diff --git "a/nho_Latn/fineweb-2_000001_keep.jsonl" "b/nho_Latn/fineweb-2_000001_keep.jsonl" new file mode 100644--- /dev/null +++ "b/nho_Latn/fineweb-2_000001_keep.jsonl" @@ -0,0 +1,292 @@ +{"text":"1 PETER\nTE PAS MUA PETER\nTE HAKATAAKOTO TE PAS NEI\nTe Pas mua Peter raa ni sissii ki naa tama te lotu, teenei e taapaa a ia ma ko \"naa tama TeAtua ni hakamaatino\", teelaa e ttaka masseu ma ni horau ki naa matakaaina e ttuu haka tokorau i Asia. Peter ni sissii te pas nei ki hakatipuina naa manava naa tama teelaa ma ki tokatoka i te pas nei. Teenaa ko naa tama e mee pakavaina ka hakallono isu i laatou e lotu i TeAtua. Peter e sissii te pas nei no hakasua ake i te Lono Taukareka teelaa e taratara i Jesus Christ. Teenaa maa teelaa ko te mate Christ, tana masike mai ana i te mate, aa te purepure TeAtua maa Christ ma ki ahemai, teelaa ki taaohi manava laatou. Laatou ki illoa i te mee nei ki lavatoa laatou te nnoho ma naa haaeo e pakkuu ake ki laatou, aa maa naa vana nei e ssura ki haaiteria naa hakataakoto laatou i TeAtua. Teenaa maa laatou ma ki kauake naa tuuhana laatou TeAtua i te \"Aso Jesus Christ ma ki hakasura iho ki te maarama nei\". (1.7)\nE hakapaa ma naa taratara i naa nnoho hakalavatoa ma naa haaeo raa, Peter e taratara ake hoki ki naa tama naa ki nnoho laatou ka sosorina ma ni tama teelaa e ttaka ma Christ.\nNaa takkoto naa taratara iloto te pas nei\nTe hakataakoto te pas 1.1–2\nPeter e hakasua i te ara TeAtua e hakaora te tama 1.3–12\nNaa akonaki i te ora e tapu 1.13—2.10\nNaa sosorina te tama e lotu i ana ttiri i naa haaeo 2.11—4.19\nNaa meemee seemuu ma naa heuna te tama e lotu 5.1–11\nNaa taratara hakaoti 5.12–14\n1\n1 A nau Peter, se aposol Jesus Christ.\nNau e sissii te pas nei ki kootou, naa tama ni hakamaatinoria TeAtua e ttaka masseu ma ni horau iloto naa matakaaina i Pontus, Galesia, Capadosia, Asia aa ko Bitinia. 2 Kootou kunaa hakamaatinoria iloo TeAtua Tamana, e hano ma tana hakataakoto ni noho ma Ia imua, no haia TeAitu Tapu ma ni tama e ttapu ki tautari kootou i Jesus Christ aa ki uiia naa haisara kootou tana ttoo.\nNau e taku maa TeAtua ki roorosi hakaraaoi iloo ki nnoho laaoi kootou i naa aso hakkaatoa.\nTaaohi manava i te ora maaoni\n3 Taatou ki hakanau i TeAtua, te Tamana TeAriki taatou, Jesus Christ. A Ia e takoto tana hui aroha i taatou, teenaa Jesus Christ ni hakamasikeria a Ia i te mate ki hookii mai a Ia te ora maaoni nei ki taatou. Teenei taatou e taaohi manava i te ora maaoni nei, 4 aa taatou ku matamata koi ki te ssao TeAtua ma ki hookii mai naa tuuhana taatou teelaa e tukua a Ia maa ana tama. Naa mee naa e takkoto i TeAtua i te lani, te kina naa mee naa see lavaa te ppara, te hakallika aa see lavaa te seai. 5 Teenaa ni tuuhana kootou, aa TeAtua, i ana mahi, ma ki roorosi hakaraaoi iloo ki kootou ki tae ki te ssao kootou ma ki hakaoratia a Ia i te aso hakaoti.\n6 Niaaina maa te tamaa sao nei kootou e nnoho ka hakallono isu ma te kau haaeo raa, kootou ki fiaffia i te mee naa. 7 Kootou see mamannatu tammaki, teenaa ni ara TeAtua e mee ki haaite naa hakataakoto kootou, ki mee maa kootou e lotu maaoni. E mee koi ma ko i-naa tuunia taatou naa kol raa i te ahi ki haaiteria maa teenaa ni kol maaoni. Tevana iaa naa hakataakoto kootou e ttoe iaa i naa kol. Teenaa ko te vana kootou e tau ki haaiteria naa hakataakoto kootou ki takkoto haimmahi peenaa. Te aso Jesus Christ ma ki hakasura iho ki te maarama nei raa, TeAtua ma ki hiahia i kootou, teenaa a Ia ma ki hakanau i kootou no mee kootou ma ni tama hakamaatua. 8 Niaaina maa kootou seki kkite iaa Ia raa, kootou e llee koi naa manava kootou iaa Ia; niaaina maa kootou see kkite iaa Ia i te saaita nei raa, kootou e lotu koi iaa Ia. Teenaa te hiahia e takoto iloto naa manava kootou naa see ilotia taatou te tarataraina, 9 i te aa, i kootou ku hakaoratia TeAtua. Teenaa ko te mee ni hakatina ai kootou iaa Ia.\n10 Teenei ko naa taratara i te hakaora nei teelaa ni ssee hakappuru ai naa pure TeAtua raa ma ki ilotia laatou, aa teelaa ni tarataraina mai laatou hakaoti i te mee taukareka TeAtua ma ki kauatu ki kootou. 11 Naa tama naa ni ssee ma ki ilotia laatou te ssao te taukareka naa ma ki sura mai, aa ma te taukareka naa ma ki hakasura mai peehea. Teenaa ko te ssao TeAitu Christ, teelaa e takoto i laatou, e hakaari ake. Teenaa ko ana taratara ni mee maa Christ ma ki oti ku hakallono isu aa te laaoi teelaa ma ki sura imuri. 12 TeAtua ni hakaari ake ki ana pure raa maa naa heuna laatou naa see mee ma ki tokonaki ki laatou; laatou e heheuna ki tokonaki ki kootou. Laatou ni tarataraina laatou naa taratara teelaa ku llono kootou i te saaita nei i naa hakaea atu te Lono Taukareka raa naa tama e tauria naa mahi TeAitu Tapu, te tama ni heunatia mai i te lani. Teenei ko naa mee naa ensol raa iloo e fiffai maa laatou ki illoa.\nTe ora e tapu\n13 Teenaa, kootou hakattonu naa hakataakoto kootou. Kootou ki tinomaamaa ka taaohi manava ki te taukareka teelaa ma ki kauatu i te saaita Jesus Christ ma ki hakasura mai. 14 Kootou tautari ki TeAtua, aa kootou ku tiiake naa sosorina see ttonu ni ttaka ma kootou imua, i te saaita kootou koi ttaka see illoa i naa vana. 15 E mee pee ko TeAtua, te tama ni aru atu ki kootou raa e tapu, teenaa kootou hoki ki hakamaarama naa ora kootou ki ttapu i naa vana katoo kootou e mee. 16 Te Laupepa Tapu raa e mee maa, \"Hakamaarama naa ora kootou ki ttapu, i aa nau e tapu.\"✡ Lev 11.44-45, 19.2\n17 Kootou e kannaa maa TeAtua ko kootou Tamana i naa saaita kootou e taku kiaa Ia. Tevana iaa kootou ki illoa maa TeAtua e hakatonutonu naa tama te maarama nei; a Ia e hakatonutonu naa tama hakkaatoa ki tau ma naa vana naa tama naa ni mee. Aa teenaa, i te saaita kootou e nnoho i te maarama nei raa, kootou ki nnoho ma ni horau ka lotu mattaku iaa Ia. 18 Kootou e illoa i kootou ni see uruhanaina TeAtua ki tiiake kootou te ora see hai vana e taunai teelaa ni hakataka mai maa naa tippuna kootou raa ki naa mee vare pee ko naa siliva ma naa kol. Seai. 19 Kootou ni uruhanaina TeAtua ki te ttoo Jesus, te tama ni mee ma ko te sukua sipsip e matahua. 20 A Ia ni hakamaatinoria TeAtua imua tana penapena ana te maarama nei, aa teenei ni hakasuratia mai i naa aso hakaoti nei ki kauatu te taukareka kootou. 21 Kootou nei e tautari ki TeAtua i kootou ku illoa i Christ. Christ ni hakamasikeria a Ia i te mate no hakanohoria ma se tama hakamaatua. Teenaa kootou ki taaohi manava ka lotu tonu ki TeAtua soko Ia.\n22 Teenei naa ora kootou ku mallama i kootou e tautari ki te hakamaaoni TeAtua, aa kootou hoki ku oomai no fiffai hakaraaoi ki naa taaina kootou raa, teenaa kootou ki hakassura te manava laaoi maaoni ki telaa tama. 23 I te aa, iloto naa mahi te taratara te ora maa te taratara TeAtua e takoto raa, kootou ni ahe hoki no mee ma ni tamalliki e hannau mai hoou. Tevana iaa kootou see hannau mai i naa mahi te tama teelaa ma ki oti koi ku mate, kootou e hannau mai iloto naa mahi TeAitu teelaa ma ki see lavaa te mate. 24 Te Laupepa Tapu raa e taratara peelaa,\n\"Naa tama hakkaatoa e mee ma ko naa vvee,\nnaa tiputtipu taukalleka naa tama naa e mee ma ko naa kaute naa vvee.\nNaa vvee raa ma ki mmate, aa naa kaute raa ku maaoha,\n25 aa te taratara TeAtua raa iaa ma ki takoto no takoto hakaoti.\"✡ Is 40.6-8 (LXX)\nTeenei ko naa taratara i te Lono Taukareka teelaa ni kauatu ki kootou.","id":"","dump":"CC-MAIN-2017-39","url":"http:\/\/pngscriptures.org\/nho\/1PE01.htm","date":"2017-09-24T01:30:49Z","file_path":"s3:\/\/commoncrawl\/crawl-data\/CC-MAIN-2017-39\/segments\/1505818689823.92\/warc\/CC-MAIN-20170924010628-20170924030628-00101.warc.gz","language":"nho","language_score":1.0000092983,"language_script":"Latn","minhash_cluster_size":6,"top_langs":"{\"nho_Latn_score\": 1.000009298324585}","num_words":1364,"character_repetition_ratio":0.063,"word_repetition_ratio":0.004,"special_characters_ratio":0.233,"stopwords_ratio":0.596,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2 CORINTHIANS\nSSOA TE PAS PAUL KI NAA TAMA TE LOTU I KORINT\nTE HAKATAAKOTO TE PAS NEI\nSsoa te pas Paul ki naa tama te lotu i Korint ni sissii i te ssao te noho Paul ma naa tama te lotu i Korint raa ni see taukareka hakaraaoi. E mee aaraa tama te lotu i te kina naa ni mee naa taratara hakallika laatou i Paul, tevana iaa Paul e hakaari ake i tana hiihai maa laatou ki ahe ake ki meemee hakapaa hoki laatou ma ia,\nNaa taratara mua iloto te pas nei raa, Paul e taratara i naa tiputipu tana noho ma naa tama te lotu i Korint. A ia e taratara ake ki naa tama raa i tana vana ni huri ai no loto peelaa i naa tama te lotu i te kina naa, aa a ia e taratara hoki i aa ia e hiahia i teenei ko tana roto nei teelaa ni ffuri naa tama raa no tiiake naa haisara laatou aa no meemee hakapaa hoki. Ki oti raa a ia ku mee ake ki naa tama te lotu raa ki tokonaki ake ki naa tama te lotu e nnoho hakaaroha i Judea. Naa taratara hakaoti iloto te pas nei raa, Paul e sissii ki illoa naa tama raa i aa ia se aposol maaoni TeAtua, i te aa, e mee aaraa tama i Korint e hai maa laatou ni aposol maaoni, aa maa Paul iaa se aposol hakareeresi.\nNaa takkoto naa taratara iloto te pas nei\nTe hakataakoto te pas 1.1–11\nPaul ma naa tama te lotu i Korint 1.12—7.16\nTokonaki ki naa tama te lotu i Judea 8.1—9.15\nPaul e taratara maa ia se aposol maaoni 10.1—13.10\nNaa taratara hakaoti 13.11–13\n1\n1 A nau Paul, se aposol Jesus Christ i te hiihai TeAtua; teenei ko maaua ma Timothy nei e sissii atu te pas nei.✡ Acts 18.1\nTeenei maaua pas ki kootou, naa tama TeAtua e nnoho i Korint ma naa matakaaina hoki iloto Greece.\n2 TeAtua Tamana ma TeAriki Jesus Christ ki roorosi hakaraaoi ki kootou ki nnoho laaoi kootou.\nPaul e hakanau i TeAtua\n3 Taatou ki hakanau i TeAtua, te Tamana TeAriki taatou, Jesus Christ. A Ia ko te Tamana e manava aroha aa te Atua teelaa e ssura mai te kau tokonaki hakkaatoa. 4 Saaita maaua e uru i te kau haaeo raa, TeAtua e huri mai no tokonaki ki maaua ki lavaa maaua te tokonaki hoki ki aaraa tama e llave i naa haaeo pee ko naa tokonaki TeAtua ki taatou. 5 E mee koi pee ko maaua e hakallono isu hakapaa ma Christ raa, teenaa maaua ma ki tokonakina mai hoki TeAtua i taatou e hakapaa ma Christ. 6 Ki mee maa maaua e hakallono isu, teenaa ko maaua e fiffai ma ki saapai atu maaua ki ora kootou; aa ki mee TeAtua e huri iho no saapai mai ki maaua, maaua ma ki lavaa hoki te huri atu no saapai ki kootou. Teenaa kootou ma ki lavaa te nnoho hakalavatoa i naa hakallono isu kootou pee ko maaua nei. 7 Maaua e illoa maa kootou e taaohi manava peenaa i TeAtua. Maaua e illoa peelaa maa i kootou e hakallono isu pee ko maaua raa, teenaa kootou hoki e tokonakina TeAtua pee ko maaua hoki e tokonakina TeAtua.\n8 Aku taaina ma aku kave nei. Maaua e fiffai maa kootou ki illoa i naa haaeo maaua ni ttiri i te matakaaina Asia. Naa mmaha ni nnoho ma maaua raa poi see lavaa lokoi maaua. Maaua ni mannatu maa maaua ku mmate.✡ 1 Cor 15.32 9 Maaua ni mannatu maa maaua ku oti te tukua ki mmate. Tevana iaa naa vana nei ni ssura ki illoa maaua maa maaua see lavaa te heheuna ki naa tino mahi maaua. TeAtua koi soko Ia e lavaa te tokonaki ki maaua. A Ia naa ko te Tama e hakamasike naa tama e mmate. 10 Maaua ni hakassaoria a Ia aa maaua ma ki hakasaoria i naa haaeo hakamattaku raa iloo, aa maaua e taaohi manava maa maaua ma ki hakassaoria hoki a Ia imuri, 11 i kootou e tokonaki mai peenaa ki naa taku kootou. Teenaa TeAtua ma ki lono te lopo taku kootou e taku ake naa, aa ku huri mai no haia hakaraaoina maaua. Te lopo tama ma ki massike no hakanau iaa Ia ma naa varo laatou, i tana vana e mee ki maaua.\nPaul ku huri tana maanatu ki see hano ia ki Korint\n12 Teenei te mee e ahu ai maaua: Naa hakataakoto maaua e hakailoa mai maa i te nnoho maaua i te maarama nei, i te vasi naa sosorina maaua ki kootou raa, maaua ni tautari koi ki naa tiputtipu e ttonu aa e ttapu iloto naa mahi te manava laaoi TeAtua. Maaua ni see tautari ki te iloa te tama. 13-14 Maaua e sissii atu koi naa taratara kootou e lavaa te tokatoka no massaro kootou. Niaaina maa kootou seki massaro hakaraaoi i naa taratara maaua nei, nau e hakamau manava maa kimuri kootou ku massaro hakaraaoi iloo i naa taratara katoo maaua e kauatu ki kootou. I te aso TeAriki ma ki ahemai raa, kootou ma ki ahu i maaua pee ko i-naa ahu maaua i kootou.\n15 Nau ni iloa hakaraaoi iloo i naa mee nei, teenaa ni maanatu nau ma ki hanatu nau no mmata i kootou imua, ki lavaa nau te noho ma kootou i naa saaita iloo e lua. 16 I te aa, i aa nau ni maanatu maa taku saaita e horau ki Masedonia raa, nau ku taa atu no mmata i kootou, aa nau ma ki hakasura atu hoki i taku saaita ma ki ahemai, ki tokonaki mai kootou i taku saaita ma ki horau ki Judea.✡ Acts 19.21 17 Teenei maaoni ko aku mannatu ni noho ma nau. Kootou see mannatu maa kootou ni hakarereesia koi nau. Seai. Nau seai se tama e taratara kailaarao, e hurihuri ana taratara. Nau seai ko naa tama e ppesi naa taratara laatou peelaa, \"Uee,\" aa ki oti ku huri hoki no mee peelaa, \"Seai.\" 18 Taatou katoo e illoa maa TeAtua e taratara koi ki te taratara maaoni. Maaua nei hoki e taratara ki te taratara maaoni. Maaua see lavaa te mee maa \"Uee\" aa ki oti ku huri hoki no mee maa \"Seai\". 19 I te aa, Jesus Christ, Ttama TeAtua, te tama ni hakaea atu maatou ma Silas aa ko Timothy raa, see iloa te hurihuri taratara. A Ia naa ko te \"Uee\" TeAtua ki taatou.✡ Acts 18.5 20 I teenaa ko ia naa te \"Uee\" ki naa purepure katoo TeAtua ni tuku maa taatou. Teenei ko te vana i naa saaita taatou e hakanau i TeAtua raa, taatou e hakaoti naa taku taatou ka mee peelaa, \"Amen,\" iloto naa mahi Jesus Christ. 21 Teenaa ko TeAtua tana tino teelaa e mee i maaua, hakapaa ma kootou, ki illoa hakaraaoi taatou i naa takkoto naa ora taatou ma Christ; teenaa ko TeAtua tana tino teelaa e hakakkeeina a Ia naa ora taatou ki ttapu. 22 Teenaa ko Ia naa ni tuku tana hakailona i taatou, i taatou ni tama aana. A Ia ni kaumai TeAitu Tapu raa ki takoto i naa hatumanava taatou, ki hakailoa mai ki taatou i ana mee hakkaatoa teelaa ni tuku maa taatou.\n23 TeAtua e iloa i aku tiputipu. A Ia e iloa maa nau e taratara ki te taratara maaoni. Nau ni see hakavave ma ki hakasura atu ki kootou i Korint i aa nau see hiihai maa kootou ki llave hoki ma ni haaeo. 24 Maaua see mee maa maaua nei raa ki taratara atu maa kootou ki lotu peehea. Seai. Maaua e illoa maa kootou koi tuu mau ma naa hakataakoto kootou i TeAtua. Maaua e kauatu koi naa taratara nei ki nnoho kootou ka fiaffia i kootou ku illoa maaoni i TeAtua.","id":"","dump":"CC-MAIN-2017-39","url":"http:\/\/pngscriptures.org\/nho\/2CO01.htm","date":"2017-09-24T01:34:42Z","file_path":"s3:\/\/commoncrawl\/crawl-data\/CC-MAIN-2017-39\/segments\/1505818689823.92\/warc\/CC-MAIN-20170924010628-20170924030628-00109.warc.gz","language":"nho","language_score":1.0000075102,"language_script":"Latn","minhash_cluster_size":5,"top_langs":"{\"nho_Latn_score\": 1.0000075101852417}","num_words":1282,"character_repetition_ratio":0.069,"word_repetition_ratio":0.003,"special_characters_ratio":0.239,"stopwords_ratio":0.555,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"TITUS\nTE PAS PAUL KI TITUS\nTE HAKATAAKOTO TE PAS NEI\nTitus seai se Jew, tevana iaa a ia ni huri tana manava no lotu i Jesus Christ. A ia ni hano no heheuna hakapaa laaua ma Paul i naa heuna te lotu Te pas Paul ki Titus e sissii ki te taupeara e tokonaki kiaa ia teelaa e noho i Crete. Ttama naa ni hakanohoria a ia i te matakaaina naa ki mmata ake ki naa heuna te lotu i te kina naa. Te pas nei e takkoto naa tahito taratara e toru.\nTe taratara mua raa, Paul e hakaari ake ki Titus i te tiputipu teelaa ki tauhia naa tama hakamaatua i te lotu. Ki oti raa Paul ku taratara ake i te ara Titus ki akonaki naa kaavena iloto te lotu, teenaa ko naa taanata mattua, naa haahine mattua (i naa haahine naa ma ki oti ku akonaki naa tama ffine laatou), naa tama taane, aa ma naa poe. Aa te taratara hakaoti raa, Paul e akonaki ki Titus i naa sosorina te tama e lotu maaoni. A ia e llasi ana taratara i te tiputipu ki laaoi aa ki haisoa laaoi ma telaa tama; a ia ki mmata ki see sura te heaatuna ma te manava haaeo i telaa tama iloto te lotu, aa naa tama te lotu raa ki meemee hakapaa.\nNaa takkoto naa taratara iloto te pas nei\nTe hakataakoto te pas nei 1.1–4\nNaa tama hakamaatua te lotu 1.5–16\nNaa heuna naa kaavena ki mee iloto te lotu 2.1–15\nNaa akonaki ma te taratara hakaapo 3.1–11\nNaa taratara hakaoti 3.12–15\n1\n1 A nau Paul, e heheuna i TeAtua ma se aposol Jesus Christ.\nNau ni hakamaatinoria no heunatia mai ki tokonaki nau ki naa hakatina naa tama TeAtua ni hiri, aa ki illoa laatou i te hakamaaoni e tarataraina te lotu taatou, 2 teenaa ko te taratara e hakatahito i te hakatina ki te ora e ora hakaoti. TeAtua see iloa te taratara hakareeresi. A Ia ni purepure mai i te ora nei imua te mahaa mai ana naa mee hakkaatoa. 3 Aa teenei tana saaita ku hiihai maa te taratara nei e tarataraina. Nau nei ni tukua TeAtua ki hakaea naa taratara nei, aa teenei nau ku hakaea atu i teenei se heuna e kaumai TeAtua, te tama e hakasao taatou.\n4 Nau e sissii te pas nei kiaa koe, Titus. Koe ku mee ma ko taku tino tama maaoni, i taaua e lotu hakapaa i TeAtua.✡ 2 Cor 8.23; Gal 2.3; 2 Tim 4.10\nNau e taku maa TeAtua Tamana ma Jesus Christ ki roorosi hakaraaoi kiaa koe ki noho hakaraaoi koe.\nNaa heuna Titus i Crete\n5 Koe ni tiiake nau i Crete ki hakatonutonu naa mee te lotu i te kina naa aa ku hakanoho ni tama hakamaatua i naa lotu i naa henua naa hakkaatoa. Hakamaarona lokoi ki aku taratara e kauatu nei: 6 Ttama e noho hakamaatua raa seai se tama haisara. Ttama naa ki mee tana aavana tokotasi; ana tamalliki raa ki lotu i TeAtua, aa laatou ki llono taratara ka see karamata kkaa. 7 I te tama hakamaatua te lotu e mmata i naa heuna TeAtua raa, a ia ki seai iloo ana sara. A ia ki see hakatanata maa ia se tama hakamaatua, see lotoloto nauhie, see unu sara, see haaeo, aa see kaimmate ki te mane. 8 A ia se tama e hakauru te kau tama ki loto tana hare. A ia se tama e hiihai ki te tiputipu e taukareka, e sosorina taukareka, e tautari ki naa taratara TeAtua, aa e iloa te hakatonu ana sosorina soko ia. 9 A ia ki tauhia a ia naa taratara e hanotonu ma naa taratara ni kauake TeAtua. I te ara nei raa a ia ma ki lavaa te saapai aaraa tama ki naa akonaki maaoni TeAtua. A ia ma ki hakailotia a ia naa tama see hakannoo ki ana taratara raa i naa vana laatou e ssara.✡ 1 Tim 3.2-7\n10 I te aa, te mee raa ku tammaki naa tama ku see hakannoo ki naa tama hakamaatua. Naa tama naa e taratara vvare ka usuhia laatou aaraa tama ki hakannoo ki naa taratara laatou. Te tiputipu nei e mahi i naa Jew teelaa ku ffuri no lotu. 11 Kootou ki puuia kootou naa taratara naa tama naa, i te lopo haanauna ku oti te hakarereesia laatou ki naa akonaki see ttonu. Naa tama naa e fiffai koi ma ki tauia laatou. 12 Teelaa se tama haka Crete, se tama koi i naa pure laatou, teelaa ni mee tana taratara peelaa, \"Naa tama i Crete raa ni tama maraa e taratara hakalellesi. Laatou e kailallao aa e matanaennae ma ko naa manu vao kaittama.\" 13 Teenei se taratara maaoni. Teenei ko te vana e taukareka maa koe ki nutua a koe naa tama naa hakaraaoi iloo, ki ttonu naa hakataakoto laatou, 14 aa ki tiiake laatou naa kkai naa Jew raa ma naa loo naa tama te maarama nei, teenaa ko naa tama ni hakakkeeina laatou te hakamaaoni TeAtua.\n15 Naa mee hakkaatoa e mataffua ki naa tama e mallama naa ora laatou; tevana iaa see hai mee e matahua ki naa tama e kerekkere aa see lotu. I te aa, naa mannatu naa tama naa ma naa hakataakoto laatou e kerekkere. 16 Naa tama naa e hai maa laatou e illoa i TeAtua, tevana iaa naa sosorina laatou e kkee ma naa sosorina TeAtua. Naa tama naa e lotoffaaeo i te kau tama ka see hakannoo ki naa taratara. Naa tama naa see tau te mee ni vana e taukalleka.","id":"","dump":"CC-MAIN-2017-39","url":"http:\/\/pngscriptures.org\/nho\/TIT01.htm","date":"2017-09-24T01:23:55Z","file_path":"s3:\/\/commoncrawl\/crawl-data\/CC-MAIN-2017-39\/segments\/1505818689823.92\/warc\/CC-MAIN-20170924010628-20170924030628-00158.warc.gz","language":"nho","language_score":1.0000076294,"language_script":"Latn","minhash_cluster_size":5,"top_langs":"{\"nho_Latn_score\": 1.0000076293945312}","num_words":909,"character_repetition_ratio":0.074,"word_repetition_ratio":0.0,"special_characters_ratio":0.237,"stopwords_ratio":0.584,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3 JOHN\nTTORU NAA PAS JOHN\nTE HAKATAAKOTO TE PAS NEI\nTe ttoru naa pas John raa ni sissia te \"Tama hakamaatua te lotu\" ki te maatua tokotasi te lotu e ttapa ma ko Gaius. Te tama e sissii te pas nei e taratara hakanau i Gaius i aa ia e tokonaki peenaa ki aaraa tama te lotu, aa e taratara hakaapo ake kiaa ia i te tama e ttapa ma ko Diotrefes.\nNaa takkoto naa taratara iloto te pas nei\nTe hakataakoto te pas 1–4\nGaius e hakanauria 5–8\nDiotrefes e taratara haaeoina 9–10\nDemetrius e hakanauria 11–12\nNaa taratara hakaoti. 13–15\n1\n1 A nau John,✡ Acts 19.29; Rom 16.23; 1 Cor 1.14 te tama hakamaatua te lotu, e sissii atu kiaa koe, Gaius, taku soa.\nTaku manava e llee iloo iaa koe.\n2 Taku soa nei, nau e taku maa oo vana katoo ki ttonu aa maa koe ki marooroo ka mata ora, i aa nau e iloa maa too hakataakoto e tonu. 3 Nau ni hiahia iloo i taku lono ana i naa taaina taatou nei maa koe koi tautari hakaraaoi iloo ki te hakamaaoni TeAtua, i aa nau e iloa maa koe e tautari peenaa ki te hakamaaoni TeAtua. 4 Nau e hiahia iloo i taku saaita ni lono maa aku tamalliki raa e tautari maaoni ki te hakamaaoni TeAtua.\nJohn e hakanau i Gaius\n5 Taku soa nei, nau e iloa maa koe e heheuna hakaraaoi iloo ma naa tama e lotu kootou hakapaa, niaaina maa naa tama naa ni horau. 6 Laatou ni taratara ake ki naa tama te lotu i te kina nei i too laaoi. Koe ku tokonaki ake hakaraaoi iloo ki hollau laatou ma te tiputipu TeAtua e hiihai. 7 I te aa, i te saaita naa tama naa ni kaamata te mee naa heuna Christ raa, laatou ni see tokonakina ake naa tama see lotu. 8 Taatou naa tama e lotu raa ki tokonaki ki laatou ki heheuna hakapaa taatou no tarataraina te hakamaaoni TeAtua.\nDiotrefes ma Demetrius\n9 Nau ni sissii taku pas ki te lotu naa, tevana iaa Diotrefes, te tama e hai maa ia raa ko te tama hakamaatua i te kina naa, see hiihai maa ia e hakannoo ki aku taratara. 10 Taku saaita ma ki hanatu raa, nau ma ki hakaari atu i ana vana katoo ni mee, teenaa ko ana taratara e hakallika aa ma ana taratara hakalellesi ni mee i maatou. Tevana iaa e mee aaraa vana aana ni mee; a ia see hiihai maa ia ki hanake no purepure ki naa tama e lotu taatou hakapaa teelaa e oo atu ki te kina naa. A ia maraa e kapitia hoki a ia naa tama e fiffai maa laatou ki pureppure ma naa tama e oo ake. Aa ki mee naa tama naa see hakannoo ki ana taratara, a ia maraa e huri no kerekereia laatou i te lotu.\n11 Taku soa nei, koe see tautari ki te tiputipu e hakallika; tautari ki te tiputipu e taukareka. Te tama e sosorina taukareka raa se tama TeAtua; te tama e sosorina hakallika raa ko te tama seki iloa i TeAtua.\n12 Naa tama katoo e taratara hakanau i Demetrius; te hakamaaoni raa hoki e sura i ana sosorina. Aa teenei maatou hoki e taratara hakanau iaa ia, aa kootou e illoa maa naa taratara maatou nei ni taratara maaoni.\nNaa purepure hakaoti\n13 Nau e mee aku lopo taratara e mee ki kauatu ki kootou, tevana iaa nau see hiihai maa nau e sissii atu naa taratara naa iloto naa laupepa. 14 Nau e ttari ki hanatu nau aa taaua ku taratara hakaraaoi.\n15 Koe ki noho hakaraaoi.\nOo soa i te kina nei e pureppure atu kiaa koe.","id":"","dump":"CC-MAIN-2017-39","url":"http:\/\/pngscriptures.org\/nho\/3JN01.htm","date":"2017-09-24T01:27:33Z","file_path":"s3:\/\/commoncrawl\/crawl-data\/CC-MAIN-2017-39\/segments\/1505818689823.92\/warc\/CC-MAIN-20170924010628-20170924030628-00278.warc.gz","language":"nho","language_score":1.0000061989,"language_script":"Latn","minhash_cluster_size":5,"top_langs":"{\"nho_Latn_score\": 1.0000061988830566}","num_words":600,"character_repetition_ratio":0.073,"word_repetition_ratio":0.0,"special_characters_ratio":0.24,"stopwords_ratio":0.565,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"EPHESIANS\nTE PAS PAUL KI NAA TAMA TE LOTU I EPISES\nTE HAKATAAKOTO TE PAS NEI\nTe Pas Paul ki naa tama i Epises e taratara mua lokoi i te \"hakataakoto TeAtua ki hakakkutu ake ana mee katoo ni penapena e takkoto i te lani ma te kerekere, no hakanoho Christ ki noho hakamaatua i naa mee naa hakkaatoa\". (1.10) Te pas nei e taratara hoki ki naa tama TeAtua ki tautari ki te hakataakoto naa ki nnoho hakapaa naa tama hakkaatoa i te maarama nei iloto te inoa Jesus Christ.\nNaa taratara mua e hakatuu mai i Te Pas Paul ki naa tama i Epises raa, ttama e sissii te pas nei e tarataraina a ia te ara te henua e hakapaaria TeAtua ki meemee hakapaa. A ia e taratara i te ara TeAtua e uii naa haisara te henua iloto te inoa Jesus Christ, Ttama TeAtua, ki hakassaoria te henua i naa mahi te haisara. Naa taratara naa e hakatuu hoki i te purepure hakamaatua TeAtua ni kauake ki naa tama te maarama nei, teelaa ni ttino i te saaita TeAitu Tapu raa ni kaavea mai. Te ssoa taratara te pas nei raa, Paul e hai ake ki naa tama i Epises raa ki mee te nnoho laatou e nnoho hakapaa ma Christ raa ki sura i te nnoho laatou no meemee hakapaa ki laatou.\nAa ki illoa hakaraaoi iloo naa tama naa i te nnoho naa tama TeAtua ma se tama tokotasi iloto te inoa Christ raa, Paul e kauake ana taratara raa ka hakatuu ki naa mee i te maarama nei: teenaa maa naa tama e lotu i TeAtua raa e mee ma se haitino te tama, aa Christ raa ko te pisouru; aa e mee ma se hare e hakatuu, aa Christ raa ko te pou hakamaatua; naa tama e lotu raa e mee hoki ma se ffine e aavana, teenaa Christ raa ko tana aavana. Te pas nei e hakatuu te lopo taratara iloo i te tiputipu nei, teenaa i ttama e sissii te pas nei ni usuhia naa tiputipu te manava laaoi TeAtua teelaa e takoto i Christ. Naa mee hakkaatoa e hakattii maarama mai iloto te laaoi Christ, te mate Christ, te manava aroha Christ, te manava laaoi Christ, aa te manava see iloa te ppena te vana e hakallika.\nNaa takkoto naa taratara iloto te pas nei\nTe hakataakoto te pas 1.1–2\nChrist ma naa tama te lotu 1.3—3.21\nTe ora hoou iloto Christ 4.1—6.20\nNaa taratara hakaoti 6.21–24\n1\n1 A nau Paul, se aposol Jesus Christ i te hiihai TeAtua, e sissii te pas nei ki kootou naa tama TeAtua e nnoho i Epises; kootou naa tama teelaa seai iloo ki tiiake te lotu kootou i Jesus Christ.✡ Acts 18.19-21, 19.1 2 Nau e taku ki roorosi hakaraaoi TeAtua, taatou Tamana, ma TeAriki Jesus Christ ki kootou, ki nnoho laaoi kootou.\nNaa mee e taukalleka TeAitu e takkoto i Christ\n3 Taatou ki hakanau i TeAtua, te Tamana TeAriki taatou, Jesus Christ! Naa mee katoo TeAitu e taukalleka teelaa e takkoto i te maarama i aruna i te lani raa ni kaumai TeAtua ki taatou, naa tama Christ. 4 Imua te mahaa mai ana te maarama nei raa, taatou kunaa hakamaatinoria are TeAtua ki mee taatou ma ni tama aana, teenaa i taatou e ttaka ma Christ. A Ia ni mee peenei ki ttapu naa ora taatou aa ki see hai sara taatou imua ana karamata.\nI aa Ia e laaoi i taatou, 5 TeAtua kunaa mee iloo tana maanatu maa taatou ma ki ppurutia a Ia ma ni tamalliki aana i taatou e tautari ki Christ. Teenei ko tana mee e hiihai aa e hiahia ai a Ia. 6 Taatou ki hakanau i TeAtua i te taukareka tana laaoi. A Ia ni hookii vare mai tana mee e taukareka, teenaa ko tana Tama e llee ai tana manava. 7 I te aa, taatou nei e hakassaoria te ttoo Jesus Christ, teenaa TeAtua ku see maanatu ki naa haisara taatou, i tana laaoi ki taatou e lasi iloo.✡ Col 1.14 8 Te laaoi TeAtua ni huri no kaumai ki taatou nei e lasi ffaaeo iloo!\nI aa Ia e atamai aa e iloa i te kau vana raa, 9 teenaa TeAtua ni haia a Ia tana vana ni maanatu ki mee. A Ia ni hakailoa mai ki taatou i tana hakataakoto teelaa ni see ilotia imua, aa teenei ku ttino maaoni i Christ. 10 Te mee TeAtua e maanatu ma ki haia hakaotina a Ia i tana saaita e vana maa e taukareka raa, a Ia ma ki hakakkutu ana mee hakkaatoa ni penapena, teenaa ko naa mee katoo i te lani ma te kerekere, aa Christ ku noho hakamaatua i naa mee naa.\n11 Naa mee hakkaatoa e haia ki hanotonu ma te hakataakoto TeAtua. Teenaa taatou ni hakamaatinoria TeAtua ma ni tama aana i taatou ni tama Christ, i teenaa ko te hakataakoto ni noho mai ma Ia imua iloo. 12 Teenei taatou, naa tama mua ni taaohi manava i Christ, taatou ki hakanau i naa mahi TeAtua!\n13 Aa kootou hoki ni mee ma ni tama TeAtua i te saaita kootou ni llono i te taratara maaoni, teenaa ko te Lono Taukareka ni kauatu te ara kootou ki hakassao. Kootou ni tuku ki naa vana Christ, teenaa ki tuku atu te hakailona TeAtua raa ki takoto i kootou, ki mattino maa kootou ni tama aana. Teenaa a Ia ni kauatu TeAitu Tapu teelaa ni purepure atu a Ia ki kootou imua. 14 TeAitu Tapu raa ko te hakailona TeAtua ki taatou, ki hakailoa mai maa taatou ma ki toa taatou se aa TeAtua ni purepure ake maa ana tama. Te mee nei e hakailoa mai hoki maa TeAtua ma ki mmata ki see heheuna hoki taatou ma ni poe aaraa tama. Taatou ki hakanau i ana mahi!\nPaul e taku ki TeAtua\n15 I taku saaita iloo ni lono maa kootou e lotu i TeAriki Jesus Christ aa i te laaoi kootou i naa tama hakkaatoa TeAtua raa, 16 nau ni seai iloo ki hakamotu i aku taku ka taratara hiahia ki TeAtua i kootou. Nau e maanatu peenaa ki kootou i aku saaita e taku, 17 ka mee ake ki te Atua taatou Ariki, Jesus Christ, te Tamana haimahi, ki kauatu TeAitu, te tama ma ki mee ki atammai kootou, aa teelaa ma ki hakaari atu i naa tiputipu TeAtua ki kootou ki illoa kootou iaa Ia. 18 Nau e taku maa naa hakataakoto kootou ki tarakina TeAtua ki kkite kootou i tana maasina, ki illoa kootou i te mee e taaohi manava ai kootou teelaa ni kannaatia ai kootou a Ia, aa ki kkite kootou i te llasi ana mee e taukalleka ni purepure maa ana tama. 19 Nau e taku hoki ki kkite kootou i ana heheuna haimahi iloto naa ora taatou, naa tama e lotu. Naa mahi e heheuna iloto taatou nei ko ana mahi 20 teelaa ni hakaari i tana saaita ni hakamasike Christ i te mate no hakanoho i tana vasi hakamaatau i te maarama i aruna i te lani.✡ Ps 110.1 21 Christ e noho hakamaatua i aruna naa tama hakamaatua i te lani; teenaa ko naa hakamau, naa tama haimmahi, aa ma naa ariki. Tana heuna nei e lasi are i naa heuna naa hakamau i te maarama nei ma te maarama hakamuri. 22 TeAtua ni tuku naa mee hakkaatoa ki takkoto i laro naa vae Christ, teenaa, hakanohoria iloo a Ia Christ ki noho hakamaatua i aruna te lotu ma naa mee hakkaatoa.✡ Ps 8.6 23 Naa tama e lotu raa, teenaa ko te haitino Christ; teenaa ko tana tinotama hakkaatoa, aa naa mee hakkaatoa i naa kina e haka kaatoaina a Ia.✡ Col 1.18","id":"","dump":"CC-MAIN-2017-39","url":"http:\/\/pngscriptures.org\/nho\/EPH01.htm","date":"2017-09-24T01:32:41Z","file_path":"s3:\/\/commoncrawl\/crawl-data\/CC-MAIN-2017-39\/segments\/1505818689823.92\/warc\/CC-MAIN-20170924010628-20170924030628-00284.warc.gz","language":"nho","language_score":1.0000087023,"language_script":"Latn","minhash_cluster_size":4,"top_langs":"{\"nho_Latn_score\": 1.0000087022781372}","num_words":1263,"character_repetition_ratio":0.069,"word_repetition_ratio":0.0,"special_characters_ratio":0.235,"stopwords_ratio":0.556,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2 JOHN\nSSOA TE PAS JOHN\nTE HAKATAAKOTO TE PAS NEI\nTe ssoa te pas John raa ni sissia te \"Tama hakamaatua te lotu\" ki \"te Ffine raa ma ana tamalliki\", teenei pee ko te kanohenua TeAtua e lotulotu i te kina naa. Naa tamaa taratara iloto te pas nei e taratara ma ki laaoi naa tama i te kina naa i aaraa tama, aa e taratara hakaapo hoki ki see tautari naa tama naa ki naa akonaki naa tisa hakalellesi e mee i te kina naa.\nNaa takkoto naa taratara iloto te pas nei\nTe hakataakoto te pas 1–3\nTe takoto hakamaatua te tiputipu te manava laaoi 4–6\nTaratara hakaapo ki see tautari ki naa akonaki hakalellesi 7–11\nNaa taratara hakaoti 12–13\n1\n1 A nau John, te tama hakamaatua te lotu, e sissii atu kiaa koe, te ffine ni hakamaatinoria TeAtua, aa ki oo tamalliki. Nau e llee maaoni iloo taku manava iaa koe, see mee ma ko nau koi; naa tama hakkaatoa e illoa i te hakamaaoni raa e llee naa manava laatou iaa koe. 2 I te aa, te hakamaaoni TeAtua raa e takoto i taatou, aa ma ki taka hakaoti maa maatou.\n3 Te laaoi, te aroha, aa ma te noho laaoi TeAtua Tamana ma Jesus Christ, tana Tama, ma ki takkoto i taatou iloto te hakamaaoni ma te manava laaoi.\nTe hakamaaoni ma te manava laaoi\n4 Nau ni hiahia iloo i taku lono ana maa aaraa tamalliki aau e takkoto iloto te hakamaaoni TeAtua, e mee koi pee ko naa taratara mai te Tamana ki taatou. 5 Aa teenei nau ku mee atu kiaa koe, te ffine nei: taatou katoo ki manava laaoi i aaraa tama. Teenei seai se taratara hoou e sissii atu nau nei; teenei ko te taratara ni llono taatou imua.✡ Jn 13.34, 15.12, 17 6 Te laaoi e tarataraina a nau nei e mee maa taatou ki tautari ki naa taratara hakamaatua TeAtua. Tana taratara, teelaa ni llono kootou imua, e mee maa kootou katoo ki nnoho ma te laaoi.\n7 Te lopo tama e taratara kailallao ku ttaka ki naa kina katoo i te maarama nei. Teenaa ko naa tama e huuina laatou te taratara e mee maa Christ ni tipu ake i te maarama nei ma se tamavare. Te tama peenaa se tama e taratara kailaarao, aa se tama e tautau haaeo ma Christ. 8 Kootou roorosi ki see maffana hua naa mee kootou ni heheuna ki too, kootou ma ki suia hakaraaoi iloo a Ia i naa heuna kootou e mee naa.\n9 Te tama e tautari ki tana tino hakataakoto aa see tautari tonu ki naa akonaki Christ raa, a ia see taka ma TeAtua. Te tama e tautari ki naa akonaki Christ raa iaa e ttaka hakapaa laatou ma te Tamana aa ma tana Tama. 10 Kootou ku illoa lokoi, ki mee se tama e sura atu ma ni taratara e kkee ma naa taratara nei, kootou ki see hakauru atu naa tama peenaa ki loto naa hare kootou; kootou see mee hoki maa kootou e oo atu no pureppure kootou. 11 Te tama e huri atu no purepure ki naa tama naa ma ki laavea hoki naa sosorina e hakallika naa tama naa.\nNaa taratara hakaoti\n12 Nau e mee aku lopo taratara ki kau atu ki kootou, tevana iaa nau see hiihai maa nau e sissii atu naa taratara nei iloto naa laupepa. Nau e ttari ki hanatu taku tino ki kootou ki taratara taatou hakaraaoi i naa mee nei ki mee taatou ki fiaffia hakkaatoa.\n13 Naa tamalliki too taina i te kina nei e pureppure atu kiaa koe.","id":"","dump":"CC-MAIN-2017-39","url":"http:\/\/pngscriptures.org\/nho\/2JN01.htm","date":"2017-09-24T01:31:54Z","file_path":"s3:\/\/commoncrawl\/crawl-data\/CC-MAIN-2017-39\/segments\/1505818689823.92\/warc\/CC-MAIN-20170924010628-20170924030628-00453.warc.gz","language":"nho","language_score":1.0000075102,"language_script":"Latn","minhash_cluster_size":6,"top_langs":"{\"nho_Latn_score\": 1.0000075101852417}","num_words":586,"character_repetition_ratio":0.079,"word_repetition_ratio":0.0,"special_characters_ratio":0.235,"stopwords_ratio":0.58,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2 THESSALONIANS\nSSOA TE PAS PAUL KI NAA TAMA TE LOTU I TESALONAIKA\nTE HAKATAAKOTO TE PAS NEI\nNaa pisouru naa tama te lotu i Tesalonaika raa ku vvare hakaoti i te lopo taratara aaraa tama e hai i te ahemai Christ. Ssoa te pas Paul ki naa tama i Tesalonaika raa e hakaahea a ia te taratara aaraa tama e hai maa te aso ni tukua ki au TeAriki raa kunaa pakuu iho are. Paul e sissii no hakatonusia a ia te taratara naa. Paul e taratara maa te saaita Christ seki ahemai raa, te tiputipu e hakallika raa ma ki hanake no lasi ffaaeo iloo, teenaa i ttama e taapaa ma ko 'te tama e hakallika' (2.3) raa e noho hakamaatua i te maarama nei. Ttama naa ma ki huri no taratara hakallika i Jesus Christ.\nPaul e sissii ake ki naa tama teelaa ma ki tokatoka i tana pas nei maa niaaina maa laatou e uru ki te kau haaeo ka hakallono isu raa, laatou ki lotu hakappuru lokoi. Teenaa laatou ki heheuna hakaraaoi pee ko ia ma naa tama e heheuna ma ia, ki taavi ni kaikai maa laatou, aa laatou ki hai peenaa ki te tiputipu e taukareka.\nNaa takkoto naa taratara iloto te pas nei\nTe hakataakoto te pas nei 1.1–2\nPaul e taratara hakanau 1.3–12\nNaa taratara i te saaita Christ ma ki au 2.1–17\nNaa akonaki i te tiputipu te tama e lotu maaoni 3.1–15\nNaa taratara hakaoti 3.16–18\n1\n1 A nau Paul, maatou ma Silas, aa ko Timothy e sissii atu te pas nei.✡ Acts 17.1\nMaatou e sissii atu ki kootou naa tama te lotu i Tesalonaika; kootou naa tama TeAtua te Tamana taatou, aa ko TeAriki Jesus Christ.\n2 Maatou e taku maa TeAtua ki roorosi hakaraaoi ki kootou ki nnoho laaoi kootou.\nTe Hakatonu TeAtua\n3 Naa taaina ma naa kave maatou nei, maatou e tau te taratara hiahia i te kau saaita ki TeAtua i kootou. E tonu maa maatou ki mee peenaa, i kootou ku lotu haimmahi iloo, aa te tiputipu te manava laaoi kootou i telaa tama raa ku lasi. 4 Teenaa ko te vana maatou e ahu peenaa i kootou iloto naa hare lotu TeAtua. Maatou e ahu i te nnoho hakalavatoa kootou ka lotu i te saaita kootou e hakallono isu i naa haaeo teelaa e llave i kootou.\n5 Naa vana nei e huri ake peelaa maa te hakatonu TeAtua raa e tonu, e mee maa kootou e tau te nnoho ma Ia i tana Nohorana, teenaa kootou e nnoho ka hakallono isu raa ko te mee naa. 6 TeAtua ma ki mee naa vana e ttonu: Naa tama teelaa ni hakkoro kootou ki hakallono isu raa ma ki haia a Ia ki hakallono isu hoki. 7 Teenaa kootou, naa tama e hakallono isu i te saaita nei, ma ki haia a Ia ki hakamannava kootou i naa haaeo naa, aa maatou hoki ma ki haia a Ia peenaa. A Ia ma ki mee tana vana nei i te saaita TeAriki Jesus ma ki hakasura iho i te lani ma ana ensol haimmahi. 8 A Ia ma ki hakasura iho ma te ahi e uraura kkava, teenaa naa tama e hakakkeeina laatou TeAtua aa see hii hakannoo ki te Lono Taukareka i TeAriki Jesus raa, naa tama naa ma ki haia a Ia ki hakallono isu laatou. 9 Naa tama naa ma ki hakkaitoaina ki te hakallono isu teelaa see lavaa te hakaoti mai. Laatou ma ki hakattaharia i naa karamata TeAriki taatou aa i tana maasina e lasi.✡ Is 2.10 10 Teenaa ko i-tana aso ma ki ahemai ki hakanau ana tama raa iaa Ia, aa ki lotu ake naa tama e illoa maaoni iaa Ia. Kootou hoki ma ki ffai i naa tama ma ki hakannau iaa Ia, i kootou ni hakataakoto i naa taratara maatou ni hakaea atu.\n11 Teenaa ko te vana maatou e taku peenaa maa kootou. Maatou e taku peenaa ki TeAtua ki tokonaki atu ki naa ora kootou, teenaa ki tau ma te ora teelaa ni aru atu ai Ia ma ki oomai kootou no too. Maatou e taku maa TeAtua ki tokonaki atu ki ana mahi ki hakasuratia kootou te tiputipu e taukareka teelaa e fiffai ai kootou, aa ki hakaotina naa heuna kootou ni mee tautari ki naa hakataakoto kootou i TeAtua. 12 I te ara nei raa, te inoa TeAriki taatou, Jesus, ma ki hakanauria i te tiputipu teelaa e takoto i kootou, aa kootou ma ki hakanauria hakapaa ma Ia. Naa vana nei e ssura peenei i teenei ko naa tiputipu te manava laaoi TeAtua taatou ma TeAriki Jesus Christ.","id":"","dump":"CC-MAIN-2017-39","url":"http:\/\/pngscriptures.org\/nho\/2TH01.htm","date":"2017-09-24T01:34:53Z","file_path":"s3:\/\/commoncrawl\/crawl-data\/CC-MAIN-2017-39\/segments\/1505818689823.92\/warc\/CC-MAIN-20170924010628-20170924030628-00469.warc.gz","language":"nho","language_score":1.0000090599,"language_script":"Latn","minhash_cluster_size":6,"top_langs":"{\"nho_Latn_score\": 1.0000090599060059}","num_words":758,"character_repetition_ratio":0.074,"word_repetition_ratio":0.0,"special_characters_ratio":0.233,"stopwords_ratio":0.579,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2 TIMOTHY\nSSOA TE PAS PAUL KI TIMOTHY\nTE HAKATAAKOTO TE PAS NEI\nTe ssoa te Pas Paul ki Timothy e mahi ki naa akonaki Paul ki Timothy, i Timothy se tamataane koi e heheuna hakapaa laaua. Te tahito taratara i te pas nei raa, teenaa Timothy ki heheuna hakalavatoa, niaaina maa aaraa tama e ffuri atu no mee pakavaina a ia. Timothy e akonakina ki sare hakaea a ia peenaa ki te henua i naa tiputipu Jesus Christ; a ia ki tautari ki naa akonaki maaoni te Lono Taukareka aa ma naa taratara te Laupepa Tapu, aa niaaina maa ia e ttiri i te kau haaeo raa, a ia ki mee ana heuna ma se tisa aa ma se tama e hakaea naa taratara TeAtua.\nPaul e hakaapo ake ki see hakauru atu Timothy ki naa tama \"e nnoho ka hakatauttau ki naa taratara vvare laatou\" (2.23) teelaa ma ki oti koi ku nnoho hakallika naa tama e hakannoo ki laatou.\nTeenaa Timothy e hakaarina ake i naa sosorina Paul, teenaa ko i-naa takoto tana lotu i TeAtua, i ana taka seemuu, i tana manava laaoi, i ana noho hakalavatoa ma naa haaeo, aa i ana mee pakavaina ka hakallono isu.\nNaa takkoto naa taratara iloto te pas nei\nTe hakataakoto te pas 1.1–2\nNaa taratara hakahiahia 1.3—2.13\nNaa akonaki ma naa taratara hakaapo 2.14—4.5\nTtiputipu i te noho Paul 4.6–18\nNaa taratara hakaoti 4.19–22\n1\n1 A nau Paul, se aposol Jesus Christ i te hiihai TeAtua. Nau ni heunatia mai TeAtua ki hakaea nau i te ora maaoni taatou ma ki too ki mee maa taatou e nnoho hakapaa ma Jesus Christ.\n2 Taku tama, Timothy. Nau e llee taku manava iaa koe.✡ Acts 16.1\nNau e taku maa te laaoi, te manava aroha, aa ma te noho laaoi TeAtua Tamana ma Jesus Christ ki noho ma koe.\nPaul e taratara hakahiahia\n3 Nau e hakahiahia i TeAtua te Tama e heheuna ai nau ma te hakataakoto e maarama, e mee pee ko aku tippuna imua. Nau e maanatu atu kiaa koe i te poo ma te ao, i aku taku ki TeAtua iaa koe. 4 Nau e maanatu ake iloo i oo tuu ka tani i te saaita taaua ni mavvae, teenei e hiihai iloo nau maa nau ki hanatu no mmata iaa koe, ki hiahia nau. 5 Nau e iloa maa koe se tama e lotu hakaraaoi iloo, e mee pee ko too tipuna Lois aa ko too tinna, Iunis. Aa nau e iloa maa koe koi taaohi ki too lotu naa.✡ Acts 16.1 6 Teenei ko taku vana e hiihai maa koe ki heheunatia koe naa mahi TeAtua ni kauatu kiaa koe i taku saaita ni taku ka hakapiri aku rima i aruna too pisouru. 7 I te aa, TeAitu Tapu ni kaumai TeAtua ki taatou raa ni see kaumai ma ki kiri mattaku taatou, seai. Taatou e haaoa TeAitu Tapu raa ki haimahi taatou, ki manava laaoi taatou i aaraa tama, aa ki mmata ake hakaraaoi taatou ki naa sosorina taatou.\n8 Koe ki see napa te hakaea ake ki aaraa tama i naa tiputipu TeAriki taatou. Nau ni ponotia ki loto te hare karapusi iaa nau e lotu i Ttama naa, teenaa koe ki see napa iaa nau. Taaua ki hakallono isu hakapaa i naa hakaea taaua te Lono Taukareka, i TeAtua ma ki tokonaki mai ki taaua. 9 Taatou ni hakasaoria no kannaatia TeAtua ki mee taatou ma ni tama aana. See mee maa i naa mee taukalleka taatou ni mee, seai. Teenaa ko na tiputipu tana hakataakoto ma tana manava aroha i taatou. TeAtua ni takoto tana manava aroha i taatou imua iloo. 10 Aa teenei taatou ku hakailotia TeAtua i te manava aroha naa, teenaa ko te hakasura iho ana Jesus Christ, Ttama e hakasao taatou. Ttama naa ku oti te seua a Ia naa mahi te mate no hakailotia a Ia te ora e ora hakaoti raa ki te Lono Taukareka.\n11 Nau ni tukua TeAtua ki heheuna nau ma se aposol aa ma se tisa ki hakaea te Lono Taukareka nei.✡ 1 Tim 2.7 12 Teenei nau e hakallono isu raa ko naa mee nei. Tevana iaa nau see napa, i te aa i aa nau e iloa hakaraaoi iloo i taku tama e taaohi manava ai. Nau e iloa maa Ia e lavaa te roorosi hakaraaoi iloo ki taku ora no tae ki te aso hakaoti.\n13 Taaohi ki naa taratara maaoni teelaa ni kauatu nau kiaa koe, aa koe ku tautari ki naa taratara naa. Taaohi ki too lotu naa aa koe ku manava laaoi i telaa tama i taatou e nnoho hakapaa ma Jesus Christ. 14 I loto naa mahi TeAitu Tapu teelaa e heheuna iloto taatou, koe ki taaohi ki naa mee e taukalleka teelaa ni kauatu ki roorosi koe.\n15 Koe ku oti te iloa maa nau ku oti te tiiake Figelus laaua ma Hermosenes, aa ma naa tama hakkaatoa te lotu iloto Asia.\n16 Nau e taku maa TeAriki ki aroha i te haanauna Onesiforus, i aa nau ni hakahiahiaria ttama naa i te lopo saaita. Ttama naa ni see napa maa nau e moe i te hare karapusi, 17 aa i tana saaita lokoi ni tae mai ki Rome raa, a ia ni ssee no lave iloo iaa nau. 18 Nau e taku maa TeAriki ki aroha iaa ia i te aso hakaoti. Koe e iloa hakaraaoi iloo i naa vana ttama naa ni mee kiaa nau i Epises.","id":"","dump":"CC-MAIN-2017-39","url":"http:\/\/pngscriptures.org\/nho\/2TI01.htm","date":"2017-09-24T01:21:36Z","file_path":"s3:\/\/commoncrawl\/crawl-data\/CC-MAIN-2017-39\/segments\/1505818689823.92\/warc\/CC-MAIN-20170924010628-20170924030628-00470.warc.gz","language":"nho","language_score":1.0000050068,"language_script":"Latn","minhash_cluster_size":5,"top_langs":"{\"nho_Latn_score\": 1.0000050067901611}","num_words":889,"character_repetition_ratio":0.058,"word_repetition_ratio":0.0,"special_characters_ratio":0.24,"stopwords_ratio":0.495,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"JAMES\nTE PAS JAMES\nTE HAKATAAKOTO TE PAS NEI\nTe Pas James e takkoto te kau taratara akonaki teelaa e sissii ki \"naa tama hakkaatoa TeAtua e ttaka masseu ki naa kina katoo i te maarama nei\". Te tama e sissii te pas nei e taratara hakaraaoi iloo ki mallama ana akonaki i naa tiputipu ma naa sosorina te tama e lotu. A ia e taratara i te kau vana pee ko te nnoho hai mane aa te nnoho hakaaroha, naa usuhia te tama i te vana e hakallika, te sosorina e taukareka, te maanatu hakallika i telaa tama, te hakataakoto te tama i TeAtua ma ana sosorina, te taratara ki te taratara e kee, te atamai maaoni, te hakatauttau ma aaraa tama, te manava e ahu ma te manava e taka seemuu, te hakatonutonu aaraa tama, te manava hikkahi, te noho e noho hakalavatoa, aa naa taratara i naa taku te tama.\nTe pas nei e taratara hakaraaoi iloo maa te hakataakoto te tama i TeAtua ki hanotonu ma ana sosorina, i teenaa ko naa tiputipu te tama e lotu maaoni.\nNaa takkoto naa taratara iloto te pas nei\nTe hakataakoto te pas nei 1.1\nTe lotu ma te atamai maaoni 1.2–8\nTe nnoho hai mane ma te nnoho hakaaroha 1.9–11\nKootou mmata ki see usuhia kootou ni vana e hakallika 1.12–18\nHakannoo ki te taratara no hakasura te tiputipu e tonu 1.19–27\nKootou ki see hirihiri tama 2.1–13\nTe lotu te tama ma ana sosorina 2.14–26\nTe tama e lotu ki hakamattoni ana taratara 3.1–18\nTe tama e lotu ma naa tiputipu te maarama nei 4.1—5.6\nTe kau akonaki 5.7–20\n1\n1 A nau James, se tama e heheuna maa TeAtua, aa maa TeAriki Jesus Christ.✡ Mt 13.55; Mk 6.3; Acts 15.13; Gal 1.19\nNau e sissii atu te pas nei ki kootou, te kanohenua TeAtua e ttaka masseu ki naa kina katoo i te maarama nei.\nTe lotu ma te atamai maaoni\n2 Aku taaina ma aku kave nei. Kootou ki fiaffia i naa ttiri kootou i te kau haaeo. 3 I te aa i kootou e illoa maa naa haaeo naa e hahaaite te haimahi naa hakataakoto kootou i TeAtua. Saaita naa hakataakoto kootou naa ma ki ttipu ake no haimmahi raa, kootou ma ki lavatoa te nnoho ma naa haaeo naa. 4 Kootou ki hakalavatoa te nnoho ma naa haaeo naa, ki see usuhia kootou no mee te lopo vana see ttonu, ki ttonu kootou aa ki kaatoa naa ora kootou. 5 Aa ki mee maa se tama i kootou see atamai, a ia ki taku ki TeAtua, i TeAtua ma ki kauake te atamai naa. I te aa, i TeAtua se tama e kaimaarie. A Ia e hookii vare ki naa tama katoo e kainnoo ake. 6 Tevana iaa, i too saaita e taku raa, koe ki iloa maa naa mee aau e kainnoo naa ma ki kauatu TeAtua. Koe seai iloo ki mamaanatu tammaki maa oo mee naa ma ki hainattaa te kauatu. Ttama e mamaanatu tammaki raa e mee pee ko naa hakahua naa peau i te moana i naa oko te matani. 7-8 Naa tama peenaa, teenaa see lavaa te hakatonu naa mannatu laatou aa see illoa maa laatou ki mee peehea; naa tama naa ki see mannatu maa laatou ma ki too ni mee maa laatou i TeAriki.\nNaa tama e hai mane ma naa tama e nnoho hakaaroha\n9 Naa tama te lotu e nnoho hakaaroha raa ki fiaffia i te saaita laatou e hakassuratia TeAtua maa laatou ni tama e hai hekau. 10 Aa naa tama te lotu e hai hekau raa ki fiaffia i te saaita laatou e hakassuratia TeAtua maa laatou ni tama e nnoho hakaaroha. I te aa, naa tama e hai hekau raa ma ki maaoha no mmate pee ko naa laakau vao. 11 Te laa raa e sopo ake ma te vvela no tuunia naa laakau e ssomo, teenaa naa kaute naa laakau naa ma ki mmate no maaoha ki laro, aa te tiputipu e hakaoti manava naa kaute naa ku seai. Peelaa hoki naa tama e hai hekau raa ma ki mmate i naa sassare laatou ka mee naa heuna laatou.✡ Is 40.6-7 (LXX)\nNaa hakataakoto taatou i TeAtua ma ki haaiteria\n12 Naa tama e hakataakoto tonu i TeAtua i naa saaita laatou e haaiteria raa, laatou ki fiaffia. Saaita laatou ku oti te hahaaiteria raa, laatou ma ki suia TeAtua ki tana ora ni purepure ake ki naa tama e laaoi iaa Ia. 13 Ki mee te henua e haaiteria ni haaeo peenaa, laatou ki see mee ni taratara maa laatou peelaa, \"Nau e hahaaiteria TeAtua.\" Seai. I te aa, TeAtua see lavaa te hahaaiteria te vana e hakallika, aa tana tino see iloa te hahaaite tama. 14 Tevana iaa te henua ma ki usuusuhia i te saaita laatou e ffuri no mee naa vana hakallika e oti manava ai laatou. 15 Teenaa naa vana hakallika e oti manava ai laatou naa ma ki oo ake no llasi ka hakassura naa haisara, aa te saaita naa haisara naa e oo ake no llasi, teenaa te mate ma ki sura.\n16 Aku taaina ma aku kave nei, kootou mmata ki see hakarereesia kootou. 17 Te kau mee e taukalleka taatou e ssura mai i te lani. Teenaa ni mee e oomai i TeAtua, te tama ni hakamaasina naa lamu te lani. A Ia see iloa te hurihuri ni vana maana ma ki hakapoouritia taatou. 18 I tana tino hiihai, taatou ni hakaoratia a Ia iloto naa mahi te taratara maaoni, ki nnoho taatou pee ko ana tama mua i ana mee katoo ni penappena.\nHakannoo ki naa taratara TeAtua\n19 Aku taaina ma aku kave nei. Kootou ki illoa maa naa tama katoo ki hakannoo hakaraaoi iloo ki naa taratara e kauake, tevana iaa laatou ki see osooso taratara ka palilliri naa maaisu laatou, aa laatou ki see lotolloto nauhie. 20 I te aa, te saaita te tama e loto raa, a ia ma ki see lavaa te hakasura te tiputipu e tonu TeAtua e hiihai. 21 Teenaa kootou ki tiiake naa sosorina e kerekkere kootou e hakamannani naa. Kootou ki tiiake hoki naa sosorina tippua kootou e mee naa, aa kootou ku tuku ki naa vana TeAtua. Kootou ku toa kootou naa taratara TeAtua e ppono ki loto naa hatumanava kootou, i kootou ma ki lavaa te hakasaoria naa taratara naa.\n22 Kootou see mee maa kootou e hakannoo koi ki llono kootou i ana taratara; kootou ki tautari hoki ki naa taratara naa. Kootou see hakalellesi ki kootou soko kootou. 23 Ttama e hakannoo koi ki naa taratara aa see tautari ki naa taratara naa raa, e mee pee ko te tama e ttoka i te mmata raa ki kite ia i ana tiputipu. 24 Aa i tana saaita ni hakataha i te mmata raa, a ia ku ssiri hoki i ana tiputipu. 25 Tevana iaa, te tama e ttoka hakaraaoi ki ilotia a ia naa Loo TeAtua e hakasao te tama raa, ttama naa ma ki haia hakaraaoina TeAtua i ana vana katoo e mee. I te aa, i aa ia e hakannoo hakaraaoi iloo ki naa Loo naa. A ia see mee maa ia e hakannoo koi aa ma ki oti ku ssiri, seai. A ia maraa e tautari ki naa Loo naa.\n26 E hai tama i kootou e maanatu maa ia se tama e lotu? Ki mee koe see roorosi hakaraaoi too maaisu, taau naa seai se lotu maaoni, aa koe naa ku hakareeresi kiaa koe soko kkoe. 27 Te lotu TeAtua Tamana e vana maa te lotu e matahua aa e maaoni raa e tiputipu peenei: Taatou ki tokonaki ki naa tamalliki ku oti te mmate naa maatua laatou aa ma naa puruna haahine ki see nnoho hakaaroha laatou. Taatou ki roorosi hoki ki see usuhia taatou no mee naa vana see ttonu te maarama nei.","id":"","dump":"CC-MAIN-2017-39","url":"http:\/\/pngscriptures.org\/nho\/JAS01.htm","date":"2017-09-24T01:31:01Z","file_path":"s3:\/\/commoncrawl\/crawl-data\/CC-MAIN-2017-39\/segments\/1505818689823.92\/warc\/CC-MAIN-20170924010628-20170924030628-00571.warc.gz","language":"nho","language_score":1.0000090599,"language_script":"Latn","minhash_cluster_size":5,"top_langs":"{\"nho_Latn_score\": 1.0000090599060059}","num_words":1280,"character_repetition_ratio":0.065,"word_repetition_ratio":0.016,"special_characters_ratio":0.241,"stopwords_ratio":0.604,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ROME\nTE PAS PAUL KI NAA TAMA TE LOTU I ROME\nTE HAKATAAKOTO TE PAS NEI\nTe Pas Paul ki naa tama i Rome nei ni sissii ki hakatonu hakaoti tana hano ma ki hano no mmata i te kanohenua TeAtua i Rome. A ia ni maanatu ki hano ia no heheuna hakamaarie ma naa tama TeAtua i te kina naa, aa ma ki oti naa tama naa ku tokonaki ake ki lavaa ia te hakataka no hano ki Spain. A ia ni sissii te pas nei ki taratara ia i tana iloa i naa tiputipu te lotu teelaa ki tauhia naa tama TeAtua, aa i naa heheunatia laatou te tiputipu naa iloto naa ora laatou. Te pas nei e takkoto naa taratara katoo Paul ni mee i te taratara nei.\nI loto te pas nei raa, a ia e purepure imua ki te kanohenua TeAtua i Rome, ka taratara ake i ana noho ka taku peenaa ki TeAtua i laatou. Ki oti raa a ia raa ku hakatuu te tahito taratara te pas nei: \"Naa tama e ttonu raa ma ki ora i laatou e lotu maaoni.\" (1.17)\nPaul ki oti raa ku ppono ake hoki aaraa taratara aana ki aruna tana tahito taratara nei. Naa tama hakkaatoa i te maarama nei, teenaa ko naa Jew e hakapaa katoo ma naa tama i naa matakaaina sara, e tau te hakattonu naa ora laatou ki ttonu ma TeAtua, i laatou hakapaa katoo e takkoto i laro naa mahi te haisara. Naa ora te henua e ttonu koi imua naa karamata TeAtua ki mee maa laatou e lotu maaoni i Jesus Christ. Ki oti raa Paul ku taratara i naa tiputipu te ora hoou iloto Jesus Christ, teelaa ku sura i TeAtua ku manava laaoi i naa tama te maarama nei. Te tama e lotu maaoni i Jesus Christ raa ku noho hakaraaoi ma TeAtua, teenaa a ia ku hakasaoria TeAitu TeAtua raa i naa mahi te haisara ma naa mahi te mate. Paul e taratara hoki i te sapta 5-8 i te hakataakoto naa Loo TeAtua aa ma naa mahi TeAitu TeAtua iloto te ora te tama e lotu i Jesus Christ. Ki oti raa a ia ku hai ki hakatonu te taratara maa peehea naa takkoto naa Jew aa ma naa tama i naa matakaaina sara raa iloto te hakataakoto TeAtua e mee maa naa tama hakkaatoa i te maarama nei. Paul e hakaoti ana taratara raa maa te ffuri naa Jew no hakakkeeina laatou Jesus raa, teenaa ni vana TeAtua e mee ki hakakkuturia mai naa tama katoo i te maarama nei ki llave i te manava aroha TeAtua teelaa e takoto i Jesus Christ, aa Paul e maanatu peelaa maa naa Jew raa ma ki see hakakkeeina laatou peenaa Jesus. Kimuri hakaoti raa Paul e sissii i naa tiputipu te tama e lotu maaoni i Christ raa ki taka ma ia, teenaa a ia e haimahi ana taratara i te vasi te manava laaoi i telaa tama. A ia e hakatahito ana taratara raa ki naa heheuna te henua ma TeAtua, naa sosorina naa tama te lotu ki te kaaman aa ki aaraa tama, aa naa taratara i te hakataakoto te tama. Paul e hakaoti tana pas nei ki ana purepure ki naa tama naa, ka mee ana taratara hakanau i TeAtua.\nNaa takkoto naa taratara iloto te pas nei\nTe hakataakoto te Pas aa te tahito taratara 1.1–17\nNaa tama katoo e haisara 1.18—3.20\nTe ara TeAtua e hakasao te tama haisara 3.21—4.25\nTe ora hoou iloto Christ 5.1—8.39\nTe hakataakoto TeAtua i te kanohenua Israel 9.1—11.36\nNaa sosorina te tama e lotu i Christ 12.1—15.13\nNaa taratara hakaoti ma naa purepure Paul 15.14—16.27\n1\n1 A nau Paul, se tama e heheuna i Jesus Christ. Nau ni kannaatia TeAtua no tukua ma se aposol ki hakaea tana Lono Taukareka.\n2 TeAtua ni tuku tana taratara imua iloo, ki tarataraina mai te Lono Taukareka nei ana pure, teenaa e takkoto iloto te Laupepa Tapu. 3 Te Lono Taukareka nei e taratara i tana Tama, Jesus Christ TeAriki taatou. A Ia ni tipu ake ma se tama te maarama nei, i te manava David. 4 A Ia ni tipu ake ma se Tama e tapu te lani, teenaa a Ia ni ilotia maa Ia raa ko te Tama TeAtua i tana saaita ni hakamasikeria i te mate. 5 Nau ni tukua TeAtua ki heheuna nau ma se aposol no haia naa heuna Christ, teenaa ki hakataea te Lono Taukareka raa ki naa tama naa kanohenua hakkaatoa, ki lotu laatou ka tautari kiaa Ia. 6 Kootou hoki, naa tama e nnoho i Rome, kootou ni kannaatia TeAtua ki tautari kootou i Jesus Christ.\n7 Teenei nau e sissii atu ki kootou hakkaatoa i Rome. Kootou ni kannaatia TeAtua ma ni tino tama aana, iaa Ia e laaoi i kootou.\nTeAtua Tamana ma TeAriki Jesus Christ ki roorosi atu ki kootou ki nnoho hakaraaoi kootou.\nPaul e hiihai maa ia ki hano no mmata i naa tama i Rome\n8 Teenei taku mee mua e mee ki taratara atu ki kootou. Nau e hakanau i taku Atua iloto naa mahi Jesus Christ, i te henua hakkaatoa e taratara maa kootou e lotu maaoni. 9 Nau e heheuna haimahi ki lavaa nau naa heuna TeAtua ni kaumai kiaa nau, teenaa ki hakaea nau te Lono Taukareka i tana Tama. TeAtua e iloa maa nau e taratara maaoni aa maa nau e noho ka mamaanatu peenaa ki kootou 10 i aku saaita katoo e taku. Nau e taku maa TeAtua, i tana hiihai, ki seeia mai taku ara ki hanatu nau no mmata i kootou.\n11 Nau e hiihai maa nau ki hakasura atu ki kootou no kauatu naa mahi TeAitu Tapu, ki lotu maaoni kootou. 12 Taatou ki tokonaki ki naa tama e lotu taatou hakapaa, ki mee peelaa, nau e tokonaki ki kootou aa kootou e tokonaki kiaa nau.\n13 Aku taaina, nau e hiihai maa kootou ki illoa, i aa nau e hai peenaa ma ki hakasura atu nau no mmata i kootou. Tevana iaa nau maraa e hakaapiapi i te kau vana. Nau e hiihai maa nau e hanatu no huria naa manava kootou ki lotu maaoni kootou, e mee pee ko nau ni mee ki naa tama i aaraa matakaaina.✡ Acts 19.21 14 Nau e heunatia mai TeAtua ki tokonaki nau ki te kau tama hakkaatoa. Nau see hakamaatino maa teenaa ni tama naa matakaaina e llasi aa ma ni tama naa matakaaina punaammea. Nau see hakamaatino hoki maa ni tama e atammai aa ma ni tama see atammai. 15 Teenei e hiihai ai nau ma ki hanatu nau no hakaea te Lono Taukareka nei ki kootou hoki i Rome.\nNaa mahi te Lono Taukareka\n16 Nau see napa maa nau e hakaea te Lono Taukareka TeAtua. I te aa, naa mahi TeAtua e takkoto i te Lono Taukareka nei. Teenaa ko naa mahi e lavaa te tokonaki ki ora naa tama hakkaatoa e lotu, e kaamata i naa Jew no hakaoti ki naa tama naa matakaaina e kkee.✡ Mk 8.38 17 Te Lono Taukareka nei e huri ake te tiputipu e tonu imua naa karamata TeAtua. Taatou ki lotu maaoni i TeAtua ki lavaa taatou te taapaa TeAtua maa ni tama e ttonu. Te Laupepa Tapu raa e hakatuu mai maa, \"Naa tama e ttonu raa ma ki ora i laatou e lotu maaoni.\"✡ Hab 2.4\nNaa tama hakkaatoa e mee naa haisara laatou\n18 TeAtua ma ki huri ake ana haaeo i te lani ki hakaitoaina naa tama haisara. Teenaa ko naa sosorina hakallika naa tama naa teelaa e see ilotia ai te hakamaaoni TeAtua. 19 Naa tama naa e haia TeAtua ki llono, iaa Ia ku oti te huri ake ana tiputipu ki laatou. 20 Kaamata i te saaita TeAtua ni pena te maarama nei no tae mai ki te ssao nei, te henua ni kkite hakkaatoa i naa takkoto ana mahi ma ana tiputipu. Ana mee ni penapena nei e huri mai ana tiputipu. Te henua hakkaatoa e hainauhie koi te illoa i naa tiputipu TeAtua. See hai tama e tau te taratara maa ia see iloa i naa tiputipu TeAtua. 21 Niaaina maa naa tama naa e illoa i TeAtua, laatou maraa see lotu ka hakanau iaa Ia. Laatou hoki see illoa te fiaffia i naa vana TeAtua e mee ki laatou. Naa vana nei see haia hakkaatoa naa tama naa. Naa pisouru laatou ku vvare hakaoti. Laatou ku see hai mannatu e takkoto i naa pisouru laatou, i naa manava vvare laatou naa ku oti te haaoa ki te poouri ana.✡ Eph 4.17-18 22 Naa tama naa e mee maa laatou e atammai, tevana iaa laatou ni tama e vvare. 23 Laatou e hakakkeeina laatou TeAtua no lotu ki naa aitu hakalellesi laatou e penappena. Laatou e penappena naa aitu naa ki tiputtipu ma ni tama, ma ni kata, ma ni manu lellere, aa ma ni manu vao ka lotu ai laatou.✡ Deut 4.16-18\n24 Laatou ku tiiake TeAtua ki hai laatou ki naa sosorina see ttonu laatou e kaimannako. Laatou ku see hakatonu naa tama e moemmoe ma laatou. Laatou ku hai huri koi ka mee pakava naa haitino laatou soko laatou. 25 Te hakamaaoni TeAtua raa ku oti te tiiake naa tama naa no hai laatou ki naa vana hakalellesi laatou e ffatu. Laatou ku ffuri no lotu ki naa mee laatou e penappena. Laatou ku see lotu ki te tama ni penapena naa mee hakkaatoa, teenaa ko Ttama taatou ki hakanau i te kau saaita. Amen.\n26 Teenei ko te vana laatou e tiiake TeAtua ki hai laatou ki naa sosorina see ttonu laatou e kaimannako. Naa haahine raa ku tiiake naa aavvana laatou no hai huri soko laatou. 27 Naa taanata raa hoki ku tiiake naa aavana laatou no hai huri soko laatou. Laatou e ttuu naa huru laatou koi i aaraa taanata ki mmoe ma laatou. Naa taanata raa ku hai te kau sosorina hakannapa ki aaraa taanata. Laatou ma ki haia ake TeAtua ki llono laatou i naa vana e hakannapa laatou e mee.\n28 Naa tama naa see fiffai maa laatou e illoa maaoni i naa tiputipu TeAtua, teenaa e ffana ai naa rima TeAtua i laatou, ki hai laatou naa vana hakannapa laatou e illoa maa see ttonu. 29 Naa manava laatou ku ppii ki te kau sosorina hakallika, sosorina tippua, sosorina kailaarao, aa ma aaraa sosorina see ttonu. Laatou e kaimanakotia laatou naa hekau aaraa tama, laatou e taa tama, laatou e tautau haaeo ma aaraa tama, laatou e taratara kailallao ka sosorina tippua hoki. Laatou e tupetupe tama, 30 laatou e hakkoro heaatuna, laatou e lotoffaaeo i TeAtua, laatou e maaisu sakkiri, laatou e hikkahi maa laatou e illoa i te kau vana, laatou e sessee ara ki ppena ni vana hakallika ma laatou. Laatou hoki see hakannoo ki naa maatua laatou. 31 Laatou see hai mannatu e atammai. Laatou see illoa te tautari ki naa taratara laatou ni tuku imua. Laatou see illoa te manava aroha i aaraa tama ka tokonaki ki naa tama naa. 32 Naa tama naa e illoa maa naa Loo TeAtua raa e mee maa naa tama e sosorina peenei e tau te haia ki mmate, tevana iaa laatou e hakamanani koi te mee naa mee naa. Laatou hoki e fiaffia i naa kkite laatou i naa tama sara e sosorina peenaa.","id":"","dump":"CC-MAIN-2017-39","url":"http:\/\/pngscriptures.org\/nho\/ROM01.htm","date":"2017-09-24T01:34:32Z","file_path":"s3:\/\/commoncrawl\/crawl-data\/CC-MAIN-2017-39\/segments\/1505818689823.92\/warc\/CC-MAIN-20170924010628-20170924030628-00575.warc.gz","language":"nho","language_score":1.0000089407,"language_script":"Latn","minhash_cluster_size":6,"top_langs":"{\"nho_Latn_score\": 1.0000089406967163}","num_words":1860,"character_repetition_ratio":0.074,"word_repetition_ratio":0.009,"special_characters_ratio":0.232,"stopwords_ratio":0.596,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"PHILIPPIANS\nTE PAS PAUL KI NAA TAMA TE LOTU I FILIPAI\nTE HAKATAAKOTO TE PAS NEI\nTe pas Paul ki naa tama i Filipai ni sissii ki naa tama te lotu mua Paul ni hakamasike i Masedonia; teenaa se matakaaina e takoto i laro te roorosi te kaaman Rome. Te aposol nei ni sissii tana pas nei i tana saaita ni moe iloto te hare karapusi. I te saaita naa raa, aaraa tama e lotu laatou hakapaa ni ffuri no taratara hakallika iaa ia, teenaa tana manava ni hakallika iloo i te kau taratara hakalellesi ku tarataraina iloto te lotu i Filipai. Tevana iaa iloto te pas nei raa, Paul e taratara i tana hiahia aa i te taukareka tana manava, i aa ia e iloa hakaraaoi iloo i Jesus Christ.\nPaul ni maanatu ki sissii tana pas nei ki naa tama te lotu i Filipai ki taratara ake i tana hiahia, i naa tama naa ni kkave ake ana mane i tana saaita ni noho see hai mee. I loto tana pas nei raa, Paul e hai ake ki naa tama naa ki seai iloo ki tiiake naa lotu laatou. Laatou ki see ssopo naa manava laatou maa i aa ia e moe iloto te hare karapusi, aa maa i naa haaeo e ttiri i laatou. A ia e hai atu ki ttaka laatou ma te tiputipu Jesus e meemee seemuu, aa ki see sosorina tautari naa tama naa ki naa vana hakatannata laatou e oti manava ai. A ia e hakasua ake ki naa tama naa maa te ora laatou iloto Jesus Christ raa, teenaa se taukareka e hookina ake TeAtua i tana manava aroha i laatou. Te ora naa ni hookina ake TeAtua i laatou e lotu maaoni; see mee maa i laatou ni tautari ki naa Loo naa Jew. Paul e sissii no taratara ake i te hiahia ma te laaoi TeAtua e hookii ki naa tama e ttaka ma Christ.\nTe pas nei e llasi ana taratara i naa tiputipu pee ko te manava hiahia, manava see ppore, te nnoho ma te manava tokotasi, aa te nnoho hakalavatoa iloto te lotu ma te ora naa tama TeAtua. Te pas nei e taratara hoki i te llee te manava Paul i naa tama TeAtua e nnoho i Filipai.\nNaa takkoto naa taratara iloto te pas nei\nTe hakataakoto te pas nei 1.1–11\nNaa vana ni ssura i Paul 1.12-26\nTe ora iloto Christ 1.27—2.18\nNaa vana ki haia Timothy ma Epafroditus 2.19–30\nNaa taratara hakaapo i naa tama hakallika ma naa haaeo ma ki ssura 3.1—4.9\nPaul ma ana soa i Filipai 4.10–20\nNaa taratara hakaoti 4.21–23\n1\n1 A nau Paul, maaua ma Timothy ni tama e heheuna maa Jesus Christ.✡ Acts 16.12\nMaaua e sissii atu te pas nei ki kootou naa tama hakkaatoa TeAtua e nnoho i Filipai, kootou naa tama e hakatina i Jesus Christ, aa ma naa tama hakamaatua te lotu ma naa tama e tokonaki ki naa heuna te lotu:\n2 Nau e taku maa TeAtua taatou Tamana, ma TeAriki Jesus Christ ki roorosi hakaraaoi ki kootou ki nnoho laaoi kootou.\nPaul e taku maa naa tama i Filipai\n3 Nau maraa e taratara hiahia i taku Atua i te kau saaita nau e maanatu ki kootou; 4 aa i te kau saaita nau e taku maa kootou raa, nau e taku ka hiahia 5 i te ara kootou ni tokonaki mai kiaa nau i aku hakaea te Lono Taukareka, kaamata mai iloo i te aso mua no tae mai ki te ssao nei. 6 Nau e iloa hakaraaoi iloo maa TeAtua, Ttama ni kaamata te heheuna taukareka iloto naa ora kootou, ma ki heheuna peenaa i kootou ki ttonu hakaoti naa ora kootou i te aso Jesus Christ ma ki ahemai. 7 Kootou e takkoto peenaa iloto taku hatumanava, teenaa e hanotonu koi ma te llee taku manava i kootou. I te aa i kootou ni tokonaki hakapaa mai kiaa nau i te heuna TeAtua ni kaumai kiaa nau i te saaita nei, i aa nau e moe iloto te hare karapusi nei aa i taku saaita hoki ni taka i haho ka hakaea te hakamaaoni te Lono Taukareka ki illoa hakaraaoi naa tama e lotu. 8 TeAtua e iloa iaa nau, aa e lavaa te taratara atu maa nau e taratara maaoni, teenaa i taku saaita e taratara ma te llee taku manava i kootou nei raa, teenaa se tiputipu e au i te manava Jesus Christ tana tino.\n9 Nau e taku peelaa maa te manava laaoi kootou i telaa tama ki tipu ake lokoi, teenaa ki illoa maaoni kootou i te tiputipu e tonu aa ki hakamattoni kootou i naa vana kootou e hai. 10 Teenaa ki ilotia kootou te tiputipu teelaa e taukareka. Aa i te aso Christ ma ki ahemai raa, naa ora kootou ma ki mataffua aa kootou ma ki see hai sara. 11 Naa ora kootou ma ki kaatoa ki naa tiputtipu e ttonu maaoni teelaa Jesus Christ soko Ia e lavaa te kauatu. Naa vana nei e ssura ki hakanau te henua i te haimahi TeAtua.\nTe ora maaoni e taka ma Christ\n12 Aku taaina ma aku kave nei, nau e hiihai maa kootou ki illoa maa te lopo tama ni usuhia ka oomai no illoa hakaraaoi iloo i te Lono Taukareka i laatou ni kkite i naa vana ni ssura iaa nau. 13 I te saaita nei raa, naa wasi katoo i te hare karapusi nei ma aaraa tama hakkaatoa i te kina nei ku illoa maa nau e tauhia i te hare karapusi nei i aa nau se tama e heheuna maa Christ.✡ Acts 28.30 14 Aa i aa nau e moe i te hare karapusi nei raa, te mahi ana naa taaina ma naa kave taatou ku ffuri no taaohi hakaraaoi iloo ki naa hakataakoto laatou i TeAriki. Teenaa te see ppore laatou naa e tipu ake lokoi i naa saaita laatou e hakaea naa taratara TeAtua.\n15 Ni maaoni, aaraa tama i laatou ni hakaea naa tiputipu Christ i laatou e manava hakallika iaa nau, aa naa tama naa e mee koi ma ki hakatauttau laatou ma aaraa tama. Aaraa tama iaa e hakaea ma te hakataakoto e tonu maaoni. 16 Naa tama naa e hakaea te Lono Taukareka raa ma te manava laaoi, i laatou e illoa maa TeAtua ni kaumai te heuna nei ki hakaea nau te hakamaaoni te Lono Taukareka. 17 Aaraa tama iaa see hakaea naa tiputipu Christ ma te hakataakoto e tonu. Naa tama naa e hakaea are ma naa manava kailallao, e fiffai koi maa te lopo haaeo ki ssura iaa nau i taku saaita e moe iloto te hare karapusi nei.\n18 See hai vana e sara! Nau e hiahia koi i te tiputipu naa. Niaaina maa e tarataraina maa te hakataakoto e tonu aa seai maa see tonu, te tiputipu Christ koi ki tarataraina ki te henua. Nau ma ki taka koi ka hiahia, 19 i te aa i aa nau e iloa maa nau ma ki hakasaoria, teenaa i kootou e taku peenaa i aa nau aa i TeAitu Jesus Christ e tokonaki kiaa nau. 20 Nau e noho hakaraaoi iloo ka mmata ki see napa nau i aku vana e mee nei, teenaa i te ssao nei aa i naa saaita katoo, nau ki seai iloo ki ppore te tarataraina a nau naa tiputipu Christ. Teenaa, niaaina maa nau koi ora aa seai maa nau ku oti te mate, Christ ma ki hakanauria i aku vana katoo e mee. 21 I te aa, Christ naa ko taku ora. Aa ki mee nau e mate, te mee naa e taukareka iaa. 22 Tevana iaa ki mee maa nau koi noho rooroa ake i te maarama nei raa, teenaa e mee maa nau ma ki mee te lopo heuna e taukalleka maa Christ. Teenei nau raa ku see iloa maa te tiputipu hea teelaa e taukareka. 23 Nau ku see iloa i aku hurihuri i naa hakataakoto e lua nei. Nau e hiihai iloo ma ki tiiake nau te ora i te maarama nei, ki hano nau no noho ma Christ, i teenaa te mee e taukareka iloo iaa nau; 24 tevana iaa i te vasi ki lavaa nau te tokonaki ki kootou raa, e taukareka maa nau ki noho rooroa ake i te maarama nei. 25 Nau e iloa hakaraaoi iloo i te mee nei, teenaa nau ma ki noho rooroa ake iloo i te maarama nei. Nau ma ki noho ake iloo ma kootou, ki hakattipu ake naa manava kootou ki fiaffia kootou. 26 Teenaa, i taku saaita ma ki ahe atu hoki ki kootou raa, kootou ma ki hai ahu iaa nau, i te aa i naa ora kootou e hakapaa ma Jesus Christ.\n27 Te mee hakamaatua raa, teenaa te tiputipu naa ora kootou ki hanotonu ma i naa kauatu naa taratara te Lono Taukareka Jesus Christ raa ki tautari kootou. Aa ki mee nau e lavaa te hanatu no mmata i kootou raa, nau ma ki iloa maa kootou e tuu mmau ma te hakataakoto tokotasi, aa maa kootou e heheuna hakapaa ki illoa hakaraaoi iloo te henua i te Lono Taukareka. 28 Kootou see mattaku i naa tama teelaa e hakatauttau ma kootou; kootou ki seai iloo ki ppore. Naa tama naa ma ki kkite maa laatou see ttae ki kootou, i teelaa ko TeAtua raa e tokonaki ki kootou ki haimahi kootou i aruna laatou. 29 I te aa, i TeAtua ni hiihai maa kootou ki haia kootou naa heuna Christ, see mee maa kootou e illoa koi iaa Ia; kootou e hakallono isu hoki i kootou e tautari kiaa Ia. 30 Teenei taatou ku llave hakapaa i naa haaeo nei. Teenei ko naa haaeo koi ni kkite kootou e hai mai ma nau imua, aa teenei koi llono kootou i aku hai i te saaita nei.✡ Acts 16.19-40","id":"","dump":"CC-MAIN-2017-39","url":"http:\/\/pngscriptures.org\/nho\/PHP01.htm","date":"2017-09-24T01:28:26Z","file_path":"s3:\/\/commoncrawl\/crawl-data\/CC-MAIN-2017-39\/segments\/1505818689823.92\/warc\/CC-MAIN-20170924010628-20170924030628-00583.warc.gz","language":"nho","language_score":1.0000077486,"language_script":"Latn","minhash_cluster_size":6,"top_langs":"{\"nho_Latn_score\": 1.0000077486038208}","num_words":1617,"character_repetition_ratio":0.073,"word_repetition_ratio":0.0,"special_characters_ratio":0.238,"stopwords_ratio":0.584,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 JOHN\nTE PAS MUA JOHN\nTE HAKATAAKOTO TE PAS NEI\nTe pas mua John raa e takkoto ana tahito taratara e lua. Te taratara mua raa, John e sissii ki naa tama ma ki tokatoka i te pas nei ki nnoho hakappae ki TeAtua ma tana Tama, Jesus Christ. Te ssoa te taratara raa, John e sissii ki naa tama naa no hakaapo ake ki see tautari laatou ki naa akonaki hakalellesi teelaa ma ki oti ku hakallika te nnoho laatou maa TeAtua. Te taratara naa tisa hakalellesi naa e akonaki ki te henua raa e mee maa te tiputipu e hakallika raa e sura i taatou e nnoho i te maarama nei, teenaa e mee maa Jesus, te Tama TeAtua, seai se tama te maarama nei. Naa tisa naa e akonaki maa te tama e hakattanaria ki see anaana ki tana ora i te maarama nei raa, ko te tama e hakasaoria no ora maaoni. Naa tama naa e hai hoki maa te ara TeAtua e hakasao te tama no ora raa, teenaa seai se mee e hano ma naa sosorina e ttonu te tama aa maa i ttama raa e laaoi i aaraa tama.\nKi sahea a ia naa akonaki naa tama naa raa, John e sissii atu maa Jesus Christ maaoni ni haanauria mai ma se tamavare te maarama nei. Teenaa John e taratara atu hakaraaoi iloo ki illoa laatou maa naa tama hakkaatoa teelaa e hakannoo ki naa taratara Jesus aa e laaoi i TeAtua raa ki laaoi hoki i aaraa tama.\nNaa takkoto naa taratara iloto te pas\nTe hakataakoto te pas 1.1–4\nTe maasina ma te poouri 1.5—2.29\nNaa tamalliki TeAtua ma naa tamalliki Satan 3.1–24\nTaratara maaoni ma te taratara see tonu 4.1–6\nNaa heheuna te laaoi 4.7–21\nTe hakataakoto e haimahi 5.1–21\n1\nJesus ko te Taratara te Ora\n1 Maatou e sissii atu i te Taratara te Ora. Te tama naa ni noho mai iloo i te kaamata. Maatou ni llono i ana taratara ka kkite hoki maatou i tana tino ki naa karamata maatou. Maatou hoki ku oti te ppaa naa rima maatou iaa Ia.✡ Jn 1.1 2 Saaita te ora nei ni hakatii maarama mai raa, maatou ni kkite hakkaatoa. Teenei e taratara atu ai maatou ki illoa kootou i te ora nei. Te ora nei ni noho ma TeAtua, aa teenei ku hakailotia mai TeAtua ki taatou.✡ Jn 1.14 3 Maatou e taratara atu naa vana maatou ni kkite ka llono. Kootou ki hakappae mai ki maatou ki nnoho hakapaa taatou maa te Tamana aa ma tana Tama, Jesus Christ. 4 Maatou e sissii atu naa taratara nei ki fiaffia maaoni iloo taatou.\nTeAtua raa ko te maasina\n5 Teenei te taratara maatou ni llono i tana Tama no hakaea atu ki kootou: TeAtua raa ko te maasina. See hai kina e poouri e takoto iaa Ia. 6 Ki mee taatou e taratara maa taatou e hakapaa ki TeAtua, aa taatou iaa e hai naa vana te poouri, taatou e taratara kailallao i naa taratara taatou maa naa sosorina taatou. 7 Aa ki mee taatou e ttaka ki te maasina pee ko Ia e taka iloto te maasina raa, taatou ma ki nnoho hakapaa ma telaa tama, aa naa ora taatou ma ki huihuia a Ia ki mataffua ki te ttoo tana Tama, Jesus Christ.\n8 Ki mee taatou e taratara maa taatou seai naa haisara taatou, taatou nei ku hakalellesi ki taatou soko taatou, teenaa te hakamaaoni raa see takoto i taatou. 9 Tevana iaa, ki mee taatou e hakaari naa haisara taatou ki TeAtua, a Ia ma ki tuku ki ana purepure ni takkoto imua no mee te vana e tonu: a Ia ma ki uii naa haisara taatou no huihuia a Ia naa ora taatou ki mataffua i te kau haisara taatou ni ppena. 10 Aa ki mee maa taatou e hai maa taatou ni seai naa haisara taatou ni ppena, teenaa TeAtua ku haia taatou ma se tama e taratara kailaarao, teenaa ana taratara raa see takkoto i taatou.","id":"","dump":"CC-MAIN-2017-39","url":"http:\/\/pngscriptures.org\/nho\/1JN01.htm","date":"2017-09-24T01:34:10Z","file_path":"s3:\/\/commoncrawl\/crawl-data\/CC-MAIN-2017-39\/segments\/1505818689823.92\/warc\/CC-MAIN-20170924010628-20170924030628-00628.warc.gz","language":"nho","language_score":1.0000083447,"language_script":"Latn","minhash_cluster_size":6,"top_langs":"{\"nho_Latn_score\": 1.0000083446502686}","num_words":656,"character_repetition_ratio":0.076,"word_repetition_ratio":0.0,"special_characters_ratio":0.234,"stopwords_ratio":0.561,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 THESSALONIANS\nTE PAS MUA PAUL KI NAA TAMA TE LOTU I TESALONAIKA\nTE HAKATAAKOTO TE PAS NEI\nTesalonaika raa ko te henua e lasi iloto te matakaaina Masedonia, aa te matakaaina naa e takoto i laro te roorosi Rome. Paul ni hakamasike te lotu raa i te kina naa i tana saaita ni hanake i Filipai. Ni see rooroa koi raa, naa Jew i te kina naa ni ffuri no sahea laatou Paul, i laatou e manava haaeo i naa lavaa Paul te hakaea naa taratara TeAtua raa ki naa tama i aaraa henua, i naa tama naa ku ffuri no lotu hoki i TeAtua. Teenaa kerekereia iloo laatou Paul ka hano ki Berea. Kimuri raa, i te saaita Paul ni tae ki Korint raa, a ia ni kaavea ake ana taratara Timothy, ttama e heheuna hakapaa ma ia, i te tiputipu teelaa ku sura i te lotu i Tesalonaika.\nTeenaa Te pas mua Paul ki naa tama i Tesalonaika raa ni sissii atu ki taukalleka naa manava naa tama te lotu i te kina naa. Paul e taratara hakahiahia ake i aa ia e lono maa naa tama naa e lotu maaoni aa te manava laaoi i telaa tama raa e sura hoki i laatou. A ia e hakasua ake hoki i naa tiputipu tana ora i tana saaita ni nnoho laatou. E mee naa tama i te lotu ni vasirisiri ma ki illoa laatou ma ki mee ma te tama e lotu, teelaa e mate imua te ahemai Christ, ma ki too te ora e takoto no takoto hakaoti. Naa tama naa e vasirisiri hoki maa Christ ma ki ahemai i te saaita hea. Teenaa Paul e sissii atu no hakaahe atu ana taratara i naa mee naa. A ia e taratara ake ki heheuna seemuu koi naa tama naa ka ttari ki ahemai Christ.\nNaa takkoto naa taratara iloto te pas nei\nTe hakataakoto te pas nei 1.1\nNaa taratara hakahiahia 1.2—3.13\nNaa sosorina ttama e lotu 4.1–12\nNaa taratara i te ahemai Christ 4.13—5.11\nNaa akonaki hakaoti 5.12–22\nNaa taratara hakaoti 5.23–28\n1\n1 A nau Paul, maatou ma Silas, aa ko Timothy e sissii atu te pas nei.✡ Acts 17.1\nMaatou e sissii atu ki kootou naa tama te lotu i Tesalonaika; kootou naa tama teelaa e tautari ki TeAtua Tamana ma TeAriki Jesus Christ.\nMaatou e taku maa TeAtua ki roorosi hakaraaoi ki kootou ki nnoho laaoi kootou.\nTtiputipu te ora ma te lotu naa tama i Tesalonaika\n2 Maatou e taratara fiaffia peenaa ki TeAtua i kootou, teenaa i naa saaita katoo maatou e taku raa, maatou e mannatu peenaa ki kootou. 3 Maatou e mannatu peenaa i naa heheuna tautari kootou ki naa hakataakoto kootou, i naa heheuna mmahi kootou i te llee naa manava kootou i aaraa tama, aa i naa lavatoa kootou te nnoho ka ttari ki TeAriki Jesus Christ.\n4 Naa taaina ma naa kave maatou nei, maatou e illoa maa TeAtua e llee tana manava i kootou, aa kootou naa ni ppurutia a Ia ma ni tino tama aana. 5 Saaita maatou ni hakaea atu te Lono Taukareka raa, maatou ni see mee maa maatou ni kauatu koi naa taratara naa; maatou ni huri atu hoki naa mahi TeAitu Tapu i maatou e illoa hakaraaoi iloo maa teenaa ni taratara maaoni TeAtua. Kootou e illoa i naa sosorina maatou i te saaita taatou ni nnoho hakapaa; maatou ni mee ki sura se taukareka i kootou. 6 Kootou ni tautari ki naa sosorina maatou ma TeAriki; aa niaaina maa kootou ni hai haaeoina ka hakallono isu raa, kootou ni fiaffia koi ka hakataakoto tonu ki naa taratara TeAtua, i TeAitu Tapu raa e taka ma kootou.✡ Acts 17.5-9 7 Teenaa naa tama katoo e lotu teelaa e nnoho i Masedonia ma Akaia raa ma ki ttoka atu i naa sosorina kootou aa laatou ku tautari. 8 Naa tama i Masedonia ma Akaia raa ni see mee koi maa laatou ni llono i naa taratara TeAtua i laatou e kkite i naa sosorina kootou, seai. Naa tama i naa kina hakkaatoa ni llono i naa takkoto naa hakataakoto kootou i TeAtua. Teenaa maatou ku see tau te mee hoki ni taratara peelaa, i te henua ku oti te llono hakkaatoa. 9 Naa tama naa hakkaatoa e hakaea i te fiaffia kootou i maatou i te saaita maatou ni oo atu no mmata i kootou. Naa tama naa e hakaea hoki i naa ffuri kootou no tiiake naa aitu hakalellesi naa no lotu ki TeAtua teelaa e ora maaoni, 10 aa i te nnoho kootou ka ttari ki te saaita te Tama TeAtua raa e ahemai. Teenaa ko Jesus, te tama ni hakamasikeria TeAtua i te mate. Taatou nei e hakassaoria a Ia i naa haaeo TeAtua teelaa ma ki oti ku pakkuu iho.","id":"","dump":"CC-MAIN-2017-39","url":"http:\/\/pngscriptures.org\/nho\/1TH01.htm","date":"2017-09-24T01:24:46Z","file_path":"s3:\/\/commoncrawl\/crawl-data\/CC-MAIN-2017-39\/segments\/1505818689823.92\/warc\/CC-MAIN-20170924010628-20170924030628-00644.warc.gz","language":"nho","language_score":1.0000072718,"language_script":"Latn","minhash_cluster_size":6,"top_langs":"{\"nho_Latn_score\": 1.0000072717666626}","num_words":784,"character_repetition_ratio":0.066,"word_repetition_ratio":0.0,"special_characters_ratio":0.229,"stopwords_ratio":0.578,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 TIMOTHY\nTE PAS MUA PAUL KI TIMOTHY\nTE HAKATAAKOTO TE PAS NEI\nTimothy se tama taane e tautari ki Christ e noho i Asia Minor. Tana tinna raa se Jew aa tana tamana raa se Greek. A ia se tama e heheuna tokonaki ki Paul i naa heuna te lotu. Te Pas mua Paul ki Timothy e hakatuu naa tahito taratara e toru.\nTe pas nei e mua taratara hakaapo ki Timothy ki poopoo tonu i naa akonaki hakalellesi aaraa tama e hai iloto te lotu i tana kina e noho naa. Te pas nei e taratara maa naa akonaki naa, teenaa ni hakataakoto naa Jiu aa ma naa tama seai maa ni Jiu, aa e hakatahito ki te maanatu laatou maa naa mee katoo i te maarama nei ni mee e hakallika; teenaa maa e mee naa vana huu e hakamaatua te henua ki illoa, ki lavaa laatou te hakassaoria TeAtua, aa laatou hoki ki mattino naa kaikai laatou ki see kkai aa laatou ki see aavvana. Te ssoa te taratara raa, te pas nei e taratara i te ara ki heheuna hakaraaoi naa vana iloto te lotu aa i te tiputipu e tonu ki hakasura iloto te lotu; aa te tiputipu ki tauhia naa tama hakamaatua aa ma naa tama e mee naa heuna te lotu raa, e tarataraina hoki iloto te pas nei. Te taratara hakaoti raa, teenaa Paul e akonaki ake ki Timothy i te tiputipu ki tauhia Timothy ki mee ia ma se tama e heheuna taukareka i Jesus Christ. Paul e hakaari ake hoki i naa heuna Timothy ki mee ki naa tama te lotu TeAtua.\nNaa takkoto naa taratara iloto te pas nei\nTe hakataakoto te pas 1.1–2\nNaa taratara i naa tiputipu te lotu aa naa tama hakamaatua te lotu 1.3—3.16\nTimothy e hakaarina ake ki iloa i ana heuna 4.1—6.21\n1\n1-2 A nau Paul e sissii atu kiaa koe Timothy, taku tama maaoni iloto te lotu. Nau nei e tukua TeAtua, ttama e hakasao taatou, aa ko Jesus Christ, ttama e taaohi manava ai taatou, ki heheuna nau ma se aposol Jesus Christ.✡ Acts 16.1\nNau e taku maa te manava laaoi aa te manava aroha TeAtua Tamana ma Jesus Christ te Ariki taatou, ki taka ma koe ki noho koe hakaraaoi.\nKoe ki poopoo tonu i naa akonaki hakalellesi\n3 Nau e hiihai maa koe ki noho i Epises, e mee pee ko nau ni taratara atu i taku saaita ni hakaraka ka hano ki Masedonia. E mee aaraa tama i te kina naa e akonaki te henua ki naa taratara hakalellesi, teenaa nau e hiihai maa koe ki noho ki taratara ake koe ki naa tama naa ki kaaoti. 4 Vanaatu ki naa tama naa ki tiiake naa kkai naa tippuna laatou naa aa ma naa hakateretere laatou i naa manava naa tippuna laatou, i teenaa ko naa taratara maraa e hakkoro heaatuna; naa vana naa tama naa see hanotonu ma te hakataakoto TeAtua. Te hakataakoto TeAtua e ilotia koi te tama e lotu maaoni. 5 Koe ki vanaake ki naa tama naa ki kaaoti, ki hakasura ake te manava laaoi teelaa e sura koi i ttama e matahua tana hatumanava, e maarama tana hakataakoto, aa e lotu maaoni. 6 Aaraa tama i laatou ku oti te tiiake laatou te tiputipu nei ka ffuri no hai ki naa taratara vvare laatou. 7 Naa tama naa e fiffai iloo maa laatou ki mee ma ni tisa naa Loo TeAtua, tevana iaa naa tama naa see illoa i naa tino taratara laatou aa ma naa taratara laatou e mee maa laatou e illoa maaoni naa vana naa.\n8 Taatou e illoa maa naa Loo raa e taukalleka ki mee maa naa Loo naa e tautari tonu ina. 9 Taatou e illoa hoki maa naa Loo raa ni see kaumai maa naa tama e sosorina taukalleka, seai. Naa Loo raa ni kaumai are maa naa tama e hakallika see llono taratara, naa tama haisara see illoa i TeAtua, naa tama see lotu, naa tama e taa naa tammana maa naa tinna laatou, naa tama e taa tama, 10 naa tama e hai huri maa naa aavana aaraa tama, naa taanata e moemmoe maa aaraa taanata, naa tama e huuhuu tama, naa tama e taratara hakalellesi aa e taratara kailallao i aaraa tama, aa ma naa tama e hai ki te kau vana teelaa see hanotonu ma naa akonaki maaoni TeAtua. 11 Naa akonaki naa e takkoto iloto naa taratara TeAtua teelaa ni tukua mai ki hakaea nau. Teenaa ko te Lono Taukareka e au i TeAtua Te Laaoi.\nTe manava laaoi TeAtua i Paul\n12 Nau e taratara hakahiahia i Jesus Christ, te Ariki taatou, iaa Ia ni tokonaki mai ki haimahi nau i aku heuna e mee nei. Nau e hiahia iaa Ia e mmata maa nau e tau ma ana heuna nei, teenei nau ku tukua a Ia ki heheuna nau iaa Ia. 13 Niaaina maa nau ni taratara hakallika iaa Ia ka mee pakavaina Ia aa ka sasaakiri iaa Ia imua raa, TeAtua ni aroha koi iaa nau, i te aa, i aa nau seki lotu are i te saaita naa, teenaa nau ni see iloa i aku vana ni mee naa.✡ Acts 8.3, 9.4-5 14 Taku manava ni haaoa peenaa TeAtua taatou raa ki tana manava aroha, aa nau hoki ni haia a Ia ki lotu maaoni nau iaa Ia aa ki manava laaoi nau i aaraa tama iloto te inoa Jesus Christ. 15 Teenei ni taratara hakamaaoni te henua hakkaatoa ki hakataakoto ki naa manava laatou: Jesus Christ ni au ki te maarama nei no hakassaoria naa tama e mee naa sara laatou. Nau nei ko te tama iloo e hakallika i naa tama naa. 16 Tevana iaa TeAtua ni manava aroha iaa nau, iaa Ia e hiihai maa te henua hakkaatoa ki kkite i naa tiputipu te manava Jesus Christ i ana noho hakalavatoa ma nau, te tama e hakallika i naa tama hakkaatoa, aa laatou ku illoa maa laatou hoki e lavaa te lotu iaa Ia ka too te ora e ora hakaoti! 17 Te henua ki see hakamotu te lotu ka hakanau i TeAtua soko Ia i naa saaita hakkaatoa. A Ia naa ko te Ttuku e noho no noho hakaoti, see lavaa te mate aa see kiitea! Amen.\n18 Timothy, taku tama. Nau ku kauatu naa akonaki nei ki takkoto iaa koe. Naa taratara nei e hanotonu ma naa taratara naa pure TeAtua ni mee iaa koe imua. Tautari ki naa taratara nei ki see mataku koe te tuu atu ki naa tisa hakalellesi naa. 19 Koe ki lotu tonu ki TeAtua aa too hakataakoto ki maarama. E mee aaraa tama ku see tautari ki naa hakataakoto laatou, teenaa te illoa laatou i TeAtua raa ku seai hakaoti. 20 Himenius laaua ma Alexander e ffai i naa tama naa. Te takarua naa ku oti te kauake nau ki Satan, teenaa ki mee pakavaina laaua aa laaua ku kaaoti te taratara hakalellesi i TeAtua.","id":"","dump":"CC-MAIN-2017-39","url":"http:\/\/pngscriptures.org\/nho\/1TI01.htm","date":"2017-09-24T01:20:53Z","file_path":"s3:\/\/commoncrawl\/crawl-data\/CC-MAIN-2017-39\/segments\/1505818689823.92\/warc\/CC-MAIN-20170924010628-20170924030628-00645.warc.gz","language":"nho","language_score":1.0000084639,"language_script":"Latn","minhash_cluster_size":5,"top_langs":"{\"nho_Latn_score\": 1.000008463859558}","num_words":1145,"character_repetition_ratio":0.08,"word_repetition_ratio":0.0,"special_characters_ratio":0.23,"stopwords_ratio":0.579,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2 PETER\nTE SSOA TE PAS PETER\nTE HAKATAAKOTO TE PAS NEI\nTe ssoa te pas Peter raa e sissii ki te lopo tama te lotu imua. I loto tana pas nei raa, Peter e taratara ake ki naa tama naa ki see hakannoo ki naa taratara naa tisa hakalellesi, aa ki see tautari atu laatou ki te tiputipu hai huri teelaa ku sura i naa akonaki naa tama naa. Peter e taratara ake ki tauhia laatou te iloa TeAtua maaoni aa TeAriki Jesus Christ, teenaa ko te iloa teelaa ni kauake naa tama ni kkite ki naa tino karamata laatou i Jesus aa ni llono hoki i ana akonaki. Peter e mamaanatu tammaki i naa akonaki naa tama teelaa e hai maa Christ ma ki see ahemai. A ia e taratara ake maa Christ see vave ahemai raa i TeAtua \"see hiihai maa se tama ki mate; a Ia e hiihai maa naa tama katoo ki ffuri naa manava laatou no tiiake naa haisara laatou.\" (3.9)\nNaa takkoto naa taratara iloto te pas nei\nTe hakataakoto te pas 1.1–2\nTe tiputipu TeAtua e hiihai ki sura i naa tama te lotu 1.3–21\nNaa tisa hakalellesi 2.1–22\nTe saaita Christ ma ki ahemai 3.1–18\n1\n1 A nau, Simon Peter, se tama e heheuna maa Jesus Christ, aa nau hoki se aposol aana.\nNau e sissii atu te pas nei ki kootou, naa tama ni kauake naa tiputtipu e ttonu TeAtua aa ma te tama e hakasao taatou, Jesus Christ, ki lotu pee ko maatou i Jesus Christ.\n2 Kootou ki nnoho hakaraaoi iloo ma te laaoi TeAtua, i kootou e illoa maaoni i TeAtua ma Jesus Christ, TeAriki taatou.\nKootou ki sosorina maa ni tama ni kannaatia TeAtua\n3 Taatou ni kaumai naa mee hakkaatoa iloto ana mahi hakamaatua. Teenaa ko naa mee taatou e ssee ki tokonaki ki naa ora taatou ki nnoho taatou ma ko naa tama e lotu maaoni. I te aa i taatou ku oti te oomai no illoa i TeAtua, te tama ni kannaatia a Ia taatou ki oo ake no kkite i ana mahi ma tana taukareka. 4 Teenei ko te ara nei ni kaumai ai a Ia ana mee hakamaatua teelaa ni purepure mai a Ia ki taatou, ki tauhia taatou te tiputipu e tapu TeAtua aa ki see usuhia taatou no mee naa vana e kerekkere te maarama nei.\n5 Teenaa kootou ki hakappuru ki hakapaa te tiputipu e taukareka raa ma naa hakataakoto kootou i TeAtua, aa ki te tiputipu e taukareka raa, kootou ki hakapaa atu ma te illoa kootou iaa Ia; 6 aa ki te illoa kootou naa, kootou ki hakapaa atu ki te lavaa kootou te hakattonu naa sosorina kootou; ki te lavaa kootou te hakattonu naa sosorina kootou naa, kootou ki hakapaa atu te nnoho hakalavatoa ka ttari ki te ahemai TeAriki; aa ki te nnoho hakalavatoa ka ttari raa, kootou ki hakapaa atu te manava TeAtua; 7 aa ki te manava TeAtua, kootou ki hakapaa atu te hai taina laaoi aa te hai kave laaoi; aa ki te hai taina laaoi ma te haikave laaoi raa, kootou ki hakapaa atu ki te llee naa manava kootou i naa tama hakkaatoa. 8 Teenei naa tiputtipu ki tauhia kootou ki ttipu ake iloto naa manava kootou, aa ki mee kootou e tauhia maaoni kootou naa tiputtipu nei, naa tiputtipu nei ma ki takkoto haimmahi iloto naa manava kootou. Teenaa te iloa kootou i TeAriki taatou, Jesus Christ, ma ki sura i naa ora kootou. 9 Aa ki mee ni tama see ssura naa tiputtipu nei, teenaa ko laatou ku see lavaa te kkite hakammao, naa karamata laatou ku mee ma e ppuni. Naa tama naa ku ssiri maa Christ ku oti te uiia a Ia naa haisara laatou ni mee imua.\n10 Aa teenaa, kootou aku taaina ma aku kave nei, kootou ki hakappuru ki haia kootou naa tiputtipu teelaa ma ki huri ake peelaa maa kootou ni kannaatia maaoni TeAtua ki tautari kootou kiaa Ia, aa maa kootou ni tukua a Ia ki nnoho kootou pee ko tana kanohenua. Ki mee maa kootou e haia kootou naa vana nei, teenaa naa hakataakoto kootou i TeAtua naa ma ki see lavaa iloo te tiiake. 11 I te ara nei raa kootou ma ki hakauruhia hakaraaoina iloo TeAtua ki loto te nohorana TeAriki Jesus Christ, te tama e hakaora taatou, teenaa ko te nohorana e takoto no takoto hakaoti.\n12 Niaaina maa kootou ku oti te llono i naa taratara nei ka tauhia kootou te hakamaaoni ni kauatu ki kootou raa, nau ma ki hakahekahe atu koi naa taratara nei. 13 I taku saaita koi ora nei, nau e maanatu maa e tonu ki hakahekahe atu nau naa taratara nei ki see ssiri kootou. 14 Nau e iloa maa taku mate ku taupiri. TeAriki Jesus Christ ku oti te hakaari mai hakaraaoi iloo kiaa nau. 15 Teenaa nau ma ki heheuna hakappuru iloo ki lavaa kootou te hakamaarona i aku taratara nei. Taku saaita ku oti te mate raa, kootou ku mannatu lokoi ki aku taratara nei.\nTe maasina TeAtua e takoto i Christ\n16 Naa taratara maatou ni kauatu i te au taatou Ariki, Jesus raa, teenaa seai maa ni taratara hatu koi maatou ni llono. Seai. Maatou ni kkite i Jesus Christ ki naa tino karamata maatou. 17 Maatou ni ttuu ma Jesus Christ i te saaita TeAtua Tamana ni taratara hakanau mai i Jesus i te lani peelaa, \"Teenei taku tama hakasere e llee ai taku manava!\" Te haitino Jesus ni maasina katoo i te saaita TeAtua ni taratara mai peenaa. 18 Maatou takatoru ni llono i naa kaumai te taratara naa i te lani i te saaita maatou ni ttuu ma Jesus i aruna te mouna e tapu.✡ Mt 17.1-5; Mk 9.2-7; Lk 9.28-35\n19 Maatou nei ku illoa maaoni maa naa taratara ni kaumai naa pure TeAtua raa ni taratara maaoni. E taukareka maa kootou ki tautari ki naa taratara naa, teenaa i naa taratara naa e mee ma se lamu e ura i te kina e poouri no tae ki te tahaata, i te saaita te hetuu te tahaata raa e too tana maasina iloto naa hatumanava kootou.\n20 Tevana iaa teenei te mee hakamau kootou ki hakamaarona lokoi. See hai tama ma ki lavaa te ilotia a ia soko ia te hakataakoto se taratara i naa taratara purepure e takkoto i te Laupepa Tapu. 21 I te aa, see hai taratara i naa taratara purepure ni kaumai naa pure TeAtua raa e hakatahito i te hakataakoto te tama. Seai. Naa tama ni kaumai naa taratara naa, teenaa ni tama ni tauria naa mahi TeAitu Tapu i te saaita laatou ni hakaea mai naa taratara naa.","id":"","dump":"CC-MAIN-2017-39","url":"http:\/\/pngscriptures.org\/nho\/2PE01.htm","date":"2017-09-24T01:35:14Z","file_path":"s3:\/\/commoncrawl\/crawl-data\/CC-MAIN-2017-39\/segments\/1505818689823.92\/warc\/CC-MAIN-20170924010628-20170924030628-00646.warc.gz","language":"nho","language_score":1.0000092983,"language_script":"Latn","minhash_cluster_size":6,"top_langs":"{\"nho_Latn_score\": 1.000009298324585}","num_words":1093,"character_repetition_ratio":0.085,"word_repetition_ratio":0.0,"special_characters_ratio":0.228,"stopwords_ratio":0.577,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"COLOSSIANS\nTE PAS PAUL KI NAA TAMA TE LOTU I KOLOSE\nTE HAKATAAKOTO TE PAS NEI\nTe Pas Paul ki naa tama i Kolose ni sissii ki te lotu i Kolose, teenaa se matakaaina e tuu iloto Asia. Te lotu i te kina naa ni see kaamataria Paul, tevana iaa i te saaita Paul ni noho i Epises, te henua e lasi i Asia raa, a ia ni heuna ana tama ka oo no mee naa heuna laatou i naa matakaaina vaakina naa. Teenaa naa tama naa ni ttae atu hoki ki Kolose. Paul ni lono maa e ttaka naa tisa hakalellesi i te lotu i Kolose, teenaa maa naa tisa naa e hai ma ki mee te henua e fiffai maa laatou ki illoa i TeAtua aa ki hakassaoria hakaraaoina laatou, e mattino naa \"aitu hakamaatua\" laatou ki lotu. Naa tisa naa hoki e hai maa te henua ki ssere naa kina laatou aa laatou hoki ki tautari ki naa loo e taratara i naa kaikai e taukalleka ki kkai aa ma aaraa vana hoki.\nPaul e sissii te pas nei ki sahea naa taratara naa tama naa aa ku kauake naa taratara maaoni Christ. Tana tahito taratara raa e mee maa Jesus Christ e lavaa te hakasao te tama no ora, teenaa maa te henua ma ki hakkeeina no mmao i Jesus Christ ki mee maa laatou e hakannoo ki naa taratara naa tisa hakalellesi naa. TeAtua ni penapena te maarama nei iloto naa mahi Christ, aa iloto hoki naa mahi Christ, naa tama te maarama nei ku hakaahea ake Ia kiaa Ia. Naa tama te maarama nei ma ki hakassaoria koi no ora ki mee maa laatou e hakappae ki Christ. Ki oti raa Paul ku taratara ake i naa vana teelaa ma ki ssura i naa ora naa tama e lotu i naa tautari laatou ki naa akonaki nei.\nPaul ni kauake tana pas nei ki hano ma Tikikus, teenaa Onesimus ni oo laaua. Onesimus raa ko te poe teelaa ni tarataraina Paul i tana pas ni sissii ki Filemon.\nNaa takkoto naa taratara iloto te pas nei\nTe hakataakoto te pas nei 1.1–8\nTe tiputipu ma naa heuna Christ 1.9—2.19\nTe ora hoou iloto Christ 2.20—4.6\nNaa taratara hakaoti 4.7–18\n1\n1 A nau Paul ni hakamaatinoria i te hiihai TeAtua ki heheuna nau ma se aposol Jesus Christ, aa Timothy, te taina taatou nei e sissii maaua te pas nei.\n2 Maaua e sissii atu ki kootou naa tama TeAtua e nnoho i Kolose, naa taaina ma naa kave maaoni maaua iloto te ora Christ.\nMaaua e taku ki TeAtua Tamana ki roorosi hakaraaoi ki kootou aa ki nnoho laaoi kootou.\nPaul e taku ka hakanau i TeAtua\n3 Maaua e hakanau peenaa i TeAtua, te Tamana taatou Ariki Jesus Christ, i te kau saaita maaua e taku ka mannatu ki kootou. 4 I te aa, i maaua ku oti te llono maa kootou e lotu maaoni i Jesus Christ aa i te llee naa manava kootou i naa tama hakkaatoa TeAtua. 5 Saaita te taratara maaoni, teenaa ko te Lono Taukareka, ni kauatu mua lokoi ki kootou raa, kootou ni llono i te mee taukareka te taratara naa e takoto maa kootou. Teenaa te laaoi ma te lotu kootou naa e hakatahito ki te mee taukareka e nnoho ai kootou ka ttari ki kauatu. Te mee naa e tukua mai maa kootou i te lani. 6 Te Lono Taukareka nei ni kaumai te lopo mee e taukalleka, aa ku ttoha katoo ki naa kina hakkaatoa i te maarama nei, ku mee pee ko te llono mua ana kootou i naa tiputipu te laaoi TeAtua. Teenaa ko te saaita kootou ni oomai no illoa maaoni i te tiputipu naa. 7 Kootou ni illoa i te laaoi naa i Epafras, te tama e heheuna hakapaa ma maaua. A ia ni haia a ia naa heuna Christ raa i te ssao maaua.✡ Col 4.12; Phlm 23 8 A ia ni taratara mai i te laaoi TeAitu ni kauatu ki kootou.\n9 Teenei ko te vana maaua ni taku peenaa ki TeAtua ki tokonaki atu ki kootou, kaamata iloo i te saaita maaua ni llono i naa tiputtipu kootou. Maaua e taku ki TeAtua ki haaoa naa manava kootou ki te atamai ma te hakataakoto TeAitu, ki illoa hakaraaoi kootou i tana hiihai. 10 Teenaa kootou ma ki lavaa te nnoho tautari ki te hiihai TeAriki, aa kootou ma ki haia kootou naa vana e hiahia ai a Ia. Naa ora kootou ma ki hakassura te kau sosorina e taukalleka, aa te iloa kootou i TeAtua ma ki hanake lokoi no lasi. 11-12 Maaua e taku ki tokonaki atu TeAtua ki haimmahi kootou te nnoho hakalavatoa i naa ssura atu te kau vana. Aa ki fiaffia kootou ka hakanau i te Tamana, te tama ni mee ki tau kootou te too naa tuuhana kootou i naa mee TeAtua ni tuku mai maa ana tama i te nohorana te maasina. 13 Taatou ni hakassaoria TeAtua i naa mahi te poouri no hakanohoria i te nohorana tana Tama e llee ai tana manava, 14 te tama teenei e ssao ai taatou, teenaa TeAtua ni aroha i taatou no uiia naa haisara taatou.✡ Eph 1.7\nTe tiputipu ma naa heuna Christ\n15 TeAtua se aitu. See hai tama ku oti te kite i ana tiputipu. Tevana iaa te tiputipu TeAtua e takoto i tana Tama, Christ. A Ia naa ko te tama mua TeAtua, e noho hakamaatua i naa mee katoo ni penapenaa. 16 Naa mee hakkaatoa e takkoto i te lani ma te maarama nei ni mee TeAtua ni penapena iloto naa mahi Jesus Christ, naa mee taatou e kkite ma naa mee taatou see kkite, e hakapaa ma naa aitu haimmahi, naa ariki, naa tuku, aa ma naa tama hakamau. Naa mee hakkaatoa i te lani ma i te maarama nei ni mee TeAtua ni penapena iloto naa mahi Christ, aa naa mee naa ni penaa TeAtua ki takkoto i laro te roorosi Christ. 17 Saaita te lani ma te maarama nei seki ssura raa, Christ kunaa noho mai iloo, aa naa mee hakkaatoa e tauhia a Ia ki mmoe tonu. 18 A Ia naa ko te tama hakamaatua naa tama te lotu. Te ora naa tama e lotu raa e takkoto i ana rima. A Ia naa ko te Tama mua i te haanauna TeAtua, te tama ni hakamasikeria i te mate, teelaa e noho hakamaatua ai a Ia soko ia i naa mee hakkaatoa.✡ Eph 1.22-23 19 TeAtua ni hiihai maa tana tiputipu hakkaatoa ki takoto i tana Tama naa. 20 Christ ni mate i aruna te kros no pesi iho tana ttoo, teelaa ni taukareka ai te manava TeAtua no mee tana maanatu ki hakaahe ake naa mee hakkaatoa kiaa Ia, teenaa ko naa mee i te kerekere ma naa mee i te lani.✡ Eph 2.16\n21 I te saaita tokotasi raa kootou ni nnoho hakakkee i TeAtua, aa kootou ni tautau haaeo ma Ia i naa vana hakallika kootou ni mee aa ma naa mannatu hakallika kootou ni ttaka ma kootou. 22 Tevana iaa i te mate tana Tama raa, kootou ku haia TeAtua ma ni soa aana, ki oo ake kootou ma ni tama e ttapu, e mataffua, aa ma ni tama see haisara, no nnoho imua aana. 23 Kootou ki lotu hakamattoni peenaa iaa Ia, e mee pee ko te hare e hakatuu ki naa pou e mmau, ki see tiiake kootou te lotu teelaa ni toa kootou i te saaita kootou ni llono i te Lono Taukareka. Teenei ko te Lono Taukareka nei teelaa a nau, Paul, ni heunatia TeAtua ma ki hakaea nau.\nPaul e heheuna maa te lotu\n24 Saaita nei raa, nau e hiahia i aa nau ni hakallono isu maa kootou, i te aa i te hakallono isu taku haitino nei raa, nau e hakasoaina a nau te hakallono isu ana Christ ki tokonaki Ia ki tana tinotama, teenaa ko te lotu. 25 Nau ni tukua TeAtua ki heunatia naa heuna te lotu ka tokonaki ki kootou, ki hakaea nau ana taratara hakkaatoa. 26 Teenaa ko ana taratara huu ni see ilotia mai iloo imua naa tama te maarama nei, aa teenei ku hakailotia ki tana kanohenua. 27 Teenei ko te hakataakoto TeAtua, ki hakailotia Ia tana kanohenua raa i tana taratara hakamaatua e huu nei, i teenei se taratara aana ni tuku maa te henua hakkaatoa. Te taratara raa e mee maa Christ e takoto iloto naa ora kootou, teenaa e mee maa kootou ku ttaka ma te tiputipu te haimahi TeAtua. 28 Teenaa maatou e tarataraina maatou Christ ki illoa te henua hakkaatoa. Maatou e taratara hakaapo ka akonaki ake maa te atamai TeAtua ni kaumai, ki hookina maatou naa tama naa ma naa ora e ttonu ki TeAtua iloto te inoa Christ. 29 Teenei ko taku vana e uu taku kauae ki lavaa nau naa heuna nei ki naa mahi Christ e takkoto iaa nau.","id":"","dump":"CC-MAIN-2017-39","url":"http:\/\/pngscriptures.org\/nho\/COL01.htm","date":"2017-09-24T01:23:19Z","file_path":"s3:\/\/commoncrawl\/crawl-data\/CC-MAIN-2017-39\/segments\/1505818689823.92\/warc\/CC-MAIN-20170924010628-20170924030628-00703.warc.gz","language":"nho","language_score":1.0000082254,"language_script":"Latn","minhash_cluster_size":6,"top_langs":"{\"nho_Latn_score\": 1.000008225440979}","num_words":1463,"character_repetition_ratio":0.06,"word_repetition_ratio":0.003,"special_characters_ratio":0.233,"stopwords_ratio":0.571,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 18\nTe tama peehea raa e haia ma ko te tama hakamaatua i naa tama hakkaatoa?\n1I te saaita naa raa, naa disaipol raa ni oo ake ki Jesus no vasiri ake, \"Ko ai te tama e hakamaatua i te Nohorana te Lani?\"+\n2Teenaa ki kannake Jesus ki te tamariki tokotasi no hakatuuria imua laatou. 3Araa mee ake iloo ki ana disaipol, \"Nau e kauatu te taratara maaoni nei: ki mee maa kootou see ffuri no mee pee ko naa tamalliki nei, kootou ma ki see ttae ki te Nohorana te Lani.+ 4Te tama hakamaatua i te Nohorana te Lani raa, teenaa ko te tama e meemee seemuu pee ko te tamariki nei. 5Te tama e tautari ki aku tiputipu aa e hiihai ki te tamariki peenei raa, te tama naa e hiihai hoki kiaa nau.\nTe tiputipu e usu te tama ki ppena naa haisara\n6\"Ki mee maa se tama e usuhia a ia se tamariki i naa tamalliki punaammea peenei ki see hakannoo kiaa nau, e taukareka iloo ma te tama naa ki saisaitia tana ua ki se hatukaraa aa ku hakaterekia ttama naa ki loto te moana. 7Te mee e hakallika i te maarama nei raa, teenaa e takkoto naa mee iloto te maarama nei teelaa e hakkoro aaraa tama ki ppena naa haisara. Naa mee peenaa ma ki ssura i te kau saaita, tevana iaa aroha iloo i naa tama e hakasuratia laatou te tiputipu naa; naa tama naa ma ki hakallono isu hakallika iloo.\n8\"Ki mee maa koe e usuhia too rima ma too vae ki ppena ni haisara, tuutia ki motu! Koe e hano ki te lani ma too vae tokotasi aa ma too rima tokotasi raa, e taukareka iaa ma ki mee ma koe e peesia ma oo rima aa ma oo vae katoo ki loto te ahi e ura see mate.+ 9Aa ki mee maa koe e usuhia too karamata ki ppena ni haisara, kapea ki taha! Koe e hano ki te lani ma too karamata tokotasi raa, e taukareka iaa ma ki mee ma koe e peesia ma oo karamata e kaatoa ki loto te ahi e ura see mate.+\nTe parapol te sipsip e seai\n10\"Kootou mmata ki see haia kootou naa tamalliki nei ma ni mee vare. Nau e vanaatu ki kootou, naa ensol e roorosi i naa tama nei e nnoho peenaa imua naa karamata taku Tamana raa i te lani. 11[I te aa i Tama te Henua raa ni au no ssee ki naa tama e seai.]\n12\"Ki mee maa se tama i kootou e mee ana sipsip e noto i te lau, teenaa no seai iloo te sipsip tokotasi, te tama naa ma ki mee peehea? Te tama naa ma ki tiiake te matasivo maa sivo ana sipsip naa aa ku hano no ssee te sipsip tokotasi ni seai. 13Nau e vanaatu ki kootou, i tana saaita ma ki lave i tana sipsip raa, tana hiahia i tana sipsip tokotasi naa ma ki ttoe iaa i tana hiahia i ana matasivo maa sivo sipsip e taka ma ia. 14Peelaa hoki, te Tamana kootou i te lani raa see hiihai hoki ma se tamariki i naa tamalliki nei ki seai.\nTokonaki ki too taina e mee tana sara\n15\"Ki mee maa too taina raa e hakasara tana vana iaa koe, koe ku hanatu ki nnoho koorua soko koorua aa koorua ku hakatonu te mee naa. Ki mee maa too taina naa e hakannoo kiaa koe, teenaa koorua ma ki mee hoki ma se haitaina.+ 16Aa ki mee too taina naa see hii hakannoo atu kiaa koe, koe ku hano no toomai se tama hoki, aa seai se takarua, aa kootou ku ahe atu. Teenaa e mee pee ko naa taratara mai te Laupepa Tapu maa i te saaita koorua e taratara raa, e mee telaa takarua e nnoho no hakannoo i naa hano te taratara koorua.+ 17Aa ki mee te tama naa see hii hakannoo ki naa tama naa, koe ku hano no taratara ake ki naa tama te lotu. Aa ki mee a ia see hii hakannoo ki naa tama te lotu, teenaa koe ku haia a koe ttama naa ma se tama see lotu aa ma se tama e aoao naa takis.\n18\"Nau e kauatu te taratara maaoni nei: naa mee kootou e ppui i te kerekere nei ma ki puuia hoki i te lani, aa naa mee kootou e hakattana i te kerekere nei ma ki hakattanaria i te lani.+\n19\"Aa nau ku kauatu telaa taratara hoki: te saaita te takarua i te maarama nei e oo ki te hakataakoto tokotasi i naa mee laaua e taku ki TeAtua ki haia ake raa, naa mee naa ma ki haia ake taku Tamana i te lani. 20I te aa, i te saaita te takarua, aa seai ma se takatoru, e kkutu no meemee hakapaa iloto taku inoa raa, teenaa nau ma ki noho iloto naa tama naa.\"\nTe parapol te poe see hai aroha\n21Teenaa hanatu iloo Peter ki Jesus no vasiri ake, \"TeAriki, ki mee maa taku taina raa e hai lokoi peenaa te mee hakallika kiaa nau, e hia aku saaita ma ki vanaake maa nau e aroha iaa ia? E aa, e hitu?\"+\n22Jesus ki mee ake, \"Nau see vanaatu maa koe ki aroha iaa ia i naa saaita e hitu; koe ki hakapaa naa saaita e hitu naa ki lava i te matahitu hakkaatoa.+\n23\"I te aa i te tiputipu te Nohorana te Lani raa e mee peenei: Teelaa se tuku ni noho ki hakatonu te kooina naa mane ana poe raa ni too iaa ia. 24I tana saaita ni kaamata no hakattonu naa mane naa raa, tana poe tokotasi, teelaa ni too ana mane e tammaki iloo iaa ia raa, ku taakina ake naa tama. 25Te poe naa ni see hai mane e llava ki suia naa mane te tuku naa, teenaa ki mee ake te tuku naa ki naa tama raa ki toa te poe naa ma tana aavana, ana tamalliki, aa ma naa mee katoo te tama naa no kauake ki se tama ki tauia, aa ku too ake ana mane. 26Te poe naa ni hanatu no tuu iloo ki ana turi imua te tuku naa no tani atu kiaa ia, 'Kaumai se tamaa saaita ki lavaa nau te ssee ni mane ki sui aku mane ni too iaa koe.' 27Te ttuku naa ni aroha iaa ia no vanaake iloo ki see sui ana mane ni too iaa ia, teenaa tiiake iloo ia te tama naa ka hano.\n28\"Te poe naa ni hano no ttiri iloo i te tama tokotasi teelaa ni too ana mane iaa ia, teenaa tauhia iloo a ia te tama naa no kuumia tana ua ka mee ake, 'Suia mai aku mane ni toa a koe!' 29Te tama e tauhia a ia naa ni tuu atu ki ana turi no tani atu, 'Kaumai se tamaa saaita ki ssee nau ni mane ki suia oo mane naa!' 30Tevana iaa te poe te tuku naa ni see hiihai, teenaa toa iloo a ia te tama naa no ponotia ki loto te hare karapusi ki lavaa iloo ia te suia ake ana mane. 31I te saaita aaraa poe ni kkite i tana vana e mee naa raa, oo iloo naa tama naa no taratara ake ki te tuku i naa vana te tama naa ni mee. 32Teenaa aru iloo te tuku raa ki tana poe naa ki hanake. A ia ki mee ake, 'Te poe e heheuna hakallika! Nau ni vanaatu ki see suia mai aku mane iaa koe ni tani mai ma ki aroha nau iaa koe. 33E taukareka ki mee maa koe ni aroha hoki i te tama e heheuna koorua hakapaa naa, e mee pee ko nau ni aroha iaa koe.' 34Te ttuku naa ni porepore iloo i tana loto, teenaa ponotia iloo a ia te tama naa ki loto te hare karapusi ki ttae tana saaita ku suia katoo ana mane.\"\n35Jesus ki hakaoti ake ana taratara, \"Taku Tamana i te lani raa ma ki mee peenaa ki kootou ki mee maa kootou see alloha maaoni i naa taaina kootou.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/18\/","date":"2018-09-22T06:37:29Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158045.57\/warc\/CC-MAIN-20180922044853-20180922065253-00264.warc.gz","language":"nho","language_score":1.0000032187,"language_script":"Latn","minhash_cluster_size":4,"top_langs":"{\"nho_Latn_score\": 1.0000032186508179}","num_words":1438,"character_repetition_ratio":0.056,"word_repetition_ratio":0.007,"special_characters_ratio":0.241,"stopwords_ratio":0.527,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 23:3\n3Teenaa ki huri Paul no mee ake kiaa ia, \"A koe, te tama e mee pee ko naa hono ku ppara teelaa e paraia ki te peni e makkini ki see ilotia maa teenaa ni hono ku hakallika, ma ki pakuutia TeAtua! Koe naa e noho ki hakatonutonu iaa nau i te vasi naa Loo, aa koe iaa ku see tuku ki naa Loo naa i aa koe ku vanaake ki naa tama kootou naa ki paakia aku maaisu!\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/23\/3","date":"2018-09-23T20:39:29Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159744.52\/warc\/CC-MAIN-20180923193039-20180923213439-00072.warc.gz","language":"nho","language_score":0.6711683273,"language_script":"Latn","minhash_cluster_size":2,"top_langs":"{\"nho_Latn_score\": 0.671168327331543, \"rar_Latn_score\": 0.07616878300905228, \"wls_Latn_score\": 0.04580610990524292, \"ton_Latn_score\": 0.038940537720918655, \"hif_Latn_score\": 0.021612372249364853}","num_words":161,"character_repetition_ratio":0.071,"word_repetition_ratio":0.0,"special_characters_ratio":0.208,"stopwords_ratio":0.298,"flagged_words_ratio":0.0,"lang_id_score":0.629,"perplexity_score":500.0,"cluster_detection":1} +{"text":"MATTHEW 23:14\n14[\"Aroha iloo i kootou naa tisa naa Loo ma naa Faarisi! Kootou ma ki haia hakallikaina iloo! Kootou ni tama e kaikailua! Teenaa kootou ko naa tama maraa e hakarereesia kootou naa puruna raa ka kailaaraotia kootou naa hekau naa hare naa tama naa, aa ki oti ku massike no mee naa taku e hualolloa ki mmata te henua maa kootou ni tama e ttonu! Naa haaeo TeAtua ma ki kauatu ki kootou naa ma ki hakallika hakaoti!]\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/23\/14","date":"2018-09-20T13:42:42Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156471.4\/warc\/CC-MAIN-20180920120835-20180920141235-00033.warc.gz","language":"nho","language_score":0.9017606974,"language_script":"Latn","minhash_cluster_size":2,"top_langs":"{\"nho_Latn_score\": 0.9017606973648071, \"rar_Latn_score\": 0.01566198281943798}","num_words":160,"character_repetition_ratio":0.074,"word_repetition_ratio":0.0,"special_characters_ratio":0.198,"stopwords_ratio":0.319,"flagged_words_ratio":0.0,"lang_id_score":0.906,"perplexity_score":500.0,"cluster_detection":1} +{"text":"MATTHEW 13:19\n19Naa tama e llono i naa taratara i te Nohorana te Lani, tevana iaa see illoa i te hakataakoto naa taratara naa raa, naa tama naa e mee pee ko naa hua wit teelaa ni maaoha ki aruna te saarena, teenaa te tipua e hakallika raa ni hanake no huutia naa taratara naa ki see takkoto iloto naa manava laatou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/13\/19","date":"2018-09-21T22:14:50Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267157569.48\/warc\/CC-MAIN-20180921210113-20180921230513-00517.warc.gz","language":"nho","language_score":0.5483202338,"language_script":"Latn","minhash_cluster_size":2,"top_langs":"{\"nho_Latn_score\": 0.5483202338218689, \"rar_Latn_score\": 0.058062583208084106, \"guj_Latn_score\": 0.04674534872174263, \"hif_Latn_score\": 0.037690263241529465, \"sps_Latn_score\": 0.02033917047083378, \"gil_Latn_score\": 0.013663589023053646, \"gaz_Latn_score\": 0.013365420512855053, \"wol_Latn_score\": 0.013306745328009129, \"wls_Latn_score\": 0.01324674766510725, \"fin_Latn_score\": 0.010628946125507355}","num_words":142,"character_repetition_ratio":0.079,"word_repetition_ratio":0.0,"special_characters_ratio":0.197,"stopwords_ratio":0.275,"flagged_words_ratio":0.0,"lang_id_score":0.508,"perplexity_score":500.0,"cluster_detection":1} +{"text":"MATTHEW 22\nTe parapol te kaikai e lasi te aavvana\n1Jesus ni taratara ki naa parapol hoki ki naa tama. 2\"Te Nohorana te Lani raa e mee ma se tuku e ppena tana kaikai e lasi ma tana tama tanata e aavana. 3I te aso te kaikai raa, te tuku naa ni heuna ana poe raa ki oo no mee ake ki ana tama ni aru raa ki oo ake ki te kaikai e lasi, araa nei naa tama naa ni see fiffai maa laatou e oo ake. 4Teenaa heuna iloo te tuku raa aaraa poe ki oo no taratara ake peelaa ki naa tama ni arumia a ia naa: 'Taku kaikai raa ku oti te penapena hakaoti; aku purumakau e ppeti raa iloo ni taa aa teenei ku mmoe mai ki kkai kootou. Kootou oomai ki te kaikai taku tama e aavana nei!' 5Araa nei naa tama ni arumia te tuku raa ni see anaana ma ki oo atu laatou: te tama tokotasi ni hano no heheuna i tana tori, aa telaa tama ni hano ki tana sitoa, 6aa aaraa tama iaa ni ffuri atu no tauhia laatou naa poe naa no sarua ka taaia no mmate. 7Te ttuku raa ni porepore iloo i tana loto, teenaa heuna iloo ana soldia raa ki oo no taaia naa tama naa aa ku tuunia te henua naa tama naa. 8Teenaa aru iloo ki ana poe raa no mee ake ki laatou, 'Te kaikai taku tama e aavana raa ku oti te ppena hakaoti, tevana iaa naa tama ni arumia a nau raa ni see tau te oomai ki te kaikai nei. 9Kootou oo ki naa mateara raa no toomai ni tama iloo e tammaki ki te kaikai nei.' 10Teenaa oo iloo naa poe raa no toomai naa tama katoo laatou e llave iloto te ara; naa tama e taukalleka aa naa tama e hakallika. Teenaa te hare te kaikai naa ni kkapi ki ttama.\n11\"Te ttuku raa ni uru atu ki loto te hare naa no kite i te tanata tokotasi see hakao ki naa hekau te henua maraa e hakao ki naa kaikai e llasi. 12Te ttuku raa ki mee ake ki te tanata naa, 'Naasoa, koe ni uru mai peehea ma koe see hakao ki naa hekau naa kaikai e llasi?' Te tanata raa ni noho seemuu koi. 13Teenaa mee ake iloo te tuku raa ki ana poe, 'Saisaitia naa vae ma naa rima te tama nei aa ku peesia ki te poouri ana, ki moe ia ka tani aa ka kakarati ana niho.'\"+\n14Araa Jesus ku hakaoti ake peenei, \"E tammaki naa tama ni arumia, tevana iaa e mooisi koi ma ki toa TeAtua.\"\nTe taratara i naa takis\n15Naa Faarisi raa ni oo no taratara iloo ki vasirisiri tipuaina Jesus ki hakasara se taratara maana aa ku tauhia laatou. 16Teenaa heunatia iloo laatou aaraa disaipol laatou ma naa tama i te kaavena Herod raa ki oo no vasiri ake ki Jesus, \"Tisa nei, maatou e illoa maa koe e taratara ka akonaki naa vana e ttonu maaoni. Maatou e illoa maa koe see maanaturia a koe te hakataakoto telaa tama, aa koe see iloa te hirihiri tama; koe e akonaki tonu i naa tiputipu te hiihai TeAtua ki te henua. 17Taratara mai, e taukareka maa taatou ki pesi takis ki te tuku i Rome? Seai, e hakallika?\"\n18Jesus ni iloa maa naa tama naa e vasirisiri tippua koi, teenaa mee ake iloo Ia peelaa ki laatou, \"Naa tama e kaikailua! Ai nau e hakarereesia kootou i te aa? 19Huri mai se peni i naa mane kootou e pesi i naa takis.\"\nNaa tama naa ki kauake te mane siliva, 20araa Jesus ku vasiri ake ki laatou, \"Teenei ko ai e tuu tana pisouru aa tana inoa i aruna te mane siliva nei?\"\n21Naa tama naa ki mee ake, \"Te tuku i Rome.\"\n\"Aa teenaa, kauake naa mee te tuku raa ki te tuku, aa naa mee TeAtua raa, kootou ku kauake ki TeAtua.\"\n22Te saaita naa tama naa ni llono i naa taratara Jesus raa, naa tama naa ni massaro iloo, teenaa massike iloo laatou ka oo.\nJesus e taratara i naa tama e mmate e massike no ora hoki\n23I te aso naa raa, e mee naa Sadiusi ni oo ake ki Jesus no taratara ma naa tama e mmate raa see lavaa te massike no ora hoki.+ 24\"Tisa nei, Moses ni sissii te loo nei maa taatou: 'Ki mee maa se tanata e mate ka tiiake tana aavana raa ka noho see hai tamalliki, te taina te tanata e mate raa ki aavanatia a ia te aavana tana taina. Teenaa naa tamalliki laaua ma ki ssura raa ma ki haia ma ni tamalliki tana taina ni mate.'+ 25Teelaa se takahitu hai taaina ni noho ma maatou. Ttama matua raa ni aavana no mate, see hai tamalliki. Teenaa tana taina i laro raa ni aavana i te aavana tana taina matua. 26Te mee naa ni sura ki ana taaina raa hakkaatoa; e aavana koi see hai ttama, aa mate mai. 27Ki oti raa nei, te ffine raa ku mate. 28Aa teenaa, i te aso te mate raa ma ki massike no ora, te ffine raa ma ki mee ma se aavana ai, i te takahitu hai taaina naa katoo ni aavvana iaa ia?\"\n29Jesus ki mee ake, \"Kootou e ssara iloo, i te aa i kootou see illoa i naa takkoto naa taratara te Laupepa Tapu aa ma naa mahi TeAtua. 30Te saaita naa tama e mmate raa ma ki massike mai i te mate raa, naa tama naa ma ki tiputtipu ma ko naa ensol i te lani; naa tama naa ma ki see lavaa te aavvana. 31Aa i te taratara maa naa tama e mmate ma ki massike no ora: e aa, kootou ni see ttoka i te Laupepa Tapu i te taratara TeAtua ni kauatu ki kootou? A Ia ni taratara peelaa, 32'Nau nei ko te Atua Abraham, Isaac, aa ko Jacob'. A Ia seai se Atua naa tama e mmate, a Ia naa ko te Atua naa tama e ora no ora hakaoti.\"+\n33Te saaita te kanohenua naa ni llono i naa taratara Jesus raa, laatou ni massaro iloo i ana taratara.\nTe Loo hakamaatua\n34Te saaita naa Faarisi raa ni llono maa naa Sadiusi raa see lavaa te hakaahea ake laatou naa taratara Jesus raa, naa tama naa ni kkutu no taratara i te mee laatou ki mee. 35Teenaa ki masike atu te tisa naa Loo tokotasi no vasiri tipuaina a ia Jesus, 36\"Tisa nei, te Loo hea raa ko te Loo hakamaatua i naa Loo Moses hakkaatoa?\"\n37Jesus ki mee ake, \"'Koe ki manava laaoi i TeAriki, too Atua, ki too hatumanava katoo, ki too ora katoo, ki oo mahi katoo, aa ki too hakataakoto katoo.'+ 38Teenei ko te Loo hakamaatua iloo i naa Loo hakkaatoa Moses. 39Te ssoa te Loo hakamaatua raa e mee koi peenaa: 'Laaoi i te tama e noho i too vasi, e mee pee ko koe e laaoi iaa koe soko kkoe.'+ 40Naa Loo Moses hakkaatoa aa ma naa akonaki naa pure TeAtua naa e hakatahito i naa Loo e lua nei.\"+\nTe taratara i te Mesaea\n41I te saaita naa Faarisi raa ni kkutu hakapaa raa, Jesus ni vasiri ake ki laatou, 42\"Kootou e mannatu maa te Mesaea raa se mokopuna e ai?\"\nNaa Faarisi raa ki mee ake, \"Teenaa se mokopuna te tuku David.\"\n43Jesus ki mee ake, \"Ai David ni usuhia ai TeAitu Tapu raa ki kannaa i te Mesaea raa ma se Ariki aana? David ni taratara peelaa,\n44'TeAtua e vanaake ki taku Ariki:\nNoho i taku vasi maatau\nno ttari ki tukua a nau naa tama katoo e tautau haaeo ma koe raa ki laro oo vae.'+\n45Teenaa ki mee maa David e kannaa iaa Ia ma ko tana Ariki, peehea naa sura iho te Mesaea raa ma se mokopuna David?\"\n46See hai tama iloo ni lavaa te hakaahea ake naa taratara Jesus naa. Teenaa e kaamata iloo i te aso naa raa, seai iloo se tama ni lavaa te vasiria a ia Jesus.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/22\/","date":"2018-09-24T15:55:46Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160568.87\/warc\/CC-MAIN-20180924145620-20180924170020-00479.warc.gz","language":"nho","language_score":0.9999966621,"language_script":"Latn","minhash_cluster_size":6,"top_langs":"{\"nho_Latn_score\": 0.9999966621398926}","num_words":1434,"character_repetition_ratio":0.06,"word_repetition_ratio":0.0,"special_characters_ratio":0.242,"stopwords_ratio":0.531,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 22:30\nPaul e tuu imua te Kansol\n30Te hakamau naa soldia raa ni mee ma ki iloa hakaraaoi a ia maa teelaa se ssara peehea naa Jew raa e hai maa Paul ni mee. I te ssoa te aso raa, a ia ni vanaake ki ana soldia raa ki hanaa naa seni e mmau i Paul, teenaa aru iloo ia ki naa maatua hakamaatua te Hare Tapu aa ma naa tama hakamaatua te Kansol raa ki nnoho. Araa too atu iloo ia Paul no hakatuuria imua naa tama naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/22\/30","date":"2018-09-21T16:20:05Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267157216.50\/warc\/CC-MAIN-20180921151328-20180921171728-00201.warc.gz","language":"nho","language_score":0.8403013945,"language_script":"Latn","minhash_cluster_size":2,"top_langs":"{\"nho_Latn_score\": 0.8403013944625854, \"hif_Latn_score\": 0.01428590714931488, \"sps_Latn_score\": 0.01401403546333313, \"rar_Latn_score\": 0.013023646548390388}","num_words":170,"character_repetition_ratio":0.068,"word_repetition_ratio":0.0,"special_characters_ratio":0.206,"stopwords_ratio":0.271,"flagged_words_ratio":0.0,"lang_id_score":0.819,"perplexity_score":500.0,"cluster_detection":1} +{"text":"MATTHEW 21:23\nNaa mahi Jesus\n23Jesus ni ahe hoki ki te Hare Tapu; aa i tana saaita ni noho ka akonaki naa tama raa, naa maatua hakamaatua aa ma naa tama hakamaatua naa Jew raa ni oo ake no vasiri kiaa Ia, \"Taratara mai ki illoa maatou. Teelaa ni taratara e ai e kauatu kiaa koe maa koe ki mee naa vana nei? Ko ai te tama e vanaatu maa koe e lavaa te kerekereia a koe naa tama raa i te Hare Tapu?\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/21\/23","date":"2018-09-20T01:43:33Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156314.26\/warc\/CC-MAIN-20180919235858-20180920015858-00401.warc.gz","language":"nho","language_score":0.7227415442,"language_script":"Latn","minhash_cluster_size":1,"top_langs":"{\"nho_Latn_score\": 0.7227415442466736, \"rar_Latn_score\": 0.10959865897893906, \"sps_Latn_score\": 0.01952078938484192, \"wls_Latn_score\": 0.016644468531012535, \"gil_Latn_score\": 0.013045654632151127, \"hif_Latn_score\": 0.012949775904417038}","num_words":164,"character_repetition_ratio":0.07,"word_repetition_ratio":0.0,"special_characters_ratio":0.207,"stopwords_ratio":0.268,"flagged_words_ratio":0.0,"lang_id_score":0.74,"perplexity_score":500.0,"cluster_detection":1} +{"text":"ACTS 23\n1Paul ni ttoka tonu atu ki naa tama te Kansol raa no taratara ake ki laatou, \"Aku taaina nei. Taku hakataakoto e maarama iloo i naa tiputipu taku ora imua naa karamata TeAtua, e kaamata mai imua no tae mai ki te aso nei.\" 2Te Maatua Hakamau, tana inoa ko Ananias, ni huri no vanaake iloo ki naa tama e ttuu i te vasi Paul raa ki paakia ana maaisu. 3Teenaa ki huri Paul no mee ake kiaa ia, \"A koe, te tama e mee pee ko naa hono ku ppara teelaa e paraia ki te peni e makkini ki see ilotia maa teenaa ni hono ku hakallika, ma ki pakuutia TeAtua! Koe naa e noho ki hakatonutonu iaa nau i te vasi naa Loo, aa koe iaa ku see tuku ki naa Loo naa i aa koe ku vanaake ki naa tama kootou naa ki paakia aku maaisu!\"+\n4Naa taanata e ttuu i te vasi Paul raa ki mee ake ki Paul \"Koe see lavaa te taratara ake peenaa ki te Maatua Hakamau!\"\n5Paul ki mee ake, \"Aku taaina nei. Nau ni see iloa maa ia ko te Maatua Hakamau. Naa taratara iloto te Laupepa Tapu raa e mee maa, 'Au see taratara hakallika ki te hakamau te kanohenua kootou naa.'\"+\n6Paul ni kite peelaa maa aaraa tama i te Kansol raa ni Sadiusi aa aaraa tama ni Faarisi, teenaa a ia ki taratara vaaruna iloo peelaa ki laatou te Kansol, \"Aku taaina nei. Nau nei se Faarisi, i aku tammana raa ni Faarisi. Nau nei e tuu imua te koti i aa nau e taaohi manava maa te mate raa ma ki hakamassikeria no ora hoki!\"+\n7Saaita koi Paul ni taratara peenei raa, naa Faarisi raa ma naa Sadiusi raa ki kaamata no hakatauttau soko laatou, teenaa naa kaavena e lua naa ni maavae. 8I te aa, i naa Sadiusi raa e taratara maa see hai tama ma ki hakamasikeria i te mate aa maa see hai mee hoki e haia ma ni ensol aa ma ni aitu; naa Faarisi raa iaa e taratara maa naa mee e toru naa ni mee maaoni iloo.+ 9Te vvaa naa tama naa ni hano no lasi iloo, teenaa aaraa tisa naa Loo teelaa e ttaka ki te kaavena naa Faarisi raa ku massike no taratara haimahi peelaa, \"Maatou e kkite maa see hai vana e sara i te tama nei. Teelaa pee se ensol aa ma se aitu maaoni raa ni taratara ake ki te tama nei.\"\n10Naa tama naa ni hakatauttau hakallika iloo, teenaa te hakamau naa soldia raa ni mataku maa Paul ma ki taia no mate. Teenaa heuna iloo te hakamau raa ana soldia ki oo atu no hakataharia Paul i naa tama naa no hakauruhia ki loto te hare naa soldia.\n11I te poo naa raa, TeAriki ni hakasura atu ki Paul no mee ake peelaa, \"Koe see mataku! Koe ku oti te hakaea ki naa tama i te kina nei i aku tiputipu, teenaa koe ku hano no hakaea hoki ki naa tama i Rome.\"\nPaul ku tarataraina naa Jew raa ki taia\n12I te tahaata telaa aso raa, naa Jew raa ni kkutu no taratara ki taia laatou Paul. Naa tama naa ni tuku laatou taratara imua TeAtua maa laatou ma ki see kkai ka unu, teenaa ki tae iloo ki te saaita Paul ku lavaa laatou te taia no mate. 13Teelaa se tino haa naa taanata katoo ni mee laatou vana naa. 14Naa tama naa ni oo atu ki naa maatua hakamaatua te Hare Tapu raa ma naa tama hakamaatua naa Jew raa no mee ake, \"Maatou ku oti te tuku maatou taratara imua TeAtua maa maatou ma ki ttaka see kkai ki taia iloo maatou Paul ki mate. 15Teenaa kootou ma naa tama te Kansol raa ki kkave se taratara maa kootou ki te hakamau naa soldia Rome raa ki kaavea mai Paul ki kootou; hakarereesia kootou te hakamau naa maa kootou e mee ki vasirisiri hakaraaoi ki Paul. Maatou nei ma ki taaria maatou te tama naa ki taia ki mate i tana saaita seki tae atu ki kootou.\"\n16Tevana iaa te ilaamotu tanata Paul raa ni lono i naa taratara naa tama naa, teenaa tere iloo te tamariki tanata naa ki te hare naa soldia raa no hakaari ake ki Paul. 17Teenaa ki kannaa Paul ki te soldia tokotasi no vanaake, \"Toa te tamariki tanata nei ki te hakamau kootou; te tama nei e mee tana taratara ki taratara ake kiaa ia.\" 18Teenaa toa iloo te tama naa ki te hakamau laatou no mee ake peelaa, \"Paul, te karapusi, e mee mai ma ki taakina mai te tamariki tanata nei kiaa koe; ttama nei e mee tana taratara ki taratara atu kiaa koe.\"\n19Te hakamau naa soldia raa ni ppiki ki te rima te tamariki tanata naa no oo iloo laaua no nnoho soko laaua, teenaa vasiri ake iloo kiaa ia, \"Se aa taau e mee ma ki taratara mai kiaa nau?\"\n20Te tamariki tanata raa ki mee ake, \"Naa tama hakamaatua naa Jew raa ku oti te tuku laatou taratara maa taiao laatou ku oomai no mee atu maa Paul ki toa laatou no mmata i te Kansol; naa tama naa ma ki hakalellesi maa te Kansol raa e mee ma ki vasiri laatou kiaa ia. 21Tevana iaa koe see hakannoo ki naa tama naa. Teelaa se tino haa taanata raa ma ki taaria laatou te tama naa ki osohia no taia. Naa tama naa ku oti te tuku laatou taratara imua TeAtua maa laatou ma ki see lavaa te kkai, ki tae iloo ki te saaita Paul ku lavaa te taia laatou ki mate. Naa tama naa ku nnoho i te saaita nei ki mee laatou vana naa, aa naa tama naa e nnoho koi ka ttari ki too taratara ma ki kauake.\"\n22Teenaa mee ake iloo te hakamau raa ki te tamariki tanata naa, \"Au see hakaari ake ki se tama maa koe ku oti te taratara mai te mee naa kiaa nau.\" Araa heunatia iloo ia te tamariki tanata naa ka hano.\nPaul ku kaavea ki Felix, te Hakamau te kaaman\n23Teenaa aru iloo te hakamau naa soldia raa ki te takarua i ana soldia hakamaatua raa no taratara ake, \"Too se ruarau naa soldia, se tino hitu naa soldia e ffuro i naa hos, aa se ruarau naa soldia e hetaa ma naa tao, ki oo ki Sisaria i te ssivo i te poo nei. 24Koe ku mmata hoki ki too ni hos ki kake Paul, ki tae hakaraaoi a ia ki Felix, te Hakamau te kaaman e noho i te kina naa.\" 25Teenaa sissii iloo te hakamau naa soldia raa tana pas peelaa:\n26\"A nau Claudius Lisias e sissii atu te pas nei kiaa koe Felix, te hakamau te kaaman: Te aso taukareka iaa koe. 27Ttama nei ni tauhia naa Jew raa no mee ma ki taia ki mate. I taku saaita ni iloa maa te tama nei se tama haka Rome raa, nau ni hano ma aku soldia raa no hakasaoria a ia. 28Nau ni mee ma ki iloa nau ma se ssara peehea te tama nei ni mee, teenaa toa iloo nau te tama nei ki mmata te Kansol laatou raa iaa ia. 29Nau ni kite maa te tama nei see hai sara ni mee teelaa e tau ma ia ki taia ki mate, aa seai ma ki karapusina; ttama nei e kotia koi naa tama naa i te vasi naa loo laatou naa Jew. 30I taku saaita ni lono maa naa Jew raa e taratara ma ki taia laatou te tama nei raa, maanatu iloo nau ki kaavea atu te tama nei kiaa koe. Nau ku oti te taratara ake ki naa tama e kotia laatou te tama nei ki oo atu no kauatu naa taratara laatou raa kiaa koe.\"\n31Naa soldia raa ni hakannoo ki naa taratara te hakamau laatou naa. Paul ni toa laatou i te poo naa no tae iloo ki te matakaaina Antipatris. 32I te ssoa te aso raa, naa soldia teelaa e sassare ki naa vae laatou raa ni ahe ki Jerusalem, aa naa soldia e ttaka ki naa hos raa iaa ku oo laatou ma Paul. 33Paul ni toa naa soldia raa no ttae iloo laatou ki Sisaria, teenaa kauake iloo laatou te pas te hakamau laatou raa ki Felix, te Hakamau te kaaman, ka tiiake atu Paul kiaa ia. 34Te Hakamau raa ni ppau te pas raa no vasiri ake ki Paul maa Paul se tama i te matakaaina i hea. I tana saaita ni iloa maa Paul se tama i Silisia raa, a ia ki mee ake, 35\"Nau ku ttari ki ttae mai naa tama e kotia laatou a koe raa, aa nau ku hakannoo ki too koti nei.\" Teenaa vanaake iloo ki ana wasi raa ki toa Paul no roorosi ake kiaa ia iloto te hare te tuku Herod.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/23\/","date":"2018-09-26T14:33:25Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267165261.94\/warc\/CC-MAIN-20180926140948-20180926161348-00043.warc.gz","language":"nho","language_score":1.0000036955,"language_script":"Latn","minhash_cluster_size":4,"top_langs":"{\"nho_Latn_score\": 1.000003695487976}","num_words":1568,"character_repetition_ratio":0.077,"word_repetition_ratio":0.001,"special_characters_ratio":0.233,"stopwords_ratio":0.55,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 11\nJesus laaua ma John te Baptis\n1Te saaita Jesus ni oti te kauake naa akonaki nei ki tana taka sinahuru maa te takarua disaipol raa, a Ia ni masike i te kina naa no hano no hakaea ka akonaki naa taratara TeAtua raa i naa matakaaina e tauppiri ki te kina naa.\n2I te saaita John te Baptis ni lono mai i te hare karapusi i naa vana Jesus ni mee ake raa, a ia ni heuna aaraa disaipol aana ki oo no vasiri ake ki Jesus. 3Naa tama naa ni oo no vasiri ake iloo peelaa, \"Teenaa ko koe naa te tama John ni taratara maa kioti ku au? Seai, maatou ki ttari ki telaa tama?\"\n4Jesus ki mee ake, \"Koorua ahe no taratara ake ki John i naa vana koorua e kkite aa naa vana koorua e llono:\n5Naa tama e ppuni naa karamata laatou raa ku kkite,\nnaa tama ni see lavaa te sassare raa ku sassare,\nnaa tama ni haia te leprosi raa ku taukalleka,\nnaa tama ni ppuni naa kautarina laatou raa ku llono,\nnaa tama ni mmate raa ku hakaoratia no ora,\naa naa tama e noho hakaaroha raa ku lono i te Lono Taukareka TeAtua.+\n6Naa tama see nnapa te tautari kiaa nau raa ma ki hakahiahiaria TeAtua!\"\n7Saaita naa tama ni heunatia ake John ni ahe raa, Jesus ni huri no taratara ake ki te kuturana tama raa i naa tiputipu John: \"Te saaita kootou ni oo ki John iloto mouku, kootou ni mannatu ma se tama peehea raa e oo kootou no mmata? Kootou ni mannatu maa kootou ma ki kkite ma se tama e matanaenae, e mee pee ko naa tuu te vvee ka aania huri te matani? 8E aa? Kootou ni mannatu maa kootou ma ki kkite ma se tama e uru ki naa hekau e taavi mmaha? Seai hoki. Naa tama e uru ki naa hekau e taavi mmaha raa teenaa ko naa tama e nnoho i naa hare naa tuku! 9Kootou taratara mai, teelaa se tama peehea raa ni oo kootou no mmata? Kootou ni oo no mmata maa i teenaa ko te pure TeAtua? Uee, aa nau ku taratara atu ki kootou, teenaa se pure hakamaatua iloo ni oo kootou no mmata. 10I te aa, i teelaa ko John raa ni tarataraina iloto te Laupepa Tapu: 'TeAtua e mee maa, Nau ma ki heuna atu taku pure raa ki hano imua aau, ki hakatonutonu mai hakaoti too ara.'+\n11\"Nau e vanaatu ki kootou: See hai tama iloo i te maarama nei e takoto hakamaatua i aruna John, tevana iaa te tama vare koi iloto te Nohorana te Lani raa e noho hakamaatua i aruna John. 12E kaamata mai i te ssao John te Baptis ni hakaea naa taratara TeAtua no tae mai ki te ssao nei raa, e tammaki naa tama ni hai ki naa mahi laatou ki hakauru atu laatou no nohoria te Nohorana te Lani. 13I te aa, i te saaita John seki tae mai raa, naa pure TeAtua ma naa Loo Moses raa e taratara i te Nohorana naa.+ 14Aa teenaa, ki mee maa kootou e illoa maa aku taratara nei ni taratara maaoni raa, kootou ma ki illoa maa John naa ko Elijah, te tama ni tarataraina te Laupepa Tapu raa ma ki oti ku hakasura iho.+ 15Ki mee maa kootou e fiffai ki illoa, kootou ku hakannoo mai!\n16\"Nau ki taratara maa naa tama e nnoho i te maarama i te ssao nei e tiputtipu peehea? Naa tama naa e mee pee ko naa tamalliki e tataaffao iloto marae ka tanitani varo soko laatou peelaa,\n17'Maatou ni taa naa rue, tevana iaa kootou ni see llue!\nMaatou ni huahua hakaaroha atu ki kootou, tevana iaa kootou ni see ttani!'\n18Saaita John te Baptis ni au raa, a ia ni hakapakuu peenaa ka see unu naa wain, teenaa kootou ni taratara peelaa, 'Te tama naa e tauria te tipua!' 19Saaita te Tama te Henua ni au raa, a Ia e kai ka unu, teenaa kootou ni ffuri no mee naa taratara kootou peelaa, 'Kootou ttoka atu i te tama nei! Teenei se tama e kaikai vvare aa e unuunu vvare; teenei se tama e vaisoa maa naa tama e aoao naa takis aa ma naa tama haisara!' Tevana iaa naa tama e tauhia laatou te atamai TeAtua raa e huri ake peelaa maa te atamai TeAtua raa ko te atamai maaoni.\"\nNaa matakaaina see lotu i TeAtua\n20Naa tama i naa matakaaina teelaa ni kkite i te lopo mahi TeAtua ni hakassuratia Jesus raa ni see ffuri no tiiake naa haisara laatou, teenaa ki huri atu Jesus no mee ake ki laatou, 21\"Kootou naa tama i naa matakaaina Korasin ma Bethsaida; naa haaeo e llasi ma ki pakkuu atu ki kootou! Ki mee maa naa mahi TeAtua ni hakassura i naa matakaaina kootou nei ni hakasuratia hoki nau i Tyre ma Saidon raa, naa tama sara i naa matakaaina naa kunaa ffuri are naa manava laatou. Ki mee raa, naa tama naa ku naa nnoho are ma naa maro ppari laatou ka huna naa haitino laatou ki naa nanahu, ki huri ake peelaa maa laatou ku ffuri naa manava laatou!+ 22Nau e kauatu te taratara maaoni nei: i te Aso te Hakatonu TeAtua raa, te manava aroha TeAtua ma ki hakasura ki naa tama i Tyre ma Saidon raa ma ki ttoe iaa i kootou! 23Aa kootou, naa tama i Capernaum! Kootou ni mannatu maa kootou ki saua ki te lani? See lavaa. Kootou ma ki peesia ki te kina naa tama e mmate! Ki mee maa naa mahi TeAtua teelaa ni hakassuratia a nau i te matakaaina naa ni hakassuratia i Sodom raa, te matakaaina naa koi tuu i te aso nei.+ 24Kootou ki illoa maa i te Aso te Hakatonu TeAtua raa, naa haaeo TeAtua ni kauake ki naa tama i Sodom raa ma ki see tae ki ana haaeo ma ki kauatu ki kootou!+\nKootou oomai no hakamalolloo iaa nau\n25\"Tamana, TeAriki te lani ma te kerekere nei! Nau e hiahia i aa koe ku oti te hakaari ake ki naa tama see illoa i naa vana i oo mee ni huu ki see ilotia naa tama e atammai ma naa tama e illoa i te kau vana. 26E maaoni, taku Tamana, i teenei ko too ara ni hiihai maa naa mee nei ki ssura.\"\n27Araa Jesus ku huri ake no mee ake ki naa tama naa, \"Taku Tamana ni kaumai naa mee hakkaatoa. See hai tama e iloa maaoni maa nau se tama peehea, taku Tamana raa koi. See hai tama e iloa maaoni maa taku Tamana raa se tama peehea, teenei ko nau koi soko nau, te Tama TeAtua, aa ma naa tama hoki e tukua a nau ki hakaari naa tiputipu taku Tamana.+\n28\"Kootou oomai kiaa nau, kootou naa tama ku naennae te amo naa mee e mmaha, teenaa nau ma ki tokonaki atu ki hakamalolloo kootou. 29Kootou hakannoo no tuku ki aku vana, aa kootou ku mee ki illoa kootou i aku tiputipu, i aa nau se tama see haaeo aa e meemee seemuu, teenaa nau ma ki tokonaki atu ki hakamalolloo kootou.+ 30I te aa, i aku taratara ma ki kauatu raa ma ki kauatu kootou taukareka, aa naa mee ma ki kauatu nau ki amo kootou raa, teenaa seai ni mmaha maaoni.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/11\/","date":"2018-09-22T13:20:21Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158429.55\/warc\/CC-MAIN-20180922123228-20180922143628-00047.warc.gz","language":"nho","language_score":1.0000035763,"language_script":"Latn","minhash_cluster_size":3,"top_langs":"{\"nho_Latn_score\": 1.0000035762786865}","num_words":1311,"character_repetition_ratio":0.061,"word_repetition_ratio":0.005,"special_characters_ratio":0.231,"stopwords_ratio":0.571,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 5:36\n36Kootou e illoa maa naa setau koi peelaa raa e mee te tama, tana inoa ko Tiudas, ni sare ka meemee ki te henua maa ia se hakamau. Teelaa se haa naa rau naa taanata ni tautari atu ki te tama naa. Tevana iaa te tama naa ni taia no mate no masseu huri naa tama e tautari kiaa ia naa no seai hakaoti te kaavena naa. Teenaa mate iloo te vana te tama naa ni mee naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/5\/36","date":"2018-09-26T15:05:10Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267165261.94\/warc\/CC-MAIN-20180926140948-20180926161348-00048.warc.gz","language":"nho","language_score":0.8421045542,"language_script":"Latn","minhash_cluster_size":2,"top_langs":"{\"nho_Latn_score\": 0.8421045541763306, \"rar_Latn_score\": 0.03795917332172394, \"wls_Latn_score\": 0.015442609786987305, \"sps_Latn_score\": 0.014802400022745132, \"hif_Latn_score\": 0.010801137425005436}","num_words":160,"character_repetition_ratio":0.074,"word_repetition_ratio":0.0,"special_characters_ratio":0.205,"stopwords_ratio":0.275,"flagged_words_ratio":0.0,"lang_id_score":0.841,"perplexity_score":500.0,"cluster_detection":1} +{"text":"MATTHEW 25:10\n10Teenaa oo iloo te takarima e sosorina vvare naa no taavi naa sunu laatou. Te saaita laatou ni oo raa, te taupeara e mee ki aavana raa ku tae ake. Naa taupu ni nnoho ma naa lamu laatou e ura raa ni massike atu no uru hakapaa iloo laatou ma te taupeara raa ki loto te hare te kaikai naa. Teenaa ppui iloo te tootoka.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/25\/10","date":"2018-09-22T22:34:22Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158766.53\/warc\/CC-MAIN-20180922221246-20180923001646-00251.warc.gz","language":"nho","language_score":0.5049853325,"language_script":"Latn","minhash_cluster_size":119,"top_langs":"{\"nho_Latn_score\": 0.5049853324890137, \"rar_Latn_score\": 0.13989946246147156, \"wls_Latn_score\": 0.022698473185300827, \"gil_Latn_score\": 0.021793780848383904, \"tah_Latn_score\": 0.015244557522237301, \"hif_Latn_score\": 0.014438427053391933, \"sps_Latn_score\": 0.014386066235601902, \"wol_Latn_score\": 0.013937531039118767, \"ekk_Latn_score\": 0.012763849459588528, \"guj_Latn_score\": 0.012346272356808186, \"smo_Latn_score\": 0.011338013224303722, \"fin_Latn_score\": 0.010749653913080692}","num_words":147,"character_repetition_ratio":0.072,"word_repetition_ratio":0.0,"special_characters_ratio":0.2,"stopwords_ratio":0.252,"flagged_words_ratio":0.0,"lang_id_score":0.521,"perplexity_score":500.0,"cluster_detection":1} +{"text":"ACTS int\nTE HAKATAAKOTO TE LAUPEPA NEI\nNaa Heheuna naa Aposol ko te ssoa te laupepa ni sissia mai i Luke. Te tahito taratara i te laupepa nei e taratara i te ara naa tama ni tautari ki Jesus imua, teelaa ni usuhia TeAitu Tapu, ni hakaea te Lono Taukareka iaa Ia \"iloto Jerusalem, aa vaaroto naa matakaaina i Judea, Samaria, aa i naa kina hakkaatoa i te maarama nei\". (1.8) Te laupepa nei e taratara i te kaamata iho te lotu raa i te kanohenua naa Jew, no hakataka no illoa naa tama hakkaatoa i te maarama nei. Ttama ni sissii te laupepa nei e mee ma ki hakailoa ake ki naa tama teelaa ma ki ppau naa taratara nei, teenaa maa naa tama e lotu i TeAtua raa seai maa ni tama e mee ma ki hakahitia laatou naa hakamau i Rome, seai. A ia e taratara maa te lotu naa Jew raa, teenei e ttino i naa hakattina te henua i Christ.\nNaa Heheuna naa Aposol e lavaa te vaaea ki takkoto ki naa tahito taratara e toru, teelaa e taratara i te ara te Lono Taukareka i Jesus raa ni tarataraina aa i te hakamasike ana te lotu TeAtua: (1) Te kaamata iho te lotu raa iloto Jerusalem imuri te ahe ana Jesus ki te lani; (2) Te lotu raa e ttoha ki naa kina hakkaatoa iloto Palestine; (3) Te lotu raa ku ttoha hoki ki naa matakaaina tammaki no tae ki Rome.\nTe taratara e lasi e tarataraina mai i Naa Heheuna naa Aposol raa, teenaa ko naa heheuna naa mahi TeAitu Tapu raa i naa tama e lotu i TeAtua. Naa tama naa ni tauria naa mahi TeAitu Tapu raa i te aso te Pentekos, teenaa te kanohenua TeAtua ma naa tama hakamaatua laatou naa ni tauria naa mahi TeAitu Tapu raa i naa vana teelaa e tarataraina iloto te laupepa nei. Naa akonaki mua i Christ raa e tarataraina mai iloto naa akonaki iloto te laupepa nei, aa naa vana ni ssura teelaa e sissia iloto Naa Heheuna naa Aposol e huri ake i te haimahi naa taratara nei iloto naa ora naa tama e illoa i Christ aa i naa meemee hakapaa naa tama te lotu.\nNaa takkoto naa taratara iloto te laupepa nei\nNaa aposol ku tanatana ki oo no hakaea te Lono Taukareka 1.1–26\na. Te taratara hakamaatua hakaoti Jesus ni purepure ake ki ana aposol 1.1–14\nb. Ttama e tukua ki suia Judas 1.15–26\nTe Lono Taukareka e tarataraina iloto Jerusalem 2.1—8.3\nTe Lono Taukareka e tarataraina vaaroto Judea ma Samaria 8.4—12.25\nNaa heuna Paul 13.1—28.31\na. Te horau mua ana Paul no mee naa heuna TeAtua 13.1—14.28\nb. Naa aposol raa e kkutu no taratara i Jerusalem 15.1–35\nc. Te ssoa te horau Paul no mee naa heuna TeAtua 15.36—18.22\nd. Te ttoru naa horau Paul 18.23—21.16\ne. Paul e karapusi i Jerusalem, Sisaria, aa i Rome 21.17—28.31\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/int\/","date":"2018-09-22T13:55:01Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158429.55\/warc\/CC-MAIN-20180922123228-20180922143628-00051.warc.gz","language":"nho","language_score":0.9995142221,"language_script":"Latn","minhash_cluster_size":2,"top_langs":"{\"nho_Latn_score\": 0.9995142221450806}","num_words":556,"character_repetition_ratio":0.085,"word_repetition_ratio":0.0,"special_characters_ratio":0.238,"stopwords_ratio":0.471,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"ROME 1:21\n21Niaaina maa naa tama naa e illoa i TeAtua, laatou maraa see lotu ka hakanau iaa Ia. Laatou hoki see illoa te fiaffia i naa vana TeAtua e mee ki laatou. Naa vana nei see haia hakkaatoa naa tama naa. Naa pisouru laatou ku vvare hakaoti. Laatou ku see hai mannatu e takkoto i naa pisouru laatou, i naa manava vvare laatou naa ku oti te haaoa ki te poouri ana.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/1\/21","date":"2018-09-23T07:07:39Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159160.59\/warc\/CC-MAIN-20180923055928-20180923080328-00023.warc.gz","language":"nho","language_score":0.7456052303,"language_script":"Latn","minhash_cluster_size":2,"top_langs":"{\"nho_Latn_score\": 0.7456052303314209, \"rar_Latn_score\": 0.047781068831682205, \"wls_Latn_score\": 0.022754602134227753, \"hif_Latn_score\": 0.019286256283521652, \"sps_Latn_score\": 0.013231458142399788, \"ekk_Latn_score\": 0.01024841982871294}","num_words":153,"character_repetition_ratio":0.071,"word_repetition_ratio":0.0,"special_characters_ratio":0.199,"stopwords_ratio":0.288,"flagged_words_ratio":0.0,"lang_id_score":0.753,"perplexity_score":500.0,"cluster_detection":1} +{"text":"ROME int\nTE HAKATAAKOTO TE PAS NEI\nTe Pas Paul ki naa tama i Rome nei ni sissii ki hakatonu hakaoti tana hano ma ki hano no mmata i te kanohenua TeAtua i Rome. A ia ni maanatu ki hano ia no heheuna hakamaarie ma naa tama TeAtua i te kina naa, aa ma ki oti naa tama naa ku tokonaki ake ki lavaa ia te hakataka no hano ki Spain. A ia ni sissii te pas nei ki taratara ia i tana iloa i naa tiputipu te lotu teelaa ki tauhia naa tama TeAtua, aa i naa heheunatia laatou te tiputipu naa iloto naa ora laatou. Te pas nei e takkoto naa taratara katoo Paul ni mee i te taratara nei.\nI loto te pas nei raa, a ia e purepure imua ki te kanohenua TeAtua i Rome, ka taratara ake i ana noho ka taku peenaa ki TeAtua i laatou. Ki oti raa a ia raa ku hakatuu te tahito taratara te pas nei: \"Naa tama e ttonu raa ma ki ora i laatou e lotu maaoni.\" (1.17)\nPaul ki oti raa ku ppono ake hoki aaraa taratara aana ki aruna tana tahito taratara nei. Naa tama hakkaatoa i te maarama nei, teenaa ko naa Jew e hakapaa katoo ma naa tama i naa matakaaina sara, e tau te hakattonu naa ora laatou ki ttonu ma TeAtua, i laatou hakapaa katoo e takkoto i laro naa mahi te haisara. Naa ora te henua e ttonu koi imua naa karamata TeAtua ki mee maa laatou e lotu maaoni i Jesus Christ. Ki oti raa Paul ku taratara i naa tiputipu te ora hoou iloto Jesus Christ, teelaa ku sura i TeAtua ku manava laaoi i naa tama te maarama nei. Te tama e lotu maaoni i Jesus Christ raa ku noho hakaraaoi ma TeAtua, teenaa a ia ku hakasaoria TeAitu TeAtua raa i naa mahi te haisara ma naa mahi te mate. Paul e taratara hoki i te sapta 5-8 i te hakataakoto naa Loo TeAtua aa ma naa mahi TeAitu TeAtua iloto te ora te tama e lotu i Jesus Christ. Ki oti raa a ia ku hai ki hakatonu te taratara maa peehea naa takkoto naa Jew aa ma naa tama i naa matakaaina sara raa iloto te hakataakoto TeAtua e mee maa naa tama hakkaatoa i te maarama nei. Paul e hakaoti ana taratara raa maa te ffuri naa Jew no hakakkeeina laatou Jesus raa, teenaa ni vana TeAtua e mee ki hakakkuturia mai naa tama katoo i te maarama nei ki llave i te manava aroha TeAtua teelaa e takoto i Jesus Christ, aa Paul e maanatu peelaa maa naa Jew raa ma ki see hakakkeeina laatou peenaa Jesus. Kimuri hakaoti raa Paul e sissii i naa tiputipu te tama e lotu maaoni i Christ raa ki taka ma ia, teenaa a ia e haimahi ana taratara i te vasi te manava laaoi i telaa tama. A ia e hakatahito ana taratara raa ki naa heheuna te henua ma TeAtua, naa sosorina naa tama te lotu ki te kaaman aa ki aaraa tama, aa naa taratara i te hakataakoto te tama. Paul e hakaoti tana pas nei ki ana purepure ki naa tama naa, ka mee ana taratara hakanau i TeAtua.\nNaa takkoto naa taratara iloto te pas nei\nTe hakataakoto te Pas aa te tahito taratara 1.1–17\nNaa tama katoo e haisara 1.18—3.20\nTe ara TeAtua e hakasao te tama haisara 3.21—4.25\nTe ora hoou iloto Christ 5.1—8.39\nTe hakataakoto TeAtua i te kanohenua Israel 9.1—11.36\nNaa sosorina te tama e lotu i Christ 12.1—15.13\nNaa taratara hakaoti ma naa purepure Paul 15.14—16.27\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/int\/","date":"2018-09-22T15:25:07Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158450.41\/warc\/CC-MAIN-20180922142831-20180922163231-00506.warc.gz","language":"nho","language_score":0.9999505281,"language_script":"Latn","minhash_cluster_size":2,"top_langs":"{\"nho_Latn_score\": 0.9999505281448364}","num_words":681,"character_repetition_ratio":0.071,"word_repetition_ratio":0.0,"special_characters_ratio":0.228,"stopwords_ratio":0.53,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 10\nJesus e heuna te tino hitu maa te takarua naa tama ki oo\n1Kimuri raa TeAriki ni hiri hoki te tino hitu maa te takarua naa tama ki oo imua ki naa matakaaina hakkaatoa teelaa ma ki oti a Ia ku hanatu imuri. Naa tama naa ni oo tiki takarua. 2A Ia ni vanaake peelaa ki laatou, \"Naa kaikai i naa verena raa ku ffua no ppesi hakkaatoa, tevana iaa naa tama ki vasi raa e mooisi koi. Kootou taku ki TeAriki, te tama e mee ana verena naa, ki heuna ni tama hoki ki oo no vasi.+ 3Kootou oo! Kootou e heunatia a nau pee ko naa sukua sipsip e kaavea ki ttaka ma naa poi vao e kaittama.+ 4Kootou see ppiki ni paos e haohao mane, aa ma ni paeke haohao hekau, aa seai ma ni taka. Ki mee ni tama e ttiri i kootou i te ara, kootou see ttuu no tarataraina kootou naa tama naa.+ 5Naa saaita hakkaatoa kootou e uru atu ki loto se hare, kootou ki mee ake peelaa, 'Te laaoi TeAtua ki takoto i te hare nei,' 6Ki mee maa teelaa se tama e manava laaoi e taka i te hare naa, teenaa naa purepure kootou naa ma ki takkoto ma te tama naa; aa ki mee seai, naa purepure kootou naa e ahe koi ma kootou. 7Kootou see vaissare huri i naa hare; kootou nnoho koi i te hare tokotasi. Kootou ki kkai ka unu te kau mee naa tama te hare raa e kauatu, i naa tama e heheuna raa e tau te suia i naa heuna laatou.+\n8\"Ki mee ni tama se matakaaina e fiffai maa kootou ki oo ake, kootou ki kkai ni aa laatou e kauatu, 9aa ku haia kootou naa tama e mmaki i te kina naa ki taukalleka, ka taratara ake peelaa ki naa tama, 'Te Nohorana TeAtua ku saaita atu ki kootou.' 10Aa ki mee kootou e oo atu ki se matakaaina, aa naa tama i te kina naa see fiffai maa kootou ki oo ake, kootou ku oo vaaroto naa mateara te matakaaina naa ka taratara peelaa,+ 11'Naa kerekere te matakaaina nei, teelaa e mmau i naa vae maatou, e tatahia maatou ki illoa kootou i te tiputipu kootou naa e sara! Kootou iaa ki illoa i te mee nei: Te Nohorana TeAtua raa ku saaita atu ki kootou!'+ 12Nau e taratara atu ki kootou: i te Aso te Hakatonu TeAtua raa, naa haaeo TeAtua ni kauake ki naa tama i Sodom raa ma ki see tae ki ana haaeo ma ki kauake ki naa tama te matakaaina naa!+\nNaa matakaaina see lotu i TeAtua\n13\"Kootou naa tama i naa matakaaina Korasin ma Bethsaida; naa haaeo e llasi ma ki pakkuu atu ki kootou! Ki mee maa naa mahi TeAtua ni hakassura i naa matakaaina kootou nei ni hakasuratia hoki nau i Tyre ma Saidon raa, naa tama i naa matakaaina naa kunaa ffuri are naa manava laatou. Ki mee raa, naa tama naa ku naa nnoho are ma naa maro ppari laatou ka huna naa haitino laatou ki naa nanahu, ki huri ake peelaa maa laatou ku ffuri naa manava laatou.+ 14I te Aso te Hakatonu TeAtua raa, te manava aroha TeAtua ma ki hakasura ki naa tama i Tyre ma Saidon raa ma ki ttoe iaa i kootou. 15Aa kootou, naa tama i Capernaum! Kootou ni mannatu maa kootou ki saaua ki te lani? See lavaa. Kootou ma ki peesia ki te kina naa tama e mmate!\"+\n16Jesus ki mee ake ki ana disaipol, \"Te tama e hakannoo ki kootou raa, e hakannoo kiaa nau; te tama see hiihai ki kootou raa, see hiihai hoki kiaa nau; aa te tama see hiihai kiaa nau raa, see hiihai ki te tama ni heuna ma ki au nau.\"+\nTe tino hitu maa te takarua taanata raa ku ahe ake ki Jesus\n17Te saaita te tino hitu maa te takarua naa taanata ni heunatia Jesus ni ahe ake raa, naa tama naa ni taratara fiaffia ake peelaa ki Jesus, \"TeAriki, naa tippua raa hoki ni hakannoo mai ki maatou i naa varo ake maatou too inoa!\"\n18Teenaa ki mee ake Jesus, \"Nau e kite i naa leiho mai Satan i te lani, e mee pee ko naa kkemo te uila. 19Hakannoo mai! Nau ku oti te uii atu naa mahi TeAtua ki kootou, ki lavaa kootou te takataka vaaruna naa kata ma naa huitaarau, aa ki tinaia naa mahi Satan. Kootou ma ki see lavaa te mmere i naa mee peenaa.+ 20Tevana iaa kootou ki see fiaffia maa i naa tippua raa e hakannoo ki kootou; kootou ki fiaffia are i naa inoa kootou e sissia no takkoto i te lani.\"\nJesus e taku ki te Tamana\n21I te saaita naa, te hiahia TeAitu Tapu raa ni takoto i Jesus, teenaa taku iloo Jesus peelaa ki TeAtua, \"Tamana, TeAriki te lani ma te kerekere nei! Nau e hiahia i aa koe ku oti te hakaari ake ki naa tamavare i oo mee ni huu ki see ilotia naa tama e atammai ma naa tama e illoa i te kau vana. E maaoni, taku Tamana, i teenei ko too ara ni hiihai maa naa mee nei ki ssura.\"\n22Jesus ki mee ake ki naa tama naa, \"Taku Tamana ni kaumai naa mee hakkaatoa. See hai tama e iloa maaoni maa nau se tama peehea, taku Tamana raa koi. See hai tama e iloa maaoni maa taku Tamana raa se tama peehea, teenei ko nau koi soko nau, te Tama TeAtua. Aa naa tama hoki e illoa i TeAtua raa, teenaa ko aku tama e fiffai maa nau ki hakaari naa tiputipu taku Tamana.\"+\n23Te saaita ana disaipol raa ni nnoho soko laatou raa, Jesus ni huri atu no taratara ake peelaa ki laatou, \"Kootou ki fiaffia i kootou ku kkite i naa mee nei. 24Nau e vanaatu ki kootou: E tammaki naa pure TeAtua ma naa tuku ni fiffai maa laatou ki kkite i naa mee kootou e kkite nei, tevana iaa naa tama naa ni see lavaa. Naa tama naa ni fiffai maa laatou ki llono i naa mee kootou e llono nei, tevana iaa laatou ni see lavaa.\"\nTe parapol i naa sosorina taukareka te tama haka Samaria\n25I te aso tokotasi raa, te tisa tokotasi naa Loo raa ni mee ma ki haaiteria a ia te atamai Jesus. A ia ni tuu ki aruna no vasiri ake ki Jesus, \"Tisa nei, nau ki mee peehea ki toa a nau te ora e ora hakaoti?\"+\n26Jesus ki hakaahe ake, \"Naa Loo Moses raa e taratara maa e aa? Koe e hakataakoto peehea naa taratara naa?\"\n27Te tanata raa ki mee ake, \"'Koe ki manava laaoi i TeAriki, too Atua, ki too hatumanava hakkaatoa, ki too ora hakkaatoa, ki oo mahi hakkaatoa, aa ki too hakataakoto hakkaatoa'; aa 'Koe ki manava laaoi i te tama e noho i too vasi, e mee pee ko i-oo manava laaoi iaa koe soko kkoe.'\"+\n28Jesus ku ttao atu, \"Koe e tonu. Tautari ki naa taratara naa aa koe ku ora.\"+\n29Te tisa naa ni hiihai maa Jesus ki kite maa ia se tama e iloa i naa Loo, teenaa ki vasiri ake a ia peelaa, \"Ko ai te tama e noho i taku vasi?\"\n30Jesus ki hakaahe ake, \"Teelaa se tanata e masike i Jerusalem no hano ki Jericho. I loto te ara raa, te tanata naa ni osohia naa tama kailallao raa no taia ka huuina ana hekau. Teenaa te tanata naa ni tiiake naa tama naa ka moe somo sara iloto te ara.\n31\"Teelaa se maatua te hare lotu raa ni sare ake hoki i te ara naa. I tana saaita ni kite i te tanata e moe ka somo sara raa, a ia ni hakahiti ki telaa vasi te ara raa no hakaraka koi.\n32\"Peelaa hoki, teelaa se tama e heheuna i te Hare Tapu TeAtua ni sare ake hoki i te ara naa. A ia ni sare ake no mmata i naa moe te tanata naa, araa hakahiti iloo ia ki telaa vasi no hakaraka koi ka hano.\n33\"Araa teenaa, sura mai iloo te tama haka Samaria i te ara naa hoki. I tana saaita ni kite i naa moe mai te tanata raa iloto te ara raa, a ia ni aroha iloo.+ 34Teenaa hanatu iloo ia no huihui naa kina te tama naa e mmere raa ki te wain ka aamosi ki te ssunu, araa saisai iloo ki naa tapaa maro. Ki oti raa saaua iloo ia te tama raa no hakanoho i aruna tana donki no hakattaki ki te hare moemoe tokotasi. Teenaa noho iloo ia no mmata ake ki te tama naa.+ 35I te ssoa te aso raa, te tanata haka Samaria raa ni too ana siliva e lua no kauake iloo ki te tama e roorosi te hare moemoe naa. Araa mee ake iloo peelaa kiaa ia, 'Mmata ake ki te tama nei. Taku saaita ma ki ahemai peenei raa, nau ma ki suia a nau too kooina ni pesi i te tama nei.'\"\n36Jesus ni hakaoti atu tana taratara raa peelaa ki te tama naa, \"Ko ai te tama i te takatoru nei e mee ma se tama e noho i te vasi te tanata ni taia nei?\"\n37Te tisa naa Loo raa ki mee ake, \"Te tama ni aroha i te tanata ni taia.\"\nJesus ki mee ake, \"Koe ku hano no sosorina hoki peenaa.\"\nMary laaua ma Martha\n38Te saaita Jesus ma ana disaipol raa koi sassare ka oo ki Jerusalem raa, laatou ni taa ki te matakaaina e noho ai te ffine e ttapa ma ko Martha. Teenaa Jesus ni toa te ffine naa ki tana hare. 39Martha e mee tana taina e ttapa ma ko Mary, aa Mary ni hano no noho iloo imua TeAriki no hakannoo ki ana taratara.+ 40Naa manava Martha iaa ni hakallika iloo i aa ia e tuu ka ppena naa kaikai laatou naa soko ia. Teenaa hanatu iloo ia no mee ake ki Jesus, \"TeAriki, koe e maanatu maa te vana taku taina e mee nei e taukareka? Nau koraa ku tiiake iloo ia ki ppena nau naa kaikai nei soko nau! Vanaatu kiaa ia ki au no tokonaki mai kiaa nau!\"\n41Teenaa ki huri atu TeAriki no mee ake kiaa ia, \"Martha, Martha! Koe e mamaanatu tammaki are ka hakallika too manava i te lopo vana. 42Teelaa se mee koi tokotasi koe ki ssee. Mary nei ni ssee ki te mee maaoni, aa te mee nei ma ki see lavaa te hanaa iaa ia.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/10\/","date":"2018-09-23T12:02:54Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159359.58\/warc\/CC-MAIN-20180923114712-20180923135112-00351.warc.gz","language":"nho","language_score":1.000005126,"language_script":"Latn","minhash_cluster_size":2,"top_langs":"{\"nho_Latn_score\": 1.0000051259994507}","num_words":1847,"character_repetition_ratio":0.056,"word_repetition_ratio":0.001,"special_characters_ratio":0.241,"stopwords_ratio":0.552,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 23:16\n16\"Aroha iloo i kootou naa tama e ppuni naa karamata kootou aa e hakattaki aaraa tama, kootou ma ki haia hakallikaina iloo! Kootou e akonaki te henua ma ki mee se tama e tuku tana taratara ka hakamaumau ki te Hare Tapu raa, tana taratara naa ma ki see mau; aa ki mee a ia e hakamaumau ki naa kol e takkoto iloto te Hare Tapu naa, teenaa tana taratara naa ma ki mau.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/23\/16","date":"2018-09-25T07:55:33Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267161214.92\/warc\/CC-MAIN-20180925063826-20180925084226-00035.warc.gz","language":"nho","language_score":0.6739875078,"language_script":"Latn","minhash_cluster_size":1,"top_langs":"{\"nho_Latn_score\": 0.6739875078201294, \"rar_Latn_score\": 0.14708304405212402, \"wls_Latn_score\": 0.0359979122877121, \"niu_Latn_score\": 0.015537470579147339, \"hif_Latn_score\": 0.014363453723490238, \"mri_Latn_score\": 0.010441760532557964}","num_words":156,"character_repetition_ratio":0.075,"word_repetition_ratio":0.0,"special_characters_ratio":0.201,"stopwords_ratio":0.288,"flagged_words_ratio":0.0,"lang_id_score":0.724,"perplexity_score":500.0,"cluster_detection":1} +{"text":"ACTS 14:17\n17Aa niaaina maa kootou ni see illoa i TeAtua raa, taatou katoo e hakakkiitea a Ia ki illoa taatou maa naa mee hakkaatoa e taukalleka raa, teenaa ni mee aana e kaumai ki taatou. Teenaa ko Ia raa e haia a Ia te ua raa ki too aa naa kaikai raa ki ssomo; a Ia e kauatu naa kaikai kootou ki kkai aa kootou e haia a Ia ki fiaffia.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/14\/17","date":"2018-09-20T22:38:05Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156622.36\/warc\/CC-MAIN-20180920214659-20180920235059-00287.warc.gz","language":"nho","language_score":0.6913238764,"language_script":"Latn","minhash_cluster_size":2,"top_langs":"{\"nho_Latn_score\": 0.6913238763809204, \"rar_Latn_score\": 0.09257002919912338, \"hif_Latn_score\": 0.02721243165433407, \"wls_Latn_score\": 0.021018944680690765, \"gil_Latn_score\": 0.020023616030812263, \"ekk_Latn_score\": 0.01170411892235279, \"sps_Latn_score\": 0.010255151428282261}","num_words":152,"character_repetition_ratio":0.071,"word_repetition_ratio":0.0,"special_characters_ratio":0.205,"stopwords_ratio":0.289,"flagged_words_ratio":0.0,"lang_id_score":0.599,"perplexity_score":500.0,"cluster_detection":1} +{"text":"ACTS 12\nNaa tama te lotu raa ku mee pakavaina Herod\n1I te saaita naa raa, te tuku Herod raa ni kaamata no mee pakavaina a ia aaraa tama te lotu. 2Teenaa Herod ni vanaake ki tana soldia raa ki tuutia te ua James, te taina John, ki te komu taa tama raa ki mate. 3I te saaita Herod ni kite maa naa Jew raa ni fiaffia i tana vana ni mee nei raa, hano iloo ia no mee ma ki tauhia Peter. (Naa vana nei ni mee i te ssao te Kaikai te Haraoa See hai Iis raa). 4Peter ni tauhia naa soldia Herod raa no ponotia iloo ki loto te hare karapusi, araa tuku iloo naa kaavena soldia e haa ki roorosi i Peter, te takahaa soldia i te kaavena tokotasi. Teenaa Herod ni maanatu maa Peter ki oti ku too ake no hakatonu ana sara raa imua naa karamata te henua imuri te Kaikai te Pasova.+ 5Teenaa Peter ni tiiake ka moe peenaa iloto te hare karapusi; naa tama te lotu raa iaa ni taku hakappuru iloo ki TeAtua ki tokonaki kiaa ia.\nPeter ku hanaa i te hare karapusi\n6Te poo hakaoti Peter i te hare karapusi, i aa ia ma ki toa Herod no hakatuuria imua te henua i te ssoa te aso raa, Peter ni hakamoeria iloto te takarua soldia. A ia naa e saisaitia ki naa seni e lua; te seni tokotasi e sai atu ki te soldia i tana vasi, aa telaa seni e sai atu ki telaa soldia i telaa vasi aana. Aaraa soldia iaa e ttuu ka roorosi i te tootoka. 7Saaita naa lokoi raa, te ensol TeAtua raa ku tuu ake no too te maasina raa iloto te hare karapusi. Te ensol raa ni kapaatu ki te utukei Peter no ffano iaa ia ki maahuru. A ia ki mee ake peelaa ki Peter, \"Hakavave no masike ki aruna!\" Naa seni ni mmau i naa rima Peter raa ni maffana lokoi i te saaita naa no maaoha ki laro.\n8Teenaa mee ake iloo te ensol raa kiaa ia, \"Tuu too tuu naa aa koe ku hakao oo taka.\" Ki oti raa, te ensol raa ki mee ake hoki, \"Hakao too kkahu raa aa koe ku au vaamuri aaku.\" 9Peter ni hanatu vaamuri te ensol raa no oo iloo laaua ki haho te hare karapusi, tevana iaa Peter ni hakatuu nataa iloo maa te vana te ensol e mee nei se vana maaoni; a ia ni ttau maa ia e miti. 10Takarua naa ni oo no hakaraka iloo te kaavena mua naa soldia aa te ssoa te kaavena, teenaa oo atu iloo laaua no ttae atu ki te tootoka katana e ppui i te ara e uru atu ki loto te matakaaina naa. Te saaita laaua ni ttae atu raa, te tootoka naa ni taaraki soko ia, teenaa uru iloo laaua ki haho. Laaua ni sassare ka oo i te ara tokotasi no seai lokoi te ensol raa i te vasi Peter.\n11Teenaa ki maasaro iloo Peter i te vana ni mee iaa ia naa, no taratara ia peelaa, \"Teenei nau ku iloa maa teenei se vana maaoni! TeAtua ni heuna tana ensol raa ki au no hakasaoria nau i naa mahi Herod aa i naa vana katoo naa Jew raa ni mannatu ma ki mee kiaa nau.\"\n12Te saaita Peter ni maasaro ake i naa vana e mee iaa ia raa, a ia ni hano ki te hare Mary, te tinna John Mark, i te kina te lopo tama ni kkutu no taku. 13Peter ni hanatu no pakuukuu iloo i te tootoka i haho, teenaa hanatu iloo te taupu e heheuna i te hare naa, tana inoa ko Roda, no mee ma ki taaraki te tootoka. 14I te saaita te taupu naa ni mate i te reo Peter raa, a ia ni hiahia iloo, teenaa a ia ni ssiri ma ki taaraki te tootoka; a ia ni ahe koi ki hare no taratara ake ki naa tama i te hare raa maa Peter e tuu ake i haho.\n15Naa tama raa ki mee ake, \"Koe ku vvare!\" Tevana iaa te taupu raa ni ppura iloo maa teelaa ko Peter maaoni. Teenaa ki mee ake naa tama naa, \"Teenaa pee ko te mouri koi Peter.\"\n16Peter iaa koi tuu ka pakuukuu mai i te tootoka. Teenaa taaraki iloo naa tama naa te tootoka no llee naa mouri laatou i naa tuu ake Peter. 17Peter ni ssau atu tana rima ki nnoho seemuu laatou, teenaa taratara ake iloo i naa hanake TeAriki no toomai a ia i te hare karapusi. Ki oti raa taratara ake hoki a ia peelaa, \"Kootou hakaari atu ki James aa ma naa tama hakkaatoa te lotu.\" Teenaa masike iloo ia no hano ki telaa kina.\n18I te tapataiao raa, naa tama e roorosi te hare karapusi raa ni vvare hakaoti iloo i Peter ku seai. 19Herod ni kkave tana taratara ki seeia Peter, tevana iaa te tama naa ni see laavea laatou. Teenaa vanaake iloo ia ki ana soldia raa ki vasiria naa tama ni roorosi te hare karapusi raa aa ku toa no taaia ki mmate.\nHerod ku mate\nHerod ni masike i Judea no hano iloo no noho hakamaarie i Sisaria. 20Herod ni hakatauttau laatou ma naa tama i Tyre ma Saidon. Teenaa hakapaa iloo naa tama i naa matakaaina e lua naa no oo ake ma ki mmata laatou i Herod. Naa tama naa ni oo imua no usuhia laatou Blastus, te hakamau naa poe te tuku, ki tokonaki ki laatou. Teenaa oo iloo naa tama naa ki Herod no taratara ki see hetaa laatou, i te henua laatou raa e too kaikai peenaa i te henua te tuku naa.\n21I tana aso ni tuku raa, Herod ni hakao ki ana kkahu hakamaatua raa no noho i aruna tana nohonoho maatua no kauake tana taratara ki te henua. 22Teenaa ki tanitani varo atu naa tama naa, \"Teenaa seai se tama nei e taratara, teenei se atua.\" 23Herod ni likittia te ensol TeAtua raa no hakaraaua ki te maki e lasi i te saaita naa lokoi, teenaa i aa ia ni see taratara hakanau i TeAtua. Tana haitino ni kaina katoo naa roo raa no mate iloo ia.\n24Naa taratara TeAtua iaa ni ttoha ki naa kina hakkaatoa, teenaa te kooina naa tama ni hakannoo ki naa taratara naa no lotu i TeAtua raa, ni hanake no tammaki iloo.\n25Barnabas laaua ma Saul ni oti te mee naa heuna laaua raa, ahe ake iloo i Jerusalem ki Antiok, laatou ma John Mark.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/12\/","date":"2018-09-25T03:01:14Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160923.61\/warc\/CC-MAIN-20180925024239-20180925044639-00171.warc.gz","language":"nho","language_score":0.999994278,"language_script":"Latn","minhash_cluster_size":2,"top_langs":"{\"nho_Latn_score\": 0.9999942779541016}","num_words":1177,"character_repetition_ratio":0.059,"word_repetition_ratio":0.0,"special_characters_ratio":0.232,"stopwords_ratio":0.489,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 22\n1\"Aku taaina ma aku tammana nei. Kootou hakannoo mai ki hakatonu atu nau i aa nau seai taku sara ni mee!\"\n2Te saaita te kanohenua naa ni llono maa Paul e taratara haka Jew raa, naa tama naa ni noho seemuu hakkaatoa. Teenaa ki kaamata Paul no taratara, 3\"Nau nei se Jew, aa nau ni haanauria mai i te matakaaina Tarsus iloto Silisia, tevana iaa nau ni matua i Jerusalem, aa Gamaliel raa ko taku tisa ni ako mai ka iloa nau i naa Loo hakkaatoa naa tippuna taatou imua. Nau nei hoki e hakatina ki haia a nau naa heuna TeAtua pee ko kootou, naa tama e ttuu i te kina nei i te aso nei.+ 4Nau ni hakataka ki naa kina katoo no seeia naa tama e tautari ki te Mateara TeAriki raa ki taaia ki mmate, teenaa te lopo taanata ma naa haahine i naa tama naa ni peesia a nau ki loto te hare karapusi. 5Te Maatua Hakamau aa ma naa tama hakamaatua i te Kansol raa e lavaa te taratara atu peelaa maa aku taratara nei ni taratara maaoni. Naa tama naa ni kaumai naa pas laatou e sissii ki naa Jew taatou teelaa e nnoho i Damascus ka hano ma nau. Teenaa nau ni hanatu ki Damascus ki saisaitia naa tama naa ki naa seni raa no taakina mai ki Jerusalem ki taaia.+\nPaul ku hakaea i tana huri ana tana manava no lotu i TeAtua\n6\"I taku saaita ni taupiri ki Damascus i te laaraatea+ , te maasina e lasi raa ku llama iho i te lani no aareha iaa nau. 7Teenaa leiho iloo nau ki te kerekere raa no lono nau i naa taratara iho te reo raa i te lani peelaa, 'Saul, Saul! Nau e seeia a koe ki taia i te aa?'\n8\"Teenaa ki vasiri nau peelaa, 'Koe ko ai, TeAriki?' Te reo raa ki mee mai, 'Nau ko Jesus te tama i Nazareth, te tama e seeia a koe ki taia.' 9Naa tama ni oo maatou naa ni kkite i te maasina naa, tevana iaa naa tama naa ni see llono te reo te tama e taratara mai kiaa nau.\n10\"Nau ki vasiri hoki, 'TeAriki, nau ki mee peehea?' Araa Te Ariki ku mee mai, 'Masike ki aruna aa koe ku hanatu ki loto te matakaaina naa. E mee te tama e noho i te kina naa ma ki taratara atu i too vana ki mee.' 11Aku karamata ni ppuni i te maasina e lasi naa, teenaa ki ffuri mai naa tama e oo maatou raa no ppikitia taku rima no hakattaki atu ki loto Damascus.\n12\"I loto te matakaaina naa raa teelaa se tanata, tana inoa ko Ananias. A ia se tama iloo e lotu aa e tautari ki naa Loo Moses, aa naa Jew katoo i te kina naa e fiffai kiaa ia. 13Ttama naa ni au no tuu i taku vasi no mee mai kiaa nau, 'Taku taina Saul, ttoka mai!' Saaita naa lokoi raa aku karamata ku kkite hoki no ttoka atu nau kiaa ia. 14A ia ki mee mai, 'Koe ni hakamaatinoria te Atua naa tippuna taatou raa ki iloa koe i tana hakataakoto, ki kite koe i tana Tama e tonu, aa ki lono koe i tana tino reo. 15I te aa, i aa koe naa ma ki hakaea ki te henua hakkaatoa i oo vana ni kkite ka llono. 16Aa koe e tari hoki ki aa? Masike ki aruna no taku, aa koe ku mee ki hakaukau tapuria koe ki uiia oo haisara TeAtua.'\n17\"Teenaa ahe iloo nau ki Jerusalem no hano no taku i te Hare Tapu. I taku saaita ni taku raa, nau ni hakakkiitea TeAtua 18i naa tuu ake TeAriki no taratara mai kiaa nau peelaa, 'Hakavave lokoi no hakataha i Jerusalem i te saaita nei. Naa tama i te kina nei ma ki see fiffai maa koe e hakaea ake aku taratara raa ki laatou.' 19Nau ki mee ake, 'Naa tama naa e illoa hakaraaoi iloo maa teenei ko nau nei ni sare uru ki naa hare lotu naa Jew raa no taaia naa tama e lotu iaa koe ka ponotia ki loto te hare karapusi. 20Aa i te saaita Stephen, te tama ni sare hakaea iaa koe, ni taia no mate raa, nau nei ni hiihai ki te vana naa tama naa ni mee. Teenaa nau ni tuu i te kina naa no ttoka i naa taia te tama naa, ka roorosi ake nau ki naa kkahu naa tama ni taa iaa ia.'+ 21Teenaa ki mee mai TeAriki, 'Tere; koe ma ki kaavea a nau hakammau iloo ki naa tama i naa henua sara.'\"\n22Te kanohenua naa ni hakannoo hakaraaoi iloo ki Paul. Araa nei i tana saaita ni taratara peenaa raa, naa tama naa ni ffuri no tanittani varo peelaa, \"Taia te tama naa ki mate! Ttama naa ki see tiiake ki ora!\" 23Naa tama naa ni tanittani varo maaroo iloo ka sasae naa maro laatou raa ka tapittapi naa kerekere raa ki aruna. 24Teenaa heuna iloo te hakamau raa ana soldia ki toa Paul ki loto te hare no sarua, aa ku vasiria ki illoa laatou i te vana naa tama raa e lloto no tanittani varo peelaa iaa ia. 25Tevana iaa i te saaita Paul ni saisaitia laatou ki sarua raa, Paul ni huri ake ki te soldia tokotasi i te kina naa no mee ake, \"E aa? Te mee naa e tonu maa kootou ki sarua kootou te tama haka Rome teelaa seki toa are ki te koti no hakatonu tana sara?\"\n26Te saaita te soldia naa ni lono i naa taratara ake Paul raa, hano iloo no mee ake ki te hakamau laatou, \"Koe e iloa i too vana e mee nei? Ttanata nei se tama haka Rome!\"\n27Teenaa ki hanatu te hakamau raa no vasiri ake ki Paul, \"Taratara mai, koe se tama maaoni i Rome?\"\nPaul ki mee ake, \"Uee.\"\n28Araa te hakamau naa ku vanaake ki Paul, \"Nau nei ni pesi te mane e lasi iloo ki ilotia nau maa nau se tama i Rome.\"\nPaul ki hakaahe ake, \"A nau nei iaa e mee ma se tama i Rome i aku maatua raa ni tama haka Rome.\"\n29Teenaa naa soldia ni ttuu ki vasiria laatou Paul raa ni hakattaha iaa ia i te saaita naa lokoi; aa te hakamau laatou naa ni mataku i tana saaita ni iloa maa Paul se tama haka Rome, aa Paul iaa ku oti te saitia a ia ki naa seni.\nPaul e tuu imua te Kansol\n30Te hakamau naa soldia raa ni mee ma ki iloa hakaraaoi a ia maa teelaa se ssara peehea naa Jew raa e hai maa Paul ni mee. I te ssoa te aso raa, a ia ni vanaake ki ana soldia raa ki hanaa naa seni e mmau i Paul, teenaa aru iloo ia ki naa maatua hakamaatua te Hare Tapu aa ma naa tama hakamaatua te Kansol raa ki nnoho. Araa too atu iloo ia Paul no hakatuuria imua naa tama naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/22\/","date":"2018-09-24T01:05:41Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159938.71\/warc\/CC-MAIN-20180923232129-20180924012529-00012.warc.gz","language":"nho","language_score":0.9999992847,"language_script":"Latn","minhash_cluster_size":2,"top_langs":"{\"nho_Latn_score\": 0.9999992847442627}","num_words":1257,"character_repetition_ratio":0.054,"word_repetition_ratio":0.0,"special_characters_ratio":0.24,"stopwords_ratio":0.515,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 23:34\n34\"Nau ma ki heunatia atu a nau naa pure TeAtua, naa tama e atammai i naa vana hakkaatoa aa ma naa tisa naa Loo. Tevana iaa aaraa tama i naa tama naa ma ki taaia kootou no mmate, aaraa tama ma ki tuukia kootou ki naa kros, aa aaraa tama ma ki sarua kootou iloto naa hare lotu kootou. Naa tama naa ma ki taruarumia kootou i naa matakaaina kootou naa no ttae ki aaraa matakaaina.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/23\/34","date":"2018-09-20T13:20:36Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156471.4\/warc\/CC-MAIN-20180920120835-20180920141235-00095.warc.gz","language":"nho","language_score":0.8541147709,"language_script":"Latn","minhash_cluster_size":2,"top_langs":"{\"nho_Latn_score\": 0.8541147708892822, \"rar_Latn_score\": 0.039618100970983505, \"sps_Latn_score\": 0.02249796688556671}","num_words":158,"character_repetition_ratio":0.074,"word_repetition_ratio":0.0,"special_characters_ratio":0.201,"stopwords_ratio":0.31,"flagged_words_ratio":0.0,"lang_id_score":0.858,"perplexity_score":500.0,"cluster_detection":1} +{"text":"LUKE int\nTE HAKATAAKOTO TE LAUPEPA NEI\nTe Lono Taukareka i naa taratara Luke e taratara maa Jesus ko te tama ni tarataraina TeAtua teelaa ma ki hakasao te kanohenua Israel aa ma ki hakasao hoki naa tama hakkaatoa i te maarama nei. Luke e sissii maa Jesus ni kannaatia te Aitu TeAtua ki \"hakaea te Lono Taukareka raa ki naa tama e nnoho hakaaroha\" (4.18), aa te Lono Taukareka nei e taratara haimahi i te aroha Jesus i naa tama e nnoho hakaaroha. Te taratara i te manava hiahia raa e lasi hoki i Luke, teenaa e hakatuuria mai iloto naa taratara kaamata teelaa e taratara i te au Jesus, aa e hakatuu mai hoki iloto naa taratara hakaoti te laupepa nei, i te saaita Jesus ni hano ki te lani. Te taratara i te kaamata te lotu no ttoha ki naa kina hakkaatoa imuri te hano ana Jesus ki te lani raa, e tarataraina hoki te tama e sissii te laupepa nei i Naa heuna naa Aposol.\nNaa taratara i te laupepa nei e vvae no hakatuu i naa kina e lua (sapta 1–2 aa ko sapta 9–19) teenaa e hakatuu naa taratara teelaa e takkoto koi iloto te Lono Taukareka nei; naa taratara pee ko te mako naa ensol aa i te oo ana naa tama e roorosi naa sipsip raa no mmata i Jesus ku haanauria mai, Jesus iloto te Hare Tapu i tana saaita koi tamariki, aa te parapol i te tama haka Samaria e sosorina taukareka ma te parapol i te tamariki tanata ni seai. Te Lono Taukareka nei e taratara haimahi i te vasi naa taku taatou ki TeAtua, aa i te vasi TeAitu Tapu, naa heheuna naa haahine iloto naa heuna Jesus, aa i naa uii TeAtua naa haisara.\nNaa takkoto naa taratara iloto te laupepa nei\nTe hakataakoto te laupepa nei 1.1–4\nTe saaita John te Baptis maa Jesus ni hannau mai maa te saaita laaua ni ttipu ake no mattua 1.5—2.52\nNaa heuna John te Baptis 3.1-20\nJesus e too te hakaukau tapu aa e usuusuhia Satan 3.21—4.13\nNaa heuna Jesus iloto te henua 4.14—9.50\nKaamata i Galilee no tae ki Jerusalem 9.51—19.27\nTe wiki hakaoti Jesus i Jerusalem aa i naa matakaaina e tauppiri atu 19.28—23.56\nTeAriki e hakamasikeria i te mate no hakasura ki ana disapol, aa no hano ki te lani 24.1–53\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/int\/","date":"2018-09-19T07:48:50Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155942.15\/warc\/CC-MAIN-20180919063526-20180919083526-00497.warc.gz","language":"nho","language_score":0.9993467927,"language_script":"Latn","minhash_cluster_size":2,"top_langs":"{\"nho_Latn_score\": 0.9993467926979065}","num_words":465,"character_repetition_ratio":0.082,"word_repetition_ratio":0.0,"special_characters_ratio":0.229,"stopwords_ratio":0.445,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"ACTS 26:29\n29Teenaa ki mee ake Paul, \"Niaaina maa koe e huri too manava i te saaita nei koi aa seai maa koe e ttari kimuri, nau e taku ki TeAtua ki huria too manava aa ma naa manava katoo naa tama e hakannoo kiaa nau i te aso nei ki tiputtipu kootou ma ko nau, tevana iaa nau see mee maa kootou hoki ki saitia ki naa seni pee ko nau.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/26\/29","date":"2018-09-21T06:19:40Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156857.16\/warc\/CC-MAIN-20180921053049-20180921073449-00063.warc.gz","language":"nho","language_score":0.4757037759,"language_script":"Latn","minhash_cluster_size":2,"top_langs":"{\"nho_Latn_score\": 0.47570377588272095, \"rar_Latn_score\": 0.1942630410194397, \"sps_Latn_score\": 0.039751749485731125, \"wls_Latn_score\": 0.029430270195007324, \"hif_Latn_score\": 0.025997944176197052, \"pcm_Latn_score\": 0.02126869559288025, \"ton_Latn_score\": 0.020301129668951035}","num_words":152,"character_repetition_ratio":0.072,"word_repetition_ratio":0.0,"special_characters_ratio":0.206,"stopwords_ratio":0.276,"flagged_words_ratio":0.0,"lang_id_score":0.364,"perplexity_score":500.0,"cluster_detection":1} +{"text":"ROME 9\nTeAtua ma ana tama.\n1Aku taratara nei ni taratara maaoni. Nau see iloa te taratara kailaarao, i aa nau e taka ma Christ. TeAitu Tapu e taka ma nau nei e hakailoa mai maa taku maanatu e tonu. 2Te hakallika e takoto iloto taku manava nei see lavaa te oti. Nau e tanitani peenaa i taku aroha 3i naa tama taku henua, i laatou ni tama taku ttoo maaoni. Nau e lavaa te tuku soko nau ki laro naa haaeo TeAtua ka tiiake nau te haanauna Christ, ki mee maa teenaa ko te ara ki lavaa laatou te lotu maaoni i TeAtua. 4Naa tama raa ni tama ni purutia TeAtua ma ni tino tama aana. Naa mahi TeAtua ni hakaari ki laatou. Naa taratara hakamaatua TeAtua raa ni tuku ki laatou ka hookii ake ana Loo raa ki laatou hoki. Naa tama raa e ttaka ma te lotu maaoni. Naa purepure TeAtua e takkoto i laatou.+ 5Naa tama raa e oo iho i te manava naa Hebrew, naa tippuna maatou imua. Christ hoki ni sura iho i te manava laatou naa. Taatou ki see hakamotu te hakanau peenaa i TeAtua, i aa Ia e noho hakamaatua i naa tama naa henua hakkaatoa! Amen.\n6Nau see mee atu maa naa purepure TeAtua raa ni see ttino mai. Seai. I te aa? See mee maa naa tama hakkaatoa i Israel raa ni tama TeAtua e ppuru. 7See mee hoki maa te haanauna hakkaatoa Abraham raa ni tamalliki TeAtua. Seai. TeAtua ni vanaake ki Abraham, \"Oo mokopuna maaoni raa ma ki ssura iho i te manava Isaac.\"+ 8Te hakataakoto te taratara nei e mee maa naa tamalliki katoo ni hannau mai i te maarama nei raa, see mee maa teenaa ni tamalliki hakkaatoa TeAtua. Naa tamalliki koi ni hannau mai, aa e hanotonu ma naa purepure TeAtua e takkoto raa, teenaa ko naa tamalliki maaoni TeAtua. 9I te aa, TeAtua ni purepure ake peelaa ki Abraham, \"Nau ma ki oti ku tuku taku saaita ma ki ahemai. Taku saaita ma ki ahemai raa, Sarah ma ki haanau mai tana tamariki tanata.\"+\n10Telaa mee hoki. Rebecca ni mee ana tamalliki e lua i Isaac, taatou tipuna. 11-12TeAtua ni vanaake ki Rebecca, \"Too tama matua raa ma ki heheuna i laro too tama e tamariki.\" TeAtua ni kauake naa taratara nei ki Rebecca i tana saaita seki haanau mai ana takarua tamalliki. Te mee nei e hakailoa mai maa TeAtua see ttoka ki naa tiputipu te tama ki tini tana tama e hiihai. Seai. Saaita te takarua naa seki hannau mai raa, TeAtua kunaa tini are tana tama.+ 13Te Laupepa Tapu raa e mee maa, \"Nau ni hiihai i Jacob, tevana iaa nau ni see hiihai ki Esau.\"+\n14E aa? Taatou ki taratara maa te maanatu TeAtua see tonu? Seai iloo! 15A Ia ni kauake tana taratara peelaa ki Moses, \"Nau see hirihiri ma se tama peehea nau ma ki aroha. Taku tama koi e maanatu maa nau e aroha raa, teenaa nau ma ki aroha iaa ia.\"+ 16TeAtua see hiri koi ki te tama iaa Ia e tautari ki te hiihai te tama naa. A Ia hoki see hiri ki te tama maa i ttama naa e hakasura te lopo vana ki hiihai TeAtua kiaa ia. Seai iloo. TeAtua e tautari koi ki te tiputipu tana manava aroha. 17Te Laupepa Tapu raa e hakatuu mai naa taratara TeAtua ni kauake ki Pharaoh, te Tuku Egypt, \"Koe ni hakanohoria a nau ma se tuku ki hakasuratia taku Inoa ma aku mahi ki naa tama hakkaatoa te maarama nei.\"+ 18TeAtua e manava aroha koi ki tana tama e maanatu maa e tau ma tana aroha. Ki mee a Ia e hiihai maa se tama ki see lono taratara, a Ia e lavaa te haia a Ia te tama naa ki tiputipu peenaa.\nTe haaeo ma te laaoi TeAtua\n19E mee te tama i kootou ma ki mee mai peelaa kiaa nau, \"TeAtua see tau te taratara mai maa maatou e ssara, i te aa, maatou ni haia Ia ki ttipu maatou peenei. Ko ai te tama ma ki lavaa te sahea a ia te hiihai TeAtua?\" 20Teenei taku taratara e kauatu ki kootou. Kootou ni tamavare koi. Kootou see tau te vasirisiri ma se aa TeAtua e penapena. Te kamete te tihuna e penapena raa see lavaa te huri ake ki te tihuna raa no vanaake peelaa, \"Ai nau ku tataia ai koe peenei?\"+ 21Kootou e illoa i te ara raa see mee peenaa. Te tihuna raa e penapena tana kamete raa ki tana hiihai soko ia. A ia e iloa i ana penapena naa kamete naa vana e llasi aa ma naa kamete vare koi.\n22Te taratara i te tihuna nei e hanotonu ma naa vana TeAtua ni mee. A Ia ni hiihai maa te henua katoo ki kkite i ana haaeo i tana see hiihai ki te tiputipu see tonu, aa laatou ku illoa i ana mahi. Tevana iaa a Ia ni hakkapi koi tana loto iloto tana manava, i aa Ia e iloa maa naa tama naa e nnoho koi ki mmate. 23TeAtua ni noho hakalavatoa iaa Ia ma ki oti ku hakasura iho tana manava laaoi ki ana tama ni hakanoho ma tana laaoi. Teenaa ko ana tama ni hakamaatino ki huri ake ana mahi. 24Taatou nei ni arumia TeAtua. See mee ma ko taatou koi naa Jew. Seai. E mee hoki naa tama naa henua sara e ttaka iloto taatou. 25Teenei naa taratara TeAtua ni sissia Hosea,\n\"Naa tama ni see hannau mai i taku haanauna raa,\nlaatou ma ki taapaa a nau ma ni tama aaku.\nTe kanohenua ni see hiihai nau imua raa,\nnau ma ki ttapa ma naa tama naa ni oti aaku.+\n26I loto te henua ni vanaatu nau maa kootou seai ni tama aaku raa,\nkootou ma ki massike iloto te henua naa\nno illoa maa kootou ni tamalliki TeAtua teelaa e ora hakaoti.\"+\n27Isaiah ni mee ana taratara i naa sosorina te kanohenua Israel peenei,\n\"Niaaina maa naa tama i Israel e tammaki pee ko te kerekere i tai raa,\ne mooisi koi naa tama ma ki hakassaoria no ora.\n28I te aa, naa tama naa kanohenua hakkaatoa ma ki ttuu imua te Hakatonu TeAtua.\nTeAtua ma ki kauake te hakatonu naa sosorina laatou ma naa tiputtipu laatou.\"+\n29E mee pee ko naa taratara Isaiah ni mee imua peelaa,\n\"Ki mee TeAtua Haimahi ni see takkoto ana mokopuna iloto taatou raa,\nnaa henua taatou nei ni seua pee ko Sodom ma Gomora.\"+\nPaul e taku maa te kanohenua Israel\n30Taratara raa e mee peenei: Niaaina maa naa tama naa henua sara raa ni see ssee se ara soko laatou ma ki hakattonu naa ora laatou imua naa karamata TeAtua, naa ora laatou ni haia TeAtua maa e ttonu, i laatou ni hakataakoto tonu ki te vana Christ ni mee maa laatou. 31Naa tama i Israel raa iaa ni ssee se ara ki hakattonu naa ora laatou ma TeAtua, teenaa i te hakamakkii laatou ma ki tautari ki naa Loo Moses, tevana iaa laatou ni see hai ara peelaa ni llave. 32Naa vana naa ni hainattaa i laatou ni hai koi ki naa mahi laatou. Laatou ni see hakataakoto tonu ki te ara TeAtua e kauake ki laatou. Teenaa ni llave ai naa vae laatou i \"te hatu hakatipetipe tama\" no maaoha laatou ki laro. 33Teenei ku hanotonu ma naa taratara te Laupepa Tapu:\n\"Kootou hakannoo mai.\nNau e hakamoe te hatu hakatipetipe tama iloto Israel.\nTe lopo tama ma ki llave naa vae laatou i te hatu naa\nno maaoha ki laro.\nTtama koi e lotu i te Tama naa ma ki see napa imuri.\"+\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/9\/","date":"2018-09-22T12:35:53Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158429.55\/warc\/CC-MAIN-20180922123228-20180922143628-00112.warc.gz","language":"nho","language_score":1.0000038147,"language_script":"Latn","minhash_cluster_size":2,"top_langs":"{\"nho_Latn_score\": 1.0000038146972656}","num_words":1362,"character_repetition_ratio":0.05,"word_repetition_ratio":0.0,"special_characters_ratio":0.229,"stopwords_ratio":0.543,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 9\nSaul ku huri tana manava no lotu i TeAtua\n1I te saaita naa raa, Saul koi lellere ki taaia a ia naa tama e tautari ki TeAriki. Teenaa a ia ni masike no hano iloo no mmata i te Maatua Hakamau raa 2ki sissii ni pas no hakailoa ake ki naa hare lotu naa Jew i Damascus, ma ki mee a ia, Saul, e lave ni tama e tautari ki te Mateara TeAriki i te kina naa, teenaa ko naa taanata hakapaa katoo ma naa haahine, naa tama naa ma ki tauhia a ia no taakina ake ki Jerusalem.\n3Teenaa te saaita Saul ni hanatu no taupiri ki Damascus raa, a ia ni hakatekia i naa llama ake te maasina raa i te lani no too te maasina naa iaa ia. 4Saul ni leiho ki te kerekere no lono iloo ia i naa taratara ake te reo raa peelaa kiaa ia, \"Saul, Saul! Nau e seeia a koe ki taia i te aa?\"\n5Saul ki vasiri, \"Koe ko ai, TeAriki?\"\nTe reo raa ki mee ake, \"Nau ko Jesus, te tama e seeia a koe ki taia. 6Masike ki aruna aa koe ku hanatu ki loto te matakaaina naa. E mee te tama e noho i te kina naa ma ki taratara atu i too vana ki mee.\"\n7Naa tama ni oo laatou ma Saul raa ni tuu seemuu koi, see hai taratara. Naa tama naa ni llono i naa taratara ake te reo naa, tevana iaa laatou ni see hai tama ni kkite. 8Saul ni masike ki aruna no mee iloo ma ki tallaki ana karamata, araa nei ana karamata ku ppuni. Teenaa ppiki iloo naa tama naa te rima Saul no hakattaki ki loto ki te matakaaina Damascus. 9Ni aso iloo e toru, Saul ni see lavaa te kite, aa i naa aso naa raa, a ia e noho see kai aa see unu.\n10E noho iloto Damascus raa, teelaa se tama e lotu, tana inoa ko Ananias. TeAriki ni hakasura atu kiaa ia no vanaake peelaa, \"Ananias!\"\nAnanias ki hakaahe ake, \"TeAriki, teenei nau.\"\n11TeAriki ki mee ake, \"Masike no hano ki te ara e ttapa ma ko te Ara e Tonu, aa i te hare Judas raa koe ku vasiri ki mmata koe i te tanata haka Tarsus e ttapa ma ko Saul. Ttama naa e taku, 12ku oti te hakakkiitea TeAtua i naa hanake te tanata e ttapa ma ko Ananias no hakapiri ana rima kiaa ia ki kite ia hoki.\"\n13Teenaa ki mee ake Ananias, \"Te Ariki, turaa tama ku oti te taratara mai i naa sosorina te tama naa, aa i ana vana hakallika iloo ni mee ki oo tama i Jerusalem. 14Aa teenei a ia ku heunatia mai naa maatua hakamaatua i Damascus ki au no karapusina naa tama katoo e lotu iaa koe.\"\n15TeAriki ki mee ake kiaa ia, \"Tere. Teenaa ko taku tama ni ttapa ma kioti ku haia aku heuna. Taku inoa ma ki hakailotia te tama naa ki naa tama i naa henua sara, ki naa tuku aa ki te kanohenua hoki Israel. 16Aa te tama naa ma ki hakaarina ake nau ki iloa maa ia ma ki mee pakavaina, i te aa i aa ia e lotu iaa nau.\"\n17Teenaa hanatu iloo Ananias no uru atu ki te hare e noho ai Saul no hakapiri atu ana rima kiaa ia ka mee ake peelaa, \"Saul, taku taina. Nau e heunatia mai TeAriki Jesus, te tama ni hakasura atu kiaa koe i te ara i too saaita ni au peenei, ki au nau no mmata iaa koe ki lavaa koe te kite hoki, aa ki tau naa mahi TeAitu Tapu iaa koe.\" 18Saaita naa lokoi, te mee e mee ma ni unahi naa ika raa ku maaoha mai i naa karamata Saul no kite hoki a ia. A ia ni masike ki aruna no huri atu iloo Ananias no hakaukau tapuria. 19Teenaa i tana saaita ni oti te kai raa, a ia ni makkaa hoki.\nSaul e hakaea te Lono Taukareka i Damascus\nSaul ni noho ake ana aso i Damascus ma naa tama te lotu. 20A ia ni hanotonu ki naa hare lotu naa Jew raa no kaamata te hakaea maa Jesus ko te Tama TeAtua.\n21Naa tama hakkaatoa ni llono i ana hakaea naa taratara naa ni oho ka vasirisiri peelaa, \" E aa? Teenei seai ko te tama koi ni sare taaia a ia naa tama i Jerusalem teelaa e lotu i Jesus? Te tama nei seai ni au no mee ki karapusina naa tama naa aa ku taakina ki naa maatua hakamaatua?\"\n22Tevana iaa Saul ni usuhia TeAtua ka haimahi ana taratara; a ia ni mattoni iloo i ana hakaea maa Jesus ko te Mesaea, teenaa naa Jew e nnoho i Damascus raa ni see hai taratara ni illoa ma ki hakaahea laatou ana taratara.\n23E tammaki naa aso ku oti te llaka raa, naa Jew raa ni kkutu hakapaa no taratara ki taia laatou Saul. 24Tevana ia Saul ni hakaarina ake i te vana naa tama naa ni taratara ki mee. I te poo ma te ao naa tama naa e roorosi peenaa i naa mata naa ara te matakaaina naa ki kkite laatou i Saul aa ku taia laatou ki mate. 25Tevana iaa i te poo tokotasi raa, naa tama ni ttaka ma Saul raa ni toa laatou Saul no pponotia ki loto te kete no hakaterekia ki taha te hiri e aareha i te henua naa.+\nSaul ku ahe ki Jerusalem\n26Saul ni hano ki Jerusalem no mee ma ki heheuna ia hakapaa ma naa disaipol. Tevana iaa naa disaipol raa ni mattaku i aa ia, i laatou ni mannatu maa Saul seai se tama e lotu maaoni. 27Teenaa hanake iloo Barnabas no toa Saul ka oo laaua no mmata i naa aposol. Barnabas ni taratara ake ki naa aposol raa i naa hakasura ake TeAriki no taratara laaua ma Saul i te ara. A ia e taratara ake hoki i naa hakaea see kkapo Saul te Lono Taukareka iloto te inoa TeAriki i Damascus. 28Teenaa noho iloo Saul ma naa tama naa i Jerusalem ka hakaea see kkapo te Lono Taukareka raa iloto te inoa TeAriki. 29A ia ni taratara ka hakatauttau hoki laatou ma naa Jew teelaa e illoa te taratara haka Greece. Teenaa mee iloo naa tama naa ma ki taia laatou Saul ki mate. 30Te saaita naa tama te lotu raa ni llono i te vana naa raa, toa iloo laatou Saul ki Sisaria no heunatia ka hano ki Tarsus.\n31Teenaa te nnoho naa tama te lotu i Judea, Galilee, aa ko Samaria raa ni taukareka iloo. Naa tama naa ni tokonakina hakaraaoi iloo TeAitu Tapu, aa te kooina ni hakauru ake no lotu laatou hakapaa raa ni hanake no tammaki iloo. Teenaa naa tama naa ni nnoho ka lotu peenaa i TeAriki.\nPeter e hakassura naa mahi TeAtua i Lida ma Jopa\n32Peter ni hano ki naa kina hakkaatoa i te matakaaina naa, teenaa i te saaita tokotasi raa, a ia ni hano no mmata i naa tama TeAtua e nnoho i Lida. 33I te kina naa raa, a ia ni ttiri i te tanata e ttapa ma ko Enias. Te tanata naa see lavaa te sasare, aa teenei a ia ku lava iloo ana setau e varu e moemoe koi peenaa, see lavaa te masike. 34Peter ni huri atu no mee ake peelaa kiaa ia, \"Enias. Koe e haia Jesus no taukareka. Masike no ffatu oo moelana.\" Teenaa masike lokoi Enias no tuu ki aruna. 35Naa tama hakkaatoa ni nnoho i Lida ma Sharon raa ni kkite iaa ia, teenaa naa tama naa ni ffuri naa manava laatou no tautari katoo ki TeAriki.\nDorkas e hakaoratia Peter\n36I te matakaaina e ttapa ma ko Jopa raa, teelaa se ffine e lotu, tana inoa ko Tabita. Iaa tana inoa haka Greece raa ko Dorkas.+ Te ffine naa e hakasura peenaa te tiputipu e taukareka aa e tokonaki peenaa ki naa tama e nnoho see hai mee. 37I te saaita naa raa, te ffine naa ni laavea te maki no mate iloo. Tana haitino ni hakaukauria no hakamoeria iloo i te puitana i aruna. 38Jopa see mmao i Lida. Teenaa te saaita naa tama e tautari i-Jesus e nnoho i Jopa raa ni llono maa Peter e noho i Lida raa, heunatia iloo laatou te takarua taanata ki oo no mee ake ki Peter ki hakavave no hanake ki laatou. 39Teenaa masike iloo Peter no oo laatou. I tana saaita ni tae atu raa, a ia ni toa naa tama naa ki te puitana i aruna. Naa puruna raa ni muimui ake i ana vasi ka ttani no hakarikari ake ki Peter i naa kkahu Dorkas ni tuitui i tana saaita koi ora. 40Peter ni heunatia a ia naa tama naa katoo ki oo no ttuu i haho, teenaa tuu iloo ia ki ana turi no taku; araa hakatahuri atu iloo ki te ffine e mate raa no mee ake, \"Tabita, masike ki aruna!\" Te ffine naa ni tallaki ana karamata no kite iloo i Peter, teenaa masike iloo ia no noho ki aruna. 41Peter ni suru atu no hakamasikeria iloo ia te ffine raa ki aruna. Teenaa kannaatia ake iloo ia naa tama te lotu, hakapaa ma naa puruna, ki oo ake no mmata i Dorkas ku ora hoki. 42Te lono nei ni tere ki naa kina katoo iloto Jopa, teenaa turaa tama iloo ni ffuri no lotu i TeAriki.\n43Peter ni noho ake iloo ana aso e tammaki i Jopa laaua ma Simon, teenaa se tama e penapena mee ki naa kiri naa manu.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/9\/","date":"2018-09-25T13:24:01Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267161638.66\/warc\/CC-MAIN-20180925123211-20180925143611-00393.warc.gz","language":"nho","language_score":1.0000008345,"language_script":"Latn","minhash_cluster_size":4,"top_langs":"{\"nho_Latn_score\": 1.0000008344650269}","num_words":1690,"character_repetition_ratio":0.055,"word_repetition_ratio":0.0,"special_characters_ratio":0.236,"stopwords_ratio":0.509,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 2:16\nNaa tamalliki raa ku taaia Herod\n16Saaita Herod ni iloa maa ia ni hakarereesia naa horau ni oo ake i te anake raa, a ia ni loto hakallika iloo. Teenaa heuna iloo ana soldia raa ki oo no taaia katoo naa tamalliki koi punaammea no tae iloo ki naa tamalliki ku ttae ki naa setau e lua i Bethlehem ma naa matakaaina e ttuu tauppiri atu. I te aa, i naa horau raa ni taratara maa te hetuu raa ni kiitea mua lokoi laatou i naa setau e lua ku oti te llaka raa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/2\/16","date":"2018-09-25T09:00:04Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267161350.69\/warc\/CC-MAIN-20180925083639-20180925104039-00514.warc.gz","language":"nho","language_score":0.7704414129,"language_script":"Latn","minhash_cluster_size":2,"top_langs":"{\"nho_Latn_score\": 0.7704414129257202, \"rar_Latn_score\": 0.04565740004181862, \"wls_Latn_score\": 0.021605849266052246, \"gil_Latn_score\": 0.021453633904457092}","num_words":176,"character_repetition_ratio":0.07,"word_repetition_ratio":0.0,"special_characters_ratio":0.201,"stopwords_ratio":0.284,"flagged_words_ratio":0.0,"lang_id_score":0.788,"perplexity_score":500.0,"cluster_detection":1} +{"text":"ROME 6\nTe ora e taka ma Jesus Christ\n1Taatou ki mee peehea? Taatou ki ppena naa haisara ki tosi te laaoi TeAtua? 2Seai iloo! Te tiputipu haisara taatou imua raa ku oti te tiiake hakaoti. Peehea naa ttaka taatou ma te tiputipu ku oti te peesia hakaoti taatou? 3Kootou hakamattoni lokoi te taratara nei. Saaita taatou ni too te hakaukau tapu no ttaka taatou ma te ora Christ raa, taatou ni too te hakaukau tapu ki ttaka hoki taatou ma te mate Christ. 4Saaita taatou ni too te hakaukau tapu raa, taatou e mee ma ni mmate ka tanumia iloto te kava pee ko te mate ana Jesus Christ. Saaita Jesus Christ ni hakamasikeria naa mahi TeAtua i te kava no taka ma te ora maaoni raa, taatou hoki e massike ma te ora hoou.+\n5I taatou ni mmate pee ko Christ, taatou hoki ma ki massike ma te ora hoou pee ko Christ. 6Taatou ku illoa maa te tiputipu taatou imua raa ni mate ma Christ i aruna te kros. Christ ni mate ki seua naa mahi te tiputipu haisara e takoto i taatou, ki see hakamanani taatou te ppena naa haisara. 7Teenaa, te tama e mate raa see takoto i laro naa mahi te haisara. 8I taatou ni mmate ma Christ, taatou e illoa hoki maa taatou ma ki ora ma Christ. 9Taatou e illoa maa Christ ni hakamasikeria i te mate. A Ia ma ki see lavaa hoki te mate imuri, i te aa, naa mahi te mate raa ku oti te seua a Ia. 10Christ ni mate te saaita tokotasi koi ki seua naa mahi te haisara. A Ia nei ku noho ma te ora maaoni, laaua ma TeAtua. 11Peelaa hoki, kootou ki nnoho ka illoa i naa haisara kootou imua raa ku oti te mmate ma Christ, aa teenei kootou ku ora maaoni ma TeAtua iloto naa mahi Jesus Christ.\n12Kootou roorosi ki see ffuri hoki kootou no tautari ki te tiputipu kootou ni kaimanako imua. 13Kootou see mee pakava naa haitino kootou ki naa tiputipu see ttonu te maarama nei. Seai. Kootou ki hookii naa haitino kootou ki TeAtua, e mee ma ko naa tama e massike mai i te mate no ora, ki tauhia kootou te tiputipu e tonu TeAtua. 14Te tiputipu te haisara raa ku see haimahi i naa ora kootou, i kootou ku see takkoto i laro te roorosi naa Loo Moses. Kootou nei ku takkoto i laro te laaoi TeAtua.\nTtiputipu e tonu\n15Taatou ki mee peehea? Taatou ki ppena naa haisara maa i taatou see takkoto i laro te roorosi naa Loo? Seai iloo! Taatou ki see mannatu maa taatou ki ppena naa haisara maa i taatou ku takkoto i laro te roorosi laaoi TeAtua. 16Kootou e illoa i te taratara nei. Ttama e hiihai maa ia e heheuna vare i telaa tama raa, a ia e mee ma se poe te tama naa. E mee naa tama e hakavaarea ki te tiputipu see tonu. Laatou ma ki oti ku mmate i te tiputipu naa. E mee hoki naa tama e heheuna naa heuna TeAtua. Laatou ma ki oti ku ttonu imua naa karamata TeAtua. 17Nau e hiahia i TeAtua. Niaaina maa kootou ni hakavaarea te tiputipu haisara raa, kootou ni lavaa koi te tautari hakappuru iloo ki naa taratara e ttonu TeAtua ni kauatu ki kootou. 18Kootou ni hakasaoria TeAtua i naa mahi naa haisara kootou, ki ttaka kootou ma te tiputipu e tonu. 19(Nau e taratara peenei ki mallama naa pisouru kootou.) Imua raa kootou ni mee pakava naa haitino kootou ki te kau sosorina e kerekkere ki tautari kootou ki te tiputipu te haisara. Saaita nei kootou ku mee ki hookii naa ora kootou ki ppena naa sosorina e ttonu ki sura te tiputipu e tapu.\n20Imua raa te tiputipu te haisara raa e takoto haimahi i kootou, aa te tiputipu e tonu raa ni seai i kootou. 21Se aa kootou e taukareka ni too i naa vana hakannapa kootou ni mee imua? Teenaa ko te tiputipu ma ki oti ku mmate ai kootou! 22Kootou ku oti te hakasaoria TeAtua i naa mahi naa haisara kootou. Kootou nei ku heuna koi i TeAtua. Kootou ma ki suia TeAtua ki te ora e tapu. Teenaa ko te ora e ora hakaoti. 23Naa tama e ppena naa haisara raa ma ki mmate hakkaatoa. Te mee e taukareka TeAtua e hookii vare raa iaa, teenaa ko te ora maaoni i Jesus Christ, TeAriki taatou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/6\/","date":"2018-09-22T17:49:46Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158609.70\/warc\/CC-MAIN-20180922162437-20180922182836-00019.warc.gz","language":"nho","language_score":0.9999756813,"language_script":"Latn","minhash_cluster_size":4,"top_langs":"{\"nho_Latn_score\": 0.9999756813049316}","num_words":826,"character_repetition_ratio":0.077,"word_repetition_ratio":0.0,"special_characters_ratio":0.22,"stopwords_ratio":0.499,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 13:14\n14Te tama hakamaatua te hare lotu naa Jew raa ni loto maa Jesus ni haia a Ia te ffine raa no taukareka i te Sabat, teenaa taratara ake iloo a ia peelaa ki naa tama i te kina naa, \"Teelaa ni aso e ono taatou ki mee naa heuna; teenaa kootou ki oomai i naa aso naa ki haia kootou ki taukalleka, tevana iaa kootou ki see oomai i naa aso te Sabat!\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/13\/14","date":"2018-09-22T19:29:10Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158633.40\/warc\/CC-MAIN-20180922182020-20180922202420-00447.warc.gz","language":"nho","language_score":0.7631018758,"language_script":"Latn","minhash_cluster_size":2,"top_langs":"{\"nho_Latn_score\": 0.7631018757820129, \"rar_Latn_score\": 0.08087491244077682, \"wls_Latn_score\": 0.0290693286806345, \"sps_Latn_score\": 0.011787166818976402}","num_words":155,"character_repetition_ratio":0.073,"word_repetition_ratio":0.0,"special_characters_ratio":0.206,"stopwords_ratio":0.284,"flagged_words_ratio":0.0,"lang_id_score":0.693,"perplexity_score":500.0,"cluster_detection":1} +{"text":"ACTS 12:20\n20Herod ni hakatauttau laatou ma naa tama i Tyre ma Saidon. Teenaa hakapaa iloo naa tama i naa matakaaina e lua naa no oo ake ma ki mmata laatou i Herod. Naa tama naa ni oo imua no usuhia laatou Blastus, te hakamau naa poe te tuku, ki tokonaki ki laatou. Teenaa oo iloo naa tama naa ki Herod no taratara ki see hetaa laatou, i te henua laatou raa e too kaikai peenaa i te henua te tuku naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/12\/20","date":"2018-09-21T07:01:33Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156857.16\/warc\/CC-MAIN-20180921053049-20180921073449-00089.warc.gz","language":"nho","language_score":0.9083061218,"language_script":"Latn","minhash_cluster_size":2,"top_langs":"{\"nho_Latn_score\": 0.9083061218261719, \"rar_Latn_score\": 0.02771655097603798}","num_words":162,"character_repetition_ratio":0.07,"word_repetition_ratio":0.0,"special_characters_ratio":0.203,"stopwords_ratio":0.315,"flagged_words_ratio":0.0,"lang_id_score":0.901,"perplexity_score":500.0,"cluster_detection":1} +{"text":"ACTS 7\nNaa taratara Stephen\n1Te Maatua Hakamau raa ki vasiri ake ki Stephen, \"Teenaa ni taratara maaoni naa tama naa e mee iaa koe?\"\n2Stephen ki hakaahe ake, \"Aku taaina ma aku tammana nei, hakannoo mai. Te saaita taatou tipuna, Abraham, seki hano are no noho i Haran raa, TeAtua Nnui ni hakasura ake kiaa ia i Mesopotamia 3no taratara ake peelaa, 'Tiiake too haanauna raa aa koe ku masike i too henua naa no hano ki taku henua ma ki hakaari atu kiaa koe.'+\n4\"Teenaa masike iloo Abraham i tana henua naa no hano no noho i Haran. I te saaita tana tamana ni mate raa, Abraham ni kaavea mai TeAtua ki au no noho i te kerekere e nnoho kootou nei.+ 5TeAtua ni seai iloo se tamaa kina i te kerekere naa ni kauake ma se tino kerekere Abraham i te saaita naa. Tevana iaa TeAtua ni purepure ake maa te kerekere naa ma ki oti ku kauake Ia ki Abraham, aa ma te kerekere naa ma ki noho ma ia ma ana tamalliki. I te saaita TeAtua ni mee ana purepure nei raa, Abraham seki hai tamalliki are.+ 6TeAtua ni taratara ake peelaa ki Abraham, 'Too haanauna raa ma ki oo no nnoho i te henua aaraa tama, teenaa laatou ma ki heheunatia ma ni poe naa tama i te kina naa aa laatou ma ki mee pakavaina iloto naa setau e haa naa rau.+ 7Tevana iaa nau ma ki hakatonutonu naa tama e heheuna ai laatou, aa kimuri too haanauna naa ma ki hakattaha i te henua naa no oomai no lotu iaa nau i te kina nei.'+ 8Ki oti raa TeAtua ku vanaake ki Abraham ki ssere naa kina ana tamalliki taanata, ki takoto ma se hakamaatino i ana purepure ki Abraham. Teenaa i te varu naa aso Isaac i tana saaita ni haanau raa, a ia ni serea ana kina Abraham; Isaac naa ni ssere naa kina tana tama Jacob, aa Jacob ni ssere naa kina tana taka sinahuru maa ttakarua tamalliki, teenaa ko naa tippuna taatou i te manava taatou nei.+\n9\"Naa tamalliki Jacob raa ni manava haaeo i laatou taina, Joseph, teenaa too iloo laatou taina naa ki Egypt no kauake ki aaraa tama ki tauia no heheunatia ma se poe. Tevana iaa TeAtua ni taka ma Joseph,+ 10teenaa Joseph ni hakasaoria a Ia i naa haaeo ni pakkuu kiaa ia. Aa te saaita Joseph ni tuu imua te tuku Egypt raa, TeAtua ni haia a Ia Joseph ki atamai aa ki hiihai te tuku Egypt raa kiaa ia. Teenaa Joseph ni hakanohoria te tuku raa ki roorosi i tana hare aa ki noho ma ko te hakamau te kaaman Egypt.+\n11\"I te saaita naa raa, te one raa ku tae ake ki Egypt ma Canaan, ka mmate naa tama naa i te hiikkai. Naa tippuna taatou raa ni see hai kaikai ni llave,+ 12teenaa te saaita Jacob ni lono maa e mee ana kaikai i Egypt raa, heunatia iloo ia ana tama, teenaa ko naa tippuna taatou, ki oo no ssee mai ni kaikai maa laatou i Egypt. Teenaa ko te oo mua ana tama naa. 13I te saaita naa taaina Joseph raa ni ttao no ahe ki Egypt raa, Joseph ni hakaari ake ki ana taaina naa maa teelaa ko ia. Teenaa ki iloa ai te tuku Egypt raa i te haanauna Joseph.+ 14Teenaa kkave iloo te kaunaki Joseph ki tana tamana, Jacob, ki hanake ia ma tana haanauna raa hakkaatoa ki Egypt. Laatou naa se tino hitu maa ttakarima hakkaatoa i te haanauna naa.+ 15Teenaa hano iloo Jacob ki Egypt, teenaa ko tana kina ni noho no mate ai ma ana tama, naa tippuna taatou.+ 16Naa haitino laatou naa iaa ni toa no tanumia i Shekem, i te kava Abraham ni taavi ki naa mane i naa tama i te manava Hamor.+\n17\"Te saaita TeAtua ni taupiri ki hakattino ana purepure ki Abraham raa, te kooina naa tama taatou ku nnoho i Egypt raa ni hanake no tammaki iloo. 18Araa teenaa, teelaa se tuku see iloa i Joseph raa ku noho no tuku i Egypt.+ 19Te tuku naa ni meemee tipuaina a ia naa tippuna taatou ka mee pakavaina a ia laatou. Naa tama naa ni hakamatakuria te tuku naa ki tiiake naa tamalliki punaammea laatou raa i haho ki mmate.+\n20\"Teenei ko te saaita Moses ni haanau mai. I tana saaita ni haanau mai raa, a ia ni tiputipu taukareka i naa karamata TeAtua. Te tamariki naa ni anaanaria iloto te hare laatou raa no lava iloo naa marama e toru.+ 21Aa i tana saaita ni hakataharia i te hare laatou raa, te taupu te tuku raa ni toa a ia te tamariki raa no anaanaria no matua ma se tino tama aana.+ 22Moses ni akonakina ki atamai i naa vana hakkaatoa Egypt. Teenaa a ia ni tipu ake no haimahi i ana taratara aa i ana vana e mee.\n23\"Te saaita Moses ni matua no tae ki te matahaa ana setau raa, a ia ni maanatu ki hano ia no mmata i naa nnoho ana taaina, naa tama i Israel.+ 24A ia ni hano no kite iloo i naa mee pakavaina te tama haka Israel tokotasi ate tama haka Egypt, teenaa huri atu iloo ia no sui ki te tama naa no taia te tama haka Egypt naa no mate hakaoti. 25(Moses ni maanatu ma ana taaina naa ma ki illoa maa ia ma ki heunatia TeAtua ki hakassaoria laatou, tevana iaa naa tama naa ni see illoa.) 26Telaa aso raa, Moses ni kite i te takarua haka Israel e ppatu, teenaa hanatu iloo ia no vaaea te takarua raa ki see patu. A ia ki mee ake peelaa ki te takarua naa, 'Hakannoo mai. Koorua naa se hai taina; koorua e patu i te aa?' 27Araa nei te tama teelaa e taia a ia telaa tama raa ni huri ake no turekina a ia Moses ki te vasi, ka mee ake peelaa, 'Koe ni tukua ai ma ki au koe no hakatonutonusia maaua? 28E aa? Koe ku mee ma ki au koe no taia nau pee ko te te tama haka Egypt ni taia a koe no mate i te aso raa?' 29I te saaita Moses ni lono i naa taratara nei raa, a ia ni sopo no tere ki Midian no noho i te matakaaina naa. Teenaa a ia ni aavana i te kina naa no mee iloo ana tamalliki taanata e lua.+\n30\"Moses ni noho i te kina naa no llaka iloo naa setau e matahaa, teenaa hakasura ake iloo te ensol raa kiaa ia iloto te puku vao e ura iloto mouku, e taupiri ki te Mouna Sinai.+ 31Naa mouri Moses ni oho iloo i tana mee ni kite naa, teenaa hanatu iloo ia no taupiri atu ki te puku vao raa ki ttoka hakaraaoi a ia. Araa nei a ia ku lono i naa taratara ake te reo TeAriki: 32'Nau nei ko te Atua oo tippuna, te Atua aa Abraham, te Atua aa Isaac, aa te Atua Jacob'. Moses ni porepore i tana mataku, aa ni see lavaa te ttoka atu. 33TeAriki ki mee ake kiaa ia, 'Uii oo taka e hakao naa, i too kina e tuu naa e tapu. 34Nau ku oti te kite i naa mee pakavaina aku tama raa i Egypt. Nau ni lono i naa ttani laatou, teenei nau ku hano no hakassaoria laatou. Kau te saaita nei; koe ku kaavea a nau ki Egypt.'\n35\"Teenei ko te Moses ni hakakkeeina te kanohenua Israel i naa taratara laatou ni hai ake peelaa kiaa ia, 'Koe ni tukua e ai ki au koe no hakatonutonusia maatou?' A ia naa ko te tama teelaa ni hakasura ake te ensol raa kiaa ia iloto te puku vao e ura raa no taratara ake i aa ia naa ko te tama e heunatia TeAtua ki hakassaoria ana tama aa ki noho hakamaatua i laatou.+ 36A ia naa ni taakina a ia te kanohenua Israel raa no hakattaha i Egypt, teenaa a ia ni hakassura naa mahi TeAtua i Egypt aa ma i te Moana e Mmea iloto naa setau e matahaa laatou ni ttaka vaaroto mouku.+ 37Moses raa ko te tama ni vanaake ki te kanohenua Israel raa peelaa, 'TeAtua ma ki heuna atu tana pure ki kootou, e mee pee ko nau nei e heunatia atu ia, aa te tama naa se tama koi i kootou.'+ 38Moses raa ko te tama ni hakkuturia a ia te kanohenua Israel raa hakapaa iloto mouku; a ia i te kina naa ma naa tippuna taatou aa ma te ensol teelaa ni taratara ake kiaa ia i aruna te Mouna Sinai. Teenaa naa taratara TeAtua e takkoto te ora raa ni kauatu kiaa ia i te kina naa ki kaumai ki taatou.+\n39\"Tevana iaa naa tippuna taatou raa ni see fiffai maa laatou ki hakannoo ki Moses; ttama naa ni hakakkeeina laatou ka nnoho laatou no mannatu ki ahe laatou ki Egypt. 40Teenaa ki mee ake naa tama naa ki Aaron, 'Penapenaa ni atua maa maatou ki tautari maatou. Maatou ku see illoa ma se aa ku mee i Moses, te tama ni taakina mai a ia maatou i Egypt.'+ 41Teenaa ki penapena ai laatou aitu e tiputipu ma se punua purumakau, no hakaara naa mee laatou ki te mee naa. Naa tama naa ni mee laatou taffao ka lotu ki te aitu laatou ni penapena soko laatou naa.+ 42Teenaa tiiake iloo naa tama naa TeAtua, ki lotu laatou ki naa hetuu i te lani, teenaa e hanotonu maa naa taratara e takkoto iloto te Laupepa naa pure TeAtua:\n'Kootou naa tama Israel nei.\nI naa setau e matahaa kootou ni ttaka vaaroto mouku raa,\nnaa manu kootou ni taa ma ni mee e hakaara raa ni see hakaara mai kiaa nau.\n43Teelaa ko te tamaa hare te atua Molok raa e sausaua kootou,\naa te hetuu te atua kootou, Refan;\nTeenaa ko naa aitu kootou ni penappena ma ki lotu ai kootou.\nTeenaa kootou ma ki kerekereia a nau ki oo kootou no nnoho soko kootou i telaa vasi Babilon.'+\n44\"Naa tippuna taatou raa ni hakatuu laatou Tamaa Hare teelaa e noho ai TeAtua i mouku. Te hare naa ni penapenaa laatou tautari ki te tiputipu Moses ni hakakkiitea TeAtua.+ 45Kimuri raa naa tippuna taatou, teelaa ni too te tamaa hare naa i naa tammana laatou, ni saaua laatou te hare naa ka oo ma laatou i te saaita laatou ni oo ma Joshua no too naa kerekere i naa kanohenua ni kerekereia TeAtua. Te tamaa hare naa ni tuu i te kina naa no tae iloo ki te ssao David ni tuku.+ 46TeAtua ni hiihai ki David, teenaa David ni vanaake ki TeAtua maa ia ma ki hakatuu se hare ki noho te Atua aa Jacob.+ 47Iaa teelaa ko Solomon are raa ni hakatuu te hare tapu TeAtua naa.+\n48\"Tevana iaa, TeAtua Haimahi raa see noho iloto naa hare naa tama e hakatuu; e mee pee ko naa taratara ake te pure TeAtua:\n49'TeAriki e mee maa, Te lani ko taku nohorana,\naa te kerekere ko taku aruna e hakapiri aku vae.\nSe hare peehea kootou ma ki hakatuu ma se hare aaku?\nTeehea taku kina ma ki noho?\n50A nau soko nau ni penapena naa mee nei hakkaatoa.'+\n51\"Kootou ku manava makattau peehea! Kootou ku mee iloo pee ko naa tama seki illoa i TeAtua: kootou ku llono nataa peehea i naa taratara TeAtua! Kootou maraa e heatu ma Te Aitu Tapu, peelaa koi ma ko naa tippuna kootou naa.+ 52Se pure peehea TeAtua ni see mee pakavaina naa tippuna kootou naa? Naa tama hoki e heheuna i TeAtua, teelaa ni tarataraina laatou imua iloo i te au te Tama e Tonu raa, ni taaia hoki naa tippuna kootou. Aa teenei kootou ni ffuri no hookina kootou te tama naa ki naa tama e hakallika raa ki taia no mate. 53Naa Loo TeAtua raa ni kauatu naa ensol raa ki kootou naa Jew, tevana iaa kootou ni see tautari ki naa Loo naa!\"\nStephen e tauatia naa Jew ki naa hatu\n54Naa tama i te Kansol raa ni porepore iloo i naa lloto laatou i naa hakannoo laatou ki naa taratara Stephen e hai ake. 55Tevana iaa naa mahi katoo TeAitu Tapu raa ni takkoto i Stephen, teenaa a ia ni ttoka no kite i naa maasina iho TeAtua i te lani, aa i naa tuu ake Jesus i te vasi hakamaatau TeAtua. 56Stephen ki mee ake, \"Kootou mmata! Nau e kite i naa taaraki mai te lani ka tuu iho te Tama te Henua raa i te vasi hakamaatau TeAtua!\"\n57Naa tama i te Kansol naa ni ppui naa kautarina laatou ki see llono laatou i naa taratara Stephen, teenaa kappisi iloo naa varo laatou no osohia laatou Stephen no tauhia. 58Teenaa taakina iloo laatou te tama naa ki haho te henua naa no tauatia ki naa hatu. Naa tama naa ni uii naa kkahu laatou raa no tuku atu iloo ki mmata ake te tama taane tokotasi, tana inoa ko Saul.\n59Te saaita naa tama naa ni ttuu ka tauatia laatou Stephen raa, Stephen ni tuu koi no taku, \"TeAriki Jesus, too atu taku manu!\" 60Teenaa tuu iloo ia ki ana turi no taku ka tani vaaruna, \"TeAriki! Koe see maanaturia naa haisara naa tama nei e mee kiaa nau!\" A ia ni oti koi ana taratara nei raa, mate iloo ia.\nTeenaa Saul ni hiihai maa naa tama naa ki taia laatou Stephen ki mate.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/7\/","date":"2018-09-18T15:58:43Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155561.35\/warc\/CC-MAIN-20180918150229-20180918170229-00171.warc.gz","language":"nho","language_score":1.0000040531,"language_script":"Latn","minhash_cluster_size":7,"top_langs":"{\"nho_Latn_score\": 1.0000040531158447}","num_words":2338,"character_repetition_ratio":0.055,"word_repetition_ratio":0.002,"special_characters_ratio":0.233,"stopwords_ratio":0.532,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 9\nJesus e hakamasike te tanata see lavaa te sasare\n1Jesus ni kake ki aruna te poti raa no ahe ki telaa vasi te namo raa ki tana taon e noho ai+ 2Teenaa ssau ake iloo naa tama te taon naa te tama see lavaa te sasare e moe i aruna ana moelana. Te saaita Jesus ni kite maa naa tama naa e hakattina iaa Ia raa, a Ia ki mee ake peelaa ki te tama e moe, see lavaa te sasare, \"Taku tama nei. Koe see mamaanatu tammaki! Oo haisara naa e uiia a nau.\"\n3Teenaa ki ffuri aaraa tisa naa Loo no taratara soko laatou, \" Ttama nei e taratara iloo pee ko ia ko TeAtua!\"\n4Jesus ni iloa i naa mannatu naa tama naa e ttuu ma laatou, teenaa ki huri atu Ia no mee ake peelaa ki naa tama naa, \"Ai kootou e ttaka ai ma naa mannatu e hakallika peenaa? 5Te taratara hea e hainauhie, te taratara e mee maa, 'Oo haisara ku oti te uiia a nau,' seai, te taratara e mee maa, 'Masike no sasare?' 6Nau e mee ki huri atu peelaa maa te Tama te Henua raa ko te tama hakamaatua i te kerekere nei e lavaa te uii naa haisara.\" Teenaa mee ake iloo Ia ki te tanata see lavaa te sasare naa, \"Masike no too oo moelana naa aa koe ku hano ki too hare!\"\n7Te tanata naa ni masike no hano iloo ki tana hare. 8I te saaita naa tama i te kina naa ni kkite i te mee naa raa, naa tama naa ni massaro iloo no hakannau i TeAtua. I te aa, i naa tama te maarama nei ku kauake Ia naa mahi laatou ki hakamassike naa tama e mmaki.\nJesus ku arumia a Ia Levi ki tautari kiaa Ia\n9Te saaita Jesus ni masike i te kina naa no hano raa, a Ia ni kite i te tama e aoao naa takis, tana inoa ko Matthew, e noho iloto tana hare e heheuna. Jesus ki mee ake, \"Tautari mai kiaa nau.\"\nTeenaa masike atu iloo Matthew no hanatu vaamuri Jesus.\n10Te saaita Jesus ni noho ka kai iloto te hare Matthew raa, e tammaki naa tama e aoao naa takis ma naa tama haisara ni oo ake no kkai hakapaa laatou ma Jesus ma ana disaipol. 11E mee naa Faarisi ni kkite i naa tama naa e kkai hakapaa ni vasiri ake ki ana disaipol, \"Te tisa kootou naa e kai hakapaa ma naa tama naa raa ko te aa?\"+\n12Te saaita Jesus ni lono naa taratara naa tama naa raa, a Ia ki mee ake, \"Naa tama see mmaki raa see kaavea no mmata i naa tokta, teelaa ko naa tama are e mmaki. 13Kootou ki oo no ssee ki illoa kootou te hakataakoto te taratara te Laupepa Tapu e mee peelaa: 'Nau e ssee ki te manava aroha: nau see kaimanako ki naa manu kootou e taa no hakaara mai.' I te aa, nau ni see au no ssee ki naa tama e ttonu naa ora laatou, seai. Nau ni au are no ssee ki naa tama haisara.\"+\nNaa taratara i te hakapakuu\n14Naa disaipol John te Baptis raa ni oo ake ki Jesus no vasiri kiaa Ia, \"Ai maatou ma naa Faarisi raa maraa e hakapakuu, aa oo disaipol raa iaa see hakapakuu?\"\n15Jesus ki mee ake, \"Naa tama e arumia ki te kaikai te tanata e aavana hoou raa see lavaa te tiiake ka nnoho hakaaroha i te saaita te tama e aavana hoou laatou naa koi noho ma laatou. Tevana iaa te aso raa ma ki tae mai. Te tama e aavana hoou naa ma ki hakataharia i laatou, teenaa naa tama naa ma ki hakapakuu see kkai.\n16\"See hai tama e ttui te tapaa maro hoou ki aruna te masae te maro tuai. I te aa te tapaa maro hoou naa ma ki mmini no lasi te masae i te maro tuai. 17Aa see hai tama hoki e utu te wain hoou raa ki loto naa paeke e ppena ki naa kiri tuai naa sipsip, i te aa, te wain hoou naa ma ki ppuna no masae te paeke naa. Teenaa te wain hoou naa ma ki mannini pakava aa te paeke naa ku hakallika. Naa wain hoou raa e utu ki naa paeke hoou, teenaa te wain naa ma te paeke raa ma ki takkoto taukalleka.\"\nTe tamariki ffine e mate ma te ffine e tere tana ttoo\n18Te saaita Jesus ni taratara ake peenei ki naa tama naa raa, te hakamau tokotasi naa Jew raa ni hanake no ttuu ki ana turi imua Jesus no mee ake, \"Taku tamariki ffine raa ku mate. Tevana iaa nau e hiihai maa koe ki au no hakapiri too rima ki aruna tana pisouru ki ora ia.\"\n19Teenaa masike atu iloo Jesus ma ana disaipol raa no oo laatou.\n20E mee te ffine tokotasi, teenei ku lavaa ana setau e sinahuru maa rua, tana ttoo e tere peenaa, ni hanake vaamuri Jesus no paa iloo tana rima ki te ttapa te kkahu Jesus. 21Te ffine naa ni hakataakoto peelaa, \"Ki mee maa nau e paa koi ki tana kkahu raa, teenaa nau ma ki marooroo.\"\n22Jesus ni hakatahuri no kite iloo te ffine naa, teenaa mee ake iloo kiaa ia, \"Taku tama, koe see mataku. Koe nei ku taukareka i aa koe e mau too manava iaa nau.\" Te ffine naa ni taukareka i te saaita naa lokoi.\n23I te saaita Jesus ni uru atu ki loto te hare te hakamau naa no kite i naa hakattani naa tama naa 'flute' aa i naa ttani te hare naa vaaruna raa, 24a Ia ki mee ake ki naa tama naa, \"Kootou hakkaatoa, uru ki haho! Te tamariki ffine nei see mate, a ia e moe koi!\" Teenaa naa tama naa ni kkata seemuu koi iaa Ia.\n25I te saaita naa tama naa ni oti te hakauruhia katoo ki haho raa, Jesus ni uru atu ki te kina te tamariki naa e moe. Teenaa kapaatu iloo Ia ki te rima te tamariki naa no masike iloo te tama naa ki aruna. 26Teenaa te lono i te vana ni mee nei ni tere ki naa kina hakkaatoa iloto te henua naa.\nTe takarua e ppuni naa karamata laaua e haia Jesus no taukalleka\n27Te saaita Jesus ni masike i te kina naa no hano raa, te takarua e ppuni naa karamata laaua ni oo atu vaamuri ka tanitani varo atu kiaa Ia, \"Te Tama David nei, aroha i maaua.\"\n28Te saaita Jesus ni uru ki loto te hare tokotasi raa, te takarua taanata naa ni uru atu kiaa Ia. Teenaa ki mee ake Jesus ki laaua, \"Koorua e illoa maaoni maa koorua ma ki lavaa nau te haia ki kkite?\"\nTtakarua raa ki mee ake, \"TeAriki, maaua e illoa maa maaua e lavaa koe te haia ki kkite.\"\n29Teenaa haaro atu iloo Jesus tana rima no paa i naa karamata te takarua naa, no mee ake ki laaua, \"Naa karamata koorua ma ki kkite i koorua e hakattina iaa nau.\" 30Teenaa taukalleka iloo naa karamata te takarua naa. Araa Jesus ku hakaapo ake tana taratara ki laaua, \"Koorua see taratara ake ki se tama maa naa karamata koorua ni haia a nau no taukalleka.\"\n31Tevana iaa te takarua naa ni oo no hakatere te lono i Jesus raa ki naa kina hakkaatoa i te henua naa.\nTe tama see lavaa te taratara e haia Jesus no taukareka\n32Te saaita te takarua naa ni massike ka oo raa, te tama see lavaa te taratara i aa ia e tauria te tipua raa ku taakina ake naa tama raa ki Jesus. 33Teenaa te saaita koi te tipua raa ni hanaa Jesus raa, te tanata naa ni kaamata te taratara. Naa tama i te kina naa ni oho iloo ka taratara peelaa, \"Taatou see hai vana iloo peenei ku oti te kkite iloto Israel!\"\n34Tevana iaa naa Faarisi raa ni taratara peelaa, \"Teenei ko te tipua hakamaatua nei e kauake naa mahi Jesus ki lavaa ia te hanahana naa tippua.\"+\nJesus e aroha i te kanohenua\n35Jesus ni hakataka vaaroto naa matakaaina e llasi ma naa matakaaina punaammea raa ka akonaki naa tama raa iloto naa hare lotu naa Jew. A Ia hoki ni hakaea te Lono Taukareka i te Nohorana te Lani ka haia a Ia naa tama e laavea te kau maki raa no taukalleka.+ 36Jesus ni aroha iloo i tana kite ana i naa kuturana tama naa. I te aa, i naa tama naa e ttaka hakaaroha peenaa ka see illoa maa laatou ki ssee ki hea ki tokonaki ake ki laatou; e mee pee ko naa sipsip e ttaka soko laatou, see hai tama e roorosi i laatou.+ 37A Ia ki mee ake ki ana disaipol, \"Ttoka atu. Te huata raa ku tae, tevana iaa naa tama e vasi raa e mooisi koi. 38Kootou taku ki TeAriki te huata raa ki heuna ni tama e tammaki ki oo no vasi.\"+\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/9\/","date":"2018-09-18T17:52:38Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155634.45\/warc\/CC-MAIN-20180918170042-20180918190042-00454.warc.gz","language":"nho","language_score":1.0000053644,"language_script":"Latn","minhash_cluster_size":4,"top_langs":"{\"nho_Latn_score\": 1.0000053644180298}","num_words":1586,"character_repetition_ratio":0.067,"word_repetition_ratio":0.004,"special_characters_ratio":0.238,"stopwords_ratio":0.531,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 20\nTe parapol i naa tama e heheuna iloto te verena 'grape'\n1\"Te Nohorana te Lani raa e mee ma se tama e mee tana kerekere ni hano i te tahaata no ssee ni tama ki oo ake no heheuna i tana verena 'grape'. 2Ttama naa ni tuku tana taratara ma naa tama naa, i laatou ma ki tauia a ia ki te mane siliva tokotasi i te aso. Teenaa heunatia iloo ia naa tama naa ka oo no heuna. 3I te laa i aruna raa, te tama naa ni hano hoki ki te maket raa no kite i aaraa taanata e ttuu see heheuna. 4Teenaa vanaake iloo ia ki naa taanata naa, 'Kootou oo hoki no heheuna i taku verena 'grape', aa kootou ma ki tauia a nau hakaraaoi iloo.' 5Teenaa oo iloo naa tama naa. I te laaraatea+ aa i te ttoru hoki te laasuru raa, te tama naa ni hano hoki no mee tana vana naa. 6I te saaita te laa ni taupiri ki sura raa, a ia ni hano hoki ki te maket no kite iloo i aaraa tama koi ttuu see heheuna. Teenaa a ia ki mee ake, 'I te hui te aso nei raa kootou e nnoho koi peenaa see heheuna i te aa?' 7Naa tama naa ki mee ake, 'See hai tama ni au no tauia maatou ki haia ana heuna.' Te tanata raa ki mee ake, 'Aa kootou oo no heheuna i taku verena 'grape'.'\n8\"I te saaita te laa ni suru raa, te tanata e mee tana verena naa ni mee ake ki te tama e roorosi i naa tama e heuna, 'Arumia naa tama e heuna raa no kauatu naa taavi laatou, kaamata ki naa tama ni toomai hakamuri hakaoti aa ku hakaoti ki naa tama mua.'+ 9Naa tama ni kaamata te heuna i te laasuru raa ni tauia ki naa siliva tiki ttasi. 10Teenaa i te saaita naa tama mua ni heheuna raa ni oo ake ki too naa taavi laatou raa, naa tama naa ni mannatu maa laatou ma ki tauia ki aruna iaa; araa nei laatou ni too siliva tiki ttasi hoki. 11Te saaita naa tama naa ni too naa mane laatou raa, laatou ni kaamata te taumaruu i te tama e mee tana verena raa peelaa, 12'Naa tama ni toomai no heheuna hakamuri nei ni heheuna koi i te tamaa saaita, aa maatou iaa ku mmate hakaoti i naa heheuna maatou i te aso hakkaatoa ma te laa, tevana iaa maatou e tauia hakapaa koi ma naa tama naa!'\n13\"Teenaa ki huri atu te tanata e mee tana verena raa ki te tama tokotasi i naa tama naa, 'Naasoa, hakannoo mai. Kootou see meemee tipuaina a nau. I te saaita kootou ni toomai nau raa, nau ni taratara atu i kootou ma ki tauia a nau ki te siliva tokotasi i te aso. 14Kootou too naa mane kootou naa aa kootou ku oo ki naa hare kootou. Nau e mee ki kauake ki te tama ni heheuna hakamuri nei te kooina kootou ni kauatu nau. 15Nau e lavaa te mee se aa taaku e hiihai, i teenei ni ttino mane aaku. E aa? Kootou ku manava haaeo koi i aa nau e kaimaarie?'\"\n16Jesus ki hakaoti atu ana taratara raa peelaa, \"Naa tama teelaa e tukumurina te henua maa ni tama see hai vana e taunai i te ssao nei ma ki hakannohoria TeAtua ma ni tama hakamaatua, aa naa tama e mmata te henua ma ni tama hakamaatua i te ssao nei ma ki tukumurina TeAtua ma ni tama see hai vana e taunai.\"+\nJesus ku taratara hoki i tana mate\n17I te saaita Jesus maa ni oo atu ki Jerusalem raa, Jesus ki too ana disaipol raa ki te vasi no taratara seemuu ake ki laatou, 18\"Hakannoo mai. Taatou e oo ki Jerusalem. Teenaa te Tama te Henua raa ma ki kaavea ki naa maatua hakamau raa ma naa tisa naa Loo. Naa tama naa ma ki hakatonu laatou taratara ki taia ttama naa ki mate. 19Teenaa te tama naa ma ki kauake laatou ki naa tama i naa henua sara raa ki tautausuaina, ki sarua, aa ku tuukia ki te kros; tevana iaa te tama naa ma ki masike i te mate i te ttoru naa aso.\"\nTe hiihai te tinna James ma John\n20Te aavana Sebedii raa ni hanake ki Jesus ma tana takarua tama taanata raa no tuu iloo ki ana turi imua Jesus.\n21Jesus ki vasiri ake kiaa ia, \"Se aa taau e hiihai?\"\nTe ffine raa ki mee ake, \"Nau e hiihai maa koe ki tuku hakaoti se taratara maau maa aku tama nei ma ki hakanohoria a koe te tama i too vasi hakamaatau aa telaa tama i too vasi hakamaavii, i too saaita ma ki noho no tuku i too Nohorana.\"\n22Jesus ki huri atu ki te takarua taanata raa no mee ake, \"Koorua see illoa i te mee koorua e mee mai naa. Ki mee raa koorua ma ki lavaa te hakallono isu pee ko nau ma ki hakallono isu nei?\"\nTe takarua raa ki mee ake, \"Maaua e lavaa.\"\n23Jesus ki mee ake, \"Maaoni, koorua ma ki lavaa te hakallono isu pee ko nau, tevana iaa nau see lavaa te ttapa ma ko ai te tama ma ki noho i taku vasi hakamaatau aa maa ko ai ki noho i taku vasi hakamaavii. E mattino naa tama ni tukua TeAtua ki nnoho i naa kina naa.\"\n24I te saaita telaa sinahuru maa ttakarua disaipol ni llono i te vana te takarua naa ni mee raa, naa tama naa ni lloto iloo i te takarua naa. 25Teenaa aru iloo Jesus ki ana disaipol raa ki oo ake, no mee ake peelaa ki laatou, \"Kootou e illoa maa naa tuku i naa henua sara raa e tuku haaeo i naa kanohenua laatou, aa naa hakamau laatou raa e nnoho hakamaatua i aruna laatou ma naa mee katoo laatou. 26Te tiputipu naa iaa ki see sura i kootou. Te tama e hiihai maa ia ki noho hakamaatua raa, a ia ki mee naa heuna aaraa tama;+ 27aa ki mee se tama i kootou e hiihai maa ia ki taka vaamua, a ia ki heheuna ma se poe kootou.+ 28Ttama te Henua raa ni mee peenaa. A Ia ni see au ma ki heheuna te henua iaa Ia; a Ia ni au are ki haia a Ia naa heuna te henua aa ki mate Ia ki hakassaoria te lopo tama.\"\nTe takarua e ppuni naa karamata laaua e haia Jesus no kkite\n29I te saaita Jesus ma ana disaipol raa ni massike i Jericho ka oo raa, e tammaki iloo naa tama ni oo atu vaamuri laatou. 30Teelaa se takarua taanata e ppuni naa karamata laaua e nnoho i te vasi te ara, teenaa i te saaita te takarua naa ni llono maa Jesus ku hakaraka ka hano raa, laaua ki kaamata no varo atu ki Jesus, \"Te mokopuna David! Aroha i maaua!\"\n31Teenaa naa tama raa ki ffuri atu no nutua laaua ki see vvaa. Tevana iaa te takarua naa ni see hakannoo atu; laaua ni tanitani varo iloo vaaruna peelaa, \"Te mokopuna David! Aroha i maaua!\"\n32Jesus ni ttuki no kannake iloo ki laaua, \"Koorua e fiffai maa koorua ki haia a nau peehea?\"\n33Takarua raa ki mee ake, \"TeAriki, maaua e fiffai ki kkite maaua.\"\n34Jesus ni aroha i te takarua naa, teenaa haaroo atu iloo no paa tana rima i naa karamata te takarua naa; naa karamata te takarua naa ni taukalleka i te saaita naa lokoi, teenaa massike atu lokoi te takarua naa no tautari atu ki Jesus.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/20\/","date":"2018-09-19T11:14:25Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156192.24\/warc\/CC-MAIN-20180919102700-20180919122700-00417.warc.gz","language":"nho","language_score":1.0000059605,"language_script":"Latn","minhash_cluster_size":3,"top_langs":"{\"nho_Latn_score\": 1.0000059604644775}","num_words":1355,"character_repetition_ratio":0.063,"word_repetition_ratio":0.001,"special_characters_ratio":0.238,"stopwords_ratio":0.542,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 14:28\n28\"Ki mee maa se tama i kootou e maanatu ma ki hakatuu see hare teelaa e moe iloo ki aruna, koe ki noho no hakatuu hakaraaoi iloo ki iloa koe i too kooina ma ki pesi ki penapena te hare naa. Teenaa koe ma ki hakatuu ki iloa koe maa oo mane raa e llava ki hakaoti naa heuna te hare naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/14\/28","date":"2018-09-20T16:26:31Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156524.34\/warc\/CC-MAIN-20180920155933-20180920180333-00033.warc.gz","language":"nho","language_score":0.3419288397,"language_script":"Latn","minhash_cluster_size":2,"top_langs":"{\"nho_Latn_score\": 0.3419288396835327, \"rar_Latn_score\": 0.0882212221622467, \"hif_Latn_score\": 0.07288442552089691, \"wls_Latn_score\": 0.0488835833966732, \"ekk_Latn_score\": 0.03430872783064842, \"ton_Latn_score\": 0.030483322218060493, \"mri_Latn_score\": 0.022950779646635056, \"niu_Latn_score\": 0.019208088517189026, \"yor_Latn_score\": 0.019184431061148643, \"fin_Latn_score\": 0.019014304503798485, \"eng_Latn_score\": 0.016340788453817368, \"pcm_Latn_score\": 0.0160385649651289, \"wol_Latn_score\": 0.01403012964874506, \"swh_Latn_score\": 0.010633529163897038}","num_words":144,"character_repetition_ratio":0.072,"word_repetition_ratio":0.0,"special_characters_ratio":0.203,"stopwords_ratio":0.222,"flagged_words_ratio":0.0,"lang_id_score":0.323,"perplexity_score":500.0,"cluster_detection":1} +{"text":"ACTS 24\nPaul e tuu i te koti\n1Naa aso e rima ku oti te llaka raa, Ananias, te Maatua Hakamau te Hare Tapu raa ku hanake ki Sisaria ma aaraa tama hakamaatua naa Jew, aa ma te tama teelaa ma ki tokonaki ki laatou i te vasi naa loo, tana inoa ko Tertulus. Naa tama naa ni oo atu no kauake iloo naa taratara laatou e mee i Paul raa ki Felix. 2Araa kannaatia ake iloo laatou Paul ki hanake ki loto te hare, teenaa kaamata iloo Tertulus no taratara:\n\"Ttama hakamaatua nei. Maatou e nnoho hakaraaoi iloo ma te laaoi i aa koe e noho hakamaatua i maatou, aa koe ni hakassura te kau vana ki taukareka te nnoho maatou i te henua maatou nei. 3Maatou e taratara peenaa i naa kina hakkaatoa i te fiaffia maatou iaa koe. 4Nau see hiihai maa koe e tauhia rooroaina a nau, tevana ia nau e hiihai maa koe ki kaumai se tamaa saaita koi ki kauatu naa taratara maatou nei: 5Maatou ni kkite maa te tama nei se tama e hakkoro heaatuna; te tama nei maraa e usuhia a ia naa Jew i naa kina hakkaatoa ki ffuri no hetaa ma naa tama te kaaman Rome, aa te tama nei hoki ko te tama hakamaatua i te kaavena e tautari ki te tama i Nazareth. 6Te Hare Tapu maatou raa hoki e haia hakallikaina ttama nei ma se kina vare koi see tapu, teenaa ki tauhia ai maatou te tama nei no karapusina. [Maatou ni taratara maa maatou ma ki hakatonutonu te tama nei i te vasi naa loo maatou, 7araa nei Lisias, te hakamau naa soldia Rome raa, ku hanake no hetaa ma maatou ka toa a ia te tama nei i maatou. 8Teenaa ki kkave mai te taratara Lisias maa maatou ki oomai no mmata iaa koe.] Ki mee maa te tama nei e vasiria a koe raa, koe ma ki iloa i te vana te tama nei e kotia ai maatou.\" 9Naa Jew naa ni ffuri atu hakkaatoa no mee maa naa taratara Tertulus raa ni taratara e maaoni.\nPaul e hakatonu i aa ia imua Felix\n10Ki oti raa Felix ku nnuu ake ki Paul ki taratara, teenaa ki kaamata Paul no taratara,\n\"Nau e iloa maa i te lopo setau nei raa, koe naa ko te tama e noho no hakatonutonu te kanohenua nei hakkaatoa, teenaa nau e hiahia iloo i aa nau e lavaa te tuu imua aau no hakatonu i taku vasi. 11Koe e lavaa koi te iloa maa ni aso koi e sinahuru maa rua ku oti te llaka raa, nau ni hanake ki Jerusalem no lotu. 12Naa Jew nei ni see kkite maa nau ni hakatauttau ma ni tama iloto te Hare Tapu, aa laatou hoki ni see kkite maa te henua ni usuhia a nau ki massike no mee ni vana e hakallika iloto naa hare lotu naa Jew aa ma i naa kina sara hoki iloto Jerusalem. 13Naa tama naa see lavaa te hakatonu hoki maa naa taratara laatou naa e maaoni. 14Tevana iaa nau e lavaa te hakaari atu te mee nei kiaa koe: Nau e lotu ki te Atua naa tippuna maatou, aa nau e tautari ki te Mateara TeAriki teelaa e haia naa tama nei maa seai se mee maaoni. Aa nau hoki e tautari ki naa taratara katoo e takkoto iloto naa Loo Moses aa ma naa taratara teelaa ni sissia naa pure TeAtua. 15Nau e taaohi manava i TeAtua pee ko naa tama nei hoki, teenaa ma naa tama hakkaatoa, naa tama e sosorina taukalleka aa ma naa tama e sosorina hakallika, ma ki hakamassikeria i te mate. 16Teenei nau e hai hakappuru iloo ki takoto maarama taku hakataakoto imua TeAtua aa imua te henua.\n17\"Nau ni noho ake iloo aku setau see kite i Jerusalem, teenaa nau ni hanake ki te henua naa no kkave naa mane maa naa tama e nnoho hakaaroha i te kina naa aa ku hakaara ni mee maaku i te Hare Tapu. 18Teenaa ko taku saaita ni hakamaarama taku haitino iloto te Hare Tapu, teelaa ni oo ake naa tama nei no llave iaa nau. See hai tama tammaki ni ttuu ake ma nau i te kina naa, aa ni see hai tama hoki ni heatu ka vvaa i te kina naa.+ 19Tevana iaa teelaa ko naa Jew ni oo ake i Asia raa ni hakatauttau maatou; naa tama naa are ki oomai no kotia nau kiaa koe ki mee maa laatou e mannatu maa nau ni hakassara aku vana. 20Aa ki mee maa seai, koe ku vasiri ki naa tama nei maa te Kansol raa ni taratara ma se ssara peehea nau ni mee, i taku saaita ni tuu imua naa tama naa. 21I taku saaita ni tuu imua naa tama naa raa, nau ni varo ake koi peelaa, 'Nau nei ku kotia kootou i te aso nei i aa nau e iloa maa te mate raa ma ki massike no ora.'\"+\n22Felix ku oti te iloa hakaraaoi iloo i naa taratara i te Mateara TeAriki, teenaa te koti naa ni tukua a ia ki telaa aso. A ia ki mee ake ki laatou, \"I te saaita Lisias, te hakamau naa soldia, e tae mai raa, nau ma ki hakatonu te koti kootou nei.\" 23Teenaa vanaake iloo Felix ki te soldia e roorosi i Paul raa ki toa Paul ki te hare karapusi, tevana iaa a ia ki see kapitia pee ko aaraa karapusi; naa wasi raa ki tiiake laatou naa soa Paul raa ki too ake ni aa Paul e hiihai.\nPaul e taratara ki te hai aavana Felix laaua ma Drusila\n24Ku llaka ana aso raa, Felix ni hanake ma tana aavana, Drusila, teenaa se ffine haka Jew. A ia ni aru ki Paul ki hanake, teenaa nnoho iloo laaua hai aavana no hakannoo ki naa hakaea ake Paul i naa takoto te lotu te tama i Jesus Christ. 25Araa nei i te saaita Paul ni tae no taratara i te tiputipu e tonu, te tiputipu te tama e lavaa te taaohi ki te tiputipu e tonu, aa i te Aso te Hakatonu TeAtua raa, Felix ni mataku no mee ake iloo peelaa ki Paul, \"Ku llava. Koe ku hano. Taku saaita e laaua raa nau ma ki ssee atu kiaa koe.\" 26Paul maraa e arumia Felix i te kau saaita ki hanake ki hai taratara laaua, teenaa i Felix ni maanatu maa ia ma ki tauia Paul ki tokonaki ake ia ki tana koti.\n27Naa setau e lua ku oti te llaka raa, Felix ni suia Porsius Festus i tana heuna ma ko te hakamau te kaaman. Paul ni tiiake Felix ka moe iloto te hare karapusi, teenaa i aa ia ni hiihai maa naa Jew raa ki fiaffia iaa ia.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/24\/","date":"2018-09-26T01:49:22Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267162809.73\/warc\/CC-MAIN-20180926002255-20180926022655-00074.warc.gz","language":"nho","language_score":1.000002265,"language_script":"Latn","minhash_cluster_size":3,"top_langs":"{\"nho_Latn_score\": 1.0000022649765015}","num_words":1217,"character_repetition_ratio":0.055,"word_repetition_ratio":0.0,"special_characters_ratio":0.23,"stopwords_ratio":0.518,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 5\nNaa disaipol mua Jesus\n1I te aso tokotasi raa, Jesus e tuu i te kerekere i tai te Namo Genesaret, teenaa te henua ni kkutu ake kiaa Ia ki hakannoo laatou ki naa taratara TeAtua. 2A Ia ni kite naa poti e lua raa e soroki i te kerekere i-tai; teenaa e sorokina ake naa taanata haanota teelaa e ttuu ka huihui naa kupena laatou. 3Jesus ni hano no kake ki aruna te poti tokotasi i naa poti naa, teenaa ko te poti Simon. Teenaa vanaake iloo ki Simon ki hakkuutia te poti raa hakamaarie ki tai. Araa noho iloo Ia i aruna te poti naa ka akonaki te kuturana tama naa.+\n4I tana saaita ni oti ana taratara raa, mee ake iloo Ia ki Simon, \"Hakkuutia te poti nei ki te kina e honu, aa kootou ma oo soa naa ku ppesi naa kupena kootou naa maa see hai ika e mmau. \"\n5Teenaa ki mee ake Simon, \"TeAriki, maatou ni haanota te poo hakkaatoa, tevana iaa maatou ni see hai ika ni lavaa. Aa ki mee koe e vana ma ki pesi naa kupena nei, teenei nau ku pesi naa kupena nei.\"+\n6Laatou ni pesi laatou kupena naa no lavaa naa ika laatou e tammaki iloo, te kupena laatou naa ni taupiri ki masae.+ 7Teenaa ki arohaki ake naa tama naa ki naa soa laatou i telaa poti ki aro ake no tokonaki ki laatou. Naa tama naa ni aro ake no uta naa poti e lua naa no ppii hakaoti ki te ika, naa poti naa ni tauppiri ki appuru. 8-9Simon Peter laatou ma naa taanata haanota naa hakkaatoa ni oho i te kooina naa ika laatou ni ppui naa. Saaita Peter ni kite naa ika naa hakkaatoa raa, tuu iloo ki ana turi imua Jesus no mee ake, \" TeAriki, hakataha iaa nau. Nau se tama e mee aku sara.\" 10Naa hakasoa Simon raa hoki ni oho i te vana laatou ni kkite naa, teenaa ko James ma John, naa tama Sebedii. Jesus ki mee ake ki Simon, \"Koe see mataku; kaamata i te saaita nei koe ma ki haanota tama.\"\n11Teenaa soroki iloo naa poti laatou naa ki uta no tiiake hakkaatoa naa hekau laatou naa ka tautari i Jesus.\nJesus e haia a Ia te tama e maki raa no taukareka\n12I te aso tokotasi raa, Jesus ni noho iloto te matakaaina tokotasi e mee te tanata e haia te leprosi. Saaita te tanata naa ni kite i Jesus raa, a ia ni hakaleiho atu no ttuu ki ana turi imua Jesus ka tani atu, \"TeAriki, ki mee maa koe e hiihai, koe ku haia nau ki taukareka.\"\n13Jesus ni haaro atu tana rima no paa iaa ia ka mee ake, \"Nau e hiihai. Koe ku taukareka!\" I te saaita naa lokoi, te leprosi ni sura i te tanata naa ni seai. 14Teenaa ki taratara ake Jesus kiaa ia, \"Koe see hakaari ki se tama maa koe ni haia a nau no taukareka. Tere tonu ki te maatua te hare lotu raa no mee ki mmata ia iaa koe; aa ki kkite te henua maa koe ku taukareka raa, koe ku hakaara ni mee maau ki TeAtua ki hakamaarama too haitino, tautari ki naa taratara Moses ni kauatu.\"+\n15Tevana iaa te lono i naa vana Jesus ni mee raa ni ttoha ki naa kina hakkaatoa, teenaa ki kkutu ake te lopo tama no hakannoo kiaa Ia, aa ki haia laatou ki taukalleka i naa maki laatou. 16Tevana iaa Jesus maraa e hakataha no hano lokoi ki naa kina see hai tama raa no taku.\nJesus e hakamasike te tanata see lavaa te sasare\n17I te aso tokotasi Jesus e akonaki naa tama raa, e mee naa Faarisi ma naa tisa te Loo e nnoho i te kina naa. Naa tama naa ni oomai i naa matakaaina hakkaatoa iloto Galilee, Judea aa ko Jerusalem. Naa mahi TeAtua ni takkoto i Jesus, ki lavaa Ia te mee naa tama e mmaki raa ki malolloo. 18E mee naa taanata ni ssau ake te tanata tokotasi i aruna ana moelana, i ttama naa see lavaa te sasare. Laatou ni haaite ma ki hakauru atu te tanata naa ki loto te hare no hakamoe imua Jesus. 19Araa nei laatou ni see hai ara, i te hare naa ni kkapi naa tama. Teenaa ki saaua laatou te tanata naa ki te taffuu te hare naa no hakahotu te taffuu ka hakatere iho te tanata naa ma ana moelana ki loto ttonu te kuturana tama imua Jesus. 20I te saaita Jesus ni kite i te haimahi te hakataakoto naa tama naa iaa Ia raa, a Ia ni huri atu no mee ake ki te tanata, \"Naasoa, oo haisara raa ku oti te uiia a nau.\"\n21Teenaa ki kaamata naa tisa naa Loo raa ma naa Faarisi te taratara soko laatou peelaa, \" Teenei ko ai te tama ku taratara iloo pee ko ia ko TeAtua? TeAtua soko Ia koi e lavaa te uii naa haisara!\"\n22Jesus ni iloa i naa mannatu naa tama naa, teenaa ki mee ake a Ia peelaa, \"Ai kootou e ttaka ai ma naa mannatu naa? 23Te taratara hea e hainauhie, te taratara e mee maa, 'Oo haisara ku oti te uiia a nau,' seai, te taratara e mee maa, 'Masike no sasare?' 24Nau e mee ki huri atu peelaa maa te Tama te Henua raa ko te tama hakamaatua i te kerekere nei e lavaa te uii naa haisara.\"\nTeenaa mee ake iloo Ia ki te tanata see lavaa te sasare naa, \" Nau e vanaatu kiaa koe, masike, no too oo moelana naa aa koe ku hano ki too hare!\"\n25I te saaita naa lokoi, te tanata naa ni masike imua naa karamata naa tama naa hakkaatoa no too ana moelana raa ka sare hakanau i TeAtua ki tana hare. 26Te kanohenua naa hakkaatoa ni oho, naa tama naa ni mattaku ka taratara hakanau i TeAtua peelaa, \" Teenei ni vana hakallee mouri iloo maatou e kkite i te aso nei.\"\nJesus ku arumia a Ia Levi ki tautari kiaa Ia\n27Ki oti raa, Jesus ku uru ki haho te hare naa no kite i te tama e aoao naa takis e noho iloto tana hare e heheuna, tana inoa ko Levi. Jesus ki mee ake, \"Tautari mai kiaa nau.\" 28Levi ni tiiake ana mee naa hakkaatoa no hanatu vaamuri Jesus.\n29Teenaa Levi ni pena tana kaikai e lasi maa Jesus i tana hare. E tammaki iloo naa tama e aoao naa takis ma aaraa tama hoki ni arumia ake Levi ki te kaikai naa. 30E mee naa Faarisi ma aaraa tisa naa Loo teelaa e ffai i te kaavena naa Faarisi naa ni hai ake ki naa disaipol Jesus, \"Ai kootou e kkai ai ka unu hakapaa ma naa tama e aoao naa takis aa ma naa tama haisara?\"+\n31Jesus ki mee ake, \"Teelaa seai ko naa tama see mmaki raa e kaavea no mmata i te tokta, teenaa ko naa tama are e mmaki. 32Nau ni see au no ssee ki naa tama e mannatu maa laatou e ttonu lokoi. Seai. Nau ni au no ssee ki naa tama haisara, ki ffuri naa manava laatou no tiiake naa haisara laatou.\"\nNaa taratara i te hakapakuu see kai\n33E mee naa tama ni mee ake peelaa ki Jesus, \"Naa disaipol John raa maraa e hakapakuu ka taku, e mee pee ko naa disaipol naa Faarisi raa hoki; oo disaipol raa iaa e kkai koi ka unu.\"\n34Jesus ki mee ake, \"Kootou ma ki lavaa te tiiake kootou naa tama teelaa ni arumia ki te kaikai te takarua e aavvana hoou raa ki nnoho see kkai i te saaita te tanata e aavana raa koi noho ma laatou? See lavaa iloo! 35Tevana iaa te aso raa ma ki tae mai, teenaa te tama e aavana hoou naa ma ki hakataharia i laatou; i naa aso naa raa laatou ma ki hakapakuu see kkai.\"\n36Jesus ni hakaea ake hoki te parapol e mee peelaa: \"See hai tama e ssae te tapaa maro hoou ki ppoo no ttui ki te maro tuai. Ki mee a ia e mee peenaa raa, te maro hoou naa ma ki saaea a ia, aa te tapaa maro hoou naa ma ki see matamata laaoi ma te maro tuai naa.\n37\"Aa see hai tama hoki e utu te wain hoou raa ki loto naa paeke e ppena ki naa kiri tuai naa sipsip, i te aa te wain hoou naa ma ki ppuna no masae te paeke naa. Teenaa te wain hoou naa ma ki mannini pakava aa te paeke naa ku hakallika. 38Te wain hoou raa ki utuhia ki loto naa paeke e ppena ki naa kiri hoou naa sipsip. 39See hai tama ma ki hiiunu te wain hoou i tana saaita ku oti te unu te wain tuai. Te tama naa ma ki mee peelaa, 'Te wain tuai raa e taukareka iaa.'\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/5\/","date":"2018-09-25T09:07:25Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267161350.69\/warc\/CC-MAIN-20180925083639-20180925104039-00555.warc.gz","language":"nho","language_score":1.000005126,"language_script":"Latn","minhash_cluster_size":6,"top_langs":"{\"nho_Latn_score\": 1.0000051259994507}","num_words":1569,"character_repetition_ratio":0.056,"word_repetition_ratio":0.0,"special_characters_ratio":0.239,"stopwords_ratio":0.525,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"JOHN 19:31\nTe vasi kaumanava Jesus e urumakkina ki te ttao\n31Teenei ko te aso naa Jew raa e tukutuku hakaoti naa mee laatou ma te kaikai te Pasova. Laatou see fiffai maa naa haitino naa tama ni tuukia i naa kros raa e tauttau i te aso te Sabat. Teenaa ki oo naa hakamau naa Jew raa ki Pilate no mee ake ki taratara ake ia ki ana soldia raa ki oo no hatia naa vae naa tama naa, aa ku hanaa mai naa haitino laatou ki laro. Laatou e mee i teenaa ko te aso rima, aa laatou see fiffai maa naa haitino naa tama naa e tauttau peenaa i te aso te Sabat, i te aa, te Sabat e au nei se aso e lasi.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/John\/19\/31","date":"2018-09-26T14:51:27Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267165261.94\/warc\/CC-MAIN-20180926140948-20180926161348-00156.warc.gz","language":"nho","language_score":0.9747892618,"language_script":"Latn","minhash_cluster_size":2,"top_langs":"{\"nho_Latn_score\": 0.9747892618179321}","num_words":208,"character_repetition_ratio":0.066,"word_repetition_ratio":0.0,"special_characters_ratio":0.211,"stopwords_ratio":0.389,"flagged_words_ratio":0.0,"lang_id_score":0.97,"perplexity_score":500.0,"cluster_detection":1} +{"text":"ROME 11:17\n17Naa Jew raa e mee pee ko te laakau oliv ni toria hakaraaoi. Aaraa laa te laakau ni toria naa ni pakia no peesia, ki too atu naa laa te laakau te oliv e somovao raa no hakauu atu ki te laakau ni toria naa. Kootou, naa tama naa henua sara raa, e mee pee ko te laakau oliv e somovao. Saaita nei raa kootou e haimmahi ka llave i te lopo mee taukalleka pee ko naa Jew.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/11\/17","date":"2018-09-23T12:26:50Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159359.58\/warc\/CC-MAIN-20180923114712-20180923135112-00443.warc.gz","language":"nho","language_score":0.6600338221,"language_script":"Latn","minhash_cluster_size":2,"top_langs":"{\"nho_Latn_score\": 0.6600338220596313, \"rar_Latn_score\": 0.05663054436445236, \"hif_Latn_score\": 0.043965552002191544, \"wls_Latn_score\": 0.028848549351096153, \"sps_Latn_score\": 0.016860811039805412, \"pcm_Latn_score\": 0.010817930102348328}","num_words":160,"character_repetition_ratio":0.076,"word_repetition_ratio":0.0,"special_characters_ratio":0.206,"stopwords_ratio":0.263,"flagged_words_ratio":0.0,"lang_id_score":0.653,"perplexity_score":500.0,"cluster_detection":1} +{"text":"ACTS 17\nPaul i Tesalonaika\n1Paul laaua ma Silas ni hakataka vaaroto naa matakaaina Amfipolis ma Apolonia, no ttae iloo ki Tesalonaika. I te kina naa raa e mee te hare lotu naa Jew e tuu. 2Paul se tama maraa e hanohano peenaa ki te hare lotu, teenaa te saaita laaua ni ttae atu ki Tesalonaika raa, a ia ni hano ki te hare lotu naa. I loto naa Sabat katoo e toru raa, Paul ni noho ma naa tama raa no hakatonutonu ake i naa takkoto naa taratara iloto te Laupepa Tapu. 3A ia e hakaari ake i naa taratara te Laupepa Tapu raa maa te Mesaea raa ma ki hakallono isu aa ki oti ku masike i te mate. Paul ki mee ake, \"Te Jesus e hakaea atu nau ki kootou raa, a Ia naa ko te Mesaea.\" 4E mee aaraa Jew ni usuhia iloo i naa taratara Paul, teenaa ni oo atu no hakapaa ki laaua ma Silas; naa tama hoki ni hakapaa atu ki te takarua naa raa, ko naa haahine hakamaatua raa aa ma te kaavena Greece e tammaki iloo teelaa ku lotu i TeAtua.\n5Aaraa Jew iaa ni manava haaeo i laaua. Naa tama naa ni hakakkutu naa tama e sosorina hakallika e ttaka huri vaaroto te ara raa no hakapaa ki laatou, teenaa ki ssare laatou ka mee pakava naa mee iloto te matakaaina naa. Naa tama naa ni ffuro atu ki te hare Jason raa no seeia laatou Paul ma Silas ki huutia ake no hakattuuria imua te henua. 6Tevana iaa te takarua raa ni see laavea laatou, teenaa taakina ake iloo laatou Jason ma aaraa tama te lotu no hakattuuria imua naa hakamau te henua raa no hai ake peelaa, \"Naa taanata nei ni tama e hakakkoro heaatuna vaaroto naa henua hakkaatoa. Aa teenei naa tama naa ku ttae mai ki te henua taatou nei. 7Naa tama nei ni toa Jason no tauhia iloto tana hare. Naa Loo te tuku hakamaatua i Rome raa e sahea peenaa naa tama nei; laatou e hai maa e mee telaa tuku hoki, teenaa maa te inoa te tuku naa ko Jesus.\" 8Naa tama ni kkutu i te kina naa aa ma naa hakamau te henua raa ni ffuri katoo no lloto huri i te llono ana laatou i naa taratara naa. 9Teenaa ki vanaake naa hakamau raa ki Jason ma tana kaavena naa ki ppesi mane ki lavaa laatou te tiiake ki oo, araa tiiake iloo laatou naa tama naa ka oo.\nPaul laaua ma Silas ku kaavea ki Berea\n10Te poo naa koi raa, Paul laaua ma Silas ni heunatia naa tama te lotu raa ki oo ki Berea. Te saaita te takarua naa ni ttae atu raa, laaua ni oo tonu ki te hare lotu naa Jew. 11Te kanohenua Berea naa e llono nauhie iaa i naa tama i Tesalonaika. Naa tama naa ni hii hakannoo iloo ki naa taratara e kauake te takarua naa, teenaa laatou e paupau peenaa naa taratara te Laupepa Tapu raa ki illoa laatou ki mee maa naa taratara Paul raa ni taratara maaoni. 12Turaa tama iloo i te matakaaina naa ni ffuri no lotu i TeAtua, aa e tammaki hoki naa haahine hakamaatua ma naa taanata haka Greece ni ffuri hoki no lotu i TeAtua. 13Tevana iaa te saaita naa Jew i Tesalonaika raa ni llono maa Paul ni hakaea hoki naa taratara TeAtua i Berea raa, naa tama naa ni oo atu hoki no kaamata te usuusuhia laatou naa tama i te matakaaina naa. 14Naa tama te lotu i te kina naa ni massike no heunatia lokoi laatou Paul ki hano ma aaraa tama i laatou ki naa matakaaina e ttuu ki tai. Silas laaua ma Timothy iaa ni nnoho koi i Berea. 15Naa tama ni oo ma Paul raa ni oo no ttae hakapaa iloo laatou ma Paul ki Athens, araa ahe ake iloo naa tama naa ki Berea no taratara ake ki Silas ma Timothy i Paul e hiihai maa laaua ki hakavave no oo ake kiaa ia i Athens.\nPaul ku noho i Athens\n16Saaita Paul ni noho ka ttari ki Silas laaua ma Timothy i Athens raa, naa manava Paul ni vvela iloo i tana kite ana i naa tammaki naa aitu hakalellesi i te matakaaina naa. 17Teenaa noho iloo ia no taratara maa naa Jew aa ma naa tama haka Greece teelaa e lotu, iloto te hare lotu naa Jew raa. Aa i te kina te henua maraa e kkutu raa, Paul e noho hoki i te kau aso hakkaatoa ka hakaea te Lono Taukareka raa ki naa tama maraa e llaka ake ki te kina naa. 18E mee naa tisa e haia ma ko naa Epicurus aa ma naa Stoik. Naa tama naa ni hakatauttau laatou ma Paul, no mee naa taratara laatou peelaa, \"Se aa te tama hakatanata nei e mee ki taratara?\"\nAaraa tama ki mee ake, \"Ttama naa e mee maa e taratara i naa atua naa kina e mmao.\" Naa tama naa e taratara peenaa i Paul e hakaea te Lono Taukareka i Jesus aa i tana saaita ni hakamasikeria i te mate. 19Teenaa taakina iloo laatou Paul no hakatuuria imua te kansol e kkutu i Ariopagus raa no vassiri ake peelaa, \"Maatou e mee ki illoa maatou i naa akonaki hoou e tarataraina a koe naa. 20Aaraa taratara maatou ni llono iaa koe raa, teenaa ni taratara hoou iloo ki maatou. Maatou e fiffai maa maatou ki illoa i oo taratara hoou e akonaki naa.\" 21(Naa tama katoo i Athens aa ma naa horau e nnoho i te matakaaina naa e fiffai maa laatou ki nnoho koi no taratara maa ni vana hoou laatou e llono, aa ka hakannoo ki naa tama e hakaea maa ni taratara hoou.)\n22Paul ki masike no tuu iloo imua te kansol raa no taratara: \"Te kanohenua Athens nei. Nau e kite maa kootou ni tama iloo e lotu. 23I taku saaita ni sare vaaroto te henua kootou nei no ttoka i naa kina kootou e lotu raa, nau ni lave te olta e hakatuu naa taratara nei: TE OLTA TE ATUA MAATOU SEE ILLOA. TeAtua kootou see illoa e lotua kootou raa, teenaa ko taku Atua e hakaea atu nei.\n24\"TeAtua teelaa ni penapena te maarama nei ma naa mee katoo e takkoto raa, a Ia naa ko TeAriki te lani ma te kerekere; a Ia see noho iloto naa hare tapu te tama e hakatuu ki ana rima. 25A Ia see ssee ma ki tokonaki ake naa tama te maarama nei kiaa Ia, i teelaa ko Ia naa e hakaora te tama ki ora aa e hookii naa mee katoo ki naa tama te maarama nei.+ 26A Ia ni kaamata no penapena te tanata tokotasi, teenaa ki ssura iho naa kanohenua hakkaatoa no haia a Ia naa tama naa ki nohoria te kerekere nei hakkaatoa. A Ia tana tino kunaa hakamaatino are naa sao aa ma naa henua naa tama naa ki nnoho. 27A Ia ni mee tana vana naa ki ssee ake te henua kiaa Ia no llave iaa Ia. A Ia iaa see mmao i taatou hakkaatoa.\n28'Te Tama naa e hakaora taatou\nki lavaa taatou te sassare i te maarama nei aa ki tiputtipu taatou peenei.'\nE mee pee ko naa taratara naa tama kootou e illoa i naa vana raa peelaa,\n'Taatou hoki ni tamalliki TeAtua.'\n29I taatou ni tamalliki TeAtua raa, taatou ki see mannatu maa TeAtua e mee koi pee ko naa atua e penappena ki naa kol, naa siliva, aa ki naa hatu, teelaa ma e penapenaa i naa tihuna te tama. 30TeAtua ku seai tana maanatu i te ssao te henua ni see illoa kiaa Ia imua, aa i te saaita nei raa a Ia e tuku tana taratara ki naa tama naa i naa kina hakkaatoa ki tiiake naa sosorina e hakallika laatou. 31I te aa i aa Ia ku oti te hakamaatino hakaoti tana aso, teenaa tana Tama ni hakanoho raa ma ki hakatonutonu naa tama hakkaatoa i te maarama nei i te ara e tonu. Ttama naa ni hakamasikeria a Ia i te mate ki kkite te henua hakkaatoa maa teenaa ko te tama ma ki hakatonutonu laatou!\"\n32I te saaita naa tama raa ni llono i naa taratara Paul i naa hakamasikeria te tama e mate no ora hoki raa, naa tama naa ni taussua iaa ia, aa aaraa tama iaa e taratara peelaa, \"Maatou e fiffai maa maatou ki hakannoo iaa koe e taratara i te mee naa hoki.\" 33Teenaa masike iloo Paul i naa tama naa no hano. 34E mee aaraa tama ni hakannoo ki naa taratara Paul no lotu i TeAtua, teelaa e hai ai Dionisius, teenaa se tama e hai te kansol. E mee hoki te ffine, tana inoa ko Damaris, aa ma aaraa tama hoki.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/17\/","date":"2018-09-23T17:22:15Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159561.37\/warc\/CC-MAIN-20180923153915-20180923174315-00326.warc.gz","language":"nho","language_score":1.0000060797,"language_script":"Latn","minhash_cluster_size":2,"top_langs":"{\"nho_Latn_score\": 1.000006079673767}","num_words":1555,"character_repetition_ratio":0.066,"word_repetition_ratio":0.0,"special_characters_ratio":0.227,"stopwords_ratio":0.547,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 26:55\n55Teenaa ki huri Jesus no taratara ake ki naa tama e kkutu i te kina naa, \"Ai kootou e oomai ai ma naa hana kootou naa no mee ma ki tauhia nau, e mee pee ko nau se tama e hakappore? I te kau aso nau ni noho ka akonaki te henua iloto te Hare Tapu raa, kootou ni see anaana ma ki oomai no tauhia nau.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/26\/55","date":"2018-09-18T18:12:21Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155634.45\/warc\/CC-MAIN-20180918170042-20180918190042-00491.warc.gz","language":"nho","language_score":0.350627929,"language_script":"Latn","minhash_cluster_size":2,"top_langs":"{\"nho_Latn_score\": 0.35062792897224426, \"rar_Latn_score\": 0.2323276400566101, \"wls_Latn_score\": 0.059808772057294846, \"pcm_Latn_score\": 0.04089805856347084, \"mri_Latn_score\": 0.025961820036172867, \"niu_Latn_score\": 0.014803924597799778, \"eng_Latn_score\": 0.014538594521582127, \"sps_Latn_score\": 0.013113555498421192, \"gil_Latn_score\": 0.012351489625871181, \"ekk_Latn_score\": 0.010901175439357758, \"hif_Latn_score\": 0.010877477005124092}","num_words":149,"character_repetition_ratio":0.073,"word_repetition_ratio":0.0,"special_characters_ratio":0.208,"stopwords_ratio":0.289,"flagged_words_ratio":0.0,"lang_id_score":0.319,"perplexity_score":500.0,"cluster_detection":1} +{"text":"ROME 1:20\n20Kaamata i te saaita TeAtua ni pena te maarama nei no tae mai ki te ssao nei, te henua ni kkite hakkaatoa i naa takkoto ana mahi ma ana tiputipu. Ana mee ni penapena nei e huri mai ana tiputipu. Te henua hakkaatoa e hainauhie koi te illoa i naa tiputipu TeAtua. See hai tama e tau te taratara maa ia see iloa i naa tiputipu TeAtua.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/1\/20","date":"2018-09-25T11:03:40Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267161501.96\/warc\/CC-MAIN-20180925103454-20180925123854-00022.warc.gz","language":"nho","language_score":0.3466310203,"language_script":"Latn","minhash_cluster_size":2,"top_langs":"{\"nho_Latn_score\": 0.3466310203075409, \"rar_Latn_score\": 0.21983976662158966, \"mri_Latn_score\": 0.0988045185804367, \"wls_Latn_score\": 0.039702173322439194, \"gil_Latn_score\": 0.02169433794915676, \"swh_Latn_score\": 0.015450232662260532, \"hif_Latn_score\": 0.015249326825141907, \"tah_Latn_score\": 0.014946408569812775, \"smo_Latn_score\": 0.01456263568252325, \"niu_Latn_score\": 0.014113392680883408, \"ekk_Latn_score\": 0.013619031757116318, \"eng_Latn_score\": 0.011468238197267056, \"sps_Latn_score\": 0.011451085098087788}","num_words":149,"character_repetition_ratio":0.074,"word_repetition_ratio":0.0,"special_characters_ratio":0.198,"stopwords_ratio":0.242,"flagged_words_ratio":0.0,"lang_id_score":0.233,"perplexity_score":500.0,"cluster_detection":1} +{"text":"MARK 6:20\n20I te aa i Herod ni iloa maa John se tama e sosorina taukareka aa se tama hoki e tonu tana ora. Teenaa ki mee ake a ia ki naa tama e heheuna i aa ia raa ki see taia John. Niaaina maa naa mannatu Herod maraa see ttonu i ana saaita e lono i naa taratara John raa, a ia maraa e hii hakannoo koi ki ana taratara.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/6\/20","date":"2018-09-19T15:36:34Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156252.31\/warc\/CC-MAIN-20180919141825-20180919161825-00350.warc.gz","language":"nho","language_score":0.3235195875,"language_script":"Latn","minhash_cluster_size":2,"top_langs":"{\"nho_Latn_score\": 0.32351958751678467, \"rar_Latn_score\": 0.18577919900417328, \"hif_Latn_score\": 0.04821612313389778, \"mri_Latn_score\": 0.04474594071507454, \"sps_Latn_score\": 0.026405204087495804, \"wls_Latn_score\": 0.022372623905539513, \"gil_Latn_score\": 0.018992098048329353, \"smo_Latn_score\": 0.015353686176240444, \"yor_Latn_score\": 0.01439209096133709, \"swh_Latn_score\": 0.013982623815536499, \"niu_Latn_score\": 0.013332448899745941, \"pcm_Latn_score\": 0.011931115761399269, \"tiv_Latn_score\": 0.011915207840502262, \"eng_Latn_score\": 0.011859702877700329, \"gaz_Latn_score\": 0.010914360173046589}","num_words":151,"character_repetition_ratio":0.073,"word_repetition_ratio":0.0,"special_characters_ratio":0.205,"stopwords_ratio":0.258,"flagged_words_ratio":0.0,"lang_id_score":0.247,"perplexity_score":500.0,"cluster_detection":1} +{"text":"ROME 11:12\n12Naa tama naa henua sara raa ni ssura te kau mee e taukalleka, i naa Jew raa ni hakassara naa vana laatou imua naa karamata TeAtua. TeAtua ni huri no hookii te lopo mee e taukalleka ki naa tama naa henua sara, i naa Jew raa ni hakakkeeina laatou ana taratara. Ki mee naa Jew hakkaatoa ma ki ahe ki TeAtua, te henua ma ki tiputipu peehea i te lopo mee taukalleka TeAtua ma ki hookii ki naa Jew raa hakapaa ma naa tama te maarama nei?\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/11\/12","date":"2018-09-22T05:25:12Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158045.57\/warc\/CC-MAIN-20180922044853-20180922065253-00438.warc.gz","language":"nho","language_score":0.9556679726,"language_script":"Latn","minhash_cluster_size":2,"top_langs":"{\"nho_Latn_score\": 0.9556679725646973}","num_words":169,"character_repetition_ratio":0.074,"word_repetition_ratio":0.0,"special_characters_ratio":0.2,"stopwords_ratio":0.331,"flagged_words_ratio":0.0,"lang_id_score":0.908,"perplexity_score":500.0,"cluster_detection":1} +{"text":"LUKE 9\nJesus e heuna tana taka sinahuru maa te takarua disaipol raa ki oo\n1I te aso tokotasi raa, Jesus ni aru ake tana sinahuru maa te takarua disaipol, teenaa uii atu iloo naa mahi TeAtua ki laatou, ki lavaa laatou te hanahana naa tippua aa ki lavaa laatou hoki te uii naa maki. 2Teenaa heunatia iloo Ia naa tama naa ki oo no hakaea i naa tiputipu te Nohorana TeAtua aa ki hakamasike naa tama e mmaki. 3A Ia ni taratara ake peelaa ki laatou, \"Te saaita kootou e oo raa, kootou seai naa mee kootou e ppiki maa ni tokotoko, ni paeke haohao hekau, ni kaikai, ni mane, aa ma ni ssoa naa kkahu kootou.+ 4Naa hare kootou e toa ki nnoho raa, kootou ku nnoho tonu i naa hare naa ki tae ki te ssao kootou e massike i te matakaaina naa ki oo. 5Aa ki mee naa tama te matakaaina naa see hii hakannoo ki kootou, kootou ku tiiake te matakaaina naa aa kootou ku oo. Te saaita kootou e oo raa, kootou ku tahitahi naa kerekere e mau i naa ororo vae kootou, ki illoa naa tama naa maa te tiputipu laatou e hakasura naa e sara.\"+\n6Naa disaipol raa ni oo vaaroto naa tamaa matakaaina naa hakkaatoa no hakaea te Lono Taukareka ka hakamasike naa tama e mmaki i naa kina naa.\nHerod see iloa i Jesus\n7Te saaita Herod, te tuku Galilee, ni lono i naa vana e ssura nei raa, a ia ni vvare hakaoti, i aaraa tama e taratara maa John te Baptis ku ora hoki. 8E mee aaraa tama e taratara maa Elijah ku hakasura iho, aa aaraa tama iaa e hai ma se pure i naa pure TeAtua iloo imua raa ku oti te ora hoki.+ 9Teenaa ki taratara Herod peelaa, \"Nau ni vanaake ki naa tama raa ki tuutia te ua John, aa teenei ko ai e lono nau e mee naa vana nei? \" Teenaa mee iloo ia ki kite ia i Jesus.\nJesus e haanai te kuturana tama e tammaki\n10Te saaita naa aposol raa ni ahe ake raa, naa tama naa ni taratara ake ki Jesus i naa vana laatou ni mee. Teenaa too iloo Jesus naa tama naa ka oo laatou soko laatou ki te matakaaina e ttapa ma ko Bethsaida. 11Te saaita naa tama i te kina naa ni llono raa, oo atu iloo laatou vaamuri Jesus. Jesus ni hiahia i laatou ni oo ake, teenaa hakaea ake iloo Ia naa taratara i te Nohorana TeAtua ka hakamasike naa tama e mmaki i te kina naa.\n12Te saaita te laa raa ni taupiri ki suru, te taka sinahuru maa te takarua disaipol raa ni oo ake no vanaake peelaa ki Jesus, \"Heunatia naa tama nei ki oo ki naa matakaaina e tauppiri mai raa no ssee ni kaikai maa laatou aa ma ni kina maa laatou ki mmoe, i te kina nei see nohoria.\"\n13Teenaa ki mee ake Jesus ki laatou, \"Kootou kauake ni kaikai maa naa tama naa ki kkai.\"\nNaa disaipol raa ki mee ake, \"Maatou e nnoho koi ma naa haraoa e rima ma naa ika e lua. Koe e hiihai maa maatou ki oo no taavi ni kaikai ki haanai te kuturana tama nei hakkaatoa?\" 14(Naa taanata hakkaatoa i te kina naa e llava naa simata e rima.)\nJesus ki mee ake ki ana disaipol, \"Hakanohoria naa tama naa ki nnoho tiki tino rima naa tama e hakapaa i te kina tokotasi.\"\n15Saaita naa disaipol raa ni oti te hakannoho naa tama raa, 16Jesus ni too naa haraoa e rima ma naa ika e lua naa, teenaa ttoka iloo Ia ki te lani no taku ki TeAtua. Araa ttohi iloo naa haraoa naa no kauake ki ana disaipol raa ki vaevae atu ki naa tama. 17Naa tama raa ni kkai hakkaatoa no pposu, aa naa kaikai ni ttoe raa ni haaoa naa disaipol raa ki loto naa kete e sinahuru maa rua.\nPeter e pesi tana taratara maa Jesus ko te Mesaea\n18I te aso tokotasi Jesus ni noho ka taku soko Ia raa, ana disaipol raa ni oo ake kiaa Ia. Teenaa vasiri ake iloo Ia peelaa ki laatou, \"Te henua e taratara maa nau ko ai?\"\n19Naa disaipol raa ki mee ake, \"E mee aaraa tama e hai maa koe ko John te Baptis; aaraa tama e hai maa koe ko Elijah; aa aaraa tama iaa e hai maa koe se pure i naa pure TeAtua imua, teelaa ku ora hoki.\"+\n20Jesus ki vasiri hoki, \"Ai kootou e taratara maa nau ko ai?\"\nTeenaa ki mee ake Peter, \"Koe naa ko te Mesaea TeAtua\"+\nJesus ku taratara i tana mate\n21Teenaa ki ppui ake Jesus ki see taratara ake laatou ki se tama. 22A Ia ni taratara ake hoki peelaa ki laatou, \"Te Tama te Henua raa ma ki hakallono isu i te kau vana; A Ia ma ki hakakkeeina naa tama hakamaatua naa Jew, naa maatua hakamaatua, aa ma naa tisa naa Loo. A Ia ma ki taia no mate, tevana iaa a Ia ma ki hakamasikeria no ora i te ttoru naa aso.\"\n23Teenaa ki mee ake Ia peelaa ki laatou hakkaatoa, \"Ki mee ni tama e fiffai maa laatou ki oomai no tautari kiaa nau, naa tama naa ki tiiake naa mee laatou e fiffai, aa laatou ku amo naa kros laatou raa i te kau aso hakkaatoa, aa laatou ku tautari kiaa nau.+ 24Te tama e hakaseresere tana ora raa, a ia ma ki see kite te ora naa; aa te tama e tiiake mai tana ora kiaa nau raa, a ia ma ki taaohi te ora maaoni.+ 25Se aa e taukareka ma ki sura i te henua ki mee maa naa mee hakkaatoa i te maarama nei e tauhia laatou, aa laatou iaa see taaohi te ora maaoni? Seai iloo! 26Ki mee maa te henua e nnapa iaa nau ma aku taratara, te Tama te Henua raa ma ki napa i laatou i tana saaita ma ki au iloto ana mahi ma naa mahi te Tamana, aa ma naa mahi ana ensol e ttapu. 27Nau e kauatu te taratara maaoni nei: e mee aaraa tama i kootou e ttuu i te kina nei ma ki see vave mmate, teenaa laatou ma ki ttae ake no kkite i te Nohorana TeAtua.\"\nTe haitino Jesus ku too tana maasina\n28Ku llaka naa aso e varu i tana saaita ni kauake naa taratara nei raa, Jesus ni toa a Ia Peter, John, aa ko James, ka oo laatou ki aruna te tamaa mouna raa no taku ki TeAtua.+ 29I tana saaita ni taku raa, tana taurae ni huri no too tana maasina, aa ana hekau e uru raa ni maasina hakkaatoa. 30-31Teenaa te takarua taanata, Moses ma Elijah, ni hakassura ake ma te maasina te lani no hai taratara ma Jesus. Takarua raa e taratara ake ki Jesus iaa Ia ma ki mate i Jerusalem, ki ttino te hakataakoto TeAtua.\n32Peter ma ana soa raa ni mmoe mannuu, teenaa i te saaita laatou ni maffuru raa, laatou ni kkite te maasina Jesus ma te takarua taanata teelaa e ttuu maa Ia. 33Te saaita te takarua taanata raa ni mee ki hakattaha i Jesus raa, Peter ni mee ake peelaa ki Jesus, \"E taukareka iloo i maatou e nnoho i te kina nei! Maatou ku hakatuu ni tamaa hare e toru, too hare, te hare Moses, aa te hare Elijah.\" (Teenei se taratara vvare koi aana ni pesi, i aa ia ni see iloa maa ia e taratara i te aa.)\n34Te saaita Peter koi taratara raa, te uruaoa raa ni irihia ake no too tana maru i aruna naa tama naa, teenaa naa disaipol raa ni mattaku i te saaita naa tama naa ni uuhia te uruaoa naa. 35Teenaa ki taratara mai te reo raa iloto te uruaoa, \"Teenei taku Tama ni hakamaatino; kootou hakannoo kiaa Ia!\"+\n36Saaita te reo raa ni oti te taratara raa, teelaa ko Jesus soko Ia raa ku tuu mai. Naa disaipol naa ni seai iloo ki taratara ake ki se tama i te saaita naa i te mee laatou ni kkite nei.\nJesus e hanaa a Ia te tipua hakallika i te tamariki tanata\n37I telaa aso raa, Jesus ma te takatoru disaipol naa ni ahemai ki laro te mouna naa, teenaa te kuturana tama e tammaki raa ni oo ake no ttiri i Jesus. 38Te tanata tokotasi iloto te kuturana naa ni tanitani varo ake peelaa, \"Tisa nei! Mmata i taku tamariki tanata nei, teenei ko taku tamariki koi tokotasi! 39Te saaita te tama nei maraa e uruhia te tipua raa, a ia maraa e kappisi ana varo no moe ka ppore, teenaa naa pepeau raa maraa e ssura iho i tana pukua. Te tipua nei e hainattaa iloo te hakataha i te tamariki nei; te tamariki nei e mee pakavaina iloo ia. 40Nau ni hai peenaa ki oo disaipol raa ki hanaa te tipua nei, tevana iaa laatou ni see lavaa.\"\n41Jesus ki mee ake ki naa tama e ttuu i te kina naa, \"Kootou ni tama e aa e sosorina hakallika ka see lotu tonu! E aa? Teenei se ssao huapotopoto taatou ni ttaka hakapaa ka tokonaki nau ki kootou?\" Teenaa huri iloo Ia no mee ake ki te tanata, \"Toomai too tamariki tanata naa.\"\n42Te saaita te tamariki tanata naa koi sare atu ki Jesus raa, te tipua e tau i te tamariki naa ni peesia a ia te tamariki naa ki te kerekere ka moe te tamariki naa ka ppore. Jesus ni varo atu ki te tipua hakallika naa, teenaa taukareka iloo te tamariki tanata naa. Ki oti raa hakaahea atu iloo Ia te tamariki tanata raa ki tana tamana. 43Naa tama naa hakkaatoa ni oho i naa haimahi TeAtua.\nJesus ku taratara hoki i tana mate\nTe saaita naa tama raa koi tarataraina laatou naa vana hakkaatoa Jesus ni mee nei raa, Jesus ki mee ake ki ana disaipol, 44\"Kootou hakamaarona i taku taratara e mee ki kauatu nei! Ttama te Henua raa ma ki hookina ki naa rima naa tama te maarama nei.\" 45Tevana iaa naa disaipol raa ni see illoa maa Jesus e taratara ake ma e aa. Te hakataakoto te taratara naa ni huuina TeAtua ki see illoa naa tama naa, aa laatou ni mattaku te vasiri atu ki Jesus i te mee naa.\nSe tama peehea e haia ma se hakamau i naa tama hakkaatoa?\n46Naa disaipol raa ni hakatauttau soko laatou maa ko ai te hakamau i laatou.+ 47Jesus ni iloa i naa mannatu naa tama naa, teenaa saaua iloo a Ia te tamariki tokotasi no hakatuuria i tana vasi. 48Teenaa ki mee ake Jesus ki naa tama naa, \"Te tama e tautari ki aku tiputipu aa e hiihai ki te tamariki peenei raa, te tama naa e hiihai hoki kiaa nau; aa te tama e hiihai kiaa nau raa, te tama naa e hiihai hoki ki te tama ni heuna ma ki au nau. Te tama teelaa see ilotia maa se tama iloto kootou raa, teenaa ko te hakamau i kootou.\"+\nTe tama see taukaa ma kootou raa, teenaa se tama kootou\n49John ki mee ake, \"TeAriki, maatou ni kkite te tanata e hanahana naa tippua iloto too inoa, aa te tanata naa ni puuia maatou i aa ia see hai te kaavena maatou e tautari kiaa koe.\"\n50Teenaa ki mee ake Jesus kiaa ia ma aaraa disaipol, \"Kootou see puuia kootou te tama naa, i te aa te tama see taukaa maa kootou raa, teenaa se tama kootou.\"\nTe matakaaina tokotasi i Samaria see fiffai ki Jesus\n51I te saaita Jesus ku taupiri ki toa ki te lani raa, a Ia ni mee hakaoti tana maanatu no hano Ia ki Jerusalem. 52A Ia ni heuna ana tama ki oo imua ki te matakaaina tokotasi i Samaria, no hakatonu mai hakaoti tana kina ki noho. 53Araa nei naa tama i te matakaaina naa ni see fiffai maa Ia e hanake, teenaa i laatou ni illoa maa Jesus e hano are ki Jerusalem. 54Saaita James laaua ma John ni llono i te taratara nei raa, laaua ni ffuri no mee ake ki Jesus, \"TeAriki, koe e hiihai ma ki kannaatia maatou te ahi te lani raa ki ura mai no tuunia naa tama nei ki vvela?\"+\n55Teenaa ki hakatahuri atu Jesus no nutua laaua. 56Araa oo iloo laatou ki telaa matakaaina.\nNaa tama e vana maa laatou e fiffai ki tautari i Jesus\n57I te saaita laatou koi sassare ka oo raa, te tanata tokotasi ni vanaake peelaa ki Jesus, \"Nau ma ki tautari atu i oo kina hakkaatoa e hano.\"\n58Jesus ki mee ake, \"Naa manu vao raa e mee naa rua laatou, aa naa manu lellere raa e mee naa ohana laatou, te Tama te Henua raa iaa see hai kina ki moe no hakamarooroo.\"\n59A Ia ki mee ake ki telaa tama, \"Tautari mai kiaa nau.\"\nAraa nei te tanata naa ku mee ake, \"TeAriki, ttari ki ahe nau no tanu taku tamana.\"\n60Teenaa ki mee ake Jesus, \"Tiiake naa tama ku oti te mmate raa ki ttanu naa tama laatou e mmate. Tere no hakaea i naa tiputipu te Nohorana TeAtua.\"\n61Telaa tama iaa e mee ake peelaa ki Jesus, \"TeAriki, nau ma ki tautari atu kiaa koe, tevana iaa koe ku ttari ki ahe nau imua no purepure ki taku haanauna.\"+\n62Jesus ki mee ake, \"Te tama ku oti te kaamata te heheuna i ana paena, araa nei ku mamaanatu tammaki ma ki tiiake tana paena naa raa, te tama naa see tau te heheuna i te Nohorana TeAtua.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/9\/","date":"2018-09-26T01:24:10Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267162809.73\/warc\/CC-MAIN-20180926002255-20180926022655-00119.warc.gz","language":"nho","language_score":1.0000072718,"language_script":"Latn","minhash_cluster_size":4,"top_langs":"{\"nho_Latn_score\": 1.0000072717666626}","num_words":2356,"character_repetition_ratio":0.071,"word_repetition_ratio":0.0,"special_characters_ratio":0.237,"stopwords_ratio":0.562,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 27:7\n7Maatou ni tere hakassoro koi i te matani raa e kkapi, teenaa no llaka iloo naa aso raa, maatou ku saaita atu ki te matakaaina Naidus. Tevana iaa, i te matani raa koi ppui mai imua raa, maatou ni see lavaa te hanatu i te mataavaka maatou naa. Teenaa ki taa maatou no tere hakalluu ake i te henua e ttapa ma ko Crete. Maatou ni tere no hakaraka iloo i te usuana te henua naa e ttapa ma ko te Usuana Salmone.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/27\/7","date":"2018-09-20T02:40:27Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156376.8\/warc\/CC-MAIN-20180920020606-20180920040606-00000.warc.gz","language":"nho","language_score":0.5411065817,"language_script":"Latn","minhash_cluster_size":2,"top_langs":"{\"nho_Latn_score\": 0.5411065816879272, \"rar_Latn_score\": 0.33321768045425415, \"wls_Latn_score\": 0.01996626704931259, \"gil_Latn_score\": 0.01434177253395319}","num_words":165,"character_repetition_ratio":0.069,"word_repetition_ratio":0.0,"special_characters_ratio":0.202,"stopwords_ratio":0.248,"flagged_words_ratio":0.0,"lang_id_score":0.579,"perplexity_score":500.0,"cluster_detection":1} +{"text":"ACTS 26:20\n20Nau ni kaamata te hakaea naa taratara TeAtua raa i Damascus, araa hano iloo nau no hakaea ake ki naa tama i Jerusalem ka hakataka atu ki naa matakaaina vaaroto Judea. Ki oti raa hano iloo nau no hakaea hoki naa taratara naa ki naa tama i naa henua sara. Nau ni hakaea ake ki tiiake naa haisara laatou aa laatou ku ffuri no lotu i TeAtua, teenaa laatou ki ffuri naa sosorina laatou ki maatino maa laatou ku oti te tiiake naa haisara laatou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/26\/20","date":"2018-09-19T08:53:37Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156096.0\/warc\/CC-MAIN-20180919083126-20180919103126-00054.warc.gz","language":"nho","language_score":0.9323461056,"language_script":"Latn","minhash_cluster_size":2,"top_langs":"{\"nho_Latn_score\": 0.9323461055755615, \"hif_Latn_score\": 0.016666054725646973}","num_words":167,"character_repetition_ratio":0.068,"word_repetition_ratio":0.0,"special_characters_ratio":0.196,"stopwords_ratio":0.317,"flagged_words_ratio":0.0,"lang_id_score":0.909,"perplexity_score":500.0,"cluster_detection":1} +{"text":"JOHN 4:27\n27I te saaita naa raa, naa disaipol Jesus raa ku ttae ake. Laatou ni tteki iloo i te saaita laatou ni kkite i Jesus e noho ka hai taratara laaua ma te ffine. Tevana iaa see hai tama i laatou ni vasiri ake ki te ffine naa ma se aa a ia e hiihai. See hai tama hoki ni vasiri ake ki Jesus maa Ia e hai taratara laaua ma te ffine raa ko te aa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/John\/4\/27","date":"2018-09-19T01:36:18Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155814.1\/warc\/CC-MAIN-20180919004724-20180919024724-00297.warc.gz","language":"nho","language_score":0.6916260719,"language_script":"Latn","minhash_cluster_size":2,"top_langs":"{\"nho_Latn_score\": 0.6916260719299316, \"rar_Latn_score\": 0.06438223272562027, \"wls_Latn_score\": 0.02790754660964012, \"gil_Latn_score\": 0.023247741162776947, \"mri_Latn_score\": 0.013188812881708145, \"hif_Latn_score\": 0.010807990096509457, \"sps_Latn_score\": 0.01027311384677887}","num_words":158,"character_repetition_ratio":0.07,"word_repetition_ratio":0.0,"special_characters_ratio":0.207,"stopwords_ratio":0.297,"flagged_words_ratio":0.0,"lang_id_score":0.62,"perplexity_score":500.0,"cluster_detection":1} +{"text":"JOHN 15\nJesus, te laakau 'grape' maaoni\n1\"Nau nei ko te laakau maaoni, taku Tamana raa ko te tama e tori. 2Naa laa see ffua raa e tuutia a Ia no peesia, aa naa laa e ffua raa iaa, e pakia koi a Ia ki maarama te laakau raa ki mmiri ka pesi te lopo kaikai. 3Naa ora kootou kunaa haka maaramatia iloo aku akonaki ni kauatu. 4Kootou ki hakappae mai kiaa nau. Nau hoki ma ki hakappae atu ki kootou. See hai laa e lavaa te ffua ki mee te laa naa e mahaaki no moe soko ia. Te laa te laakau raa e hakauu ki te tahito raa ki lavaa te laa naa te ffua. Peelaa hoki, naa ora kootou see lavaa te ffua ki mee kootou see hakauu naa ora kootou kiaa nau.\n5\"Nau nei ko te laakau e somo. Kootou naa ko naa laa. Naa tama e hakauu naa ora laatou kiaa nau, aa nau e hakauu taku ora ki laatou raa, naa ora naa tama naa ma ki ffua te lopo hua e taukalleka, i kootou see lavaa te mee naa vana kootou soko kootou. 6Naa tama see hakauu naa ora laatou kiaa nau raa, e mee ma ko naa laa see ffua e tuutia no peesia ki mmoe ka ppara. Naa laa e ppara raa ma ki hakanaaoporia no peesia ki te ahi no tuunia. 7Ki mee kootou e hakauu naa ora kootou kiaa nau no tautari ki aku taratara raa, nau ma ki hookii atu te kau mee kootou e hiihai iaa nau. 8Naa ora kootou ki ffua taukalleka, i teenei ko te tiputipu e hakasura naa mahi taku Tamana, aa teenei e mee ai kootou ma ni disaipol aaku.\n9\"Nau e laaoi i kootou pee ko te laaoi taku Tamana iaa nau. Kootou hakappae mai kiaa nau ki takkoto kootou iloto taku laaoi. 10Ki mee kootou e hakannoo ki aku akonaki, kootou ma ki ttaka ma taku laaoi. E mee koi pee ko nau ni hakannoo ki naa akonaki taku Tamana no taka nau ma tana laaoi.\n11\"Nau ni kauatu naa taratara nei ki takoto taku hiahia i kootou, teenaa ki ttaka kootou ka fiaffia maaoni. 12Taku taratara hakamaatua nei e mee peenei: Kootou ki laaoi i telaa tama pee ko nau e laaoi i kootou.+ 13Ki mee se tama e laaoi maaoni i tana soa, a ia ki lavaa te mee ki mate ia ki tokonaki ki tana soa. Teenaa te laaoi te tama naa e laka i aruna te laaoi naa tama hakkaatoa. 14Ki mee kootou e tautari maaoni ki aku taratara e kauatu nei, taatou e vaisoa maaoni. 15Kootou ku see taapaa a nau ma ni poe hoki. I te aa, te poe raa see iloa i naa heuna tana hakamau. Kootou nei ku taapaa a nau ma ni soa aaku. I te aa, nau ku oti te taratara atu naa vana hakkaatoa taku Tamana ni mee mai. 16Nau ni see hakamaatinoria kootou. Kootou are ni hakamaatinoria a nau ki oo kootou no ffua te lopo hua taukalleka. Teenaa ko naa hua e takkoto hakaoti. Taku Tamana raa ma ki hookii atu te kau mee kootou e kainnoo ake iloto taku Inoa. 17Teenei taku taratara hakamaatua e kauatu ki kootou, 'Manava laaoi i telaa tama.'\nNaa tama te maarama nei ma ki lotoffaaeo i kootou\n18\"Ki mee naa tama te maarama nei e lotoffaaeo i kootou, kootou ku illoa i laatou ni lotoffaaeo iaa nau imua. 19Ki mee kootou ni tama maaoni te maarama nei, teenaa naa tama naa ma ki laaoi i kootou. Tevana iaa kootou ku see mee ma ni tama te maarama nei, i kootou ni tama ni hakamaatinoria a nau. Teenaa ko te vana naa tama te maarama nei e lotoffaaeo i kootou. 20Hakamaarona i taku taratara ni kauatu ki kootou: 'See hai poe e hakahiti i aruna tana hakamau.' Ki mee nau ni hai haaeo ina naa tama te maarama nei, teenaa kootou hoki ma ki hai haaeo ina. Ki mee laatou ni hakannoo ki aku taratara, laatou hoki ma ki hakannoo ki naa taratara kootou.+ 21Kootou ma ki see haia hakaraaoina laatou i kootou ni tama aaku, i te aa, naa tama naa see illoa i te Tama ni heuna ma ki au nau. 22Ki mee nau ni see au no taratara ake ki laatou raa, laatou ni see mee ma ni tama haisara, aa teenei laatou ku see lavaa te taratara maa laatou ni see illoa maa naa mee raa e ssara. 23Ttama e lotoffaaeo iaa nau raa e lotoffaaeo hoki i taku Tamana. 24Ki mee nau ni see hakasura naa vana ni seai iloo ki haia se tama raa, laatou ni see mee ma ni tama haisara. Tevana iaa niaaina maa laatou ni kkite i aku vana ni mee raa, laatou e lotoffaaeo i maaua ma taku Tamana raa hakapaa. 25Te mee nei ni sura ki ttino naa taratara e hakatuu i naa Loo laatou peelaa, 'Laatou ni lotoffaaeo vare koi iaa nau.'+\n26\"Te tama e tokonaki raa ma ki au, teenaa ko TeAitu maaoni e hakailotia a Ia te hakamaaoni i TeAtua. A Ia ma ki heunatia mai nau i te Tamana raa ki hakaea atu ki kootou i aku tiputipu. 27Kootou hoki ma ki hakaea i aku tiputipu, i kootou ni ttaka mai iloo ma nau i te kaamata.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/John\/15\/","date":"2018-09-22T02:53:11Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158011.18\/warc\/CC-MAIN-20180922024918-20180922045318-00018.warc.gz","language":"nho","language_score":1.0000054836,"language_script":"Latn","minhash_cluster_size":2,"top_langs":"{\"nho_Latn_score\": 1.0000054836273193}","num_words":970,"character_repetition_ratio":0.069,"word_repetition_ratio":0.0,"special_characters_ratio":0.231,"stopwords_ratio":0.562,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 16:16\n16\"Te henua ni tautari mai iloo ki naa Loo Moses ma naa taratara naa pure TeAtua ni sissii, teenaa no tae mai iloo ki te ssao John te Baptis. Kaamata mai i te ssao naa raa, te Lono Taukareka i te Nohorana TeAtua raa ni tarataraina, teenaa te henua hakkaatoa ni hai ki naa mahi laatou ki uru atu ki te Nohorana naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/16\/16","date":"2018-09-20T13:36:48Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156471.4\/warc\/CC-MAIN-20180920120835-20180920141235-00222.warc.gz","language":"nho","language_score":0.4484829009,"language_script":"Latn","minhash_cluster_size":2,"top_langs":"{\"nho_Latn_score\": 0.4484829008579254, \"rar_Latn_score\": 0.15099498629570007, \"hif_Latn_score\": 0.045850396156311035, \"gil_Latn_score\": 0.043818093836307526, \"wls_Latn_score\": 0.041185759007930756, \"mri_Latn_score\": 0.01881832256913185, \"sps_Latn_score\": 0.014380414970219135, \"ekk_Latn_score\": 0.013497302308678627, \"gaa_Latn_score\": 0.01049826480448246, \"eng_Latn_score\": 0.010455242358148098}","num_words":145,"character_repetition_ratio":0.072,"word_repetition_ratio":0.0,"special_characters_ratio":0.2,"stopwords_ratio":0.241,"flagged_words_ratio":0.0,"lang_id_score":0.37,"perplexity_score":500.0,"cluster_detection":1} +{"text":"MATTHEW 8\nJesus e haia a Ia te tama e maki raa no taukareka\n1Te saaita Jesus ni au ki laro te mouna raa, e tammaki iloo naa tama ni oo atu vaamuri aana. 2Teenaa hanake iloo te tama e haia te leprosi raa no tuu ki ana turi imua Jesus no mee ake, \"TeAriki, ki mee maa koe e hiihai, koe ku haia nau ki taukareka.\"\n3Jesus ni haaro atu tana rima no paa iloo iaa ia, teenaa mee ake iloo ki te tanata naa, \"Nau e hiihai maa koe ki taukareka. Te maki nei ku seai.\" Teenaa te leprosi raa ni mahana i te tama naa i te saaita naa lokoi. 4Teenaa vanaake iloo Jesus ki te tama naa, \"Hakannoo mai! Koe see hakaari ki se tama maa koe ni haia a nau no taukareka. Tere tonu ki te maatua te Hare Tapu raa no mee ki mmata ia iaa koe; aa ki kkite te henua maa koe ku taukareka raa, koe ku hakaara ni mee maau ki TeAtua ki hakamaarama too haitino, tautari ki naa taratara Moses ni kauatu.\"+\nTe poe te hakamau e haia Jesus no taukareka\n5Te saaita Jesus ni tae atu ki Capernaum raa, te hakamau tokotasi i naa soldia Rome raa ni hanake kiaa Ia no mee ake, 6\"TeAriki, taku poe raa e moe ka maki i taku hare. A ia see lavaa te meemee aa e moe ka hakallono isu hakallika iloo.\"\n7Jesus ki mee ake, \"Nau ma ki hanatu no haia te tama naa ki taukareka.\"\n8Tevana iaa te hakamau raa ni huri atu no mee ake peelaa ki Jesus, \"TeAriki, nau see tau te hakauru te tama peenaa pee ko koe ki loto taku hare. Taratara mai koi aa taku poe raa ku marooroo. 9Nau hoki e mee naa hakamau teelaa e heheuna ai nau, aa nau e mee naa soldia e heheuna i laro aaku. Taku saaita e mee ake ki te soldia raa peelaa, 'Tere!', te soldia naa ma ki hano; aa taku saaita e mee ake ki telaa tama peelaa, 'Tere mai!', te tama naa ma ki au. Ki mee maa nau e taratara ake ki taku poe raa peelaa, 'Haia te heuna nei!', te heuna naa ma ki haia te tama naa.\"\n10Jesus ni oho i tana saaita ni lono i naa taratara nei, teenaa huri iloo a Ia ki te kuturana tama e oo ake vaamuri aana naa no mee ake, \"Nau e kauatu te taratara nei ki kootou: nau seai iloo taku tama ni kite iloto Israel maa e lotu maaoni i TeAtua pee ko te tama nei! 11Nau e kauatu te taratara maaoni nei: E tammaki naa tama ma ki oomai i te anake ma te laki no nnoho ki kkai i te kaikai e lasi te Nohorana te Lani.+ 12Aa naa tama ni tukua ki nohoria laatou te Nohorana raa iaa, naa tama naa ma ki peesia ki te poouri ana, teenaa laatou ma ki ttani ka kakarati naa niho laatou.\"+\n13Teenaa vanaake iloo Jesus ki te hakamau naa, \"Tere ki hare. Too poe naa ma ki taukareka, iaa koe e iloa maa TeAtua ma ki tokonaki ake kiaa ia.\"\nSaaita naa lokoi, te tama e heheuna te hakamau naa soldia naa ku marooroo.\nJesus e mee te lopo tama e mmaki no malolloo\n14Jesus ni hano ki te hare Peter, teenaa kite iloo ia te hinaona ffine Peter raa e moe i aruna ana moelana raa, ka makallilliri. 15Teenaa kapaatu iloo Jesus no tauhia a Ia te rima te ffine naa no taukareka iloo te ffine naa. Araa masike iloo te ffine naa no kauake naa kaikai naa tama naa ki kkai.\n16I te laasuru raa te henua ni too ake naa tama laatou e tauria naa tippua raa ki Jesus, teenaa naa tippua raa ni hanaa Jesus katoo i naa tama naa, aa naa tama e mmaki raa ni haia a Ia no taukalleka. 17Teenaa naa taratara TeAtua ni tarataraina te pure Isaiah nei ni ttino maaoni:\n\"Naa maki taatou nei ni hanaa a Ia,\naa taatou ni haia a Ia ki see hakallono isu taatou.\"+\nNaa tama e fiffai ki tautari laatou i Jesus\n18Te saaita Jesus ni kite i te tammaki ttama e muimui ake kiaa Ia raa, a Ia ki mee ake ki ana disaipol, \"Taatou ki tere ki telaa vasi te namo nei.\" 19Teenaa hanake iloo te tisa tokotasi naa Loo raa no vanaake ki Jesus, \"Te tisa nei, nau ma ki tautari atu i oo kina katoo e hano.\"\n20Teenaa vanaake iloo Jesus ki te tama naa, \"Naa poi vao raa e mee naa rua laatou e moemmoe, aa naa manu lellere raa e mee naa ohana laatou; te Tama te Henua raa iaa see hai kina ki hakatipe no hakamarooroo.\"\n21Teenaa ki mee ake tana disaipol tokotasi kiaa Ia, \"TeAriki. Ttari mai ki hano nau no tanu taku tamana raa imua.\"\n22Teenaa ki mee ake Jesus, \"Tautari mai kiaa nau. Tiiake naa tama ku oti te mmate raa ki tanu naa tama laatou e mmate.\"\nJesus e tiinai te matani\n23Jesus ni kake ki loto te poti raa no tere iloo laatou ma ana disaipol. 24Naa tama naa ni hakatekia i te lani e lasi raa ku llau ake, teenaa te poti laatou naa ni kaakea naa peau raa no taupiri laatou ki apuru; i te saaita naa raa Jesus e moe mannuu. 25Ana disaipol naa ni ffuri atu no ffano iaa Ia ka mee ake peelaa, \"TeAriki, mmata ki hakassao taatou! Taatou ka mallemo!\"\n26Teenaa ki huri atu Jesus no mee ake ki laatou, \"Ai kootou e mattaku ai? Kootou ku hakattina nataa peehea?\" Teenaa masike iloo Jesus no varo ake ki te matani ma naa peau raa ki ttuku. Teenaa marino kkii iloo te moana.\n27Naa tama naa ni massaro iloo iaa Ia. Laatou ni ffuri no taratara soko laatou peelaa, \"Teenei se tama peehea, maa te matani ma naa peau raa ki tuku atu ki ana vana?\"\nJesus e hanaa a Ia naa tippua e tau i te takarua taanata\n28Te saaita Jesus ni tae ki Gadara i telaa vasi te namo raa, a Ia ni ttiri i te takarua taanata e oo ake i naa kava i te kina naa. Te takarua naa e tauria naa tippua, aa laaua e haaeo iloo, teenaa te henua ni mattaku te sassare i te ara i te kina naa. 29I te saaita te takarua naa ni kkite i Jesus raa, laaua ni kappisi naa varo laaua no mee ake peelaa ki Jesus, \"Tama TeAtua. Se aa koe e hiihai e mee i maaua? Te ssao maaua ki taaia raa seki tae mai are. Ai koe ku au ai no mee pakavaina maaua?\"\n30See mmao i te kina naa raa, teelaa ni poi tammaki raa e ttuu ka kkai. 31Teenaa naa tippua raa ni ttani atu ki Jesus, \"Ki mee maa maatou e kerekereia a koe, koe ku kaavea maatou ki oo no tau i naa poi e ttuu mai i te kina raa.\"\n32Jesus ki mee ake, \"Kootou hakattaha i te takarua naa!\" Teenaa ffuro iloo naa tippua naa no tau i naa poi. Naa poi naa hakkaatoa ni ffuro no maaoha i te hakattoo ana te mouna raa ki loto te namo no mallemo.\n33Naa tama ni roorosi i naa poi raa ni ffuro ki loto te henua laatou naa no taratara i te vana ni mee i naa tama e tauria naa tippua. 34Teenaa massike atu iloo naa tama te henua naa no oo atu ki llave laatou i Jesus; aa te saaita laatou ni ttiri i Jesus raa, laatou ni puratia laatou Jesus ki hakataha i te matakaaina laatou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/8\/","date":"2018-09-18T16:35:13Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155561.35\/warc\/CC-MAIN-20180918150229-20180918170229-00263.warc.gz","language":"nho","language_score":1.0000034571,"language_script":"Latn","minhash_cluster_size":3,"top_langs":"{\"nho_Latn_score\": 1.000003457069397}","num_words":1359,"character_repetition_ratio":0.054,"word_repetition_ratio":0.0,"special_characters_ratio":0.24,"stopwords_ratio":0.521,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 21\nJesus ku hanake ki Jerusalem ma se Ariki\n1I te saaita Jesus ma ana disaipol raa sassare atu ki Jerusalem raa, laatou ni taa ki te matakaaina Bethpage i te Mouna naa Oliv. Teenaa heuna iloo Jesus te takarua i ana disaipol ki oo imua, 2ka taratara ake Ia peelaa ki laaua, \"Koorua oo atu ki te tamaa henua e tuu i mua naa. Saaita koorua ma ki ttae atu raa, koorua ma ki kkite ma se donki e saisaitia ka tuu ma tana punua; te donki naa ni seai iloo ki kaakea se tama no terekia. Teenaa koorua ku veetea koorua naa manu naa aa ku taakina mai peenei. 3Ki mee maa se tama e vasiri atu, koorua ku mee ake, 'TeAriki e vana ma ki too ake kiaa Ia'; teenaa te tama naa ma ki tiiake atu naa manu naa ki koorua i te saaita naa lokoi.\"\n4Naa vana nei ni ssura ki ttino naa taratara te pure TeAtua raa ni mee imua:\n5\"Hakaari ake naa tama i Zion,\nTtoka, te tuku kootou raa ku au ki kootou!\nA Ia e meemee seemuu,\naa e tere mai i aruna te donki,\naa i aruna te sukua te donki.\"+\n6Te takarua raa ni oo no haia iloo laaua naa vana Jesus ni mee ake: 7te donki raa ni taakina ake laaua ma tana sukua, teenaa ffora iloo naa maro laaua raa i aruna naa manu naa, araa kake iloo Jesus ki aruna. 8Turaa tama ni horahora naa maro laatou vaaroto te ara, aa aaraa tama iaa ni tuutuu naa laa naa laakau raa no horahora hoki vaaroto te ara. 9Naa tama ni oo vaamua Jesus aa naa tama ni sassare ake vaamuri Jesus raa ki kaamata no tanitani varo,\n\"Hakahiahia i te mokopuna te Tuku David!\nTeAtua e haia hakaraaoina a Ia te tama e au iloto te inoa TeAtua!\nHakahiahia i TeAtua i aruna.\"+\n10I te saaita Jesus ni uru atu ki loto Jerusalem raa, te kina naa ni vaa huri. Te henua ni vasirisiri peelaa, \"Teenaa ko ai?\"\n11Naa tama ni oo ake ma Jesus raa ki mee ake, \"Teenei ko Jesus, te pure TeAtua, te tama i Nazareth iloto Galilee.\"\nJesus ku hano ki loto te Hare Tapu\n12Jesus ni hanatu ki loto te Hare Tapu raa no kerekereia iloo Ia naa tama e nnoho ma naa mee laatou ma ki oo ake te henua no tautauia. Naa teevoo naa tama e nnoho ka hakahitihiti naa mane raa ma naa tama e nnoho ma naa rupe raa ni huria katoo a Ia ki laro. 13A Ia ki mee ake peelaa ki naa tama naa, \"Naa taratara TeAtua e takkoto iloto te Laupepa Tapu raa e mee maa, 'Taku Hare Tapu nei ma ki taapaa ma se hare te henua e lotu kiaa nau.' Aa teenei kootou ku oomai no haia ma se kina naa tama e kailallao e oomai no mmuni!\"+\n14Naa tama see kkite ma naa tama e ppiko naa vae laatou raa ni oo ake kiaa Ia i te Hare Tapu, teenaa a Ia ni huri atu no haia naa tama naa no taukalleka.\n15Naa maatua hakamaatua ma naa tisa naa Loo raa ni lloto iloo i te saaita laatou ni kkite i naa vana Jesus e mee aa i naa tanitani varo naa tamalliki raa iloto te Hare Tapu peelaa, \"Hakahiahia i te mokopuna David!\" 16Naa tama naa ki vasiri ake ki Jesus, \"Koe e lono i naa hai mai naa tama naa?\"+\nJesus ki mee ake, \"Uee, nau e lono. E aa? Kootou ni see ppau naa taratara te Laupepa tapu?\n'Koe ni akonaki naa tamalliki mattua ma naa tamalliki punaammea raa ki hakanau iaa koe.'\"\n17Ki oti raa ahe iloo Ia ki Bethany no moe i te matakaaina naa.\nJesus e tuku haaeo ki te laakau 'fig'\n18I te ssoa te aso, te saaita laatou ni ahemai i Bethany raa, Jesus ni lono i tana hiikai. 19A Ia ni kite te laakau 'fig' e tuu i te vasi te ara raa, hanatu iloo Ia no mee ki haki ni hua 'fig' maana ki kai, araa nei te laakau naa see hua, teelaa ni lau koi. Teenaa taratara atu iloo Ia ki te laakau, \"Koe ma ki see lavaa te hua hakaoti!\" Te laakau naa ni mmae no pakupaku lokoi i te saaita naa.\n20I te saaita naa disaipol raa ni kkite i te mee nei raa, laatou ni tteki hakaoti ka vasirisiri ki laatou, \"Te laakau naa ni vave mmae peehea?\"\n21Jesus ki mee ake, \"Nau e kauatu te taratara maaoni nei, Ki mee maa kootou e hakataakoto tonu i TeAtua aa kootou seai iloo ki mamaanatu tammaki, teenaa kootou ma ki lavaa te mee ni vana peenei. Aa see mee ma ko naa mee nei koi, kootou e lavaa hoki te mee ake peelaa ki te tamaa mouna nei, 'Tere no sopo ki loto te ttai,' aa te mouna naa ma ki hano.+ 22Ki mee maa kootou e hakataakoto tonu i TeAtua, ni aa kootou e taku no kainnoo ki TeAtua raa ma ki kauatu ki kootou.\"\nNaa mahi Jesus\n23Jesus ni ahe hoki ki te Hare Tapu; aa i tana saaita ni noho ka akonaki naa tama raa, naa maatua hakamaatua aa ma naa tama hakamaatua naa Jew raa ni oo ake no vasiri kiaa Ia, \"Taratara mai ki illoa maatou. Teelaa ni taratara e ai e kauatu kiaa koe maa koe ki mee naa vana nei? Ko ai te tama e vanaatu maa koe e lavaa te kerekereia a koe naa tama raa i te Hare Tapu?\"\n24Jesus ki mee ake, \"Kootou ttari ki vasiri atu nau te mee nei, aa ki mee maa kootou e lavaa te hakaahea mai taku taratara nei, teenaa nau ma ki hakaari atu maa ko ai ttama ni kaumai te taukareka kiaa nau ki mee naa mee nei. 25Kootou taratara mai maa ko ai te tama i TeAtua ma naa tama te maarama nei ni vanaake ki John ki hakaukau tapu te henua.\"\nTeenaa ki kaamata naa tama naa te taratara soko laatou, \"Taatou ki taratara ake peehea? Ki mee maa taatou e vana ma ko TeAtua, a ia ma ki mee mai peelaa, 'Ai kootou ni see hakannoo ai ki naa taratara John?' 26Aa ki mee maa taatou e vana ma ko naa tama te maarama nei raa, teenaa taatou ma ki tauatia te kuturana nei ki naa hatu, i naa tama nei e maanatu maa John se pure maaoni TeAtua.\" 27Teenaa ki mee ake laatou ki Jesus, \"Maatou see illoa.\"\nAraa Jesus ku mee ake, \"Nau hoki ma ki see hakaari atu maa nau e haia mai ai ki mee aku vana e mee nei.\nTe parapol te takarua tama taanata\n28\"Kootou e mannatu maa e aa? Teelaa se tama e mee ana tama taanata e lua. Ttama naa ni hano no mee ake ki tana tama matua, 'Taku tama, tere no heheuna i te verena 'grape' raa i te aso nei.' 29Tana tama raa ki mee ake, 'Nau e kkaro,' aa ki muri raa nei, te tama naa ni huri tana maanatu no hano. 30Teenaa hano iloo te tanata raa ki telaa tama no mee ake hoki te taratara naa. Tana tama naa ni mee ake maa ia ma ki hano, tevana iaa te tama naa ni see hano no heheuna.\n31\"Ko ai te tama i te takarua naa ni hakannoo ki te taratara laaua tamana?\"\nNaa tama raa ki mee ake, \"Ttama matua.\"\nTeenaa ki mee ake Jesus ki laatou, \"Nau e vanaatu ki kootou: naa tama e aoao naa takis ma naa haahine hai huri raa ma ki ttae ki te Nohorana TeAtua imua kootou. 32I te aa, John te Baptis ni hanatu ki hakaari atu ki kootou i te ara e tonu kootou ki too, tevana iaa kootou ni see hakannoo atu kiaa ia; naa tama e aoao naa takis ma naa haahine hai huri raa iaa ni hakannoo kiaa ia. Aa niaaina maa kootou ni kkite i te mee naa raa, kootou ni see lavaa iloo te ffuri naa mannatu kootou no hakannoo atu kiaa ia.+\nTe parapol naa tama e roorosi te verena 'grape'\n33\"Kootou hakannoo mai ki kauatu nau telaa parapol. Teelaa se tama e mee tana kerekere ni tori tana verena 'grape'. A ia ni pena tana hiri aareha te verena, ka keri tana rua ki kkumi naa hua. Araa hakatuu iloo tana hare roorosi e moe ki aruna. Ki oti raa, kauake iloo ia te verena raa ki aaraa tama ki roorosi ake, i aa ia ku hano ki telaa henua.+ 34I te saaita naa 'grape' raa ni ttae ki vasi raa, te tanata raa ni heuna atu ana poe raa ki oo no too ake tana tuuhana i naa 'grape' naa tama naa e vasi. 35Araa nei naa tama e roorosi i te verena raa ni ffuri atu no tauhia laatou naa poe naa, teenaa te tama tokotasi ni sarua laatou, telaa tama ni taia laatou no mate, aa telaa tama iaa ni tauatia laatou ki naa hatu. 36Te tanata raa ki heuna atu aaraa poe, ku tammaki iaa i te kaavena mua; naa tama naa ni taaia hoki pee ko te kaavena mua. 37Teenaa heuna atu iloo te tanata naa tana tino tama ki hanatu ki laatou. A ia ki noho no hakataakoto peelaa, 'Naa tama nei ma ki hakannoo ki taku tama.' 38I te saaita naa tama e roorosi i te verena raa ni kkite i te tama te hakamau raa, laatou ki taratara ki laatou, 'Teenei te tamariki te tama e mee tana verena nei. Oomai ki tauhia taatou te tama nei no taia ki mate, aa taatou ku too te verena nei maa taatou!' 39Teenaa tauhia iloo laatou te tama naa no peesia ki taha te verena, araa taia iloo laatou no mate.\"\n40Jesus ki vasiri ake ki laatou, \"I te saaita te tama e mee tana verena naa ma ki tae ake raa, naa tama e roorosi i tana verena raa ma ki haia a ia peehea?\"\n41Naa tama raa ki mee ake, \" Te tama naa ma ki huri atu no taaia naa tama e hakallika naa ki mmate aa ku kauake te verena raa ki aaraa tama ki roorosi ake, teenaa i te ssao naa 'grape' raa e ttae raa te tanata naa ma ki too tana tuuhana.\"\n42Araa Jesus ku vanaake ki naa tama naa, \"E aa? Kootou ni see ppau naa taratara te Laupepa Tapu?+\n'Te hatu teelaa ni hakakkeeina naa tama e penapena hare ma se hatu e hakallika koi raa,\nni huri ake ma ko te hatu hakamaatua raa iloo.\nTeenei se mee TeAtua ni pena;\naa e mmata taukareka i mua naa karamata taatou hakkaatoa!'\"\n43Jesus ki ttao atu hoki, \"Nau e vanaatu ki kootou: te Nohorana TeAtua raa ma ki hanaa i kootou no kauake ki naa tama e hakassura te tiputipu e tonu. 44[Naa tama katoo e taussina ki aruna te hatu naa ma ki mmere hakallika, aa ki mee te hatu naa e leiho ki aruna se tama raa, te tama naa ma ki marepurepu.\"]\n45Te saaita naa maatua hakamaatua ma naa Faarisi raa ni lono i naa parapol Jesus raa, laatou ni illoa maa Jesus e taratara i laatou. 46Teenaa mee iloo laatou ma ki tauhia laatou Jesus, tevana iaa laatou ni mattaku i naa tama e kkutu i te kina naa, i te aa naa tama naa ni hai maa Jesus se pure TeAtua.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/21\/","date":"2018-09-22T22:18:42Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158766.53\/warc\/CC-MAIN-20180922221246-20180923001646-00448.warc.gz","language":"nho","language_score":1.0000072718,"language_script":"Latn","minhash_cluster_size":3,"top_langs":"{\"nho_Latn_score\": 1.0000072717666626}","num_words":1992,"character_repetition_ratio":0.061,"word_repetition_ratio":0.005,"special_characters_ratio":0.242,"stopwords_ratio":0.566,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 16\nTimothy ku oo hakapaa laatou ma Paul aa ko Silas\n1Paul ni hano no tae iloo te matakaaina Derbe, araa hano iloo hoki ki Listra. E mee te tama e noho i te kina naa e tautari i Jesus, tana inoa ko Timothy. Tana tinna raa se Jew e lotu i TeAtua, aa tana tamana raa iaa se tama haka Greece. 2Naa tama te lotu i Listra ma Aikonium raa e taratara peenaa maa Timothy se tama e taukareka. 3Paul ni hiihai ma ki toa a ia Timothy ki oo laaua. Teenaa serea iloo ia naa kina te tama naa, i te aa, i naa Jew e nnoho i te kina naa e illoa maa te tamana Timothy raa se tama haka Greece. 4Naa tama naa ni hakataka i naa taon raa no kauake naa taratara naa aposol ma naa tama hakamaatua te lotu i Jerusalem raa ki naa tama e lotu i naa kina naa. Laatou ni hai ake ki tautari naa tama naa ki naa taratara naa. 5Teenaa ki mau ai naa hakataakoto naa tama e lotu i naa kina naa i TeAtua, aa te kooina ni ffuri no lotu i naa kina naa ni hanake koi no tammaki i te aso.\nPaul e hakakiitea TeAtua i Troas\n6Naa tama naa ni oo vaaroto Frigia ma Galesia, i te aa i laatou e ppuia Te Aitu Tapu raa ki see hakaea laatou naa taratara TeAtua raa iloto Asia. 7Saaita naa tama naa ni tauppiri atu ki Misia raa, mee iloo ma ki oo laatou vaaroto Bitinia, araa nei laatou ni tuukia TeAitu Jesus. 8Teenaa hakaraka iloo naa tama naa i Misia no oo ki Troas. 9I te poo naa raa, Paul ni hakakkiitea TeAtua i naa tuu ake te tanata haka Masedonia no mee ake kiaa ia, \"Kau ki Masedonia no tokonaki mai ki maatou!\" 10Te saaita koi Paul ni hakakkiitea TeAtua i te mee nei raa, massike iloo maatou no tukutuku hakaoti naa mee maatou raa ki oo ki Masedonia, teenaa i maatou ku illoa maa maatou nei ku arumia TeAtua ki oo no hakaea te Lono Taukareka raa ki naa tama i te kina naa.\nLidia ku lotu i TeAtua\n11Maatou ni kkake i te vaka raa i Troas no tere iloo ki Samotras, aa i telaa aso raa maatou ni ffana ka tere ki Neapolis. 12Maatou ni massike i te kina naa hoki no hakataka iloo ki loto ki te taon e ttapa ma ko Filipai. Teenaa ko te taon e lasi i Masedonia, aa te taon naa e takoto i laro te roorosi te kaaman Rome. Maatou ni oo atu no nnoho iloo naa aso maatou i te kina naa.\n13I te Sabat raa, maatou ni oo ki taha te taon raa ki te riva, i maatou e mannatu maa e mee te kina i te vasi te riva naa maraa e oo ai naa Jew raa no kkutu ki taku. Maatou ni nnoho no hai taratara ma naa haahine ni kkutu ake i te kina naa. 14Te ffine tokotasi, tana inoa ko Lidia, e hai i naa haahine e nnoho ka hakannoo ki naa taratara maatou. Te ffine naa se tama i te matakaaina Tiatira, aa te henua maraa e oo atu no tataavi naa maro e mmea poouri raa iaa ia. A ia se ffine e lotu i TeAtua, teenaa tana hakataakoto ni tarakina TeAriki ki hakannoo ia ki naa taratara Paul e kauake. 15I te saaita te ffine naa maa ana hareaakina raa ni oti te hakaukau tapuina raa, te ffine naa ki mee mai ki maatou, \"Ki mee maa kootou e illoa maa nau se tama e lotu maaoni i TeAriki, aa kootou ku oomai no nnoho i taku hare.\"\nPaul laaua ma Silas ku ponotia iloto te hare karapusi\n16Te aso tokotasi, i te saaita maatou ni sassare ka oo ki te kina te lotu raa, maatou ni ttiri te taupu e tauria te tipua hakallika. Te ffine naa e lavaa te tarataraina a ia naa vana ma ki ssura imuri, teenaa a ia maraa e ffuti te lopo mane maa naa tama e roorosi iaa ia naa ki ana vana e meemee naa. 17Te taupu naa ni sasare mai vaamuri peenaa maatou ma Paul ka tanitani varo peelaa, \"Naa taanata nei ni tama e heheuna maa TeAtua i Aruna. Naa tama nei e taratara atu i te ara kootou ma ki hakassaoria TeAtua.\" 18Te taupu naa ni hai tana vana naa i naa aso iloo e tammaki, teenaa ki loto Paul no huri atu iloo no nutua te tipua e tau i te ffine naa, \"Nau e vanaatu kiaa koe iloto te inoa Jesus Christ: Hakataha i te taupu naa!\" Te tipua naa ni hakataha i te ffine naa i te saaita naa lokoi.\n19Te saaita naa tama e mmata ake te taupu naa ni kkite maa laatou ku see lavaa hoki te too mane i te ffine naa raa, naa tama naa ki oo atu no tauhia iloo laatou Paul ma Silas no taakina ki te kina te henua e nnoho, ki mmata naa hakamau raa i laaua. 20Te takarua naa ni taakina atu naa tama naa kimua naa hakamau i Rome raa no mee ake peelaa, \"Takarua Jew nei maraa e hakkoro te kau vana e hakallika no hakatauttau naa tama te henua nei. 21Naa tama nei e akonaki te tiputipu teelaa see hanotonu ma naa loo maatou; maatou nei ni tama haka Rome, aa maatou see lavaa te tautari ki te tiputipu naa.\"\n22Naa tama e kkutu i te kina naa ni ffuri atu hoki no taia laatou Paul ma Silas, teenaa ki mee ake naa hakamau raa ki saaea naa kkahu te takarua naa aa ku sarua ki naa laakau. 23Te saaita te takarua raa ni oti te sarua raa, laaua ni peesia ki loto te hare karapusi. Teenaa naa hakamau te hare karapusi raa ki mee ake ki te wasi raa ki roorosi hakaraaoi iloo ki see ffuro te takarua naa. 24Naa hakamau raa ni kauatu koi naa taratara nei raa, masike atu lokoi te wasi raa no ponotia te takarua raa ki mmoe ki te puitana iloo iloto i te hare karapusi. Naa vae te takarua raa ni hakkapitia ki loto naa kunaaroto laakau e mmaha.\n25Te mee raa ku tino poo no taupiri ki te tuaapoo raa, te takarua raa ni mmoe ka huahua naa mako lotu ka taku i TeAtua, teenaa aaraa karapusi e mmoe ka hakannoo ki laaua. 26Te mahuke e hakamataku raa ni hakateki no ue ka tuu parapara te hare karapusi naa. Naa tootoka te hare karapusi naa ni llee katoo no ttuu tallaki ka maffana naa seni e mmau i naa karapusi. 27Teenaa ki maahuru te wasi te hare karapusi raa no kite i naa tuu tallaki naa tootoka; a ia ni ttau maa naa karapusi raa ku oti te ffuro, teenaa ki uhuki a ia tana komu raa no mee iloo ma ki urumaki soko ia. 28Araa nei Paul ku kappisi atu ana varo, \"Au see taa soko koe! Maatou hakkaatoa i te kina nei!\"\n29Te wasi raa ni kannaa ki kauake se lamu, teenaa tere atu iloo ia ki loto te hare raa no tuu ki ana turi imua Paul laaua ma Silas; te wasi naa ni porepore iloo i tana mataku. 30Teenaa toa iloo ia te takarua naa ki haho, no vasiri ake, \"Naa hakamau nei. Se aa taaku ki mee ki hakasaoria nau?\"\n31Takarua raa ki mee ake, \"Ki mee koe e hakannoo no tautari ki TeAriki Jesus, koe ma ki hakasaoria ma too haanauna naa hakkaatoa.\" 32Teenaa hakaea atu iloo te takarua naa naa taratara i TeAriki raa kiaa ia ma naa tama hakkaatoa i tana hare. 33I te poo naa koi raa, Paul laaua ma Silas ni toa te wasi raa no huihuia naa kina laaua e mmere; te tama naa ma tana haanauna raa ni toa laatou te hakaukau tapu raa i te saaita naa lokoi. 34Ki oti raa toa iloo ia Paul laaua ma Silas ki tana hare raa no hanaia. Te wasi raa ma tana haanauna naa ni fiaffia iloo i laatou nei ku lotu i TeAtua.\n35I te tahaata telaa aso raa, naa hakamau naa Rome raa ni heuna naa polis laatou raa ki oo no hanaa te takarua naa.\n36Teenaa ki mee ake te wasi raa ki Paul, \"Naa hakamau raa e kkave mai laatou taratara ma ki hanaa koorua ma Silas i te hare karapusi. Koorua nei ku lavaa te oo, aa koorua oo hakaraaoi.\"\n37Teenaa ki mee ake Paul ki naa polis, \"Maaua ni see hai sara ni ppena, tevana iaa maaua ni sarua vare koi imua naa karamata te henua; maaua iaa ni tama hoki i Rome! Maaua ni ponotia naa tama naa ki loto te hare karapusi, aa teenei maaua ku haia laatou ki hanaa seemuu. See lavaa! Naa hakamau naa ki oomai naa tino laatou no hanaa maaua.\"\n38Naa polis raa ni oo no kauake iloo naa taratara Paul raa ki naa hakamau Rome, aa i te saaita naa hakamau raa ni llono maa te takarua raa ni tama haka Rome raa, naa tama naa ni mattaku. 39Teenaa oo atu iloo laatou no taratara hakaaroha atu ki te takarua naa; araa hanaa iloo laatou te takarua naa i te hare karapusi no taratara ake ki hakattaha laaua i te matakaaina naa. 40Araa oo iloo te takarua naa ki te hare Lidia. I te hare Lidia raa, laaua ni nnoho no taratara ma naa tama te lotu raa ki hakatipuina naa manava laatou. Ki oti raa massike iloo te takarua naa ka oo.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/16\/","date":"2018-09-25T20:44:15Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267162385.84\/warc\/CC-MAIN-20180925202648-20180925223048-00295.warc.gz","language":"nho","language_score":1.0000030994,"language_script":"Latn","minhash_cluster_size":4,"top_langs":"{\"nho_Latn_score\": 1.0000030994415283}","num_words":1684,"character_repetition_ratio":0.07,"word_repetition_ratio":0.0,"special_characters_ratio":0.231,"stopwords_ratio":0.521,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MARK 9:18\n18Te saaita te tama nei maraa e uruhia te tipua raa, a ia maraa e peesia ki te kerekere raa ka kkoo mai naa pepeau raa i tana pukua. Teenaa a ia maraa e moe ka kakarati ana niho, aa ki oti ku moe makattau mai tana haitino hakkaatoa. Nau ni vanaake ki oo disaipol raa ki haia taku tamariki nei ki taukareka, tevana iaa laatou ni see lavaa te haia laatou.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/9\/18","date":"2018-09-21T11:02:14Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267157028.10\/warc\/CC-MAIN-20180921092215-20180921112615-00100.warc.gz","language":"nho","language_score":0.410348624,"language_script":"Latn","minhash_cluster_size":2,"top_langs":"{\"nho_Latn_score\": 0.4103486239910126, \"rar_Latn_score\": 0.3172336518764496, \"mri_Latn_score\": 0.04043511673808098, \"wls_Latn_score\": 0.032106220722198486, \"sps_Latn_score\": 0.019101662561297417, \"hif_Latn_score\": 0.018722062930464745, \"gil_Latn_score\": 0.01582828164100647, \"niu_Latn_score\": 0.010758273303508759}","num_words":154,"character_repetition_ratio":0.071,"word_repetition_ratio":0.0,"special_characters_ratio":0.201,"stopwords_ratio":0.214,"flagged_words_ratio":0.0,"lang_id_score":0.38,"perplexity_score":500.0,"cluster_detection":1} +{"text":"LUKE 11\nJesus e akonaki ana disaipol ki taku\n1I te aso tokotasi raa, Jesus ni noho i te kina tokotasi ka taku. I tana saaita ni oti raa, tana disaipol tokotasi ki mee ake kiaa Ia, \"TeAriki, aakona maatou ki taku, e mee pee ko John ni ako ana disaipol.\"\n2Jesus ki mee ake, \"Te saaita kootou e taku, kootou ki taratara peenei,\n'Tamana maatou i te lani:\nToo inoa e tapu raa ki hakanauria;\nkau no noho maa se tuku i maatou.\n3Kaumai ni kaikai maa maatou i naa aso hakkaatoa.\n4Hanaa naa haisara maatou ni ppena,\ne mee pee ko maatou e hanaa maatou naa haisara naa tama hakkaatoa e ppenaa ki maatou.\nSee tiiake maatou ki lavaa te usuhia naa vana e hakallika.'\"\n5Ki oti raa Jesus ku mee ake peelaa ki laatou, \"Ki mee se tama i kootou e hano ki te hare tana soa raa i te tuaapoo no vanaake peelaa, 'Naasoa, kaumai ni haraoa e toru, ki oti nau ku sui atu. 6Taku soa tokotasi e tae ake koi i te saaita nei ki nnoho maaua i taku hare, aa nau ku see hai kaikai ki kauake!' 7Aa ki mee maa too soa naa e mee atu peelaa i tana hare, 'Koe see au no haarona nau! Taku tootoka nei ku oti te ppui, aa aku tamalliki nei e mmoe ma nau. Nau ku see lavaa te masike atu no kauatu ni kaikai maau.'\n8\"Nau e mee atu ki kootou. Niaaina maa koorua naa se takarua e vaisoa hakaraaoi iloo raa, te tama naa ma ki see lavaa te kauatu ni kaikai maau. Iaa ki mee maa koe e tuu koi ka kainnoo atu peenaa raa, te tama iloto te hare naa ma ki maahuru koi no kauatu oo mee hakkaatoa e ssee.\n9\"Aa teenei nau ku vanaatu ki kootou: Kainnoo, aa koe ma ki kauatu too mee; ssee, aa koe ma ki lave; pakuukuu i te tootoka, aa te tootoka raa ma ki taaraki atu kiaa koe. 10Naa tama hakkaatoa e kainnoo raa ma ki kauake naa mee laatou, aa naa tama e ssee raa ma ki llave, aa te tootoka raa ma ki taaraki atu ki te tama e pakuukuu iho i te tootoka.\n11\"E aa? Koe ma ki lavaa te kauake se kata ki too tamariki ki mee maa ia e kainnoo atu ki kauake se ika? 12E aa? Koe ma ki lavaa te kauake se huitaarau, ki mee maa ia e kainnoo atu ki kauake se hua? 13Ki mee maa kootou, naa tammana e sosorina hakallika, e illoa te hookii naa mee e taukalleka ki naa tamalliki kootou, kootou e vana maa te Tamana i te lani raa ma ki see hiahia te hookii TeAitu Tapu ki naa tama e kainnoo ake?\"\nJesus laaua ma Belsebul\n14Jesus ni hanaa Ia te tipua i te tama see lavaa te taratara. I te saaita te tipua naa ni hanaa raa, te tanata naa ni taratara hoki, teenaa ki oho naa tama i te kina naa. 15Tevana iaa e mee naa tama e taratara peelaa, \"Te tama naa e too ana mahi i Belsebul, te tipua hakamaatua naa tippua hakkaatoa, teenaa e lavaa ai a ia te hanahana naa tippua.\" +\n16Aaraa tama iaa ni mee ma ki haaiteria laatou Jesus, teenaa naa tama naa ni mee ake kiaa Ia ki hakasura ni mahi TeAtua ki illoa laatou maa Ia ni heunatia mai maaoni TeAtua.+ 17Tevana iaa Jesus ni iloa naa mannatu naa tama naa, teenaa mee ake iloo Ia peelaa ki laatou, \"Te henua e nnoho mavaevae ka heheatu soko laatou raa ma ki see takoto rooroa; te haanauna see nnoho no meemee hakapaa raa ma ki oti ku maseu. 18Aa ki mee maa te nohorana Satan raa e nnoho vaevae ka heheatu soko laatou, te nohorana naa ma ki takoto rooroa peehea? Kootou e hai maa teenei ni mahi e kaumai Belsebul ki hanahana naa tippua. 19Ki mee maa teenei ni mahi maaoni Belsebul e taka ma nau, naa tama e tautari ki kootou raa e hanahana naa tippua raa ki naa mahi ai? Naa tama e tautari ki kootou naa ma ki hakaari atu maa naa taratara kootou naa e ssara! 20Nau e hanahana naa tippua raa iloto naa mahi TeAtua, aa te mee nei e hakaari mai peelaa maa te Nohorana TeAtua raa kunaa tae mai are ki kootou.\n21\"Te saaita te tama e haimahi raa e tuu ma ana hana ka roorosi i tana hare raa, ana hekau iloto tana hare naa ma ki takkoto taukalleka. 22Aa ki mee se tama e haimahi are i aa ia e hanatu no hetaa laaua ka taia te tama naa raa, te tama e haimahi i laaua naa ma ki toa a ia naa hana hakkaatoa telaa tama no vaaea a ia naa hekau te tama naa e kailaaraotia a ia.\n23\"Te tama see tuu i taku vasi raa, teenaa ko te tama e huri mai no taukaa maaua; te tama see tokonaki mai ki hakakkutu naa sipsip raa, teenaa ko te tama e seu naa sipsip raa ki ffuro huri.+\nTe saaita te tipua hakallika e ahe ki te tama\n24\"Te saaita te tipua hakallika e hakataha i te tama, te tipua naa ma ki hakataka vaaroto mouku ka sessee se kina maana ki noho. Aa ki mee see hai kina aana e lave, a ia ma ki taratara soko ia peelaa, 'Nau ku ahe ki taku hare mua.' 25Teenaa te tipua naa ku ahe no kite i naa tuu matahua ka maarama te hare. 26A ia raa ku hano no toomai telaa takahitu tippua e hakallika iaa iaa ia, no nnoho laatou hakapaa. Teenaa te ora te tama e uruhia naa tippua naa ku hakallika iaa i tana noho ana imua.\"\nTe hiahia maaoni\n27Te saaita Jesus ni oti te taratara raa, te ffine tokotasi iloto te kuturana raa ku kannake, \"Se hiahia peehea te ffine ni haanau no anaana iaa koe!\"\n28Teenaa ki mee ake Jesus, \"Naa tama are ki fiaffia raa, teenaa ko naa tama e hakannoo no tautari ki naa taratara TeAtua!\"\nTe henua e fiffai ki kkite ni mahi TeAtua\n29Te saaita te henua ni kkutu ake ki Jesus raa, a Ia ni huri atu no taratara ake peelaa, \"Naa tama i te ssao nei ku hakallika iloo! Laatou e ssee ma ki kkite laatou ma ni mahi TeAtua, tevana iaa laatou ma ki see hai vana e kkite, teelaa ko te mirakol koi TeAtua ni mee i Jona.+ 30Jona, te pure TeAtua imua raa e mee ma se hakailoa TeAtua ki naa tama i Niniveh, aa teenei Ttama te Henua raa e mee ma se hakailoa TeAtua ki naa tama te ssao nei.+\n31\"I te Aso te Hakatonu TeAtua raa, te ffine e tuku i Sheba raa ma ki masike mai no tuku haaeo ki naa tama e nnoho i te maarama i te ssao nei, teenaa i aa ia ni masike mai iloo i tana henua e mmao raa no hakannoo ki te atamai te Tuku Solomon. Aa teenei nau ku taratara atu ki kootou: e mee te tama e noho hakamaatua iaa i Solomon e noho ma kootou i te kina nei.+\n32\"I te Aso te Hakatonu TeAtua raa, te kanohenua Niniveh raa ma ki massike no tuku haaeo ki naa tama e nnoho i te ssao nei, teenaa i laatou ni ffuri no tiiake naa haisara laatou i te saaita laatou ni llono i naa hakaea ake Jona i naa taratara TeAtua. Aa teenei nau ku taratara atu ki kootou: e mee te tama e noho hakamaatua iaa i Jona e noho ma kootou i te kina nei.+\nTe parapol i te lamu\n33\"See hai tama e hakaura tana lamu no hakalluu ki laro se kamete. Te tama naa e hakatuu are te lamu raa ki aruna se aruna, ki kkite naa tama raa i naa uru mai laatou ki loto te hare.+\n34\"Naa karamata kootou e mee ma ni lamu naa haitino kootou. Ki mee maa naa karamata kootou e taukalleka, naa haitino kootou e mallama; aa ki mee naa karamata kootou e hakallika, naa haitino kootou ma ki poouri. 35Kootou mmata hakaraaoi iloo ki see mee maa te maasina e vana kootou maa e takoto i naa haitino kootou naa, ko te poouri raa koi. 36Ki mee maa naa haitino kootou e mallama, see hai kina e poouri, teenaa naa haitino kootou ma ki maasina hakkaatoa, e mee pee ko naa too te maasina te lamu e ura raa i kootou.\"\nJesus e nutua a Ia naa Faarisi aa ma naa tisa naa Loo\n37Te saaita Jesus ni oti te taratara raa, a Ia ni arumia te Faarisi tokotasi ki tana hare ki kkai laaua, teenaa hanatu iloo Ia ki te hare te tama naa no noho ki kai. 38Te Faarisi raa ni teki iloo i tana saaita ni kite maa Jesus ni see huihui ana rima imua iaa ia ku mee ki kai. 39Teenaa ki mee ake TeAriki kiaa ia, \"Kootou naa Faarisi raa e huihui koi vaataha naa kap ma naa peleti kootou, aa iloto naa manava kootou iaa, kootou ni tama e sosorina hakallika ka kailallao. 40Naa vvare! Kootou see illoa maa TeAtua ni penapena i taha naa mee ma iloto hoki? 41Kootou ki hookii naa mee kootou e kaimmate raa ki naa tama e nnoho hakaaroha, teenaa naa ora kootou ma ki mallama hakaoti.\n42\"Aroha iloo i kootou naa Faarisi! Kootou maraa e vvae naa laakau marasini kootou, pee ko naa 'mint', naa 'rue', aa ma aaraa laakau marasini hoki i naa tuuhana e sinahuru, no kauake te tuuhana tokotasi ki TeAtua, aa kootou iaa see manava laaoi i TeAtua ka tiiake kootou te tiputipu e tonu TeAtua. Teenei te tiputipu ki tauhia kootou, aa kootou hoki ki hookii aaraa mee kootou ki TeAtua.+\n43\"Aroha iloo i kootou naa Faarisi! Kootou e fiffai maa kootou ki nnoho i naa nohonoho hakamaatua raa iloo iloto naa hare lotu, aa kootou hoki e fiffai maa te henua ki meemee maa kootou ni tama hakamaatua, i naa ttiri kootou i naa kina te henua e nnoho.\"\n44\"Aroha iloo i kootou! Kootou e mee pee ko naa taruma see hai heturi e ttuu teelaa e takatakamia koi te henua i laatou see illoa.\"\nJesus e nutua a Ia naa tisa naa Loo\n45Te tisa tokotasi naa Loo raa ki mee ake, \"Te tisa nei, maatou nei hoki e tuku haaeoina a koe i oo taratara e kaumai nei!\"\n46Jesus ki mee ake, \"Aroha hoki iloo i kootou, naa tisa naa Loo! Te henua e haia kootou ki amo te kau mmaha teelaa see lavaa laatou te amo, aa kootou iaa see lavaa iloo te ssau se rima no tokonaki ki laatou.\"\n47\"Aroha iloo i kootou! I te aa i kootou ni ppena naa taruma e taukalleka iloo maa naa pure TeAtua, aa teenaa iaa ko naa pure ni taaia naa tippuna kootou imua. 48Kootou soko kootou e hakaari peelaa maa naa vana naa tippuna kootou ni mee raa e ttonu; laatou ni taaia laatou naa pure TeAtua, aa teenei kootou ku ffuri no penapena naa taruma laatou. 49Teenei te taratara TeAtua ni mee i kootou i tana atamai, 'Nau ma ki heuna atu aku pure ma naa tama e heheuna iaa nau raa ki laatou; e mee aaraa tama i aku tama naa ma ki taaia, aa aaraa tama iaa ma ki hai haaeoina laatou.' 50Naa tama te ssao nei ma ki haia ki llono i naa pure hakkaatoa ni taaia no mmate, kaamata mai iloo i te saaita TeAtua ni penapena te maarama nei. 51Teenaa e kaamata mai iloo i te taia ana Abel no tae ki te saaita Zechariah ni taia i te ssao te olta ma te Ahana Tapu iloto te Hare Tapu TeAtua. Ni maaoni, nau e vanaatu ki kootou, naa tama i te ssao nei ma ki hakkaitoa ina i te mmate naa tama naa hakkaatoa!+\n52\"Aroha iloo i kootou, naa tisa naa Loo! Kootou ni huuina kootou te iloa i te ara TeAtua e hakaora te tama ki see illoa te henua; naa tino kootou seki uru atu i te ara naa, teenaa naa tama e fiffai maa laatou ki uru atu raa e puuia kootou!\"\n53Te saaita Jesus ni masike i te kina naa no hano raa, naa tisa naa Loo ma naa Faarisi raa ni kaamata te taratara hakallika iaa Ia ka vasirisiri te kau vana kiaa Ia. 54Teenaa naa tama naa ni sessee ara ki hakasara se taratara maa Jesus.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/11\/","date":"2018-09-26T11:08:47Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267164750.95\/warc\/CC-MAIN-20180926101408-20180926121808-00382.warc.gz","language":"nho","language_score":1.0000082254,"language_script":"Latn","minhash_cluster_size":4,"top_langs":"{\"nho_Latn_score\": 1.000008225440979}","num_words":2170,"character_repetition_ratio":0.056,"word_repetition_ratio":0.01,"special_characters_ratio":0.236,"stopwords_ratio":0.557,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 21\nNaa mane te puruna e hookii ki TeAtua\n1Jesus ni ttoka no kite i naa ponopono naa mane naa tama haimane raa ki loto te pokosi mane te Hare Tapu. 2A Ia ni kite hoki i naa hanake te puruna ffine e hakaaroha no ppono ana peni e lua ki loto hoki te pokosi mane naa. 3Teenaa ki mee ake Jesus ki naa tama i te kina naa, \"Nau e kauatu te taratara maaoni nei ki kootou. Te kooina te puruna ffine nei e ppono raa e lasi are i te kooina aaraa tama ni ppono hakkaatoa. 4Naa tama nei hakkaatoa ni hookii mane i laatou e hai mane; aa te ffine nei iaa, niaaina maa ia se tama e noho hua iloo raa, a ia ni ppono hakkaatoa naa tamaa mane teelaa e kai ai a ia.\"\nJesus e taratara i te saaita te Hare Tapu raa ma ki seua\n5E mee naa disaipol ni nnoho ka hakanau i naa tiputipu taukareka te Hare Tapu i ana hai laakei ki naa hatu e tiputipu taukalleka. Naa tama naa ni hakanau hoki i naa taukalleka naa mee te henua ni hookii ki penapena te Hare Tapu. Teenaa ki mee ake Jesus, 6\"Naa mee e kkite kootou nei e takoto tana saaita ma ki oti ku seua hakkaatoa, see hai hatu ma ki mmau i aruna aaraa hatu.\"\nNaa haaeo ma ki ttae mai\n7Ana disaipol raa ki vasiri ake, \"Te tisa nei, naa vana nei ma ki ssura i te saaita hea? Aa maatou ma ki illoa peehea maa naa vana nei ku saaita koi?\"\n8Jesus ki mee ake, \"Kootou ki roorosi hakaraaoi iloo ki see oo atu ni tama no hakarereesia kootou. E tammaki naa tama ma ki oo atu no mee maa laatou ko nau; te tama koi e hai maa ia ko te Mesaea, aa naa tama naa ma ki hai maa te ssao te maarama nei ki hakaoti raa ku taupiri. Tevana iaa kootou see hakannoo atu ki naa tama naa. 9Te saaita kootou e llono i naa tau naa henua aa i naa hetaa te henua soko laatou raa, kootou see mattaku; naa vana peenaa ma ki ssura imua. Tevana iaa see mee maa te hakaoti te maarama nei ku taupiri.\"\n10A Ia ki mee ake hoki, \"Naa henua ma ki hetaa ki laatou; naa nohorana ma ki hetaa ki laatou. 11Naa henua hakkaatoa ma ki seua naa mahuke e llasi; naa tama ma ki mmate i te hiikkai; te lopo henua ma ki laavea te kau maki e hakallika; aa te kau vana hakamattaku ma ki ssura iho i te lani.\n12\"Te saaita naa vana nei seki sura raa, kootou ma ki tauhia no mee pakavaina; kootou ma ki taakina ki naa hare lotu naa Jew raa ki hakatonutonu naa sara kootou, aa kootou ma ki peesia ki loto naa hare karapusi. Kootou ma ki taakina no hakatuuria imua naa tuku ma naa hakamau, teenaa i kootou ni tama e ttaka ma nau. 13Teenei kootou sao ki hakaea te Lono Taukareka. 14Kootou ki mee hakaoti naa mannatu kootou i te saaita nei, ki see ppore kootou maa kootou ma ki taratara peehea ki hakatonu kootou. 15I te aa, i kootou ma ki haia a nau ki atammai aa ki llau te taratara, teenaa naa taratara kootou naa ma ki see lavaa te sahea naa tama e tautau haaeo ma kootou.+ 16Kootou ma ki meemee tipua ina naa tino maatua kootou, naa taaina kootou, naa hareaakina kootou, aa ma naa soa kootou. Aaraa tama i kootou ma ki taaia no mmate. 17Te henua ma ki lotoffaaeo hakkaatoa i kootou, teenaa i kootou ni tama e ttaka ma nau. 18Tevana iaa TeAtua e roorosi hakaraaoi ki kootou, teenaa see hai lauru tokotasi ma ki maffana. 19Ki mee kootou e taaohi ka lotu peenaa kiaa nau, kootou ma ki too te ora e ora hakaoti.\nJesus e taratara i Jerusalem ma ki seua\n20\"Te saaita kootou e kkite i Jerusalem ku aarehatia naa tama e tau raa, teenaa kootou ku illoa maa te matakaaina naa ku taupiri ki seua. 21Teenaa naa tama i Judea raa ki ffuro no mmuni i naa mouna; naa tama e nnoho iloto te matakaaina Jerusalem raa ki hakattaha i te kina naa, aa naa tama e nnoho tauppiri atu ki Jerusalem raa ki see ffuro atu ki loto i te matakaaina naa no mee ma ki mmuni laatou. 22I teenaa ko te ssao TeAtua ma ki pesi mai ana haaeo, ki ttino naa taratara te Laupepa Tapu.+ 23Nau e aroha iloo i naa haahine e tinnae aa ma naa haahine e mee naa tamalliki e punaammea laatou! Te kau vana hakallika ma ki ssura i te kina nei, aa naa haaeo TeAtua ma ki pesi mai ki naa tama nei. 24E mee naa tama ma ki taaia ki naa komu taa tama, aa aaraa tama ma ki toa ma ni karapusi ki naa henua hakkaatoa i naa kina. Te matakaaina Jerusalem raa ma ki nohoria ka mee pakavaina naa tama teelaa seai ma ni Jew, teenaa ki tae iloo ki te saaita te manava aroha TeAtua i laatou raa e oti mai.\nTe saaita te Tama te Henua ma ki au\n25\"Naa kanohenua i naa kina hakkaatoa ma ki ssopo naa manava laatou ka mattaku. Naa tama naa ma ki see illoa i naa vana laatou ki mee, i naa mattaku laatou i naa takattuu naa peau e taa i te moana.+ 26Naa kanohenua i naa kina hakkaatoa ma ki somo ssara i naa mattaku laatou i naa vana ku pakkuu iho ki te maarama nei, teenaa i naa mee hakkaatoa e takkoto i te lani raa ma ki uuettia TeAtua ki see ttaka tonu i naa ara laatou. 27Teenaa Ttama te Henua raa ma ki hakasura iho iloto te uru aoa. A Ia ma ki au ma naa mahi ki hakatonutonu aa ki noho hakamaatua Ia i aruna te henua hakkaatoa. A ia hoki ma ki au ma ko te Tuku naa tuku hakkaatoa. + 28Te saaita naa vana nei ku kaamata te hakassura raa, kootou ku massike no ttoka ki aruna, i kootou ku taupiri ki hakassaoria.\"\nTe taratara i te laakau 'fig'\n29Teenaa ki kauake Jesus te taratara nei ki laatou: \"Kootou hakatuu i naa somo te laakau 'fig' ma aaraa laakau hoki. 30Te saaita naa laakau raa ku kaamata te matiri ake naa lau laatou raa, teenaa kootou ma ki illoa maa te ssao te ua raa ku taupiri. 31Peelaa hoki, i te saaita kootou e kkite i naa ssura iho naa vana nei raa, kootou ma ki illoa maa te Nohorana TeAtua raa ku saaita mai.\n32\"Hakamaarona te mee nei. Naa tama e nnoho i te saaita nei ma ki ttae no kkite i naa ssura iho naa mee nei. 33Te lani ma te kerekere ma ki oti ku see takkoto imuri, aku taratara raa iaa ma ki takkoto no takkoto hakaoti.\nKootou nnoho tanatana ki te ahemai TeAriki\n34\"Kootou ki roorosi hakaraaoi iloo! Kootou mmata ki see hakavaarea kootou i naa unuunu kootou ka vvare i naa kaikai e llasi kootou, aa kootou see mee ma ki nnoho kootou ka mamannatu peenaa ki naa mee te kerekere nei. Kootou mmata ki see hakatekia kootou i te aso naa. 35Naa kanohenua hakkaatoa i te kerekere nei ma ki kkite i te aso naa. 36Kootou ki nnoho tanatana ka roorosi hakaraaoi iloo, aa kootou ki taku i te kau saaita ki TeAtua ki hakassaoria kootou i naa vana hakamattaku teelaa ma ki ssura. Aa kootou ki taku hoki ki lavaa kootou te ttuu see nnapa imua Ttama te Henua.\"\n37Jesus ni noho i naa aso naa ka akonaki te henua iloto te Hare Tapu, aa i naa laasuru raa a Ia maraa e hano no moe i naa poo i aruna te Mouna naa Oliv.+ 38Te henua hakkaatoa maraa e oo ake i naa tahaata ki te Hare Tapu no hakannoo kiaa Ia.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/21\/","date":"2018-09-21T05:53:45Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156857.16\/warc\/CC-MAIN-20180921053049-20180921073449-00223.warc.gz","language":"nho","language_score":1.0000066757,"language_script":"Latn","minhash_cluster_size":2,"top_langs":"{\"nho_Latn_score\": 1.0000066757202148}","num_words":1406,"character_repetition_ratio":0.061,"word_repetition_ratio":0.0,"special_characters_ratio":0.23,"stopwords_ratio":0.568,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MARK 4:19\n19tevana iaa naa tama naa ni hakaapiapi are i naa mannatu laatou ki naa vana te maarama nei, teenaa ko naa kaimannako laatou ma ki haimane laatou, aa ma aaraa vana te maarama nei teelaa e oti manava ai laatou. Teenaa ko naa mannatu naa teelaa see mau ai naa taratara TeAtua raa iloto naa manava laatou. Naa tama peenaa ma ki hainattaa iloo te kkite maa ni tiputtipu e taukalleka e ssura i naa ora laatou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/4\/19","date":"2018-09-23T10:18:06Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159193.49\/warc\/CC-MAIN-20180923095108-20180923115508-00106.warc.gz","language":"nho","language_score":0.8607889414,"language_script":"Latn","minhash_cluster_size":2,"top_langs":"{\"nho_Latn_score\": 0.8607889413833618, \"rar_Latn_score\": 0.017756519839167595, \"hif_Latn_score\": 0.013274810276925564, \"sps_Latn_score\": 0.01234927587211132, \"guj_Latn_score\": 0.01165324728935957}","num_words":159,"character_repetition_ratio":0.068,"word_repetition_ratio":0.0,"special_characters_ratio":0.194,"stopwords_ratio":0.296,"flagged_words_ratio":0.0,"lang_id_score":0.832,"perplexity_score":500.0,"cluster_detection":1} +{"text":"MARK 2:26\n26teenaa a ia ni hano ki loto te hare TeAtua raa no kai naa haraoa e hakaara ki TeAtua. Te vana nei ni mee i te ssao Abaiatar ni noho ma ko te Maatua Hakamau. I naa Loo taatou raa, teelaa ko naa maatua koi e lavaa te kkai naa haraoa naa. Tevana iaa David ni kaina a ia naa haraoa naa, no kauake hoki ki naa taanata e ttaka ma ia raa ka kkai.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/2\/26","date":"2018-09-24T23:06:32Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160842.79\/warc\/CC-MAIN-20180924224739-20180925005139-00472.warc.gz","language":"nho","language_score":0.6327812076,"language_script":"Latn","minhash_cluster_size":2,"top_langs":"{\"nho_Latn_score\": 0.6327812075614929, \"rar_Latn_score\": 0.1034054309129715, \"hif_Latn_score\": 0.03874532878398895, \"gil_Latn_score\": 0.032288700342178345, \"wls_Latn_score\": 0.026655210182070732, \"sps_Latn_score\": 0.010782025754451752}","num_words":157,"character_repetition_ratio":0.073,"word_repetition_ratio":0.0,"special_characters_ratio":0.207,"stopwords_ratio":0.268,"flagged_words_ratio":0.0,"lang_id_score":0.602,"perplexity_score":500.0,"cluster_detection":1} +{"text":"ACTS 14\nPaul laaua ma Barnabas i Aikonium\n1Naa vana ni mee i Antiok raa ni ssura hoki i Aikonium: Paul ma Barnabas ni oo ki te hare lotu naa Jew raa no hakaea hoki te Lono Taukareka. E tammaki iloo naa Jew aa ma naa tama i naa henua sara e nnoho iloto te hare lotu raa ni ffuri no lotu, i laatou e usuhia iloo naa taratara te takarua raa e hakaea. 2Tevana iaa naa Jew teelaa ni see hii hakannoo ki te takarua naa ni usuhia laatou naa tama i naa henua sara raa ki see hakannoo ki naa tama e lotu. 3Paul laaua ma Barnabas ni nnoho rooroa iloo i te matakaaina naa. Te takarua naa ni hakaea see kkapo peenaa te Lono Taukareka TeAtua, aa ki huri ake peelaa maa naa taratara i tana laaoi nei ni taratara maaoni raa, TeAtua ni uii ake ana mahi ki te takarua raa ki hakassura laaua naa mahi TeAtua. 4Naa tama i Aikonium naa ni maavae, e mee aaraa tama e hakapaa ki naa Jew, aa aaraa tama e hakapaa ki naa aposol.\n5Ki oti raa nei, aaraa Jew ma aaraa tama i naa henua sara, hakapaa ma naa hakamau laatou raa, ku taratara ki mee pakavaina laatou te takarua naa aa ku tauatia ki naa hatu. 6I te saaita te takarua naa ni llono i te vana naa tama naa e mannatu ki mee raa, ffuro iloo laaua ki naa taon Listra ma Derbe iloto Likonia, aa ki naa matakaaina hoki e ttuu tauppiri ake ki te kina naa, 7no hakaea te Lono Taukareka raa ki naa tama i naa matakaaina naa.\nPaul laaua ma Barnabas i Listra\n8I loto te taon Listra raa, teelaa se tanata e mmate hakaoti ana vae i tana saaita iloo ni haanauria mai, teenaa te tama naa ni seai iloo ki lavaa te sasare. 9Ttama naa ni noho ka hakannoo ki naa taratara Paul. Paul e kite maa te tama naa e iloa maa ia e lavaa te haia TeAtua ki taukareka, teenaa ki ttoka tonu atu Paul kiaa ia 10no varo atu peelaa, \"Tuu tonu ki aruna!\" Te tanata raa ni tuu no sasare aareha lokoi i te kina naa.\n11Te saaita te kuturana i te kina naa ni kkite i te vana Paul ni mee naa raa, naa tama naa ki tanitani varo haka Likonia peelaa, \"Naa atua raa ku oti te oomai i te lani no ttaka ma taatou maa ni tama te maarama nei!\" 12Naa tama naa ni taapaa laatou Barnabas ma ko Zeus, a Paul iaa ku taapaa laatou ki Hermes, i aa ia naa ko te tama i laaua maraa e tuu no taratara.+ 13Te maatua e heheuna i te hareaitu te aitu Zeus, teelaa e tuu i taha koi te taon raa, ni too ake naa purumakau ma naa hau kaute raa ki te mata te ara, i aa ia ma naa tama hoki i te kina naa e mee ma ki taa naa manu naa no hakaara ki naa aposol naa. Teenaa ki huri ake peelaa maa laatou e lotu i Saul ma Barnabas.\n14I te saaita Barnabas ma Paul ni llono i te vana naa tama naa e mee ma ki mee raa, laaua ni ssae naa kkahu laaua raa no ffuro atu ki loto te kuturana naa ka tanitani varo, 15\"Se aa kootou e mee naa? Maaua ni tama e mee koi ma ko kootou. Maaua ni oomai no hakaea atu te Lono Taukareka, ki tiiake naa mannatu vvare kootou naa aa kootou ku lotu ki te Atua e ora, te tama ni penapena te lani, te kerekere, te moana, aa ma naa mee katoo teelaa e takkoto i naa kina naa.+ 16Imua raa kootou naa tama i naa henua sara raa ni tiiake TeAtua ki lotu huri koi ki naa atua kootou ni fiffai. 17Aa niaaina maa kootou ni see illoa i TeAtua raa, taatou katoo e hakakkiitea a Ia ki illoa taatou maa naa mee hakkaatoa e taukalleka raa, teenaa ni mee aana e kaumai ki taatou. Teenaa ko Ia raa e haia a Ia te ua raa ki too aa naa kaikai raa ki ssomo; a Ia e kauatu naa kaikai kootou ki kkai aa kootou e haia a Ia ki fiaffia.\" 18Niaaina maa te takarua aposol raa ni kauatu naa taratara nei raa, laaua ni hainattaa iloo te tuukia laaua te kuturana naa ki see lotu ki laaua.\n19E mee naa Jew ni oo ake i Antiok iloto Pisidia aa i Aikonium. Naa tama naa ni oo ake no usuusu hia iloo laatou naa tama e kkutu i te kina naa ki see hakannoo ki naa taratara Paul. Teenaa ki hakannoo atu naa tama naa no ffuri no tauatia laatou Paul ki naa hatu ka huutia no ppesia ki taha te taon, i laatou ni ttau maa ia ku mate. 20Tevana iaa te saaita naa tama e lotu raa ni muimui atu i tana vasi raa, Paul ni masike no ahe ki te taon. I te ssoa te aso raa laaua ma Barnabas ni massike no oo ki Derbe.\nPaul laaua ma Barnabas ku ahe ki Antiok iloto Syria\n21Paul laaua ma Barnabas ni hakaea te Lono Taukareka raa iloto Derbe no huri iloo naa manava te lopo tama no lotu i TeAtua. Ki oti raa ahe iloo laaua ki Listra, Aikonium, aa ko Antiok iloto Pisidia. 22I loto naa taon naa raa, Barnabas ma Paul ni akonaki peenaa naa tama e lotu raa i naa taratara TeAtua; te takarua raa e hai ake peenaa ki taaohi manava laatou i TeAriki Jesus. Laaua ni taratara ake peelaa, \"Taatou naa tama e-lotu raa ma ki llave i te kau haaeo imua TeAtua e hakanoho tana Nohorana iloto taatou.\" 23Te takarua raa ni hakanoho naa tama laaua ki nnoho hakamaatua i naa hare lotu i naa kina naa, teenaa i te saaita te takarua naa ni hakanoho naa tama naa raa, laaua ni hakapakuu ka taku ki tokonakina naa tama naa TeAriki Jesus, te tama e taaohi manava ai laatou.\n24Paul laaua ma Barnabas ni hakataka vaaroto Pisidia no ttae iloo ki te henua e ttapa ma ko Pamfilia. 25I te kina naa raa, te takarua naa ni hakaea te Lono Taukareka TeAtua raa iloto te taon Perga, araa oo iloo ki laro ki Atalia, 26araa kkake iloo te vaka raa no ahe ki Antiok iloto Syria. Te takarua naa ni tukua naa tama te lotu i te taon naa ki oo laaua no haia naa heuna TeAtua, aa teenei naa heuna laaua naa ku oti raa, laaua nei ku ahe atu.\n27I te saaita Paul laaua ma Barnabas ni ttae atu ki Antiok i Syria raa, hakkutu ake iloo laaua naa tama te lotu raa no hakaea ake i naa heheuna tokonaki TeAtua ki laaua. Laaua e hakaea hoki i naa usuhia naa manava naa tama i naa henua sara raa i naa taratara TeAtua, ka ffuri laatou no lotu hoki. 28Paul laaua ma Barnabas ni nnoho rooroa ake iloo ma naa tama te lotu i te kina naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/14\/","date":"2018-09-23T06:28:23Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159160.59\/warc\/CC-MAIN-20180923055928-20180923080328-00233.warc.gz","language":"nho","language_score":1.0000008345,"language_script":"Latn","minhash_cluster_size":4,"top_langs":"{\"nho_Latn_score\": 1.0000008344650269}","num_words":1261,"character_repetition_ratio":0.083,"word_repetition_ratio":0.0,"special_characters_ratio":0.228,"stopwords_ratio":0.53,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 14\nJesus e hakamasike te maki i te Sabat\n1I te Sabat tokotasi raa, Jesus ni hano no kai i te hare te hakamau tokotasi naa Faarisi; teenaa te henua ni tokatoka seemuu iaa Ia. 2Te tanata tokotasi e ffura ana vae ma ana rima ni hanake ki Jesus, 3teenaa vasiri ake iloo Jesus ki naa tisa naa Loo ma naa Faarisi, \"E aa, naa Loo taatou raa e ppui ki see hakamasike naa maki i te Sabat?\"\n4Naa tama naa ni nnoho seemuu koi. Jesus ni toa a Ia te tamariki naa no haia iloo no taukareka, araa heunatia iloo Ia ka hano. 5Teenaa mee ake iloo Ia ki naa tama naa, \"Ki mee maa se tama i kootou e mee tana tamariki tanata, aa seai ma se manu hahaanai e leiho ki loto se rua e nnoto i te Sabat, koe ma ki see lellere ki huutia mai koe te tama naa ki taha i te saaita naa lokoi?\"+\n6Tevana iaa naa tama naa ni see lavaa te hakaahea ake laatou te taratara Jesus ni mee ake.\nTe tama e taka seemuu\n7Jesus ni kite i naa ssee naa tama teelaa ni arumia ki te kaikai raa ki nohoria laatou naa kina hakamau i te teevoo. Teenaa ki kauake Ia te taratara nei ki laatou: 8\"I too saaita e arumia ki te kaikai te tama e aavana hoou raa, koe ki see noho i te kina e tukua ki nnoho naa hakamau. Koe see illoa, ma ki mee e mee te tama e hakamau are i aa koe ni arumia hoki te tama e mee tana kaikai naa. 9Teenaa te tama e mee tana kaikai, teelaa ni aru ki koorua hakapaa naa, ma ki hanatu no mee atu kiaa koe, 'Tiiake te tama raa ki au no noho i te kina naa.' Teenaa koe ma ki napa ka hano no noho i te kina naa tamavare. 10Too saaita e arumia raa, tere no noho i te kina naa tamavare, teenaa te tama e mee tana kaikai naa ma ki hanatu no mee atu kiaa koe, 'Naasoa, masike mai no noho i te kina naa hakamau raa e nnoho.'+ 11I te aa, naa tama e hakatannata maa laatou ni tama hakamau raa ma ki tukua iho TeAtua ki laro, aa naa tama e nnoho koi pee ko naa tamavare raa, naa tama naa ma ki hakanauria TeAtua ma ni hakamau.\"+\n12Teenaa huri ake iloo Jesus no mee ake ki te tama e mee tana hare e nnoho laatou ka kkai naa, \"Too saaita e ppena too kaikai i te laa i aruna, seai maa i te laasuru raa, koe see aru koi ki oo soa, oo taaina, oo hareaakina, aa ma naa tama e nnoho tauppiri atu teelaa e hai mane. Ki mee maa koe e aru koi ki naa tama peenaa, naa tama naa ma ki oti ku aru atu hoki ki hanake koe ki naa hare laatou. Teenei too ara ma ki suia laatou i too vana ni mee ki laatou. 13Too saaita e ppena too kaikai raa, koe ku aru ki naa tama e nnoho hakaaroha, naa tama see ttipu hakaraaoi, naa tama see lavaa te sassare, aa naa tama e ppuni naa karamata laatou. 14Teenaa koe ma ki haia hakaraaoina TeAtua, i naa tama naa ma ki see lavaa te suia laatou too vana ni mee ki laatou. Koe iaa ma ki suia TeAtua i te aso naa tama e taukalleka raa ma ki massike i te mate.\"\nTe taratara i te kaikai e lasi\n15Te tanata tokotasi i naa taanata e nnoho i te teevoo raa ni huri ake no mee ake peelaa ki Jesus, i tana saaita ni lono i naa taratara nei, \" Se fiaffia peehea naa tama teelaa ma ki nnoho no kkai i te kaikai e lasi i te Nohorana TeAtua!\"\n16Jesus ki kauake te taratara nei kiaa ia, \"Teelaa se tanata ni mee tana kaikai iloo e lasi, teenaa aru iloo a ia ki te lopo tama ki oo ake. 17I te aso te kaikai raa, a ia ni heuna ana poe raa ki oo no mee ake ki ana tama ni aru raa peelaa, 'Kootou oomai, teenei te aso te kaikai!' 18Araa nei naa tama naa ni taratara tammaki. Te tama tokotasi e taratara ake peelaa, 'Nau ma ki hano no mmata i taku kerekere hoou e taavi; nau e aroha iloo iaa nau ku see lavaa te hanatu.' 19Te laa tama e taratara ake peelaa, 'Nau e hano no haaite aku purumakau e sinahuru ni taavi; nau e aroha iloo iaa nau ku see lavaa te hanatu.' 20Aa telaa tama e taratara peelaa, 'Nau e aavana koi i te saaita nei, teenei see lavaa ai nau te hanatu.'\n21\"Te poe raa ni ahe no taratara ake iloo ki tana hakamau raa i naa taratara naa tama naa. Te hakamau naa ni porepore i tana loto, teenaa vanaake iloo ki tana poe, 'Tere hakavave ki naa mateara iloto te matakaaina nei no toomai naa tama e nnoho hakaaroha, naa tama see ttipu hakaraaoi, naa tama e ppuni naa karamata laatou, aa ma naa tama see lavaa te sassare.' 22Teenaa te poe raa ni ahe ake no taratara ake ki tana hakamau, 'TeAriki, nau ku oti te vanaake ki laatou, tevana iaa te hare nei koi ssao te oomai aaraa tama hoki.' 23Teenaa ki mee ake hoki te hakamau raa ki tana poe, 'Tere ki naa ara e ffuro i naa tautaha naa matakaaina nei, ki naa kina e ttuu vaaroto mouku, aa koe ku puratia mai koe naa tama i naa kina naa ki oomai ki te kaikai nei, teenaa ki pii taku hare nei. 24Nau e vanaatu kiaa koe, see hai tama i aku tama ni aru raa ma ki nnamu i aku kaikai nei!'\"\nTe tiputipu ma ki sura i te tama e mee ma se disaipol\n25I te saaita tokotasi raa, naa kuturana tama e tammaki iloo ni oo hakapaa ma Jesus, teenaa Jesus ki huri ake ki laatou no mee ake, 26\"Naa tama e fiffai maa laatou ki mee ma ni disaipol aaku raa, te fiffai laatou kiaa nau ki ttoe iaa i te fiffai laatou ki naa tammana ma naa tinna laatou, naa aavana ma naa tamalliki laatou, naa taaina ma naa kave laatou, aa i naa tino hoki iloo laatou.+ 27Naa tama see amo naa tino kros laatou no tautari kiaa nau raa, naa tama naa see lavaa te mee ma ni disaipol aaku.+\n28\"Ki mee maa se tama i kootou e maanatu ma ki hakatuu see hare teelaa e moe iloo ki aruna, koe ki noho no hakatuu hakaraaoi iloo ki iloa koe i too kooina ma ki pesi ki penapena te hare naa. Teenaa koe ma ki hakatuu ki iloa koe maa oo mane raa e llava ki hakaoti naa heuna te hare naa. 29Ki mee koe see noho no hakatuu hakaraaoi ki iloa koe te kooina te hare raa, too saaita koi hakatuu naa pou mua raa koe ma ki teki i too hare naa ma ki see lavaa te hakaoti. Teenaa naa tama e kkite i too hare e hakatuu naa ma ki tautaussua iaa koe. 30Naa tama naa ma ki taratara peelaa, 'Te tama nei ni kaamata te hakatuu tana hare, araa nei a ia ni see lavaa te hakaoti!'\n31\"Ki mee maa se tuku e hano ma te sinahuru simata taanata no hetaa ma te tino rua naa simata taanata telaa tuku, teenaa te tuku naa ma ki noho imua no hakatuu ma ki mee ma ia e tau te hano no hetaa ma telaa tuku. 32Ki mee maa te tuku naa e hakatuu no iloa maa ia ma ki see tau, teenaa, te saaita te kaavena telaa tuku koi mmao raa, a ia ma ki heuna atu ana tama no taratara hakaraaoi ma te tuku naa.\n33\"Peelaa hoki, kootou see lavaa te mee ma ni disaipol aaku ki mee maa kootou see tiiake naa mee hakkaatoa kootou no tautari kiaa nau.\nTe parapol i te sol\n34\"Te sol raa e taukareka, tevana iaa ki mee maa te sol raa ku see sol taukareka, te sol naa ma ki haia ki taukareka hoki peehea? 35Te sol naa ku seai tana vana ma ki taukareka ai; ku taukareka koi ki peesia. Ki mee maa kootou e fiffai ki illoa, kootou ku hakannoo mai!\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/14\/","date":"2018-09-24T22:57:15Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160842.79\/warc\/CC-MAIN-20180924224739-20180925005139-00475.warc.gz","language":"nho","language_score":1.0000066757,"language_script":"Latn","minhash_cluster_size":4,"top_langs":"{\"nho_Latn_score\": 1.0000066757202148}","num_words":1476,"character_repetition_ratio":0.067,"word_repetition_ratio":0.011,"special_characters_ratio":0.24,"stopwords_ratio":0.547,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 24\nJesus ku ora hoki\n1I te tahaata poo te Hakamarolloo raa, naa haahine naa ni too naa kaakaa mannoni laatou ni hakamate raa ka oo ki te kava. 2Naa haahine naa ni oo atu no kkite maa te hatu e ppui te mata te kava raa ku oti te hakatiperia hakavasi. 3Teenaa uru atu iloo laatou ki loto, araa nei laatou ni see kkite maa te haitino TeAriki Jesus e moe iloto. 4Naa haahine naa ni hakatuu nataa iloo i te vana laatou e kkite nei. Teenaa hakatekia lokoi laatou i te takarua taanata ku ttuu ake i te vasi laatou. Te takarua naa e hakao ki naa hekau e maasina pee ko naa taaraki te uila. 5Naa haahine naa ni mattaku no hakamaruu ki laro imua te takarua naa. Teenaa ki mee ake te takarua taanata raa ki laatou, \"Ai kootou e sessee ai i te tama e ora i te kina naa tama ku oti te mmate? 6Ttama naa ku seai i te kina nei; A Ia ku oti te hakamasikeria i te mate! Kootou mannatu i tana taratara ni kauatu ki kootou i tana saaita ni noho i Galilee: 7'Ttama te Henua raa ki hookina ki naa rima naa tama haisara; A Ia ma ki tuukia ki te kros, aa i te ttoru naa aso raa a Ia ma ki hakamasikeria no ora.'\"+\n8Teenaa ki hakamaarona ai naa haahine naa, i teenaa ni taratara Jesus ni mee imua. 9I te saaita naa haahine naa ni ahemai i te kava raa, laatou ni hakaea naa mee nei hakkaatoa ki te taka sinahuru maa te tama tokotasi i naa disaipol aa ma aaraa tama e ttaka laatou. 10Naa haahine naa ko Mary Magdalene, Joana, aa ko Mary te tinna James; laatou ma aaraa haahine e ttaka ma laatou naa ni hakaea naa mee nei ki naa aposol. 11Araa nei naa aposol raa ni see hakannoo ki naa taratara naa haahine naa, i laatou e hakannoo maa teenaa ni taratara vvare koi. 12Tevana iaa Peter ni masike no tere iloo ki te kava. A ia ni hanatu no hakatui iloo ki loto te kava, teenaa kite iloo a ia i naa mmoe mai naa maro ni mmini te haitino Jesus raa soko laatou. Peter ni hakatahuri no ahe iloo ki hare ma te kau mannatu, i aa ia ni see iloa maa te mee raa ni mee peehea.\nTe takarua disaipol e sassare ki Emaus\n13I te aso naa hoki, te takarua i naa tama e tautari i Jesus raa ni sassare ka oo ki te tamaa matakaaina e ttapa ma ko Emaus. Te matakaaina naa e hitu naa mael i tana mmao i Jerusalem, 14teenaa te takarua naa ni sassare ka hai taratara i naa vana hakkaatoa ni mee naa. 15Te saaita takarua naa e hai taratara ka oo raa, Jesus tana tino ni sare ake no sassare iloo laatou ka oo hakapaa; 16te takarua naa ni kkite iaa Ia, tevana iaa laaua ni haia ki see mmate laaua maa teelaa ko Jesus. 17Jesus ki mee ake, \"Koorua e sassare ka hai taratara i te aa?\"\nTe takarua raa ki ttuki no ttoka hakaaroha atu ki Jesus. 18Teenaa te tama tokotasi i te takarua naa, tana inoa ko Cliopas, ki mee ake, \"Teenei pee ko koe koi soko kkoe ni hanake ki Jerusalem teelaa see iloa i naa vana ni mee iloto Jerusalem i naa aso ku oti te llaka nei?\"\n19Jesus ki vasiri ake, \"Ni vana peehea ni mee naa?\"\nTe takarua raa ki mee ake, \"Naa vana ni mee ki Jesus, ttama i Nazareth. A Ia naa se pure TeAtua, e haimahi ana taratara aa ni hakassura naa mahi TeAtua imua naa karamata TeAtua aa ma te henua hakkaatoa. 20Naa maatua hakamaatua aa ma aaraa tama hakamaatua maatou ni kauake laatou te tama nei ki te hakamau Rome raa ki tukua ki mate, teenaa a Ia ni tuukia ki te kros raa no mate. 21Maatou ni taaohi manava maa Ia naa ko te tama ma ki hakasao te kanohenua Israel. Aa teenei naa aso raa ku toru imuri tana saaita ni mate. 22I te aso nei raa, maatou ni hakatekia aaraa haahine e ttaka ma maatou; naa haahine naa ni oo ki te kava i te tahaata, 23tevana iaa laatou ni see lave te haitino Jesus. Laatou ni ahemai no taratara mai maa laatou e kkite i naa ensol. Teenaa maa naa ensol raa e taratara ake maa Jesus e ora. 24Aaraa tama i maatou ni oo ki te kava no kkite maa te haitino Jesus ku seai maaoni, e mee pee ko naa taratara ake naa haahine.\"\n25Teenaa ki mee ake Jesus ki laaua, \"Koorua ku vvare hakaoti! Koorua ku llono nataa peehea i naa taratara hakkaatoa naa pure TeAtua raa ni mee imua! 26Koorua see illoa maa te Mesaea raa ki hakallono isu imua, ki oti raa ku hakanau TeAtua iaa Ia i te lani?\" 27Teenaa akonaki ake iloo Jesus i naa takkoto naa taratara te Laupepa Tapu raa iaa ia, e kaamata i naa laupepa Moses aa ma naa taratara naa pure hakkaatoa TeAtua ni sissii imua.\n28Te saaita laatou ni tauppiri atu ki te matakaaina Emaus raa, Jesus ni mee ma ki hakaraka koi ka hano, 29araa nei te takarua naa ku ffuri atu no mee ake kiaa ia, \"Kau ki nnoho taatou i te kina nei; te laa raa ku suru aa te henua ku taupiri ki poouri.\" Teenaa hanatu iloo Jesus no nnoho laatou. 30Te saaita laatou ni nnoho ki kkai raa, Jesus ki too te haraoa raa no taku ki TeAtua, araa ttohi iloo te haraoa raa no kauake ki te takarua naa. 31Te takarua naa ni ttoka atu no mmate lokoi maa teelaa ko Jesus, teenaa seai lokoi Jesus imua laaua. 32Takarua naa ni ffuri no taratara soko laaua peelaa, \"Teelaa see hii hakannoo peehea taaua i naa taratara mai ttama nei i te ara i naa takkoto naa taratara te Laupepa Tapu?\"\n33Te takarua naa ni massike lokoi i te saaita naa no ahe ki Jerusalem. Laaua ni oo no llave i te taka sinahuru maa te tama tokotasi i naa disaipol e nnoho hakapaa ma aaraa tama, 34ka taratara peelaa, \"TeAriki ku oti te masike maaoni i te mate! A Ia ni hakasura ki Simon!\"\n35Teenaa taratara ake iloo te takarua raa i te hakasura ake ana Jesus ki laaua i te ara e hano ki Emaus, aa i laaua ni mmate maa teelaa ko Jesus i tana saaita ni ttohi te haraoa.\nJesus ku hakasura ki ana disaipol\n36Te saaita te takarua raa koi ttuu ka taratara ake ki naa disaipol raa, TeAriki ni hakateki no tuu mai iloto laatou no mee ake, \"Te laaoi TeAtua ki noho ma kootou.\"\n37Naa tama naa ni mattaku iloo i laatou e ttau maa laatou e kkite te mouri. 38Teenaa ki mee ake Jesus ki laatou, \"Se vana peehea kootou ku mattaku ai? Kootou ku mamannatu tammaki iaa nau? 39Ttoka mai ki aku rima ma aku vae. Teenei ko nau! Kootou kkapa mai no haahaa iaa nau ki illoa kootou iaa nau seai se mouri, i te mouri raa see hai haitino peenei.\" 40Teenaa huri atu iloo ana vae ma ana rima ki laatou.\n41Naa tama naa ni oho iloo ka fiaffia, tevana iaa laatou ni see ttau maa Jesus ku ora maaoni. Teenaa ki vasiri ake Jesus ki laatou, \"Kootou e hai kaikai i te kina nei?\" 42Teenaa kauake iloo naa tama naa te ika e tunutunu kiaa ia. 43Jesus ni too te ika naa no kai iloo imua ana disaipol naa.\n44Teenaa mee ake iloo Ia peelaa ki laatou, \"Teenei ko naa mee nei teelaa ni taratara atu nau i taku saaita ni nnoho taatou. Nau ni vanaatu maa naa taratara hakkaatoa e takkoto i naa Loo Moses, naa Pure TeAtua, aa i te laupepa naa ahu David, teelaa e taratara iaa nau raa, ki huri ake no ttino maaoni.\"\n45Teenaa akoina iloo a Ia naa tama naa ki illoa hakaraaoi laatou i naa taratara te Laupepa Tapu. 46Jesus ki mee ake, \"Teenei naa taratara e sissii iloto te Laupepa Tapu: Te Mesaea raa ma ki hakallono ki te isu no taia ka mate, aa i te ttoru naa aso raa a Ia ma ki masike i te mate no ora hoki. 47Teenaa te taratara e mee maa TeAtua e uii naa haisara naa tama e ffuri naa manava laatou no tiiake naa haisara laatou raa, ki tarataraina iloto te inoa te Mesaea ki naa kanohenua hakkaatoa, e kaamata i Jerusalem. 48Kootou ni kkite i naa vana naa tama raa ni mee kiaa nau, teenaa nau e hiihai maa kootou ki hakaea ake ki aaraa tama i naa mee naa. 49Nau ma ki heunatia atu nau TeAitu Tapu teelaa ni purepure atu taku Tamana raa imua. Tevana iaa kootou ki nnoho ka ttari i Jerusalem ki tae atu TeAitu Tapu raa no kauatu naa mahi te lani ki kootou.\"+\nJesus ku toa ki te lani\n50Teenaa masike iloo Jesus ma ana disaipol raa i Jerusalem ka oo ki te kina e taupiri atu ki te matakaaina Bethany. I te saaita laatou ni ttae atu raa, Jesus ki ssau ana rima ki aruna no taku iloo ki TeAtua, teenaa ki mmata ake hakaraaoi TeAtua ki naa tama naa.+ 51I tana saaita koi hai ana taratara raa, a Ia ni hakataha i naa tama naa ka toa ki te lani. 52Teenaa ffuri iloo naa tama naa no lotu kiaa Ia. Naa tama naa ni fiaffia iloo i te saaita laatou ni ahe ki Jerusalem. 53Teenaa naa tama naa ni ttaka peenaa i te Hare Tapu raa ka hakanau peenaa i TeAtua i naa aso hakkaatoa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/24\/","date":"2018-09-25T21:27:13Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267162385.84\/warc\/CC-MAIN-20180925202648-20180925223048-00316.warc.gz","language":"nho","language_score":1.0000063181,"language_script":"Latn","minhash_cluster_size":3,"top_langs":"{\"nho_Latn_score\": 1.0000063180923462}","num_words":1698,"character_repetition_ratio":0.066,"word_repetition_ratio":0.004,"special_characters_ratio":0.231,"stopwords_ratio":0.532,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"JOHN int\nTE HAKATAAKOTO TE LAUPEPA NEI\nTe Lono Taukareka i naa taratara John e taratara maa Jesus ko te Taratara TeAtua e takoto no takoto hakaoti, teelaa \"ni huri mai no tipu ake ma se tama ka noho iloto taatou.\" (1.14) E mee pee ko naa taratara iho te laupepa nei raa, te Lono Taukareka nei ni sissii ki illoa naa tama e tokatoka i te laupepa nei maa Jesus maaoni ko te Mesaea, te Tama TeAtua. Teenaa naa tama naa ma ki illoa maa laatou ma ki ora iloto naa mahi tana Inoa. (20.31).\nImuri naa taratara kaamata teelaa e hakailoa mai maa te Taratara TeAtua e takoto no takoto hakaoti ko Jesus raa, te Lono Taukareka nei e taratara i te kau mahi TeAtua teelaa ni hakassuratia Jesus. Teenaa ki huri ake maa Jesus ko te Tama TeAtua teelaa ma ki hakasao naa tama te maarama nei. Ki oti raa ku hakatuu naa taratara i te hakataakoto naa mahi TeAtua teelaa ni hakasuratia Jesus. Teenei ko naa taratara iloto te laupepa nei teelaa e hakatuu i naa hakannoo aaraa tama no tautari ki Jesus, aa i naa see fiffai aaraa tama maa laatou e hakannoo iaa Ia. Naa sapta 13–17 e hakatuu hakaraaoi iloo i te meemee hakapaa Jesus ma ana disaipol raa i te poo Jesus ni tauhia, aa i naa taratara hakaoti Jesus ni kauake ki ana disaipol ki mau naa manava laatou, i tana laasuru hakaoti ma laatou. Te hakaoti te laupepa nei e taratara i te tauhia ana Jesus no toa ki te koti, i tana tuukia ana ki te kros, i tana masike ana i te mate, aa i tana hakasura ana ki ana disaipol.\nTe taratara i te ffine hai aavana ni laavea e moe ma telaa tanata raa (7.53–8.11) e hakamaatinoria, i te aa e tammaki naa laupepa imua teelaa e takoto te Lono Taukareka nei, e tiiake laatou te taratara naa, aa aaraa laupepa iaa e hakatuuria laatou.\nJohn e llasi ana taratara i te ora e ora hakaoti iloto Christ, teelaa e kaamata i te saaita nei aa e kauake ki naa tama e illoa maa Jesus ko te ara, te hakamaaoni, aa te ora. Te mee e hakasoro mmata i te pas John raa, teenaa ko i-ana hakatuu ki naa mee vare te henua e illoa, ki huri ake te hakataakoto maaoni ana taratara e kauake ki laatou. Teenaa ko naa mee pee ko te vai, te haraoa, te lamu, te tama e roorosi naa sipsip raa aa ma naa sipsip, aa te laakau 'grape' aa ma naa hua.\nNaa takkoto naa taratara iloto te laupepa nei\nNaa taratara kaamata 1.1–18\nJohn te Baptis aa ma naa disaipol mua Jesus 1.19–51\nNaa heuna Jesus iloto te henua 2.1—12.50\nNaa aso hakaoti Jesus iloto Jerusalem aa i naa kina e tauppiri ki Jerusalem 13.1—19.42\nTe saaita TeAriki ni masike i te mate aa i ana saaita ni hakasura ki ana disaipol 20.1–31\nNaa taratara hakaoti: TeAriki e hakasura hoki i Galilee 21.1–25\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/John\/int\/","date":"2018-09-25T16:55:41Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267161902.89\/warc\/CC-MAIN-20180925163044-20180925183444-00441.warc.gz","language":"nho","language_score":0.9998592138,"language_script":"Latn","minhash_cluster_size":2,"top_langs":"{\"nho_Latn_score\": 0.9998592138290405}","num_words":575,"character_repetition_ratio":0.076,"word_repetition_ratio":0.0,"special_characters_ratio":0.229,"stopwords_ratio":0.482,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 14:19\n19E mee naa Jew ni oo ake i Antiok iloto Pisidia aa i Aikonium. Naa tama naa ni oo ake no usuusu hia iloo laatou naa tama e kkutu i te kina naa ki see hakannoo ki naa taratara Paul. Teenaa ki hakannoo atu naa tama naa no ffuri no tauatia laatou Paul ki naa hatu ka huutia no ppesia ki taha te taon, i laatou ni ttau maa ia ku mate.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/14\/19","date":"2018-09-20T12:46:35Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156471.4\/warc\/CC-MAIN-20180920120835-20180920141235-00289.warc.gz","language":"nho","language_score":0.5445231795,"language_script":"Latn","minhash_cluster_size":2,"top_langs":"{\"nho_Latn_score\": 0.5445231795310974, \"rar_Latn_score\": 0.06893233209848404, \"pcm_Latn_score\": 0.03585616871714592, \"yor_Latn_score\": 0.02309393137693405, \"wls_Latn_score\": 0.021528175100684166, \"hif_Latn_score\": 0.021311400458216667, \"tiv_Latn_score\": 0.017642254009842873, \"wol_Latn_score\": 0.015327059663832188, \"sps_Latn_score\": 0.015261831693351269, \"gaz_Latn_score\": 0.01090462226420641}","num_words":154,"character_repetition_ratio":0.071,"word_repetition_ratio":0.0,"special_characters_ratio":0.204,"stopwords_ratio":0.292,"flagged_words_ratio":0.0,"lang_id_score":0.531,"perplexity_score":500.0,"cluster_detection":1} +{"text":"MARK 5\nJesus e haia a Ia te tama e tauria te tipua raa ka taukareka.\n1Jesus ma ana disaipol raa ni tere no ttae iloo ki te matakaaina Gerasa i telaa vasi te Namo Galilee. 2Te saaita Jesus ni sepu iho i te poti raa, e mee te tanata e tauria te tipua ni hanake i te kava no ttiri iaa Ia i tai. 3Te tanata naa se tama e taka vaaroto naa kava, aa see hai tama hoki ku lavaa te saisaitia a ia te tanata naa ki see sasare. 4Te lopo saaita ana vae ma ana rima e saisaitia naa tama raa, a ia e mossia koi a ia naa seni naa. A ia e haimahi are i naa tama i te kina naa, teenaa ni see hai tama ni lavaa te hanatu no tautauhia a ia. 5I te poo ma te ao, te tanata naa e sare vaaroto naa kava raa ma naa mouna, ka tanitani varo peenaa ka seressere tana haitino ki naa hatu.\n6I tana saaita ni kite i Jesus i tana kina e tuu mai raa, a ia ni tere atu no tuu ki ana turi imua Jesus, 7no tanitani varo atu peelaa, \"Jesus, Ttama TeAtua Nnui! Se aa koe e mee iaa nau? Koe see au no mee pakavaina nau!\" 8(A ia e mee atu peenaa i Jesus ku oti te vanaake ki te tipua raa ki hakataha iaa ia.)\n9Teenaa ki vasiri ake Jesus, \"Ko ai too inoa?\"\nTe tanata raa ki mee ake, \"Taku inoa ko 'te Kaavena', i maatou e tammaki.\" 10Teenaa a ia ki tanitani ake ki Jesus ki see kerekere ia laatou i te kina laatou e nnoho naa.\n11I te saaita naa, teelaa ni poi e tammaki e ttuu ka kkai i te vasi te mouna. 12Teenaa naa tippua raa ni ttani ake peelaa ki Jesus, \"Kaavea maatou ki naa poi, aa ku tiiake maatou ki uru no tau iloto naa poi.\" 13Jesus ni tiiake Ia naa tippua raa ka oo, teenaa hakattaha iloo naa tippua raa i te tanata naa ka oo no tau i naa poi. Naa poi naa hakkaatoa, e lava naa simata e lua, ni ffuro ki te hakattoo ana te mouna raa no maaoha ki loto te namo raa no mallemo.\n14Naa taanata e roorosi naa poi naa ni ffuro no hakatere te lono raa ki naa tama te matakaaina naa aa ma naa tama e nnoho i naa kerekere laatou i naa tautaha te matakaaina naa. Teenaa naa tama i naa kina naa ni oo ake no mmata i te vana ni mee naa. 15Te saaita laatou ni ttae ki Jesus raa, laatou ni kkite i te tanata ni vvare raa e noho mai. A ia ku hakao ana hekau aa ku atamai hoki; teenaa laatou ni mattaku hakkaatoa. 16Naa tama ni kkite i naa vana ni ssura naa ni hakaea ki naa tama raa i te vana ni mee i te tanata naa, aa i te vana hoki ni mee i naa poi.\n17Teenaa ffuri atu iloo naa tama naa no vanaake ki Jesus ki hakataha i te matakaaina laatou naa.\n18Te saaita Jesus ni mee ki kake ki te poti laatou raa, te tanata ni vvare raa ni hanatu no ppura ma ki kake atu ia.\n19Araa nei Jesus ni see hiihai maa te tanata naa e kake ake. A Ia ni huri are no vanaake peelaa kiaa ia, \"Ahe ki hare ki oo tama raa no taratara ake i naa vana TeAriki ni mee kiaa koe, aa koe ku taratara ake i naa tiputipu te manava aroha TeAriki i aa koe.\"\n20Teenaa hano iloo te tanata naa no hakaea ki naa tama i Dekapolis+ i tana vana ni haia Jesus. Naa tama ni llono iaa ia raa ni oho hakkaatoa.\nTe tamariki ffine Jairus aa ma te ffine e tere tana ttoo\n21Te saaita Jesus ni ahe ki telaa vasi te namo raa, e tammaki iloo naa tama ni oo ake no kkutu ake kiaa ia i tai.\n22Teenaa sura atu iloo te tanata e ttapa ma ko Jairus, a ia naa se hakamau te hare lotu i te kina naa. I tana saaita ni kite i Jesus raa, a ia ni pesi ki ana turi imua Jesus, 23no taro ake peelaa, \"Taku tamariki ffine raa e maki hakallika iloo. Kau no hakapiri oo rima i aruna taku tamariki nei ki marooroo ia, aa ki ora hoki.\"\n24Teenaa oo iloo laaua ma te tanata naa. E tammaki iloo naa tama ni sassare ka oo laatou hakapaa, teenaa e muimui atu katoo i ana vasi.\n25E mee te ffine e tere peenaa tana ttoo, teenei ku lavaa naa setau e sinahuru maa rua. 26Ana mane ni oti katoo te pesi ki naa tokta ki oo ake no haia a ia ki taukareka, tevana iaa a ia ni seai iloo ki taukareka; tana maki naa ni hano koi no lasi. 27Te ffine naa ku oti te lono i naa vana Jesus ni mee, teenaa hanake iloo ia iloto te kuturana raa vaamuri Jesus, 28ka maanatu soko ia peelaa, \"Ki mee koi nau e paa taku rima i ana hekau e hakao, teenaa nau ma ki taukareka.\"\n29Araa sare atu iloo ia no paa tana rima ki te ttapa te kkahu Jesus; teenaa tana ttoo ni motu hua lokoi i te saaita naa, aa a ia ku lono hoki ma teelaa se taukareka raa ku sura i tana haitino. 30I te saaita naa lokoi raa, Jesus ni lono maa teelaa ni mahi e maffana iaa Ia, teenaa hakatahuri iloo Ia ki naa tama raa no vasiri, \"Teelaa ko ai te tama e paa i taku kkahu?\"\n31Ana disaipol raa ki mee ake, \"Mmata i naa muimui atu naa tama naa i oo vasi; koe e vasiri peehea ma ko ai te tama e paa iaa koe?\"\n32Tevana iaa Jesus ni tokatoka koi kite Ia i te tama ni paa kiaa Ia. 33Te ffine raa ni porepore i tana mataku i te vana ni mee i aa ia, teenaa hanake iloo no pesi ki ana turi imua naa vae Jesus, no taratara ake te hakamaaoni i naa vana ni ssura iaa ia. 34Jesus ki mee ake kiaa ia, \"Taku tama, koe ku taukareka i aa koe e mau too manava i aa nau; aa tere no noho hakaraaoi.\"\n35Te saaita Jesus koi taratara ake ki te ffine raa, te tama tokotasi i te hare Jairus raa ku tae ake no vanaake ki Jairus, \"Too tamariki ffine raa ku mate; koe see anaana ma ki vanaake koe ki te Tisa naa ki au.\"\n36Jesus ni see hakannoo atu ki naa taratara naa tama naa e hai; a Ia ni huri no vanaake ki Jairus, \"Koe see mataku; taaohi manava koi iaa nau.\" 37Jesus ni see hiihai maa ni tama ki oo ake. A Ia ni toa koi a Ia Peter ma te haanau James ma John ka oo laatou. 38Laatou ni oo atu no ttae iloo ki te hare Jairus, teenaa ki lono Jesus i naa hevaa huri te hare naa. 39Teenaa uru atu iloo Ia ki hare no mee ake ki naa tama naa, \"Kootou e ttani i te aa? Ttamariki naa see mate, tama naa e moe koi!\"\n40Naa tama iloto te hare naa ni hakasakammini koi naa kaisu laatou i aa Ia, teenaa kerekereia iloo Ia naa tama naa ki oo ki haho. Araa toa iloo Ia naa maatua te tamariki raa aa ma te takatoru disaipol ni ooake ma Ia raa, ka uru atu laatou ki te kina te tamariki raa e moe. 41Teenaa kapaatu iloo Jesus ki te rima te tamariki raa no mee ake haka Hebrew peelaa, \"Talitha koum,\" teenaa ko te taratara e mee maa, \"Ttamariki ffine nei, nau e vanaatu kiaa koe, masike ki aruna!\"\n42Te tamariki ffine naa ni masike i te saaita naa lokoi no sasare vaaroto te hare. (Naa setau te tamariki naa e sinahuru maa rua.) Naa maatua te tamariki naa ni llee hakaoti naa mouri laaua. 43Tevana iaa Jesus ni hakaapo ake ki laaua ki see taratara ake laaua ki se tama i te vana ni mee naa. Araa mee ake iloo ki laaua ki kauake ni kaikai ma te tamariki raa ki kai.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/5\/","date":"2018-09-20T13:34:17Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156471.4\/warc\/CC-MAIN-20180920120835-20180920141235-00289.warc.gz","language":"nho","language_score":1.0000011921,"language_script":"Latn","minhash_cluster_size":5,"top_langs":"{\"nho_Latn_score\": 1.0000011920928955}","num_words":1455,"character_repetition_ratio":0.058,"word_repetition_ratio":0.0,"special_characters_ratio":0.245,"stopwords_ratio":0.505,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"JOHN 5\nTe tanata e haia Jesus no marooroo i te kina te vai\n1Kimuri raa, Jesus ni hano ki te kaikai te lotu naa Jew e mee i Jerusalem. 2Teelaa se vai e takoto i te tootoka te henua naa. Te tootoka naa e ttapa ma ko te Tootoka naa Sipsip. Te vai raa e ttapa ma ko Bethsada i te taratara naa tama te henua naa. Teelaa ni harevaka e rima e ttuu aareha te vai naa, e hakammaru ai naa tama e nnoho i te kina te vai naa. 3Tammaki naa tama e mmaki e mmoe iloto naa harevaka naa, naa tama e ppuni naa karamata laatou, naa tama see lavaa te sassare, aa naa tama e mmate naa haitino laatou. [Laatou e mmoe ka ttari ki mannuutia te vai naa. 4Teenaa ko te ssao te ensol TeAriki e sepu mai ki loto te vai raa ka mannuu ai te vai. Ttama mua i laatou ma ki sepu ki loto te vai e mannuu naa ma ki taukareka no marooroo.] 5Teelaa se tanata e moe i te kina naa. Ttama naa ni maki ana setau e matatoru maa varu. 6Jesus ni kite iaa ia e moe i te kina naa, no iloa maa tana maki raa ku rooroa. Teenaa ki vanaake Jesus kiaa ia, \"Koe e hiihai maa koe ki marooroo?\"\n7Ttanata raa ki mee ake, \"TeAriki. See hai tama e noho ki au no saaua nau ki loto te vai nei i naa saaita te vai nei e mannuutia. Aku saaita maraa e haaite ki ttoro ki te vai raa, aaraa tama kunaa ttae are. Nau maraa e sukumuri lokoi.\"\n8Teenaa ki mee ake Jesus, \"Masike no ppiki oo moelana naa aa koe ku sasare.\" 9Te tanata naa ni marooroo lokoi i te saaita naa, teenaa ki masike ia no too ana moelana raa no sare.\nNaa vana nei ni mee i te aso te Sabat. 10Teenaa ki mee ake naa hakamau naa Jew raa ki te tanata naa, \"Teenei te aso te Sabat. See hai tama e lavaa te ssau ana moelana raa i te aso te Sabat, i te mee naa e sara i naa Loo taatou.\"+\n11Te tanata raa ki mee ake, \"Ttama ni au no haia nau no marooroo raa ni vana mai ma ki too aku moelana raa aa nau ku sasare.\"\n12Teenaa ki vasiri ake laatou, \"Ko ai ttama ni vanaatu ma ki mee koe peenei?\"\n13Tevana iaa te tanata naa ni see iloa maa Jesus ko ai, i te aa, te kina naa ni kkapi te tama, aa Jesus ni hakasee koi no hano ki taha.\n14Kimuri raa, Jesus ni lave i te tanata naa i te Hare Tapu no mee ake, \"Hakannoo, koe raa ku taukareka. Koe ku kaaoti te ppena naa haisara, ki see ssura ni vana hakallika kiaa koe.\"\n15Teenaa ki hano te tanata naa no mee ake ki naa hakamau naa Jew raa maa ia ni haia Jesus no marooroo. 16Teenaa ki kaamata naa Jew raa te hai haaeo ina laatou Jesus, i aa ia ni haia a ia te tanata raa no marooroo i te aso te Sabat. 17Jesus ki mee ake ki laatou, \"Taku Tamana raa e heheuna i naa aso hakkaatoa, aa teenei nau hoki ki heheuna.\"\n18Teenei ko naa taratara ni hakkoro naa hakamau naa Jew raa ki lellere ki taia Jesus ki mate. Laatou see mee koi maa ia ni hakasara naa Loo te Sabat. Laatou e mee hoki i aa ia ni taratara maa TeAtua ko tana tino Tamana, teenaa a ia ku mee maa laaua ma TeAtua e hakatau peellaa.\nNaa mahi te Tama TeAtua\n19Teenaa ki mee ake Jesus, \"Nau e taratara atu maaoni. Te Tama TeAtua raa see lavaa te mee ana vana soko ia. A ia e mee koi ana vana e kkite tana Tamana e mee. Se aa tana Tamana e mee, tana Tama e mee hoki. 20Te Tamana e manava laaoi i tana tama, aa e huri ake kiaa ia ana vana hakkaatoa e mee. Kootou ma ki oho i ana vana ma ki huri ake raa ma ki ttoe iaa i naa vana nei. 21Te Tamana e hakamasike no hakaora te mate. Peelaa hoki, tana Tama raa e hakaora ana tama e hiri. 22Te Tamana tana tino see hakatonutonu naa tama. A Ia ku oti te kauake te taukareka raa ki tana Tama ki hakatonutonu te henua. 23A Ia e hiihai maa te henua ki hakanau i tana Tama pee ko naa hakanau laatou i te Tamana. Ttama see hakanau i tana Tama raa, a ia see hakanau i te Tamana, i te aa, te Tama raa ni heunatia mai te Tamana.\n24\"Nau e taratara atu maaoni. Naa tama e llono i aku taratara no hakannoo ki te Tama ni heuna ma ki au nau raa, naa tama raa ma ki too te ora e ora hakaoti. TeAtua ma ki see hakatonutonu naa tama naa, i laatou ku oti te hakahiti naa mahi te mate no too te ora. 25Nau e taratara atu maaoni. Ssao raa ma ki tae mai, aa teenei ku oti te tae mai, teenaa ko te ssao te mate raa ma ki llono i te reo te Tama TeAtua. Naa tama e llono raa ma ki ora. 26Te ora maaoni raa, teenaa se ora e takoto i te Tamana. Peelaa hoki, te ora maaoni naa ku takoto ma se ora tana Tama, i te ora naa ni kauake TeAtua kiaa ia. 27TeAtua Tamana ni hakanoho tana Tama ki hakatonutonu, i aa ia ko te Tama te Henua. 28Kootou see oho i te taratara nei. Ssao raa ma ki tae mai, teenaa naa tama hakkaatoa ni mmate raa ma ki llono i tana reo. 29Laatou ma ki massike hakkaatoa i naa taaruma laatou. Naa tama ni sosorina taukalleka raa ma ki massike no ora, aa naa tama e sosorina hakallika iaa ma ki massike no hakallono isu.+\nJesus, te Tama TeAtua\n30\"Nau see lavaa te hai aku vana soko nau. Nau e hakatonutonu te henua ki naa taratara e kaumai TeAtua, teenei e ttonu ai aku heuna. I te aa, nau see haaite ma ki mee aku vana e fiffai. Nau e haia koi nau naa vana te tama ni heuna ma ki au nau e hiihai.\n31\"Ki mee nau e hakaea ki te henua i aku tiputipu soko nau, te henua ma ki hainattaa te hakannoo ki aku taratara. 32Tevana iaa e mee te Tama e hakaea ki te henua i aku tiputipu. Nau e iloa maa ana taratara e mee iaa nau raa ni taratara maaoni. 33Kootou ni heuna naa tama kootou raa ki oo no vasiria John iaa nau, teenaa ki kauatu John te hakamaaoni.+ 34Nau see mee ma nau e hiihai ma se tama ki hakaea i aku tiputipu. Seai. Nau e kauatu naa taratara nei ki hakassaoria naa ora kootou. 35John ni tuu ma se lamu e ura no maasina. Kootou ni fiaffia i te maasina naa i te tamaa saaita. 36Tevana iaa, e mee telaa vana ma ki ttoe are i naa taratara John ni hakaea iaa nau. Teenaa ko naa heuna taku Tamana e heunatia a nau. Nau ma ki ilotia maa nau ni heunatia mai TeAtua i ana heuna e haia a nau nei. 37Taku Tamana ni heuna ma ki au nau raa e hakaea hoki i aku tiputipu. Kootou seki llono i tana reo ka kkite i ana karamata.+ 38Ana taratara raa see toa kootou ki takkoto iloto naa hatumanava kootou, i kootou see hakannoo ki tana Tama ni kkave mai ki te maarama nei. 39Kootou e tokatoka peenaa i te Laupepa Tapu, i kootou e mannatu maa te ora e ora maaoni raa ma ki laavea kootou i naa taratara naa. Naa taratara e takkoto iloto te Laupepa Tapu raa e taratara iaa nau. 40Tevana iaa kootou see fiffai ma kootou e oomai kiaa nau no too te ora.\n41\"Nau see ssee naa ahu naa tama te maarama nei. 42Nau e iloa i naa tiputtipu kootou, aa nau hoki e iloa maa te manava laaoi TeAtua see takoto iloto naa manava kootou. 43Nau ni kaavea mai i te hiihai taku Tamana, tevana iaa kootou ni see fiffai kiaa nau. Iaa ki mee se tama e au i tana tino hiihai raa, teenaa kootou ma ki fiffai kiaa ia. 44Kootou fiffai iloo i naa hakanau kootou ki kootou soko kootou, tevana iaa kootou see illoa te hakamakkii ki hakanau TeAtua i kootou. Kootou ma ki lavaa te hakannoo peehea iaa nau? 45Kootou see mannatu ma ko nau nei ma ki kauake naa haaeo kootou ki TeAtua. Seai. Teenaa ko Moses, ttama e taaohi manava ai kootou, a ia naa ma ki kauake naa haaeo kootou ki TeAtua. 46Ki mee kootou ni hakannoo maaoni ki Moses, kootou ni hakannoo hoki kiaa nau, i aa ia naa ni sissii i aku tiputipu. 47I kootou see hakannoo ki ana taratara ni sissii, kootou ma ki hakannoo peehea ki aku taratara e kauatu nei?\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/John\/5\/","date":"2018-09-25T03:55:34Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160923.61\/warc\/CC-MAIN-20180925024239-20180925044639-00371.warc.gz","language":"nho","language_score":1.0000033379,"language_script":"Latn","minhash_cluster_size":5,"top_langs":"{\"nho_Latn_score\": 1.0000033378601074}","num_words":1580,"character_repetition_ratio":0.055,"word_repetition_ratio":0.0,"special_characters_ratio":0.241,"stopwords_ratio":0.559,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 24\nJesus e taratara i te Hare Tapu raa ma ki seua\n1Te saaita Jesus ni uru mai ki taha te Hare Tapu raa, ana disaipol raa ki hakanau ake i naa tiputtipu naa hare i te kina naa. 2Jesus ki mee ake, \"Kootou e kkite naa hare nei hakkaatoa? Nau e vanaatu ki kootou: Seai iloo se hatu ma ki tiiake ki moe i tana kina; naa hatu naa katoo ma ki seua mai ki laro.\"\nTe saaita naa haaeo raa ma ki ttae mai\n3Te saaita Jesus ni nnoho i aruna te Mouna naa Oliv raa, ana disaipol raa ni oo ake soko laatou no vasiri seemuu ki Jesus, \"Taratara mai ki illoa maatou i te saaita naa vana nei ma ki ssura, aa ma maatou ma ki illoa peehea maa naa vana nei ku saaita koi?\"\n4Jesus ki mee ake, \"Kootou ki roorosi hakaraaoi iloo ki see oo atu ni tama no hakarereesia kootou. 5E tammaki naa tama ma ki oo atu no mee maa laatou ko nau; te tama koi e hai maa ia ko te Mesaea, teenaa te lopo tama ma ki hakarereesia laatou. 6Te saaita kootou e llono i naa tau i naa henua e mmao ma naa henua e tauppiri mai, kootou see mattaku; naa vana peenaa ma ki ssura i mua. Tevana iaa see mee maa te hakaoti te maarama nei ku taupiri. 7Naa henua ma ki hetaa ki laatou, aa naa nohorana ma ki hetaa ki laatou. Te henua ma ki mmate i te hiikkai, aa te mahuke raa e ue peenaa i naa kina hakkaatoa. 8Teenei ko te kaamata naa haaeo e llasi koi oomai are.\n9\"Kootou naa ma ki karapusina; kootou ma ki mee pakavaina no taaia ki mmate. Naa tama naa kanohenua katoo ma ki lotoffaaeo i kootou, teenaa i kootou ni tama e ttaka ma nau.+ 10Turaa tama iloo te lotu ma ki ffuri naa manava laatou no see hakannoo ki naa taratara TeAtua; naa tama naa ma ki ffao naa vana tippua laatou i aaraa tama, aa ma ki lotoffaaeo i telaa tama. 11Teenaa te lopo pure hakalellesi ma ki hakassura iho no hakarereesia te lopo tama. 12Te tiputipu e hakallika raa ma ki hanake no lasi iloo, aa te manava laaoi ni ttaka ma te lopo tama naa ma ki hano koi no seai. 13Tevana iaa naa tama e tauhia laatou aku taratara no tae ki te hakaoti ana raa ma ki hakassaoria TeAtua.+ 14Teenaa naa tama te lotu raa ma ki hakaea te Lono Taukareka i te Nohorana te Lani i naa kina katoo iloto te maarama nei, ki llono naa kanohenua hakkaatoa aa laatou ku lotu, aa teenaa ko te saaita te hakaoti ana te maarama nei ku pakuu iho.\nTe mee hakamataku e seu henua\n15\"Kootou ma ki kkite 'te mee hakamataku e seu henua' teelaa ni tarataraina Daniel te pure TeAtua. Te mee naa ma ki tuu mai i te kina e tapu.\" (Te tama e ppau naa taratara nei ki hakataakoto hakaraaoi iloo ki iloa ia i te mee nei!)+ 16Teenaa naa tama e nnoho iloto Judea raa ki ffuro no mmuni i naa mouna vaaroto. 17Te tama e noho i te taffuu tana hare raa ma ki see hai saaita ki tere ki loto tana hare no too ake ana hekau. 18Te tama e heheuna i ana tori raa ki see ahe no too ake tana kkahu.+ 19Naa aso naa ma ki hakallika iloo i naa tinae ma naa haahine e anaana naa tamalliki laatou koi punaammea! 20Kootou taku ki TeAtua ki see ssura naa vana nei i te ssao te laki aa i se aso te Sabat! 21E kaamata mai iloo i te saaita TeAtua ni penapena te kerekere nei no tae mai ki te ssao nei, see hai haaeo e tae ki naa haaeo teelaa ma ki ssura i naa aso naa. Aa see hai haaeo hoki ma ki ssura peenaa i muri.+ 22Tevana iaa te kooina naa aso naa haaeo naa ni tukua iho TeAtua ki laro; ki mee ma Ia ni see mee tana vana naa raa, see hai tama ma ki ora. Te kooina naa aso naa ni tosia mai a Ia ki see tammaki i aa Ia e mee ki ora ana tama ni hakamaattino.\n23\"Ki mee maa se tama e mee atu, 'Ttoka mai, teenei te Mesaea!' ka mee atu hoki peelaa, 'Ttoka atu, teelaa ia!' Kootou see hakannoo atu. 24I te aa, e mee naa Mesaea hakalellesi ma naa pure hakalellesi ma ki hakassura atu iloto kootou. Naa tama naa ma ki ppena te lopo vana nnui ka hakassura te kau mirakol ki hurisia naa manava naa tama iloo TeAtua ni hiri, tevana iaa naa tama naa ma ki hai no naennae. 25Kootou hakannoo hakaraaoi iloo! Nau nei ku oti te hakaapo atu hakaoti, i te ssao naa seki pakuu mai are.\n26\"Ki mee ni tama e taratara atu peelaa, 'Ttoka atu, a Ia ku noho iloto mouku!', kootou see oo atu ki te kina naa; aa ki mee maa laatou e mee atu, 'Ttoka mai, teenei a Ia e mmuni i te kina nei!', kootou see hakannoo atu. 27I te aa, Ttama te Henua raa ma ki au pee ko naa llama te uila raa i te lani, e kaamata i te anake no hakasopo i te laki.+\n28\"I naa kina te haitino te tama e mate e moe raa, teenaa naa manu kaittama raa ma ki neva vaaruna.+\nTtama te Henua raa ma ki au\n29\"I muri naa haaeo naa raa, te laa raa ma ki hano no poouri, te marama raa ma ki see tii, naa hetuu ma ki maaoha mai i te lani, aa naa mee haimmahi i te lani ma ki uettia no see ttaka tonu ki naa kina laatou.+ 30I te saaita naa, te hakailoa te Tama te Henua raa ma ki hakasura ake i te lani, teenaa naa tama hakkaatoa i te maarama nei ma ki ttani i naa ttoka laatou i naa au te Tama te Henua vaaruna naa uruaoa te lani ma naa mahi TeAtua.+ 31Te puu e lasi raa ma ki tani, teenaa a Ia ma ki heunatia a Ia ana ensol raa ki oo ki naa henua hakkaatoa i te kerekere nei no hakkutu iho ana tama hakkaatoa ni hakamaattino i te maarama nei.\nKootou mmata i naa somo te laakau 'fig'\n32\"Kootou hakatuu ake i naa somo te laakau 'fig'. Saaita naa laa te laakau naa e kaamata te mattiri ake ana lau raa, kootou e illoa maa te ssao te ua raa ku taupiri. 33Saaita kootou ku kkite i naa hakassura iho naa vana nei, kootou ku illoa maa te Tama te Henua ku taupiri koi ki au. 34Nau e kauatu te taratara maaoni nei: Saaita naa vana nei katoo ma ki ssura raa, naa tama koi ora i te saaita nei seki mmate are. 35Te lani ma te kerekere ma ki oti ku seai; aku taratara raa iaa ma ki takkoto no takkoto hakaoti.\nSee hai tama e iloa i te ssao Ttama te Henua ma ki au\n36\"See hai tama e illoa ma teelaa ko te aso hea aa ma te saaita hea naa vana nei ma ki ssura. Naa ensol te lani raa iloo see illoa, aa te Ttama TeAtua raa hoki see iloa; te Tamana raa koi e iloa. 37Te ssao te Tama te Henua ma ki au raa ma ki mee ma ko te ssao Noah.+ 38I te ssao Noah raa, te henua ni nnoho koi no kkai ka unu, aa naa taanata ma naa haahine raa e aavanavvana no tae iloo ki te aso Noah ni kake ki loto te vaka e lasi. 39Naa tama naa hakkaatoa ni see illoa ma se aa ma ki mee, teenaa no taea ake iloo laatou te ttai ni hakaffuta raa no mallemo laatou.\n\"Te ssao te Tama te Henua ma ki au raa ma ki tiputipu peenaa.+ 40Te takarua taanata ma ki heheuna hakapaa i naa verena laaua: te tanata tokotasi ma ki toa, aa telaa tanata ma ki tiiake ka noho. 41Te takarua haahine ma ki haikai hakapaa: te ffine tokotasi ma ki toa, aa telaa ffine ma ki tiiake ka noho.\n42\"Kootou nnoho tanattana, i kootou see illoa i te aso TeAriki kootou raa ma ki au. 43Ki mee te tama e mee tana hare raa ni iloa i te ssao te tama kailaarao raa ma ki uru ake raa, a ia ni see lavaa te tiiake tana hare raa ki vaasia.\n44\"Teenaa kootou hoki ki nnoho tanattana, i te Tama te Henua raa ma ki hakasura iho i te ssao kootou e nnoho see illoa atu kiaa Ia.+\nTe parapol i naa poe e lua\n45\"Te poe e atamai aa e lono te taratara raa, teenaa ko te tama ni tukua tana hakamau raa ki roorosi naa mee i tana hare. A ia naa e tukua hoki ki vaevae ake naa tuuhana kaikai aaraa poe te hakamau raa i naa aso laatou e tukua ki too kaikai. 46Te poe naa ma ki hiahia iloo ki mee maa tana hakamau raa e au ki hare no kite i ana vana e mee naa! 47Maaoni iloo, nau e vanaatu ki kootou: te poe naa ma ki tukua tana hakamau raa ki roorosi i ana hare ma ana kerekere hakkaatoa.\n48\"Aa ki mee maa teenaa se poe e hakallika, a ia ma ki noho no maanatu maa tana hakamau raa ma ki hakatuai, 49teenaa a ia ma ki huri no taaia a ia aaraa poe te hakamau laatou, aa a ia hoki ma ki sare unu peenaa ma naa tama e unu sara. 50Teenaa te hakamau raa ma ki ahe ake i te aso tana poe naa ku see iloa atu kiaa ia. 51Te hakamau raa ma ki mee pakavaina a ia te poe naa no kerekereia ki hano no hakallono isu ma naa tama e kaikailua. Teenaa ko te kina naa tama naa ma ki ttani ka kakarati naa niho laatou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/24\/","date":"2018-09-22T05:48:54Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158045.57\/warc\/CC-MAIN-20180922044853-20180922065253-00541.warc.gz","language":"nho","language_score":1.0000053644,"language_script":"Latn","minhash_cluster_size":4,"top_langs":"{\"nho_Latn_score\": 1.0000053644180298}","num_words":1748,"character_repetition_ratio":0.064,"word_repetition_ratio":0.003,"special_characters_ratio":0.242,"stopwords_ratio":0.557,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 28\nJesus e hakamasikeria i te mate\n1I te saaita te aso te Sabat ni laka raa, Mary Magdalene laaua ma telaa ffine e ttapa hoki ma ko Mary raa ni oo no asi ki te kava. 2Te mahuke e lasi raa ni hakateki no rue i te saaita naa lokoi; teenaa te ensol TeAtua raa ni au i te lani no hakatipe iloo te hatu e ppui i te mata te kava raa hakavasi no noho ia i aruna. 3Te ensol naa ni hakasura ake pee ko naa kkemo te uila, aa ana hekau e hakao raa e makkini hua iloo. 4Naa soldia e roorosi i te kava naa ni ppore i naa mattaku laatou, teenaa naa tama naa ni mmoe pee ko naa tama ku mmate.\n5Te ensol raa ki mee ake ki naa haahine: \"Koorua see mattaku. Nau e iloa i koorua e ssee i Jesus, te tama ni tuukia ki te kros. 6Ttama naa ku see moe i te kina nei; ttama naa ku oti te hakamasikeria i te mate, e mee pee ko Ia ni taratara. Koorua uru mai no mmata i tana kina ni moe. 7Aa koorua oo hakavave i te saaita nei lokoi no taratara ake peelaa ki ana disaipol, 'Jesus ku oti te hakamasikeria i te mate. A Ia ku hano ki Galilee imua kootou; kootou ma ki llave iaa Ia i te kina naa!' Hakamaarona lokoi ki aku taratara ni kauatu nei.\"\n8Te takarua naa ni mee ma e mattaku, tevana iaa laaua ni fiaffia iloo i te vana laaua ni kkite naa. Teenaa massike iloo te takarua haahine naa i te kava no ffuro ki oo no taratara ake ki ana disaipol.\n9Ttakarua naa ni hakatekia i Jesus ku tuu ake imua laaua; Jesus ki mee ake, \"Te aso taukareka.\" Ttakarua naa ni oo atu kiaa Ia no taaohi iloo ki ana vae no lotu kiaa Ia. 10Jesus ki mee ake, \"Koorua see mattaku. Koorua oo no taratara ake ki aku taaina raa ki oo ki Galilee; nau ma ki mmata i laatou i te kina naa.\"\nNaa taratara naa soldia ni roorosi i te kava\n11I te saaita naa haahine naa ni ffuro ka oo raa, aaraa soldia teelaa ni roorosi i te kava raa ni ahe ki Jerusalem no taratara ake ki naa maatua hakamaatua raa i naa vana ni mee i-te kava. 12Teenaa ki kkutu naa maatua hakamaatua ma naa tama hakamaatua naa Jew raa no taratara i te vana laatou ki mee; naa tama naa ni kauake te hui te mane ki naa soldia raa 13no taratara ake peelaa, \"Kootou oo no hakatere te lono raa maa naa disaipol Jesus raa ni oo atu i te poo no huuina tana haitino i te saaita kootou ni mmoe mannuu. 14Ki mee maa te taratara nei e tae ki Pilate, kootou see mannatu, maatou ma ki taratara ake i kootou e taratara maaoni.\"\n15Naa soldia raa ni too naa mane naa no mee iloo laatou vana naa. Aa teenaa ko te taratara e tere vaaroto naa Jew no tae mai ki te aso nei.\nJesus ku hakasura ake ki ana disaipol\n16Te sinahuru maa ttama tokotasi i naa disaipol Jesus raa ni oo ki te tamaa mouna i Galilee Jesus ni taratara ake ki laatou.+ 17I te saaita naa tama naa ni kkite i Jesus raa, laatou ni ffuri katoo no lotu kiaa Ia, niaaina maa aaraa tama i laatou ni mamannatu tammaki. 18Jesus ni hakkuu atu ki laatou no mee ake, \"Naa mahi katoo i te lani ma te kerekere nei ku oti katoo te uiia mai TeAtua kiaa nau. 19Kootou oo ki naa kanohenua katoo iloto te maarama nei no hurisia naa manava naa tama naa ki tautari mai laatou kiaa nau. Hakaukau tapuria naa tama naa iloto te inoa te Tamana, te Tama TeAtua, aa iloto naa mahi TeAitu Tapu.+ 20Kootou akonaki atu naa tama naa ki illoa i aku taratara hakkaatoa ni kauatu. Teenaa nau ma ki ttaka hakapaa taatou no tae iloo ki te hakaoti te maarama nei.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/28\/","date":"2018-09-26T05:05:20Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267163326.85\/warc\/CC-MAIN-20180926041849-20180926062249-00105.warc.gz","language":"nho","language_score":0.9999740124,"language_script":"Latn","minhash_cluster_size":2,"top_langs":"{\"nho_Latn_score\": 0.9999740123748779}","num_words":756,"character_repetition_ratio":0.064,"word_repetition_ratio":0.0,"special_characters_ratio":0.228,"stopwords_ratio":0.519,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 17\nNaa mahi TeAtua e hakatii maarama mai i te haitino Jesus\n1Naa aso e ono ku oti te llaka raa, Jesus ni toa a Ia Peter laatou ma James aa ko John, ka oo laatou ki aruna te mouna e moe ki aruna no nnoho soko laatou.+ 2Naa disaipol raa ni ttoka atu no kkite i naa huri te haitino Jesus: tana taurae ni maasina pee ko te laa, aa ana hekau e hakao raa ni kkiva no makkini hua. 3Teenaa kkite iloo te takatoru disaipol naa i naa hakassura ake Moses ma Elijah no ttuu ka hai taratara ma Jesus. 4Peter ki mee ake ki Jesus, \"TeAriki, e taukareka iloo i maatou e nnoho i te kina nei! Ki mee koe e hiihai, nau ku hakatuu ni tamaa hare e toru i te kina nei; too hare, te hare Moses, aa se hare ma Elijah.\"\n5I te saaita Peter koi taratara raa, te uruaoa e maasina raa ku uhi ake i aruna laatou, teenaa taratara mai iloo te reo raa iloto te uruaoa, \"Teenei taku Tama e llee ai taku manava. Kootou hakannoo atu kiaa Ia!\"+\n6Te saaita naa disaipol raa ni llono i te reo naa raa, naa tama naa ni mattaku ka ppesi naa haitino laatou no mmoe ki te kerekere i laro. 7Jesus ni hanatu no paa tana rima i laatou no mee ake, \"Massike ki aruna, kootou see mattaku.\" 8Naa disaipol naa ni ttoka atu raa nei, teelaa ko Jesus soko Ia raa ku tuu ake.\n9I te saaita laatou ni ahe ki laro te mouna raa, Jesus ki mee ake, \"Kootou see hakaea ake ki se tama i te mee kootou ni kkite nei; kootou ttari ki te saaita te Tama te Henua raa ku oti te hakamasikeria mai i te mate.\"\n10Naa disaipol raa ki vasiri ake ki Jesus, \"Ai naa tisa naa Loo TeAtua raa e taratara ai maa Elijah ki au are i mua te Mesaea?\"+\n11Jesus ki mee ake, \"Elijah ma ki hakasura mai maaoni i mua no hakattonu hakaoti naa mee hakkaatoa. 12Tevana iaa nau e vanaatu ki kootou: Elijah ku oti te hakasura iho, teenaa te henua ni ffuri atu no mee pakavaina laatou te tama naa. Te Tama te Henua raa ma ki mee pakavaina laatou peenaa hoki.\"+\n13Teenaa ki illoa naa disaipol raa maa Jesus e taratara i John te Baptis.\nTe tamariki tanata e uruhia te tipua e haia Jesus no taukareka\n14I te saaita Jesus ma ttakatoru naa ni ttae atu ki naa tama raa i laro te mouna raa, te tanata tokotasi ni hanake no tuu ki ana turi imua Jesus no mee ake, 15\"TeAriki, aroha i taku tamariki tanata! Taku tama nei maraa ki oti ku sura te vvare iaa ia, teenaa i te saaita te mee naa maraa e tae ake raa, a ia maraa e ppore no sina ki loto se ahi, aa seai ki loto ttai. 16Ttama nei ni toa a nau ki mmata oo disaipol raa iaa ia, tevana iaa te tama nei ni see lavaa laatou te haia no taukareka.\"\n17Jesus ki mee ake, \"Ai kootou ni tama e aa ku see illoa te lotu ka sosorina hakallika! E aa? Teenei se ssao huapotopoto taatou ni ttaka hakapaa ka tokonaki nau ki kootou? Toomai te tamariki tanata naa!\" 18Jesus ni varo atu ki te tipua naa no hakataha lokoi te tipua raa i te tama naa, teenaa taukareka lokoi te tamariki tanata naa.\n19Teenaa ooatu iloo naa disaipol raa no vasiri seemuu ake ki Jesus, \"Te tipua hakallika naa ni see lavaa peehea maatou te hanaa?\"\n20Jesus ki mee ake, \"Te tipua naa ni see lavaa kootou te hanaa i kootou see lotu maaoni. Nau e kauatu te taratara maaoni nei: Ki mee maa naa hakataakoto kootou iaa nau e punaamea koi pee ko te hua laakau te mastat raa, kootou e lavaa te mee ake ki te tamaa mouna nei, 'Tosi atu no tuu mai i te kina raa!' teenaa te mouna naa ma ki tosi. See hai mee ma ki hainattaa i kootou!\"+ 21[Naa vana peenei ma ki lavaa te haia kootou ki mee koi kootou e hakapakuu no taku ki TeAtua; see hai ara peelaa hoki.]\nJesus ku taratara hoki i tana mate\n22Te saaita naa disaipol raa ni oo ake no kkutu katoo i Galilee raa, Jesus ki mee ake ki laatou, \"Te Tama te Henua raa ku mee ki hookina ki naa rima naa tama e hakallika 23no mate. Tevana iaa i te ttoru naa aso raa, ttama naa ma ki hakamasikeria i te mate no ora hoki.\"\nTeenaa naa disaipol raa ni alloha iloo iaa Ia.\nJesus e taratara i naa takis te Hare Tapu\n24I te saaita Jesus ma ana disaipol ni ttae ake ki Capernaum raa, naa tama maraa e ao naa takis te Hare Tapu raa ni oo ake ki Peter no vasiri ake, \"Te tisa kootou naa maraa e pesi hoki naa takis te Hare Tapu?\"+\n25Peter ki mee ake, \"Uee.\"\nI te saaita Peter ni uru atu ki loto te hare raa, Jesus ki mee ake, \"Koe e maanatu maa ko ai naa tama ki pesi takis ki naa tuku i te maarama nei? Naa tama i te henua naa? Seai? Naa tama naa henua sara?\"\n26Peter ki mee ake, \"Naa tama are i naa henua sara.\"\nTeenaa ki mee ake Jesus, \"Aa teenaa, naa tino tama te henua naa see tau te pesi takis. 27Tevana iaa taatou see fiffai maa naa tama naa ki lloto i taatou. Tere no pesi se uka ki loto te namo, aa i too ika mua e ffuti raa, koe ma ki kite te mane raa e mmau i tana pukua, teenaa te mane naa e tau te sui naa takis taaua maa te Hare Tapu. Too te mane naa aa koe ku hano no pesi naa takis taaua.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/17\/","date":"2018-09-21T23:41:07Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267157574.27\/warc\/CC-MAIN-20180921225800-20180922010200-00233.warc.gz","language":"nho","language_score":0.9999860525,"language_script":"Latn","minhash_cluster_size":2,"top_langs":"{\"nho_Latn_score\": 0.9999860525131226}","num_words":1061,"character_repetition_ratio":0.065,"word_repetition_ratio":0.0,"special_characters_ratio":0.239,"stopwords_ratio":0.511,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MARK 13\nJesus e taratara i te saaita te Hare Tapu raa ma ki seua\n1Te saaita Jesus ni uru mai ki taha te Hare Tapu TeAtua raa, tana disaipol tokotasi ki mee ake peelaa kiaa Ia, \"Tisa nei, ttoka atu i naa tiputtipu taukalleka naa hare naa ma naa hatu teelaa e ppena ai naa hare naa!\"\n2Jesus ki mee ake, \"Koe e kkite i naa hui hare nei? Seai iloo se hatu ma ki tiiake ki moe i tana kina; naa hatu naa hakkaatoa ma ki seua mai ki laro.\"\nTe saaita te haaeo raa ma ki tae mai\n3Jesus ni noho i aruna te Mouna naa Oliv te vasi e huri ake ki te Hare Tapu. Teenaa oo ake iloo Peter, James, John aa ko Andrew no vasiri seemuu kiaa Ia, 4\"Te tisa nei, naa vana nei ma ki ssura i te saaita hea? Aa maatou ma ki illoa peehea maa naa vana nei ku saaita koi?\"\n5Jesus ki mee ake ki laatou, \"Roorosi hakaraaoi iloo, ki see hanatu se tama no hakarereesia kootou. 6E tammaki naa tama ma ki hakalellesi maa laatou ko nau, ma ki ssura atu no taratara peelaa, 'Nau nei ko te Mesaea!' aa te lopo tama ma ki hakannoo ki naa tama naa. 7Aa kootou ki see ssopo naa manava kootou i naa llono kootou naa henua e tau aa i naa ffuro atu naa lono maa ni tau e mee mai i naa henua e mmao. Naa vana peenaa ma ki oti ku ssura, tevana iaa see mee maa te hakaoti te maarama nei ku tae mai. 8Naa henua e llasi ma ki tau ki laatou, aa naa nohorana ma ki hetaa ki laatou. Naa mahuke ma ki ruu i naa kina katoo, aa naa henua ma ki llave i naa one. Naa haaeo nei ko naa mataamua raa koi, e mee pee ko te tinae e kkono ki haanau.\n9\"Kootou ki roorosi hakaraaoi. Kootou ma ki tauhia no taakina ki naa hare koti. Kootou ma ki taaia iloto naa hare lotu naa Jew. Kootou ma ki toa no hakatuuria imua naa hakamau aa ma naa tuku i kootou e tautari kiaa nau, aa teenaa te saaita kootou ku hakaea ake te Lono Taukareka. 10Teenaa te Lono Taukareka raa ki tarataraina ki naa kanohenua hakkaatoa imua te hakaoti te maarama nei. 11Aa te saaita kootou e tauhia no taakina ki te koti raa, kootou see ssopo naa manava kootou ma kootou ma ki taratara peehea ki hakattonu kootou. Taratara ina koi naa taratara teelaa e kauatu, i teenaa seai ko koe naa ma ki taratara, teelaa are ko TeAitu Tapu TeAtua.+ 12Naa tama ma ki hookii naa tino taaina laatou ki taaia ki mmate. Naa tammana ma ki mee peenaa hoki ki naa tamalliki laatou. Naa tamalliki ma ki ffuri no hakatauttau ma naa maatua laatou, aa ki oti ku kauake naa maatua laatou raa ki naa tama ki taaia ki mmate. 13Te henua hakkaatoa ma ki lotoffaaeo i kootou, i kootou e tautari i aa nau. Tevana iaa te tama e hakataakoto tonu i aa nau no tae ki te hakaoti te maarama nei raa, te tama naa ma ki hakasaoria.+\nTe mee hakamataku e seu henua\n14\"Kootou ma ki kkite te mee hakamataku e seu henua e tuu i tana kina see tau te tuu. Ttama e ppau naa mee nei ki hakataakoto hakaraaoi iloo ki iloa ia te mee nei. Te saaita naa raa, naa tama i Judea raa ki ffuro no mmuni i naa mouna vaaroto.+ 15Te tama e noho i te taffuu tana hare raa ma ki see hai saaita ki tere ki loto tana hare no too ana hekau. 16Te tama e noho iloto tana verena raa ma ki see hai saaita ki ahe ki tana hare no too se kkahu maana.+ 17Naa aso naa ma ki hakallika iloo i naa tinnae ma naa haahine e anaana naa tamalliki laatou koi punaammea. 18Kootou taku ki TeAtua ki see ssura naa vana nei i te ssao te laki. 19E kaamata mai iloo i te saaita TeAtua ni penapena te kerekere nei no tae mai ki te ssao nei, see hai haaeo e tae ki te hakallika naa haaeo teelaa ma ki ssura i naa aso naa. Aa see hai haaeo hoki ma ki ssura peenaa imuri.+ 20Tevana iaa te kooina naa aso naa haaeo naa ni tukua iho TeAtua ki laro; ki mee maa Ia ni see mee tana vana naa raa, ni see hai tama ma ki ora. Te kooina naa aso naa ni tosia mai a Ia ki see tammaki, i aa Ia e mee ki ora ana tama ni hakamaatino.\n21\"Ki mee maa se tama e mee atu, 'Ttoka mai, teenei te Mesaea!' ka mee atu hoki peelaa, 'Ttoka atu, teelaa ia!' kootou see hakannoo atu ki te tama naa. 22I te aa naa Mesaea hakalellesi ma naa pure hakalellesi ma ki hakassura atu iloto kootou. Naa tama naa ma ki ppena te lopo vana nnui ka hakassura te kau vana, teenaa ki hurisia naa manava naa tama TeAtua ni hiri, tevana iaa naa tama naa ma ki hai no naennae. 23Roorosi hakaraaoi iloo! Nau ku oti te hakaari atu hakaoti i naa vana hakkaatoa, imua te ssao naa seki tae mai.\nTe saaita te Tama te Henua ma ki au\n24\"I muri naa haaeo naa raa, te laa raa ma ki poouri, aa te marama raa ma ki see tii.+ 25Naa mee haimmahi i te lani ma ki uettia no see ttaka tonu ki naa kina laatou, aa naa hetuu te lani ma ki maaoha mai ki laro.+ 26I te saaita naa raa, te henua ma ki kkite i naa hakasura mai Ttama te Henua ma ana mahi iloto naa uruaoa.+ 27Teenaa a Ia ma ki heunatia a Ia ana ensol raa ki naa henua hakkaatoa i te kerekere nei no hakkutu mai ana tama ni hiri.\nTe taratara i te laakau 'fig'\n28\"Kootou hakatuu i naa somo te laakau 'fig'. Saaita naa laa te laakau naa e kaamata te matiri ake ana lau raa, kootou e illoa maa te sao te ua raa ku taupiri. 29Saaita kootou ku kkite i naa hakassura iho naa vana nei raa, kootou ku illoa maa te Tama te Henua raa ku taupiri koi ki au. 30Nau e kauatu te taratara maaoni nei: Saaita naa vana nei katoo ma ki ssura raa, naa tama koi ora i te saaita nei seki mmate are. 31Te lani ma te kerekere ma ki oo no oti, aku taratara raa iaa ma ki see lavaa te oti.\nSee hai tama e iloa i te aso aa ma te saaita\n32\"See hai tama e illoa maa teelaa ko te aso hea aa ma te saaita hea naa vana naa ma ki ssura. Naa ensol te lani raa iloo see illoa, aa te Ttama TeAtua raa hoki see iloa; teelaa ko te Tamana raa koi e iloa.+ 33Roorosi hakaraaoi iloo, ka taku ki TeAtua, i te aa i kootou see illoa i te ssao naa vana naa ma ki tae mai. 34E mee pee ko naa masike te hakamau i tana henua no hano ki telaa henua, ka tiiake ana poe raa ki mmata ake ki tana hare. Teenaa naa poe raa e mattino naa heuna laatou e kauake te hakamau laatou naa ki mee, aa te poe e roorosi i te tootoka raa ni hai ake te hakamau raa ki noho lokoi ka roorosi i te tootoka.+ 35Kootou roorosi hakaraaoi iloo, i te aa i kootou see illoa te saaita te tama e mee tana hare raa ma ki ahemai; ttama naa ma ki mee no ahemai i te laasuru, te tuaapoo, te tahaata poo, aa seai ma ko te saaita te laa e sopo. 36Ki mee maa Ia e hakateki no hakasura iho, a Ia ki see ttiri i kootou e mmoe. 37Taku taratara e kauatu ki kootou raa, teenaa nau e kauake ki te henua hakkaatoa: Kootou roorosi hakaraaoi iloo!\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/13\/","date":"2018-09-18T21:06:16Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155702.33\/warc\/CC-MAIN-20180918205149-20180918225149-00518.warc.gz","language":"nho","language_score":1.0000042915,"language_script":"Latn","minhash_cluster_size":2,"top_langs":"{\"nho_Latn_score\": 1.0000042915344238}","num_words":1411,"character_repetition_ratio":0.059,"word_repetition_ratio":0.0,"special_characters_ratio":0.239,"stopwords_ratio":0.546,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 15:4\n4Te saaita te kaavena Paul raa ni ttae ki Jerusalem raa, naa tama te lotu i te kina naa ma naa aposol, aa ma naa tama hakamaatua te lotu raa ni fiaffia ka oo ake no toa laatou hakaraaoi naa tama naa. Teenaa ki hakaea ake Paul ma Barnabas ki naa tama i te kina naa i naa vana TeAtua ni mee iloto naa heuna laaua.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/15\/4","date":"2018-09-20T17:04:20Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156524.34\/warc\/CC-MAIN-20180920155933-20180920180333-00204.warc.gz","language":"nho","language_score":0.6772175431,"language_script":"Latn","minhash_cluster_size":2,"top_langs":"{\"nho_Latn_score\": 0.6772175431251526, \"rar_Latn_score\": 0.037696320563554764, \"sps_Latn_score\": 0.030862517654895782, \"gil_Latn_score\": 0.02145635522902012, \"hif_Latn_score\": 0.01921452395617962, \"wls_Latn_score\": 0.016416208818554878, \"guj_Latn_score\": 0.016378311440348625, \"wol_Latn_score\": 0.010143711231648922}","num_words":148,"character_repetition_ratio":0.075,"word_repetition_ratio":0.0,"special_characters_ratio":0.2,"stopwords_ratio":0.291,"flagged_words_ratio":0.0,"lang_id_score":0.537,"perplexity_score":500.0,"cluster_detection":1} +{"text":"LUKE 4\nJesus e usuhia Satan\n1Jesus ni masike mai i te Riva Jordan ma naa mahi TeAitu Tapu, teenaa taakina iloo a Ia TeAitu Tapu raa ki loto mouku. 2Jesus ni taka i te kina naa ana aso e matahaa, teenaa hanatu iloo Satan no usuusuhia. I naa aso naa hakkaatoa raa, a Ia ni seai ana kaikai ni kai, teenaa a Ia ni lono i tana hiikai i te hakaoti ana naa aso naa.\n3Teenaa ki mee ake Satan peelaa kiaa Ia, \"Ki mee maa koe naa ko te Tama TeAtua, taratara ake ki te hatu nei ki huri no mee ma se haraoa.\"\n4Tevana iaa Jesus ni hakaahe ake peelaa, \"Te Laupepa Tapu raa e taratara peenei, 'Te tama see lavaa te ora i te haraoa koi.'\"+\n5Teenaa Satan ki toa a ia Jesus ki aruna no hakaari ake i te saaita naa lokoi i naa henua hakkaatoa i te maarama nei. 6Satan ki mee ake kiaa Ia, \"Nau ma ki kauatu naa mahi nei aa ma naa henua nei hakkaatoa, i naa nohorana nei ni hookina mai hakkaatoa kiaa nau, aa nau e lavaa te hookii naa mee nei ki taku tama e hiihai maa nau ki kauake. 7Ki mee maa koe e lotu kiaa nau, nau ma ki kauatu naa mee nei hakkaatoa kiaa koe.\"\n8Jesus ki mee ake, \"Te Laupepa Tapu raa e taratara maa, 'Koe ki lotu ki TeAriki too Atua, aa koe ku heheuna koi iaa Ia!'\"+\n9Ki oti raa Satan ku taakina a ia Jesus ki Jerusalem no hakatuuria i te taffuu i aruna hakaoti te Hare Tapu, teenaa ki mee ake, \"Ki mee maa koe ko te Tama TeAtua, koe ku sopo ki laro. 10I te Laupepa Tapu raa e taratara maa, 'TeAtua ma ki mee ake ki ana ensol raa ki saapai atu kiaa koe.'+ 11Te Laupepa Tapu naa e taratara hoki maa, 'Naa tama naa ma ki saapai atu ki see pakkuu oo vae i naa hatu.'\"+\n12Araa Jesus ku mee ake, \"Te Laupepa Tapu raa e mee maa, 'Koe see haaiteria a koe TeAriki too Atua.'\"+\n13Saaita Satan ni oti te usuusuhia a ia Jesus raa, hakataha iloo no ttari, i aa ia ma ki ahe ake i teelaa saaita.\nJesus e akonaki te kanohenua\n14Ki oti raa Jesus ku ahe hoki ki Galilee, teenaa naa mahi TeAitu Tapu raa ni takkoto iaa Ia. Tana lono ni tere vaaroto naa matakaaina naa hakkaatoa. 15A Ia ni akonaki naa tama raa iloto naa hare lotu laatou. Naa tama naa hakkaatoa ni hakannau iaa Ia.\nJesus e hakakkeeina naa tama i Nazareth\n16Jesus ni hano ki Nazareth, tana matakaaina ni matua ai. I te Sabat raa, Jesus ni hano ki te hare lotu, e mee pee ko i-ana hanohano i naa Sabat hakkaatoa. Teenaa a Ia ni uru atu no tuu iloo imua ki ppau naa taratara te Laupepa Tapu. 17Te laupepa Isaiah, te pure TeAtua raa, ni hookina atu kiaa Ia ki ppau. Teenaa a Ia ki taaraki te laupepa e rii naa no lave iloo te kina e sissii peelaa:\n18\"TeAitu Tapu TeAtua raa e takoto iaa nau,+\ni te aa, i aa nau ni hakamaatinoria TeAtua ki hakaea nau te Lono Taukareka raa ki naa tama e nnoho hakaaroha.\nNau ni heunatia mai TeAtua ki hakaea nau ki te henua ki illoa laatou maa naa tama e karapusi raa ma ki oti ku hakassaoria,\naa naa tama e ppuni naa karamata laatou raa ma ki kkite;\nnaa tama e mmaha i te lopo vana hakallika raa ma ki hakattanaria,\n19aa ki luilui ki te henua peelaa maa te ssao TeAriki ki hakasao tana kanohenua raa ku tae iho.\"\n20Ki oti raa Jesus ku ppui te laupepa raa no kauake ki te tama e heheuna i te hare lotu naa, teenaa noho iloo ia ki laro. Naa tama hakkaatoa iloto te hare lotu naa ni nnoho ka ttoka atu kiaa Ia. 21Teenaa ki mee ake Jesus ki laatou, \"Te aso nei raa, naa taratara kootou e llono nei ku ttino.\"\n22Naa tama naa ni taratara hakanau iloo iaa Ia, aa laatou ni oho i te ttonu ana taratara e kauake. Teenaa ki taratara laatou peelaa, \"Teenei seai ko te tama Joseph?\"\n23Teenaa ki mee ake Jesus ki laatou, \"Nau e iloa maa kootou ma ki kaumai te taratara hakasese e mee peelaa, 'Te tokta nei, mee soko kkoe ki marooroo koe!' Kootou ma ki taratara mai hoki maa kootou ni lono maa nau ni hakassura naa mahi TeAtua i Capernaum, teenaa, ki hakasura hoki ni vana peenaa i taku tino henua nei.\" 24Jesus ki mee ake, \"Nau ku kauatu te taratara maaoni nei: see hai pure TeAtua ma ki haia hakaraaoina naa tama i naa tino henua laatou.+\n25\"Hakannoo mai ki taratara atu nau: e maaoni maa ni tammaki iloo naa puruna haahine ni nnoho i Israel i te ssao Elijah, teenaa ko te ssao te vailaa e lasi ni too i ana setau e toru ma te vasi, ka sura te one e hakamataku i naa matakaaina hakkaatoa.+ 26Tevana iaa Elijah ni see heunatia TeAtua ki se tama peelaa i Israel, seai. A ia ni heunatia ki hano ki te puruna ffine tokotasi e noho i Sarafat i te matakaaina Saidon.+\n27\"E tammaki naa tama i Israel ni haia te leprosi i te ssao Elisa; tevana iaa ni see hai tama i laatou ni haia no marooroo, teelaa ko Naaman koi, te tama haka Syria.\"+\n28Te saaita naa tama iloto te hare lotu naa ni llono i naa taratara nei raa, naa tama naa ni lloto iloo. 29Naa tama naa ni masike no taakina iloo laatou Jesus ki taha te matakaaina naa. Te matakaaina naa e tuu i aruna te tamaa mouna. Jesus ni toa laatou ki te tauru te mouna naa, teenaa i laatou e mannatu ma ki peesia te tama naa ki laro i te hakattoo ana. 30Tevana iaa Jesus ni sare koi vaaroto te kuturana naa no hakataha i laatou.\nTe tama e tauria te tipua hakallika\n31Araa Jesus ku hano ki Capernaum, se matakaaina iloto Galilee, no kaamata te akonaki naa tama raa i te aso te Sabat. 32Naa tama naa ni massaro iloo i naa akonaki Jesus naa, i te aa i taana raa ni taratara hakamaatua iloo. +\n33I te saaita naa raa e mee te tama iloto te hare lotu naa e mee tana tipua hakallika iaa ia. Te tama naa ni tanitani varo peelaa, 34\"Jesus, te tama i Nazareth! Koe e aa i maatou? Koe ni au ma ki taaia maatou? Nau e iloa iaa koe: koe naa ko te Tama e Tapu e heunatia mai TeAtua!\"\n35Teenaa ki huri atu Jesus no nutua te tipua naa, \"Ppui too pukua aa koe ku hakataha i te tama naa!\" Te tipua naa ni peesia a ia te tanata naa ki laro ka hakataha i te tama naa. Tevana iaa te tanata naa ni seai tana vana hakallika ni haia a ia.\n36Naa tama naa hakkaatoa ni oho iloo ka taratara soko laatou peelaa, \"Teenei ni taratara peehea e haimahi peenei? Ttama nei e taratara ake hakamaatua ki naa tippua raa, teenaa oo iho lokoi naa tippua raa ki taha.\" 37Naa taratara i naa vana Jesus ni mee raa ni tere vaaroto naa matakaaina naa hakkaatoa.\nJesus e mee te lopo tama e mmaki no malolloo\n38Ki oti raa Jesus ku masike i te hare lotu naa no hano ki te hare Simon. A Ia e hanatu peenaa raa, te hinaona Simon raa e laavea te maki makallii e lasi. Teenaa vanaake iloo naa tama iloto te hare naa kiaa Ia ki haia te ffine raa ki marooroo. 39Jesus ni hano no tuu i te kina te ffine naa e moe raa no nutua a Ia te maki raa ki hakataha, teenaa ki hakataha ai te maki naa. Te ffine naa ni masike lokoi i te saaita naa no kaamata te tattaa naa kaikai naa tama i te hare naa.\n40I te saaita te laa ni suru raa, te henua ni too ake ki Jesus naa tama hakkaatoa teelaa e laavea te kau maki, teenaa Jesus ki hakapiri atu ana rima i aruna laatou no malolloo naa tama naa hakkaatoa. 41Naa tippua hoki ni tau i aaraa tama i laatou ni kerekereia Jesus ki hakattaha, teenaa ki tanitani varo atu naa tippua raa peelaa, \"Koe raa ko te Tama TeAtua.\"\nTevana iaa Jesus ni huri atu no nutua naa tippua naa ki see taratara, i te aa i laatou e iloa maa Ia ko te Mesaea.\nJesus e hakaea te Lono Taukareka iloto naa hare lotu naa Jew\n42I te tahaata te laa aso raa, Jesus ni masike i te taon naa no hano ki te kina see hai tama no noho soko ia. Teenaa ki kaamata te henua te sessee iaa Ia. I te saaita laatou ni llave iaa Ia raa, laatou ni hai atu ki see hakataha Ia i laatou. 43Tevana iaa Jesus ni mee ake peelaa ki laatou, \"Nau ki hakaea te Lono Taukareka i te Nohorana TeAtua raa i aaraa matakaaina hoki, i teenei taku heuna ni heunatia mai TeAtua ki au no mee.\"\n44Teenaa ki sare hakaea Jesus te Lono Taukareka raa i naa hare lotu vaaroto Judea.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/4\/","date":"2018-09-25T00:11:15Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160842.79\/warc\/CC-MAIN-20180924224739-20180925005139-00524.warc.gz","language":"nho","language_score":1.0000061989,"language_script":"Latn","minhash_cluster_size":24,"top_langs":"{\"nho_Latn_score\": 1.0000061988830566}","num_words":1622,"character_repetition_ratio":0.063,"word_repetition_ratio":0.0,"special_characters_ratio":0.236,"stopwords_ratio":0.531,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ROME 3\n1Se aa e taukareka i naa Jew raa i aruna naa tama naa henua sara? Se aa e taukareka i naa Jew e ssere? 2E tammaki te lopo mee e taukalleka e ssura mai i naa Jew. I te kaamata raa, naa taratara TeAtua raa ni kauake ki tauhia naa Jew. 3Niaaina maa ni tama i laatou see hakannoo ki ana taratara naa, TeAtua ma ki tuku koi ki ana taratara ni kauake ki nnoho ma laatou imua. 4Niaaina maa naa tama naa henua hakkaatoa e taratara kailallao, TeAtua ma ki tuku koi ki te taratara maaoni. Te Laupepa Tapu raa e taratara peelaa, \"TeAtua, koe e taratara koi ki te taratara maaoni. See hai tama e tau te hakatonutonu iaa koe.\"+\n5Ki mee te tiputipu see tonu taatou nei e huri ake maa te tiputipu TeAtua raa e tonu, peehea naa taratara taatou maa TeAtua e sara i aa ia e huri mai no haia haaeoina taatou? (Teenei ni taratara taatou, naa tama te maarama nei.) 6Seai iloo! Ki mee te tiputipu TeAtua raa see tonu, a Ia see tau te hakatonutonu naa haisara naa tama te maarama nei.\n7Te mee naa e ssau koi pee ko te tama e maanatu maa, \"Ki mee aku taratara kailaarao raa e hakassaaina te hakamaaoni TeAtua ka hakanau te henua iaa Ia, ai nau iaa e taapaa koi a Ia ma se tama haisara?\" 8Aaraa tama ku oti te ffuri mai no sasaakiria nau i aku taratara e mee nei. Laatou ni mee maa nau e taratara peelaa, \"Taatou ki sosorina hakallika ki sura mai se taukareka.\" Naa tama naa ma ki hakkaitoaina TeAtua ki llono laatou.\nSee hai tama e tonu\n9Kootou e mannatu maa naa sosorina taatou naa Jew raa e ttonu are i naa sosorina naa tama naa henua sara? Seai iloo! Nau ku oti te taratara atu, \"Taatou naa Jew ma naa tama naa henua sara raa e takkoto hakapaa i laro naa mahi te haisara.\" 10Te Laupepa Tapu raa e taratara peelaa, \"See hai tama e tonu. 11See hai tama e atamai, aa see hai tama hoki e lotu maaoni i TeAtua. 12Te henua katoo ku oti te ffuro no hakattaha i TeAtua. Naa tama naa ku masseu huri, i laatou ku see ilotia laatou te ara e tonu. See hai tama ku tautari ki te tiputipu e tonu. Seai iloo se tama tokotasi.+ 13Naa pukua laatou ku mee ma ni taaruma i te kava e ttuu tallaki. Te taratara kailaarao raa e llohi mai peenaa i naa pukua laatou. Naa arero laatou e hai koi te usuusu tama ka tupetupe tama. Naa maaisu naa tama naa e kkaa pee ko naa niho naa kata e kaittama.+ 14Laatou e pukua saakiri ka tuku haaeo ki telaa tama.+ 15Laatou e hakavave lokoi ki taa ni tama ma laatou. 16Laatou e sassare koi ka seua laatou naa kina laatou e oo. 17Laatou see lavaa te mee ki taukalleka te nnoho laatou ma aaraa tama.+ 18Laatou hoki see illoa te mattaku i TeAtua.\"+\n19Taatou nei ku illoa maa naa taratara te Loo raa e kaumai ki tautari naa tama e takkoto i laro te Loo. I te ara nei raa, see hai tama ma ki oti ku taratara maa ia see iloa. Taatou hakkaatoa e mee naa haisara taatou i naa karamata TeAtua. 20See hai tama e lavaa te hakatonu tana ora imua naa karamata TeAtua ki mee a ia e tautari ki te Loo Moses. I te aa, i teenaa ko te Loo raa e hakailoa mai maa taatou ni tama haisara.+\n21Teenei taatou ku illoa i te ara TeAtua e hiihai ki hakatonutonu naa sosorina taatou imua ana karamata. Naa Loo raa see hai taukareka e kaumai ki hakatonutonu naa ora taatou. Seai iloo! Te ara nei e mmau iloto naa Loo Moses, aa ni tarataraina naa pure TeAtua raa imua. 22Naa tama hakkaatoa e lotu i Jesus Christ raa ma ki ttonu naa ora laatou imua naa karamata TeAtua. See hai ara hoki peelaa.+ 23Taatou hakkaatoa ni tama haisara, teenei e mmao ai taatou i te laaoi TeAtua. 24Tevana iaa TeAtua e llee tana manava i taatou. A Ia ni kkave mai tana tama, Jesus Christ, ki uiia naa haisara taatou ki lavaa taatou te ahe kiaa Ia. Teenei seai ni vana taatou e lavaa te mee soko taatou. Seai! Teenei ko te tiputipu te laaoi TeAtua ki taatou. 25Jesus Christ ni heunatia mai TeAtua ki au no mate ki tokonaki ki taatou. Ki mee se tama peehea e lotu iaa ia, ana haisara katoo ma ki uiia TeAtua ki te ttoo Jesus Christ ni llohi mai i tana saaita ni taia. TeAtua e hakasura iho te ara nei ki illoa taatou i naa tiputipu tana manava. Imua raa TeAtua ni noho seemuu koi ka ttoka i naa hai taatou ma naa haisara taatou. 26Tevana iaa saaita nei TeAtua ku hakaari mai ki illoa taatou hakkaatoa iaa Ia se tama e taka ki te ara e tonu. Naa tama katoo e lotu i Jesus Christ raa e tautari ki te ara e tonu nei. 27Taatou nei ki see ahu i taatou soko taatou. Te ora e tonu nei ni see kaumai TeAtua maa i taatou ni tautari ki naa Loo. Te ora nei e sura koi i taatou e lotu maaoni i TeAtua. 28Taatou nei ku illoa hakkaatoa maa naa ora taatou e ttonu ki mee taatou e lotu maaoni i TeAtua. Naa ora taatou see lavaa te hakatonusia naa Loo Moses imua TeAtua. 29TeAtua see mee ma se Atua koi naa Jew. Seai. A Ia naa se Atua naa tama naa henua hakkaatoa. 30Teelaa ko TeAtua koi soko Ia. TeAtua ma ki hakatonutonu naa Jew raa tautari ki naa tiputtipu naa manava laatou iaa Ia. TeAtua ma ki hakatonutonu hoki naa tama naa henua sara, tautari ki naa takkoto naa tiputtipu naa manava laatou iaa Ia.+ 31Kootou ki see mannatu maa naa Loo raa ku tiiake taatou maa i taatou e lotu i TeAtua. Seai iloo! Naa taratara naa Loo nei e haia taatou ki takkoto haimahi peenaa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/3\/","date":"2018-09-23T17:10:00Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159561.37\/warc\/CC-MAIN-20180923153915-20180923174315-00486.warc.gz","language":"nho","language_score":1.000002265,"language_script":"Latn","minhash_cluster_size":3,"top_langs":"{\"nho_Latn_score\": 1.0000022649765015}","num_words":1094,"character_repetition_ratio":0.069,"word_repetition_ratio":0.0,"special_characters_ratio":0.227,"stopwords_ratio":0.51,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 17:5\n5Aaraa Jew iaa ni manava haaeo i laaua. Naa tama naa ni hakakkutu naa tama e sosorina hakallika e ttaka huri vaaroto te ara raa no hakapaa ki laatou, teenaa ki ssare laatou ka mee pakava naa mee iloto te matakaaina naa. Naa tama naa ni ffuro atu ki te hare Jason raa no seeia laatou Paul ma Silas ki huutia ake no hakattuuria imua te henua.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/17\/5","date":"2018-09-26T11:45:15Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267164750.95\/warc\/CC-MAIN-20180926101408-20180926121808-00447.warc.gz","language":"nho","language_score":0.6616219878,"language_script":"Latn","minhash_cluster_size":1,"top_langs":"{\"nho_Latn_score\": 0.6616219878196716, \"rar_Latn_score\": 0.040072668343782425, \"hif_Latn_score\": 0.025248592719435692, \"guj_Latn_score\": 0.015846187248826027, \"fin_Latn_score\": 0.015573808923363686, \"swh_Latn_score\": 0.013536380603909492, \"ekk_Latn_score\": 0.012490871362388134, \"wol_Latn_score\": 0.010727998800575733, \"sps_Latn_score\": 0.010381657630205154}","num_words":149,"character_repetition_ratio":0.07,"word_repetition_ratio":0.0,"special_characters_ratio":0.194,"stopwords_ratio":0.248,"flagged_words_ratio":0.0,"lang_id_score":0.629,"perplexity_score":500.0,"cluster_detection":1} +{"text":"MATTHEW 9:17\n17Aa see hai tama hoki e utu te wain hoou raa ki loto naa paeke e ppena ki naa kiri tuai naa sipsip, i te aa, te wain hoou naa ma ki ppuna no masae te paeke naa. Teenaa te wain hoou naa ma ki mannini pakava aa te paeke naa ku hakallika. Naa wain hoou raa e utu ki naa paeke hoou, teenaa te wain naa ma te paeke raa ma ki takkoto taukalleka.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/9\/17","date":"2018-09-23T10:40:47Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159193.49\/warc\/CC-MAIN-20180923095108-20180923115508-00172.warc.gz","language":"nho","language_score":0.4886234403,"language_script":"Latn","minhash_cluster_size":2,"top_langs":"{\"nho_Latn_score\": 0.4886234402656555, \"rar_Latn_score\": 0.09622634947299957, \"hif_Latn_score\": 0.08102379739284515, \"gil_Latn_score\": 0.04003705456852913, \"pcm_Latn_score\": 0.03396005555987358, \"wls_Latn_score\": 0.031622715294361115, \"sps_Latn_score\": 0.01790504716336727}","num_words":157,"character_repetition_ratio":0.079,"word_repetition_ratio":0.0,"special_characters_ratio":0.207,"stopwords_ratio":0.28,"flagged_words_ratio":0.0,"lang_id_score":0.503,"perplexity_score":500.0,"cluster_detection":1} +{"text":"MATTHEW 23:5\n5Naa tama naa e fiffai maa te henua ki kkite i naa vana katoo laatou e mee. Kootou mmata i naa llasi naa paspas e takkoto naa taratara te Laupepa Tapu teelaa e hakao naa tama naa ki naa pisouru ma naa rima laatou. Kootou mmata hoki i naa hualolloa naa uka e saisai ki naa kkahu laatou e takittaki vaararo naa!\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/23\/5","date":"2018-09-25T21:02:37Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267162385.84\/warc\/CC-MAIN-20180925202648-20180925223048-00375.warc.gz","language":"nho","language_score":0.4178694785,"language_script":"Latn","minhash_cluster_size":2,"top_langs":"{\"nho_Latn_score\": 0.4178694784641266, \"rar_Latn_score\": 0.12811711430549622, \"hif_Latn_score\": 0.03372763842344284, \"wol_Latn_score\": 0.028165115043520927, \"wls_Latn_score\": 0.027820538729429245, \"gaz_Latn_score\": 0.027683813124895096, \"sps_Latn_score\": 0.02431318908929825, \"yor_Latn_score\": 0.02013487182557583, \"pcm_Latn_score\": 0.018247155472636223, \"gil_Latn_score\": 0.012097588740289211, \"ekk_Latn_score\": 0.012021825648844242, \"fin_Latn_score\": 0.011531166732311249}","num_words":144,"character_repetition_ratio":0.073,"word_repetition_ratio":0.0,"special_characters_ratio":0.194,"stopwords_ratio":0.271,"flagged_words_ratio":0.0,"lang_id_score":0.449,"perplexity_score":500.0,"cluster_detection":1} +{"text":"MATTHEW 19\nTe akonaki i te hai aavana e mavvae\n1Te saaita Jesus ni oti te kauake ana taratara nei raa, a ia ni masike i Galilee no hano ki te matakaaina Judea i telaa vasi te Riva Jordan. 2E tammaki iloo naa tama ni tautari atu kiaa Ia, teenaa naa tama e mmaki raa ni haia a Ia no taukalleka i te kina naa.\n3E mee aaraa Faarisi ni oo ake kiaa Ia no vasirisiri tipuaina laatou Jesus ki hakasara se taratara maana. Naa tama naa ni oo ake no vasiri peelaa ki Jesus, \"Taratara mai, naa Loo taatou raa e taratara maa te tanata raa e lavaa te tiiake ia tana aavana?\"\n4Jesus ki mee ake, \"E aa? Kootou ni see ttoka i naa taratara te Laupepa Tapu maa imua iloo raa TeAtua ni penapena te tanata ma te ffine?+ 5Teenaa TeAtua ni taratara peelaa, 'Te taupeara raa ma ki tiiake ia tana tamana ma tana tinna no hakapaa ki tana aavana, teenaa te takarua naa ma ki mee ma se tama tokotasi.'+ 6Te takarua naa ku see mee hoki ma ni tama e lua; laaua ku mee ma se tama tokotasi. See hai tama i te maarama nei e lavaa te vaaea a ia naa mee TeAtua ku oti te hakapaa.\"\n7Naa Faarisi raa ki vasiri ake, \"Ai Moses ni tuku ai tana loo maa te tanata e mee ma ki tiiake tana aavana raa ki sissii se pas imua no hakaari ake tana aavana i laaua ku mavvae?\"+\n8Jesus ki mee ake, \"Moses ni vanaatu maa kootou e lavaa te tiiake naa aavana kootou i kootou e ako nataa iloo. Tevana iaa te mee raa ni see mee peenaa i te saaita TeAtua ni penapena naa mee hakkaatoa. 9Aa teenei nau ku vanaatu ki kootou: ki mee se tanata e huri no tiiake tana aavana, aa tana aavana naa ni see hai huri ma telaa tanata, te tanata raa e ppena tana sara ki mee maa ia e aavana telaa ffine.\"+\n10Ana disaipol raa ki mee ake, \"Ki mee maa teenei naa tiputipu te aavana, e taukareka ki ttaka see aavvana.\"\n11Jesus ki mee ake, \"Te akonaki nei see hano ki naa tama hakkaatoa; e hano koi ki naa tama TeAtua e tokonaki. 12Aaraa taanata see aavvana i laatou ni ttipu ake iloo peenaa i te saaita laatou ni tamalliki; aaraa tama see aavvana i laatou ni kaukauria; aa aaraa tama see aavvana i laatou e mee ma ki anaana tonu laatou ki naa heuna TeAtua. Ttama e tautari ki te tiputipu naa raa, tiiake ia ki see aavana.\"\nJesus e hiihai maa naa tamalliki raa ki oo ake kiaa Ia\n13E mee naa tama ni too ake naa tamalliki laatou raa ki Jesus ki hakapiri ana rima ki aruna naa tamalliki naa, araa nei naa tama naa ni nutua naa disaipol. 14Araa vanaake iloo Jesus peenei, \"Kootou tiiake naa tamalliki raa ki oomai kiaa nau, kootou see puuia naa tama naa, i te Nohorana te Lani raa se kina naa tamalliki peenei.\"\n15Teenaa hakapiri iloo ana rima i aruna naa tamalliki naa. Ki oti raa hakatahuri iloo ka hano.\nTe tama taane e hai hekau\n16Teelaa se tama tokotasi ni hanake no vasiri ake iloo peelaa ki Jesus, \"Tisa nei, se tiputipu peehea e taukareka ki haia a nau ki too nau te ora e ora hakaoti?\"\n17Jesus ki mee ake, \"Koe e vasiri mai i te tiputipu e taukareka raa ko te aa? TeAtua koi soko Ia e taukareka. Ki mee koe e hiihai ki too koe te ora e ora hakaoti, koe ku tautari ki naa Loo TeAtua.\"\n18Araa te tama naa ku vasiri ake hoki, \"Naa Loo peehea?\"+\nJesus ki mee ake, \"Au see taa tama; au see hai huri ma te aavana telaa tama; au see kailaarao, au see taratara kaireeresi i aaraa tama; 19hakannoo ki too tamana ma too tinna; manava laaoi i naa tama e nnoho i too vasi, e mee pee ko koe e manava laaoi i too tino soko kkoe.\"+\n20Te tanata raa ki mee ake, \"Nau ni tautari ki naa Loo naa hakkaatoa. Se aa hoki nau ki mee?\"\n21Jesus ki mee ake, \"Ki mee maa koe e hiihai ki tonu iloo too ora, koe ku hano no kauake oo mee raa hakkaatoa ki tauia aaraa tama, aa koe ku vaevae atu oo mane naa ki naa tama see hai mee. Teenaa koe ma ki hai mee e takkoto i te lani; aa koe ku au no tautari kiaa nau.\"\n22I te saaita te tanata naa ni lono i naa taratara Jesus raa, a ia ni mei hakaoti, teenaa iaa ia se tama e hai mane. A ia ni masike no hano hakaaroha iloo ki tana hare.\n23Jesus ki mee ake ki ana disaipol, \"Nau e kauatu te taratara maaoni nei: Te tama e hai mane raa ma ki hainattaa iloo te uru atu ki te Nohorana te Lani! 24Nau ku hakaahe atu hoki te taratara nei: Te kamol ki hakauru tana pisouru ki loto te pokopoko te ttui raa, e hainauhie iaa i te tama e hai mane ki uru ki loto te Nohorana te Lani.\"\n25Naa disaipol Jesus raa ni tteki hakaoti i ana taratara e kauake nei, teenaa ki vasirisiri laatou soko laatou peelaa, \"Ni tama peehea raa ma ki lavaa te hakassaoria?\"\n26Teenaa ttoka tonu atu iloo Jesus ki laatou no mee ake, \"Naa vana nei e hainattaa ki naa tama te maarama nei, aa ki TeAtua iaa, naa vana hakkaatoa e hainauhie.\"\n27Peter ki mee ake, \"Ttoka mai, maatou ni tiiake katoo naa mee maatou no tautari kiaa koe, aa se aa maatou ma ki too?\"\n28Teenaa ki mee ake Jesus, \"Nau e kauatu te taratara maaoni nei: I te saaita te Tama te Henua e noho ki aruna tana nohorana maatua raa, teenaa kootou, te taka sinahuru maa ttakarua disaipol e ttaka ma nau nei, ma ki nnoho hoki i naa nohorana maatua ka mee ma ni tuku i naa noho e sinahuru maa rua i Israel.+\n29\"Aa naa tama katoo teelaa ni tiiake naa hare laatou, naa taaina, naa kave, naa tammana, naa tinna, naa tamalliki aa ma naa kerekere laatou ki tautari mai laatou kiaa nau raa, TeAtua ma ki hakattoe atu naa tuuhana laatou naa ki tae ki te lau, aa laatou ma ki too te ora e ora hakaoti. 30Naa tama e mmata te henua ma ni tama hakamaatua i te ssao nei ma ki tukumurina TeAtua ma ni tama see hai vana e taunai, aa naa tama teelaa e tukumurina te henua maa ni tama see hai vana e taunai i te ssao nei ma ki hakannohoria TeAtua ma ni tama hakamaatua.+\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/19\/","date":"2018-09-19T05:23:01Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155924.5\/warc\/CC-MAIN-20180919043926-20180919063926-00295.warc.gz","language":"nho","language_score":1.0000017881,"language_script":"Latn","minhash_cluster_size":3,"top_langs":"{\"nho_Latn_score\": 1.0000017881393433}","num_words":1197,"character_repetition_ratio":0.062,"word_repetition_ratio":0.0,"special_characters_ratio":0.234,"stopwords_ratio":0.528,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 27:12\n12Te koopana e tuu maatou naa see lluu i te ssao te matani raa e oko mai i te anake no peau te moana, teenaa te mahi ana naa tama i te vaka raa ni fiffai maa maatou ki tere ki tae maatou ki Finiks, ki lavaa maatou te hakalluu i te kina naa i te saaita te matani raa e oko. I te aa, i te koopana Finiks raa e tuu ka huri ki te laki haka kkipu ma te laki haka tokorau.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/27\/12","date":"2018-09-20T02:31:48Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156376.8\/warc\/CC-MAIN-20180920020606-20180920040606-00136.warc.gz","language":"nho","language_score":0.5206551552,"language_script":"Latn","minhash_cluster_size":2,"top_langs":"{\"nho_Latn_score\": 0.5206551551818848, \"rar_Latn_score\": 0.3100883364677429, \"wls_Latn_score\": 0.05921453982591629, \"gil_Latn_score\": 0.019914519041776657, \"mri_Latn_score\": 0.019134873524308205}","num_words":166,"character_repetition_ratio":0.07,"word_repetition_ratio":0.0,"special_characters_ratio":0.21,"stopwords_ratio":0.277,"flagged_words_ratio":0.0,"lang_id_score":0.496,"perplexity_score":500.0,"cluster_detection":1} +{"text":"MARK 11\nJesus ku hanake ki Jerusalem ma se Ariki\n1Saaita Jesus ma naa tama e tautari i aa Ia naa ni sassare ka oo ki Jerusalem raa, laatou ni oo no tauppiri atu ki naa matakaaina Bethpage ma Bethany i te Mouna naa Oliv. Teenaa heuna iloo Jesus te takarua i ana disaipol, 2ka taratara ake peelaa: \"Koorua oo atu ki te tamaa henua e tuu imua naa. Saaita koorua ma ki ttae atu raa, koorua ma ki kkite ma se sukua donki e saisaitia ka tuu; te donki naa ni seai iloo ki kaakea se tama no terekia. Teenaa koorua veetea te sukua naa aa ku taakina mai peenei. 3Ki mee maa se tama e vasiri atu peelaa, 'Te manu naa e veetea koorua ki aa?' Teenaa koorua ku mee ake, 'TeAriki e vana ma ki too ake kiaa Ia, aa ma ki oti ku hakaahea mai a Ia.'\"\n4Teenaa oo iloo te takarua naa no kkite i te sukua donki e saisai ki te tootoka te hare tokotasi. Saaita te takarua naa ni ttuu ka vetevete te manu naa raa, 5aaraa tama e ttuu i te kina naa ni vassiri ake ki laaua, \"Te manu naa e veetea koorua ki aa?\"\n6Te takarua naa ni mee ake naa taratara Jesus ni kauake ki laaua, teenaa tiiake iloo laatou te takarua naa ka oo. 7Teenaa taakina iloo laaua te sukua donki raa ki Jesus, araa ffora iloo naa maro laaua raa vaaruna te manu naa no kake atu Jesus ki aruna. 8Turaa tama ni horahora naa maro laatou vaaroto te ara. Aaraa tama iaa ni tuutuu naa laa naa laakau i naa verena laatou raa no horahora hoki vaaroto te ara. 9Teenaa naa tama ni ssare vaamua, aa naa tama ni sassare vaamuri Jesus raa ki kaamata te tanitani varo: \"Ssau ake te inoa TeAtua! TeAtua e haia hakaraaoina a Ia Ttama e au i te inoa TeAtua!+ 10TeAtua ki mee hakaraaoi te nohorana taatou tipuna, David teelaa ma ki ahe mai! Ssau ake te inoa TeAtua!\"\n11Jesus ni uru atu ki Jerusalem no hano iloo ki loto te Hare Tapu TeAtua no ttoka i naa takkoto naa mee katoo iloto te Hare Tapu. Tevana iaa, i te mee raa ku poonia raa, Jesus ni masike no hano ma ana disaipol raa ki Bethany.\nJesus e tuku haaeo ki te laakau 'fig'\n12I te ssoa te aso, te saaita laatou ni ahemai i Bethany raa, Jesus ni lono i tana hiikai. 13Teenaa kite iloo Jesus i naa tuu mai te laakau 'fig' ma ana lau. A Ia ni hanatu no mmata maa ki mee te laakau raa e ppesi ana hua 'fig'. Araa nei a Ia ni hanatu no kite maa teelaa ni lau koi, i teenaa seai ko te ssao te laakau naa e hua. 14Teenaa ki mee ake Jesus peelaa ki te laakau 'fig' naa, \"See hai tama iloo ma ki oti ku kai se hua 'fig' maana i aa koe!\"\nAna disaipol raa ni llono i tana taratara ni mee naa.\nJesus ku hano ki loto te Hare Tapu TeAtua\n15Saaita laatou ni ttae atu ki Jerusalem, Jesus ni hano ki loto te Hare Tapu raa no kerekereia naa tama e nnoho ma naa mee laatou ma ki oo ake te henua no tautauia. A Ia ni hanatu no hurisia naa teevoo naa tama e hakahitihiti mane aa ma naa tama e nnoho ma naa rupe ki oo ake ni tama no tautauia. 16Naa tama naa hoki ni puuia a Ia ki see ssau naa mee laatou raa vaaroto te kina noho noho te Hare Tapu. 17Anaa teenaa akonaki ake iloo ki naa tama naa peenei: \"Naa taratara TeAtua e ttuu iloto te Laupepa Tapu raa e sissii peenei, 'Taku Hare Tapu raa ma ki taapaa ma se kina naa tama i naa henua hakkaatoa e oomai no taku.' Aa teenei kootou ku oomai no haia ma se kina naa tama e kailallao e oomai no mmuni!\"+\n18Naa maatua hakamaatua raa aa ma naa tisa naa Loo raa ni lono te vana Jesus ni mee naa, teenaa ssee iloo se ara ma ki taia laatou Jesus ki mate. Tevana iaa naa tama naa ni mattaku i aa Ia, i te kuturana naa katoo ni massaro i ana akonaki ki laatou.\n19I te laasuru raa, Jesus ma ana disaipol raa ni massike i te matakaaina naa ka oo.\nTe haimahi te tama e hakataakoto tonu i TeAtua\n20I te tahaata te ssoa te aso, i te saaita laatou ni sassare ka oo i te ara raa, laatou ni kkite maa te laakau 'fig' raa ku mate hakkaatoa no tae ki naa patiaka. 21Peter ni maanatu ake ki te vana Jesus ni mee ki te laakau naa, teenaa mee ake iloo peelaa ki Jesus, \"Te tisa nei, ttoka atu, te laakau ni haia a koe raa ku mate!\"\n22Jesus ki mee ake ki laatou, \"Hakataakoto tonu i TeAtua. 23Nau e kauatu te taratara maaoni nei ki kootou. Ki mee maa kootou e hakataakoto tonu i naa taratara kootou, aa kootou seai iloo ki mamannatu tammaki, teenaa kootou ma ki lavaa te mee ake ki te mouna nei ki hakataha i tana kina e tuu naa no hano no sepu ki loto te ttai. Teenaa TeAtua ma ki hakkite atu te mee naa.+ 24Teenei e taratara atu ai nau ki kootou: te saaita kootou e taku ki TeAtua ki kainnoo se mee, kootou ki illoa maaoni maa naa mee naa ma ki kauatu ki kootou. Teenaa TeAtua ma ki kauatu se aa kootou ni kainnoo. 25Aa te saaita kootou e ttuu ki taku raa, ni aa kootou ni hakasara i telaa tama, kootou ki hai aroha i naa tama naa, teenaa ki uiia naa haisara kootou TeAtua. 26[Ki mee maa a koe see hai aroha i telaa tama, too Tamana i te lani ma ki see uiia a Ia oo haisara ni ppena.\"]+\nNaa mahi Jesus\n27Laatou ni oo no ttae hoki ki Jerusalem. Teenaa te saaita Jesus e sasare vaaroto te Hare Tapu TeAtua raa, naa maatua hakamaatua, naa tisa naa Loo, aa ma naa hakamau naa Jew raa ni oo ake 28no vasiri ake peelaa, \"Ko ai ttama e vanaatu maa koe ki mee too vana e mee nei? E aa? Teenaa ni taratara e ai ni kauatu?\"\n29Jesus ki mee ake, \"Kootou ttari ki vasiri atu nau te mee nei, aa ki mee kootou e hakaahe mai hakaraaoi se taratara maa kootou, teenaa nau ma ki hakaari atu te tama e mee maa ki mee nau peenei. 30Kootou taratara mai. Ko ai te tama i TeAtua ma naa tama te maarama nei teelaa ni vanaake ki John ki hakaukau tapu te henua?\"\n31Teenaa ki kaamata naa tama naa te hakatauttau soko laatou: \"Taatou ki taratara ake peehea? Ki mee maa taatou e vana ma ko TeAtua, teenaa a ia ma ki mee mai peelaa, 'Ai kootou ni see hakannoo ai ki naa taratara John?' 32Aa ki mee maa taatou e vana ma ko naa tama te maarama nei... \" (Naa tama naa ni nnoho mattaku i te kanohenua, i naa tama naa e illoa maa John se pure maaoni TeAtua.) 33Teenaa mee ake iloo naa tama naa ki Jesus, \"Maatou see illoa.\"\nAraa Jesus ku vanaake peelaa ki laatou, \"Nau hoki ma ki see taratara atu ma ko ai ttama e mee mai ma ki mee nau peenaa.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/11\/","date":"2018-09-24T09:23:06Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160337.78\/warc\/CC-MAIN-20180924090455-20180924110855-00456.warc.gz","language":"nho","language_score":1.0000050068,"language_script":"Latn","minhash_cluster_size":22,"top_langs":"{\"nho_Latn_score\": 1.0000050067901611}","num_words":1312,"character_repetition_ratio":0.057,"word_repetition_ratio":0.0,"special_characters_ratio":0.237,"stopwords_ratio":0.537,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MARK 1:45\n45Tevana iaa te tanata naa ni hano no sare taratara ki naa tama hakkaatoa i te vana Jesus ni mee kiaa ia. Teenaa ki see lavaa ai Jesus te hano ki naa kina te henua e nnoho ai; a Ia ni taka ki naa kina teelaa see nohoria te henua, iaa te henua ni oo atu i naa matakaaina katoo no mmata i aa Ia i tana kina e noho naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/1\/45","date":"2018-09-23T03:42:35Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158958.72\/warc\/CC-MAIN-20180923020407-20180923040807-00422.warc.gz","language":"nho","language_score":0.7193374634,"language_script":"Latn","minhash_cluster_size":2,"top_langs":"{\"nho_Latn_score\": 0.7193374633789062, \"rar_Latn_score\": 0.062243569642305374, \"wls_Latn_score\": 0.026385966688394547, \"gil_Latn_score\": 0.011846110224723816, \"mri_Latn_score\": 0.011766079813241959, \"hif_Latn_score\": 0.011641711927950382}","num_words":153,"character_repetition_ratio":0.073,"word_repetition_ratio":0.0,"special_characters_ratio":0.205,"stopwords_ratio":0.248,"flagged_words_ratio":0.0,"lang_id_score":0.631,"perplexity_score":500.0,"cluster_detection":1} +{"text":"ACTS 13:43\n43I te saaita te henua ni masseu i te hare lotu raa, e tammaki iloo naa Jew aa ma naa tama i naa henua sara, teelaa ku lotu i TeAtua raa, ni oo atu vaamuri Paul ma Barnabas. Te takarua naa ni taratara ake hakaraaoi iloo ki naa tama naa ki taaohi manava peenaa i te manava laaoi TeAtua.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/13\/43","date":"2018-09-19T22:38:30Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156311.20\/warc\/CC-MAIN-20180919220117-20180920000117-00265.warc.gz","language":"nho","language_score":0.3708855808,"language_script":"Latn","minhash_cluster_size":2,"top_langs":"{\"nho_Latn_score\": 0.37088558077812195, \"rar_Latn_score\": 0.12746626138687134, \"gil_Latn_score\": 0.04238966107368469, \"hif_Latn_score\": 0.038877107203006744, \"wls_Latn_score\": 0.020265793427824974, \"wol_Latn_score\": 0.019943425431847572, \"yor_Latn_score\": 0.0187680721282959, \"sps_Latn_score\": 0.017989298328757286, \"eng_Latn_score\": 0.015895158052444458, \"gaz_Latn_score\": 0.015297234058380127, \"fin_Latn_score\": 0.014203731901943684, \"tiv_Latn_score\": 0.013649503700435162, \"guj_Latn_score\": 0.012858671136200428, \"swh_Latn_score\": 0.01028809417039156}","num_words":141,"character_repetition_ratio":0.075,"word_repetition_ratio":0.0,"special_characters_ratio":0.201,"stopwords_ratio":0.241,"flagged_words_ratio":0.0,"lang_id_score":0.232,"perplexity_score":500.0,"cluster_detection":1} +{"text":"LUKE 19\nSakius\n1Jesus ni hano no tae iloo ki Jericho, teenaa hano iloo Ia vaaroto te matakaaina naa. 2I te saaita naa raa e mee te tanata, tana inoa ko Sakius, e noho i te matakaaina naa. Te tanata naa se tama hakamau i naa tama e aoao naa takis, aa se tama hoki e hai mane. 3A ia ni hiihai iloo maa ia ki kite maa Jesus se tama peehea, tevana iaa a Ia ni see lavaa te kite, i naa tama raa e muimui atu hakkaatoa i naa vasi Jesus, aa i aa ia hoki se tama e potopoto. 4Teenaa tere iloo ia kimua no kake ki aruna te laakau e ttapa ma se sikamo, ki kite ia i Jesus i tana saaita ma ki laka ake i te ara naa. 5I te saaita Jesus ni tae ake ki te kina te laakau raa, a Ia ki ttoka ki aruna no mee ake peelaa ki Sakius, \" Sakius, tiriho vave mai ki laro, nau ma ki hanatu no nnoho taaua i too hare i te aso nei.\"\n6Sakius ni hakavave no tiriho ki laro no toa a ia Jesus ki tana hare, teenaa a ia ni hiahia iloo. 7Naa tama hakkaatoa ni kkite i laaua raa ni kaamata te taumaruu i Jesus peelaa, \"Te tama nei ku hano iloo no mee ma ki nnoho laaua ma te tama haisara!\"\n8Sakius ni masike no tuu ki aruna no mee ake peelaa ki TeAriki, \"TeAriki, hakannoo mai! Nau ma ki vvae aku hekau no kauake se vasi ki naa tama e nnoho hakaaroha. Aa ki mee maa ni tama ni hakarereesia a nau no toa naa mane laatou, naa mane naa tama naa ma ki suia a nau, aa nau ma ki hakapiri ake ki haa i te kooina laatou ni toa a nau.\"\n9Jesus ki mee ake kiaa ia, \"Naa tama i te haanauna nei e hakassaoria TeAtua i te aso nei, i te tanata nei hoki se tama i te manava Abraham. 10Ttama te Henua raa ni au no ssee aa no hakassao naa tama e mee pee ko naa sipsip e seai.\"+\nTe taratara i naa mane kol\n11I te saaita Jesus ni taupiri ki tae ki Jerusalem raa, a Ia ni kauake hoki telaa taratara ki naa tama e hakannoo kiaa Ia. I te aa i naa tama naa ni mannatu maa te Nohorana TeAtua raa ku saaita ake koi. 12Jesus ki mee ake, \"Teelaa se tama hakamaatua ni hano ki te henua e mmao ki hakanohoria a ia ma se tuku, teenaa ki ahemai a ia no tuku i tana henua. 13I tana saaita ni mee ki hano raa, a ia ni aru ki te taka sinahuru tama e heheuna iaa ia no kauake, te tama tana mane kol tokotasi. Teenaa mee ake iloo peelaa ki naa tama naa, 'I taku saaita e hano raa, kootou ki heheunatia kootou naa mane naa, ki mmata maa e hia naa mane kootou ma ki ffuti i taku saaita ma ki ahemai.' 14Naa tino tama iloo i tana henua naa ni lotoffaaeo iaa ia, teenaa heuna iloo aaraa tama i laatou ki oo no vanaake ki te tuku hakamaatua e noho i te henua e mmao raa peelaa, 'Maatou see fiffai maa te tama nei e tuku i maatou.'\n15\"Tevana iaa te tama hakamaatua naa ni hakanohoria koi ma se tuku, teenaa ahe iloo a ia ki tana henua. I tana saaita ni tae ki tana henua raa, aru iloo ia ki naa tama e heheuna iaa ia raa ki oo ake, i aa ia e mee ma ki iloa ia maa e hia naa mane naa tama naa ni lavaa.\n16\"Te tama mua raa ni hanake no mee ake, 'Te ariki, nau ni lavaa te ffuti aku mane kol e sinahuru ki too mane kol ni kaumai.' 17Te tuku raa ki mee ake, ' Koe se tama e heheuna taukareka iloo! Koe nei ku tukua ki noho hakamaatua a koe i naa matakaaina e llasi e sinahuru, i te aa i aa koe ni roorosi hakaraaoi lokoi i naa tamaa mee ni kauatu nau.'\n18\"Te laa tama ni hanake no mee ake, 'TeAriki, nau ni lavaa te ffuti aku mane kol e rima ki too mane kol tokotasi ni kaumai.' 19Te tuku raa ki mee ake kiaa ia, 'Koe ma ki noho hakamaatua i naa matakaaina e llasi e rima.'\n20\"Te laa tama ni hanake no mee ake, 'TeAriki, teenei too mane kol ni kaumai; te mane kol nei ni miinia a nau iloto te tapaa maro raa no huuina ki see kiitea. 21Nau ni mataku iaa koe se tuku e haaeo. Naa mee aaraa tama e tuku raa, koe e too, aa naa mee aaraa tama e tori raa, koe e vasi.' 22Te tuku raa ki mee ake, 'Koe se tama e heheuna hakallika! Oo tino taratara e kaumai naa e huri ake peelaa maa koe e sara. Koe ni iloa koi maa nau se tama e hiihai maa naa tama e heheuna iaa nau raa ki heheuna hakappuru, aa maa nau e too koi te mee telaa tama e tuku, aa e vasi te mee telaa tama e tori. 23Ai koe ni see heheunatia koe naa mane naa? Ki mee raa nau ni hakaahe mai aku mane naa hakapaa ma naa tamaa mane aau ni lavaa te ffuti i taku saaita ni ahemai.'\n24\"Teenaa huri iloo ia no mee ake ki naa tama e ttuu i te kina naa, 'Too te mane kol iaa ia naa no kauake ki te tama ni lavaa ana mane kol e sinahuru.' 25Naa tama naa ki mee ake, 'Te ariki, te tama naa ku naa mee are ana mane kol e sinahuru!' 26Te tuku raa ki mee ake, 'Nau ku taratara atu ki kootou: Naa tama e illoa te roorosi hakaraaoi ki aku mee ni kauake ki laatou raa, nau ma ki kauake hoki aaraa mee ki hakapaa atu ki naa mee e nnoho ma laatou; aa naa tama see illoa te roorosi hakaraaoi ki aku mee ni kauake raa, teenaa naa tamaa mee e nnoho ma laatou naa ma ki toa hakkaatoa nau.+ 27Aa naa tama e tautau haaeo ma nau, teelaa ni see fiffai maa nau ki tuku i laatou raa, kootou toomai naa tama naa ki te kina nei no taaia imua aku karamata!'\"+\n28I te saaita Jesus ni oti te kauake naa taratara nei raa, masike iloo Ia no hano imua ki Jerusalem.\nJesus ku uru atu ki Jerusalem ma se tuku\n29Te saaita Jesus ni taupiri atu ki naa matakaaina Bethpage ma Bethany i aruna te mouna e ttapa ma ko te Mouna naa Oliv raa, heunatia iloo Ia ana disaipol e lua ki oo imua, 30ka taratara ake peelaa ki te takarua naa, \"Koorua oo atu ki te tamaa matakaaina e tuu imua naa. Te saaita koorua e ttae atu raa, koorua ma ki kkite ma se sukua donki e saisaitia ka tuu. Te sukua donki naa ni seai iloo ki kaakea se tama no terekia. Koorua veetea te manu naa aa ku taakina mai. 31Ki mee maa se tama e vasiri atu peelaa, 'Te manu naa e veetea koorua ki aa?' Teenaa koorua ku mee ake, 'TeAriki e vana ma ki too ake kiaa ia.'\"\n32Te takarua naa ni oo no kkite iloo i naa takkoto mai naa mee naa pee ko naa taratara ake Jesus ki laaua. 33Te saaita te takarua naa koi ttuu ka vvete te manu naa raa, te tama e mee tana manu naa ku hanake no mee ake ki laaua, \"Te manu naa e veetea koorua ki aa?\"\n34Te takarua raa ki mee ake, \"TeAriki e vana ma ki too ake kiaa ia.\" 35Teenaa taakina iloo laaua te sukua donki raa ki Jesus. Araa ffora iloo naa maro laaua raa vaaruna te manu raa no hakkake atu Jesus ki aruna. 36Te saaita Jesus ni tere ake i te manu naa raa, te henua ni horahora naa maro laatou raa iloto te ara ki tere ake Jesus vaaruna.\n37I tana saaita ni taupiri atu ki Jerusalem, i te kina te ara raa e tere iho i te Mouna naa Oliv raa, te kuturana tama e tammaki i naa tama e tautari iaa Ia raa ni kaamata te huahua ka hakanau i TeAtua i naa vana e llasi laatou ni kkite. Naa tama naa ni tanitani varo peelaa,\n38\"TeAtua ki haia hakaraaoina a Ia te Tuku teelaa e au iloto te inoa TeAriki!\nTe laaoi TeAtua ki takoto i te lani\naa taatou ki hakanau i TeAtua, te tama e noho hakamaatua i aruna naa mee hakkaatoa!\"+\n39Teenaa ki mee ake aaraa tama i naa Faarisi raa peelaa ki Jesus, \"Te tisa nei, vanaatu ki oo disaipol raa ki ppui naa pukua laatou!\"\n40Jesus ki mee ake, \" Nau e mee atu ki kootou, ki mee maa naa tama nei e ppui naa pukua laatou, naa tamaa hatu iloto te ara raa ma ki massike no tanittani varo!\"\nJesus e tani i tana aroha i Jerusalem\n41Te saaita Jesus ni hanatu no taupiri iloo ki Jerusalem, ka kite i naa tuu mai te henua naa raa, a Ia ni tani i tana aroha. 42A Ia ki taratara peelaa, \"Ki mee koi koe ni iloa i te aso nei maa te ara te noho laaoi raa e sura atu peehea! Aroha, koe ku sukumuri. Te ara te noho laaoi raa ku oti te huuina TeAtua iaa koe! 43Te aso raa ma ki tae mai, teenaa naa tama e tautau haaeo ma koe naa ma ki oo atu no aarehatia koe. Naa tama naa ma ki ppena naa pae laatou ka roorosi ki hetaa maa kootou. Koe ma ki osohia atu naa tama naa i naa vasi hakkaatoa no seua. 44Koe ma ki seua naa tama naa ki laro no taaia too kanohenua naa hakkaatoa. Seai iloo se kina tokotasi ma ki taukareka hakamaarie, teenaa i te saaita TeAtua ni hanatu no mee ma ki hakasao kootou raa, kootou ni see fiffai maa kootou e hakannoo.\"\nJesus ku hano ki te Hare Tapu\n45I tana saaita ni tae atu ki Jerusalem raa, a Ia ni hano ki te Hare Tapu. Teenaa kerekereia iloo Ia naa tama e nnoho i te kina naa ki oo ki taha, teenaa ko naa tama e nnoho ma naa mee laatou ma ki oo ake te henua no tautauia. 46A Ia ki mee ake ki naa tama naa peelaa, \"Te Laupepa Tapu raa e taratara maa, 'Taku Hare Tapu nei se kina naa tama TeAtua e oomai no taku.' Aa teenei kootou ku oomai no haia ma se kina naa tama e kailallao e oomai no mmuni!\"+\n47I naa aso hakkaatoa raa, Jesus e noho ka akonaki peenaa naa tama raa iloto te Hare Tapu. Teenaa naa maatua hakamaatua, naa tisa naa loo, aa ma naa tama hakamaatua naa Jew raa ni sessee ara ki taia laatou Jesus.+ 48Tevana iaa laatou ni see hai ara e illoa, i te henua e nnoho ka hakannoo peenaa ki naa taratara hakkaatoa Jesus e akonaki ake.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/19\/","date":"2018-09-19T13:10:44Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156224.9\/warc\/CC-MAIN-20180919122227-20180919142227-00070.warc.gz","language":"nho","language_score":1.0000071526,"language_script":"Latn","minhash_cluster_size":6,"top_langs":"{\"nho_Latn_score\": 1.000007152557373}","num_words":1925,"character_repetition_ratio":0.064,"word_repetition_ratio":0.004,"special_characters_ratio":0.245,"stopwords_ratio":0.539,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ROME 9:22\n22Te taratara i te tihuna nei e hanotonu ma naa vana TeAtua ni mee. A Ia ni hiihai maa te henua katoo ki kkite i ana haaeo i tana see hiihai ki te tiputipu see tonu, aa laatou ku illoa i ana mahi. Tevana iaa a Ia ni hakkapi koi tana loto iloto tana manava, i aa Ia e iloa maa naa tama naa e nnoho koi ki mmate.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/9\/22","date":"2018-09-24T13:50:12Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160454.88\/warc\/CC-MAIN-20180924125835-20180924150235-00352.warc.gz","language":"nho","language_score":0.3786241114,"language_script":"Latn","minhash_cluster_size":2,"top_langs":"{\"nho_Latn_score\": 0.3786241114139557, \"rar_Latn_score\": 0.12433767318725586, \"wls_Latn_score\": 0.0886048898100853, \"mri_Latn_score\": 0.0625959038734436, \"niu_Latn_score\": 0.03103514388203621, \"hif_Latn_score\": 0.019832925871014595, \"gil_Latn_score\": 0.018864650279283524, \"tiv_Latn_score\": 0.014723507687449455, \"smo_Latn_score\": 0.01265731267631054, \"sps_Latn_score\": 0.01018475741147995}","num_words":151,"character_repetition_ratio":0.073,"word_repetition_ratio":0.0,"special_characters_ratio":0.206,"stopwords_ratio":0.252,"flagged_words_ratio":0.0,"lang_id_score":0.288,"perplexity_score":500.0,"cluster_detection":1} +{"text":"JOHN 2\nTe kaikai te aavvana i Kana\n1Naa aso e lua ku oti te llaka, i te ttoru naa aso raa, naa tama te matakaaina i Kana iloto Galilee raa e mee te kaikai te takarua e aavvana. Te tinna Jesus raa e noho i te kina naa. 2Jesus ma ana disaipol raa hoki ni arumia ki oo ake ki te kaikai naa. 3Saaita naa wain raa ni oti, te tinna Jesus raa ki mee ake ki Jesus, \"Naa wain naa tama naa ku oti.\"\n4Teenaa ki mee ake Jesus, \"Te ffine nei, koe see taratara mai ma se aa nau ki mee. Taku sao ki hakaari aku mahi raa seki tae mai.\"\n5Te tinna Jesus raa ki mee ake ki naa tama e mee naa heuna te hare, \"Kootou haia naa vana tama nei e mee atu ki kootou.\"\n6I loto te hare naa e takkoto ana huaarani e utuutu vai e ono e llasi. I naa vana e llasi naa Jew raa, laatou maraa e huihui naa rima laatou ki naa vai e takkoto i naa huaarani naa. Te huaarani tokotasi e tau te utu naa kalon e matarua no tae ki te matatoru. 7Teenaa ki mee ake Jesus ki naa tama e mee naa heuna te hare, \"Utuhia naa huaarani naa ki naa vaiua.\" Naa tama naa ni massike no utu naa huaarani naa no ppii. 8Jesus ki mee ake hoki, \"Kootou asu mai ni vai i naa huaarani naa no kauake ki te tama e mee tana kaikai nei ki unu.\" Teenaa ki too naa tama naa naa vai raa no kauake ki te tama e mee tana kaikai. 9Te vai naa ku oti te huri no mee ma se wain. Ttama naa ni see iloa maa tana wain e unu raa ni too ake naa tama naa i hea (tevana iaa, ana poe raa ku oti te illoa i te vana Jesus ni mee). Teenaa ki kannaatia ake a ia te tanata e aavana raa no mee ake, 10\"Taatou hakkaatoa maraa e taki naa wain taukalleka raa i te kaamata. Ki oti are naa wain see taukalleka raa ku toomai, i te saaita naa tama raa ku vvare hakkaatoa. A koe iaa ni tiiake naa wain taukalleka raa ki te saaita nei!\"\n11Teenei ko te saaita mua Jesus ni hakasura naa mahi TeAtua. A ia ni hakasura naa vana nei i Kana, iloto Galilee. Teenaa ko tana kina ni hakassaa ana mahi no illoa ana disaipol maa Ia ko te Tama TeAtua.\n12Kimuri raa, Jesus ma tana tinna, ana taaina ma ana disaipol raa ni oo ki Capernaum no nnoho naa aso laatou i te kina naa.+\nJesus e hano ki loto te Hare Tapu\n13Te mee raa ku taupiri ki te aso te Kaikai te Pasova, teenaa ki hano Jesus ki Jerusalem.+ 14Tana saaita ni uru ki loto te Hare Tapu raa, a Ia ni kite naa tama e nnoho ma naa purumakau, naa sipsip, aa ma naa rupe. Naa tama naa e nnoho ma naa manu raa ki oo ake ni tama no tautauia. Aaraa tama hoki e nnoho ka hakahitihiti naa mane laatou. 15Teenaa ki ffiri a Ia tana tari no iisea a Ia naa manu raa hakkaatoa ki haho te Hare Tapu. Naa sipsip ma naa purumakau raa hakkaatoa ni iisea a Ia ki haho. Naa teevoo naa tama hakahitihiti naa mane raa ni hurisia a Ia no masseu huri naa mane naa tama naa. 16Ki oti raa, huri atu iloo Ia ki naa tama e nnoho ma naa rupe laatou raa no mee ake, \"Too naa mee naa ki haho! Kootou see haia kootou te hare taku Tamana nei ma se maket!\" 17Naa disaipol raa ni mannatu ki naa taratara e takkoto iloto te Laupepa Tapu e mee maa, \"Te llee taku manava i too hare, TeAtua, e ura ma se ahi iloto taku manava.\"+\n18Teenaa ki mee ake naa hakamau naa Jew, \"Ni mahi peehea TeAtua a koe e lavaa te ppena ki illoa maatou maa koe e tau te sosorina peenei?\"\n19Jesus ki mee ake, \"Seua te Hare Tapu nei, aa iloto naa aso e toru nau ma ki hakamasike hoki te hare nei.\"+\n20Teenaa ki mee ake laatou, \"Koe e vana maa te Hare Tapu nei e lavaa peehea koe te hakatuu iloto naa aso e toru? Te Hare Tapu nei ni hakatuuria i loto iloo naa setau e matahaa maa ono!\"\n21Tevana iaa te hare tapu Jesus e taratara raa, teenaa ko tana haitino. 22Saaita Jesus ni masike i te mate raa, ana disaipol raa ni hakamaarona i tana taratara nei. Teenaa ki illoa ai laatou maa e maaoni i naa taratara te Laupepa Tapu ma naa taratara Jesus ni kauake ki laatou.\nJesus e iloa i naa tiputipu naa tama hakkaatoa\n23Saaita Jesus ni noho i Jerusalem i te ssao te Kaikai te Pasova raa, turaa tama ni kkite i naa mahi TeAtua ni hakassuratia a Ia, teenaa ki illoa ai laatou maa Jesus ko te Tama TeAtua. 24Tevana iaa te manava Jesus ni see mau i naa tama naa, iaa Ia e iloa i naa tiputtipu laatou. 25Niaaina maa see hai tama e taratara ake ki Jesus i naa tiputipu naa tama naa, a Ia kunaa iloa are i naa takkoto naa manava laatou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/John\/2\/","date":"2018-09-23T23:58:13Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159938.71\/warc\/CC-MAIN-20180923232129-20180924012529-00278.warc.gz","language":"nho","language_score":0.9999860525,"language_script":"Latn","minhash_cluster_size":4,"top_langs":"{\"nho_Latn_score\": 0.9999860525131226}","num_words":961,"character_repetition_ratio":0.063,"word_repetition_ratio":0.0,"special_characters_ratio":0.237,"stopwords_ratio":0.522,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MARK int\nTE HAKATAAKOTO TE LAUPEPA NEI\nTe Lono Taukareka i naa taratara Mark e kaamata maa teenei ko \"te Lono Taukareka i Jesus Christ, te Tama TeAtua.\" Jesus e tarataraina ma se tama e sosorina tautari ki ana taratara e mee, aa e tarataraina hoki ma se tama hakamaatua. Te tiputipu nei e hakailotia i ana akonaki e kauake ki te henua, i ana haimahi i aruna naa tippua hakallika, aa i ana lavaa te uii naa haisara te henua. Jesus maraa e taratara maa ia ko te Tama te Henua, teelaa ni au no mate ki hakasaoria te henua i naa mahi te haisara.\nMark e taratara tonu aa see kkapo i ana kaumai te lono i Jesus, aa e taratara haimahi i naa vana Jesus ni mee, see mee maa e taratara koi i naa taratara aa ma naa akonaki Jesus ni kauake ki te henua. Ttama ni sissii te laupepa nei e kaamata no taratara i te au ana John te Baptis, aa i te saaita Jesus ni too te hakaukau tapu ka usuusuhia Satan. Ki oti raa a ia ku hano tonu no taratara i te saaita Jesus ni kaamata ana heuna no akonaki te henua ka hakamasike naa tama e mmaki. I loto ana heuna naa raa, naa tama e tautari i Jesus naa ni kaamata no illoa hakaraaoi iloo iaa Ia, tevana iaa naa tama see fiffai kiaa Ia raa ni ffuri no mee te kau vana e hakallika kiaa la. Te hakaoti ana naa taratara te laupepa nei e taratara i naa vana ni ssura i naa aso hakaoti Jesus i tana noho ni noho i te maarama nei. Naa taratara naa e hakatahito ki tana saaita ni tuukia ki te kros aa i tana masike mai ana i te mate.\nNaa taratara hakaoti i te Lono Taukareka nei, teelaa e hakamaatinoria ki naa mak peenei raa [ ... ], e tammaki naa tama e hai maa teenaa ni taratara telaa tama, seai ma ko ttama ni sissii te laupepa nei.\nNaa takkoto naa taratara iloto te laupepa nei\nTe kaamata te Lono Taukareka 1.1–13\nJesus e mee ana heuna iloto Galilee 1.14—9.50\nE kaamata i Galilee no tae ki Jerusalem 10.1–52\nTe wiki hakaoti Jesus i Jerusalem aa ma naa matakaaina e tauppiri ki Jerusalem 11.1—15.47\nJesus ku masike i te mate 16.1–8\nTe saaita TeAriki ni hakasura ki ana disaipol aa tana saaita ni ahe ki te lani 16.9–20\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/int\/","date":"2018-09-26T01:04:56Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267162809.73\/warc\/CC-MAIN-20180926002255-20180926022655-00279.warc.gz","language":"nho","language_score":0.9994370937,"language_script":"Latn","minhash_cluster_size":2,"top_langs":"{\"nho_Latn_score\": 0.9994370937347412}","num_words":481,"character_repetition_ratio":0.073,"word_repetition_ratio":0.0,"special_characters_ratio":0.225,"stopwords_ratio":0.449,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"MARK 11:23\n23Nau e kauatu te taratara maaoni nei ki kootou. Ki mee maa kootou e hakataakoto tonu i naa taratara kootou, aa kootou seai iloo ki mamannatu tammaki, teenaa kootou ma ki lavaa te mee ake ki te mouna nei ki hakataha i tana kina e tuu naa no hano no sepu ki loto te ttai. Teenaa TeAtua ma ki hakkite atu te mee naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/11\/23","date":"2018-09-24T07:14:27Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160233.82\/warc\/CC-MAIN-20180924070508-20180924090908-00041.warc.gz","language":"nho","language_score":0.5101006031,"language_script":"Latn","minhash_cluster_size":2,"top_langs":"{\"nho_Latn_score\": 0.5101006031036377, \"rar_Latn_score\": 0.2891482710838318, \"wls_Latn_score\": 0.03142412751913071, \"mri_Latn_score\": 0.02117539942264557, \"hif_Latn_score\": 0.02007678709924221, \"sps_Latn_score\": 0.011276639066636562}","num_words":146,"character_repetition_ratio":0.073,"word_repetition_ratio":0.0,"special_characters_ratio":0.2,"stopwords_ratio":0.301,"flagged_words_ratio":0.0,"lang_id_score":0.474,"perplexity_score":500.0,"cluster_detection":1} +{"text":"LUKE 11:8\n8\"Nau e mee atu ki kootou. Niaaina maa koorua naa se takarua e vaisoa hakaraaoi iloo raa, te tama naa ma ki see lavaa te kauatu ni kaikai maau. Iaa ki mee maa koe e tuu koi ka kainnoo atu peenaa raa, te tama iloto te hare naa ma ki maahuru koi no kauatu oo mee hakkaatoa e ssee.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/11\/8","date":"2018-09-26T04:35:39Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267163326.85\/warc\/CC-MAIN-20180926041849-20180926062249-00170.warc.gz","language":"nho","language_score":0.4354788661,"language_script":"Latn","minhash_cluster_size":2,"top_langs":"{\"nho_Latn_score\": 0.4354788661003113, \"rar_Latn_score\": 0.19875094294548035, \"hif_Latn_score\": 0.0636700689792633, \"sps_Latn_score\": 0.020124414935708046, \"ekk_Latn_score\": 0.018239205703139305, \"fin_Latn_score\": 0.01713142730295658, \"wls_Latn_score\": 0.01622007228434086, \"gil_Latn_score\": 0.01417789701372385}","num_words":141,"character_repetition_ratio":0.073,"word_repetition_ratio":0.0,"special_characters_ratio":0.202,"stopwords_ratio":0.22,"flagged_words_ratio":0.0,"lang_id_score":0.462,"perplexity_score":500.0,"cluster_detection":1} +{"text":"ROME 10\n1Aku taaina ma aku kave nei. Nau e taratara ka tanitani peenaa i taku hiihai maa naa tama taku henua raa ki hakassaoria. Teenei e taku ai nau peenaa ki TeAtua ki tokonaki ki laatou. 2Nau e iloa maa laatou e hai naa mahi laatou ki tautari laatou i TeAtua. Tevana iaa naa tama naa see illoa i naa tiputipu te ara maaoni ki tautari i TeAtua. 3Naa tama naa ni see mee ki illoa laatou i te ara maaoni TeAtua e hakatonu te ora te tama. Teenaa ni ffuri ai laatou no ssee naa tino ara laatou. Laatou ni see tautari ki te ara TeAtua e hiihai. 4Tevana iaa te ssao taatou ni takkoto i laro te roorosi naa Loo raa ni hakaotina Christ. Saaita nei, naa tama koi e lotu maaoni i Jesus Christ raa e ttonu imua TeAtua.\nTeAtua e hiihai ki tokonaki te henua hakkaatoa\n5Teenei naa taratara Moses ni sissii i naa tautari taatou i naa Loo ki ttonu naa ora taatou, \"Ttama e tautari ki naa taratara hakamaatua naa Loo raa ma ki ora.\"+ 6Tevana iaa te Laupepa Tapu raa e taratara peenei i naa hakattonu naa ora taatou maa TeAtua ki naa hakataakoto taatou, \"Kootou see vasirisiri peelaa, 'Ko ai ttama ma ki hano ki te lani?'\" (taratara nei e mee maa ko ai ttama ma ki hano no toomai Christ ki laro.) 7\"Kootou see vasirisiri hoki peelaa, 'Ko ai ttama ma ki hano ki te kina te mate?'\" (taratara nei e mee maa ko ai ttama ma ki hano no hakaahea mai Christ i te mate.) 8Te taratara nei e mee maa, \"Naa taratara TeAtua ni kaumai ki illoa taatou raa e takkoto koi i taatou. Naa taratara naa e takkoto i naa maaisu taatou ma iloto naa hatumanava taatou.\" Teenei ko naa taratara i naa lotu maaoni taatou, teelaa e ssare maatou ka hakaea ki naa tama te maarama nei.+ 9Ttiputipu te lotu maaoni raa e takoto peenei: Ki mee koe e taratara maa Christ ko TeAriki, ka iloa hoki maa Christ ni hakamasikeria TeAtua i te mate, koe ma ki oti ku hakasaoria TeAtua. 10I te aa, naa ora taatou e ttonu imua TeAtua i taatou e illoa maaoni iaa Ia, aa taatou ma ki hakassaoria TeAtua i taatou e taratara maa Christ ko taatou Ariki.\n11Te Laupepa Tapu raa e hakatuu peelaa, \"Ttama e iloa maaoni i te tama naa ma ki see napa imuri.\"+ 12Te taratara nei e mee ki te kau tama hakkaatoa. Te mee raa see hakatonu maa koe se Jew, seai maa koe se tama i naa henua sara. TeAtua ko te Ariki tokotasi naa tama naa kanohenua hakkaatoa. A Ia e hookii te mee taukareka ki naa tama e ssee kiaa Ia ki tokonaki ake ki laatou. 13Te Laupepa Tapu raa e mee maa, \"Naa tama e ssee ki TeAriki ki tokonaki ake ki laatou raa ma ki hakassaoria TeAtua.\"+\n14Tevana iaa laatou ma ki ssee peehea ki TeAriki ki mee maa laatou see illoa maaoni iaa Ia? Laatou ma ki illoa peehea iaa Ia ki mee maa laatou seki llono naa taratara e mee iaa Ia? Aa laatou ma ki llono naa taratara naa peehea ki mee maa see hai tama e hakaea ake ki laatou? 15Naa taratara naa ma ki hakaeaina e ai, ki mee maa see hai tama e heunatia ki oo no tarataraina naa taratara naa? Te Laupepa Tapu raa e mee maa, \"Naa tama te maarama nei e fiaffia i naa tama ni heunatia ake TeAtua no hakaea te Lono Taukareka ki laatou!\"+ 16Tevana iaa e mooisi koi naa tama ni tauhia laatou naa taratara te Lono Taukareka raa i naa manava laatou. Isaiah ni taratara peelaa, \"TeAriki, ko ai te tama ni hakannoo ki naa taratara maatou ni hakaea?\"+ 17Taatou nei ku illoa maa te lotu maaoni raa e sura i naa llono taatou i te Lono Taukareka i Christ teelaa e hakaeaina mai ki taatou.\n18Teenei nau ku vanaatu ki kootou: Naa tama i Israel raa ku oti te llono i naa taratara naa. I te aa i te Laupepa Tapu raa e hakatuu peelaa:\n\"Naa taratara naa tama ni heunatia TeAtua\nki hakaea te Lono Taukareka raa\nni ttoha ki naa kina hakkaatoa i te maarama nei.\"+\n19Nau ma ki vasiri peelaa, E aa? Naa tama i Israel raa ni see illoa i te taratara nei? Naa taratara TeAtua raa ni kaumai Moses peenei:\n\"Kootou ma ki haia a nau ki manava haaeo kootou\ni naa tama te henua kootou e vana maa seai se henua.\nKootou ma ki manava haaeo hoki\ni naa tama te henua kootou e vana maa e vvare.\"+\n20Isaiah hoki e taratara haimahi i te mee nei: \"Nau ni laavea naa tama ni see anaana ma ki ssee kiaa nau. Nau ni hakasura ki naa tama ni see vasirisiri ki illoa laatou iaa nau.\"+ 21I ana taratara ni mee i te kanohenua Israel raa, TeAtua ni vanaake peelaa ki Isaiah, \"Aku rima ni ffora atu peenaa i te kau aso ki laatou, naa tama see hakannoo ki te taratara, aa e karamata kkaa.\"+\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/10\/","date":"2018-09-19T09:35:42Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156096.0\/warc\/CC-MAIN-20180919083126-20180919103126-00214.warc.gz","language":"nho","language_score":1.0000023842,"language_script":"Latn","minhash_cluster_size":2,"top_langs":"{\"nho_Latn_score\": 1.000002384185791}","num_words":934,"character_repetition_ratio":0.075,"word_repetition_ratio":0.006,"special_characters_ratio":0.226,"stopwords_ratio":0.559,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 19:35\n35Naa tama naa ni haihai peenaa no lavaa iloo laatou te hakamau te matakaaina naa te haia ka nnoho seemuu, teenaa te hakamau naa ni mee ake peelaa ki naa tama naa, \"Kootou naa tama i Epises! Naa tama i naa kina hakkaatoa e illoa maa te matakaaina Epises raa e mmata ake ki te hare aitu te atua hakamaatua Artemis aa ma te hatu e tapu teelaa ni leiho mai i te lani.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/19\/35","date":"2018-09-25T07:51:10Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267161214.92\/warc\/CC-MAIN-20180925063826-20180925084226-00342.warc.gz","language":"nho","language_score":0.8397086859,"language_script":"Latn","minhash_cluster_size":2,"top_langs":"{\"nho_Latn_score\": 0.839708685874939, \"rar_Latn_score\": 0.020277533680200577, \"wls_Latn_score\": 0.016083812341094017}","num_words":156,"character_repetition_ratio":0.071,"word_repetition_ratio":0.0,"special_characters_ratio":0.2,"stopwords_ratio":0.282,"flagged_words_ratio":0.0,"lang_id_score":0.825,"perplexity_score":500.0,"cluster_detection":1} +{"text":"MARK 10\nJesus e taratara i te tiputipu te hai aavana e mavvae\n1Jesus ni masike i te kina naa no hano ki Judea. A Ia ni hano no hakahiti iloo ki telaa vasi te Riva Jordan. I te kina naa raa, te henua ni kkutu ake hoki kiaa Ia. A Ia ni noho hoki no akonaki naa tama naa, e mee pee ko ana vana maraa e mee i aaraa kina.\n2E mee aaraa Faarisi ni oo ake kiaa Ia no vasirisiri tipua ina laatou Jesus ki hakasara se taratara maana. Naa tama naa ni oo ake no vasiri peelaa ki Jesus, \"Taratara mai, naa Loo taatou raa e taratara maa te tanata raa e lavaa te tiiake ia tana aavana?\"\n3Jesus ki vasiri ake hoki ki laatou, \"Teelaa se iloa peehea Moses ni kauatu ki kootou?\"\n4Naa tama naa ni hakaahe ake peelaa, \"Moses ni hakattana te tanata raa ki sissii imua ki loto se laupepa maa laaua ku see aavvana, ki oti are raa, te ffine raa ku heunatia a ia ki hano.\"+\n5Jesus ki mee ake ki laatou, \"Moses ni sissia a ia te loo nei ki tautari kootou, i kootou e ako nataa iloo. 6Tevana iaa, te saaita TeAtua ni penapena te lani ma te kerekere raa, a Ia ni penapena te tanata aa te ffine.+ 7Teenaa ko te vana te tanata raa e tiiake ia tana tamana aa ma tana tinna raa no hakapaa ki tana aavana, 8aa laaua ku mee ma se tama tokotasi. Teenaa laaua naa ku see mee hoki ma se takarua; laaua ku mee ma se tama tokotasi.+ 9Se hai tama te kerekere nei ki vaaea a ia naa mee TeAtua ni hakapaa.\"\n10Te saaita laatou ni ahe ki hare raa, naa disaipol raa ni vasiri ake ki Jesus i aana mee ni taratara ake ki laatou. 11Teenaa ki mee ake Jesus ki laatou, \"Te tanata e tiiake ia tana aavana no aavana i telaa ffine raa, te tanata naa e pena te haisara te aavana huri ki tana aavana mua. 12Peelaa hoki te ffine e tiiake ia tana aavana no aavana te laa tanata raa, te ffine naa e pena te haisara te aavana huri.\"+\nJesus ma naa tamalliki punaammea\n13E mee naa tama ni too ake naa tamalliki laatou raa ki Jesus ki hakapiri ana rima i aruna naa tamalliki naa, araa nei naa tama naa ni nutua naa disaipol. 14Saaita Jesus ni kite i te vana ana disaipol ni mee naa raa, a Ia ni loto iloo ka mee ake peelaa ki laatou, \"Kootou tiiake naa tamalliki raa ki oomai kiaa nau, kootou see puuia kootou, i te Nohorana TeAtua raa se kina naa tama e mee pee ko naa tamalliki nei. 15Nau e kauatu te taratara maaoni nei. Ki mee se tama e hiihai maa ia ki tae ki te Nohorana TeAtua, a ia ki mee pee ko na tamalliki punaammea nei.\"+ 16Teenaa purutia iloo Ia naa tamalliki naa kiaa Ia no hakapiri ana rima ki aruna laatou no hakahiahiaria laatou.\nTe tama e hai mane\n17Te saaita Jesus ni masike hoki ki hano raa, te tanata tokotasi ni tere ake no tuu ki ana turi imua aana no vasiri peelaa kiaa Ia, \"Taku Tisa taukareka, nau ki mee peehea ki too nau te ora e ora hakaoti?\"\n18Jesus ki mee ake, \"Ai koe e mee mai ai maa nau e taukareka? See hai tama e taukareka, TeAtua koi soko Ia e taukareka. 19Koe e iloa i naa loo e mee peelaa, 'Kootou see taa tama; kootou see hai huri ma naa aavana aaraa tama; kootou see kailaaraotia kootou naa mee aaraa tama; kootou see taratara kailallao ka tuku haaeo i telaa tama; kootou see sosorina tippua ma ki toa kootou naa mee aaraa tama; hakannoo ki naa taratara too tamana ma too tinna.'\"+\n20Te tanata raa ki mee ake, \"Taku Tisa, kaamata mai iloo i taku saaita koi tamariki raa, nau ni tautari ki naa loo nei hakkaatoa.\"\n21Jesus ni llee tana manava i te tanata naa, teenaa ttoka tonu atu iloo Ia ki te tanata naa no mee ake, \"E takoto te mee tokotasi ki haia a koe. Too oo hekau raa hakkaatoa no kauake ki aaraa tama ki tauia, aa koe ku vaevae atu oo mane raa ki naa tama see hai mee. Teenaa koe ma ki hai mee e takkoto i te lani; aa koe ku au no tautari kiaa nau.\" 22I te saaita te tanata naa ni lono i naa taratara Jesus raa, a ia ni mei hakaoti, teenaa i aa ia se tama e hai mane. A ia ni masike no hano hakaaroha iloo ki tana hare.\n23Jesus ni ttoka ki ana disaipol raa no mee ake, \"Te tama e hai hekau aa e hai mane raa ma ki hainattaa iloo te uru atu ki te Nohorana TeAtua!\"\n24Naa disaipol naa ni tteki iloo i naa taratara Jesus ni mee ake naa, araa Jesus ku ttao atu hoki, \"Aku tama, e hainattaa iloo te uru ki loto te Nohorana TeAtua! 25Te kamol ki hakauru tana pisouru ki loto te pokopoko te ttui raa, e hainauhie iaa i te tama e hai mane ki uru ki loto te Nohorana TeAtua.\"\n26Naa disaipol Jesus raa ni tteki hakaoti i ana taratara e kauake nei, teenaa ki vasirisiri laatou soko laatou peelaa, \"Ni tama peehea raa ma ki lavaa te hakassaoria?\"\n27Teenaa ttoka tonu atu iloo Jesus ki laatou no mee ake, \"Naa vana nei e hainattaa ki naa tama te maarama nei, aa ki TeAtua iaa, naa vana hakkaatoa e hainauhie.\"\n28Araa Peter ku mee ake, \"Ttoka mai, maatou ni tiiake katoo naa mee maatou no tautari kiaa koe.\"\n29Teenaa ki mee ake Jesus, \"E maaoni, aa teenei nau ku taratara atu ki kootou: Ttama e tiiake ia tana hare, ana taaina, ana kave, tana tinna, tana tamana, ana tamalliki, aa ma ana tori raa ki haia a ia aku heuna aa ma naa heuna te Lono Taukareka raa, 30ttama naa ma ki ssura te lopo mee i te ssao te maarama nei. Ana mee ma ki noho ma ia naa, teenaa ni lau. Teenaa ko ana hare, ana taaina, ana kave, ana tinna, ana tamalliki, ana tori, aa ma i ana hakallono isu i aa ia e tautari kiaa nau; aa i te maarama ma ki ttao mai imuri raa, a ia ma ki taka ma te ora e ora hakaoti. 31Tevana iaa e tammaki naa tama e mmata te henua maa ni tama hakamaatua i te ssao nei ma ki tukumurina TeAtua maa ni tama see hai vana e taunai, aa e tammaki naa tama teelaa e tukumurina te henua maa ni tama see hai vana e taunai i te ssao nei ma ki hakanohoria TeAtua ma ni tama hakamaatua.\"+\nTe ttoru i naa saaita Jesus ku taratara i tana mate\n32Jesus laatou ma ana disaipol raa ni sassare ka oo ki Jerusalem, teenaa Jesus ni hano vaamua ana disaipol. Ana disaipol naa ni sassare ka ssopo naa manava laatou, aa naa tama ni oo atu vaamuri raa iaa ni mattaku. Teenaa Jesus ni too hoki tana taka sinahuru maa te takarua disaipol raa hakavasi no taratara ake i naa vana ma ki mee i aa Ia. 33A Ia ni taratara ake peelaa, \"Hakannoo mai. Taatou e oo ki Jerusalem, teenaa te Tama te Henua raa ma ki kaavea ki naa maatua hakamaatua aa ma naa tisa naa Loo. Naa tama naa ma ki hakatonu laatou taratara ki taia ttama naa ki mate, teenaa ttama naa ma ki kaavea laatou ki naa tama naa henua sara. 34Ttama naa ma ki tautausua ina naa tama naa ka sasaavarea; a Ia ma ki sarua laatou ka taia no mate, tevana iaa a Ia ma ki masike no ora hoki i te ttoru naa aso.\"\nTe hiihai James laaua ma John\n35Te haanau James laaua ma John, naa tama Sebedii raa ni oo ake ki Jesus no mee ake peelaa, \"Tisa, maaua e fiffai maa koe ki haia a koe te vana maaua e taratara atu nei.\"\n36Jesus ki vasiri ake, \"Teelaa se aa?\"\n37Takarua naa ki mee ake, \"Too saaita e noho hakamaatua i too Nohorana raa, maaua e fiffai ma maaua ki nnoho i oo vasi, telaa tama i too vasi hakamaatau, aa telaa tama i too vasi hakamaavii.\"\n38Teenaa ki mee ake Jesus, \"Koorua see illoa maa teenaa ni taratara peehea koorua e kaumai naa. Koorua e lavaa te unu te kap i naa haaeo teelaa ma ki unu ai nau? Koorua ma ki lavaa te hakaukau tapuina ki taku hakaukau tapu ma ki too nei?\"+\n39Takarua raa ki mee ake, \"Uee, maaua e lavaa.\"\nTeenaa ki mee ake Jesus, \"Koorua maaoni ma ki unu taku kap pee ko nau ma ki unu, ka too hoki te hakaukau tapu pee ko nau ma ki too. 40Tevana iaa teelaa seai ko nau raa e ttapa ma ko ai ttama ma ki noho i taku vasi hakamaatau aa i taku vasi hakamaavii. Teelaa are ko TeAtua raa e kauake naa kina naa ki ana tama ni tini maa teenaa ni kina laatou.\"\n41Te saaita te laa taka sinahuru disaipol raa ni llono te mee naa raa, laatou ni lloto iloo i James laaua ma John. 42Teenaa aru iloo Jesus ki ana disaipol naa hakkaatoa no mee ake, \"Kootou e illoa maa naa tama e haia ma ko naa hakamau i naa henua sara raa e nnoho hakamaatua i naa kanohenua laatou, aa naa tama i naa henua naa e hakannoo lokoi ki naa hakamau laatou naa. 43Kootou iaa ki see mee peenaa. Ki mee maa se tama i kootou e hiihai maa ia ki noho hakamaatua i aruna aaraa tama, a ia ki heheuna i laro kootou hakkaatoa;+ 44aa te tama e hiihai maa ia ki taka vaamua raa, a ia ki heheuna poe i naa tama hakkaatoa.+ 45I te aa, i Ttama te Henua raa iloo ni see au ma ki heheuna te henua i aa Ia; a Ia ni au no heheuna maa te henua aa no mee ki mate Ia ki hakasaoria te kau tama.\"\nBartimius, ttama e ppuni ana karamata, e haia Jesus no kite\n46Jesus ma ana disaipol raa ni oo no ttae iloo ki Jericho. Te saaita laatou ma te kuturana tama e tammaki ni massike i te matakaaina naa ki oo raa, teelaa se tanata e ppuni ana karamata e noho i te vasi te ara ka kaikainnoo mane. Te inoa te tanata naa ko Bartimius, te tama Timius. 47I tana saaita ni lono maa teelaa ko Jesus ttama i Nazareth raa, a ia ki tanitani varo peelaa, \"Jesus, te Tama David, aroha iaa nau!\"\n48E tammaki naa tama ni ffuri atu no nutua ia ki ppui tana pukua, tevana iaa te tanata naa ni ssau koi tana reo no tanitani varo peelaa, \"Te Tama David nei, aroha i aa nau!\"\n49Teenaa ttuki iloo Jesus no vanaake ki ana disaipol, \"Kannaatia mai ttama naa.\"\nAraa vanaake iloo naa tama naa ki Bartimius, \"Koe see mataku, masike ki aruna i aa koe raa ku kannaatia.\"\n50Bartimius ni pesi koi tana kkahu raa hakavasi no masike ka hanatu ki Jesus.\n51Jesus ki vasiri ake, \"Koe e hiihai maa koe ki haia a nau peehea?\"\nTeenaa ki mee ake ttama e ppuni ana karamata naa, \"Nau e hiihai maa nau ki kite hoki.\"\n52Jesus ki mee ake, \"Aa tere, oo karamata raa ku taukalleka i aa koe e hakataakoto tonu iaa nau.\"\nNaa karamata ttama naa ni taukalleka lokoi i te saaita naa, teenaa hanatu iloo ia vaamuri Jesus i te ara.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/10\/","date":"2018-09-23T20:30:58Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159744.52\/warc\/CC-MAIN-20180923193039-20180923213439-00425.warc.gz","language":"nho","language_score":1.0000033379,"language_script":"Latn","minhash_cluster_size":4,"top_langs":"{\"nho_Latn_score\": 1.0000033378601074}","num_words":2014,"character_repetition_ratio":0.058,"word_repetition_ratio":0.0,"special_characters_ratio":0.238,"stopwords_ratio":0.518,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 21:32\n32I te aa, John te Baptis ni hanatu ki hakaari atu ki kootou i te ara e tonu kootou ki too, tevana iaa kootou ni see hakannoo atu kiaa ia; naa tama e aoao naa takis ma naa haahine hai huri raa iaa ni hakannoo kiaa ia. Aa niaaina maa kootou ni kkite i te mee naa raa, kootou ni see lavaa iloo te ffuri naa mannatu kootou no hakannoo atu kiaa ia.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/21\/32","date":"2018-09-21T20:24:06Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267157503.43\/warc\/CC-MAIN-20180921190509-20180921210909-00431.warc.gz","language":"nho","language_score":0.8548677564,"language_script":"Latn","minhash_cluster_size":2,"top_langs":"{\"nho_Latn_score\": 0.8548677563667297, \"rar_Latn_score\": 0.020246880128979683, \"wls_Latn_score\": 0.01541808620095253, \"hif_Latn_score\": 0.011117035523056984}","num_words":155,"character_repetition_ratio":0.073,"word_repetition_ratio":0.0,"special_characters_ratio":0.204,"stopwords_ratio":0.277,"flagged_words_ratio":0.0,"lang_id_score":0.85,"perplexity_score":500.0,"cluster_detection":1} +{"text":"ROME 2\nTe Hakatonu TeAtua.\n1Kootou see tuku taratara maa telaa tama se tama haisara. Ki mee kootou e tuku taratara peenaa i telaa tama, kootou naa ku tuku haaeo ki kootou soko kootou, i te aa, kootou hoki ni tama haisara.+ 2Taatou e illoa maa TeAtua e taratara maaoni i tana saaita e mee maa naa tama e sosorina peenaa e ssara. 3Kootou iaa ni tamavare koi. Kootou e tarataraina peehea kootou telaa tama maa kootou hoki ni tama haisara? Kootou e mannatu maa TeAtua ma ki see hakatonutonu i kootou? 4TeAtua e manava aroha i kootou aa e roorosi hakaraaoi ki kootou. Tevana iaa kootou e mee ma ni tama see fiffai ki naa tiputipu tana laaoi naa. Kootou e illoa maa TeAtua e manava aroha i kootou, teenaa a Ia e hiihai maa kootou ki tiiake naa tiputipu see ttonu kootou. 5Kootou iaa koi taaohi ki naa sosorina see ttonu kootou. Kootou see lavaa iloo te ffuri naa manava kootou. Kootou naa ku hakanaaopo te kau haaeo ki takkoto i kootou i te Aso TeAtua ma ki hakappuu ana roto, teenaa ko te saaita te Hakatonu TeAtua raa ma ki hakasura iho. 6TeAtua ma ki hookii ake naa tuuhana naa tama te maarama nei, ki tau ma naa sosorina laatou.+ 7E mee aaraa tama e hai peenaa naa mee e taukalleka, e sessee naa mahi TeAtua, e mee ma ki hakanau TeAtua i laatou, aa e fiffai te ora see oti. Teenaa TeAtua ma ki kauake te ora e ora hakaoti. 8Aaraa tama iaa e hikkahi ki laatou. Naa tama naa see hakannoo ki naa taratara maaoni, laatou koi tautari ki te tiputipu see tonu. Teenaa TeAtua ma ki pesi atu ana haaeo ki laatou. 9Naa haaeo e llasi raa ma ki pesi ki naa tama haisara hakkaatoa. Naa haaeo naa ma ki kaamata i naa Jew no hakaoti ki naa tama naa matakaaina sara. 10Tevana iaa TeAtua ma ki hakanau ka hookii ana mahi ma tana laaoi ki naa tama e sosorina taukalleka, e kaamata i naa Jew no hakaoti ki naa tama naa matakaaina sara. 11TeAtua see hirihiri maa ni tama ana e hiihai. A Ia ma ki hakatonutonu naa tama te maarama nei i te ara tokotasi.+\n12Naa tama ni see illoa i naa Loo Moses raa, ki mee laatou e hakassara ni vana ma laatou, laatou ma ki mmate ma naa haisara laatou. Naa tama ni ttipu ake ma naa Loo Moses raa iaa, ki mee maa naa tama naa e mee naa haisara laatou, teenaa TeAtua ma ki hakatonutonu laatou i te vasi naa Loo Moses. 13Te ora te tama raa see tonu i naa karamata TeAtua ki mee maa te tama naa e hakannoo koi ki naa Loo Moses. A ia ki tautari ki naa taratara naa Loo naa. 14Naa tama naa matakaaina sara raa see illoa i naa Loo Moses, tevana iaa naa saaita laatou e ppena naa vana laatou e mannatu maa e ttonu, aa e hanotonu ma naa Loo Moses raa, naa mannatu laatou naa ku takkoto ma ni Loo ki laatou, niaaina maa laatou ni see ttipu ake ma naa Loo Moses. 15Naa sosorina laatou e huri ake maa naa Loo Moses raa e takkoto iloto naa manava laatou. Laatou e lavaa te hakatuu ki naa pisouru soko laatou i te vana e tonu ma te vana e sara. 16Naa vana nei ma ki ssura i te Aso te Hakatonu TeAtua. I te Aso naa, Jesus Christ ma ki hakailotia a Ia te kau mannatu katoo te henua e ffuu iloto naa hatumanava laatou. Teenei te Lono Taukareka TeAtua.\nNaa Jew ma naa Loo Moses\n17Ai kootou? Kootou e mee maa kootou naa Jew raa ma ki tokonakina naa Loo, aa kootou hoki e ahu maa kootou ni tama TeAtua. 18Kootou e mee maa kootou e illoa i naa mee TeAtua e hiihai maa kootou ki mee, aa maa kootou ni akoina te Loo raa i naa mateara e ttonu. 19Kootou e hai maa kootou raa ko naa tama e hakattaki naa tama e ppuni naa karamata laatou, aa maa kootou hoki ko te lamu e hakamaasina naa tama e nnoho i te poouri. 20Kootou e hai maa kootou e akonaki naa tama e vvare ma naa tama see hai vana e illoa. Kootou e hai maa kootou nei ku illoa i te kau vana i kootou e ttaka ma te Loo. 21Kootou e akonaki aaraa tama; ai kootou iaa see lavaa te akonaki kootou soko kootou? Kootou e akonaki aaraa tama ki see kailallao; ai naa tino kootou seai ni tama e kailallao? 22Kootou e hai maa kootou e akonaki naa tama te maarama nei ki see hai huri ma naa aavana naa tama sara; ai kootou iaa e nnoho tonu ma naa aavana kootou? Kootou e taratara maa kootou see hakatauppiri atu ki naa aitu hakalellesi; ai kootou iaa e kailaaraotia kootou naa mee iloto naa hare tapu? 23Kootou e ahu maa kootou ni ttipu ake ma naa Loo Moses. Ai kootou iaa see tautari ki naa taratara e takkoto i naa Loo Moses? 24Te Laupepa Tapu raa e mee maa, \"Naa tama naa henua sara raa e taratara haaeo i TeAtua, i te aa naa tiputtipu kootou, naa Jew, see ttonu.\"+\n25Ki mee kootou e tautari maaoni ki naa Loo Moses, kootou naa e ssere tonu naa kina kootou. Teenaa se hakailona naa tama e ttaka ma naa Loo Moses. Aa ki mee kootou see tautari ki naa Loo naa, kootou e ssere vare koi naa kina kootou. 26Ki mee se tama sara see ssere, aa e tautari ki naa Loo, TeAtua ma ki mee ma te tama naa se tama e ssere. 27Maaoni, kootou naa Jew raa ni ttipu ake ma naa Loo ka ssere naa kina kootou. Tevana iaa, ki mee kootou e hakakkeeina kootou naa Loo raa, naa tama e tautari maaoni ki naa Loo raa ma ki taratara haaeo i kootou. Niaaina maa naa tama naa see ssere naa kina laatou, naa tama naa e hakannoo koi ka tautari ki naa Loo Moses. 28Te Jew maaoni raa seai ko te tama e ssere ka hakamaatino tana haitino vare. Seai. 29Te Jew maaoni raa ko te tama e ssere tana hatumanava iloto. Teenei ko te hakailona TeAitu TeAtua. Teenei seai se hakailona naa Loo Moses. Naa tama peenei ma ki ttaka ma naa ahu TeAtua, seai ma ni ahu naa tamavare.+\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/2\/","date":"2018-09-25T21:10:04Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267162385.84\/warc\/CC-MAIN-20180925202648-20180925223048-00455.warc.gz","language":"nho","language_score":1.0000063181,"language_script":"Latn","minhash_cluster_size":4,"top_langs":"{\"nho_Latn_score\": 1.0000063180923462}","num_words":1150,"character_repetition_ratio":0.087,"word_repetition_ratio":0.005,"special_characters_ratio":0.224,"stopwords_ratio":0.59,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 21:24\n24Koe ku hano ma naa tama naa aa kootou hakapaa ku hakamaarama naa haitino kootou, i te vasi naa Loo raa, ki mataffua imua naa karamata TeAtua. Ki oti koe ku taavi ki lavaa naa tama naa te tasia naa lauru laatou. I te ara nei raa, te henua hakkaatoa ma ki illoa maa naa taratara naa tama ni mee iaa koe raa seai ni taratara maaoni, aa maa koe too tino e tautari ki naa Loo Moses.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/21\/24","date":"2018-09-25T01:46:52Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160853.60\/warc\/CC-MAIN-20180925004528-20180925024928-00063.warc.gz","language":"nho","language_score":0.8371139765,"language_script":"Latn","minhash_cluster_size":2,"top_langs":"{\"nho_Latn_score\": 0.8371139764785767, \"rar_Latn_score\": 0.027186641469597816, \"sps_Latn_score\": 0.023785658180713654, \"hif_Latn_score\": 0.013758880086243153}","num_words":160,"character_repetition_ratio":0.073,"word_repetition_ratio":0.0,"special_characters_ratio":0.203,"stopwords_ratio":0.3,"flagged_words_ratio":0.0,"lang_id_score":0.822,"perplexity_score":500.0,"cluster_detection":1} +{"text":"MATTHEW 13\nTe parapol ttama e pesipesi naa hua laakau\n1Te aso naa koi raa, Jesus ni masike i te hare naa no hano iloo ki tai te Namo Galilee no noho ka akonaki naa tama. 2Naa tama ni kkutu ake kiaa Ia raa e tammaki iloo. Teenaa kake iloo Ia ki aruna te poti raa no noho, aa naa tama raa iaa e ttuu ake i uta.+ 3Jesus ni akonaki ake te kau mee hakkaatoa ka taratara ki naa parapol, teenaa e taratara ake peelaa ki naa tama naa:\n\"Hakannoo mai. Teelaa se tama ni hano no pesipesi naa hua wit raa ki ssomo i tana verena. 4Tana saaita ni pesipesi naa hua raa, araa hua ni maaoha ki aruna te saarena, ka llee ake naa manu raa no kaina. 5Aaraa hua ni maaoha ki te korohatu, see hai kerekere maaoni. Naa hua wit naa ni matiri vave lokoi, i te pela raa see lasi. 6Araa nei i te saaita te laa ni tii raa, naa wit ni mattiri ake naa ni tuunia koi ka mmate, teenaa naa wit naa ni pakupakuria i naa patiaka naa wit naa ni see ttae ki laro iloo. 7Aaraa hua ni maaoha vaaroto te vao tititai, teenaa naa wit naa ni torohia atu te tititai naa no mmate. 8Aaraa hua iaa ni maaoha ki aruna te pela e taukareka, teenaa naa wit naa ni ssomo hakaraaoi iloo no ppesi naa kaikai laatou. Aaraa wit e taa te lau; aaraa wit e taa te mataono; aa aaraa wit iaa e taa te mata toru naa hua.\"\n9I tana saaita ni hakaoti ana taratara nei raa, Jesus ki mee ake ki laatou, \"Ki mee maa kootou e fiffai ki illoa kootou, kootou ku hakannoo mai!\"\nTe hakataakoto i naa parapol Jesus e hakaea\n10Teenaa oo atu iloo naa disaipol raa ki Jesus no vasiri ake kiaa Ia, \"I too saaita maraa e taratara ki te henua raa, ai koe e taratara ai ki naa parapol?\"\n11Jesus ki mee ake, \"Te hakataakoto i naa taratara huu te Nohorana te Lani raa, teenei e kauatu nau ki kootou; naa taratara naa see kauake nau ki aaraa tama. 12Te tama ni kauake ana mee TeAtua raa, TeAtua ma ki kauake hoki aaraa mee aana, teenaa ki ttoe iaa i tana kooina ni hiihai; aa te tama seai ana mee ni kauake TeAtua raa, naa tamaa mee iloo ni noho ma ia raa ma ki toa iaa ia.+ 13Nau e taratara ki naa tama naa i naa parapol raa i te mee nei:\n'Niaaina maa naa tama naa e tokatoka ma ki kkite laatou,\nlaatou ma ki see kkite.\nNiaaina maa naa tama naa e hakannoo ma ki llono laatou,\nlaatou ma ki see massaro.'\n14Teenaa naa taratara te pure Isaiah raa e taratara i naa tama naa:\n'Kootou ma ki llono i aku taratara, tevana iaa kootou ma ki see massaro;\nkootou ma ki ttoka no kkite i aku vana e mee, tevana iaa kootou ma ki see illoa i te hakataakoto naa mee naa. 15I te aa, i naa tama nei e manava makattau;\nnaa tama naa see fiffai maa laatou ki hakannoo;\nnaa tama naa see fiffai maa laatou ki kkite.\nTeenaa naa tama naa ma ki see kkite ki naa karamata laatou;\nnaa kautarina laatou ma ki ppuni;\naa naa hakataakoto laatou ma ki see mallama,\naa teenaa laatou ma ki see ffuri mai kiaa Nau ma ki haia laatou ki taukalleka.'+\n16\"Kootou iaa e haia hakaraaoina iloo TeAtua! Kootou naa ni lavaa te kkite ka llono i aku vana ni mee. 17Nau e kauatu te taratara maaoni nei: E tammaki iloo naa pure TeAtua aa e tammaki naa tama TeAtua ni fiffai iloo maa laatou ki kkite i naa mee kootou e kkite nei, tevana iaa laatou ni see lavaa; naa tama naa ni fiffai iloo maa laatou ki llono i naa vana kootou e llono nei, tevana iaa laatou ni see lavaa.+\nTe hakataakoto te parapol te tama e pesipesi naa hua wit\n18\"Hakannoo hakaraaoi ki illoa kootou i te hakataakoto te parapol i te tama e pesipesi naa hua wit. 19Naa tama e llono i naa taratara i te Nohorana te Lani, tevana iaa see illoa i te hakataakoto naa taratara naa raa, naa tama naa e mee pee ko naa hua wit teelaa ni maaoha ki aruna te saarena, teenaa te tipua e hakallika raa ni hanake no huutia naa taratara naa ki see takkoto iloto naa manava laatou. 20Naa hua wit ni maaoha ki te korohatu raa, teenaa ko naa tama ni fiaffia iloo i te llono ana lokoi laatou i naa taratara TeAtua. 21Araa nei naa taratara naa ni see tauhia laatou ki takkoto iloto naa manava laatou; naa tama naa ni lotu koi i te tamaa saaita, aa i te saaita naa haaeo raa ni pakkuu ake i laatou e ttaka ma naa taratara naa raa, naa taratara TeAtua naa ni tiiake koi laatou. 22Naa hua ni maaoha vaaroto te vao tititai raa, teenaa ko naa tama ni llono i naa taratara TeAtua, tevana iaa naa taratara naa ni tiiake laatou i laatou ni hakaapiapi are ki naa vana te maarama nei aa e kaimannako ma ki hai mane laatou. Naa tama naa see lavaa iloo te kkite ma ni tiputtipu e taukalleka e ssura i naa ora laatou. 23Naa hua e maaoha i te pela e taukareka raa iaa, teenaa ko naa tama e llono naa taratara TeAtua no tauhia laatou ki takkoto iloto naa manava laatou, ka ssura naa tiputtipu e taukalleka raa i naa ora laatou. Teenaa e mee pee ko te tama e tori ana hua laakau raa no ssomo ka ppesi te lopo kaikai; naa laakau e ppesi tiki mata toru, naa laakau tiki mataono, aa naa laakau e taa te lau i ana kaikai.\"\nTe parapol i te vvee hakallika\n24Jesus ki taratara ake telaa parapol hoki: \"Te Nohorana te Lani raa e mee ma se tama ni pesipesi ana hua wit raa iloto tana verena. 25I te poo tokotasi, te saaita te henua ni mmoe raa, te tanata e lotoffaaeo iaa ia raa ni hanake no pesipesi iloo naa hua naa vvee raa iloto hoki te verena naa. 26Te saaita naa wit raa ni ssomo no kaamata ki ffua raa, naa vvee raa ni ssomo hoki no ssura. 27Naa poe te tanata raa ni oo atu kiaa ia no mee ake, 'Oo hua wit ni pesipesi iloto too verena raa e ssomo hakaraaoi iloo; aa teelaa ni vvee ni ssura ake i hea?' 28Te tanata e mee tana verena naa ki mee ake, 'Teenaa se tama e lotoffaaeo iaa nau naa e mee tana vana naa.' Teenaa ki vasiri ake ana poe, 'Koe e hiihai maa maatou ki oo no huti te vvee?' 29Te tanata raa ki mee ake, 'Seai. Kootou see oo no huti te vvee; naa wit raa ma ki mee no utania hoki kootou. 30Tiiake te vvee raa ki ssomo hakapaa ma naa wit. I te saaita naa wit raa ku ffua no mee ki vasi raa, nau ma ki vanaake ki naa tama e vasi raa ki huti te vvee raa imua no mee saitana aa ku tuunia ki te ahi, aa ki oti laatou ku haki naa hua wit raa no hakanaaopo ki loto taku hare e tukutuku kaikai.'\"\nTe parapol te hua te laakau e ttapa ma se mastat\n31Jesus ki kauake hoki telaa parapol: \"Te Nohorana te Lani raa e mee ma ko te tanata e too te hua te laakau e ttapa ma se mastat raa no hakatori iloto tana verena. 32Te hua te laakau naa e punaamea i naa hua naa laakau hakkaatoa. Tevana iaa i te saaita te laakau naa e somo raa, te laakau naa ma ki somo no lasi i naa laakau hakkaatoa, teenaa naa manu raa ma ki llee atu no takitaki naa ohana laatou raa i aruna naa laa te laakau naa.\"\nTe parapol te iis\n33Jesus ki kauake telaa parapol hoki: \"Te Nohorana te Lani e mee ma se iis te ffine e too no hakauru ki ana haraoa, aa niaaina maa ana haraoa raa e tammaki, naa haraoa naa e hakatipuina koi tana tamaa iis ni pesi naa.\"\nTe vana Jesus e hakaea ai ki naa parapol\n34I naa saaita katoo Jesus e taratara ki naa tama raa, a Ia maraa e taratara lokoi ki naa parapol; see hai saaita maa Ia ni taratara atu aa ma Ia ni see taratara ki naa parapol. 35A Ia ni mee tana vana nei ki ttino naa taratara te pure TeAtua raa ni mee imua:\n\"Nau ma ki taratara ki naa parapol i taku saaita e taratara ki naa tama naa;\nnau ma ki taratara ake i naa mee ni see ilotia te henua imua,\ne kaamata mai iloo i te mahaa mai ana te kerekere nei.\"+\nTe hakataakoto te parapol i te vvee e somo\n36Te saaita Jesus ni tiiake ia naa tama naa no hano ki hare raa, ana disaipol raa ni oo atu kiaa Ia no mee ake, \"Hakaari mai te hakataakoto te parapol i te vvee e somo iloto te verena.\"\n37Jesus ki mee ake, \"Te tama e pesipesi naa hua laakau e taukalleka raa, teenaa ko te Tama te Henua. 38Te verena raa, teenaa ko te maarama nei; naa hua laakau e taukalleka raa, teenaa ko naa tama te Nohorana te Lani; te vee somo i te verena raa, teenaa ko naa tama Satan; 39aa te tama e lotoffaaeo i te tama teelaa e pesipesi ana vvee iloto te verena raa, teenaa ko Satan. Te ssao ma ki vasi raa, teenaa ko te ssao naa mee katoo i te maarama nei ma ki hakaoti mai, aa naa tama ma ki vasi raa, teenaa ko naa ensol TeAtua.\n40\"I te saaita te maarama nei e hakaoti mai raa, naa tama Satan raa ma ki hakakkuturia no peesia ki loto te ahi, e mee pee ko te vvee ni hakanaaoporia no tuunia ki vvela i te ahi. 41Ttama te Henua raa ma ki heuna ana ensol raa ki oo no hakattaharia naa tama hakkaatoa teelaa e hakkoro aaraa tama ki ppena naa haisara aa ma naa tama katoo e sosorina hakallika, ki see nnoho laatou i tana Nohorana; 42naa tama naa ma ki peesia naa ensol raa ki loto te ahi e ura see mate, teenaa laatou ma ki ttani ka kakarati naa niho laatou. 43Teenaa naa tama TeAtua raa ma ki maasina pee ko te laa iloto te Nohorana te Tamana. Ki mee kootou e fiffai ki illoa, kootou ku hakannoo mai!\nNaa parapol e hakailoa te Nohorana te Lani\n44\"Te Nohorana te Lani raa e mee ma ni mee e taukalleka e laavea e mmoe ka ttanu iloto te kerekere. Te saaita naa mee naa ni laavea te tama tokotasi raa, naa mee naa ni tanumia hoki a ia. Te tama naa ni hiahia iloo, teenaa hano iloo ia no too hakkaatoa ana hekau raa no kauake ki tauia aaraa tama, araa ahe iloo te tama naa no tauia te kerekere e takkoto ai ana mee ni llave naa.\n45\"Te Nohorana te Lani hoki e mee pee ko naa sessee te tama i naa tamaa hatu e taavi mmaha e ttapa ma ni 'pearl'. 46I te saaita te tama naa ni lave tana mee e tiputipu taukareka iloo raa, a ia ni hano no too hakkaatoa ana hekau raa no kauake ki tauia aaraa tama, araa ahe iloo no tauia a ia te tamaa hatu naa.\n47\"Te Nohorana te Lani raa hoki e mee pee ko te kupena e pesi no hakamiri te kau ika hakkaatoa. 48Te saaita te kupena naa ni pii raa, ttaki iloo naa tama naa te kupena naa ki uta no hiri iloo naa ika naa; naa ika e taukalleka raa e haaoa laatou ki loto naa kete laatou, aa naa ika e hakallika raa iaa e peesia ki taha. 49Te mee raa ma ki mee peenei i te saaita te maarama nei ma ki hakaoti mai: naa ensol raa ma ki oo no vaaea naa tama e sosorina hakallika raa i naa tama e sosorina taukalleka, 50teenaa naa tama e sosorina hakallika raa ma ki peesia laatou ki loto te ahi e ura see mate, te kina naa tama naa ma ki ttani ka kakarati naa niho laatou.\"\n51Jesus ki vasiri ake ki ana disaipol, \"Kootou e illoa i aku vana e taratara atu nei?\"\nAna disaipol raa ki mee ake, \"Uee, maatou e illoa.\"\n52Araa Jesus ku vanaake ki laatou, \"Te mee nei e mee maa naa tisa hakkaatoa naa Loo teelaa ku mee ma ni disaipol iloto te Nohorana te Lani raa, e mee pee ko te tama e mee tana hare e huri no hanahana naa mee hoou aa ma naa mee tuai raa ki see takkoto iloto te hare e tukutuku ana mee.\"\nJesus e hakakkeeina naa tama i Nazareth\n53I te saaita Jesus ni oti te kauake naa parapol nei raa, a Ia ni masike i te kina naa 54no ahe ki tana tino matakaaina. A Ia ni akonaki te henua peenaa iloto te hare lotu naa Jew, teenaa naa tama ni llono i ana akonaki raa ni massaro iloo iaa Ia ka mee naa taratara laatou peelaa, \"Teenei se iloa te tama nei e toomai i hea? Teenei ni mahi te tama nei e kauake e ai ki lavaa ia te ppena naa mirakol nei? 55E aa? Teenei seai ko te tama e mee tana tamana e penapena hare? Teenei seai ko te tama Mary, aa e mee ana taaina maa ko James, Joseph, Simon, aa ko Judas? 56E aa? Teelaa seai ko ana kave raa e nnoho i te kina nei? Teenei se iloa aa ni mahi te tama nei e kauake e ai?\" 57Teenaa naa tama naa ni see fiffai maa laatou e hakannoo atu kiaa Ia.\nJesus ki mee ake ki laatou, \"Te pure TeAtua raa e haia hakaraaoina naa tama i ana matakaaina katoo e hano; a ia iaa ma ki hakakkeeina naa tama i tana tino matakaaina. Teenaa ana tino hareaakina raa iloo ma ki see illoa atu kiaa ia.\"+ 58Jesus ni seai ana mirakol ni mee i te kina naa, i te aa, i naa tama i te kina naa see hakannoo kiaa ia.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/13\/","date":"2018-09-18T14:00:57Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155413.17\/warc\/CC-MAIN-20180918130631-20180918150631-00189.warc.gz","language":"nho","language_score":1.0000048876,"language_script":"Latn","minhash_cluster_size":4,"top_langs":"{\"nho_Latn_score\": 1.0000048875808716}","num_words":2468,"character_repetition_ratio":0.075,"word_repetition_ratio":0.005,"special_characters_ratio":0.236,"stopwords_ratio":0.571,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 11:21\n21\"Kootou naa tama i naa matakaaina Korasin ma Bethsaida; naa haaeo e llasi ma ki pakkuu atu ki kootou! Ki mee maa naa mahi TeAtua ni hakassura i naa matakaaina kootou nei ni hakasuratia hoki nau i Tyre ma Saidon raa, naa tama sara i naa matakaaina naa kunaa ffuri are naa manava laatou. Ki mee raa, naa tama naa ku naa nnoho are ma naa maro ppari laatou ka huna naa haitino laatou ki naa nanahu, ki huri ake peelaa maa laatou ku ffuri naa manava laatou!\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/11\/21","date":"2018-09-22T17:21:14Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158609.70\/warc\/CC-MAIN-20180922162437-20180922182837-00318.warc.gz","language":"nho","language_score":0.8629620075,"language_script":"Latn","minhash_cluster_size":4,"top_langs":"{\"nho_Latn_score\": 0.862962007522583, \"hif_Latn_score\": 0.013875854201614857, \"sps_Latn_score\": 0.013549857772886753}","num_words":170,"character_repetition_ratio":0.077,"word_repetition_ratio":0.0,"special_characters_ratio":0.198,"stopwords_ratio":0.329,"flagged_words_ratio":0.0,"lang_id_score":0.861,"perplexity_score":500.0,"cluster_detection":1} +{"text":"ACTS 25:16\n16Tevana iaa nau ni taratara ake ki naa Jew naa maa te ara taatou, naa tama i Rome, e hakatonutonu te tama e kotia raa, taatou see illoa te ttapa lokoi maa te tama e kotia raa e sara; taatou maraa e tiiake te tama naa ki noho hakapaa ma naa tama e mee laatou koti iaa ia, teenaa ki lavaa te tama naa te hakatonu tana vasi raa imua.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/25\/16","date":"2018-09-23T19:38:24Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159744.52\/warc\/CC-MAIN-20180923193039-20180923213439-00478.warc.gz","language":"nho","language_score":0.8115330935,"language_script":"Latn","minhash_cluster_size":2,"top_langs":"{\"nho_Latn_score\": 0.8115330934524536, \"rar_Latn_score\": 0.06945240497589111, \"sps_Latn_score\": 0.017656847834587097, \"wls_Latn_score\": 0.016274094581604004, \"mri_Latn_score\": 0.010247667320072651}","num_words":152,"character_repetition_ratio":0.071,"word_repetition_ratio":0.0,"special_characters_ratio":0.204,"stopwords_ratio":0.289,"flagged_words_ratio":0.0,"lang_id_score":0.784,"perplexity_score":500.0,"cluster_detection":1} +{"text":"ACTS 18:27\n27Te saaita Apollos ni maanatu ma ki hano ia ki Greece raa, naa tama te lotu i Epises raa ni tokonaki kiaa ia ka sissii laatou pas, ka kaavea ki naa tama te lotu i Greece raa ki mmata ake hakaraaoi ki Apollos. Teenaa i tana saaita ni tae ki Greece raa, naa tama teelaa ni huria naa manava laatou te laaoi TeAtua no lotu raa, ni tokonakina hakaraaoi iloo a ia.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/18\/27","date":"2018-09-20T21:15:17Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156613.38\/warc\/CC-MAIN-20180920195131-20180920215531-00202.warc.gz","language":"nho","language_score":0.6251754761,"language_script":"Latn","minhash_cluster_size":2,"top_langs":"{\"nho_Latn_score\": 0.6251754760742188, \"rar_Latn_score\": 0.07355844974517822, \"hif_Latn_score\": 0.053254831582307816, \"wls_Latn_score\": 0.03740167245268822, \"gil_Latn_score\": 0.015084299258887768, \"yor_Latn_score\": 0.012698710896074772, \"sps_Latn_score\": 0.012362013570964336, \"mri_Latn_score\": 0.010028745979070663}","num_words":154,"character_repetition_ratio":0.075,"word_repetition_ratio":0.0,"special_characters_ratio":0.2,"stopwords_ratio":0.26,"flagged_words_ratio":0.0,"lang_id_score":0.558,"perplexity_score":500.0,"cluster_detection":1} +{"text":"MATTHEW 4:24\n24Te lono i naa vana Jesus ni mee naa ni tere vaaroto Syria hakkaatoa. Teenaa ki too ake naa tama raa naa tama e mmaki raa ki Jesus. Naa tama naa ni tama e laavea te lopo maki; naa tama e tauria naa tipua hakallika, naa tama e laavea te maki tekiteki, aa naa tama see lavaa te sassare. Jesus ni haia a Ia naa tama naa hakkaatoa no taukalleka.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/4\/24","date":"2018-09-22T22:07:04Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158691.56\/warc\/CC-MAIN-20180922201637-20180922222037-00205.warc.gz","language":"nho","language_score":0.8247952461,"language_script":"Latn","minhash_cluster_size":2,"top_langs":"{\"nho_Latn_score\": 0.8247952461242676, \"rar_Latn_score\": 0.023286933079361916}","num_words":152,"character_repetition_ratio":0.078,"word_repetition_ratio":0.0,"special_characters_ratio":0.201,"stopwords_ratio":0.289,"flagged_words_ratio":0.0,"lang_id_score":0.763,"perplexity_score":500.0,"cluster_detection":1} +{"text":"ROME 12:2\n2Kootou see tautari ki te tiputipu naa tama te maarama nei. Kootou ki tiiake TeAtua ki hakatipu se tiputipu hoou iloto naa manava kootou, ki ssura ni mannatu taukalleka ma kootou. Ki mee kootou e taaohi ki te tiputipu naa, kootou ma ki lavaa te illoa i naa vana TeAtua e hiihai maa kootou ki mee. Teenaa ko naa mee e taukalleka aa e ttonu maaoni teelaa e hiahia ai a Ia.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/12\/2","date":"2018-09-20T11:42:44Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156460.64\/warc\/CC-MAIN-20180920101233-20180920121559-00014.warc.gz","language":"nho","language_score":0.6225925088,"language_script":"Latn","minhash_cluster_size":1,"top_langs":"{\"nho_Latn_score\": 0.6225925087928772, \"rar_Latn_score\": 0.22590403258800507, \"wls_Latn_score\": 0.028930887579917908, \"hif_Latn_score\": 0.01867637038230896}","num_words":154,"character_repetition_ratio":0.072,"word_repetition_ratio":0.0,"special_characters_ratio":0.196,"stopwords_ratio":0.299,"flagged_words_ratio":0.0,"lang_id_score":0.592,"perplexity_score":500.0,"cluster_detection":1} +{"text":"MATTHEW 13:30\n30Tiiake te vvee raa ki ssomo hakapaa ma naa wit. I te saaita naa wit raa ku ffua no mee ki vasi raa, nau ma ki vanaake ki naa tama e vasi raa ki huti te vvee raa imua no mee saitana aa ku tuunia ki te ahi, aa ki oti laatou ku haki naa hua wit raa no hakanaaopo ki loto taku hare e tukutuku kaikai.'\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/13\/30","date":"2018-09-20T10:58:44Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156460.64\/warc\/CC-MAIN-20180920101233-20180920121604-00010.warc.gz","language":"nho","language_score":0.3751718998,"language_script":"Latn","minhash_cluster_size":2,"top_langs":"{\"nho_Latn_score\": 0.3751718997955322, \"rar_Latn_score\": 0.08931947499513626, \"wls_Latn_score\": 0.047484301030635834, \"pcm_Latn_score\": 0.04447098448872566, \"hif_Latn_score\": 0.03933797404170036, \"zne_Latn_score\": 0.024933064356446266, \"sps_Latn_score\": 0.021114379167556763, \"swh_Latn_score\": 0.012811246328055859, \"ton_Latn_score\": 0.012248178012669086, \"sco_Latn_score\": 0.011439231224358082, \"yor_Latn_score\": 0.01125800609588623, \"iso_Latn_score\": 0.010827451944351196, \"mri_Latn_score\": 0.0103581752628088}","num_words":149,"character_repetition_ratio":0.073,"word_repetition_ratio":0.0,"special_characters_ratio":0.207,"stopwords_ratio":0.268,"flagged_words_ratio":0.0,"lang_id_score":0.352,"perplexity_score":500.0,"cluster_detection":1} +{"text":"JOHN 10\nTe parapol te tama e roorosi ana sipsip\n1Jesus ki mee ake, \"Nau e taratara atu maaoni, te tama see uru tonu i te tootoka te hiri naa sipsip raa, teenaa se tama kailaarao. A ia e kake koi hakavasi te hiri raa no uru ki loto. 2Ttama e uru tonu i te tootoka te hiri raa, teenaa ko te tama maaoni e roorosi naa sipsip. 3Ttama e roorosi te tootoka raa e taaraki atu te tootoka raa kiaa ia, aa naa sipsip raa e mmate i tana reo. A ia e kannaa ki ana tino sipsip raa ki naa inoa laatou ka hakattaki naa manu naa ki haho te hiri. 4Tana saaita e hakauru naa sipsip naa ki haho raa, a ia maraa e sare imua, ki tautari ake ana sipsip naa vaamuri, i laatou e mmate i tana reo. 5Ana sipsip naa ma ki see lavaa te tautari ki telaa tama. Laatou ma ki ffuro no mmuni, i laatou see mmate i te reo ttama naa.\"\n6Jesus ni hakaea ake te parapol nei, tevana iaa naa tama naa ni see massaro i ana taratara naa.\nJesus te Tama e roorosi hakaraaoi naa sipsip\n7Teenaa ki mee ake hoki Jesus, \"Nau e taratara atu maaoni. Nau nei ko te tootoka te hiri naa sipsip. 8Naa tama ni oomai imua i taku saaita ni au raa, teenaa ni tama kailallao. Naa sipsip raa ni see hakannoo ki laatou. 9Nau nei ko te tootoka. Naa tama e uru mai i aa nau raa ma ki hakassaoria. Laatou ma ki ttana te oomai ki hare ka oo hoki ki haho no ssee naa kaikai laatou. 10Ttama kailaarao raa e uru mai koi no kailaarao, no taa tama, aa no seua naa mee iloto te hiri. Nau iaa ni au ki kaatoa naa ora kootou ki te kau vana e taukalleka.\n11\"Nau raa ko te tama e roorosi hakaraaoi naa sipsip. Nau e lavaa te mee ki mate nau, ki tokonaki nau ki aku sipsip. 12Ttama e tauia ki roorosi naa sipsip raa e lavaa koi te tere no mmuni i tana saaita e kite ma se manu vao e tere ake ki naa sipsip. Te manu vao naa ma ki osohia a ia naa sipsip raa ka ffuro huri naa sipsip. Te tama naa ma ki see maanatu ki naa sipsip i aa ia e iloa maa teenaa seai ni tino sipsip aana. 13Ttama e tauia ki roorosi naa sipsip raa ma ki tere, i aa ia e roorosi koi naa sipsip raa ma ki tauia ia, a ia iaa see aroha i naa sipsip. 14Nau iaa ko te tama e roorosi hakaraaoi ki naa sipsip. Nau e iloa hakaraaoi iloo i aku sipsip, aa aku sipsip raa hoki e illoa iaa nau, 15e mee koi pee ko te Tamana e illoa hakaraaoi iloo iaa nau, aa nau hoki e iloa i te Tamana. Nau e iloa i aku sipsip raa pee ko naa illoa aku sipsip raa iaa nau. Nau e lavaa te mee ki mate nau ki tokonaki nau ki laatou.+ 16E mee hoki aaraa sipsip aaku koi ttaka vaahaho te hiri. Nau ma ki hakauru mai naa sipsip naa ki loto te hiri nei. Laatou ma ki hakannoo kiaa nau, aa laatou ma ki ttaka hakapaa i laro te roorosi te tama tokotasi.\n17\"Te Tamana e hai tama laaoi iaa nau, i te aa, nau e hainauhie te hookii ake taku ora, i aa nau e iloa maa ia ma ki oti ku hakaahe mai hoki taku ora imuri. 18See hai tama e lavaa te too taku ora iaa nau. Nau taku tino e hookii taku ora soko nau. Nau hoki e lavaa te hakaahe taku ora soko nau. Teenei ni taratara taku Tamana ni kaumai kiaa nau.\"\n19Naa Jew raa ni hakatauttau soko laatou i te saaita laatou ni llono i naa taratara nei. 20Tammaki naa tama i laatou ni mee maa, \"Ttama nei e tauria te tipua. Ttama nei e vvare. Kootou hii hakannoo peehea ki naa taratara ttama nei?\"\n21Tevana iaa, e mee aaraa tama e taratara peelaa, \"Te tama e tauria te tipua raa see lavaa te taratara peenei. Peehea naa lavaa te tipua raa te haia a ia naa karamata naa tama e ppuni raa ki taukalleka?\"\nTe henua see fiffai ki Jesus\n22Te mee raa ku tae ki te ssao saumakallii. Te kaikai e lasi e ttapa ma ko Hakatapu te Hare Tapu raa e mee i Jerusalem. 23Saaita Jesus ni sasare vaaroto te kina e ttapa ma ko te Hakaseke i-taha Solomon iloto te Hare Tapu, 24naa tama raa ni hakakkutu ake no vasiri kiaa Ia, \"Koe ku ttari ki aa? Taratara maaoni mai ki maatou. Koe maaoni ko te Mesaea?\"\n25Jesus ki mee ake ki naa tama raa, \"Nau ku oti te taratara atu ki kootou, tevana iaa kootou ni see fiffai maa kootou e hakannoo kiaa nau. Aku vana e mee i naa mahi taku Tamana raa e hakailoa atu i aku tiputipu. 26Tevana iaa kootou ma ki see fiffai maa kootou ki hakannoo, i te aa, kootou seai ni sipsip aaku. 27Aku sipsip raa e mmate i taku reo. Nau e iloa i laatou, aa laatou e tautari kiaa nau. 28Te ora e ora hakaoti raa e kauake nau ki laatou, aa laatou ma ki see lavaa te mmate. See hai tama e lavaa te uhukkia laatou i aku rima. 29Taku Tamana ni hookii mai naa tama naa e haimahi i aruna naa tama hakkaatoa. See hai tama e lavaa te uhukkia a ia naa tama naa i naa rima taku Tamana. 30Maaua ma te Tamana e mee ma se tama tokotasi.\"\n31Teenaa ki massike hoki naa tama naa no okooko hoki naa hatu raa ki tauatia laatou Jesus. 32Teenaa ki mee ake Jesus, \"Nau ku oti te ppena te kau vana taukalleka te Tamana ni kaumai kiaa nau ki heheuna, ka kkite kootou. Teenaa ko naa mee peehea teenei e mee ai ma ki oomai kootou no tauatia nau ki naa hatu?\"\n33Laatou ki mee ake, \"Koe see haia maatou ma ki tauatia maa i oo vana taukalleka ni mee. Seai. Maatou e mee i aa koe ku taratara iloo pee ko koe ko TeAtua. Maatou e illoa maa koe se tamavare koi, aa teenei koe ku hai maa koe ko TeAtua.\"+\n34Jesus ki mee ake hoki, \"Naa taratara raa e mmau iloto naa Loo kootou maa TeAtua e mee maa, 'Nau e mee atu i kootou ni atua.'+ 35Taatou e illoa maa naa taratara e takkoto i te Laupepa Tapu raa ni taratara maaoni. TeAtua ni kannaa naa tama naa ma ni atua, teenaa ko naa tama ni kauake ana taratara. 36Nau iaa ni hakamaatinoria te Tamana no heunatia mai ki te maarama nei. Kootou e taratara peehea maa nau e mee ma ki hakahiti nau i TeAtua i aa nau e mee maa nau ko te Tama TeAtua? 37Aa teenaa, kootou ki see hakannoo ki aku taratara ki mee nau see heunatia a nau naa vana taku Tamana e hiihai maa nau ki mee. 38Ki mee kootou see hakannoo ki aku taratara, aa kootou ku mmata ki naa mahi TeAtua e haia a nau, ki illoa ai kootou no massaro maa taku Tamana raa e taka ma nau, aa nau hoki e taka ma taku Tamana.\"\n39Teenaa ki massike hoki laatou no mee ma ki tauhia laatou Jesus, tevana iaa Jesus ni hakasee seemuu koi no hakataha i laatou.\n40Kimuri raa Jesus ni ahe no hakahiti ki telaa vasi te Riva Jordan, ki te kina John ni hakaukau tapu naa tama, no noho Ia i te kina naa.+ 41Tammaki naa tama ni oo ake kiaa Ia. Teenaa ki mee naa taratara laatou peelaa, \"TeAtua ni see hai mahi ni hakasuratia John. Tevana iaa naa taratara hakkaatoa John ni mee i te Tama nei ni taratara maaoni iloo.\" 42Turaa tama iloo i te kina naa ni illoa maa Jesus ko te Tama TeAtua.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/John\/10\/","date":"2018-09-23T07:08:48Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159160.59\/warc\/CC-MAIN-20180923055928-20180923080328-00423.warc.gz","language":"nho","language_score":1.0000040531,"language_script":"Latn","minhash_cluster_size":3,"top_langs":"{\"nho_Latn_score\": 1.0000040531158447}","num_words":1408,"character_repetition_ratio":0.068,"word_repetition_ratio":0.004,"special_characters_ratio":0.238,"stopwords_ratio":0.552,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 25:24\n24Festus ki kaamata no taratara, \"Te Tuku Agripa ma naa tama hakkaatoa e noho i te kina nei. Teenei te tanata ni oomai naa Jew hakkaatoa teelaa e nnoho i te kina nei aa ma i Jerusalem no kotia kiaa nau; naa tama naa ni oomai no kkaa iloo naa pukua laatou kiaa nau maa te tama nei ki taia ki mate.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/25\/24","date":"2018-09-21T19:55:15Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267157503.43\/warc\/CC-MAIN-20180921190509-20180921210909-00507.warc.gz","language":"nho","language_score":0.5402647853,"language_script":"Latn","minhash_cluster_size":2,"top_langs":"{\"nho_Latn_score\": 0.5402647852897644, \"rar_Latn_score\": 0.1650959551334381, \"sps_Latn_score\": 0.029142066836357117, \"wls_Latn_score\": 0.02062128856778145, \"mri_Latn_score\": 0.019504716619849205, \"pcm_Latn_score\": 0.015380973927676678, \"gil_Latn_score\": 0.012189401313662529}","num_words":144,"character_repetition_ratio":0.074,"word_repetition_ratio":0.0,"special_characters_ratio":0.202,"stopwords_ratio":0.257,"flagged_words_ratio":0.0,"lang_id_score":0.427,"perplexity_score":500.0,"cluster_detection":1} +{"text":"ACTS 13:46\n46Tevana iaa Paul laaua ma Barnabas ni seai iloo ki kkapo i naa taratara laaua e kauake ki naa tama naa; laaua ni taratara ake peelaa, \"E taukareka maa te Lono Taukareka TeAtua raa e kauatu ki kootou naa Jew raa imua. Aa i kootou ni see hii hakannoo ki naa taratara naa ka mannatu kootou maa kootou see tau te too te ora e takoto no takkoto hakaoti raa, teenei kootou ki tiiake maatou aa maatou ku oo no hakaea te lono nei ki naa tama i naa henua sara.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/13\/46","date":"2018-09-22T04:00:41Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158011.18\/warc\/CC-MAIN-20180922024918-20180922045318-00268.warc.gz","language":"nho","language_score":0.901812017,"language_script":"Latn","minhash_cluster_size":2,"top_langs":"{\"nho_Latn_score\": 0.9018120169639587, \"rar_Latn_score\": 0.047998908907175064}","num_words":173,"character_repetition_ratio":0.068,"word_repetition_ratio":0.0,"special_characters_ratio":0.2,"stopwords_ratio":0.312,"flagged_words_ratio":0.0,"lang_id_score":0.885,"perplexity_score":500.0,"cluster_detection":1} +{"text":"ACTS 19\nPaul i Epises\n1Te saaita Apollos ni noho ake i Korint raa, Paul ni hakataka vaaroto te henua naa no tae ki Epises. Teenaa ki lave ia i aaraa tama te lotu 2no vasiri ake ki laatou, \"Kootou ni toa kootou TeAitu Tapu raa i te saaita kootou ni hakatina no lotu?\"\nNaa tama naa ki mee ake, \"Seai. Maatou see illoa maa e taka TeAitu Tapu.\"\n3Paul ki vasiri hoki, \"Aa teelaa se hakaukau tapu peehea ni too kootou?\"\nNaa tama raa ki mee ake, \"Te hakaukau tapu John ni taratara ake ki te kanohenua.\"\n4Paul ki mee ake, \"Te hakaukau tapu ni haia John raa, teenaa se hakaukau tapu naa tama ku ffuri no tiiake naa haisara laatou; aa John ni taratara ake ki te kanohenua Israel raa ki hakattina no lotu i te tama teelaa ma ki au imuri aana, teenaa ko Jesus.\"+\n5Te saaita naa tama te lotu i Epises naa ni llono i naa taratara nei raa, naa tama naa ni hakaukau tapuria iloto te inoa Te Ariki Jesus. 6Te saaita Paul ni hakapiri ana rima ki aruna naa tama naa raa, TeAitu Tapu raa ni hanake no tau i laatou; naa tama naa ni taratara ki naa taratara e kkee ka hakaea naa taratara TeAtua. 7Laatou naa katoo se taka sinahuru aa te takarua taanata.\n8I loto naa marama e toru raa, Paul maraa e hakaea see kkapo peenaa naa taratara TeAtua raa iloto te hare lotu naa Jew. A ia e noho no taratara peenaa ma naa tama naa ki illoa maaoni laatou i te Nohorana TeAtua. 9Tevana iaa aaraa tama i naa Jew naa ni llono nataa iloo ka see lavaa te hakannoo no lotu i TeAtua; naa tama naa ni massike iloo imua naa tama i te kina naa no taratara hakallika i te Mateara TeAriki. Teenaa masike iloo Paul no too naa tama e lotu raa no oo laatou, aa i te kau aso raa, Paul e noho ma naa tama naa i te hare akonaki i Tiranus raa no hakaea naa taratara TeAtua. 10Naa setau iloo e lua Paul ni noho no hai ana akonaki naa, teenaa ki llono hakkaatoa naa Jew aa ma naa tama haka Greece teelaa e nnoho iloto Asia raa i TeAriki.\nNaa tamalliki taanata Siva\n11Paul ni hakasura te kau mahi TeAtua seki kkite naa tama imua, 12teenaa naa tapaa maro aa ma naa kkahu teelaa ni ppaa ki te haitino Paul raa, maraa e toa ki naa tama e mmaki raa ki uiia naa maki naa tama naa, aa naa tippua e tau i naa tama naa maraa e hakattaha i laatou. 13Aaraa Jew teelaa ni sassare ka hanahana naa tippua raa ni haaite ma ki hanahana laatou iloto te inoa TeAriki Jesus. Naa tama naa maraa e varo ake peelaa ki naa tippua, \"Nau e vanaatu kiaa koe ki hakattaha iloto te inoa TeAriki Jesus, te tama e hakaea ai Paul.\" 14Te takahitu tama taanata te Maatua Hakamaatua naa Jew, e ttapa ma ko Siva raa, ni mee peenaa.\n15Araa nei te tipua hakallika raa ni huri ake no vanaake ki laatou, \"Nau e iloa i Jesus, aa nau e iloa hoki i Paul; aa kootou ko ai?\"\n16Te tama e tauria te tipua hakallika naa ni oso atu no taaia iloo naa tama naa ka saaea naa kkahu laatou. Teenaa naa tama naa ni ffuro ttaka hua ki haho. 17Naa Jew ma naa tama haka Greece hakkaatoa e nnoho i Epises raa ni llono i te vana ni mee naa. Teenaa naa tama naa ni ppore i naa mattaku laatou, aa te inoa TeAriki Jesus ni hakanauria iloo i tana haimahi. 18E tammaki iloo naa tama te lotu i te kina naa ni oo ake no hakaari ka llono te henua hakkaatoa i naa vana e hakallika laatou ni mee. 19E tammaki naa tama ni mee naa pakava laatou raa ni too ake naa laupepa laatou raa no ttuni imua naa karamata te henua hakkaatoa. Te kooina te taavi naa laupepa naa e tae te mataarima naa simata siliva. 20I te ara nei raa, naa taratara TeAriki ni haimahi ka ttoha ki naa kina hakkaatoa.\n21Imuri naa vana nei raa, Paul ni maanatu ma ki hano ia vaaroto Masedonia ma Greece no hakataka ka hano ki Jerusalem. A ia ni maanatu maa i tana saaita e tae atu ki Jerusalem raa, a ia ku hakataka ka hano ki Rome. 22Teenaa heunatia iloo ia Timothy laaua ma Erastus, te takarua e heheuna maa ia, ki oo ki Masedonia; a ia iaa ku noho ake hakamaarie i te matakaaina Asia.\nNaa vana hakallika e ssura i Epises\n23I te saaita naa raa, naa tama i Epises raa e hakatauttau huri i te Mateara TeAriki. 24Teelaa se tama e noho i te kina naa, tana inoa ko Demetrius. Ttama naa e heheuna i te penapena naa tamaa hareaitu te atua ffine Artemis, ki naa katana e kkiva. A ia e ffuti mane iloo i tana vana e mee naa. 25Demetrius ni aru ki naa tama katoo e heheuna pee ko ia naa no taratara ake, \"Naa taanata nei. Kootou e illoa maa taatou e hai mane i naa heuna taatou e mee nei. 26Aa teenei kootou ku kkite no llono soko kootou i naa vana Paul e hai nei. Ttama naa e taratara maa naa mee taatou e penappena ma ni atua nei seai ni atua maaoni. E tammaki iloo naa tama i Epises ma naa matakaaina hakkaatoa iloto Asia nei ku oti te usuhia te tama naa no hakannoo naa tama naa kiaa Ia. 27E mmata peelaa maa naa heuna taatou e mee nei ku taratara hakallikaina te henua. Aa see mee ma ko te mee naa koi. Te hare aitu te atua ffine, Artemis raa, hoki ma ki oti ku see ilotia ma se hare e tapu, aa te atua ffine teelaa ni lotua naa kanohenua katoo iloto Asia aa i te maarama nei ma ki oti ku see ilotia hakaoti.\"\n28Te saaita naa tama naa ni llono i naa taratara nei raa, naa tama naa ni lloto iloo ka tanitani varo peelaa, \"Artemis raa ko te atua hakamaatua i Epises!\" 29Naa tama hakkaatoa te matakaaina naa ni ffuri no hai ki naa varo laatou vaaroto te matakaaina naa. Naa tama naa ni oo no tauhia iloo laatou Gaius laaua ma Aristarkus, teenaa se takarua i Masedonia e ttaka hakapaa ma Paul, no terekina ki te kina te henua maraa e kkutu. 30Paul ni hiihai ma ki hano ia no taratara ake ki naa tama e kkutu i te kina naa, tevana iaa a ia ni ppuia naa tama te lotu naa ki see hano. 31Aaraa tama i naa hakamau te matakaaina naa ni soa Paul, teenaa naa tama naa ni kkave ake hoki laatou taratara ki Paul ki see hakasura ake ki te kina te henua e kkutu.\n32I te saaita naa raa, te kanohenua ni kkutu no taratara raa ni hevaa huri koi, teenaa naa tama koi e kkee naa varo laatou, i te aa i te mahi naa tama naa ni see illoa ma se aa laatou e oo ake no mee. 33Naa Jew raa ni turekina atu laatou Alexander kimua ki taratara ake ki naa tama i te kina naa. Teenaa ki huri atu iloo Alexander no ppoo atu tana rima ki nnoho seemuu naa tama naa ki taratara tokonaki ia. 34Tevana iaa, i te saaita naa tama naa ni mmate maa Alexander se Jew raa, naa tama naa ni hakatoo hakapaa katoo no tanitani varo, \"Artemis raa ko te atua hakamaatua i Epises!\"\n35Naa tama naa ni haihai peenaa no lavaa iloo laatou te hakamau te matakaaina naa te haia ka nnoho seemuu, teenaa te hakamau naa ni mee ake peelaa ki naa tama naa, \"Kootou naa tama i Epises! Naa tama i naa kina hakkaatoa e illoa maa te matakaaina Epises raa e mmata ake ki te hare aitu te atua hakamaatua Artemis aa ma te hatu e tapu teelaa ni leiho mai i te lani. 36See hai tama e lavaa te taratara maa teenei seai ni taratara maaoni. Aa teenaa, kootou ki see vvaa no mee ni vana e hakallika i te kina nei. 37Kootou ni toomai kootou naa taanata nei, tevana iaa naa taanata nei ni see taratara hakallika i te atua ffine taatou nei aa maa ni see kailallao ni mee maa laatou i naa hare aitu. 38Ki mee maa Demetrius laatou ma naa tama e heheuna ma ia raa e tau peelaa maa naa taanata nei ni hakassara naa vana laatou, e mee naa tama maaoni e hakannoo ki naa koti e nnoho, teenaa naa tama nei e lavaa te toa laatou no kotia ki naa tama naa. 39Aa ki mee maa e mee aaraa mee hoki kootou e fiffai ma ki tarataraina, kootou ki hakatonu te mee naa ma naa tama hakamaatua te henua nei. 40I te aa, i taatou katoo e lavaa te ttuu imua te koti i naa vana ni ssura i te aso nei. Taatou see hai taratara e lavaa te hakatonu ai taatou i te vana te henua nei e vaaia ai taatou.\" 41Teenaa vanaake iloo ia ki naa tama raa ki masseu ki naa hare laatou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/19\/","date":"2018-09-24T00:56:06Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159938.71\/warc\/CC-MAIN-20180923232129-20180924012529-00388.warc.gz","language":"nho","language_score":1.0000060797,"language_script":"Latn","minhash_cluster_size":4,"top_langs":"{\"nho_Latn_score\": 1.000006079673767}","num_words":1622,"character_repetition_ratio":0.078,"word_repetition_ratio":0.005,"special_characters_ratio":0.228,"stopwords_ratio":0.556,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MARK 14:3\nJesus e aamosia ki te kaakaa manoni i Bethany\n3Te saaita Jesus ni noho i Bethany raa, a Ia ni hano no kai i te hare Simon, te tama ni haia te leprosi imua. I tana saaita ni noho ka kai raa, te ffine tokotasi ni uruake ma te huaarani 'alabaster' e utu ki te kaakaa manoni e taavi mmaha, teenaa vaasia iloo ia te ppono raa no nnini te kaakaa raa ki aruna te pisouru Jesus.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/14\/3","date":"2018-09-26T12:30:05Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267164925.98\/warc\/CC-MAIN-20180926121205-20180926141605-00030.warc.gz","language":"nho","language_score":0.3886992335,"language_script":"Latn","minhash_cluster_size":2,"top_langs":"{\"nho_Latn_score\": 0.3886992335319519, \"rar_Latn_score\": 0.18563319742679596, \"gil_Latn_score\": 0.09869174659252167, \"sps_Latn_score\": 0.020999189466238022, \"wls_Latn_score\": 0.017955508083105087, \"fin_Latn_score\": 0.01748965121805668, \"mri_Latn_score\": 0.01574789360165596, \"eng_Latn_score\": 0.010838123969733715, \"tah_Latn_score\": 0.010463406331837177}","num_words":159,"character_repetition_ratio":0.073,"word_repetition_ratio":0.0,"special_characters_ratio":0.203,"stopwords_ratio":0.233,"flagged_words_ratio":0.0,"lang_id_score":0.26,"perplexity_score":500.0,"cluster_detection":1} +{"text":"ACTS 14:13\n13Te maatua e heheuna i te hareaitu te aitu Zeus, teelaa e tuu i taha koi te taon raa, ni too ake naa purumakau ma naa hau kaute raa ki te mata te ara, i aa ia ma naa tama hoki i te kina naa e mee ma ki taa naa manu naa no hakaara ki naa aposol naa. Teenaa ki huri ake peelaa maa laatou e lotu i Saul ma Barnabas.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/14\/13","date":"2018-09-20T03:17:22Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156376.8\/warc\/CC-MAIN-20180920020606-20180920040606-00283.warc.gz","language":"nho","language_score":0.51011163,"language_script":"Latn","minhash_cluster_size":2,"top_langs":"{\"nho_Latn_score\": 0.5101116299629211, \"rar_Latn_score\": 0.12282448261976242, \"wls_Latn_score\": 0.02897132933139801, \"hif_Latn_score\": 0.02754155360162258, \"sps_Latn_score\": 0.02412373572587967, \"gil_Latn_score\": 0.023976502940058708, \"pcm_Latn_score\": 0.022678706794977188, \"wol_Latn_score\": 0.01395159400999546, \"mri_Latn_score\": 0.011386910453438759, \"tiv_Latn_score\": 0.010792035609483719}","num_words":154,"character_repetition_ratio":0.072,"word_repetition_ratio":0.0,"special_characters_ratio":0.209,"stopwords_ratio":0.292,"flagged_words_ratio":0.0,"lang_id_score":0.482,"perplexity_score":500.0,"cluster_detection":1} +{"text":"ACTS 23:15\n15Teenaa kootou ma naa tama te Kansol raa ki kkave se taratara maa kootou ki te hakamau naa soldia Rome raa ki kaavea mai Paul ki kootou; hakarereesia kootou te hakamau naa maa kootou e mee ki vasirisiri hakaraaoi ki Paul. Maatou nei ma ki taaria maatou te tama naa ki taia ki mate i tana saaita seki tae atu ki kootou.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/23\/15","date":"2018-09-22T21:47:05Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158691.56\/warc\/CC-MAIN-20180922201637-20180922222037-00255.warc.gz","language":"nho","language_score":0.5256664157,"language_script":"Latn","minhash_cluster_size":2,"top_langs":"{\"nho_Latn_score\": 0.5256664156913757, \"rar_Latn_score\": 0.28592953085899353, \"hif_Latn_score\": 0.025745263323187828, \"wls_Latn_score\": 0.02330346219241619, \"sps_Latn_score\": 0.01969229429960251}","num_words":144,"character_repetition_ratio":0.073,"word_repetition_ratio":0.0,"special_characters_ratio":0.195,"stopwords_ratio":0.264,"flagged_words_ratio":0.0,"lang_id_score":0.492,"perplexity_score":500.0,"cluster_detection":1} +{"text":"LUKE 10:34\n34Teenaa hanatu iloo ia no huihui naa kina te tama naa e mmere raa ki te wain ka aamosi ki te ssunu, araa saisai iloo ki naa tapaa maro. Ki oti raa saaua iloo ia te tama raa no hakanoho i aruna tana donki no hakattaki ki te hare moemoe tokotasi. Teenaa noho iloo ia no mmata ake ki te tama naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/10\/34","date":"2018-09-22T08:15:14Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158205.30\/warc\/CC-MAIN-20180922064457-20180922084857-00176.warc.gz","language":"nho","language_score":0.4133389294,"language_script":"Latn","minhash_cluster_size":2,"top_langs":"{\"nho_Latn_score\": 0.41333892941474915, \"rar_Latn_score\": 0.17578840255737305, \"wls_Latn_score\": 0.041080787777900696, \"mri_Latn_score\": 0.04035845026373863, \"hif_Latn_score\": 0.02901572175323963, \"eng_Latn_score\": 0.01684422604739666, \"sps_Latn_score\": 0.014550537802278996, \"yor_Latn_score\": 0.012558147311210632, \"tiv_Latn_score\": 0.010062454268336296}","num_words":144,"character_repetition_ratio":0.074,"word_repetition_ratio":0.0,"special_characters_ratio":0.201,"stopwords_ratio":0.236,"flagged_words_ratio":0.0,"lang_id_score":0.397,"perplexity_score":500.0,"cluster_detection":1} +{"text":"MATTHEW 6:25\n25\"Teenei ko taku vana e taratara atu ai ki see mannatu tammaki kootou i naa kaikai kootou e kkai ma naa vai kootou e unu ki ora kootou. Nau e taratara atu hoki ki see mannatu kootou ki naa hekau ki hakao i naa haitino kootou. I te aa, naa ora kootou e takkoto hakamaatua i aruna naa kaikai kootou e kkai, aa naa haitino kootou e takkoto hakamaatua i aruna naa hekau kootou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/6\/25","date":"2018-09-24T00:03:35Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159938.71\/warc\/CC-MAIN-20180923232129-20180924012529-00428.warc.gz","language":"nho","language_score":0.5552662015,"language_script":"Latn","minhash_cluster_size":2,"top_langs":"{\"nho_Latn_score\": 0.5552662014961243, \"rar_Latn_score\": 0.3081492781639099, \"hif_Latn_score\": 0.01756461150944233, \"wls_Latn_score\": 0.01192290335893631}","num_words":156,"character_repetition_ratio":0.073,"word_repetition_ratio":0.0,"special_characters_ratio":0.197,"stopwords_ratio":0.288,"flagged_words_ratio":0.0,"lang_id_score":0.57,"perplexity_score":500.0,"cluster_detection":1} +{"text":"ACTS 20\nPaul ku tae ki Masedonia ma Greece\n1Te saaita te kanohenua naa ni hakatauttau no oti raa, Paul ni aru ake naa tama te lotu raa no purepure ake hakaoti iaa ia ku mee ki hano. Teenaa masike iloo ia no hano ki Masedonia. 2A ia ni hakataka vaaroto naa matakaaina i te kina naa no hakaea ake naa taratara TeAtua raa ki naa tama i naa kina naa. Teenaa au iloo ia no tae mai ki Greece, 3no noho iloo ana marama e toru i te kina naa. I tana saaita ni matamata ki hano ia ki Syria raa, a ia ku lono maa e mee naa Jew e taratara ki oo ake no taia a ia, teenaa masike iloo ia no ahe vaaroto Masedonia. 4Naa tama ni oo hakapaa laatou ma Paul raa ko:\nSopater, te tama Pirus, teenaa se tama i Berea;\nAristarkus laaua ma Sekundus, naa tama i Tesalonaika;\nGaius, te tama i Derbe;\nTimothy aa ko Tikikus laaua ma Trofimus, naa tama i Asia.\n5Naa tama naa ni oo imua ki Troas no ttari mai ki maatou. 6Imuri te Kaikai te Haraoa See hai Iis raa, maatou ni ffana i Filipai no tere ki Troas. Maatou ni ttae atu ki Troas i te rima naa aso, teenaa nnoho iloo maatou te wiki tokotasi i te kina naa.\nTe horau hakaoti Paul ki Troas\n7I te poo te sarere raa, maatou ni kkutu hakapaa no kkai te kaikai e tapu. Paul ni noho no taratara ma naa tama i te kina naa no tae iloo ki te tuaapoo, i aa ia ma ki masike no hano i telaa aso. 8Te puitana i aruna ni nnoho maatou ka hakannoo ki Paul raa e ura ana lamu e tammaki. 9Te taupeara tokotasi, tana inoa ko Iutikus, e noho mai i te tamaa tootoka e hakahotu hakavasi raa no hakannoo ki naa taratara Paul. Naa taratara Paul raa ni taki iloo ka hano, teenaa te taupeara naa ni laavea te turemoe no moe iloo mannuu. Maatou ni tteki koi i aa ia ku leiho no pakuu ki te kerekere i laro. Te saaita naa tama raa ni oo atu no saaua ake ia raa, te tama raa ku mate. 10Paul ni hanatu no suru atu iloo ki te taupeara raa no ao ana rima iaa ia, teenaa mee ake iloo ki naa tama e ttuu i te kina naa, \"Kootou see ssopo naa manava kootou, ttama nei koi ora!\" 11Ki oti raa kake ake hoki Paul ki aruna no kkai laatou te kaikai e tapu. Paul ni noho no hai ana taratara raa no tae iloo ki te tahaata. I te tapataiao raa hano iloo ia. 12Naa tama i te kina naa ni toa laatou te taupeara raa ki hare, teenaa naa manava laatou ni taukalleka iloo i aa ia ku ora.\nPaul ku masike i Troas no hano ki Militas\n13Maatou ni oo imua no kkake i te vaka raa no tere ki Assos, teenaa Paul e vana maa ia ma ki hanake vaauta no kake ake i te kina naa. 14I tana saaita ni hanake no ttiri i maatou i Assos raa, a ia ni hakkaakea ake maatou ki te vaka raa no tere maatou ki Mitilin. 15Maatou ni ffana i te kina naa no tere iloo no tae ki Kaios i telaa aso. I te ssoa te aso raa maatou ku ttae ki Samos, aa i telaa aso raa maatou ku ttae ki Militas. 16Paul ni hiihai maa maatou ki tere hakaraka i Epises, teenaa i aa ia e hiihai maa ia ki tae ki Jerusalem, ki mee maa ia e lavaa, i te aso te Pentekos.\nNaa purepure hakaoti Paul ki naa tama hakamaatua te lotu i Epises\n17I te saaita Paul ni tae ki Militas raa, a ia ni kkave tana taratara ki naa tama hakamaatua te lotu i Epises raa ki oo ake no mmata iaa ia. 18Te saaita naa tama naa ni ttae ake raa, Paul ni noho no taratara ake ki laatou peelaa, \"Kootou e illoa katoo i aku tiputipu i taku saaita ni nnoho taatou, kaamata mai iloo i taku aso mua ni tae mai ki Asia. 19Niaaina maa nau ni lave i te kau haaeo i naa seeia nau aaraa Jew ki taia raa, nau ni heheuna seemuu koi i aku heuna e mee maa TeAriki, aa i aaraa saaita, nau maraa e noho koi no tani i aku mee pakavaina naa tama naa. 20Kootou e illoa maa naa taratara TeAtua teelaa e kauatu te taukareka kootou raa ni see huuina a nau i kootou; nau ni hakaea naa taratara naa imua naa karamata te henua aa iloto hoki naa hare kootou. 21Nau ni taratara hakaapo ake hakaraaoi iloo ki naa Jew raa ma naa tama i naa henua sara, ki tiiake naa haisara laatou aa laatou ku hakattina no lotu i TeAriki Jesus. 22Aa teenei TeAitu Tapu raa ku mee mai ma ki hano nau ki Jerusalem; nau iaa see iloa maa nau ma ki haia peehea i te kina naa. 23Nau e iloa koi maa i aku matakaaina katoo e hano raa, TeAitu Tapu raa kunaa hakaapo mai are maa nau ma ki karapusina aa maa nau ma ki ttiri i te kau haaeo. 24Tevana iaa taku ora seai se mee maaoni ma ki noho nau no tarataraina te mee naa; nau e hiihai koi maa nau ki hakaoti naa heuna TeAriki Jesus ni kaumai ki haia, teenaa ki hakaea nau te Lono Taukareka i te manava laaoi TeAtua.+\n25\"Nau ni hanatu no hakaea te Nohorana TeAtua raa ki kootou hakkaatoa. Aa teenei nau ku iloa maa kootou ma ki see lavaa te kkite hoki iaa nau imuri. 26Nau ku kauatu te taratara hakamaatua nei i te aso nei: ki mee maa se tama i kootou e sara, kootou see tuku mai te ssara naa kiaa nau. 27I te aa, i aa nau ku oti te hakaea atu naa mee katoo TeAtua e hiihai maa kootou ki illoa. 28Teenaa kootou ki mmata ki ttonu naa ora kootou aa kootou ku mmata ake ki naa tama teelaa ni kauatu TeAitu Tapu raa ki roorosi ake kootou. Kootou ki roorosi hakaraaoi iloo ki naa tama TeAtua; naa tama teelaa ni suia a Ia ki te ttoo tana Tamariki Tanata.\n29\"Nau e iloa maa i taku saaita ku oti te hano raa, e mee naa tisa hakalellesi ma ki hakassura atu no seua naa tama te lotu, e mee pee ko i-naa oo iho naa manu vao e kaittama raa no seua naa sipsip. 30E mee naa tama hoki iloo iloto kootou naa ma ki ffuri no hakarereesia laatou aaraa tama te lotu ki tautari ake ki laatou. 31Kootou ki roorosi hakaraaoi iloo; kootou mannatu i aa nau ni akonaki atu peenaa ma te tani, i te poo ma te ao, iloto naa setau e toru hakkaatoa.\n32\"Aa teenei kootou ku tukua atu nau ki naa rima TeAtua, aa naa taratara i te laaoi TeAtua i kootou raa ma ki mmata ake ki kootou. Naa ora kootou ma ki hakatipuria naa taratara naa no kauatu naa tuuhana teelaa e tukua mai TeAtua maa ni mee ana tama. 33Taku saaita ni nnoho taatou raa, nau ni see oti manava ki naa mane ma naa hekau kootou. 34Kootou e iloa maa nau ni heheuna iloo ki aku rima nei ki lavaa naa mee katoo maatou ma naa tama e ttaka ma nau raa e ssee. 35Nau ni heheuna haimahi iloo ki kkite kootou maa taatou ki heheuna peenei ka tokonaki ki naa tama e tino mmate. Kootou hakamaarona ki naa taratara TeAriki Jesus ni mee: 'Te hiahia te tama e hookii tana mee raa e lasi are i te hiahia te tama e too tana mee.'\"\n36Saaita Paul ni oti ana taratara raa, tuu iloo ki ana turi ma naa tama naa no taku. 37Naa tama naa hakkaatoa ni ttani no oo atu no ao ki Paul ka vaisonisoni laatou. 38Naa tama naa ni alloha i Paul i aa ia ni vanaake maa laatou ma ki see kkite hakaoti iaa ia. Teenaa oo iloo laatou no kaavea Paul ki te vaka.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/20\/","date":"2018-09-22T13:40:38Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158429.55\/warc\/CC-MAIN-20180922123228-20180922143628-00510.warc.gz","language":"nho","language_score":1.000005126,"language_script":"Latn","minhash_cluster_size":3,"top_langs":"{\"nho_Latn_score\": 1.0000051259994507}","num_words":1441,"character_repetition_ratio":0.053,"word_repetition_ratio":0.0,"special_characters_ratio":0.233,"stopwords_ratio":0.541,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 21:8\n8Jesus ki mee ake, \"Kootou ki roorosi hakaraaoi iloo ki see oo atu ni tama no hakarereesia kootou. E tammaki naa tama ma ki oo atu no mee maa laatou ko nau; te tama koi e hai maa ia ko te Mesaea, aa naa tama naa ma ki hai maa te ssao te maarama nei ki hakaoti raa ku taupiri. Tevana iaa kootou see hakannoo atu ki naa tama naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/21\/8","date":"2018-09-18T19:56:59Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155676.21\/warc\/CC-MAIN-20180918185612-20180918205612-00281.warc.gz","language":"nho","language_score":0.7364743948,"language_script":"Latn","minhash_cluster_size":2,"top_langs":"{\"nho_Latn_score\": 0.7364743947982788, \"rar_Latn_score\": 0.1079988107085228, \"hif_Latn_score\": 0.020916158333420753, \"wls_Latn_score\": 0.01764780841767788}","num_words":152,"character_repetition_ratio":0.072,"word_repetition_ratio":0.0,"special_characters_ratio":0.204,"stopwords_ratio":0.316,"flagged_words_ratio":0.0,"lang_id_score":0.741,"perplexity_score":500.0,"cluster_detection":1} +{"text":"MATTHEW 16\nNaa Faarisi raa e fiffai maa Jesus ki hakasura se mirakol\n1E mee naa Faarisi ni oo ake ki Jesus no hakatautau laatou. Naa tama naa ni sessee ara ma ki hakasara se vana ma Jesus, teenaa laatou ki mee ake ki Jesus ki hakasura se mirakol, ki huri ake peelaa ma naa mahi TeAtua e takkoto i aa Ia.+ 2Teenaa ki mee ake Jesus, \"I te saaita te laa e suru ka kkite kootou i naa mmea mai naa uruaoa raa, kootou ma ki taratara peelaa, 'Taiao ma ki marino.' 3Aa i te tahaata, te saaita kootou e kkite i naa tuu poouri ka mmea mai naa uruaoa raa, kootou ma ki taratara peelaa, 'Te aso nei ma ki hakariaria.' Kootou e illoa koi i naa vana ma ki ssura te aso raa i naa ttoka kootou i naa tiputipu te lani, aa niaaina maa kootou e hakakkiitea a nau i naa vana e llasi raa, kootou koi see illoa i te mee ma ki au i muri! 4Naa tama i te ssao nei ku hakallika iloo! Laatou e ssee ma ki kkite laatou ma ni mahi TeAtua, tevana iaa laatou ma ki see hai vana peenaa e kkite, teelaa ko naa mahi koi TeAtua ni mee i Jona.\"+\nTeenaa masike iloo Jesus i te kina naa no hano.\nPoopoo tonu i naa sosorina naa Faarisi ma naa Sadiusi\n5Te saaita naa disaipol raa ni oo ki telaa vasi te namo raa, naa tama naa ni ssiri ki too ake ni haraoa. 6Jesus ki hakaapo ake ki laatou, \"Kootou ki poopoo tonu lokoi i te iis naa Faarisi ma naa Sadiusi.\"+\n7Teenaa kaamata iloo naa disaipol raa te taratara soko laatou: \"Ttama nei e taratara peenei i taatou ni see hai haraaoa ni ppiki mai.\"\n8Jesus ni iloa i naa taratara naa tama naa e hai, teenaa vasiri ake iloo Ia peelaa, \"Ai kootou e taratara ai i te see hai haraaoa kootou? Kootou ku hakatina nataa peehea! 9Naa pisouru kootou seki massaro iloo? Kootou ku see mannatu ake i taku saaita ni ttohi naa haraoa e rima no haanai naa taanata e haa naa simata? E hia naa kete kootou ni ffao no ppii?+ 10Ai naa simata e haa naa taanata ni hanaia a nau ki naa haraoa e hitu? E hia naa kete kootou ni ffao no ppii?+ 11Ai kootou see illoa peehea maa nau see taratara i naa haraoa? Nau e taratara atu are ki poopoo tonu kootou i te iis naa Faarisi raa ma naa Sadiusi!\"\n12Teenaa ki illoa naa disaipol raa maa Jesus see taratara ake ma ki poopoo tonu laatou i te iis e hakatipu haraaoa; a ia e mee ake are ki poopoo tonu laatou i naa akonaki hakalellesi naa Faarisi ma naa Sadiusi.\nPeter e taratara maa Jesus ko te Mesaea\n13Jesus ni hano ki te matakaaina e taupiri atu ki Sisaria Filipai, teenaa a Ia ki vasiri ake ki ana disaipol, \"Te henua e taratara maa nau ko ai?\"\n14Ana disaipol raa ki mee ake, \"E mee naa tama e hai maa koe ko John te Baptis; aaraa tama e hai maa koe ko Elijah, aa aaraa tama e hai maa koe ko Jeremiah, aa aaraa tama iaa e hai maa koe se pure i naa pure TeAtua.\"+\n15Teenaa vasiri ake iloo Jesus ki laatou, \"Ai kootou? Kootou e mee maa nau ko ai?\"\n16Simon Peter ki mee ake, \"Koe naa ko te Mesaea, te tama TeAtua e ora hakaoti.\"+\n17Araa Jesus ku mee ake, \"Simon te tama John,+ koe e haia hakaraaoina TeAtua. See hai tama i te maarama nei ni hakaari atu te taratara hakamaatua nei, te taratara nei ni kauatu tonu taku Tamana i te lani. 18Aa teenei nau ku vanaatu kiaa koe: koe ko Peter, aa i aruna te hatupaa nei nau ma ki hakatuu taku lotu, aa te lotu nei ma ki see lavaa te seua naa mahi te mate. 19Nau ma ki kauatu naa kii te Nohorana te Lani; oo mee e ppui i te kerekere nei ma ki puuia hoki i te lani, aa oo mee e hakattana i te kerekere nei ma ki hakattanaria i te lani.\"+\n20Ki oti raa vanaake iloo Ia ki ana disaipol raa ki see taratara ake ki aaraa tama maa Ia raa ko te Mesaea.\nJesus ku taratara i tana mate\n21Teenaa kaamata iloo Jesus no taratara ake ki ana disaipol, \"Nau ki hano ki Jerusalem, teenaa nau ma ki mee pakavaina naa tama hakamaatua naa Jew, naa maatua hakamau te Hare Tapu, aa ma naa tisa naa Loo. Nau ma ki taia naa tama naa no mate, tevana ia nau ma ki masike i te mate no ora hoki i te ttoru naa aso.\"\n22Teenaa Peter ki ttaki Jesus hakavasi no nutua. \"TeAriki, koe ma ki see lavaa iloo te haia peenaa!\"\n23Jesus ki hakatahuri no vanaake ki Peter, \"Satan, hakataha iaa nau! Taku ara nei e puuia a koe; naa mannatu e ttaka ma koe naa seai ni mannatu e kauatu TeAtua; teenaa ni mannatu naa tama te maarama nei.\"\n24Teenaa huri atu iloo Jesus no mee ake ki ana disaipol, \"Ki mee maa se tama e hiihai maa ia ki tautari kiaa nau, a ia ki tiiake ana mee e fiffai, aa a ia ku amo tana kros raa no tautari kiaa nau.+ 25Te tama e hakaseresere tana ora raa, te tama naa ma ki see kite te ora maaoni; aa te tama e tiiake mai tana ora kiaa nau raa, te tama naa ma ki taaohi ki te ora maaoni.+ 26Se aa e taukareka ma ki sura i te henua ki mee maa naa mee katoo i te maarama nei e tauhia laatou, aa laatou iaa see taaohi te ora maaoni? Seai iloo! See hai mee naa tama naa e lavaa te hookii ki hakaahea ake naa ora laatou.\n27\"I te aa, te Tama te Henua raa ku mee ki au ma ana ensol raa iloto naa mahi tana Tamana, teenaa a Ia ma ki kauake naa tuuhana te henua, tautari ki naa tiputtipu laatou.+ 28Nau e kauatu te taratara maaoni nei: e mee aaraa tama i kootou i te kina nei ma ki see vave mmate, laatou ma ki ttae ake no kkite i te Tama te Henua e au ma se Tuku.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nYou include the above copyright information.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/16\/","date":"2018-09-18T14:50:07Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155413.17\/warc\/CC-MAIN-20180918130631-20180918150631-00282.warc.gz","language":"nho","language_score":1.0000053644,"language_script":"Latn","minhash_cluster_size":2,"top_langs":"{\"nho_Latn_score\": 1.0000053644180298}","num_words":1080,"character_repetition_ratio":0.06,"word_repetition_ratio":0.004,"special_characters_ratio":0.242,"stopwords_ratio":0.576,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 14\nJohn te Baptis ku taia no mate\n1I te saaita naa raa, Herod te tuku Galilee raa ni lono i naa vana Jesus e mee. 2Teenaa Herod ki mee ake ki naa tama e heheuna iaa ia, \"Teenei maaoni ko John te Baptis ku ora hoki. Teenei ko te vana e lavaa ai te tama nei te hakassura naa mahi TeAtua.\"\n3Teelaa ko Herod raa ni vanaake ki ana soldia raa ki saisaitia Jesus aa ku peesia ki loto te hare karapusi. A ia ni mee tana vana naa i teenaa ko te hiihai tana aavana, Herodias, te aavana tana taina, Philip, teelaa ni aavanatia a ia.+ 4John te Baptis maraa e hai ake peenaa ki Herod i te kau saaita, \"Te mee raa e sara ma koe e aavanatia a koe te aavana too taina!\"+ 5Herod ni hiihai ma ki taia a ia John ki mate, tevana iaa a ia ni mataku i te kanohenua naa Jew, i naa tama naa e hai maa John se pure TeAtua.\n6I te aso Herod ni mee tana kaikai e lasi ki maatino i tana aso ni haanau mai raa, te tamariki ffine Herodias raa ni hanake no anu imua naa tama ni arumia ki te kaikai. Herod ni hiahia iloo, 7teenaa vanaake iloo ki te taupu, \"Kainnoo mai too mee e hiihai, aa nau ma ki kauatu kiaa koe!\"\n8Teenaa kauake iloo te taupu naa naa taratara tana tinna raa ni mee ake: \"Nau e hiihai maa koe ki haaoa mai te pisouru John te Baptis ki loto se peesini aa ku toomai kiaa nau i te saaita nei lokoi!\"\n9Te manava te tuku raa ni hakallika iloo i te taratara te taupu raa ni kauake, tevana iaa a ia ku see lavaa te sahea a ia te taupu naa, i teelaa se taratara aana ni tuku ka llono katoo naa tama ni oo ake ki te kaikai naa. 10Teenaa heuna iloo Herod ana soldia raa ki oo ki te hare karapusi raa no tuutia te ua John. 11Araa haaoa iloo laatou te pisouru raa ki loto te peesini no kauake ki te taupu. Teenaa hano iloo te tamariki ffine naa no kauake te pisouru raa ki tana tinna. 12Naa disaipol John raa ni oo ake no toa iloo laatou te haitino John no tanumia, araa oo iloo no hakaari ake ki Jesus.\nJesus e haanai naa tama e tammaki iloo\n13Te saaita Jesus ni lono i te vana ni mee i John raa, a Ia ni kake ki te poti raa no hano no noho i tana kina soko ia. Naa tama i te kina naa ni llono maa Ia ku noho i te kina naa, teenaa massike iloo laatou i naa matakaaina laatou raa no oo atu vaauta kiaa Ia. 14I te saaita Jesus ni sepu i te poti raa no kite i te tammaki ttama e ttuu ake raa, a Ia ni aroha iloo i naa tama naa, teenaa huri atu iloo no haia naa tama e mmaki raa no taukalleka.\n15I te laasuru naa raa, ana disaipol raa ni oo atu no mee ake kiaa Ia, \"Taatou ka poonia i te kina see nohoria nei. Heunatia naa tama nei ki oo ki naa matakaaina e tauppiri mai raa ki oo no taavi ni kaikai ma laatou.\"\n16Jesus ki mee ake, \"Tiiake naa tama naa ki nnoho, aa kootou ku kauatu ni kaikai ma laatou ki kkai!\"\n17Naa disaipol raa ki mee ake, \"Maatou e nnoho koi maa naa haraoa e rima aa ma naa ika e lua.\"\n18Jesus ki mee ake, \"Toomai naa kaikai naa.\" 19Teenaa mee ake iloo Jesus ki naa tama raa ki nnoho ki te vvee i laro. Teenaa too iloo Ia naa haraoa e rima ma naa ika e lua naa no ttoka ki te lani no taku ki TeAtua. Ki oti raa tohitohi iloo Ia naa haraoa raa no kauake ki ana disaipol raa ki vaevae ake ki naa tama. 20Naa tama naa hakkaatoa ni kkai no pposu. Teenaa oo atu iloo naa disaipol raa no ffao naa kete e sinahuru maa rua no ppii ki naa kaikai ni ttoe. 21Te kooina naa taanata hakkaatoa ni kkai i te kina naa e lava naa simata e rima.\nJesus e sasare vaaruna te kirikiri ttai\n22Ki oti raa heuna iloo Jesus ana disaipol raa ki oo no kkake i te poti laatou raa aa laatou ku oo imua ki Bethsaida, i telaa vasi te namo, a Ia iaa ku noho ki heunatia a Ia naa tama raa ki oo ki naa matakaaina laatou. 23I te saaita naa tama naa ni oti te heunatia a Ia ka oo raa, hano iloo Ia ki aruna te tamaa mouna tokotasi no taku. I te saaita te laa ni suru raa, Jesus koi noho ka taku soko Ia i aruna te mouna. 24I te saaita naa raa te poti naa disaipol raa ku mmao iloo ki loto te namo, teenaa te poti naa tama naa ni sausaua naa peau raa i te matani raa e oko mai imua.\n25I te ssao naa manu maraa e ttani i te tahaata raa, Jesus ni sasare ake vaaruna te kirikiri ttai raa ki te poti ana disaipol. 26Te saaita ana disaipol raa ni kkite i ana sasare ake vaaruna te kirikiri ttai raa, naa tama naa ni mattaku iloo ka kappisi naa varo laatou peelaa, \"Te tipua!\"\n27Jesus ni huri atu i te saaita naa lokoi no mee ake ki laatou, \"Kootou see mattaku, teenei ko nau!\"\n28Teenaa ki mee atu Peter kiaa Ia, \"TeAriki, ki mee maa teenaa ko koe maaoni, koe ku mee ki sare atu nau vaaruna te kirikiri ttai kiaa koe.\"\n29Jesus ki mee ake, \"Kau!\" Teenaa sepu iloo Peter i te poti raa no sare atu ki Jesus vaaruna te kirikiri ttai. 30Araa nei i te saaita Peter ni kite i naa haimahi te matani raa, a ia ni mataku, teenaa kaamata iloo ia te tere ki loto te ttai ka tanitani varo atu ki Jesus, \"TeAriki, hakasaoria nau!\"\n31Jesus ni haaroo atu no tauhia lokoi a Ia Peter no mee ake, \"Koe ku hakatina nataa peehea? Ai koe ku mamaanatu tammaki ai?\"\n32Takarua naa ni kkake ki aruna te poti raa no marino lokoi te matani. 33Teenaa ffuri iloo naa disaipol raa no lotu kiaa Ia, \"Koe maaoni ko te Tama TeAtua!\"\nJesus e haia a ia naa tama e mmaki i Genesaret raa no taukalleka\n34Naa tama naa ni oo ki telaa vasi te namo naa no ttae iloo ki Genesaret, 35aa i te kina naa raa, naa tama i te kina naa ni mmate maa teelaa ko Jesus. Teenaa ffuro iloo naa tama naa vaaroto naa matakaaina katoo i te kina naa no too ake naa tama e mmaki raa ki Jesus. 36Naa tama naa ni oo atu no hai ake ki Jesus ki tiiake naa tama e mmaki raa ki ppaa koi naa rima laatou ki te ttapa tana kkahu. Teenaa naa tama katoo ni ppaa naa rima laatou ki tana kkahu naa ni malolloo hakkaatoa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/14\/","date":"2018-09-23T19:02:22Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159570.46\/warc\/CC-MAIN-20180923173457-20180923193857-00140.warc.gz","language":"nho","language_score":0.9999923706,"language_script":"Latn","minhash_cluster_size":4,"top_langs":"{\"nho_Latn_score\": 0.9999923706054688}","num_words":1257,"character_repetition_ratio":0.067,"word_repetition_ratio":0.0,"special_characters_ratio":0.239,"stopwords_ratio":0.503,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 21\nPaul ku hano ki Jerusalem\n1Maatou ni oti te pureppure ake ki naa tama naa raa, tere iloo maatou ki te henua e ttapa ma ko Kos. I te ssoa te aso raa maatou ku ttae atu ki telaa henua, e ttapa ma ko Rodes, araa hakaraka iloo maatou ka tere ki te matakaaina Patara. 2Maatou ni oo atu no lave iloo te vaka e tuu ki hano ki Fonisia, teenaa kkake iloo maatou i te vaka naa no tere. 3Maatou ni tere no kkite iloo i naa tuu ake te henua e ttapa ma ko Cyprus, teenaa hakaraka iloo maatou i tana vasi haka saupuku no tere ki Syria. Maatou ni tere atu no tautau iloo i Tyre ka ssepu maatou no oo ki uta, aa te vaka raa iaa ku tuu ki pesi tana kako. 4Maatou ni oo atu no llave iloo i naa tama te lotu te matakaaina naa, teenaa nnoho iloo maatou te wiki tokotasi ma naa tama naa. I te saaita maatou ni nnoho ma naa tama naa raa, naa tama naa ni usuhia TeAitu Tapu raa no puratia laatou Paul ki see hano ki Jerusalem. 5Te saaita te ssao maatou ki oo ku tae raa, maatou ni massike no oo ki te vaka raa i tai. Naa taanata te lotu naa ma naa aavana laatou aa ma naa tamalliki laatou raa ni oo hakapaa ma maatou ki tai. Maatou ni oo no ttuu iloo ki naa turi maatou i te kerekere i tai raa no taku ki TeAtua. 6Ki oti raa pureppure iloo maatou ka oo maatou no kkake i te vaka, aa naa tama naa iaa ku ahe ki naa hare laatou.\n7Maatou ni uhuki i Tyre no tere ki Tolemaias. Teenaa maatou ni oo no nnoho maatou aso tokotasi ma naa tama te lotu i te kina naa. 8I te ssoa te aso raa uhuki iloo maatou no tere ki Sisaria. I te matakaaina naa raa, maatou ni oo no nnoho maatou ma Philip, te tama e sare hakaea te Lono Taukareka, i tana hare. Philip te tanata tokotasi i te takahitu taanata ni tukua ki tokonaki ki naa heuna te lotu i Jerusalem.+ 9Ttama naa e mee tana takahaa taupu e heheuna hoki te hakaea naa taratara TeAtua.\n10Maatou ni nnoho ake iloo naa aso maatou i Sisaria, teenaa tae ake lokoi te pure tokotasi TeAtua, tana inoa ko Agabus. Te pure naa e hanake i Judea.+ 11Ttama naa ni hanake no toa iloo a ia te ttuu Paul raa no saisai ana tino vae ma ana tino rima soko ia no taratara peelaa, \"TeAitu Tapu raa e taratara mai peenei: Te tama e mee tana tuu nei ma ki saisaitia peenei naa Jew i Jerusalem, teenaa a ia ma ki kauake naa tama naa ki naa tama i naa henua sara.\"\n12Te saaita maatou ma naa tama e nnoho maatou naa ni llono i naa taratara nei raa, maatou ni puratia maatou Paul ki see hano ki Jerusalem. 13Araa nei Paul ku huri mai ki maatou no mee mai, \"Kootou e aa? Ai kootou e ttani ai ma ki sopo taku manava? Nau see mataku ki mee maa nau e saisaitia no taia i Jerusalem i aa nau e mee naa heuna TeAriki Jesus.\"\n14Maatou ni see lavaa iloo te hurisia maatou te manava Paul, teenaa tiiake iloo maatou ki hano ia ki tana maanatu. Maatou ni mee ake koi peelaa, \"Tiiake ki akottia te hiihai TeAtua.\"\n15Maatou ni nnoho ake hakamaarie i te kina naa, araa oo iloo maatou ki Jerusalem. 16Aaraa tama te lotu i Sisaria ni oo ma maatou. Teenaa maatou ni toa naa tama naa ki te hare Neison, te tama haka Cyprus. Ttama naa ko te tama mua lokoi ni hakattina no lotu i TeAtua.\nPaul ku tae ake ki Jerusalem\n17Te saaita maatou ni ttae atu ki Jerusalem raa, naa tama te lotu i te kina naa ni oo ake no toa maatou. 18Teelaa aso raa, oo iloo maatou ma Paul no mmata i James. Naa tama hakamaatua te lotu raa hakkaatoa ni nnoho i te kina naa. 19Paul ni purepure atu ki laatou no taratara ake iloo i naa vana katoo TeAtua ni mee ki naa tama i naa henua sara i tana saaita ni hakaea ake naa taratara TeAtua.\n20Te saaita naa tama te lotu naa ni llono i naa taratara Paul raa, naa tama naa ni hakanau katoo i TeAtua. Araa taratara ake iloo te tama tokotasi laatou ki Paul, \"Taku taina nei. Koe e kite maa te kooina naa Jew teelaa ku hakattina no lotu i TeAtua raa ku lava iloo naa simata e tammaki, aa naa tama naa katoo koi tauhia laatou naa Loo Moses. 21Naa tama naa ni llono maa koe ni taratara ake ki naa Jew teelaa e nnoho hakapaa ma naa tama i naa henua sara raa ki tiiake laatou naa Loo Moses, teenaa maa koe e vana ma ki see ssere naa tamalliki laatou aa maa laatou ki see tautari ki naa tiputipu taatou naa Jew. 22Se aa taatou ki mee? Naa Jew naa ma ki oti ku llono maa koe ku tae mai ki te kina nei. 23Aa hakannoo, teenei te mee maatou e fiffai ma koe ki mee: Teelaa se takahaa taanata iloto maatou. Naa tama naa ni tuku naa taratara laatou imua naa karamata TeAtua maa laatou e hakatapu naa ora laatou. 24Koe ku hano ma naa tama naa aa kootou hakapaa ku hakamaarama naa haitino kootou, i te vasi naa Loo raa, ki mataffua imua naa karamata TeAtua. Ki oti koe ku taavi ki lavaa naa tama naa te tasia naa lauru laatou. I te ara nei raa, te henua hakkaatoa ma ki illoa maa naa taratara naa tama ni mee iaa koe raa seai ni taratara maaoni, aa maa koe too tino e tautari ki naa Loo Moses.+ 25Aa naa tama i naa henua sara teelaa ni hakattina no lotu raa iaa, maatou ku oti te kkave maatou pas ki laatou no taratara ake i maatou ku oti te taratara maa laatou ki see kkai naa kaikai teelaa ni hakaara ki naa aitu aa laatou ki see unu te ttoo; laatou ki see kkai te manu teelaa ni taa aa ni see hakatere tana ttoo, aa laatou ki tiiake te tiputipu e hai huri.\"+\n26I te ssoa te aso raa, Paul ni hano ma te takahaa taanata naa no hakamaarama naa haitino laatou, i te vasi naa loo, ki mataffua i naa karamata TeAtua. Ki oti raa uru atu iloo Paul ki loto te Hare Tapu raa no hakaari ake ki naa maatua raa i te kooina naa aso te hakatapu laatou raa koi takkoto mai, teenaa ko te saaita laatou ma ki hakaara ni mee ki TeAtua maa naa tama naa.\nPaul ku tauhia iloto te Hare Tapu\n27Te saaita naa aso e hitu naa ni taupiri ki llaka raa, aaraa Jew teelaa ni oo ake i naa matakaaina i Asia raa, ni kkite i Paul iloto te Hare Tapu. Teenaa usuhia iloo laatou naa tama e kkutu i te kina naa no oo atu naa tama naa no tauhia Paul. 28Naa tama naa ni varo peelaa, \"Naa taanata Israel nei, kootou oomai no tokonaki mai ki maatou! Teenei ko te tama e sare taratara hakallikaina a ia te kanohenua Israel, naa Loo Moses, aa ma te Hare Tapu nei, ki naa tama i naa kina hakkaatoa. Aa teenei naa tama i naa henua sara raa ku hakauruhia a ia ki loto te Hare Tapu raa ki kerekere te kina e tapu nei!\" 29(Naa tama naa e taratara peenaa i laatou ni kkite i Trofimus, te tama i Epises, e sassare laaua ma Paul iloto Jerusalem. Teenaa naa tama naa e mannatu maa te tama naa ni too ake Paul ki loto te Hare Tapu.)+\n30I te saaita te henua ni llono i te taratara nei raa, te kanohenua katoo i Jerusalem ni massike no hurohuro i naa lloto laatou. Naa tama naa ni ffuro atu hakkaatoa no tauhia laatou Paul ka huutia ki haho te Hare Tapu, teenaa puuia lokoi laatou naa tootoka te Hare Tapu raa no mmau. 31Te saaita naa tama naa ni mee ma ki taia laatou Paul raa, te taratara raa ku tae ki te hakamau naa soldia Rome raa ma naa tama i Jerusalem raa ku hetaa huri. 32Te hakamau naa ni masike koi no too iloo ana soldia raa ma aaraa hakamau aana no ffuro atu ki naa tama naa. Te saaita naa tama naa ni kkite i te hakamau naa ma ana soldia raa, see taia iloo laatou Paul. 33Te hakamau raa ni hanatu ki Paul no vanaake iloo ki ana soldia raa ki tauhia Paul no saisaitia ki naa seni e lua. Teenaa ki vasiri te hakamau raa peelaa, \"Teenei ko ai? Se ssara peehea ttama nei ni mee?\" 34E mee aaraa tama e ttuu i te kina naa ni tanitani varo huri koi; aaraa tama koi e kkee naa taratara laatou e hai ake. Te hakamau raa ni vvare hakaoti i naa hevaa huri naa tama naa, teenaa a ia ni see ilotia iloo ia te tahito te vana ni mee naa. A ia ni huri ake ki ana soldia raa no vanaake iloo ki toa Paul ki te hare laatou naa soldia raa e roorosi. 35Te saaita naa soldia raa koi oo atu are ki kkake i te hare laatou raa, naa tama raa ku muimui ake i naa vasi ki taia laatou Paul, teenaa ki ffuri naa soldia raa no saaua laatou Paul. 36Tevana iaa te kanohenua naa ni oo atu koi vaamuri ka tanitani varo ake ki naa soldia raa peelaa, \"Taia te tama naa ki mate!\"\nPaul ku taratara ki te kanohenua\n37Te saaita naa soldia raa ni ttuu ki toa laatou Paul ki loto te hare laatou raa, Paul ki mee ake ki te hakamau, \"Nau e lavaa te kauatu se taratara maaku kiaa koe?\"\nTe hakamau raa ki vasiri ake, \"Koe e iloa te taratara haka Greece? 38Koe nei seai ko te tama haka Egypt teelaa ni hakkoro te henua ki ffuri no hetaa ma naa tama te kaaman Rome, aa ki oti raa too iloo naa simata e haa naa tama e taa tama raa no ffuro laatou ki loto mouku?\"\n39Teenaa ki mee ake Paul kiaa ia, \"Seai. Nau nei se Jew. Nau ni haanauria mai i Tarsus iloto Silisia, aa teenaa seai ma se henua hakavarevare. Nau e hiihai maa koe ki tiiake nau ki taratara ki te kanohenua nei.\"\n40Te hakamau naa soldia raa ni hiihai. Teenaa ki masike Paul no tuu ki aruna te kakkake raa no ssau atu tana rima ki naa tama e ttuu ake i te kina naa ki see vvaa. Te saaita naa tama naa ni ttuu seemuu raa, Paul ni kaamata no taratara haka Jew ki laatou:\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/21\/","date":"2018-09-22T12:55:45Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158429.55\/warc\/CC-MAIN-20180922123228-20180922143628-00541.warc.gz","language":"nho","language_score":1.0000072718,"language_script":"Latn","minhash_cluster_size":3,"top_langs":"{\"nho_Latn_score\": 1.0000072717666626}","num_words":1896,"character_repetition_ratio":0.08,"word_repetition_ratio":0.0,"special_characters_ratio":0.231,"stopwords_ratio":0.533,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"JOHN 18:28\nJesus e taakina ki Pilate\n28Tahaata telaa aso raa, Jesus ni toa laatou i te hare Kaiapas raa no kaavea ki te hare Pilate. Saaita laatou ni ttae atu raa, naa hakamau naa Jew raa ni see uru ki loto te hare naa, i laatou see fiffai maa laatou e kerekkere i te vasi naa Loo laatou. Laatou e mattaku maa laatou ma ki kerekkere aa laatou ku see lavaa te kkai te kaikai te Pasova.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/John\/18\/28","date":"2018-09-23T23:07:28Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159820.67\/warc\/CC-MAIN-20180923212605-20180923233005-00021.warc.gz","language":"nho","language_score":0.6838960052,"language_script":"Latn","minhash_cluster_size":2,"top_langs":"{\"nho_Latn_score\": 0.683896005153656, \"rar_Latn_score\": 0.09112865477800369, \"wls_Latn_score\": 0.030563510954380035, \"gil_Latn_score\": 0.014905817806720734, \"wol_Latn_score\": 0.010723288170993328}","num_words":158,"character_repetition_ratio":0.071,"word_repetition_ratio":0.0,"special_characters_ratio":0.201,"stopwords_ratio":0.285,"flagged_words_ratio":0.0,"lang_id_score":0.639,"perplexity_score":500.0,"cluster_detection":1} +{"text":"ROME 8:35\n35See hai mee ma ki oti ku lavaa te ppui te laaoi TeAtua i taatou. Niaaina maa taatou e ttiri te kau haaeo ka haia pakavaina. Niaaina hoki maa taatou e ttaka hiikkai, e nnoho see hai hekau, aa ka uru taatou ki naa haaeo e llasi no tauppiri taatou ki mmate, taatou ma ki see lavaa te hakakkeeina i te laaoi TeAtua.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/8\/35","date":"2018-09-21T14:18:24Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267157203.39\/warc\/CC-MAIN-20180921131727-20180921152127-00275.warc.gz","language":"nho","language_score":0.4376178086,"language_script":"Latn","minhash_cluster_size":2,"top_langs":"{\"nho_Latn_score\": 0.43761780858039856, \"rar_Latn_score\": 0.1359759420156479, \"wls_Latn_score\": 0.05635243281722069, \"mri_Latn_score\": 0.03812185674905777, \"hif_Latn_score\": 0.034782592207193375, \"ekk_Latn_score\": 0.032883454114198685, \"fin_Latn_score\": 0.020613806322216988, \"gil_Latn_score\": 0.012194471433758736, \"sps_Latn_score\": 0.010918868705630302, \"eng_Latn_score\": 0.010675784200429916}","num_words":145,"character_repetition_ratio":0.072,"word_repetition_ratio":0.0,"special_characters_ratio":0.199,"stopwords_ratio":0.2,"flagged_words_ratio":0.0,"lang_id_score":0.343,"perplexity_score":500.0,"cluster_detection":1} +{"text":"LUKE 14:12\n12Teenaa huri ake iloo Jesus no mee ake ki te tama e mee tana hare e nnoho laatou ka kkai naa, \"Too saaita e ppena too kaikai i te laa i aruna, seai maa i te laasuru raa, koe see aru koi ki oo soa, oo taaina, oo hareaakina, aa ma naa tama e nnoho tauppiri atu teelaa e hai mane. Ki mee maa koe e aru koi ki naa tama peenaa, naa tama naa ma ki oti ku aru atu hoki ki hanake koe ki naa hare laatou. Teenei too ara ma ki suia laatou i too vana ni mee ki laatou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/14\/12","date":"2018-09-26T14:27:12Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267165261.94\/warc\/CC-MAIN-20180926140948-20180926161348-00556.warc.gz","language":"nho","language_score":0.907311976,"language_script":"Latn","minhash_cluster_size":2,"top_langs":"{\"nho_Latn_score\": 0.9073119759559631, \"rar_Latn_score\": 0.029941869899630547}","num_words":185,"character_repetition_ratio":0.067,"word_repetition_ratio":0.0,"special_characters_ratio":0.216,"stopwords_ratio":0.292,"flagged_words_ratio":0.0,"lang_id_score":0.895,"perplexity_score":500.0,"cluster_detection":1} +{"text":"ACTS 4\nPeter laaua ma John e hakatuuria imua te Kansol\n1I te saaita Peter ma John koi ttuu ka taratara ki naa tama raa, e mee naa maatua te hare lotu ma te hakamau naa wasi te Hare Tapu aa ma naa tama i te kaavena naa Sadiusi raa ku ttae ake. 2Naa tama naa ni lloto i te takarua aposol raa e akonaki te henua maa Jesus ku oti te hakamasikeria i te mate, teenaa e mee maa naa tama ku oti te mmate raa ma ki massike no ora. 3Teenaa tauhia iloo laatou Peter laaua ma John. Iaa e mee te laa raa ku suru raa, ponotia iloo laatou te takarua naa ki loto te hare karapusi, ki moe ki telaa aso. 4Tevana iaa e tammaki iloo naa tama ni hakannoo ki naa taratara te takarua naa ni ffuri no lotu i TeAtua; te kooina katoo naa taanata ni lotu raa ni hano no tae ki naa simata e rima.\n5I te ssoa te aso raa, naa hakamau naa Jew, naa tama hakamaatua, aa ma naa tisa naa Loo raa ni kkutu i Jerusalem. 6Naa tama naa ni oo ake no nnoho ma Annas, te Maatua Hakamau, aa ko Kaiapas, John, Alexander, aa ma naa tama i te haanauna te Maatua Hakamau. 7Naa aposol raa ni too ake laatou no hakatuuria imua laatou no vasiria, \"Te tanata naa ni haia koorua peehea no taukareka? Teenaa ni mahi e ai e ttaka ma koorua, aa koorua ni mee naa vana koorua naa iloto te inoa e ai?\"\n8Peter, e tauria naa mahi TeAitu Tapu, ni hakaahe atu tana taratara peelaa, \"Naa hakamau ma naa tama hakamaatua: 9Ki mee maa maaua e vasiria kootou i te aso nei i te vana taukareka ni mee ki te tama see lavaa te sasare nei aa ma te tama nei ni taukareka peehea raa, 10teenaa kootou hakkaatoa ma te kanohenua Israel ki illoa maa te tama teenei e tuu imua kootou nei e hakamasikeria naa mahi te inoa Jesus Christ, te tama i Nazareth. Teenaa ko te tama ni tuukia kootou ki te kros aa teelaa ni hakamasikeria TeAtua i te mate. 11Jesus raa ko te tama e tarataraina te Laupepa Tapu maa,\n'Te hatu kootou, naa tama e penapena hare, ni see fiffai raa,\nteenaa ko te hatu hakamaatua raa iloo.'+\n12Jesus Christ soko ia e hakasao te tama no ora; i te maarama nei raa see hai inoa peelaa hoki teelaa e lavaa te hakasao taatou no ora.\"\n13Naa tama i te Kansol raa ni oho iloo i naa see kkapo Peter ma John i te hakaea naa taratara TeAtua, aa i te takarua naa ni tamavare koi ni see ttae ki naa skul e llasi. Teenaa ki illoa naa tama naa maa te takarua naa ni ttaka ma Jesus. 14Naa tama naa ni see hai taratara ki mee, i laatou e kkite i naa tuu ake te tanata ni haia no taukareka raa laatou ma Peter aa ko John. 15Teenaa ki mee ake laatou ki te takarua naa ki uru ki haho, araa nnoho iloo laatou no taratara soko laatou, 16\"Te takarua nei ma ki haia taatou peehea? Naa tama hakkaatoa i Jerusalem raa e illoa maa te mahi e llasi TeAtua raa ni hakasuratia te takarua nei, aa taatou see lavaa te huu maa te takarua naa ni see mee te mee naa. 17Tevana iaa taatou ki mmata ki see tere te lono nei ki aaraa tama; taatou ki hakaapo ake ki te takarua nei ki see tarataraina hoki laaua iloto te inoa Jesus ki aaraa tama.\"\n18Teenaa hakaahea ake iloo laatou te takarua raa no taratara ake ki kaaoti hakaoti laaua te taratara ka akonaki te henua iloto te inoa Jesus. 19Tevana iaa Peter laaua ma John ki ffuri atu no mee atu peelaa, \"Kootou hakatuu soko kootou maa te mee hea e tonu i naa karamata TeAtua. E aa? Maaua ki hakannoo ki kootou, seai, maaua ki hakannoo ki TeAtua? 20Maaua see lavaa te nnoho seemuu ka see tarataraina maaua naa mee maaua ni kkite ka llono.\"\n21Teenaa ki taratara hakaapo atu hoki naa tama te Kansol raa ki laaua, araa tiiake iloo laaua ka oo. Naa tama naa ni kkite maa te takarua naa see lavaa laatou te karapusina, i te henua e hakanau hakkaatoa i TeAtua i te vana ni sura naa. 22Naa setau te tanata ni haia no taukareka nei e laka i te matahaa.\nNaa tama e lotu e taku ki see kkapo laatou\n23Te saaita Peter ma John ni tiiake ka oo raa, laaua ni ahe no taratara ake ki naa tama laatou raa i naa vana naa maatua hakamaatua ma naa tama hakamaatua raa ni taratara ake ki laaua. 24Te saaita naa tama naa ni llono i naa taratara naa, naa tama naa hakkaatoa ni taku hakapaa peelaa ki TeAtua, \"Te Ariki nei, koe raa ko TeAtua ni penapena te lani, te kerekere nei, te moana, aa ma naa mee hakkaatoa e ora teelaa e takkoto i naa kina naa!+ 25Koe ni taratara ake ki maatou tipuna David, te tama e heheuna iaa koe, iloto naa mahi TeAitu Tapu ki taratara mai ki maatou, teenaa ko tana taratara e mee maa:\n'Naa tama i naa henua sara raa e lloto iloo raa ko te aa?\nNaa tama naa e mamannatu vvare ki mee laatou naa vana e hakallika raa ko tea?\n26Naa tuku te kerekere nei ni ttuu tanatana ki hetaa.\nNaa hakamau raa ni kkutu hakapaa ki hetaa maa TeAtua laaua ma tana Mesaea.'+\n27E maaoni iloo maa Herod laaua ma Pontius Pilate ni kkutu hakapaa iloto Jerusalem ma te kanohenua Israel aa ma naa tama i naa henua sara raa ki hetaa laatou ma Jesus, too tama e tapu teelaa ni hakanoho ma se Mesaea.+ 28Naa tama naa ni hakapaa ki haia laatou naa mee hakkaatoa, teelaa iloto oo mahi aa maa too hiihai raa, koe kunaa iloa are ma ki oti ku ssura. 29TeAriki nei, hakannoo ki naa taratara hakaapo naa tama naa e hai, aa koe ku tiiake maatou, naa tama e heheuna iaa koe nei, ki hakaea see kkapo maatou i oo taratara. 30Hakassaa oo mahi no hakamasike naa tama e mmaki, aa koe ku mee ki kkite te henua i oo mahi e hakassura iloto te inoa Jesus, too Tama e tapu e heheuna iaa koe.\"\n31Te saaita naa tama naa ni oti te taku raa, te kina laatou e kkutu naa ni ruetia. Naa tama i te kina naa ni tauria katoo naa mahi TeAitu Tapu no kaamata laatou te hakaea see kkapo i naa taratara TeAtua.\nNaa tama e lotu raa e vaevae naa hekau laatou\n32Te kaavena e lotu naa ni taaohi ki te hakataakoto ma te manava tokotasi. See hai tama i laatou ni taratara maa ana hekau raa ni tino hekau aana, seai. Naa tama naa ni vaevae naa hekau katoo laatou naa ki aaraa tama laatou.+ 33Naa aposol raa ni taratara haimmahi iloo i te masike mai TeAriki Jesus i te mate, teenaa TeAtua ni mmata ake hakaraaoi iloo ki laatou hakkaatoa. 34See hai tama i laatou ni noho see hai mee. Naa tama ni mee naa kerekere laatou maa naa hare laatou raa ni kauake naa mee naa ki aaraa tama ki tauia, aa naa mane laatou naa 35ni hookii ake ki naa aposol; teenaa te mane naa ni vaevae ki naa tama see hai mee.\n36Teenaa e mee pee ko Joseph, te tama haka Levi aa ni haanau i te tamaa henua e ttapa ma ko Cyprus. Te tama naa ni taapaa naa aposol raa maa ko Barnabas, te taratara e mee maa 'Te tama e saapai ki telaa tama'. 37Te tama naa ni kauake tana kerekere raa ki tauia telaa tama, araa kauake iloo ana mane naa ki naa aposol.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/4\/","date":"2018-09-24T08:29:22Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160233.82\/warc\/CC-MAIN-20180924070508-20180924090908-00238.warc.gz","language":"nho","language_score":1.0000072718,"language_script":"Latn","minhash_cluster_size":2,"top_langs":"{\"nho_Latn_score\": 1.0000072717666626}","num_words":1385,"character_repetition_ratio":0.066,"word_repetition_ratio":0.0,"special_characters_ratio":0.227,"stopwords_ratio":0.56,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MARK 10:32\nTe ttoru i naa saaita Jesus ku taratara i tana mate\n32Jesus laatou ma ana disaipol raa ni sassare ka oo ki Jerusalem, teenaa Jesus ni hano vaamua ana disaipol. Ana disaipol naa ni sassare ka ssopo naa manava laatou, aa naa tama ni oo atu vaamuri raa iaa ni mattaku. Teenaa Jesus ni too hoki tana taka sinahuru maa te takarua disaipol raa hakavasi no taratara ake i naa vana ma ki mee i aa Ia.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/10\/32","date":"2018-09-25T07:25:44Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267161214.92\/warc\/CC-MAIN-20180925063826-20180925084226-00520.warc.gz","language":"nho","language_score":0.5949060321,"language_script":"Latn","minhash_cluster_size":2,"top_langs":"{\"nho_Latn_score\": 0.5949060320854187, \"sps_Latn_score\": 0.03977375105023384, \"rar_Latn_score\": 0.03751504793763161, \"pcm_Latn_score\": 0.031076660379767418, \"gil_Latn_score\": 0.02221502736210823, \"swh_Latn_score\": 0.018877532333135605, \"guj_Latn_score\": 0.015296613797545433, \"zne_Latn_score\": 0.01379995234310627}","num_words":159,"character_repetition_ratio":0.073,"word_repetition_ratio":0.0,"special_characters_ratio":0.197,"stopwords_ratio":0.245,"flagged_words_ratio":0.0,"lang_id_score":0.454,"perplexity_score":500.0,"cluster_detection":1} +{"text":"ACTS 8\nSaul e taaia a ia naa tama te lotu\n1I te saaita naa raa, naa tama te lotu e nnoho iloto Jerusalem raa ni kaamata te haia hakallikaina. Naa tama hakkaatoa e lotu raa ni masseu ki naa matakaaina iloto Judea maa Samaria. Teelaa ko naa aposol raa koi ni nnoho i Jerusalem. 2E mee naa tama te lotu ni toa laatou te haitino Stephen no tanumia, naa tama naa ni mmate hakaoti i naa ttani laatou.\n3Tevana iaa Saul ni kaamata no seua a ia te lotu. A ia ni sare uru katoo i naa hare naa tama e lotu raa no huutia ake naa taanata maa naa haahine hakkaatoa e lotu no ppono ki loto te hare karapusi.+\nTe Lono Taukareka raa ku tarataraina i Samaria\n4Naa tama e lotu teelaa ni masseu mai i Jerusalem raa ni oo no hakaea te Lono Taukareka raa i naa kina katoo laatou e oo. 5Philip ni hano ki te matakaaina hakamau i Samaria raa no hakae i naa tiputipu Christ ki te kanohenua te matakaaina naa. 6Te saaita te kanohenua naa ni llono i naa taratara Philip ka kkite laatou i ana hakassura naa mahi TeAtua raa, naa tama naa ni hakannoo hakaraaoi iloo ki ana taratara e kauake. 7E tammaki iloo naa tama ni tauria naa tippua hakallika raa ni haia no taukalleka, teenaa naa tippua naa ni kappisi naa varo laatou i te saaita laatou ni hakattaharia i naa tama naa, aa e tammaki naa tama see lavaa te sassare ma naa tama see ssare hakaraaoi ni haia no taukalleka. 8Teenaa naa tama i te matakaaina naa ni fiaffia iloo.\nSimon te tama pakava\n9Teelaa se tama pakava e noho i te matakaaina naa, tana inoa ko Simon. Te kanohenua Samaria naa ni massaro iloo i naa pakava te tama naa e hai, aa te tama naa e hikkahi kiaa ia maa ia se hakamau. 10Naa tama hakkaatoa i te matakaaina naa, teenaa e kaamata mai iloo i naa hakamau no tae ki naa tamavare, ni hakannoo atu hakaraaoi iloo ki naa vana te tama naa e hai, ka taratara hakanau peelaa, \"Naa mahi TeAtua e ilotia ma ko ana 'Mahi Hakamaatua' raa, teenei e hakatii maarama mai i te tama nei.\" 11Naa tama naa ni hakannoo atu iloo peenei ki te tama naa i laatou ku rooroa iloo i naa nnoho laatou ka massaro peenaa i naa pakava te tama naa e hai. 12Tevana iaa, i te saaita naa tama naa ni hakannoo ki naa hakaea ake Philip te Lono Taukareka i te Nohorana TeAtua aa maa Jesus Christ ko te Mesaea raa, naa tama naa, teenaa ko naa taanata ma naa haahine hakkaatoa, ni too te hakaukau tapu. 13Simon tana tino hoki ni hakannoo ki naa taratara Philip; aa i tana saaita ni oti te too te hakaukau tapu raa, a ia ni taka atu vaamuri Philip, teenaa ki oho ana mouri i ana kite i Philip e hakassura naa mahi e llasi TeAtua.\n14Naa aposol e nnoho i Jerusalem raa ni llono maa te kanohenua haka Samaria raa ku oti te too naa taratara TeAtua, teenaa heunatia iloo laatou Peter laaua ma John ki oo ki Samaria. 15Te takarua naa ni ttae atu no taku iloo ma naa tama ku lotu i te kina naa, teenaa ki toa laatou TeAitu Tapu. 16I te aa, i naa mahi TeAitu Tapu raa seki tau i naa tama naa; laatou ni hakaukau tapuina koi iloto te inoa TeAriki Jesus. 17Peter ma John ni oo atu no hakapiri iloo naa rima laaua i aruna naa tama naa no taku maa naa tama naa, teenaa tau iloo TeAitu Tapu raa i naa tama naa.\n18Simon ni kite maa TeAitu Tapu raa ni tau i naa tama raa i te saaita naa aposol raa ni hakapiri naa rima laaua i aruna laatou, teenaa hookii iloo naa mane ki Peter ma John, 19ka mee ake peelaa, \"Kaumai naa mahi naa kiaa nau hoki, teenaa ki taku saaita e hakapiri aku rima i aruna naa tama raa, TeAitu Tapu ki tau i naa tama naa hoki.\"\n20Araa nei Peter ku mee ake kiaa ia, \"Tere hakaatea iloo ma oo mane naa ki te kina te ahi e ura see mate! E aa? Koe e maanatu maa koe e lavaa koi te tauia a koe naa mahi TeAtua ki te mane? 21Koe see hai vana e mee iloto naa heuna maaua nei, i te aa i too hatumanava see tonu i naa karamata TeAtua. 22Tiiake oo mannatu hakallika naa, aa koe ku taku ki TeAriki ki aroha iaa koe, i aa koe ni mee oo mannatu e hakallika peenaa. 23I te aa, nau e kite maa too manava kaimanako naa e hakallika iloo, aa koe hoki se tama ku hakavaarea naa mahi te haisara.\"\n24Teenaa ki mee ake Simon, \"Koorua taku ki TeAtua ki see ssura naa vana koorua e taratara nei iaa nau.\"\n25Te saaita Peter ma John ni oti te hakaea ki naa tama raa i te illoa laaua i Jesus Christ aa i naa taratara TeAriki raa, laaua ni ahe ki Jerusalem. Teenaa laaua ni hakataka atu i naa tamaa henua vaaroto Samaria raa ka hakaea te Lono Taukareka ki naa tama i naa kina naa.\nPhilip e akonakiria a ia te tama haka Ethiopia\n26Teenaa te ensol tokotasi TeAtua ni vanaake peelaa ki Philip, \"Masike no hano ki te kipu ki te ara e taa vaaroto mouku, teenaa ko te ara e tere iho i Jerusalem ki Gaza.\" (Te ara naa ku see saarea i naa aso nei.) 27Teenaa masike iloo Philip no hano i te ara naa. I te ara raa a ia ni ttiri i te tama haka Ethiopia e taapaa ma se 'eunuch', e tere i tana karis raa ki tana henua. Te tanata naa se hakamau e roorosi i naa mane te tuku ffine i Ethiopia, aa a ia naa ni hano ki Jerusalem no lotu i TeAtua, aa teenei a ia ku ahe ki tana henua. 28Te tanata naa e noho i aruna tana karis raa ka paupau te laupepa te pure Isaiah. 29TeAitu Tapu raa ki mee ake ki Philip, \"Sare atu ki taupiri koe ki te karis e tere raa.\" 30Teenaa tere atu iloo Philip ki te karis naa no lono i naa paupau te tanata naa te laupepa Isaiah. Philip ki vasiri ake, \"Koe e iloa i te hakataakoto naa taratara e paaua a koe naa?\"\n31Te hakamau raa ki mee ake, \"Nau ma ki iloa peehea ki mee maa see hai tama e iloa e hakaari mai te hakataakoto naa taratara nei?\" Teenaa vanaake iloo te tama naa ki Philip ki kake ake ki aruna no noho i tana vasi. 32Naa taratara te laupepa Isaiah e noho te tanata naa no paupau raa e taratara peelaa:\n\"Ttama naa e mee pee ko te sipsip e taakina ki taia,\na ia ni seai iloo se taratara ni pesi,\ne mee pee ko naa moe seemuu te sukua sipsip i ana tasia tana huru.\n33Ttama naa ni kotia vare lokoi ka hakanaparia,\nA ia seai tana haanauna e nnoho mai ma ki taratara ai te henua i laatou,\ni te aa i aa ia ku taia no mate, teenaa tana ora i te kerekere nei ku oti.\"+\n34Te hakamau raa ki vasiri ake ki Philip, \"Hakaari mai, te pure e sissii naa taratara nei e taratara i ai? A ia e taratara iaa ia soko ia, seai, e taratara i telaa tama?\" 35Teenaa kaamata iloo Philip te hakaea ake te Lono Taukareka i Jesus raa ki te tanata naa, e kaamata iloo i te taratara te Laupepa Tapu e paaua laaua naa. 36Te takarua naa ni tere iho i te ara naa no tae iloo ki te kina te vai. Teenaa ki mee ake te hakamau raa Philip, \"Ttoka mai, teenei se vai. Nau e puuia te aa ma ki see too nau te hakaukau tapu?\" 37[Philip ki mee ake, \"Koe e lavaa te too te hakaukau tapu ki mee maa koe e lotu ma too hatumanava hakkaatoa i TeAtua.\" Te hakamau raa ki hakaahe ake, \"Nau e iloa maa Jesus Christ ko te Tama maaoni TeAtua.\"]\n38Te hakamau naa ni huri no vanaake iloo ki te tama e terekia a ia te karis raa ki ttuki, araa ssepu iho iloo laaua ma Philip ki te vai, no hanatu Philip no hakaukau tapu te hakamau naa. 39Te saaita te takarua naa ni massike ake i te vai raa, Philip ni toa TeAitu Tapu raa i te kina naa no see kite hakaoti te hakamau naa iaa ia. Te hakamau raa iaa ni hano hiahia koi ki tana henua. 40Philip iaa ni kite maa ia ku noho i Asotus. Teenaa a ia ni hakataka i te kina naa no hano ki Sisaria ka hakaea te Lono Taukareka raa i naa tamaa matakaaina katoo i te kina naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/8\/","date":"2018-09-26T04:25:56Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267163326.85\/warc\/CC-MAIN-20180926041849-20180926062249-00362.warc.gz","language":"nho","language_score":1.0000025034,"language_script":"Latn","minhash_cluster_size":6,"top_langs":"{\"nho_Latn_score\": 1.0000025033950806}","num_words":1565,"character_repetition_ratio":0.066,"word_repetition_ratio":0.0,"special_characters_ratio":0.232,"stopwords_ratio":0.518,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 23\nJesus ku taakina ki Pilate\n1Naa tama hakamaatua naa ni massike no taakina iloo laatou Jesus ki Pilate. 2Teenaa kaamata iloo naa tama naa te kauake te kau taratara haaeo Jesus ki Pilate: \"Ttama nei e laavea maatou e usuusu te henua ki see tuku laatou ki naa vana te kaaman Rome, teenaa maa naa tama raa ki see pesi takis ki te tuku i Rome, aa te tama nei hoki e hai maa ia ko te Mesaea, teenaa maa ia se tuku.\"\n3Pilate ki vasiri ake ki Jesus, \"Koe naa ko te tuku naa Jew?\"\nJesus ki hakaahe ake, \"Teenaa koe e mee mai naa.\"\n4Teenaa ki huri Pilate no mee ake ki naa maatua hakamaatua raa ma te kuturana tama i te kina naa, \"Nau see hai vana e sara e kite i te tanata nei.\"\n5Tevana iaa naa tama naa ni ppura iloo ka hai ake ki Pilate: \"Te henua e usuusuhia te tama nei ki ana akonaki e kauake ki laatou, ka hakkoro naa tama raa ki hai te kau vana hakallika vaaroto Judea. Te tama nei ni kaamata mai iloo i Galilee aa teenei ku tae mai ki te kina nei.\"\nJesus ku kaavea ki Herod\n6I te saaita Pilate ni lono i te taratara nei raa, vasiri iloo ia peelaa, \"Teenei se tama i Galilee?\" 7Teenaa i tana saaita ni iloa maa Jesus se tama i te matakaaina Herod e tuku raa, vanaake iloo ki naa tama naa ki taakina Jesus ki Herod, i Herod e noho i Jerusalem i te saaita naa. 8Herod ni hiahia iloo i tana saaita ni kite i Jesus, i aa ia ni lono i naa taratara te henua i Jesus, aa a ia hoki ni noho iloo ka hiihai maa ia ki kite i Jesus e hakasura naa mirakol TeAtua. 9Herod ni vasirisiri te kau vana ki Jesus, tevana iaa Jesus ni see hai taratara ni hakaahe ake kiaa ia. 10Naa maatua hakamaatua aa ma naa tisa naa Loo raa ni ttuu i te kina naa ka kapi iloo naa maaisu laatou ma Jesus e mee ana sara. 11Teenaa huri iloo Herod ma ana soldia raa no kaamata te hakalillii ka tautausuaina laatou Jesus. Naa tama naa ni hakkahuria laatou Jesus ki te kkahu naa tuku raa no hakaahea hoki ki Pilate. 12Imua raa Pilate ma Herod ni tautau haaeo ki laaua. Aa i te aso naa lokoi raa laaua ku meemee hakapaa ma se vaisoa.\nJesus ku tukua ki taia ki mate\n13Pilate ni kkave tana kaunaki ki naa maatua hakamaatua, naa hakamau naa Jew, aa ma te kanohenua te kina naa ki oo ake, 14teenaa mee ake iloo peelaa ki laatou, \"Te tanata nei e toomai kootou kiaa nau i kootou e hai maa te henua e usuusuhia te tama nei ki see tuku laatou ki naa vana te kaaman Rome. Nau ni vasirisiri ake ki te tama nei imua kootou naa hakkaatoa, aa nau e kite maa te tama nei see haisara i naa taratara kootou e mee iaa ia. 15Ttama nei ni hakaahea mai Herod kiaa nau i aa ia e kite hoki maa ttama nei see haisara. Teenaa nau e mmata maa ttama nei see hai vana ni mee teelaa e tau ma ia ki haia ki mate. 16Teenei nau ma ki mee ake ki aku soldia raa ki sarua te tama nei aa ku tiiake ki hano.\" 17[I naa setau hakkaatoa, i te ssao te Kaikai te Pasova raa, Pilate ki ffana se karapusi tokotasi i naa Jew raa no hakaahea atu ki laatou.]\n18Naa tama hakkaatoa e ttuu i te kina naa ni hakatoo hakapaa no tanitani varo atu peelaa, \"Taia ttama naa, aa ku hanaa mai Barabas!\" 19Barabas ni pponotia ki loto te hare karapusi i aa ia ni hai naa tama ni hetaa ma naa hakamau te kaaman Rome raa i Jerusalem, teenaa a ia hoki ni taa tana tama no mate.\n20Pilate ni hiihai ma ki tiiake ia Jesus ki hano, teenaa taratara ake hakaraaoi hoki a ia ki naa tama naa. 21Tevana iaa naa tama naa ni ffuri atu no tanitani varo peelaa, \"Tuukia ttama naa! Tuukia ttama naa ki te kros!\"\n22Teenaa ki ttao atu Pilate te ttoru ana saaita no mee ake ki naa tama naa, \"Aiaa? See ssara peehea ttama nei ni mee? Nau seai taku mee e kite i ttama nei teelaa e tau ma ia ki haia ki mate! Nau ma ki vanaake ki aku soldia raa ki sarua ttama nei aa ku tiiake ki hano.\"\n23Tevana iaa naa tama naa ni tanitani varo atu vaaruna iloo ki tuukia Jesus ki te kros. Laatou ni haihai no lavaa iloo laatou te huria te manava Pilate. 24Teenaa tuku atu iloo Pilate ki te fiffai naa tama naa. 25Pilate ni hanaa a ia Barabas, te tama ni karapusina i aa ia ni hai naa tama ni hetaa ma naa hakamau te kaaman, aa i aa ia hoki ni taa tana tama no mate. Jesus iaa ni tiiake atu a ia ki naa tama naa ki hai naa mannatu laatou.\nJesus ku tuukia ki te kros\n26Te saaita Jesus ni taakina naa soldia te kaaman Rome ki toa no taia raa, laatou ni ttiri te tanata haka Sairin, tana inoa ko Simon, e hanake ki loto Jerusalem. Naa soldia naa ni ffuri atu no tauhia laatou te tanata naa no hakapiri atu te kros raa ki ana aamona no vanaake ki ssau te kros raa no hanatu vaamuri Jesus.\n27E tammaki iloo naa tama ni oo atu vaamuri Jesus; aa naa haahine iloto i te kuturana naa ni mmate hakaoti i naa ttani laatou iaa Ia. 28Jesus ni huri atu ki naa haahine raa no mee ake, \"Naa haahine Jerusalem, kootou see ttani alloha iaa nau; kootou ki ttani alloha i kootou soko kootou aa i naa tamalliki kootou. 29I te aa i naa aso raa ma ki ssura iho, teenaa te henua ma ki taratara peelaa, 'Teenei se mannava peehea naa haahine e poka, naa haahine seki hannau mai iloo ni tamalliki maa laatou, aa ma naa haahine seki anaana iloo ni tamalliki maa laatou!' 30Teenaa ko te ssao te henua ma ki ttani atu ki naa mouna, 'Ssina mai no taaona maatou!' aa ki naa tamaa mouna raa, laatou ma ki ttani atu peelaa, 'Uuhia maatou!'+ 31I te aa, ki mee maa te henua e sosorina peenei kiaa nau, ttama e mee pee ko te laakau koi mata, te henua ma ki sosorina peehea ki kootou naa tama e mee pee ko naa laakau ku pakuppaku?\"\n32E mee hoki te takarua taanata ni too ake i te hare karapusi ni taakina hakapaa ma Jesus ki toa no taaia. 33Te saaita naa tama naa ni ttae ki te kina e ttapa ma ko \"Te Ivi te Pisouru\" raa, tuukia iloo laatou Jesus i te kina naa, aa te takarua taanata naa ni tuukia hoki laatou, te tama i te vasi hakamaatau aa telaa tama i te vasi hakamaavii Jesus. 34Jesus ki taku peelaa, \"Tamana, aroha i naa tama nei! Naa tama nei see illoa maa se aa laatou e mee nei.\"+\nTeenaa naa tama naa ki mee laatou taffao ki naa tamaa hatu ki vaaea laatou naa hekau Jesus. 35Te henua ni ttuu ka ttoka i naa tautaussua naa hakamau naa Jew raa peelaa ki Jesus, \"Ki mee maa ia ko te Mesaea maaoni TeAtua ni hakamaatino raa, a ia ki hakasao soko ia pee ko aaraa tama ni hakassaoria a ia!\"+\n36A ia ni tautausuaina hoki naa soldia Rome: naa tama naa ni hookii ake te wain e mmara hakallika raa ki unu ia,+ 37ka tautaussua ake peelaa, \"Ki mee maa koe ko te tuku naa Jew, koe ku hakasao soko kkoe!\"\n38Naa taratara nei ni sissia laatou ki te ppaa no tuukia ki aruna tana kros: \"TEENEI KO TE TUKU NAA JEW.\"\n39Te tama tokotasi i te takarua taanata ni tuukia hakapaa ma Jesus raa ni huri ake ki Jesus no mee ake, \"E aa? Koe naa seai ko te Mesaea? Hakasao iaa koe aa koe ku hakasaoria maaua hoki!\"\n40Teenaa huri atu iloo telaa tama no nutua: \"Koe see mataku i TeAtua? Koe naa ni tukua hoki ki mate pee ko ttama naa. 41Taaua nei ni tukua tonu ki mmate, i naa sara taaua ni mee raa e hakallika iloo, aa ttama nei iaa ni see haisara ni mee.\" 42Ki oti raa huri atu iloo ia ki Jesus no mee ake, \"Jesus, too saaita e au ma se Tuku raa, koe ku maanatu iaa nau!\"\n43Jesus ki mee ake kiaa ia, \"Nau e kauatu hakaoti te taratara maaoni nei: Te aso nei koe ma ki noho ma nau i te kina e taukareka.\"+\nTe mate Jesus\n44Te saaita te laa ni tae ki te ssao te kkai raa, te henua ni poouri no tae iloo ki te ttoru i te laasuru, 45teenaa i te laa raa ni see tii. Aa te maro e tautau ka ppui te uta iloto te Hare Tapu raa ni saaea ki naa vasi e lua.+ 46Jesus ki tanitani varo, \"Tamana, nau e tiiake atu taku ora ki moe i oo rima!\" I tana saaita koi ni oti ana taratara nei raa, pesi hakaoti iloo tana maanava no mate.+\n47Te saaita te hakamau naa soldia Pilate raa ni kite i naa vana e mee nei raa, a ia ni hakanau i TeAtua ka mee tana taratara peelaa, \"Ttama nei maaoni ni see haisara ni mee. Ttama nei se tama e taukareka!\"\n48Naa tama hakkaatoa teelaa ni oo ake no mmata i Jesus ku taia raa ni kkite i naa vana ni ssura naa. Teenaa naa tama naa ni sassare ka ttani ki naa hare laatou. 49Aa naa tama teelaa ni illoa hakaraaoi iloo Jesus, e hakapaa ma naa haahine ni oo ake ma Jesus i Galilee raa, ni ttuu hakammao ka ttoka i naa vana e mee naa.+\nJesus ku toa no tanumia\n50-51Teelaa se tanata, tana inoa ko Joseph. A ia se tama i Arimatia, teenaa se matakaaina iloto Judea. Te tanata naa se tama e tonu aa e sosorina taukareka, aa a ia e noho peenaa ka ttari ki tae mai te Nohorana TeAtua. Niaaina maa ia se tama i naa tama hakamaatua naa Jew raa, a ia ni see hiihai ki naa vana naa tama laatou naa ni mee ki Jesus. 52Joseph ni hanake ki Pilate no mee ake maa ia e mee ma ki toa a ia te haitino Jesus. 53Teenaa hano iloo Joseph no tukua iho te haitino Jesus i te kros no miinia ki te maro hoou. Araa toa iloo ia no hakamoeria iloto te rua hoou e hakahotu i te vasi te mouna hatu. Teenaa se rua ni hakahotu ki hakamoe naa tama e mmate, aa te rua naa seki hai tama ku oti te hakamoeria iloto. 54Joseph ni mee ana vana naa i te laasuru te aso rima, teenaa te Sabat raa ku saaita koi.\n55Naa haahine ni oomai ma Jesus i Galilee raa ni oo atu vaamuri Joseph no kkite i naa hakamoeria te haitino Jesus iloto te rua. 56Teenaa ahe iloo naa haahine naa ki hare no hakamate naa kaakaa mannoni laatou ki aamosi te haitino Jesus.\nTevana iaa laatou ni hakamalolloo i te aso te Sabat, i teenaa ni taratara naa Loo Moses.+\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/23\/","date":"2018-09-23T14:08:37Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159470.54\/warc\/CC-MAIN-20180923134314-20180923154714-00285.warc.gz","language":"nho","language_score":1.000007391,"language_script":"Latn","minhash_cluster_size":2,"top_langs":"{\"nho_Latn_score\": 1.0000073909759521}","num_words":1969,"character_repetition_ratio":0.055,"word_repetition_ratio":0.006,"special_characters_ratio":0.238,"stopwords_ratio":0.524,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 11:32\n32\"I te Aso te Hakatonu TeAtua raa, te kanohenua Niniveh raa ma ki massike no tuku haaeo ki naa tama e nnoho i te ssao nei, teenaa i laatou ni ffuri no tiiake naa haisara laatou i te saaita laatou ni llono i naa hakaea ake Jona i naa taratara TeAtua. Aa teenei nau ku taratara atu ki kootou: e mee te tama e noho hakamaatua iaa i Jona e noho ma kootou i te kina nei.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/11\/32","date":"2018-09-23T15:25:06Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159470.54\/warc\/CC-MAIN-20180923134314-20180923154714-00285.warc.gz","language":"nho","language_score":0.7274956107,"language_script":"Latn","minhash_cluster_size":4,"top_langs":"{\"nho_Latn_score\": 0.7274956107139587, \"rar_Latn_score\": 0.13282626867294312, \"mri_Latn_score\": 0.0255427248775959, \"wls_Latn_score\": 0.014850113540887833, \"gil_Latn_score\": 0.01414586789906025}","num_words":159,"character_repetition_ratio":0.07,"word_repetition_ratio":0.0,"special_characters_ratio":0.204,"stopwords_ratio":0.333,"flagged_words_ratio":0.0,"lang_id_score":0.692,"perplexity_score":500.0,"cluster_detection":1} +{"text":"LUKE 1:20\n20Tevana iaa koe ni see hai maanatu maa aku taratara nei ni taratara maaoni teelaa ma ki ttino i te ssao e taukareka. Aa i aa koe ni see maanatu maa teenei seai ni taratara maaoni raa, teenaa koe ma ki see lavaa te taratara; koe ma ki taka seemuu peenaa ki tae iloo ki te aso aku purepure kiaa koe nei ku ttino.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/1\/20","date":"2018-09-22T15:31:09Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158450.41\/warc\/CC-MAIN-20180922142831-20180922163231-00013.warc.gz","language":"nho","language_score":0.3795563877,"language_script":"Latn","minhash_cluster_size":2,"top_langs":"{\"nho_Latn_score\": 0.3795563876628876, \"rar_Latn_score\": 0.29004916548728943, \"gil_Latn_score\": 0.03524322062730789, \"sps_Latn_score\": 0.02428162284195423, \"hif_Latn_score\": 0.022239133715629578, \"mri_Latn_score\": 0.018599051982164383, \"wls_Latn_score\": 0.018455304205417633, \"swh_Latn_score\": 0.01198591385036707, \"zne_Latn_score\": 0.010514647699892521, \"guj_Latn_score\": 0.01040566060692072, \"niu_Latn_score\": 0.010370228439569473}","num_words":146,"character_repetition_ratio":0.074,"word_repetition_ratio":0.0,"special_characters_ratio":0.2,"stopwords_ratio":0.233,"flagged_words_ratio":0.0,"lang_id_score":0.366,"perplexity_score":500.0,"cluster_detection":1} +{"text":"ACTS 26:22\n22Tevana iaa TeAtua ni tokonaki mai peenaa kiaa nau no tae mai iloo ki te aso nei. Aa teenei e tuu ai nau i te kina nei no hakaea atu naa taratara nei ki kootou, naa hakamau ma naa tamavare, hakkaatoa. Aku taratara e kauatu nei ko naa taratara koi Moses ma naa pure TeAtua raa ni taratara imua ma ki oti ku ssura imuri:\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/26\/22","date":"2018-09-19T20:22:02Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156305.13\/warc\/CC-MAIN-20180919200547-20180919220547-00056.warc.gz","language":"nho","language_score":0.4516049027,"language_script":"Latn","minhash_cluster_size":2,"top_langs":"{\"nho_Latn_score\": 0.4516049027442932, \"rar_Latn_score\": 0.25613829493522644, \"sps_Latn_score\": 0.042196694761514664, \"gil_Latn_score\": 0.024219635874032974, \"hif_Latn_score\": 0.01932789944112301, \"wls_Latn_score\": 0.014872882515192032, \"mri_Latn_score\": 0.013964373618364334, \"niu_Latn_score\": 0.010713096708059311}","num_words":147,"character_repetition_ratio":0.074,"word_repetition_ratio":0.0,"special_characters_ratio":0.2,"stopwords_ratio":0.252,"flagged_words_ratio":0.0,"lang_id_score":0.358,"perplexity_score":500.0,"cluster_detection":1} +{"text":"ACTS 12:10\n10Takarua naa ni oo no hakaraka iloo te kaavena mua naa soldia aa te ssoa te kaavena, teenaa oo atu iloo laaua no ttae atu ki te tootoka katana e ppui i te ara e uru atu ki loto te matakaaina naa. Te saaita laaua ni ttae atu raa, te tootoka naa ni taaraki soko ia, teenaa uru iloo laaua ki haho. Laaua ni sassare ka oo i te ara tokotasi no seai lokoi te ensol raa i te vasi Peter.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/12\/10","date":"2018-09-23T22:18:40Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159820.67\/warc\/CC-MAIN-20180923212605-20180923233005-00058.warc.gz","language":"nho","language_score":0.4338755012,"language_script":"Latn","minhash_cluster_size":2,"top_langs":"{\"nho_Latn_score\": 0.43387550115585327, \"rar_Latn_score\": 0.25543415546417236, \"gil_Latn_score\": 0.0642063319683075, \"wls_Latn_score\": 0.025129275396466255, \"sps_Latn_score\": 0.022746460512280464, \"hif_Latn_score\": 0.01262006163597107}","num_words":163,"character_repetition_ratio":0.069,"word_repetition_ratio":0.0,"special_characters_ratio":0.205,"stopwords_ratio":0.221,"flagged_words_ratio":0.0,"lang_id_score":0.437,"perplexity_score":500.0,"cluster_detection":1} +{"text":"LUKE 20:20\nNaa takis e pesi ki te Tuku hakamau i Rome\n20Naa tama naa ni sessee ara ma ki hakasara se vana maa Jesus. Teenaa tauia iloo laatou aaraa tama no heunatia ki oo no vasirisiri te kau vana ki Jesus, ki hakasara se taratara maa Jesus aa ku taakina laatou no kauake ki te hakamau Rome raa ki karapusina. Naa tama ni heunatia laatou naa ni hakamatemate iloo ki laatou, ki vana te henua maa laatou ni tama e ttonu.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/20\/20","date":"2018-09-25T01:07:22Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160853.60\/warc\/CC-MAIN-20180925004528-20180925024928-00222.warc.gz","language":"nho","language_score":0.8524196148,"language_script":"Latn","minhash_cluster_size":2,"top_langs":"{\"nho_Latn_score\": 0.8524196147918701, \"rar_Latn_score\": 0.0258614681661129, \"wls_Latn_score\": 0.01728854514658451}","num_words":162,"character_repetition_ratio":0.068,"word_repetition_ratio":0.0,"special_characters_ratio":0.197,"stopwords_ratio":0.284,"flagged_words_ratio":0.0,"lang_id_score":0.849,"perplexity_score":500.0,"cluster_detection":1} +{"text":"LUKE 12:58\n58Ki mee maa koe e hakatautau ma se tama no taakina koe ki te koti, koe ki ssee se ara ki taratara hakaraaoi koorua imua koorua e ttae ki te koti. Ki mee koe see mee ma ki taratara hakaraaoi koorua, koe ma ki taakina naa tama naa ki te tama e hakannoo ki naa koti. Teenaa koe ma ki toa no kauake ki naa tama e roorosi te hare karapusi raa ki karapusi koe.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/12\/58","date":"2018-09-22T17:18:52Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158609.70\/warc\/CC-MAIN-20180922162437-20180922182837-00464.warc.gz","language":"nho","language_score":0.6154043078,"language_script":"Latn","minhash_cluster_size":2,"top_langs":"{\"nho_Latn_score\": 0.6154043078422546, \"rar_Latn_score\": 0.1926753669977188, \"mri_Latn_score\": 0.05721435323357582, \"hif_Latn_score\": 0.02482720836997032, \"sps_Latn_score\": 0.012195819988846779, \"wls_Latn_score\": 0.010531377047300339}","num_words":157,"character_repetition_ratio":0.069,"word_repetition_ratio":0.0,"special_characters_ratio":0.203,"stopwords_ratio":0.28,"flagged_words_ratio":0.0,"lang_id_score":0.618,"perplexity_score":500.0,"cluster_detection":1} +{"text":"MARK 6\nJesus e sahea naa tama i Nazareth\n1Jesus ni masike i te kina naa no ahe ma ana disaipol ki tana matakaaina. 2I te aso te Sabat raa, a Ia ni hano no kaamata ana akonaki raa i te hare lotu naa Jew. E tammaki iloo naa tama ni oo ake; aa i te saaita naa tama naa ni llono i ana taratara raa, laatou ni oho hakkaatoa, teenaa ki vasirisiri laatou peelaa, \"Teenei se iloa te tama nei e toomai i hea? Teenei se atamai aa ni mahi te tama nei ni kauake e ai ki lavaa ia te ppena naa mirakol? 3E aa? Teenei seai ko te kapenta, te tama Mary? Teelaa seai ko Ia raa e mee ana taaina ko James, Joseph, Judas aa ko Simon? E aa? Teelaa seai ko ana kave raa e nnoho i te kina nei?\" Teenaa naa tama naa ni see fiffai ma laatou e hakannoo kiaa Ia.\n4Jesus ki mee ake ki laatou, \"Te pure TeAtua raa e haia hakaraaoina naa tama i ana matakaaina katoo e hano; aa i tana tino matakaaina raa iaa, a Ia e hakakkeeina. Teenaa ana tino haanauna raa iloo ma ki see illoa atu kiaa ia.\"+\n5Jesus ni see lavaa te hakassura ni mahi TeAtua i te kina naa; a Ia ni hakapiri koi tana rima i aruna naa uruai tama e mmaki no taukalleka naa tama naa. 6A Ia ni teki iloo i naa tama naa ni see hakannoo kiaa Ia.\nJesus e heuna te taka sinahuru maa te takarua disaipol aana raa ki oo\n7Jesus ni aru ake ki tana taka sinahuru maa te takarua disaipol raa kiaa Ia. Teenaa uui atu iloo Ia naa mahi TeAtua ki laatou, ki lavaa laatou te hanahana naa tippua. Araa heunatia iloo Ia naa tama naa ka oo, tiki takarua, no mee ana heuna. 8Teenaa a Ia ni taratara ake peelaa ki laatou, \"Kootou seai ni mee ma ni haraoa, naa paeke e hahao hekau, aa ma ni mane e too ka oo ma kootou; kootou too koi naa tokotoko kootou.+ 9Kootou hakao ni taka ma kootou, tevana iaa kootou see too maa ni ssoa kkahu maa kootou.\" 10A Ia ni vanaake hoki peelaa, \"Naa hare kootou e toa ki nnoho raa, kootou ku nnoho tonu i naa hare naa ki tae ki te ssao kootou e massike i te matakaaina naa ki oo. 11Aa ki mee naa tama te matakaaina naa see oo atu no toa kootou aa see hii hakannoo ki kootou, kootou ku tiiake te matakaaina naa aa kootou ku oo. Te saaita kootou e oo raa, kootou ku tahitahi naa kerekere e mmau i naa ororo vae kootou, ki illoa naa tama naa maa te tiputipu laatou e hakasura raa e sara.\"+\n12Teenaa oo iloo naa disaipol raa no hakaea ki te henua ki ffuri naa manava laatou no tiiake te tiputipu e ppena naa haisara. 13Te lopo tama e uruhia naa tippua raa ni haia laatou no taukalleka, aa e tammaki naa tama e mmaki ni mumurua laatou ki te ssunu te oliv no malolloo.+\nTe mate John Baptis\n14Herod, te tuku Galilee raa, ni lono i naa vana Jesus ni mee naa, teenaa i te henua hakkaatoa e taratara i aa Ia. Aaraa tama e taratara peelaa, \"John te Baptis raa ku ora hoki, teenei e lavaa ai te tama nei te hakassura naa mahi TeAtua.\"\n15Aaraa tama iaa e taratara peelaa, \"Teenei ko Elijah.\"\nAa aaraa tama e mee maa, \"Teenei se pure TeAtua, e mee pee ko naa pure TeAtua imua.\"+\n16Te saaita Herod ni lono i naa vana nei raa, a ia ni mee tana taratara peelaa, \"Ttama naa ko John te Baptis, te tama ni tuutia a nau tana ua no mate; aa teenei ttama nei ku ora hoki.\" 17Teelaa ko Herod raa ni mee ake ki ana roorosi raa ki saisaitia John, aa ku peesia ki loto te hare karapusi. A ia ni mee tana vana naa i aa ia ni aavanatia a ia Herodias, te aavana tana taina, Philip. 18John te Baptis maraa e hai ake lokoi peelaa ki Herod, \"Te mee raa e sara ma koe ki aavanatia a koe te aavana too taina!\"+\n19Herodias ni taka ma tana lotoffaaeo i John; a ia ni hiihai maa John ki taia ki mate, tevana iaa tana vana naa ni see akottia. 20I te aa i Herod ni iloa maa John se tama e sosorina taukareka aa se tama hoki e tonu tana ora. Teenaa ki mee ake a ia ki naa tama e heheuna i aa ia raa ki see taia John. Niaaina maa naa mannatu Herod maraa see ttonu i ana saaita e lono i naa taratara John raa, a ia maraa e hii hakannoo koi ki ana taratara.\n21Te ssao Herodias ki mee tana vana hakallika naa ku tae. Teenaa ko te aso te kaikai e lasi Herod ni mee, ki hakamaatino tana aso ni haanau mai. A ia ni aru ki naa hakamau te kaaman, naa hakamau ana soldia, aa ma naa tama hakamaatua iloto Galilee, ki oo ake ki tana kaikai naa. 22Herod laatou ma naa tama ni oo ake ki te kaikai naa ni hakahiahia ina te taupu Herodias i tana saaita ni hanake no anu imua laatou. Teenaa mee ake iloo Herod peelaa ki te taupu naa, \"Kainnoo mai too mee e hiihai, aa nau ma ki kauatu kiaa koe.\" 23Herod ni tuku hoki tana taratara peelaa, \"Se aa taau e kainnoo mai, nau ma ki kauatu. Niaaina ki mee maa koe e hiihai ma ki kauatu se vasi i aku mee hakkaatoa raa, nau ma ki kauatu kiaa koe!\"\n24Teenaa hano iloo te taupu raa no vasiri ake ki tana tinna, \"Se aa taaku ki kainnoo?\"\nTana tinna raa ki mee ake, \"Vanaatu i aa koe e hiihai ki kauatu te pisouru John te Baptis.\"\n25Teenaa tere iloo te taupu naa no mee ake peelaa ki te tuku, \"Nau e hiihai maa koe ki haaoa mai te pisouru John te Baptis ki loto se peesini aa ku toomai kiaa nau i te saaita nei lokoi!\"\n26Te manava te tuku raa ni hakallika iloo i te taratara te taupu raa ni kauake, tevana iaa a ia ku see lavaa te sahea a ia te taupu naa, i teelaa se taratara aana ni tuku ka llono katoo naa tama ni oo ake ki te kaikai naa. 27Teenaa heunatia iloo a ia tana roorosi tokotasi ki hano no toomai te pisouru John. Te roorosi naa ni hano ki te hare karapusi raa no tuutia iloo ia te pisouru John. 28Araa haaoa iloo ia te pisouru raa ki loto te peesini ka too ake no kauake ki te taupu, teenaa kauake iloo te taupu raa ki tana tinna. 29Te saaita naa disaipol John ni llono raa, oo ake iloo laatou no too tana haitino no tanumia.\nJesus e haanai te kuturana tama e lasi\n30Naa aposol raa ni ahe ake ki Jesus no taratara ake i naa vana katoo laatou ni mee aa ma naa taratara laatou ni akonaki ki te henua. 31E tammaki iloo naa tama ni oo ake ka oo peenaa i te kina Jesus e noho ma ana disaipol, ka see lavaa naa tama naa te kkai hakaraaoi. Teenaa ki mee ake peelaa Jesus ki ana disaipol, \"Taatou ki oo ki se kina no nnoho soko taatou, ki lavaa kootou te hakamalolloo.\" 32Teenaa massike iloo laatou no kkake i te poti raa ki oo ki se kina see nnohoria te henua.\n33Tevana iaa te lopo tama ni kkite i te saaita laatou ni massike ka oo raa ni mmate maa teelaa ko Jesus ma ana disaipol; naa tama naa ni hakataka i naa matakaaina raa ka ffuro vaauta no ttae ki te kina Jesus ma ana disaipol raa ma ki hakattau ake. 34Te saaita Jesus ni sepu i te poti raa no kite i te kuturana e lasi naa raa, tana manava ni llee iloo, i naa tama naa ku mee ma ko naa sipsip e lellere huri, see hai tama e mmata ake ki laatou. Anaa kaamata iloo Ia te akonaki ake turaa mee iloo e taukalleka TeAtua.+ 35I te saaita naa raa te laa raa ku taupiri ki suru, teenaa oo ake iloo ana disaipol raa no mee ake ki Jesus, \"Taatou ku poonia, aa te kina nei see nnohoria. 36Heunatia naa tama naa ki oo no taavi ni kaikai maa laatou i naa matakaaina e ttuu tauppiri mai.\"\n37Araa nei Jesus ni huri atu are no mee ake ki laatou peelaa, \"Kootou naa ki kauake ni kaikai maa naa tama naa ki kkai.\"\nAna disaipol raa ki mee ake, \"Koe e hiihai maa maatou ki oo no pesi ni sehua e-lua naa siliva ki naa kaikai ki kkai naa tama nei?\"\n38Teenaa ki mee ake Jesus ki laatou, \"Kootou oo no mmata maa e hia naa haraoa taatou koi takkoto.\"\nNaa disaipol raa ni ahe ake no mee ake peelaa, \"Teelaa ni haraoa e rima aa naa ika e lua.\"\n39Araa vanaake iloo Jesus ki laatou ki hakapaapaaria naa tama raa aa ku haia ki nnoho i te vvee, naa tama koi ki hakapaa no nnoho laatou kina. 40Teenaa nnoho iloo naa tama naa i naa kina laatou naa; e mee naa kuturana e lava i te lau aa aaraa kuturana e lava tana tino rima naa tama e nnoho hakapaa. 41Jesus ki too naa haraoa e rima ma naa ika e lua raa no ttoka ki te lani ka taku ki TeAtua. Araa ttohi iloo naa haraoa raa no kauake ki ana disaipol raa ki vaevae ki naa tama. A Ia ni vaevae atu naa ika e lua raa hoki ki naa tama naa hakkaatoa. 42Naa tama i te kina naa ni kkai katoo no pposu. 43Teenaa oo atu iloo naa disaipol raa no ffao naa kete e sinahuru maa rua no ppii ki naa kaikai ni ttoe. 44Te kooina naa taanata hakkaatoa ni kkai i te kina naa e lava naa simata e rima.\nJesus e sare vaaruna te kirikiri ttai\n45Saaita naa lokoi, Jesus ku haia a Ia ana disaipol raa ki oo no kkake ki te poti laatou raa aa laatou ku oo imua ki Bethsaida, i telaa vasi te namo. A Ia iaa ku noho ki heunatia a Ia te kanohenua naa ki oo ki naa matakaaina laatou. 46I te saaita te kanohenua naa ku oti te heunatia a Ia ka oo raa, hano iloo Ia ki aruna te tamaa mouna tokotasi no taku. 47I te saaita te laa ni suru raa, te poti naa disaipol raa ku tae ki loto ttonu te namo; Jesus iaa e noho soko Ia i uta. 48A Ia ni kite i ana disaipol raa see lavaa te aro hakatuu ki te matani e oko haimahi mai imua laatou mataavaka. I te ssao naa manu maraa e ttani i te tahaata raa, Jesus ni sasare ake vaaruna te kirikiri ttai. A Ia ni taupiri koi ki hakaraka i-laatou, teenaa kkite iloo naa disaipol raa i aa Ia. 49Te saaita ana disaipol naa ni kkite i ana sasare ake vaaruna te kirikiri ttai raa, naa tama naa ni ttau maa Ia se tipua. Teenaa ki ttani huri naa tama naa. 50Naa tama naa ni poreppore i naa mattaku laatou i te kkite ana laatou i aa Ia.\nJesus ni huri atu i te saaita naa lokoi no mee ake ki laatou, \"Kootou see mattaku, teenei ko nau!\"\n51Teenaa kake atu iloo Ia ki loto te poti naa tama naa, ka marino hakaoti te matani. Ana disaipol raa ni oho hakaoti iloo, 52i laatou ni hakatuu nataa iloo ma Jesus ni haanai peehea te lopo tama ki naa haraoa koi e mooisi.\nJesus e hakamasike naa tama e mmaki i Genesaret\n53Laatou ni tere no tae ake iloo i te matakaaina Genesaret, teenaa taura iloo laatou poti raa i te kina naa. 54I te saaita laatou koi ssepu i laatou poti raa, naa tama i te kina naa ni mmate lokoi maa teelaa ko Jesus. 55Teenaa ffuro iloo naa tama naa vaaroto naa matakaaina katoo i te kina naa, no sausau ake naa tama e mmaki ma naa moelana laatou raa ki naa kina laatou e llono maa Jesus ku noho. 56I naa matakaaina hakkaatoa Jesus ni hano raa, naa tama i naa kina naa maraa e too ake naa tama laatou e mmaki raa no hakamoe iloto naa maket, ka ttaro ki Jesus ki tiiake naa tama e mmaki naa ki ppaa koi naa rima laatou ki te ttapa tana kkahu. Teenaa naa tama katoo ni ppaa naa rima laatou ki tana kkahu naa ni malolloo hakkaatoa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/6\/","date":"2018-09-25T15:12:24Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267161661.80\/warc\/CC-MAIN-20180925143000-20180925163400-00320.warc.gz","language":"nho","language_score":1.0000054836,"language_script":"Latn","minhash_cluster_size":4,"top_langs":"{\"nho_Latn_score\": 1.0000054836273193}","num_words":2193,"character_repetition_ratio":0.067,"word_repetition_ratio":0.0,"special_characters_ratio":0.236,"stopwords_ratio":0.529,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 26\nJesus ku tarataraina ki taia\n1Te saaita Jesus ni oti te akonaki ake naa taratara nei hakkaatoa raa, a Ia ki mee ake ki ana disaipol, 2\"Kootou e illoa maa iloto koi naa aso e-lua raa, teenaa ko te aso te Kaikai te Pasova, aa te Tama te Henua raa ma ki hookina ki naa tama raa ki tuukia ki te kros.\"+\n3Teenaa naa maatua hakamaatua ma naa tama hakamaatua naa Jew raa ki kkutu hakapaa i te hare Kaiapas, te Maatua Hakamau, 4no taratara ki tauhia seemuuina laatou Jesus no taia ki mate. 5Naa tama naa ni tuku laatou taratara peelaa, \"Taatou ki see tauhia taatou ttama naa i te ssao te kaikai, i naa tama raa ma ki ffuri mai no hakatautau ma taatou.\"\nJesus e aamosia ki te kaakaa manoni i Bethany\n6Te saaita Jesus ni noho i Bethany raa, a Ia ni noho i te hare Simon, te tama ni laavea te leprosi i mua. 7I tana saaita ni noho ka kai raa, te ffine tokotasi ni uru ake ma te huaarani 'alabaster' e utu ki te kaakaa manoni e taavi mmaha no nnini ki aruna te pisouru Jesus.+ 8I te saaita naa disaipol raa ni kkite i tana vana ni mee raa, laatou ni lloto iloo ka taratara peelaa, \"Te kaakaa nei e nnini pakavaina ttama nei ki aa? 9Te kaakaa nei ni taukareka iloo ki kauake ki tauia se tama aa ku kauake naa mane raa ki naa tama see hai mee. Teenei ko naa kaakaa e taavi mmaha raa iloo!\"\n10Jesus ni iloa i naa taratara naa tama naa e hai, teenaa mee ake iloo Ia, \"Te ffine nei e hakameia kootou i te aa? Teenei se vana taukareka iloo te ffine nei e mee kiaa nau. 11Naa tama see hai mee raa ma ki nnoho lokoi ma kootou, aa nau iaa ma ki see noho ma kootou i naa saaita hakkaatoa.+ 12Taku haitino ni aamosia te ffine nei ki te kaakaa manoni, teenaa i taku saaita ma ki tanumia raa, taku haitino ku oti te aamosia hakaoti. 13Aa teenei nau ku kauatu te taratara maaoni nei: I naa kina hakkaatoa te Lono Taukareka nei e tarataraina iloto te maarama nei raa, te vana te ffine nei ni mee kiaa nau nei ma ki tarataraina hoki, teenaa te henua ma ki mannatu ake kiaa ia.\"\nJudas e hiihai maa ia e hakaari ake Jesus ki naa hakamau\n14Teenaa te disaipol tokotasi, tana inoa ko Judas Iscariot, ni hano ki naa maatua hakamaatua raa no mee ake, 15\"Ki mee maa Jesus e hakaarina atu nau ki kootou, se aa kootou ma ki kaumai?\" Naa tama naa ki ttau ake naa mane siliva e matatoru no kauake iloo kiaa ia.+ 16Anaa teenaa tokatoka iloo Judas se saaita ma ana e lavaa ki hakaarina ake Jesus ki naa tama naa.\nTe Kaikai te Pasova\n17I te aso mua te Kaikai te Haraoa See hai Iis raa, naa disaipol raa ni oo ake ki Jesus no vasiri ake, \"Maatou ki oo no mee mai te kaikai te Pasova raa i hea?\"\n18Jesus ki mee ake, \"Koorua ooatu ki te tanata tokotasi iloto te matakaaina naa no vanaake kiaa ia, 'Ttisa raa e mee maa, Taku sao ni tukua mai raa ku tae; maatou ma aku disaipol raa ma ki kkai te kaikai te Pasova raa i too hare.'\"\n19Naa disaipol raa ni oo no mee pee ko Jesus ni vanaake, araa mee mai hakaoti iloo te kaikai te Pasova.\n20I te poo raa Jesus ni noho ma ana disaipol raa ki kkai. 21I te saaita laatou ni nnoho ka kkai raa, Jesus ki mee ake ki laatou, \"Nau ku taratara atu ki kootou: se tama tokotasi i kootou ma ki hakattaki mai naa hakamau raa no tauhia nau.\"\n22Ana disaipol raa ni llee hakaoti naa mouri laatou, teenaa te tama koi ki huri atu no vasiri peelaa, \"Koe e taratara raa ko ai? Ko nau\"?\n23Jesus ki mee ake, \"Ttama e ttoko tana haraoa raa hakapaa ma nau iloto te peesini raa, teenaa ko ia.+ 24Ttama te Henua raa ma ki mate pee ko naa taratara iho te Laupepa Tapu; tevana iaa nau e aroha iloo i te tama ma ki mee tana vana tipua ki Ttama te Henua! E taukareka iloo maa te tama naa ni see haanauria mai!\"\n25Araa Judas ku mee ake, \"Te Tisa nei, koe e taratara raa ko ai, ko nau?\"\nJesus ki mee ake, \"Teenaa koi koe e taratara naa.\"\nTe Kaikai Hakaoti TeAriki\n26Te saaita laatou ni kkai raa, Jesus ni too te haraoa raa no taku ki TeAtua. Teenaa ttohi iloo te haraoa raa no kauatu ki ana disaipol, no taratara ake peelaa, \"Too te haraoa nei no kkai. Teenei ko taku haitino.\"\n27A Ia ki too hoki te kap raa no taku ki TeAtua, araa kauake hoki ki naa tama naa no mee ake: 28\"Teenei ko taku ttoo teelaa e pesi ki uiia naa haisara te lopo tama. Te purepure hoou TeAtua e mee maa te ssao nei e hakattino ki taku ttoo nei.+ 29Nau e kauatu te taratara maaoni nei: nau ma ki see lavaa hakaoti te unu te wain nei, ki tae iloo ki taku saaita ma ki unu te wain hoou i te Nohorana TeAtua.\"\n30Ki oti raa hua iloo laatou te mako te lotu tokotasi, teenaa oo iloo laatou ki te Mouna naa Oliv.\nJesus e taratara maa Peter ma ki huu maa ia see iloa iaa Ia\n31Jesus ki mee ake ki ana disaipol, \"I te poo nei raa kootou hakkaatoa ma ki ffuro ka tiiake nau. E mee pee ko naa taratara te Laupepa Tapu raa peelaa, ' Te tama e roorosi i naa sipsip raa ma ki taia TeAtua, teenaa ana sipsip raa ma ki masseu huri.'+ 32Tevana iaa i taku saaita ku oti te hakamasikeria mai i te mate raa, nau ma ki hano imua kootou ki Galilee.\"+\n33Teenaa ki mee ake Peter ki Jesus, \"Niaaina maa naa tama nei hakkaatoa ma ki ffuro iaa koe raa, koe ma ki see lavaa nau te tiiake!\"\n34Jesus ki mee ake, \"Nau ku kauatu te taratara maaoni nei: I te saaita te rua te moa i te tahaata nei seki ttani raa, koe ma ki vana oo saaita iloo e toru maa koe see iloa iaa nau.\"\n35Peter ki hakaahe ake, \"Niaaina maa nau e taia no mate hakapaa ma koe raa, nau ma ki see lavaa iloo te pesi se taratara maaku peenaa!\"\nTeenaa aaraa disaipol hoki ni ppesi naa taratara laatou peenaa.\nJesus e taku iloto Gethsemane\n36Teenaa masike iloo Jesus no hano ma ana disaipol raa ki te kina e ttapa ma ko Gethsemane, araa mee ake iloo Jesus ki laatou, \"Kootou nnoho ake i te kina nei ki hano nau no taku mai i te kina raa.\" 37A Ia ki too Peter, James, aa ko John ka oo laatou; tana manava ni puni hakaoti i tana aroha, 38teenaa a Ia ki mee ake ki naa tama naa, \"Nau ka mate koi i te aroha e takoto i taku manava nei. Kootou nnoho ka roorosi i te kina nei.\"\n39A Ia ni sare ki mua hakamaarie no pesi iloo no moe i te kerekere ka taku ki TeAtua: \"Abba. Taku Tamana! Naa mee hakkaatoa e hainauhie iaa koe. Hanaa naa mmaha nei iaa nau. Tevana iaa koe see tuku mai ki taku hiihai, nau e tuku atu koi ki too hiihai.\"\n40A Ia ni ahe no kite i te takatoru disaipol raa e mmoe mannuu. Teenaa ffano iloo Ia ki Peter no mee ake, \"Kootou takatoru ni see lavaa peehea te ara ake ma nau se tamaa saaita koi? 41Kootou nnoho ka roorosi, aa kootou ku taku ki see usuhia kootou ni vana e hakallika. Naa hakataakoto kootou e makkaa, kootou iaa e tino mmate.\"\n42Araa Jesus ku ahe hoki no taku, \"Taku Tamana, ki mee maa koe iloo e hiihai maa nau ki hakallono isu, nau e tuku atu koi ki too hiihai.\" 43Jesus ni ahe atu hoki no kite i naa mmoe mannuu naa tama naa; naa tama naa ni see lavaa iloo te tallaki naa karamata laatou.\n44Jesus ni ahe hoki no taku pee ko mua i te ttoru ana saaita. 45Ki oti raa ahe ake iloo Ia ki ana disaipol raa no mee ake, \"E aa? Kootou koi mmoe iloo ka hakamalolloo? Kootou mmata! Te ssao Ttama te Henua ki hookina ki naa tama e hakallika raa ku tae mai. 46Kootou massike, taatou ki oo. Te tama e mee tana vana hakallika naa ku tuu mai!\"\nJesus ku tauhia\n47I te saaita Jesus koi tuu ka taratara raa, Judas ku tae ake. Judas naa se disaipol i te taka sinahuru maa ttakarua disaipol e ttaka ma Jesus. A ia ni hanake ma te kaavena ni heunatia ake naa maatua hakamaatua raa ma naa tama hakamaatua naa Jew. Naa tama naa ni oo ake ma naa hana laatou. 48Judas ni vanaake hakaoti ki naa tama raa peelaa, \"Taku tama ma ki vaisoni raa, teenaa ko te tama kootou e ssee. Kootou tauhia ttama naa.\"\n49Judas ni hanatu tonu ki Jesus no mee ake, \"Rabai, te laaoi TeAtua ki noho ma koe!\" araa vaisoni iloo ki Jesus.\n50Jesus ki mee ake, \"Naasoa, hakavave no mee too vana ni au no mee naa!\"+\nTeenaa ooake iloo naa tama naa no tauhia laatou Jesus. 51Te tama tokotasi i naa tama e ttuu i te kina naa ni ffana tana komu taa tama raa no tuutia a ia te kautarina te poe te Maatua Hakamau raa no motu hakaoti. 52Teenaa ki mee ake Jesus kiaa ia, \"Tuku too komu naa. Naa tama e hetaa ma naa komu raa ma ki taaia ki te komu. 53E aa, koe e maanatu maa nau see lavaa te kannaa ki taku Tamana raa ki kkave mai ni kaavena ensol e sinahuru maa rua no tokonaki mai kiaa nau? 54Aa ki mee maa nau ni hiihai ki tokonaki mai taku Tamana, naa taratara te Laupepa Tapu raa ma ki ttino peehea?\"\n55Teenaa ki huri Jesus no taratara ake ki naa tama e kkutu i te kina naa, \"Ai kootou e oomai ai ma naa hana kootou naa no mee ma ki tauhia nau, e mee pee ko nau se tama e hakappore? I te kau aso nau ni noho ka akonaki te henua iloto te Hare Tapu raa, kootou ni see anaana ma ki oomai no tauhia nau.+ 56Tevana iaa naa vana nei ni ssura ki ttino naa taratara te Laupepa Tapu.\"\nTeenaa naa disaipol raa ni tiiake laatou Jesus no massike katoo no ffuro.\nJesus e tuu i mua te Kansol\n57Jesus ni taakina naa tama naa ki te hare Kaiapas, te Maatua Hakamau. Teenaa naa tisa naa Loo aa ma naa tama hakamaatua naa Jew raa e kkutu i te kina naa. 58Peter ni hanake vaamuri, tevana iaa a ia ni see hakataupiri ake; a ia ni taakai ake iloo i te mataahare te hare te Maatua Hakamau. A ia ni uru atu no noho iloo ma naa wasi raa ki mmata ia ma se aa ma ki mee ki Jesus. 59Naa maatua hakamaatua raa ma naa tama katoo te Kansol raa ni sessee ni vana e ssara ki hakapperu atu ki Jesus, ki lavaa te taia laatou Jesus ki mate. 60E tammaki naa tama ni oo ake no mee naa taratara hakalellesi laatou maa ni vana hakallika Jesus ni mee, tevana iaa te Kansol raa ni see hai vana ni illoa ki mee. Teenaa massike iloo te takarua taanata no taratara ake ki te Kansol raa peelaa, 61\"Te tama nei ni taratara peelaa, 'Nau e lavaa te seua a nau te Hare Tapu TeAtua nei ki laro, aa iloto naa aso e toru nau ku hakamasike hoki ki aruna.'\"+\n62Te Maatua Hakamau raa ni masike ki aruna no mee ake ki Jesus, \"Koe see hai taratara i naa taratara naa tama nei e mee iaa koe?\" 63Jesus ni tuu seemuu koi.\nTe Maatua Hakamau raa ki mee ake hoki, \"Iloto te inoa TeAtua e ora koe ki kaumai se taratara maaoni ki mee ma koe ko te Mesaea, te Tama TeAtua.\"\n64Jesus ki mee ake, \"Uee, tevana iaa nau e vanaatu ki kootou hakkaatoa: e kaamata i te saaita nei kootou ma ki kkite i te Tama te Henua e noho i te vasi hakamaatau TeAtua Haimahi aa e au vaaruna naa uruaoa te lani!\"+\n65Te Maatua Hakamau raa ni huri no ssae lokoi tana kkahu ka mee peelaa, \"Taatou ku see toomai hoki ni tama ki kaumai ni taratara ma laatou! Kootou ku oti te llono i naa taratara ttama nei maa ia ko TeAtua! 66Kootou e mannatu ma ttama nei ki haia peehea?\"\nNaa tama naa ki mee ake, \"Ttama naa e tau te taia ki mate.\"+\n67Teenaa ffuri atu iloo naa tama naa no sasaavarea ana karamata ka patupatua tana pisouru; naa tama ni papaakia laatou tana pisouru raa ni taussua atu peelaa,+ 68\"Te Mesaea nei, taratara mai ma teenei ko ai ttama e lliki iaa koe!\"\nPeter e huu maa ia see iloa i Jesus\n69I te saaita naa raa Peter e noho i te mataahare i haho, teenaa hanake iloo te ffine tokotasi i naa haahine e heheuna i te Maatua Hakamau raa kiaa ia no mee ake, \"Koe hoki se tama e taka ma Jesus, te tama i Galilee!\"\n70Tevana iaa Peter ni huu imua naa tama katoo e ttuu i te kina naa; a ia ni mee ake peelaa, \"Nau see iloa i too mee e taratara naa.\" 71Araa hano iloo ia no tuu i te kina te tootoka. Telaa ffine e heheuna hoki i te kina naa ni ttoka atu no kite iloo iaa ia, teenaa a ia ki mee ake, \"Ttama nei ni taka ma Jesus, te tama i Nazareth.\"\n72Peter ni huu hoki no mee ake, \"Nau see iloa i ttama naa!\"\n73See rooroa koi raa, naa tama e ttuu i te kina naa ni ffuri atu katoo no mee atu kiaa ia, \"Teenei se vana maaoni! Koe hoki e hai i naa tama naa; koe naa e taratara iloo pee ko naa tama naa!\"\n74Teenaa ki mee ake Peter, \"Nau e taratara maaoni iloo. Nau see iloa i te tama naa, aa ki mee ma nau e hakareeresi, TeAtua ki tuku mai ana haaeo kiaa nau!\"\nSaaita naa lokoi, te moa raa ku tani. 75Teenaa maanatu ake iloo Peter i naa taratara ake Jesus kiaa ia peelaa, \"Saaita te moa te tahaata seki ttani raa, koe ma ki taratara oo saaita iloo e toru maa koe see iloa iaa nau.\" Teenaa hano iloo ia no tani i haho.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/26\/","date":"2018-09-24T15:50:25Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160568.87\/warc\/CC-MAIN-20180924145620-20180924170020-00043.warc.gz","language":"nho","language_score":1.000005126,"language_script":"Latn","minhash_cluster_size":2,"top_langs":"{\"nho_Latn_score\": 1.0000051259994507}","num_words":2528,"character_repetition_ratio":0.068,"word_repetition_ratio":0.004,"special_characters_ratio":0.243,"stopwords_ratio":0.542,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 20:46\n46\"Kootou roorosi ki see hakarereesia kootou naa tisa naa Loo. Teenaa ko naa tama e fiffai maa laatou ki sassare ma naa kkahu e takittaki vaararo, ki meemee ake naa tama maa laatou ni tama hakamau i naa ttiri laatou i naa kina te henua e nnoho; teenaa ko naa tama maraa e ssee iloo ki naa nohonoho hakamaatua iloto naa hare lotu ma naa kaikai e llasi ki nnoho laatou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/20\/46","date":"2018-09-26T09:28:21Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267164469.99\/warc\/CC-MAIN-20180926081614-20180926102014-00290.warc.gz","language":"nho","language_score":0.8595910072,"language_script":"Latn","minhash_cluster_size":2,"top_langs":"{\"nho_Latn_score\": 0.859591007232666, \"rar_Latn_score\": 0.012330916710197926, \"hif_Latn_score\": 0.011307923123240471, \"gaz_Latn_score\": 0.011151768267154694}","num_words":153,"character_repetition_ratio":0.071,"word_repetition_ratio":0.0,"special_characters_ratio":0.196,"stopwords_ratio":0.294,"flagged_words_ratio":0.0,"lang_id_score":0.861,"perplexity_score":500.0,"cluster_detection":1} +{"text":"MATTHEW 9:15\n15Jesus ki mee ake, \"Naa tama e arumia ki te kaikai te tanata e aavana hoou raa see lavaa te tiiake ka nnoho hakaaroha i te saaita te tama e aavana hoou laatou naa koi noho ma laatou. Tevana iaa te aso raa ma ki tae mai. Te tama e aavana hoou naa ma ki hakataharia i laatou, teenaa naa tama naa ma ki hakapakuu see kkai.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/9\/15","date":"2018-09-20T11:14:02Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156460.64\/warc\/CC-MAIN-20180920101233-20180920121633-00170.warc.gz","language":"nho","language_score":0.7794215083,"language_script":"Latn","minhash_cluster_size":2,"top_langs":"{\"nho_Latn_score\": 0.7794215083122253, \"rar_Latn_score\": 0.07446005940437317, \"sps_Latn_score\": 0.015628919005393982, \"wls_Latn_score\": 0.01387872640043497, \"mri_Latn_score\": 0.010651849210262299, \"hif_Latn_score\": 0.010463257320225239}","num_words":149,"character_repetition_ratio":0.08,"word_repetition_ratio":0.0,"special_characters_ratio":0.202,"stopwords_ratio":0.275,"flagged_words_ratio":0.0,"lang_id_score":0.766,"perplexity_score":500.0,"cluster_detection":1} +{"text":"ACTS 28:17\n17Ku llaka naa aso e toru raa, Paul ni aru ake ki naa tama hakamaatua naa Jew i te kina naa ki oo ake ki taratara laatou. I te saaita naa tama naa ni kkutu ake raa, a ia ki taratara ake ki laatou, \"Aku taaina nei. Niaaina maa nau ni see hai vana e hakallika ni mee ki naa tama taatou aa ki naa tiputipu taatou, naa tama i Israel, teelaa ni hano iho iloo i naa tippuna taatou raa, nau ni karapusina i Jerusalem aa teenei nau ku kaavea mai ki Rome.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/28\/17","date":"2018-09-19T00:25:46Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155792.23\/warc\/CC-MAIN-20180918225124-20180919005124-00252.warc.gz","language":"nho","language_score":0.9209139347,"language_script":"Latn","minhash_cluster_size":2,"top_langs":"{\"nho_Latn_score\": 0.9209139347076416, \"rar_Latn_score\": 0.012254148721694946, \"hif_Latn_score\": 0.010592037811875343}","num_words":176,"character_repetition_ratio":0.069,"word_repetition_ratio":0.0,"special_characters_ratio":0.208,"stopwords_ratio":0.341,"flagged_words_ratio":0.0,"lang_id_score":0.905,"perplexity_score":500.0,"cluster_detection":1} +{"text":"MATTHEW 4\nJesus e haaiteria Satan\n1Ki oti raa Jesus ku taakina TeAitu Tapu raa ki loto mouku ki hanake Satan no haaiteria.+ 2Jesus ni hakapakuu ana aso ma naa poo e matahaa, teenaa lono iloo Ia i tana hiikai. 3Satan ni hanatu kiaa Ia no vanaake peelaa, \"Ki mee maa koe naa ko te Tama maaoni TeAtua, taratara ake ki naa tamaa hatu nei ki ffuri no mee ma ni haraoa.\"\n4Jesus ki mee ake, \"Te Laupepa Tapu raa e taratara peenei, 'Te tama see lavaa te ora i te haraoa koi, seai. Te tama e ora i naa taratara katoo e tarataraina TeAtua.'\"+\n5Teenaa Satan ki toa a ia Jesus ki Jerusalem, te matakaaina e tapu, no hakatuuria i aruna te taffuu te Hare Tapu raa 6no vanaake kiaa Ia, \"Ki mee maa koe ko te Tama maaoni TeAtua, koe ku sopo ki laro. I te Laupepa Tapu raa e mee maa, 'TeAtua ma ki mee ake ki ana ensol raa ki saapai atu kiaa koe; koe ma ki tauhia naa ensol raa ki see pakkuu oo vae i naa hatu i laro.'\"+\n7Jesus ki mee ake, \"Te Laupepa Tapu raa e taratara hoki peelaa, 'Au see haaiteria a koe TeAriki, too Atua.'\"+\n8Ki oti raa Jesus ku taakina Satan ki aruna te mouna e lasi no hakaari ake naa nohorana hakamaatua katoo i te maarama nei, 9teenaa a ia ki mee ake ki Jesus, \"Ki mee maa koe e ttuu ki oo turi no lotu mai kiaa nau, teenaa nau ma ki kauatu naa mee naa hakkaatoa kiaa koe.\"\n10Araa mee ake iloo Jesus, \"Satan, hakataha iaa nau! Te Laupepa Tapu raa e taratara peelaa, 'Koe ki lotu ka heheuna koi i TeAtua too Ariki.'\"+\n11Araa Satan ku tiiake ia Jesus, teenaa oo ake iloo naa ensol raa no tokonaki ake ki Jesus.\nJesus ku kaamata ana heuna i Galilee\n12Te saaita Jesus ni lono maa John ku ponotia ki loto te hare karapusi raa, ahe iloo Ia ki Galilee.+ 13A Ia ni see noho i Nazareth; a Ia ni hano are no noho i Capernaum, te matakaaina i te vasi te Namo Galilee. Te matakaaina naa e tuu iloto naa matakaaina Zebulun ma Naftali.+ 14Jesus ni hano no noho i te kina naa ki ttino naa taratara Isaiah, te pure TeAtua, ni mee imua:\n15\"Te henua Zebulun ma Naftali,\ne tuu ki te ara e tere ki tai,\ni telaa vasi te Riva Jordan, iloto Galilee,\nteenaa ko te matakaaina naa tama i naa henua sara!\n16Naa tama e nnoho i te poouri raa\nma ki kkite te maasina e lasi.\nNaa tama e takkoto i laro te maru te mate raa,\nte maasina naa ma ki too i laatou.\"+\n17E kaamata i te saaita naa raa, Jesus ku kaamata te hakaea i te Nohorana te Lani: \"Tiiake naa haisara kootou naa, i te Nohorana te Lani ku saaita mai!\"+\nJesus e aru ana disaipol mua\n18I te aso tokotasi Jesus e sasare vaatai i te Namo Galilee raa, a Ia ni lave i te haanau Simon (e ttapa ma ko Peter) laaua ma Andrew, e haanota ki laaua kupena i tai. 19Jesus ki mee ake, \"Koorua oomai no tautari kiaa nau, aa nau ku ako atu ki illoa koorua te haanota tama.\" 20Takarua naa ni tiiake koi naa kupena laaua naa no tautari iloo ki Jesus.\n21Jesus ni sare atu hakamaarie no kite hoki i telaa haanau, James ma John, naa tama Sebedii. Te takarua naa e nnoho ma laaua tamana iloto te poti laatou raa ka onoono naa kupena laatou. Teenaa Jesus ni kannaake hoki ki laaua ki tautari kiaa Ia. 22Te haanau naa ni massike koi i te poti laatou naa, ka tiiake laaua tamana raa, no tautari ki Jesus.\nJesus e haia a Ia naa tama e maki raa no taukalleka\n23Jesus ni hano ki naa matakaaina hakkaatoa i Galilee raa no akonaki te henua iloto naa hare lotu naa Jew ka hakaea te Lono Taukareka i te Nohorana te Lani, teenaa naa tama e laavea te kau maki raa ni haia a Ia no taukalleka.+ 24Te lono i naa vana Jesus ni mee naa ni tere vaaroto Syria hakkaatoa. Teenaa ki too ake naa tama raa naa tama e mmaki raa ki Jesus. Naa tama naa ni tama e laavea te lopo maki; naa tama e tauria naa tipua hakallika, naa tama e laavea te maki tekiteki, aa naa tama see lavaa te sassare. Jesus ni haia a Ia naa tama naa hakkaatoa no taukalleka.\n25E tammaki iloo naa tama i Galilee, Dekapolis, Jerusalem, Judea, aa ma naa matakaaina i telaa vasi Jordan ni tautari atu vaamuri Jesus.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/4\/","date":"2018-09-24T08:12:07Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160233.82\/warc\/CC-MAIN-20180924070508-20180924090908-00299.warc.gz","language":"nho","language_score":0.9999463558,"language_script":"Latn","minhash_cluster_size":2,"top_langs":"{\"nho_Latn_score\": 0.9999463558197021}","num_words":857,"character_repetition_ratio":0.056,"word_repetition_ratio":0.002,"special_characters_ratio":0.234,"stopwords_ratio":0.471,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ROME 1\n1A nau Paul, se tama e heheuna i Jesus Christ. Nau ni kannaatia TeAtua no tukua ma se aposol ki hakaea tana Lono Taukareka.\n2TeAtua ni tuku tana taratara imua iloo, ki tarataraina mai te Lono Taukareka nei ana pure, teenaa e takkoto iloto te Laupepa Tapu. 3Te Lono Taukareka nei e taratara i tana Tama, Jesus Christ TeAriki taatou. A Ia ni tipu ake ma se tama te maarama nei, i te manava David. 4A Ia ni tipu ake ma se Tama e tapu te lani, teenaa a Ia ni ilotia maa Ia raa ko te Tama TeAtua i tana saaita ni hakamasikeria i te mate. 5Nau ni tukua TeAtua ki heheuna nau ma se aposol no haia naa heuna Christ, teenaa ki hakataea te Lono Taukareka raa ki naa tama naa kanohenua hakkaatoa, ki lotu laatou ka tautari kiaa Ia. 6Kootou hoki, naa tama e nnoho i Rome, kootou ni kannaatia TeAtua ki tautari kootou i Jesus Christ.\n7Teenei nau e sissii atu ki kootou hakkaatoa i Rome. Kootou ni kannaatia TeAtua ma ni tino tama aana, iaa Ia e laaoi i kootou.\nTeAtua Tamana ma TeAriki Jesus Christ ki roorosi atu ki kootou ki nnoho hakaraaoi kootou.\nPaul e hiihai maa ia ki hano no mmata i naa tama i Rome\n8Teenei taku mee mua e mee ki taratara atu ki kootou. Nau e hakanau i taku Atua iloto naa mahi Jesus Christ, i te henua hakkaatoa e taratara maa kootou e lotu maaoni. 9Nau e heheuna haimahi ki lavaa nau naa heuna TeAtua ni kaumai kiaa nau, teenaa ki hakaea nau te Lono Taukareka i tana Tama. TeAtua e iloa maa nau e taratara maaoni aa maa nau e noho ka mamaanatu peenaa ki kootou 10i aku saaita katoo e taku. Nau e taku maa TeAtua, i tana hiihai, ki seeia mai taku ara ki hanatu nau no mmata i kootou.\n11Nau e hiihai maa nau ki hakasura atu ki kootou no kauatu naa mahi TeAitu Tapu, ki lotu maaoni kootou. 12Taatou ki tokonaki ki naa tama e lotu taatou hakapaa, ki mee peelaa, nau e tokonaki ki kootou aa kootou e tokonaki kiaa nau.\n13Aku taaina, nau e hiihai maa kootou ki illoa, i aa nau e hai peenaa ma ki hakasura atu nau no mmata i kootou. Tevana iaa nau maraa e hakaapiapi i te kau vana. Nau e hiihai maa nau e hanatu no huria naa manava kootou ki lotu maaoni kootou, e mee pee ko nau ni mee ki naa tama i aaraa matakaaina.+ 14Nau e heunatia mai TeAtua ki tokonaki nau ki te kau tama hakkaatoa. Nau see hakamaatino maa teenaa ni tama naa matakaaina e llasi aa ma ni tama naa matakaaina punaammea. Nau see hakamaatino hoki maa ni tama e atammai aa ma ni tama see atammai. 15Teenei e hiihai ai nau ma ki hanatu nau no hakaea te Lono Taukareka nei ki kootou hoki i Rome.\nNaa mahi te Lono Taukareka\n16Nau see napa maa nau e hakaea te Lono Taukareka TeAtua. I te aa, naa mahi TeAtua e takkoto i te Lono Taukareka nei. Teenaa ko naa mahi e lavaa te tokonaki ki ora naa tama hakkaatoa e lotu, e kaamata i naa Jew no hakaoti ki naa tama naa matakaaina e kkee.+ 17Te Lono Taukareka nei e huri ake te tiputipu e tonu imua naa karamata TeAtua. Taatou ki lotu maaoni i TeAtua ki lavaa taatou te taapaa TeAtua maa ni tama e ttonu. Te Laupepa Tapu raa e hakatuu mai maa, \"Naa tama e ttonu raa ma ki ora i laatou e lotu maaoni.\"+\nNaa tama hakkaatoa e mee naa haisara laatou\n18TeAtua ma ki huri ake ana haaeo i te lani ki hakaitoaina naa tama haisara. Teenaa ko naa sosorina hakallika naa tama naa teelaa e see ilotia ai te hakamaaoni TeAtua. 19Naa tama naa e haia TeAtua ki llono, iaa Ia ku oti te huri ake ana tiputipu ki laatou. 20Kaamata i te saaita TeAtua ni pena te maarama nei no tae mai ki te ssao nei, te henua ni kkite hakkaatoa i naa takkoto ana mahi ma ana tiputipu. Ana mee ni penapena nei e huri mai ana tiputipu. Te henua hakkaatoa e hainauhie koi te illoa i naa tiputipu TeAtua. See hai tama e tau te taratara maa ia see iloa i naa tiputipu TeAtua. 21Niaaina maa naa tama naa e illoa i TeAtua, laatou maraa see lotu ka hakanau iaa Ia. Laatou hoki see illoa te fiaffia i naa vana TeAtua e mee ki laatou. Naa vana nei see haia hakkaatoa naa tama naa. Naa pisouru laatou ku vvare hakaoti. Laatou ku see hai mannatu e takkoto i naa pisouru laatou, i naa manava vvare laatou naa ku oti te haaoa ki te poouri ana.+ 22Naa tama naa e mee maa laatou e atammai, tevana iaa laatou ni tama e vvare. 23Laatou e hakakkeeina laatou TeAtua no lotu ki naa aitu hakalellesi laatou e penappena. Laatou e penappena naa aitu naa ki tiputtipu ma ni tama, ma ni kata, ma ni manu lellere, aa ma ni manu vao ka lotu ai laatou.+\n24Laatou ku tiiake TeAtua ki hai laatou ki naa sosorina see ttonu laatou e kaimannako. Laatou ku see hakatonu naa tama e moemmoe ma laatou. Laatou ku hai huri koi ka mee pakava naa haitino laatou soko laatou. 25Te hakamaaoni TeAtua raa ku oti te tiiake naa tama naa no hai laatou ki naa vana hakalellesi laatou e ffatu. Laatou ku ffuri no lotu ki naa mee laatou e penappena. Laatou ku see lotu ki te tama ni penapena naa mee hakkaatoa, teenaa ko Ttama taatou ki hakanau i te kau saaita. Amen.\n26Teenei ko te vana laatou e tiiake TeAtua ki hai laatou ki naa sosorina see ttonu laatou e kaimannako. Naa haahine raa ku tiiake naa aavvana laatou no hai huri soko laatou. 27Naa taanata raa hoki ku tiiake naa aavana laatou no hai huri soko laatou. Laatou e ttuu naa huru laatou koi i aaraa taanata ki mmoe ma laatou. Naa taanata raa ku hai te kau sosorina hakannapa ki aaraa taanata. Laatou ma ki haia ake TeAtua ki llono laatou i naa vana e hakannapa laatou e mee.\n28Naa tama naa see fiffai maa laatou e illoa maaoni i naa tiputipu TeAtua, teenaa e ffana ai naa rima TeAtua i laatou, ki hai laatou naa vana hakannapa laatou e illoa maa see ttonu. 29Naa manava laatou ku ppii ki te kau sosorina hakallika, sosorina tippua, sosorina kailaarao, aa ma aaraa sosorina see ttonu. Laatou e kaimanakotia laatou naa hekau aaraa tama, laatou e taa tama, laatou e tautau haaeo ma aaraa tama, laatou e taratara kailallao ka sosorina tippua hoki. Laatou e tupetupe tama, 30laatou e hakkoro heaatuna, laatou e lotoffaaeo i TeAtua, laatou e maaisu sakkiri, laatou e hikkahi maa laatou e illoa i te kau vana, laatou e sessee ara ki ppena ni vana hakallika ma laatou. Laatou hoki see hakannoo ki naa maatua laatou. 31Laatou see hai mannatu e atammai. Laatou see illoa te tautari ki naa taratara laatou ni tuku imua. Laatou see illoa te manava aroha i aaraa tama ka tokonaki ki naa tama naa. 32Naa tama naa e illoa maa naa Loo TeAtua raa e mee maa naa tama e sosorina peenei e tau te haia ki mmate, tevana iaa laatou e hakamanani koi te mee naa mee naa. Laatou hoki e fiaffia i naa kkite laatou i naa tama sara e sosorina peenaa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/1\/","date":"2018-09-24T04:08:04Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160142.86\/warc\/CC-MAIN-20180924031344-20180924051744-00424.warc.gz","language":"nho","language_score":1.0000059605,"language_script":"Latn","minhash_cluster_size":2,"top_langs":"{\"nho_Latn_score\": 1.0000059604644775}","num_words":1328,"character_repetition_ratio":0.069,"word_repetition_ratio":0.006,"special_characters_ratio":0.219,"stopwords_ratio":0.559,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ROME 5\nNaa ora e ttonu i naa karamata TeAtua\n1Naa ora taatou ku ttonu imua TeAtua i taatou e lotu maaoni i Jesus Christ. Jesus ni tokonaki hoki ki taatou ki nnoho laaoi taatou ma taatou Atua. 2Te lotu taatou i Jesus nei ni taaraki mai taatou ara ki nnoho laaoi taatou ma TeAtua. Teenei taatou e ahu ka fiaffia i taatou e taaohi manava maa taatou ma ki vaevae naa mahi TeAtua. 3Taatou e ahu hoki i naa hakauru taatou i naa haaeo. I te aa, naa haaeo naa e hakatipu ake te manava ki lavaa taatou te nnoho hakalavatoa. 4Te manava te nnoho hakalavatoa naa ma ki hakatipu te tiputipu taukareka TeAtua e hiihai. Naa tama e ttaka ma te tiputipu nei e nnoho ka taaohi manava i TeAtua. 5Taatou ki see mannatu tammaki i te nnoho taatou ka taaohi manava i TeAtua. TeAtua ni hookii mai TeAitu Tapu raa ki takoto tana laaoi iloto naa hatumanava taatou.\n6Saaita taatou koi nnoho ka see lavaa te tokonaki ki taatou soko taatou raa, Christ ni heunatia mai TeAtua ki au no mate ki hakasaoria taatou, naa tama haisara. 7Taatou ma ki hainattaa te kkite ma se tama e lavaa te mee ki mate ia ki tokonaki ki te tama e tautari ki naa Loo. Tevana iaa taatou ma ki hainauhie koi te kkite ma se tama e mee ki mate ia ki tokonaki ki te tama e sosorina taukareka. 8TeAtua ku oti te hakaari mai naa tiputipu tana manava aroha i taatou. Saaita taatou koi ttaka ma ni tama haisara raa, Christ ni mate ki ora taatou.\n9Saaita nei naa ora taatou e ttonu imua TeAtua, i naa haisara taatou e uiia te ttoo Jesus. Jesus e lavaa hoki te tokonaki ki taatou ki see haaeo naa manava TeAtua i taatou. 10Imua raa taatou ni nohonoho haaeo ma TeAtua, aa teenei taatou ku haia a Ia ma ni soa aana i te mate ana tana Tama. A Ia e lavaa hoki te hakaora taatou ki te ora Christ, i taatou ku vaisoa ma Ia i te saaita nei. 11Telaa mee hoki. Taatou e fiaffia i taatou Ariki, Jesus Christ. Taatou ni haia a Ia ki nnoho laaoi ma TeAtua i te saaita nei.\nAdam ma Christ\n12Ttama mua ni hakanohoria TeAtua i te maarama nei ko Adam, aa a ia ni mee ana haisara. Te manava haisara raa ni hakasuratia mai Adam ki te maarama nei. Te henua hakkaatoa ku takkoto i laro naa mahi te mate i laatou hakkaatoa ni tama haisara.+ 13Saaita te henua ni ttaka ka ppena naa haisara raa, naa Loo raa seki kaumai are. Tevana iaa TeAtua ni see maanaturia a Ia naa haisara naa tama naa ni mee imua. 14Naa tama hakkaatoa te maarama nei, kaamata mai i te ssao Adam no tae ki te ssao Moses, ni mmate hakkaatoa. Niaaina maa naa haisara aaraa tama e kkee ma naa haisara Adam ni mee i tana saaita ni see hakannoo ki naa taratara TeAtua raa, laatou ni mmate hoki pee ko Adam.\nAdam e mee koi ma ko te tama ma ki oti ku hakasura iho imuri. 15Tevana iaa te taukareka Christ e hookii raa e kee ma te haisara Adam. Ni maaoni, turaa tama ku oti te mmate i te haisara te tama tokotasi naa, tevana iaa te laaoi TeAtua see taea. A Ia ni heuna mai tana Tama, Jesus Christ, ki au no hakasaoria naa tama te maarama nei. 16Te taukareka TeAtua e hookii raa e kee ma te haisara te tama tokotasi naa ni pena. Te haisara tokotasi naa ni mee maa te henua hakkaatoa ku ssara. Tevana iaa niaaina maa laatou ni ppena te lopo sara, TeAtua ni hookii mai koi tana Tama, ki mee maa laatou ku see ssara. 17Maaoni iloo. Te henua hakkaatoa ku ttaka koi ki mmate i te haisara te tama tokotasi, tana inoa ko Adam. Tevana iaa naa tama e too naa mee taukalleka TeAtua e hookii raa ma ki ttaka ma te ora maaoni, i naa ora laatou ku oti te hakatonusia te tama tokotasi, tana inoa ko Jesus Christ.\n18Te mee raa e mee peenei: Te henua hakkaatoa ku ssara i te haisara Adam ni pena soko ia, peelaa hoki te tiputipu e tonu te tama tokotasi e hakasao te henua hakkaatoa no hakaora laatou. 19I te see lono taratara te tama tokotasi, Adam, te henua hakkaatoa ku ttaka ma naa haisara laatou. Peelaa hoki, i te lono taratara te tama tokotasi, Jesus Christ, te henua hakkaatoa ma ki hakatonusia ki ttonu naa ora laatou imua TeAtua.\n20TeAtua ni kaumai naa Loo raa ki illoa te henua maa laatou ni tama haisara. Teenaa, te saaita te kooina naa haisara te henua e tosi no llasi, te laaoi TeAtua hoki e tosi. 21Naa tama e ttaka ka ppena naa haisara raa ku nnoho koi ki mmate ma naa haisara laatou. Naa tama e ttaka i laro te roorosi TeAtua raa iaa ma ki ttaka ma te tiputipu e tonu. Teenaa Jesus Christ, taatou Ariki, ma ki hakattaki taatou ki te ora e ora hakaoti.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/5\/","date":"2018-09-24T01:02:24Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159938.71\/warc\/CC-MAIN-20180923232129-20180924012529-00548.warc.gz","language":"nho","language_score":0.9999986887,"language_script":"Latn","minhash_cluster_size":3,"top_langs":"{\"nho_Latn_score\": 0.9999986886978149}","num_words":932,"character_repetition_ratio":0.075,"word_repetition_ratio":0.002,"special_characters_ratio":0.218,"stopwords_ratio":0.465,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 19:15\n15\"Tevana iaa te tama hakamaatua naa ni hakanohoria koi ma se tuku, teenaa ahe iloo a ia ki tana henua. I tana saaita ni tae ki tana henua raa, aru iloo ia ki naa tama e heheuna iaa ia raa ki oo ake, i aa ia e mee ma ki iloa ia maa e hia naa mane naa tama naa ni lavaa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/19\/15","date":"2018-09-22T00:28:16Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267157574.27\/warc\/CC-MAIN-20180921225800-20180922010200-00554.warc.gz","language":"nho","language_score":0.4500276148,"language_script":"Latn","minhash_cluster_size":2,"top_langs":"{\"nho_Latn_score\": 0.45002761483192444, \"rar_Latn_score\": 0.10068514198064804, \"wls_Latn_score\": 0.05701010301709175, \"hif_Latn_score\": 0.031552065163850784, \"tiv_Latn_score\": 0.02605895698070526, \"mri_Latn_score\": 0.024796802550554276, \"niu_Latn_score\": 0.02146480791270733, \"yor_Latn_score\": 0.018613234162330627, \"bin_Latn_score\": 0.01302152220159769, \"sps_Latn_score\": 0.0118001289665699, \"gil_Latn_score\": 0.011508562602102757, \"swh_Latn_score\": 0.011243902146816254}","num_words":144,"character_repetition_ratio":0.074,"word_repetition_ratio":0.0,"special_characters_ratio":0.21,"stopwords_ratio":0.25,"flagged_words_ratio":0.0,"lang_id_score":0.445,"perplexity_score":500.0,"cluster_detection":1} +{"text":"MATTHEW 12:27\n27Kootou e hai maa teenei ni mahi e kaumai Belsebul ki hanahana nau naa tippua. Ki mee maa teenei ni mahi maaoni Belsebul e taka ma nau, naa tama e tautari ki kootou raa e hanahana naa tippua raa ki naa mahi ai? Naa tama e tautari ki kootou naa e hakaari atu maa naa taratara kootou naa e ssara!\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/12\/27","date":"2018-09-20T03:22:36Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156376.8\/warc\/CC-MAIN-20180920020606-20180920040606-00435.warc.gz","language":"nho","language_score":0.4538469315,"language_script":"Latn","minhash_cluster_size":2,"top_langs":"{\"nho_Latn_score\": 0.45384693145751953, \"hif_Latn_score\": 0.07143127173185349, \"rar_Latn_score\": 0.045063216239213943, \"niu_Latn_score\": 0.0370795875787735, \"wls_Latn_score\": 0.026486428454518318, \"fuv_Latn_score\": 0.018685011193156242, \"pcm_Latn_score\": 0.01832745037972927, \"gil_Latn_score\": 0.017955970019102097, \"sps_Latn_score\": 0.016514718532562256, \"gaz_Latn_score\": 0.013292976655066013, \"swh_Latn_score\": 0.013229848816990852, \"yor_Latn_score\": 0.013131990097463131, \"ekk_Latn_score\": 0.01210252195596695, \"mri_Latn_score\": 0.011573858559131622}","num_words":142,"character_repetition_ratio":0.071,"word_repetition_ratio":0.0,"special_characters_ratio":0.198,"stopwords_ratio":0.275,"flagged_words_ratio":0.0,"lang_id_score":0.51,"perplexity_score":500.0,"cluster_detection":1} +{"text":"MARK 2\nTtama see lavaa te sasare e haia Jesus no taukareka\n1Ku llaka ana aso raa, Jesus ni ahe ki Capernaum, teenaa te lono raa ni tere maa Ia ku oti te tae ake ki hare. 2E tammaki iloo naa tama ni oo ake no kkutu i tana hare e noho, te hare naa ni kkapi hakaoti ttama, aa i haho hoki te tootoka raa ni see hai sao. Teenaa hakaea iloo Jesus naa taratara TeAtua raa ki naa tama e kkutu i te kina naa. 3Teelaa se takahaa taanata e ssau ake te tanata see lavaa te sasare ki Jesus. 4Tevana iaa naa tama naa ni see lavaa te hakasao atu ma te tama see lavaa te sasare raa ki Jesus, i te hare raa e kkapi ttama. Teenaa ki kkake naa tama naa no hakahotu te taffuu i aruna te kina Jesus e noho, no hakatere iho te tanata naa i aruna ana moelana kimua Jesus. 5Te saaita Jesus ni kite maa naa tama naa e taaohi manava iaa Ia raa, a Ia ki mee ake ki te tanata see lavaa te sasare, \"Taku tama, oo haisara e uiia a nau.\"\n6E mee naa tisa naa Loo i te kina naa e nnoho ka hakataakoto soko laatou peelaa, 7\"Ttama nei e lavaa peehea te taratara peenei? Ttama nei e taratara iloo pee ko ia ko TeAtua! TeAtua soko Ia e lavaa te uii naa haisara!\"\n8Jesus ni tuu koi ka iloa i naa mannatu e ttuu ma naa tama naa. Teenaa ki mee ake Ia peelaa ki laatou, \"Ai kootou e ttaka ai ma naa mannatu peenaa? 9Te taratara hea e hainauhie te kauake ki te tanata see lavaa te sasare nei, te taratara e mee maa, 'Oo haisara e uiia a nau,' seai, te taratara e mee maa, 'Masike no too oo moelana naa, aa koe ku sasare?' 10Nau e mee ki huri atu peelaa ma Ttama te Henua raa ko te tama hakamaatua i te kerekere nei teelaa e lavaa te uii naa haisara.\" Teenaa huri iloo Ia no mee ake ki te tama see lavaa te sasare, 11\"Nau e vanaatu kiaa koe, masike no too oo moelana naa aa koe ku hano ki hare!\"\n12Naa tama e ttuu i te kina naa ni ttoka katoo i naa masike te tanata naa no too ana moelana raa ka hano ki tana hare. Laatou ni oho hakkaatoa ka taratara hakanau i TeAtua peelaa, \"Taatou ni see hai vana iloo peenei ni kkite imua!\"\nJesus e kannaa i Levi\n13Jesus ni ahe hoki ki tai te Namo Galilee. E mee naa tama ni kkutu ake kiaa Ia, teenaa kaamata iloo Ia te akonaki naa tama naa. 14Ki oti raa, sare iloo Ia vaatai no kite i te tama e aoao naa takis e noho i tana kina e heheuna. Te inoa te tanata naa ko Levi, te tama Alpius. Jesus ki mee ake, \"Tautari mai i aa nau.\" Levi ni masike no hanatu iloo vaamuri Jesus.\n15I te saaita Jesus ni noho ka kai ma ana disaipol i te hare Levi raa, e tammaki naa tama e aoao naa takis ma naa tama haisara ni oo ake no kkai laatou hakapaa. I te aa, e tammaki naa tama peenaa e ttaka ma Jesus. 16Saaita naa Faarisi, teelaa e heheuna maa ni tisa naa Loo, ni kkite maa Jesus e noho ka kai hakapaa ma naa tama haisara aa ma naa tama e aoao naa takis raa, laatou ki vasiri peelaa ki ana disaipol, \"Ai ttama naa e kai ai ma naa tama peenaa?\"\n17Te saaita Jesus ni lono i naa taratara naa tama naa e hai raa, a Ia ki mee ake ki laatou, \"Teelaa seai ko naa tama see mmaki raa e kaavea no mmata i te tokta, teelaa ko naa tama are e mmaki. Nau ni see au no ssee ki naa tama e ttonu naa ora laatou, seai. Nau ni au no ssee are ki naa tama haisara. \"\nTe taratara i te hakapakuu\n18I te saaita tokotasi raa naa disaipol John te Baptis ma naa Faarisi raa e hakapakuu see kkai. Teenaa e mee naa tama ni oo ake ki Jesus no vasiri ake peelaa, \"Se vana peehea naa disaipol John ma naa disaipol naa Faarisi raa e hakapakuu see kkai i naa aso nei, aa oo disaipol raa iaa e kkai vare koi?\"\n19Jesus ki mee ake, \"Naa tama e arumia ki te kaikai te aavana raa ma ki nnoho see kkai peehea, ma te tanata e aavana raa e noho i laatou? Saaita te tanata naa koi noho ma laatou raa, naa tama naa ma ki see lavaa te ttaka see kkai. 20Tevana iaa te aso raa ma ki tae mai, te tanata e aavana naa ma ki toa i laatou. Teenaa naa tama naa ma ki hakapakuu i te saaita naa.\n21\"See hai tama e ssae te tapaa maro hoou ki ppoo no ttui ki te kkahu tuai, i te tapaa maro hoou raa ma ki ffano no masae te maro tuai. Teenaa te masae te kkahu tuai naa ma ki lasi iaa. 22Aa see hai tama hoki e utu te wain hoou raa ki loto naa paeke e ppena ki naa kiri tuai naa sipsip, i te aa te wain hoou naa ma ki ppuna no masae te paeke naa. Teenaa te wain hoou naa ma ki mannini pakava aa te paeke naa ku hakallika. Te wain hoou raa ki utuhia ki naa paeke hoou.\"\nJesus ko TeAriki te Sabat\n23I te Sabat tokotasi raa, Jesus ni sasare ma ana disaipol raa vaaroto naa verena wit, aa ana disaipol naa ni sassare ka hakihaki naa hua naa wit ka kkai.+ 24Teenaa ki mee ake naa Faarisi raa peelaa ki Jesus, \"Ttoka, ai oo disaipol naa e haia ai laatou naa vana naa Loo raa e ppui ki see haia i te aso te Sabat?\"\n25Jesus ki mee ake, \"Kootou ni seai iloo ki ppau te Laupepa Tapu i te vana David ni mee i tana saaita ni hiikai?+ A ia ma naa taanata e ttaka ma ia raa ni hiikkai, 26teenaa a ia ni hano ki loto te hare TeAtua raa no kai naa haraoa e hakaara ki TeAtua. Te vana nei ni mee i te ssao Abaiatar ni noho ma ko te Maatua Hakamau. I naa Loo taatou raa, teelaa ko naa maatua koi e lavaa te kkai naa haraoa naa. Tevana iaa David ni kaina a ia naa haraoa naa, no kauake hoki ki naa taanata e ttaka ma ia raa ka kkai.\"+\n27Jesus ki ttao ake hoki, \"TeAtua ni tuku te Sabat raa ki sura se taukareka maa naa tama te maarama nei; see mee maa TeAtua ni penapena naa tama te maarama nei ki sura se taukareka maa te Sabat. 28Teenaa Ttama te Henua raa hoki ko TeAriki te Sabat.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/2\/","date":"2018-09-22T11:12:35Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158320.19\/warc\/CC-MAIN-20180922103644-20180922124044-00196.warc.gz","language":"nho","language_score":1.0000016689,"language_script":"Latn","minhash_cluster_size":2,"top_langs":"{\"nho_Latn_score\": 1.0000016689300537}","num_words":1224,"character_repetition_ratio":0.067,"word_repetition_ratio":0.0,"special_characters_ratio":0.24,"stopwords_ratio":0.525,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ROME 8\nTe ora TeAitu Tapu\n1Naa tama e ttaka ma Jesus Christ raa ma ki see hai haaeoina TeAtua. 2I te aa, TeAitu TeAtua, te Tama e hakaora taatou ki ttaka taatou ma Jesus Christ, ni hakasaoria a Ia taatou i naa mahi te haisara ma te mate. 3Taatou ma ki hainattaa te tautari ki naa Loo Moses, i naa tinotama taatou e tauhia te tiputipu see tonu e takoto i taatou. Tevana iaa TeAtua ni lavaa te tokonaki ki taatou. Teenaa ni heuna mai ai a Ia tana tino Tama, Jesus Christ, ki hakasura iho ma te tiputipu te tama haisara te maarama nei, ki uiia naa haisara taatou. 4TeAtua ni mee tana vana nei ki ttonu naa ora taatou imua ana karamata. Naa taratara e takkoto i naa Loo Moses raa see seua taatou, i taatou ku tautari koi ki te tiputipu TeAitu Tapu, aa taatou ku see tautari hoki ki te tiputipu see tonu naa tino taatou.\n5Naa tama e tautari ki te tiputipu see tonu naa tinotama laatou raa, e hakataakoto ki te tiputipu naa tinotama laatou e fiffai. Naa tama e tautari ki te tiputipu TeAitu Tapu raa, e hakataakoto ki te tiputipu TeAitu Tapu e hiihai. 6Ttama e tautari ki te tiputipu tana tinotama raa ma ki oti ku mate. Ttama e tautari ki TeAitu Tapu raa ma ki noho laaoi ma te ora maaoni. 7Teenaa naa tama e tautari ki te tiputipu naa tinotama laatou raa, ko naa tama e tautau haaeo ma TeAtua, i naa tama naa see tautari ki naa Loo TeAtua. Maaoni iaa, laatou ma ki see lavaa te tautari ki naa Loo naa. 8Naa tama e tautari ki te tiputipu naa tinotama laatou raa, ma ki see lavaa te hakahiahia TeAtua.\n9TeAitu Tapu e taka ma kootou. Kootou see tautari ki te tiputipu naa tinotama kootou. Ttama see taka ma TeAitu Christ raa, a ia seai se tama maaoni Christ. 10Ki mee Christ e taka ma kootou, TeAitu raa ma ki takoto ma ko te ora kootou, i naa ora kootou ku oti te haia a Ia no ttonu imua TeAtua. Niaaina maa naa haitino kootou ma ki mmate i naa haisara kootou, kootou ma ki nnoho ma te ora TeAitu TeAtua. 11Ki mee TeAitu Tapu TeAtua, te Tama ni hakamasike Christ i te mate, e taka ma kootou, teenaa te Tama ni hakamasike Christ i te mate raa ma ki hakaora hoki naa tinotama kootou ki tana Aitu e taka ma kootou.+\n12Aku taaina ma aku kave nei. Taatou e tau te tautari ki te tiputipu e tonu, aa teenaa seai ko te tiputipu see tonu naa tinotama taatou e hiihai maa taatou ki tautari. 13Ki mee maa kootou e tautari ki te tiputipu see tonu naa tinotama kootou, kootou ma ki mmate. Aa ki mee maa kootou e tiiake te tiputipu see tonu naa ki naa mahi TeAitu Tapu, kootou ma ki ora.\n14Naa tama e tautari ki TeAitu TeAtua raa ko naa tama maaoni TeAtua. 15I te aa, TeAitu e kauatu TeAtua ki noho ma kootou raa ni see kauatu ma ki hakamatakuria kootou, aa maa kootou ku heheuna poe iaa Ia. Seai iloo! Kootou ku ttaka ma TeAitu Tapu i kootou ni tama TeAtua e ppuru. Teenei e ttani ai taatou ki TeAtua peelaa, \"Abba! Taku Tamana!\"+ 16TeAitu Tapu raa e hakaari mai ki naa aitu taatou maa taatou ni tamalliki TeAtua. 17I taatou ni tamalliki TeAtua, teenaa taatou ma ki tauhia taatou te kau mee taukalleka TeAtua ni tuku maa ni tuuhana ana tama. Taatou hoki ma ki vaevae taatou ma Christ i ana tuuhana ma ki kauake TeAtua. I te aa, ki mee taatou e hakallono isu pee ko Christ, teenaa TeAtua ma ki hakanau hoki ki taatou pee ko ana hakanau i Christ.+\nTe ora taukareka imuri\n18Saaita nei taatou e nnoho ka hakallono isu i te kau haaeo te maarama nei. Tevana iaa nau e iloa maa naa haaeo nei ni mee vare koi ki mee taatou e hakatuu ki te taukareka TeAtua ma ki hakasura ki taatou imuri. 19TeAtua ni pena naa mee hakkaatoa. Teenaa naa mee katoo te maarama nei e nnoho ka ttaro ki tae mai te ssao TeAtua ma ki hakanoho mai ana tamalliki maaoni. 20Naa mee hakkaatoa i te maarama nei e takkoto hakallika. See mee maa teenei ko te ara naa tama te maarama nei ni fiffai. Seai. TeAtua ni tukua a Ia naa mee te maarama nei ki takkoto peenaa, ki nnoho laatou ka ttari ki tana ara taukareka ma ki oti ku hakasura.+ 21Naa mee katoo te maarama nei ma ki oti ku hakassaoria TeAtua i tana aso e tini, ki see takkoto naa mee naa ma te hakallika. Naa mee naa ma ki hakauru mai ki taatou, naa tama TeAtua, ki nnoho hakapaa taatou, i taatou ni hakassaoria TeAtua. 22Taatou e illoa maa e kaamata mai iloo imua no tae mai ki te ssao nei, naa mee katoo te maarama nei ni tanittani peenaa i te hakallono isu, e mee pee ko te tinae e taupiri ki haanau. 23Tevana iaa see mee ma ko naa mee koi te maarama nei e tanittani ka hakallono isu, taatou hoki e ttani ka hakallono isu i te ssao nei. Niaaina maa taatou ku oti te ttoa taatou TeAitu TeAtua no ttaka ma taatou, taatou ma ki tanittani koi ka hakallono isu i naa nnoho taatou ka ttari ki te ssao taatou ma ki purutia TeAtua ma ni tino tama aana, teenaa ko te ssao taatou ma ki hakassaoria hakkaatoa.+ 24Taatou ni hakassaoria i taatou e taaohi manava i TeAtua. Te nnoho taatou ka taaohi manava ki te mee e takoto i te maarama nei raa, teenaa seai se taaohi manava maaoni. Ko ai te tama e noho ka taritari ki te mee ku oti te noho ma ia? 25Ki mee taatou seki kkite i te mee e taaohi manava ai taatou raa, teenaa taatou ma ki nnoho seemuu koi ka taritari ki te mee naa.\n26TeAitu Tapu e tokonaki ki taatou, i te aa i taatou koi tino mmate. Taatou e ttaka see illoa maa taatou ki taku peehea ki TeAtua. Taatou e tanittani seemuu koi i taatou see illoa te tarataraina taatou naa mee nei imua naa karamata TeAtua. Tevana iaa teelaa ko TeAitu raa e taku ka tani ake ki TeAtua ki tokonaki ki taatou. 27TeAtua e iloa i te maanatu TeAitu Tapu i aa Ia e iloa i naa takkoto naa hatumanava taatou. TeAitu Tapu raa e tautari koi ki te hiihai TeAtua. TeAtua e iloa maa TeAitu Tapu raa e taku ake ki tokonaki mai a ia ki taatou, ana tama.\n28Taatou e illoa maa TeAtua e mee naa mee hakkaatoa ki heheuna hakapaa ki taukareka te noho naa tama e laaoi iaa Ia. Teenaa ko ana tama ni tuku ki mee ana heuna. 29Ana tama ni tuku nei ku oti te hakakkeeina a Ia i naa tama te maarama nei, ki takkoto hoki laatou pee ko Jesus Christ, tana Tama. Jesus ku noho pee ko te tama mua i te haanauna e lasi nei. 30Naa tama TeAtua ni hakakkee imua raa ni arumia a Ia ki oo ake. Naa tama ni arumia a Ia naa ku oti te hakatonusia a Ia. Laatou ku nnoho ma naa mahi ma te taukareka TeAtua.\nTe laaoi TeAtua\n31Taatou ki taratara peehea i naa mee nei? Ki mee TeAtua e saapai mai ki taatou, ko ai te tama ma ki lavaa te painnaki ma taatou? 32A Ia ni see kaimanako ma ki taaohi tana tama; a Ia ni hookii mai tana Tama naa ki taatou hakkaatoa. Kootou e mannatu maa ia ma ki lavaa te huu aaraa mee aana i taatou? Seai iloo! A Ia ma ki hookii mai naa mee hakkaatoa ki taatou. 33Ko ai te tama ma ki tau te hakatonutonu naa tama ku oti te hakakkeeina TeAtua? Naa tama naa ku oti te taapaa TeAtua maa e ttonu! 34Ko ai te tama ma ki hai haaeoina a ia naa tama naa? Seai hoki ko Jesus Christ, ttama ni mate no hakamasikeria hoki TeAtua no hakanoho i tana vasi hakamaatau. I te aa, Jesus e noho ka taratara tokonaki ki taatou imua naa karamata TeAtua i te saaita nei. 35See hai mee ma ki oti ku lavaa te ppui te laaoi TeAtua i taatou. Niaaina maa taatou e ttiri te kau haaeo ka haia pakavaina. Niaaina hoki maa taatou e ttaka hiikkai, e nnoho see hai hekau, aa ka uru taatou ki naa haaeo e llasi no tauppiri taatou ki mmate, taatou ma ki see lavaa te hakakkeeina i te laaoi TeAtua. 36Te Laupepa Tapu raa e mee maa,\n\"Seai se aso e laka. Maatou e haia peenaa ki taaia ki mmate maatou, i te aa i maatou e tautari kiaa koe.\nMaatou e haia ma ko naa sipsip e taaria ki taaia.\"+\n37Niaaina maa ni haaeo peehea e hakassura iho, taatou ma ki see lavaa te hakahitia naa haaeo naa. I te aa, i taatou e ttaka ma naa mahi te Tama e manava laaoi i taatou. 38Nau e iloa maa see hai mee e lavaa te ppui mai te laaoi TeAtua i taatou. Te mate ma te ora, naa ensol ma naa aitu hakamau i te lani, naa mee naa see lavaa te puuia laatou te laaoi TeAtua i taatou. Naa vana i te ssao nei ma naa vana imuri hoki see lavaa te puuia laatou te laaoi TeAtua i taatou. 39Te noho i aruna ma te noho i laro hoki see lavaa te puuia laatou te laaoi TeAtua i taatou. Maaoni iaa, see hai mee e takkoto i te maarama nei e lavaa te puuia laatou te laaoi TeAtua i taatou, i te aa, i taatou e ttaka ma Jesus Christ, TeAriki taatou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/8\/","date":"2018-09-20T15:31:18Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156513.14\/warc\/CC-MAIN-20180920140359-20180920160759-00081.warc.gz","language":"nho","language_score":1.0000061989,"language_script":"Latn","minhash_cluster_size":2,"top_langs":"{\"nho_Latn_score\": 1.0000061988830566}","num_words":1715,"character_repetition_ratio":0.088,"word_repetition_ratio":0.005,"special_characters_ratio":0.226,"stopwords_ratio":0.528,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 5:37\n37Kimuri koi raa, i te ssao te henua ni hakatuutuu naa inoa laatou iloto te laupepa te kaaman raa, Judas, te tama haka Galilee raa ni hakasura iho no tautari atu hoki te lopo tama kiaa ia. Tevana iaa a ia hoki ni taia no mate, aa naa tama hakkaatoa ni tautari atu kiaa ia naa ni masseu huri hoki ki naa kina.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/5\/37","date":"2018-09-25T09:55:45Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267161350.69\/warc\/CC-MAIN-20180925083639-20180925104039-00049.warc.gz","language":"nho","language_score":0.5053142309,"language_script":"Latn","minhash_cluster_size":2,"top_langs":"{\"nho_Latn_score\": 0.5053142309188843, \"rar_Latn_score\": 0.05102065950632095, \"mri_Latn_score\": 0.03821597993373871, \"wls_Latn_score\": 0.0346212238073349, \"swh_Latn_score\": 0.023223930969834328, \"fin_Latn_score\": 0.021811626851558685, \"hif_Latn_score\": 0.020480500534176826, \"eng_Latn_score\": 0.020349690690636635, \"gil_Latn_score\": 0.019996121525764465, \"sps_Latn_score\": 0.014860596507787704}","num_words":145,"character_repetition_ratio":0.073,"word_repetition_ratio":0.0,"special_characters_ratio":0.2,"stopwords_ratio":0.207,"flagged_words_ratio":0.0,"lang_id_score":0.432,"perplexity_score":500.0,"cluster_detection":1} +{"text":"ROME 8:17\n17I taatou ni tamalliki TeAtua, teenaa taatou ma ki tauhia taatou te kau mee taukalleka TeAtua ni tuku maa ni tuuhana ana tama. Taatou hoki ma ki vaevae taatou ma Christ i ana tuuhana ma ki kauake TeAtua. I te aa, ki mee taatou e hakallono isu pee ko Christ, teenaa TeAtua ma ki hakanau hoki ki taatou pee ko ana hakanau i Christ.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/8\/17","date":"2018-09-24T11:16:58Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160400.74\/warc\/CC-MAIN-20180924110050-20180924130450-00215.warc.gz","language":"nho","language_score":0.4720828831,"language_script":"Latn","minhash_cluster_size":2,"top_langs":"{\"nho_Latn_score\": 0.47208288311958313, \"wls_Latn_score\": 0.15889450907707214, \"rar_Latn_score\": 0.14384275674819946, \"mri_Latn_score\": 0.03401364013552666, \"ekk_Latn_score\": 0.01670561358332634, \"hif_Latn_score\": 0.014181176200509071, \"ton_Latn_score\": 0.010118730366230011, \"niu_Latn_score\": 0.010009817779064178}","num_words":146,"character_repetition_ratio":0.071,"word_repetition_ratio":0.0,"special_characters_ratio":0.197,"stopwords_ratio":0.233,"flagged_words_ratio":0.0,"lang_id_score":0.348,"perplexity_score":500.0,"cluster_detection":1} +{"text":"ACTS 11\nPeter e taratara ki naa tama te lotu i Jerusalem\n1Naa aposol raa ma naa tama te lotu e nnoho i naa matakaaina iloto Judea raa ni llono maa naa tama i naa henua sara raa hoki ku hakannoo ki naa taratara TeAtua. 2Te saaita Peter ni hanatu ki Jerusalem raa, naa tama te lotu teelaa e fiffai maa naa tama i naa henua sara ki ssere raa ni ffuri atu ki Peter no mee ake, 3\"Koe ni lavaa peehea te hano no noho iloto te hare naa tama i naa henua sara raa ka kkai hakapaa ma naa tama naa?\"\n4Teenaa ki huri atu Peter ni taratara ake hakaraaoi iloo i naa vana katoo ni mee iaa ia: 5\"I taku saaita ni noho ka taku i Jopa raa, nau ni hakakkiitea TeAtua i naa mee nei: Nau ni kite i naa hakatere iho te mee e tiputipu ma se maro e llaha e lasi i te lani, teenaa e mee ma ni tama raa e taaohi ki naa tapa e haa te maro naa ka hakatere iho ki laro. Te mee naa ni hakatere iho no ttuki iloo i taku vasi. 6Nau ni ttoka ki loto no kite i naa takkoto naa manu e hahaanai, naa manu kaittama, naa manu e torottoro, aa ma naa manu lellere. 7Araa nau ku lono i naa taratara iho te reo raa peelaa, 'Peter. Masike no taa naa manu naa no kai.'\n8\"Tevana iaa nau ni mee ake peelaa, 'TeAriki, nau see lavaa te mee peenaa! Nau seki kai iloo ni manu e kerekkere i te vasi te lotu peenaa.'\n9\"Te reo raa ki taratara iho hoki i te lani, 'Naa mee TeAtua e ttapa ma e taukalleka raa, koe see tarataraina maa teenaa ni mee e kerekkere.' 10Te taratara naa ni hakahekahe mai ana saaita iloo e toru, ki oti raa te maro raa ku hakaahea ki te lani.\n11\"I te saaita naa raa, te takatoru taanata teelaa ni heunatia ake i Sisaria no see iaa nau raa, ku ttae ake ki taku hare ni noho. 12Teenaa taratara mai iloo TeAitu Tapu raa ki see mamaanatu tammaki nau aa nau ku masike no hano ma naa tama naa. Takaono naa tama te lotu i Jopa raa ni oo hakapaa maatou ki Sisaria no uru atu hakapaa ki loto te hare Cornelius. 13Cornelius ni hakaea mai i ana kite i naa tuu ake te ensol raa i tana hare no mee ake kiaa ia peelaa, 'Heunatia se tama ki hano ki Jopa no toomai te tanata e ttapa ma ko Simon Peter. 14Ttama naa ma ki hakaea atu naa taratara teelaa ma ki hakassaoria ai koe aa ma too haanauna naa hakkaatoa.'\n15\"I taku saaita ni kaamata te taratara raa, TeAitu Tapu raa ni hanatu no tau i naa tama naa, e mee pee ko tana tau ana i taatou i te kaamata. 16Teenaa ki maanatu ake iloo nau ki naa taratara TeAriki ni mee peelaa, 'John ni hakaukau tapu te henua ki te vai, aa TeAtua iaa ma ki hakaukau tapu kootou ki TeAitu Tapu.'+ 17Taatou e illoa maa TeAtua ni hookii ki naa tama i naa henua sara raa TeAitu Tapu koi teelaa ni hookina mai a Ia ki taatou i te saaita taatou ni lotu i TeAriki Jesus Christ. Nau se tama peehea ki maanatu nau maa TeAtua e lavaa nau te tuukia?\"\n18Te saaita naa Jew naa ni llono i naa taratara nei raa, naa tama naa ni see hai taratara hakallika hoki ni mee. Laatou ni ffuri no hakanau i TeAtua peelaa, \"Aa teenei TeAtua ku hiihai hoki maa naa tama i naa henua sara raa ki ffuri naa manava laatou no tiiake naa haisara laatou ki ora laatou!\"\nTe lotu i Antiok\n19Aaraa tama te lotu teelaa ni masseu i te ssao te hakallika ni mee i te saaita Stephen ni taia raa, ni hakattaka no ttae iloo ki Fonisia, Cyprus, aa ko Antiok. Naa tama naa ni hakaea te Lono Taukareka raa ki naa Jew raa koi.+ 20Aaraa tama te lotu iaa, teelaa ni oomai i Cyprus ma Sairin, ni oo ki Antiok no hakaea ki naa tama haka Greece raa i te Lono Taukareka i TeAriki Jesus. 21TeAtua ni tokonaki hakaraaoi iloo ki naa tama naa, teenaa e tammaki iloo naa tama ni ffuri naa manava laatou no tautari ki TeAriki.\n22Naa tama te lotu i Jerusalem raa ni llono maa e tammaki iloo naa tama i Antiok ku lotu. Teenaa heunatia iloo laatou Barnabas ki hano ki te matakaaina naa. 23Te saaita Barnabas ni tae atu raa, a ia ni kite i naa heheuna te laaoi TeAtua i naa ora naa tama i te kina naa, teenaa hai ake iloo ia ki naa tama naa ki lotu maaoni laatou i TeAriki ma naa hatumanava laatou. 24Barnabas se tama e sosorina taukareka aa e lotu maaoni, aa naa mahi TeAitu Tapu raa e takkoto iaa ia. Teenaa e tammaki iloo naa tama ni ffuri naa manava laatou no lotu i TeAriki.\n25Ki oti raa Barnabas ku masike no hano ki Tarsus no ssee i Saul. 26I tana saaita ni lave i Saul raa, toa iloo ia no nnoho laaua i Antiok. I loto te setau hakkaatoa raa, Barnabas laaua ma Saul ni kkutu peenaa ma naa tama te lotu raa ka akonaki laaua te lopo tama iloo. Teenaa naa tama te lotu i Antiok raa ni mua taapaa ma ni 'Tama Christ'.\n27I te saaita naa raa, e mee naa pure TeAtua ni oo ake i Jerusalem ki Antiok. 28Te tama tokotasi i naa tama naa, tana inoa ko Agabus, ni usuhia TeAitu Tapu raa no masike ki aruna no pesi tana taratara maa naa tama hakkaatoa e nnoho i te kerekere nei ma ki laavea te one e lasi. (Te one naa ni lave i te henua i te ssao Claudius ni noho ma ko te Tuku hakamaatua i Rome.)+ 29Teenaa tuku iloo te taratara naa tama e lotu raa maa laatou ki kkave se kooina naa mane laatou e lavaa te hakanaaopo raa ki naa tama e lotu e nnoho i Judea. 30Naa tama naa ni ssiko mane no kauake iloo ki Barnabas laaua ma Saul ki oo no kaavea ki naa tama hakamaatua te lotu i Judea.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/11\/","date":"2018-09-23T23:09:23Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159820.67\/warc\/CC-MAIN-20180923212605-20180923233005-00140.warc.gz","language":"nho","language_score":1.0000034571,"language_script":"Latn","minhash_cluster_size":4,"top_langs":"{\"nho_Latn_score\": 1.000003457069397}","num_words":1127,"character_repetition_ratio":0.075,"word_repetition_ratio":0.005,"special_characters_ratio":0.23,"stopwords_ratio":0.531,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 13:22\n22Naa hua ni maaoha vaaroto te vao tititai raa, teenaa ko naa tama ni llono i naa taratara TeAtua, tevana iaa naa taratara naa ni tiiake laatou i laatou ni hakaapiapi are ki naa vana te maarama nei aa e kaimannako ma ki hai mane laatou. Naa tama naa see lavaa iloo te kkite ma ni tiputtipu e taukalleka e ssura i naa ora laatou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/13\/22","date":"2018-09-20T17:45:21Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156524.34\/warc\/CC-MAIN-20180920155933-20180920180333-00541.warc.gz","language":"nho","language_score":0.6082058549,"language_script":"Latn","minhash_cluster_size":2,"top_langs":"{\"nho_Latn_score\": 0.6082058548927307, \"rar_Latn_score\": 0.09355928748846054, \"gil_Latn_score\": 0.034849636256694794, \"hif_Latn_score\": 0.024479208514094353, \"guj_Latn_score\": 0.01737799122929573, \"sps_Latn_score\": 0.012985769659280777, \"wol_Latn_score\": 0.011037277057766914}","num_words":147,"character_repetition_ratio":0.071,"word_repetition_ratio":0.0,"special_characters_ratio":0.196,"stopwords_ratio":0.286,"flagged_words_ratio":0.0,"lang_id_score":0.587,"perplexity_score":500.0,"cluster_detection":1} +{"text":"ACTS 22:3\n3\"Nau nei se Jew, aa nau ni haanauria mai i te matakaaina Tarsus iloto Silisia, tevana iaa nau ni matua i Jerusalem, aa Gamaliel raa ko taku tisa ni ako mai ka iloa nau i naa Loo hakkaatoa naa tippuna taatou imua. Nau nei hoki e hakatina ki haia a nau naa heuna TeAtua pee ko kootou, naa tama e ttuu i te kina nei i te aso nei.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/22\/3","date":"2018-09-24T12:02:29Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160400.74\/warc\/CC-MAIN-20180924110050-20180924130450-00231.warc.gz","language":"nho","language_score":0.4233404398,"language_script":"Latn","minhash_cluster_size":2,"top_langs":"{\"nho_Latn_score\": 0.42334043979644775, \"rar_Latn_score\": 0.11771874874830246, \"wls_Latn_score\": 0.03670989349484444, \"sps_Latn_score\": 0.03158573433756828, \"hif_Latn_score\": 0.026736438274383545, \"niu_Latn_score\": 0.026102310046553612, \"gil_Latn_score\": 0.020720159634947777, \"mri_Latn_score\": 0.015182583592832088, \"swh_Latn_score\": 0.014447337947785854, \"smo_Latn_score\": 0.013932653702795506, \"ton_Latn_score\": 0.01339766290038824, \"pcm_Latn_score\": 0.011927480809390545}","num_words":151,"character_repetition_ratio":0.071,"word_repetition_ratio":0.0,"special_characters_ratio":0.203,"stopwords_ratio":0.238,"flagged_words_ratio":0.0,"lang_id_score":0.34,"perplexity_score":500.0,"cluster_detection":1} +{"text":"ACTS 22:5\n5Te Maatua Hakamau aa ma naa tama hakamaatua i te Kansol raa e lavaa te taratara atu peelaa maa aku taratara nei ni taratara maaoni. Naa tama naa ni kaumai naa pas laatou e sissii ki naa Jew taatou teelaa e nnoho i Damascus ka hano ma nau. Teenaa nau ni hanatu ki Damascus ki saisaitia naa tama naa ki naa seni raa no taakina mai ki Jerusalem ki taaia.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/22\/5","date":"2018-09-26T12:19:59Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267164925.98\/warc\/CC-MAIN-20180926121205-20180926141605-00233.warc.gz","language":"nho","language_score":0.7121847272,"language_script":"Latn","minhash_cluster_size":2,"top_langs":"{\"nho_Latn_score\": 0.712184727191925, \"rar_Latn_score\": 0.03890181705355644, \"sps_Latn_score\": 0.031686168164014816, \"hif_Latn_score\": 0.03146668151021004}","num_words":152,"character_repetition_ratio":0.073,"word_repetition_ratio":0.0,"special_characters_ratio":0.194,"stopwords_ratio":0.283,"flagged_words_ratio":0.0,"lang_id_score":0.708,"perplexity_score":500.0,"cluster_detection":1} +{"text":"ROME 1:13\n13Aku taaina, nau e hiihai maa kootou ki illoa, i aa nau e hai peenaa ma ki hakasura atu nau no mmata i kootou. Tevana iaa nau maraa e hakaapiapi i te kau vana. Nau e hiihai maa nau e hanatu no huria naa manava kootou ki lotu maaoni kootou, e mee pee ko nau ni mee ki naa tama i aaraa matakaaina.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/1\/13","date":"2018-09-18T16:00:35Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155561.35\/warc\/CC-MAIN-20180918150229-20180918170229-00714.warc.gz","language":"nho","language_score":0.5434941649,"language_script":"Latn","minhash_cluster_size":2,"top_langs":"{\"nho_Latn_score\": 0.5434941649436951, \"rar_Latn_score\": 0.12636461853981018, \"hif_Latn_score\": 0.034591592848300934, \"niu_Latn_score\": 0.032538753002882004, \"ton_Latn_score\": 0.02398783713579178, \"wls_Latn_score\": 0.021285422146320343, \"sps_Latn_score\": 0.01018110103905201}","num_words":145,"character_repetition_ratio":0.074,"word_repetition_ratio":0.0,"special_characters_ratio":0.203,"stopwords_ratio":0.269,"flagged_words_ratio":0.0,"lang_id_score":0.56,"perplexity_score":500.0,"cluster_detection":1} +{"text":"ACTS 10:28\n28Peter ki mee ake ki naa tama naa, \"Kootou e illoa hakaraaoi iloo maa maatou naa Jew raa e puuia naa Loo maatou raa ki see hakauru maatou no hakapaa ki naa tama i naa henua sara aa ki see oo atu maatou no nnoho i naa hare naa tama naa. Tevana iaa TeAtua ni taratara mai maa nau ki see mee taku maanatu maa naa tama i naa henua sara raa e hakallika te hakapaa ki naa Jew.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/10\/28","date":"2018-09-20T20:27:19Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156613.38\/warc\/CC-MAIN-20180920195131-20180920215531-00435.warc.gz","language":"nho","language_score":0.9385042787,"language_script":"Latn","minhash_cluster_size":2,"top_langs":"{\"nho_Latn_score\": 0.9385042786598206, \"hif_Latn_score\": 0.017980551347136497}","num_words":161,"character_repetition_ratio":0.07,"word_repetition_ratio":0.0,"special_characters_ratio":0.203,"stopwords_ratio":0.311,"flagged_words_ratio":0.0,"lang_id_score":0.926,"perplexity_score":500.0,"cluster_detection":1} +{"text":"LUKE 18:11\n11\"Te Faarisi raa ni tuu i tana kina soko ia no taku peelaa ki TeAtua, 'TeAtua, nau e hiahia iaa koe, i aa nau see mee naa vana hakallika ma ko aaraa tama. Nau seai se tama e kaimmate i aku mee, aa nau e taratara lokoi ki te taratara maaoni. Nau hoki see puamu ma aaraa haahine pee ko aaraa tama. Nau e hiahia i aa nau see mee pee ko te tama e aoao naa takis e tuu mai i te kina raa!\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/18\/11","date":"2018-09-24T21:44:49Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160754.91\/warc\/CC-MAIN-20180924205029-20180924225429-00439.warc.gz","language":"nho","language_score":0.7829259634,"language_script":"Latn","minhash_cluster_size":2,"top_langs":"{\"nho_Latn_score\": 0.7829259634017944, \"rar_Latn_score\": 0.05152491107583046, \"wls_Latn_score\": 0.023595621809363365, \"sps_Latn_score\": 0.0199194997549057, \"hif_Latn_score\": 0.01624121703207493}","num_words":167,"character_repetition_ratio":0.069,"word_repetition_ratio":0.0,"special_characters_ratio":0.213,"stopwords_ratio":0.317,"flagged_words_ratio":0.0,"lang_id_score":0.724,"perplexity_score":500.0,"cluster_detection":1} +{"text":"ROME 4:11\n11Saaita Abraham ni kaamata ki lotu i TeAtua raa, a ia seki ssere are. Kimuri are raa, a ia ku ssere. Te ara e hakasura mai i te ssao Abraham ni ssere nei e hakailoa mai ki taatou maa te ora Abraham ni tonu imua naa karamata TeAtua i tana saaita ni lotu i TeAtua. Teenaa ko tana saaita seki ssere. Abraham nei ku mee ma ko te tamana i te vasi te lotu naa tama hakkaatoa e hakannoo ki naa taratara TeAtua. Teenaa ko naa tama TeAtua e vana maa e ttonu naa ora laatou, niaaina maa laatou see ssere naa kina laatou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/4\/11","date":"2018-09-23T00:49:29Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158766.65\/warc\/CC-MAIN-20180923000827-20180923021227-00325.warc.gz","language":"nho","language_score":0.8490428329,"language_script":"Latn","minhash_cluster_size":2,"top_langs":"{\"nho_Latn_score\": 0.8490428328514099, \"rar_Latn_score\": 0.05975623428821564, \"wls_Latn_score\": 0.012849416583776474}","num_words":186,"character_repetition_ratio":0.068,"word_repetition_ratio":0.0,"special_characters_ratio":0.204,"stopwords_ratio":0.317,"flagged_words_ratio":0.0,"lang_id_score":0.76,"perplexity_score":500.0,"cluster_detection":1} +{"text":"LUKE 17\nNaa tiputipu te haisara\n1I te aso tokotasi raa Jesus ni taratara ake ki ana disaipol, \"Te tiputipu teelaa e usu te tama ki ppena naa haisara raa e takoto, tevana iaa nau e aroha iloo i te tama e hakasura te tiputipu naa! 2E taukareka iloo maa te tama peenaa ki saitia tana ua ki se hatukaraa aa ku hakaterekia i te moana, teenaa i naa haaeo ma ki kauatu kiaa ia, ki mee maa se tamariki i naa tamalliki nei e usuhia a ia ki ppena naa haisara, ma ki llasi iloo. 3Kootou ki hakamattoni lokoi i naa sosorina kootou!\n\"Ki mee maa too taina raa e ppena tana sara, nutua te tama naa, aa ki mee maa ia e huri tana manava no tiiake ana haisara, aroha iaa ia.+ 4Aa ki mee maa ia e hitu hakkaatoa ana saaita i te aso tokotasi e mee ana vana e hakallika kiaa koe, aa i naa saaita naa hakkaatoa a ia e hanatu peenaa no vanaatu maa ia e aroha iaa ia ni sosorina peenaa kiaa koe, koe ki aroha i te tama naa.\"\nNaa tiputipu te lotu maaoni\n5Naa aposol raa ki mee ake ki TeAriki, \"Haia maatou ki illoa hakaraaoi iaa koe.\"\n6TeAriki ki mee ake, \"Ki mee maa te lotu kootou e nnoto koi pee ko naa hua laakau e punaammea iloo raa, te lotu kootou naa e tau te uhuki te hui te laakau e tuu nei no peesia ki te moana.\nNaa heheuna te poe\n7\"Ki mee maa se tama i kootou e mee tana poe e heheuna i tana keri, aa seai maa e roorosi i ana sipsip. I te saaita te poe naa e ahe ake i ana heuna, e aa, kootou e mannatu maa tana hakamau raa ma ki mee ake kiaa ia ki hanotonu no kai? 8Seai iloo! Tana hakamau naa ma ki mee ake are ki hano ia no mee hakaoti ana kaikai raa aa ku ttaa ake ki kai a ia, aa ki oti are a ia ku kai. 9Te hakamau raa ma ki see lavaa te vanaake ki tana poe maa ia e hiahia i aa ia e hakannoo ki ana taratara. 10Teenaa kootou hoki, i te saaita kootou ku oti te haia kootou naa heuna TeAtua ni kauatu raa, kootou ki taratara peelaa, 'Maatou ni poe vare koi e mee naa heuna maatou.'\"\nTe taka sinahuru e haia Jesus no taukalleka\n11I te saaita Jesus ni hano ki Jerusalem raa, a Ia ni hano vaaroto naa matakaaina Samaria ma Galilee. 12I tana saaita ni uru atu ki te tamaa matakaaina tokotasi raa, a Ia ni ttiri i te taka sinahuru taanata e haia te leprosi. Naa tama naa e ttuu hakammao 13ka tanitani varo ake, \"TeAriki Jesus! Aroha i maatou!\"\n14Jesus ni ttoka atu ki laatou no mee ake, \"Kootou oo no mee ki mmata naa maatua raa i kootou.\"\nTeenaa naa tama naa ni taukalleka lokoi i te saaita laatou koi sassare are ka oo.+ 15-16Te tama tokotasi i naa tama naa se tama haka Samaria. Te saaita te tama naa ni kite maa ia ku taukareka raa, te tama naa ni ahe ake ki Jesus ka hakanau i TeAtua ki ana varo. A ia ni hano no ttuu ana turi imua Jesus no taratara hakahiahia atu kiaa Ia. 17Jesus ki vasiri, \"Teelaa se taka sinahuru taanata ni haia no taukalleka, aa teehea telaa takasivo? 18Teenei ko te tama are telaa henua nei teenei ni ahemai no taratara hakahiahia i TeAtua.\" 19Jesus ki huri ake ki te tanata raa no mee ake, \"Masike ki aruna no hano; koe ku taukareka i aa koe e lotu iaa nau.\"\nTe saaita Jesus ma ki ahemai\n20I te aso tokotasi raa, e mee naa Faarisi ni vasiri ake ki Jesus, \"Te Nohorana TeAtua raa ma ki tae mai i te saaita hea? \" Teenaa ki mee ake Jesus, \"See hai vana ma ki hakailoa ake ki te henua maa te Nohorana TeAtua raa ku takoto. 21See hai tama ma ki mee peelaa, 'Kootou mmata mai, teenei te Nohorana TeAtua!' Aa see hai tama hoki ma ki mee peelaa, ' Kootou ttoka atu, teelaa te Nohorana TeAtua!' I te aa, te Nohorana TeAtua raa e takoto iloto kootou.\"\n22Teenaa mee ake iloo Ia ki ana disaipol, \"Te ssao raa ma ki tae mai, teenaa kootou ma ki fiffai ki kkite kootou se aso tokotasi i naa aso te Tama te Henua, tevana iaa kootou ma ki see lavaa. 23E mee aaraa tama ma ki mee atu ki kootou, 'Kootou ttoka atu, teelaa a Ia!' Aaraa tama iaa ma ki mee atu peelaa, 'Kootou mmata mai, teenei a Ia!' Tevana iaa kootou ki see hakannoo ki naa taratara naa tama naa ka hurohuro kootou vaamuri laatou ka sessee iaa Ia. 24I te aso te Tama te Henua ma ki ahemai raa, te henua hakkaatoa ma ki kkite iaa Ia, e mee pee ko naa ttoka laatou i naa taaraki te uila no maasina hakkaatoa te lani ma te kerekere. 25Tevana iaa te Tama te Henua raa ma ki mee pakavaina no hakallono isu imua, teenaa a Ia ma ki hakakkeeina naa tama te maarama nei.\n26\"Te saaita te Tama te Henua ma ki hakasura mai raa, naa tama te maarama nei ma ki haia pee ko naa haia naa tama i te ssao Noah.+ 27I te ssao Noah raa, te henua ni nnoho koi no kkai ka unu, aa naa taanata ma naa haahine raa e aavanavvana, no tae iloo ki te aso Noah ni uru ki loto te vaka e lasi. Teenaa ki hakaffuta te ttai raa no loohia te henua hakkaatoa no mmate.+\n28\"Te aso naa hoki ma ki mee pee ko te ssao Lot ni noho. Te henua ni nnoho koi no kkai ka unu; laatou e nnoho ka taavi hekau peenaa ka ttori kaikai ka hakatuu hare. 29I te aso Lot ni hakataha i Sodom raa, te ahi raa ni ura mai i te lani ka maaoha mai naa korokorohatu e mallaa, e mee pee ko naa too te ua, ki naa tama te matakaaina naa no mmate laatou hakkaatoa.+ 30Teenaa te aso te Tama te Henua ma ki hakasura iho raa ma ki tiputipu peenaa hoki.\n31\"I te aso naa raa, te tama e noho i haho tana hare raa ma ki see hai saaita ki tere ki loto tana hare raa no too ana hekau; peelaa hoki, te tama e heheuna i ana verena raa ma ki see hai saaita ki tere ki tana hare.+ 32Kootou mannatu i te vana ni sura ki te aavana Lot!+ 33Te tama e hakaseresere tana ora raa, a ia ma ki see kite te ora maaoni; aa te tama e tiiake mai tana ora kiaa nau raa, a ia ma ki taaohi ki te ora maaoni.+\n34\"Nau e vanaatu ki kootou. I te poo naa raa, te takarua ma ki mmoe i te moelana tokotasi: te tama tokotasi ma ki toa, aa telaa tama ma ki tiiake ka moe. 35Te takarua haahine ma ki haikai hakapaa: te ffine tokotasi ma ki toa, aa telaa ffine ma ki tiiake ka noho. 36[Te takarua taanata ma ki heheuna hakapaa i naa verena laaua: te tanata tokotasi ma ki toa, aa telaa tanata ma ki tiiake ka noho.\"]\n37Naa disaipol raa ki vasiri ake, \" TeAriki, naa vana nei ma ki ssura i hea?\"\nJesus ki mee ake, \"Te kina taatou e kkite maa naa manu lellere raa e ttuu purina raa, taatou e illoa maa teelaa se tama e mate e moe i te kina naa.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/17\/","date":"2018-09-20T18:48:01Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156554.12\/warc\/CC-MAIN-20180920175529-20180920195929-00008.warc.gz","language":"nho","language_score":1.0000002384,"language_script":"Latn","minhash_cluster_size":4,"top_langs":"{\"nho_Latn_score\": 1.000000238418579}","num_words":1345,"character_repetition_ratio":0.054,"word_repetition_ratio":0.0,"special_characters_ratio":0.242,"stopwords_ratio":0.52,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MARK 16\nJesus ku hakamasikeria i te mate\n1Te saaita te Sabat naa ni laka raa, Mary Magdalene, Mary te tinna James, aa ko Salome ni oo no taavi naa kaakaa mannoni raa ki oo laatou no aamosia te haitino Jesus. 2I te tapataiao poniponi lokoi te Hakamarolloo naa raa, naa haahine naa ni massike ka oo ki te kava. 3-4Saaita naa haahine naa ni sassare atu iloto te ara raa, laatou ni taratara ka hakatonutonu peelaa, \"Ko ai te tama ma ki hakatiperia a ia te hatu e ppui te mata te taaruma raa hakavasi ki uru atu taatou?\" Te hatu e ppui i te mata te taaruma naa e lasi iloo. Naa haahine naa ni ttoka atu no kkite iloo i te hatu naa ku oti te hakatiperia hakavasi. 5Teenaa uru atu iloo laatou ki loto no kkite i naa noho mai te tama taane i te vasi hakamaatau laatou, e hakao ki te kkahu e makkini. Naa haahine naa ni llee iloo naa mouri laatou.\n6Teenaa ki mee ake te tanata naa ki laatou, \"Kootou see llee naa mouri kootou. Nau e iloa maa kootou e ssee i Jesus, ttama i Nazareth, teelaa ni tuukia ki te kros no mate. Ttama naa seai i te kina nei, ttama naa ku oti te hakamasikeria no ora. Ttoka, teenei te kina tana haitino ni hakamoeria naa tama. 7Kootou oo no kauake te taratara nei ki Peter ma aaraa disaipol Jesus: 'Jesus e hano imua kootou ki Galilee. Kootou ma ki kkite i aa Ia i te kina naa, peelaa koi ma ko Ia ni mee atu ki kootou.'\"+\n8Teenaa uru iloo naa haahine naa ki haho no ffuro hakattaha i te taaruma naa, i laatou ni poreppore i naa mattaku laatou. Naa haahine naa ni seai iloo ki taratara ake ki se tama, i te aa i laatou ni mattaku.\nJesus ku hakasura ake ki Mary Magdalene\n[ 9Imuri te masike mai ana Jesus i te mate i te tahaata te Hakamarolloo raa, a Ia ni hakasura imua ki Mary Magdalene, te ffine ni hanaa Ia naa tippua e hitu. 10Te ffine naa ni hano no taratara ake iloo ki naa tama ni ttaka ma Jesus, teenaa naa tama naa ni nnoho tanittani ka ppari; 11aa te saaita naa tama naa ni llono i naa taratara ake Mary maa Jesus e ora, aa maa ia ni kite iaa Ia raa, naa tama naa ni see hii hakannoo atu kiaa ia.\nJesus e hakasura ake ki te takarua disaipol\n12Imuri koi raa Jesus ni hakasura sara hoki ki telaa takarua disaipol, i te saaita te takarua naa ni sassare ka oo ki telaa henua. 13Te takarua naa ni ahe ki Jerusalem no taratara ake iloo ki aaraa tama laatou, tevana iaa naa tama naa ni see hii hakannoo ki laaua hoki.\nJesus e hakasura ake ki te taka sinahuru maa te tama tokotasi i ana disaipol\n14Kimuri raa Jesus ni hakasura ki tana taka sinahuru maa te tama tokotasi i ana disaipol, i te saaita naa tama naa e nnoho ka kkai. A Ia ni huri atu no nutua naa tama naa i laatou ni see hakataakoto tonu kiaa Ia aa i laatou ni see hii hakannoo iloo ki naa tama ni kkite maa Ia ku ora. 15A Ia ki mee ake ki naa tama naa, \"Kootou oo ki naa henua hakkaatoa no hakaea te Lono Taukareka raa ki naa tama hakkaatoa iloto te maarama nei.+ 16Ttama peehea e hakannoo kiaa nau ka too te hakaukau tapu raa, ttama naa ma ki hakasaoria; aa ttama see hakannoo kiaa nau raa iaa, ttama naa ma ki mate ma ana sara. 17Naa tama e lotu maaoni iaa nau raa ma ki kauake naa mahi laatou ki lavaa te hakassura naa mahi TeAtua: naa tama naa ma ki hanaa laatou naa tippua raa i loto taku inoa; naa tama naa ma ki taratara ki naa taratara e kkee; 18aa ki mee maa naa tama naa e taaohi naa kata, aa seai maa e unumia laatou naa pakava, teenaa see hai vana hakallika ma ki ssura i laatou. Naa tama naa ma ki hakapiri naa rima laatou ki aruna naa tama e mmaki, aa naa tama e mmaki naa ma ki malolloo.\"\nJesus ku toa ki te lani\n19Saaita TeAriki Jesus ni oti te taratara ma naa tama naa raa, a Ia ni toa ki te Lani no noho i te vasi hakamaatau TeAtua.+ 20Naa disaipol raa ni oo no hakaea te Lono Taukareka raa i naa kina hakkaatoa, aa TeAriki ni heheuna ma laatou no hakattino tana taratara naa ki naa mahi TeAtua teelaa e hakassuratia naa tama naa.]\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/16\/","date":"2018-09-24T02:41:40Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160085.77\/warc\/CC-MAIN-20180924011731-20180924032131-00051.warc.gz","language":"nho","language_score":1.0000039339,"language_script":"Latn","minhash_cluster_size":4,"top_langs":"{\"nho_Latn_score\": 1.0000039339065552}","num_words":855,"character_repetition_ratio":0.073,"word_repetition_ratio":0.0,"special_characters_ratio":0.225,"stopwords_ratio":0.526,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 12\nKootou see tautari ki naa sosorina naa Faarisi\n1I te saaita naa raa, e tammaki naa simata tama ni kkutu ake. Naa tama naa ni takataka koi vaaruna naa vae aaraa tama. Jesus ki kaamata no mee ake ki ana disaipol, \"Kootou roorosi hakaraaoi iloo i te iis naa Faarisi, teenaa ko naa sosorina kaikailua naa tama naa.+\n2\"Naa mee e ttanu raa ma ki laavea, aa naa mee hakkaatoa e ffuu raa ma ki ilotia.+ 3Naa taratara kootou ni hai i te poouri ana raa ma ki lonotia i te maarama, aa naa taratara kootou ni musumusu seemuu iloto naa hare raa ma ki tanitani varoina i aruna naa taffuu naa hare.\nToo tama ki mataku\n4\"Nau e taratara atu ki kootou, aku soa nei. Kootou see mattaku i naa tama e taa koi te haitino te tama aa see lavaa hoki te mee ni vana e hakallika imuri. 5Nau ku hakaari atu i te tama kootou ki mattaku: kootou ki mattaku i TeAtua iaa Ia e lavaa te taa kootou no mmate, aa kootou e lavaa Ia te tauatia ki te ahi e lasi. Nau e taratara atu maaoni iloo, kootou ki mattaku iaa Ia!\n6\"Naa tamaa manu e rima e tauia ki naa peni e lua, tevana iaa TeAtua see lavaa te ssiri i se manu tokotasi i naa manu naa. 7Aa TeAtua e iloa i te kooina naa lauru i naa pisouru kootou. Kootou see mattaku; kootou e ttoe iaa i naa manu e tammaki!\nKootou ki see nnapa i Jesus\n(Mt 10.32-33, 12.32, 10.19-20)\n8\"Nau e taratara atu ki kootou: Naa tama e taratara imua naa karamata te henua maa laatou ni tama aaku raa, te Tama te Henua raa hoki ma ki taratara imua naa ensol TeAtua maa naa tama naa ni tama aana. 9Aa naa tama e taratara imua naa karamata te henua maa laatou see illoa iaa nau raa, te Tama te Henua raa ma ki taratara imua naa ensol TeAtua maa Ia see iloa i naa tama naa hoki.\n10\"Te tama e pesi tana taratara hakallika i te Tama te Henua raa, TeAtua ma ki lavaa koi te uii naa haisara te tama naa; aa te tama e pesi tana taratara hakallika i TeAitu Tapu raa iaa, ana haisara naa ma ki see lavaa te uiia TeAtua.+\n11\"Te saaita kootou e taakina ki naa hare lotu naa Jew, aa kimua hoki naa hakamau ma naa tuku te henua ki hakatonutonu naa sara kootou raa, kootou see ssopo naa manava kootou maa kootou ma ki taratara peehea ki hakatonu kootou. 12I te aa i TeAitu Tapu ma ki kauatu i te saaita naa, naa taratara kootou ki taratara.\"+\nTe parapol te tama see atamai e hai hekau\n13Te tama tokotasi iloto te kuturana naa ni mee ake peelaa ki Jesus, \" Te tisa nei, vanaake ki taku taina raa ki vvae maaua naa kerekere ni tiiake mai te tamana maaua raa ki maaua.\"\n14Teenaa ki mee ake Jesus, \"Naasoa, ko ai te tama e vanaatu maa nau e lavaa te hakatonu no vaaea naa kerekere koorua naa iloto koorua?\" 15Jesus ku mee ake ki naa tama naa hakkaatoa, \"Kootou roorosi hakaraaoi iloo ki see sura te manava kaimanako i kootou; te ora maaoni raa see sura maa i te tama raa e hai mee.\"\n16Teenaa ki kauake Jesus te taratara nei: \"Teelaa se tanata e hai mee e mee tana verena e ssomo te kau kaikai e taukalleka. 17Teenaa te tanata naa ni noho ka mamaanatu peelaa soko ia, 'Nau ka mee peehea? Nau ku see hai kina hoki ki hakatau aku kaikai nei hakkaatoa.' 18Araa mee iloo tana maanatu peelaa, 'Nau ku iloa i taku vana ki mee. Nau ma ki seu aku hare e tukutuku aku kaikai nei aa nau ku penapena ni hare e llasi iaa, ki hai kina nau te hakatau aku kaikai raa ma aaraa hekau aaku. 19Teenaa nau ma ki noho ka hakanau kiaa nau soko nau, i aku hare raa ku ppii i te kaikai ma aaraa mee hoki. I te lopo setau e oomai imuri raa, nau ma ki noho koi ki taku kai ma taku unu, teenaa nau ma ki taka koi ka hiahia peenaa!' 20Araa nei TeAtua ku mee ake kiaa ia, 'Te vvare! Te poo nei koi koe ku mate; aa ko ai te tama ma ki too oo mee ni tukutuku ka hakatau i oo hare naa?'\"\n21Jesus ki hakaoti atu ana taratara peelaa, \"Teenei te tiputipu naa tama e hakatau te lopo mee ma ki hai mee laatou, aa i naa karamata TeAtua iaa, teenaa ni tama e nnoho hua.\"\nTaaohi manava i TeAtua\n22Teenaa mee ake iloo Jesus ki ana disaipol, \"Kootou see mamannatu tammaki i naa kaikai kootou ki kkai ki ora kootou aa ma naa hekau ki hakao i naa haitino kootou. 23Te ora te tama e takoto hakamaatua iaa i ana kaikai e kai, aa te haitino te tama e takoto hakamaatua iaa i ana hekau e hakao. 24Kootou mmata i naa manu lellere: naa manu raa see ttori kaikai; laatou see hai hare e tukutuku naa kaikai laatou, tevana iaa TeAtua e haanai naa manu naa! Aa naa ora kootou iaa e ttoe are i naa manu lellere! 25Ko ai te tama i kootou e lavaa te hakanuu tana ora ki taka rooroa ia hakamaarie, i ana noho ka hakataakoto ki te kau vana? 26Ki mee maa kootou see lavaa te haia kootou naa tamaa vana e hainauhie peenei, ai kootou e mamaanaturia kootou aaraa mee i te aa? 27Kootou mmata i naa ssomo naa kaute: naa kaute raa see heheuna ka penapena naa hekau laatou. Tevana iaa nau e vanaatu ki kootou, niaaina maa Solomon se tuku ni hai mane raa, ana hekau raa ni see hakasoro mmata pee ko naa kaute nei.+ 28Teenaa ko TeAtua raa e hai laakei naa vee e ssomo vao ki naa kaute, teelaa e mataora i te aso nei koi aa taiao ku mmae no peesia ki te ahi ki vvela. Kootou e mannatu maa kootou ma ki hai laakeina a Ia peehea? Kootou ku hakatina nataa peehea!\n29\"Kootou see nnoho koi ka mamannatu peenaa maa ni aa kootou ki kkai ka unu. 30I naa tama see illoa i TeAtua e nnoho i te maarama nei e anaana lokoi ki naa mee peenaa. Te Tamana kootou i te lani raa iaa e iloa maa kootou e fiffai ki naa mee naa. 31Kootou iaa ki anaana ki naa vana te Nohorana TeAtua, aa naa mee nei ma ki kauatu ki kootou.\nKootou mee ki hai mee kootou e takkoto i te lani\n32\"Kootou aku tamaa sipsip nei, kootou see mattaku. I te aa i te Tamana kootou raa e hiihai maa Ia ki kauatu tana Nohorana naa ki kootou. 33Kauake naa hekau kootou raa ki tauia aaraa tama aa kootou ku kauake naa mane naa ki naa tama see hai mee. Kootou mee ki takkoto ni paos mane maa kootou teelaa see lavaa te massae, ka hakanaaopo naa hekau taukalleka kootou i te lani. Teenaa ki takkoto naa mane ma naa hekau kootou naa i te kina naa mee naa ma ki see lavaa te oti. See hai tama e kailaarao e lavaa te tae ki te kina naa, aa naa mee naa ma ki see kaina naa tamaa manu. 34I naa hatumanava kootou ma ki takkoto lokoi i te kina naa mane ma naa hekau kootou naa e mmoe.\nKootou nnoho tanatana ki te ahemai TeAriki\n35\"Kootou nnoa naa maro kootou ka hakaura hakaoti naa lamu kootou, aa kootou ku tanatana ki haia kootou naa heuna TeAtua.+ 36E mee pee ko naa nnoho naa poe ka ttari ki te hakamau laatou ki ahe ake i te kaikai te aavana. Teenaa te saaita te hakamau raa e pakuu mai i te tootoka raa, naa tama naa ma ki hakavave atu lokoi no taaraki atu te tootoka.+ 37Te saaita te hakamau raa e tae ake no kite maa ana poe raa e nnoho tanatana ake kiaa ia raa, naa poe naa ma ki haia hakaraaoina iloo te hakamau laatou naa. 38Niaaina maa te hakamau raa e tae ake i te tuaapoo raa, te tama naa ma ki hiahia iloo ki mee maa ia e kite maa laatou e nnoho tanatana ake kiaa ia. 39Aa kootou ki illoa i te taratara nei: Ki mee te tama e mee tana hare raa ni iloa i te ssao te tama kailaarao raa ma ki uru ake raa, a ia ni see lavaa te tiiake tana hare raa ki vaasia. 40Teenaa kootou hoki ki nnoho tanattana, i te Tama te Henua raa ma ki hakasura iho i te ssao kootou e nnoho see illoa atu kiaa Ia.\"+\nTe parapol i naa poe e lua\n41Teenaa ki mee ake Peter, \"TeAriki, te taratara nei se taratara e mee i maatou, aa seai ki naa tama hakkaatoa?\"\n42TeAriki ki mee ake, \"Te poe e atamai aa e lono te taratara raa, teenaa ko te tama ni tukua tana hakamau raa ki roorosi naa mee i tana hare. A ia naa e tukua hoki ki vaevae ake naa tuuhana kaikai aaraa poe te hakamau raa i naa aso laatou e tukua ki too kaikai. 43Te poe naa ma ki hiahia iloo ki mee maa tana hakamau raa e au ki hare no kite i ana vana e mee naa! 44Maaoni iloo, nau e vanaatu ki kootou, te poe naa ma ki tukua tana hakamau raa ki roorosi i ana mee ma ana kerekere hakkaatoa. 45Aa ki mee te poe raa ku maanatu maa te ssao tana hakamau ki ahe ake raa ku rooroa, no kaamata ia te haia hakallikaina aaraa poe taanata hakapaa ma naa poe haahine ka sare kai a ia ka unu no vvare i naa kaikai e llasi raa, 46teenaa te hakamau raa ma ki ahe ake i te aso tokotasi, i te saaita tana poe naa ku see iloa atu kiaa ia. Te hakamau raa ma ki mee pakavaina a ia te poe naa no kerekereia ki hano no taka ma naa tama see llono taratara.\n47\"Te poe teelaa e iloa maa ni aa tana hakamau e hiihai ki hai ake, tevana iaa tana tino see tanatana ki haia a ia naa heuna naa raa, te poe naa ma ki sarua hakallikaina iloo tana hakamau. 48Aa te poe teelaa see iloa maa ni aa tana hakamau raa e hiihai ki hai ake, tevana iaa e huri no mee naa vana teelaa e tau a ia te sarua raa, teenaa te poe naa ma ki see sarua maaoni.\n\"Te tama ni kauake ana mee e tammaki raa, TeAtua e hiihai maa te tama naa ki hookii ni mee e tammaki; aa te tama e taka ma te lopo mee e tammaki iloo raa, TeAtua e hiihai maa te tama naa ki hookii te lopo mee iloo ki aaraa tama.\"\nJesus ni au no mee ki see nnoho hakapaa naa tama te maarama nei\n49Jesus ki mee ake, \"Nau ni au no mee ki hakaura te ahi raa i aruna te kerekere nei, aa nau iaa e hiihai maa te ahi naa kunaa hakauratia are. 50Nau ma ki taia no mate, aa i te aso naa seki tae mai raa, nau e taka ka sopo taku manava peenei.+\n51\"E aa? Kootou e mannatu maa nau ni au no mee ki nnoho hakaraaoi naa tama te maarama nei? Seai iloo! Nau ni au no mee ki see nnoho hakapaa naa tama te maarama nei. 52E kaamata i te saaita nei, naa haimaatua raa ma ki see nnoho hakapaa. Te haimaatua e ttaka te takarima raa, te takatoru ma ki see fiffai i telaa takarua aa te takarua ma ki see fiffai ki telaa takatoru. 53Naa tammana raa ma ki heheatu ma naa tama taanata laatou, aa naa tama taanata raa ma ki see tuku ki naa vana naa tammana laatou. Naa haahine raa ma ki heheatu ma naa tama haahine laatou, aa naa tama haahine raa ma ki see tuku ki naa vana naa tinna laatou. Naa haahine mattua raa ma ki heheatu ma naa hinaona ffine laatou, aa naa tama ffine raa ma ki see tuku ki naa vana naa hinaona laatou.\"+\nKootou ki iloa te saaita naa mee raa ma ki pakuu iho\n54Jesus ki mee ake hoki, \"Te saaita kootou e kkite i naa irihia mai naa uruaoa raa i te laki, kootou ma ki taratara maa te ua raa ma ki too, aa teenaa te ua raa ma ki too maaoni. 55Aa te saaita kootou e llono i naa oko atu te matani raa i te kipu, kootou ma ki taratara maa te aso naa ma ki vvela, teenaa te aso naa ma ki vvela maaoni. 56Naa tama e kaikailua! Kootou e lavaa koi te ttoka ki naa tiputipu te kerekere nei ma te lani no illoa kootou maa naa aso naa ma ki tiputtipu peehea; ai kootou see illoa peehea i naa oo iho naa vana kootou e kkite i te ssao nei?\nHakatonu maa te tama e hakatautau koorua\n57\"Kootou see hakatuu ai ki naa manava kootou soko kootou maa te tiputipu hea teelaa e taukareka kootou ki tautari? 58Ki mee maa koe e hakatautau ma se tama no taakina koe ki te koti, koe ki ssee se ara ki taratara hakaraaoi koorua imua koorua e ttae ki te koti. Ki mee koe see mee ma ki taratara hakaraaoi koorua, koe ma ki taakina naa tama naa ki te tama e hakannoo ki naa koti. Teenaa koe ma ki toa no kauake ki naa tama e roorosi te hare karapusi raa ki karapusi koe. 59Nau e vanaatu kiaa koe: koe ma ki tauhia iloto te hare karapusi naa ki taavi iloo koe te kooina te koti raa ni tuku.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/12\/","date":"2018-09-25T14:40:17Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267161661.80\/warc\/CC-MAIN-20180925143000-20180925163400-00413.warc.gz","language":"nho","language_score":1.000007391,"language_script":"Latn","minhash_cluster_size":2,"top_langs":"{\"nho_Latn_score\": 1.0000073909759521}","num_words":2378,"character_repetition_ratio":0.062,"word_repetition_ratio":0.006,"special_characters_ratio":0.237,"stopwords_ratio":0.58,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 5\nAnanias laaua ma Safira\n1Tevana iaa teelaa se tanata, tana inoa ko Ananias. Laaua ma tana aavana, Safira, ni mee aaraa kerekere laaua ni tauia aaraa tama. 2Araa nei laaua hai aavana ku tuku laaua taratara ki taaohi a ia ni mane aa ku hookii aaraa mane raa ki naa aposol. 3Teenaa ki mee ake Peter kiaa ia, \"Ananias, ai koe ku mee are ma ki hanatu Satan no usuusuhia koe ki hakarereesia TeAitu Tapu ka taaohi ki aaraa mane i oo mane ni too naa? 4Te saaita te kerekere naa seki tauia raa, teenaa se kerekere aau; aa te saaita te kerekere naa ni tauia raa, oo mane ni too raa ni mane aau. Ai koe ni maanatu are ma ki mee too vana naa? Koe ni see hakarereesia a koe se tamavare; koe ni hakarereesia a koe TeAtua!\"\n5Te saaita koi Ananias ni lono i naa taratara nei raa, leiho lokoi a ia ki laro no mate. Naa tama hakkaatoa ni llono i te mee nei ni mattaku hakallika iloo. 6Teenaa oo ake iloo naa tama taane raa no miinia tana haitino ka saaua no tanumia.\n7See rooroa koi raa, te aavana Ananias raa ku uru ake, aa a ia naa ni see iloa i te vana ni mee ake naa. 8Teenaa vasiri ake iloo Peter, \"Taratara mai, teenei ko te kooina katoo naa mane koorua ni too i te kerekere koorua ni tauia?\"\nSafira ki mee ake, \"Uee, teenaa te kooina katoo maaua ni too.\"\n9Teenaa ki mee ake Peter, \"Ai koorua ma too aavana naa ni mannatu are ma ki haaiteria koorua TeAitu Tapu TeAriki? Naa taanata ni tanumia laatou too aavana raa ku ttuu mai i te tootoka raa ki saaua hoki koe ki haho!\" 10Te ffine naa ni leiho lokoi i te saaita naa no mate imua Peter. Naa tama taane raa ni uru ake no kkite maa te ffine raa ku mate, teenaa saaua iloo laatou te ffine naa no tanumia i te vasi tana aavana. 11Naa tama hakkaatoa te lotu raa aa ma aaraa tama teelaa ni llono i te vana ni mee nei ni mattaku hakallika iloo\nNaa aposol e hakassura naa mahi TeAtua\n12Naa aposol raa ni hakassura te lopo mahi TeAtua imua naa karamata te henua. Teenaa naa tama katoo e lotu raa ni kkutu iloto te Hakaseke i-taha Solomon. 13Niaaina maa te henua ni taratara hakanau i laatou raa, ni see hai tama i naa tama see lotu raa ni mannatu ma ki hakauru atu no lotu laatou hakapaa. 14Iaa turaa taanata ma naa haahine ni lotu i TeAriki ka oo ake no hakapaa ki te kaavena naa tama e lotu. 15Naa tama i te kina naa ni kkite katoo i naa vana naa aposol naa e mee, teenaa ki sausau ake laatou naa tama e mmaki raa no hakamoe i naa moelana laatou i te ara, ki too te maru Peter i naa tama naa i ana laka ka hano. 16E tammaki iloo naa tama ni oo ake i naa matakaaina e tauppiri ake ki Jerusalem, teenaa e oo ake ma naa tama e mmaki aa ma naa tama e tauria naa tippua hakallika; naa tama naa ni haia katoo no taukalleka.\nNaa aposol raa ku mee pakavaina\n17Teenaa te Maatua Hakamau raa ma naa tama e heheuna maa ia, teenaa ni tama i te kaavena naa Sadiusi, ni ffuri no manava haaeo i naa aposol. 18Naa tama naa ni tauhia laatou naa aposol naa no ponotia ki loto te hare karapusi. 19Araa nei te ensol TeAtua raa ni tarakina a ia naa tootoka te hare karapusi raa i te poo naa no hakauruhia naa aposol raa ki haho. Teenaa te ensol raa ki mee ake peelaa ki laatou, 20\"Kootou oo no ttuu iloto te Hare Tapu raa aa kootou ku hakaea ki te henua i naa tiputipu te ora hoou nei.\" 21Naa aposol raa ni hakannoo ki naa taratara te ensol naa. Teenaa naa tama naa ni oo atu ki loto te Hare Tapu raa i te tahaata naa no kaamata te akonaki te henua.\nTe saaita te Maatua Hakamau raa ni ttae ake ma naa tama e heheuna ma ia raa, kkave iloo laatou kaunaki ki naa tama hakamaatua katoo i te kanohenua Israel ki oo ake ki nnoho laatou no taratara. Ki oti raa kkave iloo laatou taratara ki naa tama e roorosi te hare karapusi raa ki too ake naa aposol. 22Tevana iaa i te saaita naa tama ni heunatia laatou raa ni ttae atu ki te hare karapusi raa, naa tama naa ni see llave i naa aposol. Teenaa ahe iloo naa tama naa no taratara ake peelaa ki naa tama i te Kansol, 23\"I te saaita maatou ni ttae atu raa, te hare karapusi naa e ppui hakanniti iloo aa naa wasi raa hakkaatoa e ttuu ka roorosi i naa tootoka; tevana iaa i te saaita maatou ni tarakina maatou te tootoka raa, maatou ni see hai tama ni kkite iloto te hare!\" 24Te saaita te hakamau naa wasi te Hare Tapu aa ma naa maatua hakamaatua raa ni llono i te mee nei raa, laatou ni hakatuu nataa iloo i te vana ku mee i naa aposol naa. 25Teenaa uru ake iloo te tanata tokotasi no mee ake peelaa ki laatou, \"Kootou hakannoo! Naa tama ni ponotia kootou ki loto te hare karapusi raa e ttuu i te saaita nei iloto te Hare Tapu ka akonaki te henua.\" 26Teenaa masike iloo te hakamau naa wasi raa no hano ma naa tama e heheuna ma ia raa no too ake naa aposol. Naa aposol raa ni too ake hakaraaoi iloo laatou, i te aa i laatou ni mattaku maa laatou ma ki tauatia naa tama i te kina naa ki naa hatu.\n27Naa aposol raa ni too ake naa tama naa no hakatuuria iloo imua te Kansol, teenaa ki vasirisiri ake te Maatua Hakamau raa ki laatou, 28\"Kootou ni puuia maatou ki see hakaea ki te henua iloto te inoa te tama nei, aa kootou mmata i te vana kootou ni mee naa! Naa taratara naa ku oti te hakatereina kootou ki naa kina hakkaatoa iloto Jerusalem, aa kootou e mee maa teenei ko maatou nei ni mee ma ki taia maatou ttama naa!\"+\n29Peter ma aaraa aposol ki hakaahe ake, \"Maatou see lavaa te hakannoo ki ni tama. Maatou e hakannoo koi ki TeAtua. 30Kootou ni tuukia kootou Jesus no mate i aruna te kros, tevana iaa a Ia ni hakamasikeria hoki te Atua naa tippuna taatou raa i te mate. 31TeAtua ni saaua a Ia te tama naa no hakanoho i tana vasi hakamaatau ma se Tuku aa maa ko te Tama e hakasao taatou, te kanohenua Israel, teenaa ki lavaa taatou te ffuri naa manava taatou aa ki uiia naa haisara taatou. 32Maatou nei ko naa tama e tarataraina maatou naa vana TeAtua ni mee nei, aa TeAitu Tapu hoki e taratara i naa vana nei. Teenaa TeAtua e hookii TeAitu Tapu raa ki naa tama e hakannoo ki ana taratara.\"\n33Te saaita te Kansol raa ni llono i naa taratara nei raa, naa tama naa ni lloto iloo. Laatou ni fiffai ma ki taaia laatou naa aposol raa ki mmate. 34Araa nei te Faarisi tokotasi, tana inoa ko Gamaliel, a ia naa se tisa naa Loo aa e haia te henua ma se tama hakamaatua, ni masike no tuu imua te Kansol raa no vanaake ki naa tama laatou naa ki toa naa aposol raa no haia ki ttari mai i haho. 35Teenaa ki mee ake ia peelaa ki naa tama laatou i te Kansol, \"Kootou naa tama Israel nei. Poopoo tonu i te mee kootou e mee ki mee ki naa tama naa. 36Kootou e illoa maa naa setau koi peelaa raa e mee te tama, tana inoa ko Tiudas, ni sare ka meemee ki te henua maa ia se hakamau. Teelaa se haa naa rau naa taanata ni tautari atu ki te tama naa. Tevana iaa te tama naa ni taia no mate no masseu huri naa tama e tautari kiaa ia naa no seai hakaoti te kaavena naa. Teenaa mate iloo te vana te tama naa ni mee naa. 37Kimuri koi raa, i te ssao te henua ni hakatuutuu naa inoa laatou iloto te laupepa te kaaman raa, Judas, te tama haka Galilee raa ni hakasura iho no tautari atu hoki te lopo tama kiaa ia. Tevana iaa a ia hoki ni taia no mate, aa naa tama hakkaatoa ni tautari atu kiaa ia naa ni masseu huri hoki ki naa kina. 38Aa teenei e mee atu ai nau ki kootou. Kootou tiiake naa tama naa ki oo! Ki mee maa naa vana naa tama naa e hai raa e tautari koi ki te hakataakoto te tamavare te maarama nei raa, naa vana naa ma ki oo koi no seai. 39Tevana iaa ki mee maa teenaa ni vana e oomai i TeAtua raa, naa tama naa ma ki see lavaa kootou te puuia. Kootou ma ki kkite maa teelaa ko TeAtua raa e hetaa kootou!\"\nTeenaa te Kansol raa ni tuku ki naa taratara Gamaliel. 40Naa aposol raa ni hakaahea ake hoki naa hakamau raa ki hare no sarua, araa puuia iloo laatou naa tama naa ki seai iloo ki taratara iloto te inoa Jesus, teenaa tiiake iloo laatou naa aposol naa ka oo. 41Te saaita naa aposol naa ni uru ki haho, naa tama naa ni fiaffia iloo. I te aa i laatou e haia hakallikaina raa i laatou e tautari i Jesus. 42Aa i naa aso hakkaatoa raa, naa aposol raa ni akonaki ka hakaea peenaa te Lono Taukareka i Jesus te Mesaea raa iloto te Hare Tapu aa iloto naa hare te henua.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/5\/","date":"2018-09-24T12:37:04Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160400.74\/warc\/CC-MAIN-20180924110050-20180924130450-00269.warc.gz","language":"nho","language_score":1.0000063181,"language_script":"Latn","minhash_cluster_size":3,"top_langs":"{\"nho_Latn_score\": 1.0000063180923462}","num_words":1704,"character_repetition_ratio":0.072,"word_repetition_ratio":0.0,"special_characters_ratio":0.228,"stopwords_ratio":0.552,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"JOHN 12\nJesus e aamosia i Bethany\n1Naa aso e ono koi takkoto mai ki tae ki te aso te Kaikai te Pasova raa, Jesus ni hano ki Bethany, te kina Lazarus, ttama ni hakaoratia a Ia, e noho. 2Naa tama naa ni mee laatou kaikai maa Jesus. Martha e tattaa naa kaikai, aa Lazarus iaa e nnoho laatou ma Jesus i te kina e kaikkai. 3Teenaa ki too ake Mary tana kaakaa e taavi mmaha ka manoni kkona raa no aamosi naa tapuvae Jesus. Ki oti raa, hakapakupaku iloo ki ana lauru. Te sauna te kaakaa naa ni haimahi iloo vaaroto te hare naa.+ 4Te disaipol tokotasi, tana inoa ko Judas Iscariot, (teenaa ko te tama ma ki hakaari ake Jesus ki naa hakamau) ki mee ake, 5\"Te kaakaa manoni naa e tau te kauake ki naa tama haimane raa ki tauia ki naa sehua e toru naa siliva, aa ku vaevae naa mane naa ki naa tama e nnoho hakaaroha.\" 6A ia ni see mee te taratara nei maa i aa ia e aroha i naa tama e nnoho hakaaroha. Seai. A ia ni mee te taratara nei i aa ia se tama kailaarao. Naa mane laatou raa maraa e kailaaraotia a ia, i aa ia e roorosi te paeke mane laatou.\n7Teenaa ki mee ake Jesus, \"Tiiake te ffine naa ki taaohi tana kaakaa naa ki tae ki taku aso e tanumia. 8Naa tama hakaaroha raa ma ki nnoho ma kootou i te kau saaita. Nau iaa ma ki oti ku hakataha i kootou.\"+\nNaa Jew raa e fiffai ki taia laatou Lazarus ki mate\n9Tammaki naa Jew ni oo ake ki Bethany i laatou ni llono maa Jesus ku oti te tae ake ki te kina naa. Laatou ni see oo ake ma ki kkite koi laatou i Jesus. Laatou ni oo ake hoki ma ki kkite laatou i Lazarus, ttama ni llono laatou maa ni hakaoratia Jesus. 10Teenaa ki massike naa maatua hakamaatua raa no roorosi ki taia hoki laatou Lazarus. 11I te aa, teenaa ko naa taratara i Lazarus naa e ffuro ai te henua i laatou no illoa maa Jesus ko te Mesaea.\nJesus ku hanake ma se Tuku ki loto Jerusalem\n12I te ssoa te aso raa, te lopo tama ni oo ake ki te kaikai raa ni llono maa Jesus ku hanake ki Jerusalem. 13Teenaa ki too laatou naa laanui raa no oo atu ma laatou kiaa Ia ka tanitani varo peelaa, \"Hosana! TeAtua ki roorosi hakaraaoi ki Ttama nei, te Tuku naa tama Israel. A Ia e hakasura iho iloto te Inoa TeAtua!\"+\n14Jesus ni lave te donki raa no kake ki aruna. Teenaa ku hanotonu ma naa taratara te Laupepa Tapu e mee maa,\n15\"Naa tamalliki Zion, kootou see mattaku!+\nTe Tuku kootou raa ku sare iho i aruna te sukua donki.\"\n16Naa disaipol Jesus raa ni hakatuu nataa iloo i naa vana nei. Tevana iaa te saaita Jesus ni masike i te mate raa, laatou ni massaro maa te Laupepa Tapu raa e taratara i Jesus, i naa vana ni mee i laatou nei ku hakassura maaoni iaa Ia.\n17Naa tama ni ttaka ma Ia no kkite i tana vana ni mee ki Lazarus raa ni hakaea i te vana Jesus ni mee. 18Teenaa ko te vana te henua ni oo atu kiaa Ia, i te aa i laatou ni llono i naa mahi TeAtua ni hakasuratia a Ia nei. 19Naa Faarisi raa ki taratara soko laatou, \"Kootou mmata! Taatou ku seai iloo se ara e tonu. Naa tama hakkaatoa te maarama nei ku tautari kiaa ia!\"\nJesus e taratara i tana mate\n20Teelaa ni tama haka Greece e ttaka i naa tama ni oo ake no lotu i Jerusalem i te ssao te Kaikai. 21Laatou ni oo ake ki Philip, (teenaa se tama i Bethsaida iloto Galilee) no vanaake kiaa ia, \"Maatou e fiffai ki mmata maatou i Jesus.\"\n22Philip ni hano no toa a ia Andrew ka oo laaua no taratara ake ki Jesus. 23Teenaa ki mee ake Jesus, \"Ssao Ttama te Henua ni tukua ki hakanauria raa ku tae mai. 24Nau e taratara atu maaoni. Te hua laakau raa see lavaa te somo i tana saaita koi mata. Te hua laakau raa e tanumia iloto te kerekere raa ki para imua. Ki oti raa, te laakau hoou raa ku somo no ppesi ana hua e tammaki. 25Naa tama e kaimannako ki naa ora laatou raa ma ki see lavaa te taaohi naa ora laatou. Ttama see kaimanako ki tana ora raa iaa, a ia ma ki oti ku taka ma te ora e ora hakaoti.+ 26Ttama e hiihai maa ia ki heheuna i aa nau raa ki tautari mai kiaa nau. A ia ma ki nnoho maaua i taku kina e noho. Taku Tamana raa ma ki hakanau i naa tama e heheuna iaa nau.\"\n27Jesus ki mee ake hoki, \"Taku manava e sopo. Nau ka taratara peehea? Nau ki vanaake ki taku Tamana raa ki hakasaoria nau? Seai iloo! Nau e iloa maa nau ma ki oti ku hakallono isu. Teenei ko taku vana ni heunatia mai taku Tamana. 28Taku Tamana, hakasura mai naa mahi too Inoa.\"\nTeenaa ki taratara mai te reo raa i te lani, \"Nau ku oti te hakasura naa mahi taku Inoa. Teenei nau ku mee hoki ki hakasura naa mahi taku Inoa.\"\n29Naa tama ni ttuu i te kina naa ni llono hakkaatoa i te reo ni taratara mai i te lani. Aaraa tama ni ttau maa teelaa se hatturi e takattuu. Aaraa tama iaa ni mannatu maa teelaa se ensol e taratara ake ki Jesus.\n30Tevana iaa Jesus ni mee ake ki laatou, \"Te reo e taratara mai i te lani nei see mee ma ki lono nau, te reo naa e taratara mai ki llono kootou. 31Ssao TeAtua e hakatonutonu naa tama te maarama nei ku tae mai. Ssao te tuku te maarama nei ma ki kerekereia raa ku tae mai. 32Taku sao ma ki saaua ki aruna i te kerekere nei raa, nau ma ki hakakkutu mai te henua hakkaatoa kiaa nau.\" 33A Ia ni pesi tana taratara nei ki illoa naa tama te maarama nei i tana ara ma ki mate.\n34Teenaa ki mee ake naa tama naa, \"Naa Loo maatou raa e taratara mai maa te Mesaea raa ma ki ora hakaoti. Teenaa ni taratara peehea maa te Tama te Henua raa ma ki saaua ki aruna? Ko ai te tama e tarataraina koe ma ko te Tama te Henua?\"+\n35Jesus ki mee ake, \"Te maasina raa ma ki takoto tana tamaa saaita i kootou. Kootou mee naa heuna kootou i te saaita te maasina raa koi takoto, ki see taea kootou te ssao poouri. Naa tama e ttaka i te poouri raa see illoa naa kina laatou e oo. 36Ttaka i te maasina, i tana saaita koi takoto, ki mee kootou ma ni tama te maasina.\"\nNaa tama see illoa Jesus\nKimuri koi ana taratara nei, Jesus ni hano no mmuni i laatou. 37Niaaina maa Ia ni hakasura te lopo mahi TeAtua imua naa karamata laatou, naa tama naa ni see fiffai ki illoa laatou maa ia ko te Mesaea. 38Teenei e hanotonu ma naa taratara te pure TeAtua, Isaiah, ni mee imua. Teenaa ko te taratara e mee maa,\n\"Ko ai ttama ni hakannoo ki naa taratara maatou ni hakaea?\nNaa mahi TeAtua raa ni hakassura ki kkite ai?\"+\n39Laatou ni see lavaa te illoa iaa Ia, i te aa, i naa taratara Isaiah raa e mee maa,\n40\"Naa karamata laatou ni hakappunitia TeAtua ki see kkite laatou.+\nNaa mannatu laatou hoki ni puuia TeAtua ki see atammai laatou,\nki see ffuri laatou ki TeAtua ma ki haia laatou ki taukalleka.\"\n41Isaiah ni mee ana taratara nei i aa ia ni kite i naa mahi Jesus, teenaa ki taratara ia i naa tiputipu te Tama naa.\n42Maaoni iaa, e tammaki naa hakamau naa Jew ni illoa maa Jesus ko te Mesaea, tevana iaa laatou ni see taratara imua te henua, i te aa, i laatou e mattaku maa laatou ma ki puuia naa Faarisi raa i te hare lotu. 43Laatou ni kaimannako ki naa ahu naa tamavare. Laatou ni see kaimanakotia laatou naa ahu TeAtua.\nTe tiputipu te hakatonu TeAtua\n44Jesus ni taratara vaaruna peelaa ki laatou, \"Te tama e hakannoo kiaa nau raa, a ia see hakannoo koi kiaa nau soko nau. A ia e hakannoo hoki ki te Tama ni heuna ma ki au nau. 45Ttama e kite i aa nau raa, a ia e kite hoki i te Tama ni heuna ma ki au nau. 46Nau ni hakasura mai ki te maarama nei ma ko te maasina e lasi ki see nnoho peenaa naa tama e hakannoo ki aa nau raa iloto te poouri.\n47\"Naa tama e llono i aku taratara, aa see tautari kiaa nau raa, laatou ma ki see tuku haaeo ina a nau. I te aa, nau ni see au no tuku haaeo ki naa tama te maarama nei. Nau ni au no hakasao laatou. 48Naa tama see fiffai kiaa nau aa see hakannoo ki aku taratara raa ma ki mee te tama tokotasi ma ki hakatonutonu laatou. Aku taratara nei ma ki hakatonutonu laatou i te aso hakaoti. 49Teenei se vana maaoni. Teenei seai ni taratara aaku e mannatu. Teenei ni taratara e kaumai taku Tamana ki kauatu ki kootou. 50Nau e iloa maa te ora e ora hakaoti raa e takoto i naa taratara TeAtua. Aku taratara e kauatu nei ni taratara e kaumai te Tamana ki tarataraina.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/John\/12\/","date":"2018-09-20T20:40:00Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156613.38\/warc\/CC-MAIN-20180920195131-20180920215531-00485.warc.gz","language":"nho","language_score":1.0000048876,"language_script":"Latn","minhash_cluster_size":6,"top_langs":"{\"nho_Latn_score\": 1.0000048875808716}","num_words":1674,"character_repetition_ratio":0.057,"word_repetition_ratio":0.0,"special_characters_ratio":0.237,"stopwords_ratio":0.563,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ROME 11\nTe aroha TeAtua i te kanohenua Israel\n1Nau e vasiri peelaa: Te tino kanohenua TeAtua nei ku tiiake? Seai! Te kanohenua TeAtua nei see lavaa te tiiake! Kootou mmata mai iaa nau. Nau nei se tama haka Israel. Nau se mokopuna Abraham i te manava Benjamin.+ 2TeAtua ni see tiiake tana kanohenua ni hakamaatino mai iloo imua. Kootou e illoa i naa taratara mai Te Laupepa Tapu raa i te saaita Elijah ni tani ake ki TeAtua i naa vana hakallika te kanohenua Israel raa ni ppena. 3A ia ni tani ake peelaa, \"TeAriki, oo pure nei ku oti te taaia katoo laatou ka seua oo olta. Teenei ko nau soko nau koi noho. Nau nei ku seeia hoki laatou ki taia.\"+ 4TeAtua ni hakaahe ake peenei kiaa ia, \"Nau ku oti te taaohi aku tama e noto naa simata e hitu. Naa tama nei ni see lotu ki te aitu Baal.\"+\n5Ssao nei e takoto hoki peenaa. E mooisi koi naa tama ku nnoho ma te ora maaoni. Teenaa ko naa tama TeAtua ni hakamaatino i tana manava aroha i laatou. 6TeAtua e hiri koi ki te tama iaa Ia e manava aroha i te kau tama. A Ia see ttoka maa ni vana e taukalleka naa tama naa ni ppena. Seai. Ki mee a Ia ni ttoka ki naa vana laatou ni ppena raa, taana raa seai se manava aroha maaoni.\n7Taatou ku kkite maa naa tama i Israel raa ni see llave te mee laatou ni mmate hakaoti te ssee ma ki ttonu naa ora laatou imua TeAtua. Naa uruai tama TeAtua ni hiri raa ni ilotia laatou te mateara TeAtua e hiihai. Te mahi ana naa tama raa ni see hii hakannoo ki te hiihai TeAtua. 8Te Laupepa Tapu raa e mee maa, \"Naa manava laatou ma naa mannatu laatou ni hakapoouritia TeAtua. Kaamata mai imua no tae mai ki te ssao nei, laatou ku see kkite ka see llono hoki ki te kau mee TeAtua e hakassura.\"+ 9David ni mee ake ki TeAtua:\n\"Tiiake naa tama naa ki hakavaarea i naa kaikai laatou e llasi,\nki maaoha laatou ki laro aa ki lonollono raaoi laatou!\n10Hakapoouritia naa karamata laatou ki see kkite laatou,\nki lonollono raaoi i naa mmaha e nnoho ma laatou\ni naa saaita hakkaatoa.\"+\n11Nau ma ki vasiri peelaa: E aa? Naa Jew raa ni llave naa vae laatou no maaoha hakaoti ki laro? Seai iloo! TeAtua ni huri no hakasao hoki naa tama naa henua sara ki manava haaeo naa Jew raa i naa tama naa, i te aa, i naa Jew naa ni hakassara naa vana laatou. 12Naa tama naa henua sara raa ni ssura te kau mee e taukalleka, i naa Jew raa ni hakassara naa vana laatou imua naa karamata TeAtua. TeAtua ni huri no hookii te lopo mee e taukalleka ki naa tama naa henua sara, i naa Jew raa ni hakakkeeina laatou ana taratara. Ki mee naa Jew hakkaatoa ma ki ahe ki TeAtua, te henua ma ki tiputipu peehea i te lopo mee taukalleka TeAtua ma ki hookii ki naa Jew raa hakapaa ma naa tama te maarama nei?\nTeAtua e tokonaki ki naa tama naa henua sara\n13Teenei nau ku taratara atu ki kootou, naa tama naa henua sara. Teenei ko nau nei ni tukua ki heheuna ma se aposol kootou. Nau e hakanau i te taukareka aku heuna ni kaumai TeAtua nei. 14Nau e maanatu maa naa tama taku henua raa ma ki manava haaeo i aku heuna e mee nei. Nau e hiihai maa naa manava aaraa tama i laatou naa ki lavaa te hurisia i aku heuna e mee nei. 15I te saaita naa Jew raa ni hakakkeeina TeAtua raa, TeAtua ni hakappae ake naa tama naa henua sara raa kiaa Ia. Saaita naa Jew naa ma ki hakaahea ake TeAtua kiaa Ia raa, laatou ma ki mee pee ko naa tama e hakamassikeria i te mate.\n16Ki mee se vasi haraoa e tohia no kauake ki TeAtua, te haraoa naa hakkaatoa se haraoa TeAtua. Ki mee naa patiaka se laakau e hookina ki TeAtua, naa laa hoki te laakau naa ni laa TeAtua. 17Naa Jew raa e mee pee ko te laakau oliv ni toria hakaraaoi. Aaraa laa te laakau ni toria naa ni pakia no peesia, ki too atu naa laa te laakau te oliv e somovao raa no hakauu atu ki te laakau ni toria naa. Kootou, naa tama naa henua sara raa, e mee pee ko te laakau oliv e somovao. Saaita nei raa kootou e haimmahi ka llave i te lopo mee taukalleka pee ko naa Jew. 18Tevana iaa kootou ki see fiaffia maa naa Jew raa ku tiiake TeAtua pee ko naa laa e pakia no peesia. Peehea naa fiaffia kootou? Kootou ni laa koi. Naa laa te laakau raa see tauhia laatou naa patiaka raa ki mmau. Seai. Naa patiaka raa e taaohi naa laa te laakau raa ki mmau.\n19Kootou ma ki taratara peelaa, \"Maaoni, tevana iaa naa laa raa ni pakia no peesia ki suia maatou naa sao laatou.\" 20Teenaa se taratara maaoni. Laatou ni pakia no peesia i laatou ni see hakataakoto tonu i Christ. Kootou iaa e tauhia TeAtua i kootou e hakataakoto tonu i Christ. Teenei seai se mee ma ki ahu kootou; kootou ki mattaku i te mee nei. 21Kootou mannatu hakaraaoi iloo. TeAtua ni see aroha maa i laatou ni Jew, naa laa maaoni tana laakau ni tori. Ki mee a Ia ni see aroha i laatou raa, kootou e mannatu maa Ia ma ki lavaa te aroha vare i kootou? Seai iloo! 22Taatou nei ku kkite i naa tiputipu te manava TeAtua. A Ia e manava haaeo i naa tama ni ppena naa haisara laatou no maaoha ki laro, aa e manava laaoi ki naa tama pee ko kootou, ki mee kootou e taaohi ki tana tiputipu e hiihai. Tevana iaa ki mee kootou e hakassara ni vana maa kootou, kootou ma ki uhukkia hoki a Ia no peesia ki te vasi. 23I te vasi naa Jew raa, ki mee laatou ku ffuri naa manava laatou no hakataakoto tonu i Christ, laatou ma ki hakaahea mai TeAtua no hakanohoria hoki ki naa kina laatou ni tukua TeAtua imua, teenaa TeAtua e lavaa te mee peenaa. 24Kootou naa tama naa henua sara raa e mee pee ko naa laa e pakia i te laakau e ssomo vao no hakauutia ki naa laakau ni toria hakaraaoi. Naa Jew raa e mee pee ko te laakau ni toria hakaraaoi. Naa laa te laakau ni pakia raa ma ki hainauhie koi te hakaahea atu no hakauutia hoki ki te laakau naa, i teenaa ni tino laa te laakau naa.\nTe laaoi TeAtua i naa tama te maarama nei\n25Aku taaina. Nau e hiihai maa kootou ki illoa i te taratara maaoni nei. Teenei se taratara huu see ilotia te henua. Nau e kauatu te taratara nei ki see nnoho kootou ka taratara maa kootou e illoa i te kau vana. Naa Jew raa koi nnoho iloo see hakannoo ki naa taratara TeAtua. Te tiputipu naa ma ki takoto peenaa ki tae iloo ki te saaita e kaatoa ake naa tama naa henua sara raa no hakappae ake ki TeAtua. 26Te Laupepa Tapu raa e taratara peenei i te vana TeAtua ma ki mee ki hakasao te kanohenua Israel:\n\"Ttama ma ki tokonaki ki taatou raa ma ki hakasura iho i Zion\nno uiia naa haisara hakkaatoa naa tama i te manava Jacob.+\n27Teenei ko aku taratara hakamaatua ma ki tuku ma laatou\ni taku saaita ma ki uii naa haisara laatou.\"+\n28I te ara laatou ni see fiffai maa laatou e hakannoo ki te Lono Taukareka Christ raa, laatou ni hakataharia TeAtua i tana vasi. Teenei e sura ai te taukareka raa i kootou, naa tama naa henua sara. Tevana iaa TeAtua e llee koi tana manava i laatou, naa Jew, iaa Ia ni tuku tana taratara ma naa tippuna laatou imua. 29Saaita TeAtua e tini tana tama ma ki oti ku kauake ana lopo mee e taukalleka raa, a Ia ma ki see lavaa te huri hoki tana maanatu imuri. 30I te vasi kootou, naa tama naa henua sara raa, kootou ni see tautari ki naa taratara TeAtua raa imua. Kootou nei ku llave i te laaoi TeAtua, i naa Jew raa ku see hakannoo ki naa taratara TeAtua. 31Saaita nei naa Jew raa ku see llono taratara pee ko kootou imua. Teenaa te aroha TeAtua ni kauatu ki kootou raa ma ki oti ku kauake hoki ki naa Jew. 32TeAtua ni tiiake Ia naa tama te maarama nei ki see hakannoo ki ana taratara, ki lavaa Ia te hakasura tana manava aroha ki laatou hakkaatoa.\nTaatou ki hakanau i TeAtua\n33TeAtua see taea i ana hai mee taukalleka. A Ia hoki see taea i tana atamai ma tana iloa i te kau vana. Ko ai te tama ma ki iloa te tarataraina a ia naa vana TeAtua e maanatu ma ki mee? Ko ai te tama ma ki maasaro i ana sosorina?+ 34Te Laupepa Tapu raa e hakatuu mai peelaa:\n\"Ko ai ttama e iloa i te maanatu TeAriki?\nKo ai ttama e tau te akonaki ake kiaa Ia?+\n35Ko ai ttama ni hookii tana mee ki TeAtua\nma ki oti ku suia ake hoki?\"+\n36Naa mee hakkaatoa ni mee TeAtua ni penapena. Naa mee hakkaatoa e hakatahito iaa Ia. Taatou ki hakanau i te haimahi TeAtua i te kau saaita hakkaatoa! Amen.+\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/11\/","date":"2018-09-21T04:14:32Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156780.2\/warc\/CC-MAIN-20180921033529-20180921053929-00245.warc.gz","language":"nho","language_score":1.000007987,"language_script":"Latn","minhash_cluster_size":2,"top_langs":"{\"nho_Latn_score\": 1.0000079870224}","num_words":1667,"character_repetition_ratio":0.074,"word_repetition_ratio":0.002,"special_characters_ratio":0.227,"stopwords_ratio":0.563,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 18\nPaul i Korint\n1Ki oti raa masike iloo Paul i Athens no hano ki Korint. 2A ia ni hanatu no ttiri iloo i te Jew, tana inoa ko Aquila. Ttama naa se tama ni haanau i Pontus, aa see rooroa koi raa, a ia ni hanake ma tana aavana, Priscilla, i Italy. Teenaa i te tuku i Rome, Claudius, ni mee tana taratara maa naa Jew raa ki hakattaha hakkaatoa Rome. Paul ni hanatu no mmata iloo i laaua, 3teenaa noho iloo ia no heheuna hakapaa ma te hai aavana naa. Takarua naa ni tama e penapena naa tamaa hare kantis, e mee pee ko ia. 4Paul maraa e noho no akonaki naa Jew aa ma naa tama haka Greece raa iloto te hare lotu naa Jew raa i naa Sabat hakkaatoa.\n5I te saaita Silas laaua ma Timothy ni ttae ake i Masedonia raa, Paul ni see hai heuna sara hoki ni mee; a ia ni heheuna tonu koi te hakaea peenaa naa taratara TeAtua, ka taratara ake ki naa Jew raa maa Jesus ko te Mesaea. 6I tana saaita ni sahea naa tama naa no taratara hakallika laatou iaa ia raa, Paul ni tahitahi naa kerekere e mmau i ana hekau e hakao raa no mee ake ki laatou, \"Ki mee kootou e ssara, teenaa ni vana koi kootou e see soko kootou! Kootou see tuku mai naa sara naa kiaa nau. E kaamata i te saaita nei raa, nau ma ki hano ki naa tama i naa henua sara.\" 7Teenaa masike iloo Paul i te hare lotu raa no hano ki te hare te tama haka Greece, tana inoa ko Titius Justus. Titius se tama e lotu i TeAtua, aa tana hare raa e tuu taupiri ki te hare lotu naa Jew naa. 8Te tama hakamaatua i te hare lotu naa Jew naa, tana inoa ko Crispus, ni huri no lotu hakapaa katoo ma tana haanauna raa i TeAriki. Turaa tama hoki i Korint ni llono i naa taratara naa no lotu i TeAriki, teenaa naa tama naa katoo ni too te hakaukau tapu.\n9I te poo tokotasi raa, Paul ni hakakkiitea TeAtua tana vana, teenaa TeAriki ni tuu ake no taratara ake kiaa ia, \"Koe see mataku. Hakaea aku taratara raa ki llono te henua, koe see noho seemuu. 10I te aa, Nau e taka ma koe. Koe ma ki see lavaa te mee pakavaina ni tama, i aku tama e ttaka vaaroto te matakaaina nei e tammaki iloo.\" 11Teenaa noho iloo Paul tana setau ma naa marama e ono i te kina naa ka akonaki te henua i naa taratara TeAtua.\nPaul e tuu imua Galio\n12I te saaita Galio ni hakanohoria te kaaman Rome raa ma ko te tama hakamaatua i Greece raa, naa Jew i te kina naa ni oo hakapaa no tauhia laatou Paul ka taakina ki te koti. 13Naa tama naa ki mee ake ki Galio, \"Naa tama i te kina nei e usuusuhia ttama nei ki lotu laatou i TeAtua ma te tiputipu teelaa see tonu ma naa loo maatou!\"\n14Te saaita Paul ku kaamata ma ki taratara lokoi iaa, Galio ku tuutia a ia naa taratara Paul, no taratara ake ki naa Jew, \"Ki mee maa teenei se ssara iloo e lasi ni haia ttama nei raa, teenaa e tonu ma nau ki hakannoo ki kootou naa Jew. 15Aa i teenei ni tamaa heaatuna koi kootou e mee i naa taratara kootou, naa inoa kootou, aa i naa loo kootou raa, kootou soko kootou ki hakatonu te mee naa. Nau ma ki see hakatonutonu naa mee peenaa!\" 16Teenaa kerekereia iloo ia naa tama naa i te hare koti. 17Naa tama naa ni ffuri atu no tauhia iloo laatou Sostenis, te tama hakamaatua te hare lotu naa Jew, no taia imua te koti. Tevana iaa Galio ni seai iloo ki anaana atu ki naa vana naa tama naa e mee.\nPaul ku ahe ki Antiok\n18Paul ni noho ake ana aso iloo e tammaki ma naa tama te lotu raa i Korint. Araa tere iloo laatou ma Priscilla aa ko Aquila ki Senkria. I te saaita laatou seki tere raa, Paul ni tasi tana lauru no mmore, teenaa i aa ia e mee tana taratara ni tuku ma TeAtua.+ 19Naa tama naa ni tere no tae iloo ki Epises, teenaa Aquila ma Priscilla ni tiiake Paul i te kina naa. Paul ni masike no hano iloo ki te hare lotu naa Jew raa no noho ka hakaea ake naa taratara TeAtua raa ki naa Jew i te kina naa. 20Naa tama naa ni mee ake ki Paul ki noho ake hakamaarie ma laatou, araa nei Paul ni see hiihai. 21Tevana iaa Paul ni mee ake peelaa ki laatou, i te saaita naa tama naa ni hakataffuri ki oo, \"Ki mee maa TeAtua e hiihai, nau ma ki ahemai ki kootou.\" Araa kake iloo ia i te vaka raa i Epises no tere ki Sisaria.\n22I tana saaita ni tae ki Sisaria raa, a ia ni hano ki Jerusalem no mmata i naa tama te lotu i te kina naa, araa hakataka iloo no hano ki Antiok. 23Paul ni noho ake hakamaarie i Antiok, araa hano iloo vaaroto naa matakaaina Galesia ma Frigia no tokonaki naa taratara TeAtua raa ki naa tama te lotu i naa kina naa.\nApollos e hakaea naa taratara TeAtua i Epises ma Korint\n24I te saaita naa raa, te Jew tokotasi, tana inoa ko Apollos, ni hanake ki Epises. Ttama naa se tama ni haanau mai i Alexandria, aa a ia se tama e rakapau iloo i ana taratara aa e iloa hakaraaoi iloo i naa takkoto naa taratara te Laupepa Tapu. 25Ttama naa ni akoina hakaraaoi iloo i te Mateara TeAriki, aa e mattoni iloo i ana taratara ka hakaea i naa tiputipu Jesus ki aaraa tama. Tevana iaa te tama naa e iloa koi i te hakaukau tapu e haia John. 26Teenaa te tama naa ni kaamata no hakaea see kkapo i naa taratara TeAtua raa iloto te hare lotu naa Jew. Te saaita Priscilla laaua ma Aquila ni llono iaa ia raa, toa iloo laaua te tama naa ki te hare laaua raa no hakatonu ake hakaraaoi i naa tiputipu te Mateara TeAtua. 27Te saaita Apollos ni maanatu ma ki hano ia ki Greece raa, naa tama te lotu i Epises raa ni tokonaki kiaa ia ka sissii laatou pas, ka kaavea ki naa tama te lotu i Greece raa ki mmata ake hakaraaoi ki Apollos. Teenaa i tana saaita ni tae ki Greece raa, naa tama teelaa ni huria naa manava laatou te laaoi TeAtua no lotu raa, ni tokonakina hakaraaoi iloo a ia. 28I ana saaita e hakatauttau ma naa Jew imua te henua raa, naa tama naa maraa see ttae kiaa ia i tana llau te taratara, teenaa a ia maraa e ppau ake naa taratara te Laupepa Tapu raa ki illoa naa tama naa maa Jesus ko te Mesaea.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/18\/","date":"2018-09-19T16:31:41Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156252.62\/warc\/CC-MAIN-20180919161420-20180919181420-00357.warc.gz","language":"nho","language_score":1.0000007153,"language_script":"Latn","minhash_cluster_size":2,"top_langs":"{\"nho_Latn_score\": 1.0000007152557373}","num_words":1242,"character_repetition_ratio":0.074,"word_repetition_ratio":0.0,"special_characters_ratio":0.229,"stopwords_ratio":0.527,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 5:25\n25\"Ki mee maa koe e huutia se tama ki te koti i aa ia e mee tana roto iaa koe, koe ki mmata ki taratara hakaraaoi koorua imua, i koorua seki ttae are ki te hare koti. I te aa, i te saaita koi koorua ma ki ttae atu ki te hare koti raa, koe ma ki kauake te tama naa ki te hakamau e hakannoo ki naa koti. Teenaa te hakamau naa ma ki vanaake ki ana polis raa ki ponotia koe ki loto te hare karapusi.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/5\/25","date":"2018-09-20T11:25:00Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156460.64\/warc\/CC-MAIN-20180920101233-20180920121633-00317.warc.gz","language":"nho","language_score":0.5035334229,"language_script":"Latn","minhash_cluster_size":2,"top_langs":"{\"nho_Latn_score\": 0.5035334229469299, \"rar_Latn_score\": 0.29078713059425354, \"mri_Latn_score\": 0.0827592983841896, \"wls_Latn_score\": 0.027743062004446983, \"hif_Latn_score\": 0.019628722220659256, \"gil_Latn_score\": 0.010836216621100903}","num_words":170,"character_repetition_ratio":0.069,"word_repetition_ratio":0.0,"special_characters_ratio":0.21,"stopwords_ratio":0.282,"flagged_words_ratio":0.0,"lang_id_score":0.506,"perplexity_score":500.0,"cluster_detection":1} +{"text":"ACTS 28:23\n23Teenaa naa tama naa ni tuku laatou aso ki oo ake hoki laatou no mmata i Paul, aa i te aso naa raa te kooina naa tama ni oo ake ki te hare e noho ai Paul raa e tammaki iloo. Paul ni hakaea atu ki naa tama naa i naa tiputipu te Nohorana TeAtua, aa e akonaki ake i naa takkoto naa taratara i naa Loo Moses aa ma naa taratara naa pure TeAtua ni sissii imua, teenaa ki illoa hakaraaoi naa tama naa i Jesus Christ. Paul ni kaamata iloo i te tahaata no tae ki te laasuru i ana noho ka akonaki naa tama naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/28\/23","date":"2018-09-19T04:08:41Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155817.29\/warc\/CC-MAIN-20180919024323-20180919044323-00279.warc.gz","language":"nho","language_score":0.9695910811,"language_script":"Latn","minhash_cluster_size":2,"top_langs":"{\"nho_Latn_score\": 0.9695910811424255}","num_words":190,"character_repetition_ratio":0.077,"word_repetition_ratio":0.0,"special_characters_ratio":0.207,"stopwords_ratio":0.353,"flagged_words_ratio":0.0,"lang_id_score":0.954,"perplexity_score":500.0,"cluster_detection":1} +{"text":"LUKE 8:14\n14\"Naa hua ni maaoha vaaroto te vao tititai raa, teenaa ko naa tama ni llono i naa taratara TeAtua, tevana iaa naa tama naa ni hakaapiapi are ki naa vana te maarama nei, teenaa ko naa mannatu see ttonu laatou, naa hekau laatou, aa ma naa taffao laatou i te maarama nei. Naa tama naa see lavaa iloo te kkite ma ni tiputtipu e taukalleka e ssura i naa ora laatou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/8\/14","date":"2018-09-24T16:21:34Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160568.87\/warc\/CC-MAIN-20180924145620-20180924170020-00203.warc.gz","language":"nho","language_score":0.7470285296,"language_script":"Latn","minhash_cluster_size":2,"top_langs":"{\"nho_Latn_score\": 0.7470285296440125, \"rar_Latn_score\": 0.045520536601543427, \"guj_Latn_score\": 0.025224806740880013, \"sps_Latn_score\": 0.015479729510843754, \"hif_Latn_score\": 0.013685817830264568, \"gil_Latn_score\": 0.011241993866860867, \"wol_Latn_score\": 0.010825320146977901}","num_words":153,"character_repetition_ratio":0.071,"word_repetition_ratio":0.0,"special_characters_ratio":0.2,"stopwords_ratio":0.307,"flagged_words_ratio":0.0,"lang_id_score":0.704,"perplexity_score":500.0,"cluster_detection":1} +{"text":"ACTS 27\nPaul ku kake i te vaka raa no hano ki Rome\n1I te saaita te taratara raa ni kaumai maa maatou ki tere ki Italy raa, Paul ma aaraa karapusi ni tukua ki laro te roorosi te soldia hakamaatua tokotasi i te kaavena soldia naa Rome e ttapa ma ko \"Naa soldia te Tuku Hakamau Rome\". Te inoa te soldia naa ko Julius. 2Maatou ni kake i te vaka e au peelaa i te matakaaina Adramitium, teelaa e tuu ki ffana no hano ki naa matakaaina e ttuu vaatai i Asia, teenaa uhuki iloo maatou no tere. E mee te tama i te matakaaina Tesalonaika iloto Masedonia ni oo maatou hakapaa, tana inoa ko Aristarkus. 3Te ssoa te aso raa maatou ku ttae atu ki Saidon. Paul ni haia hakaraaoina iloo Julius, teenaa Paul ni tiiake ia ki hano no mmata i ana soa raa ki kauake ana mee e fiffai. 4Maatou ni uhuki i te henua naa no tere, araa nei te matani raa ni ppui mai imua, teenaa tere hakalluu iloo maatou i te vasi te henua e ttapa ma ko Cyprus. 5Maatou ni huri no tere iloo i te moana vvare no hanake vaatua Silisia ma Pamfilia no tae atu iloo ki Maira iloto Lisia. 6I te matakaaina naa raa, Julius ni lave i te vaka e hanake i Alexandria teelaa e tuu ki hano ki Italy, teenaa hakkakea iloo ia maatou i te vaka naa.\n7Maatou ni tere hakassoro koi i te matani raa e kkapi, teenaa no llaka iloo naa aso raa, maatou ku saaita atu ki te matakaaina Naidus. Tevana iaa, i te matani raa koi ppui mai imua raa, maatou ni see lavaa te hanatu i te mataavaka maatou naa. Teenaa ki taa maatou no tere hakalluu ake i te henua e ttapa ma ko Crete. Maatou ni tere no hakaraka iloo i te usuana te henua naa e ttapa ma ko te Usuana Salmone. 8Maatou ni tere hakappae vaauta no tere hakassoro atu no tae iloo ki te koopana e ttapa ma ko te Koopana e Lluu, see mmao ki Lasea.\n9Maatou ni tuu rooroa iloo i te kina naa, no tae iloo ki te ssao ku hakappore te ffuro i naa vaka i te moana, i te aa i te ssao naa Jew maraa e hakapakuu see kkai raa+ ku laka. Teenaa Paul ni huri ake ki naa tama raa no taratara ake peelaa, 10\"Kootou naa taanata nei. Nau e kite maa te horau taatou nei ma ki hakappore iloo; te vaka taatou nei ma ki seua ma tana kako, aa taatou hoki e lavaa te mmate.\" 11Tevana iaa te soldia hakamaatua e ttaka maatou raa ni hakannoo are ki te ariki te vaka laaua ma te tama e mee tana vaka naa; a ia ni see hakannoo ki naa taratara Paul. 12Te koopana e tuu maatou naa see lluu i te ssao te matani raa e oko mai i te anake no peau te moana, teenaa te mahi ana naa tama i te vaka raa ni fiffai maa maatou ki tere ki tae maatou ki Finiks, ki lavaa maatou te hakalluu i te kina naa i te saaita te matani raa e oko. I te aa, i te koopana Finiks raa e tuu ka huri ki te laki haka kkipu ma te laki haka tokorau.\nTe lani i te moana\n13I te saaita te matani raa ni kaamata te aniani mai maarie i te kipu raa, naa taanata raa ni mannatu maa te mee raa ma ki taukareka koi, teenaa ffuti iloo laatou te taura te vaka raa no tere hakappae lokoi maatou vaauta te henua naa. 14Maatou ni see tere hakammao, teenaa te matani e lasi raa ku kaamata te oko mai i tokorau vaaruna te henua. 15Te vaka maatou raa ni pakuutia te matani e lasi naa no hainattaa iloo maatou te hakatuu atu ki te matani, teenaa tiiake iloo maatou ki hano ma te matani. 16Maatou ni lluu ake hakamaarie i te saaita maatou ni hakaraka i te vasi haka kkipu te tamaa henua e ttapa ma ko Kauda. Teenaa ki lavaa ai maatou te saisaitia maatou te tamaa poti te vaka, teelaa e hakattaki mai vaamuri raa, no mmau. 17Ki oti raa huutia ake iloo laatou te poti naa ki aruna te vaka raa no saisaitia ki te ttino te vaka. Teenaa pesi iloo laatou taura no hakattaki vaamuri ki see vave tahea te vaka, i laatou e mattaku maa te vaka raa ma ki kasa no kkapi i naa lautuone i tai te matakaaina Libya. 18I telaa aso raa, maatou koi hano ma naa haaeo naa, teenaa ffuri iloo naa tama te vaka naa no taua naa kako te vaka raa ki te moana. 19Aa i te ttoru naa aso raa, aaraa hekau te vaka raa ni tauatia naa tama te vaka raa ki te moana. 20I naa aso iloo e tammaki raa, maatou ni see kkite i te laa ma naa hetuu, aa te matani raa ni oko haimahi iloo. Teenaa maatou ni mannatu maa maatou ma ki see lavaa te ora.\n21Naa tama i aruna te vaka naa ni mmoe koi peenaa see lavaa te kkai, teenaa ki masike atu Paul no tuu imua laatou no mee ake, \"Ki mee maa kootou ni hakannoo kiaa nau ki see ffana taatou i Crete raa, taatou ni see llave are i naa haaeo nei. 22Tevana iaa teenei nau ku mee atu ki kootou. Kootou see mattaku! See hai tama i kootou ma ki mmate; te vaka nei koi ma ki seua. 23I te poo raa, te ensol te Atua teelaa e lotu ai nau nei ni hakasura mai kiaa nau no mee mai: 24'Paul koe see mataku. Koe ma ki tuu imua te Tuku Rome. Naa tama e oo hakapaa kootou i te vaka nei e hakassaoria TeAtua i aa Ia e aroha iaa koe.' 25Teenaa kootou naa taanata nei. Kootou ki see mattaku. Nau e iloa maa taatou ma ki hakassaoria pee ko naa taratara mai TeAtua kiaa nau. 26Tevana iaa taatou ma ki kake ki aruna se tamaa henua.\"\n27I te sinahuru maa haa naa poo maatou raa, maatou koi tahea peenaa vaaroto te moana poouri, teenaa ki tae i te tuaapoo raa, naa tama e heheuna i te vaka raa ni sano koi maa maatou ku taupiri ki naa henua. 28Teenaa hakatere iloo laatou uka ki illoa laatou i te ffonu te kina naa. Naa tama naa ni haaite raa nei, te ffonu raa e tae ki naa sekumi e lua; aa see rooroa hoki raa, laatou ni haaite hoki no illoa maa te kina raa ku mmasa iaa, teenaa ku lava i te sekumi aa ma naa roha e rima. 29Naa tama naa ni mattaku, ma ki oti te vaka raa ku kasa i aruna naa akau. Teenaa pesi iloo naa taura e haa imuri vaka no nnoho laatou no taku ki vave maarama te henua.\n30Naa tama e heheuna i te vaka naa ni mee ma ki fforu mmuni laatou no hakattaha i te vaka; laatou ni hakatere te poti raa ki laro no mee iloo maa laatou e mee ki pesi naa taura i te mataavaka te vaka. 31Teenaa ki mee ake Paul ki naa soldia raa ma te soldia hakamaatua i laatou, \"Ki mee maa naa tama naa see nnoho iloto te vaka nei, see hai tama i kootou ma ki oti ku sao.\" 32Teenaa ffuri iloo naa soldia raa no tuutia naa maea raa no tiiake te poti raa ka tahea.\n33Saaita te mee raa ku mee koi ki maarama raa, Paul ku vanaake ki naa tama naa hakkaatoa ki kkai ni kaikai maa laatou: \"Teenei ni aso iloo ku sinahuru maa haa, aa kootou nei ni seai iloo ki kkai ni kaikai maa kootou. 34Nau e vanaatu ki kootou. Kootou kkai ni mee maa kootou ki taaohi naa manava kootou. See hai tama i kootou ma ki mmate.\" 35I tana saaita ni oti te taratara ake raa, a ia ki too naa haraoa raa no lotu ki TeAtua imua naa tama naa, teenaa ttohi iloo te haraoa raa no kai. 36Naa manava naa tama naa ni taukalleka, teenaa nnoho iloo laatou hakkaatoa no kkai. 37Te kooina katoo naa tama i aruna te vaka naa e tae ki te rua rau maa te tino hitu aa te takaono. 38Te saaita naa tama naa ni oti katoo te kkai no pposu raa, laatou ni ffuri no taua naa paeke haraoa raa ki loto te moana ki hakarana te vaka.\nTe vaka raa ku seua naa peau\n39I te tahaata raa naa tama i te vaka raa ni see mmate i te henua e tuu ake, tevana iaa laatou e kkite maa teelaa se koopana e mee tana kerekere makkini. Teenaa taratara iloo naa tama naa ki terekina te vaka raa no hakkaakea i te koopana naa. 40Naa tama naa ni ffuri no tuutia iloo laatou naa taura te vaka raa ka tiiake ka mmoe iloto te moana, araa veetea iloo laatou naa maea e nnoa ki naa hoe te vaka. Ki oti raa hakamasike iloo te tamaa puukei i te mataavaka raa ki hakaraaua te vaka raa kimua, teenaa irihia atu iloo maatou ki uta. 41Tevana iaa te vaka maatou naa ni hano no kake iloo i te lautuone, teenaa te mataavaka te vaka naa ni uru atu ki loto te kerekere raa no mmau hakaoti, aa te murivaka raa iaa ni seua naa peau e llasi raa no maseu.\n42Naa soldia raa ni mannatu ma ki taaia laatou naa karapusi raa ki mmate, ki see kkau naa karapusi raa ki uta no ffuro. 43Tevana iaa te soldia hakamaatua naa soldia naa ni see hiihai maa Paul ki taia, teenaa tuukia iloo ia naa soldia raa ki see taaia naa karapusi. A ia ni vanaake maa naa tama e lavaa te kkau raa ki ssopo no kkau ki uta imua. 44Aa aaraa tama iaa ki hakarana ki naa murihono te vaka raa no kkau ki uta imuri. Teenaa maatou hakkaatoa ni ttae hakaraaoi iloo ki uta.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/27\/","date":"2018-09-23T08:27:52Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159165.63\/warc\/CC-MAIN-20180923075529-20180923095929-00167.warc.gz","language":"nho","language_score":1.0000063181,"language_script":"Latn","minhash_cluster_size":2,"top_langs":"{\"nho_Latn_score\": 1.0000063180923462}","num_words":1760,"character_repetition_ratio":0.066,"word_repetition_ratio":0.0,"special_characters_ratio":0.232,"stopwords_ratio":0.522,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ROME 4:16\n16Taatou nei ku illoa maa naa taratara hakamaatua TeAtua ni tuku imua raa ma ki ttino i naa lotu taatou i TeAtua. Teenei te hakailona taatou i te laaoi TeAtua e hookii vare ki Abraham ma tana haanauna. See mee ma ko naa tama koi e tautari ki naa Loo. Naa tama hakkaatoa e lotu pee ko Abraham raa ma ki nnoho ma te laaoi TeAtua e hookii nei, i te aa i Abraham ku mee ma ko laatou tamana, i te vasi te lotu.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/4\/16","date":"2018-09-20T11:04:14Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156460.64\/warc\/CC-MAIN-20180920101233-20180920121633-00330.warc.gz","language":"nho","language_score":0.7962730527,"language_script":"Latn","minhash_cluster_size":2,"top_langs":"{\"nho_Latn_score\": 0.7962730526924133, \"rar_Latn_score\": 0.10312638431787491, \"wls_Latn_score\": 0.02066142112016678, \"sps_Latn_score\": 0.010389739647507668}","num_words":167,"character_repetition_ratio":0.068,"word_repetition_ratio":0.0,"special_characters_ratio":0.203,"stopwords_ratio":0.323,"flagged_words_ratio":0.0,"lang_id_score":0.729,"perplexity_score":500.0,"cluster_detection":1} +{"text":"MATTHEW 11:7\n7Saaita naa tama ni heunatia ake John ni ahe raa, Jesus ni huri no taratara ake ki te kuturana tama raa i naa tiputipu John: \"Te saaita kootou ni oo ki John iloto mouku, kootou ni mannatu ma se tama peehea raa e oo kootou no mmata? Kootou ni mannatu maa kootou ma ki kkite ma se tama e matanaenae, e mee pee ko naa tuu te vvee ka aania huri te matani?\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/11\/7","date":"2018-09-26T07:19:59Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267163704.93\/warc\/CC-MAIN-20180926061824-20180926082224-00024.warc.gz","language":"nho","language_score":0.4432340562,"language_script":"Latn","minhash_cluster_size":4,"top_langs":"{\"nho_Latn_score\": 0.44323405623435974, \"rar_Latn_score\": 0.19648477435112, \"gil_Latn_score\": 0.02960546314716339, \"wls_Latn_score\": 0.02907145768404007, \"yor_Latn_score\": 0.01594841480255127, \"mri_Latn_score\": 0.015734359622001648, \"wol_Latn_score\": 0.012668011710047722, \"hif_Latn_score\": 0.012564340606331825, \"ekk_Latn_score\": 0.01176515407860279, \"niu_Latn_score\": 0.01153279934078455, \"swh_Latn_score\": 0.010770238004624844}","num_words":155,"character_repetition_ratio":0.071,"word_repetition_ratio":0.0,"special_characters_ratio":0.201,"stopwords_ratio":0.277,"flagged_words_ratio":0.0,"lang_id_score":0.385,"perplexity_score":500.0,"cluster_detection":1} +{"text":"ACTS 21:5\n5Te saaita te ssao maatou ki oo ku tae raa, maatou ni massike no oo ki te vaka raa i tai. Naa taanata te lotu naa ma naa aavana laatou aa ma naa tamalliki laatou raa ni oo hakapaa ma maatou ki tai. Maatou ni oo no ttuu iloo ki naa turi maatou i te kerekere i tai raa no taku ki TeAtua.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/21\/5","date":"2018-09-25T19:17:18Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267162385.83\/warc\/CC-MAIN-20180925182856-20180925203256-00392.warc.gz","language":"nho","language_score":0.4337710738,"language_script":"Latn","minhash_cluster_size":2,"top_langs":"{\"nho_Latn_score\": 0.4337710738182068, \"rar_Latn_score\": 0.33782410621643066, \"wls_Latn_score\": 0.023213179782032967, \"sps_Latn_score\": 0.014476480893790722, \"ekk_Latn_score\": 0.014201666228473186, \"hif_Latn_score\": 0.01384105533361435, \"gil_Latn_score\": 0.01283326931297779, \"wol_Latn_score\": 0.011343322694301605, \"fin_Latn_score\": 0.010095004923641682}","num_words":145,"character_repetition_ratio":0.075,"word_repetition_ratio":0.0,"special_characters_ratio":0.202,"stopwords_ratio":0.248,"flagged_words_ratio":0.0,"lang_id_score":0.407,"perplexity_score":500.0,"cluster_detection":1} +{"text":"ACTS 20:9\n9Te taupeara tokotasi, tana inoa ko Iutikus, e noho mai i te tamaa tootoka e hakahotu hakavasi raa no hakannoo ki naa taratara Paul. Naa taratara Paul raa ni taki iloo ka hano, teenaa te taupeara naa ni laavea te turemoe no moe iloo mannuu. Maatou ni tteki koi i aa ia ku leiho no pakuu ki te kerekere i laro. Te saaita naa tama raa ni oo atu no saaua ake ia raa, te tama raa ku mate.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/20\/9","date":"2018-09-24T21:47:58Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160754.91\/warc\/CC-MAIN-20180924205029-20180924225429-00555.warc.gz","language":"nho","language_score":0.6176089644,"language_script":"Latn","minhash_cluster_size":2,"top_langs":"{\"nho_Latn_score\": 0.6176089644432068, \"rar_Latn_score\": 0.15761709213256836, \"wls_Latn_score\": 0.02759215421974659, \"mri_Latn_score\": 0.025104902684688568, \"gil_Latn_score\": 0.017363859340548515}","num_words":161,"character_repetition_ratio":0.069,"word_repetition_ratio":0.0,"special_characters_ratio":0.202,"stopwords_ratio":0.267,"flagged_words_ratio":0.0,"lang_id_score":0.637,"perplexity_score":500.0,"cluster_detection":1} +{"text":"ACTS 23:21\n21Tevana iaa koe see hakannoo ki naa tama naa. Teelaa se tino haa taanata raa ma ki taaria laatou te tama naa ki osohia no taia. Naa tama naa ku oti te tuku laatou taratara imua TeAtua maa laatou ma ki see lavaa te kkai, ki tae iloo ki te saaita Paul ku lavaa te taia laatou ki mate. Naa tama naa ku nnoho i te saaita nei ki mee laatou vana naa, aa naa tama naa e nnoho koi ka ttari ki too taratara ma ki kauake.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/23\/21","date":"2018-09-25T22:48:24Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267162563.97\/warc\/CC-MAIN-20180925222545-20180926002945-00282.warc.gz","language":"nho","language_score":0.9289895296,"language_script":"Latn","minhash_cluster_size":2,"top_langs":"{\"nho_Latn_score\": 0.9289895296096802, \"rar_Latn_score\": 0.02535811811685562}","num_words":170,"character_repetition_ratio":0.074,"word_repetition_ratio":0.0,"special_characters_ratio":0.206,"stopwords_ratio":0.324,"flagged_words_ratio":0.0,"lang_id_score":0.924,"perplexity_score":500.0,"cluster_detection":1} +{"text":"MATTHEW 13:44\nNaa parapol e hakailoa te Nohorana te Lani\n44\"Te Nohorana te Lani raa e mee ma ni mee e taukalleka e laavea e mmoe ka ttanu iloto te kerekere. Te saaita naa mee naa ni laavea te tama tokotasi raa, naa mee naa ni tanumia hoki a ia. Te tama naa ni hiahia iloo, teenaa hano iloo ia no too hakkaatoa ana hekau raa no kauake ki tauia aaraa tama, araa ahe iloo te tama naa no tauia te kerekere e takkoto ai ana mee ni llave naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/13\/44","date":"2018-09-20T05:17:45Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156416.22\/warc\/CC-MAIN-20180920041337-20180920061337-00045.warc.gz","language":"nho","language_score":0.7460805774,"language_script":"Latn","minhash_cluster_size":2,"top_langs":"{\"nho_Latn_score\": 0.7460805773735046, \"rar_Latn_score\": 0.045462604612112045, \"wls_Latn_score\": 0.03452835604548454, \"gil_Latn_score\": 0.015247349627315998, \"tah_Latn_score\": 0.014377288520336151, \"sps_Latn_score\": 0.013369270600378513}","num_words":170,"character_repetition_ratio":0.068,"word_repetition_ratio":0.0,"special_characters_ratio":0.204,"stopwords_ratio":0.288,"flagged_words_ratio":0.0,"lang_id_score":0.777,"perplexity_score":500.0,"cluster_detection":1} +{"text":"ACTS 19:9\n9Tevana iaa aaraa tama i naa Jew naa ni llono nataa iloo ka see lavaa te hakannoo no lotu i TeAtua; naa tama naa ni massike iloo imua naa tama i te kina naa no taratara hakallika i te Mateara TeAriki. Teenaa masike iloo Paul no too naa tama e lotu raa no oo laatou, aa i te kau aso raa, Paul e noho ma naa tama naa i te hare akonaki i Tiranus raa no hakaea naa taratara TeAtua.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/19\/9","date":"2018-09-24T19:52:22Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160641.81\/warc\/CC-MAIN-20180924185233-20180924205633-00133.warc.gz","language":"nho","language_score":0.8379388452,"language_script":"Latn","minhash_cluster_size":2,"top_langs":"{\"nho_Latn_score\": 0.8379388451576233, \"rar_Latn_score\": 0.028733689337968826, \"sps_Latn_score\": 0.01505719218403101}","num_words":162,"character_repetition_ratio":0.072,"word_repetition_ratio":0.0,"special_characters_ratio":0.202,"stopwords_ratio":0.296,"flagged_words_ratio":0.0,"lang_id_score":0.759,"perplexity_score":500.0,"cluster_detection":1} +{"text":"MARK 13:34\n34E mee pee ko naa masike te hakamau i tana henua no hano ki telaa henua, ka tiiake ana poe raa ki mmata ake ki tana hare. Teenaa naa poe raa e mattino naa heuna laatou e kauake te hakamau laatou naa ki mee, aa te poe e roorosi i te tootoka raa ni hai ake te hakamau raa ki noho lokoi ka roorosi i te tootoka.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/13\/34","date":"2018-09-19T21:27:23Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156305.13\/warc\/CC-MAIN-20180919200547-20180919220547-00295.warc.gz","language":"nho","language_score":0.4490596056,"language_script":"Latn","minhash_cluster_size":2,"top_langs":"{\"nho_Latn_score\": 0.4490596055984497, \"rar_Latn_score\": 0.10323617607355118, \"wls_Latn_score\": 0.0865718200802803, \"hif_Latn_score\": 0.04342283681035042, \"mri_Latn_score\": 0.03932647779583931, \"pcm_Latn_score\": 0.021106941625475883, \"ekk_Latn_score\": 0.010787800885736942, \"eng_Latn_score\": 0.010148190893232822}","num_words":149,"character_repetition_ratio":0.079,"word_repetition_ratio":0.0,"special_characters_ratio":0.203,"stopwords_ratio":0.248,"flagged_words_ratio":0.0,"lang_id_score":0.418,"perplexity_score":500.0,"cluster_detection":1} +{"text":"MARK 4\nTe parapol i te tama e pesipesi naa hua laakau\n1Jesus ni kaamata hoki te akonaki te henua vaatai te Namo Galilee. Te kuturana tama ni kkutu atu ki hakannoo kiaa Ia raa ni lasi iloo, teenaa kake iloo Ia no noho iloto te poti tokotasi ka aro no taura i tai. Te henua iaa e nnoho ake i uta, i te manumanu ttai.+ 2Jesus ni akonaki ake te kau mee hakkaatoa ka taratara ki naa parapol, teenaa e taratara ake peelaa ki naa tama naa:\n3\"Hakannoo mai. Teelaa se tama ni hano no pesipesi naa hua wit raa ki somo i tana verena. 4I tana saaita ni pesipesi ana hua vaaroto te verena raa, e mee naa hua wit ni maaoha vaaruna te saarena, ka llee ake naa manu raa no kaina. 5Aaraa hua ni maaoha ki aruna te korohatu, i te kina see hai pela maaoni. Naa hua wit naa ni mattiri vave lokoi, i te pela raa see lasi. 6Teenaa te saaita te laa ni tii raa, naa wit ni mattiri ake raa ni tuunia ka mmate, i naa patiaka laatou ni see ttae ki laro. 7Aaraa hua ni maaoha vaaroto te vao tititai, aa i te saaita naa wit naa ni ssomo raa, naa wit naa ni torohia koi naa tititai naa no see ffua. 8Aaraa hua iaa ni maaoha ki aruna te pela e taukareka. Naa wit naa ni ssomo hakaraaoi iloo no ppesi naa kaikai laatou; aaraa wit e ppesi tiki matatoru, aaraa wit e ppesi te mataono, aa aaraa wit e ppesi te lau naa hua.\"\n9Jesus ki hakaoti atu ana taratara peelaa, \"Ki mee maa kootou e fiffai ki illoa kootou, kootou ku hakannoo mai.\"\nTe hakataakoto naa parapol\n10Te saaita naa tama raa ni masseu ka noho Jesus soko ia raa, e mee aaraa tama i naa tama ni hakannoo kiaa Ia naa ni oo ake ma te taka sinahuru maa te takarua disaipol raa no mee ake ki Jesus ki hakaari ake te hakataakoto ana parapol ni kauake ki laatou. 11Teenaa ki mee ake Jesus, \"Naa vana huu i te Nohorana TeAtua raa, teenei ni kauatu nau ki kootou. Aa ki naa tama teelaa see ttaka mai ki taatou raa iaa, laatou ma ki too naa taratara nei maa ni parapol. 12Teenaa,\n'Niaaina maa naa tama naa e tokatoka ma ki kkite laatou, laatou ma ki see kkite.\nNiaaina maa naa tama naa e hakannoo ma ki llono laatou, laatou ma ki see massaro.\nI te aa, ki mee maa naa tama naa ni illoa no ffuri naa manava laatou ki TeAtua,\nTeAtua ni aroha i laatou no uiia naa haisara laatou.'\"+\nJesus e hakailoa ake te hakataakoto te parapol te tama e pesipesi naa hua laakau.\n13Teenaa ki vasiri ake Jesus ki laatou, \"Ki mee kootou see illoa i te hakataakoto te parapol nei, kootou ma ki ilotia peehea kootou te hakataakoto aaraa parapol? 14Ttama ni pesipesi naa hua raa e mee maa ko te tama e sare taratara i naa taratara TeAtua. 15Naa hua laakau e maaoha vaaruna te saarena raa, e mee ma ko naa tama e llono i naa taratara TeAtua, araa nei Satan ku hanake no huutia naa taratara naa ki see takkoto iloto naa manava laatou. 16Naa hua e maaoha vaaruna te korohatu raa, e mee ma ko naa tama ni fiaffia lokoi i te saaita laatou ni llono i naa taratara TeAtua. 17Araa nei naa taratara naa ni see tauhia laatou ki takkoto iloto naa manava laatou. Naa tama naa ni lotu i te tamaa saaita koi, aa i te saaita naa haaeo raa ni pakkuu ake, i laatou e ttaka ma naa taratara naa raa, naa taratara TeAtua naa ni tiiake koi laatou. 18Naa hua ni maaoha vaaroto te vao tititai raa, e mee ma ko naa tama e llono i naa taratara TeAtua, 19tevana iaa naa tama naa ni hakaapiapi are i naa mannatu laatou ki naa vana te maarama nei, teenaa ko naa kaimannako laatou ma ki haimane laatou, aa ma aaraa vana te maarama nei teelaa e oti manava ai laatou. Teenaa ko naa mannatu naa teelaa see mau ai naa taratara TeAtua raa iloto naa manava laatou. Naa tama peenaa ma ki hainattaa iloo te kkite maa ni tiputtipu e taukalleka e ssura i naa ora laatou. 20Naa hua e maaoha i te pela e taukareka raa iaa, e mee ma ko naa tama e llono naa taratara TeAtua no tauhia laatou ki takkoto iloto naa manava laatou, ka ssura naa tiputtipu e taukalleka raa i naa ora laatou. Teenaa e mee pee ko te tama e tori ana hua laakau raa no ssomo ka ppesi te lopo kaikai; naa laakau e ppesi tiki matatoru, naa laakau tiki mataono, aa naa laakau e taa te lau i ana kaikai.\"\nTe lamu e uhi ki te kamete\n21Jesus ku ttao atu hoki, \"E aa? E hai tama e hakaura tana lamu no uhi ki se kamete, seai ma e hakalluu ki laro se ssoa? Seai iloo! Ttama raa e hakatuu te lamu raa ki aruna te aruna, ki too te maasina te lamu naa iloto te hare.+ 22Teenaa, i naa vana huu hakkaatoa ma ki oti ku ilotia, aa naa vana e ttanu raa ma ki oti ku laavea no hakassuratia ki te maarama.+ 23Ki mee maa kootou e fiffai ki illoa kootou, kootou ku hakannoo mai.\"\n24A Ia ni vanaake hoki peelaa, \"Kootou hakannoo hakaraaoi iloo ki naa taratara kootou e llono! Te ara kootou e ffuri no hakatonutonu aaraa tama raa, teenaa TeAtua ma ki hakatonutonu kootou i te ara naa hoki, tevana iaa tana vana ma ki mee ki kootou naa ma ki ttoe iaa.+ 25Naa tama ni kauake naa mee laatou TeAtua raa, TeAtua ma ki kauake hoki aaraa mee, aa naa tama seai naa mee laatou ni kauake TeAtua raa iaa, naa tamaa mee e nnoho ma laatou naa ma ki toa i laatou.\"+\nTe parapol te hua laakau e somo\n26Jesus ku taratara ake hoki, \"Te Nohorana TeAtua e mee peenei. Te tanata raa e pesipesi naa hua wit raa iloto tana verena. 27A ia e moe i naa poo, aa i te ao ku masike no sasare. I te saaita naa, ana wit raa e mattiri soko laatou ka ssomo. Tevana iaa te tanata raa see iloa maa naa wit raa e ssomo peehea. 28Teelaa ko te pela raa e mee naa wit raa ki ssomo no ffua; te mee mua e matiri ake raa, teenaa ko te hua laakau, ki oti raa naa taume raa ku vvoro, aa i te saaita naa taume raa ku maffaa raa, teenaa naa wit raa ku ppesi naa kaikai laatou. 29Saaita naa wit raa e ttae ttae raa, te tanata raa ku kaamata te taa naa wit raa ki tana paraamoa, e mee te vasi naa wit raa ku tae mai.\"+\nTe parapol te hua te laakau e ttapa ma se mastat\n30Jesus ki mee ake hoki, \"Taatou ki taratara maa te Nohorana TeAtua raa e mee peehea? Se parapol peehea taatou ki hakaea ki illoa hakaraaoi kootou? 31Te Nohorana TeAtua raa e mee ma ko te hua te laakau e ttapa ma se mastat, teenaa ko te hua laakau e punaamea hakaoti i naa hua hakkaatoa. Teenaa te tanata raa e too te hua laakau naa no tori iloto tana verena. 32Te hua laakau naa ku somo ake no lasi hakamataku iloo, see hai laakau e tae ki te lasi te laakau naa. Teenaa te laakau naa ku vvoro ana hui laa e llasi ka llee ake naa manu raa no takitaki naa ohana laatou i te maru te laakau naa.\"\n33Jesus ni taratara ki te lopo parapol peenei i tana saaita ni hakaea naa taratara TeAtua raa ki naa tama; a Ia ni kauake te kau taratara ki mallama naa pisouru naa tama naa. 34I tana saaita e taratara ki naa tama raa, a Ia maraa e taratara lokoi ki naa parapol. Aa i naa saaita laatou ma ana disaipol raa e nnoho soko laatou raa, a Ia maraa e kauake te hakataakoto naa parapol raa ki ana disaipol.\nJesus e haia a ia te lani raa no lauhie\n35I te laasuru te aso naa raa, Jesus ni mee ake ki ana disaipol, \"Taatou ki oo no tere ki telaa vasi te namo.\" 36Teenaa tiiake iloo laatou te kuturana naa ka oo naa disaipol raa no kkake ki te poti e noho ai Jesus raa ka tere laatou. E mee hoki aaraa poti ni tauttau i tai naa. 37See rooroa raa te lani e lasi raa ku pakuu ki laatou, teenaa te poti laatou naa ku kaakea naa peau ka utuhia te poti laatou naa. 38I te saaita naa, Jesus e moe ka llano ki tana llano raa i te murivaka imuri. Teenaa ffuri atu iloo ana disaipol raa no haarona: \"Tisa nei, koe see anaana peehea maa taatou ku mee ki mallemo!\"\n39Jesus ni masike no varo iloo ki te matani ma naa peau, \"Marino iho!\" Teenaa tuku iho iloo te matani raa ka marino kkii te moana. 40Jesus ki huri atu ki ana disaipol, \"Kootou e mattaku i te aa? Kootou seki lavaa iloo te taaohi manava iaa nau?\"\n41Ana disaipol naa ni mattaku hakallika iloo, ka vasirisiri ki laatou soko laatou: \"Teenei se tama peehea, ma te matani aa ma naa peau ki tuku kiaa Ia?\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/4\/","date":"2018-09-20T14:39:39Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156513.14\/warc\/CC-MAIN-20180920140359-20180920160759-00258.warc.gz","language":"nho","language_score":0.9999998808,"language_script":"Latn","minhash_cluster_size":4,"top_langs":"{\"nho_Latn_score\": 0.9999998807907104}","num_words":1648,"character_repetition_ratio":0.064,"word_repetition_ratio":0.01,"special_characters_ratio":0.232,"stopwords_ratio":0.544,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 2\nTe haanauana Jesus\n1I te saaita naa raa Augustus, te Tuku Hakamaatua i Rome raa, ni pesi tana taratara hakamaatua maa naa kanohenua hakkaatoa e takkoto i laro te roorosi te kaaman Rome raa ki oo no hakatuu naa inoa laatou ki takkoto iloto te laupepa te ttau. 2Te ttau mua nei ni mee i te ssao Kwirinius ni noho ma ko te tama hakamau i Syria. 3Naa tama hakkaatoa ni oo ki naa matakaaina laatou ni hannau ai no hakatuu naa inoa laatou.\n4Teenaa ki masike Joseph i Nazareth, te taon iloto Galilee, no hano ki Bethlehem iloto Judea, te kina David te tuku laatou naa ni haanau ai. Joseph ni hano ki te taon naa i aa ia se tama i te manava David. 5A ia ni hano no hakatuu naa inoa laaua ma Mary, tana tarikai. Mary naa e haitama, 6teenaa i te saaita laatou ni noho i Bethlehem raa, tana saaita ki haanau raa ku tae. 7A ia ni haanau mai tana tamariki tanata mua, teenaa haarikitia iloo laaua te tamariki naa ki naa tapaa maro raa ka hakamoeria ki loto te pokosi e kaikai ai naa manu, i naa hare e moemmoe raa e kkapi hakkaatoa.\nNaa tama e mmata i naa sipsip raa ma naa ensol\n8I te poo naa raa, e mee naa tama e roorosi i naa sipsip laatou i naa tautaha e taupiri ake ki Bethlehem. 9Teenaa te ensol tokotasi TeAtua ni hakasura ake ki laatou no maasina atu te ttia TeAtua raa ki laatou. Naa tama naa ni mattaku hakallika iloo. 10Tevana iaa, te ensol raa ni mee ake peelaa ki laatou, \"Kootou see mattaku! Nau e au ma te Lono Taukareka maa kootou. Te henua hakkaatoa ma ki fiaffia i te lono nei. 11Te aso nei, i te matakaaina David raa, te Tama ma ki hakasao kootou no ora raa e haanauria mai, teenaa ko TeAriki Christ! 12Teenei te mee ma ki hakailoa atu ki kootou maa aku taratara nei ni taratara maaoni: Kootou ma ki kkite ma se tamariki meamea e haariki ki naa tapaa maro aa e moe iloto te pokosi e kaikkai ai naa manu.\"\n13Saaita naa lokoi raa, te lopo ensol i te lani ku hakassura ake ma te ensol naa no fuaffua hakanau i TeAtua:\n14\"Maatou e fiaffia iaa koe, TeAtua i te lani i aruna.\nNaa tama e fiffai iaa Ia raa ki nnoho hakaraaoi!\"\n15Saaita naa ensol raa ni ahe ki te lani raa, naa tama e roorosi i naa sipsip naa ni taratara soko laatou peelaa, \"Taatou ki ttaka ki Bethlehem no mmata i te tamariki meamea TeAtua ni taratara mai ki taatou.\"\n16Teenaa hakavave iloo laatou ka oo no llave i Mary laaua ma Joseph aa te tamariki meamea naa e moe iloto te pokosi e kaikkai ai naa manu. 17Saaita naa tama naa ni kkite i te tamariki naa raa, hakaea atu iloo laatou ki naa tama i te kina naa i te mee te ensol raa ni taratara ake ki laatou. 18Naa tama naa hakkaatoa ni massaro iloo i te saaita laatou ni llono i naa taratara naa tama e roorosi i naa sipsip raa ni taratara ake ki laatou. 19Mary ni hakamaarona naa mee nei hakkaatoa, ka hakkapi ki loto tana manava. 20Teenaa ahe iloo naa tama e roorosi i naa sipsip naa ka huahua hakannau i TeAtua i naa mee laatou ni llono ka kkite naa; naa vana naa ni hanotonu ma naa taratara te ensol raa ni kauake ki laatou.\nTtamariki raa ku taapaa tana inoa\n21I te varu naa aso te tamariki, i tana sao ki ssere raa, taapaa iloo laatou te tamariki naa ki Jesus, tana inoa ni kauake te ensol raa ki Mary i tana saaita seki haitama.+\nJesus ku toa ki te Hare Tapu raa ki mmata TeAtua\n22Te ssao raa ku tae ki oo Joseph laaua ma Mary no mee ki hakamaarama laaua, ki tautari ki naa Loo Moses. Teenaa toa iloo laaua te tamariki naa ki Jerusalem, ki toa ki te Hare Tapu raa no hakatapu ki TeAtua. 23E mee pee ko naa sissii te loo raa peelaa, \"Naa tamalliki taanata mua hakkaatoa raa ki hakatapuria atu ki TeAtua.\"+ 24Takarua naa ni oo hoki ki hakaara laaua ni rupe e lua, aa ki mee seai, ni sukua reia e lua ki TeAtua, tautari ki naa taratara mai naa Loo TeAtua.+\n25I te ssao naa raa e mee te tanata, tana inoa ko Simeon, e nohonoho i Jerusalem. Ttama naa se tama e tonu tana ora aa e lotu i TeAtua. A ia e noho ka ttari ki TeAtua ki hakasaoria naa tama Israel, teenaa TeAitu Tapu raa e takoto iaa ia. 26Te tanata naa ni mee ake maa i tana saaita koi ora raa, a ia ma ki kite i te Mesaea teelaa ni purepure mai TeAtua imua. 27Simeon ni tauria TeAitu Tapu ka toa ki loto te Hare Tapu, teenaa ko te saaita naa maatua Jesus naa ni too ake laaua Jesus ki haia laaua naa vana naa Loo raa e taratara i te vasi naa tamalliki. 28Simeon ni kapaatu no saaua a ia te tamariki raa no taratara hiahia ki TeAtua:\n29\"TeAtua, Koe ni taaohi iloo ki oo taratara ni purepure mai imua.\nAa teenei koe ku tiiake nau, te tama e heheuna iaa koe, ki sara hakaraaoi.\n30Nau ku oti te kite ki aku tino karamata i too tama teelaa ma ki hakasao te henua no ora,\n31teenaa ko too tama ni hakanoho imua naa karamata naa kanohenua hakkaatoa:\n32A ia e takoto pee ko te maasina ki hakailootia naa tama teelaa seai ma ni Jew raa i too hiihai, +\naa ki hakannauria too kanohenua Israel.\"\n33Joseph laaua ma Mary ni oho iloo i naa taratara Simeon ni mee i Jesus. 34Teenaa Simeon ki taku ki TeAtua ki haia hakaraaoina te hai aavana naa, ka taratara ake peelaa ki Mary, te tinna te tamariki, \"Te Tamariki nei ni tukua TeAtua ki seua turaa tama iloo i Israel aa ki hakasaoria turaa tama no ora. Ttamariki naa ma ki mee ma se hakailoa e kaumai TeAtua, teelaa ma ki taratara hakallikaina te lopo tama tama, 35teenaa ki hakassaaina naa hakataakoto e ffuu naa tama naa. Too hatumanava ma ki hakallika iloo i too aroha, e mee ma ko naa urumakkina too haitino ki te seesere.\"\n36-37Teelaa se puruna ffine ku matua iloo e heheuna ma se pure TeAtua e noho hoki i te Hare Tapu naa. Tana inoa ko Anna, tamariki ffine Fanuel, i te manava Asher. Te ffine naa ku noho ma se puruna i tana aavana raa ni mate i te hitu naa setau i te aavvana ana laaua, aa teenei ana setau ku matavaru maa haa hakkaatoa. Te ffine naa ni seai iloo ki hakataha i te Hare Tapu naa; a ia e lotu ki TeAtua i te poo ma te ao, aa e hakapakuu ka taku peenaa i TeAtua. 38I te saaita naa lokoi, Anna ku tae atu ki te kina naa no taratara hakahiahia ki TeAtua, ka taratara ake i te tiputipu Jesus ki naa tama hakkaatoa e nnoho taritari ki TeAtua ki hakasaoria naa tama Jerusalem.\nJoseph laaua ma Mary ku ahe ki Nazareth\n39Saaita Joseph laaua ma Mary ni oti te haia laaua naa mee hakkaatoa TeAtua ni taratara iho iloto ana Loo raa, ahe iloo laaua ki Nazareth, te matakaaina laaua iloto Galilee.+ 40Te tamariki naa ni tipu ake hakaraaoi iloo no matua. A ia ni atamai iloo i te kau vana, aa te laaoi TeAtua ni takoto iaa ia.\nJesus iloto te Hare Tapu\n41Naa setau hakkaatoa naa maatua Jesus maraa e oo ki Jerusalem ki te Kaikai te Pasova. + 42Saaita naa setau Jesus ni tae ki te sinahuru maa rua raa, laatou haimaatua ni oo ki te kaikai naa, e mee pee ko naa oo laatou i naa setau hakkaatoa. 43Saaita te kaikai raa ni oti, takarua naa ni ahe ki hare, Jesus iaa ni noho i Jerusalem. Ana maatua raa ni see illoa maa Jesus ni noho koi; 44takarua naa ni ttau maa ia e uru koi iloto te kaavena e oo laatou naa. Laatou ni ttaka te aso hakkaatoa, teenaa ki kaamata laaua te ssee iaa ia ki naa hareaakina ma naa soa laatou. 45Te tamariki naa ni see laavea laaua, teenaa ki ahe laaua ki Jerusalem no ssee iaa ia. 46I te toru naa aso raa laaua ni lave i te tamariki naa iloto te Hare Tapu, e noho ma naa tisa naa Jew raa ka hakannoo ki naa tama naa ka vasirisiri taratara ki laatou. 47Naa tama hakkaatoa ni llono i ana taratara raa ni massaro iloo i te mattoni ana taratara ni kauake ki naa tisa. 48Ana maatua naa ni tteki hakaoti i te saaita laaua ni kkite iaa ia, teenaa ki mee ake tana tinna, \"Taku tama, maaua e haia a koe peenaa raa ko tea? Maaua ma too tamana raa ku mmate hakaoti te sessee iaa koe.\"\n49Teenaa ki mee ake Jesus ki laaua, \"Koorua e mee iloo ki ssee koorua iaa nau raa ko te aa? Koorua see illoa maa nau ki noho iloto te hare taku Tamana?\" 50Tevana iaa takarua naa ni see illoa naa taratara tama naa e mee ake ki laaua naa.\n51Araa ahe iloo Jesus ma ana maatua naa ki Nazareth, teenaa a Ia ni hakannoo ki naa taratara laaua. Tana tinna naa ni tuku hakaraaoi iloo naa taratara tana tamariki naa iloto tana hatumanava. 52Jesus ni tipu ake no matua ma te atamai, teenaa TeAtua ma te henua hakkaatoa ni oti manava iaa Ia.+\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/2\/","date":"2018-09-19T00:02:54Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155792.23\/warc\/CC-MAIN-20180918225124-20180919005124-00462.warc.gz","language":"nho","language_score":1.0000039339,"language_script":"Latn","minhash_cluster_size":2,"top_langs":"{\"nho_Latn_score\": 1.0000039339065552}","num_words":1682,"character_repetition_ratio":0.063,"word_repetition_ratio":0.004,"special_characters_ratio":0.228,"stopwords_ratio":0.511,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 15:22\nTe pas naa tama hakamaatua te lotu ki naa tama i naa henua sara\n22Ki oti raa naa aposol raa ma naa tama hakamaatua te lotu, hakapaa katoo ma naa tama te lotu i te kina naa, ku tuku laatou takarua ki oo hakapaa laatou ma Paul aa ko Barnabas ki Antiok. Te takarua taanata ni tukua laatou raa ko Judas (e ttapa hoki ma ko Barsabas) laaua ma Silas. Naa tama te lotu i te kina naa e ttoka atu ki te takarua naa ma ni tama hakamaatua laatou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/15\/22","date":"2018-09-23T17:49:29Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267159570.46\/warc\/CC-MAIN-20180923173457-20180923193857-00424.warc.gz","language":"nho","language_score":0.9276306629,"language_script":"Latn","minhash_cluster_size":2,"top_langs":"{\"nho_Latn_score\": 0.9276306629180908, \"rar_Latn_score\": 0.025056520476937294}","num_words":172,"character_repetition_ratio":0.077,"word_repetition_ratio":0.0,"special_characters_ratio":0.204,"stopwords_ratio":0.32,"flagged_words_ratio":0.0,"lang_id_score":0.923,"perplexity_score":500.0,"cluster_detection":1} +{"text":"ACTS 21:26\n26I te ssoa te aso raa, Paul ni hano ma te takahaa taanata naa no hakamaarama naa haitino laatou, i te vasi naa loo, ki mataffua i naa karamata TeAtua. Ki oti raa uru atu iloo Paul ki loto te Hare Tapu raa no hakaari ake ki naa maatua raa i te kooina naa aso te hakatapu laatou raa koi takkoto mai, teenaa ko te saaita laatou ma ki hakaara ni mee ki TeAtua maa naa tama naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/21\/26","date":"2018-09-20T05:00:36Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156416.22\/warc\/CC-MAIN-20180920041337-20180920061337-00065.warc.gz","language":"nho","language_score":0.8630559444,"language_script":"Latn","minhash_cluster_size":2,"top_langs":"{\"nho_Latn_score\": 0.863055944442749, \"rar_Latn_score\": 0.029171431437134743, \"sps_Latn_score\": 0.013507803902029991, \"hif_Latn_score\": 0.013399649411439896}","num_words":160,"character_repetition_ratio":0.07,"word_repetition_ratio":0.0,"special_characters_ratio":0.203,"stopwords_ratio":0.3,"flagged_words_ratio":0.0,"lang_id_score":0.822,"perplexity_score":500.0,"cluster_detection":1} +{"text":"JOHN 14\nJesus, te ara ki te Tamana\n1Jesus ki mee ake ki ana disaipol, \"Kootou ki see ssopo naa manava kootou. Tiiake naa ora ki TeAtua, aa kootou ku tuku mai naa ora kiaa nau. 2Te hare taku Tamana raa e takkoto ana puitana tammaki. Teenei nau ku hano no tuku mai hakaoti ni kina maa kootou. Nau see lavaa te taratara atu peenei ki mee maa ni see hai puitana e takkoto iloto te hare taku Tamana. 3Taku saaita ku oti te tuku mai naa kina maa kootou raa, nau ma ki ahemai no toa kootou ki oo ake kootou no nnoho taatou i taku kina e noho. 4Kootou e illoa i te ara e hano no tae ki taku kina ma ki hano.\"\n5Thomas ki vasiri ake, \"TeAriki, maatou see illoa i too kina ma ki hano. Maatou ma ki illoa peehea i te ara naa?\"\n6Jesus ki mee ake, \"Nau nei ko te ara, te hakamaaoni, aa te ora. Nau soko nau ko te ara tokotasi e hano ki te Tamana. 7Saaita nei kootou ku illoa iaa nau. Teenaa kootou ma ki illoa hoki i taku Tamana. Kaamata i te saaita nei kootou ku illoa maaoni iaa Ia, i kootou ku oti te kkite iaa Ia.\"\n8Philip ki mee ake, \"TeAriki, hakaari mai too Tamana raa ki illoa maatou. Maatou e fiffai maa maatou ki illoa iaa Ia.\"\n9Teenaa ki mee ake Jesus, \"Philip, teenei seai se ssao huapotopoto nau ni noho ma kootou. Koe e mee mai maa koe ni seai iloo ki iloa hakaraaoi iaa nau? Ttama ku oti te kite i aa nau raa, a ia naa ku oti te kite hoki i taku Tamana. Koe ku mee mai peehea ki hakaari atu nau taku Tamana raa ki kkite kootou? 10Philip, koe ki iloa maa te Tamana raa e takoto iaa nau, aa nau hoki e takoto i te Tamana. Naa taratara ni kauatu nau ki kootou raa, teenaa seai ni taratara taku tino. Te Tamana e takoto i aa nau nei e mee ana heuna soko Ia. 11Hakannoo kiaa nau, i aa nau e taratara atu maa te Tamana e takoto iaa nau, aa nau hoki e takoto i te Tamana. Ki mee kootou see hakannoo ki naa taratara nei, kootou ku hakannoo mai i kootou ni kkite i aku vana e mee. 12Nau e taratara atu maaoni. Naa tama e hakannoo kiaa nau raa ma ki mee aku vana e mee nei. Maaoni iaa, naa vana laatou ma ki mee raa ma ki ttoe i naa vana nei, i te aa, i aa nau ku hano ki tae nau ki te Tamana. 13Nau ma ki haia mai nau naa mee katoo kootou e kainnoo ki te Tamana iloto taku Inoa. Naa mahi taatou Tamana raa ma ki hakailotia mai tana Tama. 14Ni mee peehea kootou e kainnoo mai iloto taku Inoa, nau ma ki haia a nau.\nTeAitu Tapu ma ki heunatia mai TeAtua\n15\"Ki mee kootou e laaoi maaoni iaa nau, kootou ku hakannoo ki aku taratara. 16Nau ma ki vanaake ki taku Tamana ki heunatia atu telaa Tama ki tokonaki ki kootou. Ttama naa ma ki noho hakaoti ma kootou. 17A ia naa ko TeAitu hakamaaoni. Te henua ma ki see fiffai kiaa ia, i laatou ma ki see kkite i aa ia, aa laatou hoki ma ki see illoa i aa ia. Kootou iaa e illoa i aa ia, i aa ia e noho ma kootou.\n18\"Taku saaita ma ki hano raa, kootou ma ki see tiiake nau ki nnoho soko kootou. Nau ma ki oti ku ahemai ki kootou. 19See rooroa aa naa tama te maarama nei ku see kkite hakaoti iaa nau. Kootou iaa ma ki kkite iaa nau. I aa nau e ora, teenaa kootou hoki ma ki ora. 20Saaita te aso naa e tae mai raa, kootou ma ki illoa maa nau e takoto i taku Tamana. E mee koi pee ko naa takkoto kootou iaa nau, aa nau i kootou.\n21\"Naa tama e hakannoo no tautari ki aku taratara raa, teenaa ko naa tama e llee naa manava laatou iaa nau. Taku Tamana raa ma ki llee tana manava i naa tama e llee naa manava laatou iaa nau. Nau ma ki huri ake aku tiputipu ki laatou, i aa nau ma ki llee hoki taku manava i laatou.\"\n22Judas (seai ko Judas Iscariot) ki mee ake, \"TeAriki, koe e vana maa koe ma ki huri mai koi oo tiputipu ki maatou. Koe ma ki see huri ake oo tiputipu ki naa tama te maarama nei raa ko te aa?\"\n23Teenaa ki mee ake Jesus, \"Ttama e llee tana manava i aa nau raa ma ki hakannoo ki aku akonaki. Taku Tamana raa ma ki llee tana manava iaa ia. Maaua hai tamana ma ki oo atu no nnoho ma ia. 24Ttama see hiihai kiaa nau raa see hakannoo ki aku akonaki. Aa naa akonaki kootou ni llono raa, teenaa seai ni akonaki aaku. Teenaa ni akonaki e oomai i te Tamana, Ttama ni heuna ma ki au nau.\n25\"Nau ni kauatu hakaoti naa taratara nei i taku sao koi noho ma kootou. 26TeAitu Tapu, te Tokonaki kootou, Ttama ma ki oti ku heunatia atu te Tamana iloto taku Inoa raa ma ki akonaki atu te kau vana hakkaatoa, ki hakamaarona kootou i aku taratara hakkaatoa ni kauatu.\n27\"Nau e kauatu te laaoi TeAtua. Teenaa ko taku laaoi nei e kauatu ki nnoho ma kootou. Te tiputipu nei see sura i te maarama nei. Kootou see ssopo naa manava kootou ki see mattaku kootou. 28Kootou ni llono iaa nau ni mee atu peelaa, 'Nau ku hano, tevana iaa nau ma ki ahemai ki kootou.' Ki mee kootou ni llee naa manava kootou iaa nau raa, kootou ni fiaffia iaa nau ku hano ki taku Tamana, i taku Tamana naa e noho hakamaatua iaa nau. 29Nau e taratara atu hakaoti i naa vana nei, i te saaita naa vana naa seki ssura. Sao naa vana nei e ssura raa, kootou ma ki illoa maa aku taratara nei ni taratara maaoni. 30Nau ma ki see hai turaa taratara hoki e kauatu ki kootou. I te aa, te tama hakamaatua te maarama nei ku au. Ana mahi see tae ki aku mahi, 31tevana iaa naa tama te maarama nei ki illoa hakkaatoa i aa nau e llee taku manava i taku Tamana. Teenei e haia ai nau ana heuna nei.\n\"Kootou massike, taatou ki hakattaha i te kina nei.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/John\/14\/","date":"2018-09-21T14:14:12Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267157203.39\/warc\/CC-MAIN-20180921131727-20180921152127-00547.warc.gz","language":"nho","language_score":0.9999992847,"language_script":"Latn","minhash_cluster_size":3,"top_langs":"{\"nho_Latn_score\": 0.9999992847442627}","num_words":1163,"character_repetition_ratio":0.067,"word_repetition_ratio":0.005,"special_characters_ratio":0.239,"stopwords_ratio":0.542,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MARK 3\nTe tanata e mmate tana rima\n1Ki oti raa Jesus ku ahe ki te hare lotu naa Jew, aa iloto te hare lotu raa teelaa se tanata e mmate tana rima tokotasi. 2E nnoho naa tama i te kina naa hoki, teelaa e sessee ara ki taratara haaeoina laatou Jesus. Naa tama naa ni tokatoka seemuu ki mmata laatou maa ki mee maa Jesus e huri no haia a ia te tanata naa no taukareka i te Sabat. 3Jesus ki mee ake ki te tanata e mmate tana rima, \"Kau no tuu imua naa tama nei hakkaatoa.\" 4Teenaa vasiri iloo Ia ki naa tama e nnoho i te kina naa, \"Naa Loo taatou raa e taratara maa se aa e ttana ki haia taatou i te aso te Sabat? Ki tokonaki taatou telaa tama, seai, ki haia hakallikaina te tama naa? E aa? Ki hakaora te tama ki ora, seai, ki taa te tama ki mate?\" Tevana iaa naa tama naa ni seai iloo se taratara ni mee ake.\n5Jesus ni ttoka haaeo ki laatou, tevana iaa a Ia ni aroha hoki i te llono nataa naa tama naa i te taratara. Teenaa mee ake iloo Ia ki te tanata, \"Ffora too rima.\" Te tanata raa ni ffora tana rima no taukareka hoki. 6Naa Faarisi raa ni oo no kkutu hakapaa ma naa tama i te kaavena Herod raa no taratara i te ara laatou ma ki mee ki taia laatou Jesus.\nTe kuturana tama i tai te Namo Galilee\n7Teenaa ki hakataha Jesus ma ana disaipol raa ka oo ki te Namo Galilee, aa te kuturana tama e tammaki raa ni oo atu vaamuri aana. Teenaa ni tama e oomai i Galilee, Judea, 8Jerusalem, te matakaaina e ttapa ma ko Idumea, te matakaaina e tuu haka kkipu i Jordan, aa ma naa matakaaina e ttuu alleha i Tyre ma Saidon. Naa tama hakkaatoa i naa kina naa ni oo ake ki Jesus i laatou ni llono i ana vana e mee. 9Te kuturana raa e lasi iloo, teenaa ki mee ake Jesus ki ana disaipol raa ki too ake hakaoti se poti, i te henua ku muimui atu katoo kiaa Ia. 10Jesus ni haia a Ia te lopo tama e mmaki no taukalleka, aa aaraa tama e mmaki e hakasaosao ake kiaa Ia ma ki ppaa naa rima laatou i aa Ia.+ 11Aa i naa saaita naa tama e tauria naa tippua raa e kkite iaa Ia raa, naa tama naa maraa e oo atu no ppesi kimua Jesus no tanitani varo peelaa, \"Koe ko Ttama TeAtua!\"\n12Teenaa ki hakaapo ake Jesus tana taratara ki laatou, ki see hakaea ki se tama iaa Ia.\nJesus e hiri te taka sinahuru maa te takarua aposol\n13Ki oti raa Jesus ku hano ki aruna te mouna, teenaa aru iloo ki ana tama e fiffai raa ki oo ake. Te saaita naa tama naa ni ttae ake raa, 14hiri iloo Ia te taka sinahuru maa te takarua taanata ki heheuna maa Ia. Naa tama naa ni taapaa a Ia maa ni aposol. A Ia ki mee ake, \"Kootou nei ma ki heheuna maa nau. Kootou ma ki heunatia a nau hoki ki oo no hakaea te Lono Taukareka, 15teenaa naa mahi TeAtua ma ki ttaka ma kootou, ki lavaa kootou te hanahana naa tippua.\"\n16Teenei te taka sinahuru maa te takarua aposol Jesus ni hiri: Simon (ttama ni taapaa Jesus ma ko Peter); 17Te haanau James laaua ma John, naa tama Sebedii (takarua ni taapaa Jesus ma ko Boanerges, teenaa ko te taratara e mee maa, 'Naa Tamalliki te Hatturi'); 18Andrew, Philip, Bartolomiu, Matthew, Thomas, James ttama Alpius, Tadeus, Simon, te tama te kaavena teelaa see fiffai maa Rome e roorosi i Israel, 19aa ko Judas Iscariot, te tama ma ki hakaarina a ia Jesus ki naa hakamau.\nJesus laaua ma Belsebul\n20Ki oti raa hano iloo Jesus ki hare, teenaa e mee hoki te kuturana tama e tammaki ni kkutu ake kiaa Ia. Jesus ma ana disaipol naa ni see lavaa iloo te kkai hakaraaoi. 21I te saaita naa hareaakina Jesus raa ni llono i te mee nei raa, oo ake iloo ma ki toa laatou a Ia, teenaa i aaraa tama e taratara maa Jesus ku vvare.\n22E mee aaraa Tisa naa Loo teelaa ni oo ake i Jerusalem ni taratara peelaa, \"Ttama naa e tauria Belsebul! Teelaa ko te tipua hakamau raa e kauake ana mahi ki te tama naa, teenaa ki lavaa ia te hanahana naa tippua.\"+\n23Teenaa ki aru ake Jesus ki naa tama naa no kauake naa taratara nei: \"Satan e lavaa peehea te hanaa a ia hoki Satan? 24Ki mee maa naa tama se henua e nnoho maavae ka hetaa ki laatou, te kanohenua naa ma ki see lavaa te nnoho taukalleka. 25Ki mee maa ni hareaakina e nnoho ka hakatautau ki laatou, naa tama naa ma ki see lavaa te nnoho taukalleka. 26Aa teenaa, ki mee maa naa tama i te nohorana Satan raa e nnoho maavae ka heheatu soko laatou, te nohorana naa ma ki see takoto rooroa, aa ku maseu.\n27\"See hai tama e lavaa te uruhia a ia te hare se tanata haimahi no huuina ana hekau, ki mee maa te tanata haimahi naa see saisaitia a ia imua, ki lavaa a ia te too naa hekau te tanata naa.\n28\"Nau e taratara atu te hakamaaoni nei: Ki mee maa se tama e mee ana lopo sara iloo, ka taratara hakallika i TeAtua, TeAtua ma ki lavaa te hanaa a Ia naa sara ttama naa. 29Iaa ki mee maa se tama e taratara hakallika i TeAitu Tapu TeAtua, naa sara ttama naa ma ki see lavaa te hanaa. Ttama naa ma ki noho hakaoti ma tana sara naa.\"+ 30(Jesus e taratara peenei i naa tama raa e taratara peelaa iaa Ia, \"Ttama naa e taka ma te aitu hakallika.\")\nTe tinna ma naa taaina Jesus\n31Te tinna Jesus aa ma ana taaina raa ni ttae ake ni ttuu i haho, teenaa heunatia atu iloo laatou te tama tokotasi ki hare, ki mee ake ki Jesus ki hanake. 32Teenaa ki mee ake naa tama e kkutu iaa Ia raa peelaa, \"Too tinna aa ma oo taaina raa e nnoho i haho, e ssee iaa koe.\"\n33Teenaa ki vasiri ake Jesus, \"Ko ai taku tinna aa ko ai aku taaina?\" 34A Ia ki ttoka ki naa tama e nnoho aareha iaa Ia raa ka mee ake peelaa ki laatou, \"Kootou mmata! Teenei taku tinna aa aku taaina. 35Ki mee maa se tama e mee naa mee taku Tamana raa e hiihai, teenaa se taina aaku, se kave aaku, aa se tinna aaku.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/3\/","date":"2018-09-25T09:48:55Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267161350.69\/warc\/CC-MAIN-20180925083639-20180925104039-00227.warc.gz","language":"nho","language_score":1.0000002384,"language_script":"Latn","minhash_cluster_size":3,"top_langs":"{\"nho_Latn_score\": 1.000000238418579}","num_words":1191,"character_repetition_ratio":0.058,"word_repetition_ratio":0.0,"special_characters_ratio":0.237,"stopwords_ratio":0.519,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ROME 11:24\n24Kootou naa tama naa henua sara raa e mee pee ko naa laa e pakia i te laakau e ssomo vao no hakauutia ki naa laakau ni toria hakaraaoi. Naa Jew raa e mee pee ko te laakau ni toria hakaraaoi. Naa laa te laakau ni pakia raa ma ki hainauhie koi te hakaahea atu no hakauutia hoki ki te laakau naa, i teenaa ni tino laa te laakau naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/11\/24","date":"2018-09-23T00:51:56Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158766.65\/warc\/CC-MAIN-20180923000827-20180923021227-00471.warc.gz","language":"nho","language_score":0.7994357944,"language_script":"Latn","minhash_cluster_size":2,"top_langs":"{\"nho_Latn_score\": 0.7994357943534851, \"hif_Latn_score\": 0.03656142204999924, \"rar_Latn_score\": 0.012886022217571735, \"wls_Latn_score\": 0.011134813539683819}","num_words":152,"character_repetition_ratio":0.08,"word_repetition_ratio":0.0,"special_characters_ratio":0.202,"stopwords_ratio":0.263,"flagged_words_ratio":0.0,"lang_id_score":0.809,"perplexity_score":500.0,"cluster_detection":1} +{"text":"MATTHEW 7\nAu see hakatonutonu telaa tama\n1\"Kootou ki see hakatonutonu aaraa tama, ki see huri atu TeAtua no hakatonutonu i kootou. 2I te ara kootou e hakatonutonu aaraa tama raa, teenaa TeAtua ma ki hakatonutonu kootou i te ara naa hoki.+ 3Ai koe e ttoka ai ki te kerekere e mmau i te hua karamata too taina, aa too tino iaa see anaana ki te kunaaroto laakau e mmau i too hua karamata? 4Koe e lavatoa peehea te mee ake ki too taina, 'Kau ki pisia te kerekere e mmau i too hua karamata,' aa too tino iaa e mmau te kunaaroto laakau i too hua karamata?\" 5Koe se tama e kaikailua! Ffanaa te kunaaroto laakau e mmau i too karamata naa. Teenaa ki lavaa koe te kite hakaraaoi te pisia te tamaa kerekere e mmau iloto te karamata too taina naa.\n6\"Kootou see kauatu ni mee e ttapu ki naa ndog; naa ndog naa ma ki ffuri atu koi no kaaina kootou. Kootou see pesi atu ni mee e taavi mmaha ki naa poi; naa mee naa ma ki takatakamia koi naa poi.\nKainnoo ki kauatu; see ki lave; pakuukuu ki taaraki atu te tootoka\n7\"Kainnoo, aa koe ma ki kauatu too mee; sessee, aa koe ma ki lave; pakuukuu i te tootoka, aa te tootoka raa ma ki taaraki atu kiaa koe. 8Naa tama katoo e kainnoo raa ma ki kauake naa mee laatou, aa naa tama e ssee raa ma ki llave, aa te tootoka raa ma ki taaraki atu ki te tama e pakuukuu iho i te tootoka. 9E aa? Koe ma ki lavaa te kauake se hatu ki too tamariki ki mee maa ia e kainnoo atu ki kauake se haraoa? 10E aa? Koe ma ki lavaa te kauake se kata ki too tamariki ki mee maa ia e kainnoo atu ki kauake se ika? 11Ki mee maa kootou, naa tammana e sosorina hakallika, e illoa te hookii naa mee e taukalleka ki naa tamalliki kootou, kootou e vana maa te Tamana i te lani raa ma ki see hiahia te hookii naa mee e taukalleka ki naa tama e kainnoo ake kiaa Ia?\n12\"Te tiputipu kootou e fiffai maa aaraa tama ki mee atu ki kootou raa, teenaa kootou ki hakasura te tiputipu naa hoki ki aaraa tama. Teenaa ko te hakataakoto naa Loo Moses aa ma naa akonaki naa pure TeAtua imua.+\nTe tootoka e kkao\n(Lk 13.24)\n13\"Kootou uru atu vaaroto te tootoka e kkao, i te tootoka e hano ki te ahi e ura see mate raa e llaha, aa te ara e hanatu peenaa e aatea. E tammaki naa tama e ttaka ki te ara naa. 14Te tootoka te kina te ora maaoni raa iaa e kkao, aa te ara e hano ki te kina naa e hainataa. E mooisi koi naa tama e llave i te ara naa.\nMatamata hakaraaoi naa tiputipu te tama\n15\"Kootou ki poopoo tonu i naa pure hakalellesi. Te saaita naa tama naa ma ki oo atu ki kootou raa, naa tama naa ma ki hakamatemate iloo ki vana kootou maa laatou ni tama e sosorina taukalleka, e mee pee ko naa sipsip e-ttara. Tevana iaa naa tiputtipu maaoni naa tama naa e mee pee ko naa manu vao e kaittama. 16Kootou ma ki illoa i naa tiputipu maaoni naa tama naa i naa vana laatou e mee. Te laakau tuitui raa see lavaa te ffua naa 'grape', aa naa tuna raa see lavaa te ffua naa 'fig'. 17Te laakau e somo taukareka raa e ppesi ana kaikai e taukalleka, aa te laakau e somo hakallika raa e hua hakallika. 18Te laakau e somo taukareka raa see lavaa te hua hakallika, aa te laakau e somo hakallika raa see lavaa te hua taukareka. 19Te laakau see hua taukareka raa e tuutia ki laro no peesia ki loto te ahi.+ 20Aa teenaa, kootou ma ki ilotia kootou naa pure hakalellesi naa i naa tiputtipu naa ora laatou.+\nNau ni see iloa i kootou\n21\"See mee ma ko naa tama hakkaatoa teelaa e kannaa iaa nau maa, 'TeAriki, TeAriki' ma ki ttae ki te Nohorana te Lani. Naa tama koi ma ki ttae raa ko naa tama e haia laatou naa vana taku Tamana i te lani raa e hiihai. 22I te aso te Hakatonu TeAtua raa, e tammaki iloo naa tama ma ki kannaa mai peenei, 'TeAriki! Maatou ni hakaea naa taratara TeAtua iloto too inoa, aa maatou ni hakassura naa mahi TeAtua ka kerekereia maatou naa tippua raa iloto too inoa!' 23Teenaa nau ma ki mee ake ki naa tama naa, 'Nau ni see iloa iloo i kootou. Kootou hakattaha iaa nau; kootou ni tama e sosorina hakallika!'+\nTakarua e hakatuu naa hare laaua\n24\"Te tama e lono i aku taratara no tautari ki naa taratara naa raa, ttama naa e mee ma ko te tama e atamai e hakatuu tana hare raa ki aruna te ppaa e makattau. 25Te ua raa ni too no llohi ake te ttai, aa te matani raa ni oko haimahi iloo, tevana iaa te hare naa ni see sina, i te aa, i te hare naa ni hakatuu ki aruna te ppaa e makattau.\n26\"Tevana iaa te tama e lono i aku taratara aa see tautari ki naa taratara naa raa, te tama naa e mee ma se tama e vvare e hakatuu tana hare ki aruna te kerekere e parapara. 27Te saaita te ua raa ni too no llohi ake te ttai ka oko ake te matani raa, te hare naa ni sina no maseuseu katoo.\"\n28Teenaa te saaita Jesus ni oti te kauake ana taratara nei raa, naa tama ni kkutu i te kina naa ni massaro iloo i te mattoni ana taratara. 29I te aa, i Jesus ni see taratara pee ko naa tisa naa Loo; a Ia ni taratara hakamaatua iloo.+\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/7\/","date":"2018-09-22T11:13:35Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158320.19\/warc\/CC-MAIN-20180922103644-20180922124044-00392.warc.gz","language":"nho","language_score":0.9999963045,"language_script":"Latn","minhash_cluster_size":4,"top_langs":"{\"nho_Latn_score\": 0.9999963045120239}","num_words":1056,"character_repetition_ratio":0.058,"word_repetition_ratio":0.01,"special_characters_ratio":0.234,"stopwords_ratio":0.534,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"JOHN 6\nJesus e haanai te kuturana e lasi\n1Kimuri raa Jesus ni hano ki telaa vasi te Namo Galilee (e ttapa hoki ma ko te Namo Tiberias). 2Turaa tama iloo ni oo atu vaamuri, i laatou ni kkite i naa mahi TeAtua ni mee no malolloo te lopo tama ni mmaki. 3Jesus ni hano ma ana disaipol raa no nnoho i aruna te tamaa mouna. 4Ssao te Kaikai te Pasova raa ku taupiri. 5Teenaa ki ttoka Jesus no kite te kuturana naa tama e oo ake kiaa ia, teenaa ki vasiri Ia ki Philip, \"Taatou ma ki taavi ni kaikai i hea ki tau te haanai naa tama nei hakkaatoa?\" 6(A Ia ni taratara peenei ki haaiteria Philip; maaoni iaa a Ia kunaa iloa i tana vana ma ki mee.)\n7Philip ki mee ake, \"Ki taavi ni kaikai ki llava i naa tama nei hakkaatoa, taatou e tau te pesi ni siliva e lava naa sehua e lua no taavi ni haraoa.\"\n8Andrew, te taina Simon Peter raa ki mee ake ki Jesus, 9\"E mee te tamariki tanata e mee ana haraoa e rima ma naa ika e lua. Tevana iaa naa mee naa ma ki see tau te haanai naa tama nei hakkaatoa.\"\n10Jesus ki mee ake ki laatou, \"Haia naa tama naa ki nnoho ki laro.\" (Te kina naa e somo tana vvee.) Teenaa naa tama naa ni nnoho hakkaatoa ki laro. Te kooina naa taanata raa e noto naa simata e rima. 11Jesus ki too naa haraoa raa no lotu ki TeAtua, teenaa vaevae iloo naa haraoa naa ki naa tama e nnoho i te kina naa. A Ia ni mee hoki peenaa i naa ika. Naa tama naa ni kkai no pposu hakaraaoi iloo. 12Saaita laatou ni oti te kkai no pposu raa, Jesus ki mee ake ki ana disaipol, \"Hakanaaopo naa kaikai e ttoe. Taatou ki see mee pakava naa kaikai naa.\" 13Teenaa ki hakanaaopo laatou naa kaikai ni ttoe naa no ppii naa kete e sinahuru maa rua. Teenaa ko te kooina ni ttoe i naa haraoa e rima naa tama naa ni kkai.\n14Saaita naa tama naa ni kkite i naa mahi TeAtua ni hakassuratia Jesus raa, laatou ki taratara soko laatou, \"Teenei maaoni ko te Pure TeAtua, Ttama ni llono taatou ma ki oti ku hakasura mai ki te maarama nei.\" 15Jesus ni iloa maa laatou e taratara ma ki tauhia Ia ki hakanoho ma se tuku laatou, teenaa ki masike Ia no ahe hoki ki naa mouna soko Ia.\nJesus e sare vaaruna te kirikiri ttai\n16I te laasuru raa, naa disaipol Jesus raa ni oo ki tai. 17Teenaa ki oo laatou no kkake i te poti raa ki ahe ki Capernaum. Saaita raa ku poouri, tevana iaa Jesus ni seai iloo ki tae ake ki laatou. 18Saaita naa, te matani e lasi raa ni oko ka usa te moana. 19Laatou ku mmao i te kina laatou ni aro mai, teenaa ki kkite laatou i Jesus e sare ake vaaruna te kirikiri ttai ki laatou poti. Naa tama naa ni mattaku hakaoti. 20Teenaa ki mee ake Jesus, \"Kootou see mattaku, teenei ko nau.\" 21Laatou ni fiaffia ki hakkakea laatou Jesus ki loto te poti laatou. I te saaita naa koi, te poti laatou naa ku tae atu ki te kina laatou e oo.\nTe henua e ssee i Jesus\n22Ssoa te aso raa, naa tama ni nnoho i telaa vasi te namo raa ni kkite maa teelaa se poti koi tokotasi ni moe i tai. Laatou ni illoa maa Jesus ni see kake i te poti naa. Laatou ni kkite maa teelaa ko naa disaipol raa koi ni kkake i te poti raa no aro ki telaa vasi. 23Aaraa poti i Tiberias ni hakattau ake i tai te kina Jesus ni haanai te kuturana e lasi ki naa haraoa imuri a Ia ni lotu ki TeAtua. 24Saaita te kuturana naa ni kkite maa Jesus ma ana disaipol raa ku seai, laatou ni kkake i naa poti raa no aro ki Capernaum no ssee i Jesus.\nJesus, te Haraoa e Ora\n25Saaita laatou ni llave i Jesus i telaa vasi raa, laatou ki vasiri ake kiaa Ia, \"Rabai, koe ni tae mai i te saaita hea?\"\n26Teenaa ki mee ake Jesus, \"Nau e taratara atu maaoni. Kootou e ssee iaa nau i kootou ni kkai no pposu i naa kaikai kootou ni kkai. Kootou ni see oomai ma i kootou ni massaro i naa mahi TeAtua ni mee. 27Kootou ki see heheuna ma ki kauatu naa kaikai e takkoto koi no ppara. Kootou ki heheuna ki toa kootou naa kaikai te ora e ora hakaoti. Teenaa ko naa kaikai ma ki kauatu te Tama te Henua, i TeAtua Tamana ni tuku tana hakailona iaa Ia, teenaa iaa Ia e-hiahia i tana Tama.\"\n28Teenaa ki mee ake laatou ki Jesus, \"Ni heuna peehea TeAtua e hiihai maa maatou ki mee?\"\n29Jesus ki mee ake, \"TeAtua e hiihai maa kootou ki hakannoo ki tana Tama ni kkave mai.\"\n30Laatou ki vassiri hoki ki Jesus, \"Se mahi TeAtua peehea koe e lavaa te mee ki kkite maatou, aa maatou ku hakannoo kiaa koe? 31Naa tippuna maatou raa ni kkai naa haraoa te lani iloto mouku. Naa taratara nei e takkoto iloto te Laupepa Tapu, 'Laatou ni hanaia a Ia ki naa haraoa te lani.'\"+\n32Jesus ki mee ake, \"Nau e taratara atu maaoni. Te haraoa ni kauatu Moses raa seai ko te haraoa te lani. Teenaa ko taku Tamana raa are e kauatu te haraoa maaoni te lani. 33Te haraoa TeAtua e hookii raa, teenaa ko tana Tama ni kkave mai i te lani ki hakaora naa tama te maarama nei.\"\n34Teenaa ki mee ake laatou, \"TeAriki, kaumai te haraoa naa i te kau saaita.\"\n35Jesus ki mee ake, \"Nau nei ko te haraoa te ora. Naa tama e oomai kiaa nau raa ma ki see hiikkai hoki imuri, aa naa tama e lotu maaoni iaa nau raa ma ki see hiiunu hoki imuri. 36Nau ni taratara atu maa kootou ku oti te kkite iaa nau, tevana iaa kootou ma ki see hakannoo mai. 37Naa tama hakkaatoa e kaumai te Tamana raa ma ki oomai kiaa nau. Ttama e au kiaa nau raa ma ki see hakaahea a nau. 38I te aa, nau ni see au i te lani no mee aku vana e fiffai. Nau ni au no haia naa vana te tama ni heuna ma ki au nau. 39Ttama ni heuna ma ki au nau raa see hiihai ma se tama i ana tama ni kaumai raa e tiiake. Naa tama hakkaatoa ki hakaoratia a nau i te aso hakaoti. 40Taku Tamana raa e hiihai maa naa tama hakkaatoa e kkite i tana Tama no hakannoo kiaa ia raa ki ttaka ma te ora e ora hakaoti. Laatou ma ki hakamasikeria a nau no ora i te aso hakaoti.\"\n41Naa Jew raa ni kaamata te taumaruu iaa Ia, iaa Ia ni mee maa, \"Nau nei ko te haraoa ni au i te lani.\" 42Teenaa ki taratara laatou peelaa, \"Teenei seai ko Jesus te tama Joseph? Taatou e illoa i tana tamana ma tana tinna. Peehea ana taratara maa Ia ni au i te lani?\"\n43Jesus ki mee ake, \"Kootou see taumaruu soko kootou. 44Naa tama koi e oomai kiaa nau raa ko naa tama e hakapaaina mai taku Tamana kiaa nau, aa laatou ma ki hakamasikeria a nau no ora i te aso hakaoti. 45Naa pure TeAtua raa ni sissii peelaa, 'Naa tama hakkaatoa ma ki akonakina TeAtua.' Naa tama e hakannoo ki TeAtua no illoa iaa Ia raa ma ki oomai kiaa nau.+ 46Tevana iaa see hai tama ku oti te kite i te Tamana. Ttama koi e au i TeAtua raa ku oti te kite i te Tamana. 47Nau e taratara atu maaoni. Ttama e lotu raa e taka ma te ora e ora hakaoti. 48Nau nei ko te haraoa te ora. 49Naa tippuna kootou raa ni kkai naa haraoa iloto mouku, tevana iaa laatou ni mmate. 50Tevana iaa te haraoa e au i te lani raa, teenaa se haraoa sara. Ttama e kai te haraoa naa ma ki see mate. 51Nau raa ko te haraoa e ora ni au i te lani. Ki mee se tama e kai te haraoa nei, a ia ma ki ora hakaoti. Te haraoa ma ki kauake nau raa, teenaa ko taku haitino e hookii ki ora naa tama te maarama nei.\"\n52Teenaa ki kaamata naa Jew raa te hakatauttau soko laatou ka taratara peelaa, \"Ttama nei e kaumai peehea tana haitino ki kkai taatou?\"\n53Teenaa ki mee ake Jesus, \"Nau e taratara atu maaoni. Ki mee kootou see kkai te haitino te Tama te Henua ka unu tana ttoo, kootou ma ki see hai ora e takoto i kootou. 54Naa tama e kkai taku haitino ka unu taku ttoo raa e ttaka ma te ora e ora hakaoti, teenaa laatou ma ki hakamasikeria a nau no ora i te aso hakaoti. 55Taku haitino nei ko te kaikai maaoni, aa taku ttoo raa ko te vai maaoni. 56Te tama e kai taku haitino ka unu taku ttoo raa e noho ma nau, aa nau hoki e noho ma te tama naa. 57Nau nei ni heunatia mai taku Tamana, ttama e taka ma te ora maaoni. Teenei e takoto ai te ora maaoni raa hoki iaa nau. Peelaa hoki, ttama e kai taku haitino raa ma ki ora, iaa nau e taka ma te ora maaoni. 58Teenei are te haraoa ni au i te lani. Te haraoa nei see mee maa ko naa haraoa naa tippuna kootou ni kkai. Laatou naa ni mmate, tevana iaa naa tama e kkai te haraoa nei ma ki ora hakaoti.\"\n59Jesus ni ako ake naa taratara nei ki naa tama iloto te hare lotu i Capernaum.\nNaa taratara te ora e ora hakaoti\n60E tammaki naa disaipol ni llono i naa taratara nei ni mee peelaa, \"Naa akonaki nei e hainattaa iloo. Ko ai ttama ma ki hakannoo ki naa taratara nei?\"\n61Jesus ni iloa maa laatou e taumaruu iaa ia, teenaa ki vanaake ia peelaa, \"Kootou ku mannatu ki ffuro kootou iaa nau? 62Ki mee maa kootou e kkite i naa ahe te Tama te Henua raa ki tana kina ni noho imua, kootou ma ki mannatu peehea? 63TeAitu TeAtua e hookii te ora. Naa mahi te tama te maarama nei seai ni mahi maaoni. Aku taratara e kauatu nei ni taratara aitu. Kootou e ora i naa taratara naa. 64Tevana iaa aaraa tama i kootou see hakannoo.\" (Jesus ni iloa mai iloo imua ma ko ai naa tama ma ki see hakannoo aa ma te tama ma ki hakaarina a ia ki naa hakamau naa Jew.) 65A Ia ki ttao atu hoki tana taratara, \"Teenei taku vana ni taratara atu maa see hai tama e lavaa te au kiaa nau ki mee a ia see hakattanaria mai TeAtua.\"\n66Tammaki iloo naa tama e tautari ki Jesus ni ffuro iaa Ia. Laatou ni see tautari atu hoki kiaa Ia. 67Teenaa ki vasiri ake Jesus ki tana taka sinahuru maa ttakarua disaipol, \"Ai kootou, kootou ku fiffai hoki ma ki ffuro kootou iaa nau?\"\n68Teenaa ki mee ake Simon Peter, \"TeAriki, maatou ma ki ffuro ki ai? Koe naa e taka ma naa taratara te ora e ora hakaoti.+ 69Maatou nei ku illoa maa koe naa ko te Tama e Tapu ni heunatia mai TeAtua.\"\n70Jesus ki mee ake, \"Kootou, te taka sinahuru maa ttakarua nei, ni tama aaku ni hiri, anii? Tevana iaa te tama tokotasi i kootou se tipua!\" 71A ia e taratara raa ko Judas, te tama Simon Iscariot. Niaaina maa ia te disaipol tokotasi i te taka sinahuru maa ttakarua disaipol Jesus raa, teenaa ko ia naa ma ki oti ku hakaari ake Jesus ki naa hakamau.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/John\/6\/","date":"2018-09-22T11:15:18Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158320.19\/warc\/CC-MAIN-20180922103644-20180922124044-00402.warc.gz","language":"nho","language_score":1.0000069141,"language_script":"Latn","minhash_cluster_size":3,"top_langs":"{\"nho_Latn_score\": 1.000006914138794}","num_words":2052,"character_repetition_ratio":0.064,"word_repetition_ratio":0.006,"special_characters_ratio":0.243,"stopwords_ratio":0.549,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 6:35\n35\"Manava laaoi i naa tama e tautau haaeo ma kootou; hookii too mee ki telaa tama, aa koe ki see mee ma ki suia oo mee naa. Teenaa te tuuhana kootou raa ma ki lasi, aa kootou ma ki haia ma ni tamalliki TeAtua i Aruna. I te aa iaa Ia e haia hakaraaoina a Ia naa tama e sosorina hakallika aa ma naa tama haisara.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/6\/35","date":"2018-09-22T23:36:36Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158766.53\/warc\/CC-MAIN-20180922221246-20180923001646-00044.warc.gz","language":"nho","language_score":0.6944108605,"language_script":"Latn","minhash_cluster_size":2,"top_langs":"{\"nho_Latn_score\": 0.6944108605384827, \"rar_Latn_score\": 0.053417470306158066, \"hif_Latn_score\": 0.02458306960761547, \"ekk_Latn_score\": 0.013007299043238163, \"wls_Latn_score\": 0.012638724409043789}","num_words":148,"character_repetition_ratio":0.074,"word_repetition_ratio":0.0,"special_characters_ratio":0.205,"stopwords_ratio":0.297,"flagged_words_ratio":0.0,"lang_id_score":0.647,"perplexity_score":500.0,"cluster_detection":1} +{"text":"LUKE 23:14\n14teenaa mee ake iloo peelaa ki laatou, \"Te tanata nei e toomai kootou kiaa nau i kootou e hai maa te henua e usuusuhia te tama nei ki see tuku laatou ki naa vana te kaaman Rome. Nau ni vasirisiri ake ki te tama nei imua kootou naa hakkaatoa, aa nau e kite maa te tama nei see haisara i naa taratara kootou e mee iaa ia.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/23\/14","date":"2018-09-26T08:28:31Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267164469.99\/warc\/CC-MAIN-20180926081614-20180926102014-00528.warc.gz","language":"nho","language_score":0.7474317551,"language_script":"Latn","minhash_cluster_size":2,"top_langs":"{\"nho_Latn_score\": 0.747431755065918, \"rar_Latn_score\": 0.14306868612766266, \"wls_Latn_score\": 0.017633331939578056, \"sps_Latn_score\": 0.01107860542833805}","num_words":149,"character_repetition_ratio":0.076,"word_repetition_ratio":0.0,"special_characters_ratio":0.202,"stopwords_ratio":0.329,"flagged_words_ratio":0.0,"lang_id_score":0.732,"perplexity_score":500.0,"cluster_detection":1} +{"text":"MATTHEW 15\nNaa akonaki naa tippuna\n1E mee naa Faarisi ma naa tisa naa Loo ni oo ake i Jerusalem no vasiri ake ki Jesus, 2\"Ai oo disaipol raa see tautari ai ki naa taratara ni kaumai naa tippuna taatou imua? Ai laatou e kkai ai ma naa rima e kerekkere laatou?\"\n3Jesus ki hakaahe ake, \"Ai naa Loo TeAtua raa e tiiake ai kootou no ffuri kootou no tautari ki naa tino akonaki kootou? 4TeAtua e taratara peelaa, 'Hakannoo ki naa tammana ma naa tinna kootou,' aa e taratara hoki peelaa, 'Ttama e mee hakallika tana tamana ma tana tinna raa ki taia ki mate.'+ 5Tevana iaa kootou e akonaki aaraa tama ma ki mee se tama e taratara ake peelaa ki tana tamana ma tana tinna, 'Naa mee koorua e lavaa te kauatu nau ma ki tokonaki ki koorua raa, teenaa ni mee TeAtua.' 6Teenaa te tama naa ku haia kootou ki seai ana vana ki mee ma ki kauatu naa mee raa ki ana maatua. I te ara nei raa, naa taratara TeAtua raa ku tiiake kootou, teenaa ki lavaa kootou te tautari ki naa tino akonaki kootou. 7Naa tama e kaikailua! Isaiah ni taratara tonu iloo i ana taratara ni sissii i tana laupepa i kootou:\n8TeAtua e mee maa, 'Naa tama nei e lotu mai koi ki naa maaisu laatou,\naa naa manava laatou iaa e mmao haaeo iloo i aa nau.\n9Naa tama naa e lotu huri koi,\ni laatou e tautari are ki naa loo naa tamavare,\nka hai maa teenaa ko naa Loo TeAtua!'\"+\nNaa mee e mee te tama ki kerekere\n10Ki oti raa Jesus ku kannaake ki naa tama raa ki oo ake, teenaa a Ia ki mee ake, \"Kootou hakannoo mai aa kootou mee ki illoa kootou i te mee nei! 11Naa mee te tama e ppono ki loto tana pukua raa see lavaa te mee te tama ki kerekere i te vasi naa Loo. Teelaa ko naa mee are e oo iho ki taha tana pukua raa e mee te tama naa no kerekere.\"\n12Teenaa ooake iloo naa disaipol raa no mee ake ki Jesus, \"Koe e iloa maa naa Faarisi raa ni lloto iloo i oo taratara ni mee?\"\n13Jesus ki mee ake, \"Naa laakau katoo teelaa ni see toria taku Tamana raa ma ki utania. 14Kootou ki see mannatu i naa taratara naa Faarisi naa. Naa tama naa e ssau koi ma ko naa tama e ppuni naa karamata e hakattaki telaa tama e ppuni hoki ana karamata, teenaa te takarua naa ma ki maaoha hakapaa ki loto te rua.\"+\n15Teenaa ki taratara ake Peter, \"Hakaari mai te hakataakoto te parapol naa.\"\n16Araa Jesus ku mee ake, \"E aa? Kootou hoki ku vvare pee ko naa tama naa, anii? 17Kootou see illoa maa te mee te tama e ppono ki loto tana pukua raa e hanotonu ki loto tana koopuu aa ki oti ku au ki taha tana haitino? 18Aa naa mee e oo iho i te pukua te tama raa iaa e oo iho i tana hatumanava. Teenaa ko naa mee e mee te ora te tama ki kerekere.+ 19I te aa, naa mannatu e hakallika raa e ssura iho i te hatumanava te tama; te tama naa e usuhia ki taa tama, ki see noho tonu ki tana aavana, ki hai huri, kailaarao, ki taratara hakareeresi, aa ki taratara hakallika i telaa tama. 20Teenei ko naa mee teelaa e mee te tama ki kerekere. Tevana iaa te tama raa see kerekere maa iaa ia e kai aa see huihui ana rima.\"\nTe ffine e taaohi manava i Jesus\n21Jesus ni masike i te kina naa no hano iloo ki te matakaaina e taupiri atu ki Tyre ma Saidon. 22Te ffine tokotasi e noho i te matakaaina naa ni hanake kiaa Ia no tani ake, \"Te mokopuna David nei, aroha iaa nau! Taku tamariki ffine raa e uruhia te tipua; a ia e meemee ffaaeo iloo.\"\n23Jesus ni see hai taratara ni mee ake ki te ffine naa, teenaa ooatu iloo ana disaipol raa no mee ake ki Jesus, \"Heunatia te ffine naa ki hano! Ttama naa e sare tanitani koi vaamuri taatou.\"\n24Araa Jesus ku vanaake, \"Nau ni heunatia mai TeAtua ki au nau no tokonaki ki naa tama i te kanohenua Israel teelaa e mee pee ko naa manu ssiri. \"\n25Teenaa ki hanake te ffine raa no tuu ki ana turi imua Jesus no mee ake, \"TeAriki, tokonaki mai kiaa nau.\"\n26Araa vanaake iloo Jesus \"Te mee raa see tonu ma naa kaikai naa tamalliki raa e toa no kauake ki kkai naa poi.\"\n27Te ffine raa ki mee ake, \"E tonu, TeAriki. Tevana iaa naa poi raa hoki e kkai naa kaikai e ttoe e maaoha i te teevoo naa hakamau laatou.\"\n28Teenaa ki mee ake Jesus kiaa ia, \"Koe se ffine e haimahi too hakataakoto i TeAtua! Too tamariki ffine naa ma ki taukareka.\" Teenaa te tamariki te ffine naa ni taukareka i te saaita naa lokoi.\nJesus e haia a Ia te lopo tama e mmaki no taukalleka\n29Jesus ni masike i te kina naa no hano vaatai te Namo Galilee. A Ia ni hano no kake iloo ki aruna te tamaa mouna no noho ki laro. 30E tammaki iloo naa tama ni oo atu ma naa tama see lavaa te sassare, naa tama e ppuni naa karamata laatou, naa tama e ppiko naa vae laatou, naa tama see lavaa te taratara, aa ma te kau maki hoki no hakannohoria imua Jesus. Teenaa naa tama naa ni haia Jesus no taukalleka. 31Naa tama raa ni massaro iloo i naa tama ni see lavaa te taratara raa ku tarattara, naa tama ni ppiko naa vae laatou raa ku taukalleka, naa tama ni see lavaa te sassare raa ku sassare, aa naa tama ni see kkite raa ku kkite; naa tama naa ni hakannau katoo i te Atua Israel.\nJesus e haanai telaa kuturana tama e tammaki\n32Jesus ni aru ake ana disaipol raa no mee ake, \"Nau e aroha i naa tama nei; naa tama nei ku llava iloo naa aso laatou e toru ni nnoho ma nau, aa teenei laatou ku see hai kaikai e kkai. Naa tama nei see lavaa nau te heunatia ki oo see kkai, i laatou ma ki poouri koi naa karamata laatou no ssina iloto te ara.\"\n33Naa disaipol raa ki mee ake, \"Taatou ma ki llave ni kaikai i hea i te kina see nohoria nei ki haanai naa tama nei?\"\n34Teenaa ki vasiri ake Jesus ki laatou, \"E hia naa haraoa e nnoho ma kootou?\"\nNaa tama naa ki mee ake, \"Teenei ni haraoa e hitu aa ma naa tamaa ika.\"\n35Teenaa mee ake iloo Jesus ki naa tama raa ki nnoho ki te kerekere. 36Teenaa too iloo Ia naa haraoa e hitu naa no taku ki TeAtua. Ki oti raa, ttohi iloo naa haraoa raa no kauake ki ana disaipol raa ki vaevae atu ki naa tama. Araa oo iloo naa disaipol raa no vaevae naa haraoa raa ki naa tama. 37Naa tama raa hakkaatoa ni kkai no pposu. Teenaa oo iloo naa disaipol raa no ffao ake naa kaikai naa tama naa ni ttoe; laatou raa ni kete e hitu ni ffao no ppii. 38Te kooina katoo naa tama ni kkai i te kina naa e lava naa simata e haa. Teenaa ko naa taanata raa koi; naa haahine ma naa tamalliki raa see taaua.\n39Ki oti raa, heunatia iloo a Ia naa tama naa ka oo, a Ia iaa ku kake ki loto te poti raa no hano ki te matakaaina Magadan.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/15\/","date":"2018-09-18T18:06:53Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155634.45\/warc\/CC-MAIN-20180918170042-20180918190042-00171.warc.gz","language":"nho","language_score":1.0000034571,"language_script":"Latn","minhash_cluster_size":4,"top_langs":"{\"nho_Latn_score\": 1.000003457069397}","num_words":1352,"character_repetition_ratio":0.066,"word_repetition_ratio":0.001,"special_characters_ratio":0.238,"stopwords_ratio":0.563,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 10\nJesus e hakamaatino tana taka sinahuru maa te takarua aposol\n1Jesus ni aru ake tana taka sinahuru maa ttakarua disaipol raa no uii ake naa mahi TeAtua raa ki laatou, teenaa ki lavaa naa tama naa te hanahana naa tippua aa ki lavaa laatou te hakamasike naa tama e laavea te kau maki hakkaatoa. 2Teenei naa inoa naa tama ni tukua ki heheuna ma ni aposol Jesus:\nTtama mua raa ko Simon, (ttama ni taapaa Jesus ki Peter), laaua ma tana taina Andrew;\nJames laaua ma tana taina John, naa tama Sebedii;\n3Philip laaua ma Bartolomiu;\nThomas laaua ma Matthew, te tama e aoao naa takis;\nJames te tama Alpius, laaua ma Tadeus;\n4Simon, te tama e hai te kaavena teelaa see fiffai maa Rome e roorosi i Israel,\naa ko Judas Iscariot, te tama ma ki oti ku hakaarina ake ia Jesus ki naa hakamau.\nJesus e heuna ana aposol ki oo no mee ana heuna\n5I te saaita Jesus ni heuna ana aposol naa ki oo raa, a Ia ni taratara ake peelaa ki laatou, \"Kootou see oo atu ki naa matakaaina naa tama i naa henua sara aa ma naa matakaaina iloto Samaria. 6Kootou oo ki naa tama te kanohenua Israel; te kanohenua e mee pee ko naa sipsip e hurohuro ssiri. 7Kootou oo atu no hakaea atu peelaa ki naa tama naa, 'Te Nohorana te Lani raa ku saaita atu ki kootou!'+ 8Kootou ki haia kootou naa tama e mmaki raa ki taukalleka, hakaora naa tama e mmate, haia naa tama e laavea te maki leprosi raa ki taukalleka, aa ku hanahana naa tippua e tau i naa tama. Naa mahi naa ni kauatu vare ki kootou, aa teenaa, kootou see mee ma ki tauia kootou i te saaita kootou e mee naa mee naa. 9Te saaita kootou e oo raa, kootou ki see too ni mane ma ko naa kol, naa siliva, aa ma ni peni e mmea ka oo ma kootou; 10kootou see ppiki ma ni paeke haohao hekau, aa seai ma ni soa naa kkahu kootou, aa seai ma ni taka aa ma ni tokotoko ma ki oo ma kootou. I te aa, i kootou naa e heheuna iaa nau, teenaa naa tama i naa kina naa e tau te kauatu ni mee ma kootou.+\n11\"Te saaita kootou e ttae atu ki se matakaaina, kootou ku mmata i te tama ma ki hanatu no toa kootou raa, aa kootou ku oo atu no nnoho ma te tama naa ki tae iloo ki te saaita kootou ma ki massike i te kina naa ki oo. 12Te saaita kootou e uru atu ki loto se hare, kootou ki purepure atu ki naa tama te hare naa peelaa, 'Te laaoi TeAtua ki takoto i te hare nei.' 13Ki mee maa naa tama te hare naa e fiffai maa kootou ki nnoho ma laatou raa, teenaa naa purepure kootou naa ma ki takkoto i te hare naa; aa ki mee maa naa tama naa see fiffai maa kootou e nnoho ma laatou raa, naa purepure kootou naa e ahe koi ma kootou. 14Aa ki mee kootou e oo atu ki se hare, aa seai ki se matakaaina, aa naa tama i te kina naa see fiffai maa kootou ki oo ake, aa seai maa see hakannoo ki kootou, teenaa kootou ku tahitahi naa vae kootou aa kootou ku tiiake kootou te henua naa.+ 15Nau e taratara atu ki kootou: i te Aso te Hakatonu TeAtua raa, naa haaeo TeAtua ni ppesi ki naa tama i Sodom ma Gomora raa ma ki see tae ki ana haaeo ma ki ppesi atu ki naa tama te matakaaina naa!+\nNaa haaeo ma ki pakuu mai imuri\n16\"Kootou hakannoo mai! Kootou e heunatia a nau pee ko naa sukua sipsip e kaavea ki ttaka ma naa poi vao e kaittama. Kootou ki hai karamata pee ko naa kata ka meemee seemuu pee ko naa rupe.+ 17Kootou ki roorosi hakaraaoi iloo. E mee naa tama ma ki oo atu no tauhia kootou no taakina ki te koti, aa kootou ma ki sarua iloto naa hare lotu naa Jew. 18Kootou ma ki taakina naa tama naa no hakatuuria imua naa tuku ma naa hakamau, i te aa i kootou e tautari kiaa nau. Kootou ma ki hakaea te Lono Taukareka ki naa tama naa aa ma naa tama i naa henua sara. 19Aa te saaita kootou e tauhia no taakina ki te koti raa, kootou see ssopo naa manava kootou ma kootou ma ki taratara peehea ki hakattonu kootou. I too saaita e tukua ki taratara raa, naa taratara raa ma ki kauatu kiaa koe. 20I te aa, naa taratara ma ki tarataraina kootou naa, teenaa seai ni taratara kootou; teenaa ni taratara e kauatu TeAitu Tapu kootou Tamana ki tarataraina kootou.+\n21\"Naa tama ma ki hookii naa tino taaina laatou ki taaia ki mmate; naa tammana raa ma ki mee peenaa hoki ki naa tamalliki laatou. Naa tamalliki ma ki ffuri no hakatauttau ma naa maatua laatou, teenaa ma ki lavaa te tiiake laatou aaraa tama ki oo ake no taaia naa maatua laatou ki mmate.+ 22Naa tama hakkaatoa ma ki lotoffaaeo i kootou, i kootou e tautari kiaa nau. Tevana iaa te tama e hakataakoto tonu iaa nau no tae ki te hakaoti te maarama nei raa, te tama naa ma ki hakasaoria.+ 23Te saaita kootou e haia hakallikaina naa tama te matakaaina tokotasi, kootou ffuro ki telaa matakaaina. Nau e kauatu te taratara maaoni nei: Te saaita naa heuna kootou iloto naa matakaaina katoo iloto Israel raa seki hakaoti raa, Ttama te Henua raa ku tae mai.\n24\"See hai tama e akonakina e laka i aruna tana tisa; see hai poe e lavaa te hakahiti i tana hakamau.+ 25Teenaa te tama e akonakina raa ki hiahia i aa ia ku mee pee ko tana tisa, aa te poe raa ki hiahia i aa ia ku mee pee ko tana hakamau. Ki mee maa te tama hakamaatua i te haanauna raa e taapaa ma ko Belsebul, teenaa naa tama hakkaatoa i te haanauna naa ma ki taapaa ki naa inoa e hakallika iaa!+\nToo tama ki mataku\n26\"Kootou ki see mattaku i naa tama naa. Naa mee e ttanu i te saaita nei ma ki oti ku ilotia te henua hakkaatoa, aa naa vana huu hakkaatoa ma ki oti ku hakailootia.+ 27Aku taratara e taratara atu i te poo raa, kootou ki tarataraina naa taratara naa i te laa i aruna, aa aku taratara e taratara atu seemuu ki kootou soko kootou raa, kootou ki oo no hakaea ki te henua hakkaatoa. 28Kootou see mattaku i naa tama e taa koi te haitino te tama, iaa see lavaa te taia laatou tana manu; kootou ki mattaku are i TeAtua, i aa Ia e lavaa te taa te haitino te tama hakapaa ma tana manu i te kina te ahi e ura see mate.\n29\"Naa tamaa manu e lua e tauia koi ki te peni tokotasi, iaa seai iloo se manu i naa manu naa e lavaa te mate aa maa kootou Tamana raa ni see iloa. 30Aa kootou iaa, TeAtua e iloa maa e hia te kooina katoo naa lauru i naa pisouru kootou. 31Aa teenaa, kootou ki see mattaku; kootou e ttoe iaa i te inaho manu hakkaatoa!\nNaa tama e tautari ki Christ aa ma naa tama e hakakkeeina laatou Christ\n32\"Naa tama e taratara imua naa karamata te henua maa laatou ni tama aaku raa, nau ma ki taratara hoki imua taku Tamana i te lani maa naa tama naa ni tama aaku. 33Aa ki mee maa ni tama e taratara imua naa karamata te henua maa laatou see illoa iaa nau, nau ma ki mee ake ki taku Tamana i te lani raa i aa nau see iloa i naa tama naa.+\nJesus ni see au ma ki meemee hakapaa te henua\n34\"E aa? Kootou e mannatu maa nau ni au no mee ki nnoho hakaraaoi naa tama te maarama nei? Seai iloo! Nau ni au no mee ki see nnoho hakapaa naa tama te maarama nei. 35Nau ni au no hakkoro naa tama taanata raa ki see hakannoo ki naa tammana laatou; naa tama haahine raa ki see hakannoo ki naa tinna laatou; aa naa haahine e aavvana raa ki see hakannoo ki naa hinaona ffine laatou. 36Naa tino hareaakina iloo kootou raa, teenaa ko naa tama ma ki tautau haaeo kootou.+\n37\"Ki mee maa te llee naa manava kootou i naa tammana ma naa tinna kootou raa e ttoe iaa i te llee naa manava kootou iaa nau, teenaa kootou see tau te mee ma ni disaipol aaku; naa tama e llee naa manava laatou i naa tama taanata ma naa tama haahine laatou, e ttoe iaa i te llee naa manava laatou iaa nau raa, naa tama naa see tau te mee ma ni disaipol aaku. 38Naa tama see massike no amo naa kros laatou no tautari mai kiaa nau raa see tau te mee ma ni disaipol aaku.+ 39Te tama e hakaseresere tana ora raa, a ia ma ki see kite te ora naa; aa te tama e tiiake mai tana ora no tautari kiaa nau raa, te tama naa ma ki taaohi te ora maaoni.+\nNaa tuuhana\n(Mk 9.41)\n40\"Te tama e meemee hakaraaoi atu ki kootou raa, e meemee hakaraaoi kiaa nau; aa te tama e meemee hakaraaoi iaa nau raa, a ia e meemee hakaraaoi ki te tama ni heuna ma ki au nau.+ 41Te tama e meemee hakaraaoi ki se pure TeAtua i aa ia e iloa maa teenaa se tama e heunatia mai TeAtua raa, te tama naa ma ki kauake tana tuuhana e noto ki te tuuhana te pure TeAtua raa ma ki too. Aa te tama e meemee hakaraaoi ki te tama e sosorina taukareka i aa ia e iloa maa teenaa se tama e taukareka raa, te tama naa ma ki kauake tana tuuhana e noto ki te tuuhana te tama e sosorina taukareka raa ma ki too. 42Aa ki mee maa koe e kauake se vai ua koi ma ki unu se tamavare i naa tama nei, i aa koe e iloa maa ia se disaipol aaku raa, nau e kauatu te taratara maaoni nei: koe ma ki kauatu hakaraaoi iloo too tuuhana.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/10\/","date":"2018-09-21T15:16:36Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267157216.50\/warc\/CC-MAIN-20180921151328-20180921171728-00016.warc.gz","language":"nho","language_score":1.0000078678,"language_script":"Latn","minhash_cluster_size":2,"top_langs":"{\"nho_Latn_score\": 1.0000078678131104}","num_words":1800,"character_repetition_ratio":0.069,"word_repetition_ratio":0.012,"special_characters_ratio":0.233,"stopwords_ratio":0.599,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MARK 8\nJesus e haanai naa tama e lava naa simata e haa\n1I naa aso naa koi, telaa kuturana e lasi ni oo ake no kkutu ake ki Jesus. Saaita naa kaikai naa tama naa ni oti raa, Jesus ki mee ake ki ana disaipol, 2\"Nau e aroha i naa tama nei, i naa tama nei ku llava iloo naa aso laatou e toru ni nnoho ma nau, aa teenei laatou ku see hai kaikai. 3Ki mee maa laatou e kaavea a nau see kkai ki naa hare laatou, naa tama naa ma ki takalloo no ssina i te ara, i aaraa tama laatou ni oo mai iloo i naa kina e mmao.\"\n4Teenaa ki vasiri ake ana disaipol, \"Taatou ma ki llave ni kaikai peehea i te kina see nohoria nei ki haanai naa tama nei?\"\n5Jesus ki vasiri ake, \"E hia naa haraoa e nnoho ma kootou?\"\nAna disaipol raa ki mee ake, \"E hitu.\"\n6Araa vanaake iloo Jesus ki te kanohenua naa ki nnoho ki laro. Teenaa too iloo Ia naa haraoa e hitu naa no taku ki TeAtua. Ki oti raa, tohitohi iloo naa haraoa raa no kauake ki ana disaipol raa ki vaevae ake ki naa tama. Araa oo iloo naa disaipol raa no vaevae naa haraoa. 7Naa disaipol naa hoki ni mee naa uruai ika laatou. Jesus ni too naa ika naa no taku ki TeAtua, araa kauake hoki naa ika naa ki ana disaipol raa ki too no vaevae ki naa tama. 8Naa tama raa hakkaatoa ni kkai no pposu. Teenaa oo iloo naa disaipol raa no ffao ake naa kaikai naa tama naa ni ttoe; laatou raa ni ffao naa kete e hitu no ppii. 9Te kooina katoo naa taanata i te kina naa e lava naa simata e haa. Ki oti raa heunatia iloo a Ia naa tama naa ka oo ki naa matakaaina laatou. 10A Ia iaa ku kake ma ana disaipol raa ki te poti laatou raa ka oo ki te matakaaina Dalmanuta.\nNaa Faarisi raa ku mee ake ki Jesus ki huri ake naa mahi TeAtua\n11E mee naa Faarisi ni oo ake ki Jesus no hakatauttau laatou. Naa tama naa ni sessee ara ma ki hakasara se vana maa Jesus, teenaa vanaake iloo laatou ki Jesus ki hakasura se mirakol, ki huri ake peelaa maa naa mahi TeAtua e takkoto i aa Ia.+ 12Jesus ni pesi tana maanava no mee ake peelaa ki laatou, \"Se vana peehea naa tama i te ssao nei e sessee ma ki kkite laatou maa ni mirakol? Nau e vanaatu ki kootou! See hai vana peenaa ma ki hakasuratia ki kkite naa tama nei!\"+\n13Teenaa masike iloo Jesus no ahe ki te poti laatou raa no hano ki telaa vasi te namo.\nMatamata hakaraaoi naa akonaki hakalellesi naa Faarisi ma Herod\n14Naa disaipol raa ni ssiri ma ki too ake ni haraoa ki llava i laatou; teelaa se haraoa koi tokotasi laatou ni too ake i te poti. 15Jesus ki mee ake ki laatou, \"Kootou ki roorosi hakamattoni lokoi i te iis naa Faarisi raa ma Herod.\"+\n16Teenaa kaamata iloo naa disaipol raa te taratara soko laatou: \"Ttama nei e taratara peenei i taatou see hai haraaoa.\"\n17Jesus ni iloa i naa taratara naa tama naa e hai, teenaa vasiri ake iloo Ia peelaa, \"Ai kootou e taratara ai i te see hai haraaoa kootou? Naa pisouru kootou seki massaro iloo? Kootou ku manava makattau peehea? 18Kootou e mee naa karamata kootou, aa kootou see kkite peehea? Kootou e mee naa kautarina kootou, aa kootou see llono peehea? Kootou se hakamaarona?+ 19I taku saaita ni ttohi naa haraoa e rima raa ka haanai naa simata e rima naa taanata, e hia naa kete e ppii kootou ni ffao i naa kaikai ni ttoe?\"\nNaa disaipol raa ki mee ake, \"Sinahuru maa rua.\"\n20Jesus ki mee ake hoki, \"Aa i taku saaita ni ttohi naa haraoa e hitu ka haanai naa simata e haa, e hia naa kete e ppii kootou ni ffao i naa kaikai ni ttoe?\"\nNaa disaipol raa ki mee ake \"E hitu.\"\n21Teenaa ki mee ake Jesus, \"Aa teenei kootou seki illoa iloo?\"\nTe tama e ppuni ana karamata e haia Jesus no taukareka i Bethsaida\n22Jesus ma ana disaipol raa ni oo no ttae iloo ki Bethsaida, teenaa e mee naa tama i te kina naa ni too ake laatou te tanata tokotasi e ppuni ana karamata no ttaro ake ki Jesus ki paa tana rima i te tanata raa ki taukareka. 23Jesus ki ppiki ki te rima te tanata raa no hakattaki ki taha te henua naa. Teenaa saavare iloo ki naa karamata te tanata raa ka ppoo atu ana rima ki ana karamata. Araa vasiri ake iloo Ia peelaa ki te tanata, \"Koe e hai mee e kite?\"\n24Te tanata raa ni ttoka ki aruna no mee ake peelaa, \"Uee, nau e kite i naa tama, tevana iaa laatou e tiputtipu ma ni laakau e sassare.\"\n25Jesus ki ppoo hoki ana rima ki ana karamata. Saaita nei raa te tanata naa ku lavaa te ttoka, teenaa a ia ku lavaa te kite hakaraaoi i naa mee hakkaatoa. 26Teenaa heunatia iloo Jesus te tanata naa ka hano, tevana iaa a Ia ni vanaake peelaa ki te tanata naa, \"Koe see ahe atu ki te matakaaina naa.\"\nPeter e taratara maa Jesus ko te Mesaea\n27Jesus ma ana disaipol raa ni massike i Galilee ka oo iloo ki naa matakaaina e ttuu tauppiri ki Sisaria Filipai. Saaita laatou ni sassare ka oo raa, Jesus ni vasiri ake ki laatou, \"Te henua e taratara maa nau ko ai?\"\n28Ana disaipol raa ki mee ake, \"E mee naa tama e hai maa koe ko John te Baptis, aa aaraa tama e hai maa koe ko Elijah. Aaraa tama iaa e hai maa koe se pure i naa pure TeAtua.\"+\n29Teenaa vasiri ake iloo Jesus ki laatou, \"Ai kootou? Kootou e mee maa nau ko ai?\"\nPeter ki mee ake, \"Koe naa ko te Mesaea.\"+\n30Teenaa taratara ake iloo Jesus ki laatou, \"Kootou see taratara ake ki ni tama i aa nau.\"\nJesus e taratara hakaoti i tana mate\n31Teenaa kaamata iloo Jesus te akonaki ake ana disaipol: \"Ttama te Henua raa ma ki hakallono iloo ki te isu, aa ma ki hakakkee ina naa tama hakamaatua naa Jew, naa maatua hakamaatua, aa ma naa tisa naa Loo. Ttama naa ma ki taia no mate, tevana iaa a Ia ma ki masike no ora hoki i te ttoru naa aso.\" 32Jesus ni taratara ake hakaraaoi iloo i tana mate naa ki naa tama naa. Teenaa huri atu iloo Peter no ttaki iaa Ia ki te vasi no nutua. 33Jesus ni karopa no ttoka iloo ki ana disaipol, teenaa huri atu iloo no nutua a Ia Peter: \"Satan, hakataha iaa nau. Teenaa seai ni mannatu TeAtua naa e taka ma koe, teenaa ni mannatu naa tama te maarama nei!\"\n34Araa kannaa iloo Jesus ki ana disaipol aa ma naa tama e ttuu i te kina naa no mee ake peelaa, \"Ki mee se tama e hiihai maa ia ki tautari kiaa nau, a ia ki see hakataakoto kiaa ia soko ia, aa ia ku ssau tana kros raa no tautari mai kiaa nau.+ 35I te tama e hakaseresere tana ora raa, a ia ma ki see kite te ora maaoni; aa te tama e tiiake mai tana ora ki haia a ia aku heuna aa ma naa heuna te Lono Taukareka raa, ttama naa ma ki taaohi te ora maaoni.+ 36Se aa e taukareka ma ki sura i te henua, ki mee maa naa mee katoo i te maarama nei e tauhia laatou, aa laatou iaa see taaohi te ora maaoni? Seai iloo! 37See hai mee hoki te henua e lavaa te hookii ma se uruhana ki hakaahe ake naa ora laatou. 38Ki mee maa se tama e napa iaa nau aa i aku akonaki, i te nnoho taatou ma naa tama see illoa i TeAtua aa e sosorina hakallika i te ssao nei raa, teenaa te Tama te Henua raa ma ki napa iaa ia i tana saaita ma ki au iloto naa mahi tana Tamana ma naa ensol e ttapu.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/8\/","date":"2018-09-21T04:44:04Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156780.2\/warc\/CC-MAIN-20180921033529-20180921053929-00382.warc.gz","language":"nho","language_score":1.0000017881,"language_script":"Latn","minhash_cluster_size":4,"top_langs":"{\"nho_Latn_score\": 1.0000017881393433}","num_words":1451,"character_repetition_ratio":0.069,"word_repetition_ratio":0.015,"special_characters_ratio":0.237,"stopwords_ratio":0.532,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 25\nFestus e hakannoo ki te koti Paul\n1Ku llaka naa aso e toru i te ttae ake ana Festus ki te matakaaina naa raa, Festus ni masike i Sisaria no hano ki Jerusalem. 2Teenaa naa maatua hakamaatua te Hare Tapu ma naa tama hakamaatua naa Jew raa ki oo ake no kotia laatou Paul ki Festus. Naa tama naa ni puratia laatou Festus 3ki hakannoo ki laatou aa ku too ake Paul ki Jerusalem, i te aa, i laatou ku oti te taratara hakaoti ki taia laatou Paul i te ara. 4Festus ki hakaahe ake, \"Paul e karapusi i Sisaria, aa teenei nau ku taupiri ki ahe nau ki te kina naa. 5Tiiake naa tama naa ki oo maatou hakapaa ki Sisaria, aa laatou ku kotia laatou Paul ki mee maa ia ni hakassara ana vana.\"\n6Festus ni noho ake i Jerusalem naa aso e varu seai e sinahuru ma naa tama naa, teenaa masike iloo no hano ki Sisaria. I te ssoa te aso raa, a ia ni hano no noho i te hare koti raa no aru ki too ake Paul. 7I te saaita Paul ni tae ake ki te hare koti raa, naa Jew teelaa ni oo ake i Jerusalem raa ni oo ake no ttuu i naa vasi Paul no kauake ki Festus maa ni sara Paul ni mee. Tevana iaa naa tama naa ni see lavaa iloo te hakatonu ake i te hakamaaoni naa taratara naa. 8Teenaa Paul ki masike no taratara, \"Nau seai taku vana e sara ni mee ki naa Loo naa Jew aa ki te Hare Tapu; nau seai hoki aku taratara e hakallika ni mee ki te Tuku Hakamau i Rome.\"\n9Tevana iaa Festus ni hiihai maa naa Jew raa ki fiaffia iaa ia, teenaa ki vasiri ake ia peelaa ki Paul, \"Koe e hiihai maa koe ki hano ki Jerusalem ki hakannoo nau ki too koti raa i te kina naa?\"\n10Paul ki mee ake, \"Nau nei e tuu imua te koti te Tuku Hakamau i Rome; aa teenei taku kina ki koti. Koe e iloa hakaraaoi iloo i aa nau seai taku sara ni mee ki naa Jew. 11Ki mee maa naa Loo raa ni hakasaraina a nau aa maa nau ni mee ni vana e ssara teelaa e tau ma nau ki tukua ki mate, teenaa nau see kapi taku maaisu ma ki see taia nau. Aa ki mee maa naa taratara naa Jew nei seai maa ni taratara maaoni, nau see lavaa te kaavea se tama ki naa tama naa ki taia. Nau e hiihai maa te Tuku Hakamau i Rome raa ki hakannoo ki taku koti nei!\"\n12Te saaita Festus ni oti te taratara ma tana kansol raa, a ia ki mee ake, \"Koe e hiihai maa te Tuku Hakamau i Rome raa ki hakannoo ki too koti nei, teenaa koe ma ki kaavea a nau ki te Tuku i Rome.\"\nFestus e taratara ake ki Agripa i Paul\n13Ku llaka ana aso raa, te Tuku Agripa laaua haikave ma Bernis ni oo ake ki Sisaria no mmata i Festus. 14Takarua naa ni nnoho ake naa aso laaua i te kina naa, teenaa Festus ki taratara ake ki te tuku raa i te koti Paul: \"E mee te tanata ni tiiake Felix ka moe iloto te hare karapusi. 15Taku saaita ni hano ki Jerusalem, naa maatua hakamaatua ma naa tama hakamaatua naa Jew raa ni oo ake no kotia laatou te tama naa kiaa nau. Naa tama naa ni ppura iloo ma ki hakatonu nau maa ttama naa e sara. 16Tevana iaa nau ni taratara ake ki naa Jew naa maa te ara taatou, naa tama i Rome, e hakatonutonu te tama e kotia raa, taatou see illoa te ttapa lokoi maa te tama e kotia raa e sara; taatou maraa e tiiake te tama naa ki noho hakapaa ma naa tama e mee laatou koti iaa ia, teenaa ki lavaa te tama naa te hakatonu tana vasi raa imua. 17Te saaita naa tama naa ni oomai maatou ki te kina nei raa, nau ni seai iloo ki ttari, nau ni hano no noho iloto te koti raa no aru ki too ake te tama naa. 18Aa te saaita naa Jew naa ni massike no taratara, nau ni maanatu maa naa tama naa ma ki hakaari mai maa ni mee e hakallika te tama naa ni ppena. Araa nei naa tama naa ni see hai vana peenaa ni mee. 19Naa tama naa e taratara are i naa hakatauttau laatou ma te tama naa i te lotu laatou aa i te tama e ttapa ma ko Jesus, teelaa ni mate; tevana iaa Paul e hai maa ttama naa e ora. 20Nau ni see iloa maa te hakamaaoni naa taratara nei ma ki seeia a nau peehea. Teenaa ki vasiri ake nau ki Paul ki mee maa ia e hiihai ki hano ia ki Jerusalem, ki hakannoo nau ki tana koti raa i te kina naa. 21Araa nei Paul ni ppura maa te Tuku Hakamau Rome raa ki hakannoo ki tana koti. Teenaa ki vanaake nau ki aku soldia raa ki tauhia Paul ki tae ki tana saaita ma ki heunatia a nau ki te Tuku Hakamau Rome.\"\n22Teenaa ki mee ake Agripa ki Festus, \"Nau hoki e hiihai maa nau ki hakannoo ki naa taratara te tama naa.\"\nFestus ki mee ake, \"Taiao koe ku hakannoo ki naa taratara te tama naa.\"\n23Telaa aso raa, Agripa laaua ma Bernis ni hakao ki naa kkahu naa tuku raa ni uru ake ki loto te hare koti e lasi te henua naa. Takarua naa ni uru ake ma naa hakamau te matakaaina naa aa ma naa hakamau naa soldia. Araa Festus ku vanaake ki naa soldia raa ki taakina ake Paul ki hare. 24Festus ki kaamata no taratara, \"Te Tuku Agripa ma naa tama hakkaatoa e noho i te kina nei. Teenei te tanata ni oomai naa Jew hakkaatoa teelaa e nnoho i te kina nei aa ma i Jerusalem no kotia kiaa nau; naa tama naa ni oomai no kkaa iloo naa pukua laatou kiaa nau maa te tama nei ki taia ki mate. 25Tevana iaa nau ni seai taku sara ni kite i te tama nei teelaa e tau maa ia ki taia ki mate. Ttama nei tana tino iloo ni hiihai maa te Tuku Hakamau i Rome raa ki hakannoo ki tana koti nei, teenaa ki mee ai taku maanatu maa te tama nei ki kaavea ki Rome. 26Tevana iaa nau seai aku taratara hakaraaoi e iloa ma ki sissii nau i te ssara te tama nei no kkave ki te Tuku Hakamau i Rome. Teenei e toomai ai nau te tama nei kiaa koe, te Tuku Agripa, ki seeia a koe te tahito te ssara te tama nei. Teenaa too saaita ku ilotia a koe te ssara te tama nei raa, nau raa ku iloa maa ni taratara peehea nau ki sissii no kkave ki Rome. 27I te aa, nau e maanatu maa see tonu maa nau e kaavea koi nau te karapusi nei ka hano, aa nau iaa see sissii maa ni sara peehea te tama nei ni mee.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/25\/","date":"2018-09-24T05:35:04Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160145.76\/warc\/CC-MAIN-20180924050917-20180924071317-00105.warc.gz","language":"nho","language_score":1.0000047684,"language_script":"Latn","minhash_cluster_size":2,"top_langs":"{\"nho_Latn_score\": 1.000004768371582}","num_words":1277,"character_repetition_ratio":0.08,"word_repetition_ratio":0.006,"special_characters_ratio":0.235,"stopwords_ratio":0.558,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"JOHN 15:4\n4Kootou ki hakappae mai kiaa nau. Nau hoki ma ki hakappae atu ki kootou. See hai laa e lavaa te ffua ki mee te laa naa e mahaaki no moe soko ia. Te laa te laakau raa e hakauu ki te tahito raa ki lavaa te laa naa te ffua. Peelaa hoki, naa ora kootou see lavaa te ffua ki mee kootou see hakauu naa ora kootou kiaa nau.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/John\/15\/4","date":"2018-09-25T18:02:33Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267161902.89\/warc\/CC-MAIN-20180925163044-20180925183444-00034.warc.gz","language":"nho","language_score":0.752492547,"language_script":"Latn","minhash_cluster_size":2,"top_langs":"{\"nho_Latn_score\": 0.7524925470352173, \"hif_Latn_score\": 0.04939071834087372, \"wls_Latn_score\": 0.039250679314136505, \"rar_Latn_score\": 0.03657447546720505}","num_words":151,"character_repetition_ratio":0.075,"word_repetition_ratio":0.0,"special_characters_ratio":0.204,"stopwords_ratio":0.265,"flagged_words_ratio":0.0,"lang_id_score":0.765,"perplexity_score":500.0,"cluster_detection":1} +{"text":"MATTHEW 2\nNaa horau e oo ake i te anake no mmata i Jesus\n1Jesus ni haanau i te taon Bethlehem i Judea, i te saaita Herod ni tuku. I te saaita naa raa, e mee naa tama e llau te tokatoka i naa hetuu ni oo ake i naa matakaaina e ttuu i te anake ki Jerusalem. Naa tama naa ni oo ake no vasirisiri peelaa, 2\"Teehea te tamariki e haanauria iho ma se tuku naa Jew? Maatou ni kkite i te masike mai ana tana hetuu raa i te anake, aa teenei maatou ku oomai no lotu kiaa Ia.\"\n3Te saaita Herod ni lono i naa taratara nei raa, tana manava ni hakallika iloo, aa naa tama hoki i Jerusalem raa ni llono i te taratara nei. 4Herod ni aru ake naa maatua hakamaatua raa hakkaatoa ma naa tisa naa Loo raa no vasiria, \"Te Mesaea raa ma ki haanauria mai i hea?\"\n5Naa tama naa ki mee ake, \"Te Mesaea raa ma ki haanau mai i Bethlehem iloto Judea. Naa taratara te pure TeAtua ni sissii raa e taratara peenei:\n6'Bethlehem, koe see mee ma se tamaa henua vare koi e tuu iloto Judea.\nE mee te tuku ma ki haanau mai i te taon naa,\nteenaa ko te tama ma ki roorosi i taku kanohenua Israel.'\"+\n7Teenaa kkave iloo te taratara Herod ki naa horau ni oo ake i te anake raa no vasiri seemuu ki naa tama naa ki ilotia a ia te ssao te hetuu raa ni sopo ake. 8Araa teenaa, heunatia iloo ia naa tama naa ki oo ki Bethlehem, ka taratara ake peelaa ki naa tama naa, \"Kootou oo atu no ssee hakaraaoi iloo ki laavea kootou te tamariki naa, aa te saaita te tamariki naa e laavea kootou raa, kootou ku hakaari mai ki iloa nau, ki hanatu hoki nau no lotu iaa ia.\"\n9-10Te saaita Herod ni oti te kauake ana taratara naa raa, massike iloo naa tama naa ka oo. I loto te ara raa naa tama naa ni kkite hoki i te hetuu teelaa ni kkite laatou e hanake i te anake. Naa tama naa ni fiaffia iloo i te saaita laatou ni kkite i te hetuu naa. Te hetuu naa ni hano vaamua laatou no takoto iloo i aruna te kina te tamariki raa e noho ai. 11Naa tama naa ni oo atu no uru atu iloo ki loto te hare, aa i te saaita laatou ni kkite i te tamariki naa e noho mai ma Mary, tana tinna raa, naa tama naa ni ttuu katoo ki naa turi laatou no lotu kiaa ia. Teenaa ffana ake iloo naa kol, naa 'frankincense', aa ma naa 'myrrh' no tuku atu kimua te tamariki.\n12Teenaa ahe iloo naa tama naa ki te henua laatou i telaa ara, i te aa, i laatou ni mmiti i naa taratara ake TeAtua ki see ahe laatou ki Herod.\nTe haimaatua raa ku ffuro ki Egypt\n13I te saaita naa horau naa ku oti te ahe raa, te ensol TeAtua raa ni hakasura ake ki Joseph iloto tana miti no mee ake, \"Herod ma ki seeia a ia te tamariki naa ki taia. Masike, koe ku too te tamariki naa ma tana tinna raa, kootou ku ffuro ki Egypt no nnoho ki tae iloo ki taku saaita ma ki vanaatu ki hakattaha kootou.\"\n14Teenaa masike lokoi Joseph no too te hai tinna raa no ffuro laatou i te poo ki Egypt. 15Laatou ni nnoho i te kina naa no tae iloo ki te saaita Herod ku mate. Naa vana nei ni ssura ki ttino naa taratara TeAtua ni tarataraina tana pure, teenaa ko te taratara e mee peelaa, \"Nau ni kannaa ki taku Tama raa ki hakataha i Egypt.\"+\nNaa tamalliki raa ku taaia Herod\n16Saaita Herod ni iloa maa ia ni hakarereesia naa horau ni oo ake i te anake raa, a ia ni loto hakallika iloo. Teenaa heuna iloo ana soldia raa ki oo no taaia katoo naa tamalliki koi punaammea no tae iloo ki naa tamalliki ku ttae ki naa setau e lua i Bethlehem ma naa matakaaina e ttuu tauppiri atu. I te aa, i naa horau raa ni taratara maa te hetuu raa ni kiitea mua lokoi laatou i naa setau e lua ku oti te llaka raa.\n17Teenei naa taratara Jeremiah, te pure TeAtua, ku ttino maaoni; teenaa ko ana taratara ni sissii peelaa:\n18\"Teelaa se tama ku mate hakaoti i ana tanitani mai i Ramah.+\nRachel e tanitani i tana aroha i ana tamalliki;\nA ia see hiihai maa ia e haka aneaneria,\ni ana tamalliki raa ku mmate.\"+\nTe haimaatua Joseph ma Mary aa ko Jesus ku ahe ki Nazareth\n19I te saaita Herod ku oti te mate raa, te ensol TeAtua raa ni hakasura ake ki Joseph iloto tana miti i Egypt, 20no vanaake kiaa ia, \"Masike no too te hai tinna naa aa kootou ku ahe ki Israel, i naa tama ni haia laatou te tamariki naa ki taia ki mate raa ku oti te mmate.\" 21Teenaa masike iloo Joseph no too te hai tinna raa no ahe laatou ki Israel.\n22Tevana iaa i te saaita Joseph ni lono maa Arkelaus ku sui tana tamana, Herod, no tuku i Judea raa, a ia ni mataku te hanatu ki te kina naa. Teenaa TeAtua ni hakasura atu hoki kiaa ia iloto tana miti no vanaake ki hano ia ki Galilee. 23A ia ni hano no hakatuu iloo tana hare i te matakaaina e ttapa ma ko Nazareth. Teenaa naa taratara naa pure TeAtua raa ni ttino maaoni: \"A Ia ma ki taapaa ma se tama haka Nazareth.\"+\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/2\/","date":"2018-09-22T01:50:25Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158001.44\/warc\/CC-MAIN-20180922005340-20180922025740-00237.warc.gz","language":"nho","language_score":0.9999885559,"language_script":"Latn","minhash_cluster_size":2,"top_langs":"{\"nho_Latn_score\": 0.9999885559082031}","num_words":1023,"character_repetition_ratio":0.072,"word_repetition_ratio":0.008,"special_characters_ratio":0.232,"stopwords_ratio":0.513,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 28\nPaul ku noho i Malta\n1Saaita maatou ni ttae hakaraaoi iloo ki uta raa, maatou ku illoa maa teenaa ko te henua e ttapa ma ko Malta. 2Maatou ni haia hakaraaoina iloo naa tama te henua naa. Teenaa naa tama naa ni hakkaa te ahi raa ki hakamahana naa haitino maatou, i te ua raa ni kaamata no too ka saumakallii te kina naa. 3Paul ni hano no too ake iloo te sai ffie, teenaa i tana saaita ni tukutuku atu naa ffie raa ki te ahi raa, te kata raa ku ttoro iho iloto naa ffie, i te mee raa e vvela, no aavei i te rima Paul. 4Saaita naa tama te henua naa ni kkite i naa tautau ake te kata raa i te rima Paul raa, naa tama naa ni ffuri no taratara soko laatou: \"Ttama nei se tama e taa tama maaoni. Niaaina maa te tama nei ni see maremo i te moana raa, a ia nei see lavaa te tiiake koi ki ora.\" 5Araa nei Paul ni riaki tana rima no leiho iloo te kata raa ki loto te ahi, teenaa a ia ni seai tana kina ni uutia. 6Naa tama te henua naa ni mannatu maa te haitino Paul ma ki ffura, ki mee maa seai, te tama naa ma ki leiho koi no mate. Laatou ni nnoho rooroa iloo ka tokatokaria laatou Paul, araa nei ni see hai vana ni mee ki Paul, teenaa ki ffuri laatou no taratara maa Paul se atua.\n7See mmao i te kina maatou e nnoho raa, e mee te kerekere te tama hakamaatua te henua naa, tana inoa ko Publius. Maatou ni toa hakaraaoina iloo te tama naa ki tana hare no nnoho maatou naa aso e toru ma ia. 8Te tamana Publius naa e moe ka maki i ana moelana; a ia e laavea te makallii aa e llee tana kaikai. Paul ni uru atu ki te kina te tama naa e moe raa no taku iloo ki TeAtua, teenaa hakapiri iloo ana rima ki aruna te pisouru te tama naa no haia ttama naa no seai tana maki. 9Naa tama hakkaatoa e mmaki i te henua naa ni oo ake ki Paul ki haia laatou ki taukalleka. 10Naa tama te henua naa ni kaumai te lopo mee ki maatou, teenaa kimuri iloo, i te saaita maatou ni mee ki tere raa, te vaka maatou raa ni hakautania naa tama naa ki naa kaikai ki tere ma maatou.\nPaul ku tae ki Rome\n11Maatou ni nnoho naa marama maatou e toru hakkaatoa i te henua naa. Teenaa maatou ni kkake i te vaka ni hanake i Alexandria, teelaa ni tuu ka hakalluu i te henua naa ki laka te ssao naa matani e llasi. Te vaka naa e ttapa ma ko te \"Saumaasana aitu\". 12Maatou ni tere no tae iloo ki te matakaaina Sirakus no nnoho naa aso e toru i te kina naa. 13Teenaa uhuki hoki maatou ka tere no tae ki Retium. I te ssoa te aso raa te matani raa ni oko mai i te kipu. Teenaa tere iloo maatou no tae ki Puteoli i te ssoa hoki te aso. 14Teenaa maatou ni tauhia naa tama te lotu ni ttiri i maatou i te kina naa ki nnoho ake maatou se wiki ma laatou. Aa teenei te ara maatou ni oomai no ttae ki Rome. 15I te saaita naa tama te lotu i Rome raa ni llono maa maatou ku ttae ake raa, aaraa tama i naa tama naa ni oo no ttari mai ki maatou i Apius aa aaraa tama ni oo no tari mai i te kina e ttapa ma ko \"naa Hare Moemmoe e Toru\". I te saaita Paul ni kite i naa tama naa raa, tana manava ni taukareka iloo no taratara hakahiahia ia i TeAtua.\nPaul ku noho i Rome\n16Te saaita maatou ni ttae ki Rome raa, Paul ni tiiake ki noho soko ia ka roorosi te soldia tokotasi iaa ia.\n17Ku llaka naa aso e toru raa, Paul ni aru ake ki naa tama hakamaatua naa Jew i te kina naa ki oo ake ki taratara laatou. I te saaita naa tama naa ni kkutu ake raa, a ia ki taratara ake ki laatou, \"Aku taaina nei. Niaaina maa nau ni see hai vana e hakallika ni mee ki naa tama taatou aa ki naa tiputipu taatou, naa tama i Israel, teelaa ni hano iho iloo i naa tippuna taatou raa, nau ni karapusina i Jerusalem aa teenei nau ku kaavea mai ki Rome. 18I taku saaita ni toa naa hakamau Rome no vasiria raa, naa hakamau naa ni kkite maa nau see haisara teelaa e tau ma nau ki taia ki mate. Teenaa taratara iloo naa tama naa maa nau ki tiiake ki hano. 19Araa nei naa Jew raa ni see fiffai maa nau ki tiiake ki hano, teenaa ni huri ai nau no mee ake ki naa hakamau Rome raa i aa nau e hiihai maa te Tuku Hakamau Rome raa ki hakannoo ki taku koti nei. Tevana iaa nau ni see mee maa nau e au no kotia naa tama taku tino henua.+ 20Teenei ko taku vana ni aru atu ki taratara atu nau ki kootou. Nau nei e saisaitia ki naa seni nei i aa nau e tautari ki te tama e taaohi manava ai te kanohenua Israel hakkaatoa.\"\n21Naa Jew raa ki mee ake, \"Maatou see hai pas e kaavea mai i Judea maa e taratara iaa koe, aa see hai tama hoki i naa tama maatou ni oomai i Judea ni taratara hakallika iaa koe. 22Maatou e fiffai maa maatou ki llono i too hakataakoto i te mee nei, i te aa i maatou e illoa maa naa tama i naa kina hakkaatoa e taratara hakallika i te kaavena te lotu kootou.\"\n23Teenaa naa tama naa ni tuku laatou aso ki oo ake hoki laatou no mmata i Paul, aa i te aso naa raa te kooina naa tama ni oo ake ki te hare e noho ai Paul raa e tammaki iloo. Paul ni hakaea atu ki naa tama naa i naa tiputipu te Nohorana TeAtua, aa e akonaki ake i naa takkoto naa taratara i naa Loo Moses aa ma naa taratara naa pure TeAtua ni sissii imua, teenaa ki illoa hakaraaoi naa tama naa i Jesus Christ. Paul ni kaamata iloo i te tahaata no tae ki te laasuru i ana noho ka akonaki naa tama naa. 24Aaraa tama i naa Jew naa ni huria iloo naa manava laatou i naa taratara Paul, aa aaraa tama iaa e hai maa teenaa seai ni taratara maaoni. 25I te saaita naa tama naa ni masseu ka hakatauttau soko laatou raa, Paul ki pesi ake te taratara nei ki laatou: \"TeAitu Tapu raa ni taratara tonu maaoni ki naa tippuna kootou, teenaa ko ana taratara ni tarataraina Isaiah:\n26'Tere no vanaake ki te kanohenua nei:\nKootou ma ki llono i aku taratara,\ntevana iaa kootou ma ki see massaro;\nkootou ma ki ttoka no kkite i aku vana e mee,\ntevana iaa kootou ma ki see illoa i te hakataakoto naa mee naa.\n27I te aa, i naa tama nei e manava makattau;\nnaa tama naa see fiffai maa laatou ki hakannoo;\nnaa tama naa see fiffai maa laatou ki kkite.\nTeenaa naa tama naa ma ki see kkite ki naa karamata laatou;\nnaa kautarina laatou ma ki ppuni;\naa naa hakataakoto laatou ma ki see mallama,\naa teenaa laatou ma ki see ffuri mai kiaa nau ma ki haia laatou ki taukalleka.'\"+\n28\"Kootou ki illoa maa te taratara raa ku oti te kkave ki naa tama i naa henua sara i laatou ma ki hakassaoria TeAtua, teenaa naa tama naa ma ki hakannoo.\"\n29[Te saaita Paul ni oti ana taratara nei raa, naa Jew raa ni hakatauttau soko laatou ka masseu ki naa kina laatou.]\n30Paul ni noho ana setau e lua i tana hare e taavi i te kina naa, teenaa a ia ni hakauru ki tana hare naa te kau tama hakkaatoa teelaa ni oo ake no mmata iaa ia. 31A ia ni see kkapo te hakaea i te Nohorana TeAtua ka akonaki ki te henua i naa tiputipu TeAriki Jesus Christ. Teenaa ni see hai tama ni hanake no puuia a ia.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/28\/","date":"2018-09-18T18:25:23Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155634.45\/warc\/CC-MAIN-20180918170042-20180918190042-00198.warc.gz","language":"nho","language_score":1.0000075102,"language_script":"Latn","minhash_cluster_size":2,"top_langs":"{\"nho_Latn_score\": 1.0000075101852417}","num_words":1468,"character_repetition_ratio":0.068,"word_repetition_ratio":0.0,"special_characters_ratio":0.233,"stopwords_ratio":0.554,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 13\nBarnabas laaua ma Saul e heunatia TeAitu Tapu ki oo no mee naa heuna TeAtua\n1E mee naa pure TeAtua maa naa tisa te lotu e ffai i naa tama te lotu i Antiok. Naa tama naa ko:\nBarnabas,\nSimeon, ttama e taapaa ma ko Naiger,\nLusius, te tama i Sairin,\nManaen, ttama ni purutia naa maatua Herod,\naa ko Saul.\n2Te saaita naa tama naa ni hakapakuu ka lotu i TeAtua raa, TeAitu Tapu raa ki mee ake ki laatou, \"Hakatapu mai Barnabas laaua ma Saul ki heunatia laaua aku heuna ni tuku atu ki laaua.\"\n3Naa tama naa ni hakapakuu ka taku, teenaa hakapiri iloo naa rima laatou ki aruna te takarua naa, araa heunatia iloo laatou te takarua naa ka oo.\nPaul laaua ma Barnabas i Cyprus\n4Barnabas laaua ma Saul ni heunatia TeAitu Tapu ka oo ki Selusia, teenaa kkake iloo i te vaka raa no tere ki te henua e ttapa ma ko Cyprus. 5I te saaita te takarua naa ni ttae ki Salamis raa, laaua ni hakaea te Lono Taukareka TeAtua raa iloto naa hare lotu naa Jew. Te takarua naa ni ttaka ma John Mark ki tokonaki ki laaua.\n6Naa tama naa ni oo no ttae iloo ki telaa vasi te henua naa ki te matakaaina e ttapa ma ko Pafos. Teenaa ki ttiri laatou i te Jew e mee ana pakava, tana inoa ko Bar Jesus, aa te tama naa e hai maa ia se pure TeAtua. 7Te tama pakava naa ni vaisoa ma te hakamau te henua naa. Te inoa te hakamau naa ko Sergius Paulus, se tama e iloa i naa vana. Teenaa Barnabas laaua ma Saul ni arumia te hakamau naa ki oo ake kiaa ia, i te aa i aa ia e hii hakannoo ki naa taratara TeAtua. 8Tevana iaa te takarua naa ni sahea peenaa Elimas (teenaa ko te inoa haka Greece te tama pakava naa), i te hakamau raa e usuusuhia a ia ki see lotu i Jesus. 9Teenaa ki tau TeAitu Tapu raa i Saul (telaa inoa aana ko Paul): a ia ni ttoka tonu ki te tama pakava raa no mee ake, 10\"Koe se tamariki Satan! Koe naa ko te tama e hakassara naa vana hakkaatoa e ttonu. Koe e taka ma te kau sosorina tippua, aa naa vana e ttonu TeAtua raa e haia a koe peenaa ma ki hurisia ki mee ma ni vana hakalellesi. 11Naa hakkaitoa TeAtua raa teenei ku pakkuu atu kiaa koe; oo karamata ma ki ppuni aa koe ma ki taka too saaita see kite i naa maarama te ao.\"\nI te saaita naa lokoi raa, te nnehu raa ku uhi ake i naa karamata Elimas, teenaa sare iloo ia no ssee se tama ki tauhia tana rima no taakina a ia. 12Te saaita te hakamau naa ni kite maa naa karamata Elimas ku ppuni raa, a ia ni iloa maa naa taratara e mee i Jesus raa ni taratara maaoni, i aa ia ni maasaro iloo i naa akonaki te takarua raa e kauake i TeAriki.\nPaul laaua ma Barnabas i Antiok i loto Pisidia\n13Paul laatou ma naa tama e ttaka ma ia raa ni ffana i Pafos no tere iloo no tae ki te matakaaina Perga iloto Pamfilia. Teenaa John Mark ni masike i te kina naa no ahe ki Jerusalem. 14Naa tama naa ni massike hoki i Perga no hakataka ki Antiok iloto Pisidia. I te Sabat raa, laatou ni oo no uru atu ki loto te hare lotu naa Jew raa no nnoho ki laro. 15Te saaita naa taratara iloto naa Loo Moses aa ma naa taratara naa pure TeAtua raa ni oti te paaua ake raa, naa hakamau te hare lotu raa ki kkave laatou taratara peelaa ki Barnabas laaua ma Saul, \"Naa taaina maatou nei. Ki mee se tama i koorua e hiihai maa ia ki mee se taratara maana ki tokonaki ki naa tama nei, e taukareka, koorua taratara.\"\n16Teenaa masike iloo Paul ki aruna no ssau atu tana rima ki hakannoo ake naa tama naa, teenaa kaamata iloo ia te taratara, \"Kootou naa tama i Israel aa ma naa tama hakkaatoa i naa henua sara teelaa e lotu i TeAtua: kootou hakannoo mai! 17TeAtua teelaa e lotu ai te kanohenua Israel raa ni tini maa naa tippuna taatou raa ko tana kanohenua, teenaa naa tama naa ni haia a Ia no tammaki iloo i te saaita naa tama naa ni nnoho ma ni horau i Egypt, aa iaa Ia se Atua e haimahi raa, te kanohenua Israel raa ni lavaa te taakina a Ia no hakattaha i Egypt.+ 18Niaaina maa naa tippuna taatou raa ni see llono taratara raa, TeAtua ni mmata ake hakaraaoi koi ki laatou iloto naa setau e matahaa laatou ni ttaka vaaroto mouku.+ 19TeAtua ni seua a-Ia naa kanohenua e hitu iloto no kauake naa kerekere naa tama naa ki nohoria ana tama.+ 20E kaamata mai iloo i te saaita naa tippuna taatou raa ni ttae no nnoho i Egypt no tae mai ki te saaita Canaan ni nohoria laatou raa, naa setau raa e tae iloo ki te haa naa rau maa te mataarima.+\n\"Kimuri te ssao naa raa, TeAtua ni hakanoho ana tama ki hakatonutonu te kanohenua Israel no tae iloo ki te ssao Samuel, te pure TeAtua. 21Araa te saaita te kanohenua naa ni ssee ki TeAtua ki kauake se tuku ma laatou raa, TeAtua ni hakanoho Saul te tama Kish i te manava Benjamin, ki noho no tuku i naa setau e matahaa.+ 22Ki oti raa hanaa iloo Ia Saul no hakanoho David ma se tuku. Teenei naa taratara TeAtua ni mee i David: 'Nau e kite maa David, te tama Jesi, e taka ma te tiputipu teelaa e hiihai ai nau. A ia naa se tama ma ki oti ku haia a ia naa mee katoo nau e hiihai maa ia ki mee.'+ 23Aa teelaa se mokopuna David raa ni heunatia mai TeAtua ki hakasao te kanohenua Israel, tana inoa ko Jesus. Teenaa ni purepure TeAtua ni takkoto imua. 24Te saaita Jesus seki kaamata ana heuna raa, John ni hakaea ki te kanohenua katoo Israel raa ki tiiake naa haisara laatou aa laatou ku too te hakaukau tapu.+ 25Aa i te saaita John ni taupiri ki hakaoti ana heuna raa, a ia ni taratara ake peelaa ki naa tama i te kina naa, 'Kootou e mannatu maa nau ko ai? Nau nei seai ko te tama e taaria kootou. Tevana iaa kootou hakannoo! Te tama e taaria kootou naa ma ki au imuri aaku, aa nau nei see tau te uiia a nau ana taka e hakao.'+\n26\"Aku taaina nei, naa mokopuna Abraham, aa kootou naa tama i naa henua sara e lotu i TeAtua: te taratara TeAtua e mee maa Ia e hakasao te henua ki ora raa, e taratara i taatou! 27Naa tama e nnoho i Jerusalem aa ma naa hakamau laatou raa ni see illoa maa Jesus ko te tama e hakasao te henua ki ora. Naa tama naa hoki ni see illoa hakaraaoi i naa taratara naa pure TeAtua teelaa e paaua laatou i naa Sabat hakkaatoa. Tevana iaa naa taratara naa pure TeAtua raa ni haia laatou no ttino maaoni i te saaita Jesus ni mee pakavaina laatou. 28Niaaina ma naa tama naa ni see hai mee ni lave i Jesus ki taia laatou ki mate raa, naa tama naa ni mee ake ki Pilate ki taia te Tama raa ki mate.+ 29Te saaita naa tama naa ni oti te haia mai laatou naa vana katoo teelaa ni tarataraina te Laupepa Tapu iaa Ia raa, te haitino Jesus ni hanaa mai laatou i te kros raa no hakamoeria ki loto te kava.+ 30Tevana iaa TeAtua ni hakamasikeria a Ia te Tama naa i te mate. 31Aa i te lopo aso raa, a Ia ni hakasurasura peenaa ki naa tama teelaa ni ttaka ma ia i tana hakataka mai ana i Galilee ki Jerusalem. Teenei naa tama ni kkite i aa Ia naa ku hakaea i naa vana laatou ni kkite raa ki te kanohenua Israel i te saaita nei.+\n32\"Maaua nei e hakaea atu te Lono Taukareka nei ki kootou: Te mee TeAtua ni purepure ake ki naa tippuna taatou 33maa Ia ma ki oti ku haia a Ia raa, teenei ku haia a Ia ki ttino ki kkite taatou, ana mokopuna. Teenaa Jesus e hakamasikeria a Ia i te mate. Teenei ku mee pee ko naa taratara David ni sissii iloto te ssoa tana Psalm:+\n'A koe naa ko taku Tama;\nte aso nei nau nei ku mee pee ko too Tamana.'\n34Teenei naa taratara TeAtua ni mee iaa Ia ma ki hakamasike Jesus i te mate, ki see takoto tana haitino no purau iloto te kava:+\n'Nau ma ki kauatu ki kootou naa hakaraaoi e ttapu, e ttonu iloo.\nTeenaa ko aku purepure ni kauake ki David.'\n35Te Laupepa Tapu raa e taratara hoki peelaa:\n'Too Tama e Tapu nei ma ki see lavaa te tiiake koe ki moe no purau iloto te kava.'+\n36I David ni haia a ia naa heuna TeAtua raa i tana saaita koi ora, aa i tana saaita ni mate raa a ia ni tanumia ma ana tammana, teenaa tana haitino ni moe no purau iloto te kava. 37Tevana iaa te mee nei ni see sura ki te tama TeAtua ni hakamasike i te mate.\n38\"Aku taaina nei. Maaua nei e fiffai maa kootou ki illoa maa naa haisara kootou naa e lavaa te uiia TeAtua i te vana Jesus ni mee naa. 39Naa Loo Moses raa see lavaa te uii naa sara taatou. Jesus iaa e lavaa te haia a Ia naa ora naa tama e hakataakoto tonu iaa Ia raa ki mataffua. 40Matamata hakaraaoi ki see ssura ki kootou naa mee ni tarataraina naa pure TeAtua raa:\n41'Hakannoo mai, kootou naa tama e taratara taussua iaa nau!\nAa llee naa mouri kootou aa kootou ku mmate!+\nI aa nau ma ki mee taku vana ki kootou i te saaita kootou koi ora.\nNiaaina maa se tama e taratara atu ma ki illoa kootou raa,\nkootou ma ki hai maa nau see lavaa te mee peenaa!'\"\n42Te saaita Paul laaua ma Barnabas ni massike i te hare lotu naa ki oo raa, naa tama i te kina naa ni taratara ake ki ahe ake laaua i te ssoa te Sabat raa no kauake hoki ni taratara i naa mee nei ki hakannoo laatou. 43I te saaita te henua ni masseu i te hare lotu raa, e tammaki iloo naa Jew aa ma naa tama i naa henua sara, teelaa ku lotu i TeAtua raa, ni oo atu vaamuri Paul ma Barnabas. Te takarua naa ni taratara ake hakaraaoi iloo ki naa tama naa ki taaohi manava peenaa i te manava laaoi TeAtua.\n44I te ssoa te Sabat raa, e taupiri maa teelaa ko te kanohenua hakkaatoa i te matakaaina naa ni oo ake no hakannoo ki naa taratara TeAriki. 45Te saaita naa Jew raa ni kkite i te tammaki naa tama e oo ake raa, laatou ni manava haaeo iloo i Barnabas ma Paul, teenaa ffuri iloo laatou no mee maa naa taratara Paul raa e ssara, ka sasaakiria laatou Paul. 46Tevana iaa Paul laaua ma Barnabas ni seai iloo ki kkapo i naa taratara laaua e kauake ki naa tama naa; laaua ni taratara ake peelaa, \"E taukareka maa te Lono Taukareka TeAtua raa e kauatu ki kootou naa Jew raa imua. Aa i kootou ni see hii hakannoo ki naa taratara naa ka mannatu kootou maa kootou see tau te too te ora e takoto no takkoto hakaoti raa, teenei kootou ki tiiake maatou aa maatou ku oo no hakaea te lono nei ki naa tama i naa henua sara. 47I te aa TeAtua ni taratara mai ki maaua peenei,\n'Koe e hakatuuria a nau ma se lamu e ura atu ki naa tama i naa henua sara,\naa ma se maarama ki naa tama katoo i te maarama nei ki hakassaoria a nau laatou.'\"+\n48Te saaita naa tama i naa henua sara raa ni llono i naa taratara nei raa, naa tama naa ni fiaffia iloo ka hakanau i naa taratara TeAtua. Teenaa naa tama ni hakamaatinoria TeAtua ma ki oti ku nnoho hakaoti ma Ia raa ni ffuri katoo no lotu iaa Ia.\n49Naa taratara TeAtua naa ni ttoha vaaroto te kina naa hakkaatoa. 50Tevana iaa naa Jew raa ni sassare ka usuusuhia laatou naa hakamau te matakaaina naa laatou ma naa haahine hakamaatua teelaa e lotu i TeAtua. Teenaa kaamata iloo naa tama naa te haia pakavaina laatou Paul laaua ma Barnabas, ka kerekereia laatou te takarua naa ki hakattaha i te kina naa. 51Te takarua naa ni ffuri no tahitahi naa kerekere e mmau i naa ororo vae laaua naa ki illoa naa tama raa maa naa vana laatou raa e ssara, teenaa oo iloo laaua ki Aikonium.+ 52Naa tama te lotu i Antiok raa ni nnoho ka fiaffia, teenaa TeAitu Tapu raa ni takoto iloto naa hatumanava laatou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/13\/","date":"2018-09-24T20:01:35Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160641.81\/warc\/CC-MAIN-20180924185233-20180924205633-00202.warc.gz","language":"nho","language_score":1.0000065565,"language_script":"Latn","minhash_cluster_size":2,"top_langs":"{\"nho_Latn_score\": 1.0000065565109253}","num_words":2260,"character_repetition_ratio":0.073,"word_repetition_ratio":0.0,"special_characters_ratio":0.23,"stopwords_ratio":0.553,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 28:15\n15I te saaita naa tama te lotu i Rome raa ni llono maa maatou ku ttae ake raa, aaraa tama i naa tama naa ni oo no ttari mai ki maatou i Apius aa aaraa tama ni oo no tari mai i te kina e ttapa ma ko \"naa Hare Moemmoe e Toru\". I te saaita Paul ni kite i naa tama naa raa, tana manava ni taukareka iloo no taratara hakahiahia ia i TeAtua.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/28\/15","date":"2018-09-26T02:32:19Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267163146.90\/warc\/CC-MAIN-20180926022052-20180926042452-00250.warc.gz","language":"nho","language_score":0.4608334899,"language_script":"Latn","minhash_cluster_size":2,"top_langs":"{\"nho_Latn_score\": 0.46083348989486694, \"rar_Latn_score\": 0.29120564460754395, \"gil_Latn_score\": 0.03770457208156586, \"sps_Latn_score\": 0.016947971656918526, \"tah_Latn_score\": 0.015228196047246456, \"wls_Latn_score\": 0.014300798997282982, \"mri_Latn_score\": 0.010197659954428673}","num_words":157,"character_repetition_ratio":0.072,"word_repetition_ratio":0.0,"special_characters_ratio":0.209,"stopwords_ratio":0.293,"flagged_words_ratio":0.0,"lang_id_score":0.407,"perplexity_score":500.0,"cluster_detection":1} +{"text":"MARK 15\nJesus ku toa kimua Pilate\n1I te tahaata raa, naa maatua hakamaatua raa ni hakavave no hakakkutu ake naa tama hakamaatua naa Jew, naa tisa naa Loo, aa ma naa tama katoo te Kansol raa no taratara i naa vana laatou ki mee. Teenaa saitia iloo laatou naa rima Jesus ka taakina ki Pilate. 2Teenaa vasiri ake iloo Pilate peenei ki Jesus, \"Koe naa ko te tuku naa Jew?\"\nJesus ki hakaahe ake, \"Teenaa koe e mee mai naa.\"\n3Naa maatua hakamaatua raa ni hai ake ki Pilate maa Jesus ni mee te lopo sara iloo. 4Teenaa ki vasiri ake hoki Pilate peelaa ki Jesus, \"Koe e lono i naa taratara naa tama naa e mee iaa koe? E aa? Koe see hai taratara e mee i naa taratara naa tama naa?\"\n5Jesus ni tuu seemuu koi, see hai taratara e hakaahe ake, teenaa ki oho ai Pilate.\nJesus ku tukua ki mate\n6I naa setau hakkaatoa, i te ssao te Kaikai te Pasova raa, Pilate maraa e ffana se karapusi tokotasi, se tama naa Jew raa e fiffai ma ki hanaa. 7Saaita naa raa teelaa se tama, tana inoa ko Barabas, e moe iloto te hare karapusi ma naa tama teelaa ni taa naa tama laatou no mmate i te saaita laatou ni hetaa ma te kaaman Rome i Jerusalem. 8Saaita te kanohenua naa ni kkutu ake ki vanaake laatou ki Pilate ki fanaa te karapusi laatou e fiffai raa, 9Pilate ki vasiri ake ki laatou, \"Kootou e fiffai ki hanaa nau te tuku naa Jew?\" 10Pilate ni iloa maa Jesus ni too ake naa maatua hakamaatua raa kiaa ia i laatou e manava haaeo i Jesus.\n11Tevana iaa naa maatua hakamaatua raa ni usuhia laatou naa tama raa ki mee ake ki Pilate ki hanaa Barabas no kauake ki laatou. 12Teenaa ki vasiri ake hoki Pilate ki naa tama naa, \"Kootou e fiffai maa te tama e taapaa kootou ma se tuku naa Jew nei ki haia a nau peehea?\"\n13Naa tama naa ki varo atu, \"Tuukia ttama naa ki te kros!\"\n14Pilate ki vasiri ake hoki, \"Aiaa? Teenei se ssara peehea ttama nei ni mee?\"\nNaa tama naa ki varo ake maaroo iaa, \"Tuukia te tama naa ki te kros!\"\n15Pilate ni hiihai maa te kanohenua raa ki fiaffia, teenaa hanaa iloo ia Barabas no kauatu ki laatou. Ki oti raa vanaake iloo ki ana soldia raa ki sarua Jesus aa ku toa no tuukia ki te kros.\nNaa soldia raa e tautaussua i Jesus\n16Naa soldia Pilate raa ni taakina laatou Jesus ki te kina iloto te hare Pilate, e ttapa ma ko 'te Pretorium', no aru ake aaraa soldia raa hakkaatoa. 17Teenaa hakao atu iloo te kkahu e mmea poouri raa ki Jesus, ka pena laatou hau ki te laakau tuitui raa no hakao ki tana pisouru. 18Teenaa kaamata iloo naa soldia naa te tautausua ina laatou Jesus peelaa, \"Te Tuku naa Jew!\" 19Ki oti raa naa tama naa ku ffuri atu no sarua laatou tana pisouru ki te laakau ka sasaavare atu kiaa Ia, aa naa tama naa ni ttuu hoki ki naa turi laatou ka hakamaruu atu kiaa Ia. 20Te saaita naa tama naa ni oti te tautausuaria laatou Jesus raa, uia iloo laatou te kahu e mmea poouri raa no hakao atu hoki ana kkahu raa kiaa ia. Araa taakina iloo laatou ki toa no tuukia ki te kros.\nJesus ku tuukia ki te kros\n21I te ara raa, naa tama ni ttiri te tanata haka Sairin, tana inoa ko Simon, e hanake ki loto Jerusalem. Naa soldia raa ni ffuri atu no tauhia laatou te tanata naa no vanaake ki ssau te kros Jesus. Simon naa ko te tamana Alexander ma Rufus.+ 22Teenaa toa iloo laatou Jesus ki te kina e taapaa ma ko Golgota, e mee maa, 'Te Kina te Ivi Pisouru Tama'. 23I te kina naa raa, naa soldia raa ni mee ma ki kauatu te wain e hakauru ma te marasini e ttapa ma se 'myrrh', araa nei Jesus ni see unumia a ia. 24Araa teenaa, tuukia iloo laatou Jesus ki te kros, ka mee laatou taffao ki naa tamaa hatu raa ki vaaea laatou ana hekau ni hakao.+ 25Te mee raa ku tae ki te ssivo i te tapataiao, saaita Jesus ni tuukia laatou ki te kros. 26Te mee naa tama naa e ssii ki hakaari te sara Jesus naa e ssii peenei, \"Te Tuku naa Jew\". 27Naa tama naa ni tuukia hoki laatou te takarua hakallika hakapaa ma Jesus; ttama i te vasi hakamaatau aa telaa tama i te vasi hakamaavii. 28[Teenei ki ttino te taratara te Laupepa Tapu e mee maa, \"A ia ni taia hakapaa ma naa tama e hakallika.\"]+\n29Naa tama e llaka vaararo raa, ni ruuruu naa pisouru laatou ka taratara hakallika peenei ki Jesus: \"E aa? Teenei ttama e mee ma ki seua a ia te Hare Tapu raa aa ku hakatuu hoki iloto naa aso e toru?+ 30Sepu mai ki laro i te kros naa soko kkoe no hakasao i aa koe!\"\n31Naa maatua hakamaatua raa ma naa tisa naa Loo raa hoki ni kkata seemuu i Jesus, ka taratara soko laatou peelaa, \"A ia ni hakassao aaraa tama, a ia iaa see lavaa te hakasao tana tino soko ia! 32Tiiake ki mmata taatou te Mesaea, te tuku Israel, e sepu mai i te saaita nei i te kros, aa taatou ku illoa maaoni maa ia ko te Mesaea!\"\nTakarua hoki ni tuukia hakapaa ma Jesus raa ni ffuri atu hoki no taratara hakallika ki Jesus.\nTe mate Jesus\n33I te laaraatea+ , te henua naa ni tuu poouri hakkaatoa no tae iloo ki te ttoru i te laasuru. 34I te ttoru te laasuru naa raa, Jesus ni kappisi ana varo, ka tani peelaa, \"Eloi, Eloi, lema sabaktani?\" teenaa ko te taratara naa Jew e mee maa, \"Taku Atua, Taku Atua, A nau e tiiake koe raa ko te aa?\" +\n35E mee aaraa tama i te kina naa ni llono iaa Ia ka taratara peelaa, \"Hakannoo, Ttama raa e kannaa i Elijah!\" 36Teenaa tere ake iloo te tama tokotasi i laatou no hakapara te tapaa maro raa ki te wain raa ka saisai iloo ki te mata te laakau. Teenaa usu atu iloo ki naa maaisu Jesus, ka mee ake peelaa, \"Ttari ki mmata taatou ma ki mee ma Elijah e au no tukua mai ttama nei ki laro te kros!\" +\n37Jesus ni kappisi ana varo no mate iloo.\n38Te maro e tautau iloto te Hare Tapu raa ni saaea i lotottonu, e kaamata mai i aruna no hakasopo ki laro. + 39Te hakamau naa soldia ni tuu imua te kros no kite i te mate ana Jesus raa, ni mee tana taratara peelaa, \"Ttama nei maaoni ko te Tama TeAtua.\"\n40E mee aaraa haahine i te kina naa ni ttuu ake hakammao ka ttoka. E ffai iloto naa haahine naa raa, teelaa ko Mary Magdalene, Mary te tinna James, te tama taane, laaua ma Joseph, aa ko Salome.+ 41Naa haahine nei ni ttaka mai iloo ma Jesus ka tokonaki atu kiaa Ia i tana saaita ni noho i Galilee. Te kina naa e tammaki hoki aaraa haahine ni oomai laatou ma Jesus i Jerusalem.\nJesus ku tanumia\n42-43I te laasuru raa Joseph, te tama i Arimatia raa, ku tae ake. Joseph se tama hakamaatua iloo iloto te Kansol, aa a ia naa e noho peenaa ka ttari ki tae mai te Nohorana TeAtua. Teenei ko te aso naa Jew maraa e penapena hakaoti naa kaikai te Sabat, i te aa, te ssoa te aso raa teenaa ko te Sabat. Teenaa Joseph ni hano see ppore no tuu imua Pilate no kainnoo ake ki kauake te haitino Jesus. 44Pilate ni teki iloo i tana saaita ni lono maa Jesus ku oti te mate. Teenaa kannaatia ake iloo ia te hakamau naa soldia raa no vasiria ki mee maa Jesus ku oti te mate maaoni. 45Te saaita Pilate ku oti te lono i naa taratara ake te hakamau naa soldia raa, vanaake iloo ki Joseph ki hano no too te haitino Jesus. 46Teenaa hano iloo Joseph no taavi te maro e makkini, araa tukua iho iloo ia te haitino Jesus ki laro no miinia ki te maro naa. Ki oti raa saaua iloo ia no hakamoeria ki loto te taaruma e hakahotu i te vasi te mouna hatu. Araa hakatipe ake iloo te hui te hatu raa no ppui i te mata te taaruma naa. 47Mary Magdalene laaua ma Mary, te tinna Joseph raa, ni ttuu ka kkite i te kina te haitino Jesus e hakamoeria.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/15\/","date":"2018-09-20T08:31:51Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156423.25\/warc\/CC-MAIN-20180920081624-20180920101624-00020.warc.gz","language":"nho","language_score":1.0000007153,"language_script":"Latn","minhash_cluster_size":2,"top_langs":"{\"nho_Latn_score\": 1.0000007152557373}","num_words":1515,"character_repetition_ratio":0.057,"word_repetition_ratio":0.0,"special_characters_ratio":0.236,"stopwords_ratio":0.49,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 13:23\n23Naa hua e maaoha i te pela e taukareka raa iaa, teenaa ko naa tama e llono naa taratara TeAtua no tauhia laatou ki takkoto iloto naa manava laatou, ka ssura naa tiputtipu e taukalleka raa i naa ora laatou. Teenaa e mee pee ko te tama e tori ana hua laakau raa no ssomo ka ppesi te lopo kaikai; naa laakau e ppesi tiki mata toru, naa laakau tiki mataono, aa naa laakau e taa te lau i ana kaikai.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/13\/23","date":"2018-09-25T01:27:01Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160853.60\/warc\/CC-MAIN-20180925004528-20180925024928-00542.warc.gz","language":"nho","language_score":0.6481960416,"language_script":"Latn","minhash_cluster_size":12,"top_langs":"{\"nho_Latn_score\": 0.6481960415840149, \"rar_Latn_score\": 0.1723794937133789, \"sps_Latn_score\": 0.01707526110112667, \"wls_Latn_score\": 0.016143783926963806, \"hif_Latn_score\": 0.011476662941277027}","num_words":163,"character_repetition_ratio":0.071,"word_repetition_ratio":0.0,"special_characters_ratio":0.203,"stopwords_ratio":0.264,"flagged_words_ratio":0.0,"lang_id_score":0.626,"perplexity_score":500.0,"cluster_detection":1} +{"text":"ACTS 21:11\n11Ttama naa ni hanake no toa iloo a ia te ttuu Paul raa no saisai ana tino vae ma ana tino rima soko ia no taratara peelaa, \"TeAitu Tapu raa e taratara mai peenei: Te tama e mee tana tuu nei ma ki saisaitia peenei naa Jew i Jerusalem, teenaa a ia ma ki kauake naa tama naa ki naa tama i naa henua sara.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/21\/11","date":"2018-09-26T11:30:29Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267164750.95\/warc\/CC-MAIN-20180926101408-20180926121808-00029.warc.gz","language":"nho","language_score":0.3409187198,"language_script":"Latn","minhash_cluster_size":2,"top_langs":"{\"nho_Latn_score\": 0.34091871976852417, \"rar_Latn_score\": 0.2629905045032501, \"sps_Latn_score\": 0.06950654089450836, \"mri_Latn_score\": 0.020929208025336266, \"gil_Latn_score\": 0.020829379558563232, \"wls_Latn_score\": 0.020534008741378784, \"hif_Latn_score\": 0.018276328220963478, \"eng_Latn_score\": 0.011367255821824074, \"tiv_Latn_score\": 0.011090577580034733}","num_words":147,"character_repetition_ratio":0.073,"word_repetition_ratio":0.0,"special_characters_ratio":0.205,"stopwords_ratio":0.238,"flagged_words_ratio":0.0,"lang_id_score":0.282,"perplexity_score":500.0,"cluster_detection":1} +{"text":"LUKE 1:17\n17Ttama naa ma ki hano vaamua TeAriki. A ia ma ki haimahi iloo maa ko Elijah. A ia ma ki toomai ia naa tammana raa maa naa tamalliki laatou raa no hakapaaria. A ia hoki ma ki haia a ia naa tama see hakannoo te taratara raa ki ffuri mai ki te hakataakoto naa tama e ttonu; a ia ma ki haia a ia te kanohenua TeAriki raa ki nnoho tanattana kiaa Ia.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/1\/17","date":"2018-09-18T23:16:44Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155792.23\/warc\/CC-MAIN-20180918225124-20180919005124-00549.warc.gz","language":"nho","language_score":0.7062179446,"language_script":"Latn","minhash_cluster_size":2,"top_langs":"{\"nho_Latn_score\": 0.7062179446220398, \"rar_Latn_score\": 0.048248227685689926, \"mri_Latn_score\": 0.041490498930215836, \"hif_Latn_score\": 0.022451359778642654, \"wls_Latn_score\": 0.019922468811273575, \"sps_Latn_score\": 0.014729448594152927, \"niu_Latn_score\": 0.014027801342308521}","num_words":155,"character_repetition_ratio":0.073,"word_repetition_ratio":0.0,"special_characters_ratio":0.203,"stopwords_ratio":0.277,"flagged_words_ratio":0.0,"lang_id_score":0.637,"perplexity_score":500.0,"cluster_detection":1} +{"text":"ROME 4\nNaa tiputipu te manava Abraham i TeAtua\n1Taatou ma ki taratara peehea i Abraham, te tamana taatou iloto te maarama nei? A ia ni mee peehea? 2Ki mee TeAtua ni vana maa te ora Abraham e tonu i aa ia e sosorina taukareka raa, teenaa Abraham e tau te hakanau iaa ia soko ia. Tevana iaa Abraham see tau te hakanau iaa ia imua TeAtua. 3Te Laupepa Tapu raa e taratara peelaa, \"Abraham ni hakannoo ki naa taratara TeAtua, teenaa e tonu ai tana ora imua naa karamata TeAtua.\"+ 4Ttama e heheuna raa e tauia i ana heuna e mee. A ia see tauia vare koi. A ia e tauia iaa ia ni heunatia a ia naa heuna naa. 5Naa ora taatou see ttonu maa i taatou e heheuna ki naa mahi taatou. Seai. Naa ora taatou e ttonu i taatou e lotu i TeAtua. TeAtua soko ia e hakatonutonu naa ora taatou ki ttonu, i aa ia naa koi e lavaa te hakatonutonu naa tama haisara ki ttonu. 6David ni taratara hoki maa niaaina se tama e sosorina peehea, TeAtua e lavaa te hakatonutonu tana ora ki tonu. Naa tama naa ki fiaffia i te tiputipu TeAtua. 7David ni taratara peelaa, \"Naa tama TeAtua e aroha no uiia naa haisara laatou raa, naa tama naa e hakahiahiaria. 8Ki mee TeAtua see maanaturia a Ia naa haisara naa tama naa ni mee imua, teenaa naa tama naa e tau te fiaffia.\"+\n9Kootou e mannatu maa naa Jew e ssere raa koi e tau te fiaffia? Seai iloo. Naa tama hoki naa henua sara raa ki fiaffia. Taatou ku oti te llono i naa kaumai naa taratara te Laupepa Tapu raa peelaa, \"Abraham ni hakannoo ki TeAtua, teenaa e tonu ai tana ora imua naa karamata TeAtua.\" 10TeAtua ni vana maa te ora Abraham ni tonu i te saaita hea? Imuri tana saaita ni ssere? Seai! Tana ora ni tonu are imua. 11Saaita Abraham ni kaamata ki lotu i TeAtua raa, a ia seki ssere are. Kimuri are raa, a ia ku ssere. Te ara e hakasura mai i te ssao Abraham ni ssere nei e hakailoa mai ki taatou maa te ora Abraham ni tonu imua naa karamata TeAtua i tana saaita ni lotu i TeAtua. Teenaa ko tana saaita seki ssere. Abraham nei ku mee ma ko te tamana i te vasi te lotu naa tama hakkaatoa e hakannoo ki naa taratara TeAtua. Teenaa ko naa tama TeAtua e vana maa e ttonu naa ora laatou, niaaina maa laatou see ssere naa kina laatou.+ 12Abraham ko te tamana naa tama e ssere ka lotu hoki i TeAtua pee ko ia, i tana saaita seki ssere.\n13TeAtua ni tuku tana taratara ki Abraham ma tana haanauna, aa ma naa mee hakkaatoa e takkoto i te maarama nei ma ki kauake Ia ki Abraham. I te aa, i Abraham e hakannoo ki ana taratara; teenaa e tonu ai a ia i naa karamata TeAtua. A ia ni see kauake naa taratara nei maa i Abraham ni tautari ki naa Loo. Seai.+ 14Ki mee TeAtua ni tuku maaoni ana taratara nei maa i Abraham e tautari ki naa Loo raa, te lotu Abraham i TeAtua raa se lotu vare koi. Naa taratara hoki TeAtua ni tuku imua nei ku mee ma ni taratara matani koi.+ 15Naa Loo raa e hakailoa mai maa taatou hakkaatoa ni tama haisara. Teenaa e kkite ai taatou i naa tiputipu te haaeo TeAtua. Tevana iaa see hai tama ma ki ilotia maa e haisara i naa kina naa Loo raa see ilotia.\n16Taatou nei ku illoa maa naa taratara hakamaatua TeAtua ni tuku imua raa ma ki ttino i naa lotu taatou i TeAtua. Teenei te hakailona taatou i te laaoi TeAtua e hookii vare ki Abraham ma tana haanauna. See mee ma ko naa tama koi e tautari ki naa Loo. Naa tama hakkaatoa e lotu pee ko Abraham raa ma ki nnoho ma te laaoi TeAtua e hookii nei, i te aa i Abraham ku mee ma ko laatou tamana, i te vasi te lotu.+ 17Te Laupepa Tapu raa e taratara peelaa, \"Koe ku tukua a nau ki tamana koe i naa kanohenua tammaki.\" Te taratara nei e mmata taukareka i naa karamata TeAtua. Teenaa ko TeAtua ni lotu ai Abraham, aa ni hakamasike hoki naa tama ni mmate. Naa mee ni see takkoto imua raa ni hakamasikeria a Ia ki naa mahi tana taratara.+ 18Niaaina maa Abraham ku matua raa, a ia ni iloa koi maa ia ma ki mee tana tamariki. Teenaa e mee ai a ia ma ko te tamana naa tama naa kanohenua tammaki. Teenei e ttino ai naa taratara te Laupepa Tapu e mee maa, \"Too haanauna naa ma ki tammaki pee ko naa hetuu i te lani.\"+ 19Abraham ni taupiri ki tae ki te lau ana setau hakkaatoa i tana matua. Niaaina maa ia e iloa maa ia ku tae ki tana matua, aa Sarah hoki ku poka raa, tana hakataakoto ni takoto haimahi koi. + 20A ia ni seai iloo ki maanatu tammaki i naa purepure TeAtua ni takkoto mai imua. A ia ni hakataakoto tonu ka hakanau peenaa i naa mahi TeAtua. 21Abraham e iloa maa TeAtua e lavaa te ppena ana mee ni taratara ake maa Ia ma ki mee. 22Teenaa e taratara ai te Laupepa Tapu raa peelaa, \"Teenaa e tonu ai tana ora imua naa karamata TeAtua\". 23Te taratara naa ni see taratara koi i Abraham. 24Te taratara naa e taratara mai hoki ki taatou, naa tama e ttonu naa ora laatou imua naa karamata TeAtua. I te aa, i taatou e lotu maaoni i TeAtua, teelaa ni hakamasikeria a Ia Jesus, TeAriki taatou, i te mate. 25Jesus ni heunatia mai TeAtua ki au no mate ki uiia naa haisara taatou. A Ia ni hakamasikeria hoki TeAtua ki ttonu naa ora taatou imua naa karamata TeAtua.+\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/4\/","date":"2018-09-19T17:12:34Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156252.62\/warc\/CC-MAIN-20180919161420-20180919181420-00517.warc.gz","language":"nho","language_score":0.9999690056,"language_script":"Latn","minhash_cluster_size":6,"top_langs":"{\"nho_Latn_score\": 0.9999690055847168}","num_words":1063,"character_repetition_ratio":0.074,"word_repetition_ratio":0.005,"special_characters_ratio":0.226,"stopwords_ratio":0.518,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 18\nTe taratara i te puruna ffine\n1I te aso tokotasi raa, Jesus ni akonaki ake ana disaipol raa ki see kkaro te taku ki TeAtua i te kau saaita. A Ia ni kauake te taratara nei ki ana disaipol: 2\"Teelaa se tama e hakatonutonu naa sara e noho i te matakaaina tokotasi. Te tama naa see iloa i te mataku i TeAtua, aa a ia see iloa te maanatu i telaa tama. 3Aa i te matakaaina naa hoki, teelaa se puruna ffine. Te puruna naa e hanatu peenaa i te kau saaita no ppura ki te tama naa ki hakatonusia tana koti e mee maa telaa tama. 4Te tama e hakatonutonu naa sara raa ni seai iloo ki hiihai maa ia e tokonaki ki te puruna naa, aa i te aso tokotasi raa nei, te tanata naa ku noho no maanatu peelaa, 'Niaaina maa nau see iloa i te mataku i TeAtua aa nau see iloa i te maanatu ki telaa tama, 5nau ma ki hakatonusia a nau tana koti. Nau ku kkaro koi i naa aheahe mai te ffine nei no hakanaenaeria a nau.'\"\n6Teenaa TeAriki ki taratara ake hoki, \"Kootou hakannoo ki naa taratara te tama see tonu naa e hai. 7E aa, kootou e mannatu maa TeAtua ma ki see tokonaki ki ana tino tama teelaa e tanitani ake peenaa kiaa Ia i te poo ma te ao? Kootou e mannatu maa Ia ma ki see hakavave no tokonaki ake ki naa tama naa? 8Nau e vanaatu ki kootou, TeAtua ma ki hakavave lokoi no tokonaki ki naa tama naa i tana saaita ma ki hakatonutonu i laatou.\n\"Aa i te saaita te Tama te Henua ma ki ahemai raa, e hia ana tama ma ki kkite maa e lotu maaoni e nnoho i te maarama nei?\"\nTe taratara i te Faarisi ma te tama e aoao naa takis\n9Jesus ni kauake hoki te taratara nei ki naa tama e hakataakoto maa laatou ni tama e ttonu lokoi, tevana iaa see fiffai ki aaraa tama. 10\"Teelaa se takarua taanata ni oo ki te Hare Tapu TeAtua no taku: te tama tokotasi se Faarisi, aa telaa tama se tama e aoao naa takis.\n11\"Te Faarisi raa ni tuu i tana kina soko ia no taku peelaa ki TeAtua, 'TeAtua, nau e hiahia iaa koe, i aa nau see mee naa vana hakallika ma ko aaraa tama. Nau seai se tama e kaimmate i aku mee, aa nau e taratara lokoi ki te taratara maaoni. Nau hoki see puamu ma aaraa haahine pee ko aaraa tama. Nau e hiahia i aa nau see mee pee ko te tama e aoao naa takis e tuu mai i te kina raa! 12I loto te wiki tokotasi raa, nau e hakapakuu aku aso e lua, aa i aku huitaarau mane hakkaatoa e too raa, nau e kauatu too sehui.'\n13\"Te tama e aoao naa takis raa iaa e tuu hakammao ka suru tana pisouru; a ia e tuu koi ka pakuukuu tana hatahata ka taku peelaa, 'TeAtua, aroha iaa nau se tama haisara!'\"\n14Jesus ki mee ake, \"Nau e vanaatu ki kootou, i te saaita te takarua naa ni ahe ki naa hare laaua raa, teelaa ko te tama e aoao naa takis raa e tonu i naa karamata TeAtua; te Faarisi raa iaa ni see tonu i naa karamata TeAtua. Teenaa i te tama e ahu kiaa ia raa ma ki tukua iho TeAtua ki laro, aa te tama e tuku soko ia ki laro raa, te tama naa ma ki hakanauria TeAtua.\"+\nJesus ma naa tamalliki punaammea\n15E mee naa tama ni too ake naa tamalliki laatou ki Jesus, teenaa ma ki paa naa rima Jesus i laatou aa ku taku ki TeAtua ki mmata ake ki naa tamalliki naa. I te saaita naa disaipol raa ni kkite raa, laatou ni ffuri atu no nutua naa tama naa. 16Araa nei Jesus ku mee ma ki too ake naa tamalliki raa kiaa Ia, teenaa mee ake iloo ki ana disaipol, \"Kootou tiiake naa tamalliki raa ki oomai kiaa nau, i te Nohorana TeAtua raa se kina naa tama e mee pee ko naa tamalliki nei. 17Kootou ki hakamaarona i te taratara nei! Te tama see too te Nohorana TeAtua i naa tiputipu te tamariki raa, te tama naa ma ki see tae ki te kina naa.\"\nTe taratara i te tama hai mane\n18Te hakamau tokotasi naa Jew raa ni vasiri ake peelaa ki Jesus, \"Taku tisa e taukareka, nau ki mee peehea ki too nau te ora e ora hakaoti?\"\n19Jesus ki mee ake, \"Ai koe e mee mai ai maa nau e taukareka? See hai tama e taukareka, TeAtua soko Ia e taukareka. 20Koe e iloa i naa loo e mee peelaa: 'Kootou see puamu ma aaraa haahine aa ma aaraa taanata; kootou see taa tama; kootou see kailaaraotia kootou naa mee aaraa tama; kootou see taratara kailellesi i aaraa tama; hakannoo ki naa tammana ma naa tinna kootou.'\"+\n21Te hakamau raa ki mee ake, \"Kaamata mai iloo i taku saaita koi tamariki raa, nau ni tautari ki naa loo nei.\"\n22I te saaita Jesus ni lono i naa taratara ake te tanata nei raa, a Ia ki mee ake, \"E takoto te mee tokotasi hoki ki haia a koe. Koe ki too oo hekau raa hakkaatoa no kauake ki aaraa tama ki tauia, aa koe ku vaevae atu oo mane raa ki naa tama see hai mee. Koe naa ma ki hai mee e takkoto i te lani; teenaa aa koe ku au no tautari kiaa nau.\" 23I te saaita te tanata naa ni lono i naa taratara Jesus raa, a ia ni mei hakaoti, i te aa i aa ia se tama haimane.\n24Jesus ni kite maa te tanata naa ni mei hakaoti, teenaa ki mee ake a Ia peelaa ki ana disaipol, \"Naa tama haimane raa ma ki hainattaa iloo te uru ki loto te Nohorana TeAtua! 25Te tama haimane raa ma ki hainattaa iloo te uru ki loto te Nohorana TeAtua, e hainauhie are maa te kamol ki hakauru tana haitino ki loto te pokopoko te ttui e tuitui maro.\"\n26Naa tama ni llono i ana taratara raa ki vasiri ake, \"Aa teelaa ko naa tama hea ma ki lavaa te hakassaoria?\"\n27Jesus ki mee ake, \"Naa mee te henua e mmata maa e hainattaa raa, e hainauhie ki TeAtua.\"\n28Teenaa ki mee ake Peter, \"Mmata mai! Maatou nei ni tiiake hakkaatoa naa mee maatou ki tautari atu maatou kiaa koe.\"\n29Jesus ki mee ake ki ana disaipol, \"Nau e vanaatu ki kootou. Te tama e tiiake tana hare, tana aavana, ana taaina, ana maatua, aa ma ana tamalliki ki haia a ia naa heuna te Nohorana TeAtua raa, 30TeAtua ma ki kauake te kau mee hakkaatoa i tana saaita koi noho i te maarama nei. Naa mee naa ma ki ttoe iaa i ana mee ni noho ma ia imua, aa i te ora hakamuri raa TeAtua ma ki kauake te ora e ora hakaoti.\"\nJesus ku taratara hoki i tana mate\n31Jesus ki too te taka sinahuru maa te takarua disaipol raa ki te vasi no mee ake, \"Kootou hakannoo! Taatou ku oo ki Jerusalem. Naa taratara hakkaatoa naa pure TeAtua ni sissii imua i naa vana ma ki mee ki te Tama te Henua raa ma ki ttino i te saaita taatou e ttae ki te kina naa. 32A Ia naa ma ki kauake naa tama i Jerusalem raa ki naa tama teelaa seai ma ni Jew, teenaa a Ia ma ki tautausuaina naa tama naa ka haia haaeoina, aa a Ia ma ki sasaavarea laatou. 33A Ia ma ki sarua naa tama naa ka taia no mate, tevana iaa i te ttoru naa aso raa a Ia ma ki masike no ora hoki.\"\n34Naa disaipol raa ni see illoa hakaraaoi i naa taratara Jesus e kauake nei; te hakataakoto naa taratara nei ni huuina i laatou, teenaa laatou ni see illoa maa Jesus e taratara i te aa.\nTe tama e ppuni ana karamata e haia Jesus no kite\n35Te saaita Jesus ni saaita atu ki te matakaaina Jericho raa, teelaa se tanata e ppuni ana karamata e noho i te vasi te ara raa ka kainnoo mane ki naa tama e sassare. 36Te saaita te tanata naa ni lono i naa nattaa naa vae naa tama e llaka raa, a ia ki vasiri, \"Teelaa ko ai?\"\n37Naa tama raa ki mee ake, \"Jesus, te tama i Nazareth raa ku laka.\"\n38Teenaa ki tanitani varo atu te tanata e ppuni ana karamata raa peelaa, \"Jesus, te mokopuna David! Aroha iaa nau!\"\n39Naa tama e sassare vaamua raa ni ffuri atu no nutua te tanata naa ki ppui tana pukua. Tevana iaa te tanata naa ni huri no kannaa maaroo iaa, \"Te mokopuna David! Aroha iaa nau!\"\n40Teenaa ttuki iloo Jesus no vanaake ki naa tama raa ki taakina ake te tanata raa kiaa Ia. Te saaita te tanata raa ni taupiri ake raa, Jesus ki vasiri ake kiaa ia, 41\"Koe e hiihai maa koe ki haia a nau peehea?\"\nTeenaa ki mee ake te tanata naa, \"TeAriki, nau e hiihai maa nau ki kite hoki.\"\n42Jesus ki mee ake, \"Aa ttoka! Koe naa ku kite iaa koe ku lotu maaoni.\"\n43Te tanata ni ppuni ana karamata naa ni kite i te saaita naa lokoi, teenaa sare hakanau iloo ia i TeAtua ka tautari atu vaamuri Jesus.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/18\/","date":"2018-09-24T09:10:16Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160337.78\/warc\/CC-MAIN-20180924090455-20180924110855-00039.warc.gz","language":"nho","language_score":1.0000044107,"language_script":"Latn","minhash_cluster_size":4,"top_langs":"{\"nho_Latn_score\": 1.0000044107437134}","num_words":1657,"character_repetition_ratio":0.063,"word_repetition_ratio":0.006,"special_characters_ratio":0.239,"stopwords_ratio":0.562,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ROME 3:25\n25Jesus Christ ni heunatia mai TeAtua ki au no mate ki tokonaki ki taatou. Ki mee se tama peehea e lotu iaa ia, ana haisara katoo ma ki uiia TeAtua ki te ttoo Jesus Christ ni llohi mai i tana saaita ni taia. TeAtua e hakasura iho te ara nei ki illoa taatou i naa tiputipu tana manava. Imua raa TeAtua ni noho seemuu koi ka ttoka i naa hai taatou ma naa haisara taatou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Rom\/3\/25","date":"2018-09-24T20:00:37Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267160641.81\/warc\/CC-MAIN-20180924185233-20180924205633-00249.warc.gz","language":"nho","language_score":0.6581869721,"language_script":"Latn","minhash_cluster_size":2,"top_langs":"{\"nho_Latn_score\": 0.6581869721412659, \"rar_Latn_score\": 0.10858264565467834, \"wls_Latn_score\": 0.055840011686086655, \"mri_Latn_score\": 0.02628202550113201, \"hif_Latn_score\": 0.015664082020521164, \"niu_Latn_score\": 0.01105095911771059}","num_words":157,"character_repetition_ratio":0.07,"word_repetition_ratio":0.0,"special_characters_ratio":0.199,"stopwords_ratio":0.21,"flagged_words_ratio":0.0,"lang_id_score":0.494,"perplexity_score":500.0,"cluster_detection":1} +{"text":"LUKE 16\nTe parapol i te tama e heheuna mattoni\n1Jesus ni kauake te taratara nei ki ana disaipol, \"Teelaa se tama e hai mane e mee te tama e heheuna i aa ia e tarataraina maa e kailaarao ana mane. 2Teenaa arumia iloo te tama e heheuna raa tana hakamau, no mee ake peelaa, 'Teelaa se aa e lono nau maa aku mane raa e kailaaraotia a koe? Hakatuu ki se laupepa ki iloa nau i naa takkoto aku mee ni kauatu ki roorosi koe, teenaa i aa koe ku hakaotina a nau i te heuna naa.' 3Teenaa ki noho te tama naa no hakataakoto soko ia peelaa, 'Nau ka mee peehea? Nau ku haia taku hakamau raa ki hakaotina i aku heuna. Nau ku see tau te keri rua, aa nau e napa te kainnoo mee ki telaa tama. 4Aa teenei nau ku iloa i taku vana ki mee! Teenaa i taku saaita ma ki hakaotina i aku heuna nei raa, nau ma ki mee aku soa teelaa ma ki oomai no toa nau ki naa hare laatou.'\n5\"Teenaa aru iloo ia ki naa tama teelaa seki sui naa mee laatou ni too i tana hakamau. A ia ku mee ake ki te tama mua, 'E hia too kooina ki kauake ki taku hakamau?' 6Te tanata naa ki mee ake, 'E varu naa rau naa kalon sunu.' Teenaa ki mee ake te tama e heheuna naa, 'Too te laupepa naa aa koe ku sissii maa e haa naa rau naa kalon.' 7Te tanata e heheuna naa ku vasiri ake ki telaa tama, 'Ai koe? E hia too kooina ki sui?' Te tama raa ki mee ake, 'E simata naa paeke haraaoa.' Te tanata e heheuna raa ki mee ake, 'Too te laupepa naa aa koe ku sissii maa e varu naa rau naa paeke haraaoa.'\n8\"Te hakamau raa ni hakanau i te iloa vana te tama e sosorina kailaarao e heheuna i aa ia naa; teenaa i naa tama te maarama nei e illoa sara iloo i naa mee naa vana laatou i te maarama nei, e ttoe iaa i naa tama e tautari i TeAtua.\"\n9Jesus ku ttao atu hoki, \"Aa teenei nau ku vanaatu ki kootou: tokonaki ki naa tama see hai mee ki naa mane ma naa hekau te maarama nei ki haisoa kootou. Aa i te saaita naa mee naa ku seai raa, kootou ma ki toa ki te kina kootou ma ki nnoho no nnoho hakaoti. 10Te tama e iloa te mmata ake hakaraaoi ki naa tamaa mee raa, a ia ma ki iloa te mmata ake hakaraaoi ki naa mee e llasi. 11Aa ki mee maa kootou ni see illoa te mmata ake hakaraaoi ki naa hekau ma naa mane kootou i te maarama nei, ko ai te tama ma ki lavaa te kauatu naa mane ma naa hekau maaoni raa ki mmata ake kootou? 12Ki mee maa koe ni see mmata ake hakaraaoi ki naa mane ma naa hekau telaa tama, ko ai te tama ma ki kauatu oo tino mee?\n13\"See hai tama ma ki lavaa te heheuna ma naa hakamau e lua; a ia ma ki hiihai ki te tama, aa ma ki lotoffaaeo i telaa tama. A ia ma ki heheuna hakaraaoi maa te tama, aa ma ki see hakannoo ki telaa tama. Kootou see lavaa te heheuna ma TeAtua aa kootou iaa e kaimannako ki te mane.\"+\nAaraa taratara akonaki\n14Te saaita naa Faarisi raa ni llono i naa taratara nei raa, laatou ni hakaere i Jesus, i te aa i laatou ni tama e fiffai ki te mane. 15Jesus ki mee ake ki laatou, \"Kootou ko naa tama e mee ma ki ttoka te henua maa kootou ni tama e ttonu, tevana iaa TeAtua e iloa i naa tiputtipu naa manava kootou. I naa mee naa tama te maarama nei e mmata maa ni mee hakamaatua raa, teenaa ni mee e hakallika i naa karamata TeAtua.\n16\"Te henua ni tautari mai iloo ki naa Loo Moses ma naa taratara naa pure TeAtua ni sissii, teenaa no tae mai iloo ki te ssao John te Baptis. Kaamata mai i te ssao naa raa, te Lono Taukareka i te Nohorana TeAtua raa ni tarataraina, teenaa te henua hakkaatoa ni hai ki naa mahi laatou ki uru atu ki te Nohorana naa.+ 17Naa tamaa taratara iloo iloto naa Loo raa e takkoto haimahi iaa i te lani ma te kerekere nei, i naa taratara naa ma ki takkoto no takkoto hakaoti.+\n18\"Te tanata e huri no tiiake ia tana aavana ka aavana i telaa ffine raa, te tanata naa e mee tana haisara i te aavana huri; aa te tanata e huri no aavana i te ffine ni tiiake tana aavana raa e mee tana haisara i te aavana huri.+\nLazarus ma te tanata hai mane\n19\"Teelaa se tanata e hai mane, aa te tanata naa e hakao peenaa ki naa kkahu e taukalleka ka noho ma te kau mee i naa aso hakkaatoa. 20Aa teelaa hoki se tama e noho hakaaroha, tana inoa ko Lazarus. Te haitino te tama naa e ppara hakkaatoa, aa a ia maraa e saaua no hakanohoria i te tootoka te hare te tama e hai mane, 21teenaa ki kai a ia naa kaikai e ttoe te tama haimane raa e maaoha i tana teevoo. Naa poi i te kina naa maraa e oo ake no ariari naa kina e ppara te tama naa.\n22\"Te saaita Lazarus ni mate raa, a ia ni saaua naa ensol raa no hakanoho i te vasi Abraham i te kaikai e lasi te lani. Te tama haimane raa hoki ni mate no tanumia i te kerekere, 23teenaa tana manu ni toa ki te kina te mate no moe a ia ka hakallono ki te isu. A ia ni ttoka ki aruna no kite i naa noho mai Abraham i te kina e mmao, aa Lazarus e noho i tana vasi. 24Teenaa kannaa iloo ia ki Abraham, 'Abraham taku tamana! Aroha iaa nau. Heunatia mai Lazarus ki au no ttoko tana mataarima ki loto se vai aa ku au no hakapara taku arero ki saumakallii. Nau ku mate i aku hakallono isu iloto te ahi nei!'\n25\"Araa nei Abraham ku mee ake, 'Taku tama, maanatu i too saaita ni taka i te maarama raa, koe ni noho ma te kau mee e taukalleka, aa Lazarus iaa ni noho ma naa mee e hakallika. Aa teenei a ia ku noho no hiahia, aa koe iaa ku noho ka hakannoo ki te isu. 26Aa teelaa hoki se rua raa e moe vaaroto taatou, teenaa maatou see lavaa te hakahiti atu ki te vasi naa, aa kootou hoki see lavaa te hakahiti mai ki te vasi nei.' 27Te tama haimane raa ki mee ake, 'Abraham taku tamana, nau e tani atu kiaa koe, heunatia Lazarus ki hano ki te hare taku tamana. 28Nau e mee aku taaina e rima, aa nau e hiihai maa Lazarus ki taratara ake ki taku tamana raa ki hakaari ake ki aku taaina naa i te hakallika te kina nei. Nau see hiihai maa laatou ki oomai hoki ki te kina nei.'\n29\"Abraham ki mee ake, 'Naa Loo Moses ma naa taratara naa pure TeAtua raa e takkoto ki tautari laatou; laatou ki hakannoo ki naa taratara naa tama naa.' 30Te tama haimane raa ki mee ake, 'Abraham taku tamana, naa tama naa ma ki see lavaa te ffuri naa manava laatou! Ki mee iloo ma se tama e masike i te mate no hanatu no taratara atu ki laatou raa, teenaa naa tama naa ma ki ffuri no tiiake naa haisara laatou.' 31Tevana iaa Abraham ni huri atu no taratara ake peelaa, 'Ki mee maa naa tama naa see hakannoo ki Moses ma naa pure TeAtua, laatou ma ki see lavaa hoki te hakannoo ki te tama e masike mai i te mate.'\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/16\/","date":"2018-09-21T17:19:53Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267157351.3\/warc\/CC-MAIN-20180921170920-20180921191320-00537.warc.gz","language":"nho","language_score":1.0000038147,"language_script":"Latn","minhash_cluster_size":4,"top_langs":"{\"nho_Latn_score\": 1.0000038146972656}","num_words":1397,"character_repetition_ratio":0.058,"word_repetition_ratio":0.003,"special_characters_ratio":0.239,"stopwords_ratio":0.558,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MARK 14\nJesus e haia ki tauhia no taia ki mate\n1E mmoe mai koi naa aso e lua ki te saaita te Kaikai te Pasova aa ma te Kaikai te Haraoa See hai Iis raa, teenaa naa maatua hakamaatua ma naa tisa naa Loo raa ni sessee ara ki tauhia seemuu ina laatou Jesus no taia ki mate.+ 2Naa tama naa ni taratara soko laatou peelaa, \"Taatou ki see tauhia taatou Tama naa i te saaita te kaikai, te henua ma ki mee no ffuri mai no hakatauttau ma taatou.\"\nJesus e aamosia ki te kaakaa manoni i Bethany\n3Te saaita Jesus ni noho i Bethany raa, a Ia ni hano no kai i te hare Simon, te tama ni haia te leprosi imua. I tana saaita ni noho ka kai raa, te ffine tokotasi ni uruake ma te huaarani 'alabaster' e utu ki te kaakaa manoni e taavi mmaha, teenaa vaasia iloo ia te ppono raa no nnini te kaakaa raa ki aruna te pisouru Jesus.+ 4E mee aaraa tama i te kina naa ni lloto ka taratara soko laatou, \"Ttama nei ku niinia pakavaina a ia peehea te kaakaa manoni nei? 5Ki mee maa te kaakaa naa e kauake ki se tama ki tauia raa, te tama naa ma ki taavi iloo ki naa sehua e toru ka ttoe i naa mane siliva, aa naa mane naa ku vaevae atu ki naa tama see hai mee!\" Teenaa ffuri atu iloo naa tama naa no nutua te ffine naa.\n6Jesus ki mee ake ki naa tama naa, \"Kootou see haia kootou te ffine naa! Ttama naa e hakameia kootou i te aa? Te ffine nei ni mee tana vana e taukareka iloo kiaa nau. 7Naa tama e nnoho see hai mee raa ma ki nnoho peenaa ma kootou i naa saaita hakkaatoa, aa i naa saaita koi kootou e fiffai raa, kootou ma ki lavaa te tokonaki atu ki laatou. A nau iaa ma ki see noho peenaa ma kootou i naa saaita hakkaatoa.+ 8Te ffine nei ni mee tana vana koi e lavaa te mee kiaa nau: taku haitino ni aamosia te ffine nei ki te kaakaa manoni, teenaa i taku saaita ma ki tanumia raa, taku haitino ku oti te aamosia hakaotina a ia. 9Aa teenei nau ku kauatu te taratara maaoni nei: I na kina hakkaatoa te Lono Taukareka nei e tarataraina iloto te maarama nei raa, te vana te ffine nei ni mee kiaa nau nei ma ki tarataraina hoki, teenaa ki mannatu te henua iaa ia.\"\nJudas e hakaari ake Jesus ki naa hakamau naa Jew\n10Teenaa Judas Iscariot, se tama tokotasi i te taka sinahuru maa ttakarua disaipol Jesus, ni hano no mee ake ki naa maatua hakamaatua raa i aa ia ma ki kauake Jesus ki laatou. 11Naa tama naa ni fiaffia iloo i te llono ana laatou i ana taratara naa, teenaa tuku iloo te taratara naa tama naa maa laatou ma ki tauia laatou Judas. Teenaa kaamata iloo Judas te tokatoka se ara ki taakina atu Jesus ki naa tama naa.\nTe Kaikai te Pasova\n12I te aso mua te Kaikai te Haraoa See hai Iis raa, teenaa ko te aso naa sukua sipsip te kaikai te Pasova raa e taa, naa disaipol Jesus raa ni vasiri ake peelaa ki Jesus, \"Koe e hiihai maa maatou ki oo no penapena mai hakaoti te kaikai te Pasova raa i hea?\"\n13Teenaa heuna iloo Jesus te takarua disaipol ki oo, ka taratara ake peenei: \"Koorua oo ki loto Jerusalem, teenaa koorua ma ki ttiri te tama e amo te huaarani vai ua, aa koorua ku oo atu vaamuri ttama naa. 14I te hare te tanata naa e hano no uru raa, koorua ku mee ake ki te tama e mee tana hare, ' Te Tisa raa e vasiri ki iloa ia i tana kina ma ki kai te kaikai te Pasova ma ana disaipol.' 15Te tanata naa ma ki hakaari atu te kina e moemoe e lasi e tuu ki aruna i te hare naa. Naa mee katoo koorua e ssee raa ma ki takkoto i te kina naa, teenaa koorua ku tukutuku mai hakaoti naa kaikai taatou.\"\n16Takarua naa ni oo ki loto Jerusalem no kkite i naa takkoto mai naa mee raa pee ko i-naa taratara ake Jesus; teenaa tukutuku hakaoti iloo laaua naa mee te kaikai te Pasova.\n17I te laasuru raa Jesus ma tana taka sinahuru maa te takarua disaipol raa ku ttae atu ki te hare naa. 18Teenaa te saaita naa tama naa ni nnoho ki kkai, Jesus ki mee ake peenei, \"Nau ku taratara atu ki kootou i te tama tokotasi i kootou, teenei e noho ka kai hakapaa ma nau, ma ki oti ku toomai a ia naa hakamau naa Jew raa no tauhia nau.\"+\n19Ana disaipol naa ni llee hakaoti naa mouri laatou, teenaa te tama ma te tama ki huri atu no vasiri peelaa, \"Koe e taratara raa ko ai? Ko nau?\"\n20Jesus ki mee ake, \"Teenaa se tama tokotasi i kootou, aku disaipol, ttama ma ki ttoko tana haraoa hakapaa ma nau ki loto te peesini nei. 21Ttama te Henua raa ma ki mate pee ko i-naa taratara iho te Laupepa Tapu; tevana iaa nau e aroha iloo i te tama e mee tana vana tipua ki Ttama te Henua! E taukareka iloo maa te tama naa ni see haanauria mai!\"\nTe Kaikai Hakaoti TeAriki\n22Saaita laatou ni nnoho ki kkai raa, Jesus ki too te haraoa raa no taku ki TeAtua, teenaa ttohi iloo te haraoa raa no kauake ki laatou, ka mee ake peelaa, \"Kootou kkai, teenei ko taku haitino.\"\n23A Ia ki too hoki te kap raa no taku ki TeAtua, araa kauake hoki ki naa tama naa ka unu laatou hakkaatoa. 24Jesus ki mee ake, \"Teenei ko taku ttoo e pesi maa te lopo tama; te ttoo teelaa e hakattino ai naa purepure hoou TeAtua e tuku maa te ssao nei.+ 25Nau e kauatu te taratara maaoni nei, nau ma ki see lavaa hakaoti te unu te wain nei, ki tae iloo ki taku saaita ma ki unu te wain hoou i te Nohorana TeAtua.\"\n26Ki oti raa hua iloo laatou te mako te lotu tokotasi, araa oo iloo ki te Mouna naa Oliv.\nJesus e taratara maa Peter ma ki huu maa ia see iloa i aa Ia\n27Jesus ki mee ake ki ana disaipol, \"Kootou hakkaatoa ma ki ffuro ka tiiake nau pee ko i-naa taratara te Laupepa Tapu raa peelaa: 'TeAtua ma ki taia a Ia te tama e roorosi naa sipsip, teenaa naa sipsip raa ma ki masseu huri.'+ 28Tevana iaa taku saaita ma ki masike mai i te mate, nau ma ki hano ki Galilee imua kootou.\"+\n29Peter ki hakaahe ake tana taratara peelaa, \"Niaaina maa naa tama nei hakkaatoa ma ki ffuro i aa koe raa, koe ma ki see lavaa te tiiake nau!\"\n30Teenaa ki mee ake Jesus ki Peter, \"Nau ku kauatu te taratara maaoni nei: I te saaita te rua naa moa i te tahaata nei seki ttani raa, koe ma ki vana oo saaita iloo e toru maa koe see iloa i aa nau.\"\n31Peter ki hakammaha atu tana reo no mee ake peelaa, \"Niaaina maa nau e taia no mate hakapaa ma koe raa, nau ma ki see lavaa iloo te pesi se taratara maaku peenaa!\"\nTeenaa aaraa disaipol hoki ni ppesi naa taratara laatou peenaa.\nJesus e taku iloto Gethsemane\n32Naa tama naa ni oo no ttae iloo ki te kina e ttapa ma ko Gethsemane. Teenaa mee ake iloo Jesus ki ana disaipol naa, \"Kootou nnoho ake i te kina nei ki taku nau ki TeAtua.\" 33A Ia ki too Peter, James, aa ko John ka oo laatou, teenaa tana manava ni puni hakaoti i tana aroha. 34A Ia ki mee ake ki laatou, \"Nau ka mate koi i te aroha e takoto i taku manava nei. Kootou nnoho ka roorosi i te kina nei.\"\n35A Ia ni sare kimua hakamaarie no pesi iloo no moe i te kerekere ka taku ki TeAtua, maa ki mee maa naa haaeo e takkoto mai raa e lavaa te hakaraka ina a ia. 36A Ia ni taku peenei, \"Abba! Taku tamana! Naa mee hakkaatoa e hainauhie i aa koe. Fanaa naa mmaha nei i aa nau. Tevana iaa koe see tuku mai ki taku hiihai, nau e tuku atu koi ki too hiihai.\"\n37A Ia ni ahe no kite i te takatoru disaipol raa e mmoe mannuu. Teenaa ki ffano Ia i Peter, \"Simon, koe e moe koi? E aa? Koe ni see lavaa iloo te ara ake se tamaa saaita?\" 38Jesus ki mee ake ki laatou, \"Kootou nnoho ka roorosi, aa kootou ku taku ki see usuhia kootou ni vana e hakallika. Naa hatumanava kootou e mataora, kootou iaa e tino mmate.\"\n39Jesus ni ahe hoki no hakaahe tana taku ni mee imua. 40Araa teenaa, ahe atu hoki Jesus no kite i naa mmoe ana disaipol; naa tama naa ni mmate hakaoti i naa hii mmoe laatou. Teenaa laatou ni see hai taratara e illoa ma ki kauake ki Jesus.\n41-42Te saaita Jesus ni ahe ake i te ttoru ana saaita no kite i laatou e mmoe raa, a Ia ki mee ake, \"Kootou koi mmoe iloo ka hakamalolloo? Ku llavaa peenaa! Massike ki oo taatou. Kootou mmata, Ttama te Henua raa ku mee ki hookina ki naa rima naa tama haisara! Mmata, te tama ma ki hakaarina ake naa tama hakallika raa iaa nau raa ku tae mai!\"\nJesus ku tauhia\n43Jesus koi taratara are raa, Judas te disaipol tokotasi i te taka sinahuru maa ttakarua disaipol Jesus raa ku ttae ake. A ia ni hakasura ake ma naa tama teelaa e heunatia ake naa maatua hakamaatua ma naa tisa naa Loo, aa ma naa tama hakamaatua naa Jew. Naa tama naa e oo ake katoo ma naa hana laatou. 44Teenaa Judas ku oti te taratara ake hakaoti ki naa tama naa peelaa, \"Taku tama e vaisoni raa, teenaa ko ttama kootou e ssee. Tauhia te tama naa aa ku oo ma kootou.\"\n45Judas ni tae atu no hanotonu ki Jesus no mee ake, \"Ttisa!\" Araa vaisoni atu iloo ki Jesus. 46Teenaa oo atu iloo naa tama raa no tauhia laatou Jesus. 47Te tama tokotasi i naa tama e ttuu i te kina naa ni ffana tana komu taa tama raa no tuutia a ia te kautarina te poe te Maatua Hakamau raa no motu hakaoti. 48Teenaa ki mee ake Jesus ki naa tama naa, \"Ai kootou ku oomai ai ma naa hana kootou naa no tauhia nau, pee ko nau se tama kailaarao? 49Te aso ma te aso, nau ni noho ma kootou ka akonaki te henua iloto te Hare Tapu, tevana iaa nau ni see tauhia kootou. Teenei naa taratara te Laupepa Tapu raa ku ttino maaoni.\"+\n50Teenaa ffuro iloo ana disaipol raa ka tiiake Ia.\n51Te tama taane tokotasi, e tara koi ki te maro tasi, ni taka ma Jesus. Teenaa naa tama raa ni mee ma ki tauhia laatou te tanata naa, 52tevana iaa te tanata naa ni masike koi no tere hua ka hano, teenaa tana maro raa ni mavete ka tiiake.\nJesus e hakatuuria imua te Kansol\n53Jesus ni toa naa tama naa ki te hare te Maatua Hakamau, te kina naa maatua hakamaatua, naa tama hakamaatua naa Jew, aa ma naa tisa naa Loo raa e kkutu ai. 54Peter iaa ni hanatu vaamuri, tevana iaa a ia ni see hakataupiri atu. A ia ni hano no uru atu ki loto te kina e nohonoho i te mataahare te Maatua Hakamau naa, no noho ma naa tama e roorosi te hare naa ka haka mahana tana haitino i te ahi. 55Naa maatua hakamaatua ma naa tama katoo i te Kansol naa ni sessee ni vana e ssara ki hakapperu atu ki Jesus, ki lavaa te taia laatou Jesus ki mate. Tevana iaa laatou ni see haisara ni illoa. 56E tammaki naa tama ni oo ake no mee naa taratara hakalellesi laatou maa ni vana hakallika Jesus ni mee, araa nei naa tama naa ni see taratara ki te taratara tokotasi; te tama koi e kee ana taratara.\n57Teenaa massike iloo aaraa tama no ppesi naa taratara hakalellesi laatou peelaa: 58\"Maatou ni llono i ttama naa e-taratara maa, 'Nau ma ki seua a nau te Hare Tapu teenei ni hakatuuria naa tama te maarama nei, aa imuri naa aso e toru, nau ma ki hakatuu te laa Hare Tapu teelaa naa tama te maarama nei ma ki see kkapa no penapena.'\"+ 59Aa naa tama naa e taratara iloo peenaa raa, naa taratara laatou naa see oo hakapaa.\n60Araa teenaa, masike iloo te Maatua Hakamau raa imua naa tama naa hakkaatoa no vasiri ake ki Jesus, \"Koe see hai taratara i naa taratara naa tama nei e mee i aa koe?\"\n61Jesus ni tuu seemuu koi, see hai taratara ni hakaahe ake. Teenaa ki vasiri ake hoki te Maatua Hakamau, \"E aa? Koe naa ko te Mesaea, te Tama TeAtua Taukareka?\"\n62Teenaa ki mee ake Jesus, \"Uee, teenei nau. Kootou hakkaatoa ma ki kkite Ttama te Henua e noho i te vasi hakamaatau TeAtua ka au i aruna naa aoa raa i te lani!\" +\n63Te Maatua Hakamau raa ni huri no ssae lokoi tana kkahu ka mee peelaa, \"Taatou ku see toomai hoki ni tama ki kaumai ni taratara maa laatou! 64Kootou ku oti te llono i naa taratara ttama nei maa ia ko TeAtua. Kootou e mannatu maa ttama nei ki haia peehea?\"+\nTeenaa naa tama naa hakkaatoa ni tuku atu maa Jesus e sara; a ia e tau ki taia ki mate.\n65Aaraa tama i laatou ni kaamata te sasaavarea laatou Jesus ka saisaitia ana karamata ki te maro raa ka patupatua laatou tana pisouru, ka mee ake peelaa, \"Hakaari mai, ko ai ttama e patu i aa koe?\" Teenaa oo atu iloo naa roorosi naa tama hakamaatua naa no taakina no sarua tana haitino.\nPeter e taratara hakaseesee maa ia see iloa i Jesus\n66I te saaita naa raa, Peter e noho i te mataahare i haho, teenaa hanake iloo te ffine tokotasi i naa haahine e heheuna i te Maatua Hakamau raa 67no kite iloo i Peter e hakamahana tana haitino i te vasi te ahi. Teenaa ki ttoka hakaraaoi te ffine naa ki Peter no mee ake peelaa kiaa ia, \"Koe hoki se tama e taka ma Jesus, te tama i Nazareth.\"\n68Tevana iaa Peter ni huu, ka mee ake peelaa, \"Nau see iloa maa koe e taratara i te aa.\" Teenaa hano iloo Peter no tuu i te kina te tootoka.\n69Te saaita te ffine naa ni ttoka atu no kite i aa ia e tuu mai raa, a ia ki huri no mee ake ki naa tama e ttuu i te kina, \"Ttama nei se tama i naa tama naa!\" 70Tevana iaa Peter ni huu hoki maa ia see iloa.\nSee rooroa koi raa, naa tama e ttuu i te kina naa ku ffuri atu katoo no mee atu kiaa ia, \"Koe see lavaa te huu maa koe see hai i naa tama naa; maatou e illoa maa koe se tama i Galilee.\"\n71Teenaa ki mee ake Peter ki laatou, \"Nau e taratara atu maaoni iloo! Ki mee maa nau see taratara maaoni, TeAtua ki pesi mai ana haaeo raa kiaa nau. Nau see iloa i te tama e taratara kootou naa!\"\n72Saaita naa lokoi raa, te rua naa moa raa ku ttani. Teenaa maanatu ake iloo Peter ki naa taratara Jesus ni mee ake kiaa ia imua: \"Saaita te rua naa moa raa seki ttani raa, koe ma ki taratara oo saaita iloo e toru maa koe see iloa i aa nau.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/14\/","date":"2018-09-25T19:21:43Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267162385.83\/warc\/CC-MAIN-20180925182856-20180925203256-00549.warc.gz","language":"nho","language_score":1.000005722,"language_script":"Latn","minhash_cluster_size":4,"top_langs":"{\"nho_Latn_score\": 1.0000057220458984}","num_words":2708,"character_repetition_ratio":0.063,"word_repetition_ratio":0.002,"special_characters_ratio":0.239,"stopwords_ratio":0.536,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 23:15\n15\"Aroha iloo i kootou naa tisa naa Loo ma naa Faarisi! Kootou ma ki haia hakallikaina iloo! Kootou ni tama e kaikailua! Kootou e mata horau i naa vaahare e hualolloa ka hakataka vaaroto naa henua e llasi ki huria lokoi te manava te tama tokotasi ki lotu pee ko kootou; aa te saaita te tama naa ku tautari atu ki kootou raa, te tiputipu te tama naa ma ki haia kootou no hakallika iaa i kootou. Teenaa a ia ku tau koi ki hanotonu ki te kina te ahi e ura see mate, e llaka are i kootou, naa tama e tau te kaavea hoki ki te kina naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/23\/15","date":"2018-09-21T02:35:00Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156724.6\/warc\/CC-MAIN-20180921013907-20180921034307-00034.warc.gz","language":"nho","language_score":0.9408099651,"language_script":"Latn","minhash_cluster_size":2,"top_langs":"{\"nho_Latn_score\": 0.940809965133667, \"rar_Latn_score\": 0.03349367901682854, \"wls_Latn_score\": 0.011261099018156528}","num_words":192,"character_repetition_ratio":0.065,"word_repetition_ratio":0.0,"special_characters_ratio":0.207,"stopwords_ratio":0.339,"flagged_words_ratio":0.0,"lang_id_score":0.951,"perplexity_score":500.0,"cluster_detection":1} +{"text":"ACTS 3:2\n2I te tootoka e ttapa ma ko te Tootoka Taukareka raa, teelaa se tanata see lavaa te sasare e noho ake i te kina naa. Te tanata naa ni tipu ake iloo peenaa i tana saaita ni haanau mai. I naa aso hakkaatoa raa te tama naa maraa e saaua ake aaraa tama no hakanohoria i te kina naa ki noho ttama naa no kainnoo mane ki naa tama e oo ake ki te Hare Tapu.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/3\/2","date":"2018-09-20T00:56:51Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156314.26\/warc\/CC-MAIN-20180919235858-20180920015858-00323.warc.gz","language":"nho","language_score":0.6671847105,"language_script":"Latn","minhash_cluster_size":2,"top_langs":"{\"nho_Latn_score\": 0.6671847105026245, \"rar_Latn_score\": 0.16710522770881653, \"gil_Latn_score\": 0.019327661022543907, \"wls_Latn_score\": 0.015327432192862034, \"hif_Latn_score\": 0.014769628643989563, \"sps_Latn_score\": 0.012544280849397182}","num_words":158,"character_repetition_ratio":0.072,"word_repetition_ratio":0.0,"special_characters_ratio":0.202,"stopwords_ratio":0.272,"flagged_words_ratio":0.0,"lang_id_score":0.696,"perplexity_score":500.0,"cluster_detection":1} +{"text":"LUKE 11:31\n31\"I te Aso te Hakatonu TeAtua raa, te ffine e tuku i Sheba raa ma ki masike mai no tuku haaeo ki naa tama e nnoho i te maarama i te ssao nei, teenaa i aa ia ni masike mai iloo i tana henua e mmao raa no hakannoo ki te atamai te Tuku Solomon. Aa teenei nau ku taratara atu ki kootou: e mee te tama e noho hakamaatua iaa i Solomon e noho ma kootou i te kina nei.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/11\/31","date":"2018-09-20T17:59:36Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156554.12\/warc\/CC-MAIN-20180920175529-20180920195929-00284.warc.gz","language":"nho","language_score":0.4142599702,"language_script":"Latn","minhash_cluster_size":2,"top_langs":"{\"nho_Latn_score\": 0.41425997018814087, \"rar_Latn_score\": 0.41062527894973755, \"mri_Latn_score\": 0.037840232253074646, \"wls_Latn_score\": 0.03317470848560333, \"gil_Latn_score\": 0.012535239569842815}","num_words":163,"character_repetition_ratio":0.071,"word_repetition_ratio":0.0,"special_characters_ratio":0.209,"stopwords_ratio":0.313,"flagged_words_ratio":0.0,"lang_id_score":0.458,"perplexity_score":500.0,"cluster_detection":1} +{"text":"ACTS 3\nTe tama see lavaa te sasare e haia Peter no taukareka\n1Te aso tokotasi, i te ttoru te laasuru raa, Peter laaua ma John ni oo ki te Hare Tapu, i teenaa ko te ssao laatou maraa e taku. 2I te tootoka e ttapa ma ko te Tootoka Taukareka raa, teelaa se tanata see lavaa te sasare e noho ake i te kina naa. Te tanata naa ni tipu ake iloo peenaa i tana saaita ni haanau mai. I naa aso hakkaatoa raa te tama naa maraa e saaua ake aaraa tama no hakanohoria i te kina naa ki noho ttama naa no kainnoo mane ki naa tama e oo ake ki te Hare Tapu. 3Te saaita te tanata naa ni kite i Peter ma John e uru ki loto te hare raa, a ia ni huri no kainnoo atu ki kauake se mee maana. 4Te takarua naa ni ttoka tonu atu kiaa ia, teenaa ki mee ake Peter, \"Ttoka mai ki maaua.\" 5Teenaa ki ttoka atu iloo te tanata naa, i aa ia e ttau maa ia ku kauake tana mee te takarua naa. 6Araa nei Peter ki mee ake kiaa ia, \"Nau seai iloo se mane e taka ma nau, tevana iaa nau ku kauatu taku mee e taka ma nau nei. I loto te inoa Jesus Christ, te tama i Nazareth, nau e vanaatu ki masike koe no sasare!\" 7Teenaa suru atu iloo Peter no ppiki ki te rima hakamaatau te tanata naa no hakamasikeria ki aruna. Naa pukuvae ma naa tapuvae te tanata naa ni taukalleka i te saaita naa lokoi. 8Teenaa sopo iloo te tama naa no tuu ki aruna ka sasare vaakina naa. Araa uru atu iloo ia ki loto te Hare Tapu raa ma te takarua naa, teenaa a ia ni soposopo ka sare hakanau i TeAtua. 9Naa tama ni ttuu i te kina naa ni kkite i ana sare hakanau i TeAtua, 10aa i te saaita laatou ni mmate maa teelaa ko te tanata maraa e noho ka kainnoo mee i te Tootoka Taukareka raa, laatou ni tteki no oho i aa ia ku taukareka.\nNaa taratara Peter e hakaea iloto te Hare Tapu\n11Te saaita te tama naa koi tuu ka taaohi ki Peter laaua ma John, naa tama i te kina naa ni oho no ffuro atu ki laatou i te kina e ttapa ma ko te Hakaseke i-taha Solomon. 12I te saaita Peter ni kite i naa tama naa raa, a ia ki mee ake, \"Aku taaina nei, ai kootou e oho ai i te mee kootou e kkite nei, aa kootou e ttoka mai peenaa i te aa? E aa? Kootou e mannatu maa te tama nei ni lavaa te haia maaua no taukareka i maaua e haimahi, aa maa i maaua ni tama e lotu maaoni? Seai! 13Te Atua aa Abraham, te Atua aa Isaac, aa te Atua aa Jacob teenaa ko te Atua naa tippuna hakkaatoa taatou imua, teelaa ni kauake ana mahi ki Jesus, te tama e heheuna i aa Ia. Tevana iaa te tama naa ni kauake kootou ki naa tama hakamaatua raa ki taia, teenaa te saaita Pilate ni mee ma ki hanaa ia te tama naa raa, kootou ni see fiffai.+ 14Te tama naa se tama e tapu aa e sosorina taukareka, tevana iaa kootou ni see fiffai kiaa Ia; kootou ni ffuri are no vanaake ki Pilate ki hanaa te tama e taa tama.+ 15Kootou ni taia kootou Jesus, te tama e kauatu te ora maaoni. Tevana iaa TeAtua ku oti te hakamasikeria a Ia te Tama naa i te mate, aa maaua nei e ffai i naa tama ni kkite naa mee naa. 16Te tama ni see lavaa te sasare nei ni hakamasikeria i naa mahi te inoa Jesus. Te mee kootou e kkite no illoa nei raa, e sura i te tama nei e hakataakoto tonu i te inoa Jesus; teenei kootou katoo ku kkite i teelaa ko te hakataakoto te tama nei i Jesus raa ku taukareka ai a ia.\n17\"Aku taaina nei, nau e iloa maa kootou ma naa hakamau kootou naa ni mee kootou vana naa ki Jesus i kootou ni see illoa. 18Naa taratara TeAtua raa ni tarataraina mai ana pure raa imua iloo, teenaa maa te Mesaea raa ma ki hakallono isu; teenei naa taratara nei e haia a Ia ki ttino i te ara nei.\n19\"Tiiake naa haisara kootou naa aa kootou ku tautari ki TeAtua ki uiia naa haisara kootou. Ki mee maa kootou e mee peenaa, 20teenaa kootou ma ki haia TeAtua ki hakamalolloo hakaraaoi kootou, aa Jesus ma ki heunatia mai a Ia. Jesus naa ko tana Mesaea ku oti te hakanoho imua ma kootou. 21Tevana iaa Jesus ma ki noho ake i te lani ka ttari ki hakatonusia naa mee katoo ki hoou, e mee pee ko i-ana taratara ake imua iloo ki ana pure tapu. 22I te aa i Moses ni taratara mai peenei,\n'Te Ariki TeAtua kootou raa ma ki heuna atu tana pure,\ne mee pee ko nau ni heunatia mai a Ia.\nTtama naa se tama i te kanohenua kootou naa, aa kootou ki hakannoo ki ana vana hakkaatoa e mee atu ki kootou.+\n23Naa tama see hakannoo ki naa taratara te pure naa ma ki kerekereia ki see hakapaa ki te kanohenua TeAtua.'+\n24\"Samuel hoki ma naa pure hakkaatoa ni nnoho imuri ana raa ni tarataraina laatou naa vana teelaa e ssura i naa aso nei. 25Naa purepure TeAtua ni kauiho ana pure raa, teenaa ni purepure TeAtua ni mee maa kootou. Aa te taratara hakamaatua TeAtua ni tuku maa naa tippuna kootou raa, e tuku hoki ki kootou. TeAtua ni taratara ake peelaa ki Abraham,\n'Nau ma ki tukua a nau se tama i too haanauna naa\nki haia hakaraaoina naa kanohenua hakkaatoa i te kerekere nei.'+\n26Teenaa tuku iloo TeAtua tana tama e heheuna iaa Ia raa no heuna atu ki kootou imua ki haia hakaraaoina kootou, ki hurisia naa manava kootou ki tiiake naa sosorina e hakallika kootou.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/3\/","date":"2018-09-22T05:38:30Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158045.57\/warc\/CC-MAIN-20180922044853-20180922065253-00207.warc.gz","language":"nho","language_score":1.000002861,"language_script":"Latn","minhash_cluster_size":4,"top_langs":"{\"nho_Latn_score\": 1.0000028610229492}","num_words":1089,"character_repetition_ratio":0.052,"word_repetition_ratio":0.0,"special_characters_ratio":0.231,"stopwords_ratio":0.545,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"JOHN 16\n1\"Nau ni mee atu naa taratara nei ki see tiiake kootou naa lotu kootou. 2Kootou ma ki kerekereia i naa hare lotu. Te saaita raa ma ki tae mai, teenaa laatou ma ki taratara ki taaia kootou i laatou ma ki mee ma teenaa te hiihai TeAtua. 3Te henua ma ki mee naa vana nei ki kootou i laatou see illoa iaa nau ma taku Tamana. 4Nau ni taratara atu naa mee nei, i te saaita naa vana naa e ssura raa, kootou ku mannatu lokoi i aa nau ku oti te taratara atu hakaoti ki kootou.\nNaa heuna TeAitu Tapu TeAtua.\n\"Nau ni see taratara atu naa vana nei imua, i aa nau koi noho ma kootou. 5Teenei nau ku ahe ki te tama ni heuna ma ki au nau, tevana iaa seai iloo se tama i kootou e vasiri mai i taku kina ma ki hano. 6Naa manava kootou nei ku ssopo iaa nau ku taratara atu naa vana nei. 7Tevana iaa nau e taratara atu maaoni. Teenei se taukareka kootou e seeia nau i taku hano e hano nei. Ki mee nau see hano, te Tama e tokonaki raa ma ki see lavaa te heunatia mai TeAtua. E taukareka maa nau ki hano, ki heunatia mai nau TeAitu ki kootou. 8Tana saaita ma ki au raa, a Ia ma ki huri ake ki naa tama te maarama nei i naa haisara laatou, ki illoa laatou maa laatou e ssara i te tiputipu naa haisara, ma te tiputipu e tonu, aa ki illoa laatou hoki maa TeAtua ma ki hakatonutonu naa mee hakkaatoa. 9Te Tama naa ma ki huri ake maa naa tama naa e ssara i te tiputipu naa haisara, i laatou see hakannoo kiaa nau. 10A Ia ma ki huri ake hoki maa naa tama naa e ssara i te tiputipu e tonu, i aa nau ku hano ki taku Tamana, teenaa kootou ma ki see kkite hakaoti iaa nau. 11Ttama naa ma ki huri ake hoki maa naa tama naa e ssara, i TeAtua ma ki hakatonutonu naa mee hakkaatoa, teenaa a Ia kunaa hakatonutonu are te tama hakamaatua te maarama i laro nei.\n12\"Nau e mee te lopo taratara ki kauatu ki kootou, tevana iaa nau e iloa maa kootou ma ki hainattaa iloo te tauhia kootou naa taratara nei hakkaatoa. 13Ssao TeAitu te Hakamaaoni ma ki tae mai raa, a Ia ma ki huri atu te ara e tonu. A Ia ma ki see kauatu ma ni taratara tana tino soko ia. Seai. A Ia ma ki tarataraina koi a Ia ana taratara e llono, ka taratara hoki i naa vana ma ki ssura imuri. 14Ttama naa ma ki huri atu aku tiputipu ki kkite kootou i naa takkoto aku mahi. 15Naa mee hakkaatoa taku Tamana raa, teenaa ni mee aaku. Teenaa e mee atu ai nau maa TeAitu raa ma ki huri atu aku tiputipu ki kkite kootou.\"\nNaa tama hakaaroha ma ki oti ku fiaffia\n16Teenaa Jesus ki mee ake hoki, \"See rooroa aa kootou ma ki see kkite iaa nau, aa kimuri hoki kootou ku kkite iaa nau.\"\n17E mee naa disaipol ni vasirisiri soko laatou peelaa, \"Ttama nei e taratara maa ku see rooroa aa taatou ku see kkite iaa Ia, aa maa kimuri koi taatou ku kkite hoki iaa Ia. A Ia e taratara hoki maa Ia ku hano ki tana Tamana. 18Teenei se aa te tama nei e mee maa, 'see rooroa?' Taatou seai iloo ki massaro i naa taratara te Tama nei.\"\n19Jesus ni iloa maa naa tama naa e ttuu ma ki vasiri ake ki illoa laatou i ana taratara e mee nei. Teenaa ki mee ake Ia ki laatou, \"Nau ni taratara peelaa, 'See rooroa aa kootou ma ki see kkite iaa nau. See rooroa hoki aa kootou ku kkite iaa nau.' Teenei te taratara e ttuu kootou ka vasirisiri soko kootou? 20Nau e taratara atu maaoni. Kootou ma ki ttani ka nnoho hakaaroha. Naa tama te maarama nei iaa ma ki nnoho ka fiaffia. Kootou ma ki nnoho hakaaroha i te ssao nei, tevana iaa kootou ma ki oti ku fiaffia imuri. 21Te tiputipu nei e mee koi pee ko te tinae e taupiri ki haanau. Te tinae naa ma ki tanitani seemuu i aa ia e iloa maa tana saaita e hakallono isu raa ku taupiri. Tevana iaa tana saaita ku oti te haanau raa, a ia ma ki ssiri hakaoti i naa isu, i aa ia ku hiahia maa ia ku mee tana tamariki. 22Teenei e mee ma ko kootou. Ssao nei, kootou e ttani. Taku sao ma ki ahemai ki kootou raa, kootou ma ki fiaffia. See hai tama e lavaa te hanaa ia te hiahia naa i naa manava kootou.\n23\"I te ssao naa, kootou ma ki see kainnoo mai kiaa nau. Nau e taratara atu maaoni. Te Tamana ma ki kauatu se aa kootou e kainnoo ake iloto taku Inoa. 24Imua raa kootou ni see kainnoo ki TeAtua iloto taku Inoa. Ssao nei kootou ki kainnoo ki kauatu ni mee ma kootou, ki ttaka kootou ka fiaffia maaoni.\nNaa mahi te maarama nei see tae ki naa mahi Jesus\n25\"Imua raa nau ni kauatu naa taratara e hainattaa kootou te illoa. Tevana iaa te ssao raa ma ki tae mai, teenaa ko taku saaita ma ki see taratara ki naa taratara e hainattaa peenaa. Nau ma ki taratara atu hakaraaoi ki illoa kootou i naa tiputipu te Tamana. 26Saaita te aso naa e tae mai raa, kootou ma ki kainnoo soko kootou kiaa Ia iloto taku Inoa. Nau see taratara atu peelaa maa nau ma ki kainnoo ki TeAtua i te vasi kootou. 27Te Tamana e hai tama laaoi i kootou, i kootou e laaoi iaa nau, aa kootou e illoa maa nau ni au i TeAtua. 28Nau ni au maaoni i te Tamana no noho i te maarama nei. Teenei nau ku mee ki tiiake te maarama nei no ahe ki te Tamana.\"\n29Teenaa ki mee ake ana disaipol, \"Teenei maatou ku massaro hakaraaoi i oo taratara, i aa koe ku taratara hakaraaoi mai no mallama naa pisouru maatou. 30Maatou nei ku illoa maa koe e atamai i te kau vana. Niaaina maa see hai tama e vasiri atu kiaa koe, koe kunaa iloa are i te maanatu te tama. Teenei maatou ku illoa maaoni maa koe ni au i TeAtua.\"\n31Jesus ki mee ake, \"Teenei kootou ku illoa maaoni? 32Ssao raa ma ki tae mai, kootou ma ki masseu no ffuro ki naa matakaaina kootou, ka noho nau soko nau. Tevana iaa nau ma ki see noho soko nau, i te Tamana raa e taka ma nau. 33Nau ni taratara atu naa mee nei ki hakappae mai kootou ki nnoho laaoi kootou. Kootou ma ki llave i naa haaeo te maarama nei, tevana iaa kootou ki see ppore naa manava kootou. Naa mahi te maarama nei ku oti te tinaia a nau.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/John\/16\/","date":"2018-09-21T02:42:53Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156724.6\/warc\/CC-MAIN-20180921013907-20180921034307-00049.warc.gz","language":"nho","language_score":1.0,"language_script":"Latn","minhash_cluster_size":3,"top_langs":"{\"nho_Latn_score\": 1.0}","num_words":1238,"character_repetition_ratio":0.074,"word_repetition_ratio":0.007,"special_characters_ratio":0.234,"stopwords_ratio":0.573,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 21:34\n34E mee aaraa tama e ttuu i te kina naa ni tanitani varo huri koi; aaraa tama koi e kkee naa taratara laatou e hai ake. Te hakamau raa ni vvare hakaoti i naa hevaa huri naa tama naa, teenaa a ia ni see ilotia iloo ia te tahito te vana ni mee naa. A ia ni huri ake ki ana soldia raa no vanaake iloo ki toa Paul ki te hare laatou naa soldia raa e roorosi.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/21\/34","date":"2018-09-22T10:24:01Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267158279.11\/warc\/CC-MAIN-20180922084059-20180922104459-00094.warc.gz","language":"nho","language_score":0.7552665472,"language_script":"Latn","minhash_cluster_size":2,"top_langs":"{\"nho_Latn_score\": 0.755266547203064, \"hif_Latn_score\": 0.023784779012203217, \"rar_Latn_score\": 0.022568246349692345, \"wls_Latn_score\": 0.020169023424386978, \"sps_Latn_score\": 0.01460975781083107, \"guj_Latn_score\": 0.012225422076880932}","num_words":160,"character_repetition_ratio":0.071,"word_repetition_ratio":0.0,"special_characters_ratio":0.207,"stopwords_ratio":0.287,"flagged_words_ratio":0.0,"lang_id_score":0.723,"perplexity_score":500.0,"cluster_detection":1} +{"text":"ACTS 28:19\n19Araa nei naa Jew raa ni see fiffai maa nau ki tiiake ki hano, teenaa ni huri ai nau no mee ake ki naa hakamau Rome raa i aa nau e hiihai maa te Tuku Hakamau Rome raa ki hakannoo ki taku koti nei. Tevana iaa nau ni see mee maa nau e au no kotia naa tama taku tino henua.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/28\/19","date":"2018-09-21T13:13:39Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267157070.28\/warc\/CC-MAIN-20180921112207-20180921132607-00254.warc.gz","language":"nho","language_score":0.3225448728,"language_script":"Latn","minhash_cluster_size":2,"top_langs":"{\"nho_Latn_score\": 0.3225448727607727, \"hif_Latn_score\": 0.09200960397720337, \"pcm_Latn_score\": 0.05651745945215225, \"swh_Latn_score\": 0.054220136255025864, \"zne_Latn_score\": 0.026038270443677902, \"rar_Latn_score\": 0.025853261351585388, \"wls_Latn_score\": 0.025581425055861473, \"eng_Latn_score\": 0.025269031524658203, \"sps_Latn_score\": 0.020135218277573586, \"ton_Latn_score\": 0.01891281083226204, \"mri_Latn_score\": 0.015499087981879711, \"yor_Latn_score\": 0.013386143371462822, \"gaa_Latn_score\": 0.01225569099187851, \"niu_Latn_score\": 0.012048959732055664, \"bzj_Latn_score\": 0.011201748624444008, \"fin_Latn_score\": 0.010753749869763851}","num_words":143,"character_repetition_ratio":0.074,"word_repetition_ratio":0.0,"special_characters_ratio":0.204,"stopwords_ratio":0.266,"flagged_words_ratio":0.0,"lang_id_score":0.306,"perplexity_score":500.0,"cluster_detection":1} +{"text":"LUKE 7\nTe poe te hakamau e haia Jesus no taukareka\n1Te saaita Jesus ni oti te kauake naa taratara nei ki naa tama raa, masike iloo Ia no hano ki Capernaum. 2Teelaa se hakamau naa soldia i Rome raa e noho i te kina naa. Te hakamau naa e mee tana poe, e llee ai tana manava, e maki aa e taupiri koi ki mate. 3Te saaita te hakamau naa ni lono i naa vana Jesus e mee raa, heunatia iloo ia aaraa tama hakamaatua naa Jew raa ki oo no vanaake ki Jesus ki hanake no haia tana poe raa ki marooroo. 4Naa tama naa ni oo atu no mee ake ki Jesus, \"Koe e tau te au no haia te vana te hakamau nei e mee atu. 5Te hakamau nei se tama e hiihai ki maatou naa Jew, aa teenei ko ia nei ni hakatuu te hare lotu maatou.\"\n6Teenaa ki masike Jesus no hano ma naa tama naa. I tana saaita ni taupiri atu ki te hare te hakamau raa, te hakamau naa ni heuna atu ana soa raa ki vanaake peelaa ki Jesus, \"TeAriki, koe see mee ma ki hakanaenae koe ma ki au iloo koe ki taku hare. Nau see tau te hakauru te tama peenaa pee ko koe ki loto taku hare, 7iaa nau hoki see tau te hanatu taku tino kiaa koe. Taratara mai koi, aa taku poe raa ku marooroo. 8Nau hoki e mee naa hakamau teelaa e heheuna ai nau, aa nau e mee naa soldia e heheuna i laro aaku. Taku saaita e mee ake ki te soldia raa peelaa, 'Tere!', te soldia naa ma ki hano; aa taku saaita e mee ake ki telaa tama peelaa, 'Tere mai!' te tama naa ma ki au. Ki mee maa nau e taratara ake ki taku poe raa peelaa, 'Haia te heuna nei!' te heuna naa ma ki haia te tama naa.\"\n9Jesus ni oho i tana saaita ni lono i naa taratara nei, teenaa huri iloo a Ia ki te kuturana tama e oo ake vaamuri ana naa no mee ake, \"Nau e kauatu te taratara nei ki kootou, nau seai iloo taku tama ni kite iloto Israel maa e lotu maaoni i TeAtua pee ko te tama nei!\"\n10Naa tama ni heunatia ake te hakamau naa ni ahe no kkite maa te poe raa ku marooroo.\nJesus e hakaora te tama te puruna ffine\n11Kimuri koi raa Jesus ni masike no hano ma ana disaipol aa ma te kuturana tama e tammaki ki te matakaaina e ttapa ma ko Nain. 12I tana saaita ni taupiri ki uru atu ki loto te matakaaina naa raa, teelaa ni tama raa e ssau ake te tama e mate ka oo iho ki taha. Te tama e mate naa ko te tama tokotasi koi te puruna ffine e noho i te kina naa. E tammaki iloo naa tama i te matakaaina naa ni sassare ake ma te ffine naa. 13Saaita TeAriki ni kite iaa ia raa, tana manava ni llee iloo iaa ia, teenaa ki huri atu Ia no mee ake peelaa ki te ffine, \"Koe see tani.\" 14Araa sare atu iloo Ia no paa tana rima ki naa moelana te mate naa, teenaa ki ttuki ai naa tama e ssau te tama e mate naa. Jesus ki mee ake, \"Taupeara! Nau e vanaatu kiaa koe, masike ki aruna!\" 15Te tama ni mate naa ni masike no noho iloo ki aruna ka hai taratara, teenaa hakaahea atu iloo Jesus te tama naa ki tana tinna.\n16Naa tama naa ni oho hakkaatoa ka taratara hakanau peelaa i TeAtua, \"Te pure hakamaatua raa ku taka iloto taatou. TeAtua ku tae mai ki hakasao tana kanohenua!\"\n17Te lono i Jesus nei ni tere vaaroto Judea ma naa matakaaina e ttuu tauppiri atu.\nJesus laaua ma John te Baptis\n18Saaita naa disaipol John raa ni taratara ake kiaa ia i naa vana nei raa, John ni aru te takarua i ana disaipol, 19no heunatia ki oo ki TeAriki no vasiri ake peelaa, \"Teenaa ko koe naa te tama John ni taratara maa kioti ku au? Aa ki mee seai, maatou ki ttari ki telaa tama?\"\n20Araa teenaa, oo atu iloo te takarua naa ki Jesus no vasiri ake peelaa, \"Maaua e heunatia mai John te Baptis ki vasiri atu, ma ki mee ma teenei ko koe nei teelaa ni taratara ia ma ki oti ku au. Seai? Maatou ki ttari ki telaa tama.\"\n21I te saaita naa raa Jesus ni hakamasike te lopo tama e laavea te kau maki hakkaatoa; naa tama e tauria naa tippua hakallika raa ni haia a Ia no taukalleka, aa naa tama e ppuni naa karamata laatou e haia a Ia no kkite. 22Teenaa ki huri atu Jesus no mee ake ki te takarua ni heunatia ake John, \"Koorua ahe no taratara ake ki John i naa vana koorua ni kkite aa naa vana koorua ni llono:\nnaa tama e ppuni naa karamata laatou raa ku kkite,\nnaa tama see lavaa te sassare raa ku lavaa te sassare,\nnaa tama e haia te leprosi i naa haitino laatou raa ku taukalleka,\nnaa tama e ppuni naa kautarina laatou raa ku llono,\nnaa tama e mmate raa ku hakaoratia no ora,\naa naa tama e nnoho hakaaroha raa ku llono i te Lono Taukareka TeAtua. +\n23Naa tama see nnapa te tautari mai kiaa nau raa, laatou ki fiaffia!\"\n24Saaita naa tama ni heunatia ake John ni ahe raa, Jesus ni huri no taratara ake ki te kuturana tama raa i naa tiputipu John: \"Te saaita kootou ni oo ki John iloto mouku, kootou ni mannatu maa se tama peehea raa e oo kootou no mmata? Kootou ni mannatu maa kootou ma ki kkite maa se tama e matanaenae, e mee pee ko naa tuu te vvee ka aania huri te matani? 25E aa? Kootou ni mannatu maa kootou ma ki kkite ma se tama e uru ki naa hekau e taavi mmaha? Seai hoki. Naa tama e uru ki naa hekau e taavi mmaha raa teenaa ko naa tama e nnoho i naa hare naa tuku! 26Kootou taratara mai, teelaa se tama peehea raa ni oo kootou no mmata? Kootou ni oo no mmata maa i teenaa ko te pure TeAtua? Uee, aa nau ku taratara atu ki kootou, teenaa se pure hakamaatua iloo ni oo kootou no mmata. 27I te aa, i teelaa ko John raa ni tarataraina iloto te Laupepa Tapu: 'TeAtua e mee maa, Nau ma ki heuna atu taku pure raa ki hano imua aau, ki hakatonutonu mai hakaoti too ara.'+ 28Nau e vanaatu ki kootou: See hai tama iloo i te maarama nei e takoto hakamaatua i aruna John, tevana iaa te tama see ilotia iloo ma se tama iloto te Nohorana TeAtua raa e noho hakamaatua i aruna John.\"\n29Te henua hakkaatoa, hakapaa ma naa tama e aoao naa takis, ni llono i naa taratara nei; teenaa ko laatou naa ni tautari ki naa taratara TeAtua e mee ake. Naa tama naa ni too te hakaukau tapu raa i John. 30Naa Faarisi ma naa tisa naa Loo raa iaa ni see fiffai ki te ara TeAtua ni hiihai maa laatou ki tautari; naa tama naa ni see fiffai maa laatou e hakaukau tapu ina John.+\n31Jesus ku ttao atu hoki, \"Nau ki taratara maa naa tama e nnoho i te maarama i te ssao nei e tiputtipu peehea? 32Naa tama naa e mee pee ko naa tamalliki e tataaffao iloto marae ka tanitani varo soko laatou peelaa,\n'Maatou ni taa naa rue, tevana iaa kootou ni see llue!\nMaatou ni huahua hakaaroha atu ki kootou, tevana iaa kootou ni see ttani!'\n33Saaita John te Baptis ni au raa, a ia ni hakapakuu peenaa ka see unu naa wain, teenaa kootou ni taratara peelaa, 'Te tama naa e tauria te tipua!' 34Saaita te Tama te Henua ni au raa, a Ia e kai ka unu, teenaa kootou ni ffuri no mee naa taratara kootou peelaa, 'Kootou ttoka atu i te tama nei! Teenei se tama e kaikai vvare aa e unuunu vvare; teenei se tama e vaisoa ma naa tama e aoao naa takis aa ma naa tama haisara!' 35Tevana iaa naa tama e tauhia laatou te atamai TeAtua raa e huri ake peelaa maa te atamai TeAtua raa ko te atamai maaoni.\"\nJesus i te hare Simon te Faarisi\n36Te Faarisi tokotasi ni aru ki Jesus ki hanake no kkai laaua i tana hare, teenaa Jesus ni hanatu ki tana hare raa no noho ki kai. 37I te saaita naa raa, teelaa se ffine hai huri raa e noho i te matakaaina naa. I tana saaita ni lono maa Jesus e kai i te hare te Faarisi raa, hanake iloo ki te hare naa ma te huaarani 'alabaster' e utu ki te kaakaa manoni e taavi mmaha. 38Te ffine naa ni hanake no noho tokoreirei iloo imuri Jesus, i te kina ana vae, no tani ka hakatere iho ana reimata ki aruna naa tapuvae Jesus, ka hakapakupaku ki ana lauru. Araa suru atu iloo no vaisonisoni naa tapuvae Jesus ka aamosi ki te kaakaa.+ 39Saaita te Faarisi raa ni kite i te vana te ffine naa e hai raa, a ia ni taumaruu peelaa, \"Ki mee maa teenei se pure maaoni TeAtua, a ia ni iloa maa teenei se ffine peehea nei e kapakapa iaa ia; a ia ni iloa maa teenei se ffine haisara!\"\n40Teenaa ki mee ake Jesus kiaa ia, \"Simon, nau e mee taku taratara ki kauatu kiaa koe.\"\nSimon ki hakaahe ake, \"Taratara mai, taku tisa nei.\"\n41Jesus ku kaamata peelaa, \"Teelaa se takarua taanata ni too mane i te hakamau tokotasi, te tanata tokotasi e too ana sehua e rima, aa telaa tanata e too ana huitaarau e rima. 42Araa nei te takarua naa ni see hai mane ki suia laaua naa mane te hakamau naa. Te hakamau naa ni aroha i laaua, teenaa mee ake iloo ki laaua ki see suia ana mane. Aa teenaa, ko ai te tama i te takarua naa ma ki llee iloo tana manava i te hakamau naa?\"\n43Simon ki mee ake, \"Nau maanatu ma ko te tama ni too ana mane e tammaki.\"\nJesus ki mee ake, \"Simon, too maanatu naa e tonu.\" 44Teenaa hakatahuri iloo Jesus ki te ffine raa ka mee ake peelaa ki Simon, \"Koe e kite i te ffine nei? Nau ni uru mai ki loto too hare nei, aa koe ni see hai vai ni kaumai ki huihui aku vae. A ia iaa ni huihuia a ia aku vae ki ana reimata, araa hakapakupaku iloo ki ana lauru. 45I taku saaita ni au raa, koe ni see purepure mai ka vaisoni taaua, aa te ffine nei iaa ni kaamata iloo te vaisonisoni peenaa i aku tapuvae i taku saaita ni uru mai ki loto too hare nei. 46Taku pisouru ni see mumurua a koe ki te ssunu, aa aku tapuvae iaa e aamosia hakkaatoa te ffine nei ki te kaakaa manoni. 47Nau ku vanaatu kiaa koe, te llee te manava te ffine nei iaa nau e huri ake peelaa maa ana haisara e tammaki naa ku oti te uiia hakkaatoa TeAtua. Te tama teelaa seai ana haisara maaoni ni uiia TeAtua raa, te hiihai te tama naa iaa nau ma ki see lasi.\"\n48Teenaa ki huri Jesus no mee ake ki te ffine, \"Oo haisara e uiia a nau.\"\n49Naa tama e nnoho i te kina naa ku kaamata te taumaruu iaa ia, \"Teenei se tama peehea nei e mee maa ia e uii naa haisara?\"\n50Teenaa ki mee ake Jesus ki te ffine, \"Koe nei ku sao i aa koe e lotu iaa nau; aa tere ma te laaoi TeAtua.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/7\/","date":"2018-09-21T02:32:04Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156724.6\/warc\/CC-MAIN-20180921013907-20180921034307-00057.warc.gz","language":"nho","language_score":1.0000048876,"language_script":"Latn","minhash_cluster_size":8,"top_langs":"{\"nho_Latn_score\": 1.0000048875808716}","num_words":2041,"character_repetition_ratio":0.053,"word_repetition_ratio":0.0,"special_characters_ratio":0.239,"stopwords_ratio":0.52,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 3\nJohn te Baptis e hakaea naa taratara TeAtua\n1I te saaita naa raa, John te Baptis raa ni kaamata te hakaea naa taratara TeAtua raa iloto mouku, teenaa a ia ni hakaea peelaa, 2\"Tiiake naa haisara kootou naa, i te Nohorana te Lani raa ku saaita mai koi!\"+ 3John raa ko te tama teelaa e tarataraina Isaiah, te pure TeAtua, i ana taratara ni sissii peelaa:\n\"Te tama raa e tanitani varo mai i mouku peelaa:\n'Penapenaa mai hakaoti te ara TeAriki,\nhakatonu tana saarena raa ki tonu!'\"+\n4John e hakao ki naa hekau e llana ki naa huru te kamol; a ia e tuu ki te ttuu e pena ki te kiri te manu, aa e kai naa manu e mee pee ko naa tama te laanui ma naa hani.+ 5E tammaki naa tama i Jerusalem, naa matakaaina katoo iloto Judea aa ma naa taon e ttuu i naa vasi te Riva Jordan ni oo ake no hakannoo ki naa taratara John. 6Naa tama naa ni hakaari ake naa haisara laatou ki John, teenaa John ki hakaukau tapu naa tama naa iloto te Riva Jordan.\n7I te saaita John ni kite i naa oo ake te lopo Faarisi ma naa Sadiusi ma ki hakaukauria laatou raa, John ki mee ake ki laatou, \"Naa kata! Ko ai te tama e vanaatu maa kootou ma ki lavaa te ffuro no mmuni i naa haaeo TeAtua ma ki ppesi mai?+ 8Kootou ffuri naa manava kootou no hakassura te tiputipu e taukareka, ki maatino maa kootou ku oti te tiiake naa haisara kootou. 9Kootou ki see mannatu maa kootou ma ki see lavaa te laavea naa haaeo naa ma i kootou ni tama i te manava Abraham. Nau e vanaatu ki kootou: TeAtua e lavaa te huria a Ia naa tamaa hatu nei ki mee ma ni mokopuna Abraham!+ 10Te takuu raa e takkoto mai ki tuutia te laakau raa i ana patiaka. Naa laakau see ffua taukalleka raa ma ki tuutia ki laro no peesia ki te ahi.+\n11\"Kootou e hakaukau tapuria a nau ki te vai, ki maatino maa kootou ku oti te tiiake naa haisara kootou. Tevana iaa te tama ma ki au imuri aku raa ma ki hakaukau tapu kootou ki TeAitu Tapu aa ki te ahi. Te tama naa se tama e hakamaatua are iaa nau; aa taku tino iloo see tau te sausau ana taka. 12A Ia e taaohi tana reik raa ki ttahi tana kina e hakakkutu naa hua wit ki vaaea naa hua wit i naa penu. Teenaa ki toa a ia naa kaikai wit raa no tuku ki loto tana hare e tukutuku ana kaikai. Naa penu raa iaa ma ki peesia ki loto te ahi e ura see mate.\"\nJohn e hakaukau tapuria a ia Jesus\n13I te saaita naa raa, Jesus ku tae ake ki Galilee no hanake ki John ki hakaukau tapuria a Ia. 14Tevana iaa John ni mee ma ki huria a ia te maanatu Jesus, teenaa a ia ki mee ake, \"Ai koe ku au ai kiaa nau ki hakaukauria a koe? A koe are raa ki hakaukau iaa nau!\"\n15Jesus ki mee ake, \"Kau koi no hakaukau tapuria a nau. Teenei te ara taaua ki hakassura naa vana katoo TeAtua e fiffai.\" Teenaa hanatu iloo John no hakaukau i Jesus.\n16Saaita Jesus ni marana ake i te vai raa, te lani raa ni taaraki. Teenaa kite iloo Ia i naa hano iho TeAitu TeAtua ma se rupe no takoto iaa Ia. 17Araa taratara iho iloo te reo raa i te lani, \"Teenei ko taku tino tama e llee ai taku manava; aa nau e hiihai kiaa ia.\"+\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/3\/","date":"2018-09-21T11:51:39Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267157070.28\/warc\/CC-MAIN-20180921112207-20180921132607-00268.warc.gz","language":"nho","language_score":0.9999595881,"language_script":"Latn","minhash_cluster_size":2,"top_langs":"{\"nho_Latn_score\": 0.9999595880508423}","num_words":691,"character_repetition_ratio":0.061,"word_repetition_ratio":0.006,"special_characters_ratio":0.231,"stopwords_ratio":0.476,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MATTHEW 27:64\n64Heunatia oo soldia raa ki oo no roorosi hakaraaoi iloo i te kava ki lava iloo naa aso e toru, teenaa ki see lavaa ana disaipol raa te oo no huuina laatou te haitino te tama naa aa ku oo no hakaea ki te heuna maa te tama naa ni hakamasikeria i te mate. Teenaa naa taratara hakalellesi naa tama naa ma ki mee raa ma ki hakallika iaa i naa taratara te tama naa ni hai imua.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Matt\/27\/64","date":"2018-09-19T02:19:47Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155814.1\/warc\/CC-MAIN-20180919004724-20180919024724-00072.warc.gz","language":"nho","language_score":0.8671637774,"language_script":"Latn","minhash_cluster_size":2,"top_langs":"{\"nho_Latn_score\": 0.8671637773513794, \"rar_Latn_score\": 0.014378748834133148, \"sps_Latn_score\": 0.014246159233152866, \"guj_Latn_score\": 0.01295398734509945}","num_words":160,"character_repetition_ratio":0.075,"word_repetition_ratio":0.0,"special_characters_ratio":0.201,"stopwords_ratio":0.312,"flagged_words_ratio":0.0,"lang_id_score":0.842,"perplexity_score":500.0,"cluster_detection":1} +{"text":"LUKE 20\nNaa mahi Jesus\n1I te aso tokotasi Jesus e akonaki te henua ka hakaea te Lono Taukareka iloto te Hare Tapu raa, naa maatua hakamaatua, naa tisa naa Loo, aa ma naa tama hakamaatua naa Jew raa ni oo ake ki Jesus 2no vasiri ake peelaa, \"Taratara mai ki illoa maatou. Teelaa ni taratara ai e kauatu kiaa koe maa koe ki mee naa vana nei? Ko ai te tama e vanaatu maa koe e lavaa te kerekereia a koe naa tama raa i te Hare Tapu?\"\n3Jesus ki mee ake ki naa tama naa, \"Aa kootou ttari ki vasiri atu nau te mee nei. Kootou taratara mai 4maa ko ai te tama i TeAtua ma naa tama te maarama nei ni vanaake ki John ki hakaukau tapu te henua?\"\n5Teenaa ki kaamata naa tama naa te taratara soko laatou peelaa, \"Taatou ki taratara ake peehea? Ki mee maa taatou e vana ma ko TeAtua, a ia ma ki mee mai peelaa, 'Ai kootou ni see hakannoo ai ki naa taratara John?' 6Aa ki mee maa taatou e vana maa ko naa tama te maarama nei raa, teenaa taatou ma ki tauatia te kuturana nei ki naa hatu, i naa tama nei e illoa maa John se pure maaoni TeAtua.\" 7Teenaa ki mee ake naa tama naa, \"Maatou see illoa.\"\n8Jesus ki mee ake ki laatou, \"Nau hoki ma ki see hakaari atu maa nau e haia mai ai ki mee aku vana e mee nei.\"\nTe taratara i naa tama e ttori naa verena 'grape'\n9Teenaa kauake iloo Jesus te taratara nei: \"Teelaa se tanata e tori tana verena 'grape'. A ia ni kauake tana verena naa ki roorosi ake aaraa tama, teenaa i aa ia ma ki hano no noho rooroa iloo i telaa henua.+ 10I te saaita naa 'grape' raa ni ttae ki vasi raa, te tanata raa ni heuna atu tana poe tokotasi ki naa tama e roorosi i tana verena raa ki too tana tuuhana i naa 'grape' naa tama naa e vasi. Araa nei naa tama e roorosi i te verena te tanata raa ku ffuri atu no sarua laatou te poe te tanata raa ka hakaahea ma ana rima. 11Te tanata raa ni heuna atu hoki telaa poe, tevana iaa te poe naa ni sarua hoki naa tama naa ka sasaakiria, araa hakaahea hoki ma ana rima. 12Te tanata naa ku heuna atu hoki te ttoru ana poe; teenaa naa tama e roorosi i te verena raa ni taia hoki laatou te poe naa no mere ka kerekereia ki hano. 13Teenaa ki taratara te tanata e mee tana verena raa peelaa, 'Nau ka mee peehea? Nau ku heuna iloo taku tino tama e llee ai taku manava nei ki hano; nau e iloa maa naa tama naa ma ki hakannoo kiaa ia.' 14Tevana iaa te saaita naa tama raa ni kkite maa teelaa ko te tamariki tanata te tama e mee tana verena raa, laatou ki taratara seemuu peelaa, 'Teenei ko tana tama. Taatou ki taia taatou te tama nei aa te verena nei ku too ma taatou!' 15Teenaa tauhia iloo laatou te tama naa no taakina ki taha te verena raa no taia ka mate.\"\nAraa Jesus ku vasiri ake peelaa, \"Naa tama e roorosi i te verena raa ma ki haia peehea te tanata e mee tana verena naa? 16Te tanata naa ma ki hanatu no taaia naa tama naa ki mmate, aa ku kauake tana verena naa ki aaraa tama ki roorosi.\"\nTe saaita naa tama raa ni llono i te taratara nei raa, laatou ni ffuri ki Jesus no mee ake peelaa, \"See hai vana peenaa ma ki sura!\"\n17Jesus ki ttoka atu ki naa karamata laatou no vasiri, \"Aa kootou e hakatuu maa te taratara teelaa e takoto iloto te Laupepa Tapu raa, e mee maa e aa?+\n'Te hatu teelaa ni hakkeeina naa tama e penapena hare ma se hatu e hakallika koi raa,\nni huri ake ma ko te hatu hakamaatua iloo teelaa e hakatuu ki mmau ai te hare.'\n18Naa tama hakkaatoa e taussina ki aruna te hatu naa ma ki mmere hakallika, aa ki mee te hatu naa e leiho ki aruna se tama raa, te tama naa ma ki marepurepu.\"\n19Naa tisa naa Loo ma naa maatua hakamaatua raa ni mee ma ki tauhia laatou Jesus i te saaita naa lokoi, i laatou e illoa maa Jesus e taratara i laatou; tevana iaa laatou ni mattaku i te henua.\nNaa takis e pesi ki te Tuku hakamau i Rome\n20Naa tama naa ni sessee ara ma ki hakasara se vana maa Jesus. Teenaa tauia iloo laatou aaraa tama no heunatia ki oo no vasirisiri te kau vana ki Jesus, ki hakasara se taratara maa Jesus aa ku taakina laatou no kauake ki te hakamau Rome raa ki karapusina. Naa tama ni heunatia laatou naa ni hakamatemate iloo ki laatou, ki vana te henua maa laatou ni tama e ttonu. 21Naa tama naa ni oo no vasiri peelaa ki Jesus, \"Tisa nei, maatou e illoa maa koe e taratara ka akonaki naa vana e ttonu maaoni. Maatou e illoa maa koe see iloa te hirihiri tama; koe e akonaki tonu i naa tiputipu te hiihai TeAtua ki te henua. 22Taratara mai, e taukareka maa taatou ki pesi takis ki te Tuku hakamau i Rome? Seai, e hakallika?\"\n23Jesus ni iloa maa naa tama naa ni vasirisiri tipua koi, teenaa mee ake iloo Ia peelaa ki laatou, 24\"Kootou huri mai se mane siliva. Teenei ko ai e tuu tana pisouru aa tana inoa i aruna te mane siliva nei?\"\nNaa tama raa ki mee ake, \"Teenaa ko te Tuku hakamau i Rome.\"\n25Jesus ki mee ake, \"Aa teenaa, kauake naa mee te tuku raa ki te tuku, aa naa mee TeAtua raa, kootou ku kauake ki TeAtua.\"\n26Jesus ni see lavaa iloo naa hakamau naa te hakarereesia ki hakasara se taratara maana imua naa karamata te henua. Naa tama naa ni oho i naa kauake naa taratara Jesus, teenaa nnoho iloo laatou seemuu.\nJesus e taratara i naa tama e mmate e massike no ora hoki\n27E mee naa Sadiusi, teelaa e hai maa naa tama ku oti te mmate raa see lavaa te massike hoki no ora, ni oo ake no vasiri ki Jesus,+ 28\"Tisa nei, Moses ni sissii te loo nei maa taatou: 'Ki mee maa se tanata e mate ka tiiake tana aavana raa ka noho see hai tamalliki, te taina te tanata e mate raa ki aavanatia a ia te aavana tana taina. Teenaa naa tamalliki laaua ma ki ssura raa ma ki haia ma ni tamalliki tana taina ni mate.'+ 29Teelaa se takahitu hai taaina. Te tama matua raa ni aavana no mate, se hai tamalliki. 30-31Teenaa tana taina e pare atu kiaa ia raa ku aavana i te ffine naa hoki, aa laaua ni see hai tamalliki hoki. Te tama naa ni mate no aavana iloo telaa taina laatou i te ffine naa hoki. Naa hannau naa ni hano no sopo hakkaatoa te aavvana i te ffine tokotasi naa, aa laatou hakkaatoa ni mmate see hai tamalliki. 32Ki oti raa nei te ffine naa ku mate hoki. 33Aa teenaa, i te aso te mate raa ma ki massike no ora, te ffine raa ma ki mee ma se aavana ai, i te takahitu hai taaina naa hakkaatoa ni aavvana iaa ia?\"\n34Jesus ki mee ake, \"Naa haahine ma naa taanata i te maarama nei e aavanavvana. 35-36Aa naa taanata ma naa haahine teelaa ma ki massike no ora i te maarama imuri raa iaa, naa tama naa ma ki see aavvana. Laatou ma ki mee pee ko naa ensol, see lavaa te mmate. Laatou naa ko naa tamalliki TeAtua, i laatou ni massike i te mate. 37Moses ni hakaari mai hakaraaoi iloo maa naa tama ku oti te mmate raa e hakamasikeria no ora. Teenaa ko ana taratara ni sissii i te saaita TeAtua ni taratara ake iloto te pakuvao e ura. A ia ni sissii maa TeAriki ko te Atua Abraham, te Atua Isaac, aa ma TeAriki hoki ko te Atua Jacob.+ 38A Ia seai se Atua naa tama e mmate. A Ia ko te Atua naa tama e ora. I te aa, i TeAtua e mee maa naa tama naa koi ora i te saaita nei.\"\n39E mee naa tisa naa Loo ni mee ake peelaa, \"Te tisa nei, oo taratara naa e ttonu.\" 40Teenaa naa tama naa ni mattaku te vasiri ake hoki aaraa vana ki Jesus.\nTe taratara i te Mesaea\n41Jesus ki vasiri ake ki naa tama naa, \"Te henua e taratara peehea maa te Mesaea raa ko te Mokopuna David? 42David soko ia e taratara iloto tana laupepa ni sissii i ana ahu i TeAtua raa peelaa,\n'TeAtua e mee ake peelaa ki taku Ariki:\nNoho i taku vasi hakamaatau,\n43ki tae iloo ki taku saaita ma ki tukua a nau naa tama e tautau haaeo ma koe raa i laro oo tapuvae.'+\n44Peehea naa sura iho te Mesaea raa ma se mokopuna David, maa te ttino David e kannaa iaa ia ma se Ariki aana?\"\nKootou roorosi ki see hakarereesia kootou naa tisa naa Loo\n45Te saaita te henua ni nnoho hakkaatoa ka hakannoo kiaa Ia raa, Jesus ni huri ake ki ana disaipol no mee ake, 46\"Kootou roorosi ki see hakarereesia kootou naa tisa naa Loo. Teenaa ko naa tama e fiffai maa laatou ki sassare ma naa kkahu e takittaki vaararo, ki meemee ake naa tama maa laatou ni tama hakamau i naa ttiri laatou i naa kina te henua e nnoho; teenaa ko naa tama maraa e ssee iloo ki naa nohonoho hakamaatua iloto naa hare lotu ma naa kaikai e llasi ki nnoho laatou. 47Teenaa ko naa tama maraa e hakarereesia laatou naa puruna raa ka kailaaraotia naa hekau naa hare naa tama naa, aa ki oti ku massike no mee naa taku e hualolloa ki mmata te henua maa laatou ni tama e ttonu! Naa haaeo TeAtua ma ki kauatu ki laatou naa ma ki hakallika hakaoti!\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/20\/","date":"2018-09-20T22:58:29Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156622.36\/warc\/CC-MAIN-20180920214659-20180920235059-00192.warc.gz","language":"nho","language_score":1.0000060797,"language_script":"Latn","minhash_cluster_size":2,"top_langs":"{\"nho_Latn_score\": 1.000006079673767}","num_words":1762,"character_repetition_ratio":0.064,"word_repetition_ratio":0.001,"special_characters_ratio":0.235,"stopwords_ratio":0.549,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 12:33\n33Kauake naa hekau kootou raa ki tauia aaraa tama aa kootou ku kauake naa mane naa ki naa tama see hai mee. Kootou mee ki takkoto ni paos mane maa kootou teelaa see lavaa te massae, ka hakanaaopo naa hekau taukalleka kootou i te lani. Teenaa ki takkoto naa mane ma naa hekau kootou naa i te kina naa mee naa ma ki see lavaa te oti. See hai tama e kailaarao e lavaa te tae ki te kina naa, aa naa mee naa ma ki see kaina naa tamaa manu.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Luke\/12\/33","date":"2018-09-21T08:20:13Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156901.47\/warc\/CC-MAIN-20180921072647-20180921093047-00397.warc.gz","language":"nho","language_score":0.9512392282,"language_script":"Latn","minhash_cluster_size":2,"top_langs":"{\"nho_Latn_score\": 0.9512392282485962}","num_words":173,"character_repetition_ratio":0.07,"word_repetition_ratio":0.0,"special_characters_ratio":0.204,"stopwords_ratio":0.341,"flagged_words_ratio":0.0,"lang_id_score":0.952,"perplexity_score":500.0,"cluster_detection":1} +{"text":"JOHN 19:23\n23Saaita Jesus ku oti te tuukia laatou ki te kros raa, naa soldia naa ni toa laatou naa hekau Jesus raa no vaevae i laatou. Laatou ni vvae naa hekau naa ki naa tuuhana e haa, te soldia tana mee. Laatou ni toa hoki laatou te kkahu raa ma ki vvae ma laatou, tevana iaa te kkahu raa e ttui koi ki te maro tokotasi. Te kkahu naa see hai tuina vaaroto.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/John\/19\/23","date":"2018-09-26T11:36:28Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267164750.95\/warc\/CC-MAIN-20180926101408-20180926121808-00127.warc.gz","language":"nho","language_score":0.7349109054,"language_script":"Latn","minhash_cluster_size":2,"top_langs":"{\"nho_Latn_score\": 0.7349109053611755, \"rar_Latn_score\": 0.0461401641368866, \"wls_Latn_score\": 0.04163690283894539, \"sps_Latn_score\": 0.019824165850877762, \"hif_Latn_score\": 0.013096876442432404, \"ekk_Latn_score\": 0.010264319367706776}","num_words":154,"character_repetition_ratio":0.07,"word_repetition_ratio":0.0,"special_characters_ratio":0.204,"stopwords_ratio":0.266,"flagged_words_ratio":0.0,"lang_id_score":0.693,"perplexity_score":500.0,"cluster_detection":1} +{"text":"MARK 12\nTe parapol naa tama e mmata ake te verena naa 'grape'\n1Araa Jesus ku taratara ake ki laatou ki naa parapol, \"Saaita tokotasi raa e mee te tanata ni tori tana verena 'grape'. Teenaa a ia ni pena tana hiri aareha te verena, ka keri tana rua ki kkumi naa hua. Araa hakatuu iloo tana hare roorosi e moe ki aruna. Ki oti raa kauake iloo ia te verena raa ki aaraa tama ki roorosi ake, i aa ia ku hano ki telaa henua.+ 2I te saaita naa 'grape' raa ni ttae ki vasi raa, te tanata raa ni heuna atu tana poe tokotasi ki naa tama e roorosi i tana verena raa ki too tana tuuhana. 3Araa nei naa tama e roorosi ake ki te verena te tanata raa ni ffuri atu no sarua laatou te poe te tanata naa ka hakaahea ma ana rima. 4Te tanata raa ni heuna atu hoki telaa poe, tevana iaa te poe naa ni sarua hoki naa tama naa i tana pisouru ka hakanaparia. 5Te tanata naa ku heuna atu hoki te ttoru ana poe; teenaa naa tama e roorosi i te verena raa ni ffuri atu no taia laatou te poe naa no mate. E mee te lopo tama ku oti te haia laatou peenaa; naa tama ni sarua laatou, aa aaraa tama iaa ni taaia laatou no mmate. 6Teenaa te tama tokotasi koi noho ki heunatia ki hano raa, teenaa ko te tino tamariki te tanata naa. Teenaa heuna iloo tana taupeara naa ki hano. A ia ni maanatu maa naa tama raa ma ki hakannoo ki tana tama. 7Araa nei naa tama e mmata ake te verena naa ni taratara soko laatou peelaa, 'Teenei ko tana tama. Taatou ki taia taatou te tama nei, aa te verena nei ku toa hakaoti ma taatou!' 8Teenaa tauhia iloo laatou te tamariki tanata naa no taia ka mate, araa peesia iloo laatou tana haitino ki taha te verena.\"\n9Teenaa vasiri iloo Jesus peelaa ki laatou, \"Se aa ttama e mee tana verena raa ma ki mee? A ia ma ki au no taaia hakkaatoa naa tama naa, aa ku kauake te verena raa ki aaraa tama ki mmata ake. 10Kootou ku oti te kkite i te taratara e mee peelaa iloto te Laupepa Tapu:\n'Te hatu teelaa ni hakkee ina naa tama e penapena hare ma se hatu e hakallika koi raa,\nni huri ake ma ko te hatu hakamaatua iloo teelaa e hakatuu ki mmau ai te hare.\n11Teenei se mee TeAtua ni pena;\naa e taukareka imua naa karamata taatou hakkaatoa!'\"+\n12Naa hakamau naa Jew raa ni mee ma ki tauhia laatou Jesus, teenaa i laatou e illoa maa te parapol Jesus e hakaea nei e taratara i laatou. Tevana iaa laatou ni mattaku i naa tama e ttuu i te kina naa, teenaa oo iloo laatou ka tiiake Jesus.\nTe taratara i te pesi naa takis\n13E mee naa Faarisi ma naa tama e heheuna maa Herod ni heunatia ki oo no vasirisiri hakalellesi i te kau vana ki Jesus, teenaa ma ki hakasara ni taratara maa Jesus. 14Naa tama naa ni oo atu kiaa Ia no vasiri peelaa, \"Tisa nei, maatou e illoa maa koe e taratara ka akonaki naa vana e ttonu maaoni. Maatou e illoa maa koe see iloa te hirihiri tama; koe e akonaki tonu i naa tiputipu te hiihai TeAtua i te henua hakkaatoa. Taratara mai, e taukareka i te vasi naa Loo taatou ma taatou ki pesi takis ki te Tuku hakamau i Rome? E aa? Taatou ki see pesi naa takis taatou?\"\n15Jesus ni iloa koi maa naa tama raa e vasirisiri hakalellesi koi. Teenaa mee ake iloo peenei, \"Ai nau e haia ai kootou ma ki hakasara se taratara maaku? Kaumai se peni ki mmata nau.\"\n16Teenaa naa tama raa ki kauake te peni raa kiaa Ia. Araa vanaake iloo Jesus peenei, \"Teenei ko ai te tama e tuu tana pisouru aa tana inoa i aruna te peni nei?\"\nTeenaa ki mee ake naa tama naa, \"Te Tuku i Rome.\"\n17Araa vanaake iloo Jesus, \"Aa teenaa, kauake naa mee te tuku raa ki te tuku, aa naa mee TeAtua raa, kootou ku kauake ki TeAtua.\"\nNaa tama naa ni massaro iloo i Jesus.\nTe taratara i naa tama e massike i te mate\n18Teenaa e mee naa Sadiusi, teenaa ko naa tama e hai maa te mate raa see lavaa te massike hoki no ora, ni oo ake no vasiri ake ki Jesus,+ 19\"Tisa nei, Moses ni sissii te loo nei ma taatou: 'Ki mee maa se tanata e mate, ka tiiake tana aavana raa ka noho see hai tamalliki, te taina te tanata e mate raa ki aavanatia a ia te aavana tana taina. Teenaa naa tamalliki laaua ma ki ssura raa ma ki haia ma ni tamalliki tana taina ni mate.'+ 20Teelaa se takahitu hai taaina. Te tama matua raa ni aavana no mate, se hai tamalliki. 21Teenaa tana taina e pare atu kiaa ia raa ku aavana i te ffine naa no mate hoki, aa laaua ni see hai tamalliki hoki. Te ttoru i naa tama naa ni mee hoki peenaa. 22Naa hannau naa ni hano no sopo katoo te avvana i te ffine tokotasi naa, aa laatou katoo ni mmate see hai tamalliki. Ki oti raa te ffine naa hoki ku mate. 23Aa teenaa, te saaita te mate katoo ma ki massike no ora, te ffine naa ma ki mee ma e aavana i ai, i te takahitu naa ni avvana katoo i aa ia?\"\n24Teenaa ki mee ake Jesus, \"Kootou ku ssara hakaoti! Teenaa i kootou see illoa i naa taratara te Laupepa Tapu aa i naa mahi TeAtua. 25Te saaita naa tama ni mmate ma ki massike no ora raa, naa tama naa ma ki see avvana, laatou ma ki mee pee ko naa ensol i te lani. 26Aa i te taratara i te mate e hakamasikeria no ora. E aa? Kootou ni see ttoka i te Laupepa Moses i tana taratara ni mee i te vao e ura? Te laupepa naa e sissii maa TeAtua ni mee ake ki Moses, 'Nau nei ko te Atua aa Abraham, te Atua aa Isaac, aa te Atua aa Jacob.'+ 27A Ia naa ko te Atua naa tama e ora hakaoti, seai ma ko naa tama e mmate. Teenaa kootou naa e ssara hakaoti iloo!\"\nTe Loo Hakamau\n28Teelaa se tisa naa Loo e tuu i te kina naa ka lono i naa hakatauttau naa Sadiusi raa ma Jesus. Ttama naa ni kite maa naa taratara Jesus ni hakaahe ake ki naa Sadiusi raa e taukalleka iloo, teenaa hanatu iloo ia ki Jesus no vasiri ake peelaa, \"Te loo hea ko te loo hakamau i naa Loo katoo Moses?\"\n29Jesus ki mee ake, \"Te Loo hakamau raa ko te loo e mee peenei, 'Hakannoo mai naa tama Israel. TeAtua te Ariki taatou raa, se Ariki tokotasi. 30Koe ki laaoi i TeAtua too Ariki ma too hatumanava hakkaatoa, ma too ora hakkaatoa, too hakataakoto hakkaatoa, aa ma oo mahi hakkaatoa.+ 31Te ssoa te loo hakamau e pare atu raa, teenaa ko te loo e mee peenei: Laaoi i telaa tama pee ko i-oo laaoi i aa koe soko kkoe.' See hai loo peelaa hoki e hakahiti i aruna naa loo e lua nei.\"+\n32Te tisa naa Loo raa ki mee ake ki Jesus, \"E tonu te Tisa nei, too taratara e mee maa TeAtua raa ko TeAriki tokotasi. See hai atua peelaa hoki, teelaa ko Ia koi soko Ia.+ 33Aa ki laaoi i TeAtua maa too hatumanava hakkaatoa aa maa too hakataakoto hakkaatoa aa maa oo mahi hakkaatoa, aa ki laaoi i telaa tama pee ko koe e laaoi i aa koe soko kkoe raa, e takoto hakamaatua i aruna naa manu aa ma aaraa mee taatou e hakaara ki TeAtua.\"+\n34Saaita Jesus ni lono i naa mattoni naa taratara ttama naa raa, a Ia ki mee ake, \"Koe ku see mmao i te Nohorana TeAtua.\"+\nTeenaa imuri koi raa, naa tama raa ku mattaku te vassiri ake hoki ki Jesus.\nTe taratara i te Mesaea.\n35Te saaita Jesus ni akonaki naa tama raa iloto te Hare Tapu raa, a Ia ni vasiri ake ki naa tama raa peelaa, \"Naa tisa naa Loo raa e taratara peehea maa te Mesaea raa ma ki sura iho i te manava David? 36David ni usuhia TeAitu Tapu TeAtua raa ki taratara peenei:\n'TeAtua ni mee ake ki taku Ariki:\nNoho i taku vasi hakamaatau,\nka ttari ki tuku atu nau oo tama e tautau haaeo raa i laro oo tapu vae.'+\n37David tana tino e kannaa i aa Ia peelaa, 'Taku Ariki'; aa peehea naa sura iho te Mesaea raa ma se mokopuna David?\"\nPoopoo tonu i naa tisa naa Loo\nTe kanohenua ni hakannoo ki naa akonaki Jesus raa ni hii hakannoo iloo. 38Teenaa Jesus ni taratara ake peelaa ki laatou, \"Kootou poopoo tonu i naa tisa naa Loo. Teenaa ko naa tama e fiffai maa laatou ki sassare ma naa kkahu e takittaki vaararo, ki meemee ake te henua maa laatou ni tama hakamau i naa ttiri laatou i naa kina te henua e nnoho, 39teenaa ko naa tama maraa e ssee iloo ki naa nohonoho hakamaatua iloto naa hare lotu aa i naa kina naa kaikai e llasi ki nnoho laatou. 40Teenaa ko naa tama maraa e hakarereesia laatou naa puruna raa ka kailaaraotia laatou naa hekau naa hare naa tama naa, aa ki oti ku massike no mee naa taku e hualolloa ki mmata te henua maa laatou ni tama e ttonu! Naa haaeo TeAtua ma ki kauatu ki laatou naa ma ki hakallika hakaoti!\"\nTe mane te puruna e hookii ki TeAtua\n41Jesus ni noho i te kina te pokosi e ponopono mane iloto te Hare Tapu raa ka ttoka i naa oo ake te henua no pesi mane ki loto. Naa tama e hai mane raa ni oo ake no ppesi naa mane laatou e tammaki ki loto. 42Araa teenaa, hanake iloo te puruna e hakaaroha no pesi naa peni mmea e lua ki loto te pokosi naa, aa naa peni naa see lava hoki i te mane tokotasi. 43Teenaa aru ake iloo Jesus ki ana disaipol raa no mee ake, \"Nau e vanaatu ki kootou, te kooina te puruna hakaaroha nei ni pesi raa e lasi are i te kooina katoo naa tama nei ni ppesi. 44Naa tama nei hakkaatoa ni hookii mane i laatou e hai mane; aa te ffine nei iaa, niaaina maa ia se tama e noho hua raa, a ia ni ppono katoo naa tamaa mane teelaa e kai ai a ia.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Mark\/12\/","date":"2018-09-21T22:07:58Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267157569.48\/warc\/CC-MAIN-20180921210113-20180921230513-00487.warc.gz","language":"nho","language_score":1.0000053644,"language_script":"Latn","minhash_cluster_size":6,"top_langs":"{\"nho_Latn_score\": 1.0000053644180298}","num_words":1862,"character_repetition_ratio":0.054,"word_repetition_ratio":0.0,"special_characters_ratio":0.237,"stopwords_ratio":0.53,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 7:52\n52Se pure peehea TeAtua ni see mee pakavaina naa tippuna kootou naa? Naa tama hoki e heheuna i TeAtua, teelaa ni tarataraina laatou imua iloo i te au te Tama e Tonu raa, ni taaia hoki naa tippuna kootou. Aa teenei kootou ni ffuri no hookina kootou te tama naa ki naa tama e hakallika raa ki taia no mate.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/7\/52","date":"2018-09-18T18:07:29Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267155634.45\/warc\/CC-MAIN-20180918170042-20180918190042-00328.warc.gz","language":"nho","language_score":0.4579022527,"language_script":"Latn","minhash_cluster_size":2,"top_langs":"{\"nho_Latn_score\": 0.4579022526741028, \"rar_Latn_score\": 0.18545520305633545, \"wls_Latn_score\": 0.030275333672761917, \"hif_Latn_score\": 0.026999901980161667, \"ekk_Latn_score\": 0.021715782582759857, \"eng_Latn_score\": 0.01838867925107479, \"mri_Latn_score\": 0.01673457771539688, \"gil_Latn_score\": 0.015528315678238869, \"swh_Latn_score\": 0.011886912398040295, \"fin_Latn_score\": 0.010508853010833263}","num_words":142,"character_repetition_ratio":0.073,"word_repetition_ratio":0.0,"special_characters_ratio":0.197,"stopwords_ratio":0.268,"flagged_words_ratio":0.0,"lang_id_score":0.434,"perplexity_score":500.0,"cluster_detection":1} +{"text":"ACTS 5:21\n21Naa aposol raa ni hakannoo ki naa taratara te ensol naa. Teenaa naa tama naa ni oo atu ki loto te Hare Tapu raa i te tahaata naa no kaamata te akonaki te henua.\nTe saaita te Maatua Hakamau raa ni ttae ake ma naa tama e heheuna ma ia raa, kkave iloo laatou kaunaki ki naa tama hakamaatua katoo i te kanohenua Israel ki oo ake ki nnoho laatou no taratara. Ki oti raa kkave iloo laatou taratara ki naa tama e roorosi te hare karapusi raa ki too ake naa aposol.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/5\/21","date":"2018-09-20T12:36:44Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156471.4\/warc\/CC-MAIN-20180920120835-20180920141235-00012.warc.gz","language":"nho","language_score":0.9196560979,"language_script":"Latn","minhash_cluster_size":2,"top_langs":"{\"nho_Latn_score\": 0.9196560978889465, \"rar_Latn_score\": 0.02275342494249344}","num_words":175,"character_repetition_ratio":0.069,"word_repetition_ratio":0.0,"special_characters_ratio":0.199,"stopwords_ratio":0.337,"flagged_words_ratio":0.0,"lang_id_score":0.942,"perplexity_score":500.0,"cluster_detection":1} +{"text":"ACTS 13:17\n17TeAtua teelaa e lotu ai te kanohenua Israel raa ni tini maa naa tippuna taatou raa ko tana kanohenua, teenaa naa tama naa ni haia a Ia no tammaki iloo i te saaita naa tama naa ni nnoho ma ni horau i Egypt, aa iaa Ia se Atua e haimahi raa, te kanohenua Israel raa ni lavaa te taakina a Ia no hakattaha i Egypt.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/13\/17","date":"2018-09-19T14:22:50Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267156252.31\/warc\/CC-MAIN-20180919141825-20180919161825-00176.warc.gz","language":"nho","language_score":0.4980235398,"language_script":"Latn","minhash_cluster_size":2,"top_langs":"{\"nho_Latn_score\": 0.49802353978157043, \"gil_Latn_score\": 0.04540923237800598, \"rar_Latn_score\": 0.03224348649382591, \"hif_Latn_score\": 0.01990775763988495, \"yor_Latn_score\": 0.01784294843673706, \"tah_Latn_score\": 0.01751215010881424, \"fin_Latn_score\": 0.016628967598080635, \"sps_Latn_score\": 0.015196707099676132, \"swh_Latn_score\": 0.013994356617331505, \"mri_Latn_score\": 0.013714666478335857, \"wls_Latn_score\": 0.012396935373544693, \"guj_Latn_score\": 0.01130014006048441, \"eng_Latn_score\": 0.01114700548350811, \"bin_Latn_score\": 0.010451942682266235, \"ekk_Latn_score\": 0.010285897180438042}","num_words":147,"character_repetition_ratio":0.074,"word_repetition_ratio":0.0,"special_characters_ratio":0.201,"stopwords_ratio":0.245,"flagged_words_ratio":0.0,"lang_id_score":0.418,"perplexity_score":500.0,"cluster_detection":1} +{"text":"ACTS 2\nTe au ana TeAitu Tapu\n1I te aso te Pentekos raa, naa tama hakkaatoa e lotu i Jesus raa ni kkutu hakapaa i te kina tokotasi.+ 2Te saaita naa lokoi raa, te mee raa ku mmuu ake i te lani pee ko naa llau te matani e lasi, no tae ake ki loto te hare naa tama naa e nnoho. 3Teenaa kkite iloo naa tama naa i naa mee e mee ma ni ahi e ttoha vaaroto te hare raa no paa i naa tama katoo laatou iloto te hare. 4Naa tama hakkaatoa iloto te hare naa ni tauria naa mahi TeAitu Tapu no kaamata laatou te taratara ki naa taratara e kkee, i naa usuhia laatou TeAitu.\n5Teelaa ni Jew raa e nnoho i Jerusalem, aa naa tama naa ni tama e lotu e oo ake i naa henua hakkaatoa i te maarama nei. 6Te saaita naa tama naa ni llono i te mmuu raa, laatou ni kkutu atu no llee iloo naa mouri laatou i laatou e llono i naa taratara naa tama e lotu naa ki naa taratara naa henua laatou. 7Naa tama naa ni oho iloo ka taratara peelaa, \"Naa tama e taratara nei ni tama hakkaatoa i Galilee! 8Teenei se vana peehea maa taatou nei hakkaatoa e llono i naa taratara naa tama nei ki naa taratara naa tino henua taatou? 9Taatou ni tama i Partia, Media, Elam, Mesopotamia, Judea, Capadosia, Pontus aa ko Asia, 10aa taatou hoki ni tama i Frigia, Pamfilia, Egypt, aa ma naa matakaaina i Libya e tauppiri ki Sairin. Aaraa tama taatou nei ni oomai i Rome, 11naa Jew hakapaa ma naa tama teelaa e lotu te lotu naa Jew. Aaraa tama hoki taatou ni tama i Crete ma Arabia. Iaa taatou hakkaatoa e llono i naa taratara naa tama nei ki naa tino taratara naa henua taatou i naa vana hakamaatua TeAtua ni mee!\" 12Naa tama naa hakkaatoa ni llee naa mouri laatou ka vasirisiri ki laatou, \"Teenei ni vana peehea?\"\n13Aaraa tama iaa ni taratara taussua peelaa, \"Naa tama naa ni unu ka vvare!\"\nPeter e hakaea te Lono Taukareka\n14Peter ni masike no tuu ma te taka sinahuru maa te tama tokotasi i naa aposol raa no kaamata te taratara ki te kuturana raa vaaruna iloo, \"Kootou naa Jew ma naa tama hakkaatoa teenei e nnoho i Jerusalem, kootou hakannoo mai ki taratara atu nau ki illoa kootou i te mee nei. 15E aa? Kootou e mannatu maa naa tama nei e unu ka vvare? Seai, naa tama nei see unu; teenei ko te ssivo koi i te tapataiao. 16Te mee kootou e kkite nei raa, teenei ko naa mee ni tarataraina mai Joel, te pure TeAtua imua:\n17'TeAtua e taratara peelaa: Teenei taku vana ma ki mee i naa aso hakaoti:\nNau ma ki hookii taku Aitu Tapu raa ki takoto i naa tama hakkaatoa.\nNaa tama taanata ma naa tama haahine kootou raa ma ki hakaea aku taratara;\nnaa tama taane kootou raa ma ki hakakiitea TeAtua i ana vana,\naa naa taanata mattua kootou raa ma ki mmiti i naa vana TeAtua.\n18I naa tama hoki e heheuna iaa nau, naa taanata hakapaa ma naa haahine raa,\nnau ma ki hookii ake hoki taku Aitu Tapu raa i naa aso naa,\nteenaa laatou ma ki hakaea aku taratara.\n19Nau ma ki hakassura aku mahi i te lani i aruna,\naa naa vana e hakasoro mmata i te kerekere i laro nei.\nTe ttoo, te ahi, aa te kohu e lasi ma ki ssura;\n20te laa raa ma ki poouri,\naa te marama ma ki huri no mmea ma se ttoo.\nNaa vana nei ma ki ssura imua te aso e lasi TeAriki ma ki au.\n21Teenaa, naa tama e ssee ki TeAriki ki tokonaki ake ki laatou raa ma ki hakassaoria.'+\n22\"Kootou naa tama i Israel, kootou hakannoo mai ki naa taratara nei! Jesus te tama i Nazareth raa se tama ni taka ma naa mahi TeAtua. Kootou ni kkite i naa heheuna naa mahi TeAtua iaa Ia i ana mirakol ni hakassura. Kootou soko kootou e illoa, i naa vana naa ni ssura iloto kootou. 23I loto te hakataakoto TeAtua raa, TeAtua kunaa iloa are maa Jesus ma ki oti ku hookina atu ki kootou, teenaa te tama naa ni kauake kootou ki naa tama e hakallika raa ki tuukia ki te kros.+ 24Araa nei TeAtua ni hakamasikeria a Ia Jesus i te mate, i te aa te mate see hai mahi ki tauhia te Tama naa.+ 25Teenei naa taratara David ni mee i te tama naa:\n'Nau ni kite i TeAriki e tuu mai imua aaku i naa saaita hakkaatoa;\na nau ma ki see lavaa te mataku, i aa Ia e noho taupiri mai kiaa nau.\n26Nau e taka ka hiahia,\naa nau e taratara hakahiahia peenaa,\nNiaaina maa nau se tama ma ki oti ku mate raa,\nnau ma ki noho no taaohi manava iaa Ia,\n27i te aa i aa nau ma ki see tiiake koe ka noho i te kina te mate;\nKoe see hiihai maa te tama e heheuna hakaraaoi iloo iaa koe nei ki moe no para tana haitino iloto te kava.\n28Koe ku oti te hakaari mai kiaa nau i naa ara ki too te ora e ora hakaoti.\nAa nau ma ki hiahia i aa koe e noho ma nau.'+\n29Aku taaina nei, nau ki taratara atu hakaraaoi iloo ki kootou i te tipuna taatou imua, te Tuku David. A ia ni mate no tanumia iloo, aa no tae mai ki te aso nei raa tana taaruma naa koi takoto i te kina nei ma taatou. 30David se purepure TeAtua. A ia ni iloa i naa taratara hakamaatua TeAtua ni purepure ake kiaa ia: TeAtua ni purepure ake maa Ia ma ki hakanoho se tama i te manava David raa no tuku, ki mee pee ko ia.+ 31David ni kite i naa vana TeAtua ma ki mee imuri, teenaa ki mee ai a ia tana taratara i te saaita te Mesaea raa ma ki hakamasikeria i te mate. A ia ni taratara peelaa,\n'A Ia ni see tiiake ka moe i te kina te mate;\ntana haitino ni see moe no purau iloto te kava.'\n32Teenei ko Jesus nei ni hakamasikeria TeAtua i te mate, aa maatou nei hakkaatoa ni kkite iaa Ia. 33A Ia ni hakamasikeria no hakanohoria i te vasi hakamaatau TeAtua, tana Tamana, aa TeAitu Tapu raa ni kauake TeAtua kiaa Ia, i teenaa ni purepure TeAtua kiaa Ia imua. Te mee kootou e kkite aa e llono i te aso nei raa, teenei ko naa mahi TeAtua e uii mai ki maatou. 34I teelaa seai ko David raa ni hano ki te lani; teelaa ko ia are raa ni mee tana taratara peelaa,\n'TeAtua ni vanaake ki taku Ariki:\nNoho mai i taku vasi hakamaatau\n35ka ttari ki tuku atu nau oo tama e tautau haaeo raa i laro oo tapu vae,\nki mee ma se aruna ki hakapirippiri oo vae.'+\n36\"Te kanohenua katoo Israel raa ki illoa hakaraaoi iloo maa Jesus, te tama ni tuukia kootou ki te kros nei, ko te tama ni hakanohoria TeAtua ma ko TeAriki aa ma ko te Mesaea!\"\n37Te saaita naa tama naa ni llono i naa taratara nei raa, naa manava laatou ni hakallika hakaoti. Teenaa ffuri iloo naa tama naa no mee ake ki Peter ma aaraa aposol, \"Naa taaina maatou nei, maatou ki mee peehea?\"\n38Teenaa ki mee ake Peter ki laatou, \"Kootou ffuri no tiiake naa haisara kootou naa aa kootou ku too te hakaukau tapu iloto te inoa Jesus Christ, ki uiia naa haisara kootou; teenaa TeAtua ma ki kauatu TeAitu Tapu raa ki kootou. 39I te purepure TeAtua raa ni tuku ki kootou maa naa tamalliki kootou, aa ki naa tama hakkaatoa e nnoho i naa kina e mmao, teenaa ko naa tama TeAtua e kannaa ki oo ake kiaa Ia.\"\n40Peter ni kauake naa taratara hakamaatua nei ki naa tama naa, aa a ia ni kauake hoki aaraa taratara ka mee ake peelaa, \" Kootou hakassao soko kootou i naa haaeo ma ki pakkuu iho ki naa tama e hakallika i te ssao nei!\" 41E tammaki iloo naa tama ni hakannoo ki naa taratara Peter naa no too te hakaukau tapu. Te kooina katoo naa tama ni ffuri naa manava laatou no lotu i te aso naa e noto i naa simata e toru. Teenaa naa tama naa ni hakapaa atu ki naa tama te lotu raa no tammaki iloo laatou. 42Naa tama naa ni ttaka peenaa ka hakannoo ki naa akonaki naa aposol ka lotulotu laatou hakapaa, aa e kaikkai hakapaa laatou i naa kaikai te lotu ka mee naa taku laatou hakapaa.\nNaa vana naa tama te lotu raa ni mee\n43Te lopo mahi TeAtua ma aaraa vana e hakasoro mmata ni hakassuratia naa aposol, teenaa te henua ni massaro iloo. 44Naa tama hakkaatoa e lotu naa maraa e nnoho hakapaa, no vaevvae naa hekau laatou raa ki laatou.+ 45Naa tama naa e kauake naa hekau ma naa kerekere laatou ki aaraa tama ki tauia, aa ku vaevae atu naa mane naa ki naa tama katoo e nnoho see hai mee. 46I te aso ma te aso, naa tama naa maraa e kkutu hakapaa no lotu i te Hare Tapu TeAtua, aa e kkai hakapaa ma te hiahia aa ma te manava laaoi i naa hare laatou. 47naa tama naa e hakanau peenaa i TeAtua ka fiaffia te henua katoo i laatou. Teenaa i naa aso hakkaatoa raa, naa tama e hakassaoria raa e hakapaaria atu TeAriki ki te kaavena laatou e lotu naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-39","url":"http:\/\/bibles.org\/nho-NHO\/Acts\/2\/","date":"2018-09-21T16:44:08Z","file_path":"s3:\/\/commoncrawl\/crawl-data\/CC-MAIN-2018-39\/segments\/1537267157216.50\/warc\/CC-MAIN-20180921151328-20180921171728-00176.warc.gz","language":"nho","language_score":1.000007391,"language_script":"Latn","minhash_cluster_size":3,"top_langs":"{\"nho_Latn_score\": 1.0000073909759521}","num_words":1691,"character_repetition_ratio":0.07,"word_repetition_ratio":0.002,"special_characters_ratio":0.233,"stopwords_ratio":0.57,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 25:11\n11Ki mee maa naa Loo raa ni hakasaraina a nau aa maa nau ni mee ni vana e ssara teelaa e tau ma nau ki tukua ki mate, teenaa nau see kapi taku maaisu ma ki see taia nau. Aa ki mee maa naa taratara naa Jew nei seai maa ni taratara maaoni, nau see lavaa te kaavea se tama ki naa tama naa ki taia. Nau e hiihai maa te Tuku Hakamau i Rome raa ki hakannoo ki taku koti nei!\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-43","url":"http:\/\/bibles.org\/nho-NHO\/Acts\/25\/11","date":"2018-10-23T19:02:07Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583516892.84\/warc\/CC-MAIN-20181023174507-20181023200007-00473.warc.gz","language":"nho","language_score":0.8337937593,"language_script":"Latn","minhash_cluster_size":2,"top_langs":"{\"nho_Latn_score\": 0.8337937593460083, \"hif_Latn_score\": 0.027332501485943794, \"sps_Latn_score\": 0.01828952692449093, \"rar_Latn_score\": 0.016218364238739014}","num_words":164,"character_repetition_ratio":0.07,"word_repetition_ratio":0.0,"special_characters_ratio":0.209,"stopwords_ratio":0.335,"flagged_words_ratio":0.0,"lang_id_score":0.842,"perplexity_score":500.0,"cluster_detection":1} +{"text":"JOHN 7\nJesus ma ana taaina\n1Kimuri raa, Jesus ni hano vaaroto Galilee. A Ia ni see hiihai maa Ia e hano ki Judea, i naa hakamau naa Jew raa e roorosi ki taia Ia i te kina naa. 2Te aso te Kaikai naa Harevaka raa+ ku saaita koi.+ 3Teenaa ki vanaake ana taaina naa kiaa Ia, \"Masike i te henua nei aa koe ku hano ki Judea, ki kkite naa tama e tautari kiaa koe raa i oo vana e mee. 4See hai tama e mee mmuni ana vana ki mee a ia e hiihai maa ia ki ilotia te henua. I aa koe e mee naa heuna nei, koe ki mee ki illoa naa tama hakkaatoa te maarama nei iaa koe.\" 5(Ana tino taaina naa ni see illoa hoki maa ia ko te Tama TeAtua)\n6Jesus ki mee ake ki laatou, \"Taku sao raa seki tae mai. Kootou iaa e hai maa te kau saaita e taukalleka koi i kootou. 7Naa tama te maarama nei see lotoffaaeo i kootou, aa laatou iaa e lotoffaaeo iaa nau, i te aa, i aa nau e hai ake peenaa maa naa tiputtipu laatou see ttonu. 8Kootou oo atu soko kootou. Nau ma ki see hanatu, i te aa, i taku ssao maaoni raa seki tae.\" 9A Ia ni kauatu naa taratara nei raa, noho iloo Ia i Galilee.\nJesus ku hano ki te Kaikai naa Harevaka\n10Saaita ana taaina raa ku oti te oo ki te kaikai raa, Jesus ni masike no hanatu hoki. Tevana iaa a Ia ni hanatu mmuni, ki see kiitea a Ia naa tama te kina naa. 11Naa hakamau naa Jew raa ni sessee iaa Ia i te kina te kaikai naa. Teenaa ki vasirisiri soko laatou peelaa, \"Ttama nei i hea?\"\n12Naa tama te kina naa ni taratara seemuu soko laatou iaa Ia. E mee aaraa tama e taratara maa Jesus se tama taukareka. Aaraa tama iaa e taratara maa Jesus ku sare ka hakarereesia a ia te henua. 13Tevana iaa see hai tama ni mee naa taratara laatou naa i naa karamata te henua, i laatou e mattaku i naa hakamau naa Jew.\n14I loto naa aso te kaikai naa, Jesus ni hano ki te Hare Tapu raa no kaamata te akonaki naa tama. 15Naa hakamau naa Jew raa ni oho iloo iaa Ia. Teenaa ki vasirisiri soko laatou peelaa, \"Ttama nei e iloa peehea i te kau vana maa ia ni see tae ki naa skul e llasi?\"\n16Jesus ki mee ake, \"Aku taratara e ako ake ki naa tama nei seai ni taratara aaku e ffatu. Teenei ni taratara TeAtua, Ttama ni heuna ma ki au nau. 17Te tama e hiihai maa ia e heunatia a ia naa vana TeAtua e hiihai raa, ma ki iloa ki mee maa teenei ni akonaki e oomai i TeAtua. Ttama raa ma ki iloa hoki, ki mee maa teenei ni taratara taku tino maanatu. 18Ttama e taratara i tana tino maanatu raa, teenaa ko te tama e hakanau iaa ia. Ttama e hiihai maa te henua ki hakanau i te tama ni heuna ma ki au ia raa, teenaa se tama maaoni, see hai vana e sara iaa ia. 19Moses ni kauatu naa Loo, maaoni? Tevana iaa seai iloo se tama i kootou e tautari ki naa Loo naa. Nau e haia kootou ki taia raa ko te aa?\"\n20Naa tama e kkutu i te kina naa ki mee ake, \"Koe e tauria se tipua. Ko ai ttama e mee ma ki hanatu no taia koe?\"\n21Teenaa ki mee ake Jesus, \"Kootou hakkaatoa ni oho i taku saaita ni hakasura te mirakol tokotasi TeAtua. 22Moses ni vanaatu ki ssere naa tamalliki taanata kootou ki hakatapuria laatou (tevana iaa teelaa seai ko Moses, teenaa ko naa tippuna kootou naa ni kaamata te mee naa), teenaa e serea ai kootou naa tamalliki taanata naa i te aso te Sabat.+ 23Ki mee kootou e mannatu maa naa Loo Moses raa ni see hakasara ina kootou i te saaita kootou e serea kootou naa tamalliki taanata raa i te aso te Sabat, ai kootou iaa e lloto ai iaa nau i te tama e maki raa e haia a nau no marooroo i te aso te Sabat?+ 24Kootou see hakatonutonu te mee i ana tiputipu i taha. Kootou ki hakatonutonu i te ara maaoni.\"\nJesus se tama peehea?\n25E mee aaraa tama i Jerusalem ni vasirisiri peelaa, \"Teenei seai ko te tama e haia naa hakamau naa Jew raa ki taia? 26Kootou mmata! Teenei a ia e tuu imua naa karamata te henua ka hai ana taratara, aa see hai tama i laatou e huri atu no kareotia. Naa tama nei ku mannatu maa teenei maaoni ko te Mesaea? 27Saaita te Mesaea raa ma ki au, see hai tama ma ki iloa maa Ia se tama te matakaaina i hea. Taatou iaa e illoa hakkaatoa i te matakaaina te tama nei ni haanau mai.\"\n28Saaita naa raa, Jesus e akonaki naa tama raa iloto te Hare Tapu, teenaa ki tanitani varo Ia peelaa, \"Kootou e illoa maaoni iaa nau ma taku kina e au ai? Nau ni see au i taku tino maanatu. Ttama ni heuna ma ki au nau raa, a Ia naa ko te hakamaaoni. Kootou see illoa iaa Ia. 29Nau iaa e iloa iaa Ia, i aa nau e au iaa Ia. Nau nei ni heunatia mai Ia.\"\n30Teenaa ki massike naa tama naa no mee ma ki tauhia Jesus, tevana iaa see hai tama ni kkapa atu tana rima kiaa Ia, i tana sao raa seki tae. 31Tevana iaa e tammaki naa tama iloto te kuturana naa ni illoa maa ia ko te Mesaea, ka taratara peelaa, \"Saaita te Mesaea raa ma ki au, a Ia ma ki lavaa te hakasura naa mahi TeAtua, e ttoe are i naa vana Ttama nei?\"\nNaa roorosi te Hare Tapu raa ku heunatia ki oo no tauhia Jesus\n32Naa Faarisi raa ni llono maa naa tama raa e taratara seemuu i Jesus i naa mee nei, teenaa ki massike laatou ma naa maatua hakamaatua raa no heunatia naa roorosi te Hare Tapu raa ki oo no tauhia Jesus. 33Teenaa ki mee ake Jesus, \"Nau ma ki noho taku tamaa saaita ma kootou, aa ki oti nau ku hano ki te Tama ni heuna ma ki au nau. 34Kootou ma ki ssee iaa nau, tevana iaa nau ma ki see laavea kootou. I te aa, i kootou ma ki see lavaa te oo ake ki taku kina ma ki noho.\"\n35Teenaa ki taratara naa hakamau naa Jew raa soko laatou, \"Ttama nei ma ki hano ki se kina i hea see laavea taatou? Ttama nei ma ki hano ki naa matakaaina i Greece, te kina naa tama taatou raa e nnoho, no akonaki naa tama i Greece raa hoki? 36A ia e mee maa taatou ma ki ssee i aa ia, aa maa taatou ma ki see llave i aa ia. A ia e taratara hoki maa taatou ma ki see ttae ki tana kina e hano. Teenei ni taratara peehea?\"\nTe vai e hakaora\n37Te aso hakaoti te kaikai raa, teenaa ko te aso e lasi. Te aso naa, Jesus ni masike no taratara vaaruna maa, \"Ko ai ttama e hiiunu? Kau no unu iaa nau.+ 38Naa tama e hakannoo kiaa nau raa ki oomai no unu. E mee pee ko te Laupepa Tapu e mee maa, 'Te vai e hakaora raa ma ki llohi mai i tana hatumanava.'\" 39Jesus e taratara i te tiputipu TeAitu Tapu, teenaa naa tama e hakannoo raa ma ki too. I te saaita raa, TeAitu raa seki kaumai TeAtua, i Jesus seki hakamasikeria no hano ki aruna.\nTe henua e hakatauttau i Jesus\n40E mee aaraa tama i te kuturana naa ni llono iaa Ia no taratara maa, \"Teenei maaoni ko te Pure TeAtua!\"\n41Aaraa tama e mee maa, \"Teenei ko te Mesaea\"\nAaraa tama hoki e mee maa \"Te Mesaea raa ma ki see sura mai i Galilee. 42Te Laupepa Tapu raa e mee maa te Mesaea raa se tama i te manava David. A Ia ma ki haanau i Bethlehem, te henua David ni noho.\"+ 43Teenaa ki hakatauttau naa tama naa i Jesus no maavae laatou. 44Aaraa tama ni mee ma ki tauhia laatou Jesus, tevana iaa see hai tama ni kkapa atu tana rima kiaa Ia.\nNaa hakamau naa Jew see hakannoo ki Jesus\n45Saaita naa roorosi te Hare Tapu raa ni ahe ake raa, naa Faarisi raa ma naa maatua hakamaatua raa ki vasiri ake, \"Ttama naa see toomai kootou raa ko te aa?\"\n46Naa roorosi raa ki mee ake, \"See hai tama e llau te taratara ma ko te tama naa.\"\n47Naa Faarisi raa ki mee ake, \"Kootou hoki ku llave i naa taratara kailaarao te tama naa, anii?\" 48\"Kootou e illoa maa e hai Faarisi ma naa tama hakamaatua e hakannoo ki te tama naa? 49Naa tama e hakannoo ki aa ia raa, teenaa ni tama see illoa i naa Loo Moses. Naa tama raa e takkoto i laro naa haaeo TeAtua!\"\n50Te Faarisi tokotasi i naa Faarisi naa ko Nikodimus, te tama ni hano no mmata i Jesus imua.+ A ia ki mee ake ki naa tama laatou, 51\"I loto naa Loo taatou raa, taatou see lavaa te ttapa vare maa te tama e hakasara naa Loo. Taatou ki toomai te tama naa no hakannoo hakaraaoi ki ana taratara imua. Ki oti raa taatou ku hakatuu ma se ssara peehea te tama naa ni mee.\"\n52Naa Faarisi raa ki mee ake ki Nikodimus, \"Koe hoki se tama e au i Galilee? Koe ku mmata hakaraaoi iloo i naa taratara e takkoto iloto te Laupepa Tapu raa ki iloa koe maa seai iloo se tama i Galilee ni heheuna ma se pure TeAtua.\" 53[Ki oti raa massike iloo laatou ka oo ki naa hare laatou.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-43","url":"http:\/\/bibles.org\/nho-NHO\/John\/7\/","date":"2018-10-21T17:29:39Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583514162.67\/warc\/CC-MAIN-20181021161035-20181021182535-00433.warc.gz","language":"nho","language_score":1.0000075102,"language_script":"Latn","minhash_cluster_size":4,"top_langs":"{\"nho_Latn_score\": 1.0000075101852417}","num_words":1728,"character_repetition_ratio":0.058,"word_repetition_ratio":0.005,"special_characters_ratio":0.244,"stopwords_ratio":0.563,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"MARK 7\nTe akonaki naa tippuna\n1E mee naa Faarisi ma naa tisa naa Loo ni oo ake i Jerusalem no kkutu ake ki Jesus. 2Naa tama naa ni kkite maa aaraa disaipol e kkai koi ma naa rima laatou see fuiffui hakaraaoi ki mataffua; te tiputipu e haia naa Jew maa e hakallika.\n3Teenaa i naa Faarisi ma naa Jew raa hakkaatoa e tautari ki naa sosorina naa tippuna laatou imua. Naa tama naa e fuiffui hakaraaoi iloo naa rima laatou i te saaita laatou ku mee ki kkai. 4Aa ki mee maa ni kaikai naa tama naa e taavi mai i te maket raa, naa tama naa e fuiffui naa haitino laatou imua ki mataffua, aa ka see kkai ai laatou. Laatou e tautari hoki ki aaraa loo laatou ni kauake naa tippuna laatou, teenaa ki huihui hakaraaoi laatou naa kap, naa sosopana, naa peesini, aa ma naa ketol laatou.\n5Teenaa vasiri ake iloo naa Faarisi ma naa tisa naa Loo raa peelaa ki Jesus, \"Ai oo disaipol raa see tautari ai ki naa taratara ni kaumai naa tippuna taatou imua? Ai laatou e kkai ai ma naa rima e kerekkere laatou?\"\n6Jesus ki hakaahe ake, \"Naa tama e kaikailua! Isaiah ni taratara tonu iloo i ana taratara ni sissii i tana laupepa i kootou:\n'Naa tama nei e lotu mai koi ki naa maaisu laatou,\naa naa manava laatou iaa e mmao haaeo iloo i aa nau.\n7Naa tama naa e lotu vare koi,\ni laatou e tautari are ki naa loo naa tamavare,\nka hai maa teelaa ko naa Loo TeAtua!'+\n8\"Naa Loo TeAtua raa e hakakkeeina kootou no tautari are kootou ki naa akonaki naa tamavare te maarama nei.\"\n9Jesus ku ttao atu hoki, \"Kootou e illoa iloo ma ki hakakkee ina kootou naa Loo TeAtua ki lavaa kootou te taaohi ki naa akonaki naa tippuna kootou. 10Teenaa i kootou e mee maa i Moses ni taratara peelaa, 'Hakannoo ki too tamana ma too tinna. Ttama e mee hakallika tana tamana ma tana tinna raa ki taia ki mate.'+ 11Tevana iaa kootou e hai maa ki mee se tama e taratara ake peelaa ki tana tamana ma tana tinna, 'Naa mee koorua e kauatu nau ma ki tokonaki ki koorua raa, teenaa ni mee ni kauatu nau ki TeAtua.' 12Teenaa te tama naa ku haia kootou ki seai ana vana ki mee maa ana maatua. 13I te ara nei raa, naa taratara TeAtua raa ku tiiake kootou i naa akonaki kootou e kauake ki aaraa tama. Kootou maraa e mee te lopo vana peenei.\"\nNaa mee e mee te tama ki kerekere\n14Ki oti raa Jesus ku kannaake hoki ki te kuturana raa peelaa, \"Kootou katoo hakannoo mai ki illoa kootou. 15Te mee i taha e too te tama ki loto tana manava raa, see lavaa te mee te ora te tama naa ki kerekere. Teelaa are ko te mee e au ki taha te maaisu te tama, teelaa e mee te ora te tama ki kerekere. 16[Ki mee maa kootou e fiffai ki illoa kootou, kootou ku hakannoo mai!\"]\n17Teenaa i tana saaita ni masike i te kuturana raa no uru ki loto te hare raa, ana disaipol raa ni vasiri ki illoa laatou i te hakataakoto tana taratara ni kauake. 18Jesus ki mee ake, \"E aa? Kootou hoki e vvare ma ko naa tama naa? Te mee te tama e kai ka hano ki loto tana manava raa see lavaa te mee te ora te tama ki kerekere. 19I te aa, naa kaikai naa see oo ki tana hatumanava; naa kaikai naa e uru koi ki tana manava, aa ki oti koi ku oomai ki taha.\" (I ana taratara e mee nei raa, Jesus e mee maa naa kaikai hakkaatoa e taukalleka te kkai.)\n20A Ia ki mee ake hoki, \"Te mee are e sura iho i te ora te tama raa, teenaa te mee e mee te tama ki kerekere. 21I te aa, naa tiputtipu e hakallika nei e ssura iho i te hatumanava te tama: naa mannatu e hakallika, te tiputipu hai huri, manava kailaarao, te maanatu ki taa tama, hai huri ma te aavana telaa tama, 22te manava kaimmate i te mee, te sosorina hakallika ki telaa tama, taratara kailaarao, manava see napa, manava ssano, manava e tupetupe tama, manava ahu, aa te sosorina vvare. 23Naa tiputtipu hakallika nei hakkaatoa e ssura iho i te ora te tama, teenaa e mee ai te tama naa no kerekere.\"\nTe ffine haka Syria\n24Teenaa hano iloo Jesus ki te kina e taupiri ki te matakaaina Tyre. A Ia ni hano no noho iloo i te hare tokotasi, aa a Ia ni see hiihai maa ni tama ki illoa maa Ia i te kina naa. Araa nei a Ia ni ilotia koi. 25Te ffine tokotasi, e mee tana tamariki ffine e uruhia te tipua hakallika, ni lono maa Jesus ku noho i te kina naa. Teenaa te ffine naa ni hanake i te saaita naa lokoi no tuu ki ana turi imua naa vae Jesus. 26Te ffine naa seai se Jew, a ia ni haanau i te matakaaina Fonisia iloto Syria. A ia ni tani ake ki Jesus ki hanaa te tipua i tana tamariki ffine. 27Teenaa ki mee ake Jesus, \"Naa tamalliki maatou raa ki tiiake ki kkai no pposu imua. Te mee raa see tonu ma naa kaikai naa tamalliki naa e toa no peesia ki naa poi.\"\n28Te ffine raa ki mee ake, \"TeAriki, naa poi e moemmoe vaararo naa teevoo raa maraa e kkai hoki naa kaikai e ttoe naa tamalliki!\"\n29Teenaa ki mee ake Jesus kiaa ia, \"Too maanatu naa e tonu. Ahe ki too hare, koe ma ki kite maa te tipua raa ku oti te hakataha i too tamariki!\"\n30Te ffine naa ni hano ki hare no kite iloo i naa moe tana tamariki raa i ana moelana; te tipua raa ni hakataha maaoni i aa ia.\nJesus e haia a Ia te tama e tturi ana kautarina, aa see iloa te taratara\n31Ki oti raa Jesus ku masike i naa kina i Tyre naa no hano vaaroto Saidon ki te Namo Galilee, teenaa a Ia ni hano vaaroto te kina e ttapa ma ko Dekapolis+ . 32E mee naa tama ni too ake laatou te tanata ki Jesus; ttama naa e tturi ana kautarina aa see iloa te taratara. Naa tama naa ni mee ake ki Jesus ki hakapiri tana rima ki aruna te tanata raa ki taukareka ia. 33Jesus ni ttaki te tanata naa hakavasi i taha te kuturana no ppono ana mataarima ki loto ana kautarina, ki oti raa saavare iloo ki ana mataarima no hakapaa ki te arero te tanata naa. 34Teenaa ttoka iloo Jesus ki te lani no pesi tana maanava ka mee ake peelaa ki te tanata, \"Effata!\" e mee maa, \"Taraki!\"\n35Saaita naa lokoi raa te tanata naa ku lono. A ia hoki ku lavaa te taratara hakaraaoi. 36Teenaa mee ake iloo Jesus ki naa tama raa ki see oo no taratara ake ki ni tama i tana vana ni mee nei. Tevana iaa, niaaina maa Jesus e hai ake lokoi peenaa ki see taratara laatou raa, te henua ni hakaea peenaa i ana vana ni mee. 37Naa tama katoo ni llono i te vana ni mee naa ni oho naa mouri laatou. Laatou ni mee naa taratara laatou peelaa, \"Naa vana katoo te tama nei e mee nei e taukalleka. Naa tama hoki e tturi naa kautarina laatou aa see illoa te taratara raa e haia a Ia no taukalleka.\"\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-43","url":"http:\/\/bibles.org\/nho-NHO\/Mark\/7\/","date":"2018-10-18T06:10:30Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583511703.70\/warc\/CC-MAIN-20181018042951-20181018064451-00351.warc.gz","language":"nho","language_score":1.0000002384,"language_script":"Latn","minhash_cluster_size":1,"top_langs":"{\"nho_Latn_score\": 1.000000238418579}","num_words":1341,"character_repetition_ratio":0.053,"word_repetition_ratio":0.006,"special_characters_ratio":0.234,"stopwords_ratio":0.547,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 17:17\n17Teenaa noho iloo ia no taratara maa naa Jew aa ma naa tama haka Greece teelaa e lotu, iloto te hare lotu naa Jew raa. Aa i te kina te henua maraa e kkutu raa, Paul e noho hoki i te kau aso hakkaatoa ka hakaea te Lono Taukareka raa ki naa tama maraa e llaka ake ki te kina naa.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-43","url":"http:\/\/bibles.org\/nho-NHO\/Acts\/17\/17","date":"2018-10-17T17:12:12Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583511203.16\/warc\/CC-MAIN-20181017153433-20181017174933-00060.warc.gz","language":"nho","language_score":0.3547412157,"language_script":"Latn","minhash_cluster_size":1,"top_langs":"{\"nho_Latn_score\": 0.3547412157058716, \"rar_Latn_score\": 0.13005435466766357, \"hif_Latn_score\": 0.05303652212023735, \"wls_Latn_score\": 0.030158530920743942, \"mri_Latn_score\": 0.029563283547759056, \"pcm_Latn_score\": 0.023726176470518112, \"eng_Latn_score\": 0.020154669880867004, \"gil_Latn_score\": 0.016546959057450294, \"fin_Latn_score\": 0.014131628908216953, \"sps_Latn_score\": 0.014042377471923828, \"wol_Latn_score\": 0.013613422401249409, \"ekk_Latn_score\": 0.011652986519038677, \"guj_Latn_score\": 0.011298631317913532, \"swh_Latn_score\": 0.010108375921845436}","num_words":143,"character_repetition_ratio":0.073,"word_repetition_ratio":0.0,"special_characters_ratio":0.204,"stopwords_ratio":0.231,"flagged_words_ratio":0.0,"lang_id_score":0.282,"perplexity_score":500.0,"cluster_detection":1} +{"text":"MATTHEW 27\nJesus ku toa kimua Pilate\n1I te tahaata raa, naa maatua hakamaatua aa ma naa tama hakamaatua naa Jew raa ni taratara hakapaa ki tukua laatou Jesus ki mate. 2Teenaa saisaitia iloo laatou naa rima Jesus ki naa seni raa no taakina ki Pilate, te hakamau te kaaman Rome e roorosi i te kina naa.\nTe mate Judas\n3I te saaita Judas, te tama ni taakina ake ia naa hakamau no tauhia Jesus, ni lono maa Jesus ku tukua ki taia raa, a ia ki too naa mane siliva e mata toru raa no hakaahea ake ki naa maatua hakamaatua raa ma naa tama hakamaatua naa Jew. 4Teenaa a ia ni mee ake ki laatou, \"Nau ni hakasara taku vana i TeAtua; nau ni mee taku vana hakallika ki te tama ni seai iloo tana sara, aa teenei ttama naa ku mee ki taia ki mate!\"\nNaa tama naa ki mee ake kiaa ia, \"Te mee naa e aa i maatou? Teenaa se vana aau ni ssee soko kkoe.\"\n5Teenaa huri atu iloo Judas no pesi atu naa mane siliva raa ki loto te Hare Tapu, araa hano iloo no llava ua soko ia.\n6Naa maatua hakamaatua raa ni too naa mane naa ka taratara peelaa, \"Naa mane nei see lavaa taatou te tukua hakapaa ma naa mane te Hare Tapu, i naa Loo taatou raa e ppui te mee nei. I te aa, i teenei ni mane ni taavi te tama ki mate.\" 7Teenaa tuku iloo laatou taratara ki too laatou naa mane naa no tauia te kerekere e ttapa ma ko te Kerekere te Ppota, ki mee ma se kava naa horau. 8Teenaa ko te vana te kerekere naa e taapaa ma ko 'te Kerekere te Ttoo' i naa aso nei.+\n9Teenaa naa taratara TeAtua ni tarataraina Jeremiah raa ni ttino maaoni:\n\"Naa tama naa ni too te mata toru mane siliva, te kooina te kanohenua Israel ni tuku ki taavi ki taia te tama naa ki mate,\n10no taavi te kerekere te ppota,\nki tautari ki naa taratara TeAtua ni kaumai kiaa nau.\"+\nPilate e vasiria a ia Jesus\n11I te saaita naa raa, Jesus e tuu i mua Pilate, te hakamau te kaaman Rome. Teenaa Pilate ki vasiri ake kiaa Ia, \"Koe naa ko te tuku naa Jew?\"\nJesus ki hakaahe ake, \"Teenaa koe e mee mai naa.\" 12Tevana iaa i te saaita Pilate ni kauake naa taratara naa maatua hakamaatua aa ma naa tama hakamaatua naa Jew e mee iaa Ia raa, Jesus ni tuu seemuu koi.\n13Teenaa ki mee ake Pilate kiaa Ia, \"Koe see lono i naa taratara hakallika naa tama naa iaa koe?\"\n14Tevana iaa Jesus ni seai iloo se taratara ni hakaahe atu, teenaa ni oho ai te hakamau naa.\nJesus ku tukua ki taia ki mate\n15I naa setau hakkaatoa, i te ssao te Kaikai te Pasova raa, Pilate maraa e ffana se karapusi tokotasi; se tama e hiihai ai naa Jew ki hanaa. 16Te saaita naa raa, teelaa se karapusi tokotasi e ilotia te henua hakkaatoa, tana inoa ko Barabas. 17Teenaa i te saaita te henua ni kkutu ake raa, Pilate ni vasiri ake ki laatou, \"Ko ai te karapusi kootou e fiffai maa nau ki ffana no kauatu ki kootou? Kootou e fiffai ki kauatu nau Jesus Barabas? Seai? Nau ki kauatu Jesus, te tama e ttapa ma ko te Mesaea?\" 18Pilate ni iloa maa Jesus ni hookina ake naa tama hakamaatua naa Jew raa i laatou ni manava haaeo iaa Ia.\n19I te saaita Pilate ni noho i tana kina e hakannoo ki naa koti raa, tana aavana raa ni kkave ake tana taratara peelaa: \"Koe seai too vana e mee ki te tama see hai sara naa; nau ni miti hakallika iloo i te tama naa i te poo.\"\n20Naa maatua hakamaatua ma naa tama hakamaatua naa Jew raa ni usuhia laatou naa tama e kkutu i te kina naa ki vanaake ki Pilate ki hanaa Barabas aa ku tukua Jesus ki mate. 21Teenaa Pilate ki vasiri ake ki naa tama, \"Ko ai te tama i te takarua nei ki hanaa atu ki kootou?\"\nNaa tama raa ki varo ake, \"Hanaa mai Barabas.\"\n22Araa Pilate ku vasiri ake, \"Kootou e fiffai maa te tama e taapaa kootou ma se tuku naa Jew nei ki haia a nau peehea?\"\nNaa tama naa ki varo atu, \"Tuukia ttama naa ki te kros!\"\n23Araa Pilate ku vasiri ake hoki, \"Aiaa? Teenei se ssara peehea ttama nei ni mee?\"\nNaa tama naa ni tanitani varo atu vaaruna iloo, \"Tuukia ttama naa ki te kros!\"\n24I te saaita Pilate ni kite maa naa tama raa ma ki see lavaa iloo te hakannoo, ka massike te henua no hetaa huri raa, a ia ki huihui ana rima i mua naa karamata naa tama raa hakkaatoa ka taratara ake ki laatou, \"Kootou see tuku mai te ssara te tama nei kiaa nau. Teenei ni vana kootou e mee soko kootou!\"+\n25Te henua hakkaatoa ni hakatoo atu peelaa, \"Tuku mai te ssara ttama naa ki maatou ma naa tamalliki maatou!\"\n26Teenaa Pilate ki tiiake atu Barabas ki naa tama naa; a ia iaa ku vanaake ki ana soldia raa ki sarua Jesus aa ku taakina no tuukia ki te kros.\nNaa soldia raa e tautaussua i Jesus\n27Jesus ni taakina naa soldia Pilate raa ki loto te hare Pilate, teenaa kkutu atu hakkaatoa naa soldia raa i ana vasi. 28Naa tama naa ni hanaa laatou naa kkahu Jesus raa no hakao ake te kkahu e mmea kiaa Ia. 29Teenaa penapena iloo laatou hau ki te laakau tuitui no hakaoria ki tana pisouru, aa te tokotoko raa e hakappikitia laatou ki tana rima; araa ttuu iloo ki naa turi laatou no taratara taussua kiaa Ia, \" Te Ttuku naa Jew!\" 30Naa tama naa ni ffuri atu no sasaavarea Ia, araa too iloo te laakau raa no lliki ki tana pisouru. 31Te saaita naa tama naa ni oti te tautausuaina laatou Jesus raa, uiia iloo laatou te kahu maatua raa no hakao atu hoki ana kkahu raa kiaa ia. Teenaa taakina iloo laatou ki toa no tuukia ki te kros.\nJesus ku tuukia ki te kros\n32I te ara raa, naa tama naa ni ttiri te tanata haka Sairin, tana inoa ko Simon. Teenaa tauhia iloo laatou te tama naa no haia ki amo ake te kros Jesus. 33Naa tama naa ni oo no ttae ki te kina e ttapa ma ko Golgota, teenaa ko te taratara e mee maa, 'Te Kina te Ivi te Pisouru Tama'. 34I te kina naa raa, naa soldia raa ni mee ma ki kauatu te wain e hakauru ma te marasini e mmara, araa nei Jesus ni see unumia a Ia te wain naa i tana saaita ni oti te mmitia a Ia.+\n35Araa teenaa, tuukia iloo laatou Jesus ki te kros ka mee laatou taffao ki naa tamaa hatu ki vaaea laatou ana hekau ni hakao.+ 36Ki oti raa nnoho iloo naa tama naa ka roorosi kiaa Ia. 37Naa taratara nei ni sissia laatou ki te ppaa no tuukia ki aruna tana kros: \"TEENEI KO JESUS, TE TUKU NAA JEW.\" 38Teenaa tuukia iloo laatou te takarua e kailallao i naa vasi Jesus; te tama i tana maatau, aa telaa tama i tana maavii.\n39Naa tama ni llaka ake vaararo no ttoka atu i naa tautau mai Jesus raa ni ffuri atu no mee naa taratara hakallika laatou i Jesus:+ 40\"Koe ni mee maa te Hare Tapu nei ma ki seua a koe aa ku hakatuuria hoki koe iloto naa aso e toru! Hakasao soko kkoe ki mee maa koe ko te Tama TeAtua! Kau ki laro te kros!\"+\n41Naa maatua hakamaatua ma naa tisa naa Loo, aa ma naa tama hakamaatua naa Jew raa ni hakaere katoo iaa Ia peelaa, 42\"Aaraa tama ni hakassaoria a ia, aa tana tino iaa see lavaa te hakasao soko ia! E aa? Teenei seai ko te tuku Israel? Ki mee maa ia e au ki laro i te kros i te saaita nei raa, teenaa maatou ma ki illoa maa ia se tuku maaoni! 43A Ia e taaohi manava i TeAtua aa e hai maa ia ko te Tama TeAtua. Aa teenei taatou ku mmata ki mee maa TeAtua ma ki au no hakasaoria ia!\"+\n44Naa tama kailallao teelaa ni tuukia hakapaa ma Jesus raa ni ffuri atu hoki no sasaakiria Ia.\nTe mate Jesus\n45Te saaita te mee raa ni tae ki te laaraatea raa+ , te henua ni poouri no tae iloo ki te ttoru i te laasuru. 46I te ttoru te laasuru raa, Jesus ni tanitani varo peelaa, \"Eli, Eli, lema sabaktani?\" te taratara e mee maa, \"Taku Atua, taku Atua, nau ni tiiake ai koe?\"+\n47Naa tama ni ttuu ka llono i ana tanitani varo raa ni taratara peelaa, \"Te tama naa e kakannaa ki Elijah!\" 48Teenaa tere ake iloo te tama tokotasi i laatou no hakapara te tapaa maro raa ki te wain e mmara no saisai ki te mata te laakau. Teenaa usu atu iloo ki naa maaisu Jesus ki unu.+\n49Naa tama e ttuu i te kina naa ki mee ake, \"Ttari ki mmata taatou ma ki mee ma Elijah e au no hakasaoria ttama nei!\"\n50Teenaa Jesus ki kappisi hoki ana varo no pesi tana maanava hakaoti.\n51Te maro e tautau iloto te Hare Tapu raa ni saaea iloto ttonu, e kaamata mai i aruna no hakasopo ki laro. Te kerekere raa ni rue, naa hatupaa ni maffaa,+ 52naa taaruma raa ni kareva ka ttuu tallaki, aa te lopo tama TeAtua teelaa ni mmate raa ni hakamassikeria no ora. 53Naa tama ni mmate raa ni massike mai i naa taaruma laatou, aa i te saaita Jesus ni hakamasikeria raa, naa tama naa ni oo ki te Henua e Tapu; te kina te lopo tama ni kkite laatou.\n54I te saaita te hakamau naa soldia aa ma naa soldia e ttuu maa ia raa ni llono i naa rue te mahuke, ka kkite hoki i naa vana ni ssura naa raa, naa tama naa ni mattaku hakallika iloo. Naa tama naa ni taratara peelaa, \"Ttama nei maaoni ko te Tama TeAtua!\"\n55E tammaki naa haahine ni ttuu ake i te kina naa; naa tama naa ni ttuu ake hakammao ka ttoka. Teenaa ko naa haahine ni oo ake hakapaa ma Jesus i Galilee ka tokonaki kiaa Ia. 56E ffai iloto naa haahine naa raa, teelaa ko Mary Magdalene, Mary te tinna James laaua ma Joseph, aa ko te aavana Sebedii.+\nTe haitino Jesus ku toa no tanumia\n57I te laasuru raa Joseph, te tama hai mee i Arimatia, ku tae ake; a ia naa se disaipol hoki Jesus. 58Joseph ni hano ki Pilate no mee ake iaa ia e mee ma ki too te haitino Jesus. Teenaa vanaake iloo Pilate ki ana soldia raa ki kauake te haitino Jesus ki Joseph. 59Teenaa hano iloo Joseph no too te haitino Jesus ni mmini ki te maro makkini hoou. 60Araa toa iloo ia te haitino Jesus no ponotia ki loto tana kava ni keri hoou. Ki oti raa hakatipe atu iloo te hui te hatu raa no ppui i te mata te kava, araa hano iloo ki tana hare. 61Mary Magdalene laaua ma te ffine e taapaa hoki maa ko Mary raa iaa ni nnoho i te kina naa ka ffuri atu ki te kava.\nNaa wasi e roorosi te kava\n62I te ssoa te aso raa, teenaa ko te Sabat. Teenaa naa maatua hakamaatua ma naa Faarisi raa ni oo no mmata i Pilate no mee ake, 63\"Te hakamau nei, maatou e illoa maa i te saaita te tama e taratara kailaarao nei koi ora raa, a ia ni pesi tana taratara peelaa, 'Nau ma ki hakamasikeria i te mate imuri naa aso e toru.'+ 64Heunatia oo soldia raa ki oo no roorosi hakaraaoi iloo i te kava ki lava iloo naa aso e toru, teenaa ki see lavaa ana disaipol raa te oo no huuina laatou te haitino te tama naa aa ku oo no hakaea ki te heuna maa te tama naa ni hakamasikeria i te mate. Teenaa naa taratara hakalellesi naa tama naa ma ki mee raa ma ki hakallika iaa i naa taratara te tama naa ni hai imua.\"\n65Teenaa Pilate ki mee ake, \"Kootou too ni wasi ka oo ma kootou, aa kootou ku mmata ki roorosi hakaraaoi iloo naa tama naa i te kava.\"\n66Teenaa oo iloo naa tama naa no hakammau hakaraaoi iloo te kava raa ka tuku laatou hakailona, araa hakanoho iloo laatou naa wasi i te kava raa ki noho ka roorosi.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-43","url":"http:\/\/bibles.org\/nho-NHO\/Matt\/27\/","date":"2018-10-19T22:56:50Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583512460.41\/warc\/CC-MAIN-20181019212313-20181019233813-00074.warc.gz","language":"nho","language_score":1.0000048876,"language_script":"Latn","minhash_cluster_size":1,"top_langs":"{\"nho_Latn_score\": 1.0000048875808716}","num_words":2184,"character_repetition_ratio":0.067,"word_repetition_ratio":0.001,"special_characters_ratio":0.238,"stopwords_ratio":0.527,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"LUKE 8\nNaa haahine e ttaka ma Jesus\n1Kimuri raa, Jesus ni hano no hakaea te Lono Taukareka i te Nohorana TeAtua raa vaaroto naa matakaaina e llasi ma naa tamaa matakaaina. Tana taka sinahuru maa ttakarua disaipol raa ni oo laatou. 2E mee hoki naa haahine ni mmaki aa naa haahine ni tauria naa tippua, teelaa ni haia Jesus no taukalleka, ni oo laatou hakapaa. Teenaa ko Mary (te ffine ni taapaa ma ko Magdalene), te ffine ni hanaa naa tippua e hitu iaa ia; 3Joana, te aavana Kusa, te tama e roorosi naa mee te tuku Herod; Susana; aa ma te lopo haahine hoki teelaa ni hookii naa tino mee laatou ki tokonaki atu ki Jesus ma ana disaipol.+\nTe taratara i te tama e pesipesi naa hua 'wit'\n4E tammaki iloo naa tama i naa matakaaina i te kina naa ni kkutu ake ki Jesus, teenaa ki kauake Jesus te taratara nei:\n5\"Teelaa se tanata ni hano no pesipesi ana hua wit. I tana saaita ni pesipesi ana hua vaaroto te verena naa raa, e mee naa hua wit ni maaoha vaaruna te saarena ka takatakamia, ka llee ake naa manu raa no kaaina. 6Aaraa hua ni maaoha ki aruna te korohatu, aa i te saaita naa hua wit naa ni kaamata te ssomo ake raa, naa wit naa ni mmate koi, i te kerekere raa e pakupaku. 7Aaraa hua ni maaoha vaaroto te vao tititai, te saaita naa wit naa ni ssomo raa, naa wit naa ni torohia koi naa tititai naa no uuhia ka mmate. 8Aaraa hua iaa ni maaoha ki aruna te pela e taukareka; naa 'wit' naa ni ssomo hakaraaoi iloo no ppesi naa kaikai laatou, te 'wit' tokotasi e tau tana lau i naa hua.\"\nI tana saaita ni hakaoti ana taratara nei raa, Jesus ki mee ake ki laatou, \"Ki mee maa kootou e fiffai ki illoa kootou, kootou ku hakannoo mai!\"\nTe hakataakoto te parapol\n9Naa disaipol Jesus raa ni vasiri ake ki Jesus ki illoa laatou maa te parapol raa e mee maa e aa. 10Jesus ki mee ake, \"Te hakataakoto i naa taratara huu te Nohorana TeAtua raa, teenei e kauatu nau ki kootou, aa ki aaraa tama iaa, nau e taratara ki naa parapol.\n'Niaaina maa laatou e ttoka, laatou ma ki see kkite,\nniaaina maa laatou e hakannoo, laatou ma ki see massaro.'+\nTe hakataakoto te parapol i te tama e pesipesi naa hua 'wit'\n11\"Te parapol raa e mee maa: naa hua raa, teenaa ko naa taratara TeAtua. 12Naa hua ni maaoha vaaruna te saarena raa, teenaa ko naa tama e llono i naa taratara TeAtua, araa nei Satan ku hanake no huutia a ia naa taratara naa ki see takkoto iloto naa manava laatou, ki puuia naa tama naa ki see lotu aa ki see hakassaoria laatou TeAtua no ora.\n13\"Naa hua ni maaoha ki aruna te korohatu raa, teenaa ko naa tama ni fiaffia i te llono ana laatou i naa taratara TeAtua, araa nei naa taratara naa ni see tauhia laatou ki takkoto iloto naa manava laatou; naa tama naa ni lotu koi i te tamaa saaita, aa i te saaita laatou ni usuusuhiaria raa, naa taratara naa ni tiiake koi laatou.\n14\"Naa hua ni maaoha vaaroto te vao tititai raa, teenaa ko naa tama ni llono i naa taratara TeAtua, tevana iaa naa tama naa ni hakaapiapi are ki naa vana te maarama nei, teenaa ko naa mannatu see ttonu laatou, naa hekau laatou, aa ma naa taffao laatou i te maarama nei. Naa tama naa see lavaa iloo te kkite ma ni tiputtipu e taukalleka e ssura i naa ora laatou.\n15\"Naa hua ni maaoha ki te pela e taukareka raa iaa, teenaa ko naa tama ni llono naa taratara TeAtua no tauhia laatou ki takkoto iloto naa manava laatou, ki tautari laatou ki naa taratara naa. Naa tama naa ma ki tauhia laatou peenaa naa taratara naa ki sura te tiputipu e taukareka raa i naa ora laatou.\nTe parapol i te lamu e ura\n16\"See hai tama e hakaura tana lamu no uhi ki te kamete, seai maa e hakatuu ki laro te ssoa. Te tama raa e hakatuu are tana lamu raa ki aruna se mee ki kkite aaraa tama i naa uru ake laatou ki loto te hare.+\n17\"Naa vana huu hakkaatoa ma ki oti ku ilotia, aa naa vana e ttanu raa ma ki oti ku laavea no hakassuratia ki te maarama.+\n18\"Teenaa kootou ku mmata ki hakannoo hakaraaoi iloo kootou; te tama ni kauake ana mee TeAtua raa, TeAtua ma ki kauake hoki aaraa mee, aa te tama seai ana mee ni kauake TeAtua raa iaa, naa mee iloo ni maanatu ia maa ni mee aana raa, ma ki toa iaa ia.\"+\nNaa taaina aa ma te tinna Jesus\n19Naa taaina Jesus ma tana tinna raa ni oo ake ma ki mmata laatou i Jesus, araa nei laatou ni see ssao atu kiaa Ia, i te kina naa ni kkapi i te tama. 20Teenaa ki mee ake te tama tokotasi peelaa ki Jesus, \"Too tinna ma oo taaina raa e ttuu mai i haho ki mmata laatou iaa koe.\"\n21Jesus ki mee ake ki laatou, \"Taku tinna ma aku taaina raa, teenaa ko naa tama e hakannoo no tautari ki naa taratara TeAtua.\"\nJesus e tiinai te matani\n22I te aso tokotasi raa, Jesus ni vanaake peelaa ki ana disaipol, \"Taatou ki tere ki telaa vasi te namo nei.\" Teenaa kkake iloo laatou i te poti tokotasi no tere. 23I te saaita laatou koi tere raa, Jesus ni hakatipe no moe. Teenaa ki ttiri iloo laatou te matani e lasi. Te poti laatou naa ni kaamata te utuhia no taupiri laatou ki appuru. 24Naa disaipol naa ni ffano i Jesus no mee ake, \"TeAriki, TeAriki! Taatou ka mallemo!\"\nJesus ni masike no varo ake iloo ki te matani ma te peau raa ki ttuku. Te matani raa ni ttuku no marino kkii iloo te moana. 25Teenaa ki mee ake Ia ki ana disaipol, \"Kootou e lotu peehea?\"\nNaa tama naa ni oho iloo ka taratara soko laatou, \"Teenei se tama peehea, ma te matani ma naa peau raa ki tuku ki ana vana?\"\nTe tanata e tauria naa tippua e haia Jesus no taukareka\n26Jesus ma ana disaipol raa ni tere no tae iloo ki te matakaaina Gerasa, i telaa vasi te namo Galilee. 27Te saaita Jesus ni sepu iho no hano ki uta raa, e mee te tanata i te matakaaina naa, e tauria naa tippua, ni hanake no ttiri iaa Ia. Te tanata nei ku rooroa iloo i ana sasare hua ka taka vao; a ia e moemoe peenaa i naa kava. 28I tana saaita ni kite i Jesus raa, a ia ni kappisi ana varo no hakaleiho atu kimua Jesus no tanitani varo atu peelaa, \"Jesus, te Tama TeAtua i-Aruna! Se aa koe e mee iaa nau? Koe see au no mee pakavaina nau!\" 29A ia e tani atu peenaa i Jesus ku oti te vanaake ki te tipua raa ki hakataha iaa ia.\nTe tanata naa ni tauria te tipua hakallika i te lopo saaita, aa niaaina maa ia ni saisaitia peenaa ana rima ma ana vae ki naa seni raa, naa seni naa e mossia koi a ia no tere kina a ia te tipua naa ki loto mouku.\n30Jesus ki vasiri ake, \"Ko ai too inoa?\"\nTe tanata raa ki mee ake, \"Taku inoa ko 'te Kaavena',\" i te aa i aa ia e tauria te lopo tippua. 31Naa tippua naa ni ttani atu ki Jesus ki see peesia laatou ki te rua e hotu iloo ki laro ka poouri tanutanu.\n32Teelaa ni poi e tammaki e ttuu ka kkai i te vasi te mouna. Naa tippua raa ni ttani ake ki Jesus ki tiiake laatou ki oo no tau i naa poi, teenaa ki tiiake ai laatou ka oo. 33Naa tippua raa ni hakattaha i te tanata naa no tau i naa poi, teenaa ffuro iloo naa poi raa hakkaatoa ki te hakattoo ana te mouna raa ki loto te namo no mallemo.\n34Naa taanata e roorosi naa poi naa ni kkite i te vana ni mee nei, teenaa ki ffuro laatou no hakatere te lono raa ki naa tama te matakaaina naa ma naa tama e nnoho i naa tautaha te matakaaina naa. 35Te henua ni oo ake no mee ki mmata laatou i te vana e hakasura naa. Te saaita laatou ni ttae ki Jesus raa, laatou ni kkite i te tanata teelaa ni tauria naa tippua raa e noho ma Jesus. Te tanata raa ku tara tana maro aa ku atamai hoki. Naa tama naa ni mattaku hakkaatoa. 36Naa tama ni kkite i te vana ni mee naa ni taratara ake i te ara te tanata naa ni haia Jesus no taukareka. 37Naa tama i te matakaaina naa ni ffuri no vanaake iloo ki Jesus ki hakataha i laatou, i laatou ni mattaku hakallika iloo. Teenaa kake iloo Jesus ki loto te poti raa no hano. 38Te tanata ni haia Jesus no taukareka raa ni hanake no vanaake ki Jesus ki oo laaua.\nAraa nei a ia ni heunatia Jesus ki hano, ka mee ake Jesus peelaa kiaa ia, 39\"Tere ki too hare no taratara i too vana ni haia TeAtua.\"\nTeenaa hano iloo te tanata naa no sare taratara vaaroto te matakaaina naa i tana vana ni haia Jesus.\nTe tamariki ffine e mate ma te ffine e tere tana ttoo\n40I te saaita Jesus ni ahe hoki ki Galilee raa, naa tama i te kina naa ni oo atu no pureppure laatou, i laatou hakkaatoa ni ttari atu kiaa Ia. 41Teenaa sura atu iloo te tanata e ttapa ma ko Jairus; a ia naa se hakamau te hare lotu i te kina naa. Te tanata naa ni hanatu no tuu ki ana turi imua Jesus no mee ake ki Jesus ki hanake ki tana hare, 42i tana tamariki ffine koi tokotasi, ana setau e sinahuru maa rua, ku taupiri ki mate.\nI te saaita Jesus ni sare atu ki te hare raa, te henua ni muimui ake kiaa Ia. 43I loto te kuturana tama naa raa, teelaa see ffine e tere tana ttoo peenaa, teenei ku lava ana setau e sinahuru maa rua. Ana mane ni oti hakkaatoa ki naa tokta, tevana iaa ni see hai tama ni lavaa te haia a ia no taukareka. 44Te ffine naa ni hanake ma te kuturana raa vaamuri Jesus no kaapaa ia te ttapa te maro Jesus, teenaa tana ttoo ni motu hua lokoi i te saaita naa. 45Jesus ki vasiri, \"Teelaa ko ai te tama e kkapa mai kiaa nau?\"\nNaa tama raa ni see illoa hakkaatoa, teenaa ki mee ake Peter, \"TeAriki, te henua e muimui atu hakkaatoa i oo vasi.\"\n46Tevana iaa Jesus ni mee ake peelaa, \"Teelaa se tama raa e kkapa mai kiaa nau. Nau e iloa i teelaa ni mahi raa e maffana iaa nau.\" 47Saaita te ffine naa ni iloa maa ia ku ilotia raa, a ia ni porepore i tana mataku. Teenaa hanatu iloo ia no pesi ki laro imua i naa vae Jesus. Araa taratara ake iloo ki Jesus, imua naa tama naa hakkaatoa, i tana vana ni kkapa ai kiaa ia, aa i aa ia ni taukareka lokoi i te saaita naa. 48Jesus ki mee ake kiaa ia, \"Taku tama, koe nei ku taukareka i aa koe e mau too manava iaa nau; aa tere no noho hakaraaoi.\"\n49Te saaita Jesus koi taratara ake ki te ffine raa, te tama tokotasi i te hare Jairus raa ku tae ake no vanaake ki Jairus, \" Too tamariki ffine raa ku mate; koe see anaana ma ki vanaake koe ki te Tisa naa ki au.\"\n50Araa nei Jesus ni lono i naa taratara ake te tama naa ki Jairus, teenaa ki mee ake Ia peelaa ki Jairus, \"Koe see mataku; taaohi manava iaa nau, aa too tamariki ffine naa ku taukareka.\"\n51I te saaita laatou ni ttae atu ki te hare raa, Jesus ni toa koi a Ia Peter, John, James, aa naa maatua te tamariki raa ka oo laatou ki loto te hare. Naa tama raa iaa ni haia a Ia ki ttuu i haho. 52Naa tama i te kina naa ku mmate hakaoti te ttani i te tamariki ffine naa. Teenaa ki mee ake Jesus, \"Kootou see ttani; te tamariki naa see mate, a ia e moe koi!\"\n53Naa tama naa ni hakasakammini koi naa kaisu laatou iaa ia, i laatou ni illoa maa te tamariki raa ku mate. 54Jesus ki taaohi te rima te tamariki raa no kannaa iaa ia, \"Taku tama, masike ki aruna!\" 55Te tamariki naa ni ora hoki no masike ki aruna i te saaita naa lokoi. Teenaa vanaake iloo Jesus ki naa tama naa ki kauake ni kaikai maa te tamariki raa ki kai. 56Naa maatua te tamariki raa ni llee naa mouri laaua, tevana iaa Jesus ni mee ake ki laaua ki see taratara ki se tama i tana vana e mee nei.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-43","url":"http:\/\/bibles.org\/nho-NHO\/Luke\/8","date":"2018-10-17T20:05:13Z","file_path":"s3:\/\/commoncrawl\/crawl-data\/CC-MAIN-2018-43\/segments\/1539583511216.45\/warc\/CC-MAIN-20181017195553-20181017221053-00071.warc.gz","language":"nho","language_score":1.0000053644,"language_script":"Latn","minhash_cluster_size":3,"top_langs":"{\"nho_Latn_score\": 1.0000053644180298}","num_words":2263,"character_repetition_ratio":0.063,"word_repetition_ratio":0.0,"special_characters_ratio":0.237,"stopwords_ratio":0.538,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"ACTS 6\nTe takahitu ki tokonaki ki naa aposol\n1I naa aso naa raa, te kooina naa tama e tautari i Jesus raa ni hanake no tammaki iloo. Teenaa e mee te saaita naa Jew teelaa e taratara haka Greece raa e hakatauttau ma naa tino Jew te henua naa, i naa Jew e taratara haka Greece raa e mee maa naa puruna laatou raa maraa see hanaia i naa vaevae ake naa kaikai i naa aso. 2Teenaa aru iloo te taka sinahuru maa ttakarua aposol raa ki naa tama katoo e lotu raa no taratara ake peelaa, \"Te mee raa see tonu maa maatou ki tiiake lokoi te hakaea te Lono Taukareka raa ma ki anaana maatou ki te vasi naa kaikai e vaevvae naa. 3Aku taaina ma aku kave nei. Kootou hakamaatino se takahitu taanata iloto kootou naa e atammai aa e ttaka ma naa mahi TeAitu Tapu ki tukua maatou ki mmata i te vasi naa kaikai naa. 4Aa maatou iaa ku heheuna tonu te taku ka hakaea te Lono Taukareka.\"\n5Te kaavena e lotu naa hakkaatoa ni fiffai ki te maanatu naa aposol naa, teenaa tukua iloo laatou\nStephen, te tama e taka ma TeAitu Tapu aa e lotu haimahi i TeAtua,\nPhilip,\nProkorus,\nNikanor,\nTimon,\nParmenas,\naa ko Nikolaus (te tama sara haka Antiok teelaa ku lotu i te lotu naa Jew)\n6Te takahitu taanata naa ni too atu te kaavena e lotu raa kimua naa aposol, teenaa naa aposol raa ki hakappiri naa rima laatou ki aruna naa tama naa no taku maa laatou.\n7Teenaa naa taratara TeAtua naa ni ttoha ki naa kina. Te kooina naa tama ni tautari ki Jesus iloto Jerusalem raa ni hanake koi no lasi, aa te lopo maatua te Hare Tapu hoki ni ffuri no tautari ki Jesus.\nStephen ku tauhia\n8Stephen se tama e haia hakaraaoina iloo TeAtua, aa naa mahi TeAtua e takkoto iaa ia. A ia ni hakasura te kau mahi TeAtua ka kkite te henua. 9Tevana iaa e mee aaraa tama ni see fiffai ki Stephen. Teenaa ni tama e ffai i te kaavena te Hare lotu naa Jew e ttapa ma ko \"Naa tama ni hakattanaria.\" Teenaa ni Jew ni oomai i Sairin maa Alexandria. Naa tama naa ma aaraa Jew ni oomai i naa matakaaina Silisia ma Asia ni kaamata te hakatauttau laatou ma Stephen. 10Tevana ia Stephen ni haia hakaraaoina iloo TeAitu Tapu raa no atamai, teenaa i tana saaita ni huri no taratara atu raa, ni see hai tama i naa tama naa ni sahea laatou ana taratara. 11Teenaa usuhia iloo laatou aaraa tama i naa tama naa ki oo no taratara peelaa, \"Maatou e llono i naa taratara hakallika te tama nei i Moses aa i TeAtua!\" 12Naa tama naa ni oo no usuusuhia iloo laatou ka lloto naa tama i te kina naa ma naa tama hakamaatua naa Jew aa ma naa tisa naa Loo, teenaa ki oo atu naa tama naa no tauhia iloo laatou Stephen no taakina kimua te Kansol. 13Araa too ake iloo laatou aaraa tama ki oo ake no mee ni taratara hakalellesi maa laatou i Stephen, teenaa naa tama naa ni oo ake no taratara peelaa, \"Te tama nei maraa e taratara hakallika lokoi i te Hare Tapu TeAtua aa i naa Loo Moses. 14Maatou ni llono te tama nei e taratara maa Jesus te tama i Nazareth raa ma ki seua a ia te Hare Tapu, aa ma naa vana hakamaatua Moses ni tuku ma ki tautari taatou raa ma ki hurisia te tama naa.\"\n15Naa tama hakkaatoa ni nnoho iloto te Kansol naa ni ttuu katoo naa karamata laatou i Stephen, teenaa laatou ni kkite maa naa karamata te tama naa e mee koi ma ko naa karamata te ensol.\nCopyright © 2009 Translation Committee of Takuu, Mortlock Community\nLanguage: Takuu\nTranslation by: Translation Committee of Takuu, Mortlock Community\nContributor: Isles of the Sea\nThis translation is made available to you under the terms of the Creative Commons Attribution-no derivatives license.\nYou may share and redistribute this Bible translation or extracts from it in any format, provided that:\nYou include the above copyright information.\nYou do not make any derivative works that change any of the actual words or punctuation of the Scriptures.","id":"","dump":"CC-MAIN-2018-47","url":"http:\/\/bibles.org\/nho-NHO\/Acts\/6\/","date":"2018-11-19T12:19:13Z","file_path":"s3:\/\/commoncrawl\/crawl-data\/CC-MAIN-2018-47\/segments\/1542039745761.75\/warc\/CC-MAIN-20181119105556-20181119131556-00300.warc.gz","language":"nho","language_score":0.9999824762,"language_script":"Latn","minhash_cluster_size":2,"top_langs":"{\"nho_Latn_score\": 0.999982476234436}","num_words":709,"character_repetition_ratio":0.062,"word_repetition_ratio":0.0,"special_characters_ratio":0.215,"stopwords_ratio":0.513,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1A nau Paul, maatou ma Silas, aa ko Timothy e sissii atu te pas nei. Maatou e sissii atu ki kootou naa tama te lotu i Tesalonaika; kootou naa tama TeAtua te Tamana taatou, aa ko TeAriki Jesus Christ.\n2Maatou e taku maa TeAtua ki roorosi hakaraaoi ki kootou ki nnoho laaoi kootou.\n3Naa taaina ma naa kave maatou nei, maatou e tau te taratara hiahia i te kau saaita ki TeAtua i kootou. E tonu maa maatou ki mee peenaa, i kootou ku lotu haimmahi iloo, aa te tiputipu te manava laaoi kootou i telaa tama raa ku lasi.\n4Teenaa ko te vana maatou e ahu peenaa i kootou iloto naa hare lotu TeAtua. Maatou e ahu i te nnoho hakalavatoa kootou ka lotu i te saaita kootou e hakallono isu i naa haaeo teelaa e llave i kootou.\n5Naa vana nei e huri ake peelaa maa te hakatonu TeAtua raa e tonu, e mee maa kootou e tau te nnoho ma Ia i tana Nohorana, teenaa kootou e nnoho ka hakallono isu raa ko te mee naa.\n6TeAtua ma ki mee naa vana e ttonu: Naa tama teelaa ni hakkoro kootou ki hakallono isu raa ma ki haia a Ia ki hakallono isu hoki.\n7Teenaa kootou, naa tama e hakallono isu i te saaita nei, ma ki haia a Ia ki hakamannava kootou i naa haaeo naa, aa maatou hoki ma ki haia a Ia peenaa. A Ia ma ki mee tana vana nei i te saaita TeAriki Jesus ma ki hakasura iho i te lani ma ana ensol haimmahi.\n8A Ia ma ki hakasura iho ma te ahi e uraura kkava, teenaa naa tama e hakakkeeina laatou TeAtua aa see hii hakannoo ki te Lono Taukareka i TeAriki Jesus raa, naa tama naa ma ki haia a Ia ki hakallono isu laatou.\n9Naa tama naa ma ki hakkaitoaina ki te hakallono isu teelaa see lavaa te hakaoti mai. Laatou ma ki hakattaharia i naa karamata TeAriki taatou aa i tana maasina e lasi.\n10Teenaa ko i-tana aso ma ki ahemai ki hakanau ana tama raa iaa Ia, aa ki lotu ake naa tama e illoa maaoni iaa Ia. Kootou hoki ma ki ffai i naa tama ma ki hakannau iaa Ia, i kootou ni hakataakoto i naa taratara maatou ni hakaea atu.\n11Teenaa ko te vana maatou e taku peenaa maa kootou. Maatou e taku peenaa ki TeAtua ki tokonaki atu ki naa ora kootou, teenaa ki tau ma te ora teelaa ni aru atu ai Ia ma ki oomai kootou no too. Maatou e taku maa TeAtua ki tokonaki atu ki ana mahi ki hakasuratia kootou te tiputipu e taukareka teelaa e fiffai ai kootou, aa ki hakaotina naa heuna kootou ni mee tautari ki naa hakataakoto kootou i TeAtua.\n12I te ara nei raa, te inoa TeAriki taatou, Jesus, ma ki hakanauria i te tiputipu teelaa e takoto i kootou, aa kootou ma ki hakanauria hakapaa ma Ia. Naa vana nei e ssura peenei i teenei ko naa tiputipu te manava laaoi TeAtua taatou ma TeAriki Jesus Christ.","id":"","dump":"CC-MAIN-2021-25","url":"https:\/\/breakeveryyoke.com\/2-thessalonians-1---na-taratara-teatua-i-naa-taratara-takuu","date":"2021-06-21T06:57:19Z","file_path":"s3:\/\/commoncrawl\/crawl-data\/CC-MAIN-2021-25\/segments\/1623488268274.66\/warc\/CC-MAIN-20210621055537-20210621085537-00386.warc.gz","language":"nho","language_score":1.000009656,"language_script":"Latn","minhash_cluster_size":1,"top_langs":"{\"nho_Latn_score\": 1.0000096559524536}","num_words":513,"character_repetition_ratio":0.078,"word_repetition_ratio":0.0,"special_characters_ratio":0.224,"stopwords_ratio":0.581,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"16\nTimothy ku oo hakapaa laatou ma Paul aa ko Silas\n1 Paul ni hano no tae iloo te matakaaina Derbe, araa hano iloo hoki ki Listra. E mee te tama e noho i te kina naa e tautari i Jesus, tana inoa ko Timothy. Tana tinna raa se Jew e lotu i TeAtua, aa tana tamana raa iaa se tama haka Greece. 2 Naa tama te lotu i Listra ma Aikonium raa e taratara peenaa maa Timothy se tama e taukareka. 3 Paul ni hiihai ma ki toa a ia Timothy ki oo laaua. Teenaa serea iloo ia naa kina te tama naa, i te aa, i naa Jew e nnoho i te kina naa e illoa maa te tamana Timothy raa se tama haka Greece. 4 Naa tama naa ni hakataka i naa taon raa no kauake naa taratara naa aposol ma naa tama hakamaatua te lotu i Jerusalem raa ki naa tama e lotu i naa kina naa. Laatou ni hai ake ki tautari naa tama naa ki naa taratara naa. 5 Teenaa ki mau ai naa hakataakoto naa tama e lotu i naa kina naa i TeAtua, aa te kooina ni ffuri no lotu i naa kina naa ni hanake koi no tammaki i te aso.\nPaul e hakakiitea TeAtua i Troas\n6 Naa tama naa ni oo vaaroto Frigia ma Galesia, i te aa i laatou e ppuia Te Aitu Tapu raa ki see hakaea laatou naa taratara TeAtua raa iloto Asia. 7 Saaita naa tama naa ni tauppiri atu ki Misia raa, mee iloo ma ki oo laatou vaaroto Bitinia, araa nei laatou ni tuukia TeAitu Jesus. 8 Teenaa hakaraka iloo naa tama naa i Misia no oo ki Troas. 9 I te poo naa raa, Paul ni hakakkiitea TeAtua i naa tuu ake te tanata haka Masedonia no mee ake kiaa ia, \"Kau ki Masedonia no tokonaki mai ki maatou!\" 10 Te saaita koi Paul ni hakakkiitea TeAtua i te mee nei raa, massike iloo maatou no tukutuku hakaoti naa mee maatou raa ki oo ki Masedonia, teenaa i maatou ku illoa maa maatou nei ku arumia TeAtua ki oo no hakaea te Lono Taukareka raa ki naa tama i te kina naa.\nLidia ku lotu i TeAtua\n11 Maatou ni kkake i te vaka raa i Troas no tere iloo ki Samotras, aa i telaa aso raa maatou ni ffana ka tere ki Neapolis. 12 Maatou ni massike i te kina naa hoki no hakataka iloo ki loto ki te taon e ttapa ma ko Filipai. Teenaa ko te taon e lasi i Masedonia, aa te taon naa e takoto i laro te roorosi te kaaman Rome. Maatou ni oo atu no nnoho iloo naa aso maatou i te kina naa.\n13 I te Sabat raa, maatou ni oo ki taha te taon raa ki te riva, i maatou e mannatu maa e mee te kina i te vasi te riva naa maraa e oo ai naa Jew raa no kkutu ki taku. Maatou ni nnoho no hai taratara ma naa haahine ni kkutu ake i te kina naa. 14 Te ffine tokotasi, tana inoa ko Lidia, e hai i naa haahine e nnoho ka hakannoo ki naa taratara maatou. Te ffine naa se tama i te matakaaina Tiatira, aa te henua maraa e oo atu no tataavi naa maro e mmea poouri raa iaa ia. A ia se ffine e lotu i TeAtua, teenaa tana hakataakoto ni tarakina TeAriki ki hakannoo ia ki naa taratara Paul e kauake. 15 I te saaita te ffine naa maa ana hareaakina raa ni oti te hakaukau tapuina raa, te ffine naa ki mee mai ki maatou, \"Ki mee maa kootou e illoa maa nau se tama e lotu maaoni i TeAriki, aa kootou ku oomai no nnoho i taku hare.\"\nPaul laaua ma Silas ku ponotia iloto te hare karapusi\n16 Te aso tokotasi, i te saaita maatou ni sassare ka oo ki te kina te lotu raa, maatou ni ttiri te taupu e tauria te tipua hakallika. Te ffine naa e lavaa te tarataraina a ia naa vana ma ki ssura imuri, teenaa a ia maraa e ffuti te lopo mane maa naa tama e roorosi iaa ia naa ki ana vana e meemee naa. 17 Te taupu naa ni sasare mai vaamuri peenaa maatou ma Paul ka tanitani varo peelaa, \"Naa taanata nei ni tama e heheuna maa TeAtua i Aruna. Naa tama nei e taratara atu i te ara kootou ma ki hakassaoria TeAtua.\" 18 Te taupu naa ni hai tana vana naa i naa aso iloo e tammaki, teenaa ki loto Paul no huri atu iloo no nutua te tipua e tau i te ffine naa, \"Nau e vanaatu kiaa koe iloto te inoa Jesus Christ: Hakataha i te taupu naa!\" Te tipua naa ni hakataha i te ffine naa i te saaita naa lokoi.\n19 Te saaita naa tama e mmata ake te taupu naa ni kkite maa laatou ku see lavaa hoki te too mane i te ffine naa raa, naa tama naa ki oo atu no tauhia iloo laatou Paul ma Silas no taakina ki te kina te henua e nnoho, ki mmata naa hakamau raa i laaua. 20 Te takarua naa ni taakina atu naa tama naa kimua naa hakamau i Rome raa no mee ake peelaa, \"Takarua Jew nei maraa e hakkoro te kau vana e hakallika no hakatauttau naa tama te henua nei. 21 Naa tama nei e akonaki te tiputipu teelaa see hanotonu ma naa loo maatou; maatou nei ni tama haka Rome, aa maatou see lavaa te tautari ki te tiputipu naa.\"\n22 Naa tama e kkutu i te kina naa ni ffuri atu hoki no taia laatou Paul ma Silas, teenaa ki mee ake naa hakamau raa ki saaea naa kkahu te takarua naa aa ku sarua ki naa laakau. 23 Te saaita te takarua raa ni oti te sarua raa, laaua ni peesia ki loto te hare karapusi. Teenaa naa hakamau te hare karapusi raa ki mee ake ki te wasi raa ki roorosi hakaraaoi iloo ki see ffuro te takarua naa. 24 Naa hakamau raa ni kauatu koi naa taratara nei raa, masike atu lokoi te wasi raa no ponotia te takarua raa ki mmoe ki te puitana iloo iloto i te hare karapusi. Naa vae te takarua raa ni hakkapitia ki loto naa kunaaroto laakau e mmaha.\n25 Te mee raa ku tino poo no taupiri ki te tuaapoo raa, te takarua raa ni mmoe ka huahua naa mako lotu ka taku i TeAtua, teenaa aaraa karapusi e mmoe ka hakannoo ki laaua. 26 Te mahuke e hakamataku raa ni hakateki no ue ka tuu parapara te hare karapusi naa. Naa tootoka te hare karapusi naa ni llee katoo no ttuu tallaki ka maffana naa seni e mmau i naa karapusi. 27 Teenaa ki maahuru te wasi te hare karapusi raa no kite i naa tuu tallaki naa tootoka; a ia ni ttau maa naa karapusi raa ku oti te ffuro, teenaa ki uhuki a ia tana komu raa no mee iloo ma ki urumaki soko ia. 28 Araa nei Paul ku kappisi atu ana varo, \"Au see taa soko koe! Maatou hakkaatoa i te kina nei!\"\n29 Te wasi raa ni kannaa ki kauake se lamu, teenaa tere atu iloo ia ki loto te hare raa no tuu ki ana turi imua Paul laaua ma Silas; te wasi naa ni porepore iloo i tana mataku. 30 Teenaa toa iloo ia te takarua naa ki haho, no vasiri ake, \"Naa hakamau nei. Se aa taaku ki mee ki hakasaoria nau?\"\n31 Takarua raa ki mee ake, \"Ki mee koe e hakannoo no tautari ki TeAriki Jesus, koe ma ki hakasaoria ma too haanauna naa hakkaatoa.\" 32 Teenaa hakaea atu iloo te takarua naa naa taratara i TeAriki raa kiaa ia ma naa tama hakkaatoa i tana hare. 33 I te poo naa koi raa, Paul laaua ma Silas ni toa te wasi raa no huihuia naa kina laaua e mmere; te tama naa ma tana haanauna raa ni toa laatou te hakaukau tapu raa i te saaita naa lokoi. 34 Ki oti raa toa iloo ia Paul laaua ma Silas ki tana hare raa no hanaia. Te wasi raa ma tana haanauna naa ni fiaffia iloo i laatou nei ku lotu i TeAtua.\n35 I te tahaata telaa aso raa, naa hakamau naa Rome raa ni heuna naa polis laatou raa ki oo no hanaa te takarua naa.\n36 Teenaa ki mee ake te wasi raa ki Paul, \"Naa hakamau raa e kkave mai laatou taratara ma ki hanaa koorua ma Silas i te hare karapusi. Koorua nei ku lavaa te oo, aa koorua oo hakaraaoi.\"\n37 Teenaa ki mee ake Paul ki naa polis, \"Maaua ni see hai sara ni ppena, tevana iaa maaua ni sarua vare koi imua naa karamata te henua; maaua iaa ni tama hoki i Rome! Maaua ni ponotia naa tama naa ki loto te hare karapusi, aa teenei maaua ku haia laatou ki hanaa seemuu. See lavaa! Naa hakamau naa ki oomai naa tino laatou no hanaa maaua.\"\n38 Naa polis raa ni oo no kauake iloo naa taratara Paul raa ki naa hakamau Rome, aa i te saaita naa hakamau raa ni llono maa te takarua raa ni tama haka Rome raa, naa tama naa ni mattaku. 39 Teenaa oo atu iloo laatou no taratara hakaaroha atu ki te takarua naa; araa hanaa iloo laatou te takarua naa i te hare karapusi no taratara ake ki hakattaha laaua i te matakaaina naa. 40 Araa oo iloo te takarua naa ki te hare Lidia. I te hare Lidia raa, laaua ni nnoho no taratara ma naa tama te lotu raa ki hakatipuina naa manava laatou. Ki oti raa massike iloo te takarua naa ka oo.","id":"","dump":"CC-MAIN-2022-05","url":"https:\/\/png.bible\/nho\/ACT16.htm","date":"2022-01-23T09:34:23Z","file_path":"s3:\/\/commoncrawl\/crawl-data\/CC-MAIN-2022-05\/segments\/1642320304217.55\/warc\/CC-MAIN-20220123081226-20220123111226-00016.warc.gz","language":"nho","language_score":1.0000081062,"language_script":"Latn","minhash_cluster_size":2,"top_langs":"{\"nho_Latn_score\": 1.0000081062316895}","num_words":1602,"character_repetition_ratio":0.073,"word_repetition_ratio":0.0,"special_characters_ratio":0.239,"stopwords_ratio":0.548,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nNaa tiputipu te soldia maaoni Jesus Christ\n1 Taku tama. Koe ki taka haimahi, i te aa, i TeAtua ma ki aroha i taaua, i taaua e nnoho hakapaa ma Jesus Christ. 2 Too naa akonaki ni lono koe i aku hakaea imua te lopo tama raa no kauake ki oo tama e illoa maa e lotu maaoni, teenaa ki oo naa tama naa no akonaki aaraa tama hoki.\n3 Hakalavatoa te hakallono isu hakapaa ma maatou, ki mee koe ma se soldia maaoni Jesus Christ. 4 Te soldia e taa i te ttau raa e hiihai maa tana hakamau raa ki hiahia iaa ia, teenaa ttama naa see uru ki naa vana te henua e mee. 5 Ttama e tere no toa a ia te haiva raa see lavaa te toa a ia naa hekau ki mee maa ttama naa see hakannoo ki naa taratara i naa ffuro te haiva. 6 Te tama ni mate hakaoti i ana heheuna i tana verena raa, teenaa ko ttama ma ki too te tuuhana mua i naa kaikai ma ki vasi. 7 Hakataakoto hakaraaoi iloo i aku taratara e kauatu nei, i TeAriki ma ki tokonaki atu ki iloa hakaraaoi koe i naa mee nei.\n8 Koe ki see ssiri maa Jesus Christ se tama i te manava David, aa maa Ttama naa ni hakamasikeria TeAtua i te mate. Teenei te Lono Taukareka e hakaea ai nau. 9 Nau nei ku hakallono isu ka saisaitia ki naa seni pee ko na tama e kailallao, i te aa, i aa nau e hakaea te Lono Taukareka. Tevana iaa naa taratara TeAtua raa see lavaa te saisaitia ki naa seni. 10 Nau e noho hakalavatoa ma te kau haaeo nei ki lavaa te hakasao Jesus Christ naa tama ni hakamaatinoria TeAtua, ki nnoho hakaoti naa tama naa ma TeAtua. 11 Teenei ni taratara maaoni:\n\"Ki mee maa taatou ni mmate ma Jesus,\ntaatou ma ki ora maa Ia.\n12 Ki mee maa taatou e lavatoa te nnoho peenaa ma naa haaeo,✡ Mt 10.33; Lk 12.9\ntaatou hoki ma ki nnoho no tuku maa Ia.\nAa ki mee maa taatou e taratara maa taatou see illoa iaa Ia,\nteenaa a Ia hoki ma ki taratara maa Ia see iloa i taatou.\n13 Ki mee maa taatou e ffuro no tiiake Ia,\nA Ia ma ki see hano no tiiake taatou,\ni te aa, i aa Ia see lavaa te hakareeresi kiaa Ia soko ia.\"\nTtama TeAtua e hiihai i ana heheuna\n14 Hakahekahe atu te taratara nei ki naa tama kootou. Hakaapo atu ki laatou imua naa karamata TeAtua ki kaaoti laatou te hakatauttau i naa taratara laatou e illoa. See hai vana e taukareka ma ki sura i naa nnoho naa tama naa ka hakatauttau peenaa. Teenaa naa tama e ttuu ka llono raa ma ki ffuri no mee ki naa vana iloo e hakallika. 15 Heheuna hakappuru ki hiahia TeAtua iaa koe, e mee ma se tama see napa i ana heuna, aa e akonaki tonu naa taratara i te hakamaaoni TeAtua. 16 Hakataha i naa tama e nnoho ka hai taratara ki naa taratara vvare ma naa taratara hakallika. Naa tama e hakauru atu no hai ki naa taratara peenaa raa, te tiputipu TeAtua raa e hano koi no seai i laatou. 17 Naa akonaki naa tama naa e mee pee ko te para i te haitino te tama e hanake no lasi. Te takarua ni akonaki te henua i naa taratara peenaa raa, teenaa ko Himenius laaua ma Filetus. 18 Takarua naa ku see ttaka ki te ara te hakamaaoni TeAtua no mee aaraa tama te lotu ki see taaohi manava i TeAriki. Laaua e hai maa naa tama e mmate raa kunaa hakamassikeria are TeAtua no ora. 19 Niaaina maa naa tama naa e hai ki naa taratara laatou naa raa, te hakamaaoni TeAtua raa e tuu makattau peenaa pee ko te pou hakamaatua te hare; aa i aruna te pou raa, naa taratara nei e mmau:\n\"Te Ariki e iloa maa ko ai ana tama\"\naa e sissii hoki maa,\n\"Naa tama hakkaatoa e hai maa laatou ni tama TeAriki raa\nki tiiake naa sosorina e hakallika laatou.\"✡ Num 16.5\n20 I loto te hare e lasi raa, e takkoto naa peleti aa ma te kau peesini katoo: aaraa mee e ppena ki naa kol ma naa siliva, aa aaraa mee e ppena ki naa laakau ma te pela; aaraa mee e tuku ma naa kaikai e llasi aa aaraa mee iaa e tuku ki kaikkai koi i hare. 21 Ki mee maa se tama e penapena tana ora ki see kerekere i naa vana hakallika naa raa, ttama naa ma ki tukua ki heheuna i naa vana e llasi, i te aa, i tana ora e maarama aa a ia e noho tanatana ki hakasura te tiputipu e taukareka.\n22 Koe see kaimanako ma ki haia a koe naa vana hakallika naa tama taane raa e fiffai. Tautari ki te tiputipu e tonu, aa koe ki lotu peenaa i TeAtua, manava laaoi i aaraa tama, aa koe ku noho hakaraaoi ma naa tama hakkaatoa, aa kootou, hakapaa katoo ma naa tama e mataffua naa ora laatou raa, ku kannaa ki TeAtua ki tokonaki ki laatou. 23 Koe see hakauru atu ki naa tama e nnoho ka hakatauttau ki naa taratara vvare laatou, i naa tama naa ma ki oti koi ku heatu. 24 Te tama e heheuna maa TeAriki raa see iloa te hakatautau maa telaa tama. A ia ki manava laaoi ki naa tama hakkaatoa, i teenaa ko naa tiputipu te tisa e iloa te akonaki ttama aa see iloa te loto. 25 A ia ki taratara hakaraaoi ki hakatonu te hakallika e takoto iloto laaua ma telaa tama, teenaa ki huria te manava ttama naa TeAtua no tiiake ana haisara aa ku au no iloa te hakamaaoni TeAtua. 26 Teenaa naa tama naa ma ki atammai no see lavaa te hakavaarea Satan ki tautari ki tana hiihai.","id":"","dump":"CC-MAIN-2022-05","url":"https:\/\/png.bible\/nho\/2TI02.htm","date":"2022-01-23T08:41:34Z","file_path":"s3:\/\/commoncrawl\/crawl-data\/CC-MAIN-2022-05\/segments\/1642320304217.55\/warc\/CC-MAIN-20220123081226-20220123111226-00354.warc.gz","language":"nho","language_score":1.0000091791,"language_script":"Latn","minhash_cluster_size":2,"top_langs":"{\"nho_Latn_score\": 1.0000091791152954}","num_words":972,"character_repetition_ratio":0.073,"word_repetition_ratio":0.0,"special_characters_ratio":0.238,"stopwords_ratio":0.583,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Jems\nTe launiu Jems e taataa\nNa hakataakoto hakamattua i roto te launiu nei:\nNa tattara kaamata 1.1\nNa tiputipu te hakattina 1.2—1.8\nNa tama mouraro ia ma na tama hai sileni 1.9—1.11\nTeAtua se tatakore te tama ki haisara 1.12—1.18\nHakallono na tattara TeAtua 1.19—1.27\nSe hakammaha na tama hai sileni 2.1—2.13\nHakattina, tena ku ppena 2.14—2.26\nNa tattara te tama te lotu 3.1—3.18\nTe tama te lotu i roto te maarama nei 4.1—5.6\nNa tattara hakaoti 5.7—5.20\n1\n1 Anau Jems, anau he tama hehekau TeAtua ia ma TeAriki Jisas Krais:\nAnau e kou atu te tauareka anau raa i kootou na tama hakaatoa TeAtua tera e nnoho i na kina hakaatoa i roto te maarama nei raa.\nTe hakatina ia ma te atamai\n2 Aku taina, kootou ki mannatu pera ma kootou e me ki tuttuu laoi te saaita kootou e ttiri na hahaaite, 3 maitaname kootou e illoa pera ma na hakattina kootou raa e ivi koi te saaita na hahaaite, tena i te hakaotioti kootou e lavaa te ttuu mmau. 4 Tena kootou ki hakamattonu no ttuu mmau ki ttae roo te hakaoti, ia ki ttonu tahi ki se lavaa kootou te lliha, tena na mee hakaatoa ki kaatoa i roto kootou. 5 Emeia kame he tama kootou se isi te atamai aia, tena akoe ku lotu ake TeAtua, tena Aia e me ki kou atu, maitaname TeAtua e me ki hoki ake hakaraoi roo i na tama hakaatoa. 6 Emeia te saaita akoe e lotu, akoe ki hakatina, ia ki se mamaanatu tammaki hoki. Te tama e mamaanatu tammaki raa e ssau pera ma he peau i roto te moana tera e aania ria no haere tautari te matani. 7 8 Kame akoe he tama peenei: he tama se iroa te hakatonu te hakataakoto akoe, ia he tama se iroa hea akoe e me ki ppena, tena akoe ki se too te maanatu pera ma TeAriki e me ki kou atu he tauareka ma akoe.\nNa tama mouraro ia ma na tama hai sileni\n9 Na tama te lotu e tuttuu haeo raa e tau te hihhia te saaita TeAtua e ssau laatou i aruna, 10 tena na tama te lotu e tuttuu laoi raa e tau te hihhia te saaita TeAtua e tuku laatou no mouraro. Maitaname na tama e tuttuu laoi raa e me ki mmate pera ma na kaute ia ma na veve vaa roto raa. 11 Te laa raa e hopo ake ma te vvela hai mahi aia raa no ttuni na veve raa, tena na kaute na veve raa ku maoha, tena te hakamanako na kaute raa ku seai koi. Ia e ssau hoki, na tama e tuttuu laoi raa e me ki mmate te saaita laatou e tauhano te ppena hea laatou e ppena i na aho hakaatoa raa.\nNa hahaaite ia ma na tatakore\n12 Na tama e ttuu mmau i na hahaaite raa e me ki hakatapu ria, maitaname te saaita laatou e hakassao i taha ma na hahaaite raa, na tama naa e me ki too te ora TeAtua ni tattara hakamaoni ake i na tama e laoi Aia raa pera ma ni tuhana laatou. 13 Kame taatou e tatakorehia i na hahaaite, taatou se lavaa te tattara ma, \"TeAtua e kou mai te hahaaite nei.\" Maitaname na mee haeo raa se lavaa te tatakore TeAtua, tena TeAtua Hokoia se lavaa te tatakore te tama. 14 Emeia taatou e me ki tatakore ria kame taatou e oo no mmao, tena ku kapitia i na tiputipu haeo tera taatou e hihhai raa. 15 Tena na tiputipu haeo taatou raa e me ki kou mai na hai sara, tena na hai sara raa e me ki kou mai te mate te saaita na hai sara e hakamaatua te ora akoe.\n16 Aku taina ma aku soa laoi roo, anau e hihai ma kootou ki illoa hakamaoni te mee nei! 17 Na hoki taualleka hakaatoa ia ma na mee taualleka raa e oo mai i te vaelani; TeAtua e kou mai taatou na mee raa; Aia ko te Tama ni pena te maahina i te vaelani raa, tena Aia ko te Tama se lavaa te hakatike te maahina raa ki pouri. 18 I te hihai Aia, TeAtua ni mee taatou no ttipu peenei ma na tattara hakamaoni Aia raa, ma ki ttuu taatou i mua na mee hakaatoa Aia ni pena raa.\nHakallono, tena ku ppena\n19 Aku taina ma aku soa laoi roo, mannatu te mee nei! Na tama hakaatoa ki vave no hakallono, e meia ki se vave no tattara, ia ki se lloto vave hoki. 20 Maitaname te lloto taatou na tama raa se tokonaki ki ssau te tauareka TeAtua raa. 21 Ia tena peesia na tiputipu haeo hakaatoa ia ma na hakataakoto sakkino raa i taha. Tauttari TeAtua, tena ku too na tattara Aia ni ttori i roto na hatu manava kootou raa, na tattara tera e lavaa te tokonaki kootou ki ora raa.\n22 Auu se hakalollono koi na tattara Aia raa; e meia tauhano te tautari na mee akoe ni hakarono raa. 23 Kame akoe e hakarono koi na tattara raa, tena ki se tautari na tattara raa, tena akoe e ssau pera ma na tama e matamata koi te tipu latou raa i roto te kalasi raa. 24 Na tama naa e lavaa te mmata no kkite na ttipu laatou raa i roto te kalasi, e meia te saaita laatou e oo raa, na tama naa te saaita naa koi ku ssiri ma laatou e ttipu peehee. 25 Emeia kame kootou e mmata hakaraoi roo te tuaa hakamaoni tera e mee na tama ki ttonu raa, tena ku tuku na hakataakoto kootou raa i te tuaa raa, ia ki se mee ma kootou ki hakallono koi, tena ki oti ku ssiri, e meia tauttari no ppena na mee taualleka raa. TeAtua e me ki hakatapu kootou e mee na mee kootou ni ppena raa.\n26 Kootou e isi na tama e mannatu pera ma laatou ni tama te lotu? Kame akoe se hakamattonu i te vahi te maihu akoe raa, tena te mee akoe ma akoe he tama i te lotu raa ku seai koi, tena akoe e mariu koi i akoe hokkoe. 27 Hea TeAtua Tamana e maanatu ma e matahua, ia e tauareka i te vahi te lotu raa ko te mee nei: ki lollohi na tamalliki se isi na maatua raa ia ma na tautukaha hhine i na hakalono llihu laatou raa, tena ku rorohi akoe ki se haere no mmao e mee na mee sakkino i te maarama nei raa.","id":"","dump":"CC-MAIN-2022-27","url":"https:\/\/png.bible\/nuq\/JAS01.htm","date":"2022-06-29T03:23:48Z","file_path":"s3:\/\/commoncrawl\/crawl-data\/CC-MAIN-2022-27\/segments\/1656103620968.33\/warc\/CC-MAIN-20220629024217-20220629054217-00091.warc.gz","language":"nho","language_score":0.9998576641,"language_script":"Latn","minhash_cluster_size":2,"top_langs":"{\"nho_Latn_score\": 0.9998576641082764}","num_words":1065,"character_repetition_ratio":0.065,"word_repetition_ratio":0.002,"special_characters_ratio":0.249,"stopwords_ratio":0.439,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2 Tesalonaika\nTe launiu hakarua Pol e taataa i na tama i Tesalonaika\nNa hakataakoto hakamattua i roto te launiu nei:\nNa tattara kaamata 1.1—1.2\nTe hakatonutonu TeAtua 1.3—1.12\nKrais e me ki vaakai mai i muri 2.1—2.17\nNa tiputipu e ttonu na tama te lotu 3.1—3.15\nNa tattara hakaoti 3.16—3.18\n1\n1 Anau Pol, Sailas ia ma Timoti, maatou e tattaa atu te launiu nei,\ni na tama te lotu i roto Tesalonaika tera e hukkui ma TeAtua taatou Tamana raa ia ma TeAriki Jisas Krais.\n2 TeAtua taatou Tamana raa ma TeAriki Jisas Krais ki kou atu te tauareka ia ma te noho laoi i kootou.\nTeAtua e me ki hakatonutonu na tama hakaatoa\n3 Aku taina, maatou e me ki hakammaha tahi ake TeAtua ma kootou. Te mee nei e tonu maatou ki ppena peenei, maitaname na hakattina kootou raa ku hai mmahi roo, ia hoki na laoi kootou e huri ake alaa tama raa ku llahi hoki. 4 Tera hea maatou e tattara ahuahu i te vahi kootou i roto na hare lotu TeAtua raa. Maatou e ahuahu i te vahi kootou e hakattina raa ia ma kootou hoki e lavaa te nnoho hakavaratoa na saaita kootou e ttiri na haeo ia ma na hakalono llihu i roto na ora kootou raa.\n5 Na mee nei hakaatoa e huri mai te hakamaoni pera ma te hakatonutonu TeAtua raa e tonu, ia tena i te hakaotioti, kootou e me ki tonu te ttae i te Hakamaatua ana Aia raa, e mee na hakalono llihu kootou ni too raa. 6 TeAtua e me ki pena hea e tonu: Aia e me ki kou ake na hakalono llihu na tama tera e kou atu na hakalono llihu kootou raa, 7 tena Aia e me ki kou atu te tauareka i na tama kootou tera e hakalono llihu raa ia ma maatou hoki. TeAtua e me ki pena te mee nei te saaita TeAriki Jisas e hakahura mai i taha ma te vaelani ma na ensel hai mmahi Aia raa 8 ia ma te ahi e ura raa ki kou ake na hakalono llihu na tama se hihhai TeAtua raa ia ma na tama tera se hihhai ki hakallono na tattara te Rono Tauareka i te vahi TeAriki Jisas raa. 9 Na tama naa e me ki too te hakalono llihu se isi te hakaoti, ia na tama naa e me ki vaaea i taha ma te kina TeAriki e noho raa, ia i taha ma na mahi hai mmahi Tama raa 10 te saaita Aia e hamai te Aho naa ki too na mahi na tama Aia raa hakaatoa, tena ku too hoki te hakammaha na tama hakaatoa tera e hakattina raa. Kootou hoki e me ki hhai i roto na tama naa, maitaname kootou e hakattina na tattara maatou ni tattara atu i kootou raa.\n11 Tera hea maatou e lotu tahi ma kootou. Maatou e kainno ake TeAtua ki penapena na ora kootou raa ki taualleka pera ma na ora Aia e hihai ma kootou ki isi raa. TeAtua ki kou atu kootou na mahi Aia raa ki tau ma hea kootou e hihhai ki ppena na mee taualleka raa ki hakaoti na hehekau kootou raa ma na hakattina. 12 Te ara nei kootou e me ki hakammaha te inoa Jisas TeAriki taatou raa, tena Aia e me ki hakammaha kootou i te tauareka TeAtua ia ma Jisas Krais TeAriki taatou raa.","id":"","dump":"CC-MAIN-2022-27","url":"https:\/\/png.bible\/nuq\/2TH01.htm","date":"2022-06-29T03:30:08Z","file_path":"s3:\/\/commoncrawl\/crawl-data\/CC-MAIN-2022-27\/segments\/1656103620968.33\/warc\/CC-MAIN-20220629024217-20220629054217-00389.warc.gz","language":"nho","language_score":0.9998525381,"language_script":"Latn","minhash_cluster_size":2,"top_langs":"{\"nho_Latn_score\": 0.9998525381088257}","num_words":556,"character_repetition_ratio":0.079,"word_repetition_ratio":0.0,"special_characters_ratio":0.241,"stopwords_ratio":0.466,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Rom\nTe launiu Pol e taataa i na tama i Rom\nNa hakataakoto hakamattua i roto te launiu nei:\nNa tattara kaamata 1.1—1.15\nTe hakataakoto hakamaatua 1.16—1.17\nNa tama hakaatoa e hai sara 1.18—3.20\nTiputipu e tonu tahi 3.21—8.39\nTeAtua e tonu tahi 9.1—11.36\nTe ora e tonu tahi 12.1—15.13\nNa tattara hakaoti 15.14—16.27\n1\n1 Anau Pol, anau e taataa atu te launiu nei. Anau he tama hehekau ma Jisas Krais, ia he aposol tera TeAtua ni hirihiri ki takutaku te Rono Tauareka Aia raa.\n2 TeAtua ni tattara ake te Rono Tauareka nei i mua roo i na profet Aia raa pera ma hea e mmau i roto te Launiu Tapu raa. 3 Te Rono Tauareka nei e tattara mai i te vahi te Tamariki Aia Jisas Krais tera ni hamai no tipu tama, ia e haanau mai pera ma he mokopuna Devit. 4 TeAnana Tapu raa e huri mai te hakamaoni pera ma Jisas Krais ko te Tamariki TeAtua, e mee TeAtua ni hakaora muri Tama raa no ora ma na mahi hai mahi Aia raa. 5 TeAtua e kanna anau i na mahi Krais ki uata ma Krais pera ma he aposol ki hakattaki na kanohenua hakaatoa ki hakattina no tauttari Aia. 6 Te tattara nei e haere hoki kootou na tama i Rom tera TeAtua ni kanna ki hukui ake no tauttari Jisas Krais raa.\n7 Ia tena anau e taataa atu kootou na tama hakaatoa i Rom tera TeAtua e laoi no kanna ki mee mo tama Aia raa:\nTeAtua taatou Tamana ia ma Jisas Krais TeAriki taatou raa ki kou atu te tauareka ia ma te noho laoi kootou.\nPol ku hihai ki kite na tama i Rom\n8 Te mee kaamata, anau e hihai ki hakammaha ake TeAtua i na mahi Jisas Krais ma kootou hakaatoa, e mee te maarama nei hakaatoa ku lollono i te vahi na hakattina kootou raa. 9 TeAtua tera anau e hehekau ma te hatu manava anau ki takutaku te Rono Tauareka te Tamariki Aia raa e iroa pera ma na mee anau e tattara nei e hakamaoni. Aia e iroa hoki pera ma anau e maanatu kootou 10 na vahao hakaatoa anau e lotu raa. Anau e kainno ake TeAtua i te tauareka Aia ki tokonaki; ki lavaa anau te haere atu no mmata kootou te saaita nei. 11 Maitaname anau e hihai roo ki haere atu no mmata kootou ma ki lavaa anau te vaevae atu na hoki taualleka TeAnana Tapu TeAtua raa ki tokonaki kootou ki ivi. 12 Te maanatu anau raa e mee pera ma te saaita naa taatou e me ki tokonaki taatou hokotaatou: anau e me ki tokonaki kootou ma te hakatina anau raa, tena kootou ku tokonaki anau ma na hakattina kootou raa.\n13 Aku taina ma aku kave, anau e hihai ma kootou ki illoa pera ma tammaki roo na vahao anau e maanatu ma ki haere atu no mmata kootou, e meia e isi te mee e ttuu tahi vaa mua ki se lavaa anau te haere atu. Anau e hihai ki mee ni tama na tama e nnoho ma kootou raa ki hakattina pera ma anau ni mee na tama seai ma ni Jiu raa no hakattina raa. 14 Maitaname anau e isi te uata ki tokonaki na tama hakaatoa, na tama ku atamai ia ma na tama se ki atamai raa, tena na tama e mattonu ia ma na tama koi vvare raa. 15 Ia tena anau e hihai ma ki takutaku atu hoki te Rono Tauareka raa i kootou na tama e nnoho i Rom raa.\nNa mahi te Rono Tauareka\n16 Anau se napa te tattara atu i te vahi te Rono Tauareka raa e mee teenaa ko na mahi TeAtua ni tokonaki na tama hakaatoa tera ku hakattina raa no ora, kaamata mai na Jiu, tena ku haere hoki ma na tama seai ma ni Jiu raa. 17 E mee te Rono Tauareka raa e huri mai ma TeAtua ni mee peehee taatou no ttonu i na karemata Aia raa: te mee nei e kaamata mai ma te hakatina, tena ku hakaoti hoki ma te hakatina. Pera ma te Launiu Tapu raa e tattara ma, \"Te tama e ttonu tahi i na karemata TeAtua raa e me ki ora e mee te hakatina aia raa.\"\nNa hai sara na tama te maarama nei\n18 Te roto TeAtua i na tama hai ssara e ppena na mee haeo raa e hamai i te vaelani, e mee na tiputipu sakkino na tama raa e ppui na tama ki se illoa te hakamaoni raa. 19 TeAtua e me ki kou ake na hakalono llihu na tama raa, e mee na tiputipu i te vahi TeAtua tera na tama e tau te illoa raa e matahua roo, maitaname TeAtua Hokoia ni huri ake na mee raa no matahua. 20 Kaamata roo te saaita TeAtua ni pena te maarama nei raa, na tama ku kkite hakaraoi roo na tiputipu Aia tera taatou se kkite raa, teenaa ko na mahi hai mmahi ia ma te noho tahi Aia se isi te hakaoti raa, tena na mee nei e huri mai i roto na mee hakaatoa Aia ni pena iho raa. Ia tena taatou se hai ara hoki te tattara malliu! 21 Na tama raa e illoa TeAtua, e meia laatou se lavaa te kou ake te hakammaha tera laatou e tau te kou ake Tama raa, tena laatou hoki se lavaa te ssau te inoa Tama raa i aruna e mee na hakataakoto laatou raa e vvare, tena na hakataakoto laatou raa hoki e mmoe i te kina pouri raa. 22 Na tama raa e tattara ma laatou e atamai, e meia laatou e vvare koi, 23 e mee na tama raa e tau te lotulotu ake TeAtua e ora raa, e meia na tama raa e lotulotu ake koi na hatu tipua laatou e penapena pera ma na manu lellee, na manu hahaere ia ma na manu kai ttama raa.\n24 Tena TeAtua ki tiaki na tama raa ki ppena na mee sakkino laatou e hihhai raa, kito na tama raa ki ppena na mee e hakannapa roo i laatou hokolaatou. 25 Na tama raa e tiaki te hakamaoni TeAtua raa, tena ki hakattina i na mee malliu raa. Na tama raa e hakamarumaru no hehekau ma na mee TeAtua ni pena iho i te maarama nei raa, tena ki tiaki te Tama tera ni pena na mee raa, te Tama tera taatou e tau te hakammaha na vahao hakaatoa raa! Amen.\n26 E mee na tama raa e ppena na mee nei, tena TeAtua ku tiaki laatou ki nnoho ma na tiputipu hakannapa laatou raa. Na hhine raa e tiaki te avanavvana ma na taanata raa, tena ki ppena na mee se ttonu ma alaa hhine* 1.26 na hhine nei e meemee ma alaa hhine hoki. 27 Ia na taanata raa peeraa hoki, na tama raa e tiaki te avanavvana ma na hhine raa, tena ki ppena na mee se ttonu ma alaa taanata. Na taanata raa e ppena na mee se ttonu ma alaa taanata, tena i te hakaotioti na tama naa e me ki too na hakalono llihu e tau ma laatou raa i na sara laatou ni ppena raa.\n28 E mee laatou se hihhai ki ttaohi mmau te hakamaoni TeAtua raa i roto na kapuroro laatou, tena TeAtua ku mee na kapuroro na tama raa ki vvare ma ki ppena na tama raa na mee laatou se tau te ppena raa. 29 Na pohouru na tama raa e ppii roo na mee sakkino, ia e mannako na mee alaa tama, tena ki nnoho ma na tiputipu sakkino. Na tama raa e manava kkere, ia ni tama taa tama, ni tama hi ppuhu, ni tama tattara malliu, ia ni tama e usuusu alaa tama. Na tama raa e tamoa haeo 30 no tattara haeo alaa tama; na tama raa e manava haeo TeAtua, tena se isi na hakammaha laatou i alaa tama, tena e hakatannata, ia e hai ahu; na tama raa e mamannatu tammaki na ara ki ppena na mee sakkino, tena ku se hihhai ki hakallono na maatua laatou raa. 31 Na tama raa se isi na hakataakoto laatou, ia na tama raa se taohi mmau na tattara laatou e hakammoe no ttonu ma alaa tama raa, ia na tama raa se isi na laoi ia ma na alloha laatou i alaa tama. 32 Na tama raa e illoa ma na tuaa TeAtua raa e huri ake pera ma na tama e isi na tiputipu peenei raa e tau te mmate. Ia se mee ma na tama raa e ppena koi na mee sakkino, e meia na tama raa e tokonaki hoki alaa tama ki ppena na mee sakkino raa.\n*1:26 1.26 na hhine nei e meemee ma alaa hhine hoki","id":"","dump":"CC-MAIN-2022-27","url":"https:\/\/png.bible\/nuq\/ROM01.htm","date":"2022-06-29T03:24:27Z","file_path":"s3:\/\/commoncrawl\/crawl-data\/CC-MAIN-2022-27\/segments\/1656103620968.33\/warc\/CC-MAIN-20220629024217-20220629054217-00495.warc.gz","language":"nho","language_score":0.9999697208,"language_script":"Latn","minhash_cluster_size":2,"top_langs":"{\"nho_Latn_score\": 0.9999697208404541}","num_words":1436,"character_repetition_ratio":0.08,"word_repetition_ratio":0.001,"special_characters_ratio":0.246,"stopwords_ratio":0.476,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\n1 Nau e hiihai maa kootou ki illoa i aa nau ni heheuna haimahi iloo ki lavaa nau te tokonaki ki kootou ma naa tama i Laodosia ma naa tama hoki seki kkite no illoa iaa nau. 2 Nau e mee naa heuna nei ki lotu hakaraaoi laatou, aa laatou ki hakapaaina iloto te manava laaoi. Aa teenaa laatou ma ki illoa hakaraaoi iloo, i laatou ku atammai maaoni. I te ara nei raa laatou ma ki illoa i te mee TeAtua e huu, teenaa ko Christ tana tino. 3 Teenaa ko Ia soko ia naa e lavaa te huri ake te hakataakoto ma te atamai teelaa e hakalluutia TeAtua.\n4 Nau e hakaari atu naa taratara nei hakaoti ki illoa kootou. Kootou mmata ki see oo atu ni tama no hakarereesia kootou, niaaina maa laatou e hai maa teelaa ni taratara maaoni. 5 Niaaina maa nau see noho ma kootou i te saaita nei raa, taku maanatu e takoto i kootou i te kau saaita. Nau e hiahia i aa nau e iloa maa kootou e tutu raaoi i naa ora kootou aa ma i naa lotu kootou i Christ.\nTe ora maaoni e takoto i Christ\n6 I kootou e illoa maa Jesus Christ ko TeAriki raa, teenaa kootou ki ttaka ma te ora teelaa e taka ma Ia. 7 Kootou ki hakataakoto tonu iaa Ia, aa kootou ku penappena naa ora kootou naa no hakatahito kiaa Ia. Kootou mee ki lotu maaoni kootou iaa Ia, e mee pee ko naa akonaki ni kauatu ki kootou, aa kootou ku hakanau ka fiaffia i TeAtua\n8 Kootou mmata ki see oo atu ni tama no usuhia kootou ki hakannoo kootou ki naa taratara kailallao laatou, naa tama e hai maa laatou ni tama e atammai. Te atamai naa ni hano iho iloo i naa tippuna taatou ma naa aitu te maarama nei. Teenaa seai se atamai laatou ni too i Christ. 9 Christ se tama ma ko taatou koi, tevana iaa naa tiputipu e ttapu katoo TeAtua e takkoto iaa Ia. 10 Te ora Christ ku oti te kauatu ki takoto i naa ora kootou. A Ia e takoto i aruna naa aitu hakamaatua ma naa aitu hakamau te maarama nei.\n11 Kootou ni too te hakailona Christ i te saaita kootou ni lotu iaa Ia, tevana iaa teenaa seai ko te hakailona teelaa e ssere naa tama te maarama nei naa kina laatou. Seai. Teenaa se hakailona e hakailoa atu maa te tiputipu see tonu ni taka ma kootou raa ku oti te uiia Christ. 12 Saaita kootou ni too te hakaukau tapu raa, kootou ni tanumia hakapaa ma Christ, aa iloto te hakaukau tapu naa raa kootou ni hakamassikeria hakapaa hoki ma Christ, i kootou e hakattina i te haimahi TeAtua, te tama ni hakamasikeria a Ia Christ.✡ Rom 6.4\n13 Imua raa, kootou e mee ma ko naa tama kunaa mmate are, i kootou ni tama haisara aa i kootou ni tama naa henua sara see illoa i naa Loo Moses. Aa teenei kootou ku hakaoratia maa Christ. TeAtua ni aroha i taatou hakkaatoa no uiia i naa haisara taatou ni ppena.✡ Eph 2.1-5 14 Naa vana hakallika taatou ni mee imua raa ni uiia a Ia hakaoti, e mee ma ko naa loo e huri ake maa taatou ni tama haisara raa ni uiia a Ia hakaoti no tuukia ki te kros.✡ Eph 2.15 15 I aruna te kros naa raa, naa mahi naa aitu hakamaatua ma naa aitu hakamau raa ni uiia a Ia. Naa tama naa ni hakannaparia a Ia imua naa karamata te henua i tana saaita ni mate i te kros.\n16 Teenaa kootou ki roorosi hakaraaoi iloo ki see oo atu ni tama peelaa no hakatonutonu atu ma ni kaikai peehea kootou ki kkai aa ma ni vai peehea kootou ki unu. Kootou ki roorosi hoki ki see hakatonutonu atu laatou ma ni aso e ttapu, ma i te Kaikai te Marama e Ara Hoou, aa ma te Sabat.✡ Rom 14.1-6 17 Naa mee e tarataraina laatou naa, teenaa ni maru koi naa vana maaoni ma ki oti ku hakattino mai imuri; te tahito raa ko Jesus Christ. 18 Kootou mmata ki see haia kootou naa tama naa maa kootou ni tama see hai vana e taunai. Teenaa ni tama e hikkahi maa laatou ni tama hakamaatua i laatou ni hakakkiitea TeAtua ki te lopo vana aitu, aa e hai maa laatou ni tama e ttaka seemuu aa maa kootou ki lotu ki naa ensol. Naa tama naa e ahu iloo i naa mannatu vvare laatou naa. 19 Naa tama naa ku oti te tiiake laatou Christ, te tama hakamaatua te lotu. Christ e anaana hakaraaoi iloo ki naa tama te lotu ka tauhia a Ia ki nnoho hakapaa laatou, ki hakatipu ake te lotu raa i te hiihai TeAtua.✡ Eph 4.16\nTe tama e mate aa e ora maa Christ\n20 Kootou ku oti te mmate maa Christ, aa kootou ku see takkoto hoki i laro naa mahi naa aitu te maarama nei ma naa aitu te lani. Ai kootou iaa e sosorina koi pee ko kootou ni tama te maarama nei? Ai kootou iaa e tautari ai ki naa loo e mee maa, 21 \"Kootou see kkai naa kaikai nei\", \"Kootou see mmiti te mee naa\", \"Kootou see kaapaa telaa mee\"? 22 Teenei ni iloo ma naa akonaki naa tama te maarama nei ni tuku. Naa loo nei e taratara i naa mee taatou e kkai koi aa ku oti. 23 Maaoni. Aaraa tama e mmata maa teenei ni vana e atammai. Naa tama naa ma ki mee te lopo vana ki ttoka kootou maa laatou ni tama e meemee seemuu, ka hakallono isu i naa heuna laatou. Tevana iaa laatou ma ki see kkite ma ni mee taukalleka ma ki ssura i naa vana hakalellesi laatou e mee naa.","id":"","dump":"CC-MAIN-2022-33","url":"https:\/\/png.bible\/nho\/COL02.htm","date":"2022-08-10T02:37:51Z","file_path":"s3:\/\/commoncrawl\/crawl-data\/CC-MAIN-2022-33\/segments\/1659882571097.39\/warc\/CC-MAIN-20220810010059-20220810040059-00427.warc.gz","language":"nho","language_score":1.0000094175,"language_script":"Latn","minhash_cluster_size":2,"top_langs":"{\"nho_Latn_score\": 1.0000094175338745}","num_words":954,"character_repetition_ratio":0.072,"word_repetition_ratio":0.0,"special_characters_ratio":0.236,"stopwords_ratio":0.603,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"5\nTanattana te hamai TeAriki\n1 Aku taina, anau se tau te taataa atu ki hakari atu kootou te saaita ia ma ni mee peehee e me ki kapihi mai. 2 Maitaname kootou hokkootou e illoa laoi roo pera ma te Aho TeAriki raa e me ki hamai pera ma te tama kairarao e hamai te poo. 3 Te saaita na tama e tattara ma, \"Na mee hakaatoa e moemmoe laoi koi, ia e taualleka,\" tena paa saaita naa koi te haeo naa ku ttiri laatou! Te haeo naa e me ki hakateki mai pera ma na isu te hine ku mee ki mamaoha raa, tena na tama hakaatoa se lavaa te ssao. 4 Aku taina, kootou ki se nnoho i roto te pouri raa, tena kootou ki se oho te saaita te Aho naa e tae atu pera ma he tama kairarao raa. 5 Kootou na tama hakaatoa e nnoho i roto te maahina raa, kootou ni tama te ao. Taatou seai ma ni tama te poo ia ma te pouri. 6 Ia tena taatou ki se tumoe mahi pera ma alaa tama raa; taatou ki ara tahi, ia ki se vvare tahi. 7 Te poo he saaita na tama e mmoe, ia te poo hoki he saaita na tama e unu no vvare. 8 Emeia taatou ni tama te ao, tena taatou ki se unu tahi no vvare. Taatou ki ttaohi mmau na hakattina ia ma na laoi taatou raa pera ma ni popore e ppui na hatahata taatou, tena taatou ki hakattina hakamaoni pera ma ko te uhi te ora e ora tahi raa. 9 TeAtua se hirihiri taatou ma taatou ki hakalono llihu te saaita Aia e roto raa, e meia Aia e hirihiri taatou ki too te ora e ora tahi i na mahi TeAriki Jisas Krais, 10 te Tama ni mate ma taatou ki lavaa taatou te nnoho hakapaa ma Aia, niaina taatou koi ora ia ma ku mmate te saaita Aia e me ki hamai raa. 11 Ia tena, hakapurupuru ake alaa tama, tena ku tokonaki alaa tama e ssau pera ma kootou e ppena te saaita nei raa.\nNa tattara poroporo ia ma na tattara taualleka hakaoti\n12 Aku taina, maatou e kainno atu kootou ki hakammaha na tama e hehekau i kootou raa, na tama tera e lollohi ia ma na tama e poroporo atu kootou i te vahi te ora na tama te lotu raa. 13 Hakammaha, tena ku laoi na tama naa ma na hakataakoto taualleka, e mee na hehekau na tama naa e ppena raa. Kootou ki nnoho taualleka hokkootou.\n14 Aku taina, maatou e meatu kootou ki tattara hakamataku ake na tama se hihhai ki hehekau raa, tena ku tattara hakapurupuru ake na tama e mattaku mahi raa, ia tokonaki na tama e matanaennae raa, tena ku mee hakaraoi na tama hakaatoa. 15 Kootou ki mmata hakaraoi ki se hai tama e kou ake te haeo i te tama ni kou ake te haeo aia raa, e meia i roto na hakataakoto kootou raa, kootou ki mannatu ki ppena na mee taualleka i na tama hakaatoa.\n16 Kootou ki hihhia tahi, 17 lotu na vahao hakaatoa, 18 tena ku hakammaha ake TeAtua i na mee hakaatoa. Teenei hea TeAtua e hihai kootou ki ppena i roto na ora kootou i te huhukkui kootou ma Jisas Krais raa.\n19 Auu se hahaivi ki ppui TeAnana Tapu, 20 ia auu se peesia na tattara taualleka TeAtua raa. 21 Haaite te hahaaite na mee hakaatoa, ia ttaohi hea e tauareka raa, 22 tena ku peesia hea e sakkino raa.\n23 Tiaki TeAtua te Tama e kou mai te noho laoi raa ki mee kootou ki ttapu i na mee hakaatoa hakapaa ma na tinotama kootou raa, tena ku hakattana na anana, na hatu manava ia ma na tinotama kootou raa i taha ma na mee sakkino te saaita Jisas Krais TeAriki taatou raa e hamai. 24 Te Tama tera e kanna kootou raa e me ki pena te mee naa, maitaname Aia e hakamaoni.\n25 Aku taina, lotu ake hoki ma maatou.\n26 Haere lulluu na tama te lotu raa hakaatoa ma te laoi TeAtua.\n27 Anau e tattara atu kootou i na mahi TeAriki ki ppau ake te launiu nei i na tama te lotu raa hakaatoa.\n28 Na mahi TeAriki taatou Jisas Krais ki nnoho ma kootou.","id":"","dump":"CC-MAIN-2022-33","url":"https:\/\/png.bible\/nuq\/1TH05.htm","date":"2022-08-10T03:12:37Z","file_path":"s3:\/\/commoncrawl\/crawl-data\/CC-MAIN-2022-33\/segments\/1659882571097.39\/warc\/CC-MAIN-20220810010059-20220810040059-00488.warc.gz","language":"nho","language_score":0.9999754429,"language_script":"Latn","minhash_cluster_size":1,"top_langs":"{\"nho_Latn_score\": 0.9999754428863525}","num_words":700,"character_repetition_ratio":0.074,"word_repetition_ratio":0.0,"special_characters_ratio":0.241,"stopwords_ratio":0.456,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4\nNaa akonaki Paul ki naa tama te lotu i Filipai\n1 Aku taaina ma aku kave nei, teenei se llee peehea taku manava i kootou! Nau e hiihai iloo maa nau ki hanatu no mmata i kootou, aa nau e hiahia iloo ka ahu peenaa i naa tiputtipu kootou! Aku taaina ma aku kave nei, kootou ki taaohi peenaa ki naa ora kootou i TeAriki.\n2 Nau e taratara atu ki koorua, Iodia ma Sintike. Koorua ki taratara hakapaa ma se haanau iloto te haanauna TeAriki. 3 Teenaa koe hoki, taku hakasoa ni heheuna hakapaa mai iloo ma nau; nau e hiihai maa koe ki tokonaki atu ki te takarua haahine naa, i laaua ni heheuna hakaraaoi iloo ma nau ka hakaea maatou te Lono Taukareka. Teenaa ko maatou ma Clement aa ko aaraa tama hoki teelaa e heheuna hakapaa ma nau. Naa inoa naa tama naa e takkoto iloto te laupepa TeAtua teelaa e mmau naa inoa naa tama e ora hakaoti.\n4 Kootou ki ttaka ka fiaffia peenaa i naa nnoho hakapaa kootou ma TeAriki. Teenei nau e hakaahe atu hoki: kootou ki fiaffia!\n5 Kootou ki meemee hakaraaoi naa tama hakkaatoa, ki kkite te henua i naa tiputtipu naa manava kootou. TeAriki ku taupiri ki ahemai. 6 Kootou see mamannatu tammaki i te lopo vana, tevana iaa i naa taku kootou raa, kootou ki kainnoo ma te manava laaoi ki TeAtua ki kauatu ni aa kootou e ssee. 7 Ki mee kootou e mee peenei, teenaa te laaoi TeAtua ma ki takoto iloto naa hatumanava kootou. Te laaoi naa e laka i aruna are naa mee naa tama te maarama nei e illoa, teenaa naa manava kootou ma naa hakataakoto kootou ma ki takkoto taukalleka i naa ttaka kootou hakapaa ma Jesus Christ.\n8 Aku taaina ma aku kave nei, teenei nau ku hakaoti atu aku taratara raa peenei. Kootou ki hakataakoto ki naa vana e taukalleka, naa vana teelaa ki ffuri te henua no hakanau i kootou. Teenaa ko naa vana maaoni, naa vana hakamaatua, naa vana e ttonu i naa karamata TeAtua, naa vana e mataffua, naa mee e hakaoti manava, aa ma naa mee teelaa te henua e hii hakannoo. 9 Ni aa kootou ni ako, ni too, ni llono, aa ni kkite iaa nau, kootou ki tautari mai hoki peenaa. Teenaa TeAtua, te tama e kaumai te laaoi ki taatou, ma ki noho ma kootou.\nPaul e taratara hiahia i naa tama i Filipai\n10 I taku noho e noho hakapaa ma TeAriki nei raa, nau e hiahia iloo i kootou ku lavaa te ffuri mai no anaana ma ki tokonaki mai hoki kootou kiaa nau. Nau see mee maa kootou kunaa see anaana mai iloo ma ki tokonaki mai kiaa nau, seai. Nau e iloa maa kootou koi ni see hai ara ki tokonaki mai kootou. 11 Aa nau hoki see taratara atu peenei ma i aa nau e tuutuu haaeo, seai. Niaaina maa nau e hai mee aa maa nau see hai mee, nau ku pana koi te noho ka lava ma ni aa e noho ma nau. 12 Nau ku oti te kite i te tiputipu te noho peelaa see hai mee, aa nau ku oti te kite hoki i te tiputipu te noho ma te lopo mee. Teenei nau ku oti te ilotia a nau te mee e mee maa e noho ka lava, niaaina maa taku noho raa e tiputipu peehea, niaaina maa nau e kai no posu aa maa nau e hiikai, niaaina maa nau see hai mee maaoni aa maa nau e taka ma te lopo mee raa, nau ma ki lavatoa koi te noho. 13 Nau e lavaa te mee naa mee hakkaatoa iloto naa mahi Christ e kaumai kiaa nau.\n14 Tevana iaa e taukareka iloo i kootou ni tokonaki mai i aku saaita e tuutuu haaeo. 15 Kootou naa tama i Filipai naa e illoa hakaraaoi iloo maa i taku saaita ni masike i Masedonia no horau ki aaraa henua raa, kootou naa ko naa tama koi te kanohenua TeAtua ni tokonaki mai kiaa nau; teenaa ko aku aso mua lokoi ni hakaea te Lono Taukareka raa i naa matakaaina kootou naa. Teenaa ko kootou naa koi, naa tama te kanohenua TeAtua teelaa ni tokonaki mai kiaa nau i te vasi naa mane.✡ 2 Cor 11.9 16 Aa i taku saaita hoki ni noho i Tesalonaika raa, kootou ni tokonaki mai peenaa i aku saaita ni noho see hai mee.✡ Acts 17.1 17 Nau see taratara atu peenei maa i aa nau e mee koi ma ki kaumai ni mee maaku kootou, seai. Nau e hiihai maa kootou ki suia hakaraaoi iloo TeAtua i naa manava laaoi kootou. 18 Aku mee ni kaumai kootou raa e llavattoe iloo! Nau nei ku kaatoa katoo i aku mee e ssee, i teenei Epafroditus ku oti te kaumai naa mee kootou ni kauake kiaa ia. Naa mee kootou e kaumai nei e mee ma ni mee e mannoni kootou e hakaara, teelaa TeAtua e hiihai maa Ia ki sunu.✡ Ex 29.18 19 Aa teenaa ko TeAtua naa koi, teenei e mee nau ana heuna nei, teelaa ma ki kauatu naa mee katoo kootou e fiffai, i naa mee katoo e taukalleka e ssura iaa Ia. I te aa, i kootou e tautari ki Jesus Christ. 20 Taatou ki hakanau i TeAtua, te Tamana taatou, i te kau saaita hakkaatoa! Amen.\nNaa taratara hakaoti Paul\n21 Nau e purepure atu ki naa tama TeAtua teelaa e lotu maaoni i Jesus Christ i te kina naa. Naa taaina ma naa kave taatou i te kina nei hoki e pureppure atu ki kootou. 22 Naa tama katoo TeAtua i te kina nei e pureppure atu ki kootou, e mua ki naa tama e heheuna i te hare te tuku hakamaatua i Rome.\n23 Nau e taku maa TeAriki Jesus Christ ki roorosi hakaraaoi naa ora kootou.","id":"","dump":"CC-MAIN-2022-33","url":"https:\/\/png.bible\/nho\/PHP04.htm","date":"2022-08-10T01:14:06Z","file_path":"s3:\/\/commoncrawl\/crawl-data\/CC-MAIN-2022-33\/segments\/1659882571097.39\/warc\/CC-MAIN-20220810010059-20220810040059-00549.warc.gz","language":"nho","language_score":1.0000089407,"language_script":"Latn","minhash_cluster_size":1,"top_langs":"{\"nho_Latn_score\": 1.0000089406967163}","num_words":960,"character_repetition_ratio":0.059,"word_repetition_ratio":0.0,"special_characters_ratio":0.235,"stopwords_ratio":0.567,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nTe tama Sakkino\n1 Te hakataakoto te hamai TeAriki Jisas Krais ia ma te hakkutu taatou hakaatoa ma ki nnoho ma Tama raa: anau e kainno atu kootou, aku taina ma aku kaave, 2 ki se mamannatu tammaki i roto na hakataakoto kootou, ia ki se tipuaina e mee na rono kootou e llono ma te Aho TeAriki raa ku hamai. Kame kootou e mannatu ma maatou e tattara atu na tattara nei te saaita maatou ni hakatae atu na tattara TeAtua raa ia ma te saaita maatou e takutaku raa ia ma na saaita maatou e tattaa atu i roto te launiu raa. 3 Auu se tiaki na tama ki malliu atu kootou ma na hakataakoto laatou. Maitaname te Aho naa se lavaa te hamai ki ttae roo te saaita hakaoti na tama ni huro i taha ma TeAtua raa ku tae mai, tena te tama sakkino raa ku hakahura mai, tena aia e me ki haere i te kina e haeo roo. 4 Te tama sakkino raa e me ki tattara haeo na atua ia ma na hatu tipua na tama e hakamarumaru raa, tena aia e me ki tuku aia i aruna na mee raa hakaatoa. Aia e me ki haere hoki no noho i roto te Hare Tapu TeAtua raa no tattara ma aia ko TeAtua.\n5 Kootou ku ssiri? Anau ni tattara atu na mee nei hakaatoa te saaita anau ni noho ma kootou raa. 6 Emeia e isi te mee e ppui ki se lavaa te mee nei te kapihi mai te saaita nei, tena kootou e illoa te mee naa. Te tama sakkino raa se lavaa te hakahura mai ki tae roo te saaita hakamaoni aia e me ki hakahura mai raa e ttae. 7 Na mahi te tama sakkino raa ku hehekau, e meia hea e me ki kapihi mai raa se lavaa te kapihi mai ki ttae roo te saaita te tama e ttaohi te mee raa e hakatuu ria i taha. 8 Tena taatou e me ki kkite te tama haeo raa, e meia te saaita TeAriki Jisas e hamai raa, Aia e me ki iri koi ma te maihu Aia, tena te tama raa ku mate, tena na mahi Jisas raa e me ki hakaoti te tama sakkino naa. 9 Te tama sakkino naa e me ki hamai ma na mahi Satan no ppena na hakkatu ia ma na mee taualleka tera se hakamaoni, 10 tena ku taaiki tammaki na tama se isi na hakattina raa ma na tiputipu sakkino aia raa. Na tama naa e me ki llano hakaoti, maitaname na tama naa ni se hihhai ki too te laoi ia ma te hakamaoni raa ki tokonaki laatou ki ora. 11 Ia tena TeAtua e kou ake na mahi te haeo raa ki hehekau i roto na tama naa ma ki hakattina na tama naa i na mee tera se hakamaoni raa. 12 Tena na tama naa ku se hakattina te hakamaoni raa, e meia na tama naa e hihhai roo ki tauttari koi na tiputipu sakkino, tena i te hakaotioti na tama naa e me ki hakatonutonu ria.\nTeAtua e hirihiri kootou ki too te ora hakamaoni\n13 Aku taina, maatou e me ki hakammaha tahi ake TeAtua ma kootou na tama TeAtua e hihai raa. Maitaname TeAtua ni hirihiri kootou pera ma ko na tama kaamata TeAnana Tapu raa ni tokonaki no ora ma na mahi Aia raa, tena ki mee kootou no ttapu i na hakattina kootou i te hakamaoni Aia raa. 14 TeAtua ni kanna atu kootou te saaita maatou ni takutaku atu te Rono Tauareka raa. Aia ni kanna atu kootou ki oo ake no too na tuhana kootou raa i te tauareka Jisas Krais TeAriki taatou raa. 15 Aku taina ma aku kaave, tuu mmau, tena ku ttaohi mmau te hakamaoni tera maatou ni akoako atu kootou i na takutaku ia ma na launiu maatou ni tattaa atu raa.\n16 Anau e kainno ake Jisas Krais TeAriki taatou raa Hokoia ia ma TeAtua taatou Tamana tera e laoi no kou mai te tauareka Aia raa ki hakattina hakamaoni taatou, ia ki nnoho no hakattari 17 ki mee kootou ki se mattaku, ia ki ivi kootou te ppena na mee taualleka, tena ku tattara tahi hea e tonu raa.","id":"","dump":"CC-MAIN-2022-33","url":"https:\/\/png.bible\/nuq\/2TH02.htm","date":"2022-08-10T02:05:30Z","file_path":"s3:\/\/commoncrawl\/crawl-data\/CC-MAIN-2022-33\/segments\/1659882571097.39\/warc\/CC-MAIN-20220810010059-20220810040059-00710.warc.gz","language":"nho","language_score":0.9999952316,"language_script":"Latn","minhash_cluster_size":1,"top_langs":"{\"nho_Latn_score\": 0.999995231628418}","num_words":699,"character_repetition_ratio":0.079,"word_repetition_ratio":0.0,"special_characters_ratio":0.233,"stopwords_ratio":0.472,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nTaatou e ora i naa mahi Christ\n1 Imua, i te saaita kootou ni see hakannoo ki te taratara ka ttaka kootou ma naa haisara kootou raa, kootou e mee pee ko naa tama ku oti te mmate. 2 I te saaita naa kootou ni tautari ki te ara e hakallika te maarama nei. Kootou ni hakannoo ki te tama hakamaatua i naa mahi aitu i te lani, teenaa ko te aitu e heheuna iloto naa tama teelaa see hakannoo ki TeAtua. 3 Maaoni iaa, taatou hakkaatoa ni mee ma ko naa tama naa; taatou maraa e hai ki naa vana taatou e kaimannako. Teenaa te kau vana naa tinotama taatou ma naa hakataakoto taatou e oti manava raa, naa mee naa maraa e haia taatou. I te tiputipu taatou nei raa, taatou ni tukua hakaoti ki hakallono isu taatou i te saaita TeAtua e loto, e mee pee ko te henua hakkaatoa.\n4 Tevana iaa te manava aroha TeAtua e lasi ffaaeo iloo, aa tana laaoi i taatou see taea. 5 Teenaa te saaita naa tinotama taatou ni mmate i te see llono taratara taatou raa, taatou ni hakaoratia a Ia ma Christ. Kootou nei ni hakaoratia i TeAtua e manava laaoi i kootou.✡ Col 2.13 6 Taatou ni hakamassikeria TeAtua ma Jesus Christ ki nnoho hakamaatua taatou ma Ia i te maarama i aruna i te lani, i taatou e tautari ki Christ. 7 A Ia ni hakasura te vana nei ki takoto te mee nei i naa saaita hakkaatoa e oomai imuri, teenaa ki ilotia naa tiputipu tana manava laaoi teelaa ni hakasuratia mai a Ia i Jesus Christ. 8-9 Teenaa ko te laaoi TeAtua teelaa ni ssao ai kootou, i kootou e lotu. Kootou ni see hakassaoria maa i naa vana taukalleka kootou e mee, seai. Teenaa se taukareka TeAtua e hookii vare ki kootou, aa kootou ki see lavaa te ahu i te mee naa. 10 TeAtua ni penapena taatou ki tiputtipu taatou peenei, teenaa taatou ni penapenaa a Ia ki ttaka taatou ma naa sosorina e taukalleka, i taatou e tautari ki Jesus Christ. A Ia kunaa hakatonu mai are te tiputipu naa ki haia taatou.\nTe manava tokotasi i Christ\n11 Kootou naa tama ni hannau i naa henua sara, kootou naa ko naa tama e kannaatia naa Jew raa ma ko \"naa tama see ssere,\" aa maa laatou iaa ko \"naa tama e ssere.\" (Teenaa ko te hakamaatino naa taanata e mee ki naa kina laatou) Kootou ki hakamaarona i naa tiputtipu kootou imua. 12 I te saaita naa raa, kootou ni nnoho hakakkee i Jesus Christ. Kootou ni horau aa kootou ni see nnoho ma ni tama TeAtua. Kootou ni see llave i naa taratara hakamaatua e takkoto, teelaa e hakatahito ki naa purepure TeAtua ni tuku ki ana tama. Kootou ni nnoho poouri iloto te maarama nei; kootou ni see hai mee e taaohi manava ai kootou aa kootou hoki ni see nnoho ma TeAtua. 13 Aa i te saaita nei, i kootou ku tautari ki Jesus Christ, teenaa kootou naa tama ni nnoho mmao raa ku oti te hakaahea mai te ttoo Christ ki nnoho tauppiri kootou ki TeAtua. 14 I te aa i taatou ni haia Christ tana tino ki nnoho hakapaa taatou, teenaa ko naa Jew raa aa ma naa tama teelaa seai ma ni Jew, ma ni tama te kanohenua tokotasi. Te mee ni takoto ka ppui iloto naa kanohenua e lua naa, teelaa e nnoho hakakkee laatou ki laatou ka hakatauttau ki laatou raa, ku oti te seua Christ i tana saaita ni mate. 15 A Ia ni hakaotina a Ia naa Loo naa Jew hakapaa ma naa taratara iloto naa Loo naa, ki hakatipu mai iloto naa kanohenua e lua naa se kanohenua hoou tokotasi teelaa e tautari kiaa Ia. Teenaa te henua e haia a Ia ki nnoho laaoi.✡ Col 2.14 16 I te saaita Christ ni mate i aruna te kros raa, a Ia ni puuia a Ia naa kanohenua e lua naa ki see nnoho no hakatauttau soko laatou. Aa teenaa ko tana mate i aruna te kros naa teelaa ni hakapaaria ai a Ia naa kanohenua e lua naa no mee ma se kanohenua tokotasi ka hakaahea ki TeAtua.✡ Col 1.20 17 Christ ni au no hakaea te Lono Taukareka i te nnoho laaoi raa ki te henua hakkaatoa: ki kootou naa tama teelaa seai ma ni Jew, naa tama ni nnoho mmao i TeAtua, aa ma naa Jew, naa tama ni tauppiri kiaa Ia.✡ Is 57.19 18 Teenei ko Christ teelaa ni haia a Ia taatou hakkaatoa, naa Jew ma naa tama seai ma ni Jew, ki lavaa te oomai taatou hakapaa ma TeAitu tokotasi no nnoho imua naa karamata te Tamana.\n19 Aa teenaa, kootou naa tama teelaa seai ma ni Jew raa ku see mee hoki ma ni horau aa ma ni tama see ilotia i naa kina laatou ni oomai; kootou ku nnoho hakapaa ma naa tama TeAtua, aa kootou ku ffai i te haanauna TeAtua. 20 Kootou hoki e tuu pee ko te hare e hakatuu ki naa pou teelaa ni hakatuuria naa aposol ma naa pure TeAtua, aa Jesus Christ tana tino e tuu pee ko te pou hakamaatua te hare naa. 21 A Ia naa e taaohi te hare raa ki mmau, aa e hakamasike te hare naa ki tipu ma se Hare Tapu e hakatapu ki TeAriki. 22 I kootou e tautari kiaa Ia, teenaa kootou hoki e hakatuuria hakapaa ma aaraa tama ki mee ma se kina TeAitu TeAtua raa ki noho.","id":"","dump":"CC-MAIN-2022-33","url":"https:\/\/png.bible\/nho\/EPH02.htm","date":"2022-08-10T01:28:46Z","file_path":"s3:\/\/commoncrawl\/crawl-data\/CC-MAIN-2022-33\/segments\/1659882571097.39\/warc\/CC-MAIN-20220810010059-20220810040059-00008.warc.gz","language":"nho","language_score":1.0000097752,"language_script":"Latn","minhash_cluster_size":1,"top_langs":"{\"nho_Latn_score\": 1.0000097751617432}","num_words":906,"character_repetition_ratio":0.065,"word_repetition_ratio":0.0,"special_characters_ratio":0.232,"stopwords_ratio":0.57,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Efesus\nTe launiu Pol e taataa i na tama i Efesus\nNa hakataakoto hakamattua i roto te launiu nei:\nHukui ma Krais 1.1—3.21\nTakattaka ma Krais 4.1—6.9\nTuu mmau no ppuhu ma Satan 6.10—6.24\n1\n1 Anau Pol, anau e taataa atu te launiu nei. TeAtua e hihai ma anau ki mee pera ma he aposol Jisas Krais.\nAnau e taataa atu kootou na tama i roto Efesus tera e hakamaoni i na ora laatou e hukui ma Jisas Krais raa.\n2 TeAtua te Tamana taatou ia ma TeAriki Jisas Krais e me ki tokonaki kootou, tena ku kou atu te noho laoi.\nNa hoki e Ttapu Krais\n3 Taatou ki hakammaha TeAtua te Tamana Jisas Krais TeAriki taatou raa! Maitaname TeAtua ku kou mai taatou na hoki hakaatoa e ttapu i te vaelani raa, e mee taatou ku hukui ma Krais. 4 I mua TeAtua ni pena te maarama nei, Aia ko na hirihiri avare taatou ki mee mo tamalliki Aia, e mee taatou e hukui ma Krais, tena taatou ki ttapu no nnoho se hai sara i na karemata Tama raa.\nE mee TeAtua e laoi taatou, 5 tena Aia ni maanatu i mua roo ma Aia e me ki mee taatou pera ma ni tamalliki Aia i na mee Jisas Krais ni ppena raa. Teenei he maanatu Aia, tena Aia e hihai ki ppena te mee nei. 6 Taatou ki hakammaha TeAtua e mee Aia e huri mai hakamaoni te laoi Aia raa i taatou, maitaname Aia e hoki marino mai taatou te Tamariki Aia e hakasessere mahi raa. 7 Maitaname te toto Krais raa e hakattana taatou, tena ki ssoro na hai sara taatou raa i taha. Te laoi TeAtua i taatou raa e rahi roo, 8 tena Aia ki nnini iho te laoi Aia raa i aruna taatou.\nI te kite ma te atamai Aia, 9 TeAtua e ppena hea Aia ni hakataakoto raa, tena ki hakairoa mai taatou te hakataakoto e huuna ria tera Aia ku oti te mamaanatu ma ki hakaoti ake iaa Krais raa. 10 Te hakataakoto TeAtua raa e mee peenei, te saaita hakamaoni raa e me ki tae mai, tena Aia e me ki tuku na mee hakaatoa i te vaelani ia ma te maarama nei raa i raro na mahi te Tuku hokotahi raa, teenaa ko Krais.\n11 Na mee hakaatoa e ppena tauttari te maanatu ia ma te hihai TeAtua, tena TeAtua e hirihiri taatou ki mee pera ma ni tama roo Aia i te huhuki taatou ma Krais raa, e mee te hihai Aia raa e moe i aruna hea Aia ni maanatu i te kaamata raa roo. 12 Tena taatou na tama kaamata tera ni hakattina iaa Krais raa, ki hakammaha TeAtua i na mahi Aia.\n13 Ia tena kootou hoki ku mee pera ma ni tama TeAtua te saaita kootou ni llono na tattara hakamaoni te Rono Tauareka tera e tokonaki taatou ki ora raa. Kootou e hakattina iaa Krais, tena TeAtua e hakammau te hakamaatino Aia raa i aruna kootou pera ma Aia e ttino kootou, tena ki kou atu kootou TeAnana Tapu Aia ni tattara atu raa. 14 Ia e mee taatou ku oti te too TeAnana Tapu raa, tena taatou ku illoa te hakamaoni pera ma taatou e me ki too alaa mee taualleka hoki tera TeAtua ni tattara hakamaoni i mua ma Aia e me ki kou ake ma na tamalliki Aia raa. Taatou e hakattari ki too na mee nei te saaita TeAtua e too muri taatou raa, tena taatou ku nnoho hihhia ma Aia. Ia tena taatou ki hakammaha TeAtua i te tauareka Aia!\nTe lotu Pol\n15 Tera hea te kaamata roo anau ni rono na hakattina kootou i TeAriki Jisas ia ma te laoi kootou e huri ake i na tama TeAtua raa, 16 anau e tauhano te hakammaha ake TeAtua ma kootou. Anau e maanatu kootou i na lotu anau raa, 17 tena anau e kainno ake TeAtua te Tamana Jisas Krais TeAriki taatou raa, te Tamana e noho i roto te maahina e tii raa ki kou atu TeAnana Tapu tera e me ki mee kootou ki atamai, tena ku hakari atu ki kkite kootou i TeAtua ia ma ki illoa kootou Tama raa. 18 Anau e kainno ake ki taaraki na kapuroro kootou raa ki kkite kootou te maahina Aia raa ma ki lavaa kootou te illoa te hakataakoto tera Aia ni kanna atu kootou raa, ia ki illoa hoki kootou te taualleka na hoki Aia ni tattara hakamaoni ake i te kanohenua Aia raa, 19 ia ki kkite hoki kootou na mahi hai mmahi Aia tera e hehekau i roto na ora taatou na tama tera e hakattina Aia raa. Na mahi e hehekau i roto taatou nei e ssau pera ma na mahi hai mmahi 20 Aia ni huri mai te saaita Aia ni hakaora muri Krais i taha ma te mate raa, tena ki hakanoho Tama raa i te vahi laaua Aia i te vaelani i aruna raa. 21 Krais e hakamaatua i aruna na ensel i te vaelani, na tuku, na mahunani ia ma na ariki; te kakkae Aia e too raa e raka mmao roo ma na kakkae na tama hakamattua i roto te maarama nei ia ma te maarama i muri raa; 22 TeAtua e tuku na mee hakaatoa i raro na vae Krais, tena ki kou ake Tama raa i na lotu raa pera ma he Ariki e hakanaaniu i aruna na mee hakaatoa. 23 Tena te lotu raa e huri mai te kaatoa te tinotama Krais raa, tena Krais Hokoia e mee na mee roo hakaatoa no kaatoa.","id":"","dump":"CC-MAIN-2022-40","url":"https:\/\/png.bible\/nuq\/EPH01.htm","date":"2022-09-28T10:28:24Z","file_path":"s3:\/\/commoncrawl\/crawl-data\/CC-MAIN-2022-40\/segments\/1664030335190.45\/warc\/CC-MAIN-20220928082743-20220928112743-00764.warc.gz","language":"nho","language_score":0.9999405146,"language_script":"Latn","minhash_cluster_size":2,"top_langs":"{\"nho_Latn_score\": 0.9999405145645142}","num_words":915,"character_repetition_ratio":0.062,"word_repetition_ratio":0.0,"special_characters_ratio":0.237,"stopwords_ratio":0.451,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Kolosi\nTe launiu Pol e taataa i na tama i Kolosi\nNa hakataakoto hakamattua i roto te launiu nei:\nNa tattara kaamata 1.1—1.2\nNa lotu Pol 1.3—1.14\nTe ora Krais 1.15—1.23\nPol e hehekau ma TeAtua 1.24—2.5\nTe ora Krais 2.6—2.23\nTe ora vahao nei 3.1—4.1\nTe akoako hakaoti 4.2—4.6\nNa tattara hakaoti 4.7—4.18\n1\n1 Anau Pol, anau he tama TeAtua e hirihiri ma ki hehekau ma Jisas Krais ia ma Timoti hoki te taina taatou raa, 2 maaua e tattaa atu i kootou na hakattina ana e ttapu e nnoho i roto Kolosi tera e ssoa laoi roo ma maaua i te huhukkui taatou ma Krais raa.\nTeAtua Tamana taatou raa ki kou atu kootou te tauareka ia ma te nnoho laoi.\nPol e lotu ki hakammaha ake TeAtua\n3 Maatou e lotu hakammaha tahi ake TeAtua, te Tamana Jisas Krais TeAriki taatou raa na saaita hakaatoa maatou e lotu mannatu kootou raa. 4 Maitaname maatou ku llono i na hakattina kootou iaa Jisas Krais ia ma na laoi kootou i na tama TeAtua raa hakaatoa. 5 Te saaita na tattara hakamaoni te Rono Tauareka raa ni ttae atu i te kaamata roo, kootou e llono no hakattina i te tauareka kootou e me ki too raa. Tena na hakattina ia ma na laoi kootou raa e mmoe i na mee taualleka koi oo mai tera e mmoe taualleka ma kootou i te vaelani raa. 6 Te Rono Tauareka raa e tauhano te kou mai na hoki, ia te Rono Tauareka raa hoki ku ttoha i roto te maarama nei e ssau pera ma te aho kaamata roo kootou ni llono na mahi TeAtua raa, tena kootou ku illoa roo te hakamaoni na tattara raa. 7 Epafras, te taina hakamaoni taatou raa, te tama hehekau hakamaoni ma Krais i na mee maatou ni akoako atu kootou i te vahi na mahi TeAtua raa. 8 Tama raa ni tattara mai maatou i te vahi te laoi TeAnana Tapu raa ni kou atu kootou.\n9 Teenei te hakataakoto tera e mee maatou ki lotu tahi ma kootou, kaamata mai roo te saaita maatou ni llono na tattara i te vahi kootou raa. Maatou e kainno ake TeAtua ki kou atu kootou te hoki ki illoa hea Aia e hihai ia ma te atamai, ia na illoa hakaatoa tera TeAnana Tapu raa ni kou atu kootou. 10 Kootou e me ki nnoho i roto na ora TeAriki e hihai raa, tena kootou e me ki ppena na mee tera e me ki mee Aia ki hihia raa. Na ora kootou raa e me ki pii roo na mee taualleka, tena kootou e me ki illoa hakamaoni roo TeAtua. 11 12 Anau e kainno ake TeAtua ki mee kootou ki ivi ma na mahi tera e oo mai i na mahi hai mmahi Aia raa, ki lavaa kootou te nnoho taravare i na mee hakaatoa. Tena kootou ki hakammaha TeAtua, te Tama ni kou atu na mahi ki too na tuhana tera TeAtua ni tukutuku ma na tama hakaatoa i te nohorana te maahina Aia raa. 13 Tama raa e hakasao taatou i taha ma na mahi te pouri raa, tena ki too taatou no hakanoho hakaraoi roo i te Hakamaatua ana te Tamariki Aia e hakasessere 14 tera ni hakattana taatou no ttana raa, e mee na hai sara taatou raa ku oti te ssorohia i taha.\nKrais e hakanaaniu i aruna na mee hakaatoa\n15 Te tipu Krais tera taatou ni kkite raa e ssau roo pera ma te tipu TeAtua tera taatou se kkite raa. Krais e hura mai i mua na mee hakaatoa te maarama nei raa, ia e hakanaaniu i aruna na mee roo hakaatoa TeAtua ni pena iho raa. 16 Maitaname TeAtua e pena na mee hakaatoa i te vaelani ia ma te maarama nei raa i na mahi Krais, aanaa ko na mee taatou e kkite ia ma na mee taatou se kkite raa, hakapaa hoki ma na mahunani hai mmahi, na nohorana, na tama hakamattua ia ma na taumani. TeAtua e pena na mee hakaatoa te maarama nei raa ma Krais i na mahi Krais. 17 Krais e tipu mai i mua na mee roo hakaatoa, tena Krais e tukutuku tonu na mee hakaatoa i na kina laatou. 18 Krais ko te hakamaatua na hakattina ana hakaatoa, Aia ko te tahito na ora na hakattina ana. Te Tama ni hura mai i mua na mee hakaatoa raa ni mahike muri i taha ma te mate ma ki lavaa Aia Hokoia te tuu i mua na mee roo hakaatoa. 19 Maitaname teenei he hakataakoto TeAtua pera ma te Tamariki Aia raa ki tipu roo pera ma Aia. 20 TeAtua e maanatu ma ki too muri te maarama Aia raa i na mahi te Tamariki raa. TeAtua ku noho tauareka ma taatou e mee te toto te Tamariki Aia raa e kkoo iho i aruna te kros raa, tena Aia ku too muri na mee hakaatoa i te maarama nei ia ma te vaelani raa.\n21 Kootou e isi te saaita ni oo no mmao roo i taha ma TeAtua, ia ni nonnoho sakkino hoki ma Tama raa, e mee na mee sakkino kootou e ppena raa ia ma na hakataakoto sakkino kootou raa. 22 Emeia te saaita nei, e mee Krais e tipu tama no mate, tena TeAtua ku mee kootou pera ma ni soa laoi roo Aia ma ki lavaa Aia te tokonaki kootou ki ttapu, ki matahua, ia ki se hai sara i mua Aia. 23 Kootou ki tauhano tahi se isi te hakaoti, ia ki ttuu mmau roo ma na hakattina kootou raa ki se lavaa kootou te naue no tiaki na tattara taualleka te Rono Tauareka raa. Teenei ko te Rono Tauareka anau Pol ku mee mo tama hehekau raa. Te Rono Tauareka nei ku oti te takutaku ake i na tama hakaatoa i roto te maarama nei.\nPol e takutaku te Rono Tauareka\n24 Ia te saaita nei anau e hihia i na hakalono llihu anau ni too i te vahi kootou raa, maitaname te hakataakoto anau e hakalono llihu i te tinotama anau raa, anau e tokonaki koi ki hakaotioti na hakalono llihu Krais i te vahi te tinotama Aia raa, teenaa ko te lotu. 25 Tena anau ku mee pera ma he tama hehekau te lotu TeAtua, te Tama tera ni kou mai anau te hehekau nei ki ppena ki tokonaki kootou raa. Teenei ko te hehekau ma ki takutaku atu na tattara hakaatoa Aia 26 tera Aia ni huu i mua roo ki se illoa na tama hakaatoa raa, e meia te saaita nei Aia ku hakari ake na hakataakoto raa i na tama Aia raa. 27 Te hakataakoto TeAtua ma ki hakari ake na tattara taualleka e pii na mahi Aia koi huuna tera Aia e tukutuku ma na tama e seai ma ni Jiu raa hoki. Teenei ko te hakataakoto tera e huuna ria: Krais e noho i roto kootou, tena te hakataakoto nei e huri mai pera ma kootou e me ki nnoho i roto na mahi TeAtua.\n28 Ia tena maatou e takutaku ake i te vahi Krais raa i na tama hakaatoa. Tena na hakataakoto hakaatoa tera maatou e illoa raa, maatou e tattara hamatakutaku atu kootou, tena ki akoako atu na tattara raa ma ki lavaa na tattara raa te kou mai kootou ki ttae i te kina TeAtua raa pera ma ni tama ku mattua i te huhukkui kootou ma Krais raa. 29 Anau e hai na mahi, ia e hahaivi ma na mahi hai mmahi Krais e kou mai tera e moe i roto anau raa ki mee te mee nei ki hakamaoni.","id":"","dump":"CC-MAIN-2022-40","url":"https:\/\/png.bible\/nuq\/COL01.htm","date":"2022-09-26T02:41:26Z","file_path":"s3:\/\/commoncrawl\/crawl-data\/CC-MAIN-2022-40\/segments\/1664030334644.42\/warc\/CC-MAIN-20220926020051-20220926050051-00383.warc.gz","language":"nho","language_score":0.9999339581,"language_script":"Latn","minhash_cluster_size":2,"top_langs":"{\"nho_Latn_score\": 0.9999339580535889}","num_words":1246,"character_repetition_ratio":0.074,"word_repetition_ratio":0.0,"special_characters_ratio":0.239,"stopwords_ratio":0.457,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 Timoti\nTe launiu kaamata Pol e taataa iaa Timoti\nNa hakataakoto hakamattua i roto te launiu nei:\nNa tattara kaamata 1.1—1.2\nNa tiputipu na tama hakamattua te Hare Lotu 1.3—3.16\nTe ora Timoti 4.1—6.21\n1\n1 Anau Pol, anau he aposol Jisas Krais, maitaname TeAtua te Tokonaki taatou raa ia ma Jisas Krais te Tama taatou e tuunaki tahi raa ni hirihiri anau.\n2 Anau e taataa atu i akoe Timoti taku tama hokotahi i te vahi te hakatina.\nTeAtua Tamana ia ma Jisas Krais TeAriki taatou raa ki kou atu akoe te tauareka, te manava laoi ia ma te noho laoi.\nHakamattonu i na akoako malliu na tama\n3 Anau e hihai ma akoe ki noho koi i Efesus pera ma anau ni tattara atu akoe te saaita anau ni haere peeraa i Masedonia raa. E isi na tama i te kina naa ku akoako na akoako se hakamaoni, tena anau e hihai ma akoe ki meake na tama naa ki hakaoti na akoako malliu laatou raa. 4 Meake na tama naa ki tiaki na kkai malliu i mua raa ia ma te moe iho na tipuna laatou raa, maitaname na tattara naa e me ki mee koi kootou ki hakatauttau. Na tattara naa se lavaa te tokonaki na tama ki ppena hea TeAtua e hihai raa. Te hakatina koi e lavaa te tokonaki na tama ki tauttari TeAtua. 5 Anau e tattara atu peenei ma ki lavaa kootou te isi te laoi hakamaoni i roto na hatu manava kootou ia ma na hakataakoto taualleka, tena ku hakattina hakamaoni. 6 E isi na tama ku tiaki na akoako hakamaoni nei, tena ki haere tattara koi na tattara e vvare. 7 Na tama nei e hihhai hoki ki akoako na tuaa TeAtua raa, e meia laatou se illoa hea laatou e tattara raa, ia se illoa hoki na mee laatou e tattara hakamamaha raa.\n8 Taatou e illoa pera ma na tuaa raa e taualleka kame taatou e tauttari hakamaoni roo na tuaa raa. 9 Taatou e tau te illoa pera ma na tuaa raa se mee ma e penapena iho ma na tama e ttonu, e meia na tuaa raa e penapena iho ma na tama se hai lou ia ma na tama kailallao, na tama se illoa TeAtua, na tama hai ssara, na tama se illoa te lotu, na tama se hakattina, na tama e taa na maatua laatou raa no mmate, na tama taa tama, 10 ia ma na tama e ppena na tiputipu se ttonu, tena na taanata e hai huri hokolaatou, na tama e too hemuu alaa tama no huu, na tama tattara malliu, na tama e hatuhatu na tattara malliu ia ma na tama e ppena na mee se ttonu i te vahi na poroporo hakamaoni raa. 11 Na poroporo nei e mmoe i roto te Rono Tauareka TeAtua ni kou mai anau ki hakatae atu kootou raa, teenei ko te Rono Tauareka tera TeAtua Hakanaaniu i Aruna raa ni kou mai anau.\nTe rorohi laoi TeAtua\n12 Anau e kou ake te hakammaha iaa Jisas Krais TeAriki taatou raa, te Tama e kou mai na mahi anau ki ppena te hehekau nei. Anau e kou ake te hakammaha Aia e mee Aia e maanatu ma anau ku tau, tena Aia ki hirihiri anau ki hehekau ma Aia, 13 niaina ma i mua raa anau e tattara sakkino roo Aia, tena ki kou ake na hakalono llihu ia ma na tattara e llihu Aia. Emeia TeAtua e aroha anau, maitaname anau se ki isi te hakatina, tena anau hoki se iroa hea anau ni ppena raa. 14 Tama raa e rorohi hakatauareka anau ki hukui ma Jisas Krais, ia ki laoi, tena ki hakatina Aia. 15 Na tattara nei ni tattara hakamaoni, tena taatou ki hakattina no too na tattara nei: Jisas Krais ni hamai i te maarama nei ki tokonaki na tama e hai sara raa ki ora. Na hai sara anau raa e haeo roo i aruna na hai sara na tama hakaatoa. 16 Niaina ma anau he tama roo e hai sara, e meia TeAtua e hai aroha anau ma ki lavaa Jisas Krais te huri mai te laoi Aia raa i anau. TeAtua e ppena peenei ma ki lavaa alaa tama te tuku na hakattina laatou raa iaa Jisas Krais, tena ku too te ora e ora tahi. 17 TeAtua e Tuku tahi raa ko te Tama se lavaa te mate ia ma te Tama taatou se lavaa te kkite raa, tena Aia ko TeAtua hokotahi koi taatou. Taatou ki hakammaha Aia na vahao roo hakaatoa! Amen.\n18 Timoti taku tama, aanei na tattara poroporo anau e kou atu akoe. Na tattara nei e haere tonu ma na tattara TeAtua ni tattara i mua roo i te vahi akoe raa. Taohi mmau na tattara nei ki lavaa akoe te ppuhu ma na tiputipu sakkino i te maarama nei raa, 19 tena ku ttaohi mmau te hakatina akoe raa ki taualleka na maanatu akoe. Tammaki na tama ku se isi na hakataakoto taualleka tera e mee na hakattina laatou raa ki seai. 20 Tena Himeneus laaua ma Aleksanda e hhai hoki i roto te kuturana na tama anau ni kou ake i na rima Satan ki kou ake na hakalono llihu raa; na hakalono llihu nei e me ki mee laaua ki hakaoti te tattara haeo TeAtua.","id":"","dump":"CC-MAIN-2022-40","url":"https:\/\/png.bible\/nuq\/1TI01.htm","date":"2022-09-26T03:04:02Z","file_path":"s3:\/\/commoncrawl\/crawl-data\/CC-MAIN-2022-40\/segments\/1664030334644.42\/warc\/CC-MAIN-20220926020051-20220926050051-00485.warc.gz","language":"nho","language_score":0.9997859597,"language_script":"Latn","minhash_cluster_size":2,"top_langs":"{\"nho_Latn_score\": 0.9997859597206116}","num_words":872,"character_repetition_ratio":0.068,"word_repetition_ratio":0.0,"special_characters_ratio":0.235,"stopwords_ratio":0.396,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Jut\nTe launiu Jut e taataa\nNa hakataakoto hakamattua i roto te launiu nei\nNa tattara kaamata 1.1—1.2\nNa tisa malliu 1.3—1.16\nNa tattara e hakamattaku te lotu 1.17—1.23\nNa tattara hakaoti 1.24—1.25\n1\n1 Anau Jut, anau he tama hehekau ma Jisas Krais, ia he taina Jems.\nAnau e taataa atu i kootou na tama TeAtua ni kanna raa; na tama tera e nnoho i roto te laoi TeAtua Tamana ia ma te rorohi laoi Jisas Krais raa.\n2 Te manava aroha, te noho laoi ia ma te laoi ki nnoho tahi ma kootou.\nNa tisa malliu\n3 Aku taina, anau e hai na mahi anau ma ki taataa atu i kootou i te vahi te ora e ora tahi tera taatou e tattara raa. Anau e maanatu ma ki taataa atu te launiu nei te saaita nei ma ki tattara hakapurupuru atu i kootou ki taohi mmau te hakatina TeAtua ni hoki ake te vahao hokotahi koi i na tama e ttapu Aia raa. 4 Maitaname e isi na tama se tauttari na tiputipu TeAtua raa ku uru hemuu mai i roto te kuturana taatou nei, na tama nei e hakatike na tattara taualleka TeAtua i te vahi te hoki marino Aia ni kou mai raa, tena ki tattara ma e tauareka laatou te ppena na tiputipu sakkino laatou raa; na tama nei se hihhai ki hakattina iaa Jisas Krais TeAriki Hakamaatua taatou raa. Te Launiu Tapu raa ni tattara mai i mua roo i na hakalono llihu na tama nei e me ki too raa.\n5 Niaina ma kootou e illoa na mee nei hakaatoa, e meia anau e hihai ki hakairoa atu kootou te saaita TeAtua ni hakasao na tama Israel raa i taha ma Isip, tena ki oti Aia ki kou ake na hakalono llihu i na tama se hakattina Aia raa. 6 Kootou ki mannatu hoki na ensel tera se nnoho tahi i na kina laatou e lollohi raa, tena ki tiaki na kina laatou e nohonnoho raa no oo. TeAtua e haihai na ensel raa ma na seni, tena ki tuku i te kina i raro e nnoto e pouri raa. TeAtua e tuku na tama raa i te kina raa ki ttae roo te aho hakanaaniu na tama raa e me ki too na hakalono llihu laatou raa. 7 Mannatu na matakaina Sodom laaua ma Gomora ia ma na matakaina tappiri ake raa. Na tama na matakaina raa e ppena hea na ensel haeo raa ni ppena raa, tena ki ppena na tiputipu sakkino roo i laatou hokolaatou, tena na tattara hakamataku raa ku oti roo te tattara ake no illoa na tama raa pera ma laatou e me ki too na hakalono llihu se isi te hakaoti raa i te kina te ahi e vvela raa.\n8 Ia na tama nei hoki e ssau roo peeraa, na tama nei e mmiti ki ppena na tiputipu sakkino ma na tinotama laatou; na tama nei se mattaku na mahi TeAtua, tena ki hai haeo na ensel hakananniu i te vaelani raa. 9 Maikol te ensel hakamaatua raa se ppena peenei. Te saaita Maikol ni hakatauttau laaua ma Satan ma koai te tama e me ki too te tinotama Moses raa, Maikol ni se hai ake na tattara e llihu iaa Satan, e meia aia e meake ma, \"TeAtua e me ki kou atu na hakalono llihu akoe!\" 10 Emeia na tama nei kame e hai ake hakahaeo roo na mee laatou se illoa raa i na tama, tena na tama nei e ssau koi pera ma na manu kai ttama raa, maitaname na mee na tama nei ma laatou e illoa raa ko na mee koi e me ki mee laatou ki haeo raa.\n11 Na tama nei e me ki haeo roo! Na tama nei e tauttari na tiputipu Kein. Te mannako sileni na tama nei raa e mee na tama nei no haeo pera ma te sara Balam ni ppena raa. Na tama nei se hihhai ki hakallono pera ma Kora raa, tena laatou e me ki hakalono llihu pera ma Kora raa hoki.\n12 Na hakataakoto na tama naa e kkere, tena na tama naa e hakannapa e ssau pera ma ni kkere e mmoe i roto na kai kootou e kkai raa. Na tama naa e mannatu koi laatou hokolaatou. Na tama naa e ssau pera ma ni pukureurehu e ania ria koi te matani raa no se lleku. Na tama naa e ssau pera ma ni laakau se hhua na hua, niaina ma teenaa ko te saaita te huata, tena na tama naa e ssau pera ma ni laakau e mallana ma na patiaka laatou raa no mmate. 13 Na tiputipu sakkino na tama naa e hakannapa raa e me ki hakatau roo no llahi pera ma na peau e kkoti huri i roto te moana raa. Na tama naa e ssau pera ma na hetuu e hahaere vare tera TeAtua ku oti te tanattana na kina laatou i te kina e nnoto e pouri raa.\n14 Inok ko te tama hakahitu i muri Adam, tena aia ni tattara mai i mua roo i te vahi na tama nei ma,\n\"TeAtua e me ki hamai ma simata na ensel e ttapu raa\n15 ki hakatonutonu na tama nei hakaatoa,\ntena ku kou ake na hakalono llihu na tama hakaatoa e ppena na tiputipu sakkino raa ia ma na tama hai ssara hakaatoa tera e haere tattara sakkino i TeAtua raa!\"\n16 Na tama nei na vahao hakaatoa e tamumu, tena ki tattara haeo hokolaatou; na tama nei e tauttari na tiputipu sakkino laatou e hihhai raa; na tama nei e tattara ahu laatou hokolaatou, tena ki tattara hakamamaha alaa tama ma ki lavaa laatou te too niaa laatou e hihhai raa.\nNa tama te lotu ki hakamattonu\n17 Emeia aku soa laoi roo, kootou ki mannatu hakaraoi i na mee na aposol Jisas Krais raa ni tattara atu kootou i mua raa. 18 Na aposol raa ni tattara atu kootou ma, \"Te saaita na aho hakaoti raa e ttae mai, tena na tama e tauttari na tiputipu sakkino laatou e hihhai raa e me ki hakahhura atu no tataussua kootou.\" 19 Na tama naa ko na tama e mee na tama ki nonnoho haeo, tena ki tauttari koi na tiputipu sakkino laatou e hihhai raa, tena TeAnana Tapu raa hoki se noho i roto na tama naa.\n20 Emeia aku soa laoi roo, kootou ki tauhano koi no ttuu mmau ki too kootou te hakatina e tapu hakamaoni raa. Kootou ki lotu hoki ma na mahi TeAnana Tapu, 21 tena ku mmata hakaraoi ki nnoho kootou i roto te laoi TeAtua raa te saaita kootou e nnoho no hakattari ma Jisas Krais TeAriki taatou raa ki kou atu kootou te ora e ora tahi raa ma te manava laoi Aia raa.\n22 Huri ake na laoi kootou raa i na tama e mamannatu tammaki raa, 23 tena ku tokonaki alaa tama ki se vvela i te ahi, tena ku huri ake te manava laoi ma te mattaku alaa tama, e meia kootou ki se mannako na hekau na tama raa e piripiri na tiputipu sakkino laatou raa.\nNa tattara hakaoti\n24 Hakammaha te Tama e lavaa te rorohi hakatauareka kootou ki se maoha raa, tena ku mee na ora kootou raa ki ttonu ki hihhia kootou te ttuu i mua na karemata Tama raa. 25 Hakammaha TeAtua hokotahi taatou Tokonaki raa i na mahi Jisas Krais TeAriki taatou raa, tena na mahi hai mmahi, te tauareka, na mahi ia ma te hakanaaniu Aia raa e kaamata mai roo i mua, hamai no tae te aho nei, ia e me ki moe na vahao hakaatoa se isi te hakaoti! Amen.","id":"","dump":"CC-MAIN-2022-40","url":"https:\/\/png.bible\/nuq\/JUD01.htm","date":"2022-09-25T13:39:32Z","file_path":"s3:\/\/commoncrawl\/crawl-data\/CC-MAIN-2022-40\/segments\/1664030334579.46\/warc\/CC-MAIN-20220925132046-20220925162046-00696.warc.gz","language":"nho","language_score":0.9999326468,"language_script":"Latn","minhash_cluster_size":2,"top_langs":"{\"nho_Latn_score\": 0.9999326467514038}","num_words":1261,"character_repetition_ratio":0.087,"word_repetition_ratio":0.0,"special_characters_ratio":0.236,"stopwords_ratio":0.443,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3 Jon\nTe launiu hakatoru Jon e taataa\nNa hakataakoto hakamattua i roto te launiu nei:\nNa tattara kaamata 1.1—1.4\nJon e hakammaha Gaius 1.5—1.8\nDiotrefes laaua ma Demitrius 1.9—1.12\nNa tattara hakaoti 1.13—1.15\n1\n1 Anau he tama hakamaatua i te lotu, tena anau e taataa atu i akoe Gaius taku taina.\n2 Gaius taku taina roo hokotahi, anau e lotu ake ma akoe ki noho tauareka i na mee roo hakaatoa, tena akoe hoki ki se laavea na maahana, e mee anau e iroa ma te anana akoe raa e mataora roo. 3 Anau e hihia roo te saaita alaa hakattina ana taatou ni ttae mai no tattara mai anau i te hakatina akoe e isi no tautari te hakamaoni raa, e ssau pera ma akoe na vahao hakaatoa e tautari te hakamaoni raa. 4 Anau e hihia roo te saaita anau ni rono ma na tamalliki anau raa e tauttari te hakamaoni raa, tena se hai mee hoki peeraa e lavaa te mee anau ki hihia.\nJon e hakammaha Gaius\n5 Taku taina, akoe e ppena hakamaoni roo te hehekau akoe ma na hakattina ana taatou raa, niaina roo ma na tama raa ni tama akoe se iroa. 6 Na tama raa e oo mai no tattara mai te laoi akoe raa i roto te hare lotu nei. Tena akoe ki kkira no mmata hakaraoi na tama raa i na tiputipu TeAtua e hihai raa te saaita na tama raa e vakkai. 7 Maitaname na tama raa e oo koi ma ki hehekau ma Krais, tena na tama raa se hihhai hoki ma na tama e nnoho pouri raa ki tokonaki laatou. 8 Tena taatou na tama te lotu raa ki tokonaki na tama raa ki lavaa taatou te hehekau hakapaa ma na tama raa ki ppena na uata hakamaoni TeAtua raa.\nDiotrefes laaua ma Demitrius\n9 Te launiu anau ni taataa no kkave i te hare lotu raa se roroa hoki, e meia Diotrefes, te tama e hihai ma ki hakamaatua raa se hihai ki hakarono na tattara anau ni taataa ake raa. 10 Te saaita anau e hamai raa avare, anau e me ki tattara ake aia ki iroa i na mee hakaatoa e ssara aia ni ppena raa, tena ma na tattara sakkino aia e tattara i te vahi taatou ia ma na tattara malliu aia e haere tattara raa.\n11 Taku soa roo hokotahi, auu se tautari na tiputipu sakkino raa, e meia tautari na tiputipu e taualleka. Na tama e ppena na tiputipu taualleka raa ni tamalliki TeAtua, tena na tama e ppena na tiputipu sakkino raa seai ma ni tamalliki TeAtua.\n12 Na tama hakaatoa e tattara hakamamaha roo iaa Demitrius, tena na tiputipu aia raa e huri mai ma e hakamaoni. Maatou hoki e tattara hakamamaha roo i tama raa, tena akoe e iroa ma na tattara maatou nei e hakamaoni.\nNa tattara hihhia hakaoti\n13 Anau e tammaki roo na mee ma ki tattara atu i akoe, e meia anau se hihai ki taataa atu na tattara raa i roto te launiu. 14 Anau se roroa ku haere atu no mmata akoe, tena anau hokonnau e me ki tattara ma akoe.\n15 Anau e lotu ake TeAtua ki hakatapu akoe ma te noho laoi!\nNa soa laoi akoe i te kina nei raa e kou atu na tattara hihhia laatou. Akoe ki haere lulluu na tama hakaatoa ma maatou.","id":"","dump":"CC-MAIN-2022-40","url":"https:\/\/png.bible\/nuq\/3JN01.htm","date":"2022-09-26T03:56:24Z","file_path":"s3:\/\/commoncrawl\/crawl-data\/CC-MAIN-2022-40\/segments\/1664030334644.42\/warc\/CC-MAIN-20220926020051-20220926050051-00598.warc.gz","language":"nho","language_score":0.9998345971,"language_script":"Latn","minhash_cluster_size":2,"top_langs":"{\"nho_Latn_score\": 0.9998345971107483}","num_words":549,"character_repetition_ratio":0.074,"word_repetition_ratio":0.0,"special_characters_ratio":0.237,"stopwords_ratio":0.381,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Filipai\nTe launiu Pol e taataa i na tama i Filipai\nNa hakataakoto hakamattua i roto te launiu nei:\nNa tattara kaamata 1.1—1.11\nTe ora Pol 1.12—1.26\nTe ora Krais 1.27—2.18\nTimoti laaua ma Epafroditus 2.19—2.30\nLollohi hakappuru i na mee e ssara 3.1—4.9\nNa soa laoi Pol 4.10—4.20\nNa tattara hakaoti 4.21—4.23\n1\n1 Anau Pol, maaua ma Timoti ni tama hehekau ma Jisas Krais.\nMaaua e tattaa atu i na hakattina ana hakaatoa TeAtua i roto Filipai tera e hukui ma Jisas Krais raa, hakapaa hoki ma na tama hakamattua i roto na hare lotu ia ma na tama e totokonaki raa.\n2 TeAtua te Tamana taatou raa ia ma TeAriki Jisas Krais ki kou atu te tauareka ma te noho laoi.\nTe lotu Pol\n3 Na vahao hakaatoa anau e maanatu kootou, anau e hakammaha ake TeAtua ma kootou; 4 tena na vahao hakaatoa anau e lotu ma kootou raa, anau e lotu roo ma te hihia, 5 e mee tammaki na ara kootou ni tokonaki anau ki hehekau ma te Rono Tauareka raa, kaamata mai roo te aho kaamata raa haere no ttae te aho nei. 6 Ia tena anau e iroa roo pera ma TeAtua, te Tama ni kaamata te hehekau nei i roto kootou raa e me ki tokonaki roo kootou ki tae te hakaoti, i te Aho Jisas Krais raa. 7 Anau e maanatu tahi kootou! Ia e tonu hoki anau te isi na maanatu peenei i te vahi kootou, maitaname kootou hakaatoa e tokonaki roo anau i te vahi te hehekau TeAtua e kou mai anau raa, ia te saaita nei anau e noho i roto te hare karapusi, tena anau e isi te saaita e me ki ttana ki tattara ki tokonaki te Rono Tauareka raa ki moe tahi. 8 TeAtua e iroa pera ma te hakataakoto e mmaha anau e tattara atu ma anau e isi i kootou raa e hamai i te hatu manava Jisas Krais Hokoia.\n9 Anau e lotu pera ma na laoi kootou raa ki hhomo koi no hhomo, hakapaa ma te atamai hakamaoni ia ma te hakatonutonu e tonu raa, 10 ki lavaa kootou te hirihiri hea e tauareka. Tena kootou e me ki hakattana i taha ma na mee sakkino hakaatoa, ia ki se isi na sara i te Aho Krais raa e tae mai. 11 Na ora kootou raa e me ki ppii roo na mee taualleka hakamaoni tera Krais Hokoia e lavaa te kou atu ma na mahi ki hakammaha TeAtua.\nTiputipu te ora Pol\n12 Aku taina ma aku kave, anau e hihai ma kootou ki illoa pera ma na mee tera ni kapihi mai anau raa e tokonaki roo te Rono Tauareka raa ki ttoha. 13 Ia tena na soldia hakaatoa ia ma alaa tama hoki ku illoa pera ma anau e ponotia i roto te hare karapusi raa e mee anau he tama hehekau ma Krais. 14 Tena te noho anau i roto te hare karapusi nei e tokonaki tammaki na hakattina ana ki hakattina hai mahi i TeAriki, tena na tama raa ku oo roo no se mattaku te takutaku na tattara TeAtua raa.\n15 Hakamaoni, e isi na tama e takutaku i te vahi Krais, maitaname laatou e manava kkere, ia ni tama e hihhai ki hakatauttau, e meia alaa tama e takutaku ma na hakataakoto taualleka. 16 Na tama nei e takutaku ma te laoi, maitaname laatou e illoa pera ma TeAtua e kou mai te hehekau nei i anau ki tattara atu te hakamaoni te Rono Tauareka raa. 17 Alaa tama se tattara te hakamaoni Krais, e meia laatou e tattara ma na hakataakoto sakkino, na tama raa e mannatu ma laatou e me ki ppena na mee ki mee te hakataakoto anau raa ki haeo te saaita anau e noho i roto te hare karapusi raa.\n18 Niaina! Anau e hihia koi, e mee tammaki na ara taatou e lavaa te takutaku ake Krais i na tama, niaina taatou e takutaku ma na hakataakoto haeo ia ma na hakataakoto taualleka. Tena anau e me ki tauhano te noho hihia, 19 maitaname anau e iroa pera ma i te vahi na lotu kootou ia ma te tokonaki tera e hamai TeAnana Tapu Jisas Krais raa, anau e me ki hakattana ria i taha ma te hare karapusi nei. 20 Te hakataakoto e rahi ia ma te hihai anau peeraa anau ki se lavaa te tteiho ma hea anau e ppena nei, ki ssau pera ma na saaita hakaatoa koi, ia taohi mua te saaita nei, tena anau e tuu se mataku ki lavaa anau te hakammaha Krais ma te tinotama anau, niaina anau koi ora, ia niaina ma anau ku mate. 21 Kaa te ora raa hea? I te iroa anau, te ora raa ko Krais. Te mate anau raa e me ki tokonaki ki ttoha te Rono Tauareka raa. 22 Emeia, kame anau e ora koi, anau e lavaa te ppena tammaki na mee taualleka, tena anau se iroa te hirihiri te ora hee anau e hihai. 23 E rua na hakataakoto e ttiri tahi anau. Tena te mee e tauareka roo, anau ki tiaki te ora nei, tena ku haere no noho ma Krais; 24 e meia, te mee hakamaatua roo; anau ki ora ki tokonaki kootou. 25 Anau e iroa hoki te mee nei, ia tena anau e iroa pera ma anau e me ki ora. Anau e me ki noho koi ma kootou ki tokonaki hakamarie kootou ki hihhia i na hakattina kootou raa, 26 ia te saaita anau e noho hakaraoi ma kootou raa, kootou e me ki isi roo na mee e me ki tattara ahuahu i te vahi anau, e mee kootou e hukui na ora kootou raa ma Jisas Krais.\n27 Ia tena te mee hakamaatua, kootou ki ppena na ora kootou raa ki ssau pera ma hea te Rono Tauareka Krais raa e hihai, ki mmata ma anau e lavaa te haere atu no mmata kootou ma ku seai. Anau e hihai ki rono pera ma kootou e ttuu mmau ma te hakataakoto hokotahi, tena kootou hakaatoa ki hai na mahi kootou ki hakattina te Rono Tauareka raa. 28 Auu se mattaku na tama haeo raa; kootou ki hakattina, tena na hakattina kootou raa e me ki huri ake na tama naa pera ma laatou e me ki llano, tena kootou e me ki ora, maitaname TeAtua ko te Tama tera e kou atu na mahi kootou. 29 Maitaname TeAtua ku oti te kou atu kootou na mahi ki hehekau ma Krais, ia se mee ma kootou ki hakattina koi, e meia kootou ki hakalono llihu hoki ma Tama raa. 30 Tena te saaita nei taatou ki hakapaa hakaatoa no ppuhu te taua. Teenei ko te taua tera kootou ni kkite, ia ni llono anau ni ppuhu na saaita ku llaka raa, tena anau koi ppuhu koi te taua nei.","id":"","dump":"CC-MAIN-2022-40","url":"https:\/\/png.bible\/nuq\/PHP01.htm","date":"2022-09-26T02:30:27Z","file_path":"s3:\/\/commoncrawl\/crawl-data\/CC-MAIN-2022-40\/segments\/1664030334644.42\/warc\/CC-MAIN-20220926020051-20220926050051-00663.warc.gz","language":"nho","language_score":0.9998575449,"language_script":"Latn","minhash_cluster_size":2,"top_langs":"{\"nho_Latn_score\": 0.9998575448989868}","num_words":1116,"character_repetition_ratio":0.078,"word_repetition_ratio":0.0,"special_characters_ratio":0.244,"stopwords_ratio":0.444,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2 Korin\nTe launiu hakarua Pol e taataa i na tama i Korin\nNa hakataakoto hakamattua i roto te launiu nei:\nNa tattara kaamata 1.1—1.3\nHakammaha TeAtua 1.4—1.11\nTiputipu te ora Pol 1.12—3.6\nTiputipu na ora na hakattina ana 3.7—6.2\nNa mee hainattaa i roto te ora Pol 6.3—6.13\nNa hakattina ana raa ki tuku tonu na ora laatou 6.14—7.2\nTe hihia Pol 7.3—7.16\nTiputipu te kai marie 8.1—9.15\nTe hehekau Pol 10.1—12.21\nNa tattara hakaoti 13.1—13.14\n1\n1 Anau Pol, anau he aposol Jisas Krais i te hihai TeAtua, maaua ma Timoti te taina taatou raa,\ne taataa atu i na hare lotu TeAtua i roto Korin ia ma na hakattina ana TeAtua i roto Akaia raa hakaatoa.\n2 TeAtua taatou Tamana ia ma Jisas Krais TeAriki taatou raa ki kou atu te tauareka ia ma te noho laoi.\nPol e hakammaha TeAtua\n3 Taatou ki hakammaha ake TeAtua, te Tamana Jisas Krais TeAriki taatou raa: te Tamana e manava aroha ia ma TeAtua tera e tokonaki taatou i na mee roo hakaatoa raa. 4 Tama raa e tokonaki taatou i na hakalono llihu roo hakaatoa taatou e isi raa, ma ki lavaa taatou te tokonaki alaa tama hoki tera e isi na hakalono llihu raa. Maaua e tokonaki na tama raa tautari te tokonaki TeAtua ni tokonaki maaua raa. 5 E ssau pera ma maaua e hukui ma Krais i na hakalono llihu roo hakaatoa, tena i na mahi Krais, TeAtua e tokonaki hai mahi roo maaua. 6 Kame maaua e hakalono llihu, tena na hakalono llihu maaua nei e tokonaki kootou ki ora hakamaoni; kame maaua e tokonaki ria, tena kootou e me ki tokonaki ria hoki ki ivi te nnoho hakavaratoa te saaita kootou e ttiri na hakalono llihu maaua ni ttiri raa hoki. 7 Tena na hakattina maaua i kootou raa se lavaa te naue; maaua e illoa pera ma kootou e isi na hakalono llihu maaua e isi raa, tena kootou e too hoki na tokonaki maaua ni too raa.\n8 Aku taina, maaua e hihhai ki hakailloa atu kootou i te vahi na hakalono llihu maaua ni ttiri i roto Esia raa. Maaua e amo roo na hakataakoto e llahi, tena na mee raa e mmaha roo maaua te amo, tera hea maaua ku mannatu ma maaua ki mmate koi. 9 Maaua e mmaha pera ma maaua kame e me ki mmate koi. Ia te mee nei e kapihi mai ma ki se lavaa maaua te tuunaki na mahi maaua hokomaaua, e meia maaua ki tuunaki TeAtua, te Tama e hakamahike na tama ku mmate raa. 10 TeAtua e tokonaki maaua i taha ma na hakalono llihu te mate, Tama raa e tokonaki maaua, tena Aia e me ki tokonaki hoki maaua, ia tena maaua ku tuku na hakattina maaua raa i Tama raa ki tokonaki maaua hakaraoi 11 pera ma kootou e tokonaki maaua ma na lotu kootou raa. Ia e kkira pera ma TeAtua e me ki hakarono tammaki na lotu taatou raa, tena Aia e me ki hakatapu hoki taatou, tena tammaki na tama e me ki ssau na reo laatou raa i aruna no hakammaha ake TeAtua ma taatou.\nPol ku hakatike hoki na hakataakoto aia\n12 Maaua e ahu peeraa ma na illoa maaua raa e huri mai te hakamaoni na ora maaua i roto te maarama nei raa, taohi mua te nnoho maaua ma kootou raa; maaua e hakattaki ria i na mahi ia ma te hihai TeAtua, ia seai ma te atamai te tama. 13 14 Maaua e tattaa atu koi na mee kootou e lavaa te ppau no illoa raa. Ia niaina ma kootou se illoa hakamaoni maaua, e meia anau e maanatu pera ma kootou e me ki oti ku illoa laoi roo maaua, tena i te aho TeAriki taatou Jisas raa e tae mai, kootou e lavaa te ahu i te vahi maaua pera ma maaua e me ki ahu hoki i te vahi kootou.\n15 Anau e iroa roo te hakamaoni na mee nei, tera hea anau ni maanatu ma ki haere atu no mmata kootou ma ki lavaa kootou te hakatapu ria hakaraoi hoki. 16 Maitaname anau e maanatu ma ki haere atu no mmata kootou te saaita anau e haere peeraa i Masedonia ia ma te saaita anau e vaakai mai raa; ki lavaa kootou te tokonaki anau te saaita anau e haere peeraa i Judia raa. 17 Eaa, kootou e mannatu pera ma anau se tautari na hakataakoto anau ni hakamoe raa? Te saaita anau e hakamoe na hakataakoto raa, kootou e mannatu ma na hakataakoto anau raa e manamana rua, tena kootou e tanattana koi ki hakatoo mai te vahao hokotahi ma, \"Noo, noo\" ia ma \"Seai, seai\". 18 E hakamaoni pera ma TeAtua e tattara tahi te hakamaoni, tena te tattara hakamaoni anau i kootou raa seai ma, \"Noo\" ia ma, \"Seai\" te vahao hokotahi. 19 Maitaname anau, Sailas ia ma Timoti, maatou tokotoru e takutaku atu na tiputipu Jisas Krais te Tamariki TeAtua raa. Tama raa seai ma he Tama e lavaa te meatu ma, \"Noo\" ia ma, \"Seai\" te vahao hokotahi. I te vahi TeAtua, Jisas ko \"te Nuu hakamaoni\" Tama raa. 20 Maitaname Jisas Hokoia e huri ake pera ma na tattara TeAtua raa hakaatoa e hakamaoni. Tera hea i na mahi Jisas Krais te Amen taatou raa e hakammaha te tauareka TeAtua. 21 TeAtua Hokoia e mee maatou ki hukui ma kootou i roto na ora taatou e hukui ma Krais raa, e meia teenaa ko TeAtua ni havakkee taatou i taha, 22 tena ki hakammau te hakamaatino Aia raa i taatou, tena ki kou mai TeAnana Tapu raa ki noho i roto taatou ma ki hakari mai na mee hakaatoa Aia e isi ma taatou raa.\n23 Anau e kanna ake TeAtua ki tuu i te vahi anau, tena Aia e iroa te hatu manava anau! Anau se hihai ma kootou ki hakalono llihu, tera hea anau e maanatu ma ki se haere atu i Korin. 24 Maatou se mee ma maatou e hahaivi ki meatu kootou hea kootou e me ki hakattina raa; maatou e illoa pera ma kootou ku ttuu mmau i na hakattina kootou raa. Emeia maatou e hehekau ma kootou ki mee kootou ki hihhia.","id":"","dump":"CC-MAIN-2022-40","url":"https:\/\/png.bible\/nuq\/2CO01.htm","date":"2022-09-28T08:44:52Z","file_path":"s3:\/\/commoncrawl\/crawl-data\/CC-MAIN-2022-40\/segments\/1664030335190.45\/warc\/CC-MAIN-20220928082743-20220928112743-00189.warc.gz","language":"nho","language_score":0.9999454021,"language_script":"Latn","minhash_cluster_size":2,"top_langs":"{\"nho_Latn_score\": 0.9999454021453857}","num_words":1011,"character_repetition_ratio":0.08,"word_repetition_ratio":0.0,"special_characters_ratio":0.243,"stopwords_ratio":0.417,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Taitus\nTe launiu Pol e taataa iaa Taitus\nNa hakataakoto hakamattua i roto te launiu nei:\nNa tattara kaamata 1.1—1.4\nNa tama hakamattua na Hare Lotu 1.5—1.16\nNa tiputipu e ttonu na hakattina ana 2.1—2.15\nPol e tattara hakamataku ake na hakattina ana 3.1—3.11\nNa tattara hakaoti 3.12—3.15\n1\n1 Anau Pol, anau he tama e hehekau ma TeAtua, ia he aposol Jisas Krais.\nAnau e hirihiri ria, tena ki kauna ria no haere ma ki tokonaki na hakattina na tama TeAtua ni hirihiri raa, tena ku hakattaki mai na tama raa ki illoa te hakamaoni na tiputipu e ttapu laatou ni akoako ria 2 tera e tuunaki i te ora e ora tahi taatou e hakattari raa. TeAtua te Tama se lavaa te tattara mariu raa e tattara mai te hakamaoni i mua na mee hakaatoa ni ttipu mai raa, 3 tena ki huri mai te hakamaoni na tattara Aia raa te saaita roo e tonu. Na tattara nei e oo mai no ttae mai anau, tena anau ki hakatae atu na tattara raa pera ma TeAtua te Tokonaki taatou raa ni tattara mai.\n4 Anau e taataa ake te launiu nei iaa Taitus taku tama hakamaoni roo i te vahi na hakattina na tama e illoa tera maaua e isi raa.\nLotu ake TeAtua Tamana ia ma Jisas Krais te Tokonaki taatou raa ki kou atu te tauareka ia ma te noho laoi.\nTe hehekau Taitus i roto Krit\n5 Anau e tiaki akoe i Krit ma ki lavaa akoe te hakamoemoe tonu na mee tera koi se ttonu raa, tena ma ku hirihiri ni tama i roto na matakaina hakaatoa i Krit raa ki hakamattua i na hare lotu raa. Maanatu na tattara poroporo anau raa: 6 te tama hakamaatua raa he tama se isi na sara; te tama naa ki isi koi he avana hokotahi, tena na tamalliki hoki aia raa ni tama e hakattina, ia seai ma ni tamalliki e isi na tiputipu sakkino, ia seai ma ni tamalliki e hakatapanatta.\n7 E mee te tama hakamaatua te lotu raa e me ki mmata na uata TeAtua raa, tena aia se tau te isi na sara. Te tama naa ki laumarie, ia ki se manava haeo, ia seai hoki ma he tama e unu mahi, ia seai ma he tama e manako sileni. 8 Te tama naa he tama; te hare aia raa e taaraki i na tama roo hakaatoa, ia e hihai koi na tiputipu taualleka. Tena te tama naa se iroa te manava sakkino, ia he tama e tonu tahi, ia he tama e tapu, ia he tama e varatoa hoki te noho. 9 Te tama naa ki taohi mmau na tattara hakamaoni tera e haere tonu ma na akoako te lotu raa. Teenei te ara aia e lavaa te tokonaki alaa tama ma na tattara hakamaoni, ia e lavaa te huri ake na tiputipu e ssara na tama e hakataukaa ma na akoako e ttonu raa.\nNa tama e hakatapanatta\n10 Maitaname e tammaki na tama, taohi mua na Jiu tera e isi te hakamaatino e tapu TeAtua ku se hihhai ki hakallono, ia e hahaivi ma ki hakatike na hakataakoto alaa tama raa ma na tattara vvare laatou raa. 11 Te mee nei e tonu ki ppui na tama naa ki hakaoti na tattara vvare laatou raa, maitaname na tama naa e kou ake te haeo i na hareakina ia ma na akoako laatou se tau te poroporo raa. Na tama naa e hakannapa e mee laatou e akoako koi ki too na sileni. 12 13 E isi te tama i Krit, aia he profet, ia he tama te matakaina naa, tena aia e tattara te hakamaoni te saaita aia ni mee ma, \"Na tama i Krit raa ni tama tattara malliu, ia ni poi kai ttama, ia ni tama e matanaennae, ia e mannako mahi.\" Teenei te hakataakoto hokotahi koi tera akoe e me ki hai ake roo na tama naa ki lavaa laatou te hakattina hakamaoni, 14 ia ki se lavaa hoki laatou te tataohi na kkai na Jiu i mua raa ia ma na tuaa na tama ku peesia te hakamaoni raa.\n15 Na mee hakaatoa e matahua i na tama tera e matahua raa; e meia se isi te mee e matahua i na tama tera e matakkere, ia se hakattina raa, maitaname na hakataakoto ia ma na tiputipu na tama e hai ssara, ia se hakattina raa. 16 Na tama raa e mannatu ma laatou e illoa TeAtua, e meia na mee laatou e ppena raa e huri ake pera ma laatou se illoa. Na tama raa e manava sakkino, ia e hakatapanatta. Na tama naa se hai mee roo taualleka e lavaa te ppena.","id":"","dump":"CC-MAIN-2022-40","url":"https:\/\/png.bible\/nuq\/TIT01.htm","date":"2022-09-28T09:32:30Z","file_path":"s3:\/\/commoncrawl\/crawl-data\/CC-MAIN-2022-40\/segments\/1664030335190.45\/warc\/CC-MAIN-20220928082743-20220928112743-00318.warc.gz","language":"nho","language_score":0.9998720884,"language_script":"Latn","minhash_cluster_size":2,"top_langs":"{\"nho_Latn_score\": 0.999872088432312}","num_words":767,"character_repetition_ratio":0.073,"word_repetition_ratio":0.0,"special_characters_ratio":0.242,"stopwords_ratio":0.445,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2 Jon\nTe launiu hakarua Jon e taataa\nNa hakataakoto hakamattua i roto te launiu nei:\nNa tattara kaamata 1.1—1.3\nTe laoi hakamaoni 1.4—1.11\nNa tattara hakaoti 1.12—1.13\n1\n1 Anau he tama hakamaatua i te lotu.\nAnau e taataa atu i akoe te hine hakanaaniu ia ma na tamalliki akoe anau e laoi mahi raa. Teenei seai ma anau hokonnau koi, e meia na tama hakaatoa e illoa te hakamaoni raa e laoi kootou, 2 maitaname te hakamaoni raa e nnoho ma taatou, ia e me ki nnoho tahi roo ma taatou.\n3 TeAtua Tamana ia ma Jisas Krais te Tamariki Aia raa e kou mai taatou na mahi, te manava aroha ia ma te noho laoi, tena taatou ki too na mee nei i roto taatou hakapaa hoki ma te hakamaoni ia ma te laoi raa.\nTe hakamaoni ia ma te laoi\n4 Anau e hihia roo, maitaname anau e kite na tamalliki kootou raa e tauttari te hakamaoni raa, e ssau pera ma te Tamana raa ni tattara mai i taatou. 5 Tena anau e taataa atu i akoe te hine hakanaaniu: taatou hakaatoa ki laoi te tama ma te tama. Teenei seai ma he tuaa vahao nei anau e taataa atu nei; teenei ko te tuaa taatou ni too i te kaamata roo. 6 Te laoi anau e tattara atu nei e huri mai ma taatou ki tauttari na tuaa TeAtua raa. Te tuaa kootou hakaatoa ni llono i te kaamata raa e mee mai ma kootou ki tauttari na tiputipu te laoi raa.\n7 Tammaki na tama hai lavvaka ku maaseu i na kina hakaatoa i te maarama nei, na tama se hihhai ma ki tattara ma Jisas Krais ni hamai no tipu tama raa. Na tama peenei raa ni tama hai lavvaka, ia ni tama hoki e hakataukaa ma Krais. 8 Kootou ki lollohi hakamattonu ki se lavaa kootou te peesia ria i taha ma na tuhana kootou raa, e meia kootou ki hai na mahi ki too na tuhana hakamaoni kootou raa.\n9 Na tama se hihhai ki tauttari na akoako Krais raa, tena ki hai koi na mannatu laatou raa ni se too TeAtua i roto na ora laatou. Na tama e tauttari na akoako Krais raa e nnoho i roto te Tamana ia ma te Tamariki Aia raa. 10 Ia tena kame ni tama e oo atu ma te akoako e kee ma ki akoako atu kootou, tena auu se too na tama naa i na hare kootou raa, ia auu se meake hoki ma, \"Te noho laoi ki nnoho ma kootou.\" 11 Maitaname na tama e kou ake te tauareka i na tama hai ssara raa e hukui hoki ma na tama raa i na mee sakkino na tama raa e ppena raa.\nNa tattara hakaoti\n12 Anau e isi tammaki roo na mee ki tattara atu i kootou, e meia anau se hihai ki taataa na mee nei i roto te launiu; maitaname anau e maanatu ma ki haere atu no mmata kootou, tena anau hokonnau ku tattara atu i kootou ki hihhia taatou hakaatoa.\n13 Na tamalliki te taina hakanaaniu akoe raa e kou atu hoki na tattara hihhia laatou raa i kootou.","id":"","dump":"CC-MAIN-2022-40","url":"https:\/\/png.bible\/nuq\/2JN01.htm","date":"2022-09-25T14:29:31Z","file_path":"s3:\/\/commoncrawl\/crawl-data\/CC-MAIN-2022-40\/segments\/1664030334579.46\/warc\/CC-MAIN-20220925132046-20220925162046-00213.warc.gz","language":"nho","language_score":0.9999706745,"language_script":"Latn","minhash_cluster_size":2,"top_langs":"{\"nho_Latn_score\": 0.9999706745147705}","num_words":517,"character_repetition_ratio":0.063,"word_repetition_ratio":0.0,"special_characters_ratio":0.241,"stopwords_ratio":0.447,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 Pita\nTe launiu kaamata Pita e taataa\nNa hakataakoto hakamattua i roto te launiu nei:\nNa tattara kaamata 1.1—1.4\nTe ora na hakattina ana 1.5—2.25\nNa tamalliki TeAtua ia ma na tamalliki Satan 3.1—3.22\nTe hakamaoni ia ma na mee e ssara 4.1—4.6\nNa tiputipu te laoi 4.7—4.12\nNa mahi te laoi 5.1—5.13\n1\n1 Anau Pita, anau he aposol Jisas Krais.\nAnau e taataa atu i na tama TeAtua ni hirihiri e nnoho maseuseu pera ma ni manu siri i roto na henua Pontus, Galesia, Kapadosia, Esia ia ma Bitinia raa. 2 Kootou e hirihiri ria ki tauttari te hakataakoto TeAtua Tamana, tena TeAnana Tapu Aia raa e mee kootou no ttapu ki tauttari kootou iaa Jisas Krais, tena ku ssorohia kootou ki matahua ma te toto Aia raa.\nNa mahi TeAtua ia ma te laoi Aia ki nnoho tahi ma kootou.\nTe ora hakamaaoni e moe ma taatou i te vaelani\n3 Taatou ki hakammaha TeAtua te Tamana Jisas Krais TeAriki taatou raa! Maitaname te manava aroha Tama raa e rahi roo, tena Aia ki hakaora muri Jisas Krais i taha ma te mate ki kou mai taatou te ora vahao nei. Te mee nei e hakahihia manava roo i taatou ki nnoho no hakattari te ora vahao nei raa, 4 tena taatou ku kkira tahi koi i mua ki too na hoki e llahi TeAtua e tukutuku ma na tama Aia raa. Tama raa e tukutuku na hoki raa i te vaelani, i te kina na mee raa se lavaa te ppara no haeo, ia se lavaa te huro no llano. 5 Na hoki raa ni hoki kootou na tama tera TeAtua e rorohi ma na mahi Aia raa, e mee na hakattina kootou e isi ma ki too te ora hakamaoni tera ku tanattana ki hakari atu kootou i te aho hakaoti raa.\n6 Kootou ki hihhia i te mee nei, niaina ma e tau roo kootou te alloha he paa saaita koi e mee na hakalono llihu hakaatoa kootou ni ttiri raa. 7 Te hakataakoto na hakalono llihu raa e mee ma ki huri atu ki mmata ma na hakattina kootou raa e hakamaoni. Ia na gol raa hoki e lavaa te seua ria, te ahi raa e hahaaite na mee raa hoki, e ssau pera ma na hakattina kootou e mmaha roo i aruna na gol raa e me ki hahaaite ria hoki ki mmata ma kootou e lavaa te tuu mmau. Tena kootou e me ki too te hakammaha ia ma te tauareka, tena ku ssau kootou i aruna i te aho Jisas Krais e me ki hamai raa. 8 Kootou e laoi Tama raa, niaina ma kootou ni se kkite Tama raa, tena kootou e hakattina Tama raa, niaina ma kootou se kkite Tama raa te saaita nei. Ia tena kootou ki hihhia ma te hihia e rahi roo tera taatou se illoa ma taatou ki tattara peehee, 9 maitaname na anana kootou raa ku too te ora hakamaoni tera e moe i roto na hakattina kootou i TeAtua raa.\n10 Na profet i mua raa ni tattara mai i te hoki tauareka ki tokonaki taatou ki ora tera TeAtua ni kou iho raa, tena ki sesee ma ki lave laatou te tahito te tattara nei. 11 Na tama raa e hahaivi ma ki illoa ma teehee te saaita te ora hakamaoni raa e me ki tae mai, ia e me ki kapihi mai peehee. Teenei ko te saaita TeAnana Krais e taakoto i roto na tama raa e tattara mai i te vahi na hakalono llihu tera Krais e me ki ttiri raa, tena ki oti Aia ku hamai ma na mahi Aia. 12 TeAtua e hakari ake na profet raa pera ma na hehekau laatou raa se lavaa te tokonaki laatou, e meia na hehekau raa e me ki tokonaki kootou pera ma na tama raa ni tattara i te vahi na mee kootou ni llono na tama ni oo atu ma na tattara raa, no tattara atu i te Rono Tauareka raa i na mahi TeAnana Tapu e hamai i te vaelani raa. Na mee nei ni mee hoki na ensel raa e hihhai ki illoa.\nTe ora e tapu\n13 Ia tena kootou ki tanattana na hakataakoto kootou raa ki hehekau. Tanattana, tena ku hakamoe tahi na hakataakoto kootou i na hoki tera kootou e me ki too te saaita Krais e hakahura mai raa. 14 Tauttari tahi TeAtua, tena auu se tiaki na mee kootou e hihhai mahi te saaita kootou ni se ki atamai raa. 15 Emeia ppena tahi na mee e ttapu e ssau pera ma TeAtua, te Tama ni kanna kootou raa e tapu. 16 Te Launiu Tapu raa e tattara ma,\n\"Kootou ki ttapu, maitaname Anau e tapu.\"\n17 Kootou e kanna TeAtua ma Tamana te saaita kootou e lotu ake Aia, te Tama tera e hakatonutonu na tama hakaatoa tautari te ora te tama i te hakatonutonu hokotahi koi; ia tena hakammaha Tama raa te saaita kootou koi nnoho i te maarama nei. 18 Maitaname kootou e illoa hea ni taui kootou no ttana i taha ma na tiputipu sakkino na tipuna taatou i mua raa ni tataohi mai raa. Teenaa seai ma he mee e lavaa te haeo pera ma na gol ia ma na siliva; 19 teenaa ko te toto Krais e sui mmaha raa. Krais e ssau pera ma he punua sipsip e rahi tauareka se hai saanuku. 20 TeAtua e hirihiri Tama raa i mua Aia ni pena iho te maarama nei, tena Aia e me ki hakahura mai i na aho hakaotioti nei ki tokonaki kootou. 21 Tama raa e tokonaki kootou ki hakattina TeAtua. Tama raa e hakamahike Jisas i taha ma te mate, tena ki kou ake na mahi hai mmahi Tama raa; ia tena na hakattina ia ma na hakataakoto kootou raa ki mmoe koi i TeAtua.\n22 E mee te saaita nei kootou ku tauttari te hakamaoni raa, tena na ora kootou raa ku matahua, tena kootou ku isi te laoi hakamaoni i alaa hakattina ana, ia tena laoi hakamaoni alaa tama ma na hatumanava kootou. 23 Maitaname na tattara TeAtua e ora tera e mmoe tahi raa e hakatike kootou no mee pera ma ni tamalliki tera na maatua laatou raa e ora tahi, ia seai ma na maatua ku mmate raa. 24 Pera ma te Launiu Tapu raa e tattara mai ma,\n\"Na tama hakaatoa e ssau pera ma na veve,\ntena na mee taualleka hakaatoa laatou raa e ssau pera ma ni kaute e hhomo huri.\nNa veve raa e mmate,\ntena na kaute raa ku maoha i raro,\n25 e meia na tattara TeAtua raa e mmoe tahi se isi te hakaoti.\"\nTeenei ko na tattara te Rono Tauareka tera alaa tama ni takutaku atu kootou raa.","id":"","dump":"CC-MAIN-2022-40","url":"https:\/\/png.bible\/nuq\/1PE01.htm","date":"2022-10-01T14:34:29Z","file_path":"s3:\/\/commoncrawl\/crawl-data\/CC-MAIN-2022-40\/segments\/1664030336674.94\/warc\/CC-MAIN-20221001132802-20221001162802-00261.warc.gz","language":"nho","language_score":0.9999158382,"language_script":"Latn","minhash_cluster_size":2,"top_langs":"{\"nho_Latn_score\": 0.9999158382415771}","num_words":1106,"character_repetition_ratio":0.066,"word_repetition_ratio":0.0,"special_characters_ratio":0.24,"stopwords_ratio":0.468,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2 Timoti\nTe launiu hakarua Pol e taataa iaa Timoti\nNa hakataakoto hakamattua i roto te launiu nei:\nTattara kaamata 1.1—1.2\nTe tattara hakammaha 1.3—2.13\nTe tattara hakamattaku 2.14—4.5\nTe ora Pol 4.6—4.18\nTe tattara hakaoti 4.19—4.22\n1\n1 Anau Pol, TeAtua e hihai no hirihiri anau ki mee mo aposol Jisas Krais, tena ki kauna anau ma ki tattara atu te ora TeAtua ni mee ma Aia e me ki kou ake na tama e hukui ma Jisas Krais raa.\n2 Akoe Timoti taku tama,\nTeAtua Tamana ia ma Jisas Krais TeAriki taatou raa ki kou atu akoe na mahi, te manava aroha ia ma te noho laoi.\nAuu se nnapa na tattara te Rono Tauareka\n3 Anau e hakammaha TeAtua, te Tama anau e hehekau ma te maanatu e tauareka pera ma na tipuna anau i mua raa. Anau e hakammaha Aia na saaita hakaatoa anau e lotu ma akoe te ao ma te poo raa. 4 Anau e tani i taku maanatu akoe, tena anau e hihai roo ma ki haere atu no mmata akoe ki lavaa anau te noho hihia. 5 Anau e maanatu hoki te hakatina e rahi akoe e isi raa, te hakatina akoe raa e ssau pera ma na hakattina Lois te tipuna hine akoe raa ia ma Yunis te tinna akoe raa. Anau e hakatina pera ma akoe e isi te hakatina raa hoki. 6 Tera hea anau e meatu akoe ma ki ttaohi mmau i roto akoe te hoki TeAtua ni kou atu akoe te saaita anau ni hakapiri na rima anau raa i aruna akoe raa. 7 Maitaname TeAnana Tapu TeAtua e kou mai taatou raa se mee taatou ki mattaku; e meia TeAnana Tapu Aia raa e kou mai taatou na mahi, te laoi ia ma te laumarie.\n8 Tena auu se mataku te tattara ake na tama i te vahi TeAriki taatou raa; ia auu se napa e mee anau e karapusi ria i na hehekau TeAriki raa. Emeia taohi mmau na mahi TeAtua ni kou atu akoe ki hakalono llihu ma te Rono Tauareka raa. 9 Tama raa e tokonaki taatou ki ora, tena ki kanna taatou pera ma ni tamalliki Aia, ia taatou se mee ma ni tamalliki Aia i na hehekau taatou ni ppena raa, e meia taatou e mee pera ma ni tamalliki Aia i te hakataakoto ia ma na mahi Aia. Aia ni kou mai na mahi nei i mua i te kaamata iho na mee hakaatoa i na mahi Jisas Krais, 10 e meia te saaita nei taatou ku kkite na mee hakaatoa te saaita Jisas Krais te Tokonaki taatou raa ni hamai. Aia e hakaoti na mahi te mate, tena Aia e hakari mai te ora e ora tahi raa i na mahi te Rono Tauareka.\n11 TeAtua ni hirihiri anau ki mee mo aposol, ia mo tisa ki takutaku te Rono Tauareka raa; 12 tera hea anau e too na hakalono llihu na mee nei te saaita nei. Emeia anau se mataku, maitaname anau e iroa te Tama tera anau e tuunaki raa, tena anau e iroa pera ma Aia e lavaa te rorohi anau ki tae roo te Aho Aia e tuku ma anau raa. 13 Taohi mmau na tattara hakamaoni anau ni akoako atu akoe raa ki lavaa na tattara raa te hakattaki akoe, ia ki noho akoe ma te hakatina ia ma te laoi taatou e isi i te huhukkui ma Jisas Krais raa. 14 Akoe ki taohi mmau na tiputipu taualleka akoe e noho ma akoe raa i na mahi TeAnana Tapu tera e hehekau i roto akoe raa.\n15 Akoe e iroa pera ma na tama hakaatoa i roto Esia raa hakapaa ma Figelus laaua ma Hermogenes ku huro i taha ma anau.\n16 TeAriki taatou raa ki rorohi hakaraoi te hareakina Onesiforus raa, maitaname aia ni mee anau no hihia tammaki na vahao. Tama raa se napa ma anau e noho i te hare karapusi, 17 e meia te saaita koi aia ni tae mai i Rom raa, aia ku haere sesee anau i na kina roo hakaatoa no lave anau. 18 TeAriki ki huri ake te aroha Aia raa te tama raa i te aho hakaoti! Tena akoe e iroa laoi roo e hia na tokonaki te tama raa ni kou mai anau i roto Efesus raa.","id":"","dump":"CC-MAIN-2022-40","url":"https:\/\/png.bible\/nuq\/2TI01.htm","date":"2022-09-26T03:53:19Z","file_path":"s3:\/\/commoncrawl\/crawl-data\/CC-MAIN-2022-40\/segments\/1664030334644.42\/warc\/CC-MAIN-20220926020051-20220926050051-00070.warc.gz","language":"nho","language_score":0.999507308,"language_script":"Latn","minhash_cluster_size":2,"top_langs":"{\"nho_Latn_score\": 0.9995073080062866}","num_words":699,"character_repetition_ratio":0.064,"word_repetition_ratio":0.0,"special_characters_ratio":0.245,"stopwords_ratio":0.393,"flagged_words_ratio":0.0,"lang_id_score":0.999,"perplexity_score":500.0,"cluster_detection":1} +{"text":"Filemon\nTe launiu Pol e taataa iaa Filemon\nNa hakataakoto hakamattua i roto te launiu nei:\nTe tattara kaamata 1.1—1.3\nPol e tattara hihia ake Filemon 1.4—1.7\nPol e kainno ake Filemon ki hai aroha ake Onesimus 1.8—1.22\nTattara hakaoti 1.23—1.25\n1\n1 Anau Pol, anau e karapusi ria i te vahi Jisas Krais, tena maaua ma Timoti te taina taatou raa e tattaa atu,\niaa akoe Filemon te taina maaua tera e hehekau hoki peenei ma maaua nei 2 ia ma na tama te lotu tera e kutukkutu i roto te hare akoe raa, tena Afia te kave taatou raa ia ma Arkipus te tama hehekau hoki peenei ma maaua nei raa.\n3 TeAtua taatou Tamana ia ma TeAriki Jisas Krais ki hai aroha kootou, tena ku rorohi hakatauareka kootou ki nnoho laoi.\nTe laoi ia ma te hakatina Filemon\n4 Filemon taku taina, na saaita hakaatoa anau e lotu raa, anau e maanatu tahi akoe, tena anau e hakammaha TeAtua anau raa, 5 maitaname anau e rono pera ma akoe e hakatina i TeAriki Jisas, tena ki laoi na tama e ttapu TeAtua raa hakaatoa. 6 Tena anau e lotu ake pera ma te huhukkui maatou ma na tama te lotu raa e me ki kou atu te atamai hakamaoni ia ma na hoki hakaatoa tera maatou e isi i te huhukkui maatou ma Krais raa. 7 Taku taina, te laoi akoe raa e kou mai anau te hihia e rahi ia ma te tauareka hakamaoni! Akoe e hakahihia roo na hatumanava na tama TeAtua raa hakaatoa.\nToo hakaraoi Onesimus\n8 Tera hea anau se mataku roo te tattara atu pera ma he taina akoe i te vahi Krais ki ppena hea akoe e tau te ppena raa. 9 Maitaname anau e laoi akoe, tena anau ku kainno atu akoe. Niaina ma anau ko Pol te tama hehekau ma Jisas Krais tera e karapusi ria te saaita nei e mee anau e hehekau ma Tama raa. 10 Tena anau e kainno atu akoe i te vahi Onesimus, te tamariki anau i te vahi Krais raa; e mee te saaita anau ni noho i roto te hare karapusi raa, anau e mee pera ma he tamana aia i te vahi te lotu. 11 I mua raa aia he tama vare koi, e meia te saaita nei aia he tama roo hakamaoni e lavaa te tokonaki taaua.\n12 Anau e laoi mahi roo aia, tena anau e me ki kauna ria atu te tama nei vahao nei. 13 Anau e hihai roo ma aia ki nnoho maaua i te kina nei, te saaita nei anau koi noho i roto te hare karapusi e mee te Rono Tauareka raa ma ki lavaa aia te sui te sao akoe no tokonaki anau. 14 Anau se hihai ma ki meatu akoe ki tokonaki anau, tena anau e hihai ma akoe ki ppena hea akoe e hihai raa. Ia tena anau se lavaa te ppena he mee kame akoe se hihai.\n15 Onesimus kame ni noho i taha ma akoe paa saaita koi, ia tena te saaita nei akoe ku lavaa te too aia ki nnoho tahi koorua. 16 Tena te saaita nei aia ku se mee koi pera ma he tama hehekau, e meia aia ku raka hoki ma na tama hehekau raa, ia he taina hakamaoni taatou i te vahi Krais. Te kkira anau raa aia he tama hakamaoni roo! Tena akoe hoki e me ki kite te hakamaoni te tama hehekau ia ma te taina akoe i te vahi TeAriki nei.\n17 Tena kame akoe e maanatu pera ma anau he hakahoa akoe, tena akoe ku too hakaraoi te tama nei i te vahi anau. 18 Kame aia ni ppena he mee e sara i akoe, ia ni taoni he mee i akoe, tena akoe ku hakammau na taoni naa i te inoa anau. 19 Anau Pol e taataa na mee nei ma te rima anau: Anau Pol e me ki sui muri atu. (Anau se hihai ki meatu hoki pera ma akoe e taoni anau ma te ora akoe.) 20 Ia tena taku taina, taaua ni hai taina i te vahi TeAriki, tena akoe ku ppena hea anau e hihai ki mee anau ki hihia.\n21 Anau e iroa pera ma te saaita anau e taataa atu te launiu nei raa, akoe e me ki pena hea anau e hihai. Emeia anau e iroa hakamaoni roo pera ma akoe e me ki ppena alaa mee hoki e llahi. 22 Teeraa mee hoki, tanattana mai he kina ma anau ki moe, maitaname anau e iroa pera ma TeAtua e me ki kou mai hea taatou ni kainno ake Aia ma ki kauna ria atu anau ki vaakai atu i kootou raa.\nNa tattara hakaoti\n23 Epafras, te tama e ponotia i te hare karapusi ma anau i te vahi Jisas Krais raa e kou atu hoki na tattara hihhia aia, 24 tena Mak, Aristarkus, Demas ia ma Luk e kou atu hoki na tattara hihhia laatou.\n25 Te noho laoi TeAriki Jisas Krais ki nnoho ma kootou hakaatoa.","id":"","dump":"CC-MAIN-2022-49","url":"https:\/\/png.bible\/nuq\/PHM01.htm","date":"2022-12-05T01:49:35Z","file_path":"s3:\/\/commoncrawl\/crawl-data\/CC-MAIN-2022-49\/segments\/1669446711001.28\/warc\/CC-MAIN-20221205000525-20221205030525-00708.warc.gz","language":"nho","language_score":0.999068439,"language_script":"Latn","minhash_cluster_size":2,"top_langs":"{\"nho_Latn_score\": 0.9990684390068054}","num_words":817,"character_repetition_ratio":0.065,"word_repetition_ratio":0.0,"special_characters_ratio":0.247,"stopwords_ratio":0.386,"flagged_words_ratio":0.0,"lang_id_score":0.998,"perplexity_score":500.0,"cluster_detection":1} +{"text":"16\nHoki ake na mee na hakattina ana raa e hihhai\n1 Te saaita nei taatou ku tattara hea kootou ni taataa mai i te vahi na sileni kootou e hihhai ki ao ki tokonaki na hakattina ana TeAtua i Judia raa. Kootou ki tauttari hea anau ni tattara ake i na hare lotu i Galesia raa ki ppena. 2 Kootou ki hakavakkee ni sileni i taha na latapu hakaatoa, tautari e hia akoe e tootoo, tena ku hakavakkee no tuku i taha te saaita anau e haere atu raa, ki se lavaa kootou te huhuro huri ma ki ao ni sileni. 3 Te saaita anau e tae atu raa, anau e me ki taataa ni launiu i te vahi na tama kootou ni hirihiri raa, tena ku kauna na tama raa ki too na hoki kootou raa no kkave i Jerusalem. 4 Kame anau e maanatu ma e tauareka anau te haere, tena na tama naa ku oo ma anau.\nTe hakataakoto Pol\n5 Anau e me ki haere vaa roto Masedonia ki oti roo, tena anau ku haere atu no mmata kootou, maitaname anau e me ki haere vaa roto Masedonia i mua. 6 Anau kame e me ki hakassoro hakamarie ma kootou, ki oti roo te matani raa, tena kootou ku tokonaki anau ki haere i teeraa kina hoki tera anau e maanatu ki haere raa. 7 Anau e hihai roo ki nnoho ma kootou he saaita roroa, ia se mee ma ki haere atu koi no noho hakamarie, tena ku haere hakaraka; anau e maanatu ma ki nnoho ma kootou he saaita e roroa ake, kame TeAriki taatou raa e hihai.\n8 Anau e me ki noho i Efesus ki tae roo te aho Pentikos. 9 E mee teenei he saaita hakamaoni e tauareka te ppena na uata nei, niaina e isi na tama e hakataukaa ma anau.\n10 Kame Timoti e haere atu peenaa i kootou, tena kootou ku kkira ake no too hakaraoi tama raa no nnoho kootou, maitaname tama raa e hehekau ma TeAriki peenei ma anau nei hoki. 11 Kootou se lavaa te karemata haeo i tama naa, e meia kootou ki tokonaki te tama naa ki lavaa aia te haere ma te tauareka i te horau aia raa, ki lavaa aia te vaakai mai anau e mee anau e hihai ma aia ki vakkai mai ma na hakattina ana raa.\n12 Ia i te vahi Apolos te taina taatou raa, anau e tattara hakapurupuru ake te tama raa na vahao ma ki haere atu no mmata kootou ma alaa hakattina ana, e meia aia te saaita nei se ki hihai ki haere atu. Te saaita roo aia ku maanatu ma ki haere atu raa, tena aia kame ku haere atu.\nNa tattara hakaoti\n13 Kootou ki tanattana, ia ttuu mmau i na hakattina kootou raa, tena auu se mattaku, ia kootou ki ivi. 14 Tena ku ppena na hehekau kootou raa hakaatoa ma te laoi.\n15 Kootou e illoa i te vahi Stefanas ia ma te hareakina aia raa; na tama raa ko na tama kaamata e hakattina i roto Akaia, tena na tama raa ku hehekau ki tokonaki na hakattina ana TeAtua raa. Aku taina, anau e kainno atu kootou, 16 ki tauttari na tiputipu na tama hakamattua peenei raa ia ma alaa tama hoki tera e hehekau ma ki tokonaki na tama raa.\n17 Anau e hihia e mee Stefanas, Fortunatus ia ma Akaikus e ttae mai anau; na tama raa e oo mai i te vahi hoki kootou na tama se ttae mai raa, 18 tena anau e hihia roo, e ssau hoki pera ma na tama raa e mee kootou no hihhia. Taatou e tau te kkira ake hai mahi i na tama peenei.\n19 Na hakattina ana i roto Esia raa e kou atu na tattara hihhia laatou raa i kootou, tena Akwila laaua ma Prisila ia ma na hakattina ana hakaatoa e kutukkutu i roto te hare laaua raa e kou atu hoki na tattara hihhia laatou raa i kootou i te inoa TeAriki. 20 Na hakattina ana hakaatoa i te kina nei raa e kou atu na tattara hihhia laatou raa i kootou.\nHaere lulluu na tama te lotu hakaatoa ma te laoi TeAtua.\n21 Anau e taataa ma te rima anau na tattara nei: Anau Pol e kou atu na tattara hihhia anau raa i kootou.\n22 Koai te tama e mee ma aia se laoi TeAriki, tena te tama naa e me ki noho ma te haeo!\nTeAriki maatou, hamai!\n23 Na mahi TeAriki Jisas ki nnoho ma kootou.\n24 Anau e kou atu te laoi anau ki nnoho ma kootou na tama hakaatoa e hukui ma Jisas Krais raa.","id":"","dump":"CC-MAIN-2022-49","url":"https:\/\/png.bible\/nuq\/1CO16.htm","date":"2022-12-09T07:03:25Z","file_path":"s3:\/\/commoncrawl\/crawl-data\/CC-MAIN-2022-49\/segments\/1669446711390.55\/warc\/CC-MAIN-20221209043931-20221209073931-00320.warc.gz","language":"nho","language_score":0.9999226332,"language_script":"Latn","minhash_cluster_size":1,"top_langs":"{\"nho_Latn_score\": 0.9999226331710815}","num_words":763,"character_repetition_ratio":0.078,"word_repetition_ratio":0.005,"special_characters_ratio":0.239,"stopwords_ratio":0.447,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\n1 Ia tena anau ku maanatu hoki ma ki se haere atu no mee kootou ki alloha. 2 Kame anau e mee kootou no alloha, tena kaa koai e me ki ttoe ki mee anau ki hihia? Teenaa ko na tama koi anau ni mee no alloha raa. 3 Tera hea anau ni taataa atu te launiu raa i kootou. Anau se hihai ma ki haere atu no hakaaroha i na rima na tama e tau te mee anau ki hihia raa. Maitaname anau e iroa roo ma anau kaa hihia, kootou e me ki hihhia hoki. 4 Anau ni taataa atu te launiu nei ma te aroha e rahi roo ia ma te hakataakoto e mmaha roo, tena anau e taataa atu koi ma te tani; te hakataakoto anau raa ma ki mee kootou ki hihhia, e meia anau e hihai ma kootou ki illoa e hia anau e laoi kootou roo hakaatoa.\nPol e hai aroha ake te tama e hai sakkino aia\n5 Emeia kame he tama e mee teeraa tama no hakaaroha, tena te tama naa se mee ma aia e mee anau ki hakalono llihu, e meia e mee kootou hakaatoa ki hakalono llihu. (Anau e tattara atu te mee nei maitaname anau se hihai ki tattara hai mahi hea te tama raa ni ppena.) 6 Kame ku tau koi, e mee te mahi ana kootou ku oti te hai ake te tama naa. 7 Tena te saaita nei, kootou ki hai aroha no tattara hakapurupuru ake te tama naa ki se lavaa te tama naa te maanatu haeo no tiaki hakaoti te hakatina aia raa. 8 Tena anau e kainno atu kootou ki huri ake ki iroa te tama naa pera ma kootou e laoi hakamaoni aia. 9 Anau e taataa atu te launiu raa, maitaname anau e hihai ki iroa hakamaoni ma kootou e ttuu mmau i na hahaaite, ia ma kootou hoki ku tanattana ki tauttari na poroporo anau raa. 10 Kame kootou e ssirihia na tama i na mee e ssara laatou ni ppena raa, tena anau e me ki ssirihia na tama naa hoki. Maitaname te saaita anau e hai aroha te tama naa, tena kame anau e isi na mee ki hai aroha te tama naa, tena anau e tau te ssirihia na mee roo hakaatoa. Anau e ppena na mee nei ma kootou i mua na karemata Krais, 11 ki ppui Satan ki se hamai no hakamaatua i roto na ora taatou, maitaname taatou e illoa na hakataakoto Satan.\nPol ku tipuaina roo i roto Troas\n12 Te saaita anau ni tae i Troas ma ki takutaku te Rono Tauareka Krais raa, anau e kite pera ma TeAriki ko na taaraki mai avare te totoka raa ma anau ki hehekau i te kina raa. 13 Emeia anau e tipuaina haeo roo, maitaname anau se kite Taitus te taina taatou raa. Kito anau ki hakaalloha ma na tama te matakaina raa no haere i Masedonia.\nKrais ku hakamaatua\n14 Emeia maatou e hakammaha TeAtua! E mee maatou e hukui ma Krais, tena maatou e hakattaki ria pera ma ni tama karapusi i te hahaere maatou ma na mahi Krais raa. TeAtua e tokonaki maatou ki mee na tama na kina hakaatoa ki illoa Krais, tena te mee raa ku ttoha i na kina hakaatoa pera ma te hauna te lloo manoni. 15 Maitaname maatou e ssau pera ma te manoni te insens tera Krais e hoki ake TeAtua raa, tena te hauna te insens raa ku ttoha i na tama ku too te ora hakamaoni ia ma na tama se ki too te ora hakamaoni raa. 16 I te vahi na tama ku tiaki te ora hakamaoni raa, te hauna te insens raa e hauna haeo i na tama naa, tena na tama naa e me ki mmate. Emeia i te vahi na tama ku too te ora hakamaoni raa, te hauna te insens raa e hauna laoi roo i na tama naa, tena na tama naa e me ki ora hakamaoni. Kaa koai hoki te tama e lavaa te ppena te hehekau nei? 17 Maatou se ssau pera ma alaa tama, tammaki na tama e mannatu ma ki too ni sui i te vahi laatou e tattara na tattara TeAtua raa; e meia, e mee TeAtua e kauna ria maatou, tena maatou ki tattara ake te hakamaoni i mua na karemata Tama raa pera ma ni tama e hehekau ma Krais.","id":"","dump":"CC-MAIN-2022-49","url":"https:\/\/png.bible\/nuq\/2CO02.htm","date":"2022-12-06T16:58:32Z","file_path":"s3:\/\/commoncrawl\/crawl-data\/CC-MAIN-2022-49\/segments\/1669446711111.35\/warc\/CC-MAIN-20221206161009-20221206191009-00190.warc.gz","language":"nho","language_score":0.9999769926,"language_script":"Latn","minhash_cluster_size":1,"top_langs":"{\"nho_Latn_score\": 0.9999769926071167}","num_words":726,"character_repetition_ratio":0.073,"word_repetition_ratio":0.011,"special_characters_ratio":0.238,"stopwords_ratio":0.475,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2 Pita\nTe launiu hakarua Pita e taataa\nNa hakataakoto hakamattua i roto te launiu nei:\nNa tattara kaamata 1.1—1.2\nTiputipu taualleka na hakattina ana 1.3—1.11\nTe taku Pita 1.1—1.21\nNa tama seai ma ni tama hakamaoni e akoako 2.1—2.22\nTe hamai hakaoti Krais 3.1—3.10\nNa tattara hakaoti 3.11—3.18\n1\n1 Anau Saimon Pita, anau he tama hehekau, ia he aposol Jisas Krais.\nAnau e taataa atu i kootou na tama e ttonu tahi tera ni too na hakattina hai mmahi peenei ma na hakattina maatou nei i na mahi TeAtua ia ma taatou Tokonaki Jisas Krais raa.\n2 Na illoa kootou i TeAtua ia ma Jisas TeAriki taatou raa ki kou atu te tauareka ia ma te noho laoi se isi te hakaoti.\nTe kanna ia ma te hirihiri TeAtua\n3 Na mahi hai mmahi TeAtua raa e kou mai taatou na mee hakaatoa taatou e hihhai raa, ma ki lavaa taatou te nnoho na ora te lotu hakamaoni i te atamai taatou i te Tama tera ni kanna taatou ki nnoho i roto na mahi ia ma na tiputipu taualleka Aia raa. 4 Teenei hea Tama raa ni kou mai na hoki e llahi, ia e sui mmaha tera Aia ni tattara mai i mua raa. Tena na hoki nei e lavaa te tokonaki kootou ki hakassao i taha ma na tiputipu haeo i te maarama nei raa, tena ku oo mai ki nnoho i roto na mahi hai mmahi TeAtua raa.\n5 I roto te hakataakoto nei kootou ki hai na mahi kootou ki too te tauareka raa i roto na hakattina kootou, tena na taualleka kootou raa e me ki kou atu te iroa, 6 tena na illoa kootou raa e me ki kou atu te noho hakavaratoa, tena te nnoho hakavaratoa raa e me ki kou atu te pasemmu, tena te pasemmu raa e me ki kou atu na tiputipu taualleka hakaatoa, 7 tena na tiputipu taualleka raa e me ki kou atu te hakamaoni na tiputipu te lotu, tena na tiputipu te lotu raa e me ki kou atu te laoi. 8 Teenei na tiputipu kootou e tau te isi, ia kame kootou e isi hakamaoni na tiputipu nei, tena na tiputipu nei e me ki mee kootou ki mataora, ia ki hakanuu na illoa kootou iaa Jisas Krais TeAriki taatou raa. 9 Emeia kame kootou se isi na tiputipu taualleka nei i roto kootou, tena kootou e me ki ssau pera ma na tama se lavaa te kkite i mmao raa, tena kootou se lavaa te kkite, ia e me ki ssiri ma kootou ku oti te ssorohia no matahua i taha ma na hai sara kootou i mua raa.\n10 Ia tena aku taina, kootou ki hai na mahi kootou ki mee te kanna ia ma te hirihiri Aia raa ki hai mahi i roto kootou; kame kootou e too te hakataakoto nei, tena kootou se lavaa te tiaki na hakattina kootou raa. 11 Kame kootou e tauttari, tena kootou e me ki isi na mahi roo hakaatoa ki uru i te Hakamaatua ana TeAriki ia ma te Tokonaki taatou Jisas Krais raa.\n12 Ia tena anau e me ki hakailloa atu kootou i na mee nei, niaina ma kootou ku oti te illoa na mee nei, tena kootou ki ttuu mau roo i te hakamaoni kootou ni too raa. 13 Anau e hakataakoto ma e tonu anau ki tataaraki na kapuroro kootou raa ma na tiputipu nei te saaita nei anau koi ora. 14 Anau e iroa pera ma se roroa anau ku mate, e ssau pera ma TeAriki Jisas Krais ni tattara hakamatahua mai anau raa. 15 Tena anau e me ki hai na mahi anau ki sesee he ara ki tokonaki kootou ki mannatu na mee nei na vahao hakaatoa te saaita anau ku mate raa.\nKrais e hakamaahina na ora taatou\n16 Maatou se mee ma e tuunaki na tattara na tama e hatuhatu raa ki hakailloa ake na tama i te vakkai mai muri ia ma na mahi TeAriki taatou Jisas Krais raa. Maatou e kkite roo ma na karemata maatou na mahi Tama raa. 17 Maatou e nnoho i te kina raa te saaita TeAtua Tamana ni kou ake te hakammaha ia ma na mahi Tama raa, te saaita te reo i te Maahina i te Kina Hakanaaniu raa ni tattara iho ma, \"Teenei ko te Tamariki hakamaoni Anau, tena Anau e hihia roo i Aia.\" 18 Maatou hokomaatou e llono te reo raa e tattara iho i te vaelani te saaita maatou ni nnoho ma Tama raa i aruna te mouna e tapu raa.\n19 Ia tena maatou e illoa hakamaoni na tattara na profet raa ni tattara mai raa. Kootou e me ki ttonu hakamaoni kame kootou e tauttari na tattara raa, maitaname na tattara raa e ssau pera ma he ahi e hakamaahina i te kina e pouri raa ki tae te saaita te ata raa ku haere ake, tena te tapao raa e me ki hakamaahina i roto na hatu manava kootou. 20 Tena i aruna na mee hakaatoa, kootou ki mannatu pera ma se hai tama maatou e lavaa te hakamaarama atu na tattara i roto te Launiu Tapu. 21 Maitaname se hai tama e tattara na tattara TeAtua raa i na hakataakoto koi te tama, e meia TeAnana Tapu e hakattaki na tama naa ki tattara na tattara e oo mai TeAtua raa.","id":"","dump":"CC-MAIN-2022-49","url":"https:\/\/png.bible\/nuq\/2PE01.htm","date":"2022-12-05T01:55:49Z","file_path":"s3:\/\/commoncrawl\/crawl-data\/CC-MAIN-2022-49\/segments\/1669446711001.28\/warc\/CC-MAIN-20221205000525-20221205030525-00406.warc.gz","language":"nho","language_score":0.9998660088,"language_script":"Latn","minhash_cluster_size":2,"top_langs":"{\"nho_Latn_score\": 0.9998660087585449}","num_words":874,"character_repetition_ratio":0.085,"word_repetition_ratio":0.0,"special_characters_ratio":0.239,"stopwords_ratio":0.426,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"8\nTe manava e kaimaarie\n1 Aku taaina nei. Maaua e fiffai maa kootou ki illoa ma se aa te laaoi TeAtua ni mee ki naa lotu i Masedonia. 2 Naa tama naa ni nnoho iloto naa haaeo iloo e llasi, aa niaaina maa laatou ni tama see hai mee raa, te fiaffia laatou raa e lasi ffaaeo iloo, teenaa laatou ni kaimallie iloo ka ssiko mane. 3 Nau e lavaa te taratara atu maaoni maa naa tama naa ni hookii hakkaatoa te kooina laatou ni lavaa, aa te kooina laatou ni hookii naa ni ttoe iaa i te kooina laatou e lavaa. I naa tino fiffai laatou, 4 laatou ni ppura mai iloo ki maaua ki tiiake laatou ki heheuna hakapaa ma naa tama naa lotu i naa kina, ki tokonaki hakapaa laatou ki naa tama TeAtua e nnoho i Judea.✡ Rom 15.26 5 Maaua ni see mannatu maa laatou ma ki lavaa te hakasura te tiputipu naa. Imua raa laatou ni hookii naa tinotama laatou ki TeAriki; aa ki oti, i te hiihai TeAtua, laatou ni ffuri mai no tokonaki mai ki naa heuna maaua hoki. 6 Maaua ku oti te taratara ake ki Titus, te tama ni kaamata naa heuna nei, ki hakaotina te heuna te laaoi nei. 7 Te kau vana e taukalleka e ssura i kootou: kootou ku illoa maaoni i TeAtua; kootou e llau te taratara; kootou e illoa i naa vana aitu TeAtua; kootou e anaana ki tokonaki kootou ki telaa tama, aa i kootou e manava laaoi i maaua. Aa teenei nau e hiihai maa kootou ki kaimallie hoki te hookii naa mee kootou.\n8 Teenei seai ni taratara hoou aaku e tuku ma ki tautari kootou. Nau e taratara atu ki illoa kootou i te fiffai aaraa tama maa laatou e tokonaki. Nau e mee ki iloa nau i naa tiputipu naa manava kootou ki naa tama e nnoho hakaaroha. 9 Kootou e illoa i naa tiputipu te laaoi taatou Ariki, Jesus Christ. A Ia e sura te kau mee hakkaatoa, tevana iaa te lopo mee naa ni tiiake hakkaatoa a Ia ki tokonaki mai a Ia ki kootou. A Ia ni noho ma se tama see hai mee, ki hai mee kootou.\n10 Nau e maanatu maa e taukareka maa kootou ki hakaoti te mee kootou ni kaamata i te setau peelaa. Kootou naa ko naa tama mua ni tokonaki ki naa tama i Judea, aa kootou naa hoki ko naa tama mua ni ssura te maanatu ma ki mee te vana naa. 11 Aa kootou massike no hakaoti te vana kootou ni kaamata naa! Kootou lellere ki hakaoti te heuna naa pee ko naa lellere kootou imua ki mee te maanatu kootou naa. Kootou mmata i te kooina kootou e lavaa te hookii raa, aa kootou ku hakanaaopo te kooina naa. 12 Ki mee maa kootou e fiffai maa kootou ki hookii ni mee maa kootou, teenaa TeAtua ma ki hiihai maa Ia e too naa mee kootou naa, iaa Ia e iloa maa kootou e hai mee. Tevana iaa TeAtua ma ki see hiihai maa Ia e too naa mee kootou naa ki mee maa Ia e iloa maa kootou see hai mee.\n13 Nau see mee ma ki haia a nau aaraa tama ki nnoho vare, aa maa kootou iaa ki ttaka ma naa mmaha, seai. 14 I kootou e hai mee i te ssao nei raa, e taukareka peelaa maa kootou ki tokonaki ki naa tama see hai mee. Aa i te saaita kootou ma ki see hai mee, aa laatou e hai mee raa, teenaa naa tama naa ma ki tokonaki ki kootou. I te ara nei raa naa vana kootou ma ki taukalleka hakapaa. 15 E mee pee ko naa taratara mai te Laupepa Tapu raa peelaa, \"Ttama ni hakanaaopo ana mee tammaki raa, a ia ni see hai mee ni ttoe. Ttama ni see hai mee maaoni ni hakanaaopo raa, a ia ni lava i ana mee naa.\"✡ Ex 16.18\nTitus ma ana soa\n16 Maaua e fiaffia iloo i TeAtua, i Titus ni haia a Ia ki anaana atu ki kootou pee ko maaua. 17 A ia ni see mee maa ia ni hanatu i maaua ni vanaake kiaa ia, seai; a ia tana tino ni hiihai maa ia ki hanatu no tokonaki ki kootou. 18 Maaua e heunatia atu maaua telaa taina maaua ki hanatu ma Titus. Ttama nei e hakanauria naa lotu katoo i ana heheuna ka hakaea te Lono Taukareka. 19 A ia ni hakamaatinoria no tukua mai naa lotu raa ki au ia i maaua i te saaita maaua e oo no kkave naa mee te henua e hakanaaopo raa ki Jerusalem. Maaua e haia maaua naa heuna nei ki hakanau te henua i te inoa TeAriki, aa ki hakailoa atu i maaua e fiffai maa maaua e tokonaki ki naa tama see hai mee.\n20 Maaua e heheuna hakaraaoi iloo ki see taumaruu te henua i maaua, i naa mataake maaua naa mane te henua e hakanaaopo. 21 Maaua e mmata iloo ki ttonu naa heuna maaua nei, see mee maa imua koi naa karamata TeAriki, seai, maaua e mee hoki ki ttonu naa heuna maaua nei imua naa karamata aaraa tama.✡ Prov 3.4 (LXX)\n22 Teenaa e mee telaa taina maaua e heuna atu ma te takarua naa. Maaua ku oti te mmataria maaua naa heheuna te tama naa i te kau saaita. A ia se tama iloo e makkaa i ana heuna. A ia e iloa maa kootou ni tama e sosorina taukalleka. Teenei e hiihai ai a ia maa ia e hanatu no tokonaki ki kootou.\n23 Titus iaa, a ia naa ko taku hakasoa e heheuna ma nau ki tokonaki ki kootou; aa aaraa taaina teelaa e oo atu laatou raa, teenaa se takarua e heunatia atu naa lotu i aaraa kina. Laaua e hakanau peenaa i Christ. 24 Teenaa kootou huri atu te manava laaoi ki te takatoru naa, ki kkite naa tama naa lotu katoo no illoa maa maaua ni hakanau tonu i naa tiputtipu kootou.","id":"","dump":"CC-MAIN-2023-06","url":"https:\/\/png.bible\/nho\/2CO08.htm","date":"2023-02-03T14:18:27Z","file_path":"s3:\/\/commoncrawl\/crawl-data\/CC-MAIN-2023-06\/segments\/1674764500056.55\/warc\/CC-MAIN-20230203122526-20230203152526-00159.warc.gz","language":"nho","language_score":1.0000095367,"language_script":"Latn","minhash_cluster_size":2,"top_langs":"{\"nho_Latn_score\": 1.000009536743164}","num_words":987,"character_repetition_ratio":0.075,"word_repetition_ratio":0.0,"special_characters_ratio":0.239,"stopwords_ratio":0.593,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nPaul ma aaraa aposol\n1 Imuri naa setau e sinahuru maa haa raa, maaua ma Barnabas ni ahe ki Jerusalem, teenaa Titus ni toa a nau ka oo maatou.✡ Acts 11.30; 15.2 2 Nau ni ahe i TeAtua ni mee mai maa nau ki ahe. Nau ni noho no taratara ma naa tama hakamaatua raa i te Lono Taukareka e hakaea nau ki naa tama teelaa seai ma ni Jew. Nau ni see hiihai maa nau ni naenae vare koi i aku heuna ni mee imua, aa maa nau e naenae vare i aku heuna e mee i te saaita nei. 3 Niaaina maa Titus, taku hakasoa, se tama haka Greece raa, a ia ni see ppuratia ni tama ma ki ssere ana kina. 4 Teenaa e mee naa tama ni fiffai maa ia ki ssere. Naa tama naa e hakalellesi maa laatou e hakattina hoki pee ko maatou, teenaa naa tama naa ni hakauru seemuu mai ki loto maatou no tokatoka seemuu i naa sosorina maatou. Naa tama naa e mee koi ma ki ilotia laatou i naa ttaka vare maatou maa ni tama ku oti te hakassaoria, i maatou e ttaka ma Jesus Christ. Naa tama naa e fiffai ma ki haia maatou ma ni poe, teenaa ki tautari maatou ki naa Loo naa Jew. 5 Tevana iaa maatou ni seai iloo ki tuku atu ki naa vana naa tama naa, i maatou e mee ma ki tauhia maatou naa taratara maaoni i te Lono Taukareka nei, ki kauatu ki kootou.\n6 Tevana iaa naa tama teelaa e haia ma ni tama hakamaatua naa ni see hai taratara hoou ni kaumai kiaa nau. Nau e taratara peenei maa laatou ni tama hakamaatua iaa, nau see hai taratara i naa heuna laatou naa; TeAtua see ttoka i naa tiputipu te tama i taha.✡ Deut 10.17 7 Naa tama naa ni kkite maa nau ni heunatia TeAtua ki hakaea nau te Lono Taukareka raa ki naa tama teelaa seai ma ni Jew, e mee pee ko Peter ni heunatia TeAtua ki hakaea te Lono Taukareka raa ki naa Jew. 8 I te aa, i aa nau ni tokonakina TeAtua ki heheuna nau ma se aposol naa tama teelaa seai ma ni Jew, e mee pee ko Peter ni tokonakina TeAtua ki heheuna ia ma se aposol naa Jew. 9 James, Peter, aa ko John, naa tama e mee ma ko naa tama hakamaatua raa, ni illoa hakaraaoi iloo maa TeAtua ni kaumai te heuna e lasi nei. Naa tama naa ni oomai no pureppure ki maaua ma Barnabas, teenaa ki hakailoa mai maa maatou katoo e heheuna hakapaa. Maatou ni tuku maatou taratara maa maaua ma Barnabas ma ki heheuna ma naa tama teelaa seai ma ni Jew, aa laatou iaa ku heheuna ma naa Jew. 10 Te mee koi laatou ni mee mai ki maaua raa, teenaa maa maaua ki mannatu peenaa ki naa tama e nnoho hakaaroha see hai mee i Jerusalem, teenaa iaa ko taku mee ni noho ka maanatu ki mee.\nPeter e nutua Paul i Antiok\n11 Tevana iaa i te saaita Peter ni hanake ki Antiok raa, nau ni huri atu no nutua ia imua naa karamata te henua ni ttuu i te kina naa, i tana vana ni mee raa e sara. 12 I tana saaita mua lokoi ni tae ake raa, a ia ni noho ka kai hakaraaoi iloo ma naa tama e lotu, iaa seai ma ni Jew. Tevana iaa i te saaita naa tama teelaa ni heunatia ake James ni ttae ake raa, Peter ni kaamata te hakatahataha seemuu ki see kai a ia ma naa tama seai ni Jew naa, i aa ia ni mataku i naa Jew teelaa e hai maa naa tama naa ki ssere. 13 Teenaa ki ffuri hoki naa Jew e lotu raa no tautari ki te vana vvare Peter ni mee; aa Barnabas tana tino hoki ni vvare ka tautari ki naa Jew naa. 14 Taku saaita ni kite maa laatou ku see tautari ki te hakamaaoni te Lono Taukareka raa, nau ni huri ake ki Peter no mee ake peelaa imua naa tama naa hakkaatoa, \"Koe naa se Jew, tevana iaa koe e sosorina iloo ma se tama te henua sara; koe see sosorina ma se Jew. Peehea oo ppuratia koe naa tama i naa henua sara raa ki ffuri mai no sosorina pee ko naa Jew?\"\nNaa tama hakkaatoa e hakassaoria TeAtua i laatou e lotu i Christ\n15 Maaoni, taatou ni hannau iho ma ni Jew; taatou seai ko naa tama e taapaa ma ko 'Naa tama e haisara e nnoho i te poouri.' 16 Tevana iaa taatou e illoa maa te ora te tama e hakatonusia TeAtua i te tama naa e iloa maaoni i Jesus Christ, see mee maa i aa ia e tautari ki naa Loo Moses. Taatou hoki ni lotu i Jesus Christ ki hakattonusia naa ora taatou TeAtua, see mee maa i taatou e tautari ki naa Loo Moses. I te aa, see hai tama iloo ma ki hakatonusia tana ora TeAtua maa i aa ia e tautari ki naa Loo Moses.✡ Ps 143.2; Rom 3.20,22 17 Aa ki mee maa taatou e ssee ma ki hakattonusia naa ora taatou TeAtua i taatou e lotu i Christ, aa kimuri raa nei taatou ku taapaa ma ni tama haisara pee ko naa tama e nnoho i te poouri teelaa see tautari ki naa Loo Moses. E aa? Te mee nei e mee maa taatou ni usuusuhia Christ ki haisara taatou? Seai iloo se vana peenaa! 18 Ki mee maa nau e kaamata te hakamasike hoki naa Loo teelaa ni seua a nau raa, nau ku hakaari peelaa maa nau se tama haisara. 19 I te vasi naa Loo raa, nau e mee ma se tama ku oti te mate, i naa Loo naa ku oti te tiiake nau i aa nau ku tautari ki TeAtua. Nau ku oti te tuukia no mate hakapaa ma Christ i aruna tana kros, 20 iaa teenei seai ko nau nei teenei koi ora; teenei ko te ora are Christ nei teenei ku taka ma nau. Aa i te ora nei raa, nau e taka koi ka lotu peenaa i te Tama TeAtua, te tama ni llee tana manava iaa nau no mee ma ki mate Ia ki ora nau. 21 Nau ma ki see lavaa te hakakkeeina a nau naa tiputipu te manava laaoi TeAtua. Tevana iaa ki mee maa e maaoni maa te tama e tonu i naa karamata TeAtua i aa ia e tautari ki naa Loo Moses raa, teenaa e mee maa Christ ni mate vare koi.","id":"","dump":"CC-MAIN-2023-06","url":"https:\/\/png.bible\/nho\/GAL02.htm","date":"2023-02-02T00:38:39Z","file_path":"s3:\/\/commoncrawl\/crawl-data\/CC-MAIN-2023-06\/segments\/1674764499954.21\/warc\/CC-MAIN-20230202003408-20230202033408-00845.warc.gz","language":"nho","language_score":1.0000092983,"language_script":"Latn","minhash_cluster_size":2,"top_langs":"{\"nho_Latn_score\": 1.000009298324585}","num_words":1083,"character_repetition_ratio":0.074,"word_repetition_ratio":0.009,"special_characters_ratio":0.244,"stopwords_ratio":0.579,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"18\nPaul i Korint\n1 Ki oti raa masike iloo Paul i Athens no hano ki Korint. 2 A ia ni hanatu no ttiri iloo i te Jew, tana inoa ko Aquila. Ttama naa se tama ni haanau i Pontus, aa see rooroa koi raa, a ia ni hanake ma tana aavana, Priscilla, i Italy. Teenaa i te tuku i Rome, Claudius, ni mee tana taratara maa naa Jew raa ki hakattaha hakkaatoa Rome. Paul ni hanatu no mmata iloo i laaua, 3 teenaa noho iloo ia no heheuna hakapaa ma te hai aavana naa. Takarua naa ni tama e penapena naa tamaa hare kantis, e mee pee ko ia. 4 Paul maraa e noho no akonaki naa Jew aa ma naa tama haka Greece raa iloto te hare lotu naa Jew raa i naa Sabat hakkaatoa.\n5 I te saaita Silas laaua ma Timothy ni ttae ake i Masedonia raa, Paul ni see hai heuna sara hoki ni mee; a ia ni heheuna tonu koi te hakaea peenaa naa taratara TeAtua, ka taratara ake ki naa Jew raa maa Jesus ko te Mesaea. 6 I tana saaita ni sahea naa tama naa no taratara hakallika laatou iaa ia raa, Paul ni tahitahi naa kerekere e mmau i ana hekau e hakao raa no mee ake ki laatou, \"Ki mee kootou e ssara, teenaa ni vana koi kootou e see soko kootou! Kootou see tuku mai naa sara naa kiaa nau. E kaamata i te saaita nei raa, nau ma ki hano ki naa tama i naa henua sara.\" 7 Teenaa masike iloo Paul i te hare lotu raa no hano ki te hare te tama haka Greece, tana inoa ko Titius Justus. Titius se tama e lotu i TeAtua, aa tana hare raa e tuu taupiri ki te hare lotu naa Jew naa. 8 Te tama hakamaatua i te hare lotu naa Jew naa, tana inoa ko Crispus, ni huri no lotu hakapaa katoo ma tana haanauna raa i TeAriki. Turaa tama hoki i Korint ni llono i naa taratara naa no lotu i TeAriki, teenaa naa tama naa katoo ni too te hakaukau tapu.\n9 I te poo tokotasi raa, Paul ni hakakkiitea TeAtua tana vana, teenaa TeAriki ni tuu ake no taratara ake kiaa ia, \"Koe see mataku. Hakaea aku taratara raa ki llono te henua, koe see noho seemuu. 10 I te aa, Nau e taka ma koe. Koe ma ki see lavaa te mee pakavaina ni tama, i aku tama e ttaka vaaroto te matakaaina nei e tammaki iloo.\" 11 Teenaa noho iloo Paul tana setau ma naa marama e ono i te kina naa ka akonaki te henua i naa taratara TeAtua.\nPaul e tuu imua Galio\n12 I te saaita Galio ni hakanohoria te kaaman Rome raa ma ko te tama hakamaatua i Greece raa, naa Jew i te kina naa ni oo hakapaa no tauhia laatou Paul ka taakina ki te koti. 13 Naa tama naa ki mee ake ki Galio, \"Naa tama i te kina nei e usuusuhia ttama nei ki lotu laatou i TeAtua ma te tiputipu teelaa see tonu ma naa loo maatou!\"\n14 Te saaita Paul ku kaamata ma ki taratara lokoi iaa, Galio ku tuutia a ia naa taratara Paul, no taratara ake ki naa Jew, \"Ki mee maa teenei se ssara iloo e lasi ni haia ttama nei raa, teenaa e tonu ma nau ki hakannoo ki kootou naa Jew. 15 Aa i teenei ni tamaa heaatuna koi kootou e mee i naa taratara kootou, naa inoa kootou, aa i naa loo kootou raa, kootou soko kootou ki hakatonu te mee naa. Nau ma ki see hakatonutonu naa mee peenaa!\" 16 Teenaa kerekereia iloo ia naa tama naa i te hare koti. 17 Naa tama naa ni ffuri atu no tauhia iloo laatou Sostenis, te tama hakamaatua te hare lotu naa Jew, no taia imua te koti. Tevana iaa Galio ni seai iloo ki anaana atu ki naa vana naa tama naa e mee.\nPaul ku ahe ki Antiok\n18 Paul ni noho ake ana aso iloo e tammaki ma naa tama te lotu raa i Korint. Araa tere iloo laatou ma Priscilla aa ko Aquila ki Senkria. I te saaita laatou seki tere raa, Paul ni tasi tana lauru no mmore, teenaa i aa ia e mee tana taratara ni tuku ma TeAtua.✡ Num 6.18 19 Naa tama naa ni tere no tae iloo ki Epises, teenaa Aquila ma Priscilla ni tiiake Paul i te kina naa. Paul ni masike no hano iloo ki te hare lotu naa Jew raa no noho ka hakaea ake naa taratara TeAtua raa ki naa Jew i te kina naa. 20 Naa tama naa ni mee ake ki Paul ki noho ake hakamaarie ma laatou, araa nei Paul ni see hiihai. 21 Tevana iaa Paul ni mee ake peelaa ki laatou, i te saaita naa tama naa ni hakataffuri ki oo, \"Ki mee maa TeAtua e hiihai, nau ma ki ahemai ki kootou.\" Araa kake iloo ia i te vaka raa i Epises no tere ki Sisaria.\n22 I tana saaita ni tae ki Sisaria raa, a ia ni hano ki Jerusalem no mmata i naa tama te lotu i te kina naa, araa hakataka iloo no hano ki Antiok. 23 Paul ni noho ake hakamaarie i Antiok, araa hano iloo vaaroto naa matakaaina Galesia ma Frigia no tokonaki naa taratara TeAtua raa ki naa tama te lotu i naa kina naa.\nApollos e hakaea naa taratara TeAtua i Epises ma Korint\n24 I te saaita naa raa, te Jew tokotasi, tana inoa ko Apollos, ni hanake ki Epises. Ttama naa se tama ni haanau mai i Alexandria, aa a ia se tama e rakapau iloo i ana taratara aa e iloa hakaraaoi iloo i naa takkoto naa taratara te Laupepa Tapu. 25 Ttama naa ni akoina hakaraaoi iloo i te Mateara TeAriki, aa e mattoni iloo i ana taratara ka hakaea i naa tiputipu Jesus ki aaraa tama. Tevana iaa te tama naa e iloa koi i te hakaukau tapu e haia John. 26 Teenaa te tama naa ni kaamata no hakaea see kkapo i naa taratara TeAtua raa iloto te hare lotu naa Jew. Te saaita Priscilla laaua ma Aquila ni llono iaa ia raa, toa iloo laaua te tama naa ki te hare laaua raa no hakatonu ake hakaraaoi i naa tiputipu te Mateara TeAtua. 27 Te saaita Apollos ni maanatu ma ki hano ia ki Greece raa, naa tama te lotu i Epises raa ni tokonaki kiaa ia ka sissii laatou pas, ka kaavea ki naa tama te lotu i Greece raa ki mmata ake hakaraaoi ki Apollos. Teenaa i tana saaita ni tae ki Greece raa, naa tama teelaa ni huria naa manava laatou te laaoi TeAtua no lotu raa, ni tokonakina hakaraaoi iloo a ia. 28 I ana saaita e hakatauttau ma naa Jew imua te henua raa, naa tama naa maraa see ttae kiaa ia i tana llau te taratara, teenaa a ia maraa e ppau ake naa taratara te Laupepa Tapu raa ki illoa naa tama naa maa Jesus ko te Mesaea.\n✡18.18 Num 6.18","id":"","dump":"CC-MAIN-2023-06","url":"https:\/\/png.bible\/nho\/ACT18.htm","date":"2023-02-08T11:01:38Z","file_path":"s3:\/\/commoncrawl\/crawl-data\/CC-MAIN-2023-06\/segments\/1674764500758.20\/warc\/CC-MAIN-20230208092053-20230208122053-00498.warc.gz","language":"nho","language_score":1.0000083447,"language_script":"Latn","minhash_cluster_size":2,"top_langs":"{\"nho_Latn_score\": 1.0000083446502686}","num_words":1162,"character_repetition_ratio":0.078,"word_repetition_ratio":0.0,"special_characters_ratio":0.24,"stopwords_ratio":0.563,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3\nKootou taku ki tokonaki mai TeAtua i maatou\n1 Naa taaina ma naa kave maatou nei, kootou ki taku ki TeAtua ki tokonaki mai ki maatou, teenaa ki vave ttoha naa taratara TeAriki raa ki naa kina hakkaatoa, aa naa tama e hakannoo ki naa taratara naa ki illoa maa teenaa ni taratara hakamaatua, e mee koi pee ko te saaita kootou ni too naa taratara naa. 2 Kootou ki taku hoki ki TeAtua ki roorosi mai ki maatou, ki see mee pakavaina maatou naa tama e hakallika; i te aa, see mee maa naa tama hakkaatoa e illoa i naa taratara TeAtua.\n3 Tevana iaa taatou e lavaa te ttoka ki TeAtua ki tokonaki mai ki taatou, teenaa naa manava kootou ma ki haia a Ia ki mau ka roorosi ki see mee pakavaina kootou te tama e hakallika. 4 Maatou e haia TeAriki ki mau naa manava maatou i kootou, teenaa maatou e iloa hakaraaoi iloo maa kootou ma ki haia kootou peenaa naa mee maatou e taratara atu ki kootou.\n5 Maatou e taku maa TeAriki ki tokonaki atu ki illoa hakaraaoi kootou i te laaoi TeAtua aa i te noho hakalavatoa ma naa haaeo teelaa ni kauatu Christ.\nKootou ki mee naa heuna TeAtua\n6 Naa taaina ma naa kave maatou nei, maatou e kauatu te taratara hakamaatua nei iloto te inoa TeAriki taatou Jesus Christ: Kootou hakattaha i naa tama te lotu teelaa e matanaennae aa see tautari ki naa akonaki maatou ni kauake ki laatou. 7 Kootou e illoa hakaraaoi iloo maa kootou ki tautari ki naa vana maatou ni mee. Maatou ni see matanaennae i te saaita maatou ni nnoho ma kootou. 8 Maatou maraa e tiiake ki tokonaki mai naa tama raa i te vasi naa kaikai maatou, tevana iaa maatou maraa e tauia lokoi maatou naa tama e kaumai naa kaikai naa. Maatou e heheuna hakappuru peenaa i te poo ma te ao ki see anaana kkee kootou i maatou. 9 Te mee raa ni see hai vana e sara maa maatou e kainnoo atu ki tokonaki mai kootou ki maatou, tevana iaa maatou ni see fiffai maa maatou ki mee peenaa; maatou ni hakasura te tiputipu nei ki kkite kootou aa kootou ku tautari. 10 Saaita maatou ni nnoho ma kootou raa, maatou ni kauatu lokoi te taratara nei ki kootou, \"Te tama see hiihai maa ia ki heheuna raa, a ia ki see kauake ni kaikai maana ki kai.\"\n11 Maatou e kauatu te taratara nei i maatou e llono maa e mee naa tama i kootou e ttaka ka matanaennae. Naa tama naa e kkaro te heheuna; laatou e illoa koi te hakauru naa pisouru laatou ki loto naa vana are aaraa tama. 12 Maatou e hakaapo atu te taratara hakamaatua nei, iloto te inoa TeAriki Jesus Christ, ki naa tama naa ki hakattonu naa tiputtipu laatou aa laatou ku heheuna ki lavaa te taavi ni kaikai maa laatou soko laatou.\n13 Aa kootou iaa, naa taaina ma naa kave maatou, ki seai iloo ki kkaro te hakasura te tiputipu e tonu. 14 Ki mee ni tama i te kina naa see hakannoo ki naa taratara e kauatu maatou i te pas nei raa, kootou ku hakamaarona lokoi i naa tama naa. Kootou tiiake naa tama naa ki ttaka soko laatou ki nnapa laatou. 15 Tevana iaa kootou see mee ma ki tautau haaeo kootou ma naa tama naa; kootou ki akonaki atu ki laatou ki see mee laatou peenaa, e mee pee ko kootou e akonaki naa tama e lotu kootou hakapaa.\n16 Maatou e taku maa TeAriki tana tino ki tokonaki atu ki nnoho hakaraaoi kootou i naa aso hakkaatoa, niaaina maa ni vana peehea e ssura. TeAriki ki noho ma kootou hakkaatoa.\n17 A nau Paul, e sissii aku taratara hakaoti nei ki taku tino rima. Nau e sissii peenei taku inoa i naa hakaoti katoo aku pas.\n18 Nau e taku maa TeAriki taatou, Jesus Christ, ki noho ma kootou hakkaatoa.","id":"","dump":"CC-MAIN-2023-06","url":"https:\/\/png.bible\/nho\/2TH03.htm","date":"2023-02-03T14:19:04Z","file_path":"s3:\/\/commoncrawl\/crawl-data\/CC-MAIN-2023-06\/segments\/1674764500056.55\/warc\/CC-MAIN-20230203122526-20230203152526-00754.warc.gz","language":"nho","language_score":1.0000097752,"language_script":"Latn","minhash_cluster_size":1,"top_langs":"{\"nho_Latn_score\": 1.0000097751617432}","num_words":649,"character_repetition_ratio":0.076,"word_repetition_ratio":0.0,"special_characters_ratio":0.22,"stopwords_ratio":0.578,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"1 Tesalonaika\nTe launiu kaamata Pol e taataa i na tama i Tesalonaika\nNa hakataakoto hakamattua i roto te launiu nei:\nNa tattara kaamata 1.1\nTe hakattina na tama i Tesalonaika 1.2—1.10\nTe hehekau Pol 2.1—3.13\nNa ora na tama te lotu 4.1—5.22\nNa tattara hakaoti 5.23—5.28\n1\n1 Teenei he launiu maatou, anau Pol, Sailas ia ma Timoti.\nMaatou e tattaa atu te launiu nei i na tama te hare lotu i Tesalonaika raa ia ma na tama tera e hukui ma TeAtua Tamana ia ma TeAriki Jisas Krais raa:\nNa mahi ia ma te noho laoi ki nnoho ma kootou.\nTe ora ia ma na hakattina na tama i Tesalonaika\n2 Maatou e hakammaha tahi ake TeAtua ma kootou, tena maatou e mannatu tahi kootou i na lotu maatou. 3 Maitaname maatou e mannatu kootou i mua na karemata TeAtua Tamana taatou raa i na hakattina kootou e tauhano te ppena tahi ia ma na laoi kootou e isi ki hehekau na mahi raa ia ma te varatoa hoki kootou te nnoho no hakattari TeAriki taatou Jisas Krais raa. 4 Aku taina, maatou e illoa pera ma TeAtua e hihai mahi roo kootou, tena ki hirihiri kootou ki mee mo tama Aia. 5 Maitaname maatou ni kou atu te Rono Tauareka raa i kootou, ia se mee ma maatou e tattara koi, e meia maatou e huri atu hoki na mahi TeAnana Tapu ia ma te hakamaoni te Rono Tauareka raa. Kootou e illoa na tiputipu maatou te saaita maatou ni nnoho ma kootou raa, tena na tiputipu maatou raa e me ki tokonaki kootou. 6 Kootou e tauttari maatou ia ma TeAriki; ia niaina ma kootou e hakalono llihu mahi roo, e meia kootou e too koi na tattara taualleka raa ma te hihia TeAnana Tapu raa e kou atu kootou. 7 Ia tena, na tama te lotu i Masedonia laaua ma Akaia raa e me ki kkira atu no tauttari kootou. 8 Maitaname seai ma ko na tattara koi TeAriki tera kootou e tattara ake na tama i roto Masedonia laaua ma Akaia raa, e meia te rono hoki i te vahi na hakattina kootou i TeAtua raa e ttae na kina hakaatoa. Tena maatou ku se hai mee hoki e lave ki tattara ake i na tama raa, 9 maitaname na tama na kina hakaatoa ku tattara i te vahi na laoi kootou e huri mai maatou te saaita maatou ni oo atu no mmata kootou raa, ia hoki i te vahi kootou ni huri no se hihhai ki hamarumaru na hatu tipua raa, tena kootou ki mannatu no hehekau tahi ma TeAtua te Tama e ora raa, 10 tena ku nnoho no hakattari te saaita te Tamariki Aia raa e hamai i taha ma te vaelani raa. Jisas te Tamariki Aia raa ko te Tama ni mate no ora muri ki tokonaki taatou i taha ma te roto TeAtua tera koi hamai raa.","id":"","dump":"CC-MAIN-2023-06","url":"https:\/\/png.bible\/nuq\/1TH01.htm","date":"2023-02-09T07:10:23Z","file_path":"s3:\/\/commoncrawl\/crawl-data\/CC-MAIN-2023-06\/segments\/1674764501407.6\/warc\/CC-MAIN-20230209045525-20230209075525-00804.warc.gz","language":"nho","language_score":0.9998656511,"language_script":"Latn","minhash_cluster_size":1,"top_langs":"{\"nho_Latn_score\": 0.9998656511306763}","num_words":472,"character_repetition_ratio":0.066,"word_repetition_ratio":0.0,"special_characters_ratio":0.235,"stopwords_ratio":0.456,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nNaa tisa hakalellesi\n1 E mee naa pure hakalellesi ni hakassura iho imua no ttaka vaaroto te henua, aa i te ara naa hoki, e mee naa tisa hakalellesi ma ki oti ku ttaka atu vaaroto kootou. Naa tama naa ma ki hakassura atu ma naa akonaki hakalellesi teelaa ma ki oti ku seua ai kootou, aa laatou ma ki hakakkeeina laatou TeAtua, te tama ni hakasao laatou. Teenaa laatou ma ki hakatekia koi no seua naa ora laatou. 2 Te lopo tama ma ki tautari atu ki naa sosorina hai huri naa tama naa; aa i naa vana see ttonu laatou e hai naa raa, aaraa tama ma ki ffuri no taratara hakallika i te ara te hakamaaoni. 3 I naa manava kailallao laatou raa, naa tisa hakalellesi naa ma ki ffuti te lopo mane i naa taratara ffatu laatou ni kauatu ki kootou. Tevana iaa TeAtua kunaa noho iloo ka ttari ki hakatonutonu naa tama naa. Te ssao naa ora laatou e tukua ki seua raa ku taupiri!\n4 Naa ensol ni ppena naa haisara laatou raa ni see hakassaoria TeAtua. Laatou ni tauatia katoo a Ia ki loto te kina te mate, teenaa te kina laatou e saisaitia ka mmoe i te poouri ana ka ttari ki te Aso te Hakatonu TeAtua. 5 TeAtua ni see hakasaoria a Ia naa tama imua raa hoki. A Ia ni hakaffuta tana tai no loohia te kanohenua ni see hakannoo kiaa Ia. Naa tama koi ni hakassaoria a Ia raa ko Noah, te tama ni hakaea te tiputipu e tonu, aa ma te laa takahitu tama.✡ Gen 6.1—7.24 6 TeAtua ni mee pakavaina a Ia naa henua Sodom ma Gomora. Naa henua naa ni tuunia a Ia ki seai hakaoti. A Ia ni mee te vana nei ki hakailoa ki te henua i tana vana ma ki mee ki naa tama see hakannoo kiaa Ia.✡ Gen 19.24 7 Lot ni hakasaoria a Ia i Lot se tama e taukareka. A ia ni tanitani peenaa i naa sosorina hai huri naa tama see llono taratara.✡ Gen 19.1-16 8 Te tama e taukareka naa ni noho hakapaa ma naa tama naa. I te aso ma te aso, a ia ni tanitani peenaa i ana noho ka ttoka aa ka hakannoo ki naa sosorina hakallika naa tama naa. 9 Teenaa TeAtua e iloa i tana ara ma ki mee ki hakasaoria naa tama e hakannoo kiaa Ia i naa mmaha e ttaka ma laatou. A Ia e iloa hoki i tana ara ma ki haia a Ia ki lonollono raaoi iloo naa tama e sosorina hakallika raa ki tae ki te Aso te Hakatonu. 10 Teenaa ko naa tama e mee pakava naa haitino laatou ki naa vana e kerekkere teelaa e ttuu ai naa huru laatou, aa see tuku ki naa taratara hakamaatua TeAtua.\nNaa tisa hakalellesi nei see illoa te ppore aa e manava hatu. Naa tama naa see illoa te tuku ki naa vana naa aitu haimahi i aruna; laatou e ffuri are no hai haaeoina laatou naa tama naa. 11 Naa ensol haimahi raa iloo, teelaa e haimahi are i naa tisa hakalellesi naa, see illoa te taratara haaeo ki naa tama naa imua naa karamata TeAtua. 12 Naa tama naa iaa e sosorina see hai mannatu. Laatou see illoa te hakatonu i te vana e taukareka ma te vana e hakallika. Laatou e sosorina ma ko naa manu vao kaittama e ttipu ake koi ki tauhia no taaia. Laatou maraa e ffuri no sasakkiri huri i naa vana laatou see illoa. Teenaa laatou ma ki taaia ki mmate, e mee ma ko naa manu vao kaittama. 13 Laatou ma ki haia ki hakallono isu hoki pee ko naa hakallono isu naa tama e mee pakavaina laatou. I te ao raa iloo, naa tama naa ma ki hakauaua i naa hai laatou ki te kau vana e kerekkere ma ki akottia te hiihai naa haitino laatou. Kootou ma ki nnapa i naa sosorina naa tama naa i naa saaita laatou e nnoho no kkai ma kootou. I te aa, i laatou ma ki taussua peenaa ka hai ki naa vana e hakannapa laatou naa iloto kootou. 14 Naa tama naa e sessee peenaa ki naa haahine e kai nauhie ki mmoe ma laatou; laatou ma ki ttuu naa huru laatou peenaa i naa haahine. Naa tama see haimmahi naa hakataakoto laatou raa e usuhia laatou peenaa ki ppenaa naa haisara. Laatou ni tama ku rakapau i naa vana kailallao laatou e hai. Teenaa, naa tama naa ku takkoto i laro naa haaeo TeAtua. 15 Naa tama naa ku see tautari ki te ara e tonu, ku tautari are ki te ara Balaam, te tama Beor. Teenaa se tama e kaimanako ki ana mane ma ki oti ku too i ana vana see ttonu e hai. 16 Tevana iaa te tama naa ni nutua te donki, (teenaa se manu see iloa te taratara) i aa ia se tama haisara. Te donki naa ni huri ake no taratara ake ma se tama, teenaa ki tiiake ai naa vana vvare te tama naa.✡ Num 22.4-35\n17 Naa tisa hakalellesi nei e mee pee ko naa sao i te ppaa i tua e ttuu pakuppaku. Laatou e mee pee ko naa uruaoa e irihia te matani, aa laatou ku oti te tukua mai laatou kina TeAtua i te poouri ana hakaoti. 18 Naa tama naa e ahu iloo i naa taratara vvare laatou e hai. Laatou e usuhia laatou naa tama ku kaamata te hakattaha i naa tama e ttaka ma naa hakataakoto see ttonu raa ki ahe no mee naa vana e kerekkere laatou e kaimannako. 19 Naa tama naa e taratara ake maa laatou e ttana te mee naa vana laatou e fiffai, aa naa tino laatou iaa e hakavaarea naa sosorina laatou e hakamannani teelaa ma ki mmate ai laatou. I te aa, te tama e hakavaarea raa ko te tama e hakamanani peenaa ki naa sosorina see ttonu. 20 Ki mee te henua ni tiiake laatou naa sosorina e kerekkere te maarama nei i laatou e illoa i TeAriki Jesus Christ, te tama e hakaora taatou, aa ni ahe hoki no tautari ki naa sosorina naa ka hakavaarea ai laatou, teenaa, te tiputipu laatou i te saaita nei ku hakallika iaa i te tiputipu laatou imua. 21 E taukareka ki mee maa naa tama naa ni see oomai no illoa i te ara te tiputipu e tonu. I te aa, te tiputipu laatou i te saaita nei e hakallika i laatou ku ffuri no tiiake laatou te taratara hakamaatua e tapu TeAtua ni kauake ki laatou, aa laatou iaa ku oti te illoa i te ara te tiputipu e tonu. 22 Te tiputipu nei e huri ake peelaa maa naa taratara raa ni taratara maaoni, teenaa ko naa taratara e mee maa, \"Te poi raa e ahe koi no kai ana rua\" aa ko \"Te poi ku oti te kaukau raa e ahe koi no moe iloto te pelapela.\"✡ Prov 26.11","id":"","dump":"CC-MAIN-2023-06","url":"https:\/\/png.bible\/nho\/2PE02.htm","date":"2023-02-08T09:42:33Z","file_path":"s3:\/\/commoncrawl\/crawl-data\/CC-MAIN-2023-06\/segments\/1674764500758.20\/warc\/CC-MAIN-20230208092053-20230208122053-00130.warc.gz","language":"nho","language_score":1.0000091791,"language_script":"Latn","minhash_cluster_size":1,"top_langs":"{\"nho_Latn_score\": 1.0000091791152954}","num_words":1145,"character_repetition_ratio":0.079,"word_repetition_ratio":0.0,"special_characters_ratio":0.235,"stopwords_ratio":0.608,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3\nNaa tama hakamaatua i te lotu\n1 Teenei se taratara maaoni iloo: ttama e oti manava ki noho hakamaatua ia i te lotu raa, teenaa ko ttama e kaimanako iloo ki te heuna e lasi naa. 2 Te tama hakamaatua te lotu raa ki seai iloo se ssara iaa ia aa a ia ki noho tonu ma te aavana tokotasi; ttama naa ki maarama tana hakataakoto i naa saaita hakkaatoa: a ia ki iloa te mmata ake hakaraaoi ki ttonu ana sosorina; te henua ki illoa maa ia se tama e taukareka; a ia se tama e hakauru naa tama sara ki loto tana hare; a ia se tama e lavaa te akonaki aaraa tama; 3 a ia se tama see vvare ki te unu vaimmara ka haaeo, aa a ia ki tanata laaoi aa ki see kaimanako ki te mane. 4 Ttama naa ki lavaa te mmata ake hakaraaoi ki tana haanauna, aa ana tamalliki raa ki llono i ana taratara ka meemee hakaraaoi iaa ia. 5 Ki mee maa se tama see iloa te mmata ake hakaraaoi ki tana tino haanauna, ttama naa ma ki lavaa peehea te mmata ake ki naa tama e lotu i TeAtua? 6 Ttama hakamaatua naa ki matua iloto te lotu, teenaa ki see huri a ia no ahu i tana heuna naa aa a ia raa ku tuku haaeo ina TeAtua, pee ko Satan ni haia TeAtua. 7 Ttama naa ki ilotia naa tama see lotu raa maa ia se tama e taukareka, teenaa ki see lave ia i naa vana hakallika Satan ka hakanaparia a ia.✡ Tit 1.6-9\nNaa tama e heheuna i te lotu\n8 Naa tama hoki e heheuna tokonaki ki naa heuna te lotu raa ki ilotia ma ni tama e sosorina taukalleka; naa tama naa ki see hakavaarea te unu vaimmara aa laatou ki see kaimannako ki te mane. 9 Naa tama naa ki taaohi peenaa ki naa taratara hakamaaoni iloo te lotu, teelaa ni hakaarina ake ki laatou, ma te hakataakoto e maarama. 10 Naa tama naa ki haaiteria imua, aa ki mee maa naa tama naa see hai sara, tiiake naa tama naa ki mee naa heuna naa. 11 Naa aavana naa tama naa hoki ni tama e sosorina taukalleka. Naa haahine naa ki see tupetupe tama, aa laatou ki atammai ka ttonu i naa vana katoo laatou e mee. 12 Ttama e heheuna tokonaki ki naa heuna te lotu raa ki noho tonu ma tana aavana tokotasi, aa a ia ki lavaa te mmata ake hakaraaoi iloo ki tana haanauna ma ana tamalliki. 13 Naa tama e mee hakaraaoi iloo naa heuna te lotu raa, aaraa tama ma ki ttoka atu ki laatou ma ni tama hakamaatua, aa naa tama naa ma ki lavaa te taratara see kkapo maa laatou e lotu i Jesus Christ.\nNaa vana huu te lotu\n14 Nau e sissii atu te pas nei peenei, tevana iaa nau e tokatoka koi ki hanatu vave nau no mmata iaa koe. 15 Aa ki mee maa nau see vave hanatu, aku taratara iloto te pas nei ma ki hakaari atu te tiputipu taatou, te haanauna TeAtua, ki taaohi, i taatou nei ko te kanohenua TeAtua, ttama e ora hakaoti. Taatou nei ko te pou hakamaatua e saapai ake ki te hakamaaoni TeAtua. 16 See hai tama e lavaa te huu maa ia see iloa i naa takkoto hakamaatua naa vana huu te lotu taatou nei:\nChrist ni haanauria mai pee ko naa tama te maarama nei,\nA Ia ni hakailotia mai TeAitu Tapu ma se tama e tonu,\naa naa ensol raa ni kkite iaa Ia.\nTtama naa ni tarataraina ki naa kanohenua hakkaatoa,\naa naa tama hakkaatoa iloto te maarama nei ni lotu kiaa Ia,\nki oti raa a Ia ku toa TeAtua ki te lani.","id":"","dump":"CC-MAIN-2023-06","url":"https:\/\/png.bible\/nho\/1TI03.htm","date":"2023-02-03T12:34:00Z","file_path":"s3:\/\/commoncrawl\/crawl-data\/CC-MAIN-2023-06\/segments\/1674764500056.55\/warc\/CC-MAIN-20230203122526-20230203152526-00850.warc.gz","language":"nho","language_score":1.0000092983,"language_script":"Latn","minhash_cluster_size":2,"top_langs":"{\"nho_Latn_score\": 1.000009298324585}","num_words":618,"character_repetition_ratio":0.084,"word_repetition_ratio":0.003,"special_characters_ratio":0.234,"stopwords_ratio":0.557,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"28\nPaul ku noho i Malta\n1 Saaita maatou ni ttae hakaraaoi iloo ki uta raa, maatou ku illoa maa teenaa ko te henua e ttapa ma ko Malta. 2 Maatou ni haia hakaraaoina iloo naa tama te henua naa. Teenaa naa tama naa ni hakkaa te ahi raa ki hakamahana naa haitino maatou, i te ua raa ni kaamata no too ka saumakallii te kina naa. 3 Paul ni hano no too ake iloo te sai ffie, teenaa i tana saaita ni tukutuku atu naa ffie raa ki te ahi raa, te kata raa ku ttoro iho iloto naa ffie, i te mee raa e vvela, no aavei i te rima Paul. 4 Saaita naa tama te henua naa ni kkite i naa tautau ake te kata raa i te rima Paul raa, naa tama naa ni ffuri no taratara soko laatou: \"Ttama nei se tama e taa tama maaoni. Niaaina maa te tama nei ni see maremo i te moana raa, a ia nei see lavaa te tiiake koi ki ora.\" 5 Araa nei Paul ni riaki tana rima no leiho iloo te kata raa ki loto te ahi, teenaa a ia ni seai tana kina ni uutia. 6 Naa tama te henua naa ni mannatu maa te haitino Paul ma ki ffura, ki mee maa seai, te tama naa ma ki leiho koi no mate. Laatou ni nnoho rooroa iloo ka tokatokaria laatou Paul, araa nei ni see hai vana ni mee ki Paul, teenaa ki ffuri laatou no taratara maa Paul se atua.\n7 See mmao i te kina maatou e nnoho raa, e mee te kerekere te tama hakamaatua te henua naa, tana inoa ko Publius. Maatou ni toa hakaraaoina iloo te tama naa ki tana hare no nnoho maatou naa aso e toru ma ia. 8 Te tamana Publius naa e moe ka maki i ana moelana; a ia e laavea te makallii aa e llee tana kaikai. Paul ni uru atu ki te kina te tama naa e moe raa no taku iloo ki TeAtua, teenaa hakapiri iloo ana rima ki aruna te pisouru te tama naa no haia ttama naa no seai tana maki. 9 Naa tama hakkaatoa e mmaki i te henua naa ni oo ake ki Paul ki haia laatou ki taukalleka. 10 Naa tama te henua naa ni kaumai te lopo mee ki maatou, teenaa kimuri iloo, i te saaita maatou ni mee ki tere raa, te vaka maatou raa ni hakautania naa tama naa ki naa kaikai ki tere ma maatou.\nPaul ku tae ki Rome\n11 Maatou ni nnoho naa marama maatou e toru hakkaatoa i te henua naa. Teenaa maatou ni kkake i te vaka ni hanake i Alexandria, teelaa ni tuu ka hakalluu i te henua naa ki laka te ssao naa matani e llasi. Te vaka naa e ttapa ma ko te \"Saumaasana aitu\". 12 Maatou ni tere no tae iloo ki te matakaaina Sirakus no nnoho naa aso e toru i te kina naa. 13 Teenaa uhuki hoki maatou ka tere no tae ki Retium. I te ssoa te aso raa te matani raa ni oko mai i te kipu. Teenaa tere iloo maatou no tae ki Puteoli i te ssoa hoki te aso. 14 Teenaa maatou ni tauhia naa tama te lotu ni ttiri i maatou i te kina naa ki nnoho ake maatou se wiki ma laatou. Aa teenei te ara maatou ni oomai no ttae ki Rome. 15 I te saaita naa tama te lotu i Rome raa ni llono maa maatou ku ttae ake raa, aaraa tama i naa tama naa ni oo no ttari mai ki maatou i Apius aa aaraa tama ni oo no tari mai i te kina e ttapa ma ko \"naa Hare Moemmoe e Toru\". I te saaita Paul ni kite i naa tama naa raa, tana manava ni taukareka iloo no taratara hakahiahia ia i TeAtua.\nPaul ku noho i Rome\n16 Te saaita maatou ni ttae ki Rome raa, Paul ni tiiake ki noho soko ia ka roorosi te soldia tokotasi iaa ia.\n17 Ku llaka naa aso e toru raa, Paul ni aru ake ki naa tama hakamaatua naa Jew i te kina naa ki oo ake ki taratara laatou. I te saaita naa tama naa ni kkutu ake raa, a ia ki taratara ake ki laatou, \"Aku taaina nei. Niaaina maa nau ni see hai vana e hakallika ni mee ki naa tama taatou aa ki naa tiputipu taatou, naa tama i Israel, teelaa ni hano iho iloo i naa tippuna taatou raa, nau ni karapusina i Jerusalem aa teenei nau ku kaavea mai ki Rome. 18 I taku saaita ni toa naa hakamau Rome no vasiria raa, naa hakamau naa ni kkite maa nau see haisara teelaa e tau ma nau ki taia ki mate. Teenaa taratara iloo naa tama naa maa nau ki tiiake ki hano. 19 Araa nei naa Jew raa ni see fiffai maa nau ki tiiake ki hano, teenaa ni huri ai nau no mee ake ki naa hakamau Rome raa i aa nau e hiihai maa te Tuku Hakamau Rome raa ki hakannoo ki taku koti nei. Tevana iaa nau ni see mee maa nau e au no kotia naa tama taku tino henua.✡ Acts 25.11 20 Teenei ko taku vana ni aru atu ki taratara atu nau ki kootou. Nau nei e saisaitia ki naa seni nei i aa nau e tautari ki te tama e taaohi manava ai te kanohenua Israel hakkaatoa.\"\n21 Naa Jew raa ki mee ake, \"Maatou see hai pas e kaavea mai i Judea maa e taratara iaa koe, aa see hai tama hoki i naa tama maatou ni oomai i Judea ni taratara hakallika iaa koe. 22 Maatou e fiffai maa maatou ki llono i too hakataakoto i te mee nei, i te aa i maatou e illoa maa naa tama i naa kina hakkaatoa e taratara hakallika i te kaavena te lotu kootou.\"\n23 Teenaa naa tama naa ni tuku laatou aso ki oo ake hoki laatou no mmata i Paul, aa i te aso naa raa te kooina naa tama ni oo ake ki te hare e noho ai Paul raa e tammaki iloo. Paul ni hakaea atu ki naa tama naa i naa tiputipu te Nohorana TeAtua, aa e akonaki ake i naa takkoto naa taratara i naa Loo Moses aa ma naa taratara naa pure TeAtua ni sissii imua, teenaa ki illoa hakaraaoi naa tama naa i Jesus Christ. Paul ni kaamata iloo i te tahaata no tae ki te laasuru i ana noho ka akonaki naa tama naa. 24 Aaraa tama i naa Jew naa ni huria iloo naa manava laatou i naa taratara Paul, aa aaraa tama iaa e hai maa teenaa seai ni taratara maaoni. 25 I te saaita naa tama naa ni masseu ka hakatauttau soko laatou raa, Paul ki pesi ake te taratara nei ki laatou: \"TeAitu Tapu raa ni taratara tonu maaoni ki naa tippuna kootou, teenaa ko ana taratara ni tarataraina Isaiah:\n26 'Tere no vanaake ki te kanohenua nei:\nKootou ma ki llono i aku taratara,\ntevana iaa kootou ma ki see massaro;\nkootou ma ki ttoka no kkite i aku vana e mee,\ntevana iaa kootou ma ki see illoa i te hakataakoto naa mee naa.\n27 I te aa, i naa tama nei e manava makattau;\nnaa tama naa see fiffai maa laatou ki hakannoo;\nnaa tama naa see fiffai maa laatou ki kkite.\nTeenaa naa tama naa ma ki see kkite ki naa karamata laatou;\nnaa kautarina laatou ma ki ppuni;\naa naa hakataakoto laatou ma ki see mallama,\naa teenaa laatou ma ki see ffuri mai kiaa nau ma ki haia laatou ki taukalleka.' \"✡ Is 6.9-10 (LXX)\n28 \"Kootou ki illoa maa te taratara raa ku oti te kkave ki naa tama i naa henua sara i laatou ma ki hakassaoria TeAtua, teenaa naa tama naa ma ki hakannoo.\"\n29 [Te saaita Paul ni oti ana taratara nei raa, naa Jew raa ni hakatauttau soko laatou ka masseu ki naa kina laatou.]\n30 Paul ni noho ana setau e lua i tana hare e taavi i te kina naa, teenaa a ia ni hakauru ki tana hare naa te kau tama hakkaatoa teelaa ni oo ake no mmata iaa ia. 31 A ia ni see kkapo te hakaea i te Nohorana TeAtua ka akonaki ki te henua i naa tiputipu TeAriki Jesus Christ. Teenaa ni see hai tama ni hanake no puuia a ia.","id":"","dump":"CC-MAIN-2023-06","url":"https:\/\/png.bible\/nho\/ACT28.htm","date":"2023-02-02T02:15:56Z","file_path":"s3:\/\/commoncrawl\/crawl-data\/CC-MAIN-2023-06\/segments\/1674764499954.21\/warc\/CC-MAIN-20230202003408-20230202033408-00609.warc.gz","language":"nho","language_score":1.0000094175,"language_script":"Latn","minhash_cluster_size":1,"top_langs":"{\"nho_Latn_score\": 1.0000094175338745}","num_words":1389,"character_repetition_ratio":0.07,"word_repetition_ratio":0.0,"special_characters_ratio":0.243,"stopwords_ratio":0.586,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\n1 Teenaa ni mee ai taku maanatu ki see hanatu nau, ki see nnoho hakaaroha hoki kootou ma ko imua. 2 Ki mee maa kootou e haia a nau ki nnoho hakaaroha, ko ai te tama ma ki noho no haia nau ki hiahia? Teenaa ko kootou naa koi, naa tama ni haia a nau ki nnoho hakaaroha. 3 Teenaa ko taku vana ni sissii atu taku pas naa ki kootou. Nau ni see hiihai maa nau ki hanatu no aroha nau i naa nnoho hakaaroha kootou, naa tama nau ni maanatu maa nau ma ki hiahia ai. I aa nau e iloa maa taku saaita e hiahia, teenaa kootou hoki e fiaffia. 4 I taku saaita ni sissii atu taku pas naa raa, nau ni mate hakaoti i aku tani, i aa nau e aroha i kootou. Nau ni see sissii atu ma ki haia kootou ki nnoho hakaaroha. Seai. Nau ni sissii atu ki kkite kootou i te llee taku manava i kootou.\nAroha i te tama haisara\n5 Ki mee maa se tama ni hakkoro telaa tama ki noho hakaaroha, teenaa a ia seai tana vana ni mee kiaa nau; a ia ni mee are ki kootou hakkaatoa, aa pee ki aaraa tama koi i kootou. Nau e taratara peenei i aa nau see hiihai maa kootou ki hai haaeoina kootou ttama naa. 6 Te hakkaitoa te tama peenaa ni kauatu te mahi ana kootou raa e tau ma ia. 7 Tevana iaa i te saaita nei raa, kootou ki alloha iaa ia, aa kootou ku saapai atu ki see noho hakaaroha hakaoti ttama naa. 8 Aa teenaa nau e ppura atu ki kootou ki hakailoa atu ki ttama naa i naa manava kootou e llee iaa ia. 9 Nau ni sissii atu taku pas naa ki mmata nau maa kootou maaoni e lavaa te hakannoo ka tautari ki aku taratara i naa saaita hakkaatoa. 10 Saaita kootou e alloha i te tama i ana vana ni mee raa, nau hoki e aroha iaa ia. I te aa, i taku saaita e aroha i te tama raa, teenaa ki mee e maaoni maa nau e aroha i te tama naa i se vana, nau e hakasura te tiputipu naa imua naa karamata Christ, ki sura se taukareka i kootou. 11 I te aa, nau see hiihai maa Satan ki lavaa te hakahiti i aruna naa mahi taatou, i taatou ku oti te ilotia taatou ana vana e maanatu ma ki mee.\nPaul e ssee i Titus\n12 Taku saaita ni tae ki Troas ki hakaea nau te Lono Taukareka i Christ raa, nau ni kite maa taku ara raa ku oti te tarakina mai hakaoti TeAriki. 13 Tevana iaa taku manava ni hakallika iloo i aa nau ni see lave i taatou taina, Titus. Teenaa, purepure iloo nau ki naa tama i te kina naa no hakataka iloo nau ki Masedonia.✡ Acts 20.1\nChrist e noho hakamaatua\n14 Tevana iaa taatou ki fiaffia i TeAtua. I taatou e hakapaa ki Christ raa, teenaa taatou e hakataakina TeAtua ma ni karapusi, ki tautari taatou vaamuri Christ, te tama e noho hakamaatua. Taatou nei e haia TeAtua ki hakaea taatou te iloa Christ raa ki te henua hakkaatoa, ki ttoha te iloa naa ma ko naa sauna naa mee mannoni. 15 I te aa, i taatou nei e mee pee ko naa mee mannoni e hookina Christ ki TeAtua, teelaa e ttoha no takoto ma naa tama ni hakassaoria aa ma naa tama e nnoho ki mmate. 16 Teenei se sauna te mate ki naa tama e nnoho ki mmate, aa teenei ko te sauna te ora ki naa tama ni hakassaoria a Ia. Ko ai te tama hoki e tau te mee naa vana peenei? 17 Maatou see mee pee ko aaraa tama, e haia laatou naa taratara TeAtua nei ma ni taratara vare koi. Maatou nei ni heunatia mai TeAtua, teenaa maatou nei e taratara ki te taratara maaoni imua naa karamata TeAtua, i maatou ni tama e heheuna maa Christ.","id":"","dump":"CC-MAIN-2023-06","url":"https:\/\/png.bible\/nho\/2CO02.htm","date":"2023-02-05T04:28:42Z","file_path":"s3:\/\/commoncrawl\/crawl-data\/CC-MAIN-2023-06\/segments\/1674764500215.91\/warc\/CC-MAIN-20230205032040-20230205062040-00393.warc.gz","language":"nho","language_score":1.0000097752,"language_script":"Latn","minhash_cluster_size":1,"top_langs":"{\"nho_Latn_score\": 1.0000097751617432}","num_words":656,"character_repetition_ratio":0.068,"word_repetition_ratio":0.0,"special_characters_ratio":0.239,"stopwords_ratio":0.587,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nTe tama e hakallika\n1 I te taratara i te ahemai TeAriki taatou Jesus Christ aa i te hakakkutu atu taatou ki nnoho taatou ma Ia raa: nau e ttaro atu ki kootou, aku taaina ma aku kave,✡ 1 Thes 4.15-17 2 kootou mmata ki see oo atu ni tama no hakassoporia naa manava kootou maa te aso TeAriki raa ku oti te pakuu iho. Naa tama naa pee e mannatu maa teenaa ni taratara maatou ni ppesi i naa saaita maatou ni hakaea naa taratara aitu TeAtua aa i naa saaita maatou ni hakaea te Lono Taukareka i Christ. Aaraa tama e hai maa teenaa ni taratara maatou iloto te pas maatou ni sissii. 3 Kootou mmata ki see oo atu ni tama no hakarereesia kootou. I te aa, i te saaita te aso naa seki pakuu iho raa, te henua ma ki ffuri no hakakkeeina laatou TeAtua, aa teenaa te tama e hakallika raa ma ki hakasura iho. Teenaa ko te tama ma ki oti ku peesia ki te kina te mate. 4 Te tama e hakallika naa ma ki tuku murina a ia naa mee katoo teelaa e haia ma ni atua aa ma naa mee teelaa e lotu ai te henua. Te tama naa ma ki hakanoho soko ia ma se tama hakamaatua i aruna naa atua naa hakkaatoa. A ia ma ki uruhia a ia te Hare Tapu TeAtua raa no noho maa ia ko TeAtua.✡ Dan 11.36; Ezek 28.2\n5 E aa? Kootou ku see hakamaarona maa nau ni taratara atu naa mee nei katoo i taku saaita ni nnoho taatou? 6 I te saaita nei raa kootou e illoa ma se aa e ppui te tama e hakallika naa ki see vave hakasura iho, teenaa i te tama naa ma ki hakasura iho koi i te saaita tana sao raa e tae mai. 7 Te tiputipu e hakallika raa ko naa heheuna are vaaroto taatou, aa te tiputipu naa ma ki takoto peenaa iloo ki tae ki te ssao TeAtua ma ki hakataharia a Ia te tama e tauhia a ia te tiputipu naa. 8 Aa teenaa, te tama e hakallika raa ma ki hakasuratia mai, tevana iaa i te saaita TeAriki Jesus ma ki au raa, te tama naa ma ki irihia TeAriki ki tana maanava no hakalleetia ki taha no mate, aa ana mahi ma ki seua TeAriki ki te ttia tana haitino e tapu.✡ Is 11.4 9 Te tama e hakallika naa ma ki au ma naa mahi Satan no hakassura te kau mahi teelaa e hakassoro mmata, iaa teenaa seai ni mahi maaoni.✡ Mt 24.24 10 A ia ma ki hai te kau vana hakalellesi ki naa tama teelaa ku nnoho koi ki mmate. Naa tama naa ma ki mmate i laatou ni see fiffai ma ki tauhia laatou te hakamaaoni teelaa ma ki lavaa te hakasaoria laatou. 11 Teenaa TeAtua e tiiake Ia naa tama naa ki lotu ki naa mee hakalellesi. 12 Naa tama ni see lotu i te hakamaaoni, teelaa ni fiaffia are i te tiputipu te haisara e taka ma laatou raa, naa tama naa ma ki tuku haaeoina TeAtua.\nKootou ni tukua TeAtua ki tauhia kootou te ora maaoni\n13 Naa taaina ma naa kave maatou nei, maatou e tau te taratara hiahia peenaa ki TeAtua i kootou; kootou naa tama e llee ai te manava TeAtua. I te aa i kootou ni tukua TeAtua ki mee pee ko naa tama mua ni hakaoratia TeAitu Tapu no haia ma ni tama e ttapu tana kanohenua, aa i kootou e lotu i te hakamaaoni. 14 Kootou ni kannaatia TeAtua ki te ora hoou nei i te saaita maatou ni hakaea atu te Lono Taukareka; teenei kootou ku llave i naa tiputipu te ora TeAriki Jesus Christ. 15 Aa teenaa, kootou naa taaina ma naa kave maatou nei, kootou tuutuu hakaraaoi ka tauhia kootou naa taratara maaoni teelaa ni kauatu maatou ki kootou, teenaa i naa hakaea atu maatou naa taratara TeAtua aa i te pas maatou ni sissii atu ki kootou.\n16 TeAtua te Tamana taatou e llee tana manava i taatou, aa iaa Ia e sura te manava laaoi raa, teenaa a Ia ni saapai mai ki mmau naa manava taatou aa ni mee mai ma ki nnoho hakaraaoi taatou ka ttari ki naa mee e taukalleka. Nau e taku kiaa Ia aa ki taatou Ariki Jesus Christ tana tino, 17 maa laaua ki saapai atu ki mmau naa manava kootou aa ki tokonaki atu ki ppena aa ki taratara lokoi kootou ki naa taratara e taukalleka i te kau saaita katoo.","id":"","dump":"CC-MAIN-2023-06","url":"https:\/\/png.bible\/nho\/2TH02.htm","date":"2023-02-08T10:44:07Z","file_path":"s3:\/\/commoncrawl\/crawl-data\/CC-MAIN-2023-06\/segments\/1674764500758.20\/warc\/CC-MAIN-20230208092053-20230208122053-00353.warc.gz","language":"nho","language_score":1.0000095367,"language_script":"Latn","minhash_cluster_size":2,"top_langs":"{\"nho_Latn_score\": 1.000009536743164}","num_words":745,"character_repetition_ratio":0.072,"word_repetition_ratio":0.0,"special_characters_ratio":0.236,"stopwords_ratio":0.587,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"5\nNaa tama TeAtua raa e haimmahi are i naa tama te maarama nei\n1 Te tama e iloa maaoni maa Jesus ko te Mesaea raa, teenaa se tamariki TeAtua; aa te tama e laaoi i te tamana raa e laaoi hoki i tana tamariki. 2 Taatou e illoa maa taatou e laaoi i naa tamalliki TeAtua i taatou e laaoi i TeAtua, aa taatou e hakannoo ki ana taratara. 3 Taatou e hakannoo ki naa taratara hakamaatua TeAtua i taatou e laaoi iaa Ia. Aa ana taratara hakamaatua naa see hainattaa taatou te tautari,✡ Jn 14.15 4 i te aa, naa mahi naa tamalliki katoo TeAtua raa e ttoe iaa i naa mahi te maarama nei. Aa taatou e haimahi i taatou e lotu i TeAtua. 5 Ko ai te tama e lavaa te hakahitia a ia naa mahi te maarama nei? Te tama koi e iloa maaoni maa Jesus ko te Tama TeAtua.\nNaa tiputipu Jesus Christ\n6 Jesus ni sura mai iloto te vai te hakaukau tapu ma te ttoo i tana mate. A Ia ni see sura mai koi iloto te vai; a Ia ni sura mai iloto te vai aa ma te ttoo hakapaa. TeAitu Tapu raa e hakailoa mai maa teenei ni taratara maaoni, i te hakamaaoni raa e takoto i TeAitu Tapu. 7 Teenei naa mee e toru e hakailoa mai naa tiputipu Christ ki taatou: 8 TeAitu, te vai, aa te ttoo. Takatoru nei e taratara ki te taratara tokotasi. 9 Taatou maraa e hakannoo ki naa taratara e kaumai naa tamavare te maarama nei. Iaa naa taratara e kaumai TeAtua raa e haimahi are i naa taratara naa tama naa, aa a Ia ku oti te kaumai naa taratara nei i naa tiputipu tana Tama. 10 Teenaa naa tama katoo e illoa maaoni i te Tama TeAtua raa, naa taratara nei e takkoto iloto naa hatumanava laatou. Naa tama see illoa i TeAtua raa iaa e mee maa TeAtua se tama e taratara kailaarao. I te aa, i laatou ni see hakannoo ki naa taratara TeAtua ni mee i tana Tama. 11 Naa taratara TeAtua raa e mee peenei: Te ora e ora hakaoti raa ku oti te kaumai TeAtua ki taatou, aa te ora nei e hakatahito i tana Tama.✡ Jn 3.36 12 Te tama e iloa maaoni i te Tama TeAtua raa e taka ma te ora nei; te tama see iloa i te Tama TeAtua raa iaa see taka ma te ora maaoni.\nTe ora e ora hakaoti\n13 Nau e sissii atu naa taratara nei ki illoa kootou maa kootou e ttaka ma te ora e ora hakaoti, teenaa ko kootou naa tama e illoa i te Tama TeAtua. 14 Taatou see ppore i naa ttuu taatou imua naa karamata TeAtua, i te aa, i taatou e illoa maa Ia e hakannoo mai ki taatou ki mee taatou e kainnoo ake kiaa Ia, aa e hano ma tana hiihai. 15 A Ia e lono i taatou i naa saaita katoo taatou e kainnoo mee kiaa Ia; aa i taatou e illoa maa teenei se vana maaoni raa, teenaa taatou e illoa hoki maa Ia e kaumai ni aa taatou e kainnoo kiaa Ia.\n16 Ki mee maa se tama i kootou e kite maa tana taina raa e pena se haisara, iaa seai ko te haisara e tau te mate te tama, a ia ki taku ki TeAtua ki hakaoratia tana taina. Nau e taratara i naa haisara teelaa see tau te kauake te mate te tama. Tevana iaa e takoto te haisara e kauake te mate te tama. Nau see taratara atu ma ki taku kootou ki TeAtua i te mee naa. 17 Naa haisara hakkaatoa see ttonu i naa karamata TeAtua. Tevana iaa e takkoto naa haisara see lavaa te kauake te mate te tama.\n18 Taatou e illoa maa see hai tama i naa tamalliki TeAtua raa e hakamanani te ppena naa haisara, i te aa, te Tama TeAtua raa e roorosi hakaraaoi iloo ki laatou, aa laatou ma ki see lavaa te haia pakavaina Satan.\n19 Niaaina maa te maarama nei hakkaatoa e takkoto i laro te roorosi Satan raa, taatou e illoa koi maa taatou ni tama TeAtua.\n20 Taatou e illoa maa te Tama TeAtua raa ni au no mee ki atammai taatou, ki illoa taatou i te Atua maaoni. Aa teenei taatou ku ora hakapaa ma te Atua maaoni, i taatou e ora ma tana Tama, Jesus Christ. A Ia raa ko te Atua maaoni, aa te ora nei ko te ora e ora hakaoti.\n21 Aku tamalliki nei. Kootou roorosi ki see haka tauppiri atu kootou ki naa aitu hakalellesi!","id":"","dump":"CC-MAIN-2023-06","url":"https:\/\/png.bible\/nho\/1JN05.htm","date":"2023-02-05T00:47:47Z","file_path":"s3:\/\/commoncrawl\/crawl-data\/CC-MAIN-2023-06\/segments\/1674764500158.5\/warc\/CC-MAIN-20230205000727-20230205030727-00435.warc.gz","language":"nho","language_score":1.0000089407,"language_script":"Latn","minhash_cluster_size":1,"top_langs":"{\"nho_Latn_score\": 1.0000089406967163}","num_words":757,"character_repetition_ratio":0.093,"word_repetition_ratio":0.0,"special_characters_ratio":0.24,"stopwords_ratio":0.6,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4\nNaa tisa hakalellesi\n1 TeAitu Tapu raa e taratara hakaraaoi iloo maa ki muri aaraa tama ma ki ffuri no see lotu ki TeAtua; naa tama naa ma ki hakannoo ki naa aitu hakalellesi ka tautari ki naa akonaki naa tippua. 2 Naa akonaki peenaa e ssura i naa tama e kaikailua aa e taratara kailallao; teenaa ko naa tama e mmate naa hakataakoto laatou, e mee ma e tuunia ki te katana e vvela. 3 Naa tama naa e akonaki te henua maa te avvana raa e sara, aa ma naa tama raa ki mattino naa kaikai laatou e kkai aa naa kaikai laatou ki see kkai. Tevana iaa TeAtua ni penapena naa kaikai naa ki kaina naa tama e hakataakoto tonu kiaa Ia teelaa ku oti te illoa i te hakamaaoni, teenaa naa tama naa maraa e taku hakahiahia imua i te saaita laatou e kkai. 4 Naa mee hakkaatoa TeAtua ni penapena raa e taukalleka; see hai mee e hakallika, tevana iaa naa mee hakkaatoa taatou e too raa, taatou ki too ka taku hakahiahia i TeAtua, 5 i te aa, i naa kaikai naa e hakatapuria te taratara TeAtua aa ma naa taku taatou kiaa Ia.\nTe tama e heheuna taukareka i Jesus Christ\n6 Ki mee maa koe e hakaea ake naa taratara nei ki naa tama e lotu, teenaa koe e heheuna maaoni iloo i Jesus Christ, i too ora e tipu ake ma naa taratara maaoni te lotu aa koe e tautari ki naa akonaki maaoni. 7 Koe see hakannoo atu ki naa kkai hakalellesi naa tama naa, teenaa seai ni taratara maaoni. Anaana kkoe ki tautari koe ki te tiputipu TeAtua. 8 Ttama e hakamaamaa raa e mee ki taukareka tana haitino, aa ttama e tautari peenaa ki te tiputipu TeAtua iaa e mee ki taukalleka te kau vana iaa ia. I te aa, te tiputipu naa e hakasura te ora maaoni i te ssao nei aa i te ssao imuri. 9 Teenei se taratara maaoni iloo te henua e tau ki hakataakoto ki loto naa manava laatou. 10 Taatou e taasuki ka heheuna hakappuru iloo, i te aa, i taatou e taaohi manava i TeAtua, ttama e ora hakaoti. A Ia naa ko te Tama e hakasao te henua hakkaatoa, e mua ki naa tama e lotu.\n11 Koe ku kauatu naa taratara akonaki nei. 12 Koe ki see mee ma ki ttoka atu naa tama maa koe se tamavare koi, ma i aa koe se tama taane koi; tevana iaa, mee ki kkite naa tama e lotu raa i te ttonu oo taratara, i oo sosorina taukareka, i too manava laaoi i aaraa tama, i oo hakannoo ki naa taratara TeAtua, aa i te matahua too ora, ka tautari naa tama naa iaa koe. 13 I taku saaita seki hanatu are raa, koe ki pauppau atu naa taratara te Laupepa Tapu raa ki naa tama te lotu, aa koe ku hakaea ka akonaki atu naa taratara TeAtua ki naa tama naa. 14 Koe see tiiake te heuna TeAitu Tapu TeAtua ni kauatu kiaa koe i te saaita naa pure TeAtua raa ni taratara i aa koe ka oo atu naa tama hakamaatua te lotu raa no hakapiri atu naa rima laatou ka taku iaa koe. 15 Taaohi ka tautari peenaa lokoi ki naa taratara nei, teenaa ki kkite te henua hakkaatoa i naa tipu ake too ora iloto te lotu. 16 Mmata lokoi ki ttonu oo sosorina aa ma oo akonaki e kauake ki te henua, aa koe ku tautari lokoi ki aku taratara ni kauatu kiaa koe. Ki mee maa koe e mee peenaa, teenaa koe ma ki hakasao iaa koe hakapaa ma naa tama e hakannoo kiaa koe.","id":"","dump":"CC-MAIN-2023-14","url":"https:\/\/png.bible\/nho\/1TI04.htm","date":"2023-03-29T22:14:18Z","file_path":"s3:\/\/commoncrawl\/crawl-data\/CC-MAIN-2023-14\/segments\/1679296949035.66\/warc\/CC-MAIN-20230329213541-20230330003541-00371.warc.gz","language":"nho","language_score":1.0000085831,"language_script":"Latn","minhash_cluster_size":1,"top_langs":"{\"nho_Latn_score\": 1.0000085830688477}","num_words":604,"character_repetition_ratio":0.076,"word_repetition_ratio":0.0,"special_characters_ratio":0.23,"stopwords_ratio":0.553,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4\nTe ora e hiihai ai TeAtua\n1 Aku taaina ma aku kave nei, maatou ni akonaki atu ki kootou i te ora teelaa kootou ki tautari ki hiihai TeAtua ki kootou. Ni maaoni iaa, teenei ko te tiputipu ni ttaka ma kootou. Aa teenei maatou ku ttaro atu iloto te inoa TeAriki Jesus ki ttosi ake naa sosorina e taukalleka kootou naa. 2 I te aa, i kootou e illoa i naa akonaki TeAriki Jesus ni kauatu maatou ki kootou. 3 TeAtua e hiihai maa kootou ki haka maarama naa ora kootou ki ttapu, aa maa kootou ki tiiake te tiputipu e hai huri. 4 Kootou naa taanata raa ki illoa i te tiputipu e tonu, teenaa i naa sosorina kootou ki naa aavana kootou. 5 Kootou see mee koi maa kootou ki ttuu naa huru kootou ma ki moemmoe kootou peenaa ma naa aavana kootou, e mee pee ko naa tama te poouri see illoa i TeAtua. 6 I naa sosorina te tanata ki tana aavana raa, te tanata naa ki see mee se vana kailaarao maana ki tana taina e lotu. Maatou ni taratara atu te mee nei ki kootou imua, teenaa maatou ni hakaapo atu maa TeAriki ma ki hakkaitoaina a Ia naa tama e hakassura te tiputipu naa. 7 Taatou ni see kannaatia TeAtua ki ttaka taatou ka hai huri, seai. Taatou ni kannaatia a Ia ki ttaka taatou ma naa ora e ttapu. 8 Teenaa, te tama see hakannoo ki naa akonaki nei raa, a ia see mee maa ia see hakannoo ki naa akonaki te tamavare, seai. A ia naa e mee maa see hakannoo ki TeAtua, te tama e kauatu tana Aitu Tapu raa ki kootou.\n9 Maatou ki see sissii no taratara atu ki manava laaoi kootou i aaraa tama te lotu, i te aa, i kootou ku oti te akonakina TeAtua ki manava laaoi kootou i telaa tama. 10 Aa kootou naa ni sosorina peenaa ki naa taaina ma naa kave katoo kootou e nnoho i Masedonia. Teenaa maatou e ttaro atu ki kootou, naa taaina ma naa kave maatou nei, kootou ki ttosi ake naa sosorina e taukalleka kootou naa. 11 Kootou mmata ki ttaka seemuu kootou, aa kootou ki anaana ki mee naa vana kootou soko kootou ka heheuna ki naa tino rima kootou ki llave ni kaikai maa kootou. Kootou ki mee pee ko naa taratara atu maatou ki kootou imua. 12 I te ara nei raa, naa tama see lotu raa ma ki taratara hakanau i naa tiputtipu kootou. Teenaa kootou ma ki see nnoho koi ma ki oo atu ni tama huri no kauatu ni mee maa kootou.\nTeAriki ku ahemai\n13 Kootou naa taaina ma naa kave maatou, maatou e fiffai maa kootou ki illoa ma se aa ma ki mee i naa tama teelaa ku oti te mmate. Maatou see fiffai maa kootou ki nnoho hakaaroha pee ko naa tama teelaa see hai mee e taaohi manava ai. 14 Taatou e illoa maa Jesus ni mate no masike hoki, teenaa taatou e illoa maa te saaita Jesus ma ki ahemai raa, TeAtua ma ki ahemai ma Jesus aa ma naa tama e lotu teelaa ku oti te mmate.\n15 Naa taratara e kauatu maatou nei, teenei ni akonaki TeAriki: Naa tama i taatou teelaa koi ora i te saaita TeAriki e ahemai raa, naa tama naa ma ki ttari ki oo naa tama ku oti te mmate raa ki TeAtua imua. 16 TeAtua ma ki kappisi ana varo, teenaa te ensol hakamaatua raa ma ki taratara iho, aa te henua ma ki llono i naa iri te puu TeAtua. TeAriki tana tino ma ki hano iho i te lani. Naa tama ku oti te mmate teelaa e lotu i Christ raa ma ki massike no ora imua; 17 ki oti raa taatou, naa tama koi ora i te saaita naa, ma ki toa TeAtua no hakapaa atu ki naa tama naa i aruna naa uruaoa. Teenaa taatou katoo ma ki kkutu atu ma TeAriki i te lani no nnoho hakaoti ma Ia.✡ 1 Cor 15.51-52 18 Tarataraina naa taratara nei ki naa tama kootou, ki ttipu naa manava kootou.","id":"","dump":"CC-MAIN-2023-14","url":"https:\/\/png.bible\/nho\/1TH04.htm","date":"2023-03-25T11:24:42Z","file_path":"s3:\/\/commoncrawl\/crawl-data\/CC-MAIN-2023-14\/segments\/1679296945323.37\/warc\/CC-MAIN-20230325095252-20230325125252-00690.warc.gz","language":"nho","language_score":1.0000092983,"language_script":"Latn","minhash_cluster_size":2,"top_langs":"{\"nho_Latn_score\": 1.000009298324585}","num_words":675,"character_repetition_ratio":0.072,"word_repetition_ratio":0.0,"special_characters_ratio":0.234,"stopwords_ratio":0.604,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3\nLollohi hakamattonu na tattara kootou\n1 Aku taina te lotu, na tama kootou e akoako raa ki se tammaki. Pera ma kootou e illoa, maatou na tama e akoako raa e me ki hakatonutonu ria e raka i aruna ma alaa tama. 2 Taatou hakaatoa e ppena na mee e ssara. Emeia kame he tama se pena te mee e sara i na tattara aia, tena te tama naa e tonu tahi, ia e lavaa hoki te rorohi hakaraoi aia hokoia. 3 Taatou e ppono na mee pammee i roto na maihu na hos raa ki mee na hos raa ki tauttari taatou, tena taatou e me ki lavaa te mee na hos raa ki huro na kina taatou e hihhai raa. 4 Kaa seai, kootou ku mannatu na vakatua hai pukei raa: niaina ma te vakatua hai pukei raa e rahi roo, e meia te matani hai mahi raa e lavaa koi te mee te vaka raa ki tere, tena te hoe paamee te vaka raa e lavaa te uru te vaka raa ki tere i te kina te ariki te vaka raa e hihai aia ki tere raa. 5 E ssau hoki ma te arero: te arero raa e paamee, e meia te arero raa e lavaa roo te tattara ahu i na mee e llahi.\nMannatu! Te maramara paamee roo e lavaa te ttuni te pupu e rahi roo ki ura. 6 Tena te arero raa e ssau pera ma he ahi. Te arero raa e ssau pera ma he maarama e pii na hai sara e tuu i roto na tinotama taatou no ttoha te sakkino raa i roto na ora taatou. Te arero raa e hakaura na tinotama taatou raa hakaatoa ma te maramara e hamai i te kina te ahi e vvela tahi raa. 7 Taatou na tama e lavaa te hakataratara na manu, tena taatou ku oti te hakataratara alaa manu takavao, na manu kai ttama, na manu lellee, na moko torotoro ia ma na ika. 8 Emeia se hai tama e lavaa te hakataratara te arero. Te arero raa e sakkino, ia se lavaa te moe hemuu. Te arero raa e pii na mee sakkino. 9 Taatou e hakammaha TeAtua Tamana ma na arero taatou, tena na arero taatou raa e hai hoki na haeo alaa tama, na tama tera e pena iho tautari te tipu roo TeAtua raa. 10 Na tattara hakammaha ia ma na tattara haeo raa e hopo iho i taha ma te maihu hokotahi naa koi. 11 Te vaitea laaua ma te lottai raa se lavaa te koo iho hakaatoa i taha ma te hatu hokotahi. 12 Aku taina, te niu se lavaa te hua na natu; te kuru se lavaa te hua na niu, tena te vai lottai se lavaa te hakatike no marie.\nTe atamai e hamai i aruna\n13 E isi na tama kootou e atamai, ia e mattonu? Tena kootou ku huri mai te hakamaoni i na ora taualleka kootou raa, na mee taualleka kootou e ppena ma te pasemmu ia ma te atamai raa. 14 Emeia kame na hatu manava kootou raa e kkere, e haeo roo, ia e mannako, tena auu se tattara ahu ki se lavaa kootou te hai ssara i te vahi na tattara hakamaoni raa. 15 Te atamai naa se hamai i TeAtua i aruna; teenaa he atamai koi i te maarama nei. TeAnana Tapu se kou mai te atamai naa, Satan hokoia e kou mai te atamai naa. 16 He matakaina peehee na tama e manava kkere, ia e mannako, te kina naa se lavaa te nnoho tauareka, ia e me ki isi na sakkino hakaatoa. 17 Emeia te atamai nei e hamai i TeAtua i aruna. Te mee kaamata roo i te atamai nei ko te matahua, te noho laoi, te pasemmu ia ma te laoi. Te atamai nei e pii te manava aroha, ia e huri mai na tiputipu taualleka. Te atamai nei se isi na tiputipu sakkino ia ma ki tattara uhiuhi. 18 Tena te tauareka raa ko te tiputipu ni hura ake i roto te tiputipu te noho laoi raa i na hehekau na tama e haere hakatonutonu na sara raa.","id":"","dump":"CC-MAIN-2023-14","url":"https:\/\/png.bible\/nuq\/JAS03.htm","date":"2023-04-01T01:38:09Z","file_path":"s3:\/\/commoncrawl\/crawl-data\/CC-MAIN-2023-14\/segments\/1679296949694.55\/warc\/CC-MAIN-20230401001704-20230401031704-00733.warc.gz","language":"nho","language_score":0.9996440411,"language_script":"Latn","minhash_cluster_size":1,"top_langs":"{\"nho_Latn_score\": 0.9996440410614014}","num_words":679,"character_repetition_ratio":0.073,"word_repetition_ratio":0.0,"special_characters_ratio":0.245,"stopwords_ratio":0.421,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"6\n1 Naa tama e lotu teelaa e heheuna poe raa, ki mmata hakaraaoi iloo ki hakannoo laatou ki naa hakamau laatou, teenaa ki see taratara hakallikaina te inoa TeAtua aa ma naa akonaki taatou e kauake ki te henua. 2 Naa poe e mee naa hakamau laatou e lotu raa ki see mannatu maa teenaa ni taaina aa ma ni kave koi laatou, aa maa laatou ku see mattaku i naa hakamau laatou naa. Seai. Naa heuna laatou e mee maa naa hakamau laatou naa ki taukalleka iaa, i te aa, i naa heuna laatou naa e tokonaki hoki ki naa tama e lotu laatou hakapaa.\nNaa akonaki hakalellesi\nKoe ki akonaki ka hakaea naa taratara nei. 3 Te tama e akonaki ni taratara e kkee ma aku taratara ni kauatu, aa e taratara sara maa naa taratara maaoni taatou Ariki, Jesus Christ, aa ma naa taratara te lotu taatou raa, 4 ttama naa e ahu vvare ka seai iloo tana vana tokotasi e iloa. Ttama peenaa e mee tana maanatu hakallika ki hakatautau ka heatu ma aaraa tama, teenaa maa laatou e illoa i te hakataakoto naa taratara TeAtua. Teenaa ko te mee e hakkoro te manava ssano, naa heatuna, te pukua saakiri, aa te maanatu hakallika i aaraa tama. 5 Naa tama naa maraa e hakkoro lokoi naa vana hakallika, teenaa i naa pisouru laatou e vvare hakaoti aa te hakamaaoni TeAtua ku see takoto hoki iloto naa manava laatou. Laatou e mannatu maa te lotu raa se ara e mee ki hai mane laatou.\n6 Te lotu raa maaoni e mee te tama ki hai mee, teenaa ki mee maa ttama raa e maanatu maa ia e tau ma ana mee e noho ma ia. 7 Se aa taatou ni toomai ki te maarama nei? Seai iloo! Se aa taatou ma ki too i te maarama nei? Seai iloo! 8 Ki mee maa taatou e hai kaikai ma naa hekau, naa mee naa e tau ma taatou. 9 Naa tama e fiffai maa laatou ki hai mane raa ma ki usuhia no hakavaarea i naa mee vvare ma naa mee hakallika laatou e kaimannako, teenaa ko naa mee ma ki oti ku ssara hakallika iloo laatou. 10 I te aa, te kaimanako ki te mane raa, teenaa se tahito te kau vana e hakallika. E mee aaraa tama, teelaa ni kaimannako iloo maa laatou ki hai mane, ku see lotu i Christ. Naa manava naa tama naa ku hakallika hakaoti i naa nnoho hakaaroha laatou.\n11 Timothy, koe se tama TeAtua. Hakataha ki see lave koe i te tiputipu naa, aa koe ku tautari ki te tiputipu e tonu aa e taukareka, tautari ki te tiputipu TeAtua e hiihai, hakataakoto tonu iaa Ia, manava laaoi i telaa tama, noho hakalavatoa, aa koe ku meemee hakaraaoi aaraa tama. 12 Taaohi ki mau too manava i Christ, aa koe ku mee ki toa koe te ora e ora hakaoti. Koe ni arumia TeAtua i too saaita ni taratara imua te lopo tama maa koe e lotu iaa Ia, teenaa ki too koe te ora nei. 13 Nau e vanaatu kiaa koe imua naa karamata TeAtua, te Tama e hakaora naa mee hakkaatoa, aa imua naa karamata Jesus Christ, te Tama ni tuu no taratara se aa e hakamaaoni imua Pontius Pilate.✡ Jn 18.37 14 Hakannoo hakaraaoi iloo ki naa taratara e kauatu nei aa koe ku taaohi peenaa iloto too manava ki tae ki te aso taatou Ariki raa ma ki hakasura iho. 15 Tana saaita ma ki hakasura iho raa ma ki hanotonu ma tana aso ni tukua TeAtua, te Tama tokotasi e tapu aa e noho hakamaatua i aruna naa tama hakkaatoa, te Tuku naa tuku, aa TeAriki naa ariki. 16 TeAtua soko Ia see lavaa iloo te mate; a Ia e noho iloto te maasina teelaa see lavaa te tamavare te hakataupiri atu. Seai iloo se tama ku oti te kite iaa Ia, aa see hai tama hoki ma ki oti ku kite iaa Ia. Te henua ki hakanau i TeAtua i naa saaita hakkaatoa! Amen.\n17 Vanaatu ki naa tama hai mane i te ssao te maarama nei ki see ahu. Naa tama naa ki see taaohi manava ki naa mee teelaa ki oti koi ku seai, pee ko naa mane laatou. Laatou ki taaohi manava i TeAtua, te Tama e hookii mai te kau mee hakkaatoa ki fiaffia taatou. 18 Vanaatu ki naa tama naa ki mee naa mee e taukalleka, ki hakasura te kau tiputipu e taukalleka, ki kaimallie, aa ki tanatana ki vaevae naa mee laatou ma aaraa tama. 19 I te ara nei raa, naa tama naa ma ki hakatau ake naa tuuhana laatou ki tokonaki ki laatou imuri. Aa teenaa naa tama naa ma ki too te ora maaoni.\n20 Timothy, mmata ake hakaraaoi ki naa mee ni kauatu ki takkoto iaa koe. Hakataha i naa tama e maaisu hakallika, e heheatu i te mee aaraa tama e hai ma se \"iloa maaoni\". 21 E mee aaraa tama e hai maa laatou e ttaka ma te iloa naa, teenaa ni see illoa ai laatou i te ara te lotu.\nTeAtua ki mmata ake hakaraaoi iloo ki kootou.","id":"","dump":"CC-MAIN-2023-14","url":"https:\/\/png.bible\/nho\/1TI06.htm","date":"2023-03-21T01:53:24Z","file_path":"s3:\/\/commoncrawl\/crawl-data\/CC-MAIN-2023-14\/segments\/1679296943589.10\/warc\/CC-MAIN-20230321002050-20230321032050-00213.warc.gz","language":"nho","language_score":1.0000094175,"language_script":"Latn","minhash_cluster_size":1,"top_langs":"{\"nho_Latn_score\": 1.0000094175338745}","num_words":845,"character_repetition_ratio":0.063,"word_repetition_ratio":0.0,"special_characters_ratio":0.233,"stopwords_ratio":0.578,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"2\nHakannoo ki naa taratara TeAtua\n1-2 Naa taratara teelaa ni kauake naa ensol ki naa tippuna taatou raa ni huri ake ma ni taratara maaoni iloo. Naa tama ni see hakannoo no tautari ki naa taratara naa ni hakkaitoaina TeAtua i naa vana laatou ni hakassara. Teenaa taatou ki tautari hakaraaoi iloo ki naa taratara maaoni taatou ni llono naa, ki see sassare huri taatou. 3 Taatou ma ki llaka peehea i naa hakkaitoa TeAtua ki mee maa taatou see anaana ki illoa taatou i te ara TeAtua e hakasao taatou? TeAriki tana tino ni hakaea mua lokoi i te ara TeAtua e hakasao taatou, teenaa naa tama ni llono iaa Ia raa ni hakaari mai ki taatou maa teenei ni taratara maaoni. 4 TeAtua hoki e huri mai ana lopo mirakol ma ana vana e hakasoro mmata aa ka vaevae mai naa mahi TeAitu Tapu tautari ki tana hiihai, ki illoa taatou maa teenaa ni taratara maaoni.\nTaatou e hakassaoria TeAtua iloto te inoa Christ\n5 TeAtua ni see hakanoho naa ensol raa ki nnoho hakamaatua i te maarama hoou teelaa e tarataraina taatou ma ki oti ku sura mai. 6 E takoto tana taratara iloto te Laupepa Tapu e taratara are peelaa:✡ Ps 8.4-6 (LXX)\n\"TeAtua, te tama te maarama nei se tama peehea ma ki noho koe no maanatu ki aa ia?\nAi koe ku anaana are ki te tamavare peenaa?\n7 I te tamaa saaita koi raa, te tama naa ni tukua a koe ki see tae ki naa ensol.\nAa teenei koe ku haia a koe ma se tama hakamaatua ka hakanau koe iaa ia.\n8 Ttama naa e tukua a koe ki noho hakamaatua i aruna naa mee hakkaatoa.\"\nTe taratara raa e mee maa \"naa mee hakkaatoa\" ni tuku atu TeAtua kiaa ia; teenaa seai se mee maa see takoto i naa mee naa. Aa taatou iaa see kkite maa se tama i te maarama nei e noho hakamaatua i aruna naa mee hakkaatoa i te saaita nei. 9 Te tama taatou e kkite raa iaa ko Jesus, te tama ni tukua TeAtua tana tamaa saaita ki see tae ki naa ensol, teenaa iloto te laaoi TeAtua i taatou, a ia ki mate ki hakassaoria te henua hakkaatoa. Taatou nei ku kkite iaa ia ku noho hakamaatua ka hakanauria i aa ia ni hakallono isu no mate. 10 Te mee raa e tau iloo maa TeAtua, te tama ni penapena no hakanoho naa mee hakkaatoa, ki too ake te lopo tama no nnoho ma Ia. Teenaa Jesus ni tiiake Ia ki hakallono isu ki tau Ia te hakasao naa tama te maarama nei.\n11 Jesus ni hakatapuria a Ia naa ora te henua ki see takkoto ni haisara i laatou, teenaa a Ia ma naa tama ni hakatapuria naa ora laatou naa ki tamana ki te Tamana tokotasi. Teenaa see napa ai Jesus te kannaa i naa tama naa ma ni tama i tana haanauna. 12 Jesus ni mee ake ki TeAtua peenei:✡ Ps 22.22\n\"Nau ma ki hakaari ake ki aku taaina ma aku kave raa i oo vana ni mee;\nNau ma ki hakanau iaa koe i te saaita naa tama naa e kkutu no lotu.\"\n13 A Ia ni pesi hoki tana taratara peelaa,\n\"Nau ma ki taaohi manava i TeAtua.\"\nAa e taratara hoki peelaa,\n\"Teenei nau ku noho hakapaa ma naa tamalliki TeAtua ni kaumai kiaa nau.\"✡ Is 8.17,18\n14 Naa tama e haia a Ia ma ni tamalliki aana naa, teenaa ni tama i te maarama nei. Teenaa Jesus ni haanauria mai ma se tama te maarama nei hoki ki taka Ia ma te tiputipu naa tama te maarama nei. A Ia ni mee peenei ki lavaa Ia te mate, ki seua a Ia naa mahi Satan raa i tana saaita e hakamasikeria no ora hoki. I te aa, Satan e tauhia a ia naa mahi te mate. 15 I te ara nei raa, naa tama katoo ni ttipu ake ka mattaku maa laatou ma ki oti ku mmate raa ku haia a Ia ki seai te maanatu naa i naa hakataakoto laatou. 16 Te mee nei e hakailoa mai maa teelaa seai ko naa ensol raa e tokonakiria Jesus; teelaa are ko naa mokopuna Abraham.✡ Is 41.8-9 17 Teenaa, i ana vana katoo e mee raa, Jesus ki sosorina pee ko ana taaina i te maarama nei, ki mee Ia ma se Maatua Hakamau laatou teelaa e sura te manava aroha aa e heheuna hakaraaoi i ana heuna e mee maa TeAtua. A Ia ki mee peenaa ki lavaa te uiia naa haisara te henua. 18 I te saaita nei raa, Jesus ma ki lavaa te tokonaki atu ki naa tama e usuusuhia naa vana e hakallika, i te aa, i tana tino ni usuusuhia no hakallono isu Ia.","id":"","dump":"CC-MAIN-2023-14","url":"https:\/\/png.bible\/nho\/HEB02.htm","date":"2023-03-21T07:02:06Z","file_path":"s3:\/\/commoncrawl\/crawl-data\/CC-MAIN-2023-14\/segments\/1679296943637.3\/warc\/CC-MAIN-20230321064400-20230321094400-00720.warc.gz","language":"nho","language_score":1.000009656,"language_script":"Latn","minhash_cluster_size":2,"top_langs":"{\"nho_Latn_score\": 1.0000096559524536}","num_words":782,"character_repetition_ratio":0.066,"word_repetition_ratio":0.0,"special_characters_ratio":0.238,"stopwords_ratio":0.56,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4\nTtiputipu naa tama TeAtua\n1 I Christ ni hakallono isu tana haitino, teenaa kootou hoki ki mee naa hakataakoto kootou ki haimmahi pee ko Ia. I te aa, te tama e hakallono isu tana haitino raa ko te tama ku see ppena hoki naa haisara. 2 Kaamata i te saaita nei, i te saaita kootou koi nnoho i te kerekere raa, naa ora kootou ki tautari ki te hiihai TeAtua. Kootou see mee ma ki tautari kootou ki naa sosorina e hakallika teelaa e oti manava ai naa tama te maarama nei. 3 Te nnoho kootou imua ka hai naa vana te kanohenua see lotu i TeAtua raa ku tau peenaa. Imua raa kootou ni hai huri ka hai kootou naa vana e kerekkere; kootou ni hakavaarea te unu naa vai mmara; kootou ni unuunu hakapaa ka hakassura te kau vana e hakannapa, aa kootou e lotu peenaa ki naa aitu hakalellesi kootou ni penappena. 4 Aa i te saaita nei raa, te kanohenua see lotu i TeAtua raa ku tteki i kootou ku see hakauru ake hoki ki naa vana laatou, teenaa ko te nnoho laatou ka sosorina pee ko naa manu aa see hakatonu maa ni aa laatou e hai. Teenaa e ffuri ai laatou no taratara hakallika i kootou. 5 Tevana iaa naa tama naa ki kauake ni taratara maa laatou i naa takkoto naa ora laatou ki TeAtua, iaa Ia e noho ki hakatonutonu naa ora naa tama e ora ma naa tama e mmate. 6 Teenaa ko te vana te Lono Taukareka raa ni kauake ki naa tama ku oti te mmate i te saaita laatou koi ora. Maaoni, laatou ni mmate pee ko naa tama hakkaatoa e mee naa haisara laatou raa ni mmate, tevana iaa teenei laatou ku oti te hakaoratia TeAtua no ttaka laatou ma ni aitu pee ko TeAtua.\nHeunatia naa heuna TeAtua\n7 Te ssao naa mee hakkaatoa ma ki hakaoti mai raa ku saaita koi. Teenaa naa hakataakoto kootou ki ttonu aa kootou ku roorosi hakaraaoi iloo i naa sosorina kootou, ki lavaa kootou te taku hakaraaoi. 8 Te tiputipu e takoto i aruna naa mee hakkaatoa raa, teenaa ko te tiputipu te manava laaoi kootou i telaa tama. I te aa, te manava laaoi koi e lavaa te mee te tama ki uiia naa haisara telaa tama.✡ Prov 10.12 9 Hakauru telaa tama ki loto naa hare kootou, aa kootou ki see hai manava. 10 Kootou hakkaatoa ki too te kau mee e taukalleka kootou ni kauatu TeAtua raa no tokonaki ki naa taaina kootou, pee ko naa vana te tama e heheuna taukareka i TeAtua. 11 Naa tama e tukua ki taratara raa, laatou ki hakaea naa taratara TeAtua; naa tama e tukua ki heheuna raa ki heheuna ki naa mahi laatou e kauake TeAtua. Kootou ki sosorina peenei ki takkoto naa ahu raa i TeAtua iloto te inoa Jesus Christ. A Ia e taka hakamaatua aa e takoto haimahi peenaa. Amen.\nNaa tama te lotu e hakallono isu\n12 Aku taaina nei. Ki mee kootou e ttiri i te kau haaeo ka hakallono isu, kootou ki see mannatu maa ni vana sara ku mee i kootou. Seai. Teenaa ni vana e ssura ki haaiteria naa hakataakoto kootou i TeAtua. 13 Kootou ki fiaffia i kootou e hakallono isu hoki pee ko Christ. Teenaa kootou ma ki fiaffia iloo i te saaita ana mahi ma ki hakassura ki te maarama nei. 14 Kootou ki fiaffia ki mee kootou e sasaakiria maa i kootou ni tama e tautari ki Christ; kootou e haia peenaa i TeAitu haimahi TeAtua e takoto i naa ora kootou. 15 Ki mee se tama i kootou e hakallono isu, a ia ki see mee maa ia e hakallono isu maa i aa ia se tama e taa tama, e kailaarao, e ppena naa vana e ssara, aa e hakauru atu tana pisouru ki naa vana are aaraa tama. 16 Tevana iaa ki mee kootou e hakallono isu maa i kootou ni tama te lotu, kootou ki see nnapa. Kootou ki fiaffia i TeAtua i kootou e taapaa te henua ki te inoa Christ.\n17 Te ssao te hakatonu TeAtua ki kaamata raa ku tae mai. TeAtua ma ki kaamata te hakatonutonu ana tama raa imua. Aa ki mee a Ia e kaamata i ana tama, kootou e mannatu maa naa tama see hakannoo ki te Lono Taukareka TeAtua raa ma ki haia peehea imuri? 18 Te Laupepa Tapu raa e mee maa,\n\"Ki mee maa e hainattaa te hakaora naa tama e taukalleka,\nnaa tama haisara raa ma ki hakaoratia peehea?\"✡ Prov 11.31 (LXX)\n19 Aa teenaa, naa tama e hakallono isu i teenaa ko te tiputipu TeAtua e hiihai ki sura i laatou raa, naa tama naa ki sosorina taukalleka ki aaraa tama, aa laatou ku tiiake naa ora laatou ki takkoto i naa rima TeAtua, te tama ni penapena laatou. A Ia maraa e haia lokoi a Ia naa mee ana e taratara maa Ia ma ki mee.","id":"","dump":"CC-MAIN-2023-14","url":"https:\/\/png.bible\/nho\/1PE04.htm","date":"2023-03-31T12:23:26Z","file_path":"s3:\/\/commoncrawl\/crawl-data\/CC-MAIN-2023-14\/segments\/1679296949642.35\/warc\/CC-MAIN-20230331113819-20230331143819-00147.warc.gz","language":"nho","language_score":1.000009656,"language_script":"Latn","minhash_cluster_size":2,"top_langs":"{\"nho_Latn_score\": 1.0000096559524536}","num_words":816,"character_repetition_ratio":0.072,"word_repetition_ratio":0.0,"special_characters_ratio":0.229,"stopwords_ratio":0.621,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"7\n1 Aku soa nei. Naa purepure nei hakkaatoa e mee mai ki taatou. Aa teenaa, taatou ki hakakkee naa ora taatou i naa mee hakkaatoa teelaa e mee naa tinotama taatou ma naa hakataakoto taatou ki kerekkere. Taatou ki lotu i TeAtua, teenaa ki tautari ki tana tiputipu e tapu.\nTe hiahia Paul\n2 Kootou alloha i maaua. Maaua see illoa te sosorina hakallika ki telaa tama. See hai tama ni haia maaua no hakallika, aa see hai tama ni usuusuhia maaua. 3 Nau see mee maa kootou ni tama e hakallika. Seai. Nau ku oti te taratara atu hakaoti i maaua e llee naa manava maaua i kootou. Niaaina maa taatou koi ora, aa maa taatou e mmate, taatou ma ki ttaka hakapaa lokoi. 4 Nau e iloa hakaraaoi iloo i naa tiputtipu kootou, teenei e ahu ai nau i kootou. I naa haaeo kaatoo e ttiri i maaua nei, nau see iloa te sopo taku manava; nau e taka ka hiahia peenaa.\n5 Saaita maaua ni ttae ki Masedonia raa, maaua ni see hakamalolloo. Te kau haaeo ni ttiri i maaua. E mee naa tama ni ffuri mai no heheatu maatou, ka ttaka mattaku maaua.✡ 2 Cor 2.13 6 Tevana iaa TeAtua, te tama maraa e haka aneane naa tama e mee pakavaina raa, ni haia a Ia naa manava maaua no taukalleka. A Ia ni heunatia mai a Ia Titus ki maaua. 7 Maaua ni see mee koi maa maaua ni fiaffia ma i aa ia ni au, seai. Naa manava maaua ni taukalleka hoki i aa ia ni taratara mai i naa tokonaki ake kootou kiaa ia. A ia ni taratara mai maa kootou e nnoho ka ttaro peenaa ki kkite kootou iaa nau. A ia e taratara mai hoki maa kootou e alloha i naa vana see ttonu kootou ni mee kiaa nau, aa maa kootou ku nnoho koi ki tokonaki mai kootou kiaa nau. Teenei ko naa taratara nei e lasi ai taku hiahia i te saaita nei.\n8 Niaaina maa taku pas ni sissii atu raa ni mee kootou no nnoho hakaaroha raa, nau see mee maa nau e aroha i aa nau ni sissii atu taku pas peenaa. Maaoni, imua raa nau ni aroha i aa nau e iloa maa te pas nei ni mee kootou no nnoho hakaaroha i te tamaa saaita. 9 Tevana iaa i te saaita nei raa nau e hiahia; nau see hiahia ma i kootou ni haia a nau ki nnoho hakaaroha. Seai. Nau e hiahia i kootou ni lavaa te ffuri naa manava kootou i kootou ni nnoho hakaaroha. TeAtua ni heheuna iloto naa manava kootou i te saaita kootou ni nnoho hakaaroha. Kootou naa ku illoa maa maaua ni see hai vana e hakallika ni mee ki kootou. 10 TeAtua e heheuna i te saaita te tama e noho hakaaroha, ki huri te manava te tama naa no too te ora maaoni. See hai vana e sara i te tiputipu naa. Tevana iaa te tama e noho hakaaroha pee ko te nnoho hakaaroha naa tama te maarama nei raa, teenaa ko te tiputipu e sura ai te mate. 11 Kootou mmata i te ara TeAtua ni mee ki te nnoho hakaaroha kootou naa: kootou ku lellere ki haia kootou naa heuna TeAtua: kootou ku anaana ki huri ake peelaa maa kootou e tautari ki te tiputipu e tonu; kootou ku ffuri no lloto i naa vana hakallika aaraa tama e ppena; kootou ku ssopo naa manava kootou i te tiputipu see tonu; kootou ku ttaro ki kkite kootou iaa nau; kootou ku alloha iaa nau; kootou ku nnoho koi ki hai ake kootou naa tama e ppena naa haisara! Kootou nei ku oti te huri ake peelaa maa kootou see hai vana e ssara i te tiputipu nei.\n12 Aa teenaa, taku saaita ni sissii atu taku pas naa raa, nau ni see sissii ma ki taratara atu i te tama e hakasara tana vana; nau hoki see mee maa i te tama ni hakasaraina ana vana. Nau ni sissii koi te pas naa ki kkite kootou, imua naa karamata TeAtua, i te llee naa manava kootou i maaua. 13 Naa manava maaua ni hakatipuina iloo te tiputipu nei.\nNaa manava maaua ni see hakatipuina koi te tiputipu nei, naa manava maaua hoki ni taukalleka i te hiahia Titus, i aa ia ni hiahia i naa vana kootou ni mee kiaa ia! 14 Nau ni hakanau ki Titus i naa sosorina kootou, teenaa nau ni seai iloo ki napa i kootou. Maaua maraa e taratara maaoni ki kootou, teenaa naa taratara hakanau maaua ni hai ake ki Titus i kootou raa ni taratara maaoni. 15 A ia e llee iloo tana manava i kootou i naa fiffai kootou maa kootou e hakannoo ki ana akonaki, aa i aa ia ni too atu kootou no anaanaria ma se hakamau. 16 Nau nei ku hiahia iloo i aa nau ku iloa maa kootou ma ki taaohi peenaa te tiputipu naa.","id":"","dump":"CC-MAIN-2023-14","url":"https:\/\/png.bible\/nho\/2CO07.htm","date":"2023-03-29T13:22:58Z","file_path":"s3:\/\/commoncrawl\/crawl-data\/CC-MAIN-2023-14\/segments\/1679296948976.45\/warc\/CC-MAIN-20230329120545-20230329150545-00238.warc.gz","language":"nho","language_score":1.0000090599,"language_script":"Latn","minhash_cluster_size":2,"top_langs":"{\"nho_Latn_score\": 1.0000090599060059}","num_words":815,"character_repetition_ratio":0.086,"word_repetition_ratio":0.0,"special_characters_ratio":0.231,"stopwords_ratio":0.579,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"7\nTtiputipu te aavvana\n1 Aku taaina. Kootou ma ki massaro i aku taratara e kauatu nei, i kootou hakkaatoa e illoa i naa takkoto naa Loo Moses. Saaita taatou koi nnoho i te maarama nei, naa Loo raa e takkoto hakamaatua i taatou.\n2 Te taratara i naa tama e aavvana raa e mee peenei. Te ffine raa e hakapaaria te Loo raa ki tana aavana. Laaua ma ki nnoho hakapaa i te maarama nei. Tevana iaa ki mee te tanata raa ku mate, te ffine naa hoki ku ttana i te Loo teelaa ni hakapaa ai a ia ki tana aavana. 3 Aa ki mee te ffine raa e huri no aavana telaa tanata i te saaita tana aavana raa koi noho, a ia naa ku mee ma se ffine hai huri. A ia ma ki ttana koi te aavana i telaa tanata ki mee tana aavana raa ku mate, aa teenaa a ia naa ku see mee ma se ffine hai huri.\n4 Aku taaina ma aku kave. Kootou hoki ku oti te mmate ma Christ. Kootou ku see takkoto koi i laro naa mahi naa Loo Moses. Kootou ku nnoho ma Christ i te saaita nei. A Ia ni masike i te mate ki tokonaki mai ki taatou, ki haia taatou ni heuna taukalleka maa TeAtua. 5 Te saaita taatou ni ttaka ka tautari ki naa tiputipu naa tinotama taatou raa, te tiputipu see tonu e hakassaaina naa Loo Moses raa ni heheuna haimahi iloto naa manava taatou. Teenaa naa vana katoo taatou ni mee naa, ni kaumai taatou mate. 6 Tevana iaa i te saaita nei, taatou ku see takkoto i laro te roorosi naa Loo Moses. Taatou ku oti te hakassaoria TeAtua ki see takkoto taatou i laro naa mahi naa Loo naa. Saaita nei taatou ku see heheuna i laro naa mateara tuai naa Loo. Taatou ku heheuna i laro naa mateara hoou TeAitu TeAtua.\nNaa Loo ma naa haisara\n7 E aa? Taatou e taratara maa naa Loo raa e ssara? Seai iloo! Nau ni hakailotia naa Loo raa i naa tiputipu te haisara. Ki mee naa Loo raa ni see hakatuu mai peelaa, \"Koe see kaimanako ki naa hekau telaa tama\", nau ni see iloa are maa te manava kaimanako raa e hakallika.✡ Ex 20.17; Deut 5.21 8 Taku saaita ni iloa i te loo naa raa, taku manava ni usuhia te lopo mannatu kaimanako. Ki mee taatou ni see illoa i naa Loo Moses raa, naa tiputipu te haisara raa ni see haimahi i aruna taatou. 9 Nau ni taka vare mai koi imua, i taku saaita seki iloa are i naa Loo Moses, tevana iaa, i taku saaita koi ni iloa i naa Loo raa, aku haisara raa ni hakassaaina no takkoto haimahi i taku ora, 10 teenaa naa Loo naa ni kaumai taku mate. Nau ku kite maa naa Loo ni tukua ma ki kaumai taku ora nei, ni kaumai are taku mate. 11 Nau ni usuhia naa Loo raa ki mee nau te kau vana see ttonu. Teenei nau ku hakailotia naa Loo raa maa nau ma ki oti ku mate.✡ Gen 3.13\n12 Naa Loo raa e ttapu, aa naa taratara iloto naa Loo naa e ttapu, e ttonu aa e taukalleka. 13 Te mee nei see mee maa naa Loo raa ni kaumai taku mate. Seai iloo, teelaa are ko te tiputipu te haisara. Niaaina maa nau e haaite te tautari ki naa Loo e taukalleka raa, te tiputipu te haisara raa ni kaumai taku mate, teenaa ki hakatii maarama te tiputipu maaoni te haisara. Naa Loo raa e hakaari mai peelaa maa naa haisara raa e hakallika haaeo iloo.\nTe tiputipu see tonu iloto naa manava taatou\n14 Taatou e illoa maa teenei ni Loo e kaumai TeAitu TeAtua, tevana iaa nau e hakamanani koi te ppena naa haisara. 15 Taku maanatu see tonu. Nau ku see mee aku vana e iloa maa e ttonu. Seai. Nau ku huri are no ppena aku mee e illoa maa see ttonu.✡ Gal 5.17 16 I aa nau ku huri koi no mee aku mee see fiffai raa, nau nei ku mee maa naa Loo raa e taukalleka koi. 17 Tevana iaa seai ko taku tinotama nei e mee naa mee nei. Teenaa ko te tiputipu see tonu e takoto iloto taku manava raa e mee naa mee naa. 18 Nau e iloa maa te tiputipu taukareka raa see takoto i taku tinotama. Teenei e hai ai nau ki te tiputipu see tonu nei. Niaaina maa te hiihai ki sosorina taukareka raa e takoto iloto taku manava raa, nau see lavaa te hakasuratia a nau te tiputipu naa. 19 Naa sosorina taukalleka teelaa e hiihai nau ma ki mee raa, see haia a nau. Nau e huri are no mee naa sosorina e hakallika. 20 Ki mee e maaoni maa nau e huri no mee aku sosorina see fiffai, teenaa seai ko nau naa e mee naa vana naa. Teenaa ko te tiputipu te haisara e takoto iaa nau.\n21 Nau e kite te tiputipu nei e heheuna iaa nau. Taku saaita e hiihai maa nau ki sosorina taukareka, te sosorina are e hakallika raa e haia a nau. 22 Taku manava e hiihai ki naa Loo TeAtua. 23 Tevana iaa nau e kite te tiputipu sara e heheuna iaa nau. Te tiputipu see tonu raa e painnaki ma te tiputipu e hanotonu ma taku hakataakoto. Teenei nau e tauhia te tiputipu te haisara e heheuna iaa nau. 24 Ouppana! Nau ka mee peehea? Nau ma ki hakasaoria e ai i te tiputipu see tonu teenei ma ki kaumai taku mate nei? 25 TeAtua te laaoi! TeAriki Jesus Christ ni heunatia mai a Ia ki au no tokonaki ki taatou.\nTeenei te tiputipu e taka ma nau: Nau soko nau e lavaa te tautari ki naa Loo TeAtua iloto taku hakataakoto; aa taku tinotama iaa e tautari ki naa Loo te haisara.","id":"","dump":"CC-MAIN-2023-14","url":"https:\/\/png.bible\/nho\/ROM07.htm","date":"2023-03-23T01:56:42Z","file_path":"s3:\/\/commoncrawl\/crawl-data\/CC-MAIN-2023-14\/segments\/1679296944606.5\/warc\/CC-MAIN-20230323003026-20230323033026-00544.warc.gz","language":"nho","language_score":1.0000056028,"language_script":"Latn","minhash_cluster_size":3,"top_langs":"{\"nho_Latn_score\": 1.0000056028366089}","num_words":965,"character_repetition_ratio":0.085,"word_repetition_ratio":0.0,"special_characters_ratio":0.239,"stopwords_ratio":0.522,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"12\nTauttari na tiputipu Jisas\n1 Ia tena i te vahi taatou; taatou e isi roo tammaki na hakattina ana e nnoho na vahi hakaatoa no matamata mai. Tena taatou ki peesia na mee hakaatoa e ttuu mai i mua ia ma na hai sara taatou se lavaa te peesia raa, tena taatou ku hai na mahi ki huro te haiva koi moe mai i mua raa. 2 Taatou ki kkira tahi koi na karemata taatou raa iaa Jisas, te Tama taatou ni hakattina i te kaamata haere no tae te hakaoti raa. Emeia Jisas ni se napa i na hakalono llihu Aia e me ki too raa, e mee te hihia e moe hakattari mai Aia raa, ia Aia se mamaanatu tammaki hoki i te mate Aia i aruna te kros raa, tena te saaita nei Aia ku noho i te vahi laaua i te Nohorana TeAtua raa.\n3 Mannatu na hakalono llihu Aia ni isi raa, ia te varatoa Aia te noho ma na tama e haeo Aia raa! Ia tena auu se tipuaina no tiaki na hakattina kootou raa. 4 Kootou e ppuhu roo na mahi ma ki peesia na tiputipu sakkino raa, e meia se hai toto ni llee i te ppuhu kootou ni ppuhu raa. 5 Kootou ku ssiri na tattara hakapurupuru TeAtua ni tattara atu kootou pera ma ni tamalliki Aia raa?\n\"Taku tama, hakarono roo kame TeAtua e hakatonu akoe,\nia auu se mamaanatu tammaki kame Aia e hai atu akoe.\n6 Maitaname TeAriki e poroporo na tama hakaatoa tera Aia e laoi raa,\ntena ku hakatonu na tama hakaatoa Aia e too pera ma ni tamalliki Aia raa.\"\n7 Kootou ki nnoho hakavaratoa te saaita na tamana kootou raa e poroporo atu kootou, maitaname TeAtua e me ki poroporo atu kootou hoki pera ma ni tamalliki Aia. Eaa, e isi te tamariki ni se porohia te tamana aia? 8 Na tamalliki TeAtua raa hakaatoa e porohia hakaraoi roo, ia kame kootou se porohia i na tiputipu taualleka, tena kootou seai ma ni tamalliki Aia hakamaoni, e meia kootou ni tamalliki e hhura mai i aho. 9 Na tamana taatou te maarama nei raa e poroporo mai taatou, tena taatou e hakammaha hoki na tama raa. Kaa taatou e me ki hakammaha peehee te Tamana taatou e tapu raa ki ora taatou! 10 Teeraa he meana koi na tamana taatou raa e poroporo mai taatou ma ki hakatonutonu taatou, e meia TeAtua e poroporo mai taatou ma ki ttapu na ora taatou, ki lavaa taatou te ssau pera ma Aia. 11 Na saaita taatou e hakatonutonu ria raa, taatou e mee ma te mee raa e mee taatou no haeo, tena taatou ku se hihhia. Emeia i muri, na tama ni too na poroporo e hainattaa raa ku nnoho na ora e taualleka roo.\nLollohi hakamattonu na ora kootou\n12 Sausau na rima ttahi kootou naa, tena ku hakamakkaa na vae kootou raa ki se makkau na hukui na turi raa. 13 Hahaere na mateara e ttonu raa ki se lavaa te vae e takoto se llono raa te mate, tena te vae naa e me ki tauareka.\n14 Hahaivi ki nnoho taualleka kootou ma na tama hakaatoa, tena ku hahaivi ki nnoho na ora e ttapu, maitaname se hai tama e lavaa te kite na maihu TeAriki kame te ora aia raa se tonu. 15 Kootou ki hakamattonu, ki se hai tama kootou e huro i taha ma te laoi TeAtua raa. Lollohi ka oti alaa tama kootou ku mee pera ma na laakau e mmara tera e hhomo no mee tammaki na tama ki hakalono llihu raa. 16 Hakamattonu ki se hai tama e tauttari na tiputipu se ttonu, ia se isi na hakattina pera ma Iso te tama ni kou ake na mahi aia pera ma he arapou raa iaa Jekop, e mee koi aia e hikai raa. 17 Kootou e illoa pera ma i muri aia ku hihai ki too muri na mahi aia raa. Emeia aia ku se lavaa, tena aia ku se hai ara hoki e lave te too muri na mahi aia raa, niaina roo ma aia e tani no kainno ake te tamana aia raa.\n18 Kootou se ki ttae roo i na mee kootou e tau te kkite no ttaohi ma na rima kootou raa pera ma na tama Israel raa. Na tama raa ni oo no ttae i te kina te mouna Sainai raa no kkite te mouna raa e ura, tena ki kkite te kina raa ku pouri roo, tena ki kkite te matani hai mahi roo ku maairi, 19 tena ki llono te puu raa e iri, tena ki llono te reo te Tama raa. Te saaita na tama raa ni llono te reo raa, na tama raa ku mattaku roo, tena ki kainno ake te reo raa ma laatou ku se hihhai ki hakallono hoki teeraa tattara, 20 maitaname laatou ku se lavaa te amo te tattara te reo raa e meake ma, \"Kame he tama e ttaohi, seai naa he manu e haere no hakattiri ake te mouna nei, te tama naa, seai naa te manu naa ki maka ria ki mate.\" 21 Hea laatou e kkite raa e hakamataku roo, tena Moses ki meake, \"Anau e porepore roo taku mataku!\"\n22 Emeia kootou ku ttae i te Mouna Saion, te matakaina e rahi TeAtua e ora raa, teenaa ko Jerusalem te matakaina i te vaelani tera e isi tammaki na simata na ensel raa. 23 Kootou ku ttae i te kina na tama e me ki nnoho no hihhia ma te arapou TeAtua raa, na tama tera na inoa laatou raa e mmau i te vaelani raa. Kootou ku ttae i TeAtua, te Tama e me ki hakatonutonu na tama hakaatoa raa, tena ku mee na anana na tama taualleka raa ki ttonu tahi. 24 Kootou ku ttae iaa Jisas, te Tama e hakapaa taatou ma TeAtua ma te tattara e ivi vahao nei raa, ia ku ttae hoki i te kina na toto Aia ni kkoo tera e isi te hakataakoto e rahi roo e raka i aruna ma te toto Abel raa.\n25 Kootou ki hakamattonu, auu se kkaro te hakallono Tama raa e tattara atu. Na tama e kkaro te hakallono na tuaa Tama raa ni tattara atu i te maarama nei raa se lavaa te hakassao i taha. Kootou e kkahu ma kootou e lavaa te hakassao kame kootou se hakallono na tuaa te Tama i te vaelani raa ni tattara atu kootou raa? 26 Te saaita naa, te reo te Tama raa e ruru te maarama nei hakaatoa, e meia te saaita nei Aia ku kou mai te hakamaoni ma,\n\"Anau se lavaa te ruru te maarama nei hokoia.\nAnau e me ki ppena hakaraoi,\ne meia Anau e me ki ruru te maarama nei ma te vaelani raa hoki.\"\n27 Te tattara \"hakaraoi\" raa e huri mai pera ma na mee hakaatoa Aia ni ppena raa e me ki ruru ria no peesia, tena na mee se lavaa te ruru ria e me ki mmoe.\n28 Taatou ki hakammaha TeAtua e mee te Nohorana taatou e too raa se lavaa te ruru ria. Taatou ki hakammaha no lotu ake TeAtua i na tiputipu hakamaoni te lotu tera e me ki mee Tama raa ki hihia raa, 29 maitaname TeAtua he ahi hakamaoni e lavaa te seu na mee hakaatoa.","id":"","dump":"CC-MAIN-2023-14","url":"https:\/\/png.bible\/nuq\/HEB12.htm","date":"2023-03-20T10:45:17Z","file_path":"s3:\/\/commoncrawl\/crawl-data\/CC-MAIN-2023-14\/segments\/1679296943471.24\/warc\/CC-MAIN-20230320083513-20230320113513-00548.warc.gz","language":"nho","language_score":0.9999514818,"language_script":"Latn","minhash_cluster_size":1,"top_langs":"{\"nho_Latn_score\": 0.9999514818191528}","num_words":1207,"character_repetition_ratio":0.058,"word_repetition_ratio":0.0,"special_characters_ratio":0.238,"stopwords_ratio":0.437,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"5\nTe tiputipu ki hakasura ki naa tama e lotu\n1 Koe see hurihuri haaeo ki te tanata e matua; taratara hakaraaoi atu pee ko i-oo taratara hakaraaoi ki too tino tamana. Aa naa tama taane raa ki haia a koe ma ni taaina aau. 2 Naa haahine e mattua raa ki haia a koe ma ni tinna, aa naa tama ffine raa ma ni kave aau, teenaa ma te hakataakoto e tonu.\n3 Mmata ake hakaraaoi ki naa puruna, i teenaa ni tama e nnoho koi soko laatou. 4 Tevana iaa ki mee maa te puruna raa e mee ana tamalliki, seai e mee ana mokopuna, teenaa te mee mua raa, naa tama naa ki illoa i naa heuna laatou i te vasi te lotu, teenaa ki mmata hakaraaoi ki naa haanauna laatou ki suia naa maatua ma naa tippuna laatou. I te aa, i teenaa ko te tiputipu e hiihai ai TeAtua. 5 Te puruna e noho soko ia lokoi, see hai tama e mmata ake kiaa ia raa, e taaohi manava i TeAtua ka taku peenaa ki TeAtua i te poo ma te ao ki tokonaki ake kiaa ia. 6 Te puruna e hai huri raa iaa ku oti te mate, niaaina maa ia koi ora i te saaita nei. 7 Kauatu naa akonaki nei ki naa tama naa, ki see tarataraina naa tama naa maa laatou e mee naa sara laatou. 8 Tevana iaa ki mee maa se tama see mmata ake hakaraaoi ki ana hareaakina, peelaa ma ko tana tino haanauna raa, ttama naa ku tiiake te lotu. Te tiputipu naa tama peenaa e hakallika iaa i naa tama see lotu.\n9 Ki mee maa te puruna raa seki tae ki te mataono ana setau, koe see hakatuuria tana inoa ki te laupepa naa puruna kootou ki tokonaki. Te puruna raa se tama ni noho tonu lokoi ma tana aavana tokotasi. 10 Aa te henua ki illoa maa ia se ffine e sosorina taukareka; ni anaana hakaraaoi ana tamalliki ka hakauru te lopo tama sara ki loto tana hare; ni huihui peenaa naa ororo vae aaraa tama te lotu, ni tokonaki ki naa tama e ssara naa vana laatou, aa e anaana ki sosorina taukareka ia.\n11 Tevana iaa koe see hakatuuria a koe naa inoa naa puruna koi tama ffine, i te aa, i te saaita naa puruna naa ma ki ttuu naa huru laatou ki avvana raa, Christ ma ki tiiake laatou. 12 Teenaa naa tama naa ma ki ssara imua naa karamata TeAtua, i laatou ni see tuku ki naa pureppure laatou ni mee maa Christ imua. 13 Naa tama naa ma ki matanaennae ka hakataka ki naa hare katoo no tupetupe i aaraa tama aa ka usuusu tama; laatou ma ki sassare ka tarataraina laatou naa vana teelaa e hakallika te tarataraina. 14 Teenaa nau e hiihai maa naa puruna koi tama ffine raa ki avvana no mee ni tamalliki maa laatou aa no mmata ake hakaraaoi ki naa hare laatou, ki see mee ni taratara hakallika te tama e tautau haaeo ma taatou raa i taatou. 15 I te aa, i aaraa puruna ku oti te tiiake laatou Christ no tautari ki Satan. 16 Aa ki mee se ffine te lotu e ttaka naa puruna i tana haanauna, a ia ki mmata ake ki naa puruna naa, ki see maanatu ia maa te lotu raa ki anaana hoki ki naa puruna naa. Teenaa ki anaana tonu te lotu raa ki naa puruna e ttaka lokoi soko laatou.\n17 Naa tama hakamaatua te lotu teelaa e heheuna hakaraaoi raa ki tauia hakaraaoi iloo i naa heuna laatou naa, teenaa ko naa tama e heheuna hakappuru iloo i naa hakaea laatou te Lono Taukareka ka akonaki laatou te henua i naa taratara TeAtua. 18 Te Laupepa Tapu raa e taratara peelaa, \"Kootou see saitia kootou te maaisu te purumakau raa i tana saaita e repurepu naa hua naa wit raa ma ki maffana naa hua raa i naa penu laatou\" aa e taratara hoki peelaa, \"Te tama e heheuna raa ki tauia i ana heuna naa.\"✡ Deut 25.4; Mt 10.10; Lk 10.7 19 Ki mee maa se tama hakamaatua te lotu e taakina atu ma ki hakatonutonusia ma i aa ia e mee ana sara, e tau iloo maa te takarua seai maa ni tama e tammaki ki kkite maa te tama hakamaatua naa ni mee ana sara, ki lavaa kootou te hakatonutonu ttama naa. Aa ki mee see hai tama ni kkite, kootou ki see hakannoo atu ki naa taratara naa tama ni mee atu naa.✡ Deut 17.6; 19.15 20 Nutua naa tama e ppena naa haisara raa imua naa karamata te henua, teenaa ki kkite aaraa tama aa ku mattaku hoki.\n21 Nau e mee atu kiaa koe imua naa karamata TeAtua ma Jesus Christ, aa ma naa ensol TeAtua. Tautari lokoi ki aku taratara e kauatu nei, tevana iaa koe ki seai iloo ki hirihiri ma ni tama aau e fiffai aa ma ni tama aau see fiffai, i too saaita e mee oo vana naa. 22 Koe ki seai iloo ki hakavave te hakappiri oo rima ki aruna se tama no hakatapuria ki haia naa heuna TeAriki. Koe see mee ma ki lave koe i naa haisara naa tama naa; mee ki matahua too ora.\n23 Koe see mee maa koe ki unuunu koi naa vaiua; koe ki mmiti hakamaarie ni wain ki tokonaki ake ki taukareka too manava i aa koe maraa e maki.\n24 Naa haisara aaraa tama e hakatii maarama mai, teenaa TeAtua ku oti te hakatonutonu naa haisara naa tama naa; naa haisara aaraa tama iaa ma ki ilotia imuri. 25 Peelaa hoki, naa sosorina e taukalleka raa e hakatii maarama mai, aa naa sosorina see ilotia maaoni raa iaa ma ki see lavaa te huuina.","id":"","dump":"CC-MAIN-2023-14","url":"https:\/\/png.bible\/nho\/1TI05.htm","date":"2023-03-21T01:28:47Z","file_path":"s3:\/\/commoncrawl\/crawl-data\/CC-MAIN-2023-14\/segments\/1679296943589.10\/warc\/CC-MAIN-20230321002050-20230321032050-00692.warc.gz","language":"nho","language_score":1.0000082254,"language_script":"Latn","minhash_cluster_size":2,"top_langs":"{\"nho_Latn_score\": 1.000008225440979}","num_words":941,"character_repetition_ratio":0.064,"word_repetition_ratio":0.0,"special_characters_ratio":0.236,"stopwords_ratio":0.566,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"4\nTtiputipu TeAitu maaoni maa te aitu hakareeresi\n1 Aku soa nei. Kootou see hakannoo ki naa taratara naa tama e hai maa laatou e tarataraina laatou naa taratara TeAitu. Kootou ki haaiteria kootou naa tama naa, ki illoa kootou maa laatou e tarataraina maaoni laatou naa taratara, i te aa i te lopo pure hakalellesi ku ttaka vaaroto te maarama nei. 2 Teenei te ara kootou ma ki lavaa te ilotia kootou maa teenaa ko TeAitu maaoni TeAtua: te tama e taratara maa Jesus Christ ni hakasura iho ma se tama te maarama nei raa, te tama naa e taka ma TeAitu e au i TeAtua. 3 Tevana iaa te tama e huuina a ia te taratara i Jesus nei raa, a ia e taka ma te aitu e tautau haaeo ma Christ. Teenaa ko te tama ni llono kootou ma ki oti ku hakasura iho, aa teenei ku taka vaaroto taatou i te saaita nei iloto te maarama nei.\n4 Aku tamalliki nei. Kootou ni tamalliki TeAtua. Kootou ku haimmahi are i naa pure hakalellesi naa, i te aa, i TeAitu e taka ma kootou naa e haimahi are i te aitu e taka ma naa tama te maarama nei. 5 Naa pure hakalellesi naa e tarataraina laatou naa vana te maarama nei, aa te maarama nei e hakannoo ki laatou, i te aa, i naa tama naa ni tama te maarama nei. 6 Taatou iaa ni tama TeAtua. Naa tama e illoa i TeAtua raa e hakannoo ki taatou. Naa tama see illoa i TeAtua raa iaa see hakannoo ki taatou. Teenei te ara ma ki ilotia taatou i naa kkee TeAitu maaoni maa te aitu hakareeresi.\nTeAtua ko te laaoi\n7 Aku soa nei. Taatou ki manava laaoi i naa taaina taatou, i te manava laaoi raa e sura mai i TeAtua. Te tama e hakasura te manava laaoi raa se tamariki TeAtua, aa e iloa i TeAtua. 8 Te tama see manava laaoi raa see iloa i TeAtua, i te aa, TeAtua raa ko te laaoi. 9 TeAtua ni hakailoa mai tana laaoi raa ki taatou, teenaa a Ia ni heuna mai tana Tama tokotasi naa ki te maarama nei, ki ora ai taatou iaa Ia. 10 Tevana iaa te mee raa see mee maa i taatou ni manava laaoi i TeAtua imua. Seai. TeAtua ni manava laaoi i taatou, teenaa heuna mai iloo tana Tama, ki takoto ma ko te mee teelaa e lavaa ai naa haisara taatou te uiia.\n11 Aku soa nei. Ki mee maa teenei ko naa tiputipu te laaoi TeAtua i taatou, teenaa taatou ki manava laaoi i telaa tama. 12 See hai tama ku oti te kite i TeAtua. Tevana iaa TeAtua ma ki noho ma taatou ki mee taatou e manava laaoi i telaa tama, aa tana laaoi raa ma ki haka kaatoaina mai a Ia ki loto naa ora taatou.✡ Jn 1.18\n13 Taatou e illoa maa taatou e nnoho ma TeAtua aa a Ia e noho ma taatou, i te aa, iaa Ia ni kaumai tana Aitu Tapu raa ki taatou. 14 Taatou ku oti te kkite no hakaea ki aaraa tama maa te Tamana raa ni heuna mai tana Tama ki au no hakasao te maarama nei. 15 Te tama e taratara maa Jesus ko te Tama TeAtua raa, teenaa ko te tama e noho ma TeAtua aa TeAtua e noho ma ia. 16 Taatou e illoa ka hakataakoto i te laaoi TeAtua e takoto i taatou.\nTeAtua ko te laaoi. Naa tama e nnoho ma te laaoi raa e nnoho ma TeAtua aa TeAtua e noho ma laatou. 17 Te laaoi raa e haia TeAtua ki kaatoa iloto naa ora taatou, ki see ppore taatou i te Aso te Hakatonu, i te ora taatou i te maarama nei e ssau koi pee ko te ora Christ. 18 Te tama e manava laaoi maaoni raa see iloa te mataku; te laaoi e kaatoa raa e mee taatou ki see mattaku i te kau vana. Teenei taatou ku illoa, te laaoi raa ni see haka kaatoaina ki te tama e mataku, i te aa, te tama e mataku raa ko te tama e iloa maa ia ma ki hakatonutonusia TeAtua.\n19 Taatou e manava laaoi i TeAtua ni manava laaoi i taatou imua. 20 Ki mee taatou e taratara maa taatou e laaoi i TeAtua, aa taatou iaa e lotoffaaeo i naa taaina ma naa kave taatou, teenaa taatou ni tama e taratara kailallao. Peehea naa laaoi te henua i TeAtua, te Tama laatou see kkite, aa laatou iaa see laaoi i naa taaina ma naa kave laatou e kkite? 21 Taratara hakamaatua TeAtua raa e mee maa: Naa tama hakkaatoa e laaoi i TeAtua raa ki laaoi hoki i naa taaina ma naa kave laatou.","id":"","dump":"CC-MAIN-2023-14","url":"https:\/\/png.bible\/nho\/1JN04.htm","date":"2023-03-29T14:15:19Z","file_path":"s3:\/\/commoncrawl\/crawl-data\/CC-MAIN-2023-14\/segments\/1679296948976.45\/warc\/CC-MAIN-20230329120545-20230329150545-00514.warc.gz","language":"nho","language_score":1.0000092983,"language_script":"Latn","minhash_cluster_size":1,"top_langs":"{\"nho_Latn_score\": 1.000009298324585}","num_words":777,"character_repetition_ratio":0.086,"word_repetition_ratio":0.0,"special_characters_ratio":0.238,"stopwords_ratio":0.614,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"5\n1 Taatou e illoa maa te saaita naa haitino taatou i te maarama nei e seua raa, TeAtua e mee naa haitino hoou taatou i te lani. A Ia tana tino ni penapena naa haitino naa, aa naa haitino naa ma ki takkoto see ppara peenaa. 2 Ssao nei taatou e ttani, i taatou e kaimannako ki toa taatou naa haitino hoou taatou teelaa e kaumai i te lani. 3 Saaita taatou e too naa haitino hoou naa, taatou ma ki nnoho hakaoti ma naa haitino naa. 4 Ssao taatou koi ttaka ma naa haitino taatou i te maarama nei raa, taatou e hakallono isu koi ka tanittani peenaa. Taatou see ttani ma i taatou ku kkaro i naa haitino tuai e ttaka ma taatou. Seai. Taatou ma ki ttani i taatou e fiffai maa naa haitino hoou taatou i te lani raa ki kaumai ki suia naa haitino tuai taatou, ki hakaoratia naa tinotama taatou. 5 TeAtua tana tino ni penapena taatou ki tauhia taatou te ora nei, araa hookii mai iloo tana Aitu raa ki hakailoa mai i ana mee e tuku maa taatou.\n6 Teenaa naa manava taatou see ssopo. Taatou e illoa maa te saaita taatou koi ttaka ma naa haitino te maarama nei raa, taatou e mmao ma TeAriki. 7 I te aa naa ora taatou e hano ma naa hakatina taatou, see mee ma e hano ma naa mee taatou e kkite. 8 Taatou see ssopo naa manava taatou, teenaa taatou e taukalleka koi ki tiiake naa haitino te maarama nei ki oo taatou no nnoho ma TeAriki. 9 Tevana iaa se kina peehea taatou e nnoho, taatou e fiffai koi ki hiahia TeAriki i naa ora taatou. 10 I te aa, i taatou ma ki ttuu hakkaatoa imua Christ ki hakatonutonusia naa ora taatou a Ia. Taatou ma ki suia TeAtua, tautari ki naa tiputtipu naa ora taatou i te maarama nei, teenaa ko naa vana katoo taatou ni mee, naa vana e taukalleka ma naa vana e hakallika.✡ Rom 14.10\nNaa soa maaoni TeAtua\n11 Maaua e illoa i te mee e mee maa e mattaku i TeAriki, teenaa e haaite ai maaua te ppuratia maaua aaraa tama ki taaohi manava kiaa Ia. TeAtua e iloa i maaua hakaraaoi iloo, teenaa nau e hiihai maa kootou ki illoa hakaraaoi iloo i aa nau hoki iloto naa manava kootou. 12 Maaua see mee hoki ma ki hakattoe atu maa naa sosorina maaua e taukalleka. Maaua e ssee se ara e tonu ki tau ma kootou te hakanau i maaua, ki lavaa kootou te taratara atu ki naa tama e ahu i naa kkite laatou naa tiputipu te tama, seai ma ko naa tiputipu tana hatumanava. 13 E aa? Kootou e mannatu maa maaua e vvare? Aa tiiake peenaa, teenaa se vana koi iloto maatou ma TeAtua. Seai? Kootou e mannatu maa maaua e atammai? Aa teenaa, teenei se vana e mee koi ki tokonaki ki kootou. 14 Naa ora maaua e tauhia te laaoi Christ. Maaua e illoa maa te tama tokotasi nei ni mate ki tokonaki Ia ki te henua katoo. Teenaa e mee maa te henua katoo ni mmate hakapaa ma Ia. 15 A Ia ni mate ki hakaora te henua hakkaatoa. Naa tama e ora i te ssao nei see ora maa laatou koi. Laatou e ora i naa mahi Jesus Christ, te tama ni mate aa ni hakamasikeria ki hakaoratia laatou.\n16 Ssao nei iaa, taatou ku see hakatonutonu telaa tama ki naa tiputipu te maarama nei. Maaoni, imua raa taatou ni ttoka ki Jesus no taratara maa Ia se tama peelaa, i naa ttoka te tama te maarama nei. Saaita nei taatou ku see lavaa te mee peenaa. 17 Aa teenaa, te tama e iloa maaoni i Christ raa teenaa se tama hoou. Tana tiputipu tuai raa ku oti te tiiake, aa te tiputipu hoou raa ku hakasura. 18 Teenei ni ara katoo TeAtua ni penapena maa taatou. Christ ni heunatia mai TeAtua ki au no haia taatou ki haisoa ma TeAtua. Maaua nei hoki e heunatia ki oo no haia aaraa tama ki haisoa hoki ma TeAtua. 19 Naa taratara TeAtua e takkoto i maaua nei e mee peelaa: TeAtua ni heunatia mai a Ia Christ i aa Ia e hiihai maa Ia e haisoa ma naa tama hakkaatoa i te maarama nei. TeAtua ni see maanatu ki naa haisara laatou imua, teenei e kaumai ai a Ia naa taratara nei ki hakailoa aaraa tama i tana hiihai ki haisoa ma laatou.\n20 Aa teenei maaua ku kauatu naa taratara Jesus Christ. Maaua e taratara atu pee ko te maaisu TeAtua. Maaua e ttaro atu ki kootou iloto te Inoa Jesus Christ: kootou tiiake TeAtua ki hurisia naa mannatu kootou ki see lotoffaaeo kootou iaa Ia, aa kootou ku ahe no vaissoa maa Ia! 21 Christ ni seai ana haisara ni ppena, tevana iaa a Ia ni haia TeAtua ki lave hoki a Ia i naa haisara taatou, ki llave taatou i te tiputipu e tonu TeAtua i taatou e nnoho hakapaa ma Christ.","id":"","dump":"CC-MAIN-2023-23","url":"https:\/\/png.bible\/nho\/2CO05.htm","date":"2023-05-30T00:38:09Z","file_path":"s3:\/\/commoncrawl\/crawl-data\/CC-MAIN-2023-23\/segments\/1685224644915.48\/warc\/CC-MAIN-20230530000715-20230530030715-00396.warc.gz","language":"nho","language_score":1.0000089407,"language_script":"Latn","minhash_cluster_size":2,"top_langs":"{\"nho_Latn_score\": 1.0000089406967163}","num_words":825,"character_repetition_ratio":0.074,"word_repetition_ratio":0.0,"special_characters_ratio":0.229,"stopwords_ratio":0.521,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"23\n1 Paul ni ttoka tonu atu ki naa tama te Kansol raa no taratara ake ki laatou, \"Aku taaina nei. Taku hakataakoto e maarama iloo i naa tiputipu taku ora imua naa karamata TeAtua, e kaamata mai imua no tae mai ki te aso nei.\" 2 Te Maatua Hakamau, tana inoa ko Ananias, ni huri no vanaake iloo ki naa tama e ttuu i te vasi Paul raa ki paakia ana maaisu. 3 Teenaa ki huri Paul no mee ake kiaa ia, \"A koe, te tama e mee pee ko naa hono ku ppara teelaa e paraia ki te peni e makkini ki see ilotia maa teenaa ni hono ku hakallika, ma ki pakuutia TeAtua! Koe naa e noho ki hakatonutonu iaa nau i te vasi naa Loo, aa koe iaa ku see tuku ki naa Loo naa i aa koe ku vanaake ki naa tama kootou naa ki paakia aku maaisu!\"✡ Mt 23.27-28\n4 Naa taanata e ttuu i te vasi Paul raa ki mee ake ki Paul \"Koe see lavaa te taratara ake peenaa ki te Maatua Hakamau!\"\n5 Paul ki mee ake, \"Aku taaina nei. Nau ni see iloa maa ia ko te Maatua Hakamau. Naa taratara iloto te Laupepa Tapu raa e mee maa, 'Au see taratara hakallika ki te hakamau te kanohenua kootou naa.' \"✡ Ex 22.28\n6 Paul ni kite peelaa maa aaraa tama i te Kansol raa ni Sadiusi aa aaraa tama ni Faarisi, teenaa a ia ki taratara vaaruna iloo peelaa ki laatou te Kansol, \"Aku taaina nei. Nau nei se Faarisi, i aku tammana raa ni Faarisi. Nau nei e tuu imua te koti i aa nau e taaohi manava maa te mate raa ma ki hakamassikeria no ora hoki!\"✡ Acts 26.5; Phil 3.5\n7 Saaita koi Paul ni taratara peenei raa, naa Faarisi raa ma naa Sadiusi raa ki kaamata no hakatauttau soko laatou, teenaa naa kaavena e lua naa ni maavae. 8 I te aa, i naa Sadiusi raa e taratara maa see hai tama ma ki hakamasikeria i te mate aa maa see hai mee hoki e haia ma ni ensol aa ma ni aitu; naa Faarisi raa iaa e taratara maa naa mee e toru naa ni mee maaoni iloo.✡ Mt 22.23; Mk 12.18; Lk 20.27 9 Te vvaa naa tama naa ni hano no lasi iloo, teenaa aaraa tisa naa Loo teelaa e ttaka ki te kaavena naa Faarisi raa ku massike no taratara haimahi peelaa, \"Maatou e kkite maa see hai vana e sara i te tama nei. Teelaa pee se ensol aa ma se aitu maaoni raa ni taratara ake ki te tama nei.\"\n10 Naa tama naa ni hakatauttau hakallika iloo, teenaa te hakamau naa soldia raa ni mataku maa Paul ma ki taia no mate. Teenaa heuna iloo te hakamau raa ana soldia ki oo atu no hakataharia Paul i naa tama naa no hakauruhia ki loto te hare naa soldia.\n11 I te poo naa raa, TeAriki ni hakasura atu ki Paul no mee ake peelaa, \"Koe see mataku! Koe ku oti te hakaea ki naa tama i te kina nei i aku tiputipu, teenaa koe ku hano no hakaea hoki ki naa tama i Rome.\"\nPaul ku tarataraina naa Jew raa ki taia\n12 I te tahaata telaa aso raa, naa Jew raa ni kkutu no taratara ki taia laatou Paul. Naa tama naa ni tuku laatou taratara imua TeAtua maa laatou ma ki see kkai ka unu, teenaa ki tae iloo ki te saaita Paul ku lavaa laatou te taia no mate. 13 Teelaa se tino haa naa taanata katoo ni mee laatou vana naa. 14 Naa tama naa ni oo atu ki naa maatua hakamaatua te Hare Tapu raa ma naa tama hakamaatua naa Jew raa no mee ake, \"Maatou ku oti te tuku maatou taratara imua TeAtua maa maatou ma ki ttaka see kkai ki taia iloo maatou Paul ki mate. 15 Teenaa kootou ma naa tama te Kansol raa ki kkave se taratara maa kootou ki te hakamau naa soldia Rome raa ki kaavea mai Paul ki kootou; hakarereesia kootou te hakamau naa maa kootou e mee ki vasirisiri hakaraaoi ki Paul. Maatou nei ma ki taaria maatou te tama naa ki taia ki mate i tana saaita seki tae atu ki kootou.\"\n16 Tevana iaa te ilaamotu tanata Paul raa ni lono i naa taratara naa tama naa, teenaa tere iloo te tamariki tanata naa ki te hare naa soldia raa no hakaari ake ki Paul. 17 Teenaa ki kannaa Paul ki te soldia tokotasi no vanaake, \"Toa te tamariki tanata nei ki te hakamau kootou; te tama nei e mee tana taratara ki taratara ake kiaa ia.\" 18 Teenaa toa iloo te tama naa ki te hakamau laatou no mee ake peelaa, \"Paul, te karapusi, e mee mai ma ki taakina mai te tamariki tanata nei kiaa koe; ttama nei e mee tana taratara ki taratara atu kiaa koe.\"\n19 Te hakamau naa soldia raa ni ppiki ki te rima te tamariki tanata naa no oo iloo laaua no nnoho soko laaua, teenaa vasiri ake iloo kiaa ia, \"Se aa taau e mee ma ki taratara mai kiaa nau?\"\n20 Te tamariki tanata raa ki mee ake, \"Naa tama hakamaatua naa Jew raa ku oti te tuku laatou taratara maa taiao laatou ku oomai no mee atu maa Paul ki toa laatou no mmata i te Kansol; naa tama naa ma ki hakalellesi maa te Kansol raa e mee ma ki vasiri laatou kiaa ia. 21 Tevana iaa koe see hakannoo ki naa tama naa. Teelaa se tino haa taanata raa ma ki taaria laatou te tama naa ki osohia no taia. Naa tama naa ku oti te tuku laatou taratara imua TeAtua maa laatou ma ki see lavaa te kkai, ki tae iloo ki te saaita Paul ku lavaa te taia laatou ki mate. Naa tama naa ku nnoho i te saaita nei ki mee laatou vana naa, aa naa tama naa e nnoho koi ka ttari ki too taratara ma ki kauake.\"\n22 Teenaa mee ake iloo te hakamau raa ki te tamariki tanata naa, \"Au see hakaari ake ki se tama maa koe ku oti te taratara mai te mee naa kiaa nau.\" Araa heunatia iloo ia te tamariki tanata naa ka hano.\nPaul ku kaavea ki Felix, te Hakamau te kaaman\n23 Teenaa aru iloo te hakamau naa soldia raa ki te takarua i ana soldia hakamaatua raa no taratara ake, \"Too se ruarau naa soldia, se tino hitu naa soldia e ffuro i naa hos, aa se ruarau naa soldia e hetaa ma naa tao, ki oo ki Sisaria i te ssivo i te poo nei. 24 Koe ku mmata hoki ki too ni hos ki kake Paul, ki tae hakaraaoi a ia ki Felix, te Hakamau te kaaman e noho i te kina naa.\" 25 Teenaa sissii iloo te hakamau naa soldia raa tana pas peelaa:\n26 \"A nau Claudius Lisias e sissii atu te pas nei kiaa koe Felix, te hakamau te kaaman: Te aso taukareka iaa koe. 27 Ttama nei ni tauhia naa Jew raa no mee ma ki taia ki mate. I taku saaita ni iloa maa te tama nei se tama haka Rome raa, nau ni hano ma aku soldia raa no hakasaoria a ia. 28 Nau ni mee ma ki iloa nau ma se ssara peehea te tama nei ni mee, teenaa toa iloo nau te tama nei ki mmata te Kansol laatou raa iaa ia. 29 Nau ni kite maa te tama nei see hai sara ni mee teelaa e tau ma ia ki taia ki mate, aa seai ma ki karapusina; ttama nei e kotia koi naa tama naa i te vasi naa loo laatou naa Jew. 30 I taku saaita ni lono maa naa Jew raa e taratara ma ki taia laatou te tama nei raa, maanatu iloo nau ki kaavea atu te tama nei kiaa koe. Nau ku oti te taratara ake ki naa tama e kotia laatou te tama nei ki oo atu no kauatu naa taratara laatou raa kiaa koe.\"\n31 Naa soldia raa ni hakannoo ki naa taratara te hakamau laatou naa. Paul ni toa laatou i te poo naa no tae iloo ki te matakaaina Antipatris. 32 I te ssoa te aso raa, naa soldia teelaa e sassare ki naa vae laatou raa ni ahe ki Jerusalem, aa naa soldia e ttaka ki naa hos raa iaa ku oo laatou ma Paul. 33 Paul ni toa naa soldia raa no ttae iloo laatou ki Sisaria, teenaa kauake iloo laatou te pas te hakamau laatou raa ki Felix, te Hakamau te kaaman, ka tiiake atu Paul kiaa ia. 34 Te Hakamau raa ni ppau te pas raa no vasiri ake ki Paul maa Paul se tama i te matakaaina i hea. I tana saaita ni iloa maa Paul se tama i Silisia raa, a ia ki mee ake, 35 \"Nau ku ttari ki ttae mai naa tama e kotia laatou a koe raa, aa nau ku hakannoo ki too koti nei.\" Teenaa vanaake iloo ki ana wasi raa ki toa Paul no roorosi ake kiaa ia iloto te hare te tuku Herod.","id":"","dump":"CC-MAIN-2023-23","url":"https:\/\/png.bible\/nho\/ACT23.htm","date":"2023-06-08T02:06:28Z","file_path":"s3:\/\/commoncrawl\/crawl-data\/CC-MAIN-2023-23\/segments\/1685224654031.92\/warc\/CC-MAIN-20230608003500-20230608033500-00444.warc.gz","language":"nho","language_score":1.000007987,"language_script":"Latn","minhash_cluster_size":2,"top_langs":"{\"nho_Latn_score\": 1.0000079870224}","num_words":1493,"character_repetition_ratio":0.08,"word_repetition_ratio":0.001,"special_characters_ratio":0.246,"stopwords_ratio":0.578,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"20\nTe simata setau\n1 Teenaa ki kite nau te ensol e sepu iho i te lani. A ia e taaohi te kii te rua e hotu iloo ki laro aa ma te seni e mmaha i tana rima. 2 Te ensol naa ni osohia a ia te dragon raa no tauhia, teenaa ko te kata tuai teelaa e haia ma ko te tipua kailaarao, e ttapa ma ko Satan. A ia ni saitia te ensol naa ki te seni, teenaa ki karapusi ia naa setau e lava tana simata.✡ Gen 3.1 3 Ki oti raa peesia iloo a ia te dragon naa ki loto te rua e hotu iloo ki laro, teenaa ki hakanitia a ia te tootoka te rua naa ki mmau, ki see hakasura mai te dragon naa no hakarereesia hoki naa kanohenua i te maarama nei. A ia ma ki tiiake ki moe peenaa ki laka te simata setau. Te saaita naa setau naa ku llaka raa, a ia ma ki hakattanasia se tamaa saaita maana ki taha.\n4 Ki oti raa nau ku kite naa tama e noho i aruna naa nohorana maatua. Naa tama naa ni hakanohoria TeAtua ki hakatonutonu laatou naa tama te maarama nei. Nau e kite hoki naa manu naa tama ni taaia i laatou ni hakaea te hakamaaoni teelaa ni tarataraina Jesus, aa i laatou ni hakaea hoki naa taratara TeAtua. Naa tama naa ni see lotu ki te manu kaitama ma tana aitu ni penapena, aa laatou hoki ni see too te hakailona te manu kaitama raa i naa rima laatou ma naa taurae laatou. Naa tama naa ni massike mai no ora hoki, aa teenaa laatou ku nnoho hakapaa ma Christ ma ni tuku iloto te simata naa setau.✡ Dan 7.9,22 5 (Teenei ko naa tama mua e massike i te mate. Aaraa tama ni mmate raa ni see massike no ora hoki, laatou e ttari ki laka te simata setau naa.) 6 Naa tama e ffai i naa tama TeAtua ma ki hakamasike mua i te mate raa, laatou e tau te fiaffia, i laatou ma ki see llave i te mate hakamuri. Laatou ma ki heheuna ma ni maatua TeAtua ma Christ, aa laatou ma ki nnoho hakamaatua ma ia iloto te simata setau.\nSatan ku taia TeAtua no mate\n7 Saaita te simata setau naa e laka raa, Satan ma ki hakattanasia i tana kina e karapusina TeAtua. 8 Teenaa a ia ma ki hano no usuhia naa kanohenua katoo teelaa e masseu ki naa kina katoo i te maarama nei, teenaa ko naa kina e haia ma ko Gog ma Magog. Naa kanohenua naa ma ki hakakkuturia a ia hakapaa ki hetaa ma naa tama TeAtua. Naa tama naa e tammaki iloo, e mee pee ko te kerekere i naa tahua vaatai.✡ Ezek 7.2; 38.2,9,15 9 Naa tama naa ma ki ttoha ki naa kina katoo i te kerekere nei no aarehatia laatou te kanohenua TeAtua iloto te henua teelaa e llee ai te manava TeAtua. Tevana iaa te ahi raa ni ura mai i te lani no tuunia katoo laatou. 10 Teenaa Satan, te tama ni usuusuhia a ia naa tama naa, ni peesia ki loto te rua e ura ana korokorohatu. Teenaa ko te kina ni peesia hoki ka mmoe te manu kaitama raa ma te pure hakareeresi. Laatou ma ki mmoe hakaoti iloto te ahi naa ka hakallono isu i te poo ma te ao.\nTe Hakatonu hakaoti\n11 Ki oti raa nau ku kite te nohorana maatua e makkini, aa teelaa se tama raa e noho i aruna. I tana saaita ni hakasura iho raa, te kerekere ma te lani ni hakatteki no seai, teenaa naa kina naa ni see kiitea hakaoti. 12 Teenaa nau ku kite i naa tama ku oti te mmate, naa tama hakamaatua ma naa tamavare. Laatou e ttuu imua te nohorana hakamaatua. Araa naa laupepa raa ku tallaki, teenaa ko naa laupepa e hakatuu naa sosorina hakkaatoa naa tama te maarama nei. Ki oti raa telaa laupepa ku taaraki hoki, teenaa ko te laupepa e hakatuu naa inoa naa tama e ora hakaoti. TeAtua e hakatonutonu naa tama e mmate, tautari ki naa sosorina laatou e hakatuu mai iloto naa laupepa naa.✡ Dan 7.9-10 13 Ki oti raa te moana ku pesi ake naa tama ku oti te mmate aa e mmoe iaa ia. Te mate ma te kina te mate ni ppesi ake naa tama ni mmate ka mmoe i naa kina naa. Naa tama naa hakkaatoa ni hakatonutonusia, tautari ki naa sosorina laatou ni mee i te maarama nei. 14 Teenaa te mate ma te kina te mate ku peesia katoo ki loto te rua e ura tana ahi. (Te rua e ura tana ahi nei ko te mate hakamuri.) 15 Naa tama see mmau naa inoa laatou iloto te laupepa naa tama e ora hakaoti raa ni peesia ki loto te rua e ura tana ahi.","id":"","dump":"CC-MAIN-2023-23","url":"https:\/\/png.bible\/nho\/REV20.htm","date":"2023-05-31T20:32:37Z","file_path":"s3:\/\/commoncrawl\/crawl-data\/CC-MAIN-2023-23\/segments\/1685224647409.17\/warc\/CC-MAIN-20230531182033-20230531212033-00170.warc.gz","language":"nho","language_score":1.0000081062,"language_script":"Latn","minhash_cluster_size":2,"top_langs":"{\"nho_Latn_score\": 1.0000081062316895}","num_words":803,"character_repetition_ratio":0.07,"word_repetition_ratio":0.0,"special_characters_ratio":0.24,"stopwords_ratio":0.569,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"14\nKootou see hakatonutonu telaa tama\n1 Haisoa ki naa tama te lotu teelaa see haimahi naa lotu laatou i TeAtua. Kootou iaa see mee ma ki hakatautau kootou maa i laatou see mee naa mannatu laatou pee ko kootou. 2 E mee aaraa tama e hakataakoto maa laatou e ttana te kkai naa kaikai hakkaatoa. Naa tama see haimahi naa lotu laatou i TeAtua raa see kkai naa pukunohi naa manu. Laatou e kkai koi naa lau laakau. 3 Ttama e ttana te kai te kau kaikai raa ki see taratara haaeo i naa tama e kkai koi naa lau laakau. Peelaa hoki, naa tama e kkai koi naa lau laakau raa ki see tarataraina laatou naa tama e ttana te kkai te kau kaikai. I te aa, i laatou ni tama hoki TeAtua. 4 Kootou ko ai ki tarataraina kootou naa tama e heheuna maa telaa tama? Teelaa are ko te hakamau naa tama naa teelaa ma ki ttapa ma naa tama naa e ttuu mmau aa ma seai. Aa naa tama naa ma ki ttuu mmau i TeAriki e lavaa te hakatuu laatou ki mmau.\n5 E mee aaraa tama e hakamaatino laatou aso ma se aso hakamau laatou. Aaraa tama iaa e mannatu maa naa aso hakkaatoa e hakatau peellaa. Taatou ki taaohi ki naa aso taatou e maanatu maa ni aso e llasi taatou. 6 Ttama e tuku tana aso raa, a ia e tuku maa teenaa tana aso ki hakanau i TeAriki. Ttama e ttana te kai te kau kaikai raa, a ia e kai ki hakanau ia i TeAriki, i teenaa ni kaikai TeAtua e kauake. Ttama e mattino ana kaikai see kai raa e hakanau hoki i TeAriki i ana kaikai e kauake TeAtua ma ki kai.✡ Col 2.16 7 See hai tama e ora i tana hiihai soko ia. See hai tama hoki e mate i tana hiihai soko ia. 8 Taatou nei e ora i te hiihai TeAtua. Taatou hoki e mmate i te hiihai TeAtua. Niaaina maa taatou e ora, seai maa taatou e mmate, taatou nei ni tama TeAriki. 9 Christ ni mate no masike hoki ki noho ia ma ko TeAriki naa tama e ora ma naa tama e mmate. 10 Teenei e vanaatu ai nau ki kootou naa tama e kkai koi naa lau laakau: Kootou ki see tarataraina kootou aaraa tama. Aa kootou naa tama e kkai te kau kaikai, kootou ki see tarataraina kootou aaraa tama e lotu i TeAriki. Taatou hakkaatoa ma ki ttuu imua te Hakatonu TeAtua.✡ 2 Cor 5.10 11 Te Laupepa Tapu raa e hakatuu peelaa:\n\"TeAtua e taratara peenei, 'I taku noho e noho nei,\nnaa tama te maarama nei ma ki hakamaruu ki naa turi laatou no lotu kiaa nau.\nNaa tama raa hakkaatoa ma ki illoa ka taratara maa nau nei ko TeAtua maaoni.' \"✡ Is 45.23 (LXX)\n12 Taatou hakkaatoa ma ki hakaari ki TeAtua maa ni aa taatou ni mee ki naa ora taatou.\nKootou see hakkoro telaa tama ki ppena naa haisara\n13 Taatou ki see tarataraina taatou telaa tama ma se tama haisara. Seai. Kootou ki see ffuri no mee ni vana ki usuhia naa tama naa ki tautari ki te tiputipu naa. Kootou ki tokonaki ki laatou, ki see hakassara ni vana maa laatou. 14 Nau e taka ma TeAriki Jesus Christ. Teenaa nau e iloa maa te kau kaikai hakkaatoa e taukalleka koi te kkai. Tevana iaa, ki mee se tama e maanatu maa e mee ana kaikai e hakallika te kkai, naa kaikai naa e hakallika kiaa ia soko ia. 15 Kootou see kkai naa kaikai kootou naa imua naa tama naa ma ki mamannatu tammaki laatou. Teenaa seai se maanatu e sura mai i te manava aroha. Kootou see mee ma ki hakallika te hakataakoto naa tama ni mate ai Christ raa i naa kaikai kootou e kkai. 16 Kootou see mee ma ki taratara hakallika te henua i naa mee kootou e mee maa e taukalleka. 17 Te Nohorana TeAtua raa seai se kina e nnoho taatou ka mamannatu ki naa kaikai taatou e kkai ma naa mee taatou e unu. Te Nohorana TeAtua raa se kina te tiputipu e tonu, te noho laaoi, aa te hiahia. Teenaa se tiputipu e kaumai TeAitu Tapu. 18 Saaita te henua e heheuna maa Christ ka tautari ki te tiputipu nei raa, teenaa TeAtua ma ki hiahia i laatou. Aaraa tama hoki ma ki hakanau i laatou.\n19 Taatou ki heheuna hakamattoni ki haia taatou naa mee e hakasura te laaoi, aa naa mee e lavaa te hakatipu ake te illoa naa taaina taatou i TeAtua. 20 TeAtua ni hakasura te kau vana ki illoa maaoni te henua hakkaatoa iaa Ia. Kootou see seua kootou tana vana e mee naa. Niaaina maa te kau kaikai e taukalleka te kkai raa, kootou e ssara ki mee maa kootou e kkai naa kaikai imua naa tama e mannatu maa naa kaikai naa e hakallika te kkai. Te ara naa e sara, i laatou ma ki tautari ki kootou no ssara. 21 E taukareka maa kootou ki see kkai naa pukunohi naa manu ka unu naa vaimmara, ki see mamannatu tammaki naa taaina ma naa kave kootou. 22 Taaohi ki te mee kootou e illoa maa e tonu i te mee nei, ki takoto iloto kootou ma TeAtua. Naa tama e ttaka ka illoa maa naa sosorina laatou e ttonu raa ma ki ttaka ka fiaffia. 23 Tevana iaa ki mee naa tama raa e mannatu tammaki i naa kaikai laatou e kkai, laatou e ssara i naa karamata TeAtua ki mee maa laatou e kkai naa kaikai naa. I te aa, i naa vana naa tama naa e mee raa, see hanotonu ma naa hakataakoto laatou. Naa vana hakkaatoa taatou e mee, aa see hanotonu ma naa hakataakoto taatou raa, naa vana naa e ssara.\n✡14.11 Is 45.23 (LXX)","id":"","dump":"CC-MAIN-2023-23","url":"https:\/\/png.bible\/nho\/ROM14.htm","date":"2023-06-04T15:16:34Z","file_path":"s3:\/\/commoncrawl\/crawl-data\/CC-MAIN-2023-23\/segments\/1685224649986.95\/warc\/CC-MAIN-20230604125132-20230604155132-00732.warc.gz","language":"nho","language_score":1.000009656,"language_script":"Latn","minhash_cluster_size":2,"top_langs":"{\"nho_Latn_score\": 1.0000096559524536}","num_words":955,"character_repetition_ratio":0.073,"word_repetition_ratio":0.0,"special_characters_ratio":0.236,"stopwords_ratio":0.592,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"10\nPaul e taratara i ana heuna\n1 A nau, Paul, te tama e taratara kootou maa e haaeo iloto aku pas e sissii atu aa e laaoi i taku saaita e nnoho taatou, e kauatu aku taratara nei ki kootou. I loto te inoa Christ, te tama e takoto te laaoi ma te aroha, 2 kootou see mee ma ki haaeo nau i taku saaita ma ki hanatu, i aa nau e iloa maa nau ma ki loto i naa tama e mee naa taratara laatou maa maaua e sosorina koi pee ko naa tama te maarama nei. 3 Maaoni, maaua ni tama ni ttipu ake i te maarama nei, tevana iaa, i naa saaita maaua e hetaa ma naa mee e hakallika raa, maaua see tautari ki te hakataakoto te tama te maarama nei. 4 Naa hana e ttaka ma maaua nei seai ni hana te maarama nei; teenei ko naa hana aitu TeAtua, teelaa e seu maaua naa mahi naa aitu hakallika. Maaua e seua maaua naa heaatuna hakalellesi naa tama e mee; 5 maaua e seua maaua naa vana hakatannata naa tama e mee ma ki puuia te iloa TeAtua; maaua e mee ki hurisia maaua naa mannatu te henua ki tautari ki Christ. 6 Aa te saaita kootou e huri mai maa kootou ku llono taratara, teenaa maaua ma ki hakkaitoaina maaua naa tama see llono taratara.\n7 Kootou e ttoka koi i naa tiputipu te mee i ana tautaha. Ki mee se tama e maanatu maa ia se tama e tautari maaoni ki Christ, a ia ki maanatu hakaraaoi ki iloa ia, i maaua hoki ni tama e tautari maaoni ki Christ pee ko ia. 8 Nau see napa maa nau ni maaroo are te ahu i naa heuna Christ ni kaumai ki maaua. Teenaa ko naa heuna e hakatipu naa ora kootou. Maaua see heheuna ma ki seua naa ora kootou. 9 Kootou see mannatu maa nau e sissii atu naa pas nei ki hakamatakuria kootou. 10 Aaraa tama ma ki taratara peelaa, \"Naa pas Paul nei e taratara haimmahi lokoi ki taatou, aa i tana saaita e noho i taatou raa, a ia e matanaenae aa see iloa te taratara haimahi peenaa. Ana taratara naa ni taratara matani koi!\" 11 Naa tama e mee naa taratara laatou peenaa ki illoa maa te tiputipu maaua ma ki hakasura i te saaita maaua ma ki ttae atu raa ma ki mee koi ma ko naa taratara maaua i naa pas maaua.\n12 Aaraa tama e hai maa laatou ni tama hakamaatua. Tevana iaa maaua see mee maa maaua e mee ma ko naa tama naa. Seai. Naa tama naa e ttoka koi ki naa tiputtipu laatou soko laatou, no mee maa teenaa ko naa tiputtipu laatou maaoni. Naa tama naa ku vvare hakaoti! 13 Maaua iaa see lavaa te hakattoe naa ahu maaua ki maaua; maaua ma ki ahu koi i te kooina naa heuna maaua ni kaumai TeAtua, teenaa e hakapaa ma naa heuna maaua e mee iloto kootou. 14 Naa heuna maaua e kaumai TeAtua nei e tae atu hoki ki kootou. Teenaa ko te vana maaua ni oo atu no hakaea atu te Lono Taukareka i Christ. 15 Maaua see illoa te ahu ki maaua i naa heuna are aaraa tama ni mee. Maaua e heheuna tonu i naa heuna maaua e kaumai TeAtua, ki illoa hakaraaoi kootou i TeAtua. Maaua e fiffai maa naa heuna maaua nei e llasi i te kina naa. 16 Maaua e fiffai maa te Lono Taukareka nei e hakataeria maaua hoki ki naa henua e ttuu imuri kootou, ki see ahu maaua i naa heuna are aaraa tama ni mee.\n17 Tevana iaa te Laupepa Tapu raa e taratara peelaa, \"Ttama e hiihai maa ia ki ahu, a ia ki ahu i naa vana TeAriki ni mee.\"✡ Jer 9.24 18 I teelaa ko naa tama are TeAriki e hakanau raa teelaa e haia TeAtua maa ni tama aana maaoni, seai ma ko naa tama e hakanau i laatou soko laatou.\n✡10.17 Jer 9.24","id":"","dump":"CC-MAIN-2023-23","url":"https:\/\/png.bible\/nho\/2CO10.htm","date":"2023-06-09T20:22:47Z","file_path":"s3:\/\/commoncrawl\/crawl-data\/CC-MAIN-2023-23\/segments\/1685224656833.99\/warc\/CC-MAIN-20230609201549-20230609231549-00742.warc.gz","language":"nho","language_score":1.0000070333,"language_script":"Latn","minhash_cluster_size":2,"top_langs":"{\"nho_Latn_score\": 1.0000070333480835}","num_words":656,"character_repetition_ratio":0.071,"word_repetition_ratio":0.0,"special_characters_ratio":0.24,"stopwords_ratio":0.582,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"9\nNaa heuna te aposol\n1 Kootou e illoa maa nau e ttana te mee aku vana soko nau, aa kootou e illoa hoki maa nau se aposol. Kootou e illoa maa nau nei ku oti te kite i Jesus Christ, TeAriki taatou. Aa kootou nei ku illoa i TeAtua i teenei ko nau nei ni hakaea atu te Lono Taukareka TeAtua ki kootou. 2 Niaaina maa aaraa tama e taratara maa nau seai se aposol raa, kootou iaa e illoa koi maa nau se aposol maaoni. Aa teenaa, i kootou naa ku ttaka ma TeAriki raa, te mee naa e huri ake peelaa maa nau nei se aposol maaoni.\n3 Saaita te henua e taumaruu iaa nau raa, teenei aku taratara e kauake ki laatou: 4 Nau e hakallika te kaumai ni kaikai maaku i aku heuna e mee nei? 5 E aa? Nau e hakallika te tautari ki te vana e haia aaraa aposol ma naa taaina TeAriki, aa ko Peter, ki too se aavana maaku e lotu no sassare maaua ka mee naa heuna TeAriki? 6 Kootou e mannatu maa maaua koi ma Barnabas raa ki heheuna ki lavaa te taavi ni kaikai maa maaua? 7 See hai tama e heunatia ki hano ki te ttau aa e tiiake ki taavi ana tino kaikai soko ia! See hai tama e mee tana verena aa see kai naa kaikai tana tino verena naa! See hai tama hoki e roorosi naa sipsip aa see unu naa vai uu ana tino sipsip!\n8 Aku taratara e kauatu nei raa, nau see tautari koi ki te hakataakoto te tama. I te aa, i naa Loo Moses raa e taratara i te mee naa hoki. 9 Naa Loo Moses raa e sissii peelaa, \"Kootou see saitia kootou te maaisu te purumakau raa i tana saaita e repurepu naa hua naa wit ma ki maffana naa hua raa i naa penu laatou.\" E aa? Kootou e mannatu maa naa taratara nei e mee maa i TeAtua e maanatu i naa purumakau? Seai iloo!✡ Deut 25.4; 1 Tim 5.18 10 A Ia e taratara raa ko taatou. Te tama e tori ma te tama ma ki vasi raa, ki mee naa heuna laaua ki lavaa laaua te kkai ki naa kaikai te verena laaua naa imuri. 11 Maaua ni hakatori naa hua laakau aitu TeAtua iloto naa hatumanava kootou. E aa? E hakallika maa maaua e kainnoo ki kaumai ni kaikai aa ma ni hekau maa maaua i kootou?✡ Rom 15.27 12 Ki mee maa aaraa tama e lavaa te too naa mee laatou i kootou, kootou e mannatu maa maaua see lavaa te kaumai hoki ni mee maa maaua kootou?\nTevana iaa, maaua seki hai saaita ni kainnoo atu ma ki tokonaki mai kootou. Maaua maraa e nnoho hakalavatoa koi, i maaua see fiffai maa se vana peelaa ki ppui mai i naa hakaea maaua te Lono Taukareka Christ. 13 Kootou e illoa maa naa tama e heheuna iloto te Hare Tapu raa e mee naa tuuhana laatou i naa kaikai te Hare Tapu. Aa naa tama hoki e ttuni naa manu i te olta raa e mee hoki naa tuuhana laatou i naa kaikai naa.✡ Deut 18.1 14 Peelaa hoki, TeAriki ni pesi tana taratara hakamaatua maa naa tama e hakaea te Lono Taukareka raa ki tauia i naa heuna laatou.✡ Mt 10.10; Lk 10.7\n15 Tevana iaa nau seki hai saaita ni ssee atu ma ki tokonaki mai kootou, aa nau hoki see sissii atu taku pas nei ma ki kainnoo atu ma ki kaumai ni mee maaku. Seai. Nau e maanatu maa e taukareka koi maa nau ki mate imua. Nau see hiihai maa kimuri kootou ku taratara maa nau ni kaimanako ki naa mee kootou. 16 Nau see tau te ahu maa i aa nau e hakaea te Lono Taukareka nei, i te aa i teenei ni heuna TeAtua ni kaumai kiaa nau. Nau ma ki hai haaeoina ki mee maa nau see hakaea te Lono Taukareka nei. 17 Ki mee taku tino e hiihai maa naa heuna nei e haia a nau raa, teenaa nau ma ki hiihai maa nau ki tauia. Tevana iaa teenei seai ma ni heuna aaku ni ssee soko nau, teenei ni heuna TeAtua ni kaumai kiaa nau. 18 Nau e hiahia i aa nau seai taku taavi e too. Taku taavi raa, teenaa ko taku hiahia i naa heuna TeAtua ni haia a nau nei.\n19 See hai tama e roorosi iaa nau, tevana iaa nau e heheuna taku tino ma se poe naa tama hakkaatoa, i aa nau e hiihai maa e tammaki iloo naa tama ki illoa maaoni i TeAtua. 20 Taku saaita e heheuna ma naa Jew raa, nau e sosorina hoki pee ko naa Jew, ki lavaa nau te huria naa manava naa tama naa ki illoa maaoni i TeAtua. Aa niaaina maa taku tino see takoto i laro naa Loo Moses raa, nau e noho pee ko naa tama e tautari ki naa loo i aku heheuna ma naa tama naa. Teenaa ki lavaa nau te huria naa manava naa tama naa ki illoa maaoni laatou i TeAtua. 21 Peelaa hoki, i taku saaita e heheuna ma naa tama teelaa seai ma ni Jew raa, nau e sosorina pee ko naa tama naa, see takkoto i laro naa Loo naa Jew. Teenaa ki huria a nau naa manava naa tama naa ki illoa i TeAtua. Te mee nei see mee maa nau see tautari ki naa loo TeAtua. Seai. Nau maaoni e tautari ki naa loo Christ. 22 Taku saaita e noho ma naa tama see haimmahi naa hakataakoto laatou i TeAtua raa, nau e mee hoki ma ko laatou, ki huria naa manava laatou ki illoa i TeAtua. Nau e hurihuri aku sosorina ki mee nau pee ko naa tama naa henua e noho ai nau ka mee naa heuna TeAtua. Nau e mee peenei ki hakasaoria ni tama i laatou i se ara peehea e takoto mai. 23 Nau e mee naa mee nei hakkaatoa ki hakatereina te Lono Taukareka, teenaa ki lave nau i naa mee e taukalleka TeAtua.\n24 Kootou e illoa maa e tammaki naa tama hurohuro maraa e ffuro i te haiva, tevana iaa teelaa se tama koi tokotasi i laatou naa ma ki tae imua no too naa hekau te haiva. Aa teenaa, kootou ki uu naa kauae kootou ki ttae kootou imua no too naa hekau te haiva. 25 Naa tama hakkaatoa e hurohuro raa maraa e hakamaamaa ki lavaa te toa laatou te hau e moe no mmae. Taatou iaa e ffuro ki lavaa taatou te hau see lavaa te moe no mmae. 26 Teenaa ko taku vana e tere tonu ki tae nau ki te kaha hakaoti. Nau e mee ma ko te tama e llau te patu, see taua huri ana rima. 27 Nau e taa taku haitino ki tautari tonu ki taku hiihai. Nau see hiihai maa nau e hakaea te Lono Taukareka nei, aa taku tino iaa see tae ki te kaha hakaoti.","id":"","dump":"CC-MAIN-2023-23","url":"https:\/\/png.bible\/nho\/1CO09.htm","date":"2023-05-30T05:07:46Z","file_path":"s3:\/\/commoncrawl\/crawl-data\/CC-MAIN-2023-23\/segments\/1685224645089.3\/warc\/CC-MAIN-20230530032334-20230530062334-00495.warc.gz","language":"nho","language_score":1.000007391,"language_script":"Latn","minhash_cluster_size":1,"top_langs":"{\"nho_Latn_score\": 1.0000073909759521}","num_words":1143,"character_repetition_ratio":0.064,"word_repetition_ratio":0.007,"special_characters_ratio":0.244,"stopwords_ratio":0.577,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"6\nTokonaki ki telaa tama\n1 Aku taaina ma aku kave nei, ki mee se tama e laavea maa e mee tana sara, naa tama i kootou teelaa e ttaka ma TeAitu Tapu raa ki hakatonusia kootou te tama naa; tevana iaa kootou ki taratara atu hakaraaoi. Aa kootou hoki ki roorosi hakaraaoi iloo ki see usuhia kootou te tiputipu naa hoki. 2 Kootou ki tokonaki ka amo hakapaa naa mmaha telaa tama, ki tautari maaoni kootou ki naa Loo Jesus Christ. 3 Ki mee ni tama e taratara maa laatou ni tama, aa maaoni iaa laatou see hai vana e taunai ai, teenaa naa tama naa e taratara kailallao ki laatou soko laatou koi. 4 Kootou ki hakattonu naa sosorina kootou soko kootou. Ki mee maa naa sosorina kootou e taukalleka, teenaa kootou e tau te hakatannata i naa vana kootou ni mee naa, ki see mee maa kootou e tokatokaria kootou naa sosorina aaraa tama. 5 I te aa, te tama koi e mee ana mmaha ki amo.\n6 Naa tama ni too naa akonaki laatou i naa taratara TeAtua raa, laatou ki vaevae naa mee e taukalleka laatou raa ma naa tisa laatou.\n7 Kootou see hakalellesi ki kootou soko kootou; see hai tama e lavaa te hakarereesia a ia TeAtua. Se aa naa tama raa e ttori i naa verena laatou raa, teenaa laatou ma ki vasi ki naa kaikai naa laakau laatou ni ttori naa. 8 Naa tama e ttaka koi ki haka akottia naa tiputtipu naa tino laatou e kaimannako raa, naa tama naa ma ki kkite i te tiputipu te mate. Aa naa tama e ttaka ka mee ki hiahia TeAitu Tapu raa, naa tama naa ma ki hakakiitea TeAitu Tapu i te ora e ora hakaoti. 9 Teenaa taatou ki see kkaro te mee ki naa sosorina teelaa e taukalleka. Ki mee maa taatou see kkaro, teenaa taatou ma ki kkite i te ora e ora hakaoti i te saaita TeAtua e mmata maa e taukareka. 10 I te saaita taatou koi ora nei raa, taatou ki sosorina taukalleka ki naa tama hakkaatoa, e mua ki naa taaina ma naa kave e lotu taatou hakapaa.\nNaa taratara hakaoti\n11 Kootou mmata i naa llasi naa inoa nei, teenaa i teenei ko nau nei e sissii atu ki taku tino rima.\n12 Naa tama teelaa e oo atu no ppuratia kootou ma ki ssere naa kina kootou raa, teenaa ko naa tama e ahu ka hakatannata i naa vana laatou e mee ki naa haitino laatou. Naa tama naa e hai naa vana laatou naa i laatou e mattaku i te mee tokotasi: naa tama naa e mattaku maa laatou ma ki hai haaeoina naa Jew raa ki mee maa laatou e hakaea te hakataakoto maaoni te mate Christ i aruna te kros. 13 Naa tama iloo teelaa ku oti te ssere naa kina laatou naa see tautari hoki ki naa Loo Moses; naa tama naa e fiffai koi maa kootou ki ssere, teenaa ki ahu laatou maa kootou ni tuku ki naa vana laatou. 14 Iaa nau iaa, nau ma ki taratara hakatanata i te mate Jesus Christ, TeAriki taatou, i aruna te kros. Teenei ko te mate Christ i aruna te kros nei teelaa e mmata ai nau maa taku hiihai ki te maarama nei kunaa seai iloo, aa te hiihai te maarama nei kiaa nau kunaa seai hoki imua. 15 Te mee raa see hakamaatino maa te tama raa e ssere aa ma te tama raa see ssere; te mee hakamaatua raa, teenaa taatou ki mee ma ni tama hoou TeAtua ni penapena. 16 Naa tama e taaohi ki te tiputipu nei iloto naa ora laatou raa, nau e taku maa TeAtua ki aroha i laatou ki nnoho hakaraaoi laatou, aa ma naa tama hakkaatoa TeAtua!\n17 Nau ku hakaoti atu aku taratara nei peenei: See hai tama ki au no kaumai hoki ni haaeo kiaa nau, i naa pona teenei e ttuu i taku haitino nei e huri ake peelaa maa nau nei ko te tama e heheuna maa Jesus.\n18 Aku taaina ma aku kave nei, nau e taku maa TeAriki taatou, Jesus Christ, ki roorosi hakaraaoi iloo ki kootou. Amen.","id":"","dump":"CC-MAIN-2023-40","url":"https:\/\/png.bible\/nho\/GAL06.htm","date":"2023-09-28T08:46:41Z","file_path":"s3:\/\/commoncrawl\/crawl-data\/CC-MAIN-2023-40\/segments\/1695233510368.33\/warc\/CC-MAIN-20230928063033-20230928093033-00889.warc.gz","language":"nho","language_score":1.000009656,"language_script":"Latn","minhash_cluster_size":1,"top_langs":"{\"nho_Latn_score\": 1.0000096559524536}","num_words":684,"character_repetition_ratio":0.062,"word_repetition_ratio":0.0,"special_characters_ratio":0.228,"stopwords_ratio":0.621,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"3\nTe ora e tonu maaoni\n1 Aku taaina ma aku kave nei, teenei nau ku hakaoti atu aku taratara raa peenei: Kootou ki fiaffia i kootou e ttaka ma TeAriki. Nau see kkaro te hakahekahe atu aku taratara ni sissii atu imua. Naa ora kootou ma ki takkoto taukalleka ki mee maa nau e kauatu peenaa naa taratara nei. 2 Kootou roorosi hakaraaoi iloo i naa tama e hai ki naa vana e hakallika, teenaa ko naa poi teelaa e hai lokoi maa kootou ki ssere naa kina kootou. 3 Teenei are ko taatou, seai ko laatou, teelaa ni too te ssere maaoni, teenaa i taatou e lotu ki TeAtua iloto naa mahi tana Aitu Tapu, aa i taatou e ahu i naa ora taatou e hakauu ki Jesus Christ. Taatou see illoa atu ki naa vana aaraa tama e mee ki naa haitino laatou. 4 Tevana iaa nau e lavaa te ttoka atu ki naa vana peenaa. Aa ki mee ni tama e mannatu maa laatou e lavaa te mmata i naa vana e mee ki naa haitino laatou raa, nau e laka are i aruna laatou. 5 I te aa i aa nau ni ssere i te varu aku aso, i taku haanau mai ana. Nau nei e au i te manava Israel, i te haanauna Benjamin. Teenaa nau ni haanau iho iloto te ttoo te Jew. Nau ni haia a nau naa vana hakkaatoa e tarataraina i naa loo teelaa e tautari naa Jew, aa nau ni heheuna ma se Faarisi.✡ Acts 23.6; 26.5; Rom 11.1 6 Nau ni makkaa iloo i aku heuna naa, teenaa nau ni huri no mee pakavaina te kanohenua TeAtua. Nau ni tautari hakaraaoi iloo ki naa Loo naa Jew, teenaa nau ni seai iloo ki tarataraina maa ni sara aaku ni mee.✡ Acts 8.3; 22.4; 26.9-11 7 Imua raa nau ni ttau maa naa vana nei ni vana hakamaatua iloo, aa teenei i te saaita nei raa, nau ku mmata maa teenaa ni mee vare koi i aku hakatuu ki naa vana Jesus Christ ni mee. 8 See mee ma ko naa mee naa koi; nau e mmata peelaa maa naa mee hakkaatoa ni mee vare koi i aku hakatuu ki te taukareka ni kaumai vare i taku illoa ana i Jesus Christ taku Ariki. Naa mee naa hakkaatoa ku oti te tiiake nau. Nau e mmata maa teenaa ni mee e hakallika koi, teenei e tauhia ai nau te ora Christ, 9 ki tautari maaoni nau iaa Ia. Taku ora nei see mee maa e tonu imua TeAtua ma i aa nau e tautari ki naa Loo, seai. Nau nei ku tonu imua TeAtua i aa nau e iloa maaoni i Christ. Teenaa ko te tiputipu e tonu teelaa e kaumai TeAtua aa e hakatahito i te lotu te tama. 10 Nau e hiihai koi maa nau ki iloa hakaraaoi i Christ. Teenaa nau e hiihai maa nau ki tauhia nau naa mahi teelaa ni hakamasike Christ i te mate, aa maa nau ki hakallono isu pee ko Ia. Nau e hiihai hoki maa nau ki iloa hakaraaoi i Christ ki haia nau pee ko Ia i tana saaita ni mate, 11 teenaa ki lavaa nau te hakamasikeria i te mate no ora hoki pee ko Ia.\nNau koi tere ki tae nau ki te hakaoti ana\n12 Nau see mee maa nau ku oti te lavaa nau te tiputipu naa, aa maa taku ora kunaa tonu iloo imua TeAtua. Seai. Nau koi hakamakkii ki lavaa te tauhia a nau te ora teelaa ni hakasaoria ai nau Jesus Christ ki too. 13 Aku taaina ma aku kave nei, nau see mee maa te ora naa ku oti te lavaa nau. Seai. Te vana tokotasi e noho nau ka mee raa, teenaa, nau ku see maanatu ki naa vana imua teelaa ku oti te llaka. Nau nei ku hakamakkii ki lavaa nau naa vana teelaa koi takkoto mai imua. 14 Nau e tere tonu ki tae nau ki te hakaoti ana, ki too nau taku tuuhana, teenaa ko taku saaita ma ki kannaatia TeAtua ki hanake nau ki te lani, i aa nau e tautari ki Jesus Christ.\n15 Taatou hakkaatoa, naa tama ku mattua ma te lotu raa, ki ttaka ma te hakataakoto tokotasi nei. Aa ki mee ni tama i kootou e kkee naa hakataakoto laatou, TeAtua ma ki hakaari atu ki illoa hakaraaoi kootou. 16 Taatou koi ki mmata hakaraaoi iloo ki tautari maaoni taatou ki te hakamaaoni teelaa ni ttaka mai ma taatou no tae ki te ssao nei.\n17 Aku taaina ma aku kave nei, kootou ki sosorina lokoi peenaa ma ko nau. Kootou mmata hakaraaoi iloo ki illoa kootou i naa sosorina naa tama teelaa e tautari ki te tiputipu maatou ni hakasura ma ki kkite kootou.✡ 1 Cor 4.16; 11.1 18 Taku mee e mee ma ki taratara atu nei raa, teenei ni taratara ni kauatu nau i te lopo saaita imua. Teenei nau ku hakaahe atu naa taratara nei ma te tani, i aa nau e aroha te mee atu hoki maa e mee te lopo tama ku ffuri no taratara hakallikaina laatou te mate Christ i aruna te kros. 19 Naa tama naa ma ki peesia ki te kina te mate ki hakallono isu laatou, i laatou e anaana koi ki naa mee naa tinotama laatou e kaimannako. Naa tama naa e ffuri are no ahu ki naa vana teelaa e tau laatou ki nnapa, aa laatou e hakataakoto koi ki naa mee te maarama nei. 20 Taatou iaa, te henua maaoni taatou raa e takoto i te lani, aa teenei taatou ku nnoho ka ttari ki TeAriki Jesus Christ ki au i te lani no hakassaoria taatou. 21 Naa haitino taatou e takkoto ki ppara nei ma ki suia a Ia ki mataora, ki mee pee ko tana haitino e mataora. Ttama naa ma ki heheuna ki ana mahi, teenaa ko naa mahi teelaa e lavaa ai a Ia te hakakkutu mai naa mee hakkaatoa no takkoto i laro tana roorosi.","id":"","dump":"CC-MAIN-2023-40","url":"https:\/\/png.bible\/nho\/PHP03.htm","date":"2023-09-25T20:46:22Z","file_path":"s3:\/\/commoncrawl\/crawl-data\/CC-MAIN-2023-40\/segments\/1695233510085.26\/warc\/CC-MAIN-20230925183615-20230925213615-00228.warc.gz","language":"nho","language_score":1.0000085831,"language_script":"Latn","minhash_cluster_size":1,"top_langs":"{\"nho_Latn_score\": 1.0000085830688477}","num_words":980,"character_repetition_ratio":0.057,"word_repetition_ratio":0.0,"special_characters_ratio":0.243,"stopwords_ratio":0.56,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"9\nTokonaki ki aaraa tama te lotu\n1 Kootou kunaa illoa are i te mane e kkave ki naa tama TeAtua e nnoho i Judea. 2 Nau e iloa maa kootou e fiffai maa kootou ki tokonaki ki naa tama naa. Nau ni hakanau ake ki naa tama i Masedonia raa i kootou peelaa, \"Naa taaina ma naa kave taatou i Akaia raa ni nnoho iloo i te setau peelaa ma ki tokonaki laatou.\" Naa manava naa tama naa ni usuhia i kootou ni lellere ma ki tokonaki kootou. 3 Teenei nau ku heunatia atu nau naa tama naa, ki kkite naa tama naa maa taku hakanau ni hakanau i kootou raa seai maa ni taratara matani koi. Tevana iaa, e mee pee ko nau ni taratara ake ki laatou, nau e iloa maa kootou e nnoho mai ma naa mane kootou ni hakanaaopo. 4 Tevana iaa, ki mee maa nau e hanatu ma naa tama i Masedonia, aa no kite nau maa kootou see hai mee ni hakanaaopo raa, maaua ma ki nnapa iloo, i maaua nei koi ni taratara ka hakanau i kootou. 5 Teenei e heunatia atu ai nau naa tama nei ki oo atu imua no hakatonu hakaoti naa mee kootou ni hakanaaopo. Nau e hiihai maa naa mee kootou ni taratara maa kootou ma ki hookii raa ki mmoe mai hakaoti i taku saaita ma ki tae atu, ki maatino peelaa maa kootou e hookii i naa tino fiffai kootou, see mee maa i teelaa ni taratara maaua ni kauatu.\n6 Kootou hakamaarona te taratara nei: te tama e tori ana hua laakau e mooisi raa, ma ki see hai kaikai maaoni ma ki vasi; te tama e tori ana hua laakau e tammaki raa iaa ma ki vasi te lopo kaikai e tammaki. 7 Kootou ki hookii te kooina kootou e mannatu maa e tau ma naa mee e nnoho ma kootou, aa kootou ki hookii ma te manava laaoi. TeAtua e hiihai ki te tama e hookii maa te manava laaoi. 8 TeAtua e lavaa te kauatu te kau mee e ttoe iaa i te fiffai kootou, teenaa kootou ma ki nnoho ma naa mee katoo kootou e ssee, aa e tau te vaevae maa aaraa tama. 9 E mee pee ko naa taratara te Laupepa Tapu raa peelaa,\n\"A Ia e hookii te mee ki naa tama see hai mee.\nTana laaoi e takoto hakaoti peenaa.\"✡ Ps 112.9\n10 Aa TeAtua, te tama e hookii te hua laakau ki hakatori aa te haraoa ki kkai, ma ki kauatu te kau mee kootou e ssee, ki ffuri kootou no tokonaki ki aaraa tama.✡ Is 55.10 11 A Ia ma ki kauatu te kau mee ki tuutuu laaoi kootou, aa ki lavaa kootou te tokonaki ki telaa tama. Aa i te saaita maaua ma ki vaevae naa mee kootou naa ki naa tama see hai mee raa, te henua ma ki taratara hakanau i TeAtua. 12 Te mane kootou e hakanaaopo naa ma ki tokonaki ki naa tama TeAtua, aa laatou ma ki ffuri no hakanau hoki i te laaoi TeAtua. 13 Te henua katoo ma ki kkite i naa takkoto naa manava kootou i te tokonaki kootou ma ki kauake ki naa tama i Judea. Laatou ma ki illoa maa kootou ni too hakaraaoi iloo naa taratara Christ ka tautari ki ana tiputipu. Laatou ma ki fiaffia i te lopo mee kootou e kauake ki laatou ma aaraa tama i aaraa henua, teenaa laatou ma ki ffuri katoo no hakanau i TeAtua. 14 Laatou ma ki taku ki TeAtua i te llee naa manava laatou i kootou, i te laaoi TeAtua e hakasura i kootou. 15 Taatou ki fiaffia i te mee taukareka TeAtua, teelaa see ilotia te tarataraina, e kaumai ki taatou.","id":"","dump":"CC-MAIN-2024-18","url":"https:\/\/png.bible\/nho\/2CO09.htm","date":"2024-04-14T19:34:05Z","file_path":"s3:\/\/commoncrawl\/crawl-data\/CC-MAIN-2024-18\/segments\/1712296816893.9\/warc\/CC-MAIN-20240414192536-20240414222536-00480.warc.gz","language":"nho","language_score":1.000009656,"language_script":"Latn","minhash_cluster_size":1,"top_langs":"{\"nho_Latn_score\": 1.0000096559524536}","num_words":612,"character_repetition_ratio":0.086,"word_repetition_ratio":0.0,"special_characters_ratio":0.237,"stopwords_ratio":0.644,"flagged_words_ratio":0.0,"lang_id_score":1.0,"perplexity_score":500.0,"cluster_detection":1} +{"text":"Galesia\nTe launiu Pol e taataa i na tama i Galesia\nNa hakataakoto hakamattua i roto te launiu nei:\nNa tattara kaamata 1.1—1.10\nTeAtua Hokoia e kauna ria Pol 1.11—2.21\nTe Rono Tauareka TeAtua 3.1—4.31\nTiputipu na hakattina ana 5.1—6.10\nNa tattara hakaoti 6.11—6.18\n1\nTe launiu Pol e taataa i na tama i Galesia\n1 Anau Pol, anau he tama ni kanna ria ki mee mo aposol, tena te kanna nei se hamai te tama, ia seai ma he hakataakoto te tama, e meia te kanna nei e hamai Jisas Krais ia ma TeAtua Tamana tera ni hakamahike Krais i taha ma te mate raa. 2 Anau, hakapaa ma na hakattina ana hakaatoa i te kina nei raa e kou atu te tauareka maatou ia ma na tattara te nnoho laoi i na hare lotu hakaatoa i roto Galesia raa.\n3 Ia tena TeAtua Tamana taatou ia ma TeAriki Jisas Krais e me ki hakatapu kootou, tena ku kou atu te nnoho laoi.\n4 Jisas e hakarono no tautari te hihai TeAtua Tamana taatou raa, tena ki hoki mai Aia Hokoia ki mate ma na hai sara taatou raa ma ki lavaa taatou te hakassao i taha ma na hai sara i te maarama nei raa. 5 Tena taatou ki hakammaha TeAtua na vahao hakaatoa. Amen.\nTe Rono Tauareka hokotahi\n6 Anau e maaharo roo i kootou! Saaita nei se mmao hoki, tena kootou ku tiaki te Tama tera ni kanna atu kootou i na mahi Krais raa no tauttari te akoako e kee. 7 Tena i te hakamaoni, se isi hoki te Rono Tauareka peeraa, e meia anau e tattara peenei maitaname e isi na tama e mee kootou ki mamannatu tammaki, tena ki hahaivi ma ki hakatike te Rono Tauareka Krais raa. 8 Ia niaina ma he tama maatou ia ma he ensel i te vaelani e takutaku atu te rono tauareka e kee ma te Rono Tauareka maatou ni takutaku atu raa, te tama naa e me ki hakalono llihu i te kina te mate raa. 9 Maatou ku oti te tattara atu i mua, tena anau e me ki tattara atu hakaraoi: kame he tama e takutaku te Rono Tauareka e kee ma te Rono Tauareka kootou ni llono raa, tena te tama naa ku tau te too na hakalono llihu i te kina te mate raa.\n10 Kootou e llono raa anau e hahaivi ma ki mee te kanohenua raa ki mee ma na tattara anau raa e hakamaoni? Seai! Anau e hihai koi ma ki mee TeAtua ki hihia. Eaa! Anau e hahaivi ma ki mee te kanohenua raa ki illoa anau? Kame anau ni ppena peeraa, tena anau se tau te mee pera ma he tama hehekau Krais.\nTeAtua e kanna Pol mo tama hehekau\n11 Aku taina, anau e hihai ki hakamatahua atu kootou pera ma te Rono Tauareka anau e takutaku raa se hamai te hakataakoto te tama. 12 Anau se too Te Rono Tauareka nei i alaa tama, ia se hai tama ni akoako mai anau. Jisas Krais Hokoia e hakari mai anau te Rono Tauareka nei.\n13 Kootou kame ku oti te llono na tiputipu te ora anau i mua te saaita anau ni hakatina hai mahi roo na tiputipu na Jiu raa. Te saaita naa anau se isi taku aroha, tena anau e taataa puamu roo na hakattina ana TeAtua raa, tena ki hai na mahi anau ma ki seu na hakattina na tama raa. 14 Anau e raka i aruna ma na tama te tautama anau raa i te tautari na tiputipu na Jiu raa, tena anau hoki e hakatina hai mahi roo i na tuaa na tipuna maatou raa.\n15 Emeia i na mahi Aia, TeAtua ni hirihiri anau i mua anau ni haanau iho, tena ki kanna anau ki hehekau ma Aia. Te saaita nei Aia ku maanatu 16 ma ki hakari mai anau te hakamaoni te Tama Aia raa ma ki lavaa anau te takutaku ake te Rono Tauareka Aia raa i na tama seai ma ni Jiu raa. Anau se hai tama ni haere no too na hakataakoto nei, 17 ia anau ni se haere i Jerusalem ma ki mmata na aposol ni hehekau i mua anau raa. Emeia anau e haere i Arebia, tena ki vaakai i Damaskus.\n18 Tena i muri e toru na hetau, anau ku haere i Jerusalem ma ki too ni tattara iaa Pita, tena anau ki nnoho maaua e rua na latapu. 19 Anau se kite hoki alaa aposol, anau e kite koi Jems te taina TeAriki raa.\n20 Hea anau e taataa nei e hakamaoni. TeAtua e iroa pera ma anau se mariu!\n21 Tena i muri, anau ki haere i na matakaina Siria laaua ma Silisia raa. 22 Te saaita naa hoki na hakattina ana i roto Judia raa se illoa anau. 23 Na tama raa e illoa koi anau hea alaa tama ni tattara ake ma, \"Te tama ni taataa puamu taatou i mua raa vahao nei ku takutaku te hakatina tera aia ni hahaivi ma ki seu raa.\" 24 Kito na tama raa ki hakammaha ake TeAtua i na mee Aia e kou mai anau ki ppena raa.","id":"","dump":"CC-MAIN-2022-49","url":"https:\/\/png.bible\/nuq\/GAL01.htm","date":"2022-11-27T05:52:00Z","file_path":"s3:\/\/commoncrawl\/crawl-data\/CC-MAIN-2022-49\/segments\/1669446710192.90\/warc\/CC-MAIN-20221127041342-20221127071342-00241.warc.gz","language":"nho","language_score":0.9998326898,"language_script":"Latn","minhash_cluster_size":2,"top_langs":"{\"nho_Latn_score\": 0.9998326897621155}","num_words":836,"character_repetition_ratio":0.07,"word_repetition_ratio":0.005,"special_characters_ratio":0.245,"stopwords_ratio":0.414,"flagged_words_ratio":0.0,"lang_id_score":1.0,"perplexity_score":500.0,"cluster_detection":1}