ibe Fero lẹ ụnwunna Jósẹfu bẹ byarụ; ẹhu tsọo Fero ụtso yẹle ndu ozhi iya gẹ whẹ ha. 17Fero sụ Jósẹfu: \"Kfuru ụnwunna ghu tẹ whẹ je ekebe ivu whẹ l'eli anụ whẹ gude lashia alị Kenanu. 18Whẹ rwua tẹ whẹ duta nna whẹ mẹe ndibe whẹ lwakfutashia mu. Mu l'a-nụ whẹ alị Íjiputu ẹka kakọta ọdu ree. Ẹka whẹ l'e-buru bụ ẹka alị Íjiputu mehuru emehu. 19Iwhe ọdo, gụbe Jósẹfu l'e-kfuru ụnwunna ghu ono bụ: Tẹ whẹ chịta ụgbo-ịnya ndu Íjiputu, whẹ l'e-gude patakọta ụnwegirima whẹ yẹle unyomu whẹ mẹe nna whẹ gude byatashia. 20Tẹ whẹ be ejekwa ọyo ọshi iwhe whẹ, whẹ l'a-parụ haa l'ẹka ono, o noo nkele aa-nụ whẹ iwhe kakọta ree l'alị Íjiputu tẹ whẹ woru.\"\n21Tọ dụ iya bụ, ụnwu Ízurẹlu bya emee ya nno. Jósẹfu bya anụ whẹ ụgbo-ịnya ẹgube ono Fero kfuru iya, bya anụkwa whẹ whọ nri, whẹ l'e-ri l'ije whẹ ono. 22Onyenọnu l'ụnwunna iya ono b'ọ nụru uwe ọ̀whúú. Ọwhube Bénjaminu b'ọ nụru mkpọla-ọcha, ẹrwa iya dụ ụkporo ugbo iri l'ise; nụkwa iya whọ ọga uwe ise, dụ-gee iche iche. 23Iwhe ọ nụru t'a nụ nna iya bụ: nkakfụ-ịgara iri, e dojigeeru iwhe kakọta ree l'alị Íjiputu edoji mẹe ne-nkakfụ-ịgara iri, e dojigeeru witi edoji mẹe buredi mẹwaro iwhe ọdo, bụ iwhe nna iya l'e-ri l'echi-ụzo nteke l'ọo-nọ abya. 24Ọo ya bụ, ọ bya edufu ụnwunna iya ono sụ whẹ tẹ whẹ ba aswọkwa ụswo l'echi-ụzo.\n25O noo ya, whẹ shi l'alị Íjiputu bya alwakfu nna whẹ Jékọpu l'alị Kenanu. 26Whẹ sụ iya lẹ Jósẹfu nọkwa ndzụ. Mbụ l'ọo yẹbedua bụ onye l'achị alị Íjiputu l'owhu. Ọ kpọo Jékọpu ọnu okfu; to kweta l'iwhe whẹ kfuru iya bụ ire-lanụ. 27Ọle whẹ bya ekfukotaru iya iwhe lile, Jósẹfu nọdu kfushikota, bya egoshi iya ụgbo-ịnya ono, Jósẹfu nụru t'e gude pata iya; meji bya alawhu nna whẹ Jékọpu azụ l'ọru iya. 28Ízurẹlu sụ: \"Ọ dụwa mu ree ntaa; eshi-ọwhu nwa mu Jósẹfu nọkwadu ndzụ. Mu l'e-je awhụ iya ẹnya tẹmenu anwụhu egbua mụbe Ízurẹlu.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/45","date":"2018-12-10T13:20:56Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823339.35\/warc\/CC-MAIN-20181210123246-20181210144746-00047.warc.gz","language":"eza","language_score":1.0000097752,"language_script":"Latn","minhash_cluster_size":1,"top_langs":"{\"eza_Latn_score\": 1.0000097751617432}","num_words":790,"character_repetition_ratio":0.055,"word_repetition_ratio":0.0,"special_characters_ratio":0.25,"stopwords_ratio":0.334,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 27:10\n10T'onye ọbu be egudekwa anụ ọdo gbaa ya inwe m'ọ bụ dochia ẹnya iya, tẹ bo gudekwa anụ ọwhu ka ree gbaa anụ ọwhu dụ ẹji inwe, to gudehunu anụ ọwhu ka ẹji gbaa anụ ọwhu dụ ree inwe. Ọ -bụkwanuru l'e gude anụ ọdo gbaa anụ ono inwe, t'anụ ọwhu a gbarụ inwe yẹle ọwhu e gude gbaa ya inwe dụkotakwa nsọ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/27\/10","date":"2018-12-17T13:08:23Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828507.57\/warc\/CC-MAIN-20181217113255-20181217135255-00328.warc.gz","language":"eza","language_score":0.999524951,"language_script":"Latn","minhash_cluster_size":1,"top_langs":"{\"eza_Latn_score\": 0.9995249509811401}","num_words":64,"character_repetition_ratio":0.117,"word_repetition_ratio":0.0,"special_characters_ratio":0.256,"stopwords_ratio":0.125,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 28:8\n8Onye l'eme nka ekwetakwawho wẹrere ẹkwa, l'ee-gudeje kebuta iya l'ukfu ye iya. Wẹrere ẹkwa ono bẹ yẹle uwe ifọdu ono l'a-tụko bụru iwhe lanụ. T'e gude mkpọla-ododo, a tụru g'ọo oghu mẹe oghu, dụ urwukpu-urwukpu mẹe oghu, l'eke mmee-mmee mẹe nke uswe-uswe mẹe oghu ọcha, a swịru g'ọo ụdo kwee ya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/28\/8","date":"2018-12-13T16:37:33Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824912.16\/warc\/CC-MAIN-20181213145807-20181213171307-00295.warc.gz","language":"eza","language_score":1.0000094175,"language_script":"Latn","minhash_cluster_size":1,"top_langs":"{\"eza_Latn_score\": 1.0000094175338745}","num_words":52,"character_repetition_ratio":0.027,"word_repetition_ratio":0.0,"special_characters_ratio":0.257,"stopwords_ratio":0.25,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 6\nNke onye doberu Onye-Nwe-Ọha onwiya nsọ\n1Onye-Nwe-Ọha sụ Mósisu: 2\"Kfuru yeru ndu Ízurẹlu sụ whẹ agha: O -nweru nwoke ọdua l'ọo nwanyị kweru ụkwa, dụ iche sụ l'iya l'a-dụru Onye-Nwe-Ọha nsọ, mbụ l'iya l'e-dobe onwiya t'iya bụru onye gbarụ iche l'ẹka Onye-Nwe-Ọha nọ, 3t'onye ọbu ba angụjekwa mmẹe m'ọ bụ iwhe-angụngu ọdo l'eme l'ẹnya. T'onye ọbu ba angụjekwa mmẹe l'anwụ ọnu, shi lẹ vayịnu m'ọ bụ iwhe-angụngu ọdo l'eme l'ẹnya. T'ọ bọ ngụjekwa mini akpụru vayịnu, ya eje erije akpụru vayịnu oyii mẹe nke ọkponku. 4T'o bo rijekwa iwhe shi lẹ vayịnu m'ọ bụ akpụru vayịnu ọbu l'onwiya m'ọ bụ ẹgbo vayịnu ọbu jeye ya anọ-gee bụru onye dụru Onye-Nwe-Ọha nsọ.\n5\"Akwọ ta abyadụ l'e-rwu iya l'ishi jeye ya anọ-gee bụru onye doberu onwiya iche. Ọo-dụlewho nsọ lẹge ọ dụ iya jeye oge ono, o doberu onwiya iche ono l'ẹka Onye-Nwe-Ọha nọ edzua. Ya ahaa t'ẹgbushi iya rwuchia erwuchi ha wugala wugala. 6Ọ tọ byadụ l'e-jekube mgboro ẹka odzu dụ jeye ya anọ-gee bụru onye doberu onwiya iche l'ẹka Onye-Nwe-Ọha nọ. 7Mbụ, o beru ọ -bụru l'ọo nna iya nwụhuru, ọdua l'ọo ne iya nwụhuru, ọdua l'ọo nwune iya nwoke nwụhuru m'ọ bụ nwune iya nwanyị bẹ nwụhuru, o too kwobedu iswi iya jekube odzu iya ntse, shi nno merwua onwiya. Nkele ọo ishi bẹ l'ee-gude marụ l'o doberu onwiya nsọ l'ẹka Chileke nọ. 8Jeye ya anọ-gee bụru onye dụ iche ono b'ọ bụ onye dụ nsọ l'ẹka Onye-Nwe-Ọha nọ.\n9\"O -nweru onye gbakwohuru nwụhu lẹ mgboro ẹka ọ nọ, o shi nno merwua ẹgbushi ono, o doberu nsọ, o rwulewho abalị ẹsaa, ya erwushia ẹgbushi ono, shi nno tụrwua mmerwu ono. 10O rwua l'abalị nke ẹsato, ya ewota ndo labọ, ọdua ya ewota ụnwu kparakụ labọ wojeru onye l'agbajẹ ẹja nụ Chileke l'ọnu Ụlo-ẹkwa-ndzuko. 11Ọo ya bụ, onye l'agbajẹ ẹja nụ Chileke ono ewota nnanụ gbaa ẹja iwhe-dụ-ẹji, ya ewota nnanụ ọwhua gbaa ẹja ọkpokota-iwhe-ọku gude kfụa ụgwo iwhe-dụ-ẹji ono, o meru, iswi l'ọ nọdu l'ẹka madzụ nwụhuru anwụhu. Ọ bụru mbọku onookwawho bẹ l'oo-me t'ishi iya dụ-whu nsọ azụ. 12Oo-dobe onwiya iche l'ẹka Onye-Nwe-Ọha nọ jeye ya anọ-gezhia bụru onye dụ iche. Ya ewota ịgogolo, gbarụ awha nụ t'e gude gbaa ẹja ikpe-anmanma. Oge ọwhu, ọ nọhawaru bẹ l'ẹte agụduru eye iya, o noo nkele o merwuru onwiya nteke ono, o shi dobe onwiya nsọ.\n13\"Ọ waa iwu, dụru onye doberu onwiya iche l'ẹka Onye-Nwe-Ọha nọ ndọwa mẹ nteke o doberu onwiya iche ono dzulewho. Ee-duru iya bya l'ọnu Ụlo-ẹkwa-ndzuko. 14Ya anọdu l'ẹka ono woru iwhe l'ọo-nụ Onye-Nwe-Ọha nụ iya. Ọo-nụ iya ịgogolo, gbarụ awha, l'ẹte enwe ẹka ọrwu dụ iya l'ẹhu, l'ee-gude gbaa ẹja ọkpokota-iwhe-ọku; ya anụ nwada atụru, gbarụ awha, l'ẹte enwee ẹka ọrwu dụ iya l'ẹhu, l'ee-gude gbaa ẹja iwhe-dụ-ẹji; ya anụ ebyila, l'ẹte enwee ẹka ọrwu dụ iya l'ẹhu, l'ee-gude gbaa ẹja ẹhu-guu. 15Iwhe ọdo, l'oo-yefua ya bụ nkata buredi, l'eete eyee iwhe l'ekoje buredi mẹe akara, e meru lẹ witi, e gweru egwegwe gwọkobe iya mmanụ mẹe ẹcha-mbeke, a wụru mmanụ l'eli mẹe ngwo-ẹja nri yẹle ngwo-ẹja mmẹe, l'etsoje iya nụ.\n16\"Iwhe ono g'ọ ha bẹ onye l'agbajẹ ẹja nụ Chileke l'a-nụkota Onye-Nwe-Ọha. Ya agbaa ẹja iwhe-dụ-ẹji ono mẹe ẹja ọkpokota-iwhe-ọku ono. 17Onye l'agbajẹ ẹja nụ Chileke ono abya anụ Onye-Nwe-Ọha nkata buredi ono, l'eete eyee iwhe l'ekoje buredi, gbua ebyila whọ gude gbaarụ Onye-Nwe-Ọha ẹja ẹhu-guu; ya eyekobekwa iya whọ ngwo-ẹja nri yẹle ngwo-ẹja mmẹe, l'etsoje iya nụ. 18Ọ bụru l'ọnu Ụlo-ẹkwa-ndzuko bẹ onye ono, dụru Onye-Nwe-Ọha nsọ ono l'a-nọdu rwushia ẹgbushi ono, o doberu nsọ. Ya ekpota ẹgbushi ono chịru ye l'ọku, e gude akpọ anụ ngwo-ẹja ẹhu-guu whọ ọku.\n19\"Onye ono, dụru Onye-Nwe-Ọha nsọ ono -rwushigelewho ẹgbushi ono, o doberu nsọ; ọo ya bụ; onye l'agbajẹ ẹja nụ Chileke eworu ẹka ebyila ono, e shiru eshi dẹe ya l'ẹka t'ọ parụ mẹe akara lanụ, l'eete eyee iwhe lekoje buredi, shi lẹ nkata whọ mẹe ẹcha-mbeke lanụ, l'eete eyee iwhe l'ekoje buredi. 20Nteke ono, onye l'agbajẹ ẹja nụ Chileke ono abya amaa ya amama l'iwhu Onye-Nwe-Ọha t'ọ bụru ngwo-ẹja amama. Iwhe ono g'ọ ha bẹ dụkotakwa nsọ, ọ bụru onye l'agbajẹ ẹja nụ Chileke bẹ nwe iya nụ yẹle ǹdụ́ ebyila ono, a marụ amama mẹe ụtakfu iya ono, a nụru Onye-Nwe-Ọha. E megee ya nno bẹ onye ono, dụru Onye-Nwe-Ọha nsọ ono nweru ike ya angụa mmẹe.\n21\"O noo bụ iwu dụru onye doberu onwiya nsọ l'ẹka Onye-Nwe-Ọha nọ ndono bụ iya bụ onye kweru ụkwa lẹ ya l'e-dobe onwiya nsọ l'ẹka Onye-Nwe-Ọha nọ mẹe iwhe l'ọo-nụje Onye-Nwe-Ọha nteke oge iya dzuleruwho, t'a gụfukwa iya iwhe ọdo, l'ọo-nụ lẹge ẹka iya beru. Ọle o medzufutaje iwhe o kweru ụkwa iya ẹgube iwu onye dụru Onye-Nwe-Ọha nsọ dụ dụ.\"\nGẹ ndu l'agbajẹ ẹja nụ Chileke l'e-shije agọ ọnu-ọma anụ ndu Ízurẹlu\n22Onye-Nwe-Ọha bya asụ Mósisu: 23\"Kfuru Érọnu yẹle ụnwu iya sụ whẹ l'ọ waa bụ gẹ whẹ l'e-shije agọru ndu Ízurẹlu ọnu-ọma ndọwa: Gẹ l'ii-kfuru whẹ tẹ whẹ kfuje iya bụ:\n24\"Tẹ Onye-Nwe-Ọha gọru\nọnu-ọma nụ unu, ya echekwaa unu.\n25Tẹ Onye-Nwe-Ọha mee t'atatiwhu iya\nnwujeeru unu, ya emejeeru unu eze-iwhe-ọma.\n26Tẹ Onye-Nwe-Ọha cheberu unu iwhu,\nya emee t'unu buru guu.\n27\"O noo gẹ whẹ l'e-shi dobe ẹwha mu l'ẹka ndu Ízurẹlu nọ ndụge mu agọoru whẹ ọnu-ọma.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/6","date":"2018-12-12T09:44:01Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823817.62\/warc\/CC-MAIN-20181212091014-20181212112514-00254.warc.gz","language":"eza","language_score":0.999999404,"language_script":"Latn","minhash_cluster_size":1,"top_langs":"{\"eza_Latn_score\": 0.9999994039535522}","num_words":868,"character_repetition_ratio":0.107,"word_repetition_ratio":0.002,"special_characters_ratio":0.254,"stopwords_ratio":0.271,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 38\nJuda yẹle Tama\n1O noo ya, nteke ono bẹ Juda harụ ụnwunna iya jeshia mkpụkpu Adulamu, jekfushia nwoke, l'aza Hira yẹle iya buru. 2Juda nọdu l'ẹka ono whụta nwada Shuwa, bụ onye Kenanu. Ọ lụa ya, wata anọ alarụ iya l'ụlo. 3Ọ tsụta ime, nwụa nwa nwoke, ọ gụa ya Ẹru. 4Ọ tsụta ime ọdo, nwụa nwa nwoke, ọ gụa ya Onanu. 5Ọ nwụfua nwa nwoke ọdo, ọ gụa ya Shila. Ẹka ọ nọdu nwụa ya bụ lẹ Kezibu.\n6Juda bya alụaru ọkpara iya, bụ Ẹru nwanyị. Ẹwha nwanyị ọbu bụ Tama. 7Ọle ọkpara Juda ono, bụ Ẹru bụ onye-ejo-ememe l'ẹnya Onye-Nwe-Ọha, ọo ya bụ, Onye-Nwe-Ọha chigbua ya.\n8Tọ dụ iya bụ, Juda sụ Onanu: \"Lajẹru nwa-mbunu ono, bụ nyee nwune ghu l'ụlo nke ọwhu l'ii-meru iya iwhe gbarụ nwune ji madzụ l'ememe, shi nno mee tẹ nwune ghu tọgbo akọ lẹ mgboko.\" 9Ọle Onanu bẹ marụ lẹ nwa nwanyị ono l'a-nwụta ta abụdu nkiya. L'ọobuje, o jekfu nyee nwune iya ono azẹe, ya agbọshia ụnwuda iya l'alị gẹ l'ee-shi tẹ ya ba atọgboru nwune iya akọ. 10Iwhe ono, Onanu l'eme dụ ẹji shii l'ẹnya Onye-Nwe-Ọha; ọo ya bụ Onye-Nwe-Ọha chigbufua yẹbedua.\n11Tọ dụ iya bụ, Juda sụ nyee nwa iya ono, bụ Tama: \"Je eburu l'ibe nna ghu bụru nwa-mbunu t'e gude tẹ nwa mu, bụ Shila vufuta.\" Nkele ọ dụle iya whọ gẹ woo lẹ Shila l'a-nwụhufua g'ọo unwune iya. Tama kweta bya alashia ibe nna iya je eburu.\n12A nọnyaa, nyee Juda, mbụ nwada Shuwa nwụhu. Juda rwọkota-gee ume anwụhu nyee ya ono, o jeshia mkpụkpu Timuna ọgba-whe ndu l'ebyishiru iya atụru ẹji. Ọnya iya, bụ Hira, onye mkpụkpu Adulamu tsoru iya whẹ jeshia.\n13Ama gbaarụ Tama lẹ nnajiko iya bẹ l'eje Timuna obyishia atụru iya ẹji. 14O yefu uwe nwanyị, nọ l'ụlo-mkpe, o yeru; woru ẹkwa, dụ rẹbere rẹbere whụ-kpua onwiya l'iwhu t'a ba ahụbe iya ama, je anọdu l'ọnu-abata mkpụkpu Enému, bụkwawho ụzo, e shi eje Timuna. Nkele ọ marụ lẹ Shila vutawaru, te ekwe duru yẹbe Timuna nụ Shila t'ọ lụpyabe.\n15Juda whụa Tama, o chebe l'ọo nwanyị-ọkpara nkele ọ whụ-kpuru onwiya ẹkwa, dụ rẹbere rẹbere l'iwhu. 16Tọ ma l'ọo nyee nwa iya. O kucha iya l'agụga ụzo sụ iya t'ọ bya tẹ whẹ zẹe.\nỌ jịa ya sụ: \"?Ịi-nụ mu gụnu mẹ mu kweta tẹ mu ghu zẹe?\"\n17Ọ sụ iya: \"Mu l'e-shi l'elwu mu kpẹe ghu nwada-eghu.\"\nTama sụ iya: \"Ii-sụbekwaru mu iya iwhe jeye nteke l'ịi-kpụtaru mu iya.\"\n18Juda sụ iya: \"?Ọo gụnu bẹ mu l'a-sụberu ghu iya?\"\nỌ sụ iya: \"Iwhe l'ịi-sụberu mu iya bụ echi-mgba-l'ẹka, l'eegudeje ahụbe ghu ama mẹe eri, tso iya nụ mẹe mgbọro ono, ị pa l'ẹka.\" Ọ chịru iya chẹe ya yẹle iya zẹe; o yee ya ime. 19Tama gbalihu tụgbua, whụfu ẹkwa ono, o shi whụ-kpua l'iwhu, bya eworu uwe nwanyị, nọ l'ụlo-mkpe ono, o shi yee yewhu azụ.\n20E megee, Juda kpụta nwada-eghu ono kpẹe ọnya iya nke mkpụkpu Adulamu t'o je akpẹe nwanyị ono gude chịtaru iya iwhe ono, ọ sụberu iya. O jee t'ọ whụ nwanyị ono. 21Ọ jịa ndu ẹka ono sụ whẹ: \"?Ọo awe bẹ nwanyị-ọkpara ono, shi nọdu l'agụga ụzo Eménu nọ?\"\nWhẹ sụ iya: \"Nwanyị-ọkpara ta anọjekwaru l'ẹka-a.\"\n22Ọo ya bụ, ọ dawhu azụ je asụ Juda: \"Mu ta awhụkwa iya. Ọdo bụ lẹ ndu ẹka ono sụru lẹ nwanyị-ọkpara ta anọjeduru l'ẹka ono.\"\n23Juda sụ iya: \"Parụ iya haa t'o woru iya, a nọnyaa nụ, e gude iya chịa anyi ọchi. Mu kpẹwaru ghu nwada-eghu-a, i gude je achọkota iya t'ị whụ iya.\"\n24A nọlewho iwhe ha g'ọo ọnwa ẹto, a bya edooru Juda lẹ nyee nwa iya, bụ Tama bẹ tsoru agbawhe ọkpara, o shiwa l'ọgba ọkpara tsụta ime.\nJuda sụ: \"Unu dufuta iya t'e gude ọku kegbua ya.\"\n25E dufutadele iya whọ, o zhia ozhi t'e je ezhia nnajiko iya ono sụ iya: \"Ọo onye nwe iwhe-e bụ iya yeru mu ime.\" Sụ iya: \"Leledaa marụ ?onye nwe echi-mgba-l'ẹka-a, l'eegudeje ahụbe madzụ ama-a mẹe eri-a, tso iya nụ mẹe mgbọro-ọ?\"\n26Juda whụa iwhe ono bya amarụ l'ọo nkiya, ọ sụ: \"Ha, nwanyị-a kakwa mu ọdu chịriri, eshi-ọwhu mu sụ-geeru lẹ mu l'e-duru iya nụ nwa mu Shila t'ọ lụpyabe; e megee, mu te eduheru iya nụ iya. Nwa mu ono te ejekfubua ya azẹe.\"\n27O gbabele iya whọ l'ezeda, ụnwegirima ono dụ iya ẹbo l'ẹwho. 28Nteke l'oozeda bẹ onye lanụ wofutaru ẹka. Nwanyị l'eswi iya ime wota eri oghu, l'eke uswe-uswe gbabẹ iya lẹ nkwo-ẹka, bya asụ: \"Oo onye ọwa bụ ivurụzo.\" 29Ọle o wobawhuru ẹka ono azụ, nwune iya ye ishi vuru ụzo fụta. Nwanyị ono, l'eswi ime sụ: \"?Ọ waa g'i meru kwofutakebe?\" A gụa ya Pẹ́rezu. 30Ọo ya bụ, nwune iya ono, a gbabẹru eri oghu, l'eke uswe-uswe lẹ nkwo-ẹka fụta, a gụa ya Zera.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/38","date":"2018-12-13T22:44:12Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825112.63\/warc\/CC-MAIN-20181213215347-20181214000847-00019.warc.gz","language":"eza","language_score":0.9998733997,"language_script":"Latn","minhash_cluster_size":1,"top_langs":"{\"eza_Latn_score\": 0.9998733997344971}","num_words":795,"character_repetition_ratio":0.042,"word_repetition_ratio":0.0,"special_characters_ratio":0.274,"stopwords_ratio":0.307,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 10:29\n29Mósisu bya ekfuru yeru Hobabu nwa Ruwẹlu, bụ onye Midiyanu, bya abụru nwune nyee ya sụ iya: \"Ntaa bẹ anyi l'abyakwa t'anyi tụgburu jeshia alị ẹka ono, Onye-Nwe-Ọha kfuru anyi okfu iya sụ lẹ ya l'a-nụ anyi. Tsonuru anyi nke ọwhu anyi l'e-meru ghu iwhe-ọma, nkele Onye-Nwe-Ọha bẹ kwewaru ndu Ízurẹlu ụkwa ọma.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/10\/29","date":"2018-12-10T20:32:25Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823442.17\/warc\/CC-MAIN-20181210191406-20181210212906-00511.warc.gz","language":"eza","language_score":1.0000097752,"language_script":"Latn","minhash_cluster_size":1,"top_langs":"{\"eza_Latn_score\": 1.0000097751617432}","num_words":54,"character_repetition_ratio":0.032,"word_repetition_ratio":0.0,"special_characters_ratio":0.252,"stopwords_ratio":0.241,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 47:29\n29O gbabedelewho Ízurẹlu l'a-nwụhu; o kua nwa iya Jósẹfu sụ iya: \"Ọ -bụru lẹ mu dụ ghu l'obu; ye mu ẹka l'ehe riaru mu nte l'ị tịi byadụ l'e-li mụbe Jékọpu l'alị Íjiputu, shi nno goshi l'i yeru mu obu, bya abụru onye gbarụ t'e gude ire iya ẹka!","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/47\/29","date":"2018-12-15T20:58:40Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827097.43\/warc\/CC-MAIN-20181215200626-20181215222626-00229.warc.gz","language":"eza","language_score":0.9998350739,"language_script":"Latn","minhash_cluster_size":1,"top_langs":"{\"eza_Latn_score\": 0.9998350739479065}","num_words":50,"character_repetition_ratio":0.0,"word_repetition_ratio":0.0,"special_characters_ratio":0.29,"stopwords_ratio":0.28,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 2:34\n34Tọ dụ iya bụ, ndu Ízurẹlu mekotagezhia iwhe lile Onye-Nwe-Ọha tụru Mósisu l'iwu. O noo ya, whẹ kpọbe ụlo-ẹkwa ebubu whẹ, ọ gbakfugeeru l'ẹkwa-ọhubama ikfu whẹ l'ẹhu l'ẹhu. O nokwawhọ gẹ whẹ l'eshije palihu ije whẹ tụgbua, ndu nọnu whẹ l'ẹnya-uwhu whẹ mẹe ibe nna whẹ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/2\/34","date":"2018-12-10T20:01:12Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823442.17\/warc\/CC-MAIN-20181210191406-20181210212906-00150.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":47,"character_repetition_ratio":0.0,"word_repetition_ratio":0.0,"special_characters_ratio":0.254,"stopwords_ratio":0.404,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 26:24\n24Onye-Nwe-Ọha byakfuta iya l'ẹnyashi mbọku ono sụ iya: \"Ọo mbẹdua bụ Chileke nke nna ghu Ébirihamu. Ba atsụkwa egvu, o noo nkele mu swiru ghu eswiru. Mu l'e-gude iswi ẹhu onye ozhi mu ono, bụ Ébirihamu gọru ọnu-ọma nụ ghu; mee t'ẹpa ghu ha l'igwe.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/26\/24","date":"2018-12-15T16:46:46Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826892.78\/warc\/CC-MAIN-20181215152912-20181215174912-00511.warc.gz","language":"eza","language_score":0.9999996424,"language_script":"Latn","minhash_cluster_size":1,"top_langs":"{\"eza_Latn_score\": 0.9999996423721313}","num_words":46,"character_repetition_ratio":0.008,"word_repetition_ratio":0.0,"special_characters_ratio":0.265,"stopwords_ratio":0.261,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 13\nE yeru ụmadzu iri l'ẹbo tẹ whẹ jee ngge l'alị Kenanu\n1Onye-Nwe-Ọha sụ Mósisu: 2\"Yee ndu l'e-je alị Kenanu je egee ya ngge, mbụ alị ono, mu l'eme tẹ mu nụ ndu Ízurẹlu. Shi l'ikfu g'ikfu ha, bụ ikfu ndụ-ichee whẹ họta-gee onye lanụ, l'e-je nụ. Ndu l'ịi-họta bẹ bụ unwoke, bụ ishi l'ikfu nọnu.\" 3Mósisu bya eyefu whẹ ẹgube ono Onye-Nwe-Ọha kfuru, whẹ shi l'echi-ẹgu Paranu tụgburu jeshia. Ndu ono, o yeru bụkota ndu ishi lẹ Ízurẹlu.\n4Ọ waa ẹwha whẹ ndọwa:\nOnye shi l'ikfu Rúbẹnu bụ Shamuwa nwa Zakuru,\n5onye shi l'ikfu Símiyọnu bụru Shafatu nwa Hori,\n6onye shi l'ikfu Juda bụru Kálẹbu nwa Jefune,\n7onye shi l'ikfu Ísaka bụru Igalu nwa Jósẹfu,\n8onye shi l'ikfu Ífuremu bụru Hoshiya nwa Nunu,\n9onye shi l'ikfu Bénjaminu bụru Paluti nwa Rafu,\n10onye shi l'ikfu Zébulọnu bụru Gadíyelu nwa Sodi.\n11Onye shi l'ikfu Manáse bụ iya bụ ikfu Jósẹfu bẹ bụ Gadi nwa Susi,\n12onye shi l'ikfu Danu bụru Amiyẹlu nwa Gemali,\n13onye shi l'ikfu Asha bụru Setu nwa Máyikelu,\n14onye shi l'ikfu Náfutali bụru Nahubi nwa Vofusi,\n15onye shi l'ikfu Gadu bụru Geyuwẹlu nwa Maki.\n16O noo ẹwha unwoke ono, Mósisu yeru tẹ whẹ jeshia ngge l'alị Kenanu ndono. Mósisu gụ-nwee Hoshiya nwa Nunu ẹwha gụa ya Jóshuwa.\n17Mósisu bya ezhia whẹ tẹ whẹ jeshia ngge l'alị Kenanu sụ whẹ: \"Unu tsogburu echi-ẹgu, dụ l'ọhuda bahụ l'alị ugvu ugvu ẹka ono. 18Unu je awhụ g'alị ono dụ dụ mẹe gẹ ndu bu iya nụ dụ dụ, mbụ t'unu marụ mẹ ọkpehu dụ ndu bu iya nụ, tẹ whẹ bụ ndu ume-ngvụ, unu amarụ mẹ whẹ ha l'igwe, tẹ whẹ dụa nwolemole. 19Unu amarụ ẹgube alị whẹ bu ebu, unu marụ m'ọo alị dụ ree, tọo alị, dụ ẹji. Unu amarụ ẹgube mkpụkpu, whẹ bugee, unu marụ m'ọo mkpụkpu, l'ẹte atụa mgbodo mgburumgburu; tọo mkpụkpu, a tụru mgbodo mgburumgburu. 20Unu amarụ g'alị whẹ dụ, unu marụ m'ọo alị l'emehuje iwhe e meberu iya, tọo alị, ụchi gbarụ, unu amarụ m'ọo alị oshi oshi, tọo tọ dụ iya. T'obu shihu unu ike, unu egude akpụru oshi, shi alị ono lwa.\" Nteke ono bụ nteke, akpụru vayịnu ọnumbu l'anọje achashịka.\n21O noo ya, whẹ tụgbua jeshia je egekotagezhia alị ono l'owhu ngge, shizhiawho l'echi-ẹgu Zinu je akpaa lẹ Rehobu, m'a nọdu eje Hámatu. 22Whẹ tsogburu echi-ẹgu, dụ l'ọhuda jeye whẹ rwua Hiburọnu, bụ ẹka Ahimanu mẹe Sheshayi mẹe Talumayi, bụ ndu shi l'eri Anaku bu ebubu. A tụru mkpụkpu Hiburọnu, ọ nọo awha ẹsaa tẹmenu a tụa mkpụkpu Zowanu ọwhu dụ l'alị Íjiputu. 23Nteke whẹ byarwuru nsụda Ẹshukolu, whẹ gbukwota ẹkali vayịnu lanụ, akpụru jọkfuru ajọkfuru. Whẹ pyokafu iya l'oshi, dụ ogologo, ụmadzu labọ parụ iya; onye lanụ parụ iya l'ishi lanụ, onye ọwhua parụ iya l'ishi lanụ. Whẹ wọkokwaawho akpụru itorokuma mẹe akpụru figu wolata. 24A gụbe ẹka ono nsụda Ẹshukolu,+ nkele ọo ẹka ono bẹ ndu Ízurẹlu gbukwotaru ẹkali vayịnu, akpụru jọkfuru ajọkfuru vulata.\n25Whẹ nọru ụkporo abalị ugbo labọ gẹ whẹ jeru ngge l'alị ono tẹmenu whẹ lwa. 26Whẹ lwakfuta Mósisu mẹe Érọnu mẹe ndu Ízurẹlu l'owhu l'echi-ẹgu Paranu, dụ lẹ mkpụkpu Kádẹshi. Whẹ bya edooru Mósisu mẹe Érọnu mẹe ndu Ízurẹlu l'owhu edo ije whẹ, goshi whẹ akpụru oshi, shi alị ono. 27Ọ waa iwhe whẹ kfuru Mósisu ndọwa: \"Anyi jewaru je awhụ alị ọbu ị sụru t'anyi je awhụ. Alị ono bẹ mini-ẹra eswi yẹle mmanụ-ẹnwu jiru ejiji. Ọ waa akpụru oshi shi l'alị ono ndọwa. 28Ọle ndu bu l'alị ono bẹ ọkpehu dụ, mkpụkpu, dụ iya nụ hagee shii bụru mkpụkpu, a tụ-wheru mgbodo mgburumgburu. Anyi whụ-gekwaaru whụa ndu shi l'eri Anaku l'ẹka ono. 29Ndu Amalẹ́ku bu l'echi-ẹgu, dụ l'ọhuda, ndu Hetu mẹe ndu Jebusu mẹe ndu Amọru buru l'alị ugvu ugvu ẹka ono, ọwhube ndu Kenanu bua kụbe ẹhu l'eze-ẹnyimu, bukwaruwho l'agụga ẹnyimu Jọ́danu.\"\n30Tọ dụ iya bụ, Kálẹbu bya emee; ndu Ízurẹlu daa shịikfuu l'iwhu Mósisu sụ whẹ: \"Unu t'anyi je alwụta alị ono t'ọ bụru nke anyi nkele anyi l'a-dụ ike lwụta iya.\"\n31Obenu lẹ ndu ono, whẹ lẹ Kálẹbu lị jee ije ono bẹ sụru: \"Anyi ta adụkwa ike eje ọlwushi ndu ono ọgu, o noo nkele ọkpehu, dụ whẹ nụ bẹ kakwa nke anyịbedua shii.\" 32Ozhi ono bụru ejo ozhi bẹ whẹ bya agbasaaru ndu Ízurẹlu lẹ nke alị ono, whẹ jeru ngge iya ono. Iwhe whẹ kfuru bụ l'alị ono, whẹ jeru ngge iya ono bẹ l'egbushikwa ndu bu iya nụ. Lẹ ndu lile, whẹ whụru l'ẹka ono bẹ hagee gagvu gagvu. 33Lẹ whẹ whụru ndu mkparawa l'ẹka ono. Ndu shi l'eri Anaku bụ l'ẹhu ndu mkparawa ono bẹ whẹ shi fụta. Mbụ lẹ whẹ darwehugeeru ndu ono adarwehu l'ẹnya dụ-gee whẹ g'ọo ụnwu ogu. Ọ bụru nno bẹ whẹ dụ-gee l'ẹnya ndu ono nke bụ ezhi-okfu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/13","date":"2018-12-09T22:24:30Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823183.3\/warc\/CC-MAIN-20181209210843-20181209232843-00474.warc.gz","language":"eza","language_score":1.0000075102,"language_script":"Latn","minhash_cluster_size":1,"top_langs":"{\"eza_Latn_score\": 1.0000075101852417}","num_words":787,"character_repetition_ratio":0.063,"word_repetition_ratio":0.0,"special_characters_ratio":0.249,"stopwords_ratio":0.299,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 2:10\nIkfu, l'a-kpọbe ụlo-ẹkwa ebubu nkewhe laarụ ụzo ọhuda\n10\"A -bya abya lẹ ndu ọwhu l'a-kpọbe ụlo-ẹkwa ebubu nkewhe laarụ ụzo ọhuda bẹ bụ ndu gba l'itsutsu ikfu Rúbẹnu. Whẹ l'a-kpọbe iya t'ọ gbakfugeeru l'ẹkwa-ọhubama ikfu nkewhe. Onye bụ ishi l'ẹpa Rúbẹnu bụ Elizuru nwa Shediyọ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/2\/10","date":"2018-12-10T10:41:50Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823322.49\/warc\/CC-MAIN-20181210101954-20181210123454-00084.warc.gz","language":"eza","language_score":1.0000075102,"language_script":"Latn","minhash_cluster_size":1,"top_langs":"{\"eza_Latn_score\": 1.0000075101852417}","num_words":46,"character_repetition_ratio":0.115,"word_repetition_ratio":0.0,"special_characters_ratio":0.247,"stopwords_ratio":0.239,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 11:31\nOnye-Nwe-Ọha wotaru ọkwa t'ọ bụru anụ atata\n31O noo ya, whẹrewhere bya eshi l'ẹka Onye-Nwe-Ọha nọ whelahaa, o shi l'eze-ẹnyimu chịkashia ọkwa, whẹ dashịa lẹ mgboro mgboro ẹka whẹ kpọberu ụlo-ẹkwa ebubu whẹ ono. Whẹ tụko ẹka ono g'ọ ha dzuru rwua iwhe ha g'ọo ẹka madzụ l'adụ ike jee l'ọkpa ujiku lanụ, ewhekaa iwhe rwuru nha-ọkpa ẹto watalẹwho l'ọma-alị.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/11\/31","date":"2018-12-15T18:04:26Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826968.71\/warc\/CC-MAIN-20181215174802-20181215200802-00245.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":61,"character_repetition_ratio":0.022,"word_repetition_ratio":0.0,"special_characters_ratio":0.247,"stopwords_ratio":0.213,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 15:30\n30Onye l'agbajẹ ẹja nụ Chileke ono egude ẹnu lanụ gbaa ẹja iwhe-dụ-ẹji, gude nnanụ gbaa ẹja ọkpokota-iwhe-ọku. O noo g'onye ono, l'agbajẹ ẹja nụ Chileke l'e-shi kfụa ụgwo iwhe-dụ-ẹji nwanyị ono meru l'iwhu Onye-Nwe-Ọha lẹ nke mmee ono, lar��� iya nụ ono, shi nno mee ya, ọ bụru onye l'aasọ nsọ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/15\/30","date":"2018-12-19T00:09:56Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829997.74\/warc\/CC-MAIN-20181218225003-20181219011003-00327.warc.gz","language":"eza","language_score":1.0000075102,"language_script":"Latn","minhash_cluster_size":1,"top_langs":"{\"eza_Latn_score\": 1.0000075101852417}","num_words":52,"character_repetition_ratio":0.107,"word_repetition_ratio":0.0,"special_characters_ratio":0.262,"stopwords_ratio":0.269,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 14\nÉbiramu l'adzọta Lọtu\n1O be nteke ọbu, Amurafẹlu, bụ eze ndu Shịna mẹe Ariyọku, bụ eze ndu Élasa mẹe Kedolawoma, bụ eze ndu Ílamu mẹe Tidalu, bụ eze ndu Goyimu chịta ndibe whẹ l'ẹhu l'ẹhu jeshia ọgu. 2Ọ bụru Bira, bụ eze ndu Sódomu mẹe Birisha, bụ eze ndu Gọmóra mẹe Shinabu, bụ eze ndu Adụma mẹe Shemiba, bụ eze ndu Zeboyimu mẹe eze ndu Bela bụ iya bụ Zowa bẹ whẹ jekfuru ọgu ọbu. 3Ndu nke ikpazụ-a bya atụgba nnanụ chịta ndibe nkewhe l'ẹhu l'ẹhu jekfushia ndu ọwhu ọgu lẹ nsụda Sidimu, bụ iya megeeru bụru Eze-ẹnyimu Únú. 4Iwhe kparụ ọgu ono bụ lẹ whẹ nọkotaru awha iri l'ẹbo l'ẹka Kedolawoma; o rwua l'awha nke iri l'ẹto iya, whẹ kwefuru iya ike.\n5O be l'awha nke iri l'ẹno iya; Kedolawoma yẹle ndu eze ono, whẹ l'iya tụgbaru tụgbua jeshia Ashiterọtu Kanemu je alwụ-gbua ndu Refa; jeshia Hamu je alwụ-gbua ndu Zúzu; jeshia Shave Kiriyatayimu je alwụ-gbua ndu Emimu. 6Whẹ bya ejeshia alị ugvu ugvu ndu Siye je alwụ-gbua ndu Họru, lwụa whẹ jeye lẹ Ẹ́lu-paranu, dụ ọwaa echi-ẹgu. 7Whẹ bya atsuwhu azụ jeshia Enu Mishipátu bụ iya bụ Kádẹshi je alwụtakota alị ndu Amalẹ́ku kpaa-whuu, bya alwụ-gbua ndu Amọru, bu lẹ Hazazọnu-tama.\n8Tọ dụ iya bụ, eze ndu Sódomu mẹe eze ndu Gọmóra mẹe eze ndu Adụma mẹe eze ndu Zeboyimu mẹe eze ndu Bela bụ iya bụ Zowa, wụfuta jeshia nsụda Sidimu tẹ whẹ lẹ ndu ọwhu kpọgba iwhu. 9Ndu whẹ kpọru iwhu bụ Kedolawoma, bụ eze ndu Ílamu mẹe Tidalu, bụ eze ndu Goyimu mẹe Amurafẹlu, bụ eze ndu Shịna mẹe Ariyọku, bụ eze ndu Élasa. Ndu eze ẹno tso ndu eze ise ọgu. 10Nsụda Sidimu bẹ bụ iduma korota nkụchi. O be gẹ ndu eze Sódomu yẹle nke ndu Gọmóra yeru ọkpa l'ọso agbalashị, whẹ nwulahu l'iduma ono. Ndu ọwhu whọduru nụ gbarụ lashia l'ugvu ugvu je anọdu. 11Ndu eze ẹno whọ, bụ ọhogu whẹ bya atụko arya ndu Sódomu mẹe nke ndu Gọmóra ono mẹe nri whẹ gwokota tụgbua. 12Whẹ kpụtakwawho Lọtu, bụ nwa nwune Ébiramu, bu lẹ Sódomu; gwota arya iya tụgburu.\n13Onye lanụ, gbalaru nụ bya ekfuaru iya Ébiramu onye Híburu. Ébiramu bẹ bu lẹ mgboro eze oshi Mamure. Mamure bụkwanu onye Amọru bụru nwune Ẹshukolu yẹle Ana. Ndu ono bẹ whẹ lẹ Ébiramu tụgbaru bụru nnanụ. 14Ébiramu nụlewho l'abụbu iya b'a kpụru l'ọgu, o kua unwoke iya ụkporo madzụ ugbo iri l'ise l'ụmadzu iri l'ẹsato, bụ ndu a nwụru l'ibe iya, e zhiru gẹ l'aalwụje ọgu. Whẹ chịpyabe ndu ono gbakfu whẹ lẹ Danu. 15O rwua l'ẹnyashi iya Ébiramu kekashia unwoke iya ono gẹ whẹ l'e-shi lwụshi ndu ono ọgu. Unwoke Ébiramu ono lwụ-gbua whẹ, chịa whẹ ọso jeye lẹ Hoba, dụ l'isheli Damásukọsu. 16Ébiramu shi nno natawhu arya ono, ndu ono kwatarụ azụ, bya edulata abụbu iya ono, bụ Lọtu mẹe arya iya mẹe ụnwanyi mẹe ndu whẹ kpụtakotaru.\n17Ébiramu lwụ-gbugee Kedolawoma yẹle ndu eze ono, whẹ l'iya tụgbaru; ọ lwatashia. Eze ndu Sódomu fụta bya agbata iya ndzuta lẹ nsụda Shave, mbụ ẹka ono, l'eekuje Nsụda Eze.\n18O noo ya, Melikízedeku, bụ eze ndu Sélẹmu wotaru Ébiramu buredi yẹle mmẹe. Melikízedeku bụ onye l'agbajẹ ẹja nụ Chileke, bụ Ọkalibe-Kangokotaru-Nu. 19Ọ gọru ọnu-ọma nụ Ébiramu sụ:\n\"Tẹ Chileke, bụ Ọkalibe-Kangokotaru-Nu\ngọru ọnu-ọma nụ gụbe Ébiramu!\nMbụ Chileke bụ iya meru igwe mee mgboko.\n20T'e tua Chileke, bụ Ọkalibe-Kangokotaru-Nu ẹwha!\nMbụ onye ono, woru ndu ọhogu ghu ye ghu l'ẹka!\"\nÉbiramu wota ụzo-lanụ-l'ụzo-iri, shi l'iwhe lile, ọ lwụtaru l'ọgu nụ iya.\n21Eze ndu Sódomu sụ Ébiramu t'ọ nụ yẹbedua ndu ọwhu bụ madzụ, gwota ọwhu bụ arya woru.\n22Ébiramu sụ eze ndu Sódomu: \"Mu paliakwaru ẹka mu imeli ribuaru Onye-Nwe-Ọha nte, mbụ Chileke ono, bụ Ọkalibe-Kangokotaru-Nu; onye meru igwe mee mgboko; 23l'ọ tọ dụdu iwhe bụ iwhe ghu, mu l'e-wota; oberu ọ bụru oghu mmaanụ, m'ọ bụ eri akpọkpa, nke ọwhu l'ịi-tị sụkwanu l'ọo ghu meru Ébiramu, ọ baa eze. 24Ọ tọ dụdu iwhe mu bya l'e-wota mebe iya iwhe ẹka mu, gbahaa ọwhu ndu nkemu riwaru eriri. Obenu lẹ Ana mẹe Ẹshukolu mẹe Mamure bụ ndu ono tso mu jee ije ono bẹ l'a-nata oke iwhe rwuberu whẹ nụ.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/14","date":"2018-12-15T06:49:59Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826800.31\/warc\/CC-MAIN-20181215061532-20181215083532-00593.warc.gz","language":"eza","language_score":0.9999022484,"language_script":"Latn","minhash_cluster_size":1,"top_langs":"{\"eza_Latn_score\": 0.9999022483825684}","num_words":689,"character_repetition_ratio":0.075,"word_repetition_ratio":0.018,"special_characters_ratio":0.238,"stopwords_ratio":0.351,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 7\nNgwo-ẹja ọkfu-ụgwo\n1\"Ọ waa iwu, dụ lẹ ngwo-ẹja-ọkfu-ụgwo. Ngwo-ẹja ono dụkwa nsọ shii. 2Ọo l'ẹka l'eegbuje anụ, e gude agba ẹja ọkpokota-iwhe-ọku bẹ l'ee-gbuje anụ, e gude agba ẹja ikpe-anmanma. E whegbakota mmee ya l'ẹnya-mgbẹja ono mgburumgburu. 3Ẹba anụ ono l'owhu bẹ l'aa-gbakọtaje mgbẹja; mbụ ẹba, shi l'ukfumọdzu iya mẹe ọwhu kwechiru iya ẹwho, 4mẹe àkpụ̀rù iya whẹ labọ mẹe ẹba, dụ l'ụzo ose iya, e wofukota anyị iya yẹle àkpụ̀rù iya. 5Onye l'agbajẹ ẹja nụ Chileke akpọkota iya ọku l'ẹnya-mgbẹja, t'ọ bụru ngwo-ẹja, a kpọru ọku nụ Onye-Nwe-Ọha. Ọo ngwo-ẹja ọkfu-ụgwo b'ọ bụ. 6Iwhe bụ nwoke lẹ ndu l'agbajẹ ẹja nụ Chileke l'e-ri iya. Ẹka l'aa-nọduje ria ya bụ l'ẹka dụ nsọ. Ngwo-ẹja ono dụkwa nsọ shii.\n7\"Ọo iwu, dụ lẹ ngwo-ẹja ikpe-anmanma bẹ dụ lẹ ngwo-ẹja iwhe-dụ-ẹji. Ọo iwu lanụ bẹ ji whẹ nụ l'agbajẹ ẹja nụ. Onye l'agbajẹ ẹja nụ Chileke, gude iya akfụ ụgwo iwhe-dụ-ẹji bẹ l'e-nwe iya nụ. 8Ọ bụru onye l'agbajẹ ẹja nụ Chileke, gbarụ madzụ ẹja ọkpokota-iwhe-ọku bẹ l'e-wota akpọ anụ, o gude gbaa ẹja ono. 9Iwhe bụ ngwo-ẹja nri, e gheru lẹ ntụ-ọku m'ọ bụ ọwhu e shiru l'ite m'ọ bụ ọwhu e gheru lẹ mbeji bụkwa onye l'agbajẹ ẹja nụ Chileke, gbarụ ẹja ono nwe iya. 10Iwhe bụ ngwo-ẹja nri, a gwọkoberu mmanụ m'ọ bụ nke ọkponku bụkotakwa ụnwu Érọnu gẹ whẹ ha nwe iya. Ọo g'onye ọwhua ketaru bụ g'onye ọwhua l'e-keta.\nNgwo-ẹja ẹhu-guu\n11\"Ọ waa iwu, dụ lẹ ngwo-ẹja ẹhu-guu, madzụ l'anụ Onye-Nwe-Ọha. 12Ọ -bụru l'onye ọbu l'anụ iya t'ọ bụru iwhe o gude iya ekele Onye-Nwe-Ọha ekele, iwhe l'oo-ye lẹ ngwo-ẹja ono bụ akara, l'eete eyee iwhe l'ekoje buredi, a gwọkoberu mmanụ mẹe ẹcha-mbeke, l'eete eyee iwhe l'ekoje buredi, e meru mmanụ mẹe akara, e meru l'ụturutuu-balị, a gwọkoberu mmanụ ree-ree-ree. 13Oo-yekobekwawhọ akara, e yeru iwhe l'ekoje buredi lẹ ngwo-ẹja ẹhu-guu ono, o gude ekele Onye-Nwe-Ọha. 14Ọo nnanụ nnanụ bẹ l'oo-wotagee l'uzhi akara ẹto ono l'ẹhu l'ẹhu t'ọ bụru ngwo-ẹja, a nụru Onye-Nwe-Ọha. Onye nwe iya nụ bụ onye l'agbajẹ ẹja nụ Chileke, bụ iya bẹ wheru mmee ngwo-ẹja ẹhu-guu ono l'ẹnya-mgbẹja. 15Anụ, e gude gbaa ẹja ẹhu-guu ono, o gude ekele Onye-Nwe-Ọha ekele bẹ l'aa-takọta mbọku, a nụru iya Onye-Nwe-Ọha. T'ọ bọ dụkwa ọwhu l'a-dụ fụta ụtsu.\n16\"Ọle ọ -bụru l'ọo ngwo-ẹja, o gude emedzu iwhe o riburu lẹ nte m'ọ bụ l'ọo ngwo-ẹja, madzụ tụru obu iya ama bya anụnu, ya ataa anụ ono mbọku, a gbarụ iya. O -whudu, ya atafụa ya echile iya. 17Ọle anụ ono -whudu jeye mbọku nke ẹto iya t'a kpọo ya ọku. 18Ọ -bụru l'o nweru anụ, e gude gbaa ẹja ẹhu-guu, a tarụ lẹ mbọku nke ẹto iya bẹ l'aa-jịkakwa ngwo-ẹja ọbu, t'a bya l'a-gụ iya yeru onye gworu iya nụ. Ọo ahụma b'ọ bụ, tẹmenu onye riru iya nụ bụ iya l'e-vu iwhe dụ iya nụ.\n19\"Anụ ono ọwhu denyiru l'iwhe l'aasọ nsọ t'a ba atakwa iya ata; t'a kpọkwaa ya ọku. Ọle ọ -bụkwanuru l'ọo anụ ọdo, t'onye l'aata asọ nsọ takwaa ya. 20Onye l'aasọ nsọ -taa anụ, e gude gbaarụ Onye-Nwe-Ọha ẹja ẹhu-guu, t'e kefukwa onye ọbu l'oke l'ẹka ndibe whẹ nọ. 21Ọ -bụru lẹ madzụ bẹ ẹhu iya denyiru l'iwhe l'aasọ nsọ m'ọ bụ iwhe l'aasọ nsọ, shi l'ẹhu madzụ m'ọ bụ anụ, l'aasọ nsọ m'ọ bụ ụnwu iwhe ọdo, l'aasọkaa nsọ, o -megee bya ataa anụ, e gude gbaarụ Onye-Nwe-Ọha ẹja ẹhu-guu, t'e kefukwa onye ọbu l'oke l'ẹka ndibe whẹ nọ.\"\n22Onye-Nwe-Ọha bya ekfuru yeru Mósisu sụ iya: 23\"Kfuru ndu Ízurẹlu sụ whẹ agha: T'unu be erijekwa ẹba iwhe, mbụ ẹba eswi m'ọ bụ ẹba atụru m'ọ bụ ẹba eghu. 24Ẹba anụ, nwụhuru l'onwiya m'ọ bụ ọwhu anụ-ẹgbudu dzugburu, t'unu gudekwa iya mee iwhe, ọle t'ọ bọ kpakwa unu l'ọnu. 25Iwhe bụ onye tarụ ẹba anụ, e gude gbaa ẹja, a kpọkotaru ọku nụ Onye-Nwe-Ọha, t'e kefukwa onye ọbu l'oke l'ẹka ndibe whẹ nọ. 26Unu lahụdua awe je eburu, t'unu be erijekwa mmee iwhe, mbụ mmee ẹnu, ọdua l'ọo mmee anụ. 27Onye riru mmee iwhe t'e kefukwa onye ọbu l'oke l'ẹka ndibe whẹ nọ.\"\n28Tọ dụ iya bụ, Onye-Nwe-Ọha bya ekfuru yeru Mósisu sụ iya: 29\"Kfuru ndu Ízurẹlu sụ whẹ agha: Onye l'e-wotaru Onye-Nwe-Ọha ngwo-ẹja ẹhu-guu, t'o wotakwa ibe iya ọwhu, rwuberu Onye-Nwe-Ọha gbaarụ iya; 30mbụ t'o gude ẹka iya wota ngwo-ẹja, l'aa-kpọ ọku nụ Onye-Nwe-Ọha. Oo-wota ẹba iya mẹe ǹdụ́ iya, woru ǹdụ́ iya ono maa amama l'iwhu Onye-Nwe-Ọha t'ọ bụru ngwo-ẹja amama. 31Onye l'agbajẹ ẹja nụ Chileke l'a-kpọ ẹba iya ọku l'ẹnya-mgbẹja. Ǹdụ́ iya abụru nke Érọnu yẹle ụnwu iya. 32Ụtakfu ọkpa ẹka-ụtara anụ ngwo-ẹja ẹhu-guu unu bẹ unu l'a-kwẹje onye ono, l'agbajẹ ẹja nụ Chileke t'ọ bụru ụtu, a tụru nụ iya. 33Nwa Érọnu onye ọwhu gude mmee anụ ono yẹle ẹba iya je agbaa ẹja ẹhu-guu ọbu bẹ l'aa-nụ ụtakfu ọkpa-ẹka-ụtara iya, t'ọ bụru oke iwhe rwuberu iya nụ 34nkele mu shiwaa lẹ ngwo-ẹja ẹhu-guu ono, ndu Ízurẹlu l'agbajẹru mu wota ǹdụ́ iya ono, l'aamajẹ amama yẹle ụtakfu anụ ono, a tụru l'ụtu, woru nụ onye ono, l'agbajẹ ẹja nụ Chileke, bụ Érọnu yẹle ụnwu iya, t'ọ bụru oke, rwuberu whẹ nụ jasụ lẹ tututu-mịmimi. 35Ọ waa bụ oke, rwuberu Érọnu yẹle ụnwu iya lẹ ngwo-ẹja, l'aakpọ ọku anụ Onye-Nwe-Ọha, eshi mbọku, e wofutaru whẹ dobe iche tẹ whẹ bụru ndu l'agbarụ Onye-Nwe-Ọha ẹja. 36Ọo mbọku, a wụru whẹ mmanụ l'ishi bẹ Onye-Nwe-Ọha tụru iwu sụ tẹ ndu Ízurẹlu nụje whẹ oke anụ ono t'ọ bụru oke-iwhe, rwuberu whẹ nụ, ya abụkwaruwho ẹgube ono bẹ l'aa-nụje ụnwu whẹ shi l'ọgbo rwua l'ọgbo jeye lẹ tututu-mịmimi.\"\n37Iwu ono g'ọ ha bụ iwu, dụ lẹ ngwo-ẹja ọkpokota-iwhe-ọku mẹe ngwo-ẹja nri mẹe ngwo-ẹja iwhe-dụ-ẹji mẹe ngwo-ẹja ọkfu-ụgwo mẹe ngwo-ẹja, e gude eme madzụ t'ọ bụru onye l'agbajẹ ẹja nụ Chileke mẹe ngwo-ẹja ẹhu-guu. 38Onye-Nwe-Ọha bụ iya tụru iwu ono nụ Mósisu l'ugvu Sáyinayi mbọku ono, ọ sụru tẹ ndu Ízurẹlu wotaru yẹbe Onye-Nwe-Ọha ngwo-ẹja l'echi-ẹgu Sáyinayi.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/7","date":"2018-12-15T06:25:09Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826800.31\/warc\/CC-MAIN-20181215061532-20181215083532-00086.warc.gz","language":"eza","language_score":1.0000044107,"language_script":"Latn","minhash_cluster_size":1,"top_langs":"{\"eza_Latn_score\": 1.0000044107437134}","num_words":974,"character_repetition_ratio":0.101,"word_repetition_ratio":0.023,"special_characters_ratio":0.268,"stopwords_ratio":0.275,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 26:1\nỌnu-ọma, l'aa-gọru onye l'emeje iwhe a sụru t'o mee\n1\"T'ọ bọ dụkwa agwa, unu l'e-meta doberu onwunu; t'unu be edobekwa ntẹkpe, a pyịru apyị m'ọ bụ ẹwhuru gvuru egvuru g'ọo itso m'ọ bụ ẹwhuru, a pyịru apyị l'alị unu abarụ iya ẹja. Ọo Mu bụ Onye-Nwe-Ọha bụru Chileke unu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/26\/1","date":"2018-12-09T22:22:53Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823183.3\/warc\/CC-MAIN-20181209210843-20181209232843-00487.warc.gz","language":"eza","language_score":0.9999500513,"language_script":"Latn","minhash_cluster_size":1,"top_langs":"{\"eza_Latn_score\": 0.9999500513076782}","num_words":50,"character_repetition_ratio":0.08,"word_repetition_ratio":0.0,"special_characters_ratio":0.274,"stopwords_ratio":0.22,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 12:14\n14Onye-Nwe-Ọha sụ Mósisu: \"Ọ -bụ lẹ nna nwanyị-a vụru ọnu-mini koo ya l'iwhu, ?iwhere iya g'ekwee t'ọ fụta afụta jeye abalị ẹsaa? Nwuru iya ye l'azụ ẹka ono, ndu Ízurẹlu kpọru ụlo-ẹkwa ebubu whẹ gbaburu iya ye t'ọ nọo ujiku ẹsaa; ọ -nọ-gelewho ujiku ẹsaa ono e dufutawhu iya azụ.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/12\/14","date":"2018-12-18T13:23:35Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829399.59\/warc\/CC-MAIN-20181218123521-20181218145521-00537.warc.gz","language":"eza","language_score":0.9999557734,"language_script":"Latn","minhash_cluster_size":1,"top_langs":"{\"eza_Latn_score\": 0.9999557733535767}","num_words":51,"character_repetition_ratio":0.035,"word_repetition_ratio":0.0,"special_characters_ratio":0.275,"stopwords_ratio":0.255,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 31\nJékọpu gbarụ ọso l'ibe Lebanu\n1O noo ya, a nọnyaa, Jékọpu nụlahaa l'ụnwu Lebanu l'ata nwinwinwi, l'ọ tụkowaru iwhe nna whẹ nweru chịtakota. L'iwhe lile ono, o nweru bẹ bụ l'ẹku nna whẹ b'o shikota. 2Jékọpu bya awhụ l'ọ tọ bụdu gẹ Lebanu shihawa emeru iya umere bẹ l'oomekwadu iya.\n3Ọo ya bụ, Onye-Nwe-Ọha sụ Jékọpu: \"Tụgburu lashia alị nna ghu whẹ; lakfu ndibe unu; lẹ mu l'a-nọ-ọ swiru ghu.\"\n4Tọ dụ iya bụ, Jékọpu zhia t'e je ekuaru iya Réchẹlu yẹle Lii tẹ whẹ byakfuta iya l'ẹgu ẹka l'ooche élwù iya. 5Ọ sụ whẹ: \"Mu whụwaru l'ọ tọ bụhedu gẹ nna unu shihawa emeru mu umere bẹ l'oomekwadu iya. Ọle Chileke nke nna mu whẹ bẹ swilekwaru mu-a g'o swiru mu. 6Unu l'ẹhu l'ẹhu makọtaru lẹ mu gude ike mu g'ọ ha jeeru nna unu ozhi. 7E megee nna unu kputale mu-a, gbanwee aswa ozhi mu ugbo iri. Ọle Chileke te ekwedu ọwhu o merwuru mu ẹhu. 8Ọobuje ọ -sụ l'ọo élwù ọwhu tụkashiru iwhe l'ẹhu l'a-bụ aswa ozhi mu; élwù ono awata ọnwushi ụnwu, tụkashiru iwhe l'ẹhu. Nteke bụ l'ọ sụru l'ọo élwù ọwhu dengashiru iwhe l'ẹhu l'a-bụ aswa ozhi mu; élwù ono awata ọnwushi ụnwu, dengashiru iwhe l'ẹhu. 9Ọo ya bụ, l'ọo Chileke l'onwiya bẹ rwutaru élwù nnajị unu nụ mụbe Jékọpu.\n10\"Nteke anụ l'agbajẹ okee bẹ mu rọjeru nrọ whụ lẹ mkpi, l'eshikaa élwù ono bẹ ụwhodu dengashiru iwhe l'ẹhu; ụwhodu tụkashia iwhe l'ẹhu. 11Ojozhi-imigwe, shi l'ẹka Chileke kua mu oku lẹ nrọ ono sụ mu: 'Jékọpu' Mu za iya: 'Owee!' 12Ọ sụ: 'Paliadawho ẹnya apali whụ lẹ mkpi ono, l'eshikaa élwù ono bẹ dengashiru iwhe l'ẹhu; ụwhodu tụkashia iwhe l'ẹhu. Iwhe o gude dụ nno bụ lẹ mu whụwaru iwhe Lebanu l'eme ghu. 13Ọo mbẹdua bụ Chileke ono, byakfutaru ghu lẹ Bẹtelu; ẹka ono, ị wụru mmanụ l'eli ẹwhuru, mbụ ẹka ono, ị nọdu kwee mụbe Chileke ụkwa. Gbalihukwa ntaantaa lụfu l'alị-a; lashia alị ẹka a nwụru ghu.' \"\n14Tọ dụ iya bụ, Réchẹlu yẹle Lii bya eyeeru Jékọpu ọnu sụ iya: \"?O nwekwaduru iwhe ẹka anyi dụ l'ibe nnajị anyi? 15Nnajị anyi wookwaru anyi g'ọo ndu ọha ọdo. Ọ tọ bụlekwaa l'o reru anyi erere; o regeekwaru aswa, a kwarụ iya l'ishi anyi g'ọ ha. 16Iwhe doru anyi ẹnya bụ l'ẹku ono, Chileke natarụ nnajị anyi ono bụkotawaa nke anyi, bụru nke ụnwu anyi. Ị mazhiwaru iwhe ono, Chileke sụru ghu t'i mee; mee ya.\"\n17Ọo ya bụ, Jékọpu bya ajịkobe ye ụnwu iya mẹe unyomu iya l'eli ịnya-kamẹlu. 18Ọ bya achịtakota élwù iya g'ọ ha mẹe ẹku lile, ọ kpatarụ lẹ Padanu Arámu, ọ bụru iya ọla ibe nna iya, bụ Áyiziku l'alị Kenanu.\n19Lebanu bẹ jeruro ogheshi atụru iya ọza. Réchẹlu geta lẹ nna iya ta anọdu iya, o zhita ọgvu ibe nna iya ono kpakfụru. 20Ọwhube Jékọpu bẹ gbagburu Lebanu onye Arámu ono l'akọ nkele o to kfuduru iya lẹ ya l'abya agbala. 21Ọ chịta iwhe lile o nweru gbalaa. Ọ dafụlewho azụ ẹnyimu Yufurétisu, o chebe ụzo alị ugvu ugvu Giledu.\nLebanu chịpyaberu Jékọpu\n22O be abalị ẹto, whẹ lụfuru, e je ekfuru Lebanu lẹ Jékọpu whẹ gbalaakwaru. 23Lebanu chịta ndibe whẹ, chịpyabe Jékọpu whẹ, chịa whẹ ọso abalị ẹsaa, bya agbakfu whẹ l'alị ugvu ugvu Giledu. 24Chileke byakfuta Lebanu, onye Arámu ono lẹ nrọ l'ẹnyashi iya sụ iya: \"Kwabẹkwaru onwoghu ẹnya. Ba adụbukwaa iwhe l'ii-kfuru yeru Jékọpu. Be ekfukwa mma; gụ eje ekfu njọ!\"\n25Tọ dụ iya bụ, Lebanu bya agbakfu Jékọpu. Nteke ono bẹ Jékọpu kpọbewaru ụlo-ẹkwa iya l'alị ugvu ugvu Giledu ono. Lebanu yẹle ndibe whẹ bya akwaa okpu l'ẹka onokwawho. 26Lebanu sụ Jékọpu: \"?Ọo gụnu b'i meru nno? ?Ndẹnu g'o gude ị ghọoru mu ụgho chịta ụnwada mu g'ọo ndu a lwụtaru l'ọgu tụgbushia? 27?Ọo gụnu meru i gude ụgho pyota onwoghu epyota? ?Ọo gụnu kparụ tii kfuru mu iya nke ọwhu mu gege egude ẹhu-ụtso, gude egvu mẹe nkwa yẹle une dua unu t'unu laa? 28Tii kabẹ haa tẹ mu tsutsua ụnwu nwanwa mu whẹ ọnu mẹe ụnwada mu whẹ sụ whẹ tẹ whẹ tọkwa ẹhu. I mekwaru umere onye eswe. 29Mu gege emekwaru goshi ghu, ọ tọ bụwa lẹ Chileke nke nna ghu byakfutaru mu l'ẹnyashi chi sahụru bụru ntanụ bya asụ mu, tẹ mu kwabẹkwaru onwomu ẹnya. T'ọ bọ dụkwa iwhe mu l'e-kfuru yeru gụbe Jékọpu, mbụ tẹ mu be ekfukwa mma; mu eje ekfu njọ. 30Ishi alụfu, ị lụfuru bụnu l'eghoro ibe nna ghu dụwaa ghu. Ọle ọbu, ?Ọo gụnu meru i zhita ọgvu, l'eche mu lẹ ndibe mu ẹhu?\"\n31Jékọpu sụ Lebanu: \"Ọ kwa egvu bẹ mu l'atsụ nkele mu rịru l'ịi-nata mu ụnwada ghu l'ọkpehu mẹ mu kfuru ghu lẹ mu l'alawaa. 32Onye ị whụru ọgvu ghu l'ẹka bẹ l'��te anọdukwa ndzụ. Nọdu l'iwhu ndibe anyi tụa ẹka l'iwhe bụ nkeghu, mu gude; ọwhu bụ iya nkeghu gụ ewota iya.\" Jékọpu ta amarọo l'ọo Réchẹlu bẹ zhitaru ọgvu ono.\n33Ọo ya bụ, Lebanu kpuba l'ụlo-ẹkwa Jékọpu mẹe l'ụlo-ẹkwa nke Lii mẹe lẹ nke ụnwanyi labọ ono, l'ejeru whẹ ozhi l'ụlo je achọkota iya, tọ dụ iwhe ọ whụru. Nteke ọ lụfutaru l'ụlo-ẹkwa Lii, o kpuba l'ụlo-ẹkwa nke Réchẹlu. 34Réchẹlu bẹ woru ọgvu ono nwua l'iwhe l'aanọduje anọdu l'eli ịnya-kamẹlu, nọpyabe iya l'eli. Lebanu tụko iwhe dụ l'ụlo-ẹkwa ono vọkashikota; tọ dụ iwhe ọ whụru.\n35Réchẹlu sụ nna iya: \"Nna; t'ẹhu be eghukwa ghu eghu lẹ mu ta agbashidu agbashi g'ị byarụ; l'ọ kwa nsọ nwanyị bẹ mu l'iya l'eme.\" O kwe iya, bya achọo ọgvu ono nta chọo imo, t'ọ whụ iya.\n36Ẹhu wata oghu Jékọpu eghu; ọ sụ Lebanu: \"Ndẹe ẹka mu meru ghu ẹji? ?Ọo njọ gụnu bẹ mu meru kparụ g'o gude l'ịichi mu kpakekpake nno? 37Ntaa g'ị tụkowaa iwhe mu nwe vọkashikota, ?ọo gụnu b'ị whụru, bụ iwhe ghu dụ iya nụ? Wofuta iya l'iwhu ndibe anyi mẹe ndibe nkunu; tẹ whẹ buaru anyi labọ ikpe.\n38\"Mu lẹ ghu buwaru ụkporo awha gberegede; atụru ghu yẹle eghu ghu ta adụ ọwhu whejeru nwa; mu ta akpajẹ ọnu l'anụ ebyila, shi l'atụru ibe ghu; 39mu te eshije eshishi palataru ghu iwhe-edobe ghu, anụ-ẹgbudu dzugburu. ?Tọo chidua mbẹdua bẹ iyi l'agbẹjee nụ yita? Gẹ l'ọoburu, o nweru ọwhu oshi zhiru l'eswe m'ọ bụ l'ẹnyashi, gụ asụ tẹ mu kfụa ghu ụgwo iya. 40Leeda iwhe mụbe Jékọpu jeru ejeje. Anwụ shi egheje mu eghe l'eswe; oyi shi anụje mu awhụ l'ẹnyashi; mgbẹnya te eshitaje mu ụzo ẹnya eshita owhu. 41O noo gẹ mu nọdu jee ya ụkporo awha ono, mu bukotaru l'ibe ghu. Mu jeru ghu ozhi awha iri l'ẹno l'ishi ụnwada ghu; cheeru ghu élwù awha ishii. I mekota mu jiwhujiwhu ugbo iri l'ụgwo, ị gege akfụ mu. 42Nggẹ lẹ Chileke nke nna mu Ébirihamu, mbụ Chileke ono, Áyiziku l'atsụ egvu ta anọdu swiru mụbe Jékọpu mẹ gụ agbabẹ mu ẹka ọto nwufu mu. Ọle Chileke whụru iwhe-ọtsulanu, mu jeru mẹe anya, mu segbaberu, meru g'o gude ọ baarụ ghu mba l'ẹnyashi ụnyawhu.\"\n43Lebanu sụ Jékọpu: \"Ụnwanyi-a bụkwa ụnwada mu; ụnwegirima-a bụru ụnwegirima mu; élwù-a bụru élwù mu. Iwhe lile-e, ị whụru bụkotakwa nkemu. ?Ọo gụnu bẹ bụ mu mee ya; mu eje emekata ụnwada mu-a mẹe ụnwegirima-a, whẹ nwụshiru? 44Ngwa, bya tẹ mu lẹ ghu gbaa ndzụ t'ọ bụru iwhe l'a-nọ agba mu lẹ ghu ẹka-ebe.\"\n45Ọo ya bụ, Jékọpu bya apata ẹwhuru dobe, o gvuru g'ọo itso. 46Ọ sụ ndibe iya tẹ whẹ pakọo ẹwhuru. Whẹ bya apakọo ẹwhuru kụbe; ọ bụru ikpo ẹwhuru. Whẹ nọdu lẹ mgboro ikpo ẹwhuru ono ria nri. 47Lebanu kua ẹka ono Jega Sahaduta.+ Jékọpu kua ya Giledu.+\n48Lebanu sụ: \"Ikpo ẹwhuru-a bẹ l'agba mu lẹ ghu ẹka-ebe ntanụ\" O noo iwhe kparụ iwhe a gụru iya Giledu. 49Ẹwha ọdo, l'eeku iya bụ Mizupa,+ o noo nkele ọ sụru: \"Tẹ Onye-Nwe-Ọha kpakọkwa anyi cheje nche mẹ anyi gbakashịhu-gee; t'ọ dụhe onye l'awhụ ibe iya ẹnya. 50I -mee ụnwada mu ẹji, ọ dụa l'i je -alụa ụnwanyi ọdo, t'a agụfu whẹbedua, a makwarụ-a l'ẹte onwedu onye, anyi l'iya tụko nọdu l'ẹka-a, ọle nyatakwa lẹ Chileke bụ onye ẹka-ebe mu lẹ ghu.\"\n51Lebanu sụkwawho Jékọpu: \"Lee ikpo ẹwhuru-a yẹle itso-ẹwhuru-a, mu kpọberu t'ọ nọkahu mu lẹ ghu l'echi. 52Ikpo ẹwhuru-a bụ iwhe l'agba ẹka-ebe; itso ẹwhuru-a bụkwaruwho iwhe l'agba ẹka-ebe lẹ mu ta abyadụ l'a-kpọghata iya bya ẹka iya nkeghu bya emekata ghu. Gụbedua ta abyakwawhọ l'a-kpọghata ikpo ẹwhuru ono mẹe itso ẹwhuru ono bya ẹka iya nkemu bya emekata mu. 53Tẹ Chileke nke Ébirihamu mẹe Chileke nke Nahọ, mbụ Chileke nke nna whẹ kpee mu lẹ ghu ikpe.\"\nỌo ya bụ: Jékọpu bya egude ẹwha Chileke ono, nna iya, bụ Áyiziku l'atsụ egvu ribuaru iya nte. 54Jékọpu gbaa ẹja l'ugvu ono, bya ezhia ndu gẹ whẹ ha bụru tẹ whẹ bya eria nri, e gude mee nke ẹja ono. Whẹ rigee nri ono, whẹ radụwaro l'ẹka ono l'ẹnyashi ono.\n55L'ọnma-ẹwa ụtsu iya, Lebanu bya etsutsua ụnwu nwanwa iya ono ọnu mẹe ụnwada iya ono; gọru ọnu-ọma nụ whẹ; dakọbe lashia ibe iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/31","date":"2018-12-10T06:54:43Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823318.33\/warc\/CC-MAIN-20181210055518-20181210081018-00012.warc.gz","language":"eza","language_score":1.0000085831,"language_script":"Latn","minhash_cluster_size":1,"top_langs":"{\"eza_Latn_score\": 1.0000085830688477}","num_words":1480,"character_repetition_ratio":0.043,"word_repetition_ratio":0.003,"special_characters_ratio":0.254,"stopwords_ratio":0.284,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 14:9\n9Ịnya Fero mẹe ụgbo-ịnya iya mẹe ndu l'agba iya nụ mẹe ikpoto ndu ojọgu iya, mbụ ndu Íjiputu l'owhu chịpyabe ndu Ízurẹlu ono je agbakfu whẹ l'ẹka whẹ kpọberu ụlo-ẹkwa whẹ l'agụga eze-ẹnyimu; mbụ lẹ mgboro Pyi-hahirotu, bụ ẹka gharụ iwhu nhamụnha lẹ Bálu-zefonu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/14\/9","date":"2018-12-12T04:48:56Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823738.9\/warc\/CC-MAIN-20181212044022-20181212065522-00581.warc.gz","language":"eza","language_score":1.0000088215,"language_script":"Latn","minhash_cluster_size":1,"top_langs":"{\"eza_Latn_score\": 1.0000088214874268}","num_words":45,"character_repetition_ratio":0.0,"word_repetition_ratio":0.0,"special_characters_ratio":0.232,"stopwords_ratio":0.378,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 31\nBezalẹlu yẹle Oholiyabu\n1O noo ya, Onye-Nwe-Ọha sụ Mósisu: 2\"Lekwa, lẹ mu họtawaru Bezalẹlu nwa Uri mbụ nwanwa Họru, onye ikfu Juda, 3bya emewaa, t'ume mụbe Chileke ji iya ẹhu, nke ọwhu l'ọo-bụru onye marụ mmamagụ, bụru onye kwarụ ẹnya, ya abụru onye iwhe l'edoje ẹnya ree l'ụzo ome nka, dụ l'iche l'iche; 4t'ọ marụ gẹ l'ee-shije gude mkpọla-ododo yẹle mkpọla-ọcha mẹe ope ememashi iwhe ememashi; 5makwarụwho gẹ l'aawajẹ ẹwhuru, l'ere ire mẹe gẹ l'aawụje mkpọla-ododo l'ogboromọnu iya; bya amakwarụwho gẹ l'aapyịje iwhe apyịpyi mẹwaroo gẹ l'eeshije eme nka ọdo, dụ l'iche l'iche. 6Sụa, mu họtafukwaaruwho Oholiyabu nwa Ahisamaku, onye ikfu Danu t'o yeru iya ẹka, bya anụkotakwawho ndu marụ ome nka gẹ whẹ ha ike tẹ whẹ mekota iwhe lile, mu sụru t'unu mee, 7bụ iya bụ, Ụlo-ẹkwa-ndzuko mẹe Igbe Iwu yẹle okfu igbe ono, l'aanọduje akfụ ụgwo iwhe-dụ-ẹji mẹwaro iwhe lile ọdo, l'eegudeje eje ozhi l'ime ụlo-ẹkwa ono; 8mbụ teburu yẹle arya, dụkota iya nụ mẹe iwhe l'aadọbeje oryọku, e meru l'ọkpobe mkpọla-ododo yẹle ngwa iya g'ọ ha mẹe ẹnya-mgbẹja ụ̀nwù-isẹnsu, 9mẹe ẹnya-mgbẹja ọkpokota-iwhe-ọku yẹle ngwa, nọkota iya nụ mẹe eze efere yẹle ọkpa iya, 10mẹe uwe, a kparụ akpakpa, mbụ uwe, dụ nsọ, Érọnu, bụ onye l'agbajẹ ẹja nụ Chileke l'e-yeje yẹle uwe, ụnwu iya l'e-yeje gude eje ozhi nke ndu l'agbajẹ ẹja nụ Chileke; 11mẹe mmanụ ọowu l'ishi mẹe ụ̀nwù-isẹnsu, l'eshi kwẹkwekwe nke Ẹka-dụ-nsọ. Iwhe dụle iya whọ bụ tẹ whẹ mee ya gẹ mu sụru ghu t'e mee ya.\"\nMbọku-ọtuta-ume, bụ Sabatụ\n12O noo ya, Onye-Nwe-Ọha sụ Mósisu: 13\"Kfuru ndu Ízurẹlu tẹ whẹ dobeje mbọku-ọtuta-ume nke mụbe Onye-Nwe-Ọha. Nkele ọo-bụru iwhe-ọhubama, l'a-nọdu l'echilabọ mu l'unu shi l'ọgbo rwua ọgbo. Ọo ya bụ nggẹ unu amarụ l'ọo Mu bụ Onye-Nwe-Ọha, bụ onye l'emeje unu t'unu dụ nsọ.\n14\"Unu dobeje mbọku-ọtuta-ume, o noo nkele mbọku ono dụru unu nsọ. Onye dosweru iya nụ, t'e gbukwaa onye ọbu egbu. Iwhe bụ onye jeru ozhi mbọku ono bẹ l'ee-kefu l'oke l'ime ụnwunna iya. 15Ọo abalị ishii bẹ unu l'e-jeje ozhi unu. Mbọku nke ẹsaa bụ mbọku Sabatụ bụ iya bụ mbọku ọtuta-ume, bụru mbọku, dụru mụbe Onye-Nwe-Ọha nsọ. Iwhe bụ onye jeru ozhi mbọku-ọtuta-ume t'e gbukwaa onye ọbu egbugbu. 16Tẹ ndu Ízurẹlu dobeje mbọku-ọtuta-ume; meje iwhe iwu mbọku ono kfuru shi l'ọgbo rwua l'ọgbo; t'ọ bụru iwhe l'a-nọdu egoshi ọgbandzu mu l'unu jeye lẹ gbururu. 17Ọo-bụru iwhe-ọhubama, l'a-dụ l'echilabọ mu lẹ ndu Ízurẹlu jeye lẹ tututu-mịmimi, o noo nkele ọo abalị ishi bẹ mụbe Onye-Nwe-Ọha gude mee igwe yẹle alị. O be lẹ mbọku nke ẹsaa, mu haa oje ozhi tụta ume.\"\n18O noo ya, Onye-Nwe-Ọha kfugelewho okfu ono yeru Mósisu l'eli ugvu Sáyinayi; o woru okpekpu ẹwhuru labọ, e deru Iwu Onye-Nwe-Ọha nụ iya. Ẹwhuru ono bụ Chileke gude mkpụshi-ẹka iya dee ya iwhe nwẹkiya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/31","date":"2018-12-13T17:59:23Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825029.40\/warc\/CC-MAIN-20181213171808-20181213193308-00342.warc.gz","language":"eza","language_score":1.0000092983,"language_script":"Latn","minhash_cluster_size":1,"top_langs":"{\"eza_Latn_score\": 1.000009298324585}","num_words":458,"character_repetition_ratio":0.067,"word_repetition_ratio":0.0,"special_characters_ratio":0.248,"stopwords_ratio":0.279,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 34\nOkpekpu Ẹwhuru nke ẹbo\n1Onye-Nwe-Ọha sụ Mósisu: \"Wata okpekpu ẹwhuru labọ ọdo t'ọ dụ g'ọo nke mbụ whọ. Mu l'e-de iya iwhe e shi dee lẹ nke mbụ whọ, ị tụjashiru. 2Kwakọbe l'ụtsu echile, nyikota ugvu Sáyinayi; bya egoshi mu onwoghu l'eli ugvu ono. 3Ba adụkwa onye gụ l'iya l'a-lị bya, tọ bọ dụkwa onye l'aa-whụ l'ugvu ono l'owhu l'owhu; ya adụkwa atụru, ọdua l'ọo eswi, l'a-nọdu l'ọkpa ugvu ono ata nri.\"\n4O noo ya, Mósisu wata okpekpu ẹwhuru labọ ọdo, dụ g'ọo nke mbụ whọ; ọ gbalihu l'ọnmewa ụtsu nyihu ugvu Sáyinayi, ẹgube Onye-Nwe-Ọha zhiru iya. Ọ parụ okpekpu ẹwhuru labọ ono l'ẹka. 5Ọo ya bụ, Onye-Nwe-Ọha nọdu l'urwukpu nyizeta, bya akfụkube Mósisu l'ẹka ono; bya agbakushi onwiya ẹwha iya ono, bụ Onye-Nwe-Ọha. 6Onye-Nwe-Ọha ghata l'iwhu Mósisu gbakushi onwiya ẹwha sụ: \"Ọo mu bụ Onye-Nwe-Ọha. Ọo mu bụ Onye-Nwe-Ọha, mbụ Chileke, l'awhụje imiko, bụru Chileke l'emeje eze-iwhe-ọma. Mu bụ onye ẹhu l'ete eghukebeje eghu ẹgwegwa, mu bụru onye n-yemobu iya nyịberu anyịbe, bụkwaruwho o-me-g'o-kfuru. 7Ụnukurunu madzụ bẹ mu l'egoshije lẹ mu yeru obu. O nokwawho gẹ mu l'agụjeru whẹ nvụ l'ejo-iwhe, whẹ meru, gụaru whẹ nvụ l'ike, whẹ kwefuru mu mẹe l'iwhe-dụ-ẹji, whẹ meru mu. Ọle mu ta ahajẹdu onye ikpe nmarụ tẹ mu ba ahụ̀ iya àhụ̀hù. Ndu l'eme iwhe-dụ-ẹji bẹ mu l'àhụ̀je àhụ̀hù iwhe-dụ-ẹji ono, whẹ l'eme hụ̀-rwua ya l'ẹka ụnwu nwanwa whẹ mẹe nwanwa-nwaranwa whẹ nọ jeye l'ọgbo nke ẹno.\"\n8Mósisu whuzetakebe iwhu l'alị nteke ono who, baarụ Onye-Nwe-Ọha ẹja. 9Ọ sụ: \"Gụbe Onye-Nwe-Ọha, ọ -bụru lẹ mu dụwa ghu l'obu ntaa, byiko tẹ gụbe Onye-Nwe-Ọha tsonuru anyi. A makwarụ-a lẹ ndu a bụnuka kpọkponyi, ọle byiko gụnuaru anyi nvụ ejo-iwhe ono, anyi l'eme mẹe nke iwhe-dụ-ẹji ono, anyi megbaberu. G'i wota anyi t'anyi bụruro oke-iwhe ghu.\"\n10Tọ dụ iya bụ, Onye-Nwe-Ọha sụ: \"Sụa, mu lẹ ghu l'a-gba ndzụ. L'atatiwhu ndu nkeghu l'owhu bẹ mu l'e-me oke iwhe dụ biribiri, mbụ ụdu iwhe l'ete emebua l'eliwhe l'owhu; to meje lẹ mba gẹ mba ha. Ndu ono, unu lẹ whẹ bukota ẹghirigha bẹ l'a-whụ g'iwhe, mụbe Onye-Nwe-Ọha meru dụ-be egvu. 11Unu ngabẹ nchị mee iwu-a, mu l'atụru unu ntanụ. Sụa mu l'a-chịfuru unu ndu Amọru mẹe ndu Kenanu mẹe ndu Hetu mẹe ndu Pẹ́rezu mẹe ndu Hevu mẹe ndu Jebusu. 12Ọo zhiawho t'unu kwabẹru onwunu ẹnya t'unu lẹ ndu bu l'alị ono, unu l'ala ba agba ndzụ, ọdua bẹ whẹ l'e-megekwaa bụru ọnya nmata unu. 13Unu mebyishia ẹnya-mgbẹja whẹ, unu etsukposhia ẹwhuru, whẹ doberu nsọ. Unu egbukwoshia itso, e doberu agwa whẹ, bụ Ashera. 14Tọ bọ dụkwa iwhe ọdo, unu l'a-bajẹru ẹja gbahazhiawho mụbe Onye-Nwe-Ọha. O noo nkele mụbe Onye-Nwe-Ọha, ẹwha mu bụ Okoowhoo bẹ bụkwa Chileke, l'ekoje okoowhoo.\n15\"Unu kwabẹkwa ẹnya t'unu lẹ ndu bu l'alị ono ba agba ndzụ. O noo nkele whẹ gwadẹlewho agwa whẹ bẹ whẹ l'e-zhikwa unu t'unu bya, unu eje eria iwhe whẹ gude gwaa agwa whẹ. 16Ọ -bụru l'unu harụ ụnwada whẹ lụtaru ụnwu unu nwoke tẹ whẹ bụru unyomu whẹ, bẹ whẹ l'e-me ụnwu unu ono, whẹ eje ekwehe nkemu; whẹ abalahaaru agwa whẹ ono ẹja.\n17\"Unu ba akpụtakwa ntẹkpe, unu l'a-nọ agwa agwa.\n18\"Unu rijekwaa oge ono, l'aatajẹ buredi, l'eete eyee iwhe l'ekoje buredi. Abalị ẹsaa bẹ unu l'a-tajẹ buredi, l'eete eyee iwhe l'ekoje buredi, ẹgube ono, mu sụru t'unu meje iya. Unu rije oge ono nteke ono, e doberu t'e rije iya l'ọnwa Abyibu, o noo nkele ọo l'ọnwa Abyibu ono bẹ unu wụfutaru l'alị Íjiputu.\n19\"Iwhe mbụ, vu ụzo waa ẹkpa-nwa bụ nke mụbe Onye-Nwe-Ọha. Iwhe bụ anụ, vugezhia ụzo fụta l'ẹwho ne iya, bụ okee bụ nkemu; mbụ eswi m'ọ bụ atụru m'ọ bụ eghu. 20Unu gudeje nwatụru gbata nkakfụ-ịgara, vu ụzo fụta l'ẹwho ne iya. Ọ -bụru l'unu ta agbatadu iya agbata, unu aswị-kwoo ya olu. Unwoke lile, bụ ọkpara unu bẹ unu l'agbatajẹ agbata.\n\"Tọ bọ dụkwa onye l'a-gbajẹ ẹka bya l'atatiwhu mu.\n21\"Abalị ishii bẹ unu l'e-jeje ozhi unu; o -rwua mbọku nke ẹsaa, unu edzua ike. Unu be ejejekwa ozhi lẹ mbọku nke ẹsaa, o beru ọ bụru nteke l'aakọbe iwhe akọbe, ọdua l'ọo nteke l'aakpata iwhe e meberu l'alị.\n22\"Ọo witi mbụ, unu vu ụzo kpata bẹ unu l'e-gudeje ria Oge-Idzu. Unu erijee oge iwhe a kpatarụ l'okfu lẹ ishi ngvụcha awha. 23Ugbo ẹto l'awha bẹ unwoke unu l'a-kpakọje gẹ whẹ ha byakọta l'atatiwhu Nnajị-Ọha, bụ Onye-Nwe-Ọha, mbụ Chileke nke Ízurẹlu. 24Mu l'a-chịshiru unu ndu mba gẹ mba ha; mee t'alị unu sabaa ọsa. Ọ tọ dụdu onye bya l'eje unu ọnata alị unu ono, nteke ono, unu l'e-jeje l'iwhu Onye-Nwe-Ọha, bụ Chileke unu ugbo ẹto l'awha.\n25\"Tọ bọ dụkwa iwhe e yeru iwhe l'ekoje buredi, unu l'e-yekobe lẹ mmee anụ, unu gude agbar��� mu ẹja.\n\"Tọ bọ dụkwa anụ, e gude gbaa ẹja oge O-je-ghata, l'aa-hajẹ t'ọ dụ fụta ụtsu.\n26\"Iwhe mbụ, vu ụzo kaa l'iwhe unu meberu l'alị bẹ unu l'e-gudeje bya l'ụlo Onye-Nwe-Ọha, bụ Chileke unu.\n\"Unu be egudejekwa mini-ẹra ne eghu shia nwa iya.\"\n27Tọ dụ iya bụ, Onye-Nwe-Ọha sụ Mósisu: \"Dee okfu ono g'ọ ha l'ẹkwo. O noo nkele ọo okfu ono bẹ mu lẹ ghu mẹe ndu Ízurẹlu gude gbaa ndzụ.\" 28Mósisu yẹle Onye-Nwe-Ọha nọo ụkporo abalị ugbo labọ l'ẹka ono; eswe l'ẹnyashi; Mósisu te eri nri, t'ọ ngụ mini. O dee okfu ọgbandzu ono bụ iya bụ iwu iri, shi l'ẹka Chileke l'eli okpekpu ẹwhuru ono.\nIwhu Mósisu l'egbu zaazaa\n29Nteke Mósisu shi l'ugvu Sáyinayi nyizeta, parụ okpekpu ẹwhuru labọ ono, e deru iwu Onye-Nwe-Ọha l'ẹka, bẹ l'ẹte ọmadua l'iwhu l'egbu iya zaazaa, eshi yẹle Onye-Nwe-Ọha shi ekfugba okfu. 30Érọnu yẹle ndu Ízurẹlu whụ g'iwhu l'egbu Mósisu zaazaa, whẹ tsụhu egvu gẹ whẹ l'eshi jekube iya ntse. 31Mósisu bya ekua whẹ oku, Érọnu mẹe ndu ishi edzudzu-ọha ono gẹ whẹ ha tụgbua jekfushia ya; Mósisu kfuru yeru whẹ. 32E megee; ndu Ízurẹlu l'owhu byakụbe iya ntse, ọ tụshikotaru whẹ iwu ono, Onye-Nwe-Ọha nụru iya l'ugvu Sáyinayi.\n33Mósisu kfugee okfu yeru whẹ, o woru ẹkwa kwechia onwiya atatiwhu. 34Ọle ọobuje, Mósisu bahụ lẹ mkpuumkpu-ẹkwa ono, Onye-Nwe-Ọha nọ tẹ yẹle iya kfugba, ya ekwefu ẹkwa ono l'atatiwhu iya jeye ya alụfuta. Ọ -lụfutalewho, ya ekfukotaru ndu Ízurẹlu iwhe e zhiru iya; 35whẹ abya awhụkwawho g'iwhu l'egbu Mósisu zaazaa. Mósisu abya ekwechiwhu ẹkwa ono azụ l'iwhu, ya dụ iya nno jeye l'oo-je tẹ yẹle Onye-Nwe-Ọha kfugbabe.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/34","date":"2018-12-09T22:29:15Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823183.3\/warc\/CC-MAIN-20181209210843-20181209232843-00505.warc.gz","language":"eza","language_score":1.0000098944,"language_script":"Latn","minhash_cluster_size":1,"top_langs":"{\"eza_Latn_score\": 1.0000098943710327}","num_words":1041,"character_repetition_ratio":0.065,"word_repetition_ratio":0.0,"special_characters_ratio":0.258,"stopwords_ratio":0.303,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 38\nẸnya-mgbẹja ọkpokota-iwhe-ọku\n1O gude oshi akeshiya kụa ẹnya-mgbẹja. Eli iya dụ nji-ẹka ẹto. Ogologo iya yẹle ọsa iya hakọta ishi nhakọ. Iwhe ọ dụ-gee bụ nji-ẹka ise ise. 2Ọ kpụru mpu yekota l'agụga iya whẹ ẹno. O mee; mpu ono yẹle ẹnya-mgbẹja ono gbaa mgba lanụ. O bya eworu ope rwụa ya. 3O gude ope meshia arya lile, l'ee-gudeje eje ozhi l'ẹnya-mgbẹja ono bụ iya bụ ite okpo ntụ mẹe eku mẹe eze efere mẹe oleji mẹe mbeji, l'ee-gudeje agụ ọku. 4O gude ope kpaa iwhe dụ nggarafu nggarafu g'ọo ụgbu, nweru mgburẹku ẹno, gude iya kwechia ụzo alị mgburẹku ẹnya-mgbẹja ono. O shi l'echilabọ iya kwechia ya jeye l'eli iya. 5O gude ope kpụa echi ẹno rwapyabẹ-gee lẹ mgburẹku iwhe ono, dụ nggarafu nggarafu g'ọo ụgbu ono, e meru l'ope; t'ọ bụru ẹnya ẹka l'ee-pyokafuje mkpara, l'ee-gudeje apa ẹnya-mgbẹja ono. 6O gude oshi akeshiya pyịta mkpara labọ, rwụa ya ope, 7woru mkpara ono pyokafu l'ẹnya echi ono ibẹka ibẹbo. Mkpara ono whẹ ẹbo l'a-nọdu-gejee lẹ mgburẹku ẹnya-mgbẹja ono whẹ labọ mẹe l'aapa iya. O meru ẹnya-mgbẹja ono, ụzo dụ iya l'echi; ọ bụru ibiribe oshi b'o gude mee ya.\nEze efere\n8O gude ope mee eze efere yẹle ọkpa iya. Ope ono, o gude mee ya shi l'onyo ụnwanyi, l'anọje eje ozhi l'ọnu Ụlo-ẹkwa-ndzuko.\nỌma-Ogboduwhu\n9Ọ bya emeeru mkpuumkpu-ẹkwa ono ọma-ogboduwhu. O gude ẹkwa ọcha, a kparụ ree kwee ẹkwa, dụ ụkporo nji-ẹka ugbo ise l'ogologo; t'e gude gebuta ụzo ọhuda ọma-ogboduwhu ono. 10O gude ope meta itso ụkporo, l'aa-kpọbe iya yẹle ẹnya ẹka l'aa-kpọbekota itso ono, bya egude mkpọla-ọcha meshia iwhe nweru ukoloba, l'ee-gude kobe ẹkwa ono l'itso ono yẹle iwhe l'ee-swebegee l'itso ono. 11Ụzo isheli iya bụkwawho ẹkwa, dụ ụkporo nji-ẹka ise l'ogologo b'e kweru; gude gebuta iya. Itso, l'aa-kpọbe l'ụzo isheli ono bẹ dụ ụkporo; ẹnya ẹka l'aa-kpọbe itso ono dụkwawho ụkporo. Ọ bụru ope b'e gude mekota iya, gude mkpọla-ọcha meshia iwhe ono, nweru ukoloba, l'ee-gude kobe ẹkwa ono l'itso ono yẹle iwhe ono, l'ee-swebegee l'itso ono.\n12A bya l'ọsa ọma-ogboduwhu ono l'ụzo ẹnyanwu-arịba; ọ bụru ẹkwa, dụ ụkporo nji-ẹka ugbo labọ lẹ nji-ẹka iri l'ogologo b'e kweru, gude gebuta iya. Ọ bya emeta itso iri, l'aa-kpọbe l'ụzo ẹnyanwu-arịba ono, meta ẹnya ẹka l'aa-kpọbe-gee itso ono uzhi iri. Ọ bya egude mkpọla-ọcha meshia iwhe nweru ukoloba, l'ee-gude kobe ẹkwa ono l'itso ono yẹle iwhe l'ee-swebegee l'itso ono. 13Ọsa ọma-ogboduwhu ono l'ụzo ẹnyanwu-awata iya dụkwawho ụkporo nji-ẹka ugbo labọ lẹ nji-ẹka iri l'ogologo. 14Ọ bya ekwee ẹkwa, dụ nji-ẹka iri l'ise l'ogologo t'e gude gebuta mgburẹku ọnu-abata ọma-ogboduwhu ono ibẹka lanụ. Itso, l'aa-kpọbe iya dụ ẹto; ẹnya ẹka l'aa-kpọbe-gee itso ono dụkwawho ẹto. 15A bya lẹ mgburẹku ọnu-abata ọma-ogboduwhu ono ibe iya ọwhua, ọ bụkwaruwho ẹkwa, dụ nji-ẹka iri l'ise l'ogologo b'o kweru t'e gude gebuta iya. Itso, l'aa-kpọbe iya dụ ẹto; ẹnya ẹka l'aa-kpọbe-gee itso ono dụkwawho ẹto.\n16Ẹkwa lile, l'ee-gude gebuta ọma-ogboduwhu ono mgburumgburu bụkota ọkpobe ẹkwa ọcha, a kparụ ọ dụ ree. 17Ẹnya ẹka l'aa-kpọbe-gee itso, e gude akpọ-wheta ọma-ogboduwhu ono mgburumgburu bụ ope bẹ whẹ gude meshia ya. Iwhe nweru ukoloba, l'ee-gude kobe ẹkwa ono l'itso ono yẹle iwhe l'ee-swebegee l'itso ono bụru mkpọla-ọcha b'e gude meshia iya. Ishi itso ono b'a rwụru mkpọla-ọcha. Iwhe l'ee-swebegee l'itso ono, l'ee-gude kpọ-wheta ọma-ogboduwhu ono mgburumgburu bụru mkpọla-ọcha b'e gude meshia ya. 18Ọo oghu, dụ urwukpu-urwukpu mẹe oghu ododo mẹe nke uswe-uswe yẹle ọkpobe ẹkwa ọcha, a kparụ ọ dụ ree b'e gude kwee ẹkwa, dụ nji-ẹka ụkporo l'ogologo, t'e gude gebuta ọnu-abata ọma-ogboduwhu ono; ọ bụru ẹka ọrwu onye marụ odengashi iwhe edengashi b'ọ bụ. 19Ọnu-abata ọma-ogboduwhu ono b'e metaru itso ẹno yẹle ẹnya ẹka l'aa-kpọbe-gee itso ono uzhi ẹno. Iwhe nweru ukoloba, l'ee-gude kobe ẹkwa ono l'itso ono mẹe iwhe l'ee-swebegee l'itso ono b'e mekotaru lẹ mkpọla-ọcha. E gudekwawho mkpọla-ọcha rwụkota l'eli itso ono. 20Iwhe bụ abara, l'ee-libe eri mkpuumkpu-ẹkwa ono mẹe nke ọma-ogboduwhu ono bụ ope b'e gude mekota iya.\nIwhe e gude je ozhi\n21Ọ waa mkpakọ iwhe e gude mee mkpuumkpu-ẹkwa ono bụ iya bụ mkpuumkpu-ẹkwa Iwu ono. Ọo Mósisu sụru tẹ o-shi-l'ẹpa Lívayi dekota iwhe lile ono l'ẹkwo. Onye ishi whẹ bụ Itama nwa Érọnu, bụ onye l'agbajẹ ẹja nụ Chileke. 22Bezalẹlu nwa Uri, bụ nwanwa Họru, bụ o-shi l'ikfu Juda mekotaru iwhe lile Onye-Nwe-Ọha tụru Mósisu l'iwu t'e mee. 23Onye yẹle iya gba mgba mee ya bụ Oholiyabu nwa Ahisamaku, o-shi l'ikfu Danu; ọ bụ onye l'eeme nka, bụru onye marụ omemashi iwhe ememashi; tẹmenu ọ makwarụwho gẹ l'eegudeje oghu, dụ urwukpu-urwukpu mẹe oghu ododo mẹe nke uswe-uswe yẹle ọkpobe ẹkwa ọcha, a kparụ ọ dụ ree edengashi iwhe edengashi. 24Mkpọla-ododo, a tụtaru lẹ ngwo-ẹja-amama, a nụru t'e gude mee nke ụlo-nsọ ono bẹ dụkota ụkporo talẹntu lẹ talẹntu tete; ọwaa ụnu shẹkelu l'ụkporo shẹkelu iri l'ishii lẹ shẹkelu tete. Ẹrwa mkpọla-ododo ono bẹ yẹle shẹkelu ụlo-nsọ ha ẹnya nhamụnha. 25Mkpọla-ọcha, ndu a gụru ọgu tụtaru nteke ono, a gụru ndu Ízurẹlu ọgu bẹ ẹrwa iya dụ ụkporo talẹntu ise; ọwaa ụnu shẹkelu ẹno l'ụkporo shẹkelu ẹsato lẹ shẹkelu iri l'ise. Ẹrwa mkpọla-ọcha ono bẹ yẹle shẹkelu ụlo-nsọ ha ẹnya nhamụnha. 26Iwhe mkpọla-ọcha ono gbarụ whẹ l'ẹhu l'ẹhu bụ nkere shẹkelu labọ. Ẹrwa mkpọla-ọcha ono bẹ yẹle shẹkelu ụlo-nsọ hakọta ẹnya nhamụnha. Ndu a gụru ọgu nteke ono, a gụru ndu Ízurẹlu ọgu ono bụ wata l'unwoke gbarụ ụkporo awha tụgbushia. Iwhe whẹ dụkota bụ ụkporo ụnu madzụ ugbo ụkporo ẹto l'ụkporo ụnu ụzo iri l'ise; l'ụnu madzụ ẹsato l'ụkporo madzụ iri l'ẹsaa l'ụmadzu iri. 27Ọo mkpọla-ọcha, ẹrwa iya dụ ụkporo talẹntu ugbo ise b'e gude kpụshia ẹnya ẹka l'aa-kpọbe-gee ọkpa mgbo ono, l'ee-gude kụ-chia mkpuumkpu-ẹkwa ono uzhi ụkporo ugbo ise. Ọ bụru mkpọla-ọcha, ẹrwa iya dụ talẹntu lanụ b'e gude kpụa ẹnya lanụ. 28E gude mkpọla-ọcha, ẹrwa iya dụ ụnu shẹkelu ugbo ẹno l'ụkporo shẹkelu ẹsato lẹ shẹkelu iri l'ise kpụshia iwhe nweru ukoloba, l'ee-gude kobe ẹkwa ono l'itso ono; gudekwawhọ mkpọla-ọcha ono rwụkota l'ishi itso ono, bya egude iya meshia iwhe l'ee-swebegee l'itso ono. 29Ope, a tụtaru lẹ ngwo-ẹja-amama ono bẹ ẹrwa iya dụ nụ dụ ụkporo talẹntu ugbo ẹto lẹ talẹntu iri, ọwaa ụnu shẹkelu ishii. 30E gude iya kpụshia ẹnya ẹka l'aa-kpọbe-gee itso ọnu-abata Ụlo-ẹkwa-ndzuko ono, bya egudekwa iya whọ kpụshia ẹnya-mgbẹja ono, bụ ẹka l'aa-gbajẹ ẹja ọkpokota-iwhe-ọku yẹle iwhe ono, dụ-gee nggarafu nggarafu g'ọo ụgbu ono mẹe arya, l'a-dụje l'ẹnya-mgbẹja ono g'ọ ha. 31Whẹ gudekwa iya whọ kpụshia ẹnya ẹka l'aa-kpọbe-gee itso, l'ee-gude kpọ-wheta ọma-ogboduwhu ono mẹkwawho nke ọnu-abata iya yẹle abara, l'ee-libegee eri mkpuumkpu-ẹkwa ono mẹe nke ọma-ogboduwhu iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/38","date":"2018-12-11T09:30:39Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823614.22\/warc\/CC-MAIN-20181211083052-20181211104552-00349.warc.gz","language":"eza","language_score":0.9999293089,"language_script":"Latn","minhash_cluster_size":1,"top_langs":"{\"eza_Latn_score\": 0.9999293088912964}","num_words":1078,"character_repetition_ratio":0.097,"word_repetition_ratio":0.045,"special_characters_ratio":0.237,"stopwords_ratio":0.267,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 21\nNdu Híburu, a gbarụ ohu\n1\"Ọ waa bụ iwhe l'ịi-tọru whẹ ọkpa iya tẹ whẹ meje:\n2\"Ọ -bụru l'ị gbarụ onye Híburu ohu, iwhe l'oo-jeru ghu ozhi bụ awha ishii. O -belewho lẹ nke ẹsaa, ya enweru onwiya; ya adụ ụgwo, l'aa-kfụ l'ishi iya. 3Ọ -bụru l'ọ byarụ ibe ghu nkụnyi iya; ya alashia nkụnyi iya. Ọ -bụru l'ọolu nwanyị nteke ọ byarụ, nyee ya etsoru iya lashia. 4Ọ -bụru lẹ nna-iya-ukfu lụru iya nwanyị, ọ nwụtaru iya ụnwegirima, nyee ya ono yẹle ụnwegirima iya ono l'a-tụko bụru nke nna-iya-ukfu ono. Nwoke ono agbarụ ẹka lashia nwẹkiya.\n5\"Ọle ọ -bụru l'ohu ono bẹ kfujaru iya ekfuja sụ lẹ ya yeru nna-iya-ukfu obu, ye nwanyị, ono, l'ọolu obu mẹe ụnwegirima iya, ya ta achọ tẹ ya lashia je enweru onwiya, 6t'onye nna-iya-ukfu duta iya je l'iwhu ndu ikpe. Ya eduru iya je l'ọnu-mgbo m'ọ bụ l'ọkpa-mgbo gude aga kpofua ya nchị. Ya abụru ohu iya jeye gẹ l'ọo-nọ-beru.\n7\"Ọ -bụru lẹ nwoke bẹ reru nwa iya nwanyị t'ọ bụru ohu, ta aba ahakwa iya t'ọ lashia gẹ l'aahajẹ ndu ọwhu bụ ohu l'unwoke whẹ alashia. 8Ọ -bụru l'e reru iya onye l'arị lẹ ya l'alụ iya, a nọnyaa t'ọ dụhe iya ree t'ọ hakwaa t'a gbata nwamgbọko ono agbata. Ọ tọ gbakwa tẹ nna-iya-ukfu ono ree ya ndu ọha-ọdo nkele o to meduru ohu iya ono iwhe o kweru iya l'ụkwa. 9Ọ -bụru l'ọo nwa iya nwoke b'ọ gbarụ iya doberu, t'o mejekwa nwamgbọko ono g'ọ bụ nwa iya nwanyị. 10Ọ -bụru lẹ nwoke ono bẹ lụru nwanyị ọdo, t'ọ nụjekwa nyee ya nke mbụ nri, nmajẹeru iya ẹkwa, nụkwa iya whọ ọnodu, rwuberu iya nụ g'ọo nyee ya; t'ọ bọ dụkwa iwhe ono dụ ọwhu l'ọo-tugbe ẹka ememe. 11Ọ -bụru l'o too meduru iya ụzo iwhe ẹto ono, tẹ nwanyị ono lụfu, ọle tọ bọ dụkwa m'ọo afụ, l'aa-kfụ nwoke ono.\nOmeka onye ọdo iwhe\n12\"Onye chiru madzụ iwhe chigbua ya, t'ọ lakwaa l'ọchi, o gburu. 13Ọle ọ -bụru l'ọ tọ kwabẹdu ẹnya chigbua ya; ọ -bụru l'ọo Chileke bẹ harụ iya t'ọ nwụa nno, b'o nweru ẹka mu l'e-goshi unu, onye ọbu l'a-gbarụ lashia. 14Ọle ọ -bụru lẹ madzụ kwabẹru ẹnya gude ẹregede, gbua madzụ ibe iya, unu kpụta onye ọbu kpụfu l'ẹnya-mgbẹja Chileke, je egbua ya l'ẹka ọdo.\n15\"Onye chiru nna iya, ọdua l'ọo ne iya iwhe bẹ l'ee-gbu egbu.\n16\"Onye patarụ madzụ ibe iya je eree m'ọ bụ l'ọ nọkwadu iya l'ẹka nteke e guderu iya, t'e gbua onye ọbu egbu meru nno egbu.\n17\"Onye whuru nna iya, ọdua l'ọo ne iya iwhu bẹ l'ee-gbu egbu.\n18\"Ọ -bụru l'unwoke labọ bẹ okfu l'adarụ, onye lanụ tụa onye ọwhuu ẹwhuru m'ọ bụ kfụkfube ẹka tsua ya, onye ọbu ta anwụhu; ọ bụru l'o meru; ọ zẹeru iya azẹe, t'ọ bọ dụkwa iwhe l'ee-me onye ono, merwuru iya ẹhu ono; 19m'ọ -bụru l'onye ọbu bẹ megeeru gbalihu, l'ọoduje ike gude mkpụru ejewhe l'etezhi. Ọle onye ono, merwuru iya ẹhu ono l'a-kfụkwanu iya ụgwo azẹe ono, o shi zẹta nke mmaanụ, ya aghakwaa ya whọ jeye nteke l'ọo-kagezhia mma ree.\n20\"Ọ -bụru l'o nweru onye chiru ohu iya iwhe, ohu iya nke nwoke m'ọ bụ nke nwanyị, ohu ọbu shi l'iwhe ono e chiru iya nwụhu, t'a nụkwaa onye ọbu, chigburu iya nụ awhụ. 21Ọle ọ -bụru l'a nọru abalị labọ eje lẹ nke ẹto, ohu ono bya agbakerehu, t'ọ bọ dụkwa iwhe l'ee-me onye ono, chiru iya iwhe ono, eshi-ọwhu ohu ono bụ ẹku iya.\n22\"Ọ -bụru l'o nweru unwoke, l'alwụ ọgu, whẹ meka nwanyị, dụ ime iwhe, mee nke ọwhu ẹwho lụfuru iya, to nwe ẹka ọdo, a kwatarụ meka iya iwhe; t'e retakwa onye ọbu mekaru iya iwhe ọbu nre, ẹgube dụ ji nwanyị ọbu ree mẹe gẹ ndu ikpe kpetaru. 23Nteke bụ l'e mekaru iya iwhe ọbu shii, ọo ya bụ; tẹ ndzụ laarụ ndzụ. 24O -mee; ẹnya pyahụ iya, t'e mekwawho t'ẹnya pyahụlata onye meru iya nụ. Nteke bụ l'o chikwofuru iya eze; t'e chikwofulatakwa iya eze nkiya. Nteke bụ l'ọo ẹka b'o chikworu iya, t'e chikwolatakwa iya ụgwo iya. Ọ -bụru ọkpa b'o chijiru iya, t'e chijilatakwa onye ọbu ụgwo iya. 25Ọ -bụru ọku b'ọ hụru iya, t'a hụlatakwa iya. Nteke bụ l'o mefuru iya ọnya l'ẹhu, t'e melatakwa iya whọ ụgwo iya. Ọ -bụru l'ọo mkpukpu-mmee b'o tsuru ye iya l'ẹhu; t'e tsukwaruwho mkpukpu-mmee ye iya l'ẹhu nkiya.\n26\"Ọ -bụru l'o nweru onye chiru ohu iya iwhe l'ẹnya nke ọwhu bụ l'o chipyaru iya ẹnya lanụ, t'onye ọbu hakwaa ohu iya ono t'ọ lashia je enweru onwiya l'ụgwo ẹnya ono, o chipyaru iya. 27Ọ -bụru l'o chikwofuru ohu iya ono eze lanụ, t'ọ hakwaa ya t'ọ lashia je enweru onwiya l'ụgwo eze ono.\n28\"Ọ -bụru l'oke-eswi gude mpu dụ-gbua madzụ, t'a tụ-gbukwaa oke-eswi ọbu l'ẹwhuru, t'a ba atakwa anụ iya ata, ọle t'ọ bọ dụkwa iwhe l'ee-me onye nwe eswi ọbu. 29Ọle ọ -bụru l'oke-eswi ono l'emehawaa ẹnu, e kfuhawaru iya onye nwe iya nụ, t'o kwe tụ-chia ya l'ụwoko, ọ -dụ-gbua madzụ, t'a tugbua oke-eswi ọbu l'ẹwhuru, gbukwaawho onye ọbu nwe iya nụ. 30Ọle ọ -bụru l'o nweru iwhe a sụru t'onye ọbu nwe eswi ono kfụa, t'ọ kfụkotakwa iwhe lile, e gbeberu iya t'ọ kfụa, shi nno gbata onwiya. 31Iwu ono bụkwawhoo iwhe lanụ, m'ọ -bụru l'oke-eswi dụ-gburu nwa nwoke madzụ m'ọ bụ nwa nwanyị madzụ. 32Ọ -bụru l'oke-eswi ono bẹ dụ-gburu ohu, t'onye nwe eswi ono kfụa onye nwe ohu ono mkpọla-ọcha, ẹrwa iya dụ ụkporo shẹkelu lẹ shẹkelu iri; tẹmenu a tụ-gbukwaawho eswi ono l'ẹwhuru.\n33\"Ọ -bụru lẹ madzụ kpufuru iwhe lẹ nsụ ghebe iya ọnu, ọdua lẹ madzụ bẹ tụru nsụ t'o kpuchi iya iwhe; oke-eswi m'ọ bụ nkakfụ-ịgara dalahụ iya, 34t'onye nwe nsụ ono kfụkwaa ụgwo anụ ono, mbụ t'onye ọbu kfụkwaa onye nwe anụ ono, dalahụru lẹ nsụ ono ụgwo iya, pata odzu anụ ono, nwụhuru nụ woru.\n35\"Ọ -bụru l'oke-eswi madzụ bẹ mekaru oke-eswi onye ọdo iwhe, ọ nwụhu, t'ụmadzu labọ ono gba mgba ree oke-eswi ọwhu nọ ndzụ kee okpoga iya eke, whẹ ekee oke-eswi ọwhu nwụhuru anwụhu ishi nhakọ. 36Nteke bụ l'onye nwe oke-eswi ono marụ l'oke-eswi iya l'emehawa ẹnu, t'ọ tụ-chi iya l'ụwoko, t'onye nwe oke-eswi ono kpẹe onye ọwhu nkiya nwụhuru anwụhu oke-eswi ọdo, pata odzu iya ọwhu, nwụhuru anwụhu woru.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/21","date":"2018-12-17T04:35:03Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828318.79\/warc\/CC-MAIN-20181217042727-20181217064727-00311.warc.gz","language":"eza","language_score":0.9999654293,"language_script":"Latn","minhash_cluster_size":1,"top_langs":"{\"eza_Latn_score\": 0.9999654293060303}","num_words":1041,"character_repetition_ratio":0.064,"word_repetition_ratio":0.0,"special_characters_ratio":0.269,"stopwords_ratio":0.311,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 16:30\n30Ọle ọ -bụru lẹ Onye-Nwe-Ọha meru t'iwhe l'ẹte emebua mee, alị saa ọnu lweshia whẹ, bya elweshia iwhe lile, whẹ nwe enwe, mbụ whẹ bụru ndu wụbaru alị-maa lẹ ndzụ. O noo nteke unubẹ ndiwhe l'a-marụ l'ọ tọ dụdu iwhe whẹ gụberu Onye-Nwe-Ọha.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/16\/30","date":"2018-12-13T21:07:33Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825098.68\/warc\/CC-MAIN-20181213193633-20181213215133-00079.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":44,"character_repetition_ratio":0.033,"word_repetition_ratio":0.0,"special_characters_ratio":0.275,"stopwords_ratio":0.295,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 17\nMgbọro Érọnu bẹ rwutaru irwu\n1Onye-Nwe-Ọha sụ Mósisu: 2\"Kfuru ndu Ízurẹlu tẹ whẹ chẹe ghu mgbọro iri l'ẹbo. Tẹ ndu ishi, l'achị ikfu g'ikfu ha nụ ghu mgbọro nnanụ nnanụ. Onye nụru ghu mgbọro nkiya, gụ edee ẹwha onye ọbu l'eli iya. 3Onyenọnu l'ime ndu ishi ono, l'achịkaa ikfu ono l'e-nwe mgbọro lanụ. A bya lẹ mgbọro nke ndu ikfu Lívayi bẹ l'ii-de iya ẹwha Érọnu l'eli. 4Chịta mgbọro ono je awụshi lẹ Ụlo-ẹkwa-ndzuko l'iwhu igbe-iwu, bụ ẹka ono, mu l'abyakfutaje unu. 5Onye mgbọro nkiya kpofutaru ome, a marụ l'o noo onye mu họtaru ndono. Ọo ya bụ ndụge mu eshi nno mee tẹ ndu Ízurẹlu wofu mụbe Onye-Nwe-Ọha ọnu l'ẹhu l'awhụ ono, whẹ l'anọje agụshi ekpu unu ntekenteke.\" 6Tọ dụ iya bụ, Mósisu bya ekfuru yeru ndu Ízurẹlu. Ndu ishi, l'achị ikfu nọnu nụ iya mgbọro nnanụ nnanụ. Iwhe ọ dụ bụ mgbọro iri l'ẹbo. Mgbọro nke Érọnu tsoru iya. 7Mósisu chịta iya je edobe l'atatiwhu Onye-Nwe-Ọha lẹ Ụlo-ẹkwa ẹka ono, igbe-iwu Chileke l'adụje. 8O rwua echile iya, Mósisu bahụ lẹ Ụlo-ẹkwa ẹka ono, igbe-iwu Chileke l'adụje bya awhụa gẹ mgbọro nke Érọnu, bụkwanu onye nọ-chiru ẹnya ikfu Lívayi kpofushiru ome rwushia irwu, tụshikwawho igu, bya amịshia akpụru alụmondu, gbee chashịwaa nụ achashị. 9Ọo ya bụ, Mósisu bya achịta mgbọro ono g'ọ ha l'atatiwhu Onye-Nwe-Ọha chijeru ndu Ízurẹlu. Whẹ lee ya ẹnya, onyenọnu wota mgbọro ọwhu bụ nkiya.\n10Onye-Nwe-Ọha sụ Mósisu: \"Woru mgbọro nke Érọnu dobewhu azụ l'igbe-iwu ono t'ọ dụ l'ẹka ono bụru iwhe-ọhubama l'ẹka ndu ono, l'ekwefuje ike nọ, t'ọ bụru iwhe l'eegudeje alọ whẹ ẹka lẹ nchị tẹ whẹ haa ọgu-whe áwhụ ekpu mụbe Onye-Nwe-Ọha, a nọnyaa whẹ nwụshihu.\" 11Ọ bụru gẹ Onye-Nwe-Ọha sụru tẹ Mósisu mee ya bụ g'o meru iya.\n12Ndu Ízurẹlu sụ Mósisu: \"Anyi laakwarụ l'iyi, anyi whuhuakwaru-o! Anyi whuhuakwaru g'anyi ha-o! 13Ntaa bụ, onye tụjeru ama tẹ ya jekube mgboro mkpuumkpu-ẹkwa Onye-Nwe-Ọha, onye ọbu anwụhu. ?Anyi l'a-lakọtawaro l'iyi g'anyi ha tọo gụnu?\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/17","date":"2018-12-12T23:26:16Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824180.12\/warc\/CC-MAIN-20181212225044-20181213010544-00478.warc.gz","language":"eza","language_score":1.000007391,"language_script":"Latn","minhash_cluster_size":1,"top_langs":"{\"eza_Latn_score\": 1.0000073909759521}","num_words":321,"character_repetition_ratio":0.075,"word_repetition_ratio":0.0,"special_characters_ratio":0.244,"stopwords_ratio":0.255,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 17\nOri mmee anụ dụ lẹ nsọ\n1Tọ dụ iya bụ, Onye-Nwe-Ọha bya ekfuru yeru Mósisu sụ iya: 2\"Kfuru yeru Érọnu yẹle ụnwu iya mẹe ụnwu Ízurẹlu gẹ whẹ ha sụ whẹ, l'ọ waa iwu, Onye-Nwe-Ọha tụru dobe ndọwa: 3Onye, bụ onye ọzo-ụlo Ízurẹlu -gbua eswi m'ọ bụ nwatụru m'ọ bụ eghu l'ime ẹka whẹbe ndu Ízurẹlu kpọbe-geeru ụlo-ẹkwa ebubu whẹ m'ọ bụ l'azụ iya, 4onye ọbu te egude iya bya l'ọnu Ụlo-ẹkwa ndzuko bya agbaarụ Onye-Nwe-Ọha ngwo-ẹja l'iwhu mkpuumkpu-ẹkwa Onye-Nwe-Ọha ono, onye ọbu bẹ bụkwa onye ikpe ọchi nmarụ, ọ kwa ọchi b'o gburu. Onye dụ nno bẹ l'ee-kefu l'oke l'echilabọ ndibe whẹ. 5Iwhe kpatarụ g'o gude a tụa iwu-a bụ tẹ ndu Ízurẹlu wotaje ẹja ono, whẹ l'anọje agba l'ọma ẹgu bya agbaarụ Onye-Nwe-Ọha l'ọnu Ụlo-ẹkwa-ndzuko; mbụ tẹ whẹ byajẹ anụ iya onye l'agbajẹ ẹja nụ Chileke t'o woru iya gbua t'ọ bụru ngwo-ẹja ẹhu-guu, a gbarụ nụ Onye-Nwe-Ọha. 6Onye l'agbajẹ ẹja nụ Chileke ono ewhee mmee anụ ono l'ẹnya-mgbẹja l'iwhu Ụlo-ẹkwa-ndzuko, ya akpọo ẹba iya ọku t'ọ bụru ngwo-ẹja, mkpọ iya dụ Onye-Nwe-Ọha ree. 7Ndu Ízurẹlu ta agbahẹduru agwa, a kpụru ọ dụ g'ọo eghu ẹja ọdo, mbụ agwa ono, whẹ lẹ whẹ l'eri ogori ono. Iwu-a bụ iwhe a tọru whẹ ọkpa iya tẹ whẹ meje jeyewaroya, shi l'ọgbo rwua l'ọgbo.\n8\"Iwhe l'ii-kfuru whẹ bụ l'onye bụ onye ọzo-ụlo Ízurẹlu m'ọ bụ onye lwarụ alwa, bu l'echilabọ whẹ, bụ onye l'agba ngwo-ẹja ọkpokota-iwhe-ọku m'ọ bụ ngwo-ẹja ọdo, 9onye ọbu te egude iya bya l'ọnu Ụlo-ẹkwa-ndzuko bya agbaarụ iya Onye-Nwe-Ọha, onye ọbu bẹ l'ee-kefukwa l'oke l'ẹka ndibe whẹ nọ.\n10\"Onye bụ onye ọzo-ụlo Ízurẹlu m'ọ bụ onye lwarụ alwa, bu l'echilabọ whẹ, bụ onye riru mmee iwhe, onye ọbu, riru mmee iwhe bẹ mu l'a-tanwụbe iwhu etso ọgu, e kefu iya l'oke l'echilabọ ndibe whẹ. 11O noo nkele ẹka ndzụ iwhe lile, nọ ndzụ dụ bụ lẹ mmee. Ọo ya bẹ mu nụru unu t'unu gudeje kfụa ụgwo iwhe-dụ-ẹji unu meru l'ẹnya-mgbẹja. Ọ bụru mmee bẹ l'eegudeje akfụ ụgwo ndzụ madzụ. 12Ọo ya kpatarụ g'o gude mu sụ unubẹ ndu Ízurẹlu: T'ọ bọ dụkwa g'unu ha onye l'e-rije mmee iwhe, ya adụkwa onye lwarụ alwa, bu l'echilabọ unu, l'e-rije mmee iwhe.\n13\"Onye Ízurẹlu m'ọ bụ onye lwarụ alwa, bu l'echilabọ unu, l'akpa l'ẹgbudu, o -gbua anụ m'ọ bụ ẹnu, l'aata asọ nsọ, t'onye ọbu wụshikwaa mmee ya kpochia ya ẹja. 14O noo nkele ẹka ndzụ iwhe lile, nọ ndzụ dụ bụ lẹ mmee. Ọo ya kpatarụ mu sụ ndu Ízurẹlu: t'ọ bọ dụkwa mmee iwhe whẹ l'e-rije, l'ọ kwa mmee bụ ẹka ndzụ dụ iwhe lile, nọ ndzụ, l'iwhe bụ onye riru iya nụ bẹ l'ee-kefukwa l'oke.\n15\"Iwhe bụ madzụ, bụ onye a nwụru lẹ Ízurẹlu m'ọ bụ onye lwarụ alwa, bụ onye tarụ anụ, nwụhuru anwụhu m'ọ bụ anụ, anụ ọdo dzugburu, t'onye ọbu sakwaa uwe iya asa ghụa ẹhu, ya abụru onye l'aasọ nsọ jeye chi ejihu; tẹmenu ya abya abụru onye l'aata sọhe nsọ. 16Ọle ọ bụru l'onye ọbu ta asadụ uwe iya asa, tọ ghụ ẹhu, bẹ kwa iya vu ejo-iwhe, o meru.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/17","date":"2018-12-16T04:33:42Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827252.87\/warc\/CC-MAIN-20181216025802-20181216051802-00359.warc.gz","language":"eza","language_score":1.0000083447,"language_script":"Latn","minhash_cluster_size":1,"top_langs":"{\"eza_Latn_score\": 1.0000083446502686}","num_words":510,"character_repetition_ratio":0.082,"word_repetition_ratio":0.044,"special_characters_ratio":0.264,"stopwords_ratio":0.324,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 24:3\n3Tẹ Érọnu yẹle ụnwu iya yeje ọku l'oryọku ono l'atatiwhu Onye-Nwe-Ọha l'ime Ụlo-ẹkwa-ndzuko ono, mbụ l'okotazụ ẹkwa whọ, e gude gebuta Igbe Iwu whọ. Tẹ whẹ mejekwaa oryọku ono t'o shi l'urwẹnyashi nwuje ntekenteke l'atatiwhu Onye-Nwe-Ọha jeye l'ụtsu. Tẹ ndu Ízurẹlu dobekwa nsọ ono shi l'ọgbo rwua l'ọgbo.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/24\/3","date":"2018-12-11T17:37:35Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823674.34\/warc\/CC-MAIN-20181211172919-20181211194419-00167.warc.gz","language":"eza","language_score":1.0000094175,"language_script":"Latn","minhash_cluster_size":1,"top_langs":"{\"eza_Latn_score\": 1.0000094175338745}","num_words":49,"character_repetition_ratio":0.109,"word_repetition_ratio":0.0,"special_characters_ratio":0.234,"stopwords_ratio":0.143,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 16:39\n39Ọo ya bụ, Eliyéza, onye l'agbajẹ ẹja nụ Chileke bya achịkoo efere ono, l'aagụjeru ọku ono ye, bụ ope b'e gude mee ya, mbụ iwhe ono, ndu ono, ọku kegbushiru gude bya akpọo ụ̀nwù-isẹnsu ọku, a kụsaa ya ọsa nke ọwhu l'ee-kpubeje iya l'eli ẹnya-mgbẹja Onye-Nwe-Ọha","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/16\/39","date":"2018-12-19T03:13:13Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376830479.82\/warc\/CC-MAIN-20181219025453-20181219051453-00088.warc.gz","language":"eza","language_score":1.0000056028,"language_script":"Latn","minhash_cluster_size":1,"top_langs":"{\"eza_Latn_score\": 1.0000056028366089}","num_words":47,"character_repetition_ratio":0.0,"word_repetition_ratio":0.0,"special_characters_ratio":0.264,"stopwords_ratio":0.34,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 18:9\n9Ọ waa l'a-bụfua oke-iwhe ọdo, rwuberu unu l'iwhe kakọta ọdu nsọ, bụ ọwhu l'ẹte akpọ ọku: Iwhe lile, whẹ gude bya ogwo ngwo-ẹja mẹe iwhe shi lẹ ngwo-ẹja nri, whẹ gworu nụ mu mẹe iwhe shi lẹ ngwo-ẹja iwhe-dụ-ẹji, whẹ gworu nụ mu mẹe ọwhu shi lẹ ngwo-ẹja ikpe-anmanma, whẹ gworu nụ mu, mbụ iwhe lile ono, whẹ nụru mu t'ọ bụru ngwo-ẹja iwhe kakọta ọdu nsọ ono. O noo oke-iwhe, rwuberu gụbe Érọnu mẹe ẹpa ghu whẹ ndono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/18\/9","date":"2018-12-13T13:21:02Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824822.41\/warc\/CC-MAIN-20181213123823-20181213145323-00009.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":80,"character_repetition_ratio":0.132,"word_repetition_ratio":0.0,"special_characters_ratio":0.264,"stopwords_ratio":0.362,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 3:31\n31Ozhi e yeru whẹ l'ẹka ejeje bụ oleta igbe-ọgbandzu Chileke ẹnya mẹe teburu mẹe iwhe l'aadọbeje oryọku mẹe ẹnya-mgbẹja mẹe arya, l'adụje l'ụlo-nsọ, ndu l'agbajẹ ẹja nụ Chileke l'egudeje eje ozhi mẹe ẹkwa e gude gebuta Ẹka-kakọta-ọdu-nsọ, ọwaa iwhe bụ ozhi ọdo gbarụ whẹ nụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/3\/31","date":"2018-12-11T07:07:10Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823588.0\/warc\/CC-MAIN-20181211061718-20181211083218-00498.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":46,"character_repetition_ratio":0.0,"word_repetition_ratio":0.0,"special_characters_ratio":0.239,"stopwords_ratio":0.304,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 39:20\n20Whẹ bya egude mkpọla-ododo metafua echi labọ ọdo, woru iya libegee l'ishishi wẹrere ẹkwa labọ whọ l'ụzo alị iya, mbụ wẹrere ẹkwa ono, e liberu l'ukfumẹka uwe ifọdu ono. Whẹ liberu iya ọ nọkube ẹka ono, e yeru wẹrere ẹkwa ono, e gude ekebuta ukfu uwe ifọdu ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/39\/20","date":"2018-12-14T08:27:21Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825495.60\/warc\/CC-MAIN-20181214070839-20181214092339-00527.warc.gz","language":"eza","language_score":0.9918925166,"language_script":"Latn","minhash_cluster_size":1,"top_langs":"{\"eza_Latn_score\": 0.9918925166130066}","num_words":49,"character_repetition_ratio":0.128,"word_repetition_ratio":0.0,"special_characters_ratio":0.245,"stopwords_ratio":0.245,"flagged_words_ratio":0.0,"lang_id_score":0.998,"perplexity_score":500.0,"cluster_detection":1} +{"text":"Livitikọsu 5:15\n15\"O -nweru onye mesweru nụ, mbụ l'o meru iwhe-dụ-ẹji l'amagama t'ọ nụ Onye-Nwe-Ọha iwhe gbarụ iya nụ, t'onye ọbu shi l'eghu iya mẹe atụru iya kpụta ebyila, l'adụa ẹka ọrwu dụ iya l'ẹhu bya anụ Onye-Nwe-Ọha t'ọ bụru ngwo-ẹja ọkfu-ụgwo. T'e gudekwa shẹkelu mkpọla-ọcha ụlo-nsọ marụ aswa ebyila ono. Ọo ngwo-ẹja ọkfu-ụgwo b'ọ bụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/5\/15","date":"2018-12-12T19:50:19Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824115.18\/warc\/CC-MAIN-20181212181507-20181212203007-00319.warc.gz","language":"eza","language_score":1.0000091791,"language_script":"Latn","minhash_cluster_size":1,"top_langs":"{\"eza_Latn_score\": 1.0000091791152954}","num_words":55,"character_repetition_ratio":0.102,"word_repetition_ratio":0.0,"special_characters_ratio":0.265,"stopwords_ratio":0.218,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 12:6\n6\"Mbọku, a tụrwu-geru iya lẹ nwa nwoke ono m'ọ bụ nwa nwanyị ono, ọ nwụru, tẹ nwanyị ono kpụta nwatụru, gbarụ awha t'e gude gbaa ẹja ọkpokota-iwhe-ọku, ya anwụta nwa ndo m'ọ bụ kparakụ t'e gude gbaa ẹja iwhe-dụ-ẹji. T'o gude iya bya l'ọnu Ụlo-ẹkwa-ndzuko bya anụ onye l'agbajẹ ẹja nụ Chileke.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/12\/6","date":"2018-12-19T05:17:22Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376831334.97\/warc\/CC-MAIN-20181219045716-20181219071716-00457.warc.gz","language":"eza","language_score":0.9999680519,"language_script":"Latn","minhash_cluster_size":1,"top_langs":"{\"eza_Latn_score\": 0.9999680519104004}","num_words":53,"character_repetition_ratio":0.08,"word_repetition_ratio":0.0,"special_characters_ratio":0.26,"stopwords_ratio":0.264,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 2\nA nwụru Mósisu\n1O noo ya, nwoke ọbu, shi l'ọzo-ụlo Lívayi bya eje alụa nwanyị, shikwawho l'ọzo-ụlo Lívayi. 2Nwanyị ono tsụta ime; nwụa nwa nwoke. Nteke ọ whụru lẹ nwata ono bẹ l'amanụka ụma; o hee ya l'edomi ọnwa ẹto. 3A nọnyaa; t'ọ dụhe ike domikota iya. O gbuta èjì gude kpaarụ iya nkata; bya echia ya ụrwa mbekee. O kuru nwata ono ye l'ime nkata ono pata je edobe l'agụga ẹnyimu Nayịlu l'ẹka èjì zeru. 4Nwune iya nwanyị je akfụru otẹnya t'ọ marụ iwhe l'e-me nwata ono.\n5Tọ dụ iya bụ, nwa Fero nke nwanyị jee ọghu ẹhu l'ẹnyimu Nayịlu ono. Yẹle ụnwumgboko, l'ejeru iya ozhi lịru eje l'agụga ẹnyimu ono. Ọ whụa nkata ono g'ọ dụ l'ime èjì ono, o zhia nwamgbọko, bụ ohu iya t'o je apataadaru iye ya. 6O kpuhaa ya; bya awhụa nwata ono. Nwata ono l'arya ẹkwa; imiko iya dụ iya. Ọ sụ: \"Ọ kwa nwatibe onye Híburu bẹ dụ ẹgube-ẹ.\"\n7Nwune nwata ono nke nwanyị sụ nwatibe Fero ono: \"?Ọo tẹ mu je ekuaru ghu nwanyị Híburu, l'e-heru ghu nwata ono?\"\n8Ọ sụ iya ngwa jenu. Nwamgbọko ono tụgbua je ekua ne nwata ono. 9Nwada Fero sụ ne nwata ono t'o kuta nwata ono je ehefutaru iya, tẹ ya kfụa ya ụgwo. O noo ya, nwanyị ono bya ekuta nwata ono je awata ehehe. 10Nwata ono vutalewho, o duta iya dulahuru nwatibe Fero ono, ọ bụru nwa iya. Ọ gụa ya Mósisu nkele ọ sụru l'ọo nwata, ya gụtaru lẹ mini.\nMósisu gbarụ laa alị ndu Midiyanu\n11O noo ya, o rwua ujiku lanụ gẹ Mósisu vutawaru; o jeshia tẹ ya whụ ndu nkiya l'ẹka ono, whẹ l'eje ozhi mkpọnwuru ono. Ọ whụa onye Íjiputu gẹ l'oochi onye Híburu, bụ onye lanụ lẹ ndu nkiya iwhe. 12Ọ bya achịkaa ẹnya, chịkaa ẹnya, tọ dụ onye ọ whụru, o gbua onye Íjiputu ono gude ẹja kpochia ya. 13O rwua echile iya; ọ tụgbukwaru ọdo lụfu je awhụa ndu Híburu labọ l'ẹka whẹ l'alwụ ọgu. Ọ sụ onye ọwhu bụ iya l'achọ okfu: \"?Ọo gụnu meru l'iichi onye Híburu ibe ghu iwhe?\"\n14Onye ono sụ iya: \"?Oo onye meru ghu onye ishi anyi mẹe onye ikpe anyi? ?Iimewaa t'i gbua mu g'i gburu onye Íjiputu whọ?\" Tọ dụ iya bụ, Mósisu wata ọtsu egvu, ọ rịa sụ: \"Iwhe ono, mu meru b'a makọtawaru nụ-ee.\"\n15Fero nụlewho iwhe ono, ọ chọkashide ụzo, l'oo-shi gbua Mósisu. Ọle Mósisu bẹ gbarụ ọso l'ibe Fero gbarụ lashia alị ndu Midiyanu tẹ ya je eburu. O rwua je anọdu anọdu l'agụga wẹlu. 16O noo ya, onye l'agwarụ ndu Midiyanu iwhe nweru ụnwumgboko ẹsaa. Whẹ bya lẹ wẹlu ono tẹ whẹ kuta mini ye l'iwhe l'eeyejeru anụ mini t'atụru nna whẹ ngụa. 17O nweru ndu ọdo, l'eche atụru, byarụ bya achịfu whẹ. O noo ya, Mósisu gbalihu yetaru whẹ ẹka, kuta mini doberu atụru whẹ.\n18Nteke ụnwumgboko ono lwakfuru nna whẹ, bụ Ruwẹlu, ọ sụ whẹ: \"?Ọ waa unu lwarụ ẹgwegwa ntanụ?\"\n19Whẹ sụ iya l'o nweru nwoke Íjiputu, nafụtaru whẹ l'ẹka ndu ọdo, l'eche atụru, bya esetakwawho mini doberu atụru whẹ, ọ ngụa.\n20Ọ sụ ụnwada iya ono: \"?Ndẹe nwoke ọbu? ?Ọo gụnu meru g'o gude unu parụ iya haa? Unu je ekua ya t'ọ bya eria nri.\"\n21Mósisu kweta lẹ yẹle nwoke ono l'e-buru. Nwoke ono kuta nwa iya nwanyị, bụ Zipora kee Mósisu, ọ lụlahaa. 22Zipora bya eyeru iya nwa nwoke. Mósisu gụa ya Gẹshomu nkele Mósisu bẹ sụru: \"Mu bụ nlwamụnlwa l'alị ndu ọha ọdo.\"\n23A nọnyalewho, eze ndu Íjiputu nwụhu. Ndu Ízurẹlu wata ọtsu ude, echi mkpu, arya t'e yeru whẹ ẹka l'iwhe ẹhuka, whẹ l'eje lẹ nwohuta ono, whẹ bụ. Ẹkwa ono, whẹ l'arya bya erwua Chileke nchị. 24Chileke nụa ude ono, whẹ l'atsụ; ọ nyata ọgbandzu yẹle Ébirihamu mẹe Áyiziku mẹe Jékọpu gbarụ. 25Chileke bya aghaa ẹnya; lee ndu Ízurẹlu; ọ rịlahaa ọriri ẹhu whẹ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/2","date":"2018-12-10T21:40:08Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823445.39\/warc\/CC-MAIN-20181210212544-20181210234044-00570.warc.gz","language":"eza","language_score":0.9998984337,"language_script":"Latn","minhash_cluster_size":1,"top_langs":"{\"eza_Latn_score\": 0.9998984336853027}","num_words":642,"character_repetition_ratio":0.045,"word_repetition_ratio":0.0,"special_characters_ratio":0.259,"stopwords_ratio":0.336,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 22:18\n18\"Kfuru Érọnu yẹle ụnwu iya mẹe ndu Ízurẹlu gẹ whẹ ha sụ whẹ agha: Onye bụ onye Ízurẹlu, m'ọ bụ onye lwarụ alwa, bu ebu lẹ Ízurẹlu gude iwhe bya t'e gude iya gbaarụ Onye-Nwe-Ọha ẹja ọkpokota-iwhe-ọku, l'ọnodu ụgwo ụkwa, onye ọbu kweru, m'ọ bụ l'ọo iwhe zụru iya nkwe l'obu,","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/22\/18","date":"2018-12-12T22:01:44Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824119.26\/warc\/CC-MAIN-20181212203335-20181212224835-00501.warc.gz","language":"eza","language_score":1.0000098944,"language_script":"Latn","minhash_cluster_size":1,"top_langs":"{\"eza_Latn_score\": 1.0000098943710327}","num_words":52,"character_repetition_ratio":0.014,"word_repetition_ratio":0.0,"special_characters_ratio":0.265,"stopwords_ratio":0.346,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 39:21\n21Whẹ gude eri, e gude oghu dụ urwukpu-urwukpu swịa litachaa echi nke ẹkwa-nkwechi-obu ono yẹle echi nke uwe ifọdu whọ, nke ọwhu l'ọo-nọdu lẹ mgboro wẹrere ẹkwa ono, e gude ekebuta ukfu uwe ifọdu whọ, ndụge ẹkwa-nkwechi-obu whọ ta anọje akụ pẹepee l'eli uwe ifọdu ono, bụ iya bụ gẹ Onye-Nwe-Ọha tụru iya Mósisu l'iwu t'e mee ya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/39\/21","date":"2018-12-17T03:03:35Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828056.99\/warc\/CC-MAIN-20181217020710-20181217042710-00528.warc.gz","language":"eza","language_score":0.9999949932,"language_script":"Latn","minhash_cluster_size":1,"top_langs":"{\"eza_Latn_score\": 0.9999949932098389}","num_words":59,"character_repetition_ratio":0.109,"word_repetition_ratio":0.0,"special_characters_ratio":0.247,"stopwords_ratio":0.186,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 21:10\n10\"T'onye bụ onye ishi ndu l'agbajẹ ẹja nụ Chileke l'ime ụnwunna iya, mbụ onye a wụru mmanụ l'ishi, bụru onye e doberu nsọ t'o yeje uwe ndu l'agbajẹru Chileke ẹja, t'onye ọbu ba ahajẹkwa ẹgbushi, dụ iya l'ishi t'ọ yagashịhu iya ayagashịhu, ya eje eyejekwa ẹka l'uwe iya dọjaa.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/21\/10","date":"2018-12-15T06:52:32Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826800.31\/warc\/CC-MAIN-20181215061532-20181215083532-00142.warc.gz","language":"eza","language_score":0.996761322,"language_script":"Latn","minhash_cluster_size":1,"top_langs":"{\"eza_Latn_score\": 0.9967613220214844}","num_words":50,"character_repetition_ratio":0.028,"word_repetition_ratio":0.0,"special_characters_ratio":0.253,"stopwords_ratio":0.28,"flagged_words_ratio":0.0,"lang_id_score":0.984,"perplexity_score":500.0,"cluster_detection":1} +{"text":"Awụfu 33\n1Ọo ya bụ, Onye-Nwe-Ọha sụ Mósisu: \"Shi l'ẹka-a tụgbua, gụ lẹ ndu ono, i dufutaru l'alị Íjiputu. Unu tụgbua jeshia alị ono, mu riburu Ébirihamu mẹe Áyiziku mẹe Jékọpu lẹ nte sụ: 'Ọo ẹpa unu bẹ mu l'a-nụ alị ono.' 2Mu l'e-zhi ojozhi-imigwe t'o duru unu je; je achịkashiaru unu ndu Kenanu mẹe ndu Amọru mẹe ndu Hetu mẹe ndu Pẹ́rezu mẹe ndu Hevu mẹe ndu Jebusu. 3Unu tụgburu jeshia alị ono, mini-ẹra eswi yẹle mmanụ-ẹnwu jiru ejiji. Ọle mu l'unu ta alịkwa eje, a nọnyaa nụ mu gbushia unu l'ụzo, o noo nkele unu bụnuka ndu kpọkponyi.\"\n4Ndu Ízurẹlu nụlewho ejo-nzhi ono whẹ tsọlahaa áwhụ, t'ọ dụ onye kwarụ ngwa gude memaa onwiya emema. 5Mkpata iya bụ lẹ Onye-Nwe-Ọha sụru Mósisu: \"Kfuru ndu Ízurẹlu agha: 'Unu bụnuka ndu kpọkponyi. Ọ -bụru l'ọo tẹ mu je unu etsotso ilile bẹ mu l'e-gbushikwa unu. Ọo ya bụ, t'unu yeshia ngwa ono, unu kwarụ gude memashia onwowhe ntaantaa tọgbo tẹ mu rịa ọriri marụ iwhe mu l'e-me unu.' \" 6O noo ya, ndu Ízurẹlu yeshia ngwa ono, whẹ kwarụ gude memashia onwowhe l'ugvu Horẹbu.\nỤlo-ẹkwa Ndzuko\n7Mósisu shi awhọtaje mkpuumkpu-ẹkwa je akpọbe otẹnya l'azụ ẹka, ndu Ízurẹlu kpọbe-geeru ụlo-ẹkwa nkewhe kua ya \"Ụlo-ẹkwa Ndzuko\". Iwhe bụ onye l'eje ọkpata Onye-Nwe-Ọha ishi iwhe l'ejeje lẹ Ụlo-ẹkwa Ndzuko ono, dụ l'azụ ẹka ono, ndu Ízurẹlu nọ. 8L'ọobuje, Mósisu -tụgbua eje lẹ Mkpu-ẹkwa Ndzuko ono, ndu Ízurẹlu gẹ whẹ ha agbalihu; onyenọnu eje akfụru l'ọnu ụlo-ẹkwa nkiya dazhịbe Mósisu ẹnya jeye ya abahụ lẹ Ụlo-ẹkwa Ndzuko ono. 9Mósisu -bahụlewho lẹ mkpuumkpu-ẹkwa ono, urwukpu ono, kpụru orogbodo alwazeta bya anọ-chia ọnu mkpuumkpu-ẹkwa ono nteke Onye-Nwe-Ọha l'ekfu anụ Mósisu. 10L'ọobuje, ndu Ízurẹlu whụlewho urwukpu ono, kpụru orogbodo ono g'o keru l'ọnu mkpuumkpu-ẹkwa ono, whẹ atụko gẹ whẹ ha wụ-lishihu, baarụ Onye-Nwe-Ọha ẹja. Onyenọnu l'anọduje l'ọnu ụlo-ẹkwa nkiya; baarụ Onye-Nwe-Ọha ẹja ono. 11Ọ bụru iya bụ lẹ Onye-Nwe-Ọha l'anọje ekfu okfu eyeru Mósisu l'iwhu l'iwhu ẹgube madzụ l'anọje ekfuru eyeru ọnya iya. E megee, Mósisu alwawhu azụ l'ẹka ono, ndu Ízurẹlu nọ. Ọle nwokorọbya ono, l'eyeru iya ẹka, mbụ Jóshuwa nwa Nunu ta alụfujedu alụfu lẹ mkpuumkpu-ẹkwa ono.\nMósisu yẹle ọ-dụ-biribiri Onye-Nwe-Ọha\n12Mósisu sụ Onye-Nwe-Ọha: \"Ịinoje ekfuru mu tẹ mu dua ndu-a, ọle i tii mezhidua tẹ mu marụ onye l'ii-yeru mu tẹ mu l'iya tụko dua whẹ ọbu. Ị sụru l'ị marụ mụbe Mósisu ree-ree-ree, mu dụ ghu l'obu. 13Ngwa, ọ -bụru whọ l'ọo ezhi-okfu lẹ mu dụ ghu l'obu, kanụru mu uche ghu nke ọwhu mu l'a-marụ ghu, mu adụ ghu l'obu tụgbuwaruro. Nyatakwa lẹ mba-a bụkwa ndu nkeghu.\"\n14Onye-Nwe-Ọha sụ Mósisu: \"Mu l'e-tsoru-a unu eje l'onwomu, tẹmenu mu l'e-me tẹ meji nmakfuru ghu anmakfuru.\"\n15O noo ya, Mósisu sụ iya: \"Ọ -bụru l'i tii tsodu anyi eje l'onwoghu, be ekwekwa t'anyi hata ọkpa ahata shi ẹka-a tụgburu. 16?Ndẹnu gẹ l'ee-shi marụ lẹ mbẹdua mẹe ndu nkeghu dụ ghu l'obu; gbahaa l'i tso anyi? ?Ọ hụnu gụnu ọdo l'e-goshi lẹ mbẹdua mẹe ndu nkeghu gbarụ iche l'ẹka ndu mgboko l'owhu nọ?\"\n17Ọo ya bụ, Onye-Nwe-Ọha sụ Mósisu: \"Mu l'e-mezhiawho iwhe ono, i sụru tẹ mu meeru ghu, o noo nkele ị dụwa mu l'obu, mu makwarụ ghu whọ ree-ree-ree.\"\n18Mósisu sụ iya: \"Byiko, goshinu mu ọ-dụ-biribiri ghu.\"\n19Tọ dụ iya bụ, Onye-Nwe-Ọha sụ iya: \"Mu l'e-me t'ị whụ gẹ mụbe Onye-Nwe-Ọha dụ-be ree; mu anọdu ghu l'iwhu kua onwomu ẹwha. Ọo onye ọ dụ mu nke tẹ mu meeru eze-iwhe-ọma bẹ mu l'e-meru iya; onye ọ dụ mu nke tẹ mu whụaru imiko bẹ mu l'a-whụru iya. 20Ọle ị tịi whụdu mu atatiwhu, o noo nkele o to nwedu onye gude ẹnya iya whụ mu, bya l'a-nọdu ndzụ.\"\n21Onye-Nwe-Ọha sụ: \"O nweru ẹwhuru dụkube ẹka-a mu nọ, l'ịi-gbakoru l'eli. 22Ọ-dụ-biribiri mu ono ghatadẹlewho; mu eye ghu l'ẹka ẹwhuru ono gbarụ ụwa; gude ẹka mu kwechia ghu; jeye mu aghatagee. 23Nteke ono mu ewofu ẹka, gụ awhụ azụ mu. Ọle ọwhube iwhu mu bẹ l'ẹte awhụjedu awhụwhu owhu.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/33","date":"2018-12-14T19:18:47Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826306.47\/warc\/CC-MAIN-20181214184754-20181214210754-00344.warc.gz","language":"eza","language_score":1.0000094175,"language_script":"Latn","minhash_cluster_size":1,"top_langs":"{\"eza_Latn_score\": 1.0000094175338745}","num_words":651,"character_repetition_ratio":0.075,"word_repetition_ratio":0.0,"special_characters_ratio":0.257,"stopwords_ratio":0.3,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 4:14\n14Ọo ya bụ, whẹ ewota iwhe bụ arya, l'eegudeje eje ozhi l'ẹnya-mgbẹja ono, tukobe l'eli ẹkwa uswe-uswe ono. Mbụ lẹ whẹ l'a-tukobe iya efere, l'aagụjeru ọku ye mẹe oleji mẹe eze agọ mẹe efere. Iwhe lile ono bẹ l'ee-kwechita akpọ umoro-ẹnyimu woru mkpara, l'aakụbeje ẹka apa iya ye iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/4\/14","date":"2018-12-15T06:24:01Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826800.31\/warc\/CC-MAIN-20181215061532-20181215083532-00150.warc.gz","language":"eza","language_score":1.0000091791,"language_script":"Latn","minhash_cluster_size":1,"top_langs":"{\"eza_Latn_score\": 1.0000091791152954}","num_words":50,"character_repetition_ratio":0.0,"word_repetition_ratio":0.0,"special_characters_ratio":0.259,"stopwords_ratio":0.36,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 12\nMiriyamu yẹle Érọnu l'ekfulwu Mósisu\n1Tọ dụ iya bụ, Miriyamu yẹle Érọnu wata okfulwu Mósisu l'okfu nwanyị Kushi, ọ lụru. Nkele Mósisu bẹ lụru onye Kushi. 2Whẹ sụ: \"?Ọ fụtaru l'ọolewho Mósisu bẹ Onye-Nwe-Ọha l'eshije l'ọnu iya ekfu okfu kpụ? ?T'o shijedu l'ọnu nke anyịbedua ekfu okfu tọo?\" Onye-Nwe-Ọha nụa iwhe ono, whẹ kfuru. 3Sụa, nwoke ono, bụ Mósisu bẹ bụnuka onye odoo. Ọo ya kagezhia ome odoo lẹ ndu mgboko l'owhu.\n4E jia ekfu, Onye-Nwe-Ọha sụ Mósisu mẹe Érọnu mẹe Miriyamu sụ whẹ: \"Unu ẹto tụko lụfuta byatashia lẹ Ụlo-ẹkwa-ndzuko.\" Whẹ ẹto ono bya afụta tụgbua jeshia. 5Ọo ya bụ, Onye-Nwe-Ọha nọdu l'urwukpu, kpụru orogbodo nyizeta bya akfụru l'ọnu ụlo-ẹkwa ndzuko ono, gbakushi Érọnu yẹle Miriyamu oku. Nteke whẹ labọ tụgburu eje ọza oku ono bẹ 6Onye-Nwe-Ọha sụru whẹ: \"Unu ngabẹ nchị nụ iwhe-e, mu l'ekfuru unu: Ọobuje, onye nkfuchiru Onye-Nwe-Ọha -nọdu l'echilabọ unu, mụbe Onye-Nwe-Ọha egoshi iya onwomu l'ọwhulenya bya ekfu yeru iya lẹ nrọ. 7Obenu l'ọ tọ dụdu nno l'ẹka onye ozhi mu Mósisu nọ. Ọo ya b'e yeru ndibe mu gẹ whẹ ha l'ẹka. 8Mu l'iya l'ekfugbaje okfu l'iwhu l'iwhu, mbụ l'anyi l'ekfuje okfu doru ẹnya yeru onwanyi, ọ tọ bụdu okfu-ẹtu. Ọowhuje gẹ mụbe Onye-Nwe-Ọha gbarụ ụgbugba. Ọo ya bụ, ?ọo gụnu meru g'o gude egvu ta atsụ unu nke t'unu kfulwua nwozhi mu ono, bụ Mósisu?\"\n9Onye-Nwe-Ọha bya atukoshi whẹ ẹhu-eghughu iya swịhaa ije haa whẹ. 10Nteke urwukpu ono shi l'eli ụlo-ẹkwa ono palia imeli imeli, a bya l'eledeshia ẹnya, njọkirehu tụkowaa Miriyamu ẹhu nata, ẹhu nwuhule iya whọ whoo. Érọnu ghachi bya elee Miriyamu ẹnya whụ gẹ njọkirehu tụkoru iya ẹhu. 11Érọnu sụ Mósisu: \"Gụbe onye-nwe-mu nụ, ba anụshinu anyi áwhụ l'ọo l'anyi gude ome eswe mee iwhe-dụ-ẹji. 12Be ekweshinu tẹ nwanyị-a dụ g'ọo nwata, bya l'afụta-deshia l'ẹwho ne iya, ọ nwụhuwa anwụhu; ibe ẹhu iya rekashihuwa erekashihu.\"\n13Tọ dụ iya bụ, Mósisu bya aryaku Onye-Nwe-Ọha sụ: \"Byiko gụbe Chileke, menua t'o mehu.\"\n14Onye-Nwe-Ọha sụ Mósisu: \"Ọ -bụ lẹ nna nwanyị-a vụru ọnu-mini koo ya l'iwhu, ?iwhere iya g'ekwee t'ọ fụta afụta jeye abalị ẹsaa? Nwuru iya ye l'azụ ẹka ono, ndu Ízurẹlu kpọru ụlo-ẹkwa ebubu whẹ gbaburu iya ye t'ọ nọo ujiku ẹsaa; ọ -nọ-gelewho ujiku ẹsaa ono e dufutawhu iya azụ.\" 15Tọ dụ iya bụ, a bya enwufu Miriyamu gbaburu iya ye l'azụ ẹka ono ndu Ízurẹlu kpọberu ụlo-ẹkwa ebubu whẹ ono, ọ nọo ujiku ẹsaa. Ndu Ízurẹlu ta ahalịbejeru ọkpa jeye nteke e duwhutaru iya azụ. 16E megee, whẹ shi lẹ Hazerotu l'ẹka ono lụfu je akpọbe ụlo-ẹkwa ebubu whẹ l'echi-ẹgu Paranu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/12","date":"2018-12-16T10:27:50Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827639.67\/warc\/CC-MAIN-20181216095437-20181216121437-00473.warc.gz","language":"eza","language_score":1.0000084639,"language_script":"Latn","minhash_cluster_size":1,"top_langs":"{\"eza_Latn_score\": 1.000008463859558}","num_words":423,"character_repetition_ratio":0.07,"word_repetition_ratio":0.0,"special_characters_ratio":0.247,"stopwords_ratio":0.253,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 6:4\n4Onye ono, meru iwhe-dụ-ẹji ono, shi nno meta iwhe ikpe nmarụ iya bẹ iwhe l'oo-me bụ t'o wolahu iwhe ọbu, ọ natarụ madzụ kerafu ẹnya, m'ọ bụ iwhe ọbu, o riru madzụ urwu iya, m'ọ bụ iwhe ọbu, a nụru iya t'o dobe, o ria ya, m'ọ bụ iwhe ọbu, tuwhahuru etuwhahu, ọ tụrutaru,","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/6\/4","date":"2018-12-10T23:46:54Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823516.50\/warc\/CC-MAIN-20181210233803-20181211015303-00506.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":55,"character_repetition_ratio":0.138,"word_repetition_ratio":0.0,"special_characters_ratio":0.281,"stopwords_ratio":0.4,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 13:25\n25T'onye l'agbajẹ ẹja nụ Chileke lelee ya elele, ọ -bụru l'ẹji, dụ iya nụ ghọru aghọgho, tẹmenu ẹka ono tụa ya ẹnu l'ẹhu, ọo ya bụ l'ọo ẹjo ẹhu-ba-dụ-mma, l'eswe nswe bẹ chafụtaru l'ẹka ono, ọku ono hụru onye ono. T'onye l'agbajẹ ẹja nụ Chileke ono sụkwa l'onye ọbu bụ onye l'aasọ nsọ, ọ kwa ẹjo ẹhu-ba-dụ-mma, l'eswe nswe bẹ l'eme iya l'akpọ-ẹhu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/13\/25","date":"2018-12-10T20:51:39Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823442.17\/warc\/CC-MAIN-20181210191406-20181210212906-00239.warc.gz","language":"eza","language_score":0.9905038476,"language_script":"Latn","minhash_cluster_size":1,"top_langs":"{\"eza_Latn_score\": 0.9905038475990295}","num_words":64,"character_repetition_ratio":0.096,"word_repetition_ratio":0.0,"special_characters_ratio":0.283,"stopwords_ratio":0.328,"flagged_words_ratio":0.0,"lang_id_score":0.997,"perplexity_score":500.0,"cluster_detection":1} +{"text":"Ọ́gú 18\nOzhi, dụru ndu l'agbajẹ ẹja nụ Chileke mẹe eri Lívayi\n1Onye-Nwe-Ọha sụ Érọnu: \"Gụbedua l'onwoghu mẹe ẹpa ghu mẹe iwhe bụ ọzo-ụlo nna ghu l'owhu b'ọ tukoru l'ishi, mbụ ejo-iwhe, e meru l'ẹka-dụ-nsọ nkemu. Ọ bụru gụbedua l'onwoghu mẹe ẹpa ghu b'ọ tukokwaruwho l'ishi, mbụ ejo-iwhe, e meru lẹ nke ọbu onye l'agbajẹru mu ẹja. 2Duta ụnwunna ghu whẹ, bụ ikfu Lívayi bụ iya bụ ikfu nna ghu t'unu lẹ whẹ nọdu tẹ whẹ yejeru ghu ẹka l'ozhi. Gụbedua gụ l'ẹpa ghu whẹ l'a-nọdu l'atatiwhu Ụlo-ẹkwa ẹka igbe-iwu Chileke l'adụje eje ozhi. 3Whẹ l'a-nọ eje ozhi, i zhiru whẹ mẹe ozhi, dụkota lẹ Ụlo-ẹkwa. Ọle tẹ whẹ be ejekubekwa ẹka arya ẹka-dụ-nsọ dụ. Tẹ whẹ be ejekubekwa mgboro ẹnya-mgbẹja Chileke, ọ dụa bẹ gụ lẹ whẹ l'a-tụkokwa nwụshihu. 4Gụ lẹ whẹ l'a-tụgba nnanụ, whẹ eje ozhi, dụ lẹ Ụlo-ẹkwa-ndzuko, mbụ iwhe bụ ozhi lile, dụ l'ụlo-ẹkwa ono. Onye ọdo, l'abụa onye ikfu Lívayi ta abyadụ l'abyakụbe unu ntse. 5Ọo unubẹdua l'a-nọ eje ozhi, dụ l'ụlo-nsọ mẹe ozhi nke ẹnya-mgbẹja Chileke, nke ọwhu Chileke l'ẹte ewokfutahe ndu Ízurẹlu oke ẹhu-eghughu iya ọdo. 6Sụa, mu shiwaa l'echilabọ ndu Ízurẹlu họta ndu Lívayi, bụ ụnwunna unu nụ unu tẹ whẹ bụru ndu e yeru mụbe Onye-Nwe-Ọha l'ẹka tẹ whẹ jeje ozhi, dụ lẹ Ụlo-ẹkwa-ndzuko. 7Gụbedua l'onwoghu gụ l'ẹpa ghu bẹ ozhi nkunu l'a-bụru ọgbaru Chileke ẹja, mbụ l'unu l'a-nọ eje ozhi dụ l'ẹnya-mgbẹja Chileke, eje ozhi, dụ l'ime ẹka ẹkwa-mgbochi dụ. O noo ozhi, unu l'a-nọ eje. Mu yeru unu ọgba ẹja l'ẹka t'ọ bụru iwhe-ọma, mu nụru unu. Onye ọdo, l'abụa onye ikfu Lívayi, byarụ lẹ mgboro ụlo-nsọ bẹ l'a-nwụhukwa.\"\nOke iwhe rwuberu ndu l'agbajẹ ẹja nụ Chileke\n8O noo ya, Onye-Nwe-Ọha sụ Érọnu: \"Ntaa bẹ mu wowaru iwhe lile, bụ iwhe l'aanụje mu anụ eye ghu l'ẹka. Iwhe lile, bụ iwhe ndu Ízurẹlu dobejeru nsọ nụ mu bẹ mu sụwaru t'ọ bụru oke-iwhe gụ l'ẹpa ghu jeye lẹ gbururu. 9Ọ waa l'a-bụfua oke-iwhe ọdo, rwuberu unu l'iwhe kakọta ọdu nsọ, bụ ọwhu l'ẹte akpọ ọku: Iwhe lile, whẹ gude bya ogwo ngwo-ẹja mẹe iwhe shi lẹ ngwo-ẹja nri, whẹ gworu nụ mu mẹe iwhe shi lẹ ngwo-ẹja iwhe-dụ-ẹji, whẹ gworu nụ mu mẹe ọwhu shi lẹ ngwo-ẹja ikpe-anmanma, whẹ gworu nụ mu, mbụ iwhe lile ono, whẹ nụru mu t'ọ bụru ngwo-ẹja iwhe kakọta ọdu nsọ ono. O noo oke-iwhe, rwuberu gụbe Érọnu mẹe ẹpa ghu whẹ ndono. 10Unu nọduje l'ẹka, kakọta ọdu nsọ ria ya. Ọo unwoke kpụ bẹ l'e-rije iya. Ọo iwhe dụ nsọ b'ọ bụru unu.\n11\"Iwhe ọdo, bụ oke, rwuberu unu bẹ bụ iwhe ndu Ízurẹlu doberu mu iche, mbụ ngwo-ẹja amama. O noo bụ oke, rwuberu ghu nụ, rwube ẹpa ghu nke nwoke, rwube ẹpa ghu nke nwanyị jeye lẹ gbururu. Iwhe bụ ndibe ghu bụ ndu l'ẹte asọ nsọ bẹ l'e-tsoje ria oke iwhe ono. 12Iwhe ndu Ízurẹlu nụjeru Onye-Nwe-Ọha l'ọo iwhe mbụ, shi l'iwhe whẹ metaru l'alị bẹ bụ ghu nwe iya, mbụ mmanụ ólivu, kakọta-gezhia ree mẹe mmẹe ọ̀whúú, kakọta-gezhia ree mẹe akpụru iwhe kakọta-gezhia ree. 13Iwhe bụ-zhia iwhe ndu Ízurẹlu nụjeru Onye-Nwe-Ọha l'ọo mebyi iwhe mbụ, whẹ metaru l'alị whẹ bụ nkeghu. Iwhe bụ ndibe ghu, bụ ndu l'aata asọ nsọ bẹ l'e-tsoje ria ya.\n14\"Iwhe bụ iwhe e yeru Onye-Nwe-Ọha l'ẹka l'alị Ízurẹlu bẹ bụ nkeghu.\n15\"Iwhe vugezhia ụzo waa ẹkpa nwa iwhe nọ ndzụ bẹ l'ee-woru nụ mụbe Onye-Nwe-Ọha, mu abụru nkeghu, mbụ madzụ m'ọ bụ anụmanu. Obenu l'aa-kfụje ụgwo gude gbata iwhe bụ ọkpara, shi l'ẹhu madzụ, o nokwawho gẹ l'aa-kfụje ụgwo gude gbata iwhe bụ anụ mbụ, shi l'ẹhu anụ lile, l'aasọ nsọ fụta. 16Whẹ -nọwaa ọnwa owhu bẹ l'aa-kfụje mkpọla-ọcha, ẹrwa iya dụ shẹkelu ise gude gbata whẹ, mbụ mkpọla-ọcha, ẹrwa dụ iya nụ yẹle shẹkelu ụlo-nsọ bụ iwhe. 17Obenu lẹ nweswi mẹe nwatụru mẹe nwa-eghu, bụ ivurụzo bẹ l'ịiti gbatadụ agbata, ndu onoya bẹ dụ-gee nsọ. T'unu whejee mmee whẹ l'eli ẹnya-mgbẹja, unu akpọje ẹba iya ọku gude gbaa ẹja ọkpokota-iwhe-ọku, mbụ ngwo-ẹja, mkpọ iya dụ Onye-Nwe-Ọha ree. 18Anụ iya l'a-bụru nkeghu ẹgube ono, ǹdụ́ anụ, e gude gbaa ẹja amama mẹe ụtakfu ọkpa ẹka-ụtara anụ bụ nkeghu.\n19\"Iwhe lile, ndu Ízurẹlu doberu nsọ bya anụ Onye-Nwe-Ọha bẹ mu sụwaru t'ọ bụru nkeghu mẹe nke ẹpa ghu whẹ; unwoke mẹe ụnwanyi jeye lẹ gbururu. O noo bụ ọgbandzu, mbẹdua, bụ Onye-Nwe-Ọha gbarụ l'ẹka ị nọ mẹe l'ẹka ẹpa ghu nọ. Ọgbandzu ono te enwedu echihu, ọo-dụ jeye lẹ gbururu.\"\n20Onye-Nwe-Ọha bya asụ Érọnu: \"Unu tee etsokwa ndu Ízurẹlu awata alị tọ dụ oke, unu l'e-tso whẹ keta. Ọo mụbe Onye-Nwe-Ọha bẹ bụ oke, unu nwe, ọ bụru mu bụ oke-iwhe, unu l'eketa l'ẹka ndu Ízurẹlu nọ.\nỤzo lanụ l'ụzo iri bụ oke, dụru eri Lívayi\n21\"A -bya abya l'ẹka eri Lívayi nọ, eshi whẹ l'eje ozhi, dụ lẹ Ụlo-ẹkwa-ndzuko bẹ mu nụkotawaru whẹ iwhe ndu Ízurẹlu l'anụje Onye-Nwe-Ọha l'ọo ụzo-lanụ-l'ụzo-iri t'ọ bụru oke-iwhe whẹ. 22Watalẹwho ntaa tụgburu bẹ l'ọodudua onye Ízurẹlu ọdo, l'e-jekube mgboro Ụlo-ẹkwa-ndzuko; ọdua bẹ iwhe-dụ-ẹji onye ọbu l'a-tukokwaru iya l'ishi; ya anwụhu. 23Obenu l'ọo eri Lívayi bẹ oje ozhi, dụ lẹ Ụlo-ẹkwa-ndzuko dụ l'ẹka; ọ bụru whẹ bẹ ejo-iwhe, e meru l'ẹka ono tukoru l'ishi. Iwhe ono, l'a-bụ nsọ, l'a-dụ jeye lẹ gbururu, shi l'ọgbo rwua l'ọgbo. Whẹ te enwedu oke l'echilabọ ndu Ízurẹlu. 24Iwhe ndu Ízurẹlu nụru mụbe Onye-Nwe-Ọha l'ọo ụzo-lanụ-l'ụzo-iri bẹ mu nụru ndu Lívayi t'ọ bụru oke-iwhe whẹ. Ọo ya meru g'o gude mu kfua okfu ẹhu whẹ sụ: 'Whẹ te eketadu oke l'echilabọ ndu Ízurẹlu.' \"\nEri Lívayi l'e-shije l'ụzo-lanụ-l'ụzo-iri nụkwawho Onye-Nwe-Ọha ụzo-lanụ-l'ụzo-iri\n25Onye-Nwe-Ọha sụ Mósisu 26t'o kfuaru eri Lívayi sụ whẹ agha: \"Ọ -bụru l'unu natajẹru ụzo-lanụ-l'ụzo-iri ono, mu sụru t'unu natajẹ l'ẹka ndu Ízurẹlu t'ọ bụru oke-iwhe unu, unu eshije l'ime iya woru ụzo-lanụ-l'ụzo-iri nụkwawho Onye-Nwe-Ọha. 27Iwhe unu nụru bẹ l'aa-gụjeru unu g'ọo akpụru iwhe shi l'ẹka l'eechi witi, a gụkwaa ya whọ g'ọo mmẹe, shi l'ẹka l'aadzọshi mmẹe. 28O noo ya, t'unu shije l'ụzo-lanụ-l'ụzo-iri ono, unu l'anatajẹ l'ẹka ndu Ízurẹlu woru ụzo-lanụ-l'ụzo-iri iya nụkwawho Onye-Nwe-Ọha; ọ bụru l'ụzo-lanụ-l'ụzo-iri ono bẹ unu l'e-shi woru nke Onye-Nwe-Ọha nụ Érọnu, bụ onye l'agbajẹ ẹja nụ Chileke. 29T'unu wojekwaru iwhe gbarụ mụbe Onye-Nwe-Ọha nụ mu l'iwhe lile, a nụru unu; unu shije l'ọwhu bụ iya kakọta-gezhia ree nụ mu mẹe l'ọwhu kakọta-gezhia ọdu nsọ. 30Ọo ya bụ t'i kfuru eri Lívayi sụ whẹ lẹ nteke whẹ wojeru iwhe kakọta-gezhia ree nụ Onye-Nwe-Ọha bẹ l'aa-gụru whẹ iya g'ọo iwhe shi l'ẹka l'eechije witi, a gụkwaa ya whọ g'ọo mmẹe, shi l'ẹka l'aadzọshije mmẹe. 31Unu l'a-nọje l'ẹka dụ unu mma ria ya, mbụ unu lẹ ndibe unu nkele ọo obunggo ozhi, unu l'eje lẹ Ụlo-ẹkwa-ndzuko. 32Ọ tọ dụdu iwhe-dụ-ẹji, bya l'a-tukoru unu l'ishi m'ọ bụru l'unu wotaru iwhe ono ọwhu kagezhia ree nụ mu. T'unu be emerwukwa iwhe ono, ndu Ízur���lu doberu nsọ bya anụ mu nke ọwhu unu l'ẹte anwụshihu.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/18","date":"2018-12-19T08:05:00Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376831715.98\/warc\/CC-MAIN-20181219065932-20181219091932-00479.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":1129,"character_repetition_ratio":0.084,"word_repetition_ratio":0.0,"special_characters_ratio":0.26,"stopwords_ratio":0.314,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 19\nỤnwu iwu, a tụru dobe\n1Tọ dụ iya bụ, Onye-Nwe-Ọha bya ekfuru yeru Mósisu sụ iya: 2\"Ọ waa iwhe l'ii-kfuru ụnwu Ízurẹlu lile ndọwa: T'unu dụkwa nsọ nkele mbẹdua, bụ Onye-Nwe-Ọha, mbụ Chileke unu dụkwa nsọ. 3T'onyenọnu l'ime unu kwabẹje ne iya lẹ nna iya ugvu. Unu edobeje iwu mbọku-ọtuta-ume nkemu. Ọo Mu bụ Onye-Nwe-Ọha bụru Chileke unu.\n4\"Unu ba aghachikwa gwalahaa agwa, unu ba kpụkwaru onwunu agwa. Ọo Mu bụ Onye-Nwe-Ọha bụru Chileke unu.\n5\"Nteke unu l'agbarụ Onye-Nwe-Ọha ẹja ẹhu-guu, t'unu gbajẹkwa iya l'ụzo, l'ọo-nata iya unu. 6Ọo mbọku, unu gbarụ ẹja ono m'ọ bụ echile iya bẹ unu l'a-tajẹ anụ, e gude gbaa ẹja ono. Ọwhu a tawhodoru fụta lẹ mbọku nke ẹto iya, t'a kpọo ya ọku. 7A -taa ya ilile lẹ mbọku nke ẹto ono; ya abụru ome ahụma, mu ta anatahẹkwa iya. 8Iwhe bụ onye tarụ iya nụ bẹ kwa iya vu ejo-iwhe, dụ iya nụ nkele o merwuru iwhe dụru Onye-Nwe-Ọha lẹ nsọ. Onye ọbu bẹ l'ee-kefukwa l'oke l'echilabọ ndibe whẹ.\n9\"Unu -kpadẹkwa iwhe unu meberu l'alị, t'unu kpatajẹkwa iya kpawhodo ọwhu dụ l'oge alị, t'unu be ejejekwa ọkpa mkpakwa iwhe unu kpawhodoru l'ẹka unu kpatarụ iwhe. 10Unu be ejejekwa mkpakwa akpụru vayịnu lẹ mgbabu vayịnu unu, unu ba atụtujekwa ọwhu dashịru l'alị. Unu haa ono t'ọ bụru nke ndu ụkpa mẹe ndu lwarụ alwa. Ọo Mu bụ Onye-Nwe-Ọha bụru Chileke unu.\n11\"Unu be ezhikwa oshi, unu ba adzụkwa ejire, unu ba aghọkwaru ibe unu ụgho. 12Unu be egudekwa ẹwha mu gụa ẹnwa l'ụzo ẹregede, shi nno merwua ẹwha Chileke unu. Ọo Mu bụ Onye-Nwe-Ọha.\n13\"Be erikwa madzụ ibe ghu urwu, ba anakwa iya iwhe iya l'ẹka ike. T'aswa ozhi onye jeru ghu ozhi ba adụkwa ghu l'ẹka fụta ụtsu. 14Be ewhukwa onye l'ada nkụchi iwhu; be edochijekwa onye l'atsọ ishi iwhe l'ụzo t'o vukota daa. Tsụje-chia Chileke ghu egvu. Ọo Mu bụ Onye-Nwe-Ọha.\n15\"Unu be ekpejekwa ikpe, l'akfụaru nhamụnha. Unu be elejekwa onye ụkpa ẹnya l'iwhu kpee ya ikpe, l'ọo lẹ ọ bụ onye ụkpa, unu ba atsụjekwa eze madzụ egvu. Iwhe unu l'e-mejechia bụ t'unu kpejee madzụ ibe unu ikpe, kfụru nhamụnha. 16Ba asụkwa asụlasu sụ-gude ibe ghu; be ekfutakwa iwhe ndzụ madzụ ibe ghu l'e-tseru l'ọnu ogu. Ọo Mu bụ Onye-Nwe-Ọha.\n17\"Be evukwaru nwune ghu iwhe l'obu. Jekfuje onye gụ l'iya dụ l'okfu t'unu kpeshia, ti bi tsoru keta oke iwhe-dụ-ẹji, onye ọbu meru. 18Ba agwatajẹkwa ụgwo iwhe ndibe unu meru ghu, be evujekwaru whẹ iwhe l'obu. Gbechia yee madzụ ibe ghu obu g'i yeru onwoghu. Ọo Mu bụ Onye-Nwe-Ọha.\n19\"Unu mejekwa iwhe mu tọru ọkpa iya. Be ekwekwa t'élwù ghu shije élwù ọdo, yẹle iya l'ẹte abụa ụdu anụ lanụ. Ba akụjekwa uzhi mebyi iwhe labọ l'okfu ghu, be eyejekwa uwe, e gude uzhi ẹkwa labọ kwaa.\n20\"Nwoke -jekfu nwamgbọko, a gbarụ ohu azẹe, mbụ onye nwoke ọdo doberu nke alụlu, bụ onye l'ẹte agbataa t'o nweru onwiya, t'e nyochakwa ya enyocha nụa whẹ awhụ, rwuberu whẹ nụ. Ọle t'e be egbukwa whẹ egbugbu, eshi-ọwhu nwamgbọko ono l'ẹteke enweeru onwiya. 21Tẹ nke nwoke kpụta ebyila gude bya l'ọnu Ụlo-ẹkwa-ndzuko, t'e gude gbaa ẹja ọkfu-ụgwo nụ Onye-Nwe-Ọha. 22Ọo ebyila ono, e gude gbaa ẹja ọkfu-ụgwo ono bẹ onye l'agbajẹ ẹja nụ Chileke l'e-gude kfụa ụgwo iwhe-dụ-ẹji, onye ono meru l'iwhu Onye-Nwe-Ọha, a gụaru iya nvụ l'iwhe-dụ-ẹji ono, o meru.\n23\"Unu bahụlewho l'alị ono, yeshia oshi-ọmi, dụ l'iche l'iche, l'eeri mebyi iya eri, t'unu sọkwaa mebyi iya nsọ. Awha ẹto gberegedengu bẹ unu l'a-sọkota iya nsọ haa ya eriri. 24O belewho l'awha nke ẹno iya, t'unu doo akpụru, oshi ono mịtaru nsọ, gude iya gbaarụ Onye-Nwe-Ọha ẹja ekele. 25O -belewho l'awha nke ise, unu awata rilahaa akpụru oshi ono nke ọwhu oshi ono l'a-nọ eyeru unu mebyi jọkfu-jọkfu. Ọo Mu bụ Onye-Nwe-Ọha bụru Chileke unu.\n26\"Unu ba atajẹkwa anụ, vu mmee l'ẹhu. Unu be emekwa amamanshi, unu ta adakwanụ lẹ mgbashị. 27Unu ba akpụbatajekwa ẹgbushi l'agụga ishi, unu be esebotajekwa ẹji-agba unu agụga agụga. 28Unu be ebyibatajekwa onwunu ọnya l'ẹhu l'iswi onye nwụhuru anwụhu, t'unu be egvujekwawho onwunu mbo l'ẹhu. Ọo Mu bụ Onye-Nwe-Ọha ọbu.\n29\"Be emekwa nwa ghu nwanyị t'ọ bụru ọkpara, shi nno merwua nwa ghu ọbu, ọdua bẹ alị unu l'owhu l'a-bụkwa ọkpara bẹ l'aa-nọ agba iya; ya abụru alị, ejo-ememe jiru eji. 30Unu dobeje iwu mbọku-ọtuta-ume nkemu, unu akwabẹje ụlo-nsọ nkemu ugvu. Ọo Mu bụ Onye-Nwe-Ọha.\n31\"Unu be ejejekwa njịta l'ẹka ndu l'awhụ awhụ m'ọ bụ l'ẹka ndu l'eme amamanshi, o noo lẹ whẹ l'e-merwukwa unu. Ọo Mu bụ Onye-Nwe-Ọha bụru Chileke unu.\n32\"Unu gbashijeru ndu bụ ọgurenya l'oshi, unu kwabẹje ndu bụ unu ọgurenya ugvu, unu atsụ Chileke unu egvu. Ọo Mu bụ Onye-Nwe-Ọha.\n33\"Onye lwarụ alwa -buru l'alị unu, t'unu be emejekwa iya mmegide. 34Onye lwarụ alwa, bu l'echilabọ unu bẹ unu l'a-nọje eme g'unu l'eme onye a nwụru lẹ Ízurẹlu. Unu yee onye ọbu obu g'unu yeru onwunu, o noo nkele unubẹdua shikwa bụru ndu nlwamụnlwa l'alị Íjiputu. Ọo Mu bụ Onye-Nwe-Ọha bụru Chileke unu.\n35\"Unu be emejekwa ụgho l'iwhe unu gude atụ ogologo iwhe mẹe ọwhu unu gude atụ ẹrwa iwhe mẹe ọwhu unu gude atụ iwhe t'unu marụ g'ọ habe l'urwu. 36Unu gudejekwa iwhe e gude atụ ẹrwa iwhe bụ ọkpobe iya mẹe efere-nkwẹka, bụ ọkpobe iya mẹe ekpemu, bụ ọkpobe iya gude atụ iwhe. Ọo Mu bụ Onye-Nwe-Ọha bụru Chileke unu, onye dufutaru unu l'alị Íjiputu. 37Ọ kwa iya bụ t'unu dobekotakwa iwhe bụ iwhe mu tọru ọkpa iya mẹe iwhe mu tụru l'iwu g'ọ ha, unu eme iya eme. Ọo Mu bụ Onye-Nwe-Ọha.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/19","date":"2018-12-17T05:40:06Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828318.79\/warc\/CC-MAIN-20181217042727-20181217064727-00361.warc.gz","language":"eza","language_score":1.0000085831,"language_script":"Latn","minhash_cluster_size":1,"top_langs":"{\"eza_Latn_score\": 1.0000085830688477}","num_words":913,"character_repetition_ratio":0.099,"word_repetition_ratio":0.0,"special_characters_ratio":0.253,"stopwords_ratio":0.303,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 13:28\n28Nteke bụ l'ẹka-iwhe-dụ iya ono bẹ dụ iya g'ọ dụ iya, tọ bakashịhu dzuru iya akpọ-ẹhu, ẹka ono gbẹ-chia dụ iya akpọhu akpọhu, ọo ya bụ l'ọo eswita mmaanụ bẹ ẹka ono, ọku hụru onye ọbu switaru iya. T'onye l'agbajẹ ẹja nụ Chileke sụ l'onye ọbu ta abụdu onye l'aasọ nsọ nkele iwhe ono bụ ichi ọku ono, hụru iya nụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/13\/28","date":"2018-12-10T19:22:48Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823442.17\/warc\/CC-MAIN-20181210191406-20181210212906-00242.warc.gz","language":"eza","language_score":0.9976580739,"language_script":"Latn","minhash_cluster_size":1,"top_langs":"{\"eza_Latn_score\": 0.9976580739021301}","num_words":62,"character_repetition_ratio":0.0,"word_repetition_ratio":0.0,"special_characters_ratio":0.264,"stopwords_ratio":0.403,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Awụfu 12:15\n15Abalị ẹsaa bẹ unu l'a-ta buredi, l'eete eyee iwhe l'ekoje buredi. O belewho mbọku mbụ, unu ewofukota iwhe l'ekoje buredi l'ụlo unu. O noo nkele wata lẹ mbọku mbụ jeye lẹ mbọku nke ẹsaa; iwhe bụ onye tarụ buredi, e yeru iwhe l'ekoje buredi, e kefu onye ọbu l'oke lẹ Ízurẹlu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/12\/15","date":"2018-12-13T06:06:15Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824525.29\/warc\/CC-MAIN-20181213054204-20181213075704-00602.warc.gz","language":"eza","language_score":1.0000038147,"language_script":"Latn","minhash_cluster_size":1,"top_langs":"{\"eza_Latn_score\": 1.0000038146972656}","num_words":52,"character_repetition_ratio":0.147,"word_repetition_ratio":0.0,"special_characters_ratio":0.261,"stopwords_ratio":0.308,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 39:5\n5Whẹ bya emetakwawho wẹrere ẹkwa, l'ee-gudeje kebuta iya l'ukfu woru ye iya. Wẹrere ẹkwa ono bẹ yẹle ifọdu ono tụko bụru iwhe lanụ. Iwhe e gude kwee ya bụ oghu mkpọla-ododo mẹe oghu urwukpu-urwukpu mẹe oghu ododo mẹe nke uswe-uswe yẹle ọkpobe ẹkwa ọcha, a kparụ ọ dụ ree; ọ bụru gẹ Onye-Nwe-Ọha tụru iya Mósisu l'iwu bụ g'e meru iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/39\/5","date":"2018-12-13T11:22:53Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824675.15\/warc\/CC-MAIN-20181213101934-20181213123434-00324.warc.gz","language":"eza","language_score":0.9999978542,"language_script":"Latn","minhash_cluster_size":1,"top_langs":"{\"eza_Latn_score\": 0.9999978542327881}","num_words":62,"character_repetition_ratio":0.018,"word_repetition_ratio":0.0,"special_characters_ratio":0.241,"stopwords_ratio":0.323,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 6\n1O noo ya, Onye-Nwe-Ọha sụ Mósisu: \"Ị bya l'a-whụ iwhe mu l'e-me Fero. Nkele mu l'e-gude ike ọkpehu mu mee, ya aparụ whẹ haa; mbụ lẹ mu l'e-gude ike ọkpehu mu mee, ya achịfu whẹ l'alị iya.\"\n2Chileke sụkwawho Mósisu: \"Ọo Mu bụ Onye-Nwe-Ọha. 3Mu seru l'iwhu Ébirihamu; mu see l'iwhu Áyiziku; mu sekwaawho l'iwhu Jékọpu; mu karụ whẹ l'ẹwha mu bụ Chileke, bụ Ọkalibe-Kakọta-Ike. Ọle mu te emedu tẹ whẹ marụ l'ẹwha mu bụ Onye-Nwe-Ọha. 4Mu lẹ whẹ bya agbaa ndzụ lẹ mu l'a-nụ whẹ alị ndu Kenanu, bụ alị ẹka whẹ shi buru g'ọo ndu lwarụ alwa. 5Ọdo bụ lẹ mu nụwaru ude, ndu Ízurẹlu l'atsụ; mbụ ndu ono, ndu Íjiputu meru, whẹ bụru ohu ono. Mu nyatawaa ọgbandzu mu ono.\n6\"Ọo ya bụ, t'unu sụ ndu Ízurẹlu: 'Ọo Mu bụ Onye-Nwe-Ọha; mu l'a-nafụta unu l'ozhi mkpọnwuru ono, ndu Íjiputu dzuberu unu; mu emee t'unu nweru onwunu; t'unu ba abụhe ohu whẹ. Mu l'a-machị ẹka mu gude gbafụta unu; bya emeshia iwhe dụ biribiri gude nụa whẹ awhụ. 7Mu l'e-me t'unu bụru ndu nkemu; mu abụru Chileke unu. Ọo ya bụ, unu amarụ l'ọo Mu bụ Onye-Nwe-Ọha bụ Chileke unu; onye ono, nafụtaru unu l'ozhi mkpọnwuru ono, ndu Íjiputu dzuberu unu. 8Mu l'e-duta unu dubata l'alị ono, mu paliru ẹka mu imeli, ribua lẹ nte lẹ mu l'a-nụ Ébirihamu mẹe Áyiziku mẹe Jékọpu. Mu l'a-nụ iya unu t'ọ bụru oke-iwhe unu. Ọo Mu bụ Onye-Nwe-Ọha.' \"\n9Mósisu bya ezhia ndu Ízurẹlu iwhe ono, Chileke zhiru, ọle whẹ ta angadụru iya nchị nkele mmeji tọfuwaru whẹ; tẹmenu l'eedzuru whẹ ozhi mkpọnwuru.\n10Onye-Nwe-Ọha sụ Mósisu: 11\"Je ekfuru Fero, bụ eze ndu Íjiputu t'ọ haa ndu Ízurẹlu tẹ whẹ gbeshi lụfu l'alị iya.\"\n12Ọle Mósisu bẹ sụru Onye-Nwe-Ọha: \"Ọ -bụru lẹ ndu Ízurẹlu ta angadụru mu nchị, ?ndẹe gẹ Fero l'e-shi ngabẹru mu nchị lẹ mụbe onye l'atsụ ntsụ?\" 13Tọ dụ iya bụ, Onye-Nwe-Ọha bya ekfuru yeru Mósisu yẹle Érọnu l'okfu ẹhu ndu Ízurẹlu mẹe l'okfu ẹhu Fero, bụ eze ndu Íjiputu sụ whẹ tẹ whẹ dufuta ndu Ízurẹlu l'alị Íjiputu.\nẸpa Mósisu yẹle ẹpa Érọnu\n14Ọ waa bụ ndu, bụ ishi l'ẹnya-uwhu ibe nna whẹ.\nỤnwu Rúbẹnu, bụ ọkpara Ízurẹlu bụ Hanọku, Palu, Hẹzuronu mẹe Kami. Ndu ono bụ ndu ikfu Rúbẹnu gẹ whẹ ha.\n15Ụnwu nke Símiyọnu bẹ bụ Jemuwẹlu, Jaminu, Ohadu, Jakinu, Zoha, mẹe Shawulu, nwa nwanyị Kenanu. Ndu ono bụ ndu ikfu Símiyọnu gẹ whẹ ha.\n16Ọ waa bụ ẹwha ụnwu Lívayi, ẹgube e deru whẹ l'ẹkwo: Geshọnu mẹe Kohatu mẹe Merari. Lívayi nọru ụkporo awha ugbo ishii l'awha iri l'ẹsaa.\n17Ụnwu Geshọnu l'ẹnya-uwhu whẹ l'ẹnya-uwhu whẹ bụ Libyini mẹe Shimeyi.\n18Ụnwu Kohatu bụ Amụramu, Izharu, Hiburọnu mẹe Úziyẹlu. Kohatu nọru ụkporo awha ugbo ishii l'awha iri l'ẹto.\n19Ụnwu Merari bụ Mahuli mẹe Mushi. O noo bụ ndu ikfu Lívayi, ẹgube e deru iya l'ẹkwo.\n20Amụramu bẹ lụru nwune nna iya, bụ Jokebẹdu. Ọ nwụtaru iya Érọnu yẹle Mósisu. Amụramu nọru ụkporo awha ugbo ishii l'awha iri l'ẹsaa.\n21Ụnwu Izharu bụ Kora, Nefegu mẹe Zikiri.\n22Ụnwu Úziyẹlu bụ Mishẹlu mẹe Ẹ́luzafanu mẹe Sitiri.\n23Érọnu bẹ lụru Elisheba, nwatibe Amínadabu nke nwanyị, bụkwaruwho nwune Nahụshonu nke nwanyị. Elisheba nwụtaru Érọnu Nedabu, Abyihu, Eliyéza mẹe Itama.\n24Ụnwu Kora bụ Asiru mẹe Ẹ́lukana mẹe Abyiyasafu. Ndu ono bụ ndu ẹnya-uwhu Kora.\n25Eliyéza, nwa Érọnu bẹ lụru onye lanụ l'ime ụnwada Putẹlu, ọ nwụtaru iya Fínihasu.\nNdu ono bụkota ishi l'ikfu Lívayi l'ẹnya-uwhu whẹ l'ẹnya-uwhu whẹ.\n26Ọo Érọnu yẹle Mósisu bẹ bụ ndu ọbu, Onye-Nwe-Ọha sụru: \"Unu dufuta ndu Ízurẹlu gẹ whẹ ha l'alị Íjiputu.\" 27Ọ kwawhọ whẹ bụ ndu ọbu, kfuru Fero, bụ eze ndu Íjiputu nke odufuta ndu Ízurẹlu l'alị Íjiputu. Ọ kwawhọ Mósisu yẹle Érọnu lanụ ono b'ọ bụ.\nÉrọnu bụ ọnu, l'ekfuchiru Mósisu\n28O noo ya, nteke ono, Onye-Nwe-Ọha kfuru yeru Mósisu l'alị Íjiputu 29bẹ Onye-Nwe-Ọha sụru iya: \"Ọo Mu bụ Onye-Nwe-Ọha. Kfuru Fero, bụ eze ndu Íjiputu iwhe lile ono, mu kfuru ghu.\"\n30Ọle Mósisu sụru Onye-Nwe-Ọha: \"Nkeshi mu bụ onye l'atsụ ntsụ, ?ndẹe gẹ Fero l'e-shi ngabẹru mu nchị?\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/6","date":"2018-12-16T16:12:51Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827769.75\/warc\/CC-MAIN-20181216143418-20181216165418-00574.warc.gz","language":"eza","language_score":1.0000084639,"language_script":"Latn","minhash_cluster_size":1,"top_langs":"{\"eza_Latn_score\": 1.000008463859558}","num_words":664,"character_repetition_ratio":0.082,"word_repetition_ratio":0.0,"special_characters_ratio":0.256,"stopwords_ratio":0.36,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 5:18\n18Onye l'agbajẹ ẹja nụ Chileke ono -kfụbelewho nwanyị ono l'atatiwhu Onye-Nwe-Ọha, ya atọfu iya iwhe o ke l'ishi, pata ngwo-ẹja nri ono, e gude anyata ejo-iwhe ono nụ iya t'ọ parụ l'ẹka, mbụ ngwo-ẹja nri ono, e gworu l'okowhoo. Ọwhube onye l'agbajẹ ẹja nụ Chileke ono l'onwiya aparụ mgbilu mini ono, l'emeje tẹ madzụ bụru onye vu ejo-ọnu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/5\/18","date":"2018-12-15T16:33:45Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826892.78\/warc\/CC-MAIN-20181215152912-20181215174912-00505.warc.gz","language":"eza","language_score":1.000009656,"language_script":"Latn","minhash_cluster_size":1,"top_langs":"{\"eza_Latn_score\": 1.0000096559524536}","num_words":59,"character_repetition_ratio":0.1,"word_repetition_ratio":0.0,"special_characters_ratio":0.256,"stopwords_ratio":0.288,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 7:21\n21Ọ -bụru lẹ madzụ bẹ ẹhu iya denyiru l'iwhe l'aasọ nsọ m'ọ bụ iwhe l'aasọ nsọ, shi l'ẹhu madzụ m'ọ bụ anụ, l'aasọ nsọ m'ọ bụ ụnwu iwhe ọdo, l'aasọkaa nsọ, o -megee bya ataa anụ, e gude gbaarụ Onye-Nwe-Ọha ẹja ẹhu-guu, t'e kefukwa onye ọbu l'oke l'ẹka ndibe whẹ nọ.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/7\/21","date":"2018-12-19T09:40:44Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376831933.96\/warc\/CC-MAIN-20181219090209-20181219112209-00408.warc.gz","language":"eza","language_score":1.0000097752,"language_script":"Latn","minhash_cluster_size":1,"top_langs":"{\"eza_Latn_score\": 1.0000097751617432}","num_words":52,"character_repetition_ratio":0.11,"word_repetition_ratio":0.0,"special_characters_ratio":0.294,"stopwords_ratio":0.25,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 13:2\n2\"O -bụru l'ọnya dụ madzụ l'ẹhu m'ọ bụ iwhe dụ g'ọo ẹkpa m'ọ bụ l'ọo iwhe tụkashiru iya pọopoo l'ẹhu, bụ iwhe nweru ike ya aghọo ejo ẹhu-ba-dụ-mma, l'eswe nswe, nọ onye ono l'akpọ-ẹhu, t'e dutakwa onye ọbu jekfu Érọnu, bụ onye l'agbajẹ ẹja nụ Chileke, ọdua e duta iya jekfu onye lanụ l'ime ụnwu Érọnu, bụ onye l'agbakwawhọ ẹja Chileke.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/13\/2","date":"2018-12-14T07:42:06Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825495.60\/warc\/CC-MAIN-20181214070839-20181214092339-00134.warc.gz","language":"eza","language_score":1.0000097752,"language_script":"Latn","minhash_cluster_size":1,"top_langs":"{\"eza_Latn_score\": 1.0000097751617432}","num_words":62,"character_repetition_ratio":0.082,"word_repetition_ratio":0.0,"special_characters_ratio":0.268,"stopwords_ratio":0.355,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 25:31\nIwhe l'aadọbeje oryọku\n31\"Gude ọkpobe mkpọla-ododo, e tsusaru ọsa, mee iwhe l'aa-dọbeje oryọku. Mee ya t'o nweru mkpara mẹe njakata. Ya enweru efere mẹe nkwo mẹe iwhe dụ g'ọo nwopu igu ooshi mẹkwawho iwhe dụ g'ọo igu ooshi, jarụ ajaja. Tụkokwa iwhe lile ono g'ọ ha mee tẹ yẹle iwhe ono, l'aadọbeje oryọku ono dzekfuru bụru nnanụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/25\/31","date":"2018-12-16T01:55:14Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827175.38\/warc\/CC-MAIN-20181216003916-20181216025916-00434.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":58,"character_repetition_ratio":0.102,"word_repetition_ratio":0.0,"special_characters_ratio":0.243,"stopwords_ratio":0.276,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 25\nAwha Ọtuta-ume\n1Tọ dụ iya bụ, Onye-Nwe-Ọha bya ekfuru yeru Mósisu l'eli ugvu Sáyinayi sụ iya: 2\"Kfuru ụnwu Ízurẹlu sụ whẹ agha: Unu bahụlewho l'alị ono, mu l'eme tẹ mu nụ unu, t'unu hakwa alị ono t'ọ tụta ume, shi nno kwabẹ Onye-Nwe-Ọha ugvu. 3Awha ishii bẹ unu l'a-kọje alị unu, awha ishii unu akọchashia mgbu vayịnu unu akọchashi, wọo akpụru iya. 4L'awha nke ẹsaa l'owhu, alị ono atụta ume. O noo bụ awha ọtuta-ume nke Onye-Nwe-Ọha. Unu ba akọkwa alị unu, unu eje akọcha mgbu vayịnu unu akọcha l'awha ono. 5Unu be emetakwa iwhe dashịru ẹda. Unu ba awọtakwa akpụru vayịnu, l'ẹte akọchaa akọcha; awha ono bụkwa awha, alị l'atụta ume. 6Iwhe shi l'alị awha ono, alị l'atụta ume l'a-bụru nri unu mẹe nke ohu unu mẹe nke ndu unu buru ozhi mẹe nke ndu lwarụ alwa, unu lẹ whẹ bu. 7Élwù unu mẹe anụ-ẹgbudu, bu l'alị unu bẹ iwhe shi l'alị ono l'a-bụkwaruwho nri nkewhe.\nAwha Ẹhu-ụtso\n8\"Gụa awha ọtuta-ume awha ẹsaa bụ iya bụ awha ẹsaa ẹsaa ugbo ẹsaa. Iwhe awha ọtuta-ume ẹsaa ono l'a-dụkota bụ ụkporo awha ugbo labọ l'awha tete. 9L'abalị iri l'ọnwa ẹsaa bụ iya bụ mbọku ọkfu ụgwo iwhe-dụ-ẹji bẹ l'ii-zhi t'e gbudzuru opyi-ọku l'alị unu l'owhu. 10Awha ọwhu l'e-kwe iya ụkporo awha ugbo labọ l'awha iri ono bẹ unu l'e-dobe nsọ, unu aryaa ya arya t'onyenọnu nweru onwiya l'alị ono kpaa-whuu. Awha ono bụru unu awha ẹhu-ụtso; nteke onyenọnu l'a-la je anọdu l'alị iya; onyenọnu alakfu ndibe whẹ. 11T'awha nke ụkporo ugbo labọ l'awha iri ono bụkwaru unu awha-ẹhu-ụtso. L'awha ono bẹ unu ta akọdu iwhe l'alị, unu ta akpata iwhe darụ ẹda, unu ta awọta akpụru vayịnu, l'ẹte akọchaa akọcha. 12Eshi-ọwhu awha ono bụru unu awha ẹhu-ụtso bẹ unu l'e-me iya t'ọ dụ nsọ. Ọo iwhe darụ ẹda l'alị ono bẹ unu l'e-ri l'awha ono.\n13\"L'awha ẹhu-ụtso bẹ onyenọnu l'a-la je anọdu l'alị iya. 14Ọ -bụru l'i reru madzụ ibe ghu alị m'ọ bụ l'ị zụtaru alị azụta l'ẹka onye ọdo, t'unu mekwaa ya t'ọ bọ dụ onye l'e-ri ibe iya urwu. 15Madzụ l'azụ alị onye ọdo, t'e dobekwa aswa iya ele ẹnya awha ole, alị ọbu nọwaru nke l'a fụtaru l'awha ẹhu-ụtso. Onye ọwhu l'ere alị ọbu ere iya ele ẹnya l'awha ole, alị ọbu l'e-mefua iwhe tẹmenu ya alawhu iya azụ l'ẹka. 16Awha -paa l'igwe aswa, l'ịi-sụ t'a kfụa l'alị ọbu ahaa shii. Nteke bụ l'awha parụ nwanshị, aswa, l'ịi-sụ t'a kfụa l'alị ọbu aha nwanshị, nkele iwhe l'oole ẹnya ere ghu iya bụ iwhe l'ii-meta l'alị ọbu. 17T'ọ bọ dụkwa onye ọwhu l'e-ri ibe iya urwu. Iwhe unu l'e-mechia bụ t'unu tsụje Chileke unu egvu. Nkele ọo Mu bụ Onye-Nwe-Ọha bụru Chileke unu.\nIwhe-ọtsulanu l'a-dụ l'awha nke ẹsaa\n18\"Ọo ya bụ, t'unu mejekwa iwhe mu tọru ọkpa iya, unu edobe iwhe mu tụru l'iwu; eme iya ememe nke ọwhu unu l'e-buru l'alị ono tụsaru ẹhu. 19Alị ono bẹ iwhe e meberu iya l'a-nọ emehu emehu, unu eriji ẹwho, buru tụsaa ẹhu. 20Ọ -bụru l'unu jịru sụ: '?Ọo gụnu bẹ anyi l'e-ri l'awha nke ẹsaa ono, m'ọ dụa iwhe anyi kọberu, tọ dụ iwhe anyi kpatarụ l'okfu?' 21L'awha nke ishii bẹ mu l'e-me t'ọnu-ọma nkemu sọ-kputa unu ẹhu, nke ọwhu alị l'e-meta iwhe l'a-sụru unu awha ẹto. 22L'awha nke ẹsato bẹ unu l'a-kọbe iwhe l'alị, eri akahụ iya ọwhu unu metahawaru; ria ya jeye l'awha nke tete; nteke unu l'a-kpata iwhe ọwhuu nke awha ono.\nỌgbata iwhe e reru erere\n23\"T'e be erejekwa alị nre-lanụ, nkele alị bụkwa mbẹdua nwe iya. Unubẹdua bụ abyabya bẹ unu byarụ, ọ bụru anụnu bẹ mu nụru iya unu t'unu buru. 24Unu hajẹkwaa t'onye nwe alị gbata alị iya l'ẹka onye ọ sụberu iya l'iwhe bụ alị unu g'ọ ha.\n25\"Ọ -bụru lẹ nwune ghu bẹ ụkpa byarụ, o buta alị iya ree; t'ọ bụkwaru onye yẹle iya bụ ọkpobe abụbu l'a-gbata alị ono, o reru. 26Ọ -bụru l'onye ọbu te enwedu onye l'a-gbata iya, e megee ẹka bya atụlahaa yẹbedua atụtu, o shi nno nweta iwhe dzuru gẹ l'ọo-gbata iya, 27t'ọ gbakọo awha ole, a nọwaru nke l'o reru alị ono, kfụa onye o reru alị ọbu ụgwo awha ọwhu l'ọotoko ọkoo ya, t'alị ono lwawhu iya azụ l'ẹka. 28Nteke bụ l'onye ọbu te enwedu iwhe l'oo-gude gbata iya, t'alị ọbu, o reru dụkwa l'ẹka onye zụru iya nụ jeye awha ẹhu-ụtso. Nteke o beru l'awha ẹhu-ụtso t'onye zụru alị ono haa ya, t'ọ lwawhu azụ l'ẹka onye nwe iya nụ.\n29\"Ọ -bụru lẹ madzụ bẹ reru ụlo ebubu lẹ mkpụkpu, a tụ-wheru mgbodo mgburumgburu, t'ọ gbatakwa iya l'ime mgbarawha, o reru iya. Ọo l'ime mgbarawha ono bẹ ike iya beru nke agbata iya. 30Ọ -bụru l'ọ tọ gbatadu iya jeye awha gbaa, bẹ ụlo ono, dụ lẹ mkpụkpu ono, a tụ-wheru mgbodo mgburumgburu l'a-bụwaruro nke onye zụru iya nụ yẹle ẹpa iya jeyewaroya. T'a ba ahakwa ụlo ono l'awha ẹhu-ụtso t'ọ lwawhu azụ l'ẹka onye nwe iya nu. 31Obenu l'ụlo ọwhu dụ l'ime mkpụkpu, l'ẹte atụ-whee mgbodo mgburumgburu bụ g'e meru ẹka bụ ẹgu bẹ l'ee-me iya. T'a gbatajẹ iya agbata, onye zụru iya nụ ahajẹkwaa ya whọ t'ọ lwawhu azụ l'ẹka onye nwe iya nụ mẹ o rwulewho l'awha ẹhu-ụtso.\n32\"A byakwanụ lẹ mkpụkpu ọwhu bụ nke ndu Lívayi mẹe ụlo, dụ lẹ mkpụkpu whẹ, tẹ ndu Lívayi gbatajẹkwa iya nteke dụ whẹ ree. 33Ọ -bụru l'onye Lívayi ta adụdu ike gbata ụlo iya l'ẹka onye o reru iya, o -rwulewho l'awha ẹhu-ụtso t'ụlo ọbu, o reru lẹ mkpụkpu whẹ lawhukwa iya azụ l'ẹka. Nkele ụlo lile, dụ lẹ mkpụkpu ndu Lívayi bụkwa iwhe whẹ nwe l'ẹka ndu Ízurẹlu nọ. 34Ọle t'ọ bọ dụkwa iwhe l'e-me tẹ whẹ ree alị ẹka élwù whẹ l'atajẹ nri, dụ lẹ mkpụkpu whẹ, o noo nkele ẹka ono bụ ẹka whẹ nwe enwe jeyewaroya.\nOjee ndu ụkpa ụgwo\n35\"Ọ -bụru l'onye Ízurẹlu ibe ghu, gụ l'iya bukube bẹ ụkpa byarụ, tọ dụ ike ọzu onwiya; yejeru iya ẹka ẹgube ono, l'eeyejeru onye lwarụ alwalwa m'ọ bụ onye byarụ abyabya nke ọwhu l'oo-bukube ghu g'o bukube ghu. 36Ba asụjekwa iya t'o tukoberu ghu iwhe l'iwhe ị nụru iya, tsụjekwa Chileke ghu egvu nggẹ onye Ízurẹlu ibe ghu ono ebukube ghu g'o bukube ghu. 37Be ejekwa iya ụgwo okpoga sụ iya t'ọ tụkwaseru ghu iya iwhe l'eli, ba anụkwa iya nri lee ẹnya urwu, l'ii-rita iya. 38Ọo Mu bụ Onye-Nwe-Ọha bụru Chileke unu, bụ onye dufutaru unu l'alị Íjiputu tẹ mu nụ unu alị Kenanu, mu abụru Chileke unu.\nỌha ohu t'o nweru onwiya\n39\"Ọ -bụru l'onye Ízurẹlu ibe ghu, gụ l'iya bukube bẹ ụkpa byarụ, o woru onwiya ree ghu, be emekwa iya t'o jejeru ghu ozhi g'ọo ohu. 40Dobe iya l'ọnodu onye i buru ozhi ebu m'ọ bụ onye byarụ abya, t'o jeeru ghu ozhi jeye awha ẹhu-ụtso. 41O -rwua nteke ono tẹ yẹle ụnwu iya haa ghu, lakfu ndibe whẹ je anọdu-whu azụ l'oke-alị nna iya. 42Nkele ndu Ízurẹlu bụ ohu mụbe Onye-Nwe-Ọha, mu shi l'alị Íjiputu dufuta, t'e be erekwa whẹ tẹ whẹ bụru ohu. 43Ba adụkwaru onye Ízurẹlu ibe ghu ẹhuka, tsụjekwa Chileke ghu egvu.\n44\"Tẹ ndu unu l'a-gbajẹ ohu bụkwaru ndu ọha ọdo, bu unu mgburumgburu, mbụ unwoke mẹe ụnwanyi. O nokwa ndu unu l'a-gbajẹ ohu ndono. 45Ndu ọdo, unu l'a-gbajẹfua ohu bụ ndu byarụ abya, bu l'echilabọ unu m'ọ bụ ndibe whẹ, unu lẹ whẹ bukwawho, bụ ndu a nọ l'alị unu nwụshia, whẹ abụru ndu unu nwe enwe. 46Ndu ono bẹ unu l'e-me tẹ whẹ bụru oke-iwhe, dụru ụnwu unu l'etso unu l'azụ, t'ọ bụru ndu whẹ nwe enwe jeyewaroya. A -bya l'unwune unu, bụ ụnwu Ízurẹlu, t'unu ba adụkwaru whẹ ẹhuka.\n47\"Ọ -bụru l'onye lwarụ alwa m'ọ bụ onye byarụ abya, unu l'iya bu bẹ nweru iwhe, onye Ízurẹlu ibe ghu, yẹle iya bukube -daa ụkpa, o woru onwiya ree onye ono, lwarụ alwa, bukube ghu nụ m'ọ bụ woru onwiya ree onye ibe onye ono, lwarụ alwa ono, 48e -regee ya bẹ l'aa-gbatalẹ iya-a agbata. Tẹ nwune iya lanụ gbatakwa iya. 49Nteke l'ọo dụa, nwune nna onye ọbu m'ọ bụ nwa nwune nna iya m'ọ bụ onye ọdo, yẹle whẹ bụ abụbu agbata iya. Ọ -bụru l'onye ọbu bẹ nọnyaru bya enweru iwhe, t'ọ gbatakwa onwiya. 50Tẹ yẹbedua yẹle onye gbarụ iya ohu nọdukwa gbakọo awha ole, ọ bụ eshi nteke o reru onwiya rwua l'awha ẹhu-ụtso. T'aswa, l'ọo-kfụ gude gbata onwiya bụkwaru iwhe lanụ yẹle awha ole, wuduru nụ. T'e lekwaa ẹnya l'ụgwo, l'aa-kfụ l'ozhi ujiku owhu gude gbakọru iyẹ ya. 51Awha, wuduru nụ -hakwadụ shii, t'onye ono lee ẹnya g'awha ọbu hatabe, keta okpoga, o reru onwiya kfụa gude gbata onwiya. 52Nteke bụ l'awha, wuduru nụ habewaa nwahabe t'o rwua l'awha ẹhu-ụtso, tẹ yẹle iya tụko gbakọo iwhe l'ọo-kfụ l'awha ole, wuduru nụ gude gbata onwiya. 53T'ọ bụkwaru gẹ l'eemeje onye ozhi, e butaru ebuta awha g'awha ha bụ gẹ l'ee-meje onye ọbu. T'onye ọ nọ l'ẹka ba adụkwaru iya ẹhuka.\n54\"Ọ -bụru l'a taa gbatadu iya l'ụzo, dụ ẹgube ono; t'a hakwaa yẹle ụnwegirima iya tẹ whẹ lashia mẹ o rwulewho l'awha ẹhu-ụtso. 55O noo l'ụnwu Ízurẹlu bụ ohu mbẹdua. Whẹ bụ ohu mu, mu dufutaru l'alị Íjiputu. Ọo Mu bụ Onye-Nwe-Ọha bụru Chileke unu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/25","date":"2018-12-10T01:53:58Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823236.2\/warc\/CC-MAIN-20181210013115-20181210034615-00388.warc.gz","language":"eza","language_score":1.0000095367,"language_script":"Latn","minhash_cluster_size":1,"top_langs":"{\"eza_Latn_score\": 1.000009536743164}","num_words":1523,"character_repetition_ratio":0.056,"word_repetition_ratio":0.004,"special_characters_ratio":0.264,"stopwords_ratio":0.295,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 28\n1Tọ dụ iya bụ, Áyiziku bya ekua Jékọpu, gọru ọnu-ọma nụ iya, bya anmaarụ iya ọkwa sụ iya: \"Ba alụbukwa-a nwanyị Kenanu. 2Tụgbulekwaruwho jeshia Padanu-aramu, l'ibe nna ghu oche, bụ Byituwẹlu, mbụ nna, nwụru ne ghu; je alụa nwanyị. Onye l'ịi-lụ bụkwaru nwada Lebanu, bụ nwune ne ghu. 3Tẹ Chileke, bụ Ọkalibe-Kakọta-Ike gọru ọnu-ọma nụ ghu, mee t'ị nwụshia ụnwu bụru ikpoto mba. 4Tẹ Chileke mekwaa t'ọnu-ọma ono, ọ gọru nụ Ébirihamu rwube ghu ẹka; rwubekwawho ẹpa ghu ẹka nke ọwhu l'ii-nweru alị ono, i bu ntaa g'ọo nlwamụnlwa ono, mbụ alị ono, Chileke nụru Ébirihamu.\" 5Ọo ya bụ, Áyiziku bya edufu Jékọpu; o jeshia Padanu-aramu; ibe Lebanu nwa Byituwẹlu onye Arámu, mbụ Lebanu ono, bụ nwune Ribẹka, bụ ne Jékọpu yẹle Ịso.\n6O noo ya, Ịso marụ lẹ Áyiziku gọwaru ọnu-ọma nụ Jékọpu, bya edufuwa iya t'o jeshia Padanu-aramu je alụta nwanyị l'ẹka ono, tẹmenu lẹ nteke ono, ọ gọru iya ọnu ono b'ọ nmarụ iya ọkwa sụ iya t'ọ bọ lụbukwa-a nwanyị Kenanu. 7Ọ chọfutakwawho lẹ Jékọpu bẹ nụru ne iya lẹ nna iya okfu bya ejeshiwa Padanu-aramu. 8Nteke ono, Ịso bya amarụ l'ụnwanyi Kenanu dụ nna iya, bụ Áyiziku ẹji. 9O kwee jeshia ibe Ishimẹlu je alụa nwanyị ọdo t'a gụfu ndu ọwhu, ọoluhawaa. Onye ọ lụru bụ Mahalatu, bụ nwune Nebayotu, mbụ nwada Ishimẹlu, bụ nwa Ébirihamu.\nNrọ, Jékọpu rọru lẹ Bẹtelu\n10Tọ dụ iya bụ, Jékọpu shi lẹ Byiyesheba tụgbua; ọ bụru iya oje mkpụkpu Háranu. 11O jenyaa, chi jikfu iya l'ẹka lanụ, ọ radụ aradụ l'ẹka ono. Ọ pata ẹwhuru lanụ, dụ l'ẹka ono swibe ishi zẹ-zhita kuru mgbẹnya. 12Ọ rọo nrọ g'ọ whụru obebe, e gvuberu ọkpa iya l'alị; o je asụ-kfuru l'imigwe. Ojozhi-imigwe, shi l'ẹka Chileke l'agba iya gorogoro; ndu l'enyihu enyihu; ndu l'enyizeta enyizeta. 13Onye-Nwe-Ọha kfụ-koru iya l'eli; kfua sụ: \"Ọ kwa Mu bụ Onye-Nwe-Ọha, bụ Chileke nke nna ghu Ébirihamu; bụru Chileke nke Áyiziku. Alị ono, ị zẹe bẹ mu l'a-nụ gụ l'ẹpa ghu. 14Ẹpa ghu l'a-kụru akụru g'ọo ẹja, dụ l'alị. Unu l'e-bu jeye ụzo ẹnyanwu-arịba; bua jeye ụzo ẹnyanwu-awata, unu ebua jeye ụzo isheli; bua jeye ụzo ọhuda. Mu l'e-shi l'ẹka gụ l'ẹpa ghu gọoru ndiwhe l'owhu ọnu. 15Sụa, mu swikwaru ghu eswiru, mu je l'a-nọ-zhiawho eleta ghu ẹnya l'iwhe bụ ẹka lile, l'iije. Ọdo bụ lẹ mu l'e-duwhu ghu azụ l'alị-a. Mu ta abyadụ l'aha ghu jeye nteke mu l'e-mekota iwhe ono, mu kweru ghu ụkwa iya.\"\n16Jékọpu lwutehu lẹ mgbẹnya ono; sụ: \"Ha-e ?ya bụ lẹ Onye-Nwe-Ọha nọ l'ẹka-a mu ta ama?\" 17Ọtsulahaa egvu sụ: \"Akpa-jiijii ẹka-a bẹ pakwarụ ẹka! O to nwekwa iwhe ọdo ẹka-a bụ gbahaa ụlo Chileke. Ọo ẹka-a bụ ọnuzo imigwe.\"\n18Ọo ya bụ, Jékọpu gbalihu l'ọnmewa ụtsu echile iya, pata ẹwhuru ono, o shi swibe ishi kpọbe g'ọo itso, bya awụshi iya mmanụ l'eli. 19Ọ gụa ẹka ono Bẹtelu;+ ọle iwhe e shi ekuje iya bụ Luzu. 20Jékọpu bya eribua nte sụ: \"Ọ -bụru lẹ Chileke bẹ l'e-swiru mu eswiru, eleta mu ẹnya l'ije-e, mu l'eje; anụ mu nri mẹe iwhe oye l'ẹhu, 21nke ọwhu bụ lẹ mu lwarụ ibe nna mu l'ẹhu-guu, bẹ Onye-Nwe-Ọha l'a-bụ Chileke mu. 22Ẹwhuru-a, mu kpọberu g'ọo itso-o bẹ l'a-bụ ụlo Chileke, tẹmenu iwhe bụ iwhe gụbe Chileke nụkotaru mu bẹ mu l'a-nụje ghu ụzo-lanụ-l'ụzo-iri.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/28","date":"2018-12-13T05:56:31Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824525.29\/warc\/CC-MAIN-20181213054204-20181213075704-00628.warc.gz","language":"eza","language_score":0.9999328852,"language_script":"Latn","minhash_cluster_size":1,"top_langs":"{\"eza_Latn_score\": 0.9999328851699829}","num_words":540,"character_repetition_ratio":0.049,"word_repetition_ratio":0.0,"special_characters_ratio":0.263,"stopwords_ratio":0.294,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 7:84\n84Ọ waa bụ iwhe g'iwhe ha ndu ishi, l'achị Ízurẹlu wotaru bya anụ t'e gude ye ẹnya-mgbẹja ono l'ẹka Chileke, mbụ nteke ono, a wụru iya mmanụ. Iwhe whẹ nụru bẹ bụ: efere iri l'ẹbo, e meru lẹ mkpọla-ọcha mẹe ọkwa iri l'ẹbo, e meru lẹ mkpọla-ọcha mẹe ite iri l'ẹbo, e meru lẹ mkpọla-ododo.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/7\/84","date":"2018-12-15T20:10:41Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827097.43\/warc\/CC-MAIN-20181215200626-20181215222626-00140.warc.gz","language":"eza","language_score":0.9999980927,"language_script":"Latn","minhash_cluster_size":1,"top_langs":"{\"eza_Latn_score\": 0.9999980926513672}","num_words":56,"character_repetition_ratio":0.157,"word_repetition_ratio":0.0,"special_characters_ratio":0.277,"stopwords_ratio":0.321,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 23\nIwu nke okpe ikpe, kfụru nhamụnha mẹe nke obu-imiko\n1\"Ba asụjekwa asụlasu. Ba agbajẹkwa ejo ẹka-ebe gude tụru ike yeru onye ejo-ememe.\n2\"Be etsojekwa igwe-ọha ye ẹka l'ome iwhe l'adụa ree. Nteke ị kfụru l'iwhu ikpe, be egudekwa l'iime t'i kfua iwhe l'a-dụ ọha ree, gwaa igwaswe okfu. 3Be egudekwa l'ọo lẹ madzụ bụ onye ụkpa agbachiru iya l'iwhu ikpe.\n4\"Ị -whụa oke-eswi onye ọhogu ghu m'ọ bụ nkakfụ-ịgara iya l'ẹka l'ootuwhahu etuwhahu; kpụtakwa iya kpụjeru iya. 5Ị -whụa nkakfụ-ịgara onye kpọru ghu ashị l'ẹka ivu, o vu dapyabẹru iya, ba ahakwa iya. Jekwa je eyeru iya ẹka t'ọ gbeshi kfụru.\n6\"Ba anafụkwa onye ụkpa iswi-ọdu-mma, rwuberu iya nụ l'ụlo-ikpe. 7Swakwa ẹka ghu; swaa ọkpa ghu tukobe ọdzu ejire adzugude madzụ. Be egbukwa onye l'adụa iwhe o meru m'ọ bụ onye-dụ-chịriri. O noo nkele onye l'eme ejo-ememe bẹ mu l'ẹte ahadụ tẹ mu ba anma iya ikpe.\n8\"Be erijekwa n-wọlazu, o noo nkele n-wọlazu l'ekpuchije madzụ ẹka l'ẹnya, l'oomejekwawho t'a nmaa onye iswi dụ mma ikpe.\n9\"Unu be emejekwa ndu lwarụ alwa mmegide; unu mawarụ gẹ l'ọoduje m'a bụru onye lwarụ alwa, o noo nkele unu shi bụru ndu lwarụ alwa l'alị Íjiputu.\nIwu nke ọtuta-ume\n10\"Awha ishii bẹ unu l'a-kọje alị unu kpata iya iwhe o metaru. 11O -belewho l'awha nke ẹsaa, unu ahaa ya t'o dzua ike nke ọwhu ndu bụ ndu ụkpa lẹ Ízurẹlu l'e-je akpaa akpa l'ẹka ono. Iwhe whẹ kpawhodoru, anụ-ẹgbudu eria ya. O nokwawho g'unu l'e-meje iya lẹ mgbu vayịnu unu mẹe lẹ mgbu ólivu unu.\n12\"Abalị ishii bẹ unu l'e-jeje ozhi unu, o -belewho lẹ mbọku nke ẹsaa, unu ahaa oje ozhi. Ọo ya bụ nke ọwhu oke-eswi unu mẹe nkakfụ-ịgara unu l'edzuta ike; ohu, a nwụru l'ibe unu mẹe onye ọbu lwarụ ibe unu alwa atụtakwawho ume.\n13\"Unu kwabẹkwa ẹnya mekota iwhe lile ono, mu gụshiru unu. Ba adụkwa iwhe bụ agwa l'aagwa agwagwa, unu l'a-kpọ-kuje. Unu be ewhotajekwa iya ewhota ilile.\nOge ẹto, l'eerije\n14\"Ugbo ẹto l'awha bẹ unu l'e-rijeru mu oge.\n15\"Unu l'e-rije oge ono, l'aatajẹ buredi, l'ete eyee iwhe l'ekoje buredi. Abalị ẹsaa bẹ unu l'a-tajẹ buredi ono, l'eete eyee iwhe l'ekoje buredi, ẹgube mu tụru iya l'iwu t'unu meje iya. Unu rije oge ono nteke ono, l'eerije iya l'ọnwa Abyibu, nke l'ọo l'ọnwa ono bẹ unu lụfutaru l'alị Íjiputu.\n\"T'ọ b'ọ dụkwa onye l'a-gbajẹ ẹka bya l'atatiwhu mu.\n16\"Unu gudeje mebyi iwhe mbụ, unu metaru l'alị unu, gude ria Oge Mebyi-Iwhe-Mbụ, shi l'alị unu.\n\"O -rwujelewho lẹ ngvụcha awha, unu eria Oge Ime-mkpu mẹ unu kpatadẹlewho iwhe unu meberu l'alị.\n17\"Ugbo ẹto l'awha bẹ unwoke unu gẹ whẹ ha l'a-kpakọje bya l'atatiwhu Nnajị-Ọha, bụ Onye-Nwe-Ọha.\n18\"Ba adụkwa iwhe e yekoberu iwhe l'ekoje buredi, unu l'e-yekobeje lẹ mmee anụ, unu gude agbarụ mu ẹja.\n\"T'ọ bọ dụkwa ẹba anụ ono, e gude gbaarụ mu ẹja, l'aa-hajẹ t'ọ nọo fụta ụtsu.\n19\"Mebyi iwhe mbụ, vu ụzo kaa l'okfu unu bẹ unu l'e-gudeje bya l'ụlo Onye-Nwe-Ọha, bụ Chileke unu.\n\"Unu be egudejekwa mini-ẹra ne eghu shia nwa iya.\nOjozhi-imigwe, shi l'ẹka Chileke bẹ l'a-sụru ndu Ízurẹlu ụzo\n20\"Sụa, mu l'e-zhi ojozhi-imigwe, l'a-bya evutaru unu ụzo, eche unu ẹhu l'ụzo, unu l'eshi, ya edurwua unu ẹka ono, mu kwakọbewaru akwakọbe. 21Unu ngabẹjekwaru ojozhi-imigwe ono nchị l'olu, meje iwhe lile, ọ sụru t'unu mee. Unu be ekwefujekwaru iya ike, o noo nkele ọ tọo gụkwaru unu nvụ l'emeswe, unu mesweru, nkele ọo ẹwha mụbe Onye-Nwe-Ọha b'o gude eje. 22Ọ -bụru l'unu jiru obu oyi, ngabẹru iya nchị l'olu, eme iwhe lile, mu sụru t'unu mee bẹ mu l'a-bụ ọhogu ndu ọhogu unu; ndu unu dụ ashị adụ mu ashị. 23Ojozhi-imigwe mu l'e-vutaru unu ụzo, duru unu bahụ l'alị ndu Amọru mẹe nke ndu Hetu mẹe nke ndu Pẹ́rezu mẹe nke ndu Kenanu mẹe nke ndu Hevu mẹe nke ndu Jebusu; nteke ono mu atụko ndu ono mee tẹ whẹ tọhu l'alị ono. 24Ọle t'unu be ebujekwaru agwa whẹ iwhu l'alị; unu ba abajẹkwaru whẹ ẹja; unu be etsojekwa whẹ eme gẹ whẹ l'eme. Unu mebyishikota agwa whẹ ono, unu etsua ẹwhuru-alobu whẹ irigiri irigiri. 25Unu bajẹru mụbe Onye-Nwe-Ọha, bụ Chileke unu ẹja. Mu l'e-meru unu iwhe-ọma nụ unu nri, nụ unu mini; bya ewofu ẹhu-ba-dụ-mma l'echilabọ unu. 26Ọ tọ dụdu nwanyị, ẹwho bya l'a-lụfu alụfu l'alị unu, t'ọ dụ onye ẹkpa-nwa iya bya l'echihu echihu. Mu l'a-nụ unu ndzụ ogologo.\n27\"Mu l'e-me tẹ ntsụ-megvu, shi l'ẹka mu nọdu unu l'atatiwhu, shi nno tụru ẹyerebeke nụ ndu unu, l'alwụshi ọgu. Mu emee tẹ ndu ọhogu unu lile gbakọtaru unu ọso. 28Mu l'e-zhi evu t'o vuru unu ụzo je achịkashiaru unu ndu Hevu mẹe ndu Kenanu mẹe ndu Hetu. 29Ọle mu te egudedu awha lanụ achịfu-ge whẹ l'atatiwhu unu, ọdua bẹ alị ono l'a-bya abụru okorobo-ẹgu; anụ-ẹgbudu apanụkaru iya unu ẹka. 30Mu l'e-gudelewho nwayọo nwayọo achịshi whẹ l'atatiwhu unu, jeye unu akabaa shii nke ọwhu unu l'a-dụ ike nweru alị ono g'ọ ha.\n31\"Mu l'e-me t'oge alị unu shi lẹ Eze-ẹnyimu Uswe-uswe dụ jeye l'eze-ẹnyimu ndu Fílistiya, shi l'echi-ẹgu dụ jeye l'ẹnyimu Yufurétisu. Nkele mu l'e-woru ndu bu l'alị ono ye unu l'ẹka, unu achịa whẹ l'atatiwhu unu. 32Unu lẹ whẹ ba agbakwa ndzụ, unu l'agwa whẹ eje agba ndzụ. 33Unu be ekwekwa tẹ whẹ buru l'alị unu, ọdua bẹ whẹ l'a-kpatakwa t'unu mee iwhe-dụ-ẹji l'ẹka mụbe Onye-Nwe-Ọha nọ. Nkele ọ bụru l'unu barụ agwa whẹ ẹja bẹ l'ọo-bụru igbudu nmata unu.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/23","date":"2018-12-14T13:25:34Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825728.30\/warc\/CC-MAIN-20181214114739-20181214140239-00313.warc.gz","language":"eza","language_score":1.0000081062,"language_script":"Latn","minhash_cluster_size":1,"top_langs":"{\"eza_Latn_score\": 1.0000081062316895}","num_words":888,"character_repetition_ratio":0.046,"word_repetition_ratio":0.0,"special_characters_ratio":0.26,"stopwords_ratio":0.323,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 19:9\n9Onye l'ẹte asọ nsọ bẹ l'e-kpota ntụ, shi l'ọku ono, e gude kpọo nwada eswi ono ọku. Oo-kpota iya je awụshi l'ẹka l'ẹte asọ nsọ l'azụ ẹka ono, ndu Ízurẹlu kpọberu ụlo-ẹkwa ebubu whẹ. Ọ bụru l'ẹka ono bẹ l'aa-wụshiru ndu Ízurẹlu ntụ ono tẹ whẹ gude meje nke mini, l'eegudeje atụrwu madzụ mmerwu, gude iya eme nke ọsafu iwhe-dụ-ẹji.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/19\/9","date":"2018-12-13T18:51:13Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825029.40\/warc\/CC-MAIN-20181213171808-20181213193308-00330.warc.gz","language":"eza","language_score":0.9999784231,"language_script":"Latn","minhash_cluster_size":1,"top_langs":"{\"eza_Latn_score\": 0.9999784231185913}","num_words":61,"character_repetition_ratio":0.06,"word_repetition_ratio":0.0,"special_characters_ratio":0.262,"stopwords_ratio":0.246,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 13:34\n34Lẹ mbọku nke ẹsaa, onye l'agbajẹ ẹja nụ Chileke ono elele ẹkuruba ono. Ọ -bụru l'ẹkuruba ono ta abakashịhudu iya l'ẹhu, tọ dụ iya l'ẹnya g'ọo iwhe tụru iya ẹnu l'ẹhu, t'onye l'agbajẹ ẹja nụ Chileke sụ l'onye ọbu bụ onye l'aata asọ nsọ. T'onye ọbu saa uwe iya bụru onye l'aata asọ nsọ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/13\/34","date":"2018-12-15T23:26:53Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827137.61\/warc\/CC-MAIN-20181215222234-20181216004234-00269.warc.gz","language":"eza","language_score":0.9989272356,"language_script":"Latn","minhash_cluster_size":1,"top_langs":"{\"eza_Latn_score\": 0.9989272356033325}","num_words":55,"character_repetition_ratio":0.109,"word_repetition_ratio":0.0,"special_characters_ratio":0.267,"stopwords_ratio":0.309,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Mbụlembu 42\nỤnwunna Jósẹfu jeru Íjiputu ọzuta nri\n1Nteke Jékọpu nụru lẹ nri dụ l'alị Íjiputu, ọ sụ ụnwu iya: \"?Ọo gụnu bẹ unu l'elekaa onwunu nlegbu-l'ẹnya ono?\" 2\"Mu nụkwaru lẹ nri dụ lẹ Íjiputu. Unu jeshia ẹka ono je azụta nri, anyi l'e-ri nọdu ndzụ t'ẹgu be egbushi anyi.\"\n3Ụnwunna Jósẹfu ụmadzu iri tụgbua jeshia ọzuta nri l'alị Íjiputu. 4Jékọpu te ekwe yeru whẹ Bénjaminu, bụ nwune nke Jósẹfu. O noo nkele ọotsu egvu a nọnyaa iwhe me iya. 5Tọ dụ iya bụ, ụnwu Ízurẹlu tsoru lẹ ndu jeru ọzuta nri, o noo nkele mkpẹgu ono l'emekwawho l'alị Kenanu.\n6Nteke ono bẹ Jósẹfu bụwa ọ-chị-ọha Íjiputu; ọ bụru iya l'ereje ndu shi l'alị, dụ iche iche nri. Ụnwunna Jósẹfu byarwuta; whẹ whuzeta iwhu l'alị baarụ Jósẹfu ẹja. 7Jósẹfu bebelewho awhụ ụnwunna iya ono, ọ hụbe-kebe whẹ ama; watarụ whẹ omeru umere g'ọ tọ madụ ndu whẹ bụ. O kfulahaaru whẹ okfu ikike ikike; sụ whẹ: \"?Ọo awe bẹ unu shi bya?\"\nWhẹ sụ iya lẹ whẹ shi alị Kenanu bya ọzuta nri.\n8Jósẹfu hụbe ụnwunna iya ama, ọle whẹbedua ta ahụbedu yẹbedua ama. 9Ọo ya bụ, Jósẹfu bya anyata nrọ ono, ọ rọjeru rọ-kuta ụnwunna iya, ọ sụ whẹ: \"Unu bụ ndu byarụ ngge. Iwhe unu byarụ bụ t'unu whụ ẹka ndu alị anyi pehuru!\"\n10Whẹ sụ iya: \"Waawakwa onye-nwe-anyi; anyịbe ndu ozhi ghu kwa nri bẹ anyi byarụ azụta. 11G'anyi ha bụkwa nna lanụ nwụru anyi. Ọ kwa ire-lanụ bẹ anyi l'ekfu. Anyịbe ndu ozhi ghu ta abụkwa ndu byarụ ngge.\"\n12Jósẹfu sụ whẹ: \"Ọo unu ejire, unu byachaaru t'unu whụ ẹka ndu alị anyi pehuru!\"\n13Whẹ sụ iya: \"Iwhe anyịbe ndu ozhi ghu dụ l'ụnwunna bụkwa iri l'ẹbo; ọ bụru nna lanụ nwụshiru anyi l'alị Kenanu. Onye nke nwata bẹ yẹle nna anyi nọkwa l'uwhu; onye lanụ ta anọhe.\"\n14Jósẹfu sụ whẹ: \"Ọo ya bụ iwhe ọbu, mu kfuru sụ l'unu bụ ndu byarụ ngge! 15Ọ waa gẹ l'ee-shi marụ ire unu ndọwa: Ọ -bụru-a lẹ Fero nọ ndzụ g'ọ nọ iya, unu ta abyadụ l'ahata ọkpa tụgburu atụgburu l'ẹka-a l'abụa lẹ nwune unu nke nwata bẹ byarụ ẹka-a. 16Unu zhia onye lanụ l'ime unu t'o je eduta nwune unu ono; unubẹdua anọdukota lẹ mkpọro. Ọo ya bụ, e shi nno data unu marụ mẹ unu l'ekfu ire-lanụ. Nteke l'ọodua; Fero -nọdu-a ndzụ g'ọ nọ iya bẹ unu bụkwa ndu byarụ ngge l'ezhi iya.\" 17Ọ chịta whẹ gẹ whẹ ha je achịru ye l'ime mkpọro, whẹ nọo ujiku ẹto.\n18O rwua mbọku nke ẹto iya, Jósẹfu sụ whẹ: \"Unu -mewaa iwhe-e, mu l'abya ekfukfu-a, mu ahaa unu t'unu nọdu ndzụ; o noo lẹ mu bụ onye l'atsụ egvu Chileke. 19Unu -sụ l'unu l'ekfu ire-lanụ, t'unu haa nwune unu onye lanụ t'ọ nọdu lẹ mkpọro l'ẹka-a, ndu ọwhu evuru nri unu lashia nke ọwhu ẹgu l'ẹte egbushi ndibe unu. 20Ọle unu dutajekwa nwune unu nke nwata t'ọ bya; ọo ya bụ, e shi nno marụ l'unu kfuru ire-lanụ nke ọwhu unu l'ẹte anwụhushihu.\" Whẹ kweta lẹ whẹ l'e-me iya nno.\n21Whẹ kfulahaa l'ime onwowhe sụ: \"Ọo iwhe anyi meru nwanna anyi bẹ anyi l'anwụ ọnwu iya ẹgube-ẹ. Anyi whụru ẹgube áwhụ, ọ gụru kpua anyi nteke ọ ryọru anyi t'anyi meeru iya obu-imiko, anyi te eyeru iya ọnu. Ọo iwhe ono meru g'o gude ejo áwhụ dụ ẹgube-ẹ byakfuta anyi.\"\n22Rúbẹnu sụ: \"?Mu ta asụdu unu t'ọ bọ dụshi iwhe unu l'e-me nwata ono, unu te eyeru mu ọnu? Ntaa bẹ l'aagwatana anyi ụgwo ọchi iya.\" 23Whẹ rịa sụ l'eshi ọwhu l'aagbanweru Jósẹfu okfu agbanwe bẹ l'ọoto nụdu iwhe whẹ l'ekfu.\n24Jósẹfu gharụ whẹ lụfu je awata ọrya ẹkwa. Ọ dawhu azụ bya ekfuru yeru whẹ ọdo. O duta Símiyọnu nọdu l'iwhu whẹ kee ya ẹgbu.\n25Jósẹfu bya asụ t'e yejishikota nri eyejishi l'ẹkpa whẹ t'o ji godogodo; e yewhuru whẹ okpoga whẹ azụ l'ẹkpa whẹ l'ẹhu l'ẹhu; a nụ whẹ nri, whẹ l'e-ri l'echi-ụzo. E mekotaru whẹ iwhe lile ono. 26Whẹ pata ẹkpa nri whẹ ono tukobegee l'eli nkakfụ-ịgara whẹ, ọ bụru whẹ alala.\n27O rwua l'ẹka whẹ nọ-zetaru tẹ whẹ radụ, onye lanụ l'ime whẹ bya atọshia ẹkpa iya tẹ ya hata nri nụ nkakfụ-ịgara iya, okpoga iya nọduwaa l'ọnu ẹkpa ono. 28Ọ sụ unwune iya ndu ọwhu: \"Okpoga mu b'e yewhukwaru mu azụ! Unu lekwa iya g'ọ dụ l'ẹkpa mu!\"\nMeji tọfu whẹ; ẹhu wata whẹ anmanma. Whẹ sụ ibe whẹ: \"?Ọo ẹgube iwhe gụnu bẹ Chileke meru anyi ẹgube ọwa?\"\n29Whẹ lwakfutalewho nna whẹ Jékọpu l'alị Kenanu, whẹ tụko iwhe lile, nwụru whẹ nụ kọkotaru iya sụ iya: 30\"Onye bụ iya bụ ishi, l'achị alị ono bẹ okfu iya l'adakwa ikike ikike, o mee anyi g'ọo ndu byarụ ngge l'alị whẹ. 31Ọle anyi sụru iya l'anyi bụ ndu ire-lanụ; l'anyi ta abyadụ ngge. 32L'iwhe, anyi dụ l'ụnwunna bụ iri l'ẹbo, ọ bụru nna lanụ nwụru anyi; onye lanụ ta anọhe. Onye nke nwata bụru yẹle nna anyi nọ l'uwhu lẹ Kenanu.\n33\"O noo ya, onye ono bụ ishi, l'achị alị ono sụ: 'Ọ waa gẹ mu l'e-shi marụ mẹ unu bụ ndu ire-lanụ ndọwa: t'unu haa nwune unu onye lanụ t'ọ nọdu l'ẹka ono; unubẹdua evuta nri unu vulahuru ndibe unu t'ẹgu be egbushi whẹ. 34Ọle t'unu dutaru mu nwune unu nke nwata. Ọo ya bụ, mu amarụ l'unu ta abyadụ ngge, l'unu bụ-a ndu ire-lanụ l'ezhi. Nteke ono, mu eduru nwune unu nuwhu unu azụ, unu ejelahaa gẹ ẹhu ha unu l'alị ono.' \"\n35Gẹ whẹ l'atọshi ẹkpa whẹ ono, whẹ whụ l'apyarụ okpoga whẹ yewhukotaru whẹ azụ l'ẹkpa whẹ. Gẹ whẹ lẹ nna whẹ whụru okpoga ono, egvu tsụhu whẹ. 36Nna whẹ, bụ Jékọpu sụ whẹ: \"Unu nashị-gewaru mu ụnwu mu. Jósẹfu ta anọhedu, Símiyọnu ta anọhe, unu l'emefua t'unu natafụa mu Bénjaminu. Ụkparehu l'etsokwa mu ejo etsotso.\"\n37Rúbẹnu sụ nna iya: \"Gbua ụnwegirima mụbe Rúbẹnu whẹ labọ, m'ọ -bụru lẹ mu te eduwhuduru ghu Bénjaminu azụ. Ye mu iya l'ẹka lẹ mu l'e-duwhuru ghu iya-a azụ.\"\n38Ọle Jékọpu bẹ sụru: \"Waawa, nwa mu te etsokwa unu eje, o noo nkele nwune iya bẹ nwụhuwaru, ọ bụwaru yẹbedua whuduru nw���kiya. O -nweru ejo-iwhe dakfuru iya l'ije ono bẹ unu l'e-mekwa, mu evuru ishi ẹwo mu gụa áwhụ lashia maa.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/42","date":"2018-12-14T16:53:37Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826145.69\/warc\/CC-MAIN-20181214162826-20181214184826-00044.warc.gz","language":"eza","language_score":1.0000076294,"language_script":"Latn","minhash_cluster_size":1,"top_langs":"{\"eza_Latn_score\": 1.0000076293945312}","num_words":1025,"character_repetition_ratio":0.046,"word_repetition_ratio":0.002,"special_characters_ratio":0.264,"stopwords_ratio":0.318,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 50:17\n17ọ sụru t'anyi kfuru gụbe Jósẹfu lẹ ya l'aryọ ghu t'ị gụaru anyịbe ụnwunna ghu nvụ l'ejo-iwhe ono, anyi meru ghu, shi nno meta iwhe-dụ-ẹji yẹle njọ tukobe onwanyi l'ishi. Iwhe anyi l'aryọ ghu ntaa bụkwa t'ị gụnuaru anyi nvụ l'iwhe-dụ-ẹji ono, anyịbe ndu ozhi Chileke nke nna ghu meru.\" Whẹ zhigelewho Jósẹfu ozhi ono, o byiswee ẹkwa.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/50\/17","date":"2018-12-10T17:09:18Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823382.1\/warc\/CC-MAIN-20181210170024-20181210191524-00300.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":59,"character_repetition_ratio":0.035,"word_repetition_ratio":0.0,"special_characters_ratio":0.249,"stopwords_ratio":0.186,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 6:7\n7Mbụ, o beru ọ -bụru l'ọo nna iya nwụhuru, ọdua l'ọo ne iya nwụhuru, ọdua l'ọo nwune iya nwoke nwụhuru m'ọ bụ nwune iya nwanyị bẹ nwụhuru, o too kwobedu iswi iya jekube odzu iya ntse, shi nno merwua onwiya. Nkele ọo ishi bẹ l'ee-gude marụ l'o doberu onwiya nsọ l'ẹka Chileke nọ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/6\/7","date":"2018-12-12T18:20:01Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824115.18\/warc\/CC-MAIN-20181212181507-20181212203007-00230.warc.gz","language":"eza","language_score":0.996638,"language_script":"Latn","minhash_cluster_size":1,"top_langs":"{\"eza_Latn_score\": 0.9966380000114441}","num_words":54,"character_repetition_ratio":0.119,"word_repetition_ratio":0.0,"special_characters_ratio":0.258,"stopwords_ratio":0.241,"flagged_words_ratio":0.0,"lang_id_score":0.998,"perplexity_score":500.0,"cluster_detection":1} +{"text":"Awụfu 20:10\n10Ọle mbọku nke ẹsaa, bụ mbọku-ọtuta-ume nke Onye-Nwe-Ọha, bụ Chileke unu. Tọ bọ dụkwa ozhi, unu l'e-jeje mbọku ono. Unu be ekwejekwa t'ụnwu unu mẹe ndu unu gbarụ ohu mẹe élwù unu mẹe ndu lwarụ alwa, bu lẹ mkpụkpu unu; jee ozhi mbọku ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/20\/10","date":"2018-12-18T18:09:27Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829542.89\/warc\/CC-MAIN-20181218164121-20181218190121-00536.warc.gz","language":"eza","language_score":0.9997773767,"language_script":"Latn","minhash_cluster_size":1,"top_langs":"{\"eza_Latn_score\": 0.9997773766517639}","num_words":45,"character_repetition_ratio":0.05,"word_repetition_ratio":0.0,"special_characters_ratio":0.268,"stopwords_ratio":0.4,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Awụfu 38:11\n11Ụzo isheli iya bụkwawho ẹkwa, dụ ụkporo nji-ẹka ise l'ogologo b'e kweru; gude gebuta iya. Itso, l'aa-kpọbe l'ụzo isheli ono bẹ dụ ụkporo; ẹnya ẹka l'aa-kpọbe itso ono dụkwawho ụkporo. Ọ bụru ope b'e gude mekota iya, gude mkpọla-ọcha meshia iwhe ono, nweru ukoloba, l'ee-gude kobe ẹkwa ono l'itso ono yẹle iwhe ono, l'ee-swebegee l'itso ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/38\/11","date":"2018-12-15T00:43:28Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826530.72\/warc\/CC-MAIN-20181214232243-20181215014243-00146.warc.gz","language":"eza","language_score":0.9998005033,"language_script":"Latn","minhash_cluster_size":1,"top_langs":"{\"eza_Latn_score\": 0.9998005032539368}","num_words":57,"character_repetition_ratio":0.052,"word_repetition_ratio":0.0,"special_characters_ratio":0.257,"stopwords_ratio":0.281,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 10:15\n15Nkele whẹ nyịnwukotaru alị ono l'owhu nke ọwhu bụ l'ẹka lile jihuru kpaaluu. Whẹ tụko oshi lile, irwu dụ l'alị ono tapyashịkota mẹe akpụru oshi; mbụ-zhia iwhe lile, whọduru nụ gẹ aka-mini whọ byageeru b'ọ tụkoru tapyashịkota. Iwhe bụ ẹkwo oshi mẹe ẹkwo oshi irwu dụ l'ẹgu te enwedu ọwhu whọduru nụ m'ọo nnanụ l'alị Íjiputu l'owhu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/10\/15","date":"2018-12-19T15:41:04Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376832559.95\/warc\/CC-MAIN-20181219151124-20181219173124-00540.warc.gz","language":"eza","language_score":1.0000097752,"language_script":"Latn","minhash_cluster_size":1,"top_langs":"{\"eza_Latn_score\": 1.0000097751617432}","num_words":58,"character_repetition_ratio":0.066,"word_repetition_ratio":0.0,"special_characters_ratio":0.235,"stopwords_ratio":0.207,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 10\nOpyi-ọku labọ, e meru lẹ mkpọla-ọcha\n1Onye-Nwe-Ọha sụ Mósisu: 2\"Gude mkpọla-ọcha, e tsusaru ọsa meta opyi-ọku labọ nke ọwhu l'ii-gudeje iya eku ndu Ízurẹlu ndzuko, gụ egudeje iya karụ whẹ nteke whẹ l'a-whọta ụlo-ẹkwa ebubu whẹ tụgburu. 3Nteke e gburu opyi-ọku labọ ono l'ugbo lanụ; iwhe l'oogoshi bụ t'iwhe, bụ ndu Ízurẹlu l'owhu dzukobe l'iwhu ghu l'ọnu Ụlo-ẹkwa-ndzuko. 4Ọ -bụru l'ọo opyi-ọku lanụ kpụ b'e gburu, iwhe l'oogoshi bụ t'iwhe, bụ ndu ishi, l'achị nụ dzukobe l'atatiwhu ghu, mbụ ndu ishi, l'achịkaa ikfu g'ikfu ha lẹ Ízurẹlu. 5Nteke opyi-ọku ono darụ nda lanụ; iwhe l'oogoshi bụ t'iwhe, bụ ikfu g'ikfu ha, kpọberu ụlo-ẹkwa ebubu whẹ l'ụzo ẹnyanwu-awata palihu ije tụgburu. 6Ọ -daa nke ẹbo, tẹ ndu ọwhu kpọberu ụlo-ẹkwa ebubu nkewhe l'ụzo ọhuda palihu ije tụgbua. Ee-gbuje opyi-ọku ono t'ọ daa ụda gude goshi lẹ whẹ bya l'apalihu tụgbua. 7Unu -byajẹ l'eku edzudzu-ọha tẹ whẹ dzukobe, unu egbua opyi-ọku ono, ọle t'ụda iya ba abụkwa iwhe lanụ. 8Ọo ụnwu Érọnu, bụ ndu l'agbajẹ ẹja nụ Chileke bẹ l'e-gbuje opyi-ọku ono. O noo gẹ l'ọo-dụ jeye lẹ gbururu. Nsọ ono bẹ l'a-dụ shi l'ọgbo rwua l'ọgbo. 9Nteke bụ l'ọo ọgu bẹ unu l'eje otso ndu ọhogu, nọ l'alị unu akpa unu ẹhu, t'unu gbua opu-ọgu unu t'ọ daa ụda nke ọwhu Onye-Nwe-Ọha, bụ Chileke unu l'a-nyata unu, bya adzọfuta unu l'ẹka ndu ọhogu unu ono. 10O nokwawho g'unu l'e-gbuje opyi-ọku nteke unu nọ l'ẹhu-ụtso mẹe nteke unu l'eri oge unu mẹe nteke unu l'eri iwhe ọnwa ọwhuu unu; unu -gbagejee ẹja ọkpokota-iwhe-ọku mẹe ẹja ẹhu-guu, unu egburu opyi-ọku ono ye iya nke ọwhu Chileke l'e-gude iya nyata unu. Ọo Mu bụ Onye-Nwe-Ọha bụru Chileke unu.\"\nNdu Ízurẹlu l'alụfu l'echi-ẹgu Sáyinayi\n11O rwua g'ọnwa ẹbo dụ l'ụkporo abalị l'awha nke ẹbo iya, urwukpu ono bya eshi l'eli mkpuumkpu-ẹkwa ono, bụ ẹka ẹkwo-iwu l'adụje palihu oroke-imeli-imeli. 12Tọ dụ iya bụ lẹ ndu Ízurẹlu abya eshi l'echi-ẹgu Sáyinayi gbalihu tụgbushia. Whẹ jeta rwua echi-ẹgu Paranu, urwukpu ono keshita l'ẹka ono.\n13O noo bụ mbụ, whẹ l'atụgbu l'ije whẹ ono ẹgube ono Onye-Nwe-Ọha tụru iya Mósisu l'iwu. 14Ọ bụru ndu ono, whẹ l'ikfu Juda gba l'itsutsu bẹ vu ụzo palita tụgbua, gude ẹkwa-ọhubama ikfu whẹ, ọ bụru whẹ atụgbu. Ọ bụru Nahụshonu nwa Amínadabu bụ onye ishi ndu ikfu Juda ono. 15Netanẹlu nwa Zúwa bụru onye ishi ndu ikfu nke Ísaka. 16Eliyabu nwa Helọnu bụru onye ishi ndu ikfu nke Zébulọnu.\n17Ọo ya bụ, a whọ-tsuta mkpuumkpu-ẹkwa, ẹpa Geshọnu mẹe ẹpa Merari pata iya ọ bụru whẹ atụgbu.\n18Ikfu ọdo, l'etsota l'atụgbu ono bẹ bụ ndu ono, whẹ l'ikfu nke Rúbẹnu gba l'itsutsu lanụ. Whẹ gude ẹkwa-ọhubama ikfu whẹ ọ bụru whẹ atụgbu. Ọ bụru Elizuru nwa Shediyọ bụ onye ishi ndu ikfu Rúbẹnu ono. 19Shelumẹlu nwa Zurishadayi bụru onye ishi ndu ikfu Símiyọnu. 20Ẹliyasafu nwa Diyuwẹlu bụru onye ishi ndu ikfu Gadu.\n21Tọ dụ iya bụ, ẹpa Kohatu vuta iwhe dụ nsọ palita tsoru whẹ. Whẹ bya l'ejerwudeshia, a gbee gvubewaa nụ mkpuumkpu-ẹkwa.\n22Ikfu ọdo, l'etsota nụ bẹ bụ ndu ono, whẹ l'ikfu Ífuremu gba l'itsutsu lanụ. Whẹ gude ẹkwa-ọhubama ikfu whẹ ọ bụru whẹ atụgbu. Ọ bụru Elishama nwa Amihudu bụ onye ishi ndu ikfu Ífuremu ono. 23Gamáliyelu nwa Pedazọ bụru onye ishi ndu ikfu Manáse. 24Abidanu nwa Gidiyoni bụru onye ishi ndu ikfu Bénjaminu.\n25Ikfu ọdo, l'etsota bya abụru ikfu, l'ekpejeru azụ l'ije ono bụ ndu ono, whẹ l'ikfu Danu gba l'itsutsu lanụ. Whẹ gude ẹkwa-ọhubama whẹ ọ bụru whẹ atụgbu. Ọ bụru Ahiyeza nwa Amishadayi bụ onye ishi ndu ikfu Danu ono. 26Pagẹlu nwa Ọkuranu bụru onye ishi ndu ikfu Asha. 27Ahira nwa Enanu bụru onye ishi ndu ikfu Náfutali. 28O noo gẹ ndu Ízurẹlu l'anọje l'itsutsu l'itsutsu palihu ije whẹ ndono.\n29Mósisu bya ekfuru yeru Hobabu nwa Ruwẹlu, bụ onye Midiyanu, bya abụru nwune nyee ya sụ iya: \"Ntaa bẹ anyi l'abyakwa t'anyi tụgburu jeshia alị ẹka ono, Onye-Nwe-Ọha kfuru anyi okfu iya sụ lẹ ya l'a-nụ anyi. Tsonuru anyi nke ọwhu anyi l'e-meru ghu iwhe-ọma, nkele Onye-Nwe-Ọha bẹ kwewaru ndu Ízurẹlu ụkwa ọma.\"\n30Hobabu sụ iya: \"Waawa, mu te ejedu; mu l'alawhuwaa azụ l'alị mu, mu l'alwakfuwaa abụbu mu whẹ.\"\n31Obenu lẹ Mósisu sụru iya: \"Byiko ba ahashị nụ anyi lashia. Eshi-ọwhu ị mawarụ ẹka anyi l'a-kpọbe ụlo-ẹkwa ebubu anyi l'echi-ẹgu, nọdunu t'ẹnya ghu dụ l'ẹka anyi nọ. 32I -tsoru anyi bẹ anyi lẹ ghu l'a-gba mgba l'iwhe-ọma lile ono, Onye-Nwe-Ọha l'e-meru nụ anyi.\"\nIgbe-ọgbandzu mẹe urwukpu\n33O noo ya, whẹ palihu ije tụgbua, shi l'ugvu Onye-Nwe-Ọha jezhiawho ije abalị ẹto. Igbe-ọgbandzu Onye-Nwe-Ọha nọdu whẹ l'ụzo iwhu l'ime abalị ẹto ono achọ ẹka whẹ l'a-nọdu tụta ume. 34L'ọobuje, o belewho l'eswe, urwukpu, shi l'ẹka Onye-Nwe-Ọha nọ abya atukoru whẹ l'ishi, mbụ nteke ono, whẹ shi l'ẹka whẹ kpọberu ụlo-ẹkwa ebubu whẹ ono tụgburu.\n35E -vutalewho igbe-ọgbandzu ono tụgbua, Mósisu asụ: \"Zhilihunu byiko Onye-Nwe-Ọha, tẹ ndu ọhogu ghu gbaa nnanụ nnanụ. Tẹ ndu ono, kpọru ghu ashị vụa ọkpa whẹ mini l'iwhu ghu.\" 36Ẹka e jetaberu zhia igbe-ọgbandzu ono, Mósisu asụ: \"Dawhunu azụ byiko Onye-Nwe-Ọha; lwakfuta anyịbe ụnukurunu ndu Ízurẹlu-a.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/10","date":"2018-12-19T01:38:12Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376830305.92\/warc\/CC-MAIN-20181219005231-20181219031231-00471.warc.gz","language":"eza","language_score":1.0000091791,"language_script":"Latn","minhash_cluster_size":1,"top_langs":"{\"eza_Latn_score\": 1.0000091791152954}","num_words":831,"character_repetition_ratio":0.089,"word_repetition_ratio":0.013,"special_characters_ratio":0.248,"stopwords_ratio":0.291,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 18:11\n11\"Iwhe ọdo, bụ oke, rwuberu unu bẹ bụ iwhe ndu Ízurẹlu doberu mu iche, mbụ ngwo-ẹja amama. O noo bụ oke, rwuberu ghu nụ, rwube ẹpa ghu nke nwoke, rwube ẹpa ghu nke nwanyị jeye lẹ gbururu. Iwhe bụ ndibe ghu bụ ndu l'ẹte asọ nsọ bẹ l'e-tsoje ria oke iwhe ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/18\/11","date":"2018-12-14T15:40:03Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825916.52\/warc\/CC-MAIN-20181214140721-20181214162221-00080.warc.gz","language":"eza","language_score":1.0000095367,"language_script":"Latn","minhash_cluster_size":1,"top_langs":"{\"eza_Latn_score\": 1.000009536743164}","num_words":53,"character_repetition_ratio":0.119,"word_repetition_ratio":0.0,"special_characters_ratio":0.275,"stopwords_ratio":0.34,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 24\nEeme ọgbandzu t'o shihu ike\n1Ọo ya bụ, Onye-Nwe-Ọha sụ Mósisu: \"Gụbedua, gụ lẹ Érọnu mẹe Nedabu mẹe Abyihu mẹe ndu bụ ọgurenya Ízurẹlu ụmadzu ụkporo ẹto l'iri, t'unu nyikfuta mụbe Onye-Nwe-Ọha bya anọdu otẹnya baarụ mu ẹja. 2Mósisu nwẹkiya bụ onye l'a-bya mụbe Onye-Nwe-Ọha ntse tẹ ndu ọwhua ba abyakwa ntse. Tẹ ndu Ízurẹlu be etsokwaru Mósisu nyikota imeli.\"\n3Mósisu bya akọoru ndu Ízurẹlu iwhe lile Onye-Nwe-Ọha kfuru mẹe iwu, ọ nọdu tụshia. Whẹ tụko gude olu lanụ sụ: \"Iwhe lile Onye-Nwe-Ọha kfuru bẹ anyi l'e-mekota.\" 4Mósisu bya atụko iwhe lile Onye-Nwe-Ọha kfuru dekota l'ẹkwo.\nỌ gbalihu l'ọnmewa ụtsu, tụa ẹnya-mgbẹja l'ọkpa ugvu ono, bya akpọbe ẹwhuru iri l'ẹbo, nọ-chiru ẹnya ikfu iri l'ẹbo, dụ lẹ Ízurẹlu. 5Ọo ya bụ, o zhia ụnwu okorọbya ndu Ízurẹlu, whẹ je agbaarụ Onye-Nwe-Ọha ẹja ọkpokota-iwhe-ọku, bya egbushia ụnwu oke-eswi gude gbaarụ Onye-Nwe-Ọha ẹja ẹhu-guu. 6Mósisu bya ekee mmee anụ ono ẹbo wota ụzo lanụ wụru ye l'efere; wota ụzo lanụ ọwhu whee l'ẹnya-mgbẹja ono. 7Ọ bya ewota Ẹkwo Ọgbandzu gụaru ndu Ízurẹlu. Whẹ zụa mgbede sụ lẹ whẹ l'a-nọje anụru Onye-Nwe-Ọha okfu, emekota iwhe lile o kfuru.\n8Mósisu wota mmee anụ ono wheshi ndu Ízurẹlu l'ẹhu sụ: \"Ọ waa bụ mmee, l'egoshi ọgbandzu, Onye-Nwe-Ọha gbarụ l'ẹka unu nọ nteke ọ nụru unu iwu-a.\"\n9Ọo ya bụ, Mósisu mẹe Érọnu mẹe Nedabu mẹe Abyihu mẹe ndu bụ ọgurenya Ízurẹlu ụmadzu ụkporo ugbo ẹto l'ụmadzu iri nyihu eli ugvu ono. 10Whẹ bya awhụa Chileke nke Ízurẹlu. Iwhe o kfukoru l'eli iya bụ iwhe ọbu, e meru l'ẹwhuru Safaya; o dolewho rịsaa g'ọo akpamigwe. 11Chileke ta adụdu iwhe o meru ndu bụ ọgurenya Ízurẹlu ono. Whẹ whụ Chileke bya eria nri ngụa iwhe-angụngu.\n12Onye-Nwe-Ọha sụ Mósisu: \"Nyikfuta mu l'ugvu-a, gụ anọdu l'ẹka-a tẹ mu nụ ghu ẹwhuru, dụ balịbali, mu deru iwu mẹe iwhe mu sụru t'e meje, bụ iwhe l'a-nọje akpọ-zhiru whẹ ụzo.\"\n13Mósisu yẹle Jóshuwa, bụ onye l'eyejeru iya ẹka gbalihu, Mósisu nyihu ugvu Chileke ono. 14Ọ sụ ndu bụ ọgurenya ono: \"Unu nọdu l'ẹka-a ngabẹru anyi jeye nteke anyi l'a-byakfuta unu ọdo. Érọnu yẹle Họru bẹ unu lẹ whẹ nọ-o l'ẹka-a; onye okfu dakfutaru, ya ejekfu whẹ.\"\n15Ọo ya bụ, Mósisu nyihu eli ugvu ono, urwukpu sọ-kputa iya. 16Ọ-dụ-biribiri Onye-Nwe-Ọha nọdu l'ugvu Sáyinayi ono. Urwukpu ono sọ-kputa ugvu ono abalị ishii. O rwua lẹ mbọku nke ẹsaa, Onye-Nwe-Ọha shi l'urwukpu ono kua Mósisu oku. 17L'ẹnya ndu Ízurẹlu bẹ ọ-dụ-biribiri Onye-Nwe-Ọha ono dulẹwho g'ọo ọku, l'eke ekeke l'eli ugvu ono. 18Ọ bụru gẹ Mósisu l'enyiliberu ugvu ono bụ gẹ l'ọobahubaa l'ime urwukpu ono. Ọ nọo ụkporo abalị ugbo labọ l'eli ugvu ono, eswe l'ẹnyashi.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/24","date":"2018-12-18T13:03:34Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829399.59\/warc\/CC-MAIN-20181218123521-20181218145521-00314.warc.gz","language":"eza","language_score":1.0000091791,"language_script":"Latn","minhash_cluster_size":1,"top_langs":"{\"eza_Latn_score\": 1.0000091791152954}","num_words":432,"character_repetition_ratio":0.086,"word_repetition_ratio":0.014,"special_characters_ratio":0.245,"stopwords_ratio":0.296,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 34:30\n30Tọ dụ iya bụ, Jékọpu sụ Símiyọnu yẹle Lívayi: \"Ẹgube nko ọwhu unu kpatabụkwaaru kobe mu ntaa ọwa. Ntaa bẹ unu mewaru, mu l'eshi roo l'ẹka ndu Kenanu mẹe ndu Pẹ́rezu nọ bụ iya bụ ndu bu l'alị-a. ?Mbẹ unu marụ-a l'anyi ha nwanshị? Ọ -bụru tẹ whẹ tụru ike yeru onwowhe byakfutashia mu ọgu bẹ mu lẹ ndibe mu l'a-bụkwa kpurupyata.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/34\/30","date":"2018-12-11T09:41:44Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823614.22\/warc\/CC-MAIN-20181211083052-20181211104552-00477.warc.gz","language":"eza","language_score":0.9999004602,"language_script":"Latn","minhash_cluster_size":1,"top_langs":"{\"eza_Latn_score\": 0.9999004602432251}","num_words":63,"character_repetition_ratio":0.0,"word_repetition_ratio":0.0,"special_characters_ratio":0.259,"stopwords_ratio":0.365,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 22:4\n4\"Onye shi l'eri Érọnu, ẹhu-ba-dụ-mma, l'eswe nswe l'eme l'akpọ-ẹhu, ọdua l'ọo onye iwhe l'alwashị l'ẹhu, t'onye ọbu be erikwa iwhe dụ nsọ jeye nteke l'aa-sọ-buhu iya nsọ. Onye bụ ẹpa Érọnu ẹhu iya chiru l'iwhe chiru ẹhu l'odzu shi nno bụru iwhe l'aasọ nsọ m'ọ bụ l'o chiru nwoke, gbọru ụnwuda ẹhu,","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/22\/4","date":"2018-12-09T21:39:52Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823183.3\/warc\/CC-MAIN-20181209210843-20181209232843-00006.warc.gz","language":"eza","language_score":1.0000092983,"language_script":"Latn","minhash_cluster_size":1,"top_langs":"{\"eza_Latn_score\": 1.000009298324585}","num_words":53,"character_repetition_ratio":0.0,"word_repetition_ratio":0.0,"special_characters_ratio":0.274,"stopwords_ratio":0.208,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 44:20\n20Anyi sụ gụbe onye-nwe-mu nụ lẹ nna anyi nọkwa-a, ọle ọ bụwa nwoke ọgurenya. L'o nweru nwata okoro, a nwụru iya lẹ nka, ọle nwune nwata ono bẹ nwụhuwaru; ọ bụwaru nwata ono nwẹkiya bẹ whuduru l'ụnwegirima ọwhu ne nke iya nwụru, tẹmenu nna iya yenuka iya obu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/44\/20","date":"2018-12-17T03:52:28Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828056.99\/warc\/CC-MAIN-20181217020710-20181217042710-00447.warc.gz","language":"eza","language_score":0.9865811467,"language_script":"Latn","minhash_cluster_size":1,"top_langs":"{\"eza_Latn_score\": 0.9865811467170715, \"izz_Latn_score\": 0.01330257672816515}","num_words":49,"character_repetition_ratio":0.023,"word_repetition_ratio":0.0,"special_characters_ratio":0.248,"stopwords_ratio":0.245,"flagged_words_ratio":0.0,"lang_id_score":0.989,"perplexity_score":500.0,"cluster_detection":1} +{"text":"Awụfu 39:33\n33O noo ya, whẹ vutaru Mósisu mkpuumkpu-ẹkwa ono g'ọ ha; bụ iya bụ ẹkwa, l'ee-kpu iya mẹe ngwa tso iya nụ mẹe iwhe ono, nweru ukoloba, e yeru iya mẹe oshi, l'ee-gude kpọbe iya mẹe wẹrere oshi ono, l'ee-swebushigee lẹ mgbo iya mẹe itso iya mẹe ọkpa mgbo iya,","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/39\/33","date":"2018-12-14T00:53:43Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825123.5\/warc\/CC-MAIN-20181214001053-20181214022553-00561.warc.gz","language":"eza","language_score":1.0000076294,"language_script":"Latn","minhash_cluster_size":1,"top_langs":"{\"eza_Latn_score\": 1.0000076293945312}","num_words":50,"character_repetition_ratio":0.015,"word_repetition_ratio":0.0,"special_characters_ratio":0.271,"stopwords_ratio":0.48,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 5:18\n18T'onye ọbu shi l'atụru iya yẹle eghu iya kpụta ebyila, l'adụa ẹka ọrwu dụ iya l'ẹhu, t'ọ bụru ngwo-ẹja ọkfu-ụgwo, m'ọ bụ ya ewota iwhe aswa yẹle ebyila ono bụ iwhe lanụ. T'ọ nụ iya onye l'agbajẹ ẹja nụ Chileke t'o gude iya kfụa ụgwo iwhe ọbu, o meru l'amagama, a gụaru iya nvụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/5\/18","date":"2018-12-15T13:20:08Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826856.91\/warc\/CC-MAIN-20181215131038-20181215153038-00322.warc.gz","language":"eza","language_score":1.0000081062,"language_script":"Latn","minhash_cluster_size":1,"top_langs":"{\"eza_Latn_score\": 1.0000081062316895}","num_words":55,"character_repetition_ratio":0.0,"word_repetition_ratio":0.0,"special_characters_ratio":0.271,"stopwords_ratio":0.309,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 13\nOme t'ọkpara dụru Onye-Nwe-Ọha lẹ nsọ\n1Onye-Nwe-Ọha sụ Mósisu: 2\"Woru iwhe bụ ọkpara doberu mu nsọ. Iwhe mbụ, vu ụzo waa ẹkpa-nwa lẹ Ízurẹlu, lẹ madzụ mẹe l'iwhe-edobe, bẹ bụ nke mụbe Chileke.\"\n3O noo ya, Mósisu sụ ndu Ízurẹlu: \"Unu nyatakwa ntanụ, mbụ mbọku, unu shi lẹ Íjiputu, bụ ẹka ono, unu shi bụru ohu fụta. Nkele Onye-Nwe-Ọha bụ ọkpehu b'o gude dufuta unu l'ẹka ono. Tọ bọ dụkwa onye l'a-ta buredi, e yeru iwhe l'ekoje buredi. 4Ọo ntanụ gẹdegede bụ iya bụ l'ime ọnwa Abibu-a bẹ unu l'a-tụgburu. 5Onye-Nwe-Ọha durwulewho unu l'alị ndu Kenanu mẹe nke ndu Hetu mẹe nke ndu Amọru mẹe nke ndu Hevu mẹe nke ndu Jebusu, unu edobeje nsọ ono l'ọnwa-a, mbụ mẹ unu rwulewho l'alị ono o riburu nna unu oche whẹ lẹ nte lẹ ya l'a-nụ unu, bụ iya bụ alị ono mini-ẹra eswi yẹle mmanụ-ẹnwu jiru ejiji. 6Abalị ẹsaa bẹ unu l'a-takọtaje buredi l'eete eyee iwhe l'ekoje buredi. O rwua lẹ mbọku nke ẹsaa ya unu eriaru Onye-Nwe-Ọha oge. 7Unu takọtaje buredi, l'eete eyee iwhe l'ekoje buredi l'ime abalị ẹsaa. Tọ bọ dụkwa buredi, e yeru iwhe l'ekoje buredi l'aa-whụ l'echilabọ unu. Tẹmenu ya adụkwa iwhe l'ekoje buredi, l'aa-whụ l'alị unu. 8Mbọku ono bẹ unu l'e-kfuru ụnwu unu l'iwhe meru g'o gude unu l'eme iwhe ono bẹ bụ iswi iwhe Onye-Nwe-Ọha meru unu mbọku ono, unu lụfutaru l'alị Íjiputu. 9Tẹ nsọ ono bụkwaru iwhe-ọhubama, l'a-dụ unu g'ọo mbo-ẹka mẹe iwhe e deru unu l'obu, unu l'e-gudeje nyata l'iwu Onye-Nwe-Ọha bẹ bụ iwhe unu l'a-kpụjeru l'ọnu, nkele ọo ọkpehu bẹ Onye-Nwe-Ọha gude dufuta unu l'alị Íjiputu. 10Ọo ya bụ, t'unu dobejekwa iwu ono mẹe oge, a tụ-buru iya rwulewho l'awha g'awha ha.\n11\"Onye-Nwe-Ọha -durwulewho unu alị Kenanu ono, bya anụlewho unu alị ono g'o riburu iya unu lẹ nna unu oche whẹ lẹ nte, 12ọo ya bụ, unu anụje Onye-Nwe-Ọha iwhe mbụ, vu ụzo waa ẹkpa-nwa. Anụ mbụ, bụ okee, vu ụzo waa ẹkpa-nwa l'élwù unu bẹ l'a-bụru nke Onye-Nwe-Ọha. 13Iwhe bụ nkakfụ-ịgara, bụ ivurụzo l'ẹwho ne iya bẹ unu l'e-gudeje nwatụru gbata. Ọdua; ọ -bụru l'unu ta agbatadu iya, unu aswị-kwoo ya olu aswikwo. Iwhe bụ ọkpara unu lẹ nwoke bẹ unu l'a-gbatajẹkwawho agbata.\n14\"O -belewho lẹ mgbe l'iwhu, ụnwu unu -jịa unu sụ: '?Ọo gụnu bẹ iwhe ono fụtaru?' Unu asụ whẹ agha: 'Onye-Nwe-Ọha gude ọkpehu dufuta anyi l'alị Íjiputu; mbụ l'ẹka ono, anyi shi bụru ohu. 15Nkele nteke Fero shi kwee kpọkponyi jịka lẹ ya ta ahadụ t'anyi tụgbua bẹ Onye-Nwe-Ọha tụkoru iwhe bụ ọkpara l'alị Íjiputu gbushikota; mbụ iwhe bụ ọkpara lẹ madzụ mẹe l'élwù. O noo iwhe meru g'o gude anyi l'akpụtaje anụ, bụ okee, vu ụzo waa ẹkpa-nwa gbuaru Onye-Nwe-Ọha; gude iwhe gbata ndu bụ ọkpara l'ụnwu anyi.' 16Tẹ nsọ ono bụkwaru iwhe-ọhubama, e byiru g'ọo mbo l'ẹka unu, dee ya g'ọo uryi l'iwhu unu; t'ọ bụru iwhe l'a-nọ egoshi lẹ Onye-Nwe-Ọha gude ọkpehu iya dufuta anyi l'alị Íjiputu.\"\nNdu Ízurẹlu l'awụgha Eze-ẹnyimu Uswe-uswe\n17Nteke Fero harụ ndu Ízurẹlu tẹ whẹ tụgbua bẹ Onye-Nwe-Ọha te eduduru whẹ shia ụzo alị ndu Fílistiya; t'a gụfuro l'ẹka ono bẹ ka ntse. Nkele Onye-Nwe-Ọha sụru: \"O nwekwaru gẹ l'ọo-dụ; ọgu adakfuta whẹ; obu whẹ agbanwee, whẹ adawhushia azụ lẹ Íjiputu\" 18Ọo ya bụ, Onye-Nwe-Ọha duru ndu Ízurẹlu jee mgburumgburu, shia ụzo echi-ẹgu, tụgburu ụzo Eze-ẹnyimu Uswe-uswe. Ndu Ízurẹlu shi l'alị Íjiputu tụgbua, kwaa onwowhe ngwọgu.\n19Mósisu chịta ọkpu Jósẹfu gude, o noo nkele Jósẹfu bẹ meru ndu Ízurẹlu ribuaru iya iye ya lẹ nte. Ọ sụru whẹ: \"Mu marụ lẹ Chileke bẹ l'e-be bya eyeru unu ẹka. Nteke ono t'unu chịtakwa ọkpu mu gude mẹ unu lụfudelewho l'ẹka-a.\"\n20Whẹ palihu ije whẹ lẹ Sukọtu rwua Itamu, whẹ kpọbe ụlo-ẹkwa whẹ l'agụga echi-ẹgu. 21Onye-Nwe-Ọha vutaru whẹ ụzo. L'eswe bẹ Onye-Nwe-Ọha l'egudeje urwukpu, kpụru orogbodo edu whẹ ụzo. O rwua l'ẹnyashi, ya egude ọku, kpụru orogbodo mee t'iwhoro dụru whẹ nke ọwhu bụ lẹ whẹ l'a-nọje eje l'eswe mẹe l'ẹnyashi. 22Urwukpu ono, kpụru orogbodo ono, l'oogudeje edu whẹ l'eswe mẹe ọku ono, kpụru orogbodo ono, l'oogudeje edu whẹ l'ẹnyashi ta alụfujedu alụfu l'atatiwhu ndu Ízurẹlu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/13","date":"2018-12-14T05:43:06Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825363.58\/warc\/CC-MAIN-20181214044833-20181214070333-00282.warc.gz","language":"eza","language_score":1.000009656,"language_script":"Latn","minhash_cluster_size":1,"top_langs":"{\"eza_Latn_score\": 1.0000096559524536}","num_words":675,"character_repetition_ratio":0.085,"word_repetition_ratio":0.0,"special_characters_ratio":0.254,"stopwords_ratio":0.329,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 14\n1Ọo ya bụ, Onye-Nwe-Ọha sụ Mósisu: 2\"Kfuru ndu Ízurẹlu tẹ whẹ dawhu azụ je akpọbe ụlo-ẹkwa whẹ l'atatiwhu mkpụkpu Pyi-hahirotu; l'ẹka ono, dụ lẹ mgbaku mkpụkpu Migudolu yẹle eze-ẹnyimu. Whẹ akpọbe ụlo-ẹkwa whẹ ono t'o chebe iwhu nhamụnha lẹ mkpụkpu Bálu-zefonu. 3Nkele Fero l'a-sụ lẹ ndu Ízurẹlu bẹ nmawarụ l'ẹto; l'echi-ẹgu bẹ gbabuwaru whẹ ye. 4Mu l'a-kpọ-chi Fero obu, ya chịkfuru whẹ. Obenu l'ee-shi l'iwhe l'a-nwụ l'ẹhu Fero yẹle ndu ojọgu iya, kwabẹ mụbe Onye-Nwe-Ọha ugvu. Ọo ya bụ, ndu Íjiputu amarụ l'ọo Mu bụ Onye-Nwe-Ọha.\" Tọ dụ iya bụ, ndu Ízurẹlu mee ya ẹgube ono.\n5Nteke a bya ekfuru eze ndu Íjiputu lẹ ndu Ízurẹlu bẹ gbalawaru nụ; Fero yẹle ndu ozhi iya gbanwee obu whẹ l'ẹka ndu Ízurẹlu nọ sụ: \"?Ọo gụnu bẹ anyi meru ẹgube-ẹ? ?Anyi gbee haa ndu Ízurẹlu tẹ whẹ tụgbua parụ ozhi, whẹ l'ejeru anyi haa?\" 6Ọo ya bụ, Fero sụ t'a kwakọberu iya ụgbo-ịnya iya gẹ l'ọo-dụ. A kwakọbe-gee ya, ọ chịta ndu ojọgu iya yeru onwiya; 7chịta ụgbo-ịnya, kagezhia ree l'ụgbo-ịnya iya; ụnu ụgbo-ịnya l'ụkporo ugbo iri mẹwaroo ụgbo-ịnya Íjiputu g'ọ hakọta. Ọ bya achịru ndu ishi-sọja yekobe l'ụgbo-ịnya ono. 8Onye-Nwe-Ọha kpọ-chia obu Fero, bụ eze ndu Íjiputu, ọ chịkfuru ndu Ízurẹlu gẹ whẹ l'adzọ garamu garamu, awụfu. 9Ịnya Fero mẹe ụgbo-ịnya iya mẹe ndu l'agba iya nụ mẹe ikpoto ndu ojọgu iya, mbụ ndu Íjiputu l'owhu chịpyabe ndu Ízurẹlu ono je agbakfu whẹ l'ẹka whẹ kpọberu ụlo-ẹkwa whẹ l'agụga eze-ẹnyimu; mbụ lẹ mgboro Pyi-hahirotu, bụ ẹka gharụ iwhu nhamụnha lẹ Bálu-zefonu.\n10Fero byarwudelewho; ndu Ízurẹlu palia ẹnya imeli whụ gẹ ndu Íjiputu dzeberu awụ abyakfutakebe whẹ l'ike l'ike. Egvu gudeshia whẹ, whẹ ryaku Onye-Nwe-Ọha. 11Whẹ sụ Mósisu: \"?Ọo l'ilu ta adụdu l'alị Íjiputu meru g'o gude i dufuta anyi t'anyi bya anwụshihu l'echi-ẹgu? ?Ọo gụnu menurua g'o gude i dufuta anyi l'alị Íjiputu? 12?Tọ dụ iwhe ọbu anyi kfuru ghu l'alị Íjiputu t'ị parụ anyi haa; t'anyi jejeruro ndu Íjiputu ozhi? ?T'ọ gege akadụru anyi mma l'anyi l'ejeru ndu Íjiputu ozhi amamẹ l'anyi bya anwụshihu l'echi-ẹgu?\"\n13Mósisu sụ ndu Ízurẹlu: \"Unu ba atsụshi egvu. Unu kfụru kfụshia ike; whụ gẹ Onye-Nwe-Ọha l'e-shi dzọfuta unu ntanụ. Nkele ndu Íjiputu ono unu whụru ntanụ bẹ unu l'ẹte awhụhedu ọdo jeyewaro. 14Onye-Nwe-Ọha l'a-lwụ-chiru unu ọgu; ọ lẹwhoo t'unu nọdu nggujingguji.\"\n15Ọo ya bụ, Onye-Nwe-Ọha sụ Mósisu: \"?Ọo gụnu bẹ l'ịirya-kuru mu? Karụ ndu Ízurẹlu tẹ whẹ tụgbua jeshia iwhe whẹ l'eje. 16Wolia mgbọro ghu ewoli maa l'eze-ẹnyimu tẹ mini iya kekahu ẹbo nke ọwhu ndu Ízurẹlu l'e-je ije l'alị-ọkponku wụghaa l'ẹnyimu ono. 17Mu l'a-kpọ-chi obu ndu Íjiputu nke ọwhu whẹ l'e-tsopyabe ndu Ízurẹlu. Ọo ya bụ, e shi l'iwhe l'a-nwụru Fero mẹe ndu ojọgu iya mẹe ụgbo-ịnya iya mẹe ndu l'agbarụ iya ịnya kwabẹ mụbe Onye-Nwe-Ọha ugvu. 18Ọo ya bụ, ndu Íjiputu eshi nno marụ l'ọo Mu bụ Onye-Nwe-Ọha, mbụ nteke l'ee-shi l'iwhe l'a-nwụru Fero mẹe ndu ojọgu iya mẹe ụgbo-ịnya iya mẹe ndu l'agbarụ iya ịnya, kwabẹ mu ugvu.\"\n19O noo ya, Ojozhi-imigwe whọ, shi l'ẹka Chileke, shi vutaru ndu Ízurẹlu ụzo bya adawhu azụ je anọdu whẹ l'azụ. Urwukpu who, kpụru orogbodo who shikwawho l'atatiwhu whẹ tsụ-whu azụ je anọdu whẹ l'azụ, 20je anọkahu ndu ojọgu Íjiputu mẹe ndu Ízurẹlu l'echilabọ. L'ẹnyashi ono mgburumgburu bẹ urwukpu ono gbakọtaru ọchi l'ibe ẹka lanụ bya acha ọku l'ibe ẹka lanụ. Iwhe ono mee, tọ dụ ndu ọwhu jekuberu ibe whẹ ntse l'ẹnyashi ono l'owhu.\n21Tọ dụ iya bụ, Mósisu bya amachịa ẹka iya l'eli eze-ẹnyimu ono. Onye-Nwe-Ọha mee t'oke whẹrewhere, shi l'ụzo ẹnyanwu-awata whekota l'ẹnyashi ono l'owhu; o gude oke whẹrewhere ono nwuwhu eze-ẹnyimu ono azụ, ọ bya aghọo alị ọkponku. Mini ono kewaa ẹbo. 22Ndu Ízurẹlu bahụ l'echilabọ eze-ẹnyimu ono jee ije l'alị ọkponku ghaa eze-ẹnyimu ono. Mini eze-ẹnyimu ono kpụa gọo mgbodo l'ẹka-ụtara whẹ mẹe l'ẹka-ịcha whẹ.\n23Ndu Íjiputu chịkfuru whẹ. Ịnya Fero mẹe ụgbo-ịnya iya mẹe ndu l'agbarụ iya ịnya tụko tsoru whẹ wụba l'echilabọ eze-ẹnyimu ono. 24O rwua l'ụtsu, Onye-Nwe-Ọha shi l'ọku ono mẹe l'urwukpu ono, kpụru orogbodo ono lee ndu ojọgu ndu Íjiputu ẹnya, tụru ẹyerebeke nụ whẹ, 25bya emee, ọkpa ụgbo-ịnya whẹ wata ọgba-whe mgburumgburu nke ọwhu agbagba iya tsụlahaaru whẹ l'ẹhu. Ndu Íjiputu sụ: \"T'anyi hakwaa ndu Ízurẹlu gbalaa, o noo nkele ọo Onye-Nwe-Ọha l'etso anyịbe ndu Íjiputu ọgu l'okfu ẹhu ndu Ízurẹlu ono.\"\n26Ọo ya bụ, Onye-Nwe-Ọha sụ Mósisu: \"Machịa ẹka l'eze-ẹnyimu ono nke ọwhu mini ono l'a-sọ-kputa ndu Íjiputu mẹe ụgbo-ịnya whẹ mẹe ndu l'agba ịnya whẹ.\" 27Mósisu bya amachịa ẹka l'eze-ẹnyimu ono. O rwua l'ụtsu, ẹnyimu ono sọlahaa g'o shi asọ. Ndu Íjiputu melahaa tẹ whẹ gbafụ lẹ mini ono, Onye-Nwe-Ọha zarụ whẹ ye l'ime eze-ẹnyimu ono. 28Mini ono bya asọgbabe ọdo, rigbushia ụgbo-ịnya ono yẹle ndu ono, l'agba ịnya ono mẹe iwhe bụ ndu ojọgu Fero ono, chịru ndu Ízurẹlu ọso jeye l'eze-ẹnyimu. Tọ dụ t'ọ ka mma l'ọo onye lanụ, wafụru nụ.\n29Ọle ndu Ízurẹlu bẹ jeru ije l'alị ọkponku ghaa eze-ẹnyimu ono. Mini eze-ẹnyimu ono kpụa g'ọo mgbodo l'ẹka-ụtara whẹ mẹe l'ẹka-ịcha whẹ. 30Tọ dụ iya bụ, Onye-Nwe-Ọha dzọfuta ndu Ízurẹlu l'ẹka ndu Íjiputu mbọku ono. Ndu Ízurẹlu whụa g'odzu ndu Íjiputu dageeru gbaagbaa l'agụga eze-ẹnyimu ono. 31Ndu Ízurẹlu whụa ọkpehu, Onye-Nwe-Ọha gude lwụ-gbua ndu Íjiputu, whẹ wata ọtsu Onye-Nwe-Ọha egvu. Whẹ kweta nkiya, bya ekweta nke onye ozhi iya, bụ Mósisu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/14","date":"2018-12-19T11:08:50Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376832259.90\/warc\/CC-MAIN-20181219110427-20181219132427-00283.warc.gz","language":"eza","language_score":1.0000082254,"language_script":"Latn","minhash_cluster_size":1,"top_langs":"{\"eza_Latn_score\": 1.000008225440979}","num_words":872,"character_repetition_ratio":0.106,"word_repetition_ratio":0.019,"special_characters_ratio":0.245,"stopwords_ratio":0.308,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 35:35\n35O mekwaru tẹ mmamagụ, e gude eme nka l'ụzo, dụ l'iche l'iche mẹe mmamagụ, e gude ememashi iwhe ememashi rwube whẹ ẹka mẹe tẹ whẹ marụ gẹ l'eegudeje oghu dụ urwukpu-urwukpu yẹle oghu ododo mẹe nke uswe-uswe mẹe ẹkwa ọcha dengashia iwhe edengashi. Whẹ labọ bụ ndu makọtaru gẹ l'eemeje nka l'iwhe t'ọ maa ụma.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/35\/35","date":"2018-12-15T04:14:32Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826715.45\/warc\/CC-MAIN-20181215035757-20181215061757-00439.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":56,"character_repetition_ratio":0.084,"word_repetition_ratio":0.0,"special_characters_ratio":0.241,"stopwords_ratio":0.25,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 38:23\n23Onye yẹle iya gba mgba mee ya bụ Oholiyabu nwa Ahisamaku, o-shi l'ikfu Danu; ọ bụ onye l'eeme nka, bụru onye marụ omemashi iwhe ememashi; tẹmenu ọ makwarụwho gẹ l'eegudeje oghu, dụ urwukpu-urwukpu mẹe oghu ododo mẹe nke uswe-uswe yẹle ọkpobe ẹkwa ọcha, a kparụ ọ dụ ree edengashi iwhe edengashi.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/38\/23","date":"2018-12-12T12:36:12Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823872.13\/warc\/CC-MAIN-20181212112626-20181212134126-00179.warc.gz","language":"eza","language_score":0.9999984503,"language_script":"Latn","minhash_cluster_size":1,"top_langs":"{\"eza_Latn_score\": 0.9999984502792358}","num_words":52,"character_repetition_ratio":0.027,"word_repetition_ratio":0.0,"special_characters_ratio":0.233,"stopwords_ratio":0.308,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 35\nJékọpu l'adawhu azụ lẹ Bẹtelu\n1O noo ya, Chileke bya asụ Jékọpu: \"Kwalita lashia Bẹtelu je eburu. I -rwua ẹka ono, tụaru mụbe Chileke ẹnya-mgbẹja, mbụ Chileke ono byakfutaru ghu nụ l'ẹka ono nteke l'ịigbarụ nwune ghu Ịso ọso.\"\n2Tọ dụ iya bụ, Jékọpu bya asụ ndibe iya mẹe ndu lile, whẹ l'iya bu: \"Unu wofugezhia ọgvu ndu ọha ọdo, unu gude; unu asafụkota onwunu mmerwu l'ẹhu; unu agbanweshia uwe unu. 3Unu agbalihu t'anyi jeshia Bẹtelu. Ẹka ono bẹ mu l'a-tụru Chileke ẹnya-mgbẹja, mbụ onye ono nụru olu mu nteke ono, mu nọ l'awhụ, bya abụru onye, nọdu swiru mu nụ l'ẹka lile, mu jekotaru.\" 4Ọo ya bụ, whẹ wotakota ọgvu ndu ọha ọdo, whẹ gude woru nụ Jékọpu, bya eyeshikota iwhe-nchị, whẹ yeru lẹ nchị chịru nụ iya. Jékọpu gvua alị libekota iya lẹ mkpula achị, dụ lẹ mgboro Shékemu. 5Whẹ gwota tụgbua; ntsụ-megvu, shi l'ẹka Chileke gudeshia iwhe bụ mkpụkpu, nọ-wheru whẹ mgburumgburu nke ọwhu bụ l'ọ to dụdu ndu tụru ama je whẹ otso ọgu.\n6Jékọpu mẹe ndu whẹ l'iya lị bya ejerwua Luzu bụ iya bụ Bẹtelu, dụ l'alị Kenanu. 7O rwua ẹka ono tụa ẹnya-mgbẹja; ọ gụa ẹka ono Ẹ́lu Bẹtelu.+ O noo nkele ọo l'ẹka ono bẹ Chileke goshiru iya onwiya nteke l'ọogbaru nwune iya ọso.\n8O noo ya, Debora, bụ onye heru Ribẹka nteke ọ bụ nwata bya anwụhu; e lia ya lẹ mkpula ukfu achị lanụ, dụ l'ụzo ọhali Bẹtelu. Ọo ya meru, a gụa ẹka ono Alọnu Bakutu.+\n9Nteke Jékọpu shi lẹ Padanu-aramu lwa bẹ Chileke byakfutaru iya ọdo bya agọru ọnu-ọma nụ iya. 10Chileke bẹ sụru iya: \"Ẹwha ghu bụ Jékọpu, ọle ẹwha ghu ta abụhedu Jékọpu ọdo. Iwhe ẹwha ghu l'a-bụru bụ Ízurẹlu.\" Ọo ya bụ, Chileke gụa ya Ízurẹlu.\n11Chileke sụ iya: \"Ọo mbẹdua bụ Chileke, bụ Ọkalibe-kakọta-ike. Je azụ̀a azụ̀zù ha l'igweligwe l'ọnogu. Ịi-nwụta ndu l'a-bụ mba ẹka whẹ; gụ anwụtakwawho ikpoto mba. Ndu eze l'e-shi ghu l'ẹhu fụta. 12Alị ono, mu nụru Ébirihamu mẹe Áyiziku bẹ mu l'a-nụkwa ghu whọ; mu anụkwa iya whọ ẹpa ghu, bụ ndu l'etso ghu l'azụ.\" 13Chileke bya ahaa ya l'ẹka ono, ọ nọ kfuru yeru iya, ọ bụru iya alụfu.\n14Jékọpu bya egvube ẹwhuru l'ẹka ono, Chileke nọdu kfuru yeru iya ono, bya agbashị iya mmẹe l'eli gude gwaa ya; gbashịkwa iya whọ mmanụ l'eli. 15Jékọpu gụa ẹka ono, Chileke nọ kfuru yeru iya ono Bẹtelu.\nỌnwu Réchẹlu yẹle Áyiziku\n16Whẹ shi lẹ Bẹtelu palia ije; Ifuratu dụkwadu whẹ l'iwhu; ime wata ome Réchẹlu. Ezeda kwata bụru iwhe kpọru ike. 17Nteke ezeda bya abụru iwhe kpọru ike ono bẹ nwanyị, l'eswi iya ime sụru iya: \"Ba atsụshi egvu. Ọo nwa nwoke ọdo bẹ l'ịibya anwụnwu.\" 18Ume gabẹ ẹka agvụ iya agvụ; l'ọonwuhu anwụhu; ọ gụa nwa iya ono Benoni. E megee; nna iya gụa ya Bénjaminu.\n19O noo ya, Réchẹlu nwụhu; e lia ya l'ẹka, e shi eje Ifuratu bụ iya bụ Bẹ́tulehemu. 20Jékọpu swita ẹwhuru gvube l'eli ilu Réchẹlu ono. Ẹwhuru ono bẹ dụ l'ẹka ono byeye ntanụ, egoshi l'ọo ilu Réchẹlu ndono.\n21Ízurẹlu palia ije ọdo, o jeta kpọbe ụlo-ẹkwa iya l'azụ ụlo-eli, dụ lẹ mkpụkpu Ida. 22Ọ bụru gẹ Ízurẹlu bukwadu l'ẹka ono bẹ Rúbẹnu jekfuru Byiliha azẹe, mbụ nwanyị, nna iya l'ẹte alụa l'ọkpoku nwanyị. Nna iya, bụ Ízurẹlu nụa ya.\nJékọpu nwụtaru unwoke iri l'ẹbo.\n23Ụnwu nke Lii bụ Rúbẹnu bụ iya bụ ọkpara Jékọpu mẹe Símiyọnu mẹe Lívayi mẹe Juda mẹe Ísaka mẹe Zébulọnu.\n24Ụnwu nke Réchẹlu bụru Jósẹfu mẹe Bénjaminu.\n25Ụnwu nke Byiliha, bụ onye l'ejeru Réchẹlu ozhi l'ụlo bụru Danu mẹe Náfutali.\n26Ụnwu nke Zilipa, bụ onye l'ejeru Lii ozhi l'ụlo bụru Gadu mẹe Asha.\nO noo unwoke, a nwụshiru Jékọpu lẹ Padanu-aramu ndono.\n27Jékọpu lwakfushia nna iya, bụ Áyiziku lẹ Mamure, dụ lẹ mgboro Kiriyatu-aruba bụ iya bụ Hiburọnu, bụ ẹka Ébirihamu yẹle Áyiziku shi buru. 28Áyiziku gbarụ ụkporo awha ugbo tete. 29Ọo ya bụ, ọ tụ-buhu ume; ọ bụru iya anwụhu. Ọ lakfu ndụ-ichee ya whẹ lẹ maa. Ọ karụ nka ree, bya anọ igweligwe awha. Jékọpu yẹle Ịso, bụ ụnwu iya lia ya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/35","date":"2018-12-19T15:26:48Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376832559.95\/warc\/CC-MAIN-20181219151124-20181219173124-00016.warc.gz","language":"eza","language_score":0.9999152422,"language_script":"Latn","minhash_cluster_size":1,"top_langs":"{\"eza_Latn_score\": 0.9999152421951294}","num_words":675,"character_repetition_ratio":0.041,"word_repetition_ratio":0.0,"special_characters_ratio":0.249,"stopwords_ratio":0.333,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 37\nNrọ, Jósẹfu rọru\n1Jékọpu bu l'alị ono, nna iya lwarụ je eburu bụ iya bụ alị Kenanu.\n2Ọ waa bụ akọ-ẹhu ndibe Jékọpu ndọwa.\nJósẹfu bẹ nọwaru awha iri l'ẹsaa, l'ootsoje ụnwunna iya eche atụru, mbụ ụnwu nke Byiliha yẹle Zilipa, bụ unyomu nna iya. Jósẹfu gbalihu ya eje edooru nna iya ejo-iwhe, ụnwunna iya whẹ l'eme.\n3O noo ya, Ízurẹlu ka oye Jósẹfu obu karụ ụnwu iya ndu ọwhu nkele ọ bụ nwa, a nwụru iya lẹ nka. Ọ kwaarụ Jósẹfu uwe-mkpẹelanu, nweru ẹka ogologo, e dengashiru iwhe edengashi l'ọoma ụma. 4Nteke ụnwunna iya bya amarụ lẹ nna whẹ ka iya oye obu karụ whẹbedua, whẹ kpọo Jósẹfu ashị; whẹ te ekfujeheru iya okfu njima.\n5Jósẹfu bya arọo nrọ, zeeru iya ụnwunna iya. O mee, whẹ kabaa ya ọkpo ashị. 6Ọ sụru whẹ: \"Unu ngabẹ tẹ mu zeeru unu nrọ, mu rọru. 7Anyi nọ l'ẹgu esweshi witi l'ukfu l'ukfu. A nọnyaa, ukfu witi nkemu gbalihu kfụru pẹperepe; ukfu iya nkunu bya adọ-whee nkemu mgburumgburu; ewhuzekaaru iya ishi l'alị.\"\n8Ụnwunna iya sụ iya: \"?Ọ nụa iya bụ l'ii-megee achị anyi? Mbụ; ?ọo ya bụ l'ii-megee bụru ishi anyi?\" Nrọ ono, ọ rọru yẹle okfu ono, o kfuru mee; whẹ kabaa ya ọkpo ashị.\n9Jósẹfu bya arọfua nrọ ọdo; zeeru iya ụnwunna iya ono sụ whẹ: \"Mu rọkwaru nrọ ọdo g'ẹnyanwu mẹe ọnwa mẹe kpokponde iri lẹ nnanụ bya awata anọ abarụ mu ẹja.\"\n10O je ezeeru iya nna iya g'o zeru iya ụnwunna iya; nna iya gbọ-chia ya ọnu sụ iya: \"?Ọo ẹgube nrọ gụnu b'ị rọru nno? ?Iwhe l'iikfunu bụ lẹ mbẹdua, bụ nna ghu mẹe ne ghu mẹe ụnwunna ghu l'e-megee ewhuzejeru ghu ishi l'alị abarụ ghu ẹja\" 11Ụnwunna iya koderu iya okoowhoo; nna iya kwakọbe iwhe ono, o kfuru iya l'obu iya.\nỤnwunna Jósẹfu l'ere iya\n12O noo ya, ụnwunna iya rwuta atụru nna whẹ jeshia echeche l'ẹka ọbu dụkube mkpụkpu Shékemu. 13Ọo ya bụ, Ízurẹlu sụ Jósẹfu: \"?Mbẹ ị marụ-a l'ụnwunna ghu nọ lẹ mgboro Shékemu eche atụru; ngwa bya tẹ mu zhia ghu t'i je agbawhe whẹ.\"\nJósẹfu kweta nna iya.\n14Ọo ya bụ, ọ sụ iya t'o je agbawhe ụnwunna iya l'ẹka ono, whẹ l'eche atụru marụ, ?ẹhu dụ-gee whẹ mma whẹ l'atụru whẹ ya alwa bya akarụ iya? Ẹka ọ nọ zhia ya ozhi ono bụ lẹ nsụda Hiburọnu.\nJósẹfu tụgbua bya ejerwua Shékemu. 15Nwoke ọbu whụ iya l'ẹka l'ọogha-whe bedee l'ẹgu ono; nwoke ono jịa ya sụ iya: \"?Ịicho gụnu?\"\n16Ọ sụ iya: \"Ọo ụnwunna mu whẹ bẹ mu l'ele ẹnya whẹ. Byiko, ọ -bụnuru l'ị marụ ẹka whẹ nọ eche atụru whẹ, tụnuru mu ọnu iya.\"\n17Nwoke ono sụ iya: \"Whẹ lụfuakwaru l'ẹka-a nkele mu shi anụ nteke whẹ shi ekfu tẹ whẹ jee Dotanu.\"\nỌo ya bụ, Jósẹfu lụfu chọru ụnwunna iya ono jeshia je awhụ whẹ lẹ Dotanu. 18Whẹ nọdu otẹnya whụ Jósẹfu gẹ l'ooje abya. Ọ bya l'ejerwudeshia ẹka ono whẹ nọ, whẹ gbawaa ikumu tẹ whẹ gbua ya.\n19Whẹ sụ ibe whẹ: \"Lekwa nwa-ọro-nrọ gẹ l'ooje abya! 20Unu bya ntaa t'anyi gbua ya; parụ iya chee l'ime iduma lanụ. Iwhe anyi l'e-kfu bụ l'ọo anụ-ẹgbudu gburu iya. T'anyi mawarụro gẹ nrọ iya ọbu l'e-shi vụa.\"\n21Rúbẹnu nụa ya bya achọkashide gẹ l'oo-me dzọo ya ndzụ. Ọ sụ whẹ: \"Unu t'anyi be egbushi iya egbu. 22T'anyi be egbukwa ọchi. Iwhe anyi l'e-mechia bụ t'anyi parụ iya chee l'ime iduma lanụ l'echi-ẹgu l'ẹka-a; haa ya odenyi ẹka.\" Iwhe Rúbẹnu gude kfua ya nno bụ ndụge ọ nafụta iya l'ẹka whẹ duta iya dulahuru nna iya.\n23O noo ya, abyarwuta, Jósẹfu l'abyarwuta ẹka ụnwunna iya ono nọ; whẹ wọo iya chịi, yefu iya uwe ẹka ogologo ono, dengashiru iwhe edengashi ono, o ye l'ẹhu. 24Whẹ pata iya chee l'ime iduma lanụ. Iduma ono bụ iduma iwhoro, mini l'adụa.\n25Whẹ dọshia eri nri, whẹ palia ẹnya whụ ndu shi l'eri Ishimẹlu gẹ whẹ dzeberu kpẹe mkpẹelanu shi Giledu eje abya; ịnya-kamẹlu whẹ vugeeru mmanụ, l'eshi mkpọ mẹe ụnwu, l'eshi kwẹkwekwe mẹe mẹru. Ẹka whẹ vu iya eje bụ Íjiputu.\n26Juda sụ ụnwunna iya: \"?Ọo gụnu bẹ anyi l'e-rita iya mẹ anyi gbua nwanna anyi kpochia mmee ya? 27Unu bya t'anyi ree ya eri Ishimẹlu. T'ẹka anyi be edenyikwa iya l'ẹhu nkele ọo nwanna anyi b'ọ bụ, tẹmenu anyi l'iya bụru ogwẹhu lanụ, bya abụru mmee lanụ.\" Ụnwunna iya narụ kweta.\n28Ndu Midiyanu ono, l'agba nghọ ghatadẹlewho; ụnwunna Jósẹfu ono je ekufuta iya l'ime iduma ono; woru iya ree eri Ishimẹlu ono. Iwhe whẹ reru Jósẹfu bụ mkpọla-ọcha, ẹrwa iya dụ ụkporo shẹkelu. Whẹ duru iya lashia Íjiputu.\n29Nteke Rúbẹnu bya ejee l'iduma ono, whụ lẹ Jósẹfu ta anọhedu iya; o gude ẹhu-eghughu gbajaa uwe iya. 30O jekfu ụnwunna iya je asụ whẹ: \"Nwata ono ta anọhekwa l'ime iduma ono. ?Ọo awe bẹ mu l'e-chebe ntaa?\"\n31O noo ya, whẹ chịta uwe Jósẹfu, bya egbua eghu, gwọ-whua uwe Jósẹfu lẹ mmee ya. 32Whẹ chịta uwe ẹka ogologo ono, e dengashiru iwhe ono chịlahuru nna whẹ; sụ iya: \"Lekwa uwe, anyi whụru ndọwa; leeda iya ẹnya marụ ?ọo nke nwa ghu tọo gụnu?\"\n33Jékọpu hụbelekwawho uwe ono ama sụ: \"Ọ kwa uwe nwa mu-o! Ejo anụ-ẹgbudu gbuakwaru iya. O doru mu ẹnya l'anụ-ẹgbudu lajashịwaru anụ Jósẹfu nwịrinwiri.\"\n34Jékọpu gude ẹhu-eghughu gbajaa uwe nkiya, bya achịta uwe áwhụ yee; ryaa ẹkwa nwa iya ono igweligwe mbọku. 35Ụnwu iya unwoke mẹe ụnwu iya ụnwanyi bya tẹ whẹ dụa ya obu, ọ jịka t'a ba adụshi iya obu, asụje: \"Unu parụ mu haa. Mu l'a-gụ-zhiawho áwhụ nwa mu ono jeye mbọku mu l'a-lakfu iya lẹ maa.\" O noo gẹ nna Jósẹfu gude ryaa ẹkwa iya ndono.\n36O noo ya, ndu Midiyanu bya eworu Jósẹfu ree nwoke, l'eeku Pọtifa l'alị Íjiputu. Pọtifa ono bụ onye lanụ lẹ ndu ozhi Fero; ọ bụ onye ishi ndu ojọgu, l'eche Fero nche.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/37","date":"2018-12-12T00:17:01Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823710.44\/warc\/CC-MAIN-20181212000955-20181212022455-00018.warc.gz","language":"eza","language_score":0.9999916553,"language_script":"Latn","minhash_cluster_size":1,"top_langs":"{\"eza_Latn_score\": 0.9999916553497314}","num_words":963,"character_repetition_ratio":0.05,"word_repetition_ratio":0.0,"special_characters_ratio":0.257,"stopwords_ratio":0.318,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 27\nJékọpu natarụ ọnu-ọma l'ẹka Áyiziku\n1O be gẹ Áyiziku bụwaa nwoke ọgurenya, nka lawarụ l'ẹnya t'ọ whụhe ụzo; ọ bya ekua Ịso, bụ ọkpara iya nwoke sụ iya: \"Nwa mu.\"\nỌ za iya: \"Owee.\"\n2Áyiziku sụ iya: \"Ntaa bẹ mu bụakwa ọgurenya; tọ bụhe lẹ mu marụ mbọku, mu l'a-nwụhu. 3Wotakwa iwhe l'iigudeje eje nta, mbụ ube ghu mẹe akfụ ghu, gude jeshia l'ẹgbudu je egbutaru mu anụ. 4Gụ egude iya shiaru mu nri, l'atsọ ụtso, mbụ ọga nri, l'adụje mu ree patarụ mu tẹ mu ria, gọru ọnu-ọma nụ ghu, tẹmenu mu anwụhude.\"\n5Ribẹka ngabẹkwanu nchị nteke Áyiziku l'ekfu eyeru nwa iya Ịso. Ịso tụgbuleruwho jeshia l'ẹgbudu ọchi nta anụ, l'oo-gbu palata, 6Ribẹka bya atakpeeru nwa iya Jékọpu sụ iya: \"Mu nụkwaru gẹ nna ghu shi ekfu eyeru nwune ghu Ịso asụje iya 7t'o je egbuta anụ l'ẹgbudu palata gude bya eshiaru iya nri, l'atsọ ụtso tẹ ya ria; ndụge ya anọdu l'atatiwhu Onye-Nwe-Ọha gọru ọnu-ọma nụ iya, tẹmenu ya anwụhude. 8Nwa mu, nụkwaaru mu okfu; mee iwhe mu sụru t'i mee. 9Jeshia l'ẹka élwù dọru, je ahọtaru mu nwada eghu labọ, dụ-gee ree, tẹ mu gude shiaru nna ghu nri, l'atsọ ụtso, mbụ ọga nri, l'adụje iya ree. 10Gụ egwota iya je anụ nna ghu t'o ria nke ọwhu l'ọo-gọru ọnu-ọma nụ ghu, tẹmenu ya anwụhude.\"\n11Jékọpu sụ ne iya Ribẹka: \"Obenu lẹ nwune mu Ịso bẹ gbarụ ẹwhuruwhu; mbẹdua bụru onye ẹhu kwọru tụruru. 12O nwekwaru gẹ l'ọo-dụ nna mu arwaa mu ẹka l'ẹhu, ya amarụ l'ọo ụgho bẹ mu l'aghọru iya; mu eshi nno meta iwhe l'ọo-tụ mu ọnu m'obeta ọwhu, l'ọo-gọru mu ọnu.\"\n13Ne iya sụ iya: \"Nwa mu, ọ -tụa ghu ọnu bẹ mu l'e-vuru iya. Nụleru mu whọ okfu; tụgbua je akpụtaru mu ụnwada eghu ono.\"\n14Ọo ya bụ, ọ tụgbua je akpụtaru ne iya ụnwada eghu ono. Ne iya gude iya shia nri, l'atsọ ụtso, mbụ ọga nri, l'adụje nna Jékọpu ree. 15Rib��ka bya achịta ọkpobe uwe Ịso, bụ ọkpara iya nwoke, mbụ uwe Ịso, koru l'ụlo iya bya eyee Jékọpu, bụ nwa iya nke nwata. 16O wota akpọ eghu ono kwebe iya l'ẹka, bya ekwebe iye ya l'ibe ẹka iya ọwhu olu kwọru iya tụruru. 17Ọ pata nri ono, o shiru l'ọotso ntụmatu mẹe buredi pẹe Jékọpu t'o je anụ.\n18Jékọpu parụ nri ono jekfu nna iya je asụ iya: \"Nna.\"\nỌ za iya: \"Owee nwa mu. ?Ọo onye?\"\n19Jékọpu sụ nna iya: \"Ọo ọkpara ghu Ịso b'ọ bụ. Mu meekwaru iwhe i sụru tẹ mu mee. Gbeshikwa egbeshi taa anụ ọbu, mu gburu nke ọwhu l'ịi-gọru mu ọnu.\"\n20Áyiziku bya asụ nwa iya ono: \"Ị whụbukwa anụ ọbu ẹgwegwa.\"\nJékọpu sụ iya: \"Ọo Onye-Nwe-Ọha, bụ Chileke ghu meru o nweru ishi.\"\n21Áyiziku sụ Jékọpu: \"Nwa mu kpịlitaadaru ntse tẹ mu rwada ghu ẹka l'ẹhu marụ ?ị bụ-a nwa mu Ịso l'ezhi tẹ tị bụdu?\"\n22Jékọpu bya ejekube nna iya Áyiziku ntse. Ọ rwagee ya ẹka l'ẹhu bya asụ: \"Olu-okfu ghu bụ olu Jékọpu, ọle ẹka ghu bụ ẹka Ịso.\" 23Tọ hụbehe iya ama, o noo nkele ọ gbarụ ẹwhuruwhu l'ẹka g'ọo nwune iya bụ Ịso. Ọ gọru ọnu-ọma nụ iya. 24Ọ jịa ya sụ iya: \"?Ị bụ-a nwa mu Ịso l'ezhi?\"\nỌ sụ iya: \"Ee. Mu bụkwa iya-a.\"\n25Ọo ya bụ, ọ sụ iya: \"Ngwanụ, patanụru mu anụ ọbu, i gburu shia tẹ mu ria nwa mu nke ọwhu mu l'a-gọru ọnu-ọma nụ ghu.\"\nJékọpu pajeru iye ya o ria, bya anụ iya mmẹe ọ ngụa. 26Nna iya Áyiziku sụ iya: \"Bya ẹka-a nwa mu bya etsutsua mu ọnu.\"\n27Ọo ya bụ, Jékọpu jekube iya je etsutsua ya ọnu. Áyiziku nụa mkpọ, uwe iya l'eshi; ọ gọru ọnu-ọma nụ iya sụ iya:\n\"Ha! Mkpọ, nwa mu l'eshi\ndụkwa g'ọo mkpọ ẹgbudu,\nOnye-Nwe-Ọha mezhiru emezhi.\n28Tẹ Onye-Nwe-Ọha mee t'igweli chịjeeru ghu mini.\nYa emee t'alị ghu mehu emehu.\nYa emee t'i nweru nri nweru mmẹe,\nnweru iya nke etsutsu iya.\n29Tẹ ndiwhe jejeeru ghu ozhi!\nTẹ mba gẹ mba ha whuzejeru\nghu ishi l'alị gude yeru ghu ẹso!\nBụru ishi unwune ghu whẹ.\nT'ụnwu, ne ghu nwụtaru\nwhuzejeru ghu ishi l'alị gude yeru ghu ẹso!\nIwhe bụ onye tụru ghu ọnu\nbụakwa onye a tụru ọnu!\nIwhe bụ onye gọru ghu ọnu\nbụwaru onye a gọru ọnu!\"\n30Áyiziku gọ-geleruwho Jékọpu ọnu-ọma ono, ọ bụkwadurua tẹ Jékọpu shi l'iwhu nna iya lụfu, nwune iya Ịso shi nta ono, o jeru bụru whẹrekete. 31Ọ bya eshia nri nkiya, l'atsọ ụtso pajeru nna iya sụ iya: \"Nna, gbeshi taa anụ ọbu, mu gburu shiaru ghu nke ọwhu l'ịi-gọru ọnu-ọma ọbu nụ mu.\"\n32Nna iya, bụ Áyiziku bya ajịa ya sụ: \"?Oo onye b'ị bụ?\"\nỌ sụ iya: \"Mu bụkwa nwa ghu nwoke, mbụ ọkpara ghu Ịso.\"\n33Ẹhu nmakọta Áyiziku kwekwekwe. Ọ sụ: \"?Ọo hụnu onye gburu anụ wotaru mu, mbụ mu rigeru-a tẹmenu ị batadẹ? Mu gọokwaru ọnu-ọma nụ onye ọbu, mbụ l'onye ọbu bụakwa onye a gọru ọnu-ọma nụ.\"\n34Ịso nụlewho okfu ono, nna iya kfuru, o chikpo ẹkwa; chilahaa mkpu sụ nna iya: \"Gọfunuaru mbẹdu ọwa ọnu-ọma nkemu; byikonu nna!\"\n35Áyiziku sụ iya: \"Nwune ghu gudekwa ụgho bya anata ọnu-ọma, gbarụ ghu nụ.\"\n36Ịso sụ: \"Ọ lẹwho lẹ Jékọpu ono, a gụru iya b'a gụtaru iya. Ọ waa kwewaa ugbo labọ, o kputaru mu. Ọ natarụ mu ọkpara, mu bụ. Ọ bya ntaa bya anatafụa mu ọnu-ọma, gbarụ mu nụ.\" Ọ jịa nna iya sụ iya: \"?Too nwehezhidua ọnu-ọma ọdo, whuduru nụ, ị gẹge agọfuaru mu?\"\n37Áyiziku sụ Ịso: \"Mu meekwaru iya t'ọ bụru ishi l'ẹka ị nọ. Unwune iya lile bẹ mu meekwaru tẹ whẹ bụkotaru ndu ozhi iya. Mu gọwaru iya ọnu l'oo-nweru nri, nweru mmẹe. ?Ọo gụnu ọdo bẹ mu l'a-dụ ike emekwaduru ghu nwa mu?\"\n38Ịso sụ nna iya: \"Nna, ?ọo ọnu-ọma lanụ b'i nweru? Gọfunuaru mbẹdu ọwa ọnu-ọma nkemu; byiko nụ nna!\" O chikpoo ẹkwa.\n39Áyiziku, bụ nna iya sụ iya:\n\"Ẹka l'ii-buru bẹ bụ ẹka alị l'ete emehuje iwhe.\nIgweli ta abyadụ la-chịjeru ghu mini.\n40Ọo ogu-ịgba bẹ l'ii-gude buru;\ngụ ejeru nwune ghu ozhi.\nỌle a nọnyakwanua ọtsude ghu l'ẹhu;\ngụ ekwefuru iya ike; gụ l'iya eshikahu.\"\nJékọpu gbalaru lashia ibe Lebanu\n41O noo ya, Ịso bya akpọo Jékọpu ashị l'okfu ọnu-ọma ono, nna iya gọru nụ iya. O kfua l'ime obu iya sụ: \"Ọ kwa lẹ nteke l'aa-kwa nna mu l'erwuwa; o noo nteke mu l'e-gbu nwune mu Jékọpu ndono.\"\n42Ama bya agbaarụ Ribẹka l'ọwaa iwhe Ịso, bụ nwa iya nke ọgurenya kfuru. O zhia t'e je ekua Jékọpu, bụ nwa iya nke nwata. Ọ sụ iya: \"Iwhe nwune ghu Ịso gude adụ onwiya obu bụkwa lẹ ya l'e-gbu ghu. 43Ọo ya bụ, nwa mu, nụkwa iwhe-e, mu bya l'ekfuru ghu ntaa: Gbalaa lashia ibe Lebanu, bụ nwune ne ghu lẹ mkpụkpu Háranu. 44Tẹ gụ l'iya nọta jeye nteke nwune ghu l'a-vụ-buhu ọvuma. 45Iwe gvụlewho nwune ghu l'ẹhu, ọ zọhaa iwhe i meru iya, mu ezhia onye l'a-bya ezhia ghu t'ị lwatashiwaro. ?Ndẹe gẹ mu l'e-shi nọdu t'unu labọ kpakọ nwụshihu l'akpụru ẹnyanwu lanụ?\"\n46O noo ya, Ribẹka sụ Áyiziku: \"Ike ọno ndzụ gvụakwaru mu; iwhe kparụ iya bụru ụnwanyi Hetu-a. Jékọpu -je alụfua nwanyị alị-a, mbụ nwanyị Hetu g'ọo ndu ọwa, ?mu l'a-nọdukwadu ndzụ eme gụnu?\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/27","date":"2018-12-10T16:10:31Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823348.23\/warc\/CC-MAIN-20181210144632-20181210170132-00627.warc.gz","language":"eza","language_score":0.9999607801,"language_script":"Latn","minhash_cluster_size":1,"top_langs":"{\"eza_Latn_score\": 0.9999607801437378}","num_words":1194,"character_repetition_ratio":0.051,"word_repetition_ratio":0.0,"special_characters_ratio":0.274,"stopwords_ratio":0.256,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 13:17\nNdu Ízurẹlu l'awụgha Eze-ẹnyimu Uswe-uswe\n17Nteke Fero harụ ndu Ízurẹlu tẹ whẹ tụgbua bẹ Onye-Nwe-Ọha te eduduru whẹ shia ụzo alị ndu Fílistiya; t'a gụfuro l'ẹka ono bẹ ka ntse. Nkele Onye-Nwe-Ọha sụru: \"O nwekwaru gẹ l'ọo-dụ; ọgu adakfuta whẹ; obu whẹ agbanwee, whẹ adawhushia azụ lẹ Íjiputu\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/13\/17","date":"2018-12-11T17:56:23Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823674.34\/warc\/CC-MAIN-20181211172919-20181211194419-00315.warc.gz","language":"eza","language_score":1.0000087023,"language_script":"Latn","minhash_cluster_size":1,"top_langs":"{\"eza_Latn_score\": 1.0000087022781372}","num_words":49,"character_repetition_ratio":0.047,"word_repetition_ratio":0.0,"special_characters_ratio":0.246,"stopwords_ratio":0.265,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 14:28\n28Onye l'agbajẹ ẹja nụ Chileke ono abya emeta mmanụ ono, dụ iya l'ọbochi-ẹka ono hua l'ẹka ono, o huru mmee anụ ono, e gude gbaa ẹja ọkfu-ụgwo, bụ iya bụ l'ọba-nchị ẹka-ụtara onye ono, l'aatụrwu ejo-ẹhu ono mẹe l'ezeke mkpụshi-ẹka ẹka-ụtara iya mẹe l'ezeke mkpụshi-ọkpa ẹka-ụtara iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/14\/28","date":"2018-12-11T15:58:09Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823657.20\/warc\/CC-MAIN-20181211151237-20181211172737-00593.warc.gz","language":"eza","language_score":0.9971046448,"language_script":"Latn","minhash_cluster_size":1,"top_langs":"{\"eza_Latn_score\": 0.9971046447753906}","num_words":48,"character_repetition_ratio":0.116,"word_repetition_ratio":0.0,"special_characters_ratio":0.256,"stopwords_ratio":0.417,"flagged_words_ratio":0.0,"lang_id_score":0.993,"perplexity_score":500.0,"cluster_detection":1} +{"text":"Ọ́gú 14\nJóshuwa yẹle Kálẹbu l'ekfu l'alị Kenanu dụ ree\n1Tọ dụ iya bụ, ndu Ízurẹlu l'owhu ryakọta ẹkwa l'ẹnyashi ono ryashịa ya ike. 2Whẹ tụko gẹ whẹ ha gụa áwhụ kpua Mósisu yẹle Érọnu. Whẹ l'ekfukaa sụ: \"O gege akakwaru anyi mma, ọ -bụ l'anyi nwụshihuru l'alị Íjiputu m'ọ bụ l'echi-ẹgu-a! 3?Ọo gụnu meru, Onye-Nwe-Ọha l'eme t'o duru anyi je edobe l'alị ono t'e gbushia anyi? Unyomu anyi mẹe ụnwegirima anyi l'a-bụkwa ndu e gudeshiru lẹ ndzụ. ?Tọo gege akadụru anyi mma mẹ anyi lwawhu azụ l'alị Íjiputu?\" 4Whẹ kfulahaaru onwowhe sụ: \"T'anyi họta onye lanụ mee ya ishi t'o duru anyi lwawhu azụ l'alị Íjiputu.\"\n5Mósisu yẹle Érọnu daa kpube iwhu l'alị l'atatiwhu edzudzu-ọha Ízurẹlu ono. 6Jóshuwa nwa Nunu mẹe Kálẹbu nwa Jefune, bụ ndu whẹ lẹ ndu ono tso jee ngge l'alị Kenanu gude iwe lajashịa uwe, whẹ yeru l'ẹhu. 7Whẹ bya ekfuru yeru edzudzu-ọha Ízurẹlu ono sụ whẹ: \"Alị ono, anyi ghajaru, bya egee ya ngge bẹ bụ alị dụ ree dụshia ya ike. 8Ọ bụru-a l'anyi dụ Onye-Nwe-Ọha ree l'obu bẹ l'oo-duru anyi bahụ l'alị ono nụ iya anyi, nkele alị ono bụ alị, mini-ẹra eswi yẹle mmanụ-ẹnwu jiru ejiji. 9Iwhe dụ iya nụ kpụ bụlewho t'unu be ekwefuru Onye-Nwe-Ọha ike. Iwhe ọdo bụ t'unu ba atsụkwa ndu bu l'alị ono egvu, o noo nkele anyi l'a-nma whẹ otsu lanụ lwee. Ọ tọ dụdu onye l'egbobuta whẹ, ọle anyịbedua bẹ Onye-Nwe-Ọha swiru eswiru. Ọo ya bụ, t'unu ba atsụshi whẹ egvu.\" 10Obenu lẹ ndu Ízurẹlu gẹ whẹ ha bẹ sụru t'a tụ-gbushia whẹ l'ẹwhuru. Tọ dụ iya bụ, ọ-dụ-biribiri Onye-Nwe-Ọha bya enwuaru ndu Ízurẹlu gẹ whẹ ha whoo lẹ Ụlo-ẹkwa-ndzuko ono.\nMósisu l'agọ-chitaru ndu Ízurẹlu l'ẹka Onye-Nwe-Ọha nọ\n11Onye-Nwe-Ọha sụ Mósisu: \"?Ọo nteke ole bẹ ndu-a l'a-kpọnyaa mu ẹbo-ẹbo l'afụ-a kpọ-beru? ?Ọo nteke ole bẹ bụ whẹ jịkanyaa okweta lẹ nkemu whẹ ajịka-beru, t'a gụfukwaro oke iwhe-awhụrulenya lile ono, mu nọdu meshigbabe l'ẹka whẹ nọ? 12Mu l'e-gude ejo ẹhu-ba-dụ-mma gbuchafu whẹ, mu alaa whẹ l'iyi. Ọle gụbedua l'onwoghu bẹ mu l'e-shi l'ẹka ghu mee mba, parụ ẹka apaa mẹe mba, ọkpehu dụ amamẹ whẹbedua.\"\n13Mósisu sụ Onye-Nwe-Ọha: \"Oowa. Ndu Íjiputu l'a-nụkwa iya mẹ i -mee ya nno. Nyatakwa l'i gude ọkpehu ghu dufuta ndu-a l'echilabọ ndu Íjiputu ono. 14Whẹ l'e-kfukwaru iya ndu bu l'alị-a nkele whẹ nụkotawaru gẹ gụbe Onye-Nwe-Ọha gude eswi whẹ, nụwaa lẹ whẹ l'egudeje ẹnya whẹ whụ gụbe Onye-Nwe-Ọha mẹe l'urwukpu nkeghu l'atukojeru whẹ l'eli mẹe l'ọobuje, o -rwua l'eswe, gụ egude urwukpu, kpụru orogbodo edu whẹ; o -rwua l'ẹnyashi gụ egude ọku, kpụru orogbodo nọdukwa whẹ whọ l'ụzo iwhu. 15Ọ -bụru l'i gbushiru ndu-a l'ugbo lanụ ntaa bẹ mba gẹ mba ha, nụjewaru ọtu ọnu ghu l'a-sụkwa woo: 16'L'ọo ike bẹ gụbe Onye-Nwe-Ọha l'adụhedua durwua whẹ l'alị ono, i kweru whẹ ụkwa iya ribua lẹ nte l'ịi-nu whẹ, i kwee gbushia whẹ l'echi-ẹgu.' 17Ọo ya bụ, gụbe Onye-nwe-ọha, mu l'aryọ ghu t'i goshinu l'ị bụ onye ike parụ ẹka, mbụ ẹgube ono, i kfujeru nteke ono, ị sụru: 18'Onye-Nwe-Ọha bẹ ẹhu l'ẹte eghujedu eghu ẹgwegwa, bụru onye n-yemobu iya nyịberu anyịbe; bya abụru onye l'agụje nvụ l'iwhe-dụ-ẹji mẹe l'emeswe, e mesweru iya. Ọle ọ bụkwawho onye l'ẹte ahajẹ onye ikpe nmarụ ẹwoma. Ọogwaje ụnwegirima ọchi iwhe-dụ-ẹji, ndu nwụru whẹ nụ metegbaberu jeye lẹ nwanwa-nwanwa whẹ mẹe nwanwa-nwara-nwa whẹ.' 19O bekwanu l'iwhe mu l'aryọ ghu bụ t'i gudenu obu-imiko ghu ono, nyịberu anyịbe gụaru ndu-a nvụ l'ejo-iwhe, whẹ meru ghu, ẹgube ono, i shiro l'alị Íjiputu gụtaru whẹ nvụ ono byeye ntaa.\"\n20Onye-Nwe-Ọha bya asụ Mósisu: \"Mu gụwaru whẹ nvụ lẹ g'i kfuru. 21Ọle eshi-ọwhu mu nọ-ọ ndzụ gẹ mu nọ iya, ọ-dụ-biribiri mụbe Onye-Nwe-Ọha tụko mgboko swechita g'o swechitaru iya ẹgube-ẹ, 22bẹ l'ọoto dụdua onye gudewaa ẹnya iya whụ ọ-dụ-biribiri nkemu, mẹe iwhe-awhụrulenya ono, mu meshigbaberu l'alị Íjiputu, mẹe ọwhu mu meshigbaberu l'echi-ẹgu, mbụ megee data mu nkwere nkwere ugbo iri-a, tọ ngabẹru mu nchị; 23mbụ l'ọ tọ dụdu m'ọo onye lanụ l'ime whẹ bya l'e-gude ẹnya iya whụ alị ono, mu riburu lẹ nte kweta nna whẹ l'ụkwa. Tọ dụ iwhe bụ ndu kpọru mu ẹbo-ẹbo l'afụ bya l'a-whụ iya. 24Ọle a -bya l'onye ozhi mu ono, bụ Kálẹbu nọ; eshi-ọwhu ọ bụ onye obu iya gbarụ iche, tẹmenu ọ bụru onye gude obu iya g'ọ ha etso ụzo nkemu bẹ mu l'e-duru iya bahụ l'alị ono, o tso jee ngge iya ono, ọ bụru ẹpa iya l'e-nweru alị ono. 25Ọo ya bụ, eshi ndu Amalẹ́ku mẹe ndu Kenanu bu lẹ nsụda nsụda, o rwua echile t'unu ghachi tụgbua ụzo echi-ẹgu ono, dụ l'ụzo, e shi eje Eze-ẹnyimu Uswe-uswe.\"\n26Onye-Nwe-Ọha bya asụ Mósisu yẹle Érọnu: 27\"?Ọo nteke ole bẹ ndu ejo-ememe-e l'a-gụnyaaru mu áwhụ gụ-beru? Mu nụkotawaru awhụ lile, ndu Ízurẹlu-a l'agụshi ekpu mu. 28Iwhe unu l'e-kfuru whẹ bụ lẹ mụbe Onye-Nwe-Ọha sụru agha: 'Mu vuru-a ishi mu gẹ vu iya, bẹ mu l'a-tụko iwhe lile ono, mu nụru, mbụ iwhe ono, unu kfuru mee unu. 29Ọo l'echi-ẹgu-a bẹ odzu unu l'a-dakọta gbaa gbaa, mbụ iwhe bụ ndu ono, gbarụ ụkporo awha tụgbua ono, bụ ndu a gụru ọgu nteke l'aagụ ọgu, bụ ndu tso gụa áwhụ kpua mu. 30Ọ tọ dụdu m'ọo onye lanụ l'ime unu bya l'a-bahụ l'alị ono, mu woliru ẹka mu imeli kweta lẹ mu l'a-nụ unu t'unu buru, gbahalẹwho Kálẹbu nwa Jefune mẹe Jóshuwa nwa Nunu. 31A bya abya l'ụnwegirima unu ono, unu sụru l'ee-gudeshi lẹ ndzụ, whẹbedua bẹ mu l'e-duru bahụ tẹ whẹ je amarụ alị ono, unu jịkaru. 32Ọle unubẹdua l'onwunu bẹ odzu unu l'a-dakọta gbaa gbaa l'echi-ẹgu-a. 33Ụnwegirima unu l'e-che atụru ụkporo awha ugbo labọ l'echi-ẹgu, whẹ ejee iwhe-ọtsulanu nkele unu bụ ekwegekwe, jeye nteke odzu unu l'a-dakọta gbaa gbaa l'echi-ẹgu-a je akpaa l'onye ikpazụ. 34Unu l'e-je iwhe-ọtsulanu ụkporo awha ugbo labọ l'iswi iwhe-dụ-ẹji ono, unu meru. Iwhe-ọtsulanu, unu l'e-je awha owhu l'a-nọ-chi ẹnya abalị lanụ l'ime ụkporo abalị ugbo labọ ono, unu nọru g'unu jeru ngge l'alị ono. Ẹgube ono bẹ unu l'e-je iwhe-ọtsulanu ono nke ọwhu unu l'a-makwanụru iwhe ọ fụtaru, mbụ lẹ Onye-Nwe-Ọha bụ onye okfu unu. 35Mụbe Onye-Nwe-Ọha bẹ kfuakwaru nkemu, mu mefutajekwanụ iwhe lile ono l'ẹka ndu ejo-ememe ono nọ, mbụ ndu ono, tụru ike ituwhu etso mu okfu. Whẹ l'a-tụko gẹ whẹ ha bụru kpurupyata l'echi-ẹgu-a, mbụ l'ọo l'ẹka-a bẹ whẹ l'a-nwụshihukota.' \"\n36O noo ya, iwhe bụ ndu ono, Mósisu yeru, whẹ jee ngge l'alị ono lwa bya ekfua g'alị ono l'adụa, shi nno mee, ndu Ízurẹlu l'owhu gụru áwhụ kpua Mósisu. 37Ndu ọwhu tụru ọnu alị ono ẹji ẹji bẹ Onye-Nwe-Ọha wokfutaru ejo ẹhu-ba-dụ-mma, shi nno mee whẹ nwụshihu. 38Ọ bụru Jóshuwa nwa Nunu yẹle Kálẹbu nwa Jefune bụ ndu wafụru nụ l'iwhe bụ ndu ono, e yeru tẹ whẹ jee ngge l'alị ono.\nA lwụ-gburu ndu Ízurẹlu lẹ Họruma\n39Mósisu bya ekfuaru ndu Ízurẹlu iwhe ono, whẹ tsọkota gbụdagbuda gẹ whẹ ha. 40O rwua l'ọnmewa ụtsu ọwhu l'etsota mbọku ono, whẹ tụgbua jeshia l'alị ugvu ugvu Kenanu je anọdu asụje: \"Anyi mewaru iwhe-dụ-ẹji. T'anyi tụgbua jeshia ẹka ọbu, Onye-Nwe-Ọha kweru anyi ụkwa iya.\"\n41Mósisu sụ: \"?Ọo gụnu meru unu l'e-me t'unu mebyia iwhe iwu Onye-Nwe-Ọha kfuru? Ọ tọo dụkwaru unu lẹ ree. 42T'unu be ejekwa nkele Onye-Nwe-Ọha ta anọhekwa swiru unu. Unu -jee bẹ ndu ọhogu unu l'e-gbushikwa unu. 43Nkele ndu Amalẹ́ku mẹe ndu Kenanu bẹ nọdu unu l'ụzo atatiwhu l'ẹka ono. Whẹ l'e-gude ogu-ịgba gbugbushia unu. Onye-Nwe-Ọha te eswihekwaru unu nkele unu gbakụtaru iya azụ.\"\n44Obenu lẹ whẹ rwuchileru-a obu tụgbua jeshia l'alị ugvu ugvu ono, ọle Mósisu mẹe igbe-ọgbandzu Onye-Nwe-Ọha te etsodu whẹ lụfu l'ẹka ono, whẹ kpọberu ụlo-ẹkwa ebubu whẹ. 45Tọ dụ iya bụ, ndu Amalẹ́ku mẹe ndu Kenanu, bu l'alị ugvu ugvu ono byakfuta whẹ ọgu bya alwụ-gbua whẹ chịa whẹ je akpaa lẹ mkpụkpu Họruma.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/14","date":"2018-12-12T09:21:53Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823817.62\/warc\/CC-MAIN-20181212091014-20181212112514-00475.warc.gz","language":"eza","language_score":1.0000095367,"language_script":"Latn","minhash_cluster_size":1,"top_langs":"{\"eza_Latn_score\": 1.000009536743164}","num_words":1275,"character_repetition_ratio":0.059,"word_repetition_ratio":0.0,"special_characters_ratio":0.257,"stopwords_ratio":0.307,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 18\nỤmadzu ẹto, kpakfutaru Ébirihamu\n1O noo ya, Onye-Nwe-Ọha byakfuta Ébirihamu lẹ mgboro eze oshi ndu Mamure; g'ọ nọdu anọdu l'ọnu ụlo-ẹkwa iya l'echi eswe. 2Ébirihamu bya apalia ẹnya whụ unwoke ẹto, kfụru iya lẹ mgboro. Nteke ọ whụru whẹ, o zhilihu l'ọnu ụlo-ẹkwa iya gbakfushia whẹ. Ọ gbakfu whẹ bya ewhuzeru whẹ iwhu l'alị.\n3Ọ bya asụ: \"Onye-nwe-mu nụ; ọ -bụru lẹ mu dụ ghu l'obu, ba aghatakwa mụbe onye ozhi ghu aghata l'ị ba abata ibe mu. 4T'e kutaru unu mini nwanshị t'unu gude kwọo ọkpa tụta ume lẹ mkpula oshi-a. 5Tẹ mu chọoru unu nri t'unu ria nggẹ ike adụ unu, unu ejeshiwaro iwhe unu l'eje; eshi-ọwhu unu byawaru nke mụbe onye ozhi unu.\"\nWhẹ sụ iya: \"Mee ya g'i kfuru.\"\n6Ébirihamu gbakebe gburugburu kpuba l'ime ụlo-ẹkwa jekfu Séra je asụ iya: \"Tụta ụturutuu-iwhe ogbongu ẹto gwọ-whube gude mee buredi ẹgwegwa ẹgwegwa.\"\n7Ébirihamu gbaba l'ẹka eswi iya dọru je ahọta nwada eswi, anụ iya dụ bẹlebele je akpẹe onye ozhi iya, o gbua ya shia ẹgwegwa ẹgwegwa. 8Ébirihamu pata mmanụ-ẹra-eswi yẹle mini-ẹra-eswi mẹe anụ nweswi ono, o shiru je asụberu whẹ. Whẹ l'eri nri ono; yẹbedua kfụkube whẹ lẹ mkpula oshi ono.\n9Whẹ sụ iya: \"?Ndẹnu nyee ghu Séra?\"\nỌ sụ whẹ: \"Ọ nọkwa l'ime ụlo-ẹkwa.\"\n10Ọo ya bụ, Onye-Nwe-Ọha sụ iya: \"Oge ntaa akele bẹ mu l'a-kpafụtawhu azụ; nyee ghu Séra anwụta nwa nwoke.\"\nSéra nọdu l'azụ mgbo ụlo-ẹkwa ono ibẹka iya ọwhu Onye-Nwe-Ọha gbẹru azụ ngabẹ nchị anụ iwhe ono l'ookfu. 11Nteke ono bẹ Ébirihamu yẹle Séra kahụwaru; ọgurenya whẹ dụwaa shii; nsọ nwanyị te emejehe Séra. 12Tọ dụ iya bụ, Séra tụpyaa ọchi sụ: \"?Ọo ntaa, mu kahụwaru akahụ ese ẹli; ji mu kahụwaa g'ọ kahụru ẹgube whọ bẹ ẹhu ụtso emeko nwoke lẹ nwanyị l'abya adụ mu.\"\n13Onye-Nwe-Ọha sụ Ébirihamu: \"?Ọo gụnu bẹ Séra kwoberu chịa ọchi sụ woo ya l'a-nwụtakwadu-a nwa ntaa, ya kahụwaru ẹgube-ẹ? 14?O nweru iwhe kpọru Onye-Nwe-Ọha ẹka ememe? Mu l'a-kpafụtawhu azụ m'o rwua oge ntaa akele, bu nteke mu tụru ọnu lẹ mu l'a-bya; nteke ono bẹ Séra l'a-nwụ nwa nwoke.\"\n15Séra gude ọtsu egvu tụa ẹgo sụ lẹ ya ta achịdu ọchi.\nOnye-Nwe-Ọha sụ iya: \"Ọyawho; ị chịchaaru-a ọchi.\"\nÉbirihamu l'aryọ-chita ọnu ndu Sódomu\n16Unwoke ono bya agbalihu lẹ whẹ l'alawa, whẹ chebe ụzo Sódomu. Ébirihamu tsoru whẹ tẹ ya vudoberu whẹ. 17Onye-Nwe-Ọha sụ: \"?Mu l'a-bya edomilahaaru Ébirihamu iwhe mu l'abya ememe edomi t'ọ bụru mu g��nu? 18Ébirihamu l'e-megee bụru oke mba, ọkpehu dụ. Ọ bụru l'ẹhu iya bẹ l'ee-shi gọoru mba gẹ mba ha lẹ mgboko-o kpaa-whuu ọnu-ọma. 19O noo nkele mu họtawaru iya t'ọ bụru onye l'a-kpọ-zhiru ụnwu iya ụzo; kpọ-zhiaru ndibe iya, bụ ndu l'e-tso iya l'azụ ụzo; tẹ whẹ tsoru ụzo mụbe Onye-Nwe-Ọha, shi nno eme iwhe kfụru nhamụnha mẹe iwhe gbarụ whẹ nụ. Ọo ya bụ nggẹ mụbe Onye-Nwe-Ọha emekwanuaru Ébirihamu iwhe mu kweru iya ụkwa iya.\"\n20Tọ dụ iya bụ, Onye-Nwe-Ọha sụ: \"E chikuwaru mu lẹ mkpu shii l'okfu ẹka ndu Sódomu yẹle Gọmóra. Ọdo bụ l'iwhe-dụ-ẹji, whẹ l'emegbabe bẹ panụkawaru ẹka. 21Mu l'e-jeedaa je awhụ l'ẹnya mu; marụ ?ọo gẹ ndu madzụ l'echibe mkpu bụ g'iwhe, whẹ l'eme habe shii? Nteke l'ọ dụa; mu amakwarụwho.\"\n22Unwoke labọ ọwhu ghakọbe jeshia Sódomu. Ébirihamu yẹle Onye-Nwe-Ọha keshita l'ẹka lanụ. 23Ébirihamu bya akpịlitaru Onye-Nwe-Ọha ntse sụ iya: \"?Ịi-tụko ndu dụ chịriri whẹ lẹ ndu ejo-ememe mebyishia? 24?Ọ -bụkwanuru lẹ ndu dụ chịriri bẹ rwuru ụkporo madzụ ugbo labọ l'ụmadzu iri lẹ mkpụkpu ono? ?Ii-mebyishikwa iya whọ? ?Tii gudedu iswi ụkporo madzụ ugbo labọ l'ụmadzu iri, dụ chịriri ono, bụ ndu nọ iya nụ haa ya? 25Tẹ njọ kfụkwaa gangụ; ị tịi kabẹkwa eme ụdu iwhe dụ nno, mbụ nke t'ị kpakọ ndu dụ chịriri yẹle ndu ejo-ememe gbukota m'ọ bụ mee ndu dụ chịriri g'i meru ndu ejo-ememe. Tẹ njọ kfụkwaa gangụ. Gụbe Onye-ikpe nke ndu mgboko l'owhu ?tịi kabẹfudua eme iwhe kfụru nhamụnha?\"\n26Onye-Nwe-Ọha sụ iya: \"Ọ -bụru lẹ mu whụru ụkporo madzụ ugbo labọ l'ụmadzu iri, bụ ndu dụ chịriri lẹ mkpụkpu Sódomu bẹ mu l'e-gudekwa iswi ẹhu whẹ hakọta mkpụkpu ono l'owhu.\"\n27Ébirihamu kfukwawho ọdo sụ: \"Ọ kwa vụga vụga bẹ mu l'agba ekfu eyeru Onye-nwe-ọha l'ẹbe ọdu iwhe mu bụ gbahaa udzu-ẹja yẹle ntụ. 28?Ọ -bụkwanuru lẹ ndu dụ chịriri, nọ lẹ mkpụkpu ono bẹ whuduru ụmadzu ise tẹ whẹ rwua ụkporo madzụ ugbo labọ l'ụmadzu iri-ee?\"\nOnye-Nwe-Ọha sụ iya: \"Mu -whụa ụkporo madzụ ugbo labọ l'ụmadzu ise lẹ mkpụkpu ono bẹ mu l'ete emebyikwa iya.\"\n29Ébirihamu bya ekfua ọdo sụ: \"?Ọ -bụkwanuru ụkporo labọ damụ b'ị whụru-ee?\"\nỌ sụ iya: \"Mu l'e-gude iswi ụkporo ugbo labọ ono haa ya emebyi.\"\n30Ébirihamu sụ: \"Byiko, t'ẹhu be eghukwa gụbe Onye-nwe-ọha eghu; tẹ mu jịbakwaa: ?Ọ -bụkwanuru ụkporo madzụ l'ụmadzu iri b'ị whụru l'ẹka ono-ee?\"\nỌ sụ: \"Mu te emebyikwa iya mẹ mu whụa ụkporo madzụ l'ụmadzu iri l'ẹka ono.\"\n31Ébirihamu sụ: \"Ọ kwa vụga vụga bẹ mu l'agba ekfu eyeru Onye-nwe-ọha. ?Ọ -bụkwanuru ụkporo madzụ damụ b'ị whụru l'ẹka ono-ee?\"\nỌ sụ iya: \"Mu l'e-gude iswi ụkporo madzụ ono haa ya emebyi.\"\n32Ébirihamu sụ: \"Byiko Onye-nwe-ọha, t'ẹhu be eghukwa ghu eghu; tẹ mu jịfukwaa nwa ajị lanụ-a: ?Ọ -bụkwanuru ụmadzu iri damụ b'ị whụru l'ẹka ono-ee?\"\nỌ sụ iya: \"Mu l'e-gude iswi ụmadzu iri ono haa ya emebyi.\"\n33Onye-Nwe-Ọha yẹle Ébirihamu kfugelewho; ọ swịhaa ije haa Ébirihamu; Ébirihamu lashia ibe iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/18","date":"2018-12-14T00:15:15Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825123.5\/warc\/CC-MAIN-20181214001053-20181214022553-00597.warc.gz","language":"eza","language_score":0.999994278,"language_script":"Latn","minhash_cluster_size":1,"top_langs":"{\"eza_Latn_score\": 0.9999942779541016}","num_words":881,"character_repetition_ratio":0.084,"word_repetition_ratio":0.009,"special_characters_ratio":0.256,"stopwords_ratio":0.278,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 29\nOdobe ndu l'agbajẹ ẹja nụ Chileke nsọ\n1\"Lee iwhe l'ii-me gude dobe whẹ nsọ ndọwa nke ọwhu whẹ l'a-bụru ndu l'agbarụ mu ẹja. Kpụta nwa oke-eswi lanụ yẹle ebyila labọ, l'ẹte enwee ọrwu. 2Gụ ewota buredi, l'eete eyee iwhe l'ekoje buredi mẹe akara, l'eete eyee iwhe l'ekoje akara, a gwọkoberu mmanụ mẹe ẹcha-mbeke, a gbashịru mmanụ l'eli. Gude ọkpobe ụturutuu-witi gheshia ya. 3Gworu iwhe ono g'ọ ha ye lẹ nkata, t'ọ dụ l'ime nkata ono patarụ mu iya. Kpụtakwawho oke-eswi whọ yẹle ebyila labọ whọ ye iya wotaru mu. 4Duta Érọnu yẹle ụnwu iya byatashia l'ọnu-abata Ụlo-ẹkwa-ndzuko; gude mini ghụa whẹ ẹhu. 5Chịta uwe ndu l'agbajẹ ẹja nụ Chileke whọ gude kwaa Érọnu ngwa. Vuru ụzo yee ya uwe ime-ẹhu whọ, tẹmenu gụ eyede iya uwe mkpẹelanu whọ, l'ee-yepyabe uwe ifọdu l'eli. Nteke ono gụ eyee ya uwe ifọdu ọbu l'onwiya mẹe ẹkwa-nkwechi-obu whọ; gude wẹrere ẹkwa whọ, a kparụ t'e gudeje kebuta uwe ifọdu ono gude kebuta iya, mbụ wẹrere ẹkwa ono, onye marụ ọkpa ẹkwa kparụ. 6Kpube iya okpu-ẹkwa whọ, woru okpu nsọ nke onye l'agbajẹ ẹja nụ Chileke whọ tụkwase l'eli okpu-ẹkwa ono. 7Wota mmanụ whọ, l'aawụje l'ishi wụa ya l'ishi gude mee ya onye l'agbajẹ ẹja nụ Chileke. 8Nteke ono gụ abya eduta ụnwu iya yekota whẹ uwe mkpẹelanu, 9woru okpu ndu l'agbajẹ ẹja nụ Chileke kpubegee whẹ l'ishi. Wotakwawho ẹkwa-okebuta-l'ukfu whọ kebe Érọnu yẹle ụnwu iya l'ukfu. Whẹ l'a-bụru ndu l'agbajẹ ẹja nụ Chileke nkele o noo iwhe mu tọru ọkpa iya shi lẹ gbururu jeye lẹ gbururu. O nokwa gẹ l'ii-shi mee Érọnu yẹle ụnwu iya tẹ whẹ bụru ndu l'agbajẹ ẹja nụ Chileke ndono.\n10\"Kpụta oke-eswi whọ gude bya l'atatiwhu Ụlo-ẹkwa-ndzuko, tẹ Érọnu yẹle ụnwu iya byabẹ iya ẹka l'ishi. 11Nọdu l'atatiwhu Onye-Nwe-Ọha gbua oke-eswi ono l'ọnu-abata Ụlo-ẹkwa-ndzuko ono. 12Harụ mmee ya nata gude mkpụshi-ẹka ghu hugbakota iya lẹ mpu ono, dụ l'ẹnya-mgbẹja ono. Ọwhu wuduru nụ lẹ mmee oke-eswi ono bẹ l'ii-wheka l'ọkpa-alị ẹnya-mgbẹja ono. 13Kweshikota iya ẹba, nọkota iya l'ẹwho g'ọ ha. Bọtakwawho anya iya mẹe àkụ̀rù iya whẹ labọ yẹle ẹba, nọkota iya nụ, kpọo ọku l'ẹnya-mgbẹja ono. 14Anụ oke-eswi ono mẹe akpọ iya mẹe nshị iya bẹ l'ii-je akpọo ọku l'azụ ẹka ndu Ízurẹlu kpọberu ụlo-ẹkwa ebubu whẹ, o noo nkele iwhe ọ bụ bụ ngwo-ẹja, iwhe-dụ-ẹji.\n15\"Kpụtakwawho ebyila whọ nnanụ gude bya tẹ Érọnu yẹle ụnwu iya byabẹ iya ẹka l'ishi. 16Gbua ebyila ono; nata mmee ya whegbakota lẹ mgburẹku ẹnya-mgbẹja ono mgburumgburu. 17Bọkashia anụ ebyila ono ibiribe ibiribe, chịta ẹwho iya yẹle ọkpa iya saa asasa. Woru ẹwho iya ono yẹle ọkpa iya chịgbabe l'ibiribe iya ono yẹle ishi iya. 18Kpọkota ebyila ono ọku l'owhu l'ẹnya-mgbẹja ono. Iwhe ọ bụ bụ ngwo-ẹja, a kpọkotaru ọku l'owhu nụ Onye-Nwe-Ọha, mbụ ngwo-ẹja, mkpọ iya dụ ree; bụru ngwo-ẹja, a kpọru ọku nụ Onye-Nwe-Ọha.\n19\"Kpụtafua ebyila ọwhu bya tẹ Érọnu yẹle ụnwu iya byabẹkwa iya whọ ẹka l'ishi. 20Gbua ya; harụ mmee ya nata hua Érọnu yẹle ụnwu iya l'ogboromọnu nchị ẹka-ụtara mẹe l'ezeke mkpụshi-ẹka ẹka-ụtara mẹe l'ezeke mkpụshi-ọkpa ọkpa-ẹka-ụtara. Ọwhu wuduru nụ lẹ mmee ono bẹ l'ii-wheka l'agụga agụga ẹnya-mgbẹja ono mgburumgburu. 21Meta mmee anụ ono, sụru l'ẹnya-mgbẹja ono; metakwawho mmanụ ono, l'aaawụje l'ishi wheshi Érọnu l'ẹhu mẹe l'uwe iya; gụ ewheshikwa iya whọ ụnwu Érọnu mẹe l'uwe whẹ, shi nno mee tẹ Érọnu yẹle uwe iya mẹe ụnwu iya yẹle uwe whẹ dụkota nsọ.\n22\"Wota ẹba ebyila ono, mbụ ẹba, dụ lẹ mgbọdzu iya mẹe ẹba, nọkota iya l'ẹwho g'ọ ha, bọtakwawho anya iya mẹe àkụ̀rù iya whẹ labọ yẹle ẹba, nọkota iya nụ; gụ eworu ụtakfu ọkpa-ẹka-ụtara iya tụkwase iya. Nkele ebyila ono bụ ebyila, e gude eme Érọnu yẹle ụnwu iya tẹ whẹ bụru ndu l'agbajẹ ẹja nụ Chileke. 23Je lẹ nkata, e yeru buredi whọ, l'eete eyee iwhe l'ekoje buredi, nọ l'iwhu Onye-Nwe-Ọha, wota iya ishi buredi lanụ mẹe ishi akara lanụ l'akara ono, a gwọkoberu mmanụ ghee yẹle ishi ẹcha-mbeke lanụ. 24Tụko iwhe ono g'ọ ha dẹe Érọnu yẹle ụnwu iya l'ẹka tẹ whẹ maa ya amama l'atatiwhu Onye-Nwe-Ọha t'ọ bụru ngwo-ẹja-amama. 25Natawhu whẹ iya azụ, tụko yẹle ngwo-ẹja, l'aakpọ ọku kpọgbabe ọku l'ẹnya-mgbẹja ono; t'ọ bụru ngwo-ẹja, mkpọ iya dụ iya ree, bụru ngwo-ẹja, a kpọru ọku nụ Onye-Nwe-Ọha. 26E -megee, gụ ewota ǹdụ́ ebyila ono, e gude mee Érọnu t'ọ bụru onye l'agbajẹ ẹja nụ Chileke maa amama l'iwhu Onye-Nwe-Ọha t'ọ bụru ngwo-ẹja-amama. O noo l'a-bụru oke iya nkeghu.\n27\"Woru anụ ebyila ono, e gude mee Érọnu t'ọ bụru onye l'agbajẹ ẹja nụ Chileke dobe nsọ, mbụ ẹka ono, rwuberu Érọnu yẹle ụnwu iya bụ iya bụ ǹdụ́ iya whọ, a marụ amama mẹe ụtakfu iya whọ, e doberu mụbe Onye-Nwe-Ọha nsọ. 28Ndu Ízurẹlu -gude iwhe bya ọgba ẹja, tẹ ǹdụ́ anụ yẹle ụtakfu iya bụjeru oke, rwuberu Érọnu yẹle ụnwu iya. O noo bụ oke-iwhe, rwuberu ndu l'agbajẹ ẹja nụ Chileke l'iwhe ndu Ízurẹlu gude bya ọgba ẹja ẹhu-guu. O je l'a-bụru ngwo-ẹja, whẹ doberu Onye-Nwe-Ọha nsọ. Iwhe ono l'a-bụru iwhe a tọru ọkpa iya dobe.\n29\"Uwe, dụ nsọ Érọnu bẹ l'a-bụru nke ẹpa iya, bụ ndu ọwhu l'etso iya l'azụ. Ọo ya bẹ whẹ l'e-yeje nteke l'aawụ whẹ mmanụ l'ishi gude mee whẹ tẹ whẹ bụru ndu l'agbajẹ ẹja nụ Chileke. 30Nwa Érọnu onye ọwhu nọdu l'ọzori iya l'ọgba ẹja Chileke l'e-ye uwe ono abalị ẹsaa mẹ ọ bahụde lẹ Ụlo-ẹkwa-ndzuko t'iya jee ozhi lẹ Ẹka-dụ-nsọ.\n31\"Woru anụ ebyila ono, e gude mee Érọnu ọ bụru onye l'agbajẹ ẹja nụ Chileke ono shia l'ẹka dụ nsọ. 32Tẹ Érọnu yẹle ụnwu iya nọdu l'ọnu-abata Ụlo-ẹkwa-ndzuko taa anụ ebyila ono mẹe buredi whọ, e yeru lẹ nkata whọ. 33Ọo whẹbedua l'a-ta anụ, e gude gbaa ẹja ono, e gude kfụa ụgwo iwhe-dụ-ẹji whẹ, mbụ ono, e gude mee tẹ whẹ bụru ndu l'a-wụ mmanụ l'ishi dobe whẹ nsọ nke ọwhu whẹ l'a-bụru ndu l'agbajẹ ẹja nụ Chileke. Ba adụkwa onye ọdo, l'e-je iya atata, l'ọ kwa iwhe dụ nsọ b'ọ bụ. 34Ọ -bụru l'anụ ono, e gude mee Érọnu ọ bụru onye l'agbajẹ ẹja nụ Chileke bẹ wuduru nụ m'ọ bụ l'ọo buredi whọ b'a tawhodoru; ọ dụ fụta ụtsu, t'a kpọkwaa uwhudu iya ono ọku. Ba adụkwa onye l'e-je iya atata; l'ọ kwa iwhe dụ nsọ b'ọ bụ.\n35\"Sụa, t'ọ bụkwaru gẹ mu sụru ghu t'i mee ya bẹ l'ii-meru iya Érọnu yẹle ụnwu iya. Gude abalị ẹsaa mee whẹ tẹ whẹ bụru ndu l'agbajẹ ẹja nụ Chileke. 36Mbọkumboku bẹ l'ii-gbu oke-eswi l'ime abalị ẹsaa ono gude gbaa ẹja iwhe-dụ-ẹji, shi nno kfụa ụgwo iwhe-dụ-ẹji. O nokwawho gẹ l'ịi-gba ẹja iwhe-dụ-ẹji, dụ l'ẹnya-mgbẹja ono kfụa ụgwo iwhe-dụ-ẹji, dụ iya nụ, wụa ya mmanụ gude mee ya t'ọ bụru ẹka dụ nsọ. 37Gude abalị ẹsaa gbaa ẹja, e gude akfụ ụgwo iwhe-dụ-ẹji, dụ l'ẹnya-mgbẹja ono, mee ya t'ọ bụru ẹka dụ nsọ. Ọo ya bụ nggẹ ẹnya-mgbẹja ono abụru ẹka kakọta ọdu nsọ; iwhe denyiru iya nụ abụru iwhe dụ nsọ.\n38\"Iwhe l'ii-gudeje agba ẹja mbọkumboku l'ẹnya-mgbẹja ono bụ nwatụru labọ, gbageeru awha. 39I gbua nnanụ l'ụtsu, gụ egbua nnanụ l'urwẹnyashi. 40Iwhe l'ii-yekobe lẹ nwatụru nke mbụ whọ gbaa bụ nkere iri ogbongu ụturutuu-witi, a gwọkoberu nkere ẹno ekpemu mmanụ ólivu, a tsụru l'ọtumu yẹle nkere ẹno ọvara mmẹe l'a-bụru ngwo-ẹja-mmẹe. 41Nwatụru ọwhu bẹ l'ịi-gba l'urwẹnyashi. Iwhe l'ii-yekobe iya gbaa bụ ngwo-ẹja-nri mẹe ngwo-ẹja-mmẹe g'ọo nke ụtsu whọ, t'ọ bụru ngwo-ẹja, mkpọ iya dụ ree; bụru ngwo-ẹja a kpọru ọku nụ Onye-Nwe-Ọha.\n42\"T'a gbajẹkwa ẹja ọkpokota-iwhe-ọku-a ntekenteke shi l'ọgbo rwua l'ọgbo l'ọnu-abata Ụlo-ẹkwa-ndzuko l'atatiwhu Onye-Nwe-Ọha, bụ ẹka mu l'a-byakfutaje unu bya ekfuru yeru ghu. 43Ọo ẹka ono bẹ mu l'a-byakfuta ndu Ízurẹlu; ogbu zaazaa mu emee ya t'ọ dụ nsọ.\n44\"Mu l'e-me tẹ Ụlo-ẹkwa-ndzuko ono yẹle ẹka ono, l'aakpọje ngwo-ẹja ọku dụ nsọ; mekwaawho tẹ Érọnu yẹle ụnwu iya dụ nsọ nggẹ whẹ ejeru mu ozhi nke ndu l'agbajẹ ẹja nụ Chileke. 45Mu l'e-buru l'echilabọ ndu Ízurẹlu bụru Chileke whẹ. 46Ọo ya bụ nggẹ whẹ amarụ l'ọo Mu bụ Onye-Nwe-Ọha, bụ Chileke whẹ; onye dufutaru whẹ nụ l'alị Íjiputu nke ọwhu mu l'e-buru l'echilabọ whẹ. Ọo Mu bụ Onye-Nwe-Ọha, bụ Chileke whẹ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/29","date":"2018-12-14T05:58:49Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825363.58\/warc\/CC-MAIN-20181214044833-20181214070333-00319.warc.gz","language":"eza","language_score":1.0000083447,"language_script":"Latn","minhash_cluster_size":1,"top_langs":"{\"eza_Latn_score\": 1.0000083446502686}","num_words":1331,"character_repetition_ratio":0.113,"word_repetition_ratio":0.038,"special_characters_ratio":0.251,"stopwords_ratio":0.271,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 3:17\n17Mu kwewaa ụkwa lẹ mu l'e-dufuta unu l'iwhe-ọtsulanu ono unu l'eje l'alị Íjiputu ono, duru unu je edobe l'alị ndu Kenanu mẹe nke ndu Hetu mẹe nke ndu Amọru mẹe nke ndu Pẹ́rezu mẹe nke ndu Hevu mẹe nke ndu Jebusu, mbụ alị ono mini-ẹra eswi yẹle mmanụ-ẹnwu jiru ejiji.'","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/3\/17","date":"2018-12-17T04:33:37Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828318.79\/warc\/CC-MAIN-20181217042727-20181217064727-00378.warc.gz","language":"eza","language_score":1.0000094175,"language_script":"Latn","minhash_cluster_size":1,"top_langs":"{\"eza_Latn_score\": 1.0000094175338745}","num_words":51,"character_repetition_ratio":0.107,"word_repetition_ratio":0.0,"special_characters_ratio":0.251,"stopwords_ratio":0.392,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 10:3\n3Ọo ya bụ, Mósisu yẹle Érọnu bya ejekfu Fero je asụ iya: \"Ọ waa iwhe Onye-Nwe-Ọha, bụ Chileke nke ndu Híburu kfuru ndọwa: '?Ọo nteke ole bẹ l'ịijika-beru owozeta onwoghu alị l'atatiwhu mu. Haa ndibe mu tẹ whẹ tụgbua nke ọwhu whẹ l'a-baru mu ��ja.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/10\/3","date":"2018-12-14T23:26:16Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826530.72\/warc\/CC-MAIN-20181214232243-20181215014243-00571.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":46,"character_repetition_ratio":0.0,"word_repetition_ratio":0.0,"special_characters_ratio":0.262,"stopwords_ratio":0.326,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 19:21\n21O noo bụ iwu, l'a-dụ jeye lẹ gbururu l'ẹka whẹ nọ. Onye ono, bụ iya l'ewheje mini ono, l'eegudeje asafụ madzụ ntụrwu ono bẹ l'a-sakwawhọ uwe nkiya asa. Onye meru ẹka lẹ mini ono, l'eegudeje atụrwu mmerwu bẹ l'a-bụru onye l'aasọ nsọ jeye l'urwẹnyashi mbọku ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/19\/21","date":"2018-12-10T15:15:22Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823348.23\/warc\/CC-MAIN-20181210144632-20181210170132-00462.warc.gz","language":"eza","language_score":1.0000063181,"language_script":"Latn","minhash_cluster_size":1,"top_langs":"{\"eza_Latn_score\": 1.0000063180923462}","num_words":47,"character_repetition_ratio":0.106,"word_repetition_ratio":0.0,"special_characters_ratio":0.267,"stopwords_ratio":0.362,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 18\nJeturo byakfutaru Mósisu\n1Jeturo, bụ onye l'agwajẹru ndu Midiyanu iwhe bụkwaruwho nna nyee Mósisu, bya anụkota-gezhia iwhe lile, Chileke meshiru Mósisu mẹe iwhe lile o meshiru ndu Ízurẹlu, bụ ndu nkiya, bya anụkwaawho gẹ Onye-Nwe-Ọha gude dufuta ndu Ízurẹlu l'alị Íjiputu.\n2Gẹ Mósisu duru nyee ya, bụ Zipora t'o je anọta l'ibe nna nyee ya, bụ Jeturo, bẹ Jeturo nabatarụ nyee Mósisu ono, 3yẹle ụnwegirima iya unwoke labọ. Onye lanụ bẹ ẹwha iya bụ Gẹshomu nkele Mósisu bẹ sụru: \"Mu bụ onye lwarụ alwalwa l'alị ndu ọha ọdo.\" 4Ẹwha onye ọwhu bụru Eliyéza nkele ọ sụru: \"Ọo Chileke nke nna mu bụ onye yeru mu ẹka; nafụta mu tẹ Fero be egbugbu mu.\"\n5O noo ya, Jeturo, bụ nna nyee Mósisu duru ụnwu Mósisu mẹe nyee ya ono byakfuta Mósisu l'echi-ẹgu l'ẹka ọ kpọberu ụlo-ẹkwa l'ugvu Chileke. 6Jeturo bẹ zhihawaru nzhi t'e zhia Mósisu sụ iya: \"Mụbe Jeturo, bụ nna nyee ghu bẹ l'abyakwa nkeghu. Mu lẹ nyee ghu mẹe ụnwegirima ghu lịkwa abya.\"\n7Ọo ya bụ, Mósisu lụfu je agbata nna nyee ya ono ndzuta; bya ewhuzetaru iya ishi l'alị, tsutsua ya ọnu. Whẹ kelegee, whẹ bahụ l'ụlo-ẹkwa Mósisu. 8Mósisu kọkotaru nna nyee ya ono iwhe lile Onye-Nwe-Ọha meru Fero mẹe ndu Íjiputu l'okfu ẹhu ndu Ízurẹlu; bya akọkwaaru iya whọ iwhe-ọtsulanu, whẹ jekotaru l'ụzo mẹe gẹ Onye-Nwe-Ọha gude nafụta whẹ.\n9Ẹhu tsọo Jeturo ụtso g'ọ nụru iwhe-ọma ono, Onye-Nwe-Ọha mekotaru ndu Ízurẹlu, shi nno dzọfuta whẹ l'ẹka ndu Íjiputu. 10Ọ sụ: \"T'ajaja bụru nke Onye-Nwe-Ọha, bụ onye nafụtaru unu l'ẹka ndu Íjiputu mẹe l'ẹka Fero, mbụ onye nafụtaru ndu Ízurẹlu l'ẹka ndu Íjiputu. 11Ntaa bẹ mu mawarụ lẹ Onye-Nwe-Ọha bẹ kakọta ọgvu lile ike. O noo nkele ọo ndu ono, meru ndu Ízurẹlu eriri b'o meru iwhe ono.\" 12Tọ dụ iya bụ, Jeturo, bụ nna nyee Mósisu bya agbaarụ Onye-Nwe-Ọha ẹja ọkpokota-iwhe-ọku; gbaarụ iya ẹja ọdo, dụ-gee iche iche. Érọnu yẹle ndu bụ ọgurenya ndu Ízurẹlu bya tẹ whẹ lẹ nna nyee Mósisu tụko ẹka nri l'atatiwhu Chileke.\nAahọta ndu l'e-kpeshijeru ndu Ízurẹlu okfu\n13O rwua echile iya; Mósisu je anọdu l'oshi iya; ekperu ndu Ízurẹlu ikpe. Ndu Ízurẹlu shi l'ụtsu dọ-whee ya mgburumgburu jeye l'urwẹnyashi. 14Nna nyee Mósisu whụlewho iwhe Mósisu l'emeru ndu Ízurẹlu; ọ sụ iya: \"?Ọo gụnu bẹ l'iimeru ndu Ízurẹlu ẹgube ono? ?Ọo gụnu meru g'o gude ọ bụru ghu bẹ l'ekperu whẹ ikpe nwẹkinyi ghu; whẹ shi l'ụtsu dọ-whee ghu mgburumgburu jeye l'urwẹnyashi?\"\n15Mósisu sụ iya: \"Iwhe meru iya nụ bụ lẹ whẹ l'abyajẹ bya akpata mu ishi iwhe bụ uche Onye-Nwe-Ọha. 16L'ọobuje okfu daarụ whẹ, whẹ ewotaru mu iya; mu edoshiaru whẹ iya; karụ whẹ iwhe Onye-Nwe-Ọha tọru ọkpa iya sụ t'e tsoje mẹe iwhe iwu iya kfuru.\"\n17Nna nyee Mósisu ono sụ iya: \"Iwhe l'iime ta adụdu ree. 18Ọo egbugbu bẹ gụbedua mẹe ndu ono, l'awụ-kfutaje ghu nụ l'egbu onwunu. Ozhi ono kariru ghu ẹka; ọ tọ bụdu ozhi l'ịi-dụ ike jekota nwẹkinyi ghu. 19Ngabẹ nchị tẹ mu kpọ-zhiaru ghu ụzo gẹ l'ii-me iya. Tẹ Chileke swikwaru ghu ọkpobe eswiru. Ọo gụbedua l'a-nọ-chita ẹnya ndu Ízurẹlu l'atatiwhu Chileke nke ọwhu l'ii-wotaje iwhe l'adarụ whẹ nụ dooru Chileke. 20Gụ ezhia whẹ iwhe bụ nsọ Onye-Nwe-Ọha mẹe iwu iya; goshi whẹ ụzo, whẹ l'e-tso mẹe iwhe gbarụ whẹ nụ l'ememe. 21Iwhe ọdo bụ tẹ g'i shi l'ime ndu Ízurẹlu gẹ whẹ ha họta ndu ike dụ; mbụ ndu l'atsụ egvu Chileke, bụ ndu e gude ire whẹ ẹka; bya abụru ndu l'ẹte erije n-wọlazu. Họta whẹ tẹ whẹ bụru ndu ishi ụnu madzụ ugbo labọ l'ụkporo iri mẹe ndu ishi ụmadzu ụkporo ugbo ise mẹe ndu ishi ụmadzu ụkporo labọ l'iri mẹe ndu ishi ụmadzu iri. 22Họta whẹ tẹ whẹ kpeshijeru ndu Ízurẹlu okfu nteke nteke. Ọle tẹ whẹ wotajeru ghu okfu ọwhu shihuru ike t'i kpeshia. Whẹ ekpeshije okfu ọwhu ka nwa lwaalwaa l'onwowhe. Ọo ya bụ ndụge ivu ọbu aka ghu ọgba-whe ẹka; eshi-ọwhu gụ lẹ whẹ tụkowaru evu iya. 23I -mee ya nno, ọ -bụru uche Chileke, bẹ l'ịi-dụkwa-a ike vua ivu ẹrwa ono; tẹmenu ndu-a alashia ibe whẹ l'ẹhu guu.\"\n24Mósisu ngabẹru nna nyee ya ono nchị l'olu, mekotagezhia iwhe lile o kfuru iya. 25Mósisu bya ahọta ndu ọkpehu dụ l'echilabọ Ízurẹlu l'owhu; mee whẹ ishi ndu Ízurẹlu. Whẹ bụru ndu ishi, l'achị ụnu ụmadzu ugbo labọ l'ụkporo iri mẹe ndu ishi, l'achị ụmadzu ụkporo ugbo ise mẹe ndu ishi, l'achị ụmadzu ụkporo labọ l'iri mẹe ndu ishi, l'achị ụmadzu iri. 26Whẹ l'anọje ekpeshiru ndu Ízurẹlu okfu ntekenteke. Okfu, shihuru ike bẹ whẹ l'ewotajeru Mósisu t'o kpeshia. Okfu ọwhu ka nwa lwaalwaa; whẹ ekpeshia ya l'onwowhe.\n27O noo ya, Mósisu bya ahaa nna nyee ya, ọ lashia alị whẹ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/18","date":"2018-12-15T07:49:06Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826800.31\/warc\/CC-MAIN-20181215061532-20181215083532-00287.warc.gz","language":"eza","language_score":1.0000097752,"language_script":"Latn","minhash_cluster_size":1,"top_langs":"{\"eza_Latn_score\": 1.0000097751617432}","num_words":771,"character_repetition_ratio":0.082,"word_repetition_ratio":0.0,"special_characters_ratio":0.242,"stopwords_ratio":0.323,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 28:43\n43Tẹ Érọnu yẹle ụnwu iya yejekwa nwịba ono mẹ whẹ bahụdeje lẹ Ụlo-ẹkwa-ndzuko m'ọ bụ nteke whẹ jederu ẹnya-mgbẹja, dụ lẹ Ẹka-dụ-nsọ tẹ whẹ jeeru mu ozhi, nke ọwhu whẹ l'ẹte emeta iwhe-ụta tukobe onwowhe l'ishi, shi nno nwụshihu.\n\"T'iwu ono dụru Érọnu yẹle ẹpa iya jeye lẹ tututu-mịmimi.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/28\/43","date":"2018-12-16T16:59:06Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827963.70\/warc\/CC-MAIN-20181216165437-20181216191437-00240.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":50,"character_repetition_ratio":0.021,"word_repetition_ratio":0.0,"special_characters_ratio":0.248,"stopwords_ratio":0.28,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 21:1\nIwu, a tụru ndu l'agbajẹ ẹja nụ Chileke\n1Tọ dụ iya bụ, Onye-Nwe-Ọha bya asụ Mósisu: \"Kfuru yeru ndu l'agbajẹ ẹja nụ Chileke bụ iya bụ ụnwu Érọnu sụ whẹ t'ọ bọ dụkwa onye ẹhu iya l'e-chiru l'odzu onye nwụhuru anwụhu l'ibe whẹ, shi nno mee onwiya onye l'aasọ nsọ,","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/21\/1","date":"2018-12-17T15:17:48Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828507.84\/warc\/CC-MAIN-20181217135323-20181217161323-00482.warc.gz","language":"eza","language_score":0.9999878407,"language_script":"Latn","minhash_cluster_size":1,"top_langs":"{\"eza_Latn_score\": 0.9999878406524658}","num_words":51,"character_repetition_ratio":0.112,"word_repetition_ratio":0.0,"special_characters_ratio":0.26,"stopwords_ratio":0.333,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 5\n1E megelewho, Mósisu yẹle Érọnu jekfu Fero je asụ iya: \"Onye-Nwe-Ọha, bụ Chileke nke Ízurẹlu bẹ sụkwaru t'ị haa ndibe iya tẹ whẹ je eriaru iya oge l'echi-ẹgu.\"\n2Fero sụ: \"?Oo onye bụ Onye-Nwe-Ọha ọbu nke tẹ mu ngabẹru iya nchị l'olu, haa ndu Ízurẹlu tẹ whẹ tụgbua? Mu ta amadụ onye Onye-Nwe-Ọha bụ, ọdo bụ lẹ mu ta ahadụ ndu Ízurẹlu tẹ whẹ tụgbua.\"\n3Ọo ya bụ, whẹ sụ iya: \"Ọ kwa Chileke ndu Híburu bẹ byakfutaru anyi. Hanụa t'anyi jee ije abalị ẹto bahụ l'echi-���gu je agwaa Onye-Nwe-Ọha, bụ Chileke anyi. A nọnyaa, o gude ẹhu-ba-dụ-mma, m'ọbu ogu-ịgba gbushia anyi.\"\n4Obenu l'eze ndu Íjiputu sụru whẹ: \"Mósisu gụ lẹ Érọnu, ?oo gụnu meru g'o gude unu l'achịfu ndu ono l'ọrwu, whẹ l'arwụ? Ngwa, unu dawhu azụ l'ozhi unu l'eje!\" 5Fero sụkwawho: \"Unu leeda. Ntaa bẹ ndu Ízurẹlu hawaa l'igweligwe, unu kpọshilahaa whẹ ozhi, whẹ l'eje!\"\n6Ọ bụkwaruwho mbọku ono bẹ Fero kuru ndu udumalị mẹe ndu ishi-ọrwu ndu Ízurẹlu sụ whẹ: 7\"Unu ba anụjehekwa ndu Ízurẹlu ẹswa, whẹ l'e-gudeje ayọ ẹja. Tẹ whẹ jeje achọo ẹswa jịta l'onwowhe. 8Ọle t'ọ bụkwaru ẹja ole, whẹ shi ayọtajehawaa lẹ mbụ bẹ unu l'e-me whẹ tẹ whẹ yọtaje. Unu be ewobotakwa iwhe l'ẹja ole, whẹ shi ayọtajehawaa. Ẹgali l'egbu whẹ egbu, ọ bụru iya meru g'o gude whẹ l'echi mkpu t'a haa whẹ tẹ whẹ je agbaarụ Chileke whẹ ẹja. 9Unu kpabẹbaa whẹ ozhi nke ọwhu whẹ l'e-whube iwhu eje iya; haa ọngabe nchị l'asụlasu.\"\n10Tọ dụ iya bụ, ndu udumalị mẹe ndu ishi-ọrwu sụ ndu Ízurẹlu: \"Ọ waa iwhe Fero kfuru ndọwa: Ọ sụru t'a ba anụjehe unu ẹswa. 11T'unu jeje l'onwunu je ajịta ẹswa l'ẹka unu whụru iya. Ọle ọrwu unu l'arwụ ta adụdu iwhe ee-wobota iya m'ọo nnanụ.\" 12Ọo ya bụ, ndu Ízurẹlu bya atụko alị Íjiputu l'owhu jekashihu, tsoru achọ ẹka whẹ l'a-whụ ẹswa, whẹ gude ayọ ẹja ọbu. 13Ndu udumalị l'eye whẹ ọwha asụje: \"Unu rwudzua ọrwu unu l'arwụ, mbụ ọrwu, gbarụ unu lẹ mbọku, ẹgube unu shi arwụje iya nteke e shi anụje unu ẹswa.\" 14Ndu udumalị Fero bya echilahaa ndu ishi-ọrwu ndu Ízurẹlu ono iwhe, mbụ ndu ono, whẹ họtaru dobe tẹ whẹ letaje ndu Ízurẹlu ẹnya sụ whẹ: \"?Ọo gụnu kpatarụ unu ta ayọ-dzu ẹja unu ụnyawhu mẹe ntanụ, g'unu shi ayọ-dzujehawa iya?\"\n15Ndu ishi-ọrwu ndu Ízurẹlu bya awukfuta Fero, sụ iya: \"?Ọo gụnu bẹ l'iime anyịbe ndu ozhi ghu ẹgube-ẹ? 16Ọ tọ dụdu ẹswa l'eevutajekwaduru ndu ozhi ghu, tẹmenu a sụkwanu anyi t'anyi yọo ẹja. Ntaa bẹ l'aanọje echi ndu ozhi ghu iwhe, ọ bụkwaru nụ ndu nkeghu b'o shi l'ẹka.\"\n17Fero sụ: \"Ọo nke mmaanụ ono, unu nọ bẹ kparụ iwhe unu sụru t'a haa unu t'unu tụgbua je agbaa ẹja nụ Onye-Nwe-Ọha. 18Ngwa, unu tụgbua ntaantaa je arwụa ọrwu unu. A ta abyadụ l'e-vutabaaru unu ẹswa ọdo. Ọle mkpakọ iya bụlewho t'unu yọ-dzujee ẹja ole, unu shihawaa ayọtaje.\"\n19Ndu ishi-ọrwu ndu Ízurẹlu bya amarụ lẹ whẹ nọ l'iwhe-ọtsulanu nteke ono, a sụru whẹ l'a ta abyadụ l'e-wobotaru whẹ iwhe l'ẹja ole, whẹ l'ayọtaje lẹ mbọku. 20Whẹ lụfutalewho lẹ nke Fero, whẹ whụa Mósisu yẹle Érọnu l'ẹka whẹ kfụru ngabẹru whẹ, 21bya asụ whẹ: \"Tẹ Onye-Nwe-Ọha lekwaa ẹnya l'iwhe-e, unu meru, kpee unu ikpe iya. Nkele unu mewaru; anyi dụwaa Fero yẹle ndu ozhi iya ashị, unu shikwawho nno woru mma ye whẹ l'ẹka tẹ whẹ gude gbushia anyi.\"\nChileke kweru ụkwa ndzọfuta\n22Mósisu jekfuwhu Onye-Nwe-Ọha azụ je asụ iya: \"Gụbe Onye-nwe-ọha. ?Ọo gụnu meru g'o gude, i wokfutaru ndu-a iwhe-ọtsulanu? ?Ọo waa bụ iya bụ ozhi ọbu, i zhiru mu? 23Nkele eshi mu byakfutaru Fero bya egude ẹwha ghu kfuru yeru iya b'o wotaru iwhe-ọtsulanu doberu ndu nkeghu. To nwe iwhe i meru ilile, gude dzọfuta ndu nkeghu ono.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/5","date":"2018-12-17T12:15:04Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828507.57\/warc\/CC-MAIN-20181217113255-20181217135255-00573.warc.gz","language":"eza","language_score":1.0000098944,"language_script":"Latn","minhash_cluster_size":1,"top_langs":"{\"eza_Latn_score\": 1.0000098943710327}","num_words":620,"character_repetition_ratio":0.066,"word_repetition_ratio":0.0,"special_characters_ratio":0.256,"stopwords_ratio":0.31,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 13:5\n5Onye-Nwe-Ọha durwulewho unu l'alị ndu Kenanu mẹe nke ndu Hetu mẹe nke ndu Amọru mẹe nke ndu Hevu mẹe nke ndu Jebusu, unu edobeje nsọ ono l'ọnwa-a, mbụ mẹ unu rwulewho l'alị ono o riburu nna unu oche whẹ lẹ nte lẹ ya l'a-nụ unu, bụ iya bụ alị ono mini-ẹra eswi yẹle mmanụ-ẹnwu jiru ejiji.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/13\/5","date":"2018-12-13T22:03:22Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825112.63\/warc\/CC-MAIN-20181213215347-20181214000847-00256.warc.gz","language":"eza","language_score":1.0000094175,"language_script":"Latn","minhash_cluster_size":1,"top_langs":"{\"eza_Latn_score\": 1.0000094175338745}","num_words":57,"character_repetition_ratio":0.083,"word_repetition_ratio":0.0,"special_characters_ratio":0.254,"stopwords_ratio":0.439,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 10:10\n10O nokwawho g'unu l'e-gbuje opyi-ọku nteke unu nọ l'ẹhu-ụtso mẹe nteke unu l'eri oge unu mẹe nteke unu l'eri iwhe ọnwa ọwhuu unu; unu -gbagejee ẹja ọkpokota-iwhe-ọku mẹe ẹja ẹhu-guu, unu egburu opyi-ọku ono ye iya nke ọwhu Chileke l'e-gude iya nyata unu. Ọo Mu bụ Onye-Nwe-Ọha bụru Chileke unu.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/10\/10","date":"2018-12-09T23:40:48Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823228.36\/warc\/CC-MAIN-20181209232026-20181210013526-00471.warc.gz","language":"eza","language_score":1.0000095367,"language_script":"Latn","minhash_cluster_size":1,"top_langs":"{\"eza_Latn_score\": 1.000009536743164}","num_words":51,"character_repetition_ratio":0.101,"word_repetition_ratio":0.0,"special_characters_ratio":0.261,"stopwords_ratio":0.412,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 30:23\n23\"Wota ọkpobe iwhe l'eshikaa kwẹkwekwe, ọ dụ g'ọ bụ Mẹru, dụ mini-mini, ọwhu ẹrwa iya dụ ụnu shẹkelu l'ụkporo ugbo ise mẹe sịnamonu, l'eshi mkpọ, ọwhu ẹrwa iya dụ ụkporo shẹkelu iri l'ẹbo lẹ shẹkelu iri bụ iya bụ nkerẹbo mẹru whọ mẹe oshi ẹchara-mbeke, l'eshi mkpọ ọwhu ẹrwa iya dụ ụkporo shẹkelu ugbo iri l'ẹbo lẹ shẹkelu iri,","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/30\/23","date":"2018-12-13T01:12:03Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824338.6\/warc\/CC-MAIN-20181213010653-20181213032153-00571.warc.gz","language":"eza","language_score":0.9999963045,"language_script":"Latn","minhash_cluster_size":1,"top_langs":"{\"eza_Latn_score\": 0.9999963045120239}","num_words":60,"character_repetition_ratio":0.136,"word_repetition_ratio":0.0,"special_characters_ratio":0.247,"stopwords_ratio":0.3,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 11:31\n31O noo ya bụ lẹ Tẹra eduta nwa iya Ébiramu mẹe nwanwa iya Lọtu, bụ nwa nke Háranu. O dutakwawho Serayi, bụ nyee nwa iya, bụ iya bụ nyee Ébiramu. Whẹ tụko gbalihu lẹ mkpụkpu Uru, dụ l'alị Kaludiya jeshia alị Kenanu. Whẹ jeta rwua Háranu; whẹ nọ-kirishia l'ẹka ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/11\/31","date":"2018-12-14T10:08:03Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825512.37\/warc\/CC-MAIN-20181214092734-20181214114234-00063.warc.gz","language":"eza","language_score":0.9996154904,"language_script":"Latn","minhash_cluster_size":1,"top_langs":"{\"eza_Latn_score\": 0.999615490436554}","num_words":51,"character_repetition_ratio":0.0,"word_repetition_ratio":0.0,"special_characters_ratio":0.251,"stopwords_ratio":0.392,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 36:6\n6O noo ya, Ịso bya eduta unyomu iya mẹe ụnwu iya unwoke mẹe ụnwu iya ụnwanyi mẹe iwhe bụ ndibe iya gẹ whẹ ha; rwuta élwù iya mẹe anụ ọdo, o nweru mẹe iwhe o setaru eseta l'alị Kenanu; whẹ tụgbua lashia alị Siye; je eburu otẹnya l'ẹka nwune iya Jékọpu bu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/36\/6","date":"2018-12-15T06:25:15Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826800.31\/warc\/CC-MAIN-20181215061532-20181215083532-00312.warc.gz","language":"eza","language_score":1.0000091791,"language_script":"Latn","minhash_cluster_size":1,"top_langs":"{\"eza_Latn_score\": 1.0000091791152954}","num_words":53,"character_repetition_ratio":0.046,"word_repetition_ratio":0.0,"special_characters_ratio":0.246,"stopwords_ratio":0.396,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 36:8\nMkpuumkpu-ẹkwa\n8Iwhe bụ ndu marụ ome nka lẹ ndu ọrwu ono gude ukfu ẹkwa iri mee mkpuumkpu-ẹkwa ono. Ukfu ẹkwa iri ono bụ ọkpobe ẹkwa, e gude oghu ọcha kpaa ree mẹe oghu dụ urwukpu urwukpu mẹe nke uswe-uswe mẹe nke mmee-mmee. Onye marụ ome nka gude oghu ono kpata cherubu ye l'ukfu ẹkwa ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/36\/8","date":"2018-12-11T15:49:47Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823657.20\/warc\/CC-MAIN-20181211151237-20181211172737-00004.warc.gz","language":"eza","language_score":1.0000056028,"language_script":"Latn","minhash_cluster_size":1,"top_langs":"{\"eza_Latn_score\": 1.0000056028366089}","num_words":56,"character_repetition_ratio":0.11,"word_repetition_ratio":0.0,"special_characters_ratio":0.233,"stopwords_ratio":0.286,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 6:11\n11Ọo ya bụ, onye l'agbajẹ ẹja nụ Chileke ono ewota nnanụ gbaa ẹja iwhe-dụ-ẹji, ya ewota nnanụ ọwhua gbaa ẹja ọkpokota-iwhe-ọku gude kfụa ụgwo iwhe-dụ-ẹji ono, o meru, iswi l'ọ nọdu l'ẹka madzụ nwụhuru anwụhu. Ọ bụru mbọku onookwawho bẹ l'oo-me t'ishi iya dụ-whu nsọ azụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/6\/11","date":"2018-12-13T13:05:07Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824822.41\/warc\/CC-MAIN-20181213123823-20181213145323-00209.warc.gz","language":"eza","language_score":1.0000087023,"language_script":"Latn","minhash_cluster_size":1,"top_langs":"{\"eza_Latn_score\": 1.0000087022781372}","num_words":47,"character_repetition_ratio":0.059,"word_repetition_ratio":0.0,"special_characters_ratio":0.257,"stopwords_ratio":0.234,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 32:12\n12Ndu Íjiputu l'a-sụkwa l'iwhe meru g'o gude i dufuta whẹ bụ t'ị bya egbushia whẹ l'ugvu ugvu-a, tẹ whẹ chịhu lẹ mgboko. Byiko, t'obu jinua ghu oyi nggẹ i wofu oke ẹhu-eghughu ghu ono, l'enwu whuruwhuru ono; g'ị haa owokfuta ndu nkeghu ọla-l'iyi ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/32\/12","date":"2018-12-19T16:21:13Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376832559.95\/warc\/CC-MAIN-20181219151124-20181219173124-00601.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":45,"character_repetition_ratio":0.0,"word_repetition_ratio":0.0,"special_characters_ratio":0.271,"stopwords_ratio":0.244,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 19\nUgvu Sáyinayi\n1Ọ bụru mbọku, kwe ndu Ízurẹlu ọnwa ẹto nkeshi whẹ fụta-geeru l'alị Íjiputu, mbọku ono gẹdegede bẹ whẹ byarwuru echi-ẹgu Sáyinayi. 2Nteke ndu Ízurẹlu shi lẹ Refidimu tụgburu, bya erwua echi-ẹgu Sáyinayi ono, bẹ whẹ kpọberu ụlo-ẹkwa whẹ l'echi-ẹgu l'ẹka ono. Ọ bụru l'ọkpa ugvu ono bẹ whẹ kpọberu ụlo-ẹkwa whẹ ono.\n3Mósisu nyihu eli ugvu ono jekfu Chileke. Onye-Nwe-Ọha shi l'ugvu ono gbakushi iya oku sụ: \"Ọ waa iwhe l'ii-kfuru ọnu-ụlo Jékọpu ndọwa, mbụ l'ọ waa iwhe l'ii-kfuru ndu Ízurẹlu: 4'Unubẹdua l'ime onwunu bẹ whụwaru iwhe mu meru ndu Íjiputu mẹe gẹ mu gude hee unu g'ọo ugo, he nwa iya, hekfuta onwomu. 5Ọo ya bụ, ọ -bụru l'unu l'a-nụjeru mu okfu; edobe ọgbandzu mu bẹ unu l'a-bụ ndu mu nwe enwe, gbarụ iche l'echilabọ mba gẹ mba ha. A makwarụ-a lẹ mgboko l'owhu bẹ bụ mu nwe iya, 6ọle unubẹdua l'a-bụru mu alị-eze ndu l'agbajẹru mu ẹja, unu abụru mu mba, dụ nsọ.' O noo iwhe l'ii-kfuru ndu Ízurẹlu ndono.\"\n7Ọo ya bụ, Mósisu bya alawhu azụ; bya ekukoo ndu bụ ọgurenya ndu Ízurẹlu, bya atụko iwhe lile ono, Onye-Nwe-Ọha zhiru iya t'o kfua ono kfukotaru whẹ. 8Ndu Ízurẹlu gẹ whẹ ha zụa mgbede sụ: \"Iwhe lile Onye-Nwe-Ọha kfuru bẹ anyi l'e-mekotagezhia.\" Ọo ya bụ, Mósisu je akọoru Onye-Nwe-Ọha ọnu, ndu Ízurẹlu yeru.\n9Onye-Nwe-Ọha sụ Mósisu: \"Mu l'a-nọdu l'urwukpu, l'eji kpaaluu byakfuta ghu nke ọwhu ndu Ízurẹlu l'a-nụ gẹ mu l'ekfu eyeru ghu, whẹ akpọru obu yeru ghu jeyewaroya.\"\nỌo ya bụ, Mósisu bya akọoru Onye-Nwe-Ọha ọnu, whẹ yeru.\nOdobe ndu Ízurẹlu nsọ\n10Onye-Nwe-Ọha sụ Mósisu: \"Jekfu ndu Ízurẹlu je egude ntanụ yẹle echile doo whẹ nsọ. Gụ asụ whẹ tẹ whẹ saa uwe whẹ asa. 11O -bedeshia mbọku nke ẹto iya, tẹ whẹ kwakọbe-gewaa; nkele ọo mbọku nke ẹto iya ono bẹ Onye-Nwe-Ọha l'e-nyizeta bya anọdu l'eli ugvu Sáyinayi, ndu Ízurẹlu gẹ whẹ ha awhụkota iya. 12Ii-mee t'oge kpaarụ whẹ lẹ ugvu ono mgburumgburu. Gụ asụ whẹ: 'Unu kwabẹkwaru onwunu ẹnya t'ọkpa unu ba atụ lẹ mgboro ugvu ono; ọwhu l'eewhoro l'unu nyihuru iya enyihu. Onye ẹhu iya chiru l'ugvu ono bẹ l'ee-gbu egbu. 13Onye ọbu bẹ l'aa-tugbu l'ẹwhuru m'ọ bụ gbagbua ya l'akfụ; e te edenyikwa iya ẹka. M'ọ -bụ madzụ m'ọ bụ anụ; t'e be edobekwa iya ndzụ.' Nteke whẹ l'e-bebe jekube ugvu ono bụ m'e gbulewho opu.\"\n14Tọ dụ iya bụ, Mósisu shi l'eli ugvu ono nyizeta byakfutashia ndu Ízurẹlu. O dobe whẹ nsọ nke ọwhu whẹ l'a-dụru Chileke nsọ; whẹ sashịa uwe whẹ. 15Mósisu sụ whẹ: \"O -rwudeshia mbọku nke ẹto iya t'unu kwakọbe-gekwaa onwunu. Unu be ejekfukwa nwanyị azẹe.\"\nMósisu l'enyikfu Chileke l'ugvu Sáyinayi\n16O belewho l'ụtsu mbọku nke ẹto ono; egbe-igwe wata adada; ebemu l'awa whoowhoo; urwukpu, l'eji kpaaluu sọ-kputa eli ugvu ono. Opu, ụda iya ha shii l'ada nke ọwhu bụ lẹ ndu Ízurẹlu, nọ l'ụlo-ẹkwa whẹ bẹ ẹhu nmakọtaru anma. 17Mósisu dufuta whẹ l'ẹka whẹ kpọberu ụlo-ẹkwa whẹ tẹ whẹ jekfu Chileke. Whẹ je akfụru l'ọkpa ugvu ono. 18Ẹnwuru-ọku rwachikota ugvu Sáyinayi ono, o noo nkele Onye-Nwe-Ọha gude ọku nyizeta bya anọdu l'ugvu ono. Ẹnwuru-ọku ono l'akpụ-zhiawho tụtutu g'ọo ẹka a kpọberu ọku icheku. Ugvu ono l'owhu l'anma jijiji; anmashi iya ike. 19G'ụda opu ono l'adalẹwho adashị ike bẹ Mósisu kfuru okfu; a nụa olu Chileke ẹka l'ookfu eyeru Mósisu.\n20O noo ya, Onye-Nwe-Ọha nyizeta bya anọdu l'eli ugvu Sáyinayi ono, mbụ l'ọnunu swọngu-swọngu ugvu ono. Ọo ya bụ, Chileke kua Mósisu t'o nyikfuta iya l'eli ugvu ono. Mósisu nyihu eli ugvu ono. 21Onye-Nwe-Ọha sụ Mósisu: \"Nyizeta l'alị je anmaarụ ndu Ízurẹlu ọkwa tẹ whẹ haa ọkpa-whe ụzo gẹ whẹ l'e-shi whụa Onye-Nwe-Ọha; ọdua bẹ igweligwe l'ime whẹ l'a-bụkwaru kpurupyata. 22Mẹ-gezhia ndu ono, l'agbajẹ ẹja nụ Chileke, bụ ndu l'eme tẹ whẹ byakụbe mụbe Onye-Nwe-Ọha ntse; tẹ whẹ dobekota onwowhe nsọ nke ọwhu whẹ l'a-dụru mu nsọ; ọdua bẹ mu l'a-gwakwa whẹ ọchi.\"\n23Mósisu sụ Onye-Nwe-Ọha: \"Ndu Ízurẹlu te enyikotakwa eli ugvu Sáyinayi, o noo nkele ị tụru iya anyi l'iwu sụ: 'T'oge kpaarụ anyi lẹ ugvu ono mgburumgburu mẹe t'anyi dobe iya nsọ.' \"\n24Onye-Nwe-Ọha sụ iya: \"Nyizeta l'alị je eduta Érọnu tẹ gụ l'iya lịru nyikota l'eli ugvu-a. Ọle be ekwekwa tẹ ndu ono, l'agbajẹ ẹja nụ Chileke mẹe ndu Ízurẹlu ọdo kpọghata nyikfuta mụbe Onye-Nwe-Ọha; ọdua bẹ mu l'a-gwakwa whẹ ọchi.\"\n25Ọo ya bụ, Mósisu nyizeta je ekfuaru ndu Ízurẹlu iwhe Onye-Nwe-Ọha kfuru whẹ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/19","date":"2018-12-16T07:58:35Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827596.48\/warc\/CC-MAIN-20181216073608-20181216095608-00288.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":720,"character_repetition_ratio":0.085,"word_repetition_ratio":0.0,"special_characters_ratio":0.25,"stopwords_ratio":0.306,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 28:30\n30Ẹkwa ono, l'eegudeje ekwechi obu ono bẹ l'ii-yekwawho ido Urimu mẹe Tumimu. Whẹ l'a-tukojeru Érọnu l'obu nteke o jedejeru l'atatiwhu Onye-Nwe-Ọha. Ọo ya bụ l'ọo Érọnu bẹ l'ọo-tukoru l'obu, mbụ iwhe ono, l'eegudeje achọ iwhe bụ uche Chileke l'ẹhu ndu Ízurẹlu l'atatiwhu Onye-Nwe-Ọha ntekenteke.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/28\/30","date":"2018-12-19T11:20:03Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376832259.90\/warc\/CC-MAIN-20181219110427-20181219132427-00206.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":45,"character_repetition_ratio":0.107,"word_repetition_ratio":0.0,"special_characters_ratio":0.248,"stopwords_ratio":0.333,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 17:10\n10Onye-Nwe-Ọha sụ Mósisu: \"Woru mgbọro nke Érọnu dobewhu azụ l'igbe-iwu ono t'ọ dụ l'ẹka ono bụru iwhe-ọhubama l'ẹka ndu ono, l'ekwefuje ike nọ, t'ọ bụru iwhe l'eegudeje alọ whẹ ẹka lẹ nchị tẹ whẹ haa ọgu-whe áwhụ ekpu mụbe Onye-Nwe-Ọha, a nọnyaa whẹ nwụshihu.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/17\/10","date":"2018-12-16T23:57:18Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828018.77\/warc\/CC-MAIN-20181216234902-20181217020902-00368.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":45,"character_repetition_ratio":0.03,"word_repetition_ratio":0.0,"special_characters_ratio":0.268,"stopwords_ratio":0.222,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 27:21\n21Tẹ Érọnu yẹle ụnwu iya yeje ọku l'oryọku ono l'atatiwhu Onye-Nwe-Ọha l'ime Ụlo-ẹkwa-ndzuko ono, mbụ l'okotazụ ẹkwa whọ, e gude gebuta Igbe Iwu whọ. Tẹ whẹ mejekwaa oryọku ono t'o shi l'urwẹnyashi nwu-zhiawho l'atatiwhu Onye-Nwe-Ọha jeye l'ụtsu. Tẹ ndu Ízurẹlu dobekwa nsọ ono shi l'ọgbo rwua l'ọgbo.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/27\/21","date":"2018-12-14T09:41:56Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825512.37\/warc\/CC-MAIN-20181214092734-20181214114234-00465.warc.gz","language":"eza","language_score":1.0000098944,"language_script":"Latn","minhash_cluster_size":1,"top_langs":"{\"eza_Latn_score\": 1.0000098943710327}","num_words":48,"character_repetition_ratio":0.105,"word_repetition_ratio":0.0,"special_characters_ratio":0.246,"stopwords_ratio":0.146,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 7:19\n19Onye-Nwe-Ọha sụ Mósisu: \"Kfuru Érọnu t'o wota mgbọro iya maa amama lẹ mini gẹ mini ha l'alị Íjiputu mẹe, ya amaa ya l'ẹnyimu g'ẹnyimu ha mẹe l'iyi g'iyi ha mẹe l'okpuru g'okpuru ha mẹe lẹ mini lile, dụ nụ nke ọwhu whẹ l'a-ghọ mmee. Mmee l'a-tụko ẹka lile dzuru l'alị Íjiputu, mbụ je akpaa l'iwhe bụ iwhe l'aadọ mini, ndu ọwhu a pyịru apyịpyi mẹe ndu ọwhu a kpụru akpụkpu.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/7\/19","date":"2018-12-13T10:51:15Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824675.15\/warc\/CC-MAIN-20181213101934-20181213123434-00504.warc.gz","language":"eza","language_score":1.0000098944,"language_script":"Latn","minhash_cluster_size":1,"top_langs":"{\"eza_Latn_score\": 1.0000098943710327}","num_words":71,"character_repetition_ratio":0.053,"word_repetition_ratio":0.0,"special_characters_ratio":0.268,"stopwords_ratio":0.225,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 2:16\n16T'onye l'agbajẹ ẹja nụ Chileke hata nwa iya ọwhu l'a-nọdu l'ọzori ngwo-ẹja ono kpọo ọku; mbụ iwhe shi lẹ witi ono, e tsuru etsu gbashị iya mmanụ mmẹe ụ̀nwù-isẹnsu lile, e yeru iya. Ọ kwa ngwo-ẹja, a kpọru ọku nụ Onye-Nwe-Ọha b'ọ bụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/2\/16","date":"2018-12-17T04:44:14Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828318.79\/warc\/CC-MAIN-20181217042727-20181217064727-00547.warc.gz","language":"eza","language_score":0.9979757071,"language_script":"Latn","minhash_cluster_size":1,"top_langs":"{\"eza_Latn_score\": 0.9979757070541382}","num_words":44,"character_repetition_ratio":0.0,"word_repetition_ratio":0.0,"special_characters_ratio":0.268,"stopwords_ratio":0.227,"flagged_words_ratio":0.0,"lang_id_score":0.994,"perplexity_score":500.0,"cluster_detection":1} +{"text":"Ọ́gú 9:23\n23O noo ya bụ l'ọobuje, Onye-Nwe-Ọha sụ whẹ tẹ whẹ nọdu, whẹ akpọbe ụlo-ẹkwa ebubu whẹ nọ-kirishia, nteke bụ l'ọ sụru whẹ tẹ whẹ tụgburu, whẹ apalihu ije whẹ tụgbua. Iwhe lile Onye-Nwe-Ọha kfuru whẹ bẹ whẹ mekotaru ẹgube ọ tụru iya l'iwu nụ Mósisu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/9\/23","date":"2018-12-12T17:06:02Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824059.7\/warc\/CC-MAIN-20181212155747-20181212181247-00015.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":46,"character_repetition_ratio":0.072,"word_repetition_ratio":0.0,"special_characters_ratio":0.26,"stopwords_ratio":0.391,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 9:22\n22Nteke bụkwanu l'urwukpu ono bẹ nọdu l'eli mkpuumkpu-ẹkwa ono nọo ya abalị labọ, ọdua ọ nọo ya ọnwa owhu m'ọ bụ awha owhu, ndu Ízurẹlu anọshia l'ẹka whẹ kpọberu ụlo-ẹkwa ebubu whẹ gẹ whẹ nọ iya; whẹ ta abya l'atụgburu atụgburu. Obenu lẹ nteke bụ l'a nọnyaaru urwukpu ono palihu imeli, whẹ apalita tụgbushia.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/9\/22","date":"2018-12-12T19:12:17Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824115.18\/warc\/CC-MAIN-20181212181507-20181212203007-00014.warc.gz","language":"eza","language_score":0.9999973774,"language_script":"Latn","minhash_cluster_size":1,"top_langs":"{\"eza_Latn_score\": 0.9999973773956299}","num_words":55,"character_repetition_ratio":0.019,"word_repetition_ratio":0.0,"special_characters_ratio":0.236,"stopwords_ratio":0.309,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 7:88\n88Anụ lile, l'ee-gbu gude gbaa ẹja ẹhu-guu bẹ dụkota oke-eswi ụkporo l'ẹno mẹe ụkporo ebyila ugbo ẹto mẹe ụkporo mkpi ugbo ẹto mẹe ụkporo ịgogolo ugbo ẹto, gbageeru awha. O noo bụ iwhe a nụru t'e gude ye ẹnya-mgbẹja ono ye l'ẹka Chileke, mbụ nteke ono, a wụru iya mmanụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/7\/88","date":"2018-12-11T22:20:39Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823705.4\/warc\/CC-MAIN-20181211215732-20181212001232-00144.warc.gz","language":"eza","language_score":0.99995327,"language_script":"Latn","minhash_cluster_size":1,"top_langs":"{\"eza_Latn_score\": 0.9999532699584961}","num_words":51,"character_repetition_ratio":0.103,"word_repetition_ratio":0.0,"special_characters_ratio":0.254,"stopwords_ratio":0.216,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 13:51\n51O rwua lẹ mbọku nke ẹsaa, t'onye l'agbajẹ ẹja nụ Chileke ono lelee evu ono ọdo. Ọ -bụru l'evu ọbu bẹ bakashịhuru dzuru uwe ono, ọo ya bụ l'ọo ẹjo ẹhu-ba-dụ-mma, l'eswe nswe bẹ dụ l'uwe ono, m'ọ bụ ọwhu nke akpakpa, m'ọ bụ nke ẹji anụ, m'ọ bụ nke akpọ, m'ọ bụ iwhe ọdo, e meru l'akpọ anụ. Yẹbe iwhe bụakwa iwhe l'aasọ nsọ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/13\/51","date":"2018-12-16T18:01:56Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827963.70\/warc\/CC-MAIN-20181216165437-20181216191437-00328.warc.gz","language":"eza","language_score":1.0000046492,"language_script":"Latn","minhash_cluster_size":1,"top_langs":"{\"eza_Latn_score\": 1.0000046491622925}","num_words":66,"character_repetition_ratio":0.024,"word_repetition_ratio":0.0,"special_characters_ratio":0.294,"stopwords_ratio":0.303,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 38:11\n11Tọ dụ iya bụ, Juda sụ nyee nwa iya ono, bụ Tama: \"Je eburu l'ibe nna ghu bụru nwa-mbunu t'e gude tẹ nwa mu, bụ Shila vufuta.\" Nkele ọ dụle iya whọ gẹ woo lẹ Shila l'a-nwụhufua g'ọo unwune iya. Tama kweta bya alashia ibe nna iya je eburu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/38\/11","date":"2018-12-13T11:13:37Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824675.15\/warc\/CC-MAIN-20181213101934-20181213123434-00540.warc.gz","language":"eza","language_score":0.9998028874,"language_script":"Latn","minhash_cluster_size":1,"top_langs":"{\"eza_Latn_score\": 0.9998028874397278}","num_words":50,"character_repetition_ratio":0.0,"word_repetition_ratio":0.0,"special_characters_ratio":0.283,"stopwords_ratio":0.28,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 18:25\n25Tẹ njọ kfụkwaa gangụ; ị tịi kabẹkwa eme ụdu iwhe dụ nno, mbụ nke t'ị kpakọ ndu dụ chịriri yẹle ndu ejo-ememe gbukota m'ọ bụ mee ndu dụ chịriri g'i meru ndu ejo-ememe. Tẹ njọ kfụkwaa gangụ. Gụbe Onye-ikpe nke ndu mgboko l'owhu ?tịi kabẹfudua eme iwhe kfụru nhamụnha?\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/18\/25","date":"2018-12-12T19:25:52Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824115.18\/warc\/CC-MAIN-20181212181507-20181212203007-00573.warc.gz","language":"eza","language_score":0.9999623299,"language_script":"Latn","minhash_cluster_size":1,"top_langs":"{\"eza_Latn_score\": 0.999962329864502}","num_words":50,"character_repetition_ratio":0.109,"word_repetition_ratio":0.0,"special_characters_ratio":0.251,"stopwords_ratio":0.22,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 5:1\nIwhe bụ madzụ -mee ya, ya agbaa ẹja iwhe-dụ-ẹji\n1\"Ọ -bụru lẹ madzụ meru iwhe-dụ-ẹji okfu l'ọ whụru iwhe meru nụ, ọdua l'e meru t'ọ marụ iwhe ono, a bya aryaa ya l'edzudzu-ọha t'onye mazhiaru ọgha iya bya agbaa ẹka-ebe, onye ono ta afụta bya ekfua iwhe ọ marụ, ejo-iwhe ono, o meru kwa l'ishi iya b'o tukoru.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/5\/1","date":"2018-12-15T18:43:05Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826968.71\/warc\/CC-MAIN-20181215174802-20181215200802-00182.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":59,"character_repetition_ratio":0.032,"word_repetition_ratio":0.0,"special_characters_ratio":0.27,"stopwords_ratio":0.356,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 20:24\n24Mu kfuhawaru unu sụ l'unu l'e-woru alị whẹ, mbụ lẹ mu l'a-nụ iya unu t'ọ bụru nkunu, bụ iya bụ alị ono, mini-ẹra eswi yẹle mmanụ-ẹnwu jiru ejiji. Ọo Mu bụ Onye-Nwe-Ọha bụru Chileke unu onye họfutaru unu dobe iche l'echilabọ ndiwhe.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/20\/24","date":"2018-12-13T04:24:15Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824448.53\/warc\/CC-MAIN-20181213032335-20181213053835-00466.warc.gz","language":"eza","language_score":0.999969244,"language_script":"Latn","minhash_cluster_size":1,"top_langs":"{\"eza_Latn_score\": 0.9999692440032959}","num_words":43,"character_repetition_ratio":0.0,"word_repetition_ratio":0.0,"special_characters_ratio":0.264,"stopwords_ratio":0.395,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 21:13\n13Whẹ shikwa l'ẹka ono palita tụgbua, kpọbe ụlo-ẹkwa ebubu whẹ l'azụ ẹnyimu Anọnu azụ iya ọwhu l'ẹka ono, dụ l'echi-ẹgu ono, dụ watalẹwho l'oge-alị onye lẹ ndu Amọru nkele ọo ẹnyimu Anọnu bụ oge onye lẹ ndu Moabu. Ọ nọkahuru ndu Moabu whẹ lẹ ndu Amọru.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/21\/13","date":"2018-12-10T23:45:03Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823516.50\/warc\/CC-MAIN-20181210233803-20181211015303-00186.warc.gz","language":"eza","language_score":0.999936223,"language_script":"Latn","minhash_cluster_size":1,"top_langs":"{\"eza_Latn_score\": 0.9999362230300903}","num_words":47,"character_repetition_ratio":0.118,"word_repetition_ratio":0.0,"special_characters_ratio":0.255,"stopwords_ratio":0.426,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 50\n1Jósẹfu bya apalita onwiya daa l'eli nna iya gburugudu, ryarụ ẹkwa kpua ya, tsutsua ya ọnu. 2O noo ya, Jósẹfu zhia ndu dọkinta iya, whẹ bya akwakọbe odzu nna iya, bụ Ízurẹlu t'o bo rehu ẹgwegwa. 3O woru whẹ ụkporo abalị ugbo labọ tẹ whẹ kwakọbe odzu Ízurẹlu ono nkele ọo ụkporo abalị ugbo labọ bẹ l'aakwakọbeje odzu t'o bo rehu. Ndu Íjiputu ryaa ẹkwa iya ụkporo abalị ugbo ẹto l'abalị iri.\n4A kwagele iya whọ, Jósẹfu sụ ndibe Fero: \"Ọ -bụru lẹ mu dụ unu l'obu, unu kfuru Fero sụ iya 5lẹ nna mụbe Jósẹfu sụkwaru tẹ mu riaru iya nte nteke ọ sụru mu lẹ ya bya l'anwụhu, mbụ tẹ mu riaru iya nte lẹ mu l'e-je elia ya l'ilu, yẹbe Ízurẹlu dozhiru onwiya l'alị Kenanu. Unu kfuru iya t'ọ hanụa mu tẹ mu je elia nna mu ọbu, mu alawhuwaro azụ.\"\n6Fero sụ: \"Tụgburu je elia nna ghu ẹgube ono, i riburu iya nte l'ii-je elia ya.\"\n7Ọo ya bụ, Jósẹfu jeshia ooli nna iya. Ndu ozhi Fero gẹ whẹ hakọta wụru tsoru iya, mbụ ndu bụ ọgurenya ibe Fero mẹe ndu bụ ọgurenya Íjiputu l'owhu 8mẹe ndibe Jósẹfu l'owhu mẹe ụnwunna iya mẹe ndibe nna iya gẹ whẹ ha. Ndu whẹ harụ l'alị Goshẹnu kpụ bụ ụnwegirima whẹ mẹe élwù whẹ. 9Ụgbo-ịnya mẹe ndu l'agba ịnya, tso jee bẹ parụ l'ọtu.\n10Whẹ rwua ẹka l'eechije witi lẹ Atadu, dụ lẹ mgboro ẹnyimu Jọ́danu, whẹ ryaa ẹkwa Ízurẹlu ryashịa ya ike; tsọo kụrukuru. Jósẹfu nọdu l'ẹka ono gụa áwhụ anwụhu nna iya ono abalị ẹsaa. 11Nteke ndu Kenanu nụru ẹgube ẹkwa áwhụ, ndu ono l'arya l'ẹka ono, l'eechije witi ono lẹ Atadu, whẹ sụ: \"Ọ kwa ẹkwa áwhụ ndu Íjiputu bẹ l'ada nno.\" O noo iwhe meru g'o gude e kua ẹka ono Abẹlu-mizuremu.+ Ọ dụ lẹ mgboro Jọ́danu.\n12O noo ya, ụnwu Jékọpu mee g'o sụru tẹ whẹ mee. 13Whẹ pata odzu iya jeshia alị Kenanu je elia l'ọgba, dụ l'ẹgu Makupela lẹ mgboro Mamure, bụ ẹka Ébirihamu zụru Éfurọnu onye Hetu t'ọ bụru ẹka l'ee-lije odzu mẹe ẹgu tso iya nụ. 14Jósẹfu ligelewho nna iya; ọ lwatashia Íjiputu yẹle ụnwunna iya mẹe ndu gẹ whẹ ha tso Jósẹfu jee ooli nna iya ono.\nJósẹfu l'agụru ụnwunna iya nvụ\n15Ụnwunna Jósẹfu bya awhụ lẹ nna whẹ nwụhuwaru, whẹ sụ: \"Ọ -bụru lẹ Jósẹfu bẹ vukwadu ejo-iwhe ono, anyi meru iya l'obu bẹ l'ọo-dakọbekwa gwata anyi ụgwo iya.\" 16Ọo ya bụ, whẹ bya ezhia ozhi t'e je ezhia Jósẹfu sụ iya: \"Tẹmenu nna anyi nwụhu bẹ 17ọ sụru t'anyi kfuru gụbe Jósẹfu lẹ ya l'aryọ ghu t'ị gụaru anyịbe ụnwunna ghu nvụ l'ejo-iwhe ono, anyi meru ghu, shi nno meta iwhe-dụ-ẹji yẹle njọ tukobe onwanyi l'ishi. Iwhe anyi l'ary��� ghu ntaa bụkwa t'ị gụnuaru anyi nvụ l'iwhe-dụ-ẹji ono, anyịbe ndu ozhi Chileke nke nna ghu meru.\" Whẹ zhigelewho Jósẹfu ozhi ono, o byiswee ẹkwa.\n18Ụnwunna iya byakfuta iya bya adaarụ iya l'alị sụ iya: \"Anyi bụkotakwa ohu gụbe Jósẹfu.\"\n19Jósẹfu bya asụ whẹ: \"Unu ba atsụshi egvu nkele ọ tọ bụdu mu bụ Chileke. 20Ọo ezhi-okfu l'unu rịru t'unu mee mụbe Jósẹfu ejo-iwhe, ọle Chileke meru iya ọ bụru iwhe-ọma nke ọwhu e shi nno dzọta ndzụ ndu ha l'igweligwe lẹge ọ dụnua ntanụ. 21Ọo ya bụ, t'egvu ba atsụshi unu. Mu l'a-zụ unu, zụa ụnwegirima unu.\" O shi nno kfuru okfu njima yeru whẹ, bya agbaa whẹ ume.\nAnwụhu Jósẹfu\n22Jósẹfu yẹle ndibe nna iya tụko buru l'alị Íjiputu. O bua ya ụkporo awha ugbo ise l'awha iri. 23Ọ nọdu ndzụ whụ nwanwa ụnwu Ífuremu. Jósẹfu nọdukwawho ndzụ, Makiru, bụ nwa Manáse nwụshia ụnwu kuru dẹe ya l'ụtakfu.\n24O noo ya, Jósẹfu bya asụ ụnwunna iya: \"Mu l'abyakwa anwụhu. Ọle o doru mu ẹnya lẹ Chileke l'e-megee nyata unu bya edufuta unu l'alị-a, je edobe l'alị ono, Chileke kweru Ébirihamu mẹe Áyiziku mẹe Jékọpu ụkwa iya, bya eribuaru whẹ iya lẹ nte.\" 25Jósẹfu mee, ụnwu Ízurẹlu ribuaru iya nte lẹ nteke Chileke l'e-bekochaa bya whẹ eduta bẹ whẹ l'a-chịta ọkpu yẹbe Jósẹfu gude tụgbua.\n26O noo ya, nteke Jósẹfu nwụhuru bụ g'ọ nọru ụkporo awha ugbo ise l'awha iri. A kwakọbe odzu iya t'ọ bo rehu ẹgwegwa, bya eye iya l'igbe-odzu dobe l'alị Íjiputu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/50","date":"2018-12-16T13:29:59Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827727.65\/warc\/CC-MAIN-20181216121406-20181216143406-00073.warc.gz","language":"eza","language_score":1.0000076294,"language_script":"Latn","minhash_cluster_size":1,"top_langs":"{\"eza_Latn_score\": 1.0000076293945312}","num_words":699,"character_repetition_ratio":0.044,"word_repetition_ratio":0.0,"special_characters_ratio":0.249,"stopwords_ratio":0.308,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 14:10\n10\"O -belewho lẹ mbọku nke ẹsato, t'onye ọbu kpụta ụnwu ebyila labọ, l'adụa ẹka ọrwu dụ iya l'ẹhu mẹe ada atụru, gbarụ awha, l'adụa ẹka ọrwu dụ iya l'ẹhu. Ya ewota nkerẹto efere-nkwẹka ụturutuu-witi, a gwọkoberu mmanụ, t'e gude gbaa ẹja nri. Ya ewotakwawo mmanụ, jiru ekpemu ejiji tukobe iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/14\/10","date":"2018-12-11T02:21:35Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823550.42\/warc\/CC-MAIN-20181211015030-20181211040530-00554.warc.gz","language":"eza","language_score":0.9998865128,"language_script":"Latn","minhash_cluster_size":1,"top_langs":"{\"eza_Latn_score\": 0.9998865127563477}","num_words":51,"character_repetition_ratio":0.107,"word_repetition_ratio":0.0,"special_characters_ratio":0.252,"stopwords_ratio":0.196,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 8:26\n26Ọle Mósisu bẹ sụru: \"Ọ tọ dụdu ree t'anyi mee ya nno nkele ẹja, anyi l'a-gbarụ nụ Onye-Nwe-Ọha, bụ Chileke anyi bẹ l'a-bụru akpamara l'ẹnya ndu Íjiputu. Whẹ l'a-tụ-gbu anyi l'ẹwhuru mẹ anyi gbaa ẹja nụ Chileke l'ụzo, bụ akpamara l'ẹnya nkewhe!","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/8\/26","date":"2018-12-14T15:20:38Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825916.52\/warc\/CC-MAIN-20181214140721-20181214162221-00243.warc.gz","language":"eza","language_score":0.9999368191,"language_script":"Latn","minhash_cluster_size":1,"top_langs":"{\"eza_Latn_score\": 0.9999368190765381}","num_words":43,"character_repetition_ratio":0.081,"word_repetition_ratio":0.0,"special_characters_ratio":0.273,"stopwords_ratio":0.233,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 27\nẸnya-mgbẹja ọkpokota-iwhe-ọku\n1\"Gude oshi akeshiya meta ẹnya-mgbẹja. Ogologo iya l'a-dụ nji-ẹka ise. Ọsa iya adụ nji-ẹka ise. Ẹnya-mgbẹja ono l'e-nwe mgburẹku ẹno, ha ẹnya nhamụnha. Eli iya l'a-dụ nji-ẹka ẹto. 2Gụ akpụru mpu ye l'agụga ẹnya-mgbẹja ono whẹ ẹno. Mpu ono yẹle ẹnya-mgbẹja ono l'a-gba mgbalanụ. Gụ abya awụa ya ope. 3Gude ope meshia iwhe lile, l'ee-gudeje eje ozhi l'ẹnya-mgbẹja ono, bụ iya bụ ite ọnakobe ntụ mẹe iwhe l'ee-gudeje ekpo ntụ eye l'ite ono mẹe efere mẹe oleji mẹe iwhe l'aa-gụjeru ọku ye. 4Gude ope kpata iwhe dụ nggarafu nggarafu g'ọo ụgbu, nweru mgburẹku ẹno dobe l'ẹnya-mgbẹja ono. Gụ egude ope meta echi ẹno nmabẹ-gee lẹ mgburẹku iwhe ono a kparụ, ọ dụ ngarafu ngarafu ono. 5Dobe iwhe ono t'ọ nọdu lẹ mkpula mkpula ẹnya-mgbẹja ono mgburumgburu. T'iwhe ono a kparụ, ọ dụ g'ọo ụgbu ono nọdu l'echilabọ ẹnya-mgbẹja ono. 6Gude oshi akeshiya pyịta mkpara labọ, l'ee-gudeje apa ẹnya-mgbẹja ono. Gụ arwụa ope lẹ mkpara ono. 7Mkpara ono bẹ l'ee-pyokafu t'ọ ghaa l'ẹnya echi whọ ya nụ. Nke ọwhu mkpara ono whẹ labọ l'a-tukoru l'eli ẹnya-mgbẹja ono ibẹka labọ; m'a padẹle iya whọ. 8Swofua ụzo l'echilabọ ẹnya-mgbẹja ono. Gudekwa ibiribe oshi swofua ya ụzo ọbu. T'ọ bụkwaru lẹ g'e goshiru ghu iya l'eli ugvu bụ gẹ l'ee-me iya.\nỌma ogboduwhu\n9\"Meta ọma ogboduwhu l'ẹka ono, a tụru mkpuumkpu-ẹkwa ono. A bya l'ụzo ọhuda t'e gude oghu ọcha, a swịru gẹ l'aaswịje ụdo, dụ nji-ẹka ụkporo ugbo ise l'ogologo gude gebuta ọma ogboduwhu ono. 10Gude ope kpụta itso ụkporo yẹle ọkpa itso ono ụkporo, l'aa-kpọbe l'ọma ogboduwhu ono. Gụ egude mkpọla-ọcha kpụta ukoloba, l'ee-gude kota ẹkwa ono yẹle iwhe l'ee-swebe l'itso ono. 11Ụzo isheli iya bụkwawho ẹkwa, dụ nji-ẹka ụkporo ugbo ise l'ogologo bẹ l'ee-gude gebuta iya. E gude ope kpụta itso ụkporo yẹle ọkpa itso ono ụkporo, kpọbe l'ụzo isheli ono. Gude mkpọla-ọcha kpụshia ukoloba, l'ee-gude kota ẹkwa ono yẹle iwhe l'ee-swebe l'itso ono.\n12\"A -bya l'uswe ụzo ẹnyanwu-arịba bụkwa ẹkwa, dụ ụkporo nji-ẹka labọ lẹ nji-ẹka iri l'ogologo bẹ l'ee-gude gebuta iya. Kpụta itso iri yẹle ọkpa itso ono ụzo iri, l'aa-kpọbe l'ọma ogboduwhu ụzo ẹnyanwu-arịba ono. 13Uswe ọma ogboduwhu ụzo ẹnyanwu-awata l'a-dụ ụkporo nji-ẹka labọ lẹ nji-ẹka iri l'ogologo. 14Gude ẹkwa, dụ nji-ẹka iri l'ise gebuta ọnu ẹka l'ee-shije abata l'ọma ogboduwhu ono ibẹka lanụ. Gụ akpụta itso ẹto yẹle ọkpa itso ono ụzo ẹto, l'aa-kpọbe iya. 15A bya l'ibẹka iya ọwhuu, l'eeshijekwawho abata l'ọma ogboduwhu ono; t'ọ bụkwaruwho ẹkwa, dụ nji-ẹka iri l'ise bẹ l'ee-gude gebuta iya. Aakpụta itso ẹto yẹle ọkpa itso ono ụzo ẹto, l'aa-kpọbe iya.\n16\"A bya l'ọnu ẹka, l'ee-shije abata l'ọma ogboduwhu ono; t'e gude ẹkwa, dụ nji-ẹka ụkporo gebuta iya. Mbụ ẹkwa, e gude oghu, dụ urwukpu urwukpu mẹe oghu ododo mẹe nke uswe-uswe mẹe oghu ọcha, a swịru gẹ l'aaswịje ụdo bẹ l'ee-gebuta iya. T'ọ bụkwaru onye marụ okwe ẹkwa ree bẹ l'e-kwe iya nụ. A kpụta itso ẹno yẹle ọkpa itso ono ụzo ẹno, l'aa-kpọbe l'ọnu ẹka ono, l'ee-shije abata l'ọma ogboduwhu ono. 17Itso, l'ee-gude kpọ-buta ọma ogboduwhu ono mgburumgburu yẹle ukoloba, l'ee-kobegee l'itso ono bụkota mkpọla-ọcha bẹ l'ee-gude kpụta iya. Ọkpa itso ono bụru ope bẹ l'ee-gude kpụshia ya. 18Ọma ogboduwhu ono l'a-dụ nji-ẹka ụkporo ugbo ise l'ogologo; dụ nji-ẹka ụkporo ugbo labọ lẹ nji-ẹka iri l'uswe. Eli iya adụ nji-ẹka ise. Ee-gude ẹkwa ọcha, a kparụ ọkpobe akpakpa gebuta iya. Ọkpa itso ọma ogboduwhu ono bụ ope bẹ l'ee-gude kpụkota iya. 19Arya lile, l'ee-gudeje eje ozhi lẹ mkpuumkpu-ẹkwa whọ bụ ope bẹ l'ee-gude mekota iya; o beru ọ bụru ụdu ozhi gụnu bẹ l'ee-gude iya eje, je akpaa l'abara, l'ee-libegee eri mkpuumkpu-ẹkwa ono mẹkwawho nke ọma ogboduwhu ono.\nMmanụ oryọku\n20\"Kfuru ndu Ízurẹlu tẹ whẹ wotaru ghu ọkpobe mmanụ ólivu, a tsụru l'ọtumu, l'ee-yeje l'oryọku t'ọku oryọku ono nwuje ntekenteke. 21Tẹ Érọnu yẹle ụnwu iya yeje ọku l'oryọku ono l'atatiwhu Onye-Nwe-Ọha l'ime Ụlo-ẹkwa-ndzuko ono, mbụ l'okotazụ ẹkwa whọ, e gude gebuta Igbe Iwu whọ. Tẹ whẹ mejekwaa oryọku ono t'o shi l'urwẹnyashi nwu-zhiawho l'atatiwhu Onye-Nwe-Ọha jeye l'ụtsu. Tẹ ndu Ízurẹlu dobekwa nsọ ono shi l'ọgbo rwua l'ọgbo.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/27","date":"2018-12-15T00:54:52Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826530.72\/warc\/CC-MAIN-20181214232243-20181215014243-00317.warc.gz","language":"eza","language_score":0.9999243021,"language_script":"Latn","minhash_cluster_size":1,"top_langs":"{\"eza_Latn_score\": 0.9999243021011353}","num_words":671,"character_repetition_ratio":0.106,"word_repetition_ratio":0.015,"special_characters_ratio":0.244,"stopwords_ratio":0.218,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 8:21\n21Ọ -bụru l'ị tịi hadụ ndibe mu tẹ whẹ tụgburu bẹ mu l'e-zhikwa ijiji t'o tsuru dududu wụ-kfuta ghu mẹe ndu ozhi ghu mẹe ndu alị ghu mẹe ụlo ghu g'ọ ha. Ụlo ndu Íjiputu bẹ ijiji l'e-jikota, etsu dududu mẹ-gezhia l'ọma alị ẹka whẹ l'adzọ ọkpa.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/8\/21","date":"2018-12-10T00:45:51Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823228.36\/warc\/CC-MAIN-20181209232026-20181210013526-00238.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":48,"character_repetition_ratio":0.033,"word_repetition_ratio":0.0,"special_characters_ratio":0.273,"stopwords_ratio":0.271,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 38:18\n18Ọo oghu, dụ urwukpu-urwukpu mẹe oghu ododo mẹe nke uswe-uswe yẹle ọkpobe ẹkwa ọcha, a kparụ ọ dụ ree b'e gude kwee ẹkwa, dụ nji-ẹka ụkporo l'ogologo, t'e gude gebuta ọnu-abata ọma-ogboduwhu ono; ọ bụru ẹka ọrwu onye marụ odengashi iwhe edengashi b'ọ bụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/38\/18","date":"2018-12-10T01:43:12Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823236.2\/warc\/CC-MAIN-20181210013115-20181210034615-00153.warc.gz","language":"eza","language_score":0.9999955893,"language_script":"Latn","minhash_cluster_size":1,"top_langs":"{\"eza_Latn_score\": 0.9999955892562866}","num_words":45,"character_repetition_ratio":0.0,"word_repetition_ratio":0.0,"special_characters_ratio":0.251,"stopwords_ratio":0.244,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 20:16\n16A bya l'ẹka Séra nọ; ọ sụ: \"Mu nụakwaru nwune ghu nwoke mkpọla-ọcha, ẹrwa iya dụ ụnu shẹkelu ugbo labọ l'ụkporo shẹkelu ugbo iri. O noo iwhe mu gude asụ ghu t'ị parụ haa l'emeswe ono, anyi mesweru ghu l'iwhu ndu ono, gụ lẹ whẹ lị. Mbụ l'iswi dụkwa ghu mma.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/20\/16","date":"2018-12-18T20:51:23Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829812.88\/warc\/CC-MAIN-20181218204638-20181218230638-00296.warc.gz","language":"eza","language_score":1.0000081062,"language_script":"Latn","minhash_cluster_size":1,"top_langs":"{\"eza_Latn_score\": 1.0000081062316895}","num_words":52,"character_repetition_ratio":0.038,"word_repetition_ratio":0.0,"special_characters_ratio":0.277,"stopwords_ratio":0.25,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 16:3\n3Whẹ kpakọbe onwowhe ọnu byakfutashia Mósisu yẹle Érọnu sụ whẹ: \"Unu metawaru iwhe ọbu, ọ kabẹ tsobe! Ndu Ízurẹlu l'owhu bẹ unu marụ lẹ whẹ dụ nsọ l'ẹka Onye-Nwe-Ọha nọ, mbụ l'onyenọnu l'ime whẹ dụkota nsọ l'ẹhu l'ẹhu. Onye-Nwe-Ọha l'onwiya nọdu l'echilabọ whẹ. ?Ọo gụnu meru g'o gude unu woru onwunu kpọbe l'ishi ndu nke Onye-Nwe-Ọha?\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/16\/3","date":"2018-12-11T19:55:44Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823702.46\/warc\/CC-MAIN-20181211194359-20181211215859-00001.warc.gz","language":"eza","language_score":1.0000098944,"language_script":"Latn","minhash_cluster_size":1,"top_langs":"{\"eza_Latn_score\": 1.0000098943710327}","num_words":57,"character_repetition_ratio":0.042,"word_repetition_ratio":0.0,"special_characters_ratio":0.254,"stopwords_ratio":0.263,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 13:3\n3T'onye l'agbajẹ ẹja nụ Chileke ono lelee ẹka-iwhe-dụ iya ono elele. Ọ -bụru l'ẹji, dụ l'ẹka-iwhe-dụ iya ono bẹ ghọwaru aghọgho, ẹka-iwhe-dụ iya ono damihu iya adamihu, a marụ l'ọo ejo ẹhu-ba-dụ-mma, l'eswe nswe dụ onye ọbu l'akpọ-ẹhu. Onye l'agbajẹ ẹja nụ Chileke ono -lelegee ya t'ọ gụa onye ọbu l'onye l'aasọ nsọ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/13\/3","date":"2018-12-13T01:48:58Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824338.6\/warc\/CC-MAIN-20181213010653-20181213032153-00135.warc.gz","language":"eza","language_score":0.9999793768,"language_script":"Latn","minhash_cluster_size":1,"top_langs":"{\"eza_Latn_score\": 0.9999793767929077}","num_words":54,"character_repetition_ratio":0.133,"word_repetition_ratio":0.0,"special_characters_ratio":0.268,"stopwords_ratio":0.352,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 29:9\n9woru okpu ndu l'agbajẹ ẹja nụ Chileke kpubegee whẹ l'ishi. Wotakwawho ẹkwa-okebuta-l'ukfu whọ kebe Érọnu yẹle ụnwu iya l'ukfu. Whẹ l'a-bụru ndu l'agbajẹ ẹja nụ Chileke nkele o noo iwhe mu tọru ọkpa iya shi lẹ gbururu jeye lẹ gbururu. O nokwa gẹ l'ii-shi mee Érọnu yẹle ụnwu iya tẹ whẹ bụru ndu l'agbajẹ ẹja nụ Chileke ndono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/29\/9","date":"2018-12-14T20:09:54Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826306.47\/warc\/CC-MAIN-20181214184754-20181214210754-00617.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":59,"character_repetition_ratio":0.147,"word_repetition_ratio":0.0,"special_characters_ratio":0.238,"stopwords_ratio":0.305,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 45:1\nJósẹfu l'eme t'ụnwunna iya marụ onye ya bụ\n1O noo ya, Jósẹfu ta adụhe ike kpaa onwiya sede l'iwhu ndu ozhi iya, kfụkube iya nụ. Ọ ryashịa sụ t'onyenọnu shi iya l'atatiwhu lụfu. Tọ dụ onye ọdo, nọ l'ẹka ono nteke Jósẹfu meru ụnwunna iya marụ onye ya bụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/45\/1","date":"2018-12-15T00:25:32Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826530.72\/warc\/CC-MAIN-20181214232243-20181215014243-00337.warc.gz","language":"eza","language_score":1.0000047684,"language_script":"Latn","minhash_cluster_size":1,"top_langs":"{\"eza_Latn_score\": 1.000004768371582}","num_words":50,"character_repetition_ratio":0.117,"word_repetition_ratio":0.0,"special_characters_ratio":0.252,"stopwords_ratio":0.36,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 9\nOge O-je-ghata\n1L'ọnwa mbụ l'awha kwe ndu Ízurẹlu awha labọ nkele whẹ shi l'alị Íjiputu fụta bẹ Onye-Nwe-Ọha kfuru yeru Mósisu l'echi-ẹgu Sáyinayi sụ iya: 2\"Tẹ ndu Ízurẹlu rikwaa oge O-je-ghata l'oge, a tụ-buru t'e rije iya. 3Ọnwa-a dụlewho l'abalị iri l'ẹno t'unu ria oge O-je-ghata ono lẹ nteke ono, a tụ-buru t'e rije iya. Nteke unu l'a-wata iya eriri bẹ bụ mẹ ẹnyanwu ladẹlewho l'ishi. Unu rikwaa oge ono lẹge iwu iya mẹe nsọ iya dụ.\" 4O noo ya, Mósisu bya ekfuru ndu Ízurẹlu tẹ whẹ ria oge O-je-ghata ono. 5O rwulewho g'ọnwa mbụ ono dụ l'abalị iri l'ẹno, whẹ ria oge O-je-ghata ono. Whẹ riru iya g'ẹnyanwu l'abyawaa arịba l'echi-ẹgu Sáyinayi. Ndu Ízurẹlu mekota iwhe lile ono ẹgube Onye-Nwe-Ọha kfuru iya Mósisu.\n6Ọle o nwekwanuru ndu ọwhu l'ete etsoo ria oge O-je-ghata ono mbọku ono, e riru iya nkele mmerwu dụ whẹ l'ẹhu iswi lẹ whẹ byiru onye nwụhuru anwụhu ẹka. Ndu ono byakfuta Mósisu yẹle Érọnu mbọku ono 7bya asụ Mósisu lẹ mmerwu dụkwa whẹ l'ẹhu nkele whẹ byiru onye nwụhuru anwụhu ẹka. Sụ; ?ndẹe g'o gude t'e kwe t'anyi tsoru ndu Ízurẹlu ọwhu nụ Onye-Nwe-Ọha ngwo-ẹja anyi l'oge nteke ono, a tụ-buru atụ-bu?\n8Mósisu sụ whẹ: \"Unu ngabẹ tẹ mu marụ iwhe Onye-Nwe-Ọha l'e-kfu l'iswi ẹhu unu.\"\n9Tọ dụ iya bụ, Onye-Nwe-Ọha sụ Mósisu: 10\"Kfuru ndu Ízurẹlu sụ whẹ agha: O -nweru onye l'ime unu, m'ọ bụ ẹpa unu, byiru ẹka l'odzu, shi nno merwua onwiya, ọdua l'onye ọbu bẹ jeru iwhe ọdo, bẹ onye ọbu l'e-rilekwa-a oge O-je-ghata nke Onye-Nwe-Ọha. 11Nteke whẹ l'e-ri iya bẹ bụ l'abalị iri l'ẹno l'ọnwa nke ẹbo iya mẹ ẹnyanwu bya ladẹlewho l'ishi. Iwhe whẹ l'e-gude ria ya bụ buredi, l'eete eyee iwhe l'ekoje buredi mẹe mkpẹekwo, l'atsọkaa ilu. 12T'ọ bọ dụkwa iwhe ono, ọwhu whẹ l'a-ha t'ọ fụta ụtsu echile iya, ya eje adụkwa ọkpu, whẹ l'e-tsupyashi etsupyashi. Whẹ ridekwa oge O-je-ghata ono tẹ whẹ dobekwa nsọ lile, dụ l'ori oge ono. 13Ọle onye l'ẹte abụa l'aasọ iya nsọ t'ọ dụ iwhe ọdo, o jeru, onye ọbu te eri oge O-je-ghata ono, t'e kefukwa onye ọbu l'oke l'ẹka ndibe whẹ nọ nkele ọ tọ nụdu Onye-Nwe-Ọha ngwo-ẹja iya l'oge nteke a tụ-buru atụ-bu. Onye ono bẹ iwhe-dụ-ẹji, o meru l'a-tukokwaru l'ishi.\n14\"A -bya abya l'ẹka onye nlwamụnlwa nọ, bụ onye unu l'iya bu. Ọ -bụru l'onye dụ nno bẹ chọru t'o tsoru ria oge O-je-ghata nke Onye-Nwe-Ọha, t'onye ọbu tsokwaru iwu, dụ l'ori oge ono mẹe nsọ iya ria ya. Ọo nsọ dụru onye ọwhu a nwụru anwụnwu l'alị-a bẹ dụkwaruwho onye ọwhu lwarụ alwa.\"\nUrwukpu l'asọ-kputa Mkpuumkpu-ẹkwa\n15Mbọku, a kpọberu Mkpuumkpu-ẹkwa, bụ iya bụ Ụlo-ẹkwa, l'eedobeje ẹkwo-iwu Onye-Nwe-Ọha bẹ urwukpu sọ-kputaru iya. L'urwẹnyashi iya bẹ urwukpu ono dụlewho g'ọo ọku l'eli mkpuumkpu-ẹkwa ono, dụ nno fụta ụtsu. 16O nozhiawho g'ọ dụ ndono tụgburu. L'eswe bẹ urwukpu ono l'asọ-kputaje mkpuumkpu-ẹkwa ono, o be l'ẹnyashi ya adụ g'ọo ọku. 17L'ọobuje nteke urwukpu ono shi l'eli ụlo-ẹkwa ono palita imeli imeli, ndu Ízurẹlu apalita ije whẹ tụgbua. Ẹka whẹ jetaberu, o keshita, whẹ akpọbe ụlo-ẹkwa ebubu whẹ l'ẹka ọbu nọshita. 18O noo ya, l'ọobuje, Onye-Nwe-Ọha sụ ndu Ízurẹlu tẹ whẹ palia ije whẹ tụgbua, whẹ apalia tụgbua, nteke bụ l'ọ sụru whẹ tẹ whẹ nọdu, whẹ akpọbe ụlo-ẹkwa ebubu whẹ nọ-kirishia. Ọ bụru g'urwukpu ono nọ-beru l'eli mkpuumkpu-ẹkwa ono bụ gẹ whẹ l'anọ-bejeru l'ẹka whẹ kpọberu ụlo-ẹkwa ebubu whẹ ono. 19Nteke urwukpu ono nọru ọdu l'eli mkpuumkpu-ẹkwa ono, nọo igweligwe mbọku, ndu Ízurẹlu anọ-kirishia, whẹ ta atụgbudu, ọ bụru gẹ Onye-Nwe-Ọha kfuru whẹ iya bụ gẹ whẹ l'emeje iya. 20O nweru nteke urwukpu ono l'anọje l'eli mkpuumkpu-ẹkwa ono, nọo ya nwujiku olemole, Onye-Nwe-Ọha -sụ tẹ whẹ nọdu, whẹ akpọbe ụlo-ẹkwa ebubu whẹ nọ-kirishia, nteke bụ l'ọ sụru whẹ tẹ whẹ palia ije whẹ tụgbua, whẹ apalia tụgbua. 21O nweru nteke urwukpu ono l'eshije l'urwẹnyashi nọo jeye ụtsu; o rwua l'ụtsu ọ palihu imeli imeli, whẹ apalita ije whẹ tụgbua. Mbụ o beru ọ bụru m'ọo l'eswe bẹ urwukpu ono palihuru imeli, ọdua l'ọo ẹnyashi; nteke ọ bụ-zhiawho, nteke ọ bụ-zhiawho, ndu Ízurẹlu apalia ije whẹ tụgbua. 22Nteke bụkwanu l'urwukpu ono bẹ nọdu l'eli mkpuumkpu-ẹkwa ono nọo ya abalị labọ, ọdua ọ nọo ya ọnwa owhu m'ọ bụ awha owhu, ndu Ízurẹlu anọshia l'ẹka whẹ kpọberu ụlo-ẹkwa ebubu whẹ gẹ whẹ nọ iya; whẹ ta abya l'atụgburu atụgburu. Obenu lẹ nteke bụ l'a nọnyaaru urwukpu ono palihu imeli, whẹ apalita tụgbushia. 23O noo ya bụ l'ọobuje, Onye-Nwe-Ọha sụ whẹ tẹ whẹ nọdu, whẹ akpọbe ụlo-ẹkwa ebubu whẹ nọ-kirishia, nteke bụ l'ọ sụru whẹ tẹ whẹ tụgburu, whẹ apalihu ije whẹ tụgbua. Iwhe lile Onye-Nwe-Ọha kfuru whẹ bẹ whẹ mekotaru ẹgube ọ tụru iya l'iwu nụ Mósisu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/9","date":"2018-12-17T02:15:39Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828056.99\/warc\/CC-MAIN-20181217020710-20181217042710-00257.warc.gz","language":"eza","language_score":1.0000097752,"language_script":"Latn","minhash_cluster_size":1,"top_langs":"{\"eza_Latn_score\": 1.0000097751617432}","num_words":775,"character_repetition_ratio":0.101,"word_repetition_ratio":0.021,"special_characters_ratio":0.251,"stopwords_ratio":0.316,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 17:5\n5Iwhe kpatarụ g'o gude a tụa iwu-a bụ tẹ ndu Ízurẹlu wotaje ẹja ono, whẹ l'anọje agba l'ọma ẹgu bya agbaarụ Onye-Nwe-Ọha l'ọnu Ụlo-ẹkwa-ndzuko; mbụ tẹ whẹ byajẹ anụ iya onye l'agbajẹ ẹja nụ Chileke t'o woru iya gbua t'ọ bụru ngwo-ẹja ẹhu-guu, a gbarụ nụ Onye-Nwe-Ọha.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/17\/5","date":"2018-12-13T10:33:10Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824675.15\/warc\/CC-MAIN-20181213101934-20181213123434-00141.warc.gz","language":"eza","language_score":1.0000089407,"language_script":"Latn","minhash_cluster_size":1,"top_langs":"{\"eza_Latn_score\": 1.0000089406967163}","num_words":48,"character_repetition_ratio":0.036,"word_repetition_ratio":0.0,"special_characters_ratio":0.258,"stopwords_ratio":0.229,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 13:20\n20T'onye ono, l'agbajẹ ẹja nụ Chileke lelee ya elele. Ọ -bụru l'ẹka ono bẹ damihuru iya adamihu l'ẹhu, ẹji, dụ iya nụ ghọo aghọgho acha ụcha, t'onye ono, l'agbajẹ ẹja nụ Chileke gụa onye ono l'onye l'aasọ nsọ. Iwhe ono bụkwa ejo ẹhu-ba-dụ-mma, l'eswe nswe, chafuhuru iya l'ẹka ono, ezonwu ono shi tseta iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/13\/20","date":"2018-12-18T16:47:35Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829542.89\/warc\/CC-MAIN-20181218164121-20181218190121-00234.warc.gz","language":"eza","language_score":0.9972649217,"language_script":"Latn","minhash_cluster_size":1,"top_langs":"{\"eza_Latn_score\": 0.9972649216651917}","num_words":55,"character_repetition_ratio":0.102,"word_repetition_ratio":0.0,"special_characters_ratio":0.269,"stopwords_ratio":0.345,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Livitikọsu 13:30\n30T'onye l'agbajẹ ẹja nụ Chileke lelekwa ọnya ọbu elele. Ọ -bụru l'ọ tụru iya ẹnu l'ẹhu, ẹji, dụ iya nụ l'acha mmanụ mmanụ, dụ zhịgazhiga, t'onye l'agbajẹ ẹja nụ Chileke ono sụ l'onye ọbu bụ onye l'aasọ nsọ; ọ kwa ejo ẹkuruba b'ọ bụ, mbụ l'ọo ẹjo ẹhu-ba-dụ-mma, l'eswe nswe, l'eme l'ishi m'ọ bụ l'agba bẹ yẹle iya l'eme.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/13\/30","date":"2018-12-15T01:50:38Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826686.8\/warc\/CC-MAIN-20181215014028-20181215040028-00265.warc.gz","language":"eza","language_score":0.9998736382,"language_script":"Latn","minhash_cluster_size":1,"top_langs":"{\"eza_Latn_score\": 0.9998736381530762}","num_words":60,"character_repetition_ratio":0.104,"word_repetition_ratio":0.0,"special_characters_ratio":0.291,"stopwords_ratio":0.25,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Mbụlembu 9\nỌgbandzu Chileke yẹle Nowa\n1Tọ dụ iya bụ, Chileke bya agọru ọnu-ọma nụ Nowa yẹle ụnwu iya sụ whẹ: \"Unu zụ̀a azụ̀zù kabaa l'igwe, unu zụ̀a zụ̀-jia mgboko. 2Ụnwu anụmanu, nọkota lẹ mgboko mẹe ẹnu, l'ewhe l'eli mẹe iwhe lile, l'awụ l'ẹwho mẹe ẹma lile, bu lẹ mini bẹ egvu unu l'e-gudeshije, ẹhu anmakọta whẹ anma nteke whẹ whụru unu. Gẹ whẹ ha b'e yekotaru unu l'ẹka. 3Iwhe lile, nọ ndzụ, l'eme ụkporo l'a-bụru unu nri, oshi-ọmi abụru unu nri. Iwhe ono g'ọ ha bẹ mu nụkotaru unu.\n4\"Ọle t'unu be erijekwa iwhe nọ ndzụ, bụ iya bụ iwhe mmee nọkwadu l'ẹhu. 5Ndzụ unu bẹ mu l'a-jị ajị iya. Anụmanu -gbua madzụ bẹ mu l'a-jị iya ajị iya. Madzụ -gbua madzụ ibe iya, mu ajịkwaa ya whọ ajị iya.\n6\"Onye gburu madzụ bẹ\nbụkwawho madzụ l'e-gbu yẹbedua.\nO noo lẹ Chileke meru madzụ,\nọ dụ gẹ Chileke dụ.\n7\"A -bya l'unubẹdua, unu zụ̀a azụ̀zù ka l'igwe, unu abakashịhu dzuru mgboko.\"\n8Chileke bya asụ Nowa yẹle ụnwu iya, bụ ndu whẹ l'iya tụkoru nọdukota: 9\"Ntaa bẹ mu l'unu mẹe ẹpa unu ndu ọwhu l'e-je abya l'iwhu gbawarụ ndzụ. 10Iwhe nọ ndzụ, unu lẹ whẹ shi tụko nọdu bẹ mu lẹ whẹ gbakwaruwhọ ndzụ bụ iya bụ: ẹnu mẹe élwù mẹe anụ-ẹgbudu. Iwhe lile ono, unu lẹ whẹ kpakọru shi l'ụgbo fụta, mbụ iwhe lile, nọ ndzụ, e meru eme lẹ mgboko. 11Mbẹdua l'unubẹdua gbaakwaru ndzụ. A ta abyadụ l'e-gudebaa utso rigbushia iwhe nọ ndzụ ọdo. Utso, l'e-mebyishi mgboko-o l'owhu ta abyahẹ l'agbabaa ọdo.\"\n12Chileke sụ: \"Ọ waa iwhe l'a-nọ egoshi ọgbandzu ono, mu l'unu gbarụ mẹe ọwhu mu l'iwhe nọ ndzụ, unu l'iya tụkoru nọdu gbarụ, mbụ ọgbandzu ono, l'a-dụ rwua l'ọgbo ọwhu l'e-je abya l'atatiwhu: 13Mu dobewaru evu-mini mu l'akpamigwe. Ọo-nọ egoshi ọgbandzu ono, mu lẹ mgboko l'owhu gbarụ. 14Nteke mu meru t'igweli kpua ekpukpu, evu-mini fụta l'urwukpu; 15mu anyata ọgbandzu ono, mu l'unu gbarụ mẹe ọwhu mu l'iwhe lile, nọ ndzụ l'ụdu iya l'ụdu iya gbarụ nke ọwhu bụ lẹ mini ta abyadụ l'abyabaa utso bya erigbushia iwhe nọ ndzụ ọdo. 16Iwhe bụ-zhia nteke evu-mini fụtaru l'urwukpu bẹ mu l'a-whụ iya nyata ọgbandzu tututu-mịmimi ono, mụbe Chileke mẹe iwhe nọ ndzụ l'ụdu iya l'ụdu iya, e meru eme lẹ mgboko-o gbarụ.\"\n17O noo ya, Chileke sụ Nowa: \"O noo iwhe l'a-nọ egoshi ọgbandzu ono, mu l'iwhe lile, nọ ndzụ lẹ mgboko-o gbarụ.\"\nỤnwu Nowa\n18Ụnwu Nowa, shi l'ụgbo ono lụfuta bụ Shemu mẹe Hamu mẹe Jafẹti. Hamu bụ nna Kenanu. 19O noo unwoke ẹto, Nowa nwụtaru ndono. Ọ bụru l'ẹka whẹ bẹ madzụ shi bakashịhu dzuru mgboko l'owhu.\n20O noo ya, Nowa bụ onye l'akọ iwhe l'alị. Ọ ya bụ onye ivurụzo kọru mgbu vayịnu. 21O rwua ujiku lanụ, ọ ngụa mmẹe, shi l'akpụru vayịnu iya ono. Ọ wata iya ome l'ẹnya; ọ gbarụ ọto zẹe azẹe l'ụlo-ẹkwa iya. 22Hamu, bụ nna Kenanu je awhụa nna iya l'ẹka ọ gba ọto. O jeje ekfuaru iya unwune iya labọ ọwhu, nọ l'etezhi. 23Ọo ya bụ, Shemu yẹle Jafẹti chịta ẹkwa wukobegee onwowhe l'ukuvu, kpọo l'azụ l'azụ je awhụ-kpua ya nna whẹ ono, gba ọto. Whẹ wochagee iwhu ewocha tẹ whẹ ba awhụ nna whẹ l'ẹka ọ gba ọto.\n24Mmẹe ono korohulewho Nowa l'ẹnya, o zhilihu. Ọ bya achọfuta iwhe nwa iya nke nwata meru iya. 25Ọ sụ:\n\"Kenanu bẹ bụakwa onye a tụru ọnu!\nỌo-bụru ohu, ẹnya kagee\nalwalwa l'ẹka unwune iya nọ.\"\n26Ọ sụkwawho:\n\"T'e tua Onye-Nwe-Ọha, bụ\nChileke nke Shemu ẹwha!\nTẹ Kenanu bụkwaru ohu Shemu!\n27Tẹ Chileke mee tẹ Jafẹti saa ọsa!\nTẹ Jafẹti buru l'ụlo-ẹkwa Shemu!\nTẹ Kenanu bụfukwaruwho ohu iya!\"\n28G'utso ono byageeru bẹ Nowa nọfuaru ụkporo awha ugbo iri l'ẹsaa l'awha iri. 29Mkpakọ awha, Nowa nọru bụ ụnu awha ugbo labọ l'ụkporo awha ugbo ẹsaa l'awha iri, tẹmenu ọ nwụhu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/9","date":"2018-12-12T18:39:35Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824115.18\/warc\/CC-MAIN-20181212181507-20181212203007-00075.warc.gz","language":"eza","language_score":1.0000087023,"language_script":"Latn","minhash_cluster_size":1,"top_langs":"{\"eza_Latn_score\": 1.0000087022781372}","num_words":627,"character_repetition_ratio":0.059,"word_repetition_ratio":0.0,"special_characters_ratio":0.262,"stopwords_ratio":0.316,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 14\nOgoshi l'onye iwhe l'eme l'akpọ-ẹhu mehuwaru\n1Onye-Nwe-Ọha bya ekfuru yeru Mósisu sụ iya: 2\"Ọ waa bụ iwu, l'ee-tsoje mbọku, l'aa-tụrwu onye njọkirehu shi eme t'a ba sọhe iya nsọ. T'e duru iya jekfu onye l'agbajẹ ẹja nụ Chileke. 3Onye l'agbajẹ ẹja nụ Chileke ono alụfu l'ẹka ndu Ízurẹlu kpọberu ụlo-ẹkwa ebubu whẹ je elelee onye ọbu elele. Ọ -bụru l'ejo ẹhu-ba-dụ-mma ono bẹ gvụwaru l'ẹhu onye ọbu, njọkirehu shi eme, 4t'onye l'agbajẹ ẹja nụ Chileke ono zhia ozhi t'e wotaru onye ọbu ẹnu labọ, nọ-gee ndzụ, l'aata asọ nsọ mẹe oshi sida mẹe ẹkwa uswe-uswe mẹe ẹwu ịsopu t'e gude tụrwua ya t'a ba sọhe ya nsọ. 5Onye l'agbajẹ ẹja nụ Chileke ono asụ t'e gbua ẹnu lanụ l'eli ite, a kpụru l'ụrwa, e yeru mini, doru rịsaa. 6Ya abya anwụta ẹnu ọwhu nọ ndzụ, wota oshi sida whọ mẹe ẹkwa uswe-uswe whọ mẹe ẹwu ịsopu whọ, woru tsẹe lẹ mmee ẹnu ono, e gburu l'eli mini ono, doru rịsaa ono. 7Ya abya ewhee ya onye ono, l'eeme t'a tụrwua njọkirehu ono ugbo ẹsaa. Ya asụ l'onye ono bụwa onye l'aata asọhe nsọ, ya ewehaa ẹnu ọwhu, nọ ndzụ t'o whewheje l'ọma ẹgu. 8Onye ono, l'eeme t'a tụrwua ejo-ẹhu ono l'a-sa uwe iya asa, kpụshikota ẹji, dụ iya l'ẹhu, ya abụru onye l'aata asọ nsọ. E -megee, ya abata l'ẹka ndu Ízurẹlu kpọberu ụlo-ẹkwa ebubu whẹ. Ọle t'ọ nọdukwa l'azụ ụlo-ẹkwa iya abalị ẹsaa. 9O -belewho lẹ mbọku nke ẹsaa, ya akpụa ẹgbushi, kpụa ẹji agba, kpụa ẹji mbuburẹnya mẹe iwhe bụ ẹji, dụ iya l'ẹhu. Ya abya asaa uwe iya asa; gude mini ghụa ẹhu, ya abya abụru onye l'aata asọ nsọ.\n10\"O -belewho lẹ mbọku nke ẹsato, t'onye ọbu kpụta ụnwu ebyila labọ, l'adụa ẹka ọrwu dụ iya l'ẹhu mẹe ada atụru, gbarụ awha, l'adụa ẹka ọrwu dụ iya l'ẹhu. Ya ewota nkerẹto efere-nkwẹka ụturutuu-witi, a gwọkoberu mmanụ, t'e gude gbaa ẹja nri. Ya ewotakwawo mmanụ, jiru ekpemu ejiji tukobe iya. 11Onye l'agbajẹ ẹja nụ Chileke ono, l'eme tẹ ya tụrwua ejo-ẹhu ono eduta onye ọbu, l'aatụrwu iwhe ono yẹle iwhe ono, o gude, bya edobe l'iwhu Onye-Nwe-Ọha l'ọnu Ụlo-ẹkwa-ndzuko. 12Onye l'agbajẹ ẹja nụ Chileke ono akpụta ebyila ono nnanụ, ye iya ekpemu mmanụ whọ, gwoo ngwo-ẹja ọkfu-ụgwo. Ya amaa ngwo-ẹja ono l'iwhu Onye-Nwe-Ọha t'ọ bụru ngwo-ẹja amama. 13Ya abya egbua ebyila ono lẹ Ẹka-dụ-nsọ, mbụ l'ẹka ono, l'eegbuje anụ, e gude agba ẹja iwhe-dụ-ẹji yẹle ọwhu e gude agba ẹja ọkpokota-iwhe-ọku. Ngwo-ẹja ọkfu-ụgwo ono bẹ bụ onye l'agbajẹ ẹja nụ Chileke nwe iya ẹgube ono, ọ bụkwa iya whọ nwe ngwo-ẹja iwhe-dụ-ẹji. Ngwo-ẹja ono bẹ dụ nsọ shii. 14T'onye l'agbajẹ ẹja nụ Chileke ono meta mmee anụ ono, e gude gbaa ẹja ọkfu-ụgwo ono hua onye ono, l'aatụrwu iwhe ono l'ọba-nchị ẹka-ụtara mẹe l'ezeke mkpụshi-ẹka ẹka-ụtara mẹe l'ezeke mkpụshi-ọkpa ẹka-ụtara iya. 15Onye l'agbajẹ ẹja nụ Chileke ono ewota mmanụ ono, dụ lẹ ekpemu ono, bya emeru ye onwiya l'ọbochi-ẹka ẹka-ịcha. 16Ya atsẹe mkpụshi ẹka-ụtara iya lẹ mmanụ ono meta iya whee ugbo ẹsaa l'iwhu Onye-Nwe-Ọha. 17Mmanụ ọwhu whuduru iya l'ọbochi-ẹka bẹ l'oo-hu onye ọbu, l'aatụrwu ejo-ẹhu ono l'ọba-nchị ẹka-ụtara mẹe l'ezeke mkpụshi-ẹka ẹka-ụtara mẹe l'ezeke mkpụshi-ọkpa ẹka-ụtara, yeru iya mmee anụ ono, e gude gbaa ẹja ọkfu-ụgwo. 18Mmanụ, whuduru nụ bẹ l'ọo-wụ onye ono, l'aatụrwu ejo-ẹhu ono l'ishi, gude iya kfụa ụgwo iwhe-dụ-ẹji onye ọbu metaru l'iwhu Onye-Nwe-Ọha.\n19\"T'onye l'agbajẹ ẹja nụ Chileke ono gbaa ẹja iwhe-dụ-ẹji ono, gude kfụa ụgwo iwhe-dụ-ẹji, onye ono, l'aatụrwu ejo-ẹhu ono metaru. E -megee, ya egbua anụ ono, l'ee-gude gbaa ẹja ọkpokota-iwhe-ọku 20woru ngwo-ẹja ọkpokota-iwhe-ọku ono yẹle ngwo-ẹja nri, tso iya nụ gbaa l'ẹnya-mgbẹja, shi nno kfụa ụgwo iwhe-dụ-ẹji, onye ono metaru, nke ọwhu l'ọo-bụru onye l'aata sọhe nsọ.\n21\"Ọle ọ -bụru l'onye ọbu bụ onye ụkpa, ẹka iya te ekfube l'iwhe ono, a gụshiru, onye ọbu akpụta ebyila lanụ nụ t'a gbaa ẹja ikpe-anmanma, a maa ya amama t'ọ bụru ngwo-ẹja amama, e gude akfụ ụgwo iwhe-dụ-ẹji, onye ọbu metaru. Ya ewotakwawho nkere iri efere-nkwẹka ụturutuu-witi, a gwọkoberu mmanụ t'ọ bụru ngwo-ẹja nri mẹe ekpemu mmanụ, 22mẹe ndo labọ mẹe kparakụ labọ, ọwhu kfuberu iya ẹka. Nnanụ bẹ l'ee-gude gbaa ngwo-ẹja iwhe-dụ-ẹji, e gude nnanụ gbaa ngwo-ẹja ọkpokota-iwhe-ọku. 23Iwhe ono bẹ l'oo-gude byakfuta onye l'agbajẹ ẹja nụ Chileke lẹ mbọku nke ẹsato l'ọnu Ụlo-ẹkwa-ndzuko l'iwhu Onye-Nwe-Ọha t'e gude tụrwua ya ejo-ẹhu ọbu. 24Onye l'agbajẹ ẹja nụ Chileke ono akpụta nwatụru ono yẹle ekpemu mmanụ ono, ya amaa ya amama l'iwhu Onye-Nwe-Ọha t'ọ bụru ngwo-ẹja amama. 25Ya abya egbua nwatụru ono, meta mmee ya hua onye ọbu, l'aatụrwu ejo-ẹhu ono l'ọba-nchị ẹka-ụtara mẹe l'ezeke mkpụshi-ẹka ẹka-ụtara mẹe l'ezeke mkpụshi-ọkpa ẹka-ụtara. 26Onye l'agbajẹ ẹja nụ Chileke ono abya emeta mmanụ ono meru ye onwiya l'ọbochi-ẹka ẹka-ịcha, 27ya egude mkpụshi-ẹka ẹka-ụtara iya whee mmanụ ono ugbo ẹsaa l'iwhu Onye-Nwe-Ọha. 28Onye l'agbajẹ ẹja nụ Chileke ono abya emeta mmanụ ono, dụ iya l'ọbochi-ẹka ono hua l'ẹka ono, o huru mmee anụ ono, e gude gbaa ẹja ọkfu-ụgwo, bụ iya bụ l'ọba-nchị ẹka-ụtara onye ono, l'aatụrwu ejo-ẹhu ono mẹe l'ezeke mkpụshi-ẹka ẹka-ụtara iya mẹe l'ezeke mkpụshi-ọkpa ẹka-ụtara iya. 29Mmanụ whuduru iya l'ọbochi-ẹka bẹ l'oo-woru nyịa onye ọbu, l'aatụrwu ejo-ẹhu ono l'ishi gude kfụa ụgwo iwhe-dụ-ẹji o metaru l'iwhu Onye-Nwe-Ọha. 30Ya anwụta ndo m'ọ bụ kparakụ, bụ ọwhu ẹka onye ọbu kfuberu gude gwoo ngwo-ẹja. 31Nnanụ bẹ l'oo-gude gwoo ngwo-ẹja iwhe-dụ-ẹji; gude nnanụ ọwhua gwoo ngwo-ẹja ọkpokota-iwhe-ọku yẹle ngwo-ẹja-nri. Ọ bụru nno bẹ onye l'agbajẹ ẹja nụ Chileke ono l'e-shi kfụa ụgwo iwhe-dụ-ẹji, onye ono, l'aatụrwu ejo-ẹhu ono megbaberu l'iwhu Onye-Nwe-Ọha. 32O noo iwu, dụru onye l'oome, mbụ ẹjo ẹhu-ba-dụ-mma ono, l'eswe nswe, l'eme madzụ l'akpọ-ẹhu, ẹka iya te ekfube lẹ ngwo-ẹja, l'ee-gude tụrwua ya.\"\nMgbodo tsụru evu\n33Tọ dụ iya bụ, Onye-Nwe-Ọha bya ekfuru yeru Mósisu yẹle Érọnu sụ whẹ: 34\"Unu rwulewho alị Kenanu, bụ ẹka mu l'eme tẹ mu nụ unu t'ọ bụru oke-iwhe unu, ọ -bụru l'o nweru ụlo, dụ l'alị ono, mu meru ọ tsụa evu, 35t'onye nwe ụlo ọbu jekwa akọoru onye l'agbajẹ ẹja nụ Chileke lẹ ya whụru iwhe dụ g'ọo evu l'ụlo iya. 36Onye l'agbajẹ ẹja nụ Chileke ono l'a-sụ t'e gwoshikota iwhe dụ l'ụlo ọbu, tẹmenu ya abahụ je awhụ evu ọbu ọ tsụru, ọdua bẹ iwhe lile, dụ l'ụlo ọbu l'a-bụkwa iwhe l'aasọ nsọ. E -gwoshigelewho iwhe l'ụlo ono, t'onye l'agbajẹ ẹja nụ Chileke ono bahụ iya je elelee ya. 37T'o lelee ẹka mgbodo ono, tsụru evu ono elele. Ọ -bụru l'evu ọbu bẹ l'eke oyiru-oyiru m'ọ bụ l'ooke uswe-uswe, tẹmenu ẹka ọbu milahu emilahu, 38ọo ya bụ, onye l'agbajẹ ẹja nụ Chileke ono alụfuta l'ụlo ono, gụ-chia ya agụ-chi t'ọ nọo abalị ẹsaa. 39O -rwua lẹ mbọku nke ẹsaa, t'onye l'agbajẹ ẹja nụ Chileke ono dawhu azụ l'ụlo ono je elelee ya. Ọ -bụru l'evu ọbu bakahụru lẹ mgbodo ụlo ono, 40ya asụ t'a whọfu ẹwhuru, tsụru evu l'ụlo ono je etuwhaa l'ẹka l'aasọ nsọ l'azụ mkpụkpu. 41Ya asụ t'a kpụchashia mgbodo ime ụlo ono akpụchashi mgburumgburu, kpota iwhe a kpụshiru iya je awụshia l'ẹka l'aasọ nsọ l'azụ mkpụkpu. 42T'e wota ẹwhuru ọdo dochia ẹwhuru ono, a whọfutaru l'ụlo ono, a kụta ẹpoto ọdo gude rwachiwhu ụlo ono azụ.\n43\"A whọfu-gee ẹwhuru ono, kpụchashi-gee ụlo ono bya echiwhu iya azụ, ụlo tsụ-whu evu azụ, 44ọo ya bụ, onye l'agbajẹ ẹja nụ Chileke eje elelee ya. Ọ -bụru l'evu ọbu bakahụru l'ụlo ono, ọo ya bụ, l'ọo evu, l'abakahụ abakahụ dụ l'ụlo ọbu, ụlo ọbu l'a-bụru ụlo, l'aasọ nsọ. 45T'e nwutsua ụlo ọbu enwutsu, vuta ẹwhuru ụlo ọbu mẹe oshi iya mẹe ẹja, e gude chia ya je awụshia l'ẹka l'aasọ nsọ l'azụ mkpụkpu. 46Onye bahụru l'ụlo ono nteke ono, a gụ-chikwaduru iya agụ-chi bẹ l'a-bụru onye l'aasọ nsọ jeye chi ejihu. 47Onye zẹe l'ụlo ono kua mgbẹnya l'a-sa uwe iya asa. Onye nọdu l'ụlo ono ria nri asakwawhọ uwe iya asa.\n48\"Ọle ọ -bụru l'onye l'agbajẹ ẹja nụ Chileke bẹ bya elelee ụlo ono nteke e chigeeru iya, ụlo ono ta atsụhe evu, ọo ya bụ, ya asụ l'ụlo ono bẹ l'aata sọdu nsọ nkele evu ono b'e wofuwaru iya. 49Iwhe l'oo-gude mechaa ụlo ọbu emecha bụ t'o wota ẹnu labọ, oshi sida, ẹkwa uswe-uswe mẹe ẹwu ịsopu. 50Ya egbua ẹnu lanụ l'eli ite, a kpụru l'ụrwa, e yeru mini, doru rịsaa 51Ya ewota oshi sida whọ mẹe ẹwu ịsopu whọ mẹe ẹkwa uswe-uswe whọ yẹle ẹnu ọwhu nọ ndzụ tsẹe lẹ mmee ẹnu ono, e gburu egbu mẹe lẹ mini ono, doru rịsaa, je ewhee l'ụlo ono ugbo ẹsaa. 52Oo-gude mmee ẹnu ono mẹe mini ono, doru rịsaa mẹe ẹnu ono, nọ ndzụ ono mẹe oshi sida ono mẹe ẹwu ịsopu ono mẹe ẹkwa uswe-uswe ono, mechaa ụlo ono emecha. 53Ya ewehaa ẹnu ono, nọ ndzụ t'o whefu azụ mkpụkpu je ewhewheje l'ọma ẹgu. Ọo ẹgube ono bẹ l'oo-shi kfụa ụgwo iwhe-dụ-ẹji, shi nno safụ mmerwu, dụ l'ụlo ono, ụlo ono abya abụru ụlo, l'aata asọ nsọ.\"\n54O noo bụ iwu, a tụru swibe ejo ẹhu-ba-dụ-mma, l'eswe nswe, l'eme madzụ l'akpọ-ẹhu yẹle ejo ẹkuruba, 55mẹe evu, tsụru l'uwe yẹle ọwhu dụ l'ụlo, 56mẹe onye ọnya dụ l'ẹhu m'ọ bụ iwhe dụ g'ọo ẹkpa mẹe onye iwhe tụkashiru pọopoo l'ẹhu, 57t'e gude iya goshi nteke iwhe bụ iwhe l'aasọ nsọ mẹe nteke iwhe bụ iwhe l'aata asọ nsọ. O nokwa iwu, a tụru swibe ejo ẹhu-ba-dụ-mma, l'eswe nswe, l'eme madzụ l'akpọ-ẹhu ndono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/14","date":"2018-12-15T00:37:25Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826530.72\/warc\/CC-MAIN-20181214232243-20181215014243-00356.warc.gz","language":"eza","language_score":1.0,"language_script":"Latn","minhash_cluster_size":2,"top_langs":"{\"eza_Latn_score\": 1.0}","num_words":1537,"character_repetition_ratio":0.109,"word_repetition_ratio":0.018,"special_characters_ratio":0.259,"stopwords_ratio":0.277,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 34:18\n18\"Unu rijekwaa oge ono, l'aatajẹ buredi, l'eete eyee iwhe l'ekoje buredi. Abalị ẹsaa bẹ unu l'a-tajẹ buredi, l'eete eyee iwhe l'ekoje buredi, ẹgube ono, mu sụru t'unu meje iya. Unu rije oge ono nteke ono, e doberu t'e rije iya l'ọnwa Abyibu, o noo nkele ọo l'ọnwa Abyibu ono bẹ unu wụfutaru l'alị Íjiputu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/34\/18","date":"2018-12-10T19:44:21Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823442.17\/warc\/CC-MAIN-20181210191406-20181210212906-00029.warc.gz","language":"eza","language_score":0.9999728203,"language_script":"Latn","minhash_cluster_size":1,"top_langs":"{\"eza_Latn_score\": 0.9999728202819824}","num_words":55,"character_repetition_ratio":0.104,"word_repetition_ratio":0.0,"special_characters_ratio":0.267,"stopwords_ratio":0.309,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 1:20\nỌnu-ọgu, a gụtaru l'ikfu nọnu\n20A -bya l'ẹpa Rúbẹnu bụ ọkpara Ízurẹlu, iwhe bụ unwoke lile, gbawarụ ụkporo awha tụgbua, mbụ ndu sụwaru oje ọgu b'a gụkotaru deshia ẹwha whẹ l'ishi onye l'ishi onye. E deshiru ẹwha whẹ lẹge whẹ ha, a gụa whẹ l'ẹnya-uwhu l'ẹnya-uwhu mẹe l'ibe nna whẹ l'ibe nna whẹ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/1\/20","date":"2018-12-11T11:33:17Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823618.14\/warc\/CC-MAIN-20181211104429-20181211125929-00404.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":54,"character_repetition_ratio":0.095,"word_repetition_ratio":0.0,"special_characters_ratio":0.262,"stopwords_ratio":0.259,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 16\nKora, Detanu mẹe Abyiramu\n1O rwua nteke ọbu, Kora nwa Izuha, bụ nwanwa Kohatu, onye eri Lívayi, yẹbedua mẹe Detanu mẹe Abyiramu, bụ ụnwu Eliyabu mẹe Ọ́nu nwa Peletu, bụ ndu ikfu Rúbẹnu bya achịta madzụ yeru onwowhe, 2whẹ wulihu wata okwefuru Mósisu ike. Ndu otu whẹ ono bụ-gee ndu a họtaru tẹ whẹ bụru ndu ishi, l'achị ndu Ízurẹlu, bya abụru ndu a marụ ẹwha whẹ lẹ Ízurẹlu kpaa-whuu. Iwhe whẹ dụ bụ ụkporo ụmadzu ugbo iri l'ẹbo l'ụmadzu iri. 3Whẹ kpakọbe onwowhe ọnu byakfutashia Mósisu yẹle Érọnu sụ whẹ: \"Unu metawaru iwhe ọbu, ọ kabẹ tsobe! Ndu Ízurẹlu l'owhu bẹ unu marụ lẹ whẹ dụ nsọ l'ẹka Onye-Nwe-Ọha nọ, mbụ l'onyenọnu l'ime whẹ dụkota nsọ l'ẹhu l'ẹhu. Onye-Nwe-Ọha l'onwiya nọdu l'echilabọ whẹ. ?Ọo gụnu meru g'o gude unu woru onwunu kpọbe l'ishi ndu nke Onye-Nwe-Ọha?\"\n4Mósisu nụlewho iwhe ono, whẹ kfuru, ọ daa kpupyabe iwhu l'alị.\n5Ọ sụ Kora yẹle ndu otu iya whẹ sụ: \"O -rwua l'ụtsu Onye-Nwe-Ọha egoshi nụ onye bụ onye nkiya mẹe onye dụ nsọ, onye ọ họtaru bẹ l'oo-me t'ọ byakụbe iya ntse. 6Ọ waa iwhe unu l'e-me ndọwa: Tẹ gụbedua, bụ Kora gụ lẹ ndu otu ghu whẹ wota efere, l'aagụjeru ọku ye. 7O -be echile, unu agụru ọku ye iya, bya eye iya isẹnsu l'atatiwhu Onye-Nwe-Ọha. Onye bụ onye Onye-Nwe-Ọha họtaru l'a-bụ onye dụ nsọ. Unubẹ eri Lívayi metawaru iwhe ọbu, ọ kabẹ tsobe!\"\n8Mósisu nọdukwawho l'eli iya sụ Kora: \"Unu ngabẹ nchị, unubẹ eri Lívayi! 9?Too dzuduru unu l'ọo unu bẹ Chileke nke Ízurẹlu họtaru dobe iche lẹ Ízurẹlu kpaa-whuu mee t'unu nọdu iya ntse eje ozhi, dụ lẹ mkpuumkpu-ẹkwa Onye-Nwe-Ọha mẹe t'unu kfụjeru l'atatiwhu ndu Ízurẹlu l'owhu ejeru whẹ ozhi? 10O meru tẹ gụbe Kora mẹe eri Lívayi, bụ ụnwunna unu nọdu iya ntse, ntaa bẹ unu l'achọfua ụzo, unu l'e-shi bụru ndu l'agbajẹ ẹja nụ Chileke. 11Ọo Onye-Nwe-Ọha bẹ gụ lẹ ndu otu ghu lile tụgbaberu etso okfu. ?Oo onye bụkwanu Érọnu nke t'unu gụje áwhụ kpu iya?\"\n12Ọo ya bụ, Mósisu bya ezhia t'e je ekua Detanu mẹe Abyiramu, bụ ụnwu Eliyabu. Whẹ sụ lẹ whẹ ta abyadụ. 13Sụ: \"?M'ọ dụ g'o to dzuduaru ghu, mbụ edufuta ọwhu i dufutaru anyi l'alị ono mini-ẹra eswi yẹle mmanụ-ẹnwu jiru ejiji ono, t'ị bya eworu anyi megbushia l'echi-ẹgu l'ẹka-a? Ị nọdukwaro l'eli iya bya akpọbe onwoghu l'ishi l'ẹka anyi nọ? 14Ọ-ka-njọ bụ l'i ti durwudua anyi alị ọbu, mini-ẹra eswi yẹle mmanụ-ẹnwu jiru ejiji, tịi nụa anyi alị ẹka anyi l'a-kọbeje iwhe mẹe ẹka anyi l'e-me mgbabu vayịnu. ?Ịiri nke t'i duswee ndu-a tọo? Waawa! Anyi ta abyadụ!\"\n15Ọo ya bụ, iwe bya Mósisu shii l'ẹhu; ọ sụ Onye-Nwe-Ọha: \"T'ọ bọ dụkwa ngwo-ẹja, ndu-a gworu bya ghu anụnu, l'ịi-nata. Ọ tọ dụkwa iwhe whẹ m'ọo iwhe ha g'ọo nkakfụ-ịgara, mu natajẹbuwaru whẹ, t'ọ dụhunu onye l'ime whẹ, mu mekatajeru ilile.\"\n16Mósisu sụ Kora: \"Tẹ gụbedua mẹe ndu otu ghu fụtakota l'iwhu Onye-Nwe-Ọha echile. Tẹ gụbedua mẹe whẹbedua ọwaa Érọnu tụko byakọta. 17T'onyenọnu gudekwa efere, l'aagụjeru ọku ye, ye iya ụ̀nwù-isẹnsu gude bya l'atatiwhu Onye-Nwe-Ọha. Iwhe l'ọo-dụ, mbụ efere ono, l'aagụjeru ọku ye ono bụ ụkporo ugbo iri l'ẹbo l'efere iri. Gụbedua, bụ Kora l'onwoghu l'e-gudekwawho nkeghu, Érọnu egude nkiya bya.\" 18Tọ dụ iya bụ, onyenọnu wota efere ono, l'aagụjeru ọku ye bya agụru ọku ye iya; ye iya ụ̀nwù isẹnsu je akfụ-geeru l'ọnu Ụlo-ẹkwa-ndzuko ono. Whẹ lẹ Mósisu mẹe Érọnu kfụru l'ẹka ono. 19Kora bya achịkobe igwe-ọha Ízurẹlu ono l'ọnu Ụlo-ẹkwa-ndzuko ono tẹ whẹ melwu Mósisu yẹle Érọnu. O-gbu-zaazaa Onye-Nwe-Ọha bya enwuaru igwe-ọha ono whoo. 20Onye-Nwe-Ọha sụ Mósisu yẹle Érọnu: 21\"Unu shi l'echilabọ igwe-ọha ono fụta tẹ mu bya atụko whẹ lakọta l'iyi lẹ njị-ẹnya lanụ.\"\n22Mósisu yẹle Érọnu dashịa kpube iwhu l'alị chishia sụ: \"Oowa, gụbe Chileke, mbụ Chileke bụ ishi ndzụ iwhe bụ madzụ l'owhu, ?ii-kwobe iswi iwhe-dụ-ẹji, onye lanụ metaru tụfuru igwe ọha-a ẹhu-eghughu nkeghu?\"\n23Onye-Nwe-Ọha bya asụ Mósisu 24t'o kfuru igwe-ọha Ízurẹlu ono tẹ whẹ shi l'ibiya ọwhu ụlo-ẹkwa Kora mẹe nke Detanu mẹe nke Abyiramu nọ lụfu.\n25Mósisu gbalihu yẹle ndu bụ ọgurenya Ízurẹlu tsoru jekfushia Detanu mẹe Abyiramu. 26Ọ sụ igwe-ọha ono: \"Unu lụfuta l'ụlo-ẹkwa ndu ejo-ememe ono. T'unu be edenyikwa ẹka l'iwhe bụ nkewhe, ọdua bẹ Onye-Nwe-Ọha l'e-kwobekwa iswi iwhe-dụ-ẹji lile, whẹ meru lakọta unu l'iyi.\" 27Ọo ya bụ, whẹ shi l'ibiya ọwhu ụlo-ẹkwa Kora mẹe nke Detanu mẹe nke Abyiramu nọ lụfu.\nDetanu yẹle Abyiramu bya afụta kfụru l'ọnu ụlo-ẹkwa ebubu whẹ, whẹ l'unyomu whẹ mẹe ụnwu whẹ nke unwoke mẹwaro ụnwegirima whẹ. 28Mósisu sụ: \"Ọo ntaa bẹ unu bya l'ama l'ọo Onye-Nwe-Ọha zhiru mu ome iwhe lile ono, l'ọ tọ dụ iwhe gbatarụ mu l'uche bẹ mu l'eme. 29Ọ -bụru lẹ ndu-a bẹ nwụhuru anwụhu ugbooshi, mbụ ọ -bụru l'ọo gẹ l'ọonwujeru madzụ igbalekọma bụ g'ọ nwụru whẹ; ọo ya bụ t'a marụ l'ọ tọ dụ Onye-Nwe-Ọha bẹ zhiru mu iwhe ono, mu l'emegbabe. 30Ọle ọ -bụru lẹ Onye-Nwe-Ọha meru t'iwhe l'ẹte emebua mee, alị saa ọnu lweshia whẹ, bya elweshia iwhe lile, whẹ nwe enwe, mbụ whẹ bụru ndu wụbaru alị-maa lẹ ndzụ. O noo nteke unubẹ ndiwhe l'a-marụ l'ọ tọ dụdu iwhe whẹ gụberu Onye-Nwe-Ọha.\"\n31Ekfuge, Mósisu l'ekfuge okfu ono; alị ono, Detanu whẹ kfụru kejahu ẹbo. 32Alị saa ọnu whalaa lweshikota whẹ mẹe ndibe whẹ mẹe ndu nke Kora mẹe ngwongwo whẹ. 33Whẹ wụbakota l'alị-maa lẹ ndzụ mẹe iwhe lile, whẹ nwe enwe, alị huchita kpupyabe whẹ l'eli, whẹ tụko gẹ whẹ ha lakọta l'iyi l'echilabọ ndu Ízurẹlu. 34Ọ bụru aswọ-ji, whẹ l'aswọ-ji meru; ndu Ízurẹlu ọwhua, nọ-wheru ẹka ono mgburumgburu tsu l'ọso aryajẹ sụ: \"Alị l'abyakwa anyi elweshi-o!\"\n35O noo ya bụ l'ọku, shi l'ẹka Onye-Nwe-Ọha abya ekegbushia ụmadzu ụkporo ugbo iri l'ẹbo l'ụmadzu iri ono, shi akpọ ụ̀nwù-isẹnsu ọku.\nEfere dụ nsọ, l'aagụjeru ọku ye\n36Onye-Nwe-Ọha sụ Mósisu 37t'o kfuru Eliyéza nwa Érọnu, bụ onye l'agbajẹ ẹja nụ Chileke t'ọ lọshia efere ono, l'aagụjeru ọku ye l'ime ọku ono, vọshia icheku-ọku, dụ iya nụ tụkaa nnanụ nnanụ, o noo nkele iwhe ono dụ nsọ, 38mbụ efere ono, l'aagụjeru ọku ye nke ndu ono, meru iwhe-dụ-ẹji shi nno tuwhaa ndzụ whẹ. Ọ -lọshi-gee ya, t'a kụsaa ya akụsa t'o chia balịbali, kpube iya l'eli ẹnya-mgbẹja Onye-Nwe-Ọha. O noo nkele a nụwaru iya Onye-Nwe-Ọha, ọ bụru iya bụ l'ọ dụ nsọ. Iwhe ono l'a-bụ iwhe-ọhubama l'ẹka ndu Ízurẹlu nọ. 39Ọo ya bụ, Eliyéza, onye l'agbajẹ ẹja nụ Chileke bya achịkoo efere ono, l'aagụjeru ọku ono ye, bụ ope b'e gude mee ya, mbụ iwhe ono, ndu ono, ọku kegbushiru gude bya akpọo ụ̀nwù-isẹnsu ọku, a kụsaa ya ọsa nke ọwhu l'ee-kpubeje iya l'eli ẹnya-mgbẹja Onye-Nwe-Ọha 40t'ọ bụru iwhe ndu Ízurẹlu l'e-gudeje anyata l'ọ tọ dụdu onye l'ẹte abụa ẹpa Érọnu, bya l'a-kpụlitajeru bya ọkpo ụ̀nwù-isẹnsu ọku l'atatiwhu Onye-Nwe-Ọha ẹgube ono Onye-Nwe-Ọha shi l'ẹka Mósisu kfua ya, onye ọdo -mekwanua ya eme, ya adụru onye ọbu ẹgube ọ dụru Kora yẹle ndu otu iya whẹ.\nMgbu-ọnwu l'egbushi ndu Ízurẹlu\n41O rwulewho echile iya, ndu Ízurẹlu l'owhu wata ọguru Mósisu yẹle Érọnu áwhụ asụje: \"Unu gbushiwaru ndibe Onye-Nwe-Ọha.\" 42Nteke ndu ono byarụ tẹ whẹ tatso Mósisu yẹle Érọnu okfu, whẹ ghaa ẹnya l'ụzo Ụlo-ẹkwa-ndzuko, bya awhụ g'urwukpu sọpyaberu iya mẹe g'o-gbu-zaazaa nke Onye-Nwe-Ọha nwuru whoo l'ẹka ono, 43Mósisu yẹle Érọnu byatashia l'atatiwhu Ụlo-ẹkwa-ndzuko ono, 44Onye-Nwe-Ọha sụ Mósisu: 45\"Unu shi l'echilabọ igwe-ọha ono fụta nke ọwhu mu l'a-lakọta whẹ l'iyi lẹ njị-ẹnya lanụ.\" Whẹ dashịa kpube iwhu l'alị.\n46Tọ dụ iya bụ, Mósisu sụ Érọnu: \"Wota efere, l'ịigujeru ọku ye, shi l'ẹnya-mgbẹja Onye-Nwe-Ọha gụru ọku ye iya. Gụ eworu isẹnsu ye iya mee ẹgwegwa ẹgwegwa jekfu igwe-ọha ono gude iya kfụa ụgwo iwhe-dụ-ẹji, whẹ meru. Nkele oke ẹhu-eghughu shi l'ẹka Onye-Nwe-Ọha nọ bẹ tukoshiakwaru whẹ, mgbu-ọnwu watawa whẹ egbugbu.\" 47Ọo ya bụ, Érọnu wota efere ono gẹ Mósisu kfuru iya bya agbagbụa bahụ l'echilabọ igwe-ọha ono. O rwudeshia, mgbu-ọnwu ono l'egbushiwaa ndu ono, ọ bya akpọoru Onye-Nwe-Ọha isẹnsu ono ọku, bya akfụa ụgwo iwhe-dụ-ẹji, whẹ meru. 48Ọ kfụru l'echilabọ ndu ọwhu nwụshihuwaru anwụshihu mẹe ndu ọwhu nọkwadu ndzụ, mgbu-ọnwu ono gbubuhu. 49Ndu mgbu-ọnwu ono gburu bẹ dụ ụkporo ụnu ụmadzu l'ụnu iri l'ishii, l'ụkporo ụmadzu iri l'ise, t'a gụfukwa ndu ọwhu tsohawa Kora nwụshihu. 50Érọnu megee bya ejekfushia Mósisu l'ọnu Ụlo-ẹkwa-ndzuko nteke mgbu-ọnwu ono gbubuhuwaru.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/16","date":"2018-12-19T11:07:38Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376832259.90\/warc\/CC-MAIN-20181219110427-20181219132427-00477.warc.gz","language":"eza","language_score":1.000009656,"language_script":"Latn","minhash_cluster_size":1,"top_langs":"{\"eza_Latn_score\": 1.0000096559524536}","num_words":1356,"character_repetition_ratio":0.074,"word_repetition_ratio":0.007,"special_characters_ratio":0.25,"stopwords_ratio":0.29,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 12\nOge O-je-ghata\n1Onye-Nwe-Ọha sụ Mósisu yẹle Érọnu l'alị Íjiputu: 2\"Ọnwa-a bẹ l'a-bụjeru unu ọnwa mbụ; ọo-bụ ọnwa mbụ l'awha unu. 3Kfuru ndu Ízurẹlu gẹ whẹ ha l'ọnwa-a dụlewho l'abalị iri tẹ nwoke nọnu kpụta nwatụru lanụ nke yẹle ndibe iya dobe. 4Ọ -bụru lẹ ndibe onye ọbu bẹ hanụka nwanshị nke ọwhu bụ lẹ nwatụru owhu kariru whẹ ẹka, whẹ ejekfu ndu ọdo, kagezhia whẹ ebukube tẹ whẹ gbarụ mgba lẹ nwatụru lanụ mẹ whẹ malẹruwho ole, whẹ dụ. Unu lee ẹnya marụ g'onyenọnu l'a-tatabe. 5Anụ, unu l'a-họta bụ ịgogolo, gbarụ awha, l'ete enwee ọrwu. Unu l'e-shi l'atụru họta iya; m'ọbu unu eshi l'eghu mmaanụ họta iya. 6Unu leta iya ẹnya jeye abalị iri l'ẹno l'ọnwa-a, bụ nteke ndu nọnu lẹ Ízurẹlu l'a-tụko gbua nkewhe l'urwẹnyashi. 7Whẹ aharu mmee ya nata whee lẹ mgburẹku oshi-mgbo whẹ ẹbo, mẹe l'eli iya l'ụlo ono, whẹ nọdu ata anụ nwatụru ono. 8Ẹnyashi mbọku ono bẹ whẹ l'a-hụ anụ nwatụru ono ahụ taa yẹle ẹkwo, l'atsọ ilu mẹe buredi, l'eete eyee iwhe l'ekoje buredi. 9Unu ba atakwa iya l'oyii, unu eje eshikwa iya eshi. Ọ lẹwho ahụhu bẹ unu l'a-hụ iya taa, mbụ ishi iya mẹe ọkpa iya mẹe ime ẹwho iya. 10Tọ bọ dụkwa ọwhu unu l'a-ha t'ọ nọo fụta ụtsu. Ọwhu nọru fụta ụtsu, unu akpọo ya ọku. 11Ọ waa g'unu l'e-shi taa ya ndọwa: Unu gude ajị kebuta uwe unu; unu eyee akpọkpa unu l'ọkpa; parụ mgbọro unu l'ẹka. Unu ataa ya ẹgwegwa ẹgwegwa. Ọo oge o-je-ghata nke Onye-Nwe-Ọha.\n12\"Nkele mu l'e-jegbakota alị Íjiputu l'ẹnyashi ono, gbushia iwhe bụ ọkpara l'alị ono; mbụ madzụ yẹle élwù. Iwhe bụ ọgvu, dụ l'alị Íjiputu bẹ mu l'a-nụ chịikfuu. Ọo Mu bụ Onye-Nwe-Ọha. 13Mmee ono l'a-bụ iwhe-ọhubama, l'a-nọ egoshi ụlo ọwhu unu nọ. Mu -whụa mmee ono, mu aghata unu. Ọ tọ dụdu ejo nchịkarehu, bya l'ada unu ẹka l'ẹhu nteke ono, mu l'a-tụko ndu alị Íjiputu egbushi.\n14\"Mbọku ono l'a-bụ mbọku, unu l'a-nyatajẹ anyata. Unu l'a-nọje eri iya t'ọ bụru oge, unu l'eriru Onye-Nwe-Ọha, shi l'ọgbo rwua l'ọgbo jeye lẹ tututu-mịmimi. 15Abalị ẹsaa bẹ unu l'a-ta buredi, l'eete eyee iwhe l'ekoje buredi. O belewho mbọku mbụ, unu ewofukota iwhe l'ekoje buredi l'ụlo unu. O noo nkele wata lẹ mbọku mbụ jeye lẹ mbọku nke ẹsaa; iwhe bụ onye tarụ buredi, e yeru iwhe l'ekoje buredi, e kefu onye ọbu l'oke lẹ Ízurẹlu. 16Mbọku mbụ bẹ unu l'e-nwe ndzuko, dụ nsọ. O rwua mbọku nke ẹsaa, unu enwekwaawho ndzuko, dụ nsọ. Ọ tọ dụdu ozhi, unu bya l'e-je l'ujiku labọ ono, gbahalẹwho nri, unu l'e-ri bẹ unu l'e-shije. Ọ bụru iya kpụ bụ iwhe unu l'e-meje.\n17\"Unu l'e-me ori-oge mbọku, l'aatajẹ buredi, l'eete eyee iwhe l'ekoje buredi, o noo nkele ọo mbọku ono gẹdegede bẹ mu dufutaru unubẹ ndu Ízurẹlu g'unu ha l'alị Íjiputu. Ọo ya bụ, t'unu dobe mbọku ono t'ọ bụru mbọku, unu l'e-rije oge; t'ọ bụru iwu, unu l'e-dobe shi l'ọgbo rwua l'ọgbo jeye lẹ tututu-mịmimi. 18Ọnwa mbụ, dụ l'abalị iri l'ẹno, o rwulewho l'urwẹnyashi, unu ataa buredi, l'eete eyee iwhe l'ekoje buredi; o noo g'unu l'a-ta iya jeye l'urwẹnyashi mbọku, ọnwa ono l'a-dụ l'ụkporo abalị l'abalị lanụ. 19Abalị ẹsaa bẹ l'aata abyadụa l'awhụ iwhe l'ekoje buredi l'ụlo unu. Nkele onye riru iwhe e yeru iwhe l'ekoje buredi, e kefu onye ọbu l'oke lẹ Ízurẹlu l'owhu mẹ onye ọbu, ọ bụ nlwamụnlwa m'ọ bụ onye a nwụru anwụ l'alị ono. 20Tọ bọ dụkwa iwhe e yeru iwhe l'ekoje buredi, l'a-kpa unu l'ọnu. Ẹka unu bu ẹka unu bu; t'unu taa buredi, l'ẹte eyee iwhe l'ekoje buredi.\"\n21Tọ dụ iya bụ, Mósisu bya ekua ndu bụ ọgurenya ndu Ízurẹlu gẹ whẹ ha sụ whẹ: \"Unu tụgbua ntaantaa je ahọta anụ ọwhu unu lẹ ndibe unu l'e-gbu gude ria oge O-je-ghata. 22Unu wota ẹkwo ịsopu, dụ jịkfu jịkfu tsẹe lẹ mmee nwatụru ono, a nakọberu l'efere, hua l'eli oshi-mgbo mẹe lẹ mgburẹku iya whẹ ẹbo. Tọ bọ dụkwa g'unu ha onye l'a-lụfu etezhi jeye l'ụtsu. 23Nkele Onye-Nwe-Ọha bya l'agha je egbushia ndu Íjiputu; ọ -ghadẹlewho whụa mmee ono, e huru l'eli oshi-mgbo ono mẹe lẹ mgburẹku iya ono whẹ ẹbo, ya aghata ọnu mgbo ono. O too kwedu tẹ mgbugbu madzụ bata l'ụlo unu bya egbushia unu.\n24\"Unu mejekwa iwhe ono t'ọ bụru nsọ, l'a-dụru unu l'o-shi-l'eri unu whẹ jeye lẹ gbururu. 25Unu -bahụlewho l'alị ono, Onye-Nwe-Ọha l'a-nụ unu ono, bụ iya bụ g'o kweru unu ụkwa iya, unu dobekwa nsọ ono. 26Ọ -bụru l'ụnwu unu jịru unu sụ: '?Ọo gụnu bẹ nsọ ono fụtaru l'ẹhu unu?' 27Ọo ya bụ, unu asụ whẹ: 'Ọo ngwo-ẹja ogbu anụ oge O-je-ghata, l'eegworu Onye-Nwe-Ọha nkele ọ gharụ l'ụlo ndu Ízurẹlu l'alị ndu Íjiputu, nteke ono o je egbushia ndu Íjiputu haa ụlo nke whẹ t'o gbu ndibe whẹ.' \" Ndu Ízurẹlu nụlewho iwhe ono, whẹ whuzeta ishi l'alị baarụ Onye-Nwe-Ọha ẹja. 28Ndu Ízurẹlu bya emee iwhe ono; gẹ Onye-Nwe-Ọha tọru Mósisu yẹle Érọnu ọkpa iya; ọ bụru nno bụ gẹ whẹ meru iya.\n29O rwua l'echi-abalị, Onye-Nwe-Ọha gbushikota ndu bụ ọkpara l'alị Íjiputu; shi iya egbugbu l'ọkpara nke Fero, onye nọ l'oshi-eze iya, jeye l'ọkpara onye, a lwụtaru l'ọgu, a tuchiru l'ọka-mkpọro mẹe nwa ivurụzo iwhe-edobe nwụru. 30Fero gbalihu l'ẹnyashi ono yẹle ndu ozhi iya gẹ whẹ ha mẹe ndu Íjiputu l'owhu, ụzu-ẹkwa swọkobewaa l'alị Íjiputu l'owhu nkele o to nwedu ụlo, dụ l'alị ono l'owhu, madzụ l'ẹte anwụhua.\nAwụfu ụnwu Ízurẹlu lẹ Íjiputu\n31Fero bya ekua Mósisu yẹle Érọnu l'ẹnyashi ono; sụ whẹ: \"Unu gbalihu tụgbua; t'unu lẹ ndu Ízurẹlu parụ ndu nkemu haa lụfu. Unu tụgbuwaruro je abaarụ Onye-Nwe-Ọha ẹja; bụ iya bụ iwhe unu shi ryọta. 32Unu rwuta atụru unu mẹe eswi unu, ẹgube ono unu shi kfua, tụgburu. Ọle t'unu gọkwaaru mu ọnu-ọma nkemu.\"\n33Ndu Íjiputu l'eyeru ndu Ízurẹlu ọwha tẹ whẹ mekebe ẹgwegwa lụfu l'alị ono nkele whẹ sụru l'ọdumeka bẹ whẹbe ndu Íjiputu l'a-nwụshihukotakwa. 34Ndu Ízurẹlu kpota iwhe l'eegudeje eghe buredi ye l'ochi buredi, gude uwe whẹ kechia ya parụ iya l'ukuvu; whẹ te eye iya iwhe l'ekoje buredi. 35Ndu Ízurẹlu mee gẹ Mósisu zhiru whẹ je aryọkoo ndu Íjiputu iwhe e meru lẹ mkpọla-ọcha mẹe iwhe e meru lẹ mkpọla-ododo mẹe uwe. 36Onye-Nwe-Ọha mee, ndu Ízurẹlu tụba ndu Íjiputu l'obu nke ọwhu bụ lẹ whẹ nụru whẹ iwhe whẹ ryọru whẹ. Ọo ya bụ, whẹ gwokoo iwhe ndu Íjiputu gude tụgburu.\n37Ndu Ízurẹlu shi lẹ mkpụkpu Ramísẹsu jezhiawho ije jeye whẹ rwua mkpụkpu Sukọtu. Unwoke, gude ọkpa eje rwuru ụkporo ụnu ugbo ụkporo ẹto l'ụkporo ụnu ugbo iri l'ise; t'a gụfukwa ụnwanyi mẹe ụnwegirima nshịi. 38Ndu ọdo, hakwawhọ l'igweligwe wụru tsoru whẹ mẹkwawho ikpoto iwhe-edobe, mbụ atụru mẹe eswi. 39Iwhe l'eegheje buredi, whẹ shi l'alị Íjiputu gude bẹ whẹ gude ghee akara, l'eete eyee iwhe l'ekoje buredi. Iwhe meru g'o gude iwhe l'ekoje buredi ta adụ iya bụ l'a chịfuru whẹ achịfu l'alị Íjiputu, ụzo ta adụ whẹ nke ọkwakobe nri, whẹ l'e-ri.\n40Iwhe ndu Ízurẹlu nọru l'alị Íjiputu bụ ụnu awha l'awha ụkporo l'iri. 41O rwulewho lẹ mbọku, ụnu awha l'awha ụkporo l'iri ono gvụru gẹdegede; ndibe Onye-Nwe-Ọha gẹ whẹ ha bụ iya bụ ndu Ízurẹlu, wụfukota l'alị Íjiputu. 42Onye-Nwe-Ọha bẹ nwụru ẹnya l'ẹnyashi ono gẹ l'oo-shi t'o dufuta whẹ lẹ Íjiputu; ọ kwawhọo nno bẹ ndu Ízurẹlu gẹ whẹ ha l'a-nwụjekwaruwho Onye-Nwe-Ọha ẹnya l'ẹnyashi ono, gude kwabẹ iya ugvu shi l'ọgbo rwua l'ọgbo.\nGẹ l'ee-meje nke ori oge O-je-ghata\n43Onye-Nwe-Ọha sụ Mósisu yẹle Érọnu: \"Ọ waa nsọ, dụ l'ori-oge O-je-ghata ndọwa:\n\"Tọ bọ dụkwa onye nlwamụnlwa, l'e-rije iwhe e shiru l'oge ono. 44Ndu, bụ ohu, unu gbatarụ agbata bẹ unu l'e-bujedaa ugvu; tẹmenu whẹ eride oge ono. 45Ọle t'onye, byarụ abyabya, ọdua l'ọo onye e butaru ozhi be etsojekwa ria oge ono.\n46\"Aa-nọduje l'ime ụlo ria oge ono. T'unu be egudejekwa anụ, e gude eri oge ono fụta etezhi. Ya aadụkwa ọkpu iya, unu l'e-tsujaje etsuja m'ọo nnanụ. 47Tẹ ndu Ízurẹlu l'owhu tụkoje gẹ whẹ ha ria oge ono.\n48\"Onye lwarụ alwalwa, bu l'echilabọ unu, l'achọ tẹ ya ria oge O-je-ghata nke Onye-Nwe-Ọha ono; ya ebukota ndibe iya unwoke ugvu gẹ whẹ ha. Ọo ya bụ, ya etsoru ria oge ono ẹgube ndu a nwụru l'alị ono l'eri. Ọle t'ọ bọ dụkwa nwoke, l'ebua ugvu, l'e-tso ria oge ono. 49Ọo iwu lanụ ono dụru onye a nwụru anwụ mẹe onye lwarụ alwalwa, bu l'echilabọ unu.\"\n50Ndu Ízurẹlu gẹ whẹ ha mekotagezhia iwhe ono, Onye-Nwe-Ọha kfuru Mósisu yẹle Érọnu. 51Ọ bụru mbọku ono gẹdegede bẹ Onye-Nwe-Ọha dufutaru ndu Ízurẹlu gẹ whẹ ha l'alị Íjiputu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/12","date":"2018-12-12T07:03:24Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823785.24\/warc\/CC-MAIN-20181212065445-20181212090945-00281.warc.gz","language":"eza","language_score":1.0000083447,"language_script":"Latn","minhash_cluster_size":1,"top_langs":"{\"eza_Latn_score\": 1.0000083446502686}","num_words":1396,"character_repetition_ratio":0.084,"word_repetition_ratio":0.004,"special_characters_ratio":0.257,"stopwords_ratio":0.308,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 8\nOme tẹ Érọnu yẹle ụnwu iya bụru ndu l'agbajẹ ẹja nụ Chileke\n1Onye-Nwe-Ọha bya ekfuru yeru Mósisu sụ iya: 2\"Duta Érọnu yẹle ụnwu iya, gụ achịta uwe ndu l'agbajẹ ẹja nụ Chileke, wota mmanụ ọowu l'ishi, gụ akpụta oke-eswi l'ee-gude gbaa ẹja iwhe-dụ-ẹji mẹe ebyila labọ yẹle nkata buredi, l'eete eyee iwhe l'ekoje buredi. 3Gụ ekua edzudzu-ọha ndu Ízurẹlu tẹ whẹ dzukobe l'ọnu Ụlo-ẹkwa ndzuko.\"\n4Mósisu mee lẹge Onye-Nwe-Ọha zhiru iya t'o mee. Edzudzu-ọha ono bya edzua l'ọnu Ụlo-ẹkwa ndzuko ono. 5Mósisu sụ edzudzu-ọha ono: \"Unu lekwa iwhe Onye-Nwe-Ọha sụru t'e mee ndọwa.\"\n6Mósisu bya edufuta Érọnu yẹle ụnwu iya, gude mini ghụa whẹ ẹhu. 7Ọ chịta uwe ime ẹhu yee Érọnu, wota iwhe oke l'ukfu kebuta iya. Ọ bya achịta okpo-wụlawula uwe yepyabe iya, bya ewota uwe ifọdu yekwase iya, gude wẹrere ẹkwa, a kparụ t'e gudeje kebuta ifọdu ono gude kebuta iya. 8Ọ chịta ẹkwa nkwechi obu yekwaa ya whọ, bya ewota ido urimu yẹle tumimu ye l'ẹkwa nkwechi obu ono. 9Ọ bya ewota okpu-ẹkwa kpube iya l'ishi, bya ewota iwhe e meru lẹ mkpọla-ododo, o chia balịbali tụkwase l'okpu-ẹkwa ono l'ụzo ọnu iwhu, mbụ okpu ono, dụ nsọ, ẹgube Onye-Nwe-Ọha sụru Mósisu t'o mee ya.\n10Tọ dụ iya bụ, Mósisu wota mmanụ ọowu l'ishi wụkota lẹ mkpuumkpu ono yẹle iwhe lile, dụ iya nụ, mee ya ọ dụ nsọ. 11O whee mmanụ ono ugbo ẹsaa l'ẹnya-mgbẹja ono, shi nno wụa mmanụ l'ẹnya-mgbẹja ono mẹe l'arya, dụ iya nụ mẹe l'eze efere yẹle iwhe l'aatukobeje iya; mee ya ọ dụ nsọ. 12Ọ bya ewota mmanụ ọowu l'ishi ono wụa Érọnu l'ishi, mee ya ọ dụ nsọ. 13Mósisu byakwawhọ bya edufuta ụnwu Érọnu, chịta uwe-mkpẹelanu yee whẹ, kebegee whẹ iwhe oke l'ukfu, bya ewota okpu-ẹkwa kpubegee whẹ, ẹgube Onye-Nwe-Ọha sụru Mósisu t'o mee ya.\n14Ọ bya akpụfuta oke-eswi l'ee-gude gbaa ẹja iwhe-dụ-ẹji, Érọnu yẹle ụnwu iya chịru ẹka byabẹ oke-eswi ono l'ishi. 15Mósisu gbua oke-eswi ono, bya emeta mmee ya lẹ mkpụshi-ẹka hugbakota lẹ mpu anụ, a nmabẹru l'ẹnya-mgbẹja ono mgburumgburu, shi nno mechaa ẹnya-mgbẹja ono emecha. O wota mmee ọwhu whuduru nụ whekaa l'ukfu ẹnya-mgbẹja ono, mee ya ọ dụ nsọ, shi nno kfụa ụgwo iwhe-dụ-ẹji, dụ iya nụ. 16Mósisu bya eheshia ẹba, dụ iya l'ẹwho mẹe anyị iya mẹe àkpụ̀rù iya whẹ labọ yẹle ẹba, dụ iya nụ kpọo ọku l'ẹnya-mgbẹja ono. 17O vuta oke-eswi ono, mbụ akpọ iya mẹe anụ iya mẹe nshị iya je akpọo ọku l'azụ ẹka ndu Ízurẹlu kpọberu ụlo-ẹkwa ebubu whẹ, bụ gẹ Onye-Nwe-Ọha tụru Mósisu iwu t'o mee ya.\n18Nteke ono, ọ bya akpụfuta ebyila, l'ee-gude gbaa ẹja ọkpokota-iwhe-ọku. Érọnu yẹle ụnwu iya chịru ẹka byabẹ ebyila ono l'ishi. 19Mósisu gbua ebyila ono, woru mmee ya whegbakota l'ẹnya-mgbẹja ono mgburumgburu. 20O bushia anụ ebyila ono ibiribe ibiribe mbụ Mósisu bya ewota ishi iya yẹle ono, e bushiru ebushi mẹe ẹba iya kpọo ọku. 21O gude mini sachashịa ẹwho iya yẹle ọkpa iya. Mósisu bya akpọo ebyila owhu ono ọku l'ẹnya-mgbẹja ono t'ọ bụru ngwo-ẹja, a kpọkotaru ọku, mkpọ iya dụ ree; mbụ ngwo-ẹja, a kpọru ọku nụ Onye-Nwe-Ọha, bụ gẹ Onye-Nwe-Ọha tụru Mósisu iwu t'o mee ya.\n22Ọ bya akpụfuta ebyila ọwhua, bụ ebyila, e gude eme Érọnu yẹle ụnwu iya tẹ whẹ bụru ndu l'agbajẹ ẹja nụ Chileke. Érọnu yẹle ụnwu iya chịru ẹka byabẹ ebyila ono l'ishi. 23Mósisu gbua ebyila ono, meta mmee ya hua Érọnu l'ọba-nchị ẹka-ụtara mẹe l'ezeke-mkpụshi-ẹka ẹka-ụtara mẹe l'ezeke-mkpụshi-ọkpa ẹka-ụtara. 24Mósisu bya edufuta ụnwu Érọnu, woru mmee anụ ono hua whẹ l'ọba-nchị ẹka-ụtara mẹe l'ezeke-mkpụshi-ẹka ẹka-ụtara mẹe l'ezeke mkpụshi-ọkpa ẹka-ụtara. Mósisu whegbakota mmee anụ ono l'ẹnya-mgbẹja ono mgburumgburu. 25Tọ dụ iya bụ, o wota ẹba iya; mbụ ẹba shi l'ukfumọdzu iya mẹe ọwhu dụ iya l'ẹwho g'ọ ha mẹe anyị iya mẹe àkpụ̀rù iya whẹ labọ yẹle ẹba, dụ iya nụ, wotakwawho ụtakfu ọkpa ẹka-ụtara iya. 26O je lẹ nkata, e yeru buredi, l'eete eyee iwhe l'ekoje buredi, dụ l'atatiwhu Onye-Nwe-Ọha, o wota iya ẹcha-mbeke lanụ, l'eete eyee iwhe l'ekoje buredi mẹe ishi buredi lanụ, e yeru mmanụ mẹe ẹcha balịbali lanụ. O wota iya tụkwase l'ẹba anụ ono yẹle ụtakfu ọkpa ẹka-ụtara anụ ono. 27Ọ tụko iwhe ono g'ọ ha dẹe Érọnu yẹle ụnwu iya l'ẹka, whẹ bya amaa ya amama l'iwhu Onye-Nwe-Ọha t'ọ bụru ngwo-ẹja amama. 28Mósisu bya anata whẹ iya kpọo ọku l'eli ngwo-ẹja ono, a kpọkotaru ọku, dụ l'ẹnya-mgbẹja, t'ọ bụru ngwo-ẹja, e gude eme madzụ t'ọ bụru onye l'agbajẹ ẹja nụ Chileke; ngwo-ẹja, mkpọ iya dụ ree, a kpọru ọku nụ Onye-Nwe-Ọha. 29Mósisu wota ǹdụ́ anụ ono maa amama l'iwhu Onye-Nwe-Ọha t'ọ bụru ngwo-ẹja amama. Ǹdụ́ anụ ono bụ oke, rwuberu Mósisu l'ebyila ono, e gude mee Érọnu yẹle ụnwu iya tẹ whẹ bụru ndu l'agbajẹ ẹja nụ Chileke; bụ gẹ Onye-Nwe-Ọha tụru Mósisu iwu t'o meje iya.\n30Tọ dụ iya bụ, Mósisu bya emeta mmanụ ọowu l'ishi ono, metakwawho mmee anụ ono, dụ l'ẹnya-mgbẹja ono whee Érọnu yẹle ụnwu iya l'ẹhu, whekwa ya whọ l'uwe whẹ. Ọo ya bụ, o mee Érọnu yẹle ụnwu iya mẹe uwe whẹ, whẹ dụkota nsọ.\n31Mósisu sụ Érọnu yẹle ụnwu iya: \"Unu je eshia anụ ono l'ọnu Ụlo-ẹkwa ndzuko. Unu anọdu l'ẹka ono taa ya yẹle buredi ono, dụ lẹ nkata ono, e yeru ngwo-ẹja, e gude eme madzụ t'ọ bụru onye l'agbajẹ ẹja nụ Chileke ono, ẹgube ono mu tụru iya l'iwu sụ tẹ Érọnu yẹle ụnwu iya rije iya. 32Iwhe whuduru l'anụ ono yẹle buredi ono bẹ unu l'a-kpọ ọku. 33Unu ba alụfukwa alụfu l'ọnu Ụlo-ẹkwa ndzuko ono abalị ẹsaa jeye nteke l'e-me unu t'unu bụru ndu l'agbajẹ ẹja nụ Chileke ono mefuta. Ọo kwa abalị ẹsaa bẹ l'oo-whu t'e mee unu t'unu bụru ndu l'agbajẹ ẹja nụ Chileke ono. 34Iwhe-e, e meru ntanụ-a bụkwa iwhe Onye-Nwe-Ọha tụru iwu sụ t'e mee, shi nno kfụa ụgwo iwhe-dụ-ẹji, unu meru. 35T'unu nọdukwa l'ọnu Ụlo-ẹkwa ndzuko ono eswe l'ẹnyashi abalị ẹsaa meje iwhe Onye-Nwe-Ọha sụru t'e mee nke ọwhu ọnwu l'ẹte egbu unu. O nokwa g'a tụru iya l'iwu ndono.\"\n36Érọnu yẹle ụnwu iya mekota iwhe lile Onye-Nwe-Ọha shi l'ọnu Mósisu sụ tẹ whẹ mee.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/8","date":"2018-12-17T14:23:27Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828507.84\/warc\/CC-MAIN-20181217135323-20181217161323-00087.warc.gz","language":"eza","language_score":1.0000033379,"language_script":"Latn","minhash_cluster_size":1,"top_langs":"{\"eza_Latn_score\": 1.0000033378601074}","num_words":1003,"character_repetition_ratio":0.103,"word_repetition_ratio":0.03,"special_characters_ratio":0.249,"stopwords_ratio":0.286,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 48\nJékọpu l'agọru Manáse yẹle Ífuremu ọnu\n1O noo ya, o rwua nteke ọbu, a bya ezhia Jósẹfu lẹ nna iya bẹ ẹhu l'eme. O duta ụnwu iya whẹ labọ bụ iya bụ Manáse yẹle Ífuremu whẹ jeshia. 2E je asụ Jékọpu lẹ nwa iya Jósẹfu bẹ byarụ, ọ rwọkota ume bya agbashi nọdu anọdu l'eli iwhe azẹe ya.\n3Jékọpu sụ Jósẹfu: \"Chileke, bụ Ọkalibe-kakọta-ike byakfutakwaru mu lẹ Luzu, dụ l'alị Kenanu, gọru ọnu-ọma nụ mu, 4sụ mu: 'Mu l'e-me ghu t'ị zụ̀a azụ̀zù, mee ghu t'ị kabaa l'igwe. Mu l'e-me ghu t'ị bụru mba ẹka ghu, mu anụ ghu alị-a t'ọ bụru oke-iwhe ẹpa ghu whẹ jeye lẹ tututu-mịmimi.' \"\n5Jékọpu bya asụ Jósẹfu: \"Ụnwegirima labọ ono, ị nwụtaru l'alị Íjiputu tẹmenu mu bya, mbụ Ífuremu yẹle Manáse bẹ bụwaa ụnwu mu; whẹ bụwaa ụnwu mu ẹgube ono Rúbẹnu yẹle Símiyọnu bụ ụnwu mu. 6Ndu ọwhu l'a-bụru ụnwu nkeghu bụ ndu ọwhu, a nwụru tsota whẹ. Alị, ndu nke ono l'e-keta bẹ l'e-shi unwune whẹ, bụ Ífuremu yẹle Manáse l'ẹka. 7Gẹ mu shi l'alị Padanu alwa bẹ iwhe ọnuka meru mu nteke ono Réchẹlu nwụhuru l'alị Kenanu g'anyi nọkwadu l'echi-ụzo, mbụwaa iwhe ha nwanshị t'anyi rwua alị Ifuratu. Mu lia ya l'ẹka ono; l'ụzo ono, e shi eje alị Ifuratu bụ iya bụ Bẹ́tulehemu.\"\n8Ízurẹlu whụlewho ụnwu Jósẹfu ono, ọ jị iya sụ: \"?Ọo ndu ole dụ ẹgube-ẹ?\"\n9Jósẹfu sụ nna iya: \"Ọ kwa ụnwu, Chileke nụru mu l'ẹka-a bẹ whẹ bụ.\"\nÍzurẹlu sụ iya: \"Dulitaru whẹ tẹ mu gọru ọnu-ọma nụ whẹ.\"\n10Nteke ono bẹ nka lawarụ Ízurẹlu l'ẹnya tọ whụhe ụzo. Jósẹfu bya edulitaru Ízurẹlu ụnwegirima ono, o tsutsua whẹ ọnu, byia whẹ ọma.\n11Ízurẹlu sụ Jósẹfu: \"Mu te eshikwa marụ lẹ mu l'a-whụkwadu ghu ẹnya ọdo; Chileke bya emee mu bya awhụfua ụnwegirima ghu.\"\n12Jósẹfu bya ekufuta ụnwegirima ono l'ụtakfu Ízurẹlu, whuzeta iwhu l'alị baa ẹja. 13O noo ya, Jósẹfu bya esekputa whẹ labọ l'ẹka. O gude ẹka-ụtara sekpuru Ífuremu; ọ nọdu Ízurẹlu l'ẹka-ịcha, gude ẹka-ịcha sekpuru Manáse; ọ nọdu Ízurẹlu l'ẹka-ụtara. O gude whẹ nno jekube Ízurẹlu ntse. 14Ízurẹlu bya eworu ẹka-ụtara iya byabẹ Ífuremu, bụ onye nke nwata l'ishi, bya abyabẹ Manáse, bụ ọkpara ẹka-ịcha l'ishi nkiya.\n15Ọ bya agọoru Jósẹfu ọnu-ọma sụ:\n\"Tẹ Chileke ono, nna mu ochee whẹ,\nbụ Ébirihamu mẹe Áyiziku tsoru ụzo iya\ngọru ọnu-ọma nụ ụnwegirima-a;\nmbụ Chileke ono, shi cheta mu ẹhu\neshi nkeshi a nwụru mu byeye ntaa.\n16Tẹ Ojozhi-imigwe ono, nafụtaru mu nụ l'ejo-iwhe lile,\nnọdu dakfuta mu, gọkwaru ọnu-ọma nụ ụnwegirima-a.\nT'e shikwa l'ẹka ụnwegirima-a mee t'ẹwha mụbe Jékọpu\nmẹe nke nna mu whẹ, bụ Ébirihamu\nyẹle Áyiziku bụru echihu echihu.\nWhẹ azụ̀a azụ̀zù ha l'igwe lẹ mgboko-o.\"\n17O be gẹ Jósẹfu whụru lẹ nna iya byabẹru Ífuremu ẹka-ụtara iya l'ishi; ẹhu daa ya kọo. Ọo ya bụ, ọ zụ nna iya l'ẹka ono t'ọ lọfu iya l'ishi Ífuremu lọta iya tukobe l'ishi nke Manáse. 18Jósẹfu sụ nna iya: \"Nna waawakwa; lee onye, bụ ọkpara ndọwa. Byabẹ iya ẹka-ụtara ghu l'ishi.\"\n19Nna iya jịka sụ iya: \"Mu makwarụ-a, nwa mu. Yẹbedua, bụ ọkpara bẹ l'a-jakwawho bụru mba ẹka iya; ọo-bụkwawho oke madzụ. Ọle nwune iya nke nwata bẹ l'a-ka iya shii; ẹpa iya abụru ikpoto mba.\" 20Ọ gọru ọnu-ọma nụ whẹ mbọku ono sụ:\n\"Ndu Ízurẹlu l'e-gudeje ẹwha unu gọo ọnu-ọma sụ:\n'Tẹ Chileke mekwaa ghu\nt'i dụ g'ọo Ífuremu yẹle Manáse.' \"\nO shi ẹgube ono kparụ Ífuremu vuta ụzo; Manáse l'etso iya etso.\n21Tọ dụ iya bụ, Ízurẹlu sụ Jósẹfu: \"Mu l'abyakwa anwụhu. Chileke l'e-swikwaru-a unu duwhu unu azụ l'alị nna unu. 22Mu nụwaru ghu alị ono, mu gude ogu-ịgba mẹe akfụ lwụta l'ẹka ndu Amọru t'ọ bụru nkeghu, gude goshi l'ị ka ụnwunna ghu nkajishi.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/48","date":"2018-12-13T20:49:54Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825098.68\/warc\/CC-MAIN-20181213193633-20181213215133-00050.warc.gz","language":"eza","language_score":0.9999588728,"language_script":"Latn","minhash_cluster_size":1,"top_langs":"{\"eza_Latn_score\": 0.999958872795105}","num_words":611,"character_repetition_ratio":0.055,"word_repetition_ratio":0.0,"special_characters_ratio":0.256,"stopwords_ratio":0.303,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 16:29\nIwu mbọku ọkfu ụgwo iwhe-dụ-ẹji\n29\"Iwhe l'a-bụru iwhe a tọru unu ọkpa iya t'unu meje jeyewaro ya ndọwa. O -rwujee l'abalị iri l'ọnwa ẹsaa t'unu swịjee ẹgu. Tọ bọ dụkwa ozhi, unu l'ejeje mbọku ono, mbụ unubẹ ndu a nwụru lẹ Ízurẹlu mẹe ndu lwarụ alwa, bu l'echilabọ unu,","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/16\/29","date":"2018-12-12T12:39:39Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823872.13\/warc\/CC-MAIN-20181212112626-20181212134126-00016.warc.gz","language":"eza","language_score":1.0000076294,"language_script":"Latn","minhash_cluster_size":1,"top_langs":"{\"eza_Latn_score\": 1.0000076293945312}","num_words":50,"character_repetition_ratio":0.0,"word_repetition_ratio":0.0,"special_characters_ratio":0.263,"stopwords_ratio":0.26,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 3:4\n4Ọle Nedabu yẹle Abyihu bẹ darụ gbaa nwụshihu l'atatiwhu Onye-Nwe-Ọha nkele whẹ gude ọku, l'adụa nsọ kpọoru Onye-Nwe-Ọha ngwo-ẹja ọku l'echi-ẹgu Sáyinayi. Whẹ nwụhuru whẹ te edobe akọ. Ọ bụru ọwhube Eliyéza yẹle Itama bẹ megeeru bụru ndu l'agbajẹ ẹja nụ Chileke nteke ono Érọnu, bụ nna whẹ nọkwadu ndzụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/3\/4","date":"2018-12-15T12:28:37Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826856.55\/warc\/CC-MAIN-20181215105142-20181215131142-00544.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":51,"character_repetition_ratio":0.046,"word_repetition_ratio":0.0,"special_characters_ratio":0.224,"stopwords_ratio":0.216,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 19:13\n13Iwhe bụ onye meru odzu onye nwụhuru anwụhu ẹka, onye ọbu ta atụrwu iya onwiya l'ẹhu bẹ kwa mkpuumkpu-ẹkwa Onye-Nwe-Ọha bẹ l'oomerwu. Onye ọbu bẹ l'ee-kefu l'oke l'ẹka ndu Ízurẹlu nọ. Ọo-bụru onye l'aasọ nsọ, o noo nkele e teke ewheshidua ya mini ono, l'eegudeje atụrwu iwhe; mmerwu ono bẹ dụkwa iya-a l'ẹhu g'ọ dụ iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/19\/13","date":"2018-12-15T04:04:23Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826715.45\/warc\/CC-MAIN-20181215035757-20181215061757-00433.warc.gz","language":"eza","language_score":0.9997079372,"language_script":"Latn","minhash_cluster_size":1,"top_langs":"{\"eza_Latn_score\": 0.9997079372406006}","num_words":57,"character_repetition_ratio":0.0,"word_repetition_ratio":0.0,"special_characters_ratio":0.26,"stopwords_ratio":0.351,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Awụfu 18:21\n21Iwhe ọdo bụ tẹ g'i shi l'ime ndu Ízurẹlu gẹ whẹ ha họta ndu ike dụ; mbụ ndu l'atsụ egvu Chileke, bụ ndu e gude ire whẹ ẹka; bya abụru ndu l'ẹte erije n-wọlazu. Họta whẹ tẹ whẹ bụru ndu ishi ụnu madzụ ugbo labọ l'ụkporo iri mẹe ndu ishi ụmadzu ụkporo ugbo ise mẹe ndu ishi ụmadzu ụkporo labọ l'iri mẹe ndu ishi ụmadzu iri.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/18\/21","date":"2018-12-17T04:48:39Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828318.79\/warc\/CC-MAIN-20181217042727-20181217064727-00175.warc.gz","language":"eza","language_score":1.0000046492,"language_script":"Latn","minhash_cluster_size":1,"top_langs":"{\"eza_Latn_score\": 1.0000046491622925}","num_words":67,"character_repetition_ratio":0.147,"word_repetition_ratio":0.0,"special_characters_ratio":0.257,"stopwords_ratio":0.328,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 7:61\n61Iwhe ọ nụru bẹ bụ: efere lanụ, e meru lẹ mkpọla-ọcha, ẹrwa iya dụ ụkporo shẹkelu ugbo ishii lẹ shẹkelu iri, bya anụkwawho ọkwa lanụ, e meru lẹ mkpọla-ọcha, ẹrwa iya ụkporo shẹkelu ugbo ẹto lẹ shẹkelu iri. Ẹrwa mkpọla-ọcha ono bẹ yẹle shẹkelu ụlo-nsọ bụ iwhe lanụ. Ọwhunonu b'e yejishikotaru eyejishi lẹ witi, e gweru egwegwe, gwọkobe iya mmanụ, t'e gude gwoo ngwo-ẹja nri.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/7\/61","date":"2018-12-16T04:31:58Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827252.87\/warc\/CC-MAIN-20181216025802-20181216051802-00075.warc.gz","language":"eza","language_score":0.9984955192,"language_script":"Latn","minhash_cluster_size":12,"top_langs":"{\"eza_Latn_score\": 0.9984955191612244}","num_words":66,"character_repetition_ratio":0.104,"word_repetition_ratio":0.0,"special_characters_ratio":0.237,"stopwords_ratio":0.273,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Mbụlembu 29\nJékọpu jerwuru alị Padanu-aramu\n1O noo ya, Jékọpu palihu jeshia iwhe l'ooje; o jezhiawho jeye o jerwua alị ndu ụzo ẹnyanwu-awata. 2O jeta bya awhụ wẹlu, dụ l'ẹgu ọbu yẹle atụru, dọru ụzo ẹto lẹ mgboro wẹlu ono nkele atụru ono bụ lẹ wẹlu ono bẹ l'eeshije anụ whẹ mini. Ẹwhuru, e gude swichia ọnu wẹlu ono ha mebyi shii. 3Ọobuje, atụru ono dọshilewho l'ẹka ono; ndu l'eche iya nụ abya eyeko ẹka swifu ẹwhuru ono l'ọnu wẹlu ono seta mini doberu atụru whẹ. Whẹ -megee, whẹ eyeko ẹka swita ẹwhuru ono dobewhu azụ l'ọnu wẹlu ono g'ọ dụhawa.\n4Jékọpu bya ajịa ndu ono, l'eche atụru ono sụ whẹ: \"Unwune mu ?unu shi awe?\"\nWhẹ sụ iya lẹ whẹ shi Háranu.\n5Ọ sụ whẹ: \"?Unu marụ Lebanu, bụ nwanwa Nahọ?\"\nWhẹ sụ ee, lẹ whẹ marụ iya.\n6Jékọpu sụ whẹ: \"?Ẹhu dụ iya-a mma?\"\nWhẹ sụ iya: \"Ee, ẹhu dụkwa iya-a mma. Lekwa nwada iya, bụ Réchẹlu g'ọ chị atụru eje abya.\"\n7Jékọpu sụ whẹ: \"?Unu te eledu l'ụboku hakwadu shii? O toko rwukwa nteke l'aachịbataje atụru bya awụshi. Unu setanu mini doberu atụru ọbu tẹ whẹ ngụa, unu achịru whẹ jebaa lẹ nri.\"\n8Whẹ sụ iya lẹ whẹ te emedu iya nno t'e gude t'atụru ono lwadzuada; e swifu ẹwhuru ono l'ọnu wẹlu ono, tẹmenu whẹ anụde atụru ono mini tẹ whẹ ngụa.\n9Ọ bụru gẹ Jékọpu l'ekfukwadu eyeru whẹ bẹ Réchẹlu chị atụru nna iya byarwuta, o noo nkele ọ bụ nwata mgbọko, l'eche atụru. 10Nteke Jékọpu whụru Réchẹlu, bụ nwada Lebanu, bụ nwune ne iya yẹle atụru Lebanu, ọ chị; ọ tụgbua je eswifu ẹwhuru ono l'ọnu wẹlu ono, bya eseta mini doberu atụru nwune ne iya ono, ọ ngụa. 11Jékọpu tsutsua Réchẹlu ọnu byiswee ẹkwa. 12Jékọpu bya asụ Réchẹlu lẹ yẹle nna iya bụkwa abụbu, mbụ lẹ ya bụkwa nwa Ribẹka. Réchẹlu gbagbụa je akọoru iya nna iya.\n13Nteke Lebanu nụru lẹ Jékọpu, bụ nwa nwune iya byarụ, ọ gbarụ jekfushia ya ndzuta je ebyia ya ọma tsutsua ya ọnu; duta iya bahụ l'ibe iya. Whẹ rwua ibe iya, Jékọpu kọkotaru iya g'iwhe lile dụ dụ. 14Lebanu sụ iya: \"Mu lẹ ghu bụkwa mmee lanụ; bụru anụ-ẹhu lanụ.\"\nJékọpu lụru Lii yẹle Réchẹlu\nTọ dụ iya bụ, Jékọpu nọlewho ọnwa owhu lẹ nke Lebanu, 15Lebanu sụ iya: \"Ọ tọ kwa l'ọo lẹ; ị bụ abụbu mu l'a-kpata gụ ejeru mu ozhi ẹwoma. Karụ mu iwhe mu l'a-kfụje ghu.\"\n16O noo ya, Lebanu bẹ nwụtaru ụnwumgboko labọ. Ẹwha onye nke ọgurenya bụ Lii; ẹwha onye nke nwata bụru Réchẹlu. 17Lii bẹ ẹnya ghọru ụghoro. Ọwhube Réchẹlu l'ama ụma, bya adụ ugvu l'ẹnya. 18Ọ bụru Réchẹlu bẹ dụ Jékọpu l'obu. Jékọpu sụ Lebanu: \"Tẹ mu jeeru ghu ozhi awha ẹsaa, t'i kee mu Réchẹlu, bụ nwa ghu nwanyị nke nwata.\"\n19Lebanu sụ iya: \"Ọ gbekwaa karụ mu ree lẹ mu keru ghu iya amamẹ lẹ mu keru iya onye ọdo. Ngwa, t'anyi bunuru.\" 20Tọ dụ iya bụ, Jékọpu jee ozhi awha ẹsaa nnta gẹ l'ee-shi t'e kee ya Réchẹlu. Awha ẹsaa ono dụ l'iya-a g'ọo abalị olemole, o noo nkele o yeru Réchẹlu obu shii.\n21Ọo ya bụ, Jékọpu sụ Lebanu: \"Mu jedzuakwaru ozhi mu awha ẹsaa ọbu; kewa mu rọ nyee mu nke ọwhu mu l'a-laru iya l'ụlo.\"\n22Ọo ya bụ, Lebanu bya ekua ndu ẹka ono shishiaru whẹ nri. 23O rwua l'ẹnyashi iya, Lebanu dutachia nwa iya nwanyị, bụ Lii, bya eduru nụ Jékọpu; Jékọpu laarụ iya l'ụlo. 24Lebanu duta ohu iya nwamgbọko, ẹwha iya bụ Zilipa duru nụ nwa iya nwanyị ono, bụ Lii t'o jejeru iya ozhi l'ụlo.\n25Chi sahụlewho, Jékọpu whụ l'ọo Lii b'e duru nụ iya. Ọo ya bụ, Jékọpu sụ Lebanu: \"?Ọo ẹgube iwhe gụnu bẹ i meru mu ẹgube-ẹ? ?Tọ nụa Réchẹlu bẹ mu jeturu ghu ozhi iya? ?Ndẹe g'o gude ị gbaarụ mu ẹgube ẹregede ���wa?\"\n26Lebanu sụ iya: \"L'alị anyi bẹ l'ẹte evujekwa ụzo kee onye nke nwata ji, tẹmenu e kede onye nke ọgurenya. 27Taa nshi rwugedaa ẹbyii onye ọwa-a l'idzudzu-a. Idzu-a gvụlewho; mu ekefua ghu onye nke nwata. Ọle ii-jekwanuru mu ozhi iya awha ẹsaa ọdo.\"\n28O noo ya, Jékọpu kweta bya erwua ẹbyii Lii idzu ono l'owhu. Idzu ono gvụlewho, Lebanu bya ekefua ya nwa iya nwanyị, bụ Réchẹlu, ọ bụru nyee ya. 29Lebanu bya duta ohu iya nwamgbọko, ẹwha iya bụ Byiliha duru nụ nwa iya nwanyị ono, bụ Réchẹlu t'o jejeru iya ozhi l'ụlo. 30Jékọpu bya alakwaarụwho Réchẹlu l'ụlo. Ọ ka oye Réchẹlu obu amamẹ Lii. O jefuaru Lebanu ozhi awha ẹsaa ọdo.\nỤnwu, Jékọpu nwụtaru\n31Onye-Nwe-Ọha bya elee ẹnya whụ lẹ Jékọpu te eyedu Lii obu, o kpuhaa ẹkpa-nwa iya t'ọ tsụje ime; ọwhube Réchẹlu ta atsụ. 32Lii tsụta ime nwụa nwa nwoke. Ọ gụa ya Rúbẹnu nkele ọo sụru: \"Onye-Nwe-Ọha whụwaru iwhe-ọtsulanu, mu l'eje. Ntaa b'o dowaru mu ẹnya lẹ ji mu bya l'e-ye mu obu.\"\n33Ọ tsụtafua ime ọdo nwụkwaawho nwa nwoke. Ọ sụ: \"Ọo lẹ Onye-Nwe-Ọha nụru l'ete eyedu mu obu meru g'o gude ọ nụfua mu nwa nwoke-e.\" Ọo ya bụ, ọ gụa ya Símiyọnu.\n34Ọ bya atsụtafua ime ọdo, nwụfua nwa nwoke ọdo. Ọ sụ: \"Ntaa bẹ mu marụ lẹ ji mu l'e-kwe rwụkota mu tẹ mu l'iya bụru ẹhu, o noo nkele mu nwụtawaru iya unwoke ẹto-ọ.\" Ọo ya bụ, ọ gụa ya Lívayi.\n35Ọ tsụta ime ọdo, nwụa nwoke. Ọ sụ: \"Ọgiya ọwa-a bẹ mu l'e-tu Onye-Nwe-Ọha ẹwha.\" Ọo ya bụ, ọ gụa ya Juda. Ọ nwụ-gee Juda, ọ nwụ-buhu nwa.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/29","date":"2018-12-18T19:39:41Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829568.86\/warc\/CC-MAIN-20181218184418-20181218210418-00629.warc.gz","language":"eza","language_score":0.9999717474,"language_script":"Latn","minhash_cluster_size":1,"top_langs":"{\"eza_Latn_score\": 0.9999717473983765}","num_words":907,"character_repetition_ratio":0.052,"word_repetition_ratio":0.0,"special_characters_ratio":0.263,"stopwords_ratio":0.305,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 33:11\n11Ọ bụru iya bụ lẹ Onye-Nwe-Ọha l'anọje ekfu okfu eyeru Mósisu l'iwhu l'iwhu ẹgube madzụ l'anọje ekfuru eyeru ọnya iya. E megee, Mósisu alwawhu azụ l'ẹka ono, ndu Ízurẹlu nọ. Ọle nwokorọbya ono, l'eyeru iya ẹka, mbụ Jóshuwa nwa Nunu ta alụfujedu alụfu lẹ mkpuumkpu-ẹkwa ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/33\/11","date":"2018-12-12T07:35:14Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823785.24\/warc\/CC-MAIN-20181212065445-20181212090945-00311.warc.gz","language":"eza","language_score":1.000005126,"language_script":"Latn","minhash_cluster_size":1,"top_langs":"{\"eza_Latn_score\": 1.0000051259994507}","num_words":47,"character_repetition_ratio":0.029,"word_repetition_ratio":0.0,"special_characters_ratio":0.245,"stopwords_ratio":0.234,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 8:21\n21O gude mini sachashịa ẹwho iya yẹle ọkpa iya. Mósisu bya akpọo ebyila owhu ono ọku l'ẹnya-mgbẹja ono t'ọ bụru ngwo-ẹja, a kpọkotaru ọku, mkpọ iya dụ ree; mbụ ngwo-ẹja, a kpọru ọku nụ Onye-Nwe-Ọha, bụ gẹ Onye-Nwe-Ọha tụru Mósisu iwu t'o mee ya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/8\/21","date":"2018-12-10T09:28:27Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823320.11\/warc\/CC-MAIN-20181210080704-20181210102204-00119.warc.gz","language":"eza","language_score":0.9997703433,"language_script":"Latn","minhash_cluster_size":1,"top_langs":"{\"eza_Latn_score\": 0.9997703433036804}","num_words":45,"character_repetition_ratio":0.087,"word_repetition_ratio":0.0,"special_characters_ratio":0.261,"stopwords_ratio":0.222,"flagged_words_ratio":0.0,"lang_id_score":0.997,"perplexity_score":500.0,"cluster_detection":1} +{"text":"Awụfu 22\nỌkwaberu ẹku ẹnya\n1\"Ọ -bụru l'o nweru onye kpụru eswi m'ọ bụ atụru onye ọdo l'oshi gbua, m'ọkwanu ree ya ere, t'onye ọbu gude eswi ise kfụa ụgwo eswi lanụ ono, o zhitaru; ya egude atụru ẹno kfụa ụgwo atụru lanụ ono, o zhitaru.\n2\"Ọ -bụru l'e guderu onye oshi l'ẹka l'ootsufu ụlo onye ọdo tẹ ya bahụ, e chia ya iwhe, ọ nwụhu, bẹ ikpe-ọchi l'anmadụa onye ọbu, chigburu iya nụ. 3Ọle, ọ -bụru l'ẹnyanwu wataadaru tẹmenu ọ nwụa nno bẹ ikpe-ọchi nmarụ onye ọbu, chigburu iya nụ.\n\"Onye oshi kfụfutaje ụgwo iwhe o zhitaru. Ọ -bụru l'ọ tọ dụdu iwhe o nweru; e ree yẹbedua gude aswa iya kfụa ụgwo iwhe ọbu, o zhitaru.\n4\"Ọ -bụru l'iwhe ọbu, o zhitaru b'a whụru iya l'ẹka, ọ nọdukwadu-a ndzụ m'ọ bụ oke-eswi-o m'ọ bụ nkakfụ-ịgara m'ọ bụ atụru, onye oshi ọbu akfụa ụgwo iya nkfụkwase.\n5\"Ọ -bụru lẹ madzụ bẹ chịru élwù iya ye, o je ataa iwhe e meberu l'okfu onye ọdo m'ọ bụ lẹ mgbu vayịnu onye ọdo, m'ọ kwanụ l'ọ harụ whẹ ẹka; whẹ je anọdu ata iwhe e meberu l'okfu onye ọdo, t'onye ọbu wota iwhe kagezhia ree, shi l'okfu nkiya m'ọ bụ lẹ mgbu vayịnu iya gude kfụa ụgwo iya.\n6\"Ọ -bụru l'ọku nahụru madzụ bahụ l'ẹgbudu, wọkota ẹwu nke ọwhu bụ l'ọ dzụru balị, e gburu egbu, m'ọ bụ ọwhu kfụru akfụru m'ọ bụ l'ọ dzụru okfu ọbu l'owhu, t'onye ọbu tọru ọku ọbu kfụa ụgwo iya.\n7\"Ọ -bụru lẹ madzụ bẹ nụru ibe iya okpoga, m'ọ kwanụ iwhe ọdo t'o doberu iya, e zhita iya l'ụlo onye ọbu, ọ -bụru l'e guderu onye ọbu, zhitaru iya nụ; ya akfụa nkfụkwase tukobe iya. 8Nteke bụ l'e te egudedu onye ọbu, zhitaru iya nụ, t'onye ono, nwe ụlo ono fụta l'atatiwhu ndu ikpe, bya egude ẹwha Onye-Nwe-Ọha gụa ẹnwa t'a marụ l'ẹte ọdu iya kpamiru iya. 9Ọ -bụru l'o nweru iwhe l'aachọ achọ; a whụa ya onye ọdo l'ẹka, mbụ iwhe dụ g'ọo eswi m'ọ bụ nkakfụ-ịgara m'ọ bụ atụru m'ọ bụ iwhe l'eewe l'ukfu m'ọ bụ iwhe ọdo, l'eenweje enwenwe. T'e duta ụmadzu labọ, l'adzọ iwhe ono bya l'atatiwhu Chileke. Onye ọwhu ikpe nmarụ l'a-kfụ onye ọwhu nkfụkwase.\n10\"Ọ -bụru lẹ madzụ bẹ doberu onye ọdo nkakfụ-ịgara m'ọ bụ oke-eswi m'ọ bụ atụru m'ọ bụ anụ ọdo, ọ nwụhu, ọdua l'e mekaru iya iwhe, m'ọ kwanụ l'o whuhuru ewhuhu, tọ dụ onye nọdu l'ẹka o meru, 11gẹ l'ee-shi doshia okfu ono bụ t'onye ono, e doberu iwhe ono je l'atatiwhu Onye-Nwe-Ọha je eria nte l'ẹka iya ta adụdu l'iwhe meru ẹku ono. T'onye nwe iya nụ kwetakwa nno, t'ọ bọ kfụkwa ụgwo iya. 12Ọle, ọ -bụkwanuru l'a kpụru iya l'oshi l'ibe onye ono, e doberu iya; t'onye ọbu kfụkwaa onye nwe iya nụ ụgwo iya. 13Ọ -bụru l'ọo anụ-ẹgbudu tagburu iya, ya ewota anụ iya ọwhu ọ tawhodoru bya egoshi, t'a marụ l'ọo anụ tagburu iya. T'a ba asụkwa iya t'ọ kfụa ụgwo iya.\n14\"Ọ -bụru lẹ madzụ bẹ ryọtaru élwù onye ọdo, iwhe meka iya, m'ọ -bụ l'ọ nwụhuru anwụhu, onye nwe iya nụ ta anọ l'ẹka ono, t'onye ọbu, ryọtaru iya nụ kfụkwaa ụgwo iya kfụ-dzua ya akfụ-dzu. 15Ọle, ọ -bụru l'onye nwe iya nụ nọ l'ẹka ono nteke ono, t'onye ono ba akfụshi ụgwo iya. Ọ -bụru l'ọ kfụru ụgwo, ngụta eswi ono, t'okpoga ọbu, ọ kfụru nọ-chiwaro ẹnya ụsu ono.\nIwhe gbarụ l'ememe\n16\"Ọ -bụru lẹ nwoke kparụ lẹ nwamgbọko, l'adụa onye l'eje okfu iya yẹle iya zẹe, t'ọ kwakwaa aswa l'ishi iya duta iya je alụru. 17Ọ -bụru lẹ nna nwamgbọko ono jịkaru jinyia ẹnya lẹ ya te ekedu iye ya, ya akwakwaawhọ aswa, ha g'ọo aswa l'aakwajẹ l'ishi nwamgbọko, nwoke l'ẹte akụbua ọkpa, nụ nna iya.\n18\"Unu ba ahakwa nwanyị, l'eme amamanshi t'ọ nọdu ndzụ.\n19\"Onye jekfuru anụ azẹe bẹ l'ee-gbu egbu.\n20\"Onye gbarụ ẹja nụ agwa ọdo l'abụa mbẹdua, bụ Onye-Nwe-Ọha kpụ bẹ l'ee-gbu egbugbu shi nno woru iya nụ Chileke t'e mebyishia kpamụ kpamụ.\n21\"Unu ba akpajẹkwa ndu lwarụ alwa ẹhu, unu ba anọjekwa eme whẹ mmegbu, o noo nkele unu shi bụru ndu lwarụ alwa l'alị Íjiputu.\n22\"Unu be emejekwa ụnwanyi-mbunu mẹe ụnwu-ogbee mmegbu. 23Nteke unu meru whẹ mmegbu, whẹ -wolia olu ryaku mụbe Onye-Nwe-Ọha bẹ mu l'a-nụkwa olu whẹ. 24Oke ẹhu-eghughu mu l'a-vọ-lihukwa, mu egude ogu-ịgba bya atụko unu gbushikota. Unyomu unu abụru ụnwu-mbunu, ụnwegirima unu abụru ndu nna whẹ l'anọhee.\n25\"Ọ -bụru l'unu jeru ndu nke mụbe Onye-Nwe-Ọha, mkpa byarụ ụgwo l'echilabọ unu, unu be emekwa g'ọo ndu l'agbẹje mkpu okpoga tụkwase iya ọnwuru nwa l'eli. Unu ba asụkwa tẹ whẹ kfụru ọnwurunwa yeru iya unu. 26Ọ -bụru lẹ madzụ ibe unu bẹ sụberu uwe, l'ooye l'ẹhu gude naa onwiya mkpalẹka, t'unu wolahuru iye ya tẹmenu ẹnyanwu arịba l'ishi. 27O noo nkele ọo uwe ono bụ iwhe l'oogude egbochita ẹhu iya. ?Ọo hụnu gụnu ọdo bẹ l'oo-gudeje kuru mgbẹnya? Ọ -ryaku mụbe Onye-Nwe-Ọha bẹ mu l'a-nụkwa olu iya. O noo nkele mu l'awhụje imiko.\n28\"Unu be ekfubyishijekwa Chileke; unu be ewhukwa ndu l'achị alị unu iwhu.\n29\"Unu ba ahakwa ogworu mụbe Onye-Nwe-Ọha ngwo-ẹja, shi l'akpụru iwhe unu kpatarụ l'okfu mẹe ọwhu shi lẹ mmẹe, unu pyịtaru apyịta.\n\"Unwoke, bụ ọkpara unu bẹ unu l'e-kujeru nụ mu. 30O nokwawho g'unu l'emeje iya l'eswi unu mẹe l'atụru unu ndono. Unu hajẹkwaa tẹ whẹ lẹ ne whẹ nọo abalị ẹsaa. O -rwua mbọku nke ẹsato, unu akpụta iya wotaru mu.\n31\"Unu l'a-bụ ndu dụru mụbe Onye-Nwe-Ọha lẹ nsọ. Ọo ya bụ, t'unu ba atajẹkwa iwhe anụ-ẹgbudu gburu. Unu tọgbojeru iya nkụta t'ọ taa.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/22","date":"2018-12-12T07:45:13Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823785.24\/warc\/CC-MAIN-20181212065445-20181212090945-00312.warc.gz","language":"eza","language_score":0.9999976158,"language_script":"Latn","minhash_cluster_size":1,"top_langs":"{\"eza_Latn_score\": 0.999997615814209}","num_words":918,"character_repetition_ratio":0.063,"word_repetition_ratio":0.0,"special_characters_ratio":0.265,"stopwords_ratio":0.312,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 9:14\n14\"A -bya abya l'ẹka onye nlwamụnlwa nọ, bụ onye unu l'iya bu. Ọ -bụru l'onye dụ nno bẹ chọru t'o tsoru ria oge O-je-ghata nke Onye-Nwe-Ọha, t'onye ọbu tsokwaru iwu, dụ l'ori oge ono mẹe nsọ iya ria ya. Ọo nsọ dụru onye ọwhu a nwụru anwụnwu l'alị-a bẹ dụkwaruwho onye ọwhu lwarụ alwa.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/9\/14","date":"2018-12-13T19:57:33Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825098.68\/warc\/CC-MAIN-20181213193633-20181213215133-00625.warc.gz","language":"eza","language_score":0.9998674393,"language_script":"Latn","minhash_cluster_size":1,"top_langs":"{\"eza_Latn_score\": 0.9998674392700195}","num_words":55,"character_repetition_ratio":0.014,"word_repetition_ratio":0.0,"special_characters_ratio":0.281,"stopwords_ratio":0.291,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Ọ́gú 6:20\n20Nteke ono, onye l'agbajẹ ẹja nụ Chileke ono abya amaa ya amama l'iwhu Onye-Nwe-Ọha t'ọ bụru ngwo-ẹja amama. Iwhe ono g'ọ ha bẹ dụkotakwa nsọ, ọ bụru onye l'agbajẹ ẹja nụ Chileke bẹ nwe iya nụ yẹle ǹdụ́ ebyila ono, a marụ amama mẹe ụtakfu iya ono, a nụru Onye-Nwe-Ọha. E megee ya nno bẹ onye ono, dụru Onye-Nwe-Ọha nsọ ono nweru ike ya angụa mmẹe.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/6\/20","date":"2018-12-16T20:25:47Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827992.73\/warc\/CC-MAIN-20181216191351-20181216213351-00239.warc.gz","language":"eza","language_score":0.9999996424,"language_script":"Latn","minhash_cluster_size":1,"top_langs":"{\"eza_Latn_score\": 0.9999996423721313}","num_words":67,"character_repetition_ratio":0.112,"word_repetition_ratio":0.0,"special_characters_ratio":0.26,"stopwords_ratio":0.358,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 40\nJósẹfu l'akọwa nrọ, ndu mkpọro rọru\n1A nọnyaa nteke ọbu, onye l'agbarụ eze ndu Íjiputu mmẹe yẹle onye ọwhu l'egheru iya buredi meswee eze ndu Íjiputu, bụ onye-nwe-whẹ. 2Ẹhu ghulahaa Fero eghu l'ẹka ụmadzu labọ ono, l'ejeru iya ozhi nọ bụ iya bụ: onye ishi ndu l'agbarụ iya mmẹe mẹe onye ishi ndu l'egheru iya buredi. 3Ọ chịru whẹ ye l'ọka-mkpọro l'ibe onye ishi ndu ojọgu, l'eche Fero nche, bụ ẹka a tuchikwaruwho Jósẹfu. 4Onye ishi ndu ojọgu ono, l'eche Fero nche woru whẹ ye l'ẹka ono sụ tẹ Jósẹfu jejeru whẹ ozhi.\nWhẹ nọtanyalewho l'ọka-mkpọro ono, 5o rwua ẹnyashi ujiku lanụ, unwoke labọ ono nọdu lẹ mkpọro ono rọkota nrọ, mbụ onye ono, l'agbarụ eze ndu Íjiputu mmẹe yẹle onye ọwhu, l'egheru iya buredi. Onyenọnu rọo nrọ nkiya, nrọ ono nwegeeru iwhe ọ fụtaru l'ẹhu l'ẹhu. 6Jósẹfu byakfuta whẹ l'ụtsu iya bya awhụ l'ẹhu ta atsọchafudu whẹ ụtso l'ishi. 7Ọ jịa ndu ozhi Fero ono, a tuchiru whẹ l'iya l'ibe onye-nwe-iya ono sụ whẹ: \"?Ọo gụnu bẹ unu dobegeeru iwhu g'ọo ndu iwe ji ẹka nno ntanụ?\"\n8Whẹ sụ iya lẹ whẹ labọ rọkotaru nrọ, tọ dụ onye l'a-kọru whẹ iwhe nrọ ono fụtaru.\nJósẹfu sụ whẹ: \"?Tọ dụ Chileke bụ onye l'akọwaje nrọ? Byiko, unu zeedaaru mu nrọ ọbu.\"\n9Ọo ya bụ, onye ishi ndu ono, l'agbarụ Fero mmẹe bya ezeeru Jósẹfu nrọ nkiya sụ iya: \"Mu rọru nrọ gẹ vayịnu kfụru mu l'iwhu. 10Vayịnu ono nweru ẹkali ẹto. O rwushia irwu, bya atụshi-kebe igu; mịshia akpụru jọkfu-jọkfu, chashịa achashị. 11Mu parụ omogo Fero l'ẹka, bya ewota akpụru vayịnu ono pyịru mmẹe ya ye l'omogo ono parụ dẹe Fero l'ẹka.\"\n12Jósẹfu sụ iya l'ọwa-a iwhe nrọ ono fụtaru ndọwa: \"Ẹkali vayịnu ono whẹ ẹto bụ abalị ẹto. 13Abalị ẹto ntanụ bẹ Fero l'a-tụfu ghu lẹ mkpọro dobewhu ghu azụ l'ọnodu, i shi nọduhawaa; gụ agbalahaaru Fero mmẹe ẹgube ono, i shi agbahawa iya nteke whọ, i shi bụru onye l'adajẹru iya mmẹe. 14Ọle byiko nyatakwa mụbe Jósẹfu nteke iwhe dụderu ghu lẹ ree. Iwhe-ọma, l'ii-meru mu bụ t'i whotaru Fero ẹwha mu nggẹ a gbafụta mu l'ọka-mkpọro-ọ. 15Nkele ọ kwa ezhita b'e zhitaru mu l'oshi l'alị ndu Híburu. E rwukwa ẹka-a, a tụa mu mkpọro l'ẹbe ọdu iwhe mu metaru.\"\n16Onye ishi ndu l'eghejeru Fero buredi whụ gẹ Jósẹfu gude kọwaa nrọ ono, ọ dụ ree, ọ sụ Jósẹfu: \"Mbẹdua rọfukwaru nrọ gẹ mu vu nkata buredi ẹto. 17Nkata ọwhu tukoru iya l'eli b'e yeru ọga nri, dụ l'iche l'iche, e gheshiru tẹ Fero ria. Ụnwu ẹnu bya eberu iya l'eli atụ iya.\"\n18Jósẹfu sụ iya l'ọ waa iwhe nrọ ono fụtaru ndọwa: \"Nkata ẹto ono bụ abalị ẹto. 19Abalị ẹto ntanụ bẹ Fero l'a-kpụfuta ghu je aswị-gbua l'eli oshi. Ụnwu ẹnu atụa anụ ghu nnanụ nnanụ.\"\n20Tọ dụ iya bụ, o rwua abalị ẹto ono; ọ gbaa l'oge mbọku, a nwụru Fero. Fero bya emeeru ndu ozhi iya oriri. A tụfu onye ishi ndu, l'agbarụ iya mmẹe yẹle onye ishi ndu l'egheru iya buredi duru whẹ bya l'iwhu ndu ozhi iya ono. 21O dobewhu onye ishi ndu, l'agbarụ iya mmẹe azụ l'ọkwa iya. Ọ gbalahaaru Fero mmẹe g'o shi agbahawa iya. 22O je aswị-gbua onye ishi ndu l'egheru iya buredi. Ọ nwụkota-gezhia gẹ Jósẹfu sụru whẹ l'ọo-nwụ. 23Ọle onye ishi ndu l'agbarụ Fero mmẹe ono ta anyatahẹdu Jósẹfu, ọ nyazọo Jósẹfu anyazọ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/40","date":"2018-12-12T12:15:32Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823872.13\/warc\/CC-MAIN-20181212112626-20181212134126-00042.warc.gz","language":"eza","language_score":0.9999756813,"language_script":"Latn","minhash_cluster_size":1,"top_langs":"{\"eza_Latn_score\": 0.9999756813049316}","num_words":556,"character_repetition_ratio":0.078,"word_repetition_ratio":0.007,"special_characters_ratio":0.253,"stopwords_ratio":0.304,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 26:44\n44Ọle g'ọ dụle-zhia bẹ nteke ono, whẹ l'a-nọdu l'alị ndu ọhogu whẹ ono bẹ mu l'ẹte eleswekwa whẹ ẹnya, mu ta abya l'asọ whẹ oyi nke tẹ mu lakọta whẹ l'iyi kpamụ, mebyia ọgbandzu mu lẹ whẹ, nkele ọo Mu bụ Onye-Nwe-Ọha bụru Chileke whẹ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/26\/44","date":"2018-12-14T05:00:24Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825363.58\/warc\/CC-MAIN-20181214044833-20181214070333-00074.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":46,"character_repetition_ratio":0.0,"word_repetition_ratio":0.0,"special_characters_ratio":0.271,"stopwords_ratio":0.435,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 5:16\n16T'onye ọbu meshia iwhe ono, o mesweru l'ọnodu iwhe ono, dụ nsọ ono. T'o yekwa nkere ise l'iwhe ono, woru je anụ onye l'agbajẹ ẹja nụ Chileke. Onye l'agbajẹ ẹja nụ Chileke ono egude ebyila whọ gbaa ẹja ọkfu-ụgwo, shi nno kfụa ụgwo iwhe-dụ-ẹji, onye ono meru; a gụaru iya nvụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/5\/16","date":"2018-12-14T01:52:22Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825123.5\/warc\/CC-MAIN-20181214001053-20181214022553-00320.warc.gz","language":"eza","language_score":1.0000029802,"language_script":"Latn","minhash_cluster_size":1,"top_langs":"{\"eza_Latn_score\": 1.0000029802322388}","num_words":52,"character_repetition_ratio":0.117,"word_repetition_ratio":0.0,"special_characters_ratio":0.26,"stopwords_ratio":0.308,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 25:30\n30Ọ -bụru l'ọ tọ gbatadu iya jeye awha gbaa, bẹ ụlo ono, dụ lẹ mkpụkpu ono, a tụ-wheru mgbodo mgburumgburu l'a-bụwaruro nke onye zụru iya nụ yẹle ẹpa iya jeyewaroya. T'a ba ahakwa ụlo ono l'awha ẹhu-ụtso t'ọ lwawhu azụ l'ẹka onye nwe iya nu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/25\/30","date":"2018-12-12T07:05:52Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823785.24\/warc\/CC-MAIN-20181212065445-20181212090945-00328.warc.gz","language":"eza","language_score":0.9999606609,"language_script":"Latn","minhash_cluster_size":1,"top_langs":"{\"eza_Latn_score\": 0.9999606609344482}","num_words":46,"character_repetition_ratio":0.0,"word_repetition_ratio":0.0,"special_characters_ratio":0.264,"stopwords_ratio":0.304,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 38:21\nIwhe e gude je ozhi\n21Ọ waa mkpakọ iwhe e gude mee mkpuumkpu-ẹkwa ono bụ iya bụ mkpuumkpu-ẹkwa Iwu ono. Ọo Mósisu sụru tẹ o-shi-l'ẹpa Lívayi dekota iwhe lile ono l'ẹkwo. Onye ishi whẹ bụ Itama nwa Érọnu, bụ onye l'agbajẹ ẹja nụ Chileke.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/38\/21","date":"2018-12-16T10:02:21Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827639.67\/warc\/CC-MAIN-20181216095437-20181216121437-00177.warc.gz","language":"eza","language_score":1.0000094175,"language_script":"Latn","minhash_cluster_size":1,"top_langs":"{\"eza_Latn_score\": 1.0000094175338745}","num_words":45,"character_repetition_ratio":0.075,"word_repetition_ratio":0.0,"special_characters_ratio":0.254,"stopwords_ratio":0.356,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 2:32\n32Ndu ono bụ ndu Ízurẹlu, ẹgube e gude gụa whẹ ọgu l'ẹnya-uwhu l'ẹnya-uwhu. Iwhe bụ ndu nọ l'ẹka ndu Ízurẹlu kpọberu ụlo-ẹkwa ebubu whẹ, bụ ndu a gụru ọgu l'itsutsu l'itsutsu bẹ ọnu-ọgu whẹ l'owhu dụkota ụkporo ụnu madzụ ụkporo ugbo ẹto l'ụkporo ugbo iri l'ise l'ụnu ẹsato l'ụkporo ugbo iri l'ẹsaa l'ụmadzu iri.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/2\/32","date":"2018-12-16T19:44:03Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827992.73\/warc\/CC-MAIN-20181216191351-20181216213351-00148.warc.gz","language":"eza","language_score":0.9999752045,"language_script":"Latn","minhash_cluster_size":1,"top_langs":"{\"eza_Latn_score\": 0.9999752044677734}","num_words":55,"character_repetition_ratio":0.112,"word_repetition_ratio":0.0,"special_characters_ratio":0.252,"stopwords_ratio":0.255,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 8:9\n9Mósisu sụ Fero: \"G'ị bụ onye l'akwabẹ ugvu, tẹ mu hanụa t'ị karụ mu nteke mu l'e-kfuru nụ Chileke l'ishi ghu mẹe l'ishi ndu ozhi ghu mẹe l'ishi ndu alị ghu nke ọwhu l'ee-wofuru ghu mbara ono l'ẹhu mẹe l'ibe ghu; ya abụru l'ẹnyimu Nayịlu bẹ l'aa-ha iya kpụ.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/8\/9","date":"2018-12-14T02:54:44Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825349.51\/warc\/CC-MAIN-20181214022947-20181214044447-00298.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":50,"character_repetition_ratio":0.104,"word_repetition_ratio":0.0,"special_characters_ratio":0.28,"stopwords_ratio":0.3,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 5:8\n8Ọle t'ọ bụkwaru ẹja ole, whẹ shi ayọtajehawaa lẹ mbụ bẹ unu l'e-me whẹ tẹ whẹ yọtaje. Unu be ewobotakwa iwhe l'ẹja ole, whẹ shi ayọtajehawaa. Ẹgali l'egbu whẹ egbu, ọ bụru iya meru g'o gude whẹ l'echi mkpu t'a haa whẹ tẹ whẹ je agbaarụ Chileke whẹ ẹja.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/5\/8","date":"2018-12-14T07:14:55Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825495.60\/warc\/CC-MAIN-20181214070839-20181214092339-00614.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":50,"character_repetition_ratio":0.118,"word_repetition_ratio":0.0,"special_characters_ratio":0.259,"stopwords_ratio":0.34,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 22:9\n9Ọ -bụru l'o nweru iwhe l'aachọ achọ; a whụa ya onye ọdo l'ẹka, mbụ iwhe dụ g'ọo eswi m'ọ bụ nkakfụ-ịgara m'ọ bụ atụru m'ọ bụ iwhe l'eewe l'ukfu m'ọ bụ iwhe ọdo, l'eenweje enwenwe. T'e duta ụmadzu labọ, l'adzọ iwhe ono bya l'atatiwhu Chileke. Onye ọwhu ikpe nmarụ l'a-kfụ onye ọwhu nkfụkwase.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/22\/9","date":"2018-12-19T01:39:42Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376830305.92\/warc\/CC-MAIN-20181219005231-20181219031231-00290.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":54,"character_repetition_ratio":0.034,"word_repetition_ratio":0.0,"special_characters_ratio":0.277,"stopwords_ratio":0.333,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 44\nOmogo mkpọla-ọcha, tuwhahuru etuwhahu\n1O noo ya, Jósẹfu bya asụ onye l'ejeru iya ozhi l'ụlo: \"Je eyejishiaru ndu ono nri l'ẹkpa whẹ. Yeru whẹ iya gẹ whẹ l'a-dụ ike vu; gụ eworu okpoga whẹ yeru whẹ l'ọnu ẹkpa whẹ l'ẹhu l'ẹhu dzụ-chishia. 2Woru omogo mu ono, e meru lẹ mkpọla-ọcha ye l'ọnu ẹkpa onye nke nwata dzụ-chia yẹle okpoga, o gude bya ọzuta nri ono.\" Ọ bya emee gẹ Jósẹfu kfuru iya.\n3Iwhoro chi asahụ dụlewho, e dufu ndu ono mẹe nkakfụ-ịgara whẹ, whẹ lashia. 4Whẹ ghalẹwho mkpụkpu ono jeliberu nwanshị, Jósẹfu sụ onye ono, l'ejeru iya ozhi l'ụlo sụ iya: \"Tsopyabe ndu ono ntaantaa; gbakfu whẹ l'ụzo jịa whẹ g'ọ nwụru, ?whẹ gude ejo-iwhe akfụ ụgwo ree, e meru whẹ? 5Sụ whẹ, ?tọ dụ omogo, onye-nwe-ghu nụ l'egudeje angụ mini bẹ whẹ gude nno, mbụ omogo, l'oogudeje awhụ awhụ? Iwhe unu meru ta adụkwa ree.\"\n6Onye ono, l'ejeru Jósẹfu ozhi l'ụlo gbakfu whẹ, bya atụko iwhe ono kfukotaru whẹ. 7Whẹ sụ iya: \"?Ndẹnu iwhe meru gụbe onye-nwe-anyi l'ekfu ẹgube okfu ọwa? Tụswekwa! Anyịbe ndu ozhi ghu bẹ ẹka anyi l'adụkwaa l'ẹgube iwhe ono! 8Okpoga, unu yeru l'ọnu ẹkpa anyi dzụ-chishia bẹ anyi shiro l'alị Kenanu wolataru unu. ?Ndẹnu g'anyi l'e-shi bya ezhitade mkpọla-ododo, ọ dụa l'ọo mkpọla-ọcha l'ibe onye-nwe-ghu nụ? 9Iwhe dụ iya nụ bụ l'onye, a whụru omogo ono l'iwhe iya l'ime anyịbe ndu ozhi ghu, t'e gbua onye ọbu egbu, anyịbe ndu ọwhu abụru ohu gụbe onye-nwe-anyi.\"\n10Ọ sụ whẹ: \"Ọ dụ ree, t'ọ dụ g'unu kfuru iya. Onye a whụru iya l'ẹka iya bẹ l'a-bụru ohu mu; a haa ndu ọwhu ẹwoma whẹ alashia.\"\n11Tọ dụ iya bụ, onyenọnu tụa ẹkpa nkiya jalaa l'alị, bya atọhaa ya. 12Onye ozhi ono wata iya achọcho; o shi iya achọcho lẹ nke onye ọwhu kakọta ọ bụ ọgurenya jeye lẹ nke onye ọwhu kakọta ọ bụ nwata. Ọ bụru l'ẹkpa nke Bénjaminu b'a whụru omogo ono. 13O noo ya, whẹ lajashịa uwe whẹ gude goshi l'ẹhu l'eghu whẹ eghu. Whẹ bya apata ivu whẹ tukobegee l'eli nkakfụ-ịgara whẹ, dakọbe dawhushia azụ lẹ mkpụkpu ono.\n14Jósẹfu nọdukwadu l'ụlo nteke Juda yẹle unwune iya batarụ, bya adashịa pẹe l'atatiwhu iya. 15Jósẹfu sụ whẹ: \"?Ndẹnu g'ọ nwụru unu meru ẹgube iwhe ono? Unu ta amadụ l'onye gbarụ g'ọo mu l'awhụ awhụ?\"\n16Juda sụ: \"?Ọo gụnu bẹ anyi l'e-jeru ghu ekfuru gụbe onye-nwe-mu nụ? ?Anyi l'e-jeru ghu okfuru gụnu? Anyi l'e-mekwadu agha sụ l'ẹka anyi dụ ọcha? Chileke bẹ meekwaru t'iwhe-dụ-ẹji ndu ozhi ghu meru fụta iwhe. Anyi bụakwa ohu gụbe onye-nwe-anyi, mbụ anyịbedua l'ishi onwanyi mẹe onye ọbu, a whụru omogo ono l'ẹka iya.\"\n17Jósẹfu sụ: \"Tụswekwa! Mu ta abyakwa l'e-me iya nno. Ọo onye ono, a whụru omogo ono l'ẹka iya bẹ l'a-bụru ohu mu. Unubẹdua tụgbukwaa lakfu nna unu lẹ chịriri werere.\"\n18O noo ya, Juda jekfushia Jósẹfu bya asụ iya: \"Gụbe onye-nwe-mu nụ; tẹ mụbe onye ozhi ghu kfunuru yeru ghu. T'ẹhu be eghukwa eghu l'ẹka mụbe onye ozhi ghu nọ; a makwarụa lẹ gụ lẹ Fero bẹ bụ ishi nhakọ. 19L'ọgiya ọwhu bẹ gụbe onye-nwe-mu nụ jịru anyịbe ndu ozhi ghu sụ: '?Anyi nweru nna m'ọ bụ nwune ọdo?' 20Anyi sụ gụbe onye-nwe-mu nụ lẹ nna anyi nọkwa-a, ọle ọ bụwa nwoke ọgurenya. L'o nweru nwata okoro, a nwụru iya lẹ nka, ọle nwune nwata ono bẹ nwụhuwaru; ọ bụwaru nwata ono nwẹkiya bẹ whuduru l'ụnwegirima ọwhu ne nke iya nwụru, tẹmenu nna iya yenuka iya obu.\n21\"Tọ dụ iya bụ, ị sụ anyịbe ndu ozhi ghu t'anyi dutaru ghu nwune anyi ono t'ị whụ iya ẹnya. 22Anyi sụ gụbe onye-nwe-mu nụ lẹ nwata ono ta ahakwa nna iya alụfu nkele ọ -haa nna iya lụfu, nna iya anwụhu. 23Obenu l'ị sụru anyịbe ndu ozhi ghu, l'ọ -bụdua l'anyị lẹ nwune anyi nke nwata ono lịfuta bya ẹka-a bẹ anyi ta afụdu whụ ghu ẹnya ọdo. 24Nteke anyi larwurwu bẹ anyi jekfuru onye ozhi ghu, bụ nna anyi kọoru iya iwhe gụbe onye-nwe-mu nu kfuru.\n25\"Nteke onye ozhi ghu ono, bụ nna anyi sụru anyi t'anyi jeshia je azụtafua nri ọdo. 26Anyi sụ iya l'anyi te ejekwa m'ọ bụdu l'anyi lẹ nwune anyi nke nwata bẹ lị nụ nkele anyi ta afụdu whụ nwoke ono ẹnya, gbahaa lẹ nwune anyi nke nwata bẹ anyi l'iya lị.\n27\"Onye ozhi ghu ono, bụ nna anyi sụ anyi l'anyi marụ lẹ nyee ya Réchẹlu bẹ nwụtaru iya ụnwegirima unwoke labọ. 28Onye lanụ bẹ lụfuru, ya whụberu iya ẹnya eshi nteke ono, ya sụ l'o doru iya ẹnya l'anụ-ẹgbudu lajashịwaru iya nwịrinwiri. 29Sụ l'anyi dutafua onye ọwa tụgbua, o -nweru iwhe meru iya nụ, bẹ anyi l'e-mekwa iya, ya evuru ishi ẹwo iya gụa áwhụ lashia maa.\n30\"?Mu l'e-me iya agha m'ọ -bụru lẹ mu lẹ nwata ono ta alịdu lakfu onye ozhi ghu ono, bụ nna anyi? Nkele ndzụ iya bẹ yẹle nke nwata ono swekoru onwowhe esweko. 31Ọ bya awhụlewho l'anyi lẹ nwata ono ta alịdu lwa bẹ l'ọo-nwụhukwa. Anyịbe ndu ozhi ghu l'e-mekwa; nna anyi evuru ishi ẹwo gụa áwhụ lashia maa. 32Mụbe onye ozhi ghu sụbekwaru nna mu ndzụ mu l'ishi nwata ono. Mu sụru nna mu l'ọ -bụru lẹ mu te eduwhuduru iye ya azụ, t'a taa mbẹdua ụta iya jeye lẹ gbururu.\n33\"Ọo ya bụ, byiko tẹ mụbe onye ozhi ghu nọdunu l'ẹka-a bụru ohu ghu l'ọzori nwata ono; haa nwata ono tẹ yẹle ụnwunna iya ndu ọwhu lịru lashia. 34?Mu l'e-me agha lakfu nna mu m'ọ -bụru lẹ mu lẹ nwata ono ta alịdu? Mu ta adụkwa ike anọdu ele tẹ áwhụ byarụ nna mu.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/44","date":"2018-12-18T20:54:45Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829812.88\/warc\/CC-MAIN-20181218204638-20181218230610-00046.warc.gz","language":"eza","language_score":1.0000088215,"language_script":"Latn","minhash_cluster_size":1,"top_langs":"{\"eza_Latn_score\": 1.0000088214874268}","num_words":921,"character_repetition_ratio":0.073,"word_repetition_ratio":0.0,"special_characters_ratio":0.259,"stopwords_ratio":0.294,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 19:18\n18Ọo ya bụ, onye l'ẹte asọ nsọ ewota ẹwu ịsopu tsẹe l'ime mini ono whee ya l'eli ụlo-ẹkwa ono mẹe l'eli arya, dụ l'ụlo-ẹkwa ono mẹe l'ẹhu ndu nọ l'ime ụlo-ẹkwa ono. O nokwawho gẹ l'oo-whe iya iwhe bụ onye denyiru ẹka l'ọkpu onye nwụhuru anwụhu mẹe l'iwhe bụ onye denyiru ẹka l'odzu onye e gburu lẹ mma m'ọ bụ onye denyiru onye nwụhuru anwụhu mmaanụ ẹka m'ọ bụ onye denyiru ẹka l'ilu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/19\/18","date":"2018-12-10T05:21:43Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823303.28\/warc\/CC-MAIN-20181210034333-20181210055833-00438.warc.gz","language":"eza","language_score":0.9994087219,"language_script":"Latn","minhash_cluster_size":1,"top_langs":"{\"eza_Latn_score\": 0.9994087219238281}","num_words":74,"character_repetition_ratio":0.153,"word_repetition_ratio":0.0,"special_characters_ratio":0.261,"stopwords_ratio":0.378,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Ọ́gú 19:12\n12Onye ọbu bẹ l'e-gude mini ono, l'eegudeje atụrwu iwhe tụrwua onwiya mmerwu ono lẹ mbọku nke ẹto iya mẹe lẹ mbọku nke ẹsaa ya, tẹmenu a sọ-buhu iya nsọ. Ọle ọ -bụru l'ọ tọo tụrwudu iya onwiya l'ẹhu mbọku nke ẹto iya ono mẹe lẹ mbọku nke ẹsaa ya ono bẹ l'ẹte asọ-buhudu iya nsọ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/19\/12","date":"2018-12-17T10:22:51Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828501.85\/warc\/CC-MAIN-20181217091227-20181217113227-00432.warc.gz","language":"eza","language_score":0.9999890327,"language_script":"Latn","minhash_cluster_size":1,"top_langs":"{\"eza_Latn_score\": 0.9999890327453613}","num_words":56,"character_repetition_ratio":0.139,"word_repetition_ratio":0.0,"special_characters_ratio":0.263,"stopwords_ratio":0.375,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 20:8\n8\"Wota mgbọro whọ tẹ gụ lẹ nwune ghu Érọnu chịkobe ndu Ízurẹlu ọnu. Gụ ekfuru okfu yeru ẹwhuru l'ẹka whẹ l'anọ ele ghu ẹnya tẹ mini shi iya gbafụta. O noo ụzo, l'ii-shi mee t'ẹwhuru ono gbafụtaru whẹ mini ndono. Ọ bụkwaruwho nno bẹ l'ii-shi mee tẹ ndu Ízurẹlu mẹe élwù whẹ ngụa mini.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/20\/8","date":"2018-12-10T08:46:08Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823320.11\/warc\/CC-MAIN-20181210080704-20181210102204-00351.warc.gz","language":"eza","language_score":1.0000098944,"language_script":"Latn","minhash_cluster_size":1,"top_langs":"{\"eza_Latn_score\": 1.0000098943710327}","num_words":55,"character_repetition_ratio":0.07,"word_repetition_ratio":0.0,"special_characters_ratio":0.252,"stopwords_ratio":0.218,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 34:25\n25A nọlewho ujiku ẹto nkele whẹ buru ugvu ono, whẹ l'anyakwadụ ọnya ugvu ono; ụnwu Jékọpu ụmadzu labọ ndu ọwhu whẹ lẹ Dayina shi l'ẹwho lanụ bụ iya bụ Símiyọnu mẹe Lívayi gbalihu mmịta nkogo whẹ bahụ lẹ mkpụkpu ono, mee whẹ lẹ nzirizẹhu; tụko unwoke mkpụkpu ono gẹ whẹ ha gbushikota.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/34\/25","date":"2018-12-09T21:59:17Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823183.3\/warc\/CC-MAIN-20181209210843-20181209232843-00291.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":53,"character_repetition_ratio":0.021,"word_repetition_ratio":0.0,"special_characters_ratio":0.225,"stopwords_ratio":0.34,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 17:15\n15\"Iwhe bụ madzụ, bụ onye a nwụru lẹ Ízurẹlu m'ọ bụ onye lwarụ alwa, bụ onye tarụ anụ, nwụhuru anwụhu m'ọ bụ anụ, anụ ọdo dzugburu, t'onye ọbu sakwaa uwe iya asa ghụa ẹhu, ya abụru onye l'aasọ nsọ jeye chi ejihu; tẹmenu ya abya abụru onye l'aata sọhe nsọ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/17\/15","date":"2018-12-18T15:15:35Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829429.94\/warc\/CC-MAIN-20181218143757-20181218165757-00332.warc.gz","language":"eza","language_score":0.992279768,"language_script":"Latn","minhash_cluster_size":1,"top_langs":"{\"eza_Latn_score\": 0.9922797679901123}","num_words":51,"character_repetition_ratio":0.076,"word_repetition_ratio":0.0,"special_characters_ratio":0.265,"stopwords_ratio":0.294,"flagged_words_ratio":0.0,"lang_id_score":0.994,"perplexity_score":500.0,"cluster_detection":1} +{"text":"Awụfu 18:22\n22Họta whẹ tẹ whẹ kpeshijeru ndu Ízurẹlu okfu nteke nteke. Ọle tẹ whẹ wotajeru ghu okfu ọwhu shihuru ike t'i kpeshia. Whẹ ekpeshije okfu ọwhu ka nwa lwaalwaa l'onwowhe. Ọo ya bụ ndụge ivu ọbu aka ghu ọgba-whe ẹka; eshi-ọwhu gụ lẹ whẹ tụkowaru evu iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/18\/22","date":"2018-12-12T16:05:02Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824059.7\/warc\/CC-MAIN-20181212155747-20181212181247-00176.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":47,"character_repetition_ratio":0.016,"word_repetition_ratio":0.0,"special_characters_ratio":0.24,"stopwords_ratio":0.213,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 32\nJékọpu jeru ọgbata Ịso ndzuta\n1Jékọpu bya aswịhaa ije, ọ bụru iya atụgbu. O jenyaa, ndu ojozhi-imigwe, shi l'ẹka Chileke wụ-kfuta iya. 2Jékọpu whụle whẹ whọ; ọ sụ: \"Ha, ẹka-a bụkwa ọdu ndu ọgbo-ọgu nke Chileke!\" Ọ gụa ẹka ono Mahanayimu, bụ iya ọdu labọ.\n3Jékọpu bya eyefu ndu ozhi tẹ whẹ vuru iya ụzo jekfu nwune iya Ịso l'alị Siye, bụ alị ndu Edọmu. 4Iwhe o kfuru whẹ bụ: \"Ọ waa iwhe unu l'e-kfuru onye-nwe-mu nụ Ịso ndọwa. Unu sụ iya lẹ mụbe onye ozhi iya Jékọpu bẹ sụru l'ọo mu lẹ Lebanu bẹ shi nọduta nkeshi; ọ bụru ẹka ono bẹ mu nọdu byeye ntaa. 5Mu nweru eswi; nweru nkakfụ-ịgara; nweru atụru yẹle eghu; nweru ohu; unwoke mẹe ụnwanyi. Iwhe mu zhiru ndu ozhi mu-a bụkwa tẹ whẹ bya ekfuaru gụbe onye-nwe-mu nụ t'a marụ ?mu l'a-dụ ghu l'obu?\"\n6Ndu ozhi ono jegee bya alakfutawhu Jékọpu azụ sụ iya: \"Anyi jekfukwaru nwune ghu ono, bụ Ịso. Ọ chịkwa ụnu madzụ abya ghu ndzuta.\"\n7Tọ dụ iya bụ, egvu tsụlahaa Jékọpu; meji tọfu iya. Ọ bya etsukahu ndu ono, whẹ l'iya lị uzhi labọ; tsukahukwawhọ atụru iya mẹe eghu iya mẹe eswi iya mẹe ịnya-kamẹlu iya uzhi ẹbo-ẹbo. 8Iwhe ọ rịru bụ lẹ Ịso -bya; o tsoo uzhi lanụ ọgu; uzhi lanụ ọwhu anahụ gbalaa.\n9Jékọpu bya ekfuru nụ Chileke sụ: \"Gụbe Chileke nke nna mu oche, bụ Ébirihamu, mbụ Chileke nke nna mu, bụ Áyiziku; gụbe Onye-Nwe-Ọha, bụ onye ono sụru mụbe Jékọpu tẹ mu lawhu azụ l'alị ono, a nwụru mu; lakfu ndu mu lẹ whẹ bụ, l'ii-me-e t'iwhe dụru mu lẹ ree. 10Obu ono, i goshiru l'i yeru mu mẹe ememe ono, i meru mu iwhe i kfuru bẹ l'ẹte agbakwaa mụbe onye ozhi ghu, nkele nteke mu darụ ẹnyimu Jọ́danu-a bẹ bụkwa mgbọro bẹ mu gude kpụ, ọle ntaa bẹ mu nwewaru iwhe nke ọwhu mu tsukahuru iya ẹbo. 11Mu l'ekfu anụ ghu t'ị dzọfutanu mu l'ẹka nwune mu, mbụ l'ẹka Ịso. Nkele mu l'atsụ iya egvu; a nọnyaa nụ ọ bya afụaru mu l'ụnwanyi ibe mu mẹe ụnwegirima whẹ; tụko anyi gbushikota. 12Obekwanu l'i kfuru sụ l'ii-me t'iwhe dụru mu lẹ ree; gụ emee t'ẹpa mu ha g'ọo ẹja, dụ l'eze-ẹnyimu, mbụ tẹ whẹ ha l'igwe bụru agụta agụta.\"\n13Jékọpu radụ aradụ l'ẹka ono l'ẹnyashi ono; o shi l'iwhe o gude họta iwhe l'oo-gude meeru nwune iya Ịso iwhe-ọma. 14Iwhe ọbu, ọ họtaru bụ: ne eghu, dụ ụkporo ugbo iri mẹe mkpi ụkporo mẹe atụru, dụ ụkporo ugbo iri mẹe ebyila ụkporo, 15mẹe ne ịnya-kamẹlu yẹle ụnwu iya ụkporo l'iri mẹe ne eswi, dụ ụkporo ugbo labọ mẹe oke eswi iri mẹe ne nkakfụ-ịgara, dụ ụkporo mẹe oke nkakfụ-ịgara iri. 16O dokota anụ ono iche iche, bya eyekaa ndu ozhi iya tẹ whẹ rwua whẹ l'iche l'iche. Ọ sụ ndu ozhi iya ono: \"Unu vuru mu ụzo. Unu anọdu-gee onwunu tee tee; t'ọ bọ dụ ndu ọwhu l'atụgba l'ibe whẹ.\"\n17Ọ sụ ndu ọwhu vu ụzo: \"Unu lẹ nwune mu, bụ Ịso -dzuda, ọ jịa unu sụ: '?Unu bụ ndibe onye? ?Ọo awe bẹ unu l'eje? ?Ọo onye nwekota anụ ono, l'awụ etso unu ono?' 18Ọo ya bụ, unu asụ iya: 'Ọo onye ozhi ghu, bụ Jékọpu nwekota iya. Ọle ọo ọwhu ọ nụru t'a nụ gụbe onye-nwe-iya, bụ Ịso; lẹ yẹbedua, bụ Jékọpu nọdukwadu l'ụzo azụ eje abya.' \"\n19Jékọpu kfuaru ndu nke ẹbo mẹe ndu nke ẹto mẹe iwhe bụ gẹ whẹ ha erwu élwù ono sụ whẹ: \"Ọ kwawhọ iwhe lanụ ono bẹ unu l'e-kfuru Ịso mẹ unu l'iya dzuda. 20T'unu nyatajẹkwa sụ iya l'onye ozhi iya, bụ Jékọpu nọ l'ụzo azụ eje abya.\" Iwhe Jékọpu gude mee ya nno bụ l'ọ rịru lẹ ya l'e-gude iwhe ono, ya nụru, e gude vuru ụzo ono mee t'obu guzeta Ịso nke ọwhu bụ Ịso whụle iya whọ ya anabata yẹbe Jékọpu. 21Ọo ya bụ, e rwuta anụ ono, Jékọpu nụru t'a nụ Ịso vuru ụzo; yẹbedua, bụ Jékọpu radụ aradụ l'ọdu ono l'ẹnyashi ono.\nJékọpu yẹle Chileke l'agba mgba\n22L'ẹnyashi ono bẹ Jékọpu gbalihuru je eduta unyomu iya whẹ labọ mẹe ụnwanyi labọ ono, l'ejeru iya ozhi mẹe ụnwu iya whẹ iri lẹ nnanụ je ada ọnu-iyi Jabọku l'ụzo ẹka, l'eerwuje iya erwurwu. 23O duta whẹ dughakota ọnu-iyi ono; ọ chịtakota iwhe lile o nweru chịghakota ọnu-iyi ono. 24Jékọpu kwaburu l'ẹka ono nwẹkiya. Yẹle nwoke lanụ ọbu gbazhiawho mgba jeye chi sahụ. 25Nteke nwoke ono whụru lẹ Jékọpu kpọru egude, rwụa Jékọpu ẹka l'ishi nka, nka jihu iya gẹ yẹle nwoke ono l'agba mgba ono. 26Nwoke ono sụ iya: \"Hawa mu rọ tẹ mu lashia lẹ chi l'asahụwa!\"\nJékọpu sụ iya: \"Mu ta ahakwa ghu t'ị laa; gbahaa mẹ ị gọru ọnu-ọma nụ mu.\"\n27Nwoke ono sụ iya: \"?Ọo gụnu bụ ẹwha ghu?\"\nỌ sụ iya l'ọo Jékọpu.\n28Ọo ya bụ, nwoke ono sụ iya: \"Ẹwha ghu ta abụhedu Jékọpu ọdo; iwhe l'ọo-bụ bụ Ízurẹlu, o noo nkele gụ lẹ Chileke gharụ iya; gụ lẹ madzụ ghaa ya; i lwụ-gbua.\"\n29Jékọpu sụ iya: \"Byiko kọnuaru mu ẹwha ghu.\"\nỌ sụ iya: \"?I gude ẹwha mu eme gụnu?\" Ọ nọdu l'ẹka ono gọoru Jékọpu ọnu.\n30Ọo ya bụ, Jékọpu gụbe ẹka ono Penuwẹlu+ sụ: \"O noo lẹ mu whụru Chileke iwhu l'iwhu, mu nọdukwadu ndzụ.\"\n31Jékọpu bya l'aghatadeshia lẹ Penuwẹlu ono; ẹnyanwu wawaa. L'oote nka etete nkele o kafụru iya akafụ. 32Ọo iwhe ono meru, ndu Ízurẹlu te erije akwara-anụ, dụ l'ishi nka; eshi nteke ono byeye ntanụ-a. O noo nkele ọo l'ishi nka b'a rwụru Jékọpu ẹka.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/32","date":"2018-12-14T14:14:14Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825916.52\/warc\/CC-MAIN-20181214140721-20181214162221-00013.warc.gz","language":"eza","language_score":1.0000053644,"language_script":"Latn","minhash_cluster_size":1,"top_langs":"{\"eza_Latn_score\": 1.0000053644180298}","num_words":915,"character_repetition_ratio":0.04,"word_repetition_ratio":0.0,"special_characters_ratio":0.266,"stopwords_ratio":0.342,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 7\n1Ọo ya bụ, Onye-Nwe-Ọha sụ Mósisu: \"Lekwa lẹ mu mewaru ghu, ị dụ g'ọo Chileke l'ẹka Fero nọ. Nwune ghu Érọnu bẹ l'a-nọ ekfuchiru ghu. 2Kfukotakwa iwhe lile, mu kfuru ghu. Nwune ghu Érọnu bẹ l'e-kfuru Fero t'ọ haa ndu Ízurẹlu tẹ whẹ lụfu l'alị iya. 3Ọle mu l'a-kpochi obu Fero. Mu l'e-me iwhe-awhụrulenya mẹe iwhe dụ biribiri, ha l'igweligwe l'alị Íjiputu, 4ọle Fero ta abyadụ l'a-ngaru unu nchị. O noo nteke mu l'a-da ndu Íjiputu ejo ẹka l'ẹhu bya emeshia iwhe dụ biribiri gude nụa whẹ áwhụ, shi nno dufuta ndibe mu, bụ ndu Ízurẹlu gẹ whẹ ha lẹ Íjiputu. 5Ndu Íjiputu l'a-ma l'ọo Mu bụ Onye-Nwe-Ọha mẹ mu machịlewho ẹka mu dabẹ ndu Íjiputu l'ẹhu, shi nno dufuta ndu Ízurẹlu l'echilabọ whẹ.\"\n6Mósisu yẹle Érọnu mee iwhe Onye-Nwe-Ọha zhiru whẹ. 7Mósisu gbawarụ ụkporo awha ugbo ẹno; Érọnu gbawaa ụkporo awha ugbo ẹno l'awha ẹto nteke whẹ kfuru yeru Fero.\nMgbọro Érọnu ghọru agwọ\n8Onye-Nwe-Ọha sụ Mósisu yẹle Érọnu: 9\"Ọ -bụru lẹ Fero sụru t'unu mee iwhe dụ biribiri gude goshi iwhe unu l'ekfu, ọo ya bụ gụbe Mósisu asụ Érọnu t'o wota mgbọro iya tọgbo l'atatiwhu Fero, t'ọ ghọo agwọ.\"\n10Ọo ya bụ, Mósisu yẹle Érọnu bya ejekfu Fero je atụko iwhe lile ono, Onye-Nwe-Ọha zhiru whẹ mekotagezhia. Érọnu tọgbo mgbọro iya l'atatiwhu Fero yẹle ndu ozhi iya, ọ ghọo agwọ. 11Tọ dụ iya bụ, Fero bya ekua ndu mmamagụ mẹe ndu l'emeje amamanshi. Ndu jibya ndu Íjiputu ono gude ụzo, whẹ l'egudeje eme amamanshi mekwaawho iwhe ono. 12Onyenọnu gẹ whẹ ha tọgbokota mgbọro nkiya l'alị; ọ ghọshia agwọ. Ọle mgbọro nke Érọnu bẹ tụkoru mgbọro nke ndu ono lwekota. 13Obu Fero kpochilee g'o kpochiru, tọ ngarụ whẹ rọo nchị bụ iya bụ gẹ Onye-Nwe-Ọha kfuhawaru l'ọo-dụ.\nMini ghọru mmee\n14O noo ya, Onye-Nwe-Ọha sụ Mósisu: \"Obu Fero kpochikwaru akpochi. Ọ jịkaru l'ọ tọo hadụ tẹ ndu Ízurẹlu tụgbua. 15O rwua l'ụtsu, gụ ejekfu Fero m'o jede l'ẹnyimu. Nọdu l'agụga Nayịlu ngabẹru iya, gụ egude mgbọro ono, shi ghọo agwọ whọ l'ẹka. 16Ọo ya bụ, gụ asụ iya lẹ Onye-Nwe-Ọha, bụ Chileke nke ndu Híburu zhikwaru ghu t'ị bya asụ iya t'ọ haa ndibe iya tẹ whẹ tụgburu nke ọwhu whẹ l'a-baru iya ẹja l'echi-ẹgu. Ọle eshi nteke ono bẹ l'iitii kwedua. 17Gụ asụ iya: Ọ waa iwhe Onye-Nwe-Ọha l'ekfu ndọwa: 'Ọ waa iwhe l'ii-gude marụ l'ọo Mu bụ Onye-Nwe-Ọha.' Mụbe Mósisu l'e-woru mgbọro-ọ, mu gude l'ẹka-a chia lẹ mini Nayịlu. Mini ono aghọo mmee. 18Ẹma, bu lẹ Nayịlu l'a-nwụshihukota. Ẹnyimu ono eshihu uwuru-uwuru; ya eje adụhe ndu Íjiputu nke ọngu mini, shi iya nụ.\"\n19Onye-Nwe-Ọha sụ Mósisu: \"Kfuru Érọnu t'o wota mgbọro iya maa amama lẹ mini gẹ mini ha l'alị Íjiputu mẹe, ya amaa ya l'ẹnyimu g'ẹnyimu ha mẹe l'iyi g'iyi ha mẹe l'okpuru g'okpuru ha mẹe lẹ mini lile, dụ nụ nke ọwhu whẹ l'a-ghọ mmee. Mmee l'a-tụko ẹka lile dzuru l'alị Íjiputu, mbụ je akpaa l'iwhe bụ iwhe l'aadọ mini, ndu ọwhu a pyịru apyịpyi mẹe ndu ọwhu a kpụru akpụkpu.\"\n20Mósisu yẹle Érọnu mee iwhe Onye-Nwe-Ọha zhiru whẹ. Ọ malia mgbọro ono imeli l'atatiwhu Fero yẹle ndu ozhi iya; bya echia ya lẹ mini, dụ l'ẹnyimu Nayịlu. Iwhe bụ mini, nọ l'ẹnyimu ono ghọkota mmee. 21Ẹma, bu lẹ Nayịlu nwụshihukota. Ẹnyimu Nayịlu ono shihu uwuru-uwuru nke ọwhu bụ lẹ ndu Íjiputu ta adụdu ike ngụa mini, shi iya nụ. Mmee tụko ẹka lile dzuru l'alị Íjiputu.\n22Ndu jibya ndu alị Íjiputu bya egude ụzo amamanshi whẹ mekwaawho ẹgube ono. Ọo ya bụ, Fero kpochilee obu iya g'ọ kpochiru iya. T'ọ ngarụ Mósisu yẹle Érọnu nchị, mbụ ẹgube ono Onye-Nwe-Ọha kfuhawaru l'ọo-dụ. 23Fero dakọbe, ọ bụru iya ọlwa ibe iya. Iwhe ono te erwu iya nụ m'ọo l'ẹhu. 24Ndu Íjiputu gwashịa nwogvu l'agụga Nayịlu l'ẹka whẹ l'achọ mini, whẹ l'a-ngụ. Nkele mini ẹnyimu ono ta adụdu nke angụngu.\nMbara byarụ ọgu\n25A nọo abalị ẹsaa gẹ Onye-Nwe-Ọha dageeru ẹka l'ẹnyimu Nayịlu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/7","date":"2018-12-11T19:58:50Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823702.46\/warc\/CC-MAIN-20181211194359-20181211215859-00575.warc.gz","language":"eza","language_score":1.0000095367,"language_script":"Latn","minhash_cluster_size":1,"top_langs":"{\"eza_Latn_score\": 1.000009536743164}","num_words":648,"character_repetition_ratio":0.073,"word_repetition_ratio":0.0,"special_characters_ratio":0.25,"stopwords_ratio":0.27,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 8\n1Onye-Nwe-Ọha sụ Mósisu: \"Jekfu Fero je asụ iya: 'Ọ waa iwhe Onye-Nwe-Ọha l'ekfu ndọwa: Haa ndibe mu tẹ whẹ laa nke ọwhu whẹ l'a-baru mu ẹja. 2Ọ -bụru l'ị jịkaru tẹ whẹ ba alashị, mu egude mbara bya ọgu l'alị ghu l'owhu. 3Mbara l'a-tụko ẹnyimu Nayịlu narụ; kposhia bya akụru l'ibe ghu mẹe l'ime ụlo ẹka l'ịizeje mẹe l'iwhe-azẹe ghu mẹe l'ụlo ndu ozhi ghu mẹe l'ibe ndu alị ghu l'owhu mẹe l'ọnu ekfu, l'eeshijeru ghu iwhe mẹe l'ochi, l'eegudeje agwọ-whube iwhe e gude emeru ghu buredi. 4Mbara ono l'a-kfukotagejee ghu l'ẹhu mẹe l'ẹhu ndu alị ghu mẹe l'ẹhu ndu ozhi ghu gẹ whẹ ha.' \"\n5Onye-Nwe-Ọha sụ Mósisu: \"Kfuru Érọnu t'o wolia mgbọro iya; maa amama l'ẹnyimu g'ẹnyimu ha mẹe l'iyi g'iyi ha mẹe l'okpuru g'okpuru ha, shi nno mee tẹ mbara dzuru alị Íjiputu.\"\n6Ọo ya bụ, Érọnu machịa ẹka iya l'ụzo ẹka mini, dụkota l'alị Íjiputu. Mbara wụfuta bya edzuru alị Íjiputu l'owhu. 7Ọle ndu jibya ono gude ụzo amamanshi whẹ mekwaawho ẹgube ono; mbụ whẹ mekwaawho tẹ mbara wụbata l'alị Íjiputu.\n8O noo ya, Fero kua Mósisu yẹle Érọnu sụ: \"Unu kfuru nụ Onye-Nwe-Ọha t'o wofuru mu lẹ ndu alị mu mbara ya nụ; ndụge mu ahaa ndibe unu tẹ whẹ je agbaarụ Onye-Nwe-Ọha ẹja.\"\n9Mósisu sụ Fero: \"G'ị bụ onye l'akwabẹ ugvu, tẹ mu hanụa t'ị karụ mu nteke mu l'e-kfuru nụ Chileke l'ishi ghu mẹe l'ishi ndu ozhi ghu mẹe l'ishi ndu alị ghu nke ọwhu l'ee-wofuru ghu mbara ono l'ẹhu mẹe l'ibe ghu; ya abụru l'ẹnyimu Nayịlu bẹ l'aa-ha iya kpụ.\"\n10Fero sụ: \"Ọo echile bẹ l'ọo-bụ.\"\nMósisu sụ: \"T'ọ dụ lẹ g'i kfuru; ọo ya bụ, gụ eshi nno marụ l'ọ tọ dụdu onye dụ g'ọo Onye-Nwe-Ọha, bụ Chileke anyi. 11Mbara ono l'a-ha ghu; haa ibe ghu mẹe ndu ozhi ghu mẹe ndu alị ghu. Ẹka whẹ l'a-whọdu bụlewhoo l'ẹnyimu Nayịlu kpụ.\"\n12Ọo ya bụ, Mósisu yẹle Érọnu bya eshilewho l'iwhu Fero lụfu, Mósisu ryaku Onye-Nwe-Ọha l'okfu mbara ono o meru, ọ bya ọgu l'alị-eze Fero. 13Onye-Nwe-Ọha meeru Mósisu iwhe o kfuru nụ iya. Mbara ono nwụshihukota l'ụlo g'ụlo ha mẹe l'ogboduwhu g'ogboduwhu ha mẹe l'ẹgu g'ẹgu ha. 14A bya achịkobe whẹ ọnu, whẹ kụru l'ikpo l'ikpo. Alị ono l'owhu shihu uwuru-uwuru. 15Ọle Fero whụleruwhoo lẹ mbara ono nwụshihuwaru; ọ kpochia obu iya; t'o kwehe ngabẹru Mósisu yẹle Érọnu nchị; ẹgube ono Onye-Nwe-Ọha kfuhawaru l'ọo-dụ.\nMkpụrumkpu byarụ ọgu\n16Ọo ya bụ, Onye-Nwe-Ọha sụ Mósisu: \"Kfuru Érọnu t'o machịa mgbọro iya chia l'ivovonyi, dụ l'alị nke ọwhu ivovonyi ono l'a-ghọ mkpụrumkpu, dzuru alị Íjiputu l'owhu.\" 17Whẹ mee nno. Érọnu bya amachịa mgbọro ono chia l'ivovonyi, dụ l'alị. Mkpụrumkpu tụko ẹhu madzụ yẹle anụ ripyabe. Ẹja, dụ l'alị Íjiputu l'owhu ghọkota mkpụrumkpu. 18Ndu jibya bya egude ụzo amamanshi whẹ jee tẹ whẹ mekwaawho ẹgube ono, whẹ ta adụ ike mekota iya. Ọo ya bụ, mkpụrumkpu tụko ẹhu madzụ yẹle anụ ripyabe.\n19Ndu jibya ono sụ Fero: \"Iwhe-e bẹ ẹka Chileke dụkwa.\" Ọle Fero kpochilerua obu iya. T'o kwe ngabẹ nchị; ẹgube ono Onye-Nwe-Ọha kfuhawaru l'ọo-dụ.\nIjiji byarụ ọgu\n20Ọo ya bụ, Onye-Nwe-Ọha sụ Mósisu: \"Gbalihu l'ọnmewa ụtsu je angabẹru Fero mẹ, o jedelewho l'ẹnyimu; gụ asụ iya agha: 'Ọ waa iwhe Onye-Nwe-Ọha l'ekfu ndọwa: Haa ndibe mu tẹ whẹ lashia nke ọwhu whẹ l'a-baru mu ẹja. 21Ọ -bụru l'ị tịi hadụ ndibe mu tẹ whẹ tụgburu bẹ mu l'e-zhikwa ijiji t'o tsuru dududu wụ-kfuta ghu mẹe ndu ozhi ghu mẹe ndu alị ghu mẹe ụlo ghu g'ọ ha. Ụlo ndu Íjiputu bẹ ijiji l'e-jikota, etsu dududu mẹ-gezhia l'ọma alị ẹka whẹ l'adzọ ọkpa.\n22\" 'Ọle mbọku ono bẹ mu l'e-dobe alị Goshẹnu iche; mbụ alị ẹka ono, ndibe mu bu nke ọwhu bụ l'ijiji ono ta abyadụ l'e-tsu dududu l'ẹka ono. Ọo ya bụ nke ọwhu l'ịi-marụ l'ọo mbẹdua, bụ Onye-Nwe-Ọha nọ l'alị-a. 23Mu l'e-me t'oge kpaarụ ndibe mu whẹ lẹ ndu nkeghu. Echile bẹ iwhe-ọhubama ono l'a-nwụ.' \"\n24Onye-Nwe-Ọha mee iwhe ono. Ijiji tsuru dududu zebata l'ụlo Fero mẹe l'ụlo ndu ozhi iya mẹe l'alị Íjiputu l'owhu. Ijiji ono tụko alị Íjiputu l'owhu mebyishikota.\n25Fero bya ekua Mósisu yẹle Érọnu sụ whẹ: \"Unu je agwaa Chileke unu ọbu l'alị-a.\"\n26Ọle Mósisu bẹ sụru: \"Ọ tọ dụdu ree t'anyi mee ya nno nkele ẹja, anyi l'a-gbarụ nụ Onye-Nwe-Ọha, bụ Chileke anyi bẹ l'a-bụru akpamara l'ẹnya ndu Íjiputu. Whẹ l'a-tụ-gbu anyi l'ẹwhuru mẹ anyi gbaa ẹja nụ Chileke l'ụzo, bụ akpamara l'ẹnya nkewhe! 27Anyi l'e-jekwa ije abalị ẹto jerwua l'echi-ẹgu je agbaa ẹja nụ Onye-Nwe-Ọha, bụ Chileke anyi; ẹgube ọ tụru iwu; sụ t'anyi mee ya.\"\n28Fero sụ: \"Mu l'a-ha unu t'unu je agbaa ẹja nụ Onye-Nwe-Ọha, bụ Chileke unu l'echi-ẹgu. Ọlewho t'unu be ejenuka otẹnya. Ngwa, unu kfuru nụru mu Chileke.\"\n29Mósisu sụ: \"Mu l'atụgbuwaru alụfu l'atatiwhu ghu; mu l'e-kfuru-a nụ Onye-Nwe-Ọha nke ọwhu otsu dududu ijiji ono l'a-ha gụbe Fero echile; haa ndu ozhi ghu mẹe ndu alị ghu. Ọlewho tẹ gụbe Fero ba gbawhehe ẹregede, shi nno jịka tẹ ndu Ízurẹlu be eje agbarụ ẹja nụ Onye-Nwe-Ọha.\"\n30Ọo ya bụ, Mósisu shi l'atatiwhu Fero tụgbua lụfu je ekfuru nụ Onye-Nwe-Ọha. 31Onye-Nwe-Ọha mee iwhe Mósisu kfuru nụ iya; wofu otsu dududu ijiji ono l'ẹka Fero nọ mẹe l'ẹka ndu ozhi iya nọ mẹe l'ẹka ndu alị iya nọ. To nwe m'ọo ijiji lanụ, whọduru nụ. 32Fero bya akpochikwaawho obu iya ọdo; t'o kwe tẹ ndu Ízurẹlu tụgbua.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/8","date":"2018-12-14T05:53:32Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825363.58\/warc\/CC-MAIN-20181214044833-20181214070333-00576.warc.gz","language":"eza","language_score":1.0000098944,"language_script":"Latn","minhash_cluster_size":1,"top_langs":"{\"eza_Latn_score\": 1.0000098943710327}","num_words":882,"character_repetition_ratio":0.08,"word_repetition_ratio":0.005,"special_characters_ratio":0.262,"stopwords_ratio":0.255,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 16:4\n4Uwe, l'oo-ye l'ẹhu bụ uwe ime-ẹhu ọcha, e meru ọ dụ nsọ mẹe nwịba ọcha, l'oo-gude yechia ẹhu iya, ya ewota ẹkwa-okebuta-l'ukfu, l'acha ụcha gude kebuta onwiya l'ukfu, bya ewota okpu-ẹkwa ọcha kpuru l'ishi. Uwe ono g'ọ ha bẹ dụkota nsọ. Oo-gude mini ghụa ẹhu tẹmenu ya akwaa onwiya ngwa ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/16\/4","date":"2018-12-12T14:56:58Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823895.25\/warc\/CC-MAIN-20181212134123-20181212155623-00459.warc.gz","language":"eza","language_score":0.9917783737,"language_script":"Latn","minhash_cluster_size":1,"top_langs":"{\"eza_Latn_score\": 0.9917783737182617}","num_words":52,"character_repetition_ratio":0.0,"word_repetition_ratio":0.0,"special_characters_ratio":0.264,"stopwords_ratio":0.212,"flagged_words_ratio":0.0,"lang_id_score":0.994,"perplexity_score":500.0,"cluster_detection":1} +{"text":"Ọ́gú 4:26\n26mẹe ẹkwa, l'eegebutaje ọma ogboduwhu ono, nọ-wheru mkpuumkpu-ẹkwa ono mẹe ẹnya-mgbẹja ono mgburumgburu, ọwaa ẹkwa, l'eegebutaje ọnuzo mẹe eri, e gude gebe iya mẹe iwhe bụ ngwongwo, l'eegudeje eje ozhi, dụ iya nụ. Ọo ndu Geshọnu l'e-gude iwhe ono g'ọ ha mee iwhe gbarụ t'e gude iya mee.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/4\/26","date":"2018-12-15T05:15:52Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826715.45\/warc\/CC-MAIN-20181215035757-20181215061757-00183.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":49,"character_repetition_ratio":0.083,"word_repetition_ratio":0.0,"special_characters_ratio":0.249,"stopwords_ratio":0.347,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 3:16\n16\"Je je ekukobe ndu bụ ọgurenya ndu Ízurẹlu sụ whẹ agha: 'Onye-Nwe-Ọha, bụ Chileke nke nna whẹ, mbụ Chileke nke Ébirihamu bụru Chileke nke Áyiziku mẹe Chileke nke Jékọpu bẹ byakfutaru mu bya asụ: Mu lewaru unu ẹnya whụ ẹgube iwhe l'eeme unu l'alị Íjiputu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/3\/16","date":"2018-12-16T11:03:20Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827639.67\/warc\/CC-MAIN-20181216095437-20181216121437-00377.warc.gz","language":"eza","language_score":1.0000098944,"language_script":"Latn","minhash_cluster_size":1,"top_langs":"{\"eza_Latn_score\": 1.0000098943710327}","num_words":46,"character_repetition_ratio":0.078,"word_repetition_ratio":0.0,"special_characters_ratio":0.236,"stopwords_ratio":0.391,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 10\nAnwụhu Nedabu yẹle Abyihu\n1Nedabu yẹle Abyihu, bụ ụnwu Érọnu bya ewota iwhe whẹ l'agụjeru ọku ye l'ẹhu l'ẹhu, bya agụru ọku ye iya, yekwa iya whọ ụ̀nwù-isẹnsu. Obenu l'ọku ono whẹ gude bya l'iwhu Onye-Nwe-Ọha ono bụ ọku l'adụa nsọ, mkpata iya bụ lẹ Onye-Nwe-Ọha ta asụdu tẹ whẹ gude iya bya l'iwhu iya. 2O noo ya, ọku shi l'ẹka Onye-Nwe-Ọha nọ bụru whaa bya ekegbushia whẹ, whẹ nwụshihu l'iwhu Onye-Nwe-Ọha l'ẹka ono. 3Tọ dụ iya bụ, Mósisu sụ Érọnu: \"Ọo ya bụ iwhe ọbu, Onye-Nwe-Ọha shi ekfu ama ẹka nteke ono, ọ sụru: 'Tẹ ndu l'abya mu ntse kwabẹje mu ugvu lẹ mu dụ nsọ, mu je l'e-me tẹ ndu Ízurẹlu l'owhu whụkota ọdu-biribiri nkemu.' \" Érọnu dalẹwho shịikfuu.\n4Mósisu bya ekua Mishẹlu yẹle Ẹ́luzafanu, bụ ụnwu Úziyẹlu. Úziyẹlu ono bụ nwune nna Érọnu. Ọ sụ whẹ: \"Unu kpọkilitaru ntse bya apata odzu abụbu unu whẹ pafụ l'atatiwhu ụlo-nsọ, parụ je l'azụ ẹka ndu Ízurẹlu kpọberu ụlo-ẹkwa.\" 5Ọo ya bụ, whẹ je awọ ẹka l'uwe mkpẹelanu whẹ pata whẹ pafụ l'azụ ẹka ono, ndu Ízurẹlu kpọberu ụlo-ẹkwa ebubu whẹ ẹgube Mósisu sụru tẹ whẹ mee ya.\n6Mósisu sụ Érọnu yẹle ụnwu iya, bụ Eliyéza mẹe Itama: \"Unu ba ahakwa ẹgbushi, dụ unu l'ishi t'ọ yagashịhu ayagashịhu, unu eje alakakwa uwe unu, ọdua bẹ unu l'a-nwụhukwa, Onye-Nwe-Ọha atukoshi ndu Ízurẹlu l'owhu oke ẹhu-eghughu iya. Ọo ụnwunna unu bụ iya bụ ọzo-ụlo Ízurẹlu gẹ whẹ ha l'a-rya ẹkwa ndu ono ọku ono, Onye-Nwe-Ọha kegbushiru. 7Unu ba alụfukwa alụfu l'ọnu Ụlo-ẹkwa-ndzuko ono, ọdua bẹ unu l'a-nwụshihukwa nkele Onye-Nwe-Ọha wụru unu mmanụ l'ishi.\" Whẹ mee gẹ Mósisu kfuru whẹ.\nNsọ ndu l'agbajẹ ẹja nụ Chileke\n8Onye-Nwe-Ọha bya ekfuru yeru Érọnu sụ iya: 9\"Tẹ gụbedua l'ishi onwoghu gụ l'ụnwu ghu ba angụjekwa mmẹe m'ọ bụ iwhe-angụngu ọdo, l'eme l'ẹnya nteke unu l'abahụ lẹ Ụlo-ẹkwa ndzuko, ọdua bẹ unu l'a-nwụshihukwa. O noo gẹ l'ọo-dụ ndono bụru iwhe a tọru unu ọkpa iya jeyewaro, shi l'ọgbo rwua l'ọgbo. 10Unu wokahujekwa iwhe dụ nsọ yẹle iwhe l'adụa nsọ. Unu ewokahuje iwhe l'aasọ nsọ yẹle iwhe l'ẹte asọ nsọ. 11Unu ezhije ụnwu Ízurẹlu iwhe bụ iwu ono g'ọ ha, bụ ọwhu Onye-Nwe-Ọha shi l'ẹka Mósisu tụaru whẹ.\"\n12Tọ dụ iya bụ, Mósisu bya ekfuru yeru Érọnu yẹle ụnwu iya ndu ọwhu whuduru nụ, bụ Eliyéza yẹle Itama; sụ whẹ: \"Unu wota ngwo-ẹja nri, whuduru nụ lẹ ngwo-ẹja ono, a kpọru ọku nụ Onye-Nwe-Ọha. Unu anọdu lẹ mgboro ẹnya-mgbẹja ria ya. Ọle t'unu be eyekwa iya iwhe l'ekoje buredi, nkele ọo ngwo-ẹja, dụ nsọ shii b'ọ bụ. 13Unu nọdukwa l'ẹka dụ nsọ ria ya, o noo nkele ọo oke, rwuberu ghu nụ, bya erwube ụnwu ghu lẹ ngwo-ẹja ono, a kpọru ọku nụ Onye-Nwe-Ọha. Ọ kwa nno bụ g'a tụru mu iya l'iwu. 14Gụbedua gụ l'ụnwu ghu unwoke mẹe ụnwu ghu ụnwanyi l'a-tajẹ ǹdụ́ anụ ono, e gude gbaa ẹja amama yẹle ụtakfu ọkpa iya ono, a nụru unu anụnu. Ẹka unu l'a-nọduje ata iya bụ l'ẹka mmerwu l'adụa. Ọo iwhe a nụru unu t'ọ bụru oke, rwuberu ghu nụ, rwube ụnwu ghu; mbụ iwhe shi l'iwhe ụnwu Ízurẹlu gude gbaa ẹja ẹhu-guu. 15Ụtakfu anụ ono, a nụru unu yẹle ǹdụ́ iya ono, a marụ amama bẹ whẹ l'e-yekobeje ẹba anụ ngwo-ẹja ono, l'aakpọ ọku wota t'a maa amama l'iwhu Onye-Nwe-Ọha t'ọ bụru ngwo-ẹja amama. Ọo-bụru nke gụ l'ụnwu ghu, bụru oke, rwuberu unu jeyewaro ẹgube Onye-Nwe-Ọha kfuru iya.\"\n16Mósisu bya akpaa ishi g'e meru eghu whọ, e gude agba ẹja iwhe-dụ-ẹji, ọ chọfuta l'a kpọru iya ọku. Ẹhu ghulahaa ya eghu l'ẹka Eliyéza yẹle Itama nọ bụ iya bụ ụnwu Érọnu ọwhu nọkwadu ndzụ. Ọ sụ whẹ: 17\"?Ọo gụnu meru unu ta anọdu l'ụlo-nsọ taa anụ ono, e gude gbaa ẹja iwhe-dụ-ẹji ono, eshi ọ bụ iwhe dụ nsọ shii, tẹmenu ọ bụru iwhe a nụru unu t'unu gude vufu ejo-iwhe, igwe-ọha meru, shi nno kfụa ụgwo iwhe-dụ-ẹji whẹ l'iwhu Onye-Nwe-Ọha? 18Eshi-ọwhu mmee anụ ono l'ẹte abahụa l'ụlo-nsọ bẹ unu gege anọdu l'ụlo-nsọ taa anụ ono gẹ mu sụru t'e meje iya.\"\n19Érọnu sụ Mósisu: \"Leduwho l'ọo ntanụ-a bẹ whẹ gbarụ Onye-Nwe-Ọha ẹja iwhe-dụ-ẹji whẹ yẹle ngwo-ẹja ọkpokota-iwhe-ọku whẹ, ẹgube iwhe-e bya adakfutawa mu. Ọ -bụkwanu lẹ mu tarụ anụ, e gude gbaa ẹja iwhe-dụ-ẹji ono ntanụ-a; Onye-Nwe-Ọha ?ọ g'anata mu-a?\" 20Mósisu nụlewho iwhe ono, o kfuru, ẹwho ji iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/10","date":"2018-12-18T16:47:27Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829542.89\/warc\/CC-MAIN-20181218164121-20181218190121-00352.warc.gz","language":"eza","language_score":1.0000097752,"language_script":"Latn","minhash_cluster_size":1,"top_langs":"{\"eza_Latn_score\": 1.0000097751617432}","num_words":713,"character_repetition_ratio":0.07,"word_repetition_ratio":0.0,"special_characters_ratio":0.256,"stopwords_ratio":0.288,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 17:12\n12A nọnyaa, ẹka tsụa Mósisu mmẹe; whẹ pata ẹwhuru doberu iya; ọ nọdu anọdu. Érọnu yẹle Họru bya apalia ya ẹka imeli; onye lanụ nọdu iya l'ẹka-ụtara; onye ọwhu nọdu iya l'ẹka-ịcha. Ọo ya bụ, ẹka iya nọdulewho l'imeli g'ọ nọ iya jeye l'ẹnyanwu rịba l'ishi.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/17\/12","date":"2018-12-16T00:54:39Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827175.38\/warc\/CC-MAIN-20181216003916-20181216025916-00434.warc.gz","language":"eza","language_score":0.9683115482,"language_script":"Latn","minhash_cluster_size":1,"top_langs":"{\"eza_Latn_score\": 0.9683115482330322, \"izz_Latn_score\": 0.03119310736656189}","num_words":47,"character_repetition_ratio":0.054,"word_repetition_ratio":0.0,"special_characters_ratio":0.267,"stopwords_ratio":0.277,"flagged_words_ratio":0.0,"lang_id_score":0.966,"perplexity_score":500.0,"cluster_detection":1} +{"text":"Awụfu 25\nỌtu ụtu iwhe l'ee-gude mee ụlo-ẹkwa\n1Onye-Nwe-Ọha sụ Mósisu: 2\"Kfuru ndu Ízurẹlu tẹ whẹ wota iwhe bya anụ mụbe Onye-Nwe-Ọha. Iwhe l'ịi-nata bụ iwhe onye tụru obu iya ama bya anụ. 3Iwhe whẹ l'a-nụ bụ mkpọla-ododo, mkpọla-ọcha, ope, 4oghu, dụ urwukpu-urwukpu mẹe ọwhu l'eke mmee-mmee, mẹe ọwhu dụ uswe-uswe, ọkpobe oghu ọcha, ẹji eghu, 5akpọ ebyila, a tsẹru l'uswe, akpọ umoro-ẹnyimu, oshi akeshiya, 6mmanụ ólivu, l'ee-gudeje anwụ ọku, iwhe l'eeyeje lẹ mmanụ, l'aawụ l'ishi t'o shi mkpọ mẹe ọwhu l'eeyeje l'ụ̀nwù-isẹnsu t'o shi kwẹkwekwe, 7ẹwhuru onikusu mẹwaro ẹwhuru ọdo l'erekaa ire. Ẹwhuru ono bẹ l'ee-megee gbapyabẹ l'uwe ifọdu+ mẹe l'uwe l'ooyeje gude gbochita obu iya.\n8\"Tẹ whẹ tụkwaaru mụbe Onye-Nwe-Ọha ụlo, dụ nsọ nke ọwhu mu l'e-buru l'echilabọ whẹ. 9Unu mekwaa ụlo-ẹkwa ono yẹle iwhe lile, dụ l'ime iya t'ọ dụlewho l'ụgbugba, mu l'e-goshi ghu.\nIgbe-ọgbandzu\n10\"Tẹ whẹ gudekwa oshi akeshiya kụa igbe, ogologo iya l'a-dụ nji-ẹka labọ lẹ mkpirikpi. Uswe iya adụ nji-ẹka lanụ lẹ mkpirikpi. Eli iya adụkwawho nji-ẹka lanụ lẹ mkpirikpi. 11Rwụa ya ọkpobe mkpọla-ododo l'ime iya mẹe l'azụ iya. Gụ egudekwawho mkpọla-ododo rwụ-wheta mgburẹku iya mgburumgburu. 12Gụ akpụta echi mkpọla-ododo ẹno hebegee l'ọkpa igbe ono whẹ ẹno. Hebe ẹbo l'ibẹka lanụ, gụ ehebe ẹbo ọdo l'ibẹka iya ọwhu. 13Gude oshi akeshiya pyịta mkpara labọ rwụa ya mkpọla-ododo. 14Gụ ewota mkpara labọ ono pyokafu l'ẹnya echi ono, e hebegeeru lẹ mgburẹku igbe ono t'ọ bụru iwhe l'ee-gudeje apa iya. 15Mkpara ono l'a-dụgbuwaruro l'echi igbe ono. T'e be ewofuhekwa iya ewofu ọdo. 16Ọo iwu ono, mu l'e-megee nụ ghu bẹ l'ii-ye l'ime igbe ono.\n17\"Gude ọkpobe mkpọla-ododo meta okfu igbe ono, ẹka l'aakfụje ụgwo iwhe-dụ-ẹji, madzụ meru. Ogologo iya l'a-dụ nji-ẹka labọ lẹ mkpirikpi. Uswe iya adụ nji-ẹka lanụ lẹ mkpirikpi. 18Gụ egude mkpọla-ododo mee cherubu labọ, l'a-nọdu-gee l'ishi okfu igbe ono. T'ọ bụkwaru mkpọla-ododo, e tsusaru ọsa bẹ l'ii-gude mee ya. 19Meta cherubu lanụ dobe l'ishi lanụ, gụ edobe cherubu ọdo dobe l'ishi iya ọwhu. Ii-me tẹ cherubu labọ ono, nọ-gee l'ishishi igbe ono whẹ ẹbo bụru iwhe lanụ. 20Cherubu ọbu bẹ akwẹka iya l'a-jakashịhu ajakashịhu laa imeli, gude kpuchita okfu igbe ono. Cherubu ono bẹ l'ee-dobe tẹ whẹ ghaaru onwowhe iwhu, tụko ele ẹnya l'eli okfu igbe ono. 21Gụ ewota okfu igbe ono kpuchia ya; woru iwhe ono, e deru iwu mu ono, bụ iwhe mu l'e-megee nụ unu ono, yekwawho l'ime igbe ono. 22Ọ bụru l'eli okfu igbe ono, mbụ lẹ mgbakụ cherubu labọ ono, dụ l'eli igbe ono bụ iya bụ ẹka e doberu iwhe e deru iwu mu bẹ mu l'a-byakfuta ghu, bya akarụ ghu iwhe lile, ndu Ízurẹlu l'e-meje.\nTeburu\n23\"Gude oshi akeshiya meta teburu, ogologo iya l'a-dụ nji-ẹka labọ; ọsa iya adụ nji-ẹka lanụ. Eli iya adụ nji-ẹka lanụ lẹ mkpirikpi. 24Gụ awụa ya ọkpobe mkpọla-ododo, bya egudekwawho mkpọla-ododo wụ-wheta mgburẹku iya mgburumgburu. 25Gụ ewota oshi, dụ wẹrere, ọsa iya ha g'ọo ọbochi-ẹka swebe lẹ mgburẹku iya mgburumgburu; bya egudekwawho mkpọla-ododo wụ-whee oshi ono mgburumgburu. 26Kpụta echi mkpọla-ododo ẹno hebegee lẹ mgburẹku ọkpa teburu ono whẹ ẹno. 27Echi ono l'a-dụkube oshi ono, dụ wẹrere nke ọwhu l'oo-gudepyabe mkpara ono, l'ee-gudeje apa teburu ono. 28Ii-gude oshi akeshiya pyịshia mkpara ono, rwụa ya mkpọla-ododo t'ọ bụru mkpara, l'ee-gudeje apa teburu ono. 29Gụ egude ọkpobe mkpọla-ododo meshia efere mẹe agọ mẹe omogo mẹe ọkwa, l'aa-tụ-kobeje l'eli teburu ono. Iwhe lile ono bẹ l'ee-gudeje agbarụ mu ngwo-ẹja-mmẹe. 30Buredi, l'ee-dobeje l'iwhu mụbe Onye-Nwe-Ọha bẹ l'aa-tụ-kobeje l'eli teburu ono t'ọ nọduje mu l'iwhu ntekenteke.\nIwhe l'aadọbeje oryọku\n31\"Gude ọkpobe mkpọla-ododo, e tsusaru ọsa, mee iwhe l'aa-dọbeje oryọku. Mee ya t'o nweru mkpara mẹe njakata. Ya enweru efere mẹe nkwo mẹe iwhe dụ g'ọo nwopu igu ooshi mẹkwawho iwhe dụ g'ọo igu ooshi, jarụ ajaja. Tụkokwa iwhe lile ono g'ọ ha mee tẹ yẹle iwhe ono, l'aadọbeje oryọku ono dzekfuru bụru nnanụ. 32Mkpara iya ono l'e-nwe njakata ishii: ẹto l'ẹka iya ọwhu; ẹto l'ẹka iya ọwhu. 33Njakata iya lanụ l'e-nweru iwhe dụ g'ọo omogo ẹto, l'ee-me t'ọ dụ g'ọo igu ooshi alụmondu. Whẹ l'e-nweru iwhe dụ g'ọo nwopu igu ooshi; nweru iwhe dụ-gee g'ọo igu ooshi, jarụ ajaja l'ẹhu l'ẹhu. Ọo ẹgube ono bẹ l'ọo-dụgbakota lẹ njakata iwhe l'aadọbeje oryọku ono, dzekfugeeru lẹ mkpara iya ono. 34Iwhe l'aadọbeje oryọku ono l'onwiya l'e-nweru iwhe dụ g'ọo omogo uzhi ẹno e meru, ọ dụ g'ọo igu ooshi alụmondu. Ya enweru iwhe dụ g'ọo nwopu igu ooshi mẹe iwhe dụ g'ọo igu ooshi, jarụ ajaja. 35Nwopu igu ooshi ono nnanụ bẹ l'ee-me t'ọ nọdu lẹ mkpula njakata labọ l'ụzo alị. Nke ẹbo anọdu lẹ mkpula njakata labọ ọdo l'echi. Nke ẹto anọdu lẹ mkpula njakata labọ ọdo l'imeli. Mbụ l'ọo-nọdu-gee lẹ mkpula njakata iya ono whẹ ishii. 36Nwopu igu ooshi ono yẹle njakata njakata iya ono bẹ l'ee-me tẹ yẹle mkpara iya dzekfuru. Ọ bụru ọkpobe mkpọla-ododo, e tsusaru ọsa bẹ l'ee-gude mee ya.\n37\"Meta oryọku ẹsaa, dọbe-gee l'eli iwhe ono, l'aadọbeje oryọku ono. Ee-dobe oryọku ono nke ọwhu iwhoro iya l'a-ngashịje atatiwhu ẹka ọ dụ. 38Ákpà iya mẹe iwhe l'aagụjeru ọku iya ye bụkwa ọkpobe mkpọla-ododo bẹ l'ee-gude mekota iya. 39Iwhe l'aadọbe oryọku ono yẹle ngwa iya g'ọ hakọta bụ ọkpobe mkpọla-ododo, ẹrwa iya dụ talẹntu lanụ bẹ l'ee-gude mee ya. 40Letakwa ẹnya mee iwhe lile ono t'ọ dụ lẹ g'e goshiru ghu iya l'eli ugvu ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/25","date":"2018-12-16T20:45:51Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827992.73\/warc\/CC-MAIN-20181216191351-20181216213351-00315.warc.gz","language":"eza","language_score":1.0000081062,"language_script":"Latn","minhash_cluster_size":1,"top_langs":"{\"eza_Latn_score\": 1.0000081062316895}","num_words":868,"character_repetition_ratio":0.085,"word_repetition_ratio":0.012,"special_characters_ratio":0.247,"stopwords_ratio":0.275,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 31:29\n29Mu gege emekwaru goshi ghu, ọ tọ bụwa lẹ Chileke nke nna ghu byakfutaru mu l'ẹnyashi chi sahụru bụru ntanụ bya asụ mu, tẹ mu kwabẹkwaru onwomu ẹnya. T'ọ bọ dụkwa iwhe mu l'e-kfuru yeru gụbe Jékọpu, mbụ tẹ mu be ekfukwa mma; mu eje ekfu njọ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/31\/29","date":"2018-12-16T23:03:28Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827998.66\/warc\/CC-MAIN-20181216213120-20181216235120-00042.warc.gz","language":"eza","language_score":0.9999423027,"language_script":"Latn","minhash_cluster_size":1,"top_langs":"{\"eza_Latn_score\": 0.9999423027038574}","num_words":48,"character_repetition_ratio":0.0,"word_repetition_ratio":0.0,"special_characters_ratio":0.253,"stopwords_ratio":0.25,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 11\nMósisu l'ekfu lẹ mgbu-ọnwu l'a-bya ọgu\n1O noo ya, Onye-Nwe-Ọha sụ Mósisu: \"Ọo whọdufuaru nchịkarehu lanụ, mu l'e-mefua t'ọ byakfuta Fero mẹe alị Íjiputu. Ọ nwụ-gelewho nno bẹ l'oo-kwechaa haa unu t'unu shi l'ẹka-a tụgbua. Ọ -kwelewho bẹ l'ọo-chịshikota unu g'unu ha. 2Kfuaru ndu Ízurẹlu; t'iwhe bụ unwoke whẹ mẹe ụnwanyi whẹ jekfu onye obutobu iya je aryọta iya iwhe e meru lẹ mkpọla-ọcha mẹe iwhe e meru lẹ mkpọla-ododo.\" 3Onye-Nwe-Ọha bya emee, ndu Ízurẹlu tụba ndu Íjiputu l'ẹnya; mekwaawho tẹ ndu ozhi Fero mẹe ndu Íjiputu gẹ whẹ ha kwabẹ Mósisu l'onwiya eze ugvu, ha shii.\n4Ọo ya bụ, Mósisu sụ: \"Ọ waa iwhe Onye-Nwe-Ọha l'ekfu ndọwa: 'L'echi-abalị bẹ mụbe Onye-Nwe-Ọha l'a-tụko alị Íjiputu jegbakota. 5Ndu bụ ọkpara l'alị Íjiputu gẹ whẹ ha bẹ l'a-nwụshihukota; whẹ l'e-shi iya anwụhu l'ọkpara nke Fero, bụ onye nọ l'oshi-eze iya jeye l'ọkpara nwanyị, bụ ohu; onye l'anọje egweru iya iwhe mẹkwawhoo iwhe-edobe, bụ ivurụzo l'ẹwho ne iya. 6Oke ụzu-ẹkwa, parụ ẹka l'a-nma l'alị Íjiputu l'owhu. Mbụ ụdu ẹkwa, akọ ẹtu iya l'adụjee; tọ bụhe l'ọ bya l'a-dụbaa ọdo. 7Obenu l'ẹka ndu Ízurẹlu nọ bẹ l'ooto nwedua t'ọ ka mma l'ọo nkụta, bya l'a-gbọru madzụ ụja.' Nteke ono bẹ unu l'a-ma lẹ mụbe Onye-Nwe-Ọha bẹ meru, oge kpaarụ ndu Íjiputu whẹ lẹ ndu Ízurẹlu. 8Iwhe bụ ndu ozhi ghu gẹ whẹ ha bẹ l'a-wukfuta mu bya ewhuzeru mu ishi sụ: 'Unu tụgbuwaruro mẹe ndu lile, gụ lẹ whẹ lị.' Ọ -nwụ-gelewho nno; ya atụgbua lụfu.\" O noo ya, Mósisu gude ẹhu-eghughu lụfu l'iwhu Fero.\n9Ọo ya bụ, Onye-Nwe-Ọha sụ Mósisu: \"Fero te ekwedu angarụ ghu nchị. Ọo ya bụ, nke ọwhu mu l'e-shi nno meshia igweligwe iwhe dụ biribiri l'alị Íjiputu.\" 10Mósisu yẹle Érọnu tụko iwhe dụ biribiri ono mekota l'iwhu Fero. Onye-Nwe-Ọha kpọ-chile-e Fero obu; t'o kwe haa ndu Ízurẹlu tẹ whẹ shi l'alị iya tụgbua.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/11","date":"2018-12-15T11:55:53Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826856.55\/warc\/CC-MAIN-20181215105142-20181215131142-00280.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":305,"character_repetition_ratio":0.075,"word_repetition_ratio":0.0,"special_characters_ratio":0.258,"stopwords_ratio":0.311,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 8:15\n15Mósisu gbua oke-eswi ono, bya emeta mmee ya lẹ mkpụshi-ẹka hugbakota lẹ mpu anụ, a nmabẹru l'ẹnya-mgbẹja ono mgburumgburu, shi nno mechaa ẹnya-mgbẹja ono emecha. O wota mmee ọwhu whuduru nụ whekaa l'ukfu ẹnya-mgbẹja ono, mee ya ọ dụ nsọ, shi nno kfụa ụgwo iwhe-dụ-ẹji, dụ iya nụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/8\/15","date":"2018-12-15T21:08:06Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827097.43\/warc\/CC-MAIN-20181215200626-20181215222626-00092.warc.gz","language":"eza","language_score":0.9997227788,"language_script":"Latn","minhash_cluster_size":1,"top_langs":"{\"eza_Latn_score\": 0.9997227787971497}","num_words":49,"character_repetition_ratio":0.083,"word_repetition_ratio":0.0,"special_characters_ratio":0.242,"stopwords_ratio":0.286,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 39:39\n39mẹe ẹnya-mgbẹja ono, bụ ẹka l'aa-gbajẹ ẹja ọkpokota-iwhe-ọku, e gude ope mee mẹe iwhe iya ono, a kparụ ọ dụ nggarafu nggarafu g'ọo ụgbu ono mẹe mkpara iya yẹle arya, tso iya nụ g'ọ ha mẹe eze efere ono yẹle iwhe ono, l'aa-sụbeje iya ono,","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/39\/39","date":"2018-12-15T06:28:25Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826800.31\/warc\/CC-MAIN-20181215061532-20181215083532-00567.warc.gz","language":"eza","language_score":1.0000094175,"language_script":"Latn","minhash_cluster_size":1,"top_langs":"{\"eza_Latn_score\": 1.0000094175338745}","num_words":46,"character_repetition_ratio":0.017,"word_repetition_ratio":0.0,"special_characters_ratio":0.271,"stopwords_ratio":0.413,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 31:52\n52Ikpo ẹwhuru-a bụ iwhe l'agba ẹka-ebe; itso ẹwhuru-a bụkwaruwho iwhe l'agba ẹka-ebe lẹ mu ta abyadụ l'a-kpọghata iya bya ẹka iya nkeghu bya emekata ghu. Gụbedua ta abyakwawhọ l'a-kpọghata ikpo ẹwhuru ono mẹe itso ẹwhuru ono bya ẹka iya nkemu bya emekata mu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/31\/52","date":"2018-12-10T04:21:28Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823303.28\/warc\/CC-MAIN-20181210034333-20181210055833-00128.warc.gz","language":"eza","language_score":1.0000098944,"language_script":"Latn","minhash_cluster_size":1,"top_langs":"{\"eza_Latn_score\": 1.0000098943710327}","num_words":44,"character_repetition_ratio":0.106,"word_repetition_ratio":0.0,"special_characters_ratio":0.234,"stopwords_ratio":0.364,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 1\nNdu Íjiputu l'akpa ndu Ízurẹlu ẹhu\n1Ọ waa ẹwha ụnwu Ízurẹlu, bụ ndu tso Jékọpu laa alị Íjiputu. Onyenọnu bẹ chị ndibe iya lashia ẹka ono. Ndu ono bụ: 2Rúbẹnu, Símiyọnu, Lívayi, Juda, 3Ísaka Zébulọnu, Bénjaminu, 4Danu, Náfutali, Gadu mẹe Asha. 5Iwhe ẹpa Jékọpu dụkota bụ ụkporo madzụ ugbo ẹto l'ụmadzu iri. Jósẹfu bẹ nọhawaa anọno l'alị Íjiputu.\n6Tọ dụ iya bụ, Jósẹfu mẹe ụnwunna iya gẹ whẹ ha mẹe ọgbo ono bya anwụshihukota. 7Ọle ụnwu Ízurẹlu l'azụ̀-zhiawho azụ̀zù aka shii eje eje. Whẹ zụ̀shia bya apaa ẹka apaa nke ọwhu bụ lẹ whẹ tụkoru alị ono dzuru.\n8O noo ya, onye eze ọ̀whúú, bụ onye l'ẹte amaa Jósẹfu amama owhu bya afụta chịlahaa ndu Íjiputu. 9Ọo ya bụ, ọ sụ ndu alị iya: \"Unu lekwa lẹ ndu Ízurẹlu l'akaakwaa anyi shii, whẹ l'akawaa anyi ẹkuku. 10Unu byakwa t'anyi gbagbua whẹ l'akọ gude kwabẹru whẹ ẹnya. Ọdua bẹ whẹ l'a-nọkwa aka shii eje eje. Ọ -bụru l'o nweru g'ọgu shi dakfuta anyi bẹ whẹ l'a-tụkwaru ike yeru ndu ọhogu anyi lwụshi anyi ọgu; e megee whẹ ahaa l'alị anyi lụfu.\"\n11Ọo ya bụ, ndu Íjiputu bya ahọta ndu madzụ; mee whẹ udumalị sụ tẹ whẹ dzujeru ndu Ízurẹlu ozhi mkpọnwuru. Whẹ tụa mkpụkpu Pitọmu mẹe mkpụkpu Ramísẹsu t'ọ bụru mkpụkpu ẹka Fero l'a-kwakọbeje ẹku iya. 12Ọle ọobuje, aa -kpa ndu Ízurẹlu ẹhu eje eje, whẹ azụshi eje; o nokwawho gẹ whẹ tụkoru ẹka lile dzuru. Ndu Íjiputu l'atsụ ndu Ízurẹlu egvu; 13whẹ mee tẹ ndu Ízurẹlu jeje ozhi mkpọnwuru. 14Whẹ gude ozhi mkpọnwuru mee, ndzụ whẹ bụru ndzụ áwhụ. Whẹ mee; whẹ l'ayọshi bụloku ẹja; aghakwawhọ ẹja-mini; whẹ l'ejekwawho ozhi ọdo, bụ ozhi l'eejeje l'ẹgu. Iwhe bụ ozhi lile, ndu Íjiputu dzuberu whẹ bụkota ozhi mkpọnwuru.\n15Eze ndu Íjiputu sụ ụnwanyi, l'eswije ụnwanyi Híburu ime; ẹwha onye lanụ bụ Shifura; ẹwha onye ọwhu bụru Puwa: 16\"Unu -swideje ụnwanyi Híburu ime l'ẹka whẹ l'anọduje anwụ nwa, whẹ l'anwụ iya, t'unu lejee whẹ ẹnya ree. Ọ -bụru nwa nwoke, t'unu gbujee ya; nteke bụ l'ọo nwa nwanyị, unu ahajẹ ya t'ọ nọdu ndzụ.\" 17Ọle ụnwanyi ono, l'eswije ime ono l'atsụ Chileke egvu; whẹ te emeje iwhe ono, eze ndu Íjiputu zhiru whẹ ememe. Whẹ l'ahajẹ ụnwegirima unwoke, whẹ anọdu ndzụ. 18Tọ dụ iya bụ, eze ndu Íjiputu bya ekua ụnwanyi ono, l'eswije ime ono; sụ whẹ: \"?Ọo gụnu meru g'o gude unu mee ụdudu iwhe dụ nno, mbụ iwhe meru unu l'ahajẹ ụnwegirima unwoke; whẹ anọdu ndzụ?\"\n19Ụnwanyi ono, l'eswije ime ono sụ Fero l'ụnwanyi Híburu ta adụdu g'ọo ụnwanyi Íjiputu. Ọkpehu dụ whẹ nke ọwhu bụ l'ọobuje, ndu l'eswi ime -bya l'erwudeshia ẹka ono, whẹ ezedawaa nụ.\n20Ọo ya bụ, Chileke meeru ụnwanyi ono, l'eswi ime ono iwhe-ọma. Ndu Ízurẹlu l'azụshibaa aka shii; akabaa l'igwe eje eje. 21Chileke gude l'ụnwanyi ono, l'eswi ime ono l'atsụ iya egvu; mee t'ogboduwhu whẹ saa ọsa.\n22O noo ya, Fero bya atụaru ndu nkiya gẹ whẹ ha iwu sụ: \"Ọ bụru lẹ ndu Híburu bẹ nwụru nwa; ọ -bụru nwa nwoke; t'e je echee ya l'ẹnyimu Nayịlu. Nteke ọ bụ nwa nwanyị t'a haa ya t'ọ nọdu ndzụ.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/1","date":"2018-12-17T17:51:38Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828697.80\/warc\/CC-MAIN-20181217161704-20181217183704-00569.warc.gz","language":"eza","language_score":1.0000056028,"language_script":"Latn","minhash_cluster_size":1,"top_langs":"{\"eza_Latn_score\": 1.0000056028366089}","num_words":514,"character_repetition_ratio":0.073,"word_repetition_ratio":0.0,"special_characters_ratio":0.25,"stopwords_ratio":0.305,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 11:12\n12?Ọo mbẹdua bẹ yeru ime ndu-a gẹ whẹ ha, tọo mu nwụshiru whẹ? ?Ndẹe iwhe meru g'o gude ị sụ tẹ mu heru whẹ g'ọo onye l'ehe nwata jeye nteke mu l'e-heru whẹ rwua alị ẹka ono, i kweru ụkwa iya bya eribuaru nna whẹ oche lẹ nte sụ l'ịi-nụ whẹ?","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/11\/12","date":"2018-12-16T22:11:51Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827998.66\/warc\/CC-MAIN-20181216213120-20181216235120-00184.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":52,"character_repetition_ratio":0.0,"word_repetition_ratio":0.0,"special_characters_ratio":0.291,"stopwords_ratio":0.308,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 42:21\n21Whẹ kfulahaa l'ime onwowhe sụ: \"Ọo iwhe anyi meru nwanna anyi bẹ anyi l'anwụ ọnwu iya ẹgube-ẹ. Anyi whụru ẹgube áwhụ, ọ gụru kpua anyi nteke ọ ryọru anyi t'anyi meeru iya obu-imiko, anyi te eyeru iya ọnu. Ọo iwhe ono meru g'o gude ejo áwhụ dụ ẹgube-ẹ byakfuta anyi.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/42\/21","date":"2018-12-15T16:14:04Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826892.78\/warc\/CC-MAIN-20181215152912-20181215174912-00386.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":51,"character_repetition_ratio":0.0,"word_repetition_ratio":0.0,"special_characters_ratio":0.258,"stopwords_ratio":0.216,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 32:10\n10Obu ono, i goshiru l'i yeru mu mẹe ememe ono, i meru mu iwhe i kfuru bẹ l'ẹte agbakwaa mụbe onye ozhi ghu, nkele nteke mu darụ ẹnyimu Jọ́danu-a bẹ bụkwa mgbọro bẹ mu gude kpụ, ọle ntaa bẹ mu nwewaru iwhe nke ọwhu mu tsukahuru iya ẹbo.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/32\/10","date":"2018-12-11T23:23:14Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823705.4\/warc\/CC-MAIN-20181211215732-20181212001232-00353.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":49,"character_repetition_ratio":0.0,"word_repetition_ratio":0.0,"special_characters_ratio":0.255,"stopwords_ratio":0.347,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 26\nỌnu-ọma, l'aa-gọru onye l'emeje iwhe a sụru t'o mee\n1\"T'ọ bọ dụkwa agwa, unu l'e-meta doberu onwunu; t'unu be edobekwa ntẹkpe, a pyịru apyị m'ọ bụ ẹwhuru gvuru egvuru g'ọo itso m'ọ bụ ẹwhuru, a pyịru apyị l'alị unu abarụ iya ẹja. Ọo Mu bụ Onye-Nwe-Ọha bụru Chileke unu.\n2\"Unu dobeje mbọku ọtuta-ume nkemu, unu akwabẹje ụlo-nsọ mu ugvu. Ọo Mu bụ Onye-Nwe-Ọha.\n3\"Ọ -bụru l'unu l'etso iwhe mu tọru ọkpa iya, edobe iwu, mu tụru, eme iya ememe, 4bẹ mu l'e-meje tẹ mini chịaru unu l'oge iya, iwhe e meberu l'alị emehu emehu, oshi dụ l'ẹgu amịshi mebyi. 5Iwhe l'a-nọ emehuru unu shii nke ọwhu unu l'a-nọ echi witi jeye oge ọwo akpụru vayịnu erwua, unu awọ akpụru vayịnu jeye oge omebe iwhe l'alị erwua. Unu l'a-nọ eri nri eriji ẹwho, unu eburu l'alị unu tụsaru ẹhu.\n6\"Mu l'e-me t'unu buru l'ẹhu-ọdu-guu l'alị ono unu l'a-zẹje eku mgbẹnya; ọ tọ dụdu onye l'eye unu egvu. Mu l'a-chịshi ejo-anụ-ẹgbudu l'alị ono; t'a bya l'alwụ ọgu l'alị unu. 7Unu l'a-chị ndu ọhogu unu ọso gbushia whẹ. 8Unu l'a-dụ ise achị ụmadzu ụkporo ugbo ise ọso, ụmadzu ụkporo ugbo ise achị ụkporo ụnu madzụ l'ụnu ise ọso, unu egude ogu-ịgba unu gbushia ndu ọhogu unu.\n9\"Mu l'a-gha iwhu l'ẹka unu nọ, mee unu t'unu zụ̀a azụ̀zù kabaa l'igwe. Mu emee t'ọgbandzu mu l'unu keru. 10Unu l'e-rije akahụ iwhe unu kpatarụ jeye unu akpata nke ọwhuu, mbụ a -nọnyaa unu achịshilahaa akahụ iya wobatalahaa nke ọwhuu. 11Mu l'a-kwata uwhu buru l'echilabọ unu, unu ta adụhedu mu oyi oyi. 12Mu l'a-nọ ejewhe l'echilabọ unu, mu abụru Chileke unu, unu abụru ndibe mu. 13Ọo Mu bụ Onye-Nwe-Ọha bụru Chileke unu, bụ onye dufutaru unu l'alị Íjiputu t'unu ba abụhe ohu ndu Íjiputu. Mu mebyiwaru ike ono, whẹ shi gude mee t'unu bụru ohu whẹ ono, shi nno mee unu t'unu whafụta ishi.\nAwhụ, l'aa-nụ onye l'ete emeje iwhe a sụru t'o mee\n14\"Ọle, ọ -bụru l'unu ta angabẹduru mu nchị, unu te eme iwhe mu sụru t'unu meje g'ọ ha, 15mbụ ọ -bụru l'unu lesweru ẹnya l'iwhe mu tọru ọkpa iya, iwhe mu tụru l'iwu dụ unu oyi oyi, unu te emeje iwhe mu sụru t'unu meje g'ọ ha, shi nno mebyia ọgbandzu mu l'unu gbarụ 16bẹ iwhe mu l'e-me unu ndọwa: Mu l'e-me t'ọtsu egvu zụ unu kfụu mẹe ụkwaranta mẹe ẹwhoku, l'a-gbapyashi unu ẹnya mee tẹ ndzụ unu laa mmaka. Unu l'a-kọbe iwhe l'alị, ya abụru unu nrimawhụ, o noo nkele ọo ndu ọhogu unu l'e-ri iya. 17Mu l'a-gharụ unu iwhu meshia unu iwhe ike, ndu ọhogu unu alwụ-gbua unu l'ọgu. Ndu kpọru unu ashị l'a-bụru ishi unu, unu agbalahaa ọso nteke l'adụa onye l'achị unu.\n18\"Ọ -bụru l'iwhe ono megeeru unu, unu ta angabẹru mu nchị, mu emee unu iwhe ha g'ọo ono ugbo ẹsaa gude nụa unu awhụ iwhe-dụ-ẹji unu. 19Mu l'e-me t'unu kubuhu onwunu ekuku. Mu emee t'igweli ba achịheru unu mini, mee t'alị nmaa agbịdigba. 20Ike, unu wofutaru see anya l'a-bụru unu nke mmaka, o noo nkele alị unu ta adụdu iwhe l'oo-meta, oshi, dụ l'alị ono ta adụ iwhe l'ọo-mịta.\n21\"Ọ -bụru l'unu l'eme iwhe mu sụru t'unu be emejeshi, jịka l'unu ta angadụru mu nchị, mu ewotaru unu iwhe-ọtsulanu, ha g'ọo ono ugbo ẹsaa gude nụa unu awhụ iwhe-dụ-ẹji unu. 22Mu l'a-chịru anụ-ẹgbudu ye t'ọ bya alwụa unu ọlwu-ọchi, tụko ụnwegirima unu nashịa l'ọkpehu, tụkokwawho élwù unu tagbushia, mee t'unu ba abahẹ nwishi, ọma echi-ụzo unu adaburu karawhongu.\n23\"Ọ -bụru l'iwhe ono ta ahụ̀du unu àhụ̀hù nke t'unu gbanwee, unu l'emelee iwhe mu sụru t'unu be emejeshi 24bẹ mu l'e-mekwa unu iwhe unu l'ẹte agbaa ẹnya iya, mbụ lẹ mu l'e-me unu iwhe ha g'ọo ono ugbo ẹsaa gude nụa unu awhụ iwhe-dụ-ẹji unu. 25Mu l'a-ha t'ọgu dakfuta unu, gude iya gwata unu ụgwo ọgbandzu ono unu mebyiru. Unu -dzukobe lẹ mkpụkpu unu, mu ezhia ejo ẹhu-ba-dụ-mma t'ọ dakfuta unu, mee nke ọwhu unu l'a-daba ndu ọhogu unu l'ẹka. 26Mu l'e-gbuchi ụzo, nri l'eeshije abyarụ unu, ụnwanyi adụlahaa iri eshi nri l'ọnu ekfu lanụ. Whẹ l'a-nọje atụbashiru unu nri atụbashi, unu rigee ya ẹwho te ejidu unu.\n27\"Ọle iwhe ono -megee unu, unu ta angabẹru mu nchị, unu l'emelee iwhe mu sụru t'unu be emejeshi 28bẹ mu l'e-gude ẹhu-eghughu mee unu iwhe mu l'ẹte agbaa ẹnya iya, mee unu iwhe l'a-ha g'ọo ono ugbo ẹsaa gude nụa unu awhụ iwhe-dụ-ẹji unu. 29O noo nteke unu l'a-wata ori anụ ụnwu unu unwoke, mbụ ria anụ ụnwegirima unu ụnwanyi. 30Mu l'e-mebyishi ẹka unu l'agwajẹ iwhe, nwutsushia ẹnya-mgbẹja ẹka unu l'akpọje ụ̀nwù-isẹnsu ọku. Mu atụkaa odzu unu l'eli ntẹkpe unu ono, bụkwawho odzu l'onwiya, unu adụlahaa mu oyi oyi. 31Mu l'e-mee mkpụkpu unu t'ọ daburu iwhoro, mu emee ụlo-nsọ unu t'ọ bụru okorobo ụlo. O noo gẹ mkpọ ngwo-ẹja, unu gbarụ l'ẹte abyaa l'adụ mu ree. 32Alị unu bẹ mu l'e-me t'ọ bụru ochuwhu nke ọwhu ndu ọhogu unu, bu iya nu bẹ l'ọo-nwụ ishi kpaa. 33Mu l'a-chịkashi unu nnanụ nnanụ lẹ mba gẹ mba ha, mu amịta ogu-ịgba mu tsota unu ọso. Alị unu abụru ochuwhu, mkpụkpu unu abụkotaru ẹka daburu iwhoro. 34O noo nteke ẹhu l'a-wata ọtso alị ono lẹ ya l'atụta ume, mbụ nteke ono, ọ daburu iwhoro bụ iya bụ nteke unubẹdua l'a-bụru ndu a kpụru lẹ ndzụ laa alị ndu ọhogu unu. Mbụ l'ọo nteke ono bẹ alị ono l'e-te ẹswa lẹ ya l'atụta ume. 35Nteke ono, alị ono daburu iwhoro bẹ l'ọotuta ume, o noo nkele o to shidu atụtaje ume l'awha ọtuta-ume unu nteke unu shi buru iya.\n36\"A bya lẹ ndu ọwhu whuduru nụ l'ime unu, mu l'e-me tẹ meji tọfu whẹ atọfu l'alị ndu ọhogu whẹ, nke ọwhu bụ lẹ mkpẹekwo, a nmarụ yikayika l'e-me whẹ avụta ọso, gbalahaa g'ọo ndu ọgu l'achị, whẹ adaa l'ẹbe adụ onye l'achị whẹ ọso. 37Whẹ l'e-vukotaje ibe whẹ daa ndatẹwo g'ọo ndu l'agba t'ọgu be eri whẹ l'ẹbe adụ onye l'achị whẹ nụ. Tọ bụ l'unu bya l'a-dụkwadu ike akfụru akpọ ndu ọhogu unu iwhu. 38Unu l'a-nwụshihu l'alị ndu ọha ọdo, alị ndu ọhogu unu eria ishi unu. 39Ndu ọwhu whuduru ewhudu l'ime unu l'a-nọ l'alị ndu ọhogu unu yifu eyifu. Ọ bụru ejo-iwhe, whẹ megbaberu mẹe ejo-iwhe, nna whẹ oche megbaberu bẹ l'a-kpata whẹ eyifu.\n40\"Ọle, ọ -bụru lẹ whẹ dụshiru ejo-iwhe, whẹ meru mẹe ejo-iwhe, nna whẹ oche meru mẹe emeswe, whẹ mesweru mu yẹle ememe ono, whẹ l'emeje iwhe mu sụru tẹ whẹ be emeshi, 41bụ iwhe meru, mu mee whẹ iwhe whẹ l'ẹte agbaa ẹnya iya, shi nno chịru whẹ ye l'alị ndu ọhogu whẹ. Ọ -bụru lẹ whẹ l'e-wozeta onwowhe alị l'ejo obu ono dụ whẹ nụ, bya akfụa ụgwo ejo-iwhe, whẹ megbaberu 42bẹ mu l'a-nyatakwa ọgbandzu mu lẹ Jékọpu, nyata ọgbandzu mu lẹ Áyiziku mẹe ọgbandzu mu lẹ Ébirihamu, mu anyatakwawhọ alị ono. 43Obenu l'alị ono bẹ whẹ l'a-ha t'ọ daburu iwhoro, bya egude ẹhu-ụtso tụta ume; whẹ akfụa ụgwo ejo-iwhe, whẹ meru, o noo nkele whẹ lesweru ẹnya l'iwhe mu tụru l'iwu, whẹ tụko iwhe mu tọru ọkpa iya sọkota oyi. 44Ọle g'ọ dụle-zhia bẹ nteke ono, whẹ l'a-nọdu l'alị ndu ọhogu whẹ ono bẹ mu l'ẹte eleswekwa whẹ ẹnya, mu ta abya l'asọ whẹ oyi nke tẹ mu lakọta whẹ l'iyi kpamụ, mebyia ọgbandzu mu lẹ whẹ, nkele ọo Mu bụ Onye-Nwe-Ọha bụru Chileke whẹ. 45Mu l'e-gude iswi ẹhu whẹ nyata ọgbandzu ono, mu lẹ ochee-oroke whẹ gbarụ bụ iya bụ ndu ono, mu shi l'alị Íjiputu dufuta l'ẹnya ndu mba gẹ mba ha nke ọwhu mu l'a-bụru Chileke whẹ. Ọ kwa Mu bụ Onye-Nwe-Ọha.\"\n46O nokwa iwhe Onye-Nwe-Ọha tọru ọkpa iya ndono mẹe nsọ iya mẹe iwu, ọ tụru l'ugvu Sáyinayi dobe l'echilabọ yẹle ndu Ízurẹlu, ọwhu shi l'ẹka Mósisu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/26","date":"2018-12-18T17:48:17Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829542.89\/warc\/CC-MAIN-20181218164121-20181218190121-00389.warc.gz","language":"eza","language_score":1.0000098944,"language_script":"Latn","minhash_cluster_size":1,"top_langs":"{\"eza_Latn_score\": 1.0000098943710327}","num_words":1276,"character_repetition_ratio":0.06,"word_repetition_ratio":0.013,"special_characters_ratio":0.264,"stopwords_ratio":0.346,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 47:18\n18O be l'awha ọwhu tsotaru iya nụ; whẹ byakfutashia ya bya asụ iya: \"Nkele okpoga anyi gvụru, élwù anyi bụwaru l'ẹka ghu b'ọ lakọtaru bẹ anyi te emekwaru iya gụbe onye-nwe-anyi l'edomi. O to nwehekwa iwhe ọdo, anyi ji ẹka, t'a gụfu onwanyi mẹe alị anyi.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/47\/18","date":"2018-12-19T00:59:18Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376830305.92\/warc\/CC-MAIN-20181219005231-20181219031231-00197.warc.gz","language":"eza","language_score":1.0000070333,"language_script":"Latn","minhash_cluster_size":1,"top_langs":"{\"eza_Latn_score\": 1.0000070333480835}","num_words":47,"character_repetition_ratio":0.0,"word_repetition_ratio":0.0,"special_characters_ratio":0.257,"stopwords_ratio":0.234,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 1:18\n18O rwua l'abalị mbụ l'ọnwa nke ẹbo ono, whẹ kukobe ndu Ízurẹlu gẹ whẹ ha deshia ẹwha whẹ l'ẹkwo. Whẹ deshiru ẹwha whẹ lẹge whẹ ha, a gụa whẹ l'ẹnya-uwhu l'ẹnya-uwhu mẹe l'ibe nna whẹ l'ibe nna whẹ. Iwhe bụ unwoke alị ono, gbawarụ ụkporo awha tụgbua b'e dekotaru ẹwha whẹ l'ishi onye l'ishi onye","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/1\/18","date":"2018-12-13T18:27:15Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825029.40\/warc\/CC-MAIN-20181213171808-20181213193308-00381.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":56,"character_repetition_ratio":0.115,"word_repetition_ratio":0.0,"special_characters_ratio":0.259,"stopwords_ratio":0.339,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 21:22\n22\"Ọ -bụru l'o nweru unwoke, l'alwụ ọgu, whẹ meka nwanyị, dụ ime iwhe, mee nke ọwhu ẹwho lụfuru iya, to nwe ẹka ọdo, a kwatarụ meka iya iwhe; t'e retakwa onye ọbu mekaru iya iwhe ọbu nre, ẹgube dụ ji nwanyị ọbu ree mẹe gẹ ndu ikpe kpetaru.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/21\/22","date":"2018-12-14T00:30:37Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825123.5\/warc\/CC-MAIN-20181214001053-20181214022553-00280.warc.gz","language":"eza","language_score":1.0000083447,"language_script":"Latn","minhash_cluster_size":1,"top_langs":"{\"eza_Latn_score\": 1.0000083446502686}","num_words":49,"character_repetition_ratio":0.0,"word_repetition_ratio":0.0,"special_characters_ratio":0.279,"stopwords_ratio":0.286,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 15\nNke ngwo-ẹja, ndu Ízurẹlu l'a-gbajẹ\n1Onye-Nwe-Ọha bya asụ Mósisu 2t'o kfuru yeru ndu Ízurẹlu sụ whẹ agha: \"Unu -lwalẹwho je eburu l'alị ono, mu l'eme tẹ mu nụ unu, 3unu -gbadẹlewho ẹja anụ Onye-Nwe-Ọha, unu eshi l'igwe élwù unu họta anụ gbua kpọo ọku gude gbaa ẹja ọbu t'ọ bụru ngwo-ẹja, mkpọ iya dụ Onye-Nwe-Ọha ree. Unu l'e-meje iya nno l'ẹja ọkpokota-iwhe-ọku mẹe nteke unu l'anụ mu iwhe gude emedzu ụkwa, unu kweru mu mẹe nteke unu l'anụ mu iwhe shi unu l'obu m'ọ bụ nteke unu l'agba ẹja l'ori oge. 4Onye wotaru ngwo-ẹja ono l'e-yekobeje iya ngwo-ẹja nri bya anụ Onye-Nwe-Ọha, mbụ nkere iri nkwẹka witi, e gweru egwegwe gwọkobe iya nkerẹno ekpemu mmanụ.\n5\"Iwhe bụ nwatụru, e gude agba ẹja ọkpokota-iwhe-ọku m'ọ bụ ẹja mmaanụ ọdo bẹ unu l'e-yekobeje ngwo-ẹja mmẹe, mbụ nkerẹno ọvara mmẹe.\n6\"A bya l'iwhe bụ ebyila, e gude agba ẹja, unu eyekobeje iya ngwo-ẹja nri, mbụ ụzo labọ l'ime nkere iri nkwẹka witi, e gweru egwegwe gwọkobe iya nkerẹto ekpemu mmanụ. 7Ngwo-ẹja mmẹe ono bẹ unu l'e-gude nkerẹto ọvara mmẹe gwoo. T'unu meje iya t'ọ bụru ngwo-ẹja, mkpọ iya dụ Onye-Nwe-Ọha ree.\n8\"Nteke bụ l'unu gude nwa oke-eswi agbarụ Onye-Nwe-Ọha ẹja ọkpokota-iwhe-ọku m'ọ bụ ẹja mmaanụ ọdo, shi nno medzua ụkwa, unu kweru Onye-Nwe-Ọha m'ọ bụ gude iya gbaa ẹja ẹhu-guu, 9t'onye l'agba ẹja ono yekobekwa iya ngwo-ẹja nri, mbụ ụzo ẹto l'ime nkere iri nkwẹka witi, e gweru egwegwe gwọkobe iya ugvu ekpemu mmanụ. 10O nokwawho g'unu l'e-wotaje ugvu ọvara mmẹe gude gwoo ngwo-ẹja mmẹe. Ngwo-ẹja ono bẹ l'a-bụru ngwo-ẹja, a kpọru ọku, mkpọ iya dụ Onye-Nwe-Ọha ree.\n11\"Ọ bụru nno bẹ unu l'e-megbaru iya l'iwhe bụ oke-eswi m'ọ bụ ebyila m'ọ bụ nwatụru m'ọ bụ nwa-eghu, unu gude agba ẹja. 12O noo g'unu l'e-megbarụ iya l'iwhe bụ ẹja, unu l'agba agba, m'ọ ha agha m'ọ ha agha. 13Iwhe bụ onye a nwụru anwụnwu lẹ Ízurẹlu bẹ bụ l'ụzo, dụ nno bẹ l'oo-meje ngwo-ẹja, l'oogwo anụ Onye-Nwe-Ọha, mbụ ngwo-ẹja, a kpọru ọku shi nno mee tẹ mkpọ iya dụ Onye-Nwe-Ọha ree. 14E shi l'ọgbo nkunu je akpaa lẹ ndu ọwhu l'a-bya l'atatiwhu, onye bụ onye lwarụ alwa, bu l'echilabọ unu -wota ẹja bya tẹ ya gbaarụ Onye-Nwe-Ọha, mbụ ẹja, a kpọkotaru ọku, shi nno mee tẹ mkpọ iya dụ Onye-Nwe-Ọha ree, t'ọ bụkwaru ẹgube unu l'emeje bẹ onye ọbu l'e-me. 15Ọo nsọ lanụ ono dụru unubẹ ndu Ízurẹlu l'owhu mẹe iwhe bụ ndu lwarụ alwa, bu l'echilabọ unu. Nsọ ono l'a-nọlewho shi l'ọgbo nkunu rwua l'ọgbo ọdo jeye lẹ gbururu. Ọo g'unu dụ l'atatiwhu Onye-Nwe-Ọha bụ gẹ ndu lwarụ alwa dụkwawho. 16Ọ bụru iwu lanụ yẹle nsọ lanụ dụru unu lẹ ndu lwarụ alwalwa, bu l'echilabọ unu.\"\nỌnu Onye-Nwe-Ọha iwhe mbụ\n17Onye-Nwe-Ọha bya asụ Mósisu 18t'o kfuru ndu Ízurẹlu sụ whẹ agha: \"Unu -rwulewho alị ono, mu l'edu unu eje ono, 19unu ridelewho nri, shi l'alị ono, unu wofukwa oke iya nke Onye-Nwe-Ọha bya anụ iya. 20Unu gude ụturutuu-iwhe, shi l'akpụru iwhe mbụ, unu metaru l'alị ono gheta buredi nụ Onye-Nwe-Ọha t'ọ bụru ngwo-ẹja, shi l'ẹka l'eechije witi. 21Ngwo-ẹja ụturutuu-iwhe mbụ, unu metaru l'alị ono bẹ unu l'a-nụje Onye-Nwe-Ọha jeyewaro, shi l'ọgbo rwua l'ọgbo.\nNgwo-ẹja iwhe-dụ-ẹji, e meru l'amaga ama\n22\"Ọ -bụru l'unu ta amadụ ama haa odobekota iwu-a, Onye-Nwe-Ọha tụshiru ye Mósisu l'ẹka, 23mbụ iwu ono g'ọ ha, Onye-Nwe-Ọha shi l'ẹka Mósisu nụkota unu t'ọ nọwaro shi l'ọgbo rwua l'ọgbo; watalẹwho mbọku, Onye-Nwe-Ọha tụru iya nụ unu. 24Ọ -bụru lẹ ndu Ízurẹlu l'owhu ta amadụ ama, mbụ lẹ whẹ ta akwabẹdu ẹnya mebyia iwu ono, ọo ya bụ, unubẹ ndu Ízurẹlu ewota nwa oke-eswi gude gbaa ẹja ọkpokota-iwhe-ọku, mbụ ngwo-ẹja e meru, mkpọ iya dụ Onye-Nwe-Ọha ree. Unu eyekobe iya ngwo-ẹja nri mẹe ngwo-ẹja mmẹe, l'etsoje iya nụ yẹle mkpi, l'ee-gude gbaa ẹja iwhe-dụ-ẹji. 25T'onye l'agbajẹ ẹja nụ Chileke gbaa ẹja ono gude kfụa ụgwo iwhe-dụ-ẹji ndu Ízurẹlu ono l'owhu; ndụge a gụaru whẹ nvụ l'iwhe-dụ-ẹji ono, whẹ meru, o noo nkele whẹ ta amadụ ama mee ya; bya egwowaru ngwo-ẹja nụ Onye-Nwe-Ọha l'iswi iwhe-dụ-ẹji ono, whẹ meru, mbụ ngwo-ẹja, a kpọru ọku mẹe ngwọ-ẹja iwhe-dụ-ẹji. 26Ndu Ízurẹlu l'owhu mẹe ndu lwarụ alwa, bu l'echilabọ whẹ bẹ l'aa-gụkotaru nvụ, o noo nkele whẹ ta amadụ ama mee iwhe-dụ-ẹji ono.\n27\"Ọle ọ -bụru l'ọo onye lanụ ta amadụ ama mee iwhe-dụ-ẹji, onye ọbu ewota nwada eghu, gbarụ awha t'e gude gbaa ẹja iwhe-dụ-ẹji ọbu, o meru. 28Onye l'agbajẹ ẹja nụ Chileke bẹ l'a-nọdu l'iwhu Onye-Nwe-Ọha kfụa ụgwo iwhe-dụ-ẹji, onye ọbu meru l'amaga ama. A -kfụlewho ụgwo iwhe-dụ-ẹji ono, onye ono meru, a gụaru iya nvụ. 29Iwu lanụ ono bụ iya dụru iwhe bụ onye l'amaa ama mee iwhe-dụ-ẹji m'ọ bụ onye a nwụru anwụnwu lẹ Ízurẹlu m'ọ bụ onye lwarụ alwa.\nNgwo-ẹja iwhe-dụ-ẹji, a marụ ama mee\n30\"Obekwanu l'onye marụ ama mee iwhe-dụ-ẹji, m'a nwụru onye ọbu anwụ lẹ Ízurẹlu m'ọ bụ onye lwarụ alwa bẹ onye ọbu kfubyiakwaru ẹwha Onye-Nwe-Ọha. Onye dụ nno bẹ l'ee-kefu l'oke l'echilabọ ndibe whẹ. 31Nkeshi ọwhu onye ono l'adụa iwhe ọ gụberu okfu Onye-Nwe-Ọha, o mebyiwa iwhe iwu Onye-Nwe-Ọha kfuru b'e kefuje onye ọbu l'oke, iwhe-dụ-ẹji o metaru atukoru iya l'ishi.\"\nOnye dosweru nsọ mbọku-ọtuta-ume bẹ l'ee-gbu\n32Nteke ndu Ízurẹlu nọkwadu l'echi-ẹgu b'o nweru nwoke ọbu, e guderu gẹ l'ọokpa nkụ lẹ mbọku-ọtuta-ume. 33Ndu whụru iya l'ẹka l'ọokpa nkụ ono kpụta iya kpụ-kfu Mósisu yẹle Érọnu mẹe ndu Ízurẹlu l'owhu. 34Whẹ kpụta iya tụ-chia atụ-chi nkele e teke ekfukahudua iwhe l'ee-me iya ekfukahu. 35Ọo ya bụ, Onye-Nwe-Ọha sụ Mósisu: \"Nwoke ono bẹ l'ee-gbu egbu. Tẹ ndu Ízurẹlu l'owhu kpụfu iya azụ ẹka whẹ kpọberu ụlo-ẹkwa ebubu whẹ je atụ-gbua ya l'ẹwhuru.\" 36Tọ dụ iya bụ, ndu Ízurẹlu bya kpụta iya kpụfu azụ ẹka ono, whẹ kpọberu ụlo-ẹkwa ebubu whẹ ono tụ-gbua ya l'ẹwhuru gẹ Onye-Nwe-Ọha kfuru Mósisu.\nIwhe a kparụ akpakpa dzụgbabe l'uwe\n37Onye-Nwe-Ọha bya asụ Mósisu 38t'o kfuru ndu Ízurẹlu sụ whẹ agha: \"Unu kpaa iwhe-akpakpa l'ogboromọnu uwe unu. Unu adzụru oghu, dụ urwukpu-urwukpu ye l'eli oghu ono, unu kpangashịru dzụpyabe l'uwe ono. O noo g'unu l'e-meje iya shi l'ọgbo rwua l'ọgbo. 39Iwhe-akpakpa ono bẹ unu l'eleje ẹnya gude nyata iwu mụbe Onye-Nwe-Ọha, nke ọwhu unu l'a-nọje eme iya ememe haa ụrwu-alị ono, ọlolikpakpa ejo-iwhe, l'anọje agụkaa obu unu mẹe ẹnya unu l'enwujeru unu ye t'unu mee. 40Ọo ya bụ, nke ọwhu unu l'a-nyatajẹ iwhe lile, iwu mu kfuru eme iya ememe, shi nno, unu edobe onwunu nsọ l'ẹka Chileke unu nọ. 41Ọo Mu bụ Onye-Nwe-Ọha bụru Chileke unu, mbụ onye ono, dufutaru unu l'alị Íjiputu; tẹ mu bụru Chileke unu. Ọo Mu bụ Onye-Nwe-Ọha bụru Chileke unu.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/15","date":"2018-12-18T23:34:15Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829997.74\/warc\/CC-MAIN-20181218225003-20181219011003-00476.warc.gz","language":"eza","language_score":1.0000082254,"language_script":"Latn","minhash_cluster_size":1,"top_langs":"{\"eza_Latn_score\": 1.000008225440979}","num_words":1083,"character_repetition_ratio":0.092,"word_repetition_ratio":0.009,"special_characters_ratio":0.259,"stopwords_ratio":0.28,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 8:29\n29Mósisu sụ: \"Mu l'atụgbuwaru alụfu l'atatiwhu ghu; mu l'e-kfuru-a nụ Onye-Nwe-Ọha nke ọwhu otsu dududu ijiji ono l'a-ha gụbe Fero echile; haa ndu ozhi ghu mẹe ndu alị ghu. Ọlewho tẹ gụbe Fero ba gbawhehe ẹregede, shi nno jịka tẹ ndu Ízurẹlu be eje agbarụ ẹja nụ Onye-Nwe-Ọha.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/8\/29","date":"2018-12-17T13:14:48Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828507.57\/warc\/CC-MAIN-20181217113255-20181217135255-00246.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":49,"character_repetition_ratio":0.072,"word_repetition_ratio":0.0,"special_characters_ratio":0.257,"stopwords_ratio":0.143,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 6:12\n12Oo-dobe onwiya iche l'ẹka Onye-Nwe-Ọha nọ jeye ya anọ-gezhia bụru onye dụ iche. Ya ewota ịgogolo, gbarụ awha nụ t'e gude gbaa ẹja ikpe-anmanma. Oge ọwhu, ọ nọhawaru bẹ l'ẹte agụduru eye iya, o noo nkele o merwuru onwiya nteke ono, o shi dobe onwiya nsọ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/6\/12","date":"2018-12-16T03:35:37Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827252.87\/warc\/CC-MAIN-20181216025802-20181216051802-00210.warc.gz","language":"eza","language_score":0.999552846,"language_script":"Latn","minhash_cluster_size":1,"top_langs":"{\"eza_Latn_score\": 0.999552845954895}","num_words":47,"character_repetition_ratio":0.023,"word_repetition_ratio":0.0,"special_characters_ratio":0.257,"stopwords_ratio":0.234,"flagged_words_ratio":0.0,"lang_id_score":0.998,"perplexity_score":500.0,"cluster_detection":1} +{"text":"Awụfu 16\nMana mẹe ọkwa\n1Ndu Ízurẹlu gẹ whẹ ha shi lẹ Elimu palihu ije whẹ, bya erwua l'echi-ẹgu Sinu, dụ lẹ mgbaku Elimu yẹle ugvu Sáyinayi g'ọnwa nke ẹbo dụ l'abalị iri l'ise; gẹ whẹ fụta-geleruwho l'alị Íjiputu. 2Gẹ ndu Ízurẹlu kpaawhuu tụkoru gụa áwhụ kpua Mósisu yẹle Érọnu l'echi-ẹgu ono 3sụ whẹ: \"Ọ -bụ lẹ Onye-Nwe-Ọha gude ẹka iya gbua anyi l'alị Íjiputu mẹ ya akakwaru anyi mma! Ẹka ono anyi shi anọ-whegejee ite-anụ mgburumgburu; anyi shi erije nri, ya eji anyi ẹwho. Obenu l'unu dufutaru anyi bya achịru wụshi l'echi-ẹgu l'ẹka-a t'unu kpọ-gbushia anyịbe igwe-ọha-a l'ẹgu.\"\n4Onye-Nwe-Ọha sụ Mósisu: \"Mu l'e-shi l'imigwe chịaru unu nri g'ọo mini. Ndu Ízurẹlu l'a-lụfutaje mbọkumboku bya ekpota gẹ whẹ l'e-ri lẹ mbọku. Mu l'e-shi ẹgube ono data whẹ, marụ mẹ whẹ l'e-kweta mejee iwhe iwu mu kfuru. 5O -rwulewho lẹ mbọku nke ishii, whẹ eshia nri ọwhu whẹ kpotaru. Mbọku ono bẹ whẹ l'e-kpota iya t'ọ ha g'ọo ọwhu whẹ l'ekpotajehawaa mbọku ọdo ugbo labọ.\"\n6Ọo ya bụ, Mósisu yẹle Érọnu sụ ndu Ízurẹlu gẹ whẹ ha: \"Urwẹnyashi-a bẹ unu l'a-ma l'ọo Onye-Nwe-Ọha bụ onye dufutaru unu l'alị Íjiputu. 7O -rwua l'ụtsu bẹ unu l'a-whụ ọdu-biribiri Onye-Nwe-Ọha, o noo nkele ọ nụwaru áwhụ ono, unu l'agụ ekpu yẹbe Onye-Nwe-Ọha. ?Oo onye bẹ anyịbedua bụ, nke t'unu gụjeru anyi áwhụ?\" 8Mósisu sụkwawho: \"Unu l'a-ma ezhi-okfu ezhi-okfu l'ọo Onye-Nwe-Ọha b'ọ bụ. Nkele ọo-nụ unu anụ, unu l'a-ta l'urwẹnyashi-a mẹe nri, l'a-sụ unu eriri l'ụtsu, o noo nkele Onye-Nwe-Ọha bẹ nụwaru áwhụ ono unu gụru kpua ya. ?Oo onye bẹ anyi bụ? Áwhụ unu l'agụ ta abụkwa anyi bẹ unu l'agụ iya ekpu, ọo Onye-Nwe-Ọha bẹ unu l'agụ iya ekpu.\"\n9Mósisu sụ Érọnu: \"Sụ ndu Ízurẹlu tẹ whẹ tụko gẹ whẹ ha byakọta l'atatiwhu Onye-Nwe-Ọha. Nkele ọ nụwaru áwhụ, unu l'agụ.\"\n10Tọ dụ iya bụ, Érọnu gudekwadua iwhe ono l'ọnu ekfuru ndu Ízurẹlu gẹ whẹ ha, whẹ lee ẹnya l'ụzo echi-ẹgu whụ g'ọdu-biribiri Onye-Nwe-Ọha nwuru whoo l'urwukpu ono, kpụru orogbodo ono.\n11Onye-Nwe-Ọha sụ Mósisu: 12\"Mu nụwaru áwhụ ono, ndu Ízurẹlu l'agụ. Kfuru whẹ lẹ mu sụru l'o -rwulewho l'urwẹnyashi bẹ whẹ l'a-ta anụ. O -rwua l'ụtsu, e gude nri zụ-jia whẹ ẹwho. Ọo ya bụ nke ọwhu whẹ l'a-ma l'ọo Mu bụ Onye-Nwe-Ọha, bụ Chileke whẹ.\"\n13O rwulewho l'urwẹnyashi ono, ọkwa bya atụko ẹka whẹ kpọberu ụlo-ẹkwa whẹ kụru. A fụta-deshia l'ụtsu, iji dashịwaa l'ẹka ono, whẹ kpọberu ụlo-ẹkwa whẹ ono mgburumgburu. 14Iji ono kohulewho l'alị; o nweru nwa iwhe ọbu, wụshiru l'alị l'echi-ẹgu ono, dụ-gee yẹriyeri, bya adụ g'ọo iji, oyi meru ọ kpụkoo akpụko. 15Ndu Ízurẹlu whụlewho iwhe ono, whẹ jịlahaa ibe whẹ sụ: \"?Ọo gụnu dụ ẹgube-ẹ?\" O noo nkele whẹ ta amahadụa iwhe ọbu.\nMósisu sụ whẹ: \"Ọo nri, Onye-Nwe-Ọha nụru unu t'unu ria. 16Unu lee iwu, Onye-Nwe-Ọha tụru ndọwa: 'Onyenọnu l'e-kpotaje ọwhu l'a-sụ iya eriri. Ndu, bu l'ụlo-ẹkwa unu bẹ unu l'e-kpotajeru ogbongu nnanụ nnanụ.' \"\n17Ndu Ízurẹlu mee g'e kfuru whẹ. O nweru ndu ọwhu kpotaru shii; o nweru ndu ọwhu kpotaru nwanshị. 18E megee, whẹ gbaa ya l'ogbongu; onye kpotaru shii te ekpotadu iya nke etsutsu iya; onye ọwhu kpotaru nwanshị, nkiya te epehukwanu. Onyenọnu bẹ kpotaleruwho ọwhu sụru iya eriri.\n19Mósisu sụ whẹ: \"Tọ bọ dụkwa onye l'e-dobe nkiya t'ọ fụta ụtsu.\"\n20Ọle o nweleru-a ndu ọwhu l'ẹte angabẹeru Mósisu nchị; whẹ hawhodo nkewhe dobe ọ fụta ụtsu. A fụta-deshia l'ụtsu, ikpiri-ẹhonwu jiwa iya ejiji; tẹmenu l'ooshikwawho nshi. Iwhe ono, whẹ meru ghua Mósisu maa.\n21Ụtsu g'ụtsu ha, onyenọnu ekpota ọwhu l'a-sụ yẹle ndibe iya eriri. Anwụ chishidelewho ike, ndu ọwhu whọduru l'alị azashịhu. 22O rwua lẹ mbọku nke ishii, whẹ kpota ọwhu ha g'ọo ọwhu whẹ l'ekpotajehawaa ugbo labọ. Ogbongu labọ bẹ whẹ kpotaru onye lanụ. Ndu ishi ndu Ízurẹlu bya emee tẹ Mósisu marụ. 23Ọ sụ whẹ: \"Ọ waa iwhe Onye-Nwe-Ọha tụru l'iwu ndọwa: 'Echile bụ Sabatụ; mbụ mbọku-ọtuta-ume, dụ nsọ nke Onye-Nwe-Ọha. Ọo ya bụ, unu ghee iwhe dụ unu nke egheghe, unu eshia iwhe dụ nke eshishi ntanụ. Ọwhu nmafụtaru nụ bẹ unu l'e-dobe jeye l'ụtsu.' \"\n24Whẹ dobe iya, ọ fụta ụtsu; ẹgube ono, Mósisu kfuru whẹ; t'o shi nshi; ikpiri-ẹhonwu ta ala iya. 25Mósisu sụ whẹ: \"Unu ria ya ntanụ. O noo nkele ntanụ bụ mbọku-ọtuta-ume nke Onye-Nwe-Ọha; unu ta awhụdu nri l'ọma uwhu ntanụ. 26Nri ono bẹ unu l'e-kpotaje jeye abalị ishii, ọle mbọku nke ẹsaa bụ iya bụ mbọku-ọtuta-ume bẹ nri ono l'ẹte adụhedu.\"\n27Obenu l'o nweleru-a ndu tụgburu jeshia okpota nri ono lẹ mbọku nke ẹsaa ono, tọ dụ ọwhu whẹ whụru. 28Onye-Nwe-Ọha sụ Mósisu: \"?Ọo nteke ole bẹ unu l'a-jịka-beru ome iwhe mu kfuru mẹe iwu mu? 29Nyatakwa l'ọo Onye-Nwe-Ọha bẹ nụru unu mbọku-ọtuta-ume. Ọo ya meru g'o gude l'ọobuje o -rwua mbọku nke ishii, mu anụ unu nri, l'e-dzuru unu eriri abalị labọ. O -rwujee lẹ mbọku nke ẹsaa t'onyenọnu nọduje-zhiawho l'ẹka ọ nọ. Tọ bọ dụshi onye l'a-lụfuje alụfu.\" 30Ọo ya bụ, ndu Ízurẹlu bya edzua ike lẹ mbọku nke ẹsaa ono.\n31Ndu Ízurẹlu kuru ẹwha nri ono mana. Ọocha ụcha g'ọo akpụru koriyanda; ụtso iya dụ-zhiawho g'ọo ụtso ẹcha-mbeke, e gude mmanụ-ẹnwu mee. 32Mósisu sụ: \"Ọ waa iwhe Onye-Nwe-Ọha l'ekfu ndọwa: 'Unu kpota mana ono ogbongu lanụ doberu ọgbo ọwhu l'abya l'atatiwhu. Nke ọwhu whẹ l'a-whụ ọga nri, mu gude zụa unu l'echi-ẹgu; nteke mu dufutaru unu l'alị Íjiputu.' \"\n33Ọo ya bụ, Mósisu sụ Érọnu: \"Wota ite kporu mana, jiru ogbongu lanụ wụru ye iya. Dobe iya l'atatiwhu Onye-Nwe-Ọha, t'ọ dụru ọgbo ọwhu l'abya l'atatiwhu.\"\n34Érọnu woru mana ono dobe l'atatiwhu igbe ono, e yeru ẹkwo iwu Onye-Nwe-Ọha nke ọwhu l'ee-dobe iya gẹ Onye-Nwe-Ọha kfuru iya Mósisu. 35Ndu Ízurẹlu ria mana ono ụkporo awha ugbo labọ; jeye whẹ jerwua alị ẹka madzụ bu ebu. Mbụ lẹ whẹ riru mana ono jeye nteke whẹ rwuru l'oge alị Kenanu.\n36Ogbongu lanụ bụ okere lanụ l'ụzo iri l'iwhe jiru efere nkwẹka.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/16","date":"2018-12-19T10:27:06Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376831933.96\/warc\/CC-MAIN-20181219090209-20181219112209-00285.warc.gz","language":"eza","language_score":1.0000097752,"language_script":"Latn","minhash_cluster_size":1,"top_langs":"{\"eza_Latn_score\": 1.0000097751617432}","num_words":962,"character_repetition_ratio":0.072,"word_repetition_ratio":0.0,"special_characters_ratio":0.259,"stopwords_ratio":0.288,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 50:5\n5lẹ nna mụbe Jósẹfu sụkwaru tẹ mu riaru iya nte nteke ọ sụru mu lẹ ya bya l'anwụhu, mbụ tẹ mu riaru iya nte lẹ mu l'e-je elia ya l'ilu, yẹbe Ízurẹlu dozhiru onwiya l'alị Kenanu. Unu kfuru iya t'ọ hanụa mu tẹ mu je elia nna mu ọbu, mu alawhuwaro azụ.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/50\/5","date":"2018-12-14T09:36:51Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825512.37\/warc\/CC-MAIN-20181214092734-20181214114234-00367.warc.gz","language":"eza","language_score":0.99945122,"language_script":"Latn","minhash_cluster_size":1,"top_langs":"{\"eza_Latn_score\": 0.999451220035553}","num_words":53,"character_repetition_ratio":0.094,"word_repetition_ratio":0.0,"special_characters_ratio":0.265,"stopwords_ratio":0.358,"flagged_words_ratio":0.0,"lang_id_score":0.998,"perplexity_score":500.0,"cluster_detection":1} +{"text":"Awụfu 28:38\n38Érọnu -kpuru okpu ono, e gude ẹkwa kwaa, iwhe ono akụda nọdu iya l'egedege iwhu. Ọo Érọnu bẹ l'ọo-tụ-koru l'ishi, mbụ mmerwu, e merwuru iwhe-dụ-nsọ, mbụ iwhe ono, ndu Ízurẹlu doberu nsọ t'ọ bụru iwhe whẹ nụru mụbe Onye-Nwe-Ọha, o beru iwhe ọbu, whẹ doberu mu nsọ ọbu dụ ọdu agha. Iwhe ono, dụ g'ọo okpekpu ono l'a-kụdaje nọdu Érọnu l'egedege iwhu; ndụge iwhe ono, ndu Ízurẹlu doberu nsọ adụkwanu mụbe Onye-Nwe-Ọha ree anata.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/28\/38","date":"2018-12-16T03:53:53Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827252.87\/warc\/CC-MAIN-20181216025802-20181216051802-00214.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":75,"character_repetition_ratio":0.089,"word_repetition_ratio":0.0,"special_characters_ratio":0.258,"stopwords_ratio":0.293,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 11:25\n25Ọo ya bụ, Onye-Nwe-Ọha gude urwukpu nyizeta bya ekfuru yeru Mósisu, harụ ume, dụ Mósisu l'ẹhu habọta woru ye ndu bụ ọgurenya ụkporo ugbo ẹto l'ụmadzu iri ono l'ẹhu. Nteke ume ono byalẹru whẹ whọ l'ẹhu, whẹ awata anọ ekfuchiru Chileke. Obenu lẹ whẹ te ekfuchiduru iya tụgbuwaruro.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/11\/25","date":"2018-12-11T09:34:15Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823614.22\/warc\/CC-MAIN-20181211083052-20181211104552-00218.warc.gz","language":"eza","language_score":1.0000020266,"language_script":"Latn","minhash_cluster_size":1,"top_langs":"{\"eza_Latn_score\": 1.0000020265579224}","num_words":49,"character_repetition_ratio":0.0,"word_repetition_ratio":0.0,"special_characters_ratio":0.236,"stopwords_ratio":0.286,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 13:8\n8Nteke onye l'agbajẹ ẹja nụ Chileke ono leru iya ẹnya, ọ whụa l'iwhe ono bẹ bakahụru abakahụ nke bụ ezhi-okfu, ọo ya bụ, onye l'agbajẹ ẹja nụ Chileke ono agụa ya l'onye l'aasọ nsọ. Ọo ejo ẹhu-ba-dụ-mma, l'eswe nswe dụ onye ono l'akpọ-ẹhu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/13\/8","date":"2018-12-15T21:41:17Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827097.43\/warc\/CC-MAIN-20181215200626-20181215222626-00140.warc.gz","language":"eza","language_score":1.0000067949,"language_script":"Latn","minhash_cluster_size":1,"top_langs":"{\"eza_Latn_score\": 1.0000067949295044}","num_words":44,"character_repetition_ratio":0.114,"word_repetition_ratio":0.0,"special_characters_ratio":0.264,"stopwords_ratio":0.386,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 29:5\n5Chịta uwe ndu l'agbajẹ ẹja nụ Chileke whọ gude kwaa Érọnu ngwa. Vuru ụzo yee ya uwe ime-ẹhu whọ, tẹmenu gụ eyede iya uwe mkpẹelanu whọ, l'ee-yepyabe uwe ifọdu l'eli. Nteke ono gụ eyee ya uwe ifọdu ọbu l'onwiya mẹe ẹkwa-nkwechi-obu whọ; gude wẹrere ẹkwa whọ, a kparụ t'e gudeje kebuta uwe ifọdu ono gude kebuta iya, mbụ wẹrere ẹkwa ono, onye marụ ọkpa ẹkwa kparụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/29\/5","date":"2018-12-17T16:33:50Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828697.80\/warc\/CC-MAIN-20181217161704-20181217183704-00613.warc.gz","language":"eza","language_score":0.9999864101,"language_script":"Latn","minhash_cluster_size":1,"top_langs":"{\"eza_Latn_score\": 0.9999864101409912}","num_words":67,"character_repetition_ratio":0.06,"word_repetition_ratio":0.0,"special_characters_ratio":0.241,"stopwords_ratio":0.164,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 38:26\n26Iwhe mkpọla-ọcha ono gbarụ whẹ l'ẹhu l'ẹhu bụ nkere shẹkelu labọ. Ẹrwa mkpọla-ọcha ono bẹ yẹle shẹkelu ụlo-nsọ hakọta ẹnya nhamụnha. Ndu a gụru ọgu nteke ono, a gụru ndu Ízurẹlu ọgu ono bụ wata l'unwoke gbarụ ụkporo awha tụgbushia. Iwhe whẹ dụkota bụ ụkporo ụnu madzụ ugbo ụkporo ẹto l'ụkporo ụnu ụzo iri l'ise; l'ụnu madzụ ẹsato l'ụkporo madzụ iri l'ẹsaa l'ụmadzu iri.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/38\/26","date":"2018-12-10T01:35:40Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823236.2\/warc\/CC-MAIN-20181210013115-20181210034615-00182.warc.gz","language":"eza","language_score":0.9999321699,"language_script":"Latn","minhash_cluster_size":1,"top_langs":"{\"eza_Latn_score\": 0.9999321699142456}","num_words":65,"character_repetition_ratio":0.08,"word_repetition_ratio":0.0,"special_characters_ratio":0.235,"stopwords_ratio":0.215,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 7:1\nOdobe Mkpuumkpu-ẹkwa Onye-Nwe-Ọha nsọ\n1Tọ dụ iya bụ, Mósisu gvubegelewho mkpuumkpu-ẹkwa, ọ wụa ya mmanụ bya edobe iya nsọ, dobekwawho iwhe bụ arya mkpuumkpu-ẹkwa ono g'ọ ha nsọ. O nokwawho g'ọ wụru mmanụ l'ẹnya-mgbẹja dobe iya nsọ, bya edobekwawho iwhe bụ arya ẹnya-mgbẹja ono g'ọ ha nsọ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/7\/1","date":"2018-12-10T04:29:55Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823303.28\/warc\/CC-MAIN-20181210034333-20181210055833-00545.warc.gz","language":"eza","language_score":1.0000071526,"language_script":"Latn","minhash_cluster_size":1,"top_langs":"{\"eza_Latn_score\": 1.000007152557373}","num_words":48,"character_repetition_ratio":0.118,"word_repetition_ratio":0.0,"special_characters_ratio":0.232,"stopwords_ratio":0.333,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 20:25\n25\"Ọ kwa iya bụ, unu mejekwa iya t'o doo ẹnya, mbụ ọdu l'iche dụ l'anụ l'aasọ nsọ yẹle anụ l'aata asọ nsọ mẹe l'ẹnu l'aasọ nsọ yẹle ẹnu l'aata asọ nsọ. Unu be egudekwa anụ m'ọ bụ ẹnu m'ọ bụ iwhe l'awụ l'ẹwho merwua onwunu, mbụ ụnwu anụ ono mu doberu iche t'unu sọje nsọ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/20\/25","date":"2018-12-09T23:23:40Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823228.36\/warc\/CC-MAIN-20181209232026-20181210013526-00467.warc.gz","language":"eza","language_score":0.9999923706,"language_script":"Latn","minhash_cluster_size":1,"top_langs":"{\"eza_Latn_score\": 0.9999923706054688}","num_words":56,"character_repetition_ratio":0.101,"word_repetition_ratio":0.0,"special_characters_ratio":0.286,"stopwords_ratio":0.232,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 8:19\n19L'echilabọ ndu Ízurẹlu l'owhu bẹ mu wotawaru ikfu Lívayi woru nụ Érọnu yẹle ụnwu iya, tẹ whẹ jejeru ndu Ízurẹlu ozhi lẹ Ụlo-ẹkwa-ndzuko, whẹ akfụjee ụgwo iwhe-dụ-ẹji ụnwu Ízurẹlu meru, nke ọwhu mgbu-ọnwu l'ete egbu whẹ mẹ whẹ kpọkilitaru ẹka-dụ-nsọ ntse.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/8\/19","date":"2018-12-10T08:48:11Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823320.11\/warc\/CC-MAIN-20181210080704-20181210102204-00279.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":42,"character_repetition_ratio":0.035,"word_repetition_ratio":0.0,"special_characters_ratio":0.236,"stopwords_ratio":0.238,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 19\nỌturwu iwhe atụrwu\n1Onye-Nwe-Ọha sụ Mósisu yẹle Érọnu: 2\"Ọ waa bụ iwu, Onye-Nwe-Ọha tụru sụ: Kfuru ndu Ízurẹlu tẹ whẹ kpụtaru unu nwada eswi, dụ uswe-uswe, ọwhu l'ẹte enwee ọrwu l'ẹhu, ntụpo ta adụ iya l'ẹhu, t'e gudebua ya rwụa ọrwu. 3Unu kpụta nwada eswi ono kpẹe Eliyéza, bụ onye l'agbajẹ ẹja nụ Chileke, t'a kpụfu iya l'azụ ẹka ndu Ízurẹlu kpọberu ụlo-ẹkwa ebubu whẹ je egbua ya l'atatiwhu iya. 4Tẹ Eliyéza, bụ onye l'agbajẹ ẹja nụ Chileke tsẹe mkpụshi-ẹka iya lẹ mmee ya whee ya l'ụzo atatiwhu Ụlo-ẹkwa-ndzuko ugbo ẹsaa. 5Nwada eswi ono bẹ l'aa-kpọ ọku l'atatiwhu iya, kpọo akpọ iya ọku, kpọo anụ iya ọku, kpọo mmee ya ọku, kpọo nshị iya ọku. 6Onye l'agbajẹ ẹja nụ Chileke ono ewota oshi sida mẹe ẹwu ịsopu mẹe oghu uswe-uswe tụru chee l'echilabọ ọku ono, e gude akpọ nwada eswi ono ọku. 7Nteke ono bẹ onye ono, l'agbajẹ ẹja nụ Chileke ono l'e-gude mini saa uwe iya asa, gude mini ghụa ẹhu. O -megele iya whọ nno, ya abata l'ime ẹka ono, a kpọberu ụlo-ẹkwa. Ọle ọo-nọdu bụru onye l'aasọ nsọ jeye l'urwẹnyashi mbọku ono. 8Onye bụ iya kpọru nwada eswi ono ọku bẹ l'e-gudekwawho mini saa uwe iya asa; gude mini ghụa ẹhu, ya anọdukwawho bụru onye l'aasọ nsọ jeye l'urwẹnyashi mbọku ono. 9Onye l'ẹte asọ nsọ bẹ l'e-kpota ntụ, shi l'ọku ono, e gude kpọo nwada eswi ono ọku. Oo-kpota iya je awụshi l'ẹka l'ẹte asọ nsọ l'azụ ẹka ono, ndu Ízurẹlu kpọberu ụlo-ẹkwa ebubu whẹ. Ọ bụru l'ẹka ono bẹ l'aa-wụshiru ndu Ízurẹlu ntụ ono tẹ whẹ gude meje nke mini, l'eegudeje atụrwu madzụ mmerwu, gude iya eme nke ọsafu iwhe-dụ-ẹji. 10Onye bụ iya kpotaru ntụ ono bẹ l'a-sa uwe iya asa; nọdu bụru onye l'aasọ nsọ jeye l'urwẹnyashi mbọku ono. Iwhe ono l'a-bụ nsọ ndu Ízurẹlu jeye lẹ gbururu. Ọo-dụru ndu Ízurẹlu dụru ndu lwarụ alwa, bu l'echilabọ whẹ.\nOdenyi odzu ẹka\n11\"Onye denyiru odzu onye nwụhuru anwụhu ẹka bẹ l'a-bụru onye l'aasọ nsọ jeye abalị ẹsaa. 12Onye ọbu bẹ l'e-gude mini ono, l'eegudeje atụrwu iwhe tụrwua onwiya mmerwu ono lẹ mbọku nke ẹto iya mẹe lẹ mbọku nke ẹsaa ya, tẹmenu a sọ-buhu iya nsọ. Ọle ọ -bụru l'ọ tọo tụrwudu iya onwiya l'ẹhu mbọku nke ẹto iya ono mẹe lẹ mbọku nke ẹsaa ya ono bẹ l'ẹte asọ-buhudu iya nsọ. 13Iwhe bụ onye meru odzu onye nwụhuru anwụhu ẹka, onye ọbu ta atụrwu iya onwiya l'ẹhu bẹ kwa mkpuumkpu-ẹkwa Onye-Nwe-Ọha bẹ l'oomerwu. Onye ọbu bẹ l'ee-kefu l'oke l'ẹka ndu Ízurẹlu nọ. Ọo-bụru onye l'aasọ nsọ, o noo nkele e teke ewheshidua ya mini ono, l'eegudeje atụrwu iwhe; mmerwu ono bẹ dụkwa iya-a l'ẹhu g'ọ dụ iya.\n14\"Ọ waa bụ iwu, dụ lẹ nke onye nọdu l'ụlo-ẹkwa nwụhu. Iwhe bụ onye bahụru l'ime ụlo-ẹkwa nteke ono mẹe iwhe bụ onye nọdu iya l'ime nteke ono bẹ l'a-bụ onye l'aasọ nsọ jeye abalị ẹsaa. 15Iwhe bụ arya, dụ l'ụlo-ẹkwa ono, e gheberu ọnu, t'e kpube iya iwhe bẹ l'aa-sọkwawho nsọ. 16Iwhe bụ onye nọ l'ọma ẹgu denyi ẹka l'odzu onye e gburu lẹ mma m'ọ bụ l'odzu onye nwụhuru anwụhu mmaanụ, ọ dụa l'o denyiru ẹka l'ọkpu onye nwụhuru anwụhu m'ọ bụ l'ilu, bẹ l'a-bụ onye l'aasọ nsọ jeye abalị ẹsaa.\n17\"A -bya l'ẹka ndu l'aasọ nsọ nọ, tẹ whẹ kpota ntụ, shi l'ọku, e gude kpọo ngwo-ẹja iwhe-dụ-ẹji ọku ye l'iwhe, whẹ eje l'ẹka mini, l'asọ asọ dụ kuta mini, doru rịsaa ye iya. 18Ọo ya bụ, onye l'ẹte asọ nsọ ewota ẹwu ịsopu tsẹe l'ime mini ono whee ya l'eli ụlo-ẹkwa ono mẹe l'eli arya, dụ l'ụlo-ẹkwa ono mẹe l'ẹhu ndu nọ l'ime ụlo-ẹkwa ono. O nokwawho gẹ l'oo-whe iya iwhe bụ onye denyiru ẹka l'ọkpu onye nwụhuru anwụhu mẹe l'iwhe bụ onye denyiru ẹka l'odzu onye e gburu lẹ mma m'ọ bụ onye denyiru onye nwụhuru anwụhu mmaanụ ẹka m'ọ bụ onye denyiru ẹka l'ilu. 19Onye ọbu, l'ẹte asọ nsọ l'e-whe onye ono, l'aasọ nsọ mini ono lẹ mbọku nke ẹto mẹe lẹ mbọku nke ẹsaa. O -rwua lẹ mbọku nke ẹsaa ono, ya atụrwu ya mmerwu ono. Onye ono, a tụrwuru mmerwu ono abya asaa uwe iya asa, gude mini ghụa ẹhu, ya abya abụru onye l'ẹte asọhe nsọ l'urwẹnyashi mbọku ono. 20Obenu l'onye l'aasọ nsọ t'ọ tụrwu iya onwiya l'ẹhu bẹ l'ee-kefu l'oke l'echilabọ ndu Ízurẹlu nkele o merwuwaru ụlo-nsọ nke Onye-Nwe-Ọha. Eshi-ọwhu l'ete ewhee ya mini ono, l'eegudeje atụrwu madzụ mmerwu b'ọ bụ onye l'aasọ nsọ. 21O noo bụ iwu, l'a-dụ jeye lẹ gbururu l'ẹka whẹ nọ. Onye ono, bụ iya l'ewheje mini ono, l'eegudeje asafụ madzụ ntụrwu ono bẹ l'a-sakwawhọ uwe nkiya asa. Onye meru ẹka lẹ mini ono, l'eegudeje atụrwu mmerwu bẹ l'a-bụru onye l'aasọ nsọ jeye l'urwẹnyashi mbọku ono. 22Iwhe onye l'aasọ nsọ byiru ẹka bẹ bụkwawho iwhe l'aasọ nsọ; onye mekwanuru ẹka l'iwhe ọbu bẹ l'aa-nọ asọ nsọ jeye l'urwẹnyashi mbọku ono.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/19","date":"2018-12-17T02:18:38Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828056.99\/warc\/CC-MAIN-20181217020710-20181217042710-00480.warc.gz","language":"eza","language_score":0.999976635,"language_script":"Latn","minhash_cluster_size":1,"top_langs":"{\"eza_Latn_score\": 0.999976634979248}","num_words":807,"character_repetition_ratio":0.092,"word_repetition_ratio":0.0,"special_characters_ratio":0.255,"stopwords_ratio":0.321,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 34:7\n7Ụnukurunu madzụ bẹ mu l'egoshije lẹ mu yeru obu. O nokwawho gẹ mu l'agụjeru whẹ nvụ l'ejo-iwhe, whẹ meru, gụaru whẹ nvụ l'ike, whẹ kwefuru mu mẹe l'iwhe-dụ-ẹji, whẹ meru mu. Ọle mu ta ahajẹdu onye ikpe nmarụ tẹ mu ba ahụ̀ iya àhụ̀hù. Ndu l'eme iwhe-dụ-ẹji bẹ mu l'àhụ̀je àhụ̀hù iwhe-dụ-ẹji ono, whẹ l'eme hụ̀-rwua ya l'ẹka ụnwu nwanwa whẹ mẹe nwanwa-nwaranwa whẹ nọ jeye l'ọgbo nke ẹno.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/34\/7","date":"2018-12-12T23:01:17Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824180.12\/warc\/CC-MAIN-20181212225044-20181213010544-00001.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":70,"character_repetition_ratio":0.051,"word_repetition_ratio":0.0,"special_characters_ratio":0.261,"stopwords_ratio":0.386,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 36:6\n6Mósisu bya atụa iwu sụ: \"T'ọ bọ dụkwa nwoke, ọdua l'ọo nwanyị, l'a-dụbaa iwhe ọdo, l'oo-me sụ l'ọo iwhe ya gude eyeta ẹka t'e gude mee nke ụlo-nsọ ono.\" A ryaa iwhe ono, Mósisu kfuru aryarya ryadzuru iya ọdu-ụlo-ẹkwa ndu Ízurẹlu. E shi nno kpọshia ndu Ízurẹlu t'ọ bọ dụhe iwhe whẹ l'e-wotabaa;","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/36\/6","date":"2018-12-17T19:51:13Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829115.83\/warc\/CC-MAIN-20181217183905-20181217205905-00002.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":54,"character_repetition_ratio":0.027,"word_repetition_ratio":0.0,"special_characters_ratio":0.272,"stopwords_ratio":0.222,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 41\nNrọ Fero\n1A nọlewho awha labọ gberegedemu, Fero bya arọo nrọ gẹ ya kfụru l'agụga ẹnyimu Nayịlu. 2A bya l'eledeshia ẹnya, eswi ẹsaa, ẹhu guru egu, hagee okporokpo okporokpo shi l'ime ẹnyimu Nayịlu ono rwufuta, bya anọdu atakaa ikpo. 3A bya l'eledeshia ẹnya; eswi ẹsaa ọdo, jọ-geeru ẹhu, dụkota gangụ gangụ gangụ shikwawho l'ime ẹnyimu ono rwufuta, bya akfụkube ndu ọwhua l'agụga ẹnyimu ono. 4Eswi ẹsaa ono, jọ-geeru ẹhu dụkota gangụ gangụ gangụ ono lwekota eswi ẹsaa whọ, ẹhu guru egu, hagee okporokpo okporokpo. Tọ dụ iya bụ, Fero lwutehu lẹ mgbẹnya ono.\n5A nọnyakwaa, mgbẹnya seru iya ọdo; ọ bya arọkwaa nrọ gẹ ishi akpe ẹsaa, hagee okporokpo okporokpo, whọtaru ishi l'oshi akpe lanụ. Ishi akpe ẹsaa ono gbakọta agbagba dụ ree. 6A bya l'eledeshia ẹnya, ishi akpe ẹsaa ọdo, dụ-gee mgbapya mgbapya whọshia ishi l'oshi akpe ọdo. Ishi akpe ẹsaa ono bẹ whẹrewhere ụzo ẹnyanwu-awata zhipyashiru ezhipyashi. 7Ishi akpe ẹsaa ono, dụ-gee mgbapya mgbapya bya elwekota ishi akpe ẹsaa whọ, hagee okporokpo okporokpo, gbakọta agbagba dụ ree. Ọo ya bụ, Fero lwutehu lẹ mgbẹnya ono. Ọ bya amarụ l'iwhe ono bụ lẹ nrọ.\n8A fụta l'ụtsu iya, iwhe ono l'atsụ iya l'ẹhu shii. O zhia t'e je ekuaru iya ndu Íjiputu, l'emeje amamanshi mẹe ndu mmamagụ Íjiputu. Fero bya ezeeru whẹ nrọ ono, ọ rọru. Tọ dụ onye ọwhu dụ ike kọoru iya iwhe nrọ ono fụtaru.\n9Tọ dụ iya bụ, onye ishi ndu l'agbarụ Fero mmẹe sụ Fero: \"Ntanụ bẹ mu nyatarụ ẹji, mu meru. 10Nteke ono, ẹhu ghujeru gụbe Fero eghu l'ẹka ndu ozhi ghu nọ, mbụ nteke ono, i tụ-chiru mu l'onye ishi ndu ono, l'eghejeru ghu buredi l'ọka-mkpọro ono, dụ l'ụlo onye ishi ndu ojọgu ono, l'eche gụbe Fero nche, 11bẹ o beru l'ẹnyashi ujiku lanụ, anyi labọ rọkota nrọ; nrọ ono nwekotaru iwhe ọ fụtaru l'ẹhu l'ẹhu. 12O nweru nwokorọbya, bụ onye Híburu, anyi l'iya nọgbabe lẹ mkpọro ono, bụ onye ozhi onye ishi ndu ojọgu ono, l'eche gụbe Fero nche. Anyi zeeru iya nrọ ono anyi rọru, ọ kọoru anyi iwhe ọ fụtakotaru. Onyenọnu b'ọ kọwaru iwhe nrọ nkiya fụtaru. 13Ọ bụru g'ọ kọwashiru iya anyi b'o megeeru nwụa. Mbẹdua b'e dobewhuru azụ l'ọkwa, mu nọdu; a swị-gbua onye ishi ndu l'eghejeru eze buredi.\"\n14Ọo ya bụ, Fero zhia t'e je ekua Jósẹfu. E jia ekfu; e je atụfu-kebe Jósẹfu l'ụlo-mkpọro ono. Ọ bya akpụchashia ishi, gbanwee uwe iya, bya ejeshia l'iwhu Fero.\n15Fero sụ Jósẹfu: \"Mu rọru nrọ, tọ dụ onye dụ ike kọoru mu iwhe ọ fụtaru. Ọle mu nụru l'ọobuje, e zeeru ghu nrọ, gụ akọoru onye ọbu iwhe nrọ ono fụtaru.\"\n16Jósẹfu sụ Fero: \"Ọ tọ kwa mu l'akọwaje iya. Ọo Chileke bẹ l'a-kọwaru gụbe Fero iwhe nrọ ono fụtaru ree-ree-ree.\"\n17Fero bya ezeeru Jósẹfu nrọ ono sụ: \"Mu rọru nrọ gẹ mu kfụru l'agụga ẹnyimu Nayịlu, 18eswi ẹsaa, hagee okporokpo okporokpo, ẹhu gukotaru egu shi l'ime ẹnyimu ono rwufuta, bya anọdu atakaa ikpo. 19Eswi ẹsaa ọdo, jọ-geeru ẹhu, dụkota gangụ gangụ gangụ shikwawho l'ime ẹnyimu ono rwufuta. Mu tẹke awhụbudua eswi, dụ-be ẹji nno l'alị Íjiputu. 20Eswi ẹsaa ono, jọ-geeru ẹhu, dụkota gangụ gangụ gangụ ono lwekota eswi ẹsaa nke ivurụzo whọ, hagee okporokpo okporokpo. 21Whẹ lwegee whẹ, whẹ ta adụro g'ọo whẹ lweru eswi ono, nkele whẹ dụle-ẹ gangụ gangụ gangụ ono, whẹ shihawa dụ lẹ mbụ. Mu lwutehu lẹ mgbẹnya ono.\n22\"Mgbẹnya byakwa eseru mu ọdo, mu rọkwaa nrọ gẹ mu whụru ishi akpe ẹsaa, whọtaru ishi l'oshi akpe lanụ. Ishi akpe ẹsaa ono gbakọta agbagba dụ ree 23Ishi akpe ẹsaa ọdo, dụ-gee mgbapya mgbapya bya awhọtakwawho ishi l'oshi akpe lanụ. Ishi akpe ono dụ-gee zhịgazhiga; whẹrewhere ụzo ẹnyanwu-awata zhipyashia ya ezhipyashi. 24Ishi akpe ẹsaa ono, dụ-gee mgbapya mgbapya ono lwekota akpe ọwhu, dụ-gee ree. Mu zeeru ndu l'eme amamanshi nrọ ono, tọ dụ onye ọwhu dụ ike kọwaru mu iwhe ọ fụtaru.\" 25O noo ya, Jósẹfu sụ Fero: \"Uzhi nrọ labọ ono, gụbe Fero rọru bụkwa iwhe lanụ. Chileke bẹ goshiru gụbe Fero iwhe l'ọo-bya ememe. 26Eswi ẹsaa whọ, dụkota okeru l'ẹnya bụ awha ẹsaa; ishi akpe ẹsaa whọ, dụkota ree bụkwaruwho awha ẹsaa. Ọo ya bụ l'ọo iwhe lanụ bẹ nrọ ono bụ. 27Eswi ẹsaa whọ, jọ-geeru ẹhu, dụkota gangụ gangụ gangụ whọ, fụta-kpeeru azụ, bẹ bụ awha ẹsaa. Ishi akpe ẹsaa whọ, dụ-gee mgbapya mgbapya, whẹrewhere ụzo ẹnyanwu-awata zhipyashiru ezhipyashi bụru awha ẹsaa ẹgu l'e-mekota.\n28\"Ọo ẹgube ono, mu kfuru ghu iya bụ g'ọ dụ. Ọo Chileke goshiru gụbe Fero iwhe yẹbe Chileke l'abya ememe. 29Sụa, awha ẹsaa bẹ nri l'a-kwata akwata dụ shii l'alị Íjiputu kpaa-whuu, dụ iya nke anyịnyi. 30Ọle, awha ẹsaa ọwhu, l'etsota iya nụ bẹ mkpẹgu l'e-me. Nteke ono bẹ l'aanyazọshi awha ẹsaa whọ, nri shi dụ nke anyịnyi l'alị Íjiputu. Mkpẹgu ono l'a-nmakọta alị ono swọkiswoki. 31O to nwedu onye bya l'a-nyatakwadụ awha ono, nri shi dụ nke anyịnyi l'alị ono, o noo nkele mkpẹgu ono, l'e-tsota iya l'e-meshi ike. 32Iwhe meru g'o gude Fero rọo nrọ ono ugbo labọ bẹ bụ lẹ Chileke tubuwaru lẹ ya mefutaje iwhe ono, tẹmenu tọ dụhe gẹ l'aa-nọ-bekwedu, Chileke emee ya.\n33\"Iwhe l'ii-me ntaa bụkwa, tẹ gụbe Fero lee ẹnya họta onye ẹnya rwuru alị, bụ onye marụ ágụ mee ya ishi alị Íjiputu. 34Gụ atụkwaawho ẹka họta ndu l'a-nọ l'ishi iwhe l'eeme eme l'alị Íjiputu. L'ime awha ẹsaa whọ, nri l'a-dụ tama tama whọ, tẹ whẹ kejee iwhe ndu Íjiputu kpatarụ l'okfu ụzo ise wota ụzo lanụ kwakọbe akwakọbe. 35Tẹ whẹ nakọta nri ono l'awha ẹsaa ono, l'e-je abya, bụ awha nri l'a-dụ. Nteke whẹ nakọ-geeru iya, gụbe Fero anụ whẹ ikike tẹ whẹ vuru iya je edowhaa lẹ mkpụkpu gẹ mkpụkpu ha l'alị-a. 36Nri ono l'a-dụ kwabẹru awha ẹsaa whọ, mkpẹgu l'e-me l'alị Íjiputu-a nggẹ ndu alị-a ta atọhu l'ẹgu.\"\n37Iwhe ono, Jósẹfu tụfutaru t'e mee dụ Fero ree yẹle ndu ozhi iya l'owhu. 38Ọo ya bụ, Fero bya ajịa ndu ozhi iya sụ: \"?O nweru onye ọdo, anyi l'a-whụ, l'a-dụ g'ọo Jósẹfu, bụ onye ume Chileke bu l'ẹhu ẹgube-ẹ?\"\n39O noo ya, Fero sụ Jósẹfu: \"Eshi-ọwhu ọ bụ Chileke meru ị makọtaru iwhe lile-e, ọ nụ iya bụ l'o to nwedu onye ọdo, kabaa ghu ọburu onye iwhe l'edoje ẹnya mẹe onye marụ ágụ. 40Ọo gụbedua bẹ l'a-bụru ishi l'ibe mu. Onyenọnu l'alị-eze mụbe Fero bẹ bụ iwhe ị sụru t'o mee bẹ l'oo-meje. Ọo mbẹdua, bụ eze kpụ bụ onye ka ghu shii.\"\nJósẹfu bụ onye ishi, l'achị Íjiputu l'owhu\n41O noo ya, Fero sụ Jósẹfu: \"Leduwho; alị Íjiputu l'owhu bẹ mu yeekwaru ghu l'ẹka.\" 42Ọo ya bụ, Fero gbata echi, ọ gba l'ẹka gbabẹ Jósẹfu lẹ mkpụshi-ẹka, bya eyee ya eze-uwe, nyabẹ iya ákà, e gude mkpọla-ododo mee l'olu. 43Ọ bya edoberu iya ụgbo-ịnya iya nke ẹbo ọ nọ-koru l'eli agba; ndu ọwhu vutaru iya ụzo l'atụkaa orooroo asụje: \"Unu whuzeru iya l'alị!\" Fero shi nno woru alị Íjiputu l'owhu yekota Jósẹfu l'ẹka.\n44Tọ dụ iya bụ, Fero sụ Jósẹfu: \"Ọo mbẹdua bụ Fero l'ezhi, ọle madzụ ọbule ta abyadụ l'e-me iwhe l'alị Íjiputu-a l'owhu l'ẹbe abụ iwhe i kfuru t'e mee.\" 45Fero bya agụ-nwee Jósẹfu ẹwha, gụa ya Zafunatu-paneya. O duta Asenatu, bụ nwada Pọtifera onye l'agbarụ ndu mkpụkpu Ọ́nu ẹja kee Jósẹfu ọ bụru nyee ya. Jósẹfu bya ejegbakota alị Íjiputu kpaa-whuu.\n46Jósẹfu bẹ gbawarụ ụkporo awha l'awha iri tẹmenu ọ wata ojeru Fero, bụ eze ndu Íjiputu ozhi. Jósẹfu tụgbuleruwho l'iwhu Fero, o jegbakota alị Íjiputu ono kpaa-whuu. 47L'awha ẹsaa ono, nri dụ ono bẹ nri meru shii l'alị ono; nri dụ iya tama tama. 48Awha ẹsaa ono, nri dụ tama tama l'alị Íjiputu bẹ Jósẹfu vuru nri dobegee lẹ mkpụkpu gẹ mkpụkpu ha l'alị Íjiputu. Mkpụkpu nọnu bẹ l'oovutaje nri, a kọtaru l'ẹgu nọkota iya nụ dobe lẹ mkpụkpu ọwhu ọbu. 49Jósẹfu vua witi kụbe, ọ dụ g'ọo nvẹja, dụ l'ogbigbo eze-ẹnyimu. Nri ono kwata paa ẹka nke ọwhu e denyaaru iya l'ẹkwo, e debuhu iya, o noo nkele ọ bụ agụta agụta.\n50Awha ono, mkpẹgu l'e-me bya l'erwudeshia, Asenatu, nwada Potifera, onye l'agbarụ ndu Ọ́nu ẹja, mbụ nyee Jósẹfu nwụtawaru iya unwoke labọ. 51Jósẹfu gụa onye ọwhu bụ ọkpara Manáse+ sụ: \"Chileke bẹ mewaru mu nyazọo iwhe-ọtsulanu, mu jeru mẹe ndibe nna mu whẹ gẹ whẹ ha.\" 52Onye nke ẹbo b'ọ gụru Ífuremu;+ sụ: \"Chileke bẹ mewaru mu zụ̀a azụ̀zù l'alị-a, mu shi eje iwhe-ọtsulanu.\"\n53Awha ẹsaa ono, nri dụ tama tama l'alị Íjiputu bya agvụ. 54Awha ẹsaa nke mkpẹgu bya awata. Ọ nwụlewho gẹ Jósẹfu kfuru iya. Mkpẹgu mekota lẹ mgboko kpaa-whuu; ọ bụleruwho l'alị Íjiputu bẹ nri dụ kpụ. 55Mkpẹgu ono medelewho l'alị Íjiputu, ndu Íjiputu ryangịrihu tẹ Fero nụ whẹ nri. Fero sụ ndu Íjiputu l'owhu: \"Unu jekfu Jósẹfu. Iwhe ọ sụru t'unu mee, unu emee ya.\"\n56Mkpẹgu ono jedzuru alị ono l'owhu; Jósẹfu bya atụhashia ụlo ono, e dobekotaru nri ono; wata oore ndu Íjiputu nri nkele mkpẹgu ono l'emeshi ike lẹ Íjiputu. 57Mba lile l'abyajẹ Íjiputu ọzuta Jósẹfu nri nkele mkpẹgu ono l'emeshi ike lẹ mgboko kpaawhuu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/41","date":"2018-12-19T14:29:20Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376832330.93\/warc\/CC-MAIN-20181219130756-20181219152756-00043.warc.gz","language":"eza","language_score":0.9999797344,"language_script":"Latn","minhash_cluster_size":1,"top_langs":"{\"eza_Latn_score\": 0.9999797344207764}","num_words":1483,"character_repetition_ratio":0.069,"word_repetition_ratio":0.018,"special_characters_ratio":0.249,"stopwords_ratio":0.269,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 29:22\n22\"Wota ẹba ebyila ono, mbụ ẹba, dụ lẹ mgbọdzu iya mẹe ẹba, nọkota iya l'ẹwho g'ọ ha, bọtakwawho anya iya mẹe àkụ̀rù iya whẹ labọ yẹle ẹba, nọkota iya nụ; gụ eworu ụtakfu ọkpa-ẹka-ụtara iya tụkwase iya. Nkele ebyila ono bụ ebyila, e gude eme Érọnu yẹle ụnwu iya tẹ whẹ bụru ndu l'agbajẹ ẹja nụ Chileke.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/29\/22","date":"2018-12-19T00:08:42Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829997.74\/warc\/CC-MAIN-20181218225003-20181219011003-00528.warc.gz","language":"eza","language_score":1.0000017881,"language_script":"Latn","minhash_cluster_size":1,"top_langs":"{\"eza_Latn_score\": 1.0000017881393433}","num_words":58,"character_repetition_ratio":0.072,"word_repetition_ratio":0.0,"special_characters_ratio":0.255,"stopwords_ratio":0.328,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 40\nAakpọbe mkpuumkpu-ẹkwa ono\n1Nteke ono, Onye-Nwe-Ọha bya asụ Mósisu: 2\"Ọo l'abalị mbụ l'ọnwa mbụ bẹ l'ịi-kpọbe Ụlo-ẹkwa-ndzuko ono. 3Parụ igbe iwu ono sụbe iya l'ime; gụ eworu ẹkwa ono gude gebuta iya. 4Gụ apabata teburu ono, doo ya ngwa, l'etsoje iya nụ g'ọ gbarụ. Pabatakwawhọ iwhe ono, l'aatukobeje oryọku ono, woru oryọku iya tukobegee ya. 5Pata ẹnya-mgbẹja ụ̀nwù-isẹnsu ono, e meru lẹ mkpọla-ododo dobe l'atatiwhu igbe iwu ono; gude ẹkwa whọ gebuta ọnu-abata mkpuumkpu-ẹkwa ono.\n6\"Dobe ẹnya-mgbẹja ono, bụ ẹka l'aa-gbajẹ mgbẹja-ọkpokota-iwhe-ọku l'atatiwhu ọnu-abata mkpuumkpu-ẹkwa ono bụ iya bụ Ụlo-ẹkwa-ndzuko ono. 7Pata eze efere ono sụbe lẹ mgbaku Ụlo-ẹkwa-ndzuko ono yẹle ẹnya-mgbẹja ono, bụ ẹka l'aa-gbajẹ ẹja ọkpokota-iwhe-ọku, kuru mini ye iya. 8Chịta ẹkwa ọma-ogboduwhu gude gebuta ọma-ogboduwhu ono mgburumgburu; chịtakwawho ẹkwa ọnu-abata ọma-ogboduwhu ono gebuta ọnu-abata iya. 9Nteke ono gụ ewota mmanụ ono, l'aa-wụ l'ishi, wụa lẹ mkpuumkpu-ẹkwa ono yẹle iwhe lile, nọkota iya nụ, shi nno doo mkpuumkpu-ẹkwa ono yẹle iwhe lile ono, nọkota iya nụ nsọ, t'ọ dụ nsọ. 10O nokwawho gẹ l'ịi-wụ ẹnya-mgbẹja ono, bụ ẹka l'aa-gbajẹ ẹja ọkpokota-iwhe-ọku mmanụ mẹe l'arya iya g'ọ ha, shi nno doo ya nsọ, t'ọ bụru iwhe kakọta ọdu nsọ. 11Wụkwaawho eze efere ono yẹle ọkpa iya mmanụ, shi nno doo ya nsọ.\n12\"Gụ eduta Érọnu yẹle ụnwu iya byatashia l'ọnu-abata Ụlo-ẹkwa-ndzuko ono, ghụa whẹ ẹhu. 13Chịta uwe ono, dụ nsọ yee Érọnu; wụa ya mmanụ l'ishi gude doo ya nsọ, nke ọwhu l'ọo-nọ ejeru mu ozhi g'ọo onye l'agbajẹ ẹja nụ Chileke. 14Dutakwawho ụnwu iya yeshia whẹ uwe mkpẹelanu whọ. 15Wụa whẹ mmanụ l'ishi g'ị wụru iya nna whẹ tẹ whẹ jejeru mu ozhi g'ọo ndu l'agbajẹ ẹja nụ Chileke. Mmanụ ono, l'ịi-wụ whẹ l'ishi ono l'e-me whẹ, tẹ whẹ bụru ndu l'agbajẹ ẹja Chileke shi l'ọgbo rwua l'ọgbo jeyewaroya.\" 16O noo ya, Mósisu tụko iwhe lile mekota gẹ Onye-Nwe-Ọha tụru iya iwu t'o mee ya.\n17O rwulewho l'abalị mbụ l'ọnwa mbụ l'awha nke ẹbo, a kpọbe mkpuumkpu-ẹkwa ono. 18Mósisu bya akpọbe mkpuumkpu-ẹkwa ono. O ye iya ẹnya ẹka, l'aakpọbe ọkpa iya, gvube oshi, e gude akpọbe iya, bya eye iya iwhe ono, l'ee-swebushi lẹ mgbo iya, ọ kpọbekwa iya whọ itso. 19Ọ bya awhụ-kpua ẹkwa l'eli mkpuumkpu-ẹkwa ono; chịta iwhe kwechia ụlo-ẹkwa ono, ọ bụru gẹ Onye-Nwe-Ọha sụru t'e mee ya. 20O woru iwu ono ye l'ime igbe-ọgbandzu ono, bya eworu mkpara iya pyoo l'igbe ono; ọ pata okfu igbe ono, l'aa-nọje akfụ ụgwo iwhe-dụ-ẹji ono; sụbe iya l'eli. 21Ọ pabata igbe ono l'ime mkpuumkpu-ẹkwa ono, bya eworu ẹkwa ono gebuta igbe iwu ono; ọ bụru gẹ Onye-Nwe-Ọha tụru iya l'iwu t'o mee ya. 22Mósisu bya apata teburu ono sụbe lẹ Ụlo-ẹkwa-ndzuko ono l'ụzo isheli, l'okotazụ ẹkwa, e gude gebuta Ẹka-kakọta-ọdu-nsọ ono. 23O woru buredi ono dobe l'atatiwhu Onye-Nwe-Ọha; ọ bụru gẹ Onye-Nwe-Ọha tụru iya l'iwu t'o mee ya. 24Ọ pata iwhe ono, l'aatukobeje oryọku ono gvube lẹ Ụlo-ẹkwa-ndzuko ono l'ụzo ọhuda yẹle teburu ono chegbabe iwhu, 25bya anọdu l'iwhu Onye-Nwe-Ọha l'ẹka ono dozhia oryọku, dụ iya nụ; ọ bụru gẹ Onye-Nwe-Ọha tụru iya l'iwu t'o mee ya. 26Ọ patakwawhọ ẹnya-mgbẹja ono, e meru lẹ mkpọla-ododo ono sụbe l'atatiwhu ẹkwa ono, e gude gebuta Ẹka-kakọta-ọdu-nsọ. 27Ọ kpọo ụ̀nwù-isẹnsu ọku l'ẹnya-mgbẹja ono; ọ bụru gẹ Onye-Nwe-Ọha tụru yẹbe Mósisu l'iwu t'o mee ya. 28O wota ẹkwa ono gude gebuta ọnu-abata mkpuumkpu-ẹkwa ono. 29Ọ bya edobe ẹnya-mgbẹja ono, bụ ẹka l'aa-gbajẹ ẹja ọkpokota-iwhe-ọku lẹ mgboro ọnu-abata Ụlo-ẹkwa-ndzuko ono, ọ gbaarụ Onye-Nwe-Ọha ẹja ọkpokota-iwhe-ọku ono yẹle ngwo-ẹja-nri l'ẹnya-mgbẹja ono, ọ bụru gẹ Onye-Nwe-Ọha tụru iya yẹbe Mósisu l'iwu t'o mee ya. 30Ọ bya apata eze efere ono sụbe lẹ mgbaku Ụlo-ẹkwa-ndzuko ono yẹle ẹnya-mgbẹja ono, bụ ẹka l'aa-gbajẹ ẹja ọkpokota-iwhe-ọku ono. 31Ọ bụru eze efere ono bẹ Mósisu mẹe Érọnu yẹle ụnwu iya; gude akwọchashi ẹka yẹle ọkpa. 32Nteke whẹ bya l'abahụ lẹ Ụlo-ẹkwa-ndzuko ono m'ọ bụ lẹ whẹ l'ejekube ẹnya-mgbẹja ono, bụ ẹka l'aagbajẹ ẹja ọkpokota-iwhe-ọku ono ntse, whẹ akwọchashiada ẹka yẹle ọkpa, ọ bụru gẹ Onye-Nwe-Ọha tụru iya Mósisu l'iwu tẹ whẹ meje iya. 33Mósisu bya achịtakwawho ẹkwa ọma-ogboduwhu ono gude gebuta ọma-ogboduwhu mkpuumkpu-ẹkwa ono mgburumgburu, wotakwawho ẹkwa ọnu-abata ọma-ogboduwhu ono gebuta ọnu-abata iya. Ọ bụru iya bụ lẹ Mósisu arwụ-gee ọrwu ono.\nỌdu-biribiri Onye-Nwe-Ọha\n34O noo ya, urwukpu bya asọ-kputa Ụlo-ẹkwa-ndzuko ono, ọdu-biribiri Onye-Nwe-Ọha tụko mkpuumkpu ono narụ. 35Mósisu ta adụ ike ye ishi lẹ Ụlo-ẹkwa-ndzuko ono, o noo nkele urwukpu ono bẹ sọ-kputaru iya nụ, tẹmenu ọdu-biribiri nke Onye-Nwe-Ọha tụkokwawho Ụlo-ẹkwa-ndzuko ono narụ. 36Nteke ono, ndu Ízurẹlu nọkwadu l'ije b'o shi abụje, urwukpu ono wụkahu l'eli mkpuumkpu-ẹkwa ono, whẹ apalihu tụgbua. 37Urwukpu ono nọdu l'eli mkpuumkpu-ẹkwa ono g'ọ nọ iya, whẹ anọdu l'ẹka whẹ nọ jeye mbọku, urwukpu ono l'a-tụgbu. 38L'ije whẹ l'owhu bẹ urwukpu Onye-Nwe-Ọha l'ekejeru jịngujingu l'eli mkpuumkpu-ẹkwa ono g'o keru iya l'eswe, o rwulewho l'ẹnyashi ya abụru ọku nwulahaa enwunwu l'ẹnya ọzo-ụlo ndu Ízurẹlu l'owhu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/40","date":"2018-12-13T01:40:51Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824338.6\/warc\/CC-MAIN-20181213010653-20181213032153-00372.warc.gz","language":"eza","language_score":0.9999854565,"language_script":"Latn","minhash_cluster_size":1,"top_langs":"{\"eza_Latn_score\": 0.9999854564666748}","num_words":792,"character_repetition_ratio":0.122,"word_repetition_ratio":0.024,"special_characters_ratio":0.245,"stopwords_ratio":0.312,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 18:15\n15\"Iwhe vugezhia ụzo waa ẹkpa nwa iwhe nọ ndzụ bẹ l'ee-woru nụ mụbe Onye-Nwe-Ọha, mu abụru nkeghu, mbụ madzụ m'ọ bụ anụmanu. Obenu l'aa-kfụje ụgwo gude gbata iwhe bụ ọkpara, shi l'ẹhu madzụ, o nokwawho gẹ l'aa-kfụje ụgwo gude gbata iwhe bụ anụ mbụ, shi l'ẹhu anụ lile, l'aasọ nsọ fụta.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/18\/15","date":"2018-12-18T23:16:23Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829997.74\/warc\/CC-MAIN-20181218225003-20181219011003-00084.warc.gz","language":"eza","language_score":1.0000089407,"language_script":"Latn","minhash_cluster_size":1,"top_langs":"{\"eza_Latn_score\": 1.0000089406967163}","num_words":52,"character_repetition_ratio":0.111,"word_repetition_ratio":0.0,"special_characters_ratio":0.27,"stopwords_ratio":0.192,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 33\nJékọpu yẹle Ịso l'ahadzu\n1Jékọpu palia ẹnya imeli whụ Ịso gẹ l'ooje abya yẹle ụnu madzụ, tso iya nụ. Ọo ya bụ, ọ chịkahu ụnwegirima iya achịkahu; chịru ụwhodu yeru Lii; chịru ụwhodu yeru Réchẹlu; chịru ụwhodu yeru ụnwanyi labọ ono, l'ejeru iya ozhi. 2O woru ụnwanyi labọ ono, l'ejeru iya ozhi yẹle ụnwegirima nke whẹ dobe l'iwhu. Lii yẹle ụnwegirima nkiya l'etsota whẹ; Réchẹlu yẹle Jósẹfu kperu azụ. 3Yẹbedua, bụ Jékọpu vutaru whẹ ụzo; eje ejekfu nwune iya Ịso; whuzeru iya ishi l'alị ugbo ẹsaa gude kwabẹ iya ugvu jeye o jekfu iya.\n4O noo ya, Ịso gbakfu Jékọpu je ebyia ya ọma. Ọ gbakụa ya ẹka l'olu bya etsutsua ya ọnu. Whẹ tụko wata ẹkwa. 5Ịso bya apalia ẹnya imeli whụ ụnwanyi ono mẹe ụnwegirima ono, bya ajị iya sụ: \"?Ọo ndu ole bẹ gụ lẹ whẹ lị ẹgube ọwa?\"\nJékọpu sụ iya: \"Ọo ụnwegirima, Chileke nụru mụbe onye ozhi ghu gude meeru mu eze-iwhe-ọma.\"\n6Ụnwanyi ono, l'ejeru iya ozhi mẹe ụnwegirima whẹ bya ejerwua whuzeru iya ishi l'alị kele iya. 7Lii yẹ l'ụnwegirima ibe iya jerwuta whuzeru iya ishi l'alị kele iya. Jósẹfu yẹle Réchẹlu byakpe azụ, bya ewhuzekwaru iya whọ ishi l'alị kele iya.\n8Ịso jịa sụ: \"?Élwù whọ, anyi lẹ whẹ dzuru l'ụzo; whẹ nọdu-gee l'itsutsu l'itsutsu whọ bụ gụnu?\"\nỌ sụ: \"Ọo iwhe mu gude eme tẹ mu dụ gụbe onye-nwe-mu nụ l'obu.\"\n9Obenu lẹ Ịso sụru iya: \"Waawa. Woruro iwhe ghu nwune mu; l'ọwhu mu nwe dụ mu-a shii.\"\n10Jékọpu sụ: \"Be ejekwa ewhowho! Ọ -bụru lẹ mu dụwa ghu l'obu; natanụ iwhe ono, mu nụru ghu. Nkele ọwhu atatiwhu ghu dụkwa g'ọo onye l'eje ọwhu atatiwhu Chileke. Eshi-ọwhu i gude obu-ọma nata mụbe Jékọpu; 11byiko; natarọ iwhe ono, mu nụru t'a nụ ghu, o noo nkele Chileke l'anọje emeru mu eze-iwhe-ọma; mu nwekotaru iwhe mkpa iya dụ mu.\" Jékọpu ryọnya-zhiawho Ịso; ọ nata iya.\n12Ịso sụ: \"Unu t'anyi jewaro. Tẹ mu vutaru unu ụzo.\"\n13Jékọpu sụ iya: \"Onye-nwe-mu nụ; ị marụ l'ụnwegirima-a bẹ l'ẹte eshihudua ike. Mu l'emekwawho tẹ mu chịkobe atụru-a mẹe eswi-a, nwụshiru nwa nke ọ̀whúú. Nkele a -chịa whẹ nke ẹhuka ẹhuka ujiku owhu, bẹ whẹ l'a-nwụshihukwa. 14Ọo ya bụ, onye-nwe-mu nụ, vutaro ụzo tẹ mụbe onye ozhi ghu l'etso ghu etsotso. Mu l'a-tọo nwẹhu etso élwù-a mẹe ụnwegirima-a jeye mu abyakfuta gụbe onye-nwe-mu nụ lẹ Siye.\"\n15Ịso sụ: \"Tẹ mu haarụ ghu ndu ọwhu mu l'a-harụ ghu l'unwoke mu t'unu lẹ whẹ lịru.\"\nJékọpu jịa ya sụ: \"?Ọo kwanụ gụnu bẹ l'ii-kwobe mee ya nno? Iwhe mu chọru kpụ bụ-a tẹ mu marụ lẹ mu dụ gụbe onye-nwe-mu nụ l'obu.\"\n16Ọo ya bụ, Ịso gbalihu mbọku ono lashia Siye. 17Jékọpu swịa l'ụzo Sukọtu; o jerwua bya akwaa uwhu l'ẹka ono; tụaru élwù iya mkpu. O noo iwhe kparụ iwhe a gụberu ẹka ono Sukọtu.+\n18Jékọpu shi Padanu Arámu lwarwuta mkpụkpu Shékemu, dụ l'alị Kenanu lẹ nchị-odoo, bya eburu l'iwhu mkpụkpu ono. 19O gude ụkporo mkpọla-ọcha ugbo ise zụa alị ẹka ọ kpọberu ụlo-ẹkwa ebubu iya l'ẹka ụnwu Hemọ, bụ nna Shékemu. 20Ọ tụa ẹnya-mgbẹja kua ya Chileke nke Ízurẹlu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/33","date":"2018-12-12T23:36:47Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824180.12\/warc\/CC-MAIN-20181212225044-20181213010544-00014.warc.gz","language":"eza","language_score":1.0000087023,"language_script":"Latn","minhash_cluster_size":1,"top_langs":"{\"eza_Latn_score\": 1.0000087022781372}","num_words":512,"character_repetition_ratio":0.063,"word_repetition_ratio":0.0,"special_characters_ratio":0.256,"stopwords_ratio":0.285,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 3:18\n18\"Ndu bụ ọgurenya Ízurẹlu bẹ l'a-ngabẹru ghu-a nchị l'olu. Ọo ya bụ, gụbedua gụ lẹ ndu bụ ọgurenya ono atụko lịru jekfu eze ndu Íjiputu je asụ iya: 'Onye-Nwe-Ọha, bụ Chileke nke ndu Híburu bẹ byakfutaakwaru anyi. Han���a anyi t'anyi jee ije ujiku ẹto bahụ l'echi-ẹgu je agbaa ẹja nụ Onye-Nwe-Ọha, bụ Chileke anyi.'","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/3\/18","date":"2018-12-18T10:55:53Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829140.81\/warc\/CC-MAIN-20181218102019-20181218124019-00379.warc.gz","language":"eza","language_score":0.9999141693,"language_script":"Latn","minhash_cluster_size":1,"top_langs":"{\"eza_Latn_score\": 0.9999141693115234}","num_words":55,"character_repetition_ratio":0.108,"word_repetition_ratio":0.0,"special_characters_ratio":0.253,"stopwords_ratio":0.309,"flagged_words_ratio":0.0,"lang_id_score":0.994,"perplexity_score":500.0,"cluster_detection":1} +{"text":"Mbụlembu 10\nẸpa ụnwu Nowa\n1Ọ waa bụ ẹpa ụnwu Nowa, bụ Shemu mẹe Hamu mẹe Jafẹti ndọwa bụ iya bụ ụnwegirima, a nwụshiru whẹ g'utso ono lageeru.\nEri Jafẹti\n2Ụnwu Jafẹti bụ Goma, Mégọgu, Madayi, Jávanu, Tubalu, Mẹsheku mẹe Tirasu.\n3Ụnwu nke Goma bụ Áshukenazu, Rifatu mẹe Togarama.\n4Ụnwu nke Jávanu bụ Elisha, Tashishi, Kítu mẹe Rodu. 5Ndu ono bụkota eri Jafẹti. Ọo l'ẹka whẹ bẹ madzụ shi bakashịhu dzuru agụga eze-ẹnyimu. Ndu nọnu l'ime whẹ bẹ nweru obodo nkewhe mẹe okfu alị nkewhe mẹe ẹnya-uwhu nkewhe.\nEri Hamu\n6Ụnwu Hamu bụ Kushi, Íjiputu, Putu mẹe Kenanu.\n7Ụnwu nke Kushi bụ Seba, Havila, Sabuta, Raama mẹe Sabuteka.\nỤnwu nke Raama bụ Sheba mẹe Dedanu.\n8Kushi bụ nna Nimurọdu. Nimurọdu bẹ bụ onye ojọgu ivurụzo, ọkpehu kakọta l'eliwhe. 9Ọ bụ onye Onye-Nwe-Ọha meru l'ọochi nta achịshi iya ike. Ọo ya meru; a bya l'eekfu; a sụ: \"Onye ọwa dụ g'ọo Nimurọdu; onye Onye-Nwe-Ọha meru l'ọochi nta achịshi iya ike.\" 10Ẹka o gbuberu ishi ọbu eze iya bụ: Babẹlu mẹe Ẹreku mẹe Akadu mẹe Kalune. Ẹka ono dụkota l'alị Shịna. 11Ọo ẹka ono b'o shi bakashịhu barwua Asiriya. Ọ nọdu iya meta mkpụkpu Nínive yẹle mkpụkpu Rehobotu Ịru mẹe mkpụkpu Kala, 12mẹe mkpụkpu Resenu. Resenu bẹ nọkahuru mkpụkpu Nínive yẹle mkpụkpu Kala, bụ oke mkpụkpu.\n13Íjiputu bụ nna ndu Ludu mẹe ndu Anamu mẹe ndu Lehabu mẹe ndu Nafutuhu, 14mẹe ndu Paturọsu mẹe ndu Kasuluhu, bụ ẹka ndu Fílistiya shi futa mẹe ndu Kafụto.\n15Kenanu bụ nna Sáyịdonu. Ọ bụru Sáyịdonu bụ ọkpara iya. Kenanu bụkwaruwho nna ndu Hetu, 16mẹe ndu Jebusu mẹe ndu Amọru mẹe ndu Girigashu, 17mẹe ndu Hevu mẹe ndu Arụka mẹe ndu Sinu, 18mẹe ndu Aruvadu mẹe ndu Zémaru mẹe ndu Hámatu.\nE megee, ikfu ndu Kenanu bya abakashịhu dzuru ẹka lile. 19Oge alị ndu Kenanu bẹ watarụ lẹ mkpụkpu Sáyịdonu, l'ụzo, e shi eje mkpụkpu Gera, dụ lẹ mgboro mkpụkpu Gaza. O shi l'ẹka ono machịa tụgburu ụzo, e shi eje mkpụkpu Sódomu mẹe Gọmóra mẹe Adama mẹe Zeboyimu, dụ lẹ mgboro mkpụkpu Lesha.\n20Ndu ono bụkota eri Hamu. Ndu nọnu l'ime whẹ bẹ nweru ẹnya-uwhu nkewhe mẹe okfu alị nkewhe mẹe obodo nkewhe mẹe mba nkewhe.\nEri Shemu\n21Shemu bẹ nwụshikwaruwho ụnwu. Ọo Shemu bụ ochee-oroke ụnwu Iba l'owhu bụ iya bụ ndu Híburu. Ọ buru iya bụ nwune Jafẹti nke ọgurenya.\n22Ụnwu Shemu bụ Ílamu, Ashuru, Árufakusadu, Ludu mẹe Arámu.\n23Ụnwu nke Arámu bụru Uzu, Hulu, Geta mẹe Mashu.\n24Árufakusadu bụ nna Shela. Shela bụru nna Iba.\n25Iba nwụtaru unwoke labọ. Ẹwha onye lanụ bụ Pelẹgu;+ o noo nkele a nwụru iya nteke mgboko kekashiru ekekashi. Ẹwha nwune iya nwoke bụru Jọkutanu.\n26Jọkutanu bụ nna Alumodadu, Shẹlefu, Hazamavetu, Jera, 27Hadoramu, Uzalu, Dikila, 28Obalu, Abyimẹlu, Sheba, 29Ofi, Havila mẹe Jobabu. Whẹ bụkota ụnwu Jọkutanu gẹ whẹ ha.\n30Whẹ shi lẹ Misha bua jeye lẹ Sefa l'ụzo alị ugvu ugvu ẹnyanwu-awata.\n31Ndu ono bụkota eri Shemu. Ndu nọnu l'ime whẹ nweru ẹnya-uwhu nkewhe mẹe okfu alị nkewhe mẹe obodo nkewhe mẹe mba nkewhe.\n32Ndu ono kpaa-whuu bụkota o-shi-l'eri ụnwu Nowa. Ndu nọnu l'ime whẹ bẹ nweru ẹka whẹ futaru, nweru mba ẹka whẹ. Ọo l'ẹka whẹ bẹ mba gẹ mba ha shi bakashịhu dzuru mgboko l'owhu g'utso ono lageeru.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/10","date":"2018-12-14T22:35:34Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826354.54\/warc\/CC-MAIN-20181214210553-20181214232553-00589.warc.gz","language":"eza","language_score":0.9999719858,"language_script":"Latn","minhash_cluster_size":1,"top_langs":"{\"eza_Latn_score\": 0.9999719858169556}","num_words":532,"character_repetition_ratio":0.063,"word_repetition_ratio":0.015,"special_characters_ratio":0.238,"stopwords_ratio":0.305,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 9:18\n18O noo ya, l'ọobuje, Onye-Nwe-Ọha sụ ndu Ízurẹlu tẹ whẹ palia ije whẹ tụgbua, whẹ apalia tụgbua, nteke bụ l'ọ sụru whẹ tẹ whẹ nọdu, whẹ akpọbe ụlo-ẹkwa ebubu whẹ nọ-kirishia. Ọ bụru g'urwukpu ono nọ-beru l'eli mkpuumkpu-ẹkwa ono bụ gẹ whẹ l'anọ-bejeru l'ẹka whẹ kpọberu ụlo-ẹkwa ebubu whẹ ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/9\/18","date":"2018-12-13T20:35:36Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825098.68\/warc\/CC-MAIN-20181213193633-20181213215133-00629.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":51,"character_repetition_ratio":0.075,"word_repetition_ratio":0.0,"special_characters_ratio":0.257,"stopwords_ratio":0.373,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 18:19\n19O noo nkele mu họtawaru iya t'ọ bụru onye l'a-kpọ-zhiru ụnwu iya ụzo; kpọ-zhiaru ndibe iya, bụ ndu l'e-tso iya l'azụ ụzo; tẹ whẹ tsoru ụzo mụbe Onye-Nwe-Ọha, shi nno eme iwhe kfụru nhamụnha mẹe iwhe gbarụ whẹ nụ. Ọo ya bụ nggẹ mụbe Onye-Nwe-Ọha emekwanuaru Ébirihamu iwhe mu kweru iya ụkwa iya.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/18\/19","date":"2018-12-18T22:59:37Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829997.74\/warc\/CC-MAIN-20181218225003-20181219011003-00546.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":54,"character_repetition_ratio":0.059,"word_repetition_ratio":0.0,"special_characters_ratio":0.256,"stopwords_ratio":0.37,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 35\nMbọku-ọtuta-ume\n1Mósisu bya ekukobe ndu Ízurẹlu gẹ whẹ ha sụ whẹ: \"Ọ waa iwhe Onye-Nwe-Ọha sụru t'unu mee ndọwa: 2Ọ sụru l'ọo abalị ishii bẹ unu l'e-jeje ozhi unu; o -be mbọku nke ẹsaa, unu edobe iya nsọ; t'ọ bụru mbọku-ọtuta-ume nke Onye-Nwe-Ọha. Iwhe bụ onye jeru ozhi mbọku ono; t'e gbukwaa onye ọbu egbugbu. 3T'ọ bọ dụkwa onye l'a-whunwu ọku l'ibe iya mbọku-ọtuta-ume.\"\nIwhe l'ee-gude mee Mkpuumkpu-ẹkwa\n4Mósisu sụ ndu Ízurẹlu gẹ whẹ ha: \"Ọ waa iwhe Onye-Nwe-Ọha sụru t'e mee ndọwa: 5Ọ sụru t'unu shi l'iwhe unu nweru hata iwhe bya anụ yẹbe Onye-Nwe-Ọha. Onye l'ọowho l'obu t'ọ nụ yẹbe Onye-Nwe-Ọha iwhe bẹ iwhe l'oo-gude bya anụ iya bụ mkpọla-ododo mẹe mkpọla-ọcha mẹe ope, 6mẹe oghu dụ urwukpu-urwukpu mẹe ọwhu l'eke uswe-uswe mẹe ọwhu l'eke mmee-mmee mẹe ọkpobe ẹkwa ọcha yẹle ẹji eghu, 7mẹe akpọ ebyila, a tsẹru l'uswe mẹe akpọ umoro-ẹnyimu mẹe oshi akeshiya, 8mẹe mmanụ ólivu, l'eegudeje anwụ ọku mẹe iwhe l'eeyeje lẹ mmanụ, l'aawụ l'ishi t'o shia mkpọ mẹe ọwhu l'eeyeje l'ụ̀nwù-isẹnsu, l'eshi kwẹkwekwe, 9mẹe ẹwhuru onikusu mẹwaroo ẹwhuru ọdo, l'erekaa ire. Ẹwhuru ono bẹ l'ee-megee dzụpyabe l'uwe ifọdu onye ishi ndu l'agbajẹ ẹja nụ Chileke yẹle ẹkwa-nkwechi-obu iya.\n10\"T'iwhe bụ onye l'eme nka l'ime unu fụta bya emekota iwhe lile ono, Onye-Nwe-Ọha sụru t'e mee, 11mbụ mkpuumkpu-ẹkwa ono mẹe ẹkwa, l'ee-kwebe iya l'eli mẹe iwhe l'ee-gude kwechia ya mẹe iwhe l'ee-gude kota ukoloba, dụ lẹ mkpuumkpu-ẹkwa ono mẹe oshi, e gude akpọbe mkpuumkpu-ẹkwa ono mẹe ọwhu l'eswebushi lẹ mgbo iya mẹe ẹnya ẹka l'aa-kpọru iya ye, 12mẹe igbe-ọgbandzu yẹle mkpara, l'ee-gudeje apa iya mẹe okfu igbe ono, l'aa-nọduje akfụ ụgwo iwhe-dụ-ẹji mẹe ẹkwa ono, l'ee-gude gebuta iya, 13mẹe teburu yẹle mkpara, l'ee-gudeje apa iya mẹe arya, l'etsoje iya yẹle buredi ono, l'ee-dobeje l'iwhu Onye-Nwe-Ọha, 14mẹe iwhe ono, l'aatukobeje oryọku ono, l'e-meje t'iwhoro iya ngashịa yẹle ngwa, dụ iya nụ mẹe oryọku iya l'onwiya mẹe mmanụ, l'ee-gudeje anwụ ọku ono, 15mẹe ẹnya ngwo-ẹja ụ̀nwù-isẹnsu yẹle mkpara, l'ee-gudeje apa iya mẹe mmanụ, l'aa-wụje l'ishi yẹle ụ̀nwù-isẹnsu, l'eshi kwẹkwekwe mẹe ẹkwa, l'ee-gobutaje ọnu-abata mkpuumkpu, 16mẹe ẹnya-mgbẹja ono, bụ ẹka l'aa-gbajẹ ẹja ọkpokota-iwhe-ọku yẹle iwhe ono, dụ g'ọo ụgbu, e gude ope kpaa mẹe mkpara, l'ee-gudeje apa ẹnya-mgbẹja ono yẹle arya iya g'ọ ha mẹkwawho eze efere ono, l'ee-gude ope mee yẹle ọkpa iya, 17mẹe ẹkwa ono, l'ee-gude gebuta ọma-ogboduwhu mkpuumkpu-ẹkwa ono mẹe itso ọma-ogboduwhu ono yẹle ẹnya ẹka l'aa-kpọbe-gee itso ono mẹe ẹkwa ono, l'ee-gude gebuta ọnu-abata ọma-ogboduwhu ono, 18mẹe abara mkpuumkpu-ẹkwa ono yẹle nke ọma-ogboduwhu iya mẹe eri iya, 19mẹe uwe ono, a kparụ akpakpa, l'ee-yeje gude eje ozhi l'ụlo-nsọ, mbụ uwe, e doberu nsọ tẹ Érọnu, bụ onye l'agbajẹ ẹja nụ Chileke yẹle ụnwu iya yeje gude jeje ozhi nke ndu l'agbajẹ ẹja nụ Chileke.\"\n20Tọ dụ iya bụ, ndu Ízurẹlu gẹ whẹ ha wụkashihu l'atatiwhu Mósisu. 21Iwhe bụ ndu l'ọowho l'obu mẹe onye o rwuru l'ẹhu t'ọ nụ Onye-Nwe-Ọha iwhe, gudegee iwhe bya anụ iya, mbụ iwhe l'ee-gude mee nke Ụlo-ẹkwa-ndzuko ọbu mẹwaro iwhe l'ee-gude eje ozhi l'ime iya mẹkwawho ọwhu l'ee-gude kwee uwe, dụ nsọ. 22Iwhe bụ ndu ọ zụru nkwe l'obu, unwoke mẹe ụnwanyi; gudegee iwhe e meru lẹ mkpọla-ododo bya anụ Onye-Nwe-Ọha, mbụ iwhe dụ g'ọo aga nkochi mẹe eregede-nchị mẹe echi mẹwaro iwhe ọdo, dụ-gee l'iche l'iche, e meru lẹ mkpọla-ododo. Whẹ woru mkpọla-ododo whẹ ono bya anụ Onye-Nwe-Ọha. 23Ndu ọwhu nweru oghu wotakotakwa iya whọ, mbụ oghu, dụ urwukpu-urwukpu mẹe nke ododo mẹe nke uswe-uswe mẹe ọkpobe ẹkwa ọcha mẹe ẹji eghu mẹe akpọ ebyila, a tsẹru l'uswe mẹe nke umoro-ẹnyimu.\n24Ndu ike dụ ọnu mkpọla-ọcha, m'ọbu ope wotakwa iya whọ bya anụ Onye-Nwe-Ọha. Ndu ọwhu nweru oshi akeshiya, dụ ree t'e gude iya rwụa ọrwu nụkwa iya whọ. 25Iwhe bụ ụnwanyi marụ ome nka gude ẹka whẹ kpata iwhe bya anụ. Ụwhodu gude oghu dụ urwukpu-urwukpu mẹe oghu ododo mẹe nke uswe-uswe kpaa nke whẹ; ụwhodu gude ẹkwa ọcha kpaa nke whẹ bya anụ. 26Ụnwanyi, ọ whọru l'obu, bụ ndu l'eme nka, bụ ẹji eghu bẹ whẹ gude kpaa nkewhe. 27Ọwhube ndu ishi wota ẹwhuru onikusu mẹwaro ẹwhuru ọdo, l'erekaa ire, t'a dzụpyabe l'uwe ifọdu onye ishi ndu l'agbajẹ ẹja nụ Chileke yẹle l'ẹkwa-nkwechi-obu iya. 28Whẹ nụfukwawho iwhe l'eshi mkpọ yẹle mmanụ ólivu, l'ee-gudeje anwụ ọku; bya anụ ọwhu l'ee-yeje lẹ mmanụ l'aawụ l'ishi mẹe nke ụ̀nwù-isẹnsu, l'eshi kwẹkwekwe. 29Ndu Ízurẹlu l'owhu, unwoke mẹe ụnwanyi bẹ wotakotaru iwhe zụru whẹ nkwe l'obu, mbụ ndu ọ whọru l'obu tẹ whẹ wota iwhe l'ee-gude rwụa ọrwu ono, Onye-Nwe-Ọha shi l'ọnu Mósisu kfua t'a rwụa.\n30O noo ya, Mósisu sụ ndu Ízurẹlu: \"Unu lekwa lẹ Onye-Nwe-Ọha bẹ họtaakwaru Bezalẹlu nwa Uri, bụ nwanwa Họru, onye ikfu Juda, 31bya emewaa, ume yẹbe Chileke ji iya ẹhu, nke ọwhu l'ọo-bụru onye marụ mmamagụ; bụru onye kwarụ ẹnya mẹe t'iwhe dojee ya ẹnya ree nke ọwhu l'ọo-ma ome nka l'ụzo, dụ l'iche l'iche, 32ya amarụ gẹ l'ee-shije gude mkpọla-ododo yẹle mkpọla-ọcha mẹe ope ememashi iwhe ememashi, 33makwarụwho gẹ l'aawa ẹwhuru, l'ere ire mẹe gẹ l'aawụje mkpọla-ododo l'ogboromọnu iya, bya amakwarụwho gẹ l'aapyịje iwhe apyịpyi mẹwaro gẹ l'eeshije eme nka ọdo, dụ-gee iche iche. 34O nokwawho g'ọ nụru yẹle Oholiyabu nwa Ahisamaku, onye ikfu Danu mmamagụ nke ozhi ndu ọdo gẹ l'eeme nka ọbu. 35O mekwaru tẹ mmamagụ, e gude eme nka l'ụzo, dụ l'iche l'iche mẹe mmamagụ, e gude ememashi iwhe ememashi rwube whẹ ẹka mẹe tẹ whẹ marụ gẹ l'eegudeje oghu dụ urwukpu-urwukpu yẹle oghu ododo mẹe nke uswe-uswe mẹe ẹkwa ọcha dengashia iwhe edengashi. Whẹ labọ bụ ndu makọtaru gẹ l'eemeje nka l'iwhe t'ọ maa ụma.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/35","date":"2018-12-14T02:48:30Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825349.51\/warc\/CC-MAIN-20181214022947-20181214044447-00346.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":915,"character_repetition_ratio":0.067,"word_repetition_ratio":0.004,"special_characters_ratio":0.246,"stopwords_ratio":0.298,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 6:12\n12Ọku ono, dụ l'ẹnya-mgbẹja ono bẹ l'ee-me t'o nwulewho gẹ l'oonwu; t'ọ bọ nyịhukwa anyịhu. T'onye l'agbajẹ ẹja nụ Chileke yejekwa iya nkụ l'ụtsu mbọku mbọku. Ya ewojeru anụ ngwo-ẹja ọkpokota-iwhe-ọku doo ya rii l'eli, ya akpọjekwawho ẹba, shi l'anụ ngwo-ẹja ẹhu-guu ọku l'eli iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/6\/12","date":"2018-12-10T16:17:44Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823348.23\/warc\/CC-MAIN-20181210144632-20181210170132-00027.warc.gz","language":"eza","language_score":0.9995831847,"language_script":"Latn","minhash_cluster_size":1,"top_langs":"{\"eza_Latn_score\": 0.9995831847190857}","num_words":46,"character_repetition_ratio":0.028,"word_repetition_ratio":0.0,"special_characters_ratio":0.259,"stopwords_ratio":0.217,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 15:14\n14E shi l'ọgbo nkunu je akpaa lẹ ndu ọwhu l'a-bya l'atatiwhu, onye bụ onye lwarụ alwa, bu l'echilabọ unu -wota ẹja bya tẹ ya gbaarụ Onye-Nwe-Ọha, mbụ ẹja, a kpọkotaru ọku, shi nno mee tẹ mkpọ iya dụ Onye-Nwe-Ọha ree, t'ọ bụkwaru ẹgube unu l'emeje bẹ onye ọbu l'e-me.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/15\/14","date":"2018-12-10T11:43:01Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823322.49\/warc\/CC-MAIN-20181210101954-20181210123454-00310.warc.gz","language":"eza","language_score":1.0000083447,"language_script":"Latn","minhash_cluster_size":1,"top_langs":"{\"eza_Latn_score\": 1.0000083446502686}","num_words":50,"character_repetition_ratio":0.037,"word_repetition_ratio":0.0,"special_characters_ratio":0.282,"stopwords_ratio":0.26,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 7:34\n34nkele mu shiwaa lẹ ngwo-ẹja ẹhu-guu ono, ndu Ízurẹlu l'agbajẹru mu wota ǹdụ́ iya ono, l'aamajẹ amama yẹle ụtakfu anụ ono, a tụru l'ụtu, woru nụ onye ono, l'agbajẹ ẹja nụ Chileke, bụ Érọnu yẹle ụnwu iya, t'ọ bụru oke, rwuberu whẹ nụ jasụ lẹ tututu-mịmimi.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/7\/34","date":"2018-12-16T17:06:06Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827963.70\/warc\/CC-MAIN-20181216165437-20181216191437-00442.warc.gz","language":"eza","language_score":0.9998401403,"language_script":"Latn","minhash_cluster_size":1,"top_langs":"{\"eza_Latn_score\": 0.9998401403427124}","num_words":47,"character_repetition_ratio":0.0,"word_repetition_ratio":0.0,"special_characters_ratio":0.257,"stopwords_ratio":0.319,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 2\n1O noo g'e gude kee igwe yẹle mgboko mẹe iwhe lile, dụkota iya nụ.\n2O be lẹ mbọku nke ẹsaa; Chileke jekotagezhiwaa ozhi, o shi gude l'ẹka eje. Ọ bụru lẹ mbọku nke ẹsaa ono b'ọ tụtaru ume iwhe lile o meshigbaberu. 3Chileke bya agọru ọnu-ọma nụ mbọku nke ẹsaa ono, mee ya, ọ bụru mbọku dụ nsọ nkele o noo mbọku, ọ tụtaru ume iwhe lile o mekotaru.\nÁdamu yẹle Iifu\n4Ọ waa g'e gude mee igwe yẹle mgboko nteke e meru whẹ.\nNteke Onye-Nwe-Ọha, bụ Chileke meru mgboko yẹle igwe bẹ 5oshi te eshidu gvuru l'alị; irwu te eshi rwuwaa l'ẹgu, o noo nkele nteke ono bẹ Onye-Nwe-Ọha, bụ Chileke l'eteke emedua tẹ mini chịa wụshi lẹ mgboko; madzụ ta anọhaa nteke ono nke ọkobe iwhe l'alị. 6Ọ bụru mini shi l'ime alị bẹ shi anọduje anwụfuta, shi nno agba mini l'alị. 7Ọo ya bụ, Onye-Nwe-Ọha, bụ Chileke gude ẹja, shi l'alị kpụa madzụ, bya ekuru ume ndzụ ye iya l'imi; madzụ bụru onye nọ ndzụ.\n8Onye-Nwe-Ọha, bụ Chileke gbaa mgbabu lẹ Idẹnu,+ l'ụzo ẹnyanwu-awata, woru madzụ ono, ọ kpụru dobe iya t'ọ nọdu iya. 9Onye-Nwe-Ọha, bụ Chileke mee; oshi, dụ-gee ree nke ole ẹnya fushia l'alị ono mẹe oshi, dụ-gee ree nke eriri. Oshi, l'emeje t'a nọdu ndzụ mẹe oshi, l'emeje t'a marụ iwhe dụ ree yẹle iwhe-dụ-ẹji gvukwaruwho l'echi mgbabu ono.\n10Ọ bụru l'alị Idẹnu bẹ ọnu-iyi, l'agba mini lẹ mgbabu ono shi asọfuta. Ọnu-iyi ono gbakahụ uzhi ẹno lẹ mgbabu ono. 11Ẹwha ọnu-iyi nke mbụ bụ Pishọnu. Ọ sọ-wheru alị Havila mgburumgburu, mbụ alị mkpọla-ododo. 12Mkpọla-ododo, dụ l'alị ono dụ ree. Etse ọbu, l'eshi mkpọ, bụ bedelọmu dụ iya; ẹwhuru, l'ere ire, bụ onikusu dụkwa iya whọ. 13Ẹwha ọnu-iyi nke ẹbo bụ Gihọnu. Ọ sọ-wheru alị Kushi l'owhu mgburumgburu. 14Ẹwha ọnu-iyi nke ẹto bụ Tigirisu. Ọ sọru laa ụzo ẹnyanwu-awata Ashuru. Ẹwha ọnu-iyi nke ẹno bụru Yufurétisu.\n15Onye-Nwe-Ọha, bụ Chileke duta madzụ dobe lẹ mgbabu Idẹnu t'ọ kọje iya iwhe leta iya ẹnya. 16O noo ya, Onye-Nwe-Ọha, bụ Chileke tụaru madzụ iwu sụ iya: \"Rijekwa akpụru oshi, dụkota lẹ mgbabu-a; m'ị chọo. 17Ọwhu l'ii tii rijedu bụ akpụru oshi, l'emeje t'a marụ iwhe dụ ree yẹle iwhe-dụ-ẹji nkele mbọku, i riru iya bẹ l'ịi-nwụhukwa.\"\n18O noo ya, Onye-Nwe-Ọha, bụ Chileke sụ: \"Ọ tọ dụdu ree tẹ madzụ nọdu nwẹkinyi ya. Mu l'e-metaru iya onye n-yemẹka, gbarụ iya nụ.\"\n19Ọo ya bụ, Onye-Nwe-Ọha, bụ Chileke gude ẹja, shi l'alị mee anụmanu mẹe ẹnu, l'ewhe l'eli bya achịtaru iya Ádamu tẹ ya marụ iwhe l'ọo-gụshi whẹ. Ọ bụru ẹwha, Ádamu kuru iwhe lile ono, nọ ndzụ bẹ whẹ watarụ azaza. 20Ọo ya bụ, Ádamu bya agụshia élwù l'owhu mẹe ẹnu, l'ewhe l'eli mẹe anụ-ẹgbudu l'owhu ẹwha.\nỌle Ádamu te enwedu onye n-yemẹka, gbarụ iya nụ, a chọtawaru iya. 21Ọo ya bụ: Onye-Nwe-Ọha, bụ Chileke mee; ole-ụrekukpe mgbẹnya tsụ Ádamu. L'ooku mgbẹnya ono; ọ hata iya ọkpu-ẹgara iya nnanụ, gude anụ ẹhu rwachitawhu iya azụ. 22Onye-Nwe-Ọha, bụ Chileke bya egude ẹgara ono, ọ hatarụ l'ẹhu nwoke ono mee nwanyị, dutaru iya Ádamu.\n23Ádamu sụ:\n\"Nhụu! Onye ọwa-a bụ ọkpu ọwhu shi l'ọkpu mu,\nbụru ogwẹhu ọwhu, shi l'ogwẹhu mu.\nIwhe l'ee-ku iya bụ 'nwanyị',\no noo nkele e shi l'ẹhu nwoke wofuta iya.\"\n24O noo iwhe meru nwoke je l'a-ha nna iya haa ne iya, tẹ yẹle nyee ya tụgba; whẹ ẹbo abya atụko bụru onye lanụ.\n25Nwoke ono yẹle nyee ya ono tụko gbarụ ọto; iwhere te eme whẹ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/2","date":"2018-12-14T17:43:11Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826145.69\/warc\/CC-MAIN-20181214162826-20181214184826-00068.warc.gz","language":"eza","language_score":0.9999984503,"language_script":"Latn","minhash_cluster_size":1,"top_langs":"{\"eza_Latn_score\": 0.9999984502792358}","num_words":573,"character_repetition_ratio":0.094,"word_repetition_ratio":0.004,"special_characters_ratio":0.262,"stopwords_ratio":0.291,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 19\nEemebyishi Sódomu yẹle Gọmóra\n1Nteke ndu ojozhi Onye-Nwe-Ọha ono whẹ ẹbo jerwuru Sódomu l'urwẹnyashi iya bẹ Lọtu nọdu anọdu l'ọnu-abata mkpụkpu ono. A whụwhu, Lọtu l'awhụ whẹ, ọ gbalihu je agbata whẹ ndzuta, bya ewhuzeru whẹ iwhu l'alị. 2Ọ sụ whẹ: \"Ndu-nwe-mu nụ, byiko t'unu batanụ l'ibe mụbe onye ozhi unu, bya akwọchashia ọkpa unu, radụ aradụ. O rwua l'ọnma-ẹwa ụtsu, unu agbalihu jeshia iwhe unu l'eje.\"\nWhẹ sụ iya: \"Waawa, anyi l'e-je aradụ lẹ nggamgbo mkpụkpu-a.\"\n3Lọtu ryọpyabe whẹ l'ike l'ike jeye whẹ kweta tsoru iya bahụ l'ibe iya. Ọ bya akwaaru whẹ ẹbyii; gheeru whẹ buredi, l'eete eyee iwhe l'ekoje buredi whẹ taa. 4Whẹ bya l'aladeshia l'ụlo, unwoke mkpụkpu ono bụ iya bụ unwoke Sódomu, nwata mẹe ọgurenya gvụ l'ezhi gvụ l'ụlo; wụru bya anọ-whee ụlo ono mgburumgburu. 5Whẹ kua Lọtu oku sụ iya: \"?Ndẹe unwoke ono, byarụ ibe ghu l'ẹnyashi-a? Dufuta whẹ t'anyi jekfu whẹ azẹe!\"\n6Lọtu bya alụfu etezhi gụ-chia ụzo jekfushia whẹ, 7je asụ whẹ: \"Byiko ndu mu, unu ba akabẹshinu mee ẹgube ejo-ememe ọwa-a! 8Sụa mu nweru ụnwumgboko labọ, whẹ lẹ nwoke l'ẹteke azẹbua. Tẹ mu dufutachiaru unu whẹbedua; t'unu mee gẹ dụ unu ree. T'ọ bọ dụkwa iwhe unu l'e-me unwoke-e; lẹ whẹ kabẹkwa bụru ndu byarụ ibe mu tẹ whẹ zee ndzụ whẹ.\"\n9Whẹ sụ iya: \"Kpụliberu anyi l'ụzo l'ẹka ono! Ọo gụbe nlwamụnlwa l'abya atụru anyi iwhe anyi l'e-me. Anyi l'e-mekwa ghu ọ-ka-njọ amamẹ iwhe anyi l'e-me ndu ono.\" Whẹ nwuliberu Lọtu, bya akpịlitaru tẹ whẹ gbajaa mgbo ụlo ono.\n10Unwoke labọ ono, nọ l'ime ụlo tụchia ẹka lọbata Lọtu l'ime ụlo; gụ-chia ụzo gburumu. 11Whẹ bya emee; unwoke ono, kụru l'ọnu mgbo ono kpukota ishi, nwata mẹe ọgurenya; ọ bụru ẹka bẹ whẹ l'arada arada achọ mgbo ono.\n12Unwoke labọ ono sụ Lọtu: \"?O nweru onye ọdo, i nwebaaru l'ẹka-a? ?O nweru ndu i keru nwanyị; m'ọkwanu ụnwu ghu unwoke m'ọ bụ ụnwu ghu ụnwanyi m'ọ bụ abụbu ghu whẹ ọdo, bu lẹ mkpụkpu-a? Tụkokwa whẹ dufuta l'ẹka-a. 13Anyi l'abyakwaa omebyishi ẹka-a, o noo nkele e chikunukawaru Onye-Nwe-Ọha lẹ mkpu l'okfu ẹka ndu ẹka-a; o zhiwaa anyi t'anyi bya emebyishia ya.\"\n14Ọo ya bụ, Lọtu lụfu je ekfuaru iya ndu ọgo iya, bụ ndu l'abya okfu ụnwada iya sụ whẹ: \"Unu mekebekwa ẹgwegwa fụta l'ẹka-a, o noo nkele Onye-Nwe-Ọha l'abyaakwa iya emebyishi.\" Ndu ọgo iya ono wotale iya-a l'okfu njakịri.\n15O be l'ishi-ẹnya-ngge, ojozhi Onye-Nwe-Ọha ono yelaharu Lọtu ọwha sụ iya: \"Mekebenu ẹgwegwa duta nyee ghu mẹe ụnwu ghu ụnwanyi whẹ labọ, bụ ndu ọwhu nọ l'ẹka-a! A nọnyaa unu bụru kpurupyata nteke l'aa-nụ mkpụkpu-a awhụ.\"\n16Lọtu jeshia ome ebebe, unwoke labọ ono wọ iya l'ẹka chịi; wọ nyee ya l'ẹka chịi mẹe ụnwu iya nwanyị whẹ labọ, kpụfu whẹ lẹ mkpụkpu ono nkele Onye-Nwe-Ọha l'awhụru whẹ imiko. 17Whẹ kpụfu-gee whẹ; ojozhi-imigwe ono sụ whẹ: \"Unu gbaa ọso ndzụ unu! Unu ba aghakwa ẹnya l'azụ, unu eje akpọkwaru akpọru lẹ nsụda nsụda! Unu gbakwarụ lashia l'ugvu ugvu! Ọdu-a bẹ unu l'a-bụkwaru kpurupyata!\"\n18Lọtu sụ whẹ: \"Wawakwa; byikonu ndu-nwe-mu nụ! 19Eshi-ọwhu mụbe onye ozhi unu dụ unu l'obu ẹgube-ẹ, unu goshiwaa l'unu yeru mu obu, bya adzọfutawa ndzụ mu; mẹ mu ta adụkwa ike agba ala l'ugvu; ọdua bẹ iwhe-ọtsulanu ọbu l'a-byakfutakwa mu, mu anwụhu. 20Unu lekwa, o nweru mkpụkpu dụa ntse l'ẹka-a, mu l'a-gbaba. Ọ bụa nwa mkpụkpu, ha nwanshị. Tẹ mu gbanụru lashia ẹka ono nke ọwhu mu l'a-nọdu ndzụ.\"\n21Ojozhi-imigwe, shi l'ẹka Onye-Nwe-Ọha ono sụ iya: \"Ọ dụ ree, mu kwetawaru iwhe i kfuru. Mkpụkpu ono, l'iikfuru bẹ mu l'ete emebyidu. 22Ọle ọbu, gbafụ-kebekwa ẹgwegwa ẹgwegwa lashia ẹka ono! Nkele ọ tọ dụdu iwhe mu bya l'e-me jeye nteke l'ii-larwu ẹka ono.\" O noo iwhe meru e kua mkpụkpu ono Zowa.+\n23Lọtu bya l'erwudeshia Zowa, ẹnyanwu wawaa l'alị ono. 24O noo ya, Onye-Nwe-Ọha bya eshi l'imigwe chịa ọku nshị-egbe lẹ Sódomu yẹle Gọmóra g'ọo mini. 25Onye-Nwe-Ọha mebyishikota mkpụkpu ono mẹe nsụda lile, nọkota iya nụ; mebyishia iwhe bụ madzụ, bu lẹ mkpụkpu ono swịikpamu mẹe irwu futaru efuta l'alị ono. 26Nyee Lọtu ghaa ẹnya l'azụ, ọ ghọo oguji únú gvuru.\n27Ébirihamu bya anmaa ẹwa jeshia ẹka ono, yẹle Onye-Nwe-Ọha shi kfụru. 28O lee ẹnya l'ụzo Sódomu yẹle Gọmóra; lee ẹnya l'alị nsụda nsụda. Iwhe ọ whụru bụleruwho g'ẹnwuru-ọku l'ekpo tụmibe ala oroke-imeli-imeli g'ọo ẹnwuru-ọku, shi l'ọku, l'enwu whowhowho.\n29Chileke mebyishigelewho mkpụkpu ono, dụkota lẹ nsụda ono; ọ nyata Ébirihamu, bya edufuta Lọtu l'ejo emerekete ono, meru nụ ono, e gude mebyishia mkpụkpu ono, Lọtu shi buru.\nLọtu yẹle ụnwada iya\n30Lọtu yẹle ụnwada iya labọ nọnyaa bya akwafụ lẹ Zowa je eburu l'alị ugvu ugvu nkele egvu te ekwehedu iya t'o buru lẹ Zowa. Yẹle ụnwada iya labọ ono je eburu l'ime ọgba. 31Nwa iya nwanyị nke ọgurenya nọnyaa bya asụ nke nwata: \"Nna anyi bụakwa nwoke ọgurenya; tọ hẹ l'o nweru nwoke, bu l'uswe iya ọwa, l'a-bya t'anyi l'iya zẹe, bụ g'e megbaru iya lẹ mgboko kpaa-whuu. 32Bya t'anyi je echee nna anyi mmẹe t'ọ wata iya atsụtsu. Anyi eje t'anyi l'iya zẹe nke ọwhu anyi l'e-shi iya l'ẹka mee t'ẹpa anyi whudu.\"\n33O noo ya, o be l'ẹnyashi iya, whẹ bya echee nna whẹ mmẹe. Nwa iya nwanyị nke ọgurenya jekfu iya yẹle iya zẹe; t'ọ ma nteke ọ bya azẹkube iya; t'ọ ma nteke ọ gbashiru.\n34O rwua echile iya; nke ọgurenya ono sụ nke nwata: \"Ẹnyashi ụnyawhu bẹ mu lẹ nna anyi zẹkwa. T'anyi chefukwaa ya mmẹe ọdo l'ẹnyashi-a nke ọwhu l'ii-je tẹ gụ l'iya zẹe. Ọo ya bụ nggẹ anyi eshi l'ẹka iya mee t'ẹpa anyi whudu.\" 35Whẹ bya echee nna whẹ mmẹe ọdo l'ẹnyashi ono. Onye nke nwata je yẹle iya zẹe; t'ọ makwawhọ nteke ọ bya azẹkube iya; t'ọ ma nteke ọ gbashiru.\n36Tọ dụ iya bụ, Lọtu yeshia ụnwu iya nwanyị ono ime. 37Onye nke ọgurenya bya anwụa nwata nwoke; ọ gụa ya Moabu. Ọ bụru iya bụ nna ndu Moabu byeye ntanụ. 38Onye nke nwata bya anwụkwaawho nwata nwoke; ọ gụa ya Benu-ami. Ọ bụru iya bụ nna ndu Amọnu byeye ntanụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/19","date":"2018-12-10T06:25:39Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823318.33\/warc\/CC-MAIN-20181210055518-20181210081018-00598.warc.gz","language":"eza","language_score":1.000000596,"language_script":"Latn","minhash_cluster_size":1,"top_langs":"{\"eza_Latn_score\": 1.0000005960464478}","num_words":994,"character_repetition_ratio":0.05,"word_repetition_ratio":0.002,"special_characters_ratio":0.254,"stopwords_ratio":0.293,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 20:24\n24\"Unu gudeje ẹja, shi l'alị tụaru mu ẹnya-mgbẹja, unu egbujeeru mu atụru l'eli iya mẹe eghu mẹe eswi, gude gbaarụ mu ẹja ọkpokota-iwhe-ọku mẹe ẹja ẹhu-guu. Ẹka lile, mu meru t'a nyatajẹ ẹwha mu bẹ mu l'a-byakfutaje unu bya agọru ọnu-ọma nụ unu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/20\/24","date":"2018-12-15T22:56:37Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827137.61\/warc\/CC-MAIN-20181215222234-20181216004234-00571.warc.gz","language":"eza","language_score":0.9999909401,"language_script":"Latn","minhash_cluster_size":1,"top_langs":"{\"eza_Latn_score\": 0.9999909400939941}","num_words":44,"character_repetition_ratio":0.0,"word_repetition_ratio":0.0,"special_characters_ratio":0.265,"stopwords_ratio":0.364,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 3:1\nMósisu mẹe ọku, l'enwu l'irwu nwooshi\n1O noo ya, Mósisu l'eche atụru Jeturo, bụ nna nyee ya; bya abụru onye l'anọje agwaru ndu Midiyanu iwhe. O rwua ujiku lanụ, ọ chịta atụru ono jeshia ẹka teru ẹnya l'echi-ẹgu, o jeta rwua l'ugvu Horẹbu bụ iya bụ ugvu Chileke.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/3\/1","date":"2018-12-12T14:50:55Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823895.25\/warc\/CC-MAIN-20181212134123-20181212155623-00605.warc.gz","language":"eza","language_score":0.9994132519,"language_script":"Latn","minhash_cluster_size":1,"top_langs":"{\"eza_Latn_score\": 0.999413251876831}","num_words":49,"character_repetition_ratio":0.0,"word_repetition_ratio":0.0,"special_characters_ratio":0.251,"stopwords_ratio":0.347,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Ọ́gú 6:21\n21\"O noo bụ iwu dụru onye doberu onwiya nsọ l'ẹka Onye-Nwe-Ọha nọ ndono bụ iya bụ onye kweru ụkwa lẹ ya l'e-dobe onwiya nsọ l'ẹka Onye-Nwe-Ọha nọ mẹe iwhe l'ọo-nụje Onye-Nwe-Ọha nteke oge iya dzuleruwho, t'a gụfukwa iya iwhe ọdo, l'ọo-nụ lẹge ẹka iya beru. Ọle o medzufutaje iwhe o kweru ụkwa iya ẹgube iwu onye dụru Onye-Nwe-Ọha nsọ dụ dụ.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/6\/21","date":"2018-12-15T07:43:19Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826800.31\/warc\/CC-MAIN-20181215061532-20181215083532-00240.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":62,"character_repetition_ratio":0.135,"word_repetition_ratio":0.0,"special_characters_ratio":0.259,"stopwords_ratio":0.355,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 24:14\n14Menua nke ọwhu bụ, nwamgbọko ọwhu mu sụ-zhiwaru t'o gbebenuru mu ite iya tẹ mu ngụta mini, nwamgbọko ọwhu ọbu -kweta, bya asụ tẹ ya chebefua ịnya-kamẹlu mu; t'ọ bụkwaru iya bẹ l'ịi-họtaru onye ozhi ghu Áyiziku. O noo iwhe l'e-me, mu amarụ l'i yeru onye-nwe-mu nụ obu ndono.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/24\/14","date":"2018-12-17T20:18:30Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829115.83\/warc\/CC-MAIN-20181217183905-20181217205905-00418.warc.gz","language":"eza","language_score":1.0000011921,"language_script":"Latn","minhash_cluster_size":1,"top_langs":"{\"eza_Latn_score\": 1.0000011920928955}","num_words":50,"character_repetition_ratio":0.057,"word_repetition_ratio":0.0,"special_characters_ratio":0.265,"stopwords_ratio":0.28,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 39:3\n3Whẹ woru mkpọla-ododo kụsaa akụsa mee ya; ọ dụ kụwhekuwhe, bya ebyishia ya ọ dụ g'ọo eri agwara; whẹ gude iya tụngashia atụngashi lẹ mgbaku oghu urwukpu-urwukpu ono yẹle oghu ododo ono mẹe nke uswe-uswe ono mẹe ọkpobe ẹkwa ọcha ono, a kparụ ọ dụ ree, ọ bụru ẹka ọrwu onye marụ ome nka b'ọ bụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/39\/3","date":"2018-12-10T20:43:49Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823442.17\/warc\/CC-MAIN-20181210191406-20181210212906-00322.warc.gz","language":"eza","language_score":0.9996970892,"language_script":"Latn","minhash_cluster_size":1,"top_langs":"{\"eza_Latn_score\": 0.9996970891952515}","num_words":57,"character_repetition_ratio":0.0,"word_repetition_ratio":0.0,"special_characters_ratio":0.24,"stopwords_ratio":0.386,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 13:55\n55A sagee ya, t'onye l'agbajẹ ẹja nụ Chileke ono lelee evu ọbu. Ọ -bụru l'ẹka ọbu, iwhe ono tsụru evu ta agbanwedu kelahaa l'ụdu ọdo, bẹ iwhe ono bụkwa iwhe l'aasọ nsọ, m'oberu evu ọbu ta abakashịhu abakashịhu. T'a kpọkwaa ya ọku mẹ ẹjo ẹhu-ba-dụ-mma ọbu dụ iya l'ụzo iwhu m'ọ dụ iya l'ụzo azụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/13\/55","date":"2018-12-10T10:32:45Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823322.49\/warc\/CC-MAIN-20181210101954-20181210123454-00332.warc.gz","language":"eza","language_score":0.9999314547,"language_script":"Latn","minhash_cluster_size":1,"top_langs":"{\"eza_Latn_score\": 0.9999314546585083}","num_words":56,"character_repetition_ratio":0.053,"word_repetition_ratio":0.0,"special_characters_ratio":0.27,"stopwords_ratio":0.268,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 2:2\n2Ya ewota iya wojeru ụnwu Érọnu, bụ ndu l'agbajẹ ẹja nụ Chileke. T'onye l'agbajẹ ẹja nụ Chileke ono hata ụturutuu-witi ono mkpoji ẹka mẹe mmanụ mẹe ụ̀nwù-isẹnsu lile, tso iya nụ, kpọo ya ọku l'ẹnya-mgbẹja ono, t'ọ kfụru l'ọzori ngwo-ẹja nri ono; t'ọ bụru ngwo-ẹja, a kpọru ọku, mkpọ iya dụ Onye-Nwe-Ọha ree.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/2\/2","date":"2018-12-18T14:52:32Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829429.94\/warc\/CC-MAIN-20181218143757-20181218165757-00500.warc.gz","language":"eza","language_score":0.9994500279,"language_script":"Latn","minhash_cluster_size":1,"top_langs":"{\"eza_Latn_score\": 0.9994500279426575}","num_words":54,"character_repetition_ratio":0.096,"word_repetition_ratio":0.0,"special_characters_ratio":0.252,"stopwords_ratio":0.296,"flagged_words_ratio":0.0,"lang_id_score":0.993,"perplexity_score":500.0,"cluster_detection":1} +{"text":"Mbụlembu 23\nỌnwu Séra\n1Séra bẹ gbarụ ụkporo awha ugbo ishii l'awha ẹsaa. 2Ẹka ọ nọdu nwụhu bụ lẹ Kiriyatu-aruba bụ iya bụ Hiburọnu, dụ l'alị Kenanu. Ébirihamu gụa áwhụ Séra; ryaa ẹkwa iya.\n3Ébirihamu gbalihu haa odzu nyee ya ono, jekfushia ndu Hetu; je asụ whẹ: 4\"Ọ kwa onye byarụ abya bẹ mu bu l'ibe unu, mbụ l'ọo nlwamụnlwa bẹ mu bụ. Byiko, unu renu mu alị, mu l'ee-lije onye nwụhuru anwụhu nke ọwhu mu l'e-li iya nyee mu.\"\n5Ndu Hetu sụ Ébirihamu: 6\"Onye-nwe-anyi, anyịbe ndu Hetu bẹ sụru agha: Ọ kwa ọnyibe, parụ ẹka b'ị bụ l'ẹka anyi nọ. Hatalẹwho ilu ndibe anyi ọwhu kagezhia ghu ree je elia nyee ghu. O to nwedu onye l'a-jịka t'i be elishi nyee ghu l'ilu nkiya.\"\n7Ébirihamu bya agbalihu whuzeru ndu Hetu, bụ ndu nwe alị iwhu l'alị. 8Ọ sụ whẹ: \"Ọ -bụru l'ọo obu unu tẹ mu lia nyee mu, iwhe mu l'ekfuru unu bụ t'unu je aryọoru mu Éfurọnu nwa Zoha, 9t'o ree mu ọgba Makupela iya whọ, dụ l'ishishi alị iya. T'ọ natakwa mu ọkpobe aswa iya l'iwhu unu nke ọwhu l'ọo-bụru nkemu, mbụ t'ọ bụru ẹka mu l'e-lije onye nwụhuru anwụhu.\"\n10Éfurọnu nọdu l'ẹnya iya yẹle ndibe whẹ ono, bụ ndu Hetu; yẹbe nwoke Hetu ono bya eyee ọnu; o tsua ndu Hetu byarụ ọnu-abata mkpụkpu ono etsu lẹ nchị; sụ Ébirihamu: 11\"Onye-nwe-mu nụ; wawakwa-o. Gebeduwho nchị: lẹ mu nọdu l'atatiwhu ndibe anyi ekfu sụ t'i wokotaru alị ono l'owhu mẹe ọgba, dụ iya nụ. Je je elia ya nyee ghu.\"\n12Ébirihamu whuzeru ndu alị ono iwhu l'alị; 13bya asụ Éfurọnu: \"Gebekwa nchị; mu l'a-kfụroo aswa alị ono. Nata mu rọo aswa iya nke ọwhu mu l'e-je elia ya nyee mu.\" O kfua ya ọwhu o tsuru ndu alị ono etsu lẹ nchị.\n14Éfurọnu sụ Ébirihamu: 15\"Onye-nwe-mu nụ; gebeduwho nchị; alị ono bẹ aswa iya dzukwaru mkpọla-ọcha, ẹrwa iya dụ ụnu shẹkelu. Ọle ọbu, ?ọo gụnu b'ọ bụ l'ẹka mu lẹ ghu nọ? Je je elia ya rọ nyee ghu.\"\n16Ébirihamu kweta iwhe Éfurọnu hụru iya l'aswa alị ono, bya eworu iwhe ono; ọ hụru kfụa ya l'iwhu ndu Hetu. Iwhe ọ kfụru iya bụ mkpọla-ọcha, ẹrwa iya dụ ụnu shẹkelu, a tụru l'ẹkpa, e gude azụ aswa nteke ono.\n17O noo ya, a bya anụ Ébirihamu alị Éfurọnu ono, dụ lẹ Makupela, mbụ ẹka ono, dụ l'ụzo ẹnyanwu-awata Mamure. A nụru iya alị ono yẹle ọgba, dụ iya nụ mẹe oshi, dụ iya; je akpaa l'alị, nọkota l'uswe ẹka ono. 18Ndu Hetu, bụ ndu lile, jeru ọnu-abata mkpụkpu ono nọdu whụkota nteke a nụru Ébirihamu alị ono t'ọ bụru alị iya. 19E megee, Ébirihamu lia nyee ya Séra l'ọgba ono, dụ l'alị Makupela; l'ụzo ẹnyanwu-awata Mamure bụ iya bụ Hiburọnu, dụ l'alị Kenanu. 20Tọ dụ iya bụ, ndu Hetu woru alị ono yẹle ọgba, dụ iya nụ Ébirihamu t'ọ woru; t'ọ bụru ẹka l'oo-lije onye nwụhuru anwụhu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/23","date":"2018-12-14T23:37:44Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826530.72\/warc\/CC-MAIN-20181214232243-20181215014243-00623.warc.gz","language":"eza","language_score":0.9998613596,"language_script":"Latn","minhash_cluster_size":1,"top_langs":"{\"eza_Latn_score\": 0.9998613595962524}","num_words":480,"character_repetition_ratio":0.06,"word_repetition_ratio":0.0,"special_characters_ratio":0.266,"stopwords_ratio":0.325,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 11\nỤlo-eli Babẹlu\n1Ndu mgboko l'owhu shi ekfukota okfu-alị lanụ, olu-okfu whẹ shi bụru iwhe lanụ. 2O noo ya, ndiwhe bya ejeta rwua ụzo ẹnyanwu-awata, whẹ whụa ẹka dụ barịkiti l'alị Shina; whẹ je ebukobe l'ẹka ono.\n3A nọnyaa whẹ sụ ibe whẹ: \"Unu bya t'anyi yọo ẹja hụa ya l'ọku hụshia ya ike.\" Ọ bụru ẹja, a yọru ayọ bẹ nọ-chiru whẹ ��nya ẹwhuru. Whẹ wụa ya korota t'ọ bụru nkwo-ẹja. 4Whẹ sụ: \"Unu bya t'anyi metaru onwanyị mkpụkpu. T'anyi tụa ụlo-eli, l'e-je asụ-kfuru l'igweli. Ọo ya bụ t'anyi bụru ndu a marụ ẹwha whẹ nke ọwhu anyi l'ẹte ejekashihu dzuru mgboko.\"\n5Tọ dụ iya bụ, Onye-Nwe-Ọha nyizeta t'ọ whụ mkpụkpu ono mẹe ụlo-eli ọbu, ụnwu-eliwhe l'atụ. 6Onye-Nwe-Ọha sụ: \"Ndu-a bụkwa nnanụ, whẹ nweru okfu-alị lanụ. Ọ wa-a, whẹ l'eme bụkwadu awata bẹ whẹ watarụ iwhe whẹ l'e-bechaa mee. Ọ tọ dụkwa iwhe whẹ tụberu ememe, whẹ l'ẹte emekota. 7Unu bya t'anyi nyize je aghasweshia whẹ olu-okfu, t'iwhe ibe whẹ l'ekfu be edojehe whẹ ẹnya.\"\n8Ọo ya bụ, Onye-Nwe-Ọha bya achịkashia whẹ, whẹ dzuru mgboko, whẹ tụ-buhu mkpụkpu ono. 9O noo iwhe meru g'o gude e kua ya Babẹlu, o noo nkele ọo ẹka ono bẹ Onye-Nwe-Ọha ghasweshiru okfu ụnwu-eliwhe l'owhu. Ọ bụru l'ẹka ono bẹ Onye-Nwe-Ọha shi chịkashia whẹ, whẹ jekashihu dzuru mgboko l'owhu.\nWata l'ọgbo Shemu jeye l'ọgbo Ébiramu\n10Ọ waa bụ ẹpa Shemu.\nShemu bẹ gbarụ ụkporo awha ise tẹmenu ọ nwụta Árufakusadu. Nteke ono b'a nọwaru awha labọ nkele utso lageeru. 11Ọ nwụ-gee Árufakusadu bya anọfua ụnu awha l'ụkporo awha ugbo ise. Ọ nwụshikwaawho unwoke yẹle ụnwanyi tsota Árufakusadu.\n12Árufakusadu nọlewho ụkporo awha l'awha iri l'ise, ọ bụru nna Shela. 13Ọ nwụ-gee Shela bya anọfua ụnu awha l'awha ẹto. Ọ nwụshikwaawho unwoke yẹle ụnwanyi tsota Shela.\n14Shela nọlewho ụkporo awha l'awha iri, ọ bụru nna Iba. 15Ọ nwụ-gee Iba bya anọfua ụnu awha l'awha ẹto. Ọ nwụshikwaawho unwoke yẹle ụnwanyi tsota Iba.\n16Iba nọlewho ụkporo awha l'awha iri l'ẹno; ọ bụru nna Pelẹgu. 17Ọ nwụ-gee Pelẹgu bya anọfua ụnu awha l'ụkporo awha l'awha iri. Ọ nwụshikwawho unwoke yẹle ụnwanyi tsota Pelẹgu.\n18Pelẹgu nọlewho ụkporo awha l'awha iri, ọ bụru nna Rewu. 19Ọ nwụ-gee Rewu bya anọfua ụkporo awha iri l'awha tete. Ọ nwụshikwaawho unwoke yẹle ụnwanyi tsota Rewu.\n20Rewu nọlewho ụkporo awha l'awha iri l'ẹbo, ọ bụru nna Sérugu. 21Ọ nwụ-gee Sérugu bya anọfua ụkporo awha iri l'awha ẹsaa. Ọ nwụshikwaawho unwoke yẹle ụnwanyi tsota Sérugu.\n22Sérugu nọlewho ụkporo awha l'awha iri, ọ bụru nna Nahọ. 23Ọ nwụ-gee Nahọ bya anọfua ụkporo awha iri. Ọ nwụshikwaawho unwoke yẹle ụnwanyi tsota Nahọ.\n24Nahọ nọlewho ụkporo awha l'awha tete, ọ bụru nna Tẹra. 25Ọ nwụ-gee Tẹra, bya anọfua ụkporo awha ise l'awha iri lẹ tete. Ọ nwụshikwaawho unwoke yẹle ụnwanyi tsota Tẹra.\n26Tẹra nọlewho ụkporo awha ẹto l'awha iri, ọ bụru nna Ébiramu mẹe Nahọ mẹe Háranu.\n27Ọ waa bụ ẹpa Tẹra.\nTẹra bụ nna Ébiramu mẹe Nahọ mẹe Háranu. Háranu bụru nna Lọtu. 28Háranu bẹ vu nna iya Tẹra ụzo nwụhu lẹ mkpụkpu ẹka a nwụru iya, bụ Uru l'alị Kaludiya. 29Ébiramu yẹle Nahọ bya atụko lụa nwanyị. Ẹwha nyee nke Ébiramu bụ Serayi; ẹwha nyee nke Nahọ bụru Milika. Onye nwụru Milika yẹle Isuka bụ Háranu. 30Serayi ta anwụtadu nwa, o noo nkele ọ tọo tsụdu ime.\n31O noo ya bụ lẹ Tẹra eduta nwa iya Ébiramu mẹe nwanwa iya Lọtu, bụ nwa nke Háranu. O dutakwawho Serayi, bụ nyee nwa iya, bụ iya bụ nyee Ébiramu. Whẹ tụko gbalihu lẹ mkpụkpu Uru, dụ l'alị Kaludiya jeshia alị Kenanu. Whẹ jeta rwua Háranu; whẹ nọ-kirishia l'ẹka ono.\n32Tẹra nọlewho ụkporo awha iri l'awha ise, ọ nwụhu lẹ Háranu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/11","date":"2018-12-18T20:58:18Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376829812.88\/warc\/CC-MAIN-20181218204638-20181218230638-00590.warc.gz","language":"eza","language_score":1.0000095367,"language_script":"Latn","minhash_cluster_size":1,"top_langs":"{\"eza_Latn_score\": 1.000009536743164}","num_words":603,"character_repetition_ratio":0.132,"word_repetition_ratio":0.01,"special_characters_ratio":0.244,"stopwords_ratio":0.24,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 21\nIwu, a tụru ndu l'agbajẹ ẹja nụ Chileke\n1Tọ dụ iya bụ, Onye-Nwe-Ọha bya asụ Mósisu: \"Kfuru yeru ndu l'agbajẹ ẹja nụ Chileke bụ iya bụ ụnwu Érọnu sụ whẹ t'ọ bọ dụkwa onye ẹhu iya l'e-chiru l'odzu onye nwụhuru anwụhu l'ibe whẹ, shi nno mee onwiya onye l'aasọ nsọ, 2gbahakwa l'onye ọbu, nwụhuru anwụhu bẹ yẹle iya bụ ọkpobe abụbu; mbụ l'ọo ne iya, ọdua l'ọo nna iya m'ọ bụ nwa iya nwoke m'ọ bụ nwa iya nwanyị m'ọ bụ nwune iya nwoke, 3m'ọ bụ nwune iya nwanyị, bụkwadu nwamgbọko, nọ iya l'ẹka tọko ọlua ji, odzu ẹgube onye ono gbakwarụ t'o gude iya mee onwiya onye l'aasọ nsọ. 4Ọle t'ẹhu iya be echikwaru l'odzu onye yẹle iya gbarụ ọgo, shi nno merwua onwiya.\n5\"Tẹ ndu l'agbajẹ ẹja nụ Chileke ba aswashịjekwa ishi whẹ, tẹ whẹ be esebotajekwa ẹji-agba whẹ agụga agụga m'ọ bụ gvujashia onwowhe ẹhu l'iswi onye nwụhuru anwụhu. 6Tẹ whẹ dụkwaru Chileke whẹ nsọ, bụru ndu l'ete emerwu ẹwha Chileke whẹ emerwu nkele ọo whẹ l'akpọje ngwo-ẹja ọku nụ Onye-Nwe-Ọha; bụru whẹ l'anụje Chileke whẹ nri. Ọo ya meru whẹ je l'a-dụ nsọ.\n7\"Tẹ ndu l'agbajẹ ẹja nụ Chileke ba alụkwa nwanyị-ọkpara, merwushiwaru onwiya, tẹ whẹ ba alụkwa nwanyị, ji iya chịfuru achịfu, o noo nkele onye l'agbarụ Chileke ẹja bẹ dụru Chileke iya nsọ. 8Unu wotakwa onye l'agbajẹ ẹja nụ Chileke g'ọo onye dụ nsọ, nkele ọo ya l'ewojeru nri Chileke unu nụ iya. T'ọ bụkwaru onye dụ nsọ l'ẹhu nkunu nkele mbẹdua, bụ Onye-Nwe-Ọha, bụ onye doberu unu nsọ bụkwa onye dụ nsọ.\n9\"Nwa nwanyị onye l'agbajẹ ẹja nụ Chileke wata ọgba ọkpara, shi nno merwua onwiya bụkwa nna iya b'o merwuru. T'a kpọkwaa nwa iya nwanyị ono ọku.\n10\"T'onye bụ onye ishi ndu l'agbajẹ ẹja nụ Chileke l'ime ụnwunna iya, mbụ onye a wụru mmanụ l'ishi, bụru onye e doberu nsọ t'o yeje uwe ndu l'agbajẹru Chileke ẹja, t'onye ọbu ba ahajẹkwa ẹgbushi, dụ iya l'ishi t'ọ yagashịhu iya ayagashịhu, ya eje eyejekwa ẹka l'uwe iya dọjaa. 11T'onye ishi ndu l'agbajẹ ẹja nụ Chileke ba abahụjekwa l'ẹka odzu zẹe. T'ọ bọ bahụkwa iya je emerwua onwiya, m'o beru ọ bụru odzu nna iya m'ọ bụ odzu ne iya. 12T'ọ bọ hajẹkwa ụlo-nsọ lụfu alụfu, t'o bo merwukwa ụlo-nsọ emerwu, o noo nkele ọo mmanụ Chileke iya b'a wụru iya l'ishi. Ọo Mu bụ Onye-Nwe-Ọha.\n13\"Tẹ nwanyị, l'ọo-lụ bụkwaru nwanyị, nwoke l'ẹte akụa ọkpa. 14T'ọ bọ lụkwa onye bụ nwanyị-mbunu m'ọ bụ nwanyị, ji iya chịfuru achịfu m'ọ bụ nwanyị-ọkpara, mebyishiwaru onwiya. Tẹ nwanyị, l'ọo-lụ bụkwaru nwanyị, nwoke l'ẹte akụa ọkpa, t'ọ bụkwaru nwanyị Ízurẹlu gẹdegede 15nggẹ ụnwegirima iya ta abụ ndu e merwuru emerwu l'echilabọ ndibe whẹ. Ọo Mu bụ Onye-Nwe-Ọha meru iya ọ dụ nsọ.\"\n16Tọ dụ iya bụ, Onye-Nwe-Ọha bya ekfuru yeru Mósisu sụ iya: 17\"Kfuru Érọnu sụ iya: Iwhe bụ onye shi l'ẹpa ghu bụ onye ọrwu dụ l'ẹhu ba abyakwa lẹ ya l'anụ Chileke iya nri. O noo gẹ l'ọo-dụ shi l'ọgbo rwua l'ọgbo. 18T'iwhe bụ onye ọrwu dụ l'ẹhu ba abyakwa ntse m'ọ bụ onye l'atsọ ishi m'ọ bụ onye ngvụru m'ọ bụ onye e mebyiru emebyi 19m'ọ bụ onye iwhe lọnwuru ọkpa m'ọ bụ onye iwhe lọnwuru ẹka 20m'ọ bụ onye okpurukpu-azụ hụfuru ahụfu m'ọ bụ ọ-ha-ẹgirima m'ọ bụ onye iwhe meru l'ẹnya m'ọ bụ onye iwhe l'eme l'akpọ-ẹhu m'ọ bụ onye a háru aháhá. 21T'ọ bọ dụkwa onye bụ ẹpa Érọnu, bụ onye l'agbajẹ ẹja nụ Chileke, ọrwu dụ l'ẹhu l'abya ọgbaru Onye-Nwe-Ọha ẹja, l'aakpọ ọku. T'onye ọrwu dụ l'ẹhu ba abyakwa lẹ ya l'anụ Chileke iya nri. 22T'onye ọbu rijekwaro nri, a nụru Chileke iya, mbụ nri ọwhu dụ nsọ mẹe ọwhu dụ nsọ shii. 23Ọle t'o bo jekubekwa mgboro ẹkwa ono, e gebutaru Ẹka-kakọta-ọdu-nsọ. T'o bo jekubekwa ẹnya-mgbẹja nggẹ to merwu ụlo-nsọ, nkele ọrwu dụ iya l'ẹhu. Ọo Mu bụ Onye-Nwe-Ọha, onye doberu whẹ nsọ.\"\n24Tọ dụ iya bụ, Mósisu bya eworu iwhe lile ono kfuaru Érọnu yẹle ụnwu iya mẹe ndu Ízurẹlu gẹ whẹ ha.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/21","date":"2018-12-19T10:01:04Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376831933.96\/warc\/CC-MAIN-20181219090209-20181219112209-00384.warc.gz","language":"eza","language_score":0.9999872446,"language_script":"Latn","minhash_cluster_size":1,"top_langs":"{\"eza_Latn_score\": 0.9999872446060181}","num_words":663,"character_repetition_ratio":0.097,"word_repetition_ratio":0.009,"special_characters_ratio":0.254,"stopwords_ratio":0.309,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 25\nỌnwu Ébirihamu\n1O noo ya, Ébirihamu bya alụa nwanyị ọdo, ẹwha iya bụ Ketura. 2Ọ nwụtaru iya Zimuranu mẹe Jọkushanu mẹe Medanu mẹe Midiyanu mẹe Ishibaku mẹe Shuwa. 3Jọkushanu bụ nna Sheba yẹle Dedanu. Ẹpa Dedanu bụ ndu Ashuru mẹe ndu Letushi mẹe ndu Leyumu. 4Ụnwu Midiyanu bụ Ifa mẹe Ifaru mẹe Hanọku mẹe Abyida mẹe Éludaa. Ndu ono gẹ whẹ ha bụkota ẹpa Ketura.\n5Ébirihamu bya atụko-gezhia iwhe lile o nweru haarụ Áyiziku. 6Ọle nteke ọ nọkwadu ndzụ b'ọ hatageeru iwhe hẹe ụnwegirima, a nwụshiru iya mbụ ụnwanyi ndu ọwhu l'ẹte ọlua l'ọkpoku nwanyị. O duta whẹ dufu tẹ whẹ lẹ Áyiziku be ebushi l'ẹka lanụ. O duru whẹ je edobekota l'alị ụzo ẹnyanwu-awata.\n7Mkpakọ awha ole, Ébirihamu nọru bụ ụkporo awha ugbo ẹsato l'awha iri l'ise. 8Ébirihamu tụa ume ikpazụ iya nwụhu lẹ nka, mbụ nwoke ọgurenya, kagbịrihuru akagbịrihu. Ọ lakfu ndụ-ichee ya whẹ lẹ maa. 9Ụnwu iya, bụ Áyiziku yẹle Ishimẹlu lia ya l'ọgba Makupela l'ẹgu Éfurọnu nwa Zoha, onye Hetu; l'ọgba ono, dụkube Mamure. 10Ẹgu ono bụ ẹka Ébirihamu zụru ndu Hetu. Ọ bụru l'ẹka ono b'e liru Ébirihamu yẹle nyee ya Séra. 11Ébirihamu nwụhulewho, Chileke bya agọru ọnu-ọma nụ nwa iya Áyiziku. Ẹka Áyiziku bu bụ lẹ mgboro wẹlu Ọ-nọ-ndzụ-ele-mu-ẹnya.\nỤnwu Ishimẹlu\n12Ọ waa ẹpa Ishimẹlu nwa Ébirihamu ndọwa. Ishimẹlu l'onwiya bụ nwanyị Íjiputu ono, bụ ohu Séra, ẹwha iya bụ Hega nwụtaru iya Ébirihamu.\n13Ọ waa ẹwha ụnwu Ishimẹlu ndọwa; e deshiru whẹ lẹ g'e shi nwụa whẹ: Ọkpara Ishimẹlu bụ Nebayotu. Ndu nke otsota bụ Keda, Adụbelu, Mibusamu, 14Mishuma, Duma, Masa, 15Hedadu, Tema, Jeturu, Nafishi mẹe Kidema. 16Gẹ whẹ ha bụkota ụnwu Ishimẹlu. Whẹ zarụ ẹwha laa lẹ mkpụkpu whẹ shigee mẹe ẹka whẹ bugee. Whẹ iri l'ẹbo ono bụkota ishi l'ikfu whẹ l'ikfu whẹ. 17Mkpakọ awha, Ishimẹlu nọru bụ ụkporo awha ugbo ishii l'awha iri l'ẹsaa. Ọ tụa ume ikpazụ iya nwụhu; lakfu ndụ-ichee ya whẹ lẹ maa. 18Ẹpa iya shilewho lẹ Havila bua jeye lẹ Shuru; lẹ mgboro oge alị onye lẹ Íjiputu; l'ụzo, e shi eje Asiriya. Whẹ bụ aghamẹhu dụru ụnwunna whẹ.\nJékọpu yẹle Ịso\n19Ọ waa bụ akọ-ẹhu Áyiziku, nwa Ébirihamu.\nÉbirihamu bụ nna Áyiziku 20Áyiziku nọo ụkporo awha ugbo labọ; ọ lụa Ribẹka, nwada Byituwẹlu, onye Arámu. Ẹka o shi gẹdegede bụ Padanu Arámu. Ribẹka ono bụ nwune Lebanu nke Arámu.\n21Áyiziku bya ekfuru nụ Onye-Nwe-Ọha l'okfu ẹhu nyee ya nkele ọ tọ tsụdu ime. Onye-Nwe-Ọha nụa ekfukfu ono, o kfuru nụ iya, bya emee nyee ya ono, bụ Ribẹka ọ tsụta ime. 22Ụnwegirima ono nọdu l'ẹwho ne whẹ agaru onwowhe ẹnya. Ribẹka sụ: \"?Ọo gụnu bẹ l'anwụru mu ẹgube-ẹ?\" O jeshia njịta l'ẹka Onye-Nwe-Ọha.\n23Onye-Nwe-Ọha sụ iya:\n\"Ọo mba labọ bẹ nọ ghu l'ẹwho.\nỤmadzu labọ, l'ịi-nwụ l'e-ke onwowhe ẹbo.\nOnye lanụ l'a-ka ibe iya ẹkuku.\nOnye nke ọgurenya l'a-nọ\nejeru onye nke nwata ozhi.\"\n24Ọ gbabele iya whọ l'ezeda, ọ chịa ẹbo; whẹ bụkotaru unwoke. 25Onye ọwhu vu ụzo ye ishi fụta kehulewho mmee-mmee; ẹhu iya gbakọta ẹwhuruwhu dụ-zhiawho g'ọo ẹji adzụ. Ọo ya bụ, whẹ gụa ya Ịso. 26E megee, nwune iya bya eye ishi fụta. O shi wọ Ịso ẹka l'ichirukfu-ọkpa. Ọo ya bụ, a gụa ya Jékọpu. Áyiziku bẹ nọwaru ụkporo awha ugbo ẹto nteke Ribẹka nwụtaru iya ụnwegirima ono.\n27Ụnwegirima ono bya evuta; Ịso bụru onye l'eme nka l'ọchi nta; ọ bụru iwhe shi l'ẹgbudu b'o gude buru. Ọwhube Jékọpu bụru onye l'eme aguu, l'ọonoduje l'uwhu. 28Áyiziku bẹ anụ ẹgu l'anọje atsọ ụtso; o kwobe iswi iya yee Ịso obu. Ribẹka yekwanu-a ọwhube Jékọpu.\n29O rwua ujiku lanụ, Jékọpu l'eshi ine-mgbugbu. Ịso shi l'ẹgbudu bata; ọ-da-mba l'atụ iya atụ. 30Ọ sụ Jékọpu: \"Hẹnu mu ine-mgbugbu ghu ono, neru vẹrekete tẹ mu ria nkele ọ-da-mba l'atụ mu atụtu.\" Ọ bụru iwhe ono meru ekulahaa ya Edọmu.+\n31Jékọpu sụ iya: \"Ọo m'ị nụada mu ọkpara ono, ị bụ tẹ mu bụru, tẹmenu mu ahẹe ghu iya t'i ria.\"\n32Ịso sụ: \"Leenu, mu l'anwụhukwa anwụhu. ?Mu gude ọbu ọkpara eme gụnu?\"\n33Jékọpu sụ iya t'o vuru ụzo riadaru iya nte. Ọ bya eria nte woru ọkpara ono, o shi bụru nụ Jékọpu ọ bụru.\n34Nteke ono Jékọpu nụ Ịso buredi; hẹkwa iya whọ ine-mgbugbu ono, o gude azama gwọo; o ria. O rigee ya ngụru mini ye iya, ọ bụru iya atụgbu.\nO nokwa gẹ Ịso meru gwọo ọkpara ono, ọ bụ l'ẹja.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/25","date":"2018-12-10T06:00:03Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823318.33\/warc\/CC-MAIN-20181210055518-20181210081018-00625.warc.gz","language":"eza","language_score":0.9999642372,"language_script":"Latn","minhash_cluster_size":1,"top_langs":"{\"eza_Latn_score\": 0.9999642372131348}","num_words":720,"character_repetition_ratio":0.047,"word_repetition_ratio":0.0,"special_characters_ratio":0.249,"stopwords_ratio":0.282,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 13:15\n15Nkele nteke Fero shi kwee kpọkponyi jịka lẹ ya ta ahadụ t'anyi tụgbua bẹ Onye-Nwe-Ọha tụkoru iwhe bụ ọkpara l'alị Íjiputu gbushikota; mbụ iwhe bụ ọkpara lẹ madzụ mẹe l'élwù. O noo iwhe meru g'o gude anyi l'akpụtaje anụ, bụ okee, vu ụzo waa ẹkpa-nwa gbuaru Onye-Nwe-Ọha; gude iwhe gbata ndu bụ ọkpara l'ụnwu anyi.'","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/13\/15","date":"2018-12-13T18:37:51Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825029.40\/warc\/CC-MAIN-20181213171808-20181213193308-00313.warc.gz","language":"eza","language_score":1.0000091791,"language_script":"Latn","minhash_cluster_size":1,"top_langs":"{\"eza_Latn_score\": 1.0000091791152954}","num_words":56,"character_repetition_ratio":0.091,"word_repetition_ratio":0.0,"special_characters_ratio":0.248,"stopwords_ratio":0.268,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 36\n1\"Ọo Bezalẹlu yẹle Oholiyabu mẹe iwhe bụ ndu marụ ome nka, ndu Onye-Nwe-Ọha nụru mmamagụ; bya emee t'iwhe doo whẹ ẹnya bụ iya bụ iwhe lile, kụberu ọtu ụlo-nsọ ono; ọo whẹ bụ ndu l'a-rwụ ọrwu ono, mee ya gẹ Onye-Nwe-Ọha sụru t'e mee ya.\"\n2Ọo ya bụ, Mósisu kua Bezalẹlu yẹle Oholiyabu mẹe iwhe bụ ndu lile marụ ome nka; ndu Onye-Nwe-Ọha nụru mmamagụ, bụru ndu l'ọowho l'obu tẹ whẹ jee ozhi ono. 3Mósisu chịru iwhe ono, ndu Ízurẹlu tụkotaru t'e gude mee nke ọtu ụlo-nsọ ono chịru chẹe whẹ. L'ụtsu mbọku mbọku bẹ ndu Ízurẹlu l'anọje atụko iwhe ono anụ Mósisu lẹ g'ọ zụru whẹ nkwe l'obu. 4Iwhe bụ ndu marụ ome nka, l'atụ ụlo-nsọ ono pakọtaru ọrwu lile, whẹ shihawa arwụ haa, 5tụgbua je asụ Mósisu: \"Ndu-a tụtaakwaru iwhe sụru t'e gude iya rwụa ọrwu ọbu, Onye-Nwe-Ọha sụru t'a rwụa; gbee tụwaru nke etsutsu iya ye iya.\"\n6Mósisu bya atụa iwu sụ: \"T'ọ bọ dụkwa nwoke, ọdua l'ọo nwanyị, l'a-dụbaa iwhe ọdo, l'oo-me sụ l'ọo iwhe ya gude eyeta ẹka t'e gude mee nke ụlo-nsọ ono.\" A ryaa iwhe ono, Mósisu kfuru aryarya ryadzuru iya ọdu-ụlo-ẹkwa ndu Ízurẹlu. E shi nno kpọshia ndu Ízurẹlu t'ọ bọ dụhe iwhe whẹ l'e-wotabaa; 7o noo nkele iwhe a tụtaru t'e gude rwụa ọrwu ono dzuwaru gẹ l'ee-gude iya rwụ-gee ọrwu ono tsufu etsufu.\nMkpuumkpu-ẹkwa\n8Iwhe bụ ndu marụ ome nka lẹ ndu ọrwu ono gude ukfu ẹkwa iri mee mkpuumkpu-ẹkwa ono. Ukfu ẹkwa iri ono bụ ọkpobe ẹkwa, e gude oghu ọcha kpaa ree mẹe oghu dụ urwukpu urwukpu mẹe nke uswe-uswe mẹe nke mmee-mmee. Onye marụ ome nka gude oghu ono kpata cherubu ye l'ukfu ẹkwa ono. 9Ukfu ẹkwa ono bẹ hakọta ishi nhakọ. Ogologo iya dụ nji-ẹka ụkporo l'ẹsato; ọsa iya dụ nji-ẹka ẹno. 10Whẹ bya ewota ukfu ẹkwa ono uzhi ise gbagbabẹ agbagbabẹ, ọ bụru ogologo ẹkwa lanụ; whẹ wotafua uzhi ise ọwhu gbagbabẹkwawho, ọ buru ogologo ẹkwa lanụ. 11Ogologo ẹkwa ono nke mbụ bẹ whẹ gude oghu, dụ urwukpu-urwukpu yeshia ukoloba l'ogboromọnu ukfu ẹkwa nke ikpazụ iya. Whẹ bya emekwaa ya whọ nno l'ukfu ẹkwa nke ishishi iya lẹ ogologo iya nke ẹbo. 12Ukoloba ụkporo labọ l'iri bẹ whẹ yeru l'ishishi ogologo ẹkwa lanụ; whẹ yekwawho ukoloba ụkporo labọ l'iri l'ishishi ogologo ẹkwa lanụ ọwhu. Ukoloba ono tụko ghaaru onwowhe iwhu. 13Whẹ gude mkpọla-ododo meta iwhe nweru ukoloba ishi labọ uzhi ụkporo labọ l'iri, gude iya dzegbabe ogologo ẹkwa ono whẹ labọ, ọ lịko ọnu.\n14Whẹ bya egude ẹji eghu kpata ukfu ẹkwa iri lẹ nnanụ, l'ee-gude kwechia eli mkpuumkpu-ẹkwa ono. 15Ukfu ẹkwa iri lẹ nnanụ ono bẹ hakọta ẹnya nhamụnha. Ogologo iya dụ-gee nji-ẹka ụkporo l'iri iri. Ọsa iya dụ-gee nji-ẹka ẹno ẹno. 16Whẹ bya achịta ukfu ẹkwa ono ise gbagbabẹ; ọ bụru ogologo ẹkwa lanụ, chịta ukfu ẹkwa ishii ọwhu gbagbabẹfua, ọ bụru nnanụ. 17Ukoloba ụkporo labọ l'iri bẹ whẹ yeru l'ishishi ogologo ẹkwa lanụ; yekwawho ukoloba ụkporo labọ l'iri l'ishishi ogologo ẹkwa lanụ ọwhu. 18Whẹ gude ope meta iwhe nweru ukoloba l'ishi labọ uzhi ụkporo labọ l'iri, gude iya kotagee ukoloba ogologo ẹkwa ono whẹ labọ; gude iya dzegbabe mkpuumkpu-ẹkwa ono, ọ bụru nnanụ. 19E megee; whẹ gude akpọ ebyila, a tsẹru l'uswe, mee iwhe l'ee-gude kwechia eli mkpuumkpu-ẹkwa ono, bya egudekwawho akpọ umoro-ẹnyimu mee iwhe l'ee-gude kwechia eli akpọ ebyila ono.\n20Whẹ gude oshi akeshiya meta oshi, e gude akpọbe mkpuumkpu-ẹkwa ono. 21Oshi, e gude akpọbe mkpuumkpu-ẹkwa ono b'e meru, ọ dụ-gee nji-ẹka iri iri l'eli. Ọsa iya dụ-gee nji-ẹka lẹ mkpirikpi. 22Oshi ono bẹ whẹ pyịru ọkpa labọ yekota l'ibẹka ẹbo-ẹbo. O noo gẹ whẹ mekotaru oshi, e gude akpọbe mkpuumkpu-ẹkwa ono g'ọ ha. 23A bya l'ibẹka iya ọwhu mkpuumkpu-ẹkwa ono cheru iwhu l'ụzo ọhuda, ọ bụru ụkporo oshi-akpọbe iya bẹ whẹ meru t'e ye iya. 24Whẹ gude mkpọla-ọcha meshia ẹnya ẹka l'aa-kpọru oshi-akpọbe iya nke ụzo ọhuda ono ye, meta iya uzhi ụkporo labọ. Oshi, e gude akpọbe mkpuumkpu-ẹkwa ono g'ọ ha nwegeeru ẹnya ẹka labọ, l'aa-kpọru ọkpa iya yekota. 25A bya l'ibe iya ọwhu; bụ iya bụ ibyiya ọwhu cheru iwhu l'ụzo isheli, ọ bụkwaruwho oshi-akpọbe iya, dụ ụkporo bẹ whẹ metaru t'e ye iya. 26Whẹ gude mkpọla-ọcha meshia ẹnya ẹka l'aa-kpọ-geeru oshi-akpọbe iya ono ye, meta iya uzhi ụkporo labọ. Oshi-akpọbe iya ono g'ọ ha nwegeeru ẹnya ẹka labọ, l'aa-kpọru ọkpa iya yekota. 27A bya l'okotazụ mkpuumkpu-ẹkwa ono, mbụ ibyiya ọwhu cheru iwhu l'ụzo ẹnyanwu-arịba, ọ bụru oshi, e gude akpọbe iya, dụ ishii bẹ whẹ metaru t'e ye iya. 28Iku okotazụ mkpuumkpu-ẹkwa ono whẹ labọ bụ oshi-akpọbe iya labọ bẹ whẹ metaru t'e ye iya. 29Oshi-akpọbe iya labọ ono, l'ee-ye lẹ mgburẹku iya ono bẹ whẹ meru, ọ dụ ẹbo-ẹbo, watalẹwho l'ụzo alị iya jeye l'ụzo imeli iya. E gude echi lanụ kụpyabe whẹ labọ. Whẹ labọ b'a meru, ọ dụkota ẹgube ono. 30Ọo ya bụ l'ọo ẹsato bẹ oshi, e gude akpọbe mkpuumkpu-ẹkwa ono dụ l'azụ mkpuumkpu-ẹkwa ono. E gude mkpọla-ọcha meshia ẹnya ẹka l'aa-kpọru ọkpa oshi-mgbo ono yekota uzhi iri l'ishii. Oshi, e gude akpọbe mkpuumkpu-ẹkwa ono g'ọ ha nweru ẹnya ẹka labọ, l'aa-kpọru ọkpa iya yekota.\n31Whẹ gude oshi akeshiya washịa wẹrere oshi, l'ee-swebushi iya. Uzhi ise bẹ whẹ l'e-swebu l'oshi, e gude akpọbe mkpuumkpu-ẹkwa ono lẹ mgburẹku iya lanụ; 32swebekwawho uzhi ise ọdo lẹ mgburẹku iya ọdo. Uzhi ise ọdo bụru l'okotazụ mkpuumkpu-ẹkwa ono bẹ whẹ l'e-swebe iya, l'ẹka iya ọwhu cheru iwhu l'ụzo ẹnyanwu-arịba. 33Wẹrere oshi ọwhu l'ee-swebe l'echi iya bẹ whẹ meru nke ọwhu l'oo-shi l'ishi lanụ dafụ l'ishi iya ọwhu. 34Whẹ rwụru mkpọla-ododo l'oshi, e gude akpọbe mkpuumkpu-ẹkwa ono; bya egudekwawho mkpọla-ododo meshia echi, l'e-sedekota wẹrere oshi ono, l'ee-swebushi iya. Whẹ bya awụkwaawho mkpọla-ododo lẹ wẹrere oshi ono.\n35Whẹ gude oghu, dụ urwukpu-urwukpu mẹe ọwhu l'eke uswe-uswe mẹe oghu, l'eke mmee-mmee yẹle ọkpobe ẹkwa ọcha, a kparụ, ọ dụ ree; gude iya kwee ukfu ẹkwa. Onye marụ ome nka bya egude oghu ono kpaa cherubu ye l'ukfu ẹkwa ono. 36Whẹ gude oshi akeshiya meta itso ẹno, rwụa ya mkpọla-ododo, bya egudekwawho mkpọla-ododo meshia iwhe nweru ukoloba, l'ee-gude kobe ẹkwa ono l'itso ono. Whẹ bya egude mkpọla-ọcha kpụshia ẹnya ẹka l'aa-kpọbe-gee itso ono uzhi ẹno. 37Whẹ gude oghu, dụ urwukpu-urwukpu mẹe ọwhu l'eke uswe-uswe mẹe ọwhu l'eke mmee-mmee yẹle ọkpobe ẹkwa ọcha, a kparụ, ọ dụ ree, gude iya kwee ẹkwa, l'ee-gude gbobuta ọnu-abata mkpuumkpu-ẹkwa ono, ọ bụru onye marụ odengashi iwhe edengashi meru iya. 38Whẹ gude oshi akeshiya meta itso ise, bya emetakwawho iwhe nweru ukoloba, l'ee-gude kobe ẹkwa ono l'itso ono. Ishi itso ono yẹle iwhe l'ee-swebe l'itso ono bẹ whẹ rwụru mkpọla-ododo, bya egude ope meshia ẹnya ẹka l'aa-kpọbe itso ono uzhi ise.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/36","date":"2018-12-17T15:14:19Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376828507.84\/warc\/CC-MAIN-20181217135323-20181217161323-00347.warc.gz","language":"eza","language_score":1.0000001192,"language_script":"Latn","minhash_cluster_size":1,"top_langs":"{\"eza_Latn_score\": 1.0000001192092896}","num_words":1096,"character_repetition_ratio":0.097,"word_repetition_ratio":0.024,"special_characters_ratio":0.239,"stopwords_ratio":0.272,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 1:17\n17T'o shi l'akwẹka iya labọ lafua ya t'o gheru ọnu. Ọle t'ọ bọ lajahụkwa iya ẹbo t'ọ nọdu iche iche. Onye l'agbajẹ ẹja nụ Chileke akpọo ya ọku l'ẹnya-mgbẹja, mbụ l'eli nkụ ono, e yeru l'ọku ono, t'ọ bụru mgbẹja, a kpọkotaru ọku, mbụ mgbẹja, a kpọru ọku, mkpọ iya dụ Onye-Nwe-Ọha ree.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/1\/17","date":"2018-12-12T09:17:37Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823817.62\/warc\/CC-MAIN-20181212091014-20181212112514-00197.warc.gz","language":"eza","language_score":0.9999337196,"language_script":"Latn","minhash_cluster_size":1,"top_langs":"{\"eza_Latn_score\": 0.9999337196350098}","num_words":54,"character_repetition_ratio":0.034,"word_repetition_ratio":0.0,"special_characters_ratio":0.278,"stopwords_ratio":0.185,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 8:31\n31Mósisu sụ Érọnu yẹle ụnwu iya: \"Unu je eshia anụ ono l'ọnu Ụlo-ẹkwa ndzuko. Unu anọdu l'ẹka ono taa ya yẹle buredi ono, dụ lẹ nkata ono, e yeru ngwo-ẹja, e gude eme madzụ t'ọ bụru onye l'agbajẹ ẹja nụ Chileke ono, ẹgube ono mu tụru iya l'iwu sụ tẹ Érọnu yẹle ụnwu iya rije iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/8\/31","date":"2018-12-15T15:42:30Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826892.78\/warc\/CC-MAIN-20181215152912-20181215174912-00150.warc.gz","language":"eza","language_score":0.9966216683,"language_script":"Latn","minhash_cluster_size":1,"top_langs":"{\"eza_Latn_score\": 0.9966216683387756}","num_words":57,"character_repetition_ratio":0.077,"word_repetition_ratio":0.0,"special_characters_ratio":0.264,"stopwords_ratio":0.316,"flagged_words_ratio":0.0,"lang_id_score":0.993,"perplexity_score":500.0,"cluster_detection":1} +{"text":"Ọ́gú 2:25\nIkfu, l'a-kpọbe ụlo-ẹkwa ebubu nkewhe laarụ ụzo isheli\n25\"A -bya abya lẹ ndu ọwhu l'a-kpọbe ụlo-ẹkwa ebubu nkewhe laarụ ụzo isheli bẹ bụ ndu gba l'itsutsu nke ikfu Danu. Whẹ l'a-kpọbe iya t'ọ gbakfuru ẹkwa-ọhubama ikfu nkewhe. Onye bụ ishi l'ẹpa Danu bụ Ahiyeza nwa Amishadayi.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/2\/25","date":"2018-12-14T04:59:22Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825363.58\/warc\/CC-MAIN-20181214044833-20181214070333-00120.warc.gz","language":"eza","language_score":1.0000088215,"language_script":"Latn","minhash_cluster_size":1,"top_langs":"{\"eza_Latn_score\": 1.0000088214874268}","num_words":47,"character_repetition_ratio":0.115,"word_repetition_ratio":0.0,"special_characters_ratio":0.247,"stopwords_ratio":0.234,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 10\nIgube byarụ ọgu\n1Tọ dụ iya bụ, Onye-Nwe-Ọha sụ Mósisu: \"Jekfu Fero, o noo nkele mu kpochiru iya obu; kpọ-chia ndu ozhi iya obu nke ọwhu mu l'e-goshi iwhe-ọhubama nkemu l'echilabọ whẹ; 2ndụge unu akọoru ụnwu unu whẹ mẹe ụnwu nwanwa unu whẹ gẹ mu gude meshibe ndu Íjiputu iwhe ike mẹe gẹ mu gude meshia iwhe-ọhubama l'echilabọ whẹ. Ọo ya bụ, nke ọwhu unu l'a-ma l'ọo Mu bụ Onye-Nwe-Ọha.\"\n3Ọo ya bụ, Mósisu yẹle Érọnu bya ejekfu Fero je asụ iya: \"Ọ waa iwhe Onye-Nwe-Ọha, bụ Chileke nke ndu Híburu kfuru ndọwa: '?Ọo nteke ole bẹ l'ịijika-beru owozeta onwoghu alị l'atatiwhu mu. Haa ndibe mu tẹ whẹ tụgbua nke ọwhu whẹ l'a-baru mu ẹja. 4Ọ -bụru l'ị jịkaru l'ị tịi hadụ whẹ tẹ whẹ tụgbua bẹ mu l'e-wobata igube l'alị ghu echile. 5Whẹ atụko alị unu l'owhu nyịnwukota nke ọwhu bụ l'ọ tọ dụdu ẹka l'aa-whụ ụzo l'alị ono. Whẹ atụko iwhe aka-mini mebyishiwhodoru ripyakota mẹe iwhe bụ oshi, futaru l'ẹgu unu. 6Whẹ atụko ụlo ghu mẹe ụlo ndu ozhi ghu whẹ nyịnwua mẹe ụlo ndu Íjiputu l'owhu. Mbụ ẹgube iwhe nna unu whẹ mẹe nna unu oche whẹ l'ẹte awhụbua, nkeshi whẹ lwarụ alị-a byeye ntaa.' \" Mósisu dakọbe shi l'iwhu Fero lụfu; ọ bụru iya atụgbu.\n7Ndu ozhi Fero bya asụ Fero: \"?Ọo nteke ole bẹ nwoke-e l'a-gbanyaaru anyi ọkpu akpọhu-a gbaberu? Haa ndu ono tẹ whẹ tụgbua nke ọwhu whẹ l'a-baru Onye-Nwe-Ọha, bụ Chileke whẹ ẹja. ?Tị madụ l'alị Íjiputu bẹ bụwaa kpurupyata?\"\n8O noo ya, a bya eduwhu Mósisu yẹle Érọnu azụ l'iwhu Fero. Ọ sụ whẹ: \"Unu tụgbua je abaarụ Onye-Nwe-Ọha, bụ Chileke unu ẹja! Ọle ọbu, ?ọo ndu ole l'e-je?\"\n9Mósisu sụ: \"Anyi l'a-tụko g'anyi ha eje; mbụ nwata mẹe ọgurenya mẹe ụnwu anyi nke nwoke mẹe ụnwu anyi nke nwanyị; atụru anyi mẹe eswi anyi bẹ anyi l'a-tụkokwawho rwuta. O noo nkele anyi l'e-meru Onye-Nwe-Ọha anyi oriri.\"\n10Fero sụ whẹ: \"Ọlewho m'ọ bụ lẹ Onye-Nwe-Ọha swiru unu ọkpobe eswiru, ọdumeka bẹ mu ta ahakwa unu l'ụnwegirima unu t'unu lashia! O doru mu ẹnya l'o nweru ejo-iwhe, unu l'arị nke ememe. 11Wawakwa! Unu duta unwoke unu kpụ t'unu je abaarụ Onye-Nwe-Ọha ẹja; eshi ọ bụ iwhe ono bẹ unu shi eshi nteke l'aa-maa ryọta!\" Tọ dụ iya bụ, a chịfu Mósisu yẹle Érọnu l'iwhu Fero.\n12Onye-Nwe-Ọha sụ Mósisu: \"Machịa ẹka ghu maa l'alị Íjiputu nke ọwhu igube l'a-wụbata l'alị ono bya atụko oshi irwu dụ l'alị ono rifukota, mbụ iwhe lile, aka-mini mebyishiwhodoru.\"\n13Ọo ya bụ, Mósisu machịa mgbọro iya l'alị Íjiputu. Onye-Nwe-Ọha mee, whẹrewhere shi l'ụzo ẹnyanwu-awata wata ewhewhe l'alị ono. Whẹrewhere ono whekota eswe l'ẹnyashi l'alị ono. A bya l'afụta-deshia l'ụtsu, whẹrewhere ono vubatawa igube l'alị ono. 14Igube ono tụko Íjiputu l'owhu nyịnwua, tụko ẹka lile l'alị ono chia kpụukpuu. Akọ ẹtu ẹgube igube ono ta adụbudua, t'ọ bya l'a-dụ ọdo. 15Nkele whẹ nyịnwukotaru alị ono l'owhu nke ọwhu bụ l'ẹka lile jihuru kpaaluu. Whẹ tụko oshi lile, irwu dụ l'alị ono tapyashịkota mẹe akpụru oshi; mbụ-zhia iwhe lile, whọduru nụ gẹ aka-mini whọ byageeru b'ọ tụkoru tapyashịkota. Iwhe bụ ẹkwo oshi mẹe ẹkwo oshi irwu dụ l'ẹgu te enwedu ọwhu whọduru nụ m'ọo nnanụ l'alị Íjiputu l'owhu.\n16Fero mekebe ẹgwegwa kua Mósisu yẹle Érọnu sụ whẹ: \"Mu meswewaru Onye-Nwe-Ọha, bụ Chileke unu, bya emeswekwaawho unubẹdua. 17Byiko gụfunuaru mu nvụ ugbo lanụ-a kpụ; gụ ekfuru nụ Onye-Nwe-Ọha, bụ Chileke unu t'o wofuru mu ejo iwhe-ọtsulanu-a.\"\n18Mósisu lụfu l'ẹka Fero nọ; je ekfuru nụ Onye-Nwe-Ọha. 19Ọo ya bụ, Onye-Nwe-Ọha bya agbanwee whẹrewhere ono, mee ya ọ bụru eze whẹrewhere, haa shii, shi l'ụzo ẹnyanwu-arịba bya ewhekotagee igube ono g'ọ ha je enwuru ye lẹ Eze-ẹnyimu Uswe-uswe. Tọ dụhe m'ọo igube lanụ, whọdukwaduru l'alị Íjiputu l'owhu. 20Ọle Onye-Nwe-Ọha kpọ-chileru-a obu Fero; t'o kwe haa ndu Ízurẹlu tẹ whẹ tụgbua.\nỌochi-agbagba byarụ ọgu\n21Tọ dụ iya bụ, Onye-Nwe-Ọha sụ Mósisu: \"Machịa ẹka ghu l'ụzo akpamigwe nke ọwhu ẹkpuroochi l'asọ-kputa alị Íjiputu l'owhu. Ẹkpuroochi, l'e-me t'ẹka lile gbahụ tsụrikiti.\" 22Ọo ya bụ, Mósisu machịa ẹka iya l'ụzo akpamigwe. Alị Íjiputu l'owhu gbakọta tsụrikiti abalị ẹto. 23Tọ dụ onye whụru ibe iya; tọ dụ onye shi l'ẹka o bu lụfu alụfu l'ime abalị ẹto ono. Ọle ndu Ízurẹlu bẹ iwhoro ngashịru l'ẹka whẹ bu.\n24Ọo ya bụ, Fero kua Mósisu; sụ iya: \"Unu tụgbua je abaarụ Onye-Nwe-Ọha ẹja. Unu dutagezhia ụnwanyi m'ọo ụnwegirima unu t'unu lẹ whẹ lịru. Iwhe unu l'a-ha nwẹkiya bụ atụru unu mẹe eswi unu.\"\n25Mósisu sụ iya: \"Ịi-hafụkwaawho t'anyi gude iwhe anyi l'e-gude nụ Onye-Nwe-Ọha, bụ Chileke anyi ngwo-ẹja ọkpokota-iwhe-ọku mẹe ngwo-ẹja mmaanụ ọdo. 26Ọo ya bụ l'anyi l'e-rwuta iwhe-edobe anyi lashia. Anyi ta ahakwa t'ọ ka mma l'ọo ichirukfu ọkpa eswi. Anyi l'a-harụ whẹ gude abarụ Onye-Nwe-Ọha, bụ Chileke anyi ẹja. Anyi ta amadụ-a iwhe anyi l'e-gude abarụ Onye-Nwe-Ọha ẹja jeye nteke anyi l'e-jerwu ẹka ono.\"\n27Ọle Onye-Nwe-Ọha kpọ-chileru-a obu Fero, t'o kwe haa ndu Ízurẹlu tẹ whẹ tụgbua. 28Ọo ya bụ, Fero sụ Mósisu: \"Makwarụ onwoghu. Lụfu mu l'iwhu! Tẹ mu ba awhụhekwa ghu ọdo l'atatiwhu mu nkele mbọku ọdo, ị byabaaru bya akfụru mu l'iwhu bẹ l'ịi-nwụhukwa.\"\n29Mósisu sụ iya: \"Tọ dụ nụ g'i kfuru. Mu ta abyadụ l'a-byabaa bya akfụru ghu l'iwhu ọdo.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/10","date":"2018-12-14T21:18:40Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826354.54\/warc\/CC-MAIN-20181214210553-20181214232553-00279.warc.gz","language":"eza","language_score":1.0000098944,"language_script":"Latn","minhash_cluster_size":1,"top_langs":"{\"eza_Latn_score\": 1.0000098943710327}","num_words":855,"character_repetition_ratio":0.083,"word_repetition_ratio":0.009,"special_characters_ratio":0.252,"stopwords_ratio":0.268,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 2:18\nIkfu, l'a-kpọbe ụlo-ẹkwa ebubu nkewhe laarụ ụzo ẹnyanwu-arịba\n18\"A -bya abya lẹ ndu ọwhu l'a-kpọbe ụlo-ẹkwa ebubu nkewhe laarụ ụzo ẹnyanwu-arịba bẹ bụ ndu gba l'itsutsu ikfu Ífuremu. Whẹ l'a-kpọbe iya t'ọ gbakfuru l'ẹkwa-ọhubama ikfu nkewhe. Onye bụ ishi l'ẹpa Ífuremu bụ Elishama nwa Amihudu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/2\/18","date":"2018-12-12T22:10:22Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824119.26\/warc\/CC-MAIN-20181212203335-20181212224835-00092.warc.gz","language":"eza","language_score":1.0000083447,"language_script":"Latn","minhash_cluster_size":1,"top_langs":"{\"eza_Latn_score\": 1.0000083446502686}","num_words":46,"character_repetition_ratio":0.109,"word_repetition_ratio":0.0,"special_characters_ratio":0.241,"stopwords_ratio":0.239,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 6:18\n18Iwhe, bụ nwoke, bụ ẹpa Érọnu bẹ l'e-rije oke iwhe, shi lẹ ngwo-ẹja ono, a kpọru ọku nụ Onye-Nwe-Ọha. O noo bụ iwhe a tọru ọkpa iya doberu ẹpa Érọnu l'owhu jeyewaroya shi l'ọgbo rwua l'ọgbo. Onye ẹka iya denyiru lẹ ngwo-ẹja ono bụwa onye dụ nsọ.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/6\/18","date":"2018-12-16T01:10:46Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376827175.38\/warc\/CC-MAIN-20181216003916-20181216025916-00033.warc.gz","language":"eza","language_score":0.9999878407,"language_script":"Latn","minhash_cluster_size":1,"top_langs":"{\"eza_Latn_score\": 0.9999878406524658}","num_words":48,"character_repetition_ratio":0.071,"word_repetition_ratio":0.0,"special_characters_ratio":0.27,"stopwords_ratio":0.354,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 3:15\n15Chileke sụkwawho Mósisu t'ọ sụ ndu Ízurẹlu: \"Ọo Onye-Nwe-Ọha, bụ Chileke nke nna unu whẹ, mbụ Chileke nke Ébirihamu bụru Chileke nke Áyiziku mẹe Chileke nke Jékọpu bẹ zhiru ghu nụ t'i byakfuta whẹ. O nokwa ẹwha mụbe Chileke ndono jeye lẹ tututu-mịmimi. Mbụ l'o noo ẹwha l'ee-gude marụ mu shi l'ọgbo rwua l'ọgbo.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/3\/15","date":"2018-12-15T01:59:28Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826686.8\/warc\/CC-MAIN-20181215014028-20181215040028-00376.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":55,"character_repetition_ratio":0.073,"word_repetition_ratio":0.0,"special_characters_ratio":0.241,"stopwords_ratio":0.291,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Awụfu 3:8\n8Mu byawaru tẹ mu nafụta whẹ l'ẹka ndu Íjiputu mẹe tẹ mu dufuta whẹ l'alị ono duba whẹ l'alị dụ ree bụru alị ha shii, mbụ l'alị mini-ẹra eswi yẹle mmanụ-ẹnwu jiru ejiji, bụ iya bụ alị ndu Kenanu mẹe nke ndu Hetu mẹe nke ndu Amọru mẹe nke ndu Pẹ́rezu mẹe nke ndu Hevu mẹe nke ndu Jebusu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/3\/8","date":"2018-12-10T15:00:52Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823348.23\/warc\/CC-MAIN-20181210144632-20181210170132-00612.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":60,"character_repetition_ratio":0.122,"word_repetition_ratio":0.0,"special_characters_ratio":0.247,"stopwords_ratio":0.4,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 21\nA nwụru Áyiziku\n1O noo ya, Onye-Nwe-Ọha bya emeeru Séra eze-iwhe-ọma ẹgube o kfuru. Mbụ lẹ Onye-Nwe-Ọha meru Séra iwhe o kweru iya ụkwa iya. 2Séra bya adụ ime; nwụaru Ébirihamu nwa nwoke lẹ nka. Ọ bụleruwho oge nteke ono, Chileke kweru iya ụkwa iya gẹdegede b'ọ nwụru iya. 3Ébirihamu gụa nwa nwoke ono, Séra nwụtaru iya Áyiziku. 4Nwa iya Áyiziku ono nọlewho abalị ẹsato, Ébirihamu bua ya ugvu; ẹgube Chileke sụru iya t'o meje. 5Iwhe Ébirihamu gbarụ bụ ụkporo awha ugbo ise nteke a nwụru iya Áyiziku.\n6Séra sụ: \"Chileke meekwaru tẹ mu nwụa ọnu-ọchi. Iwhe bụ onye nụru iya nụ bẹ l'e-tsoru mu nwụa ọnu-ọchi.\" 7Ọ sụfukwaawho ọdo: \"?Oo onye gẹge asụ Ébirihamu lẹ mụbe Séra l'e-megee chee nwa ẹra? Ọle e megeleru-a mu nwụtaru iya nwa nwoke lẹ nka.\"\nÉbirihamu l'achịfu Hega yẹle Ishimẹlu\n8Áyiziku bya evuta; a nafụ iya ọnu l'ẹra. Mbọku, a nafụru iya ọnu l'ẹra bẹ Ébirihamu meru eze oriri. 9Séra bya awhụ gẹ nwata nwoke ono Hega, bụ nwanyị Íjiputu nwụru Ébirihamu l'egvukoshi Áyiziku egvu. 10Ọ sụ Ébirihamu: \"Chịfukwa ohu-a yẹle nwa iya; o noo lẹ nwa shi l'ohu ono bẹ yẹle Áyiziku, bụ nwa nke mu ta agbakwa mgba l'iwhe i nwe.\"\n11Iwhe ono ngaa Ébirihamu ẹhu nkele Ishimẹlu bụkwawho nwa iya. 12Chileke bya asụ iya: \"Tẹ nke nwata ono yẹle ohu ghu nwanyị ono ba anganụkashi ghu ẹhu. Iwhe Séra sụru ghu t'i mee mekwaa ya, o noo nkele ọo l'ẹka Áyiziku bẹ ẹpa ghu l'e-shi nweru ẹwha. 13Mu l'e-mekwawho nwa nwoke ono, ohu ghu ono nwụtaru ya abụru mba ẹka iya; eshi-ọwhu ọ bụ l'ẹhu ghu b'o shi fụta.\"\n14Ébirihamu kwe bya agbeshi l'ọnmewa ụtsu echile iya, wota nri, kuru mini ye lẹ mkpụru, l'eeyeje mini pẹe Hega. Ọ parụ iya dẹe ya l'ukuvu bya achịfu yẹle nwata ono. Whẹ tụgbua je etsoru ọma echi-ẹgu Byiyesheba aghawhe.\n15Mini, dụ lẹ mkpụru ono gvụlewho, ọ parụ nwata ono tọgbo lẹ mkpula oshi lanụ. 16O je anọcha anọcha, nọdu anọdu lẹ mgboro ẹka ono; l'ẹka bụ: a -gbaa akfụ, ya erwua ya. O noo nkele ọ sụru lẹ ya ta adụdu ike ele nwata ono l'ẹnya t'ọ nwụhu kwaa ya l'ẹka. Ọ nọdu lẹ mgboro ẹka ono akpọ kfụkfukfu.\n17Chileke nụa olu nwata ono l'ẹka l'ọorya ẹkwa. Ojozhi-imigwe, shi l'ẹka Chileke bya eshi l'imigwe kua Hega oku sụ iya: \"?Ọo gụnu Hega? Ba atsụshi egvu, o noo lẹ Chileke bẹ n��waru olu nwata ono l'ẹka l'ọorya ẹkwa. 18Gbalihu je ekulia nwata ono heru ree nkele mu l'e-me nwata ono t'ọ bụru mba, parụ ẹka.\"\n19Chileke bya emee, ẹnya saa Hega; ọ whụa wẹlu, mini dụ. O je ekujia mini lẹ mkpụru ono, bya echebe nwata ono.\n20Chileke swiru nwata ono. O vuta bya eburu l'echi-ẹgu bụru onye l'eme nka l'ọgba akfụ. 21Ẹka o bu bụ l'echi-ẹgu Paranu. Ne iya je alụaru iya nwanyị lẹ Íjiputu.\nÉbirihamu yẹle Ábyimelẹku l'agba ndzụ\n22Nteke ono bẹ Ábyimelẹku yẹle Fayíkolu, bụ onye ishi ndu ojọgu iya byakfutaru Ébirihamu bya asụ iya: \"Chileke bẹ swikwaru ghu eswiru l'iwhe lile, l'iime. 23Ribunuaru mu nte l'atatiwhu Chileke l'ẹka-a; l'ị tịi byadụ l'a-bụ ọgbarụ-okpua dụru mu l'ụnwegirima mu mẹe ẹpa mu. L'iwhe, l'ii-mechia bụ l'ii-goshi l'i yeru mu obu; yee mkpụkpu-a, i bu ebubu obu; ẹgube ono, mu goshiru lẹ mu yeru gụbedua obu.\"\n24Ébirihamu sụ lẹ ya l'e-ri nte ọbu.\n25Ébirihamu chia Ábyimelẹku ichi wẹlu mini, ndu ozhi Ábyimelẹku natarụ gbachịbe. 26Ábyimelẹku sụ iya: \"Mẹ mu ta amakwa onye meru iwhe dụ nno; tii kfubuaru mu iya. Ọo ntanụ bẹ mu beberu anụ iya.\"\n27Ébirihamu bya akpụta atụru yẹle eswi kpẹe Ábyimelẹku. Whẹ labọ gbaa ndzụ. 28Ébirihamu họta ada atụru iya ẹsaa l'ime igwe atụru iya dobe whẹ iche. 29Ábyimelẹku sụ Ébirihamu: \"?Ọo gụnu b'ọ fụtaru mbụ ada atụru ẹsaa ono, ị họtaru dobe iche?\"\n30Ébirihamu sụ: \"Narụ ada atụru ẹsaa ya nụ, shi mu l'ẹka t'ọ bụru iwhe l'agba ẹka-ebe l'ọo mu tụru wẹlu-a.\"\n31A gụbe ẹka ono Byiyesheba nkele ọo ẹka ono bẹ ụmadzu labọ ono nọdu ria nte.\n32Whẹ gbagee ndzụ ono lẹ Byiyesheba, Ábyimelẹku yẹle Fayíkolu, bụ onye ishi ndu ojọgu iya lawhushia azụ lẹ Fílistiya 33Ébirihamu bya eworu oshi Tamarisuku dzabẹ lẹ Byiyesheba. Ọ nọdu l'ẹka ono kpọ-kua ẹwha Onye-Nwe-Ọha, bụ Chileke l'a-nọ jeye lẹ tututu-mịmimi. 34Ébirihamu bua l'alị ndu Fílistiya ono nọo ya ọdu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/21","date":"2018-12-11T06:53:12Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823588.0\/warc\/CC-MAIN-20181211061718-20181211083218-00621.warc.gz","language":"eza","language_score":0.9995213747,"language_script":"Latn","minhash_cluster_size":1,"top_langs":"{\"eza_Latn_score\": 0.9995213747024536}","num_words":712,"character_repetition_ratio":0.054,"word_repetition_ratio":0.0,"special_characters_ratio":0.248,"stopwords_ratio":0.288,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 27:16\n16\"Ọ -bụru lẹ madzụ bẹ butaru alị ndibe whẹ nụ t'ọ bụru nke Onye-Nwe-Ọha, gẹ l'ee-gude hụa aswa iya bụ lẹ g'iwhe, e meberu l'alị ọbu habe. Alị, witi, jiru efere nkwẹka iri lakọtaru bẹ aswa iya l'a-bụru ụkporo mkpọla-ọcha ugbo labọ lẹ mkpọla-ọcha iri.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/27\/16","date":"2018-12-19T11:12:19Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376832259.90\/warc\/CC-MAIN-20181219110427-20181219132427-00334.warc.gz","language":"eza","language_score":0.9998156428,"language_script":"Latn","minhash_cluster_size":1,"top_langs":"{\"eza_Latn_score\": 0.9998156428337097}","num_words":46,"character_repetition_ratio":0.039,"word_repetition_ratio":0.0,"special_characters_ratio":0.27,"stopwords_ratio":0.217,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Awụfu 37:17\nIwhe ọ-tukobe oryọku\n17O gudekwawho ọkpobe mkpọla-ododo, e tsusaru ọsa mee iwhe l'aatukobeje oryọku. O meru iya, o nweru oshi yẹle njakata. Ọ bya enweru ochi, nweru iwhe dụ g'ọo igu ooshi mẹe iwhe dụ g'ọo igu, jarụ ajaja. O meru iwhe ono whẹ lẹ iwhe ono, l'aatukobeje oryọku ono gba mgba lanụ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Exod\/37\/17","date":"2018-12-13T16:40:32Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824912.16\/warc\/CC-MAIN-20181213145807-20181213171307-00441.warc.gz","language":"eza","language_score":1.0000100136,"language_script":"Latn","minhash_cluster_size":1,"top_langs":"{\"eza_Latn_score\": 1.0000100135803223}","num_words":54,"character_repetition_ratio":0.108,"word_repetition_ratio":0.0,"special_characters_ratio":0.249,"stopwords_ratio":0.389,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 6\nỤgbo Nowa\n1Tọ dụ iya bụ, madzụ wata ọka shi eje eje lẹ mgboko; l'aanwụshiru whẹ ụnwu-nwada. 2Ụnwu Chileke lee ẹnya whụ l'ụnwu-nwada madzụ l'amakaa ụma; whẹ je ahọta-gee ndu dụ whẹ ree lụlahaa. 3Onye-Nwe-Ọha sụ: \"Ume mu ta anọgbuduru madzụ l'ime jeye lẹ gbururu, o noo nkele iwhe madzụ bụ, bẹ bụ anụ ẹhu mmaanụ. Watalẹwho ntaa; iwhe l'ọo-nọ-beje bụ ụkporo awha ugbo ishii.\"\n4Nteke ono bẹ ndu mkparawa nọkwadu lẹ mgboko; nọdukwa iya whọ kwasẹru. Nteke ono bụru nteke ụnwu Chileke watarụ anọ alarụ ụnwu-nwada madzụ l'ụlo, whẹ nwụshiaru whẹ ụnwu. Ọgbo mkparawa bụ ndu a marụ ẹwha whẹ l'oge ndụ-ichee l'ọkpehu, dụ whẹ nụ.\n5Onye-Nwe-Ọha bya elee ẹnya whụ g'ejo-ememe madzụ habe shii lẹ mgboko; l'iwhe l'agbajẹ madzụ l'uche ntekenteke bụ ọriri ome ejo-iwhe. 6Onye-Nwe-Ọha tsọo áwhụ lẹ ya meru madzụ dobe lẹ mgboko; o ghua ya eghu shii l'ime obu. 7Onye-Nwe-Ọha sụ: \"Mu l'e-me tẹ madzụ ono, mu meru tọhu lẹ mgboko. Madzụ l'a-tọhu, anụ atọhu, iwhe l'awụ l'ẹwho atọhu, ẹnu l'ewhe l'eli atọhu; o noo nkele ọo awhụ tsọru mu lẹ mu meru whẹ.\" 8Ọle Nowa bẹ tụbaru Onye-Nwe-Ọha l'obu.\n9Ọ waa bụ akọ ẹhu Nowa.\nNowa bẹ bụ onye, dụ chịriri, bụru onye ụta l'adụa lẹ ndzụ iya lẹ ndu nteke ono yẹle Chileke tụkwaawho ọli. 10Nowa bẹ nwụtaru ụnwegirima unwoke ẹto, ẹwha whẹ bụ Shemu mẹe Hamu mẹe Jafẹti.\n11Nteke ono bẹ mgboko mebyishihuwaru l'ẹnya nke Chileke; ọ bụru iwhe ọkpehu bẹ jifutaru iya nụ. 12Chileke bya awhụ gẹ mgboko mebyishihuberu nkele madzụ nọ lẹ mgboko mebyishigewaru onwowhe. 13Ọo ya bụ Chileke sụ Nowa: \"Mu chịpyawaru iya l'ime obu mu lẹ mu l'e-me tẹ madzụ l'owhu tọhu, o noo nkele iwhe jiru mgboko bụ iwhe ọkpehu; ọ bụru madzụ bẹ kparụ iya nụ. Sụa, mu l'e-mebyishi madzụ; mebyishia mgboko. 14Ọo ya bụ, gude oshi gofa kụa eze ụgbo, gụ ekebushia ya ekebushi t'o nwegeeru ime mkpu, gụ egude ụ̀nwù dachishia ime iya mẹ azụ iya. 15Ọ waa gẹ l'ịi-kụ ụgbo ono ndọwa: Ogologo iya l'a-dụ ụkporo nji-ẹka ugbo iri l'ise; ọsa iya adụ ụkporo nji-ẹka ugbo labọ lẹ nji-ẹka iri; eli iya adụ ụkporo nji-ẹka ugbo labọ lẹ nji-ẹka iri. 16Gụ akuchia ya akuchi; tukobefua ya iwhe dụ nji-ẹka lanụ l'eli iya. Ii-ye iya mgbo lẹ mgburẹku, kụa ya t'ọ dụ mkpokfu ẹto. 17Mu l'e-me t'utso bya lẹ mgboko bya erigbushikota iwhe nọ ndzụ, nọ lẹ mkpula igweli, mbụ iwhe lile, e meru ememe, l'atụ ume. Iwhe lile, nọ lẹ mgboko l'a-bụru kpurupyata. 18Ọle gụbedua bẹ mu lẹ ghu l'a-gba ndzụ; gụ abahụ l'ụgbo ono; gụ l'ụnwu ghu mẹe nyee ghu mẹe unyomu ụnwu ghu whẹ. 19Gụ ahọo iwhe lile, nọ ndzụ ẹbo-ẹbo okee lẹ nyee; wobata l'ime ụgbo ono; dobe whẹ ndzụ tẹ whẹ nọkube ghu. 20Ẹnu, l'ewhe l'eli l'a-dụ ẹbo-ẹbo l'ụdu iya l'ụdu iya byakfuta ghu; ụnwu anụmanu yẹle anụ, l'awụ l'ẹwho adụkwawho ẹbo-ẹbo l'ụdu iya l'ụdu iya byakfuta ghu; gụ edobekotagezhia whẹ ndzụ. 21Gụ abya ahọo nri l'asalaa ya l'asalaa ya dobe t'ọ bụru nri, unu lẹ whẹ l'e-rije.\"\n22Nowa mekotagezhia iwhe lile ono ẹgube Chileke sụru t'o mee ya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/6","date":"2018-12-14T01:09:47Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825123.5\/warc\/CC-MAIN-20181214001053-20181214022553-00072.warc.gz","language":"eza","language_score":1.0000092983,"language_script":"Latn","minhash_cluster_size":1,"top_langs":"{\"eza_Latn_score\": 1.000009298324585}","num_words":511,"character_repetition_ratio":0.056,"word_repetition_ratio":0.0,"special_characters_ratio":0.253,"stopwords_ratio":0.297,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 43:18\n18Egvu gudeshia unwoke ono l'e duru whẹ je edobe l'ụlo Jósẹfu. Onyenọnu nọdu ya asụ ibe iya: \"Ọo bụkwa nke okpoga whọ, e yewhuru azụ l'ẹkpa anyi l'ọgiya ọwhu, anyi byahawaru meru iwhe a bya achịru anyi wụshi l'ẹka-a. Iwhe l'ọocho bụ ọwhu, l'ọo-gbarụ kobe anyi, shi nno mee anyi nwohuta, chịta nkakfụ-ịgara anyi woru.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/43\/18","date":"2018-12-11T15:54:12Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823657.20\/warc\/CC-MAIN-20181211151237-20181211172737-00073.warc.gz","language":"eza","language_score":0.9999992847,"language_script":"Latn","minhash_cluster_size":1,"top_langs":"{\"eza_Latn_score\": 0.9999992847442627}","num_words":56,"character_repetition_ratio":0.0,"word_repetition_ratio":0.0,"special_characters_ratio":0.253,"stopwords_ratio":0.143,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 8\nAlala Utso ono\n1Ọle Chileke nyatalẹru-a Nowa mẹe anụ-ẹgbudu mẹe élwù ono, whẹ l'iya nọkota l'ime ụgbo ono. Chileke bya emee tẹ whẹrewhere wata ewhewhe lẹ mgboko; mini ono wata alabọ. 2A guchishia ọgba-mini ime ime alị, bya aguchishia ẹnya-mini akpamigwe. Mini ono, l'achị nụ chị-buhu. 3Mini ono l'alabọ-zhiewho lẹ mgboko eje eje. A nọlewho ụkporo abalị ugbo ẹsaa l'abalị iri, mini ono labọwaa shii. 4Ọnwa ẹsaa dụlewho l'abalị iri l'ẹsaa, eze ụgbo ono see je atukoru l'ugvu Araratu. 5Mini ono l'alabọ-zhiewho eje eje jeye l'ọnwa nke iri. Ọ bụru l'abalị mbụ l'ọnwa iri b'e beberu whụa ọnunu-swọngu-swọngu ugvu ono ẹnya.\n6A nọlewho ụkporo abalị ugbo labọ; Nowa bya agụhaa windo ụgbo ono, ọ kụru. 7Ọ bya atụhaa egbe-nwọku ẹka, o whefu; je etsoru erwuwhe l'imeli jeye mini ono tashịhu lẹ mgboko. 8Ọ bya atụhaa ndo ẹka, o whefu jeshia t'ọ marụ mini ono; ọ tahụ-gewaru l'eli mgboko. 9Ndo ono ta awhụ ẹka l'ọo-dzọbe ọkpa, o noo nkele mini dụkwadu-a l'eli mgboko. Ọo ya bụ, o whewhu azụ jekfu Nowa l'ụgbo ono. Nowa machịa ẹka nwụta ndo ono nwụba-whu azụ l'ime ụgbo ono. 10Ọ bya anọo ujiku ẹsaa ọdo, o shikwa l'ụgbo ono tụhaa ndo ono ẹka ọdo, o whefu. 11Ndo ono lwata l'urwẹnyashi iya takpụru mkpẹekwo ólivu ọwhuu l'ọnu. Nowa marụ lẹ mini bẹ tahụwaru nụ lẹ mgboko. 12Ọ nọfua ujiku ẹsaa ọdo; ọ tụhaa ndo ono ọdo; o whefu. Ndo ono te ewhewhuhe azụ ọdo lwakfuta iya.\n13O be gẹ Nowa gbarụ ụnu awha l'ụkporo awha ugbo iri lẹ nnanụ; g'ọnwa mbụ dụ l'abalị mbụ bẹ mini ono tahụ-gewaru lẹ mgboko. Nowa bya awhụliberu iwhe e gude kuchia ụgbo ono, bya awhụ l'eli mgboko kpọwaru nkụ. 14O be g'ọnwa ẹbo dụ l'ụkporo abalị l'abalị ẹsaa; alị kpọ-gewaa nkụ ree.\n15Oo ya bụ, Chileke sụ Nowa: 16\"Unu lụfuta l'ime ụgbo ono; gụ lẹ nyee ghu mẹe ụnwu ghu mẹe unyomu ụnwu ghu whẹ, bụ ndu gụ lẹ whẹ tụkoru nọdu. 17Chịfutakota iwhe lile, nọ ndzụ, tso ghu nọdu l'ẹka ono bụ iya bụ ẹnu mẹe anụ mẹwaro iwhe lile, l'awụ l'ẹwho. Chịfuta whẹ tẹ whẹ bya azụshia ụnwu zụ-jia mgboko shi nno kabaa l'igwe.\"\n18Ọo ya bụ, Nowa bya eshi l'ụgbo ono lụfuta yẹle ụnwu iya mẹe nyee ya mẹe unyomu ụnwu iya, bụ ndu whẹ l'iya tụkoru nọdu. 19Anụ l'owhu mẹe iwhe lile, l'awụ l'ẹwho mẹe ẹnu l'owhu mẹwaro iwhe lile, l'eme ụkporo lẹ mgboko shikota l'ụgbo ono wụfutakota l'ụdu iya l'ụdu iya.\n20Nowa bya atụaru Onye-Nwe-Ọha ẹnya-mgbẹja. Ọ họta anụ, l'ẹte asọ nsọ yẹle ẹnu, l'ẹte asọ nsọ, gude gbaarụ Onye-Nwe-Ọha ẹja ọkpokota-iwhe-ọku l'owhu l'ẹnya-mgbẹja ono. 21Onye-Nwe-Ọha bya anụa mkpọ ngwo-ẹja ono, l'atsọ g'ọo gụnu, o kfua l'ime obu iya sụ: \"Mu ta abyadụ l'egudebaa okfu ẹhu madzụ tụa alị ọnu ọdo. Mu makwarụ-a lẹ wata nteke madzụ bụ nwata bẹ iwhe l'ọonoje-zhiawho arị l'obu iya bụlewho ejo-iwhe. Mu ta abyadụ l'emebyishibaa iwhe lile, mu meru ememe, nọ ndzụ ọdo ẹgube-ẹ, mu meru iya.\n22\"Jeye gẹ mgboko l'a-nọ-beru bẹ\noge ọkobe iwhe l'alị l'a-dụ, oge akpata iya adụ.\nOge oyi l'a-dụ, oge okpomọku adụkwawho.\nỌnanwu l'a-dụ, udzumini adụkwawho.\nEswe l'a-dụ, ẹnyashi adụkwawho.\nỌ tọ byadụ l'a-nọnyaa dubuhu.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/8","date":"2018-12-19T07:07:03Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376831715.98\/warc\/CC-MAIN-20181219065932-20181219091932-00074.warc.gz","language":"eza","language_score":1.0000052452,"language_script":"Latn","minhash_cluster_size":1,"top_langs":"{\"eza_Latn_score\": 1.0000052452087402}","num_words":521,"character_repetition_ratio":0.053,"word_repetition_ratio":0.0,"special_characters_ratio":0.253,"stopwords_ratio":0.261,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Mbụlembu 17\nỌgbandzu, e gude obu ugvu gbaa\n1Ébiramu gbalẹwho ụkporo awha ugbo ẹno l'awha iri lẹ tete, Onye-Nwe-Ọha byakfuta iya bya asụ iya: \"Ọo mbẹdua bụ Chileke, bụ Ọkalibe-Kakọta-Ike. Tsoje mu t'ụta ba adụ lẹ ndzụ ghu. 2Mu l'e-me t'ọgbandzu mu lẹ ghu vuru ire. Mu l'e-me t'ị ha l'igweligwe l'ọnogu.\"\n3Ébiramu daa kpube iwhu l'alị. Chileke sụ iya: 4\"Lee ọgbandzu mu lẹ ghu ndọwa: Ịi-bụ nnajị mba, ha l'igweligwe. 5A ta abyadụ l'e-kubaa ghu Ébiramu ọdo. Ẹwha ghu l'a-bụ Ébirihamu; o noo lẹ mu mewaru ghu nnajị mba, ha l'igweligwe. 6Mu l'e-me ghu t'ị zụ̀a azụ̀zù shii; mu eshi l'ẹhu ghu meta mba, dụ l'iche l'iche; ndu eze eshi ghu l'ẹhu fụta. 7Mu l'e-me t'ọgbandzu ono shihu ike bụru ọgbandzu, l'a-nọ jeye lẹ gbururu. Ọo-bụ ọgbandzu mu lẹ ghu mẹe ẹpa ghu, bụ ndu ọwhu l'eje abya l'atatiwhu; lẹ mu l'a-bụ Chileke ghu; bụru Chileke ẹpa ghu whẹ ono, l'eje abya l'atatiwhu. 8Alị Kenanu l'owhu, mbụ ẹka ono unu bụ nlwamụnlwa ntaa bẹ mu l'a-nụ gụ l'ẹpa ghu t'ọ bụru nkunu jeyewaro lẹ gbururu; mu abụru Chileke ẹpa ghu whẹ ono.\"\n9Chileke bya asụ Ébirihamu: \"A bya l'ẹka gụbedua nọ, dobekwa ọgbandzu mu ono gụ l'ẹpa ghu whẹ ono, l'eje abya l'atatiwhu, shi l'ọgbo rwua l'ọgbo. 10Ọ waa ọgbandzu mu ọbu, gụ l'ẹpa ghu whẹ ono, l'eje abya l'atatiwhu l'e-dobe ndọwa: Iwhe bụ nwoke l'ibe unu l'e-buje ugvu. 11Gụbedua l'e-bu ugvu bufu akpapyị t'ọ bụru iwhe-ọhubama, l'egoshi ọgbandzu ono, dụ l'echilabọ mu lẹ ghu. 12Iwhe bụ nwa nwoke, a nwụru l'ibe ghu, ọ nọwaa ujiku ẹsato b'e bufutaje ugvu; o je l'a-dụ nno shi l'ọgbo rwua l'ọgbo, mbụ je akpakọta l'onye bụ ohu, a nwụru l'ibe ghu mẹe l'onye bụ ohu e gude okpoga zụta l'ọha ọdo, l'ẹte abụa ẹpa ghu. 13Nwoke nọnu b'e bufutaje ugvu; m'a nwụru iya l'ibe ghu-o; m'e gude okpoga zụta iya-o. Ọo ya bụ l'ọo ugvu ono, whẹ l'e-bu l'a-dụ whẹ l'ogwẹhu egoshi l'ọgbandzu mu ono l'a-nọ jeye lẹ gbururu. 14Nwoke, vu akpapyị, t'obu ugvu bufu akpapyị ọbu, tẹ ndibe whẹ kefukwa iya l'oke t'ọ bọ bụhe onye nke whẹ; l'onye ọbu mebyiakwaru ọgbandzu mu.\"\n15Chileke bya asụ Ébirihamu: \"A bya l'ẹka nyee ghu Serayi nọ, be ekuhekwa iya Serayi ọdo. Ẹwha iya l'a-bụ Séra. 16Mu l'a-gọru ọnu-ọma nụ iya; mu eshi l'ẹhu iya nụ ghu nwa nwoke. Mu l'a-gọru ọnu-ọma nụ iya; ya abụru ne mba, dụ l'iche l'iche; ndu eze ndiwhe eshi iya l'ẹhu fụta.\"\n17Ébirihamu daa kpube iwhu l'alị chịshia ọchi sụ onwiya: \"?Ọo mụbe nwoke, gbawarụ ụkporo awha ugbo ise gbee bụru ntaa bẹ l'aa-gbẹe nwụtaru mu nwa? ?tọo Séra whọ, gbawarụ ụkporo awha ugbo ẹno l'awha iri l'a-bya anwụta nwa ntaa?\" 18Ébirihamu sụ Chileke: \"Byiko, tẹ ndzụ dụnu ọwhube Ishimẹlu t'i leta iya ẹnya!\"\n19Chileke sụ iya: \"Mu kwetaru-a; l'ọ lẹ nyee ghu Séra l'a-nwụtaru ghu nwa nwoke. Iwhe l'ịi-gụ iya bụ Áyiziku. Mu l'e-me ọgbandzu mu t'o shihu ike l'ẹhu iya mẹe l'ẹhu ẹpa iya, bụ ndu ọwhu l'etso iya l'azụ; mbụ ọgbandzu l'a-nọ jeye lẹ gbururu. 20A bya l'ẹka Ishimẹlu nọ, mu nụwaru iwhe i kfuru. Mu l'a-gọru ọnu-ọma nụ iya mee ya t'ọ zụ̀a azụ̀zù ha l'igwe l'ọnogu. Ọo-bụ nna ndu ishi iri l'ẹbo; mu emee ya t'ọ bụru mba, parụ ẹka. 21Ọle ọgbandzu mu-a bụkwanu l'ẹhu Áyiziku bẹ mu l'e-me iya, ya eshihu ike; mbụ onye ono, Séra l'a-nwụtaru ghu ẹgube ntaa akele.\" 22Chileke yẹle Ébirihamu kfugbabegee, ọ ngụ-lihu haa Ébirihamu tụgbua.\n23Mbọku ono gẹdegede bẹ Ébirihamu dutaru nwa iya Ishimẹlu mẹe iwhe bụ ohu, a nwụru l'ibe iya mẹe ndu ọwhu o gude okpoga iya zụta bushikota whẹ akpapyị, mbụ iwhe bụ nwoke, nọ l'ibe iya swịikpamu; ẹgube Chileke sụru iya t'o mee ya. 24Ébirihamu bẹ dụ ụkporo awha ugbo ẹno l'awha iri lẹ tete bua akpapyị; 25nwa iya Ishimẹlu dụ awha iri l'ẹto bua nkiya. 26Ọo ujiku lanụ ono bẹ Ébirihamu yẹle nwa iya Ishimẹlu tụko bua ugvu. 27Iwhe bụ nwoke l'ibe Ébirihamu mẹe ndu a nwụru l'ibe iya mẹe ndu ọwhu a zụtaru l'ọha ọdo b'a tụko whẹ l'iya bukota ugvu ono.","id":"","dump":"CC-MAIN-2018-51","url":"http:\/\/bibles.org\/eza-EZAB\/Gen\/17","date":"2018-12-10T00:16:16Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823228.36\/warc\/CC-MAIN-20181209232026-20181210013526-00596.warc.gz","language":"eza","language_score":1.0000077486,"language_script":"Latn","minhash_cluster_size":1,"top_langs":"{\"eza_Latn_score\": 1.0000077486038208}","num_words":670,"character_repetition_ratio":0.065,"word_repetition_ratio":0.0,"special_characters_ratio":0.267,"stopwords_ratio":0.26,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 14:9\n9Iwhe dụ iya nụ kpụ bụlewho t'unu be ekwefuru Onye-Nwe-Ọha ike. Iwhe ọdo bụ t'unu ba atsụkwa ndu bu l'alị ono egvu, o noo nkele anyi l'a-nma whẹ otsu lanụ lwee. Ọ tọ dụdu onye l'egbobuta whẹ, ọle anyịbedua bẹ Onye-Nwe-Ọha swiru eswiru. Ọo ya bụ, t'unu ba atsụshi whẹ egvu.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/14\/9","date":"2018-12-11T09:55:52Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823614.22\/warc\/CC-MAIN-20181211083052-20181211104552-00005.warc.gz","language":"eza","language_score":1.0000097752,"language_script":"Latn","minhash_cluster_size":1,"top_langs":"{\"eza_Latn_score\": 1.0000097751617432}","num_words":52,"character_repetition_ratio":0.073,"word_repetition_ratio":0.0,"special_characters_ratio":0.269,"stopwords_ratio":0.308,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 11:4\n4O nwekwaruwho ndu ọwhu l'anwafụtaje nri tawhu azụ, ọle whẹ te enwedu njakata-ọkpa, bya enwekwaruwho ndu ọwhu nweru njakata-ọkpa, ọle whẹ ta anwafụtajedu nri tawhu azụ. Unu ba atajẹkwa ndu ono. Unu ba atajẹkwa anụ ịnya-kamẹlu, o noo nkele ọonwafutaje nri tawhu azụ, ọle o to nwedu njakata-ọkpa. Unu sọjekwa iya nsọ.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/11\/4","date":"2018-12-12T21:48:59Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824119.26\/warc\/CC-MAIN-20181212203335-20181212224835-00134.warc.gz","language":"eza","language_score":1.0000047684,"language_script":"Latn","minhash_cluster_size":1,"top_langs":"{\"eza_Latn_score\": 1.000004768371582}","num_words":53,"character_repetition_ratio":0.13,"word_repetition_ratio":0.0,"special_characters_ratio":0.218,"stopwords_ratio":0.264,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 23:17\n17Tẹ ndu nọnu shi l'ibe whẹ wota ishi buredi ẹbo-ẹbo t'ọ bụru ngwo-ẹja amama. Buredi ono bụ ụzo labọ l'ime nkere iri efere nkwẹka ụturutuu-witi, e yeru iwhe l'ekoje buredi bẹ l'ee-gude ghee ya, unu anụ iya t'ọ bụru mebyi iwhe mbụ, unu nụru Onye-Nwe-Ọha.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/23\/17","date":"2018-12-15T17:02:47Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376826892.78\/warc\/CC-MAIN-20181215152912-20181215174912-00211.warc.gz","language":"eza","language_score":0.9999507666,"language_script":"Latn","minhash_cluster_size":1,"top_langs":"{\"eza_Latn_score\": 0.9999507665634155}","num_words":46,"character_repetition_ratio":0.008,"word_repetition_ratio":0.0,"special_characters_ratio":0.259,"stopwords_ratio":0.239,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 3\nEri Lívayi\n1Ọ waa bụ ẹpa Érọnu yẹle Mósisu nteke ono Onye-Nwe-Ọha kfuru yeru Mósisu l'ugvu Sáyinayi: 2Ẹwha ụnwu Érọnu bẹ bụ Nedabu bụ iya bụ ọkpara iya ọwaa Abyihu mẹe Eliyéza mẹe Itama. 3O noo bụ ẹwha ụnwu Érọnu bụ ndu a wụru mmanụ l'ishi, mbụ ndu a họtaru dobe tẹ whẹ bụru ndu l'agbajẹ ẹja nụ Chileke. 4Ọle Nedabu yẹle Abyihu bẹ darụ gbaa nwụshihu l'atatiwhu Onye-Nwe-Ọha nkele whẹ gude ọku, l'adụa nsọ kpọoru Onye-Nwe-Ọha ngwo-ẹja ọku l'echi-ẹgu Sáyinayi. Whẹ nwụhuru whẹ te edobe akọ. Ọ bụru ọwhube Eliyéza yẹle Itama bẹ megeeru bụru ndu l'agbajẹ ẹja nụ Chileke nteke ono Érọnu, bụ nna whẹ nọkwadu ndzụ.\n5Onye-Nwe-Ọha bya asụ Mósisu: 6\"Chịta ikfu Lívayi je eye whẹ l'ẹka Érọnu bụ onye l'agbajẹ ẹja nụ Chileke, nke ọwhu whẹ l'a-nọ ejeru iya ozhi. 7Whẹ l'a-nọ ejeru Érọnu ozhi, ejeru ndu Ízurẹlu l'owhu ozhi lẹ Ụlo-ẹkwa-ndzuko, mbụ lẹ whẹ l'a-nọ eje ozhi gbarụ whẹ nụ lẹ Mkpuumkpu-ẹkwa. 8Whẹ l'a-nọ eleta iwhe bụ arya, dụ lẹ Ụlo-ẹkwa ndzuko ono ẹnya, shi nno ejeru ndu Ízurẹlu ozhi gbarụ whẹ nụ lẹ Mkpuumkpu-ẹkwa. 9Tẹ gụbe Mósisu chịta ndu Lívayi l'owhu ye Érọnu yẹle ụnwu iya l'ẹka. A họtawaru whẹ gẹ whẹ ha l'echilabọ ndu Ízurẹlu l'owhu tẹ whẹ nọdu iya l'ẹka. 10Gụ atụa Érọnu mẹe ụnwu iya ẹka tẹ whẹ gbajẹ ẹja nụ Chileke. Iwhe bụ onye ọdo, jekuberu mgboro ụlo-nsọ ono bẹ l'ee-gbu egbu.\"\n11Onye-Nwe-Ọha byakwa asụ Mósisu ọdo sụ iya: 12\"Sụa, mu shiwaa l'echilabọ ndu Ízurẹlu wota ndu Lívayi tẹ whẹ nọ-chia ẹnya iwhe bụ nwoke, vu ụzo waa ne iya ẹkpa-nwa lẹ Ízurẹlu. Ọo ya bụ l'ẹpa Lívayi bụ nkemu. 13O noo nkele iwhe bụ ọkpara lile bụ nkemu. Mbọku ono mu gbushiru ọkpara ndu Íjiputu bẹ mu wotaru iwhe bụ ọkpara ndu Ízurẹlu doberu onwomu, wata lẹ madzụ jeye l'anụmeworo. Whẹ bụ nkemu. Ọo Mu bụ Onye-Nwe-Ọha.\"\nỌgu eri Lívayi ọgu\n14Onye-Nwe-Ọha bya ekfuru yeru Mósisu l'echi-ẹgu Sáyinayi sụ iya: 15\"Gụa ikfu Lívayi ọgu, gụa whẹ l'ẹnya-uwhu l'ẹnya-uwhu mẹe l'ibe nna whẹ l'ibe nna whẹ. Ndu l'ịi-gụ bẹ bụ unwoke nọwaru ọnwa lanụ tụgbua.\" 16Tọ dụ iya bụ, Mósisu bya agụa whẹ lẹge Onye-Nwe-Ọha kfuru.\n17Ẹwha ụnwu Lívayi bụ: Geshọnu, Kohatu mẹe Merari. 18Ẹwha ụnwu Geshọnu l'ẹnya-uwhu l'ẹnya-uwhu bụ: Libyini mẹe Shimeyi. 19Ụnwu nke Kohatu l'ẹnya-uwhu l'ẹnya-uwhu bụ: Amụramu, Izuha, Hiburọnu mẹe Úziyẹlu. 20Ụnwu nke Merari l'ẹnya-uwhu l'ẹnya-uwhu bụ: Mahuli mẹe Mushi. Ndu ono bụkota eri Lívayi ẹgube whẹ dụ-gee l'ibe nna whẹ.\n21Ụnwu Geshọnu bụ whẹ nwụru ndu Libyini mẹe ndu Shimeyi. Ọ bụru ndu ono bụ eri Geshọnu. 22Ọnu-ọgu iwhe bụ unwoke, nọwaru ọnwa lanụ tụgbua l'eri Geshọnu bẹ dụ ụnu madzụ iri l'ẹsato l'ụkporo ugbo iri l'ise. 23Eri Geshọnu bụ whẹ l'a-kpọbeje ụlo-ẹkwa ebubu whẹ l'ụzo ẹnyanwu-arịba l'ẹka iya ọwhu larụ ụzo azụ mkpuumkpu-ẹkwa. 24Onye bụ ishi ndu ibe o-shi-l'eri Geshọnu bụ Ẹliyasafu nwa Layelu. 25Ozhi e yeru ụnwu Geshọnu ono l'ẹka tẹ whẹ jeje lẹ Ụlo-ẹkwa-ndzuko bụ oleta mkpuumkpu-ẹkwa ẹnya yẹle ẹkwa, e kpuru iya l'eli mẹe oleta ẹkwa, e gude gebuta ọnu-abata Ụlo-ẹkwa-ndzuko ẹnya 26mẹe oleta ẹkwa, e gude gbobuta ọma ogboduwhu, ọwaa ẹkwa e gude gebuta ọnu mgbo ọma ogboduwhu ono, nọ-wheru mkpuumkpu-ẹkwa ono mẹe ẹnya-mgbẹja mgburumgburu mẹe oleta eri, e gude gebe ẹkwa ono, ọwaa iwhe bụ ozhi g'ozhi ha, gbarụ whẹ nụ.\n27Ụnwu nke Kohatu bụ whẹ nwụru ndu Amụramu mẹe ndu Izuha mẹe ndu Hiburọnu mẹe ndu Úziyẹlu. Ọ bụru ndu ono bụ eri Kohatu. 28Ọnu-ọgu iwhe bụ unwoke, nọwaru ọnwa lanụ tụgbua l'eri Kohatu dụ ụkporo ụnu l'ụnu madzụ l'ụkporo iri. Ndu ono gẹ whẹ ha b'ọ dụ l'ẹka, mbụ ozhi, l'eeje eje l'ụlo-nsọ. 29Eri Kohatu bụ whẹ l'akpọbeje ụlo-ẹkwa ebubu whẹ l'ụzo ọhuda ẹka mkpuumkpu-ẹkwa Chileke dụ. 30Onye bụ ishi o-shi-l'eri Kohatu bụ Elízafanu nwa Úziyẹlu. 31Ozhi e yeru whẹ l'ẹka ejeje bụ oleta igbe-ọgbandzu Chileke ẹnya mẹe teburu mẹe iwhe l'aadọbeje oryọku mẹe ẹnya-mgbẹja mẹe arya, l'adụje l'ụlo-nsọ, ndu l'agbajẹ ẹja nụ Chileke l'egudeje eje ozhi mẹe ẹkwa e gude gebuta Ẹka-kakọta-ọdu-nsọ, ọwaa iwhe bụ ozhi ọdo gbarụ whẹ nụ. 32Onye ishi ndu bụ ishi, l'achị ikfu Lívayi l'owhu bụ Eliyéza nwa Érọnu, bụ onye l'agbajẹ ẹja nụ Chileke. Ọo ya b'a họtaru t'ọ bụru onye ishi ndu l'eleta ụlo-nsọ.\n33Ụnwu nke Merari bụ whẹ nwụru ndu Mahuli mẹe ndu Mushi. Ọ bụru ndu ono bụ eri Merari. 34Ọnu-ọgu iwhe bụ unwoke nọwaru ọnwa lanụ tụgbua l'eri Merari dụ ụnu madzụ iri l'ise l'ụkporo ugbo iri. 35Onye bụ ishi ndu ibe o-shi-l'eri Merari bụ Zuriyẹlu nwa Abyihelu. Eri Merari bụ whẹ l'akpọbeje ụlo-ẹkwa ebubu whẹ l'ụzo isheli ẹka mkpuumkpu-ẹkwa dụ. 36Ozhi e yeru ụnwu Merari l'ẹka bụ: oleta mgbo mkpuumkpu-ẹkwa ẹnya mẹe oshi, e swebushiru iya eswebushi mẹe itso iya mẹe ọkpa mgbo iya mẹe iwhe bụ ngwa, l'adụkotaje iya nụ, ọwaa ozhi lile ọdo gbarụ nke ejeje l'ọnodu ono. 37Ozhi ọdo e yeru whẹ l'ẹka nke ejeje bụ: oleta itso e gude kpọ-wheta ọma ogboduwhu ono mgburumgburu mẹe ọkpa iya mẹe abara, a kpọberu l'alị gude keta mkpuumkpu-ẹkwa ono kụa mẹe eri, e gude gebe ẹkwa iya.\n38Ndu bụ whẹ l'a-kpọbeje ụlo-ẹkwa ebubu nkewhe t'o chebe iwhu lẹ Ụlo-ẹkwa-ndzuko bụ iya bụ l'ụzo ẹnyanwu-awata mkpuumkpu-ẹkwa bẹ bụ Mósisu yẹle Érọnu mẹe ụnwu Érọnu. Ọo whẹ bẹ ozhi lile, l'eejeje eje l'ụlo-nsọ kwakọtaru l'ẹka. Whẹ l'ejechiru iya iwhe bụ ndu Ízurẹlu l'owhu. Onye ọdo, jekuberu mgboro ụlo-nsọ bẹ l'ee-gbu egbu. 39O noo ya, iwhe bụ ndu a gụru ọgu l'ikfu Lívayi, mbụ ndu ono Mósisu yẹle Érọnu gụru l'ẹnya-uwhu l'ẹnya-uwhu lẹge Onye-Nwe-Ọha tọru whẹ ọkpa iya, mbụ unwoke, nọwaru ọnwa lanụ tụgbua bẹ kpakọru dụ ụkporo ụnu madzụ ugbo labọ l'ụnu iri l'ise.\n40Onye-Nwe-Ọha bya asụ Mósisu: \"Gụa unwoke lile, bụ ọkpara l'alị Ízurẹlu l'owhu ọgu, mbụ unwoke, nọwaru ọnwa lanụ tụgbua, gụ edeshia ẹwha whẹ. 41Wofuta eri Lívayi doberu mụbe Onye-Nwe-Ọha l'ọnodu ọkpara l'alị Ízurẹlu l'owhu. Gụ ewota anụ, bụ iwhe-edobe ndu eri Lívayi dobe l'ọnodu anụ ivurụzo l'echilabọ anụ, bụ iwhe-edobe l'alị Ízurẹlu l'owhu. Ọo Mu bụ Onye-Nwe-Ọha.\" 42Tọ dụ iya bụ, Mósisu gụa iwhe bụ ọkpara l'alị Ízurẹlu l'owhu ọgu ẹgube ono Onye-Nwe-Ọha sụru t'o mee ya. 43Mkpakọ ọnu-ọgu ndu bụ ọkpara l'iwhe bụ unwoke l'alị Ízurẹlu l'owhu, mbụ unwoke nọwaru ọnwa lanụ tụgbua dụ ụkporo ụnu madzụ ugbo labọ l'ụnu iri l'ise l'ụkporo ugbo iri l'ẹto l'ụmadzu iri l'ẹto. A gụru whẹ ọgu deshia ẹwha whẹ.\n44Onye-Nwe-Ọha sụ Mósisu: 45\"Wofuta eri Lívayi doberu mu l'ọnodu ọkpara l'alị Ízurẹlu l'owhu, gụ ewota anụ, bụ iwhe-edobe ndu eri Lívayi dobe l'ọnodu anụ ivurụzo l'anụ, bụ iwhe-edobe l'alị Ízurẹlu l'owhu. Ọo Mu bụ Onye-Nwe-Ọha. 46A -bya abya l'ụkporo ụmadzu ugbo iri l'ẹto l'ụmadzu iri l'ẹto whọ, ọnu-ọgu ndu ọkpara lẹ Ízurẹlu gude ghata ọnu-ọgu eri Lívayi, iwhe l'aa-kfụ gude gbata whẹ bẹ bụ: 47mkpọla-ọcha, ẹrwa iya dụ shẹkelu ise. T'ẹrwa mkpọla-ọcha ono l'ẹhu l'ẹhu bụkwaru iwhe lanụ yẹle shẹkelu ụlo-nsọ. Ẹrwa shẹkelu ono bụ ụkporo gera. Aa-kfụ iya l'ishi onye l'ishi onye. 48Ọo Érọnu yẹle ụnwu iya bẹ l'ịi-nụ okpoga ono, l'ee-gude gbata ndu ono, ọnu-ọgu whẹ gude ghata ọnu-ọgu nke eri Lívayi.\" 49Ọo ya bụ, Mósisu nakọo okpoga ono, l'ee-gude gbata ndu ono l'ẹka ndu ono, ọnu-ọgu whẹ gude ghata ọnu-ọgu ẹpa Lívayi ono. 50Iwhe Mósisu natakọtaru l'ẹka ndu bụ ọkpara l'alị Ízurẹlu bụ mkpọla-ọcha, ẹrwa iya dụ ụnu shẹkelu ugbo ẹto l'ụkporo shẹkelu ugbo ẹsato lẹ shẹkelu ise. Ẹrwa mkpọla-ọcha ono bẹ yẹle shẹkelu ụlo-nsọ bụ iwhe lanụ. 51Mósisu wota okpoga, l'ee-gude gbata ndu ono nụ Érọnu yẹle ụnwu iya ẹgube Onye-Nwe-Ọha tụru iyẹ ya l'iwu.","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/3","date":"2018-12-14T15:15:38Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376825916.52\/warc\/CC-MAIN-20181214140721-20181214162221-00251.warc.gz","language":"eza","language_score":1.0000081062,"language_script":"Latn","minhash_cluster_size":1,"top_langs":"{\"eza_Latn_score\": 1.0000081062316895}","num_words":1233,"character_repetition_ratio":0.079,"word_repetition_ratio":0.013,"special_characters_ratio":0.244,"stopwords_ratio":0.289,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Ọ́gú 5\nOdobe ẹka ndu Ízurẹlu kpọberu ụlo-ẹkwa ebubu whẹ nsọ\n1Onye-Nwe-Ọha bya asụ Mósisu: 2\"Kfuru ndu Ízurẹlu tẹ whẹ chịshia iwhe bụ ndu njọkirehu l'eme l'ẹka ono, whẹbe Ízurẹlu kpọberu ụlo-ẹkwa ebubu whẹ ono, whẹ achịshia ndu iwhe l'alwashị l'ẹhu. Whẹ achịshikwaawho ndu denyiru ẹka l'odzu, shi nno merwua onwowhe. 3Unu chịfukota whẹ m'ọ bụ nwoke m'ọ bụ nwanyị. Unu chịshia whẹ l'ẹka ono, unu kpọberu ụlo-ẹkwa ebubu unu tẹ whẹ be emerwu iya, mbụ l'ẹka ono, mu bu l'echilabọ whẹ ono.\" 4Ndu Ízurẹlu mee ya ẹgube ono; bya achịshikota ndu ono l'ẹka ono, whẹ kpọberu ụlo-ẹkwa ebubu whẹ ono. Ọ bụru ẹgube ono Onye-Nwe-Ọha kfuru iya Mósisu bẹ whẹ meru iya.\nNke ọkfu ụgwo iwhe e mebyiru\n5Onye-Nwe-Ọha sụ Mósisu: 6\"Kfuru ndu Ízurẹlu sụ whẹ lẹ nteke madzụ, mbụ nwoke, ọdua l'ọo nwanyị mejeru ibe iya iwhe dụ ẹji ẹgube ono, ndiwhe l'emeje, shi nno meswee Onye-Nwe-Ọha, bẹ ikpe nmaakwarụ onye ọbu. 7Onye ọbu l'e-kfufuta iwhe dụ ẹji ono o meru, ya akfụ-dzua ụgwo ejo-iwhe ono, o meru g'ọ ha, yekwa iya whọ ụzo lanụ l'ụzo ise l'oke-iwhe iya nụ onye ọbu, o mesweru. 8Nteke bụkwanu l'onye ọbu, e mesweru te enwedu abụbu, bụ onye l'aa-kfụ ụgwo iwhe ono, ọo ya bụ, ụgwo ono alaaru Onye-Nwe-Ọha. Onye l'aa-kfụ iya nụ bụ onye l'agbajẹ ẹja nụ Chileke, a kpụru ebyila yeru iye ya t'o gbua gude kpeshia okfu ono. 9Iwhe lile, bụ iwhe ndu Ízurẹlu doberu nsọ tẹ whẹ nụ Onye-Nwe-Ọha, bụ iwhe whẹ wotaru bya anụ onye l'agbajẹ ẹja nụ Chileke bụkota onye ono, l'agbajẹ ẹja nụ Chileke ono nwe iya. 10Iwhe onye doberu nsọ tẹ ya nụ Chileke bụ onye l'agbajẹ ẹja nụ Chileke bẹ nwe iya nụ, mbụ l'iwhe onye nụru onye l'agbajẹ ẹja nụ Chileke bẹ bụ onye ono, l'agbajẹ ẹja nụ Chileke ono bẹ nwe iya nụ.\"\nNke nwanyị, ji iya l'ele ẹnya ogori\n11Tọ dụ iya bụ, Onye-Nwe-Ọha bya asụ Mósisu: 12\"Kfuru ndu Ízurẹlu sụ whẹ agha: Ọ -bụru lẹ nwoke bẹ nyee ya l'akpa korikori, ji iya te egudehe ire iya ẹka, 13mbụ l'ọ -bụru lẹ nwanyị l'ejeje yẹle nwoke ọdo azẹe, shi nno merwua onwiya, ji iya ta ama, t'e gudepyabe iya l'ẹka nteke l'oome iya, t'ọ dụ onye gbarụ ẹka-ebe iya, nkele e te egudepyabedu iya nteke l'oome ụdu iwhe dụ nno. 14Ọ -bụru lẹ nwoke ono bẹ nọnyaaru, o koderu nyee ya ono okoowhoo, lede iya ẹnya onye merwuru onwiya nteke nyee ya ono merwuru onwiya ọbu eviya, ọ dụa l'a nọnyaaru, o koderu nyee ya ono okoowhoo, lede iya ẹnya onye merwuru onwiya l'ẹbe o merwu onwiya. 15Ọo ya bụ, nwoke ono eduta nyee ya ono jekfushia onye l'agbajẹ ẹja nụ Chileke. Ya egude ụzo-lanụ-l'ụzo-iri efere nkwẹka ụturutuu-witi, l'ee-gude gwoo ẹja l'ishi nyee ya ono. T'ọ bọ wụkwa mmanụ l'ụturutuu-balị ono, e jee eye iya ụ̀nwù-isẹnsu, o noo nkele ọo ngwo-ẹja nri, e gworu l'okowhoo, mbụ ngwo-ẹja, e gude anyata ejo-iwhe.\n16\"Onye l'agbajẹ ẹja nụ Chileke ono l'e-dulitaru nwanyị ono ntse kfụbe iya l'atatiwhu Onye-Nwe-Ọha. 17Ọo ya bụ, onye l'agbajẹ ẹja nụ Chileke ono ekuta mini, e doberu nsọ l'ite, a kpụru l'ụrwa, kpota ivovonyi, shi lẹ mkpuumkpu-ẹkwa wụru ye lẹ mini ono. 18Onye l'agbajẹ ẹja nụ Chileke ono -kfụbelewho nwanyị ono l'atatiwhu Onye-Nwe-Ọha, ya atọfu iya iwhe o ke l'ishi, pata ngwo-ẹja nri ono, e gude anyata ejo-iwhe ono nụ iya t'ọ parụ l'ẹka, mbụ ngwo-ẹja nri ono, e gworu l'okowhoo. Ọwhube onye l'agbajẹ ẹja nụ Chileke ono l'onwiya aparụ mgbilu mini ono, l'emeje tẹ madzụ bụru onye vu ejo-ọnu. 19Nteke ono onye l'agbajẹ ẹja nụ Chileke ono anụ iya nte t'o ria sụ: 'Ọ -bụru l'ọ tọ dụdu nwoke ọdo, gụ l'iya zẹbuwaa, tịi kpa korikori, shiwaa nno merwua onwoghu l'ẹka nwoke ọdo, l'ẹte abụa ji ghu, tẹ mgbilu mini-a, l'emeje tẹ madzụ bụru onye vu ejo-ọnu ba adụkwa iwhe l'oo-me ghu. 20Nteke bụ l'ị nọ l'ẹka ji ghu, l'ịikpa korikori, gụ lẹ nwoke ọdo zẹbuwaa, i shiwaa nno merwua onwoghu, 21tẹ Onye-Nwe-Ọha mekwaa t'ẹkpa-nwa chihu ghu, mbụ t'ị ba atụ nwa l'iwhu ụtakfu, gụ abụru onye l'aa-kpọ l'iwhu, bya abụru onye l'anma l'ejo ẹtu l'ibe unu.' O noo nteke onye l'agbajẹ ẹja nụ Chileke ono l'a-pẹ nwanyị ono nte ono t'o ria gude tụa onwiya ọnu. 22Tẹ mgbilu mini-a, l'emeje tẹ madzụ bụru onye vu ejo-ọnu-a bahụ ghu l'ẹwho ndụge ẹkpa-nwa echihu ghu, gụ eje aatụ nwa l'iwhu ụtakfu.\"\nNteke ono, nwanyị ono asụ: \"O noo g'ọ dụ, t'ọ dụ nno.\"\n23\"Ọo ya bụ, onye l'agbajẹ ẹja nụ Chileke ono abya edekota ejo-ọnu ono, ọ tụru onwiya l'ẹkwo bya asaa ya asasa sarụ ye lẹ mgbilu mini ono. 24Nteke ono, ya eworu mgbilu mini ono nụ nwanyị ono t'ọ ngụa. Ọ -ngụle iya whọ bẹ mgbilu mini ono l'a-bahụ nwanyị ono l'ẹwho wokfuta iya ejo ụkpazhi-ọnwu-ọnu. 25Nteke ono, onye l'agbajẹ ẹja nụ Chileke ono anata nwanyị ono ngwo-ẹja nri ono, e gworu l'okowhoo ono, ọ pa l'ẹka maa ya amama l'atatiwhu Onye-Nwe-Ọha, je edobe l'ẹnya-mgbẹja. 26Ọo ya bụ, onye l'agbajẹ ẹja nụ Chileke ono ahajia ngwo-ẹja nri ono ẹka, kpọo ya ọku l'ẹnya-mgbẹja ono. Ngwo-ẹja ono l'a-bụ ngwo-ẹja, e gude anyata ejo-iwhe ono. O -megelewho nno, ya anụ nwanyị ono mini ono t'ọ ngụa. 27Ọ -bụrua woo l'o merwuru onwiya, mbụ l'ọ bụ onye ji iya l'ẹte egudee ire iya ẹka, nteke a nụleru iya whọ mini ono ọ ngụa, ọ bahụ iya l'ẹwho bẹ l'oo-wokfuta iya ejo ụkpazhi-ọnwu-ọnu. Oo-me t'ẹkpa-nwa iya chihu mẹe t'ọ bọ tụ nwa l'iwhu ụtakfu; tẹmenu a kpọ iya l'iwhu l'ibe whẹ. 28Nteke bụ woo l'o to merwudu onwiya, ọ bụru-a l'ẹka iya dụ ọcha bẹ l'ọoto dụdu iwhe bya l'e-me iya nụ, ya anwụshi ụnwegirima.\n29\"O noo iwu, a tụru l'ishi nwanyị, ji iya l'ekoru okoowhoo, mbụ nwanyị, nọ l'ẹka ji iya akpa korikori, emerwushi onwiya, 30ọ dụa l'a nọnyaaru nwoke koderu nyee ya okoowhoo, lede iya ejo ẹnya. T'onye l'agbajẹ ẹja nụ Chileke kfụbe nwanyị ọbu l'iwhu Onye-Nwe-Ọha mekotagezhia ya iwhe lile ono, a tụru l'iwu. 31Nwoke ono l'onwiya ta adụkwa ejo-iwhe, l'a-tukoru iya l'ishi. Ọo nwanyị ono l'e-vuru ejo-iwhe, o metaru.\"","id":"","dump":"CC-MAIN-2018-51","url":"http:\/\/bibles.org\/eza-EZAB\/Num\/5","date":"2018-12-12T04:51:40Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376823738.9\/warc\/CC-MAIN-20181212044022-20181212065522-00253.warc.gz","language":"eza","language_score":1.0000072718,"language_script":"Latn","minhash_cluster_size":1,"top_langs":"{\"eza_Latn_score\": 1.0000072717666626}","num_words":1003,"character_repetition_ratio":0.11,"word_repetition_ratio":0.008,"special_characters_ratio":0.257,"stopwords_ratio":0.314,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Livitikọsu 27:8\n8\"Ọ -bụru l'onye kweru ụkwa ọbu bẹ l'akpa nri, tọ dụ ike kfụa iwhe a sụru t'ọ kfụa, t'o duru onye ọbu, o kweru ụkwa iya dukfu onye l'agbajẹ ẹja nụ Chileke. Onye l'agbajẹ ẹja nụ Chileke ono elee ẹnya g'ẹka onye ọbu, kweru ụkwa ono hatabe hụa aswa ishi onye ọbu, o kweru ụkwa iya.","id":"","dump":"CC-MAIN-2018-51","url":"http:\/\/bibles.org\/eza-EZAB\/Lev\/27\/8","date":"2018-12-13T02:17:37Z","file_path":"s3:\/\/commoncrawl\/crawl-data\/CC-MAIN-2018-51\/segments\/1544376824338.6\/warc\/CC-MAIN-20181213010653-20181213032153-00495.warc.gz","language":"eza","language_score":0.999296844,"language_script":"Latn","minhash_cluster_size":1,"top_langs":"{\"eza_Latn_score\": 0.9992968440055847}","num_words":57,"character_repetition_ratio":0.133,"word_repetition_ratio":0.0,"special_characters_ratio":0.265,"stopwords_ratio":0.298,"flagged_words_ratio":0.0,"lang_id_score":0.992,"perplexity_score":500.0,"cluster_detection":1} +{"text":"1 1 Ọ waa bụ eri Jisọsu Kuráyisutu; g'e shi nwụa whẹ. Jisọsu Kuráyisutu shi l'ẹpa Dévidi. Dévidi shi l'ẹpa Ébirihamu. 2 Ébirihamu bụ nna Áyiziku, Áyiziku bụru nna nke Jékọpu, Jékọpu bụru nna Juda yẹle ụnwunna iya. 3 Juda bụru nna Pẹ́rezu mẹe Zera. Ne ụmadzu labọ ono bụ Tama. Pẹ́rezu bụru nna Hézerọnu, Hézerọnu bụru nna Arámu, 4 Arámu bụru nna Amínadabu, Amínadabu bụru nna Nahụshonu, Nahụshonu bụru nna Sálụmonu, 5 Sálụmonu bụru nna nke Bóazu. Ne Bóazu bụ Réhabu. Bóazu bụru nna nke Óbẹdu, onye ne iya bụ Rutu. Óbẹdu bụru nna Jesi. 6 Jesi bụru nna Dévidi, mbụ Dévidi ono, shi bụru eze lẹ ndụ-ichee. ���whube Dévidi bụru nna Sólomọnu. Onye bụ ne Sólomọnu bụ nwanyị ọbu ọ lụjeru mbụ nwoke, ẹwha iya bụ Uráya. 7 Sólomọnu bụru nna Rehobówamu. Rehobówamu bụru nna Abáyija. Abáyija bụru nna Asa. 8 Asa bụru nna Jehóshafatu, Jehóshafatu bụru nna Jóramu, Jóramu bụru nna Uzáya, 9 Uzáya bụru nna Jótamu, Jótamu bụru nna Éhazu, Éhazu bụru nna Hezekáya. 10 Hezekáya bụru nna Manáse, Manáse bụru nna Émọsu. Émọsu bụru nna Josáya, 11 Josáya bụru nna Jekoniya yẹle unwune iya nteke ono, a kpụru ndu Ízurẹlu lẹ ndzụ, whẹ je eburu l'alị Bábyilọnu. 12 Tọ dụ iya bụ l'a kpụta-gelewho ndu Ízurẹlu, whẹ laa alị Bábyilọnu ono, Jekoniya bụru nna Shiyálutiyẹlu, Shiyálutiyẹlu bụru nna nke Zerúbabelu. 13 Zerúbabelu bụru nna Abíyudu, Abíyudu bụru nna nke Elíyakimu, Elíyakimu bụru nna Azọ. 14 Azọ bụru nna Zédọku, Zédọku bụru nna Ákimu, Ákimu bụru nna Elíyudu, 15 Elíyudu bụru nna nke Eliyéza, Eliyéza bụru nna Mátanu, Mátanu bụru nna Jékọpu, 16 Jékọpu bụru nna Jósẹfu, bụ iya bụ ji Méri, Méri bẹ bụ iya bụ onye nwụru Jisọsu, l'eeku Kuráyisutu. 17 Ọo ya bụ l'iwhe ọ dụ bụ: ọgbo iri l'ẹno wata l'ọgbo Ébirihamu whẹ rwua lẹ nke Dévidi whẹ; ọ dụkwawho ọgbo iri l'ẹno wata l'ọgbo Dévidi whẹ rwua nteke a kpụkoru ndu Ízurẹlu lẹ ndzụ laa alị Bábyilọnu; watakwawhọ nteke ono a kpụkoru ndu Ízurẹlu lẹ ndzụ laa alị Bábyilọnu rwua lẹ nteke a nwụru Kuráyisutu ọbu, bẹ bụkwawho ọgbo iri l'ẹno. 18 Ọ waa g'e gude nwụa Jisọsu Kuráyisutu ndọwa: Lẹ g'ọ nwụru bẹ bụ lẹ Jósẹfu bẹ gbabẹru Méri, bụ ne Jisọsu iwhe nke alụlu. Jósẹfu teke edutaa ya, ọwhu l'a-bụkwanu lẹ yẹle iya zẹbuwaa. A bya l'amadeshia, Méri gbee dụwaanu ime. Ọ bụru Ume-Dụ-Nsọ bẹ ime ono shi l'ẹka. 19 Ji iya ono, bu Jósẹfu bụkwanuru onye dụ chịriri. L'oomekwanu t'iya be eme Méri iwhe iwhere l'edzudzu-ọha. Ọ chọkashide ụzo, l'oo-shi jịka ọlu Méri tẹ ba ama. 20 L'ọorikwadua iwhe ono, ojozhi-imigwe shi l'ẹka Onye-Nwe-Ọha byakfuta iya lẹ nrọ bya asụ iya: \"Jósẹfu; o-shi-l'eri Dévidi, ba atsụshi egvu ọlu Méri. Lẹ nwata ono ọdu ime iya ono kwa Ume-Dụ-Nsọ b'o shi l'ẹka iya. 21 Ọo nwata-nwoke bẹ l'ọo-nwụ. Iwhe l'ịi-gu iya bụ Jisọsu. O noo nkele ọo-dzọta ndu nkiya l'ẹka iwhe-dụ-ẹji whẹ metagbaberu.\" 22 Iwhe lile-e bẹ mekotaru nụ nke ọwhu iwhe ono, Onye-Nwe-Ọha shi l'ọnu onye nkfuchiru iya kfua l'a-vụkota bụ iya bụ iwhe ono e kfuru sụ: 23 \"Lekwa lẹ nwamgbọko yẹle nwoke l'ẹteke azẹbua l'a-tsụta ime nwụa nwata nwoke; iwhe l'aa-gụ iya bụ Imánuwẹlu.\" Iwhe Imánuwẹlu fụtaru bụ lẹ Chileke nọdu swiru anyi. 24 Tọ dụ iya bụ lẹ Jósẹfu etehulewho lẹ mgbẹnya ono, o mee gẹ ojozhi-imigwe ono, shi l'ẹka Onye-Nwe-Ọha kfuru iya. O je eduta Méri nteke ono t'ọ bụru nyee ya. 25 Ọle Jósẹfu yẹle Méri ta azẹjekwa jeye o zeda nwụa nwata nwoke ono. Jósẹfu gụa nwata ono Jisọsu.","id":"","dump":"CC-MAIN-2019-39","url":"https:\/\/live.bible.is\/bible\/EZAWBT\/MAT\/1","date":"2019-09-16T16:17:41Z","file_path":"s3:\/\/commoncrawl\/crawl-data\/CC-MAIN-2019-39\/segments\/1568514572879.28\/warc\/CC-MAIN-20190916155946-20190916181946-00452.warc.gz","language":"eza","language_score":0.9999616146,"language_script":"Latn","minhash_cluster_size":5,"top_langs":"{\"eza_Latn_score\": 0.9999616146087646}","num_words":561,"character_repetition_ratio":0.08,"word_repetition_ratio":0.0,"special_characters_ratio":0.241,"stopwords_ratio":0.23,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"The Tower of Babel (Genesis 11: 1-9)\nEzaa\nỤlo-eli Babẹlu\n- Ndu mgboko l'owhu shi ekfukota okfu-alị lanụ, olu-okfu whẹ shi bụru iwhe lanụ.\n- O noo ya, ndiwhe bya ejeta rwua ụzo ẹnyanwu-awata, whẹ whụa ẹka dụ barịkiti l'alị Shina; whẹ je ebukobe l'ẹka ono.\n- A nọnyaa whẹ sụ ibe whẹ: \"Unu bya t'anyi yọo ẹja hụa ya l'ọku hụshia ya ike.\" Ọ bụru ẹja, a yọru ayọ bẹ nọ-chiru whẹ ẹnya ẹwhuru. Whẹ wụa ya korota t'ọ bụru nkwo-ẹja.\n- Whẹ sụ: \"Unu bya t'anyi metaru onwanyị mkpụkpu. T'anyi tụa ụlo-eli, l'e-je asụ-kfuru l'igweli. Ọo ya bụ t'anyi bụru ndu a marụ ẹwha whẹ nke ọwhu anyi l'ẹte ejekashihu dzuru mgboko.\"\n- Tọ dụ iya bụ, Onye-Nwe-Ọha nyizeta t'ọ whụ mkpụkpu ono mẹe ụlo-eli ọbu, ụnwu-eliwhe l'atụ.\n- Onye-Nwe-Ọha sụ: \"Ndu-a bụkwa nnanụ, whẹ nweru okfu-alị lanụ. Ọ wa-a, whẹ l'eme bụkwadu awata bẹ whẹ watarụ iwhe whẹ l'e-bechaa mee. Ọ tọ dụkwa iwhe whẹ tụberu ememe, whẹ l'ẹte emekota.\n- Unu bya t'anyi nyize je aghasweshia whẹ olu-okfu, t'iwhe ibe whẹ l'ekfu be edojehe whẹ ẹnya.\"\n- Ọo ya bụ, Onye-Nwe-Ọha bya achịkashia whẹ, whẹ dzuru mgboko, whẹ tụ-buhu mkpụkpu ono.\n- O noo iwhe meru g'o gude e kua ya Babẹlu, o noo nkele ọo ẹka ono bẹ Onye-Nwe-Ọha ghasweshiru okfu ụnwu-eliwhe l'owhu. Ọ bụru l'ẹka ono bẹ Onye-Nwe-Ọha shi chịkashia whẹ, whẹ jekashihu dzuru mgboko l'owhu.\nFrom: Baịbụl Nsọ – Nsụgharị Ụwa Ọhụrụ nke Akwụkwọ Nsọ\nIf you need to type in many different languages, the Q International Keyboard can help. It enables you to type almost any language that uses the Latin, Cyrillic or Greek alphabets, and is free.\nIf you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.\nNote: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.","id":"","dump":"CC-MAIN-2019-51","url":"https:\/\/www.omniglot.com\/babel\/ezaa.htm","date":"2019-12-06T16:51:10Z","file_path":"s3:\/\/commoncrawl\/crawl-data\/CC-MAIN-2019-51\/segments\/1575540488870.33\/warc\/CC-MAIN-20191206145958-20191206173958-00559.warc.gz","language":"eza","language_score":0.9999876022,"language_script":"Latn","minhash_cluster_size":17,"top_langs":"{\"eza_Latn_score\": 0.9999876022338867}","num_words":341,"character_repetition_ratio":0.057,"word_repetition_ratio":0.0,"special_characters_ratio":0.25,"stopwords_ratio":0.196,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}