diff --git "a/blk_Mymr/mala_000002_remove.jsonl" "b/blk_Mymr/mala_000002_remove.jsonl"
new file mode 100644--- /dev/null
+++ "b/blk_Mymr/mala_000002_remove.jsonl"
@@ -0,0 +1,216 @@
+{"url":"https:\/\/blk.wikipedia.org\/wiki\/Wonder%20Woman","collection":"wikipedia","source":"wikipedia","original_code":"blk","text":"ဝန်ဒါဝိုးမဲန်း (အဲင်းကလေတ်: Wonder Woman) ယိုနောဝ်ꩻ ထွာ အမေရိကန်ႏ သꩻပညာႏသျင်ႏတွမ်ႏ တဲမ်းလိတ်သား အမဉ်ꩻ မောလတန် မာသတန်(မဉ်ꩻတဲမ်းအီလိတ်နောဝ်ꩻ ဆျားလ်သ်မောလတန်) ကတဲမ်းခါꩻဒါႏ အမေရိကန်ႏလိတ်ဖှူꩻ ကဲတ်ꩻထာꩻယောင်ꩻ ( မန်း-ရုပ်ပြစာအုပ်) (  အဉ်းကလေစ်ဆျ်- comic book) တဗာႏသှူ၊ ကထှို့ꩻကဲတ်ꩻခါꩻဖေႏ ထာꩻယောင်ꩻသားနောဝ်ꩻ မဉ်ꩻ ဟဉ်နရီ စီ ပီတာ။ ပှိုင်းဝှို့တွမ်ႏ မာသ်တန် မာမူႏ အဲလီသဘဲတ်ဆျ် တွမ်ႏယင်း ဝွေꩻသီးဖဝရုဲင်းဖက် အိုလုဲက်ဗှ် ဘာနီတဲင် အတဲမ်းထွာလꩻ လိတ်ဖှူꩻနောဝ်ꩻဗာႏ။ Jenkins နဝ်ꩻလဲ့ ထွာလွောန် ယဲတ်ခိဉ်ႏတွယ်ႏ လိုꩻစွန်ꩻယံ ရုက်မွန်ဇာတ်ကာꩻသား ထွာအရီးသွတ်ꩻ ဒါရိုက်တာမူႏနဝ်ꩻသွူ။ ကထွတ်ထေ အရီးသွတ်ꩻလဲင်းနောဝ်ꩻ ထန်ႏလှောန် ခရစ်နေင်ႏ ၁၉၄၁ ဗာႏ၊ လာအောက်တိုဘာ ၂၁ နီꩻကို။\n\nWonder Woman. DC Comics. အှောန်ႏလောင်းလှိုးသားမဉ်ꩻ လဉ်ဒါကာတာ\n\nအာႏကွိုꩻ \n\nရုက်မွန်","num_words":91,"character_repetition_ratio":0.011,"word_repetition_ratio":0.0,"special_characters_ratio":0.113,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":175848.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%80%E1%80%86%E1%80%BD%E1%80%AF%E1%80%90%E1%80%BA%E1%80%9A%E1%80%BD%E1%80%AF%E1%80%90%E1%80%BA%E1%80%A1%E1%80%AE%E1%80%95%E1%80%AB%EA%A9%BB%E1%80%90%E1%80%86%E1%80%AE","collection":"wikipedia","source":"wikipedia","original_code":"blk","text":"\"ဗျာကရဏသုတ် (ကဆွုတ်ယွုတ်ဗာႏ အကျောင်ꩻတရာꩻ အပါꩻတဆီ)\"\nဗွေႏမဟာႏမောဂ္ဂလာန်ႏ ဟော်ꩻထန်ႏနယ်ဖေႏ ဗွေႏရဟန်ꩻသီးဖုံႏတရာꩻနုဲင်းယို-\nဗွေႏရဟန်ꩻသီးဖုံႏဟွေး-\n၁။ ကောဓနော အယမာယသ္မာ (အယံ+အာယသ္မာ)-\nဝွေꩻဗွေႏယိုနဝ်ꩻ 'ဒေါသထန်ႏ-သꩻလျားထာꩻ' အလဲင်ႏပေါင်ꩻအာ၊ မုဲင်ꩻခါခါတဲ့ အထိန်ꩻအသꩻလꩻတဝ်း၊ အလဲင်ႏမုဲင်ꩻမုဲင်ꩻလꩻ အသꩻလျားဒါႏထာꩻ၊ ပေါႏသꩻလျားဒါႏထာꩻနုဲင်းယိုနောဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။\n၂။ ဥပနာဟီ အယမာယသ္မာ-\nဝွေꩻဗွေႏယိုနဝ်ꩻ 'အွဉ်ႏဒါႏအပွေႏ' အသꩻကို အွဉ်ႏသေႏသေႏအပွေႏ၊ ပေါႏအွဉ်ႏအပွေႏ နုဲင်းယိုနဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။\n၃။ မက္ခီ အယမာယသ္မာ-\nဝွေꩻဗွေႏယိုနဝ်ꩻ 'ယားဒါႏဝင်ꩻကေꩻဇူꩻ'(သေတဝ်းဝင်ꩻကေꩻဇူ) ပေါႏယားဝင်ꩻကေꩻဇူꩻနုဲင်းယိုနဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။\n၄။ ပဠာသီ အယမာယသ္မာ-\nဝွေꩻဗွေႏယိုနဝ်ꩻ ခေးဒါႏဝင်ꩻဂွုဏ်ႏ၊ အုံထာꩻသꩻအဝ်ႏမဉ်ခေးလို့ဝင်ꩻဂွုဏ်ႏလွုမ်ꩻ၊ ပေါႏသꩻအဝ်ႏခေးလို့ဝင်ꩻဂွုဏ်ႏ နုဲင်းယိုနဝ်ꩻ နီဗွေႏဘုရာꩻ ဓမ��မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။\n၅။ ဣဿုကီ အယမာယသ္မာ-\nဝွေꩻဗွေႏယိုနဝ်ꩻ နာႏလိုႏတဝ်းဝင်ꩻ၊ အုံထာꩻသꩻအဝ်ႏနာႏလိုႏတဝ်းဝင်ꩻလွုမ်ꩻ၊ ပေါႏသꩻအဝ်ႏနာႏလိုႏတဝ်းဝင်ꩻ နုဲင်းယိုနဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။\n၆။ မစ္ဆရီ အယမာယသ္မာ-\nဝွေꩻဗွေႏယိုနဝ်ꩻ တကေးဒါႏဝင်ꩻ၊ အုံထာꩻ သꩻအဝ်ႏတကေးဒါႏဝင်ꩻ နုဲင်းယိုနဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။\n၇။ သဌော အယမာယသ္မာ (အယံ+အာယသ္မာ)-\nဝွေꩻဗွေႏယိုနဝ်ꩻ သꩻတကဲင်ႏတန်၊ အုံထာꩻအဝ်ႏလွူးသေႏသေႏ သꩻတကဲင်ႏ၊ အုံထာꩻပေါႏအဝ်ႏလွူးသေႏသေႏ သꩻတကဲင်ႏ နုဲင်းယိုနောဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။\n၈။ မာယာဝီ အယမာယသ္မာ-\nဝွေꩻဗွေႏယိုနဝ်ꩻ လဲဉ်အံႏဒါႏဝင်ꩻ၊ အုံထာꩻအဝ်ႏမဉ်လဲဉ်အံႏစွဉ်ႏဝင်ꩻလူမ်ꩻ၊ ပေါႏအဝ်ႏမဲဉ်လဲဉ်အံႏဝင်ꩻ နုဲင်းယိုနဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။\n၉။ ပါပိစ္ဆော အယမာယသ္မာ-\nဝွေꩻဗွေႏယိုနဝ်ꩻ လိုႏဒျာႏထာꩻယွုတ်-ထာꩻကုဲင်တန်၊ အုံထာꩻအဝ်ႏမဉ်လꩻစွဉ်ႏ ထာꩻယွုတ်ထာꩻကုဲင်လူမ်ꩻ၊ ပေါႏအဝ်ႏမဉ်လꩻ ထာꩻယွုတ်ထာꩻကုဲင် နုဲင်းနဝ်ꩻနဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။\n၁၀။ သတိ ခေါ ပန အယမာယသ္မာ အန္တရာ ဝေါသာနံ အာပန္နော-\nဝွေꩻဗွေႏယိုနဝ်ꩻ အဝ်ႏလိုႏလꩻကီကီကတရာꩻ၊ လꩻကွို့ꩻတရာꩻထူꩻ တစိꩻပေႏဒျာႏတဲ့ အွဉ်ႏထွူတရတ်ထိုꩻခန်းဒျာႏ၊ ပေါႏအွဉ်ႏထွူတခြိုထိုꩻတရာꩻ နုဲင်းနဝ်ꩻနဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ ဗျာကရဏသုတ်)\n\nအာႏကွိုꩻ","num_words":475,"character_repetition_ratio":0.155,"word_repetition_ratio":0.101,"special_characters_ratio":0.093,"stopwords_ratio":0.011,"flagged_words_ratio":0.0,"lang_id_score":1.0,"perplexity_score":2026.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%80%E1%80%99%E1%80%AC%EA%A9%BB%E1%80%86%E1%80%BD%E1%80%AF%E1%80%90%E1%80%BA%E1%80%9A%E1%80%BD%E1%80%AF%E1%80%90%E1%80%BA%E1%80%9E%E1%80%B1%E1%80%80%E1%80%B9%E1%80%81%E1%80%95%E1%80%AF%E1%80%82%E1%80%B9%E1%80%82%E1%80%AD%E1%80%AF%E1%80%9C%E1%80%BA%E1%82%8F","collection":"wikipedia","source":"wikipedia","original_code":"blk","text":"\"ဒုတိယသေခသုတ် (ကမာꩻဆွုတ်ယွုတ်ဒါႏ သေက္ခပုဂ္ဂိုလ်ႏ တရာꩻ ၅-ပါꩻ)\"\nအားထွုတ်ဝိပဿနာႏတရာꩻတဲင် 'လꩻတမဂ်၊ လꩻတဖိုလ်ႏ၊ လꩻနီမဂ်၊ လꩻနီဖိုလ်ႏ၊ လꩻသွံမဂ်၊ လꩻသွံဖိုလ်ႏ၊ လꩻလစ်ꩻမဂ်'ပုဂ္ဂိုလ်ႏယိုနွုတ်ꩻပါꩻနဝ်ꩻ ဟဲ့ꩻ'သေက္ခပုဂ္ဂိုလ်ႏ'၊ ဖေႏကလꩻ အရဟတ��တဖိုလ်ႏ၊ ဖေႏကထွာရဟန္တာႏပုဂ္ဂိုလ်ႏနဝ်ꩻ အဝ်ႏလိုႏကျင်ꩻနေဒွိုန်းက၊ 'ကျင်ꩻနေဒွိုန်းက-သေက္ခပုဂ္ဂိုလ်ႏ' အဝ်ႏနွုတ်ꩻပါꩻနောဝ်ꩻသွူ။\nရဟန်ꩻသီးဖုံႏဟွေး-\nကမာꩻဆွုတ်ယွုတ်အီဒါႏ သေက္ခပုဂ္ဂိုလ်ႏနဝ်ꩻ အဝ်ႏငတ်ꩻမျိုꩻ၊ ငတ်ꩻမျိုꩻကရိုꩻနောဝ်ꩻ-\n၁။ သာႏသနာႏကိုယို လိုႏကျင်ꩻနေက သေက္ခရဟန်ꩻနဝ်ꩻ ထာꩻမာꩻအာ၊ အုံတဝ်းတပါꩻ၊ အားထွုတ်တဝ်းတရာꩻ၊ ပဌမယိုတမျိုꩻတဲ့ မာꩻဆွုတ်ယွုတ်အီ၊ ထင်ႏကီနွောင်ꩻတောဝ်း။\n၂။ လိုႏကျင်ꩻနေက သေက္ခရဟန်ꩻနဝ်ꩻ ထာꩻမာꩻအဝ်ႏဆေ့ꩻပေႏလွုမ်ꩻတဲ့ လို့စွဉ်ႏတနီꩻ၊ အုံတဝ်းတပါꩻ၊ အားထွုတ်တဝ်းတရာꩻ၊ ဒုတိယယိုတမျိုꩻတဲ့ မာꩻဆွုတ်ယွုတ်အီ၊ ထင်ႏကီနွောင်ꩻတောဝ်း။\n၃။ သေက္ခရဟန်ꩻနဝ်ꩻ ပေါင်ꩻကွိုက်ꩻဒျာႏလိုꩻလမ်း၊ အားထွုတ်တဝ်းတရာꩻ၊ တတိယယိုတမျိုꩻတဲ့ မာꩻဆွုတ်ယွုတ်အီ၊ ထင်ႏကီနွောင်ꩻတောဝ်း။\n၄။ သေက္ခရဟန်ꩻနဝ်ꩻ အခိန်ႏအခါႏမွေးတောဝ်း လယ်ႏထာꩻဒုံကို၊ သဲင်ꩻလွိုက်ꩻ၊ ဗေင်ႏထာꩻထွိုင်ႏလေ၊ စတုတ္ထယိုတမျိုꩻတဲ့ မာꩻဆွုတ်ယွုတ်အီ၊ ထင်ႏကီနွောင်ꩻတောဝ်း။\n၅။ သေက္ခရဟန်ꩻနဝ်ꩻ ဒေါ့ꩻတဝ်းငေါဝ်းငွါ ကထွာအီကုသိုလ်ႏ၊ ဒေါ့ꩻတဝ်းငေါဝ်းဆꩻ ကလꩻအီမဂ်ဖိုလ်ႏ၊ ပဉ္စမ ယိုတမျိုꩻတဲ့ မာꩻဆွုတ်ယွုတ်အီ၊ ထင်ႏကီနွောင်ꩻတောဝ်း။\nကမာꩻဆွုတ်ယွုတ်အီ သေက္ခပုဂ္ဂိုလ်ႏနဝ်ꩻ အဝ်ႏငတ်ꩻမျိုꩻနုဲင်းနောဝ်ꩻသွူ။\nရဟန်ꩻသီးဖုံႏဟွေး-\nကမာꩻတိုꩻတက်အီ သေက္ခပုဂ္ဂိုလ်ႏနဝ်ꩻ အဝ်ႏငတ်ꩻမျိုꩻ၊ ငတ်ꩻမျိုꩻကရိုꩻနောဝ်ꩻ-\n၁။ သေက္ခရဟန်ꩻနဝ်ꩻ ထာꩻမာꩻအာတဝ်း၊ အုံဒျာႏတပါꩻ၊ အားထွုတ်ဒျာႏတရာꩻ၊ ပဌမယိုတမျိုꩻတဲ့ မာꩻတိုꩻတက်အီ၊ ထင်ႏကီမဂ်ဖိုလ်ႏ။\n၂။ သေက္ခရဟန်ꩻနဝ်ꩻ ထာꩻမာꩻဆေ့ꩻပေႏ၊ လို့တဝ်းတနီꩻ၊ အုံဒျာႏတပါꩻ၊ အားထွုတ်ဒျာႏတရာꩻ၊ ဒုတိယယိုတမျိုꩻတဲ့ မာꩻတိုꩻတက်အီ၊ ထင်ႏကီမဂ်ဖိုလ်ႏ။\n၃။ သေက္ခရဟန်ꩻနဝ်ꩻ ကွိုက်ꩻတဝ်းလိုꩻလမ်း၊ အုံဒျာႏတပါꩻ၊ အားထွုတ်ဒျာႏတရာꩻ၊ တတိယယိုတမျိုꩻတဲ့ မာꩻတိုꩻတက်အီ၊ ထင်ႏကီမဂ်ဖိုလ်ႏ။\n၄။ သေက္ခရဟန်ꩻနဝ်ꩻ လယ်ႏလွင်ꩻတဝ်းအွိုးဒုံ၊ အုံဒျာႏကျောင်ꩻသေႏသေႏ၊ ထွိုင်ႏစောဝ်း၊ အုံဒျာႏတပါꩻ၊ အားထွုတ်ဒျာႏတရာꩻ၊ စတုတ္ထယိုတမျိုꩻတဲ့ မာꩻတိုꩻတက်အီ၊ ထင်ႏကီမဂ်ဖိုလ်ႏ။\n၅။ သေက္ခရဟန်ꩻနဝ်ꩻ ဒေါ့ꩻဒျာႏငေါဝ်းငွါ ကထွာအီကုသိုလ်ႏ၊ ဒေါ့ꩻဒျာႏငေါဝ်းဆꩻ ကလꩻအီမဂ်ဖိုလ်ႏ၊ ပဉ္စမယိုတမျိုꩻတဲ့ မာꩻတိုꩻတက်အီ၊ ထင်ႏကီမဂ်ဖိုလ်ႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ ဒုတိယသေခသုတ်)\n\nအာႏကွိုꩻ","num_words":414,"character_repetition_ratio":0.141,"word_repetition_ratio":0.111,"special_characters_ratio":0.072,"stopwords_ratio":0.031,"flagged_words_ratio":0.0,"lang_id_score":1.0,"perplexity_score":3088.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%80%E1%80%99%E1%80%B9%E1%80%98%E1%80%AC%E1%82%8F%E1%80%9B%E1%80%94%E1%80%BA%E1%82%8F%E1%80%9E%E1%80%B0%E1%82%8F","collection":"wikipedia","source":"wikipedia","original_code":"blk","text":"ကမ္ဘာႏရန်ႏသူႏ\n၁။ ကမ္ဘာႏရန်ႏသူႏ - မဟဝ်ဗူႏ၊ အွဉ်ႏညာꩻညာꩻဝင်ꩻ - ရန်ႏယံကင်ꩻ။\n\n၂။ ဝွေꩻနမ်းထာꩻယူႏ - ခွေမထူႏ၊ ခွေမာꩻတမျိုꩻ - ဝွေꩻသမ်းရိုꩻ။\n\n၃။ ဝွေꩻနဝ်ꩻဖြေꩻစာ - မီႏလꩻအာ၊ ခွေထွားမရော့ꩻ - နွို့ယားသော့ꩻ။\n\n၄။ ခွေအဝ်ႏလိုႏလဲ့ - ဝွေꩻထွို့ꩻထဲ့၊ ဝွေꩻအဝ်ႏဖွို့သဲင် - ခွေသမ်းစဲင်း။\n\n၅။ ဝွေꩻမီႏဒါႏဉာဏ်ႏ - ခွေမခံႏ၊ ခွေမီႏဒါႏအာ - ဝွေꩻယားချာ။\n\n၆။ ဝွေꩻဒေါ့ꩻထာꩻလက်ꩻ - ခွေတဒက်ꩻ၊ ခွေဒေါ့ꩻထာꩻမွေး - ဝွေꩻနွို့ခေး။\n\n၇။ ခွေထာꩻဒို့ꩻလွံꩻ - ဝွေꩻတခွန်ꩻ၊ ဝွေꩻထာꩻအမ်ႏဆေ့ꩻ - ခွေထူႏတေ့ꩻ။\n\n၈။ ဝွေꩻဖိုးအဝ်ႏလီ - ခွေမာꩻသီ၊ ခွေဖိုးအဝ်ႏဗူႏ - ဝွေꩻသမ်းထူႏ။\n\n၉။ ဝွေꩻလွေꩻတဖူꩻ - ခွေမစူꩻ၊ ခွေတထူꩻလဲ့ - ဝွေꩻယားတဲ့။\n\n၁၀။ ခွေခြံထာꩻအံႏ - ဝွေꩻယားထန်ႏ၊ ဝွေꩻခြံဖူꩻကို - ခွေယားယို။\n\n၁၁။ ခွေဟော်ꩻလွောင်ႏဗူႏ - ဝွေꩻမထူႏ၊ ဝွေꩻဟော်ꩻကံဒဝ် - ခွေမွန်ꩻဟဝ်။\n\n၁၂။ ဝွေꩻဟော်ꩻဖုဲင်းကုက် - ခွေမကျွိုက်၊ ခွေဟော်ꩻယာလံ - ဝွေꩻမကံ။\n\n၁၃။ ခွေဟာ်ꩻကုသိုလ်ႏ - ဝွေꩻမလိုႏ၊ ဝွေꩻဟော်ꩻပညာ - ခွေမနာႏ။\n\n၁၄။ ခွေမာယံမꩻ - ဝွေꩻမဲန်လꩻ၊ ဝွေꩻမာအဝ်ႏဗေ့ꩻ - ခွေဒေါ့ꩻတေ့ꩻ။\n\n၁၅။ ဝွေꩻပိုအွꩻအံႏ - ခွေသꩻထန်ႏ၊ ခွေမာခြွိုင်းကꩻ - ဝွေꩻမဲန်လꩻ။\n\n၁၆။ ကမ္ဘာႏရန်ႏသူႏ - ဟဝ်မတ်ထူႏ၊ သွတ်ꩻလင်ꩻထွူမွေး - လောင်ꩻသီးဟွေး။\n\nပိုခိုမောင်ႏ နာႏသွော့\n၁။ လွူးသက်နမ်းတာႏ - သွဉ်ပညာႏ၊ ကျိုꩻစာꩻရွက်ဆောင်ႏ - ပိုခိုမောင်ႏ။\n\n၂။ ပညာႏမီႏဒါႏ - ထွာချမ်ꩻသာႏ၊ ချာငါမယောင်ႏ - ပိုခိုမောင်ႏ။\n\n၃။ အမျာꩻဖူꩻကို - ပညာႏယို၊ တင်ႏတယ်ႏအရောင်ႏ - ပိုခိုမောင်ႏ။\n\n၄။ ပညာႏရောင်ႏအာ - နုဲင်းမွူးလာ၊ သတင်ႏကျောႏခေါင်ႏ - ပိုခိုမောင်ႏ။\n\n၅။ သီဒါႏဉာဏ်ႏလဲ့ - မွိုးဖါတဲ့၊ မဲ့ငါလေရောင်ႏ - ပိုခိုမောင်ႏ။\n\n၆။ သီအွꩻဒဝ်ထီ - မွိုးဖါနီ၊ တရေꩻပေႏဆောင်ႏ - ပိုခိုမောင်ႏ။\n\n၇။ ဆင်ꩻရယ်ꩻအီဒါႏ - ကုက်ခရာႏ၊ ဖုဲင်းနဝ်ꩻလဲ့သျောင်ႏ - ပိုခိုမောင်ႏ။\n\n၈။ ထာꩻခွုမ်ထာꩻမာꩻ - သီကျိုꩻစာꩻ၊ အားထုတ်ရွက်ဆောင်ႏ - ပိုခိုမောင်ႏ။\n\n၉။ ရွဉ်ခံꩻကꩻကွဉ် - ဆင်ႏချင်ႏသွဉ်၊ သုင်ꩻဖျုင်ꩻနဝ်ꩻသျောင်ႏ - ပိုခိုမောင်ႏ။\n\n၁၀။ ဖူးပေႏဝေးတန် - နေးကယံ၊ အားထုတ်ရွက်ဆောင်ႏ - ပိုခိုမောင်ႏ။\n\n၁၁။ လိုꩻ(တန်)ခိုဆꩻငါ - အ��ံအဝ်ႏခါ၊ ယောင်းခင်ႏနဝ်ꩻသျောင်ႏ - ပိုခိုမောင်ႏ။\n\n၁၂။ လိုꩻတန်ဒေါ့ꩻရီ - အွီႏငဝ်းထီ၊ ဒေါ့ꩻရီသုံꩻဆောင်ႏ - ပိုခိုမောင်ႏ။\n\n၁၃။ သီအုံညီꩻလဲ့ - သွꩻပေႏတဲ့၊ ငဝ်းမွိုက်ရွိုင်ꩻသျောင်ႏ - ပိုခိုမောင်ႏ။\n\n၁၄။ မွိုးဖါထာꩻမာꩻ - သီကျိုꩻစာꩻ၊ ပျောႏသွင်ႏရွက်ဆောင်ႏ - ပိုခိုမောင်ႏ။\n\n၁၅။ ပိုခို ပိုခို - မွိုးပိုခို၊ ငဝ်းဆုမ္မꩻဆောင်ႏ - ပိုခိုမောင်ႏ။\n\nအာႏကွိုꩻ","num_words":509,"character_repetition_ratio":0.146,"word_repetition_ratio":0.0,"special_characters_ratio":0.157,"stopwords_ratio":0.006,"flagged_words_ratio":0.0,"lang_id_score":1.0,"perplexity_score":12202.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%80%E1%80%AC%E1%82%8F%E1%80%9C%E1%80%9E%E1%80%BD%E1%80%B6%E1%80%95%E1%80%AB%EA%A9%BB%E1%80%91%E1%80%BD%E1%80%AC%E1%80%A1%E1%80%AE%E1%80%9D%E1%80%BD%E1%80%8B%E1%80%BA%E1%80%92%E1%80%AF%E1%80%80%E1%80%B9%E1%80%81","collection":"wikipedia","source":"wikipedia","original_code":"blk","text":"\"ဒုတိယနိဒါနသုတ် (ကာႏလသွံပါꩻ ထာꩻမာꩻထွာအီ ဝွဋ်ဒုက္ခအထျꩻအထောင်ꩻ)\"\n\nရဟန်ꩻသီးဖုံႏဟွေး-\nသꩻယူႏချာ ကခံႏစာꩻဗာႏဖို (အတိတ်-ကာႏမဂွုဏ်ႏ)နဝ်ꩻတဲင် 'ဆန္ဒရာဂ'ထွာ၊ ဆန္ဒရာႏဂနဝ်ꩻ ထွာအထျꩻ၊ ဆန္ဒရာႏဂနဝ်ꩻ အွဉ်ငါ၊ ကထွာလွဉ်ထာꩻမာꩻဖုံႏနဝ်ꩻ ဟဲ့ꩻ'အကုသိုလ်ႏ'ထာꩻမာꩻ၊ ထွာ 'သံယော်ꩻဇဉ်ႏ'တပါꩻ၊ ထွာတဖြွီꩻ အဝ်ႏစွိုင်ခါꩻတလီး၊ ပေါႏသံယော်ꩻဇဉ်ႏတဖြွီꩻနဝ်ꩻ အဝ်ႏစွိုင်ခါꩻနဝ်ꩻ တလꩻနွောင်ꩻတဝ်း မဂ်ဖိုလ်ႏနိဗ္ဗာန်ႏ၊ တထန်ႏနွောင်ꩻတဝ်း ဝွဋ်ဒုက္ခနောဝ်ꩻသွူ။\nရဟန်ꩻသီးဖုံႏဟွေး-\nသꩻယူႏငါလွေꩻ တွိုႏဆုဲင်ꩻဆုဲင်ꩻ၊ မဉ်ခံႏစာꩻထဲင်းယင်း (အနာႏဂတ်-ကာႏမဂွုဏ်ႏ)နဝ်ꩻတဲင် 'ဆန္ဒရာဂ'ထွာ၊ ဆန္ဒရာႏဂနဝ်ꩻ ထွာအထျꩻ၊ ဆန္ဒရာႏဂနဝ်ꩻအွဉ်ငါ၊ ကထွာလွဉ်ထာꩻမာꩻဖုံႏနဝ်ꩻ ဟဲ့ꩻ'အကုသိုလ်ႏ'ထာꩻမာꩻ၊ ထွာ'သံယော်ꩻဇဉ်ႏ'တပါꩻ၊ ထွာတဖြွီꩻ အောဝ်ႏစွိုင်ခါꩻတလီး၊ ပေါႏသံယော်ꩻဇဉ်ႏတဖြွီꩻနဝ်ꩻ အဝ်ႏစွိုင်ခါꩻနဝ်ꩻ တလꩻနွောင်ꩻတဝ်း မဂ်ဖိုလ်ႏနိဗ္ဗာန်ႏ၊ တထန်ႏနွောင်ꩻတဝ်း ဝွဋ်ဒုက္ခနောဝ်ꩻသွူ။\nရဟန်ꩻသီးဖုံႏဟွေး-\nသꩻယူႏကအဝ်ႏစာꩻ (ပစ္စုပ္ပန်ႏ-ကာႏမဂွုဏ်ႏ)ယိုခါတဲင် 'ဆန္ဒရာဂ'ထွာ၊ ဆန္ဒရာႏဂနဝ်ꩻ ထွာအထျꩻ၊ ဆန္ဒရာႏဂနဝ်ꩻအွဉ်ငါ၊ ကထွာလွဉ်ထာꩻမာꩻဖုံႏနဝ်ꩻ ဟဲ့ꩻ'အကုသိုလ်ႏ'ထာꩻမာꩻ၊ ထွာ'သံယော်ꩻဇဉ်ႏ'တပါꩻ၊ ထွာတဖြွီꩻ အဝ်ႏစွိုင်ခါꩻတလီး၊ ပေါႏသံယော်ꩻဇဉ်ႏတဖြွီꩻနဝ်ꩻ အဝ်ႏစွိုင်ခါꩻနဝ်ꩻ တလꩻနွောင်ꩻတဝ်း မဂ်ဖိုလ်ႏနိဗ္ဗာန်ႏ၊ တထန်ႏနွောင်ꩻတဝ်း ဝွဋ်ဒုက္ခနောဝ်ꩻသွူ။\nရဟန်ꩻသီးဖုံႏဟွေး-\nသꩻယူႏချာ ကခံႏစာꩻဗာႏဖို (အတိတ်-ကာႏမဂွုဏ်ႏ)နဝ်ꩻတဲင် ထွာဆန္ဒရာႏဂ၊ ထွာအကုသိုလ်ႏ၊ အီႏခံႏဗာႏအပဲ့စ်၊ သေယူႏလꩻနုဲင်းနဝ်ꩻတွော့ꩻ ဖေႏကခံႏဗာႏမွုန်း အပဲ့စ်နဝ်ꩻ မဉ်ခံႏစာꩻတဝ်��� ကာႏမဂွုဏ်ႏ၊ ဆန္ဒရာႏဂထွာတောဝ်း။ သꩻယူႏငါလွေꩻ မဉ်ခံႏစာꩻထဲင်းယင်း (အနာဂတ်-ကာႏမဂွုဏ်ႏ)နဝ်ꩻတဲင် ထွာဆန္ဒရာႏဂ၊ ထွာအကုသိုလ်ႏ၊ အီႏခံႏဗာႏအပဲ့စ်၊ သေယူႏလꩻနုဲင်းနဝ်ꩻတွော့ꩻ ဖေႏကခံႏဗာႏမွုန်း အပဲစ်နောဝ်ꩻ မဉ်ခံႏစာꩻတဝ်းကာႏမဂွုဏ်ႏ၊ ဆန္ဒရာႏဂထွာတောဝ်း။ သꩻယူႏကအဝ်ႏခံႏစာꩻ (ပစ္စုပ္ပန်ႏ-ကာႏမဂွုဏ်ႏ)ယိုခါတဲင် ထွာဆန္ဒရာႏဂ၊ ထွာအကုသိုလ်ႏ၊ အီႏခံႏဗာႏအပဲ့စ်၊ သေယူႏလꩻနုဲင်းနဝ်ꩻတွော့ꩻ ဖေႏကခံႏဗာႏမွုန်းအပဲ့စ်နဝ်ꩻ မဉ်ခံႏစာꩻတဝ်း ကာႏမဂွုဏ်ႏ၊ ဆန္ဒရာႏဂ ထွာတောဝ်းနောဝ်ꩻသွူ။\nရဟန်ꩻသီးဖုံႏဟွေး-\nအတိတ်ဆန္ဒရာႏဂတဲ့ ထွာတဝ်း၊ အနာႏဂတ်ဆန္ဒရာႏဂတဲ့ ထွာတဝ်း၊ ပစ္စုပ္ပန်ႏဆန္ဒရာႏဂတဲ့ ထွာတဝ်း၊ သꩻဆန္ဒရာႏဂမွေးတဝ်း၊ ထွာဒျာႏ သꩻကြောင်းသꩻဗွာ၊ သꩻကြောင်းအွဉ်ငါ၊ သꩻဗွာထွာအထျꩻ၊ ကထွာလွဉ် ထာꩻမာꩻဖုံႏနဝ်ꩻ ဟဲ့ꩻ'ကုသိုလ်ႏ'ထာꩻမာꩻ၊ ထွာတဝ်း သံယော်ꩻဇဉ်ႏတပါꩻပါꩻ၊ ထွာတဝ်းတဖြွီꩻ အဝ်ႏစွိုင်ခါꩻတလီးလီး ပေါႏသံယော်ꩻဇဉ်ႏတဖြွီꩻ တအဝ်ႏစွိုင်ခါꩻတဝ်းနဝ်ꩻ လꩻနွောင်ꩻဒျာႏ မဂ်ဖိုလ်ႏနိဗ္ဗာန်ႏ၊ ထန်ႏနွောင်ꩻဒျာႏ ဝွဋ်ဒုက္ခနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ တိကနိပါတ်၊ ဒုတိယနိဒါနသုတ်)\n\nအာႏကွိုꩻ","num_words":425,"character_repetition_ratio":0.09,"word_repetition_ratio":0.365,"special_characters_ratio":0.081,"stopwords_ratio":0.012,"flagged_words_ratio":0.0,"lang_id_score":1.0,"perplexity_score":1467.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%80%E1%80%AF%E1%80%9E%E1%80%AD%E1%80%AF%E1%80%9C%E1%80%BA%E1%82%8F%E1%80%80%E1%80%B6%E1%82%8F%E1%80%A1%E1%80%80%E1%80%AF%E1%80%9E%E1%80%AD%E1%80%AF%E1%80%9C%E1%80%BA%E1%82%8F","collection":"wikipedia","source":"wikipedia","original_code":"blk","text":"\"နိဒါနသုတ် (ကုသိုလ်ႏကံႏ၊ အကုသိုလ်ႏကံႏ အကျောင်ꩻတရာꩻ)\"\nရဟန်ꩻသီးဖုံႏဟွေး-\nအကုသိုလ်ႏကံႏ ကထွာအီ အကျောင်ꩻတရာꩻနဝ်ꩻ အဝ်ႏသွံပါꩻ၊ သွံပါꩻကရိုꩻနောဝ်ꩻ-\n၁။ လောဘော နိဒါနံ ကမ္မာနံ သမုဒယာယ-\nကွပ်လောႏဘꩻတဲင် အကုသိုလ်ႏကံႏ ထွာလွဉ်။\n၂။ ဒေါသော နိဒါနံ ကမ္မာနံ သမုဒယာယ-\nပွိုးဒေါႏသꩻတွော့ꩻ အကုသိုလ်ႏကံႏ ထွာလွဉ်။ \n၃။ မောဟော နိဒါနံ ကမ္မာနံ သမုဒယာယ-\nကွပ်ပွိုးမောႏဟꩻတဲင်တွော့ꩻ အကုသိုလ်ႏကံႏ ထွာလွဉ်၊ ယိုသိုမ်ပါꩻဖုံႏနောဝ်ꩻသွူ။\nရဟန်ꩻသီးဖုံႏဟွေး-\n၁။ ကွပ်ထာꩻမဉ်လꩻ လောႏဘꩻတဲင် 'ထာꩻမဉ်လꩻတဝ်း-အလောႏဘꩻ'နောဝ်ꩻ အမျိုꩻထွာမွေးတောဝ်း၊ ကွပ်လောႏဘꩻတဲင် အထွုံႏစံႏထွာဒျာႏ လောႏဘꩻနဝ်ꩻလွုမ်ꩻသွူ။\n၂။ ပွိုးသꩻလျားဒေါႏသꩻတွော့ꩻ 'သꩻလျားတဝ်း-အဒေါႏသꩻ'နဝ်ꩻ အမျိုꩻထွာမွေးတဝ်း၊ ပွိုးဒေါႏသꩻတွော့ꩻ အထွုံꩻစံႏထွာဒျာႏ ဒေါႏသꩻနဝ်ꩻလွုမ်ꩻသွူ။\n၃။ ကွပ်ပွိုးထာꩻလိန်းလွုမ်ꩻ မောႏဟꩻတဲင်တ��ော့ꩻ 'တလိန်းလွုမ်ꩻတဝ်း-အမောႏဟꩻ'နဝ်ꩻ အမျိုꩻထွာမွေးတဝ်း၊ ကွပ်ပွိုးမောႏဟꩻတဲင်တွော့ꩻ အထွုံꩻစံႏထွာဒျာႏ မောႏဟꩻနဝ်ꩻလွုမ်ꩻသွူ။\nရဟန်ꩻသီးဖုံႏဟွေး-\nကွပ်လောႏဘꩻ အကုသိုလ်ႏကံႏ၊ ပွိုးဒေါႏသꩻအကုသိုလ်ႏကံႏ၊ ကွပ်ပွိုးမောႏဟꩻ အကုသိုလ်ႏကံႏဖုံႏနဝ်ꩻတဲင်တွော့ꩻ သဲင်ꩻမော့ꩻတဝ်း လိုꩻဘဝ၊ သုဂတိ(ဘွုံႏဟောဝ်)ဘဝ၊ လွေꩻမော့ꩻဒျာႏ (ငါးရုဲင်ꩻ၊ တိရစ္ဆာန်ႏ၊ ပိတ္တာႏ၊ အသူႏရကာယ်ႏ) အပါယ်ႏဒုဂ္ဂတိဘဝဖုံႏနဝ်ꩻသွူ။\nရဟန်ꩻသီးဖုံႏဟွေး-\n၁။ ကွပ်အလောႏဘꩻ၊ အဒေါႏသꩻ၊ အမောႏဟꩻတဲင် ကုသိုလ်ႏကံႏထွာလွဉ် ၊ ပွိုးအလောႏဘꩻထွာတွော့ꩻ လောႏဘꩻထွာတဝ်း၊ ထွာဒျာႏအလောႏဘꩻ-ထွာဒျာႏထာꩻမဉ်လꩻ တဝ်းလွုမ်ꩻ။\n၂။ ပွိုးအဒေါႏသꩻတဲင် ဒေါႏသꩻထွာတဝ်း၊ ထွာဒျာႏဒေါႏသꩻ-ထွာဒျာႏထာꩻသꩻလျားမွေးတဝ်းလူမ်ꩻ။\n၃။ ကွပ်ပွိုးအမောႏဟꩻထွာတဲင်တွော့ꩻ မောႏဟꩻထွာတဝ်း၊ ထွာဒျာႏအမောႏဟꩻ-ထာꩻလိန်းလွုမ်ꩻမွေးတဝ်းႏ\nရဟန်ꩻသီးဖုံႏဟွေး-\nကွပ်အလောႏဘꩻ ကုသိုလ်ႏကံႏ၊ ပွိုးအဒေါႏသꩻကုသိုလ်ႏကံႏ၊ ကွပ်ပွိုးအမောႏဟꩻ ကုသိုလ်ႏကံႏတဲင်တွော့ꩻ လွေꩻမော့ꩻတဝ်း (ငါးရုဲင်ꩻ၊ တိရစ္ဆာန်ႏ၊ ပိတ္တာႏ၊ အသူႏရကာယ်ႏ) အပါယ်ႏလစ်ꩻခမ်းနောဝ်ꩻသွူ။\nကွပ်အလောႏဘꩻကုသိုလ်ႏ၊ ပွိုးအဒေါႏသꩻကုသိုလ်ႏကံႏ၊ ကွပ်ပွိုးအမောႏဟꩻ ကုသိုလ်ႏကံႏတဲင်တွော့ꩻ မော့ꩻဒျာႏ လိုꩻဘဝ-သုခချမ်ꩻသာႏ၊ မော့ꩻဒျာႏ လူꩻဘဝ-သုခချမ်ꩻသာႏ၊ ဗျဟ္မာႏဘဝ-သုခချမ်ꩻသာႏ၊ တွိုႏအနာလွိုတွော့ꩻ မော့ꩻစွဉ်ႏဒျာႏ နိဗ္ဗာန်ႏချမ်ꩻသာႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဆက္ကနိပါတ်၊ နိဒါနသုတ်)\n\nအာႏကွိုꩻ","num_words":380,"character_repetition_ratio":0.098,"word_repetition_ratio":0.032,"special_characters_ratio":0.085,"stopwords_ratio":0.045,"flagged_words_ratio":0.0,"lang_id_score":1.0,"perplexity_score":1493.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%80%E1%80%AF%E1%80%9E%E1%80%AD%E1%80%AF%E1%80%9C%E1%80%BA%E1%82%8F%E1%80%9E%E1%80%BD%E1%80%85%E1%80%BA%EA%A9%BB%E1%80%99%E1%80%BB%E1%80%AD%E1%80%AF%EA%A9%BB%E1%80%9C%E1%80%AD%E1%80%AF%E1%82%8F%E1%80%80%E1%80%BB%E1%80%AD%E1%80%AF%EA%A9%BB","collection":"wikipedia","source":"wikipedia","original_code":"blk","text":"\"အဘိသန္ဒသုတ် (ကုသိုလ်ႏ ၈-မျိုꩻ အောဝ်ႏလိုႏကျိုꩻ)\"\nရဟန်ꩻသီးဖုံႏဟွေး-\nကုသိုလ်ႏယိုသွစ်ꩻမျိုꩻနဝ်ꩻ ဘဝယိုတဲ့နဝ်ꩻ၊ ဘဝငါတဲ့နဝ်ꩻ မာꩻချမ်ꩻသာႏလိုꩻ၊ သွစ်ꩻမျိုꩻကရိုꩻနဝ်ꩻ-\n၁။ ဗုဒ္ဓံ သရဏံ ဂတော ဟောတိ-\n'ကိုꩻကွယ်ႏယွုမ်းမတ်-ဆယ်ꩻကပ်ဘုရာꩻ'၊ ကုသိုလ်ႏ(ပထမတလွမ်)ယို ပေါႏရွမ်၊ ပေါႏကျိုꩻစာꩻ၊ ပေါႏမာꩻနဝ်ꩻ-သꩻရေꩻသꩻချမ်ꩻသာႏ၊ လꩻချမ်ꩻသာႏ၊ မဉ်ႏသီသူꩻ-တွိုႏကီလူꩻခမ်း။\nရဟန်ꩻသီးဖုံႏဟွေး-\n၂။ ဓမ္မံ သရဏံ ဂတော ဟောတိ-\n'ကိုꩻကွယ်ႏယွုမ်းမတ်-ဆယ်ꩻကပ်တရာꩻ'၊ ကုသိုလ်ႏ(ဒုတိယတလွမ်)ယို မဉ်ႏရွမ်၊ မဉ်ႏကျိုꩻစာꩻ၊ မဉ်ႏမာꩻနဝ်ꩻ-သꩻရေꩻသꩻချမ်ꩻသာႏ၊ လꩻချမ်ꩻသာႏ၊ မဉ်ႏသီသူꩻ-တွိုႏကီလူꩻခမ်း။\nရဟန်ꩻသီးဖုံႏဟွေး-\n၃။ သံဃံ သရဏံ ဂတော ဟောတိ-\n'ကိုꩻကွယ်ႏယွုမ်းမတ်-ဆယ်ꩻကပ်သံႏဃာႏ'၊ ကုသိုလ်ႏ(တတိယတလွမ်)ယို ပေါႏမဉ်ႏရွမ်၊ ပေါႏမဉ်ႏကျိုꩻစာꩻ၊ ပေါႏမဉ်ႏမာꩻနဝ်ꩻ-သꩻရေꩻသꩻချမ်ꩻသာႏ၊ လꩻချမ်ꩻသာႏ၊ မဉ်ႏသီသူꩻ-တွိုႏကီလူꩻခမ်း။\nရဟန်ꩻသီးဖုံႏဟွေး-\n၄။ ပါဏာတိပါတတော ပဋိဝိရတော ဟောတိ-\n'လဲ့ꩻညာꩻထိုꩻပက်-မာꩻသီတဝ်း ဝင်ꩻသက်'၊ ကုသိုလ်ႏ(စတုတ္ထတလွမ်)ယို ပေါႏရွမ်၊ ပေါႏကျိုꩻစာꩻ၊ ပေါႏမာꩻနဝ်ꩻ-သꩻရေꩻသꩻချမ်ꩻသာႏ၊ လꩻချမ်ꩻသာႏ၊ မဉ်ႏသီသူꩻ-တွိုႏကီလူꩻခမ်း။\nရဟန်ꩻသီးဖုံႏဟွေး-\n၅။ အဒိန္နာဒါနာ ပဋိဝိရတော ဟောတိ-\n'ထိုꩻလဲ့ꩻညာꩻခြူႏ-ထူႏတခွန်ꩻတဝ်း ဝင်ꩻတခြိုꩻ'၊ ကုသိုလ်ႏ(ပဉ္စမတလွမ်)ယို မဉ်ႏရွမ်၊ မဉ်ႏကျိုꩻစာꩻ၊ မဉ်ႏမာꩻနဝ်ꩻ-သꩻရေꩻသꩻချမ်ꩻသာႏ၊ လꩻချမ်ꩻသာႏ၊ မဉ်ႏသီသူꩻ-တွိုႏကီလူꩻခမ်း။\nရဟန်ꩻသီးဖုံႏဟွေး-\n၆။ ကာမေသု မိစ္ဆာစာရာ ပဋိဝိရတော ဟောတိ-\n'သျောင်ႏထိုꩻညာꩻဒျာႏ-ပဲ့စ်မာႏတဝ်း ဝင်ꩻပိုမာ'၊ ကုသိုလ်ႏ(ဆဋ္ဌမတလွမ်)ယို ပေါႏမဉ်ႏရွမ်၊ ပေါႏမဉ်ႏကျိုꩻစာꩻ၊ ပေါႏမဉ်ႏမာꩻနဝ်ꩻ-သꩻရေꩻသꩻချမ်ꩻသာႏ၊ လꩻချမ်ꩻသာႏ၊ မဉ်ႏသီသူꩻ-တွိုႏကီလူꩻခမ်း။\nရဟန်ꩻသီးဖုံႏဟွေး-\n၇။ မုသာဝါဒါ ပဋိဝိရတော ဟောတိ-\n'ဒေါ့ꩻတဝ်းလာꩻလာꩻ-ငေါဝ်းမုသာꩻ'၊ ကုသိုလ်ႏ(သတ္တမတလွမ်)ယို ပေါႏရွမ်၊ ပေါႏကျိုꩻစာꩻ၊ ပေါႏမာꩻနဝ်ꩻ-သꩻရေꩻသꩻချမ်ꩻသာႏ၊ လꩻချမ်ꩻသာႏ၊ မဉ်ႏသီသူꩻ-တွိုႏကီလူꩻခမ်း။\nရဟန်ꩻသီးဖုံႏဟွေး-\n၈။ သုရာမေရယ မဇ္ဇပမာဒဋ္ဌာနာ ပဋိဝိရတော ဟောတိ-\n'စွူးန်စွို့ꩻကျင်ꩻဟောဝ်-အွꩻတောဝ်းဒေါဝ်'၊ ကုသိုလ်ႏ(အဋ္ဌမတလွမ်)ယို မဉ်ႏရွမ်၊ မဉ်ႏကျိုꩻစာꩻ၊ မဉ်ႏမာꩻနဝ်ꩻ-သꩻရေꩻသꩻချမ်ꩻသာႏ၊ လꩻချမ်ꩻသာႏ၊ မဉ်ႏသီသူꩻ-တွိုႏကီလူꩻခမ်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ အဋ္ဌကနိပါတ်၊ ဒါနဝဂ်၊ အဘိသန္ဒသုတ်)\n\nအာႏကွိုꩻ","num_words":393,"character_repetition_ratio":0.142,"word_repetition_ratio":0.292,"special_characters_ratio":0.107,"stopwords_ratio":0.005,"flagged_words_ratio":0.0,"lang_id_score":1.0,"perplexity_score":658.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%80%E1%80%B1%E1%80%AC%E1%80%B7%EA%A9%BB%E1%80%99%E1%80%B1%E1%80%AC%E1%80%84%E1%80%BA%EA%A9%BB%E1%80%90%E1%80%9C%EA%A9%BB%E1%80%90%E1%80%9D%E1%80%BA%E1%80%B8%E1%80%84%E1%80%90%E1%80%BA%EA%A9%BB%E1%80%99%E1%80%BB%E1%80%AD%E1%80%AF%EA%A9%BB","collection":"wikipedia","source":"wikipedia","original_code":"blk","text":"\"အလဗ္ဘနီယဌာနသုတ် (ကော့ꩻမောင်ꩻတလꩻနွောင်ꩻတဝ်း အဝ်ႏငတ်ꩻမျိုꩻ)\"\nနီဗွေႏဘုရာꩻဟော်ꩻဖေႏ ဗွေႏရဟန်ꩻသီးဖုံႏ တရာꩻနုဲင်းယို-\n\"ရဟန်ꩻသီးဖုံႏဟွေး-\nကော့ꩻမောင်ꩻတလꩻနွောင်ꩻတဝ်းနဝ်�� အဝ်ႏငတ်ꩻမျိုꩻ၊ ငတ်ꩻမျိုꩻကရိုꩻနဝ်ꩻ-\n၁။ 'မာ ဇီရီ'တိ အလဗ္ဘနီယံ ဌာနံ-\n'ခွေဖေႏနေး ကဖြားမွုန်းသွော့နော' လꩻတောဝ်း။\n၂။ 'မာ ဗျာဓီယီ'တိ အလဗ္ဘနီယံ ဌာနံ-\n'ခွေဖေႏနေး ကဆာမွုန်းသွော့နော' လꩻတောဝ်း။\n၃။ 'မာ မီယီ'တိ အလဗ္ဘနီယံ ဌာနံ-\n'ခွေဖေႏနေး ကသီမွုန်းသွော့နော' လꩻတောဝ်း။\n၄။ 'မာ ခီယီ'တိ အလဗ္ဘနီယံ ဌာနံ-\n'ဖေႏနေး ကလို့မွုန်းသွော့နော' လꩻတောဝ်း။\n၅။ 'မာ နဿီ'တိ အလဗ္ဘနီယံ ဌာနံ-\n'ဖေႏနေး ကကုဲင်မွုန်းသွော့နော' လꩻတောဝ်း။ ကော့ꩻမောင်ꩻတလꩻတဝ်းနဝ်ꩻ အဝ်ႏငတ်ꩻမျိုꩻနုဲင်းနဝ်ꩻသွူ။\nရဟန်ꩻသီးဖုံႏဟွေး-\n၁။ လောကကိုယို ပါꩻမုဲင်ꩻခန်းတဲ့ယဝ်း 'ခွေဖေႏနေး ကဖြားမွုန်းသွော့နော'ကော့ꩻမောင်ꩻနုဲင်းနောဝ်ꩻ တလꩻနွောင်ꩻတဝ်း၊ ကားသတ္တဝါႏဖုံႏနဝ်ꩻ 'ဖြားဗာႏလွဉ်းလွဉ်းမွော့ဟွေး'ဆင်ႏချင်ႏယူႏနုဲင်းနဝ်ꩻတဲင် ထူႏလွသွော့ သံဝွေႏဂ၊ (မာꩻမွိုင်မွိုင်သွော့ ဒါႏန၊ သီႏလ၊ ဘာႏဝနာႏ)။\n၂။ လောကကိုယို ပါꩻမုဲင်ꩻခန်းတဲ့ယဝ်း 'ခွေဖေႏနေး ကဆာမွုန်းသွော့နော'ကော့ꩻမောင်ꩻနုဲင်းနောဝ်ꩻ တလꩻနွောင်ꩻတဝ်း၊ 'ဆာဗာႏလွဉ်းလွဉ်းမွော့ဟွေး'ဆင်ႏချင်ႏယူႏနုဲင်းနဝ်ꩻတွော့ꩻ ထူႏလွသွော့ သံႏဝွေႏဂ (မာꩻမွိုင်မွိုင်သွော့ ဒါႏန၊ သီႏလ၊ ဘာႏဝနာႏ)။\n၃။ လောကကိုယို ပါꩻမုဲင်ꩻခန်းတဲ့ယဝ်း 'ခွေဖေႏနေး ကသီမွုန်းသွော့နော'ကော့ꩻမောင်ꩻနုဲင်းနောဝ်ꩻ တလꩻနွောင်ꩻတဝ်း၊ 'သီဗာႏလွဉ်းလွဉ်းမွော့ဟွေး'ဆင်ႏချင်ႏယူႏနုဲင်းနဝ်ꩻတွော့ꩻ ထူႏလွသွော့ သံႏဝွေႏဂ (မာꩻမွိုင်မွိုင်သွော့ ဒါႏန၊ သီႏလ၊ ဘာႏဝနာႏ)။\n၄။ လောကကိုယို 'ကလို့ဒါႏအမျိုꩻနဝ်ꩻ အလို့ဒါႏလွဉ်းလွဉ်းမွော့ဟွေး'ဆင်ႏချင်ႏယူႏနုဲင်းနဝ်ꩻတွော့ꩻ ထူႏလွသွော့ သံႏဝွေႏဂ (မာꩻမွိုင်မွိုင်သွော့ ဒါႏန၊ သီႏလ၊ ဘာႏဝနာႏ)။\n၅။ လောကကိုယို 'ကကုဲင်ဒါႏအမျိုꩻနဝ်ꩻ အကုဲင်ဒါႏလွဉ်းလွဉ်းမွော့ဟွေး'ဆင်ႏချင်ႏယူႏနုဲင်းနဝ်ꩻတွော့ꩻ ထူႏလွသွော့ သံႏဝွေႏဂ (မာꩻမွိုင်မွိုင်သွော့ ဒါႏန၊ သီႏလ၊ ဘာႏဝနာႏ)။\nရဟန်ꩻသီးဖုံႏဟွေး-\nလောကကိုယို နဝ်ꩻငတ်ꩻမျိုꩻနဝ်ꩻ ကော့ꩻမောင်ꩻတလꩻနွောင်ꩻတဝ်းတွော့ꩻ ဒုက္ခသယ်ꩻခံႏ ယံကလꩻနိဗ္ဗာန်ႏနဝ်ꩻ အဝ်ႏလိုႏအားထွုတ်တရာꩻ၊ အဝ်ႏလိုႏမာꩻကုသိုလ်ႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ အလဗ္ဘနီယဌာနသုတ်)\n\nအာႏကွိုꩻ","num_words":370,"character_repetition_ratio":0.102,"word_repetition_ratio":0.194,"special_characters_ratio":0.102,"stopwords_ratio":0.008,"flagged_words_ratio":0.0,"lang_id_score":1.0,"perplexity_score":1242.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%80%E1%80%BB%E1%80%84%E1%80%BA%EA%A9%BB%E1%80%94%E1%80%AF%E1%80%B2%E1%80%84%E1%80%BA%E1%80%B8%E1%80%96%E1%80%AD%E1%80%AF%E1%80%B8-%E1%80%80%E1%80%BB%E1%80%84%E1%80%BA%EA%A9%BB%E1%80%94%E1%80%AF%E1%80%B2%E1%80%84%E1%80%BA%E1%80%B8%E1%80%91%E1%80%BD%E1%80%AE%E1%82%8F","collection":"wikipedia","source":"wikipedia","original_code":"blk","text":"\"ကုက္ကုရဝတိကသုတ် (ကျင်ꩻနုဲင်းဖိုး-ကျင်ꩻနုဲင်းထွီႏ)\"\nအွိုးခꩻတလဲင်ႏ-\nကကျင်ꩻနုဲင်းဖိုး ပါꩻကမဉ်ꩻ 'ပုဏ္ဏ'တဲ့နဝ်ꩻ၊ ကကျင်ꩻနုဲင်းထွီႏ ပါꩻကမဉ်ꩻ'သေနိယ'တဲ့နဝ်ꩻ (ဝွေꩻသီးနီဖြာꩻ) လွေꩻထေ့ဗွေႏဘုရာꩻ၊ ဝုဲင်ႏဘုရာꩻထွူခါ ပုဏ္ဏရီပါဗွေႏဘုရာꩻနုဲင်းယို-\n\"ဩဗွေႏ-\nကဗေင်ႏတခွေႏထာꩻ နုဲင်းထွီႏ သေနိယယိုနဝ်ꩻ ခွမ်ꩻလာꩻတဲ့ ကွဉ်ကꩻတဝ်း၊ အုံတလီꩻဒျာႏထာꩻ၊ ဝေါင်းဒင်ႏဟံႏ-အံႏဒျာႏထာꩻဟံႏလောင်း နုဲင်းထွီႏ၊ လွေꩻဒျာႏနုဲင်းထွီႏ၊ အုံဒျာႏနုဲင်းထွီႏ၊ ဗေင်ႏဒျာႏနုဲင်းထွီႏ၊ အူႏဒျာႏထာꩻနုဲင်းထွီႏ၊ လိုꩻတွိုင်ꩻစွုမ်ႏဖြာꩻ တမာꩻနွောင်ꩻတဝ်း-တကျင်ꩻနွောင်ꩻတဝ်း နုဲင်းဝွေꩻယို၊\nဝွေꩻထွားနုဲင်းထွီႏ ကျင်ꩻယပ်ꩻယပ်ꩻခုဲင်ႏခုဲင်ႏနုဲင်းယိုနဝ်ꩻ နေင်ႏပေါင်ꩻအာ-လာပေါင်ꩻညလဲဉ်း၊ ဝွေꩻကဆောက်တဲႏ ကံကျင်ꩻနဝ်ꩻ ဗွေစွုမ်ႏနာႏလဲဉ်း၊ တွိုႏတနီꩻခါ ခန္ဓာႏကုဲင်လီ ဝွေꩻမဉ်ႏသီနဝ်ꩻ ဘဝငါသူꩻ အီႏလွေꩻထွာထမုဲင်ꩻ ဗွေႏဩ\"\n\"ပုဏ္ဏ- ငေါဝ်းရီနုဲင်းယို ဟောဝ်ရီတဝ်းခွေ၊ ခွေတဲ့ ဟောဝ်ဖြေႏတဝ်း (ဟောဝ်ဒေါ့ꩻနယ်တဝ်း)\"\n\"မွေးတဝ်းဗွေႏ-\nတွိုႏဘဝငါ အီႏလွေꩻထွာထမုဲင်ꩻနဝ်ꩻ သနွောင်ꩻဒျာႏ နီဗွေႏလူမ်ꩻဟ၊ ပေါႏရီတဝ်း နီဗွေႏယိုနောဝ်ꩻ အီႏရီကဲဒူမ်ပါꩻမုဲင်ꩻဟောင်းဗွေႏ\"\n\"ပုဏ္ဏ- ခွေသတဲ့ယဝ်း ငေါဝ်းနုဲင်းယိုနဝ်ꩻ နာꩻဟောဝ်ရီတဝ်းခွေ၊ ခွေတဲ့ အဝ်ႏသေသေသွူတဲ့ ဟောဝ်ဒေါ့ꩻနယ်တဝ်း\"\n\"ယိုဗွေႏ-\nနီသွဉ်းသီးမဉ်သေမꩻ နီသွဉ်းသီး စွော်စွော်လွဉ်ထေ့သွူ နီဗွေႏဟ (ဟောဝ်တဲ့ယဝ်း-ကုဲင်တဲ့ယောဝ်း) လွေꩻထွာထမုဲင်ꩻမုဲင်ꩻတဲ့ယဝ်း နီဗွေႏဒါ့ꩻနယ်သွော့ ဗွေႏဩ\"\nနီဗွေႏဘုရာꩻရဲခါ (ရီမွုန်း-ရီမွုန်း) သွံလဲင်ႏသွူတဲ့ အဝ်ႏရီဒျာႏနွိုင်ႏနွိုင်ႏတွော့ꩻ ပွိုင်ႏပွိုင်ႏနီဗွေႏဘုရာꩻ ဒေါ့ꩻနယ်ဗာႏစွဉ်ႏနုဲင်းယို-\n\"ပုဏ္ဏ- ခွေအဝ်ႏရိုꩻသွူ 'ရီမွုန်း-ရီမွုန်း'တဲ့ နာꩻသမ်းအဝ်ႏနွိုင်ႏနွိုင်ႏ၊ နာꩻသမ်းထွဉ်ႏဒေါ့ꩻနယ်နွိုင်ႏနွိုင်ႏ၊ ကွပ်နဝ်ꩻမꩻ ခွေအီႏဒေါ့ꩻနယ်သွူနာꩻ၊\nလိုꩻယင်ဟန်ႏနဝ်ꩻ-\nနေင်ႏပေါင်ꩻအာ-လာပေါင်ꩻည၊ ဝွေꩻဘဝ ထွားနုဲင်းသေႏသေႏဒျာႏထွီႏ၊ သꩻတဲ့ အွဉ်ႏသေႏသေႏဒျာႏနုဲင်းထွီႏ၊ ကျင်ꩻလွဉ်ꩻသေႏသေႏဒျာႏ နုဲင်းထွီႏတဲင် ထွာထာꩻယူႏမာႏ 'မိစ္ဆာႏဒိဋ္ဌိ'၊ ကွပ်သꩻထွီႏ၊ ကျင်ꩻနုဲင်းထွီႏတွော့ꩻ ဝွေꩻမဉ်ႏသီ ဘဝငါသူꩻနဝ်ꩻ လွ���ꩻမာꩻသွꩻဗာႏထွီႏ၊ လွေꩻထွာဗာႏထွီႏ(လွေꩻထွာဗာႏတိရစ္ဆာန်ႏတမျိုꩻမျိုꩻ)၊ မဉ်ႏတထွာတဝ်းထွီႏ၊ မဉ်ႏတထွာတဝ်း တိရစ္ဆာန်ႏတဲ့ ပွိုးထာꩻယူႏမာႏ မိစ္ဆာႏဒိဋ္ဌိတွော့ꩻ 'လင်ꩻထဲ့ဗာႏငါးရုဲင်ꩻ'၊ လိုꩻကျင်ꩻနုဲင်းထွီႏနဝ်ꩻ ဘဝငါသူꩻ 'လွေꩻထွာတိရစ္ဆာန်ႏတွမ်ႏ လင်ꩻထဲ့ငါးရုဲင်ꩻ'အဝ်ႏနဝ်ꩻနီမျိုꩻလူမ်ꩻ\"။\nနီဗွေႏဘုရာꩻ ထွိုင်ႏဒေါ့ꩻနယ်နုဲင်းနဝ်ꩻတဲင်တွော့ꩻ ကအုံလီꩻထာꩻ၊ ကကျင်ꩻနုဲင်းထွီႏ 'သေနိယနောဝ်ꩻ ငွိုးအွီႏမွေးစွဉ်ႏ'ထာꩻနောဝ်ꩻသွူ။\nဗွေႏဘုရာꩻရိုꩻ-\n\"ပုဏ္ဏ-'ရီမွုန်း-ရီမွုန်း'ခွေအဝ်ႏရိုꩻသွူတဲ့ နာꩻအဝ်ႏရီနွိုင်ႏနွိုင်ႏ၊ ပွိုင်ႏပွိုင်ႏခွေဒေါ့ꩻနယ်ဗာႏ၊ ထွိုင်ႏသေ အကျင်ꩻထွီႏခရာႏနဝ်ꩻ 'သေနိယ ငွိုးအွီႏဗာႏ'တောသွူထာꩻယို\"\n\"ဩဘုရာꩻဗွေႏ-\nကွပ်ဘုရာꩻဒေါ့ꩻနယ်တဲင် ခွေသွဉ်းငွိုးထာꩻမွေးတဝ်း၊ ခွေသွဉ်းယူႏဒျာႏ-ခွေသွဉ်းကျင်ꩻမာႏ အကျင်ꩻထွီႏတွော့ꩻ ခွေသွဉ်းငွိုးအွီႏဒျာႏ ဗွေႏဩ၊\nဩဗွေႏ- ဒေါ့ꩻနယ်ပါ 'ပုဏ္ဏ ကကျင်ꩻနုဲင်းဖိုး'နဝ်ꩻဟုဲင်းဗွေႏ၊ ဘဝငါသူꩻ ဝွေꩻအီႏလွေꩻထွာထမုဲင်ꩻဗွေႏဩ\"\n\"သေနိယ-\nရီမွုန်း-ရီမွုန်း၊ ဟောဝ်ရီတဝ်း၊ ခွေတဲ့ မဉ်ဒေါ့ꩻတဝ်း ပုဏ္ဏဘဝငါတာႏ\"\n\"ယိုဗွေႏ- နီသွဉ်းသီးမဉ်သေမꩻ နီသွဉ်းသီး စွော်စွော်လွဉ်ထေ့သွူနီဗွေႏဟ (ဟောဝ်တဲ့ယဝ်း-ကုဲင်တဲ့ယဝ်း) လွေꩻထွာထမုဲင်ꩻမုဲင်ꩻတဲ့ယဝ်း နီဗွေႏဒေါ့ꩻနယ်သွော့ဗွေႏဩ\"\n\"ပေါႏနဝ်ꩻတဲ့ ဒေါ့ꩻနယ်သွူနာꩻယို သေနိယ-\nနေင်ႏပေါင်ꩻအာ-လာပေါင်ꩻည ဝွေꩻဘဝ ကျင်ꩻလွဉ်ꩻသေႏသေႏဒျာႏနုဲင်းဖိုး၊ ဝွေꩻသꩻတဲ့ အွဉ်ႏလွဉ်ꩻသေႏသေႏဒျာႏနုဲင်းဖိုး၊ ကျင်ꩻလွဉ်ꩻသေႏသေႏနုဲင်းဖိုးနဝ်ꩻတဲင် ထွာထာꩻယူႏမာႏ'မိစ္ဆာႏဒိဋ္ဌိ'၊ ကွပ်သꩻဖိုး၊ ကျင်ꩻနုဲင်းဖိုးတွော့ꩻ ဝွေꩻမဉ်ႏသီ ဘဝငါသူꩻနဝ်ꩻ လွေꩻမာꩻသွꩻဗာႏဖိုး၊ လွေꩻထွာဗာႏဖိုး(လွေꩻထွာဗာႏတိရစ္ဆာန်ႏတမျိုꩻမျိုꩻ)၊ မဉ်ႏတထွာတဝ်းဖိုး၊ မဉ်ႏတထွာတဝ်း တိရစ္ဆာန်ႏတဲ့ ပွိုးထာꩻယူႏမာႏ မိစ္ဆာႏဒိဋ္ဌိတွော့ꩻ 'လင်ꩻထဲ့ဗာႏငါးရုဲင်ꩻ'၊ လိုꩻကျင်ꩻနုဲင်းဖိုးနဝ်ꩻ ဘဝငါသူꩻ 'လွေꩻထွာတိရစ္ဆာန်ႏတွမ်ႏ လင်ꩻထဲ့ငါးရုဲင်ꩻ'အဝ်ႏနဝ်ꩻနီမျိုꩻလူမ်ꩻ\"။\nနီဗွေႏဘုရာꩻ ထွိုင်ႏဒေါ့ꩻနယ်နုဲင်းနဝ်ꩻတဲင်တွော့ꩻ ကကျင်ꩻနုဲင်းဖိုး 'ပုဏ္ဏ'နဝ်ꩻ ငွိုးအွီႏစွဉ်ႏဒျာႏထာꩻနဝ်ꩻသွူ။\nဗွေႏဘုရာꩻရိုꩻ-\n\"သေနိယ-'ရီမွုန်း-ရီမွုန်း'ခွေအဝ်ႏရိုꩻသွူတဲ့ နာꩻအဝ်ႏရီနွိုင်ႏနွိုင်ႏ၊ ပွိုင်ႏပွိုင်ႏခွေဒေါ့ꩻနယ်ဗာႏ၊ ထွိုင်ႏသေ အကျင်ꩻဖို��ခရာႏနဝ်ꩻ 'ပုဏ္ဏ ငွိုးဗာႏ'တောသွူထာꩻယို\"\n\"ဘုရာꩻဗွေႏဩ-\nကွပ်ဘုရာꩻဒေါ့ꩻနယ်တဲင် ခွေသွဉ်းငွိုးထာꩻမွေးတဝ်း၊ ခွေသွဉ်းယူႏဒျာႏ-ခွေသွဉ်းကျင်ꩻမာႏ အကျင်ꩻဖိုးတွော့ꩻ ခွေသွဉ်းငွိုးအွီႏဒျာႏ ဗွေႏဩ။\nဩဗွေႏ-\nခွေသွဉ်းနဝ်ꩻ ယွုမ်းအံႏငါႏနီဗွေႏ၊ ကေႏညိုႏငါႏနီဗွေႏဘုရာꩻ၊ ခွေသွဉ်းတဲ့ ဖေႏကစွဉ်ꩻထိုꩻနွောင်ꩻ အကျင်ꩻမာႏ(အကျင်ꩻဖိုး)နဝ်ꩻ၊ သေနိယတဲ့ (ဖေႏကကွဉ်ကꩻယင်းခွမ်ꩻလာꩻ) ဖေႏကစွဉ်ꩻထိုꩻနွောင်ꩻ အကျင်ꩻမာႏ(အကျင်ꩻထွီႏ)နဝ်ꩻ ဟော်ꩻဖေႏနီသွဉ်းသီး တရာꩻမွေးတရာꩻမဲဉ်ႏ၊ အွဉ်ႏနယ်ဖေႏနီသွဉ်းသီး အကျင်ꩻမွေးအကျင်ꩻမဲဉ်ႏမွိုင် ဗွေႏဩ\"ပုဏ္ဏလောဝ်း နီဗွေႏဘုရာꩻနုဲင်းနောဝ်ꩻသွူ။\n\"ပုဏ္ဏ (သေနိယ)ဟွေး-\nပေါႏနဝ်ꩻတဲ့ နာႏလွသွော့တရာꩻနော၊ တရာꩻနဝ်ꩻ သွင်ꩻသော့ꩻဟောဝ်ဟောဝ်သွော့ သီသꩻကိုနော\"\n\"ဩဗွေႏ- ဘုရာꩻမျတ်ဗွေႏဩ-\nနီသွဉ်းသီး နာႏရိုႏရိုႏသေႏသေႏလွဒျာႏတရာꩻ၊ အွဉ်ႏသော့ꩻဟောဝ်ဟောဝ်ခါꩻဒျာႏ သꩻကိုဗွေႏဩ\"ပုဏ္ဏသီးအာႏမခံႏငေါဝ်း လောဝ်းချာဗွေႏဘုရာꩻနုဲင်းနောဝ်ꩻသွူ။ \nဗွေႏဘုရာꩻဟော်ꩻဖေႏ ပုဏ္ဏသီးတရာꩻနုဲင်းယို-\nထာꩻမာꩻကရိုꩻဒါႏ'ကံႏ'နဝ်ꩻ အဝ်ႏလစ်ꩻမျိုꩻ၊ က့ႏလစ်ꩻမျိုꩻကရိုꩻနဝ်ꩻ-\n၁။ ကမ္မံ ကဏှံ၊ ကဏှဝိပါကံ - ကံႏဖြေင်း၊ အကျိုꩻဖြေင်း၊\n၂။ ကမ္မံ သုက္ကံ၊ သုက္ကဝိပါကံ - ကံႏဗွာ၊ အကျိုꩻဗွာ၊\n၃။ ကမ္မံ ကဏှသုက္ကံ၊ ကဏှသုက္ကဝိပါကံ - ကံႏဖြေင်းဗွာ၊ အကျိုꩻဖြေင်းဗွာ၊\n၄။ ကမ္မံ အကဏှံ အသုက္ကံ၊ အကဏှအသုက္ကဝိပါကံ - ကံႏဖြေင်းဗွာမွေးတဝ်း၊ အကျိုꩻဖြေင်းဗွာမွေးတဝ်း၊ ကံႏအဝ်ႏလစ်ꩻမျိုꩻနုဲင်းနဝ်ꩻသွူ။\n၁။ \"ကံႏဖြေင်း၊ အကျိုꩻဖြေင်း\"ကရိုꩻနဝ်ꩻ နုဲင်းမုဲင်ꩻနဲတဲင်-\nလိုꩻယင်ဟန်ႏနဝ်ꩻ မာꩻထာꩻမာꩻကုဲင်၊ ဒေါ့ꩻထာꩻဒေါ့ꩻကုဲင်၊ ယူႏထာꩻယူႏကုဲင် (ထွာအကုသိုလ်ႏ) ကွပ်ထာꩻမာꩻကုဲင်၊ ထာꩻဒေါ့ꩻကုဲင်၊ ယူႏထာꩻကုဲင်(ကွပ်အကုသိုလ်ႏနဝ်ꩻ)တဲင် တွိုႏလွေꩻဗာႏ လောကဒုက္ခ၊ ပွိုင်းဝွို့တွမ်ႏ အအုံအအဝ်ႏ၊ အခွေါင်းအရွတဲ့ ဒုက္ခ၊ အံႏဗာႏဒုက္ခ-အွꩻဗာႏဒုက္ခ၊ ပွိုင်းဝွို့တွမ်ႏ အဒေါ့ꩻအဖြောဝ်ႏတဲ့ ဒေါ့ꩻဗာႏမွိုင်းဒျာႏ ငေါဝ်းခိုးငေါဝ်းလျား၊ ပွိုင်းဝွို့တွမ်ႏသꩻတဲ့ သꩻအဝ်ႏဒုက္ခသေႏသေႏဗာႏ 'နုဲင်းငါးရုဲင်ꩻ'ဖုံႏနဝ်ꩻသွူ။\n'ကမ္မဒါယာဒါ သတ္တ'တိ ဝဒါမိ- သတ္တဝါႏသီးတခြိုꩻ အမွေႏစဲ့စ်စဲ့စ်နဝ်ꩻ ကံႏဒျာႏ၊ ခွေဟော်ꩻခါꩻနဝ်ꩻအတွိုင်ꩻ 'မာꩻအကုဲင်-လွေꩻခံႏဗာႏအကုဲင်'နုဲင်းနဝ်ꩻ၊ 'ကံႏဖြေင်း-အကျိုꩻဖြေင်း'ကရိုꩻနဝ်ꩻနောဝ်ꩻသွူ။\n၂။ \"ကံႏဗွာ၊ အကျိုꩻဗွာ\"ကရိုꩻနဝ်ꩻ နုဲင်းမုဲင်ꩻနဲတဲင်-\nလိုꩻယင်ဟန်ႏနဝ်ꩻ မာꩻထာꩻမာꩻဟောဝ်၊ ဒေါ့ꩻထာꩻဒေါ့ꩻဟောဝ်၊ ယူႏထာꩻယူႏဟောဝ် (ထွာကုသိုလ်ႏ) တွိုႏလွေꩻဗာႏ လောကချမ်ꩻသာႏကို၊ ပွိုင်းဝွို့တွမ်ႏ အအုံအအဝ်ႏ၊ အခွေါင်းအရွတဲ့ ချမ်ꩻသာႏ၊ အံႏဗာႏဟဝ်ဟဝ်-အွꩻဗာႏဟောဝ်၊ ပွိုင်းဝွို့တွမ်ႏ အဒေါ့ꩻအဖြောဝ်ႏတဲ့ ဒေါ့ꩻဗာႏဒျာႏ ငေါဝ်းရျူႏငွါရောင်း၊ ပွိုင်းဝွို့တွမ်ႏသꩻတဲ့ သꩻအဝ်ႏချမ်ꩻသာႏသေႏသေႏ နုဲင်း'သုဘကိဏှဗျဟ္မာႏသီး'နောဝ်ꩻသွူ။\n'ကမ္မဒါယာဒါ သတ္တ'တိ ဝဒါမိ- သတ္တဝါႏသီးတခြိုꩻ အမွေႏစဲ့စ်စဲ့စ်နဝ်ꩻ ကံႏဒျာႏ၊ ခွေကဟော်ꩻခါꩻနဝ်ꩻအတွိုင်ꩻ 'မာꩻအဟောဝ်-လွေꩻအံႏဗာႏအဟောဝ်'နုဲင်းနဝ်ꩻ၊ 'ကံႏဗွာ-အကျိုꩻဗွာ'ကရိုꩻနဝ်ꩻနောဝ်ꩻသွူ။\n၃။ \"ကံႏဖြေင်းဗွာ၊ အကျိုꩻဖြေင်းဗွာ\"ကရိုꩻနဝ်ꩻ နုဲင်းမုဲင်ꩻနဲတဲင်-\nလိုꩻယင်ဟန်ႏနဝ်ꩻ ထာꩻမာꩻဟောဝ်တဲ့မာႏ-ထာမာꩻကုဲင်တဲ့မာႏ၊ ထာꩻဒေါ့ꩻဟောဝ်တဲ့ဒေါ့ꩻ-ထာꩻဒေါ့ꩻကုဲင်တဲ့ဒေါ့ꩻ၊ ထာꩻယူႏဟောဝ်တဲ့ယူႏ-ထာꩻယူႏကုဲင်တဲ့ယူႏ၊ (ထွာကုသိုလ်ႏယင်၊ ထွာအကုသိုလ်ႏယင် ရော်ꩻရယ်ꩻလို့ဝင်ꩻ)တဲင် တွိုႏလွေꩻဗာႏ လောကရော်ꩻရယ်ꩻကို၊ ပွိုင်းဝွို့တွမ်ႏ အအုံအအဝ်ႏ၊ အခွေါင်းအရွတဲ့ ယလဲင်ႏလဲင်ႏချမ်ꩻသာႏ၊ ယလဲင်ႏလဲင်ႏဒုက္ခ၊ ပွိုင်းဝွို့တွမ်ႏ အအံႏအအွꩻတဲ့ ယလဲင်ႏအံႏအွꩻဗာႏဟောဝ်၊ ယလဲင်ႏလဲင်ႏ အံႏအွꩻဗာႏဒုက္ခ၊ ပွိုင်းဝွို့တွမ်ႏ အဒေါ့ꩻအဖြောဝ်ႏတဲ့ ယလဲင်ႏလဲင်ႏဒေါ့ꩻဗာႏငေါဝ်းခွꩻ၊ ယလဲင်ႏလဲင်ႏ ဒေါ့ꩻဗာႏငေါဝ်းလျား၊ ပွိုင်းဝွို့တွမ်ႏသꩻတဲ့ ယလဲင်ႏလဲင်ႏ သꩻချမ်ꩻသာႏ၊ ယလဲင်ႏလဲင်ႏ သꩻဒုက္ခ၊ ဗွန်ပီနုဲင်း'လိုꩻယင်ဟန်ႏ၊ လူꩻယင်ဟန်ႏ၊ ဝိနိပါတကအသုရာႏယင်ဟန်ႏ'နောဝ်ꩻသွူ။ \n'ကမ္မဒါယာဒါ သတ္တ'တိ ဝဒါမိ- သတ္တဝါႏသီးတခြိုꩻ အမွေႏစဲ့စ်စဲ့စ်နဝ်ꩻ ကံႏဒျာႏ၊ ခွေကဟော်ꩻခါꩻနဝ်ꩻအတွိုင်ꩻ 'မာꩻဟောဝ်ကုဲင်-လွေꩻအံႏဗာႏ၊ လွေꩻခံႏဗာႏ ဟောဝ်ကုဲင်'နုဲင်းနဝ်ꩻ၊ 'ကံႏဖြေင်းဗွာ-အကျိုꩻဖြေင်းဗွာ'ကရိုꩻနဝ်ꩻနောဝ်ꩻသွူ။\n၄။ \"ကံႏဖြေင်းဗွာ-မွေးတဝ်း၊ အကျိုꩻဖြေင်းဗွာ-မွေးတဝ်း\"ကရိုꩻနဝ်ꩻ နုဲင်းမုဲင်ꩻနဲတဲင်-\nမာꩻတဝ်းအကုသိုလ်ႏ၊ မာꩻတဝ်း(လောကီ)ကုသိုလ်ႏ၊ အားထွုတ်ကျပ်ဒျာႏ ဝိပဿနာႏ၊ ရေႏဒျာႏဖေႏကလꩻမဂ်ဖိုလ်ႏ၊ ရေႏဒျာႏဖေႏကတွိုႏနိဗ္ဗာန်ႏ၊ (ရေႏတဝ်းလိုꩻချမ်ꩻသာႏ၊ လူꩻချမ်ꩻသာႏ)နဝ်ꩻ 'ကံႏဖြေင်းဗွာ-မွေးတဝ်း၊ အကျိုꩻဖြေင်းဗွာ-မွေးတဝ်း'နောဝ်ꩻသွူ။\nကထင်ႏဟွူန်ဗာႏ ကံႏခရာႏနုဲင်းနဝ���ꩻတဲင် ကကျင်ꩻနုဲင်းဖိုး ပုဏ္ဏနဝ်ꩻ လောဝ်းဗွေႏဘုရာꩻနုဲင်းယို-\n\"ဩဗွေႏ ဘုရာꩻမျတ်ဗွေႏဩ- နီဗွေႏဘုရာꩻ တရာꩻတောႏနဝ်ꩻ ဗွောင်ဖေႏနီသွဉ်းသီးမဲ့နား၊ သꩻရေꩻနစ်သက်ငါႏဗွေႏ၊ ကားယိုမာꩻငါနဝ်ꩻ ဆယ်ꩻကပ်ဒျာႏ ဘုရာꩻ တရာꩻ သံဃာႏ ရတနာႏသွံပါꩻ၊ ခွေသွဉ်းယိုနောဝ်ꩻ မတ်ဒျာႏသွော့ ဗုဒ္ဓဘာႏသာႏ ဥပါသကာႏတဖြာꩻ ဗွေႏဩ'လောဝ်းနုဲင်းနောဝ်ꩻသွူ။\nကကျင်ꩻနုဲင်းထွီႏ သေနိယနောဝ်ꩻတဲ့ လောဝ်းဗွေႏဘုရာꩻနုဲင်းယို-\n\"ဩဗွေႏ ဘုရာꩻမျတ်ဗွေႏဩ- နီဗွေႏဘုရာꩻ တရာꩻတောႏနဝ်ꩻ နစ်သက်ခရာႏဟောဝ်ငါႏဗွေႏ၊ ဗွောင်ဖေႏနီသွဉ်းသီးမဲ့နားတဲင် သꩻရေꩻငါႏ မရေႏမရာႏ၊ ကားယိုမာꩻငါနဝ်ꩻ ဆယ်ꩻကပ်ဒျာႏ ဘုရာꩻ တရာꩻ သံဃာႏ ရတနာႏသိုမ်ပါꩻ၊ ခွေသွဉ်းယိုနောဝ်ꩻ မတ်ဒျာႏသွော့ ဗုဒ္ဓဘာႏသာႏ ဥပါႏသကာႏတဖြာꩻ ဗွေႏဩ၊\nဩဗွေႏ ဘုရာꩻမျတ်ဗွေႏဩ-\nလဘေယျာဟံ ဘန္တေ ဘဂဝတော သန္တိကံ ပဗ္ဗဇ္ဇံ၊ လဘေယံ ဥပသမ္ပဒံ-ဩဗွေႏ ခွေသွဉ်းမဉ်ဗုဲင်ငါႏသျင်ႏ-မဉ်ခံႏငါႏစင်ꩻ နီဗွေႏဘုရာꩻထျꩻ ဗွေႏဩ\"\nနီဗွေႏဘုရာꩻရိုꩻ- \"သေနိယဟွေး- လိုꩻပေါႏထွာဗာႏဖို တိတ္ထိတက္ကတွဉ်ꩻနဝ်ꩻ ကံကျင်ꩻစံꩻရီးဗာႏလစ်ꩻလာမꩻ ဗုဲင်သျင်ႏရဟန်ꩻလꩻ- ခွေချꩻခါꩻ အမိန်းနုဲင်းနဝ်ꩻ\"။\n\"ဩဗွေႏ ဘုရာꩻမျတ်ဗွေႏဩ- တောငါခွေသွဉ်း ထွာဗာႏငါသျင်ႏ-ခံႏဗာႏငါစင်ꩻငါ'လစ်ꩻလာတွမ်ႏရိုꩻမွုန်း လစ်ꩻနေင်ႏတဲ့ယဝ်း ခံႏကံကျင်ꩻဒျာႏ ဗွေႏဩ\" ကကျင်ꩻနုဲင်းထွီႏ သေနိယနဝ်ꩻ အာႏမခံႏခြေင်းခြဲ့ငေါဝ်း လောဝ်းဗွူန်ႏစွဉ်ႏနုဲင်းနဝ်ꩻသွူ။\nကကျင်ꩻနုဲင်းထွီႏ သေနိယနဝ်ꩻ ကံကျင်ꩻစံꩻလစ်ꩻလာ ကထင်ႏဗွေတဲင် ဗုဲင်ဗာႏစွဉ်ႏသျင်ႏ-ခံႏဗာႏစွဉ်ႏစင်ꩻ နီဗွေႏဘုရာꩻထျꩻနောဝ်ꩻသွူ။\n- အစေလကော သေနိယော - ကအုံလီꩻထာꩻ သေနိယနဝ်ꩻ\n- ကုက္ကုရဝတိကော သေနိယော - ကကျင်ꩻနုဲင်းထွီႏ သေနိယနဝ်ꩻ\n- အလတ္ထ ပဗ္ဗဇ္ဇံ ဥပသမ္ပဒံ - ဗုဲင်သျင်ႏခံႏစင်ꩻထွူတဲင်\n- ဧကော ဝူပကဋ္ဌော - အုံခေါ်ဒျာႏတပါꩻလူမ်ꩻ\n- အာတာပီ ပဟိတတ္တော - အားထွုတ်မွေး ဝိပဿနာႏတွော့ꩻ\n- န စရိဿေဝ အရဟတံ အဟောသိ- တညတဝ်းခိန်ႏခါႏ ထွာစွဉ်ႏဒျာႏ ရဟန္တာႏနောဝ်ꩻသွူ။\n\"ဟောဝ်ငမ်းသံႏဝွေႏဂ\"\n၁။ အီႏထွာရဟန္တာႏ၊ ကံႏပါဒျာႏ၊ ကျင်ꩻမာႏ ထွီႏဘဝ၊\n၂။ လောကလိုꩻခမ်း၊ လိုႏချင်းနမ်း၊ ဟောဝ်ငမ်း သံႏဝွေႏဂ၊\n၃။ ဆယ်ꩻကပ်ဆရာႏ၊ လိုႏချင်းငါႏ၊ မော့ꩻဒါႏ ထာꩻဒုက္ခ။ (သုတ္တန်ႏပိဋကတ်၊ မဇ္ဈိမပဏ္ဏာသပါဠိတောႏ၊ ကုက္ကုရဝတိကသုတ်)\n\nအာႏကွိုꩻ","num_words":1740,"character_repetition_ratio":0.066,"word_repetition_ratio":0.072,"special_characters_ratio":0.087,"stopwords_ratio":0.029,"flagged_words_ratio":0.0,"lang_id_score":1.0,"perplexity_score":1331.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%80%E1%80%BD%E1%80%95%E1%80%BA%E1%80%92%E1%80%AB%E1%82%8F%E1%80%94%E1%80%90%E1%80%B2%E1%80%84%E1%80%BA%E1%80%91%E1%80%BD%E1%80%AC","collection":"wikipedia","source":"wikipedia","original_code":"blk","text":"\"ဒါနူပပတ္တိသုတ် (ဒါန+ဥပပတ္တိ-ကွပ်ဒါႏနတဲင်ထွာ)\"\nရဟန်ꩻသီးဖုံႏဟွေး-\nကွပ်ပွိုး 'လူႏထာꩻ-မာꩻဒါႏန'တဲင်တွော့ꩻ ကတွိုႏလိုꩻခမ်း၊ လူꩻခမ်း၊ ဗျဟ္မာႏခမ်းနဝ်ꩻ အကျောင်ꩻအောဝ်ႏသွစ်ꩻမျိုꩻ၊ သွစ်ꩻမျိုꩻကရိုꩻနောဝ်ꩻ-\n၁။ လောကကိုယို လိုꩻယင်ဟန်ႏနဝ်ꩻ 'ထီႏဗာႏ-ခွန်သီး၊ ပုဏ္ဏာꩻသီး၊ လိုꩻခြွေသီး ပျောႏလွဉ်ꩻ မဲ့အာႏရွုံႏ-ထာꩻတရေꩻ၊ ပျောႏလွဉ်ꩻ နားအာႏရွုံႏ-ထာꩻတလေ့၊ ပျောႏလွဉ်ꩻ နေ့ꩻဖူအာႏရွုံႏ-ထာꩻနွုမ်ꩻဟွမ်၊ ပျောႏလွဉ်ꩻ ဖြေꩻအာႏရွုံႏ-အွီႏနွိုးအရသာႏ၊ ပျောႏလွဉ်ꩻ နမ်းအာႏရွုံႏ-ချော်ꩻပြေခွေါင်းရွ'နုဲင်းနဝ်ꩻတဲင်\nတွိုႏဘဝငါသူꩻနဝ်ꩻ မဉ်လꩻတဝ်းဒွိုန်း မဂ်ဖိုလ်ႏနိဗ္ဗာန်ႏ၊ ဝွေꩻကထီႏဗာႏအတွိုင်ꩻ ဝွေꩻမဉ်စံႏစာꩻနုဲင်းနုဲင်းဒျာႏ ကာႏမဂွုဏ်ႏ အာႏရွုံႏငတ်ꩻပါꩻတွော့ꩻ 'လူႏသင်္ကန်ꩻ၊ လူႏသွမ်ꩻ၊ လူႏကျောင်ꩻ'စတဲင်နုဲင်းနောဝ်ꩻ၊ ကွီဆုꩻလိုꩻချမ်ꩻသာႏ။\nကွပ်ပွိုးလူႏထာꩻ၊ မာꩻဒါႏနကုသိုလ်ႏတွော့ꩻ သဲင်ꩻထွာမွေး (ခွန်၊ ပုဏ္ဏာꩻ)လိုꩻခြွေတမျိုꩻမျိုꩻ၊ အကျိုꩻကဖေႏမွေးနုဲင်းနဝ်ꩻနဝ်ꩻ ကွပ်ပွိုး လူႏလိုꩻသီႏလအဝ်ႏမꩻ လꩻနွောင်ꩻလိုꩻချမ်ꩻသႏနုဲင်းနဝ်ꩻ၊ ပေါႏလူႏလိုꩻသီႏလ တအဲဉ်ထဝ်းနဝ်ꩻ တလꩻနွောင်ꩻတဝ်း လိုꩻချမ်ꩻသာႏနောဝ်ꩻသွူ။\nရဟန်ꩻသီးဖုံႏဟွေး-\n၂။ လိုꩻယင်ဟန်ႏနဝ်ꩻ မဉ်လꩻတောဝ်း မဂ်ဖိုလ်ႏနိဗ္ဗာန်ႏ၊ ဝွေꩻဟွူန်ဗာႏဖို 'လူꩻစာတုမဟာရာဇ်သီးနောဝ်ꩻ သက်ဆွာꩻနာႏ-တဲ့၊ ယောင်ꩻရေꩻနာႏ-တဲ့၊ ချမ်ꩻသာႏငါႏ-တဲ့'ဟွူန်ဗာႏဖိုနုဲင်းနဝ်ꩻ၊ ကဟွူန်အတွိုင်ꩻ ဝွေꩻမဉ်ထွာတဲင် လူႏထာꩻ-မာꩻဒါႏန၊ ကွီဆုꩻတွော့ꩻ ဝွေꩻထွိုင်ႏသီနဝ်ꩻ ဝွေꩻကကွီအတွိုင်ꩻထွာမွေး-လူꩻစာတုမဟာရာဇ်။\n၃။ လိုꩻယင်ဟန်ႏနဝ်ꩻ မဉ်လꩻတဝ်း မဂ်ဖိုလ်ႏနိဗ္ဗာန်ႏ၊ ဝွေꩻဟွူန်ဖို 'လူꩻတာဝတိံသာႏ'ခရာႏ၊ မဉ်ထွာနုဲင်းနုဲင်းတဲင် လူႏထာꩻ-မာꩻဒါႏန၊ ကွီဆုꩻတွော့ꩻ ဝွေꩻထွိုင်ႏသီနဝ်ꩻ ဝွေꩻကကွီအတွိုင်ꩻ ထွာမွေး-လူꩻတာႏဝတိံသာႏ။\n၄။ လိုꩻယင်ဟန်ႏနဝ်ꩻ မဉ်လꩻတဝ်း မဂ်ဖိုလ်ႏနိဗ္ဗာန်ႏ၊ ဝွေꩻဟွူန်ဖို လူꩻ'ယာႏမာႏ'ခရာႏ၊ မဉ်ထွာနုဲင်းနုဲင်းတဲင် လူႏထာꩻ-မာꩻဒါႏန၊ ကွီဆုꩻတွော့ꩻ ဝွေꩻထွိုင်ႏသီနဝ်ꩻ ကကွီအတွိုင်ꩻ ထွာမွေး-လူꩻယာႏမာႏ။\n၅။ လိုꩻယင်ဟန်ႏနဝ်ꩻ မဉ်လꩻတဝ်း မဂ်ဖိုလ်ႏနိဗ္ဗာန်ႏ၊ ဝွေꩻဟွူန်ဖို လူꩻ'တုသီႏတာႏ'ခရာႏ၊ မဉ်ထွာနုဲင်းနုဲင်���တဲင် လူႏထာꩻ-မာꩻဒါႏန၊ ကွီဆုꩻတွော့ꩻ ဝွေꩻထွိုင်ႏသီနဝ်ꩻ ကကွီအတွိုင်ꩻ ထွာမွေး-လူꩻတုသီႏတာႏ။\n၆။ လိုꩻယင်ဟန်ႏနဝ်ꩻ မဉ်လꩻတဝ်း မဂ်ဖိုလ်ႏနိဗ္ဗာန်ႏ၊ ဝွေꩻဟွူန်ဖို လူꩻ'နိမ္မာနရတိ'ခရာႏ၊ မဉ်ထွာနုဲင်းနုဲင်းတဲင် လူႏထာꩻ-မာꩻဒါႏန၊ ကွီဆုꩻတွော့ꩻ ဝွေꩻထွိုင်ႏသီနဝ်ꩻ ကကွီအတွိုင်ꩻ ထွာမွေး-နိမ္မာနရတိ။\n၇။ လိုꩻယင်ဟန်ႏနဝ်ꩻ မဉ်လꩻတဝ်း မဂ်ဖိုလ်ႏနိဗ္ဗာန်ႏ၊ ဝွေꩻဟွူန်ဖို လူꩻ'ပရနိမ္မိတဝသဝတ္တီႏ'ခရာႏ၊ မဉ်ထွာနုဲင်းနုဲင်းတဲင် လူႏထာꩻ-မာꩻဒါႏန၊ ကွီဆုꩻတွော့ꩻ ဝွေꩻထွိုင်ႏသီနဝ်ꩻ ကကွီအတွိုင်ꩻ ထွာမွေး-လူꩻပရနိမ္မိတဝသဝတ္တီႏ။\n၈။ လိုꩻယင်ဟန်ႏနဝ်ꩻ မဉ်လꩻတဝ်း မဂ်ဖိုလ်ႏနိဗ္ဗာန်ႏ၊ ဝွေꩻဟွူန်ဖို လူꩻ'ဗျဟ္မာႏ'ခရာႏ၊ မဉ်ထွာနုဲင်းနုဲင်းတဲင် လူႏထာꩻ-မာꩻဒါႏန၊ ကွီဆုꩻတွော့ꩻ ဝွေꩻထွိုင်ႏသီနဝ်ꩻ ကကွီအတွိုင်ꩻ ထွာမွေး-ဗျဟ္မာႏ။\nရဟန်ꩻသီးဖုံႏဟွေး-\nလူႏလိုꩻသီႏလအဝ်ႏမꩻ ထွာလꩻနုဲင်းနဝ်ꩻ၊ လူႏလိုꩻသီႏလ တအဲဉ်ထဝ်းနဝ်ꩻ တထွာနွောင်ꩻတဝ်း နုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ အဋ္ဌကနိပါတ်၊ ဒါနူပပတ္တိသုတ်)\n\nအာႏကွိုꩻ","num_words":487,"character_repetition_ratio":0.121,"word_repetition_ratio":0.18,"special_characters_ratio":0.082,"stopwords_ratio":0.008,"flagged_words_ratio":0.0,"lang_id_score":1.0,"perplexity_score":1414.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%80%E1%80%BD%E1%80%95%E1%80%BA%E1%80%95%E1%80%BD%E1%80%AD%E1%80%AF%E1%80%B8%E1%80%9E%EA%A9%BB%E1%80%9C%E1%80%BB%E1%80%AC%E1%80%B8%E1%80%91%E1%80%AC%EA%A9%BB%E1%80%90%E1%80%B2%E1%80%84%E1%80%BA%E1%80%90%E1%80%BD%E1%80%B1%E1%80%AC%E1%80%B7%EA%A9%BB","collection":"wikipedia","source":"wikipedia","original_code":"blk","text":"\"ကောဓနသုတ် (ကွပ်ပွိုးသꩻလျားထာꩻတဲင်တွော့ꩻ မဲဉ်ႏတနꩻသော့ꩻစွဉ်ႏဒျာႏ ရန်ႏသူႏထာꩻလိုႏနွုတ်ꩻစား)\"\nရဟန်ꩻသီးဖုံႏဟွေး-\nကွပ်ပွိုးသꩻလျားထာꩻတဲင်တွော့ꩻ မဲဉ်ႏတနꩻသော့ꩻစွဉ်ႏဒျာႏ ရန်ႏသူႏထာꩻလိုႏနွုတ်ꩻစား၊ နွုတ်ꩻစားကရိုꩻနဝ်ꩻ-\n၁။ ရန်ႏသူႏရိုꩻ-\nပါꩻတတဲ့ꩻတဝ်းခွေသူꩻနဝ်ꩻ 'အလောင်းလွိုး မဉ်ႏတရေꩻတဝ်းနဝ်ꩻ ဟောဝ်ငါႏမွော့ဟွေး' ရန်ႏသူႏသꩻကိုနဝ်ꩻ မဉ်အွဉ်ႏထွာနုဲင်းနဝ်ꩻ၊ ရန်ႏသူႏကမဉ်ထွာအတွိုင်ꩻ ပါꩻတတဲ့ꩻတဝ်းဝွေꩻနဝ်ꩻ (မတော်မကာ) ဒေါႏသꩻနွို့ယား အသꩻလျားထာꩻ၊ လူးထီခြွိုင်းနမ်း မာꩻခန်းနုဲင်းနဝ်ꩻတဲ့ယောဝ်း 'အလောင်ႏလွိုး အဝ်ႏတကုဲင်ဒျာႏ'စွူစွူ၊ ကွပ်ပွိုးသꩻလျားထာꩻတဲင်တွော့ꩻ မဲဉ်ႏတနꩻသော့ꩻစွဉ်ႏဒျာႏ ရန်ႏသူႏ (ပထမ)ထာꩻလိုႏအတွိုင်ꩻ (လောင်ႏလွိုးတရေꩻတဝ်း)နောဝ်ꩻသွူ။\n၂။ ရန်ႏသူႏရိုꩻ-\nပါꩻတတဲ့ꩻတဝ်းခွေသူꩻနဝ်ꩻ 'အဗေင်ႏထာꩻ မဉ်လꩻတဝ်းနဝ်ꩻ ဟောဝ်ငါႏမွော့ဟွေး'ရန်ႏသူႏသꩻကိုနဝ်ꩻ မဉ်အွဉ်ႏထွာနုဲင်းနဝ်ꩻ၊\nရန်ႏသူႏကမဉ်အ��ဉ်ႏထွာအတွိုင်ꩻ ပါꩻတထဲ့တဝ်းဝွေꩻနဝ်ꩻ (မတော်မကာ) ဒေါႏသꩻနွို့ယား အသꩻလျားထာꩻ၊ ဗေင်ႏသော့ꩻသွူ ထာꩻဒါတေင် ကောဇော်ꩻပြေချော်ꩻဆွဉ်ႏသား၊ ခင်ႏလမ်းဗေင်ႏသား အယံစားသွူတဲ့ မဲ့တဗေင်ႏတဝ်း၊ ဗင်ႏထာꩻလꩻတဝ်း၊\nကွပ်ပွိုးသꩻလျားထာꩻတဲင်တွော့ꩻ မဲဉ်ႏတနꩻသော့ꩻစွဉ်ႏဒျာႏ ရန်ႏသူႏ(ဒုတိယ)ထာꩻလိုႏအတွိုင်ꩻ (ဗေင်ႏထာꩻလꩻတဝ်း)နောဝ်ꩻသွူ။\n၃။ ရန်ႏသူႏရိုꩻ-\nပါꩻတထဲ့တဝ်းခွေနဝ်ꩻ 'အစီꩻပွါꩻ မဉ်ႏတထွာတဝ်းနဝ်ꩻ ဟောဝ်ငါႏမွော့ဟွေး'၊ ရန်ႏသူႏသꩻကိုနောဝ်ꩻ မဉ်အွဉ်ႏထွာနုဲင်းနဝ်ꩻ၊\nရန်ႏသူႏကမဉ်အွဉ်ႏထွာအတွိုင်ꩻ 'အစီꩻပွါꩻ မဉ်ႏတထွာတဝ်းနဝ်ꩻ ဟောဝ်ငါႏမွော့ဟွေး'ရန်ႏသူꩻကိုနောဝ်ꩻ မဉ်အွဉ်ႏထွာနုဲင်းနဝ်ꩻ၊\nရန်ႏသူႏကမဉ်အွဉ်ႏထွာအတွိုင်ꩻ ပါꩻတထဲ့တဝ်းဝွေꩻနဝ်ꩻ (မတော်မကာ) ဒေါႏသꩻနွို့ယား အသꩻလျားထာꩻ၊ ကွပ်သꩻလျားထာꩻတဲင် မာꩻသွူထာꩻမာꩻ အကျိုꩻတအဲဉ်ထဝ်းမျိုꩻတဲ့ ယူႏဒျာႏထာꩻမာꩻအကျိုꩻအဝ်ႏ၊ မာꩻသွူထာꩻမာꩻ အကျိုꩻအဝ်ႏတဲ့ ယူႏဒျာႏ ထာꩻမာꩻအကျိုꩻအဲဉ်ထဝ်း၊ ကွင်ကွင်ကယ်ကယ် စီꩻပွါꩻထွာတဝ်း၊ ကွပ်ပွိုးသꩻလျားထာꩻတဲင်တွော့ꩻ မဲဉ်ႏတနꩻသော့ꩻစွဉ်ႏဒျာႏ ရန်ႏသူႏ (တတိယ)ထာꩻလိုႏအတွိုင်ꩻ (စီꩻပွါꩻထွာတဝ်း)နောဝ်ꩻသွူ။\n၄။ ရန်ႏသူႏရိုꩻ-\nပါꩻတထဲ့တဝ်းခွေသူꩻနဝ်ꩻ 'အတခြိုꩻဥစ္စာႏ မဉ်ႏသွုမ်ꩻခြေင်ထိုꩻနဝ်ꩻ ဟောဝ်ငါႏမွော့ဟွေး'ရန်ႏသူႏသꩻကိုနဝ်ꩻ မဉ်အွဉ်ႏထွာနုဲင်းနဝ်ꩻ၊\nရန်ႏသူႏကမဉ်ထွာအတွိုင်ꩻ ပါꩻတထဲ့တဝ်းဝွေꩻနဝ်ꩻ (မတော်မကာ) ဒေါႏသꩻနွို့ယား အသꩻလျားထာꩻ၊ ကွပ်သꩻလျား ထာꩻမာꩻမာႏတဲင် သိုꩻလီးသိုꩻလူး နေးတွမ်ႏထာꩻတရာꩻ ခွုမ်မာꩻကလꩻ တခြိုꩻဥစ္စာႏဖုံႏနောဝ်ꩻ ခွန်ထူႏသီမ်ꩻခြေင်ထိုꩻခန်းဒျာႏတွော့ꩻ မဲဉ်ႏတနꩻသော့ꩻစွဉ်ႏဒျာႏ ရန်ႏသူႏ (စတုတ္ထ)ထာꩻလိုႏအတွိုင်ꩻ (တခြိုꩻဥစ္စာႏသွုမ်ꩻခြေင်)နောဝ်ꩻသွူ။ \n၅။ ရန်ႏသူႏရိုꩻ-\nပါꩻတတဲ့တဝ်းခွေသူꩻနဝ်ꩻ 'အချွေႏအရံႏ မဉ်ႏအဲဉ်ထဝ်းနောဝ်ꩻ ဟောဝ်ငါႏမွော့ဟွေး'ရန်ႏသူႏသꩻကိုနဝ်ꩻ မဉ်အွဉ်ႏထွာနုဲင်းနဝ်ꩻ၊\nရန်ႏသူႏကမဉ်အွဉ်ႏထွာအတွိုင်ꩻ ပါꩻတတဲ့ꩻတဝ်းဝွေꩻနဝ်ꩻ (မတော်မကာ) ဒေါႏသꩻနွို့ယား အသꩻလျားထာꩻ၊ ကွပ်သꩻလျားထာꩻတဲင် (ထꩻထာꩻ၊ ဒိုႏပါꩻ၊ ခွန်းပါꩻ၊ ရိုꩻလျားပါꩻ၊ အချွေႏအရံႏ ထန်ႏထိုꩻလို့တွော့ꩻ မဲဉ်ႏတနꩻသော့ꩻစွဉ်ႏဒျာႏ ရန်ႏသူႏ (ပဉ္စမ)ထာꩻလိုႏအတွိုင်ꩻ (အချွေႏအရံႏအဲဉ်ထောဝ်း)နောဝ်ꩻသွူ။\n၆။ ရန်ႏသူႏရိုꩻ-\nပါꩻတတဲ့ꩻတဝ်းခွေသူꩻနဝ်ꩻ 'အသွꩻအခွမဉ်ႏအဲဉ်ထဝ်း၊ အဖူးအဝေး မဉ်ႏလဲ့��ဖုဲင်း မဉ်ႏသျောင်ႏညာꩻထိုꩻနောဝ်ꩻ ဟောဝ်ငါႏမွော့ဟွေး' ရန်ႏသူႏသꩻကိုနဝ်ꩻ မဉ်အွဉ်ႏထွာနုဲင်းနဝ်ꩻ။\nရန်ႏသူႏကမဉ်အွဉ်ႏထွာအတွိုင်ꩻ ပါꩻတထဲ့ꩻတဝ်းဝွေꩻနဝ်ꩻ (မတော်မကာ) ဒေါႏသꩻနွို့ယား အသꩻလျားထာꩻ၊ ကွပ်သꩻလျားထꩻတဲင် (ထꩻထာꩻ၊ ဒိုႏပါꩻ၊ ခွန်းပါꩻ၊ ရိုꩻလျားပါꩻ၊ အသွꩻအခွထိုꩻညာꩻ၊ အဖူးအဝေး လဲ့ꩻဖုဲင်းသျောင်ႏညာꩻတွော့ꩻ) မဲဉ်ႏတနꩻသော့ꩻစွဉ်ႏဒျာႏ ရန်ႏသူႏ (ပဉ္စမ) ထာꩻလိုႏအတွိုင်ꩻ (သွꩻခွအဲဉ်ထဝ်း၊ ဖူးဝေးလဲ့ꩻညာꩻထိုꩻ)နောဝ်ꩻသွူ။\n၇။ ရန်ႏသူႏရိုꩻ-\nပါꩻတတဲ့ꩻတဝ်းခွေသူꩻနဝ်ꩻ 'ဝွေꩻခန္ဓာႏကုဲင်လီ အမဉ်ႏသီတွိုႏဆုဲင်ꩻ အမဉ်ႏလင်ꩻထဲ့ငါးရုဲင်ꩻနဝ်ꩻ ဟောဝ်ငါႏမွော့ဟွေး' ရန်ႏသူႏသꩻကိုနောဝ်ꩻ မဉ်အွဉ်ႏထွာနုဲင်းနဝ်ꩻ၊ ရန်ႏသူႏကမဉ်အွဉ်ႏထွာအတွိုင်ꩻ ပါꩻတထဲ့တဝ်းဝွေꩻနဝ်ꩻ (မတော်မကာ) ဒေါႏသꩻနွို့ယား အသꩻလျားထာꩻ၊ ကွပ်သꩻလျားထာꩻတဲင် (မာꩻသီဝင်ꩻသက်၊ ထူႏတခွန်ꩻဝင်ꩻခြိုꩻ၊ ပဲစ်မာႏဝင်ꩻပိုမာ) မာꩻမာႏစွဉ်ႏဒျာႏ ကာယဒုစရဲက်သွံပါꩻ၊\nပွိုးဒေါႏသꩻနိစ္စက်တွော့ꩻ (ဒေါ့ꩻလဲဉ်ထာꩻ၊ ဒေါ့ꩻလျားပါꩻ၊ အံႏစာဝင်ꩻမဉ်ꩻ၊ ဒေါ့ꩻငါငီထာꩻ) ဒေါ့ꩻမာႏစွဉ်ႏဒျာႏ ဝစီဒုစရဲက်နဝ်ꩻလစ်ꩻပါꩻ၊ ကွပ်ပွိုးဒေါႏသအဲင်ႏစောက်ꩻ သꩻအောက်ꩻထာꩻတဲင်တွော့ꩻ (ကျံႏသိမ်ꩻခြေင်စွဉ်ႏ ဝင်ꩻတခြိုꩻ၊ ကျံႏမာꩻသီစွဉ်ႏပါꩻ၊ ကျံႏနက် ကျံႏနိစ္စက်စွဉ်ႏပါꩻ) မနော်ꩻဒုစရဲက် သိုမ်ပါꩻဖုံႏနဝ်ꩻ ထွာစွဉ်ႏဒျာႏအသꩻကို၊ ယူႏမာႏစွဉ်ႏဒျာႏထာꩻ။\nကွပ်သꩻလျားထာꩻတဲင် နမ်းမာꩻမာႏ ကာယဒုစရဲက်၊ ဖြောင်းဒေါ့ꩻမာႏ ဝစီꩻဒုစရဲက်၊ သꩻယူႏမာႏ မနော်ꩻဒုစရဲက်၊ ပွိုးဒုစရဲက်တွော့ꩻ လင်ꩻထဲ့ငါးရုဲင်ꩻ၊ မဲဉ်ႏတနꩻသော့ꩻစွဉ်ႏဒျာႏ ရန်ႏသူႏ (သတ္တမ)ထာꩻလိုႏအတွိုင်ꩻ (ဖေႏကထဲ့ငါးရုဲင်ꩻ)နောဝ်ꩻသွူ။\nအမူႏတရိုꩻတဝ်း၊ အခိုတရိုꩻတဝ်း ပေါႏသꩻလျားထာꩻနဝ်ꩻ မာမာႏ၊ ဒေါ့ꩻမာႏ၊ ကျံႏမာႏတဲင်တွော့ꩻ မဲဉ်ႏတနꩻသော့ꩻစွဉ်ႏ ရန်ႏသူႏထာꩻလိုႏ နွုတ်ꩻမျိုꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ သတ္တကနိပါတ်၊ ကောဓနသုတ်)\n\nအာႏကွိုꩻ","num_words":808,"character_repetition_ratio":0.108,"word_repetition_ratio":0.148,"special_characters_ratio":0.077,"stopwords_ratio":0.014,"flagged_words_ratio":0.0,"lang_id_score":1.0,"perplexity_score":1326.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%80%E1%80%BD%E1%80%AE%E1%80%86%E1%80%AF%EA%A9%BB%E1%80%91%E1%80%BD%E1%80%AC%E1%80%81%E1%80%BD%E1%80%94%E1%80%BA%E1%80%91%E1%80%BD%E1%80%AC%E1%80%9B%E1%80%9F%E1%80%94%E1%80%B9%E1%80%90%E1%80%AC%E1%82%8F","collection":"wikipedia","source":"wikipedia","original_code":"blk","text":"\"ပဌမပတ္ထနာသုတ် (ကွီဆုꩻထွာခွန်-ကွီဆုꩻထွာရဟန္တာႏ)\"\nခွန်ပိုခိုရတနာႏနဝ်ꩻ-\n၁။ မွိုးဖဲ့ꩻဖါဖဲ့ꩻ အမျိုꩻစဲစ်ဒျာႏ၊ ကွပ်ပွို��မွိုးဖဲ့ꩻဖါဖဲ့ꩻ အမျိုꩻစဲစ်တဲင် ခွေယိုနဝ်ꩻ မွိုးစဲစ်ဖါစဲစ်ဒျာႏ၊ ခံႏဗာႏတဝ်း ဝင်ꩻပယ်ႏ၊ 'ခွေယို ဖေႏနေးကထွာဗာႏသွော့ ခွန်နော'ဆုတောင်ꩻမောင်ꩻကော့ꩻ ကွီဆုꩻထွာခွန်နုဲင်းနောဝ်ꩻသွူ။\n၂။ ခွန်ပိုခိုရတနာႏနဝ်ꩻ နမ်းခြွိုင်ႏ၊ ယောင်ꩻဆင်ꩻတရေꩻတဲင် ခွေယိုနဝ်ꩻ နမ်းခြွိုင်ႏ၊ ယောင်ꩻဆင်ꩻတရေꩻဒျာႏ၊ သေန်ႏဒျာႏခွန် 'ခွေယို ဖေႏနေးကထွာဗာႏသွော့ ခွန်နော'ဆုꩻတောင်ꩻမောင်ꩻကော့ꩻ ကွီဆုꩻထွာခွန်နုဲင်းနောဝ်ꩻသွူ။\n၃။ ခွန်ပိုခိုရတနာႏနဝ်ꩻ မွိုးဖါရက်၊ ဖူးဝေးရက်တဲင် ခွေယိုနဝ်ꩻ မွိုးဖါရက်၊ ဖူးဝေးရက်ဒျာႏ၊ ခွေအဗာႏထွာခွန် 'ခွေယို ဖေႏနေးကထွာဗာႏသွော့ ခွန်နော'ဆုꩻတောင်ꩻမောင်ꩻကော့ꩻ ကွီဆုꩻထွာခွန်နုဲင်းနောဝ်ꩻသွူ။\n၄။ ခွန်ပိုခိုရတနာႏနောဝ်ꩻ ဒုံသားရက်၊ ဝေင်ꩻသားရက်၊ ခမ်းသားထီသားရက်တဲင် ခွေယိုနောဝ်ꩻ ဒုံသားဝေင်ꩻသားရက်၊ ခမ်းသားထီသားရက်ဒျာႏ၊ ခွေအဗာႏထွာခွန်၊ 'ခွေယို ဖေႏနေးကထွာသွော့ ခွန်နော'ဆုꩻတောင်ꩻမောင်ꩻကော့ꩻ ကွီဆုꩻထွာခွန်နုဲင်းနောဝ်ꩻသွူ။\n၅။ ခွန်ပိုခိုရတနာႏနောဝ်ꩻ ခွန်တပါꩻ ကဒါႏထွိုက် ကဒါႏသင်ꩻ ပညာႏနဝ်ꩻ ဒါႏဒျာႏတဲင် အုပ်ခမ်းအုပ်ထီနွောင်ꩻဒျာႏ၊ 'ခွေယို ဖေႏနေးကထွာဗာႏသွော့ ခွန်နော'ဆုꩻတောင်ꩻမောင်ꩻကော့ꩻ ကွီဆုꩻထွာခွန်နုဲင်းနောဝ်ꩻသွူ။\nရဟန်ꩻသီးဖုံႏဟွေး-\nအဗွန်ပီနုဲင်း ခွန်ပိုနဝ်ꩻနေနေ၊ အင်္ဂါႏငတ်ꩻပါꩻ၊ အချက်ငတ်ꩻချက် ကဗွေဒါႏ ရဟန်ꩻနဝ်ꩻ အကွီဆုꩻရဟန္တာႏနေနေသွူ၊ အင်္ဂါႏငတ်ꩻပါꩻ၊ အချက်ငတ်ꩻချက် နုဲင်းမုဲင်ꩻနဲတဲင်-\n၁။ ရဟန်ꩻ (တပါꩻ)နဝ်ꩻ သဒ္ဓါႏတရာꩻအဝ်ႏ၊ ယွုမ်းရတနာႏသွံပါꩻ၊ ယွုမ်းသဗ္ဗညုတဉာဏ်ႏတဲင် ခွေယိုနဝ်ꩻ သဒ္ဓါႏတရာꩻအောဝ်ႏ၊ ယွုမ်းရတနာႏသွံပါꩻ၊ ယွုမ်းသဗ္ဗညုတဉာဏ်ႏ၊ တန်ႏထွာဒျာႏရဟန္တာႏ 'ခွေယို ဖေႏကထွာသွော့ ရဟန္တာႏနော'ကွီဆုꩻရဟန္တာႏနုဲင်းနောဝ်ꩻသွူ။\n၂။ ရဟန်ꩻနဝ်ꩻ ထာꩻဆာအဲဉ်ထဝ်း၊ ရောႏဂါႏကင်ꩻ၊ ခြွိုင်ႏသန်ꩻရေꩻဟောဝ်၊ အားထွုတ်တရာꩻတဲင် ခွေယို ထွာနွောင်ꩻဒျာႏရဟန္တာႏ၊ 'ခွေယို ဖေႏကထွာသွော့ ရဟန္တာႏနော'ကွီဆုꩻရဟန္တာႏနုဲင်းနဝ်ꩻသွူ။\n၃။ ရဟန်ꩻနဝ်ꩻ စွို့ꩻစွဉ်ႏဒျာႏ၊ ဆရာႏလောင်း၊ သွꩻခွလောင်း အမွေးအမဲဉ်ႏအတွိုင်ꩻ မာꩻဒျာႏ၊ ဒေါ့ꩻဒျာႏ၊ အားထွုတ်တရာꩻတဲင် ခွေယို ထွာနွောင်ꩻရဟန္တာႏ၊ 'ခွေယို ဖေႏကထွာသွော့ ရဟန္တာႏနော'ကွီဆုꩻရဟန္တာႏနုဲင်းနောဝ်ꩻသွူ။\n၄။ ရဟန်ꩻနဝ်ꩻ မာꩻတဝ်းအကုသိုလ်ႏ၊ မာꩻဒျာႏကုသိုလ်ႏ၊ အားထွုတ်မွ��းတရာꩻတဲင် ခွေယို ထွာနွောင်ꩻရဟန္တာႏ၊ 'ခွေယို ဖေႏကထွာသွော့ ရဟန္တာႏနော'ကွီဆုꩻရဟန္တာႏနုဲင်းနောဝ်ꩻသွူ။\n၅။ ရဟန်ꩻနဝ်ꩻ ပညာႏအဝ်ႏ၊ အားထွုတ်မွေးတရာꩻတဲင် မာꩻဖေ့နွောင်ꩻကိလေႏသာႏ ဝိပဿနာႏဉာဏ်ႏ ပညာႏအဝ်ႏတွော့ꩻ ခွေယိုထွာနွောင်ꩻရဟန္တာႏ 'ခွေယို ဖေႏကထွာသွော့ ရဟန္တာႏနော'ကွီဆုꩻရဟန္တာႏနုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ ပဌမပတ္ထနာသုတ်)\n\nအာႏကွိုꩻ","num_words":427,"character_repetition_ratio":0.108,"word_repetition_ratio":0.172,"special_characters_ratio":0.077,"stopwords_ratio":0.005,"flagged_words_ratio":0.0,"lang_id_score":1.0,"perplexity_score":3176.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%81%E1%80%99%E1%80%BA%E1%80%B8%E1%80%91%E1%80%AE%E1%80%9B%E1%80%B1%EA%A9%BB%E1%80%90%E1%80%B1%E1%80%AC%E1%80%99%E1%80%BA%E1%82%8F","collection":"wikipedia","source":"wikipedia","original_code":"blk","text":"\"ခမ်းထီရေꩻတောမ်ႏ ဘာႏသာႏရေꩻ သျုတ်ရောꩻဗာႏတဝ်းဝင်ꩻ ကရိုꩻနဝ်ꩻ\"\nခမ်းခြွဉ်းဗူႏ မြန်မာခမ်းထီယိုနဝ်ꩻ ခမ်းရင်ꩻသားလိုꩻမျိုꩻပေါင်ꩻစွုမ်ႏ ဖြွမ်းဗူႏအုံရိုမ်းအဝ်ႏရောဝ်းညီꩻဝင်ꩻ ခမ်းတခမ်းနဝ်ꩻသွူ၊ ခမ်းရင်ꩻသား လိုꩻမျိုꩻပေါင်ꩻစွုမ်ႏကိုယို လိုꩻမျိုꩻပေါင်ꩻတဲ့အာ၊ ဘာႏသာႏငေါဝ်းငွါပေါင်ꩻတဲ့ စွုမ်ႏ၊ တောမ်ႏထာꩻကိုꩻကွယ်ႏယွုမ်းအံႏတဲ့စွုမ်ႏအာ အဝ်ႏနဝ်ꩻသွူ၊ ကောပ်နဝ်ꩻမꩻ ခမ်းခြွဉ်းဗူႏမြန်မာခမ်းထီယို မိဉ်ႏအီႏလွေꩻငါ အနာႏဂတ်ကိုယို ဖေႏကထွာဒျာႏ ဖြွမ်းဖြွမ်းဗူႏဗူႏ၊ ရောင်းရောင်းရျူးရျူႏ အုံရိုမ်းညီꩻဝင်ꩻ ဖေႏကတဲ့ꩻခေါဝ်းနဝ်ꩻ အီႏတယ်ႏဆို့ꩻ အွဉ်ႏထွာလွေꩻခမ်းထီနုဲင်းမုဲင်ꩻစားဟောင်း။\nခမ်းခြွဉ်းဗူႏ မြန်မာခမ်းထီယို တယ်ႏစွဉ်ႏကလꩻလွဉ် လွစ်ထန်ႏ(လွတ်လပ်)ရေꩻ ဗꩻတွိုႏလွဉ်ႏဟန်ႏသနီꩻ ခမ်းထီကိုနဝ်ꩻ စဲ့ꩻပွယ်ꩻတဆွိုးတဝ်းနဝ်ꩻသွူ၊ နဝ်ꩻမꩻ အီႏလွေꩻငါ အနာႏဂတ်ကို ခမ်းထီဖေႏကညိမ်ꩻချမ်ꩻနဝ်ꩻ ကထွာဒါႏခမ်းကို ခမ်းရင်ꩻသားလိုꩻမျိုꩻစွုမ်ႏ၊ အစွိုꩻစွုမ်ႏကပါဒါႏ ခမ်းခြွဉ်းဗူႏညီႏလာႏခံႏကိုယို အုံကိုမ်လွေꩻဝင်ꩻ အနာႏဂတ်ခမ်းထီရေꩻနဝ်ꩻသွူ၊ အဝ်ႏနဝ်ꩻတရန်းတဲင် သဲင်ꩻမာꩻချာယင်း ဆဲင်ႏရာꩻလိုꩻမျိုꩻအလွောက်ꩻ ခမ်းထီရေꩻအုံကိုမ်ပွယ်ꩻဖုံႏနဝ်ꩻသွူ။\nပအိုဝ်ႏလိုꩻမျိုꩻအလွောက်ꩻ ခမ်းထီရေꩻအုံကိုမ်ပွယ်ꩻထွိုင်ႏထွူ အဝ်ႏအုံကိုမ်ပွယ်ꩻကို ကလꩻထန်ႏလွဉ်ဒါႏ အချက်ဖုံႏကိုနဝ်ꩻ \"ခမ်းထီနဝ်ꩻ ထွာဗာႏ အခေႏခံႏဗာႏတဝ်း တောမ်ႏဘာႏသာႏရေꩻ\"အချက်နုဲင်းနဝ်ꩻပါနဝ်ꩻသွူ၊ ပွိုင်းဝွို့တောမ်ႏအချက်နဝ်ꩻတဲင် ပအိုဝ်ႏကို ယင်ဟန်ႏသားနဝ်ꩻ တဟွုန်ဗာႏဖိုတဝ်းတဲင် ထွိုင်ႏဟွုန်စွော့ꩻတွော့ꩻ ဟွုန်ထူꩻဆန်��၊ ဟွုန်ကျွိုက်တဝ်း ထွာလွဉ်ထိုꩻလွဗာႏနုဲင်းနဝ်ꩻသွူ။\nငေါဝ်းယိုနဝ်ꩻ မြန်မာခမ်းထီကို ကထွာဒါႏ ခမ်းရင်ꩻသားလိုꩻမျိုꩻစွုမ်ႏသီးအတာႏ ထွာတရျားခမ်းထီ၊ အခါႏခမ်းထီမျိုꩻနဝ်ꩻသွူ၊ တခေင်ႏတဝ်းပဉ်ဖဲ့ꩻနဝ်ꩻသွူ၊ မြန်မာခမ်းထီကိုယို ချင်ꩻ၊ ခင်၊ စောက်ꩻဗွာ၊ လားဟူ၊ ကယန်း၊ လီဆူး-စတဲင်ခမ်းရင်ꩻသား လိုꩻမျိုꩻဖုံႏနဝ်ꩻ ထွာယွုမ်းအံႏကိုႏကွယ်ႏ ခရစ်ယာန်ႏဘာႏသာႏ ခမ်းရင်ꩻသားနဝ်ꩻသွူ၊ နုဲင်းယင်း မဲင်ꩻ၊ ရခဲင်ႏ၊ ဖြဝ်ꩻ၊ ပအိုဝ်ႏ၊ စောက်ꩻတနျာႏ၊ မန်း-စတဲင်ခမ်းရင်ꩻသားလိုꩻမျိုꩻဖုံႏနဝ်ꩻ ယွုမ်းအံႏကိုႏကွယ်ႏ ဗုဒ္ဓဘာႏသာႏခမ်းရင်ꩻသားလိုꩻမျိုꩻနဝ်ꩻသွူ။\nမိဉ်ႏနုဲင်းဒျာႏ ခမ်းထီကိုယို အဝ်ႏလိုꩻမျိုꩻတမျိုꩻလုမ်ꩻနဝ်ꩻ ဘာႏသာႏငေါဝ်းငွါတဗာႏယို အွဉ်ႏထွာခမ်းထီတဖြုံႏလုမ်းမွိုးဖါ ဘာႏသာႏငေါဝ်းငွါတွော့ꩻ သုံꩻနုန်ꩻတဲမ်းဒေါ့ꩻအီထွူ ကိုႏကွယ်ႏယွုမ်းအံႏမု အဝ်ႏတစွိုးလုမ်ꩻ ခမ်းထီနဝ်ꩻ အွဉ်ႏထွာအမျိုꩻသာꩻခမ်းထီ အီႏလꩻနဝ်ꩻသွူ၊ နဝ်ꩻမꩻ လိုꩻမျိုꩻတမျိုꩻ၊ ဘာႏသာႏငေါဝ်းငွါတစွိုး၊ ထာꩻယွုမ်းအံႏ သာႏသနာႏတပါꩻ ကအဝ်ႏဒါႏ ခမ်းထီနဝ်ꩻ \"စွိုးခွိုꩻ၊ ဘာႏသာႏ၊ သာႏသနာႏ\"အမျိုꩻသာꩻဝါႏဒ အခေႏခံႏအွဉ်ႏအထျꩻ၊ အွဉ်ႏထွာ အမျိုꩻသာꩻခမ်းထီ လꩻနဝ်ꩻသွူ၊ ထွာခမ်းထီရေꩻတောမ်ႏ ဘာႏသာႏရေꩻရော်ꩻဝင်ꩻ ခမ်းထီနဝ်ꩻသွူ။\nခမ်းခြွဉ်းဗူႏ မြန်မာခမ်းထီယို ထွို့ꩻဗူႏတယ်ႏထောင်ႏခါꩻဒျာႏ တောမ်ႏယေန်ႏငဲမု၊ ဘာႏသာႏငေါဝ်းငွါတောမ်ႏ ထာꩻကိုꩻကွယ်ႏယွုမ်းအံႏမုဖုံႏ တဗွိုန်ပီလတဝ်း ခမ်းရင်ꩻသားလိုꩻမျိုꩻစွုမ်ႏနဝ်ꩻသွူ၊ နဝ်ꩻမꩻ အနာႏဂတ်ကို ခမ်းထီညိမ်ꩻချံꩻနွောင်ꩻအီ၊ လိုꩻမျိုꩻစွုမ်ႏ၊ ဘာႏသာႏသာႏငေါဝ်းငွါစွုမ်ႏ၊ ထာꩻယွုမ်းအံႏကိုႏကွယ်ႏမုစွုမ်ႏယို ဖြွမ်းဖြွမ်းဗူႏဗူႏ ရောင်းရောင်းရျူႏရျူႏ အုံရိုမ်းအဝ်ႏရော်ꩻညီ ဖေႏကလꩻနဝ်ꩻ မြန်မာခမ်းထီရေꩻယို တောမ်ႏဘာႏသာႏရေꩻ ရော်ꩻတဝ်းနုဲင်းနဝ်ꩻသွူ။\nခမ်းထီရေꩻယို အခေႏခံႏတဝ်း တောမ်ႏဘာႏသာႏရေꩻ ရိုꩻနုဲင်းနဝ်ꩻတဲင် ဘာႏသာႏနုဲင်းမုဲင်ꩻနဝ်ꩻ ကုဲင်ထိုꩻဗာႏ၊ ယားထိုꩻဗာႏ၊ ကိုႏကွယ်ႏယွုမ်းအံႏဗာႏတဝ်းဒွုမ်နုဲင်းနဝ်ꩻ တမွေးတဝ်းသွူ၊ ဘာႏသာႏယို ဒို့ꩻအိုပ်တွော့ꩻ ဘာႏသာႏနဝ်ꩻ ထိုꩻမားထိုꩻဗာႏစွဉ်ႏ၊ ဘာႏသာႏနဝ်ꩻ ဒို့ꩻအိုပ်တွော့ꩻ ဘာႏသာႏယို အွဉ်ႏဗာႏတဝ်းဒွုမ်-စတဲင်နုဲင်းနဝ်ꩻစားဖုံႏ တအဝ်ႏတဝ်းသွူ၊ ယိုနဝ်ꩻ ဖေႏခါꩻဒျာႏ လိုꩻတွိုင်ꩻယို တယ်ႏကလွူးကာႏ ပါ��ွဉ်ထွူအခွင်ꩻအရေꩻ၊ လိုꩻတဖြာꩻယို ဝွေꩻယွုမ်းအံႏရာꩻဘာႏသာႏ လွစ်လွစ်တခြင်ခြင် ဝွေꩻယွုမ်းအံႏကိုႏကွယ်ႏခွင်ꩻဖုံႏနဝ်ꩻသွူ။\nဘာႏသာႏရေꩻတောမ်ႏ ခမ်းထီရေꩻရော်ꩻဝင်ꩻ တအဝ်ႏတဝ်းခမ်းထီ ထွာနုဲင်းနဝ်ꩻဒျာႏသွူ၊ သုံꩻတောမ်ႏဘာႏသာႏရေꩻတွော့ꩻ မာꩻခမ်းထီရေꩻ ဖေႏကထွာဗာႏမွုန်းနဝ်ꩻသွူ။\nဘာႏသာႏရေꩻတောမ်ႏ ခမ်းထီရေꩻရော်ꩻဝင်ꩻ တအဝ်ႏတဝ်းခမ်းထီကရိုꩻယို ခမ်းထီကို ခမ်းသားသီးကယွုမ်းအံႏကိုႏကွယ်ႏဒါႏ ယွုမ်းအံႏရာꩻ ဘာႏသာႏအလွောက်ꩻအလောင်းနဝ်ꩻ ယွုမ်းအံႏလꩻတဝ်း၊ ကိုႏကွယ်ႏလꩻတဝ်း ရဲပေ့ꩻခါꩻ ယွုမ်းအံႏကိုႏကွယ်ႏမု တမွေးတဝ်းသွူ၊ ယိုနဝ်ꩻ ထွာဒျာႏဖေႏထဲင်း ခမ်းကိုကအဝ်ႏ ခမ်းသားသီး လွစ်လွစ်တခြင်ခြင် ယွုမ်းအံႏကိုႏကွယ်ႏခွင်ꩻနဝ်ꩻသွူ။\nသဘောသဘာဝနဝ်ꩻ ယိုခါ မြန်မာခမ်းထီကို ကအဝ်ႏနေဒါႏ ယွုမ်းအံႏကိုႏကွယ်ႏခွင်ꩻအတွိုင်ꩻနဝ်ꩻသွူ၊ လိုꩻကယွုမ်းအံႏကိုႏကွယ်ႏဒါႏ ဗုဒ္ဓဘာႏသာႏသားလဲ့ လွစ်လွစ်တခြင်ခြင် ယွုမ်းအံႏကိုႏကွယ်ႏခွင်ꩻအဝ်ႏဒျာႏအတွိုင်ꩻ ကထွာလိုꩻကယွုမ်းအံႏကိုႏကွယ်ႏဒါႏ ခရစ်ယာန်ႏဘာႏသာႏသားလဲ့ လွစ်လွစ်တခြင်ခြင် ယွုမ်းအံႏကိုႏကွယ်ႏခွင်ꩻအဝ်ႏဒျာႏနဝ်ꩻသွူ၊ ဗွိုန်နုဲင်းနဝ်ꩻနေနေ ကထွာဘာႏသာႏလောင်ႏလင်ဖုံႏလဲ့ လွစ်လွစ်တခြင်ခြင် ယွုမ်းအံႏကိုႏကွယ်ႏခွင်ꩻဖေႏလို့လို့ဒျာႏနဝ်ꩻသွူ။\nယိုခါခါ မြန်မာခမ်းကအဝ်ႏထွာနေဒါႏ ခမ်းထီကို လိုꩻတမျိုꩻတောမ်ႏတမျိုꩻတဲ့နဝ်ꩻ၊ ဘာႏသာႏတမျိုꩻတောမ်ႏတမျိုꩻတဲ့နဝ်ꩻ ယိုခါခါ ကအုံရိုမ်းအဝ်ႏရောဝ်းညီꩻဝင်ꩻယိုတွော့ꩻ ဖေႏလွဝင်ꩻအုံညီꩻခွင်ꩻ၊ ဖေႏလွဝင်ꩻ ယွုမ်းအံႏခွင်ꩻယိုဖုံႏနဝ်ꩻ အထွာထွူလဲဉ်းဒျာႏရင်ꩻ ခမ်းထီရေꩻတောမ်ႏ ဘာႏသာႏရေꩻ ရော်ꩻတဝ်းဝင်ꩻပုံႏစံႏနဝ်ꩻသွူ၊ အစနစ်နဝ်ꩻ ယိုခါခါ အဝ်ႏခုမ်သုံꩻနေလဲဉ်းနဝ်ꩻသွူ၊ ကွဲတွော့ꩻ ထွိုင်ႏထီႏလိတ်ဖြုံႏ ဝေါဟာရနဝ်ꩻ ဟွုန်ဆန်ꩻ၊ အွိုးဝေါဟာရအဓိပ္ပါယ်ႏတောမ်ႏ အနစ်သာရနဝ်ꩻ အဝ်ႏထွူလဲဉ်းစူကို အဝ်ႏခုမ်သဲဉ်ꩻခါꩻလဲဉ်းနဝ်ꩻသွူ။\n\nအာႏကွိုꩻ","num_words":726,"character_repetition_ratio":0.092,"word_repetition_ratio":0.0,"special_characters_ratio":0.055,"stopwords_ratio":0.058,"flagged_words_ratio":0.0,"lang_id_score":1.0,"perplexity_score":2788.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%81%E1%80%99%E1%80%BA%E1%80%B8%E1%80%9C%E1%80%85%E1%80%BA%EA%A9%BB%E1%80%99%E1%80%BB%E1%80%AD%E1%80%AF%EA%A9%BB-%E1%80%9C%E1%80%AD%E1%80%AF%EA%A9%BB%E1%80%9C%E1%80%85%E1%80%BA%EA%A9%BB%E1%80%85%E1%80%AC%E1%80%B8","collection":"wikipedia","source":"wikipedia","original_code":"blk","text":"\"ဝလာဟကသုတ် (ခမ်းလစ်ꩻမျိုꩻ-လိုꩻလစ်ꩻစား)\"\nနီဗွေႏဘုရာꩻဟော်ꩻဖေႏ ရဟန်ꩻသီးဖုံႏ တရာꩻနုဲင်းယို-\n\"ရဟန်ꩻသီးဖုံႏဟွေး-\n၁။ ဂဇ္ဇိတာ နော ဝဿိတာ- ခြွိုင်ꩻနေးလွုမ်ꩻ လော့တဝ်း\n၂။ ဝဿိတာ နော ဂဇ္ဇိတာ- လော့နေးလွုမ်ꩻ ခြွိုင်ꩻတဝ်း\n၃။ နေဝ ဂဇ္ဇိတာ နော ဝဿိတာ- ခြွိုင်ꩻတဲ့ခြွိုင်ꩻတဝ်း၊ လော့တဲ့လော့တဝ်း\n၄။ ဂဇ္ဇိတာ စ ဝဿိတာ စ- ခြွိုင်ꩻတဲ့ခြွိုင်ꩻ၊ လော့တဲ့လော့\nခမ်းအဝ်ႏလစ်ꩻမျိုꩻနုဲင်းနောဝ်ꩻသွူ။\nရဟန်ꩻသီးဖုံႏဟွေး-\nလိုꩻတဲ့ ဗွန်ပီခမ်းနဝ်ꩻနေနေ၊ လိုꩻအဝ်ႏလစ်ꩻမျိုꩻ၊ လစ်ꩻမျိုꩻကရိုꩻနဝ်ꩻ-\n၁။ လောကကိုယို လိုꩻယင်ဟန်ႏနဝ်ꩻ 'ဒါႏကွို့ꩻအဒေါ့ꩻလွုမ်ꩻ၊ တမာꩻတဝ်းထာꩻမာꩻ'၊ ယင်ဟန်ႏသားနဝ်ꩻ လိတ်နဝ်ꩻ သွဉ်ဗာႏဒျာႏ၊ ကွဲႏတွော့ꩻ (ကျင်ꩻလွဉ်ꩻတဝ်း) သေတဝ်းတရာꩻ၊ လိုꩻယိုစားဖုံႏနဝ်ꩻ 'ဒါႏအဒေါ့ꩻလွုမ်ꩻ၊ တမာꩻတဝ်း၊ တကျင်ꩻတဝ်း၊ တသေတဝ်း'တဲင် ထွမ်ႏခမ်း'ခြွိုင်ꩻနေးလွုမ်ꩻ လော့တဝ်း'နဝ်ꩻ ဗွန်ဝင်ꩻနဝ်ꩻသွူ။\nရဟန်ꩻသီးဖုံႏဟွေး-\n၂။ လောကကိုယို လိုꩻယင်ဟန်ႏနဝ်ꩻ 'မာꩻဒျာႏတေ့ꩻတေ့ꩻ၊ တဒေါ့ꩻတဒꩻတဝ်းပါꩻ'၊ လိုꩻယင်ဟန်ႏနောဝ်ꩻ ကျင်ꩻလွဉ်ꩻမွေးတရာꩻ၊ သေတရာꩻ၊ သေသစ္စာႏ၊ ကွဲႏတွော့ꩻ လိတ်သွဉ်ဗာႏတဝ်း၊ ဒေါ့ꩻဟော်ꩻဒါႏတဝ်း၊ လိုꩻယိုစားဖုံႏနဝ်ꩻ 'ဒါႏအမာꩻမွေးလွုမ်ꩻ၊ တဒေါꩻတဝ်းပါꩻ၊ တဟော်ꩻဒါႏတဝ်း'တဲင် တွမ်ႏခမ်း'လော့နေးလွုမ်ꩻ၊ တခြွိုင်ꩻတဝ်း'နဝ်ꩻ ပီဝင်ꩻနောဝ်ꩻသွူ။\nရဟန်ꩻသီးဖုံႏဟွေး-\n၃။ လောကကိုယို လိုꩻယင်ဟန်ႏနဝ်ꩻ 'ဒေါ့ꩻတဲ့တဒေါ့ꩻတဝ်းပါꩻ၊ မာꩻတဲ့ တမာꩻတဝ်းထာꩻမာꩻ'၊ လိုꩻယင်ဟန်ႏနဝ်ꩻ လိတ်တဲ့ တသွဉ်ဗာႏတဝ်း၊ (ဒေါ့ꩻဟော်ꩻတဲ့ တဒါႏတဝ်း)၊ ကျင်ꩻတဲ့ တကျင်ꩻတဝ်း၊ သေတဲ့ တသေတဝ်းတရာꩻ၊ လိုꩻယိုစားဖုံႏနဝ်ꩻ 'ဒေါ့ꩻတဲ့တဒေါ့ꩻတဝ်း၊ မာꩻတဲ့ တမာꩻတဝ်း'တဲင် တွမ်ႏခမ်း 'ခြွိုင်ꩻတဲ့ တခြွိုင်ꩻတဝ်း၊ လော့တဲ့ တလော့တဝ်း'နဝ်ꩻ ဗွန်ပီဝင်ꩻနဝ်ꩻသွူ။\nရဟန်ꩻသီးဖုံႏဟွေး-\n၄။ လောကကိုယို လိုꩻယင်ဟန်ႏနဝ်ꩻ 'ဒေါ့ꩻတဲ့ ဒေါ့ꩻဒါႏ၊ မာꩻတဲ့မာꩻဒျာႏ'၊ လိုꩻယင်ဟန်ႏနဝ်ꩻ လိတ်တဲ့ သွဉ်ဗာႏဒျာႏ၊ လိတ်တဲ့ ဒါႏဒျာႏ၊ ဒေါ့ꩻဟော်ꩻတဲ့ဒါႏဒျာႏ၊ ကျင်ꩻတဲ့ ကျင်ꩻလွဉ်ꩻဒျာႏ၊ သေတဲ့ သေဒျာႏတရာꩻ၊\nယိုနဝ်ꩻ - ဒုက္ခသစ္စာႏ (ဒုက္ခအမွေးအမဲဉ်ႏ)\nယိုနဝ်ꩻ - သမုဒယသစ္စာႏ (ထွာအီဒုက္ခ အမွေးအမဲဉ်ႏ)\nယိုနဝ်ꩻ - နိရောဓသစ္စာႏ (ဒုက္ခဖေ့ငိမ်ꩻအီ အမွေးအမဲဉ်ႏ)\nယိုနဝ်ꩻ - မဂ္ဂသစ္စာႏ (မဂ္ဂင်ႏသွစ်ꩻပါꩻ တရာꩻတွိုႏအီနိဗ္ဗာန်ႏ အမွေးအမဲဉ်ႏ) သေသစ္စာႏတရာꩻလစ်ꩻပါꩻနုဲင်းနဝ်ꩻ၊ လိုꩻယိုစားနဝ်ꩻ 'ဒေါ့ꩻတဲ့ဒေါ့ꩻ၊ မာꩻတဲ့မာꩻ'တဲင် တွမ်ႏခမ်း 'ခြွိုင်ꩻတဲ့ခြွိုင်ꩻ-လော့တဲ့လော့'နဝ်ꩻ ဗွန်ပီလို့ဝင်ꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ ဝလာဟကသုတ်)\n\nအာႏကွိုꩻ\n\nဗုဒ္ဓဘာႏသာႏ","num_words":408,"character_repetition_ratio":0.093,"word_repetition_ratio":0.01,"special_characters_ratio":0.105,"stopwords_ratio":0.054,"flagged_words_ratio":0.0,"lang_id_score":1.0,"perplexity_score":3352.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%81%E1%80%BB%E1%80%84%E1%80%BA%EA%A9%BB%E1%80%81%E1%80%BB%E1%80%84%E1%80%BA%EA%A9%BB%E1%80%99%E1%80%9B%E1%80%80%E1%80%BA-%E1%80%A1%E1%80%9D%E1%80%BA%E1%82%8F%E1%80%86%E1%80%AE%E1%80%81%E1%80%BB%E1%80%80%E1%80%BA","collection":"wikipedia","source":"wikipedia","original_code":"blk","text":"\"နပ္ပိယသုတ် (ချင်ꩻချင်ꩻမရပ်-အဝ်ႏဆီချက်)\"\nရဟန်ꩻသီးဖုံႏဟွေး-\n၁။ ဣဓ ဘိက္ခု အဓိကရဏိကော ဟောတိ-\nသာႏသနာႏတောႏကိုယို ရဟန်ꩻနဝ်ꩻ ဒါႏအမာꩻတရေင်ထာꩻလွုမ်ꩻ၊ ထာꩻတရေင် ဖေႏကဖေ့ငိမ်ꩻနဝ်ꩻ မာꩻဒါႏတဝ်း၊ အံႏဖြာႏဒါႏတဝ်း ထာꩻဖေ့ငိမ်ꩻကေꩻဇူꩻ၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရက်လို့ဝင်ꩻ၊ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။\n၂။ ပုန စပရံ ဘိက္ခု န သိက္ခာကာမော ဟောတိ-\nခꩻတမျိုꩻ- ရဟန်ꩻနဝ်ꩻ လိုႏတဝ်းသိက္ခာႏ၊ အံႏဖြာႏဒါႏတဝ်း သိက္ခာႏကေꩻဇူꩻ၊ ပေါႏထွာနုဲင်းနဝ်ꩻနဝ်ꩻ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရက်လို့ဝင်ꩻ၊ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။\n၃။ ပုန စပရံ ဘိက္ခု ပါပိစ္ဆော ဟောတိ-\nခꩻတမျိုꩻ- ရဟန်ꩻနဝ်ꩻ လိုႏထာꩻယွုတ်၊ ပယ်ႏထိုꩻထာꩻယွုတ် အကျိုꩻကေꩻဇူꩻနဝ်ꩻ အံႏဖြာႏဒါႏတဝ်း၊ ပေါႏထွာနုဲင်းနောဝ်ꩻနောဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။\n၄။ ပုန စပရံ ဘိက္ခု ကောဓနော ဟောတိ-\nခꩻတမျိုꩻ- ရဟန်ꩻနဝ်ꩻ 'ဒေါသထန်ႏ-သꩻလျားဒါႏထာꩻ'၊ ပယ်ႏထိုꩻဒေါသ အကျိုꩻကေꩻဇူꩻတရာꩻနဝ်ꩻ အံႏဖြာႏဒါႏတဝ်း၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။\n၅။ ပုန စပရံ ဘိက္ခု မက္ခီ ဟောတိ-\nခꩻတမျိုꩻ- ရဟန်ꩻနဝ်ꩻ 'ယားဒါႏဝင်ꩻကေꩻဇူꩻ'၊ အံႏဖြာႏဒါႏတဝ်း ကေꩻဇူꩻတရာꩻ၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။\n၆။ ပုန စပရံ ဘိက္ခု သဌော ဟောတိ-\nခꩻတမျိုꩻ- ရဟန်ꩻနဝ်ꩻ 'သꩻတကဲင်ႏတန်'၊ ပယ်ႏထိုꩻသꩻ���ကဲင်ႏ အကျိုꩻကေꩻဇူꩻနဝ်ꩻ အံႏဖြာႏဒါႏတဝ်း၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။\n၇။ ပုန စပရံ ဘိက္ခု မာယာဝီ ဟောတိ-\nခꩻတမျိုꩻ- ရဟန်ꩻနဝ်ꩻ 'အုံထာꩻအဝ်ႏမဉ်အံႏလဲဉ်စွဉ်ႏဝင်ꩻလူမ်ꩻ' ပယ်ႏထိုꩻသꩻမဉ်လဲဉ်အံႏဝင်ꩻ အကျိုꩻကေꩻဇူꩻနဝ်ꩻ အံႏဖြာႏဒါႏတဝ်း၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။\n၈။ ပုန စပရံ ဘိက္ခု ဓမ္မာနံ နိသာမကဇာတိကော ဟောတိ-\nခꩻတမျိုꩻ- ရဟန်ꩻနဝ်ꩻ 'ဆောင်ႏခါꩻတဝ်းတရာꩻ'၊ ဆောင်ႏခါꩻတရာꩻကေꩻဇူꩻနဝ်ꩻ အံႏဖြာႏဒါႏတဝ်း၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။\n၉။ ပုန စပရံ ဘိက္ခု န ပဋိသလ္လီနော ဟောတိ-\nခꩻတမျိုꩻ- ရဟန်ꩻနဝ်ꩻ 'အုံခေါ်ခေါ်တပါꩻဒါႏတဝ်း'၊ အုံခေါ်ခေါ်တပါꩻ အကျိုꩻကေꩻဇူꩻနဝ်ꩻ အံႏဖြာႏဒါႏတဝ်း၊ ပေါႏထွာနုဲင်းနောဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။\n၁၀။ ပုန စပရံ ဘိက္ခု သဗြဟ္မစာရီနံ န ပဋိသန္ထာရကော ဟောတိ-\nခꩻတမျိုꩻ- ရဟန်ꩻနဝ်ꩻ 'တွမ်ႏသမဂ္ဂချင်ꩻချင်ꩻ ဒေါ့ꩻရီလို့ဝင်ꩻဒါႏတဝ်း'၊ (အဆင်ႏပြေႏတဝ်း)၊ တွမ်ႏသမဂ္ဂချင်ꩻချင်ꩻ ဒေါ့ꩻရီလို့ဝင်ꩻဒါႏ (အဆင်ႏပြေႏ)ငါႏ အကျိုꩻကေꩻဇူꩻနဝ်ꩻ အံႏဖြာႏဒါႏတဝ်း၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။\nဥပမာႏ- သေထီးယွုတ်တဗာႏနဝ်ꩻ (အသꩻကို မဉ်အွဉ်ႏထွာနုဲင်းယို)၊ \"လိုႏသီးဖုံႏ မဉ်ႏအွဉ်ႏထွာခွေ 'သေထီးအာႏဇာႏနီႏ'နဝ်ꩻ ယံငါႏဟွေး၊ မဉ်ႏဗွူႏခွေအဆာႏ နုဲင်းသေအာႏဇာႏနီႏ၊မဉ်ႏဖြွꩻခွေနမ်း၊ မဉ်ႏပွစ်ခွေငင်း နုဲင်းသေအာႏဇာႏနီႏနဝ်ꩻ ယံငါႏဟွေး\"အသꩻကို မဉ်အွဉ်ႏထွာနုဲင်းနောဝ်ꩻ။\nကွဲႏတွော့ꩻ သေထီးနဝ်ꩻနဝ်ꩻ 'သေထီးယွုတ်တန်'ကရိုꩻနဝ်ꩻ လိုꩻဖုံႏအဝ်ႏသေ ပငါပရာꩻတဲင် ဝင်ꩻတမတ်တဝ်း သေအာႏဇာႏနီႏ၊ ဝင်ꩻတအွဉ်ႏထွာတဝ်း သေအာႏဇာႏနီႏ၊ ဝင်ꩻတဗွူႏတဝ်းအဆာႏ နုဲင်းသေအာႏဇာႏနီႏ၊ ဝင်ꩻတဖြွꩻတဝ်းအနမ်း၊ ��င်ꩻတပွစ်တဝ်းအငင်း နုဲင်းသေအာႏဇာႏနီႏနောဝ်ꩻသွူ။\nအနုဲင်းနဝ်ꩻနေနေ ရဟန်ꩻနောဝ်ꩻ (အသꩻကိုနဝ်ꩻ ဝွေꩻမဉ်အွဉ်ႏထွာတေ့ꩻနုဲင်းယို) \"သမဂ္ဂသွꩻချင်ꩻဖုံႏ 'မဉ်ႏရိုႏသေႏခွေ၊ မဉ်ႏဖေႏရေꩻခွေ၊ မဉ်ႏဟွူန်ဟောဝ်ခွေ၊ မဉ်ႏပူႏဇောႏခွေ'နဝ်ꩻ ဟောဝ်ငါႏဟွေး\"အသꩻကို မဉ်အွဉ်ႏထွာနုဲင်းနဝ်ꩻ။\nကွဲႏတွော့ꩻ 'ဝွေꩻနဝ်ꩻ တပယ်ႏထိုꩻတဝ်းဒွိုန်း အကုသိုလ်ႏ အယွုတ်အညမ်း'ကရိုနဝ်ꩻ ဝင်ꩻအဝ်ႏသေ ပငါပရာꩻတဲင် သမဂ္ဂသွꩻချင်ꩻဖုံႏ တရိုႏသေႏတဝ်းဝွေꩻ၊ တဖေႏရေꩻတဝ်းဝွေꩻ၊ တဟွူန်ဟဝ်တဝ်းဝွေꩻ၊ တပူႏဇောႏတဝ်းဝွေꩻနောဝ်ꩻသွူ။\nဝွေꩻမဉ်ႏပယ်ႏထိုꩻ အကုသိုလ်ႏ အယွုတ်အညမ်းနဝ်ꩻ သမဂ္ဂသွꩻချင်ꩻဖုံႏ အီႏရိုႏသေႏဝွေꩻ၊ အီႏဖေႏရေꩻဝွေꩻ၊ အီႏဟွူန်ဟောဝ်ဝွေꩻ၊ အီႏပူႏဇောႏဝွေꩻနောဝ်ꩻသွူ။ \nရဟန်ꩻသီးဖုံႏဟွေး-\n၁။ ဣဓ ဘိက္ခု န အဓိကရဏိကော ဟောတိ-\nသာႏသနာႏတောႏကိုယို ရဟန်ꩻနဝ်ꩻ မာꩻတရေင်ဒါႏတဝ်းထာꩻ၊ အံႏဖြာႏဒျာႏ ထာꩻဖေ့ငိမ်ꩻကေꩻဇူꩻ၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရက်လို့ဝင်ꩻ၊ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ ထွာနွောင်ꩻဒျာႏနဝ်ꩻသွူ။\n၂။ ပုန စပရံ ဘိက္ခု သိက္ခာကာမော ဟောတိ-\nခꩻတမျိုꩻ- ရဟန်ꩻနဝ်ꩻ လိုႏဒျာႏသိက္ခာႏ၊ အံႏဖြာႏဒါႏဒျာႏ သိက္ခာႏကေꩻဇူꩻ၊ ပေါႏထွာနုဲင်းနဝ်ꩻနဝ်ꩻ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရက်လို့ဝင်ꩻ၊ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ ထွာနွောင်ꩻဒျာႏနဝ်ꩻသွူ။\n၃။ ပုန စပရံ ဘိက္ခု အပ္ပိစ္ဆော ဟောတိ-\nခꩻတမျိုꩻ- ရဟန်ꩻနဝ်ꩻ လောဘဆေ့ꩻ၊ လိုႏတဝ်းထာꩻယွုတ်၊ အံႏဖြာႏဒါႏ ပယ်ႏထိုꩻထာꩻယွုတ်ကေꩻဇူꩻ၊ ပေါႏထွာနုဲင်းနောဝ်ꩻနောဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ ထွာနွောင်ꩻဒျာႏနဝ်ꩻသွူ။\n၄။ ပုန စပရံ ဘိက္ခု အက္ကောဓနော ဟောတိ-\nခꩻတမျိုꩻ- ရဟန်ꩻနဝ်ꩻ 'ဒေါသထန်ႏတဝ်း-သꩻလျားဒါႏတဝ်းထာꩻ'၊ အံႏဖြာႏဒါႏ ပယ်ႏထိုꩻဒေါသကေꩻဇူꩻ အံႏဖြာႏဒါႏတဝ်း၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ ထွာနွောင်ꩻဒျာႏနဝ်ꩻသွူ။\n၅။ ပုန စပရံ ဘိက္ခု မက္ခီ ဟောတိ-\nခꩻတမျိုꩻ- ရဟန်ꩻနဝ်ꩻ 'ယားဒါႏတဝ်း ဝင်ꩻက��ꩻဇူꩻ၊ အံႏဖြာႏဒါႏတဝ်း ကေꩻဇူꩻတရာꩻ၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ ထွာနွောင်ꩻဒျာႏနဝ်ꩻသွူ။\n၆။ ပုန စပရံ ဘိက္ခု အသဌော ဟောတိ-\nခꩻတမျိုꩻ- ရဟန်ꩻနဝ်ꩻ သꩻတကဲင်ႏတဝ်း၊ လိုꩻစွို့ꩻစွဉ်ႏဒျာႏ၊ အံႏဖြာႏဒါႏ သꩻတကဲင်ႏကေꩻဇူꩻ၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ ထွာနွောင်ꩻဒျာႏနဝ်ꩻသွူ။\n၇။ ပုန စပရံ ဘိက္ခု အမာယာဝီ ဟောတိ-\nခꩻတမျိုꩻ- ရဟန်ꩻနဝ်ꩻ 'အုံထာꩻမဉ်လဲဉ်အံႏတဝ်းဝင်ꩻ'၊ အံႏဖြာႏဒါႏ ပယ်ႏထိုꩻလꩻ သꩻမဉ်လဲဉ်အံႏဝင်ꩻကေꩻဇူꩻ၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ ထွာနွောင်ꩻဒျာႏနဝ်ꩻသွူ။\n၈။ ပုန စပရံ ဘိက္ခု ဓမ္မာနံ နိသာမကဇာတိကော ဟောတိ-\nခꩻတမျိုꩻ- ရဟန်ꩻနဝ်ꩻ 'ဆောင်ႏခါꩻတရာꩻ'၊ အံႏဖြာႏဒါႏတဝ်း ဆောင်ႏခါꩻတရာꩻကေꩻဇူꩻ၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ ထွာနွောင်ꩻဒျာႏနဝ်ꩻသွူ။\n၉။ ပုန စပရံ ဘိက္ခု ပဋိသလ္လီနော ဟောတိ-\nခꩻတမျိုꩻ- ရဟန်ꩻနဝ်ꩻ 'အုံခေါ်ခေါ်ဒျာႏတပါꩻ'၊ အံႏဖြာႏဒါႏ အုံခေါ်ခေါ်တပါꩻကေꩻဇူꩻ၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ ထွာနွောင်ꩻဒျာႏနဝ်ꩻသွူ။\n၁၀။ ပုန စပရံ ဘိက္ခု သဗြဟ္မစာရီနံ ပဋိသန္ထာရကော ဟောတိ-\nခꩻတမျိုꩻ- ရဟန်ꩻနဝ်ꩻ 'တွမ်ႏသမဂ္ဂချင်ꩻချင်ꩻ ဒေါ့ꩻရီလို့ဝင်ꩻဒါႏ'၊ (အဆင်ႏပြေႏ)၊ အံႏဖြာႏဒါႏ တွမ်ႏသမဂ္ဂချင်ꩻချင်ꩻ ဒေါ့ꩻရီလို့ဝင်ꩻဒါႏ (အဆင်ႏပြေႏငါႏ) အကျိုꩻကေꩻဇူꩻ၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။\nဥပမာႏ- သေထီးယွုတ်တဗာႏနဝ်ꩻ \"လိုႏသီးဖုံႏ မဉ်ႏအွဉ်ႏထွာခွေ 'သေထီးအာႏဇာႏနီႏ'နဝ်ꩻ ယံငါႏဟွေး၊ မဉ်ႏဗွူႏခွေအဆာႏ နုဲင်းသေအာႏဇာႏနီႏ၊ မဉ်ႏဖြွꩻခွေနမ်း၊ မဉ်ႏပွစ်ခွေငင်း နုဲင်းသေအာႏဇာႏနီႏနဝ်ꩻ ယံငါႏဟွေး\"အသꩻကို တယူႏတဝ်း နုဲင်းနဝ်ꩻစွဉ်ႏတဲ့ 'ဝင်ꩻအွဉ်ႏထွာဒ��ာႏ သေအာႏဇာႏနီႏ၊ ဝင်ꩻဗွူႏဒျာႏ သေအာႏဇာႏနီႏဆာႏ၊ ဝင်ꩻဖြွꩻဒျာႏအနမ်း၊ ဝင်ꩻပွစ်ဒျာႏအငင်း'နောဝ်ꩻသွူ။\nကွပ်ထမုဲင်ꩻနဲတဲင် သေထီးနဝ်ꩻနဝ်ꩻ ပယ်ႏထိုꩻလဲဉ်းထာꩻလဲဉ်း၊ ထာꩻတကောင်ႏ၊ ထာꩻတကဲင်ႏ၊ ထာꩻတို့ပ်ꩻကရိုꩻနဝ်ꩻ လိုꩻဖုံႏအဝ်ႏသေ ပငါပရာꩻနောဝ်ꩻသွူ။\nအနုဲင်းနဝ်ꩻနေနေ ရဟန်ꩻနဝ်ꩻ \"သမဂ္ဂသွꩻချင်ꩻဖုံႏ မဉ်ႏရိုႏသေႏခွေ၊ မဉ်ႏဖေႏရေꩻခွေ၊ မဉ်ႏဟွူန်ဟောဝ်ခွေ၊ မဉ်ႏပူႏဇောႏခွေနဝ်ꩻ ဟောဝ်ငါႏဟွေး\"အသꩻကို တယူႏတဝ်းနုဲင်းနဝ်ꩻစွဉ်ႏတဲ့ဝွေꩻဗွေႏနဝ်ꩻ 'သမဂ္ဂသွꩻချင်ꩻ ရိုႏသေႏဒျာႏ၊ ဖေႏရေꩻဒျာႏ၊ ဟွူန်ဟောဝ်ဒျာႏ၊ ပူႏဇောႏဒျာႏ'နဝ်ꩻသွူ။ \nပွိုးထမုဲင်ꩻနဲတဲင် ဝွေꩻဗွေႏနဝ်ꩻ 'ပယ်ႏထိုꩻလဲဉ်း အကုသိုလ်ႏ အယွုတ်အညမ်း'ကရိုꩻနဝ်ꩻ ဝင်ꩻအဝ်ႏသေ ပငါပရာꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ နပ္ပိယသုတ်)\n\nအာႏကွိုꩻ","num_words":1478,"character_repetition_ratio":0.153,"word_repetition_ratio":0.394,"special_characters_ratio":0.083,"stopwords_ratio":0.003,"flagged_words_ratio":0.0,"lang_id_score":1.0,"perplexity_score":4265.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%81%EA%A9%BB%E1%80%99%E1%80%BD%E1%80%AD%E1%80%AF%E1%80%94%E1%80%BA%E1%80%B8%E1%80%9D%E1%80%AB%E1%80%B8","collection":"wikipedia","source":"wikipedia","original_code":"blk","text":"\"ခꩻမွိုန်းဝါး\"\n\nသေင်ႏမွူးသဉ်နာ      အွိုးသူꩻဟာ\n\nပီဆျာကြိုႏကြိုႏ       တမိုႏမိုႏ ။\n\nအောဝ်ႏလိုႏစွဉ်ႏလဲ့     ခꩻမွိုန်းတဲ့\n\nလင်ꩻထဲ့ငါးရုဲင်ꩻ       တွိုႏဆုဲင်ꩻဆုဲင်ꩻ ။\n\nဝါးတမုဲင်ꩻဟောင်း     သေနေကောင်း\n\nအင်ဖြောင်းလိုႏတောဝ်း  နာႏအငေါဝ်း\n\nတွုတ်  တူး   တူး  တူ ။\n\nအာႏကွိုꩻ\n\nကဗျာ","num_words":37,"character_repetition_ratio":0.0,"word_repetition_ratio":0.0,"special_characters_ratio":0.23,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":13949.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%82%E1%80%BB%E1%80%95%E1%80%94%E1%80%BA%E1%80%81%E1%80%99%E1%80%BA%E1%80%B8%E1%80%91%E1%80%AE","collection":"wikipedia","source":"wikipedia","original_code":"blk","text":"ဂျပန်ခမ်းထီ (ဂျပန်: 日本国) (အဲင်းကလေတ်: Japan) နဝ်ꩻ ထွာဒျာႏ အာသျခဝ်ကွဉ်ႏနဝ်ကို ကအဝ်ႏဒါႏ ပင်ႏလယ်ႏကို ကြွန်လောင်း ခမ်းတခမ်းဒျာႏသွူ။ အဝ်ႏဒျာႏ ပသိဖိတ်သမုဒ္ဒရာႏကိုတဲင် ဖဲ့ꩻတွို့ꩻနဝ်ꩻ ဂျပန်ပင်ႏလယ်ႏ၊ ခယ်ႏခမ်းထီ၊ ရသျားခမ်းထီ၊ ကိုးရီးယားခမ်းထင်ꩻ၊ ကိုးရီးယားခမ်းနဝ်အဝ်ႏ၊ ဖဲ့ꩻကွဉ်ႏနဝ်ꩻ ပသိဖိတ်သမုဒ္ဒရာႏ၊ ဖဲ့ꩻထင်ꩻနဝ်ꩻ အိုဟွတ်ပင်ႏလယ်ႏ၊ ခယ်ႏပင်ႏလယ်ႏကွဉ်ႏ၊ ဖဲ့ꩻနဝ်နဝ်ꩻ ထုဲင်ဝမ်ခမ်းဖုံႏ အဝ်ႏခူရောင်ꩻနဝ်ꩻသွူ။ \"နီဟွန်း(ဂျပန်)\" ကဟဲ့ꩻဒါႏ အမိဉ်ꩻယိုနဝ်ꩻ ဂျပန်ငဝ်းအနေႏ အဓိပ္ပာယ်ႏလꩻ \"အဝ်ႏမွူးကိုဖွာꩻလင်ꩻလွဉ်ခမ်းထီ\" နုဲင်းနဝ်ꩻတဲင် ယလဲင်ႏလဲင်ႏလဲ့ အဝ်ႏဟဲ့ꩻရောင် \"မွူးထန်ႏခမ်းထီ\" နုဲင်းနဝ်ꩻသွူ။ ဟံႏနယ်ႏဧရိယာႏအအဲဉ်ႏအလုဲင်းနဝ်ꩻ အဝ်ႏစတုရန်းမဲင်ႏ ၁၄၅,၉၃၇ မဲင်ႏ (စတုရန်းကီလိုမီတာ ၃၇၇,၉၇၅ ကီလိုမီတာ)သွူ။ လိုꩻဖြာꩻခြွဉ်းနဝ်ꩻ ၂၀၂၀ မွူးကွို့ꩻနာꩻစာႏရင်ꩻအလꩻ အဝ်ႏ ၁၂၆,၂၂၆,၅၆၈ ဖြာꩻ (၁၂၆ သန်း)ရပ်သွူ။ ဂျပန်နဝ်ꩻ ကမ္ဘာႏလောင်းယို ထွာလိုꩻဖြာꩻအအာသွတ်ꩻကို အဝ်ႏအရန်းဒဿမသွူ။ ဝေင်ꩻတန်တိုကျိုနဝ်ꩻ အဝ်ႏပါသော့ꩻ ကမ္ဘာႏလောင်း လိုꩻအုံသော့ꩻအာသွတ်ꩻ ဝေင်ꩻတန်ဖုံႏကိုတဲင် ဝေင်ꩻတိုကျိုꩻအထူꩻအိုပ်ချုတ်ရေꩻ (၃)ဗာႏကိုနဝ်ꩻ လိုꩻအဝ်ႏသော့ꩻ (၃၈.၁၄)သန်းရပ်သွူ။\n\nဂျပန်ခမ်းနဝ်ꩻ အဝ်ႏဖွဲ့ဗူႏခါꩻဒျာႏတောမ်ႏ ကြွန်ပေါင်ꩻ ၆၈၅၂ ဖြုံႏ ကပါဒါႏ ထွာဒျာႏ ကြွန်ဗူႏ ခမ်းတခမ်းဒျာႏ သွူ။ ဂျပန်ကို အတန်သွတ်ꩻ ကြွန်ဖုံႏနဝ်ꩻ ထွာဒျာႏ ဟွန်းသျူး(本州)၊ ဟောက်ကုဲင်းဒိုး(北海道)၊ ကျူးသျူး(九州)၊ ဆိကိုးခု(四国) ကြွန်ဖုံႏဒျာႏတဲင် တတွာတောမ်ႏ ဂျပန်ခမ်းတခမ်းလွုမ်း ဟံႏနယ်ႏ (၉၇%)သွူ။ ဟွန်းသျူးကြွန်လောင်းနဝ်ꩻ ဂျပန်ခမ်းဝေင်ꩻတန် ဝေင်ꩻတန်ဝေင်ꩻတိုကျို တောမ်ႏ ဝေင်ꩻအိုသာကာ၊ ဝေင်ꩻကျိုတိုဖုံႏ အဝ်ႏနဝ်ꩻသွူ။ ဟံႏနယ်ႏဧရိယာႏအအဲဉ်ႏအလုဲင်းနဝ်ꩻ အဝ်ႏစတုရန်းမဲင်ႏ ၁၄၅,၉၃၇ မဲင်ႏ (စတုရန်းကီလိုမီတာ ၃၇၇,၉၇၅ ကီလိုမီတာ)သွူ။ ကြွန်ဖုံႏကဲဉ်းအာအာနဝ်ꩻ ထွာဒျာႏ ကောင်ဖုံႏအဝ်ႏသော့ꩻအာတဲင် ကောင်ကဲဉ်းအာနဝ်ꩻ ထွာဒျာႏမေႏကောင်တဲင် ဂျပန်ခမ်းနဝ်ꩻ မေႏကောင်အဝ်ႏ ၁၁၀ ဖြုံႏရပ်သွူ။ မေႏကောင်နဝ်ꩻဖုံႏအကို ၄၇ ဖြုံႏနဝ်ꩻ ထွာဒျာႏ မေႏကောင်အမွန်အကျောင်ꩻ သိပ္ပံပညာႏသျင်ႏသီး အဝ်ႏဒေါ့ꩻရိုꩻနုဲင်းနဝ်ꩻသွူ။ ဥပမာႏ ဂျပန်ခမ်း အထိုသွတ်ꩻကောင် မိဉ်ꩻကတန်ဒါႏ ဖူစီကောင်နဝ်ꩻလဲ့ ထွာဒျာႏ မေႏကောင်နေနေသွူ။\n\nဂျပန်ခမ်းနဝ်ꩻ တယ်ႏ ၁၉၄၇ ဗာႏ ဖြွမ်းဗူႏပုင်ႏ အခေႏခံႏဥပဒေႏအလꩻ အဝ်ႏထူႏသုင်ꩻဒါႏ \"စည်းမျဉ်းခံ ခွန်ဟော်ခံꩻစနိစ်\" ခမ်းတခမ်းဒျာႏတဲင် ခွန်ဟော်ခံꩻနဝ်ꩻ အခေႏခံႏဥပဒေႏကို အွောန်ႏထွော့ခါꩻ \"ခမ်းထီတန်တောမ်ႏ ခမ်းသားသီး လွောင်ႏဗူႏရေꩻပုင်ႏ\" နုဲင်းနဝ်ꩻတဲင် ခွန်ဟော်ခံꩻအာႏဏာႏနဝ်ꩻ အဝ်ႏဒျာႏ ပေႏပေႏလွုမ်ꩻသွူ။ ခမ်းကို ဩဇာႏအာႏဏာႏ အတန်သွတ်ꩻနဝ်ꩻ ထွာဒျာႏ ဝွန်ႏတန်ချုတ် တောမ်ႏ ဒုဲင်းယဲတ်ကဟဲ့ꩻဒါႏ လွတ်တောႏအမတ်ဖုံႏဒျာႏသွူ။ အချုပ်အခြာ အာႏဏာႏနဝ်ꩻ အဝ်ႏဒျာႏ ခမ်းသားသီးကိုသွူ။ ဂျပန်ခမ်း ခွန်ဟော်ခံꩻယိုခါနဝ်ꩻ ထွာဒျာႏ \"နာရုဟိခွန်\" နဝ်ꩻသွူ။\n\nဂျပန်နဝ်ꩻ ထွာဒျာႏ အဓိက ရောမ်ဗူႏ စီꩻပွာꩻရေꩻအာႏတဲင် ခမ်းကိုထေထန်ႏကွန်ႏခြွဉ်း(GDP) တန်ႏဖိုꩻအလꩻ ကမ္ဘာႏလောင်း ထွာစွဉ်ႏ ဒုတိယအတန်သွတ်ꩻ စီꩻပွာꩻရေꩻစနစ်တောမ်ႏ တတိယအတန်သွတ်ꩻ ဖြေꩻထူႏနွောင်ꩻအာႏ အဝ်ႏဒါႏ ခမ်းတခမ်းနဝ်ꩻသွူ။ ဂျပန်နဝ်ꩻ အဝ်ႏထွာလဲဉ်း ကုလသမဂ္ဂ၊ G8၊ G4၊ OECD တောမ်ႏ APEC အစွိုꩻကို အစွိုꩻနွို့ခမ်းတခမ်းတဲင် ရဲးလိုမ်းဗိဉ်ႏရေꩻ ထူႏသုင်ꩻရွဉ်စရိပ်လဲ့ ကမ္ဘာႏလောင်း ထွာစွဉ်ႏ စတုတ္ထအအာသွတ်ꩻ ခမ်းထီသွူ။ ထွူတကာႏတဝ်း ကမ္ဘာႏလောင်း ဒင်ႏပသာထန်ႏကွန်ႏကို ထွာစတုတ္ထအတန်သွတ်ꩻတောမ်ႏ ဒင်ႏသွင်ꩻနွို့ကွန်ႏကို ထွာဆဋ္ဌမအတန်သွတ်ꩻသားသွူ။ ဂျပန်ခမ်းနဝ်ꩻ လိုꩻအုံအဝ်ႏရေꩻ အဆင်ႏအရန်း ကထိုထွူလဲဉ်း ဖြိုတန်လွိုင်ႏကွုန်ꩻထွူလဲဉ်း ခမ်းတခမ်းဒျာႏသွူ။ လိုꩻအာပြူးဖြိုတာႏယီးနယ်ခမ်းထီဖုံႏ(HDI)စာႏရင်ꩻအလꩻ အဝ်ႏအရန်း(၈)သွူ။ ကမ္ဘာႏလောင်း ထွာအွဉ်ငါ အနယ်ꩻပညာႏ၊ စက်တခြိုꩻတောမ်ႏ စက်ရုက်ဖဲ့ꩻဆဲင်ႏရာꩻဖုံႏကိုသား နေနေသွူ။ ကုလသမဂ္ဂတောမ်ႏ ကမ္ဘာႏခြွိုင်ႏသန်ꩻရေꩻ အစွိုꩻသီး အရမ်ꩻချက်အလꩻ လိုꩻသက်တန်ꩻ အုံအဝ်ႏအတန်သွတ်ꩻ သက်အဆွာꩻသွတ်ꩻတောမ်ႏ လိုꩻပေႏဆားဖုံႏ သီကုဲင်ထိုꩻ အဆေ့ꩻသွတ်ꩻ ခမ်းတခမ်းဒျာႏနဝ်ꩻသွူ။\n\nအစိုႏရ တောမ်ႏ ခမ်းထီရေꩻ \n\nဂျပန်ခမ်းနဝ်ꩻ တယ်ႏ ၁၉၄၇ ဗာႏ ဖြွမ်းဗူႏပုင်ႏ အခေႏခံႏဥပဒေႏအလꩻ အဝ်ႏထူႏသုင်ꩻဒါႏ \"စည်းမျဉ်းခံ ခွန်ဟော်ခံꩻစနိစ်\" ခမ်းတခမ်းဒျာႏတဲင် ခွန်ဟော်ခံꩻနဝ်ꩻ အခေႏခံႏဥပဒေႏကို အွောန်ႏထွော့ခါꩻ \"ခမ်းထီတန်တောမ်ႏ ခမ်းသားသီး လွောင်ႏဗူႏရေꩻပုင်ႏ\" နုဲင်းနဝ်ꩻတဲင် ခွန်ဟော်ခံꩻအာႏဏာႏနဝ်ꩻ အဝ်ႏဒျာႏ ပေႏပေႏလွုမ်ꩻသွူ။ ခမ်းကို ဩဇာႏအာႏဏာႏ အတန်သွတ်ꩻနဝ်ꩻ ထွာဒျာႏ ဝွန်ႏတန်ချုတ် တောမ်ႏ ဒုဲင်းယဲတ်ကဟဲ့ꩻဒါႏ လွတ်တောႏအမတ်ဖုံႏဒျာႏသွူ။ အချုပ်အခြာ အာႏဏာႏနဝ်ꩻ အဝ်ႏဒျာႏ ခမ်းသားသီးကိုသွူ။ ဂျပန်ခမ်း ခွန်ဟော်ခံꩻယိုခါနဝ်ꩻ ထွာဒျာႏ \"နာရုဟိခွန်\" နဝ်ꩻသွူ။\n\nအိုပ်ချုတ်ရေꩻ ဟံႏနယ်ႏဒေႏသဖုံႏ \nဂျပန်ခမ်းကိုနဝ်ꩻ ဖွဲ့ဗူႏခါꩻဒျာႏတောမ်ႏ ပရီဖဲတ်ဆျာ(ခရဲင်ႏ)(Prefecture) (၄၇)ဖြုံႏတဲင် ပရီဖဲတ်ဆျာတဗာႏစီႏနဝ်ꩻ ကလွိုက်ဒင်ႏခါꩻဒါႏ အိုပ်ချုတ်ရေꩻကယ်ႏ၊ ဥပဒေႏရေꩻရာႏ အစွိုꩻတောမ်ႏ အိုပ်ချုတ်ရေꩻအစွိုꩻသီး အဝ်ႏခွုမ်ထိန်ꩻအိုပ်ချုတ်လွေꩻဒျာႏသွူ။ ပရီဖဲတ်ဆျာနဝ်ꩻ ဖွဲ့ဗူႏခါꩻဒျာႏတောမ်ႏ ဝေင်ꩻတန်ဖုံႏ၊ ဝေင်ꩻဖုံႏ၊ ဒုံဖုံႏနဝ်ꩻသွူ။\n\nသမဲင်ꩻ\n\nစီꩻပွာꩻရေꩻ\n\nပညာႏရေꩻ\n\nဟံႏပထဝီႏ\n\nခြွိုင်ႏသန်ႏရေꩻ\n\nယေန်ႏငဲးရေꩻ\n\nအာႏကွိုꩻ \n\nအာသျတွိုက်ကို ခမ်းထီဖုံႏ","num_words":644,"character_repetition_ratio":0.07,"word_repetition_ratio":0.208,"special_characters_ratio":0.089,"stopwords_ratio":0.014,"flagged_words_ratio":0.0,"lang_id_score":1.0,"perplexity_score":9254.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%84%E1%80%9D%E1%80%BA%E1%80%B8%E1%80%80%E1%80%95%E1%80%BA%E1%80%9C%E1%80%B0%E1%82%8F%E1%80%A1%E1%80%AE%20%E1%80%A1%E1%80%99%E1%80%BB%E1%80%AD%E1%80%AF%EA%A9%BB%E1%80%99%E1%80%BB%E1%80%AD%E1%80%AF%EA%A9%BB","collection":"wikipedia","source":"wikipedia","original_code":"blk","text":"ငေါဝ်းကပ်သွမ်ꩻတောႏ \nဂုဏ်ႏတောႏကွတ်ꩻစွိုး၊ စာင်ဖြွိုးလꩻခါꩻ၊ ဗွေႏဘုရာꩻယို၊ သꩻကိုရေႏမတ်၊ ယံမျတ်ဟောဝ်ငါႏ၊ ရသာႏမျိုꩻအွီႏ၊ စွုမ်ႏစီႏအာစား၊ ကားသွမ်ꩻတောႏယို၊ သန်ထိုစေႏတနာႏ၊ သဒ္ဓါႏကြောင်းဗွာ၊ ယောင်းငါလောင်ꩻကပ်၊ ဘုရာꩻမျတ်ဗွေႏဩ။ ယံခေါသေႏချာႏ၊ လောင်ꩻဗာႏသွမ်ꩻယို၊ တန်ထိုလꩻပိုႏ၊ ကုသိုလ်ႏယိုနဝ်ꩻ၊ အွဉ်ႏသဝ်ꩻဟို့ꩻခိုး၊ ယွုတ်ꩻဆွိုးလောဘ၊ ငိမ်ꩻခွꩻငိုꩻတန်ႏ၊ (နိဗ္ဗာန်ႏချံꩻသာႏ၊ ယံလꩻဗာႏဗွေႏဩ) ( နိဗ္ဗာန်ႏရသာႏ၊ ယံခံႏစာꩻဗာႏဗွေႏဩ)။\n\nငေါဝ်းကပ်ထီ \nဂုဏ်ႏတောႏကွတ်ꩻစွိုး၊ စာင်ဖြွိုးလꩻခါꩻ၊ ဗွေႏဘုရာꩻယို၊ သꩻကိုရေႏမတ်၊ ယံမျတ်ဟောဝ်ငါႏ၊ ရသာႏစုံခွꩻ၊ ထီအွꩻဖုံႏယို၊ သန်ထိုစေႏတနာႏ၊ သဒ္ဓါႏကြောင်းဗွာ၊ ယောင်းငါလူႏကပ်၊ ဘုရာꩻမျတ်ဗွေႏဩ။ ယံခေါသေႏချာႏ၊ လူႏဗာႏထီယို၊ တန်ထိုလꩻပိုႏ၊ ကုသိုလ်ႏယိုနဝ်ꩻ၊ အွဉ်ႏသဝ်ꩻအလျား၊ ထိုꩻမားအတဗော့ꩻ၊ တွိုႏသော့ꩻစာင်ကြောင်း၊ ခွꩻရောင်းငိုꩻတန်ႏ၊ (နိဗ္ဗာန်ႏချံꩻသာႏ၊ ယံလꩻဗာႏဗွေႏဩ) ( နိဗ္ဗာန်ႏထီခွꩻ၊ ယံအွꩻဗာႏဗွေႏဩ)။\n\nငေါဝ်းကပ်ကောဝ်ႏ \nဂုဏ်ႏတောႏကွတ်ꩻစွိုး၊ စာင်ဖြွိုးလꩻခါꩻ၊ ဗွေႏဘုရာꩻယို၊ သꩻကိုရေႏမတ်၊ ယံမျတ်ဟောဝ်ငါႏ၊ ကဝ်ႏလာႏမိုမ်ꩻတုဲင်၊ တကုဲင်တဝ်းရင်ꩻ၊ ယောင်ꩻဆင်ꩻဖုဲင်ႏထွား၊ ခွုင်းကားကဝ်ႏယို၊ သန်ထိုစေႏတနာႏ၊ သဒ္ဓါႏကြောင်းဗွာ၊ ယောင်းငါလူႏကပ်၊ ဘုရာꩻမျတ်ဗွေႏဩ။ ယံခေါသေႏချာႏ၊ လူႏဗာႏကဝ်ႏယို၊ တန်ထိုလꩻပိုႏ၊ ကုသိုလ်ႏယိုနဝ်ꩻ၊ အွဉ်ႏသဝ်ꩻယွုတ်ꩻဆွိုး၊ ကုဲင်တဗွိုးနွုမ်ꩻသူႏ၊ ထူႏဒူမ်အွဉ်ႏချꩻ၊ ငိမ်ꩻခွꩻငိုꩻတန်ႏ၊ (နိဗ္ဗာန်ႏချံꩻသာႏ၊ ယံလꩻဗာႏဗွေႏဩ) ( နိဗ္ဗာန်ႏကဝ်ႏလာႏ၊ ယံကဉ်ႏဗာႏဗွေႏဩ)။\n\nငေါဝ်းကပ်မေႏ \nဂုဏ်ႏတောႏကွတ်ꩻစွိုး၊ စာင်ဖြွိုးလꩻခါꩻ၊ ဗွေႏဘုရာꩻယို၊ သꩻကိုရေႏမတ်၊ ယံမျတ်ရောင်ႏလေꩻ ထီႏသေလို့စွဉ်ႏ၊ တွို့ꩻကွဉ်ႏနဝ်ထင်ꩻ၊ ထင်ႏလင်ꩻကီလ၊ ယံကျလေဖေႏ၊ မေႏတေန်ꩻဖုံႏယို၊ သန်ထိုစေႏတနာႏ၊ သဒ္ဓါႏကြောင်းဗွာ၊ ယောင်းငါလူႏကပ်၊ ဘုရာꩻမျတ်ဗွေႏဩ။ ယံခေါသေႏချာႏ၊ လူႏဗာႏမေႏယို၊ တန်ထိုလꩻပိုႏ၊ ကုသိုလ်ႏယိုနဝ်ꩻ၊ အွဉ်ႏသဝ်ꩻမောဟ၊ အွဉ်ႏချꩻအဝိဇ္ဇာႏ၊ နေးဒျာႏဉာဏ်ႏမဲ့၊ စဲင်းစဲ့သေထွꩻ၊ ငိမ်ꩻခွꩻငိုꩻတန်ႏ၊ (နိဗ္ဗာန်ႏချံꩻသာႏ၊ ယံလꩻဗာႏဗွေႏဩ) ( နိဗ္ဗာန်ႏရောင်ႏသာႏ၊ ယံထီႏဗာႏဗွေႏဩ)။\n\nငေါဝ်းကပ်လူႏနံႏသာႏ \nဂုဏ်ႏတောႏကွတ်ꩻစွိုး၊ စာင်ဖြွိုးလꩻခါꩻ၊ ဗွေႏဘုရာꩻယို၊ သꩻကိုရေႏမတ်၊ ယံမျတ်ဟောဝ်ငါႏ၊ မေႏနံႏသာႏယို၊ သန်ထိုစေႏတနာႏ၊ သဒ္ဓါႏကြောင်းဗွာ၊ ယောင်းငါလူႏကပ်၊ ဘုရာꩻမျတ်ဗွေႏဩ။ ယံခေါသေႏချာႏ၊ လူႏနံႏသာႏယို၊ တန်ထိုလꩻပိုႏ၊ ကုသိုလ်ႏယိုနဝ်ꩻ၊ အွဉ်ႏသဝ်ꩻအနွုမ်ꩻကုဲင်၊ ယားပြုဲင်အနွုမ်ꩻသူႏ၊ ထူႏဒွုမ်အွဉ်ႏချꩻ၊ ငိမ်ꩻခွꩻငိုꩻတန်ႏ၊ (နိဗ္ဗာန်ႏချံꩻသာႏ၊ ယံလꩻဗာႏဗွေႏဩ) ( နိဗ္ဗာန်ႏဟွမ်သာႏ၊ ယံဒင်ႏဗာႏဗွေႏဩ)။\n\nကပ်ငီꩻလို့ဝင်ꩻ တလဲင်ႏချင်ꩻ \nဂုဏ်ႏတောႏကွတ်ꩻစွိုး၊ စာင်ဖြွိုးလꩻခါꩻ၊ ဗွေႏဘုရာꩻယို၊ သꩻကိုရေႏမတ်၊ ယံမျတ်ဟောဝ်ငါႏ၊ ရသာႏမျိုꩻအွီႏ၊ စွုမ်ႏစီႏအာစား၊ ကားသွမ်ꩻတောႏယိုႏ။ \nရသာႏစုံခွꩻ၊ ထီအွꩻဖုံႏယို။ ယောင်ꩻဆင်ꩻဖုဲင်ႏထွား၊ ခွုင်းကားကဝ်ႏယို။ ယံကျလေဖေႏ၊ မေႏတေန်ꩻဖုံႏယို။ ဟွမ်မျတ်ဟဝ်ငါႏ၊ မေႏနံႏသာႏယို၊ သန်ထိုစေႏတနာႏ၊ သဒ္ဓါႏကြောင်းဗွာ၊ ယောင်းငါလူႏကပ်၊ ဘုရာꩻမျတ်ဗွေႏဩ။ ယံခေါသေႏချာႏ၊ လူႏဗာႏနုဲင်းယို၊ တန်ထိုလꩻပိုႏ၊ ကုသိုလ်ႏယိုနဝ်ꩻ၊ အွဉ်ႏသဝ်ꩻလောဘ၊ ငိမ်ꩻခွꩻငိုꩻတန်ႏ၊ နိဗ္ဗာန်ႏချံꩻသာႏ၊ ယံလꩻဗာႏဗွေႏဩ။\n\nဖန်းဖေႏကုသိုလ်ႏ \nကမာꩻကျိုꩻလိုႏ၊ ကုသိုလ်ႏပွန်းဆꩻ၊ ယံလꩻတွာတွာ၊ မွိုးဖါဆရာႏ၊ ယိုꩻယာႏဖူးဝေး၊ ပွေါးမွေးနီနမ်း၊ ကမ်းဖေႏနီဒုံ၊ ပွေါးအုံနီရပ်၊ လူꩻမျတ်တနံ၊ လူꩻတန်လစ်ꩻဖြာꩻ၊ နီနာꩻထိန်ꩻတီ၊ လူꩻထီလူꩻဟံႏ၊ အဝ်ႏခံႏမို့ꩻနာ၊ ပွေါးတခြာသေင်ႏဝါႏ၊ လူꩻဒါႏလူꩻမျတ်၊ အရပ်လစ်ꩻဖဲင်ႏ၊ အစဲင်ႏလစ်ꩻနား၊ ခွုင်းကားကီလ၊ ဒေသဗော့ꩻညာꩻ၊ သီကျာꩻဗြဟ္မာႏ၊  ဒေဝါႏယက္ခ၊ ယမခွန်ဖီ၊ သွံဆီတဒုံ၊ အဝ်ႏအုံသော့ꩻဒါႏ၊ သတ္တဝါႏလူꩻလိုꩻ၊ နီကကျိုꩻလိုႏ၊ ကုသိုလ်ႏပွန်းဆꩻ၊ ယံလꩻတွာတွာ၊ ဖန်းပါဖေႏယောင်း၊ အင်ဖြောင်းသာႏဓု၊ စုစုဗူႏဗူႏ၊ မူႏမူႏခိုခို၊ ထူႏတွာတွာသွော့၊ ကုသိုလ်ႏယိုနေား ဗွေႏသီးဩ။\n၁၃၄၄-ဗာႏ၊ လာတင်ꩻကျွစ်ဆန်ꩻ (၁၁)နီꩻ၊ (၂၈-၁၀-၈၂)\n\nအာႏကွိုꩻ\n\nငဝ်းဝုဲင်ႏဖရာꩻ","num_words":727,"character_repetition_ratio":0.083,"word_repetition_ratio":0.256,"special_characters_ratio":0.078,"stopwords_ratio":0.028,"flagged_words_ratio":0.0,"lang_id_score":1.0,"perplexity_score":2488.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%85%E1%80%84%E1%80%BA%EA%A9%BB%E1%80%90%E1%80%94%E1%80%BA%E1%80%93%E1%80%99%E1%80%B9%E1%80%99%E1%80%9E%E1%80%AC%E1%80%99%E1%80%AD","collection":"wikipedia","source":"wikipedia","original_code":"blk","text":"ထေရုပ္ပတ္တိအအဲဉ်ႏ\nဝွေꩻဗွေႏယိုနဝ်ꩻ ဇာႏတိ သထွုံႏခရဲင်ႏ၊ ဝေင်ꩻနယ်ႏသထွုံႏ ဝေင်ꩻနယ်ႏသိမ်ႏတွူး (သိမ်ဆိပ်)၊ ဝေင်ꩻကျိုက်ကော်ထျꩻ ဒုံထီပုံꩻ၊ လွူးသက္ကရာဇ် ကောဇာနေင်ႏ ၁၂၇၆-ဗာႏ၊ လာဝါႏခေါင်ႏဆန်ꩻ (၄)နီꩻ၊ မွူးနီꩻ-စနေႏ၊ မွူးဟာခိုႏ (၉)နားရီႏခိန်ႏ၊ ဖြားစန်းလ+မွိုးသုဲင်ꩻဖွန်ႏ (သဲမုံ)သီး ပိုဝင်ꩻလစ်ꩻအကို ဝွေꩻဗွေႏယို ထွာအပေႏသွတ်ꩻ၊ အမဉ်ꩻလမ်းနဝ်ꩻ ခွန်ထွန်းလဲင်ႏ၊ (အဖါဖြားနဝ်ꩻ လိုꩻဇာႏတိခမ်းကောင် တောင်ႏကီꩻခရဲင်ႏကို)နဝ်ꩻသွူ။\n\nအသက်ထင်ႏလꩻ (၇)နေင်ႏနဝ်ꩻ အုံကျောင်ꩻအင်းဒိတ်၊ ဒုံထီပုံꩻ ကျောင်ꩻဆရာႏတန် ဦးကလာꩻတွမ်ႏ စူထောက် ဆရာႏအောင်ႏမဲန်း သီးထျꩻတဲင် အသက်လꩻ(၁၃)နေင်ႏကို အောင်ႏစတုတ္ထ (လစ်ꩻတန်ꩻ)နဝ်ꩻသွူ။ နေင်ႏ ၁၂၈၉-ဗာႏ၊ လာဒဲဉ်သီႏကိုနဝ်ꩻ ဗုဲင်သျင်ႏ ဗွေႏဗွန်သုဝဏ္ဏ ကျောင်ꩻခြုံႏဝွိုန်ꩻထျꩻတဲင် သွဉ်စလိတ်လိုꩻကျောင်ꩻ ပရိတ်တန် သျင်ႏကျင်ꩻ သင်္ဂြိုဟ်ႏ သဒ္ဒါႏကစဖုံႏသွူ။ နေင်ႏ ၁၂၉၈-ဗာႏ၊ လာဒဲဉ်သီႏဆန်ꩻ (၁၃)နီꩻနဝ်ꩻ ဗုဲင်စင်ꩻ ထွာရဟန်ꩻ အွိုးသိမ်ႏခဏ္ဍ ကျောင်ꩻခြုံႏဝွိုန်ꩻကို၊ ဥပဇ္ဈာယ်ႏဆရာႏယို ဗွေႏဗွန်ဂန္ဓမာႏလာႏ ကျောင်ꩻဒုံခါႏ (ရွာကြားသွူ)။ ထွာထွူရဟန်ꩻခါ အုံချာဗော့ꩻ ကျောင်ꩻခြုံႏဝွိုန်ꩻနဝ်ꩻ တဝါႏ၊ လွေꩻအုံတော ကျောင်ꩻသောက္ကျာႏမန်ႏ လိတ်သွဉ်တွိုက် နီဝါႏ၊ လွေꩻအုံတောယင်း ဘေꩻအဲဉ်ထဝ်းတွိုက် (ဘေးမဲ့) ဝေင်ꩻမန္တလေꩻတဝါႏ၊ အောင်ႏလꩻခန်း အစိုꩻရပွယ်ꩻစေလိတ် အရန်းပေႏ (ပထမပေႏတန်ꩻ)နဝ်ꩻသွူ။\n\nကျောင်ꩻမွဉ်ခြဲင်တကာႏအမျာꩻ လင်ꩻပင်ꩻတဲင် ဗွေႏဗွန်ဖြားနရိန္ဒ ကျောင်ꩻဓမ္မကာရီ၊ တထာကတူႏ (တံတားဦး)နဝ်ꩻ ကျွꩻထင်ႏပျုသာႏသနာႏ တောင်ႏကီꩻတဲင် ဟဲ့ꩻထင်ႏပါဝွေꩻဗွေႏတွော့ꩻ နေင်ႏ ၁၃၀၇-ဗာႏ၊ ဒဲဉ်သီႏဆန်ꩻ (၂)နီꩻနဝ်ꩻ ကျွꩻထင်ႏစ လာဆန်ꩻ (၉)နီꩻနဝ်ꩻ တွိုႏဖျောဝ်စခမ်းကောင် တောင်ႏကီꩻယိုသွူ။\nနေင်ႏ ၁၃၀၈-ဗာႏ၊ ဝွေꩻဗွေႏစေဖြေႏ အောင်ႏလꩻထဲင်းယင်း အစိုꩻရပွဲꩻစေလိတ် အတန်ꩻတလောင်ꩻ (ပထမတလောင်ꩻတန်ꩻ)နဝ်ꩻသွူ။ တဲႏနဝ်ꩻမာꩻငါ ချꩻကိုလိတ် ပျုကိုသာႏသနာႏတွင်ꩻ ကျိုꩻဆောင်ႏဖေႏ သာႏသနာႏကိစ္စဖုံႏနဝ်ꩻရာꩻ -\n  ကျောင်ꩻတောင်ႏကီꩻ ရန်ႏကုန်ႏ\n  ဖြဝ်ꩻကောင်ရွေꩻ ဂဏသမူဟအစွိုꩻကိုနဝ်ꩻ အကျိုꩻဆောင်ႏ\n  ရဟန်ꩻပေႏ (ရဟန်းပျို) အစွိုးကိုနဝ်ꩻ အကျိုꩻဆောင်ႏ\n  ပအိုဝ်ႏလိတ်လုဲꩻအစွိုꩻကိုနဝ်ꩻ အကျိုꩻဆောင်ႏတပါꩻသွူ။\n\nဝွေꩻဗွေႏယိုနဝ်ꩻ ခြွိုင်ႏသန်ꩻရေꩻအတွက် ကျွꩻလင်ꩻအုံအဝ်ႏ အုံပဆားယို့ဆောင်း ကျောင်ꩻနောင်ကျောႏ ဝင်ꩻနဲႏသီႏသဲင်ႏကိုတွင်ꩻ- နေင်ႏ ၁၃၂၂-ဗာႏ၊ လာတောႏလင်ꩻဆန��ꩻ (၈)နီꩻ၊ မွူးယာ (၁၂)နားရီႏခိန်ႏ သက်တောႏ (၅၇)၊ ဝါႏတောႏ (၃၄)ဝါႏအကို ဘဝလူꩻခွင်ႏ လွဉ်ႏစံႏတောႏမူႏခန်းဒျာႏနဝ်ꩻသွူ။\n\nကတဲမ်းသေꩻဒါႏ လိတ်ဖွူꩻလိတ်စောင်ႏဖုံႏ\nဝွေꩻဗွေႏအဝ်ႏမွန်တွင်ꩻ စွိုးခွိုꩻအမျိုꩻသာꩻ ဘာႏသာႏ သာႏသနာႏရေꩻတွက်တာႏ ကတဲမ်းထေသေꩻခါꩻဒါႏ လိတ်အုပ်လိတ်စောင်ႏဖုံႏနဝ်ꩻရာꩻ လငါဖုံႏယိုသွူ။\n  မဲ့နားဗွောင် (ပထမတွယ်ꩻ) (နျꩻထွူ-၁၃၂၁-၁၃၂၄)\n  မဲ့နားဗွောင် (ဒုတိယတွယ်ꩻ) (    ။             ၁၃၂၄)\n  မဲ့နားဗွောင် (တတိယတွယ်ꩻ) (   ။       ၁၃၂၆၊ ၁၃၂၇)\n  ဥပမာႏဝတ္ထု (ပထမတွယ်ꩻ)  (    ။    ၁၃၂၈)\n          ။        (ဒုတိယတွယ်ꩻ) (    ။   ၁၃၄၄)\n  ပအိုဝ်ႏလင်္ကာႏထွꩻခေတ် ( တွဲႏနျꩻ - ၁၃၂၄၊ ၃၀၊ ၄၀)\n  ဘာႏသာႏလိတ်စောင်ႏပေႏ (   ။    ၁၃၃၁)\n   လိတ်တမိုန်ႏစောင်ႏ (ပထမတွယ်ꩻ) နျꩻထွူ - ၁၃၃၇\n  လိတ်မဲ့မန်ႏစောင်ႏ (    ပထမတွယ်ꩻ )  ။      ၁၃၄၂\n  ငဝ်းဆုမ္မꩻမင်္ဂလာႏ                          ။       ၁၃၁၄-၁၃၃၈\n  ဘာႏသာႏတရာꩻ                            ။       ၁၃၂၄\n အမာႏအဝ်ႏမꩻ ပျုပျင်ႏလꩻ               ။       ၁၃၆၁\n  လိတ်တမိုန်ႏစောင်ႏ ဒုတိယတွယ်ꩻ      (နျꩻတဝ်းဒွိုန်း)\n  မင်္ဂလာႏအနက်လင်္ကာႏ                              ။\n  မင်္ဂလာႏ အရီအဖြေႏ                                 ။\n  ပအိုဝ်ႏလင်္ကာႏ မင်္ဂလာႏလိတ်စောင်ႏ            ။\n  ဘုရာꩻ တရာꩻ သံဃာႏဂုဏ်ႏတောႏ               ။\n  တသီႏလိတ်စောင်ႏ                                   ။\n  မဲ့နားဗွောင် ဂဏန်ꩻသင်္ချာႏစောင်ႏ                 ။\n  ခင်ꩻကထိန်ႏ အရီ အဖြေႏ                           ။\n  ဝွဋ်တောႏ ၁၂-ပါꩻ ကဗျာ (၈)ဖြုံႏ                ကစဖုံႏနဝ်ꩻသွူ။\n\nထေရုပ္ပတ္တိနိတန်ꩻ\n\nကလဲဉ်းခိုႏချာ မဟာမစာႏနဝ်ꩻ နီပအိုဝ်ႏသီး သာႏသနာႏဖဲ့ꩻ ဘာႏသာႏဖဲ့ꩻ ပညာႏဖဲ့ꩻယို အဆင်းအရန်း ထဲ့ဖွိုႏမွေးမုဲင်းစွဉ်ႏထာꩻ၊ ကွပ်အာႏဇာႏနီႏ (ပုဂ္ဂိုလ်ႏယံ ပုဂ္ဂိုလ်ႏကျ)ဖုံႏ ခံႏယပ်ꩻ ခံႏဒုက္ခအမျိုꩻမျိုꩻ ကျိုꩻစာꩻမာꩻဖေႏနဝ်ꩻမꩻ အဆင်းအရန်း ဟမ်းထိုလꩻယင်း နုဲင်းယိုလဲင်ႏခါနဝ်ꩻသွူ။\nအာႏဇာႏနီႏ ပုဂ္ဂိုလ်ႏယံဖုံႏအကိုနဝ်ꩻ နီဆရာႏ ဗွေႏစင်ꩻတန်ယိုတဲ့ ပါသော့ꩻတပါꩻတဲင် ဝွေꩻဗွေႏကမာꩻသေꩻ သာႏသနာႏရေꩻ ဘာႏသာႏရေꩻ ပညာႏရေꩻဖုံႏနဝ်ꩻ တဆေ့ꩻတဝ်းထာꩻသွူ။\nအဝ်ႏမာꩻနေ အရေꩻနုဲင်းနဝ်ꩻတွင်ꩻ မင်ꩻမရဏခွန်မွတန်နဝ်ꩻ လွဉ်ပင်ꩻနွိုင်ႏ ပင်ꩻဆေꩻထိုꩻတဲင် ဝွေꩻဗွေႏတဲ့ မလွယ်ꩻသာႏ ရပ်ခံႏဗာႏစွဉ်ႏ ခွန်မင်ꩻမရဏ ကဝ်ႏတလင်ႏတဲင် ယိုခါနဝ်ꩻ ကျွꩻထင်ႏအုံထိုꩻလဲဉ်းဒျာႏ ဒေဝါႏလူꩻသီးအခမ်းသူꩻသွူ။\nကွဲႏတွော့ꩻ ဝွေꩻဗွေႏအခရာႏ ဝွေꩻဗွေႏဂုဏ်ႏကေꩻဇူꩻနဝ်ꩻတဲ တပါထင်ႏတဝ်း လူꩻသီးအခြာ၊ အဝ်ႏကုဲင်ချာဒျာႏ မနုဿာႏလိုꩻခမ်းယိုသွူ၊ အ���ႏဇာႏနီႏပုဂ္ဂိုလ်ႏနုဲင်းဝွေꩻဗွေႏအခရာႏ နုဲင်းဝွေꩻဗွေႏဂုဏ်ႏကေꩻဇူꩻယို မီႏသေဗာႏ မီႏပူႏဇောႏဗာႏနဝ်ꩻ အကျိုꩻအာငါႏကူစွိုးစွိုး ။\nကွပ်ပွိုးနဝ်ꩻမꩻ ဝွေꩻဗွေႏအခရာႏ ဝွေꩻဗွေႏဂုဏ်ႏကေꩻဇူꩻယို မူႏခိုတန်ပေႏ ယံဖေႏကသဗာႏ၊ ယံဖေႏကပူႏဇောႏဗာႏတဲင် စင်ꩻတန်ဗွေႏဝါယာမ (ဗွေႏဗွန်နမ်းဟူꩻ)နဝ်ꩻ ဖေႏတာႏဝွန်ႏခွေသွဉ်း၊ ထွဉ်ႏခွေသွဉ်းတဲမ်းဖေႏ ဆရာႏဗွေႏစင်ꩻတန် ထေရုပ္ပတ္တိ (မထေရ်ႏစင်ꩻတန် ကထွာလွဉ် အခရာႏ)ယိုသွူ။\nခွေသွဉ်းတဲ့ အုံဗာႏကျောင်ꩻတန် (တဲႏ ၁၃၁၈-ဗာႏ ဗꩻလွေꩻ ၁၃၂၄-ဗာႏ) ငတ်ꩻနေင်ႏဗွေဗွေတဲင် ထွာစင်ꩻတန်တပဲ့ꩻ တပါꩻနေနေတဲင် မဉ်ဖြော်ချာငါႏ ဆရာႏကေꩻဇူꩻတွမ်ႏလိတ်ယိုနဝ်ꩻတရဝ်း၊ မဉ်တမာတေ့ꩻငါႏ သာႏသနာႏရေꩻ ဘာႏသာႏရေꩻ တွမ်ႏပညာႏရေꩻနဝ်ꩻလဲ့တရဝ်း၊ လွိုဆရာႏစင်ꩻတန် (ဗွေႏဝါယမ)အမိန်းအာႏဏာႏ တဗွုန်ႏတဝ်းနဝ်ꩻလဲ့တရဝ်း နဝ်ꩻမꩻ အာမခံႏတဲမ်းဖေႏဗာႏ ထေရုပ္ပတ္တိယိုသွူ။\nကတဲမ်းထေရုပ္ပတ္တိယိုနဝ်ꩻ လွေꩻထေ့လဝ်းရီ -\n ဗွေႏဗွန်ဖြား ကျောင်ꩻတန်၊ ပထမကျောင်ꩻတန်တွိုက်၊ ဝေင်ꩻတောင်ႏကီꩻ\n ဗွေႏဗွန်ဖြား ထမ်းဘုရာꩻ၊ တောင်ႏကီꩻဆနဝ်\n ဗွေႏဗွန်ဖြား သီႏသဲင်ႏ၊ ဇဝနာရာမကျောင်ꩻတွိုက်၊ ဝေင်ꩻသီႏသဲင်ႏ\n ဗွေႏဗွန်ဖြား ကန်ဦး၊ ကန်ဦးကျောင်ꩻတွိုက်၊ ဝေင်ꩻတောင်ႏကီꩻ\n ဗွေႏဗွန်ဖြားမြို့ဦး၊ အရိယဝံသ-မြို့ဦးကျောင်ꩻတွိုက်၊ ဝေင်ꩻတောင်ႏကီꩻ\n ဗွေႏဗွန်ဘန်းယေန်ႏ၊ ကျောင်ꩻတန်၊ ဝေင်ꩻဘန်းယေန်ႏ\n ဗွေႏဗွန်နောင်ကာꩻတန်၊ တောင်ႏကီꩻဆနဝ်\n ဗွေႏဗွန်နောင်ပေႏ၊ တောင်ႏကီꩻဆနဝ်\n ဗွေႏဗွန်လွယ်ကောင်ꩻ၊ တောင်ႏကီꩻဆနဝ်\n စင်ꩻတန် ဗွေႏဝရိန္ဒ၊ ပထမကျောင်ꩻတန်၊ ဝေင်ꩻတောင်ႏကီꩻ\n ဗွေႏဗွန်-ဗွေႏဉေယျ၊ ပထမကျောင်ꩻတန်၊ ဝေင်ꩻတောင်ႏကီꩻ\n စင်ꩻတန်-ဗွေႏဝါယာမ၊ ပထမကျောင်ꩻတန်၊ ဝေင်ꩻတောင်ႏကီꩻ\n စင်ꩻတန်-ဗွေႏဝိစာရ၊ ပထမကျောင်ꩻတန်၊ ဝေင်ꩻတောင်ႏကီꩻ\n ဗွေႏဗွန်-ဗွေႏတိလောက၊ ကျောင်ꩻညောင်ဝဲင်း၊ သထုံႏတန်\n ဗွေႏဗွန်နောင်ကျောႏ၊ ဝေင်ꩻသီႏသဲင်ႏ၊ (သထုံႏပေႏ)ဆနဝ်\n သျင်ႏဝိမလ၊ ဝေင်ꩻသီႏသဲင်ႏ၊ (သထုံႏပေႏ)ဆနဝ်\n ဒေါ်ရွှဂုံ၊ ဝေင်ꩻကျိုက္ကော်၊ သထုံႏတန်\n ဒေါ်သန်း၊ ဝေင်ꩻကျိုက္ကော်၊ သထုံႏတန်\n မဲကျောင်ꩻအိန်း၊ ဒုံနောင်ကျောႏ\nလဝ်းရီပုဂ္ဂိုလ်ႏကီယို တဆီကွတ်ꩻယင် ၊\n\nနဝ်ꩻမꩻ -\n စင်ꩻတန်နမ်းတဲမ်းချာ ဝွေꩻဗွေႏထေရုပ္ပတ္တိ (တစိꩻပေႏ)\n စင်ꩻတန် (ဒိုင်ယာယီ) လိတ်တောင်ꩻရွံꩻစွုမ်ႏနီꩻ\n ဗွေႏဗွန်ဖြားကျောင်ꩻတန် ထေရုပ္ပတ္တိ\n ပထမကျောင��ꩻတန် တောင်ႏကီꩻ အတ္ထုပ္ပတ္တိ\n အမှတ်စဉ် (၁) ရိုးမတောင်တန်းနယ် ရဟန်းပျိုအဖွဲ့ ကြေငြာချက်\n ရိုးမရဟန်းပျို နှစ်ပတ်လည် အထိမ်းအမှတ်စာစောင်\n လိတ်လာႏတောင်ꩻခါꩻ အစီꩻအဝွေꩻ (အစည်းအဝေးမှတ်တမ်းများ)\nဟော်ꩻထွားလိတ်အုတ် လိတ်လာႏဖုံႏယိုယင်ထွူမꩻ ကွဲတဲမ်းနဝ်ꩻသွူ။\n\"ထေရုပ္ပတ္တိ ယိုနဝ်ꩻ ဖေႏနေးကထွꩻလꩻ ဝွေꩻဗွေႏပွယ်ꩻသူꩻ တဲမ်းဖေႏသွော့မွိုင်မွိုင်\" အမိန်းအဝ်ႏနုဲင်းနဝ်ꩻတဲင် နဲစ်လွေꩻရီနဲစ်ဟော်ꩻထွားထွူတဲင် (ခွေသွဉ်းတဲ့ သမ်းတပေါႏတန်ꩻတဝ်းတွော့ꩻ) ကားအချိန်ႏကလꩻပေႏနဝ်ꩻ တဲမ်းနဲစ်လွေꩻဗာႏ တနီꩻတစိꩻစိꩻပေႏဒျာႏနဝ်ꩻသွူ။\nကွပ်ပွိုးနဝ်ꩻမꩻ ထေရုပ္ပတ္တိယိုနဝ်ꩻ အမဉ်ႏတစွုမ်ႏတဝ်းတရိုꩻတဝ်း၊ အမာႏတရွို့ꩻမီႏပါတရိုꩻတဝ်း ယံကထွားသွော့၊ ယံကထွားဖျင်ပါဒျာႏသွော့ဩ။\nကဒေါ့ꩻနယ်ဖေႏသား ပုဂ္ဂိုလ်ႏကီဖုံႏယိုတဲ့နဝ်ꩻ၊ ကဖေႏပါဒါႏ လိတ်လာႏတောင်ꩻခါꩻတွမ်ႏ ကဖေႏပါဒါႏ လိတ်အုပ်သား ဗွေႏဗွန်ဖြားကျောင်ꩻတန်၊ ဗွေႏဗွန်ဖြားသီႏသဲင်ႏ၊ ဗွေႏဗွန်ဖြားဘန်းယေန်ႏတွမ်ႏ ဗွေႏဗွန်ဖြားထမ်းဘုရာꩻ ယိုလစ်ꩻပါꩻတဲ့နဝ်ꩻ ၊\nကဖေႏဒါႏ အကျံႏအဉာဏ်ႏသား ဗွေႏဗွန်ဖြားကန်ဦး၊ ဗွေႏဗွန်မြို့ဦး၊ ဗွေႏဗွန်နောင်ကာꩻတန်တွမ်ႏ စင်ꩻတန်ဗွေႏဝါယာမ-ယိုလစ်ꩻပါꩻတဲ့နဝ်ꩻ\nအဝ်ႏညာꩻ ကတဲမ်းပသာထင်ႏနေးလိတ်သား ဗွေႏဗွန်ညောင်ဝဲင်း၊ ဒေါ်ရွှေဂုံ (စင်ꩻတန်ကတာႏမမွိုးမူႏ ဝေးမူႏပို)တွမ်ႏ ဒေါ်သန်း (ဒေါ်ရွှေဂုံပိုမူႏ)သီးယိုတဲ့နဝ်ꩻ ခွေသွဉ်းကေꩻဇူꩻတင်ႏငါႏအကျောင်ꩻ မတ်တောင်ꩻတဲမ်းသေꩻခါꩻနုဲင်းယိုသွူ။\nစင်ꩻကောဝိဒ ၁၃၃၂-ဗာႏ၊ ဒဲဉ်စေင်ဆန်ꩻ (၁၂)နီꩻ\n\nဇာႏတိလွူးခါ-မွိုးတွမ်ႏဖါ\nဗွေႏစင်ꩻတန်ယိုနဝ်ꩻ ဇာႏတိ သထုံႏခရဲင်ႏ၊ ဝေင်ꩻသိမ်ဆိပ်နယ်ႏ၊ ဝေင်ꩻကျိုက္ကော်ထျꩻ ဒုံထီပုံ (ဒုံယိုနဝ်ꩻ မော့ꩻနဝ်ꩻခါ ဝင်ꩻဟဲ့ꩻကရင်နီစု၊ အတွင်ꩻနဝ်ꩻ လမ်းငင်းအဝ်ႏ သွစ်ꩻဆီလွို)။\nဝွေꩻဗွေႏလွူး သက္ကရာဇ် ၁၂၇၆-ဗာႏ၊ ဝါႏခေါင်ႏလာဆန်ꩻ ၄-နီꩻ၊ မွူးနီꩻ-စနေႏ၊ မွူးဟာခိုႏ ၉-နားရီႏခိန်ႏ၊ ဦးစန်းလှ+ဒေါ်သဲမှုံသီး ပိုဝင်ꩻလစ်ꩻအကို ဝွေꩻဗွေႏယို အပေႏသွတ်ꩻ၊ အမဉ်ꩻလမ်းနဝ်ꩻ ခွန်ထွန်းလှိုင် (အဖါဖြားနဝ်ꩻ ပအိုဝ်ႏဇာႏတိ ခမ်းကောင် တောင်ႏကီꩻခရဲင်ႏကို) နဝ်ꩻသွူ။\n\nအာႏဇာႏနီႏလောင်ꩻ - အုံစကျောင်ꩻ\nဝွေꩻဗွေႏအသက်လꩻ သူနေင်ႏတွင်ꩻနဝ်ꩻ အဖါသီထိုꩻတဲင် အသက်ကထင်ႏလꩻ နွတ်ꩻနေင်ႏနဝ်ꩻမꩻ အမွိုးလွေꩻအပ် ဒုံထီပုံꩻ၊ ကျောင်ꩻအင်းဒိတ်၊ ကျောင်ꩻဆရာႏတန် ဦ���ကုလား တွမ်ႏဆရာႏစူထောက် ဦးအောင်မြင့်ထျꩻ၊ အသက်ထင်ႏလꩻ တဆီသွံနေင်ႏကိုနဝ်ꩻ အောင်ႏစတုတ္ထတန်ꩻ (လစ်ꩻတန်ꩻ)နဝ်ꩻသွူ။\n\nဗုဲင်သျင်ႏသွဉ်လိတ်-စပရိတ်\n၁၂၈၉-ဗာႏ၊ ဒဲဉ်သီႏလာ (အသက် ၁၃-နေင်ႏ)ကိုနဝ်ꩻ အမွိုးတွမ်ႏဖူးဝေးဖုံႏ အွဉ်ႏဗုဲင်သျင်ႏ၊ ဝေင်ꩻကျိုက္ကော်၊ ကျောင်ꩻညောင်ဝဲင်း၊ ဗွေႏဗွန် (ဗွေႏသုဝဏ္ဏ)ထျꩻ၊ ဝွေꩻဗွေႏကဗုဲင်သျင်ႏနဝ်ꩻ မာꩻနေးပွယ်ꩻပင်ꩻမွေးတဝ်း၊ တပါꩻပေႏဒျာႏ၊ ထုမ်းသေပေႏတဗာႏတဲင် လယ်ႏလေပ်ချာငါထွူတဲင် ဗုဲင်ခန်းဒျာႏသျင်ႏနဝ်ꩻသွူ။\nဗုဲင်သျင်ႏထွူတဲ့ အုံဒျာႏဗော့ꩻကျောင်ꩻနဝ်ꩻကိုတဲင် ထင်ႏလိတ်ပရိတ်၊ သျင်ႏကျင်ꩻ၊ သင်္ဂြိုဟ်ႏ၊ သဒ္ဒါႏ ဗွေႏဗွန် (ဗွေႏသုဝဏ္ဏ)ထျꩻနဝ်ꩻသွူ။\n\nလိုႏလွူးမွိုးတာႏ-ထွက်သဲင်ꩻဗာႏ\nထွာသျင်ႏ လꩻနီဝါႏ တွိုႏလွေꩻ ၁၂၉၁-ဗာႏ၊ (အသက် ၁၅နေင်ႏ)ကိုနဝ်ꩻ ဝွေꩻဗွေႏဝေးမူႏ (နင်ႏမယ်စိန်၊ နင်ႏနု၊ နင်ႏငွေရှိန်) ဝင်ꩻသွံလုမ်း တွိုႏထိုꩻလို့အနိစ္စတဲင် အမွိုးနဝ်ꩻ ကောလွူးအဲဉ်ထဝ်းတွော့ꩻ ဝွေꩻဗွေႏထွက်သဲင်ꩻလမ်း၊ သဲင်ꩻလွူးအမွိုးနဝ်ꩻသွူ။\n\nမွိုးဖါအွဉ်ႏကုဲင်-တဆွူႏဆုဲင်\nတွိုႏ၁၂၉၅-ဗာႏ၊ (အသက်-၁၉)နေင်ႏကိုနဝ်ꩻ အမွိုးတဲ့ သမ်းတွိုႏနုဲင်းနုဲင်းအနိစ္စတဲင် ဝွေꩻဗွေႏနဝ်ꩻ ထွာခန်းဒျာႏ \"တဆွူႏမွိုးအွဉ်ႏကုဲင်-တဆုဲင်ဖါအွဉ်ႏပြာႏ\"တဲင် အုံညီꩻဗာႏတောဒျာႏဝင်ꩻ အမွိုးဝေးမူႏရင်ꩻ စင်ꩻတိလောကသီး တကာႏမွိုးမူႏ (စင်ꩻမွိုးမယ်နေ)လမ်းနဝ်ꩻသွူ။\n\nဒုက္ခယံကင်ꩻ-ထင်ႏဗုဲင်စင်ꩻ\n၁၂၉၈-ဗာႏ၊ ဒဲဉ်သီႏဆန်ꩻ ၁၃-နီꩻ (အသက်-၂၂)နေင်ႏကိုနဝ်ꩻ စင်ꩻမွိုးမယ်နေ အွဉ်ကတူႏ၊ အပိုမူႏ စင်ꩻမွိုးမယ်ပု၊ စင်ꩻဖါချစ်ဆွေသီးနဝ်ꩻ ကောခံႏတကာႏပစ္စေꩻတဲင် ဝွေꩻဗွေႏထွာသော့ꩻစင်ꩻ ကျောင်ꩻညောင်ဝဲင်း၊ ခဏ္ဍသိမ်ႏကိုနဝ်ꩻသွူ။\nဝွေꩻဗွေႏ ဥပဇ္ဈာယ်ႏဆရာႏနဝ်ꩻ -\nဗွေႏဗွန် ဗွေႏဂန္ဓမာလာ၊ ကျောင်ꩻရွာကြား\nပထမကမ္မဝါႏဆရာႏနဝ်ꩻ -\nဗွေႏဗွန်ရေတွင်းကြီး ဗွေႏသာဂရ\nဒုတိယကမ္မဝါဆရာႏနဝ်ꩻ\nဗွေႏဗွန်ဝေဠုဝန်-ဗွေႏသီရိ\nတတိယကမ္မဝါဆရာႏနဝ်ꩻ\nဗွေႏဗွန်ကျောင်ꩻညောင်ဝဲင်း ဗွေႏသုဝဏ္ဏနဝ်ꩻသွူ။\n\nရပ်ညာꩻဖျာပုံ-ကျွꩻလွေꩻအုံ\nထွာစင်ꩻထွူ အုံကျောင်ꩻညောင်ဝဲင်းနဝ်ꩻ တဝါႏထွူတဲင် ၁၂၉၉-ဗာႏ (သက်တောႏ-၂၃)နေင်ႏနဝ်ꩻ လွေꩻအုံတော ဖျာပုံခရဲင်ႏ၊ သောက်ကျာမှန်ကျောင်ꩻ၊ ခံႏထူႏနေးနာႏဗွေႏဗွန် (ဗွေႏပညာဇောတ)တွမ်ႏ ဗွေႏဃောသကသီး အဆုံꩻအမꩻတဲင် သွဉ်ခန်းလိတ်လုဲင်ꩻ ပရိယတ္တိ ဗွေႏဃောသကထျꩻနဝ်ꩻသွူ။\n\nအဝ်ႏဖျာပုံလွ��ꩻ-မန္တလေꩻ\nအုံဖျာပုံနဝ်ꩻ နီဝါႏထွူတဲင် တွိုႏ ၁၃၀၁-ဗာႏ (သက်တောႏ-၂၅)နေင်ႏနဝ်ꩻ ခြုဲင်းလွေꩻတော ဝေင်ꩻမန္တလေꩻ၊ ဘေးမဲ့တိုက်၊ သွဉ်ယင်း လိတ်လုဲင်ꩻပရိယတ္တိ ဗွေႏဗွန်တိုက်အုပ်ထျꩻနဝ်ꩻတဲင် ၁၃၀၂-ဗာႏ (သက်တောႏ-၂၆)နေင်ႏနဝ်ꩻ အောင်ႏခန်းအစိုႏရပွယ်ꩻရီလိတ် အတန်ꩻပေႏနဝ်ꩻသွူ။\n\nဆရာႏလွဉ်ႏတွော့ꩻ-သဲင်ꩻဗာႏစွော့ꩻ\nအုံမန္တလေꩻ လꩻသွံဝါႏထွူတဲင် တွိုႏ ၁၃၀၄-ဗာႏ (သက်တောႏ-၂၈)နေင်ႏ တင်ꩻကျွစ်ဆန်ꩻ အနီꩻတဆီနဝ်ꩻ (ကွပ်အဆရာႏ ဗွေႏဗွန်ညောင်ဝဲင်း၊ ဗွေႏသုဝဏ္ဏလွဉ်ႏတဲင်တွော့ꩻ) ဝွေꩻဗွေႏသဲင်ꩻချာစွော့ꩻဗာႏစွဉ်ႏအရပ် (ကျောင်ꩻညောင်ဝဲင်း)နဝ်ꩻသွူ။ တဲႏနဝ်ꩻကာႏ ဝွေꩻဗွေႏအုံကျောင်ꩻညောင်ဝဲင်းနဝ်ꩻ ဗꩻစွဉ်ႏ ၁၃၀၇-ဗာႏနေင်ႏ၊ ဒဲဉ်သီႏဆန်ꩻတနီꩻနဝ်ꩻသွူ။\n\nသွစ်ꩻနီꩻသူꩻနော-အီႏလွဉ်ဩ\nတွိုႏ ၁၃၀၇-ဗာႏနေင်ႏ၊ ဒဲဉ်သံလောင်းကိုနဝ်ꩻ ဝွေꩻဗွေႏလွေꩻကွီအုံခန်း တံတားဦး၊ ကျောင်ꩻဓမ္မကာရီ၊ ဗွေႏဗွန်ဖြား (ကျောင်ꩻတန်တောင်ႏကီꩻ ယိုခါ)ထျꩻ၊ ကွီအုံခွင်ꩻထင်ႏလꩻတဲင် \"ဒဲဉ်သီႏဆန်ꩻ သွစ်ꩻနီꩻသူꩻ မဲ့ꩻခွေသွဉ်းအီႏလွဉ်ဗွေႏဩ\"လဝ်းသေꩻခါꩻခန်း ဗွေႏဗွန်ဖြားနုဲင်းနဝ်ꩻသွူ။\n\nထင်ႏလွဉ်ꩻခွေတာႏ-အဝ်ႏလꩻဒျာႏ\nကွဲႏတွော့ꩻ ဒဲဉ်သီႏဆန်ꩻတနီꩻနဝ်ꩻ ဝေင်ꩻတောင်ႏကီꩻ၊ ကျောင်ꩻမွဉ်ခြဲင် တကာႏဖုံႏအခြောင်ꩻ (ကိုႏစလယ်ႏ) ပဟိန်ဖြား ဦးဘိုးခင် (ဝေင်ꩻတောင်ႏကီꩻ-တောင်ပိုင်းရပ်)တွမ်ႏ ဆရာႏထွက်နဂါꩻပတ် (ဆရာႏဦးဘိုးရွှေ)သီး သမ်းလင်ꩻပင်ꩻဗွေႏဗွန်ဖြားတဲင် ဗွေႏဗွန်ဖြားဟဲ့ꩻလွဉ်ဝွေꩻဗွေႏထွူ \"ဝေင်ꩻတောင်ႏကီꩻ၊ ကျောင်ꩻမွဉ်ခြဲင်တကာႏ ဦးဘိုးခင်သီး လင်ꩻပင်ꩻခွေ၊ ခွေအီႏကျွꩻထင်ႏဗာႏခမ်းကောင်၊ ပါꩻမုဲင်ꩻမဉ်ထင်ႏလွဉ်ꩻတဲ့ အဝ်ႏလꩻဒျာႏ၊ ကျောင်ꩻတကာႏ ဦးဘိုးခင်သီး လင်ꩻပင်ꩻတွမ်ႏကာꩻတဲင် တဖူꩻတရိပ်တဲ့ တလို့ဗာႏတဝ်း၊ အံႏအွꩻတာႏတဲ့ ဝွေꩻသီးအီႏလူႏဒျာႏ၊ နန်းခရာႏထာꩻမုဲင်ꩻအဲဉ်ထဝ်း၊ ကအဝ်ႏခွေထျꩻ ဓမ္မကာရီကျောင်ꩻကို စင်ꩻသျင်ႏဖုံႏယိုတဲ့ အီႏထင်ႏလွဉ်ꩻခွေ၊ ဗွေႏစင်ꩻမီႏမဉ်ထင်ႏလွဉ်ꩻခွေ ခမ်းကောင်တဲ့ လꩻဒျာႏ\"ဗွေႏဗွန်ဖြားဒေါ့ꩻခန်းနုဲင်းနဝ်ꩻသွူ။\n\nခမ်းကောင်သူꩻနော-ထင်ႏလွဉ်ꩻဩ\nတွိုႏနဝ်ꩻတဲင် ဝွေꩻဗွေႏတဲ့ ချာချာငါငါ တယူႏအာတဝ်းဒွုမ်တဲင် \"ခွေသွဉ်းတဲ့ ထင်လွဉ်ꩻခမ်းကောင် ဗွေႏဩ\" လဝ်းချာခန်းနုဲင်းနဝ်ꩻသွူ။ တွိုႏနဝ်ꩻတဲင် တကာႏဦးဘိုးခင်သီးတဲ့ ပသာသဲင်ꩻဝွေꩻဗွေႏ ကျောင်ꩻညောင်ဝဲင်းတွမ်ႏကာꩻ၊ သဲစ်ကတွိုႏကျောင်ꩻတဲ့ ဝွေꩻဗွေႏနဲစ်ရဲဉ်ꩻစွဉ်ႏတခြိုꩻ၊ ရဲဉ်ꩻထွူတဲင် ကာꩻတဲ့အဝ်ႏပွေါဗော့ꩻကျောင်ꩻတခါꩻငွါ၊ တခြိုꩻတဲ့ဒင်ႏ ဝွေꩻဗွေႏတဲ့ထုမ်း၊ ကာꩻနဝ်ꩻ ဝွေꩻဗွေႏထွဉ်ႏဝါးလွေꩻဆောင်း အဖူးဝေးလမ်းငါတဆင်ႏတဲင် ဝွေꩻဗွေႏကျွꩻထင်ႏလမ်းကီ၊ အွဉ်ႏဒေါ့ꩻဟွုန်သေꩻခါꩻ ဝွေꩻဗွေႏအီႏထင်ႏလွဉ်ꩻ ဗွေႏဗွန်ဖြား အွိုးခမ်းကောင်အကျောင်ꩻနဝ်ꩻသွူ။ တွိုႏနဝ်ꩻတဲင် အတကာႏဖူးဝေးဖုံႏတဲ့ လူႏရောင်ဗဲင်းခန်း ဝွေꩻဗွေႏတရိပ်ပေႏ တစူးတစိꩻနဝ်ꩻသွူ။\nအဝ်ႏနဝ်ꩻမꩻ ထုမ်းယင်းကာꩻ ဖျော်လွဉ်ခန်း တံတားဦး ကျောင်ꩻဓမ္မကာရီ၊ အနီꩻနဝ်ꩻ တနꩻ ၁၃၀၇-ဗာႏ၊ ဒဲဉ်သီႏဆန်ꩻနီနီꩻ၊ အဟာနဝ်ꩻ ဝွေꩻဗွေႏကိန်ꩻဗော့ꩻနဝ်ꩻကို၊ နုဲင်းမွူးရဝ်ꩻ ထာꩻကထင်ႏလေနဝ်ꩻ ဝွေꩻဗွေႏတကာႏမူႏဖြားသီးလဲ့ ဖျော်လွဉ်စဝ်းနဝ်ꩻကို လွဉ်လူႏယင်း ဝွေꩻဗွေႏတရိပ်နဝ်ꩻသွူ။\n\nလာဆန်ꩻ၂-နီꩻ-ထင်ႏတောင်ႏကီꩻ\nလာဆန်ꩻ ၂-နီꩻ သုံꩻသွမ်ꩻရဝ်ꩻထွူနဝ်ꩻ အဝ်ႏကျောင်ꩻဓမ္မကာရီ ဝွေꩻဗွေႏသီးထုမ်းကာꩻ ဖျော်လွေꩻခန်း ဘီးလင်း၊ အဟာနဝ်ꩻ ကိန်ꩻခန်းဘီးလင်းနဝ်ꩻတဟာ၊ လာဆန်ꩻ လစ်ꩻနီꩻနဝ်ꩻ အဝ်ႏဘီးလင်း လွေꩻတောရန်ႏကုန်ႏ၊ တွိုႏရန်ႏကုန်ႏတဲင် ကိန်ꩻခမ်းဗဟန်း ကျောင်ꩻတောင်စွန်းနဝ်ꩻ နီသာ၊ လာဆန်ꩻ ငတ်ꩻရဝ်ꩻနဝ်ꩻ အဝ်ႏရန်ႏကုန်ႏထန်ႏသဲင်ꩻခမ်းကောင်၊ ငတ်ꩻဟာနဝ်ꩻ ကိန်ꩻပဂိုꩻ၊ လာဆန်ꩻသူဟာနဝ်ꩻ ကိန်ꩻအုတ်တွင်း၊ အဝ်ႏအုတ်တွင်းနဝ်ꩻ ဝါးသဲင်ꩻခေ့ꩻလေနီꩻနာꩻစွဉ်ႏကာꩻတဲင် ညခန်းတနီꩻတွမ်ႏတနာꩻနဝ်ꩻမꩻ ထာꩻသဲင်ꩻလေလꩻ ယင်းမာပဲင်ကို၊  အနာꩻနဝ်ꩻ ဝွေꩻဗွေႏသီးကိန်ꩻသဲင်ꩻဗာႏဒျာႏထာꩻကာꩻလောင်း တနာꩻမွူးမွူးနဝ်ꩻသွူ။\nတွိုႏယင်းမာပဲင်နဝ်ꩻ ဝွေꩻဗွေႏသီး သုံꩻခန်းနေင်းထီ၊ အဝ်ႏယင်းမာပဲင်ထန်ႏသဲင်ꩻ ထင်ႏအီႏတွိုႏဝက်ဖျူနဝ်ꩻ ကာꩻသမ်းကုဲင်ထိုꩻ၊ တွိုႏနဝ်ꩻခါ ခယ်ႏမူႏ(ကပျား)ကအဝ်ႏဒါႏတောင်ႏကီꩻ ဆေꩻထျနဝ်နဝ်ꩻ အဝ်ႏမန္တလေꩻသဲင်ꩻတဲင် အကာꩻပေႏကိုနဝ်ꩻ အဝ်ႏဒျာႏဝွေꩻတွမ်ႏကာꩻဝါးသားလွုမ်ꩻတဲင် ဒင်ႏသဲင်ꩻခန်းဝွေꩻဗွေႏသီး၊ တွိုႏခန်းဝက်ဖျူ၊ တွိုႏနဝ်ꩻမꩻ ခယ်ႏမူႏကပ်လူႏဝွေꩻဗွေႏသီးသွမ်ꩻ၊ လို့ရွဉ်သီႏခန်နဝ်ꩻသွူ။\n\nလာဆန်ꩻ၉-နီꩻ-ဖျော်တောင်ႏကီꩻ\nအဝ်ႏနဝ်ꩻ မီႏထုမ်းသဲင်ꩻခယ်ႏမူႏကာꩻပေႏလဲ့ ငမ်းကျောင်ꩻတကာႏဖုံႏ သꩻဟဝ်တဝ်းနဝ်ꩻမꩻ ထုမ်းသဲင်ꩻယင်းဒျာႏ ဦးဘိုးခင်ကာꩻတန်၊ အနီꩻနဝ်ꩻ ထာꩻခေ့ꩻလꩻစွဉ်ႏဒျာႏ ဝေင်ꩻကလော်ꩻကို၊ အဝ်ႏကလော်ꩻနဝ်ꩻ ဝါးခေ့ꩻဝါးနာꩻသဲင်ꩻစွဉ်ႏကာꩻတဲင် ဒဲဉ်သီႏဆန်ꩻ ၉-နီꩻ ထာꩻလေနဝ်ꩻမꩻ ကွဲဖျော��သဲင်ꩻတောင်ႏကီꩻ၊ အနာꩻနဝ်ꩻတဲ့ ဝွေꩻဗွေႏသီး ကိန်ꩻသဲင်ꩻဗာႏဒျာႏ ကာꩻလောင်းနဝ်ꩻသွူ။\nတဖူꩻလောင်း ကညဗာႏနုဲင်းယိုနဝ်ꩻ အလင်မွေးတဝ်း ကာꩻနဝ်ꩻ ဦးဘိုးခင်ဖြားကာꩻတန်သွူတကာႏတဝ်း ကာꩻတဲ့သမ်းတပေါႏဟဝ်တဝ်း၊ ကာꩻလောင်းနဝ်ꩻ ဟူတခီအိတ်လဲ့သမ်းဒင်ႏ၊ လိုꩻတဲ့သမ်းထုမ်း တဆီလစ်ꩻငတ်ꩻဖြာꩻတဲင် ကာꩻနဝ်ꩻ ဆင်ႏဆင်ႏထီအဝ်ႏဗို့ꩻမွိုင်းဒျာႏတဲင် တဖူꩻလောင်းနဝ်ꩻ ညဗာႏနုဲင်းယိုသွူ။ ကာꩻဝါးသားနဝ်ꩻ ဝေင်ꩻတောင်ႏကီꩻ ကူညီကုန်းအမော့နဝ် တကာႏဦးမောင်ကြီး ကာစပယ်ယာသားနဝ်ꩻ မောင်အေးတွမ်ႏ ထီမောင် ဝါးပျားနဝ်ꩻသွူ။\nဝွေꩻဗွေႏသီး ကဖျော်တောင်ႏကီꩻနဝ်ꩻ မွူးရဝ်ꩻခိုႏစဝ်း သူနားရီႏအခိန်ႏနဝ်ꩻတဲင် ဦးဘိုးခင်ပင်ꩻသဲင်ꩻထွူစွဉ်ႏ အလမ်းတဲင် ကပ်သွမ်ꩻရဝ်ꩻဗော့ꩻနဝ်ꩻကို၊ ဆရာႏတကာႏ ဒေါ့ꩻရီလို့ဝင်ꩻထွူနဝ်ꩻမꩻ ဝွေꩻဗွေႏသီး ကွဲကျွꩻလွေꩻ ကျောင်ꩻမွဉ်ခြဲင်နဝ်ꩻသွူ။\n\nထီႏကျောင်ꩻခေႏနေႏ-သꩻလဲင်ꩻပေႏ\nသဲစ်ဝွေꩻဗွေႏသီး ကထီႏကျောင်ꩻအခေႏအနေႏတဲင် သꩻလဲင်ꩻပေႏနေးစွဉ်ႏသွူ၊ ကွပ်ထာꩻမုဲင်ꩻနဲးတဲင် ကထင်ႏထွားကျောင်ꩻနဝ်ꩻ အဝ်ႏကုဲင်စွဉ်ႏ တရွပ်ယတန် လစ်ꩻဖြုံႏဒျာႏ။\nလစ်ꩻဖြုံႏကရိုꩻနဝ်ꩻ -\n ယိုခါ လိတ်နျꩻစက် ကအဝ်ႏသော့ꩻ ကွတ်ꩻခန်ꩻတရွပ်နဝ်ꩻတဖြုံႏ\n ကျောင်ꩻတန် အစဲင်ႏတွို့ꩻထင်ꩻ ကျောင်ꩻဝေပုလ္လ (ယိုခါ) အခင်ႏလမ်းနဝ်ꩻ ဒွိုႏသွတ်ꩻသော့ꩻထာꩻတာႏ တဖြုံႏ\n သိမ်ႏ (ယိုခါ) ဆငါနဝ်ꩻ တရွပ်ပေႏတဖြုံႏ\n ကရဝွေႏမွူးဆလနဝ်ꩻ တရွပ်ပေႏတဖြုံႏ-ယိုလစ်ꩻဖြုံႏသွူ။\n\nဝွေꩻဗွေႏနဝ်ꩻခါ-တပဲ့ꩻနာ\nကပါထင်ႏလွဉ်ꩻ ဗွေႏဗွန်ဖြားဆချာနဝ်ꩻ -\n စင်ꩻတိလောက\n စင်ꩻဓမ္မသာမိ\n  စင်ꩻဝီရိယ\n စင်ꩻဝဏ္ဏ\n စင်ꩻတေဇ\n စင်ꩻဉေယျ\n သျင်ႏပါယီ\n သျင်ႏလေးကေ\n သျင်ႏကုမာရ\n  ဦးသုန္ဒရ  (အာဂန္တု၊ ကော့လိုင်း သထုံႏခရဲင်ႏ)\n  ဦးပဏ္ဍိတ (အာဂန္တု၊ ဟင်္သာတ၊ နတ်မောက်ကျောင်ꩻ)\nပါတွမ်ႏဗွေႏဗွန်ဖြားနဝ်ꩻ ဆရာႏတပဲ့ꩻ တဆီပုဲင်တပါꩻ၊ ဗွေႏဗွန်ဖြားတပဲ့ꩻလိုꩻကျောင်ꩻကွတ်ꩻပါꩻအကိုနဝ်ꩻ ဝွေꩻဗွေႏယို ထွာဒျာႏ တပဲ့ꩻအနာလွိုပေႏသွူ။ ပွိုးထာꩻမုဲင်ꩻတဲ့ ဝွေꩻဗွေႏကအဝ်ႏနေခမ်းဒွမ်(သထုံႏ)နဝ်ꩻ အုံညီꩻဗာႏတဝ်း ဗွေႏဗွန်ဖြား၊ တွိုႏတဖူꩻလောင်းတွမ်ႏတောင်ႏကီꩻနဝ်ꩻမꩻ အုံညီꩻ(ဆယ်ꩻကပ်)ဗာႏ ဗွေႏဗွန်ဖြား၊ လွိုသွစ်ꩻပါꩻနဝ်ꩻ အဝ်ႏအွိုးခမ်းဒွမ်တဲ့ အုံညီꩻ (ဆယ်ꩻကပ်)ဗာႏ ဗွေႏဗွန်ဖြား၊ တွိုႏထင်ႏဖျင်တောင်ႏကီꩻတဲ့ အုံညီꩻ(ဆယ်ꩻကပ်)ဗာႏဖျင် ဗွေႏဗွန်ဖြား၊ ကွပ်နဝ်ꩻမꩻ စင်ꩻသျင်ႏအလင်နဝ်ꩻ ��ွာနုဲင်းဗွေႏဗွန်ဖြားတပဲ့ꩻ အထျꩻအရင်ꩻတဲင် ဝွေꩻဗွေႏနဝ်ꩻ ရိုꩻဗာႏခန်း တပဲ့ꩻအနာလွိုပေႏနုဲင်းနဝ်ꩻသွူ။\n\nကားဝတ္တရာꩻ-သေခွုမ်မာꩻ\nကွဲႏတွော့ꩻ ဝွေꩻဗွေႏနဝ်ꩻ ထာꩻရိုႏသေႏ ဗွေႏဗွန်ဖြားတဲ့နဝ်ꩻ၊ ဝတ္တရာꩻ ကလိုႏမာꩻ(ဆရာႏ) ဗွေႏဗွန်ဖြားတာႏတဲ့နဝ်ꩻ တာႏဝွန်ႏဝတ္တရာꩻ ကအဝ်ႏလိုႏမာꩻ ကျောင်ꩻကိုဖုံႏတဲ့နဝ်ꩻ တွမ်ႏစင်ꩻသျင်ႏအလောင်ႏအလင်နဝ်ꩻ တပွိုင်းတဝ်းလို့ဝင်ꩻ၊ ထီႏဗွေႏဗွန်ဖြားတဲ့ ဝွေꩻဗွေႏရက်ငမ်းရိုႏသေႏဒျာႏ၊ ဝတ္တရာꩻဆရာႏအလောင်းတဲ့ နေးတွမ်ႏသꩻကြောင်းသꩻဗွာတဲင် ရိုႏရိုႏသေႏသေႏ ဟဝ်ဟဝ်ကေႏကေႏ ဝွေꩻဗွေႏမာꩻဒျာႏ၊ တာႏဝွန်ႏကလိုႏမာꩻကျောင်ꩻကိုတဲ့ \"ယိုနီကျောင်ꩻဒျာႏ၊ တာႏဝွန်ႏဝတ္တရာꩻ ကအဝ်ႏလိုႏမာꩻကျောင်ꩻကိုနဝ်ꩻ ပေါႏနီတမာꩻတဝ်းဟ ပါꩻမုဲင်ꩻအီႏမာꩻဖေႏ\" ဝွေꩻဗွေႏယူႏနုဲင်းနဝ်ꩻတဲင် ဝင်ꩻလွစ်ဒေါ့ꩻ လွစ်ထွဉ်ႏ၊ နေးတွမ်ႏ သꩻစွဉ်ႏသꩻဟဝ်တဲင် သေခွုမ်သေမာꩻဒျာႏနဝ်ꩻသွူ။\n\nလိုꩻကျောင်ꩻသံဃာႏ-ရန်းဖွိုႏငါႏ\nတွိုႏဒဲဉ်သီႏလောင်းနီနီꩻနဝ်ꩻ တကာႏဦးဘိုးခင် ပင်ꩻလွေꩻဝွေꩻဗွေႏသီး ပွယ်ꩻဘုရာꩻဟိုပုံꩻ၊ တွိုႏဟိုပုံꩻနဝ်ꩻ မွူးဟာခိုႏ လစ်ꩻနားရီႏအခိန်ႏတဲင် ဝွေꩻဗွေႏသီး လယ်ႏဝုဲင်ႏလွဘုရာꩻ၊ ဝုဲင်ႏဘုရာꩻထွူတဲင် စင်ꩻသျင်ႏအလင်ဖုံႏနဝ်ꩻ လယ်ႏထိုꩻခန်းဒျာႏထာꩻပွယ်ꩻကို၊ ဝွေꩻဗွေႏယိုနဝ်ꩻ ထွေလွဉ်ꩻဗာႏ ဗွေႏဗွန်ဖြားဆချာတဲင် လေပ်ချာလေပ်ငါ ဘုရာꩻတလင်ꩻကိုထွူတဲင် လွေꩻလယ်ႏလေပ်လပ်ယင်း ကျောင်ꩻမွေႏတောႏနဝ်ꩻသွူ။ အဝ်ႏနဝ်ꩻ အုံပွေါအသွꩻ စင်ꩻသျင်ႏဖုံႏကလယ်ႏထာꩻနဝ်ꩻတွော့ꩻ ခတ်ကယ်ꩻတေ့ꩻပါခန်း နီပအိုဝ်ႏစင်ꩻသျင်ႏ ခမ်းကောင်ယို အခေႏအနေႏနဝ်ꩻသွူ။\nမွူးကွဲဟာဟာတဲင် စင်ꩻပေႏသျင်ႏပေႏ ယဟန်ႏသားနဝ်ꩻ တောစွဉ်ႏဗေဖူလွောင်ႏတဲင် လွဉ်ဒါခန်း ဘုရာꩻခါႏ၊ ဗေင်ႏပြာႏခန်းထာꩻနဝ်ꩻကို၊ ထင်းမီးတီး ကိန်ꩻတလွာꩻဆောင်း တဆူးတဆင်ႏလွုမ်ꩻဟောင်းတဲ့ ဝွေꩻဗွေႏထင်ႏလွေꩻရီစဲင်းစဲင်းနဝ်ꩻ ကိန်ꩻတလွာꩻတဆူးတဆင်ႏမွေးတဝ်း၊ ခင်ႏလမ်းခိုႏ ခင်ႏလမ်းဒါအဲဉ်ထဝ်းတဲင် အဟာနဝ်ꩻ အီႏကိန်ꩻတခွေႏဗာႏထာꩻ ဘုရာꩻခါႏနဝ်ꩻကိုအကျောင်ꩻ ဝွေꩻဗွေႏသေဖြောင်ခန်းနုဲင်းနဝ်ꩻသွူ။\nတွိုႏနဝ်ꩻခါ ဝွေꩻဗွေႏသꩻကိုနဝ်ꩻ ယူႏခန်းနုဲင်းမုဲင်ꩻနဲတဲင် \"အော်- နီလိုꩻကျောင်ꩻယိုနဝ်ꩻ ဗုဲင်ဘုရာꩻဖြို့ꩻ ဒို့ꩻဘုရာꩻပီတဲင် ထွာဘုရာꩻတပဲ့ꩻ၊ ထွာဘုရာꩻပို၊ ထံꩻဘုရာꩻသာႏသနာႏ၊ ခံႏဗာႏဝင်ꩻအရိုႏအသေႏတဲ့ တွိုႏယိုနဝ်ꩻ ခင်ႏလမ်းတယ်ꩻ၊ ခင��ႏလမ်းခိုႏငါတဲ့ အဲဉ်ထဝ်း၊ အဒို့ꩻအဒါတဲ့ ဝင်ꩻတဖေႏတဝ်း၊ သွမ်ꩻတဲ့ ဝင်ꩻတကပ်တဝ်း၊ တကာႏတဲ့ တထူႏရေꩻတဝ်း၊ မဲ့ငါပေႏ တရေႏကုဲင်ငါႏ၊ နီသံဃာႏလိုꩻကျောင်ꩻ အဆင်းအရန်းထဲ့ဖွိုႏငါႏလဲဉ်းသွူ\" ဝွေꩻဗွေႏသꩻကိုနဝ်ꩻ ယူႏလꩻစွဉ်ႏနုဲင်းနဝ်ꩻသွူ။\n\nဗွောင်လဲဉ်းလိတ်ဝါႏ-သွဉ်ပညာႏ\nအဝ်ႏပွယ်ꩻဟိုပုံꩻသဲင်ꩻနဝ်ꩻ ဗွေႏဗွန်ဖြား ဗွောင်ခန်းလိတ်ဝါႏတဲင် ကောဒေါ့ꩻလိတ်သားတဲ့ဒေါ့ꩻ၊ ကောထင်ႏလိတ်သားတဲ့ထင်ႏခန်း၊ နဝ်ꩻမꩻ ဝွေꩻဗွေႏတဲ့ အီႏနွို့အစိုႏရပွယ်ꩻရီလိတ် အတန်ꩻတလောင်ꩻတဲင် မွူးဟာခိုႏနဝ်ꩻ ထင်ႏခန်းယမိုက် ဗွေႏဗွန်ဖြားထျꩻ၊ အတွင်ꩻနဝ်ꩻနဝ်ꩻ ကအီႏနွို့အတန်ꩻတလောင်ꩻသားနဝ်ꩻ အဝ်ႏဒျာႏဝွေꩻဗွေႏတပါꩻလွုမ်ꩻနဝ်ꩻသွူ။\n\nကွပ်ဉာဏ်ႏလေတောင်ႏ-ဖြေႏလိတ်အောင်ႏ\nဝွေꩻဗွေႏသီး ကထင်ႏလွဉ်ခမ်းကောင်နဝ်ꩻ ဒဲဉ်သီႏလာတဲင်တွော့ꩻ အီႏဖြေႏလိတ်တာႏ လက်မတ်နဝ်ꩻ ထိုꩻခါꩻလဲဉ်း ဝေင်ꩻသထုံႏလိတ်ဖြေႏဌာႏနကို၊ ကွဲႏတွော့ꩻ အွိုးကအီႏထင်ႏကောင်နဝ်ꩻ ဝွေꩻဗွေႏသီး လွေꩻရီလွေꩻဒေါ့ꩻဖြောင်ခါꩻယင်းတဲင်တွော့ꩻ လိတ်ဖြေႏခိန်ႏကထင်ႏတွိုႏနဝ်ꩻ ဝွေꩻဗွေႏလင်ꩻဖြေႏဗော့ꩻ ဝေင်ꩻညောင်ႏရွီႏတဲင် အနေင်ႏနဝ်ꩻ အောင်ႏလꩻခန်း အစိုႏရအတန်ꩻတလောင်ꩻနဝ်ꩻသွူ။\n\nတွိုႏဝါႏတွင်ꩻကို-ချꩻလိတ်ယို\n၁၃၀၈-ဗာႏနေင်ႏ ဝါႏကိုနဝ်ꩻ ဗွေႏဗွန်ဖြားထွဉ်ႏဝွေꩻဗွေႏ ချꩻကိုလိတ်တဲင် ဝွေꩻဗွေႏချꩻကိုဗာႏ ဗွေႏဗွန်ဖြားလိတ်၊ ကောကထင်ႏသားနဝ်ꩻ စင်ꩻတန်ဝါယာမ (ကျောင်ꩻတန်တောင်ႏကီꩻ)၊ ထွက်စိန္တာမယ (ဟံႏဖို့)၊ ထွန်းသာ (ဟွေးဟွမ်း)စနဝ်ꩻဖုံႏသွူ။\nအနေင်ႏနဝ်ꩻနဝ်ꩻ ဝါႏဆိုႏသံဃာႏ အဝ်ႏသွံဆီနွတ်ꩻပါꩻ၊ သွံဆီနွတ်ꩻပါꩻကိုနဝ်ꩻ-\n စင်ꩻတန်ဝရိန္ဒ (ကအုပ်ချုပ်စင်ꩻသျင်ႏ ကျောင်ꩻသား၊ ပထမကျောင်ꩻတန်၊ တောင်ႏကီꩻ ယိုခါ)\n စင်ꩻတန်ဝါယာမ (ပရိသတ်သွံရျာꩻလွို အံႏအွꩻတာႏ ခြွိုင်ႏသန်ꩻရေꩻတာႏ တွမ်ႏပညာႏရေꩻတာႏ ကထုမ်ႏကျံႏမာꩻဖေႏသား)\n ဗွေႏဗွန်လွယ်ကောင်ꩻ (ယိုခါ)\n ဗွေႏဗွန်ဖေါင်ႏတောႏဆွိုက် (ယိုခါ)ဖုံႏနဝ်ꩻတဲ့ အဝ်ႏပါသော့ꩻနဝ်ꩻသွူ။\n\nလက်ခံႏပအိုဝ်ႏပေႏ-မာꩻအာအေႏ\nအတွင်ꩻနဝ်ꩻနဝ်ꩻ နီပအိုဝ်ႏသီးကို လိုꩻကမဉ်သွဉ်ပညာႏ လိုꩻကသွဉ်ပညာႏသားနဝ်ꩻ ဆေ့ꩻခြောငါႏတဲင် နီလိုꩻမျိုꩻပညာႏရေꩻ အဆင်းအရန်းလင်ꩻဖွိုႏငါႏ မရေႏမရာႏတွော့ꩻ ပါꩻထင်းဖွီမွေးစွဉ်ႏ နီပအိုဝ်ႏ၊ ပါꩻအံႏသွမ်ꩻကဲဉ်းမွေးစွဉ်ႏ နီပအိုဝ်ႏ၊ ပါꩻလဲင်ꩻဒေါ့ꩻနုဲင်းမုဲင်ꩻနဲတဲင် -\n\"လက်ခံႏပအိုဝ်ႏပေႏနဝ်ꩻ မာꩻဗွေတရာ���အိန်ႏလွုမ်ꩻ၊ အကျိုꩻထာꩻမုဲင်ꩻအဲဉ်ထဝ်း\"ဒေါ့ꩻကဲဉ်းအံႏသွမ်ꩻကဲဉ်းနုဲင်းနဝ်ꩻသွူ။\nဝွေꩻဗွေႏနဝ်ꩻ သꩻသန်ငါႏ အမျိုꩻသာꩻရေꩻ (ရက်ငါႏအမျိုꩻသာꩻ)တဲင် ကထင်ႏဟွုန်ငဝ်းနုဲင်းယိုနဝ်ꩻ (ပီနုဲင်းစွဉ်ႏမေႏတွမ်ႏယံꩻ ကမော့ꩻဝင်ꩻ) သꩻအမျိုꩻသာꩻ သꩻတမဉ်ခံႏတဝ်းပါꩻ တခြွိုက်ချင်ꩻပေါႏလွက်တဲင် ဝွေꩻဗွေႏဟွုန်ကဲဉ်း ဟွုန်ဆာသꩻမွေးစွဉ်ႏနဝ်ꩻသွူ။\n\nဆုံꩻမꩻသေႏသေႏ-တပဲ့ꩻပေႏ\nကွပ်နဝ်ꩻမꩻ ပေါႏစင်ꩻသျင်ႏဖုံႏ လွဉ်ထင်ႏလိတ်ဝွေꩻဗွေႏထျꩻနဝ်ꩻ ဝွေꩻဗွေႏဆုံꩻမꩻနုဲင်းယို - \"ယိုခါ ဝင်ꩻထင်းဖွီငါႏလဲဉ်း နီလိုꩻမျိုꩻ၊ ဝင်ꩻသဲ့ꩻသွမ်ꩻကဲဉ်းငါႏလဲဉ်း နီလိုꩻမျိုꩻ၊ ဝင်ꩻသဲ့ꩻသွမ်ꩻကဲဉ်းနုဲင်းမုဲင်ꩻနဲတဲင် 'လက်ခံႏပအိုဝ်ႏပေႏနဝ်ꩻ မာꩻဗွေတရာႏအိန်ႏလွုမ်ꩻ၊ အကျိုꩻထာꩻမုဲင်ꩻအဲဉ်ထဝ်း' ဝင်ꩻသဲ့ꩻသွမ်ꩻကဲဉ်းလဲဉ်း နီလိုꩻမျိုꩻနုဲင်းနဝ်ꩻ၊ ကွပ်နဝ်ꩻမꩻ သီကျိုꩻစာꩻသွဉ်တဲးတဲး ပညာႏလုဲင်း၊ ပေါႏသီတကျိုꩻစာꩻသွဉ်တဲတဲတဝ်း ပညာႏ၊ ပေါႏသီအုံဖွီဖုဲင်ထာꩻ နုဲင်းပွိုင်းလဲင်ႏနဝ်ꩻ မဲ့ꩻမဲဉ်ႏထိုꩻပါꩻငဝ်းနဝ်ꩻသနယ်၊ နီတဲ့အံႏဒဲဉ်၊ ပါꩻတဲ့အံႏဒဲဉ်၊ နီတဲ့မဲ့နားအဝ်ႏ၊ ပါꩻတဲ့ မဲ့နားအဝ်ႏ၊ နီတဲ့ စူခင်ႏအဝ်ႏ၊ ပါꩻတဲ့စူခင်ႏအဝ်ႏ၊ ပါꩻမီႏတဲ့ဒါႏဟ နီတဲ့ဒါႏဗာႏမတဝ်း အွဉ်ႏလွသꩻနုဲင်းနဝ်ꩻနော။\nတဖြာꩻတွမ်ႏတဖြာꩻ ရက်ရက်ပဲင်ꩻပဲင်ꩻလွသွော့ဝင်ꩻ၊ သွꩻပေႏချင်ꩻချင်ꩻ နေးရေꩻဗာႏလို့ဝင်ꩻ၊ အရေꩻကိစ္စမီႏအဝ်ႏတဲ့ စွဲကိုဗာႏလို့ဝင်ꩻ၊ တွမ်ႏထွားလွိုမွုန်းတဝ်းလို့ဝင်ꩻ၊ တိရစ္ဆာန်ႏသီးမီႏတဲ့ ဝင်ꩻရက်လို့ဝင်ꩻ၊ ဝင်ꩻနေးရေꩻလို့ဝင်ꩻ၊ ဝင်ꩻစွဲကိုလို့ဝင်ꩻ၊ သီယိုနဝ်ꩻ ထွာသွူလိုꩻဟ ပေါႏသီတမာꩻတဝ်းနုဲင်းနဝ်ꩻနဝ်ꩻ သီညမ်းလဲဉ်း တိရစ္ဆာန်ႏသနယ်\"စတဲင် ငဝ်းသွဉ်ဆုံꩻမꩻဩဝါဒနုဲင်းနဝ်ꩻတဲ့ ဝွေꩻဗွေႏဒေါ့ꩻသဲင်ꩻဖေႏသေႏသေႏနဝ်ꩻသွူ။\n\nယံထိန်ꩻလိုꩻပေႏ-တာႏဝွန်ႏဖေႏ\nတွိုႏဒဲဉ်ဟား ဒဲဉ်ရုတ်ꩻနဝ်ꩻ လိုꩻပေႏတခြာကိုဖုံႏတဲ့ ကွဲးလွဉ်အုံအာအာတဲင် ဗွေႏဗွန်ဖြားတပဲ့ꩻ စင်ꩻတိလောကတွမ်ႏ စင်ꩻဝီရိယနီပါꩻနဝ်ꩻ ဟဲ့ꩻလွဉ်ခန်း ဝွေꩻဗွေႏထွူတဲင် -\n\"လိုꩻပေႏဖုံႏယိုခါနဝ်ꩻ အဝ်ႏလိုႏငါႏလဲဉ်း ကောထိန်ꩻဟဝ်ဟဝ်သား၊ ပေါႏအွဉ်ႏဗော့ꩻနုဲင်းယိုနဝ်ꩻ နီကျောင်ꩻတဲ့ အမျိုꩻတိုꩻတက်မွေးတဝ်း၊ ဗွေႏဗွန်ဖြားတဲ့ အမျိုꩻသꩻချံꩻသာႏမွေးတဝ်း၊ ကွပ်နဝ်ꩻမꩻ နီဗွေႏထိန်ꩻသွော့လိုꩻပေႏ\" ဖေႏတာႏဝွန်ႏခန်း ဝွေꩻဗွေႏနုဲင်းနဝ်ꩻသွူ။\n\nအအံႏအအွꩻ-လုမ်းကုမ်ႏမꩻ\nတွိ���ႏနဝ်ꩻတဲင် \"အအံႏအအွꩻမီႏလုမ်းကုမ်ႏမꩻ ခွေသွဉ်းထိန်ꩻ၊ ယိုခါ လိုꩻပေႏစီꩻကန်ꩻကကုဲင်ဗာႏနဝ်ꩻ အလင်မွေးတဝ်း၊ အအံႏအအွꩻတဲ့ လုမ်းကုမ်ႏတဝ်း၊ ကွပ်နဝ်ꩻမꩻ လိုꩻပေႏစီꩻကန်ꩻကုဲင်ဗာႏ\"ဝွေꩻဗွေႏလဝ်းချာနုဲင်းနဝ်ꩻသွူ။\nတွိုႏနဝ်ꩻတဲင်ခါ စင်ꩻတိလောကတွမ်ႏ စင်ꩻဝီရိယတဲ့ အအံႏအအွꩻ ယံကလုမ်းကုမ်ႏနဝ်ꩻ ခံႏထူႏတာႏဝွန်ႏခန်းနဝ်ꩻသွူ။\nအတွင်ꩻနဝ်ꩻနဝ်ꩻ အအံႏအအွꩻ ကုမ်ႏလုမ်ႏဒျာႏမွူးရဝ်ꩻခိုႏလွုမ်ꩻ၊ မွူးယာခိုႏနဝ်ꩻ လုမ်းကုမ်ႏတဝ်းတဲင် ဖြေꩻအံႏဗာႏဒျာႏ ပငါပရာꩻတွော့ꩻ ခွေတဲ့ဒွိုႏဒျာႏခေါ်ခေါ်၊ နာꩻတဲ့ကျော်ဒျာႏတစွိုး၊ ပါꩻတဲ့ငိုးဒျာႏတမျိုꩻ၊ ပေါႏရိုꩻဖွိုင်ꩻဝန်ႏတဲ့ အဝ်ႏလီအဝ်ႏလာ၊ အံႏညီꩻတဝ်းလို့ဝင်ꩻ၊ အံႏဒျာႏတဖြာꩻတထွောင်းထွောင်းတဲင် တဗော့ꩻလဲ့ꩻနဝ်ꩻသွူ။\n\nအီႏထိန်ꩻလိုꩻပေႏ-ဒေါ့ꩻရီးဖေႏ\nဝွေꩻဗွေႏနဝ်ꩻ ကျွိုက်ဒျာႏထာꩻမွေး ထာꩻမဲဉ်ႏ ထာꩻဟဝ်တဝ်း ထာꩻတရာꩻတဲင် ခါးလားဝွေꩻဗွေႏကထိန်ꩻလိုꩻပေႏ (ဒဲဉ်ရုတ်ꩻလာ)နဝ်ꩻ ဒေါ့ꩻသေရီးငဝ်းနုဲင်းယို -\n\"ယိုခါနဝ်ꩻ ခွေအီႏထိန်ꩻထွားသွဉ်သင်ဗာႏသီ၊ ခွေထာꩻမာꩻမီႏတမွေးတဝ်း၊ မီႏတမဲဉ်ႏတဝ်း၊ မီႏတဟဝ်တဝ်း၊ မီႏတတရာꩻတဝ်း၊ မီႏတစွို့ꩻတဝ်း၊ မီႏတရျားတဝ်းနဝ်ꩻ လိုꩻပေႏတဲ့နဝ်ꩻ၊ လိုꩻတန်တဲ့နဝ်ꩻ တွမ်ႏဒေါ့ꩻမွုန်းခွေဆချာ၊ လွဉ်ဒေါ့ꩻသွော့ခွေဆငါ၊ စာအံႏခွေမဉ်ꩻထာꩻဗꩻနဝ်ꩻ ခွေတကျွိုက်တဝ်း၊ သီတဲ့အုံဟဝ်ဟဝ်သွော့ꩻ ခွေတဲ့အီႏအုံဟဝ်ဟဝ်ဒျာႏ၊ အီႏထိန်ꩻစွို့ꩻစွို့ꩻလွေꩻဒျာႏသီ၊ သီမီႏတဟဝ်တဝ်း သီထိုꩻထန်ႏဗာႏ၊ အုံသော့ꩻကျောင်ꩻယိုလꩻတဝ်း၊ ခွေမီႏတဟဝ်တဝ်းတဲ့ ခွေထိုꩻထန်ႏဒျာႏ၊ ခွေအုံသော့ꩻတဝ်းကျောင်ꩻယို၊ ငဝ်းယိုနဝ်ꩻ သီတောင်ꩻတောင်ꩻလွသွော့ ပငါပရာꩻလုဲင်း\" ဒေါ့ꩻသေꩻခါꩻရီးနုဲင်းနဝ်ꩻသွူ။\nဒေါ့ꩻထွူနုဲင်းနဝ်ꩻတဲင် ဝွေꩻဗွေႏထိန်ꩻခန်းလိုꩻပေႏ၊ ထူႏတာႏဝွန်ႏခန်း အစစအရာႏရာႏနဝ်ꩻသွူ။ ဝွေꩻဗွေႏကထင်ႏထိန်ꩻလိုꩻပေႏ၊ ထူႏတာႏဝွန်ႏ အစစအရာရာႏနုဲင်းနဝ်ꩻတဲင် စင်ꩻတိလောကတွမ်ႏ စင်ꩻဝီရိယ ဝွေꩻဗွေႏသီးနီပါꩻနဝ်ꩻ ခွꩻသꩻပျောႏသွင်ႏ မဲ့ꩻလွအခင်ႏ ထိုꩻထန်ႏလွေꩻခန်း ဝိန်ꩻရန်ႏကုန်ႏ ဘုရာꩻတန် (လိတ်သွဉ်)တွိုက်ကို၊ လွေꩻသွဉ်လွဒျာႏလိတ်၊ ထုမ်ႏလွဒျာႏ အနမ်းတာႏ ပငါပရာꩻနဝ်ꩻသွူ။\n\nဆရာႏဗွေႏစဝ်း-ဖေႏလင်ꩻတဝ်း\nဝွေꩻဗွေႏကထိန်ꩻလိုꩻပေႏနဝ်ꩻ တဲႏစ ၁၃၀၉-ဗာႏနေင်ႏ၊ ဒဲဉ်ရုတ်ꩻလာ၊ တွိုႏ ၁၃၁၀-ဗာႏနေင်ႏ၊ ဒဲဉ်စေတ်ꩻလာ (ထိန်ꩻလꩻတနေင်ႏပုဲင်တလာ)နဝ်ꩻ ဝွေꩻဗွေႏကျ���ႏလင်ꩻချာယင်းမန္တလေꩻ၊ ကွပ်နဝ်ꩻမꩻ လွေꩻထေ့ဗွေႏဗွန်ဖြား ကွီခန်းအခွင်ꩻ၊ သျင်ꩻနယ်ပါခန်းဝွေꩻဗွေႏ ထာꩻကျံႏစဲႏနဝ်ꩻသွူ။\nတွိုႏနဝ်ꩻတဲင် ဗွေႏဗွန်ဖြားတဲ့ \"ပေါႏနာꩻလွေꩻထိုꩻဟ တွမ်ႏစင်ꩻသျင်ႏ ကော်ပီႏတဖုံႏတဖင်ႏတန်ယို ခွေအီႏမာꩻနုဲင်းမုဲင်ꩻ\" ဒေါ့ꩻနုဲင်းနဝ်ꩻထွူတဲင် တဖေႏလင်ꩻတဝ်း ဝွေꩻဗွေႏနဝ်ꩻသွူ။\nဝွေꩻဗွေႏတဲ့ ထီႏဗွေႏဗွန်ဖြားနဝ်ꩻ ရက်တဲ့ရက် ငမ်းတဲ့ငမ်း ရိုႏသေႏတဲ့ရိုႏသေႏ၊ ကွပ် (ရက်-ငမ်း-ရိုႏသေႏ ဆရာႏဗွေႏ)နုဲင်းယိုနဝ်ꩻတရဝ်း၊ စင်ꩻသျင်ႏကော်ပီႏအလောင်းနဝ်ꩻတဲ့ သꩻရက်အဝ်ႏဗွို့ꩻ အဝ်ႏခြꩻလဲဉ်း၊ သံယောဇဉ်ႏတဖြွီꩻ အဝ်ႏစွိုင်တဉ်ႏလဲဉ်းနဝ်ꩻတဲ့တရဝ်း၊ နီပအိုဝ်ႏယို မဲ့တလေတဝ်း ယံကလေ၊ နားတဗွောင်တဝ်း ယံကဗွောင် သꩻမဉ်မာꩻလေ သꩻမဉ်မာꩻဗွောင်နုဲင်းနဝ်ꩻ သမ်းအဝ်ႏစပ်တလီးတလျာနဝ်ꩻတရဝ်း၊ ကွပ်နဝ်ꩻမꩻတဲင် ဆုဲင်ꩻနဝ်ꩻ တကွီထဲင်းတဝ်းဒွုမ်အခွင်ꩻ ဗꩻတွိုႏစွဉ်ႏ ဝွေꩻဗွေႏကလွဉ်ႏထိုꩻနဝ်ꩻသွူ။\n\nယံကတိုꩻတက်-ခွေအီႏနက်\nဝွေꩻဗွေႏကွီအခွင်ꩻတဲ့ သမးတလꩻတဝ်း၊ သꩻရက်တပဲ့ꩻ သꩻရက်အမျိုꩻသာꩻတဲ့ သမ်းတလာနဝ်ꩻမꩻ \"မန္တလေꩻတဲ့ ခွေတလင်ꩻတဝ်းဒွုမ်၊ မုဲင်ꩻကိုတဲ့ ခွေတလွေꩻတဝ်းဒွုမ်၊ ခွေနမ်းတာႏတဲ မဉ်ထွာနုဲင်းမုဲင်ꩻထွာ ခွေတပဲ့ꩻဖုံႏ၊ ပအိုဝ်ႏအမျိုꩻသာꩻဖုံႏ ဒါႏငါ သေငါ မဲ့နားလေဗွောင်ငါ၊ တိုꩻတက်ငါမန်ႏထွူ၊ ဝွေꩻသီးယံကဒါႏ ယံကသေ မဲ့နားယံကလေဗွောင်၊ ယံကတိုꩻတက်၊ သာႏသနာႏ ဘာႏသာႏအသက် ယံကဆွာꩻနဝ်ꩻ ခွေအီႏနက်၊ ခွေအီႏကျိုꩻစာꩻကမꩻ\" ဝွေꩻဗွေႏအွဉ်ႏချꩻသꩻစွဉ်ႏနုဲင်းနဝ်ꩻသွူ။\nဝွေꩻဗွေႏချꩻသꩻနုဲင်းနဝ်ꩻထွူတဲင် -\n  အုပ်ချုပ်ရေꩻ\n အံႏအွꩻရေꩻ\n ခြွိုင်ႏသန်ꩻရေꩻ\n ကြောင်းစင်ရေꩻ\n ပညာႏရေꩻ\n အရေꩻကိစ္စကျောင်ꩻတန်\nကားတဲင် အရေꩻဖုံႏယိုနဝ်ꩻ ဝွေꩻဗွေႏထူႏတာႏဝွန်ႏ ကျိုꩻစာꩻခွုမ်မာꩻလွေꩻဗာႏနဝ်ꩻသွူ။\n\nတီဖိုးယိုꩻ-တီလိုꩻယပ်ꩻ\n\"တီဖိုးယိုꩻ-တီလိုꩻယပ်ꩻ\"ငဝ်းနဝ်ꩻအတွိုင်ꩻ ကအုပ်ချုပ် ကထိန်ꩻတီဗာႏလိုꩻယိုနဝ်ꩻ တယိုꩻတဝ်း ယပ်ꩻငါႏမရေႏမရာႏသွူ၊ ယိုနဝ်ꩻ အရပ်သွစ်ꩻဌာႏန လွဉ်ဗူႏလို့ဝင်ꩻတဲင် လုဲင်မွိုးလုဲင်ဖါ လုဲင်ဒုံလုဲင်ရပ်ဒျာႏတွော့ꩻ ဖေႏနေးကရက်ရက်ပဲင်ꩻပဲင်ꩻလွဝင်ꩻ၊ ဖေႏနေးကလွောင်ႏဗူႏဗူႏလို့ဝင်ꩻနဝ်ꩻ ဒေါ့ꩻသွဉ်ဖေႏဗာႏအမျိုꩻမျိုꩻ၊ အွဉ်ႏသွောင်သွောင် မဲ့နားတဲင် ထွားနာႏခိꩻခိꩻဗာႏ၊ ပါꩻယိုနဝ်ꩻ အစရဲက် အဝါႏသနာႏ အသꩻအွဉ်ႏပုံႏ အွဉ်ႏနယ်ꩻအဝ်ႏနုဲင်းမုဲင်ꩻ လိုႏအချော်ꩻဟောင်း၊ ���ကျံꩻဟောင်း၊ အကျံꩻတွမ်ႏအချော်ꩻရော်ꩻဝင်ꩻမꩻလꩻဟောင်း-စတဲင်နုဲင်းနဝ်ꩻဖုံႏတဲ့ ထွားတေ့ꩻ နာႏတေ့ꩻ ခတ်ကယ်ꩻတေ့ꩻဗာႏ၊ လိုꩻပေႏ တဆီနီဆီဒျာႏ သမ်းတမွေးတဝ်း၊ လိုꩻပဉ်တရျာꩻနီရျာꩻတဲင် ကထွားတေ့ꩻ ကနာႏတေ့ꩻ ကခတ်ကယ်ꩻတေ့ꩻဗာႏ ပဉ်ဖြာꩻဖြာꩻကရိုꩻနဝ်ꩻ အယိုꩻပေႏတမွေးတဝ်း၊ ယပ်ꩻခုဲင်ႏငါႏ မရေႏမရာႏ။\nထွားနာႏခတ်ကယ်ꩻထွူတဲင် ပါꩻယိုနဝ်ꩻ လိုႏဖျင်ဖေႏ အဒေါ့ꩻအဖြဝ်ႏ၊ ပါꩻယိုနဝ်ꩻ လိုႏဖျင်ဖေႏ အလွေꩻအသဲင်ꩻ၊ ပါꩻယိုနဝ်ꩻ လိုႏဖျင်ဖေႏ အဗုဲင်အရုံႏ (အကွဉ်အကꩻ) ပါꩻယိုနဝ်ꩻ လိုႏဖျင်ဖေႏ အအံႏအအွꩻ-စတဲင် ကလိုႏဖျင်ဖေႏခရာႏနဝ်ꩻတဲ့ မတ်တောင်ꩻထွူနုဲင်းနဝ်ꩻတွော့ꩻ တန်ꩻမုဲင်ꩻကိုအွဉ်ႏဒေါ့ꩻ နုဲင်းနဝ်ꩻတဲ့ သမ်းတထွာတဝ်း၊ ထွားဗာႏကအခိန်ႏအခါႏ၊ အခိန်ႏအခါႏ မီႏအဲင်ႏ အဖဲင်ႏမီႏရော့ꩻနဝ်ꩻမꩻ ဒေါ့ꩻသွဉ်ဖေႏ(ဖျင်ဖေႏ)ဗာႏ၊ ကဒေါ့ꩻကဖျင်ဖေႏနုဲင်းယိုတဲ့ နေးဗာႏက နယ်ꩻပရိယာယ်ႏအမျိုꩻမျိုꩻ၊ ကျံႏဒေါ့ꩻဗာႏ ကျံႏဖျင်ဗာႏ၊ ကဒေါ့ꩻကဖျင်ဖေႏတဲ့ တဖြာꩻလွုမ်ꩻသမ်းတကာႏတဝ်း အာဖြာꩻတန်၊ တဖြာꩻဖြာꩻယိုတဲ့ လိုႏဒေါ့ꩻလိုႏဖျင် တမျိုꩻလွုမ်ꩻသမ်းတမွေးတဝ်း၊ အာမျိုꩻတန်၊ တမျိုꩻမျိုꩻယိုတဲ့ ဒေါ့ꩻဖေႏဖျင်ဖေႏတလဲင်ႏလွုမ်ꩻ သမ်းတလꩻကြွို့ꩻတဝ်း သမ်းဒေါ့ꩻဗာႏ ဖျင်ဗာႏအာလဲင်ႏတန်၊ ပေါႏလိုꩻစေႏတနာႏ သဒ္ဓါႏတရာꩻ သꩻဆွာꩻသယ်ꩻခံႏ တောႏတောႏတန်ႏတန်ႏပေႏနဝ်ꩻတဲ တလꩻတဝ်း၊ ကွပ်နဝ်ꩻမꩻ ဝွေꩻဗွေႏကခွုမ်မာꩻဗာႏ အုပ်ချုပ်ရေꩻယိုနဝ်ꩻတဲ့ ယပ်ꩻငါႏ မရေႏမရာႏနဝ်ꩻသွူ။\n\nအံႏအွꩻရေꩻလဲ့-ယိုꩻတဝ်းတဲ့\nအံႏအွꩻရေꩻနဝ်ꩻတဲ့ ယပ်ꩻဒျာႏတစား၊ ကွပ်ထာꩻမုဲင်ꩻနဲတဲင် ဗွေႏဗွန်ဖုံႏ အဝ်ႏအစီꩻအဝွေꩻသဲင်ꩻနဝ်ꩻ သဲင်ꩻဟော်ꩻ သဲင်ꩻခြုဲင်းနယ် အတကာႏ ပငါပရာꩻ၊ ဟော်ꩻနယ်ခြုဲင်းနယ်နုဲင်းမုဲင်ꩻနဲတဲင် -\n\"ယိုခါနဝ်ꩻ နီပအိုဝ်ႏသီးယို လိုꩻဒါႏလိုꩻသေဆေ့ꩻငါႏ၊ မဲ့နားလေ ဗွောင်တဝ်းငါႏ၊ ကွပ်နဝ်ꩻမꩻ လိုꩻဒါႏ လိုꩻသေ ယံကအဝ်ႏအာအာ၊ မဲ့နားယံကလေဗွောင်အာအာနဝ်ꩻ ကျောင်ꩻတန်မွဉ်ခြဲင် တောင်ႏကီꩻသူꩻ နီအီႏဆို့ꩻ ပအိုဝ်ႏဗဟိုရ်ႏ ပရိယတ္တိလိတ်သွဉ်တွိုက်၊ ပွိုးနဝ်ꩻမꩻ ကားကတတ်နွိုင်ႏနဝ်ꩻ ဖေႏအာႏလွသွော့၊ စွဲကိုလွသွော့၊ သီပိုသီလီꩻဖုံႏနဝ်ꩻတဲ့ ယံကဒါႏပညာႏနဝ်ꩻ ပသာထင်ႏလွသွော့ ကျောင်ꩻတန်မွဉ်ခြဲင်သူꩻ၊ သူꩻကိုနဝ်ꩻ အံႏအွꩻတဲ့ နန်းဗာႏတဝ်း၊ အအွိုအဆာတဲ့ နန်းဗာႏတဝ်း၊ ဝင်ꩻကောထွားထိန်ꩻ၊ ကောသွဉ်ဖေႏသားအဝ်ႏဒျာႏ\"ဟော်ꩻနယ်ခြုဲင်းနယ်စစွဉ်ႏနုဲင်းနဝ်ꩻသွူ။\nကွပ်ဗွေႏသံဃာႏသီး ဟော်ꩻနုဲင်းနဝ်ꩻတဲင် ၁၃၁၀-ဗာႏနေင်ႏနဝ်ꩻ ကော်ပီအဝ်ႏစွဉ်ႏ ၇၅-ဖြာꩻ၊ စင်ꩻတွမ်ႏသျင်ႏနဝ်ꩻ အဝ်ႏစွဉ်ႏတရျာꩻလွိုနဝ်ꩻသွူ၊ လိုꩻကထင်ႏအာလွဉ်နုဲင်းနဝ်ꩻတဲင် အံႏအွꩻပျဿနာႏနဝ်ꩻ ဖျော်ထန်ႏလွဉ်စွဉ်ႏဒျာႏနဝ်ꩻသွူ။\nစင်ꩻဝဏ္ဏ ကအုပ်ချုပ်တွင်ꩻ လိုꩻကဆေ့ꩻနေနဝ်ꩻ စင်ꩻဝဏ္ဏလူႏခံႏသဲင်ꩻ တကာႏကျောင်ꩻထျꩻထင်ꩻ (တောင်ပိုင်းရပ်)တွမ်ႏ ဒုံဝါးပျား၊ အတွင်ꩻနဝ်ꩻ လိုꩻဆေ့ꩻနေတဲင် ကလူႏခံႏသားတဲ့ လူႏခံႏရုဲင်း၊ ကလူႏသားတဲ့ တာႏဝွန်ႏတပေါႏထွူႏတဝ်း၊ တွိုႏဝွေꩻဗွေႏစိုးနဝ်ꩻ လိုꩻအာတဲင် ကအီႏလူႏခံႏတကာႏကျောင်ꩻထျꩻကျောင်ꩻသောင်နဝ်ꩻတဲ့ တပေါႏရုဲင်းတဝ်း၊ ကွပ်ထာꩻမုဲင်ꩻနဲတဲင် ထာꩻကွီသီးအမျိုꩻယိုနဝ်ꩻ ချင်းကွီဗာႏ၊ မီႏတချင်းကွီတဝ်းနဝ်ꩻ ကဖေႏသားသူꩻ ကွဲညည စေႏတနာႏကုဲင်ဒါႏ၊ စေႏတနာႏကထင်ႏကုဲင်တဲင် ဖေႏတဝ်းဒွုမ်၊ ကထင်ႏဖေႏတဝ်းဒွုမ်တွော့ꩻ ကကွီသားတဲ့ သꩻတချံꩻသာႏတဝ်း၊ ကဖေႏသားတဲ့ သꩻတချံꩻသာႏတဝ်း၊ ကွပ်အထွာဒါႏနုဲင်းနဝ်ꩻ (ကွပ်ဝွေꩻဗွေႏယူႏနုဲင်းနဝ်ꩻ) မꩻ ဝွေꩻဗွေႏလူႏခံႏတပေါႏရုဲင်းတဝ်းနဝ်ꩻသွူ။\nလူႏခံႏတဲ့ သမ်းတပေါႏရုဲင်းတဝ်း၊ ထွားဒျာႏ အအံႏအအွꩻတဲ့ အဝ်ႏကုဲင်စွဉ်ႏ ကွတ်ꩻနီꩻတာႏဒျာႏ၊ ၁၃၁၀-ဗာႏနေင်ႏနဝ်ꩻ ဗွေႏဗွန်ဆချာဖုံႏတဲ့ တလꩻစွဲကို ကူႏညီႏကိုတဝ်းတဲင် ယူႏတဲ့သူႏသေတဝ်းဒွုမ်တွော့ꩻ (၁၃၁၀-ဗာႏ ဝါႏခေါင်ႏမားနီꩻနဝ်ꩻ) ဝွေꩻဗွေႏနက်လွေꩻခန်း ဗွေႏဗွန်ဖြားထျꩻတဲင် လဝ်းနယ်ခန်း အခရာႏတွော့ꩻ ဗွေႏဗွန်ဖြားသမ်းရိုꩻဒျာႏ - \"ခွေတဲ့ ယူႏတသူႏသေတဝ်း၊ နာꩻထွားမာꩻဒျာႏလုဲင်း\"သမ်းရိုꩻဒျာႏနုဲင်းနဝ်ꩻ၊ တွိုႏနဝ်ꩻ ဝွေꩻဗွေႏအီႏတွိုင်ႏပင်ႏ လိုꩻလင်သမ်းတအဲဉ်ထဝ်းဒွုမ်တွော့ꩻ ဝွေꩻဗွေႏယူႏခန်း အတပဲ့ꩻကို၊ အတွင်ꩻနဝ်ꩻ တပဲ့ꩻကို ကဟမ်းတန်လဲဉ်းဝင်ꩻ၊ တွိုင်ႏပင်ႏကအီႏရထွာနဝ်ꩻ အဝ်ႏဒျာႏ ဗွေႏဗွန်နောင်ကာꩻပေႏ (ဗွေႏပညာႏ-ယိုခါ)နဝ်ꩻလွုမ်ꩻတဲင် ဝွေꩻဗွေႏနက်လွေꩻထေ့ခန်း ဗွေႏဗွန်နောင်ကာပေႏထျꩻတွော့ꩻ -\n\"စင်ꩻပညာႏ ယိုခါနဝ်ꩻ အအံႏအအွꩻ အာဟာရတဲ့ အဝ်ႏကုဲင်ကွတ်ꩻနီꩻတာႏဒျာႏ၊ အီႏမာꩻဗာႏနုဲင်းမုဲင်ꩻယို၊ အွဉ်ႏစွꩻသဲင်ꩻစွဉ်ႏ လိုꩻပေႏဟောင်း၊ မွေးတဝ်းတဲ့ ကွီသဲင်ꩻစွဉ်ႏဗွေႏဗွန်ဖုံႏ အကူႏအညီႏဟောင်း၊ မာꩻနုဲင်းမုဲင်ꩻ အီႏရဟဝ်\"ဝွေꩻဗွေႏရီခန်းနုဲင်းနဝ်ꩻသွူ။\nတွိုႏနဝ်ꩻ ဗွေႏဗွန်နောင်ကာꩻပေႏရိုꩻ-\n\"အွဉ်ႏစွꩻသဲင်ꩻ လိုႏပေႏနဝ်ꩻ ရော့ꩻတဝ်းဗွေႏ၊ ကွပ်ထာꩻမုဲင်ꩻတဲင် တခြာကိုသူꩻ ယံကပသာလွလိုꩻပေႏတဲင် ဗွေႏဗွန်ဖုံႏ အဝ်ႏဟော်ꩻလဲဉ်းသွူဩ၊ ပေါႏနီဗွေႏအွဉ်ႏစွꩻသဲင်ꩻဟ တွမ်ႏဗွေႏဗွန်ကဟော်ꩻသူꩻ တနꩻဒွုမ်ဝင်ꩻသနယ်ဩ၊ ကွပ်နဝ်ꩻမꩻ ကွီသဲင်ꩻစွဉ်ႏ ဗွေႏဗွန်ဖုံႏ အကူႏအညီႏနဝ်ꩻ ရဟဝ်မတဝ်းဩ\" လဝ်းချာခန်းနုဲင်းနဝ်ꩻသွူ။\nအဝ်ႏနဝ်ꩻတွော့ꩻ ဝွေꩻဗွေႏတဲမ်းခန်းလိတ်နုဲင်းယို -\nဩဗွေႏ ဆရာႏတောႏ သံဃာႏတောႏသီးဩ -\nနီဗွေႏဆရာႏတောႏသီး ကဟော်ꩻပျော်ꩻနဝ်ꩻ နီပအိုဝ်ႏအမျာꩻ ကျောင်ꩻတန်အောင်ႏမျင်ႏရေꩻ၊ နီပအိုဝ်ႏပေႏ ယံကသွဉ်လွဝင်ꩻ ပညာႏ အဒဝ်ႏဒဝ်ႏသွူနဲ့ဩ၊ ကွဲႏတွော့ꩻ တွိုႏလိုꩻပေႏ အံႏအွꩻတာႏ အာဟာရနဝ်ꩻ နီဗွေႏဆရာႏတောႏ သံဃာႏတောႏသီး တဟော်ꩻပါတဝ်းသွူနဲ့ဩ၊ ကွပ်စွဉ်ႏ နီဗွေႏဆရာႏတောႏ သံဃာႏတောႏသီး ဟော်ꩻပျော်ꩻနဝ်ꩻမꩻ ယိုခါ ကျောင်ꩻမွဉ်ခြဲင်ကို ကော်ပီႏကလွဉ်သွဉ်ပညာႏ ကလွဉ်အုံလွကျောင်ꩻနဝ်ꩻ အဝ်ႏလဲဉ်းနွတ်ꩻဆီငတ်ꩻဖြာꩻသွူနဲ့ဩ၊ သာႏမဏေႏတွမ်ႏစင်ꩻနဝ်ꩻ အဝ်ႏလဲဉ်းတရျာꩻလွိုသွူနဲ့ဩ၊ ယိုခါနဝ်ꩻ အံႏအွꩻတာႏ အာဟာရနဝ်ꩻ တလုမ်းကုမ်ႏတဝ်းဒွုမ်၊ တပြဲ့ꩻစုံႏတဝ်းဒွုမ်သွူနဲ့ဩ၊ အဝ်ႏကုဲင်စွဉ်ႏဒျာႏ နွတ်ꩻသွစ်ꩻနီတာႏလွုမ်ꩻသွူနဲ့ဩ၊ ကွပ်နဝ်ꩻမꩻ လိုꩻပေႏသီး အအံႏအအွꩻ အာဟာရအတွက် ၁၃၁၀-ဗာႏနေင်ႏ တောႏလင်ꩻဆန်ꩻ သွစ်ꩻနီꩻမာꩻချာအတွင်ꩻကို နီဗွေႏဆရာႏတောႏသီး ယံကူႏညီႏပသာလွသွော့ အအံႏအအွꩻ အာဟာရသွူနဲ့ဩ၊ ၁၃၁၀-ဗာႏနေင်ႏ တောႏလင်ꩻဆန်ꩻအတွင်ꩻကို  အာဟာရမီႏတတွိုႏလွဉ်တဝ်းနဝ်ꩻခါ လိုꩻပေႏဖုံႏယိုနဝ်ꩻ ခွေသွဉ်းအီႏအွဉ်ႏစွꩻသဲင်ꩻချာဗာႏသွူနဲ့ဩ။\n(တောင်ꩻခါꩻ-လိတ်ကွီအကူႏအညီႏယိုနဝ်ꩻ ထွားတဲမ်းကူꩻသော့ꩻ စင်ꩻတန်ကတဲမ်းသေꩻခါꩻမူအတွိုင်ꩻနဝ်ꩻသွူ)\nဝွေꩻဗွေႏတဲမ်းထွူနုဲင်းနဝ်ꩻတဲင် ပသာသဲင်ꩻ -\n ကျောင်ꩻထီသိမ်ႏ\n ကျောင်ꩻနောင်ကာꩻ\n  ကျောင်ꩻနောင်ပစ်ꩻ\n ကျောင်ꩻထမ်းဘုရာꩻ\n ကျောင်ꩻလွယ်\n ကျောင်ꩻနမ်းဟူꩻ\n ကျောင်ꩻစငေါဝ်ꩻ\n ကျောင်ꩻကောင်ရွဉ်\n ကျောင်ꩻဒုံကောင်\n  ကျောင်ꩻနမ်းဟုတ်\n  ကျောင်ꩻသီႏသဲင်ႏဝေင်ꩻ (ဇဝနာရာမကျောင်ꩻတွိုက်-ယိုခါ)\nစတဲင် ကသေထွꩻကျောင်ꩻစားယိုဖုံႏသွူ။\nတွိုႏနဝ်ꩻတဲင်ခါ ဗွေႏဗွန်ဖုံႏတဲ့ သဲစ်ကထီႏလိတ်တဲင် ခွေတဲ့ထူႏရေꩻ နာꩻတဲ့ထူႏရေꩻ ပငါပရာꩻတွော့ꩻ ကအဝ်ႏဗော့ꩻနုဲင်းထီသိမ်ႏနဝ်ꩻ ဟူဖျော်ရီးရီးစွဉ်ႏဝင်ꩻꩻ ကဟမ်းဗော့ꩻဗော့ꩻသားနဝ်ꩻ ဖျော်လွဉ်တောႏလင်ꩻဆန်ꩻ၊ ကအဝ်ႏညာꩻသားနဝ်ꩻ ဖျော်လွဉ်တောႏလင်ꩻလောင်း၊ ကထင်ႏဖျော်လို့ကြောင်းနဝ်ꩻခါ ဟူတခီဖုံႏ အဝ်ႏပြုံႏအဝ်ႏပြင်ႏစွဉ်ႏထာꩻကျောင်ꩻကီ၊ ထွားဒျာႏ ဟန်ႏအိုသိဉ်ဟန်ႏအိုလာႏတဲ့ အဝ်ႏပွုမ်ႏအဝ်ႏပံႏစွဉ်ႏထာꩻ။\nတွိုႏနဝ်ꩻမꩻ ဝွေꩻဗွေႏတဲ့ သꩻခိုးလျားသꩻဒုက္ခတန်နဝ်ꩻခွꩻရျူႏသျူးထိုꩻစွဉ်ႏတဲင် လွေꩻကွဉ်ႏတဲ့ လွိုးပယွုမ်းယွုမ်း၊ လွေꩻတွို့ꩻတဲ့ လွိုးပယွုမ်းတွော့ꩻ -\n\"ပတ်သဲစ်တွမ်ႏအမျာꩻကိစ္စနုဲင်းယိုနဝ်ꩻ ပေါႏလွောင်ႏဗူႏဝင်နုဲင်းယိုတဲ မာꩻစွဉ်ႏထာꩻမုဲင်ꩻမုဲင်ꩻတဲ့ ထွာဗာႏ၊ အောင်ႏဗာႏဒျာႏရင်ꩻ၊ ပေါႏဝွေꩻဗွေႏသီး အဝ်ႏထူႏရေꩻနီ၊ အဝ်ႏဖေႏအာႏနီနုဲင်းယိုတဲ နီထာꩻမာꩻအောင်ႏဗာႏဒျာႏရင်ꩻ၊ ခွေနဝ်ꩻ မဉ်ယပ်ꩻနုဲင်းမုဲင်ꩻယပ်ꩻ သာႏသနာႏရေꩻ ဘာႏသာႏရေꩻ ပညာႏရေꩻ နီအမျိုꩻသာꩻရေꩻ ယံတိုꩻတက်နဝ်ꩻ ခွေအီႏကျိုꩻ ခွေအီႏနက်\"ဝွေꩻဗွေႏအာႏတက် သꩻပျောႏသွင်ႏမွေးစွဉ်ႏထာꩻနုဲင်းနဝ်ꩻသွူ။\nတွိုႏမွူးဟာ ဝုဲင်ႏဘုရာꩻထွူတွော့ꩻ ဝွေꩻဗွေႏဒါႏဖေႏ အတပဲ့ꩻပေႏဖုံႏနုဲင်းယို -\n\"အအံႏအအွꩻနဝ်ꩻ သီနန်းဗာႏတဝ်းဒွုမ်၊ သီအဝ်ႏလိုႏအုံဟဝ်ဟဝ်၊ အဝ်ႏလိုႏကျိုꩻစာꩻတဲတဲ ပညာႏလွုမ်ꩻ၊ ဝင်ꩻပသာလွဉ်သီ အအံႏအအွꩻယိုနဝ်ꩻ ထန်ႏနုဲင်းထီတဲင်တွော့ꩻ လꩻခြေင်တမွေးတဝ်း၊ ခွုမ်နမ်ႏစမ်ႏထုဲင်တဲင်တွော့ꩻ ဝင်ꩻကသတ်သူꩻ တသိုꩻပလဲင်ꩻတုဲင်နေးစွဉ်ႏ၊ ထုမ်ႏယပ်ꩻယပ်ꩻထွူနုဲင်းနဝ်ꩻတဲင် ဝင်ꩻကပသာလွဉ်နုဲင်းယိုနဝ်ꩻ ဝင်ꩻထာꩻရေႏရွယ်ႏချက်အဝ်ႏ၊ အဝ်ႏနုဲင်းမုဲင်ꩻနဲတဲင် -\n'ကျောင်ꩻမွဉ်ခြဲင်သူꩻနဝ်ꩻ နီအမျိုꩻသာꩻကျောင်ꩻ၊ ပေါႏနီတကူႏညီႏတဝ်း၊ ပေါႏနီတဖေႏအာႏတဝ်းနဝ်ꩻ ဝွေꩻဗွေႏသီး ထာꩻမာꩻထွာတဝ်း၊ ပေါႏဝွေꩻဗွေႏသီး ထာꩻမာꩻထွာတဝ်းနဝ်ꩻ မဲ့ꩻလိုꩻဒါႏ လိုꩻသေ ပေါႏထန်ႏလွဉ်တဝ်း၊ ပေါႏလိုꩻဒါႏလိုꩻသ ပေါႏထန်ႏလွဉ်တဝ်းနဝ်ꩻ နီအမျိုꩻသာꩻယို မုဲင်ꩻခါတဲ့ တိုꩻတက်တဝ်း၊ ပေါႏနီအမျိုꩻသာꩻတိုꩻတက်တဝ်းနဝ်ꩻ နီယို မုဲင်ꩻခါတဲ့ တချံꩻသာႏတဝ်း၊ အဝ်ႏထွာဗာႏဒျာႏ ဝင်ꩻသွဉ်း ဝင်ꩻချာႏနုဲင်းမုဲင်ꩻ၊ ဝင်ꩻဒို့ꩻနုဲင်းမုဲင်ꩻတဲ့ နီခံႏဗာႏသနယ်၊ နီမီႏကူႏညီႏဖေႏအာႏနဝ်ꩻ နီအမျိုꩻသာꩻကို လိုꩻဒါႏလိုꩻသေဖုံႏ အီႏပေါႏထန်ႏလွဉ်အာ၊ မီႏပေါႏထန်ႏလွဉ်အာနုဲင်းနဝ်ꩻတနီꩻခါ နီသာႏသနာႏ နီဘာႏသာႏ နီပညာႏ နီအမျိုꩻသာꩻယိုနဝ်ꩻ တိုꩻတက်ဗာႏ'ဝင်ꩻရေႏရွယ်ႏနုဲင်းနဝ်ꩻတဲင် ဝင်ꩻပသာထင်ႏဖေႏသီ။\nကွပ်နဝ်ꩻမꩻ သီနဝ်ꩻ အံႏအမျိုꩻသာꩻဒဲဉ်တဲင် ကျိုꩻစာꩻတဲတဲဗာႏပညာႏ၊ တွိုႏတနီꩻခါသူꩻ ကားသီကတတ်နွိုင်ႏ နီသာႏသနာႏ နီဘာႏသာႏ နီပညာႏ နီအမျိုꩻသာꩻ ယံကတိုꩻတက်နဝ်ꩻ သီနက်ဗ��ႏ၊ သီမာꩻဗာႏ၊ ပေါႏသီတမာꩻတဝ်းနဝ်ꩻ သီတာႏဝွန်ႏကေႏတဝ်း၊ သီထူႏငါးထွူဝင်ꩻရွဉ်တဲင် တွမ်ႏသီတဖြော်ချာတဝ်းနဝ်ꩻ ပီပီဝင်ꩻ၊ ထွီႏမီႏတဲ့ ပေါႏအဗွေႏဗွူႏအဆာႏနဝ်ꩻ ရက်ချာအဗွေႏ၊ ကားကတတ်နွိုင်ႏနဝ်ꩻ ရဲချာဖေႏအဗွေႏအန္တရာယ်ႏ၊ မာꩻချာဖေႏအဗွေႏအကျိုꩻ၊ သီနဝ်ꩻ တွိုႏတနီꩻခါ သီမီႏတရက်ချာတဝ်း အမျိုꩻသာꩻ၊ သီမီႏတမာꩻချာတဝ်း သာႏသနာႏ ဘာႏသာႏ ပညာႏ အမျိုꩻသာꩻအကျိုꩻနဝ်ꩻ သီညမ်းလဲဉ်းထွီႏ၊ သီမွိုက်လဲဉ်းထွီႏ\"ဒေါ့ꩻဖေႏနုဲင်းနဝ်ꩻသွူ။\nအတပဲ့ꩻဖုံႏ ကထင်ႏဟွုန်ဆရာႏငဝ်းနုဲင်းယိုတဲင် ကျိုꩻစာꩻလွ ပညာႏကဲဉ်းအာအာ၊ လိုꩻအယံစား ယင်းဟန်ႏသားနဝ်ꩻ -\n\"ဆရာႏကဒေါ့ꩻအတွိုင်ꩻ ခွေအီႏကျိုꩻစာꩻပညာႏ၊ တွိုႏခွေမီႏဒါႏ ပညာႏတနီꩻခါသူꩻ ခွေအီႏမာꩻ သာႏသနာႏ ဘာႏသာႏ အမျိုꩻသာꩻအကျိုꩻ\"ချꩻသꩻနုဲင်းနဝ်ꩻတဲင် နဲစ်ကျိုꩻစာꩻသွဉ်ပညာႏနဝ်ꩻသွူ။\n\nခြွိုင်ႏသန်ꩻရေꩻလဲ့-ယိုꩻတဝ်းတဲ့\nခြွိုင်ႏသန်ꩻရေꩻတဲ့ ယပ်ꩻဒျာႏခေါ်ခေါ်၊ ယပ်ꩻနုဲင်းမုဲင်ꩻနဲတဲင် လိုꩻကထင်ႏအာနဝ်ꩻ တဖြာꩻတဝ်းတဲ့တဖြာꩻ၊ ဆာထာꩻရင်းအဝ်ႏတသေႏသေႏ၊ နဝ်ꩻမꩻ ဝွေꩻဗွေႏနဝ်ꩻ ဖေႏဗာႏတသီႏ၊ တသီႏမီႏအဲဉ်ထဝ်းတဲ့ ထေရွဉ်ဖြေꩻဖေႏဗာႏ၊ ယလဲင်ႏလဲင်ႏတဲ့ တပဲ့ꩻအလောင်ႏလင် လွေꩻထင်ႏလို့ဒျာႏလိတ်၊ ဒေါ့ꩻလို့ဒျာႏလိတ်တဲင် အဝ်ႏလိုႏထီလျားတဲ့ ဒွိုႏဖေႏဗာႏ၊ မီႏအဝ်ႏလိုႏရပ်တဲ့ ရပ်ဖေႏဗာႏ၊ အခွမ်ꩻလာꩻ (အသင်္ကန်ꩻ)နဝ်ꩻ ခွဉ်ႏပေႏ ခွဉ်ႏတန် မီႏတဗော့ꩻတဲ့ ဝွေꩻဗွေႏနမ်း ပြွတ်ဖေႏဗာႏ၊ အမီႏရဟဝ်တဝ်းငါႏ၊ ရော့ꩻပသာလွေꩻ တသီႏယုံႏတဲ့ ဝွေꩻဗွေႏနမ်းကိုႏတဲင်ႏ ပသာလွေꩻဗာႏ၊ အတွင်ꩻနဝ်ꩻနဝ်ꩻ နီပအိုဝ်ႏသီးနဝ်ꩻ ဆော့ဆာစွဉ်ႏထာꩻတဲ့ တသေလွေꩻတဝ်း တသီႏယုံႏ၊ ငမ်းဒျာႏဝင်ꩻ၊ ဝင်ꩻသꩻဒျာႏဝင်ꩻ၊ ကွပ်နဝ်ꩻမꩻ လိုꩻပေႏဖုံႏနဝ်ꩻတဲ့ အလွေꩻဒျာႏဗွုန်ႏတဝ်း၊ အလွေꩻတဗွုန်ႏတဝ်းတဲင် ဝွေꩻဗွေႏနမ်းအွဉ်လွေꩻဗာႏ၊ နဝ်ꩻမꩻ ယလဲင်ႏလဲင်ႏနဝ်ꩻ အွဉ်ႏလွေꩻလိုꩻဟဝ်ထွူတဲင် -\n\"ယိုနဝ်ꩻ လိုꩻဆာရိုꩻရိုꩻခင်ႏလမ်း၊ မီႏပသာလိုꩻဆာရိုꩻရိုꩻနဝ်ꩻ ပသာဗာႏယိုကို၊ ယိုနဝ်ꩻ ဝင်ꩻလွံꩻလာꩻ အကဲင်အကင်ခင်လမ်း၊ နꩻဗာႏခွါဗာႏတွော့ꩻ ကထွာဒါႏ အကဲင်အကင်ဖုံႏနဝ်ꩻ လွေꩻဗာႏယိုကို၊ အခန်ꩻယိုနဝ်ꩻ ဖေႏဗာႏရွဉ်၊ အခန်ꩻယိုနဝ်ꩻ ဆရာႏမူႏခန်ꩻ၊ အခန်ꩻယိုနဝ်ꩻ ဆရာႏဝွန်ႏတန်ခန်ꩻ၊ အခန်ꩻယိုနဝ်ꩻ စာႏရင်ꩻသားခန်ꩻ၊ လိုꩻခိုဆာထာꩻ မီႏထင်ႏတသီႏယုံႏနဝ်ꩻ ဝင်ꩻအွဉ်ႏယိုကို၊ လိုꩻမူႏနဝ်ꩻ ဝင်ꩻအွဉ်ႏယိုကို၊ မီႏကွီတသီႏနဝ်ꩻ ကွီဗာႏယိုကို၊ အခန်ꩻယိုနဝ်ꩻ ပေါင်ꩻတသီႏခန်ꩻ\"စတဲင်နုဲင်းနဝ်ꩻတဲ့ တွိုႏဆုဲင်ဖေႏနေးဝွေꩻသီးကသေ၊ ဖေႏနေးကလွေꩻဒါႏ၊ ဖေႏနေးကကွီဒါႏနဝ်ꩻ ဒေါ့နယ်ခြုဲင်းနယ်ဗာႏနုဲင်းနဝ်ꩻထွူတွော့ꩻ ဝွေꩻဗွေႏနမ်း ကွီနယ်စွဉ်ႏတသီႏနဝ်ꩻသွူ။\nဝွေꩻဗွေႏသွဉ်နယ်ဖေႏနုဲင်းနဝ်ꩻတဲင် ဆုဲင်ꩻနဝ်ꩻ လိုꩻပေႏဖုံႏနဝ်ꩻ အငမ်းတဝ်းဒွုမ်ဝင်ꩻ၊ အလွေꩻဗွုန်ႏဒျာႏ၊ အသေကွီဒျာႏ၊ အွိုးတဒါႏတဝ်းသားတဲ့ ထွဉ်ႏကဒါသား အွဉ်လွေꩻနယ်တဲင် အဒါႏနုဲင်းနဲင်းတဲင် အစူကဲင် အခင်ႏကဲင်တဲ့နဝ်ꩻ၊ အုံဟဝ်အဝ်ႏသန်ꩻတဝ်းတဲ့နဝ်ꩻ အသေလွေꩻဒျာႏ တသီႏယုံႏနဝ်ꩻသွူ။\nကလွေꩻနွောင်ꩻနုဲင်းနဝ်ꩻနဝ်ꩻ ဟဝ်တဲ့ဟဝ်ယိုꩻ၊ ရွဉ်တဲ့တလို့ဗာႏတဝ်း၊ တွိုႏလွံꩻလာꩻတခြာကိုနဝ်ꩻ တသီႏတစွုမ်ႏတဝ်းတဲင် ဟဝ်တဲ့နန်ꩻဟဝ်၊ စူဟွာႏခꩻတဲ့ လို့အာငါႏအကျောင်ꩻနဝ်ꩻ ဝွေꩻသီးသလွဉ်စွဉ်ႏဒျာႏနဝ်ꩻသွူ။ ကွပ်ဝွေꩻဗွေႏ မာꩻဖေႏနဝ်ꩻမꩻ ဝွေꩻသီးသေဗာႏ၊ ဒါႏဗာႏ၊ ဖေႏနေးဝွေꩻသီးကဒါႏတဲ့နဝ်ꩻ၊ ကလွံꩻလာꩻဝွေꩻသီးတဲ့နဝ်ꩻ ဝွေꩻဗွေႏခံႏယပ်ꩻ၊ ခံႏဒုက္ခဗာႏတဲင် ဝွေꩻဗွေႏကခွုမ်မာꩻဗာႏ ခြွိုင်ႏသန်ꩻရေꩻယိုတဲ့ တယိုꩻတဝ်းနဝ်ꩻသွူ။\n\nကြောင်းစင်ရေꩻလဲ့-ယိုꩻတဝ်းတဲ့\n  ကျောင်ꩻထျꩻကျောင်ꩻသောင် ကြောင်းစင်ရေꩻ\n ကျောင်ꩻကီကြောင်းစင်ရေꩻ\n  ဖွိုင်ႏဝန်ႏကြောင်းစင်ရေꩻ\n  လိုꩻပေႏကြောင်းစင်ရေꩻ\n  အကွဉ်အကꩻကြောင်းစင်ရေꩻ\nစတဲင် ကြောင်းစင်ရေꩻဖုံႏယိုနဝ်ꩻတဲ့ ဝွေႏဗွေႏထွားမာꩻဗာႏ၊ ထွားမာꩻဗာႏနုဲင်းမုဲင်ꩻနဲတဲင် ကခြုဲင်းလွဉ်ချာသူꩻအတွိုင်ꩻ ကျောင်ꩻတန်အထျꩻအသောင်ကရီးနဝ်ꩻ တကြောင်းတဝ်း၊ တသျင်ꩻတဝ်းနုဲင်းယိုခါ၊ ကြောင်းတဝ်းဖေႏကကြောင်း၊ သျင်ꩻတဝ်းဖေႏကသျင်ꩻနဝ်ꩻ ခူႏထိုꩻဗာႏ သေင်ႏတနို့ဝါႏတနို့၊ သဲ့ꩻထိုꩻဗာႏထာꩻအီႏ၊ ပွိုးတွောင်းဗာႏဟံႏ၊ မာꩻဟဝ်ဗာႏတဖူꩻ။\nကမာꩻနုဲင်းနဝ်ꩻတဲ့ လိတ်ဒေါ့ꩻခိန်ႏ၊ လိတ်သွဉ်ခိန်ႏကုဲင်ဗာႏတဝ်း၊ ကအဝ်ႏခြေင်ခိန်ႏအခါႏပေႏနဝ်ꩻ သေင်ႏတနို့ဝါႏတနို့ မီႏပေႏတဲ့ ထွဉ်ႏလိုꩻပေႏခူႏတဖြာꩻ တတနို့၊ အမီႏဟမ်းတန်တဲ့ တတနို့ဝင်ꩻနီဝင်ꩻသွံ မာꩻနုဲင်းနဝ်ꩻ၊ ခူႏကယပ်ꩻလဲဉ်းဝင်ꩻနဝ်ꩻ အဝ်ႏခြုံႏရွီး၊ ခြုံႏရွီးနဝ်ꩻ တန်ငါႏမရေႏမရာႏတဲင် မာꩻနေးအစွိုꩻ၊ တစွိုꩻစွိုꩻယို အွဉ်ႏခူႏတဆီငတ်ꩻမိနစ်၊ ခြုံႏရွီးနဝ်ꩻ ခူႏဗာႏလစ်ꩻမွူးတာႏ၊ ခူႏကထင်ႏထွူနဝ်ꩻ တမွူးတာႏယို အဝ်ႏစွဉ်ႏနီသွံလော၊ မာꩻတောစွဉ်ႏသိုႏနဝ်ꩻသွူ။\nကသဲ့ꩻထိုꩻထာꩻအီႏနဝ်ꩻတဲ့ ဖန်းဖေႏနေး၊ နာꩻနဝ်ꩻတဲႏယို ဗꩻလ���ေꩻယို၊ ဝွေꩻနဝ်ꩻ တဲႏယို ဗꩻလွေꩻယို ဖန်းဖေႏနေးနုဲင်းနဝ်ꩻ၊ ကပွိုတွောင်းဟံႏတဲ့ ဖန်းဖေႏနေးနုဲင်းနဝ်ꩻနေနေ၊ တဖူꩻကအဝ်ႏလေပ်ကျောင်ꩻတွိုက်တန် ယိုခါနဝ်ꩻတဲ့ ပနဲမာꩻဗာႏ၊ တဟာယို ထွဉ်ႏလိုꩻပေႏတောဟံႏအေႏ တဖြာꩻတဗုံꩻဗုံꩻ၊ ဟံႏအေႏထင်ႏလို့တဲင် အွဉ်ႏတောတောလုံး၊ လုံးခဝ်ပစော့ꩻပနျꩻ ကျောင်ꩻထျꩻကျောင်ꩻသောင် ကထင်ႏလို့တဲင် အွဉ်ႏတောတော လုံးခြောင်ကို၊ လုံးခြောင်ကို ကထင်ႏလို့တဲင် အွဉ်ႏတောတောအွတ်ꩻ ကျောင်ꩻတလင်ꩻကိုနဝ်ꩻသွူ။\nကျောင်ꩻကီယံကကြောင်းနဝ်ꩻတဲ့ လယ်ႏထွားဗာႏ၊ ရော့ꩻဖွစ်ꩻဖျိုးတဲ့ ဖွစ်ꩻဖျိုး၊ လိုꩻပေႏဖုံႏတဲ့ ယံကသေဖွစ်ꩻဖျိုးထာꩻနဝ်ꩻ အွဉ်ႏဖေႏဗာႏနေးအလဲ့ꩻ၊ တခြိုꩻတလေင်ꩻဖုံႏတဲ့ ထွားဖေႏနေးကဟဝ် ထွားဖေႏနေးကသျင်ꩻနဝ်ꩻ ဝွေꩻဗွေႏထွားအွဉ်ဗာႏနဝ်ꩻသွူ။\nဖွိုင်ႏဝန်ႏတဲ့ ယံကကြောင်းနဝ်ꩻ ထွဉ်ႏပသေဗာႏ၊ ထွဉ်ႏပွစ်ဗာႏ၊ ယလဲင်လဲင်ႏတဲ့ ဝွေꩻဗွေႏနမ်း ပသေကိုဗာႏ၊ ပွစ်ကိုဗာႏ၊ ပသေထွူ ပွစ်ထွူတဲ့ ဖွိုင်ꩻတဲ့ဖွိုင်ꩻခင်ႏလမ်း၊ ဝန်ႏတဲ့ဝန်ႏခင်ႏလမ်း၊ စောတဲ့စောခင်ႏလမ်း ထွဉ်ႏအွဉ်ႏဟဝ်ဗာႏ၊ ယလဲင်ႏလဲင်ႏတဲ့ ဝွေꩻဗွေႏနမ်း ထွားအွဉ်ႏဟဝ်ဗာႏနဝ်ꩻသွူ။\nလိုꩻပေႏယကကြောင်းစင်နဝ်ꩻတဲ့ ပနဲမာꩻဗာႏ၊ ပွိုးထာꩻမုဲင်ꩻနဲတဲင် နီပအိုဝ်ႏသီးယိုနဝ်ꩻ ကဲဉ်းအာအာ တမွဉ်းဒါႏတဝ်းနမ်း၊ \"နီယိုနဝ်ꩻ လိုꩻတခြာ၊ ထာꩻလုပ်ꩻသားလဲႏကွို့ꩻ တတပ်မွဉ်းတဝ်းနမ်း\"အွဉ်ႏဒျာႏသꩻနုဲင်းနဝ်ꩻတဲင် အုံဝွေႏဝွေႏဒါႏထာꩻ၊ ထီတဲ့တလူးကြွို့ꩻတဝ်း၊ အံႏဒဲဉ်ထွူတဲ့ အစူနဝ်ꩻ ဒွတ်ꩻချာဗော့ꩻ အခင်ႏလောင်ꩻ၊ ဒွတ်ꩻချာဗော့ꩻ အကွဉ်ꩻခင်ႏနဝ်ꩻသွူ။\nလိုꩻပေႏသီးယိုနဝ်ꩻ အထွားလိုꩻတန်ဖုံႏ အအုံ အအဝ်ႏ အလွေꩻအသဲင်ꩻ အဒေါ့ꩻအဖြဝ်ႏတဲင် ဝွေꩻသီးအုံအဝ်ႏနုဲင်း၊ လွေꩻသဲင်ꩻနုဲင်း၊ ဒေါ့ꩻဖြဝ်ႏနုဲင်း၊ ကွပ်နဝ်ꩻမꩻ \"အမွူးတကီႏ-အဒီႏတကယ်၊ အမွူးဟယ်-အပေႏရွိုင်ꩻ\" ငဝ်းနဝ်ꩻအတွိုင်ꩻ အမွိုးအဖါကထင်ႏအုံဝွေႏတဲင် အပိုပေႏဖုံႏတဲ့ အုံဝွေႏဒျာႏနုဲင်းနုဲင်းနဝ်ꩻသွူ။\nကွပ်နဝ်ꩻမꩻ လိုꩻပေႏကဖျော်ထင်ႏ ဝွေꩻဗွေႏထျꩻယင်ဟန်ႏနဝ်ꩻ ထွားအငွဉ်ꩻထျꩻ အနာႏလာႏထျꩻ အစူခိုႏ အခင်ႏခိုႏဖုံႏနဝ်ꩻ ထွာစွဉ်ႏဒျာႏ ခြူႏခြီႏလွဉ်းလွဉ်း၊ ထွားအငင်းတဲ့ စူမီႏခြောင်ꩻ၊ ထွားအခင်ႏလောင်ꩻတဲ့ ဟမ်းကြိုႏကြိုႏ၊ ထွားအခင်ႏခိုႏတဲ့ ထေꩻထေꩻထာꩻထာꩻ၊ ထွားအခင်ႏယာꩻတဲ့ ပꩻပꩻပိꩻပိꩻ၊ ထွားတလꩻဒွုမ်တစိꩻစိꩻနဝ်ꩻသွူ။\nကွပ်နဝ်ꩻမꩻ စွီႏအစူ ဟဲ့ꩻလွေꩻထီအုံႏထျꩻ၊ အွဉ်ႏလူးထီ၊ ဝွေꩻဗွေႏဒွူႏဖေႏဗာႏခြူႏခြီႏ၊ တွိုႏဆုဲင်ꩻယံကလူးထီ ပနီꩻပနီꩻတဲ့ ခြုဲင်းနယ်ဗာႏ၊ ဒေါ့ꩻနယ်ဗာႏနဝ်ꩻသွူ။\nအကတူႏတဲ့ တသွိုက်ꩻသွိုက်ꩻတန်တဲင် ဝွေꩻဗွေႏခံꩻလို့ရွဉ် ဖြေꩻဖေႏကိမ်ꩻရုဲင်ꩻရိုꩻရိုꩻနဝ်ꩻယင်၊ ကိမ်ꩻရုဲင်ꩻကရုဲင်ꩻအီကလူꩻနဝ်ꩻယင်တွော့ꩻ ဝွေꩻဗွေႏနမ်း ရုဲင်ꩻဖေႏဗာႏ၊ ကြော့ꩻဖေႏဗာႏ၊ အစူမီအခင်ႏမီႏနဝ်ꩻတဲ့ ဟဝ်အွဉ်ႏဆွာꩻတဝ်း၊ ယံကရုဲင်ꩻထိုꩻနဝ်ꩻတဲ့ ဒေါ့ꩻဖေႏဗာႏနဝ်ꩻသွူ။\nအခွမ်ꩻလာꩻနဝ်ꩻတဲ့ ယံကပဆျူႏကြောင်းကြောင်း၊ ယံကကွဉ်ကꩻကြောင်းကြောင်းစတဲင်နုဲင်းနဝ်ꩻဖုံႏတဲ့ ဒေါ့ꩻနယ်ဗာႏ၊ အွဉ်ႏပဆျူႏဗာႏအခွမ်ꩻလာꩻ (အသင်္ကန်ꩻ)ဖုံႏနဝ်ꩻသွူ။\nကွပ်နဝ်ꩻမꩻ ကြောင်းစင်ရေꩻဖဲ့ꩻတဲ့ ဝွေꩻဗွေႏကထူႏတာႏဝွန်ႏ၊ ကမာꩻဗာႏနုဲင်းယိုနဝ်ꩻ ယပ်ꩻငါႏ မရေႏမရာႏနဝ်ꩻသွူ။\n\nပညာႏရေꩻလဲ့-ယိုꩻတဝ်းတဲ့\nပညာႏရေꩻတဲ့ ယပ်ꩻဒျာႏတမျိုꩻ၊ ယပ်ꩻနုဲင်းမုဲင်ꩻနဲတဲင် အတွင်ꩻနဝ်ꩻခါ နီပအိုဝ်ႏသီးယင်းဟန်ႏနဝ်ꩻ \"ဒါႏလိတ်တဲ့ အံႏဒဲဉ်၊ ဒါႏတဝ်းလိတ်တဲ့ အံႏဒဲဉ်၊ လိုꩻမူႏနဝ်ꩻ အမျိုꩻသွဉ်လိတ် တမွေးတဝ်း၊ အမျိုꩻပွိုဒျာႏဟံႏ-အမျိုꩻစံႏဒျာႏစော်ꩻ၊ လိုꩻမူႏဒါႏလိတ်နဝ်ꩻ ဒါႏစွဉ်ႏအဖေႏတေ့ꩻ အဝင်ꩻခိုလိတ်လွုမ်ꩻ\" ဒေါ့ꩻလွနုဲင်းနဝ်ꩻတဲင် ပညာႏနဝ်ꩻ အနမ်းတဲ့တသွဉ်တဝ်း၊ အပိုအလီꩻတဲ့ တထွဉ်ႏသွဉ်တဝ်း၊ ဝင်ꩻသွဉ်ညာꩻညာꩻတဖြာꩻတဲ့ တဖေႏအာႏတဝ်းတဲင် နီပအိုဝ်ႏပညာႏရေꩻ အဆင်းအရန်းနဝ်ꩻ လင်ꩻထဲ့ဖွိုႏဗာႏ မရေႏမရာႏနဝ်ꩻသွူ။\nယင်ဟန်ႏသားနဝ်ꩻ အငမ်းလဲႏကွို့ꩻ လိုꩻတန်၊ အငမ်းလဲႏကွို့ꩻဝင်ꩻဒေါ့ꩻတဲင် အပိုနဝ်ꩻ အွဉ်ႏတရာကွို့ꩻကျောင်ꩻ၊ ယင်ဟန်ႏသားနဝ်ꩻရိုꩻ \"ဒါႏတဝ်းလိတ်တဲ့ယဝ်း၊ ဒါႏငါမန်းငါမန်ႏထွူ\"ရေႏရွယ်ႏနုဲင်းနဝ်ꩻသားတဲ့အဝ်ႏ၊ ကွပ်နဝ်ꩻမꩻ လိုꩻပေႏကအီႏမဉ်သွဉ်မွေး ပညာႏသားတဲ့ခြော၊ ပညာႏယို အရေꩻတန်ငါႏ၊ အငိုꩻတန်ငါႏ၊ ဒါႏတဝ်းပညာႏနဝ်ꩻ ထွာဗာႏဝင်ꩻသွဉ်း၊ တွမ်ႏဖိုးပနားပီပီဝင်ꩻ၊ ဝင်ꩻထွဉ်ႏလွေꩻမုဲင်ꩻတဲ့ လွေꩻဗာႏစတဲင်ကအီႏသေနာႏနုဲင်းနဝ်ꩻနဝ်ꩻ အခြောတန်ဒျာႏနဝ်ꩻသွူ။\nကွပ်နဝ်ꩻမꩻ လိုꩻပေႏကသွဉ်ကီပညာႏတဲ့ အသꩻတပေါႏပါတဝ်း၊ ပညာႏသီးအမျိုꩻနဝ်ꩻ မာꩻဗာႏတွမ်ႏသꩻတဲင် သꩻကထင်ႏပါတဝ်းနဝ်ꩻ အနန်ꩻဒါႏ၊ ကထင်ႏနန်ꩻဒါႏတဲင် ညညနဝ်ꩻ သမ်းလွꩻလွဉ်၊ ကထင်ႏလွꩻလွဉ်တဲင် မဉ်သွဉ်တဝ်းဒွုမ်၊ ကထင်ႏမဉ်သွဉ်တဝ်းဒွုမ်နဝ်ꩻ အွဉ်ႏထွူတခြိုထိုꩻ၊ ကထင်ႏအွဉ်ႏထွူတခြိုထိုꩻတဲင် ဒါႏတဝ်းပညာႏ၊ ကထင်ႏဒါႏတဝ်းပညာႏတဲင် သဲင်��မွိုက်ꩻဗာႏဒျာႏဟံႏ၊ အတိန်ႏသဲင်ꩻမွိုက်ꩻဗာႏယင်းဟံႏနုဲင်းနဝ်ꩻတဲင် လိုꩻတကြောက်တကြက်သားနဝ်ꩻရိုꩻ \" ထွားဗော့ꩻနဝ် သွဉ်ပညာႏတဲ့ တထူꩻတဝ်း၊ သွဉ်ဗာႏပညာႏသားတဲ့ ခွုမ်နံႏ၊ ဒါႏတဝ်းပညာႏသားနုဲင်းနီတဲ့ခွုမ်နံႏ၊ အကွာႏခေါ်ကဲးထာꩻမုဲင်ꩻ\" အွဉ်ႏမွေးအနမ်း၊ အွဉ်ႏဟွစ်ꩻအနေ့ꩻဖူတဲင် ဒေါ့ꩻသင်ႏခန်းထာꩻနုဲင်းနဝ်ꩻသွူ။ ကောဒေါ့ꩻသားနဝ်ꩻ ကထင်ႏအဝ်ႏအာတဲင် လိုꩻထာꩻယူႏဖွိုꩻသားနဝ်ꩻ ယူႏဒျာႏအမွေးတဲင် ဖေႏသွဉ်တဝ်းဒွုမ် အပိုပညာႏ၊ ကထင်ႏဖေႏသွဉ်တဝ်းတဲင် ဒါႏတဝ်းဉာဏ်ႏပညာႏ၊ ထင်ႏတဒါႏတဝ်းတဲင် အစစအရာႏရာႏ အဆင်းအရန်းထဲ့ဖွိုႏလဲဉ်းဝင်ꩻတွော့ꩻ မော့ꩻဗာႏဒုက္ခအမျိုꩻမျိုꩻ၊ အဆင်းအရန်းထဲ့ဖွိုႏ ကထင်ႏမော့ꩻအာ ဒုက္ခတဲင် ထီႏဝင်ꩻနဝ်ꩻ ထင်းတန်တောဒျာႏ၊ ဟွုန်ငမ်းထိုꩻဒျာႏဝင်ꩻနုဲင်းနဝ်ꩻသွူ။\nကွပ်နဝ်ꩻမꩻ ကမော့ꩻဗာႏ ဒုက္ခအမျိုꩻမျိုꩻနုဲင်းယို ယံကလွစ်ကင်ꩻ၊ အဆင်းအရန်းယံကထို၊ သꩻရုဲင်းယံကအဝ်ႏ၊ ယံကလိမ္မာႏလက်ꩻလဲဉ်၊ ယံကဒါႏယံကသေနဝ်ꩻ လောကီပညာႏတွမ်ႏ လောကုတ္တရာႏပညာႏဖုံႏယိုလဲ့ ဝွေꩻဗွေႏကျိုꩻစာꩻသွဉ်သင် ဆောင်ႏရွက်ဖေႏဗာႏ၊ ခံႏယပ်ꩻဗာႏနမ်းနဝ်ꩻသွူ။\nကွပ်နဝ်ꩻမꩻ ဝွေꩻဗွေႏကခွုမ်မာꩻဒါႏ ပညာႏရေꩻယိုနဝ်ꩻတဲ့ ယပ်ꩻဒျာႏတမျိုꩻနဝ်ꩻသွူ။\n\nကျောင်ꩻတန်ကိစ္စ-မာꩻဗာႏက\nအရေꩻကိစ္စကျောင်ꩻထန်ႏဖုံႏတဲ့ သမ်းမာꩻဒျာႏဒွိုန်းကခေါ်ခေါ်၊ အရေꩻကိစ္စကျောင်ꩻထန်ႏကရိုꩻနဝ်ꩻ -\n  ဝေင်ꩻရန်ႏကုန်ႏ၊ တောင်ႏကီꩻကျောင်ꩻတွိုက်ကိစ္စ\n  ဝေင်ꩻတောင်ႏကီꩻ၊ ကျောင်ꩻတန်အောင်ႏမျင်ႏရေꩻကိစ္စ\n  ရှမ်းရိုးမ ဂဏသမူဟအစွိုꩻကိစ္စ\n  ရိုးမရဟန်ꩻပေႏအစွိုꩻကိစ္စ\n  ပအိုဝ်ႏလိတ်လုဲင်ꩻအစွိုꩻကိစ္စ\n  ရဲခါꩻ သာသနာႏအန္တရာယ်ႏကိစ္စ\n  ဆုံꩻဖျတ်အဓိကရုဏ်းကိစ္စ\n  ဖြေႏသျင်ႏပျဿနာႏကိစ္စ\n  သမုတ်သိမ်ႏကိစ္စ\n  ခံႏသျင်ႏ ခံႏစင်ꩻကိစ္စ\n  တရာꩻဟော်ꩻကိစ္စ\n အမျိုꩻသာꩻရေꩻကိစ္စ-စတဲင် အရေꩻကိစ္စစားယိုဖုံႏသွူ။\nကရီးခါ ဝေင်ꩻရန်ႏကုန်ႏကို ခါးလားတောင်ႏကီꩻကျောင်ꩻတွိုက် (ပအိုဝ်ႏကျောင်ꩻ) ကအဝ်ႏနဝ်ꩻ နီပအိုဝ်ႏအမျိုꩻသာꩻဖုံႏ လင်ꩻလဲႏရန်ႏကုန်ႏတဲ့နဝ်ꩻ၊ လင်ꩻဖြေꩻလဲႏတခြိုꩻ ရန်ႏကုန်ႏကိုတဲ့နဝ်ꩻ၊ လင်ꩻသွဉ်ပညာႏ ရန်ႏကုန်ႏကိုတဲ့နဝ်ꩻ ခင်ႏလမ်းခိုႏ၊ ခင်ႏလမ်းတယ်ꩻအဲဉ်ထဝ်းတဲင် မော့ꩻအယပ်ꩻအခုဲင်ႏအမျိုꩻမျိုꩻ၊ ခံႏဗာႏမဲ့ငါပေႏနဝ်ꩻသွူ။\nကွပ်နဝ်ꩻမꩻ ဝေင်ꩻရန်ႏကုန်ႏကိုသူꩻ နီပအိုဝ်ႏအမျိုꩻသာꩻကျောင်ꩻ ယံကအဝ်ႏတဲင် နီပအိုဝ်ႏသံ��ာႏစီꩻဝွေꩻထွူလို့ဝင်ꩻတွော့ꩻ လွောင်ႏသေꩻခါꩻ ထာꩻမာꩻသား(အမှုဆောင်)ကွတ်ꩻပါꩻ။\nကွတ်ꩻပါꩻကရိုꩻနဝ်ꩻ -\n  ဗွေႏဓမ္မသာမိ စင်ꩻတန်ကလွဉ်ႏထိုꩻ\n  ဗွေႏပဏ္ဍိတ၊ ဗွေႏဗွန်နောင်ကာꩻတန်\n  ဗွေႏသူရိယ၊ ဗွေႏဗွန်ထီတခေါ့ꩻ\n  ဗွေႏအရိယဝံ၊ ဗွေႏဗွန်မြို့ဦး၊ ဝေင်ꩻတောင်ႏကီꩻ\n  ဗွေႏတိလောက၊ ဗွေႏဗွန်ညောင်ဝဲင်း၊ သထုံႏတန်\n  ဗွေႏဃောသိတ၊ ဟံႏသွူꩻ\n  ဗွေႏဇောတိပါလ၊ ဗွေႏဗွန်ကော်ခြံ၊ ကျိုက္ကော်ဆထင်ꩻ\n  ဗွေႏသာဂရ (ဟွေးဟွမ်းကျောင်ꩻ)\n  ဗွေႏစိန္တာမယ ဟံႏဖို့ (ထွက်လဲဉ်းသွူ)\nယိုကွတ်ꩻပါꩻသွူ။ ကွတ်ꩻပါꩻကိုယိုနဝ်ꩻ ဝွေꩻဗွေႏတဲ့ပါသော့ꩻတဲင် ၁၃၁၅-ဗာႏနေင်ႏနဝ်ꩻ ဝွေꩻဗွေႏလင်ꩻဆိုႏဝါႏ ရန်ႏကုန်ႏတွော့ꩻ ကျောင်ꩻယံကအောင်ႏနဝ်ꩻ ဝွေꩻဗွေႏခံႏယပ်ꩻ ခံႏဒုက္ခအမျိုꩻမျိုꩻ ကျိုꩻစာꩻမာꩻဖေႏနဝ်ꩻမꩻ ကျောင်ꩻအောင်ႏမျင်ႏလꩻနဝ်ꩻသွူ။\nကျောင်ꩻကထင်ႏအောင်ႏလꩻတဲင် နီအမျိုꩻသာꩻ လင်ꩻလယ်ႏရန်ႏကုန်ႏတရိုꩻတဝ်း၊ လင်ꩻဖြေꩻꩻတခြိုꩻတရိုꩻတဝ်း၊ လင်ꩻထုမ်ႏပညာႏတရိုꩻတဝ်း မော့ꩻဗာႏဒွုမ်အယပ်ꩻအခုဲင်ႏ၊ မဲ့ငါပေႏဗာႏဒွုမ်တွော့ꩻ ရော့ꩻဟဝ်ငါႏ မရေႏမရာႏနဝ်ꩻသွူ။\nကွပ်ထာꩻမုဲင်ꩻနဲတဲင်တဲင် မီႏဖျော်လင်ꩻရန်ႏကုန်ႏနဝ်ꩻ လင်ꩻတယ်ꩻ လင်ꩻခိုႏနဝ်ꩻကို၊ ဝေင်ꩻတန်တန်တွော့ꩻ လွေꩻလဲႏထာꩻ မီႏတသူႏသေတဝ်းတဲ့ ကအုံကျောင်ꩻနဝ်ꩻသားနဝ်ꩻ အွဉ်လဲႏဒျာႏ၊ လွေꩻဗာႏနုဲင်းမုဲင်ꩻစတဲင်နုဲင်းနဝ်ꩻဖုံႏလဲ့ ဝင်ꩻဒေါ့ꩻနယ်ဒျာႏ၊ ဖြေꩻတခြိုꩻမီႏသူႏသေတဝ်းတဲ့ ဝင်ꩻဒေါ့ꩻနယ် ဝင်ꩻအွဉ်နယ် ဝင်ꩻဖြေꩻနယ်ဒျာႏ၊ မီႏမဉ်သွည်ပညာႏတဲ့ မီႏထွာလောကီသား (ကော်ပီႏ)တဲ့ အုံနဝ်ꩻကို လွꩻထင်ႏကျောင်ꩻ၊ မီႏထွာလောကုတ္တရာႏသား (လိုꩻကျောင်ꩻ)တဲ့ သွဉ်ဗော့ꩻနဝ်ꩻကိုတဲ့လꩻ၊ အုံကျောင်ꩻနဝ်ꩻ လွေꩻသွဉ်(လွေꩻထင်ႏ)ကျောင်ꩻလင်တဲ့ လꩻဒျာႏနဝ်ꩻသွူ။\nမီႏမဉ်အုံကျောင်ꩻလင်တဲ့ ဝင်ꩻထူႏတာႏဝွန်ႏ လွေꩻပသာဖေႏ၊ မီတအုံဟဝ် အဝ်ႏသန်ꩻတဝ်းတဲ့ ဝင်ꩻသာလွေꩻဖေႏ တသီႏယုံႏမာꩻနုဲင်းနဝ်ꩻသွူ။ ကွပ်နဝ်ꩻမꩻ နီပအိုဝ်ႏကျောင်ꩻ ကထင်ႏအဝ်ႏသော့ꩻလꩻ ဝေင်ꩻရန်ႏကုန်ႏကိုနဝ်ꩻ အကျိုꩻအာငါႏ၊ ကခံႏစာꩻဗာႏအကျိုꩻနုဲင်းယိုနဝ်ꩻ ဝွေꩻဗွေႏကေꩻဇူꩻတဲ့ ပါသော့ꩻအာငါႏ မရေႏမရာႏသွူ။\nကျောင်ꩻတန် ယံကအောင်ႏမျင်ႏနဝ်ꩻတဲ့ ဝွေꩻဗွေႏအဝ်ႏပါသော့ꩻ အကျိုꩻဆောင်ႏကိုနဝ်ꩻသွူ။\nရှမ်းရိုးမ ဂဏသမူဟအစွိုꩻကိုနဝ်ꩻ ဝွေꩻဗွေႏထွာဗဟို အကျိုꩻဆောင်ႏတပါꩻတဲင် ဘာႏသာႏရေꩻကိစ္စ သာႏသနာႏရေꩻကိစ္စစတဲင်ကိစ္စဖုံႏနဝ်ꩻ ဝွေꩻဗွေႏခံႏမာ���ဗာႏတွော့ꩻ ဝွေꩻဗွေႏနဝ်ꩻ ထွာပုဂ္ဂိုလ်ႏအရေꩻတန်တပါꩻသွူ။\nရိုးမရဟန်ꩻပေႏ ကထွာလွဉ်ဗာႏအကျောင်ꩻတွမ်ႏ ထာꩻရေႏရွဲႏချက်ဖုံႏနဝ်ꩻ လိုꩻအဆုဲင်ꩻသား ဟဝ်သေခါꩻနေနေတဲင် အီႏတဲမ်းနယ်က တစိꩻပေႏငါ၊ ရဟန်ꩻပေႏအစွိုꩻ ကထွာလွဉ်ဗာႏအကျောင်ꩻနဝ်ꩻ နီခမ်းကောင်ကိုယို ဘာႏသာႏအန္တရာယ်ႏ' သာႏသနာႏအန္တရာယ်ႏ အတန်စား (အကျမ်ꩻစား) ဖျော်ထန်ႏလွဉ်တဲင် တွိုႏ ၁၃၁၃-ဗာႏ၊ ဒဲဉ်သီႏလာဗွေ (၁၀-၃-၅၂)နီꩻ ပွယ်ꩻမွေႏတောႏကက္ကူႏနီꩻနဝ်ꩻ သံႏဃာႏခမ်းကောင်ဖုံႏ စီꩻဝွေꩻဒေါ့ꩻတောႏလို့ဝင်ꩻထွူတဲင် မာꩻစွဉ်ႏအစွိုꩻ ပွယ်ꩻကက္ကူႏ(ဆောင်ႏဖိုးသားတရွပ်)ကိုနဝ်ꩻသွူ။\nရဟန်ꩻပေႏအစွိုꩻ ရေႏရွဲႏချက်နဝ်ꩻ -\n သာႏသနာႏတောႏ ယံတဉ်ႏခွေါင်ခံႏနဝ်ꩻ စောင်းရှောက်ဗာႏ \n  ဝင်ꩻမီႏထိခွိုက်လွဉ် ဘာႏသာႏတွမ်ႏ သာႏသနာႏဘေꩻရန်ႏနဝ်ꩻ ကာႏကွယ်ႏဖေႏဗာႏ \n  ဘာႏသာႏယေန်ႏကေႏမုꩻ ထာꩻထီႏမန်ႏ ယံကလꩻလွဉ်နဝ်ꩻ သံႏဃာႏတောႏဖုံႏလဲ့ ဟော်ꩻဗာႏတရာꩻ၊ တွမ်ႏသာႏသနာႏဆဲင်ႏရာꩻ လိတ်ဗီႏလိတ်စောင်ႏ ဖေႏနေးကအွဉ်ႏလီ ကအွဉ်ႏစွꩻလဲႏဗာႏ \n  ပရိယတ္တိသာႏသနာႏတောႏ ယံဖေႏနေးကတိုꩻတက်နဝ်ꩻ ပျုပျင်ႏဖေႏဗာႏ \n  သာႏသနာႏတောႏ ယကကြောင်း ယံကစင်နဝ်ꩻ အွဉ်ႏစေႏတနာႏဟဝ်ဟဝ်တဲင် တရန်းထွူတရန်း ဆောင်ႏရွက်လွေꩻဗာႏ- ယို၅-ချက်သွူ။\nအစွိုꩻကိုနဝ်ꩻ ဝွေꩻဗွေႏထွာအကျိုꩻဆောင်ႏ အမျိုꩻမျိုꩻအစားစားသွူ။\nတွိုႏ ၁၃၁၄-ဗာႏနေင်ႏနဝ်ꩻ-\n  ဗွေႏဓမ္မသာမိ၊ စင်ꩻတန်ကလွဉ်ႏထိုꩻ\n  ဗွေႏကုမာရ ၊ ဗွေႏဗွန်ဘန်းယဉ်\n  ဗွေႏပဏ္ဍိတ၊ ဗွေႏဗွန်နောင်ကာꩻတန်\n  ဗွေႏအရိယဝံသ၊ ဗွေႏဗွန်မြို့ဦး ဝေင်ꩻတောင်ႏကီꩻ\n  ဗွေႏပညာဝံသ ပင်ခွဉ်\nကောသွဉ်သား အထျꩻငတ်ꩻပါꩻကိုယိုနဝ်ꩻ ဝွေꩻဗွေႏတဲ့ပါသော့ꩻ တပါꩻသွူ။ ဝွေꩻဗွေႏသီးကလွေꩻဗွောင်ဖေႏသွဉ်တန်ꩻ (ကလွေꩻသွဉ်ဖေႏ)အရပ်နဝ်ꩻ -\n  ဝေင်ꩻတောင်ႏကီꩻ၊ ကျောင်ꩻကန်ဦး\n  ကျောင်ꩻပင်တခꩻ\n  ကျောင်ꩻတရုဲင်ꩻ\n  ကျောင်ꩻထမ်းဘုရာꩻ\n  ကွန်နာꩻ\n  နောင်ဗွဉ်\n  ဘန်းယဉ်ႏ\n  လွယ်ပွတ်ꩻ-စတဲင်အရပ်နဝ်ꩻဖုံႏသွူ။\nဝွေꩻဗွေႏသီး ကထင်ႏလွေꩻဗွောင်ဖေႏသွဉ်တန်ꩻ ကထင်ႏလွေꩻဟော်ꩻနယ်ဖေႏတရာꩻနုဲင်းနဝ်ꩻတဲင် နီပအိုဝ်ႏဖုံႏယင်ဟန်ႏနဝ်ꩻ ဘာႏသနာႏရေꩻ ဘာႏသာႏရေꩻ ပညာႏရေꩻဖုံႏတဲ့ သေနာႏလွဉ်၊ အသꩻပါလွဉ်နဝ်ꩻသွူ။ ၁၃၁၆-ဗာႏနေင်ႏနဝ်ꩻ ပွယ်ꩻပြန်ႏလိတ်လွယ်ပွတ်ꩻယံကထွာတဲ့ ဝွေꩻဗွေႏမာꩻကိုဗာႏ၊ ၁၃၁၆-ဗာႏနေင်ႏ၊ ဒဲဉ်သံလောင်း ဝေင်ꩻမန္တလေꩻ ဦးခန္ဓီကျောင်ꩻတွိုက်ကမာꩻဒါႏ (မြန်မာပြန်လုံးဆိုင်ရာ ရဟန်းပျိုအဖွဲ့ချ���ပ်ကြီး) ပဏာမညီလာခံနဝ်ꩻ ဝွေꩻဗွေႏထွာ အထူးကိုယ်စာႏလယ်ႏသွူ။ မီႏဒေါ့ꩻဗာႏဒွေါင်ႏဒွေါင်ႏနဝ်ꩻ အဝ်ႏအစွိုꩻကိုတဲင် နေးနာႏအစွိုꩻဥက္ကဋ္ဌချုပ် ဗွေႏဗွန်ဖြားသီႏသဲင်ႏတွမ်ႏ ဒုတိယဥက္ကဋ္ဌ ဗွေႏဗွန်ဖြား ကန်ဦးသီး အမိန်းတောႏအတွိုင်ꩻနဝ်ꩻ၊ ဝွေꩻဗွေႏထာꩻသေ ထာꩻထီႏအတွိုင်ꩻတဲ့နဝ်ꩻ ဝွေꩻဗွေႏကမာꩻလွဉ် သာႏသနာႏရေꩻ ဘာႏသာႏရေꩻ ပညာႏရေꩻဖုံႏနဝ်ꩻ တေဆ့ꩻတဝ်းထာꩻသွူ။\nပအိုဝ်ႏလိတ်လုဲင်ꩻအစွိုꩻကိုနဝ်ꩻလဲ့ ဝွေꩻဗွေႏထွာ အမှုဆောင်တဲင် နီပအိုဝ်ႏလိတ်လုဲင်ꩻ ယံကတိုꩻတက်တဲ့ မာꩻကိုဗာႏ၊ ပတ်သဲစ်တွမ်ႏ ပအိုဝ်ႏလိတ်လုဲင်ꩻပျဿနာႏနဝ်ꩻတဲ့ ဝွေꩻဗွေႏဖြေႏသျင်ꩻကိုဗာႏနဝ်ꩻသွူ။\nအန္တရာယ်ႏအမျိုꩻမျိုꩻကိုနဝ်ꩻ သာႏသနာႏအန္တရာယ်ႏ ဘာႏသာႏအန္တရာယ်ႏယိုနဝ်ꩻ မာꩻဒုက္ခလိုꩻ ယားပစ္စုပ္ပန်ႏအကျိုꩻလွုမ်ꩻတကာႏတဝ်းတဲင် ယားပါသင်ႏသရာႏအကျိုꩻ၊ ပေ့ꩻထိုꩻတဖူꩻလွေꩻအဟဝ်စား၊ ဝါးလွေꩻတော အပါယ်ႏလစ်ꩻခမ်းသူꩻတဲင် ဒေါ့ꩻမဒါႏ ငမ်းခရာႏဟဝ်ငါႏသွူ။\n၁၃၁၂-ဗာႏ' ၁၃၁၃-ဗာႏ' ၁၃၁၄-ဗာႏနေင်ႏနဝ်ꩻ နီခမ်းကောင်ကိုယို အန္တရာယ်ႏနုဲင်းနဝ်ꩻ ဖျော်ထန်ႏလွဉ်ဗာႏဖို၊ တွိုႏနဝ်ꩻခါ အန္တရာယ်ႏဖုံႏနဝ်ꩻ ယံကလီလာ ယံကထိုꩻမားနဝ်ꩻ ဆဲင်ႏရာꩻသား ထွဉ်ႏခန်းဝွေꩻဗွေႏရဲဖေႏ ယားဖေႏတဲင် ဝွေꩻဗွေႏတဲ့ ကွပ်ရက်သာႏသနာႏ ဘာႏသာႏတွမ်ႏအမျိုꩻသာꩻတွော့ꩻ စွဉ်ꩻအသက် နက်ဖေႏ ရဲဖေႏ ယားဖေႏစွဉ်ႏနဝ်ꩻသွူ။\nတဲႏစွဉ်ႏဝွေꩻဗွေႏကရဲဖေႏ ကယားဖေႏ (၁၃၁၃-ဗာႏ၊ ၁၃၁၄-ဗာႏ)မာꩻလွဉ်ယို အန္တရာယ်ႏနဝ်ꩻဖုံႏ ယေန်ကတစ်ꩻ၊ ခွꩻကဒဲ့ꩻထိုꩻစွဉ်ႏနဝ်ꩻသွူ။ ကွပ်နဝ်ꩻမꩻ နီလိုꩻကျောင်ꩻတဲ့နဝ်ꩻ၊ ဗုဒ္ဓဘာႏသာႏလိုꩻလမ်းတဲ့နဝ်ꩻ ဟဝ်ကေꩻဇူꩻတင်ႏငါႏဝွေꩻဗွေႏ၊ ဟဝ်အွဉ်ႏတဖေင်ꩻတဝ်း ဝွေꩻဗွေႏကေꩻဇူꩻ၊ ဝွေꩻဗွေႏကအွဉ်သေꩻခါꩻတဖူꩻနဝ်ꩻ ဟဝ်ထောင်လွဉ်ꩻငါႏ ပငါပရာꩻနဝ်ꩻသွူ။\nတပါꩻတွမ်ႏတပါꩻ ထေင်ညင်ꩻရွို့ꩻရန်ႏလို့ဝင်ꩻကရိုꩻဒါႏ (ဝိဝါဒါဓိကရုဏ်း)ယိုတဲ့နဝ်ꩻ ၊ သီလ အာစာရ ဒိဋ္ဌိ အာဇီဝ တွမ်ႏဝိပတ္တိလစ်ꩻပါꩻယို ယွူးလို့ဝင်ꩻ (စွတ်စွယ်ꩻလို့ဝင်ꩻ)ကရိုꩻဒါႏ (အနုဝါဒါဓိကရုဏ်း)ယိုတဲ့နဝ်ꩻ ယံကခွꩻကြောင်း၊ ယံကရောင်းရျူႏနဝ်ꩻ နေးထူႏတွမ်ႏကျမ်ꩻဂန်ႏထုံꩻတဲင် ဝွေꩻဗွေႏဆုံꩻဖျတ်ဖေႏဗာႏဖိုနဝ်ꩻသွူ။\nဝွေꩻဗွေႏနဝ်ꩻ မဉ်ꩻတဲ့ထန်ႏဗာႏ၊ နဝ်ꩻလွုမ်ꩻတကာႏတဝ်း သမ်းအဝ်ႏအမျိုꩻသာꩻကျောင်ꩻတွိုက်ကို၊ သမ်းထွာတိုက်အုပ်တဲင် နီခမ်းကောင်ကိုယို ကပေါႏထန်ႏလွဉ်ဒါႏ သာႏသနာႏရေꩻပျဿနာႏ၊ ဘာႏသာႏရေꩻပျဿ��ာႏ၊ ပညာႏရေꩻပျဿနာႏ စတဲင်ပျဿနာႏအယပ်ꩻအခုဲင်ႏဖုံႏနဝ်ꩻ ကဲဉ်းအာအာ ဖျော်လွဉ်ဝွေꩻဗွေႏထျꩻ၊ တွိုႏနဝ်ꩻခါ ဝွေꩻဗွေႏတဲ့ သꩻသာႏသနာႏရေꩻ၊ ဘာႏသာႏရေꩻ၊ ပညာႏရေꩻဖုံႏနဝ်ꩻ ကွပ်အာႏတလာငါႏနဝ်ꩻမꩻ နမ်းတာႏနဝ်ꩻထွားတဝ်း၊ နမ်းနဝ်ꩻ ခံႏစွဉ်ႏဝင်ꩻလွꩻထီႏ၊ ခံႏစွဉ်ႏဝင်ꩻသꩻခိုးသꩻလျားတဲင် အဂတိတရာꩻလစ်ꩻပါꩻ ပက်ညာꩻ၊ ထွားဒျာႏဘုရာꩻမဲ့ငါ၊ ထွားဒျာႏအမျိုꩻသာꩻ (လိုꩻဟဝ်)မဲ့ငါတဲင် နေးအမွေး အမဲဉ်ႏတဗာႏ ဝွေꩻဗွေႏကဖြေႏသျင်ꩻဖေႏဒါႏ ပျဿနာႏမျိုꩻကရိုꩻနဝ်ꩻလဲ့ တဆေ့ꩻတဝ်းသွူ။ ကွပ်ဝွေꩻဗွေႏဖြေႏသျင်ꩻဖေႏနုဲင်းနဝ်ꩻတဲင် သာႏသနာႏရေꩻ ဘာႏသာႏရေꩻ ပညာႏရေꩻနဝ်ꩻ တန်ႏအီႏထဲ့ဖွိုႏ၊ အတန်ႏအီႏကုဲင်တဲ့ တထဲ့ဖွိုႏဗာႏတဝ်း၊ တကုဲင်ဗာႏတဝ်းတဲင် ဆွော့ꩻကတဲ့ꩻတနွောင်း ထင်ႏတသွောင်းစွဉ်ႏတိတ်ꩻတိတ်ꩻနဝ်ꩻသွူ။\n\"သဒ္ဒါႏဖဲ့ꩻနဝ်ꩻလိန်-ဝိနယ်ꩻဖဲ့ꩻနဝ်ꩻသိမ်\"ငဝ်းနဝ်ꩻအတွိုင်ꩻ သဒ္ဒါႏဖဲ့ꩻနဝ်ꩻ လိန်ခရာႏယိုယပ်ꩻလဲဉ်းဝင်ꩻ၊ ဝိနယ်ꩻဖဲ့ꩻယို သိမ်ႏခရာႏယပ်ꩻလဲဉ်းဝင်ꩻ၊ ကွပ်နဝ်ꩻမꩻ ပုဂ္ဂိုလ်ႏတောႏတောႏတန်ႏတန်ႏနဝ်ꩻ တအွဉ်သမုတ်နွောင်ꩻတဝ်း၊ ဝွေꩻဗွေႏနဝ်ꩻ သိမ်ႏခရာႏတဲ့သေနာႏ ပုဂ္ဂိုလ်ႏဒါႏတပါꩻတန်တဲင် -\n၁။ သိမ်ႏ ကျောင်ꩻလွယ်\n၂။ သိမ်ႏ ကျောင်ꩻကာဖီ\n(စင်းသင်းကောင် ပင်လုံဆတွို့ꩻ) သိမ်ႏယိုနီဖြုံႏနဝ်ꩻ ဗွေႏဗွန်ဖြားကျောင်ꩻတန် တွမ်ႏဝွေꩻဗွေႏအွဉ်သမုတ်။\n၃။ သိမ်ႏ ကျောင်ꩻခိုရုဲင်ꩻ\n၄။ သိမ်ႏ ကျောင်ꩻဖြီꩻသာႏယာႏ (ဖြီꩻစွတ်)\n(သီႏသဲင်ႏဆကွဉ်ႏနဝ်) သိမ်ႏယိုနီဖြုံႏနဝ်ꩻ ဗွေႏဗွန်ဖြားသီႏသဲင်ႏတွမ်ႏဝွေꩻဗွေႏ အွဉ်သမုတ်ဗာႏနဝ်ꩻသွူ။\nခံႏသျင်ႏ ခံႏစင်ကိစ္စနဝ်ꩻတဲ့ ဝွေꩻဗွေႏကမာꩻဖေႏနဝ်ꩻ ကျောင်ꩻကိုဒျာႏတဲ့နဝ်ꩻ၊ ရပ်လောင်ႏရပ်လင် ဝင်ꩻလွဉ်ပင်ꩻတွော့ꩻ ကအွဉ်ႏဗုဲင်ဖေႏသျင်ႏ၊ ကအွဉ်ႏထင်ႏဖေႏစင်ꩻတဲ့နဝ်ꩻ အာလဲင်ႏတန်ဒျာႏနဝ်ꩻသွူ။\nတရာꩻဟော်ꩻတဲ့ နုဲင်းနဝ်ꩻနေနေ၊ ကဟော်ꩻဗာႏကျောင်ꩻကိုတဲ့နဝ်ꩻ၊ ကဟော်ꩻဗာႏဝေင်ꩻတောင်ႏကီꩻကိုတဲ့နဝ်ꩻ၊ ရပ်လောင်ႏရပ်လင်ပင်ꩻတဲင် ကဟော်ꩻဗာႏတဲ့နဝ်ꩻ (ဟော်ꩻပအိုဝ်ႏနေးယင်-ဟော်ꩻမန်းနေးယင်) ဝွေꩻဗွေႏဟော်ꩻဖေႏဗာႏ အာလဲင်ႏတန်သွူ။\nအမျိုꩻသာꩻရေꩻ ယံကထင်ႏထိုနဝ်ꩻတဲ့ ဝွေꩻဗွေႏဒေါ့ꩻဖေႏနေး တွမ်ႏဖြောင်းလွုမ်ꩻတကာႏတဝ်း တဲမ်းနေးလိတ်တွော့ꩻ ကဖျင်ဖေႏ ကသွဉ်ဖေႏနဝ်ꩻတဲ့ အာတန်၊ ဝွေꩻဗွေႏကတဲမ်းနေးလိတ်ဖုံႏနဝ်ꩻ ယင်းဟန်ႏတဲ့ တလꩻနျꩻထန်ႏဗာႏတဝ်း၊ ယင်းဟန်ႏနဝ်ꩻ နျꩻထန်ႏဗာႏလဲဉ်း၊ ဝွေꩻဗွေႏတဲမ်းထွူတဲင် နျꩻထန်ႏဗာႏလဲဉ်း လိတ်အုပ်ဖုံႏနဝ်ꩻ-\n၁။ မဲ့နားဗွောင် (ပထမတွယ်ꩻ)\n၂။ မဲ့နားဗွောင် (ဒုတိယတွယ်ꩻ)\n၃။ မဲ့နားဗွောင် (တတိယတွယ်ꩻ)\n၄။ ဥပမာႏဝတ္ထုကျမ်ꩻ\n၅။ လင်ႏကာႏထွꩻခေတ်\n၆။ ဘာႏသာႏလိတ်စောင်ႏ-နဝ်ꩻဖုံႏသွူ။\nသာႏသနာႏရေꩻ ဘာႏသာႏရေꩻ ပညာႏရေꩻတွက်တာႏနဝ်ꩻ ဝွေꩻဗွေႏခံႏယပ်ꩻ ခံႏဒုက္ခဗာႏသွူနုဲင်းနဝ်ꩻတဲ့ သမ်းတလွစ်တဝ်းဒွိုန်း ဝင်ꩻဒေါ့ꩻဝင်ꩻယား၊ ဝွေꩻဗွေႏသီးကတဲႏထောင်ႏစ ကျောင်ꩻတန်၊ ကဗွောင်စလိတ်သွဉ်တွိုက်နဝ်ꩻ ဝွေꩻဗွေႏသီးထာꩻမာꩻဖေႏနေးကအောင်ႏလꩻမွုန်းတဲင် ကဒေါ့ꩻသား ကယားလိုꩻတဲ့အဝ်ႏ၊ ကွဲႏတွော့ꩻ ဝွေꩻဗွေႏနဝ်ꩻ ကွပ်ထီႏငါႏ သာႏသနာႏရေꩻတာႏ ဘာႏသာႏရေꩻတာႏ ပညာႏရေꩻတာႏနဝ်ꩻမꩻ ပါꩻမဉ်ဒေါ့ꩻနုဲင်းမုဲင်ꩻဒေါ့ꩻ၊ ပါꩻမဉ်ယားနုဲင်းမုဲင်ꩻယား သꩻကုဲင်တဝ်း၊ သꩻပေႏတဝ်း၊ ဝွေꩻဗွေႏကမာꩻထာꩻတွင်ꩻနဝ်ꩻတဲ့ ဟွုန်ဗာႏငဝ်းအမျိုꩻမျိုꩻ၊ ဟွုန်စွဉ်ႏတဲ့ နားတဖဲ့ꩻနဝ်ꩻဒွူႏ တဖဲ့ꩻနဝ်ꩻထောက်ꩻထိုꩻစွဉ်ႏဒျာႏ၊ ဝွေꩻဗွေႏတထူႏရေꩻတဝ်းရင်ꩻရင်ꩻ၊ တငမ်းတဝ်းရင်ꩻရင်ꩻ၊ ထွားဆွာꩻဆွာ့ꩻ စဉ်ꩻစာꩻယော့ယော့ သယ်ꩻခံႏတန်တန်၊ အွဉ်ႏသတိꩻခွေါင်ခွေါင်တဲင် ဝွေꩻဗွေႏအွဉ်ႏတကုတ်ꩻကတူႏ သတ်လွဉ်တွော့ꩻ ကောကဒေါ့ꩻသားတဲ့ထိုꩻမား' ကောကယားသားတဲ့ယေန်သူႏ အွော့ꩻငါအကတူႏငါတဲ့ တရုဲင်းတဝ်းဒွုမ်နဝ်ꩻမꩻ ဝွေꩻဗွေႏ \"အောင်ႏလံႏ\"နဝ်ꩻ အဝ်ႏဝုဲင်းထိုတသွောင်းစွဉ်ႏထာꩻနဝ်ꩻသွူ။\n\nဝွေꩻဗွေႏစာရိတ္တအကျင်ꩻ-နုဲင်းယိုရင်ꩻ\nဝွေꩻဗွေႏကမာꩻလွဉ်ဗာႏ ထာꩻမာꩻအမျိုꩻမုဲင်ꩻစတဲင်နုဲင်းနဝ်ꩻဖုံႏနဝ်ꩻ သေဗာႏလဲဉ်းကရိုꩻလဲ့ သမ်းတလꩻထွူတဝ်း၊ ဝွေꩻဗွေႏယို အကျင်ꩻအဝ်ႏနုဲင်းမုဲင်ꩻ၊ ဝါဒအဝ်ႏနုဲင်းမုဲင်ꩻစတဲင်နုဲင်းနဝ်ꩻဖုံႏတဲ့ အဝ်ႏလိုႏသေပါနေနေ။\nကွပ်နဝ်ꩻမꩻ ဝွေꩻဗွေႏနဝ်ꩻ -\n  မီႏအီႏကိန်ꩻထာꩻ မွူးဟာခိုႏတလဲင်ႏ၊ ကိန်ꩻထာꩻထွိုင်ႏမွူးရဝ်ꩻခိုႏတလဲင်ႏ ရွစ်သေႏသေႏ အနိစ္စာ ဝတ သင်္ခါရာ-စတဲင် သံႏဝွေႏဂ ကလꩻအီဒါႏ ပါဠိဂါႏထာႏဖုံႏနဝ်ꩻသွူ။\n  ပေါႏကိစ္စအရေꩻတန် မရေႏမရာႏတအဲဉ်ထဝ်းနဝ်ꩻ ဝုဲင်ႏဘုရာꩻစွုမ်ႏဟာဟာသွူ။\n  ဝွေꩻဗွေႏနဝ်ꩻ ရက်ငါႏတပဲ့ꩻ၊ လိုႏငါႏတပဲ့ꩻအကျိုꩻ၊ ပေါႏတပဲ့ꩻသီးဒါႏငါ၊ တိုꩻတက်ငါ၊ စွဉ်ꩻအသက် မာꩻဖေစွဉ်ႏနဝ်ꩻသွူ။ ဆရာႏတဲ့နဝ်ꩻ၊ တကာႏတဲ့နဝ်ꩻ ဝွေꩻဗွေႏရက်ဒျာႏ၊ ဆရာႏသꩻဖေႏနေးကချံꩻသာႏတဲ့ ဝွေꩻဗွေႏခံႏယပ်ꩻမာꩻဖေႏအမျိုꩻမျိုꩻ၊ တကာႏဖုံႏ ယံလိမ္မာႏ၊ ယံကတိုꩻတက်၊ ယံကလꩻအာကုသိုလ်ႏတဲ့ ဝွေꩻဗွေႏဟော်ꩻဖေႏအမျိုꩻမျိုꩻ��� သွဉ်ဖေႏအမျိုꩻမျိုꩻနဝ်ꩻသွူ။\n  တပဲ့ꩻ ယံကဒါႏတဲ့နဝ်ꩻ၊ တပဲ့ꩻသꩻယံကပါလွဉ် ပညာႏရေꩻတဲ့နဝ်ꩻ၊ ယံကရက်ဘာႏသာႏ သာႏသနာႏတဲ့နဝ်ꩻ၊ သꩻယံရုဲင်းတဲ့နဝ်ꩻ၊ သတိꩻယကအဝ်ႏတဲ့နဝ်ꩻ ဝွေꩻဗွေႏဒေါ့ꩻဖေႏ သွဉ်ဖေႏဒါႏ၊ ကွပ်နဝ်ꩻမꩻ ဝွေꩻဗွေႏတပဲ့ꩻဖုံႏနဝ်ꩻ သꩻရုဲင်း သꩻထင် သတိအဝ်ႏကဲဉ်းအာအာနဝ်ꩻသွူ။\n  အုပ်ချုပ်လိုꩻပေႏတဲ့ လွောက်ꩻတဝ်းမဲ့ငါ၊ ပါꩻမုဲင်ꩻရိုꩻတဝ်း အပဲစ်မီႏအဝ်ႏတဲ့ အပဲစ်ကအဝ်ႏအတွိုင်ꩻ ဆုံꩻမꩻသွဉ်သင် ထွားဖျင်ဖေႏဒျာႏနဝ်ꩻသွူ။\n  ထာꩻဒေါ့ꩻတဲ့ယံ၊ ထာꩻဝွေႏဖန်ႏတဲ့ယံ၊ ခတ်ကယ်ꩻပါꩻတဲ့ယံ၊ ဆွမ်ꩻပါꩻငဝ်းဆွုမ်ႏတဲ့ ယံငါႏနဝ်ꩻသွူ။\n  ဒေါ့ꩻချော်ꩻချော်ꩻထာꩻ၊ ဒေါ့ꩻအော့အော့အဲ့အဲ့ထာꩻ ဒါႏတဝ်း၊ ဖေႏတပဲ့ꩻဖုံႏဩဝါဒတဲ့နဝ်ꩻ၊ ဟော်ꩻဖေႏတကာႏဖုံႏတရာꩻတဲ့နဝ်ꩻ နက်တောက်သတ်စွဉ်ႏဒျာႏ၊ လိုꩻတသေကျင်ꩻတဝ်းနဝ်ꩻ ထင်းဒျာႏအခွန်းထာꩻ၊ ထင်းဒျာႏ အသꩻလျားထာꩻ၊ ခွန်းထာꩻသꩻလျားထာꩻ မွေးတဝ်း၊ ဝွေꩻဗွေႏငဝ်းဖုံႏနဝ်ꩻ အဝ်ႏဒျာႏ မေတ္တာႏကရုဏာႏကိုထန်ႏလွဉ်လွဉ်းလွဉ်း၊ အတဲမ်းလိတ်တဲ့နဝ်ꩻနေနေ၊ တဲမ်းချော်ꩻချော်ꩻ တဲမ်းဝုဲင်းထားထာꩻဒါႏတဝ်း၊ ကွပ်နဝ်ꩻမꩻ ခꩻတလဲင်ႏ ဗွေႏဗွန်ဖြားထမ်းဘုရာꩻရိုꩻ-\n \"နီဗွေႏတဲမ်းလိတ်ထာꩻမုဲင်ꩻ အဝ်ႏစွဉ်ႏကခွန်းထာꩻလွုမ်ꩻဟ\"ရိုꩻနုဲင်းနဝ်ꩻတွော့ꩻ အဗွေႏငအွီႏမွေးစွဉ်ႏထာꩻ (ဗွေႏဗွန်ထမ်းဘုရာꩻ ဒေါ့ꩻနယ်နုဲင်းနဝ်ꩻသွူ။)\n  သꩻတဲ့မွိုင်တဲင် ပေါႏအဗာႏဒေါ့ꩻတဲ့ သတ်သော့ꩻစွဉ်ႏဒျာႏတလဲင်ႏချင်ꩻ၊ ထာꩻမာꩻတဲ့ ပေါႏအဗာႏမာꩻသွူနဝ်ꩻ ကားကတတ်နွောင်ꩻ၊ ကားကထွူလꩻနဝ်ꩻ ကျိုꩻစာꩻသတ်စွဉ်ႏဒျာႏ၊ အမာꩻနုဲင်းနဝ်ꩻတဲ့ ထာꩻရိတ်ခေႏ ထာꩻဝွေႏဖန်ႏဟဝ်ငါႏတွော့ꩻ အမာႏတအဲဉ်ထဝ်းခြာသွူ။\n  သတ္တိတဲ့အဝ်ႏ၊ ပေါႏထာꩻမာꩻဟဝ်၊ ထာꩻမာꩻဒါႏအမျိုꩻနဝ်ꩻ ပါꩻမဉ်ဒေါ့ꩻနုဲင်းမုဲင်ꩻဒေါ့ꩻ၊ ပါꩻမဉ်လောက်ꩻနုဲင်းမုဲင်ꩻလောက်ꩻ၊ ပါꩻမဉ်ယားနုဲင်းမုဲင်ꩻယား ငမ်းတဝ်းတစိꩻစိꩻ၊ သတ်စွဉ်ႏဒျာႏရုဲင်းရုဲင်း၊ အဒေါ့ꩻဖဲ့ꩻတဲ့ နုဲင်းနဝ်ꩻနေနေသွူ။\n  သတိတဲ့အဝ်ႏ၊ အခွုမ်အမာꩻတဲ့နဝ်ꩻ၊ အဒေါ့ꩻအဖြဝ်ႏတဲ့နဝ်ꩻ၊ အကျံႏအစဲႏတဲ့နဝ်ꩻ ယံကလွစ်မာႏနဝ်ꩻ အွဉ်ႏသတိꩻဒျာႏသေႏသေႏသွူ။\n  သီႏလတဲ့အဝ်ႏ၊ ဘုရာꩻကပညတ်ခါꩻဒါႏ သိက္ခာႏပုဒ်တောႏအတွိုင်ꩻ လွောက်ꩻနာႏလွဉ်ꩻဒျာႏနဝ်ꩻသွူ။\n  သမာႏဓိတဲ့အဝ်ႏ၊ အအုံအအဝ်ႏတဲ့နဝ်ꩻ၊ အဒေါ့ꩻအဖြဝ်ႏတဲ့နဝ်ꩻ တွမ်ႏရဟန်ꩻတွမ်ႏဂုဏ်ႏ ဖေႏနေးကလွောက်ꩻဝင်ꩻနဝ်ꩻ အုံအဝ်ႏ ဒေါ့ꩻဖြဝ်ႏတသေႏသေႏ၊ ဗွေႏဗွန်ဖြားဗွေ��ဗွန်တန်ဖုံႏ စင်ꩻဖုံႏ သျင်ႏဖုံႏ အုံပရီႏပရာႏ၊ အုံပစော့ꩻပနျꩻထာꩻ၊ ဒေါ့ꩻပရီႏပရာႏထာꩻ၊ ဒေါ့ꩻပစော့ꩻပနျꩻထာꩻနဝ်ꩻ ကျွိုက်တဝ်းတစိꩻစိꩻသွူ။\n  ပညာႏဗဟုသုတတဲ့အဝ်ႏ၊ အဝ်ႏတကားမုဲင်ꩻနဝ်ꩻတဲး ဝွေꩻဗွေႏထာꩻမာꩻ၊ ဝွေꩻဗွဗႏထာꩻဒေါ့ꩻ၊ ဝွေꩻဗွေႏထာꩻအုံထာꩻအဝ်ႏ၊ ဝွေꩻဗွေႏလိတ်ဖုံႏနဝ်ꩻ အဝ်ႏဒေါ့ꩻလဲဉ်းဒျာႏသွူ။\n  သစ္စာႏတဲ့အဝ်ႏ၊ ဝင်ꩻတဲ့တလိန်ႏလဲဉ်ဖိုတဝ်း၊ ဝင်ꩻလိန်ႏလဲဉ်ဝွေꩻဗွေႏတဲ့ တကျွိုက်တဝ်းတစိꩻစိꩻသွူ။\n  ဝွေꩻဗွေႏနမ်းတာႏ ပျဿနာႏဝ်ꩻ ဖြေႏသျင်ꩻတွမ်ႏထာꩻမာꩻ မီႏလꩻတဲ့ ဖြေႏသျင်ꩻနေးဒျာႏ တွမ်ႏထာꩻမာꩻ၊ ဝွေꩻဗွေႏအဝ်ႏပေႏခါနဝ်ꩻ အသွꩻပေႏရိုꩻ\" လိုꩻကေန်ꩻပို အံႏဒဲဉ်လုမ်းတဝ်း\"ရိုꩻဝွေꩻဗွေႏနုဲင်းနဝ်ꩻတဲင် ဝွေꩻဗွေႏဟွုန်ကဲဉ်းငါႏ၊ ကွပ်နဝ်ꩻမꩻ မုဲင်ꩻခါတဲ့ယဝ်း ဝင်ꩻလမ်းဗေင်ႏဖိုတဝ်း၊ ဒဲဉ်ဝင်ꩻလမ်း အံႏဖိုတဝ်း၊ ထာꩻမာꩻတဲ့ ကျိုꩻစာꩻမွေးစွဉ်ႏဒျာႏ၊ တွိုႏဆုဲင်ႏတွော့ꩻ ပါꩻကဒေါ့ꩻဝွေꩻဗွေႏနဝ်ꩻ လွဉ်လျာဗာႏ အစူယာꩻ ဝွေꩻဗွေႏထျꩻ၊ ဝွေꩻဗွေႏဖေႏအံႏ ဖေႏအွꩻဗာႏဒွိုန်းကနဝ်ꩻသွူ။\n  ဝွေꩻဗွေႏနဝ်ꩻ နာႏငဝ်းတွော့ꩻ သုဝစဂုဏ်ႏတဲ့အဝ်ႏ၊ အုံအဝ်ႏအွꩻအံႏ ကွဉ်ကꩻဗာႏခန်းနုဲင်းမုဲင်ꩻတဲ့ယဝ်း အဝ်ႏဗာႏသꩻဒျာႏတဲင် သန္တုဋ္ဌဂုဏ်ႏတဲ့အဝ်ႏ။\n  အတပဲ့ꩻ အတကာႏ ကပ်အမျိုꩻမုဲင်ꩻတဲ့ သုံꩻဒျာႏတေ့ꩻတေ့ꩻ၊ ဝွေꩻဗွေႏနမ်းတဲ့ အဝ်ႏနုဲင်းမုဲင်ꩻတဲ့ သုံꩻဒါႏဒျာႏတဲင် သုဘရဂုဏ်ႏတဲ့အဝ်ႏ။\n  လိုꩻကအီႏသေ ဝင်ꩻကေꩻဇူꩻနဝ်ꩻ ခြောတန်၊ ဝွေꩻဗွေႏနဝ်ꩻ သေငါႏဝင်ꩻကေꩻဇူꩻ။\n  ထာꩻကျွား ထာꩻမောႏ အွဉ်ႏထိုတသွောင်းနမ်း (ဂုဏ်ႏပကာသန)တဲ့ အဲဉ်ထဝ်း။\n  ထာꩻထီႏတဲ့ဆွာꩻငါႏ၊ အွဉ်ႏသꩻတဲ့ဒါႏမွေး၊ ဗွာမွေးမျတ်မွေးစွဉ်ႏထာꩻနဝ်ꩻသွူ။\nဝွေꩻဗွေႏအကျင်ꩻ ဝွေꩻဗွေႏဂုဏ်ႏဖုံႏနုဲင်းယိုနဝ်ꩻ ထေနယ်လို့လို့တဲ့မဒါႏ အာငါႏမရေႏမရာႏနဝ်ꩻသွူ။\n\nခြွိုင်ႏသန်ꩻယံဟဝ်-ကျွꩻလင်ꩻနဝ်\nစက်သီးအမျိုꩻနဝ်ꩻ မာꩻသွူစွဉ်ႏပသီႏတန်မဉ်ႏတဲ့ တထင်ႏတပန်ႏအာငါႏ ပနီꩻပနီꩻနဝ်ꩻခါ ပသီႏစွဉ်ႏတဲ့ တတတ်နွိုင်ႏတဝ်း၊ အသွတ်ꩻဒါႏ၊ အကုဲင်ဒါႏ၊ နုဲင်းနဝ်ꩻနေနေ နီဗွေႏဆရာႏယိုတဲ့ စွုမ်ႏနီꩻစွုမ်ႏဟာ ခံႏယပ်ꩻနမ်း ခံႏယပ်ꩻသꩻ ကျိုꩻစာꩻမာꩻငါႏ ထာꩻမာꩻတဲင် နမ်းခန္ဓာႏသူꩻနဝ်ꩻ တခံႏဒါႏဒွုမ်နဝ်ꩻမꩻ ခြွိုင်ႏသန်ꩻရေꩻကုဲင်ထိုꩻဗာႏစွဉ်ႏနဝ်ꩻသွူ။\nကွပ်နဝ်ꩻမꩻ ခြွိုင်ႏသန်ꩻရေꩻ ယံကဟဝ်တဲင် ၁၃၂၉-ဗာႏ၊ ကထိန်ႏလာနဝ်ꩻ ကျွꩻလင်ꩻဝေင်ꩻသီႏသဲင်ႏတွော့ꩻ လင်ꩻအုံဒွိုန်းက နီသွဉ်းသီးကျေ��င်ꩻ-ဇဝနာရာမကျောင်ꩻတွိုက်၊ တွိုႏဗော့ꩻဝါႏနဝ်ꩻမꩻ ကျွꩻလင်ꩻနောင်ကျောႏ၊ ၁၃၃၀-ဗာႏနေင်ႏနဝ်ꩻ ဆို့ꩻဝါႏကျောင်ꩻနောင်ကျောႏ၊ ဝွေꩻဗွေႏခြွိုင်ႏသန်ꩻရေꩻ (ထာꩻတဟေတွမ်ႏ တလီꩻရောႏဂါႏ)နဝ်ꩻ တသက်သာႏတဝ်းတဲင် ၁၃၃၁-ဗာႏနေင်ႏနဝ်ꩻတဲ့ ဆို့ꩻယင်းဝါႏ ကျောင်ꩻနောင်ကျောႏကိုနဝ်ꩻသွူ။\nတွိုႏ ၁၃၃၂-ဗာႏနေင်ႏ၊ ဝါႏဆိုႏဆန်ꩻ ၈-နီꩻနဝ်ꩻ ဗွေႏဗွန်ဖြားကျောင်ꩻတန် ဟဲ့ꩻသဲင်ꩻချာတောင်ႏကီꩻတဲင် ဝွေꩻဗွေႏတသဲင်ꩻချာနွောင်ꩻတဝ်းအကျောင်ꩻနဝ်ꩻ တဲမ်းလိတ်လဝ်းထင်ႏချာ ဗွေႏဗွန်ဖြားထျꩻ လယိုအတွိုင်ꩻသွူ။\nသူꩻ -\n         ဆရာႏတောႏ ဗွေႏဗွန်ဖြား\n            ပထမကျောင်ꩻတန်တွိုက်\n                 ဝေင်ꩻတောင်ႏကီꩻ\n         ၁၃၃၂-ဗာႏ၊ ဝါႏဆိုႏလာဆန်ꩻ (၉)နီꩻ\nရိုႏရိုႏသေႏသေႏ လဝ်းဟွုန်ချာဗာႏ ဆရာႏနီဗွေႏဩ။\nဗွေႏဆရာႏ ကဖေႏလွဉ်ဒါႏလိတ်နဝ်ꩻ ဖျော်လွဉ်ခွေသွဉ်းးထျꩻ ၁၃၃၂-ဗာႏ၊ ဝါႏဆိုႏဆန်ꩻ (၈)နီꩻဗွေႏဩ။\nကမဉ်လဝ်းငါႏ ဗွေႏဆရာႏနဝ်ꩻ -\nခွေသွဉ်း ထာꩻတဟေရောႏဂါႏနဝ်ꩻ တသက်သာႏတဝ်းဒွိုန်းနဝ်ꩻတရဝ်း၊ တင်ꩻကျွစ်လာနေင်ႏဟာ ခွေသွဉ်းတအုံဟဝ်တဝ်းတွင်ꩻနဝ်ꩻ ကျောင်ꩻနောင်ကျောႏတကာႏဖုံႏ ဟဲ့ꩻဖေႏဆရာႏ ဖေႏတသီႏတမွူး၊ တဟာဟာယို အုံပွေါသေႏသေႏဝင်ꩻနီ၊ ကပ်ဖေႏတသီႏတွမ်ႏ မာꩻဝတ်ပတ်သားနဝ်ꩻ အွဉ်ႏသေႏသေႏတဖြာꩻတွော့ꩻ ကျိုꩻစာꩻမာꩻဖေႏနုဲင်းနဝ်ꩻဩ၊ ကွပ်နဝ်ꩻမꩻ မဉ်ဖြော်ချာငါႏ တကာႏသီးကေꩻဇူꩻနဝ်ꩻတရဝ်း၊ နဝ်ꩻမꩻတဲင် \"ဖြော်ချာတကာႏသီး ကေꩻဇူꩻအနေႏတွော့ꩻ ဟန်ႏနေင်ႏ ခွေအီႏဆို့ꩻဝါႏဗော့ꩻယိုကို\" ခွသွဉ်းဝွန်ႏခံႏဗာႏလဲဉ်း နုဲင်းနဝ်ꩻဗွေႏဩ။\nပွိုးနဝ်ꩻမꩻ ဗွေႏဆရာႏရင်ꩻ သညင်ꩻခွေသွဉ်းထွူခါ ယံကသိမ်ꩻချာ ဗွေႏဆရာႏအမိန်းအာႏဏာႏနဝ်ꩻအကျောင်ꩻ ရိုႏရိုႏသေႏသေႏ လဝ်းဟွုန်ချာဗာႏ ဆရာႏနီဗွေႏဩ။\n\nဓမ္မသာမိ\nကျောင်ꩻနောင်ကျောႏ\nဝေင်ꩻနယ်ႏသီႏသဲင်ႏ\nတဲမ်းလဝ်းချာနုဲင်းနဝ်ꩻထွူတွော့ꩻ ဆို့ꩻယင်းဒျာႏဝါႏ ဗော့ꩻကျောင်ꩻနောင်ကျောႏကိုနဝ်ꩻသွူ။\n\nထင်ႏဖျိုးဘုရာꩻ-ပျောႏငါႏထာꩻ\nတွိုႏဝါႏခေါင်ႏဗွေနီꩻနဝ်ꩻ ဟဲ့ꩻတွမ်ႏအတပဲ့ꩻသျင်ႏပေႏ ကော်ပီႏဖုံႏတွော့ꩻ ထင်ႏဖျိုးကြောင်း ဘုရာꩻထျꩻ ဘုရာꩻသောင် ထင်ႏဖျင်ဟဝ်ပါ ဘုရာꩻတဖူꩻ ကျောင်ꩻနောင်ကျောႏဆထင်ꩻ ကောင်စေႏတီႏလောင်းနဝ်ꩻသွူ။ ဝွေꩻဗွေႏကမာꩻနုဲင်းယိုနဝ်ꩻ အသꩻပျောႏမွေးစွဉ်ႏထာꩻ၊ ပတ်သဲစ်တွမ်ႏဘုရာꩻနဝ်ꩻ ဝွေꩻဗွေႏတဲမ်းစန်ႏငဝ်းတချင်ꩻ ပအိုဝ်ႏယင် မန်းယင်တဲင် သွဉ်ဖေႏအတပဲ့ꩻပေႏဖုံႏထွူတွော့ꩻ ထွဉ်ႏအတပဲ့ꩻတချင်ꩻ၊ ဝွ��ꩻဗွေႏနဝ်ꩻ အုံအသောင် ငပယွုမ်းထာꩻနာႏနုဲင်းနဝ်ꩻသွူ။\n\nဖြေႏသျင်ꩻဖေႏဗာႏ-ပျဿနာႏ\nတွိုႏဝါႏခေါင်ႏလောင်း ငတ်ꩻနီꩻနဝ်ꩻ သီႏသဲင်ႏနယ်ႏကို ဝိဝါဒါဓိကရုဏ်း ပျဿနာႏတဗာႏ ဖျော်လွဉ်နီသွဉ်းသီး ဗွေႏဗွန်ဖြားထျꩻ၊ အတွင်ꩻနဝ်ꩻနဝ်ꩻ နီသွဉ်းသီးဗွေႏဗွန်ဖြား တပေါႏအုံဟဝ်တဝ်းတဲင် ပင်ꩻလွဉ်ဝွေꩻဗွေႏထွူတွော့ꩻ နီသွဉ်းသီး ဗွေႏဗွန်ဖြား ထွဉ်ႏလွေꩻဖြေႏသျင်ꩻ ပျဿနာႏနဝ်ꩻသွူ။ ကွပ်နဝ်ꩻမꩻ ဝါႏခေါင်ႏလောင်း သူနီꩻနဝ်ꩻ ဝွေꩻဗွေႏတွမ်ႏဗွေႏဗွန်သီႏသဲင်ႏတန် ကျွꩻလွေꩻတဲင် ဝွေꩻဗွေႏလွေꩻဖြေႏသျင်ꩻဖေႏ ပျဿနာႏ၊ ကွပ်ဝွေꩻဗွေႏဖြေႏသျင်ꩻဖေႏနဝ်ꩻမꩻ ပျဿနာႏနဝ်ꩻတဲ့ ညိမ်ꩻခွꩻတငါ တွိုႏစွဉ်ႏယိုခါနဝ်ꩻသွူ။ လာလောင်း ၇-နီꩻနဝ်ꩻ ဝွေꩻဗွေႏသီး ဖျော်သဲင်ꩻချာ နီသွဉ်းသီးကျောင်ꩻ၊ လာလောင်း ၈-နီꩻနဝ်ꩻ ဝွေꩻဗွေႏကျွꩻသဲင်ꩻ ကျောင်ꩻနောင်ကျောႏ၊ အနီꩻနဝ်ꩻ တကာႏဖုံႏ သဲ့ꩻဖေႏဝွေꩻဗွေႏ ဘုရာꩻတဖူꩻတဲင် ဝွေꩻဗွေႏထွဉ်ႏကော်ပီႏ ဖြေꩻဖေႏဗာႏငိုး (ပဲလှော်)နီလွမ်တဲင် သဲင်ꩻဖေႏအံႏဒွိုန်းက တဖူꩻသဲ့ꩻသားဖုံႏနဝ်ꩻသွူ။\n\nကွပ်ခမ်းလော့ဗာႏ-ဆော့စွဉ်ႏဒျာႏ\nကွပ်ပွိုးသꩻဝွို့ငါႏ ဘုရာꩻနဝ်ꩻမꩻ လွေꩻဖျိုးလွေꩻဖျင်ဘုရာꩻ ပနီꩻပနီꩻတဲင် ဝါႏခေါင်ႏလာမားနီꩻနဝ်ꩻ ခမ်းလော့ဗာႏလꩻ တစိꩻပေႏသွူ။ နုဲင်းမွူးဟာနဝ်ꩻ သေနာႏခန်းအခွꩻ ဆော့ခန်းဒျာႏထာꩻ၊ ဆော့ထာꩻကရိုꩻလဲ့ ဆော့တန်ငါႏ မရေႏမရာႏမွေးတဝ်းခြာ၊ တောႏလင်ꩻဆန်ꩻ နီနီꩻ သွံနီꩻနဝ်ꩻ ကျံႏဟဲ့ꩻဖေႏဆရာႏတဲ့ ဝွေꩻဗွေႏသမ်းရိုꩻဒျာႏ \"ဟဲ့ꩻမွုန်းဒွုမ် ဆော့ပသောင်းပသာႏလွုမ်ꩻ၊ တအင်တဲ့ ဆာပသောင်းပသာႏလွုမ်ꩻ\"ရိုꩻဒျာႏနုဲင်းနဝ်ꩻသွူ။\nတကာႏမူႏဖြား မဲကျောင်ꩻအိန်းနဝ်ꩻ အဝ်ႏထင်ႏပသေဖျိုးဖေႏ ဝွေꩻဗွေႏခွဉ်ႏပေႏခွဉ်ႏတန် ပနီꩻနီꩻတွော့ꩻ လဝ်းပါ ရီပါတဲ့ ရိုꩻဒျာႏ\"ဆာပသာႏ' သယ်ႏပသာႏ' တအင်ယိုလွုမ်ꩻ၊ တပေါႏခုဲင်ႏတဝ်း\"ရိုꩻဒျာႏနုဲင်းနဝ်ꩻသွူ။ တွိုႏလာဆန်ꩻငတ်ꩻနီꩻနဝ်ꩻ ဟဲ့ꩻဖေႏဆရာႏတဲင် ဆရာႏလွဉ်ထေ့သွူတဲ့ ဝါးသဲင်ꩻချာထိုꩻဒျာႏဆရာႏ၊ ရိုꩻဒျာႏ \"ဆာပသောင်းပသာႏလွုမ်ꩻ\"တဲ့၊ တွိုႏလာဆန်ꩻ သူဟာနဝ်ꩻ တကာႏထင်ႏဗေင်ႏပွေါတဲ့ \"တကာႏသီး ထာꩻမာꩻအာငါႏ၊ ဗေင်ႏပွေါမွုန်းဒွုမ်\" ရိုꩻနုဲင်းနဝ်ꩻတဲင် ဝါးသဲင်ꩻချာ တကာႏဖုံႏနဝ်ꩻသွူ။\n\nကွပ်သုံꩻဩဇာႏ-လွဉ်ႏထိုꩻဗာႏ\nတွိုႏလာဆန်ꩻသွစ်ꩻရဝ်ꩻ (ဝွေꩻဗွေႏကအီႏလွဉ်ႏနီꩻ)နဝ်ꩻ ဗွေႏဗွန်နောင်ကျောႏ ကျွꩻလွေꩻဝွေꩻဗွေႏထျꩻတွော့ꩻ -\n\"ဟန်ႏနီꩻ နီဗွေႏထင်ႏတဝ်း ဘုရာꩻက��ာင်နဲ့၊ ကျွꩻထင်ႏလုဲင်း၊ ကျွꩻထင်ႏတဲ့လꩻဒျာႏ၊ တွမ်းနန်းမွုန်း ခွေသွဉ်းတာႏ၊ ခွေသွဉ်းသꩻအဝ်ႏခြွောင်းဒျာႏ\"ရိုꩻဖေႏက ဗွေႏဗွန်နောင်ကျောႏနုဲင်းနဝ်ꩻ၊ နဝ်ꩻထွူတဲင် ကွီသုံꩻဩဇာႏရာႏတဲ့ ဗွေႏဗွန်နောင်ကျာႏ ဖေႏသုံꩻတဝ်း။\nတွိုႏကွတ်ꩻနားရီႏရပ်နဝ်ꩻ ဝွေꩻဗွေႏထွဉ်ႏသျင်ႏပေႏ လွေꩻထူႏဩဇာႏရာႏ၊ သျင်ႏပေႏတဲ့ သမ်းငမ်းဆရာႏတဲင် လွေꩻထူႏလွဉ်ဖေႏခန်း သွံဖြုံႏ၊ ဝွေꩻဗွေႏသုံꩻစိမ်ꩻခန်း တခဝ်ပေႏဒျာႏသွူ။ တွိုႏနားရီႏ တဆီပုဲင်တဆင်ႏခွယ်ꩻနဝ်ꩻ ဝွေꩻဗွေႏဟဲ့ꩻလွဉ်သျင်ႏပေႏ၊ ဝွေꩻဗွေႏကိန်ꩻဒျာႏ သိမ်ႏကိုတဲင် ထွဉ်ႏသျင်ႏပေႏ ထင်ႏထွားနားရီႏကျောင်ꩻကီ၊ သျင်ႏပေႏ (သျင်ႏဝိမလ) ကထင်ႏထွားနဝ်ꩻ တဆီနီနားရီႏ အီႏထင်ႏဒုံႏ အဝ်ႏကုဲင်မိနစ်တဆီ။\nအဝ်ႏနဝ်ꩻတွော့ꩻ ဝွေꩻဗွေႏထွဉ်ႏသျင်ႏပေႏ ကပ်တသီႏငန်ꩻ၊ ကပ်ထွူတဲင် ဝွေꩻဗွေႏဖျောႏဒျာႏ၊ ဝွေꩻဗွေႏသုံꩻဒျာႏ၊ သုံꩻထွူတဲင် -\n\"စိမ်ႏဖေႏခွေယို ခွေဟွီငါႏ\"ထွဉ်ႏသျင်ႏပေႏနုဲင်းနဝ်ꩻတဲင် သျင်ႏဝိမလ (သက်-၁၄)တွမ်ႏသျင်ႏဝါယာမ (သက်-၁၁)နဝ်ꩻ စိမ်ႏဖေႏခန်း ဝွေꩻဗွေႏနဝ်ꩻသွူ။\nစိမ်ႏဖေႏထင်ႏည ၁၅-မိနစ် (၁၂-နားရီႏပုဲင် ၁၅-မိနစ်)ရပ်နဝ်ꩻ ဝွေꩻဗွေႏရိုꩻ \"လꩻလဲဉ်း၊ အဟွီဟဝ်ပသာႏလဲဉ်း၊ အွဉ်ႏထွူခန်းနဝ်ꩻ\"ရိုꩻနုဲင်းနဝ်ꩻတဲင် သျင်ႏပေႏတဲ့ အုံလင်ꩻချာဗော့ꩻ ဝွေꩻဗွေႏကူႏထျꩻနဝ်ꩻသွူ။\nအုံတဆင်ႏပေႏ (၁၂-နားရီႏပုဲင် မိနစ် ၂၀-ရပ်)နဝ်ꩻ ဝွေꩻဗွေႏရိုꩻ \"အွာဖေႏခွေတအင်ယို၊ ခွေတအင်ဆာငါႏ၊ တအင်သဲႏငါႏ\" ရိုꩻနုဲင်းနဝ်ꩻတဲင် သျင်ႏပေႏ အွာဖေႏက အတအင်၊ တဆင်ႏပေႏဒျာႏ ဝွေꩻဗွေႏထွဉ်ႏအွဉ်ႏထွူယင်း၊ သျင်ႏပေႏတဲ့ အုံလင်ꩻချာဗော့ꩻယင်း နဝ်ꩻကိုသွူ။\nအုံတဆင်ႏပေႏ ဝွေꩻဗွေႏတလီꩻဆန်တဲင် သျင်ႏပေႏလောႏထွိုင်ႏဗွော့ꩻဖေႏတဲ့ တလꩻတဝ်းဒွုမ်၊ အဟို့ꩻဆွော့ꩻကတဲ့ꩻနေးစွဉ်ႏဒျာႏ၊ တလီꩻအဝ်ႏလဆဆန်ကီထင်ႏ 'ကြုတ်ကြုတ်'သင်ႏနုဲင်းနဝ်ꩻ သွံလဲင်ႏထွူတဲင် ဝွေꩻဗွေႏတဲ့မသက်သာႏ၊ နမ်းတဲ့တဖြန်တဖြိဉ်ဗာႏတဝ်းထာꩻ။\n၁၃၂၂-ဗာႏ၊ တောႏလင်ꩻဆန်ꩻ ၈-နီꩻ ၁၂-နားရီႏခွယ်ꩻအခိန်ႏ (သက်တောႏ ၅၇၊ ဝါႏတောႏ-၃၄)ကိုနဝ်ꩻ ဝွေꩻဗွေႏအွဉ်ႏကုဲင်တလွိုးဗာႏစွဉ်ႏ တကာႏမူႏ၊ အွဉ်ႏကုဲင်သူႏဗာႏစွဉ်ႏ တကာႏခို၊ အွဉ်ႏကုဲင်တခြိုဗာႏစွဉ်ႏဆရာႏ၊ အွဉ်ႏကုဲင်ပြာႏဗာႏစွဉ်ႏတပဲ့ꩻတဲင် ပါလွေꩻထိုꩻဗာႏစွဉ်ႏ ခွန်မရဏဖဲ့ꩻတွော့ꩻ ကျွꩻထင်ႏထိုꩻဗာႏ ဒေဝါႏလူꩻသီးအခမ်းသူꩻသွူ။\nနီဗွေႏဘုရာꩻ ကအီႏကူꩻသွူ နိဗ္ဗာန်ႏလေႏလေႏနဝ်ꩻ (ဒီဃနိကာယ မဟာ���ဂ္ဂပါဠိ မဟာပရိနိဗ္ဗာနသုတ္တ ဆဋ္ဌမူ ၁၂၆ ကိုနဝ်ꩻ) ဟော်ꩻသေꩻဖေႏ ဗွေႏအာနန္ဒာႏနုဲင်းယို-\n\"အာနန္ဒာႏဟွေး - 'နီဆရာႏဘုရာꩻ အဲဉ်ထဝ်းဒွုမ်' သီမီႏယူႏနုဲင်းနဝ်ꩻတဲ့ ဟဝ်ယူႏခရာႏတန်ဒျာႏ၊ အာနန္ဒာႏဟွေး- ယိုနဝ်ꩻ ဟဝ်ယူႏတဝ်းနုဲင်းယို၊ ခွေကဟော်ꩻခါꩻ ပညတ်ခါꩻ တရာꩻတောႏတွမ်ႏ ဝိနယ်ꩻတောႏဖုံႏနဝ်ꩻ ခွေမီႏအဲဉ်ထဝ်း တနီꩻခါ အီႏထွာသီဆရာသနယ်\" ဟော်ꩻသေꩻဖေႏနုဲင်းနဝ်ꩻသွူ။\nနုဲင်းနဝ်ꩻနေနေ ယိုခါနဝ်ꩻ နီဗွေႏဆရာႏစင်ꩻတန် ကျွꩻထင်ႏထိုꩻဗာႏ ဒေဝါႏလူꩻသီးအခြာရိုꩻနဝ်ꩻလဲ့ ဝွေꩻဗွေႏကဆုံꩻမꩻသေꩻခါꩻ၊ ကသွဉ်သေꩻခါꩻ အဆုံꩻအမꩻ ဩဝါဒဖုံႏနဝ်ꩻ ထွာသေꩻဒျာႏ နီဆရာႏ၊ ကွပ်နဝ်ꩻမꩻ နီနာꩻသီးယိုနဝ်ꩻ မီႏလောက်ꩻကာႏမွေး၊ မီႏရက်မွေး၊ မီႏမဉ်ဖြော်မွေး ဝွေꩻဗွေႏကေꩻဇူꩻနဝ်ꩻ ဝွေꩻဗွေႏ ကဆုံꩻမꩻသေꩻခါꩻ၊ ကသွဉ်သေꩻခါꩻအတွိုင်ꩻ နီလွောက်ꩻနာႏဗာႏ၊ ဝွေꩻဗွေႏဆုံꩻမꩻသေꩻခါꩻ သွဉ်သေꩻခါꩻနုဲင်းမုဲင်ꩻနဲတဲင် -\nဝွေꩻဗွေႏကတဲမ်းသေꩻ လိတ်မဲ့နားဗွောင်ကိုဖုံႏနဝ်ꩻ အဝ်ႏထင်ႏသျာꩻဒျာႏလဲဉ်းနဝ်ꩻသွူ။\nအဝ်ႏကုဲင်အနာလွိုယိုကိုခြာနဝ်ꩻ တဲမ်းမန်းနေးဒျာႏသွူ။ (မဲ့ငါ ၆၁-ဗꩻ ၆၄)\n\nအငင်းဒို့ꩻလောင်း (ငဝ်းတောင်ꩻပြန်ႏ)\n\"ထေရုပ္ပတ္တိ\"လိတ်စောင်ႏယို လိတ်အုပ်ဆဲင်ꩻလောင်း မဲ့ငါဆချာဖဲ့ꩻကိုနဝ်ꩻ ပါတွမ်ႏကဗျာရိုꩻစွဉ်ႏကီနုဲင်းနဝ်ꩻတဲ့ ကွပ်စွဉ်ႏစေးအယပ်ꩻအခုဲင်ႏ ပျဿနာႏအဝ်ႏနဝ်ꩻမꩻ ယံဖေႏကထွꩻသင်္ဂျိုဟ်ႏပွယ်ꩻယို တထွူနွောင်ꩻတဝ်းဒွုမ်တဲင် ကဗျာနဝ်ꩻ အွဉ်ႏကုဲင်ချာထိုꩻဗာႏဒျာႏနဝ်ꩻသွူ။\n(စီႏခြပ်ချာနဝ်ꩻ - လိတ်ဖြုံႏခေတ်ရီးတဲင် ယထွောင်းထွောင်းနဝ်ꩻ တဲမ်းဗွန်မန်းအတွိုင်ꩻ ဖတ်ပအိုဝ်ႏဗာႏနေး၊ ကဲဉ်းအာအာနဝ်ꩻ (နောဝ်ꩻ-တောဝ်း-အောဝ်ႏ)ဖုံႏနဝ်ꩻ ခင်ႏလမ်းဖေႏကလို့ဆေ့ꩻတဲင် သုံꩻအဒွေါင်ႏစားနဝ်ꩻသွူ။\n\nအာႏကွိုꩻ\n\nပအိုဝ်ႏဗွေႏလိုꩻကျောင်ꩻသီး နမ်းခြောင်ꩻခရာႏ","num_words":11430,"character_repetition_ratio":0.058,"word_repetition_ratio":0.002,"special_characters_ratio":0.08,"stopwords_ratio":0.024,"flagged_words_ratio":0.0,"lang_id_score":1.0,"perplexity_score":2201.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%85%E1%80%AE%EA%A9%BB%E1%80%95%E1%80%BD%E1%80%AB%EA%A9%BB%E1%80%99%E1%80%BD%E1%80%94%E1%80%BA%E1%80%97%E1%80%94%E1%80%BA%E1%80%9C%E1%80%BD%E1%80%AD%E1%80%AF%E1%80%84%E1%80%BA%E1%82%8F%E1%80%80%E1%80%BD%E1%80%B0%E1%80%94%E1%80%BA%EA%A9%BB","collection":"wikipedia","source":"wikipedia","original_code":"blk","text":"\"အာနန္ဒသုတ် (စီꩻပွါꩻမွန်ဗန်-လွိုင်ႏကွူန်ꩻတောဝ်းအကျောင်ꩻ)\"\nဗွေႏဘုရာꩻဟော်ꩻနယ်ဖေႏ ဗွေႏအာႏနန္တာႏတရာꩻနုဲင်းယို-\n\"အာႏနန္တာႏဟွေး-\n၁။ သော ဝတာနန္ဒ ဘိက္ခု အဿဒ္ဓေါ သမာနော-\nရဟန်ꩻနဝ်ꩻနဝ်ꩻ 'သဒ္ဓါႏတရာꩻမဉ်ႏတဲ့ တအဲဉ်ထဝ်း'ဟ ဓမ္မဝိနယ (သာႏသနာ��တောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ အမျိုꩻထွာနဲ့၊ တထွာနွောင်ꩻတဝ်းရင်ꩻ။\n၂။ သော ဝတာနန္ဒ ဘိက္ခု ဒုဿီလော သမာနော-\nရဟန်ꩻနဝ်ꩻနဝ်ꩻ 'သီႏလမဉ်ႏတဲ့ တအဲဉ်ထဝ်း'ဟ ဓမ္မဝိနယ (သာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ အမျိုꩻထွာနဲ့၊ တထွာနွောင်ꩻတဝ်းရင်ꩻ။\n၃။ သော ဝတာနန္ဒ ဘိက္ခု အပ္ပဿုတော သမာနော-\nရဟန်ꩻနဝ်ꩻနဝ်ꩻ 'ဗဟုသုတဆေ့ꩻပေႏ၊ အဟွူန်အထီႏမဉ်ႏတဲ့ တအာထဝ်း'ဟ ဓမ္မဝိနယ (သာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ အမျိုꩻထွာနဲ့၊ တထွာနွောင်ꩻတဝ်းရင်ꩻ။\n၄။ သော ဝတာနန္ဒ ဘိက္ခု ဒုဗ္ဗစော သမာနော-\nရဟန်ꩻနဝ်ꩻနဝ်ꩻ 'ဒေါ့ꩻယပ်ꩻတန်၊ ဝင်ꩻငေါဝ်းမဉ်ႏတနာႏတဝ်း'ဟ ဓမ္မဝိနယ (သာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ အမျိုꩻထွာနဲ့၊ တထွာနွောင်ꩻတဝ်းရင်ꩻ။\n၅။ သော ဝတာနန္ဒ ပါပမိတ္တော သမာနော-\nရဟန်ꩻနဝ်ꩻနဝ်ꩻ 'ကွိုက်ꩻဒျာႏလိုꩻယွုတ်တန်၊ လိုꩻဟောဝ်မဉ်ႏတဲ့ တကွိုက်ꩻတဝ်း'ဟ ဓမ္မဝိနယ (သာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ အမျိုꩻထွာနဲ့၊ တထွာနွောင်ꩻတဝ်းရင်ꩻ။\n၆။ သော ဝတာနန္ဒ ဘိက္ခု ကုသီတော သမာနော-\nရဟန်ꩻနဝ်ꩻနဝ်ꩻ 'လွꩻတန်၊ မဉ်ႏတဲ့တကုဲင်တောဝ်း'ဟ ဓမ္မဝိနယ (သာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ အမျိုꩻထွာနဲ့၊ တထွာနွောင်ꩻတဝ်းရင်ꩻ။\n၇။ သော ဝတာနန္ဒ ဘိက္ခု မုဋ္ဌဿတိ သမာနော-\nရဟန်ꩻနဝ်ꩻနဝ်ꩻ 'သတိꩻထိုꩻမား၊ သတိꩻမဉ်ႏတဲ့ တအဲဉ်ထဝ်း'ဟ ဓမ္မဝိနယ (သာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ အမျိုꩻထွာနဲ့၊ တထွာနွောင်ꩻတဝ်းရင်ꩻ။\n၈။ သော ဝတာနန္ဒ ဘိက္ခု အသန္တုဋ္ဌော သမာနော-\nရဟန်ꩻနဝ်ꩻနဝ်ꩻ 'မဉ်ႏတဲ့ တကွိုꩻသꩻဒါႏတောဝ်း'ဟ ဓမ္မဝိနယ (သာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ အမျိုꩻထွာနဲ့၊ တထွာနွောင်ꩻတဝ်းရင်ꩻ။\n၉။ သော ဝတာနန္ဒ ဘိက္ခု ပါပိစ္ဆော သမာနော-\nရဟန်ꩻနဝ်ꩻနဝ်ꩻ 'လိုႏဒျာႏထာꩻယွုတ်၊ ထာꩻမျတ်မဉ်ႏတဲ့ တလိုႏတဝ်း၊ လောႏဘꩻတန်တန်'ဟ ဓမ္မဝိနယ (သာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ အမျိုꩻထွာနဲ့၊ တထွာနွောင်ꩻတဝ်းရင်ꩻ။\n၁၀။ သော ဝတာနန္ဒ ဘိက္ခု မိစ္ဆာဒိဋ္ဌိကော သမာနော-\nရဟန်ꩻနဝ်ꩻနဝ်ꩻ 'ထာꩻယူႏမာႏ၊ မိစ္ဆာဒိဋ္ဌိတန်ဒျာ���၊ ထာꩻယူႏမဉ်ႏတဲ့ တမဲဉ်ႏတဝ်း'ဟ ဓမ္မဝိနယ (သာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ အမျိုꩻထွာနဲ့၊ တထွာနွောင်ꩻတဝ်းရင်ꩻ။\n\"စီꩻပွါꩻမွန်ဗန် လွိုင်ႏကွူန်ႏအီအကျောင်ꩻ\"\nဗွေႏဘုရာꩻဟော်ꩻနယ်ဖေႏ ဗွေႏအာႏနန္တာႏတရာꩻနုဲင်းယို-\n\"အာႏနန္တာႏဟွေး-\n၁။ သော ဝတာနန္ဒ ဘိက္ခု သဒ္ဓေါ သမာနော-\nရဟန်ꩻနဝ်ꩻနဝ်ꩻ 'သဒ္ဓါႏတရာꩻအဝ်ႏ'ဟ ဓမ္မဝိနယ (သာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ ထွာဒျာႏ၊ ထွာနွောင်ꩻဒျာႏရင်ꩻ။\n၂။ သော ဝတာနန္ဒ ဘိက္ခု သီလဝါ သမာနော-\nရဟန်ꩻနဝ်ꩻနဝ်ꩻ 'သီႏလအဝ်ႏ'ဟ ဓမ္မဝိနယ (သာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ ထွာဒျာႏ၊ ထွာနွောင်ꩻဒျာႏရင်ꩻ။\n၃။ သော ဝတာနန္ဒ ဘိက္ခု ဗဟုဿုတော သမာနော-\nရဟန်ꩻနဝ်ꩻနဝ်ꩻ 'ဗဟုသုတအာတန်၊ အဟွူန်အထီႏအာတန်'ဟ ဓမ္မဝိနယ (သာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ ထွာဒျာႏ၊ ထွာနွောင်ꩻဒျာႏရင်ꩻ။\n၄။ သော ဝတာနန္ဒ ဘိက္ခု သုဝစော သမာနော-\nရဟန်ꩻနဝ်ꩻနဝ်ꩻ 'ဒေါ့ꩻယိုꩻ၊ နာႏငေါဝ်းဒျာႏ၊ နာႏဝင်ꩻငေါဝ်း'ဟ ဓမ္မဝိနယ (သာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ ထွာဒျာႏ၊ ထွာနွောင်ꩻဒျာႏရင်ꩻ။\n၅။ သော ဝတာနန္ဒ ကလျာဏမိတ္တော သမာနော-\nရဟန်ꩻနဝ်ꩻနဝ်ꩻ 'ကွိုက်ꩻဒျာႏလိုꩻဟောဝ်'ဟ ဓမ္မဝိနယ (သာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ ထွာဒျာႏ၊ ထွာနွောင်ꩻဒျာႏရင်ꩻ။\n၆။ သော ဝတာနန္ဒ ဘိက္ခု အာရဒ္ဓဝီရိယော သမာနော-\nရဟန်ꩻနဝ်ꩻနဝ်ꩻ 'ကုဲင်းမွေးစွဉ်ႏထာꩻ'ဟ ဓမ္မဝိနယ (သာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ ထွာဒျာႏ၊ ထွာနွောင်ꩻဒျာႏရင်ꩻ။\n၇။ သော ဝတာနန္ဒ ဘိက္ခု ဥပဋ္ဌိတဿတိ သမာနော-\nရဟန်ꩻနဝ်ꩻနဝ်ꩻ 'သတိꩻအဝ်ႏသေႏသေႏ၊ သတိꩻဟောဝ်တန်'ဟ ဓမ္မဝိနယ (သာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ ထွာဒျာႏ၊ ထွာနွောင်ꩻဒျာႏရင်ꩻ။\n၈။ သော ဝတာနန္ဒ ဘိက္ခု သန္တုဋ္ဌော သမာနော-\nရဟန်ꩻနဝ်ꩻနဝ်ꩻ 'အဝ်ႏနုဲင်းမုဲင်ꩻကွို့ꩻ လꩻနုဲင်းမုဲင်ꩻကေႏနပ်ဒျာႏ'ဟ ဓမ္မဝိနယ (သာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ ထွာဒျာႏ၊ ထွာနွောင်ꩻဒျာႏရင်ꩻ။\n၉။ သော ဝတာနန္ဒ ဘိက္ခု အပ္ပိစ္ဆော သမာနော-\nရဟန်ꩻနဝ်ꩻနဝ်ꩻ 'လောႏဘꩻတန်တဝ်း'ဟ ဓမ္မဝိနယ (���ာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ ထွာဒျာႏ၊ ထွာနွောင်ꩻဒျာႏရင်ꩻ။\n၁၀။ သော ဝတာနန္ဒ ဘိက္ခု သမ္မာဒိဋ္ဌိကော သမာနော-\nရဟန်ꩻနဝ်ꩻနဝ်ꩻ 'သမ္မာဒိဋ္ဌိဒျာႏ၊ ထာꩻယူႏမဲဉ်ႏဒျာႏ'ဟ ဓမ္မဝိနယ (သာႏသနာႏတောႏ)ကိုယို အီႏစီꩻပွါꩻအီႏမွန်ဗန် အီႏလွိုင်ႏကွူန်ꩻကရိုꩻနဝ်ꩻ ထွာဒျာႏ၊ ထွာနွောင်ꩻဒျာႏရင်ꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ အာနန္ဒသုတ်)\n\nအာႏကွိုꩻ","num_words":916,"character_repetition_ratio":0.177,"word_repetition_ratio":0.453,"special_characters_ratio":0.102,"stopwords_ratio":0.005,"flagged_words_ratio":0.0,"lang_id_score":1.0,"perplexity_score":2470.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%85%E1%80%AF%E1%80%B7%E1%80%80%E1%80%B2%E1%80%B7","collection":"wikipedia","source":"wikipedia","original_code":"blk","text":"ဇျိုနီဆီ့ကဲ့ ယို ထွာ ဂျပန် အုဲင်ဒေါးလ် Japanese idolNMB48 အစှိုꩻသားမူး အှိုးအစောဝ်းခါ တဖြာꩻ။ ဝွေꩻယိုနောဝ်ꩻ NMB48's Team N ကိုတဲ့ ထွာဖိုအစှိုꩻသားတဖြာꩻနေနေ။\nဇျိုနီဆီနောဝ်ꩻ ဖြှောန်ဗꩻလꩻ  NMB48 ပထမစိုး ပွယ်ꩻလှိုက်ရွီꩻ ရွစ်ငေါဝ်းသꩻချင်ꩻသား လာသဲပ်တဲမ်ဘာ ၂၀၁၀ ဗာႏနေင်ႏကို။ ဝွေꩻကနှို့ခေးပြဲင်ႏဗာႏဒါႏ ငေါဝ်းသချင်ꩻမဉ်ꩻနောဝ်ꩻ ကေားသဲ့ꩻသောမ်ꩻသားထာꩻယူႏ SCANDAL's Shunkan Sentimental ဒျာႏ။ ဝွေꩻထင်ႏစ ဇာတ်ခြေင်ႏလောင်း လာအောက်တိုဘာ ၉ နီꩻ ၂၀၁၀ ဗာႏနေင်ႏကို။ တှိုႏ မာ့ဆျ်လာ ၂၀၁၁ ဗာႏနေင်ႏကိုနောဝ်ꩻ ဝွေꩻယို ပါꩻလှိုက်ရွီꩻသော့ꩻ အစှိုꩻ Team N ကို။ ဝွေꩻအရီးသွတ်ꩻ NMB48 လှိုက်ရွီꩻစင် ငေါဝ်းသꩻချင်ꩻနောဝ်ꩻ နမ်းတဖြာꩻရွစ် Zetsumetsu Kurokami Shōjo နောဝ်ꩻသှူ။ ခါးလားကပါ NMB48 အစှိုꩻကိုခါနောဝ်ꩻ ဝွေꩻယို ရွစ်ဖိုတောဝ်း ငေါဝ်းသꩻချင်ꩻ။\n\nရွစ်ခါꩻငေါဝ်းသꩻချင်ꩻ\n\nNMB48 တဖြာꩻဒျာႏရွစ်\n\nAKB48 တဖြာꩻဒျာႏရွစ်\n\nအာႏကွိုꩻ \n\nနမ်းခြောင်ꩻခရာႏ\n\nလိဉ့်အထန်ႏဖုံႏ \n NMB48 Official Profile\n Official Blog\n Kei Jonishi on Google+\n Kei Jonishi on Twitter\n Jonishi Kei on Stage48","num_words":165,"character_repetition_ratio":0.077,"word_repetition_ratio":0.0,"special_characters_ratio":0.134,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":189956.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%85%E1%80%B2%E1%80%B7%EA%A9%BB%E1%80%9B%E1%80%AF%E1%80%B2%E1%80%84%E1%80%BA%E1%80%B8%E1%80%90%E1%80%BD%E1%80%99%E1%80%BA%E1%82%8F%E1%80%9B%E1%80%9F%E1%80%94%E1%80%BA%EA%A9%BB%E1%80%9A%E1%80%B6","collection":"wikipedia","source":"wikipedia","original_code":"blk","text":"\"ပဌမယောဓါဇီဝသုတ် (စဲ့ꩻရုဲင်းယံငတ်ꩻမျိုꩻ)\"\n(က)\nရဟန်ꩻသီးဖုံႏဟွေး-\nလောကကိုယို 'စဲ့ꩻရုဲင်းယံ'အောဝ်ႏငတ်ꩻမျိုꩻ၊ ငတ်ꩻမျိုꩻကရိုꩻနဝ်ꩻ-\n၁။ ပဌမစဲ့ꩻတမျိုꩻနောဝ်ꩻ-\nစဲ့ꩻအီႏတွိုက်ꩻလို့ဝင်ꩻ၊ ဆင်တပ်၊ သေတပ်-စတဲင် တပ်ဖုံႏထင်ႏလွဉ်တဲင် ထီႏဟံႏလူႏကြွုံႏတွော့ꩻ ဟွူန်ငမ်းဆွတ်ꩻချာ။\n၂။ ဒုတိယစဲ့ꩻတမျိုꩻနောဝ်ꩻ-\nစဲ့ꩻအီႏတွိုက်ꩻလို့ဝင်ꩻ၊ ဆင်တပ်၊ သေတပ်-စတဲင် တပ်ဖုံႏထင်ႏလွဉ်တဲင် ထီႏဟံႏလူႏကြွုံႏနောဝ်ꩻ ဆွတ်ꩻချာတဝ်း၊ ကွဲႏတွော့ꩻ ပါꩻယွိုင်ႏထင်ႏပါလံႏ၊ ထွိုင်ႏထီႏပါꩻလံႏနဝ်ꩻ ဟွုန်ငမ်း၊ ဆွတ်ꩻချာ။\n၃။ တတိယစဲ့ꩻတမျိုꩻနောဝ်ꩻ-\nစဲ့ꩻအီႏတွိုက်ꩻလို့ဝင်ꩻ၊ ဆင်တပ်၊ သေတပ်-စတဲင် တပ်ဖုံႏထင်ႏလွဉ်တဲင် ထီႏဟံႏလူႏကြွုံႏ၊ ထီႏပါꩻလံႏနဝ်ꩻ ဆွတ်ꩻချာတဝ်း၊ ကွဲႏတွော့ꩻ 'နီငမ်းတဝ်း၊ နက်လုဲင်း၊ သတ်ဟုဲင်း'ထွိုင်ႏဟွုန်ပါꩻခြောဝ်ငေါဝ်းနောဝ်ꩻ ဟွုန်ငမ်း၊ ဆွတ်ꩻချာ။\n၄။ စတုတ္ထစဲ့ꩻတမျိုꩻနောဝ်ꩻ-\nစဲ့ꩻအီႏတွိုက်ꩻလို့ဝင်ꩻ၊ ဆင်တပ်၊ သေတပ်-စတဲင် တပ်ဖုံႏထင်ႏလွဉ်တဲင် ထီႏဟံႏလူႏကြွုံႏ၊ ထီႏပါꩻလံႏ၊ ဟွုန်ပါꩻငေါဝ်း ဆွတ်ꩻချာတဝ်း၊ ကွဲႏတွော့ꩻ နꩻဗာႏ၊ ဗင်ဗာႏ၊ သွီႏလီ-သီပြာႏ၊ ထီႏဗာႏနုဲင်းနဝ်ꩻတွော့ꩻ ဟွုန်ငမ်း၊ ဆွတ်ꩻချာ။\n၅။ ပဉ္စမစဲ့ꩻတမျိုꩻနောဝ်ꩻ-\nစဲ့ꩻအီႏတွိုက်ꩻလို့ဝင်ꩻ၊ ဆင်တပ်၊ သေတပ်-စတဲင် တပ်ဖုံႏထင်ႏလွဉ်တဲင် ထီႏဟံႏလူႏကြွုံႏ၊ ထီႏပါꩻလံႏ၊ ဟွူန်ပါꩻငေါဝ်း၊ နꩻဗာႏ၊ ဗင်ဗာႏ၊ သွီႏလီ-သီပြာႏ၊ ထီႏဗာႏသွူတဲ့ ဟွူန်ငမ်းတဝ်း၊ ဆွတ်ꩻချာတဝ်း။\nနက်တိတ်ꩻတိတ်ꩻ၊ သတ်တိတ်ꩻတိတ်ꩻ၊ ထင်ႏငါတိတ်ꩻတိတ်ꩻတဲင် ပါꩻငမ်း၊ ပါꩻဆွတ်ꩻ၊ ပါꩻလွင်းတွော့ꩻ နွောင်ꩻစွဉ်ႏပါꩻ၊ သီမ်ꩻလꩻစွဉ်ႏ အရပ်နောဝ်ꩻကိုသွူ။\nလောကကိုယို စဲ့ꩻရုဲင်းယံ အောဝ်ႏငတ်ꩻမျိုꩻနုဲင်းနောဝ်ꩻသွူ။\nရဟန်ꩻသီးဖုံႏဟွေး-\n၁။ ပဌမရဟန်ꩻတမျိုꩻနောဝ်ꩻ-\nနွို့သော့ꩻသာႏသနာႏကိုယို ယံဖေႏနေးကလꩻနိဗ္ဗာန်ႏ ဓိဋ္ဌာန်ႏသꩻယူႏ အီႏတွိုက်ꩻကိလေႏသာႏရန်ႏသူႏ၊ အီႏအားထွုတ်တရာꩻ ရိုꩻနုဲင်းနဝ်ꩻ၊ ကွဲႏတွော့ꩻ ဟွုန်ခန်း 'ဒုံယိုဒုံနဝ်ꩻနဝ်ꩻ မုဲင်းရင်းဖုံႏတဲ့နဝ်ꩻ၊ မူႏနံꩻဖုံႏတဲ့နောဝ်ꩻ တရေꩻမွေးမုဲင်းစွဉ်ႏထာꩻတဲ့၊ ပေါႏထီႏဗာႏနဝ်ꩻ သꩻစွယ်ꩻစွဉ်ႏဒျာႏတဲ့'၊\nဟွူန်လဲႏကွို့ꩻ နုဲင်းနဝ်ꩻလွုမ်ꩻနဝ်ꩻ အုံဒါႏဒွုမ်၊ အီႏတွိုက်ꩻကိလေႏသာႏ၊ အီႏအားထွုတ်တရာꩻနောဝ်ꩻ ဟွူန်ငမ်း၊ ဆွတ်ꩻချာ၊ ထွက်သဲင်ꩻလမ်း၊ ပဌမရဟန်ꩻယို တမျိုꩻနဝ်ꩻ တွမ်ႏပဌမစဲ့ꩻသားနဝ်ꩻ ဗွန်ပီလို့ဝင်ꩻနဝ်ꩻသွူ။\n(ခ)\n၂။ ဒုတိယရဟန်ꩻတမျိုꩻနောဝ်ꩻ-\nနွို့သော့ꩻသာႏသနာႏကိုယို ယံဖေႏနေးကလꩻနိဗ္ဗာန်ႏ ဓိဋ္ဌာန်ႏသꩻယူႏ အီႏတွိုက်ꩻကိလေႏသာႏရန်ႏသူႏ၊ အီႏအားထွုတ်တရာꩻ ရိုꩻနုဲင်းနဝ်ꩻ၊ ကွဲႏတွော့ꩻ ဟွူန်ခန်း 'ဒုံယိုဒုံနဝ်ꩻ လိုꩻမူႏတရေꩻမွေးမုဲင်းစွဉ်ႏထာꩻ-တဲ့'၊ ဟွူန်နုဲင်းနဝ်ꩻလွုမ်ꩻနဝ်ꩻ ဝွေꩻယွုန်းဒါႏဒျာႏ၊ ထွက်တဝ်း၊ ကွဲႏတွော့ꩻ မုဲင်းရင်းတရေꩻတ���့နဝ်ꩻ၊ မူႏနံꩻတရေꩻတဲ့နဝ်ꩻ ဝွေꩻထီႏတွိုက်တွမ်ႏမဲ့၊ ထွိုင်ႏထီႏတွမ်ႏမဲ့နဝ်ꩻ အုံဒါႏဒွုမ်၊ ထွက်သဲင်ꩻစွဉ်ႏ၊ ဒုတိယရဟန်ꩻယိုနဝ်ꩻ တွမ်ႏဒုတိယစဲ့ꩻသား ထီႏပါꩻလံႏဆွတ်ꩻချာနောဝ်ꩻ ဗွန်ပီလို့ဝင်ꩻနောဝ်ꩻသွူ။\n၃။ တတိယရဟန်ꩻတမျိုꩻနောဝ်ꩻ-\nနွို့သော့ꩻသာႏသနာႏကိုယို ယံဖေႏနေးကလꩻနိဗ္ဗာန်ႏ ဓိဋ္ဌာန်ႏသꩻယူႏ အီႏတွိုက်ꩻကိလေႏသာႏရန်ႏသူႏ၊ အီႏအားထွုတ်တရာꩻ ရိုꩻနုဲင်းနဝ်ꩻ၊ ကွဲႏတွော့ꩻ ဟွူန်ခန်း 'ဒုံယိုဒုံနဝ်ꩻ လိုꩻမူႏတရေꩻမွေးမုဲင်းစွဉ်ႏထာꩻ' ဟွူန်နုဲင်းနဝ်ꩻလွုမ်ꩻနဝ်ꩻ ဝွေꩻယွုန်းဒါႏဒျာႏ၊ ထီႏတွိုက်တွမ်ႏမဲ့တဲ့ ယွုန်းဒါႏဒျာႏ၊ ထွက်တဝ်း၊ ကွဲႏတွော့ꩻ 'လိုꩻမူႏတရေꩻ လွဉ်ထေ့ဝွေꩻ၊ ငပယွုမ်းထေ့ဝွေꩻ၊ ဒေါ့ꩻရီဝွေꩻ၊ အိုပ်ႏဝွေꩻ၊ အံႏဖြာႏဝွေꩻ၊ ဒေါ့ꩻစွပ်ꩻဝွေꩻ'၊ တွိုႏနဝ်ꩻနဝ်ꩻ ဝွေꩻဒါႏယာႏဒွုမ်၊ ဟွူန်လိုꩻမူႏတရေꩻငေါဝ်း ဒါႏယာႏတဝ်းတဲင် ထွက်သဲင်ꩻထိုꩻစွဉ်ႏ၊ တတိယရဟန်ꩻတမျိုꩻနဝ်ꩻ တွမ်ႏတတိယစဲ့ꩻသား ဟွူန်ငမ်းပါꩻငေါဝ်းဆွတ်ꩻချာနောဝ်ꩻ ဗွန်ပီဝင်ꩻနောဝ်ꩻသွူ။\n၄။ စတုတ္ထရဟန်ꩻတမျိုꩻနောဝ်ꩻ-\nနွို့သော့ꩻသာႏသနာႏကိုယို ယံဖေႏနေးကလꩻနိဗ္ဗာန်ႏ ဓိဋ္ဌာန်ႏသꩻယူႏ အီႏတွိုက်ꩻကိလေႏသာႏရန်ႏသူႏ၊ အီႏအားထွုတ်တရာꩻ ရိုꩻနုဲင်းနဝ်ꩻ၊ ဟွုန်လိုꩻမူႏတရေꩻတဲ့ ယွုန်းဒါႏဒျာႏ၊ ခံႏထွက်တဝ်း၊ ထီႏတွိုက်လိုꩻမူႏ၊ လိုꩻမူႏလွဉ်ထေ့၊ ပယွုမ်းထေ့၊ ဒေါ့ꩻရီ၊ အို့ပ်ႏဝွေꩻ၊ အံႏဖြာႏဝွေꩻ၊ ဒေါ့ꩻစွပ်ꩻဝွေꩻ၊ နဝ်ꩻဖုံႏနဝ်ꩻ ယွုန်းနွိုင်ႏယွုန်းဆေ့ꩻလꩻဒျာႏ။\nကွဲႏတွော့ꩻ ပါꩻမူႏလွဉ်ထေ့ တခြာကို၊ ထာꩻယေန်ယေန်ကို (အဝ်ႏဝွေꩻသီးဝင်ꩻနီလွုမ်ꩻ)၊ ပါꩻမူႏတရေꩻ အုံတွိုက်ဝွေꩻ၊ အုံခြꩻဝွေꩻ၊ ဖြွꩻဝွေꩻစူဗောင်၊ တဖေါ့ဝွေꩻ၊ နွန်ႏဝꩻဝွေꩻ၊ ဗေင်ႏခြꩻဝွေꩻ၊ တွိုႏနဝ်ꩻတွော့ꩻ ယွုန်းလꩻဒွုမ်၊ ယူႏဒွုမ်ထမုဲင်ꩻမုဲင်ꩻ၊ သိက္ခာႏငါတဲ့ တန်ꩻချꩻဒွုမ်၊ သေဒွုမ်ထမုဲင်ꩻမုဲင်ꩻ ရာႏဂတဏှာႏ၊ ကိလေႏသာႏတလူႏ၊ ခိုမူႏ(စင်ꩻနင်ꩻ)မာႏခန်းဒျာႏလို့ဝင်ꩻနောဝ်ꩻသွူ၊ စတုတ္ထရဟန်ꩻတမျိုꩻနဝ်ꩻ တွမ်ႏစတုတ္ထစဲ့ꩻသား နꩻဗာႏဗင်ဗာႏနောဝ်ꩻ ဗွန်ပီလို့ဝင်ꩻနောဝ်ꩻသွူ။\n၅။ ပဉ္စမရဟန်ꩻတမျိုꩻနောဝ်ꩻ-\nနွို့သော့ꩻသာႏသနာႏကိုယို ယံဖေႏနေးကလꩻနိဗ္ဗာန်ႏ ဓိဋ္ဌာန်ႏသꩻယူႏ အီႏတွိုက်ꩻကိလေႏသာႏရန်ႏသူႏ၊ အီႏအားထွုတ်တရာꩻ ရိုꩻနုဲင်းနဝ်ꩻ၊ ဟွူန်လိုꩻမူႏတရေꩻ၊ ထီႏတွိုက်၊ ဒေါ့ꩻရီ၊ အုံတွိုက်ဝွေꩻဖုံႏနဝ်ꩻ ယွုန်းလꩻဒျာႏ၊ လွဉ်ထေ့ဝွေꩻတခြာကို ဝ��ေꩻထွိုင်ႏထိုꩻတလဲင်ႏချင်ꩻ၊ ခံႏမော့ꩻတဝ်း၊ ခံႏဒေါ့ꩻရီတဝ်း၊ ခံႏခွေါင်းတဝ်း၊ ပါꩻမူႏကျံႏယားနုဲင်းမုဲင်ꩻမုဲင်ꩻလꩻတဝ်း၊ အားထွုတ်မွေးဒျာႏတရာꩻ၊ တွိုက်ꩻဖွန်ႏလို့ ကိလေႏသာႏ၊ ထွာမွေးစွဉ်ႏရဟန္တာႏနဝ်ꩻသွူ၊ ပဉ္စမရဟန်ꩻယိုနဝ်ꩻ တွမ်ႏပဉ္စမစဲ့ꩻသား နွောင်ꩻရန်ႏသူႏနောဝ်ꩻ ဗွန်ပီလို့ဝင်ꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ ယောဓါဇီဝသုတ်)\n\nအာႏကွိုꩻ","num_words":871,"character_repetition_ratio":0.079,"word_repetition_ratio":0.217,"special_characters_ratio":0.071,"stopwords_ratio":0.014,"flagged_words_ratio":0.0,"lang_id_score":1.0,"perplexity_score":1942.8,"cluster_detection":-1}
+{"url":"https:\/\/blk.wikipedia.org\/wiki\/%E1%80%90%E1%80%81%E1%80%B1%E1%80%AB%E1%80%B7%EA%A9%BB%E1%80%9B%E1%80%AC%E1%82%8F%E1%80%9C%E1%80%85%E1%80%BA%EA%A9%BB%E1%80%99%E1%80%BB%E1%80%AD%E1%80%AF%EA%A9%BB","collection":"wikipedia","source":"wikipedia","original_code":"blk","text":"\"အမ္ဗသုတ် (တခေါ့ꩻရာႏလစ်ꩻမျိုꩻ-လိုꩻလစ်ꩻစား)\"\nနီဗွေႏဘုရာꩻဟော်ꩻဖေႏ ဗွေႏရဟန်ꩻသီးဖုံႏ တရာꩻနုဲင်းယို-\n\"ရဟန်ꩻသီးဖုံႏဟွေး-\nတခေါ့ꩻရာႏဖုံႏနဝ်ꩻ အဝ်ႏလစ်ꩻမျိုꩻ၊ လစ်ꩻမျိုꩻကရိုꩻနောဝ်ꩻ-\n၁။ အာမံ ပက္ကဝဏ္ဏိ - အမိုဒျာႏ၊ သေန်ႏတခေါ့ꩻရာႏမဉ်\n၂။ ပက္ကံ အာမဝဏ္ဏိ - အမဉ်ဒျာႏ၊ သေန်ႏတခေါ့ꩻရာႏမို\n၃။ အာမံ အာမဝဏ္ဏိ - အမိုဒျာႏ၊ သေန်ႏတခေါ့ꩻရာႏမို\n၄။ ပက္ကံ ပက္ကဝဏ္ဏိ - အမဉ်ဒျာႏ၊ သေန်ႏတခေါ့ꩻရာႏမဉ်\nတခေါ့ꩻရာႏအဝ်ႏလစ်ꩻမျိုꩻနုဲင်းနောဝ်ꩻသွူ။\nရဟန်ꩻသီးဖုံႏဟွေး-\nလိုꩻတဲ့ ဗွန်ပီတခေါ့ꩻရာႏနဝ်ꩻနေနေ၊ လိုꩻအဝ်ႏလစ်ꩻမျိုꩻ၊ လစ်ꩻမျိုꩻကရိုꩻနောဝ်ꩻ\n၁။ လောကကိုယို ပုဂ္ဂိုလ်ႏ(ရဟန်ꩻ)ယင်ဟန်ႏနဝ်ꩻ ကာငါတဲ့နဝ်ꩻ၊ ဆွတ်ꩻချာတဲ့နဝ်ꩻ၊ ထွားတောက်ꩻတဲ့နဝ်ꩻ၊ ထွာတဖဲ့တ်တဲ့နဝ်ꩻ၊ အွဉ်ႏတုပ်ꩻစူတဲ့နဝ်ꩻ၊ ယွိုင်ႏစူတဲ့နဝ်ꩻ၊ ပွိုက်ꩻသင်္ကန်ꩻကုဋ်-ဆဲင်သပိတ်တဲ့နောဝ်ꩻ၊ သတိꩻအဝ်ႏပါသေႏသေႏ၊ ယေန်ႏကေႏဟောဝ်ငါႏ၊ ကေႏညိုႏခရာႏဟောဝ်ငါႏ၊ ကွဲႏတွော့ꩻ ဝွေꩻဗွေႏနဝ်ꩻနောဝ်ꩻ သေတဝ်း 'ဒုက္ခသစ္စာႏ၊ သမုဒယသစ္စာႏ၊ နိရောဓသစ္စာႏ၊ မဂ္ဂသစ္စာႏ'တဲ့ မွေးမဲဉ်ႏအတွိုင်ꩻ၊ သေတဝ်းတရာꩻ၊ ပုဂ္ဂိုလ်ႏယိုစားနဝ်ꩻ တွမ်ႏ'တွမ်ႏအမိုဒျာႏ၊ သေန်ႏတခေါ့ꩻရာႏမဉ်'နဝ်ꩻ ဗွန်ဝင်ꩻနောဝ်ꩻသွူ။\nရဟန်ꩻသီးဖုံႏဟွေး-\n၂။ လောကကိုယို ပုဂ္ဂိုလ်ႏ(ရဟန်ꩻ)ယင်ဟန်ႏနဝ်ꩻ ကာငါတဲ့နဝ်ꩻ၊ ဆွတ်ꩻချာတဲ့နဝ်ꩻ၊ ထွားတောက်ꩻတဲ့နဝ်ꩻ၊ ထွာတဖဲ့တ်တဲ့နဝ်ꩻ၊ အွဉ်ႏတုပ်ꩻစူတဲ့နောဝ်ꩻ၊ ယွိုင်ႏစူတဲ့နဝ်ꩻ၊ ပွိုက်ꩻသင်္ကန်ꩻကုဋ်-ဆဲင်သပိတ်တဲ့နဝ်ꩻ၊ အွဉ်ႏတဝ်းသတိꩻ၊ ယေန်ႏကေႏတဝ်း၊ ကေႏညိုႏခရာႏအဲဉ်ထဝ်း၊ ကွဲႏတွော့ꩻ ဝွေꩻဗွေႏနဝ်ꩻနဝ်ꩻ\nသေထီႏ 'ဒုက္ခသစ္စာႏ၊ သမုဒယသစ္စာႏ၊ နိရောဓသစ္စ���ႏ၊ မဂ္ဂသစ္စာႏ'တဲ့ မွေးမဲဉ်ႏအတွိုင်ꩻ၊ သေတဝ်းတရာꩻ၊ ပုဂ္ဂိုလ်ႏယိုစားနဝ်ꩻ တွမ်ႏ'တွမ်ႏအမဉ်ဒျာႏ သေန်ႏတခေါ့ꩻရာႏမို'နဝ်ꩻ ပီဝင်ꩻနဝ်ꩻသွူ။\nရဟန်ꩻသီးဖုံႏဟွေး-\n၃။ လောကကိုယို ပုဂ္ဂိုလ်ႏ(ရဟန်ꩻ)ယင်ဟန်ႏနဝ်ꩻ ကာငါ၊ ဆွတ်ꩻချာ၊ ထွားတောက်ꩻ၊ ထွာတဖဲ့တ်၊ အွဉ်ႏတို့ပ်ႏစူ၊ ယွိုင်ႏစူ၊ ပွိုက်ꩻသင်္ကန်ꩻကုဋ်-ဆဲင်သပိတ်ဖုံႏနဝ်ꩻ၊ အွဉ်ႏတဝ်းသတိꩻ၊ ယေန်ႏကေႏတဝ်း၊ ကေႏညိုႏခရာႏတဲ့ အဲဉ်ထောဝ်း၊ ဝွေꩻဗွေႏနဝ်ꩻနဝ်ꩻ'ဒုက္ခသစ္စာႏ၊ သမုဒယသစ္စာႏ၊ နိရောဓသစ္စာႏ၊ မဂ္ဂသစ္စာႏ'တဲ့ သေတဝ်း၊ ပုဂ္ဂိုလ်ႏယိုစားနဝ်ꩻ တွမ်ႏ'တွမ်ႏအမိုဒျာႏသေန်ႏတခေါ့ꩻရာႏမို'နဝ်ꩻ ဗွန်ဝင်ꩻနောဝ်ꩻသွူ။\nရဟန်ꩻသီးဖုံႏဟွေး-\n၄။ လောကကိုယို ပုဂ္ဂိုလ်ႏ(ရဟန်ꩻ)ယင်ဟန်ႏနဝ်ꩻ ကာငါ၊ ဆွတ်ꩻချာ၊ ထွားတောက်ꩻ၊ ထွာတဖဲ့တ်၊ အွဉ်ႏတို့ပ်ႏစူ၊ ယွိုင်ႏစူ၊ ပွိုက်ꩻသင်္ကန်ꩻကုဋ်-ဆဲင်သပိတ်ဖုံႏနဝ်ꩻ သတိꩻအဝ်ႏပါသေႏသေႏ၊ ယေန်ႏကေႏဟောဝ်ငါႏ၊ ကေႏညိုႏခရႏဟောဝ်ငါႏ၊ ဝွေꩻဗွေႏနဝ်ꩻ သေတဝ်း 'ဒုက္ခသစ္စာႏ၊ သမုဒယသစ္စာႏ၊ နိရောဓသစ္စာႏ၊ မဂ္ဂသစ္စာႏ'တဲ့ သေထီႏ၊ ပုဂ္ဂိုလ်ႏယိုစားနဝ်ꩻ တွမ်ႏ'တွမ်ႏအမဉ်ဒျာႏ သေန်ႏတခေါ့ꩻရာႏမဉ်'နဝ်ꩻ ပီဝင်ꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ အမ္ဗသုတ်)\n\nအာႏကွိုꩻ","num_words":455,"character_repetition_ratio":0.084,"word_repetition_ratio":0.307,"special_characters_ratio":0.086,"stopwords_ratio":0.024,"flagged_words_ratio":0.0,"lang_id_score":1.0,"perplexity_score":2048.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%90%E1%80%84%E1%80%AB%E1%80%9B%E1%80%B1%E1%80%AC%E1%82%8F%E1%80%82%E1%80%AB%E1%82%8F","collection":"wikipedia","source":"wikipedia","original_code":"blk","text":"\"တငါရောႏဂါႏတွမ်ႏ တသီႏနယ်ꩻဒွေါင်ႏ\"\n\nသဘာဝတရာꩻ ကဖေႏခါꩻဒါႏ တငါကရိုꩻယိုနဝ်ꩻ လောင်ႏလွိုးမဲ့ငါ ဖေႏကတရေꩻ ဖေႏကဖုဲင်ႏထွားတွော့ꩻ ဖေႏမွေးတဝ်း၊ အံႏစုဲင်အီအာဟာႏရတာႏဒျာႏသွူ။ နီကအံႏဒါႏ အာႏဟာႏရ မီႏတစုဲင်ႏပဲစ်ꩻအွဉ်တဝ်း တွမ်ႏတငါတွော့ꩻ မီႏအံႏစွဉ်ႏ၊ မျောႏစွဉ်ႏနေးနဝ်ꩻ အရသာႏလဲ့ တပေါႏလို့တဝ်းသွူတကာႏတတ်း ထွိုင်ႏတွို့ꩻဟို့ꩻကိုနဝ်ꩻ တကေႏပဲစ်ꩻယိုꩻယိုꩻတဝ်းတဲင် ထွာဒါႏဟို့ꩻ ဗွေဟို့ꩻတအွောင်ႏရောႏဂါႏသွူ။ နေးတွမ်ႏတငါတွော့ꩻ ကထွိုင်ႏစုဲင်ပဲစ်ꩻအွဉ်နဝ်ꩻ ဆာႏကေႏယိုꩻတဲင် တန်ႏထွာဟို့ꩻဗွေဟို့ꩻအွောင်ႏရောႏဂါႏလဲ့ ထွာတဝ်းတဲင် ခြွိုင်ႏသန်ꩻရေꩻဟဝ်၊ နမ်းချံꩻသာႏ သꩻချံꩻသာႏသွူ။ ကွပ်နဝ်ꩻမꩻ တငါယိုနဝ်ꩻ လိုꩻသီးအတာႏ အရေꩻတန်ငါႏအခြွိုင်း ကိရိယာႏတမျိုꩻသွူ။\n\nတငါနဝ်ꩻ လိုꩻသီးအတာႏ အရေꩻတန်ငါႏ အခြွိုင်းကိရိယာႏတမျိုꩻလဲ့ လိုꩻသီးယို ပေါ��တငါတဆာတဝ်းဒွိုန်း၊ တငါတအော့ꩻတဝ်းဒွိုန်းနဝ်ꩻ သေအွဉ်ႏရေꩻတဝ်းတငါ၊ သေပျုပျင်ႏသုတ်သင်ႏတဝ်းတငါသွူ။ တငါမဉ်ႏဆာသွူမꩻ လောႏထုမ်ႏတသီႏ၊ တငါမဉ်ႏအော့ꩻသွူမꩻ ကွဲလꩻဆုဲင်ꩻနောင်ႏတနဝ်ꩻ ကဲဉ်းအာအာသွူ။ ကွပ်နဝ်ꩻမꩻ တငါဖေႏကဆာယွဲးပုဲင်ႏ၊ တငါဖေႏကခွေါင်နဝ်ꩻ ခါးလားကဆာ ခါးလားကအော့ꩻယို အဝ်ႏလိုႏပျုပျင်ႏသုတ်သင်ႏငါႏသွူ။ တငါဖေႏကဆာယွဲပုဲင်ႏ၊ တငါဖေႏကခွေါင်နဝ်ꩻ အဝ်ႏလိုႏအံႏအာငါႏတဝ်း ငပိ၊ ထေသင်-စတဲင် အနွုမ်ꩻတရီမျိုꩻ၊ အဝ်ႏလိုႏအံႏအာငါႏတဝ်း တောင်းလျက်ꩻထန်ꩻ၊ တောင်းလျက်ꩻဖျဉ်စတဲင် အနွိုးမျိုꩻ၊ အဝ်ႏလိုႏအွဉ်ႏချုပ်ငါႏတဝ်းဟို့ꩻသွူ။\nမီႏအံႏထွူ အာဟာႏရတမျိုꩻမျိုꩻလဲ့ အဝ်ႏလိုႏပွစ်ကြောင်းကြောင်းချာတငါသွူ။ မွူးရဝ်ꩻခိုႏ ဗေင်ႏထွိုင်ႏမီႏပွစ်တငါနဝ်ꩻ ဖြားထွူမဲ့ငါမꩻပွစ်နဝ်ꩻ တငါခွေါင်ပုံႏသွူ။ မီႏပွစ်အွဉ်တငါနဝ်ꩻ \"အေးရှိရာ အပူလာ\"ကရိုꩻဒါႏ မန်းငဝ်းအတွိုင်ꩻ အတအွိုလုမ်ꩻ၊ တအွိုလျားဖုံႏနဝ်ꩻ လွဉ်စုတငါထျꩻပြွူကိုတဲင် တငါဆာ၊ တငါရျူ၊ တငါအော့ꩻယိုꩻဒါႏသွူ။\nနဝ်ꩻလွုမ်ꩻတကာႏတဝ်း တငါဖေႏကဆာယွဲပုဲင်ႏ၊ တငါဖေႏကခွေါင်နဝ်ꩻ ပွစ်တသီႏတငါပွစ်၊ ဝင်ꩻကအဝ်ႏစာနဝ်ꩻစားလွုမ်ꩻမꩻ တမွေးတဝ်း၊ နီလမ်းကို နီရပ်ကို ကအဝ်ႏဒါႏ တသီႏတငါခွေါင်ဖုံႏယိုလဲ့ ထူႏသွုံꩻနွောင်ꩻဒျာႏသွူ။\n\nတသီႏတငါခွေါင် တငါဆာဟဝ်နယ်ꩻဖုံႏ-\n၁။ တသီႏတငါခွေါင်နယ်ꩻ-\nသေင်ႏမုဲင်းသက်အယာႏယို ဗုံထွူတဲင် ပေါႏမေႏတင်ႏဖေ့ ထွာမေႏအွူလဲ့ ဆူထီမာꩻဖေ့ထွူတွော့ꩻ ကလꩻလွဉ်ဒါႏ မုဲင်းသက်ꩻမေႏသွာႏယို တွမ်ႏတသာႏခြွုတ်ဖွန်ႏရော်ꩻတဝင်ꩻတွော့ꩻ ပွစ်ဖေႏနဝ်ꩻ တငါခွေါင်သွူ။ ထဲင်းတနယ်ꩻ တမာႏပင်ပေႏ အွိုးအပင်မော့ငါနဝ်ꩻ တောက်ꩻပဲစ်ꩻတောက်ꩻတဖြဲက်ထွူအမော့တွော့ꩻ တွစ်ဖေႏပွစ်ဖေႏတငါနဝ်ꩻလဲ့ တငါခွေါင်နေနေသွူ။\n၂။ တသီႏတငါဆာနယ်ꩻ-\nတငါမီႏဆာ တငါမီႏအဲင်ႏနဝ်ꩻ ပအိုဝ်ႏနဝ်ꩻဟဲ့ꩻ \"ယာလွုမ်ꩻတန်\"၊ မန်းနဝ်ꩻဟဲ့ꩻ\"မုယားကြီး\"အလာႏယို ဖို့ꩻဖေႏကထွာဖါႏတွော့ꩻ သော့ꩻခါꩻပလဲင်ꩻ၊ တငါဆာမုဲင်ꩻခါလဲ့ ထူႏအွဉ်ႏပြောက်သွော့ တငါဆာရပ်နဝ်ꩻနေား။\nထဲင်းတနယ်ꩻ- တငါမီႏဆာ မီႏအဲင်ႏနဝ်ꩻ အေင်ဒီႏတသဉ်ယို ပသေကြောင်းကြောင်း သွယ်ꩻပဉ်ဗေင်ႏဗေင်ႏထွူတွော့ꩻ ဆိုမ်ႏကြောင်းကြောင်းကို ထောင်းပဲစ်ꩻထွူတဲင် အွဉ်ႏပယ်၊ အွဉ်ႏပြောက်သွော့ တငါဆာရပ်နဝ်ꩻနေား၊ အေင်ပသေထွူ သွယ်ꩻဗွိုဗွိုထွူနဝ်ꩻ ထောင်းပဲစ်ꩻတဝ်းတွော့ꩻ အွဉ်ႏပယ်ပဉ်ဗေင်ႏဗေင်ႏနေးဗောꩻလဲ့ꩻ လꩻဒျာႏသွူ။\n၃။ တငါသွီႏ(ပြွူသွီႏ)တသီႏနယ်ꩻ-\nအဝ်ႏလွိုႏလွိုႏကာႏကာႏ တရိုꩻတဝ်း၊ ခွိုင်းပသောင်းပသာႏတရိုꩻတဝ်း ပြွူမီႏကုဲင်းသွီႏနဝ်ꩻ တခေါ့ꩻလာႏ(မွေးတဝ်းလဲ့) တခေါ့ꩻဖေ့ꩻယို ခြွူဟံးကဲန်းကဲန်းထွူတွော့ꩻ အုမ်ဖေႏကုဲင်းကုဲင်းသွောနေား။\n၄။တသီႏပွစ်အီတငါနယ်ꩻ- \nတငါဆာ၊ တငါရျူ၊ တငါသေ့ꩻ၊ ပြွူသွီႏထန်ႏ တသီႏနယ်ꩻနဝ်ꩻ သင်္ဘောꩻလာႏသဲင်ဖွန်ႏသွူ။ သင်္ဘောꩻလာႏသဲင်ယို ထောင်းဖွန်ႏထွူတဲင် အဆေ့ꩻသွတ်ꩻ တနီꩻ(၂)လဲင်ႏ မီႏပွစ်ဖေႏနဝ်ꩻ တငါရောႏဂါႏ နုဲင်းလကီဖုံႏယို ဟဝ်နွောင်ꩻအီဒျာႏသွူ။\n၅။\"တသီႏတငါ ထဲင်းတနယ်ꩻ\"\nတငါမီႏဆာ တငါမီႏအဲင်ႏ ပြွူမီႏဆာ၊ ပြွူမီႏသွီႏနဝ်ꩻ မောက်ꩻအွန်ရာႏစီတဖြုံႏယို ဖꩻလစ်ꩻခဝ်တွော့ꩻ ခြွူသွံထီတထီထွူနဝ်ꩻ သော့ꩻတွမ်ႏတသာႏဆေ့ꩻဆေ့ꩻ အုမ်ဖေႏလုမ်ꩻလုမ်ꩻသွော့နေား၊ အုမ်ခွိုꩻခွိုꩻ အုမ်ကုဲင်းကုဲင်းသွော့နော။\n၆။ \"တသီႏတငါ ထဲင်းနယ်ꩻ\"\nတငါဆာ တငါအဲင်ႏ တငါတသွိုး တငါသွီႏထန်ႏ တငါသေ့ꩻရောႏဂါႏနဝ်ꩻ မောက်ꩻမူးရာႏယို ဖို့ꩻကျွမ်ꩻကျွမ်ꩻ ဖေႏကထွာဖါႏတွော့ꩻ ကလꩻဒါႏဖါႏယို သူႏဖေႏပြုတ်ꩻဖေႏတငါဆာခင်ႏလမ်းနဝ်ꩻ ဟဝ်ဒျာႏသွူ။\n၇။ \"တငါသေ့ꩻအဲင်ႏဆာ တသီႏနယ်ꩻ\"\nတငါသေ့ꩻအဲင်ႏသားနဝ်ꩻ တငါသေ့ꩻရောႏဂါႏ ကအဝ်ႏဒါႏလိုꩻနဝ်ꩻ ဆောင်ႏခါꩻဗာႏ လေညင်ꩻတုဲင်သွူ၊ တငါမီႏဆာလွဉ်သွူ။ တငါမီႏဆာလွဉ် မီႏအဲင်ႏလွဉ်နဝ်ꩻ လေညင်ꩻတုဲင်ယို စုဲင်ပဲစ်ꩻထွူတွော့ꩻ အွဉ်ႏပြောက်အွဉ်ႏပြုတ်ꩻဗာႏ တငါဆာရပ်နဝ်ꩻသွူ။ လေညင်ꩻတုဲင်နဝ်ꩻ ဝင်ꩻခြွုတ်ထန်ႏနမ်းမန်ꩻလဲ့ အဝ်ႏတဲင် ဖြေꩻဆောင်ႏခါꩻသွူတွော့ꩻ တငါဆာထန်ႏမုဲင်ꩻခါလဲ့ အွဉ်ႏတဗဲက်ꩻလူးဗာႏသွူႏ လေညင်ꩻနဝ်ꩻ အလျားတွော့ꩻ အဆာသက်သာႏလုဲင်ႏသွူ။\n၈။ \"တငါဆာ တငါအဲင်ႏ တသီႏနယ်ꩻ\"\nဗက်ꩻကဲင်ညိုးမွူးတွော့ꩻ ပေါႏအစီႏထန်ႏလဲ့ ဒွူႏခါꩻထွူတဲင် ညိုးစီႏတွမ်ႏတစေꩻယို မာꩻဖွန်ႏပဲစ်ꩻညီꩻထွူလွတင်ꩻတွော့ꩻ သူႏပြုတ်ꩻဖေႏသွော့ တငါဆာနဝ်ꩻနော။\n၉။ \"တသီႏတငါဆာ ထဲင်းတနယ်ꩻ\"\nသေင်ႏ\"ပိတောက်\"အလာႏယို ခြွူလꩻလꩻထွူတဲင် အုမ်ဖေႏသွော့လုမ်ꩻလုမ်ꩻနော။\n၁၀။ \"တသီႏတငါသေ့ꩻ၊ တငါဆာ ထဲင်းတနယ်ꩻ\"\nထွန်ေအာက်ꩻအုမ်ပြူးတွမ်ႏ မေ့ဖွန်ႏယို နွတ်ရော်ꩻထွူတဝင်ꩻတဲင် သႏအွဉ်ႏပြောက်ဖေႏသွော့ တငါသေ့ꩻခြောင်ꩻနဝ်ꩻနော။\n၁၁။ \"တသီႏတငါခွေါင် ထဲင်းတနယ်ꩻ\"\nတငါဖေႏကခွေါင် တငါဖေႏကတဉ်ႏနဝ်ꩻ မာꩻဖွန်ႏထွူတစေꩻတွော့ꩻ ပွစ်ခွိုꩻခွိုꩻဖေႏသွော့ တငါနော။\n\"ငဝ်းတောင��ꩻသေꩻ။ ။ တငါသေ့ꩻရောႏဂါႏ အနောက်တိုင်း တသီႏပညာႏနယ်ꩻနဝ်ꩻ ဖေႏကဟဝ် ဖေႏကထိုꩻမားတငါနဝ်ꩻ တသီႏအဲဉ်ထဝ်းသွူ။ တသီႏနဝ်ꩻ အဝ်ႏအဆာ ဖေႏကသက်သာႏလွုမ်ꩻသွူ။ တငါသေ့ꩻဆာတွော့ꩻ ခံႏမီႏဒါႏတဝ်းနဝ်ꩻ ဆဲ့ꩻဗာႏတသီႏ အဆာအအဲင်ႏဟဝ်တစွိုးစွိုးသွူ။ အံႏနေးလဲ့ လꩻဒျာႏသွူ။\n\nအာႏကွိုꩻ\n\nတသီႏပညာႏ","num_words":1054,"character_repetition_ratio":0.046,"word_repetition_ratio":0.01,"special_characters_ratio":0.07,"stopwords_ratio":0.051,"flagged_words_ratio":0.0,"lang_id_score":1.0,"perplexity_score":1315.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%90%E1%80%9B%E1%80%AC%EA%A9%BB%E1%80%92%E1%80%AD%E1%80%AF%E1%80%95%EA%A9%BB%E1%80%9C%EA%A9%BB%E1%80%80%E1%80%AD%E1%80%9C%E1%80%B1%E1%82%8F%E1%80%9E%E1%80%AC%E1%82%8F","collection":"wikipedia","source":"wikipedia","original_code":"blk","text":"\"နိဗ္ဗေဓိကသုတ် (တရာꩻဒိုပꩻ ကိလေႏသာႏ)\"\n\"ရဟန်ꩻသီးဖုံႏဟွေး-\nခွေအီႏဟော်ꩻဖေႏသီ 'နိဗ္ဗေဓိကပရိယာယ-ဒိုပꩻကိလေႏသာႏခရာႏ'၊ အွဉ်ႏသꩻနာႏလွသွော့ဟုဲင်း\"\n\"မွေးသွူ ဗွေႏ-\nရိုႏရိုႏသေႏသေႏ နာႏလွဒျာႏ ဗွေႏဩ\"\n\"ရဟန်ꩻသီးဖုံႏဟွေး-\n၁။ အဝ်ႏလိုႏသေ'ကာမ'၊ 'ကာမ'ကရိုꩻနဝ်ꩻ မဲ့တထဲ့ꩻ ထာꩻတရေꩻ(ရူပါရုံ)၊ နားတထဲ့ꩻ ထာꩻတလေ့(သဒ္ဒါရုံ)၊ နေ့ꩻဖူတထဲ့ꩻ ထာꩻနွုမ်ꩻဟွမ်(ဂန္ဓာရုံ)၊ ဖြေꩻတထဲ့ꩻ ထာꩻအွီႏ(ရသာရုံ)၊ နမ်းတထဲ့ꩻ ခွေါင်းရွချော်ꩻပြေ(ဖေါဋ္ဌဗ္ဗာရုံ)ယိုဖုံႏနဝ်ꩻ ကာႏမဂွုဏ်ႏ အာႏရွုံႏငတ်ꩻပါꩻဖုံႏသွူ။\nထာꩻတထဲ့ꩻ ထာꩻမဉ်လꩻ (သင်္ကပ္ပရာဂ)ဖုံႏယိုနဝ်ꩻ ကွပ်ထမုဲင်ꩻထွာလွဉ်၊ ကွပ်'ဖဿ-အခွေါင်းအရွ'တဲင်ထွာလွဉ်၊ မဲ့တွမ်ႏ ထာꩻတရေꩻခွေါင်းရွ၊ နားတွမ်ႏ ထာꩻတလေ့ခွေါင်းရွ၊ နေ့ꩻဖူတွမ်ႏ ထာꩻနွုမ်ꩻဟွမ်ခွေါင်းရွ၊ ဖြေꩻတွမ်ႏရသာႏအွီႏခွေါင်းရွ၊ နမ်းတွမ်ႏ ပနဲဉ်ႏချော်ꩻပြေခွေါင်းရွ၊ ကွပ်(ဖဿ)ခွေါင်းရွတွော့ꩻ 'ရာႏဂ-လောႏဘꩻ'ထွာလွဉ်နောဝ်ꩻသွူ။\nထာꩻတထဲ့ꩻကာမ ကခွေါင်းရွနဝ်ꩻ ဗွန်ပီတဝ်းလို့ဝင်ꩻ၊ ကထီႏတရေꩻ (မဲ့ဆဲင်ႏရာꩻ)ကာမနဝ်ꩻ ခေါ်ခေါ်ဒျာႏ၊ ကဟွူန်တလေ့ (နားဆဲင်ႏရာꩻ)ကာမနဝ်ꩻ ခေါ်ခေါ်ဒျာႏ၊ ကနွုမ်ꩻဟွမ် (နေ့ꩻဖူဆဲင်ႏရာꩻ)ကာမနဝ်ꩻ ခေါ်ခေါ်ဒျာႏ၊ ကမက်ထာꩻအွီႏ (ဖြေꩻဆဲင်ႏရာꩻ)ကာမနဝ်ꩻ ခေါ်ခေါ်ဒျာႏ၊ ကကျွိုက်ပနဲဉ်ႏချော်ꩻပြေ (နမ်းဆဲင်ႏရာꩻ)ကာႏမနဝ်ꩻ ခေါ်ခေါ်ဒျာႏ၊ ကာမတဏှာႏ အကွာႏလို့ဝင်ꩻနုဲင်းယိုဖုံႏသွူ။\nကွပ်ထာꩻတထဲ့ꩻကာမတဲင် ကလꩻအကျိုꩻ (ဝိပါက)နဝ်ꩻ တထဲ့ꩻလူꩻကာႏမဂွုဏ်ႏ (လူꩻချမ်ꩻသာႏ)တွော့ꩻ ကျိုꩻစာꩻမာꩻ သုစရဲက်အပါꩻတဆီနဝ်ꩻမꩻ တွိုႏလူꩻခမ်း၊ လꩻလူꩻချမ်ꩻသာႏ၊ ကွပ်မာꩻဒုစရဲက်အပါꩻတဆီနဝ်ꩻမꩻ တွိုႏလွေꩻဗာႏ အပါယ်ႏလစ်ꩻခမ်း၊ မော့ꩻထာꩻဒုက္ခနောဝ်ꩻသွူ။\nထာꩻတထဲ့ꩻ'ကာမ'ဖေႏနေးကငိမ်ꩻနဝ်ꩻ မာꩻဖေ့ရီးဗာႏ အကျောင်ꩻတရာꩻ 'ဖဿ-ခွေါင်းရွ'နဝ်ꩻသွူ၊ ဖဿ-ခွေါင်းရွ မဉ်ႏဖေ့ငိမ်ꩻထိုꩻနဝ်ꩻ 'ကာမ'(ကာမဂွုဏ်ႏငတ်ꩻပါꩻ)တဲ့ ဖေ့ငီမ်ꩻလို့နောဝ်ꩻသွူ။\nကမာꩻဖေ့ငိမ်ꩻနွောင်ꩻ 'ဖဿ-ခွေါင်းရွ'နဝ်ꩻ မဂ္ဂင်ႏတရာꩻသွစ်ꩻပါꩻဖုံႏနဝ်ꩻသွူ၊ မဂ္ဂင်ႏတရာꩻ သွစ်ꩻပါꩻကရိုꩻနောဝ်ꩻ-\n'သမ္မာဒိဋ္ဌိ-ထာꩻထီႏမဲဉ်ႏမွေး၊ သမ္မာသင်္ကပ္ပ-ထာꩻကျံႏ(ထာꩻယူႏ)မဲဉ်ႏမွေး၊ သမ္မာဝါစာ-ထာꩻဒေါ့ꩻမဲဉ်ႏမွေး၊ သမ္မာကမ္မန္တ-ထာꩻမာꩻမဲဉ်ႏမွေး၊ သမ္မာအာဇီဝ-လွူးနမ်းမဲဉ်ႏမွေး (ကြောင်းစင်မွေး)၊ သမ္မာဝါယာမ-ထာꩻကျိုꩻစာꩻသောင်ႏသာမဲဉ်ႏမွေး၊ သမ္မာသတိ-ထာꩻအွဉ်ႏသတိꩻတိꩻမဲဉ်ႏမွေး၊ သမ္မာသမာဓိ-သꩻစွူမဲဉ်ႏမွေး'ယိုသွစ်ꩻပါꩻဖုံႏသွူ။\nရဟန်ꩻသီးဖုံႏဟွေး-\nကာမ ကွပ်ထမုဲင်ꩻထွာလွဉ်၊ အကွာႏလို့ဝင်ꩻ၊ အကျိုꩻ(ဝိပါက)၊ ဖေႏနးကဖေ့ငိမ်ꩻ၊ ကမာꩻဖေ့ငိမ်ꩻနွောင်ꩻတရာꩻဖုံႏနဝ်ꩻ နုဲင်းကခြုဲင်းနယ်ထွူဖုံႏနောဝ်ꩻသွူ။\nရဟန်ꩻသီးဖုံႏဟွေး-\n၂။ အဝ်ႏလိုႏသေ'ဝွေႏဒနာႏ'၊ ဝွေႏဒနာႏကရိုꩻနဝ်ꩻ သုခဝွေႏဒနာႏ၊ ဒုက္ခဝွေႏဒနာႏ၊ အဒုက္ခမသုခဝွေႏဒနာႏ၊ အဝ်ႏသွံပါꩻယိုသွူ၊ သုခဝွေႏဒနာႏကရိုꩻနဝ်ꩻ ခံႏစာꩻအဟောဝ်၊ ဒုက္ခဝွေႏဒနာႏကရိုꩻနဝ်ꩻ ခံႏစာꩻအကုဲင်၊ အဒုက္ခမသုခ(အဒုက္ခံ-အသုခ)ကရိုꩻနဝ်ꩻ ခံႏစာꩻအကုဲင်တဲ့မွေးတဝ်း၊ ခံႏစာꩻအဟောဝ်တဲ့မွေးတဝ်းနောဝ်ꩻသွူ။\nခံႏစာꩻမုꩻဖုံႏယိုနဝ်ꩻ ကွပ်ထမုဲင်ꩻထွာလွဉ်၊ ကွပ်'ဖဿ-အခွေါင်းအရွ'တွော့ꩻထွာလွဉ်၊ မဲ့တွမ်ႏ ထာꩻတရေꩻခွေါင်းရွ၊ ခံႏစာꩻသုခအရသာႏ၊ မဲ့တွမ်ႏထာꩻဆော့မဲ့ခွေါင်းရွ ခံႏစာꩻဒုက္ခအရသာႏ၊ ထီႏထာꩻတရေꩻတဲ့မွေးတဝ်း၊ ထီႏထာꩻဆော့ꩻမဲ့တဲ့မွေးတဝ်း ခံႏစာꩻအဒုက္ခ-မသုခအရာႏနောဝ်ꩻသွူ။\nနားတဲ့ နုဲင်းနဝ်ꩻနေနေ၊ ပေါႏဟွူန်တလေ့-သုခ၊ ပေါႏဟွူန်ခတ်ꩻနား-ဒုက္ခ၊ (ဒေါမနဿ)၊ နဝ်ꩻနီမျိုꩻမွေးတဝ်းနဝ်ꩻ အဒုက္ခမသုခ၊ နွုမ်ꩻဟွမ်-သုခ၊ နွုမ်ꩻသေင်-ဒုက္ခ(ဒေါမနဿ)၊ အွီႏဗွမ်ႏ-သုခ၊ ခါႏကရစ်ꩻ-ဒုက္ခ၊ ချော်ꩻပြေ-သုခ၊ ကျံႏတရံꩻ-ဒုက္ခ၊ ခံႏစာꩻလွနုဲင်းနောဝ်ꩻသွူ။\n\"ဝွေႏဒနာႏ-ခံႏစာꩻမုꩻ\"နဝ်ꩻ ဗွန်ပီတဝ်းလို့ဝင်ꩻ၊ မဲ့ဆဲင်ႏရာꩻ ခံႏစာꩻမုꩻနဝ်ꩻ ခေါ်ခေါ်ဒျာႏ၊ နားဆဲင်ႏရာꩻ ခံႏစာꩻမုꩻနဝ်ꩻ ခေါ်ခေါ်ဒျာႏ၊ နေ့ꩻဖူဆဲင်ႏရာꩻခံႏစာꩻမုꩻနဝ်ꩻ ခေါ်ခေါ်ဒျာႏ၊ ဖြေꩻဆဲင်ႏရာꩻ ခံႏစာꩻမုꩻနဝ်ꩻ ခေါ်ခေါ်ဒျာႏ၊ နမ်းဆဲင်ႏရာꩻ ခံႏစာꩻမုꩻနဝ်ꩻ ခေါ်ခေါ်ဒျာႏ၊ ခံႏစာꩻမုꩻ ဝွေႏဒနာႏနဝ်ꩻ အကွာႏလို့ဝင်ꩻနုဲင်းနောဝ်ꩻသွူ။\nကွပ်ခံႏစာꩻမုꩻ ဝွေႏဒနာႏတဲင် ကလꩻအကျိုꩻ (ဝိပါက)နဝ်ꩻ မဉ်ခံႏစာꩻလူꩻ လူꩻချ���်ꩻသာႏတွော့ꩻ ကျိုꩻစာꩻမာꩻ သုစရဲက်အပါꩻတဆီနဝ်ꩻမꩻ တွိုႏလꩻလူꩻခမ်း၊ ခံႏစာꩻဗာႏ လူꩻချမ်ꩻသာႏ၊ ကွပ်မာꩻဒုစရဲက်အပါꩻတဆီနဝ်ꩻမꩻ တွိုႏလွေꩻဗာႏ အပါယ်ႏလစ်ꩻခမ်း၊ ထဲ့ငါးရုဲင်ꩻ-ခံႏစာꩻဗာႏဒုက္ခနောဝ်ꩻသွူ။\nခံႏစာꩻမုꩻ ဝွေႏဒနာႏ ဖေႏနေးကငိမ်ꩻနဝ်ꩻ မာꩻဖေ့ရီးဗာႏ အကျောင်ꩻတရာꩻ 'ဖဿ-ခွေါင်းရွ'နဝ်ꩻသွူ၊ ဖဿ-ခွေါင်းရွ မဉ်ႏဖေ့ငိမ်ꩻထိုꩻနဝ်ꩻ ခံႏစာꩻမုꩻ ဝွေႏဒနာႏတဲ့ ဖေ့ငိမ်ꩻထိုꩻဒျာႏနောဝ်ꩻသွူ။\nကမာꩻဖေ့ငိမ်ꩻနွောင်ꩻ 'ဖဿ-ခွေါင်းရွ'နဝ်ꩻ မဂ္ဂင်ႏတရာꩻသွစ်ꩻပါꩻဖုံႏနဝ်ꩻသွူ၊ မဂ္ဂင်ႏတရာꩻ သွစ်ꩻပါꩻကရိုꩻနဝ်ꩻ-\n'သမ္မာဒိဋ္ဌိ-ထာꩻထီႏမဲဉ်ႏမွေး၊ သမ္မာသင်္ကပ္ပ-ထာꩻကျံႏ(ထာꩻယူႏ)မဲဉ်ႏမွေး၊ သမ္မာဝါစာ-ထာꩻဒေါ့ꩻမဲဉ်ႏမွေး၊ သမ္မာကမ္မန္တ-ထာꩻမာꩻမဲဉ်ႏမွေး၊ သမ္မာအာဇီဝ-လွူးနမ်းမဲဉ်ႏမွေး (ကြောင်းစင်မွေး)၊ သမ္မာဝါယာမ-ထာꩻကျိုꩻစာꩻသောင်ႏသာမဲဉ်ႏမွေး၊ သမ္မာသတိ-ထာꩻအွဉ်ႏသတိꩻတိꩻမဲဉ်ႏမွေး၊ သမ္မာသမာဓိ-သꩻစွူမဲဉ်ႏမွေး'ယိုသွစ်ꩻပါꩻဖုံႏသွူ။\nရဟန်ꩻသီးဖုံႏဟွေး-\nဝွေႏဒနာႏ ကွပ်ထမုဲင်ꩻထွာလွဉ်၊ အကွာႏလို့ဝင်ꩻ၊ အကျိုꩻ(ဝိပါက)၊ ဖေႏနးကဖေ့ငီမ်ꩻ၊ ကမာꩻဖေ့ငိမ်ꩻနွောင်ꩻတရာꩻဖုံႏနဝ်ꩻ နုဲင်းကခြုဲင်းနယ်ထွူဖုံႏနောဝ်ꩻသွူ။\nရဟန်ꩻသီးဖုံႏဟွေး-\n၃။ အဝ်ႏလိုႏသေ 'သညာႏ'ခရာႏ၊ သညာႏနဝ်ꩻ တောင်ꩻခါꩻအနမ်း(ရူပသညာ)၊ တောင်ꩻခါꩻအငေါဝ်း (သဒ္ဒသညာ)၊ တောင်ꩻခါꩻအလွီး(ဂန္ဓသညာ)၊ တောင်ꩻခါꩻအရသာႏ(ရသသညာ)၊ တောင်ꩻခါꩻခွေါင်းရွ(ဖေါဋ္ဌဗ္ဗသညာ)၊ တောင်ꩻခါꩻသဘော်ꩻတရာꩻ(ဓမ္မသညာ)အဝ်ႏသူပါꩻနဝ်ꩻဖုံႏသွူ။\nကွပ်ထမုဲင်ꩻ သညာႏထွာလွဉ်၊ ကွပ်'ဖဿ-အခွေါင်းအရွ'တဲင် သညာႏထွာလွဉ်၊ မဲ့တွမ်ႏအနမ်းခွေါင်း၊ 'ယိုတရေꩻ-ယိုတကုဲင်'တောင်ꩻခါꩻ၊ နားတွမ်ႏအငေါဝ်းခွေါင်း'တလေ့-တလေ့တဝ်း'တောင်ꩻခါꩻ၊ နေ့ꩻဖူတွမ်ႏအလွီးခွေါင်း'နွုမ်ꩻဟွမ်-ဟွုမ်ꩻသေင်'တောင်ꩻခါꩻ၊ ဖြေꩻတွမ်ႏအရသာႏခွေါင်း'အွီႏ-အွီႏတဝ်း'တောင်ꩻခါꩻ၊ နမ်းတွမ်ႏချော်ꩻပြေခွေါင်း 'ချော်ꩻပေႏ-အပသဲ့ꩻတန်'တောင်ꩻခါꩻ၊ သꩻတွမ်ႏသဘော်ꩻတရာꩻခွေါင်း'ကျွိုက်-ကျွိုက်တဝ်း'တောင်ꩻခါꩻ၊ သညာႏနဝ်ꩻ တောင်ꩻခါꩻနုဲင်းနောဝ်ꩻသွူ။\n\"သညာႏ-တောင်ꩻခါꩻ\"နဝ်ꩻ ဗွန်ပီတဝ်းလို့ဝင်ꩻ၊ ကတောင်ꩻခါꩻ မဲ့ဆဲင်ႏရာꩻနဝ်ꩻ ခေါ်ခေါ်ဒျာႏ၊ ကတောင်ꩻခါꩻ နားဆဲင်ႏရာꩻနဝ်ꩻ ခေါ်ခေါ်ဒျာႏ၊ ကတောင်ꩻခါꩻ နေ့ꩻဖူဆဲင်ႏရာꩻနဝ်ꩻ ခေါ်ခေါ်ဒျာႏ၊ ကတောင်ꩻခါꩻ ဖြေꩻဆဲင်ႏရာꩻနဝ်ꩻ ခေါ်ခေါ်ဒျာႏ၊ ကတောင်ꩻခါꩻ နမ်းဆဲင်ႏရာꩻနဝ်ꩻ ခေါ်ခ���ါ်ဒျာႏ၊ ကတောင်ꩻခါꩻ သꩻဆဲင်ႏရာꩻနောဝ်ꩻ ခေါ်ခေါ်ဒျာႏ၊ သညာႏ-တောင်ꩻခါꩻနဝ်ꩻ အကွာႏလို့ဝင်ꩻနုဲင်းနောဝ်ꩻသွူ။\nကွပ်သညာႏ-တောင်ꩻခါꩻတဲင် ကလꩻအကျိုꩻ(ဝိပါက)နဝ်ꩻ 'ခွေတောင်ꩻခါꩻဖိုနုဲင်းယို၊ ယိုနဝ်ꩻ ဟဲ့ꩻနုဲင်းယို၊ နဝ်ꩻနဝ်ꩻ ဟဲ့ꩻနုဲင်းနဝ်ꩻ စဲင်းစဲင်းစဲ့စဲ့သေနွောင်ꩻ၊ ဟဲ့ꩻနွောင်ꩻ'နုဲင်းနောဝ်ꩻသွူ။\n'သညာႏ-တောင်ꩻခါꩻ'ဖေႏကဖေ့ငိမ်ꩻနဝ်ꩻ မာꩻဖေ့ရီးဗာႏ အကျောင်ꩻတရာꩻ 'ဖဿ-ခွေါင်းရွမုꩻ'နဝ်ꩻသွူ၊ ဖဿ-ခွေါင်းရွမုꩻ မဉ်ႏဖေ့ငိမ်ꩻထိုꩻနဝ်ꩻ သညာႏ-ကတောင်ꩻခါꩻနဝ်ꩻတဲ့ ဖေ့ငိမ်ꩻထိုꩻဒျာႏနောဝ်ꩻသွူ။\nကမာꩻဖေ့နွောင်ꩻ'ဖဿ-ခွေါင်းရွ'နဝ်ꩻ မဂ္ဂင်ႏတရာꩻသွစ်ꩻပါꩻဖုံႏနောဝ်ꩻသွူ။\nရဟန်ꩻသီးဖုံႏဟွေး-\n၄။ အဝ်ႏလိုႏသေ အာသဝေါ-ခရာႏ၊ အာသဝေါတရာꩻဖုံႏနဝ်ꩻ 'ကာမာသဝ၊ ဘဝါသဝ၊ အဝိဇ္ဇာသဝ'အောဝ်ႏသွံပါꩻ၊ (လောဘ၊ လောဘ၊ မောဟ)နုဲင်းနောဝ်ꩻသွူ၊ အာသဝတရာꩻဖုံႏယိုနောဝ်ꩻ အောဝ်ႏ'အဝိဇ္ဇာႏ-ထာꩻတသေတဝ်း'ထွာလွဉ်နောဝ်ꩻသွူ။\nအာသဝတရာꩻဖုံႏနဝ်ꩻ ဗွန်ပီတဝ်းလို့ဝင်ꩻ၊ ကွပ်အာသဝေါတရာꩻတဲင် ကထဲ့ငါးရုဲင်ꩻတဲ့အဝ်ႏ၊ ပွိုးအာသဝေါတရာꩻတွော့ꩻ ကလွေꩻထွာ တိရစ္ဆာန်ႏတဲ့အဝ်ႏ၊ ကွပ်ပွိုးအာသဝေါတရာꩻတဲင်တွော့ꩻ ကလွေꩻထွာဗာႏ ပိတ္တာႏတဲ့အဝ်ႏ၊ ကွပ်အာသဝေါတရာꩻတဲင် ကထွာလိုꩻတဲ့အဝ်ႏ၊ ပွိုးအာသဝေါတရာꩻတွော့ꩻ ကထွာလူꩻတဲ့အောဝ်ႏ၊ အာသဝေါတရာꩻဖုံႏနဝ်ꩻ အကွာႏလို့ဝင်ꩻနုဲင်းနောဝ်ꩻသွူ။\nကွပ်ပွိုးအာသဝေါတဲင်တွော့ꩻ ကလꩻအကျိုꩻ(ဝိပါက)နဝ်ꩻ မာꩻသုစရဲက်တဲင် တွိုႏလိုꩻခမ်း၊ လူꩻခမ်း၊ မာꩻဒုစရဲက်တွော့ꩻ တွိုႏအပါယ်ႏလစ်ꩻခမ်းနောဝ်ꩻသွူ။\nပေါႏအဝိဇ္ဇာႏဖေ့တဲ့ အာသဝေါဖေ့ဒျာႏ၊ ကမာꩻဖေ့နွောင်ꩻ အဝိဇ္ဇာႏနဝ်ꩻ မဂ္ဂင်ႏတရာꩻသွစ်ꩻပါꩻနဝ်ꩻသွူ။\nရဟန်ꩻသီးဖုံႏဟွေး-\n၅။ အဝ်ႏလိုႏသေ 'ကံႏ'ခရာႏ၊ နေးတွမ်ႏစေႏတနာႏ (စေႏတနာႏနိုꩻဆောႏတမာ)တဲင် မာꩻတွမ်ႏနမ်းတဲ့ယဝ်း၊ နေးတွမ်ႏစေႏတနာႏတဲင် ဒေါ့ꩻနေးငေါဝ်းတဲ့ယဝ်း၊ နေးတွမ်ႏစေႏတနာႏတဲင် ယူႏနေးသꩻတဲ့ယောဝ်း၊ ကွပ်စေႏတနာႏ နိုꩻဆောႏတမာ၊ ကွပ်စေႏတနာႏထွဉ်ႏမာꩻ၊ ကွပ်စေႏတနာႏထွဉ်ႏဒေါ့ꩻ၊ ကွပ်စေႏတနာႏထွဉ်ႏယူႏတဲင် 'ကုသိုလ်ႏကံႏ၊ အကုသိုလ်ႏကံႏ'ထွာလွဉ်ဗာႏ။\nကွပ်နောဝ်ꩻမꩻ (စေတနာဟံ ဘိက္ခဝေ ကမ္မံ ဝဒါမိ) 'စေႏတနာႏနောဝ်ꩻ ခွေရိုꩻကံႏ'နောဝ်ꩻသွူ။ (ကံႏ-ကရိုꩻနဝ်ꩻ ကမ္မ-ထာꩻမာꩻ၊ ထာꩻဒေါ့ꩻ၊ ထာꩻယူႏ၊ ကာယကံႏ၊ ဝစီꩻကံႏ၊ မနော်ꩻကံႏဖုံႏနောဝ်ꩻသွူ)။\nကံႏကထွာလွဉ် အထျꩻအထောင်ꩻ အကျောင်ꩻတရာꩻနဝ်ꩻ အဝ်ႏ'ဖဿ-အခွေါင်းအရွ'ထွာလွဉ်နဝ်ꩻသွူ။\n'ကံႏ'နဝ်ꩻ ဗွန်ပီတဝ်းလို့ဝင်ꩻ၊ ကွပ်အကုသိုလ်ႏကံႏနဝ်ꩻတဲင် ခံႏဗာႏငါးရုဲင်ꩻဒုက္ခ၊ ထွာဗာႏတိရစ္ဆာန်ႏ၊ ခံႏဗာႏဒုက္ခ ထွာဗာႏပိတ္တာႏ၊ ခံႏဗာႏဒုက္ခ၊ ပွိုးကုသိုလ်ႏကံႏတွော့ꩻ ခံႏစာꩻဗာႏလိုꩻချမ်ꩻသာႏ၊ ခံႏစာꩻဗာႏလူꩻချမ်ꩻသႏ၊ ကံႏနဝ်ꩻ အကွာႏလို့ဝင်ꩻနုဲင်းနောဝ်ꩻသွူ။\nကွပ်ပွိုးကံႏတဲင်တွော့ꩻ ကလꩻအကျိုꩻ(ဝိပါက)နဝ်ꩻ အကျိုꩻဘဝယိုအဝ်ႏ၊ အကျိုꩻဘဝငါ(ဒုတိယဘဝ)သူꩻအဝ်ႏ၊ ဘဝယိုမွေးတဝ်း၊ ဒုတိယဘဝမွေးတဝ်း၊ အခလဲ့ꩻတွိုႏ(အကျိုꩻဖေႏခွင်ꩻလꩻ) ဘဝတဗာႏဗာႏတဲ့အောဝ်ႏ၊ ကံႏအကျိုꩻ(ဖေႏခိန်ႏ)နဝ်ꩻ အဝ်ႏသွံမျိုꩻနုဲင်းနောဝ်ꩻသွူ။\nမဲ့ထီႏတရေꩻ၊ နားဟွူန်တလေ့၊ နေ့ꩻဖူနွုမ်ꩻဟွမ်၊ ဖြေꩻခံစာꩻအအွီႏ၊ နမ်းနဝ်ꩻ သာႏယာႏချော်ꩻပြေ၊ သꩻကျွိုက်တဲင် မဉ်လꩻထဲင်း မာꩻထဲင်းနောဝ်ꩻသွူ။\nဖဿ ပစ္စယာ ဝေဒနာ-'မဲ့၊ နား၊ နေ့ꩻဖူ၊ ဖြေꩻ၊ နမ်း၊ သꩻ'ယိုသူခွေါင်း-ခွေါင်းတဲင် ခံႏစာꩻမုꩻ သူမျိုꩻထွာ၊ ဝေဒနာ ပစ္စယာ တဏှာ-ခံႏစာꩻမုꩻ သူမျိုꩻထွာတွော့ꩻ တရေꩻလောဘတဏှာႏ၊ တလေ့လောဘတဏှာႏ၊ နွုမ်ꩻဟွမ်လောဘတဏှာႏ၊ အွီႏလောဘတဏှာႏ၊ သာႏယာႏလောဘတဏှာႏ၊ ကျွိုက်လောဘတဏှာႏ၊ လောဘတဏှာႏ-သူဗာႏထွာလွဉ်။\nတဏှာ ပစ္စယာ ဥပါဒါနံ-မဲ့စွယ်ꩻ၊ နားစွယ်ꩻ-စတဲင် ဥပါဒါန်ႏ၊ သူစွယ်ꩻထွာလွဉ်၊ ဥပါဒါနံ ပစ္စယာ ဘဝေါ-(ကမ္မဘဝေါ)ကွပ်ပွိုးစွယ်ꩻလမ်ꩻတွော့ꩻ 'ကံႏ'ထွာလွဉ်၊ ကွပ်နဝ်ꩻမꩻ 'ကံႏ'အထျꩻအထောင်ꩻ အကျောင်ꩻတရာꩻနဝ်ꩻ- 'ဖဿ-ခွေါင်းရွ'နဝ်ꩻသွူ၊ ပေါႏဖဿဖေ့ငိမ်ꩻတဲ့ ကံႏဖေ့ငိမ်ꩻဒျာႏ၊ ကမာꩻဖေ့နွောင်ꩻ 'ဖဿ'နဝ်ꩻ မဂ္ဂင်ႏတရာꩻသွစ်ꩻပါꩻနောဝ်ꩻသွူ။\nမဂ္ဂင်ႏတရာꩻ သွစ်ꩻပါꩻကရိုꩻနောဝ်ꩻ-\n'သမ္မာဒိဋ္ဌိ-ထာꩻထီႏမဲဉ်ႏမွေး၊ သမ္မာသင်္ကပ္ပ-ထာꩻကျံႏ(ထာꩻယူႏ)မဲဉ်ႏမွေး၊ သမ္မာဝါစာ-ထာꩻဒေါ့ꩻမဲဉ်ႏမွေး၊ သမ္မာကမ္မန္တ-ထာꩻမာꩻမဲဉ်ႏမွေး၊ သမ္မာအာဇီဝ-လွူးနမ်းမဲဉ်ႏမွေး (ကြောင်းစင်မွေး)၊ သမ္မာဝါယာမ-ထာꩻကျိုꩻစာꩻသောင်ႏသာမဲဉ်ႏမွေး၊ သမ္မာသတိ-ထာꩻအွဉ်ႏသတိꩻတိꩻမဲဉ်ႏမွေး၊ သမ္မာသမာဓိ-သꩻစွူမဲဉ်ႏမွေး'ယိုသွစ်ꩻပါꩻဖုံႏသွူ။\nရဟန်ꩻသီးဖုံႏဟွေး-\n၆။ အဝ်ႏလိုႏသေ 'ဒုက္ခ'ခရာႏ၊ ကွုတ်ဗာႏထဲင်းဒုက္ခ၊ ဖြားဗာႏထဲင်းဒုက္ခ၊ ဆာဗာႏထဲင်းဒုက္ခ၊ သီဗာႏတဲ့ဒုက္ခ၊ ခိုးလျား(သောက)တဲ့ဒုက္ခ၊ ငွိုးအွီႏဗာႏထာꩻ (ပရိဒေဝ)တဲ့ဒုက္ခ၊ နမ်းဒုက္ခ၊ သꩻဒုက္ခ၊ ရွိုးလွားအွန်းအန်း မရမက (ဥပါယာသ)တဲ့ဒုက္ခ၊ ကမဉ်လꩻအတွိုင်ꩻ လꩻတဝ်းတဲ့ဒုက္ခ၊ မဉ်ႏဒေါ့ꩻဗာႏအဖြွောင်ႏသွတ်ꩻ၊ အဒွေါင်ႏသွတ်ꩻအချုပ်နဝ်ꩻ (ပဉ္စုပါဒါနက္ခန္ဓာ ဒုက္ခာ) ကအဝ်ႏစွယ်ꩻလမ်ꩻဒါႏ 'ခန္ဓာႏငတ်ꩻပါꩻနဝ်ꩻ-ဒုက္ခလွဉ်းလွဉ်း'နဝ်ꩻသွူ။\nက'ဒုက္ခ'ဗာႏ (ဒုက္ခ)အထျꩻအထောင်ꩻ အကျောင်ꩻတရာꩻနဝ်ꩻ 'လောဘ-တဏှာႏ'နဝ်ꩻသွူ၊ ဒုက္ခတဲ့ အဗွန်ပီတဝ်းလို့ဝင်ꩻ၊ ဒုက္ခမွေးမုဲင်းအဝ်ႏ၊ ဒုက္ခပသောင်းပသာႏအဝ်ႏ၊ ဒုက္ခထိုꩻမားယွယွအဝ်ႏ၊ ဒုက္ခထိုꩻမားစွော့ꩻတဲ့အဝ်ႏ၊ ဒုက္ခနဝ်ꩻ အကွာႏလို့ဝင်ꩻနုဲင်းနောဝ်ꩻသွူ။\nဒုက္ခအကျိုꩻ (ဝိပါက)ကရိုꩻနဝ်ꩻ နုဲင်းမုဲင်ꩻနဲတဲင်-\nလောကကိုယို လိုꩻယင်ဟန်ႏနဝ်ꩻ ဒုက္ခနိစ္စက်၊ ယူႏပက်ယပ်ꩻသꩻတဲင် ခိုးလျားဗာႏ၊ ငွိုးဗာႏ၊ တွမ်ႏစူယာꩻ တဗꩻသꩻအင် ငွိုးဖြွုံဖြင်ဗာႏ၊ ငွိုးဖြွို့ဖြဗာႏ။\nယင်ဟန်ႏသားနဝ်ꩻရိုꩻ-\n'ဒုက္ခနိစ္စက် မယူႏပက်ယပ်ꩻသꩻငါးနုဲင်းယို၊ ရွစ်မန္တန်ႏတပွုဒ်၊ စွုတ်ဂါႏထာႏနီစား မာꩻထိုꩻမားဖေႏခွေ ဒုက္ခယို ဒါႏသားအဲဉ်ထဝ်းဟောင်းနဲ'နေးတွမ်ႏလောကီပညာႏ ကထိုမ်ႏမာႏ ထာꩻချမ်ꩻသာႏ(သာႏသနာႏထန်ႏကို)နုဲင်းနောဝ်ꩻတဲ့အဝ်ႏ။\nကွပ်'ဒုက္ခ'တဲင် ကလꩻအကျိုꩻ(ဝိပါက)နဝ်ꩻ ဒုက္ခမရမက၊ တငွို့တင၊ လိန်းလွုမ်ꩻလိန်းလံꩻ၊ ထုမ်ႏတရံꩻတောဒျာႏ ထာꩻအာႏကွိုꩻမာႏ(ထင်းအီႏချမ်ꩻသာႏ)နောဝ်ꩻသွူ။\nဒုက္ခအထျꩻအထောင်ꩻ အကျောင်ꩻတရာꩻ ကထွာဒါႏ 'သမုဒယသစ္စာႏ-လောႏဘꩻတဏှာႏ'မဉ်ႏဖေ့ငိမ်ꩻထိုꩻနဝ်ꩻ (အကျိုꩻဝိပါက)ဒုက္ခတဲ့ ဖေ့ငိမ်ꩻထိုꩻဒျာႏနောဝ်ꩻသွူ။\nကမာꩻဖေ့ငိမ်ꩻနွောင်ꩻ သမုဒယသစ္စာႏ-တဏှာႏရာႏဂနဝ်ꩻ အဝ်ႏဒျာႏ မျတ်ကီကီထင်ႏ မဂ္ဂင်ႏတရာꩻသွစ်ꩻပါꩻနောဝ်ꩻလွုမ်ꩻသွူ။ မဂ္ဂင်ႏတရာꩻ သွစ်ꩻပါꩻကရိုꩻနဝ်ꩻ-\n'သမ္မာဒိဋ္ဌိ-ထာꩻထီႏမဲဉ်ႏမွေး၊ သမ္မာသင်္ကပ္ပ-ထာꩻကျံႏ(ထာꩻယူႏ)မဲဉ်ႏမွေး၊ သမ္မာဝါစာ-ထာꩻဒေါ့ꩻမဲဉ်ႏမွေး၊ သမ္မာကမ္မန္တ-ထာꩻမာꩻမဲဉ်ႏမွေး၊ သမ္မာအာဇီဝ-လွူးနမ်းမဲဉ်ႏမွေး (ကြောင်းစင်မွေး)၊ သမ္မာဝါယာမ-ထာꩻကျိုꩻစာꩻသောင်ႏသာမဲဉ်ႏမွေး၊ သမ္မာသတိ-ထာꩻအွဉ်ႏသတိꩻတိꩻမဲဉ်ႏမွေး၊ သမ္မာသမာဓိ-သꩻစွူမဲဉ်ႏမွေး'ယိုသွစ်ꩻပါꩻဖုံႏသွူ။\nရဟန်ꩻသီးဖုံႏဟွေး-\nအရိယာႏတပဲ့ꩻနဝ်ꩻ 'သေဒုက္ခ၊ သေဒုက္ခကထွာလွဉ်အကျောင်ꩻ၊ သေဒုက္ခအကွာႏ(အထူꩻ)၊ သေဒုက္ခအကျိုꩻ၊ သေဒုက္ခဖေႏကငိမ်ꩻထိုꩻ၊ သေဒုက္ခဖေ့ငိမ်ꩻထိုꩻအီ မဂ္ဂင်ႏတရာꩻသွစ်ꩻပါꩻ၊ ပေါႏသေနုဲင်းယို သူချက်နဝ်ꩻ နက်ဒိုပꩻလꩻ ကိလေႏသာႏ ခွေဟော်ꩻစွဉ်ႏဒျာႏနုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဆက္ကနိပါတ်၊ နိဗ္ဗေဓိကသုတ်) လိုꩻတွိုင်ꩻဖေႏနေးကသေနာႏ တဲမ်းဗာႏနုဲင်းယိုသွူ။\n\nအာႏကွိုꩻ","num_words":2141,"character_repetition_ratio":0.091,"word_repetition_ratio":0.144,"special_characters_ratio":0.085,"stopwords_ratio":0.014,"flagged_words_ratio":0.0,"lang_id_score":1.0,"perplexity_score":563.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%90%E1%80%9B%E1%80%AC%EA%A9%BB%E1%80%94%E1%80%BD%E1%80%AF%E1%80%90%E1%80%BA%EA%A9%BB%E1%80%95%E1%80%AB%EA%A9%BB%E1%80%80%E1%80%BB%E1%80%84%E1%80%BA%EA%A9%BB%E1%80%99%E1%80%AC%EA%A9%BB","collection":"wikipedia","source":"wikipedia","original_code":"blk","text":"\"ဒုတိယနိဒ္ဒသသုတ် (တရာꩻနွုတ်ꩻပါꩻ ကျင်ꩻမာꩻ ၁၂-နေင်ႏ)\"\nအွိုးခꩻတလဲင်ႏ-\nနီဗွေႏဘုရာꩻအဝ်ႏအုံ ကောသမ္ဗီႏခမ်း၊ ကျောင်ꩻဃောသိတာရုံကိုအတွင်ꩻ တွိုႏတရောဝ်ꩻ ဗွေႏအာႏနန္တာႏ အီႏလွေꩻတွုံꩻသွမ်ꩻ အခိန်ႏအဝ်ႏစောဝ်းငါႏနေတဲင် ဝွေꩻဗွေႏကျွꩻလွေꩻလယ်ႏမောဝ်ꩻ ပရိဗိုဇ်သီးကျောင်ꩻ။\nပရိဗိုဇ်သီးဖုံႏနဝ်ꩻ သꩻရောင်းသꩻရေꩻ နစ်နစ်သက်သက် စွော့ꩻတက်ဝွေꩻဗွေႏထွူခါ လောဝ်းပါနုဲင်းယို-\n\"အကျင်ꩻကြောင်းစင် အကျင်ꩻမျတ်ယို ရဟန်ꩻအပါꩻမုဲင်ꩻတဲ့ယဝ်း ပေါႏကျင်ꩻဗွေဗွေ တဆီနီနေင်ႏနဝ်ꩻ (လꩻလဲဉ်း)၊ ရဟန်ꩻနဝ်ꩻနဝ်ꩻ တွိုႏဆုဲင်ꩻကျင်ꩻထဲင်း တဆီနီနေင်ႏလိုႏတဝ်း\"လောဝ်းဗွေႏအာႏနန္တာႏနုဲင်းနဝ်ꩻ။\nဗွေႏအာႏနန္တာႏနဝ်ꩻ နစ်သက်တဲ့ တနစ်သက်တဝ်း၊ ရဲကန်ႏကွက်တဲ့ တရဲကန်ႏကွက်တဝ်း၊ \"မွေး တမွေးတဝ်း မဲ့ꩻသဲင်ꩻလောဝ်းက ဗွေႏဘုရာꩻ\"ယူႏတေ့ꩻခါꩻထွူခါ ကျွꩻငါတွုံꩻသွမ်ꩻ ဝေင်ꩻကောသမ္ဗီႏကိုနောဝ်ꩻသွူ။\nသွုံꩻသွမ်ꩻယာထွူ-\nဗွေႏအာႏနန္တာႏ လောဝ်းနယ်ဗွေႏဘုရာꩻထွူခါ ရီပါနုဲင်းယို-\n\"နီသွဉ်းသီး ဓမ္မဝိနယ ဘုရာꩻသာႏသနာႏကိုယို အွဉ်ႏထွော့တွက်မတ် ပညတ်ခါꩻ နေင်ႏပေါင်ꩻခြေင်ခြေင်လွုမ်ꩻ နုဲင်းနဝ်ꩻနဝ်ꩻ ထွာနေဟောင်း ဗွေႏဩ\"\nအာႏနန္တာႏ-\n၁။ သာႏသနာႏကိုယို ရဟန်ꩻ(တပါꩻ)နဝ်ꩻ ကျင်ꩻသွုံꩻဆို့ꩻတဲႏ (သီႏလ၊ သမာႏဓိ၊ ပညာႏ) သိက္ခာႏ (ကိစ္စ)ယို သꩻထင်ယံကျ၊ 'ဆန္ဒ'အာႏတလာတန်၊ တွိုႏဆုဲင်ꩻဆုဲင်ꩻတဲ့ တဗွိုႏထိုꩻတဝ်း ကျင်ꩻသွုံꩻဆို့ꩻတဲႏ သိက္ခာႏ(ကိစ္စ)နောဝ်ꩻ။\n၂။ ထိုမ်ႏရီရွောင် ဆင်ႏချင်ႏတရာꩻ (ကိစ္စ)ဖုံႏယို သꩻထင်ယံကျ၊ 'ဆန္ဒ'အာႏတလာတန်၊ တွိုႏဆုဲင်ꩻဆုဲင်ꩻတဲ့ တဗွိုႏထိုꩻတဝ်း (ကိစ္စ)နောဝ်ꩻ။\n၃။ ပယ်ႏထိုꩻထာꩻမဉ်လꩻ အကုဲင်မျိုꩻ(ကိစ္စ)ယို သꩻထင်ယံကျ၊ 'ဆန္ဒ'အာႏတလာတန်၊ တွိုႏဆုဲင်ꩻဆုဲင်ꩻတဲ့ တဗွိုႏထိုꩻတဝ်း (ကိစ္စ)နောဝ်ꩻ။\n၄။ ထာꩻယေန်ယေန်ကို မဉ်အုံတပါꩻလွုမ်ꩻ (ကိစ္စ)ယို သꩻထင်ယံကျ၊ 'ဆန္ဒ'အာႏတလာတန်၊ တွိုႏဆုဲင်ꩻဆုဲင်ꩻတဲ့ တဗွိုႏထိုꩻတဝ်း (ကိစ္စ)နောဝ်ꩻ။\n၅။ ဖေႏနေးကလꩻတရာꩻ ကျိုꩻစာꩻမာꩻ (ကိစ္စ)ယို သꩻထင်ယံကျ၊ 'ဆန္ဒ'အာႏတလာတန်၊ တွိုႏဆုဲင်ꩻဆုဲင်ꩻတဲ့ တဗွိုႏထိုꩻတဝ်း (ကိစ္စ)နောဝ်ꩻ။\n၆။ သတိꩻဖေႏကခ���ေါင် ကသေမာꩻ (ကိစ္စ)ယို သꩻထင်ယံကျ၊ 'ဆန္ဒ'အာႏတလာတန်၊ တွိုႏဆုဲင်ꩻဆုဲင်ꩻတဲ့ တဗွိုႏထိုꩻတဝ်း (ကိစ္စ)နောဝ်ꩻ။\n၇။ သေဖြွဉ်ခန္ဓာႏခရာႏ၊ 'သမ္မာႏဒိဋ္ဌိ'ဝိပဿနာႏ ဉာဏ်ႏဖေႏကပေါႏထန်ႏ (ကိစ္စ)ယို သꩻထင်ယံကျ၊ 'ဆန္ဒ'အာႏတလာတန်၊ တွိုႏဆုဲင်ꩻဆုဲင်ꩻတဲ့ တဗွိုႏထိုꩻတဝ်း (ကိစ္စ)နောဝ်ꩻ။\nတရာꩻဖုံႏယိုနွုတ်ꩻပါꩻ မဉ်ႏကျိုꩻစာꩻမွေးမွေး၊ မဉ်ႏကျိုꩻစာꩻလꩻလꩻ၊ မဉ်ႏကျိုꩻစာꩻဗꩻဗꩻ တဆီနီနေင်ႏလုမ်းလိုမ်းနဝ်ꩻ ရဟန်ꩻနဝ်ꩻနဝ်ꩻ တွိုႏဆုဲင်ꩻကျင်ꩻထဲင်းခရာႏလိုႏတဝ်း ရိုꩻထွိုက်ငေါဝ်းနုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ သတ္တကနိပါတ်၊ ဒုတိယနိဒ္ဒသသုတ်)\n\nအာႏကွိုꩻ","num_words":442,"character_repetition_ratio":0.132,"word_repetition_ratio":0.173,"special_characters_ratio":0.096,"stopwords_ratio":0.041,"flagged_words_ratio":0.0,"lang_id_score":1.0,"perplexity_score":1817.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%90%E1%80%9D%E1%80%AE%E1%80%B8%E1%80%99%E1%80%BD%E1%80%B0%E1%80%B8%E1%80%92%E1%80%B1%E1%82%8F%E1%80%9E","collection":"wikipedia","source":"wikipedia","original_code":"blk","text":"တဝီးမွူးဒေႏသ (အင်္ဂလိပ် : Yin Mee ၊ မန်း : ရင်းမှီး )ယိုအောဝ်ႏလွေꩻဒျာႏ ဖြဝ်ꩻခမ်းနယ်ႏ (အခဝ်နဝ်) ၊ \nစန္တာႏခမ်း ၊ ပအိုဝ်ႏနမ်းပဲင်ႏအိုပ်ချုတ်ခွင်ꩻလꩻဒေႏသ ၊ ဝေင်ꩻပင်လောင်ꩻ ကိုသွူ ။ ခမ်းထီဉပဒေႏ အလꩻ ထွာဒျာႏ ရပ်ကွက် တဗာႏ တဲင် ရပ်ကွက်ခင်ႏလမ်းကုဒ် နဝ်ꩻ ၂၀၂၃၄၉ ဒျာႏသွူ ။ ဝေင်ꩻပင်လောင်ꩻ အကိုရပ်ကွက် တဗာႏ ဒျာႏသွူ ။ \nတဝီးမွူႏဒေႏသ ယို စုဗူႏ ခြွဉ်းလွေꩻ တွမ်ႏ ဒုံ ၆ ဒုံ တဲင် ၊ ဒုံ ဖုံႏနဝ်ꩻတဝီးမွူး ဒုံတန် ၊  တဝီးမွူး ဒုံနောဝ် ၊ တဝီးမွူး ဒုံတွို့ꩻ ၊ တဝီးမွူး ဒုံကွဉ်ႏ ၊ တဝီးမွူး သုဲင်ꩻကွုံꩻ ၊ တဝီးမွူး ညောင်ႏကွုံꩻ ဒုံဖုံႏသွူ ။ နေင်ႏ ၂၀၁၄ ဗာႏ မွူးကွို့ꩻနာꩻစရင်ꩻအလꩻ လိုꩻအဖြာꩻခြွဉ်း အဝ်ႏ လွေꩻ ၈၇၆၆ ဖြာꩻနဝ်ꩻ အုံအောဝ်ႏလွေꩻခန်း ဒေႏသနဝ်ꩻကိုသွူ ။\n\nတဝီးမွူးဒေႏသ အကို ဗွေႏဗွန်ကျောင်ꩻ အဝ်ႏ (နီ) ကျောင်ꩻသွူ ။ ကျောင်ꩻတန်တဝီးမွူးတွမ်ႏ ကျောင်ꩻမြသိန်းတန် သွူ ။\n\nအာႏကွိုꩻ\n\nဖြဝ်ꩻခမ်းနယ်ႏ","num_words":107,"character_repetition_ratio":0.088,"word_repetition_ratio":0.0,"special_characters_ratio":0.139,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":239259.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%91%E1%80%AC%EA%A9%BB%E1%80%80%E1%80%AF%E1%80%B2%E1%80%84%E1%80%BA%E1%80%B8%E1%80%A1%E1%80%80%E1%80%BB%E1%80%B1%E1%80%AC%E1%80%84%E1%80%BA%EA%A9%BB%E1%80%9E%E1%80%BD%E1%80%85%E1%80%BA%EA%A9%BB%E1%80%99%E1%80%BB%E1%80%AD%E1%80%AF%EA%A9%BB","collection":"wikipedia","source":"wikipedia","original_code":"blk","text":"\"ကုသီတာရမ္ဘဝတ္ထုသုတ် (ထာꩻကုဲင်းအကျောင်ꩻသွစ်ꩻမျိုꩻ)\" \nရဟန်ꩻသီးဖုံႏဟွေး- \n'သꩻကုဲင်း-မာꩻထွာ'အကျောင်ꩻနဝ်ꩻ အဝ်ႏသွစ်ꩻမျိုꩻ၊ သွစ်ꩻမျိုꩻကရိုꩻနဝ်ꩻ- \n၁။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ အီႏမာꩻဗာႏထာꩻမာꩻ၊ ရဟန်ꩻနဝ်ꩻနဝ်ꩻ ယူႏနုဲင်းယို- \"ခွေအီႏမာꩻဗာႏသွူထာꩻမာꩻ၊ ခွေမာꩻထာꩻမာꩻတွင်ꩻနဝ်ꩻ နမ်းယပ်ꩻပင်ႏပန်ꩻတဲင် ယူႏနီဗွေႏဘုရာꩻ အဆွုံꩻအမꩻ တလꩻလို့တဝ်း၊ စောဝ်းစောဝ်းခါယို (ခါးလားကကမာꩻထာꩻမာꩻယို) အားထွုတ်ရီးက တရာꩻမꩻ\"အသꩻထွာနုဲင်းနဝ်ꩻတွော့ꩻ၊\nတတွိုႏတဝ်းဒွိုန်းတရာꩻသူꩻ ဖေႏကတွိုႏလွေꩻ မာꩻမွေး၊ တလꩻဒွိုန်းတရာꩻယို ဖေႏကလꩻ အွဉ်ႏသꩻကျိုꩻစာꩻမွေး၊ တရာꩻဖေႏကလꩻစွဉ်ႏ ယိုခါခါ သောင်ႏသာနဲ့စ်မာꩻမွေး၊ ယိုနဝ်ꩻ ပထမသꩻကုဲင်း-မာꩻထွာ အကျောင်ꩻတမျိုꩻနောဝ်ꩻသွူ။ \nရဟန်ꩻသီးဖုံႏဟွေး- \n၂။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ ထာꩻမာꩻထွူလဲဉ်း၊ ရဟန်ꩻနဝ်ꩻနဝ်ꩻ ယူႏနုဲင်းယို \"ခွေမာꩻထာꩻမာꩻတွင်ꩻနဝ်ꩻ ခွေနမ်းယပ်ꩻပင်ႏပန်ꩻတဲင် ဗွေႏဘုရာꩻအဆွုံꩻအမꩻတဲ့ တယူႏလꩻလို့တဝ်း၊ တရာꩻတဲ့ တအားထွုတ်ဗာႏတဝ်း၊ (အခိန်ႏလို့ခြေင်ထိုꩻဒျာႏ တွမ်ႏထာꩻမာꩻ)၊ ယိုခါနဝ်ꩻ ထာꩻမာꩻထွူလဲဉ်း၊ အခိန်ႏအဝ်ႏခြေင်လဲဉ်း အားထွုတ်ကတရာꩻမꩻ\"အသꩻထွာနုဲင်းနဝ်ꩻတွော့ꩻ၊\nတတွိုႏတဝ်းဒွိုန်းတရာꩻသူꩻ ဖေႏကတွိုႏလွေꩻမာꩻမွေး၊ တလꩻဒွိုန်းတရာꩻယို ဖေႏကလꩻ အွဉ်ႏသꩻကျိုꩻစာꩻမွေး၊ တရာꩻဖေႏကလꩻစွဉ်ႏ ယိုခါခါ သောင်ႏသာနဲ့စ်မာꩻမွေး၊ ယိုနဝ်ꩻ ဒုတိယသꩻကုဲင်း-မာꩻထွာ အကျောင်ꩻတမျိုꩻနောဝ်ꩻသွူ။ \nရဟန်ꩻသီးဖုံႏဟွေး- \n၃။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ အီႏလွေꩻဗာႏထာꩻ၊ ရဟန်ꩻနဝ်ꩻနဝ်ꩻ ယူႏနုဲင်းယို- \"ခွေအီႏလွေꩻဗာႏသွူထာꩻ၊ ခွေမဉ်ႏလွေꩻထာꩻနဝ်ꩻ နမ်းယပ်ꩻပင်ႏပန်ꩻတဲင် ယူႏနီဗွေႏဘုရာꩻ အဆွုံꩻအမꩻ တလꩻလို့တဝ်း၊ စောဝ်းစောဝ်းယိုခါ (ခါးလားကလွေꩻတဖူꩻယို) အားထွုတ်ရီးက တရာꩻမꩻ\"အသꩻထွာနုဲင်းနဝ်ꩻတွော့ꩻ၊\nတတွိုႏတဝ်းဒွိုန်းတရာꩻသူꩻ ဖေႏကတွိုႏလွေꩻ မာꩻမွေး၊ တလꩻတဝ်းဒွိုန်းတရာꩻယို ဖေႏကလꩻ အွဉ်ႏသꩻကျိုꩻစာꩻမွေး၊ တရာꩻဖေႏကလꩻစွဉ်ႏ ယိုခါခါ သောင်ႏသာနဲ့စ်မာꩻမွေး၊ ယိုနဝ်ꩻ တတိယသꩻကုဲင်း-မာꩻထွာ အကျောင်ꩻတမျိုꩻနောဝ်ꩻသွူ။\nရဟန်ꩻသီးဖုံႏဟွေး- \n၄။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ လွေꩻတဖူꩻထွူလဲဉ်း၊ ရဟန်ꩻနဝ်ꩻနဝ်ꩻ ယူႏနုဲင်းယို- \"ခွေလွေꩻတဖူꩻတွင်ꩻနဝ်ꩻ ခွေနမ်းယပ်ꩻပင်ႏပန်ꩻတဲင် ဗွေႏဘုရာꩻအဆွုံꩻအမꩻတဲ့ တယူႏလꩻလို့တဝ်း၊ တရာꩻတဲ့ တအားထွုတ်ဗာႏတဝ်း၊ (အခိန်ႏလို့ခြေင်ထိုꩻဒျာႏ တွမ်ႏထာꩻလွေꩻ) ယိုခါနဝ်ꩻ လွေꩻတဖူꩻထွူလဲဉ်း၊ အခိင်ႏအဝ်ႏခြေင်လဲဉ်း၊ အားထွုတ်ကတရာꩻမꩻ\"အသꩻထွာနုဲင်းနဝ်ꩻတွော့ꩻ၊\nတတွိုႏတဝ်းဒွိုန်းတရာꩻသူꩻ ဖေႏကတွိုႏလွေꩻ မာꩻမွေး၊ တလꩻတဝ်းဒွိုန်းတရာꩻယို ဖေႏကလꩻ အွဉ်ႏသꩻကျိုꩻစာꩻမွေး၊ တရာꩻဖေႏကလꩻစွဉ်ႏ ယိုခါခါ သောင်ႏသာနဲ့စ်မာꩻမွေး၊ ယိုနဝ်ꩻ စတုတ္ထသꩻကုဲင်း-မာꩻထွာ အကျောင်ꩻတမျိုꩻနောဝ်ꩻသွူ။ \nရဟန်ꩻသီးဖုံႏဟွေး- \n၅။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ လွေꩻတွုံꩻသွမ်ꩻ ဒုံပေႏကိုတရိုꩻတဝ်း၊ ဒုံတန်ကိုတရိုꩻတဝ်း၊ ဒဲဉ်သွမ်ꩻဆွော့ꩻဆွော့ꩻတဲ့ယဝ်း၊ ဒဲဉ်သွမ်ꩻပနဲဉ်ႏနဲဉ်ႏတဲ့ယဝ်း လꩻလုမ်းတဝ်း (သွုံꩻကွို့ꩻတဝ်း) ရဟန်ꩻနဝ်ꩻနဝ်ꩻ ယူႏနုဲင်းယို-\"လွေꩻတွုံꩻသွမ်ꩻတဲ့ လꩻလုမ်းတဝ်း၊ (သွုံꩻကွို့ꩻတဝ်း)၊ နဝ်ꩻမꩻ နမ်းဖွီ၊ (ဟို့ꩻခိုးအဝ်ႏယေန်လꩻဒျာႏ) မာꩻထာꩻမာꩻအဝ်ႏဒါႏဒျာႏ၊ အားထွုတ်ကတရာꩻမꩻ\"အသꩻထွာနုဲင်းနဝ်ꩻတွော့ꩻ၊\nတတွိုႏတဝ်းဒွိုန်းတရာꩻသူꩻ ဖေႏကတွိုႏလွေꩻ မာꩻမွေး၊ တလꩻတဝ်းဒွိုန်းတရာꩻယို ဖေႏကလꩻ အွဉ်ႏသꩻကျိုꩻစာꩻမွေး၊ တရာꩻဖေႏကလꩻစွဉ်ႏ ယိုခါခါ သောင်ႏသာနဲ့စ်မာꩻမွေး၊ ယိုနဝ်ꩻ ပဉ္စမသꩻကုဲင်း-မာꩻထွာ အကျောင်ꩻတမျိုꩻနောဝ်ꩻသွူ။ \nရဟန်ꩻသီးဖုံႏဟွေး- \n၆။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ လွေꩻတွုံꩻသွမ်ꩻ ဒုံပေႏကိုတရိုꩻတဝ်း၊ ဒုံတန်ကိုတရိုꩻတဝ်း၊ ဒဲဉ်သွမ်ꩻဆွော့ꩻဆွော့ꩻတဲ့ယဝ်း၊ ဒဲဉ်သွမ်ꩻပနဲဉ်ႏနဲဉ်ႏတဲ့ယဝ်း လꩻလိုမ်းဒျာႏ (သွုံꩻကွို့ꩻကွို့ꩻဗာႏဒျာႏ) ရဟန်ꩻနဝ်ꩻနဝ်ꩻ ယူႏနုဲင်းယို- \"လွေꩻတွုံꩻသွမ်ꩻတဲ့ လꩻလိုမ်းဒျာႏ၊ (သွုံꩻကွို့ꩻကွို့ꩻဗာႏဒျာႏ)၊ ကွပ်သွုံꩻဗာႏကွို့ꩻကွို့ꩻတဲင် သွုံꩻသွမ်ꩻထွူယိုနဝ်ꩻ အာႏတလာဗွေဗိတ်စွဉ်ႏ၊ မဉ်ႏမာꩻထာꩻမာꩻနဝ်ꩻ ထွာငေါဝ်းယိုꩻတန်သနယ်၊ ပွိုးနဝ်ꩻမꩻ အားထွုတ်ကတရာꩻမꩻ\" အသꩻထွာနုဲင်းနဝ်ꩻတဲင်တွော့ꩻ၊\nတတွိုႏတဝ်းဒွိုန်းတရာꩻသူꩻ ဖေႏကတွိုႏလွေꩻ မာꩻမွေး၊ တလꩻတဝ်းဒွိုန်းတရာꩻယို ဖေႏကလꩻ အွဉ်ႏသꩻကျိုꩻစာꩻမွေး၊ တရာꩻဖေႏကလꩻစွဉ်ႏ ယိုခါခါ သောင်ႏသာနဲ့စ်မာꩻမွေး၊ ယိုနဝ်ꩻ ဆဋ္ဌမသꩻကုဲင်း-မာꩻထွာ အကျောင်ꩻတမျိုꩻနောဝ်ꩻသွူ။ \nရဟန်ꩻသီးဖုံႏဟွေး- \n၇။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ ဆော့ဆာပသာႏထာꩻ (တတောဝ်တဝ်း)၊ ရဟန်ꩻနဝ်ꩻနဝ်ꩻ ယူႏနုဲင်းယို- \"ခွေဆော့ပသာႏထာꩻ၊ ယိုခါနဝ်ꩻ တတောဝ်တဝ်း၊ မဲ့ꩻဆာတဝ်ဒါႏ၊ ခါးလားကတောဝ်ယို အားထွုတ်ရီးရီးခန်း တရာꩻမꩻ\"အသꩻထွာနုဲင်းနဝ်ꩻတဲင်၊\nတတွိုႏတဝ်းဒွိုန်းတရာꩻသူꩻ ဖေႏကတွိုႏလွေꩻ မာꩻမွေး၊ တလꩻတဝ်းဒွိုန်းတရာꩻယို ဖေႏကလꩻ အွဉ်ႏသꩻကျိုꩻစာꩻမွေး၊ တရာꩻဖေႏကလꩻစွဉ်ႏ ယိုခါခါ သောင်ႏသာနဲ့စ်မာꩻမွေး၊ ယိုနဝ်ꩻ သတ္တမသꩻကုဲင်း-မာꩻထွာ အကျောင်ꩻတမျိုꩻနောဝ်ꩻသွူ။ \nရဟန်ꩻသီးဖုံႏဟွေး- \n၈။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ ဆော့ထာꩻဟောဝ်လဲဉ်း၊ ရဟန်ꩻနဝ်ꩻနဝ်ꩻ ယူႏနုဲင်းယို- \"ခွေဆာထာꩻ ဟောဝ်စလဲဉ်းသွူ၊ ဟောဝ်စလဲဉ်းသွူတဲ့ ဆာတောဝ်ချာဒါႏ၊ ခါးလားကဆာတဝ်ချာယို ခွေအားထွုတ်ရီးခန်းတရာꩻမꩻ\"\nတတွိုႏတဝ်းဒွိုန်းတရာꩻသူꩻ ဖေႏကတွိုႏလွေꩻ မာꩻမွေး၊ တလꩻတဝ်းဒွိုန်းတရာꩻယို ဖေႏကလꩻ အွဉ်ႏသꩻကျိုꩻစာꩻမွေး၊ တရာꩻဖေႏကလꩻစွဉ်ႏ ယိုခါခါ သောင်ႏသာနဲ့စ်မာꩻမွေး၊ ယိုနဝ်ꩻ အဋ္ဌမသꩻကုဲင်း-မာꩻထွာ အကျောင်ꩻတမျိုꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ အဋ္ဌကနိပါတ်၊ ကုသီတာရမ္ဘဝတ္ထုသုတ်)\n\nအာႏကွိုꩻ","num_words":798,"character_repetition_ratio":0.091,"word_repetition_ratio":0.35,"special_characters_ratio":0.081,"stopwords_ratio":0.014,"flagged_words_ratio":0.0,"lang_id_score":1.0,"perplexity_score":2214.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%91%E1%80%AC%EA%A9%BB%E1%80%90%E1%80%9F%E1%80%9D%E1%80%BA%E1%80%90%E1%80%9D%E1%80%BA%E1%80%B8%E1%80%86%E1%80%AE%E1%80%99%E1%80%BB%E1%80%AD%E1%80%AF%EA%A9%BB","collection":"wikipedia","source":"wikipedia","original_code":"blk","text":"\"ဗြဟ္မဏ ပစ္စောရောဟဏီသုတ် (ထာꩻတဟောဝ်တဝ်းဆီမျိုꩻ အကျိုꩻဒုက္ခတဆီ)\"\nအတွင်ꩻနဝ်ꩻခါ ဥပုသ်နီꩻတနီꩻ-\nနီဗွေႏဘုရာꩻဟော်ꩻဖေႏဖျင် ဇာဏုဿောဏိပုဏ္ဏာꩻ တရာꩻနုဲင်းယို-\n\"တကာႏပုဏ္ဏာꩻဟွေး-\n၁။ ပါဏာတိပါတဿ ပါပကော ဝိပါကော-\n\"ပါဏာတိပါတ-မာꩻသီဝင်ꩻသက်\"နဝ်ꩻ ဘဝယိုပါ-ဘဝငါသူꩻယင် အကျိုꩻကုဲင်ဖေႏ၊ မာꩻဒုက္ခသေႏသေႏဒါႏလိုꩻ ယူႏဆင်ႏချင်ႏနုဲင်းနဝ်ꩻတဲင် ပယ်ႏထိုꩻ \"မာꩻသီဝင်ꩻသက်\"နောဝ်ꩻသွူ။\n၂။ အဒိန္နာဒါနဿ ပါပကော ဝိပါကော-\n\"အဒိန္နာဒါန-ထူႏတခွန်ꩻဝင်ꩻတခြိုꩻ\"နဝ်ꩻ ဘဝယိုပါ-ဘဝငါသူꩻယင် အကျိုꩻကုဲင်ဖေႏ၊ မာꩻဒုက္ခသေႏသေႏဒါႏလိုꩻ ယူႏဆင်ႏချင်ႏနုဲင်းနဝ်ꩻတွော့ꩻ ပယ်ႏထိုꩻ \"တခွန်ꩻဝင်ꩻတခြိုꩻ\"နောဝ်ꩻသွူ။\n၃။ ကာမေသုမိစ္ဆာစာရဿ ပါပကော ဝိပါကော-\n\"ကာမေသုမိစ္ဆာစာရ-ပဲ့စ်မာႏဝင်ꩻလမ်းသား\"နဝ်ꩻ ဘဝယိုပါ-ဘဝငါသူꩻယင် အကျိုꩻကုဲင်ဖေႏ၊ မာꩻဒုက္ခသေႏသေႏဒါႏလိုꩻ ယူႏဆင်ႏချင်ႏနုဲင်းနဝ်ꩻတဲင် ပယ်ႏထိုꩻ \"ပဲ့စ်မာႏဝင်ꩻလမ်းသား\"နောဝ်ꩻသွူ။\n၄။ မုသာဝါဒဿ ပါပကော ဝိပါကော-\n\"မုသာဝါဒ-ဒေါ့ꩻလိန်ႏလဲဉ်ထာꩻ\"နဝ်ꩻ ဘဝယိုပါ-ဘဝငါသူꩻယင် အကျိုꩻကုဲင်ဖေႏ၊ မာꩻဒုက္ခသေႏသေႏဒါႏလိုꩻ ယူႏဆင်ႏချင်ႏနုဲင်းနဝ်ꩻတွော့ꩻ ပယ်ႏထိုꩻ \"ဒေါ့ꩻလိန်ႏလဲဉ်ထာꩻ\"နောဝ်ꩻသွူ။\n၅။ ပိသုဏာယ ဝါစာယ ပါပကော ဝိပါကော-\n\"ပိသုဏဝါစာ-အံႏစာဝင်ꩻမဉ်ꩻ\"နဝ်ꩻ ဘဝယိုပါ-ဘဝငါသူꩻယင် အကျိုꩻကုဲင်ဖေႏ၊ မာꩻဒုက္ခသေႏသေႏဒါႏလိုꩻ ယူႏဆင်ႏချင်ႏနုဲင်းနဝ်ꩻတဲင် ပယ်ႏထိုꩻ \"အံႏစာဝင်ꩻမဉ်ꩻ\"နောဝ်ꩻသွူ။\n၆။ ဖရုသာယ ဝါစာယ ပါပကော ဝိပါကော-\n\"ဖရုသဝါစာ-ဒေါ့ꩻငေါဝ်းကျံꩻထမ်ꩻ\"နဝ်ꩻ ဘဝယိုပါ-ဘဝငါသူꩻယင် အကျိုꩻကုဲင်ဖေႏ၊ မာꩻဒုက္ခသေႏသေႏဒါႏလိုꩻ ယူႏဆင်ႏချင်ႏနုဲင်းနဝ်ꩻတွော့ꩻ ပယ်ႏထိုꩻ \"ဒေါ့ꩻငေါဝ်းကျံꩻထမ်ꩻ\"နောဝ်ꩻသွူ။\n၇။ သမ္ဖပ္ပလာပဿ ပါပကော ဝိပါကော-\n\"သမ္ဖပ္ပလာပ-ငေါဝ်းခွဉ်ႏဆေ့ꩻ\"နဝ်ꩻ ဘဝယိုပါ-ဘဝငါသူꩻယင် အကျိုꩻကုဲင်ဖေႏ၊ မာꩻဒုက္ခသေႏသေႏဒါႏလိုꩻ ယူႏဆင်ႏချင်ႏနုဲင်းနဝ်ꩻတဲင် ပယ်ႏထိုꩻ \"ငေါဝ်းခွဉ်ႏဆေ့ꩻ\"နောဝ်ꩻသွူ။\n၈။ အဘိဇ္ဈာယ ပါပကော ဝိပါကော-\n\"အဘိဇ္ဈာ-မဉ်လꩻဝင်ꩻတခြိုꩻ\"နဝ်ꩻ ဘဝယိုပါ-ဘဝငါသူꩻယင် အကျိုꩻကုဲင်ဖေႏ၊ မာꩻဒုက္ခသေႏသေႏဒါႏလိုꩻ ယူႏဆင်ႏချင်ႏနုဲင်းနဝ်ꩻတွော့ꩻ ပယ်ႏထိုꩻ \"မဉ်လꩻဝင်ꩻတခြိုꩻ\"နောဝ်ꩻသွူ။\n၉။ ဗျာပါဒဿ ပါပကော ဝိပါကော-\n\"ဗျာပါဒ-ကျံႏတကုဲင်ဝင်ꩻ\"နဝ်ꩻ ဘဝယိုပါ-ဘဝငါသူꩻယင် အကျိုꩻကုဲင်ဖေႏ၊ မာꩻဒုက္ခသေႏသေႏဒါႏလိုꩻ ယူႏဆင်ႏချင်ႏနုဲင်းနဝ်ꩻတဲင် ပယ်ႏထိုꩻ \"ကျံႏတကုဲင်ဝင်ꩻ\"နောဝ်ꩻသွူ။\n၁၀။ မိစ္ဆာဒိဋ္ဌိယာ ပါပကော ဝိပါကော-\n\"မိစ္ဆာဒိဋ္ဌိ-ထာꩻယူႏမာႏ\"နဝ်ꩻ ဘဝယိုပါ-ဘဝငါသူꩻယင် အကျိုꩻကုဲင်ဖေႏ၊ မာꩻဒုက္ခသေႏသေႏဒါႏလိုꩻ ယူႏဆင်ႏချင်ႏနုဲင်းနဝ်ꩻတွော့ꩻ ပယ်ႏထိုꩻ \"ထာꩻယူႏမာႏ\"နောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ ဗြဟ္မဏ ပစ္စောရောဟဏီသုတ်)\n\nအာႏကွိုꩻ","num_words":452,"character_repetition_ratio":0.148,"word_repetition_ratio":0.174,"special_characters_ratio":0.099,"stopwords_ratio":0.049,"flagged_words_ratio":0.0,"lang_id_score":1.0,"perplexity_score":969.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%91%E1%80%AC%EA%A9%BB%E1%80%99%E1%80%AC%EA%A9%BB%E1%80%91%E1%80%BD%E1%80%AC%E1%80%A1%E1%80%AE%E1%80%9D%E1%80%BD%E1%80%8B%E1%80%BA%E1%80%92%E1%80%AF%E1%80%80%E1%80%B9%E1%80%81","collection":"wikipedia","source":"wikipedia","original_code":"blk","text":"'\"ပဌမနိဒါနသုတ် (ထာꩻမာꩻကထွာအီ ဝွဋ်ဒုက္ခအထျꩻအထောင်ꩻ သွံမျိုꩻ)\"\n\nရဟန်ꩻသီးဖုံႏဟွေး-\nထာꩻမာꩻကထွာအီ ဝွဋ်ဒုက္ခအထျꩻအထောင်ꩻ အကျောင်ꩻတရာꩻနဝ်ꩻ အဝ်ႏသွံမျိုꩻ၊ သွံမျိုꩻကရိုꩻနဝ်ꩻ-\n၁။ လောဘော နိဒါနံ (ဝဋ္ဋဂါမိ) ကမ္မာနံ သမုဒယာယ\nလောႏဘꩻအွဉ်ငါ၊ ထာꩻမာꩻကထွာအီ ဝွဋ်ဒုက္ခ-နဝ်ꩻ အဝ်ႏတမျိုꩻ၊\n၂။ ဒေါသော နိဒါနံ (ဝဋ္ဋဂါမိ) ကမ္မာနံ သမုဒယာယ\nဒေါႏသꩻအွဉ်ငါ၊ ထာꩻမာꩻကထွာအီ ဝွဋ်ဒုက္ခ-နဝ်ꩻ အဝ်ႏတမျိုꩻ၊\n၃။ မောဟော နိဒါနံ (ဝဋ္ဋဂါမိ) ကမ္မာနံ သမုဒယာယ\nမောႏဟꩻအွဉ်ငါ၊ ထာꩻမာꩻကထွာအီ ဝွဋ်ဒုက္ခ-နဝ်ꩻ အဝ်ႏတမျိုꩻ၊\nထာꩻမာꩻကထွာအီ ဝွဋ်ဒုက္ခနဝ်ꩻ အဝ်ႏသိုမ်မျိုꩻနုဲင်းနောဝ်ꩻသွူ။\nရဟန်ꩻသီးဖုံႏဟွေး-\nလောႏဘꩻထွာအထျꩻ၊ လောႏဘꩻအွဉ်ငါ ကထွာလွဉ်ထာꩻမာꩻဖုံႏနဝ်ꩻ ဟဲ့ꩻ'အကုသိုလ်ႏ'ထာꩻမာꩻ၊ ဟဲ့ꩻ'အကုသိုလ်ႏကံႏ'၊ အကုသိုလ်���ထာꩻမာꩻ၊ အကုသိုလ်ႏကံႏနဝ်ꩻ 'အပဲစ်အဝ်ႏ'၊ ကံႏအပဲစ်အဝ်ႏ အရာႏအကောဝ်ႏ အကျိုꩻတရာꩻဖုံႏနဝ်ꩻ ထာꩻဒုက္ခအစားစား၊ ထာꩻခိုးလျားအမျိုꩻမျိုꩻဖုံႏနောဝ်ꩻသွူ။\nရဟန်ꩻသီးဖုံႏဟွေး-\nဒေါႏသꩻထွာအထျꩻ၊ ဒေါႏသꩻအွဉ်ငါ ကထွာလွဉ်ထာꩻမာꩻဖုံႏနောဝ်ꩻ ဟဲ့ꩻ'အကုသိုလ်ႏ'ထာꩻမာꩻ၊ ဟဲ့ꩻ'အကုသိုလ်ႏကံႏ'၊ အကုသိုလ်ႏထာꩻမာꩻ၊ အကုသိုလ်ႏကံႏနဝ်ꩻ 'အပဲစ်အဝ်ႏ'၊ ကံႏအပဲစ်အဝ်ႏ အရာႏအကောဝ်ႏ အကျိုꩻတရာꩻဖုံႏနဝ်ꩻ ထာꩻဒုက္ခအစားစား၊ ထာꩻခိုးလျားအမျိုꩻမျိုꩻဖုံႏနောဝ်ꩻသွူ။\nရဟန်ꩻသီးဖုံႏဟွေး-\nမောႏဟꩻထွာအထျꩻ၊ မောႏဟꩻအွဉ်ငါ ကထွာလွဉ်ထာꩻမာꩻဖုံႏနောဝ်ꩻ ဟဲ့ꩻ'အကုသိုလ်ႏ'ထာꩻမာꩻ၊ ဟဲ့ꩻ'အကုသိုလ်ႏကံႏ'၊ အကုသိုလ်ႏထာꩻမာꩻ၊ အကုသိုလ်ႏကံႏနဝ်ꩻ 'အပဲစ်အဝ်ႏ'၊ ကံႏအပဲစ်အဝ်ႏ အရာႏအကောဝ်ႏ အကျိုꩻတရာꩻဖုံႏနဝ်ꩻ ထာꩻဒုက္ခအစားစား၊ ထာꩻခိုးလျားအမျိုꩻမျိုꩻဖုံႏနောဝ်ꩻသွူ။\nရဟန်ꩻသီးဖုံႏဟွေး-\nအလောႏဘꩻ (လောႏဘꩻမွေးတဝ်း) ထွာအထျꩻ၊ အလောႏဘꩻအွဉ်ငါ၊ အဒေါႏသꩻ(ဒေါႏသꩻမွေးတောဝ်း) ထွာအထျꩻ၊ အဒေါႏသꩻအွဉ်ငါ၊ အမောႏဟꩻ(မောႏဟꩻမွေးတဝ်း) ထွာအထျꩻ၊ အမောႏဟꩻအွဉ်ငါ ကထွာလွဉ်ထာꩻမာꩻဖုံႏနောဝ်ꩻ ဟဲ့ꩻ'ကုသိုလ်ႏ'ထာꩻမာꩻ၊ ဟဲ့ꩻ'ကုသိုလ်ႏကံႏ'၊ ကုသိုလ်ႏထာꩻမာꩻ၊ ကုသိုလ်ႏကံႏနောဝ်ꩻ 'အပဲစ်အဲဉ်ထဝ်း'၊ ကံႏအပဲစ်အဲဉ်ထဝ်း အရာႏအကောဝ်ႏ အကျိုꩻတရာꩻဖုံႏနဝ်ꩻ ထာꩻချမ်ꩻသာႏအစားစား၊ ထာꩻတဲဝါးအမျိုꩻမျိုꩻဖုံႏနောဝ်ꩻသွူ။\nရဟန်ꩻသီးဖုံႏဟွေး-\n'အကုသိုလ်ႏကံႏနဝ်ꩻ-အဗာႏခံႏ'တဲင် အထွူအသွတ်ꩻအဲဉ်ထဝ်း၊ 'ကုသိုလ်ႏကံႏနဝ်ꩻ-အဗာႏအံႏ'တဲင် အထွူအသွတ်ꩻအဝ်ႏ၊ လꩻလိုꩻချမ်ꩻသာႏ၊ လꩻလူꩻချမ်ꩻသာႏ၊ ပေါႏလꩻနိဗ္ဗာန်ႏချမ်ꩻသာႏနဝ်ꩻ ခန္ဓာႏဖေ့ငီမ်ꩻ၊ ရုပ်နာမ်ႏသီမ်ꩻတွော့ꩻ ထွူလဲဉ်၊ ကွုတ်ဒွုမ်၊ ခန္ဓာႏအဲဉ်ထဝ်းဒွုမ်၊ ဖြားဗာႏဒွုမ်၊ ဆာဗာႏဒွုမ်၊ သီဗာႏဒွုမ်၊ အဝ်ႏကုဲင်အရောင်းအခွꩻ လꩻသေႏသေႏထာꩻငီမ်ꩻ ထာꩻချမ်ꩻသာႏ \"သန္တိသုခ\"နဝ်ꩻလွုမ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ တိကနိပါတ်၊ ပဌမနိဒါနသုတ်)\n\nအာႏကွိုꩻ","num_words":412,"character_repetition_ratio":0.103,"word_repetition_ratio":0.233,"special_characters_ratio":0.092,"stopwords_ratio":0.022,"flagged_words_ratio":0.0,"lang_id_score":1.0,"perplexity_score":1512.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%91%E1%80%AC%EA%A9%BB%E1%80%9C%E1%80%B0%E1%82%8F%E1%80%80%E1%80%BB%E1%80%AD%E1%80%AF%EA%A9%BB%E1%80%91%E1%80%AE%E1%82%8F%E1%80%9A%E1%80%AD%E1%80%AF%E1%80%81%E1%80%AB","collection":"wikipedia","source":"wikipedia","original_code":"blk","text":"\"သီဟသေနာပတိသုတ် (ထာꩻလူႏကျိုꩻ ထီႏယိုခါ)\"\nအွိုးခꩻတလဲင်ႏ-\nနီဗွေႏဘုရာꩻအဝ်ႏအုံ ဝေႏသာႏလီႏခမ်း၊ မဟာႏဝုန်ႏတခြာတန်ကို ကျောင်ꩻပျသာဒ်လောင်းတွင်ꩻ စဲ့ꩻပိုႏတန် 'သီဟ'နဝ်ꩻ ထင်ႏထေ့ဗွေႏဘုရာꩻ၊ ဝုဲင်ႏဗွေႏဘုရာꩻထွူ အုံလင်ꩻ၊ လောဝ်းရီ နီဗွေႏဘုရာꩻနုဲင်းယို-\n\"ဩဗွေႏ ဘုရာꩻမျတ်ဗွေႏဩ-\nနီဗွေႏဘုရာꩻနဝ်ꩻ 'ထာꩻလူႏကျိုꩻ-နမ်းထီႏယိုခါခါ'နုဲင်းနဝ်ꩻနဝ်ꩻ အွဉ်ႏထွော့သတ်မတ် ပညတ်နွောင်ꩻနေဟောင်း ဗွေႏဩ\"\n\"တကာႏသီဟ-\nပေါႏနဝ်ꩻတဲ့ ခွေအီႏရီနာꩻယို နာꩻသꩻကို နစ်သက်နုဲင်းမုဲင်ꩻ၊ ဗာႏသꩻနုဲင်းမုဲင်ꩻ၊ ကျွိုက်နုဲင်းမုဲင်ꩻ လွိုက်ဖြေႏနွောင်ꩻဒျာႏနော\"\n\"မွေးသွူ ဗွေႏဩ\"\n\"တကာႏသီဟ-\nလောကကိုယို လိုꩻခိုအဝ်ႏနီဖြာꩻ၊ (နီဖြာꩻကိုနဝ်ꩻ) တဖြာꩻနဝ်ꩻ သဒ္ဓါႏတရာꩻအဲဉ်ထဝ်း၊ တကေးဒါႏဝင်ꩻ၊ စေꩻမွေးစွဉ်ႏထာꩻ၊ ခွန်းဒါႏအလူႏခံႏပုဂ္ဂိုလ်ႏ၊ ခꩻတဖြာꩻနဝ်ꩻတဲး သဒ္ဓါႏတရာꩻအဝ်ႏ၊ ထွာအလူႏဒါႏယကာႏ၊ ပျောႏလွဉ်ꩻဒျာႏ လူႏခွိုꩻခွိုꩻ၊ မွန်းသွိုꩻဒျာႏ လူႏအာအာ၊ (တကေးဒါႏတဝ်းဝင်ꩻ၊ စေꩻတဝ်းတစိꩻစိꩻ၊ ခွန်းဒါႏတဝ်း အလူႏခံႏပုဂ္ဂိုလ်ႏ၊ နာႏလိုႏဒျာႏ၊ ကေႏညိုႏဒျာႏ အလူႏခံႏပုဂ္ဂိုလ်ႏ)နောဝ်ꩻသွူ။\nတကာႏသီဟ-\n၁။ ယူႏယွယွစံꩻ ပါꩻနဝ်ꩻနီဖြာꩻမွိုင်ႏ 'ရဟန္တာႏပုဂ္ဂိုလ်ႏသီး အဗာႏမဉ်ႏလိုႏ သညင်ꩻ'နဝ်ꩻ အီႏသညင်ꩻရီးရီး-'လိုꩻသဒ္ဓါႏတရာꩻအဲဉ်ထဝ်း၊ လိုꩻတကေးဒါႏဝင်ꩻ၊ လိုꩻစေꩻတန်၊ လိုꩻခွန်းဒါႏ အလူႏခံႏပုဂ္ဂိုလ်ႏ'နဝ်ꩻနဲ့-မွေးတဝ်းတဲ့-\nရဟန္တာႏပုဂ္ဂိုလ်ႏသီး သညင်ꩻရီးရီးဒျာႏ 'လိုꩻသဒ္ဓါႏတရာꩻအဝ်ႏ၊ လိုꩻအလူႏဒါႏယကာႏ၊ ပျောႏလွဉ်ꩻဒျာႏလူႏခွိုꩻခွိုꩻ၊ မွန်းသွိုꩻဒျာႏ လူႏအာအာ'လိုꩻစားနဝ်ꩻနဲ့ စင်းစဲ့သင်ꩻထွိုက် နာꩻကျွိုက်ရာꩻ ဖြေႏသွော့လုဲင်း\"\n\"ဩဗွေႏ ဘုရာꩻမျတ်ဗွေႏဩ-\n'လိုꩻသဒ္ဓါႏတရာꩻအဲဉ်ထောဝ်း၊ လိုꩻတကေးဒါႏဝင်ꩻ၊ လိုꩻစေꩻ၊ လိုꩻခွန်းဒါႏ အလူႏခံႏပုဂ္ဂိုလ်ႏ'နဝ်ꩻ ဗွေႏရဟန္တာႏသီး အမျိုꩻသညင်ꩻရီးနဲ့ဗွေႏ၊\nအဗာႏမဉ်ႏလိုႏသညင်ꩻနဝ်ꩻ ဗွေႏရဟန္တာႏသီး သညင်ꩻရီးရီးဒျာႏ 'လိုꩻသဒ္ဓါႏတရာꩻအဝ်ႏ၊ လိုꩻထွာအလူႏဒါႏယကာႏ၊ ပျောႏလွဉ်ꩻဒျာႏ လူႏခွိုꩻခွိုꩻ၊ မွန်းသွိုꩻဒျာႏ လူႏအာအာ'လိုꩻစားနဝ်ꩻသနယ် ဗွေႏဩ\"\n\"မွေးသွူ တကာႏသီဟ-\n၂။ ယူႏယွယွစံꩻဖျင် ပါꩻနဝ်ꩻနီဖြာꩻမွိုင်ႏ၊ ဗွေႏရဟန္တာႏသီး မဉ်ႏလိုႏကျွꩻလွဉ်နဝ်ꩻ အီႏလွဉ်ရီးရီး 'လိုꩻသဒ္ဓါႏတရာꩻအဲဉ်ထဝ်း၊ လိုꩻတကေးဒါႏဝင်ꩻ၊ လိုꩻစေꩻတန်၊ လိုꩻခွန်းဒါႏ အလူႏခံႏပုဂ္ဂိုလ်ႏ'နဝ်ꩻနဲ့-\nမွေးတဝ်းတဲ့- ရဟန္တာႏပုဂ္ဂိုလ်ႏသီး ကျွꩻရီးရီးဒျာႏ 'လိုꩻသဒ္ဓါႏတရာꩻအဝ်ႏ၊ ထွာအလူႏဒါႏယကာႏ၊ ပျောႏလွဉ်ꩻဒျာႏလူႏခွိုꩻခွိုꩻ၊ မွန်းသွိုꩻဒျာႏ လူႏအာအာ'လိုꩻစားနဝ်ꩻထျ���နဲ့ စင်းစဲ့သင်ꩻထွိုက် နာꩻကျွိုက်ရာꩻ ဖြေႏသွော့ဟုဲင်း\"\n\"ဩဗွေႏ ဘုရာꩻမျတ်ဗွေႏဩ-\n'လိုꩻသဒ္ဓါႏတရာꩻအဲဉ်ထဝ်း၊ လိုꩻတကေးဒါႏဝင်ꩻ၊ လိုꩻစေꩻတန်၊ လိုꩻခွန်းဒါႏ အလူႏခံႏပုဂ္ဂိုလ်ႏ'လိုꩻစားနဝ်ꩻထျꩻနဝ်ꩻ ဗွေႏရဟန္တာႏသီး အမျိုꩻကျွꩻရီးနဲ့ဗွေႏ၊\nမဉ်ႏအဝ်ႏလိုႏကျွꩻနဝ်ꩻ ကျွꩻရီးရီးဒျာႏ 'လိုꩻသဒ္ဓါႏတရာꩻအဝ်ႏ၊ ထွာအလူႏဒါႏယကာႏ၊ ပျောႏလွဉ်ꩻဒျာႏ လူႏခွိုꩻခွိုꩻ၊ မွန်းသွိုꩻဒျာႏ လူႏအာအာ'လိုꩻစားနဝ်ꩻထျꩻသနယ် ဗွေႏဩ\"\n\"မွေးသွူ တကာႏသီဟ-\n၃။ ယူႏယွယွစံꩻဖျင် ပါꩻဝင်ꩻနီနဝ်ꩻမွိုင်ႏ၊ ဗွေႏရဟန္တာႏသီး မဉ်ႏလိုႏလူႏခံႏထာꩻနဝ်ꩻ အီႏလူႏခံႏရီးရီး 'လိုꩻသဒ္ဓါႏတရာꩻအဲဉ်ထဝ်း၊ လိုꩻတကေးဒါႏဝင်ꩻ၊ လိုꩻစေꩻတန်၊ လိုꩻခွန်းဒါႏ အလူႏခံႏပုဂ္ဂိုလ်ႏ'လိုꩻစားနောဝ်ꩻနဲ့-\nမွေးတောဝ်းတဲ့- ရဟန္တာႏပုဂ္ဂိုလ်ႏသီး အီႏလူႏခံႏရီးရီးဒျာႏ 'လိုꩻသဒ္ဓါႏတရာꩻအဝ်ႏ၊ ထွာအလူႏဒါႏယကာႏ၊ ပျောႏလွဉ်ꩻဒျာႏလူႏခွိုꩻခွိုꩻ၊ မွန်းသွိုꩻဒျာႏ လူႏအာအာ'လိုꩻစားနဝ်ꩻနဲ့ စင်းစဲ့သင်ꩻထွိုက် နာꩻကျွိုက်ရာꩻ ဖြေႏသွော့လုဲင်း\"\n\"ဩဗွေႏ ဘုရာꩻမျတ်ဗွေႏဩ-\nဗွေႏရဟန္တာႏသီး မဉ်ႏလိုႏလူႏခံႏထာꩻနဝ်ꩻ 'လိုꩻသဒ္ဓါႏတရာꩻအဲဉ်ထဝ်း၊ လိုꩻတကေးဒါႏဝင်ꩻ၊ လိုꩻစေꩻတန်၊ လိုꩻခွန်းဒါႏ အလူႏခံႏပုဂ္ဂိုလ်ႏ'လိုꩻစားနဝ်ꩻနဝ်ꩻ ဗွေႏရဟန္တာႏသီး အမျိုꩻလူႏခံႏရီးရီးနဲ့ဗွေႏ၊\nဗွေႏရဟန္တာႏသီး မဉ်ႏအဝ်ႏလိုꩻလူႏခံႏထာꩻနဝ်ꩻ လူႏခံႏရီးရီးဒျာႏ 'လိုꩻသဒ္ဓါႏတရာꩻအောဝ်ႏ၊ ထွာအလူႏဒါႏယကာႏ၊ ပျောႏလွဉ်ꩻဒျာႏ လူႏခွိုꩻခွိုꩻ၊ မွန်းသွိုꩻဒျာႏ လူႏအာအာ'လိုꩻစားနဝ်ꩻသနယ် ဗွေႏဩ\"\n\"မွေးသွူ တကာႏသီဟ-\n၄။ ယူႏယွယွစံꩻဖျင် ပါꩻနဝ်ꩻဝင်ꩻနီနဝ်ꩻမွိုင်ႏ၊ ဗွေႏရဟန္တာႏသီး မီႏမဉ်ဟော်ꩻဖေႏတရာꩻနဝ်ꩻ အီႏဟော်ꩻဖေႏရီးရီး 'လိုꩻသဒ္ဓါႏတရာꩻအဲဉ်ထဝ်း၊ လိုꩻတကေးဒါႏဝင်ꩻ၊ လိုꩻစေꩻတန်၊ လိုꩻခွန်းဒါႏ အလူႏခံႏပုဂ္ဂိုလ်ႏ'လိုꩻစားနောဝ်ꩻနဲ့-\nမွေးတောဝ်းတဲ့- ဗွေႏရဟန္တာႏသီး မီႏမဉ်ဟော်ꩻဖေႏတရာꩻနဝ်ꩻ အီႏဟော်ꩻဖေႏရီးရီးဒျာႏ 'လိုꩻသဒ္ဓါႏတရာꩻအဝ်ႏ၊ ထွာအလူႏဒါႏယကာႏ၊ ပျောႏလွဉ်ꩻဒျာႏလူႏခွိုꩻခွိုꩻ၊ မွန်းသွိုꩻဒျာႏ လူႏအာအာ'လိုꩻစားနဝ်ꩻနဲ့ စင်းစဲ့သင်ꩻထွိုက် နာꩻကျွိုက်ရာꩻ ဖြေႏသွော့ဟုဲင်း\"\n\"ဩဗွေႏ ဘုရာꩻမျတ်ဗွေႏဩ-\nဗွေႏရဟန္တာႏသီး မီႏမဉ်ဟော်ꩻဖေႏတရာꩻနဝ်ꩻ 'လိုꩻသဒ္ဓါႏတရာꩻအဲဉ်ထဝ်း၊ လိုꩻတကေးဒါႏဝင်ꩻ၊ လိုꩻစေꩻတန်၊ လိုꩻခွန်းဒါႏ အလူႏခံႏပုဂ္ဂိုလ်ႏ'လိုꩻစားနဝ်ꩻနဝ်ꩻ ဗွေႏရဟန္တာႏသီး အမျိုꩻအီႏဟော်ꩻဖေႏရီးရီးနဲ့ဗွေႏ၊\nဗွေႏရဟန္တာႏသီး မီႏမဉ်ဟော်ꩻဖေႏတရာꩻနဝ်ꩻ ဟော်ꩻဖေႏရီးရီးဒျာႏ 'လိုꩻသဒ္ဓါႏတရာꩻအဝ်ႏ၊ ထွာအလူႏဒါႏယကာႏ၊ ပျောႏလွဉ်ꩻဒျာႏ လူႏခွိုꩻခွိုꩻ၊ မွန်းသွိုꩻဒျာႏ လူႏအာအာ'လိုꩻစားနဝ်ꩻသနယ် ဗွေႏဩ\"\n\"မွေးသွူ တကာႏသီဟ-\n၅။ ယူႏယွယွစံꩻဖျင် ပါꩻဝင်ꩻနီနောဝ်ꩻမွိုင်ႏ၊ 'လိုꩻသဒ္ဓါႏတရာꩻအဲဉ်ထဝ်း၊ လိုꩻတကေးဒါႏဝင်ꩻ၊ လိုꩻစေꩻတန်၊ လိုꩻခွန်းဒါႏ အလူႏခံႏပုဂ္ဂိုလ်ႏ'လိုꩻစားနဝ်ꩻနဝ်ꩻ မဉ်ꩻအွီႏလွီးဟွမ် ကျောႏစွစ်ꩻစဲစ်ꩻနဲ့၊ \nမွေးတောဝ်းတဲ့- 'လိုꩻသဒ္ဓါႏတရာꩻအဝ်ႏ၊ ထွာအလူႏဒါႏယကာႏ၊ ပျောႏလွဉ်ꩻဒျာႏလူႏခွိုꩻခွိုꩻ၊ မွန်းသွိုꩻဒျာႏ လူႏအာအာ'လိုꩻစားနဝ်ꩻန၀်ꩻ မဉ်ꩻအွီႏလွီးဟွမ် ကျောႏစွစ်ꩻစဲစ်ꩻနဲ့စင်းစဲ့သင်ꩻထွိုက် နာꩻကျွိုက်ရာꩻ ဖြေႏသွော့ဟုဲင်း\"\n\"ဩဗွေႏ ဘုရာꩻမျတ်ဗွေႏဩ-\n'လိုꩻသဒ္ဓါႏတရာꩻအဲဉ်ထဝ်း၊ လိုꩻတကေးဒါႏဝင်ꩻ၊ လိုꩻစေꩻတန်၊ လိုꩻခွန်းဒါႏ အလူႏခံႏပုဂ္ဂိုလ်ႏ'လိုꩻစားနဝ်ꩻနဝ်ꩻ အမျိုꩻမဉ်ꩻအွီႏလွီးဟွမ်နဲ့ဗွေႏ၊\n'လိုꩻသဒ္ဓါႏတရာꩻအဝ်ႏ၊ ထွာအလူႏဒါႏယကာႏ၊ ပျောႏလွဉ်ꩻဒျာႏ လူႏခွိုꩻခွိုꩻ၊ မွန်းသွိုꩻဒျာႏ လူႏအာအာ'လိုꩻစားနဝ်ꩻမꩻ မဉ်ꩻအွီႏလွီးဟွမ်၊ ကျောႏစွစ်ꩻစဲစ်ꩻသနယ် ဗွေႏဩ\"\n\"မွေးသွူ တကာႏသီဟ-\n၇။ ယူႏယွယွစံꩻဖျင် ပါꩻနဝ်ꩻဝင်ꩻနီနဝ်ꩻမွိုင်ႏ၊ 'လိုꩻသဒ္ဓါႏတရာꩻအဲဉ်ထဝ်း၊ လိုꩻတကေးဒါႏဝင်ꩻ၊ လိုꩻစေꩻတန်၊ လိုꩻခွန်းဒါႏ အလူႏခံႏပုဂ္ဂိုလ်ႏ'လိုꩻစားနဝ်ꩻနဝ်ꩻ ခန္ဓာႏကုဲင်လီ တွိုႏမဉ်ႏသီသူꩻ အီႏတွိုႏထင်ႏလူꩻခမ်းနဲ့၊ မွေးတောဝ်းတဲ့\n'လိုꩻသဒ္ဓါႏတရာꩻအဝ်ႏ၊ ထွာအလူႏဒါႏယကာႏ၊ ပျောႏလွဉ်ꩻဒျာႏလူႏခွိုꩻခွိုꩻ၊ မွန်းသွိုꩻဒျာႏ လူႏအာအာ'လိုꩻစားနဝ်ꩻမꩻ ခန္ဓာႏကုဲင်လီ တွိုႏမဉ်ႏသီသူꩻ အီႏတွိုႏထင်ႏလူꩻခမ်းနဲ့ စင်းစဲ့သင်ꩻထွိုက် နာꩻကျွိုက်ရာꩻ ဖြေႏသွော့လုဲင်း\"\n\"ဩဗွေႏ ဘုရာꩻမျတ်ဗွေႏဩ-\n'လိုꩻသဒ္ဓါႏတရာꩻအဲဉ်ထဝ်း၊ လိုꩻတကေးဒါႏဝင်ꩻ၊ လိုꩻစေꩻတန်၊ လိုꩻခွန်းဒါႏ အလူႏခံႏပုဂ္ဂိုလ်ႏ'လိုꩻစားနဝ်ꩻနဝ်ꩻ ခန္ဓာႏကုဲင်လီ တွိုႏမဉ်ႏသီသူꩻ အမျိုꩻအီႏတွိုႏထင်ႏလူꩻခမ်းနဲ့ဗွေႏ၊\n'လိုꩻသဒ္ဓါႏတရာꩻအဝ်ႏ၊ ထွာအလူႏဒါႏယကာႏ၊ ပျောႏလွဉ်ꩻဒျာႏ လူႏခွိုꩻခွိုꩻ၊ မွန်းသွိုꩻဒျာႏ လူႏအာအာ'လိုꩻစားနဝ်ꩻမꩻ ခန္ဓာႏကုဲင်လီ တွိုႏမဉ်ႏသီသူꩻ ရအီႏတွိုႏထင်ႏလူꩻခမ်းသနယ် ဗွေႏဩ\"\n\"ဩဗွေႏ ဘုရာꩻမျတ်ဗွေႏဩ-\n၁။ ခွေသွဉ်းယိုနဝ်ꩻ လိုꩻသဒ္ဓါႏတရာꩻအဝ်ႏတဲင် ဗွေႏရဟန္တာႏပုဂ္ဂိုလ်ႏ မဉ်��လိုႏသညင်ꩻနဝ်ꩻ သညင်ꩻရီးရီးဒျာႏ ခွေသွဉ်းယိုသနယ် ဗွေႏဩ။\n၂။ ခွေသွဉ်းယိုနဝ်ꩻ တကေးဒါႏတဝ်းဝင်ꩻတွော့ꩻ ဗွေႏရဟန္တာႏသီး မဉ်ႏလိုႏကျွꩻလွဉ်နောဝ်ꩻ ကျွꩻရီးရီးဒျာႏ ခွေသွဉ်းထျꩻသနယ် ဗွေႏဩ။\n၃။ ခွေသွဉ်းယိုနဝ်ꩻ လိုꩻစေꩻမွေးတဝ်းတဲင်တွော့ꩻ  ဗွေႏရဟန္တာႏသီး မဉ်ႏလိုႏလူႏခံႏထာꩻနဝ်ꩻ လူႏခံႏရီးရီးဒျာႏ ခွေသွဉ်းသနယ် ဗွေႏဩ။\n၄။ ခွေသွဉ်းယိုနဝ်ꩻ ခွန်းဒါႏတဝ်း အလူႏခံႏပုဂ္ဂိုလ်ႏတဲင် ဗွေႏရဟန္တာႏသီး မဉ်ႏလိုႏဟော်ꩻတရာꩻနဝ်ꩻ ဟော်ꩻရီးရီးဖေႏဒျာႏ ခွေသွဉ်းသနယ် ဗွေႏဩ။\n၅။ ခွေသွဉ်းယိုနဝ်ꩻ ထွာအလူႏဒါႏယကာႏတွော့ꩻ 'စဲ့ꩻပိုႏတန်သီဟနဝ်ꩻ လူႏမွေးစွဉ်ႏထာꩻ၊ သံဃာႏသီးတာႏ ကေꩻဇူꩻအာငါႏ၊ ဝွေꩻနဝ်ꩻ ဗွေႏသံဃာႏသီး သွမ်ꩻတကာႏဒျာႏ'ခွေသွဉ်းမဉ်ꩻအွီႏလွီးဟွမ် ကျောႏစွစ်ꩻစဲစ်ꩻနုဲင်းနဝ်ꩻ ဗွေႏဩ။\n၆။ ခွေသွဉ်းယိုနောဝ်ꩻ ပျောႏလွဉ်ꩻဒျာႏ လူႏခွိုꩻခွိုꩻတဲင်တွော့ꩻ မဉ်ႏနွို့လွေꩻ ခွန်ပရိသတ်ခြာ တရိုꩻတဝ်း၊ ပုဏ္ဏာꩻပရိသတ်ခြာတရိုꩻတဝ်း၊ လိုꩻခြွေပရိသတ်ခြာ တရိုꩻတဝ်း၊ ရဟန်ꩻပရိသတ်ခြာတရိုꩻတောဝ်း၊ ပရိသတ်အမျိုꩻမုဲင်ꩻခြာတရိုꩻတောဝ်း ခွေသွဉ်းနွို့လွေꩻ ရုဲင်းရုဲင်းဟန်ဟန်၊ ခွေသွဉ်းလွိုးဗန်ဗန် (ဟိတ်ဟိတ်တန်)ဗွေႏဩ။\n၇။ ခွေသွဉ်းယိုနောဝ်ꩻ မွန်းသွိုꩻလွဉ်ꩻဒျာႏ လူႏအာအာတဲင် ခွေသွဉ်းခန္ဓာႏကုဲင်လီ တွိုႏမဉ်ႏသီသူꩻနောဝ်ꩻ (ယွုမ်းနီဗွေႏငေါဝ်းအတွိုင်ꩻ) ရအီႏတွိုႏထင်ႏ လူꩻခမ်းသနယ်ဗွေႏဩ\"။ (သုတ္တန်ႏပိဋကတ်၊ အင်္ဂုတ္တရပါဠိ၊ သတ္တကနိပါတ်၊ သီဟသေနာပတိသုတ်)\n\nအာႏကွိုꩻ","num_words":1276,"character_repetition_ratio":0.129,"word_repetition_ratio":0.334,"special_characters_ratio":0.078,"stopwords_ratio":0.004,"flagged_words_ratio":0.0,"lang_id_score":1.0,"perplexity_score":1974.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%91%E1%80%AC%EA%A9%BB%E1%80%9C%E1%80%BD%EA%A9%BB%E1%80%A1%E1%80%80%E1%80%BB%E1%80%B1%E1%80%AC%E1%80%84%E1%80%BA%EA%A9%BB%E1%80%9E%E1%80%BD%E1%80%85%E1%80%BA%EA%A9%BB%E1%80%99%E1%80%BB%E1%80%AD%E1%80%AF%EA%A9%BB","collection":"wikipedia","source":"wikipedia","original_code":"blk","text":"\"ကုသီတာရမ္ဘဝတ္ထုသုတ် (ထာꩻလွꩻအကျောင်ꩻသွစ်ꩻမျိုꩻ)\"\nရဟန်ꩻသီးဖုံႏဟွေး-\nထာꩻလွꩻအကျောင်ꩻနဝ်ꩻ အဝ်ႏသွစ်ꩻမျိုꩻ၊ သွစ်ꩻမျိုꩻကရိုꩻနဝ်ꩻ-\n၁။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ အီႏမာꩻဗာႏထာꩻမာꩻ၊ ရဟန်ꩻနဝ်ꩻနဝ်ꩻ ယူႏနုဲင်းယို-\n\"ခွေအီႏမာꩻဗာႏသွူထာꩻမာꩻ၊ ခွေမဉ်ႏမာꩻထာꩻမာꩻနဝ်ꩻ ခွေနမ်းအီႏယပ်ꩻပင်ႏပန်ꩻ၊ (ခွေနမ်းဖေႏကသက်သာႏဖ) ခွေအီႏဗေင်ႏရီးကထာꩻမꩻ\"အသꩻထွာနုဲင်းနဝ်ꩻတဲင် ရဟန်ꩻနဝ်ꩻနဝ်ꩻ ဗေင်ႏထာꩻ၊\nတတွိုႏတဝ်းဒွိုန်းတရာꩻသူꩻ ဖေႏကတွိုႏမာꩻတဝ်း၊ တလꩻဒွိုန်းတရာꩻယို ဖေႏကလꩻ အွဉ်ႏသꩻကျိုꩻစာꩻတဝ်း�� တရာꩻဖေႏကလꩻစွဉ်ႏ ယိုခါခါ သောင်ႏသာနဲ့စ်မာꩻတဝ်း၊ ယိုနဝ်ꩻ ပထမထာꩻလွꩻ အကျောင်ꩻတမျိုꩻနဝ်ꩻသွူ။\nရဟန်ꩻသီးဖုံႏဟွေး-\n၂။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ ထာꩻမာꩻထွူလဲဉ်း၊ ရဟန်ꩻနဝ်ꩻနဝ်ꩻ ယူႏနုဲင်းယို-\n\"ခွေမာꩻထာꩻမာꩻ ကိစ္စထွူလဲဉ်း၊ ခွေမာꩻထာꩻမာꩻထွူနောဝ်ꩻ ခွေနမ်းတန်ယို ပင်ႏပန်ꩻဆာအွူငါႏ၊ (ထာꩻပင်ႏပန်ꩻ၊ ထာꩻဆာအွူ ဖေႏနေးကသက်သာႏချာ) ခွေဗေင်ႏကထာꩻ ယိုခါခါမꩻ\"အသꩻထွာနုဲင်းနဝ်ꩻတွော့ꩻ ရဟန်ꩻနဝ်ꩻနဝ်ꩻ ဗေင်ႏမွေးစွဉ်ႏထာꩻ၊\nတတွိုႏတဝ်းဒွိုန်းတရာꩻသူꩻ ဖေႏကတွိုႏမာꩻတဝ်း၊ တလꩻတဝ်းဒွိုန်းတရာꩻယို ဖေႏကလꩻ အွဉ်ႏသꩻကျိုꩻစာꩻတဝ်း၊ တရာꩻဖေႏကလꩻစွဉ်ႏ ယိုခါခါ သောင်ႏသာနဲ့စ်မာꩻတဝ်း၊ ယိုနဝ်ꩻ ဒုတိယထာꩻလွꩻ အကျောင်ꩻတမျိုꩻနောဝ်ꩻသွူ။\nရဟန်ꩻသီးဖုံႏဟွေး-\n၃။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ အီႏလွေꩻဗာႏထာꩻ၊ ရဟန်ꩻနဝ်ꩻနဝ်ꩻ ယူႏနုဲင်းယို-\n\"ခွေအီႏလွေꩻဗာႏသွူထာꩻ၊ ခွေမဉ်ႏလွေꩻထာꩻနဝ်ꩻ ခွေနမ်းအီႏယပ်ꩻပင်ႏပန်ꩻ၊ (ခွေနမ်းဖေႏကသက်သာႏဖ) ခွေအီႏဗေင်ႏရီးကထာꩻမꩻ\"အသꩻထွာနုဲင်းနဝ်ꩻတဲင်တွော့ꩻ ရဟန်ꩻနဝ်ꩻနဝ်ꩻ ဗေင်ႏထာꩻ၊\nတတွိုႏတဝ်းဒွိုန်းတရာꩻသူꩻ ဖေႏကတွိုႏမာꩻတဝ်း၊ တလꩻတဝ်းဒွိုန်းတရာꩻယို ဖေႏကလꩻ အွဉ်ႏသꩻကျိုꩻစာꩻတဝ်း၊ တရာꩻဖေႏကလꩻစွဉ်ႏ ယိုခါခါ သောင်ႏသာနဲ့စ်မာꩻတဝ်း၊ ယိုနဝ်ꩻ တတိယထာꩻလွꩻ အကျောင်ꩻတမျိုꩻနောဝ်ꩻသွူ။\nရဟန်ꩻသီးဖုံႏဟွေး-\n၄။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ လွေꩻတဖူꩻထွူလဲဉ်း၊ ရဟန်ꩻနဝ်ꩻနဝ်ꩻ ယူႏနုဲင်းယို-\n\"ခွေလွေꩻတဖူꩻ ထွူလဲဉ်း၊ ခွေလွေꩻတဖူꩻထွူနဝ်ꩻ ခွေနမ်းတန်ယို ပင်ႏပန်ꩻတရွော့ꩻငါႏ၊ (ထာꩻပင်ႏပန်ꩻ၊ ထာꩻတရွော့ꩻ ဖေႏနေးကသက်သာႏချာ) ခွေဗေင်ႏကထာꩻ ယိုခါခါမꩻ\"အသꩻထွာနုဲင်းနဝ်ꩻတဲင် ရဟန်ꩻနဝ်ꩻနဝ်ꩻ ဗေင်ႏမွေးစွဉ်ႏထာꩻ၊\nတတွိုႏတဝ်းဒွိုန်းတရာꩻသူꩻ ဖေႏကတွိုႏမာꩻတဝ်း၊ တလꩻတဝ်းဒွိုန်းတရာꩻယို ဖေႏကလꩻ အွဉ်ႏသꩻကျိုꩻစာꩻတဝ်း၊ တရာꩻဖေႏကလꩻစွဉ်ႏ ယိုခါခါ သောင်ႏသာနဲ့စ်မာꩻတဝ်း၊ ယိုနဝ်ꩻ စတုတ္ထထာꩻလွꩻ အကျောင်ꩻတမျိုꩻနောဝ်ꩻသွူ။\nရဟန်ꩻသီးဖုံႏဟွေး- \n၅။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ လွေꩻတွုံꩻသွမ်ꩻ ဒုံပေႏကိုတရိုꩻတဝ်း၊ ဒုံတန်ကိုတရိုꩻတဝ်း၊ ဒဲဉ်သွမ်ꩻဆွော့ꩻဆွော့ꩻတဲ့ယဝ်း၊ ဒဲဉ်သွမ်ꩻပနဲဉ်ႏနဲဉ်ႏတဲ့ယဝ်း လꩻလုမ်းတဝ်း (သွုံꩻကွို့ꩻတဝ်း) ရဟန်ꩻနဝ်ꩻနဝ်ꩻ ယူႏနုဲင်းယို-\"လွေꩻတွုံꩻသွမ်ꩻတဲ့ လꩻလုမ်းတဝ်း၊ (သွုံꩻကွို့ꩻတဝ်း)၊ တွိုႏနမ်းနဝ်ꩻ ယပ်ꩻပင်ႏပန်ꩻတဲင် ဟွီဟဲင်နေဒွိုန်းဒျာႏ၊ (အာႏတအဲဉ်ထဝ်း) မာꩻထာꩻမာꩻ တဒါႏတဝ်း၊ အာႏဖေႏကအဝ်ႏ ဗေင်ႏဒွိုန်းကထာꩻမꩻ\"အသꩻထွာနုဲင်းနဝ်ꩻတွော့ꩻ ရဟန်ꩻနဝ်ꩻနဝ်ꩻ ဗေင်ႏမွေးစွဉ်ႏထာꩻ၊\nတတွိုႏတဝ်းဒွိုန်းတရာꩻသူꩻ ဖေႏကတွိုႏမာꩻတဝ်း၊ တလꩻတဝ်းဒွိုန်းတရာꩻယို ဖေႏကလꩻ အွဉ်ႏသꩻကျိုꩻစာꩻတဝ်း၊ တရာꩻဖေႏကလꩻစွဉ်ႏ ယိုခါခါ သောင်ႏသာနဲ့စ်မာꩻတဝ်း၊ ယိုနဝ်ꩻ ပဉ္စမထာꩻလွꩻ အကျောင်ꩻတမျိုꩻနောဝ်ꩻသွူ။\nရဟန်ꩻသီးဖုံႏဟွေး-\n၆။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ လွေꩻတွုံꩻသွမ်ꩻ ဒုံပေႏကိုတရိုꩻတဝ်း၊ ဒုံတန်ကိုတရိုꩻတဝ်း၊ ဒဲဉ်သွမ်ꩻဆွော့ꩻဆွော့ꩻတဲ့ယဝ်း၊ ဒဲဉ်သွမ်ꩻပနဲဉ်ႏနဲဉ်ႏတဲ့ယဝ်း လꩻလိုမ်းဒျာႏ (သွုံꩻကွို့ꩻကွို့ꩻဗာႏဒျာႏ) ရဟန်ꩻနဝ်ꩻနဝ်ꩻ ယူႏနုဲင်းယို-\n\"လွေꩻတွုံꩻသွမ်ꩻတဲ့ လꩻလိုမ်းဒျာႏ၊ (သွုံꩻကွို့ꩻကွို့ꩻဗာႏဒျာႏ)၊ ကွဲတွော့ꩻ သွုံꩻသွမ်ꩻထွူနဝ်ꩻ ဟို့ꩻကွို့ꩻငါႏနေ၊ နမ်းထွူႏဆွို့တန်၊ နုဲင်းစွဉ်ႏဗာႏခူꩻတသဉ် တအိတ်၊ ဟို့ꩻအဝ်ႏဗွေဗိတ်နေဒွိုန်း၊ အွဉ်ႏယွမ်ꩻပသာႏကဟို့ꩻ၊ ဗေင်ႏဒွိုန်းကထာꩻ ယိုခါခါမꩻ\" အသꩻထွာနုဲင်းနဝ်ꩻတဲင်တွော့ꩻ ရဟန်ꩻနဝ်ꩻနဝ်ꩻ ဗေင်ႏမွေးစွဉ်ႏထာꩻ၊\nတတွိုႏတဝ်းဒွိုန်းတရာꩻသူꩻ ဖေႏကတွိုႏမာꩻတဝ်း၊ တလꩻတဝ်းဒွိုန်းတရာꩻယို ဖေႏကလꩻ အွဉ်ႏသꩻကျိုꩻစာꩻတဝ်း၊ တရာꩻဖေႏကလꩻစွဉ်ႏ ယိုခါခါ သောင်ႏသာနဲ့စ်မာꩻတဝ်း၊ ယိုနဝ်ꩻ ဆဋ္ဌမထာꩻလွꩻ အကျောင်ꩻတမျိုꩻနောဝ်ꩻသွူ။\nရဟန်ꩻသီးဖုံႏဟွေး-\n၇။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ ဆော့ဆာပသာႏထာꩻ (တတဝ်တဝ်း)၊ ရဟန်ꩻနဝ်ꩻနဝ်ꩻ ယူႏနုဲင်းယို-\n\"ခွေဆော့ပသာႏထာꩻ၊ ဗေင်ႏထာꩻမꩻဟောဝ်၊ ဗေင်ႏကထာꩻ ယိုခါခါမꩻ\"အသꩻထွာနုဲင်းနဝ်ꩻတဲင် ရဟန်ꩻနဝ်ꩻနဝ်ꩻ ဗေင်ႏမွေးစွဉ်ႏထာꩻ၊ တတွိုႏတဝ်းဒွိုန်းတရာꩻသူꩻ ဖေႏကတွိုႏမာꩻတဝ်း၊ တလꩻတဝ်းဒွိုန်းတရာꩻယို ဖေႏကလꩻ အွဉ်ႏသꩻကျိုꩻစာꩻတဝ်း၊ တရာꩻဖေႏကလꩻစွ်ႏ ယိုခါခါ သောင်ႏသာနဲ့စ်မာꩻတဝ်း၊ ယိုနဝ်ꩻ သတ္တမထာꩻလွꩻ အကျောင်ꩻတမျိုꩻနောဝ်ꩻသွူ။\nရဟန်ꩻသီးဖုံႏဟွေး-\n၈။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ ဆော့ထာꩻဟောဝ်လဲဉ်း၊ ရဟန်ꩻနဝ်ꩻနဝ်ꩻ ယူႏနုဲင်းယို-\n\"ခွေဆာထာꩻ စဟောဝ်စလူမ်ꩻ၊ အာႏလꩻအဲဉ်ထဝ်းဒွိုန်း၊ မာꩻထာꩻမာꩻဒါႏတဝ်းဒွိုန်း၊ ဗေင်ႏကထာꩻ ယိုခါခါမꩻ\"အသꩻထွာနုဲင်းနဝ်ꩻတွော့ꩻ ရဟန်ꩻနဝ်ꩻနဝ်ꩻ ဗေင်ႏမွေးစွဉ်ႏထာꩻ၊\nတတွိုႏတဝ်းဒွိုန်းတရာꩻသူꩻ ဖေႏကတွိုႏမာꩻတဝ်း၊ တလꩻတဝ်းဒွိုန်းတရာꩻယို ဖေႏကလꩻ အွဉ်ႏသꩻကျိုꩻစာꩻတဝ်��၊ တရာꩻဖေႏကလꩻစွဉ်ႏ ယိုခါခါ သောင်ႏသာနဲ့စ်မာꩻတဝ်း၊ ယိုနဝ်ꩻ အဋ္ဌမထာꩻလွꩻ အကျောင်ꩻတမျိုꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ အဋ္ဌကနိပါတ်၊ ကုသီတာရမ္ဘဝတ္ထုသုတ်)\n\nအာႏကွိုꩻ","num_words":793,"character_repetition_ratio":0.103,"word_repetition_ratio":0.33,"special_characters_ratio":0.077,"stopwords_ratio":0.016,"flagged_words_ratio":0.0,"lang_id_score":1.0,"perplexity_score":1916.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%91%E1%80%AC%EA%A9%BB%E1%80%A1%E1%80%AF%E1%80%B6%E1%80%94%E1%80%B1%E1%80%AC%E1%80%84%E1%80%BA%E1%80%90%E1%80%9B%E1%80%AC%EA%A9%BB%E1%80%86%E1%80%AE%E1%80%99%E1%80%BB%E1%80%AD%E1%80%AF%EA%A9%BB","collection":"wikipedia","source":"wikipedia","original_code":"blk","text":"\"နာထသုတ် (ထာꩻအုံနောင်တရာꩻ ဆီမျိုꩻ)\"\nရဟန်ꩻသီးဖုံႏဟွေး-\nအုံတွမ်ႏထာꩻအုနောင်ဟုဲင်း၊ လိုꩻထာꩻအုံနောင် အဲဉ်ထဝ်းနဝ်ꩻ ဒုက္ခတန်၊ တရာꩻအမျိုꩻ တဆီဖုံႏယိုနဝ်ꩻ ထွာထာꩻအုံနောင်ဖုံႏသွူ၊ တဆီကရိုꩻနဝ်ꩻ-\nရဟန်ꩻသီးဖုံႏဟွေး-\n၁။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ သီႏလအောဝ်ႏ၊ လွောက်ꩻနာႏလွဉ်ꩻဒျာႏ ဘုရာꩻစီꩻကန်ꩻ(ပါတိမောက်)၊ အကျင်ꩻ(အာစာရ)ဟောဝ်၊ လွေꩻသဲင်ꩻ(ဂေါစရ)ရော့ꩻ၊ အပဲ့စ်ပေႏပေႏ ငမ်းမွေးစွဉ်ႏဒျာႏတဲင် ထိန်ꩻတီသိက္ခာႏ၊ ယိုဖုံႏနဝ်ꩻ ထွာဖေႏဒါႏ တရꩻအုံနောင်ခရာႏ၊ အုံနောင်တရာꩻနဝ်ꩻဖုံႏသွူ။\n၂။ ရဟန်ꩻနဝ်ꩻနဝ်ꩻ အထီႏအဟွူန်အာ၊ ထိုမ်ႏရွမ်အထီႏအဟွူန်၊ သွဉ်ဗာႏအာတရာꩻ (မာꩻဗာႏအာလိတ်) ဒါႏအွံခါꩻအာတန်၊ အဝ်ႏရွစ်ကုဲင်းတန်၊ မတ်ယူႏခါꩻသꩻကို၊ နေးတွမ်ႏပညာႏ သေဖြောင်၊ ယိုဖုံႏနောဝ်ꩻ ထွာဖေႏဒါႏ တရာꩻအုံနောင်ခရာႏ၊ အုံနောင်တရာꩻနောဝ်ꩻဖုံႏသွူ။\n၃။ ရဟန်ꩻနဝ်ꩻနဝ်ꩻ ဖူးဝေးဟောဝ်အဝ်ႏ၊ သွꩻပေႏဟောဝ်အဝ်ႏ၊ ငို့ထေ့ခရာႏ ပုဂ္ဂိုလ်ႏဟောဝ်အဝ်ႏ၊ ယိုဖုံႏနဝ်ꩻ ထွာဖေႏဒါႏ တရာꩻအုံနောင်ခရာႏ၊ အုံနောင်တရာꩻနောဝ်ꩻဖုံႏသွူ။\n၄။ ရဟန်ꩻနဝ်ꩻနဝ်ꩻ ဆွုံꩻမꩻယိုꩻ၊ သူႏသေထာꩻ လိန်ႏမာႏ၊ သယ်ꩻခံႏဒါႏ၊ ရိုႏရိုႏသေႏသေႏ ခံႏထူႏငေါဝ်းဆွုံꩻမꩻ၊ ယိုဖုံႏနဝ်ꩻ ထွာဖေႏဒါႏ တရာꩻအုံနောင်ခရာႏ၊ အုံနောင်တရာꩻနောဝ်ꩻဖုံႏသွူ။\n၅။ ရဟန်ꩻနဝ်ꩻနဝ်ꩻ မာꩻဖေႏဒါႏသံဃာႏကိစ္စ၊ မာꩻထာꩻလွꩻတဝ်း၊ အီႏမာꩻဗာႏထမုဲင်ꩻသူႏသေ၊ မာꩻတဲ့မာꩻနွောင်ꩻ၊ ယိုဖုံႏနဝ်ꩻ ထွာဖေႏဒါႏ၊ တရာꩻအုံနောင်ခရာႏ၊ အုံနောင်တရာꩻနောဝ်ꩻဖုံႏသွူ။\n၆။ ရဟန်ꩻနောဝ်ꩻနောဝ်ꩻ ဝါႏသနာႏတရာꩻ၊ ဒေါ့ꩻထာꩻဖုဲင်ႏနာႏ၊ သꩻပါမွေးစွဉ်ႏ၊ သုတ် အဘိဓမ္မာႏ ဝိနယ်ꩻယိုဖုံႏနဝ်ꩻ ထွာဖေႏဒါႏ တရာꩻအုံနောင်ခရာႏ၊ အုံနောင်တရာꩻနောဝ်ꩻဖုံႏသွူ။\n၇။ ရဟန်ꩻနဝ်ꩻနဝ်ꩻ အဝ်ႏကျိုꩻစာꩻ ပယ်ႏထိုꩻအကုသိုလ်ႏ၊ အဝ်ႏသောင်ႏသာ မာꩻမွေးကုသိုလ်ႏ၊ မာꩻသေႏသေႏကုသိုလ်ႏ၊ တန်ꩻတဝ်းတဲ့ယဝ်း၊ အွဉ်ႏလွတ်တဝ်းကုသိုလ်ႏ၊ ယိုဖုံႏနဝ်ꩻ ထွာဖေႏဒါႏ၊ တရာꩻအုံနောင်ခရာႏ၊ အုံနောင်တရာꩻနောဝ်ꩻဖုံႏသွူ။\n၈။ ရဟန်ꩻနဝ်ꩻနဝ်ꩻ (လောႏဘꩻတဝ်း ပစ္စေꩻလစ်ꩻပါꩻ) ကားကထွိုက်ရာꩻ သွုံꩻဆောင်ႏဒျာႏ၊ ယိုဖုံႏနောဝ်ꩻ ထွာဖေႏဒါႏ တရာꩻအုံနောင်ခရာႏ၊ အုံနောင်တရာꩻနောဝ်ꩻဖုံႏသွူ။\n၉။ ရဟန်ꩻနောဝ်ꩻနဝ်ꩻ သတိꩻဟောဝ်ငါႏ၊ သတိꩻဟောဝ်မွေးစွဉ်ႏထာꩻ၊ ကဒေါ့ꩻဖို ငေါဝ်းလီꩻစခါဖုံႏနောဝ်ꩻ တောင်ꩻချာလို့ဒျာႏ၊ ယိုဖုံႏနဝ်ꩻ ထွာဖေႏဒါႏ တရာꩻအုံနောင်ခရာႏ၊ အုံနောင်တရာꩻနောဝ်ꩻဖုံႏသွူ။\n၁၀။ ရဟန်ꩻနဝ်ꩻနဝ်ꩻ ဝိပဿနာႏဉာဏ်ႏအဝ်ႏ၊ ပညာႏလꩻအီနိဗ္ဗာန်ႏအဝ်ႏ၊ ယိုဖုံႏနဝ်ꩻ ထွာဖေႏဒါႏ တရာꩻအုံနောင်ခရာႏ၊ အုံနောင်တရာꩻနောဝ်ꩻဖုံႏသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ နာထသုတ်)\n\nအာႏကွိုꩻ","num_words":381,"character_repetition_ratio":0.181,"word_repetition_ratio":0.132,"special_characters_ratio":0.076,"stopwords_ratio":0.008,"flagged_words_ratio":0.0,"lang_id_score":1.0,"perplexity_score":4456.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%91%E1%80%AE%E1%80%94%E1%80%B1%E1%80%AC%E1%80%84%E1%80%BA%E1%80%9C%E1%80%85%E1%80%BA%EA%A9%BB%E1%80%99%E1%80%BB%E1%80%AD%E1%80%AF%EA%A9%BB-%E1%80%9C%E1%80%AD%E1%80%AF%EA%A9%BB%E1%80%9C%E1%80%85%E1%80%BA%EA%A9%BB%E1%80%85%E1%80%AC%E1%80%B8","collection":"wikipedia","source":"wikipedia","original_code":"blk","text":"\"ဥဒကရဟဒသုတ် (ထီနောင်လစ်ꩻမျိုꩻ-လိုꩻလစ်ꩻစား)\"\nနီဗွေႏဘုရာꩻဟော်ꩻဖေႏ ဗွေႏရဟန်ꩻသီးဖုံႏ တရာꩻနုဲင်းယို-\n\"ရဟန်ꩻသီးဖုံႏဟွေး-\nထီနောင်အဝ်ႏလစ်ꩻမျိုꩻ၊ ထီနောင်လစ်ꩻမျိုꩻကရိုꩻနောဝ်ꩻ-\n၁။ ဥတ္တာနော ဂမ္ဘီရောဘာသော - ထီဖွိုꩻ၊ သေန်ႏထီနောင်ယော့\n၂။ ဂမ္ဘီရော ဥတ္တာနောဘာသော - ထီယော့၊ သေန်ႏထီနောင်ဖွိုꩻ\n၃။ ဥတ္တာနော ဥတ္တာနောဘာသော - ထီဖွိုꩻ၊ သေန်ႏထီနောင်ဖွိုꩻ\n၄။ ဂမ္ဘီရော ဂမ္ဘီရောဘာသော - ထီယော့၊ သေန်ႏထီနောင်ယော့\nထီနောင်အဝ်ႏလစ်ꩻမျိုꩻ နုဲင်းနောဝ်ꩻသွူ။\nရဟန်ꩻသီးဖုံႏဟွေး-\nလိုꩻတဲ့ ဗွန်ပီထီနောင်နဝ်ꩻနေနေ၊ လိုꩻအဝ်ႏလစ်ꩻမျိုꩻ၊ လစ်ꩻမျိုꩻကရိုꩻနောဝ်ꩻ-\n၁။ လောကကိုယို ပုဂ္ဂိုလ်ႏ(ရဟန်ꩻ)ယင်ဟန်ႏနဝ်ꩻ ကာငါတဲ့နဝ်ꩻ၊ ဆွတ်ꩻချာတဲ့နဝ်ꩻ၊ ထွားတောက်ꩻတဲ့နဝ်ꩻ၊ ထွားတဖဲ့တ်တဲ့နဝ်ꩻ၊ အွဉ်ႏတုပ်ꩻစူတဲ့နဝ်ꩻ၊ ယွိုင်ႏစူတဲ့နဝ်ꩻ၊ ပွိုက်ꩻသင်္ကန်ꩻကုဋ်-ဆဲင်သပိတ်တဲ့နောဝ်ꩻ သတိꩻအဝ်ႏပါသေႏသေႏ၊ ယေန်ႏကေႏဟောဝ်ငါႏ၊ ကေႏညိုႏခရာႏဟောဝ်ငါႏ၊ ကွဲႏတွော့ꩻ ဝွေꩻဗွေႏနဝ်ꩻနောဝ်ꩻ သေတဝ်း 'ဒုက္ခသစ္စာႏ၊ သမုဒယသစ္စာႏ၊ နိရောဓသစ္စာႏ၊ မဂ္ဂသစ္စာႏ'တဲ့ မွေးမဲဉ်ႏအတွိုင်ꩻ၊ သေတဝ်းတရာꩻ၊ ပုဂ္ဂိုလ်ႏယိုစားနဝ်ꩻ တွမ်ႏ'ထီဖွိုꩻ-သေန်ႏထီနောင်ယော့'နဝ်ꩻ ဗွန်ဝင်ꩻနောဝ်ꩻသွူ။\nရဟန်ꩻသီးဖုံႏဟွေး-\n၂။ လောကကိုယို ပုဂ္ဂိုလ���ႏ(ရဟန်ꩻ)ယင်ဟန်ႏနဝ်ꩻ ကာငါတဲ့နဝ်ꩻ၊ ဆွတ်ꩻချာတဲ့နဝ်ꩻ၊ ထွားတောက်ꩻတဲ့နဝ်ꩻ၊ ထွားတဖဲ့တ်တဲ့နဝ်ꩻ၊ အွဉ်ႏတုပ်ꩻစူတဲ့နောဝ်ꩻ၊ ယွိုင်ႏစူတဲ့နဝ်ꩻ၊ ပွိုက်ꩻသင်္ကန်ꩻကုဋ်-ဆဲင်သပိတ်တဲ့နဝ်ꩻ အွဉ်ႏတဝ်းသတိꩻ၊ ယေန်ႏကေႏတောဝ်း၊ ကေႏညိုႏခရာႏအဲဉ်ထဝ်း၊ ကွဲႏတွော့ꩻ ဝွေꩻဗွေႏနဝ်ꩻသေထီႏ 'ဒုက္ခသစ္စာႏ၊ သမုဒယသစ္စာႏ၊ နိရောဓသစ္စာႏ၊ မဂ္ဂသစ္စာႏ'တဲ့ မွေးမဲဉ်ႏအတွိုင်ꩻ၊ သေတရာꩻ၊ ပုဂ္ဂိုလ်ႏယိုစားနဝ်ꩻ တွမ်ႏ'ထီယော့-သေန်ႏထီနောင်ဖွိုꩻ'နဝ်ꩻ ပီဝင်ꩻနဝ်ꩻသွူ။\nရဟန်ꩻသီးဖုံႏဟွေး-\n၃။ လောကကိုယို ပုဂ္ဂိုလ်ႏ(ရဟန်ꩻ)ယင်ဟန်ႏနောဝ်ꩻ ကာငါ၊ ဆွတ်ꩻချာ၊ ထွားတောက်ꩻ၊ ထွားတဖဲ့တ်၊ အွဉ်ႏတို့ပ်ႏစူꩻ၊ ယွိုင်ႏစူ၊ ပွိုက်ꩻသင်္ကန်ꩻကုဋ်-ဆဲင်သပိတ်ဖုံႏနဝ်ꩻ အွဉ်ႏတဝ်းသတိꩻ၊ ယေန်ႏကေႏတဝ်း၊ ကေႏညိုႏခရာႏတဲ့ အဲဉ်ထောဝ်း၊ ဝွေꩻဗွေႏနဝ်ꩻ 'ဒုက္ခသစ္စာႏ၊ သမုဒယသစ္စာႏ၊ နိရောဓသစ္စာႏ၊ မဂ္ဂသစ္စာႏ'တဲ့ သေတဝ်း၊ ပုဂ္ဂိုလ်ႏယိုစားနဝ်ꩻ တွမ်ႏ'ထီဖွိုꩻ-သေန်ႏထီနောင်ဖွိုꩻ'နဝ်ꩻ ဗွန်ဝင်ꩻနောဝ်ꩻသွူ။\nရဟန်ꩻသီးဖုံႏဟွေး-\n၄။ လောကကိုယို ပုဂ္ဂိုလ်ႏ(ရဟန်ꩻ)ယင်ဟန်ႏနောဝ်ꩻ ကာငါ၊ ဆွတ်ꩻချာ၊ ထွားတောက်ꩻ၊ ထွားတဖဲ့တ်၊ အွဉ်ႏတို့ပ်ႏစူꩻ၊ ယွိုင်ႏစူ၊ ပွိုက်ꩻသင်္ကန်ꩻကုဋ်-ဆဲင်သပိတ်ဖုံႏနဝ်ꩻ သတိꩻအဝ်ႏပါသေႏသေႏ၊ ယေန်ႏကေႏဟောဝ်ငါႏ၊ ကေႏညိုႏခရာႏဟောဝ်ငါႏ၊ ဝွေꩻဗွေႏနဝ်ꩻ 'ဒုက္ခသစ္စာႏ၊ သမုဒယသစ္စာႏ၊ နိရောဓသစ္စာႏ၊ မဂ္ဂသစ္စာႏ'တဲ့ သေထီႏ၊ ပုဂ္ဂိုလ်ႏယိုစားနဝ်ꩻ တွမ်ႏ'ထီယော့-သေန်ႏထီနောင်ယော့'နဝ်ꩻ ပီဝင်ꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ ဥဒကရဟဒသုတ်)\n\nအာႏကွိုꩻ","num_words":452,"character_repetition_ratio":0.076,"word_repetition_ratio":0.253,"special_characters_ratio":0.087,"stopwords_ratio":0.027,"flagged_words_ratio":0.0,"lang_id_score":1.0,"perplexity_score":1764.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%91%E1%80%AE%E1%80%96%E1%80%BD%E1%80%AD%E1%80%AF%E1%80%84%E1%80%BA%EA%A9%BB%E1%80%9C%E1%80%85%E1%80%BA%EA%A9%BB%E1%80%99%E1%80%BB%E1%80%AD%E1%80%AF%EA%A9%BB","collection":"wikipedia","source":"wikipedia","original_code":"blk","text":"\"ကုမ္ဘသုတ် (ထီဖွိုင်ꩻလစ်ꩻမျိုꩻ-လိုꩻလစ်ꩻစား)\"\nနီဗွေႏဘုရာꩻဟော်ꩻဖေႏ ဗွေႏရဟန်ꩻသီးဖုံႏ တရာꩻနုဲင်းယို-\n\"ရဟန်ꩻသီးဖုံႏဟွေး-\nဖွိုင်ꩻအဝ်ႏလစ်ꩻမျိုꩻ၊ ဖွိုင်ꩻလစ်ꩻမျိုꩻကရိုꩻနဝ်ꩻ-\n၁။ တုစ္ဆော ပိဟိတော - ထီဖွိုင်ꩻခြေင်၊ အဝ်ႏဒို့ꩻခါꩻ\n၂။ ပူရော ဝိဝဋော - ထီဖွိုင်ꩻဗွေ၊ အဝ်ႏဗွောင်ခါꩻ\n၃။ တုစ္ဆော ဝိဝဋော - ထီဖွိုင်ꩻခြေင်၊ အဝ်ႏဗွောင်ခါꩻ\n၄။ ပူရော ပိဟိတော - ထီဖွိုင်ꩻဗွေ၊ အဝ်ႏဒို့ꩻခါꩻ၊ ထီဖွိုင်ꩻအဝ်ႏလစ်ꩻမျိုꩻ နုဲင်းနောဝ်ꩻသွူ။\nရဟန်���သီးဖုံႏဟွေး-\nလိုꩻတဲ့ ဗွန်ပီထီဖွိုင်ꩻနေနေ၊ လိုꩻအဝ်ႏလစ်ꩻမျိုꩻ၊ လိုꩻလစ်ꩻမျိုꩻကရိုꩻနောဝ်ꩻ-\n၁။ လောကကိုယို ပုဂ္ဂိုလ်ႏ(ရဟန်ꩻ)ယင်ဟန်ႏနဝ်ꩻ ကာငါတဲ့နဝ်ꩻ၊ ဆွတ်ꩻချာတဲ့နဝ်ꩻ၊ ထွားတောက်ꩻတဲ့နဝ်ꩻ၊ ထွားတဖဲ့တ်တဲ့နဝ်ꩻ၊ အွဉ်ႏတုပ်စူꩻတဲ့နဝ်ꩻ၊ ယွိုင်ႏစူတဲ့နဝ်ꩻ၊ ပွိုက်ꩻသင်္ကန်ꩻကုဋ်-ဆဲင်သပိတ်တဲ့နောဝ်ꩻ၊ သတိꩻအဝ်ႏပါသႏသေႏ၊ ယေန်ႏကေႏဟောဝ်ငါႏ၊ ကေႏညိုႏခရာႏဟောဝ်ငါႏ၊ ကွဲႏတွော့ꩻ ဝွေꩻဗွေႏနဝ်ꩻနောဝ်ꩻ သေတဝ်း 'ဒုက္ခသစ္စာႏ၊ သမုဒယသစ္စာႏ၊ နိရောဓသစ္စာႏ၊ မဂ္ဂသစ္စာႏ'မွေးမဲဉ်ႏအတွိုင်ꩻ သေတဝ်းတရာꩻ၊ ပုဂ္ဂိုလ်ႏယိုစားနဝ်ꩻ တွမ်ႏ'ထီဖွိုင်ꩻခြေင်-အဝ်ႏဒို့ꩻခါꩻ'နဝ်ꩻ ဗွန်ဝင်ꩻနောဝ်ꩻသွူ။\nရဟန်ꩻသီးဖုံႏဟွေး-\n၂။ လောကကိုယို ပုဂ္ဂိုလ်ႏ(ရဟန်ꩻ)ယင်ဟန်ႏနဝ်ꩻ ကာငါတဲ့နဝ်ꩻ၊ ဆွတ်ꩻချာတဲ့နဝ်ꩻ၊ ထွားတောက်ꩻတဲ့နဝ်ꩻ၊ ထွားတဖဲ့တ်တဲ့နဝ်ꩻ၊ အွဉ်ႏတုပ်ꩻစူတဲ့နောဝ်ꩻ၊ ယွိုင်ႏစူတဲ့နဝ်ꩻ၊ ပွိုက်ꩻသင်္ကန်ꩻကုဋ်-ဆဲင်သပိတ်တဲ့နဝ်ꩻ၊ အွဉ်ႏတဝ်းသတိꩻ၊ ယေန်ႏကေႏတောဝ်း၊ ကေႏညိုႏခရာႏအဲဉ်ထဝ်း၊ ကွဲႏတွော့ꩻ ဝွေꩻဗွေႏနဝ်ꩻ သေထီႏ 'ဒုက္ခသစ္စာႏ၊ သမုဒယသစ္စာႏ၊ နိရောဓသစ္စာႏ၊ မဂ္ဂသစ္စာႏ'မွေးမဲဉ်ႏအတွိုင်ꩻ သေတဝ်းတရာꩻ၊ ပုဂ္ဂိုလ်ႏယိုစားနဝ်ꩻ တွမ်ႏ'ထီဖွိုင်ꩻဗွေ-အဝ်ႏဗွောင်ခါꩻ'နဝ်ꩻ ပီဝင်ꩻနဝ်ꩻသွူ။\nရဟန်ꩻသီးဖုံႏဟွေး-\n၃။ လောကကိုယို ပုဂ္ဂိုလ်ႏ(ရဟန်ꩻ)ယင်ဟန်ႏနောဝ်ꩻ ကာငါ၊ ဆွတ်ꩻချာ၊ ထွားတောက်ꩻ၊ ထွားတဖဲ့တ်၊ အွဉ်ႏတုပ်ꩻစူ၊ ယွိုင်ႏစူ၊ ပွိုက်ꩻသင်္ကန်ꩻကုဋ်-ဆဲင်သပိတ်ဖုံႏနဝ်ꩻ အွဉ်ႏတဝ်းသတိꩻ၊ ယေန်ႏကေႏတဝ်း၊ ကေႏညိုႏခရာႏအဲဉ်ထောဝ်း၊ ဝွေꩻဗွေႏနဝ်ꩻ'ဒုက္ခသစ္စာႏ၊ သမုဒယသစ္စာႏ၊ နိရောဓသစ္စာႏ၊ မဂ္ဂသစ္စာႏ'တဲ့ သေတဝ်း၊ ပုဂ္ဂိုလ်ႏယိုစားနဝ်ꩻ တွမ်ႏ'ထီဖွိုင်ꩻခြေင်-အဝ်ႏဗွောင်ခါꩻ'နဝ်ꩻ ဗွန်ဝင်ꩻနောဝ်ꩻသွူ။\nရဟန်ꩻသီးဖုံႏဟွေး-\n၄။ လောကကိုယို ပုဂ္ဂိုလ်ႏ(ရဟန်ꩻ)ယင်ဟန်ႏနောဝ်ꩻ ကာငါ၊ ဆွတ်ꩻချာ၊ ထွားတောက်ꩻ၊ ထွားတဖဲ့တ်၊ အွဉ်ႏတို့ပ်ႏစူ၊ ယွိုင်ႏစူ၊ ပွိုက်ꩻသင်္ကန်ꩻကုဋ်-ဆဲင်သပိတ်ဖုံႏနဝ်ꩻ သတိꩻအဝ်ႏပါသေႏသေႏ၊ ယေန်ႏကေႏဟောဝ်ငါႏ၊ ကေႏညိုႏခရာႏဟောဝ်ငါႏ၊ ဝွေꩻဗွေႏနဝ်ꩻ 'ဒုက္ခသစ္စာႏ၊ သမုဒယသစ္စာႏ၊ နိရောဓသစ္စာႏ၊ မဂ္ဂသစ္စာႏ'တဲ့ သေထီး၊ ပုဂ္ဂိုလ်ႏယိုစားနဝ်ꩻ တွမ်ႏ'ထီဖွိုင်ꩻဗွေ-အဝ်ႏဒို့ꩻခါꩻ'နဝ်ꩻ ပီဝင်ꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ ကုမ္ဘသုတ်)\n\nအာႏကွိုꩻ","num_words":423,"character_repetition_ratio":0.072,"word_repetition_ratio":0.225,"special_characters_ratio":0.086,"stopwords_ratio":0.019,"flagged_words_ratio":0.0,"lang_id_score":1.0,"perplexity_score":2010.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%91%E1%80%AE%E1%82%8F%E1%80%9E%E1%80%B1%E1%80%A1%E1%80%81%E1%80%BB%E1%80%80%E1%80%BA%E1%80%94%E1%80%85%E1%80%BA%E1%80%9E%E1%80%80%E1%80%BA","collection":"wikipedia","source":"wikipedia","original_code":"blk","text":"\"ဒုတိယကောသလသုတ် (ထီႏသေအချက် နစ်သက်ကေႏညိုႏ)\"\nအွိုးခꩻတလဲင်ႏ-\nနီဗွေႏဘုရာꩻအောဝ်ႏအုံ သာဝတ္ထိခမ်း၊ ကျောင်ꩻဇေႏတဝွန်ႏကိုအတွင်ꩻ ခွန်ပသေနဒီကောသလနဝ်ꩻ လွေꩻတွိုက်ꩻစဲ့ꩻအောင်ႏ၊ အဝ်ႏတွိုက်ꩻစဲ့ꩻသဲင်ꩻ အီႏသဲင်ꩻကန်းတော့ꩻ နီဗွေႏဘုရာꩻ၊ လင်ꩻသေလောရထာꩻ၊ နွို့ငါလွေꩻကျောင်ꩻတလင်ꩻ၊ ဗွေႏစင်ꩻဖုံႏ အဝ်ႏထောင်တဖူꩻတွင်ꩻ ရီဗွေႏစင်ꩻနုဲင်းယို-\n\"ဩဗွေႏ-\nနီဗွေႏဘုရာꩻနောဝ်ꩻ ယိုခါ အဝ်ႏသတင်ꩻသွုံꩻ အုံကျောင်ꩻအဖြုံႏမုဲင်ꩻ ဗွေႏအော်၊ ခွေသွဉ်း မဉ်လွေꩻကန်းတော့ꩻငါႏ ဗွေႏဘုရာꩻဗွေႏဩ\"\n\"ယို တကာႏခွန်တန်-\nယိုခါ နီဗွေႏဘုရာꩻအဝ်ႏအွိုး 'ကျောင်ꩻကအဝ်ႏထွိုင်ꩻခါꩻ တခါꩻသူꩻ'၊ လွေꩻတေ့ꩻတေ့ꩻ အဟမ်းထာꩻထွူ တဒေါက်ꩻတခါꩻသူꩻဟုဲင်း၊ မဲ့ꩻဗွေႏဘုရာꩻ ဗွောင်ဖေႏဒျာႏတခါꩻ\"\n\"မွေးသွူဗွေႏ- ကေꩻဇူꩻတင်ႏငါႏ ဗွေႏဩ\"\nဗွေႏစင်ꩻကဒေါ့ꩻအတွိုင်ꩻ ခွန်တန်ပသေနဒီကောသလနဝ်ꩻ လွေꩻတေ့ꩻတေ့ꩻ၊ အဟမ်းထာꩻ (ဖေႏအချက်)တလဲင်ႏထွူ-တဒေါက်ꩻတခါꩻတဲင် နီဗွေႏဘုရာꩻ ဗွောင်ဖေႏတခါꩻ။\nခွန်နဝ်ꩻ ယေန်ႏယေန်ႏကေႏကေႏ၊ ဣန္ဒြေႏလꩻလꩻ နွို့ငါလွေꩻကျောင်ꩻကို၊ လွေꩻထေ့နီဗွေႏဘုရာꩻ၊ ကအတောင်နဝ်ꩻ အွဉ်ႏတွစ်နီဗွေႏဘုရာꩻခင်ႏ၊ အကတူႏနဝ်ꩻ အွဉ်ႏခွေါင်းနီဗွေႏဘုရာꩻခင်ႏလောင်ꩻ၊ နုဲင်းစွဉ်ႏမွိုးအွမ်ႏ(အောႏမ်)အပိုပေႏဆား။\nခွန်နဝ် တွမ်ႏဖြောင်းအွံ(အိုမ်) နီဗွေႏဘုရာꩻခင်ႏတောႏ၊ တွမ်ႏစူထုမ်ꩻ(ထိုꩻမ်)ဖြွꩻ နီဗွေႏဘုရာꩻခင်ႏ၊ ရိုႏသေႏအွပ်ꩻခြꩻ ချꩻမာႏနပူႏဇောႏ၊ ထေဖေါႏပါအမဉ်ꩻ 'ခွေသွဉ်းယိုနဝ်ꩻ ခွန်ပသေနဒီကောသလသွူ ဗွေႏဩ'လောဝ်းနုဲင်းနဝ်ꩻ၊ နီဗွေႏဘုရာꩻရိုꩻ-\n\"တကာႏခွန်တန်-\nနာꩻထီႏနာꩻသေ အကျောင်ꩻနုဲင်းမုဲင်ꩻတွော့ꩻ နေးတွမ်ႏမေတ္တာႏ နာꩻရိုႏသေႏမွေးမုဲင်းစွဉ်ႏခွေ နုဲင်းယိုဟောင်း\"\n\"ဩဗွေႏ ဘုရာꩻမျတ်ဗွေႏဩ-\nခွေသွဉ်းယိုနောဝ်ꩻ သေနီဗွေႏဘုရာꩻကေꩻဇူꩻ 'ကတညုတ'၊ ထေနီဗွေႏဘုရာꩻကေꩻဇူꩻ'ကတဝေဒီ'၊ ထီႏအချက် ပဉ်တဆီနဝ်ꩻမꩻ နစ်သက်ကွို့ꩻသꩻဒွုမ်၊ ဝုဲင်ႏကွို့ꩻသꩻဒူမ်နုဲင်းယိုသွူ ဗွေႏဩ\"\n\"မွေးသွူ တကာႏခွန်တန်-\nတကာႏကထီႏ အချက်တဆီကိုနဝ်ꩻ လောဝ်းနယ်စံꩻ ပဉ်ချက်ပဉ်ချက်မွိုင်\"\n\"ဩဗွေႏ ဘုရာꩻမျတ်ဗွေႏဩ-\n၁။ နီဗွေႏဘုရာꩻနောဝ်ꩻ လိုꩻဖုံႏ ဖေႏနေးကစီꩻပွါꩻ၊ ဖေႏနေးကချမ်ꩻသာႏ ဟော်ꩻဖေႏသွဉ်ဖေႏ၊ နေးတွမ်ႏတရာꩻမွေး တရာꩻမဲဉ်ႏတဲင် ဗွောင်ဖေႏဝင်ꩻမဲ့ဝင်ꩻနား၊ လိုꩻဖုံႏ သူႏသေလွဉ်ထာꩻ အာတန်နဝ်ꩻသွူ၊ ကွပ်ပွိုးထီႏသေ အကျောင်ꩻထူꩻနုဲင်းနဝ်ꩻတွော့ꩻ ရိုႏသေႏအွပ်ꩻခြꩻ ချꩻမာႏနထေဖေါႏ ပူႏဇာႏဗာႏတွမ်ႏမေတ္တာႏ နုဲင်းယိုသွူ ဗွေႏဩ။\nဩဗွေႏ ဘုရာꩻမျတ်ဗွေႏဩ-\n၂။ ခွေသွဉ်းထီႏသေ 'ဒုတိယအချက်'၊ နစ်သက်ခရာႏ ခꩻတမျိုꩻနဝ်ꩻ နီဗွေႏဘုရာꩻနဝ်ꩻ သီႏလအောဝ်ႏ၊ နီဗွေႏသီႏလနောဝ်ꩻ အပဲ့စ်ကင်ꩻလွစ်-ဗွာလွစ်ꩻဆွတ်ꩻပေႏ၊ ကေႏညိုႏခရာႏဟောဝ်မွေး၊ ကွပ်ပွိုးထီႏသေ အကျောင်ꩻထူꩻနုဲင်းနဝ်ꩻတွော့ꩻ ရိုႏသေႏအွပ်ꩻခြꩻ ချꩻမာႏနထေဖေါႏ ပူႏဇာႏဗာႏတွမ်ႏမေတ္တာႏ နုဲင်းယိုသွူ ဗွေႏဩ။\nဩဗွေႏ ဘုရာꩻမျတ်ဗွေႏဩ-\n၃။ ခွေသွဉ်းထီႏသေ 'တတိယအချက်'၊ နစ်သက်ခရာႏ ခꩻတမျိုꩻနဝ်ꩻ နီဗွေႏဘုရာꩻနောဝ်ꩻ ညဆွာꩻနေင်ႏလာ ကဲဉ်းအာအာ အုံဒျာႏကျောင်ꩻပေႏ တခြာကို၊ ကွပ်ပွိုးထီႏသေ အကျောင်ꩻထူꩻနုဲင်းနဝ်ꩻတွော့ꩻ ရိုႏသေႏအွပ်ꩻခြꩻ ချꩻမာႏနထေဖေါႏ ပူႏဇာႏဗာႏတွမ်ႏမေတ္တာႏ နုဲင်းယိုသွူ ဗွေႏဩ။\nဩဗွေႏ ဘုရာꩻမျတ်ဗွေႏဩ-\n၄။ ခွေသွဉ်းထီႏသေ 'စတုတ္ထအချက်'၊ နစ်သက်ခရာႏ ခꩻတမျိုꩻနဝ်ꩻ သင်္ကန်ꩻတဲ့နဝ်ꩻ ယိုမꩻနောဝ်ꩻမꩻ တရိုꩻတဝ်း၊ ကားကွို့ꩻကလꩻ ကွို့ꩻသꩻဗုဲင်ဒျာႏ၊ သွမ်ꩻ(ဟန်ႏ)တဲ့နဝ်ꩻ ယိုမꩻနဝ်ꩻမꩻ တရိုꩻတဝ်း၊ (လꩻနုဲင်းမုဲင်ꩻမုဲင်ꩻတဲ့ယဝ်း အွီႏငါႏ၊ အွီႏတဝ်းတရိုꩻတဝ်း) ကားကွို့ꩻကလꩻ ကွို့ꩻသꩻသွုံꩻဒျာႏ၊ ကျောင်ꩻတဲ့နဝ်ꩻ ယိုမꩻနောဝ်ꩻမꩻ တရိုꩻတဝ်း၊ (ကျောင်ꩻနုဲင်းမုဲင်ꩻမုဲင်ꩻတဲ့ယဝ်း) ကားကွို့ꩻကရော့ꩻ အုံသော့ꩻသတင်ꩻသွုံꩻဒျာႏ၊ ကွပ်ပွိုးထီႏသေ အကျောင်ꩻထူꩻနုဲင်းနဝ်ꩻတွော့ꩻ ရိုႏသေႏအွပ်ꩻခြꩻ ချꩻမာႏနထေဖေါႏ ပူႏဇာႏဗာႏတွမ်ႏမေတ္တာႏ နုဲင်းယိုသွူ ဗွေႏဩ။\nဩဗွေႏ ဘုရာꩻမျတ်ဗွေႏဩ-\n၅။ ခွေသွဉ်းထီႏသေ 'ပဉ္စမအချက်'၊ နစ်သက်ခရာႏ ခꩻတမျိုꩻနဝ်ꩻ နီဗွေႏဘုရာꩻနဝ်ꩻ ဝင်ꩻအဝ်ႏအွိုးအညာꩻ လွဉ်လူႏတဲ့ ခံႏထူႏထွိုက်ဒျာႏ၊ ရေႏဒျာႏ ထဉ်ႏမွေတာႏဒျာႏခန်းတဲ့ယဝ်း ပေါႏလူႏနီဗွေႏနဝ်ꩻ ခံႏထူႏထွိုက်ဒျာႏ၊ ဘဝတသာ ကပြောင်ꩻငါလွေꩻသားတာႏ ကလူႏဖေႏဒါႏ ထာꩻလူႏနဝ်ꩻတဲ့ နီဗွေႏခံႏထူႏထွိုက်ဒျာႏ၊ နီဗွေႏနဝ်ꩻ (ပါꩻမုဲင်ꩻခန်းတဲ့ယောဝ်း) ခေါက်ꩻဝုဲင်ႏထွိုက်ဒျာႏ၊ လိုꩻလူꩻဗျဟ္မာႏ သတ္တဝါႏသီး ဆို့ꩻရုဲင်သော့ꩻ ကုသိုလ်ႏတာႏ နုဲင်းစွဉ်ႏဒျာႏ သွို့ꩻခြံ-အယံစား၊ ကွပ်ပွိုးထီႏသေ အကျောင်ꩻထူꩻနုဲင်းနဝ်ꩻတွော့ꩻ ရိုႏသေႏအွပ်ꩻခြꩻ ခ���ꩻမာႏနထေဖေါႏ ပူႏဇာႏဗာႏတွမ်ႏမေတ္တာႏ နုဲင်းယိုသွူ ဗွေႏဩ။\nဩဗွေႏ ဘုရာꩻမျတ်ဗွေႏဩ-\n၆။ ခွေသွဉ်းထီႏသေ 'ဆဋ္ဌအချက်'၊ နစ်သက်ခရာႏ ခꩻတမျိုꩻနောဝ်ꩻ နီဗွေႏဘုရာꩻနဝ်ꩻ ထာꩻလိုႏတဲ့ဆေ့ꩻ၊ အဝ်ႏနုဲင်းမုဲင်ꩻတဲ့ ကွို့ꩻသꩻ၊ အုံဒျာႏထာꩻယေန်ယေန်၊ အုံရော်ꩻတဝ်းဝင်ꩻ၊ လွꩻတဝ်းတစိꩻစိꩻ၊ သီႏလ-သမာႏဓိ ပညာႏ သိက္ခာႏသွံပါꩻဗွေꩻ လꩻအရဟတ္တဖိုလ်ႏ၊ ဆင်ႏချင်ႏတရာꩻ မုဲင်ꩻခါလꩻ၊ ကွပ်ပွိုးထီႏသေ အကျောင်ꩻထူꩻနုဲင်းနဝ်ꩻတွော့ꩻ ရိုႏသေႏအွပ်ꩻခြꩻ ချꩻမာႏနထေဖေါႏ ပူႏဇာႏဗာႏတွမ်ႏမေတ္တာႏ နုဲင်းယိုသွူ ဗွေႏဩ။\nဩဗွေႏ ဘုရာꩻမျတ်ဗွေႏဩ-\n၇။ ခွေသွဉ်းထီႏသေ 'သတ္တမအချက်'၊ နစ်သက်ခရာႏ ခꩻတမျိုꩻနဝ်ꩻ နီဗွေႏဘုရာꩻနဝ်ꩻ မျက်မောက်ဘဝယိုခါ အုံချမ်ꩻချမ်ꩻသာႏသာႏတာႏ လꩻခါꩻဈာန်ႏတရာꩻလစ်ꩻပါꩻ၊ ဈာန်ႏတရာꩻဖုံႏနဝ်ꩻနဝ်ꩻ လိုႏမုဲင်ꩻခါလꩻ၊ အယပ်ꩻအခုဲင်ႏအဲဉ်ထဝ်း၊ ကွပ်ပွိုးထီႏသေ အကျောင်ꩻထူꩻနုဲင်းနဝ်ꩻတွော့ꩻ ရိုႏသေႏအွပ်ꩻခြꩻ ချꩻမာႏနထေဖေါႏ ပူႏဇာႏဗာႏတွမ်ႏမေတ္တာႏ နုဲင်းယိုသွူ ဗွေႏဩ။\nဩဗွေႏ ဘုရာꩻမျတ်ဗွေႏဩ-\n၈။ ခွေသွဉ်းထီႏသေ 'အဋ္ဌမအချက်'၊ နစ်သက်ခရာႏ ခꩻတမျိုꩻနဝ်ꩻ နီဗွေႏဘုရာꩻနဝ်ꩻ ဘဝပေါင်ꩻအာ တောင်ꩻချာသေနွောင်ꩻ၊ တဘဝကိုတဲ့နဝ်ꩻ၊ နီဘဝကိုတဲ့နဝ်ꩻ၊ သွံဘဝကိုတဲ့နဝ်ꩻ၊ လစ်ꩻဘဝကိုတဲ့နဝ်ꩻ၊ ငတ်ꩻဘဝကိုတဲ့နဝ်ꩻ၊ ဘဝတဆီကိုတဲ့နဝ်ꩻ၊ ဘဝနီဆီကိုတဲ့နဝ်ꩻ၊ ဘဝသွံဆီကိုတဲ့နဝ်ꩻ၊ ဘဝလစ်ꩻဆီကိုတဲ့နဝ်ꩻ၊ ဘဝငတ်ꩻဆီကိုတဲ့နဝ်ꩻ၊\nဘဝတရျာꩻကိုတဲ့နဝ်ꩻ၊ ဘဝတရေင်ကိုတဲ့နဝ်ꩻ၊ ဘဝတသိန်ꩻကိုတဲ့နဝ်ꩻ၊ ကပ်ကုဲင်ခိန်ႏတဲ့ ကပ်ဟောဝ်ခိန်ႏတဲ့နဝ်ꩻ- ဘဝမုဲင်ꩻခါနဝ်ꩻ ခွေမဉ်ꩻဟဲ့ꩻနုဲင်းမုဲင်ꩻ၊ ခွေထွာလိုꩻအမျိုꩻမုဲင်ꩻ၊ ခွေယောင်ꩻဆင်ꩻနုဲင်းမုဲင်ꩻ၊ ခွေအွꩻအံႏဗာႏနုဲင်းမုဲင်ꩻ၊ ခွေချမ်ꩻသာႏ ဒုက္ခနုဲင်းမုဲင်ꩻ၊ ခွေသက်အုံဗာႏတကားမုဲင်ꩻ၊ အဝ်ႏဘဝနဝ်ꩻ လွေꩻကွုတ်တောဘဝမုဲင်ꩻ၊ အမဉ်ꩻဟဲ့ꩻနုဲင်းမုဲင်ꩻ၊ လိုꩻမျိုꩻမုဲင်ꩻ၊ အံႏအွꩻဗာႏနုဲင်းမုဲင်ꩻ၊ ဒုက္ခချမ်ꩻသာႏနုဲင်းမုဲင်ꩻ၊ အုံဗာႏသက်ကားမုဲင်ꩻ စတဲင်နုဲင်းနဝ်ꩻ သေလို့၊ ထီႏလို့၊ သေလို့၊ ကွပ်ပွိုးထီႏသေ အကျောင်ꩻထူꩻနုဲင်းနဝ်ꩻတွော့ꩻ ရိုႏသေႏအွပ်ꩻခြꩻ ချꩻမာႏနထေဖေါႏ ပူႏဇာႏဗာႏတွမ်ႏမေတ္တာႏ နုဲင်းယိုသွူ ဗွေႏဩ။\nဩဗွေႏ ဘုရာꩻမျတ်ဗွေႏဩ-\n၉။ ခွေသွဉ်းထီႏသေ 'နဝမအချက်'၊ နစ်သက်ခရာႏ ခꩻတမျိုꩻနဝ်ꩻ နီဗွေႏဘုရာꩻနဝ်ꩻ နေးတွမ်ႏဒိဗ္ဗစက္ခုဉာဏ်ႏမဲ့တဲင် သတ္တဝါႏကသီတွင်ꩻတဲ့နဝ်ꩻ၊ သ��္တဝါႏကကွုတ်တွင်ꩻတဲ့နဝ်ꩻ၊ သတ္တဝါႏအယွုတ်စားတဲ့နဝ်ꩻ၊ သတ္တဝါႏအမျတ်စားတဲ့နဝ်ꩻ၊ သတ္တဝါႏတရေꩻစားတဲ့နဝ်ꩻ၊ သတ္တဝါႏတကုဲင်စားတဲ့နဝ်ꩻ၊\nသတ္တဝါႏကလွေꩻကွုတ် ဘွုံႏဘဝဟောဝ်စားတဲ့နဝ်ꩻ၊ သတ္တဝါႏကလွေꩻကွုတ်ဒါႏ ဘွုံႏဘဝကုဲင်စားတဲ့နဝ်ꩻ ထီႏလို့၊ အော်- သတ္တဝါႏယိုဖုံႏနဝ်ꩻ နမ်းမာꩻထာꩻမာꩻကုဲင် ကာယဒုစရဲက်သားဖုံႏ၊ သတ္တဝါႏယိုဖုံႏနဝ်ꩻ ဒေါ့ꩻထာꩻဒေါ့ꩻကုဲင် ဝစီဒုစရဲက်သားဖုံႏ၊ သတ္တဝါႏယိုဖုံႏနဝ်ꩻ ကျံႏထာꩻကျံႏကုဲင် မနော်ꩻဒုစရဲက်သားဖုံႏ၊ သတ္တဝါႏယိုဖုံႏနဝ်ꩻ အစွတ်စွယ်ꩻ အရိယာႏသီးဖုံႏ၊ ထာꩻယူႏမာႏ မိစ္ဆာဒိဋ္ဌိသားဖုံႏ ထဲ့ငါးရုဲင်ꩻသားဖုံႏ၊\nယိုဖုံႏနဝ်ꩻ မာꩻသုစရဲက်သားဖုံႏ၊ စွတ်စွယ်ꩻတဝ်း အရိယာႏသီးဖုံႏ၊ ထာꩻယူႏမဲဉ်ႏ သမ္မာဒိဋ္ဌိသားဖုံႏ၊ အီႏတွိုႏလွေꩻ လူꩻခမ်းသားဖုံႏ-စတဲင်နုဲင်းနဝ်ꩻ နီဗွေႏဘုရာꩻ ထီႏလို့၊ သေလို့၊ ကွပ်ပွိုးထီႏသေ အကျောင်ꩻထူꩻနုဲင်းနဝ်ꩻတွော့ꩻ ရိုႏသေႏအွပ်ꩻခြꩻ ချꩻမာႏနထေဖေါႏ ပူႏဇာႏဗာႏတွမ်ႏမေတ္တာႏ နုဲင်းယိုသွူ ဗွေႏဩ။\nဩဗွေႏ ဘုရာꩻမျတ်ဗွေႏဩ-\n၁၀။ ခွေသွဉ်းထီႏသေ 'ဒသမအချက်'၊ နစ်သက်ခရာႏ ခꩻတမျိုꩻနဝ်ꩻ နီဗွေႏဘုရာꩻနဝ်ꩻ လꩻအရဟတ္တဖိုလ်ႏ၊ အာသဝေါလို့၊ ထွာဘုရာꩻ၊\nကွပ်ပွိုးထီႏသေ အကျောင်ꩻထူꩻနုဲင်းနဝ်ꩻတွော့ꩻ ရိုႏသေႏအွပ်ꩻခြꩻ ချꩻမာႏနထေဖေါႏ ပူႏဇာႏဗာႏတွမ်ႏမေတ္တာႏ နုဲင်းယိုသွူ ဗွေႏဩ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ ဒုတိယကောသလသုတ်)","num_words":1244,"character_repetition_ratio":0.115,"word_repetition_ratio":0.202,"special_characters_ratio":0.076,"stopwords_ratio":0.025,"flagged_words_ratio":0.0,"lang_id_score":1.0,"perplexity_score":3015.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%91%E1%80%B1%E1%80%84%E1%80%BA%E1%80%8A%E1%80%84%E1%80%BA%EA%A9%BB%E1%80%9B%E1%80%BD%E1%80%AD%E1%80%AF%EA%A9%BB%E1%80%9B%E1%80%94%E1%80%BA%E1%82%8F%E1%80%9C%E1%80%AD%E1%80%AF%E1%80%B7%E1%80%9D%E1%80%84%E1%80%BA%EA%A9%BB","collection":"wikipedia","source":"wikipedia","original_code":"blk","text":"\"ဘဏ္ဍနသုတ် (ထေင်ညင်ꩻရွို့ꩻရန်ႏလို့ဝင်ꩻ)\"\nအွိုးခꩻတလဲင်ႏ-\nရဟန်ꩻသီးဖုံႏ ထင်လို့ဝင်ꩻ၊ ရွိုꩻလို့ဝင်ꩻ၊ ခွန်းလို့ဝင်ꩻတဲင် နီဗွေႏဘုရာꩻရိုꩻ-\n\"သီနေးတွမ်ႏသဒ္ဓါႏတရာꩻ အဝ်ႏလိုꩻလမ်းဘဝ ထင်ႏဗုဲင်သွူရဟန်ꩻနဝ်ꩻ ဟောဝ်ထင်တဝ်းလို့ဝင်ꩻ၊ ဟောဝ်ရွိုꩻတဝ်းလို့ဝင်ꩻ၊\nသီလွောက်ꩻနာႏ တရာꩻအပါꩻတဆီယို ရွိုꩻဒွုမ်လို့ဝင်ꩻ၊ ဖြွမ်းဗူႏစွဉ်ႏလို့ဝင်ꩻသနယ်၊ တရာꩻအပါꩻတဆီကရိုꩻနဝ်ꩻ-\nရဟန်ꩻသီးဖုံႏဟွေး-\n၁။ သာႏသနာႏကို ရဟန်ꩻ(တပါꩻ)နဝ်ꩻ သီႏလအဝ်ႏ၊ လွောက်ꩻနာႏလွဉ်ꩻဒျာႏ ဘုရာꩻစီꩻကန်ꩻ (ပါတိမောက်)၊ အကျင်ꩻ(အာစာရ)ဟောဝ်၊ လွေꩻသဲင်ꩻ(ဂေါစရ)ရော့ꩻ၊ အပဲ့စ်ပေႏပေႏတဲ့ ငမ်းမွေးစွဉ်��ဒျာႏတဲင် ထိန်ꩻတီသိက္ခာႏ၊ ကွပ်အုံနောင်တရာꩻနဝ်ꩻတွော့ꩻ ရွိုꩻတဝ်းလို့ဝင်ꩻ၊ ဖြွမ်းဗူႏဒျာႏလို့ဝင်ꩻနဝ်ꩻသွူ။\n၂။ ရဟန်ꩻနဝ်ꩻနဝ်ꩻ အထီႏအဟွူန်အာ၊ ထိုမ်ႏရွတ်အထီႏအဟွူန်၊ သွဉ်ဗာႏအာတရာꩻ (မာꩻဗာႏအာလိတ်)၊ ဒါႏအွံခါꩻအာတန်၊ အဝ်ႏရွစ်ကုဲင်းတန်၊ မတ်ယူႏခါသꩻကို၊ နေးတွမ်ႏပညာႏသေဖြောင်၊ ကွပ်အုံနောင်တရာꩻနဝ်ꩻတွော့ꩻ ရွိုꩻတဝ်းလို့ဝင်ꩻ၊ ဖြွမ်းဗူႏဒျာႏလို့ဝင်ꩻနဝ်ꩻသွူ။\n၃။ ရဟန်ꩻနဝ်ꩻနဝ်ꩻ ဖူးဝေးဟောဝ်အဝ်ႏ၊ သွꩻပေႏဟောဝ်အဝ်ႏ၊ ငို့ꩻထေ့ခရာႏ ပုဂ္ဂိုလ်ႏဟောဝ်အဝ်ႏ၊ ကွပ်အုံနောင်တရာꩻယိုတွော့ꩻ ရွို့ꩻတဝ်းလို့ဝင်ꩻ၊ ဖြမ်းဗူႏဒျာႏလို့ဝင်ꩻနဝ်ꩻသွူ။\n၄။ ရဟန်ꩻနဝ်ꩻနဝ်ꩻ ဆွုံꩻမꩻယိုꩻ၊ သူႏသေထာꩻ လိန်ႏမာႏ၊ သယ်ꩻခံႏဒါႏ၊ ရိုႏရိုႏသေႏသေႏ ခံႏထူႏငေါဝ်းဆွုံꩻမꩻ'၊ ကွပ်အုံနောင်တရာꩻယိုဖုံႏတွော့ꩻ ရွို့ꩻတဝ်းလို့ဝင်ꩻ၊ ဖြမ်းဗူႏဒျာႏလို့ဝင်ꩻနဝ်ꩻသွူ။\n၅။ ရဟန်ꩻနဝ်ꩻနဝ်ꩻ မာꩻဖေႏဒါႏသံဃာႏကိစ္စ၊ မာꩻထာꩻလွꩻတဝ်း၊ အီႏမာꩻဗာႏထမုဲင်ꩻသူႏသေ၊ မာꩻတဲ့မာꩻနွောင်ꩻ၊ ကွပ်အုံနောင်တရာꩻယိုဖုံႏတွော့ꩻ ရွို့ꩻတဝ်းလို့ဝင်ꩻ၊ ဖြမ်းဗူႏဒျာႏလို့ဝင်ꩻနဝ်ꩻသွူ။\n၆။ ရဟန်ꩻနောဝ်ꩻနောဝ်ꩻ ဝါႏသနာႏတရာꩻ၊ ဒေါ့ꩻထာꩻဖုဲင်ႏနာႏ၊ သꩻပါမွေးစွဉ်ႏ သုတ် အဘိဓမ္မာႏ ဝိနယ်ꩻ၊ ကွပ်အုံနောင်တရာꩻယိုဖုံႏတွော့ꩻ ရွို့ꩻတဝ်းလို့ဝင်ꩻ၊ ဖြမ်းဗူႏဒျာႏလို့ဝင်ꩻနဝ်ꩻသွူ။\n၇။ ရဟန်ꩻနဝ်ꩻနဝ်ꩻ အဝ်ႏကျိုꩻစာꩻပယ်ႏထိုꩻ အကုသိုလ်ႏ၊ အဝ်ႏသောင်ႏသာမာꩻမွေး ကုသိုလ်ႏ၊ မာꩻသေႏသေႏကုသိုလ်ႏ၊ တန်ꩻတဝ်းတဲ့ယဝ်း အွက်ႏလွတ်တဝ်းကုသိုလ်ႏ၊ ကွပ်အုံနောင်တရာꩻယိုဖုံႏတွော့ꩻ ရွို့ꩻတဝ်းလို့ဝင်ꩻ၊ ဖြမ်းဗူႏဒျာႏလို့ဝင်ꩻနဝ်ꩻသွူ။\n၈။ ရဟန်ꩻနဝ်ꩻနဝ်ꩻ (လောႏဘꩻတဝ်း ပစ္စေꩻလစ်ꩻပါꩻ) ကားကထွိုက်ရာꩻ သွုံꩻဆောင်ႏဒျာႏ၊ ကွပ်အုံနောင်တရာꩻယိုဖုံႏတွော့ꩻ ရွို့ꩻတဝ်းလို့ဝင်ꩻ၊ ဖြမ်းဗူႏဒျာႏလို့ဝင်ꩻနဝ်ꩻသွူ။\n၉။ ရဟန်ꩻနောဝ်ꩻနဝ်ꩻ သတိꩻဟောဝ်ငါႏ၊ သတိꩻဟောဝ်မွေးစွဉ်ႏထာꩻ၊ ကဒေါ့ꩻဖို ငေါဝ်းလီꩻစခါဖုံႏနောဝ်ꩻ တောင်ꩻချာလို့ဒျာႏ၊ ကွပ်အုံနောင်တရာꩻယိုဖုံႏတွော့ꩻ ရွို့ꩻတဝ်းလို့ဝင်ꩻ၊ ဖြမ်းဗူႏဒျာႏလို့ဝင်ꩻနဝ်ꩻသွူ။\n၁၀။ ရဟန်ꩻနဝ်ꩻနဝ်ꩻ ဝိပဿနာႏဉာဏ်ႏအဝ်ႏ၊ ပညာႏလꩻအီ နိဗ္ဗာန်ႏအဝ်ႏ၊ ကွပ်အုံနောင်တရာꩻယိုဖုံႏတွော့ꩻ ရွို့ꩻတဝ်းလို့ဝင်ꩻ၊ ဖြမ်းဗူႏဒျာႏလို့ဝင်ꩻနဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ ဘဏ္ဍနသုတ်)\n\nအာႏကွိုꩻ","num_words":417,"character_repetition_ratio":0.176,"word_repetition_ratio":0.145,"special_characters_ratio":0.068,"stopwords_ratio":0.012,"flagged_words_ratio":0.0,"lang_id_score":1.0,"perplexity_score":2970.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%91%E1%80%BD%E1%80%89%E1%80%BA%E1%82%8F%E1%80%81%E1%80%9B%E1%80%AC%E1%82%8F%E1%80%9C%E1%80%AD%E1%80%AF%E1%82%8F%E1%80%90%E1%80%9D%E1%80%BA%E1%80%B8","collection":"wikipedia","source":"wikipedia","original_code":"blk","text":"\"စေတနာ ကရဏီယသုတ် (ထွဉ်ႏခရာႏလိုႏတဝ်း)\"\nနီဗွေႏဘုရာꩻဟော်ꩻဖေႏ ရဟန်ꩻသီးဖုံႏတရာꩻနုဲင်းယို-\n\"ရဟန်ꩻသီးဖုံႏဟွေး-\n၁။ သီလသမ္ပန္နဿ န စေတနာယ ကရဏီယံ-\nပေါႏလိုꩻသီႏလအဝ်ႏသွူနဝ်ꩻ 'ခွေသꩻချမ်ꩻသာႏသွော့ဟုဲင်း'ထွဉ်ႏခရာႏနုဲင်းနဝ်ꩻ တလိုႏတောဝ်း၊ ဓမ္မတာ ဧတာ- အထွုံꩻစံႏ သꩻချမ်ꩻသာႏလွဉ်ဒျာႏ။\n၂။ အဝိပ္ပဋိသာရဿ န စေတနာယ ကရဏီယံ-\nပေါႏလိုꩻသꩻချမ်ꩻသာႏသွူနဝ်ꩻ 'ခွေသꩻရေꩻသွော့ဟုဲင်း'ထွဉ်ႏခရာႏနုဲင်းနဝ်ꩻ တလိုႏတောဝ်း၊ ဓမ္မတာ ဧတာ- အထွုံꩻစံႏ သꩻရေꩻလွဉ်ဒျာႏ။\n၃။ ပမုဒိတဿ န စေတနာယ ကရဏီယံ-\nပေါႏလိုꩻသꩻရေꩻသွူနဝ်ꩻ 'ခွေသꩻနစ်သက်သွော့ဟုဲင်း'ထွဉ်ႏခရာႏနုဲင်းနဝ်ꩻ တလိုႏတောဝ်း၊ ဓမ္မတာ ဧတာ- အထွုံꩻစံႏ သꩻနစ်သက်လွဉ်ဒျာႏ။\n၄။ ပီတိမနဿ န စေတနာယ ကရဏီယံ-\nပေါႏလိုꩻနစ်သက်သွူနဝ်ꩻ 'ခွေသꩻငိမ်ꩻခွꩻသွော့ဟုဲင်း'ထွဉ်ႏခရာႏနုဲင်းနဝ်ꩻ တလိုႏတောဝ်း၊ ဓမ္မတာ ဧတာ- အထွုံꩻစံႏ သꩻငိမ်ꩻခွꩻလွဉ်ဒျာႏ။\n၅။ ပဿဒ္ဓကာယဿ န စေတနာယ ကရဏီယံ-\nပေါႏလိုꩻနမ်းငိမ်ꩻခွꩻသွူနဝ်ꩻ 'ခွေသꩻချမ်ꩻသာႏသွော့ဟုဲင်း'ထွဉ်ႏခရာႏနုဲင်းနဝ်ꩻ တလိုႏတောဝ်း၊ ဓမ္မတာ ဧတာ- အထွုံꩻစံႏ သꩻချမ်ꩻသာႏလွဉ်ဒျာႏ။\n၆။ သုခိနော န စေတနာယ ကရဏီယံ-\nပေါႏလိုꩻသꩻချမ်ꩻသာႏသွူနဝ်ꩻ 'ခွေသꩻစွူသွော့ဟုဲင်း'ထွဉ်ႏခရာႏနုဲင်းနဝ်ꩻ တလိုႏတောဝ်း၊ ဓမ္မတာ ဧတာ- အထွုံꩻစံႏ သꩻစွူလွဉ်ဒျာႏ။\n၇။ သမာဟိတဿ န စေတနာယ ကရဏီယံ-\nပေါႏလိုꩻသꩻစွူသွူနဝ်ꩻ 'ဖေႏကသေသွော့ ခန္ဓာႏအမွေး-အမွေးအတွိုင်ꩻဟုဲင်း'ထွဉ်ႏခရာႏနုဲင်းနောဝ်ꩻ တလိုႏတဝ်း၊ ဓမ္မတာ ဧတာ- အထွုံꩻစံႏ သေလွဉ်ဒျာႏ။\n၈။ ယထာဘူတံ န စေတနာယ ကရဏီယံ-\nပေါႏလိုꩻသီႏလအဝ်ႏသွူနဝ်ꩻ 'ခွေသꩻချမ်ꩻသာႏသွော့ဟုဲင်း'ထွဉ်ႏခရာႏနုဲင်းနဝ်ꩻ တလိုႏတောဝ်း၊ ဓမ္မတာ ဧတာ- အထွုံꩻစံႏ သꩻချမ်ꩻသာႏလွဉ်ဒျာႏ။\n၉။ နိဗ္ဗိန္ဒဿ န စေတနာယ ကရဏီယံ-\nပေါႏလိုꩻဗွိုႏအန်ꩻသွူ ခန္ဓာႏနဝ်ꩻ 'ခွေသꩻဖေႏကတထဲ့ꩻမွုန်း ခန္ဓာႏယိုဟုဲင်း'ထွဉ်ႏခရာႏနုဲင်းနဝ်ꩻ တလိုႏတဝ်း၊ ဓမ္မတာ ဧတာ- အထွုံꩻစံႏဒျာႏ သꩻတထဲ့ꩻတဝ်းဒွုမ် ခန္ဓာႏ။\n၁၀။ ဝိရတ္တဿ န စေတနာယ ကရဏီယံ-\nပေါႏလိုꩻသꩻတထဲ့ꩻတဝ်းဒွုမ်ခန္ဓာႏနဝ်ꩻ 'သꩻလွစ်ထန်ႏလꩻသွော့ ကိလေႏသာႏဟုဲင်း'ထွဉ်ႏခရာႏနုဲင်းနဝ်ꩻ တလိုႏတောဝ်း၊ ဓမ္မတာ ဧတာ- အထွုံꩻစံႏဒျာႏ သꩻလွစ်ထန်ႏလꩻ ကိလေႏသာႏဒျာႏရင်ꩻ။\n၁၁။ ပေါႏလိုꩻသꩻလွစ်ထန်ႏလꩻသွူ ကိလေႏသာႏနဝ်ꩻ 'ခွေသꩻလွစ်လꩻလဲဉ်း ကိလေႏသာႏ'ကသေနာႏနုဲင်းနဝ်ꩻနဝ်ꩻ အထွုံꩻစံႏဒျာႏ အကျိုꩻအဝ်ႏငါႏ နုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဧကာဒသကနိပါတ်၊ စေတနာကရဏီယသုတ်)\n\nအာႏကွိုꩻ","num_words":440,"character_repetition_ratio":0.169,"word_repetition_ratio":0.232,"special_characters_ratio":0.104,"stopwords_ratio":0.007,"flagged_words_ratio":0.0,"lang_id_score":1.0,"perplexity_score":2073.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%91%E1%80%BD%E1%80%AD%E1%80%AF%E1%80%84%E1%80%BA%E1%82%8F%E1%80%81%E1%80%94%E1%80%BA%E1%80%B8%E1%80%9C%E1%80%AF%E1%80%B2%E1%80%84%E1%80%BA%E1%80%B8%E1%80%95%E1%80%AD%E1%80%AF","collection":"wikipedia","source":"wikipedia","original_code":"blk","text":"\"ထွိုင်ႏခန်းလုဲင်းပို\"\n\nမို့ꩻမော့ကွဉ်ႏသူꩻ     မွူးပယွုမ်းင\n\nအရောင်ႏထန်ႏစ     လေလွဉ်ဖေႏ ။\n\nအဲ့ꩻမဲ့ထွားမွိုင်      ထာꩻလေလဲဉ်းမွော့\n\nသေထွိုင်ႏခန်းသွော့  ပိုခိုပေႏ ။\n\nအဲ့ꩻမဲ့ထွားမွိုင်      ထာꩻလေလဲဉ်းမွော့\n\nသေထွိုင်ႏခန်းသွော့  ပိုမူႏပေႏ ။\n\nဝါးပေႏဖုံႏတဲ့       မဲ့သေစောဝ်းတဲင်\n\nတချင်ꩻအငေါဝ်း    တလေ့နေႏ ။\n\nထွိုင်ႏခန်းလုဲင်းပို    လွေꩻဖြားသွော့မဲ့\n\nဘုရာꩻသူꩻတဲ့      ယံရိုႏသေႏ ။\n\nထူႏလိတ်စောင်ႏတဲင် ထွားကျပ်လိတ်လုဲင်း\n\nမာꩻသွော့ကုဲင်းကုဲင်း  ယံဒါႏကေႏ ။\n\nထွိုင်ႏခန်းလုဲင်း     ပိုခိုပေႏ ။\n\nထွိုင်ႏခန်းလုဲင်း     ပိုမူႏပေႏ ။\n\nအာႏကွိုꩻ","num_words":62,"character_repetition_ratio":0.125,"word_repetition_ratio":0.0,"special_characters_ratio":0.191,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":20613.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%92%E1%80%AB%E1%82%8F%E1%80%94%E1%80%80%E1%80%AF%E1%80%9E%E1%80%AD%E1%80%AF%E1%80%9C%E1%80%BA%E1%82%8F%20%E1%80%95%E1%80%9E%E1%80%AC%E1%80%90%E1%80%BD%E1%80%AD%E1%80%AF%E1%82%8F%E1%80%A1%E1%80%9B%E1%80%95%E1%80%BA","collection":"wikipedia","source":"wikipedia","original_code":"blk","text":"\"ပုညကြိယဝတ္ထုသုတ် (ဒါႏနကုသိုလ်ႏ၊ သီႏလကုသိုလ်ႏ ပသာတွိုႏအရပ်)\"\nရဟန်ꩻသီးဖုံႏဟွေး-\n၁။ လောကကိုယို လိုꩻယင်ဟန်ႏနောဝ်ꩻ 'ဒါႏနကုသိုလ်ႏတဲ့ မာꩻဆေ့ꩻဆေ့ꩻပေႏလွုမ်ꩻ၊ သီႏလကုသိုလ်ႏတဲ့ မာꩻဆေ့ꩻဆေ့ꩻပေႏလွုမ်ꩻ၊ ဘာႏဝနာႏကုသိုလ်ႏနဝ်ꩻ မာꩻဗာႏတဝ်း'၊ ဝွေꩻနဝ်ꩻ ထွိုင်ႏသီသဲင်ꩻထွာလိုꩻတဲ့ ထွာဒျာႏ လိုꩻဘွုန်ꩻကံႏပေႏ၊ သဲင်ꩻထွာဒျာႏ လိုꩻအညမ်းစား၊ လိုꩻအရန်းဖွိုႏမျိုꩻနောဝ်ꩻသွူ။\n၂။ လိုꩻယင်ဟန်ႏနဝ်ꩻ ကားကတတ်နွိုင်ႏ မာꩻဒါႏနကုသိုလ်ႏ၊ ကားကတတ်နွိုင်ႏ မာꩻသီႏလကုသိုလ်ႏလွုမ်ꩻ၊ ဘာႏဝနာႏနောဝ်ꩻ မာꩻဗာႏတဝ်း၊ ဝွေꩻနဝ်ꩻ ထင်ႏသီသဲင်ꩻထွာ လိုꩻဘွုန်ꩻကံႏတန်၊ သဲင်ꩻထွာ လိုꩻမျတ်မျိုꩻနောဝ်ꩻသွူ။\n၃။ လိုꩻယင်ဟန်ႏနဝ်ꩻ မာꩻမွေးစွဉ်ႏ ဒါႏနကုသိုလ်ႏ၊ မာꩻမွေးစွဉ်ႏ သီႏလကုသိုလ်ႏလွုမ်ꩻ၊ ဘာႏဝနာႏနောဝ်ꩻ မာꩻဗာႏတဝ်း၊ ဝွေꩻနဝ်ꩻ တိန်ႏသီ ထင်ႏကီထွာလူꩻ 'စာတုမဟာရာဇ်'၊ လူꩻစာတုမဟာရာဇ်ကို ဝွေꩻယိုနဝ်ꩻ သက်ဆွာꩻလဲဉ်းဝင်ꩻ၊ ယောင်ꩻရေꩻလဲဉ်းဝင်ꩻ၊ ချမ်ꩻသာႏလဲဉ်းဝင်ꩻ၊ သွဉ်းသယ်ႏသွꩻခွ အာလဲဉ်းဝင်ꩻ၊ ဩဇာႏအာႏဏာႏ ဟောဝ်လဲဉ်းဝင်ꩻ၊ မဲ့အာႏရွုံႏ၊ နားအာႏရွုံႏ၊ နေ့ꩻဖူအာႏရွုံႏ၊ ဖြေꩻအာႏရွုံႏ၊ နမ်းအာႏရွုံႏ ကာႏမဂွုဏ်ႏ အာႏရွုံႏငတ်ꩻပါꩻတဲ့ စံႏစာꩻလွိုဗာႏလဲဉ်းဝင်ꩻ၊ အမျိုꩻတဆီယိုနဝ်ꩻ ဝွေꩻလွိုလဲဉ်းက လူꩻ(စာတုမဟာရာဇ်)အလင်ဖုံႏနောဝ်ꩻသွူ။\n၄။ လိုꩻယင်ဟန်ႏနဝ်ꩻ 'ဒါႏနကုသိုလ်ႏတဲ့နဝ်ꩻ သီႏလကုသိုလ်ႏတဲ့နဝ်ꩻ' ယိန်းမာꩻမွေးလဲဉ်းနဝ်ꩻ၊ ဘာႏဝနာႏကုသိုလ်ႏနဝ်ꩻ မာꩻဗာႏတဝ်း၊ ဝွေꩻနဝ်ꩻ စိန်ႏသီထင်ႏကီထွာလူꩻ 'တာဝတိံသာႏ'၊ သက်ဆွာꩻ၊ ယောင်ꩻရေꩻ-စတဲင် အမျိုꩻတဆီနဝ်ꩻ ဝွေꩻလွိုဝင်ꩻနောဝ်ꩻသွူ။\n၅။ လိုယင်ဟန်ႏနဝꩻ ဒါႏနကုသိုလ်ႏတဲ့နဝ်ꩻ၊ သီႏလကုသိုလ်ႏတဲ့နဝ်ꩻ ယိန်းမာꩻမွေးလဲဉ်းနဝ်ꩻ၊ ဘာႏဝနာႏကုသိုလ်ႏနဝ်ꩻ မာꩻဗာႏတဝ်း၊ ဝွေꩻနဝ်ꩻ ကထွိုင်ႏသီ ထင်ႏကီထွာလူꩻ 'ယာႏမာႏ'၊ သက်ဆွာꩻ၊ ယောင်ꩻရေꩻ-စတဲင် အမျိုꩻတဆီနဝ်ꩻ ဝွေꩻလွိုလဲဉ်းဝင်ꩻ။\n၆။ လိုꩻယင်ဟန်ႏနဝ်ꩻ ဒါႏနကုသိုလ်ႏတဲ့နဝ်ꩻ၊ သီႏလကုသိုလ်ႏတဲ့နဝ်ꩻ ယိန်းမာꩻမွေးလဲဉ်းဝင်ꩻ၊ ဘာႏဝနာႏကုသိုလ်ႏနဝ်ꩻ မာꩻဗာႏတဝ်း၊ ဝွေꩻနဝ်ꩻ ကထင်ႏသီ တွိုႏကီထွာလူꩻ'တုသီႏတာႏ'၊ သက်ဆွာꩻ၊ ယောင်ꩻရေꩻ-စတဲင် အမျိုꩻတဆီနဝ်ꩻ ဝွေꩻလွိုလဲဉ်းဝင်ꩻ။\n၇။ လိုꩻယင်ဟန်ႏနဝ်ꩻ ဒါႏနကုသိုလ်ႏတဲ့နဝ်ꩻ၊ သီႏလကုသိုလ်ႏတဲ့နဝ်ꩻ ယိန်းမာꩻမွေးလဲဉ်းနဝ်ꩻ၊ ဘာႏဝနာႏကုသိုလ်ႏနဝ်ꩻ မာꩻဗာႏတဝ်း၊ ဝွေꩻနဝ်ꩻ ကတိန်ႏသီ ထင်ႏကီထွာလူꩻ'နိမ္မာနရတိ'၊ သက်ဆွာꩻ၊ ယောင်ꩻရေꩻ-စတဲင် အမျိုꩻတဆီနဝ်ꩻ ဝွေꩻလွိုလဲဉ်းဝင်ꩻ။\nရဟန်ꩻသီးဖုံႏဟွေး-\n၈။ လောကကိုယို လိုꩻယင်ဟန်ႏနဝ်ꩻ ဒါႏနကုသိုလ်ႏတဲ့ ယိင်းမာꩻမွေးလဲဉ်းနဝ်ꩻ၊ သီႏလကုသိုလ်ႏတဲ့ ယိင်းမာꩻမွေးလဲဉ်းနောဝ်ꩻ၊ ဘာႏဝနာႏကုသိုလ်ႏနောဝ်ꩻ မာꩻဗာႏတောဝ်း၊ ဝွေꩻကစိန်ႏသီ ထင်ႏကီထွာလူꩻ 'ပရနိမ္မိတဝသဝတ္တီႏ'၊ သက်ဆွာꩻ၊ ယောင်ꩻရေꩻ၊ ချမ်ꩻသာႏ၊ သွꩻအာ၊ ဩဇာႏအဝ်ႏလဲဉ်းဝင်ꩻ၊ ကာႏမဂွုဏ်ႏ အာႏရွုံႏငတ်ꩻပါꩻ စံႏစာꩻဗာႏလွိုလဲဉ်းဝင်ꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ အဋ္ဌကနိပါတ်၊ ဒါနဝဂ်၊ ပုညကြိယဝတ္ထုသုတ်)\n\nအာႏကွိုꩻ","num_words":422,"character_repetition_ratio":0.122,"word_repetition_ratio":0.143,"special_characters_ratio":0.079,"stopwords_ratio":0.012,"flagged_words_ratio":0.0,"lang_id_score":1.0,"perplexity_score":3701.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%92%E1%80%AF%E1%80%85%E1%80%9B%E1%80%B2%E1%80%80%E1%80%BA%E1%80%9E%E1%80%BD%E1%80%85%E1%80%BA%EA%A9%BB%E1%80%99%E1%80%BB%E1%80%AD%E1%80%AF%EA%A9%BB%E1%80%80%E1%80%BB%E1%80%AD%E1%80%AF%EA%A9%BB%E1%80%9E%E1%80%BD%E1%80%85%E1%80%BA%EA%A9%BB%E1%80%85%E1%80%AC%E1%80%B8","collection":"wikipedia","source":"wikipedia","original_code":"blk","text":"\"ဒုစ္စရိတဝိပါက (ဒုစရဲက်သွစ်ꩻမျိုꩻ-အကျိုꩻသွစ်ꩻစား)\"\nရဟန်ꩻသီးဖုံႏဟွေး-\n၁။ ပါဏာတိပါတဿ ဝိပါကော အပ္ပါယုကသံဝတ္တနိကော ဟောတိ-\n'မာꩻသီအာဝင်ꩻသက်'ဒုစရဲက်ယိုတမျိုꩻအကျိုꩻနဝ်ꩻ ထဲ့ငါးရုဲင်ꩻ၊ ထွာတိရစ္ဆာန်ႏ၊ ထွာပိတ္တာႏ၊ အဖွီသွတ်ꩻအကျိုꩻနဝ်ꩻ ထွာလိုꩻ'သက်ဒွေါင်ႏ'နောဝ်ꩻသွူ။\n၂။ အဒိန္နာဒါနဿ ဝိပါကော ဘောဂဗျသနသံဝတ္တနိကော ဟောတိ-\n'ထူႏတခွန်ꩻအာ ဝင်ꩻတခြိုꩻ'ဒုစရဲက်ယိုတမျိုꩻအကျိုꩻနဝ်ꩻ ထဲ့ငါးရုဲင်ꩻ၊ ထွာတိရစ္ဆာန်ႏ၊ ထွာပိတ္တာႏ၊ အဖွီသွတ်ꩻအကျိုꩻနဝ်ꩻ ထွာလိုꩻ'တခြိုꩻသွုမ်ꩻကုဲင်ခြေင်'နောဝ်ꩻသွူ။\n၃။ ကာမေသုမိစ္ဆာစာရဿ ဝိပါကော သပတ္တဝေရသံဝတ္တနိကော ဟောတိ-\n'ပဲ့စ်မာႏအာဝင်ꩻပိုမာ'ဒုစရဲက်ယိုတမျိုꩻအကျိုꩻနဝ်ꩻ ထဲ့ငါးရုဲင်ꩻ၊ ထွာတိရစ္ဆာန်ႏ၊ ထွာပိတ္တာႏ၊ အဖွီသွတ်ꩻအကျိုꩻနဝ်ꩻ ထွာလိုꩻ'ရန်ႏသူႏအာ'နောဝ်ꩻသွူ။\n၄။ မုသာဝါဒဿ ဝိပါကော အဘူတဗ္ဘက္ခာနသံဝတ္တနိကော ဟောတိ-\n'ဒေါ့ꩻလဲဉ်အာထာꩻ'ဒုစရဲက်ယိုတမျိုꩻအကျိုꩻနဝ်ꩻ ထဲ့ငါးရုဲင်ꩻ၊ ထွာတိရစ္ဆာန်ႏ၊ ထွာပိတ္တာႏ၊ အဖွီသွတ်ꩻအကျိုꩻနဝ်ꩻ ထွာလိုꩻ'ခံႏဗာႏဝင်ꩻစွတ်စွယ်ꩻ'နောဝ်ꩻသွူ။\n၅။ ပိသုဏာယ ဝါစာယ ဝိပါကော မိတ္တေဟိ ဘေဒနသံဝတ္တနိကော ဟောတိ-\n'အံႏစာဝင်ꩻမဉ်ꩻ-သွေꩻကုဲင်အာဝင်ꩻ'ဒုစရဲက်ယိုတမျိုꩻအကျိုꩻနဝ်ꩻ ထဲ့ငါးရုဲင်ꩻ၊ ထွာတိရစ္ဆာန်ႏ၊ ထွာပိတ္တာႏ၊ အဖွီသွတ်ꩻအကျိုꩻနဝ်ꩻ ထွာလိုꩻ'တွမ်ႏသွꩻတဲ့ꩻခေါဝ်းတဝ်း'နောဝ်ꩻသွူ။\n၆။ ဖရုသာယ ဝါစာယ ဝိပါကော အမနာပသဒ္ဒသံဝတ္တနိကော ဟောတိ-\n'ဒေါ့ꩻငေါဝ်းကျံꩻထမ်ꩻ'ဒုစရဲက်ယိုတမျိုꩻအကျိုꩻနဝ်ꩻ ထဲ့ငါးရုဲင်ꩻ၊ ထွာတိရစ္ဆာန်ႏ၊ ထွာပိတ္တာႏ၊ အဖွီသွတ်ꩻအကျိုꩻနဝ်ꩻ ထွာလိုꩻ'ဒေါ့ꩻထာꩻဝင်ꩻနာႏလꩻတောဝ်း'နောဝ်ꩻသွူ။\n၇။ သမ္ဖပလာပဿ ဝိပါကော အနောဒေယျစာဝါသံဝတ္တနိကော ဟောတိ-\n'ဒေါ့ꩻငေါဝ်းသိုႏဖျင်ꩻ'ဒုစရဲက်ယိုတမျိုꩻအကျိုꩻနဝ်ꩻ ထဲ့ငါးရုဲင်ꩻ၊ ထွာတိရစ္ဆာန်ႏ၊ ထွာပိတ္တာႏ၊ အဖွီသွတ်ꩻအကျိုꩻနဝ်ꩻ ထွာလိုꩻ'ဒေါ့ꩻထာꩻဝင်ꩻနာႏတောဝ်း'နောဝ်ꩻသွူ။\n၈။ သုရာမေရယပါနဿ ဝိပါကော ဥမ္မတ္တကသံဝတ္တနိကော ဟောတိ-\n'အွꩻအာဒေါဝ်-စွယ်ꩻသူႏရာႏ'ဒုစရဲက်ယိုတမျိုꩻအကျိုꩻနဝ်ꩻ ထဲ့ငါးရုဲင်ꩻ၊ ထွာတိရစ္ဆာန်ႏ၊ ထွာပိတ္တာႏ၊ အဖွီသွတ်ꩻအကျိုꩻနဝ်ꩻ သဲင်ꩻထွာလိုꩻ'ထွာလိုꩻဗား'နောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ အဋ္ဌကနိပါတ်၊ ဒါနဝဂ်၊ ဒုစ္စရတိတဝိပါကသုတ်)\n\nအာႏကွိုꩻ","num_words":398,"character_repetition_ratio":0.156,"word_repetition_ratio":0.116,"special_characters_ratio":0.086,"stopwords_ratio":0.035,"flagged_words_ratio":0.0,"lang_id_score":1.0,"perplexity_score":508.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%92%E1%80%B1%E1%80%9D%E1%80%92%E1%80%90%E1%80%BA%E1%80%A1%E1%80%AE%E1%82%8F%E1%80%91%E1%80%B2%E1%80%B7%E1%80%84%E1%80%AB%E1%80%B8%E1%80%9B%E1%80%AF%E1%80%B2%E1%80%84%E1%80%BA%EA%A9%BB","collection":"wikipedia","source":"wikipedia","original_code":"blk","text":"\"ပုရိသိန္ဒြိယသုတ် (ဘုရာꩻဟော်ꩻတောက်သတ် ဒေဝဒတ် အီႏထဲ့ဗာႏငါးရုဲင်ꩻ)\"\nအွိုးခꩻတလဲင်ႏ-\nနီဗွေႏဘုရာꩻတွမ်ႏသံဃာႏ ကျွꩻလွေꩻကောသလခမ်းကို၊ တွိုႏလွေꩻ 'ဒဏ္ဍကပ္ပက'ဒုံတန်ထျꩻ၊ ချꩻအုံပဆား တဖူꩻသောင်၊ နီဗွေႏဘုရာꩻနဝ်ꩻ အုံသေင်ႏမွူးတမွူးဆလ ထာꩻဒါကို၊ ရဟန်ꩻယင်ဟန်ႏနဝ်ꩻ နွို့သဲင်ꩻဒုံ၊ သဲင်ꩻထုမ်ႏထွားရီး အီႏတယ်ꩻခိုႏခင်ႏလမ်း။\nဗွေႏအာႏနန္တာႏတွမ်ႏ ရဟန်ꩻစွိုꩻအာဖုံႏနဝ်ꩻ လွေꩻသပ္ပါယ်ႏထီ 'အစိရဝတီ'ထီခြောင်ကို၊ ဗွေႏအာႏနန္တာႏနဝ်ꩻ သပ္ပါယ်ႏထီထွူ အုံတင်းယာခိုး၊ ဒေဝဒတ်သွꩻ ရဟန်ꩻတပါꩻလွဉ်ထေ့ ဗွေႏအာႏနန္တာႏ၊ ရီစဲစ်နုဲင်းယို-\n\"ဗွေႏအာႏနန္တာႏ-\nနီဗွေႏဘုရာꩻ သေနောက်နောက်နောင်ꩻနောင်ꩻ ဒေဝဒတ်သꩻတဲင် 'ဒေဝဒတ်နဝ်ꩻ အီႏတွိုႏဗာႏအပါယ်ႏ၊ အီႏထဲ့ဗာႏငါးရုဲင်ꩻ၊ အအီႏခံႏဗာႏငါးရုဲင်ꩻ အာယုကပ်တကပ်လုမ်းလုမ်း၊ မာꩻနုဲင်းမုဲင်ꩻမုဲင်ꩻတဲ့ယဝ်း လဲ့ꩻတလွစ်တဝ်းဒွုမ်'ကရိုꩻနဝ်ꩻ ဗွေႏဘုရာꩻဒေါ့ꩻမွေးဒျာႏဟောင်း၊ ဝါလွော်တွော့ꩻ ဒေါ့ꩻလောက်ꩻဒျာႏဟောင်း\"\n\"နီဗွေႏဘုရာꩻ ဒေါ့ꩻမွေးဒျာႏ၊ ဒေါ့ꩻလောက်ꩻမွေးတောဝ်း\"\nအဝ်ႏနဝ်ꩻထွူတွော့ꩻ ဗွေႏအာႏနန္တာႏ လွေꩻလောဝ်းနယ် ဗွေႏဘုရာꩻ၊ ဗွေႏဘုရာꩻရိုꩻ-\n\"အာႏနန္တာႏ-\nရဟန်ꩻကလွဉ်ရီသားနဝ်ꩻ အစဗုဲင်ဟောင်း (အသေစဲင်းတဝ်း ဒေဝဒတ်ခရာႏဟောင်း)သနယ်၊ မဉ်ႏထွာဒျာႏလိုꩻလီꩻ ရဟန်ꩻတန်နဝ်ꩻ ရဟန်ꩻနဝ်ꩻ လိုꩻမွိုက်တန်၊ လိုꩻလိန်ႏမာႏမွေးတဝ်း၊ သူႏသေတဝ်းထာꩻမꩻ 'ဒေါ့ꩻမွေးနဲ့၊ ဒေါ့ꩻလောက်ꩻနဲ့'နဝ်ꩻ ဝွေꩻတခွယ်ꩻဒါႏတဝ်းနဝ်ꩻသနယ်။\n\"အာႏနန္တာႏ-\nသေနောက်နောက်နောင်ꩻနောင်ꩻ ဒေဝဒတ်သꩻတဲင် အီႏဒေါ့ꩻတောက်သတ်ဗာႏ-နုဲင်းဒေဝဒတ်ယိုနဝ်ꩻ လိုꩻလင်နဝ်ꩻ ထီႏတဝ်း(ဒေါ့ꩻဖိုတဝ်း)၊\nခွေမဉ်ႏထီႏ ဒေဝဒတ်သꩻ(သဘော်ꩻ)အကြောင်းအစင် 'တတျာငါ-ကလူꩻနာ'ငါနဝ်ꩻ 'ဒေဝဒတ်နောဝ်ꩻ အီႏတွိုႏဗာႏငါးရုဲင်ꩻ၊ အီႏထဲ့ဗာႏငါးရုဲင်ꩻ၊ အအီႏခံႏဗာႏငါးရုဲင်ꩻ အာယုကပ်တကပ်လိုမ်းလိုမ်း၊ မာꩻနုဲင်းမုဲင်ꩻမုဲင်ꩻတဲ့ယဝ်း တလွစ်နွောင်ꩻတဝ်းဒွုမ်'ခွေတဒေါ့ꩻစွဉ်ႏတရွဉ်းတဝ်းနုဲင်းနဝ်ꩻ။\nဒေဝဒတ်သꩻ(သဘော်ꩻ) အကြောင်းအစင် 'တတျာငါ-ကလူꩻနာ'ငါနဝ်ꩻ တထီႏတဝ်းလာꩻလာꩻမꩻ ဒေါ့ꩻတောက်သတ်၊ ဒေါ့ꩻစွဉ်ႏတရွဉ်းဗာႏနုဲင်းန���ာဝ်ꩻသွူ။\nအာႏနန္တာႏ-\nဖေႏနေးကသေနာႏ မဉ်ႏဥပမာႏနဝ်ꩻ- အေႏအောင်တအောင်နဝ်ꩻ ယော့တထွိုင်ႏလိုꩻ၊ အေႏအောင်နဝ်ꩻ ဗွေတွောင်းတဲ့လဲဉ်း၊ ပါꩻတဖြာꩻနဝ်ꩻ ထဲ့သော့ꩻအေႏအောင်နဝ်ꩻ အေႏဗဉ်ႏစွဉ်ႏအကတူႏ၊\nပါꩻခꩻတဖြာꩻ မဉ်ကယ်ႏထန်ႏဝွေꩻတဲင် လောႏလေပ်အေႏအောင်ထွား၊ ပါꩻကထဲ့သားနဝ်ꩻ တွေꩻအီႏစံႏ၊ ဝွေꩻအီႏငင်ႏ 'အေႏတဗွို့ꩻတဝ်း ပါꩻထဲ့အေႏအောင်သားနမ်းနဝ်ꩻ တတျာ-ကလူꩻနာငါ'တဲ့ တထီႏတဝ်း။\nအဗွန်ပီနုဲင်းနဝ်ꩻနေနေ-\nဒေဝဒတ်သꩻ(သဘော်ꩻ) အကြောင်းအစင်နောဝ်ꩻ တတျာ-ကလူꩻနာငါတဲ့ တထီႏတဝ်းလာꩻလာꩻမꩻ ဒေါ့ꩻစွဉ်ႏတရွဉ်းဗာႏစွဉ်ႏ 'ဒေဝဒတ်အီႏထဲ့ငါးရုဲင်ꩻ'နောဝ်ꩻသွူ။ \n\"ဗွေႏဘုရာꩻဉာဏ်ႏတောႏသေ သတ္တဝါႏသီးဣန္ဒြေႏ အဆားအဖြား\"\n\"အာႏနန္တာႏ-\nသီမီႏမဉ်နာႏတရာꩻနဝ်ꩻ ခွေအီႏဟော်ꩻဖေႏသီ 'ပုရိသိန္ဒြိယဉာဏ်ႏ'တောႏခရာႏ၊ ကသေသတ္တဝါႏသီး ဣန္ဒြေႏအဆားအဖြားနဝ်ꩻ ကွပ်ဉာဏ်ႏတောႏနောဝ်ꩻသွူ\"။\n\"မဉ်နာႏငါႏဗွေႏ၊ အခိန်ႏယိုနဝ်ꩻ အခိန်ႏနာႏတရာꩻ၊ ဟော်ꩻကျာꩻဖေႏသွော့ နီသွဉ်းသီးဗွေႏဩ\"\n\"မွေးသွူအာႏနန္တာႏ-နာႏလွသွော့ဟုဲင်း၊\n၁။ လောကကိုယို ပုဂ္ဂိုလ်ႏယင်ဟန်ႏနဝ်ꩻ 'ကုသိုလ်ႏတရာꩻတဲ့အဝ်ႏ၊ အကုသိုလ်ႏတရာꩻတဲ့အဝ်ႏ'၊ နေးတွမ်ႏခွေသꩻတဲင် သေစဲင်းစဲ့ဝွေꩻသီးသꩻ၊ တွိုႏတလဲင်ႏတွော့ꩻ ပုဂ္ဂိုလ်ႏနဝ်ꩻနဝ်ꩻ ကုသိုလ်ႏတရာꩻ ထိုꩻမားလို့၊ အဝ်ႏကုဲင် အကုသိုလ်ႏတရာꩻလွုမ်ꩻ၊\nကွဲႏတွော့ꩻ ပုဂ္ဂိုလ်ႏနဝ်ꩻနဝ်ꩻ ကုသိုလ်ႏအရွီးနဝ်ꩻ အဝ်ႏနေကတဲင် အဝ်ႏအရွီးနဝ်ꩻ အီႏထွာယင်းကုသိုလ်ႏ၊ ပုဂ္ဂိုလ်ႏနဝ်ꩻနဝ်ꩻ တွိုႏဆုဲင်ꩻမဲ့ꩻ ကုသိုလ်ႏထွာချာ၊ (အသꩻဗွာ)ယင်းဒျာႏ၊ နေးတွမ်ႏခွေသꩻ (ခွေဉာဏ်ႏ)ဝွေႏဖန်ႏသေနုဲင်းနောဝ်ꩻသွူ။\nဥပမာႏ-အခြွီဆꩻဆꩻနဝ်ꩻ လွေꩻဆို့ꩻသော့ꩻ ဟံႏဟောဝ်ဟောဝ်ကို၊ ဖျိုးထိုꩻထာꩻအီႏ၊ ဆူဖေႏထီမွိုင်၊ အခြွီဖုံႏနဝ်ꩻနဝ်ꩻ အမွူးအီႏဒေါ့ꩻသေႏချာႏ၊ သေရီးဒျာႏ၊ ကုသိုလ်ႏရွီး (ကုသလမူလ) ကအဝ်ႏနေက ပုဂ္ဂိုလ်ႏနဝ်ꩻတဲ့ 'တွိုႏဆုဲင်ꩻချာ ကုသိုလ်ႏအီႏထွာယင်းဒျာႏ'ကရိုꩻနဝ်ꩻ နေးတွမ်ႏခွေသꩻ (ခွေဉာဏ်ႏ)ဝွေႏဖန်ႏ သေရီးနုဲင်းနဝ်ꩻသွူ။\nအာႏနန္တာႏဟွေး-\n၂။ လောကကိုယို ပုဂ္ဂိုလ်ႏယင်ဟန်ႏနဝ်ꩻ 'ကုသိုလ်ႏတရာꩻတဲ့အဝ်ႏ၊ အကုသိုလ်ႏတရာꩻတဲ့အဝ်ႏ'၊ နေးတွမ်ႏခွေသꩻတဲင် သေစဲင်းစဲ့ဝွေꩻသီးသꩻ၊ တွိုႏတလဲင်ႏတွော့ꩻ ပုဂ္ဂိုလ်ႏနဝ်ꩻနဝ်ꩻ အကုသိုလ်ႏတရာꩻ ထိုꩻမားလို့၊ အဝ်ႏကုဲင် ကုသိုလ်ႏတရာꩻလွုမ်ꩻ၊\nကွဲႏတွော့ꩻ ပုဂ္ဂိုလ်ႏနဝ်ꩻနဝ်ꩻ အကုသိုလ်ႏအရွီးနဝ်ꩻ အောဝ်ႏနေကတဲင် အဝ်ႏအရွီးနဝ်ꩻ အီႏထွာယင်းအကုသိုလ်ႏ၊ ပုဂ္ဂိုလ်ႏနဝ်ꩻနဝ်ꩻ တွိုႏဆုဲင်ꩻမဲ့ꩻ အကုသိုလ်ႏထွာချာ၊ ဝွေꩻသꩻဗွာ တဒေါ့ꩻနွောင်ꩻတဝ်း၊ နေးတွမ်ႏခွေသꩻ (ခွေဉာဏ်ႏ)ဝွေႏဖန်ႏသေနုဲင်းနောဝ်ꩻသွူ။\nဥပမာႏ-အခြွီဆꩻဆꩻနဝ်ꩻ လွေꩻအွဉ်ႏဒင်ႏလုံးလောင်း (အွဉ်ႏတင်းသဲင်ယာခိုး)၊ အခြွီဖုံႏနဝ်ꩻနဝ်ꩻ အမွူးတဒေါ့ꩻနွောင်ꩻတဝ်း'ကရိုꩻနဝ်ꩻ သေရီးစွဉ်ႏ၊ အနုဲင်းနဝ်ꩻနေနေ-အကုသိုလ်ႏရွီး (အကုသလမူလ) ကအဝ်ႏနေက ပုဂ္ဂိုလ်ႏနဝ်ꩻတဲ့ 'တွိုႏဆုဲင်ꩻချာ အကုသိုလ်ႏအီႏထွာယင်းဒျာႏ'၊ (ကုသိုလ်ႏသꩻဗွာ-တထွာနွောင်ꩻတဝ်း၊ သꩻဗွါတဒေါ့ꩻနွောင်ꩻတဝ်း)ကရိုꩻနဝ်ꩻ နေးတွမ်ႏခွေသꩻ (ခွေဉာဏ်ႏ)ဝွေႏဖန်ႏ သေရီးနုဲင်းနဝ်ꩻသွူ။\nအာႏနန္တာႏဟွေး-\n၃။ လောကကိုယို ပုဂ္ဂိုလ်ႏယင်ဟန်ႏနဝ်ꩻ 'ကုသိုလ်ႏတရာꩻတဲ့အဝ်ႏ၊ အကုသိုလ်ႏတရာꩻတဲ့အဝ်ႏ'၊ နေးတွမ်ႏခွေသꩻတဲင် သေစဲင်းစဲ့ဝွေꩻသီးသꩻ၊ တွိုႏတလဲင်ႏတွော့ꩻ ပုဂ္ဂိုလ်ႏနဝ်ꩻနဝ်ꩻ တရာꩻဗွာ(သꩻဗွာ) တတွာငါ-ကလူꩻနာငါတဲ့ အဲဉ်ထဝ်း၊ ပုဂ္ဂိုလ်ႏနဝ်ꩻနဝ်ꩻ အဝ်ႏဒျာႏ အကုသိုလ်ႏဖြေင်းကရစ်ꩻဖုံႏလွုမ်ꩻ၊ ခန္ဓာႏကုဲင်လီမဉ်ႏသီသူꩻနဝ်ꩻ 'အီႏထဲ့ဗာႏငါးရုဲင်ꩻ'ကရိုꩻနဝ်ꩻ နေးတွမ်ႏခွေသꩻ (ခွေဉာဏ်ႏ)ဝွေႏဖန်ႏသေနုဲင်းနောဝ်ꩻသွူ။\nဥပမာႏ-အခြွီသေင်(အခြွီသိုႏ)နဝ်ꩻ လွေꩻဆို့ꩻသော့ꩻ ဟံႏကိုတဲ့ယဝ်း တဒေါ့ꩻနွောင်ꩻတဝ်းနဝ်ꩻ သေရီးစွဉ်ႏဒျာႏနုဲင်းနောဝ်ꩻသွူ။\n\"သေရီး သတ္တဝါႏသီး ကုသိုလ်ႏ အကုသိုလ်ႏ\"\nအာနန္တာႏဟွေး-\n၄။ လောကကိုယို ပုဂ္ဂိုလ်ႏယင်ဟန်ႏနဝ်ꩻ 'ကုသိုလ်ႏတရာꩻတဲ့နဝ်ꩻ၊ အကုသိုလ်ႏတရာꩻတဲ့နဝ်ꩻ အဝ်ႏဒျာႏ' နေးတွမ်ႏခွေသꩻတဲင် သေစဲင်းစဲ့ဝွေꩻသီးသꩻ၊ တွိုႏတလဲင်ႏတွော့ꩻ ပုဂ္ဂိုလ်ႏနဝ်ꩻနဝ်ꩻ ကုသိုလ်ႏတရာꩻ ထိုꩻမားလို့၊ အဝ်ႏကုဲင် အကုသိုလ်ႏတရာꩻလွုမ်ꩻ၊\nကွဲႏတွော့ꩻ ပုဂ္ဂိုလ်ႏနဝ်ꩻနဝ်ꩻ ကုသိုလ်ႏအရွီးနဝ်ꩻ အဝ်ႏဒျာႏ၊ အဝ်ႏဒျာႏကရိုꩻကီတဲ့ 'အဝ်ႏခြေင်ထာꩻလွုမ်ꩻ၊ အတပွါꩻထဲင်းတဝ်း၊ အဝ်ႏဆွုတ်ယွုတ်တိတ်တိတ်ꩻလွုမ်ꩻ'ကရိုꩻနဝ်ꩻ သေရီးစွဉ်ႏသွူ။\nဥပမာႏ-မေႏအူတနျာႏတဲ့က်ꩻတဲ့က်ꩻနဝ်ꩻ လွေꩻအွဉ်ႏဒင်ႏ လုံးဖါးဖါးလောင်းနဝ်ꩻမွိုင် 'မေႏနဝ်ꩻနဝ်ꩻ အတိုꩻထဲင်းတဝ်း၊ အဝ်ႏအဖေ့သဲင်ꩻလွုမ်ꩻ'သေရီးစွဉ်ႏနုဲင်းနဝ်ꩻသွူ။\nဥပမာႏ-ခꩻတမျိုꩻနဝ်ꩻ ပေါႏမွူးပြေ့ꩻသွူတဲ့ 'အဝ်ႏကုဲင် အခေ့ꩻသဲင်ꩻလွုမ်ꩻ'သေရီးစွဉ်ႏနုဲင်းနဝ်ꩻသွူ။\nအာႏနန္တာႏဟွေး-\n၅။ လောကကိုယို ပုဂ္ဂိုလ်ႏယင်ဟန်ႏနဝ်ꩻ 'ကုသိုလ်ႏတရာꩻတဲ့နဝ်ꩻ၊ အကုသိုလ်ႏ��ရာꩻတဲ့နဝ်ꩻ အောဝ်ႏဒျာႏ' နေးတွမ်ႏခွေသꩻတဲင် သေစဲင်းစဲ့ဝွေꩻသီးသꩻ၊ တွိုႏတလဲင်ႏတွော့ꩻ ပုဂ္ဂိုလ်ႏနဝ်ꩻနဝ်ꩻ အကုသိုလ်ႏတရာꩻဖုံႏနဝ်ꩻ ထိုꩻမားလို့၊ အဝ်ႏကုဲင် ကုသိုလ်ႏတရာꩻလွုမ်ꩻ၊\nကွဲႏတွော့ꩻ ပုဂ္ဂိုလ်ႏနဝ်ꩻနဝ်ꩻ အကုသိုလ်ႏအရွီးနဝ်ꩻ အဝ်ႏဒျာႏ၊ အဝ်ႏကရိုꩻကီတဲ့ 'အဝ်ႏခြေင်ထာꩻလွုမ်ꩻ၊ အတပွါꩻထဲင်းတဝ်းတဲင် တွိုႏဆုဲင်ꩻချာသူꩻ ကအဝ်ႏကုဲင်ဒါႏ 'ကုသိုလ်ႏတရာꩻနဝ်ꩻ အီႏပွါꩻတောတောဒျာႏ'သေရီးဗာႏစွဉ်ႏနုဲင်းနဝ်ꩻ။\nဥပမာႏ-မေႏအူ-မေႏပျော်ꩻပါနဝ်ꩻ လွေꩻအွဉ်ႏဒင်ႏ မီꩻသဲင်ပွုမ်ႏလောင်းတရိုꩻတဝ်း၊ သိုႏပြုံႏလောင်းတရိုꩻတဝ်းမွိုင်၊ 'မေႏယိန်းတင်ႏအာအာ၊ မေႏခိုးငါငါ'ကရိုꩻနဝ်ꩻ သေရီးနွောင်ꩻစွဉ်ႏနောဝ်ꩻသွူ။\nအာႏနန္တာႏဟွေး-\n၆။ လောကကိုယို ပုဂ္ဂိုလ်ႏယင်ဟန်ႏနဝ်ꩻ 'ကုသိုလ်ႏတရာꩻတဲ့နဝ်ꩻ၊ အကုသိုလ်ႏတရာꩻတဲ့နဝ်ꩻ အဝ်ႏဒျာႏ' နေးတွမ်ႏခွေသꩻတဲင် သေစဲင်းစဲ့ဝွေꩻသီးသꩻ၊ တွိုႏတလဲင်ႏတွော့ꩻ ပုဂ္ဂိုလ်ႏနဝ်ꩻနဝ်ꩻ အကုသိုလ်ႏတရာꩻနဝ်ꩻ တတွာငါ-ကလူꩻနာငါတဲ့ အဲဉ်ထဝ်း၊ ပုဂ္ဂိုလ်ႏနဝ်ꩻနဝ်ꩻ အပဲ့စ်အဲဉ်ထဝ်း၊ အဝ်ႏဒျာႏကုသိုလ်ႏ စင်ဖြွိုးဗွာနဝ်ꩻလွုမ်ꩻတွော့ꩻ 'ဘဝယိုစွဉ်ႏဒျာႏ အီႏထွာရဟန္တာႏ'ကရိုꩻနဝ်ꩻ နေးတွမ်ႏခွေသꩻ (ခွေဉာဏ်ႏ) ဝွေႏဖန်ႏသေရီးနွောင်ꩻနဝ်ꩻသွူ။\nဥပမာႏ-မေႏအူနဝ်ꩻ မေႏအဲဉ်ထဝ်းဒွုမ်၊ ထွာလဲဉ်းမေႏသွာႏခြေင်ခြေင် ခွꩻကဒဲ့ꩻထိုꩻလဲဉ်း၊ မေႏသွာႏခွꩻကဒဲ့ꩻနဝ်ꩻ လွေꩻအွဉ်ႏဒင်ႏခန်း မီꩻသဲင်ပွုမ်ႏလောင်းတဲ့ယဝ်း၊ လွေꩻအွဉ်ႏဒင်ႏခန်း သိုႏပြုံႏလောင်းတဲ့ယောဝ်း 'မေႏတခိုးနွောင်ꩻတဝ်းဒွုမ်၊ တခိုးငါငါတဝ်းဒွုမ်'ကရိုꩻနဝ်ꩻ ဝွေႏဖန်ႏသေရီးနွောင်ꩻဒျာႏသွူ။\nပုဂ္ဂိုလ်ႏဖုံႏ နဝ်သူဖြာꩻကို-\nအရီးသွံဖြာꩻကိုနဝ်ꩻ တဖြာꩻနောဝ်ꩻ ဆွုတ်ယွုတ်တဝ်း၊ တဖြာꩻနောဝ်ꩻ ဆွုတ်ယွုတ်၊ တဖြာꩻနောဝ်ꩻ ထဲ့ငါးရုဲင်ꩻ၊ အဆုဲင်ꩻသိုမ်ဖြာꩻကိုနဝ်ꩻ တဖြာꩻနဝ်ꩻ ဆွုတ်ယွုတ်၊ တဖြာꩻနဝ်ꩻ ဆွုတ်ယွုတ်တဝ်း၊ တဖြာꩻနဝ်ꩻ ထွာရဟန္တာႏနောဝ်ꩻသွူ။\n(သုတ္တန်ႏပိဋကတ်၊ အင်္ဂုတ္တရပါဠိ၊ ဆက္ကနိပါတ်၊ ပုရိသိန္ဒြိယဉာဏသုတ်)\n\nအာႏကွိုꩻ","num_words":1265,"character_repetition_ratio":0.1,"word_repetition_ratio":0.15,"special_characters_ratio":0.076,"stopwords_ratio":0.012,"flagged_words_ratio":0.0,"lang_id_score":1.0,"perplexity_score":1311.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%94%E1%80%84%E1%80%BA%EA%A9%BB%E1%80%82%E1%80%9C%E1%80%AC%EA%A9%BB%E1%80%92%E1%80%B1%E1%82%8F%E1%80%9D%E1%80%AE%E1%82%8F%E1%80%A5%E1%80%90%E1%80%94%E1%80%BA%EA%A9%BB","collection":"wikipedia","source":"wikipedia","original_code":"blk","text":"\"နင်ꩻဂလာꩻဒေႏဝီႏဥတန်ꩻ\"\nဝွန်ႏခံႏရီးဗာႏနုဲင်းယို\nထွားလိတ်ပရိသတ်သီးဖုံႏဩ-\n\"နင်ꩻဂ��ာꩻဒေႏဝီႏဥတန်ꩻ\"ဝတ္ထုဆွာꩻယိုနောဝ်ꩻ ခင်ႏမွဉ်အွဉ်ႏနေး ခွန်မနုဟာႏစိုးကိုသွူ၊ ခွန်မနုဟာႏ(၁၁-ရျာꩻဗူႏ)နောဝ်ꩻ ပအိုဝ်ႏခွန်ဆက်ကို အဆုဲင်ꩻသွတ်ꩻတဲင် မိဖုရာꩻတန် နင်ꩻဂလာꩻဒီႏဝီႏယို ခါးလားသထွုံႏကပြုဲင်ꩻပြင်ꩻ တွမ်ႏသထွုံႏကုဲင်ထွူဆုဲင်ꩻဝုဲင်ꩻ ကအဝ်ႏထွာနေက ဘုရာꩻသွဉ်းဘဝ(ပုဂံႏ)ကိုလဲ့ အဝ်ႏဟွိုန်ထွꩻ ထီႏထွꩻပါနေးနဝ်ꩻသွူ။\nမိဖုရာꩻတန် နင်ꩻဂလာꩻဒေႏဝီႏနဝ်ꩻ ခွုင်းကားဝွေꩻဗွေႏမူႏကဟွိုန်ထွꩻ ကထီႏထွꩻဒါႏ ဝွေꩻစိုးကို ကထွာလွဉ်ဒါႏ ခံႏစာꩻချက်ဖုံႏယို အဝ်ႏသꩻရာႏကို ဒေါ့ꩻနယ်ချာနေးနဝ်ꩻဒျာႏတဲင် တဲမ်းလိတ်သားအနေႏ ဖန်ဆင်ꩻစီႏခြပ်နယ်ဖေႏချာယင်း ထွားလိတ်ပရိသတ်သီးတာႏနေးနောဝ်ꩻသွူ။\nဖေႏကထွာလွဉ်အီ ရာႏဇာႏဝင်ႏဝတ္ထုယိုနဝ်ꩻ ထူႏကွိုꩻဖဗာႏနေး တက္ကသိုလ်စိတ်တင် ကတဲမ်းဒါႏ \"ပုဂံမှာကျန်စစ်သား\"၊ မောင်သန်းလွင် ကတဲမ်းဒါႏ \"မြန်မာပြည်တလွား စေတီပုထိုးများ\"၊ ဗွေႏဗွန်ပင်စုံ ကတဲမ်းဒါႏ \"သုဝဏ္ဏပကာႏသနီႏကျံꩻ\"၊ ဦးအောင်သိန်း ကတဲမ်းဒါႏ \"သာသနာအစ သထုံက\"၊ ခွန်အိုး သထုံႏပေႏ ကတဲမ်းဒါႏ \"သုဝဏ္ဏဘူမိ မွူးပြေ့ꩻခိန်ႏ\"ဒဲဉ်သီႏလက်ဆောင်ႏ အမုဲင်(၁၅)၊ ခွန်စောက်အာႏ ကတဲမ်းဒါႏ \"သုဝဏ္ဏဘူမိ ခူဝေင်ꩻနောဝ်ꩻ ပါꩻမုဲင်ꩻ\" လိုꩻယွဲးအာႏရဲင်ꩻ အမုဲင်-၃၊ ဦးသန်းဆွေ ကတဲမ်းဒါႏ \"သမိုင်းဝင် စေတီပုထိုးများ\"၊ ဒေါ်ခင်မျိုးချစ် ကတဲမ်းထန်ႏဒါႏ \"Anawrahta oF PAGAN\"ကစဒါႏ လိတ်ဖုံႏဖုံႏသွူနဲ့ဩ။\n\"နင်ꩻဂလာꩻဒေႏဝီႏဥတန်ꩻ\"ဝတ္ထုယို အပွိုင်းအဝွို့ ဖေႏကအဝ်ႏဗာႏမွိုန်း အတတ်နွိုင်ႏသွတ်ꩻ ဆင်ႏချင်ႏသေꩻခါꩻဒျာႏ၊ ကွယ်ကားတဲင် ဝတ္ထုကို ကပါဒါႏ စဲ့ꩻခွန်တန် သူရဗလ၊ မွိုးဗွေႏနင်ႏစန္တာႏ၊ တပ်ပိုလ်ႏခွန်ကျောႏ၊ အမတ်တန်အာယုပါလ၊ ချွေႏရံႏ အတန်အကဲႏ နင်ႏဒုက်သီးယိုနဝ်ꩻ ဝတ္ထုဖေႏကလောႏဟဝ်အီတာႏ တဲမ်းလိတ်သား ဖန်ဆင်ꩻသေꩻခါꩻဒျာႏအကျောင်ꩻ ဝွန်ႏခံႏဗာႏနောဝ်ꩻသွူ။\nကွပ်ဝတ္ထုဆွာꩻယိုတဲင် ထွားလိတ်သားဖုံႏ သꩻကို သꩻရက်ခွိုꩻ မဉ်ႏပြွူႏထန်ႏလွဉ် တခီးတခဝ်တရိုꩻတဝ်း၊ သꩻဖြွမ်းဗူႏရေꩻ အင်းတူႏအင်းတန်ႏ တရိုꩻတဝ်းနောဝ်ꩻ တဲမ်းလိတ်သားအနေႏ ဟွိုန်ဟဝ်သꩻရေꩻငါႏလဲဉ်း မရေႏမရာႏကရိုꩻနောဝ်ꩻ ဖေႏသေရီးဗာႏ တတွာယိုသွူ။ (တဲမ်းလိတ်သား)\nသဲစ်ဗေင်ႏထွိုင်ႏ အဲ့ꩻမဲ့နီပင်နောဝ်ꩻ ထာꩻသေတစွိုး နွို့သော့ꩻလွဉ်ကတူႏကိုတွမ်ႏ သꩻရာႏဖူꩻကို၊ တနယ်ꩻမဉ်ႏဒေါ့ꩻဗာႏယင်းနောဝ်ꩻ သꩻရာႏဝွေႏဒနာႏတမျိုꩻ လွဉ်တလူႏသော့ꩻ၊ လွဉ်ဆောင်ꩻသော့ꩻလဲဉ်း ကတူႏကိုသနဲ့၊ စားနောဝ်ꩻဖုံႏနောဝ်ꩻ 'ခွေအီႏမော့ꩻဗာႏမွူးနီꩻအာတန်အကို မွူးရဝ်ꩻစဝ်းစဝ်း တရဝ်ꩻပေႏဒျာႏလွုမ်ꩻ'ကရိုꩻဒါႏ ထာꩻသေတရာꩻ တွမ်ႏခံႏစာꩻမုꩻဒျာႏသွူနဲးလောင်ꩻ။\nခွေကကာဗꩻလွဉ်အခိန်ႏဖုံႏနောဝ်ꩻ နေင်ႏပေါင်ꩻအာ လာပေါင်ꩻညငါႏလဲဉ်းရိုꩻလဲ့ ခွေသꩻရာႏဝွေႏဒနာႏနောဝ်ꩻ ထိုꩻမားတဝ်း၊ ရျူႏသျူးတဝ်းဒွိုန်းဒျာႏ၊ ခွေမဲဉ်ဒေါ့ꩻချာစွဉ်ႏခွေနမ်း-\n\"နင်ꩻဒေႏဝီႏဟွေး ခွင်ꩻလွစ်ဖေႏခန်းလုဲင်း လဲင်ꩻတွိုႏလွဉ်သွူ ယိုခါခါလဲ့ နာꩻအွဉ်ႏနွောင်ꩻတဝ်းဒွိုန်း ဥပေက္ခာႏနဲ့၊ မဲဉ်စွိုးမုဲင်ꩻစွိုး အုံနေးမသူႏမသနော၊ နာꩻကအီႏထောင်လွေꩻထဲင်း တဖူꩻငါသူꩻနောဝ်ꩻ သာႏယာႏတဝ်းငါႏ၊ အီႏဗွိုန်ပီနုဲင်း မေႏလျမ်ႏမေႏပျော့ꩻစွဉ်ႏလွဉ်းးလွဉ်းကွေး။\nမူႏခွေယိုနဝ်ꩻ ဒေါ့ꩻနယ်ချာခွေနမ်း၊ ဒေါ့ꩻအာတန်စွဉ်ႏလဲ့ နမ်းတွမ်ႏနမ်းယိုနောဝ်ꩻ အွဉ်ႏထွော့နွောင်ꩻတဝ်းတမုဲင်ꩻမုဲင်ꩻ၊ အီႏအွဉ်ႏထွော့နွောင်ꩻကယ်တမုဲင်ꩻ၊ ခွေယို လိုꩻမူႏလယ်ႏကွို့ꩻမွော့နဲး၊ အွေး လိုꩻမူႏလယ်ႏကွို့ꩻလဲ့ ခွေယို ဗွေႏခွန်ခွန်မနုဟာႏ မိဖုရာꩻတန်တပါꩻဒျာႏသွူတကာႏတဝ်း မိဖုရာꩻခေါင်ႏတန်တပါꩻဒျာႏ၊ ကွဲကား မိဖုရာꩻခေါင်ႏတန်တပါꩻရိုꩻကီလဲ့ ခွေဒေါ့ꩻခွင်ꩻ၊ မာꩻပဲင်ႏခွင်ꩻ အဝ်ႏကဲထာꩻမုဲင်ꩻဟောင်း၊ အော်ႏ- ညတဲ့ညပသာႏလဲဉ်း မူႏခွေယူႏလꩻချာပါ၊ မူႏခွေတွမ်ႏ နီဝေးဗွေႏ ခွန်မနုဟာႏသီး ခꩻလားကမာꩻ ဘိသေကမင်္ဂလာႏ မွူးနီꩻပဲင်ꩻကို မွူးနီꩻတနီꩻ 'ဒုက် ဒက် ဒုက် ဒက် အီးဟီဟီ၊ ဒုက်ဒက် ဒုက်ဒက် ဒုက် ဒုက် အီးဟီဟီ။\nမူႏခွေယို တွမ်ႏမွိုးဗွေႏ ဖါဗွေႏ အဝ်ႏဗေင်ႏအွီႏအယံတွင်ꩻ မူႏခွေသီး သုဓမ္မပူရ တဝေင်ꩻလွုမ်း အဝ်ႏဗေင်ႏအွီႏထာꩻတွင်ꩻ အယံလဲ့မွေးမွေး၊ သေခင်ႏငေါဝ်းတွမ်ႏ လိုꩻခင်ႏငေါဝ်းဖုံႏ အဝ်ႏသင်ႏလွေꩻ မူႏခွေသီးဟော်တဲꩻဆꩻငါ တဖူꩻတန်ကိုတဲင် မူႏခွေသီးဖါဗွေႏ ရိုꩻဖေႏ လိုꩻနီလမ်းဖုံႏ-\n\"အူဖေ့ခန်းမေႏလုဲင်း၊ အလွိုးစဲ့ꩻခမ်းညာꩻဖုံႏ နွို့လွဉ်သွူ နီခမ်းကိုကွေး၊ အုံတေ့ꩻတေ့ꩻလွ ပငါပရာꩻလုဲင်း\"တဲ့ အုံတဆင်ႏပေႏနောဝ်ꩻ ဗွေႏခွန်မနုဟာႏ ဟော်နန်ꩻကို ထုံတန်ငေါဝ်းသင်ႏလွဉ်ဖျင်-\n\"ဒွူႏ ဟွူႏဟွူႏ ဒွူႏ ဟွူႏဟွူႏ\"\nမူႏခွေသီးဖါရိုꩻဖေႏယင်း-\n\"ထုံတန်ငဝ်းနဝ်ꩻ ရန်ႏသူႏနွို့လွဉ်လဲဉ်းသွူ ဝေင်ꩻကိုအကျောင်ꩻ ဖေႏအချက် ဒုံႏဖေႏဒျာႏကွေးယို၊ ခွေအီႏလွေꩻထေ့ꩻဗာႏ ခွေတပ်စွိုꩻကိုကွေး၊ သီလိုꩻလမ်းဖုံႏ အုံဒါႏဒါႏ၊ အုံသတိဟဝ်ဟဝ် ပငါပရာꩻလုဲင်း\"တဲ့။\nမူႏခွေသီးဖါဗွေႏနောဝ်ꩻ ဗွေႏခွန်မဟာနုဟာႏစဲ့ꩻသေနာပတိ စဲ့ꩻခွန်တန်ဒျာႏနဝ်ꩻမꩻ တာႏဝွန်ႏအဝ်ႏအတွိုင်ꩻ လွေꩻတွိုက်ꩻထန်ႏဗာႏ စွိုးခွိုꩻရန်ႏသူႏနေးနောဝ်ꩻသွူ၊ ရန်ႏသူႏအမျိုꩻမုဲင်ꩻလဲ့ သေထွꩻတဝ်းဒျာႏ၊ မူႏခွေတွမ်ႏမွိုးဗွေႏ အုံပွေါးဖါဗွေႏလဲ့ အဟာနောဝ်ꩻ ဖျော်ချာတဝ်း၊ နုဲင်းမွူးရောဝ်ꩻစဝ်းစဝ်းမꩻ စဲ့ꩻပိုလ်ႏတပ်ပွေါး ဝေင်ꩻတဖြာꩻဖျော်လွဉ်ထေ့ အုံခွပ်မွိုးဗွေႏဆꩻငါ ဒေါ့ꩻပါ-\n\"ရန်ႏသူႏ စဲ့ꩻနန်းစော (နန်ချောဝ် နန်ချိုဖြောဝ်ꩻ ကအဝ်ႏယူနန်နယ်ႏ အယံတွင်ꩻ)တပ်ဖုံႏ ဆွတ်ချာလဲဉ်း၊ ဝေင်ꩻကိုလမ်းငင်း သွံပွန်းတပွန်းနောဝ်ꩻ ရန်ႏသူႏလဲ့ꩻခိုးပါ သေနာပတိစဲ့ꩻခွန်သူရဗလနောဝ်ꩻ-----\"\nမွိုးဗွေႏနဲစ်ရီလွေꩻ?\n\"စဲ့ꩻခွန်သူရဗလထွာမုဲင်ꩻ ဟွူး- ဒေါ့ꩻမွိုင်မွိုင်လုဲင်း ပိုလ်ႏတန်ခွန်ကျောႏ\"\nပိုလ်ႏတန်ခွန်ကျောႏ လောဝ်းချာယွယွယဲင်ယဲင်-\n\"စဲ့ꩻခွန်သူရဗလနောဝ်ꩻ ထဲ့ထိုꩻလဲဉ်းစဲ့ꩻပွယ်ꩻကိုဩ\"တဲ့။\nမူႏခွေတွမ်ႏ မွိုးဗွေႏနင်ꩻစန္တာႏသီး သဲစ်ဟွိုန်ထွꩻဖါဗွေႏထဲ့သွုမ်ꩻစဲ့ꩻပွယ်ꩻကိုတွော့ꩻ မူႏခွေမဲ့ထီဖုံႏ အဝ်ႏမုဲင်ꩻလွဉ်မကောင် ဗွေဗိတ်ထံစွဉ်ႏမဲ့အောင်ကို၊ မွိုးဗွေႏနောဝ်ꩻ တဖေင်ꩻဝꩻလင်ꩻပါစွဉ်ႏနောဝ်ꩻသွူ။\nဖါဗွေႏစဲ့ꩻခွန်တန်သူရဗလ ထဲ့သွုမ်ꩻထိုꩻစဲ့ꩻပွယ်ꩻကိုတဲင် မူႏခွေတွမ်ႏမွိုးဗွေႏ နင်ꩻစန္တာႏသီး ဘဝအုံတဲင်ရေꩻယို ယူႏသူႏသေဒွုမ်၊ ခူꩻလံꩻသူႏသေဒွုမ်ထာꩻမုဲင်ꩻမုဲင်ꩻနောဝ်ꩻမꩻ မူႏခွေယို အုံလꩻသွꩻဗာႏတွမ်ႏမဲ့ထီမဲ့နောင် စွုမ်ႏနီꩻစွုမ်ႏဟာနောဝ်ꩻသွူ။\nမူႏခွေသီးခွိုꩻနွယ်ႏနောဝ်ꩻ အောဝ်ႏဖါဖြား ဗွေႏဒွါဒသရာႏဇာႏခွန်ဟော်ခံꩻကိုလင်ꩻလွဉ်ဒျာႏ၊ ဒွါဒသခွန်ဟော်ခံꩻနောဝ်ꩻ ပိုအောဝ်ႏဝင်ꩻနီ၊ ပိုခိုနောဝ်ꩻ အရမညဗွေႏ ခွန်မနုဟာႏသီးဖါဗွေႏ၊ ပိုမူႏနောဝ်ꩻ နင်ꩻစန္တာႏ မူႏခွေသီးမွိုးဗွေႏနောဝ်ꩻသွူ၊ နောဝ်ꩻမꩻ မူႏခွေသီးဖါဗွေႏနောဝ်ꩻ ထွာဗွေႏခွန်အရညမဟော်ခံꩻ အတမက်ꩻနုဲင်းနောဝ်ꩻဒျာႏ၊ တောဝ်းလဲ့ ဗွေႏခွန်ဟော်ခံꩻ ဒွါဒသရာႏဇာႏ-မ-ဒျာႏလဲ့မွေးမွေးဒျာႏ။\nဗွေႏခွန်မနုဟာႏဖါဗွေႏ အရမညခွန်ဟော်ခံꩻနောဝ်ꩻ တောႏလမ်းတောႏပါႏတွမ်ႏ နင်ꩻမူႏမဲင်ꩻနောဝ်ꩻမꩻ ဗွေႏခွန်မနုဟာႏလဲ့ သွီႏမဲင်ꩻအဝ်ႏပါသော့ꩻရော်ꩻဒျာႏ တခီးတခေါဝ်နေးနောဝ်ꩻဒျာႏ။\nဗွေႏခွန်မနုဟာႏလဲ့နဝ်ꩻ၊ မူႏခွေနင်ꩻဂလာꩻဒေႏဝီႏလဲ့နဝ်ꩻ မဲင်ꩻငဝ်း(တောဝ်းလဲ့) ခမာငဝ်းနဝ်ꩻ ဒါႏတဝ်းတငွါငွါ၊ အီႏဒါႏပဲ��ဲ့ မူႏခွေသီး သုဝဏ္ဏဘူမိခမ်းနဝ်ꩻ မဲင်ꩻ(ဟဲ့ꩻ)ခမာလိုꩻမျိုꩻ အောဝ်ႏလယ်ႏကွို့ꩻ တစိုးတစိꩻလွုမ်ꩻနေးနောဝ်ꩻဒျာႏ၊ သုဝဏ္ဏဘူမိကို ကအောဝ်ႏဒါႏ ခမ်းသားထီသား ကားကအောဝ်ႏနောဝ်ꩻ ထွာလို့ဒျာႏ ပျူ(တောဝ်းလဲ့)ပအူ လိုꩻမျိုꩻဒျာႏလွဉ်းလွဉ်းနောဝ်ꩻမꩻ ဒါႏတောဝ်းဝင်ꩻငေါဝ်း၊ ဝင်ꩻငွါနောဝ်ꩻသွူ။\nတယ်ႏစ ဖါဗွေႏသူရဗလ ကလယ်ꩻထိုꩻမာꩻလွဉ်ယို မွိုးဗွေႏတွမ်ႏမူႏခွေနောဝ်ꩻ ခိုးလျားငါႏ ဖါဗွေႏတဖဲ့ꩻ၊ လမ်းပါႏအုံအောဝ်ႏရေꩻ အယပ်ꩻအခုဲင်ႏတဖဲ့ꩻ၊ ခိုးလျားပါ စွိုးခွိုꩻရန်ႏသူႏတဖဲ့ꩻတွော့ꩻ ယပ်ꩻသꩻမွေးစွဉ်ႏ ပငါပရာꩻသနဲဩ။\nတနီꩻနောဝ်ꩻ မူႏခွေတွမ်ႏချွေႏရံႏဖုံႏ အောဝ်ႏမာꩻလမ်းပါႏကိစ္စ မွိုးဗွေႏနောဝ်ꩻ အောဝ်ႏဒေါ့ꩻရီတွမ်ႏထျဉ်ႏဖုံႏအယံတွင်ꩻ အမတ်တန် အာယုပါလ လွဉ်အုံခွပ်မွိုးဗွေႏဆꩻငါတဲင် ဒေါ့ꩻလောဝ်းပါ \"မွိုးဗွေႏနင်ꩻစန္တာႏဩ အုံတဆင်ႏပေႏယို ဗွေႏဟော်ခံꩻခွန်မနုဟာႏ အီႏလွဉ်လယ်ႏထေ့ယိုကိုတဲင် ထျဉ်ႏမွေဖုံႏ ကာႏကအောဝ်ႏ ယံဖုဲင်းညာꩻဖေႏဗာႏတဲ့ဩ\"ဒေါ့ꩻထွူနုဲင်းနောဝ်ꩻတဲင် အမတ်တန် အာယုပါလ သဲင်ꩻချာခန်းဒျာႏ။\nမွိုးဗွေႏလဲ့ ဒေါ့ꩻထဉ်ႏမွေဖုံႏတဲင် ထဉ်ႏဖုံႏဖုဲင်းညာꩻ အုံတရွို့ꩻညာꩻဖေႏဗာႏသွူ၊ မူႏခွေတွမ်ႏမွိုးဗွေႏ ပါတွမ်ႏသွဉ်းသယ်ႏချွေႏရံႏဖုံႏ ကားကအဝ်ႏ အွဉ်ဝင်ꩻနဲစ်ဖျိုးလွလမ်းကို လမ်းထန်ႏထွူတဆင်ႏနဝ်ꩻ-\nထုံငေါဝ်းမောင်းငေါဝ်း သင်ႏလွဉ်ထွူတဲင် ဗွေႏခွန်မနုဟာႏတွမ်ႏ အမတ်တန် အာယုပါလ အပါႏအဝင်ႏ မူꩻမတ် စဲ့ꩻကဲႏဖုံႏ ဖျော်လွဉ်ထေ့ မူႏခွေသီးလမ်း ဟော်တဲꩻကိုသွူ၊ ဗွေႏခွန်မနုဟာႏ၊ အမတ်တန်အာယုပါလတွမ်ႏ မွိုးဗွေႏသီးနဝ်ꩻ အုံနေးတထွောင်းခေါ် ဒေါ့ꩻရီဒေါ့ꩻတောႏလို့ဝင်ꩻ ပနဲညညထွူနဝ်ꩻ ဗွေႏခွန်တွမ်ႏအမတ်တန်သီး ထန်ႏလွဉ်လမ်းဟောင်းကို ဗွေႏခွန်သဲစ်ထီႏမူႏခွေနဝ်ꩻ ငပယွုမ်းထေ့ပသာႏသာႏတဲင် ထွံးတွမ်ႏသေလေားသဲင်ꩻချာယင်း ဟော်နန်ꩻကိုသွူ။\nဗွေႏခွန်သီး သဲင်ꩻချာသွူ မညမမွိုင်နဝ်ꩻ မွိုးဗွေႏနင်ႏစန္တာႏဟဲ့ꩻ မူႏခွေတွော့ꩻ ဒေါ့ꩻဖေႏမူႏခွေနုဲင်းယို-\n\"နင်ꩻဂလာꩻ (မူႏခွေနဝ်ꩻ သွီႏယာႏဟမ်းသွမ်ႏပသာႏသာႏနောဝ်ꩻမꩻ ဟဲ့ꩻဖန်နေး နင်ꩻဂလာꩻတဲ့) ခွေတွမ်ႏမနုဟာႏ ကဒေါ့ꩻရီဗာႏလွဝင်ꩻနောဝ်ꩻ နာꩻတွမ်ႏသီဝေး မနုဟာႏ ဖေႏကတောႏလမ်းတောႏပါႏလွဝင်ꩻနေးနောဝ်ꩻဒျာႏ\"\nမူႏခွေနဝ်ꩻ အွူတဲ့တရိုꩻတဝ်း၊ ကတူႏလဲ့ဝီတဝ်း အုံတေ့ꩻတေ့ꩻဗော့ꩻနုဲင်းနဝ်ꩻသွူ၊ မွိုးဗွေႏတွမ်ႏ အမတ်တန် အာယုပါလသီး မာꩻထူႏစီႏရင်ႏဖေႏနဝ်ꩻနဝ်ꩻ ဆုဲင်ꩻဝုဲင်ꩻယို ဗွေႏခွန်မနုဟာႏတွမ်ႏ မူႏခွေနင်ꩻဂလာꩻဒေႏဝီႏသီး ဘိသေကမင်္ဂလာႏထွူလွဝင်ꩻနဝ်ꩻ မူႏခွေတွမ်ႏ မွိုးဗွေႏသီး ထင်ႏအုံဗာႏယင်း ဟော်လောင်းကိုသနဲဩ။\nမူႏခွေတွမ်ႏ ဗွေႏခွန်မနုဟာႏနောဝ်ꩻ ဖူးပို\/ဝေးပိုဒျာႏနုဲင်းနုဲင်းဝင်ꩻတဲင် ထွာယင်းဒျာႏ တဖူးတဝေးနုဲင်းနောဝ်ꩻဒျာႏ၊ ဘိသေကမင်္ဂလာႏထွူ လစ်ꩻငတ်ꩻနီꩻဒျာႏ ဗွေႏခွန်မနုဟာႏ ဒေါ့ꩻဖေႏငေါဝ်းမိန်းငွါ ညီႏလာႏခံႏကိုနောဝ်ꩻ?\n\"အမတ်ချုပ်တန် အာယုပါလတွမ်ႏ မူꩻမတ်ဖုံႏ၊ စဲ့ꩻခေါင်ꩻဖုံႏ၊ ညီႏလာႏခံႏထင်ႏပုဂ္ဂိုလ်ႏသီးဖုံႏဟွေး- ခွေဖူးမူႏ နင်ꩻဂလာꩻဒေႏဝီႏယို တယ်ႏစဟန်ႏသနီꩻမာꩻတငါ ဟန်ႏသဟာမာꩻတခိုႏ ခွေပင်ႏတသွောင်းခီႏယော်ꩻဖေႏသွူ မိဖုရာꩻတန်တဲင် ဖေႏကသေန်ႏလျောႏတွမ်ႏ မိဖုရာꩻတန်ခြွိုင်းခြိုꩻ ဆောင်ႏယောင်ႏဖုံႏနဝ်ꩻ တလဲင်ႏချင်ꩻ ဖေႏကစီႏရင်ႏဖေႏဗာႏကွေး\"တဲ့။\nအမတ်ချုပ်တန်တွမ်ႏ ညီႏလာႏခံႏထင်ႏသားဖုံႏ လျောက်လောဝ်းချာ-\n\"ဗွေႏခွန်တန် အမိန်းတောႏအတွိုင်ꩻ သွဉ်းသီး နာႏထူႏလွဒျာႏ ဗွေႏဩ\"\nမူႏခွေနဝ်ꩻ ကွပ်ပွိုးဝေးခွန်မနုဟာႏ ပင်ႏတသွောင်းတဲင် ထွာလွဉ်ဗာႏ သုဝဏ္ဏဘူမိခမ်း မိဖုရာꩻတန်တပါꩻနောဝ်ꩻသွူ၊ ကွယ်ႏကားတဲင် မူႏခွေထွာထွူ မိဖုရာꩻတန် မဉ်ႏလꩻဒါႏတဲ့ သူလာရပ်ကို ဟွိုန်ပယူႏယူႏလꩻသတင်ꩻ ဥဿာခမ်းဟော်ခံꩻနောဝ်ꩻ အီႏဖေႏဆက်လွဉ် အပိုမူႏ ဗွေႏခွန်မနုဟာႏထျꩻတဲ့ရိုꩻ။\nမူႏခွေသီး သုဝဏ္ဏဘူမိခမ်းယို တယ်ႏစဗွေႏခွန်တန်သူရိယစန္တာႏစိုးတွော့ꩻ ထွာလွဉ်ထေရဝါဒဗုဒ္ဓဘာႏသာႏတဲင် ဗွေႏဘုရာꩻဂေါတမ တရာꩻတောႏယို နွို့သော့ꩻယော့ဆုံးငါႏလဲဉ်း သုဝဏ္ဏဘူမိခမ်းသားထီသားနောဝ်ꩻ ဗꩻတွိုႏလွဉ် ဗွေႏခွန်မနုဟာႏစိုးကိုသနဲဩ။ တယ်ႏကနေးထူႏလွဉ် ထေရဝါဒဗုဒ္ဓဘာႏသာႏ မာꩻလွဉ်ယိုနဝ်ꩻ သုဝဏ္ဏခမ်း\/တနယ်ꩻ မဉ်ႏဒေါ့ꩻဗာႏယင်းနဝ်ꩻ ပျူ(ပအူ)ခမ်းယို တိုꩻတက်ထင်ႏတသွောင်းလွဉ် အဖဲ့ꩻပေါင်ꩻစွုမ်ႏကိုသနဲဩ။\nခမ်းထီအရေꩻ၊ စဲ့ꩻအရေꩻ၊ အုပ်ချုပ်ရေꩻ၊ ဘာႏသာႏ\/သာႏသနာႏရေꩻ၊ ယေန်ႏငဲအရေꩻ၊ ခြွေခြာႏရေꩻ၊ စူမုꩻပညာႏ အစွိုးစွိုး အဒေါဝ်ႏဒေါဝ်ႏ (တဲမ်းရုတ်၊ တဲမ်းကဝ်ႏ၊ ပရံ၊ ဒိုကဝ်ႏ၊ တောက်ꩻကဝ်ႏ၊ ကဝ်ႏဟွဲဖီလူꩻ၊ ကဝ်ႏဗိုတုဲင်၊ ကဝ်ႏစျူပြစ်ꩻ၊ စင်းလေက်ꩻ၊ စင်းခံꩻ)ကစဒါႏဖုံႏနဝ်ꩻ လဲင်ꩻကျောႏတိုး တွိုႏလွေꩻပါခမ်းထန်ႏနောဝ်ꩻသွူ။\nစဲ့ꩻရေꩻအလꩻ နန်စောတပ်ဖုံႏ ကလွဉ်ꩻကာႏသော့ꩻလွဉ် သုဝဏ္ဏဘူမိခမ်းကိုရိုꩻလဲ့ ကွပ်စွဉ်ႏသုဝဏ္ဏဘူမိ ခွိုꩻရက်စဲ့ꩻစွိုꩻဖုံႏ နေးအာႏနေးရဲင်ꩻ တွူႏတရန် တွိုက်ꩻထန်ႏချာတွော့ꩻ ဆွတ်ꩻသဲင်ꩻချာဗာႏ နေးတွမ်ႏအသွုမ်ꩻအတိန်အာ မရေႏမရႏနေးနဝ်ꩻသွူ၊ ကွပ်မူႏခွေသီးခမ်းယို ထွာလွဉ်အာႏရဲင်ꩻတန်ခမ်းတဖြုံႏတဲင် ခမ်းအသောင်အရင်ꩻဖုံႏ ခံႏနွမ်ꩻလွဉ်လွ ပငါပရာꩻနဝ်ꩻသွူ၊ နဝ်ꩻမꩻ မူႏခွေသီးခမ်း ဆꩻတွို့ꩻထင်ꩻကို ကအဝ်ႏဒါႏ ဥဿာကရိုꩻဒါႏ မဲင်ꩻခမ်း ခွန်ဟော်ခံꩻနောဝ်ꩻ ဥဿာတွမ်ႏသုဝဏ္ဏဘူမိ ဖေႏကဒိုလွေꩻလꩻအီ တဖူꩻရွဉ်တဖူꩻခံꩻတဲင် ကျံႏဖေႏဆက်လွဉ် အပိုနင်ꩻမူႏနေးနဝ်ꩻသွူ။ ဥဿာခွန်ဟော်ခံꩻ အပိုမူႏနဝ်ꩻ အမဉ်ꩻ\"နင်ꩻသီရိမာႏ\"တဲ့ရိုꩻ။\nမူႏခွေအဝ်ႏယူႏကဉ်ꩻစာꩻထာꩻ သုဝဏ္ဏကဝ်ႏခြံကိုအယံတွင်ꩻ ဗွေႏခွန်မနုဟာႏ အမတ်တဖြာꩻ ဖျော်လွဉ်ထေ့မူႏခွေထျꩻ အုံခွပ်နေးတဲင် လျော်လောဝ်းထေ့ပါ-\n\"ဗွေႏမူႏဩ- မွူးရောဝ်ꩻနီꩻ မွူးပင်ꩻခိန်ႏကို ဥဿာခမ်း နင်ꩻမူႏသီရိမာႏ အီႏဖျော်ထေ့တဲင် ဗွေႏမူႏတွမ်ႏချွေႏရံႏဖုံႏ ကားကအဝ်ႏ ယံလွေꩻရပ်ဆွုမ်ႏဗာႏတခါꩻငွါ မင်္ဂလာႏကိုတဲ့ဩ\"\nအမတ်ပေႏသဲင်ꩻချာထိုꩻလဲဉ်းလဲ့ မူႏခွေနဝ်ꩻ အဝ်ႏအုံတငွူစွူစွူဒျာႏ ကဝ်ႏခြံကို၊ မူႏခွေသꩻကိုရိုꩻလဲ့ \"အော်- ဗွေႏခွန်မနုဟာႏစိုးကိုလဲ့ သွီႏမဲင်ꩻအီႏလွဉ်ရော်ꩻသော့ꩻယင်း နီဟော်ကိုတွမ်ႏ နီပအူလိုꩻမျိုꩻကိုမွော့နဲး\"ကရိုꩻနဝ်ꩻ မူႏခွေသꩻကိုယူႏသꩻပေႏ ယူႏသꩻနွဲဗာႏနေနေ။\nနုဲင်းမွူးရောဝ်ꩻနီꩻ?\nမင်္ဂလာႏတခါꩻငွါ တဖုဲင်းတွောင်းကို သုဝဏ္ဏဘူမိ ယေန်ႏငဲရေꩻအစွိုꩻ အအူအဒုံႏသားဖုံႏ လိုꩻယွဲးမူႏခို အကျူႏသားအစွိုꩻ မူႏနံ\/ခိုဗင်ႏဖုံႏ၊ ပအူခမ်းသားဖုံႏယင်၊ ထူႏလွဝင်ꩻခင်ႏလမ်း ပငါပရာꩻထွူနောဝ်ꩻ ဗွေႏခွန်တွမ်ႏမူႏခွေ ပါတွမ်ႏအာယုပါလ အမတ်တန် မူꩻမတ်ဖုံႏ ဖျော်လွဉ်တဲင် ထူႏခင်ႏလမ်းတခါꩻငွါ ဖဲ့ꩻကွဉ်ႏဟော်တဲꩻလောင်းကိုသွူ၊ စအုံဗာႏ တစိုးတဆင်ႏနဝ်ꩻ အဝ်ႏဆꩻထင်ꩻဖဲ့ꩻကို ဥဿာခမ်းသား ထုံငေါဝ်းမောင်းငေါဝ်း အအူအဒုံႏသင်ႏလွဉ်တဲင် သုဝဏ္ဏခမ်းယေန်ႏငဲရေꩻအစွိုꩻ အကျူႏသားအစွိုꩻဖုံႏ ဒုံႏနုဲင်းနုဲင်း ကျူႏနုဲင်းနုဲင်းတွော့ꩻ အွဉ်တရွန်ꩻထံစွဉ်ႏဒျာႏ၊ မညမမွိုင်ကို ဥဿာခမ်းမူꩻမတ်ဖုံႏ အွဉ်ငါဒါႏ ဥဿာခမ်းနင်ꩻမူႏ သီရိမာႏနဝ်ꩻ ထွံးဝေါ်ꩻအုံဆွိုးဟော်တဲꩻဆꩻငါ ဗွေႏခွန်မနုဟာႏတွမ်ႏ မူႏခွေသီး လွေꩻထူႏဆွုမ်ႏဗာႏသွူ၊ ဗွေႏခွန်မနုဟာႏရိုꩻဖေႏ-\n\"ဖူးမူႏနင်ꩻသီရိမာႏ အဝ်ႏဥဿာခမ်းကို ကလွဉ်ဒါႏယိုနဝ်ꩻ တဖူꩻယပ်ꩻခုဲင်ႏနဝ်ꩻမꩻ အီႏရွိုးလွားငါႏနော်ꩻ၊ ကွယ်ကားတွော့ꩻ သုဝဏ္ဏဘူမိ တွမ်ႏနီဝေးခွေမေတ္တာႏဟေ့ꩻရောင်ႏနောဝ်ꩻ အောဝ်ႏရပ်ဆွုမ်ႏဒျာႏ ဖူးမူႏနော\"တဲ့။\nဗွေႏခွန်မနုဟာႏ အွဉ်ႏအွီႏနေးလွိုး နုတ်ဆက်ဆွုမ်ႏ နင်ꩻမဲင်ꩻမူႏလဲ့ မူႏခွေနဝ်ꩻ လွꩻထွားငါႏသနဲ့၊ ပွိုးနေးမုဲင်ꩻတွော့ꩻ ဗွေႏခွန်မနုဟာႏမတ္တာႏ ယဟူးယဟန်ႏနောဝ်ꩻ အီႏဖေႏထေ့ဗာႏ နင်ꩻမူႏမဲင်ꩻသီရိမာႏမွေးတဝ်းနဲ့။\nနင်ꩻမူႏမဲင်ꩻဖျော်လွဉ် ဟော်လောင်းကို မညမမွိုင်နဝ်ꩻ ညီႏလာႏခံႏတဗာႏယို ဗွေႏခွန်မိန်းဖေႏယင်း-\n\"တယ်ႏစ ဟန်ႏသနီꩻမာꩻငါသူꩻ ဖူးမူႏနင်ꩻဂလာꩻဒေႏဝီႏယို ဖေႏကအုံနင်းဗာႏ ဟော်တွိုက်ဆောင်ဆꩻနောဝ်ကို၊ ဥဿာနင်ꩻသီရိမာႏနောဝ်ꩻ ဖေႏကအုံနင်းဗာႏ ဟော်ထွိုက်ဆꩻထင်ꩻ ခီႏယော်ꩻဖေႏနုဲင်းနုဲင်း မိဖုရာꩻတန်အရန်းသွူနော\"တဲ့။\nနေင်ႏပေါင်ꩻအာပသာႏ၊ လာပေါင်ꩻညပသာႏနောဝ်ꩻ ဖူႏခွေတာႏလဲ့မွေးမွေး၊ ဗွေႏခွန်တာႏလဲ့မွေးမွေး၊ သုဝဏ္ဏဘူမိတာႏလဲ့ မွေးမွေးတွော့ꩻ မူႏခွေလွူးဖွာꩻဖေႏ ပိုခိုသုဓမ္မမင်ꩻသာꩻပေႏတဲင် မူႏခွေယင် ဗွေႏခွန်ယင်ꩻ အမတ်တန်အာယုပါလ တွမ်ႏမူꩻမတ်ဖုံႏ ပအူခမ်းသားဖုံႏ သꩻရေꩻရောင်လွ ပငါပရာꩻသွူ၊ ကွဲတွော့ꩻ ဟော်တွိုက်ဆောင် ဆꩻထင်ꩻကို ကအောဝ်ႏအုံနင်းဒါႏ မိဖုရာꩻတန်နင်ꩻမဲင်ꩻမူႏ နင်ꩻသီရိမာႏနောဝ်ꩻ အွဉ်ႏတဗေႏနေး ဖြောင်းဗီႏတဲင် ဒေါ့ꩻဖေႏဝွေꩻချွေႏရံႏ ပအူမူႏပေႏထျꩻ-။\n\"ဟွူး- နီဖါဗွေႏ ဥဿာခမ်းဟော်ခံꩻ ကထေႏဆက်လွဉ် အပိုမူႏခွေယိုနဝ်ꩻ အင်းရွယ်ႏဒျာႏ ခွေမဉ်ႏလွူးဖွါꩻလꩻပိုခိုပေႏနောဝ်ꩻ ဖေႏကထွာလွဉ် သုဝဏ္ဏဘူမိ ဥပရာႏဇာႏနုဲင်းနောဝ်ꩻဒျာႏ၊ နောဝ်ꩻမꩻ သုဝဏ္ဏဘူမိယို အီႏထွာလွဉ် ခမာခွိုꩻနွယ်ႏ မဲင်ꩻခမ်းနုဲင်းနောဝ်ꩻ၊ တွိုႏနောဝ်ꩻမꩻ သုဝဏ္ဏဘူမိ တွမ်ႏဥဿာယို အီႏထွာလွဉ်တခွိုꩻချင်ႏ၊ တခမ်းချင်ႏကွဗး၊ တွိုႏယိုခါတွော့ꩻ နင်ꩻဂလာꩻဒေႏဝီႏ ဖြေင်းတမွစ်သူꩻ လွူးဖွာꩻရီးပိုခိုနဝ်ꩻ အလွိုးအီႏထွာလꩻထိုꩻ သုဝဏ္ဏဘူမိဥပရာႏဇာႏသနဲ့သူꩻ၊ ခွေကဲဉ်းမွေးစွဉ်ႏကနော\"\nမဲင်ꩻသွီႏယာႏ နင်ꩻသီရိမာႏ ဒေါ့ꩻပအီႏပအွောင်ႏထွူနဝ်ꩻ ငွိုးခြီနေးပါ တအွုက်တအွုက်နဝ်ꩻသွူ။\nကွပ်မူႏခွေလွူးဖွာꩻဖေႏ သုဓမ္မမင်ꩻသာꩻပေႏတဲင် ဗွေႏခွန်မနုဟာႏနောဝ်ꩻ သွီႏဗော့ꩻခွိုန်ꩻချာယင်း မူႏခွေလောင်းနဝ်ꩻမꩻ မူႏခွေသꩻသွင်ႏသꩻရေꩻဗာႏထွူတကာႏတဝ်း ဟွိုန်ဟဝ်ပါဗွေႏခွန်နဝ်ꩻသွူꩻ ယလဲင်ႏလဲင်ႏနဝ်ꩻ ဗွေႏခွန်တွမ်ႏမူႏခွေ ပါတွမ်ႏပိုခိုပေႏ သုဓမ္မမင်ꩻသာꩻ လွေꩻကေႏညိုႏ��ွိုꩻခွိုꩻဗာႏ ဘုရာꩻစိရံ (ရွှေစာရံ) တွမ်ႏဘုရာꩻကောင်မျသပိတ်သွူ၊ မဉ်ႏဒေါ့ꩻ ဘုရာꩻစိရံသမဲင်ꩻနဝ်ꩻ-\nကလဲဉ်းခိုႏချာ နေင်ႏပေါင်ꩻ(၁၅၀၀)လွို အခါႏသမယကို မူႏခွေသီးသုဝဏ္ဏဘူမိ ခမ်းဝေင်ꩻတန် သုဓမ္မပူရယို ရာႏဇာႏသက္ကဟော်ခံꩻတွမ်ႏ နင်ꩻမိဖုရာꩻ ဘဒ္ဒကလျာႏဒေႏဝီႏသီးအဝ်ႏအုံ နင်းဟော်နောဝ်ꩻသွူ၊ ဖါဖြားဗွေႏတန်အဉ္ဇန ကယားပြင်ꩻထိုꩻဒါႏ မဟာႏသက္ကရာဇ် ၂-ဗာႏနေင်ႏကို လွူးဖွါꩻလွဉ် သူရိယစန္တာႏမင်ꩻသာꩻတဲ့ဩ၊ မင်ꩻသာꩻသူရိယစန္တာႏ သက်တောႏလꩻ ၂၄-နေင်ႏနဝ်ꩻ သွုပ်ထူႏလွေꩻအဖါဗွေႏ ရာႏဇာႏသက္ကဟော်ခံꩻခင်ႏလမ်းတွော့ꩻ ဘုန်ꩻတံꩻခိုꩻတန်ငါႏ၊ ဆင်ဗွာလဲ့ အဝ်ႏ ၃၆-လံꩻ၊ ဗွေႏဘုရာꩻဂေါတမလဲ့ ကျွꩻတွိုႏလွဉ်တဲင် တခမ်းလွုမ်း ထွာလို့ဗုဒ္ဓဘာႏသာႏ၊ ခမ်းထီလဲ့သာႏယာႏ၊ ရန်ႏသူႏလဲ့အဲဉ်ထောဝ်း၊ ဝွေꩻဗွေႏနောဝ်ꩻ သက်တောႏအုံလꩻ-၁၂၈ နေင်ႏနေးနဝ်ꩻတဲ့ဩ။\nကအဝ်ႏဗော့ꩻသုဓမ္မပူရဝေင်ꩻ ဂစ္ဆဂီရိကောင်ခင်ႏထျꩻကို ဝိဇ္ဇာႏတွမ်ႏ နဂါꩻမူႏသီး မေတ္တာႏအဝ်ႏလူးလို့ဝင်ꩻတွော့ꩻ လွူးဖွာꩻလွဉ်လိုꩻပေႏဝင်ꩻနီ၊ တဖြာꩻနဝ်ꩻ မော့ꩻသေင်ႏရာႏတဲင် သီထိုꩻ၊ ဆုဲင်ꩻနဝ်ꩻ လွေꩻကွိုတ်ချာယိုꩻ မဇ္ဈိမဒေႏသ မိတ္ထိလာႏခမ်းကိုနဝ်ꩻသွူ၊ သက်တောႏလꩻ ၇-နေင်ႏကို ဆယ်ꩻကပ်နီဗွေႏဘုရာꩻထျꩻတွော့ꩻ ထွာလွဉ်ဂဝံပတိရဟန္တာႏတဲ့၊ ဆုဲင်ꩻဝုဲင်ꩻယို ဂဝံပတိ ရဟန္တာႏကျွꩻဖျော်တွိုႏလွဉ် ဝေင်ꩻသုဓမ္မပူရတဲင် ဟော်ꩻဖေႏလိုꩻခမ်းလိုꩻထီတရာꩻထီခွꩻ၊ ဂဝံပတိခြုဲင်းနယ် မဇ္ဈိမဒေႏသကို နီဗွေႏဘုရာꩻပွင်ꩻလဲဉ်းအကျောင်ꩻ နီဗွေႏခွန်သူရိယစန္တာႏနဝ်ꩻ မာꩻနေးပွယ်ꩻဆုꩻတောင်ꩻ နီဗွေႏဘုရာꩻဖေႏကကျွꩻလွဉ် သုဝဏ္ဏဘူမိခမ်းကိုတဲ့။\nဆုဲင်ꩻနောဝ်ꩻ ဂဝံပတိရဟန္တာႏကျွꩻသဲင်ꩻချာ မဇ္ဈိမဒေႏသတဲင် ဖေႏကကျွꩻသဲင်ꩻသုဝဏ္ဏဘူမိခမ်းအကျောင်ꩻ လျောက်လောဝ်းနယ် နီဗွေႏဘုရာꩻမꩻ နီဗွေႏဘုရာꩻတွမ်ႏသင်္ဃာႏဖုံႏ ကျွꩻဖျော်တွိုႏလွဉ် သုဝဏ္ဏဘူမိခမ်းကိုတဲ့ဩ၊ ကွပ်သူရိယစန္တာႏခွန်ဟော်ခံꩻ လျောက်လောဝ်းတဲင် နီဗွေႏဘုရာꩻသညင်ꩻဖေႏ တငါတောႏ ၄-ဆူႏနေးနဝ်ꩻသွူဩ။\nဆုဲင်ꩻယို နီဗွေႏဘုရာꩻဗျာဒိတ်တောႏအလꩻ တငါတောႏလစ်ꩻဆူႏနဝ်ꩻ ဌာႏပနာႏသော့ꩻ ဌာႏပနာႏတွိုက်ကိုတဲင် အွဉ်ႏသုနာပရန္တတကောင်ꩻလောင်းကိုသွူ၊ ဌာႏပနာႏတွိုက် အဆုံႏအဖွိုꩻနဝ်ꩻ ၄၇-သောင်ꩻ၊ အလုဲင်းနဝ်ꩻ ၄၇-သောင်ꩻ၊ ကမော့ꩻဆုဲင်ꩻဒါႏ ကကုသန်ႏဗွေႏဘုရာꩻ ကလူꩻတောႏ၊ ကောဏဂုံႏ ဗွေႏဘုရာꩻတောင်ဝွေꩻတောႏ၊ ဗွေႏဘုရာꩻကဿပ သပိတ်���ောႏဖုံႏနဝ်ꩻလဲ့ ဌာႏပနာႏသော့ꩻပါယင်းတဲ့ဩ၊ ဌာႏပနာႏတွိုက်ကိုသူꩻ သိကျာꩻတွမ်ႏ မိဖုရာꩻရုပ်တု၊ သူရိယစန္တာႏရုပ်တုတွမ်ႏ အဖူးခို\/အဖူးဝေးရုတ်တုဖုံႏ၊ သျင်ႏသာရိပုတ္တရာႏ၊ သျင်ႏမောဂ္ဂလာန်ႏ၊ သျင်ႏအာနန္တာႏတွမ်ႏ နီဗွေႏဘုရာꩻ အဂ္ဂသာဝကခံꩻရုပ်တုဖုံႏ ဌာႏပနာႏသေꩻခါꩻနောဝ်ꩻမꩻ တံꩻခိုꩻတန်ငါႏသနဲ့ဩ။\nရာႏဇဇောႏ (စူဠသီရိမာ သောဏ)ခွန်စိုးကို တယ်ႏမံႏဖျင်နောဝ်ꩻ ဉာဏ်ႏတောႏအဝ်ႏသောင်ꩻပေါင်ꩻ(၇၀)တဲင် သာႏသနာႏသက္ကရာဇ်-၄၅၈ဗာႏ ယသဒိပ္ပခွန်စိုးကိုနောဝ်ꩻလဲ့ သုဝဏ္ဏမထေရ်ႏတန် အွဉ်ငါဒါႏ ရဟန္တာႏ (၂၄၃၄၇)ပါꩻ တယ်ႏမံႏဖျင် ဒုတိယလဲင်ႏတဲ့ဩ။ သာႏသနာႏသက္ကရာဇ် ၉၉၃-ဗာႏနေင်ႏကို သုဝဏ္ဏရာႏဇာႏခွန်ဟော်ခံꩻ တယ်ႏမံႏဖျင်တောမꩻ ဘုရာꩻဉာဏ်ႏတောႏနဝ်ꩻ ထွာလွဉ် ၂၆၅-ပေပုဲင် ၆-စူမွူးတဲင် စေႏတီႏအရံႏနဝ်ꩻ အဝ်ႏလွဉ် ၁၇၇-ဆူႏကရိုꩻနဝ်ꩻ မူႏခွေသေရဝ်းပါဗာႏနေးနောဝ်ꩻသွူ။\nနောဝ်ꩻသွူတကာႏတဝ်း ကောင်မျသပိတ် ဘုရာꩻသမဲင်ꩻနဝ်ꩻလဲ့ မူႏခွေဟွိုန်ထွꩻသေရဝ်းပါနုဲင်းယို-\nသာႏသနာႏသက္ကရာဇ် ၁၂၈-ဗာႏနေင်ႏအယံတွင်ꩻ ခွန်တန်သုဝဏ္ဏရာႏဇ မဟာဓမ္မဓဇဟော်ခံꩻစိုးကို သျင်ႏမဟိန္ဒ၊ သျင်ႏသောဏ ကစဒါႏရဟန္တာႏငတ်ꩻပါꩻနဝ်ꩻ သုဝဏ္ဏဘူမိတွက်တာႏ ပင်ꩻလွဉ်ပါ နီဗွေႏဘုရာꩻကလူꩻတောႏ ၈-ဆူႏတဲင် ဖေႏအပ်ခွန်ဟော်ခံꩻထျꩻတဲ့၊ ကလူꩻတောႏနီဆူႏနဝ်ꩻ ခံႏထူႏနေးဗွေႏရဟန္တာႏသီး ဩဝါဒတဲင် ဝေင်ꩻသုဓမ္မပူရ ဆꩻကွဉ်ႏ သိင်္ဂနိတ်ကောင်လောင်းကို သာႏသနာႏသက္ကရာဇ် ၁၂၈-ဗာႏနေင်ႏ၊ ဒဲဉ်သံလာဗွေနီꩻကို ဌာႏပနာႏခါꩻသွူ။\nသုဝဏ္ဏရာဇဟော်ခံꩻ မိဖုရာꩻစန္တာႏဒေႏဝီႏ ဖေါက်ဝါႏမျရောင်ႏ အငိုꩻထွိုက် တသိန်ႏလောင်းကို အွဉ်ႏအုံနင်း နီဗွေႏဘုရာꩻကလူꩻတောႏနီဆူႏတွော့ꩻ ဌာႏပနာႏသော့ꩻခါꩻနေးနောဝ်ꩻသွူ။\nဘုရာꩻနဝ်ꩻလဲ့ ဟဲ့ꩻဖန်လွေꩻ \"သုဝဏ္ဏစေႏတီႏ၊ ဆံႏတောႏစေႏတီႏ၊ ဆုတောင်ꩻဗွေစေႏတီႏ၊ မျသပိတ်စေႏတီႏ၊ သိင်္ဂနိတ်စေႏတီႏ\"ရိုꩻလဲ့ အမဉ်ꩻတွင်ႏလွဉ်နေးဒျာႏ \"မျသပိတ်စေႏတီႏ\"နေးနောဝ်ꩻသနဲ့ဩ။\nကအဝ်ႏကုဲင်ဒါႏ ကလူꩻတောႏ ၆-ဆူႏနောဝ်ꩻ သာရကလျာႏဏီႏကုန်ꩻ (သုဓမ္မဝတီႏဝေင်ꩻဆꩻထင်ꩻ)ကို တယ်ႏသေꩻဘုရာꩻ \"သာရကလျာႏဏီႏဘုရာꩻ\"ရိုꩻလဲ့ အမဉ်ꩻတွင်ꩻနေးဒျာႏ \"ဘုရာꩻပေါႏတောႏမူႏစေႏတီႏ\"တဲ့ဩ၊ ကလူꩻတောႏနီဆူႏနဝ်ꩻ သုဝဏ္ဏရာဇ ခွန်ဟော်ခံꩻပိုမူႏ နင်ꩻစန္တာႏဒေႏဝီႏ တယ်ႏသေꩻဘုရာꩻ၊ ဘုရာꩻစိရံ ဆꩻတွို့ꩻထင်ꩻကိုတဲင် အမဉ်ꩻတွင်ႏလွဉ် \"စန္တာႏသီရိစေႏတီႏ\"တဲ့ဩ။\nကလူꩻတောႏကအဝ်ႏကုဲင်နီဆူႏနဝ်ꩻ သုဝဏ္ဏရာဇခွန်ဟော်ခံꩻ ပိုမူႏအပေႏသွတ်ꩻ \"နင်ꩻဦ\"နဝ်ꩻ တယ်ႏသေꩻဘုရာꩻ ဘုရာꩻစိရံတွမ်ႏ ဘုရာꩻစန္တာႏသီရိ အခါႏကိုတဲင် အမဉ်ꩻတွင်ႏလွဉ် \"နင်ꩻဦ\"စေႏတီႏနေးနောဝ်ꩻတဲ့ဩ။\nနောဝ်ꩻသွူတကာႏတဝ်း ပွိုင်းလဲင်ႏ ခွန်ဟော်ꩻခံꩻဓမ္မမာႏလာႏစိုး အဝ်ႏသီႏဟိုဠ်ႏခမ်းကို ကပင်ꩻလွဉ်ဒါႏ ပိဋကတ် ၃-ဒူႏနဝ်ꩻလဲ့ ဗွေႏခွန်မနုဟာႏတွမ်ႏ အဝ်ႏမဇ္ဈိမဒေႏသကို ကျွꩻဖျော်တွိုႏလွဉ်ဒါႏ ရဟန္တာႏဗွေႏမျတ် သျင်ႏအရဟံတွမ်ႏ ဗွေႏရဟန်ꩻတောႏသီးဖုံႏနဝ်ꩻ ဗုဒ္ဓသာႏသနာႏတောႏတဉ်ႏခွေါင်ရေꩻတာႏ ထိန်ꩻသိမ်ꩻဟဝ်ဟဝ်သေꩻခါꩻဗာႏ တာႏဝွန်ႏတဲ့ ထူႏသေꩻခါꩻဗာႏသနဲ့ဩ။\nဗွေႏခွန်မနုဟာႏနဝ်ꩻ နေးထူႏတွမ်ႏဝွေꩻဟော်ခံꩻ အွိုးကရီး-ရီးခါထွုံꩻနယ်ꩻတွော့ꩻ လယ်ႏပျုပျင်ႏဘုရာꩻစေႏတီႏဖုံႏ၊ မာꩻထူႏဘာႏသာႏ သာႏသနာႏရေꩻဖုံႏ၊ ဖျင်ဆင်ထီအုံႏထီနောင် တဲဉ်းဖုံႏတဲင် ခမ်းသားထီသားဖုံႏ အံႏအွꩻရေꩻလွိုင်ႏကွိုန်ꩻလွဉ်၊ သာႏယာႏလွဉ်ဗာႏနေးနဝ်ꩻသနဲ့ဩ။\nအယံတွင်ꩻကာႏလ အမတ်တန်အာယုပါလ ကအွဉ်ငါဒါႏ မူꩻမတ်ဖုံႏနဝ်ꩻ ညီႏလာႏခံႏတဗာႏကို လျောက်လောဝ်းထေ့ ဗွေႏခွန်မနုဟာႏထျꩻနုဲင်းယို-\n\"ဗွန်ဘုန်ꩻကထိုဒါႏ စောဝ်းခွန်ဗွေႏဩ- ဗွေႏခွန်နဝ်ꩻလဲ့ သက်တောႏကွဲတန်တန်လွဉ်လဲဉ်းတဲင် ဗွေႏခွန်တွမ်ႏဗွေႏမူႏသီး သꩻဖေႏကခွꩻ၊ သꩻဖေႏကရျူႏသေꩻခါꩻယိုကာႏနဝ်ꩻ လိုႏချင်းခေႏသေꩻခါꩻလဲဉ်းဒျာႏဩ၊ နောဝ်ꩻမꩻ ဟော်စော့ꩻ ထီစော့ꩻလဲ့မွေးမွေးတဲင် မင်ꩻသာꩻပေႏ သုဓမ္မနဝ်ꩻ လိုႏခီႏယော်ꩻ ပင်ႏတသွောင်းဖေႏလဲဉ်း သုဝဏ္ဏဘူမိ ဥပရာႏဇာႏနေးနောဝ်ꩻသွူနဲ့ ဗွေႏသီးဩ\"တဲ့။\nသဲစ်ကဟွိုန်အမတ်တန် အာယုပါလငဝ်းနဝ်ꩻ မူႏခွေသꩻပျောႏသွင်ႏ ဟွိုန်ဟဝ်မွေးစွဉ်ႏတဲင် အီႏဗော့ꩻဗော့ꩻပယွုမ်းပါ၊ ကွယ်ꩻကားတွော့ꩻ မိဖုရာꩻတန်တပါꩻအနေႏ လိုꩻပရိသတ်အခြာကို လိုႏဆောင်ႏဒွိုန်း အိန္ဒြေႏကရိုꩻနဝ်ꩻ ယူႏလꩻပါယင်းမꩻ ကျံႏယွိုန်းထိုꩻဗာႏ၊ ဗွေႏခွန်ဖဲ့ꩻစေႏ တတွိုးတီႏပါႏလောင်းကို ကအဝ်ႏအုံဒါႏ မိဖုရာꩻတန် နင်ꩻသီရိမာႏနဝ်ꩻ အွဉ်ႏတဗေႏနေးလောင်ႏလွိုးတွော့ꩻ အကတူႏထွားထိုဒွုမ်ထာꩻနောဝ်ꩻသွူ။\nဗွေႏခွန်မနုဟာႏ ထွားယွယွသာႏသာႏလွေꩻ နင်ꩻသီရိမာႏထွူနဝ်ꩻ ထွားလွေꩻပါဖျင်မူႏခွေ၊ အဝ်ႏနဝ်ꩻမꩻ ထွားလွေꩻဖျင် အမတ်တန် အာယုပါလတွမ်ႏ ညီႏလာႏခံႏထင်ႏ ပုဂ္ဂိုလ်ႏတန်ဖုံႏ ပနဲညညတန်သွူ၊ ကထွားဗာႏ နင်ꩻသီရိမာႏနဝ်ꩻ ပွိုးနေးမုဲင်ꩻတွော့ꩻ နင်ꩻသီရိမာႏလဲ့ ပဋိသန္ဓေႏအဝ်ႏသေꩻခါꩻလဲဉ်း နီသွံလာနေးနေ��ဝ်ꩻဒျာႏ၊ သုဓမ္မမင်ꩻသာꩻ မဉ်ႏထွာဥပရာႏဇာႏနောဝ်ꩻ သုဝဏ္ဏဘူမိယို အီႏထွာပျူ(တဝ်းလဲ့)ပအူခမ်း၊ နင်ꩻသီရိမာႏကအီဒါႏ ပဋိသန္ဓေႏသူꩻ \"မဉ်ႏထွာအခိုတနီꩻခါ ဗွေႏခွန်မဉ်ႏဖေႏ ဥပရာႏဇာႏနောဝ်ꩻ သုဝဏ္ဏဘူမိယို တနီꩻခါ အီႏထွာလွဉ် ခမာ(တဝ်းလဲ့)မဲင်ꩻခမ်း၊ နင်ꩻသီရိမာႏကအီဒါႏ ပဋိသန္ဓေႏသူꩻ မဉ်ႏထွာအမူႏ မဉ်ႏဖေႏတောႏလမ်းချာတွမ်ႏ သုဓမ္မမင်ꩻသာꩻနောဝ်ꩻ နင်ꩻသီရိမာႏ အီႏဖြေႏသꩻလꩻတခီးတခေါဝ်\"အကျောင်ꩻ ဗွေႏခွန်မနုဟာႏ အလွိုးအီႏအဝ်ႏယူႏထာꩻနေးနောဝ်ꩻဟောင်းနဲ့ꩻ မူႏခွေအဝ်ႏကဉ်ꩻစာꩻစံꩻနေးနောဝ်ꩻသနဲ့ဩ။\nသုဓမ္မမင်ꩻသာꩻယို မဉ်ႏဖေႏတဝ်း ဥပရာႏဇာႏ ခမ်းစော့ꩻထီစော့ꩻနဝ်ꩻ မိဖုရာꩻတန် နင်ꩻဂလာꩻဒေႏဝီႏ အမတ်တန်အာယုပါလတွမ်ႏ ညီႏလာႏခံႏထင်ႏပုဂ္ဂိုလ်ႏတန်ဖုံႏယို သမ်းထွာ-ပျူ(တဝ်းလဲ့)ပအူလိုꩻမျိုꩻဖုံႏလွဉ်းလွဉ်း၊ တနီꩻခါသူꩻ သုဝဏ္ဏဘူမိယို ကုဲင်းပြောင်ꩻလုဲင်ႏထိုꩻဒါႏ ကျမ္မာႏကုဲင်တစွိုးတမျိုꩻဟောင်းကရိုꩻနဝ်ꩻလဲ့ ဗွေႏခွန်အလွိုးအီႏယူႏခူ၊ အလွိုးအီႏယူႏစွုမ်ႏနေနေနဲ့ꩻ၊ မူႏခွေအဝ်ႏရိတ်ခေႏပါနေးနောဝ်ꩻသွူ။\nအုံတဆင်ႏပေႏနောဝ်ꩻ ဗွေႏခွန်ငေါဝ်းသင်ႏလွဉ်-\n\"သုဝဏ္ဏဘူမိယို ဖေႏကတဉ်ႏခွေါင်အီ၊ ပျူတဝ်းလဲ့ ပအူလိုꩻမျိုꩻဖုံႏ ဖေႏကတဉ်ႏခွေါင်အီ၊ ဖေႏကရဲနွောင်ꩻအီခမ်းထီ အန္တရာယ်ႏနဝ်ꩻ ခမ်းထီအစော့ꩻအသွဲႏယို အဝ်ႏလိုႏလဲဉ်းရင်ꩻသွူနဲ့၊ နောဝ်ꩻမꩻ ပိုခိုသုဓမ္မမင်ꩻသာꩻယို ဖေႏကထွာခမ်းစော့ꩻထီစော့ꩻတဲင် တယ်ႏစဟန်ႏနီꩻယို ခန်ꩻဖေႏအပ်လဲဉ်း သုဝဏ္ဏဘူမိ ဥပရာႏဇာႏအကျောင်ꩻ ချꩻလင်ꩻဖေႏဗာႏ အမိန်းတောႏနေးနောဝ်ꩻသွူ\"\nအမတ်တန် အာယုပါလတွမ်ႏ ညီႏလာႏခံႏထင်ႏပုဂ္ဂိုလ်ႏတန်ဖုံႏ ကားကအဝ်ႏ လောဝ်းချာတခြွိုက်ချင်ႏ-\n\"ဗွေႏစောဝ်းခွန်တန် အမိန်းတောႏအတွိုင်ꩻ သွဉ်းသီးနာႏထူႏလွဒျာႏ စောဝ်းခွန်တန်ဗွေႏဩ\"တဲ့။\nမူႏခွေလဲ့ ထွားလွေꩻဗွေႏခွန်မနုဟာႏနဝ်ꩻ သေန်ႏစွဉ်ႏ ထီႏတရေꩻလဲဉ်းဒွိုန်းက ပွိုင်းလဲင်ႏ၊ အမတ်တန် အာယုပါလတွမ်ႏ ညီႏလာႏခံႏထင်ႏပုဂ္ဂိုလ်ႏဖုံႏထွူတကာႏတဝ်း ခွိုင်းကားတဲင် ကထီႏဒါႏတွမ်ႏမဲ့ မန်ႏသမျနောဝ်ꩻ တရေꩻလို့စွဉ်ႏ ကူစွိုးစွိုး ကူမျိုꩻမျိုꩻနောဝ်ꩻသနဲ့ဩ။\nတနီꩻနောဝ်ꩻ-\nချွေႏရံႏမူႏအတန်အကဲႏ မူႏဒုက်လွဉ်လျောက်လောဝ်းထေ့ မူႏခွေထျꩻ၊ အလွိုးလဲ့တရေꩻတဝ်း တစိꩻစိꩻ-\n\"ဗွေႏမူႏဩ- ဟော်ဆောင်ဆꩻထင်ꩻကို ကအုံနင်းဒါႏ ဗွေႏမူႏသီရိမာႏနောဝ်ꩻ လွူးအပိုပေႏလဲ့ အောင်ႏလꩻတဝ်း၊ သီထိုꩻဒျာႏ၊ အမွိုးနင်ꩻသီရိမာႏလဲ့ သဲစ်လွူးထွူပိုနဝ်ꩻ\"\nမူႏခွေနဲစ်ရီလွေꩻ-\n\"သဲစ်လွူးထွူပိုနောဝ်ꩻ ထွာထာꩻမုဲင်ꩻ၊ ဒေါ့ꩻမွိုင်မွိုင်ဟုဲင်း နင်ꩻဒုက်\"\nနင်ꩻဒုက်ဒေါ့ꩻယွယွယဲင်ယဲင်-\n\"သဲစ်လွူးထွူပိုနောဝ်ꩻ ဗွေႏမူႏနင်ꩻသီရိမာႏလဲ့ လယ်ꩻထိုꩻပါလဲဉ်းဩ - ဟိ -ဟိ - ဟိ\"\nနင်ꩻဒုက်လျောက်လောဝ်းထွူနဝ်ꩻ မူႏခွေလဲ့ မဲ့ထီယွိုင်းယင်းပါဒျာႏ၊ ပွိုးနေးမုဲင်ꩻတွော့ꩻ ဥဿာခမ်းသားမူႏ နင်ꩻသီရိမာႏယို ယောင်ꩻဆင်ꩻလဲ့တရေꩻယံထွူတကာႏတဝ်း အဒေါ့ꩻအဖြောဝ်ႏ ဆွိုက်ဆံႏရေꩻကိုလဲ့ ဟဝ်ငါႏတဲင် ဗွေႏခွန်မနုဟာႏလဲ့ ရက်မွေးစွဉ်ႏနဝ်ꩻသွူ၊ ကွပ်နင်ꩻသီရိမာႏလယ်ꩻထိုꩻတဲင် ဗွေႏခွန်အီႏခံႏစꩻဗာႏ တခွုင်းမုဲင်ꩻကရိုꩻနဝ်ꩻ မူႏခွေအဝ်ႏယူႏထွားစံꩻနေးငါလဲ့ သေထွꩻဒျာႏ။\nနင်ꩻသီရိမာႏတွမ်ႏ ပိုခိုမင်ꩻသာꩻပေႏသီး ပွယ်ꩻအသုဘကို ဗွေႏရဟန္တာႏ သျင်ႏအရဟံ ကျွꩻဖျော်တွိုႏခီႏယော်ꩻဖေႏတရာꩻဓမ္မနဝ်ꩻမꩻ ဗွေႏခွန်မနုဟာႏ ပရိဒေဝ မေႏသောကနောဝ်ꩻ ဟမ်းပေါင်းရောင်းရျူႏလွဉ်ရိုꩻဗာႏနေးနဝ်ꩻသွူ။\nဗွေႏရဟန္တာႏ သျင်ႏအရဟံနဝ်ꩻ ဗုဒ္ဓသာႏသနာႏဖေႏကလေတောင်ႏအီ အကျောင်ꩻတရာꩻနေးနဝ်ꩻတွော့ꩻ အီႏလယ်ႏပျုသာႏသနာႏခမ်းအသောင်အရင်ꩻကိုဖုံႏ ကရိုꩻနဝ်ꩻလဲ့ ဒေါ့ꩻလဝ်းထေ့ပါ ဗွေႏခွန်မနုဟာႏထျꩻနေးနဝ်ꩻသွူ၊ ဗွေႏခွန်မနုဟာႏ သꩻရောင်းသꩻရေꩻတွော့ꩻ ဟဲ့ꩻသာႏဓုပါထွူတကာႏတဝ်း ပျုသာႏသနာႏအရေꩻအရာႏ ကိစ္စဖုံႏဖေႏကအောင်ႏမျင်ႏလꩻနွောင်ꩻပါကရိုꩻလဲ့ ဗွေႏခွန်ဆုꩻတောင်ꩻဖေႏပါကတဲင် ပရိသတ်ကားကအဝ်ႏလဲ့ သာႏဓုလွဝင်ꩻ ပငါပရာꩻနဝ်ꩻသွူ။\nဆုဲင်ꩻဝုဲင်ꩻယို ဗွေႏခွန်မနုဟာႏ ကသညင်ꩻဖေႏ ဥပရာႏဇာႏအယံတွင်ꩻ ပိုခိုပေႏသုဓမ္မပင်ꩻသာꩻနဝ်ꩻ အရွယ်ႏအဝ်ႏပေႏဒွိုန်းကရိုꩻလဲ့ ယိုခါခါ သက်တောႏလꩻလဲဉ်း ၁၆-နေင်ႏရပ်တဲင် အဝ်ႏသွဉ်ထူႏစလဲဉ်း အဋ္ဌာရသ ပညာႏဖုံႏနဝ်ꩻသွူ၊ ပိုခိုပေႏဥပရာဇာႏကအောဝ်ႏသွဉ်ထူႏစဲ့ꩻရေꩻပညာႏတွမ်ႏ ထွံးသေထွံးဆင်၊ ယိုꩻယာႏလုဲင်ꩻဒွေါင်ႏ လုဲင်ꩻဆွာꩻ၊ ဆဲ့ꩻဗင်၊ တရွေဒင်ႏလဲင်းလောင်း၊ ကောင်လောင်းအယံတွင်ꩻနောဝ်ꩻ မူႏခွေလွေꩻထွားစွုမ်ႏနီꩻနီꩻ၊ မဉ်ထူႏဂုဏ်ႏငါႏ ပိုခိုပေႏသုဓမ္မမင်ꩻသာꩻနေးနောဝ်ꩻဒျာႏ။\nပွိုင်းဝွို့တွမ်ႏပိုခိုပေႏသုဓမ္မတဲင် ဗွေႏခွန်မနုဟာႏ လွဉ်လယ်ႏမူႏခွေလမ်းမီဆောင် အဟာနောဝ်ꩻ ဒေါ့ꩻထေ့မူႏခွေနုဲင်းယို-\n\"မိဖုရာꩻတန် ဖူးမူႏနင်ꩻဒေႏဝီႏ၊ ပိုခိုသုဓမ္မ(ဥပရာႏဇာႏ)နောဝ်ꩻ သက်ရွယ်ႏပနဲလꩻလဲဉ်းဒျာႏ၊ အနယ်ꩻကအီႏအုပ်ချု��်အီခမ်းထီနောဝ်ꩻလဲ့ အလွိုးလက်ꩻလဲဉ်ငါႏလဲဉ်းသနဲ့၊ နီဝေးနဝ်ꩻ သက်ရွယ်ႏအလꩻ မွူးပင်ꩻခိန်ႏလဲင်ꩻအီႏတွိုႏသွူနောဝ်ꩻမꩻ ခမ်းရေꩻထီရေꩻ ဟော်နန်ꩻရေꩻရာႏ ကားကအောဝ်ႏယို လွိုးဖေႏယောင်းစူလွေꩻလဲဉ်း ပိုခိုဥပရာႏဇာႏသနဲ့ ဖူးမူႏ၊ ကွယ်ꩻကားတွော့ꩻ ကျာꩻယိုစဲ့ꩻယွန်ꩻဖုံႏ အင်းလွဉ်တွိုက်ꩻ ဥဿာခမ်းဖဲ့ꩻအကျောင်ꩻ လꩻသေꩻသတင်ꩻတဲင် ခမ်းထီယို ဖေႏယောင်းစူလွေꩻ ပိုခိုဥပရာႏဇာႏနောဝ်ꩻ ယွိုန်းယောဗာႏဒွိုန်းကဒျာႏသွူနဲ့ ဖူးမူႏ\"တဲ့။\nမူႏခွေသဲစ်ဟွိုန် စဲ့ꩻယွန်ꩻဖုံႏ အီႏလွဉ်တွိုက်ꩻ ဥဿာခမ်းနေးနောဝ်ꩻတွော့ꩻ သꩻဝꩻပါစွဉ်ႏ တလဲင်ႏချင်ꩻ၊ ပွိုးနေးမုဲင်ꩻကရိုꩻနဝ်ꩻ မူႏခွေသီး သုဝဏ္ဏဘူမိယိုလဲ့ ခံႏဗာႏလဲဉ်းစဲ့ꩻနန်စောဖုံႏ လွဉ်တွိုက်နဝ်ꩻမꩻ ပေါႏရိုꩻတဲင် စဲ့ꩻနဝ်ꩻ မဉ်ဟွိုန်တဝ်းဒွုမ်နေးနဝ်ꩻဒျာႏ။\nဆုဲင်ꩻဝုဲင်ꩻတလာလွိုလွိုကို ဝေးခွန်ဒေါ့ꩻနယ်ယင်း-\n\"ဖူးမူႏနင်ꩻဒေႏဝီႏ- ဥဿာယို စဲ့ꩻယွန်ꩻဖုံႏ လွဉ်တွိုက်ꩻလဲဉ်း၊ ကွဲးကား တမ္ဗဒီပခမ်းစဲ့ꩻ ခွန်သျင်ႏခေတ်သာꩻတွမ်ႏတပ်စွိုꩻဖုံႏ လွဉ်စွဲကမ်းကိုဖေႏတဲင် စဲ့ꩻယွန်ꩻဖုံႏ ဆွတ်ꩻချာလဲဉ်း၊ စဲ့ꩻယွန်ꩻဖုံႏ ဆွတ်ꩻချာထွူနဝ်ꩻ-နဝ်ꩻ---\"\nမူႏခွေနဲစ်ရီလွေꩻယင်း-\n\"စဲ့ꩻယွန်ꩻဖုံႏဆွတ်ꩻချာထွူနဝ်ꩻ ထွာယင်းနေးမုဲင်ꩻ ဝေးခွန်?\"\nဝေးခွန်လောဝ်းချာယင်း-\n\"စဲ့ꩻယွန်ꩻဖုံႏ ဆွတ်ꩻချာထွူနဝ်ꩻ ဥဿာခမ်းနဝ်ꩻလဲ့ ထွာလွဉ်ဗာႏ တမ္ဗဒီပဩဇာႏခံႏခမ်း ထွူတကာႏတဝ်း ဥဿာခမ်း အပိုမူႏ အဖြာꩻပေႏခင်ဦး(ဟဲ့ꩻ) မဏိစန္တာႏနဝ်ꩻ ဖေႏဆက်လွေꩻဗာႏ ခွန်အနုရုဒ္ဓါႏတဲ့ရိုႏ\"\nမူႏခွေလဲ့ ထွားစွူလွေꩻ ဝေးခွန်မနုဟာႏထွူနဝ်ꩻ မူႏခွေသꩻကို ဥဿာခမ်းဟော်ခံꩻပိုမူႏတန် သီရိမာႏနဝ်ꩻ လယ်ꩻထိုꩻလဲဉ်း သုဝဏ္ဏဘူမိကို၊ ကအဝ်ႏကုဲင်ဒါႏ ပိုမူႏပေႏခင်ဦး (မဏိစန္တာႏ)နဝ်ꩻ သမ်းဖေႏဆက်လွေꩻဗာႏဖျင် တမ္ဗဒီပခွန်အနုရုဒ္ဓါႏ ထွူတကာႏတဝ်း ဥဿာခမ်းနဝ်ꩻလဲ့ သမ်းထွာပါဒွိုန်းက ဩဇာႏခံႏနဝ်ꩻ မူႏခွေသꩻပေႏသꩻနွဲးငါႏမားခွေႏ။\nဥဿာခမ်းပျဿနာႏထွာထွူ မညမမွိုင်နဝ်ꩻ ချွေႏရံႏမူႏအတန်အကဲႏ နင်ႏဒုက် လွဉ်လောဝ်းချာယင်း မူႏခွေထျꩻ-\n\"ဗွေႏမူႏဩ- မွူးရောဝ်ꩻနီꩻယို တမ္ဗဒီပခမ်း သံႏတမန်ႏစွိုꩻတွမ်ႏ ဗွေႏခွန်သီး အဝ်ႏလိုႏအုံကွံလွဝင်ꩻနဝ်ꩻမꩻ နီဗွေႏမူႏလဲ့ ဖေႏကထင်ႏဗာႏညီႏလာႏခံႏတဲ့ဩ\"\nနုဲင်းမွူးရောဝ်ꩻနီꩻ ညီႏလာႏခံႏကိုနောဝ်ꩻ-\nတမ္ဗဒီပ သံႏတမန်ႏစွိုꩻနဝ်ꩻ ကွဉ်ကꩻနေးခွမ်ꩻလာꩻ ခꩻဗိတ်ဗက်၊ ခူးနေးကုံႏစျူပြ���်ꩻဖုံႏတဲင် စဲ့ꩻခွန်သျင်ႏခေတ်သာꩻ အွဉ်ငါလောဝ်းထေ့ဗွေႏခွန်မနုဟာႏထျꩻ-\n\"ဩဗွေႏ ခွန်စဝ်းခွန်တန် သုဝဏ္ဏဘူမိဩ- နီသွဉ်းသီးတမ္ဗဒီပ ခွန်တန်အနုရုဒ္ဓါႏဆန္ဒတောႏအလꩻ ရေႏရောႏနေး တမ္ဗဒီပခမ်းကို ဗုဒ္ဓဘာႏသာႏ သာႏသနာႏတောႏ ဖေႏကလေတောင်ႏသော့ꩻအီနောဝ်ꩻ နီဗွေႏသီးခမ်းကို ကအဝ်ႏဒါႏ ပိဋကတ်တောႏယဟူးယဟန်ႏနောဝ်ꩻ ယံကဖေႏဆက်ဗဲင်း ခွန်အနုရုဒ္ဓါႏအကျောင်ꩻ နေးတွမ်ႏအထွူႏအတွုမ်တဗာႏ လျောက်လောဝ်းထေ့ဗာႏ နီဗွေႏခွန်တန်ဩ--\"\nသဲစ်ကဟွိုန် တမ္ဗဒီပသံႏတမန်ႏစွိုꩻ ကလျောက်လောဝ်းဒါႏငေါဝ်းနောဝ်ꩻ ဝေးခွန်မနုဟာႏ မဲ့ငါတောႏ တနျာႏတဲက်ꩻလွဉ်၊ လောင်းလွိုႏလောင်ႏလာꩻလဲ့ ကြုဲင်လွဉ်ထွူတွော့ꩻ လောဝ်းပြန်ႏချာ-\n\"တမ္ဗဒီပ သံႏတမန်ႏသီးဖုံႏဟွေး- ခွေအီႏဒေါ့ꩻစွဉ်ႏစွဉ်ႏသီ သီခမ်းနောဝ်ꩻ ကိုꩻကွယ်ႏဒျာႏ \"အရီးတန်\"ဂွိုဏ်ꩻ-ဒိဋ္ဌိဂွိုဏ်ႏနောဝ်ꩻမꩻ သီဟော်ခံꩻတွမ်ႏ သီခမ်းသားဖုံႏနောဝ်ꩻလဲ့ ထွာလို့ဒျာႏ ဒိဋ္ဌိဂွိုဏ်ꩻသားလွဉ်းလွဉ်းကရိုꩻနောဝ်ꩻ ခွေဗွေႏအောဝ်ႏဟွိုန်ထွꩻလို့ဒျာႏသနဲ့၊ ကွပ်နောဝ်ꩻမꩻ သီကလွဉ်ကွီဒျာႏ ဗွေႏဘုရာꩻမုခပါဌ်တောႏခင်ႏမွဉ် ပိဋကတ်တောႏနောဝ်ꩻ တွမ်ႏသီဒိဋ္ဌိဂွိုဏ်ꩻသားဖုံႏ တန်ႏထူႏတောဝ်းလို့ဝင်ꩻတဲင် ပိဋကတ်တောႏနောဝ်ꩻ ခွေဖေႏနွောင်ꩻတောဝ်းအကျောင်ꩻ၊ လောဝ်းပြန်ႏချာထေ့ဗာႏ နုဲင်းနောဝ်ꩻကွေး\"\nဗွေႏခွန်လဲ့ လောဝ်းပြန်ႏချာထွူ တမ္ဗဒီပ သံႏတမန်ႏစွိုꩻတွော့ꩻ အောဝ်ႏညီႏလာႏခံꩻကို နဲစ်ထန်ႏထိုꩻဒျာႏ။\nမူႏခွေကဟွိုန်ဆုဲင်ꩻနောဝ်ꩻ တမ္ဗဒီပခမ်းသူꩻ တွမ်ႏဗွေႏရဟန္တာႏ သျင်ႏအရဟံလွေꩻပျုသာႏသနာႏတဲင် တခမ်းလွုမ်းထွာလို့သွူ ဗုဒ္ဓဘာႏသာႏနေးနောဝ်ꩻသွူ၊ ကွပ်ဟွိုန်ထွꩻချာငါတောဝ်း တမ္ဗဒီပအခရာႏတွော့ꩻ ဗွေႏခွန်ကလောဝ်းပြန်ႏချာငေါဝ်းနောဝ်ꩻ ရော့ꩻရမ်းတောဝ်းမꩻ ဆုဲင်ꩻဝုဲင်ꩻယို မူႏခွေသီး သုဝဏ္ဏဘူမိတွမ်ႏ ဗွေႏခွန်မနုဟာႏ၊ မူႏခွေ နင်ꩻဂလာꩻဒေႏဝီႏ ပိုခိုဥပရာႏဇာႏ သုဓမ္မမင်ꩻသာꩻ ပအူခမ်းရင်ꩻသားဖုံႏ အနာႏဂတ်ဘဝကံႏကျမ္မာႏနောဝ်ꩻ အီႏထွာလွဉ်နေးမုဲင်ꩻဟောင်းကရိုꩻလဲ့ ယူႏထွားဗွိုန်ႏတောဝ်းဒွုမ်ဒျာႏသနဲ့ဩ။\nတမ္ဗဒီပစဲ့ꩻ ခွန်သျင်ႏခေတ်သာꩻ အွဉ်ငါဒါႏ သံႏတမန်ႏစွိုꩻသဲင်ꩻချာထွူနောဝ်ꩻ သုဝဏ္ဏဘူမိလိုမ်းဗဉ်ႏရေꩻတာႏ ဗွေႏခွန်မနုဟာႏ အောဝ်ႏစီႏရင်ႏလွေꩻ ခေ့ꩻလေနီꩻနာꩻနောဝ်ꩻသွူ။\nဝေင်ꩻသုဓမ္မပူရ အသောင်အရင်ꩻကိုနောဝ်ꩻ ခူႏနေးကျုံးသွံထပ်၊ ဝေင်ꩻတဖွောင်ꩻနောဝ���ꩻလဲ့ စီႏခြပ်နေးတဖွောင်ꩻလုံးတူႏ၊ တဖွောင်ꩻလောင်းကီ မဗော့ꩻမညာꩻကို-မာꩻနေးခင်ႏလမ်းအုံခိုႏဖုံႏ၊ ဖေႏအီအချက်တာႏလဲ့ မာꩻမꩻသေꩻနေး၊ လဲ့ꩻအီမေႏပြုံႏခင်ႏလမ်းဖုံႏ၊ အွဉ်ႏတခြွီႏလင်ꩻအီရန်ႏသူႏ လုံးစက်ဖုံႏထွူတကာႏတောဝ်း ဥပရာႏဇာႏ သုဓမ္မမင်ꩻသာꩻ အွဉ်ကတူႏဒါႏ စဲ့ꩻလိုꩻယွဲးစွိုꩻဖုံႏနောဝ်ꩻ အောဝ်ႏသွဉ်ထူႏလွ စဲ့ꩻပညာႏဖုံႏ ပငါပရာꩻတဲင် တဝေင်ꩻလွုမ်း အွန်တရွန်ꩻထံစွဉ်ႏနောဝ်ꩻသွူ။ အရေꩻတွိုႏညီႏလာႏခံႏတဗာႏကို ဗွေႏခွန်တွမ်ႏအမတ်ဖုံႏ စဲ့ꩻကတူႏဖုံႏ အွဉ်ငါဒါႏအစွိုꩻ အုံကွံဒေါ့ꩻရီလို့ဝင်ꩻ စဲ့ꩻရေꩻဆဲင်ႏရာꩻသဖော်ꩻနောဝ်ꩻ ဗွေႏခွန်ဒေါ့ꩻဖေႏ-\n\"ညီႏလာႏခံႏထင်ႏအမတ်တန်ဖုံႏ၊ စဲ့ꩻရေꩻဆဲင်ႏရာꩻပုဂ္ဂိုလ်ႏဖုံႏဟွေး- တမ္ဗဒီပစဲ့ꩻကဲꩻတဖီး တဖယ်သီစဲ့ꩻရဲဉ်ႏနောဝ်ꩻ ယိုခါ ဖျော်တွိုႏလွဉ်သွူ တွံတေးတွမ်ႏ ဒလဖဲ့ꩻကိုတစွိုꩻ၊ အစွိုꩻနောဝ်ꩻ အလွိုးအီႏလွဉ်နေး ထီတဖူꩻဖဲ့ꩻကရိုꩻနောဝ်ꩻ ရိတ်ခေႏလꩻလဲဉ်းဒျာႏ၊ တစွိုꩻနောဝ်ꩻ တမ္ဗဒီပဟော်ခံꩻ အနုရုဒ္ဓါႏတွမ်ႏ စဲ့ꩻခွန်သျင်ႏခေတ်သာꩻသီး အွဉ်ကတူႏလွဉ်တဲင် ဖျော်တွိုႏလွဉ်သွူ စဲစ်တောင်းခြောင်တန်ဆꩻတွို့ꩻ ဝေါဒေႏသကို၊ အစွိုꩻယို အလွိုးအီႏလွဉ်နေးဒျာႏ တဖူꩻကောင်လောင်းဖဲ့ꩻအကျောင်ꩻ နီနာꩻစောႏတနာႏရေꩻသားဖုံႏ သတင်ꩻအလꩻ သေထွꩻဗာႏလဲဉ်းနေးနောဝ်ꩻသွူ၊ သတင်ꩻထူꩻတစွိုးနောဝ်ꩻ တမ္ဗဒီပဩဇာႏခံႏ ဥဿာခွန်ဟော်ခံꩻတွမ်ႏ စဲ့ꩻရဲဉ်ႏဖုံႏနောဝ်ꩻလဲ့ ဖြွမ်းဗူႏညီꩻတွမ်ႏဝွေꩻသီးတဲင် နေးအာႏနေးရဲင်ꩻတဗာႏတွော့ꩻ အီႏလွဉ်တွိုက်ꩻရောင် သုဝဏ္ဏဘူမိရိုꩻပီးနောဝ်ꩻတဲ့\"\nအမတ်တန်အာယုပါလလောဝ်းချာ-\n\"ဗွေႏခွန်ကလꩻဒါႏသတင်ꩻနောဝ်ꩻ စင်ႏစဲစ်တဗာႏ အမန်ႏဒျာႏဗွေႏဩ၊ ကွဲကားတွော့ꩻ နီသွဉ်သီးသုဝဏ္ဏဘူမိနောဝ်ꩻ သဘာဝအရံႏအရဲး အောဝ်ႏသေꩻခါꩻဒျာႏ ဆꩻကွဉ်ႏဖဲ့ꩻသူꩻ လဝကောင်ရွေꩻတွမ်ႏ ကောင်မျသပိစ်၊ ဆꩻတွို့ꩻဖဲ့ꩻသူꩻ သဘာဝပင်ႏလယ်ႏ၊ ဆꩻကွဉ်ႏထင်ꩻဖဲ့ꩻသူꩻ နေမိန္ဓရကောင်ရွေꩻအောဝ်ႏရဲဖေႏသေꩻခါꩻလဲဉ်းဒျာႏလဲ့ တရောဝ်း၊ အောဝ်ႏကောင်မျတပိတ်သူꩻ မဉ်ႏထွားလွေꩻနောဝ်ꩻ ထီႏစဲင်းလွေꩻပါ အနုရုဒ္ဓါႏစဲ့ꩻတပ်ကအောဝ်ႏဒါႏ ကျွꩻဆင်ဗွာထွူတကာႏတောဝ်း နီသွဉ်းသီး သုဝဏ္ဏဘူမိယို အံႏအွꩻရေꩻတာႏရိက္ခာႏတရိတ်တကလဲ့ အောဝ်ႏလွံးအီ သွံနိန်ႏတာႏတဲင် မဉ်ႏနုဲင်းနီသွဉ်းသီး ထာꩻထီႏနောဝ်ꩻ နန်းခီဗာႏတောဝ်းဒျာႏ၊ ကွယ်ကားတွော့ꩻ စဲစ်တောင်းခြောင်တန်မာꩻကွဉ်ႏ မရမ်းခြောင်တွမ်ႏ ကော���်ကေႏလာႏသရပ်ဖုံႏသူꩻ လွိုးရဲပေ့ꩻနွောင်ꩻဒျာႏသနဲ့ဗွေႏဩ\"\nမဉ်ႏထွားနေး စဲ့ꩻရေꩻအလꩻနောဝ်ꩻ ရဲးပေ့ꩻနွောင်ꩻတောဝ်း တမ္ဗဒီပစဲ့ꩻရဲဉ်ႏဖုံႏရိုꩻလဲ့ အမတ်တန်အာယုပါလအနေႏ ဒေါ့ꩻသꩻရေꩻဖေႏလယ်ႏကွို့ꩻ ဗွေႏခွန်တန်မနုဟာႏကရိုꩻနောဝ်ꩻ မူႏခွေအောဝ်ႏရိတ်ခေႏလꩻဒျာႏနောဝ်ꩻသွူ။\nတမ္ဗဒီပနောဝ်ꩻ ခမ်းလဲ့တန်လဲဉ်းဒွိုန်းက မူႏခွေသီးသုဝဏ္ဏဘူမိထွူတကာႏတောဝ်း စဲ့ꩻလွေꩻခင်ႏကိုနောဝ်ꩻ တပ်စဲ့ꩻလွေꩻခင်ႏ ဆင်တပ်၊ သေတပ်ဖုံႏထွူတကာႏတောဝ်း ဝွေꩻသီးဩဇာႏခံႏ ဥဿာခမ်းနောဝ်ꩻလဲ့ သမ်းကူႏညီႏစွဲကမ်းကိုပါလိုꩻအာႏ စဲ့ꩻအာႏ ခြွိုင်းလက်နက်စူခွုမ်အာႏ အံႏအွꩻတရိပ်တက ရိက္ခာႏဖုံႏလဲ့ သမ်းပါနေကဒျာႏသွူ၊ တဖဲ့ꩻကို တပ်ကခီႏလွဉ်ဒါႏ ထီတဖူꩻဖဲ့ꩻလဲ့ စဲ့ꩻကဲႏ တဖီးတဖယ်သီးနောဝ်ꩻ နေးတွမ်ႏစဲ့ꩻအာႏရဲင်ꩻတန်တနမ်အာအာတွော့ꩻ အောဝ်ႏထူႏသိမ်ꩻလꩻသေꩻခါꩻလဲဉ်း ကျွန်ꩻဆင်ဗွာတွမ်ႏ ကျွန်ꩻစဲ့ꩻဖုံႏနောဝ်ꩻသွူ။\nဟောဝ်ခံꩻအနုရုဒ္ဓါႏ တွမ်ႏစဲ့ꩻခွန်သျင်ႏခေတ်သာꩻသီး တပ်ခင်ႏနောဝ်ꩻ ပြွန်သော့ꩻပါလဲဉ်း စဲစ်တောင်းခြောင်တန်ဆꩻကွဉ်ႏဖဲ့ꩻတဲင် နွို့အုံသော့ꩻတျဉ်ႏသေꩻပါလဲဉ်း ကောင်ကေႏလာႏသ ပတ်တပွိုင်ႏကိုဖုံႏကရိုꩻနောဝ်ꩻ အဆုဲင်ꩻသွတ်ꩻ သတင်ꩻအလꩻ သေထွꩻပါလဲဉ်းဒျာႏနောဝ်ꩻသွူ၊ မဉ်ႏဒေါ့ꩻဗာႏယိုꩻယိုꩻမာꩻမာꩻနောဝ်ꩻ သာႏသနာႏသက္ကရာဇ် ၁၆၀၁-ဗာႏနေင်ႏ၊ ကောဇာႏသက္ကရာဇ် ၄၁၉-ဗာႏနေင်ႏကို မူႏခွေသီး သုဝဏ္ဏဘူမိယို ထဲ့လင်ꩻသော့ꩻထိုꩻဗာႏ တမ္ဗဒီပခွန်ဟော်ခံꩻ အနုရုဒ္ဓါႏစူကိုသနဲ့ဩ။\nပိဋကတ်တောႏသွံပုံႏနောဝ်ꩻ ဒင်ႏနေးဆင်ဗွာ(၃၂)လံꩻ၊ ဗွေႏခွန်၊ မူႏခွေ၊ ပိုခိုဥပရာႏဇာႏမင်ꩻသာꩻ သုဓမ္မ၊ မူꩻမတ်ချွေႏရံႏ ကာႏကအောဝ်ႏထွူတကာႏတောဝ်း သုဝဏ္ဏဘူမိလိတ်လုဲင်ꩻပညာႏသျင်ႏဖုံႏ၊ အနုပညာႏပညာႏသျင်ႏ (ဒိုကောဝ်ႏ၊ တောက်ꩻကောဝ်း၊ တဲမ်းရုတ်၊ စင်းလိတ်ꩻ၊ စင်းခံꩻတွမ်ႏ စူမုပညာႏသျင်ႏ (၁၀၀၀)လွိုနောဝ်ꩻ ထူႏသဲင်ꩻဟဲ့ꩻသဲင်ꩻလို့ တမ္ဗဒီပကိုသနဲ့ဩ။\nမူႏခွေသီး သုဝဏ္ဏဘူမိသွုမ်ꩻစဲ့ꩻဟော်ခံꩻတွမ်ႏ တစွိုꩻလွုမ်းနောဝ်ꩻ စဲ့ꩻတမ္ဗဒီပဖုံႏ အောဝ်ႏရဲးခူသေꩻခါꩻတဲင် တဖူꩻသောင်ကို သုဝဏ္ဏဘူမိခမ်းသားထီသား ပေႏတန်ဖြားဆားဖုံႏ ထွားရောင်လွပငါပရာꩻ ကဲဉ်းအာအာနောဝ်ꩻ ရွမ်းတဗူႏနေး စူယာꩻနီပင်တွော့ꩻ အောဝ်ႏဝုဲင်ႏမိုးလွေꩻထေ့ ဗွေႏခွန်မနုဟာႏတွမ်ႏ သွုမ်ꩻစဲ့ꩻအစွိုꩻသားဖုံႏနောဝ်ꩻသွူ၊ ခမ်းသားထီသားဖုံႏနောဝ်ꩻ မဲ့ထီအောဝ်ႏယွိုင်းယင်းလွ ပငါပရာꩻ၊ မူႏခွေတွမ်ႏ မူꩻမတ်ချွေႏရံႏဖုံႏလဲ့ ယွိုန်းမဲ့ထီလꩻတောဝ်းနုဲင်းနုဲင်းဝင်ꩻတဲင် အောဝ်ႏဒွိုတ်ꩻလွဒျာႏမဲ့ထီ ပငါပရာꩻသွူ။\nဗွေႏခွန်မနုဟာႏနောဝ်ꩻ ထွားလွေꩻခါႏခါႏ သုဝဏ္ဏဘူမိခမ်းသား ထီသားဖုံႏ၊ ထွားလဟမ်ႏခိုႏလောင်းခါႏခါႏတဲင် အောဝ်ႏခံႏစꩻလွေꩻဒျာႏ သွုမ်ꩻစဲ့ꩻဟော်ꩻခံဘဝ၊ စဲ့ꩻရွိုးဘဝကရိုꩻနောဝ်ꩻ မူႏခွေအောဝ်ႏသေထွꩻဒျာႏနုဲင်းမွော့ ဗွေႏခွန်ဩ။\nသုဝဏ္ဏဘူမိ သွုမ်ꩻစဲ့ꩻဟော်ꩻခံꩻခွန်မနုဟာႏတွမ်ႏ မူႏခွေသီးအစွိုꩻလို့လို့စင်စင်နဝ်ꩻ လိုꩻအာႏရဲင်ꩻ အဝ်ႏတရေင်လွိုတဲင် ဖျော်တွိုႏလွေꩻသွူတမ္ဗဒီပခမ်းကိုသွူ၊ မူႏခွေသီး သုဝဏ္ဏဘူမိခမ်းဗွေႏတွမ်ႏ မူႏမတ်ချွေႏရံႏ အနုပညာႏသျင်ႏ စူမုꩻပညာႏသျင်ႏ ကားကအဝ်ႏနဝ်ꩻ ကွဉ်ကꩻနေး ခွမ်ꩻလာꩻဖြေင်းကီလလွဉ်းလွဉ်းလဲ့ တရောဝ်း၊ သွုမ်ꩻစဲ့ꩻစဲ့ꩻရွိုး အစွိုꩻသားဖုံႏလဲ့တရောဝ်းတွော့ꩻ လိုꩻတမ္ဗဒီပဖုံႏ အွဉ်ဝင်ꩻထွားရောင်လွဒျာႏနဝ်ꩻ မူႏခွေသီး စင်းအွဉ်ႏဒွုမ်မဲ့ငါနောဝ်ꩻသွူ။\nမူႏခွေသီး သွုမ်ꩻစဲ့ꩻအစွိုꩻသားဖုံႏ ကဖျော်စတမ္ဗဒီပခမ်းကိုနောဝ်ꩻ ဝင်ꩻမာꩻဖေႏသုမ်းတန်ဖုံႏတွော့ꩻ ဖေႏအုံညီတထွောင်းချင်ႏကိုသွူ၊ ဆုဲင်ꩻယို ခွန်၊ မူႏခွေ၊ သုဓမ္မမင်ꩻသာꩻတွမ်ႏ မူႏမတ်ချွေႏရံႏဖုံႏနောဝ်ꩻ အွဉ်ႏထွာနေးဘုရာꩻသွဉ်း ဘုရာꩻရွှေစည်းခုံကိုတဲင် မာꩻဖေႏဗာႏ ဘုရာꩻဝေယျာဝစ္စဖုံႏနောဝ်ꩻသွူ။\nစင်းလေက်ꩻ၊ စင်းခံꩻတွမ်ႏ အနုပညာႏအစွိုꩻသားဖုံႏနောဝ်ꩻ တမ္ဗဒီပဟော်ခံꩻ အနုရုဒ္ဓါႏအမိန်းတောႏအလꩻ အွဉ်ႏချꩻခေါ်ခေါ်နေးတွော့ꩻ မဉ်ႏတဲႏဘုရာꩻတရိုꩻတဝ်း၊ မဉ်ႏဆို့ꩻကျောင်ꩻကန်ႏတရိုꩻတောဝ်း၊ မဉ်ႏတဲႏဆို့ꩻ ဟော်ဟင်းတရိုꩻတောဝ်း မဉ်ႏမာꩻထီနောင် ထီကန်ႏတဲန်းဖုံႏတရိုꩻတောဝ်း ထူႏသွုံꩻနေးဝွေꩻသီးဖုံႏနောဝ်ꩻသွူ၊ နဝ်ꩻမꩻ တမ္ဗဒီပကို အပွိုင်အဆင်ဖုံႏကဲဉ်းအာအာနဝ်ꩻ အခဝ်နောဝ်သား အနုပညာႏအဟေ့ꩻရောင်ႏဖုံႏ အဝ်ႏဗဉ်ႏသော့ꩻသေꩻခါꩻကရိုꩻနောဝ်ꩻ ဆꩻချာသားဖုံႏ အီႏထီႏဗာႏဒျာႏသနဲ့ဩ။\nဆုဲင်ꩻဝုဲင်ꩻယို ဗွေႏခွန်မနုဟာႏ၊ မူႏခွေ၊ သုဓမ္မမင်ꩻသာꩻနောဝ်ꩻ ဖေႏအုံချꩻယင်း မြင်းကပါဒုံထျꩻတဲင် မာꩻဖေႏနေးဟော်တဲꩻ၊ ယာႏယီႏနေးနောဝ်ꩻသွူ၊ ဝင်ꩻဖေႏအုံနေး ဟော်တဲꩻကိုရိုꩻလဲ့ ဗွိုန်ပီတောဝ်း နီလမ်းနီပါႏ၊ နီခမ်း၊ နီထီတဲင် ဗွေႏခွန်နောဝ်ꩻ အုံအောဝ်ႏထာꩻတချငါႏ၊ အုံဗာႏတခြင်တောဝ်းငါႏ၊ ယပ်ꩻသꩻငါႏထွူတကာႏတောဝ်း ယူႏလꩻသဲင်ꩻငါႏ သုဝဏ္ဏဘူမိအကျောင်ꩻ ဆ���်ႏဆင်ႏသောင်ခြင်ꩻထာꩻနောဝ်ꩻ မူႏခွေလဲင်ꩻသညင်ꩻပါနေးစွဉ်ႏနောဝ်ꩻသွူ။\n\"ဖူးမူႏနင်ꩻဒေႏဝီႏ- နီခမ်းသုဝဏ္ဏဘူမိ နီဟော်နန်ꩻနောဝ်ꩻ ထွာကုဲင်နုဲင်းမုဲင်ꩻလဲ့ သေထွꩻတဝ်းဒွုမ်နော်ႏ၊ နီပအူခမ်းသားဖုံႏ အနာႏဂတ်ဘဝအုံတဲင်ရေꩻလဲ့ ထွားငါလွေꩻသူꩻ ယူႏသူႏသေတဝ်းဒွုမ်ဖူးမူႏနော်ႏ၊ ကွပ်ကလဲဉ်းခိုႏချာ ဘဝလီꩻကိုဖုံႏနောဝ်ꩻ နီမာꩻဗာႏဝင်ꩻမꩻ ဘဝယို နီခံႏစာꩻဗာႏနုဲင်းနုဲင်းဝင်ꩻနေးနဝ်ꩻ မားမကောင်းတွော့ꩻ တယ်ႏဘဝယိုနောဝ်ꩻ\"ဗွေႏခွန်ဒေါ့ꩻထွူနောဝ်ꩻ သမ်းထွာငါလွေꩻနောဝ်ꩻမꩻ မူႏခွေနဲစ်ရီလွေꩻ-\n\"ဘဝယိုနောဝ်ꩻ အီႏမာꩻနေးမုဲင်ꩻ ဝေးခွန်\"\nဝေးခွန်ရိုꩻချာ-\n\"အွူး- နီဝေးခွန်မဉ်ႏတယ်ႏဘုရာꩻ၊ တယ်ႏဘုရာꩻမဉ်ႏထွူနောဝ်ꩻ မဉ်ႏတွိုႏဘဝပန်ငါသူꩻ ဖေႏကထွာဗာႏမွိုန်းဒွုမ် ဟော်ခံꩻသွုမ်ꩻစဲ့ꩻကရိုꩻနောဝ်ꩻ မဲဉ်ဆုတောင်ꩻနုဲင်းနောဝ်ꩻသနဲ့ ဖူးမူႏ\"တဲ့။\nဝေးခွန်မနုဟာႏဆန္ဒအတွိုင်ꩻ ဝုဲင်ꩻယို ဝွေꩻဗွေႏမနောမယ လုံးသဲင်မွန်နောဝ်ꩻ စာဖေႏသဌေꩻဘောဂ မြင်းကပါရပ်ကို လꩻလွဉ်ရွဉ်သူလောတွော့ꩻ ဟော်တဲꩻဆနောဝ် သီရိဇေယျဘုံတကောင်ꩻလောင်းကို ဟဲ့ꩻချာ နေးသုဝဏ္ဏဘူမိ ထာꩻဒါႏပညာႏသျင်ႏဖုံႏနောဝ်ꩻမꩻ သာႏသနာႏသက္ကရာဇ် ၁၆၀၃-ဗာႏနေင်ႏ၊ ကောဇာသက္ကရာဇ် ၄၂၁-ဗာႏနေင်ႏယို တယ်ႏသေꩻ\"ဘုရာꩻမနုဟာႏ\"သနဲ့ဩ။\nဘုရာꩻအခံႏဆလနောဝ်ꩻ တယ်ႏနေးကလာꩻကျောင်ꩻပွုံႏအခံႏတဲင် ပစ္စယာလောင်းကိုဖုံႏနောဝ်ꩻ ရေႏမတ်နေး ဗောဓိပက္ခိယတရာꩻ ၃၇-ပါꩻတွော့ꩻ တယ်ႏသေꩻစေႏတီႏ ပေ-၃၇ဆူႏနောဝ်ꩻသွူ၊ ဘုရာꩻကျောင်ꩻအကိုဖဲ့ꩻနောဝ်ꩻ တယ်ႏသေဘူမိဖဿ မုဒြာအုံလင်ꩻရုပ်တု တောႏတန်တဆူႏတွမ်ႏ အသောင်နီဖဲ့ꩻကို တယ်ႏသေꩻအရံႏရုပ်ထုတောႏပေႏ တဖဲ့ꩻတဆူႏသနဲ့ဩ၊ ဆꩻတွို့ꩻဖဲ့ꩻသူꩻ နီဗွေႏဘုရာꩻ ကထူႏခံႏနိဗ္ဗာန်ႏ ရှင်ပင်သာလျောင်း တဆူႏလဲ့ တယ်ႏသေꩻပါဒွိုန်းကသနဲ့ဩ။\nခွုင်းကားတဲင် ရုပ်ထုတောႏ ကားကအောဝ်ႏနောဝ်ꩻ တယ်ႏသော့ꩻနေးထမ်းပွုံႏသဏ္ဌာန်ႏတဲင် ဘုရာꩻဉာဏ်ႏတောႏဖုံႏနောဝ်ꩻ အောဝ်ႏအုံနင်းတချဗာႏလွဉ်းလွဉ်းသွူ၊ မူႏခွေရီ ထွားစံꩻဝေးခွန်နောဝ်ꩻ-\n\"ဝေးဗွေႏခွန်ဩ- ဘူမိဖဿ မုဒြာရုပ်တုတန် အပါႏအဝင်ႏ ဘုရာꩻကားကအောဝ်ႏနောဝ်ꩻ ဗွိုန်ပီနုဲင်းအဝ်ႏခံသော့ꩻထောင်ႏယို ပွိုးနေးမုဲင်ꩻဩ?\"\nဝေးခွန်ရိုꩻချာ-\n\"ဖူးမူႏနင်ꩻဒေႏဝီႏ- နီဝေးခွန်တွမ်ႏ ဖူးမူႏနင်ꩻဒေႏဝီႏ ပိုခိုသုဓမ္မမင်ꩻသာꩻ မူꩻမတ်ပညာႏသျင်ႏဖုံႏယို ထွာဘဝသွုမ်ꩻစဲ့ꩻ၊ ထွာဘဝစဲ့ꩻရွိုးတွော့ꩻ အုံဗာႏနေးဝင်ꩻစူဆꩻလꩻမꩻ ထွာဗာႏခမ်းအဲဉ်ထဝ်းထွူတကာႏတဝ်း နီစွိုးခွိုꩻ နီလိုꩻမျိုꩻတာႏလဲ့ နီမာꩻဖေႏနွောင်ꩻတောဝ်း ထာꩻမုဲင်ꩻမုဲင်ꩻ၊ လွေꩻသဲင်ꩻချာငါလဲ့ လွစ်လတ်တောဝ်းမꩻ ထန်ႏတချထိုꩻ၊ ဗွိုန်ပီနုဲင်း ထဲ့သော့ꩻထောင်ႏကို၊ တခြင်တောဝ်းငါႏအကျောင်ꩻနေးနောဝ်ꩻဖုံႏသွူ၊ ဆုဲင်ꩻဆုဲင်ꩻဝုဲင်ꩻဝုဲင်ꩻယို နီနာꩻပအူလိုꩻမျိုꩻ ပအူစွိုးခွိုꩻဖုံႏ မဉ်ႏလွဉ်ဝုဲင်ႏဗာႏဘုရာꩻ၊ မဉ်ႏလွဉ်ထီႏဗာႏ ကအုံနင်းတချဗာႏနုဲင်းယိုနောဝ်ꩻ သꩻရက်ခွိုꩻ သꩻစွိုးခွိုꩻဖုံႏ ဖေႏကပေါႏထန်ႏလွဉ်နေးနောဝ်ꩻတွော့ꩻ ခွေဗွေႏတယ်ႏတချသေꩻခါꩻ ဘုရာꩻနေးနောဝ်ꩻဒျာႏသနဲ့ ဖူးမူႏနင်ꩻဒေႏဝီႏ။\nဗွေႏခွန်ကအဝ်ႏနုဲင်းနောဝ်ꩻတွင်ꩻကို အွဉ်ႏပယီႏပယောဝ်ꩻလင်ꩻပါမဲ့ထီတဲင် မူႏခွေလဲ့ မဲ့ထီလင်ꩻပါနုဲင်းနုဲင်းနောဝ်ꩻသွူ၊ မူႏခွေသꩻကို-\n\"အော်- ခမ်းအဲဉ်ထဝ်း၊ ထီအဲဉ်ထဝ်းဘဝ ဘဝဝင်ꩻသွဉ်းယို နီစိုးကို လွစ်ထန်ႏလꩻတဝ်းဒွိုန်းလဲ့ မဉ်ႏတွိုႏဆုဲင်ꩻဝုဲင်ꩻ ဆꩻချာသားဖုံႏ ဖေႏကယူႏလꩻပါ၊ ဖေႏကသေထွꩻလꩻပါနုဲင်းနုဲင်းဝင်ꩻနောဝ်ꩻ နီဝေးခွန်မနုဟာႏ အဝ်ႏနန်းခီဖေႏပါဒွိုန်းကဒျာႏမွော့နဲး\"\nကရိုꩻနောဝ်ꩻ မူႏခွေနင်ꩻဂလာꩻဒေႏဝီႏ ယူႏလꩻသꩻပေႏ သꩻတနဲင်းပါနုဲင်းနောဝ်ꩻသွူ။\n\"ဗွေႏမူႏ နင်ꩻဂလာꩻဒေႏဝီႏဩ- ဗွေႏခွန်မနုဟာႏတွမ်ႏ ဗွေႏမူႏနင်ꩻဂလာꩻဒေႏဝီႏသီး လယ်ꩻထိုꩻထွူဆုဲင်ꩻဝုဲင်ꩻကို တမ္ဗဒီပခမ်း ဗွေႏခွန်အနုရုဒ္ဓါႏလဲ့ လယ်ꩻထိုꩻပါဒျာႏ ခွန်အနုရုဒ္ဓါႏပိုခို ဥပရာႏဇာႏစောလူးသွုပ်ခံႏလွေꩻ အခင်ႏလံးတဲင် ထွာလွဉ်ဟော်ခံꩻသွူ၊ ဆုဲင်ꩻယို ငရမာန်(မဲ့အဝ်ႏတပင်)နဝ်ꩻ အဝ်ႏဥဿာကို တွူႏတရန်ချာတဲင် ဟော်ခံꩻခွန်စောလူး ထဲ့သွုမ်ꩻထိုꩻစဲ့ꩻပွယ်ꩻကိုမꩻ စဲ့ꩻခွန်သျင်ႏခေတ်သာꩻ (ကျန်စစ်သား)သွုပ်ထူႏချာ ဟော်ခံꩻစေားလူး ခင်ႏလံႏသနဲ့ဩ\"\nသျင်ႏခေတ်သာꩻစိုးကို ဗွေႏခွန်ဗွေႏဖူးသီး လီꩻခို(ဥပရာႏဇာႏ သုဓမ္မမင်ꩻသာꩻပိုခို) အဿဝတ်ဓမ္မာမင်ꩻသာꩻနောဝ်ꩻ ရေႏတွူႏတရန်းချာ တမ္ဗဒီပတဲင် ဟော်ခံꩻသျင်ႏခေတ်သာꩻ ဆွမ်ꩻလꩻထိုꩻဒျာႏသနဲ့ဩ၊ ကွဲးကားတွော့ꩻ ဟော်ခံꩻသျင်ႏခေတ်သာꩻ ဖေႏပဲစ်ဖေႏတံႏတဝ်းထာꩻမုဲင်ꩻမုဲင်ꩻ၊ ရေႏရောႏလွဗꩻ ခမ်းထီညိမ်ꩻခွꩻရေꩻတာႏမꩻ အဿဝတ် ဓမ္မာမင်ꩻဿာꩻအပိုခို (ဗွေႏခွန်\/ဗွေႏမူႏသီးလင်ꩻခို) နာဂတဖန်းမင်ꩻသာꩻတွမ်ႏ ရွှေအိမ်သည် (ဟော်ခံꩻ သျင်ႏခေတ်သာꩻ ပိုမူႏ)နဝ်ꩻ အွဉ်ႏတောႏလမ်းတောႏပါႏ ရာႏဇာႏဘိသိက်မင်္ဂလာႏလွဝင်ꩻတဲင် လွူးဖွါꩻလွဉ်မင်ꩻသာꩻ \"အလောင်းစည်သူ\"သနဲ့ဗွေႏဩ။\nကွပ်နဝ်ꩻမꩻ မင်ꩻသာꩻအလောင်းစည်သူနောဝ်ꩻ ထွာလွဉ်နီဗွေႏခို နီဗွေႏမူႏသီး \"လဉ်\"ဒျာႏထွူတကာႏတဝ်း ထွာသုဝဏ္ဏဘူမိ ခွိုꩻနွယ်ႏဒျာႏတဲ့မွေးမွေးဒျာႏကရိုꩻနောဝ်ꩻ လျောက်လောဝ်းဟွိုန်ထေ့ဗာႏ ဗွေႏခွန်မနုဟာႏတွမ်ႏ ဗွေႏမူႏနင်ꩻဂလာꩻဒေႏဝီႏနုဲင်းနောဝ်ꩻဩ။\n\nအာႏကွိုꩻ\n\nပအိုဝ်ႏသမဲင်ꩻ","num_words":7376,"character_repetition_ratio":0.053,"word_repetition_ratio":0.002,"special_characters_ratio":0.063,"stopwords_ratio":0.018,"flagged_words_ratio":0.0,"lang_id_score":1.0,"perplexity_score":1112.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%94%E1%80%AC%E1%80%B8%E1%80%9B%E1%80%AE%E1%82%8F%E1%80%99%E1%80%BD%E1%80%94%E1%80%BA","collection":"wikipedia","source":"wikipedia","original_code":"blk","text":"\"နားရီႏမွန်\"\n\nတရောဝ်ꩻသွံခီႏ   ဒုံႏနာႏရီး\n\nအငေါဝ်းတဲ့အွီႏ   တမာလိုꩻ\n\nထွိုင်ႏခန်း ထွိုင်ႏခန်းတဲ့ ဝွေꩻရိုꩻ\n\nယူးဝါးမျိုꩻ   သေချိန်ႏခါႏ\n\nငွဉ်ꩻဟွဲး  တနျာႏနျာႏ\n\nတွိုႏအဆာႏ   မက်ဟူဖေါင်း\n\nအနုံꩻအောဝ်ႏ  ခင်ႏလောင်း\n\nတွိုႏအဖြောင်း   ဗွိုန်ုနဲင်းဝါး\n\nအမေးပေါင်းဖါးဖါး ။\n\nအဒေ့ꩻတရား   နားဆွဉ်ႏဗွာ\n\nကနောက်ꩻအောဝ်ႏဒင်ႏတဝီးနာ\n\nအွိုးလမ်းငါ  တသီးသီး\n\nသီထင်းတမုဲင်ꩻအီး\n\nတော်ဒျာႏ နီဆျာထီး\n\nအောက်   အီး   အီး  အျောက် ။\n\n\"မွိုးဖါဗွေႏ\n\nနီအံႏအွꩻတာႏ    ကွဉ်ကꩻတာႏ\n\nကျံႏဗာႏထုမ်ႏဖေႏ  မွိုးဖါဗွေႏ ။\n\nအွဉ်ႏသꩻကုဲင်းကုဲင်း  သွို့ꩻခြံလုဲင်း\n\nပွိုဆုဲင်းဗာႏသေႏ   မွိုးဖါဗွေႏ ။\n\nယာခိုးချိန်ႏခါႏ     မအုံဗာႏ\n\nယပ်ꩻငါႏသေႏသေႏ  မွိုးဖါဗွေႏ ။\n\nကေꩻဇူꩻတန်အာ    မွိုးတွမ်ႏဖါ\n\nယိုခါတန်ပေႏ     နီရိုႏသေႏ\n                       နီရိုႏသေႏ ။\n\nအာႏကွိုꩻ \n\nပအိုဝ်ႏကဗျာ","num_words":90,"character_repetition_ratio":0.083,"word_repetition_ratio":0.0,"special_characters_ratio":0.208,"stopwords_ratio":0.022,"flagged_words_ratio":0.0,"lang_id_score":1.0,"perplexity_score":33909.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%94%E1%80%AE%E1%80%97%E1%80%BD%E1%80%B1%E1%82%8F%E1%80%98%E1%80%AF%E1%80%9B%E1%80%AC%EA%A9%BB%E1%80%9F%E1%80%B1%E1%80%AC%E1%80%BA%EA%A9%BB%E1%80%96%E1%80%B1%E1%82%8F%E1%80%95%E1%80%9B%E1%80%AD%E1%80%97%E1%80%AD%E1%80%AF%E1%80%87%E1%80%BA","collection":"wikipedia","source":"wikipedia","original_code":"blk","text":"\"ပရိဗ္ဗာဇကသုတ် (နီဗွေႏဘုရာꩻဟော်ꩻဖေႏ ပရိဗိုဇ်တက္ကတွဉ်ꩻသီးတရာꩻ)\"\nနီဗွေႏဘုရာꩻဟော်ꩻဖေႏ ပရိဗိုဇ်တက္ကတွဉ်ꩻသီးတရာꩻနုဲင်းယို-\nပရိဗိုဇ်သီးဖုံႏဟွေး-\nတရာꩻမျတ်စခါ၊ လိုꩻစခါကျင်ꩻသွုံꩻလွဉ် ဗꩻတွိုႏယိုခါ တရာꩻနဝ်ꩻ အဝ်ႏလစ်ꩻမျိုꩻ၊ လစ်ꩻမျိုꩻကရိုꩻနဝ်ꩻ-\n၁။ အနဘိဇ္ဈာ - တထဲ့ꩻတောဝ်း ဝင်ꩻတခြိုꩻ\n၂။ အဗျာပါဒ - ကျံႏတကုဲင်တောဝ်းဝင်ꩻ\n၃။ သမ္မာသတိ - အွဉ်ႏသတိꩻဟောဝ်မဲဉ်ႏမွေး\n၄။ သမ္မာသမာဓိ - သꩻစွူဟောဝ်မဲဉ်ႏမွေး၊ ယိုလစ်ꩻမျိုꩻဖုံႏနောဝ်ꩻသွူ။\nပရိဗိုဇ်သီးဖုံႏဟွေး-\n'အနဘိဇ္ဈာ-တထဲ့ꩻတဝ်းဝင်ꩻတခြိုꩻ' တရာꩻယိုတမျိုꩻနဝ်ꩻ ထွာတရာꩻမျတ်တပါꩻ��� လိုꩻစခါ သေသေꩻခါꩻနုဲင်းနဝ်ꩻ၊ တရာꩻယိုနဝ်ꩻ ညလဲဉ်း။ ဟောဝ်ပယ်ႏထိုꩻတဝ်း၊ တပယ်ႏထိုꩻတဝ်း၊ အရိယာႏသီးခွိုꩻနွယ်ႏအသွုပ်သွုပ် ကျင်ꩻသွုံꩻလွဉ် ဗꩻတွိုႏယိုခါနောဝ်ꩻသွူ။\nပရိဗိုဇ်သီးဖုံႏဟွေး-\n'အဗျာပါဒ-ကျံႏတကုဲင်တဝ်းဝင်ꩻ'တရာꩻယိုတမျိုꩻနဝ်ꩻတဲ့ ထွာတမျတ်တပါꩻနေနေ၊ လိုꩻစခါ သေသေꩻခါꩻနုဲင်းနဝ်ꩻ၊ တရာꩻယိုနဝ်ꩻတဲ့ ညလဲဉ်း၊ ဟောဝ်ပယ်ႏထိုꩻတဝ်း၊ တပယ်ႏထိုꩻတဝ်း၊ အရိယာႏသီးခွိုꩻနွယ်ႏအသွုပ်သွုပ် ကျင်ꩻသွုံꩻလွဉ် ဗꩻတွိုႏယိုခါနောဝ်ꩻသွူ။\nပရိဗိုဇ်သီးဖုံႏဟွေး-\n'သမ္မာသတိ-အွဉ်ႏသတိꩻဟောဝ်မဲဉ်ႏမွေး'တရာꩻယိုတမျိုꩻနဝ်ꩻတဲ့ ထွာတမျတ်တပါꩻနေနေ၊ လိုꩻစခါ သေသေꩻခါꩻနုဲင်းနဝ်ꩻ၊ တရာꩻယိုနဝ်ꩻတဲ့ ညလဲဉ်း၊ ဟောဝ်ပယ်ႏထိုꩻတဝ်း၊ တပယ်ႏထိုꩻတဝ်း၊ အရိယာႏသီးခွိုꩻနွယ်ႏအသွုပ်သွုပ် ကျင်ꩻသွုံꩻလွဉ် ဗꩻတွိုႏယိုခါနောဝ်ꩻသွူ။\nပရိဗိုဇ်သီးဖုံႏဟွေး-\n'သမ္မာသမာဓိ-သꩻစွူဟောဝ်မဲဉ်ႏမွေး'တရာꩻယိုတမျိုꩻနဝ်ꩻတဲ့ ထွာတမျတ်တပါꩻနေနေ၊ လိုꩻစခါ သေသေꩻခါꩻနုဲင်းနဝ်ꩻ၊ တရာꩻယိုနဝ်ꩻတဲ့ ညလဲဉ်း၊ ဟောဝ်ပယ်ႏထိုꩻတဝ်း၊ တပယ်ႏထိုꩻတဝ်း၊ အရိယာႏသီးခွိုꩻနွယ်ႏအသွုပ်သွုပ် ကျင်ꩻသွုံꩻလွဉ် ဗꩻတွိုႏယိုခါနောဝ်ꩻသွူ။\nပရိဗိုဇ်သီးဖုံႏဟွေး-\nတရာꩻဖုံႏနဝ်ꩻလစ်ꩻပါꩻနဝ်ꩻ စခါတဲ့ ဟဲ့ꩻတရာꩻမျတ်၊ ယိုခါတဲ့ ဟဲ့ꩻတရာꩻမျတ်၊ အနာႏဂတ်ဆုဲင်ꩻဆုဲင်ꩻသူꩻတဲ့ အီႏဟဲ့ꩻတရာꩻမျတ်၊ စခါတဲ့ တပယ်ႏထိုꩻတဝ်း၊ ယိုခါတဲ့ ပယ်ႏထိုꩻတဝ်း၊ အနာႏဂတ်ဆုဲင်ꩻဆုဲင်ꩻသူꩻတဲ့ အမျိုꩻအီႏပယ်ႏထိုꩻမွေးတောဝ်း။\nပရိဗိုဇ်သီးဖုံႏဟွေး-\nတရာꩻမျတ်ဖုံႏနဝ်ꩻလစ်ꩻပါꩻနဝ်ꩻ အရိယာႏခွိုꩻနွယ်ႏအသွုပ်သွုပ် နေးထူႏသွုံꩻလွဉ်၊ ယိုခါတဲ့ နေးထူႏသွုံꩻခါꩻ၊ အနာႏဂတ်တွိုႏဆုဲင်ꩻဆုဲင်ꩻသူꩻတဲ့ အီႏနေးထူႏသွုံꩻလွေꩻ၊ ပေါႏနေးထူႏ ကျင်ꩻသွုံꩻတရာꩻယိုလစ်ꩻပါꩻနဝ်ꩻ နမ်းချမ်ꩻသာႏ၊ သꩻချမ်ꩻသာႏ၊ ကဲ့ꩻရဲ့ꩻသဲ့ꩻသွမ်ꩻခရာႏအဲဉ်ထဝ်း၊ ကကျင်ꩻသွုံꩻသားနဝ်ꩻ ရိုꩻဗာႏစွဉ်ႏ လိုꩻမဉ်လꩻနိဗ္ဗာန်ႏ၊ လိုꩻမဉ်ထန်ႏဝွဋ်ဒုက္ခ၊ ထွာစွဉ်ႏလိုꩻယံ လိုꩻကျနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ ပရိဗ္ဗာဇကသုတ်)\n\nအာႏကွိုꩻ","num_words":367,"character_repetition_ratio":0.11,"word_repetition_ratio":0.263,"special_characters_ratio":0.072,"stopwords_ratio":0.03,"flagged_words_ratio":0.0,"lang_id_score":1.0,"perplexity_score":1148.8,"cluster_detection":-1}
+{"url":"https:\/\/blk.wikipedia.org\/wiki\/%E1%80%94%E1%80%AE%E1%80%97%E1%80%BD%E1%80%B1%E1%82%8F%E1%80%98%E1%80%AF%E1%80%9B%E1%80%AC%EA%A9%BB%E1%80%9F%E1%80%B1%E1%80%AC%E1%80%BA%EA%A9%BB%E1%80%96%E1%80%B1%E1%82%8F%E1%80%9E%E1%80%80%E1%80%B9%E1%80%80%E1%80%81%E1%80%99%E1%80%BA%E1%80%B8","collection":"wikipedia","source":"wikipedia","original_code":"blk","text":"\"သက္က���ုတ် (နီဗွေႏဘုရာꩻဟော်ꩻဖေႏ သက္ကခမ်းသားတရာꩻ)\"\nတွိုႏဥပုသ်နီꩻတနီꩻ-\nသက္ကခမ်းသားခိုမူႏ ထင်ႏထူႏသီႏလ ဗွေႏဘုရာꩻထျꩻ၊ ဗွေႏဘုရာꩻရီနုဲင်းယို-\n\"သက္ကခမ်းသား ဖြားဆားခွန်နင်ꩻသီးဖုံႏဟွေး- သီႏလသွစ်ꩻပါꩻ (သီလ်သွစ်ꩻ)နောဝ်ꩻ သီဆို့ꩻတယ်ႏ(ဆောက်တဲႏ)နေဟောင်း (ဥပုသ်နီꩻစွုမ်ႏနီꩻ)\"\n\"ယနီꩻနီꩻတဲ့ ဆို့ꩻတယ်ႏဗာႏ၊ ယနီꩻနီꩻတဲ့ ဆောက်တယ်ႏဗာႏတဝ်း ဗွေႏဩ\"\n\"သီသက်အောဝ်ႏမွန်တွင်ꩻ သီသက်အန္တရာယ်ႏ၊ ထာꩻသီမရဏ အဝ်ႏအုံတံꩻပျꩻသွူ သီဆꩻငါနဝ်ꩻ သီတေသငမ်းတဝ်း၊ သီတဆို့ꩻတဝ်ႏတဝ်း သီလသွစ်ꩻ စွုမ်ႏဥပုသ်နောဝ်ꩻ သီထွာလိုꩻ အကျိုꩻတအဲဉ်ထဝ်း၊ သီထွာလိုꩻတဲ့ ထာခြေင်ဒျာႏထာꩻ၊\nခွေအီႏရီသီယို လောဝ်းပငါပရာꩻဟုဲင်း-\n၁။ ပါꩻတဖြာꩻနဝ်ꩻ နေးတွမ်ႏအကုသိုလ်ႏမွေးတောဝ်း၊ ပဲ့စ်ကင်ꩻစင်ႏကြယ်ႏ၊ ကျ့ႏစယ်ႏထုမ်ႏရွဉ် လꩻလွဉ်'ဟားသျိုး'၊ 'ဝွေꩻနဝ်ꩻ လိုꩻလိန်ႏမာႏတဖြာꩻ၊ ကျိုꩻစာꩻထိုမ်ႏဒါႏရွဉ်မွော့ဟွေး' နုဲင်းနဝ်ꩻနဝ်ꩻ ရိုꩻသင်ꩻနဲ့ ရိုꩻသင်ꩻတဝ်းနဲ့ (ရိုꩻသင်ꩻဗွေႏဩ)။\nဝွေꩻမဉ်ႏလꩻထဲင်းမွိုင် တယ်ႏတဗီႏ၊ ကွဲထင်ႏကွဲထင်ႏ ဗꩻတရေင်မွိုင် 'ဝွေꩻနဝ်ꩻ လိုꩻလိန်ႏမာႏတဖြာꩻ၊ ကျိုꩻစာꩻထိုမ်ႏဒါႏရွဉ်၊ လꩻလွဉ်စွဉ်ႏတရေင်၊ ထွာစွဉ်ႏလိုꩻခြွေတဖြာꩻတန်ဟွေး' နုဲင်းနဝ်ꩻနဝ်ꩻ ရိုꩻသင်ꩻနဲ့ ရိုꩻသင်ꩻတဝ်းနဲ့ (ရိုꩻသင်ꩻဗွေႏဩ)။\n\"အဝ်ႏတရင်နဝ်ꩻ လꩻငါငါ၊ ထွာစွဉ်ႏသဌေꩻတန်တဖြာꩻ၊ သက်တရျာꩻကို ဝွေꩻယိုနဝ်ꩻ တနီꩻမွူးတရိုꩻတဝ်း၊ တကွို့ꩻမွူးတရိုꩻတဝ်း၊ လေနာꩻတရိုꩻတဝ်း၊ တကွို့ꩻနာꩻတရိုꩻတဝ်း၊ ခံႏစာꩻဗာႏချမ်ꩻသာႏစဲစ်စဲစ် ရိုꩻနွောင်ꩻနေဟောင်း\"\n\"ရိုꩻနွောင်ꩻတဝ်း ဗွေႏဩ\"\n\"ပွိုးထမုဲင်ꩻ ရိုꩻနွောင်ꩻတောဝ်းဟောင်း\"\n\"တခြိုꩻကာႏမဂွုဏ်ႏကရိုꩻနဝ်ꩻ တသေႏတဝ်း၊ အကုဲင်ဒါႏ (အကေꩻန်)ချာဒါႏ)ဗွေႏဩ\"\n\"သက္ကခမ်းသား ဖြားဆားခွန်နင်ꩻသီးဖုံႏဟွေး-\nအနေင်ႏတဆီလိုမ်းလိုးမ် ခွေကဆွုံꩻမꩻအတွိုင်ꩻ လွောက်ꩻနာႏ မဉ်ႏအားထွုတ်မွေး တရာꩻနဝ်ꩻ ထွာနွောင်ꩻ သောႏတာႏပန်ႏပုဂ္ဂိုလ်ႏ၊ ထွာနွောင်ꩻသကဒါႏဂါမ်ႏပုဂ္ဂိုလ်ႏ၊ ထွာနွောင်ꩻအနာႏဂါမ်ႏပုဂ္ဂိုလ်ႏ၊ ခန္ဓာႏကုဲင်လီ ဝွေꩻသီးမဉ်ႏသီနဝ်ꩻ တွိုႏကီထင်ႏလူꩻခမ်းတဲ့အဝ်ႏ၊ တွိုႏထင်ႏဗျဟ္မာႏခမ်းတဲ့အဝ်ႏ၊\nအနေင်ႏတရျာꩻလုမ်းလုမ်း၊ အနေင်ႏတသောင်ꩻလုမ်းလုမ်း၊ အနေင်ႏတသိန်ꩻလိုးမ်လိုးမ်၊ (တကေန်ꩻချာဒါႏတဝ်း) ခံႏစာꩻဗာႏလူꩻချမ်ꩻသာႏ၊ ခံႏစာꩻဗာႏဗျဟ္မာႏချမ်ꩻသာႏနောဝ်ꩻသွူ။\nအနေင်ႏဆီရိုꩻမွုန်းဒွုမ် ကွတ်ꩻနေ��်ႏလုမ်းလုမ်း၊ ခွေကဆွုံꩻမꩻအတွိုင်ꩻ လွောက်ꩻနာႏ မဉ်ႏအားထွုတ်မွေးတရာꩻနဝ်ꩻ ထွာနွောင်ꩻသောႏတာႏပန်ႏပုဂ္ဂိုလ်ႏ၊ သကဒါႏဂါမ်ႏပုဂ္ဂိုလ်ႏ၊ အနာႏဂါမ်ႏပုဂ္ဂိုလ်ႏ၊\nခန္ဓာႏကုဲင်လီ ဝွေꩻသီးမဉ်ႏသီသူꩻနဝ်ꩻ တွိုႏကီထင်ႏလူꩻခမ်းတဲ့အဝ်ႏ၊ တွိုႏထင်ႏဗျဟ္မာႏခမ်းတဲ့အဝ်ႏ၊ အနေင်ႏတရျာꩻလုမ်းလုမ်း၊ နေင်ႏတသောင်ꩻလုမ်းလုမ်း၊ အနေင်ႏတသိꩻန်လိုးမ်းလိုးမ် ခံႏစာဗာႏလူꩻချမ်ꩻသာႏ၊ ခံႏစာꩻဗာႏ ဗျဟ္မာႏချမ်ꩻသာႏဖုံႏနောဝ်ꩻသွူ။\nသက္ကခမ်းသား ဖြားဆားခွန်နင်ꩻသီးဖုံႏဟွေး-\nကွတ်ꩻနေင်ႏရိုꩻမွုန်းဒွုမ်၊ သွစ်ꩻနေင်းလုမ်းလုမ်း ခွေကဆွုံꩻမꩻအတွိုင်ꩻ လွောက်ꩻနာႏ၊ မဉ်ႏအားထွုတ်မွေးတရာꩻနဝ်ꩻ ထွာနွောင်ꩻသောႏတာႏပန်ႏပုဂ္ဂိုလ်ႏ၊ ထွာနွောင်ꩻသကဒါဂါမ်ႏပုဂ္ဂိုလ်ႏ၊ ထွာနွောင်ꩻအနာႏဂါမ်ႏပုဂ္ဂိုလ်ႏ၊ ခန္ဓာႏကုဲင်လီ ဝွေꩻသီးမဉ်ႏသီနဝ်ꩻ တွိုႏကီထင်ႏလူꩻခမ်းတဲ့အဝ်ႏ၊ တွိုႏထင်ႏကီဗျဟ္မာႏခမ်းတဲ့အဝ်ႏ။\nအနေင်ႏတရျာꩻလုမ်းလုမ်း၊ အနေင်ႏတသောင်ꩻလုမ်းလုမ်း၊ အနေင်ႏတသိန်ꩻလိုမ်းလိုမ်း (တကေန်ꩻချာဒါႏတဝ်း) ခံႏစာꩻဗာႏလူꩻချမ်ꩻသာႏ၊ ခံႏစာꩻဗာႏဗျဟ္မာႏချမ်ꩻသာႏနောဝ်ꩻသွူ။\nသက္ကခမ်းသား ဖြားဆားခွန်နင်ꩻသီးဖုံႏဟွေး-\nသွစ်ꩻနေင်ႏရိုꩻမွုန်းဒွုမ်၊ နွုတ်ꩻနေင်ႏလုမ်းလုမ်း၊ ခွေကဆွုံꩻအမꩻအတွိုင်ꩻ လွောက်ꩻနာႏ၊ မဉ်ႏအားထွုတ်မွေးတရာꩻနဝ်ꩻ ထွာနွောင်ꩻသောႏတာႏပန်ႏပုဂ္ဂိုလ်ႏ၊ ထွာနွောင်ꩻသကဒါႏဂါမ်ႏပုဂ္ဂိုလ်ႏ၊ ထွာနွောင်ꩻအနာႏဂါမ်ႏပုဂ္ဂိုလ်ႏ၊ ခန္ဓာႏကုဲင်လီ ဝွေꩻသီးမဉ်ႏသီနဝ်ꩻ တွိုႏကီထင်ႏလူꩻခမ်းတဲ့အဝ်ႏ၊ တွိုႏထင်ႏကီဗျဟ္မာႏခမ်းတဲ့အဝ်ႏ။\nအနေင်ႏတရျာꩻလုမ်းလုမ်း၊ အနေင်ႏတသောင်ꩻလုမ်းလုမ်း၊ အနေင်ႏတသိန်ꩻလိုမ်းလိုမ်း (တကေန်ꩻချာဒါႏတဝ်း) ခံႏစာꩻဗာႏလူꩻချမ်ꩻသာႏ၊ ခံႏစာꩻဗာႏဗျဟ္မာႏချမ်ꩻသာႏဖုံႏနောဝ်ꩻသွူ။\nသက္ကခမ်းသား ဖြားဆားခွန်နင်ꩻသီးဖုံႏဟွေး-\nနွုတ်ꩻနေင်ႏရိုꩻမွုန်းဒွုမ်၊ သူနေင်ႏလုမ်းလုမ်း ခွေကဆွုံꩻမꩻအတွိုင်ꩻ လွောက်ꩻနာႏ၊ မဉ်ႏအားထွုတ်မွေးတရာꩻနဝ်ꩻ ထွာနွောင်ꩻသောႏတာႏပန်ႏပုဂ္ဂိုလ်ႏ၊ ထွာနွောင်ꩻသကဒါႏဂါမ်ႏပုဂ္ဂိုလ်ႏ၊ ထွာနွောင်ꩻအနာႏဂါမ်ႏပုဂ္ဂိုလ်ႏ၊ ခန္ဓာႏကုဲင်လီ ဝွေꩻသီးမဉ်ႏသီနဝ်ꩻ တွိုႏကီထင်ႏလူꩻခမ်းတဲ့အဝ်ႏ၊ တွိုႏထင်ႏဗျဟ္မာႏခမ်းတဲ့အဝ်ႏ၊ အနေင်ႏတရျာꩻလုမ်းလုမ်း၊ အနေင်ႏတသောင်ꩻလုမ်းလုမ်း၊ အနေင်ႏတသိန်ꩻလိုမ်းလိုမ်း၊ ခံႏစာꩻဗာႏလူꩻချမ်ꩻသာ���၊ ခံႏစာꩻဗာႏဗျဟ္မာႏချမ်ꩻသာႏဖုံႏနောဝ်ꩻသွူ။\nသက္ကခမ်းသား ဖြားဆားခွန်နင်ꩻသီးဖုံႏဟွေး-\nသူနေင်ႏရိုꩻမွုန်းဒွုမ် ငတ်ꩻနေင်ႏ (လစ်ꩻနေင်ႏ၊ သွံနေင်ႏ၊ နီနေင်ႏ၊ တနေင်ႏ) လုမ်းလုမ်း၊ ခွေကဆွုံꩻမꩻအတွိုင်ꩻ လွောက်ꩻနာႏ၊ မဉ်ႏအားထွုတ်မွေး တရာꩻနဝ်ꩻ၊ ထွာနွောင်ꩻသောႏတာႏပန်ႏပုဂ္ဂိုလ်ႏ၊ ထွာနွောင်ꩻသကဒါႏဂါမ်ႏပုဂ္ဂိုလ်ႏ၊ ထွာနွောင်ꩻအနာႏဂါမ်ႏပုဂ္ဂိုလ်ႏ။\nခန္ဓာႏကုဲင်လီ ဝွေꩻသီမဉ်ႏသီနဝ်ꩻ တွိုႏထင်ႏကီလူꩻခမ်းတဲ့အဝ်ႏ၊ တွိုႏထင်ႏဗျဟ္မာႏခမ်းတဲ့အဝ်ႏ၊ အနေင်ႏတရျာꩻလုမ်းလုမ်း၊ အနေင်ႏတသောင်ꩻလိုမ်းလိုမ်း၊ အနေင်ႏတသိန်ꩻလိုးမ်လိုးမ်၊ ခံႏစာꩻဗာႏလူꩻချမ်ꩻသာႏ၊ ခံႏစꩻဗာႏဗျဟ္မာႏသာႏဖုံႏနောဝ်ꩻသွူ။\nသက္ကခမ်းသား ဖြားဆားခွန်နင်ꩻသီးဖုံႏဟွေး-\nတနေင်ႏရိုꩻမွုန်းဒွုမ်၊ အလာတဆီ (ကွတ်ꩻလာ၊ သွစ်ꩻလာ၊ နွုတ်ꩻလာ၊ သူလာ၊ ငတ်ꩻလာ၊ လစ်ꩻလာ၊ သွံလာ၊ နီလာ၊ တလာ) လုမ်းလုမ်း၊ ခွေကဆွုံꩻမꩻအတွိုင်ꩻ လွောက်ꩻနာႏ၊ မဉ်ႏအားထွုတ်မွေးတရာꩻနဝ်ꩻ ထွာနွောင်ꩻသောႏတာႏပန်ႏပုဂ္ဂိုလ်ႏ၊ ထွာနွောင်ꩻသကဒါဂါမ်ႏပုဂ္ဂိုလ်ႏ၊ ထွာနွောင်ꩻအနာႏဂါမ်ႏပုဂ္ဂိုလ်ႏ။\nခန္ဓာႏကုဲင်လီ ဝွေꩻသီးမဉ်ႏသီသူꩻနဝ်ꩻ တွိုႏကီထင်ႏလူꩻခမ်းတဲ့အဝ်ႏ၊ တွိုႏထင်ႏဗျဟ္မာႏခမ်းတဲ့အဝ်ႏ၊ အနေင်ႏတရျာꩻလုမ်းလုမ်း၊ အနေင်ႏတသောင်ꩻလုမ်းလုမ်း၊ အနေင်ႏတသိန်ꩻလိုမ်းလိုမ်း ခံႏစာꩻဗာႏလူꩻချမ်ꩻသာႏ၊ ခံႏစာꩻဗာႏ ဗျဟ္မာႏချမ်ꩻသာႏဖုံႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ သက္ကသုတ်)\n\nအာႏကွိုꩻ\n\nWP\/blk","num_words":843,"character_repetition_ratio":0.128,"word_repetition_ratio":0.295,"special_characters_ratio":0.064,"stopwords_ratio":0.008,"flagged_words_ratio":0.0,"lang_id_score":1.0,"perplexity_score":1413.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%94%E1%80%AE%E1%80%9D%E1%80%B1%E1%80%B8%E1%80%99%E1%80%B0%E1%82%8F","collection":"wikipedia","source":"wikipedia","original_code":"blk","text":"\"နီဝေးမူႏ\"\nထာꩻခေ့ꩻပသာႏသွူ တိန်ႏငေါဝ်းသင်ႏသွူ နီလမ်းငါ၊ ခါယာငေါဝ်းဝေါက်သွူ နီလမ်းထျꩻ၊ နီအံႏအွꩻတဲ့ထွူလဲဉ်း၊ ခိုဗင်ႏဖုံႏ လွဉ်လယ်ႏသွူနီဝေးမူႏ၊ နီမွိုးနီဖါသီးတဲ့ ဒေါ့ꩻရီဆွုမ်ႏခိုဗင်ႏဖုံႏ တဆူးတဆင်ႏပေႏထွူတဲင် ထိုꩻလဲ့ꩻထိုꩻခန်းဒျာႏ။\nနီဝေးမူႏယိုနောဝ်ꩻ ဝင်ꩻရက်ဝင်ꩻစုမ်ꩻသားအာငါႏ၊ ခွေသွဉ်းအီႏခြုဲင်းနယ် နီဝေးမူႏခရာႏ၊ အုပ်ꩻသဲင်တခြစ်ꩻဗာႏ နီဝေးမူႏတဲ့ မွေးတောဝ်း။\nနီဝေႏမူႏနောဝ်ꩻ မဉ်ꩻနင်ႏဗွာ၊ တရေꩻတဲ့တရေꩻ၊ လိန်ႏမာႏတဲ့လိန်ႏမာႏ၊ အိန္တရေႏတဲ့ဟောဝ်၊ လွေꩻသွို့ꩻလွေꩻခြံတဲ့ကုဲင်း၊ ဖွစ်ꩻဖျိုးဒွိုႏသွတ်ꩻကပ်ကောဝ်ႏ၊ ကပ်သ��မ်ꩻတောႏ၊ ဒွိုႏဒဲဉ်ဗွာ၊ ပသာဒဲဉ်ဗွာ၊ မာꩻဖေႏမွိုးဖါဝွတ်ပတ်၊ မာꩻဖေႏသင်္ဃာႏဝွဝ်ပတ် စတဲင်ထဉ်ႏမွေဝွတ်ပတ်ဖုံႏ၊ ထာꩻမာꩻဟောဝ် ထာꩻမာꩻဒါႏဖုံႏနောဝ်ꩻ ကုဲင်းငါႏသွူ။\nဒေါ့ꩻငေါဝ်းငွါတဲ့အွီႏ၊ ပနဲဉ်ႏတဲ့ပနဲဉ်ႏတဲင် ဒေါ့ꩻရီမွိုးဖါတဲ့ကျင်ႏ၊ ဒေါ့ꩻရီခိုဗင်ႏတဲ့လဲပ်၊ ဝင်ꩻအပဲစ်တဲ့ တဒေါ့ꩻဖိုဖိုတောဝ်း၊ ဝင်ꩻပွုံႏဝင်ꩻမဉ်ꩻ ငေါဝ်းခိုးငွါလျား၊ ငေါဝ်ႏသိုႏငွါဖျင်ꩻ၊ ငေါဝ်းဝွေႏငွါဝက်၊ ငေါဝ်းပစော့ꩻပနျꩻဖုံႏယိုတဲ့ တဒေါ့ꩻဖိုဖိုတောဝ်းသွူ။\nသꩻတဲ့ဗွာငါႏ၊ သꩻဟောဝ်ငါႏ၊ သꩻဆွာꩻငါႏ၊ ထာꩻရက်ထာꩻသညင်ꩻဝင်ꩻတဲ့တန်၊ စေႏတနာႏသဒ္ဓါႏတရာꩻတဲ့ ဟောဝ်ငါႏ၊ နာႏမော်နာႏတရာꩻတဲ့ ကုဲင်းငါႏသွူ။\nကွပ်နောဝ်ꩻမꩻ နီဝေးမူနင်ႏဗွာနောဝ်ꩻ ဝင်ꩻရက်ဝင်ꩻစုမ်ꩻသားအာငါႏ၊ ခိုဗင်ႏဖုံႏတဲ့ ကျွိုက်အာငါႏ၊ ခိုဗင်ႏဖုံႏ ဟဲ့ꩻမက်ꩻရောင်မွေးစွဉ်ႏလိုꩻ၊ ဟဲ့ꩻမက်တယောဝ်း အတလꩻမွေးတောဝ်းခြာ။\nခွေကခတ်ကယ်ꩻတေ့ꩻနောဝ်ꩻ နီဝေးမူႏကျွိုက်ငါႏ ခွန်ထွန်း၊ ပွိုးထမုဲင်ꩻနဲးတဲင် ခွန်ထွန်းနောဝ်ꩻ အွꩻဒါႏတောဝ်းဒေါဝ်၊ တောႏဒါႏတောဝ်းဖုဲင်း၊ ကုဲင်းတဲ့ကုဲင်း၊ လိန်ႏမာႏတဲ့လိန်ႏမာႏ၊ စေႏတနာႏသဒ္ဓါႏတရာꩻတဲ့ဟောဝ်၊ ဝင်ꩻအမျာꩻလဲ့ အာႏကွိုꩻလꩻ၊ ယောင်ꩻဆင်ꩻတဲ့တရေꩻ၊ ယဲက်အဖဲ့ꩻမုဲင်ꩻတဲ့တဲးဝါး၊ ထွားအဖဲ့ꩻမုဲင်ꩻတဲ့သေႏချာႏ၊ ကွပ်နောဝ်ꩻမꩻ နီဝေးမူႏနင်ႏဗွာ ကျွိုက်ငါႏနောဝ်ꩻသွူ။\n\nအာႏကွိုꩻ","num_words":329,"character_repetition_ratio":0.053,"word_repetition_ratio":0.0,"special_characters_ratio":0.056,"stopwords_ratio":0.067,"flagged_words_ratio":0.0,"lang_id_score":1.0,"perplexity_score":1335.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%91%E1%80%99%E1%80%80%E1%80%BB%E1%80%B1%E1%80%AC%E1%80%84%E1%80%BA%EA%A9%BB%E1%80%90%E1%80%94%E1%80%BA%E1%80%90%E1%80%B1%E1%80%AC%E1%80%84%E1%80%BA%E1%82%8F%E1%80%80%E1%80%AE%EA%A9%BB%28%E1%80%80%E1%80%BB%E1%80%B1%E1%80%AC%E1%80%84%E1%80%BA%EA%A9%BB%E1%80%90%E1%80%94%E1%80%BA%E1%80%99%E1%80%BD%E1%80%89%E1%80%BA%E1%80%81%E1%80%BC%E1%80%B2%E1%80%84%E1%80%BA%29%E1%80%9E%E1%80%99%E1%80%B2%E1%80%84%E1%80%BA%EA%A9%BB","collection":"wikipedia","source":"wikipedia","original_code":"blk","text":"ပထမကျောင်ꩻတန်တောင်ႏကီꩻ(ကျောင်ꩻတန်မွဉ်ခြဲင်)သမဲင်ꩻ -\nမွဉ်ခြဲင်နဝ်ꩻ သေင်ႏမိဉ်ꩻဒျာႏ လိုꩻကရီးခါ မာꩻအီမွဉ်ဖုံႏနဝ်ꩻသွူ။ ဆရာႏတကာႏ တန်ပေႏမူႏခိုအပေါင်ꩻ ကလူႏညီꩻဒါႏဝါင်ꩻကျောင်ꩻ ပထမကျောင်ꩻတန်တောင်ႏကီꩻ အတ္ထုပ္ပတ္တိ ယံဖေႏကသေညီꩻဗာႏဝါင်ꩻတဲင် အမဲဉ်ႏတဗာႏ သံႏဃာႏထွတ်ထေသေꩻခါꩻ လိတ်အုပ်ထွူ။ သာႏသနာႏသက္ကရာဇ် (၂၅၀၃)နေင်ႏ ကောဇာသက္ကရာဇ် (၁၃၂၂)နေင်ႏ။\n\nကျောင်ꩻအတ္ထုပ္ပတ္တိအခရာႏ ငဝ်းတယ်ႏအွဉ်(နိဒါန်း) -\nအွိုးဟွေးလိုꩻအမျာꩻ နီဗဟိုရ်ႏသံႏဃာႏအဖွဲ့ ကထွတ်ထေသေꩻဗာႏ ပဌမကျောင်ꩻတန်တောင်ႏကီꩻ အတ္ထုပ္ပတ္တိ အကျောင��ꩻခရာႏနောဝ်ꩻကောင်း ပုဂ္ဂိုလ်ႏလိုꩻကျောင်ꩻတွမ်ႏလိုꩻလမ်း စွုမ်ႏခမ်းစွုမ်ႏထီ စွုမ်ႏဖြီးစွုမ်ႏဖြာꩻ နီပအိုဝ်ႏသံႏဃာႏအမျာꩻအွဉ်ဟိုရ် ကတယ်ႏထောင်ႏညီꩻဝါင်ꩻ ကျောင်ꩻတန်ယိုနောဝ်ꩻ ယံကသေစဲင်းလွ ပငါပရာꩻ ရေႏရွယ်ႏခါꩻနုဲင်းနောဝ်ꩻလဲ့တရောဝ်း။ နောဝ်ꩻလွုမ်ꩻတကာႏတောဝ်း ပိုလီꩻတပဲ့ꩻတပန်ꩻဆုဲင်ꩻချာ အစဲဉ်ႏအဆက် ယံသေလွဉ်ꩻဗာႏ နီဆရာႏတကာႏ ကတယ်ႏထောင်ႏညီꩻဝါင်ꩻ ပဌမကျောင်ꩻတန်တောင်ႏကီꩻ လိတ်သွဉ်တွိုက်ယို နီမွိုးနီဖါ နီဆရာႏစူကွို့ꩻစူခြောင်ꩻ ယံကမတ်တောင်ꩻလꩻလွ ပငါပရာꩻ ရေႏရွယ်ႏသေꩻခါꩻနုဲင်းနောဝ်ꩻလဲ့တမျိုꩻ။ နီလိတ်သွဉ်တွိုက်ယို ယံဖေႏကတိုꩻတက်တငါငါ၊ ယံကထွာသေꩻလိတ်ကမ္ပယ်ႏ ရေႏရွယ်ႏသေꩻနုဲင်းနောဝ်ꩻလဲ့မွေးမွေး။ နောဝ်ꩻမꩻတဲင် အွဉ်ႏထွာသေꩻဗာႏလိတ်အုပ်၊ တဲမ်းထုတ်သေꩻတွမ်ႏအက္ခရာႏ၊ တဲမ်းနေးလင်ႏကာႏတဲ့ပါ၊ လင်ႏကာႏတမွေးတောဝ်း ငေါဝ်းရိုꩻရိုꩻဒျာႏလဲ့ရော်ꩻ၊ ငေါဝ်းလင်ႏချော်ꩻတချော်ꩻတဝ်းနောဝ်ꩻ သယ်ꩻခံႏဖတ်လွဒျာႏ။ အောဝ်ႏလိုႏသေငါႏ အဓိပ္ပါယ်ႏ၊ အဝ်ႏလိုႏနားလယ်ႏနဝ်ꩻလွုမ်ꩻသွူနောလောင်ꩻ အမျာꩻပေါင်ꩻလိုꩻအာဟွေး။\n\nပထမကျောင်ꩻတန်တောင်ႏကီꩻ ဗွေႏဗွန်အဆက်ပေါင်ꩻ  \n၁။ ပဌမကျောင်ꩻတန်တောင်ႏကီꩻယိုနဝ်ꩻ ကတယ်ႏထောင်ႏလွဉ်စကျောင်ꩻ အွိုးပဌမနဝ်ꩻ ပါꩻမုဲင်ꩻလဲ့ တထီႏထွꩻ တဟွုန်ထွꩻတဝ်းနဝ်ꩻသွူ။ လိုꩻဖြားကဟွုန်ထွꩻ ကမတ်တောင်ꩻသေꩻဗာႏ သက္ကရာဇ် တရေင်တရျာꩻမာꩻလွဉ်ယို အရီးသွတ်ꩻကအုံနင်းပုဂ္ဂိုလ်ႏနဝ်ꩻရာꩻ ဗွေႏဗွန်သုပ်ဖြား၊ ဇာႏတိဖက်ꩻရဲ၊ ဝွေꩻဗွေႏကလွဉ်နဝ်ꩻလဲ့ ကျောင်ꩻအဝ်ႏလဲဉ်းဒျာႏနဝ်ꩻသွူ။ \n၂။ ဗွေႏဗွန်သုပ်ဖြား ကစွိုင်ႏလွဉ်ႏထွူတဲင် ပါင်ꩻသော့ꩻယင်း ဗွေႏဗွန်အရိယ-ဗွေႏဗွန်တဘောက်နဝ်ꩻလဲ့ တဆက်သွူ။ \n၃။ ဗွေႏဗွန်အရိယ ကထင်ႏလွဉ်ႏထွူတဲင် ပါင်ꩻသော့ꩻဝွေꩻဗွေႏတပဲ့ꩻ ဗွေႏဗွန်ဝရသွူ။ ဗွေႏဗွန်ဝရ အလက်ထက် တနꩻစွဉ်ႏအင်္ဂလိပ် ကားလားကဖျော်လွဉ်ခမ်းကောင် သက္ကရာဇ် (၁၂၄၈)နိန်ႏတွင်ꩻကိုနဝ်ꩻသွူ။ အတွင်ꩻနဝ်ꩻ တောင်ႏကီꩻဝေင်ꩻလဲ့ တအဲဉ်ထဝ်းဒွိုန်း၊ တောင်ႏကီꩻလဲ့ ဝါင်ꩻတဟဲ့ꩻတဝ်းဒွိုန်း၊ ဝါင်ꩻဟဲ့ꩻဒျာႏ ဒုံတောင်ႏတီ၊ ပွိုးစွဉ်ႏတောင်ႏတီမွူးတန်အဝ်ႏတဲင် ဝါင်ꩻဟဲ့ꩻလွဉ်ꩻနဝ်ꩻသွူ။ ဆုဲင်ꩻနဝ်ꩻမꩻ အင်ႏဂလိပ်ကထင်ႏတယ်ႏဝိန်ꩻတဲင် အမဉ်ꩻတွင်ႏတေားခန်း တောင်ကြီး-တောင်ႏကီꩻနဝ်ꩻသွူ။ အတွင်ꩻနဝ်ꩻ တောင်ႏကီꩻတခြောင်ႏလွုမ်း အဝ်ႏဒျာႏ ပဌမကျောင်ꩻတန် ယိုတကျောင်ꩻလ���ုမ်ꩻနဝ်ꩻသွူ။ \n၄။ ဗွေႏဗွန်ဝရ ကထင်ႏလွဉ်ႏထွူဆုဲင်ꩻနဝ်ꩻတဲင် ပါင်ꩻသော့ꩻယင်းဝွေꩻဗွေႏအတပဲ့ꩻ ဗွေႏဗွန်စာရိန္ဒနဝ်ꩻလဲ့ တဆက်သွူ။ \n၅။ ဗွေႏဗွန်စာရိန္ဒ ကထင်ႏလွဉ်ႏထွူနဝ်ꩻမꩻ ပါင်ꩻသော့ꩻယင်း ဗွေႏဗွန်ယသနဝ်ꩻလဲ့ တဆက်သွူ။ \n၆။ ဗွေႏဗွန်ယသ ကထင်ႏလွဉ်ႏတောႏမူႏထွူဆုဲင်ꩻနဝ်ꩻ ပါင်ꩻသော့ꩻ ဗွေႏဗွန်ဝိရိယ ဇာႏတိ-ဝါးပျားဒုံ၊ ဝွေꩻဗွေႏနဝ်ꩻ အုံတပေါႏညတဝ်း ထွက်သဲင်ꩻခန်းဒျာႏနဝ်ꩻသွူ။ \n၇။ အဝ်ႏနဝ်ꩻထွူမꩻ ပင်ꩻသော့ꩻယင်း ဗွေႏဗွန်သုနန္ဒ၊ ဝွေꩻဗွေႏဇာႏတိနဝ်ꩻ ပင်မွိုင်ꩻနုဲင်ꩻ ထီသေင်ႏရွီး၊ အုံကျောင်ꩻခံႏသျင်ႏနဝ်ꩻ နားရီꩻကျောင်ꩻ၊ ဝွေꩻဗွေႏကလင်ꩻသွဉ်လိတ်မန်းခမ်းနဝ်ꩻ ညစွဉ်ႏ အနိန်ႏသွံဆီဗွေဗွေ၊ ဝွေꩻဗွေႏကထင်ႏအဝ်ႏမန္တလေꩻသဲင်ꩻနဝ်ꩻ ဟဲ့ꩻထင်ႏပါ လိတ်ချꩻပုဂ္ဂိုလ်ႏနီပါꩻတဲင် သဲင်ꩻဗွောင်လိတ်သွဉ်တွိုက်၊ နီသွံနိန်ႏကထင်ႏညတဲင်ခါ (၁၃၀၂) တရေင်သွံရျာꩻနီနိန်ႏကိုနဝ်ꩻ ဝွေꩻဗွေႏလွဉ်ႏတောႏမူႏခန်းဒျာႏနဝ်ꩻသွူ။ \n၈။ ဗွေႏဗွန်သုနန္ဒ ကထင်ႏလွဉ်ႏထွူဆꩻချာနဝ်ꩻ ကျောင်ꩻတကာႏ ကအဝ်ႏတွိုင်ႏပင်ႏဝင်ꩻ၊ ကအီႏပင်ꩻသော့ꩻ ပုဂ္ဂိုလ်ႏယို \"နီထွံႏဗာႏမုဲင်ꩻကို\" ရီရွောင်လွ၊ အဝ်ႏနဝ်ꩻထွူမꩻ စောႏတနာႏ၊ ဟွုန်လင်ꩻခန်းဒျာႏ သထုံႏတန်၊ ပို့ချသွဉ်သင် တပဲ့ꩻပေါင်ꩻ၊ ကတယ်ႏထောင်ႏကျောင်ꩻ ပုပ္ဗါရုံ၊ သုဝဏ္ဏဘူမိ သထုံႏဝိန်ꩻကို ဆရာႏတောႏဦးနရိန္ဒယို အမဉ်ꩻထန်ႏ၊ မီႏရိုꩻစောဝွေꩻဗွေႏ ခင်ႏလမ်းဇာႏတိ၊ သုဝဏ္ဏဘူမိ ဝိန်ꩻဆꩻထင်ꩻ၊ မပေါႏညာꩻလုံလင် အဝ်ႏဝီႏဝါး၊ ရပ်မဉ်ꩻနဝ်ꩻ \"တံတားဦး\"တဲ့ရိုꩻ၊ ကျောင်ꩻမဉ်ꩻယိုဓမ္မကာရီ၊ နီနာꩻမီႏခီႏ လင်ꩻပါင်ꩻစင်းလꩻဒါႏ၊ အမျာꩻတကာႏ ဖြွမ်းညီႏလွ။\n\nအဝ်ႏနဝ်ꩻထွူမꩻ တွိုင်ႏပင်ႏခန်း၊ သထုံႏသီႏသဲင်ႏခမ်း စောက်ꩻဖါးတန် ခွန်စီယင်လဲ့ သဘော်ꩻတူႏ၊ ဦးဖျူနဝ်ꩻလဲ့ သဘော်ꩻလꩻ၊ ဖေႏနေးကကျွꩻ သီလင်ꩻပင်ꩻလုဲင်း၊ မီႏထွားနုဲင်းဝွေꩻဗွေႏထာꩻမာꩻ ကလဲဉ်းခိုႏချာꩻ ရစွဉ်ႏလꩻဒျာႏသနဲ့လောင်ꩻ\" နီခမ်းကောင်နဝ်ꩻ အဝ်ႏလိုႏငါႏ၊ ဉာဏ်ႏပညာႏဒါႏ နုဲင်းဝွေꩻဗွေႏသီး၊ ထာꩻထီႏလဲ့ဆွာꩻ စိတ်ကူꩻဒါႏ၊ လောကီꩻလောကုတ္တရာႏ ပြဲ့ꩻစုံႏဟဝ်၊ စိမ်စွဉ်ႏဒေါ့ꩻဖြဝ်ႏနဝ်ꩻလဲ့ ပြဲ့ꩻစုံႏငါႏ၊ ခမ်းကောင်သာႏသနာႏ ဖေႏကလေ၊ ဝွေꩻဗွေႏမꩻသေ ထာꩻမာꩻစဲဉ်ႏ၊ စောက်ꩻဖါးခွန်စီ သီႏသဲင်ႏကထင်ႏရိုꩻနုဲင်းနဝ်ꩻတဲင် ကျောင်ꩻတကာႏဦးဘိုးခင်သီးလဲ့ ယိန်းဆꩻတက်၊ ဝွေꩻသီးလဲ့နဲစ် တဖွူနက်လင်ꩻစွဉ်ႏတလဲင်ႏချင်ꩻ၊ ကထင်ႏတွိုႏလင်ꩻအွိုးသူꩻကို၊ လျောက်လဝ်းခန်းနုဲင်းယိုသနဲ့လောင်ꩻ။\n\nလျောက်လောဝ်းအုံကွံချာငါခဏ်ꩻ \n\nဩဗွေႏဩစောဝ်း၊ ယိုနဝ်ꩻငခါ၊ သွဉ်းတကာႏစူနုံ၊ လုံးစုံတဆီ၊ ကတူႏကီအွဉ်ႏဒင်ႏ၊ ဝုဲင်ႏထင်ႏလျောက်လဝ်း၊ ဆရာႏစဝ်းနီဗွေႏငါ၊ ယိုလဲင်ႏခါနဝ်ꩻ၊ သွဉ်းသီးအဝ်ႏလိုႏငါႏ၊ ခမ်းကောင်သာႏသနာႏ ယံကလေ၊ ပုဂ္ဂိုလ်ႏဒါႏသေ ယံကလွိုင်ႏ၊ သာႏသနာႏခြွိုင်း ပရိယတ်၊ ယံဖေႏဆꩻတက် စွုမ်ႏနီꩻဟာ၊ နီဗွေႏဆရာႏသီးခါ မီႏသညင်ꩻမꩻ၊ သွဉ်းသီးတကာႏ တကာႏမအီႏဟွုန်ဗာႏ၊ ရဟန်ꩻသံႏဃာႏ ရွစ်လိတ်ငဝ်း၊ နဝ်ꩻမꩻနီဗွေႏစဝ်းဆရာႏ ယံလက်ခံႏ၊ သွဉ်းသီးကျောင်ꩻတန် တောင်ႏကီꩻသူꩻ၊ ဗွေႏဆရာႏကျွꩻစူꩻ ထင်ႏနင်းအုံ၊ ပစ္စေꩻကွမ်ႏလွမ်ႏ သွဉ်းသီးအာႏမခံႏဒျာႏ၊ နီဗွေႏဆရာႏနန်းဗာႏတဝ်းထမုဲင်ꩻဩ။ တကာႏဖုံႏလျောက်လဝ်းထွူနုဲင်းနဝ်ꩻတဲင် ဗွေႏဗွန်တန် ဦးနရိန္ဒလဲ့ လက်ခံႏ၊ ပင်ꩻထင်ႏခန်းတောင်ႏကီꩻကျောင်ꩻတန်ကိုꩻ မီႏရိုꩻသက္ကရာဇ် (၁၃၀၃) တရိန်သွံရျာꩻသွံနိန်ႏတွင်ꩻကို အလဲင်ႏနေးနဝ်ꩻ၊ ဝွေꩻဗွေႏကျွꩻထင်ႏဆို့ꩻခန်း ဝါႏတဝါႏနဝ်ꩻသွူ။ ဝါႏကထွိုင်ႏထန်ႏတဲင် ဝွေꩻဗွေႏလဲ့ ကျွꩻလင်ꩻချာယင်း သမ်းတနꩻခန်း ခမ်းကုဲင်ဂျပန်လွဉ်တဲင် သဲင်ꩻသတင်ꩻသုံꩻချာဒျာႏ ခင်ႏလမ်းဇာႏတိ ဓမ္မကာရီကျောင်ꩻနဝ်ꩻသွူ။ ကထင်ႏတွိုႏခမ်းကုဲင်ဝုဲင်ꩻ သက္ကရာဇ် (၁၃၀၇) တရေင်သွံရျာꩻနွတ်ꩻနိန်ႏကို ဒဲဉ်သီႏလာနဝ်ꩻမꩻ ကျောင်ꩻတကာႏဖုံႏလဲ့ စီꩻဝွေꩻယင်းဝင်ꩻ၊ လင်ꩻပင်ꩻယင်းတလဲင်ႏတဲင် ဝွေꩻဗွေႏနမ်းလဲ့ကျွꩻထင်ႏ၊ ဝွေꩻဗွေႏဟဲ့ꩻထင်ႏပါ လိတ်ချꩻပုဂ္ဂိုလ်ႏ ဦးတိလောက၊ ဦးဓမ္မသာမိ နီပါꩻနဝ်ꩻလဲ့ ကျွꩻထင်လွဉ်ꩻအလဲင်ႏနဝ်ꩻသွူ။ ခွိုင်းနဝ်ꩻမာꩻငါမꩻ ပညာႏရေꩻ၊ ကျောင်ꩻတန်အောင်ႏမျင်ႏရေꩻထွာလွဉ်လꩻခန်းဒျာႏနဝ်ꩻသွူ။\n\nနမော တဿ ဘဂဝတော အရဟတော သမ္မာသမ္ဗုဓသ၊ ဗုဒ္ဓသာသနံ စိရံ တိဋ္ဌတု သဒ္ဓမ္မော။ ဗုဒ္ဓ- လောကသွံပါꩻ၊ ဗြဟ္မာႏလူꩻလိုꩻ၊ သွံမျိုꩻစားယို၊ ဟောင်ရိုꩻပြဲင်ႏဖဲက်၊ တုတဲက်ပီဗိုန်၊ ထွꩻသွုန်နွောင်ꩻတဝ်း၊ ပဉ္စဝ်းဘုရာꩻ၊ သာသနံ-ငဝ်းငွါဆုမ္မꩻ၊ ဩဝါဒသွဉ်သင်၊ ကျင်ꩻကံသိက္ခာႏ၊ ဂန္ထဓူရ ဝိပဿနာဓူရ၊ မူလရွီးခိုႏ၊ အွိုႏနယ်ပြွဉ်းပျꩻ၊ လျꩻဖေႏအပင်၊ ဝင်ခန်းအလာႏဖုံꩻ၊ လုံꩻလင်ꩻသျုတ်သျက်၊ ဗွောင်ပက်နယ်စူꩻ၊ တဖူꩻကြုဲင်ဗောင်၊ ကာႏထောင်စွို့ꩻစွဉ်ႏ၊ အွဉ်ႏနယ်ဖေႏဒါႏ၊ စိရံ-မွူးနီꩻခန်ꩻနိန်ႏလာ၊ သွုပ်တငါထွေရဲဉ်ႏ၊ အဝ်ႏစဲဉ်ႏစဲဉ်ႏလင်ꩻ၊ ဆွာꩻဖျင်ထိုရွဲꩻ၊ စွယ်ꩻဝွယ်ꩻတေ���တော၊ တိဋ္ဌတု-အသက်ယံတယ်ꩻ၊ စယ်ꩻမယ်ꩻခွေါင်ခံႏ၊ ညနန်ꩻတဉ်ႏတွော့ꩻဗာႏ၊ သဒ္ဓမ္မော-မဂ်ဖိုလ်ႏနိဗ္ဗာန်ႏ၊ မွေးမှန်ႏတရာꩻယို၊ ဟောင်ရိုꩻမီႏထီႏမꩻ အီႏလꩻလွဉ်ဗာႏ၊ ထာꩻချံꩻသာႏထွူဩ။\n\nတောင်ႏကီꩻဝိန်ꩻကို ကျောင်ꩻတန်မွဉ်ခြဲင် တယ်ႏထောင်ႏဖျင်တသာ \nကောတယ်ႏအစတွိုင်ႏပင်ႏဆွေꩻနွေꩻဝင်ꩻ နိန်ႏလာနဝ်ꩻကောင်း သာႏသနာႏသက္ကရာဇ် (၂၄၉၀) နီရေင်လစ်ꩻရျာꩻကွတ်ꩻဆီဗွေနိန်ႏ၊ ကောဇာသက္ကရာဇ် (၁၃၀၈) တရိန်သွံရျာꩻသွစ်ꩻနိန်ႏကို၊ လာဒဲဉ်စေင်ဆန်ꩻ (၃)သွံနီꩻ၊ ဝွေꩻသီးဗွေႏသွံပါꩻ အမဉ်ꩻတောႏကပါလယို တွိုင်ႏပင်ႏလွဝင်ꩻ ကျွꩻထင်ႏလျောက်လဝ်း ဆရာႏတောႏဗွေႏဗွန်ဖြားကျောင်ꩻတန်မွဉ်ခြဲင် ဝိန်ꩻတောင်ႏကီꩻကို နီꩻနော်ꩻရီဖြောင် ပါတွမ်ႏတကာႏဖုံႏနဝ်ꩻသွူ။\n\nတွိုင်ႏပင်ႏခန်ꩻ ဝိန်ꩻတောင်ႏကီꩻကို\nကျောင်ꩻတန်မွဉ်ခြဲင်ယို ယံကထွာ၊ ပအိုႏအမျိုꩻသာꩻကျောင်ꩻ ကျံႏပေါင်တယ်ႏစ၊ ဗွေႏဗွန်ပဏ္ဍိတ ကျောင်ꩻနောင်ကာꩻ၊ ထမ်းဘုရာꩻကျောင်ꩻ ဗွေႏဗွန်ဉာဏ၊ ကျောင်ꩻဝင်ႏယ ဗွေႏစင်ꩻကုမ္မာႏ၊ ဝွေꩻသီးဗွေႏသွံပါꩻ၊ ညီႏညာရီရွောင်၊ တွိုင်ႏပင်ႏလွဝင်ꩻ၊ အချင်ꩻချင်ꩻယူႏခံႏ၊ မွေးမန်ႏသဘော်ꩻလꩻ၊ နဝ်ꩻမꩻဆရာႏတပဲ့ꩻသွံပါꩻ၊ ကျွꩻကာထင်ႏထေ့စူꩻ၊ ဝိန်ꩻတောင်ႏကီꩻဖူꩻတဲင်၊ ကျောင်ꩻမွဉ်ခြဲင်ကို၊ ဗွန်ထိုထေရ်ႏကျောႏ၊ ဆရာႏတောႏဦးနရိန္ဒ၊ အထျꩻဒွိုသောင်၊ အုံခွမ်ꩻငပျာႏ၊ အလ္လာပသလ္လာပ၊ ဒေါ့ꩻလွဖြဝ်ႏရိုꩻ၊ လုဲင်မျိုꩻအာစား၊ အုံပဆားယွုတ်ꩻသဝ်ꩻ၊ နဝ်ꩻမꩻဝွေꩻသီးဗွေႏ၊ ထာꩻရေႏရွယ်ႏအဝ်ႏလွဉ်၊ အွဉ်ဝင်ꩻလျောက်လဝ်း။\n\nလျောက်လဝ်းခဏ်ꩻ\n ဩဗွေႏဩစဝ်း၊ ယိုနဝ်ꩻခါလဲင်ႏ၊ ယွော့ဒဲင်စူလောင်ꩻ၊ ဗိုထောင်ꩻမတ်ပီ၊ လီးတဆီစူနုံ၊ ရွမ်းတဗုံအွဉ်ႏဆွိုင်ꩻ၊ ဗိုမွံꩻဟတ္ထာႏ၊ ပဒုမ္မာႏကဝ်ႏတုဲင်၊ ဟဝ်သုဲင်ယွော့ထင်ႏ၊ အွဉ်ႏဒင်ႏကတူႏကီ၊ ဝုဲင်ႏအီလျောက်လဝ်း၊ ဆရာႏစဝ်းဝိသုဒ္ဓိ၊ ပဏ္ဍိကလျာဏ၊ သီလဝန္တ၊ ဂုဏဝန္တ၊ ပညာဝန္တ၊ ထေရ်ရပုဂ္ဂိုလ်ႏ၊ ပအိုဝ်ႏမျိုꩻကိုႏယံ၊ သဲဉ်အန်ဗဟု၊ လုဲင်စုမျိုꩻအာ၊ ချာငါနီပြက်ꩻ၊ သံႏသရာႏစဲင်းသေ၊ လေတိုဟင်းလင်း၊ သျင်ꩻလျင်ꩻဖြွောင်ႏဖြီႏ၊ ထီႏရီးမွူးလာ၊ တထာတသောင်ꩻ၊ ကျိုꩻကျောင်ꩻသွူးဆ၊ နယ်ပျꩻဖေႏဒါႏ၊ တပဲ့ꩻတာႏပွန်းရင်ꩻ၊ ယံတွင်ꩻယိုခါ၊ သွဉ်းသီးကထွာတပဲ့ꩻပေါင်ꩻ၊ တောင်ꩻပြန်ႏလျောက်လဝ်း၊ ဗွေႏစဝ်းဆရာႏ၊ သောတာႏနားခံꩻ၊ နာႏခံႏစံꩻယူႏစွေး၊ အမွေးအမာႏ၊ မီႏပါဒါႏလဲ့ခါ၊ ဆရာႏနီဗွေႏ၊ ယံဖေႏသယ်ꩻခံႏ၊ အွဉ်ႏမွုန်��အရေꩻ၊ တံႏဘေꩻယွုန်းယေား၊ တပဲ့ꩻတောႏသွဉ်းသီးခါ၊ ကပါလွဉ်ဆန္တ၊ ဝိသေသအကျောင်ꩻထူꩻ၊ ထာꩻစိတ်ကူꩻနဝ်ꩻကောင်း၊ တောင်းကြီးဝိန်ꩻကို၊ ကျောင်ꩻမွဉ်ခြဲင်ယိုခါ၊ ယံကထွာဗဟိုရ်ႏ၊ ပအိုဝ်ႏအမျိုꩻသာꩻကျောင်ꩻ၊ ဗွောင်လိတ်သွဉ်တွိုက်တဲင်ခါ၊ ပအိုဝ်ႏခြာပရိယတ်၊ ပဋိပတ်သာႏသနာႏ၊ ရောင်ႏဝါႏယံကတင်ႏ၊ လေလင်းထွန်ꩻကာꩻ၊ ညဆွာꩻနိန်ႏလာ၊ သွုပ်တငါထွေရဲဉ်ႏ၊ စီႏစဲဉ်ႏထွꩻဗွို့ꩻဝင်ꩻ၊ လီꩻလင်ꩻစိုးပန်၊ လယ်လန်လက်ထက်၊ တိုꩻတက်လွဉ်ထင်ႏ၊ စွိုးဆင်ႏလာဆန်ꩻ၊ ပန်ဝိုန်ချာငါ၊ ကောင်ခြာရပ်ကွက်၊ ထာꩻနစ်သက်ယံအဝ်ႏ၊ စူဖွို့ꩻဟဝ်တဒေါင်၊ ယံကထောင်စူꩻဗာႏ၊ တဖူꩻသာႏကြုဲင်ကြောင်း၊ လောင်းခြောင်လျောက်လဝ်း၊ ဆရာႏစဝ်းနီဗွေႏ၊ ဝွေႏဖန်ႏထွားအျာ၊ စိဉ်ꩻစာꩻယူႏထင်ႏ၊ ချင်းလꩻနုဲင်းမုဲင်ꩻ၊ ဖြုဲင်ꩻနယ်မိန်းလင်ꩻ၊ တပဲ့ꩻရင်ꩻသွဉ်းသီး၊ စွုမ်ႏပီးစွုမ်ႏပါꩻ၊ ယံကနာႏခံႏဗာႏ၊ ဆရာႏတောႏဗွေႏဩ။\n\nဆရာႏတောႏမိန်းခဏ်ꩻ\nသာႏဓု သာႏဓု သာႏဓု၊ ဟဝ်မို့ဗွေႏသီးကလဝ်း၊ ဟဝ်မို့ꩻစဝ်းသီးကလျောက်၊ ထောက်ခံႏဖေႏအာႏ၊ မွေးငါႏလဲဉ်းသွူဩ၊ ခေါးခဲ့သေႏချာႏ၊ ကျံႏဒါႏစိတ်ကူꩻမော်၊ နပ်တောပုဂ္ဂိုလ်ႏ၊ သꩻအလိုႏထာꩻယူႏ၊ စိတ်ကူꩻမဖြောင်ကြွို့ꩻ၊ တဖူꩻစွို့မဲဉ်ႏခြောင်ꩻ၊ ကျိုꩻကျောင်ꩻလောက၊ ဓမ္မသံႏသရာႏ၊ သာႏသနာႏစီꩻပွာꩻ၊ ဖေႏကထွန်ꩻကာꩻမာꩻဆꩻတက်၊ အရပ်ခမ်းကောင်၊ တောင်ႏကီꩻဝိန်ꩻကို၊ ပအိုႏအမျိုꩻသာꩻကျောင်ꩻ၊ တယ်ႏထောင်ႏကွီးဆို့ꩻ၊ ပလို့ꩻရွီးခိုႏ၊ ဗွန်ထိုဘုရာꩻမျတ်၊ ပရိယတ်ပဋိပတ်သာႏသနာႏ၊ ဂန္ထဓူရ၊ ပဓာနအွဉ်ႏအထျꩻ၊ နဝ်ꩻမꩻဝိပဿနာဓူရ၊ ထုမ်းလွဉ်ꩻလွဖဲ့ꩻချာ၊ ယိုခါဗွေႏသီးအကျံႏ၊ အံႏဖြာႏခီႏယော်ꩻ၊ အံႏဪꩻဝံꩻသာႏ၊ တလို့ဒါႏတဝ်း၊ ခွေစဝ်းလွုမ်ꩻမကာႏ၊ မီႏထွာဘုရာꩻပဉ္စဝ်း၊ ကအဝ်ႏနေလိုꩻခမ်း၊ ထာꩻကျံႏနုဲင်းယိုခါ၊ ဘုရာꩻငါခင်ႏထျꩻ၊ လꩻထွူထာတံဆိပ်၊ ဗျာဒိတ်တလဲင်ႏချင်ꩻ၊ ပစ္စုပ္ပန်လောက၊ အတိတ်ဘဝနုဲင်းမုဲင်ꩻ၊ ဟော်ꩻခြုဲင်းနယ်ဖေႏ၊ တန်ပေႏတကာႏ၊ အမျာꩻနဝ်ꩻသွူ။ နင်းဟွူဗွေႏသီးထာꩻကျံႏ၊ အောင်ႏမျင်ႏမွိုင်မွိုင်၊ ထွူပြွိုင်လꩻယိုꩻယိုꩻ၊ ကျိုꩻစာꩻလုလ္လ၊ ဝီရိယသောင်ႏသာ၊ မာꩻလွကုဲင်းကုဲင်း၊ သွောင်ရုင်းသꩻဟန်၊ ထာꩻမာꩻတန်လဲ့ မတ်ထာꩻမာꩻပေႏ၊ ရေႏဆောင်ႏအွဉ်ႏသꩻ၊ ဖေႏကထွူလꩻငါ၊ သီငါလဲ့ယဝ်း၊ တခံႏတဝ်းဆွတ်ꩻချာ၊ သောင်ႏသာကျိုꩻစာꩻ၊ အဝ်ႏမာꩻပီးယို၊ လိုꩻခိုထာꩻကျံႏ၊ ခံႏတျက်တားတရုဲင်၊ ဗိုန်ဟန်သꩻရုဲင်း၊ မီႏမာꩻနု���င်းယိုနဝ်ꩻ၊ စဝ်းသီးထာꩻကျံႏ၊ အီႏအောင်ႏမျင်ႏဟံးမွိုင်၊ ထွူပြွိုင်ယိုꩻတစိꩻထွူဗွေႏဩ။\n\nရီဖြောင်ကျောင်ꩻတကာႏဖုံႏခဏ်ꩻ\nနဝ်ꩻထွူမꩻ ဝွေꩻသီးဗွေႏသွံပါꩻလဲ့ ရီရွောင်ဖြောင် တွိုင်ႏပင်ႏယင်း ကျောင်ꩻမွဉ်ခြဲင်တကာႏ ဦးဘိုးခင် ဆရာႏဝဏ္ဏ ထွက်စုံစတွမ်ႏ ဝွေꩻသီးတကာႏအမျာꩻဖုံႏဆꩻငါ။ \"အွိုးတကာႏသီးဟွေး၊ တကာႏသီးကျောင်ꩻလီꩻနဝ်ꩻလဲ့ မေႏခိုးလဲဉ်း ခမ်းကုဲင်ဂျပန်တွင်ꩻနဝ်ꩻကာႏတဲင် မွိုင်မွိုင်ကြွိုင်ကြွိုင်ဖေႏနေးကျောင်ꩻတန်ဖြုံႏ ကထွိုင်ႏနွောင်ꩻယင်းနဝ်ꩻ နီထာꩻရေႏရွယ်ႏ အဝ်ႏနုဲင်းယိုသနဲ့တကာႏ။\nနေးတွမ်ႏန၌ပအိုဝ်ႏအမျာꩻအာႏတဲင် မီႏအွဉ်ႏထွာစွဉ်ႏ ပအိုဝ်ႏအမျိုꩻသာꩻ သံႏဃာႏဗဟိုရ်ႏဌာႏန လိတ်သွဉ်တွိုက်ကျောင်ꩻနဝ်ꩻ အီႏအောင်ႏမျင်ႏမွိုင်သနဲ့တကာႏ။ ကွဲႏတွော့ꩻ တကာႏသီးသဘော်ꩻအီႏလꩻဒါႏနေမကောင်း လဝ်းနယ်စံꩻမွိုင်\"။\nနဝ်ꩻထွူမꩻ ကျောင်ꩻတကာႏ ဦးဘိုးခင် ဆရာႏဝဏ္ဏစတွံ တကာႏအမျာꩻဖုံႏနဝ်ꩻလဲ့ \"ဟဝ်ငါႏဗွေႏ၊ ဟဝ်ငါႏ၊ နီဗွေႏသီးမီႏအွဉ်ဟိုတယ်ႏထောင်ႏမာꩻလွေꩻဒါႏ ပအိုဝ်ႏအမျိုꩻသာꩻ သံႏဃာႏဗဟိုဌာနလိတ်သွဉ်တွိုက်ကျောင်ꩻ အစဲဉ်ႏအဆက်နဝ်ꩻ နီသွဉ်းသီးတကာႏ ဟွုန်ဟဝ် သꩻဘော်ꩻလꩻငါႏထွူနဲ့ဩ\"လဝ်းလွထွူနုဲင်းနဝ်ꩻတဲင် ဦးဘိုးခင်လဲ့ ခံႏခန်း ပသီႏဗွာအသꩻအီတာႏနဝ်ꩻထွူ။\nနဝ်ꩻထွူမꩻ တွိုင်ႏပင်ႏယင်း တွမ်ႏခွန်စီ စဝ်းဖါးသထုံႏသီႏသဲင်ႏနဝ်ꩻတဲင် စဝ်းဖါးခွန်စီလဲ့လဝ်းချာ \"အွဉ်ႏထွာခန်းမွိုင်မွိုင်ဗွေႏ၊ သေင်ႏတကိစ္စ ခွေသွဉ်းတကာႏ အာႏမခံႏဒျာႏဗွေႏဩ၊ ကွယ်ႏတွော့ꩻ နီမာꩻပြွိုင်ပြွိုင် မာꩻထွိုင်ႏမွိုင်တဝ်းထာꩻ\" လဝ်းချာထွူနုဲင်းနဝ်ꩻတဲင် ဆုဲင်ꩻနဝ်ꩻနိန်ႏပေါင်ꩻမပေါႏည ဝွေꩻသမ်းလဲꩻထိုꩻဒျာႏတဲင် သေင်ႏလဲ့တလꩻထွာတဝ်း၊ အဝ်ႏကုဲင် အမာဆꩻချာ လူႏယင်းရွဉ်တသောင်ꩻနဝ်ꩻထွူ။\n\nဝံꩻမျောက်ဝံꩻသာႏခဏ်ꩻ\nဆရာႏတောႏဗွေႏစဝ်း ငဝ်းမိန်းချꩻပုံႏ တွမ်ႏတကာႏသီး ကလဝ်းပုံႏ၊ ကောအုံနာႏခံႏသား ကျောင်ꩻနောင်ကာꩻ ဦးပဏ္ဍိတ၊ ဝင်ႏယကျောင်ꩻ စင်ꩻကုမ္မာႏ၊ ထမ်းဘုရာꩻကျောင်ꩻ ဦးဉာဏ သွုန်ႏသꩻဟွုန်နိစ်သက်၊ အာႏတက်လဲင်ꩻတဖြွတ်ꩻ၊ လောႏထွတ်ꩻလီလာ နမ်းတဗာႏလုမ်း၊ လဲင်ꩻဖူးစွုမ်းပွို့ပ၊ ဖြွို့ဖြဖြင်းဖြွီႏ၊ မဲ့လဲင်ꩻအဝ်ႏထီႏတမွာမွာ၊ ကျောင်ꩻတသာအဝ်ႏသော့ꩻစူꩻ၊ မဲ့ခူꩻအကို၊ စွုမ်းသွိုꩻအာႏရꩻ၊ သွုန်ႏသꩻစွယ်ꩻလံꩻ၊ ရဟန်ꩻသာႏမဏေႏ၊ သျင်ႏပေႏမစင်ꩻ၊ ထင်ႏလင်ꩻလွေꩻသဲင်ꩻ၊ ငလဲင်ꩻဖုဲင်းလုဲင်၊ ဟဝ်သုဲင်ထီႏသော့ꩻ၊ ဗော့ꩻဆော့ꩻမဲ့ကို၊ နားယိုလဲ့အဝ်ႏဟွုန်တမွာ၊ တရာꩻလိတ်ငဝ်း၊ သင်ႏလဝ်းအောႏအောႏ၊ ဆောႏဆာႏဒေါ့ꩻရောင်၊ ကျောင်ꩻသောင်ကျောင်ꩻကီ၊ ဖြေႏရီပျဿနာႏ၊ ပုစ္ဆာႏခဏ်ꩻလဲ့အခေါ်ခေါ်၊ လုဲင်တော်အာစား၊ မဲ့နားအကို၊ နုဲင်းယိုဟွုန်ထီႏ၊ ဝွေꩻသီးဗွေႏသွ့ပါꩻ၊ အာႏရုံႏစွယ်ꩻလံꩻ၊ ကမ္မဋ္ဌာန်ꩻတရာꩻ၊ သံဃာနုဿတိ၊ မိမိထွာအီ၊ နမ်းကီရိုꩻဗာႏ၊ ဝံꩻသာႏဟွုန်ကျွိုက်၊ ယိုတခြွိုက်အီႏအောင်ႏ၊ ကျံႏပေါင်ရော့ꩻရော့ꩻ၊ ဒေါ့ꩻတောႏဖြဝ်ႏလွ၊ ငရောင်တခါႏ၊ နိစ်သက်ငါႏလွိုးနမ်း၊ ခမ်းကောင်ပအိုဝ်ႏ၊ လိုꩻမျိုꩻအကျောင်ꩻ၊ စုပေါင်ꩻထွာညီꩻ၊ ဝိန်ꩻတောင်ႏကီꩻကို၊ ယိုတခြွိုက်အီႏကျောႏ၊ တောႏတောႏသတင်ꩻ၊ နဝ်ထင်ꩻတွို့ꩻကွဉ်ႏ၊ တွင်ႏစွဉ်ႏဟိုဟို၊ လိုꩻမျိုꩻထင်ႏသျာꩻ၊ ပါꩻလဲ့သေငါꩻလွဉ်၊ အွဉ်ယိုတမဝ်း၊ တဖြဝ်းမူႏမာႏ၊ ဝွေꩻထွာနုဲင်းမုဲင်ꩻ၊ အလုဲင်ꩻရော့ꩻတဉ်ႏချာ၊ မဟာမစာႏ၊ နိန်ႏဟာကရီးတွင်ꩻ၊ သွိုꩻသွင်ႏဒေါ့ꩻင၊ မွန်းလွအံႏအွို၊ သောင်ဒွိုဆရာႏတောႏ၊ ထေရ်ႏကျောႏဦးနရိန္ဒ၊ အုံခွခင်ႏထျꩻ၊ ကိစ္စထင်ႏထွူယဝ်း၊ လျောက်လဝ်းတောင်ꩻပြန်ႏ၊ ခံႏမေတ္တာႏသဲင်ꩻခွုန်ꩻချာ၊ ဒွေါင်ႏဆွာꩻခရီး၊ တောင်ႏကီယိုတွမ်ႏနောင်ကာꩻ၊ ဗော့ꩻညာꩻနဝ်ꩻနပ်စဲဉ်ႏ၊ တဆီသွံမဲင်ႏတဖူꩻ၊ ကျွꩻသဲင်ꩻစူꩻခီႏတောႏ၊ တေဇောမေႏအာ၊ ဝါယောထွာပင်ႏ၊ ဒဲင်ခင်ႏထွူပြွိုင်၊ ဖွီမွိုင်လဲက်ꩻသဲက်ꩻ၊ ဧခဲစ်လင်ကန်ꩻ၊ မတန်ꩻသူႏသေ၊ လွေꩻထာꩻစဟဝ်၊ အဝ်ႏဖျဝ်သဲင်ꩻယင်း၊ ခင်ႏလမ်းလီꩻကျောင်ꩻကို၊ တပေါႏရိုꩻတဝ်းကွိုနဲးလောင်ꩻ။\n\nစိဉ်ꩻစာꩻခဏ်ꩻ\nဗွေႏဗွန်နောင်ကာꩻ၊ ကိန်ꩻတလွာꩻဗေင်ႏထွိုင်ႏ၊ ကဟွုန်သဲင်ꩻဒါႏ၊ ဆရာႏတောႏငဝ်းငွါမိန့်၊ ဗွို့ꩻတဉ်ႏစွယ်ꩻခြꩻ၊ သွုန်ႏသꩻအဖူꩻ၊ စိတ်ကူꩻယူႏလꩻ၊ အံႏအွꩻမီႏဗေင်ႏ၊ အွဉ်ႏတဖေင်ꩻဖိုတဝ်း၊ အုံအဝ်ႏစိဉ်ꩻစာꩻ၊ အီႏမာꩻပီးမုဲင်ꩻ၊ အလုဲင်ꩻဖေႏကရော့ꩻရံႏ၊ ကျံႏစဲႏယူႏဟာ၊ ချာငါချင်းချေႏ၊ ဖေႏကထွာလꩻမွိုင်မွိုင်၊ တွိုင်ႏပင်ႏချာသꩻ၊ နဝ်ꩻမꩻထာꩻစိဉ်ꩻစာꩻ၊ တပါꩻချာဖြောင်တို၊ တအိုခြူႏဟင်းလင်း၊ နဝ်ထင်ꩻတွို့ꩻကွဉ်ႏ၊ ထီႏစွဉ်ႏလို့စင်၊ တင်ꩻလုဲင်သံႏဃာႏ၊ ဆရာႏတောႏပေါင်ꩻ၊ စွုမ်ႏကျောင်ꩻပင်ꩻလွဉ်လို့၊ ခြွဉ်းစုထွူဝင်ꩻ၊ အချင်ꩻချင်ꩻရီရွောင်၊ တွိုင်ႏပင်ႏနဝ်ꩻမꩻ၊ ကရအီႏမွေး၊ ခွေတဖြာꩻဒျာႏလဲ့ခါ၊ ထွာထီထွာခမ်းနွောင်ꩻမွေးတဝ်း၊ စဝ်းသံႏဃာႏတောႏပေါင်ꩻ၊ စွုမ်ႏကျောင်ꩻဗွေႏသီး၊ မီႏထူႏလွတာႏဝွန်ႏမꩻ၊ အီႏထွာလꩻထာꩻမာꩻ၊ စိဉ်ꩻစာꩻယူႏသေ၊ ဖြောင်လေထွိုင်ႏထီႏ၊ ဖြွောင်ႏဖြီႏခန်းမꩻ၊ ကျွꩻလွေꩻထေ့စူꩻ၊ ဘိက္ခူဉာဏ၊ ဝိဟာရကျောင်ꩻထမ်း၊ ခြုဲင်းသမ်းထာꩻယူႏ၊ စိတ်ကူꩻလꩻလွဉ်၊ အွဉ်ႏဒေါ့ꩻနယ်ထန်ႏ၊ မွေးမန်ႏနေကောင်း၊ လောင်းခြောင်ခွေသွဉ်း၊ အွဉ်ႏဒေါ့ꩻလဝ်းပျꩻ၊ နီဗွေႏသဘော်ꩻ၊ မနော်ꩻအဝ်ႏနုဲင်းမုဲင်ꩻ၊ ဖြုဲင်ꩻနယ်ခြုဲင်းပျꩻ၊ ဦးဉာဏလဲ့ခါ၊ နီဗွေႏထာꩻယူႏ၊ စိတ်ကူꩻစိဉ်ꩻစာꩻ၊ မွေးငါႏလဲဉ်းသွူ၊ နင်းဟွူကထွာလꩻမွိုင်၊ ပြွိုင်ပြွိုင်နဝ်ꩻရာꩻ၊ မာꩻခန်းယိုခါမꩻ၊ အီထွာလꩻမတဝ်း၊ ဒေါ့ꩻလဝ်းတွိုင်ႏပင်ႏ၊ အချင်ꩻချင်ꩻနီပါꩻ၊ ချာငါဒေါ့ꩻဖြဝ်ႏ၊ ပြန်ႏလဝ်းခွုန်ꩻဖေႏ၊ ဗွေႏဗွန်ပေႏနောင်ကာꩻ၊ နဝ်ꩻကနီဗွေႏမနော်ꩻ၊ သဘော်ꩻမီႏအဝ်ႏလဲ့၊ ယိုခါခဲ့ꩻကျွꩻထင်ႏတောင်ႏကီꩻ၊ ရီဆရာႏတောႏအခွင်ꩻ၊ ဖိစ်ပင်ꩻစွဉ်ႏသံႏဃာႏ၊ စောင်းတသေႏချာႏတဝ်းနဲ့၊ ဦးဉာဏလဲ့ခါ၊ တထွာတဝ်းမုဲင်ꩻ၊ ဆုဲင်ꩻဆုဲင်ꩻအွဉ်ႏအွဉ်ႏ၊ လွေꩻစွဉ်ႏယိုခါ၊ ဆရာႏတပဲ့ꩻလꩻသွꩻ၊ ကျွꩻထင်ႏတောင်ႏကီꩻကို၊ ဗွန်ထိုဆရာႏတောႏ၊ ထေရ်ႏကျောႏဦးနရိန္ဒ၊ ခင်ႏထျꩻဒွိုသောင်၊ လဝ်းဖြောင်ကွီအခွင်ꩻ၊ သျင်ꩻလျင်ꩻဖြွောင်ႏဖြွ၊ အွဉ်ႏစွꩻထွူတဲင်၊ စီႏစဲဉ်ႏစွဉ်ႏလိတ်၊ ကအီႏဖိစ်ပင်ꩻသံႏဃာႏ၊ စီႏလွာႏတဲမ်းနေးလိတ်၊ ဖိစ်ပင်ꩻနဝ်ꩻမꩻ၊ သꩻယူႏတဲင်ခါ၊ ထမ်းဘုရာꩻဦးဉာဏ၊ ယꩻထူႏကံတာ၊ စေးဗွာအလောင်း၊ တဲမ်းဆောင်းကတဆင်ႏ၊ ထင်ႏတွိုႏနဝ်ꩻမꩻ၊ ဒင်ႏပျꩻဆရာႏတောႏ၊ ဟော်ꩻနယ်ဖတ်ပျꩻ၊ ကျနသေႏချာႏ၊ အမာႏအရော့ꩻ၊ ဖျင်သော့ꩻထွူခါ၊ လွေꩻထွဉ်ႏဦးဝါရှိန်ပုံနိပ်တိုက်၊ တခြွိုက်ချင်ꩻ၊ ပင်ꩻစွဉ်ႏသံႏဃာႏကွိုနဲးလောင်ꩻ။\n\nဖိစ်ပင်ꩻဗွောင်အစီꩻဝွေꩻ လွိုက်နာယကတွမ်ႏအစွိုꩻခန်ꩻ\n\nဖိစ်ပင်ꩻခဏ်ꩻ\nဩဗွေႏဆရာႏ၊ သံႏဃာႏဗွေႏစဝ်း၊ ယိုနဝ်ꩻဗွေႏဗွန်ဦးဉာဏ၊ ပဏ္ဍိတဗွေႏဗွန်နောင်ကာꩻ၊ ဟတ္ထာဗိုမွံꩻ၊ အွဉ်ႏဆွုမ်ႏကန္တော့ꩻ၊ ကဝ်ႏစော့ꩻမတ်ပီ၊ ကတူႏကီအွဉ်ႏဒင်ႏ၊ ဝုဲင်ႏထင်ႏလဝ်းဟွုန်၊ ဗွန်တန်ထေရ်ႏကျောႏ၊ ဆရာႏတောႏဗွေႏဩ။\nကျောင်ꩻလံꩻခရာႏ။  ။ လဝ်းဗာႏနဝ်ꩻကောင်း၊ တောင်ႏကီꩻဝိန်ꩻကို၊ ကျောင်ꩻမွဉ်ခြဲင်ယိုခါ၊ ပွိုးထွာလဲဉ်းဗုံးဆာႏ၊ ဟံႏယာႏလွုမ်ꩻအဝ်ႏကွဲး၊ ခုဲင်ႏခဲ့ကောအုံ၊ ဗွေႏဗွန်ဆရာႏတောႏ၊ မဲ့ꩻတဲင်သꩻတပျောႏတဝ်း၊ ယိုနဝ်ꩻလဲင်ႏခါ၊ သွဉ်းသီးကောထွာခမ်းသား၊ ဇာႏတိလိုꩻလီꩻ၊ ညီႏညာꩻတွိုင်ႏပင်ႏ၊ ဖြွမ်းဝင်ꩻရီရွောင်၊ ကျံႏပေါင်ရော့ꩻရာꩻ၊ အီႏမာꩻနုဲင်းမုဲင်ꩻ၊ အလုဲင်ꩻယံကသေ၊ ထ���နယ်လွဝင်ꩻ၊ အချင်ꩻချင်ꩻဝါႏစာႏ၊ ယံကဟွုန်ဗာႏညီꩻရဝ်း၊ စဝ်းသီးလဲ့ခါ၊ သွဉ်းသီးယာတ၊ သမဂ္ဂသံႏဃာႏ၊ ယံကထွာဗာႏလွောင်ႏဗူႏ၊ ညီႏကူႏရွံးထေ့၊ ယံကဝေ့ꩻလꩻဝင်ꩻ၊ စွိုးဆင်တဖြွီꩻ၊ လွေꩻညီꩻတလီးချင်ႏ၊ စီႏရင်ႏထပ်ခြာ၊ တယ်ႏတသာယင်းကျောင်ꩻ၊ ပအိုဝ်ႏပေါင်ꩻသံႏဃာႏ၊ မီႏနေးအာႏတရန်၊ ယမ်းကန်ငင်ႏထွို့ꩻ၊ တဖူꩻစွို့ꩻကြုဲင်ဗောင်၊ လိတ်သွဉ်တွိုက်ပရိယတ်၊ တိုꩻတက်တင်ႏလင်း၊ စွိုးဆင်မွူးလာ၊ ယံကထွာမူလ၊ အစထျꩻထောင်ꩻ၊ သံႏဃာႏပေါင်ꩻဗွေႏသီး၊ မီႏတွိုႏသက္ကရာဇ်၊ ၁၃၀၈-တရေင်သွံရျာꩻသွစ်ꩻဗာႏ၊ ဒဲဉ်စေင်လာဆန်ꩻ၊ တွိုႏမန်ႏတဆီလစ်ꩻနီꩻဟာ၊ ဆရာႏတောႏနီဗွေႏ၊ ယံဖေႏခီႏမျောက်၊ ကျွꩻရွစ်တွိုႏစူꩻ၊ ကျောင်ꩻဖူꩻမွဉ်ခြဲင်၊ တွိုႏတဲင်တဆီငတ်ꩻသာ၊ လာဗွေအနီꩻ၊ စီꩻဝွေꩻအီႏဗွောင်၊ ရီရွောင်တွိုင်ႏပင်ꩻ၊ ကျောင်ꩻတန်ကိစ္စ၊ သဘော်ꩻလꩻနုဲင်းမုဲင်ꩻ၊ ဒေါ့ꩻဖြုဲင်ꩻထေနယ်၊ ဖဖြယ်ဖန်းပွန်း၊ ဝွေꩻဖေႏစိဉ်ꩻစာꩻ၊ ပဲင်ႏချာꩻဇာႏနာႏ၊ ဆရာႏတောႏဗွေႏသီး၊ ခီႏမျောက်ယံကျွꩻ၊ ရွစ်ဗꩻဖျော်လွ၊ မုက္ချမွေးမန်ႏ၊ ဧကန်ႏတဗာႏ၊ ဆရာႏတောႏဗွေႏဩ။\n\nဗွောင်အစီꩻဝွေꩻခဏ်ꩻ\nသက္ကရာဇ် တရေင်သွံရျာꩻသွစ်ꩻဗာႏ၊ လာဒဲဉ်စေင်ဗွေနီꩻ နားရီႏသွစ်ꩻဆင်ႏဒုံႏတဲင် ကျောင်ꩻမွဉ်ခြဲင်အကို ပအိုဝ်ႏသံႏဃာႏ ပါꩻပေါင်ꩻတရျာꩻ ဗွောင်ခန်းအစီꩻဝွေꩻသွူ၊ အစီꩻဝွေꩻကို ယွော့ထိုမျောက်တင်ႏ ကဒင်ႏဥက္ကဋ္ဌနဝ်ꩻ ဗွေႏဗွန်ဖြားနောင်စင်း၊ အကျိုꩻဆောင်ႏနဝ်ꩻ ဗွေႏဗွန်နောင်ကာꩻ အွဉ်ႏခါꩻမျောက်ပင်ႏ ဒင်ႏထွူသွူတဲင် ကျောင်ꩻမွဉ်ခြဲင် ဖေႏကထွာ အတသာနဝ်ꩻရာꩻ အီႏမာꩻပီးမုဲင်ꩻ ဟော်ꩻခြုဲင်းထန်ႏဗာႏသွူ။\n\nဥက္ကဋ္ဌဆရာႏတောႏမိန့်ခဏ်ꩻ\nဩဗွေႏစဝ်းသီး၊ နီဗွေႏတွမ်ႏခွေသွဉ်း၊ ကကျွꩻလွဉ်မော့ꩻဗာႏဝင်ꩻ၊ အတွင်ꩻဟန်ႏနီꩻယို၊ ဟောင်ရိုꩻအဆင်ႏရော့ꩻ၊ ခွဲမော့ꩻတော်ကျုံႏ၊ ကအီႏဆွုမ်ႏဗာႏဝင်ꩻ၊ အတွင်ꩻကလဲဉ်းချာ၊ အမဉ်ꩻပေႏငါလဲ့မဟွုန်ဗာႏ၊ လိုꩻနမ်းအွဉ်ႏညာꩻညာꩻ၊ အီႏသေငါꩻဗာႏဝင်ꩻလဲ့နန်ꩻငါႏ၊ သံႏဃာႏချင်ꩻကပီ၊ တထီႏဗာႏလွတဝ်းဝင်ꩻ၊ ယံတွင်ꩻယိုခါလဲင်ႏ၊ အခိန်ႏမဲဉ်ႏအခါႏရော့ꩻ၊ ခွဲမော့ꩻဝင်ꩻယိုတခြွိုက်၊ အငိုꩻထွိုက်တန်ႏအာ၊ ခွုင်းယိုမာꩻငါ၊ ကျိုꩻစာꩻပို့လွဝင်ꩻမေတ္တာႏ၊ သံႏဃာႏတောႏနီသွဉ်းသီး၊ စွုမ်ႏပီးစွုမ်ႏပါꩻ၊ ကျွꩻကာရွစ်ဖြ၊ ဝိဟာရမွဉ်ခြဲင်၊ ယိုခါလဲင်ႏနဝ်ꩻရာꩻ၊ ထာꩻလင်တမွေးတဝ်းဩ။ ပွိုးစောကျောင်ꩻတန်ယို၊ ထွာလို့လဲဉ်းဗုံးဆာႏ၊ အဝ်ႏကုဲင်ဖါ��လွုမ်ꩻလဲ့၊ နီသွဉ်းသီးမဲ့ကလ၊ အဝ်ႏထီႏလွစွုမ်ႏပါꩻပါꩻ၊ ပငါပရာꩻသွူဩ။ ပေါႏမီႏတွတ်အစ၊ ကျောင်ꩻပဌမယို၊ ပအိုဝ်ႏကျောင်ꩻစဲဉ်ႏဆက်၊ သွုပ်ဆက်ထွေရဲဉ်ႏ၊ အဝ်ႏစဲဉ်ႏတွိုႏလွဉ်၊ နီသွဉ်းသီးစူ၊ အစီꩻဝွေꩻဖူꩻယိုနဝ်ꩻ၊ စဝ်းသီးမဲ့ကလ၊ အဝ်ႏထီႏထွꩻဒျာႏ၊ ဖါႏပြုံႏဖေႏကထွာချာ၊ ကျောင်ꩻတသာနဝ်ꩻရာꩻ၊ တာႏဝွန်ႏအဝ်ႏဒင်ႏဒွါႏ၊ နီပအိုဝ်ႏသံႏဃာႏအလောင်း၊ ကျောင်ꩻယိုဖေႏကထွာ၊ အီႏမာꩻဗာႏနုဲင်းမုဲင်ꩻ၊ မီးနုဲင်းခွေသွဉ်းထာꩻယူႏ၊ ကစိတ်ကူꩻလꩻနဝ်ꩻရာꩻ၊ အားလုံးသံႏဃာႏ၊ ဖွဲ့ဗာႏနာယက၊ နာယကကဖွဲ့နဝ်ꩻရာꩻ၊ နာယကတပါꩻတွမ်ႏ၊ အကျိုꩻဆောင်ႏတပါꩻ၊ ဖွဲ့ဗာႏတဉ်ႏတဉ်ႏခွေါင်ခွေါင်၊ အလုဲင်ꩻဖေႏတွမ်ႏရွောင်ဗာႏပုဲင်ႏ၊ အယပ်ꩻအခုဲင်ႏမီႏမော့ꩻလွဉ်၊ အွဉ်လွဝင်ꩻကျိုꩻစာꩻ၊ မာꩻရောင်တဖြာꩻတဖဲ့ꩻဖဲ့ꩻ၊ တွမ်ႏပါꩻကတွိုက်ꩻစဲ့ꩻနဝ်ꩻပီလွဝင်ꩻ၊ အချင်ꩻချင်ꩻမီႏလွောင်ႏဗူႏ၊ ထီႏစွဉ်ႏရန်ႏသူႏတဲ့ တငမ်းတဝ်း၊ နဝ်ꩻမꩻနာယကအဖွဲ့ယို၊ ပုဂ္ဂိုလ်ႏဩဇာႏ အာႏဏာႏကအဝ်ႏ၊ ဒေါ့ꩻဖြဝ်ႏလဲ့ကဟဝ်၊ တနုဲင်းနဝ်ꩻအွဉ်ႏတပါꩻ၊ တွမ်ႏအကျိုꩻဆောင်ႏတပါꩻ၊ အွဉ်ႏခါꩻထွူတဲင်ခါ၊ ဆုဲင်ꩻချာမီႏလိုႏတွိုင်ႏပင်ႏ၊ စီꩻဝွေꩻဝင်ꩻအခါ၊ ဖေႏတွမ်ႏယပ်ꩻဗာႏမွုန်း၊ အားလုံးဗွေႏသီး၊ စွုမ်ႏပီးစွုမ်ႏပါꩻ၊ ကတန်ရာꩻရွေꩻလွိုက်၊ ကဆွိုက်ရာꩻလဲ့ခံႏလွ၊ ဖေႏကအောင်ႏလꩻခန်းယိုꩻယိုꩻ၊ ပအိုဝ်ႏလိုꩻမျိုꩻမဉ်ꩻယံထန်ႏ၊ တွင်ႏလွေꩻထဲင်းတငါငါ၊ ထဲစ်ꩻစခါဖျော်တွိုႏပိုလီꩻ၊ ဝိန်ꩻတောင်ႏကီꩻကျောင်ꩻမွဉ်ခြဲင်၊ မဲ့သဲင်နားခံꩻ၊ ဗွောင်ဖွင်ꩻလုဲင်းဖေႏ၊ တန်ပေႏပအိုဝ်ႏပေါင်ꩻ၊ လိုꩻကျောင်ꩻလိုꩻလမ်း၊ ထွာခန်းရွီးခိုႏ၊ ဗဟိုႏဌာႏန၊ ဓူရနီပါꩻ၊ ထွန်ꩻကာꩻတိုꩻတက်ထင်ႏ၊ ရောင်ႏတင်ႏတဆွဉ်၊ လေလွဉ်မပ်မပ်၊ အရပ်ခမ်းကောင်၊ လွီးဟွမ်ကျောႏစော်ꩻ၊ ခီႏယော်ꩻအံႏဖြာႏ၊ ဝꩻသာႏဟွုန်ဟဝ်၊ ထင်ꩻနဝ်ဒွမ်ခိုႏ၊ ပအိုဝ်ႏသာႏသနာႏ၊ ရောင်ႏဝါႏလေလင်း၊ တင်ႏဟင်းထင်ႏသျာꩻ၊ အမျိုꩻသာꩻချီႏမျောက်၊ ထောက်ကံးစွဲကို၊ အရန်းယိုယံကဗꩻ၊ သိပ္ပပညာႏ၊ ထာꩻဒါႏစူခွုမ်ကျ၊ ဌာနခင်ႏလမ်း၊ အောင်ႏလꩻခန်းယိုꩻယိုꩻ၊ ကျိုꩻစာꩻသောင်ႏသာ၊ တမာနိုꩻဆောႏ၊ ဟော်ꩻပျော်ꩻမွိုင်မွိုင်၊ မီႏပြွိုင်မꩻထဲ့မဲဉ်ႏ၊ အစီႏအစဲဉ်ႏကအဝ်ႏဒါႏ၊ မင်္ဂလာႏတရာꩻ၊ ဖေႏကအောင်ႏထင်ႏသျာꩻဗာႏသွူ။\n\nလွိုက်ရွေꩻနာယကခဏ်ꩻ\nဥက္ကဋ္ဌဆရာႏတောႏ၊ ထေရ်ႏကျောႏဗွေႏဗွန်နောင်စင်း၊ မိန့်ခန်ꩻထွူကြောင်း၊ အကျိုꩻဆောင်ႏနဝ်ꩻရာꩻ၊ ဗွေ��ဗွန်နောင်ကာꩻ၊ သံႏဃာႏဖုံႏခြာ၊ အုံထွိုင်ႏပတာလဝ်းရီ၊ ဗွေႏသီးလဲ့အဝ်ႏဟွုန်လွ၊ ဥက္ကဋ္ဌဆရာႏတောႏ၊ ဩဝါဒမိန့်ခန်ꩻ၊ အတန်တန်အမျိုꩻမျိုꩻ၊ ကျောင်ꩻယိုဖေႏကအောင်ႏလꩻ၊ အဖွဲ့အဝ်ႏမꩻအီႏထွာ၊ ဆရာႏတောႏမိန့်ထန်ႏ၊ မွေးမန်ႏလဲဉ်းဩ၊ ယောယိုလဲင်ႏခါ၊ နီသွဉ်းသီးကထွာလွ၊ ဆရာႏတပဲ့ꩻပေါင်ꩻ၊ ကျောင်ꩻယံထွာနာယက၊ လွိုက်ရွေꩻအွဉ်ဗာႏ၊ မဟာနာယကအွဉ်တပါꩻ၊ နယ်ႏကိုနဝ်ꩻရာꩻ နာယကတွမ်ႏအကျိုꩻဆောင်ႏအွဉ်ႏတပါꩻ၊ မဟာနာယက၊ ခီႏမျောက်လွဒင်ႏရီး၊ မီႏနုဲင်းခွေသွဉ်း၊ နီဗွေႏဗွန်ကျောင်ꩻတန်တောင်ႏကီꩻယို၊ ဗွေႏသီးအီႏရိုꩻနုဲင်းမုဲင်ꩻဟောင်း၊ ရွမ်းပေါင်ꩻသံႏဃာႏ၊ အားလုံးသဘော်ꩻလꩻလွ၊ နဝ်ꩻမꩻအတီႏထွာခန်း။\n၁။ ဟိုပုံꩻနယ်ႏနဝ်ꩻရာꩻ နာယက ဗွေႏဗွန်ကျောင်ꩻလွယ်၊ အကျိုꩻဆောင်ႏနဝ်ꩻရာꩻ ဗွေႏဗွန်ဒုံလီꩻကောင်၊ စငေါဝ်ꩻ။\n၂။ မွိုင်ꩻပွဉ်နယ်ႏနဝ်ꩻရာꩻ နာယက ဗွေႏဗွန်ဒုံလီꩻတန်ကျောင်ꩻ၊ အကျိုꩻဆောင်ႏနဝ်ꩻ ဗွေႏဗွန်ကျောင်ꩻပါခဲစ်။\n၃။ နမ်းခုတ်နယ်ႏနဝ်ꩻရာꩻ နာယက ဗွေႏဗွန်ကျောင်ꩻနမ်းဟုတ်၊ အကျိုꩻဆောင်ႏနဝ်ꩻ ဗွေႏဗွန်ကျောင်ꩻလုံးဟီႏ။\n၄။ နောင်ဗွဉ်နယ်ႏနဝ်ꩻရာꩻ နာယက ဗွေႏဗွန်ကျောင်ꩻနောင်စင်း၊ အကျိုꩻဆောင်ႏနဝ်ꩻ ဗွေႏဗွန်ကျောင်ꩻသာလယ်ꩻ။\n၅။ ဗန်းယေန်ႏနယ်ႏနဝ်ꩻရာꩻ နာယက ဗွေႏဗွန်ကျောင်ꩻတန်ဝေင်ꩻ၊ အကျိုꩻဆောင်ႏနဝ်ꩻ ဗွေႏဗွန်ကျောင်ꩻသုဲင်ꩻခဝ်။\n၆။ သထုံႏနယ်ႏနဝ်ꩻရာꩻ နာယက ဗွေႏဗွန်ကျောင်ꩻဝေင်ꩻသီႏသဲင်ႏ၊ အကျိုꩻဆောင်ႏနဝ်ꩻ ဗွေႏဗွန်ကျောင်ꩻပင်ႏတရာႏလွယ်ပွတ်ꩻ။\n၇။ ရွီႏနယ်ႏကောင်ပြက်ꩻကွဉ်ႏနဝ်ꩻရာꩻ နာယက ဗွေႏဗွန်ထမ်းဘုရာꩻ၊ အကျိုꩻဆောင်ႏနဝ်ꩻ ဗွေႏဗွန်ကျောင်ꩻနောင်ကာꩻတန်။\n၈။ ရွီႏနယ်ႏအခဝ်ထင်ꩻနဝ်ꩻရာꩻ နာယက ဗွေႏဗွန်ကျောင်ꩻထီသိမ်ႏ၊ အကျိုꩻဆောင်ႏနဝ်ꩻ ဗွေႏဗွန်ကျောင်ꩻပင်တခꩻ။\n၉။ ရွီႏနယ်ႏခဝ်တွို့ꩻနဝ်ꩻရာꩻ နာယက ဗွေႏဗွန်ကျောင်ꩻကေဖြေင်ꩻ၊ အကျိုꩻဆောင်ႏနဝ်ꩻ ဗွေႏဗွန်ကျောင်ꩻ။\n၁၀။ ရောက်ꩻစောက်ꩻနယ်ႏနဝ်ꩻရာꩻ နာယက ဗွေႏဗွန်ကျောင်ꩻနောင်ဒေႏ၊ အကျိုꩻဆောင်ႏနဝ်ꩻ ဗွေႏဗွန်ကျောင်ꩻထီတခု။\n၁၁။ မွိုင်ꩻနုဲင်ꩻနယ်ႏနဝ်ꩻရာꩻ နာယက ဗွေႏဗွန်ကျောင်ꩻနမ်းဗော်သွံး၊ အကျိုꩻဆောင်ႏနဝ်ꩻ ဗွေႏဗွန်ကျောင်ꩻလယ်မော်ꩻ။\n၁၂။ ရုဲင်းခါးနယ်ႏနဝ်ꩻရာꩻ နာယက ဗွေႏဗွန်ကျောင်ꩻဟွေးဟွမ်း၊ အကျိုꩻဆောင်ႏနဝ်ꩻ ဗွေႏဗွန်ကျောင်ꩻပင်လျမ်ꩻ။\n၁၃။ မောက်ꩻမုဲင်ႏနယ်ႏနဝ်ꩻရာꩻ နာယက ဗွေႏဗွန်ပင်မန်း၊ အကျိုꩻဆောင်ႏနဝ်ꩻ ဗွေႏဗွန်ကျောင်ꩻထီတခေါ့ꩻ။\n၁၄။ ပင်လောင်ꩻနယ်ႏနဝ်ꩻရာꩻ နာယက ဗွေႏဗွန်ကျောင်ꩻပင်မွဉ်ꩻ၊ အကျိုꩻဆောင်ႏနဝ်ꩻ ဗွေႏဗွန်ကျောင်ꩻလုဲင်းခါႏ။\n၁၅။ စံကာꩻနယ်ႏနဝ်ꩻရာꩻ နာယက ဗွေႏဗွန်ကျောင်ꩻပင်တွန်ႏ၊ အကျိုꩻဆောင်ႏနဝ်ꩻ ဗွေႏဗွန်ကျောင်ꩻနောင်ဟဲင်း။\n၁၆။ ရမ်ခံꩻနယ်ႏနဝ်ꩻရာꩻ နာယက ဗွေႏဗွန်နောင်ကာꩻကင်၊ အကျိုꩻဆောင်ႏနဝ်ꩻ ဗွေႏဗွန်လုံးဖိုးကျောင်ꩻထင်ꩻ။\nတင်ꩻလုဲင်သံႏဃာႏ၊ အာႏမခံႏအွိုလွ၊ သမဂ္ဂသံဃာႏချင်ꩻချင်ꩻ၊ ဗဲင်းဝင်ꩻဖန်းပွန်း၊ တာႏဝွန်ႏဝတ္တရာꩻ၊ ကျိုꩻစာꩻဆောင်ႏရွက်၊ အတွက်ကျောင်ꩻတန်၊ အီႏမာꩻဖျင်အတသာ၊ ဖေႏကထွာလꩻယိုꩻယိုꩻ၊ ကျိုꩻစာꩻတပါꩻတဖဲ့ꩻဖဲ့ꩻ၊ နဝ်ꩻမꩻလဲ့အီႏအောင်ႏ၊ သောင်ႏသာနဲစ်ကျပ်၊ ပေါင်ꩻထပ်စီႏရင်ႏ၊ တွိုင်ႏပင်ႏလွဝင်ꩻခွိုꩻခွိုꩻ၊ သံႏဃာႏစွိုꩻအာ၊ ငဝ်းငွါဒေါ့ꩻရောင်၊ လဝ်းဖြောင်လွဝင်ꩻ၊ ပအိုဝ်ႏချင်ꩻတွို့ꩻကွဉ်ႏ၊ ပါစွဉ်ႏနဝ်ထင်ꩻ၊ ဟွုန်ဟဝ်အာႏရꩻ၊ ဗာႏသꩻနိစ်သက်၊ စွံꩻမက်ကေညိုႏ၊ ပအိုဝ်ႏမာꩻညီꩻ၊ ကျောင်ꩻတောင်ႏကီꩻယိုခါ၊ ယံကထွာဖွဲ့လွ၊ နာယကအခန်ꩻ၊ ထွူမန်ႏသေႏချာႏ၊ အောင်ႏမင်္ဂလာႏဇေယျ၊ နိဋ္ဌိတတင်ႏထီꩻ၊ ဖြီꩻစီꩻတခွုင်းယိုကွိုနဲးလောင်ꩻ။\n\nလိုꩻလမ်းအဖွဲ့-ရွက်ဆောင်ႏကျောင်ꩻ\n\n၁။ စဝ်းဖါးခွန်စီ                         နာယက\n၂။ မေႏတွိုင်ႏဘိုးခင်                   ပ-ဥက္ကဋ္ဌ\n၃။ တရာꩻသူꩻကီꩻဦးဖျူ               ဒု-ဥက္ကဋ္ဌ\n၄။ ဆရာႏကွမ်ꩻ                         အတွင်းရေးမူး\n၅။ ဦးဉာဏ                              ဘဏ္ဍာရေးမူး\n၆။ ဦးဝါရှိန်                               စာရင်းစစ်\n၇။ လက်သမာꩻခေတ်                 ထာꩻမာꩻထွားသား\n၈။ ဦးဟန်                                ကောႏမတီႏလိုꩻတန်\n၉။ ဆရာႏဝဏ္ဏ ဝါးပျား               အကျိုꩻဆောင်ႏ\n၁၀။ ထွက်စုံ   ဝါးပျား                        ။\n၁၁။ ဘိုးနု      ဝါးပျား                         ။\n၁၂။ ထွက်နန္တာႏဟိန် စငေါဝ်ꩻ               ။\n၁၃။ မော်ကွံꩻ         ပင်တွန်ႏ                ။\n၁၄။ ပညာႏတွန်     ကုံꩻကျောင်ꩻ           ။\n၁၅။ ဟိန်တိဖုံꩻ       ကုံꩻကျောင်ꩻ           ။\n၁၆။ ဦးချစ်တန်     တောင်ႏကီꩻ            ။\n၁၇။ ဦးကြုတ်      တောင်ႏကီꩻ            ။\n၁၈။ ကိုချယ်        တောင်ႏကီꩻ            ။\n\nအမျာꩻလဝ်းရီချာခန်ꩻ၊ အီႏကေပ်ꩻရွဉ်စီꩻဝွေꩻဝင်ꩻတွမ်ႏ ရွဉ်ပြေႏလꩻခန်ꩻ\n\nအမျာꩻလောဝ်းရီချာခဏ်\n\"လိုꩻကျောင်ꩻလိုꩻလမ်း၊ ကျောင်ꩻတန်ယံကထွာ၊ အတသာနဝ်ꩻတဲင်၊ ယိုလဲင်ႏခါ ဖွဲ့သေꩻလဲဉ်းအဖွဲ့၊ ခွုင်းတဲင်အဖွဲ့သား၊ ဆုဲင်ꩻချာအတာႏ၊ အီႏမာꩻဗာႏထာꩻမာꩻနုဲင်းမုဲင်ꩻ၊ မီႏတခြုဲင်းနယ်တဝ်း၊ နီသွဉ်းသီးလဲ့၊ ထာꩻစဲင်းစဲ့တဗာႏ၊ တသေနာႏတဝ်း\"�� လဝ်းခွုန်ꩻရီဖြောင်၊ မဟာထေရ်ႏကျောႏသောင်ထျꩻ၊ နဝ်ꩻမꩻမဟာႏထေရ်ႏတန်၊ ဒေါ့ꩻထန်ႏနယ်ဖေႏ၊ ထွို့ꩻသေꩻခါꩻတွမ်ႏ၊ စီꩻကန်ꩻဥပဒေႏ၊ ယံသေဝတ္တရာꩻ၊ ထာꩻမာꩻခရာႏ၊ ဒေါ့ꩻနယ်ဗာႏနုဲင်းယို၊ \"ဩဗွေႏနီသွဉ်းသီး၊ ကအီႏမာꩻဗာႏ၊ ထာꩻမာꩻခရာႏနဝ်ꩻ၊ ဆုဲင်ꩻချာအတာႏ၊ နာယကတွမ်ႏ အကျိုꩻဆောင်ႏနဝ်ꩻ၊ ကျောင်ꩻတန်ယိုဖေႏကထွာယိုꩻယိုꩻ၊ အကျိုꩻအကျောင်ꩻ၊ အခြောင်ꩻအခရာႏ၊ ခြုဲင်းနယ်ဗာႏဟော်ꩻပျော်ꩻ၊ နိုꩻဆောႏအွဉ်ႏဒေါ့ꩻ၊ ယံကရော့ꩻသꩻနွို့နား၊ သံႏဃာႏလဲ့သင်၊ လိုꩻလမ်းယင်ကယ်ႏ၊ ယံကနားလယ်ႏလွ၊ သွင်ꩻသꩻစုမ်ꩻမက်၊ ထာꩻနိစ်သက်ယံကတွိုႏ၊ အဝ်ႏလိုႏတမာ၊ သောင်ႏသာလင်ꩻကန်၊ ကင်ဖွီတလျူမွိုင်၊ လွေꩻပြွိုင်သဲင်ꩻကုဲင်း၊ ဒေါ့ꩻရုဲင်းဟော်ꩻဗွုန်ႏဗာႏ၊ ကားတဲင်ကျောင်ꩻတထွူတဝ်းအခါႏ၊ အဝ်ႏကျိုꩻစာꩻဗာႏပီးနဝ်ꩻ၊ ယွဒတ်ꩻသဝ်ꩻအုံပဆား၊ လွꩻငါႏမားတွမ်ႏရိုꩻမွုန်း၊ တခွုန်းတခွေႏ၊ မာꩻမွေးမွေးဗာႏလွ၊ ဝီရိယလုံꩻပန်ꩻ၊ အွဉ်ႏဗာႏအတန်ꩻသေႏသေႏ၊ ပွိုးထာꩻမာꩻပေႏတမွေးတဝ်း၊ စဝ်းသီးလဲ့ခါ၊ ခွေသွဉ်းယာတ၊ ပွိုးကတခြိုꩻထမ်ႏ၊ အဝ်ႏဒင်ႏလဲဉ်းပြေင်လောင်း၊ ထောင်လွဉ်ꩻသွတ်ꩻသွတ်ꩻ၊ ဆိတ်ဆွတ်ꩻယွုန်းထွို့ꩻ၊ ပနဲဉ်ႏပွို့ꩻချာငါ၊ တွမ်ႏမာꩻဗာႏပုဲင်ႏ၊ ယပ်ꩻခုဲင်ႏမီႏမော့ꩻလွဉ်၊ အွဉ်ဝင်ꩻဖြေႏသျင်ꩻ၊ နန်းတဝ်းရင်ꩻထာမုဲင်ꩻဗွေႏ၊ လိုꩻခိုပေႏထာꩻပေါင်၊ စွဲးရောင်တပါꩻတစိꩻစိꩻ၊ ကတိကရိမရိုꩻဗာႏ၊ အနာႏအသာႏ၊ အလေꩻခဉ်ႏပီ၊ အဖွီအထွူႏဗိုန်လွဝင်ꩻ၊ ပအိုဝ်ႏချင်ꩻချင်ꩻသမဂ္ဂ၊ ကျောင်ꩻတန်ဝိဟာရယံကအောင်ႏ၊ အွဉ်ႏသꩻခွေါင်ခွေါင် မာꩻနုဲင်းယိုသွူ၊ ဖေႏကထီႏဗာႏ အထွူနဝ်ꩻမꩻမွေးနေား၊ အွိုးဗွေႏသီးအပေါင်ꩻဩ\"။\n\nတွိုင်ႏပင်ႏရီရွောင်ဝင်ꩻခဏ်ꩻ\nသံႏဃာႏပေါင်ꩻအာ၊ တပါꩻတွမ်ႏတပါꩻ၊ ချာငါပြန်ႏလဝ်း၊ ဒေါ့ꩻဖြဝ်ႏရီလွ၊ \"နဝ်ꩻဟကအီႏမာꩻထဲင်းခြာ၊ ကျောင်ꩻတသာယိုနဝ်ꩻ၊ မဉ်သေလင်ꩻငါႏ၊ ဝါလဝ်အီႏမာꩻကျောင်ꩻသေင်ႏဟောင်း၊ ဝါလဝ်အီႏတယ်ႏကျောင်ꩻတွိုက်ဟောင်း၊ လောင်းခြောင်နုဲင်းမုဲင်ꩻ\"၊ ထေဖြုဲင်ꩻဒေါ့ꩻလွ၊ ယဟန်ႏသားလဲ့ တယ်ႏနေးတွိုက်၊ ယဟန်ႏသားလဲ့ ကျွိုက်ဒျာႏသေင်ႏ၊ ခြေင်ႏလွဝင်ꩻထာꩻကျွိုက်၊ အွိုက်အက်အောႏအာႏ၊ ဆောႏဆာႏငရောင်၊ ကျံႏပေါင်စိတ်ကူꩻ၊ ထာꩻယူႏပငါပရာꩻ၊ အမျာꩻသံႏဃာႏ၊ တဖြာꩻတဖြောင်းဖြောင်း၊ ကောလောင်းလွဝင်ꩻလဲ့ အဝ်ႏဗွေဗုဲင်၊ ကေားယားကုဲင်လဲ့အဝ်ႏဗွေဗောႏ၊ ဆောႏဆောႏဆာႏဆာႏ၊ တထွူထွာဒါႏတဝ်း၊ နဝ်ꩻမꩻကောထွာ၊ မဟာနာယက၊ ဖ��်းဖနယ်ဖေႏ၊ \"ဩဗွေႏလဲင်ႏခါယိုနဝ်ꩻ၊ စဝ်းသီးထာꩻကျွိုက်၊ တယ်ႏတွိုက်တွမ်ႏမာꩻသေင်ႏ၊ ကအဝ်ႏခြေင်ႏလွဝင်ꩻ၊ ခွေသွဉ်ႏအီႏသျင်ꩻနယ်က၊ ဗွေႏသီးနာႏခံႏစံꩻ၊ မွေးမန်ႏလဲ့တရိုꩻဗာႏတဝ်းနေနေ၊ ဗွေႏသီးထာꩻကျွိုက်၊ ကတယ်ႏတွိုက်နဝ်ꩻဟမ်းပေါင်းအာ၊ မီႏထွာနုဲင်းခွေသွဉ်းလဲ့ တယ်ႏစွဉ်ႏတွိုက်၊ ပွိုးထာꩻမုဲင်ꩻ မတယ်ႏနေးတွိုက်ဟောင်း၊ အကျောင်ꩻဝင်ꩻမီႏရီချာနဝ်ꩻ၊ ကွပ်စွဉ်ႏနီသွဉ်းသီး ပအိုဝ်ႏတမျိုꩻသာꩻလုမ်းတန်တဲင်၊ မီႏတယ်ႏတွိုက်နဝ်ꩻမꩻရပ၊ တွမ်ႏဌာႏနခင်ႏလမ်း၊ ခမ်းပဒေမဇ္ဈိမ၊ ဌာႏနဝေင်ꩻတောႏ၊ အီႏထွာတောင်ႏကီꩻ၊ နန်ꩻထီခွန်တန်၊ ဟော်ဟင်းဆို့ꩻသော့ꩻ၊ ညာꩻဗော့ꩻထဉ်ႏမွေ၊ လွေꩻသဲင်ꩻနွို့ထန်ႏ၊ တွို့ꩻကွဉ်ႏဖုဲင်လုဲင်၊ ပေါပုဲင်လွဉ်လယ်ႏ၊ ခယ်ႏတွမ်ႏကလာꩻ၊ ခမ်းညာꩻထီယန်၊ ခွန်တန်ဖျော်စွိုꩻ၊ နီပအိုဝ်ႏစွိုꩻလိုꩻပေါင်ꩻ၊ ကတယ်ႏညီꩻဝင်ꩻကျောင်ꩻတွိုက်၊ ဖေႏကထွိုက်တွမ်ႏပါꩻမဲ့၊ နီသွဉ်းသီးလဲ့အကျိုꩻထွာ၊ ယိုခါလောက၊ ဒိဋ္ဌထီႏဗာႏ၊ မေတ္တာႏနိန်းလွမ်၊ အာလွဉ်ဆꩻတက်၊ နယ်ႏခွက်သန်ညာꩻ၊ ထင်ႏသျာꩻမဉ်ꩻတန်၊ တွင်ႏလွေꩻတငါငါဒါႏ၊ တွိုႏသံႏသရာႏနဝ်ꩻယိန်းမျတ်၊ ကတ်ꩻလဲဉ်းလောက၊ ကျလဲဉ်းလောကီႏ၊ ခွေသွဉ်းထာꩻထီႏအဝ်ႏနုဲင်းယို၊ ဗွေႏသီးအီႏရိုꩻနုဲင်းမုဲင်ꩻ\"၊ တင်ꩻလုဲင်သံႏဃာႏ၊ အားလုံးတစု၊ \"သာႏဓု-ဟဝ်ငါႏ၊ သေႏချာႏလဲဉ်းသွူဗွေႏဩ၊ မွေးလဲဉ်းသွူဩ\" ငဝ်းခေါမင်္ဂလာႏ၊ ဝံꩻသာႏနိစ်သက်၊ လက်ခံႏစွုမ်ႏပါꩻ၊ အခင်ႏလမ်းဇယား၊ ခြဲစ်ꩻခါꩻခန်းအကွက်၊ အတွက်အီႏကေပ်ꩻရွဉ်၊ \"ကေပ်ꩻစွဉ်ႏဟန်ႏနိန်ႏယိုလွေꩻ\"၊ \"မာꩻနုဲင်းနဝ်ꩻမꩻမွေး ဗွေႏဩ\"။\n\nကအီႏကေပ်ꩻရွဉ်ခဏ်ꩻ\n\"နဝ်ꩻကနီသွဉ်းသီး ကအီႏကေပ်ꩻရွဉ်နဝ်ꩻရာꩻ မာꩻဗာႏနုဲင်းမုဲင်ꩻဖေႏကသေ၊ ဝါလဝ်ကေပ်ꩻဗောꩻနုဲင်းနဝ်ꩻဟောင်း၊ ဝါလဝ်မာꩻနေးဖျတ်ပဲင်းဟောင်း၊ အလောင်းထာꩻမာꩻ၊ စိဉ်ꩻစာꩻခါꩻရီးဗာႏမꩻ၊ အီႏသေႏချာႏလꩻသွူဩ\"၊ ကေားသားယဟန်ႏ၊ လဝ်းပြန်ႏရီချာ၊ သံႏဃာႏအာဖုံႏ၊ အုံပြုံႏစိဉ်ꩻစာꩻ၊ \"မာꩻနုဲင်းမုဲင်ꩻသေႏချာႏ၊ ကရဒျာႏဖျတ်ပဲင်းနဝ်ꩻ၊ ဟဝ်လဲဉ်းကကေပ်ꩻရိုꩻရိုꩻ၊ မီႏတွိုႏဆုဲင်ꩻလဲ့ခါ၊ မီႏလိုႏစဲစ်ချာစာႏရင်ꩻ၊ ဟမ်းပေါင်းသျင်ꩻလျင်ꩻသွူနဲ့ဗွေႏ\"၊ \"မွေးနေနုဲင်းယိုနဝ်ꩻ၊ ဟဝ်ဗွေႏမွေးနုဲင်းနီဗွေႏကရိုꩻယိုနဝ်ꩻမꩻသျင်ꩻ\" အချင်ꩻချင်ꩻတွိုင်ႏပင်ႏ၊ \"မီႏစီႏရင်ႏဖျတ်ပဲင်းလဲ့၊ ယိုခါခဲ့ပဲက်ဆန်တဗီႏဗီႏ၊ တထီႏတဝ်းစူကို၊ ယိုကအီႏမာꩻနုဲင်းမုဲင်ꩻအီး၊ နီဗွေႏသီးယူႏဖြောင်နေကောင်း\"၊ နဝ်ꩻမꩻကျောင်ꩻတကာႏ ဦးဘိုးခဲင်၊ ယွော့ဒဲင်စူတဆီ၊ ကတူႏကီအွဉ်ႏဒင်ႏ၊ ဝုဲင်ႏထင်ႏလျောက်လဝ်း \" ဩစဝ်းဗွေႏသီး၊ ကအီႏတွဲႏဒါႏ၊ ဖျတ်ပဲင်းနဝ်ꩻရာꩻ၊ ယိုခါခွေသွဉ်းတကာႏ၊ လိတ်ပုံနိပ်စက်လဲ့အဝ်ႏ၊ စေးလဲ့အဝ်ႏဒျာႏ၊ ခွေသွဉ်းတကာႏ၊ အီႏတွဲႏစွိုးဖေႏငါရီး၊ နီဗွေႏသီးတဲင်၊ ဆုဲင်ꩻတလဲင်ႏမꩻ၊ လူႏခံႏမီႏလꩻလွဉ်၊ ရွဉ်ဖုံႏနဝ်ꩻတဲင်ခါ၊ ကွဲသျင်ꩻချာဖျတ်ပဲင်းငိုꩻ၊ ခွေသွဉ်းတကာႏရိုꩻနုဲင်းနဝ်ꩻ၊ ဟဝ်နေကောင်းဗွေႏနဝ်ꩻ\"၊ \"ဟဝ်မို့တကာႏ၊ မီႏထွာနီတကာႏလုံ၊ ထူႏတာႏဝွန်ႏစဲက်ရီးဖေႏနဝ်ꩻ ဟဝ်လွိုတွန်ကယ်ꩻ၊ တီးနယ်ꩻခရာႏ၊ တအဲဉ်ထဝ်းဒျာႏဒွုမ်၊ တကာႏလုံဟွေး၊ မွေးလဲဉ်းသွူတကာႏလုံကလဝ်း\"၊ စဝ်းရဟန်ꩻသံႏဃာႏ၊ အားလုံးသဘော်ꩻလꩻလွ၊ နဝ်ꩻမꩻထွူလွေꩻခန်းသွူနဲလောင်ꩻ ။\n\nဆုံꩻဖျတ်ခဏ်ꩻ\n\"ယိုကနီသွဉ်းသီး ကအီႏလူႏခံႏရွဉ်လဲ့ ဖျတ်ပဲင်းအခွယ်ꩻအဲဉ်ထဝ်းနဝ်ꩻလဲ့တရဝ်း၊ လူႏခံႏသွူရွဉ် မီႏလꩻလွဉ်ကာလ အီႏအွဉ်ႏပါꩻမုဲင်ꩻထျꩻလဲ့ တသေတဝ်းနဝ်ꩻလဲ့တရဝ်း၊ ယိုနဝ်ꩻ တွမ်ႏကအီႏလူႏခံꩻရွဉ်မွူးနီꩻ၊ တွမ်ႏကအီႏအွဉ်ႏခင်ႏလမ်းနဝ်ꩻလဲ့ အစဲင်းစဲ့တဗာႏ ထင်ႏထင်ႏသျာꩻသျာꩻနဝ်ꩻရာꩻ အဝ်ႏလိုႏဆုံꩻဖျတ်သေꩻလဲဉ်းထွူ၊ ခင်ႏလမ်းထွူတဗာႏ၊ ဖေႏကသေႏသေႏချာႏချာႏလွခန်းနဝ်ꩻမꩻ ဗွေႏဩ\"။\nကောသားကလဝ်းလဲ့လဝ်း၊ နဝ်ꩻမꩻလဲ့သံႏဃာႏ တပါꩻတွမ်ႏတပါꩻ အီႏစိဉ်ꩻစာꩻလꩻနုဲင်းမုဲင်ꩻယိုလဲင်ႏခါ၊ ချာငါရီလဝ်း \" ဩစဝ်းဗွေဟွေး၊ မွေးလဲ့မွေးငါႏ၊ ကွဲးကားတဲင်ဖျတ်ပဲင်ꩻကိစ္စ၊ ရီစမ်ꩻကတကာႏမေႏတွိုင်ႏမꩻ အီႏထွူလꩻတထွူလꩻတဝ်းနဝ်ꩻလဲ့ တေသတဝ်း၊ နဝ်ꩻမꩻနီတကာႏမေႏတွိုင်ႏ ကအီႏတွဲႏဒါႏ ဖျတ်ပဲင်ႏအုပ်ငတ်ꩻရျာꩻ တလာအတွင်ꩻ စောင်းအီႏထွူတန်ꩻကောင်းတကာႏ\" \"အဝ်ႏထွူတန်ꩻဒျာႏဗွေႏဩ တပေါႏရိုꩻတဝ်းနေနေ\"မေႏတွိုင်ႏသမ်းလဝ်းခွုန်ꩻ၊ ကထွိုင်ႏဟွုန်မေႏတွိုင်ႏငဝ်း။\n\"နဝ်ꩻမꩻလဲ့ ဖေႏဖျင်မွူးနီꩻ၊ ကအီႏစီꩻဝွေꩻတသာ၊ လာဒဲဉ်ကံဗွေနီꩻ၊ ဖေႏကစီꩻဝွေꩻဗာႏထဲင်းတခြွိုက်၊ ထုတ်ပါတွမ်ႏဖျတ်ပဲင်းနဝ်ꩻရာꩻ ဗွေႏသီးအမျာꩻ သဘော်ꩻလꩻနေ\"၊ \" မွေးဗွေႏဟဝ်ဟဝ်၊ ရွဉ်နဝ်ꩻလဲ့သင် လွဉ်သွင်ꩻသေꩻဗာႏ တကာႏလုံမေႏတွိုင်ႏထျꩻနေနေ၊ တကာႏမေႏတွိုင်ႏယိုခါ၊ ပွိုးထွာကျောင်ꩻတကႏထျꩻ၊ နာယကအဖွဲ့ ဥက္ကဋ္ဌလဲ့တရဝ်း၊ နဝ်ꩻမꩻလဲ့နီသံႏဃာႏ ယွုမ်းအံႏငါႏ နီတကာႏလုံသွူ၊ ကျောင်ꩻဖေႏကထွူလဲ့ ပရူးအီႏကျိုꩻစာꩻ၊ တကာႏအဝ်ႏညာꩻတဝ်းနုဲင်းနီ၊ အဝ်ႏထီႏမဲ့ဆလစွ��မ်ႏနီꩻနီꩻ၊ ဝိန်ꩻတောင်ႏကီꩻအကို၊ လွိုတဲင်နီကျောင်ꩻကာႏနဝ်ꩻရာꩻ၊ ပါꩻမုဲင်ꩻမအဝ်ႏ၊ နဝ်ꩻလဲ့ပရူးအီႏအွဉ်ႏသꩻ၊ နဝ်ꩻမꩻနီသံႏဃာႏအမျာꩻ၊ တာႏဝွန်ႏလွယ်ꩻခါꩻဗာႏ၊ နီတကာႏထျꩻသွူကွေး၊ မွေးလဲဉ်းမတဝ်\"၊ \"အဝ်ႏဟဝ်ဒျာႏဗွေႏ၊ ခွေသွဉ်းတကာႏ လက္ခံႏဒျာႏဗွေႏဩ\"၊ ခေါခဲ့သေႏချာႏ၊ တာႏဝွန်ႏလွယ်ꩻအပ်ဖေႏ၊ မေႏတွိုင်ႏဘိုးခင်နဝ်ꩻထွူ။\nနဝ်ꩻထွူမꩻသံႏဃာႏ ကအီႏစီꩻဝွေꩻယင်း ဒုတိယအပတ် သတ်မတ်ဖေႏယင်းမွူးနီꩻ သက္ကရာဇ် (၁၃၀၈)ဗာႏ၊ လာဒဲဉ်ကံဆန်ꩻ (၁၅)နီꩻ လာဗွေနီꩻနဝ်ꩻ ဖေႏနေးကထွာယင်း အစီꩻအဝွေꩻ၊ ဆွေꩻနွေꩻတွိုင်ႏပင်ႏတလဲင်ႏ ဥက္ကဋ္ဌ၊ နာယက၊ အမုဆောင်ႏပုဂ္ဂိုလ်ႏ တွမ်ႏတကာႏလိုꩻတန်ဖုံႏ ဒဲဉ်ကံဆန်ꩻ (၁၄)နီꩻဟာနဝ်ꩻ ယံတွိုႏလွဉ်ယင်း ကျောင်ꩻတန်မွဉ်ခြဲင်ယို၊ သတ်မတ်ထွူနုဲင်းနဝ်ꩻတဲင် ကျွꩻသဲင်ꩻခန်းဒျာႏ ပငါပရာꩻနဝ်ꩻသွူ။\n\nဒုတိယနီလဲင်ႏမျောက် စီꩻဝွေꩻခဏ်ꩻ\nသက္ကရာဇ် (၁၃၀၈) တရေင်သွံရျာꩻသွစ်ꩻဗာႏ၊ ဒဲဉ်ကံလာဗွေနီꩻ၊ ဗွေႏသီးရဟန်ꩻသံႏဃာႏ အပါꩻတရျာꩻ၊ နာယကအဖွဲ့ပေါင်ꩻစွုမ်ႏ၊ ကျောင်ꩻစွုမ်ႏ၊ ခမ်းစုံႏလင်ႏ တွိုင်ႏပင်ႏစီꩻဝွေꩻထဲင်းတခြွိုက်၊ ဗွောင်ခန်းယင်းအစီꩻအဝွေꩻတလဲင်ႏ၊ ဗွေႏဗွန်ထမ်းဘုရာꩻ ဗွေႏဗွန်ဉာဏလဲ့ လဝ်းခန်းသံႏဃာႏ -\n\" ကတယ်ႏဒါႏကျောင်ꩻတန်ယို ဟဝ်ထွို့ꩻသေꩻလဲဉ်းအပုံႏ၊ အပုံႏမီႏအဝ်ႏခါꩻ၊ ဗော့ꩻညာꩻသံႏဃာႏ၊ တကာႏလဲ့နုဲင်းနဝ်ꩻ၊ မီႏဖျော်လွဉ်ရီဒါႏ၊ အွဉ်ႏနယ်ဆွုမ်ႏဗာႏအပုံႏနဝ်ꩻဟဝ်၊ နဝ်ꩻမꩻအရပ်တန်ရာꩻ ဆရာႏတောႏထျꩻသောင် တကျောင်ꩻတပုံႏနဝ်ꩻလဲ့အွဉ်ႏ၊ ကွပ်စွဉ်ႏတကာႏဗော့ꩻညာꩻဖျော်ခြွဉ်း မီႏအွဉ်ႏနယ်ဆွုမ်ႏဗာႏနဝ်ꩻဟဝ်၊ တသေတဝ်း ဖေႏကသေ၊ အွဉ်ႏနယ်ထေ့ကျောႏညာႏသဘော်ꩻ၊ မီႏကောႏစွဉ်ႏအခင် တွဲႏဖျင်ပန္နက် သယ်ꩻလက်ꩻထွန်ႏ၊ ထွို့ꩻဆွန်ꩻလူႏလီး၊ ဖြဲစ်ꩻမီးယွိုင်ႏထွို့ꩻ၊ စွို့ꩻတစွို့ꩻတဝ်းနဝ်ꩻလဲ့သေယိုꩻ၊ ဆုံးဖွိုꩻကီလ၊ တွမ်ႏကအီႏခူႏဟမ်ႏ၊ အီႏချꩻအွတ်ꩻရွီးတွက်တာႏနဝ်ꩻလဲ့ သေယိုꩻ၊ နဝ်ꩻမꩻခွေသွဉ်း အွဉ်ႏဒေါ့ꩻဟွုန်ဗာႏ သံႏဃာႏတောႏဗွေႏသီးဩ\"။\nနဝ်ꩻမꩻသံႏဃာႏတောႏအာ တပါꩻတွမ်ႏတပါꩻ၊ \"ထာꩻမာꩻသီးမျိုꩻꩻ အပုံႏမီႏအဝ်ႏရီးမꩻ မာꩻလွဉ်ꩻအီႏထွာ၊ မီႏမာꩻခါလဲ့အီႏပြွိုင်၊ နုဲင်းဗွေႏဗွန်ဉာဏကရိုꩻနဝ်ꩻမွေးသွူ\" သဘော်ꩻလꩻလွထွူတဲင်ခါ ထွို့ꩻခန်းကျောင်ꩻတွိုက်ပုံႏစံႏအကျံꩻ ။\nနဝ်ထင်ꩻအနားဆွာꩻ               ပေ -    ၁၂၀\nတွို့ꩻကွဉ်ႏအနားဒွေါင်ႏ           ပေ -     ၁၀၀\nကီလတွိုက်နမ်း                   ပေ -     ၃၇ ၆-လက်မ\nတွိ���က်ရွီးအခံႏ                     ပေ  -       ၉\nယိုနဝ်ꩻထွို့ꩻကျံꩻအွဉ်ရီး မီႏတွိုႏအချော်ꩻမꩻလဲ့ ဟဲ့ꩻတွမ်ႏအင်ဂျင်နီယာဆရာႏ မာꩻသေႏသေႏချာႏချာႏ\" ဆုံꩻဖျတ်ခန်းနုဲင်းနဝ်ꩻသွူ။\nနဝ်ꩻထွူမꩻ ဝွေႏခန်းဖျတ်ပဲင်း၊ အမုဆောင်ႏပုဂ္ဂိုလ်ႏဖုံႏလဲ့ ထူႏခန်းတာႏဝွန်ႏပငါပရာꩻ အီသဲင်ꩻလွခန်းဒျာႏနဝ်ꩻသွူ။\n\nကပြေႏလꩻရွဉ်ခဏ်ꩻ\nတယ်ႏစသက္ကရာဇ် (၁၃၀၈) တရေင်သွံရျာꩻသွစ်ꩻနိန်ႏ ဒဲဉ်ကံဗွေမာꩻတငါ တွိုႏပတာဗꩻလွေꩻယင်း သက္ကရာဇ် (၁၃၀၉) တရေင်သွံရျာꩻကွတ်ꩻဗာႏ ဒဲဉ်ကံဗွေနီꩻ တနိန်ႏကိုအတွင်ꩻ ကကေပ်ꩻလꩻရွဉ် လꩻစွဉ်ႏ (၃၄၅၆၀-၁၅) သွံမွုန်ႏပုဲင်လစ်ꩻရေင် ပုဲင်ထဲင်းငတ်ꩻရျာꩻသူဆီ လွိုဒွိုန်းတဆီငတ်ꩻပဲက်၊ ရွဉ်စားယိုနဝ်ꩻ မေႏတွိုင်ႏဘိုးခင်လက်ခံႏ၊ ဖြေꩻအီခန်းလုံး၊ ဖြေꩻအီခန်းသုဲင်ꩻ၊ ဖြေꩻဟံႏဘိလတ်ထွန် စားနဝ်ꩻဖုံႏတဲင် လက်သမာꩻတွဲႏလုံးဖုံႏတဲ့ ထွဉ်ႏအီ၊ ရွဉ်လꩻကီခွုင်းနဝ်ꩻလဲ့ အီႏလို့ခန်းဒျာႏ။\n\nတတိယစီꩻဝွေꩻ ချꩻအွတ်ꩻရွီး၊ ဌာႏပနာႏခဏ်ꩻ \nတတိယစီꩻဝွေꩻ အီႏချꩻအွတ်ꩻရွီးခဏ်ꩻ\nငဝ်းပင်ꩻသံႏဃာႏ-\n\"ဩဗွေႏနာယက တွမ်ႏအကျိုꩻဆောင်ႏ သံႏဃာႏတောႏပေါင်ꩻသီးဩ -\nကျောင်ꩻလံႏခရာႏ၊ ယံသေဗာႏလွ၊ ကိစ္စကျောင်ꩻတန်ယို၊ အဝ်ႏလိုႏဌာႏပနာႏ၊ ချꩻခါꩻအွတ်ꩻရွီး၊ မွိုးနီꩻမွူးလာ၊ မုဲင်ꩻခါအီႏဟဝ်၊ နဝ်ꩻလဲ့တရဝ်း၊ ဌာႏပနာႏနဝ်ꩻလဲ့ ပွယ်ꩻနဝ်ꩻလဲ့သင်၊ လိုႏတွိုင်ႏပင်ႏလို့ဝင်ꩻ ကျောင်ꩻကိစ္စယိုလဲ့တဒဝ်ႏ၊ သက္ကရာဇ် (၁၃၀၉) တရေင်သွံရျာꩻကွတ်ꩻဗာႏ၊ လာတထိန်ႏဆန်ꩻ (၁၄)နီꩻဟာ၊ ကျွꩻကာတောႏမူႏ၊ ယံတွိုႏလွဉ်ကျောင်ꩻတန်မွဉ်ခြဲင်ကို၊ တဆီငတ်ꩻ လာဗွေနီꩻ၊ ယံကစီꩻဝွေꩻဗာႏဝင်ꩻ၊ ချꩻလင်ꩻအွတ်ꩻရွီးပွယ်ꩻခရာႏကွိုနဲ ဗွေႏဆရာႏတောႏသီးဩ။   ။\n၁၃၀၉-နိန်ႏ၊ တထိန်ႏလာဗွေနီꩻ၊ နားရီႏသွစ်ꩻဆင်ႏ မွူးရဝ်ꩻခိုႏ ရဟန်ꩻသံႏဃာႏ နာယကဆရာႏတောႏပေါင်ꩻ၊ အကျိုꩻဆောင်ႏဆရာႏတောႏယင်၊ လိုꩻလမ်းဥက္ကဋ္ဌ၊ နာယကဖုံႏလဲ့ပါ၊ ဆရာႏတကာႏ၊ စုံႏယာႏဖျော်လွ၊ နဝ်ꩻမꩻဗွောင်ခန်း' အစီꩻအဝွေꩻ ကအီႏမာꩻလွေꩻတငါ၊ ကျောင်ꩻတသာတွက်တာႏ၊ အီႏဌာႏပနာႏအွတ်ꩻရွီး၊ မွူးနီꩻမွူးလာ၊ ခိန်ႏခါႏနားရီႏ၊ တွက်သေꩻဗာႏရီးတမွေးတဝ်း၊ နဝ်ꩻမꩻဆရာႏတကာႏ၊ တွက်ငါလွေꩻဒဲဉ်ကံလာ၊ လꩻပတာခန်းမွူးနီꩻနီနီꩻ၊ တနီꩻနဝ်ꩻတနꩻခန်း \"ပြည်ထောင်စုနဲင်ႏငန်ႏ လꩻလွတ်လတ်ရေꩻ\"နီꩻတဲင် တကာႏဖုံႏလဲ့လဝ်း \" မီႏနုဲင်းနီသွဉ်းသီးနဝ်ꩻ ဌပနာႏသွိုစွဉ်ႏ လွတ်လတ်ရေꩻနီꩻယို၊ မွူးနီꩻနဝ်ꩻရာꩻ ဒဲဉ်ကံလောင်းကွတ်ꩻနီꩻ၊ မွူးနီ��တနင်ꩻနွေႏနဝ်ꩻဩ။ မီႏရိုꩻစောကလꩻလွတ်လတ်၊ ဆရာႏတန်ဖုံႏတွက်လဲဉ်းသေႏချာႏ၊ ခိန်ႏခါႏနားရီႏ၊ ဗီႏဇနာႏတွမ်ႏပါတ်၊ နက္ခတ်လွောက်ꩻဆွစ်ꩻ၊ ပြေပြွစ်ꩻရေꩻရုဲင်း၊ ဟဝ်သုဲင်ဆင်ႏရော့ꩻ၊ မဲဉ်ႏသော့ꩻအခါႏနဝ်ꩻသွူဩ\"\nနဝ်ꩻမꩻအားလုံးသံႏဃာႏတောႏ၊ သဘော်ꩻလꩻလွဉ်ꩻနုဲင်း၊ ထုဲင်ႏပီတကာႏလဝ်း၊ လွတ်လတ်ရေꩻနီꩻနဝ်ꩻသွူ။ ကွဲကနီဆရာႏတကာႏ၊ သဘော်ꩻလꩻစွဉ်ႏလဲ့၊ အွဉ်ႏအတီႏတထွာတဝ်း၊ ရီလဝ်းလင်ꩻလွဉ်ဗာႏက၊ ဗွေႏဗွန်ဦးနရိန္ဒ ကျောင်ꩻတန်ယို၊ ကကျွꩻလင်ꩻဒါႏ သထုံႏသူꩻမꩻ၊ ကိစ္စအီႏထွူနောတကာႏ၊ နဝ်ꩻမꩻညီႏညာႏတွိုင်ႏပင်ႏဝင်ꩻ၊ သော့ꩻလင်ꩻခန်းလိတ်တစောင်ႏ၊ ဗွေႏဗွန်ကျောင်ꩻတန် ကသတင်ꩻသုံꩻဒါႏ ဓမ္မကာရီကျောင်ꩻကို တံတားဦးယိုခင်ႏလမ်း၊ ဆရာႏတောႏနမ်း ဦးနရိန္ဒ ထွိုင်ႏသေဗာႏ၊ အခရာႏကျောင်ꩻလံꩻ၊ ဖေႏပြန်ႏထင်ႏခွုန်ꩻချာ၊ \"ကားတဲင်နီဗွေႏသီးဆရာႏတကာႏ၊ ကတွိုင်ႏပင်ႏလွဒါႏဝင်ꩻအတွိုင်ꩻ ခွေသွဉ်းလဲ့ သဘော်ꩻလွဉ်နုဲင်းနဝ်ꩻသွူ\" ဆရာႏတောႏအမိန်းတံꩻဆိပ်၊ လိတ်နဝ်ꩻကထင်ႏဖျော်ပြန်ႏ၊ ဟော်ꩻခန်းဖတ်ထွား၊ အခရာႏကျောင်ꩻလံꩻ၊ ထင်ႏဟွုန်သေဗာႏ၊ သံႏဃာႏတောႏလဲ့ခါ၊ တကာႏယာတ၊ သꩻသွိုꩻဟွုန်ဟဝ်၊ နဝ်ꩻမꩻအီႏဌာႏပနာႏ၊ ချꩻဒါႏအွတ်ꩻရွီး၊ မွူး(နီꩻ)ဖေႏခန်းနဝ်ꩻသွူနေား။\n\nဌာနပနာနခဏ်ꩻ\nဖစ်ပင်ꩻသံႏဃာႏ၊ တကာႏအတွက်လဲ့ အွဉ်ႏစွꩻခန်းကျောႏညာႏတဲင်၊ ကျောင်ꩻတွိုက်တန်မွဉ်ခြဲင်၊ ဌာႏပနာႏအွတ်ꩻရွီးနိန်ႏနဝ်ꩻရာꩻ။\nသက္ကရာဇ် (၁၃၀၉)တရေင်သွံရျာꩻကွတ်ꩻနိန်ႏကို၊ ဒဲဉ်ကံလောင်းကွတ်ꩻနီꩻ၊ မွူးနီꩻတနင်ꩻနွေႏနဝ်ꩻသွူ။\nအစီႏအစဲဉ်ႏ\n၁။ ဒဲဉ်ကံလောင်းကွတ်ꩻနီꩻ ရဟန်ꩻသံႏဃာႏဝန်ႏပရိတ်၊ ဖတ်ကမ္မဝါႏ ကျောင်ꩻခင်ကိုနေားလောင်ꩻ။\n၂။ လာလောင်းကွတ်ꩻနီꩻ မွူးရဝ်ꩻခိုႏ လစ်ꩻနားရီ မိနစ်နီဆီ ဌာႏပနာႏအွတ်ꩻရွီး၊ ကွီးထွိုင်ႏထွို့ꩻထင်ႏ ဒင်ႏခန်းအလံႏတောႏနဝ်ꩻ(သွူ)။\n၃။ လိုꩻလမ်းစွုမ်ႏပငါပရာꩻတခြွိုက်ချင်ႏ ရိုႏသေႏလွခန်းနဝ်ꩻသွူ။\n၄။ အနီꩻနဝ်ꩻ မွူးရဝ်ꩻခိုႏသူနားရီႏ မိနစ်သွံဆီ ကပ်ခန်းသံႏဃာႏတောႏ (၅၄၇)ပါꩻသွမ်ꩻနဝ်ꩻသွူ၊ (နဝ်ꩻထွူမꩻ လိုꩻလမ်းဖုံႏနဝ်ꩻ နွတ်ꩻနားရီ မိနစ်သွံဆီ ခီႏစဲဉ်ႏလိုꩻစွိုꩻ လွေꩻလွလွတ်လတ်ရေꩻပွဲꩻနဝ်ꩻသွူ။)\n၅။ နားရီနတဆီ ကပ်ယင်းသံႏဃာႏသွမ်ꩻတတာႏနဝ်ꩻသွူ။\n၆။ နားရီတဆီပုဲင်တဆင်ႏ ငတ်ꩻဆီကွတ်ꩻမိနစ် ငတ်ꩻဆီကွတ်ꩻစက္ကန့်ခိန်ႏခါႏတွင်ꩻ ဌာႏပနာႏကျောင်ꩻတွိုက်အွတ်ꩻရွီးနဝ်ꩻသွူ။\n၇။ မွူးယာနားရီႏပြန်ႏတဆင်ႏ ဖတ်နယ်ခန်း ပွယ်ꩻရွဉ်လို့ရွဉ်လꩻနဝ်ꩻသွူ။\n၈။ ထွူသွူနဝ်ꩻ တွဲႏဓာတ်ပုံႏ၊ နာႏခန်းတရာꩻ မျဝွေခန်းနဝ်ꩻသွူနေားလောင်ꩻ။\n\nချꩻအွတ်ꩻရွီး အစီႏအစဲဉ်ႏ\n၁။ အခိန်ႏမီႏလꩻ တကာႏလဝ်း သံႏဃာႏတောႏနုဲင်းယို(ဇေယျတု သဗ္ဗမင်္ဂလံ၊ ဟဝ်မျတ်သေႏချာႏ၊ ခိန်ႏခါႏလꩻသွူတဲင်၊ ဗွေႏသီးယွော့ဒဲင်ခွမ်ꩻဖင်ꩻꩻ ချꩻလင်ꩻခန်းအွတ်ꩻရွီးဗွေႏဩ။)\n၂။ အွတ်ꩻရွီးကချꩻဒါႏ၊ ဆရာႏတောႏဖုံႏနဝ်ꩻ ဓိဋ္ဌာန်ႏရိုꩻနုဲင်းယို (ဣမံ ကပ္ပိယ ကုဋိံ ကရောမ) ရွစ်သွံလဲင်ႏတဲင် ချꩻလင်ꩻနဝ်ꩻသွူ။\n၃။ ချꩻအွတ်ꩻရွီးမီႏထွူတဲင် တလဲင်ႏချင်ꩻ မောင်းဆွိုင်ꩻဒုံႏလွဉ်ꩻသွိုဗာႏနဝ်ꩻသွူ။\n၂၀။ အွတ်ꩻရွီးကောချꩻ ဆရာႏတောႏဖုံႏနဝ်ꩻ -\n၁။ ကျောင်ꩻမင်္ဂလာရာမ ဆရာႏတောႏ တောင်ႏကီꩻ။\n၂။ ကျောင်ꩻကုန်ꩻသာႏ ဆရာႏတောႏ            ။\n၃။ ကျောင်ꩻဘုရာꩻတန်ထင်ꩻဆရာႏတောႏ     ။\n၄။ ကျောင်ꩻကေဖြေင်ꩻဆရာႏတောႏ      နောင်ဆꩻတွို့ꩻ။\n၅။ ကျောင်ꩻထီသိမ်ႏဆရာႏတောႏ         တောင်ႏကီꩻဆꩻထင်ꩻ။\n၆။ ကျောင်ꩻဗောလခဲ့ ဆရာႏတောႏ       စောက်ꩻခမ်း။\n၇။ ကျောင်ꩻနောင်ကာꩻတန်ဆရာႏတောႏ  တောင်ႏကီꩻဆꩻနဝ်။\nဆရာႏတောႏယိုနွတ်ꩻပါꩻ၊ ဌပနာႏချꩻလင်ꩻကျောင်ꩻတန်အွတ်ꩻရွီး၊ ဖြီꩻစီꩻထွူတဲင်ကာႏလ၊ နဝ်ꩻမတကာႏဖုံႏ၊ ဒုံႏစွဉ်ႏမောင်းဆွိုင်ꩻ၊ အငဝ်းခြွိုင်ꩻသန်ꩻ၊ ယာကင်ႏငဝ်းတလွိုး၊ တဆွိုးဒွုမ်မင်ႏဂလာႏ၊ သာႏဓုဟွုန်စွံꩻ၊ ဝံꩻမျောက်အာႏရꩻ၊ ဗာႏသꩻနိစ်သက်၊ သဒ္ဓါႏမျတ်ဟျာထွတ်ꩻ၊ တဖြွတ်ꩻလီစွုမ်း၊ ပွုမ်းပမ်းဖူးပွို့၊ ဖြွို့ဖြနမ်းတဗာႏ၊ ထွာစွဉ်ႏဒျာႏစွုမ်ႏဖြာꩻ၊ သာဓုငဝ်းခြောင်၊ ယံအောင်ႏမွိုင်မွိုင်၊ ယံပြွိုင်ယိုꩻယိုꩻ၊ ဒေါ့ꩻရိုꩻလွမင်္ဂလာႏ၊ သံႏဃာႏလဲ့ခါ၊ လိုꩻလမ်းယာတ၊ ဆုတောင်ꩻလွနဝ်ꩻသွူ။\nပွဲꩻကချꩻအွတ်ꩻရွီးနီꩻနဝ်ꩻ လဲင်ꩻဟဲ့ꩻထွိုက်စွဉ်ႏ နီပအိုဝ်ႏအမျိုꩻသာꩻ အပျောႏသွင်ႏနီꩻ သꩻငိမ်ꩻချမ်ꩻနီꩻတနီꩻနဝ်ꩻသွူ။\n\nပထမအလဲင်ႏ စာႏရင်ꩻရွဉ်စုပြောင်ꩻခဏ်ꩻ\nချꩻအွတ်ꩻရွီးပွဲꩻသဘင်ႏ ကထင်ႏထွူတဲင် ဝွန်ႏတန်ဘိုခင်လဲ့ စာႏရင်ꩻတွမ်ႏရွဉ် အီလွဉ်ထေ့သံႏဃာႏ၊ ဝွေꩻခါလဲ့လဝ်း \" ဗွေႏစဝ်းသံႏဃာႏ၊ ခွေသွဉ်းတကာႏယိုလဲင်ႏခါ၊ ပွိုးကိစ္စအာငါႏ၊ မီႏမာꩻတထွောင်းလဲ့ မဲ့ꩻတထွောင်းသံးအဝ်ႏဟင်ꩻ၊ ထာꩻမာꩻတတွင်ႏတဝ်း၊ ခွေသွဉ်းတကာႏကခွုမ်တွင်ꩻ ကကေပ်ꩻလꩻရွဉ်တွမ်ႏ ရွဉ်ကလို့\"အွဉ်ႏဒေါ့ꩻဟွုန်လဝ်းသျင်ꩻထွူတဲင် စာႏရင်ꩻတွမ်ႏရွဉ် အပ်ချာခန်း သံႏဃာႏနဝ်ꩻသွူ။\nနဝ်ꩻထွူတဲင်ခါ သံႏဃာႏတောႏအမျာꩻ စဉ်ꩻစာꩻလွေကောတာႏတ��န်ႏခံႏ \"အီႏအွဉ်သင်ꩻယို ပုဂ္ဂိုလ်ႏအပါꩻမုဲင်ꩻဒါႏ\" စီꩻဝွေꩻဒေါ့ꩻရောင် ကျံႏ(ပေါင်)စိတ်ကူꩻ၊ ယူႏလꩻခန်းဗွေႏဗွန်တန်ထမ်းဘုရာꩻ ဆရာႏတောႏဉာဏ၊ နဝ်ꩻမꩻသံႏဃာႏဖုံႏ၊ တာႏဝွန်ႏခံႏကျောင်ꩻတန်အတွက် လွယ်ꩻအပ်ဖေႏဗာႏ ဆရာႏတောႏထမ်းဘုရာꩻ\"နီဗွေႏခွုမ်မာꩻဖဲ့ꩻငါ၊ ဆုဲင်ꩻချာမီႏလိုႏရွဉ် နီသွဉ်းသီးပုံႏတာႏ၊ ကျိုꩻစာꩻလွဒျာႏပငါပရာꩻ၊ ထူႏတာႏဝွန်ႏတပါꩻတဖဲ့ꩻဖဲ့ꩻမꩻ အီႏထွာလꩻ အီႏအောင်ႏယိုꩻ\"ဒေါ့ꩻရိုꩻလွထွူမꩻ ဆရာႏတောႏဉာဏလဲ့လက်ခံႏ၊ သံႏဃာႏလဲ့ဟွုန်ဟဝ်၊ နဝ်ꩻမꩻတယ်ႏစစွဉ်ႏ သက္ကရာဇ် (၁၃၀၉)နိန်ႏကို ဒဲဉ်ကံလောင်း (၉)နီꩻနဝ်ꩻအစ ဗꩻလွေꩻစွဉ်ႏ သက္ကရာဇ် (၁၃၁၁)နိန်ႏ ဒဲဉ်သံလာ နီနိန်ႏလွိုအယံတွင်ꩻ ကခွယ်ꩻဝင်ꩻကေပ်ꩻလꩻရွဉ် လꩻစွဉ်ႏ (၃၆၇၅၀-၁၅) သွံမွုန်ႏသူရေင်(နွတ်ꩻရျာꩻ)ငတ်ꩻဆီဗီႏပေါင်ꩻ လွိုကတဆီငတ်ꩻပဲက်နဝ်ꩻသွူ။\nကလို့ရွဉ်နဝ်ꩻလဲ့ သွံမွုန်ႏလွိုလွိုစွဉ်ႏနဝ်ꩻနေနေ၊ ရွဉ်အဝ်ႏကုဲင်မပေါႏအာ၊ ဝွေꩻဗွေႏသံးမဲဉ်ကျွꩻတခါႏ ပင်ꩻယင်းသံႏဃာႏတလဲင်ႏ၊ ကားတဲင်တာႏဝွန်ႏ ဝွေꩻဗွေႏကခွုမ် စာႏရင်ꩻတွမ်ႏထာꩻမာꩻ အပ်ချာခွုန်ꩻယင်း သံႏဃာႏတခြွိုက်နဝ်ꩻသွူ။\n\nခံႏဗာႏဝင်ꩻသဲ့ꩻသွမ်ꩻခဏ်ꩻ\nနဝ်ꩻထွူတဲင် သက္ကရာဇ် (၁၃၁၂)နိန်ႏ (၁၃)နိန်ႏကိုနဝ်ꩻ ကောထူႏတာႏဝွန်ႏခွုမ်မာꩻသားလဲ့အဲဉ်ထဝ်း၊ ခမ်းထီယိုလဲ့ တဟဝ်တဝ်းတရေင်ငါႏ၊ စောက်ꩻသူပုန်တန်ဒျာႏလဲ့ သမ်းနွို့လွဉ်တောင်ႏကီꩻဝိန်ꩻလဲ့တရဝ်း၊ နဝ်ꩻမꩻ နီပအိုဝ်ႏအမျိုꩻသာꩻ ထာꩻမာꩻလဲ့ယွုန်းထိုꩻဗာႏ၊ နီနိန်ႏအတာႏ၊ ခိန်ႏခါႏသွုမ်ꩻငခြေင်၊ ဝင်ꩻလိုꩻမျိုꩻလင်ကထွားတဲင် နုဲင်းစွဉ်ႏအဝ်ႏတဖေင်ꩻဒျာႏအနမ်း၊ ဝင်ꩻလဲင်ꩻသဲ့ꩻသမ်းဒေါ့ꩻရောင် (တိုင်ထူမပြီး-တောင်ကျောင်းကြီး)တဲ့ရို၊ ပအိုဝ်ႏလိုꩻမျိုꩻ ထာꩻမာꩻတအောင်ႏနွောင်ꩻတဝ်း၊ ငဝ်းစားနဝ်ꩻလဲင်ꩻဟွုန်ဗာႏ၊ ပအိုဝ်ႏဖြား စေႏတနာႏမတွုန်းတိုး၊ ဉာဏ်ႏတွမ်ႏဝီရိယိုအွဉ်ႏဆꩻငါ၊ မဟာဒါနယိုခါ ချော့ꩻတဝ်းရင်ꩻ၊ အဝ်ႏမောင်ꩻလွစွဉ်ႏ အခန်ꩻသင်ꩻလွုမ်ꩻနဝ်ꩻသွူ။\n\nဒုတိယအလဲင်ႏ ရွဉ်စာႏရင်ꩻပြောင်ꩻခဏ်ꩻ\nနဝ်ꩻမꩻ သက္ကရာဇ် (၁၃၁၃)နိန်ႏ ဒဲဉ်သမ်လောင်း (၁၄)နီꩻ ပင်ꩻယင်းသံႏဃာႏ နာယကဆရာႏတောႏဖုံႏ ကျွꩻဖျော်ပြုံႏ ဝိန်ꩻတောင်ႏကီꩻကျောင်ꩻတန်ကို၊ အစီꩻအဝွေꩻယို ဗွောင်ယင်းတလဲင်ႏ တွိုင်ႏပင်ႏယင်းဝင်ꩻတခြွိုက်၊ လွိုက်ရွေꩻယင်းပုဂ္ဂိုလ်ႏ ကောတာႏဝွန်ႏခံႏ၊ ထပ်မံꩻအီႏငါထဲင်း၊ သဘော်ꩻတူႏသဲင်ꩻလွစွဉ်ႏ ဗွေႏဗွန်တန်ကျောင်ꩻပင်မွဉ���ꩻတဲင် သံႏဃာႏလဲ့အပ်၊ ဝွေꩻဗွေႏလဲ့ ရပ်ခံႏနဝ်ꩻသွူ။\nနဝ်ꩻမꩻတယ်ႏစွဉ်ႏအနီꩻမာꩻတငါ ဗွေႏဗွန်ဆရာႏတောႏတန် ကျောင်ꩻပင်မွဉ်ꩻ၊ မာꩻလွဉ်ꩻထပ်ခြာ၊ အတသာတိုꩻပွါꩻ၊ အမျာꩻထီႏလဲ့၊ ယမ်ဖုဲင်ႏမဲ့လွဉ်စွုမ်ႏနီꩻ၊ ပန်ꩻကီꩻအာႏတက်၊ နဲစ်ကျပ်ကျိုꩻစာꩻ၊ လိုႏရာႏဆန္ဒ၊ ကျွꩻနဝ်ကျွꩻထင်ꩻ၊ တအုံလင်ꩻဗာႏတဝ်းစွူစွူ၊ ငမ်းတထွူလꩻတဝ်းတဲင်၊ ဟွီဟဲင်ညောင်ꩻညာႏ၊ တရွော့ꩻငါႏမရိုꩻဒွုမ်၊ ထွူႏတွုမ်ယွော့ဖင်ꩻ၊ ထင်ႏလင်ꩻချာငါ၊ ထွားနဝ်ထွားထင်ꩻ၊ စင်ႏကျန်ႏတောတော၊ အီႏရော့ꩻခေါဖဲ့ꩻမုဲင်ꩻ၊ အလုဲင်ꩻတဲမ်းစီႏ၊ ထီႏသော့ꩻဒျာႏမဲ့ဖူꩻ၊ စူလဲ့မအုံခြေင်ဗာႏ၊ ဖꩻဝါႏရွာꩻသေင်ႏ၊ လိင်ႏတခါꩻပသီႏ၊ စီႏတခါႏလိတ်၊ အဖစ်အပင်ꩻ၊ အတွင်ꩻလစ်ꩻနိန်ႏကို၊ ဝွေꩻဗွေႏယိုလက်ထက်၊ ကျပ်ထပ်သောင်ႏသာ၊ တမာနိုꩻဆောႏ၊ ဟော်ꩻပျော်ꩻဒေါ့ꩻနယ်၊ ဖဖြယ်ဖန်းဖေႏ၊ တန်ပေႏကျောင်ꩻလံꩻ၊ ရဟန်ꩻလဲ့ခါ၊ လိုꩻလမ်းယာတ၊ စုလွအီလွဉ်၊ ဝတ္ထုရွဉ်ပေႏ၊ ဝွေꩻဗွေႏစူကို၊ လစ်ꩻနိန်ႏယိုယံတွင်ꩻ၊ စာႏရင်ꩻထေဖွက်၊ နပ်တွက်အာဟွုန်ႏ၊ (၅၈၆၈၈-၅) ငတ်ꩻမွုန်ႏသွစ်ꩻရေင်၊ သူရျာꩻသွစ်ꩻဆီသွစ်ꩻဗီႏ၊ ပုဲင်ငတ်ꩻပဲက်နဝ်ꩻသွူ။ ထာꩻမာꩻနဝ်ꩻထွူခန်း၊ တယ်ႏအဆေင်ႏတခါꩻပွိုင်၊ ရွဉ်ꩻပသီႏဒင်ႏလꩻ၊ ထွူနဝ်ꩻမꩻဝွေꩻဗွေႏလဲ့၊ ရွဉ်တွမ်ႏစာႏရင်ꩻ၊ သျင်ꩻလျင်ꩻထွူတဲင်၊ ကျွꩻသဲင်ꩻခန်းဒျာႏ၊ ရပ်ရာႏကျောင်ꩻပင်မွဉ်ꩻနဝ်ꩻသွူ။\n\nဆုဲင်ꩻနဝ်ꩻပအိုဝ်ႏအဖွဲ့ချုပ်သားဖုံႏ\n\"ဝွေꩻသီးရိုꩻနီသွဉ်းသီး အီႏခွုမ်တခါႏ ဖေႏကထွူယိုꩻဗာႏမွိုင်မွိုင် ယံအောင်ႏပြွိုင်ပြွိုင် အာႏမခံႏမာꩻ၊ သွုပ်တငါမာꩻလွေꩻ ဖေႏကထွူယိုꩻ\"ရိုꩻနုဲင်းနဝ်လွုမ်ꩻ တမာꩻတဝ်း၊ အဝ်ႏဒျာႏခန်းလီꩻလီꩻ၊ နီကထီႏပါꩻကထွား၊ ဝီႏဝါးခံသꩻ၊ လꩻခန်းတနိန်ႏဗွေဗွေ၊ ဝွေꩻသီးစွိုင်ႏတမာꩻတဝ်း၊ သံႏဃာႏစဝ်းစီꩻဝွေꩻယင်းဝင်ꩻ တလဲင်ႏနဝ်ꩻသွူ။\n\nတတိယအလဲင်ႏ ရွဉ်စာႏရင်ꩻပြောင်ꩻခင်ႏလမ်း\nဗွေႏဗွန်ဆရာႏတောႏ ကျောင်ꩻလွယ် ဆုမ္မꩻခဏ်ꩻ\nသက္ကရာဇ် (၁၃၁၇)နိန်ႏ ဒဲဉ်ရုတ်ꩻဆန်ꩻသွစ်ꩻနီꩻ နာယကဆရာႏတောႏပေါင်ꩻ စွုမ်ႏကျောင်ꩻကျွꩻဖျော်ယင်း ကျောင်ꩻတန်တောင်ႏကီꩻ စီꩻဝွေꩻဖျင်တခြွိုက်၊ လွိုက်ရွေꩻယင်းပုဂ္ဂိုလ်ႏ ကအဝ်ႏလိုႏခွုမ်ထာꩻမာꩻ၊ စိဉ်ꩻစာꩻထွားလွ၊ ကရအီႏကွိုင်ႏတန်ႏ၊ ထွိုက်သင်ꩻအပါꩻမုဲင်ꩻကောင်း၊ လဝ်းဖြောင်ချာငါ၊ ငဝ်းငွါဒေါ့ꩻဖြောင်၊ နဝ်ꩻမꩻဆရာႏတောႏတန် ကျောင်ꩻလွယ်၊ ကွဲးရိုꩻဖေႏသံႏဃာႏ \"နီဗွေႏသီးမွော့ အဝ်ႏနန်းဗာႏတွိုး�� အွိုးမဟာမစာႏ ကတယ်ႏထောင်ႏစလဲ့ ဗွေႏဗွန်နောင်ကာꩻ အွဉ်တယ်ႏဒျာႏ၊ မီႏအွဉ်ႏကွယ်အနာလဲ့ ဗွေႏဗွန်နောင်ကာꩻ အွဉ်ကွယ်ဗာႏယင်းဒျာႏ၊ ကွဲကားအွဉ်အနာကရိုꩻယို ဖေႏကတွိုႏစွဉ်ႏဒျာႏ မာꩻပွယ်ꩻနာႏအကျိုꩻနီꩻ၊ မီႏသာႏဓုဗာႏခန်းမꩻ ရိုꩻဗာႏကွယ်အနာနော၊ ပေါႏရိုꩻကျောင်ꩻယိုထွူသွူလဲ့ မီႏတခွဲးမာꩻဗာႏတဝ်းပွယ်ꩻတဲင် နီဗွေႏမဉ်သဲင်ꩻချာစွဉ်ႏလဲ့ သဲင်ꩻချာဗာႏတဝ်းဒွိုန်း နီဗွေႏမီႏမဉ်သဲင်ꩻချာမွိုင်လဲ့ ကထွူမွိုင်ဒါႏအနယ်ꩻနဝ်ꩻ နီဗွေႏကျမ်ႏခြပ်ဒျာႏ၊ နီသံႏဃာႏနဝ်ꩻ သေလွုမ်ꩻလူႏခံႏဖေႏရွဉ်၊ မီႏဖျော်လွဉ်နီဗွေႏသောင် နီဗွေႏနဝ်ꩻ အဝ်ႏပေါင်ဆꩻငါ၊ ပေါႏထွိုင်ႏမာꩻထဲင်းခြာယိုတလဲင်ႏ ကားတဲင်တထွူတဝ်းအခါႏ ပါꩻမုဲင်ꩻဆွတ်ꩻချာတလꩻတဝ်း၊ မဲ့ꩻအဝ်ႏယွုတ်ꩻလယ်ႏ ထွိုင်ႏနိန်ႏဟာနိန်ႏစာႏ ဖေႏကထွာဗာႏမွုန်း၊ အယွုတ်ꩻအဲဉ်ထဝ်း အလဲင်ႏယို၊ ကားတတွိုႏတဝ်းပွယ်ꩻ အွဉ်ႏလွဗာႏဇွဲꩻဟဝ်ဟဝ်၊ ဖေႏကတွိုႏစွဉ်ႏဒျာႏ အွဉ်ႏစံႏပျာႏစူ၊ ဆျာꩻထီသာႏဓုဝင်ꩻ အခန်ꩻနဝ်ꩻတွိုႏမꩻ ပါꩻမုဲင်ꩻမဉ်ဆွတ်ꩻလꩻသွူကွေး၊ မွေးနေကောင်း ခွေသွဉ်းကရိုꩻယို\"\n\"သာႏဓု သာႏဓု ဩဗွေႏ၊ မွေးမဲဉ်ႏငါႏကျောင်ꩻ၊ တဖူꩻခြောင်ꩻစွဉ်ႏစွို့ꩻ၊ တရွို့ꩻတဝ်းဒွုမ်တငွါငွါ၊ ဖေႏကထွာလွဉ်ꩻနုဲင်းနီဗွေႏဖြောင်း၊ ဖေႏကလောင်းလွဉ်ꩻနုဲင်းနီဗွေႏကဒေါ့ꩻ၊ ဖေႏကရော့ꩻလွေꩻတငါငါ၊ ငဝ်းငွါတျာႏဆေႏ၊ ရေႏရွယ်ႏတွိုင်ꩻလဲ့တနꩻ၊ ခꩻတွိုင်ꩻလဲ့မဲဉ်ႏအနမ်း၊ ပြုဲင်ပြင်ꩻဆာႏလီ၊ လွီးတွီမေႏထန်ႏ၊ မွေးမဲဉ်ႏလဲဉ်းဩ\" သံႏဃာႏတောႏစွုမ်ႏပါꩻ၊ ပငါပရာꩻထောက်ခံႏလွ၊ နဝ်ꩻမꩻ ဗွေႏဗွန်နောင်ကာꩻလဲ့ ဝွန်ႏခံႏခန်းနဝ်ꩻသွူ။\n\nဗွေႏဗွန်နောင်ကာꩻ တောင်ꩻပြန်ႏသံႏဃာႏခဏ်ꩻ\n\"ဩဗွေႏသံႏဃာႏ၊ ခွေသွဉ်းတပါꩻဒျာႏလဲ့ မဲ့ꩻသံးတရွို့ꩻမာႏယွင်ꩻ၊ ထာꩻမာခင်ꩻကိစ္စ၊ ပွိုးထာꩻအင်ႏတန်၊ ဗွေႏသီးလဲ့ယံကထွားကို၊ ဒေါ့ꩻရိုꩻဖြဝ်ႏစွဲး၊ လွဉ်လယ်ႏယွဲယွဲနဝ်ꩻမꩻ၊ ခွေသွဉ်းလဲ့သꩻဆွော့ꩻ၊ တပါꩻဒျာႏတနွော့ꩻနွော့ꩻလဲ့ မဲ့သမ်းတရျော်၊ ဗွေႏဆရာႏသီးလဲ့ မဲ့ꩻဖျော်လွဉ်ဒျာႏကုဲင်းကုဲင်း၊ ဒေါ့ꩻရုဲင်းရုဲင်းရိုꩻစွဉ်ႏ၊ အွဉ်ႏမွုန်းဝင်ꩻအပွေႏ၊ ဗွေႏသီးတွမ်ႏခွေသွဉ်း၊ ပွိုးစွဉ်ႏထာꩻမာꩻသားချင်ꩻချင်ꩻ၊ ထောက်ပံ့လွဝင်ꩻသတိꩻမꩻဗွေႏ၊ ခွေသွဉ်းလဝ်းသေꩻခါꩻအွဉ်ရီး၊ မီႏတွိုႏဆုဲင်ꩻချာ၊ နေႏရာႏနုဲင်းယို၊ နေႏရာႏနုဲင်းနဝ်ꩻ ဖေႏတွမ်ႏအဝ်ႏဗာႏမွုန်းတဲင်၊ ထာꩻမာꩻဖေႏကမဲဉ်ႏနဝ်ꩻ အဝ်ႏလိုႏဒျာ��အမျာꩻ၊ စိဉ်ꩻစာꩻတဖြာꩻတဖဲ့ꩻဖဲ့ꩻ၊ နဝ်ꩻမꩻလဲ့မွေး၊ ခွေသွဉ်းကလဝ်းနုဲင်းယို၊ နီဗွေႏသီးအီႏရိုꩻဖေႏနဲ့ဩ\"။\n\nသံႏဃာႏဒေါ့ꩻချာခဏ်ꩻ\n\"ဟဝ်မို့-မွေးလဲဉ်း၊ မဲဉ်ႏခြောင်ꩻဖေႏဝင်ꩻ၊ တနန်းဗာႏတဝ်း၊ မီႏအဝ်ႏလိုႏစိန်ႏစွော့ꩻဒါႏ၊ မုဲင်ꩻခါတရိုꩻတဝ်း၊ ငဝ်းပေႏတငွါ၊ လိတ်ပေႏတစောင်ႏ၊ ပေါႏယောင်းလွဉ်လဲ့၊ မဲ့ꩻဖျော်လွဉ်ဒျာႏကွေး\" ဗွေႏသီးသံႏဃာႏလဲ့ ဒေါ့ꩻချာနုဲင်းနဝ်ꩻသွူ။\n\nဆရာႏတောႏကျောင်ꩻလွယ် ဆုမ္မꩻယင်းတခဏ်ꩻ\n\"အွိုးဗွေႏသီးသံႏဃာႏ၊ အားလုံးဖုံႏဟွေး၊ တယ်ႏစွဉ်ႏဟန်ႏနီꩻမာꩻတငါ၊ စွုမ်ႏပါꩻထူႏလွအရေꩻ၊ ဖေႏကထွူလꩻခန်း၊ မန်းကအဝ်ႏပစိုႏလယ်ႏထာꩻ (တိုင်ထူမပြီး-တောင်ကျောင်းကြီး) ငဝ်းစားယို ကအဝ်ႏဗွို့ꩻဒါႏ မန်းဖြောင်း ဖေႏကထိုꩻမားကြောင်းခန်းနဝ်ꩻမꩻ၊ လွꩻဟွုန်ငါႏမား၊ အုံပဆားဒွုမ်အလဲင်ႏယို၊ လိုꩻခိုထာꩻမာꩻ၊ ထာꩻကျိုꩻစာꩻတယ်ႏအထျꩻ၊ ထာꩻလွꩻအွဉ်ႏကုဲင်ချာ၊ ထာꩻသောင်ႏသာလင်ꩻကန်ꩻ၊ အွဉ်ဝင်ꩻကျိုꩻဆောင်ႏ၊ အီႏအောင်ႏသွိုပေါႏရိုꩻဒွုမ်၊ ထွိုင်ႏခွုမ်မာꩻညီꩻထဲင်းဝင်ꩻယိုတအာႏ၊ ထီႏဗာႏဒျာႏသွူ အထွူမတဝ်း၊ သံႏဃာႏတောႏသီးနဝ်ꩻလဲ့ ကျိုꩻစာꩻဗဲင်းဝင်ꩻ ပငါပရာꩻနော။\n\nသံႏဃာႏတောႏဝွန်ႏခံႏခဏ်ꩻ တွမ်ႏလွယ်ꩻအပ်ခဏ်ꩻ\nနဝ်ꩻမꩻသံႏဃာႏတောႏလဲ့ သဘော်ꩻလꩻနိစ်သက်၊ အာႏတက်လွပငါပရာꩻ၊ စွုမ်ႏပါꩻပါꩻပီဗွိုန်၊ တခြွိုင်ချင်ꩻညီႏမျ၊ အွဉ်ႏသꩻသဘော်ꩻတရာꩻ၊ တပါꩻတွမ်ႏတပါꩻ တကွာႏတဝ်း၊ ငဝ်းမွေးငွါမန်ႏ၊ အာႏမခံႏလွခန်းနဝ်ꩻသွူ။ နဝ်ꩻထွူမꩻ ဥက္ကဋ္ဌ၊ နာယကဆရာႏတောႏပေါင်ꩻဖုံႏနဝ်ꩻ ထာꩻမာꩻတာႏဝွန်ႏ လွယ်ꩻအပ်ခန်းဒျာႏ ဗွေႏဗွန်နောင်ကာꩻနဝ်ꩻသွူ။\n\nဗွေႏဗွန်ပဏ္ဍိတ နောင်ကာꩻ ကျိုꩻစာꩻဝီရိယပျꩻခဏ်ꩻ\nတယ်ႏစ သက္ကရာဇ် (၁၃၁၇)နိန်ႏ ဒဲဉ်ရုတ်ꩻလာဆန်ꩻ (၈)နီꩻ အဝ်ႏအနီꩻနဝ်ꩻမာꩻတငါ၊ ဖျော်ပတာတွိုႏစွဉ်ႏ (၁၃၂၂)နိန်ႏ၊ ငတ်ꩻနိန်ႏကိုသူနိန်ႏဖူꩻ၊ တွိုႏပတာစူꩻစွဉ်ႏ၊ ပွဲꩻနာႏကျောင်ꩻကျိုꩻ၊ ဝွေꩻဗွေႏယိုကခွုမ်၊ ကျိုꩻစာꩻဝီရိယ၊ လုလ္လအားထုတ်၊ တအုံလွတ်တဝ်းစွုမ်ႏနီꩻ၊ ပန်ꩻကီꩻနဲစ်ကျပ်၊ အဝ်ႏလိုႏထပ်မံႏ၊ ကျံႏစယ်ႏစိတ်ကူꩻ၊ သꩻဖူꩻသꩻကို၊ နုဲင်းယိုနုဲင်းနဝ်ꩻ၊ အဝ်ႏစွဉ်ႏအလုဲင်ꩻ၊ လိုႏဆုဲင်ꩻလိုႏရီး၊ ယိုနဝ်ꩻအီႏမာꩻဗာႏအွဉ်၊ နဝ်ꩻနဝ်ꩻလွဉ်ဆုဲင်ꩻ၊ ဝုဲင်ꩻဝုဲင်ꩻလဲ့အဝ်ႏလꩻဒျာႏ၊ တပေါႏလိုႏငါႏတဝ်းဒွိုန်း၊ ယွုန်းထိုꩻအွဉ်ႏချာ၊ ချာငါစိဉ်ꩻစာꩻ၊ တပါꩻဒျာႏယူႏတေ့ꩻ၊ ထာꩻခေ့ꩻထာꩻလေ၊ တသေဒွုမ်တဝ်း၊ အဝ်ႏယူႏခန်းဒျာႏ၊ ခိန်ႏခါႏလွစ်ဟင်ꩻ၊ အဲဉ်ထဝ်းရင်ꩻဖြီသꩻ၊ ယလဲင်ႏလဲင်ႏလဲ့ လဝ်းရီဆရာႏတောႏ၊ ယလဲင်ႏလဲင်ႏလဲ့ နီꩻနော်ꩻတွမ်ႏလက်သမာꩻ၊ ယလဲင်ႏလဲင်ႏခါဟဲ့ꩻတွမ်ႏဦးဟန်၊ ဝွန်ႏတန်ဦးဘိုးခင်၊ လောသဲင်ꩻဟဲ့ꩻထွန်းအေး၊ မီႏအဝ်ႏလိုႏနေးအမျာꩻအာႏ၊ သံးကွိုꩻဗာႏဝါးပျား၊ တထာဖြေင်းဖက်ꩻရဲယင်၊ ဟဲ့ꩻဗာႏလိုꩻတန်ဘိုးနုသီး၊ အွဉ်ႏဒေါ့ꩻရီးဗာႏအကျောင်ꩻလံꩻ၊ အခန်ꩻသင်ꩻမွူးနီꩻပဲင်ႏချာဗာႏ၊ မဲ့ꩻလောႏတခါႏသေင်ႏသားသောင်၊ ဒေါ့ꩻရောင်ဖြဝ်ႏသင်ႏ၊ အဝ်ႏတဆင်ႏလက်သ္မာꩻ၊ \"ဗွေႏဗွန်နောင်ကာꩻ ကျွꩻလွေꩻမုဲင်ꩻ\" အဝ်ႏထုမ်ႏဆုဲင်ꩻလယ်ႏရီ၊ \"ကျောင်ꩻကီတအဲဉ်ထဝ်း\"၊ ငဝ်းစွို့သွတ်ꩻလင်ꩻ၊ သံႏဃာႏချင်ꩻသံးလွဉ်စောႏတနာႏ၊ တကာႏဒျာႏလဲ့ခေါ်ခေါ်၊ အာတော်အာစား၊ အုံပဆားရီဖြဝ်ႏ၊ \"အဝ်ႏယိုအဝ်ႏနဝ်ꩻ\"၊ ငဝ်းတွယ်ꩻမတန်ꩻသွတ်ꩻလꩻ၊ \"ယံနီဗွေႏကကျွꩻ သံးလွဉ်ပင်ꩻ၊ အွဉ်ႏနယ်လင်ꩻ အွိုးသူꩻတဆင်ႏငါ၊ ကျွꩻမဒါႏသူꩻတထွောင်း\"၊ နဝ်ꩻမꩻတနွောင်းနွောင်း ကျွꩻနဲစ်ကာ၊ ဖဲ့ꩻဆꩻချာအဝ်ႏကုဲင်ပြာႏ၊ \"တတန်ႏရာႏဒွုမ်တဝ်း၊ တမွေးတဝ်းငါႏဒွုမ်ထာꩻ၊ ဗွေႏဗွန်နောင်ကာꩻ ထာꩻမာꩻယို၊ လိုႏဒေါ့ꩻရီဟမ်းလဲ့၊ လဲင်ꩻတဖုဲင်ႏဖဲ့လဒွုမ်နော\"၊ ဆရာႏတောႏယပါꩻပါꩻ၊ ငဝ်းငွါလဲင်ꩻရိုꩻဗာႏ \"နောင်ကာꩻဗွေႏဗွန်ယို၊ အဝ်ႏလိုႏဖန်ဆင်ꩻဒါႏဒျာႏ နမ်းနီသွံပါꩻ နုဲင်းသီကျာꩻနဝ်ꩻမꩻ လိုႏတွိုင်ꩻလꩻ အီႏထဲ့မဲဉ်ႏ\" ထာꩻမာꩻစဲဉ်ႏကိစ္စအာ၊ အွဉ်ႏဒေါ့ꩻငါအခရာႏလဲ့လဲင်ꩻသျုတ်၊ ကအားထုတ်ကကျိုꩻစာꩻ၊ ကခွုမ်မာꩻစွုမ်ႏနီꩻဟာ၊ ကွပ်မဲဉ်ထီႏငါႏ အထွူမꩻ၊ တအုံစွူလꩻဒွုမ်ထာꩻ၊ ဗွေႏဗွန်နောင်ကာꩻအလက်ထက်၊ ငတ်ꩻနိန်ႏတွက်သူနိန်ႏတွင်ꩻ၊ ကခွယ်ꩻဝင်ꩻကေပ်ꩻလꩻရွဉ်၊ ကလွဉ်သော့ꩻအဆေ့ꩻအာ၊ မီႏတွက်ထွားသင်ႏချာႏပေါင်ꩻ (၁၇၇၉၈၄-၆၅) တသဲဉ်နွတ်ꩻမွိုန်ႏ၊ လွိုဒွိုန်းနွတ်ꩻရေင်၊ ပုဲင်ထဲင်းကွတ်ꩻရျာꩻ၊ လွိုခြာသွစ်ꩻဆီလစ်ꩻဗီႏ၊ သူဆီငတ်ꩻပဲက်မဲဉ်ႏမဲဉ်ႏ၊ နပ်စဲဉ်ႏလꩻတခွုင်းနဝ်ꩻ၊ ဗွေႏဗွန်စဝ်းနောင်ကာꩻ၊ ကျိုꩻစာꩻနေးအာႏ၊ ထွိုင်ႏမာꩻသတ်ဒွူ၊ ကျောင်ꩻလဲ့ထွူမွေးသေႏချာႏ၊ ခွုင်းတဲင်ကျောင်ꩻတကာႏပေါင်ꩻ၊ လိုꩻကျောင်ꩻလိုꩻလမ်း၊ ခမ်းကောင်ရပ်ရာႏ၊ ညာꩻဗော့ꩻနဝ်ထင်ꩻ၊ ပါလင်ꩻတွို့ꩻကွဉ်ႏ၊ ထီႏဗာႏစွဉ်ႏကျောင်ꩻအထွူစွုမ်ႏဖြာꩻ၊ ပငါပရာꩻသွူနဲဟွေး။\n\nသာႏသနာႏထာႏဝ နီရေင်ငတ်ꩻရျာꩻနိန်ႏ သမုတ်သိမ်ႏခဏ်ꩻ\nသက္ကရာဇ် (၁၃၁၇) ဒဲဉ်စေင်လာဗွေနီꩻ သံႏဃာႏတောႏအပါꩻငတ်ꩻဆီ စီꩻဝွေꩻတွိုင်ႏပင်ႏဝင်ꩻ ကျောင်��တန်တောင်ႏကီꩻကို \"သာႏသနာႏနိန်ႏ နီရေင်ငတ်ꩻရျာꩻ အထိန်ꩻအမတ်ယံကထွာ၊ မီႏတွိုႏဆုဲင်ꩻချာ တပဲ့ꩻတပန်ꩻ မတ်တန်ꩻယံကသေဗာႏ၊ ကောကထွာဆရာႏနဝ်ꩻ အဝ်ႏလိုႏအွဉ်ႏကုဲင်ခါꩻ ထာꩻမာꩻစူခြောင်ꩻ အကျောင်ꩻတစွိုးစွိုး\"ရိုꩻလွနုဲင်းနဝ်ꩻတဲင် မဟာနာယကထေရ်ရ ပုဂ္ဂိုလ်ႏကျောႏ၊ ဆရာႏတောႏ ကျောင်ꩻတန်တောင်ႏကီꩻ သံႏဃာႏအစီꩻအဝွေꩻကို လဝ်းခန်းနုဲင်းငါယိုသွူ။\n\nဆရာႏတောႏကျောင်ꩻတန်တောင်ႏကီꩻ လဝ်းသံႏဃာႏခဏ်ꩻ\n\"ဩဗွေႏခွေသွဉ်းမဉ်လဝ်း၊ ငဝ်းပေႏတငွါငါ၊ သံႏဃာႏအာဗွေႏသီး၊ စွုမ်ႏပီးစွုမ်ႏပါꩻ၊ နာႏခံႏစံꩻလွ၊ နဝ်ꩻမꩻခွေသွဉ်းကအီႏလဝ်း၊ ငဝ်းအချက်နဝ်ꩻရာꩻ၊ နီဗွေႏဘုရာꩻဂေါတမꩻ ကအဝ်ႏနေကလိုꩻခမ်း၊ နီဗွေႏနမ်းမိန်းတောႏဖေႏ၊ တန်တွမ်ႏပေႏဝေနေယျ၊ ချွစ်လꩻခန်းလဲ့အဝ်ႏ၊ တချွစ်လꩻတဝ်းသတ္တဝါႏ၊ ပွန်းတာႏအရင်ꩻ၊ ထီႏသညင်ꩻကတ်ငါႏ၊ သာႏသနာႏအနိန်ႏ၊ ငတ်ꩻရေင်အွဥဉ်ႏကုဲင်ခါꩻ၊ ယိုခါနဝ်ꩻရာꩻ အီႏထာႏဝ၊ မွူးနီꩻတပေါႏညဒွုမ်သွူ၊ နင်းဟွူဆုဲင်ꩻသားရင်ꩻ၊ တပဲ့ꩻတပန်ꩻအပွန်း၊ ယံဟွုန်လွဉ်ꩻထီႏထွꩻ၊ နဝ်ꩻမꩻနီသွဉ်းသီးယိုခါ၊ သာႏသနာႏထာႏဝနိန်ႏ၊ အထိန်ꩻအမတ်နဝ်ꩻရာꩻ၊ မီႏအွဉ်ႏသေꩻခါꩻဗာႏ၊ ကရသေႏချာႏဟဝ်၊ နဝ်ꩻမꩻနီသွဉ်းသီး ကျောင်ꩻတန်ယိုလဲင်ႏခါ၊ ထွာလဲဉ်းပြဲႏထောင်ႏစု လွတ်လတ်ရေꩻ၊ အထိန်ꩻအမတ်တစွိုး၊ မီႏတွိုႏသာႏသနာႏထာႏဝယို၊ အထိန်ꩻအမတ်နဝ်ꩻခါ၊ ဖေႏကထွာသိမ်ႏသမုတ်နဝ်ꩻ၊ ခွေသွဉ်းလဝ်းဟွုန်ဗာႏ၊ သံႏဃာႏတောႏဗွေႏသီး၊ အီႏရိုꩻနုဲင်းမုဲင်ꩻ မဉ်သေစံꩻထွူနဲဩ\"\n\nသံႏဃာႏသဘော်ꩻတူႏလဝ်းချာခဏ်ꩻ\nနဝ်ꩻမꩻ သံႏဃာႏနဝ်ꩻလဲ့ခါ၊ \"ဩဗွေႏတနပ်တောကြွို့ꩻတဝ်း၊ ခိန်ႏခါႏဟဝ်ကာလ၊ သမယအယံတွင်ꩻ၊ အခန်ꩻသင်ꩻကျုံႏမော့ꩻ၊ အဆင်ႏရော့ꩻကြွို့ꩻတဝ်းမွေးဗွေႏ၊ နီဗွေႏဆရာႏ၊ သွုန်ႏခါႏသꩻဖူꩻ၊ စိတ်ကူꩻယူႏလꩻ၊ မိန့်ပျꩻခြုဲင်းထန်ႏလွဉ်၊ နီသွဉ်းသီးကဟွုန်ဗာႏ၊ နီသွဉ်းသီးသံႏဃာႏနဝ်ꩻ၊ သဘော်ꩻတူႏလွငါႏ၊ ပငါပရာꩻထွူနဲဩ\"။\n\nကပြေႏလꩻဝတ္ထုရွဉ်ခဏ်ꩻ\nနဝ်ꩻထွူမꩻ \"ဖေႏနေးကသမုတ်လꩻသိမ်ႏတကိစ္စနဝ်ꩻ အီႏမာꩻဗာႏနုဲင်းမုဲင်ꩻ\" တွိုင်ႏပင်ႏခြုဲင်းနယ်ထွူဝင်ꩻတဲင် သဘော်ꩻတူႏခန်း \"တကျောင်ꩻတစစ်မာꩻကီ၊ လစ်ꩻငတ်ꩻဆီတစွဲလဲ့ ယိန်းဟဝ်ဒျာႏ၊ ချင်းဒျာႏအာႏသော့ꩻလွ\" ဖန်းမာꩻထွူနုဲင်းနဝ်ꩻတဲင်ခါ ကေပ်ꩻလꩻခန်းရွဉ် (၁၀၂၅၈-၁၀) တမွုန်ႏပုဲင်နီရျာꩻငတ်ꩻဆီသွစ်ꩻဗီႏ ပဲက်တဆီနဝ်ꩻထွူတဲင် ပဲင်ႏချာꩻဖေႏခန်းမွူးနီꩻ သက္ကရာဇ် (၁၃၁၈)နိန်ႏ၊ ဒဲဉ်ရုတ်ꩻဆန်ꩻသွစ်ꩻနီꩻနဝ်ꩻသွူ။ \"သာသနာႏဖေႏနေး ကထာႏဝမဲဉ်ႏနဝ်ꩻ ဒဲဉ်ရုတ်ꩻလာဗွေနီꩻဒျာႏ၊ ကွဲတွော့ꩻ အွဉ်ႏရီးပသာႏခန်းတစိꩻ၊ မဲ့ꩻပွယ်ꩻတကွုန်ꩻတဝ်း၊ တနꩻအာငါႏ ပွယ်ꩻဘုရာꩻဖုံႏ\"ရိုꩻလွနုဲင်းနဝ်ꩻတဲင် ပဲင်ႏချာခန်းလာသွစ်ꩻနီနဝ်ꩻသွူ။\n\nပွယ်ꩻသမုတ်သိမ်ႏ\nပင်ꩻခန်းသံႏဃာႏ ဆရာႏတောႏဖုံႏတဲင်ခါ သက္ကရာဇ် (၁၃၁၈)နိန်ႏကို ဒဲဉ်ရုတ်ꩻယိုဆန်ꩻထင်ႏသွစ်ꩻနီꩻ၊ ကျောင်ꩻတန်တောင်ႏကီꩻ သမုတ်သိမ်ႏ၊ ကဖစ်ပင်ꩻသံႏဃာႏ၊ ကျွꩻလွဉ်ခန်းဒျာႏ အပါꩻငတ်ꩻရျာꩻလွိုဒွိုန်းနီဆီ၊ ခီႏမျောက်သမုတ်ခန်းဒျာႏသိမ်ႏနဝ်ꩻသွူ။\n\nအီႏနာႏကျောင်ꩻကျိုꩻ မာꩻပွယ်ꩻခဏ်ꩻ\nသက္ကရာဇ် (၁၃၁၈)နိန်ႏကို ဒဲဉ်စေင်ဆန်ꩻတဆီငတ်ꩻလာဗွေနီꩻနဝ်ꩻ သံႏဃာႏတောႏအပါꩻငတ်ꩻဆီ ဖျော်ညီႏစုံႏလင်ႏ တွိုင်ႏပင်ႏဝင်ꩻ အီႏနာႏကျောင်ꩻကျိုꩻ ပွယ်ꩻသဘင်ႏတန်တဲင် ဒင်ႏသေꩻဗာႏခန်း ဗဟိုရ်ႏဌာႏန၊ နာယကသံႏဃာႏ၊ ပွယ်ꩻထွာအဖွဲ့တဖွဲ့၊ တွမ်ႏအကျိုꩻဆောင်ႏအဖွဲ့ဖုံႏနဝ်ꩻသွူ။\n\nဗဟိုရ်ႏဌာႏန နာယကသံႏဃာႏတောႏအဖွဲ့\n၁။ ကျောင်ꩻနမ်းဟုတ် ဆရာႏတောႏ\n၂။ ကျောင်ꩻလွယ် ဆရာႏတောႏ\n၃။ ကျောင်ꩻသီႏသဲင်ႏ မြို့မဆရာႏတောႏ\n၄။ ကျောင်ꩻလွယ်မွတ် ဆရာႏတောႏ\n၅။ ကျောင်ꩻထမ်းဘုရာꩻ ဆရာႏတောႏ\n၆။ ကျောင်ꩻပင်မွဉ်ꩻ ဆရာႏတောႏ\n၇။ ကျောင်ꩻဝါႏလီႏ ဆရာႏတောႏ\n၈။ ကျောင်ꩻလုဲင်းခါႏ ဆရာႏတောႏ\n၉။ ကျောင်ꩻကျောက်တန်ꩻ ဆရာႏတောႏ\n၁၀။ ကျောင်ꩻစငေါဝ်ꩻ ဆရာႏတောႏ\n၁၁။ ကျောင်ꩻဒုံကောင် ဆရာႏတောႏ\nဒင်ႏသေꩻခန်း တဆီပုဲင်တပါꩻယိုသွူ။\nအမုဆောင်ႏအဖွဲ့ဒင်ႏသေꩻခန်း အပါꩻနီဆီနဝ်ꩻသွူ။\n\nနဝ်ꩻမꩻတဲင် ဆုံꩻဖျတ်သေꩻခန်းနုဲင်းယို\n၁။ ခမ်းသဲင်ဟန်ႏနိန်ႏယို ပွယ်ꩻနာႏကျောင်ꩻကျိုꩻ မုချတဗာႏ ဖေႏနေးကထွာဗာႏနဝ်ꩻသွူ။\n၂။ ပွယ်ꩻတကိစ္စ ဖေႏနေးကသဲင်ꩻဟော်ꩻဗာႏတကာႏ ပငါပရာꩻ၊ တလမ်းတရက်ꩻမာꩻကီ စေႏတနာႏ အဝ်ႏသမျနဝ်ꩻသွူ။\n၃။ ပွယ်ꩻလွူးတကိစ္စ၊ ခွယ်ꩻလစ်ꩻဌာႏန၊ မဏ္ဍပ်လစ်ꩻဖြုံႏ၊ ဌာႏနပငါပရာꩻ၊ ဖေႏကသဲင်ꩻဟော်ꩻ ဝွေႏဖန်းဝင်ꩻနဝ်ꩻသွူ။\n၄။ ပွယ်ꩻမွူးနီꩻနဝ်ꩻ ပွယ်ꩻတရိပ်ရွဉ် မီႏဖျော်လွဉ်လို့ထွူမꩻ အီႏဖေႏလꩻတဲင် ခဉ်ꩻဝင်ꩻဒဲဉ်သံလောင်းကို ရိုꩻနုဲင်းနဝ်ꩻသွူ။\n၅။ အီႏလွူးမွေးကျွေ ပွယ်ꩻတကိစ္စနဝ်ꩻ ဟူလင်ပေါင်ꩻနဝ်ꩻရာꩻ ထွာခန်းနီရျာꩻ၊ ဗင်ႏနဝ်ꩻ ငတ်ꩻရေင်ရိုꩻပီးနဝ်ꩻသွူ။\n၆။ နဝ်ꩻမꩻ ဗွေႏဗွန်ထမ်းဘုရာꩻ တွမ်ႏဗွေႏဗွန်နောင်ကာꩻယို သံႏဃာႏတွန်အုံဗွော့ꩻ အုံဆꩻငါ၊ ဝွေꩻသီးဗွေႏလဲ့ အုံဗော့ꩻစီႏမန်ႏဖန်းဗာႏနဝ်ꩻသွူ။\nကျောင်ꩻတန်တောင်ႏကီꩻအတွက် ကလို့ရွဉ်ဆေ့ꩻအာပေါင်ꩻနဝ်ꩻ -\nသွံသဲဉ်တမွုန်ႏ တရေင်ကွတ်ꩻရျာꩻသွစ်ꩻဆီသွံဗီႏသူဆီငတ်ꩻပဲက် (၃၁၁၉၈၃-၆၅)နဝ်ꩻသွူ။\nမီႏတွက်ပါတွမ်ႏ ကလူႏအာႏ ပါတွမ်ႏသေင်ႏဝါႏဖုံႏနဝ်ꩻ တံꩻဖိုꩻအီႏမဲဉ်ႏဒျာႏ ငတ်ꩻသဲဉ်လွိုလွိုနဝ်ꩻသွူ။\nကျောင်ꩻတန်သိမ်ႏနဝ်ꩻလို့ခန်း တမွုန်ႏငတ်ꩻရေင်ငတ်ꩻဆီဗီႏပေါင်ꩻ (၁၅၀၅၀)နဝ်ꩻသွူ။\nကျောင်ꩻမန္တလေꩻနဝ်ꩻ လို့ခန်းလစ်ꩻမွုန်ႏဗွေဗွေ (၄၀၀၀၀)နဝ်ꩻသွူ။\nနီကျောင်ꩻရန်ႏကုန်ႏနဝ်ꩻ လို့ခန်း သွံမွုန်ႏပုဲင်နီရေင်(၃၂၀၀၀)နဝ်ꩻသွူ။\nယိုနဝ်ꩻ ဆရာႏတကာႏ ကလူႏညီꩻဒါႏဝင်ꩻ မဟာဒါန၊ တောင်ႏကီꩻ-ရန်ႏကုန်ႏ-မန္တလေꩻ၊ ယံမတ်သေꩻဝင်ꩻစွုမ်ႏဖြာꩻဖြာꩻ၊ ပငါပရာꩻယံတောင်ꩻလွ၊ နီဒါႏနဒျာႏလွဉ်းလွဉ်း၊ ကေပ်ꩻကောက်ခြွဉ်းဝင်ꩻ တဖြာꩻတစိꩻစိꩻတဲင် ဆို့ꩻသဲင်ꩻဗာႏသာႏသနာႏအဆောက်အဦးနုဲင်းယိုတန်ဖုံႏသွူ။\nနီဒါနယိုဖုံႏနဝ်ꩻ နာႏအကျိုꩻတလဲင်ႏချင်ꩻ၊ တနီꩻချင်ꩻ၊ ပွယ်ꩻတဖြုံႏချင်ႏ ပွယ်ꩻကျောင်ꩻတန်တောင်ႏကီꩻယိုသွူ။\nပွယ်ꩻမွူးနီꩻနဝ်ꩻ သက္ကရာဇ် (၁၃၂၂)နိန်ႏကို ဒဲဉ်ဟားလောင်း အနီꩻတဆီ တဆီပုဲင်တနီꩻ တဆီနီနီꩻနဝ်ꩻသွူ။ သွံနီꩻကိုနဝ်ꩻ အနီꩻတဆီနဝ်ꩻ ပွယ်ꩻခံႏထဉ်ႏ၊ တဆီပုဲင်တနီꩻနဝ်ꩻ ပွယ်ꩻနာႏတရာꩻ၊ တဆီနီနီꩻနဝ်ꩻ ပွယ်ꩻလက်ဖွဲ့ ပွယ်ꩻအောင်ႏနဝ်ꩻသွူနော။\n\nငဝ်းအောင်ႏခန်ꩻတွမ်ႏ ငဝ်းရဲပ်အသွတ်ꩻခန်ꩻ \n\n၃၈။ ငေါဝ်းအောင်ႏခဏ်ꩻ\nအောင်ႏဒါႏနမင်္ဂလာႏ၊ အောင်ႏသယာႏမွန်းပျောႏရောင်၊ အောင်ႏခမ်းကောင်သာႏသနာႏ၊ အောင်ႏဝံꩻသာႏသꩻဟွုန်ဟဝ်၊ အောင်ႏထင်ꩻနဝ်တွို့ꩻကွဉ်ႏကွဉ်ႏ၊ အောင်ႏတဖူꩻစွဉ်ႏ စွဉ်ႏနီကြုဲင်ဗောင်၊ အောင်ႏလိုꩻပေါင်ꩻလွောင်ႏဗူႏ၊ အောင်ႏခိုမူႏခြွဉ်းစု၊ အောင်ႏဝတ္ထုပစ္စေꩻ၊ အောင်ႏထိုမ်ႏသေꩻအခြွီမျတ်၊ အောင်ႏမဉ်ထပ်ကံႏပသာ၊ အောင်စင်ဗွာသွုန်ႏသꩻ၊ အောင်ႏပြွဉ်းပြွꩻဆူႏနာႏ၊ အောင်ႏသဒ္ဓါႏတုဲင်ဖါꩻ၊ အောင်ႏကံႏတရာꩻယွုမ်းအံႏ၊ အောင်ႏစေႏတနာႏထန်ႏပြုဲင်၊ အောင်ႏပီတိသုဲင်စွုမ်း၊ အောင်ႏဖူးပွုမ်ဖြွို့ဖြ၊ အောင်ႏအွဉ်ႏသꩻလူႏတန်ꩻ၊ အောင်ႏသာႏသနာႏခန်ꩻပရိသတ်၊ အောင်ႏပဋိပတ်အခေႏခံႏ၊ အောင်ႏပလ္လင်ႏခိုႏရွီး၊ အောင်ႏကွီးထွိုင်ႏတနွောင်းနဲ့၊ အောင်ႏတဲပ်တဲ့ကူနား၊ အောင်ႏဖုဲင်ႏထွားကီလ၊ အောင်ႏရပသေႏချာႏ၊ အောင်ႏအံႏဖြာႏခီႏမွံꩻ၊ အောင်ႏတယွမ်ꩻတဝ်းဖိုဖို၊ အောင်ႏကျောင်ꩻတန်ယိုတောင်ႏကီꩻ၊ အောင်ႏကျောင်ꩻမန္တလေꩻ-ရန်ႏကုန်ႏ၊ အောင်ႏပြဲ့ꩻစုံႏလို့ညီꩻ၊ အောင်ႏ���ြီꩻစီꩻထွူကွယ်၊ အောင်ႏနာစွယ်နာႏအကျိုꩻ၊ အောင်ႏကုသိုလ်ႏရေꩻ အမျဝွေႏ၊ အောင်ႏကိလေႏထန်ႏဖ၊ ယံအောင်ႏလꩻမဂ်ဖိုလ်ႏ၊ ယံအောင်ႏတွိုႏနိဗ္ဗာန်ႏ၊ အောင်ႏအမန်ႏလꩻထွူထွာ၊ အောင်ႏခွုင်းယိုမာꩻငါထာꩻဒုက္ခ၊ အောင်ႏလောကသင်ႏသရာႏ၊ အောင်ႏပူႏဆာႏနောင်ႏနယ်ꩻ၊ အောင်ႏဆင်ꩻရယ်ꩻခိုးလျား၊ အောင်ႏကျမ္မာႏဥပါတ်၊ အောင်ႏအနာႏဂတ်ရောႏဂါႏအာ၊ အောင်ႏလစ်ꩻပါꩻအပါယ်ႏ၊ အောင်ႏသွစ်ꩻသွယ်ႏအရပ်ပဲစ်၊ အောင်ႏရန်ႏသူႏနိစ်စက် ဆင်ႏရယ်ꩻတန်၊ အောင်ႏပါခန်းဝင်ꩻကဲ့ꩻရဲ့ꩻ၊ အောင်ႏပါခန်းဝင်ꩻသဲ့ꩻသွမ်ꩻ၊ အောင်ႏလိုꩻကျောင်ꩻအောင်ႏလိုꩻလမ်း၊ အောင်ႏပါခန်းဂျိုဟ်ႏနွို့ထန်ႏ၊ အောင်ႏဘေꩻရန်ႏဟူသမျ၊ အောင်ႏပါပသက်ခန်ꩻအုံ၊ အောင်ႏပါလုပ်ꩻခွုမ်အောင်ႏကူꩻကား၊ အောင်ႏထာꩻလုပ်ꩻသား အဖြေꩻစာ၊  အောင်ႏပါလွေꩻသဲင်ꩻအုံအဝ်ႏ၊ အောင်ႏပါဒေါ့ꩻဖြဝ်ႏမေတ္တာႏအာ၊ အောင်ႏခွုင်းယိုမာꩻငါ စွုမ်ႏဘဝ၊ အောင်ႏသုခလꩻချမ်ꩻသာႏ၊ အောင်ႏနိဗ္ဗူတာ နိရောဓ၊ ယံအောင်ႏလွစွုမ်ႏဖြာꩻဖြာꩻထွူနဲဟွေး။\n\nဗဟိုရ်ႏသံႏဃာႏအဖွဲ့ငဝ်းနိုꩻဆောႏ နိဂုံးအသွတ်ꩻ\nနီပအိုဝ်ႏသံႏဃာႏ ကအွဉ်ဆို့ꩻသေꩻခါꩻ လိတ်သွဉ်တွိုက် ပဌမကျောင်ꩻတန်တောင်ႏကီꩻ၊ မန္တလေꩻ-ရန်ႏကုန်ႏဖုံႏယိုနဝ်ꩻ ဖြီꩻစီꩻအောင်ႏမျင်ႏသွူကရိုꩻကီနုဲင်းနဝ်ꩻတဲ့ သာႏသနာႏယံကထွန်ꩻကာꩻသော့ꩻ၊ ပညာႏရေꩻယံတိုꩻတက်သော့ꩻနဝ်ꩻ ထွူဗော့ꩻကျောင်ꩻဖုံႏယိုလွုမ်ꩻတထွာတဝ်း၊ တထွာတဝ်းနုဲင်းမုဲင်ꩻနဲး အဝ်ႏကျောင်ꩻလွုမ်ꩻလဲ့ လိတ်သွဉ်တမွေးတဝ်း၊ စင်ႏစဲစ်နဝ်ꩻ လိတ်သွဉ်သား လိတ်ချꩻသာႏမီႏအဝ်ႏသော့ꩻအာမꩻ ထွာလိတ်သွဉ်တွိုက်သနဲ့၊ လိတ်သွဉ်သား အဝ်ႏတပါꩻနီပါꩻလွုမ်ꩻလဲ့ တထွာတဝ်းလိတ်သွဉ်တွိုက်နေ၊ လိတ်သွဉ်သား လိတ်ချꩻသား မီႏအဝ်ႏအာသော့ꩻလဲ့ သမ်းအဝ်ႏလိုႏဖျင် အာဟာရ အထောက်ပမ်းသား၊ အုပ်ချုပ်သား၊ လိတ်ချꩻသားနဝ်ꩻသွူ။ နဝ်ꩻမꩻတဲင် အာဟာရဖဲ့ꩻတဲ့နဝ်ꩻ၊ အုပ်ချုပ်ဖဲ့ꩻတဲ့နဝ်ꩻ၊ လိတ်ချꩻဖဲ့ꩻတဲ့နဝ်ꩻ တပြဲ့ꩻစုံႏတဝ်းအဖဲ့ꩻမုဲင်ꩻ၊ ချို့ꩻယွင်ꩻအဖဲ့ꩻမုဲင်ꩻတရိုꩻတဝ်း နမ်းတတ်နွိုင်ႏအဖဲ့ꩻနဝ်ꩻ ထူႏလွတာႏဝွန်ႏ ထောက်ပမ်းဖျင်စွို့ꩻ ဖေႏသတိꩻအွဉ်ႏအရေꩻ ပငါပရာꩻနဝ်ꩻမꩻ နီလိတ်သွဉ်တွိုက်ဖုံႏယို ကီꩻပွာꩻတိုꩻတက်နွောင်ꩻနဝ်ꩻသွူ။\nနီပရိယတ္တိသာႏသနာႏ ပညာႏရေꩻ မီႏကီꩻပွာꩻတိုꩻတက်သော့ꩻနဝ်ꩻမꩻ နီသံႏဃာႏကအွဉ်မာꩻ နိုꩻဆောႏသားလဲ့အကျိုꩻနပ်၊ တကာႏကောလူႏသားလဲ့ အကျိုꩻတန်၊ တပဲ့ꩻတပန်ꩻ အဆက်ဆက်လဲ့ အကျိုꩻအဝ်ႏနဝ်ꩻသွူ။\nပွိုးနဝ်ꩻမꩻ ကျိုꩻစာꩻဖေႏအာႏ ပျုပျင်ႏလွ ပငါပရာꩻ၊ ကျိုꩻစာꩻထောက်ပမ်းလွ ပငါပရာꩻ၊ ကျိုꩻစာꩻသွဉ်သင်ပို့ချသော့ꩻလွ ပငါပရာꩻ၊ အစဲဉ်ႏအဆက် ယံထွန်ꩻကာꩻသော့ꩻနဝ်ꩻ ကျံႏဖန်ႏလွ ပငါပရာꩻ၊ စွုမ်ႏပါꩻပါꩻ အစဲဉ်ႏအဆက် ထူႏလွတာႏဝွန်ႏ၊ ထိန်ꩻထွားလွ ပငါပရာꩻ၊ နီဗဟိုရ်ႏသံႏဃာႏအဖွဲ့ ငဝ်းဆုမ္မꩻဖေႏသတိꩻ အွဉ်ႏဒေါ့ꩻသေꩻဗာႏနုဲင်းယို သံႏဃာႏအစဲဉ်ႏအဆက်ဖုံႏဟွေး။\n\nအာႏကွိုꩻ \n\nပအိုဝ်ႏသမဲင်ꩻ\nဗွေႏဗွန်ကျောင်ꩻ","num_words":11291,"character_repetition_ratio":0.052,"word_repetition_ratio":0.0,"special_characters_ratio":0.071,"stopwords_ratio":0.008,"flagged_words_ratio":0.0,"lang_id_score":1.0,"perplexity_score":1344.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%9A%E1%80%BA%E1%82%8F%E1%80%A1%E1%80%80%E1%80%AF%E1%80%9E%E1%80%AD%E1%80%AF%E1%80%9C%E1%80%BA%E1%82%8F%E1%80%81%E1%80%BB%E1%80%84%E1%80%BA%EA%A9%BB","collection":"wikipedia","source":"wikipedia","original_code":"blk","text":"\"ပဌမ ပစ္စောရောဟဏီသုတ် (ပယ်ႏအကုသိုလ်ႏချင်ꩻ ဗွန်တဝ်းဝင်ꩻ)\"\nဇာဏုဿောဏိပုဏ္ဏာꩻ လောဝ်းနယ်ဗွေႏဘုရာꩻနုဲင်းယို-\n\"ဩဗွေႏ ဂေါတမ- လောကကိုယို ပုဏ္ဏာꩻဖုံႏနဝ်ꩻ ပေါႏတွိုႏဥပုသ်နီꩻနဝ်ꩻ ပသွူႏကတူႏ၊ လူးထီ၊ ပြွတ်ခွမ်ꩻလာꩻတသာ၊ ထူႏဖိုးအေႏစောဝ်ႏ သူႏဟံႏလောင်းထွူခါ အွဉ်ႏဒါမီꩻ၊ သုဲင်ꩻပွုမ်ႏတွမ်ႏမေႏပြုံႏခါႏ၊ ဗေင်ႏဒင်ႏဗာႏမီꩻလောင်း၊ တနာကို ထွိုင်ႏဝုဲင်ႏဗာႏမေႏ သွံလဲင်ႏ။\n'ထာꩻတဟောဝ်တဝ်း အကုသိုလ်ႏယို ဝါးထန်ႏလွေꩻ နီဗွေႏ(မေႏ)ထျꩻ'ရိုꩻနုဲင်းနဝ်ꩻထွူတဲင် ဝုဲင်ႏမေႏတလဲင်ႏ၊ (ရိုꩻနုဲင်းနဝ်ꩻသွံလဲင်ႏ၊ ဝုဲင်ႏမေႏသိုမ်လဲင်ႏ) မေႏဖေႏနေးကဖေ့ထိုꩻမွုန်းနဝ်ꩻ သော့ꩻအာအာ ထောပတ်၊ နားမန်ꩻ၊ နားမန်ꩻအင်ꩻတွော့ꩻ မေႏတင်ႏလေစွဉ်ႏတနာꩻ၊ နုဲင်းမွူးရောဝ်ꩻ ပေါႏထာꩻလေတဲ့ ဝင်ꩻလွဉ်လူႏဒဲဉ်၊ ဟန်ႏအို၊ ထာꩻအံႏ၊ ထာꩻအွꩻတွော့ꩻ အံႏအွꩻပငါပရာꩻ မာꩻနုဲင်းနောဝ်ꩻသွူ ဗွေႏဩ\"လဝ်းနယ်ဗွေႏဘုရာꩻနုဲင်းနဝ်ꩻသွူ။\n\"သီပုဏ္ဏာꩻ ပယ်ႏထိုꩻအကုသိုလ်ႏနဝ်ꩻ တမျိုꩻတန်ဒျာႏဗာႏ\"ဗွေႏဘုရာꩻရိုꩻနုဲင်းနောဝ်ꩻသွူ။\nပုဏ္ဏာꩻနဝ်ꩻလောဝ်းတဲင် နီဗွေႏဘုရာꩻ ဟော်ꩻနယ်နုဲင်းယို-\n၁။ \"မိစ္ဆာဒိဋ္ဌိ-ထာꩻထီႏမာႏ\"နဝ်ꩻ \"ဘဝယိုပါ ဘဝငါသူꩻယင် အကျိုꩻကုဲင်ဖေႏ၊ မာꩻဒုက္ခသေႏသေႏလိုꩻ\" နေးတွမ်ႏဉာဏ်ႏ ဆင်ႏချင်ႏယူႏနုဲင်းနဝ်ꩻတဲင် ပယ်ႏထိုꩻဝါးထန်ႏဗာႏ \"ထာꩻထီႏမာႏ\"နောဝ်ꩻသွူ။\n၂။ \"မိစ္ဆာသင်္ကပ္ပ-ထာꩻယူႏမာႏ\"နဝ်ꩻ \"ဘဝယို ဘဝငါ မာꩻဒုက္ခဒါႏလိုꩻ\" ယူႏဆင်ႏချင်ႏနုဲင်းနဝ်ꩻတွော့ꩻ ပယ်ႏထန်ႏထိုꩻဗာႏ \"ထာꩻယူႏမာႏ\"နောဝ်ꩻသွူ။\n၃။ \"မိစ္ဆာဝါစာ-ထာꩻဒေါ့ꩻမာႏ\"နဝ်ꩻ \"ဘဝယို ဘဝငါ မာꩻဒုက္ခဒါႏလိုꩻ\" ယူႏဆင်ႏချင်ႏနုဲင်းနဝ်ꩻတဲင် ပယ်ႏထန်ႏထိုꩻဗာႏ \"ထာꩻဒေါ့ꩻမာႏ\"နောဝ်ꩻသွူ။\n၄။ \"မိစ္ဆာကမ္မန္တ-ထာꩻမာꩻမာႏ\"နဝ်ꩻ \"ဘဝယို ဘဝငါ မာꩻဒုက္ခဒါႏလိုꩻ\" ယူႏဆင်ႏချင်ႏနုဲင်းနဝ်ꩻတွော့ꩻ ပယ်ႏထန်ႏထိုꩻဗာႏ \"ထာꩻမာꩻမာႏ\"နောဝ်ꩻသွူ။\n၅။ \"မိစ္ဆာအာဇီဝ-လွူးနမ်းမာႏ\"နောဝ်ꩻ \"ဘဝယို ဘဝငါ မာꩻဒုက္ခဒါႏလိုꩻ\" ယူႏဆင်ႏချင်ႏနုဲင်းနဝ်ꩻတဲင် ပယ်ႏထန်ႏထိုꩻဗာႏ \"လွူးနမ်းမာႏ\"နောဝ်ꩻသွူ။\n၆။ \"မိစ္ဆာဝါယာမ-ထာꩻကုဲင်းမာႏ\"နဝ်ꩻ \"ဘဝယို ဘဝငါ မာꩻဒုက္ခဒါႏလိုꩻ\" ယူႏဆင်ႏချင်ႏနုဲင်းနဝ်ꩻတွော့ꩻ ပယ်ႏထန်ႏထိုꩻဗာႏ \"ထာꩻကုဲင်းမာႏ\"နောဝ်ꩻသွူ။\n၇။ \"မိစ္ဆာသတိ-သတိꩻမာႏ\"နောဝ်ꩻ \"ဘဝယို ဘဝငါ မာꩻဒုက္ခဒါႏလိုꩻ\" ယူႏဆင်ႏချင်ႏနုဲင်းနဝ်ꩻတဲင် ပယ်ႏထန်ႏထိုꩻဗာႏ \"သတိꩻမာႏ\"နောဝ်ꩻသွူ။\n၈။ \"မိစ္ဆာသမာဓိ-သꩻစွူမာႏ\"နောဝ်ꩻ \"ဘဝယို ဘဝငါ မာꩻဒုက္ခဒါႏလိုꩻ\" ယူႏဆင်ႏချင်ႏနုဲင်းနဝ်ꩻတွော့ꩻ ပယ်ႏထန်ႏထိုꩻဗာႏ \"သꩻစွူမာႏ\"နောဝ်ꩻသွူ။\n၉။ \"မိစ္ဆာဉာဏ-ထာꩻသေမာႏ\"နောဝ်ꩻ \"ဘဝယို ဘဝငါ မာꩻဒုက္ခဒါႏလိုꩻ\" ယူႏဆင်ႏချင်ႏနုဲင်းနဝ်ꩻတဲင် ပယ်ႏထန်ႏထိုꩻဗာႏ \"ထာꩻသေမာႏ\"နောဝ်ꩻသွူ။\n၁၀။ \"မိစ္ဆာဝိမုတ္တိ-ထာꩻလွစ်ထန်ႏမာႏ\"နဝ်ꩻ \"ဘဝယို ဘဝငါ မာꩻဒုက္ခဒါႏလိုꩻ\" ယူႏဆင်ႏချင်ႏနုဲင်းနဝ်ꩻတွော့ꩻ ပယ်ႏထန်ႏထိုꩻဗာႏ \"ထာꩻလွစ်ထန်ႏမာႏ\"နောဝ်ꩻသွူ။\n\"အရိယာႏသီး ကပယ်ႏထိုꩻဝါးထန်ႏ အကုသိုလ်ႏနဝ်ꩻ ယံလဲဉ်းက နီသွဉ်းသီး၊ နီသွဉ်း ကပယ်ႏအကုသိုလ်ႏနောဝ်ꩻ တဆီပွန်း တပွန်းငါတဲ့ ထွꩻတဝ်းဒွိုန်း အရိယာႏသီး ကပယ်ႏအကုသိုလ်ႏနဝ်ꩻဗွေႏဩ\"လောဝ်းနုဲင်းနဝ်ꩻထွူခါ ထွာတငါစွဉ်ႏ ဗုဒ္ဓဘာႏသာႏနောဝ်ꩻသွူ။(သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ ပဌမ ပစ္စောရောဟသီသုတ်)\n\nအာႏကွိုꩻ","num_words":470,"character_repetition_ratio":0.154,"word_repetition_ratio":0.08,"special_characters_ratio":0.098,"stopwords_ratio":0.019,"flagged_words_ratio":0.0,"lang_id_score":1.0,"perplexity_score":1500.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%A1%E1%80%AD%E1%80%AF%E1%80%9D%E1%80%BA%E1%82%8F-%E1%80%99%E1%80%94%E1%80%BA%E1%80%B8-%E1%80%96%E1%80%BC%E1%80%9D%E1%80%BA%EA%A9%BB%20%E1%80%9E%E1%80%AD%E1%80%AF%E1%80%99%E1%80%BA%E1%80%98%E1%80%AC%E1%82%8F%E1%80%9E%E1%80%AC%E1%82%8F","collection":"wikipedia","source":"wikipedia","original_code":"blk","text":"\"ဂဏန်ꩻ-အနပ်အတွက်\"\n(ပအိုဝ်ႏ- မန်း- ဖြဝ်ꩻ သိုမ်ဘာႏသာႏ)\n\n(၁) တာ -  တစ် - နွိုင်\n(၂) နီ - နှစ် - သောင်\n(၃) သွံ - သုံး - သမ်\n(၄) လစ်ꩻ - လေး - သီ\n(၅) ငတ်ꩻ - ငါး - ဟား\n(၆) သူ - ခြောက် - ဟိုက်ꩻ\n(၇) နွိုတ်ꩻ - ခုနစ် - စေတ်ꩻ\n(၈) သွစ်ꩻ(သွော့တ်ꩻ)-ရှစ် - ပဲစ်\n(၉) ကွတ်ꩻ(ကုတ်ꩻ)-ကိုး - ကဝ့်\n(၁၀) တဆီ - တစ်ဆယ် - သိပ်ꩻ\n(၁၁) တဆီပုဲင် - ဆယ့်တစ် - သိပ်ꩻအေစ်ꩻ\n(၁၂) တဆီကွတ်ꩻ(ကုတ်ꩻ)-ဆယ့်ကိုး - သိပ်ꩻကဝ့်\n(၁၃) နီဆီ - နှစ်ဆယ် - သဝ်ႏ\n(၁၄) နီဆီပုဲင် - နှစ်ဆယ့်တစ် - သဝ်ႏအေစ်ꩻ\n(၁၅) နီဆီကွတ်ꩻ(ကုတ်ꩻ) - နှစ်ဆယ့်ကိုး - သဝ်ႏကဝ့်\n(၁၆) သိုမ်ဆီ - သုံးဆယ် - သမ်သိပ်ꩻ\n(၁၇) ကွတ်ꩻ(ကုတ်ꩻ)ဆီ - ကိုးဆယ် - ကဝ့်သိပ်ꩻ\n(၁၈) တရျာꩻ - တစ်ရာ - ပက်နွိုင်\n(၁၉) တရေင် - တစ်ထောင် - ဟေင်နွိုင်\n(၂၀) တမွုန်ႏ(တသောင်ꩻ) - တစ်သောင်း - မွုန်ႏနွိုင်။\n\n\"လာ-နီꩻအကျောင်ꩻ\"\n(က) ဒဲဉ် - တန်ခူး - လွိုန်ဟား\n(ခ) ဒဲဉ်ရိုက်ꩻ - ကဆုန် - လွိုန်ဟိုက်ꩻ\n(ဂ) ဒဲဉ်စေတ်ꩻ - နယုန် - လွိုန်စေတ်ꩻ\n(ဃ) ဝါႏဆိုႏ - ဝါဆို - လွိုန်ပဲစ်\n(င)  ဝါႏခေါင်ႏ - ဝါခေါင် - လွိုန်ကဝ့်\n(စ) တောႏလင်ꩻ - တော်သလင်း - လွိုန်သိပ်ꩻ\n(ဆ) တင်ꩻကျွစ် - သီတင်းကျွတ် - လွိုန်သိပ်ꩻအေတ်ꩻ\n(ဇ) တထိင်ႏ - တန်ဆောင်မုန်း - လွိုန်သိပ်ꩻအေတ်ꩻ\n(ဈ) ဒဲဉ်စေင် - နတ်တော် - လွိုန်စေင်\n(ည) ဒဲဉ်ကံ - ပြာသို - လွိုန်ကံ\n(ဋ) ဒဲဉ်သံ - တပို့တွဲ - လွိုန်သံ\n(ဌ) ဒဲဉ်သီႏ - တပေါင်း - လွိုန်သီ\n(ဍ) လာဗွေ - လပြည့် - လွိုန်မွန်ႏ\n(ဎ) လာမား - လကွယ် - လွိုန်လပ်ꩻ\n(ဏ) လာဆန်ꩻ - လဆန်း - လွိုန်မုဲ\n(တ) လာလောင်း - လဆုတ် - လွိုန်လောင်ꩻ\n(ထ) မွူးကဲင် - နေကြပ် - ဝန်ႏဝတ်\n(ဒ) လာကဲင် - လကြပ် - လွိုန်ဝတ်\n(ဓ) မွူးနီꩻစွုမ်ႏ - ရက်စုံ - ဝန်ႏစုမ်\n(န) မွူးနီꩻစွုမ်ႏတဝ်း - ရက်မစုံ - ဝန်ႏအမ်စုမ်\n(ပ) မွူးနီꩻထွန်ꩻ\/ဟဝ် - ရက်ရာဇာ - ဝန်ႏထွန်ꩻ\n(ဖ) မွူးနီꩻဟဝ်တဝ်း - ပြဿဒါႏရက် - ဝန်ႏမွေ့\n(၁) ဟန်ႏနီꩻ - ကနေ့ - မွိုႏနုဲ့\n(၂) မွူးရဝ်ꩻခိုႏ - နံနက် - ကင်နုဲ့\n(၃) မွူးထန်ႏ - နေတက် - ကင်ဝန်ႏခွုန်ႏ\n(၄) မွူးထွူႏ - နေမွန်းတည့် - ဝန်ႏတိမ်\n(၅) မွိုးလွဲꩻ\/ခွယ် - နေမွန်းလွဲ - ဝန်ႏစဲ့\n(၆) မွူးပြေ့ꩻ - နေဝင် - ဝန်ႏတိုက်ꩻ\n(၇) မွူးဟာ - ညအခါ - ကင်ခွုန်ႏ\n(၈) မွူးနာꩻ - သန်းခေါင် -  တိမ်ခွုန်ႏ\n(၉) မွူးနာꩻလွဉ်ꩻ - မိုးလင်းခါ(သန်းခေါင်ကျော်)- တိမ်ခွုန်ႏစဲ့\n(၁၀) မဟာနီꩻ - မနေ့ - မွိုႏဝါႏ\n(၁၁) မစာႏနီꩻ - တမြန်နေ့ - မွိုႏသွုန်း\n(၁၂) မွူးရဝ်ꩻနီꩻ - မနက်ဖြန် - မွိုႏဖုက်ꩻ\n(၁၃) တရူꩻ - သဘက်ခါ - မွိုႏဟဲ\n(၁၄) တရာꩻ - ဖိန်းနွဲခါ - မွိုႏနွုင်\n(၁၅) လာယို - ဒီလ - လွိုန်နုဲ့\n(၁၆) လာကလဲဉ်း - လွန်ခဲ့သည်လ(အရင်လ) - လွိုန်ပိုန့်\n(၁၇) လာကရီး - တမြန်လ - လွိုန်အွန်\n(၁၈) လာငါ - လာမည့်လ - လွိုန်တေမာႏ\n(၁၉) ဟန်ႏနေင်ႏ - ဒီနှစ် - ပီနုဲ့\n(၂၀) နေင်ႏစာႏ - တမြန်နှစ် - ပီအွန်\n(၂၁) နေင်ႏလေ - လာမည့်နှစ် - ပီတေမာႏ\n\n\"ဖြေꩻစာခရာႏ\"\n(က) လွဉ်လုဲင်းဘုရာꩻကာႏ - လာလေ ဘုရားဒကာ - မာꩻလယ်ဘုရာကာ\n(ခ) လွဉ်အုံလင်ꩻဒွိုန်း - လာထိုင်ဦးလေ - မာႏနင်လယ်ꩻ\n(ဂ) အုံအွိုးမုဲင်ꩻ - ဘယ်မှာနေလဲ - ယူတီလုဲ\n(ဃ) အဝ်ႏမွိုင်ꩻကွိုင် - မိုင်းကိုင်နေတယ် - ယ���မွိုင်ႏကွိုင်\n(င) အုံဟဝ်ဒျာႏနဲ့ - နေကောင်းရဲ့လား - ယူလီယူနယ်\n(စ) အုံဟဝ်ဒျာႏဩ - နေကောင်းပါတယ် - ယူလီယူ\n(ဆ) နီဗွေႏသီးအုံဟဝ်ဒျာႏနဲ့ - ခင်ဗျားမာရဲ့လား - စဝ်းယူလီယူနယ်\n(ဇ) လွဉ်ထွားတခြိုꩻနဲ့ - အထည်လာကြည့်လေ - မာႏတွေႏခိုးလယ်\n(ဈ) တခြိုꩻအဝ်ႏအမျိုꩻမျိုꩻ - အမျိုးမျိုးရှိတယ် - မီႏကူမျိုႏမျိုႏယူ\n(ည) ယိုနဝ်ꩻပိက် - ဒါကပိတ် - နုဲ့ပိက်\n(ဋ) ယိုနဝ်ꩻဖြဲ - ဒါကဖဲ - နုဲ့ဖဲႏ\n(ဌ) ယိုတီႏပါႏ - ဒါကကတ္တီပါ - နုဲ့ကတ္တီပါ\n(ဍ) ယိုထီးထူး - ဒါကပိုး - နုဲ့လယ်\n(ဎ) အဟဝ်စား - အကောင်းစား - အန်လီမန်ႏ\n(ဏ) အဆꩻထွူတဲ့အဝ်ႏ - ချုပ်ပြီးသားရှိတယ် - အန်ရိပ်ꩻယဝ်းမီႏယူ\n(တ) ယိုနဝ်ꩻဆဲင်ꩻ - ဒါကအင်္ကျီ - အန်နုဲ့ဆေဝ်\n(ထ) ယိုနဝ်ꩻကွဉ်ꩻ - ဒါကဘောင်းဘီ - အန်နုဲ့ကွန်\n(ဒ) ပေါႏထူႏတစုင်ႏ - တစုံယူရင် - ပေါႏအဝ်စုင်နုဲး\n(ဓ) ခွေသွဉ်း - ကျွန်တော်တို့ - ဟဝ်ႏခါ\n(န) ခွေသွဉ်းအီႏချော့ꩻဖေႏ - ကြည့်ထားပေးမယ် - တေတွေႏပန်ယူ\n(ပ) ငတ်ꩻဗီႏ - ငါးကျပ် - ဟာꩻပျာႏ\n(ဖ) တခန် - တစ်ဆယ် - ခန်နွိုင်\n(ဗ) ဟားတောင်ႏ - နှစ်ဆယ် - သဝ်ႏနွိုင်\n(ဘ) သံခန် - သုံးဆယ် - သံခန်\n(မ) သီႏခန် - လေးဆယ် - သီခန်\n(ယ) ဟားခန် - ငါးဆယ် - ဟာꩻခန်\n(ရ) ရိုက်ꩻခန် - ခြောက်ဆယ် - ဟိုက်ꩻခန်\n\nအာႏကွိုꩻ\n\nဘာႏသာႏငဝ်းငွါ","num_words":1054,"character_repetition_ratio":0.041,"word_repetition_ratio":0.0,"special_characters_ratio":0.269,"stopwords_ratio":0.023,"flagged_words_ratio":0.0,"lang_id_score":1.0,"perplexity_score":4389.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%A1%E1%80%AD%E1%80%AF%E1%80%9D%E1%80%BA%E1%82%8F%20%E1%80%9C%E1%80%AC%28%E1%81%81%E1%81%82%29%E1%80%9C%E1%80%AC","collection":"wikipedia","source":"wikipedia","original_code":"blk","text":"တဆီနီလာရာႏသီႏ\nနေင်ႏတနေင်ႏတွင်ꩻကို လာ(၁၂)လာယို − \n ဒဲဉ်ဟား လာ\n ဒဲဉ်ရုတ်ꩻ လာ\n ဒဲဉ်စေတ်ꩻ လာ\n ဝါႏဆိုႏ လာ\n ဝါႏခေါင်ႏ လာ\n  တောႏလင်ꩻ လာ\n တင်ꩻကျွစ် လာ\n  တထိန်ႏ လာ\n ဒဲဉ်စေင် လာ\n ဒဲဉ်ကံ လာ\n ဒဲဉ်သံ လာ\n ဒဲဉ်သီႏ လာ\n   ဖုံႏနဝ်ꩻသွူ ။ \n\nလိုꩻမုရေꩻ","num_words":34,"character_repetition_ratio":0.036,"word_repetition_ratio":0.0,"special_characters_ratio":0.23,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":287932.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%A1%E1%80%AD%E1%80%AF%E1%80%9D%E1%80%BA%E1%82%8F%E1%80%84%E1%80%9D%E1%80%BA%E1%80%B8%E1%80%90%E1%80%BD%E1%80%AD%E1%80%AF%E1%80%84%E1%80%BA%EA%A9%BB","collection":"wikipedia","source":"wikipedia","original_code":"blk","text":"\"အကျောင်ꩻနိတန်ꩻ\"\nခွိုင်းတဲင်လိုꩻမျိုꩻ တရတပါꩻ တရျာꩻတစွိုးသီးဖုံႏ ကအောဝ်ႏဒင်ႏဒါႏ ကမ္ဘာႏဟံႏတန်အလောင်းယိုနောဝ်ꩻ လိတ်လုဲင်ꩻပုဲင်ႏပေႏ ဘာႏသာႏငေါဝ်းငွါ အောဝ်ႏလွပငါပရာꩻသွူ။ မဉ်ႏရိုꩻငေါဝ်းပွုံႏခွိုင်ꩻ ငေါဝ်းတဲက်တွိုင်ꩻလဲ့ အောဝ်ႏလွပငါပရာꩻ၊ ကတဲမ်းထုတ်ထေထန်ႏ တွယ်ႏနျꩻထွူနောဝ်ꩻ အောဝ်ႏဗွေဗုဲင် လွိုင်ႏအာထျားထီးတာꩻ နုဲင်းစွဉ်ႏဖီးကျောင်ႏထာꩻတဲင် အွော့ꩻဖွိုတ်ꩻဗွောင်လန်ႏ ဟော်ꩻဖတ်ထွားဆွုမ်ႏ လဲင်ꩻတခိꩻလꩻတောဝ်းဒွုမ်၊ လဲင်ꩻတလို့လꩻနွောင်ꩻပဲးတောဝ်းဒွုမ်သွူ။\n\nနီပအိုဝ်ႏသီးလဲ့ ငေါဝ်းပွုံႏခွိုင်ꩻ ငေါဝ်းတွိုင်ꩻတဲက်ဖုံႏ အဝ်ႏဒျာႏနုဲင်းင်း ထုဲႏပီဗွိုန်ဝင်ꩻ တွံႏဝင်ꩻလိုꩻမျိုꩻလင်နေနေသွူ။ ကွပ်ပွိုးနုဲင်းနဝ်ꩻမꩻ ခွိုင်းကဟွိုန်ဗာႏ ကနာႏခံႏဗာႏ အွိုးဝင်ꩻထျꩻဝင်ꩻလောင်း ဝင်ꩻဒေါ့ꩻဖြောဝ်ႏ ဝင်ꩻသွုံꩻနုံꩻ ဝင်ꩻတဲက်တွိုင်ꩻ အွိုးနီပအိုဝ်ႏလိုꩻမျိုꩻသီး ရပ်ရာႏဒေႏသ ကောင်လောင်းဆောင်ႏခြာကိုအတွိုင်ꩻ ဖေႏကထွာနွောင်ꩻလꩻ တအုပ်တပပ်ꩻ တစောင်ႏတဖွူꩻတဲင် တဲႏစနေင်ႏ ၁၃၁၇-ဗာႏမာꩻငါ ကျံႏစဲႏတဲမ်းဗူႏရွမ်ရဲမ် တွမ်တဲမ်လွဉ်ဗာႏ တနေင်ႏတစိꩻစိꩻနောဝ်ꩻသွူ။\n\nငေါဝ်းတွိုင်ꩻယဟန်ႏနဝ်ꩻ \"တဒုံတပွုတ်ဆန်ꩻ၊ တကျမ်ꩻတဂါႏထာႏ\"ဝင်ꩻရိုꩻငေါဝ်းယိုအတွိုင်ꩻ သဖော်ꩻတရာꩻ အဓိပ္ပါယ်ႏအနက်ဖုံႏ ပိတ်ကံႏဗွိုန်ပီစွဉ်ႏလွဝင်ꩻလဲ့ ပွိုးအသွုံꩻအနုံꩻကွာႏတဲင် တဲမ်းသော့ꩻဖေႏဗာႏ လို့လို့စင်စင်သွူ။ ယဟန်ႏနောဝ်ꩻ အောဝ်ႏဝတ္ထုသက်သေႏခြောင်ꩻ ထွာလွဉ်လင်ꩻတဲင် ယဟန်ႏနောဝ်ꩻ အောဝ်ႏအွိုးကဗျာလင်္ကာႏ ငေါဝ်းအိန်ငေါဝ်းတဲက်ကိုထွာလွဉ်၊ ယဟန်ႏနောဝ်ꩻ ဖြောင်းဆောဝ်ႏငေါဝ်းအာတွော့ꩻ အောဝ်ႏလွိုႏလွိုႏကာႏကာႏ ထွာလွဉ်ဒျာႏနောဝ်ꩻသွူ။\nငေါဝ်းတွိုင်ꩻယဟန်ႏနောဝ်ꩻ ဒေါ့ꩻဖြောဝ်ႏတဖီးတဖတ်အီထာꩻ၊ ယဟန်ႏနောဝ်ꩻ ဒေါ့ꩻမောင်းဒေါ့ꩻခတ်ꩻ ဒေါ့ꩻသေနာႏအီထာꩻ၊ ယဟန်ႏနောဝ်ꩻ ဒေါ့ꩻဖြောဝ်ႏတောက်သတ် ဒေါ့ꩻစွဉ်ႏတရွဉ်း ဒေါ့ꩻတဒွဉ်အီဝင်ꩻ၊ ယဟန်ႏနဝ်ꩻ ခွန်းဒိုႏနဲꩻတဖျထွမ်အီဝင်ꩻ၊ ယဟန်ႏနောဝ်ꩻ ထွာအီငေါဝ်းဆွုံꩻမꩻသွဉ်သင်တဲင် အောဝ်ႏအမျိုꩻမျိုꩻအစားစားသွူ။ ယဟန်ႏနောဝ်ꩻ အွဉ်ႏနယ်ပျနယ်ဖေႏဒါႏ နီလိုꩻလောကသီး အသဘာဝ အကျောင်ꩻချင်ꩻရာꩻ လꩻအီသညာႏ ပညာႏအဒေါဝ်ႏဒေါဝ်ႏနောဝ်ꩻသွူ။\n\nပွိုးနောဝ်ꩻမꩻ ငေါဝ်းပွုံႏငေါဝ်းခွိုင်ꩻ ငေါဝ်းတွိုင်ꩻအဘိဓာန်ႏယိုနောဝ်ꩻ ထွာစွဉ်ႏ လိုꩻသမဲင်ꩻကျမ်ꩻ နီတိဆန်ꩻကျမ်ꩻ အလင်္ကာႏကျမ်ꩻတန်သွူနေား။ လိတ်အုပ်ယိုနောဝ်ꩻ တဲမ်းမုဲင်စီႏခြပ်လင်ꩻတွမ်ႏ အက္ခရာႏရဲဉ်ႏ (အက္ခရာဝလိ)လငါယိုအတွိုင်ꩻသွူ။ က ကꩻ ကာ ကာꩻ ကား ကာႏ၊ ကိ ကီ၊ ကု ကူ၊ ကေ့ ကေ၊ ကဲ့ ကဲ၊ ကုဲင့် ကုဲင်(ကုဲ့ ကုဲ)၊ ကော့ ကော်၊ ကို့ ကို။\n(၁) (အ-အငေါဝ်းထန်ႏ) ကက် ကက်ꩻ ကင် ကင်ꩻ ကင်း ကင်ႏ၊ ကတ် ကန်၊ ကပ် ကမ် (ကံ)၊ ကောဝ့် ကောဝ် (ကဝ့် ကဝ်)။ \n(၂) (အိ-အငေါဝ်းထန်ႏ) ကိတ် ကိန်၊ ကစ် ကဉ်၊ ကိ��် ကိမ်၊ \n(၃) (အု) ကွုတ် ကွုံ (ကုက် ကုင်)၊ ကွတ် ကွန်၊ ကွုပ် ကွုမ်၊ (ကုပ် ကုမ်) \n(၄) (အေ့) ကေက် ကေင်၊ ကေတ် ကေန်၊ ကေပ် ကေမ်၊ \n(၅) (အဲ့) ကဲက် ကဲင်၊ ကဲစ် ကဲဉ်၊ ကဲပ် ကဲမ်\n(၆) (အော့) ကောက် ကောင်၊ ကွစ် ကွဉ်၊ ကွပ် ကွမ်၊ \n(၇) (အို့) ကုတ် ကုံ၊ ကွတ် ကွန်၊ ကုပ် ကုမ် (ကွံ)၊ \n(၈) (အွု) ကွုက် ကွုင်၊ ကွုတ် ကွုန်၊ ကွုပ် ကွုမ် \n(၉) (အွော့) ကွောက် ကွောင်၊ ကွစ် ကွဉ်၊ ကွပ် ကွမ်၊ \n(၁၀) (အွို့) ကွိုက် ကွိုင်၊ ကွိုတ် ကွိုန်၊ ကွိုပ် ကွိုမ်။ ကျ ကြ ကွ ကျွ ကြွ။ ခ ဂ င၊ စ ဆ ည၊ တ ထ ဒ န၊ ပ ဖ ဗ ဘ မ၊ ယ ရ လ ဝ သ ဟ အ။\nတောင်ꩻသေꩻ - နျꩻထန်ႏဖျင် စတုတ္ထအလဲင်ႏ ဖွူꩻပေါင်ꩻ (၃၀၀၀)ယို မော့ꩻဆုဲင်ꩻ ထဲမ်သော့ꩻဆုဲꩻထဲင်းယင်း အပနဲအာတန်သွူ။ ဆုဲင်ꩻဆုဲင်ꩻ မီႏမော့ꩻထဲင်းယင်းလဲ့ တဲမ်းရွမ်ထဲင်းယင်းတဲင် နျꩻထန်ႏဆုဲင်ꩻထဲင်းယင်း ပဉ္စမအလဲင်ႏသွူ။\n\n\"စီႏခြပ်လိတ် မော့ꩻတလူႏ အယပ်ꩻအခုဲင်ႏယဟန်ႏ\" လိတ်အုပ်ယိုနဝ်ꩻ တတ်နွိုင်ႏသမျ စီႏခြပ်ဖေႏတွမ်ႏ လိတ်မွူးအက္ခရာႏတသာ  သော့ꩻဖေႏပါတွမ်ႏ သင်္ကေတအမုဲင် (-း -ꩻ -ႏ)ဖုံႏနောဝ်ꩻသွူ။ (ကွဲႏတွော့ꩻ လိတ်မွူးလီꩻနောဝ်ꩻ သော့ꩻတောဝ်းသွူ။) ယထွောင်းထွောင်းတွမ်ႏ ယဟန်ႏဟန်ႏနဝ်ꩻ ကွပ်ပွိုးလိတ်မဲ့ငါတွမ်ႏလိတ်တျော်ꩻထျောဝ်ꩻ လိတ်ရဲဉ်ႏဖုံႏ ငဝ်းဖြုံႏလိတ်ဖြုံႏဖုံႏ အယပ်ꩻအခုဲင်ႏလဲ့တရောဝ်း၊ ကွပ်ပွိုးစေး အယပ်ꩻအခုဲင်ႏ (စေးခြေားကားငါႏ၊ အငိုꩻလဲ့ ကားငါႏ တန်ငါႏ)လဲ့တရဝ်း၊ နောဝ်ꩻမꩻတဲင် - လိတ်ဖြုံႏယဟန်ႏနောဝ်ꩻ စီႏခြပ်ဗာႏတွမ်ႏ လိတ်မွူးအက္ခရာႏလီꩻစခါ အဒွေါင်ႏစားနောဝ်ꩻသွူ။ (ဥပမာႏ-နှဲ-မှဲ-လှဲ-ဝှဲ-ကဝ် ခဝ် ငဝ် စဝ် တဝ် ထဝ် နဝ် အဝ် ကစ။ ကက် ကင်၊ ခက် ခင်၊ ငက် ငင် ကစဖုံႏနောဝ်ꩻသွူ။\n\nယထွောင်းထွောင်းနောဝ်ꩻ လိတ်ဖြုံႏတတွမ်ႏတနွမ်ႏတဝ်း ဝီႏဝါးထိုꩻတဲင် အွဉ်ႏကုဲင်ထိုꩻဗာႏဒျာႏ (င)သွတ်ꩻနဝ်ꩻသွူ။ (ဥပမာႏ-ကုဲ-ခုဲ-ငုဲ-စုဲ-ဆုဲ-တုဲ-ထုဲ ကစ)။ အသွတ်ꩻကဗွိုန်ပီဒါႏလွဝင်ꩻနောဝ်ꩻလဲ့ လိတ်မွူးလီꩻ ကတဲမ်းသွုံꩻလွဉ်ဒါႏအတွိုင်ꩻ စီႏခြပ်တွမ်ႏ အဒွေါင်ႏစားနဝ်ꩻသွူ။ (ဥပမာႏ-ဖေါက်က်ပြန်ႏန်ႏ၊ ဗူႏဗူႏဗန်ႏန်ႏ၊ ထင်ႏင်ႏလင်ꩻင်ꩻ၊ နဝ်ဝ်ထင်ꩻင်ꩻ ကစ)။ စီႏခြပ်လိတ် ယလဲင်ႏလဲင်ႏနဝ်ꩻ လိတ်ဖြုံႏတွမ်ႏငေါဝ်းဖြုံႏဖုံႏ သမ်းထဲ့ခွို့ထိုꩻ ကွိုတ်ကျန်ႏအောဝ်ႏကုဲင်ထိုꩻတဲင် ဖျင်ထဲမ်ဗဲ့ထန်ႏဗာႏတွမ်ႏ လိတ်မွူးအက္ခရာႏလီꩻစခါ အဒွေါင်ႏစားနောဝ်ꩻနေနေသွူ။ (ဥပမာႏ- ကဝ် တဝ် နဝ် ကစ၊ ကက် ကင် ခက် ခင် ကစ။ မဉ်ႏစီႏခြပ်တွမ်ႏ လိတ်ဖြုံႏဆွိုက်တဆ���သွစ်ꩻ(၁၈)နောဝ်ꩻ လိတ်မဲ့ငါ ထန်ႏအာ ပိုႏအာငါႏတဲင် စီႏခြပ်ဗာႏဒျာႏတွမ်ႏ လိတ်ဖြုံႏဆွိုက် တဆီသူ (၁၆)နောဝ်ꩻသွူ။\n\nကထွိုင်ႏစီႏခြပ်တွမ်ႏ လိတ်ဖြုံႏရမ်းပေါင်းပေႏ ဆွိုက်တဆီသူ(၁၆)တဲင် အကျိုꩻကေꩻဇူꩻတန်အာငါႏသွူ။ လိတ်တျော်ꩻထျောဝ် လိတ်ရဲဉ်ႏတွမ်ႏလိတ်ယာႏ လိတ်ဖြုံႏဖုံႏလဲ့ နွမ်ႏအာထွူတကာႏတောဝ်း လိတ်မဲ့ငါလဲ့ ထန်ႏဆေ့ꩻ၊ စေးလဲ့လို့ဆေ့ꩻ၊ အခိန်ႏလဲ့လို့ဆေ့ꩻ၊ စေးငိုꩻမွိုက်ငိုꩻတွဲႏနျꩻခꩻ စရိပ်စကလဲ့ သက်သာႏတဲင် လိတ်အုပ်ငိုꩻလဲ့ သက်သာႏတွော့ꩻ ကေားဖြေꩻပူႏဇောႏ ဟော်ꩻဖတ်ထွားသားလဲ့ ဖြေꩻပူႏဇောႏနွောင်ꩻ အငိုꩻပေါ်ꩻပေါ်ꩻ သက်သက်သာႏသာႏ၊ တန်ႏဖြေꩻပူႏဇောႏနွောင်ꩻ တဖွူꩻလွုမ်ꩻလဲ့ ဖြေꩻပူႏဇောႏနွောင်ꩻ နီဖွူꩻသွံဖွူꩻတွော့ꩻ ဗဟုသုတဉာဏ်ႏပညာႏ ကယိန်းလꩻအာအာ ကယိန်းအောဝ်ႏအောဝ်ႏနောဝ်ꩻသွူနေား။\n\nငဝ်းတွိုင်ꩻ-က\n(၁) ကကွိုင်ႏငါႏနဝ်ꩻ ပါꩻမော့ꩻသွိုက်၊ ကထွိုက်ငါႏနဝ်ꩻ ပါꩻမော့ꩻခံꩻ။ \n(၂) ကခြꩻငါႏနဝ်ꩻ စေႏတနာႏ၊ ကညငါႏနဝ်ꩻ ကမ္ဘာႏ၊ ကကွာႏငါႏနဝ်ꩻ အဝ်ႏကျမ်ꩻ။ \n(၃) ကခြောႏငါႏနဝ်ꩻ အဝ်ႏသꩻ၊ ကခြꩻငါႏနဝ်ꩻ အဝ်ႏစေႏတနာႏ၊ ကကွာႏငါႏနဝ်ꩻ အဝ်ႏကံႏ။ \n(၄) ကဆွော့ꩻငါႏနဝ်ꩻ ပသီႏကဲဉ်ႏ၊ ကပနဲဉ်ႏငါႏနဝ်ꩻ တရꩻဖဲဉ်။ \n(၅) ကညငါႏနဝ်ꩻ ကမ္ဘာႏ၊ ကဆွာꩻငါႏနဝ်ꩻ သံႏသရာႏ။ \n(၆) ကတန်ႏရာꩻ ရွေꩻလွိုက်၊ ကဆွိုက်ရာꩻခံႏလွ၊ နဝ်ꩻမꩻ ကျ။ \n(၇) ကတေက်ꩻဗုက်ထွိုက် တေက်ꩻဗုက်လင်ꩻ၊ ကတေက်ꩻဗုက်သင်ꩻ တေက်ꩻဗုက်သွော့။ \n(၈) ကရလွိုဝင်ꩻနဝ်ꩻ အဝ်ႏနမ်း၊ ကငမ်းလွိုဝင်ꩻနဝ်ꩻ အဝ်ႏသꩻ။ \n(၉) ကသေသားယူႏလꩻ၊ တသေတဝ်းသား ကာတꩻဗꩻ(ကာဗꩻ)။ \n(၁၀) ကအံႏတွင်ꩻခါ တွမ်ႏပိုမာ၊ ဆုဲင်ꩻချာမီႏခံႏ တဖြာꩻလွုမ်ꩻ။\n\n(၁၁) ကတိယို ရွဉ်တလီꩻကျမ်ꩻ မီႏထွာႏ၊ သစ္စာႏယို ရွဉ်တလီꩻမီႏစေ၊ တခြေရာႏပြုဲင်ပြင်ꩻ၊ သွူꩻလင်ꩻယိုꩻမာꩻ။ \n(၁၂) ကတူႏမီႏအဝ်ႏနီဖြုံႏနဝ်ꩻ ယံလဲဉ်းအဝ်ႏတဖြုံႏ။ (လိုꩻတဖြာꩻဒျာႏ မာꩻထာꩻမာꩻနဝ်ꩻ နန်ꩻအောင်ႏမျင်ႏ၊ လိုꩻနီဖြာꩻမာꩻကီ လိုꩻအမျာꩻမာꩻထာꩻမာꩻနဝ်ꩻ အောင်ႏမျင်ႏယိုꩻပေႏ။) \n(၁၃) ကတူႏလဲဉ်းလဲ့ မေးတလဲဉ်းတဝ်း (သံယော်ꩻဇဉ်ႏ တဖြွီꩻယုဲင်)။ \n(၁၄) ကတူႏလွေꩻမုဲင်ꩻတဲ့ အမေးလွေꩻလွဉ်ꩻ (ကေားအွဉ်ဆꩻငါသား ကအွဉ်မာꩻအတွိုင်ꩻ ကေားထွေထောင်လွဉ်ꩻဆꩻချာသား ထွေထောင်ခွုမ်မာꩻထွားနုဲင်းလွဉ်ꩻဒါႏ။) \n(၁၅) က-တန် တမွေးတဝ်း ဠ-တန်ဒျာႏ၊ ဝင်ꩻတဲမ်းဗာႏဆုဲင်ꩻသွတ်ꩻ။ \n(၁၆) ကꩻနင် လိန်းလင်း၊ ယင်း လီးလူꩻ (ကꩻနင် တွုင်ꩻတင်ꩻ၊ ယင်းထွိုင်းထွူ။ ကꩻနင်=ပေႏ၊ ယင်း=တန်။ အပေႏလဲ့ တ���ိန်ႏမာႏလက်ꩻလဲဉ်တဝ်း၊ အတန်လဲ့ တလိန်ႏမာႏလက်ꩻလဲဉ်တဝ်း၊ တွုင်ꩻတင်ꩻထွိုင်းထွူလွဉ်းဉ်း)။\n(၁၇) ကနိစ္စက်ဝင်ꩻခါ ငထာꩻဟားဟား၊ နမ်းထွိုင်ႏခိုးလျားခါ ငွိုးထာꩻသိတ်သိတ်။ \n(၁၈) ကလာꩻမီႏစဲစ် နိဖူတငဲက်။ \n(၁၉) (က) ကꩻလောင်သိုထင် အယံလဲဉ်း နꩻသိုအဲင်ႏ၊ (ခ) ကꩻလောင်သိုနဝ်ꩻ ထင်ကယ်ꩻနꩻသို (လိတ်လုဲင်ꩻပုဲင်ႏပေႏ အစွန်ꩻအဟိန်းနဝ်ꩻ အယံလဲဉ်း အရေꩻတွိုႏအခြောင်ꩻဗꩻလဲဉ်း သာႏလွိုလဲဉ်း ကတွိုက်ꩻနေးတွမ်ႏစဲ့ꩻ)။ \n(၂၀) ကလူꩻသဉ် စဗဉ်ႏနား၊ ကလူꩻဆား စဗဉ်ႏငွဉ်ꩻ၊ နာꩻတွမ်ႏခြင်ꩻမွုန်း နာꩻသက်လွဉ်ꩻ။ \n\n(၂၁) ကအဝ်ႏခါ အွꩻအွꩻအံႏအံႏ၊ ထွိုင်ႏအဲဉ်ထဝ်း ဝေ့ꩻဝေ့ꩻပန်ႏပန်ႏ။ \n(၂၂) ကာစꩻငါႏလဲ့ အထာႏဝ စင်းအဝ်ႏခြေင်ဒါႏ (သꩻဆန္တအာႏတလာလွဉ်ꩻငါႏတဲင် နဲစ်တမွိုတမာꩻငါႏထာꩻ လွစ်ဟင်ꩻကုဲင်ပဲစ်ꩻ သွုမ်ꩻတိန်ꩻထိုꩻလို့ဒါႏသွူ။) \n(၂၃) ကာလံ ဒေသံ အဂ္ဂံ ဓနံ (အခိန်ႏအခါႏ အဖဲ့ꩻအဖုဲင်း ရော့ꩻသင်ꩻတွင်ꩻ မီႏသေယူႏ မီႏသေထူႏဒါႏ အခွင်ꩻအရေꩻ ခွုမ်မာꩻလွေꩻ ထာꩻမာꩻနဝ်ꩻ အောင်ႏမျင်ႏခံႏစာꩻဗာႏ အကျိုꩻကေꩻဇူꩻတရာꩻနဝ်ꩻသွူ။)\n(၂၄) ကာသေ့ꩻထာထာꩻ ဆꩻချာ တအွဉ်ႏစွꩻတဝ်း။ (လွေꩻငါလဲ့ တလဲဉ်းတဝ်းဆꩻချာ၊ မာꩻထာꩻမာꩻတသာလဲ့ တအွဉ်ႏကုဲင်နွောင်ꩻတဝ်း အလီꩻအယ၊ တနယ်ꩻ-ယမ်းကာဖွို့ꩻစံႏခရာႏ ဆꩻငါဖဲ့ꩻသူꩻ မီႏတတဉ်ႏတွော့ꩻတဝ်းနဝ်ꩻ အွဉ်ႏစွꩻမွုန်းဆꩻချာ။) \n(၂၅) ကုသိုလ်ႏတပဲꩻ ငါးရုဲင်ꩻ တစွဲး (မာꩻထာꩻဟဝ် လꩻဆေ့ꩻပေႏလဲ့ လꩻအာတောဒျာႏ အကုဲင်ဖဲ့ꩻ။) \n(၂၆) ကုသိုလ်ႏပညာႏ၊ တွမ်ႏဥစ္စာႏ၊ တနီꩻအတာႏ တမျိုꩻမျိုꩻ ယံလꩻဗာႏ။ \n(၂၇) ကေကံႏကထင်ႏဟဝ် ထောင်ငနဝ် မော့ꩻချို့ꩻ။ \n(၂၈) ကေဆရာႏညောဝ်ႏ၊ ညောဝ်ႏဆရာႏ ကေ။ \n(၂၉) ကေညာႏတာႏမꩻ ဖိုးချံꩻသာႏ (လိုꩻတန်မီႏနိစ္စက်တဝ်းမꩻ လိုꩻပေႏချံꩻသာႏ၊ ခွန်ကွဉ်စဝ်းသီး မဉ်ႏနိစ္စက်တဝ်းမꩻ လိုꩻထိုအမျာꩻ ထံꩻသာꩻသီး ချံꩻသာႏသွူ။) \n(၃၀) ကေတန်လဲ့ အခင်ႏခြောင်ꩻတန် (လိုꩻတန်လဲ့ အစူခြောင်ꩻအခင်ႏခြောင်ꩻ လုဲင်းတန်အဝ်ႏကုဲင်တန်ဒါႏ)။ \n\n(၃၁) ကေပေႏမီႏလောက်ꩻ စောက်ꩻပေႏရဲး။ (ပါꩻတဖြာꩻ မဉ်ႏလောက်ꩻနိစ္စက်လွဉ်လဲ့ ပါꩻတဖြာꩻ ရဲးကိုဖေႏ၊ ပအိုဝ်ႏတွမ်ႏစောက်ꩻစခါ တဖူးဝေး၊ အုံငီꩻဝင်ꩻ စွဲးကိုလွဝင်ꩻ)။ \n(၃၂) ကေမော့ꩻ ကွယ်သာႏ မဲ့ꩻတနွာႏနွာႏ ထွားစဲင်း။ \n(၃၃) ကေမွမ်း အဝ်ႏကုဲင် ကေဖုဲင် လွဉ်ယင်း။\n(၃၄) ကေအေႏလဲ့ငမ်း၊ ကေနမ်းလဲ့ꩻ သꩻဝꩻ။ (မော့ꩻထီႏလိုꩻတန်နမ်းလဲ့ငမ်း၊ မော့ꩻထီႏ အလိုꩻဆꩻလလဲ့ငမ်း)။ \n(၃၅) ကေꩻဇူꩻမီႏမဲ့ꩻ ဝင်ꩻပသဲ့ꩻဒါႏ၊ ကေꩻဇူꩻမီႏကုဲင် မာႏဆ���ဲင်ꩻဒါႏ။ \n(၃၆) ကုဲင်းငါႏထာꩻလဲ့ စူပုတ်ꩻ၊ နုတ်ꩻငါႏထာꩻလဲ့ စူပုမ်။ \n(၃၇) ကုဲင်ႏတထာဝါႏ ကာႏတထာသေင်ႏ။(မဲဉ်-----------လꩻထာꩻဟဝ် တစွိုးတမျိုꩻတဲင် ဖေႏရီးအွဉ်နေးတမျိုꩻ)။ \n(၃၈) ကေားကျွိုက်ငထဝ်း နုဲင်းဗွူသိုႏ၊ ကေားလိုႏငထဝ်း နုဲင်းဗွူမွမ်း။ \n(၃၉) ကေားရက်ငထဝ်း နုဲင်းဗွူသိုႏ၊ ကေားလိုႏငထဝ်း နုဲင်းဗေသေင်။ \n(၄၀) ကေားသားကတလွိုး ထာꩻငွိုးပေါႏ၊ ကေားသားကပျောႏ ထာꩻငလီ။ \n(၄၁) ကေားသုတ်သင်ႏ လွေꩻနꩻ၊ လိုꩻလွꩻ အဝ်ႏကုဲင်။ \n(၄၂) ကောႏတကꩻလဲႏ မီႏကွဲခွုန်ꩻ တကꩻလဲႏနဝ်ꩻ ကျ၊ ယဟန်ႏနဝ်ꩻ ကွဲခွုန်ꩻတမဲရွုမ်ꩻ (တောႏလမ်းစနဝ်ꩻ ဝင်ꩻနီ၊ ထင်ႏဖြားခါ အဝ်ႏကုဲင် တဖြာꩻဒျာႏ။) \n(၄၃) ကောႏတရာꩻရာꩻယင်းအထျꩻ၊ နုဲင်းပါꩻ(-------) သား ဒုံႏမောင်း။ \n(၄၄) ကံႏ-ကံႏကရိုꩻနဝ်ꩻ အလင်တမွေးတဝ်း ထာꩻမာꩻဒျာႏ။ \n(၄၅) ကံႏ-ဉာဏ်ႏ-ဝီရိယ သွံဌာန၊ ဝီရိယမီႏဖြို ကံႏစွဲးကို။\n(၄၆) ကံႏ-ဉာဏ်ႏ-ဝီရိယ၊ သွံဌာန၊ အဝ်ႏသွံပင်မꩻ ထွာဖွိုင်ꩻသီႏ။ \n(၄၇) ကံႏတကုဲင် ခမ်းခေ့ꩻ၊ ကံႏတဝေ့ꩻ ခမ်းလော့။ (အကျောင်ꩻတဟဝ်တဝ်းတဲင် အကျိုꩻလဲ့တဟဝ်တဝ်း)။ \n(၄၈) ကံႏတချာႏမဲ့ဝေ့ꩻ၊ ကံႏပေ့ꩻ မဲ့ခေင်။ \n(၄၉) ကံႏတနꩻမို့ꩻကဲဉ်၊ ကံႏတနဲဉ်မို့ꩻလီး။ \n(၅၀) ကံႏတဟဝ်တဝ်းမꩻ ရဲ့ဗာႏမီꩻ၊ ထာꩻလီꩻတဟဝ်တဝ်းမꩻ ရဲ့ဗာႏကြွဉ်။ \n\n(၅၁) ကံႏတဟဝ်တဝ်း အဗွေႏခြိုႏ၊ ထာꩻလီꩻတဟဝ်တဝ်း အဗွေႏယာႏ။ \n(၅၂) ကံႏယတွမ်ႏကျောင်ꩻလီꩻ အဝ်ႏငီꩻလွဝင်ꩻ။ \n(၅၃) ကံႏဟဝ်မꩻ လꩻ၊ ကံႏဆꩻမꩻ ထွိုက်၊ ခံꩻသွိုက် ရတနာႏ။ \n(၅၄) ကံႏအဝ်ႏမꩻ ထင်ႏသျာꩻ၊ ဉာဏ်ႏအဝ်ႏမꩻ ထီႏညာꩻ။ \n(၅၅) ကံႏအဝ်ႏမꩻ အကျံႏထွူ၊ ကံႏမဉ်ႏအဲဉ်ထဝ်း တငွူ။ \n(၅၆) ကဝ်ႏတရေꩻ ဗျာႏအစော့ꩻ၊ လိုꩻတရေꩻ သꩻတဗော့ꩻ။ \n(၅၇) ကဝ်ႏသတင်ꩻ တလီꩻအီထိုꩻ၊ လိုꩻသတင်ꩻ လိုꩻအီဖင်း။ \n(၅၈) ကဝ်ႏသဉ်တွမ်ႏမော်နမ်း၊ လမ်းပါႏတွမ်ႏအိန်ႏသူႏ၊ လိုꩻမူႏတွမ်ႏဒဲဉ်ဖွိုင်ꩻ၊ ဖိုးရွိုင်ꩻတွမ်ႏတသာႏ လျောက်ပတ်ငါႏ။\n(၅၉) ကဝ်ႏသီးအမျိုꩻ နွူႏယိုꩻ ကုဲင်စဝ်း ဆုဲင်ꩻတဖြဝ်း။ \n(၆၀) ကိစ္စ တလော၊ ဂုဏောတပဲꩻ။ \n(၆၁) ကိစ္စမီႏပေါႏ ထံႏတွမ်ႏပြေင်၊ အရေꩻမီႏတေင် ထေင်းကတူႏ။ \n(၆၂) ကဉ်ꩻစာꩻဒျာႏယာႏ စာႏနာႏဒျာႏနမ်း။ \n(၆၃) ကဉ်ႏစူမီႏ ဆာ၊ ကဉ်ႏစူနာ လျား။ \n(၆၄) ကေန်ꩻတသီးသွ၊ မွတသီးရွိုး။ \n(၆၅) ကဲစ်ꩻတွမ်ႏဖုဲင် မုဲင်တွမ်ႏလူႏ၊ ဖုဲင်ကတ်ကူႏ လူႏနောင်နင်။ (သီဝင်ꩻခို သီဝင်ꩻမူႏ\/ သီပိုမာ သီပိုဝါꩻ အဝ်ႏလဲဉ်းဒျာႏ)။ \n(၆၆) ကဲစ်ꩻတွမ်ႏဖုဲင်ဖြူႏ၊ မုဲင်တွမ်ႏလူႏဖြင်း။ \n(၆၇) ကောင်တန်မီႏထို ခဝ်းစေႏတီႏ၊ ဟန်ႏအိုမီႏအွီႏ ခဝ်းပွယ်ꩻပင်ꩻ၊ ပုဂ္ဂိုလ်ႏရဟန်ꩻ ခဝ်းသဲင်ꩻလိတ်၊ လိုꩻဖြောင်ꩻလိုꩻဖြား ခဝ်းသဲင်ꩻပတီꩻစိတ်။ \n(၆၈) ကောင်ထို ခဝ်းစေႏတီႏ၊ ဟန်ႏအိုအွီႏ ခဝ်းပွယ်ꩻပင်ꩻ၊ ပုဂ္ဂိုလ်ႏရဟန်ꩻ ခဝ်းလိတ်၊ လိုꩻဖြား ခဝ်းပတီꩻစိတ်။ \n(၆၉) ကောင်နာထီစွူး ဆꩻတွို့ꩻမွူးထန်ႏစွဉ်ႏလဲ့ လိုꩻဟဝ်သူႏတောႏကောင်ꩻသီးငဝ်းနဝ်ꩻ တဗူႏဗန်ႏတဝ်း။\n(၇၀) ကောင်အဝ်ႏလဲ့ ဘုရာꩻအဝ်ႏ၊ ဒုံအဝ်ႏလဲ့ ကျောင်ꩻအဝ်ႏ၊ လိုꩻမျိုꩻအဝ်ႏလဲ့ လိတ်လုဲင်ꩻအဝ်ႏဗာႏ။\n \n(၇၁) ကုံႏတဖြုံႏညီꩻ၊ ထီꩻတဗာႏချင်ႏ။ (လွေꩻညီꩻသဲင်ꩻသွို၊ အုံညီꩻအဝ်ႏရဝ်း၊ အွီႏညီꩻ တရီနုဲင်း။) \n(၇၂) ကျံႏထာꩻရော့ꩻ - မော့ꩻထာꩻမာႏ။ \n(၇၃) ကျောင်ႏမို့ꩻ-ထဲ့ဟံႏ (သွုန်ႏသꩻမာႏန ထိုရွဲးငါႏလဲ့ တနီꩻခါ ထဲ့လထဲ့ဖွိုႏချာဒါႏ)။ \n(၇၄) ကြေ့ꩻကထွိုင်ႏနွောင်ꩻကွယ်သာႏ ကွပ်ဒျာႏထာꩻသောင်ႏသာ။ \n(၇၅) ကြေ့ꩻကယွိုက်ꩻထာꩻ ကတꩻကတ်ꩻလꩻ ကွယ်သာႏနဝ်ꩻ ကွပ်ဒျာႏဝီရိယ။ \n(၇၆) ကြိုတခု မုတရျာꩻ၊ နမ်းတဖြာꩻ မုꩻရျာꩻရေင်။ \n(၇၇) ကွာႏဝင်ꩻ နုဲင်းမို့ꩻတွမ်ႏဟံႏ၊ နိဗ္ဗာန်ႏတွမ်ႏငါးရုဲင်ꩻ။ \n(၇၈) ကွီဒါႏမꩻ ဖေႏ၊ ဖေႏဒါႏမꩻ ထူႏ၊ ထူႏဒါႏမꩻ လꩻ။ \n(၇၉) ကွီအာ လွꩻထီႏ၊ ဖေႏအာ သွုမ်ꩻခြေင်။ \n(၈၀) ကွယ်ဟန်ႏအိုဆွတ်ꩻခြုံး တအာႏနာႏတဝ်းဖွိုင်ꩻ။ \n(၈၁) ကွဲးတန် ကွဲးဟွေႏမွော့ထာꩻနုဲင်းထွီႏ၊ ကွဲးတန် ကွဲးတရေꩻသွော့ထာꩻ နုဲင်းဝါးတောင်ꩻ။ \n(၈၂) ကွဲးဒေါ့ꩻ ကွဲးရုဲင်းရုဲင်း၊ ကွဲးခြုဲင်း ကွဲးအာအာ။ \n(၈၃) ကွဲးဖြားဖြား ကွဲးတကြွားကြွားမွော့ထာꩻ နုဲင်းထွီႏ၊ ကွဲးဖြားဖြား ကွဲးတရေꩻရေꩻသွော့ထာꩻ နုဲင်းဝါးတောင်ꩻ။ \n(၈၄) ကွဲးမဉ် ကွဲးဆျာႏမွော့ထာꩻ နုဲင်းမောက်ꩻဖါး၊ ကွဲးဖြား ကွဲးနွိုးသွော့ထာꩻ နုဲင်းမောက်ꩻဝန်။ \n(၈၅) ကွဲးရက် ကွဲးအာအာ၊ ကွဲးငါငါ ကွဲးခါႏခါႏ ဗွိုန်နုဲင်း ထီသမုဒ္ဒရာႏ။ \n(၈၆) ကွဲးလွောက်ꩻလွောက်ꩻအလိုႏ အလိုႏ ကွဲးမွိုက်မွိုက်။ \n(၈၇) ကွံႏထွူႏ ငဖွူꩻသတ်၊ ကွံႏဖွီ တဒွီသတ်၊ ကွံႏမဲဉ်ႏမဲဉ်ႏ ငခဲဉ်ႏသတ်။ \n(၈၈) ကွိုꩻတန်ငါႏလဲ့ ကုဲင်းငခြင်ꩻ၊ မင်ꩻတန်ငါႏလဲ့ ကုဲင်းအဝ်ႏခြေင်။ \n(၈၉) ကွိုꩻထာꩻရော့ꩻ-မော့ꩻထာꩻမာႏ။ \n(၉၀) ကွင်တဖူꩻတွူး တမော့ꩻတဝ်း တဖူꩻမွူး။\n \n(၉၁) ကွဉ်နီႏပꩻ တွိုႏကွံႏထျꩻ၊ ကꩻသမ်းဆဲင်ꩻဗွို ယာႏအဝ်ႏလို။ \n(၉၂) ကွုတ်တနီꩻ သီတနီꩻ (တဘဝ သီတဝ်း နီသွံလဲင်ႏ။) \n(၉၃) ကျွိုက်တဝ်းနီနမ်း ကျွိုက်နီဖါ၊ ထွာတဝ်းနီမာ ထွာနီမွိုး။ \n(၉၄) ကျွိုက်ဒျာႏ တထွိုက်တဝ်း၊ ထွိုက်ဒျာႏ တဆွိုက်တဝ်း။ \n(၉၅) ကျွိုက်ရက် ထာꩻဝင်ꩻသꩻအဲဉ်ထဝ်း၊ တခေင်ꩻထာꩻ ထာꩻဝင်ꩻသꩻအဲဉ်ထဝ်း၊ အံႏမ ထာꩻဝင်ꩻသꩻအဲဉ်ထဝ်း။\n\nငဝ်းတွိုင်ꩻ-ခ\n၁။ ခꩻယူး လꩻဝါး၊ ရေႏပနား လꩻဖိုး (ရေႏရွယ်ႏတမျိုꩻ ထွာတေားတမျိုꩻ၊ လꩻတေားတစွိုး၊ ရေႏရွဲႏဒျာႏ အညမ်းအကုဲင်ရွုမ်ꩻလဲ့ လꩻပါတေား အယံအဟဝ်စား)။\n\n၂။ ခါးလားကဒေါ့ꩻ - ယူႏအွဉ်ရဝ်း၊ ခါးလားကလဝ်း ယူႏစဉ်ꩻစာꩻ၊ ငမ်းဗာႏ ဆော့ꩻပါꩻ ပါနဲ့ ပါတဝ်းနဲ့။\n\n၃။ ခါးလားကဖြေꩻ ပိတ်ဒုံထန်ႏ၊ ကွဉ်ကꩻဗော့ꩻ ဗန်ႏဒုံကို။\n\n၄။ ခါးလားကမာꩻ ယူႏစဉ်ꩻစာꩻ၊ ထာꩻမာꩻတဖူꩻရဲဉ်ႏ မဲဉ်ႏနဲ့ မဲဉ်ႏတဝ်းနဲ့။\n\n၅။ ခါးလားကလꩻ အမာ ရက်မွိုးဖါ၊ ကထွိုင်ႏလꩻအမာ ရက်အမာ၊ ကထွိုင်ႏလꩻအပို ရက်အပို။\n\n၆။ ခူꩻနုဲင်း အေႏတွမ်ႏဖဲဉ်ႏ ထန်ႏတဖူꩻချင်ႏ၊ တဟဝ်တဝ်းနုဲင်းနုဲင်း၊ အေႏလဲ့နွုမ်ꩻသေင်၊ ဖဲဉ်ႏလဲ့ နွုမ်ꩻသေင်။\n\n၇။ ခူႏယူꩻ လꩻတေားယူး။\n\n၈။ ခိုဗင်ႏတွမ်ႏမူႏနံꩻ မေႏတွမ်ႏယံꩻ၊ ဗော့ꩻဝင်ꩻ တလꩻတဝ်း။\n\n၉။ ခိုရွုမ်ꩻခန္ဓာႏ၊ ထာꩻဒါႏ စူဠပန်ႏ၊ လိတ်ဉာဏ်ႏ ဆေ့ꩻခြေား (လိုꩻခိုသီးအမျိုꩻ ဒါႏဗာႏလိတ်ရိုꩻကီလဲ့ ပွိုးဉာဏ်ႏထွိုင်ꩻငါႏတဲင် ကျပ်နုဲင်းဝင်ꩻ တဒါႏလꩻတဝ်း၊ နုဲင်းစွဉ်ႏစူဠပန်ႏမထေရ်ႏသွူ။)\n\n၁၀။ ခံꩻကယ်ꩻ ခတ်ယိုꩻ၊ လိုꩻကယ်ꩻ ခတ်ယပ်ꩻ။ (လိုꩻဟဝ်လိုꩻမန်ႏ အကျင်ꩻစာရိတ္တ သက်သေႏခံႏနဝ်ꩻသွူ။)\n\n၁၁။ ခံꩻစဲစ် ခံꩻမန်ႏ လုံးခြုံꩻသက်သေႏခံႏ။ (လိုꩻဟဝ်လိုꩻမန်ႏ အကျင်ꩻစာရိတ္တ သက်သေႏခံႏနဝ်ꩻသွူ။)\n\n၁၂။ ခံꩻတသီး ထုမ်ႏယိုꩻ၊ လိုꩻတသီး ထုမ်ႏယပ်ꩻ။ (အီႏလꩻ အီႏကိုꩻကွဲႏဗာႏ ပုဂ္ဂိုလ်ႏလိုꩻကျောင်ꩻဟဝ် ဗွေႏဗွန်ဟဝ်တပါꩻပါꩻနဝ်ꩻ တယိုꩻတဝ်း၊ ထာꩻဟဝ် ထုမ်ႏနန်ꩻမော့ꩻငါႏ။)\n\n၁၃။ ခံꩻထီပွဉ်၊ ရွဉ်ထီသေ့ꩻ၊ ဝင်ꩻငဝ်းဆေ့ꩻ။\n\n၁၄။ ခံꩻဗွို့ꩻကတောင် ခံꩻနွုမ်ꩻသူႏ၊ ခံꩻဗွို့ꩻကတူႏ ခံꩻနွုမ်ꩻသေင်။ (ထာꩻတဟဝ်တဝ်း တဲက်တွိုင်ꩻအီ လိုꩻကျွားငဝ်းခရာႏ။)\n\n၁၅။ ခံꩻလောင်း ဒင်ႏသဲင်။ (ကယံထွူလဲဉ်း ယိန်းယံထဲင်းထဲင်း။)\n\n၁၆။ ခမ်းခြွိုင်ꩻခြေင်ထာꩻ ခမ်းရာႏတပါတဝ်း။\n\n၁၇။ ခမ်းခြွိုင်ꩻထာꩻ တျာႏအွော့ꩻပါအကင်၊ မာႏနတန် မွဉ်တွမ်ႏရွဉ် အကွံႏပလဲင်ꩻဝန်။\n\n၁၈။ ခမ်းခြွိုင်ꩻထာꩻ အရာႏတပါတဝ်း။\n\n၁၉။ ခမ်းတဟုံဟင်တဝ်း လော့ကောင်ရွေꩻ၊ လိုꩻတဟုံဟင်တဝ်း ထော့ခွဉ်းလွေꩻ။\n\n၂၀။ ခမ်းတန်ႏလော့နေ တလီꩻမာꩻ၊ နဂါꩻတန်ႏထန်ႏနေ ကဠုန်ႏဖတ်၊ သီႏထတ်တန်ႏထန်ႏနေ ယသောႏယား။ (လိုꩻကျောင်ꩻ တန်ႏလွိုင်ႏအာနေလဲ့ လိုꩻမူႏ ယားသွေꩻကုဲင်ထိုꩻ။)\n\n၂၁။ ခမ်းထီတဟဝ်တဝ်း ပါႏခွန်ကျင်ꩻ၊ ရပ်ရာႏတဟဝ်တဝ်း ပါႏလိုꩻချင်ꩻ။\n\n၂၂။ ခမ်းထီနဲင်ႏငန်ႏ မီႏထိ��ꩻမားနဝ်ꩻ တွိုက်ꩻထူႏချာလꩻလဲ့ ဘာႏသာႏမီႏထိုꩻမားနဝ်ꩻ တွိုက်ꩻထူႏချာ တယိုꩻတဝ်း။\n\n၂၃။ ခမ်းမီႏဟဝ်တဝ်း လော့ရျꩻကောင်၊ လိုꩻမဉ်ႏဟဝ်တဝ်း ထောင်တဖူꩻ။\n\n၂၄။ ခမ်းလော့ကောင်လောင်း လဲဉ်းထာꩻအုံႏ၊ ခမ်းလော့ထာꩻအုံႏ လဲဉ်းထာꩻအုံႏ။\n\n၂၅။ ခမ်းလော့ဖြဲ့ဖြဲ့ တဖူꩻပြေ၊ လိုꩻသေယောင်ႏယောင်ႏ မာႏနထို။\n\n၂၆။ ခမ်းလော့ဖြောက်ဖြက် တဖူꩻပြေ၊ လိုꩻသေဖြီႏဖြဝ်း ငါးရုဲင်ꩻဆာႏ။\n\n၂၇။ ခမ်းလော့မဲဉ်ႏမဲဉ်ႏ တဖူꩻပြေ၊ လိုꩻသေတန်ႏတန်ႏ လင်ꩻငါးရုဲင်ꩻ။\n\n၂၈။ ခမ်းလို့မꩻ ထုဲင်ဆုဲင်ꩻ၊ စဲ့ꩻဝုဲင်ꩻမꩻ ဗျောက်ꩻပြာႏ၊ ခရာႏတလꩻတဝ်း။ (ထာꩻဝီရိယသောင်ႏသာ ကျိုꩻစာꩻမုꩻ တအဲဉ်ထဝ်းစဝ်းစဝ်း)\n\n၂၉။ ခမ်းသဲင် အွီႏအနာ၊ ခမ်းခါ အွီႏအထျꩻ။\n\n၃၀။ ခံႏသျင်ႏခံႏစင်ꩻ လိတ်ဟိုထံꩻ ပါဗာႏ။\n\n၃၁။ ခင်ႏဆာ ကီႏတိုႏ၊ စူဆာ ပြေင်အော့ꩻတိုႏ၊ ငွဉ်ꩻဆာ ကတောင်တိုႏ။\n\n၃၂။ ခင်ႏတဟဝ်တဝ်း ခင်ႏ၊ စူတဟဝ်တဝ်း စူတဟဝ်တဝ်း စူ။\n\n၃၃။ ခင်ႏလဲ့တပတ်ꩻ၊ စူလဲ့ တပ်ꩻမꩻ၊ နီယပ်ꩻသꩻကို ပါꩻထီႏသေ။\n\n၃၄။ ခင်ႏလမ်းဗေင်ႏဆꩻနဝ် ရွဉ်မီႏအဝ်ႏသဲင်ꩻ ပဉ်ခင်ꩻင်ꩻ၊ ခမ်းလမ်းဗေင်ႏဆꩻထင်ꩻ ခံꩻမဉ်ႏအဝ်ႏသဲင်ꩻ ပဉ်တွိုက်က်မꩻ ဝင်ꩻရက်ကျွိုက်။\n\n၃၅။ ခင်ႏလေင်း ချာႏငရော့ꩻ၊ ခင်ႏအော့ꩻ ချာႏငဗန်ႏ၊ ထန်ႏသဲင်ꩻ။\n\n၃၆။ ခင်ႏအဲဉ်ထဝ်းနုဲင်းသွန်ꩻတဖူ၊ စူအဲဉ်ထဝ်းနုဲင်းလုံႏ။\n\n၃၇။ ခဲင်လေး လွူးဝါးစိပ်၊ ဖူသိက် လွူးဝါးကွူ။ (လိုꩻလွꩻ လိုꩻငဝ်းအာတဲင် ဝင်ꩻဒေါ့ꩻတွိုင်ꩻအီနော။)\n\n၃၈။ ခဲဉ်ႏအဲဉ်ထဝ်း အေင်ဟတ်ꩻ၊ မောင်းမွူးတသင်ႏတဝ်း မောင်းဗဲင်ꩻသင်ႏ။ (ကထွာလိုꩻတန် တဒေါ့ꩻတဝ်းထာꩻမုဲင်ꩻမုဲင်ꩻလဲ့ ကထွာလိုꩻပေႏ တဆွိုင်ႏရာꩻတဝ်းသား သမ်းဒေါ့ꩻဖြဝ်ႏသွဉ်သင်\nထာꩻ။)\n\n၃၉။ ခုံꩻ ကွဲးဖြားဖြား ကွဲးဟဲ့ꩻဟဲ့ꩻ၊ ဝါႏဖြဲ့ꩻ ကွဲးဖြားဖြား ကွဲးတကယ်ကယ်၊ လိုꩻ ကွဲးဖြားဖြား သꩻကွဲးလော်လဲလော်လဲ။\n\n၄၀။ ခုံꩻ ယိန်းဖြား ယိန်းဟဲ့ꩻ၊ လိုꩻ ယိန်းဖြား ယိန်းတထဲ့ꩻ။\n\n၄၁။ ခုံꩻအွီႏ ထွာခုံꩻဟဲ့ꩻ၊ ဝါးဖြဲ့ꩻ ထွာဝါးရွို့။ (အုံဗော့ꩻ အဝ်ႏဗော့ꩻ အွဉ်ႏဗော့ꩻ ဆို့ꩻရုဲင်ဗော့ꩻတွိုက်ငါႏလဲ့ အတကြုဲင်ꩻဒါႏ၊ အပြောင်ꩻလဲꩻဒါႏ၊ အဗွာ ထွာဒါႏအဖြေင်း။)\n\n၄၂။ ချꩻညီꩻဝင်ꩻကျောင်ꩻ၊ ပေါင်ꩻညီꩻဝင်ꩻကံႏ။\n\n၄၃။ ချာႏငင်း ခွဲႏတရွို့ꩻ အွဉ်ႏသိမ်ꩻတအွို့ꩻဗော့ꩻသꩻကို။\n\n၄၄။ ချံꩻသာႏ တမူꩻတပယ်ꩻ၊ ဆင်ꩻရယ်ꩻ တစွဲးတကုမ်ꩻ။\n\n၄၅။ ချင်ႏရွောင် တွောင်သော့ꩻထီ ထီတအုံတဝ်း။ (လꩻလွဉ်သွူ ပစ္စေꩻဥစ္စာႏလဲ့ ပေါႏသုံꩻပျုစုတ်ꩻစုဲင်ႏ တဒါႏ���ဝ်းနဝ်ꩻ တဆင်ႏပေႏလွုမ်ꩻ ကေန်ꩻဖြန်စွတ်ꩻခြော ယိုꩻမာꩻချာထွူ။)\n\n၄၆။ ခြီႏတဗာႏ ပြာႏတလီး။\n\n၄၇။ ခြို့ꩻမွူးဟာ ဆာမွူးရဝ်ꩻ။\n\n၄၈။ (က) ခြံထိုယိုꩻ ထိုꩻယပ်ꩻ။\n(ခ) ခြံထိုꩻယိုꩻ လိုꩻထိုꩻယပ်ꩻ။ (မဉ်ႏစာထိုꩻခြံနဝ်ꩻ အယိုꩻဒျာႏလဲ့ လိုꩻအီႏထိုꩻနဝ်ꩻ တယိုꩻတဝ်း၊ တလဲဉ်းတဝ်း၊ တဖနွောင်ꩻတဝ်း အရပ်ရာႏဆꩻချာ။)\n\n၄၉။ ခြေင်းလွဉ်ꩻငါႏလဲ့ ထဲ့၊ ယန်ꩻလွဉ်ꩻငါႏလဲ့ ကလဲ့။ (မဉ်ႏမာꩻကျံꩻလွဉ်ꩻငါႏလဲ့ ကုဲင်ပဲစ်ꩻထိုꩻ၊ မဉ်ႏမာꩻချော်ꩻလွဉ်ꩻငါႏလဲ့ တငမ်းတဝ်းတဲင် တအောင်ႏမျင်ႏတဝ်း၊ တတိုꩻတက်တဝ်း။)\n\n၅၀။ ခြဲက်ꩻတနျာႏ ကွိုꩻသဲင်ꩻထုံပဲင်းကင်၊ လိုꩻခိုဗဝ်ဗင် ကွိုꩻထာꩻလွꩻ။\n\n၅၁။ ခြောင်တကခြောင် ခြောင်စွဉ်ႏအဝ်ႏကြွို့ꩻတဝ်း၊ သေင်ႏတကသေင်ႏ သေင်ႏစွဉ်ႏအဝ်ႏကြွို့ꩻတဝ်း။ (လိုꩻတွိုင်ꩻစွုမ်ႏဖြာꩻလဲ့ ယွုမ်းအံႏလို့လို့ တလꩻတဝ်း။)\n\n၅၂။ ခြဝ်ႏသား အုံဒါကသောင်ႏ၊ ထီကောင်ႏသား အွꩻထီဆေ့တောက်၊ တူႏပေါက်သား ခူးဗာႏဝျ။ (အဗွေႏကေားမာꩻသား ကွိုꩻလꩻအာရွဉ်တဲင် အဝ်ႏလုမ်းစာဒျာႏတွော့ꩻ တစံႏစာꩻသုံꩻဆောင်ႏချာဗာႏတဝ်း အတခြိုꩻ။)\n\n၅၃။ ခြောင်းယချင်ႏယ နုဲင်ႏထိုꩻနွောင်ꩻလဲ့ ပိုယလီꩻယ တနုဲင်ႏထိုꩻနွောင်ꩻတဝ်း။\n\n၅၄။ ခြောင်းလိန်ႏဝင်ႏ ချင်ႏစောင်းဝဲင်း။ (လိုꩻတဟုံဟင်တဝ်း တဒီဒါတဝ်းနုဲင်းနုဲင်း မော့ꩻလွဝင်ꩻ။)\n\n၅၅။ ခွအထျꩻ အနာထွာသိုႏ။\n\n၅၆။ ခွꩻနုဲင်းထီ တရီနုဲင်းဝ၊ ခွꩻလဲ့ တရျားရျား၊ လျားလဲ့ လျားပီပီ။\n\n၅၇။ ခွေကဒါႏလွိုပညာႏ နာꩻသမ်းတနာႏလိုႏတဝ်း၊ နာꩻကခြွေလွိုဥစ္စာႏ ခွေသမ်းတကေး။\n\n၅၈။ ခွေကဒေါ့ꩻအတွိုင်ꩻမာꩻ၊ ခွေကမာꩻအတွိုင်ꩻ တွမ်ႏထွားနုဲင်းပုဲင်ႏ။\n\n၅၉။ (က) ခွေဖိုး ခွေဒင်ႏ မွိုင်ꩻပန်ႏတွိုႏတွိုႏ။\n(ခ) ခွေဖြီခွေဖြုဲင်ꩻ မွိုင်ꩻပြုဲင်ꩻဖျောဝ်ဖျောဝ်။\n(ဂ) ခွေသေခွေတပြဝ် သုဲင်ꩻခဝ်တွိုႏတွိုႏ။\n(ကျံႏစဲႏခွုမ်မာꩻ ထာꩻမာꩻတမျိုꩻမျိုꩻ မော့ꩻခန်းအယပ်ꩻအခုဲင်ႏလဲ့ယဝ်း တသျော့ꩻတဝ်း၊ တဆွတ်ချာတဝ်းလာꩻလာꩻ။)\n\n၆၀။ ခွဲးတခါႏဝင်ꩻ နုဲင်းခမ်းအွုမ်ႏ၊ ဆွုမ်ႏတခါႏဝင်ꩻ နုဲင်းမို့ꩻလီး။\n\n၆၁။ ခွတ်ꩻကတူႏ ပွစ်တငါ ရုဲင်ꩻလင်ꩻစူမီႏနာ၊ အခိန်ႏမဲဉ်ႏမဲဉ်ႏ လူးလင်ꩻထီ၊ အုံဟဝ်ခြွိုင်ႏသန်ꩻအီ။\n\n၆၂။ ခွန်တဟဝ်တဝ်း ပါႏအရောင်ꩻ၊ လိုꩻကျောင်ꩻတဟဝ်တဝ်း ပါႏတကာႏ၊ တဲ့ꩻတဟဝ်တဝ်း ပါႏဆရာႏ။\n\n၆၃။ ခွန်နားတရေင်၊ ဟေင်နားတရျာꩻ၊ ထံꩻသာꩻ နားတဗာႏ။\n\n၆၄။ ခွန်နဝ်ꩻတဲႏခမ်း၊ စွန်နဝ်ꩻ ယားခမ်းထီ။\n\n၆၅။ ခွန်နဝ်ꩻ ထံႏ၊ နင်ႏနဝ်ꩻ ဗွုတ်ꩻ။\n\n၆၆။ ခွန်ဟဝ် အီႏပေါႏ ကျောႏရီးနေင်ႏတရျာꩻ၊ ဘုရာꩻအီႏပွင်ꩻ ကျောႏရီးနေင်ႏတရေင်။\n\n၆၇။ ခွန်း နွုတ်ꩻနာꩻ၊ အံႏဖြာႏ နွုတ်ꩻနီꩻ။\n\n၆၈။ ခွဉ်းဟဝ်တလီး ထွာအကမ်း၊ သတိꩻတဗာႏ ရဲးနွောင်ꩻနမ်း။\n\n၆၉။ ခြွေခြာႏချံꩻသာႏစွဉ်ႏလဲ့ တွမ်ႏအွဉ်ႏထိုမွုန်းမာႏန။\n\n၇၀။ ခြွိုင်ႏသန်ꩻ ဗွန်မေႏလျံႏ၊ ခြွိုင်ႏဒျာႏ ကံႏမေႏခိုး။\n\n၇၁။ ခြွိုင်ႏသန်ꩻရေꩻနဝ်ꩻ ပထမ၊ ပညာႏရေꩻနဝ်ꩻ ဒုတိယ၊ မေတ္တာႏရေꩻနဝ်ꩻ တတိယ။\n\nငဝ်းတွိုင်ꩻ- ဂ၊ င\n(ဂ) ဂျိုဟ်ႏတဟဝ်တဝ်းပါပ၊ စနစ်တဟဝ်တဝ်း ဝါႏဒ၊ ခွန်တဟဝ်တဝ်း ပွိုးလောဘ။\n\n(င) ၁။ ငခဲဉ်ႏလမ်းကို မပေါႏလျား၊ မောက်ꩻဖါးလမ်းကို မပေါႏဆျာႏ၊ တသာႏလမ်းကို မပေါႏဆွံ။ (ခွုမ်မာꩻဒေါꩻ့ဖြဝ်ႏထာꩻ တယွုမ်းအံႏတဝ်း၊ ပါꩻတမတ်လောက်တဝ်း၊ ကေားအွဉ်ႏရေꩻ ထူႏရေꩻသားဆေ့ꩻဆဲဉ်း။)\n\n၂။ ငရာႏ ငသီ၊ ဝါႏရာႏ ဝါႏသီ။ (ပါꩻမုဲင်ꩻမာꩻ ထာꩻကုဲင်လဲ့ ပါꩻမုဲင်ꩻမော့ꩻဒျာႏ ထာꩻဒုက္ခ။)\n\n၃။ ငဲ့ꩻ ဝါးကီႏ ဒီႏ ဝါးရွို့။\n\n၄။ ငမ်းကေတွော့ꩻ အာႏကွိုꩻသျင်ႏ၊ သျင်ႏကယိန်းဟုဲင်းလဲဉ်းကေ။\n\n၅။ ငဝ်းခိုဗင်ႏ ငွါမူႏနံꩻ၊ ငဝ်းဝင်ꩻမူႏ ငွါဝင်ꩻခို။\n\n၆။ ငဝ်းငွါတျာႏဆေႏ ရေႏတွိုင်ꩻတနꩻ၊ ခꩻတွိုင်ꩻမဲဉ်ႏအနမ်း၊ ပြုဲင်ပြင်ꩻအဆာႏလီ၊ အလူးတွီး မေႏထန်ႏ။\n\n၇။ ငဝ်းငွါမဉ်ႏလွဉ်ꩻ ဗဲ့ꩻချာခုဲင်ႏ၊ တရေႏအိန်ႏမဉ်ႏကုဲင် ဖျင်ဆုဲင်ꩻယပ်ꩻ။\n\n၈။ ငဝ်းစခါ ငွါစခေါင်ႏ။\n\n၉။ ငဝ်းစွဉ်ႏနာႏယပ်ꩻ၊ သေင်ႏစွဉ်ႏ ထင်ႏယပ်ꩻ။\n\n၁၀။ ငဝ်းဆေ့ꩻငါႏထာꩻ ကယ်ꩻစွဉ်ႏထီဒဲဉ်ဟား၊ ငဝ်းကားငါႏထာꩻ ကယ်ꩻစွဉ်ႏထီဒဲဉ်သီႏ။\n\n၁၁။ ငဝ်းတချင်ꩻတွမ်ႏကဗျာ ထွာအနုပညာႏ တသာႏဖြွီꩻတလီးချင်ႏ။\n\n၁၂။ ငဝ်းပေႏသူငွါ ထွာလိုꩻခြာ၊ လစ်ꩻငွါဝန်ꩻထိုꩻ နီငွါကျိုꩻ။\n\n၁၃။ ငဝ်းဖျင်ꩻတစား၊ ငဝ်းယားတမျိုꩻ၊ ယွုမ်းယိုꩻပြွိုင်းငါႏ ကျိုꩻဆေ့ꩻငါႏ။\n\n၁၄။ ငဝ်းမွေးမꩻ မာꩻငွါ၊ ခွါမွေးမꩻ ဆေႏသိုႏ။\n\n၁၅။ (က) ငဝ်းယွုမ်းယိုꩻ အကျိုꩻဆေ့ꩻ (ခ) ငဝ်းယွုမ်းယိုꩻ အကျိုꩻအဲဉ်ထဝ်း။\n\n၁၆။ ငဝ်းရာႏတယွို့ ထာꩻငနွို့။\n\n၁၇။ ငဝ်းလဲဉ် ဝန်ꩻသော့ꩻထောင်ႏ၊ ငဝ်းယောင်ႏ ဝန်ꩻသော့ꩻကပ်။\n\n၁၈။ ငဝ်းသီးအမျိုꩻ တစင်တဝ်း နုဲင်းထီသူႏလောင်း၊ တကြောင်းတဝ်း နုဲင်းထီသူႏလာႏ။\n\n၁၉။ ငဝ်း အငွါတရျာꩻ တတွာတဝ်းလိတ်ဖြုံႏ။\n\n၂၀။ ငဝ်းအာ လွꩻဟွုန်၊ လွဉ်အာ လွꩻထီႏ။\n\n၂၁။ ငဝ်းအဲဉ်ထဝ်း မာꩻငွါ၊ ခွါအဲဉ်ထဝ်း ဆေႏသိုႏ။\n\n၂၂။ ငဝ်းအွီႏထွာသျိုႏ။\n\n၂၃။ ငဝ်းအွီႏ နာႏခါႏ၊ ခရာႏတလꩻတဝ်း။\n\n၂၄။ ငိတ်ꩻငေါက်ꩻဒျာႏ အကတူႏ နုဲင်းသေ့ꩻထွီႏ (ရီလဲ့ ���ဒေါ့ꩻတဝ်း။)\n\n၂၅။ ငွီႏသဲင်ꩻလိုꩻခမ်း အဲဉ်ထဝ်းသာႏ၊ ထသဲင်ꩻလိုခမ်း အဲဉ်ထဝ်းအမီး၊ လိုꩻမူႏတသီး သဲင်ꩻလိုꩻခမ်း အဲဉ်ထဝ်းပိုဝါꩻ။\n\n၂၆။ ငွီႏ အွီႏအထီ၊ ထီ အွီႏအကတူႏ၊ လိုꩻမူႏ အီႏအငဝ်း။\n\n၂၇။ ငွိုးငါႏလဲ့ လင်ꩻ၊ ခြင်ꩻငါႏလဲ့ လို့။\n\n၂၈။ ငွိုး တရျာꩻ တဖြာꩻင။\n\n၂၉။ ငွိုးဗာႏမꩻ ကော့ꩻမွိုး၊ တလွိုးဗာႏမꩻ ကော့ꩻဖါ။\n\n၃၀။ ငွိုး မလꩻ၊ င မထွာ။\n\n၃၁။ ငွိုး အံႏမ၊ င အံႏဗာႏ။\n\n၃၂။ ငွဉ်ꩻပူႏမဉ်ႏတန် ယားဒါႏယောင်ꩻ၊ ငွဉ်ꩻထောင်ꩻမဉ်ႏတန် ယားဒါႏလွိုး။\n\nငဝ်းတွိုင်ꩻ- စ\n၁။ စစနောဝ်ꩻ ရက်၊ ညညစင်ꩻ၊ စစသညင်ꩻ၊ ညညဗွိုႏ၊ စစနောဝ်ꩻ လွိုႏ၊ ညညစန်း။\n၂။ စထွာခိုဗင်ႏ တဆင်ႏပေႏ အွꩻဒါႏလဲဉ်းဒေါဝ်။\n၃။ စီꩻကန်ꩻကရိုꩻယို ပါꩻမုဲင်ꩻအွဉ်ႏလဲ့ ပါꩻမုဲင်ꩻချမ်ꩻသာႏ၊ ပါꩻမုဲင်ꩻနာႏလဲ့ ပါꩻမုဲင်ꩻလွစ်ဒုက္ခ။\n၄။ စီꩻကန်ꩻကရိုꩻ လိုꩻခန်ငိုꩻ(စီꩻကန်ꩻကရိုꩻနောဝ်ꩻ ရိုႏသေႏထာꩻမာꩻ၊ ရိုႏသေႏအခိန်ႏနုဲင်းနဝ်ꩻသွူ။ စီꩻကန်ꩻဟောဝ်မꩻ ခြွေခြာႏ၊ ဒါႏသေ၊ ခြွိုင်ႏသန်ꩻ၊ ပြမ္မာႏ ကံႏဟဝ်တဲင် စီꩻကန်ꩻမဉ်ႏအဲဉ်ထဝ်းနဝ်ꩻ သွဉ်လိတ်လုဲင်ꩻ ဉာဏ်ႏပညာႏဒါႏသေနွောင်ꩻတဝ်း၊ တအုံဟဝ်ခြွိုင်ႏသန်ꩻ ပြမ္မာႏနွောင်ꩻတဝ်း၊ တခြွေခြာႏချမ်ꩻသာႏ ကံႏဟောဝ်နွောင်ꩻတောဝ်းသွူ)။\n၅။ စီꩻကန်ꩻဟောဝ်မꩻ ထွာသဌေꩻ၊ ဆေ့ရေးဟောဝ်မꩻ ထွာသူႏကျွဲႏ။\n၆။ စုသွော့ နုဲင်းကလာꩻလဲႏ၊ ထုမ်ႏသွော့ နုဲင်းခယ်ႏလိုꩻမျိုꩻ၊ တွမ်ႏနုဲင်းထိုꩻမွော့ နုဲင်းနီပအိုဝ်ႏလိုꩻမျိုꩻ။\n၇။ စူတဟောဝ်တောဝ်း သွို့ꩻခန်း၊ ခင်ႏတဟောဝ်တောဝ်း ကဒွေါ့ꩻထိုꩻ။\n၈။ စူနုံငတ်ꩻလီး ေဒါ့ꩻသွိုသွူဝင်ꩻ တနီꩻချင်ꩻမဉ်ႏလဲ့ တမီႏလꩻတဝ်းလွဝင်ꩻ။\n(ပိုလီꩻဖုံႏ၊ တပဲ့ꩻဖုံႏ လိုꩻနုဲင်းနုဲင်းလဲ့ တပီတဗွိုန်တောဝ်းလွဝင်ꩻ။)\n၉။ စူဖွို့ꩻလဲ့ မဲ့ဖဲ၊ သျောင်ႏအတကဲလဲ့ တော်ဒါႏ အတကီႏ။\n၁၀။ စူမွူးတဟောဝ်တောဝ်း စူမွူး၊ စူနုံတဟောဝ်တောဝ်း စူနုံ။\n(ပါꩻမုဲင်ꩻ တဟောဝ်တောဝ်းလဲ့ ထူႏရေꩻပါꩻနဝ်ꩻ၊ ပေႏတန်ဖြေင်းဗွာကစ တလွောက်ꩻတောဝ်းမဲ့ငါ။)\n\n၁၁။ စူမွူး ထွာဖြားဒုံ၊ စူနုံ ထွာရွာႏဆောႏ။\n၁၂။ စူလဲ့ယောင်း၊ ဖြောင်းလဲ့ဖေႏ၊ စေႏတနာႏလဲ့ပါ။\n၁၃။ စူꩻဒျာႏအနမ်း၊ ကမ်းဒျာႏအသꩻ၊ အခရာႏတလꩻတောဝ်း။\n၁၄။ စေတဒါႏတောဝ်း ယိန်းတရေင် ယပ်ꩻခြေင်ခြေင်။\n၁၅။ စေႏတနာႏ ယားလꩻ၊ ဝါႏသနာႏ ယားလꩻတောဝ်း။\n၁၆။ စဲ့ꩻလွဉ်သွူမꩻ ကွဲးဗျောက်ꩻပြာႏ၊ လိုꩻဆာလွဉ်ꩻသွူမꩻ ကွဲးဟဲ့ꩻဆရာႏ။\n၁၇။ စုဲင်ဗာႏတဝ်းတွမ်ႏဖြောင်း တွောင်အလူး၊ ဗုဲင်ႏတဗူးဒျ���ႏနုဲင်းနုဲင်း။\n၁၈။ စို့ꩻသိုႏ ထွꩻတောဝ်းငို၊ ထွဉ်ႏပို ထွꩻတဝ်းမာတွမ်ႏဝါꩻ။ (ထွဉ်ႏပိုလီꩻနောဝ်ꩻ အာႏနာႏဗာႏဒွိုန်းက၊ ထွိုင်ႏတွိုႏ မာတွမ်ႏဝါꩻနဝ်ꩻ အာႏနာႏခရာႏအဲဉ်ထောဝ်း။)\n၁၉။ စင်းခံꩻ ဒါႏတဒါႏတဝ်း ထွားအယွိုႏ၊ လိုꩻမူႏတရေꩻလဲ့ အံႏစံꩻကအဒဲဉ်ဒွိုႏမꩻ သူႏသေ။\n၂၀။ စင်းလေက်ꩻစူဆွော့ꩻ တွဲႏပသီႏကသမ်းယံ၊ ကွဲႏတွော့ꩻ တခွုမ်ဗာႏတဝ်းနꩻမွူးထင်။\n၂၁။ စံႏဗာႏတောဝ်းဗွို့ꩻ၊ ဖွို့ꩻဗာႏတောဝ်းစပ်ꩻ၊ ကဟတ်ꩻလဲဉ်းဝင်ꩻ အောဝ်ႏခဲဉ်ႏကလာꩻအော်။\n၂၂။ စံႏမွိုင်ငါႏမွိုန်း ယꩻမဲ့ꩻဟူႏ၊ ထူႏမွိုင်ငါႏမွိုန်း ယꩻမဲ့ꩻသေင်။\n၂၃။ စိတ် ထွာအထျꩻ၊ သꩻ ထွာဟော်ခံꩻ။\n၂၄။ စိန်ႏလဲ့ စိန်ႏချင်ꩻချင်ꩻ၊ ခံꩻလဲ့ ခံႏနုဲင်းနုဲင်းမꩻ။ (အခိုမဉ်ႏထွားလဲ့ သဖော်ꩻတူႏ၊ အမူႏမဉ်ႏထီႏလဲ့ ဖုဲင်ႏထွား၊ လိုꩻဖြားမဉ်ႏထီႏလဲ့ တင်ႏတယ်ႏသွူ။)\n၂၅။ စုမ်ꩻသွိုꩻသꩻကို ပျောဝ်ႏလွိုထဲင်းက ပါꩻမော့ꩻသွန်ꩻ။\n၂၆။ စဲက္ကန့် အောဝ်ႏလေပ်၊ မိနစ် အောဝ်ႏခီႏ၊ နားရီႏ အောဝ်ႏခွယ်ꩻ၊ တမꩻတောဝ်း သင်္ခါရ။\n၂၇။ စောက္ကာꩻဖါနင် တအာႏဒါႏ၊ စောက္ကာꩻမွိုးဖါ လူꩻကိုမွို့ꩻ။\n၂၈။ စောက်အာႏတဒွီ အကိုသွီ အဖျꩻခါႏ။\n၂၉။ စောက်အာႏမျိုꩻ ဖဉ်းပန်ꩻတင်ႏ၊ ခိုဗင်ႏအမျိုꩻ ဖဉ်းမူႏနံꩻ။\n၃၀။ (က) စောင်ႏတွမ်ႏခွဉ်းလဲ့ တတွာတောဝ်း စူတွိုႏ။\n(ခ) စောင်ႏတွမ်ႏခွဉ်းလဲ့ တဗွိုန်တောဝ်း ဒဲ့ꩻတွမ်ႏစူ။\n(အွဉ်ႏထွဉ်ႏဝင်ꩻမာꩻလဲ့ တတွိုႏသꩻထွꩻတဝ်း နုဲင်းနမ်းကိုႏတဲင်ႏမာꩻ။)\n\n၃၁။ စွဉ်ႏငါႏကီလဲ့ စွဉ်ႏစောင်းပင်၊ သျင်ꩻငါကီလဲ့ သျင်ꩻစောင်းဒွေါင်။\n၃၂။ စွဉ်းသွူခꩻ လွေꩻသူႏဖြေင်း၊ ခြေင်းသွူခꩻ လွေꩻသူႏတဗော့ꩻ။\n၃၃။ စွဉ်ႏနုဲင်းပြာႏ၊ သာႏနုဲင်းမီး။\n၃၄။ စွပ်ꩻအာ ထွာထာꩻရွို့ꩻ။\n၃၅။ စုံနုဲင်းဝ၊ ခွꩻနုဲင်းထီ။\n၃၆။ စွယ်ꩻဒေါဝ် ထွာလိုꩻသွုမ်ꩻ၊ မွန်ꩻဒေါဝ် ထွာလိုꩻဗား။\n၃၇။ စွယ်ꩻလံꩻငါႏလဲ့ ထွာဒါႏဥပဒ်။\n၃၈။ စွိုးခွိုꩻအလောင်း သစ္စာႏတဉ်ႏခွေါင်ဒျာႏသွော့၊ အပွီ ကဆꩻနေးသေင်ႏလာႏ ဝင်ꩻကဟဲ့ꩻဒါႏ ဝါးလောင်းခွံꩻ။\n၃၉။ စွိုး တမွေးတောဝ်းခွိုꩻ၊ သွိုꩻ တမွေးတောဝ်း ဗဲ။\n\nအာႏကွိုꩻ\n\nဘာႏသာႏငဝ်းငွါ\nပအိုဝ်ႏလိတ်လုဲင်ꩻ\nပအိုဝ်ႏသမဲင်ꩻ","num_words":5192,"character_repetition_ratio":0.026,"word_repetition_ratio":0.002,"special_characters_ratio":0.113,"stopwords_ratio":0.01,"flagged_words_ratio":0.0,"lang_id_score":1.0,"perplexity_score":5115.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%A1%E1%80%AD%E1%80%AF%E1%80%9D%E1%80%BA%E1%82%8F%E1%80%9C%E1%80%AD%E1%80%90%E1%80%BA%E1%80%99%E1%80%BD%E1%80%B0%E1%80%B8%E1%80%9A%E1%80%AD%E1%80%AF%E1%80%81%E1%80%AB","collection":"wikipedia","source":"wikipedia","original_code":"blk","text":"\"ပအိုဝ်ႏလိတ်မွူးယိုခါတွမ်ႏ ခေတ���အနေႏအနေႏယိုခါ\"\nကေားတဲမ်းသား- ဗွေႏဗွန်သုနန္ဒ၊ ကျောင်ꩻထီသိမ်ႏ၊ ကေားဖျင်သား- ဗွေႏဗွန်ဉာဏ၊ ကျောင်ꩻထမ်းဘုရာꩻ၊ ၁၃၁၉-ဗာႏ၊ ပအိုဝ်ႏသံႏဃာႏ သာသနရက္ခိတအဖွဲ့ထေဖေႏ ပအိုဝ်ႏအက္ခရာႏလိတ်မွူးတသာနဝ်ꩻ နေင်ႏ ၁၃၂၀-ဗွေႏဗွန်ထီသိမ်ႏ လွဉ်သွဉ်ဖေႏ တောင်ႏကီꩻ ပထမကျောင်ꩻတန်မွဉ်ခြဲင်ကိုတဲင် ခွေသွဉ်းသက်လꩻ(၁၇)၊ သွဉ်စစဗာႏ \"ကကꩻကာကာꩻကားကာႏ\"စတဲင်နုဲင်းနဝ်ꩻသွူ။ (အတွင်ꩻနဝ်ꩻ အမုဲင်အဝ်ႏဒျာႏဗီးလောင်းကီ)။\n\nမဲဉ်သေမဲဉ်ဒါႏ ပအိုဝ်ႏလိတ်မွူးအတွက် သꩻဓာတ်လာလွဉ်မွေးထာꩻတဲင် တယ်ႏစ နေင်ႏ ၁၃၂၇-ဗာႏ ဗꩻလွေꩻစွဉ်ႏ ၁၃၄၀-တဆီသွံနေင်ႏဗွေဗွေ ခွေသွဉ်းလွူꩻ(လေ့လာ)မွေးစွဉ်ႏလိတ်မွူးပအိုဝ်ႏတွော့ꩻ နမ်းတွမ်ႏနမ်းကယူႏနဝ်ꩻ \"လိတ်အဖြုံႏယို အငဝ်းထန်ႏဗာႏနုဲင်းယို၊ တဲမ်းနုဲင်းယိုမꩻမဲဉ်ႏ၊ တဲမ်းနုဲင်းနဝ်ꩻမဲဉ်ႏတဝ်း\" ခွေသေလို့လဲဉ်း ယူႏနုဲင်းနောဝ်ꩻတဲင် \"ထွင်ႏခါꩻနုဲင်းနုဲင်းတွမ်ႏ လိတ်မူတမူ\"နေနေတန်သွူ။ အခေႏအနေႏ တဖေႏတဝ်းတဲင် နမ်းလိတ်မူနဝ်ꩻ အွဉ်ႏချာ၊ စူꩻငါလွေꩻ တောင်ႏကီꩻ ထီသိမ်ႏမူထွူတဲင် တယ်ႏ ၁၃၄၀-မာꩻငါ နွို့ရုဲင်ꩻတသွိုး စွိုးခွိုꩻလိတ်ကိစ္စနဝ်ꩻ ဗꩻစွဉ်ႏ ၁၃၆၈-ယိုခါ လꩻနီဆီသွစ်ꩻနေင်ႏလဲဉ်းသွူ။ ပွိုင်းဝွို့တွမ်ႏလိတ်မွူးခရာႏနဝ်ꩻ ဒေါ့ꩻဗာႏအာငါႏလဲဉ်း၊ ယလဲင်ႏလဲင်ႏတဲ့ ထေင်အီလို့ဝင်ꩻ၊ ယလဲင်ႏလဲင်ႏတဲ့ မဲ့ထီလင်ꩻဗာႏနေးတွော့ꩻ \"ဒေါ့ꩻတဝ်းဒွုမ်၊ တဲမ်းတဝ်းဒွုမ် လိတ်မွူးခရာႏ၊ စူꩻတေ့ꩻတေ့ꩻဗော့ꩻဝင်ꩻ သျင်ꩻဟဝ်၊ ယိုꩻဟဝ်၊ ပေါႏထာꩻမာꩻထွာအီတဲ့ မွေးလဲဉ်း၊ မဲဉ်ႏယင်ဟန်ႏ-မဲဉ်ႏတဝ်းယင်ဟန်ႏ (အဝ်ႏထီႏ၊ အဝ်ႏသေဒျာႏ)သယ်ꩻခံႏတေ့ꩻတေ့ꩻဗော့ꩻနုဲင်းယို\"သꩻကိုဆွုံꩻဖျတ်ခါꩻနုဲင်းနဝ်ꩻသွူ။\n\nလိုꩻသေလိုꩻဒါႏ ပအိုဝ်ႏပညာႏသျိလိတ်မွူးဆရာႏတဖြာꩻရိုꩻ- \"နီဗွေႏထွာသွူ ပအိုဝ်ႏလိတ်လုဲင်ꩻစွစ်ꩻလီတာႏ ဗဟိုႏသံဃာႏဥက္ကဋ္ဌနဝ်ꩻ လိတ်မွူးကို ကလိုႏဖျင်ဖုံႏနဝ်ꩻ မဖျင်ခန်းတဝ်းအီဗွေႏ\"\n\"ဝင်ꩻကဒင်ႏခွေ ကက္ကဋ္ဌနဝ်ꩻ ထွဉ်ႏဖျင်လိတ်မွေးတဝ်း၊ ထွဉ်ႏအွဉ်မာꩻထာꩻမာꩻဒျာႏ\"ဒေါ့ꩻချာဗော့ꩻနုဲင်းနဝ်ꩻ၊ လိတ်မွူးခရာႏ တဆွေꩻနွေꩻဒွုမ်လို့ဝင်ꩻနုဲင်းကရီးခါ။ ထာꩻနီသွံနေင်ႏကိုယို \"လိတ်မွူးပအိုဝ်ႏနဝ်ꩻ အဝ်ႏလိုႏနုဲင်းယို၊ အဝ်ႏလိုႏနုဲင်းနဝ်ꩻ၊ ယိုမꩻ၊ နဝ်ꩻမꩻ\"ဒင်ႏပျꩻလွဉ်တွမ်ႏလိတ်တဲ့အဝ်ႏ၊ တဲမ်းလိတ် နျꩻတွမ်ႏကွန်ပျူတာ တုတ်ꩻဖြေ့ꩻချာငါနေးတဲ့အဝ်ႏ၊ တဲမ်းသော့ꩻနေး လိတ်စောင်ႏကို ဝွေႏဖ��်ႏနယ်တဲ့အဝ်ႏ၊ လွဉ်လဝ်းတွိုႏနေးတဲ့အဝ်ႏ၊ အမွေးအမွေးအတွိုင်ꩻ၊ အမာႏအမာႏအတွိုင်ꩻ ဓမ္မဓိဋ္ဌာန်ႏကျကျ ကဒင်ႏပျꩻသားနဝ်ꩻ ကေꩻဇူꩻတင်ႏခရာႏတန်ဒျာႏသွူ။ ယင်ဟန်ႏသားနဝ်ꩻ \"ခွေမူမꩻမဲဉ်ႏ၊ နီလိတ်မꩻမဲဉ်ႏ\"ရိုꩻနုဲင်းနဝ်ꩻတဲင် သဲဉ်ꩻတဉ်ႏဒျာႏအမူ၊ အွဉ်ႏစွꩻစူတဝ်းအလိတ်တဲ့အဝ်ႏ၊ ကွဲႏတွော့ꩻ ဝွေꩻဗွေႏသီးတဲ့ သꩻရက်ခွိုꩻအဝ်ႏဒျာႏနေနေ၊ အသꩻရက်ခွိုꩻနဝ်ꩻတဲးတဲ့ အံႏဖြာႏခရာႏ၊ ထူႏဂုဏ်ႏခရာႏတန်ဒျာႏသွူ။\n\nကမဲဉ်လꩻ အမွေးအမဲဉ်ႏသားဖုံႏ၊ ကမော့ꩻတလူႏဗာႏ အယပ်ꩻအခုဲင်ႏသားဖုံႏ၊ သꩻရက်ခွိုꩻသားဖုံႏ ခွေတဲမ်း နာꩻတဲမ်း၊ ခွေဒေါ့ꩻနာꩻဒေါ့ꩻ၊ ခွေလဝ်းနာꩻလဝ်း၊ ခွေဒင်ႏပျꩻနာꩻဒင်ႏပျꩻတဲင် တာႏဝွန်ႏအဝ်ႏပုဂ္ဂိုလ်ႏတပါꩻအနေႏနဝ်ꩻ ဖြေႏသျ်ꩻဖေႏတဝ်းတဲ့ အလွိုးတရထွူတဝ်းဒွုမ်တွော့ꩻ တမဲဉ်ဒေါ့ꩻတဝ်း လိတ်မွူးခရာႏတဲ့ ဒေါ့ꩻဗာႏယင်းသွူ။ တမဲဉ်တဲမ်းတဝ်း လိတ်မွူးခရာႏတဲ့ တဲမ်းဗာႏယင်းနုဲင်းယိုသွူ။ ပညာႏသျိပညာႏသျင်ႏ လိုꩻချင်ႏလိတ်သား ကားကအဝ်ႏ ဆရာႏတကာႏဖစ်ပင်ꩻလို့လို့ ဒေါ့ꩻရီလို့ဝင်ꩻတဲင် အဆင်ႏမဉ်ႏပြေႏနဝ်ꩻ ဟောဝ်ငါႏမရေႏမရာႏ၊ အဆင်ႏမဉ်ႏတပြေႏတဝ်းနဝ်ꩻ ယိန်းညာꩻထဲင်းဒါႏလို့ဝင်ꩻ၊ လိတ်မွူးသမဲင်ꩻတဲ့ တဟောဝ်တောဝ်း၊ ပုဂ္ဂိုလ်ႏတပါꩻအနေႏ ဖြေႏသျင်ꩻစံꩻက၊ အဆင်ႏမဉ်ႏပြေႏတဲ့ ပြေႏလွေꩻယွယွဒါႏ၊ အဆင်ႏမဉ်ႏပြေႏတဝ်းစွဉ်ႏတဲ့ အငေါဝ်းတသင်ႏတဝ်း၊ တညာꩻထိုꩻတဝ်းလို့တင်ꩻ၊ နုဲင်းမုဲင်ꩻမုဲင်ꩻတဲ့ယဝ်း စွိုးခွိုꩻတွက်တာႏဒျာႏ၊ ခွေသွဉ်းသယ်ꩻခံႏဒျာႏ။\n\nကွပ်နဝ်ꩻမꩻ ကတဲမ်းလိတ်ယိုနဝ်ꩻ စင်ꩻတန်ကောဝိဒ ပုဂ္ဂလတပါꩻအနေႏဒျာႏ၊ ပအိုဝ်ႏလိတ်လုဲင်ꩻစွစ်ꩻလီတာႏ ဗဟိုႏသံႏဃာႏဥက္ကဋ္ဌအနေႏတဲ့ မွေးတဝ်း၊ ဗဟိုႏသံႏဃာႏနမ်းခြောင်ꩻတင်တဲ့ မွေးတဝ်း၊ မဲဉ်ႏမဲဉ်ႏမာႏမာႏ ခွေသွဉ်းတာႏဝွန်ႏဒျာႏ၊ တွမ်ႏဗဟိုႏသံႏဃာႏ ဆဲင်ႏတဝ်းတမုဲင်ꩻမုဲင်ꩻကရိုꩻနဝ်ꩻ လဝ်းဖြောင်ဖြောင်ရီးဗာႏနုဲင်းယိုသွူ။ လိုꩻပေႏကအဝ်ႏလွမ်နေတွမ်ႏဗီ ဒေါ့ꩻထာꩻတဒါႏတဝ်းဒွိုန်းတွင်ꩻနဝ်ꩻ ပေါႏဟို့ꩻခိုးနဲဉ်းတဲ့ ငွိုးထာꩻ (မာꩻအငဝ်း)၊ ဒေါ့ꩻထာꩻဒါႏတဝ်းတဲင် အလိုႏဆန္ဒ အဝ်ႏအမျိုꩻမုဲင်ꩻမုဲင်ꩻတဲ့ယဝ်း ကွိုꩻထာꩻငွိုး၊ ကွိုꩻမာꩻအငဝ်းနဝ်ꩻလွုမ်ꩻ။ ကွပ်နဝ်ꩻမꩻ \"ငေါဝ်း\"ကရိုꩻနဝ်ꩻ ထေနယ်နီထာꩻလိုႏဆန္ဒ၊ နီထာꩻလိုႏအဝ်ႏနုဲင်းမုဲင်ꩻတဲ့ ဒေါ့ꩻနယ်နေးငဝ်း၊ နေင်ႏငါ လာတွိုႏ လိုႏမုဲင်ꩻခါ ထွားချာဖေႏကလꩻတဲင် ငဝ်းခြောင်ꩻတင်နဝ်ꩻ မာꩻဗာႏတေ���းလိတ်၊ ပွိုးနဝ်ꩻမꩻ \"လိတ်\"ကရိုꩻနဝ်ꩻ \"ငဝ်းရုတ်\"၊ ငဝ်းကိုယ်ႏစာႏလယ်ႏ။ ငဝ်းနဝ်ꩻ တထီႏတဝ်းအနမ်းတဲင် ကထင်ႏတဲမ်း ငဝ်းရုတ်၊ ကထင်ႏတယ်ႏထွင်ႏလိတ်ဖြုံႏနဝ်ꩻ ယူႏယူႏတဲမ်း(အက္ခရာႏ၊ လတ်ဖြုံႏ၊ ငဝ်းရုတ်) ပငါပရာꩻနဝ်ꩻမ လိုꩻမျိုꩻတမျိုꩻတွမ်ႏတမျိုꩻ လိတ်တဗွိုန်ပီတဝ်းလို့ဝင်ꩻ၊ ငဝ်းယငွါနဝ်ꩻ ဗွိုန်ပီသွူလို့ဝင်ꩻတဲ့ လိတ်ဖြုံႏတဗွိုန်ပီတဝ်းလို့ဝင်ꩻ။\n\nကွပ်နဝ်ꩻမꩻ \"လိတ်ဖြုံႏ\"ကရိုꩻနဝ်ꩻ မတ်တောင်ꩻအီကွို့ꩻငဝ်းလွုမ်ꩻ၊ \"မဉ်ႏတဲမ်းလိတ်ဖြုံႏနုဲင်းယိုနဝ်ꩻ အငဝ်းထန်ႏနုဲင်းယို\"မတ်တောင်ꩻသေꩻခါꩻအီ ငဝ်းတောင်ꩻမတ်၊ ပညတ်သင်္ကေတဒျာႏ၊ လိုꩻသေလိုꩻဒါႏလျင်ႏ ပညာႏသျင်ႏသီး ထွင်ႏဖေႏရီးလိတ်ဖြုံႏတဲင် လိုꩻအမျာꩻစူꩻလွဉ်ꩻ၊ သွဉ်လွဉ်ꩻ၊ တဲမ်းလွဉ်ꩻနုဲင်းနဝ်ꩻ။ နီလိုꩻသီးယို အဝ်ႏခြွဉ်ႏလွဉ်ꩻသေႏသေႏ ခေတ်ထီတသုဲင်ကိုတဲင် ငဝ်းဝေါဟာရတဲ့ အဝ်ႏပေါႏထဲင်းထဲင်း၊ ငဝ်းနဝ်ꩻအဝ်ႏရီး လိတ်နဝ်ꩻပေါႏဆုဲင်ꩻ၊ ပေါႏငဝ်းအဝ်ႏတဲ့ ငဝ်းရုတ်လိတ်နဝ်ꩻ အဝ်ႏလွဉ်ꩻဗာႏ၊ ငဝ်းတငွါ လိတ်ထွာလွဉ်ꩻဗာႏတဖြုံႏ။ လိုꩻမျိုꩻတမျိုꩻတွမ်ႏတမျိုꩻ ထူႏသွုံꩻချာငါလို့ဝင်ꩻ ဝေါဟာရနဝ်ꩻ အဝ်ႏလဲ့ ထွားနုဲင်းလို့ဝင်ꩻလိတ်၊ ထူႏလို့ဝင်ꩻလိတ်နဝ်ꩻ တအဝ်ႏကြွို့ꩻတဝ်း။ ယင်ဟန်ႏနဝ်ꩻရိုꩻ \"ပအိုဝ်ႏလိတ်နဝ်ꩻ ထွားနုဲင်းမန်းလိတ်-တဲ့၊ မော့ꩻနဝ်ꩻခါ ဝွေꩻသီူထူႏသဲင်ꩻနီလိတ်ဟ၊ ဝွေꩻသီးလိတ်ယိုခါနဝ်ꩻ ထွားနုဲင်းကွို့ꩻနီလိတ်\"မဉ်ႏရိုꩻချာနုဲင်းနဝ်ꩻတဲ့ လꩻဒျာႏ။ \"လိတ်\"ကရိုꩻနဝ်ꩻ လိုꩻမျိုꩻတမျိုꩻ အရွီးတလီးတဲင် ထီႏနီလိတ်နဝ်ꩻ ထင်းဖွီချာမွိုန်း၊ ထီႏပေႏချာမွိုန်း၊ အမွေးနဝ်ꩻ အာတန်ဒျာႏ၊ အမာႏနဝ်ꩻ ဆေ့ꩻပေႏလွုမ်ꩻ၊ အမာႏဆေ့ꩻဆ့ꩻပေႏအကိုနဝ်ꩻတဲ့ အမာႏမွေးမွေးတဲ့အဝ်ႏ၊ အမာႏစွဉ်ႏတဲ့ သွုံꩻအီအမာႏနဝ်ꩻမꩻ အဆင်ႏပြေႏတဲ့အဝ်ႏ၊ နုဲင်းမုဲင်ꩻကရိုꩻနဝ်ꩻ ကအီႏတဲမ်းငါလွေꩻယိုအတွိုင်ꩻဖုံႏသွူ။\n\nမူလသရ (၂၂)ဖြုံႏ \n၁။ အ\n၂။ အာ\n၃။ အိ\n၄။ အီ\n၅။ အု\n၆။ အူ\n၇။ အွု\n၈။ အွူ\n၉။ အေ့\n၁၀။ အေ\n၁၁။ အော့\n၁၂။ အော\n၁၃။ အွော့\n၁၄။ အွော\n၁၅။ အဲ့\n၁၆။ အဲ\n၁၇။ အုဲင့်\n၁၈။ အုဲင်\n၁၉။ အို့\n၂၀။ အို\n၂၁။ အွို့\n၂၂။ အွို\n\nဗီးသွတ်ꩻခန်ꩻ \n၁။ အက်\n၂။ အင်\n၃။ အစ်\n၄။ အဉ်\n၅။ အတ်\n၆။ အန်\n၇။ အပ်\n၈။ အမ်\n၉။ အယ်\n၁၀။ အဝ်\n၁+၂၊ ၅+၆၊ ၇+၈၊ ၁၀-ဖုံႏနဝ်ꩻ ဝါႏဒကွယ်ꩻလို့ဝင်ꩻအဲဉ်ထဝ်း၊ မုဲင်ꩻကိုကိုတဲ့ယဝ်း ပေါႏဝါႏဒကွယ်ꩻလို့ဝင်ꩻအဲဉ်ထဝ်း လိတ်ဖြုံႏနဝ်ꩻ သျင်ꩻပျꩻနယ်ခရာႏ တလိုႏတဝ်��၊ သျင်ႏပျꩻနယ်ငါ ဝါႏဒတဗွိုန်ပီတဝ်းလို့ဝင်ꩻနဝ်ꩻငါသွူ။\n\n\"အစ်\"နဝ်ꩻ အထျꩻအဝ်ႏ အသရ၊ ဖတ် အ'ထွူမꩻ စ်-မတြာထဝသွတ်ꩻဆုဲင်ꩻ၊ အခေႏခံႏ အ-တဲင် အဝ်ႏ(အ)ငဝ်းလွဉ်တွော့ꩻ အငဝ်းထန်ႏမဲဉ်ႏမဲဉ်ႏနဝ်ꩻ တွမ်ႏ\"အတ်\"နဝ်ꩻ ဗွိုန်ပီလို့ဝင်ꩻ၊ \"အဉ်\"တဲ့ တွမ်ႏ\"အန်\"ဗွိုန်ပီလို့ဝင်ꩻ။ ကွပ်နဝ်ꩻမꩻ ဆရာႏယင်ဟန်ႏနဝ်ꩻရိုꩻ \"ဂစ္ဆာမိ\"ယို ကဖတ်ထိုꩻ \"ဂိ-စ်\"နဝ်ꩻ (အ)ငဝ်းဒျာႏ၊ အွဉ်ႏထန်ႏထိုꩻ (အိ)ငဝ်းတဲင် အငဝ်းထန်ႏမဲဉ်ႏတဝ်း၊ \"ဂဆ်ဆာမိ\"၊ \"ဟေတုပစ္စယော-နဝ်ꩻ ဟေတုပတ်စယော\"(ဂတ်+ပတ်) ဖတ်နုဲင်းနဝ်ꩻမꩻ အငဝ်ႏထန်ႏမဲဉ်ႏ အရိုꩻနုဲင်းနဝ်ꩻတဲင် ဝင်ꩻအမျာꩻနဝ်ꩻ (ပစ်)တဲ့ ဝွေꩻဗွေႏသီးနဝ်ꩻ (ပတ်)ဒျာႏနဝ်ꩻသွူ။\nမန်းလိုꩻလမ်းတဲ့နဝ်ꩻ၊ ဆရာႏတောႏမန်းဖုံႏတဲ့နဝ်ꩻ \"ဂစ္ဆာမိ\"နဝ်ꩻ ဖတ်\"ဂိ-စ်ဆာမိ\"အွဉ်ႏထန်ႏတေားဒျာႏ \"အိ\"ငဝ်း၊ အလင်လင်ဖုံႏ၊ ဥပမာႏ- \"လောကုတ္တရာ\"နဝ်ꩻ ဥ-သရငဝ်းတဲင် အဝ်ႏလိုႏဖတ်ဒျာႏ \"လောကွတ်တရာႏ\"တဲ့ ဖတ်တေားဒျာႏ အို့သရငဝ်း \"လောကိုက့်တရာႏ\"နုဲင်းနဝ်ꩻနဝ်ꩻ မွေးတဝ်း၊ မဲဉ်ႏတဝ်း၊ နီဗွေႏသီးရိုꩻနုဲင်းနဝ်ꩻ။\n\nနီဗွေႏသီး\/နီသွဉ်းသီး အဝ်ႏလိုႏယူႏနုဲင်းယို- \n(၁) \"ဗုဒ္ဓ၊ မဟာဗုဒ္ဓဃောသ၊ ဦးဗုဒ်\"ဗုဒ်သွံဗုဒ်အကိုကပါဒါႏ ဆရာႏတောႏဦးဗုဒ်နဝ်ꩻ \"ဂတ်ဆာမိ\"မွေးတဝ်း၊ \"ဂစ္ဆာမိ\"ဒျာႏ၊ ဂတ်ဆာမိမွေးတဝ်းစွဉ်ႏတဲ့ နေးတွမ်ႏမန်းလိတ်တဲင် သွဉ်အီပိဋကတ်၊ မထေရ်ႏမျတ်ဒါႏလျင်ႏ၊ တဲမ်းထင်ႏနွောင်ꩻ နိဿယ ကားမုဲင်ꩻစောင်ႏစောင်ႏ၊ ထာꩻမာꩻထွာအီဒျာႏ၊ ထာꩻမာꩻအောင်ႏမျင်ႏအီဒျာႏမွော့ဟွေး။\n(၂) လယ်တီဆရာႏတောႏ ပုဂ္ဂိုလ်ႏကျောႏနဝ်ꩻတဲ့ ဟေတုပစ္စယော-ဒျာႏ၊ ပတ်စယောမွးတဝ်း၊ ရိုꩻစွဉ်ႏမန်းလိတ်မာႏမာႏတဲ့ ဝင်ꩻကဒါႏကားမုဲင်ꩻမုဲင်ꩻ၊ ထွတ်ထေနွောင်ꩻအီ ဒီပနီကားမုဲင်ꩻအုပ်အုပ်မွော့ဟွေး။\n(၃) တိပိဋက ဆရာႏတောႏ၊ မဟာဂန္ဓာရုံ ဆရာႏတောႏသီးဖုံႏတဲ့ ပတ်စယော-မွေးတဝ်း၊ နေးတွမ်ႏမန်းလိတ်သွဉ်အီ၊ တဲမ်းအီတဲင် ထာꩻမာꩻထွာဒျာႏ၊ နီသွဉ်းသီး သွဉ်ဗာႏဝွေꩻဗွေႏသီးလိတ်မွော့ဟွေး။\n(၄) မဟာစည်ဆရာႏတောႏ၊ မိုးကုတ်ဆရာႏတောႏ ပုဂ္ဂိုလ်ႏကျောႏသီးတဲ့ ဖတ်\"လောကွတ်တရာႏ\"မွေးတဝ်း၊ နေးတွမ်ႏလိတ်မန်းသွဉ်တဲင် ဒါႏမွေးလိတ်တွော့ꩻ ပျꩻနွောင်ꩻတရာꩻ၊ မာꩻနွောင်ꩻစွဉ်ႏအစွိုꩻတစွိုꩻ၊ တခမ်းလိုမ်း တထီလိုမ်း အာႏကွိုꩻဗာႏ၊ မဲဉ်အားထုတ်တရာꩻ ခမ်းတန်(နဲင်ႏငန်ႏလင်)သားသွဉ်မဉ်ႏတဲ့ လွဉ်တရေ့လွဉ်ထေ့ဗာႏဝွေꩻဗွေႏသီး၊ လိတ်အွဉ်ႏထန်ႏ အငဝ်းတမဲဉ်ႏတဝ်းစွဉ်ႏတဲ့ ထာꩻမာ���ထွာအီဒျာႏ၊ လဲင်ꩻကျောႏကမ္ဘာႏမွောဟွေး။\n(၅) နီသွဉ်းသီး\/နီဗွေႏသီး ပေႏခါတဲ့ အုံလိတ်သွဉ်တွိုက် သွဉ်ဒျာႏမန်းလိတ်၊ ဂစ္ဆာမိဒျာႏ၊ ပစ္စယောဒျာႏ၊ နီသွဉ်းသီး\/နီဗွေႏသီး အဆင်ႏပြေႏပြေႏ ဖြေႏနွောင်ꩻလိတ်တဲင် လဲင်ꩻအောင်ႏလꩻစွဉ်ႏ ငယ်-လတ်-ကြီး-ဓမ္မာစရိယ၊ နီဒါႏတွမ်ႏ \"ဂတ်ဆာမိ\"မွေးတဝ်း၊ နီအောင်ႏတွမ်ႏ \"ပတ်စယော\"မွေးတဝ်းမွော့ဟွေး။\n(၆) ယူႏခရာႏအဝ်ႏအာတန်၊ ယူႏတွိုက်တွိုက်ဗော့ꩻ နီသွဉ်းသီးနမ်းယိုငါ၊ နီသွဉ်းသီး ကထင်ႏသိမ်ႏခါ ဗွေႏဆရာႏသီး ကဖတ်ဖေႏနီသွဉ်းသီး\/နီဗွေႏသီး ကမ္မဝါႏနဝ်ꩻ ဖတ်ဒျာႏ \"ဥပဇ္ဈာယေန\"ဒျာႏ၊ ဖတ်အငဝ်းထန်ႏ \"ဥပတ်ဈာယေန\"မွေးတဝ်း၊ ဖတ်တဝ်း \"ဥပတ်ဈာယေန\"နဝ်ꩻ မာႏနဲ့ မဲဉ်ႏဒျာႏနဲ့?၊ မဉ်ႏရိုꩻမာႏတဲ့ နီသွဉ်းသီး\/နီဗွေႏသီးဖုံႏယို ထွာတဝ်းရဟန်ꩻမတဝ်၊ \"မာႏတဲ့ယဝ်း ဝင်ꩻဖတ်ထွုံꩻစံႏအတွိုင်ꩻ၊ ဝင်ꩻအမျာꩻကဖတ်အတွိုင်ꩻနဝ်ꩻ ရဟန်ꩻတဲးတဲ့ ထွာဒျာႏ\"ရိုꩻဗာႏနုဲင်းနဝ်ꩻနဲ့။\nဖတ် ဥပတ်ဈာယေန-မꩻ အငဝ်းထန်ႏမဲဉ်ႏ၊ အငဝ်းထန်ႏမဲဉ်ႏမꩻ ထွာရဟန်ꩻ၊ ဖတ် \"ဥပဇ္ဈာယေန-မန်းငဝ်းကထန်ႏအတွိုင်ꩻနဝ်ꩻ အငဝ်းထန်ႏမဲဉ်ႏတဝ်း၊ ထွာတဝ်းရဟန်ꩻ\"အီႏရိုꩻဗာႏစွဉ်ႏနုဲင်းနဝ်ꩻနဲ့၊ မဉ်ႏရိုꩻနုဲင်းနဝ်ꩻဟ နီသွဉ်းသီးတဲ့ ထွာတဝ်းရဟန်ꩻ၊ နီဗွေႏသီးတဲ့ ထွာတဝ်းရဟန်ꩻ၊ ဆရာႏတောႏလင်ဖုံႏတဲ့ ထွာတဝ်းရဟန်ꩻ\"နီဗွေႏသီးအီႏရိုꩻဗွိုန်ႏစွဉ်ႏနုဲင်းနဝ်ꩻနဲ့။\n\"ရိုꩻဗွိုန်ႏတဝ်း ရဟန်ꩻတဲးတဲ့ထွာဒျာႏ\"မဉ်ႏရိုꩻနုဲင်းနဝ်ꩻနဝ်ꩻ လိတ်ဖြုံႏအငဝ်းထန်ႏမဲဉ်ႏတဝ်းတဲ့ယဝ်း ပေါႏအမျာꩻသွုံꩻနဝ်ꩻ အကျိုꩻထွာအီဒျာႏ၊ ထာꩻမာꩻထွူအီဒျာႏတဲင် သွုံꩻလꩻဒျာႏ-ခွေသွဉ်းမဲဉ်ရိုꩻနုဲင်းနဝ်ꩻ။\n\nဒေါ့ꩻဒွေါင်ႏဒွေါင်ႏငါ လိတ်အဝ်ႏ(၄)မျိုꩻလွုမ်ꩻ-\n(က) အငဝ်းထန်ႏတဲ့မဲဉ်ႏ အမျာꩻတဲ့သွုံꩻ-\nဥပမာႏ- ကောင်\n(ခ) အငဝ်းထန်ႏမဲဉ်ႏတဝ်းကီတဲ့ အမျာꩻသွုံꩻ-\nဥပမာႏ- ဒုန်\/ဒုံ\n(ဂ) အငဝ်းထန်ႏမဲဉ်ႏကီတဲ့ အမျာꩻသွုံꩻတဝ်း-\nဥပမာႏ- သတ်စာ(သစ္စာ)\n(ဃ) အငဝ်းတဲ့မဲဉ်ႏတဝ်း အမျာꩻတဲ့သွုံꩻတဝ်း-\nဥပမာႏ- \"ကိုစ်\/ကိုဉ် (သဲင်ꩻကိုစ်လိုꩻ၊ ပွယ်ꩻကိုဉ်ꩻ)တဲမ်းတဝ်းနုဲင်းနဝ်ꩻ။\nယူႏစဲင်းစဲင်း အမုဲင်(ခ)နဝ်ꩻ တဲမ်းလိတ်ဖြုံႏတန်တဖူꩻထျꩻ (က) ဒုံထီဗွာ (ဒုန်ထီဗွာ)၊ (ခ) ဒိုင်ထီဗွာ\nမန်းခမ်းကို လိုꩻပေါင်ꩻစွုမ်ႏ မဉ်ႏဟော်ꩻဖတ်လိတ် (ဒုံ\/ဒိုင်)နီမျိုꩻနဝ်ꩻ အငွါမုဲင်ꩻ ပါꩻဟော်ꩻဒုံ၊ အငွါမုဲင်ꩻ ပါꩻဟော်ꩻ(ဒဲင်)၊ တဲမ်း(ဒုံ\/ဒုန်)မꩻ ဝင်ꩻသေအာမွေးမွော့ဟွေး၊ ဝင်ꩻသွုံꩻအာမွေးမွော့ဟွေး အဝ်ႏလိုႏယူႏနုဲင်းနဝ်ꩻသွူ။\n\nခွေသွဉ်းတပါꩻထာꩻထီꩻ \n၁။ အဝ်ႏဖတ်ကျင်ꩻ \"ဂစ္ဆာမိ\"တဲင် ဖေႏကဖတ်ဗာႏတေား \"ဂတ်\"နဝ်ꩻ တထွာနွောင်ꩻတဝ်း။\n၂။ အကျောင်ꩻပျꩻ ပအိုဝ်ႏလိုꩻတကာႏတဝ်း ခမ်းရင်ꩻသား ရျာꩻခေါင်ꩻ(၉၉)ဖတ် \"ဂစ်\/ဂိ-စ်\"လွဉ်းလွဉ်း။\n၃။ သံႏဃာႏပအိုဝ်ႏဖုံႏနဝ်ꩻ ပါဠိအဋ္ဌကထာႏ ပရိတ် ပဋ္ဌာန်ꩻ ဓမ္မစကျာႏကို အဝ်ႏ(စ်)သွတ်ꩻနဝ်ꩻ အီႏဖတ်ဗွိုန်ပီ (တ်)နဝ်ꩻ ကဲဉ်းအာအာ ယင်ဟန်ႏသား အမျိုꩻလက်ခံႏမွေးတဝ်း၊ လက်ခံႏခန်းတဲ့ အီႏပြောင်ꩻဗာႏ တယိုꩻတဝ်း။\n၄။ ဆွုံꩻဖျတ်ချက်- \"အစ်+အဉ်\"နဝ်ꩻ ဖတ်စွူစွူဗော့ꩻ ယိုခါအတွိုင်ꩻ။\n၅။ ငဝ်းမေတ္တာႏရပ်ခံႏ\/တောင်ꩻပြန်ႏချက်-\nယူႏဗော့ꩻခွေသွဉ်းကရီ \"ဥပဇ္ဈာယေန\"နဝ်ꩻတဲင် နီဗွေႏသီးတဲ့ စူꩻသွော့အမျာꩻ၊ လုံးဝစူꩻတဝ်းခန်းတဲ့ ဖတ်(ဂစ်)+(ဂတ်)လꩻနီမျိုꩻ လက်ခံႏဗဲင်းသွော့နုဲင်းနဝ်ꩻ၊ ရိုꩻတေားသွော့နုဲင်းနဝ်ꩻ။\n၆။ \"အယ်\"နဝ်ꩻ မဉ်ႏရိုꩻအငဝ်းထန်ႏ\"အုဲင်\"တဲ့ လꩻဒျာႏ၊ ကွဲႏတွော့ꩻ နီဝေါဟာရသံးအဝ်ႏ \"အပါယ်ႏ\"\"ဥပဇ္ဈာယ်ႏ\"နုဲင်းနဝ်ꩻလဲ့တရဝ်း၊ ကားကအဝ်ႏ ဖြောင်းကျင်ꩻလဲဉ်း \"အယ်\"၊ မန်းလိတ်တဲ့-အယ်တဲင် နုဲင်းခွေသွဉ်းအနေႏနဝ်ꩻ ဖတ်စွူစွူဗော့ꩻ \"အယ်\"ယိုအတွိုင်ꩻ။\n၇။ \"အဝ်\" ဝ်-သွတ်ꩻနဝ်ꩻ အွဉ်ႏတွယ်ꩻတွမ်ႏ (အ)သရတွယ်ꩻယိုမꩻ အငဝ်းတဲ့မဲဉ်ႏ၊ တဲမ်းတဲ့ဒွေါင်ႏ၊ အငဝ်းတဲ့ ထန်ႏမဲဉ်ႏအကျောင်ꩻ မဉ်ႏမဲဉ်သေနဝ်ꩻ (အား+ဝ်=\"အား+အဝ်း\"=)နီဖြုံႏဖတ်မွိုင်မွိုင်ငီꩻစံꩻသွော့ အငဝ်း(အဝ်း)စွဉ်ႏဒျာႏ။\nခွေသွဉ်းတပါꩻထာꩻထီႏ (ဝ်)သွတ်ꩻနဝ်ꩻ အွဉ်ႏတွယ်ꩻတွမ်ႏ (အ)သရတွယ်ꩻ၊ လိုႏဆွုံꩻဖျတ်နုဲင်းနဝ်ꩻ၊ (အမျာꩻတဲ့ ရလက်ခံႏဒျာႏ)။\n(၁) အိက် (၂) အိင်\n(၃) အိစ် (၄) အိဉ်\n(၅) အိတ် (၆) အိန်\n(၇) အိပ် (၈) အိမ်\n(၁+၂၊ ၃+၄=လိတ်မွူးကိုပါတဝ်း)\n၁။ အိက်-အငဝ်းမဲဉ်ႏ \"တခီအိက်\"\n၂။ အိင်- အငဝ်းမဲဉ်ႏ \"နင်ႏအိင်\"\nကွဲႏတွော့ꩻ- ယိုခါ \"အိက်\"နဝ်ꩻ \"အိက်\"\n\"အိင်\"နဝ်ꩻ \"အိန်\"တဲမ်းသွုံꩻနုဲင်းနဝ်ꩻ။\n\"အိစ်+အိတ်= အငဝ်းမဲဉ်ႏနဝ်ꩻ (မန်း-အစ်နေ့)\n\"အိဉ်+အိန်= အငဝ်းမဲဉ်ႏနဝ်ꩻ (မန်း အင်တော)\nခေတ်ယိုခါ အငဝ်းထန်ႏ-\nအိက်= အတိက္ကမ (အတေ့က်ကမ)\nအိင်= လိင်္ဂ (လေင်ဂ)\nအိစ်= ကိစ္စ (ကေ့က်စ)\nအိတ်=ကိတ္တိ (ကေ့က်တိ)\nအိဉ်= ကိဉ္စာပိ (ကေင်စာပိ)\nအိန်= စိန္တေတိ (စေင်တေတိ)\n\nခွေသွဉ်းထာꩻထီႏ-\nအိစ်+အိတ်-အွဉ်ႏထန်ႏ (အစ်)စတဲင်အငဝ်းအမဲဉ်ႏအတွိုင်ꩻနဝ်ꩻ အမျာꩻရလက်ခံႏတဝ်းတဲင် အငဝ်းထန်ႏမဲဉ်ႏတဝ်းတဲ့ယဝ်း စူꩻဗော့ꩻအမျာꩻသွုံꩻ အငဝ်းထန်ႏယိုခါအတွိုင်ꩻနဝ်ꩻထွူယိုꩻ။\n(၁) အုက��� (၂) အုင်\n(၃) အုစ် (၄) အုဉ်\n(၅) အုတ် (၆) အုန်\n(၇) အုပ် (၈) အုမ်\n(၁+၂၊ ၃+၄= လိတ်မွူးကိုပါတဝ်း)\nအုက်= အငဝ်းမဲဉ်ႏနဝ်ꩻ (အုက်ꩻခံꩻ)\nအုင်= အငဝ်းမဲဉ်ႏနဝ်ꩻ (ဓာတ်ပုင်ႏ)\nအုက်=ငဝ်းနဝ်ꩻ ယိုခါသွုံꩻတေား (အွုတ်)၊ အငဝ်းထန်ႏမဲဉ်ႏတဝ်း၊ အုင်=ငဝ်းနဝ်ꩻ ယိုခါသွုံꩻတေား (အွုန်+အွုံ)အငဝ်းထန်ႏမဲဉ်ႏတဝ်း။\nအု+အုတ်=အငဝ်းမဲဉ်ႏတဝ်ꩻ (အွတ်ꩻ)\nအုဉ်+အုန်=အငဝ်းမဲဉ်ႏနဝ်ꩻ (အွန်)\n(လောကုတ္တရာႏ-လောကွတ်တရာႏ၊ ယိုအတွိုင်ꩻယို ယိုꩻတဝ်း) စူꩻဗော့ꩻယိုခါအတွိုင်ꩻ လိုႏဆွုံꩻဖျတ် \"အုက်+အုင်\"လိုႏသော့ꩻလိတ်မွူးကို။\n\nခေတ်ယိုခါအငဝ်းထန်ႏ\nအုစ်=ဥဒ္ဓစ္စ (အို့က်ဓစ်စ\/မန်း-ဥစ္စာ)\nအုတ်=ပုတ္တ (ပို့က်တ\/မန်း-အားထုတ်)\nအုဉ်=ပုည (ပုံည)\nအုန်=စုန္ဒ (စုံဒ)\n\nခွေသွဉ်းထာꩻထီႏ-\nအငဝ်းထန်ႏမဲဉ်ႏတဝ်းတဲ့ယဝ်း စူꩻဗော့ꩻအမျာꩻကသွုံꩻယိုခါ။\nအုပ်=အငဝ်းထန်ႏမဲဉ်ႏ (တစုပ်ထွူတစုပ်) (လိတ်မွူးကို- \"လုပ်ꩻ\"ထာꩻ၊ အငဝ်းထန်ႏမဲဉ်ႏတဝ်း။ အုမ်=အငဝ်းထန်ႏမဲဉ်ႏ (ခမ်းအုမ်ႏ) (လိတ်မွူးကို \"ကုမ်ꩻ\"ဗီႏ အငဝ်းထန်ႏမဲဉ်ႏတဝ်း)အထူꩻ-\n\"အုပ်+အုမ်\"=ယို အဝ်ႏလိုႏအွဉ်ႏထန်ႏမဲဉ်ႏမဲဉ်ႏအငဝ်း။\n(၁) အွုက် (၂) အွုင်\n(၃) အွုစ် (၄) အွုဉ်\n(၅) အွုတ် (၆) အွုန်\n(၇) အွုပ် (၈) အွုမ်\nအွုစ်+အွုတ်=အငဝ်းမဲဉ်ႏ (သဲင်ꩻကွုတ်လိုꩻ)(လိတ်မွူးကို \"ယွုတ်ပင်ႏ\"အွဉ်ႏထန်ႏ အုသရ ကသွတ်ꩻငဝ်း-မဲဉ်ႏတဝ်း၊ (ယွုတ်)နဝ်ꩻ အွုသရဒျာႏ။\nအွုဉ်+အွုန်=အငဝ်းမဲဉ်ႏ (အွုန်-တလီꩻ) (လိတ်မွူးကို \"ကွုန်ႏ\"သယ်ႏ-တဲ့ မွေးတဝ်း)။\nအွုပ်=အငဝ်းမဲဉ်ႏ (တသွုပ်ထွူတသွုပ်) (လိတ်မွူးကို ပွုံႏစံႏပါတဝ်း)။ အွုမ်=အငဝ်းမဲဉ်ႏ (ခမ်းအွုမ်ႏ\/ကျိုႏဆွုမ်ႏ)(လိတ်မွူးကိုမဲဉ်ႏထွူ)\n\nလိုႏဆွုံꩻဖျတ်-\n\"အွုတ်+အွုန်\"နဝ်ꩻ အဝ်ႏလိုႏအွဉ်ႏထန်ႏမဲဉ်ႏအငဝ်း (နွုတ်ꩻပါꩻ၊ လဝ်းဟွုန်\"စတဲင်နုဲင်းနဝ်ꩻ)။\n\"အွု=အွူ\"နဝ်ꩻ သရဒျာႏ၊ အဝ်ႏလိုႏသော့ꩻ သရတွယ်ꩻကို၊ အွော့ အွော၊ အွို့ အွို-ဖုံႏတဲ့ သရဒျာႏ။\n(၁) အေ့က် (၂) အေင်\n(၃) အေ့စ် (၄) အေဉ်\n(၅) အေ့တ် (၆) အေန်\n(၇) အေ့ပ် (၈) အေမ်\nအေ့စ်+အေ့တ်=အငဝ်းမဲဉ်ႏ (အုံတေ့တ်ꩻထာꩻ)။ အေဉ်+အေန်=အငဝ်းမဲဉ်ႏ (လိုꩻကေန်ꩻ) (ယိုတတွယ်ꩻနဝ်ꩻ လိတ်မွူးကို အငဝ်းထန်ႏမဲဉ်ႏလို့ဒျာႏ)\n(အေ့)နဝ်ꩻ ရဿသရ-အငဝ်းဒွေါင်ႏ၊ (အေ)နဝ်ꩻ ဒီဃသရ-အငဝ်းဆွာꩻ၊ ဝဂ်အထျꩻ(က်)သွတ်ꩻနဝ်ꩻ အငဝ်းဒွေါင်ႏ၊ ဝဂ်အနာ(င်)သွတ်ꩻနဝ်ꩻ အငဝ်းဆွာꩻ။\n(လေ့က်)မဲဉ်ႏတဲမ်းနုဲင်းနဝ်ꩻနဝ်ꩻ ယိန်းမဲဉ်ႏ၊ \"လေ\"-က်သွတ်ꩻနဝ်ꩻ အငဝ်းလင်ꩻတဲင် အီႏမဲဉ်ႏဖေႏကထွꩻ \"လေ့-က်\"နဝ်ꩻ ထွꩻတဝ်း၊ အဝ်ႏကုဲင်အလင��� \"အဲ့-အဲ၊ အော့-အော်၊ အို့-အို\"ဖုံႏနဝ်ꩻတဲ့ ဝဂ်အထျꩻဗီးနဝ်ꩻ သွတ်ꩻဖေႏရဿ၊ ဝဂ်အနာဗီးနဝ်ꩻ သွတ်ꩻဖေႏဒီဃ မဉ်ႏအွဉ်ႏစီꩻကန်ꩻနုဲင်းနဝ်ꩻ ယိန်းမဲဉ်ႏ၊ ယိန်းဟဝ်နဝ်ꩻသွူ။\n(၁) အော့က် (၂) အောင်\n(၃) အော့စ် (၄) အောဉ်\n(၅) အော့တ် (၆) အောန်\n(၇) အော့ပ် (၈) အောမ်\nအောစ်+အောတ်=အငဝ်းမဲဉ်ႏ (ဝန်ႏတကော့တ်ꩻ)၊ \"ကော့တ်ꩻ\"-နဝ်ꩻ အော့-သရတဲင် အွဉ်ႏတစော်ဖြောင်း (ကော့+ကွစ်=နီဖြုံႏဖတ်ဆွိုင်ꩻမွိုင်မွိုင် (ထန်ႏစင်းသင်းကောင်သားငဝ်း)။\nအောဉ်+အောန်=အငဝ်းမဲဉ်ႏနဝ်ꩻ (ရော်+ရွဉ်=ရောန်ခံꩻ)(အွဉ်ႏတစော်ဖြောင်း)။\nအော့ပ်=အငဝ်းမဲဉ်ႏ (ကော့ပ်နဝ်ꩻမꩻ)။ အောမ်=အငဝ်းမဲဉ်ႏ (ခေါမ်ꩻလာꩻ)။\nအကွာႏ-ကော့တ်-အွဉ်ႏဆိပ်တဝ်းဖြောင်း၊ ကော့ပ်-အွဉ်ႏဆိပ်ဖြောင်း။ ခေါန်ꩻ-ဆိပ်တဝ်းဖြောင်း၊ ခေါမ်ꩻ-ဆိပ်ဖြောင်း။\nသွုံꩻယိုခါ-\"ကွပ်ပွိုး\"၊ အော့\/အော မာꩻထွာတေား (ဝ)\"ဝမောဒုဒန္တာနံ-ဝံဩဥ အန္တာနံ-\"ဩ\"တဲ့ မာꩻ\"ဝ\"၊ \"ဥ\"တဲ့ မာꩻ\"ဝ\"။\nမဉ်ႏတဲမ်း \"ကော့ပ်\"ပွိုးနဝ်ꩻ ထွာ\"ကော+အော့ပ်=နီဖြုံႏဖတ်ဆွိုင်ꩻမွိုင်မွိုင် အငဝ်းထန်ႏ \"ကော့ပ်\"ပွိုး။\nမဉ်ႏတဲမ်း \"ကွပ်\"ပွိုးနဝ်ꩻ ထွာ(ကွ+ကပ်=နီဖြုံႏ ဖတ်ဆွိုင်ꩻမွိုင်မွိုင် အငဝ်းထန်ႏ \"ကွ+ကပ်\"၊ ယိုနဝ်ꩻ (ဩ)မာꩻထိုꩻ (ဝ)။\nခွေသွဉ်းအနေႏ မဉ်ႏတဲမ်း\"ကော့ပ်\"နဝ်ꩻ အငဝ်းမဲဉ်ႏထွူစွဉ်ႏတဲင် လိတ်မွူးကိုနဝ်ꩻ လိုႏသော့ꩻထဲင်း \"ကော့ပ်+ကောမ်\"ယိုတတွယ်ꩻ၊ \"အော့တ်+အောန်\"တဲ့ လိုႏသော့ꩻဒျာႏနေနေ၊ \"ကွပ်+ကွမ်\"နဝ်ꩻတဲ့ အွဉ်ႏစွူစွူ။\nတနယ်ꩻ- \"ကော့ပ်\"နဝ်ꩻ \"အော့\"သရ မာꩻ(ဝ)တဲင် အငဝ်းဖွီဒွေါင်ႏ၊ \"ကွပ်\"နဝ်ꩻ \"အော့\/အော်\"သရတဲင် အငဝ်းဟံးဆွာꩻ မဉ်ႏရိုꩻနုဲင်းနဝ်ꩻတဲ့ လꩻဒျာႏ။\n(၁) အွော့က် (၂) အွောင်\n(၃) အွော့စ် (၄) အွောဉ်\n(၅) အွော့တ် (၆) အွောန်\n(၇) အွော့ပ် (၈) အွောမ်\n(စွော့စ်ꩻ\/စွော့တ်ꩻလီ)\nအွောဉ်+အွောန်=အငဝ်းထန်ႏ-(အွောန်\/အွဉ်ငါ)။ အကွာႏပွုံႏနဝ်ꩻ-(ကော့ပ်)နဝ်ꩻ ငဝ်းပေါ်တစော်၊ (ကွော့ပ်)နဝ်ꩻ အငဝ်းခြꩻကထောင်ꩻ။\nအောမ်တွမ်ႏအွောမ်-တဲ့ အကွာႏနုဲင်းနဝ်ꩻနေနေ။ခွေသွဉ်းထာꩻထီႏ-\"အွော့က်+အွောင်\"အဝ်ႏတဲင် \"အွော့တ်+အွောန်\"\"အွော့ပ်+အွောမ်\"ယိုနီတွယ်ꩻတဲ့ လိုႏသော့ꩻလိတ်မွူးကို၊ \"အွော့စ်+အွောဉ်\"နဝ်ꩻ အငဝ်းထန်ႏဗွိုန်လဲဉ်း \"အွော့တ်+အွောန်\"တဲင် သော့ꩻပါတဝ်းတဲ့ လꩻဒျာႏ။\n(၁) အဲ့က် (၂) အဲင်\n(၃) အဲ့စ် (၄) အဲဉ်\n(၅) အဲ့တ် (၆) အဲန်\n(၇) အဲ့ပ် (၈) အဲမ်\nအဲ့စ်+အဲ့တ်- အငဝ်းထန်ႏမဲဉ်ႏနဝ်ꩻ (စဲ့စ်+စဲ့တ်လိတ်)\nအဲဉ်+အဲန်- အငဝ်းထန်ႏမဲဉ်ႏနဝ်ꩻ (အဲဉ်+အဲန်ထဝ်း)\n\nခွေသွဉ်���ထာꩻထီႏ-လိတ်မွူးကို အဝ်ႏလိုႏသော့ꩻပါ \"အဲ့တ်+အဲန်\"ယိုတတွယ်ꩻ၊ လိတ်ပအိုဝ်ႏကိုနဝ်ꩻ (တ်+န်-သွတ်ꩻယို) အသွုံꩻအာလဲဉ်းက (စ်+ဉ်-သွတ်ꩻ)နဝ်ꩻသွူ။\n(၁) အုဲင့် (ရဿသရ-အငဝ်းဒွေါင်ႏ)\n(၂) အုဲင် (ဒီဃသရ-အငဝ်းဆွာꩻ)\nဗွေႏဗွန်ထီသိမ်ႏ ကထွင်ႏကတဲမ်းနယ်ဖေႏ (အုဲင့်+အုဲင်) သရငဝ်းရွုတ် လိတ်ဖြုံႏယိုနဝ်ꩻ (င်)သွတ်ꩻပါသင်ꩻတဝ်း၊ ပွိုးတမုဲင်ꩻနဲးတဲင် သရမန်ႏသမျ က်+င်၊ စ်+ဉ်၊ တ်+န်၊ ပ်+မ်=အသွတ်ꩻအဝ်ႏဗာႏလွဉ်းလွဉ်း။\n(အုဲင့်+အုဲင်)ယိုနဝ်ꩻ (င်)သွတ်ꩻသံးအဝ်ႏခံႏခါꩻလဲဉ်းတဲင် ထွုံꩻစံႏအတွိုင်ꩻ မဉ်ႏတဲမ်းနဝ်ꩻ-\n\"အုဲင့်က်+အုဲင် င်၊ အုဲင့်စ်+အုဲင်ဉ်၊ အုဲင့်တ်+အုဲင်န်၊ အုဲင့်ပ်+အုဲင်မ်\"ထွာထိုꩻနုဲင်းနဝ်ꩻ။\nကွပ်နဝ်ꩻမꩻ အွဉ်ႏကုဲင်ထိုꩻခန်း (င်)နဝ်ꩻတဲင် တဲမ်းငါ \"အုဲ့ အုဲ့ꩻ အုဲ အုဲꩻ အုဲး အုဲႏ\"နုဲင်းနဝ်ꩻငါမꩻ ဗွိုန်ပီယင်း \"အဲ့ အဲ့ꩻ အဲ အဲꩻ အဲး အဲႏ\"နဝ်ꩻသွူ။\n\nဗွေႏဗွန်ထီသိမ်ႏ ကထွင်ႏဖေႏဒါႏ \"အုဲင်\"သရယိုနဝ်ꩻ လိတ်ပအိုဝ်ႏဆရာႏယပါꩻပါꩻ ကျွိုက်တဝ်း၊ \"လယ်သမား-လယ်းသား\"ထေနယ်ပွုံႏစံႏနဝ်ꩻတဲင် ပေါႏယ-သွတ်ꩻနဝ်ꩻ ပအိုဝ်ႏငဝ်းထန်ႏ\"အုဲင်းသရ(အား+အဲး)\"သရငဝ်းတဲ့၊ \"အားအဲး\"နီဖြုံႏပေါင်ꩻဖတ်ဆွိုင်ꩻမွိုင်မွိုင်နဝ်ꩻ အငဝ်းထန်ႏ\"အုဲင်း\"။\n\"အယ်\"နဝ်ꩻ မဉ်ႏအွဉ်ႏထန်ႏထိုꩻ (အုဲင်)တဲ့ ဝေါဟာရပါဠိလွဉ်အဝ်ႏ၊ ဥပမာႏ- \"အပါယ+အပါယ်ႏ၊ ဥပဇ္ဈာယ+ဥပဇ္ဈာယ်ႏ\"၊ မဉ်ႏတဲမ်း \"အပဲႏ၊ ဥပဇ္ဈဲႏ\"နုဲင်းနဝ်ꩻတဲ့ တဲမ်းထွုံꩻသမ်းကုဲင်၊ မတဲမ်းမဲဉ်ႏမဲဉ်ႏ တဲမ်းထွုံꩻအတွိုင်ꩻတဲင် (အယ်)မဉ်ႏဖတ် (အုဲင်)နဝ်ꩻ ဝေါဟာရသံးကုဲင်၊ သံးအီႏဟဲ့ꩻဗာႏတေား \"အပါယ်ႏ\"နဝ်ꩻ \"အပုဲင်ႏ\"၊ ဥပဇ္ဈာယ်ႏနဝ်ꩻ \"ဥပဇ္ဈုဲင်ႏ\"၊ တဖဲ့ꩻရော့ꩻတဖဲ့ꩻရော့ꩻတဝ်း၊ ကွပ်နဝ်ꩻမꩻ (ယ်)သွတ်ꩻနဝ်ꩻ အငဝ်းထန်ႏစွူစွူ ပွိုင်းလဲင်ႏအတွိုင်ꩻ၊ စူꩻဗော့ꩻ (အုဲင်)သရနဝ်ꩻအဆင်ႏပြေႏ။\nယင်ဟန်ႏရိုꩻ (အုဲင်)တဲ့နဝ်ꩻ၊ (အုဲ)တဲ့နဝ်ꩻ အငဝ်းတထန်ႏနွောင်ꩻတဝ်း (အာ+အယ်=အုဲင်)၊ မဉ်ႏစေထွားနဝ်ꩻ (အုဲင်နဝ်ꩻ- အဲ+အု=တဲင် အျူ)ဒျာႏအရိုꩻနုဲင်းနဝ်ꩻ။\nမွေးသွူ၊ ပေါႏစေထွားမꩻမဲဉ်ႏနဝ်ꩻ စေထွားပါ (ဩ)သရနဝ်ꩻမွိုင်၊ (ဩ-နဝ်ꩻ သ-ဗီး၊ ရ-ဗဲဉ်)ဒျာႏ၊ ဩ-ငဝ်းထန်ႏနွောင်ꩻတဝ်း၊ ထန်ႏဒျာႏ \"သရ\"ဒျာႏ၊ ဥပမာႏ- \"တတြ\"၊ (တြ-နဝ်ꩻ ဖတ်ဒျာႏ\"တရ\"၊ ကြ-နဝ်ꩻ ဖတ်ဒျာႏ\"ကရ\"၊ ဖြ-နဝ်ꩻ ဖတ်ဒျာႏ \"ဖရ\"၊ ယိုတဲ့ (ဩ)နဝ်ꩻဖတ်ဒျာႏ \"သရ\"ဒျာႏ၊ \"အေား\"ငဝ်းထန်ႏတဝ်း မဉ်ႏရိုꩻနုဲင်းနဝ်ꩻမွိုင် ထွူဒါႏဒွုမ်ထာꩻ၊ စေထွားစေထီးမွိုန်းဒွုမ်၊ ထောက်မွိုန်းဒွုမ် (ကြ၊ တြ၊ ဖြ)ဖုံႏနဝ်ꩻ ပေါႏပညတ်သတ်မတ် (ဩ=အော)တဲ့ ခွေအေား၊ နာꩻအေားတေ့ꩻတေ့ꩻ၊ သွုံꩻအီလꩻ၊ ပေါႏထာꩻမာꩻထွာ မွေးလဲဉ်း (မွေးတဝ်းနဲ့)။\nပေါႏယူႏတဝ်း \"ပညတ်-သတ်မတ်\"နဝ်ꩻ ထွူဒါႏတဝ်းထာꩻ၊ ဥပမာႏ- အဝ်ႏ၊ ပါဠိသရ(ဩ)၊ ပြောင်ꩻတေားပအိုဝ်ႏသရ(အော)နဝ်ꩻ စေထွားစံꩻမွိုင် (အောနဝ်ꩻ ဧ+အ+အာ) ထန်ႏလွဉ်စွဉ်ႏသရသွံဖြုံႏ (ဧ+အ+အာ)သရသွံဖြုံႏ ဟဲ့ꩻပေါင်ꩻဝင်ꩻနဝ်ꩻ အငဝ်းထန်ႏဒျာႏ (အျာ)ဒျာႏ၊ အငဝ်းထန်ႏတဝ်း(အေား)ရိုꩻဗာႏဖျင်နုဲင်းနဝ်ꩻတဲင် ထွူသေအဲဉ်ထဝ်းဒွုမ်၊ နုဲင်းနဝ်ꩻနေနေ (အိုနဝ်ꩻ အ+အိ+အု=အျု)ဒျာႏ (အို)ငဝ်းထန်ႏတဝ်း။\nစေထွားနေးတွမ်းဒွုမ် ပဉ်ဖြုံႏဖြုံႏတဲင် တယ်ႏစခါ ဗꩻယိုခါ ပညာႏသျိပညာႏသျင်ႏ လိုꩻလျင်ႏလိုꩻသေ (နီဗွေႏသီးတဲ့ပါ) ကားကအဝ်ႏ လက်ခံႏလို့ဒျာႏ (ဩ)၊ နီသွဉ်းသီးတဲ့ (အေား\/ဩ)၊ နီဗွေႏသီးတဲ့ (အေား\/ဩ)ဒျာႏ၊ နီသွဉ်းသီးတဲ့ (အို)ဒျာႏ၊ နီဗွေႏသီးတဲ့ (အို)ဒျာႏ၊ ယိုတဲ့ နီသွဉ်းသီးတဲ့ (အုဲ)ခန်း၊ နီဗွေႏသီး(အုဲ)ခန်းသွော့၊ \"ဩ-အေား-အို\"မဉ်ႏတဲ့ နီဗွေႏသီး လက်ခံႏနွောင်ꩻနဝ်ꩻ (အုဲ)ယိုတဲ့ လက်ခံႏခန်း၊ ထွူခန်း မွေးတဝ်းနဲ့ဗွေႏ၊ ယူႏယွယွသွော့၊ လွစ်ထေင်လို့ဝင်ꩻ။\nအုဲ့က်-အငဝ်းမဲဉ်ႏထန်ႏ (မန်း-ပူအိုက်)၊ (အား+အဲ့=အုဲ့က်၊ ပအိုဝ်ႏငဝ်းသွုံꩻအဲဉ်ထဝ်း)။ အုဲင်-အငဝ်းထန်ႏမဲဉ်ႏ (မန်း-ရေအိုင်) (အား=အယ်=အုဲင်၊ ပအိုဝ်ႏငဝ်းသွုံꩻအဲဉ်ထဝ်း)။\n(၁) အို့က် (၂) အိုင်\n(၃) အို့စ် (၄) အိုဉ်\n(၅) အို့တ် (၆) အိုန်\n(၇) အို့ပ် (၈) အိုမ်\nအို့က်-အငဝ်းထန်ႏမဲက်ႏနဝ်ꩻ (လေားကို့က်)။ အိုင်=အငဝ်းထန်ႏမဲဉ်ႏနဝ်ꩻ (အိုင်လင်ꩻ)၊ နဝ်ꩻနဝ်ꩻ အမဲဉ်ႏအမဲဉ်ႏအတွိုင်ꩻ အငဝ်းထန်ႏ၊ ကွဲႏတွော့ꩻ- လိတ်မွူးယိုခါကို ပါတဝ်း၊ အို့က်-ငဝ်းယိုနဝ်ꩻ သွုံꩻတေား (အုတ်)၊ အိုင်-ငဝ်းယိုနဝ်ꩻ သွုံꩻတေား (အုန်+အုံ)၊ ကထူႏသွုံꩻ (အုတ်-အုန်-အုံ)ယိုနဝ်ꩻ အငဝ်းထန်ႏမဲဉ်ႏတဝ်းကီလဲ့ ဖတ်မန်း၊ ဖတ်ပါဠိ၊ ဖတ်ပအိုဝ်ႏ (အမျာꩻသွုံꩻ)လꩻလို့တဲင် ထူႏသွုံꩻစွူစွူယိုမꩻ အဆင်ႏပြေႏ။\nအို့စ်-အို့တ်-အငတ်းထန်ႏမဲဉ်ႏနဝ်ꩻ (အို့တ်ꩻကဝ်ႏ)၊ အိုဉ်+အိုန်-အငဝ်းထန်ႏမဲဉ်ႏနဝ်ꩻ (ဗွေႏဗိုန်)၊ လိတ်မွူးယိုခါကို \"မိုတ်\"လို့ဝင်ꩻ အွဉ်ႏထန်ႏ\"အွို့\"သရငဝ်းနဝ်ꩻ အငဝ်းထန်ႏမဲဉ်ႏတဝ်း၊ (အိုန်)နဝ်ꩻ ထေပွုံႏစံႏ (သꩻဗိုန်ပီတင်ꩻ-ပအိုဝ်ႏချင်ꩻ)ဟဲ့ꩻ(ဗိုန်ပီ)တဲ့အဝ်ႏ၊ ဟဲ့ꩻ(ဗွိုန်ပီ)တဲ့အဝ်ႏ။\n(ဗိုန်)ယို အငဝ်းထန်ႏမဲဉ်ႏတဝ်းတဲင် \"ဗွေႏဗွန်\"တဲမ်းဗာႏတေားနုဲင်းနဝ်ꩻ၊ မဉ်ႏတဲမ်းမွိုင် \"ဗွေႏဗွန်-တဗွန်ထာꩻ\"��ဝ်ꩻလꩻဒွုမ်၊ ကွပ်နဝ်ꩻမꩻ \"အို့တ်+အိုန်\"နဝ်ꩻ အဝ်ႏလိုႏအွဉ်ႏထန်ႏမဲဉ်ႏမဲဉ်ႏအငဝ်း (အို)သရငဝ်း၊ \"ဗွေႏဗွန်\"နုဲင်းနဝ်ꩻသွူ။\nအို့ပ်-အငဝ်းထန်ႏမဲဉ်ႏနဝ်ꩻ \"လိုပ့်ꩻလုဲင်း\"၊ အိုမ်-အငဝ်းထန်ႏမဲဉ်ႏနဝ်ꩻ \"ဒါႏအိုမ်\"၊ အို့ပ်-ယိုနဝ်ꩻ လိတ်မွူးကိုပါတဝ်း၊ (အိုပ့်)ယိုအငဝ်းနနဝ်ꩻ ထူႏသွုံꩻတေား(အုပ်)။\nဥပမာႏ- \"လုပ်ꩻထာꩻ\"တဲ့၊ (လုပ်ꩻ)နဝ်ꩻ (အို့ꩻ)သရငဝ်း (လို့ꩻ-ငဝ်း)ဒျာႏ၊ (အု)ငဝ်းမွေးတဝ်း၊ အငဝ်းထန်ႏမဲဉ်ႏတဝ်း၊ လိတ်မွူးကို ပွုံႏစံႏ(ထုမ်းသေ)အငဝ်းထန်ႏဒျာႏ (ထူး+မ်း-သေ)တဲမ်းဒျာႏ (ထိုမ်းသေ)မꩻမဲဉ်ႏ။\nအိုတ်+အိုန်-နဝ်ꩻ အွဉ်ႏထန်ႏမဲဉ်ႏမဲဉ်ႏ(အို)သရငဝ်း၊ အို့ပ်+အိုမ်- သော့ꩻပါယင်း လိတ်မွူးကို၊ တဲမ်း(ဗွေႏဗိုန်)၊ (လိုမ်းကိုမ်ႏ)နဝ်ꩻ မဲဉ်ႏဟဝ်ငါႏ။\n(၁) အွို့က် (၂) အွိုင်\n(၃) အွို့စ် (၄) အွိုဉ်\n(၅) အွို့တ် (၆) အွိုန်\n(၇) အွို့ပ် (၈) အွိုမ်\nအွို့စ်+အွိုတ်-အငဝ်းထန်ႏ (မွိုတ်လို့ဝင်ꩻ)၊ အွိုဉ်+အွိုန်- အငဝ်းထန်ႏ (ယွယွဒွိုန်း)၊ ဒွိုန်း-ငဝ်းနဝ်ꩻ \"ဒွိုး+န်\"အဝ်ႏအွိုး \"ဒွိုး\"ကိုလွဉ်၊ လိတ်မွူးကိုနဝ်ꩻ အွဉ်ႏထန်ႏအငဝ်း ပွယ်ꩻ(ကွိုန်ꩻ)နဝ်ꩻ မွေးတဝ်း၊ နဝ်ꩻနဝ်ꩻ အငဝ်းထန်ႏ (အွို့ꩻ)သရငဝ်း (ကွိုꩻ-အွိုန်ꩻ=ကွိုန်ꩻ)၊ တဲမ်းဒျာႏ (ပွယ်ꩻကွုန်ꩻ\/ကွူꩻ+န်)မꩻမဲဉ်ႏ။\n(အွို့ပ်)အငဝ်းထန်ႏ (အွို့+အွိုပ်)၊ (အွိုမ်) အငဝ်းထန်ႏ (အွို+အွိုမ်) ယိုတတွယ်ꩻနဝ်ꩻ ပအိုဝ်ႏငဝ်းသွုံꩻအဲဉ်ထောဝ်း။\nကွဲႏတွော့ꩻ လိတ်မွူးကိုနဝ်ꩻပါ၊ အွဉ်ႏထန်ႏအငဝ်း- ထီရီႏ(စွိုမ်း)၊ ငပ(ယွိုမ်း)နဝ်ꩻ မဲဉ်ႏတဝ်း၊ (စွိုမ်း)နဝ်ꩻ (စွိုး+အွိုမ်း)၊ (ယွိုမ်း)နဝ်ꩻ (ယွိုး+အွိုမ်း)နဝ်ꩻဖုံႏနဝ်ꩻ အငဝ်းထန်ႏဒျာႏ (အွိုး)သရငဝ်း၊ တဲမ်းဒျာႏ(စွုမ်း\/စွု+မ်)(ယွုမ်း\/ယွု+မ်း)နဝ်ꩻမꩻမဲဉ်ႏ။\n\nခွေသွဉ်းထာꩻထီႏ-(အွိုစ်-အွိုတ်၊ အွိဉ်+အွိုန်)ကိုနဝ်ꩻ ထူႏငါ (အွိုတ်+အွိုန်)ငါ။ (အွို့ပ်+အွိုမ်)နဝ်ꩻ ဗဲ့ꩻထေထိုꩻ သွုံꩻတေား(အွုပ်+အွုမ်)နဝ်ꩻမꩻ အဆင်ႏပြေႏ။\n(၁) အွက် (၂) အွင်\n(၃) အွစ် (၄) အွဉ်\n(၅) အွတ် (၆) အွန်\n(၇) အွပ် (၈) အွမ်\nအွစ်+အွတ်-အငဝ်းမဲဉ်ႏမဲဉ်ႏ ထန်ႏ(အွ-အတ်)(အွတွမ်ႏအတ်) ဖတ်ဆွိုင်ꩻမွိုင်မွိုင်၊ အငဝ်းထန်ႏ(အွအတ်)ပအိုဝ်ႏဝေါဟာရ ငဝ်းသွုံꩻအဲဉ်ထဝ်း။\nကွဲႏတွော့ꩻ လိတ်မွူးကိုယိုခါနဝ်ꩻ (အွစ်)နဝ်ꩻ အွဉ်ႏထန်ႏ(အွော့တ်)၊ (စွစ်ꩻလီ)(စွော့ꩻ+တ်ꩻ-လီ)၊ (အွဉ်)နဝ်ꩻ အွဉ်ႏထန်ႏ (အွောန်)(အွဉ်ငါ)(အွော-န်ငါ)။\nကတဲမ်း(အွစ်+အွဉ်)ကအွဉ်ႏထန်ႏ (အွော့တ်+အွောန်)အကျောင်ꩻပျꩻခရာႏ အဗော့ꩻသွတ်ꩻနဝ်ꩻ (အော)သရနဝ်ꩻ မာꩻ(ဝ)ထွုံꩻစံႏအဝ်ႏတဲင် (အွော)သရတဲ့ မာꩻ(ဝ)လꩻ၊ အွဉ်ႏသꩻနုဲင်းနဝ်ꩻတဲင် အဝ်ႏလိုႏတဲမ်းဒျာႏ (အွော့တ်-အွောန်)တဲ့ တဲမ်းဗာႏ(အွစ်+အွဉ်)သျင်ꩻနယ်ဗာႏနုဲင်းနဝ်ꩻ။\nကသျင်ꩻနယ်ယိုနဝ်ꩻ သဘော်ꩻပေါက်သားဆေ့ꩻ၊ သဘော်ꩻပေါက်တဝ်းသားအာ၊ မဉ်ႏတဲမ်းစွဉ်ႏ (အွော့တ်-အွောန်)နဝ်ꩻ သျင်ꩻနယ်ခရာႏလိုႏဒွုမ်၊ အငဝ်းထန်ႏထွူထာစွဉ်ႏဒျာႏ။\nမာꩻနုဲင်းမုဲင်ꩻယို၊ မဉ်ႏယူႏနုဲင်းအမျာꩻသွုံꩻနဝ်ꩻ လိုႏတဲမ်း(အွစ်+အွဉ်)၊ မဉ်ႏယူႏနုဲင်း အငဝ်းထန်ႏမဲဉ်ႏမဲဉ်ႏနဝ်ꩻ လိုႏတဲမ်း(အွော့တ်+အွောန်)။\nမဉ်ႏနုဲင်းခွေသွဉ်းနယ်ꩻ ဖေႏခွင်ꩻစွဉ်ႏနီမျိုꩻ၊ မဉ်ႏမဉ်အွဉ်ႏဖေ့ထိုꩻ (အွစ်+အွဉ်)တလဲင်ႏတစိꩻစိꩻတဲ့လꩻ။\n(အွတ်+အွန်)ယို လိတ်မွူးကို အငဝ်းကထန်ႏအတွိုင်ꩻနဝ်ꩻ ဟော်ꩻမန်းလꩻ၊ ဟော်ꩻပါဠိလꩻလို့တဲင် အွဉ်ႏစွူစွူ လိတ်မွူးကိုအတွိုင်ꩻ။\nအွပ်-အငဝ်းထန်ႏ (အွ+အပ်=အွအပ်)။ အွမ်-အငဝ်းထန်ႏ (အွ+အမ်=အွအမ်)၊ ပအိုဝ်ႏဝေါဟာရ အငဝ်းသွုံꩻအဲဉ်ထဝ်း။\nကွဲႏတွော့ꩻ လိတ်မွူးကိုယိုခါနဝ်ꩻ- (အွပ်)နဝ်ꩻ အွဉ်ႏထန်ႏ (အောပ်၊ ကွပ်ပွိုး)၊ (အွမ်)နဝ်ꩻ အွဉ်ႏထန်ႏ(အောမ်၊ အစွမ်)။\n(အွပ်+အွမ်)ယိုတဲ့ အမျာꩻသွုံꩻအာလဲဉ်း၊ ယိုတဲ့ ခွင်ꩻနီမျိုꩻမꩻ ပုဂ္ဂိုလ်ႏကမဲဉ်လꩻအမဲဉ်ႏ (ကော့ပ်+ကောမ်)သားနဝ်ꩻ သꩻရေꩻနဝ်ꩻသွူ။\n(၁) အံ (၂) အိံ (၃) အုံ\n(အံ)တွမ်ႏ(အမ်)၊ (အိံ)တွမ်ႏ(အိန်)၊ (အုံ)တွမ်ႏ(အုန်) အငဝ်းအွဉ်ႏထန်ႏဗွိုန်ဝင်ꩻ၊ (အံ)နဝ်ꩻ ဗွိုန်ပီ(အမ်)တဲင် ဒီဃအငဝ်းထွူႏဒျာႏ၊ ကွပ်နဝ်ꩻမꩻ ထူႏဗာႏအငဝ်းထွူႏ (ကံ၊ ကံꩻ၊ ကံး၊ ကံႏ)ယို(၄)ဖြုံႏလွုမ်ꩻနေနေ၊ (အိံ)နဝ်ꩻ သွုံꩻအီပါဠိကုဲင်တာႏလွုမ်ꩻ။\nဗွေႏဆရာႏသီး စခါတွမ်ႏ ဗွေႏဆရာႏသီးယိုခါ ယင်ဟန်ႏဟန်ႏနဝ်ꩻ ဖတ်လိတ်မန်းဖေႏကလꩻ၊ ဖတ်ပါဠိဖေႏကလꩻ (ချꩻခါꩻမူ)နုဲင်းနဝ်ꩻတဲင် ဗီးကိုနဝ်ꩻ သော့ꩻပါ(အံ)၊ ကွပ်သော့ꩻပါ(အံ)တဲင် ပါဠိကို (အဟံ ဘန္တေ)၊ ဗုဒ္ဓံ၊ ဓမ္မံ၊ သံဃံ)စတဲင်နုဲင်းနဝ်ꩻဖုံႏနဝ်ꩻ ဟော်ꩻဒါႏထွူလို့။\nလိတ်မွူးကိုသော့ꩻပါ (အုံ)တဲင်တွော့ꩻ လိတ်မန်းကို (အလုံးစုံ၊ တွေ့ဆုံ)စတဲင်နဝ်ꩻဖုံႏ၊ ပါဠိကို (စက္ခုံ၊ ဘိက္ခုံ)စတဲင်နဝ်ꩻဖုံႏ သွဉ်ဗာႏခေါ်ခေါ်ဒွုမ်။\n\nယင်းဟန်ႏသားရိုꩻ \"နီပအိုဝ်ႏတာႏနဝ်ꩻ ထူႏပါဠိဘာႏသာႏ၊ ထူႏမန်းဘာႏသာႏ အာဂမယုတ္တိပျꩻနယ်အကျောင်ꩻ (ထောက်ပါဠိ၊ ထောက်မန်းလိတ် ပျꩻအီအကျောင်ꩻ)ပေါႏလိုႏတဝ်း-တဲ့။\nမွေးသွူ၊ (ဒိုင်)နဝ်ꩻ အငဝ်းထန်ႏ(ဒုံ)၊ မဉ်ႏထွာပအိုဝ်ႏတာႏနဝ်ꩻ တဲမ်းဗာႏ(ဒိုင်)။\nဥပမာႏ-(ဒိုင်ထီဗွာ)၊ တဲမ်းလိတ်ဖြု��ႏတန် ဒုံထျꩻနုဲင်းနဝ်ꩻ၊ ခꩻတဒုံနဝ်ꩻ တဲမ်း(ဒုံကောင်လောင်း)၊ (ဒိုင်+ဒုံ)နဝ်ꩻနီဖြုံႏနဝ်ꩻ (ခေတ်အခေႏအနေႏယိုခါ အလꩻ) ပအိုဝ်ႏပါ၊ လိုꩻမျိုꩻလင်ပါ ကဖတ်(ဒဲင်)သားတွမ်ႏ ကဖတ်(ဒုံ)သားနဝ်ꩻ ခꩻမုဲင်ꩻအီႏအာ၊ လိုꩻမျိုꩻလင်ရိုꩻဒွုမ်၊ ပအိုဝ်ႏကိုခြေင်ခြေင်ငါ (လိုꩻလမ်းတဲ့ တယ်ႏပေႏခါကာႏ သွဉ်လိတ်မန်း၊ စင်ꩻသျင်ႏတဲ့ တယ်ႏပေႏခါကာႏ သွဉ်လိတ်မန်း၊ သွဉ်ပါဠိ)တဲင် (ဒိုင်+ဒုံ)နီဖြုံႏကို အငဝ်းမဲဉ်ႏ၊ မဉ်ႏတဝ်းနဝ်ꩻ သေနာႏတဝ်း၊ သꩻဘော်ꩻကျဒျာႏ အဆင်ႏပြေႏ၊ (ဒုံ)နဝ်ꩻ ဟော်ꩻပအိုဝ်ႏလꩻ၊ မန်းလꩻ၊ ပါဠိလꩻ နဝ်ꩻမꩻ သွဉ်ယိုꩻ၊ ဖတ်ယိုꩻ၊ အဆင်ႏပြေႏ (လိုꩻ ၉၉-ဖြာꩻနဝ်ꩻ) ရိုꩻနုဲင်းနဝ်ꩻလွဉ်းလွဉ်း။\n\nလိတ်ကရိုꩻနဝ်ꩻ အမျာꩻသွုံꩻ၊ အမျာꩻတခြိုꩻ၊ လိုꩻအမျာꩻတဲ့ ကျွိုက်မꩻ၊ မာꩻပုဂ္ဂလိကတပါꩻပဲင်ႏ တပါꩻကျွိုက်လွုမ်ꩻနဝ်ꩻ လꩻတဝ်း၊ နီဗွေႏသီးရိုꩻ နီလိတ်မꩻမဲဉ်ႏ၊ လိတ်မန်းနဝ်ꩻ မဲဉ်ႏတဝ်း၊ ဗွေႏဗွန်မန်းဖုံႏတဲ့ ဖတ်ပါဠိမဲဉ်ႏတဝ်း၊ (ဂစ္ဆာမိ)နဝ်ꩻ ဖတ်ဒျာႏ (ဂတ်ဆာမိ)မꩻ၊ (ဟေတုပစ္စယော)နဝ်ꩻ ဖတ်ဒျာႏ (ဟေတုပတ်စယော)မꩻ၊ (လောကုတ္တရာႏ)နဝ်ꩻ ဖတ်ဒျာႏ (လောကွတ်တရာႏ)မꩻ-စတဲင် နီဗွေႏသီးရိုꩻနုဲင်းနဝ်ꩻ။\nရိုꩻလိတ်မန်း၊ မဲဉ်ႏတဝ်းတဲ့ နီဗွေႏသီး အုံလိတ်သွဉ်တွိုက် (နီဗွေႏသီးတကာႏပိုလီꩻ လွေꩻအတန်ꩻကျောင်ꩻ) သွဉ်ဗာႏလိတ်မန်း၊ နီဗွေႏသီး သွဉ်ဗာႏပါဠိ၊ သွဉ်ဗာႏဗွေႏဗွန်မန်းသီးတဲမ်း နိဿယဖုံႏ၊ အောင်ႏငယ်၊ လတ်၊ ကြီး၊ ဓမ္မာစရိယ၊ နီဗွေႏသီး ထွာလွဉ်ပညာႏသျိလိုꩻဒါႏဖုံႏ၊ ထွာလွဉ် ဆရာႏတဲမ်းလိတ်ကျောႏဖုံႏ၊ ထေနွောင်ꩻချာစွဉ်ႏ သဒ္ဒါႏပအိုတ်ႏ၊ သင်္ဂျိုဟ်ႏပအိုဝ်ႏဖုံႏ၊ ပါတိမောက်ပအိုဝ်ႏဖုံႏ။\nနီဗွေႏသီးကဒါႏပညာႏ၊ ကလꩻဗဟုသုတနဝ်ꩻ ထူႏလိတ်အမျိုꩻမုဲင်ꩻကို၊ သွဉ်လိတ်အမျိုꩻမုဲင်ꩻ၊ ထွားလိတ်အမျိုꩻမုဲင်ꩻ၊ သွဉ်လိတ်မန်းမွေးတဝ်းနဲ့၊ သွဉ်ပါဠိ၊ သွဉ်ဆရာႏတောႏမန်းသီးလိတ်(နိဿယ)ဖုံႏ မွေးတဝ်းနဲ့ဗွေႏ။\nလိတ်မန်းနဝ်ꩻ နီဗွေႏသီးရိုꩻ မဲဉ်ႏတဝ်းမဲဉ်ႏတဝ်းတဲ့ ထာꩻတမဲဉ်ႏတဝ်းနဝ်ꩻ ဖေႏနွောင်ꩻနီဗွေႏသီး ထာꩻသေထာꩻဒါႏ၊ ဖေႏနွောင်ꩻနီဗွေႏသီး ပညာႏတကားမုဲင်ꩻ။\n\nဗွေႏဗွန်မန်း ဖတ်ပါဠိမဲဉ်ႏတဝ်းမဲဉ်ႏတဝ်းတဲ့ နီဗွေႏသီး မာꩻဆရာႏဗာႏဗွေႏဗွန်မန်း၊ သွဉ်ဗာႏဝွေꩻဗွေႏသီးလိတ်မꩻ နီဗွေႏသီးအောင်ႏလꩻ ငယ်၊ လတ်၊ ကြီး၊ ဓမ္မာစရိယဖုံႏ မွေးတဝ်းနဲ့ဗွေႏ၊ အောင်ႏတွမ်ႏ ပစ္စယောနဲ့၊ အောင်ႏတွမ်ႏ (ပတ်)စယောနဲ့ ယူႏယော့ယော့လုဲင်း။\nမန်းလိတ်နဝ်ꩻ ကွပ်ပွိုးအွဉ်ႏထန်ႏလွဉ်ꩻတဝ်း အငဝ်းမဲဉ်ႏမဲဉ်ႏတဲင် \"ရေးမှာအမှန် ဖတ်မှာအသံ\"တဲမ်းတမျိုꩻ ဟော်ꩻတစွိုး နီဗွေႏသီးရိုꩻနုဲင်းနဝ်ꩻ။\nမွေးသွူ၊ \"တဲမ်းတမျိုꩻ ဟော်ꩻတစွိုး\"နဝ်ꩻ နီပအိုဝ်ႏကိုတဲ့ အဝ်ႏဒျာႏ၊ ဥပမာႏ- (ခွန်ကုဝေ)၊ ကတဲမ်း(ဝေ)နဝ်ꩻ (ဝဟွဲး)ပါတဝ်း၊ ကထွိုင်ႏဟော်ꩻနဝ်ꩻ (ခွန်ကုဝွေ)တဲ့၊ (တဟွဲးငဝ်းပါ)၊ တဲမ်းတမျိုꩻဟော်ꩻတစွိုး။\nအဝ်ႏထဲင်းက (ဣန္ဒာ)တဲမ်းနုဲင်းနဝ်ꩻ၊ သံးဟော်ꩻတေားဒျာႏ၊ ဝင်ꩻသမ်းဖတ်ဒျာႏ (အေင်ဒါ)နုဲင်းနဝ်ꩻ၊ မဉ်ႏဟော်ꩻမဲဉ်ႏမဲဉ်ႏ ကတဲမ်း(ဣန္ဒာ)အတွိုင်ꩻနဝ်ꩻ အငဝ်းထန်ႏဒျာႏ (အိ+န်=ဒါ)၊ မဉ်ႏတဲမ်းမန်းနေးနဝ်ꩻ (အင့်ဒါ)၊ (ဣ)သရ(န်-သွတ်၊)(ဒါ)(အင့်ဒါ)အငဝ်းထန်ႏဒျာႏနုဲင်းနဝ်ꩻ။\nအဝ်ႏထဲင်းက (ခုန်ထုန်း)တဲ့၊ ကထွိုင်ႏဟော်ꩻနဝ်ꩻ (ခူန်ထူန်း\/ခွန်ထွန်း)ဟော်ꩻဒျာႏနုဲင်းနဝ်ꩻ၊ မဉ်ႏဟော်ꩻမဲဉ်ႏမဲဉ်ႏ ကတဲမ်း(ခုန်ထုန်း)အတွိုင်ꩻနဝ်ꩻ (ခုန်)နဝ်ꩻ (အု)သရငဝ်း(ခွန့်)၊ (ထုန်း)နဝ်ꩻတဲ့ (ထွန့်း) အငဝ်းထန်ႏဗာႏဒျာႏ (အု)သရနုဲင်းနဝ်ꩻ၊ အဝ်ႏဗာႏ အဝ်ႏ(အု)သရ အဝ်ႏ(ခု)ငဝ်း၊ အဝ်ႏ(ထု)ငဝ်းလွဉ်။\n(ခုန်)နဝ်ꩻ (န်)သွတ်ꩻထွို့ꩻဆွာꩻဖေႏတဲင် အငဝ်းထန်ႏဒျာႏ (ခွန်)ပေါႏရိုꩻနဝ်ꩻတဲ့ (ဒို့င်\/ဒိုင်)(အောင့်\/အောင်)(အဲင့်\/အဲင်)နီဖြုံႏနီဖြုံႏကိုနဝ်ꩻ တဲမ်းဒျာႏ ရဿ(ဒိုင့်၊ အောင့်၊ အဲင့်)လုဲင်း၊ (ထုန်း)တဲ့ (ထွန်း)ငဝ်းထန်ႏဒျာႏ မဉ်ႏရိုꩻနဝ်ꩻတဲ့ (ဒိုင်း၊ အောင်း၊ အဲင့်း) တဲမ်းဒျာႏ(ရဿ)သရငဝ်းနုဲင်းနဝ်ꩻဟုဲင်း (ရိုꩻကနုဲင်းမုဲင်ꩻ)။\nနီဗွေႏသီး\/နီတကာႏသီးဖုံႏနဝ်ꩻ ထိုမ်ႏအမဲဉ်ႏတရာꩻ၊ မဉ်လꩻအမဲဉ်ႏတရာꩻတဲင် ကထောက်ပျꩻ တောက်သတ်နယ် အမဲဉ်ႏအမဲဉ်ႏအတွိုင်ꩻနုဲင်းယိုနဝ်ꩻ \"သဲင်ဟဝ်အွဉ်ႏနယ် ဒင်ႏစူꩻယာꩻ၊ ပတ္တမျာꩻစဲစ်အွဉ်ႏနယ် ဒင်စူခိုႏ၊ နာႏလိုႏဒျာႏသွော့နေား\"(မွေးဒျာႏကရို)။\nလိတ်အဝ်ႏ(၆)ရန်း မဲဉ်မာꩻလဲဉ်း(၈)ရန်းဖုံႏ မနဲးအာလဲဉ်း၊ ကော့ꩻမောင်ꩻသားတဲ့အာ၊ ထွာတဲ့ထွာသင်ꩻလဲဉ်းဒျာႏတဲင် ရထွာနွောင်ꩻဒျာႏ။\n\nမာꩻ(၈)ရန်းပွုံႏစံႏ \nအ၊ အꩻ၊ အး၊ အႏ၊ အာ၊ အာꩻ၊ အား၊ အာႏ။\nအက်၊ အက်ꩻ၊ အက်း၊ အက်ႏ၊ အင်၊ အင်ꩻ၊ အင်း၊ အင်ႏ-စတဲင်နုဲင်းနဝ်ꩻဖုံႏသွူ။\n\n\"ပွုံႏစံႏ\"\nအက်- ငထာꩻအက်အက်\nအက်ꩻ-\nအက်း- ထာꩻရက်းမေတ္တာႏ\nအက်ႏ- ရွဉ်တရက်ႏ\n(အင်၊ အင်ꩻ၊ အင်း၊ အင်ႏ-နဝ်ꩻ ယိုꩻလဲဉ်း)၊ ရဿ(၄)ဖြုံႏ၊ ဒီဃ(၄)ဖြုံႏတဲင် သဘာဝကျငါႏ၊ ယံငါႏမရေႏမရာႏ၊ (၈)ဖြုံႏနဝ်ꩻ ယံမွေးစွဉ်ႏထာꩻ။\nကတဲမ်း\"ပအိုဝ်ႏ\"နုဲင်းယိုနဝ်ꩻ ထွာဒျာႏ တဲမ်းလွဉ်ꩻထွုံꩻစခါဒျာႏ၊ မဉ��ႏယူႏစဲင်းစဲင်းနဝ်ꩻ သဘာဝကျတဝ်း။\nနုဲင်းမုဲင်ꩻနဲးတဲင်-\nတွိုႏ(ဝ်)သွတ်ꩻ (အောဝ်ႏ\/အဝ်ႏ)(အောႏ)သရ(အ)သရဖုံႏနဝ်ꩻ အငဝ်းထန်ႏတေား (အေား+အောဝ်း)မွေးတဝ်းတဲ့ (အား+အဝ်း)တွိုႏ(ဝ်)သွတ်ꩻ (အိုႏ+ဝ်)နဝ်ꩻ (အိုႏ)ဒျာႏစွူစွူ၊ အငဝ်းတကြာꩻတဝ်းတဲင် လိုႏအွဉ်ႏကုဲင်ထိုꩻ (ဝ်)သွတ်ꩻ။\n(အေား+အောဝ်း=အောဝ်း)တွမ်ႏ (အား+အဝ်း=အဝ်း)နဝ်ꩻ (အား+အဝ်း=အဝ်း)နဝ်ꩻ အငဝ်းယိန်းစဲင်းတဲင် (ဝ်)သွတ်ꩻနဝ်ꩻ လိုႏပြောင်ꩻတေား (အ)သရတွယ်ꩻနဝ်ꩻသွူ။\nလိတ်မွူးယိုခါတွမ်ႏ ခေတ်အခေႏအနေႏယိုခါ ခွေသွဉ်းတပါꩻထာꩻထီႏ အအဲဉ်ႏချွုတ်နဝ်ꩻ-\n(၁) အွဉ်ႏထန်ႏငဝ်း မဲဉ်ႏမဲဉ်ႏကလꩻကိုတဲ့ အွဉ်ႏထန်ႏမဲဉ်ႏမဲဉ်ႏအငဝ်း (ဥပမာႏ- ဗိုတ်၊ ဗိုန်)စတဲင်၊\n(၂) ခေတ်အခေႏအနေႏအလꩻ အွဉ်ႏထန်ႏမဲဉ်ႏငဝ်း တလꩻတဝ်းကိုတဲ့ အွဉ်ႏစွူစွူ (ဥပမာႏ-အုတ်၊ အုန်)စတဲင်၊\n(၃) အဝ်ႏလိုႏထေတဲ့ ထေထန်ႏထိုꩻ (ဥပမာႏ-ကွိုပ်၊ ကွိုမ်)စတဲင်၊\n(၄) အဝ်ႏလိုႏထဲမ်တဲ့ ထဲမ်ယင်း (ဥပမာႏ- အိုပ်၊ အိုမ်)စတဲင်၊\n(၅) အဝ်ႏလိုႏအွဉ်ႏကုဲင်အသွတ်ꩻ (ဥပမာႏ- အုဲင်၊ အိုဝ်ႏ)၊\n(၆) အဝ်ႏလိုႏပြောင်ꩻ (ဝ်)သွတ်ꩻ (ပြောင်ꩻတေား အ-သရ)တွယ်ꩻ၊\n(၇) အဝ်ႏ(၆)ရန်း မာꩻတေား(၈)ရန်း၊\n(၈) အဝ်ႏလိုႏခြပ်မဲဉ်ႏမဲဉ်ႏလွေꩻ သရစဲဉ်ႏတွမ်ႏ ဗီးသွတ်ꩻစဲဉ်ႏ၊\n(၉) လိတ်ငဝ်းကပြောင်ꩻအလွိုက် ဖျင်မဲဉ်ႏလွေꩻယင်း ဖတ်လွူꩻခန်ꩻ-စတဲင်နုဲင်းနဝ်ꩻဖုံႏသွူ။\n\nတောင်ꩻခါꩻ-(ကလိုႏဖျင်)နုဲင်းယိုဖုံႏနဝ်ꩻ ထီႏဒျာႏသေဒျာႏ ခွေသွဉ်းတပါꩻလွုမ်ꩻတကာႏတဝ်း၊ ပအိုဝ်ႏလိတ်လုဲင်ꩻစွစ်ꩻလီတာႏ ဗဟိုႏသံႏဃာႏပုဂ္ဂိုလ်ႏ အလောင်ႏအလင်ဖုံႏတဲ့ အဝ်ႏထီႏဒျာႏ၊ အဝ်ႏသေနုဲင်းနုဲင်းဒျာႏသွူ။\nကလိုႏလိုႏအပ်ဖုံႏနဝ်ꩻ ဆောင်ႏရွက်ထွူတဲင် မူလသရ(၂၂)ဖြုံႏအကို ကသော့ꩻထွိုက်ကသော့ꩻသင်ꩻ ဝဟွဲး၊ ယ-ပယ်၊ ရ-ဗဲဉ်၊ လ-ဗဲဉ်ဖုံႏနဝ်ꩻ သေ့ာꩻထွူတွော့ꩻ (အသွတ်ꩻ)ကသွတ်ꩻသင်ꩻဖုံႏနဝ်ꩻ မဉ်ႏသွတ်ꩻမဲဉ်ႏမဲဉ်ႏထွူနဝ်ꩻခါ \"တွမ်ႏခေတ်အခေႏအနေႏလွောက်ꩻငံႏ ထွာလွဉ်စွဉ်ႏ ပအိုႏလိတ်မွူးအငိုꩻတန်ႏ\"တန်သွူ။\n\nငေါဝ်းတောင်ꩻပြန်ႏ\n\"ခွေသွဉ်းတဲ့နဝ်ꩻ၊ ပအိုဝ်ႏလိတ်လုဲင်ꩻစွစ်ꩻလီတာႏ ဗွေႏသံႏဃာႏသီးတဲ့နဝ်ꩻ ကလိုႏရာꩻဖုံႏနဝ်ꩻ ထီႏဒျာႏ၊ သေနုဲင်းနုဲင်းဒျာႏ၊ နုဲင်းမုဲင်ꩻမꩻမဲဉ်ႏ-နုဲင်းမုဲင်ꩻနဝ်ꩻ မဲဉ်ႏတဝ်း-စတဲင်စားနဝ်ꩻတဲ့ နီလဲ့အဝ်ႏသေဒျာႏ၊ နီလဲ့ အဝ်ႏဒါႏဒျာႏအကျောင်ꩻ\"အဝ်ႏလိုႏအွဉ်ႏသေလွေꩻ ဆဲင်ႏရာꩻသားဖုံႏသူꩻတဲင် ဝွေႏဖန်ႏမုꩻထွုံꩻစံႏအလꩻ အမဲဉ်ႏအမဲဉ်ႏအတွိုင်ꩻ၊ အမာႏအမာႏအတွိုင်ꩻ ဝွေႏဖန်ႏနယ်ဗာႏဒျာႏကရိုꩻနဝ်ꩻ ဗွေႏဆရာႏသီးဖုံႏ သဘော်ꩻပေါက်သေနာႏဖေႏသွော့၊ အွဉ်ႏစွꩻခွင်ꩻသွော့ ခွေသွဉ်း ဗွေႏသီးဩ။\n\nကွဉ်းတော့ꩻရိုႏသေႏ ဆရာႏဗွေႏ\n(၁) ပအိုဝ်ႏလိတ်တာႏ၊ သေဒါႏရီးအွဉ်၊ တယ်ႏသွဉ်ကျိုꩻဖေႏ၊ ဆရာႏဗွေႏသီး၊ စွုမ်းပီးစွုမ်ႏပါꩻ၊ တရာꩻဉာဏ်ႏတောႏ၊ ထေဖောႏအံႏဖြာႏ၊ ပူႏဇာႏဒျာႏဩ။\n(၂) တွိုႏတေားယိုခါ၊ ကထွာခွေသွဉ်း၊ ဖျင်မွဉ်းဖေႏဗာႏ၊ ဆရာႏစူခြောင်ꩻ၊ လုဲင်ႏပြောင်ꩻအငဝ်း၊ \"ဗွေႏစဝ်းမဒါႏ၊ ကွပ်အမာႏတဲင်၊ ယပ်ꩻဗာႏနုဲင်းယို\"သꩻကိုမယူႏ၊ ထူႏဆရာႏနယ်ꩻ၊ ဉာဏ်ႏပယ်ꩻထေထန်ႏ၊ ဝွေႏဖန်ႏတသာ၊ ဖန်ပါအမဉ်ꩻ၊ စဉ်ꩻစာꩻတဲမ်းဖေႏ၊ လိုꩻပေႏအတာႏ၊ သွဉ်ဖေႏဗာႏဩ။\n(၃) \"ကောဝိ\"ခွေယို၊ သꩻကိုမာႏန၊ ထင်းကျချာနမ်း၊ မဉ်ႏသမ်းထွာစွော့ꩻ၊ ကန္တော့ꩻဝုဲင်ႏလင်ꩻ၊ စွꩻခွင်ꩻသွော့ဩ။\n(၄) ခွေနေားကရိုꩻ၊ အမျိုꩻအမွေး၊ ယူႏစွေးမထွꩻ၊ မာႏလꩻအဖြုံႏ၊ အဝ်ႏပြုံႏဒါႏနေ၊ လိုꩻသေလိုꩻဒါႏ၊ ပညာႏသျိသီး၊ နယ်ယီးထွူခါ၊ စင်ဗွာမေတ္တာႏ၊ ဖျင်ဒျာႏသွော့ဩ။\n\n\"ခိန်ႏတွိုႏလဲဉ်း-မာꩻခန်းလုဲင်း\"\n(၁) ယိုနဝ်ꩻအမွေး၊ နဝ်ꩻဟွေးအမာႏ၊ ခွေဒါႏနာꩻသေ၊ တဲမ်းထေဝွေႏဖန်ႏ၊ ထေမာန်ႏအွဉ်ႏကျ၊ အတ္တစွယ်ꩻခြꩻ၊ ခေတ်လꩻမထွား၊ ခွေကျွားနာꩻမောႏ၊ ခွယ်ႏတောႏတဝ်းဝင်ꩻ၊ ထေင်ညင်ꩻအာငဝ်း၊ အဲဉ်ထဝ်းအကျိုꩻ၊ အမျိုꩻသွုမ်ꩻတေင်၊ လို့ခြေင်အခိန်ႏ။\n(၂) အခိန်ႏလွဉ်ꩻထိုꩻ၊ ခွန်ခွိုꩻပအိုဝ်ႏ၊ အဝ်ႏလိုႏဖြွမ်းဝင်ꩻ၊ ချꩻလင်ꩻမာႏန၊ ကရထွာထွိုက်၊ မာꩻကျွိုက်ဆင်ႏပြေႏ၊ ခေႏနေႏအလꩻ၊ မဲဉ်ႏမꩻ-ရိုꩻမွိုန်း၊ ယံယွိုန်းသယ်ꩻခံႏ၊ ထင်းထံႏမျာꩻကျိုꩻ၊ အမျိုꩻစူꩻဗာႏ၊ သံႏဃာႏဆန္ဒ၊ (ထေင်းထံႏမျိုꩻကျိုꩻ၊ အမျိုꩻစူꩻဗာႏ၊ တကာႏဆန္ဒ)၊ အတ္တအွဉ်ႏချာ၊ အွဉ်ႏငါမျာꩻတွက်၊ ဆောင်ႏရွက်မာꩻမꩻ၊ မဲဉ်ႏသꩻအမျာꩻ၊ ထူꩻချာꩻအောင်ႏမျင်ႏ၊ ထိုထင်ႏကီကီ၊ ခမ်းထီတခိုႏ၊ ပအိုဝ်ႏဟဲ့ꩻဖန်၊ မဉ်ꩻတန်ကျောႏကျာႏ၊ ကမ္ဘာႏသေပါ၊ ယံကထွာနဝ်ꩻ၊ ယိုခါခိန်ႏတွိုႏ လိုႏမာꩻလဲဉ်း၊ (လိုႏမာꩻလဲဉ်း)။ (၁၃၆၈-ဗာႏ၊ ဒဲဉ်စေင်ဆန်ꩻ ၈-နီꩻ၊ တနင်္လာႏ၊ (၂၇-၁၁-၂၀၀၆)\n\nအာႏကွိုꩻ \n\nပအိုဝ်ႏလိတ်လုဲင်ꩻ\nပအိုဝ်ႏသမဲင်ꩻ","num_words":6505,"character_repetition_ratio":0.051,"word_repetition_ratio":0.001,"special_characters_ratio":0.121,"stopwords_ratio":0.023,"flagged_words_ratio":0.0,"lang_id_score":1.0,"perplexity_score":974.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%A1%E1%80%AD%E1%80%AF%E1%80%9D%E1%80%BA%E1%82%8F%E1%80%9D%E1%80%AE%E1%80%81%E1%80%AE%E1%80%95%E1%80%AE%E1%80%B8%E1%80%92%E1%80%AE%E1%80%B8%E1%80%9A%E1%80%AC%E1%80%B8","collection":"wikipedia","source":"wikipedia","original_code":"blk","text":"ပအိုဝ်ႏဝီခီပီးဒီးယား (အဲင်းကလေတ်: Pa'O Wikipedia) ကရိုꩻနဝ်ꩻ ထွာဒျာႏ ဝီခီပီးဒီးယား ဝဲက်သုဲက်(Website)���ဉ်တာနဲက်လိတ်မဲ့ငါကို တဲမ်းအီတောမ်ႏ လိတ်ပအိုဝ်ႏ ပအိုဝ်ႏဘာႏသာႏ လဲင်းလောင်း ကျမ်ꩻပေါင်ꩻစွုမ်ႏ လိတ်မဲ့ငါတဗာႏဒျာႏသွူ။ ပအိုဝ်ႏဝီခီပီးဒီးယား လိတ်မဲ့ငါယိုနဝ်ꩻ တယ်ႏထောင်ႏဗွောင်လွေꩻဒျာႏအစမ်ꩻ ခရိစ်နေင်ႏ ၂၀၂၁ ဗာႏ လာသဲက်တဉ်ဗာ ၁၇ နီꩻတဲင် ယိုခါ(ဗꩻတွိုႏ  )နဝ်ꩻ လိတ်မဲ့ငါရောမ်ဖြုဲင်ꩻ တဲမ်းသော့ꩻခါꩻအဝ်ႏလဲဉ်း ()ပုဒ်သွူ။ ပအိုဝ်ႏဝီခီပီးဒီးယား လိတ်မဲ့ငါကို လိတ်ဖြုံႏဖုံႏနဝ်ꩻ တဲမ်းသုင်ꩻအီဒျာႏတောမ်ႏ ယူနီကိုဒ်စံစနစ် လိတ်ဖြုံႏဖောင့်သွူ။\n\nထွာလွဉ်ဗာႏ အကျောင်ꩻခရာႏ  \nခရိစ်နေင်ႏ ၂၀၂၁ ဗာႏ သဲက်တဉ်ဗာလာ(၁၆)နီꩻနဝ်ꩻ ယံကဗွောင်နွောင်ꩻ ပအိုဝ်ႏဝီခီလိတ်မဲ့ငါတာ စူနီဆီခဲအိ(စုကဲ့) သွုပ်ဆွိုက်ဒေါ့ꩻရီလွောန် နီသွောန်းသီးထျꩻတဲင် ဒေါ့ꩻရီအိုင်ကိုမ်စဲင်းထဲင်း အကျောင်ꩻခရာႏဖုံႏနဝ်ꩻသွူ။ တွိုႏသဲက်တဉ်ဗာ(၁၇)ဟာနဝ်ꩻ စုကဲ့တောမ်ႏ အဉ်တိုဗဲသ သီးအစွိုꩻ ဗွောင်လွေꩻဖေႏခန်း လိတ်မဲ့ငါအစမ်ꩻနဝ်ꩻသွူ။ သဲက်တဉ်ဗာ(၁၈)နီꩻနဝ်ꩻ နီသွောန်းသီး ဒေါ့ꩻရီကွီခွင်ꩻလဝ်းလွေꩻထေ့ပါ ပအိုဝ်ႏလိတ်လုဲင်ꩻစွစ်ꩻလီတာႏ ဗဟိုႏသင်ႏဃာႏစွိုꩻ ဥက္ကဋ္ဌ ဗွေႏဗိုန်ကောဝိဒ ဝေင်ꩻသထုင်ႏပေႏသီႏသဲင်ႏ တောမ်ႏ ပအိုဝ်ႏလိတ်လုဲင်ꩻတောမ်ႏယေန်ႏငဲးရေꩻအစွိုꩻ(ဗဟိုႏ) ဥက္ကဋ္ဌ ဖြားခွန်ဝင်းကို ဝေင်ꩻတောင်ႏကီꩻသီးထျꩻတဲင် လꩻလွေꩻခန်းအခွင်ꩻနဝ်ꩻသွူ။ တယ်ႏစလွေꩻနဝ်ꩻမာꩻငါ ပအိုဝ်ႏဗွေႏခွန်နာင်ꩻသီးလဲ့ အွောန်ဝင်ꩻနွို့စွဲးကမ်းထွားကို တဖဲ့ꩻတခဝ် ဗꩻတွိုႏဟန်ႏနီꩻနဝ်ꩻသွူ။ ကောပ်စွောန်ႏ ခွိုꩻရက်ဗွေႏခွန်နာင်ꩻသီး ခွုန်းကနွောင်ꩻရာꩻ စွဲးကမ်းရောင်ကို အဖဲ့ꩻဖဲ့ꩻတဲင် တညတဝ်းအခိန်ႏကို ပအိုဝ်ႏဝီခီပီးဒီးယား လိတ်မဲ့ငါယိုလဲ့ ထင်ႏထိုဖြိုတန်လွောန်စွောန်ႏ တနီꩻတစိꩻစိꩻနဝ်ꩻသွူ။ တွိုႏ ၂၀၂၂ ဗာႏ ဖေဖော်ဝါရီလာကို(ညလꩻငတ်ꩻလာအခိန်ႏကို)နဝ်ꩻ ရောမ်ဖြုဲင်ꩻဗွေစွောန်ႏ အပုဒ်(၁၀၀၀)လွိုနဝ်ꩻသွူ။ တွိုႏခရိစ်နေင်ႏ ၂၀၂၂ ဗာႏ လာဇွန် ၁၆ နီꩻနဝ်ꩻ လꩻလွေꩻခန်း Approvedတဲင် အောင်ႏမျင်ႏလꩻထိုꩻခန်းတဲင် ဖေႏကလꩻလွေꩻ နမ်းပဲင်ႏဒိုမေင်းဝဲက်သုက်လိပ်စာတာႏ ဝီခီတာႏဝွန်ႏသားလဲ့ အဝ်ႏဖန်ဆင်ꩻမာꩻလွေꩻဖေႏထဲင်းနဝ်ꩻသွူ။ ခရိစ်နေင်ႏ ၂၀၂၂ ဗာႏ ဇူလုဲင်လာ ၁၉ နီꩻနဝ်ꩻ ဝီခီတာႏဝွန်ႏသား ဖန်ဆင်ꩻဒင်ႏထင်ႏလွေꩻဖေႏ ပအိုဝ်ႏဝီခီပီးဒီယား လိတ်မဲ့ငါဝဲက်သုဲက်အတီႏတဲင် လꩻလွေꩻခန်း နမ်းပဲင်ႏဒိုမေင်း ဝဲက်သုဲက်လိပ်စာနဝ်ꩻသွူ။ နဝ���ꩻမꩻ ကဒင်ႏထင်ႏလွေꩻဒါႏ ပအိုဝ်ႏဝီခီပီးဒီးယား ဝဲက်သုဲက်လိတ်မဲ့ငါ(အတီႏ) အခိန်ႏမွူးနီꩻနဝ်ꩻ ထွာဒျာႏ ခရိစ်နေင်ႏ ၂၀၂၂ ဗာႏ လာဇွန်လုဲင် ၁၉ နီꩻ နဝ်ꩻသွူ။\n\nအခိန်ႏမွူးနီꩻမုဲင်တန်ꩻ \n ၁၇.၆.၂၀၂၁ - ဗွောင်စပအိုဝ်ႏဝီခီပီးဒီးယား လိတ်မဲ့ငါ(အစမ်ꩻ)။\n ၉.၁၁.၂၀၂၁ - ချာႏပြန်ႏအရေꩻတန် ဝီခီဘာႏသာႏပြန်ႏလိတ်မဲတ်သေ့ ထွူအောင်ႏလꩻ။\n ၂၆.၁၁.၂၀၂၁ - လꩻလွေꩻ Verified as eligible။\n ၅.၁.၂၀၂၂ - လိတ်မဲ့ငါဗွေ အပုဒ်(၁၀၀၀)။\n ၂.၆.၂၀၂၂ - ပအိုဝ်ႏစဲစ်ဆေꩻလိတ်မူပညာႏသျင်ႏသားစွိုꩻ စဲစ်ဆေꩻထွူလဲဉ်းလိတ်မူအကျောင်ꩻ ပသာပြန်ႏချာ ဝီခီတာႏဝွန်ႏသားအီးမေး။\n ၃.၆.၂၀၂၂ - သုင်ꩻတဲမ်းပအိုဝ်ႏဝီခီပီးဒီးယားသားယဟန်ႏ ပထမအလဲင်ႏ မော့ꩻခွဲးလွေꩻဝင်ꩻ လဲင်းလောင်း(Google Meet)ကို (တယ်ႏစမွူးဟာခိုႏ နားရီႏ ၇:၀၀ ဆင်ႏ ဗꩻ ၈:၀၀)။\n ၁၂.၆.၂၀၂၂- မွဉ်းဖျင်ခြပ်ချော်ꩻ(edit) အလဲင်ႏပေါင်ꩻ ဗွေ(၁၀,၀၀၀)\n၁၆.၆.၂၀၂၂- အောင်ႏလꩻလွေꩻ အဆုဲင်ꩻသွတ်ꩻအရန်း လꩻလွေꩻ Approved။\n ၂.၇.၂၀၂၂ - သုင်ꩻတဲမ်းပအိုဝ်ႏဝီခီပီးဒီးယားသားယဟန်ႏ ဒုတိယအလဲင်ႏ တောမ်ႏ သꩻဝင်ႏစာꩻဒါႏဝီခီသားယဟန်ႏ အပါꩻအဖြာꩻ(၁၀) မော့ꩻခွဲးလွေꩻဝင်ꩻ လဲင်းလောင်း(Google Meet)ကို (တယ်ႏစမွူးဟာခိုႏ နားရီႏ ၈:၀၀ ဆင်ႏ ဗꩻ ၁၀:၃၀)။\n ၁၉.၇.၂၀၂၂ - ဖန်ဆင်ꩻဒင်ႏထင်ႏလွေꩻ ပအိုဝ်ႏဝီခီပီးဒီယား လိတ်မဲ့ငါဝဲက်သုဲက်အတီႏနဝ်ꩻသွူ။\n ၂၀.၈.၂၀၂၂ - သုင်ꩻတဲမ်းပအိုဝ်ႏဝီခီပီးဒီးယားသားယဟန်ႏ အပါꩻအဖြာꩻ(၇) မော့ꩻခွဲးလွေꩻဝင်ꩻ လဲင်းလောင်း(Google Meet)ကို (တယ်ႏစမွူးဟာခိုႏ နားရီႏ ၇:၅၅ ဆင်ႏ ဗꩻ ၁၀:၂၀)။ အိုင်ကိုမ်ဒေါ့ꩻရီလွေꩻ တဲမ်းသုင်ꩻပအိုဝ်ႏဝီခီခရာႏ၊ ခြုဲင်းနယ်ဝီခီခရာႏ၊ ငဝ်းရီငဝ်းစေကဏ္ဍဖုံႏသွူ။\n ၃၀.၈.၂၀၂၂ - သုင်ꩻတဲမ်းပအိုဝ်ႏဝီခီပီးဒီးယားသားယဟန်ႏ အပါꩻအဖြာꩻ(၅) မော့ꩻခွဲးလွေꩻဝင်ꩻ လဲင်းလောင်း(Google Meet)ကို (တယ်ႏစမွူးဟာခိုႏ နားရီႏ ၇:၅၅ ဆင်ႏ ဗꩻ ၉:၂၅)။ အိုင်ကိုမ်ဒေါ့ꩻရီလွေꩻ အီႏလွောင်ႏဗူႏ \"သုင်ꩻတဲမ်းပအိုဝ်ႏဝီခီသားစွိုꩻ\" တာႏ အစွိုꩻမိဉ်ꩻ၊ ရေႏမိုးချက်၊ ထာꩻမာꩻတာႏဝွန်ႏ(အတီႏ) ခရာႏဖုံႏ၊ ငဝ်းရီငဝ်းစေကဏ္ဍဖုံႏတဲင် ကွီထူႏလွေꩻပါ ထင်ႏလွဉ်သား သꩻဆန္ဒသꩻဖော်ꩻတဲင် အွဉ်ႏလွေꩻအတီႏနဝ်ꩻသွူ။\n ၁.၉.၂၀၂၂ - လွောင်ႏဗူႏလွေꩻလဲဉ်း \"သုင်ꩻတဲမ်းပအိုဝ်ႏဝီခီသားစွိုꩻ\" အကျောင်ꩻ ဒင်ႏနယ်လွေꩻ အွဉ်ႏထွာအတီႏနဝ်ꩻသွူ။\n ၂၂.၉.၂၀၂၂ - ရောမ်ဖြုဲင်ꩻဗွေ အပုဒ်(၁၀၀၀)။\n ၈.၅.၂၀၂၃ - သုင်ꩻတဲမ်းပအိုဝ်ႏဝီခီပီးဒီးယားသားယဟန်ႏ အပါꩻအဖြာꩻ(၇) မော့ꩻခွဲးလွေꩻဝင်ꩻ လဲင်းလောင်း(Google Meet)ကို (တယ်ႏစမွူးဟာခိုႏ နားရီႏ ၇:၂၀ ဆင်ႏ ဗꩻ ၉:၁၀)။ အိုင်ကိုမ်ဒေါ့ꩻရီလွေꩻ အီႏမာꩻလွေꩻ ချာႏပြန်ႏ သိပ္ပံကဏ္ဍဆဲင်ႏရာꩻ ရောမ်ဖြုဲင်ꩻပြဲင်ႏပွယ်ꩻခရာႏ တောမ်ႏ ဆွေꩻနွေꩻ ဝီခီ ဖြေ့ဗုတ်ပေ့ခရာႏ၊ ဝီခီအဘိဓာန်ႏခရာႏ ဖုံႏနဝ်ꩻသွူ။\n ၁၆.၇.၂၀၂၃ - သုင်ꩻတဲမ်းပအိုဝ်ႏဝီခီပီးဒီးယားသားစွိုꩻ(ထင်ႏလွဉ်သား အပါꩻအဖြာꩻ(၆) ဒင်ႏထင်ႏ ပအိုဝ်ႏဝီခီပီးဒီးယား တနေင်ႏဗွေအထိန်ꩻအမုဲင် မာꩻလွေꩻ ပွယ်ꩻမော့ꩻခွဲးလွေꩻဝင်ꩻ လဲင်းလောင်း(Google Meet)ကို (တယ်ႏစမွူးဟာခိုႏ နားရီႏ ၇:၁၀ ဆင်ႏ ဗꩻ ၁၀:၁၀)။ အိုင်ကိုမ်ဒေါ့ꩻရီလွေꩻ သိပ္ပံကဏ္ဍရောမ်ဖြုဲင်ꩻ ပထမလဲင်ႏ ဘာႏသာႏပြန်ႏပြဲင်ႏပွယ်ꩻကို ကေႏညာႏလꩻဆုꩻသား တောမ်ႏ ဖေႏအပ်ဆုꩻခရာႏဖုံႏ၊ နာႏထူႏလွေꩻ ကလꩻဆုꩻသား ငဝ်းငွါဖုံႏ၊ ဒေါ့ꩻရီဆွေꩻနွေꩻပါ ဝီခီပီးဒီးယား၊ ဝိစ်သိဉ်နရီ(အဘိဓာန်ႏ)၊ ပအိုဝ်ႏလိတ်လုဲင်ꩻ၊ ကပ်လူႏဝါႏဆိုႏသင်းကန်ꩻ စတဲင်အခရာႏဖုံႏသွူ။\n\nအချက်အလျက်ဖုံႏ\n\nမုဲင်တောင်ꩻ\n\nအာႏကွိုꩻ \n\nပအိုဝ်ႏသမဲင်ꩻ","num_words":798,"character_repetition_ratio":0.106,"word_repetition_ratio":0.153,"special_characters_ratio":0.104,"stopwords_ratio":0.025,"flagged_words_ratio":0.0,"lang_id_score":1.0,"perplexity_score":5443.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%A1%E1%80%AD%E1%80%AF%E1%80%9D%E1%80%BA%E1%82%8F%E1%80%9E%E1%80%92%E1%80%B9%E1%80%92%E1%80%AB%E1%82%8F","collection":"wikipedia","source":"wikipedia","original_code":"blk","text":"၁။ နာမ်ႏ \nအမဉ်ꩻအမျိုꩻမျိုꩻဖုံႏယို ကဟော်ꩻနယ်ဖေႏဒါႏ ပွုဒ်ဖုံႏယိုလဲ့ ဟဲ့ꩻဗာႏ \" နာမ်ႏပွုဒ် \" နဝ်ꩻသွူ ။\nပွုံႏစံႏ \nလိုꩻ ၊ လူꩻ ၊ လိုꩻခို ၊ လိုꩻမူႏ ၊ ခွန်ထွန်း ၊ နင်ꩻနု  ( ပုဂ္ဂိုလ်ႏ )\n ဒဲဉ် ၊ ဟန်ႏအို ၊ ခဲဉ်ႏ ၊ တသာႏ ၊ ကံ(ကံသေင်ႏ) (ခဲတံ) ၊ ကံထီ (မွိုက်) (ဘောပဲဉ် )၊ ( ဝတ္ထု)\n သꩻ ၊ စေႏတနာႏ ၊ သဒ္ဓါႏ ၊ ပညာႏ ၊ သတိꩻ ၊ လောဘ ၊ ဒေါသ ၊ မောဟ ( ဓမ္မ )။\n\n၂။ ကြိယာႏ \nပုဂ္ဂိုလ်ႏတဖြာꩻဖြာꩻ ဝတ္ထုတမျိုꩻမျိုꩻ ကထွာကမာꩻ ကခံႏစာꩻဗာႏ ကပေါႏလွဉ်ဒါႏ အပွုံႏအငုဲင်ꩻ အလွိုး အမူအယာဖုံႏ အစွိုးစွိုးယို ဟဲ့ꩻဗာႏ \"ကြိယာႏ\" နဝ်ꩻသွူ ။\n\nပွုံႏစံႏ-\n မာꩻ ၊  အံႏ ၊ ထင်ႏ ၊  ဖေႏ  ၊ လူႏ ၊ ထူႏ ၊ ကွီ ၊  ခံႏစာꩻ   (ကြိယာႏလိုႏကံႏ)။\n ထွာ ၊  ဗေင်ႏ ၊  အုံ ၊  ဖညာꩻ ၊ လွစ်ထန်ႏ   ( ကြိယာႏလိုႏကံႏ )။\n\nဥပမာႏ- ပွုံႏစံႏ \n( ကတ္တားဝါကျ\/ ကံႏဝါကျ )\n( က )  ခွေ       အံႏ     ဒဲဉ်  သွူ။ \n  \n( ကတ္တားဝါကျ \/  ကံႏဝါကျ )\n\n( ခ )  ခွန်ထွန်း   ဝုဲင်ႏ     ဖရာꩻ   သွူ  ။\n\n( ကတ္တားဝါကျ\/ သမ္ပဒါန်ႏဝါကျ\/ ကံႏဝါကျ )\n\n( ဂ )  နင်ꩻနု   လူႏ   ဖရာꩻ  ကဝ်ႏ   သွူ ။\n\n( ကတ္တားဝါကျ\/ အပါဒါန်ႏဝါကျ )\n\n(ဃ)  ခွေ    အဝ်ႏဝေင်ꩻမန်ႏတလေꩻ    သဲင်ꩻလွဉ်    သွူ  ။\n\n( ကတ္တားဝါကျ \/  ဩကာသဝါကျ )\n\n( င ) ခွေ    အုံ  ဝေင်ꩻတောင်ႏကီꩻကို သွူ ။\n\nသမ္ဗန္ဓဝါကျ - ဝါကျသွုပ်\n( အပဓာနဝါကျ (လက္ခဏဝါကျသွုပ်) \/  ( ပဓာနဝါကျ )\n\n( ၁ )  ခွေမဉ်ႏအောင်ႏလိတ်တန်ꩻတဆီနဝ်ꩻ ခွေအီႏထင်ႏသွုပ်ယင်း တက္ကသိုလ်ႏသွူ ။\n\n( အပဓာနဝါကျ (ဟေတုဝါကျသွုပ်) \/  ( ပဓာနဝါကျ )\n\n( ၂ )  ကွပ်စွဉ်ႏခွေအောင်ႏလိတ်တန်ꩻတဆီနဝ်ꩻမꩻ ခွေထင်ႏသွုပ်ဗာႏယင်း တက္ကသိုလ်ႏသွူ ။\n\n( အပဓာနဝါကျ (တုမတ္ထဝါကျသွုပ်) \/  ( ပဓာနဝါကျ )\n\n( ၃ )  ယံဖေႏခွေသွဉ်း ကလꩻဗာႏ မဂ်ဖိုလ်ႏနိဗ္ဗာန်ႏအတာႏ ခွေသွဉ်းလူႏဗာႏ ဗွေႏသံႏဃာႏသီး သင်္ကန်ꩻဖုံႏသွူ ။\n\n=  ခွေသွဉ်း  မဉ်ႏအောင်ႏ  လိတ်တန်ꩻတဆီနဝ်ꩻ၊\n\n=   ကွပ်စွဉ်ႏ   ခွေ    အောင်ႏ   လိတ်တန်ꩻတဆီနဝ်ꩻမꩻ၊ \n\n=   ယံဖေႏ    ခွေသွဉ်း   ကလꩻဗာႏ    မဂ်ဖိုလ်ႏနိဗ္ဗာန်ႏအတာႏ\n\nယိုဖုံႏနဝ်ꩻ  ဟဲ့ꩻ\"အပဓာနဝါကျ\" နဝ်ꩻသွူ ။\n\nပဓာနဝါကျနဝ်ꩻ  လယိုဖုံႏ =   ခွေ  အီႏထင်ႏသွုပ်ယင်း    တက္ကသိုလ်ႏ သွူ ။\n=   ခွေ   ထင်ႏသွုပ်ဗာႏယင်း    တက္ကသိုလ်ႏ  သွူ ။\n=   ခွေသွဉ်း   လူႏဗာႏ    ဗွေႏသံႏဃာႏသီး   သင်္ကန်ꩻဖုံႏသွူ ။\n\"ပစ္စုပ္ပန်ႏကာႏလ\"အဓိပ္ပါယ်ႏ\nအဝ်ႏထွာတွင်ꩻ၊ အဝ်ႏမာꩻတွင်ꩻ အခိန်ႏကာႏလ(ယိုခါခဲ့ꩻခဲ့ꩻ)ယို ဟဲ့ꩻဗာႏ\"ပစ္စုပ္ပန်ႏကာႏလ\"(Present Tense)သွူ။\n\n(က) အဝ်ႏ----- (ခ) ----- တွင်ꩻ\n(ဂ) အဝ်ႏ------တွင်ꩻ (ဃ) သင်္ကေတပါတဝ်းတမျိုꩻမျိုꩻ။\n(က)\"အဝ်ႏ---\"နဝ်ꩻ အုံကတ္တားဆꩻချာ\/ ကြိယာႏဆꩻငါ (ကတ္တားတွမ်ႏကြိယာႏအခါႏကို)သွူ။\n(ခ) \"------တွင်ꩻ\"နဝ်ꩻ အုံဝါကျအဆုဲင်ꩻသွတ်ꩻကိုသွူ။\n\n\"ပုံႏ\"\n(က) ခွန်ထွန်း အဝ်ႏ ထွာ ဒုံလိုꩻတန်သွူ။\n= ခွေ အဝ်ႏ အံႏ ဒဲဉ်သွူ။\n= ဗွေႏစင်ꩻ အဝ်ႏ ဟောꩻ တရာꩻ သွူ။\n= ဗွေႏသျင်ႏ အဝ်ႏ ဒေါ့ꩻ လိတ် သွူ။\n\"တောင်ꩻသေꩻ\"\"အဝ်ႏ\"ယို မဟာနီꩻ\/မစာႏနီꩻ စတဲင်အတိတ်မဉ်ႏပါနဝ်ꩻ ပစ္စုပ္ပန်ႏသင်္ကေတတမွေးတဝ်းဒွုမ်သွူ။\n= မဟာနီꩻ ခွေ အဝ်ႏအုံဒျာႏ ခွေသွꩻပေႏ-ခွန်ထွန်းလမ်းကို တနီꩻလွုမ်းလွုမ်းသွူ။\n= မစာႏနီꩻ သွꩻပေႏ-ခွန်ထွန်း အဝ်ႏအုံဒျာႏ ခွေလမ်းကို တနီꩻလွုမ်းလွုမ်းသွူ။\n(ခ) ခွန်ထွန်း ထွာ ဒုံလိုꩻတန် တွင်ꩻ သွူ။\n\n၃။ ကာႏလသွံမျိုꩻ \n\n၁။ အတိတ်ကာႏလ၊ ၂။ ပစ္စုပ္ပန်ႏကာႏလ၊ ၃။ အနာႏဂတ်ကာႏလ။\n\nအတိတ်ကာႏလ-\n\nထွာထွူလဲဉ်း၊ မာꩻထွူလဲဉ်း အခိန်ႏကာႏလ (နဝ်ꩻဟွဉ်ႏ၊ မဟာ၊ မစာႏ၊ ကလဲဉ်းခိုႏချာ) ယို ဟဲ့ꩻ \" အတိတ် \" နဝ်ꩻသွူ ။\n\nသင်္ကေတပွုံႏစံႏ\n\n(က)   -------- ဖို                   ( ခ ) ------------- လဲဉ်း\n\n( ဂ ) ---------- ဖိုလဲဉ်း          (ဃ)  ----------- ထွူလဲဉ်း။\n\nခင်ႏလမ်း\n\n(က\/ခ\/ဂ)     \" ----ဖို\/ ----- လဲဉ်း \/  ----- ဖိုလဲဉ်း \" ဖုံႏနဝ်ꩻ အုံကြိယာႏဆꩻချာ။\n\n(ဃ)      ----- ထွူလဲဉ်း \"\n\nပွုံႏစံႏ\n\n(က)   =    ခွန်ထွန်း     ထွာ  ( ဖို )     ဒုံလိုꩻတန်      သွူ ။\n\n         =    ခွေ            အံႏ     ( ဖို  )    ဒဲဉ်       သွူ ။\n\n         =     ဗွေႏစင်ꩻ    ဟော်ꩻ    ( ဖို  )     တရာꩻ        သွူ ။\n\n         =     ဗွေႏသျင်ႏ     ဝုဲင်ႏ       ဖို        ဖရာꩻကက္ကူႏ     သွူ ။\n\n( ခ )  =    ခွန်ထွန်း     ထွာ   လဲဉ်း     ဒုံလိုꩻတန်      သွူ ။\n\n         =    ခွေ            အံႏ      လဲဉ်း      ဒဲဉ်        သွူ ။\n\n         =     ဗွေႏစင်ꩻ    ဟောꩻ     လဲဉ်း      တရာꩻ        သွူ ။\n\n         =     ဗွေႏသျင်ႏ    ဝုဲင်ႏ        လဲဉ်း       ဖရာꩻကက္ကူႏ     သွူ ။\n\n( ဂ )  =    ခွန်ထွန်း     ထွာ   ဖိုလဲဉ်း      ဒုံလိုꩻတန်      သွူ ။\n\n         =    ခွေ        အံႏ      ဖိုလဲဉ်း        ဒဲဉ်        သွူ ။\n\n         =     ဗွေႏစင်ꩻ    ဟောꩻ     ဖိုလဲဉ်း       တရာꩻ        သွူ ။\n\n         =     ဗွေႏသျင်ႏ    ဝုဲင်ႏ       ဖိုလဲဉ်း        ဖရာꩻကက္ကူႏ     သွူ ။\n\n(ဃ\/၁)   =    ခွန်ထွန်း     ထွာ   ထွူလဲဉ်း      ဒုံလိုꩻတန်      သွူ ။\n\n             =    ခွေ            အံႏ      ထွူလဲဉ်း        ဒဲဉ်        သွူ ။\n\n              =     ဗွေႏစင်ꩻ    ဟောꩻ     ထွူလဲဉ်း      တရာꩻ        သွူ ။\n\n            =     ဗွေႏသျင်ႏ    ဝုဲင်ႏ       ထွူလဲဉ်း        ဖရာꩻကက္ကူႏ     သွူ ။\n\n(ဃ\/၂)   =    ခွန်ထွန်း     ထွာ   ဒုံလိုꩻတန်      ထွူလဲဉ်း     သွူ ။\n\n             =    ခွေ            အံႏ      ဒဲဉ်        ထွူလဲဉ်း        သွူ ။\n\n              =     ဗွေႏစင်ꩻ    ဟောꩻ     တရာꩻ       ထွူလဲဉ်း       သွူ ။\n\n            =     ဗွေႏသျင်ႏ    ဝုဲင်ႏ      ဖရာꩻကက္ကူႏ    ထွူလဲဉ်း        သွူ ။\n\nပအိုဝ်ႏငဝ်းခြွိုင်း \nခွေသွဉ်းကတဲမ်းနယ်ဒါႏ \"ပအိုဝ်ႏငဝ်းခြွိုင်း\"ကရိုꩻယိုနဝ်ꩻ နာမ်ႏပုဒ်လဲ့ တမွေးတဝ်း၊ ကြိယာႏပုဒ်လဲ့ တမွေးတဝ်း၊ ကရကငဝ်း၊ နိပါတ်ငဝ်းဖုံႏဒျာႏတဲင် ခွေသွဉ်းဖန်ဖေႏအမဉ်ꩻ \" ပအိုဝ်ႏငဝ်းခြွိုင်း \" နုဲင်းနဝ်ꩻသွူ။ မီႏတဲမ်းလိတ်ဒေါ့ꩻငဝ်းနဝ်ꩻ ငဝ်းခြွိုင်းဖုံႏယို အခင်ႏလမ်းတွမ်ႏအခင်ႏလမ်း သုံꩻမဲဉ်ႏမဲဉ်ႏမꩻ နီကမဲဉ်အွဉ်ႏသေဒါႏ အခရာႏဖုံႏယို ဝင်ꩻသေနာႏယိုꩻသွူ။ ခွေသွဉ်းနဝ်ꩻ ဒဲဉ်သီႏလက်ဆောင်ႏလိတ်စောင်ႏတာႏ စဲစ်ဆေꩻလွိုက်ရွေꩻဖေႏဗာႏ ဝင်ꩻလိတ်မူတဲင် ကဲဉ်းအာအာနဝ်ꩻ သုံꩻငဝ်းခြွိုင်း တမဲဉ်ႏလို့တဝ်းတွော့ꩻ၊ တသေနာႏတဝ်း သဒ္ဒါႏစီꩻကန်ꩻတွော့ꩻ စဉ်ꩻစာꩻဗာႏယပ်ꩻငါႏ အဓိပ္ပါယ်ႏ၊ ဖျင်ဗာႏအာငါႏ ငဝ်းလွေꩻသဲင်ꩻဖုံႏသွူ။ကွပ်နဝ်ꩻမꩻ ဝါႏသနာႏတဲမ်းလိတ်သားအတွက် အကျိုꩻရအဝ်ႏ၊ ထွာနွောင်ꩻအစွဲးအပမ်း တခူးတခဝ်- ယူႏနုဲင်းနဝ်ꩻတဲင် တဲမ်းနယ်ဗာႏ ရွမ်ဖြုဲင်ꩻယိုသွူ။ ခွေသွဉ်းကတဲမ်းနယ်ဒါႏ ယိုဖုံႏနဝ်ꩻ ခွေသွဉ်းထာꩻသေထာꩻဒါႏ၊ ထာꩻယူႏထာꩻစိတ်ကူꩻ၊ ထာꩻထီႏဒျာႏတဲင် မွေးမဲဉ်ႏငါႏထာꩻ နုဲင်းစွဉ်ႏ ပရမတ္ထတရာꩻအနေႏနုဲင်းနဝ်ꩻလဲ့ တွမ်ႏယူႏမွော့၊ တွမ်ႏမတ်မွော့၊ လွိုခွေသွဉ်းထာꩻယူႏ၊ ထာꩻစိတ်ကူꩻယို အလောင်ႏအလင်ဖုံႏလဲ့ ထွာနွောင်ꩻ၊ အဝ်ႏနွောင်ꩻဒါႏဒျာႏသွူ။ ခွေသွဉ်းကအီႏတဲမ်းဒါႏ ပအိုဝ်ႏငဝ်းခြွိုင်း မာတိကာႏနဝ်ꩻ လယိုအတွိုင်ꩻသွူ -\n\n( က ) တဲင် - တွော့ꩻ\n( ခ )  နဝ်ꩻ \n( ဂ ) ယို\n(ဃ)  လဲ့\n( စ ) ပွိုး  - ကွပ်ပွိုး                 \n(ဆ)  လွုမ်ꩻ       \n( ဇ ) အီႏ\n\n(က) တဲင် - တွော့ꩻ \n\"တဲင် တွော့ꩻ\" ကရိုꩻဒါႏ  ငဝ်းယိုနဝ်ꩻ နာမ်ႏပုဒ်လဲ့ တမွေးတဝ်း၊ အကျောင်ꩻပျꩻ ဟိတ်ငဝ်းဒျာႏသွူ၊ မီႏလိုႏပျꩻအကျောင်ꩻနဝ်ꩻ သုံꩻဗာႏ (တဲင်)၊ မွေးတဝ်းလဲ့ (တွော့ꩻ) ယိုနီငွါ တငွါငွါသွူ ။\n\nပုံႏစံႏ ။       ။   နင်ႏဗွာနဝ်ꩻ  သꩻဟဝ်အဝ်ႏတဲင် (သꩻဟဝ်အဝ်ႏတွော့ꩻ) ကေားကျွိုက်သား လွိုင်ႏအာငါႏသွူ ။\n\nနင်ႏဗွာယို ကေားကျွိုက်သား ကလွိုင်ႏအာငါႏနဝ်ꩻ ကွပ်ပွိုးသꩻဟဝ်အဝ်ႏသွူ၊ ကွပ်နဝ်ꩻမꩻ သꩻဟဝ်နဝ်ꩻ ထွာအကျောင်ꩻတဲင် သုံꩻဗာႏ (တဲင်)၊ မွေးတဝ်းလဲ့ (တွော့ꩻ) သွူ ။ယဟန်ႏသားနဝ်ꩻ (တဲင်  တွော့ꩻ) နီဖြုံႏယို  သုံꩻတွယ်ꩻလွဝင်ꩻလဲ့ အဝ်ႏသွူ၊ မီႏသုံꩻတွယ်ꩻလွဝင်ꩻန၀်ꩻ အဓိပ္ပါယ်ႏ တကုဲင်တဝ်းလဲ့ တဲမ်းဟော်ꩻဗာႏပိုႏ တဖြုံႏတာႏတဲင် အခိန်ႏလို့ပိုႏ တဖြုံႏတာႏသွူ၊ မီႏသုံꩻတဖြုံႏချင်ႏ (တဲင်) ခြေင်ခြေင်၊ မွေးတဝ်းလဲ့ (တွော့ꩻ) ခြေင်ခြေင်နဝ်ꩻ ထပ်တဝင်ꩻတဲင် ဟော်ꩻဟဝ်တဝ်းသွူ ။\n\nပုံႏစံႏ ။         ။   နင်ꩻဖြေင်းနဝ်ꩻ ကျင်ꩻဟဝ်တဝ်း (တဲင်) ကေားကျွိုက်သားအဲဉ်ထဝ်း (တွော့ꩻ) အုံမူႏနမ်ꩻတန်ဗာႏထာꩻသွူ ။\n\nကေားကျွိုက်သား ကတအဲဉ်ထဝ်းနဝ်ꩻ ကွပ်အကျင်ꩻဟဝ်တဝ်း၊ ကွပ်နဝ်ꩻမꩻ အကျင်ꩻဟဝ်တဝ်းနဝ်ꩻ ထွာပထမအကျောင်ꩻပျꩻတဲင် သုံꩻဗာႏတွမ်ႏ (တဲင်)သွူ၊ ကအုံမူႏနံꩻတန်ဗာႏထာꩻနဝ်ꩻ ကွပ်ကျွိုက်သားအဲဉ်ထဝ်း၊ ကွပ်နဝ်ꩻမꩻ ကေားကျွိုက်သားအဲဉ်ထဝ်းနဝ်ꩻ ထွာဒုတိယအကျောင်ꩻပျꩻတဲင် သုံꩻဗာႏတွမ်ႏ (တွော့ꩻ)သွူ ။(တွော့ꩻ) သုံꩻအွဉ် ( တဲင် )သုံꩻဆုဲင်ꩻနဝ်ꩻ အဝ်ႏလꩻဒျာႏလဲ့ နုဲင်းစွဉ်ႏတဟဝ်တဝ်းသွူ။ \n\nသုံꩻတငွါချင်ႏပုံႏစံႏ−နင်ႏဖြေင်းနဝ်ꩻ  ကွပ်အကျင်ꩻဟဝ်တဝ်း (တဲင်) ကေားကျွိုက်သားအဲဉ်ထဝ်း (တဲင်) အုံမူႏနံꩻတန်ဗာႏထာꩻသွူ။\n\n( ခ ) နဝ်ꩻ \n\" နဝ်ꩻ \" ကရိုꩻဒါႏငဝ်းယိုနဝ်ꩻ သဒ္ဒါႏဝေါဟာရနဝ်ꩻ ကဲဉ်းအာအာ ဟဲ့ꩻဗာႏ ကတ္တား (ကေားမာꩻသား)သွူ၊ မာꩻသား၊ ဒေါ့ꩻသား၊ အံႏသား၊ လွေꩻသား၊ သဲင်ꩻသား၊ ဗေင်ႏသား၊ ထွိုင်ႏသား-စတဲင်နုဲင်းနဝ်ꩻဖုံႏနဝ်ꩻ ဟဲ့ꩻကတ္တားသွူ၊ ကာရကသူပါꩻအကိုနဝ်ꩻ ထွာကတ္တုကာရကသွူ ။\n\nပုံႏစံႏ  ။        ။ ခွန်ပေါရင်းနဝ်ꩻ ဒုံႏဒါႏတိန်ႏ\n \nကဒုံႏဒါႏတိန်ႏနဝ်ꩻ ပါꩻမုဲင်ꩻ? ခွန်ပေါရင်း၊ ကွပ်��ဝ်ꩻမ ခွန်ပေါရင်းနဝ်ꩻ ထွာ ကတ္တားတဲင် တဲမ်းတွယ်ꩻဗာႏ တွမ်ႏ(နဝ်ꩻ)သွူ၊ ခွန်ပေါရင်းယို ဒုံႏဒါႏတိန်ႏ မီႏတဲမ်းနုဲင်းနဝ်ꩻနဝ်ꩻ မဲဉ်ႏတဝ်းနဝ်ꩻသွူ၊ ယို ကရိုꩻနဝ်ꩻ ထွာဒျာႏကံပုဒ် ၊ ခံႏဝင်ꩻမာꩻသွူ၊ တိန်ႏယို ဖြေꩻလို့နီရေင် မီႏတဲမ်းနုဲင်းနဝ်ꩻနဝ်ꩻ မဲဉ်ႏသွူ ၊ ပွိုးနုဲင်းမုဲင်ꩻနဲးတဲင် တိန်ႏနဝ်ꩻ ထွာကံပုဒ်၊ ခံႏဝင်ꩻဖြေꩻတဲင် သုံꩻ (ယို)၊ တဲမ်းတွယ်ꩻဗာႏတွမ်ႏ (ယို)သွူ။\n\n( ဂ ) ယို \nယို နဝ်ꩻ သဒ္ဒါႏဝေါဟာရနဝ်ꩻ ကဲဉ်းအာအာ ဟဲ့ꩻဗာႏ ကံပုဒ် (ခံႏဗာႏမာꩻ)သွူ၊ ကံပုဒ်ကရိုꩻနဝ်ꩻ မီႏထွာထာꩻမာꩻလဲ့ ခံႏဝင်ꩻမာꩻ၊ မီႏထွာဒဲဉ်လဲ့ ခံႏဝင်ꩻအံႏ၊ မီႏထွာတဖူꩻလဲ့ ခံႏဝင်ꩻထောင်၊ မီႏထွာတဒေါင်လဲ့ ခံႏဝင်ꩻ ထင်ႏလင်ꩻ၊ မီႏထွာရဟန်ꩻလဲ့ ခံႏဝင်ꩻဝုဲင်ႏသွူ ။\n\nပုံႏစံႏ  ။       ။   နင်ႏရောင်ႏယို ခိုဗင်ႏကျွိုက်ရောင်ငါႏ ။\n\nနင်ႏရောင်ႏနဝ်ꩻ ခံႏဗာႏခိုဗင်ႏကျွိုက်ရောင်တဲင် ထွာကံပုဒ် ၊ ကွပ်နဝ်ꩻမꩻ သုံꩻဗာႏတွမ်ႏ (ယို)သွူ ၊ \" နင်ႏရောင်ႏနဝ်ꩻ ခိုဗင်ႏကျွိုက်ရောင်ငါႏ \" မီႏတဲမ်းနုဲင်းယို မဲဉ်ႏတဝ်းသွူ၊ ပွိုးနုဲင်းမုဲင်ꩻနဲးတဲင် နင်ႏရောင်ႏနဝ်ꩻ ကျွိုက်ဝင်ꩻမွေးတဝ်း ၊ ဝင်ꩻကျွိုက်ဒျာႏဝွေꩻတဲင် ဝွေꩻနဝ်ꩻ သုံꩻတွမ်ႏကတ္တားငဝ်း (နဝ်ꩻ) လꩻတဝ်း ၊ သုံꩻဗာႏဒျာႏ ကံငဝ်း(ယို)မꩻလꩻသွူ ။(ယို)တွမ်ႏ(နဝ်ꩻ)နဝ်ꩻ ယဟန်ႏလဲ့ သုံꩻအီ ဗော့ꩻအညာꩻ လဲ့ အဝ်ႏသွူ၊ \n\nဥပမာႏ   -  အွိုး(ယို) (အဗော့ꩻ)၊ အွိုး (နဝ်ꩻ) (အညာꩻ) ။\n\n(ယို)တွမ်ႏ (နဝ်ꩻ) နီဖြုံႏယို သုံꩻတွယ်ꩻလွဝင်ꩻလဲ့ အဝ်ႏ \n\nဥပမာႏ - နီယိုနဝ်ꩻ ပအိုဝ်ႏလိုꩻမျိုꩻဒျာႏ ။\n\nကွဲႏတွော့ꩻ  အသုံꩻတွယ်ꩻလွဝင်ꩻနုဲင်းယိုနဝ်ꩻ ရွစ်ဖတ်ဟော်ꩻထွား ဖေႏကပြေတွော့ꩻ သုံꩻတွယ်ꩻဒျာႏ၊ ဝိဘတ်ငဝ်းနဝ်ꩻ ထူႏဗာႏဒျာႏ အဖြုံႏငါ (နဝ်ꩻ)သွူ၊ ထွာဒျာႏကတ္တားပုဒ်စွူစွူဒျာႏ။ ပအိုဝ်ႏယိုခါနဝ်ꩻ(ယို)တွမ်ႏ(နဝ်ꩻ) ကတ္တား၊ ကံ တကွယ်ꩻပျာꩻငါႏတဝ်း၊ အဝ်ႏသုံꩻကြွို့ꩻသုံꩻကြꩻ၊ သုံꩻရော်ꩻရယ်ꩻနေးဒျာႏသွူ၊ ကထွာဗာႏနုဲင်းယိုနဝ်ꩻ ပအိုဝ်ႏယိုဝိဘတ်ငဝ်း အတိအကျ စဲင်းစဲင်းစဲ့စဲ့ ထွူထွူလဲ့ တအဝ်ႏတဝ်း၊ တအွဉ်ႏထွော့တဝ်းဒွိုန်းတွော့ꩻ ထွာဗာႏဒျာႏ ရိုꩻဗာႏနုဲင်းန၀်ꩻသွူ။\n\nနီငဝ်းထွုံꩻစဲဉ်ႏ သွုံꩻမဲဉ်ႏမဲဉ်ႏ \nယိုခါ နီပအိုဝ်ႏပေႏဖုံႏ တဲမ်းလိတ်သား မနဲအာလွဉ်သွူ၊ ပုဂ္ဂိုလ်ႏကျောင်ꩻနဝ်ꩻ ယိင်းအာအာသွူ ။ ပေါႏလိတ်စောင်ႏထန်ႏတဲ့ သေနန်းပါနီ ကဲဉ်းအာအာတဲင် ကပ်ပသာလွဉ်တွော့ꩻ သꩻရောင်းသꩻရေꩻ ဟော်ꩻထွားဆွုမ်ႏဗာႏနဝ်ꩻသွူ ။ ယပ��ꩻပါꩻ\/ ယဖြာꩻဖြာꩻနဝ်ꩻ တဲမ်းလိတ် ပအိုဝ်ႏထွုံꩻစဲဉ်ႏ ငဝ်းသွုံꩻမဲဉ်ႏဒါႏ၊ (တဲမ်းပအိုဝ်ႏငဝ်း အလွေꩻအသဲင်ꩻအတွိုင်ꩻဒါႏ၊ ယင်ဟန်ႏသားနဝ်ꩻ ဒါႏတဝ်း (တဲမ်းလောင်းဝင်ꩻငဝ်း)တဲ့ ပါနေနေသွူ ။\nကွပ်နဝ်ꩻမꩻ မဲဉ်တဲမ်းနယ်ငါႏ ကဗျာခရာႏ၊ တဲမ်းလိတ်ပအိုဝ်ႏခရာႏ၊ ပအိုဝ်ႏငဝ်းလွေꩻသဲင်ꩻခရာႏ-စတဲင်နုဲင်းနဝ်ꩻ အဝ်ႏအာတန်၊ ယိုတလဲင်ႏနဝ်ꩻ ခွုင်းအခိင်ႏကလꩻ တဲမ်းပျꩻနယ်ဗာႏ \" ဝင်ꩻငဝ်း နီငဝ်း-ဗိုန်ပီတဝ်း\" ပွုံႏစံႏလယိုအတွိုင်ꩻသွူ ။\n \nပွုံႏစံႏ ( ၃ )\n\nမန်းနဝ်ꩻ တဲမ်းနုဲင်းယို -\n\" ဤခေတ်၌ တပည့်တို့ကို ဆုံးမကြသော ဆရာတို့သည် တုတ်ဖြင့်မရိုက်ကြဘဲ နားလည်အောင် ရှင်းပြကြပါသည်\" ။\nပအိုဝ်ႏနဝ်ꩻ  တဲမ်းဗာႏနုဲင်းယို -\n\" ခေတ်ယိုခါ ဆရာႏသီး ကဆွုံꩻမꩻလွဒါႏ တပဲ့ꩻဖုံႏနဝ်ꩻ တွဲႏတဝ်းဒွုမ်တွမ်ႏခွဉ်းတဲင် ဖေႏနေးကသေနာႏ ခြုဲင်းနယ်နေးဒျာႏနဝ်ꩻသွူ \" ။ ( တဲမ်းလောင်းတဝ်းမန်းငဝ်း )။\nယင်ဟန်ႏသားနဝ်ꩻ တဲမ်းနုဲင်းယို -\n\" ခေတ်ယိုခါ တပဲ့ꩻဖုံႏယို ကဆွုံꩻမꩻဒါႏ ဆရာႏသီးနဝ်ꩻ တွမ်ႏခွဉ်းတွဲႏလွတဝ်း၊ ယံကေသနာႏ သျင်ꩻပျꩻလွဒျာႏနဝ်ꩻသွူ \" ။ ( တဲမ်းလောင်းမန်းငဝ်း )။\nယူႏသွော့နုဲင်းယို -\n(က)  \" ဆွုံꩻမꩻတပဲ့ꩻ\" နဲ့ ?   -  \" တပဲ့ꩻဆွုံꩻမꩻ \" နဲ့ ? \n         ( ဆွုံꩻမꩻတပဲ့ꩻ - နုဲင်းနဝ်ꩻဒျာႏ ) ။\n( ခ )  \" တွဲႏတဝ်းတွမ်ႏခွဉ်း \" နဲ့ ? -   \" တွမ်ႏခွဉ်းတွဲႏတဝ်း\" နဲ့ ? \n         ( တွဲႏတဝ်းတွမ်ႏခွဉ်း - နုဲင်းနဝ်ꩻဒျာႏ ) ။\nကွပ်နဝ်ꩻမꩻ တဲမ်းနယ်ꩻ (၂) နယ်ꩻလယို တဲက်ထွားဟော်ꩻယူႏ ထူႏသွော့အနယ်ꩻနေား -\n(က)  ခေတ်ယိုခါ ဆရာႏသီး ကဆုံꩻမꩻလွဒါႏ တပဲ့ꩻဖုံႏနဝ်ꩻ တွဲႏတဝ်းဒွုမ်တွမ်ႏခွဉ်းတဲင် ဖေႏနေးကသေနာႏ ခြုဲင်းနယ်နေးဒျာႏနဝ်ꩻသွူ ။\n( ခ )  ခေတ်ယိုခါ တပဲ့ꩻဖုံႏယို ကဆုံꩻမꩻဒါႏ ဆရာႏသီးနဝ်ꩻ တွမ်ႏခွဉ်းတွဲႏလွတဝ်း၊ ယံကသေနာႏ သျင်ꩻပျꩻဒျာႏနဝ်ꩻသွူ ။\n\nမန်းနဝ်ꩻ -  တပည့်တို့ကို ( ကံ )၊ ဆရာတို့သည် ( ကတ္တား )၊ တုတ်ဖြင့်(ကရိုဏ်း)၊ မရိုက် ( ကြိယာ )။\n         မန်း (ကံ၊ ကတ္တား၊ ကရိုဏ်း၊ ကြိယာ) ။\n\nပအိုဝ်ႏနဝ်ꩻ - ဆရာႏသီး ( ကတ္တား )၊ တပဲ့ꩻဖုံႏ (ကံႏ)၊ တွဲႏတဝ်း ( ကြိယာႏ )၊ တွမ်ႏခွဉ်း (ကရိုဏ်း)။\n         ပအိုဝ်ႏ (ကတ္တား၊ ကံႏ၊ ကြိယာႏ၊ ကရိုဏ်း)။\n\nကွပ်နဝ်ꩻမꩻ   \" နီငဝ်းဝင်ꩻငဝ်း - ဗိုန်ပီတဝ်း \" နဝ်ꩻသွူ ။\n\nပွုံႏစံႏ ( ၄ )\n\nမန်းနဝ်ꩻ တဲမ်းနုဲင်းယို -\n\" သင်္ကန်းရောင်းသော ဒါယကာ တစ်ဦးသည် ရဟန်းအား သင်္ကန်းကို လှူ၏\" ။\nပအိုဝ်ႏနဝ်ꩻ  တဲမ်းဗာႏနုဲင်းယို -\n\" ကစာဒါႏသင်္ကန်ꩻ ဒါယကာႏ တဖြာꩻနဝ်ꩻ လူႏရဟန်ꩻ (အတ��ႏ) သင်္ကန်ꩻယိုသွူ \" ။ ( တဲမ်းလောင်းတဝ်းမန်းငဝ်း )\nယင်ဟန်ႏသားနဝ်ꩻ တဲမ်းနုဲင်းယို -\n\" သင်္ကန်ꩻကစာဒါႏ ဒါယကာႏ တဖြာꩻနဝ်ꩻ ရဟန်ꩻတာႏ သင်္ကန်ꩻယို လူႏသွူ \" ။ \n( တဲမ်းလောင်းမန်းငဝ်း )\nယူႏသွော့နုဲင်းယို -\n(က)  \" စာဒါႏသင်္ကန်ꩻ\" နဲ့ ?   -  \" သင်္ကန်ꩻစာဒါႏ \" နဲ့ ? \n          ( စာဒါႏသင်္ကန်ꩻယို - နုဲင်းနဝ်ꩻဒျာႏ ) ။\n( ခ )  \" လူႏသင်္ကန်ꩻယို \" နဲ့ ? -   \" သင်္ကန်ꩻယို လူႏ\" နဲ့ ? \n         ( လူႏသင်္ကန်ꩻယို - နုဲင်းနဝ်ꩻဒျာႏ ) ။\nကွပ်နဝ်ꩻမꩻ တဲမ်းနယ်ꩻ (၂) နယ်ꩻလယို တဲက်ထွားဟော်ꩻယူႏ ထူႏသွော့အနယ်ꩻနေား -\n(က)  ကစာဒါႏသင်္ကန်ꩻ တကာႏ တဖြာꩻနဝ်ꩻ လူႏရဟန်ꩻ (အတာႏ) သင်္ကန်ꩻယိုသွူ ။\n( ခ )  သင်္ကန်ꩻကစာဒါႏ တကာႏ တဖြာꩻနဝ်ꩻ ရဟန်ꩻတာႏ သင်္ကန်ꩻယို လူႏသွူ။\n\nမန်းနဝ်ꩻ -  ဒါယကာ ( ကတ္တား )၊ ရဟန်းအား ( သမ္ပဒါန် )၊ သင်္ကန်းကို ( ကံ )၊ လှူ၏ ( ကြိယာ)၊\n         မန်း (ကတ္တား + သမ္ပဒါန် + ကံ +ကြိယာ ။)\n\nပအိုဝ်ႏနဝ်ꩻ - တကာႏ ( ကတ္တား )၊ လူႏ (ကြိယာႏ)၊ ရဟန်ꩻ (အတာႏ)(သမ္ပဒါန်)၊ သင်္ကန်ꩻယို ( ကံႏ )၊\n          ပအိုဝ်ႏ ( ကတ္တား + ကြိယာႏ + သမ္ပဒါန် + ကံႏ )။\n\nကွပ်နဝ်ꩻမꩻ   \" နီငဝ်းဝင်ꩻငဝ်း - ဗိုန်ပီတဝ်း \" နဝ်ꩻသွူ ။\n\nပွုံႏစံႏ ( ၅ )\n\nမန်းနဝ်ꩻ တဲမ်းနုဲင်းယို -\n\" နွားကျောင်းသားသည် နွားတို့ကို ရွာမှ တောထဲသို့ မောင်းသွား၏\" ။\nပအိုဝ်ႏနဝ်ꩻ  တဲမ်းဗာႏနုဲင်းယို -\n\" တီဖိုးသားနဝ်ꩻ ဖိုးဖုံႏယို အဝ်ႏဒုံဝါးလွေꩻ တခြာကိုသူꩻသွူ \" ။ \n( တဲမ်းလောင်းတဝ်းမန်းငဝ်း )\nယင်ဟန်ႏသားနဝ်ꩻ တဲမ်းနုဲင်းယို -\n\" ဖိုးတီသားနဝ်ꩻ ဖိုးဖုံႏယို အဝ်ႏဒုံကို တခြာကိုသူꩻ ဝါးလွေꩻသွူ \" ။\n( တဲမ်းလောင်းမန်းငဝ်း )\nယူႏသွော့နုဲင်းယို -\n(က)  \" တီဖိုးသား \" နဲ့ ?   -  \" ဖိုးတီသားနဲ့ \" နဲ့ ? \n         ( တီဖိုးသား - နုဲင်းနဝ်ꩻဒျာႏ ) ။\n( ခ )  \" ဝါးလွေꩻတခြာကိုသူꩻ \" နဲ့ ? -   \" တခြာကိုသူꩻဝါးလွေꩻ\" နဲ့ ? \n         ( ဝါးလွေꩻတခြာကိုသူꩻ - နုဲင်းနဝ်ꩻဒျာႏ ) ။\nကွပ်နဝ်ꩻမꩻ တဲမ်းနယ်ꩻ (၂) နယ်ꩻလယို တဲက်ထွားဟော်ꩻယူႏ ထူႏသွော့အနယ်ꩻနေား -\n(က)  တီဖိုးသားနဝ်ꩻ ဖိုးဖုံႏယို အဝ်ႏဒုံ ဝါးလွေꩻတခြာကိုသူꩻသွူ ။\n( ခ )  ဖိုးတီသားနဝ်ꩻ ဖိုးဖုံႏယို အဝ်ႏဒုံကို တခြာကိုသူꩻ ဝါးလွေꩻသွူ ။\n\nမန်းနဝ်ꩻ - နွားကျောင်းသား ( ကတ္တား )၊ နွားတို့ကို ( ကံ )၊ ရွာမှ ( အပါဒါန် )၊ တောထဲသို့ ( ကံ )၊ မောင်းသွား (ကြိယာ)။ \n         မန်း (ကတ္တား၊ ကံ၊ အပါဒါန်၊ ကံ၊ ကြိယာ)\nပအိုဝ်ႏနဝ်ꩻ - တီဖိုးသား ( ကတ္တား )၊ ဖိုးဖုံႏယို (ကံႏ)၊ အဝ်ႏဒုံ (အပါဒါန်ႏ)၊ ဝါးလွေꩻကြိယာႏ)၊ တခြာကိုသူꩻ (ကံႏ)။\n         ပအိုဝ်ႏ ( ကတ္တား၊ ကံႏ ၊ အပါဒါန်ႏ၊ ကြိယာႏ၊ ကံႏ)\n\nကွပ်နဝ်ꩻမꩻ   \" နီငဝ်းဝင်ꩻငဝ်း - ဗိုန်ပီတဝ်း \" နဝ်ꩻသွူ ။\n\nပွုံႏစံႏ ( ၆ )\n\nမန်းနဝ်ꩻ တဲမ်းနုဲင်းယို -\n\" စာရေးဆရာသည် သူ၏စာရေးအတတ်ပညာဖြင့် တိုင်းပြည်အတွက် ဆောင်ရွက်ပေးပါသည်\" ။\nပအိုဝ်ႏနဝ်ꩻ  တဲမ်းဗာႏနုဲင်းယို -\n\" ဆရာႏတဲမ်းလိတ်သားနဝ်ꩻ နေးတွမ်ႏဝွေꩻတဲမ်းလိတ်ဒါႏ အပညာႏတဲင် မာꩻဖေႏ ခမ်းထီအတာႏနဝ်ꩻသွူ \" ။            ( တဲမ်းလောင်းတဝ်းမန်းငဝ်း )။ \nယင်ဟန်ႏသားနဝ်ꩻ တဲမ်းနုဲင်းယို -\n\" လိတ်တဲမ်းဆရာႏနဝ်ꩻ တွမ်ႏဝွေꩻတဲမ်းဒါႏလိတ် ပညာႏတဲင် ခမ်းထီအတွက် ဆောင်ႏရွက်ဖေႏနဝ်ꩻသွူ \" ။( တဲမ်းလောင်းမန်းငဝ်း )။\nယူႏသွော့နုဲင်းယို -\n(က)  \"ဆရာႏတဲမ်းလိတ်  \" နဲ့ ?   -  \" လိတ်တဲမ်းဆရာႏ\" နဲ့ ? \n         ( ဆရာႏတဲမ်းလိတ် - နုဲင်းနဝ်ꩻဒျာႏ ) ။\n( ခ )  \" ဝွေꩻတဲမ်းလိတ်ဒါႏ \" နဲ့ ? -   \" ဝွေꩻတဲမ်းဒါႏလိတ်\" နဲ့ ? \n         ( ဝွေꩻတဲမ်းလိတ်ဒါႏ - နုဲင်းနဝ်ꩻဒျာႏ ) ။\nကွပ်နဝ်ꩻမꩻ တဲမ်းနယ်ꩻ (၂) နယ်ꩻလယို တဲက်ထွားဟော်ꩻယူႏ ထူႏသွော့အနယ်ꩻနေား -\n(က)  ဆရာႏတဲမ်းလိတ်သားနဝ်ꩻ နေးတွမ်ႏ၀ွေꩻတဲမ်းလိတ်ဒါႏ အပညာႏတဲင် မာꩻဖေႏ ခမ်းထီအတာႏနဝ်ꩻသွူ ။\n( ခ )  လိတ်တဲမ်းဆရာႏနဝ်ꩻ တွမ်ႏဝွေꩻတဲမ်းဒါႏလိတ် ပညာႏတဲင် ခမ်းထီတာႏ ဆောင်ႏရွက်ဖေႏနဝ်ꩻသွူ ။\n\nမန်းနဝ်ꩻ - စာရေးဆရာ ( ကတ္တား )၊ သူ၏ပညာဖြင့် ( သာမီကရဏ )၊ တိုင်းပြည်အတွက် ( သမ္ပဒါန် )၊ ဆောင်ရွက် (ကြိယာ)။ \n        (ကတ္တား၊ သာမီကရဏ၊ သမ္ပဒါန်၊ ကြိယာ)\nပအိုဝ်ႏနဝ်ꩻ - ဆရာႏတဲမ်းလိတ် ( ကတ္တား )၊ နေးတွမ်ႏဝွေꩻပညာႏတဲင် (သာမီကရဏ)၊ မာꩻဖေႏ (ကြိယာႏ)၊ ခမ်းထီအတာႏ (သမ္ပဒါန်ႏ)။\n        (ကတ္တား၊ သာမီကရဏ၊ ကြိယာႏ၊ သမ္ပဒါန်ႏ)\n\nကွပ်နဝ်ꩻမꩻ   \" နီငဝ်းဝင်ꩻငဝ်း - ဗိုန်ပီတဝ်း \" နဝ်ꩻသွူ ။\n\nပွုံႏစံႏ ( ၇ )\n\nမန်းနဝ်ꩻ တဲမ်းနုဲင်းယို -\n\" စည်းကမ်းကောင်းသော ရွာသူကြီးသည် ရွာထဲ၌ အရက်ရောင်းခွင့်မပြု \" ။\nပအိုဝ်ႏနဝ်ꩻ  တဲမ်းဗာႏနုဲင်းယို -\n\" ဖြားဒုံစီꩻကန်ꩻကဟဝ်နဝ်ꩻ ဖေႏစာသော့ꩻတဝ်းဒဝ် ဒုံကိုနဝ်ꩻသွူ \" ။            \n( တဲမ်းလောင်းတဝ်းမန်းငဝ်း )။ \nယင်ဟန်ႏသားနဝ်ꩻ တဲမ်းနုဲင်းယို -\n\" စီꩻကန်ꩻကဟဝ်ဒါႏ ဖြားဒုံနဝ်ꩻ ဒုံကိုဒဝ်စာ ခွင်ꩻပျုတဝ်းနဝ်ꩻသွူ \" ။        \n( တဲမ်းလောင်းမန်းငဝ်း )။\nယူႏသွော့နုဲင်းယို -\n(က)  \" ဖြားဒုံ စီꩻကန်ꩻကဟဝ်  \" နဲ့ ?   -  \" စီꩻကန်ꩻကဟဝ်ဖြားဒုံ\" နဲ့ ? \n         ( ဖြားဒုံစီꩻကန်ꩻကဟဝ် - နုဲင်းနဝ်ꩻဒျာႏ ) ။\n( ခ )  \" စာဒဝ်ဒုံကို \" နဲ့ ? -   \" ဒုံကိုစာဒဝ်\" နဲ့ ? \n         ( စာဒဝ်ဒုံကို - နုဲင်းနဝ်ꩻဒျာႏ ) ။\nကွပ်နဝ်ꩻမꩻ တဲမ်းနယ်ꩻ (၂) နယ်ꩻလယို တဲက်ထွားဟော်ꩻယူႏ ထူႏသွော့အနယ်ꩻနေား -\n(က)  ဖြားဒုံစီꩻကန်ꩻကဟဝ်နဝ်ꩻ ဖေႏစာသော့ꩻတဝ်း ဒဝ်ဒုံကိုနဝ်ꩻသွူ ။\n( ခ )  စီꩻကန်ꩻကဟဝ်ဒါႏ ဖြားဒုံနဝ်ꩻ ဒုံကိုဒဝ်စာ ခွင်ꩻပျုတဝ်းနဝ်ꩻသွူ ။\n\nမန်းနဝ်ꩻ - ရွာသူကြီး (ကတ္တား)၊ ရွာထဲ၌ (ဩကာသ)၊ အရက် (ကံ)၊ ရောင်းခွင့်မပြု (ကြိယာ)၊\n        (ကတ္တား၊ ဩကာသ၊ ကံ၊ ကြိယာ) ။\nပအိုဝ်ႏနဝ်ꩻ - ဖြားဒုံ (ကတ္တား)၊ ဖေႏစာသော့ꩻတဝ်း (ကြိယာႏ)၊ ဒဝ် (ကံႏ)၊ ဒုံကို (ဩကာသ။\n        (ကတ်တား၊ ကြိယာႏ၊ ကံႏ၊ ဩကာသ) ။\n\nကွပ်နဝ်ꩻမꩻ   \" နီငဝ်းဝင်ꩻငဝ်း - ဗိုန်ပီတဝ်း \" နဝ်ꩻသွူ ။\n\n(က+ခ) တဲမ်းနယ်ꩻ (၂) နယ်ꩻယို တဲက်ထွားဟော်ꩻယူႏ မဉ်ႏထူႏအဓိပ္ပါယ်ႏနဝ်ꩻ ဗိုန်ပီဒျာႏလို့ဝင်ꩻ၊ ကွဲႏတွော့ꩻ မဉ်ႏထူႏအရသာႏအနေႏတဲ့နဝ်ꩻ၊ ငဝ်းလွေꩻငဝ်းသဲင်ꩻအနေႏတဲ့နဝ်ꩻ၊ ဟော်ꩻပြေချော်ꩻအနေႏတဲ့နဝ်ꩻ၊ အဓိပ္ပါယ်ႏ သေနာႏထွူအနေႏတဲ့နဝ်ꩻ၊ ပအိုဝ်ႏထွုံꩻစဲဉ်ႏအနေႏတဲ့နဝ်ꩻ \" တဲမ်းလောင်းတဝ်းမန်းငဝ်း\" (က) တဲမ်းနယ်ꩻနဝ်ꩻ ယံ-လဲဉ်းက \" တဲမ်းလောင်းမန်းငဝ်း\" (ခ) တဲမ်းနယ်ꩻနဝ်ꩻသွူ ။\n          ကတဲမ်းနယ်ယိုဖုံႏနဝ်ꩻ \" ဝိဘတ်နွုတ်ꩻဖြုံႏပွုံႏစံႏ နမူႏနာႏတဗာႏစီႏ အအဲဉ်ႏစား \" ဖုံႏလွုမ်ꩻသွူ၊ ထွားနမူႏနာႏဖုံႏယိုတဲင် အဝ်ႏကုဲင်ဝါကျ အလောင်ႏအလင်ဖုံႏတဲ့ \" ကတ္တား၊ ကံႏ၊ ကရိုဏ်း၊ သမ္ပဒါန်၊ အပါဒါန်၊ ဩကာသ\" ကာရက၊ အကာရက-စတဲင်နဝ်ꩻဖုံႏ အုံပွုံႏအဝ်ႏပွုံႏ ဆꩻငါဆꩻချာ၊ ပအိုဝ်ႏထွုံꩻ ပအိုဝ်ႏသွုံꩻဖုံႏနဝ်ꩻ \"သေလို့ - ဒါႏစွစ်ꩻ \" တမွေးတဝ်းဒွိုန်းစွဉ်ႏလဲ့ \" တဲမ်းနယ်ꩻယိုသွဉ် - သေနာႏလွဉ် \" ဗဟုသုတနဝ်ꩻတဲး ဆေ့ꩻဆေ့ꩻအာအာ လꩻဗာႏအမန်ႏ ယွုမ်းအံႏနုဲင်းနဝ်ꩻသွူ ။\n\nဝင်ꩻငဝ်း နီငဝ်း ဗွိုန်ပီတဝ်း \nယိုခါ နီပအိုဝ်ႏပေႏဖုံႏ တဲမ်းလိတ်သား မနဲအာလွဉ်သွူ၊ ပုဂ္ဂိုလ်ႏကျောင်ꩻနဝ်ꩻ ယိင်းအာအာသွူ ။\nပေါႏလိတ်စောင်ႏထန်ႏတဲ့ သေနန်းပါနီ ကဲဉ်းအာအာတဲင် ကပ်ပသာလွဉ်တွော့ꩻ သꩻရောင်းသꩻရေꩻ ဟော်ꩻထွားဆွုမ်ႏဗာႏနဝ်ꩻသွူ ။\nယပါꩻပါꩻ\/ ယဖြာꩻဖြာꩻနဝ်ꩻ တဲမ်းလိတ် ပအိုဝ်ႏထွုံꩻစဲဉ်ႏ ငဝ်းသွုံꩻမဲဉ်ႏဒါႏ၊ (တဲမ်းပအိုဝ်ႏငဝ်း အလွေꩻအသဲင်ꩻအတွိုင်ꩻဒါႏ၊ ယင်ဟန်ႏသားနဝ်ꩻ ဒါႏတဝ်း (တဲမ်းလောင်းဝင်ꩻငဝ်း)တဲ့ ပါနေနေသွူ ။\nကွပ်နဝ်ꩻမꩻ မဲဉ်တဲမ်းနယ်ငါႏ ကဗျာခရာႏ၊ တဲမ်းလိတ်ပအိုဝ်ႏခရာႏ၊ ပအိုဝ်ႏငဝ်းလွေꩻသဲင်ꩻခရာႏ-စတဲင်နုဲင်းနဝ်ꩻ အဝ်ႏအာတန်၊ ယိုတလဲင်ႏနဝ်ꩻ ခွုင်းအခိင်ႏကလꩻ တဲမ်းပျꩻနယ်ဗာႏ \"ဝင်းငဝ်း နီငဝ်း-ဗိုန်ပီတဝ်း\" လယိုအတွိုင်ꩻသွူ ။\n\nပွုံႏစံႏ  ( ၁ )     \nမန်းနဝ်��� တဲမ်းနုဲင်းယို -\n\"ဤစာရေးသူသည် ဤစာကို သေသေချာချာ စဉ်းစားပြီးမှ ရေးပါသည်\"။\nပအိုဝ်ႏနဝ်ꩻ တဲမ်းဗာႏနုဲင်းယို -\n\"တဲမ်းလိတ်ယိုသားနဝ်ꩻ ယူႏစဉ်ꩻစာꩻ သေႏသေႏချာႏချာႏထွူမꩻ တဲမ်းလိတ်ယိုနဝ်ꩻသွူ\" (တဲမ်းလောင်းတဝ်းမန်းငဝ်း)\nယင်ဟန်ႏသားန၀်ꩻ တဲမ်းနုဲင်းယို -\n\"လိတ်ယိုတဲမ်းသားနဝ်ꩻ လိတ်ယို သေႏသေႏချာႏချာႏ စဉ်ꩻစာꩻထွူမꩻ တဲမ်းနဝ်ꩻသွူ\" (တဲမ်းလောင်းမန်းငဝ်း)\nယူႏသွော့နုဲင်းယို -\n(က)  \" တဲမ်းလိတ်ယိုနဲ့ \"     -     \" လိတ်ယိုတဲမ်းနဲ့ \"\n          ( တဲမ်းလိတ်ယို - နုဲင်းနဝ်ꩻဒျာႏ ) ။\n( ခ )  \" စဉ်ꩻစာꩻထွူမꩻ တဲမ်းလိတ်ယိုနဲ့ \"   -  \" လိတ်ယို စဉ်ꩻစာꩻထွူမꩻ တဲမ်းနဲ့ \"\n         ( စဉ်ꩻစာꩻထွူမꩻ တဲမ်းလိတ်ယို -  နုဲင်းနဝ်ꩻဒျာႏ ) ။\n         ကွပ်နဝ်ꩻမꩻ တဲမ်းနယ်ꩻ (၂) နယ်ꩻလယို တဲက်ထွားဟော်ꩻယူႏ ထူႏသွော့အနယ်ꩻနေား ။\n(က) တဲမ်းလိတ်ယိုသားန၀်ꩻ ယူႏစဉ်ꩻစာꩻသေႏသေႏချာႏချာႏထွူမꩻ တဲမ်းလိတ်ယို \n       နဝ်ꩻသွူ ။\n( ခ ) လိတ်ယိုတဲမ်းသားနဝ်ꩻ လိတ်ယို သေႏသေႏချာႏချာႏ စဉ်ꩻစာꩻထွူမꩻ တဲမ်း \n       နဝ်ꩻသွူ ။\nမန်းနဝ်ꩻ -  စာရေးသူ ( ကတ္တား )၊ စာကို ( ကံ )၊ ရေး ( ကြိယာ )၊ ( ကတ္တား၊ ကံ၊ \n               ကြိယာ )\nပအိုဝ်ႏနဝ်ꩻ - တဲမ်းလိတ်ယိုသား ( ကတ္တား )၊ တဲမ်း ( ကြိယာႏ )၊ လိတ်ယို ( ကံ )၊ \n                  ( ကတ္တား၊ ကြိယာႏ၊ ကံ ) ။\nကွပ်နဝ်ꩻမꩻ  \" နီငဝ်းဝင်ꩻငဝ်း - ဗိုန်ပီတဝ်း \" န၀်ꩻသွူ ။\n\nပွုံႏစံႏ ( ၂ )\nမန်းနဝ်ꩻ တဲမ်းနုဲင်းယို -\n\" ဟင်းချက်သမားသည် ဟင်းအမျိုးမျိုးကို ချက်တတ်၏ \" ။\nပအိုဝ်ႏနဝ်ꩻ  တဲမ်းဗာႏနုဲင်းယို -\n\" ဒွိုႏဟန်ႏအိုသားနဝ်ꩻ ဒွိုႏဒါႏဟန်ႏအို အမျိုꩻမျိုꩻသွူ \" ။\n( တဲမ်းလောင်းတဝ်းမန်းငဝ်း )\nယင်ဟန်ႏသားနဝ်ꩻ တဲမ်းနုဲင်းယို -\n\" ဟန်ႏအိုဒွိုႏသားနဝ်ꩻ ဟန်ႏအိုအမျိုꩻမျိုꩻယို ဒွိုႏဒါႏသွူ \" \n( တဲမ်းလောင်းမန်းငဝ်း )\nယူႏသွော့နုဲင်းယို -\n(က)  \" ဒွိုႏဟန်ႏအိုသား \" နဲ့ ?   -  \" ဟန်ႏအိုဒွိုႏသားနဲ့ ? \"\n         ( ဒွိုႏဟန်ႏအိုသား - နုဲင်းနဝ်ꩻဒျာႏ ) ။\n(ခ)  ဒွိုႏဟန်ႏအို \" နဲ့ ? -   \" ဟန်ႏအိုဒွိုႏဒါႏ \" နဲ့ ? \n         ( ဒွိုႏဒါႏဟန်ႏအို - နုဲင်းနဝ်ꩻဒျာႏ ) ။\nကွပ်န၀်ꩻမꩻ တဲမ်းနယ်ꩻ (၂) နယ်ꩻလယို တဲက်ထွားဟော်ꩻယူႏ ထူႏသွော့အနယ်ꩻနေား -\n(က)  ဒွိုႏဟန်ႏအိုသားနဝ်ꩻ  ဒွိုႏဒါႏဟန်ႏအို အမျိုꩻမျိုꩻသွူ ။\n( ခ )  ဟန်ႏအိုဒွိုႏသားနဝ်ꩻ ဟန်ႏအိုအမျိုꩻမျိုꩻယို ဒွိုႏဒါႏသွူ ။\nမန်းနဝ်ꩻ -  ဟင်းချက်သမား ( ကတ္တား )၊ ဟင်းကို ( ကံ )၊ ချက်တတ် ( ကြိယာ )၊ \n               (ကတ္တား၊ ကံ၊ ကြိယာ) ။\nပအိုဝ်ႏနဝ်ꩻ - ဒွိုႏဟန်ႏအိုသား ( ကတ္တား )၊ ဒွိုႏ ( ကြိယာႏ )၊ ဟန်ႏအို ( ကံႏ )၊ \n                  (ကတ္တား၊ ကြိယာႏ၊ ကံႏ)\nကွပ်နဝ်ꩻမꩻ   \" နီငဝ်းဝင်ꩻငဝ်း - ဗိုန်ပီတဝ်း \" နဝ်ꩻသွူ ။\n\nအာႏကွိုꩻ","num_words":4019,"character_repetition_ratio":0.086,"word_repetition_ratio":0.095,"special_characters_ratio":0.234,"stopwords_ratio":0.026,"flagged_words_ratio":0.0,"lang_id_score":1.0,"perplexity_score":12062.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%A1%E1%80%AD%E1%80%AF%E1%82%8F%E1%80%9C%E1%80%AD%E1%80%80%E1%80%BA%E1%80%99%E1%80%BD%E1%80%B0%E1%80%B8","collection":"wikipedia","source":"wikipedia","original_code":"blk","text":"အကျောင်ꩻခရာႏခြုဲးနယ်ဗာႏ\n လိက်မွူးပအိုႏယိုခါနဝ်ꩻ စွုမ်ႏလဲ့တစွုမ်ႏတဝ်း၊ မဲန်ႏလဲ့တမဲန်ႏလို့တဝ်း၊ အစဲန်ႏလဲ့ တမဲန်ႏလို့တဝ်းတဲင် သောန်ဗာႏတယိုꩻတဝ်းသွူ။ နဝ်ꩻတွော့ꩻ စွုမ်ႏလဲ့ဖေႏကစွုမ်ႏ၊ မဲန်ႏလဲ့ဖေႏကမဲန်ႏ၊ သောန်လဲ့ ဖေႏကယိုꩻနဝ်ꩻ တဲမ်းနယ်လွေꩻဗာႏ လိက်မွူးပအိုႏ ထောင်လွူꩻနယ်ꩻယိုသွူ။\n  လိက်မွူးယိုနဝ်ꩻ အတွယ်ꩻ အဝ်ႏ(၁၀)၊ သောန်ခန်ꩻ အဝ်ႏ(၃၀)သွူ။\n  လိက်မွူးယိုနဝ်ꩻ တဲႏအထျꩻ ဗႏအနာ သရငဝ်း၊ အသိုတ်ႏငဝ်း မဲန်ႏလို့ဒျာႏသွူ။\n  အသိုတ်ႏဗီးနဝ်ꩻ ထူႏလွေꩻ (က-င၊ တ-န၊ ပ-မ၊ ယ-ဝ) ယို (၈)ဖြိုင်ႏလွုမ်ꩻသွူ။ လွိုအသိုတ်ႏလင်ဖိုင်ႏနဝ်ꩻ လိက်ဖြိုင်ႏအလႏ ခွိုင်းကလိုႏထူႏသုံꩻနွောင်ꩻဒျာႏသွူ။\n  လိက်မွူးယိုနဝ်ꩻ စဲန်ႏလွေꩻသရစဲန်ႏအတွိုင်ꩻ၊ အသိုတ်ႏစဲန်ႏအတွိုင်ꩻတဲင် သောန်ယိုꩻ မတ်းယိုꩻသွူ။\n  လိက်မွူးပအိုႏယိုခါနဝ်ꩻ ထူႏသုံꩻပါ (စ-ဉ)သိုတ်ႏယင်ဟန်ႏလဲ့ (စ-ဉ်)သိုတ်ႏတောမ်ႏ (တ-န)သိုတ်ႏနဝ်ꩻ အငဝ်းထန်ႏဗွိုန်လဲန်းလွဝင်ꩻတဲင် လိက်မွူးယိုနဝ်ꩻ ထူႏသုံꩻ (တ-န)သိုတ်ႏလွုမ်ꩻ၊ (စ-ဉ)သိုတ်ႏနဝ်ꩻ သုံꩻတဝ်းသွူ။\n  လိက်မွူးယိုနဝ်ꩻ တဲမ်းလွေꩻပအိုႏကဒေါ့ႏဒါႏငဝ်းအတွိုင်ꩻ ငဝ်းရန်းအဝ်ႏ(၈)ရန်းသွူ။\n   အတွယ်ꩻ(၉) လိတ်ရဲန်ႏ (၁-၂-၃)တောမ်ႏ အတွယ်ꩻ(၁၀)နဝ်ꩻ အငဝ်းဗွိုန်လိက်ဖြိဒင်ႏလင်လဲ့ အဝ်ႏတဲင် ကျွိုက်ရာꩻအဖြိုင်ႏမုဲꩻလဲ့ တဲမ်းသုံꩻနွောင်ꩻအီဒျာႏသွူ။\n  ပုံႏစံႏခင်ႏလံးကို ပုံႏစံႏနမ်းကတအဲန်ထဝ်း ကအဝ်ႏခြေင်ဒါႏလိက်ရဲန်ႏနဝ်ꩻ ပအိုႏငဝ်းအဲန်ထဝ်းသွူ။\n  အတွယ်ꩻ တဲႏ(၁) ဗႏ (၈)နဝ်ꩻ သရဗွိုန်လဲ့ အသိုတ်ႏဗွိုန်တဝ်း၊ အသိုတ်ႏဗွိုန်လဲ့ သရဗွိုန်တဝ်းတဲင် တဖြိုင်ႏတောမ်ႏတဖြိုင်ႏနဝ်ꩻ အငဝ်းဗွိုန်တဝ်းတဝင်ꩻသွူ။\n  မီႏသုံꩻလွောန်ꩻ ခွေသောန်းကအောန်ႏထန်ႏဒါႏအငဝ်းယိုအတွိုင်ꩻနဝ်ꩻ ပအိုႏငဝ်းယို တဲမ်းအီလႏလို့ စွုမ်ႏဖြိုင်ႏစွုမ်ႏငွါသွူ။\n  လိက်မွူးတွယ်ꩻယဟန်ႏနဝ်ꩻ \"အုဲ\"သရယို အငဝ်းတအွောန်ႏထန်ႏနွောင်ꩻတဝ်းတဲင် \"အုဲ\"သရယို တဲမ်းသုံꩻအီပါတဝ်းသွူ။\n   ခွေသောန်းကစဲန်ႏဒါႏ လိက်မွူးတွယ်ꩻယိုနဝ��ꩻ လိက်ပအိုႏယိုခါ ကတထူႏသုံꩻတဝ်း \"ကွောတ် ကွောတ်ꩻ ကွောတ်း ကွောတ်ႏ ကွောန် ကွောန်ꩻ ကွောန်း ကွောန်ႏ\"စတဲင် လိက်ရဲန်ႏဖုံႏယိုလဲ့ အဝ်ႏပါသော့ꩻသွူ။\n  လိက်မွူးယိုနဝ်ꩻ သရငဝ်းမဲန်ႏ၊ အသိုတ်ႏငဝ်းမဲန်ႏတဲင် တောမ်ႏလိက်မွူးပအိုႏယိုခါ တဗွိုန်လို့တဝ်းတဝင်ꩻသွူ။\n  ခွေသောန်းကစဲန်ႏဒါႏလိက်မွူးယို အွောန်ႏထန်ႏအငဝ်း မီႏဒါႏလို့တဝ်းဒွိုန်း၊ မီႏသေနာႏတဝ်းဒွိုန်း အသိုတ်ႏငဝ်းဖိုင်ႏနဝ်ꩻ ယွယွကသဲ့ꩻ၊ ယွယွကကဲ့ႏရဲ့ꩻ၊ ယွယွကအိုပ်ႏ၊ ယွယွကအံႏဖြာႏနေား။\n  ခွေသောန်းကစဲန်ႏဒါႏ လိက်မွူးယိုနဝ်ꩻ မွေးမဲန်ႏလဲ့ မွေးမဲန်ႏအကျောင်ꩻ၊ မွေးမဲန်ႏတဝ်းလဲ့ မွေးမဲန်ႏတဝ်းအကျောင်ꩻ မီႏဒေါ့ꩻနယ်၊ ယီးနယ်နဝ်ꩻ သႏရေꩻဟွုန်ဟဝ် ကေꩻဇူꩻတင်ႏငါႏသွူ။\n  ပွိုင်းဝွို့တောမ်ႏလိက်မွူးယို မီႏသေနာႏတဝ်း၊ အွောန်ႏထန်ႏအငဝ်း မီႏဒါႏတဝ်းနဝ်ꩻ လွောန်ရီနွောင်ꩻဒျာႏ အာႏနာႏဗာႏတဝ်းသွူ။\n  သေနာႏလို့တဝ်းဒွီုန်း၊ အွောန်ႏထန်ႏအငဝ်း ဒါႏလို့တဝ်းဒွိုန်းတွော့ꩻ မီႏဝွေႏဖန်ႏရံꩻထာꩻ၊ လက်ခံႏတဝ်းနဝ်ꩻ ပအိုႏအတာႏ သႏပေႏခရာႏသွူ။\n  အဝ်ႏသေသေသွူ အဝ်ႏလိုႏဖျင်ထဲမ်လဲ့ မီႏတခံႏတဝ်းအဖျင်ထဲမ်နဝ်ꩻ ပအိုႏအတာႏ သႏယိင်းပေႏပေႏသွူ။\n\nပအိုႏလိက်မွူး အကျောင်ꩻခရာႏဖိုင်ႏ\n\"လိက်အဓိပ္ပါယ်ႏ\"\nပအိုႏကဟဲ့ꩻဒါႏလိက်နဝ်ꩻ အဝ်ႏပါဠိငဝ်း \"လေခ\"ကို ပေါႏလင်ꩻလွောန်ဒျာႏသွူ၊ \"လေခ\"ကရိုꩻဒါႏ ပါဠိငဝ်းယို မီႏပြန်ႏပအိုႏငဝ်းနဝ်ꩻ \"တဲမ်းကဲတ်ႏ\"အဓိပ္ပါယ်ႏလꩻနုဲးနဝ်ꩻသွူ။\nအဝ်ႏ\"လေခ\"ယို ခ-ထွိုင်ႏသိုတ်ႏထိုꩻနဝ်ꩻ ထွာလွောန် \"လေခ်\"၊ အဝ်ႏလေခ် ထွာလွောန်လိက်နုဲးနဝ်ꩻသွူ။\nလိက်ယို မန်းကဟဲ့ႏဒါႏ \"စာ\"နဝ်ꩻ တွိုႏယိုခါ ခွန်ကုဝေ တသေတဝ်းအဓိပ္ပါယ်ႏသွူ။\n\"ပအိုႏလိက်မွူးဆရာႏ\"\nလိက်မွူးပအိုႏယိုခါနဝ်ꩻ ဗွေႏဗွန်သုနန္ဒ ကျောင်ꩻထီသိမ်ႏ တဲမ်းထွင်ႏဖေႏသွူ။\n\"တဲမ်းထွင်ႏနေင်ႏလာ\"\nဗွေႏဗိုန်သုနန္ဒ ကတဲမ်းထွင်ႏဒါႏလိက်မွူးနဝ်ꩻ နေင်ႏ ၁၃၀၉-ဗာႏ၊ လာဒဲန်ရိုက်ႏဆန်ꩻ(၁၅)နီꩻသွူ။\n(ပအိုႏအက္ခရာႏ လိက်မွူးတသာကို)\n\"မောန်းဖျင်လဲင်ႏပေါင်ꩻ\"\nကအဝ်ႏသောန်ဒါႏ လိက်ပအိုႏယိုခါနဝ်ꩻ ဗွေႏဗိုန်ထီသိမ်ႏ ကတဲမ်းအတွိုင်ꩻ တမွေးတဝ်း၊ မောန်းဖျင်လွေꩻလဲန်း ၄-လဲင်ႏသွူ။ (လိက်မွူးပအိုႏစောင်ႏကို)\n\"တအောန်သောန်တဝ်းအကျောင်ꩻ\"\n၅-လဲင်ႏဗွေ မောန်းဖျင်ထွူ လိက်ပအိုႏယို ကတအောန်သောန်လွေꩻတဝ်းနဝ်ꩻ အကျောင်ꩻလောင်ႏလင် တမွေးတဝ်း၊ ငမ်းပအိုႏသံႏဃာႏ ပႏလီလွဝင်ꩻ��ွော့ꩻ အောန်သောန်လွေꩻတဝ်းဒျာႏသွူ။\n\"ယ-ပယ်သောန်ခန်ꩻ\"\nလိက်မွူးအတွယ်ꩻမုဲꩻတယဝ်း သောန်ခန်ꩻ(၂)နဝ်ꩻ ယ-ပယ်တွယ်ꩻလွောန်းလွောန်း (တနယ်ꩻ) ယ-ပယ်ကပါဒါႏ သောန်ခန်ꩻနဝ်ꩻ သောန်ခန်ꩻ (၂)လွောန်းန်းသွူ။\n\"ရ-ဗဲန်၊ လ-ဗဲန်သောန်ခန်ꩻ\"\nလိက်မွူးအတွယ်ꩻမုဲꩻတယဝ်း သောန်ခန်ꩻ(၃)နဝ်ꩻ ရ-ဗဲန်၊ လ-ဗဲန်တွယ်ꩻလွောန်းလွောန်း၊ တနယ်ꩻ- ရ-ဗဲန်၊ လ-ဗဲန်တွယ်ꩻ သောန်ခန်ꩻနဝ်ꩻ သောန်ခန်ꩻ (၃)လွောန်းလွောန်းသွူ။\n\"လိက်မွူးအတွယ်ꩻ(၁)ခရာႏ\"\n(က) လိက်မွူးအတွယ်ꩻ (၁)နဝ်ꩻ သရ(၁၆)ဖြိုင်ႏရိုꩻရိုꩻတွယ်ꩻသွူ။\n(ခ) လိက်မွူးအတွယ်ꩻ (၂)နဝ်ꩻ \"အုဲ့-အုဲ\"သရပါတဝ်း သရ(၁၄)ဖြိုင်ႏ တွယ်ꩻတောမ်ႏ ဝ-ဟွဲးတွယ်ꩻသွူ။\n(ဂ) လိက်မွူးအတွယ်ꩻ (၃)နဝ်ꩻ သရ(၇)ဖြိုင်ႏတောမ်ႏ \"က်-င်\"သိုတ်ႏတွယ်ꩻဝင်ꩻသွူ။\n(ဃ) လိက်မွူးအတွယ်ꩻ (၄)နဝ်ꩻ သရ(၇)ဖြိုင်ႏတောမ်ႏ ဝဟွဲး \"က်-င်\"သိုတ်ႏတွယ်ꩻဝင်ꩻသွူ။\n(င) လိက်မွူးအတွယ်ꩻ(၅)နဝ်ꩻ သရ(၇)ဖြိုင်ႏတောမ်ႏ \"တ်-န်\"သိုတ်ႏတွယ်ꩻဝင်ꩻသွူ။\n(စ) လိက်မွူးအတွယ်ꩻ(၆)နဝ်ꩻ သရ(၇)ဖြိုင်ႏတောမ်ႏ ဝဟွဲး \"တ်-န်\"သိုတ်ႏတွယ်ꩻဝင်ꩻသွူ။\n(ဆ) လိက်မွူးအတွယ်ꩻ (၇)နဝ်ꩻ သရ(၇)ဖြိုင်ႏတောမ်ႏ \"ပ်-မ်\"သိုတ်ႏတွယ်ꩻဝင်ꩻသွူ။\n(ဇ) လိက်မွူးအတွယ်ꩻ (၈)နဝ်ꩻ သရ(၇)ဖြိုင်ႏတောမ်ႏ ဝဟွဲး \"ပ်-မ်\"သိုတ်ႏတွယ်ꩻဝင်ꩻသွူ။\n(ဈ) လိက်မွူးအတွယ်ꩻ(၉)နဝ်ꩻ အ-အုသရ(၂)ဖြိုင်ႏတောမ်ႏ \"မုဲကီ\"၊ \"ယ်-ဝ်\"သိုတ်ႏတွယ်ꩻဝင်ꩻသွူ။\n(ဉ) လိက်မွူးအတွယ်ꩻ(၁၀)နဝ်ꩻ \"အ-အု\"သရ(၂)ဖြိုင်ႏတောမ်ႏ ဝဟွဲး \"မုဲကီ\"၊ \"ယ်\"သိုတ်ႏတွယ်ꩻဝင်ꩻသွူ။\n\"ပအိုႏငဝ်းရန်းခရာႏဖိုင်ႏ\"\nသရတဖြိုင်ႏ ငဝ်း(၄)ရန်း\nလိက်ပအိုႏယို သရတဖြိုင်ႏဖြိုင်ႏနဝ်ꩻ - (၁) သရရိုꩻရိုꩻ (၂) တွယ်ꩻတောမ်ႏပက်ငါ၊ (၃) တွယ်ꩻတောမ်ႏမုဲနီဖြိုင်ႏ၊ (၄) တွယ်ꩻတောမ်ႏမုဲပက်ငါ အဝ်ႏ (၄)၇န်းသွူ။\nပုံႏစံႏ ။ အ အꩻ အး အႏ ၊ အာ အာꩻ အား အာႏ ။\n\"သရနီဖြိုင်ႏ ငဝ်း(၈)ရန်း\"\nပအိုႏသရတဖြိုင်ႏဖြိုင်ႏနဝ်ꩻ ငဝ်းရန်းအဝ်ႏ(၄)ရန်းတဲင် ရဿတဖြိုင်ႏ၊ ဒီဃတဖြိုင်ႏ ရဿ၊ ဒီဃ နီဖြိုင်ႏတတွယ်ꩻနဝ်ꩻ ငဝ်းရန်းထွာညီꩻတဝင်ꩻ (၈)ရန်းသွူ။\n\"လိက်ပအိုႏငဝ်း(၆)ရန်းခရာႏ\"\nလိက်ပအိုႏယိုခါနဝ်ꩻ ရဿသရငဝ်း အဝ်ႏ(၂)ရန်းမႏ၊ ဒီဃသရငဝ်း အဝ်ႏ(၄)ရန်းတဲင် ငဝ်းရန်း အဝ်ႏ(၆)ရန်းလွုမ်ꩻသွူ။\nပုံႏစံႏ ။ က ကꩻ၊ ကာ ကာꩻ ကား ကာႏ ။\nနဝ်ꩻတွော့ꩻ ရဿသရနဝ်ꩻ ငဝ်းရန်းအဝ်ႏ(၂)ရန်းလွုမ်ꩻတဲင် လိက်တဖြိုင်ႏဖြိုင်ႏယိုနဝ်ꩻ အငဝ်းထန်ႏဗာႏ(၂)မျိုꩻမႏ တဲမ်းအီပအိုႏငဝ်းလႏလို့သွူ၊ လိက်တဖြိုင်ႏ ငဝ်းတငွါတမွေးတဝ်း၊ လိက်တဖြိုင်ႏ ငဝ်းနီငွ��� ထွာထိုꩻနုဲးနဝ်ꩻသွူ။\n\"အငဝ်းတောမ်ႏလိက်ဖြိုင်ႏမဲန်ႏတဝ်း\"\nလိက်ပအိုႏယိုခါနဝ်ꩻ ရဿသရယို ထူႏငဝ်းရန်းနီရန်းလဲ့ ကထူႏဒါႏလိက်ဖြိုင်ႏတောမ်ႏ ကအွောန်ႏထန်ႏဒါႏအငဝ်းနဝ်ꩻ တမဲန်ႏတဝ်းတဝင်ꩻသွူ။\nလိက်ဖြိုင်ႏနဝ်ꩻ ထူႏ \"က၊ ကꩻ\"လဲ့ ထွိုင်ႏအွောန်ႏထန်ႏအငဝ်းနဝ်ꩻ အွောန်ႏထန်ႏတေား \"ကး၊ ကႏ\"တွော့ႏ တရွို့ႏစွောန်ႏနီချက်သွူ။\n\nသရအကျောင်ꩻခရာႏဖိုင်ႏ\n\nသရ(၃)မျိုꩻ\nသရနဝ်ꩻ ပါဠိသရ၊ မန်းသရ၊ ပအိုႏသရ အဝ်ႏ(၃)မျိုꩻတဲင် တမျိုꩻတောမ်ႏတမျိုꩻနဝ်ꩻ အဖြိုင်ႏဆေ့ꩻအာ၊ အလွိုးအငုဲꩻတဗွိုန်လို့တဝ်းတဝင်ꩻသွူ၊ သရ(၃)မျိုꩻယို အဖြိုင်ႏဆေ့ꩻအာ၊ အလွိုးအငုဲꩻဖိုင်ႏနဝ်ꩻ တဲမ်းနယ်လဲန်း လိက်မဲ့ငါ(၈)ကိုသွူ။\n\nသရအဓိပ္ပါယ်ႏ\nအုံနောင်အာႏကွိုꩻတဝ်းဝင်ꩻ၊ နမ်းတောမ်ႏနမ်း အငဝ်းထန်ႏနွောင်ꩻဒျာႏနဝ်ꩻမႏ ဟဲ့ꩻဗာႏ\"သရ\"သွူ။\n\nရဿသရ (၈)ဖြိုင်ႏ\nပအိုႏသရ (၁၆)ဖြိုင်ႏအကို \"အ၊ အိ၊ အု၊ အေ့၊ အဲ့၊ အုဲ့၊ အော့၊ အို့\" ယို(၈)ဖြိုင်ႏနဝ်ꩻ ဟဲ့ႏ\"ရဿ\"သရသွူ။\n\nရဿသရ အဓိပ္ပါယ်ႏ\nအငဝ်းညမွိုင် အဝ်ႏစူတပဲတ်ꩻ၊ မဲ့တထဲင်း၊ ပျောႏတအွော့ႏလွုမ်ꩻ၊ အငဝ်းဒွေါင်ႏနဝ်ꩻမႏ ဟဲ့ႏဗာႏ\"ရဿ\"သရသွူ။\n\nဒီဃသရ (၈)ဖြိုင်ႏ\nပအိုႏသရ (၁၆)ဖြိုင်ႏအကို \"အာ၊ အီ၊ အူ၊ အေ၊ အဲ၊ အုဲ၊ အော၊ အို\" ယို(၈)ဖြိုင်ႏနဝ်ꩻ ဟဲ့ႏ \"ဒီဃ\"သရသွူ။\n\nဒီဃသရအဓိပ္ပါယ်ႏ\nအငဝ်းညမွိုင် အဝ်ႏစူနီပတဲတ်ꩻ၊ မဲ့နီထဲင်း၊ ပျောႏနီအွော့ႏတဲင် အငဝ်းဆွာꩻနဝ်ꩻမႏ ဟဲ့ႏဗာႏ\"ဒီဃ\"သရသွူ။\n\nတွယ်ꩻတောမ်ႏဗီးသိုတ်ႏ သရ(၈)ဖြိုင်ႏ\nပအိုႏသရ (၁၆)ဖြိုင်ႏအကို ကတွယ်ႏဒါႏတောမ်ႏဗီးသိုတ်ႏနဝ်ꩻ သရအဝ်ႏ (အ၊ အိ၊ အု၊ အေ၊ အဲ၊ အော၊ အို) ယို(၈)ဖြိုင်ႏလွုမ်ꩻသွူ။\nဥပမာႏ။ \"ဒွိုန်း\"ကရိုꩻယို ထာꩻမုဲꩻသရငဝ်း မီႏမဲန်သေနဝ်ꩻ အွောန်ႏကုဲဒွိုန်း \"န်\"သိုတ်ႏတွော့ႏ ရောတ်လွေꩻသရခြေင်ခြေင်နဝ်ꩻ အဝ်ႏကဲ\"ဒွိုး\"တဲင် \"အို\"သရ သေဗာႏနုဲးနဝ်ꩻသွူ။\n\nဗီးအကျောင်ꩻခရာႏဖိုင်ႏ\n\"ဗျဉ္ဇန၊ ဗျဉ်ဇန်၊ ဗျည်း၊ ဗီးခရာႏ\"\nပါဠိ \"ဗျဉ္ဇန\"ယို ထွိုင်ႏအွောန်ႏသိုတ်ႏထိုꩻ \"ဉ၊ န်\"ဗီးနီဖြိုင်ႏနဝ်ꩻ \"ဗျဉ်ဇန်\"ထွာနုဲးနဝ်ꩻသွူ၊ ဗျဉ်ဇန်ပါဠိငဝ်းကြုဲꩻယို မန်းတဟဲ့ႏလွောန်ꩻမဲန်ႏတဝ်း၊ မန်းဟဲ့ႏတေား \"ဗျည်း\"နုဲးနဝ်ꩻသွူ၊ မန်းငဝ်း၊ မန်းလိက်ဖြိုင်ႏ \"ဗျည်း\"ယို ဟဲ့ႏပအိုႏဖြွောင်ႏဖြွောင်ႏနေး \"ဗီး\"နုဲးနဝ်ꩻသွူ။\n\"ဗီး(၃၃)ဖြိုင်ႏယိုနဝ်ꩻ\"\nဗီး(၃၃)ဖြိုင်ႏယိုနဝ်ꩻ ပါဠိ၊ မန်း၊ ပအိုႏ ဗွိုန်ဗွိုန်လွဝင်ꩻသွူ။\n\"ဗီး-အဓိပ္ပါယ်ႏ\"\nအွောန်ႏနယ်ဒါႏ အနက်အဓိပ္ပါယ်ႏနဝ်ꩻမႏ ဟဲ့ႏဗာႏ\"ဗီး\"သွူ။\n\"သရ၊ ဗီး ဥပမာႏ\"\nသရနဝ်ꩻ ဗွိုန်နုဲင်းထီကြောင်း၊ ဗီးနဝ်ꩻ ဗွိုန်နုဲင်းတသီႏရောင်ႏနဝ်ꩻသွူ။\n\"ဗွိုန်ပုံႏ ဗွိုန်နယ်ꩻ\"\nထီကြောင်းကိုနဝ်ꩻ သော့ꩻတသီႏရောင်ႏထာꩻမုဲꩻလဲ့ တသီႏထာꩻမုဲꩻရောင်ႏပေါႏလွောန်အတွိုင်ꩻ သရနဝ်ꩻ တွယ်ꩻတောမ်ႏဗီးထာꩻမုဲꩻလဲ့ ဗီးထာꩻမုဲꩻငဝ်းထန်ႏလွောန်သွူ။\n\"ဗီးတောမ်ႏသရတွယ်ꩻဗာႏဝင်ꩻ\"\nဗီးခြေင်ခြေင် \"က် ခ် ဂ် ဃ် င်\"စတဲင်နုဲးယိုဖိုင်ႏနဝ်ꩻ အငဝ်းအဝ်ႏစူတပတဲတ်ꩻ၊ မဲ့တထဲင်း၊ ပျောႏတအွော့ႏထဝလွုမ်ꩻတဲင် အငဝ်းထန်ႏနွောင်ꩻတဝ်း၊ ဗီးနဝ်ꩻ မီႏတွယ်ꩻတောမ်ႏရဿသရမႏ အငဝ်းထန်ႏနွောင်ꩻ စူတပတဲတ်ꩻ၊ မဲ့တထဲင်း၊ ပျောႏတအွော့ႏသွူ၊ ဗီးနဝ်ꩻ မီႏတွယ်ꩻတောမ်ႏ ဒီဃသရမႏ အငဝ်းထန်ႏနွောင်ꩻ စူနီပတဲတ်ꩻ၊ မဲ့နီထဲင်း၊ ပျောႏနီအွော့ႏသွူ။\n\"ဝဂ်ဗီးဖိုင်ႏ\"\n(က) က ခ ဂ ဃ င - ယို(၅)ဖြိုင်ႏနဝ်ꩻ ဟဲ့ႏ\"ကဝဂ်\"သွူ။\n(ခ) စ ဆ ဇ ဈ ည - ယို(၅)ဖြိုင်ႏနဝ်ꩻ ဟဲ့ႏ\"စဝဂ်\"သွူ။\n(ဂ) ဋ ဌ ဍ ဎ ဏ - ယို(၅)ဖြိုင်ႏနဝ်ꩻ ဟဲ့ႏ\"ဋဝဂ်\"သွူ။\n(ဃ) တ ထ ဒ ဓ န - ယို(၅)ဖြိုင်ႏနဝ်ꩻ ဟဲ့ႏ\"တဝဂ်\"သွူ။\n(င) ပ ဖ ဗ ဘ မ - ယို(၅)ဖြိုင်ႏနဝ်ꩻ ဟဲ့ႏ\"ပဝဂ်\"သွူ။\n\"ဝဂ်အဓိပ္ပါယ်ႏ\"\nကောပ်ပွိုးအဝ်ႏ ပိန်စုပိန်ဗူႏနဝ်ꩻမႏ ဟဲ့ႏဗာႏ\"ဝဂ်\"သွူ။\n\"အဝဂ်ဗီးဖိုင်ႏ\"\nယ ရ လ ဝ သ ဟ ဠ အံ-ဗီးယို(၈)ဖြိုင်ႏနဝ်ꩻ ဟဲ့ႏ\"အဝဂ်ဗီး\"သွူ။\n\"အဝဂ်အဓိပ္ပါယ်ႏ\"\nကောပ်ပွိုး အဝ်ႏတဝ်းပိန်စုပိန်ဗူႏနဝ်ꩻမႏ ဟဲ့ႏဗာႏ\"အဝဂ်\"သွူ။\n\nပထမအက္ခရာႏ စတဲင်ဗီးဖိုင်ႏ\n\"ဝဂ်ဗီး (၂၅)ဖြိုင်ႏအကို\"-\n(က) က၊ စ၊ ဋ၊ တ၊ ပ - ယို (၅)ဖြိုင်ႏနဝ်ꩻ ဟဲ့ႏ\"ပထမအက္ခရာႏ\"သွူ။\n(ခ) ခ၊ ဆ၊ ဌ၊ ထ၊ ဖ - ယို (၅)ဖြိုင်ႏနဝ်ꩻ ဟဲ့ႏ\"ဒုတိယအက္ခရာႏ\"သွူ။\n(ဂ) ဂ၊ ဇ၊ ဍ၊ ဒ၊ ဗ - ယို (၅)ဖြိုင်ႏနဝ်ꩻ ဟဲ့ႏ \"တတိယအက္ခရာႏ\"သွူ။\n(ဃ) ဃ၊ ဈ၊ ဎ၊ ဓ၊ ဘ- ယို(၅)ဖြိုင်ႏနဝ်ꩻ ဟဲ့ႏ\"စတုတ္ထအက္ခရာႏ\"သွူ။\n(င) င၊ ည၊ ဏ၊ န၊ မ - ယို (၅)ဖြိုင်ႏနဝ်ꩻ ဟဲ့ႏ\"ပဉ္စမအက္ခရာႏ\"သွူ။\n\"ဝဂ္ဂန္တဗီး (၅)ဖြိုင်ႏ\"\nင ဉ ဏ န မ -ယို(၅)ဖြိုင်ႏနဝ်ꩻ ဝဂ်(၅)ဝဂ် အသိုတ်ႏဗီးဖိုင်ႏတဲင် ဟဲ့ႏ\"ဝဂ္ဂန္တ(ဝဂ်အသိုတ်ႏ)ဗီး\"သွူ။\n\"ဗီးငဝ်းထန်ႏခရာႏ\"\nဗီး(၃၃)ဖြိုင်ႏယို ဝင်ꩻကထွင်ႏစစနဝ်ꩻ တဖြိုင်ႏတောမ်ႏတဖြိုင်ႏ အငဝ်းအောန်ႏထန်ႏဗွိုန်တဝ်းလွဝင်ꩻတဲင် အမိန်ꩻရီးဆုဲင်ꩻ တအဲန်ထဝ်းသွူ။\n\"မန်းဗီးငဝ်းထန်ႏခရာႏ\"\nမန်းလိုꩻမျိုꩻနဝ်ꩻ ဗီး(၃၃)ဖြိုင်ႏယို အွောန်ႏထန်ႏအငဝ်း တဒါႏလို့တဝ်းဒွုမ်နေနေတဲင် ဟဲ့ႏဗာႏ \"က-ကြီး၊ ဂ-ငယ်၊ ဆ-လိမ်၊ ဈ-မျဉ်းဆွဲ၊ ဋ-သံလျင်းချိတ်၊ တ-ဝမ်းပူ\"စတဲင်နုဲးနဝ်ꩻသွူ။\n\"ပအိုႏဗီးမိန်ꩻခရာႏ\"\nပအိုႏဗီးမိန်ꩻနဝ်ꩻ ဗွေႏဗွန်ထီသိမ်ႏ တဖန်ဖေႏပါတဝ်းတဲင် တွိုႏနေင်ႏ ၁၃၄၀-ဗာႏကိုမႏ ဗွေႏဗွန်ကောဝိဒ ကျောင်ꩻဇဝနာရာမ ဝေင်ꩻသီႏသဲင်ႏ ဖန်ဖေႏဒျာႏသွူ။\n\"ထ(၄)ဖြိုင်ႏခရာႏ\"\nလိက်ပအိုႏယိုခါနဝ်ꩻ \"ဌ၊ ဎ၊ ထ၊ ဓ\"ယို(၄)ဖြိုင်ႏနဝ်ꩻ အငဝ်းထန်ႏဗွိုန်ဝင်ꩻ၊ အငဝ်းထန်ႏ \"ထ\"နုဲးနုဲးရိုꩻနဝ်ꩻသွူ။\nအမိန်ꩻနဝ်ꩻ \"ဌ-ရီး၊ ဎ-ထဝ၊ ထ-ဆုဲꩻ၊ ဓ-ဆုဲꩻသိုတ်ႏ\"ဖန်ဖေႏနုဲးနဝ်ꩻသွူ။\nမိန်ႏဖန်ဒျာႏ \"ဌ-ရီး၊ ဎ-ထဝရီး၊ ထ-ထဝဆုဲꩻ၊ ဓ-ဆုဲꩻ\"နုဲးနဝ်ꩻနဝ်ꩻ အလွိုးသေန်ႏလျောႏမုꩻ ပေါင်းအဝ်ႏသွူ။\nသဖောꩻနဝ်ꩻ အထဝနီဖြိုင်ႏယို ဖန်ဖေႏယင်း \"ထဝရီး၊ ထဝဆုဲꩻ\"နုဲးနဝ်ꩻသွူ။\nတနယ်ꩻနဝ်ꩻ ထယိုထူႏငါ \"ဌ၊ ထ၊ ဓ\"သိုမ်ဖြိုင်ႏငါတွော့ႏ \"ဌ-ရီး၊ ထ-ထဝ၊ ဓ-ဆုဲꩻ\"မိန်ႏဖန်ဖေႏ အမိန်ꩻနုဲးနဝ်ꩻနဝ်ꩻ အလွိုးယိင်းသေန်ႏလျောႏသွူ။\n\"အံ\"ဗီးခရာႏ\"\nဗီး(၃၃)ဖြိုင်ႏအကို အဆုဲꩻသိုတ်ႏတဖြိုင်ႏ \"အံ\"ဗီးနဝ်ꩻ \"အ\"သရတောမ်ႏ မုဲကီ(၂)မျိုꩻပေါင်ꩻလွဝင်ꩻသွူ၊ \"အံ\"ယို ကဟဲ့ႏဗာႏဗီးနဝ်ꩻ \"အ\"သရမွေးတဝ်း၊ မုဲကီ(--ံ)ဒျာႏသွူ၊ မုဲကီယိုနဝ်ꩻ အငဝ်းထန်ႏဗွိုန်မသိုတ်ႏတဲင် မိန်ႏရိုꩻ \"မ\"နမ်းတင်လဲ့ အဝ်ႏလႏဒျာႏသွူ။\nမုဲကီယိုနဝ်ꩻ ပါဠိသဒ္ဒါႏကျမ်ꩻနဝ်ꩻ ဟဲ့ႏနိဂ္ဂဟိတ်တဲင် အိုင်နောင်အိုင်ဗွို့ꩻနွောင်ꩻ (အ-ဣ-ဥ)သရယို(၃)ဖြိုင်ႏသွူ။\nမုဲကီကပါဒါႏ \"အံ\"ဗီးယို ပအိုႏအနေႏနဝ်ꩻ တလိုႏတဝ်းလဲ့ ထွားနုဲးပါဠိဗီးတွော့ꩻ သော့ႏပါဒျာႏသွူ။\n\nအသိုတ်ႏဗီးခရာႏဖိုင်ႏ\n\"ပအိုႏအသိုတ်ႏဗီး(၈)ဖြိုင်ႏ\"\nက-င၊ တ-န၊ ပ-မ၊ ယ-ဝ ယို(၈)ဖြိုင်ႏနဝ်ꩻ ပအိုႏငဝ်းအနေႏ ကလိုႏအပ်ဒါႏ အသိုတ်ႏဗီးဖုံႏသွူ။\n\"ပါဠိအသိုတ်ႏဗီး (၁၉)ဖြိုင်ႏ\"\nက-ဂ-င၊ စ-ဇ-ဉ၊ ဋ-ဌ-ဍ၊ဏ၊ တ-ဒ-န၊ ပ-ဗ-မ၊ လ-သ-ဟ ယို(၁၉)ဖြိုင်ႏနဝ်ꩻ ပါဠိငဝ်းအနေႏ ကလိုႏအပ်ဒါႏ အသိုတ်ႏဗီးဖိုင်ႏသွူ။\n\"ပအိုဝ်ႏအသိုတ်ႏဗီးတွယ်ꩻဖိုင်ႏ\"\nပအိုႏအသိုတ်ႏဗိး(၈)ဖြိုင်ႏနဝ်ꩻ \"က-င\"တတွယ်ꩻ၊ \"တ-န\"တတွယ်ꩻ၊ \"ပ-မ\"တတွယ်ꩻ၊ \"ယ\"တတွယ်ꩻ၊ \"ဝ\"တတွယ်ꩻ မတ်ဗာႏနုဲးနဝ်ꩻသွူ။\n\"အသိုတ်ႏငဝ်းဗွိုန်တဝ်းတဝင်ꩻ\"\nပအိုႏအသိုတ်ႏဗီး(၅)တွယ်ꩻနဝ်ꩻ အငဝ်းထန်ႏခင်ႏလံး(ဌာန်)တဗွိုန်တဝ်းတဝင်ꩻတဲင် ဝွေꩻသီးကထွိုင်ႏသိုတ်ႏနဝ်ꩻလဲ့ တတွယ်ꩻတောမ်ႏတတွယ်ꩻ အငဝ်းထန်ႏတဗွိုန်တဝ်းသွူ။\n\"ရဿ-ဒီဃအသိုတ်ႏ\"\nအသိုတ်ႏ(၈)ဖြိုင်ႏယိုအကို \"က၊ တ၊ ပ\"ယို(၃)ဖြိုင်ႏနဝ်ꩻ အငဝ်းဒွေါင်ႏရဿသိုတ်ႏ၊ \"င၊ န၊ မ\"ယို(၃)ဖြိုင်ႏနဝ်ꩻ အငဝ်းဆွာꩻ ဒီဃသိုတ်ႏ၊ \"ယ၊ ဝ\"ယို(၂)ဖြိုင်ႏနဝ်ꩻ အငဝ်းဒွေါင်ႏဒွေါင်ႏဆွာꩻဆွာꩻ ရဿ-ဒီ��ငဝ်းသိုတ်ႏသွူ။\n\"ယသိုတ်ႏ၊ ဝသိုတ်ႏ တွယ်ꩻနွောင်ꩻသရ\"\nယသိုတ်ႏ၊ ဝသိုတ်ႏနဝ်ꩻ သရ(၁၆)ဖြိုင်ႏအကို တွယ်ꩻနွောင်ꩻ \"အ\"သရတဖြိုင်ႏလွုမ်ꩻသွူ။\nပုံႏစံႏ - ကယ့် ကယ့်ꩻ ကယ့်း ကယ့်ႏ၊ ကယ် ကယ်ꩻ ကယ်း ကယ်ႏ။\nကဝ့် ကဝ့်ꩻ ကဝ့်း ကဝ့်ႏ၊ ကဝ် ကဝ်ꩻ ကဝ်း ကဝ်ႏ။\n\"လိက်ဖြိုင်ႏဆင်းခရာႏ\"\nပါဠိလိက်ဖြိုင်ႏဆင်းမန်ႏသမျနဝ်ꩻ အဖြိုင်ႏဖဲ့ႏကီနဝ်ꩻ ထွာအသိုတ်ႏ၊ သိုတ်ႏချာအဖြိုင်ႏဝွေႏဆချာနဝ်ꩻသွူ။\nပုံႏစံႏ - အဂ္ဂ (အဂ်ဂ)၊ ခန္ဓ (ခန်ဓ)၊ အမ္ဗ (အမ်ဗ)။\n\"ဗီးဗွိုန်အိုင်ဆင်းနွောင်ꩻတဝင်ꩻခရာႏ\"\nဗီး(၃၃)ဖြိုင်ႏအကို ဗီးဗွိုန်(၂)ဖြိုင်ႏ ကအိုင်ဆင်းနွောင်ꩻလွဝင်ꩻနဝ်ꩻ-\n(က) ပထမအက္ခရာႏ (၅)ဖြိုင်ႏနဝ်ꩻ - က၊ စ ၊ ဋ၊ တ၊ ပ\nပုံႏစံႏ - သက္က၊ သစ္စ၊ ဝဋ္ဋ၊ ဝတ္တ၊ ကပ္ပ ။\n(ခ) တတိယအက္ခရာႏ (၅)ဖြိုင်ႏနဝ်ꩻ - ဂ၊ ဇ၊ ဍ၊ ဒ ၊ ဗ\nပုံႏစံႏ - အဂ္ဂ၊ မဇ္ဇ၊ ကုဍ္ဍ၊ သဒ္ဒ၊ သဗ္ဗ။\n(ဂ) ပဉ္စမအက္ခရာႏ (၄)ဖြိုင်ႏနဝ်ꩻ - ဉ ၊ ဏ ၊ န ၊ မ\nပုံႏစံႏ - ပညာ၊ ဝဏ္ဏ၊ အန္န၊ ကမ္မ။\n\"င-ဗီး အိုင်ဆင်းခရာႏ\"\nင-ဗီးနဝ်ꩻ နီဖြိုင်ႏချင်ꩻချင်ꩻ အိုင်ဆင်းနွောင်ꩻတဝ်းလို့ဝင်ꩻတဲင် အိုင်ဆင်းနွောင်ꩻဝွေꩻဝဂ်ဗီးဖဲ့ႏချာ (၄)ဖြိုင်ႏလွုမ်ꩻသွူ။\nင-ဗီးအိုင်ဆင်းနွောင်ꩻဗီးဖိုင်ႏ - က ၊ ခ ၊ ဂ ၊ ဃ\nပုံႏစံႏ- ဝင်္က၊ အာကင်္ခ၊ မဂ္ဂင်္ဂ၊ သင်္ဃာ ။\nဉ-ဗီးအိုင်ဆင်းချာနွောင်ꩻဗီးဖိုင်ႏ - စ၊ ဆ၊ ဇ ၊ ဈ\nပုံႏစံႏ - ပဉ္စ၊ ဝဉ္ဆာ၊ မဉ္ဇ၊ လဉ္ဈ ။\nဏ-ဗီးအိုင်ဆင်းချာနွောင်ꩻဗီးဖိုင်ႏ - တ၊ ထ၊ ဒ ၊ ဓ\nပုံႏစံႏ - ပန္တိ၊ ဂန္ထ၊ ဆန္ဒ၊ အန္ဓ ။\nမ-ဗီးအိုင်ဆင်းချာနွောင်ꩻဗီးဖိုင်ႏ - ပ၊ ဖ၊ ဗ၊ ဘ\nပုံႏစံႏ - နကမ္ပတိ၊ သမ္ဖပ္ပလာပ၊ ဗိမ္ဗိသာရ၊ ကမ္ဘာ ။\n\"အဝဂ်အိုင်ဆင်းလိက်ဖြိုင်ႏခရာႏ\"\nအဝဂ်ဗီးကို \"လ\"၊ \"သ\"နဝ်ꩻ အချင်ꩻချင်ꩻနီဖြိုင်ႏ အိုင်ဆင်းနွောင်ꩻလွဝင်ꩻသွူ။\nပုံႏစံႏ - ဝေပုလ္လ၊ ကဿပ ။\n\"ဟ-ဗီးအိုင်ဆင်းခရာႏ\"\nအဝဂ်ဗိး \"ဟ\"ဗီးနဝ်ꩻ အိုင်ဆင်းနွောင်ꩻဝဂ် \"မ\"ဗီးသွူ။\nပုံႏစံႏ - အဗြဟ္မစရိယာ ။\n\nအက္ခရာႏခရာႏဖိုင်ႏ\n\"ပအိုႏအက္ခရာႏ(၄၉)ဖြိုင်ႏ\"\nသရ(၁၆)ဖြိုင်ႏ၊ ဗီး (၃၃)ဖြိုင်ႏ ပေါင်ꩻဝင်ꩻ(၄၉)ဖြိုင်ႏယိုနဝ်ꩻ ဟဲ့ႏညီꩻဝင်ꩻအမိန်ꩻ \"အက္ခရာႏ\"သွူ။\n\"အက္ခရာႏအဓိပ္ပါယ်ႏ\"\nတွိုႏခန်း ပိဋကတ်သိုမ်ဖုံႏကိုလဲ့ တလို့နွောင်ꩻတဝ်း၊ အကုဲပဲတ်ꩻနွောင်ꩻတဝ်းနဝ်ꩻမႏ ဟဲ့ႏဗာႏ\"အက္ခရာႏ\"သွူ။\n\"လိတ်ဖြိုင်ႏမာႏလဲ့ အဓိပ္ပါယ်ႏမာႏ\"\nသꩻအဝ်ႏ သꩻအဲန်ထဝ်း ပညတ်၊ ပရမတ်အမိန်ꩻမန်ႏသမျယို နီလိုꩻသီး သုံꩻဟဲ့ႏဖေႏကလႏ၊ ဖေႏကယိုꩻနဝ်ꩻ တဲမ်းမုဲဗာႏတောမ်ႏ လိက်(အက္ခရာႏ)ဖိုင���ႏသွူ။\nတနယ်ꩻ- နေးတောမ်ႏလိက် (အက္ခရာႏ)ဖိုင်ႏတဲင် မတ်တောင်ꩻတဲမ်းမုဲဗာႏ သꩻအဝ်ႏ သꩻအဲန်ထဝ်းပညတ် ပရမတ်အမိန်ꩻဖိုင်ႏသွူ၊ ပေါႏလိက်ဖြိုင်ႏ(အက္ခရာႏ)မာႏလဲ့ အဓိပ္ပါယ်ႏမာႏစွောန်ႏသွူ။\nကောပ်းနဝ်ꩻမꩻ လိက်(အက္ခရာႏ)ယို အဝ်ႏလိုႏငါႏ အသေႏချာႏ၊ အဝ်ႏလိုႏငါႏ အစွုမ်ႏမဲန်ႏသွူ။\n\nငဝ်းအွောန်ႏသေဖိုင်ႏ\n\"ငဝ်းတငွါ လိက်တဖြိုင်ႏ\"\nပအိုဝ်ႏကဒေါ့ꩻဒါႏငဝ်းနဝ်ꩻ ရဿ(၄)ရန်း၊ ဒီဃ(၄)ရန်း စုစုခြောန်း အဝ်ႏ(၈)ရန်းတွော့ꩻ လိက်ပအိုႏလဲ့ မီႏအဝ်ႏနုဲးနုဲး (၈)ရန်းမႏ ထွာငဝ်းတငွါ လိက်တဖြိုင်ႏ၊ လိက်တဖြိုင်ႏ ငဝ်းတငွါသွူ၊ မီႏသုံꩻစွူစွူဗော့ꩻ ငဝ်းရန်း(၆)ရန်းနုဲးယိုခါနဝ်ꩻ လိက်တဖြိုင်ႏ ငဝ်းတငွါ တထွာတဝ်း၊ လိက်တဖြိုင်ႏ ငဝ်း(၂)ငွါလဲ့ ထွာသွူ။\n\"ငဝ်းတငွါ လိက်နီဖြိုင်ႏခရာႏ\"\nလိက်မွူးအတွယ်ꩻ (၁၀)၊ အသရ၊ အုသရ မုဲကီတောမ်ႏ အသရ ယ်သိုတ်ႏတွယ်ꩻနဝ်ꩻ ထွာလိက်ရဲန်ႏပိုႏ ရိုꩻနဝ်ꩻလဲ့ ပါဠိကိုဖိုင်ႏ၊ ပါဠိကုဲဖိုင်ႏ၊ လိက်မန်းဖိုင်ႏနဝ်ꩻ အဝ်ႏသုံꩻဒျာႏနေနေတဲင် စွော်စွော်သော့ႏပါဒျာႏသွူ။\n\"အွောန်ႏကုဲထိုꩻ ထွို့ꩻစွဲႏအကျောင်ꩻ\"\nလိက်ပအိုႏယိုခါ \"အော့ အော\"သရတွယ်ꩻလိက်ရဲန်ႏ(၆)ဖြိုင်ႏနဝ်ꩻ \"အော့ အော့ꩻ အော် အော်ꩻ အေား အောႏ\"အဝ်ႏနုဲးနဝ်ꩻတဲင် \"အော်-အော်ꩻ\"ယိုနီဖြိုင်ႏအကို ကပါဒါႏ ထွို့ꩻစွဲႏ \"--်\"နဝ်ꩻ ထွာဒျာႏအပိုႏသွူ၊ ထွို့ꩻစွဲႏတပါတဝ်းလဲ့ အငဝ်းထန်ႏလဲန်းဒျာႏ \"အော-အောꩻ\"ရင်ꩻသွူ၊ ကောပ်နဝ်ꩻမႏ အွောန်ႏကုဲထိုꩻဗာႏ ထွို့ꩻစွဲႏသွူ၊ ထွိုင်ႏအွောန်ႏကုဲထိုꩻ ထွို့ꩻစွဲႏ ငဝ်း(၈)ရန်း လိက်ရဲန်ႏနဝ်ꩻ အဝ်ႏလွေꩻနုဲးယိုသွူ။\n\"အော့-အော့ꩻ-အော့း-အော့ႏ၊ အော-အောꩻ-အေား-အောႏ\"။\n\"မုဲငါမာႏ\"\nလိက်ပအိုႏယိုခါနဝ်ꩻ (--ံ)နုဲးယိုနဝ်ꩻ ဟဲ့ႏမုဲကီ (--့)နုဲးယိုနဝ်ꩻ ဟဲ့ႏမုဲလ၊ (--း)နုဲးယိုနဝ်ꩻ ဟဲ့ႏမုဲနီဖြိုင်ႏ၊ (--ႏ)နုဲးယိုနဝ်ꩻ ဟဲ့ႏမုဲပက်ငါတဲင် မီႏအဝ်ႏ (--.)နုဲးယိုမႏ မုဲငါသွူ၊ မုဲငါ (--.)နုဲးယိုတမွေးတဝ်း၊ ပက်ငါ(--ꩻ)နုဲးယိုဒျာႏတွော့ꩻ ကအဝ်ႏသောန် ကအဝ်ႏဟဲ့ႏမုဲငါနဝ်ꩻ ဟဲ့ႏမာႏဒျာႏထာꩻသွူ၊ ကောပ်နဝ်ꩻမႏ (--ꩻ)နုဲးယိုနဝ်ꩻ အဝ်ႏလိုႏဟဲ့ႏတဝ်းမုဲငါ၊ အဝ်ႏလိုႏဟဲ့ႏဒျာႏ ပက်ငါသွူ၊ မွေးနေ- သီအီႏရိုꩻနုဲးမုဲꩻ?။\n\"အုဲ့-အုဲ\"သရကို \"င်\"သိုတ်ႏလိုႏတဝ်း\nပအိုႏသရ(၁၆)ဖြိုင်ႏအကို \"အုဲင့်-အုဲင်\"သရတွယ်ꩻနီဖြိုင်ႏနဝ်ꩻ ပါတောမ်ႏ \"င်\"သိုတ်ႏတဲင် သေန်ႏလျောႏမုꩻမဲန်ထဝ်းသွူ၊ သရယို(၂)ဖြိုင်ႏနဝ်ꩻ \"င်\"သိုတ်ႏတပါတဝ်းလဲ့ အငဝ်းထန်ႏလဲန်းဒျာႏ���င်ꩻ \"အုဲ့-အုဲ\"သွူ၊ \"င်\"သိုတ်ႏထွိုင်ႏပါနဝ်ꩻ သေန်ႏလျောႏမုꩻ (သဘာဝယုတ္တိ)အဲန်ထဝ်း၊ သွူတကာႏတဝ်း တဲမ်းဗာႏပိုႏတဲင် အခိန်ႏလို့ပိုႏသွူ၊ သရကိုနဝ်ꩻ အသိုတ်ႏပါထုံꩻစံႏတအဲန်ထဝ်းသွူ၊ ကောပ်းနဝ်ꩻမႏ ခွေသောန်းအွောန်ႏကုဲထိုꩻ \"င်\"သိုတ်ႏသွူ။\n\"သရငဝ်းမဲန်ႏ၊ အသိုတ်ႏငဝ်းမဲန်ႏအကျိုꩻ\"\nလိက်ယို အသိုတ်ႏခန်ꩻကို သရငဝ်း၊ အသိုတ်ႏငဝ်း ထွိုင်ႏမဲန်ႏလို့နဝ်ꩻ သရငဝ်း၊ အသိုတ်ႏငဝ်း ပငါပရာꩻဒျာႏတဲင် \"ယိုတဖြိုင်ႏ၊ ယိုတရဲန်ႏနဝ်ꩻ အငတ်းအွောန်ႏထန်ႏဗာႏနုဲးယို\"ဖန်သမုတ်နေးခရာႏ လိုႏတဝ်းသွူတကာႏတဝ်း လိက်ဖြိုင်ႏတအဲန်ထဝ်းဖိုင်ႏနဝ်ꩻလဲ့ လိက်ဖြိုင်ႏပေါႏလွောန်ယင်းသွူ။\n\"သရစဲန်ႏတွိုင်ꩻ၊ အသိုတ်ႏစဲန်ႏတွိုင်ꩻ\"\nလိက်မွူးတွယ်ꩻယိုနဝ်ꩻ စဲန်ႏလွေꩻ သရစဲန်ႏတွိုင်ꩻ၊ အသိုတ်ႏစဲန်ႏတွိုင်ꩻတဲင် အတွယ်ꩻမိန်ꩻ၊ သောန်ခန်ꩻမိန်ꩻ၊ လိက်ရဲန်ႏမိန်ꩻဖိုင်ႏနဝ်ꩻ ကျပ်အိုမ်၊ သောန်အိုမ်ခရာႏလိုႏတဝ်း၊ ယူႏလွေꩻမတ်လွေꩻနေးငါလဲ့ သေနာႏ၊ သဖောꩻဗွောင်ဒျာႏတွော့ꩻ သောန်ယိုꩻငါႏသွူ။\n\"စွုမ်ႏ-မဲန်ႏ-ယိုꩻ\"လိက်မွူး\nလိက်မွူးယိုနဝ်ꩻ စွုမ်ႏလဲ့စွုမ်ႏ၊ သရငဝ်း အသိုတ်ႏငဝ်းဖုံႏလဲ့ မဲန်ႏလို့၊ သောန်လဲ့ယိုꩻတဲင် ဟဲ့ႏဗာႏ \"စွုမ်ႏ-မဲန်ႏ-ယိုꩻ\"လိက်မွူးတွယ်ꩻသွူ။\n\"ဖေႏကသေသရငဝ်း\"\nအသိုတ်ႏခန်ꩻတမွေးတဝ်းနဝ်ꩻ သရငဝ်းယို စဲင်းထင်ႏသျာꩻဒျာႏလဲ့ အသိုတ်ႏခန်ꩻကိုနဝ်ꩻ ပေါႏအွောန်ႏတဝ်းသတိလဲ့ သရငဝ်းယို သေနာႏကြွို့ꩻတဝ်းသွူ၊ ဖေႏကသေသရငဝ်းနဝ်ꩻ အသိုတ်ႏငဝ်းယို အွောန်ႏကုဲဒွိုန်းတွော့ႏ အွောန်ႏထန်ႏဒွိုန်း သရငဝ်းခြေင်ခြေင်နဝ်ꩻ ထာꩻမုဲꩻသရငဝ်းကရိုꩻယို သေနာႏဒျာႏသွူ။\n\"ပါဠိငဝ်း၊ ပါဠိငဝ်းကြုဲꩻ၊ မန်းငဝ်းကြုဲꩻခရာႏ\"\nလိက်ပအိုႏယို သရငဝ်း၊ အသိုတ်ႏငဝ်းအတွိုင်ꩻ မီႏအွောန်ႏထန်ႏလွောန်ꩻမဲန်ႏမဲန်ႏအငဝ်းနဝ်ꩻ တောမ်ႏကအဝ်ႏသုံꩻဒါႏ ပါဠိငဝ်း၊ ပါဠိငဝ်းကြုဲꩻ၊ မန်းငဝ်းကြုဲꩻဖုံႏယိုခါနဝ်ꩻ ဗွိုန်ဒွုမ်လွဝင်ꩻဝင်ꩻ အီႏမာꩻနုဲးမုဲꩻ? ရီခရာႏအဝ်ႏတဲင် ဆုံꩻဖျတ်ဗာႏတစွိုးစွိုးသွူ။\n(က) လိက်ဖြိုင်ႏနဝ်ꩻ ပါဠိလိက်ဖြိုင်ႏ၊ ပါဠိငဝ်းကြုဲꩻလိက်ဖြိုင်ႏ၊ မန်းငဝ်းကြုဲꩻလိက်ဖြိုင်ႏတွိုင်ꩻတွိုင်ꩻဒျာႏတဲင် အငဝ်းနဝ်ꩻ အွောန်ႏထန်ႏပအိုႏနေးနဝ်ꩻတမျိုꩻ။\nဥပမာႏ- စေတနာ၊ အဓိပ္ပါယ်ႏ၊ ဝတ္တရာꩻ-စတဲင် ။\n(ခ) နီကအွောန်ႏထန်ႏကျင်ꩻလဲန်းသွူ အငဝ်းထန်ႏအတွိုင်ꩻ တဲမ်းလွောန်ꩻမဲန်ႏမဲန်ႏတောမ်ႏနီလိက်ဖြိုင်ႏနဝ်ꩻတမျိုꩻ။\nဥပမာႏ- စေႏတနာႏ၊ အဓိက်ပယ်ႏ၊ ဝိုတ္တရာꩻ ။\n\"အငဝ်းဗွိုန်လိက်(၂)တွယ်ꩻခရာႏ\"\n- ကဲ့ ကဲ့ꩻ ကဲ့း ကဲ့ႏ၊ ကဲ ကဲꩻ ကဲး ကဲႏ ။\n- ကယ့် ကယ့်ꩻ ကယ့်း ကယ့်ႏ၊ ကယ် ကယ်ꩻ ကယ်း ကယ်ႏ။\nလိက်ယိုနီရဲန်ႏနဝ်ꩻ \"နောက်ပစ်ယသတ် သမာနတော\"(ထေင်းခေါန်းတောမ်ႏယသိုတ်ႏနဝ်ꩻ အငဝ်းထန်ႏဗွိုန်ဝင်ꩻ)ကရိုꩻဒါႏငဝ်းအတွိုင်ꩻ အငဝ်းအွောန်ႏထန်ႏဗွိုန်တဝင်ꩻသွူ၊ ကွယ်ႏတွော့ႏ ယသိုတ်ႏလိက်ရဲန်ႏနဝ်ꩻ မီႏအွောန်ႏထန်ႏမဲန်ႏမဲန်ႏ \"အသရ၊ ယသိုတ်ႏ\"ငဝ်းနဝ်ꩻ အငဝ်းထန်ႏဗွိုန်ဒျာႏ \"ကုဲ့ ကုဲ့ꩻ ကုဲ့း ကုဲ့ႏ၊ ကုဲ ကုဲꩻ ကုဲး ကုဲႏ\"လိက်ရဲန်ႏယိုငဝ်းသွူ။\nကအွောန်ႏထန်ႏဗွိုန်ဒါႏ \"အဲ့ အဲ\"သရလိက်ရဲန်ႏနဝ်ꩻ သရငဝ်းမဲန်ႏ၊ အသိုတ်ႏငဝ်းမဲန်ႏ တမွေးတဝ်း၊ သမုတ်နေးဒျာႏသွူ။ (တနယ်ꩻ) အွောန်ႏထန်ႏဗွိုန်နုဲးလေႏကြွို့ႏမန်းသွူ။\n\"လိက်မူတသာမွေးတဝ်း\"\nခွေသောန်းကတဲမ်းထန်ႏဒါႏ လိက်မွူးပအိုႏခရာႏယိုနဝ်ꩻ သရ(၁၆)ဖြိုင်ႏလဲ့နဝ်ꩻ၊ ဗီး(၃၃)ဖြိုင်ႏလဲ့နဝ်ꩻ၊ အက္ခရာႏခြွိုင်းခြိုꩻမိန်ꩻဖိုင်ႏလဲ့နဝ်ꩻ (၄)လဲန်ႏဗွေမောန်းဖျင်ထွူ လိက်မွူးပအိုႏအတွိုင်ꩻဒျာႏတဲင် လိက်မူတသာ၊ လိက်မူထူꩻဆန်ꩻမွေးတဝ်းသွူ။\n(၄)လဲင်ႏဗွေ မောန်းဖျင်ထွူ လိက်မွူးပအိုႏကိုနဝ်ꩻ သရစဲန်ႏတွိုင်ꩻ၊ အသိုတ်ႏစဲန်ႏတွိုင်ꩻ တမွေးတဝ်းတဲင် စဲန်ႏမဲန်ႏလွေꩻဖေႏ အစဲန်ႏအတွိုင်ꩻဒျာႏ၊ ကလိုႏအပ်ဒါႏ လိက်ရဲန်ႏယဟန်ႏယို ထူႏသုံꩻတဝ်းတဲင် ထူႏသုံꩻစဲန်ႏသော့ႏလွေꩻဖေႏဒျာႏ။\nဥပမာႏ- ကွောတ် ကွောတ်ꩻ ကွောတ်း ကွောတ်ႏ၊ ကွောန် ကွောန်ꩻ ကွောန်း ကွောန်ႏ-စတဲင်နုဲးယိုသွူ။\nလိက်ရဲန်ႏယဟန်ႏနဝ်ꩻ အငဝ်းထန်ႏမဲန်ႏတဝ်းတဲင် အွောန်ႏထန်ႏမဲန်ႏလွေꩻဖေႏအငဝ်းတွော့ꩻ လိက်ဖြိုင်ႏ (လိက်ရဲန်ႏ)တအဲန်ထဝ်း ပအိုႏငဝ်းယို လိက်ဖြိုင်ႏ(လိက်ရဲန်ႏ)ပေါႏလွောန်ယင်းသွူ။\nဥပမာႏ- ကုပ် ကုပ်ꩻ ကုပ်း ကုပ်ႏ၊ ကုမ် ကုမ်ꩻ ကုမ်း ကုမ်ႏ-လိက်ရဲန်ႏယိုနဝ်ꩻ အွောန်ႏထန်ႏတဝ်း \"အို\"သရငဝ်းနုဲင်းကရီးချာ၊ အွောန်ႏထန်ႏမဲန်ႏထိုꩻ \"အု\"သရငဝ်းတဲင် ကလိုႏအပ်ဒါႏ \"ပအိုႏရုမ်ꩻ\"၊ \"ကုမ်ꩻလံးကုမ်ꩻပါႏ\"စတဲင် လိက်ဖြိုင်ႏကတအဲန်ထဝ်း ပအိုႏငဝ်းဖိုင်ႏနဝ်ꩻ လိက်ဖြိုင်ႏအဝ်ႏလွောန်ယင်းသွူ။\nဟန်ႏနီꩻမာꩻချာနဝ်ꩻ တဲမ်းတေားဒျာႏ \"ပအိုႏရွုမ်ꩻ\"၊ \"ကွုမ်ꩻလံးကွုမ်ꩻပါႏ\"နုဲးနဝ်ꩻတဲင် လိက်ရဲန်ႏ \"ကွုပ် ကွုပ်ꩻ ကွုမ် ကွုမ်ꩻ ကွုမ်း ကွုမ်ႏ\"လိက်ရဲန်ႏယိုနဝ်ꩻ အငဝ်းထန်ႏတေား (၂)မျိုꩻသွူ၊ ကောပ်နဝ်ꩻမႏ ဖျင်မဲန်ႏစဲန်ႏစွို့ꩻဖေႏဒျာႏ ရိုꩻဗာႏနုဲးနဝ်ꩻသွူ။\n\"ဒင်ႏဖေႏပကီႏ တသီႏရောင်ႏဒျာႏ\"\nကမောန်းဖျင်ဗာႏ လိက်မွူးယို မီႏတဲမ်းနယ်တောမ်ႏဥပမာႏနဝ်ꩻ ဗွေႏဗွန်ဖြားသုနန္ဒ ကျောင်ꩻထီသိမ်ႏ ကတဲမ်းထွို့ႏသေꩻခါꩻဒါႏ \"သဘာဝပကီႏ\"ကာꩻယိုနဝ်ꩻ တသီႏရောင်ႏစွုမ်ႏတဝ်း၊ တသီႏရောင်ႏဟံးပေါင်းပြာထိုꩻတဲင် ထွားပေါꩻတရေꩻတဝ်းတွော့ꩻ ထွားဖေႏကတရေꩻနဝ်ꩻ သူႏသံးဒင်ႏသံႏဖေႏ တသီႏရောင်ႏ ကလိုႏရာꩻခင်ႏလံး နုဲးနဝ်ꩻဒျာႏသွူ။\n\nအာႏကွိုꩻ \n\nပအိုဝ်ႏလိတ်လုဲင်ꩻ","num_words":4705,"character_repetition_ratio":0.068,"word_repetition_ratio":0.017,"special_characters_ratio":0.123,"stopwords_ratio":0.029,"flagged_words_ratio":0.0,"lang_id_score":1.0,"perplexity_score":727.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%AF%E1%80%82%E1%80%B9%E1%80%82%E1%80%AD%E1%80%AF%E1%80%9C%E1%80%BA%E1%82%8F%E1%80%A1%E1%80%99%E1%80%BB%E1%80%AD%E1%80%AF%EA%A9%BB%E1%80%90%E1%80%86%E1%80%AE","collection":"wikipedia","source":"wikipedia","original_code":"blk","text":"\"မိဂသာလာသုတ် (ပုဂ္ဂိုလ်ႏအမျိုꩻတဆီ)\"\nအာႏနန္တာႏ-\nလောကကိုယို ပုဂ္ဂိုလ်ႏအဝ်ႏအမျိုꩻတဆီ၊  တဆီကရိုꩻနဝ်ꩻ-\n၁။ လိုꩻယင်ဟန်ႏနဝ်ꩻ \"သီႏလ\"အဲဉ်ထဝ်း၊ ထာꩻသေပညာႏတဲ့ အဲဉ်ထဝ်း၊ နာႏတဝ်းတရာꩻ၊ ထွားနုဲင်းတဝ်းဝင်ꩻ၊ သေမာꩻတဝ်းကုသိုလ်ႏ၊ လꩻတဝ်းကုသိုလ်ႏ၊ ဝွေꩻမဉ်ႏသီထွူနဝ်ꩻ အဝ်ႏအဆွုတ်ယွုတ်လွုမ်ꩻ၊ မျတ်ခရာႏအဲဉ်ထဝ်း၊ အီႏတွိုႏလွေꩻ အညမ်းဖဲ့ꩻလွုမ်ꩻ၊ အဟောဝ်ဖဲ့ꩻနဝ်ꩻ တတွိုႏနွောင်ꩻတဝ်း။\n၂။ လိုꩻယင်ဟန်ႏနဝ်ꩻ \"သီႏလ\"အဲဉ်ထဝ်း၊ ကွဲႏတွော့ꩻ ဆုဲင်ꩻနဝ်ꩻ သူႏသေယင်းထာꩻ၊ နာႏတရာꩻ၊ ထွားနုဲင်းဝင်ꩻ၊ သေမာꩻကုသိုလ်ႏ၊ လꩻကုသိုလ်ႏ၊ ဝွေꩻမဉ်ႏသီထွူနဝ်ꩻ အဝ်ႏအမျတ်လွုမ်ꩻ၊ ဆွုတ်ယွုတ်ခရာႏအဲဉ်ထဝ်း၊ အီႏတွိုႏလွေꩻ အဟောဝ်ဖဲ့ꩻလွုမ်ꩻ၊ အကုဲင်ဖဲ့ꩻနဝ်ꩻ တတွိုႏနွောင်ꩻတဝ်း။\n၃။ လိုꩻယင်ဟန်ႏနဝ်ꩻ \"သီႏလ\"အဝ်ႏ၊ ကွဲႏတွော့ꩻ ဆုဲင်ꩻနဝ်ꩻ သူႏသေတဝ်းထာꩻ၊ နာႏတဝ်းတရာꩻ၊ ထွားနုဲင်းတဝ်းဝင်ꩻ၊ သေမာꩻတဝ်းကုသိုလ်ႏ၊ အဗာႏလꩻသွူကုသိုလ်ႏတဲ့ လꩻတဝ်း၊ ဝွေꩻနဝ်ꩻနဝ်ꩻ မဉ်ႏသီထွူနဝ်ꩻ အဝ်ႏအဆွုတ်ယွုတ်လွုမ်ꩻ၊ မျတ်ခရာႏအဲဉ်ထဝ်း၊ အီႏတွိုႏလွေꩻ အညမ်းဖဲ့ꩻလွုမ်ꩻ၊ အဟောဝ်ဖဲ့ꩻနောဝ်ꩻ တတွိုႏနွောင်ꩻတဝ်း။\n၄။ လိုꩻယင်ဟန်ႏနဝ်ꩻ \"သီႏလ\"အဝ်ႏ၊ ဆုဲင်ꩻနဝ်ꩻ ယိန်းသူႏသေထာꩻ၊ နာႏတရာꩻ၊ ထွားနုဲင်းဝင်ꩻ၊ သေမာꩻကုသိုလ်ႏ၊ လꩻကုသိုလ်ႏ၊ ဝွေꩻမဉ်ႏသီသူꩻနဝ်ꩻ အဝ်ႏအမျတ်လွုမ်ꩻ၊ ဆွုတ်ယွုတ်ခရာႏအဲဉ်ထဝ်း၊ အီႏတွိုႏလွေꩻ အဟောဝ်ဖဲ့ꩻလွုမ်ꩻ၊ အကုဲင်ဖဲ့ꩻနဝ်ꩻ တွိုႏနွောင်ꩻတဝ်း။\n၅။ လိုꩻယင်ဟန်ႏနဝ်ꩻ \"ရာႏဂအာႏတလာ\"၊ ထာꩻသေပညာႏအဲဉ်ထဝ်း၊ နာႏတဝ်းတရာꩻ၊ ထွားနုဲင်းတဝ်းဝင်ꩻ၊ သေမာꩻတဝ်းကုသိုလ်ႏ၊ လꩻတဝ်းကုသိုလ်ႏ၊ ဝွေꩻမဉ်ႏသီထွူနဝ်ꩻ အဝ်ႏအဆွုတ်ယွုတ်လွုမ်ꩻ၊ မျတ်ခရာႏအဲဉ်ထဝ်း၊ အီႏတွိုႏလွေꩻ အကုဲင်ဖဲ့ꩻလွုမ်ꩻ၊ အဟောဝ်ဖဲ့ꩻနဝ်ꩻ တွိုႏနွောင်ꩻတဝ်း။\n၆။ လိုꩻယင်ဟန်ႏနဝ်ꩻ \"ရာႏဂအာႏတလာ\"၊ ကွဲႏတွော့ꩻ ဆုဲင်ꩻချာနဝ်ꩻ သူႏသေယင်းထာꩻ၊ နာႏတရာꩻ၊ ထွားနုဲင်းဝင်ꩻ၊ မာꩻကုသိုလ်ႏ၊ လꩻကုသိုလ်ႏ၊ ဝွေꩻမဉ်ႏသီထွူနဝ်ꩻ အဝ်ႏအမျတ်လွုမ်ꩻ၊ ဆွုတ်ယွုတ်ခရာႏအဲဉ်ထဝ်း၊ အီႏတွိုႏလွေꩻ အဟောဝ်ဖဲ့ꩻလူမ်ꩻ၊ အကုဲင်ဖဲ့ꩻနဝ်ꩻ တွိုႏနွောင်ꩻတဝ်း။\n၇။ လိုꩻယင်ဟန်ႏနဝ်ꩻ \"ဒေါသထန်ႏ-သꩻလျားထာꩻ\"၊ ထာꩻသေပညာႏအဲဉ်ထဝ်း၊ နာႏတဝ်းတရာꩻ၊ ထွားနုဲင်းတောဝ်းဝင်ꩻ၊ မာꩻတဝ်းကုသိုလ်ႏ၊ လꩻတဝ်းကုသိုလ်ႏ၊ ဝွေꩻမဉ်ႏသီထွူနဝ်ꩻ အဝ်ႏအဆွုတ်ယွုတ်လူမ်ꩻ၊ မျတ်ခရာႏအဲဉ်ထဝ်း၊ အီႏတွိုႏလွေꩻ အကုဲင်ဖဲ့ꩻလူမ်ꩻ၊ အဟောဝ်ဖဲ့ꩻနဝ်ꩻ တွိုႏနွောင်ꩻတဝ်း။\n၈။ လိုꩻယင်ဟန်ႏနောဝ်ꩻ \"ဒေါသထန်ႏ-သꩻလျားထာꩻ\"၊ ကွဲႏတွော့ꩻ ဆုဲင်ꩻချာနဝ်ꩻ သူႏသေယင်းထာꩻ၊ နာႏတရာꩻ၊ ထွားနုဲင်းဝင်ꩻ၊ မာꩻကုသိုလ်ႏ၊ လꩻကုသိုလ်ႏ၊ ဝွေꩻမဉ်ႏသီထွူနဝ်ꩻ အောဝ်ႏအမျတ်လူမ်ꩻ၊ ဆွုတ်ယွုတ်ခရာႏအဲဉ်ထဝ်း၊ အီႏတွိုႏလွေꩻ အဟောဝ်ဖဲ့ꩻလူမ်ꩻ၊ အကုဲင်ဖဲ့ꩻနဝ်ꩻ တွိုႏနွောင်ꩻတဝ်း။\n၉။ လိုꩻယင်ဟန်ႏနဝ်ꩻ \"သꩻလော်လယ်တန်\"၊ ထာꩻသေပညာႏအဲဉ်ထဝ်း၊ နာႏတဝ်းတရာꩻ၊ ထွားနုဲင်းတဝ်းဝင်ꩻ၊ မာꩻတဝ်းကုသိုလ်ႏ၊ လꩻတဝ်းကုသိုလ်ႏ၊ ဝွေꩻမဉ်ႏသီထွူနဝ်ꩻ အဝ်ႏအဆွုတ်ယွုတ်လူမ်ꩻ၊ မျတ်ခရာႏအဲဉ်ထဝ်း၊ အီႏလွေꩻအကုဲင်ဖဲ့ꩻလူမ်ꩻ၊ အဟောဝ်ဖဲ့ꩻနဝ်ꩻ တွိုႏနွောင်ꩻတဝ်း။\n၁၀။ လိုꩻယင်ဟန်ႏနဝ်ꩻ \"သꩻလော်လယ်တန်\"၊ ကွဲႏတွော့ꩻ ဆုဲင်ꩻချာနဝ်ꩻ သူႏသေယင်းထာꩻ၊ နာႏတရာꩻ၊ ထွားနုဲင်းဝင်ꩻ၊ မာꩻကုသိုလ်ႏ၊ လꩻကုသိုလ်ႏ၊ ဝွေꩻမဉ်ႏသီထွူနဝ်ꩻ အဝ်ႏအမျတ်လူမ်ꩻ၊ ဆွုတ်ယွုတ်ခရာႏအဲဉ်ထဝ်း၊ တွိုႏလွေꩻ အဟောဝ်ဖဲ့ꩻလူမ်ꩻ၊ အကုဲင်ဖဲ့ꩻနဝ်ꩻ တွိုႏနွောင်ꩻတဝ်း။ (တောင်ꩻခါꩻ-လိုꩻတွိုင်ꩻဖေႏကသေနာႏ တဲမ်းဗာႏနုဲင်းယိုသွူ)(သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ မိဂသာလာသုတ်)\n\nအာႏကွိုꩻ","num_words":432,"character_repetition_ratio":0.123,"word_repetition_ratio":0.286,"special_characters_ratio":0.078,"stopwords_ratio":0.007,"flagged_words_ratio":0.0,"lang_id_score":1.0,"perplexity_score":8453.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%AF%E1%80%82%E1%80%B9%E1%80%82%E1%80%AD%E1%80%AF%E1%80%9C%E1%80%BA%E1%82%8F%E1%80%A1%E1%80%AF%E1%80%B6%E1%80%80%E1%80%BD%E1%80%B6%E1%80%91%E1%80%BD%E1%80%AD%E1%80%AF%E1%80%80%E1%80%BA%E1%80%91%E1%80%BD%E1%80%AD%E1%80%AF%E1%80%80%E1%80%BA%E1%80%90%E1%80%9D%E1%80%BA%E1%80%B8","collection":"wikipedia","source":"wikipedia","original_code":"blk","text":"\"ကထာဝတ္ထုသုတ် (ပုဂ္ဂိုလ်ႏအုံကွံထွိုက်၊ ပုဂ္ဂိုလ်ႏအုံကွံထွိုက်တဝ်း)\"\n(က)\nအွိုးခꩻတလဲင်ႏ-\nနီဗွေႏဘုရာꩻဟော်ꩻဖေႏ ဗွေႏရဟန်ꩻသီးဖုံႏတရာꩻနုဲင်းယို-\n\"ရဟန်ꩻသီးဖုံႏဟွေး-\n'ပုဂ္ဂိုလ်ႏယိုနဝ်ꩻ ဟောဝ်အုံကွံထွိုက်၊ ဟောဝ်ဆွေꩻနွေꩻတွိုင်ႏပင်ႏထွိုက်၊ ပုဂ္ဂိုလ်ႏယိုနဝ်ꩻ ဟောဝ်အုံကွံထွိုက်တဝ်း၊ ဟောဝ်ဆွေꩻနွေꩻတွိုင်ႏပင်ႏထွိုက်တဝ်း'အဝ်ႏလိုႏသေနုဲင်းနဝ်ꩻ။\nရဟန်ꩻသီးဖုံႏဟွေး-\nရီဝွေꩻ (ပျဿနာႏ)တဲင် ကအဝ်ႏလိုႏဖြေႏစွဉ်ႏစွဉ်ႏ၊ ဒေါ့ꩻစွဉ်ႏစွဉ်ႏ ပျဿနာႏမျိုꩻနဝ်ꩻ အမဉ်ႏတဖြေႏစွဉ်ႏစွဉ်ႏတဝ်း (ကြဲစ်ချာ၊ ကြဲစ်ငါထာꩻ)တဲ့နဝ်ꩻ၊ ကအဝ်ႏလိုႏဝွေႏဖန်ႏနယ်နေး ပျဿနာႏမျိုꩻနဝ်ꩻ အမဉ်ႏတဝွေႏဖန်ႏနယ်တဝ်းတဲ့နဝ်ꩻ၊ ကအဝ်ႏလိုႏရီချာ ပျဿနာႏမျိုꩻနဝ်ꩻ အမဉ်ႏတရီချာတဝ်းတဲ့နဝ်ꩻ၊ အမျိုꩻကလိုႏ အွဉ်ႏယေန်ထိုꩻဒါႏ ပျဿနာႏမျိုꩻနဝ်ꩻ အမဉ်ႏတအွဉ်ႏယေန်ထိုꩻတဝ်းတဲ့နဝ်ꩻ၊ ပေါႏထွာနုဲင်းနဝ်ꩻနဝ်ꩻ ပုဂ္ဂိုလ်ႏနဝ်ꩻနဝ်ꩻ ဟောဝ်အုံကွံထွိုက်တဝ်း၊ ဟောဝ်ဆွေꩻနွေꩻတွိုင်ႏပင်ႏထွိုက်တဝ်းနောဝ်ꩻသွူ။\nရဟန်ꩻသီးဖုံႏဟွေး-\nရီဝွေꩻ (ပျဿနာႏ)တဲင် ကအဝ်ႏလိုႏဖြေႏစွဉ်ႏစွဉ်ႏ၊ ဒေါ့ꩻစွဉ်ႏစွဉ်ႏ ပျဿနာႏမျိုꩻနဝ်ꩻ အဖြေႏစွဉ်ႏစွဉ်ႏ၊ အဒေါ့ꩻစွဉ်ႏစွဉ်ႏဒျာႏ (ကြဲစ်ချာ၊ ကြဲစ်ငါတဝ်းထာꩻ)၊ ကအဝ်ႏလိုႏဝွေႏဖန်ႏနေး ပျဿနာႏမျိုꩻနဝ်ꩻ အဝွေႏဖန်ႏနယ်ဒျာႏ၊ ကအဝ်ႏလိုႏရီချာ ပျဿနာႏမျိုꩻနဝ်ꩻ အရီချာဒျာႏ၊ အမျိုꩻကလိုႏ အွဉ်ႏယေန်ထိုꩻပျဿနာႏမျိုꩻနဝ်ꩻ အအွဉ်ႏယေန်ထိုꩻဒျာႏ၊ ပေါႏထွာနုဲင်းနဝ်ꩻနဝ်ꩻ၊ ပုဂ္ဂိုလ်ႏနဝ်ꩻနဝ်ꩻ ဟောဝ်အုံကွံထွိုက်ဒျာႏ၊ ဟောဝ်ဆွေꩻနွေꩻတွိုင်ႏပင်ႏထွိုက်ဒျာႏနောဝ်ꩻသွူ။\nရဟန်ꩻသီးဖုံႏဟွေး-\nရီဝွေꩻ(ပျဿနာႏ)တဲင် အဝ်ႏမွေးအဝ်ႏမဲဉ်ႏသွူတဲ့ အမဉ်ႏတစူꩻတဝ်း (အမဉ်ႏတလက္ခံႏတဝ်း)တဲ့နဝ်ꩻ၊ အမဉ်ႏကျံႏဒေါ့ꩻလင်တောထာꩻတဲ့နဝ်ꩻ၊ ဝွေꩻအဝ်ႏသေသေထသွူတဲ့ အမဉ်ႏတစူꩻတဝ်း၊ (အမဉ်ႏတလက္ခံႏတဝ်း)တဲ့နဝ်ꩻ၊ ကဖြေႏသား ကျင်ꩻဝွတ်(စီꩻကန်ꩻ)အတွိုင်ꩻ မဉ်ႏတလွောက်ꩻနာႏတဝ်းတဲ့နဝ်ꩻ၊ မဉ်ႏထွာနုဲင်းနဝ်ꩻနဝ်ꩻ၊ ပုဂ္ဂိုလ်ႏနဝ်ꩻနဝ်ꩻ ဟောဝ်အုံကွံထွိုက်တဝ်း၊ ဟောဝ်ဆွေꩻနွေꩻတွိုင်ႏပင်ႏ ထွိုက်တဝ်းနောဝ်ꩻသွူ။\nရဟန်ꩻသီးဖုံႏဟွေး-\nရီဝွေꩻ(ပျဿနာႏ)တဲင် ပေါႏအမွေးအမဲဉ်ႏနဝ်ꩻ စူꩻဒျာႏ (လက္ခံႏဒျာႏ)၊ ကျံႏဒေါ့ꩻလင်တဝ်းထာꩻ၊ ပေါႏအဝ်ႏသေသေနဝ်ꩻ စူꩻဒျာႏ(လက္ခံႏဒျာႏ)၊ လွောက်ꩻနာႏဒျာႏ ကဖြေႏသား ကျင်ꩻဝွတ်အတွိုင်ꩻ (စီꩻကန်ꩻအတွိုင်ꩻ) ပေါႏထွာနုဲင်းနဝ်ꩻနဝ်ꩻ ဟောဝ်အုံကွံထွိုက်ဒျာႏ၊ ဟောဝ်ဆွေꩻနွေꩻတွိုင်ႏပင်ႏထွိုက်ဒျာႏနောဝ်ꩻသွူ။\nရဟန်ꩻသီးဖုံႏဟွေး-\nရီဝွေꩻ(ပျဿနာႏ)တဲင် ငေါဝ်းတငွါတွမ်ႏတငွါ ဝွေꩻအွဉ်ႏတဗစ်ꩻထိုꩻ၊ နေးတွမ်ႏတဆဲင်ႏတဝ်း ငေါဝ်းလင်တဲင် ဝွေꩻပယ်ႏထိုꩻ၊ အသꩻလျားနယ်စွဉ်ႏ၊ အသꩻထန်ႏနယ်စွဉ်ႏ၊ အကျွိုက်တဝ်းမွေးစွဉ်ႏ၊ ပေါႏထွာနုဲင်းနောဝ်ꩻနောဝ်ꩻ၊ ပုဂ္ဂိုလ်ႏနဝ်ꩻနဝ်ꩻ ဟောဝ်အုံကွံထွိုက်တဝ်း၊ ဟောဝ်ဆွေꩻနွေꩻတွိုင်ႏပင်ႏထွိုက်တောဝ်းနောဝ်ꩻသွူ။\n(ခ)\nရဟန်ꩻသီးဖုံႏဟွေး-\nရီဝွေꩻ(ပျဿနာႏ)တဲင် ငေါဝ်းတငွါတွမ်ႏတငွါ ဝွေꩻအွဉ်ႏတဗစ်ꩻထိုꩻတဝ်း၊ နေးတွမ်ႏတဆဲင်ႏတောဝ်း ငေါဝ်းအလင်တဲင် ဝွေꩻတပယ်ႏထိုꩻတဝ်း၊ သꩻလျားတဝ်း၊ သꩻထန်ႏတဝ်း၊ ကျွိုက်မွေးဒျာႏ၊ ပေါႏထွာနုဲင်းနဝ်ꩻနဝ်ꩻ ပုဂ္ဂိုလ်ႏနဝ်ꩻနဝ်ꩻ ဟောဝ်အုံကွံထွိုက်ဒျာႏ၊ ဟောဝ်ဆွေꩻနွေꩻတွိုင်ႏပင်ႏထွိုက်ဒျာႏနောဝ်ꩻသွူ။\nရဟန်ꩻသီးဖုံႏဟွေး-\nရီဝွေꩻ(ပျဿနာႏ)တဲင် ဝွေꩻရွစ်နယ်ပါဠိယို ပါဠိနဝ်ꩻတွော့ꩻ ဖေႏဒေါ့ꩻချာတဝ်းဝင်ꩻ၊ အံႏနွောင်ꩻဝင်ꩻ၊ အကျောင်ꩻပျꩻယို အကျောင်ꩻပျꩻနဝ်ꩻ၊ ထောက်နယ်ဠို ထောက်နယ်နဝ်ꩻတွော့ꩻ ဖေႏဒေါ့ꩻချာတဝ်း၊ အံႏနွောင်ꩻဝင်ꩻ၊ ထီႏဖွီကရီသား၊ ကရီသားသꩻကို သံသယဖေႏကထွာတွော့ꩻ သေန်ႏစွဉ်ႏထာꩻတယွို့၊ ငဖါးတောထာꩻ၊ ငဗားတောထာꩻ၊ ဆွမ်ꩻဝင်ꩻငေါဝ်းမာႏ တငွါတွော့ꩻ ဒေါ့ꩻနွောင်ꩻအီတောထာꩻ၊ ပေါႏထွာနုဲင်းနဝ်ꩻနဝ်ꩻ ပုဂ္ဂိုလ်ႏနဝ်ꩻနဝ်ꩻ ဟောဝ်အုံကွံထွိုက်တဝ်း၊ ဟောဝ်ဆွေꩻနွေꩻတွိုင်ႏပင်ႏထွိုက်တောဝ်းနောဝ်ꩻသွူ။\nရဟန်ꩻသီးဖုံႏဟွေး-\nရီဝွေꩻ(ပျဿနာႏ)တဲင် ဝွေꩻရွစ်နယ်ပါဠိယို၊ ပါဠိနဝ်ꩻတဲ့ယဝ်း ဖေႏဒေါ့ꩻချာဒျာႏ၊ အံႏနွောင်ꩻတောဝ်းဝင်ꩻ၊ အကျောင်ꩻပျꩻယို အကျောင်ꩻပျꩻနဝ်ꩻ၊ ထောက်နယ်ယို ထောက်နယ်နဝ်ꩻတဲ့ယဝ်း၊ ဖေႏဒေါ့ꩻချာဒျာႏ၊ အံႏနွောင်ꩻတဝ်းဝင်ꩻ၊ ထီႏဖွီတဝ်းကရီသား၊ ကရီသားသꩻကို သံသယဖေႏကထွာတဲ့ မာꩻတဝ်း၊ ငဖါးတဝ်း၊ ငဗားတဝ်းထာꩻ၊ ဆွမ်ꩻဝင်ꩻငေါဝ်းမာႏပေႏ တငွါတွော့ꩻ ဒေါ့ꩻနွောင်ꩻအီတဝ်းထာꩻ၊ ပေါႏထွာနုဲင်းနဝ်ꩻနဝ်ꩻ၊ ပုဂ္ဂိုလ်ႏနဝ်ꩻနဝ်ꩻ ဟောဝ်အုံကွံထွိုက်ဒျာႏ၊ ဟောဝ်ဆွေꩻနွေꩻတွိုင်ႏပင်ႏထွိုက်ဒျာႏနောဝ်ꩻသွူ။\nရဟန်ꩻသီးဖုံႏဟွေး-\nနေးတွမ်ႏငေါဝ်းအုံကွံတဲင် မဉ်ႏအုံကွံစံꩻ၊ မဉ်ႏဆွေꩻနွေꩻတွိုင်ႏပင်ႏစံꩻနဝ်ꩻ 'ဝွေꩻသꩻဝင်ႏစာꩻဟောင်း၊ ဝွေꩻသꩻဝင်ႏစာꩻတောဝ်းဟောင်း'နဝ်ꩻ သေဗာႏ၊ ပေါႏဝွေꩻနာႏတောဝ်းနဝ်ꩻ အသꩻဝင်ႏစာꩻတဝ်း၊ ပေါႏဝွေꩻနာႏဒျာႏနောဝ်ꩻ အသꩻဝင်ႏစာꩻ သေဗာႏနုဲင်းနောဝ်ꩻသွူ။\nရဟန်ꩻသီးဖုံႏဟွေး-\nခြုဲင်းစဲင်းစဲင်းဖေႏ တရာꩻတဲင် လိုꩻ���ꩻကဝင်ႏစာꩻသားနဝ်ꩻ နေးတွမ်ႏဉာဏ်ႏ ဝွေႏဖန်ႏဒါႏ၊ သေတရာꩻတဲင် ပယ်ႏထိုꩻအကုသိုလ်ႏ၊ ခန္ဓာႏယိုနဝ်ꩻ ဒုက္ခ(သစ္စာႏ)အမွေးအမဲဉ်ႏတဲ့ သေလွဉ်၊ ကဒုက္ခဗာႏယိုနဝ်ꩻ ကွပ်လောဘတဏှာႏ (သမုဒယသစ္စာႏ) အမွေးအမဲဉ်ႏတဲ့ သေလွဉ်၊ ခန္ဓာႏဖေ့ငီမ်ꩻ၊ မဉ်ႏသီမ်ꩻနွောင်ꩻရုပ်နာမ်ႏနဝ်ꩻ ထွာနိရောဓသစ္စာႏ၊ ဒုက္ခကားကအဝ်ႏဖေ့လို့၊ လꩻနိဗ္ဗာန်ႏ-နုဲင်းနဝ်ꩻတဲ့ သေလွဉ်၊ ဖေႏကလꩻနိဗ္ဗာန်ႏနဝ်ꩻ နေးတွမ်ႏမဂ္ဂသစ္စာႏ၊ နေးတွမ်ႏမဂ္ဂင်ႏတရာꩻသွစ်ꩻပါꩻ အားထွုတ်ဗာႏတရာꩻနုဲင်းနဝ်ꩻတဲ့ သေလွဉ်။\nရဟန်ꩻသီးဖုံႏဟွေး-\nဖေႏနေးကလသေလွဉ် 'ဒုက္ခသစ္စာႏ၊ သမုဒယသစ္စာႏ၊ နိရောဓသစ္စာႏ၊ မဂ္ဂသစ္စာႏ' ဖေႏနေးကသေလွဉ် သစ္စာႏတရာꩻဘို၊ ဖေႏကလꩻ အရဟတ္တဖိုလ်ႏ၊ ဖေႏကထွာနွောင်ꩻ ရဟန္တာႏပုဂ္ဂိုလ်ႏတဲင် အုံကွံဗာႏလို့ဝင်ꩻ၊ ဆွေꩻနွေꩻတွိုင်ႏပင်ႏဗာႏလို့ဝင်ꩻ၊ သꩻဝင်ႏဝင်ႏစာꩻစာꩻ အုံကွံလို့ဝင်ꩻတရာꩻနဝ်ꩻ အကျိုꩻအဝ်ႏ 'လꩻအရဟတ္တဖိုလ်ႏ-ထွာနွောင်ꩻရဟန္တာႏပုဂ္ဂိုလ်ႏ'နောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ တိကနိပါတ်၊ ကထာဝတ္ထုသုတ်)\n\nအာႏကွိုꩻ","num_words":805,"character_repetition_ratio":0.126,"word_repetition_ratio":0.095,"special_characters_ratio":0.068,"stopwords_ratio":0.014,"flagged_words_ratio":0.0,"lang_id_score":1.0,"perplexity_score":1588.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%B0%E1%82%8F%E1%80%87%E1%80%B1%E1%80%AC%E1%82%8F%E1%80%9A%E1%80%87%E1%80%BA%E1%80%94%E1%80%B1%E1%80%AC%E1%80%9D%E1%80%BA%EA%A9%BB","collection":"wikipedia","source":"wikipedia","original_code":"blk","text":"\"ဒုတိယ အဂ္ဂိသုတ် (ပူႏဇောႏယဇ်နောဝ်ꩻ ထွာအကုသိုလ်ႏ)\"\nအတွင်ꩻနဝ်ꩻခါ\nဥဂ္ဂတသရီရပုဏ္ဏာꩻနဝ်ꩻ အီႏမာꩻပွယ်ꩻပူႏဇောႏယဇ်တဲင် ဝါးလွဉ်ဖိုးထီးတန် အဗာႏငတ်ꩻရျာꩻ၊ ဖိုးထီးပေႏ အဗာႏငတ်ꩻရျာꩻ၊ ဖိုးမွူးအဗာႏငတ်ꩻရျာꩻ၊ ဗဲအဗာႏငတ်ꩻရျာꩻ၊ သွိုꩻအဗာႏငတ်ꩻရျာꩻနောဝ်ꩻသွူ။\nဥဂ္ဂတသရီရပုဏ္ဏာꩻနဝ်ꩻ စဉ်ꩻစာꩻယူႏနုဲင်းယို-\nဘုရာꩻဂေါတမသူꩻနဝ်ꩻ ပညာႏတန်၊ ခွေလွေꩻထေ့ကမꩻ၊ ခွေမာꩻပွယ်ꩻပူႏဇောႏယဇ်ယို အကျိုꩻမဉ်ႏအဝ်ႏတဲ့ အအီႏအံႏဖြာႏ၊ အကျိုꩻမဉ်ႏအဲဉ်ထဝ်းတဲ့ အအီႏကဲ့ꩻရဲ့ꩻသဲ့ꩻသွမ်ꩻ၊ အအီႏဟော်ꩻဖေႏခွေတရာꩻ၊ စဉ်ꩻစာꩻယူႏနုဲင်းနဝ်ꩻတဲင် ထင်ႏထေ့ဗွေႏဘုရာꩻ၊ လောဝ်းဗွေႏဘုရာꩻနုဲင်းယို-\n\"ဩဗွေႏ ဂေါတမဗွေႏဩ-\nခွေသွဉ်းမဉ်ထူႏငါႏ 'မေႏ' (မင်္ဂလာႏ)၊ မဉ်ဆို့ꩻငါႏယဇ်ထွန်ႏ ဗွေႏဩ၊ ညဆွာꩻချိန်ႏခါႏ ချမ်ꩻသာႏယံထွာ ငေါဝ်းငွါဩဝါဒ ဆွုံꩻမꩻသွဉ်သင်သွော့ ခွေသွဉ်းယို ဗွေႏဩ\"လောဝ်းဗွေႏဘုရာꩻနုဲင်းနဝ်ꩻ၊ ဗွေႏဘုရာꩻရိုꩻ-\n\"တကာႏပုဏ္ဏာꩻ-\nလိုꩻကမဉ်ထူႏဒါႏ 'မေႏ'မင်္ဂလာႏ၊ လိုꩻကမဉ်ဆို့ꩻဒါႏ ယဇ်ထွန်ႏနဝ်ꩻ ခါးလားကထူႏမေႏကာႏ��� ခါးလားကဆို့ꩻယဇ်ထွန်ႏကာႏ အဆို့ꩻခါꩻရီးလဲဉ်း အကုသိုလ်ႏလက်နက်ထွန်ႏ သွံလီးနောဝ်ꩻသွူ။\nလက်နက်ထွန်ႏ သွံလီးကရိုꩻနဝ်ꩻ-\n၁။ အီႏပူႏဇောႏယဇ်တာႏ နမ်းယိုအွဉ်ငါ မာꩻဗာႏတဲင် ထွာလဲဉ်းသွူ 'ကာယကံႏအကုသိုလ်ႏ'လက်နက်ထွန်ႏတလီး၊ အီႏမာꩻသီဖိုးထီးတန် အဗာႏငတ်ꩻရျာꩻ နမ်းအွဉ်မာꩻဗာႏ၊ အီႏမာꩻသီဖိုးထီးပေႏ အဗာႏငတ်ꩻရျာꩻ နမ်းအွဉ်မာꩻဗာႏ၊ အီႏမာꩻသီဗဲ အဗာႏငတ်ꩻရျာꩻ နမ်းအွဉ်မာꩻဗာႏ၊ အီႏမာꩻသီသွိုꩻ အဗာႏငတ်ꩻရျာꩻ နမ်းအွဉ်မာꩻဗာႏ။\nဝွေꩻကရိုꩻနဝ်ꩻ မာꩻကုသိုလ်ႏတဲ့ ထွာတောဒျာႏ မာꩻအကုသိုလ်ႏ၊ ဝွေꩻရိုꩻ ဖေႏကတွိုႏလွေꩻ ဘွုံႏဘဝဟောဝ်တဲ့ အီႏတွိုႏလွေꩻတောဒျာႏ ဘွုံႏဘဝကုဲင်နောဝ်ꩻသွူ။\n၂။ အီႏပူႏဇောႏယဇ်တာႏ မာꩻသီဖိုးထီးတန် အဗာႏငတ်ꩻရျꩻနဝ်ꩻလုဲင်း၊ မာꩻသီဖိုးထီးပေႏ အဗာႏငတ်ꩻရျာꩻနဝ်ꩻဟုဲင်း၊ မာꩻသီဗဲ အဗာႏငတ်ꩻရျာꩻနဝ်ꩻလုဲင်း၊ မာꩻသီသွိုꩻ အဗာႏငတ်ꩻရျာꩻနဝ်ꩻဟုဲင်း၊ ဒေါ့ꩻဗာႏတွမ်ႏဖြောင်းတဲင် ထွာ'ဝစီꩻကံႏအကုသိုလ်ႏလက်နက် ထာꩻထွန်ႏတလီး'။\nဝွေꩻကရိုꩻနဝ်ꩻ မာꩻကုသိုလ်ႏတဲ့ ထွာတောဒျာႏ မာꩻအကုသိုလ်ႏ၊ ဝွေꩻရိုꩻ ဖေႏကတွိုႏလွေꩻ ဘွုံႏဘဝဟောဝ်တဲ့ အီႏတွိုႏလွေꩻတောဒျာႏ ဘွုံႏဘဝကုဲင်နောဝ်ꩻသွူ။\n၃။ အီႏပူႏဇောႏယဇ်တာႏ အီႏမာꩻသီက ဖိုးထီးတန် အဗာႏငတ်ꩻရျာꩻ၊ အီႏမာꩻသီက ဖိုးထီးပေႏ အဗာႏငတ်ꩻရျာꩻ၊ အီႏမာꩻသီက ဗဲအဗာႏငတ်ꩻရျာꩻ၊ အီႏမာꩻသီက သွိုꩻအဗာႏငတ်ꩻရျာꩻ၊ စဉ်ꩻစာꩻယူႏရီးဗာႏနုဲင်းနဝ်ꩻတဲင် ထွာ'မနော်ꩻကံႏအကုသိုလ်ႏလက်နက် ထာꩻထွန်ႏတလီး'။\nဝွေꩻကရိုꩻနဝ်ꩻ မာꩻကုသိုလ်ႏတဲ့ ထွာတောဒျာႏ မာꩻအကုသိုလ်ႏ၊ ဝွေꩻရိုꩻ ဖေႏကတွိုႏလွေꩻ ဘွုံႏဘဝဟောဝ်တဲ့ အီႏတွိုႏလွေꩻတောဒျာႏ ဘွုံႏဘဝကုဲင်နောဝ်ꩻသွူ။\n\"လိုႏပယ်ႏထိုꩻ မေႏသွံမျိုꩻ လိုႏပူႏဇောႏ မေႏသွံမျိုꩻ\"\nတကာႏပုဏ္ဏာꩻဟွေး-\n'မေႏ'သွံမျိုꩻယိုနဝ်ꩻ ပယ်ႏထိုꩻဗာႏ၊ သျောင်ႏဖုဲင်းထိုꩻဗာႏ၊ ဟဝ်ကျင်ꩻသွုံꩻတဝ်း၊ မေႏသွံမျိုꩻကရိုꩻနဝ်ꩻ\n၁။ ထာꩻတထဲ့မေႏ'ရာဂ'၊ ပေါႏမေႏရာႏဂယို စွယ်ꩻခြꩻလꩻသွူ သꩻကိုနဝ်ꩻ ပေါႏဝွေꩻနိစ္စက်လꩻသွူ သꩻယိုနဝ်ꩻ ထာꩻတဟောဝ်တဝ်း ကာယဒုစရဲက်တဲ့မာꩻစွဉ်ႏ၊ ထာꩻတဟောဝ်တဝ်း ဝစီꩻဒုစရဲက်တဲ့ ဒေါ့ꩻစွဉ်ႏ၊ ထာꩻတဟောဝ်တောဝ်း မနော်ꩻဒုစရဲက်တဲ့ ယူႏစွဉ်ႏ၊ ဝွေꩻနောဝ်ꩻနောဝ်ꩻ ကွပ်မာꩻကာယဒုစရဲက်၊ ဝစီꩻဒုစရဲက်၊ မနော်ꩻ ဒုစရဲက်တဲင် ခန္ဓာႏကုဲင်လီ မဉ်ႏသီသူꩻနဝ်ꩻ ထဲ့ဗာႏငါးရုဲင်ꩻ၊ ကွပ်နဝ်ꩻမꩻ မေႏရာႏဂနဝ်ꩻ ပယ်ႏဗာႏ၊ သျောင်ႏဖုဲင်းဗာႏ၊ ဟောဝ်ကျင်ꩻသွုံꩻတဝ်းနဝ်ꩻသွူ။\n၂။ ထာꩻသꩻထန်ႏမေႏ 'ဒေါသ'၊ ပေါႏမေႏဒေါႏသꩻယို ဗွို့ꩻခြꩻလꩻသွူ သꩻကိုနဝ်ꩻ ပေါႏဝွေꩻနိစ္စက်လꩻသွူ သꩻယိုနဝ်ꩻ ထာꩻတဟောဝ်တဝ်း ကာယဒုစရဲက်တဲ့ မာꩻစွဉ်ႏ၊ ထာꩻတဟောဝ်တဝ်း ဝစီဒုစရဲက်တဲ့ ဒေါ့ꩻစွဉ်ႏ၊ ထာꩻတဟောဝ်တဝ်း မနော်ꩻဒုစရဲက်တဲ့ ယူႏစွဉ်ႏ။\nဝွေꩻနဝ်ꩻနဝ်ꩻ ပွိုးမာꩻကာယဒုစရဲက်၊ ဝစီꩻဒုစရဲက်၊ မနော်ꩻဒုစရဲက်တွော့ꩻ ခန္ဓာႏကုဲင်လီ မဉ်ႏသီသူꩻနဝ်ꩻ ထဲ့ဗာႏငါးရုဲင်ꩻ၊ ပွိုးနဝ်ꩻမꩻ မေႏဒေါသနဝ်ꩻ ပယ်ႏဗာႏ၊ ဟောဝ်ကျင်ꩻသွုံꩻတဝ်းနဝ်ꩻသွူ။\n၃။ ထာꩻလိန်းလွုမ်ႏမေႏ 'မောႏဟ'၊ ပေါႏမေႏမောႏဟꩻယို မာꩻတဒူအောက်ꩻအဲက်ꩻလꩻသွူ သꩻကိုနောဝ်ꩻ၊ ပေါႏဝွေႏနိစ္စက်လꩻသွူ သꩻယိုနဝ်ꩻ ထာꩻတဟောဝ်တဝ်း ကာယဒုစရဲက်တဲ့ မာꩻစွဉ်ႏ၊ ထာꩻတဟဝ်တဝ်း ဝစီဒုစရဲက်တဲ့ ဒေါ့ꩻစွဉ်ႏ၊ ထာꩻတဟောဝ်တဝ်း မနော်ꩻဒုစရဲက်တဲ့ ယူႏစွဉ်ႏ၊\nဝွေꩻနဝ်ꩻနဝ်ꩻ ကွပ်ပွိုးမာꩻကာယဒုစရဲက်၊ ဝစီꩻဒုစရဲက်၊ မနော်ꩻဒုစရဲက်တဲင်တွော့ꩻ ခန္ဓာႏကုဲင်လီ မဉ်ႏသီသူꩻနောဝ်ꩻ ထဲ့ဗာႏငါးရုဲင်ꩻ၊ ကွပ်ပွိုးနဝ်ꩻမꩻ 'မေႏမောႏဟꩻနဝ်ꩻ' ပယ်ႏဗာႏ၊ သျောင်ႏဖုဲင်းဗာႏ၊ ဟောဝ်ကျင်ꩻသွုံꩻတဝ်းနဝ်ꩻသွူ။\nတကာႏပုဏ္ဏာꩻဟွေး-\n၄။ ရိုႏရိုႏသေႏသေႏ ပူႏဇောႏဒျာႏသွော့ မေႏ'မွိုးဖါ\"နဝ်ꩻလုဲင်း။\n၅။ ရိုႏရိုႏသေႏသေႏ ပူႏဇောႏဒျာႏသွော့ မေႏ'လမ်းဗွေႏ(ဝါꩻခို)နဝ်ꩻဟုဲင်း။\n၆။ ရိုႏရိုႏသေႏသေႏ ပူႏဇောႏဒျာႏသွော့ မေႏ'အလူႏခံႏ(ရဟန်ꩻပုဏ္ဏာꩻ)နဝ်ꩻနေား။\nပေါႏပူႏဇောႏမေႏယိုသွံမျိုꩻနဝ်ꩻ အကျိုꩻအာ၊ ထွာထာꩻချမ်ꩻသာႏ။\n၇။ အွိုးမေႏကဒွိုႏအီဒဲဉ် 'မေႏသိုႏ'နောဝ်ꩻတဲး ယလဲင်ႏလဲင်ႏနဝ်ꩻ အဝ်ႏလိုႏအူတင်ႏ၊ ယလဲင်ႏလဲင်ႏနောဝ်ꩻ အွဉ်ႏဗော့ꩻနုဲင်းနဝ်ꩻ၊ ယလဲင်ႏလဲင်ႏနဝ်ꩻ လိုႏမာꩻဖေ့၊ ယလဲင်ႏလဲင်ႏနဝ်ꩻ လိုႏမာꩻဖေ့တောဝ်းနဝ်ꩻသွူ\"။\n\"ဩဗွေႏ ဘုရာꩻမျတ်ဗွေႏဩ-\nနီဗွေႏဟော်ꩻနယ်ဖေႏ တရာꩻမေႏခရာႏနဝ်ꩻ သꩻရေꩻငါႏ၊ နစ်သက်ငါႏဗွေႏဩ၊ ခွေသွဉ်းကရေႏမာꩻသီဒါႏ ဖိုးထီးဗဲသွိုꩻ 'အဗာႏနီရေင်'နဝ်ꩻတဲ့ ခွေသွဉ်းအွဉ်ႏစွꩻလို့လို့ယင်း၊ ဝွေꩻသီးလွစ်ယင်း ထာꩻသီ၊ အွꩻထီအံႏမီꩻ၊ တလီꩻထွာႏရျူႏ၊ ခွေသွဉ်းလူႏ ဝွေꩻသီးသက်ဗွေႏဩ\"ပုဏ္ဏာꩻနဝ်ꩻထွာယင်းလိုꩻထာꩻထီႏမဲဉ်ႏ၊ ထွာယင်းဗုဒ္ဓဘာႏသာႏ ဥပါႏသကာႏ တဖြာꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ သတ္တကနိပါတ်၊ ဒုတိယအဂ္ဂိသုတ်)\n\nအာႏကွိုꩻ","num_words":876,"character_repetition_ratio":0.075,"word_repetition_ratio":0.131,"special_characters_ratio":0.077,"stopwords_ratio":0.035,"flagged_words_ratio":0.0,"lang_id_score":1.0,"perplexity_score":1946.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%B1%E1%80%AB%E1%82%8F%E1%80%81%E1%80%BD%E1%80%AF%E1%80%99%E1%80%BA%E1%80%81%E1%80%AB%EA%A9%BB%E1%80%A1%E1%80%95%E1%80%9B%E1%80%AD%E1%80%9F%E1%80%AC%E1%80%94%E1%80%AD%E1%80%9A","collection":"wikipedia","source":"wikipedia","original_code":"blk","text":"\"ဝဿကာရသုတ် (ပေါႏခွုမ်ခါꩻ အပရိဟာနိယ တရာꩻနွုတ်ꩻပါꩻနဝ်ꩻ ဝင်ꩻတွိုက်ꩻနွောင်ꩻတဝ်း)\"\nအွိုးခꩻတလဲင်ႏ-\nနီဗွေႏဘုရာꩻအဝ်ႏအုံ ရာႏဇဂျိုဟ်ႏခမ်း၊ ဂိဇ္ဈကုဋ်ကောင်လောင်းတွင်ꩻ 'နင်ꩻဝေဒေဟီ'ပိုခို မဂဓခမ်းဗွေႏ ခွန်အဇာတသတ်နဝ်ꩻ အီႏလွေꩻတွိုက်ꩻ ခွန်ဝဇ္ဇီႏဖုံႏတဲင် အဒေါ့ꩻနုဲင်းယို-\n\"ခွန်ဝဇ္ဇီႏဖုံႏနဝ်ꩻ တံꩻခိုꩻတန်နာႏ၊ ခွေအီႏလွတ်ꩻလို့က ဝဇ္ဇီႏမျိုꩻခွန်ခွိုꩻ၊ ခွေအီႏယားကုဲင်က၊ အီႏမာꩻသွုမ်ꩻတေင်က\"ခွန်အဇာတသတ် ဒေါ့ꩻပျတ်စွဉ်ႏနုဲင်းနောဝ်ꩻသွူ။\nအရေꩻတန်ငါႏ အခိန်ႏခါႏတွင်ꩻ-\nခွန်အဇာတသတ်နဝ်ꩻ ဟဲ့ꩻလွဉ်အမတ်တန် 'ဝဿကာရပုဏ္ဏာꩻ'ထွူခါ ဝွေꩻထွဉ်ႏနုဲင်းယို-\n\"ယို ဝဿကာရပုဏ္ဏာꩻ အမတ်တန်ဟွေး-\nထင်ႏထေ့ နီဗွေႏဘုရာꩻဟုဲင်း၊ ဝုဲင်ႏနီဗွေႏဘုရာꩻထွူခါ 'ထာꩻဆာကင်ꩻနေဟောင်း၊ ရောႏဂါႏကင်ꩻနေဟောင်း၊ အုံဟောဝ်နေဟောင်း၊ အောဝ်ႏဆွော့ꩻနေဟောင်း၊ အုံဗာႏချမ်ꩻချမ်ꩻသာႏသာႏဒျာႏဟောင်း'၊ 'ခွန်အဇာတသတ် ထွဉ်ႏရီနုဲင်းနဝ်ꩻ'လောဝ်းနုဲင်းနဝ်ꩻထွူတွော့ꩻ ဒေါ့ꩻနယ်ပါသွော့နုဲင်းယို ခွန်အဇာတသတ်ရိုꩻ-\n'ခွန်ဝဇ္ဇီႏဖုံႏနဝ်ꩻ တံꩻခိုꩻတန်နာႏ၊ ခွေအီႏလွတ်ꩻလို့က ဝဇ္ဇီႏမျိုꩻခွန်ခွိုꩻ၊ ခွေအီႏယားကုဲင်က၊ အီႏမာꩻသွုမ်ꩻတေင်က'ခွန်အဇာတသတ် ဒေါ့ꩻနုဲင်းနဝ်ꩻ၊ လောဝ်းပါနုဲင်းနဝ်ꩻနော၊ ဗွေႏဘုရာꩻသီးအမျိုꩻနဝ်ꩻ အမျိုꩻဒေါ့ꩻလဲဉ်ထာꩻမွေးတဝ်း၊ ဗွေႏဘုရာꩻ အီႏရိုꩻနုဲင်းမုဲင်ꩻ တောင်ꩻခါꩻဟောဝ်ဟောဝ်သွော့၊ ဗွေႏဘုရာꩻကဒေါ့ꩻငေါဝ်းနောဝ်ꩻ သဲင်ꩻလောဝ်းလို့လို့ခွေနော\"ထွဉ်ႏဝဿကာရပုဏ္ဏာꩻ နုဲင်းနောဝ်ꩻသွူ။\nခွန်အဇာတသတ် ကထွဉ်ႏအတွိုင်ꩻ အမတ်တန်ဝဿကာရပုဏ္ဏာꩻ ထင်ႏထေ့နီဗွေႏဘုရာꩻ၊ လောဝ်းနီဗွေႏဘုရာꩻနုဲင်းယို-\n\"ဩဗွေႏ ဘုရာꩻမျတ်ဗွေႏဩ-\nဗွေႏဘုရာꩻနဝ်ꩻ 'ထာꩻဆာကင်ꩻနေဟောင်း၊ ရောႏဂါႏကင်ꩻနေဟောင်း၊ အုံဟောဝ်နေဟောင်း၊ အဝ်ႏဆွော့ꩻဒျာႏဟောင်း၊ အုံဗာႏချမ်ꩻချမ်ꩻသာႏသာႏဒျာႏဟောင်း' ခွန်အဇာတသတ်ထွဉ်ႏရီ နုဲင်းနောဝ်ꩻ ဗွေႏဩ\"\nခွန်အဇာတသတ် ထွဉ်ႏလောဝ်းပါနုဲင်းယို ဗွေႏဩ-\n'ခွန်ဝဇ္ဇီႏဖုံႏနဝ်ꩻ တံꩻခိုꩻတန်နာႏ၊ ခွေအီႏလွတ်ꩻလို့က ဝဇ္ဇီႏမျိုꩻခွန်ခွိုꩻ၊ ခွေအီႏယားကုဲင်က၊ အီႏမာꩻသွုမ်ꩻတေင်က' 'ခွန်အဇာတသတ် ဒေါ့ꩻနုဲင်းနဝ်ꩻ'အကျောင်ꩻ ထွဉ်ႏလောဝ်းပါနုဲင်းနောဝ်ꩻယင်ကယ်ႏ ဗွေႏဩ\"\nဝဿကာရပုဏ္ဏာꩻ လောဝ်းနုဲင်းနောဝ်ꩻသွူ။\nအတွင်ꩻနဝ်ꩻနဝ်ꩻ ဗွေႏအာႏနန္တာႏ အဝ်ႏဝင်းဖေႏ ဗွေႏဘုရာꩻဝီꩻတဲင် ဗွေႏဘုရာꩻရီနုဲင်းယို-\n\"အာႏနန္တာႏ-\n၁။ တကာႏခွန်ဝဇ္ဇီႏဖုံႏနောဝ်ꩻ အုံကွံ(စီꩻဝွေꩻ) သေႏသေႏနေလို့ဝင်ꩻဟောင်း၊ အလဲင်ႏပေါင်ꩻအာအာ၊ အုံကွံသေႏသေႏနေလို့ဝင်ꩻဟောင်း၊ နာꩻဟွူန်နုဲင်းမုဲင်ꩻ\"\n\"ဩဗွေႏ ဘုရာꩻမျတ်ဗွေႏဩ-\n'ခွန်ဝဇ္ဇီႏဖုံႏနဝ်ꩻ အုံကွံ(စီꩻဝွေꩻ)သေႏသေႏဒျာႏလို့ဝင်ꩻ၊ အလဲင်ႏပေါင်ꩻအာအာ၊ အုံကွံသေႏသေႏဒျာႏလို့ဝင်ꩻ'ခွေသွဉ်းဟွူန်နုဲင်းနဝ်ꩻ ဗွေႏဩ\"\n\"အာႏနန္တာႏဟွေး-\nခွန်ဝဇ္ဇီႏဖုံႏ ပေါႏအဝ်ႏအုံကွံ(စီꩻဝွေꩻ)သေႏသေႏဒျာႏလို့ဝင်ꩻ၊ အလဲင်ႏပေါင်ꩻအာအာ ပေါႏအဝ်ႏအုံကွံသေႏသေႏဒျာႏလို့ဝင်ꩻနဝ်ꩻ အဝ်ႏစီꩻပွါꩻတိုက်လွုမ်ꩻ၊ ဆွုတ်ယွုတ်ခရာႏအဲဉ်ထောဝ်း\"။\n၂။ \"ခွန်ဝဇ္ဇီႏဖုံႏနဝ်ꩻ လွောင်ႏလွောင်ႏဗူႏဗူႏ အုံကွံနေလို့ဝင်ꩻဟောင်း၊ လွောင်ႏလွောင်ႏဗူႏဗူႏ အုံကွံ(စီꩻဝွေꩻ-ဆွေꩻနွေꩻ၊ တွိုင်ႏပင်ႏ)လွနေဟောင်း၊ ဝွေꩻသီးခမ်းတွက်ထီတာႏ ပွယ်ꩻအုံကွံထွူမꩻ ထွိုင်ႏသဲင်ꩻ(သဲင်ꩻတရတ်တရစ်ထိုꩻတဝ်း)မွေးနေဟောင်း၊ နာꩻဟွူန်နုဲင်းမုဲင်ꩻ\"\n\"ဗွေႏဩ ဘုရာꩻမျတ်ဗွေႏဩ-\nခွန်ဝဇ္ဇီႏဖုံႏနောဝ်ꩻ လွောင်ႏလွောင်ႏဗူႏဗူႏ အုံကွံဒျာႏ၊ လွောင်ႏလွောင်ႏဗူႏဗူႏ အုံကွံ(စီꩻဝွေꩻ-ဆွေꩻနွေꩻ၊ တွိုင်ႏပင်ႏ)ဒျာႏ ဝွေꩻသီးခမ်းတွက်ထီတာႏ ပွယ်ꩻအုံကွံထွူမꩻ ထွိုင်ႏသဲင်ꩻ (သဲင်ꩻတရတ်တရစ်ထိုꩻတဝ်း) ဗွေႏဩ\"\n\"အာႏနန္တာႏဟွေး-\nပေါႏခွန်ဝဇ္ဇီႏသီး အဝ်ႏမာꩻနုဲင်းနဝ်ꩻအတွိုင်ꩻနဝ်ꩻ အဝ်ႏစီꩻပွါꩻတိုꩻတက်လွုမ်ꩻ၊ ဆွုတ်ယွုတ်ခရာႏအဲဉ်ထဝ်း။\n၃။ ခွန်ဝဇ္ဇီႏဖုံႏနဝ်ꩻ (အကျိုꩻအာအာ၊ အမျိုꩻကထွာထွာ)အထွုံꩻဟောဝ်စခါ (စီꩻကန်ꩻဟောဝ်စခါ)ဖုံႏနောဝ်ꩻ ပေါႏယားကုဲင်ထိုꩻတဝ်း ထွုံꩻဟောဝ်စခါ (စီꩻကန်ꩻဟောဝ်စခါ)ဖုံႏနဝ်ꩻ ပေါႏအဝ်ႏလွောက်ꩻနာႏလွနေနဝ်ꩻ အဝ်ႏစီꩻပွါꩻတိုꩻတက်ခရာႏလွုမ်ꩻ၊ ဆွုတ်ယွုတ်ခရာႏအဲဉ်ထောဝ်း။\n၄။ ခွန်ဝဇ္ဇီႏဖုံႏနဝ်ꩻ ပေါႏအဝ်ႏရိုႏသေႏဒျာႏ  ခွန်ဖြားခွန်တန်၊ လိုꩻဖြားလိုꩻတန်၊ ပေါႏအဝ်ႏနာႏဒျာႏ လိုꩻဖြားလိုꩻတန်ငေါဝ်းနဝ်ꩻ အဝ်ႏစီꩻပွါꩻတိုꩻတက်ခရာႏလွုမ်ꩻ၊ ဆွုတ်ယွုတ်ခရာႏအဲဉ်ထောဝ်း။\n၅။ ခွန်ဝဇ္ဇီႏဖုံႏနဝ်ꩻ ပေါႏသီမ်ꩻနွိုင်ႏတဝ်း ဝင်ꩻပိုမူႏနဝ်ꩻ အဝ်ႏစီꩻပွါꩻတိုꩻတက်လွုမ်ꩻ၊ ဆွုတ်ယွုတ်ခရာႏအဲဉ်ထဝ်း။\n၆။ ခွန်ဝဇ္ဇီႏဖုံႏနဝ်ꩻ ပေါႏအဝ်ႏတင်ႏစွူစွူဒျာႏ သာႏသနာႏခြေင်ႏ၊ လူႏခြေင်ႏနုဲင်းစခါအတွိုင်ꩻ၊ ပေါႏဝွေꩻသီး လူႏတန်ꩻထာꩻနဝ်ꩻ အဝ်ႏစီꩻပွါꩻတိုꩻတက်လွုမ်ꩻ၊ ဆွုတ်ယွုတ်ခရာႏအဲဉ်ထောဝ်း။\nအာႏနန္တာႏဟွေး-\n၇။ ခွန်ဝဇ္ဇီႏဖုံႏနဝ်ꩻ တကျွꩻလွဉ်ဒွိုန်း ရဟန္တာႏ(ရဟန်ꩻသံဃာႏ)ဖုံႏနဝ်ꩻတဲ့ ဖေႏကကျွꩻလွဉ်၊ ကကျွꩻလွဉ်လဲဉ်း ရဟန္တာႏ(ရဟန်ꩻသံဃာႏ)ဖုံႏနဝ်ꩻတဲ့ ဖေႏကအုံဗာႏ ချမ်ꩻချမ်ꩻသာႏသာႏနဝ်ꩻ ပွေါးရဲပ်ကာႏကွယ်ႏဖေႏ၊ ဝွတ်ပတ်ဖေႏ၊ ပေါႏဝွေꩻသီး အဝ်ႏမာꩻနုဲင်းနဝ်ꩻနဝ်ꩻ အဝ်ႏစီꩻပွါꩻတိုꩻတက်လွုမ်ꩻ၊ ဆွုတ်ယွုတ်ခရာႏအဲဉ်ထောဝ်းနောဝ်ꩻသွူ\"။\n\"ဩဗွေႏ ဘုရာꩻမျတ်ဗွေႏဩ-\nခွန်ဝဇ္ဇီႏသီးဖုံႏနဝ်ꩻ နွုတ်ꩻပါꩻတွမ်ႏရိုꩻမွုန်း လွောက်ꩻနာႏလွဉ်ꩻ တရာꩻနောဝ်ꩻ တပါꩻငါတဲ့ အဝ်ႏစီꩻပွါꩻတိုꩻတက်လွုမ်ꩻ၊ ဆွုတ်ယွုတ်ခရာႏအဲဉ်ထဝ်း၊ ဝွေꩻသီးလွောက်ꩻနာႏလို့ထဲင်း နွုတ်ꩻပါꩻပဉ်ဟ ဒေါ့ꩻခရာႏအဲဉ်ထဝ်း ဗွေႏဩ\" အမတ်ပုဏ္ဏာꩻ လောဝ်းချာဗွေႏဘုရာꩻနုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ သတ္တကနိပါတ်၊ ဝဿကာရသုတ်)\n\nအာႏကွိုꩻ","num_words":834,"character_repetition_ratio":0.107,"word_repetition_ratio":0.136,"special_characters_ratio":0.073,"stopwords_ratio":0.019,"flagged_words_ratio":0.0,"lang_id_score":1.0,"perplexity_score":887.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%B1%E1%80%AB%E1%82%8F%E1%80%91%E1%80%AD%E1%80%94%E1%80%BA%EA%A9%BB%E1%80%90%E1%80%9D%E1%80%BA%E1%80%B8%E1%80%A3%E1%80%94%E1%80%B9%E1%80%92%E1%80%BC%E1%80%B1%E1%82%8F%E1%80%94%E1%80%9D%E1%80%BA%EA%A9%BB","collection":"wikipedia","source":"wikipedia","original_code":"blk","text":"\"ဟတ္ထိသာရိပုတ္တသုတ် (လꩻခန်းစျာန်ႏတဲ့ယဝ်း ပေါႏထိန်ꩻတဝ်းဣန္ဒြေႏနဝ်ꩻ ထွက်ဒါႏထာꩻ)\"\nနီဗွေႏဘုရာꩻအဝ်ႏအုံ ဗာႏရာႏဏသီႏခမ်း ဣတိပတနမိဂဒါဝုန်ႏ တခြာတန်ကိုအတွင်ꩻ မထေရ်ႏတန်ဖုံႏနဝ်ꩻ သွုံꩻသွမ်ꩻယာထွူ ကျွꩻလွေꩻအုံဗူႏလွ ဝတ်တဝွန်ꩻကို၊ အွဉ်ႏဒေါ့ꩻငေါဝ်း ပွိုင်းဝွို့တွမ်ႏ အဘိဓမ္မာႏခရာႏဖုံႏနောဝ်ꩻသွူ။\nဆင်ဆရာႏပို ဗွေႏစိတ္တနဝ်ꩻ အွဉ်ႏဒေါ့ꩻသဲပ်ꩻသော့ꩻခွိုꩻခွိုꩻတဲင် မထေရ်ႏတန် ဗွေႏမဟာကောဋ္ဌိကနဝ်ꩻရိုꩻ-\n\"ဆင်ဆရာႏပို ဗွေႏစိတ္တဟွေး-\nမထေရ်ႏတန်သီး အဝ်ႏဒေါ့ꩻငေါဝ်း အဘိဓမ္မာႏတွင်ꩻနဝ်ꩻ နာꩻဒေါ့ꩻသဲပ်ꩻသော့ꩻမွုန်း၊ အုံပွေါနာႏသွတ်ꩻသွတ်ꩻဒွိုန်းကဟုဲင်း\"\nဗွေႏစိတ္တသွꩻဖုံႏနဝ်ꩻ လောဝ်းချာ ဗွေႏမဟာကောဋ္ဌိကနုဲင်းယို-\n\"ဩဗွေႏ မဟာကောဋ္ဌိက-\nနီဗွေႏဟွိုက်ꩻမွုန်း ဆင်ဆရာႏပို ဗွေႏစိတ္တနဝ်ꩻ၊ ဆင်ဆရာႏပို ဗွေႏစိတ္တနဝ်ꩻတဲ့ လိုꩻဒါႏပညာႏနေနေ၊ တွမ်ႏမထေရ်ႏတန်ဖုံႏနဝ်ꩻ ဒေါ့ꩻငါဒေါ့ꩻချာ အဘိဓမ္မာႏခရာႏ ဒါႏဒျာႏ\"\n\"ယို ဗွေႏစင်ꩻဖုံႏဟွေး-\n၁။ ပေါႏတသေထွꩻတဝ်း ဝင်ꩻသꩻအထွာပွုံႏနဝ်ꩻ အီႏသဗာႏအခရာႏယို ယပ်ꩻခုဲင်ႏတန်ကွေး၊ လောကကိုယို ပုဂ္ဂိုလ်ႏယင်ဟန်ႏနဝ်ꩻ ကအဝ်ႏဆရာႏထျꩻ၊ အ��်ႏပုဂ္ဂိုလ်ႏတန်ထျꩻနဝ်ꩻ ပျောႏလွဉ်ꩻဒျာႏကုသိုလ်ႏ၊ ချꩻဒျာႏမာႏန၊ တဗွီႏဗဲ့ပေႏဒျာႏ၊ ရဟန်ꩻနဝ်ꩻနဝ်ꩻ ပေါႏအဝ်ႏဒွုမ်ဆရာႏထျꩻ၊ ပုဂ္ဂိုလ်ႏတန်ထျꩻတဲင် လွေꩻလယ်ႏတောဒျာႏ ရဟန်ꩻမူႏထျꩻ၊ တကာႏလိုꩻလမ်းထျꩻ၊ ခွန်ထျꩻ၊ ခွန်အမျတ်ထျꩻ၊ လွေꩻကွိုက်ꩻတောဒျာႏ တိတ္ထိတက္ကတွဉ်ꩻသီးတပဲ့ꩻဖုံႏ၊ တွိုႏနဝ်ꩻတွော့ꩻ သꩻလော်လယ်၊ ဣန္ဒြေႏကုဲင်၊ တဏှာႏရာႏဂနိစ္စက် ထွက်ထိုꩻစွဉ်ႏနောဝ်ꩻသွူ။\n၂။ 'ခွေယိုလꩻလဲဉ်း ပဌမဈာန်ႏ လယ်ႏအာလမ်းလꩻဒျာႏ၊ အုံညီꩻပေါင်ꩻကွိုက်ꩻ လိုꩻလမ်းခိုခိုမူႏမူႏလꩻဒျာႏ၊ ပေါင်ꩻကွိုက်ꩻတိတ္ထိတက္ကတွဉ်ꩻတဲ့ယဝ်း ထွာတဝ်းမုဲင်ꩻမုဲင်ꩻ'ရိုꩻနုဲင်းနဝ်ꩻလꩻတဝ်း၊ ကွဲညည ရာႏဂနိစ္စက် ထွက်ထိုꩻဒျာႏနေနေ။\n၃။ 'ခွေယိုလꩻလဲဉ်း' ဒုတိယဈာန်ႏ လယ်ႏအာလမ်းလꩻဒျာႏ၊ အုံညီꩻပေါင်ꩻကွိုက်ꩻ လိုꩻလမ်းခိုခိုမူႏမူႏလꩻဒျာႏ၊ ပေါင်ꩻကွိုက်ꩻတိတ္ထိတက္ကတွဉ်ꩻတဲ့ယဝ်း ထွာတဝ်းမုဲင်ꩻမုဲင်ꩻ'ရိုꩻနုဲင်းနဝ်ꩻလꩻတဝ်း၊ ကွဲညည ရာႏဂနိစ္စက် ထွက်ထိုꩻဒျာႏနေနေ။\n၄။ 'ခွေယိုလꩻလဲဉ်း တတိယဈာန်ႏ လယ်ႏအာလမ်းလꩻဒျာႏ၊ အုံညီꩻပေါင်ꩻကွိုက်ꩻ လိုꩻလမ်းခိုခိုမူႏမူႏလꩻဒျာႏ၊ ပေါင်ꩻကွိုက်ꩻတိတ္ထိတက္ကတွဉ်ꩻတဲ့ယဝ်း ထွာတဝ်းမုဲင်ꩻမုဲင်ꩻ'ရိုꩻနုဲင်းနဝ်ꩻလꩻတဝ်း၊ ကွဲညည ရာႏဂနိစ္စက် ထွက်ထိုꩻဒျာႏနေနေ။\n၅။ 'ခွေယိုလꩻလဲဉ်း စတုတ္ထဈာန်ႏ လယ်ႏအာလမ်းလꩻဒျာႏ၊ အုံညီꩻပေါင်ꩻကွိုက်ꩻ လိုꩻလမ်းခိုခိုမူႏမူႏလꩻဒျာႏ၊ ပေါင်ꩻကွိုက်ꩻတိတ္ထိတက္ကတွဉ်ꩻတဲ့ယဝ်း ထွာတဝ်းမုဲင်ꩻမုဲင်ꩻ'ရိုꩻနုဲင်းနဝ်ꩻလꩻတဝ်း၊ ကွဲညည ရာႏဂနိစ္စက် ထွက်ထိုꩻဒျာႏနေနေ။\n၆။ 'ခွေယိုလꩻလဲဉ်း \"အနိမိတ္တစေတောသမာဓိ\"၊ ခွေသꩻစွူဒျာႏ၊ လယ်ႏအာလမ်းလꩻဒျာႏ၊ အုံညီꩻပေါင်ꩻကွိုက်ꩻ လိုꩻလမ်းခိုခိုမူႏမူႏလꩻဒျာႏ၊ ပေါင်ꩻကွိုက်ꩻတိတ္ထိတက္ကတွဉ်ꩻတဲ့ယဝ်း ထွာတဝ်းမုဲင်ꩻမုဲင်ꩻ'ရိုꩻနုဲင်းနဝ်ꩻလꩻတဝ်း၊ လောကီဈာန်ႏလွုမ်ꩻ၊ လောကီသမာႏဓိလွုမ်ꩻ၊ ပေါႏရာႏဂနိစ္စက် နဝ်ꩻ ထွက်ထိုꩻစွဉ်ႏဒျာႏနဝ်ꩻသွူ။\nဆင်ဆရာႏပို ဗွေႏစိတ္တနဝ်ꩻတဲ့ ထွက်သဲင်ꩻလမ်း၊ လꩻသံႏဝွေႏဂ၊ ထင်ႏချာ၊ တွိုႏနဝ်ꩻခါမꩻ အားထွုတ်မွေးတရာꩻ၊ ထွာရဟန္တာႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဆက္ကနိပါတ်၊ ဟတ္ထိသာရိပုတ္တသုတ်)\n\nအာႏကွိုꩻ","num_words":529,"character_repetition_ratio":0.091,"word_repetition_ratio":0.287,"special_characters_ratio":0.068,"stopwords_ratio":0.03,"flagged_words_ratio":0.0,"lang_id_score":1.0,"perplexity_score":1346.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%B1%E1%80%AB%E1%82%8F%E1%80%9A%E1%80%B0%E1%82%8F%E1%80%A1%E1%80%94%E1%80%AD%E1%80%85%E1%80%B9%E1%80%85%E1%80%90%E1%80%91%E1%80%B2%E1%80%B7%EA%A9%BB%E1%80%90%E1%80%9D%E1%80%BA%E1%80%B8","collection":"wikipedia","source":"wikipedia","original_code":"blk","text":"\"ပဌမကောသလသုတ် (ပေါႏယူႏ အနိစ္စသဘော်ꩻ တထဲ့ꩻတောဝ်း)\"\nရဟန်ꩻသီးဖုံႏဟွေး-\n၁။ ကောသလခမ်းကိုနဝ်ꩻ 'ခွန်ကောသလနဝ်ꩻ ထွာအယံသွတ်ꩻ'၊ ကွဲႏတွော့ꩻ ဝွေꩻထွာအယံသွတ်ꩻခန်းတဲ့ယဝ်း တသေႏတဝ်း အနိစ္စဒျာႏနေနေ၊ လိုꩻကသေယူႏနုဲင်းနဝ်ꩻသားနဝ်ꩻ တထဲ့ꩻတဝ်း ခွန်ကောသလစေꩻစိန်ႏ၊ စေꩻစိန်ႏရိုꩻရိုꩻထဲင်းဟ ဒေါ့ꩻခရာႏအဲဉ်ထဝ်း၊ ယိန်းတထဲ့ꩻတဝ်းတဝ်းနဝ်ꩻသွူ။\n၂။ လောကဓါတ်တရေင်ကိုနဝ်ꩻ 'မဟာႏဗျဟ္မာႏနဝ်ꩻ ထွာအယံသွတ်ꩻ'၊ ကွဲႏတွော့ꩻ ဝွေꩻထွာအယံသွတ်ꩻခန်းတဲ့ယဝ်း တသေႏတဝ်း အနိစ္စဒျာႏနေနေ၊ လိုꩻကသေယူႏနုဲင်းနဝ်ꩻသားနဝ်ꩻ တထဲ့ꩻတဝ်း မဟာႏဗျဟ္မာႏစေꩻစိန်ႏ၊ စေꩻစိန်ႏရိုꩻရိုꩻထဲင်းဟ ဒေါ့ꩻခရာႏအဲဉ်ထဝ်း၊ ယိန်းတထဲ့ꩻတဝ်းနဝ်ꩻသွူ။\n၃။ လောကဓါတ်တရေင် မဉ်ကုဲင်ထိုꩻနဝ်ꩻ 'အာဘဿရာႏဗျဟ္မာႏနဝ်ꩻ ထွာအယံသွတ်ꩻ'၊ ကွဲႏတွော့ꩻ ဝွေꩻထွာအယံသွတ်ꩻခန်းတဲ့ယဝ်း တသေႏတဝ်း အနိစ္စဒျာႏနေနေ၊ လိုꩻကသေယူႏနုဲင်းနဝ်ꩻသားနဝ်ꩻ တထဲ့ꩻတဝ်း အာဘဿရာႏစေꩻစိန်ႏ၊ စေꩻစိန်ႏရိုꩻရိုꩻထဲင်းဟ ဒေါ့ꩻခရာႏအဲဉ်ထဝ်း၊ ယိန်းတထဲ့ꩻတဝ်းနဝ်ꩻသွူ။\n၄။ ကသိုဏ်းအပါꩻတဆီကို ကလꩻဒါႏတရာꩻ 'ဝိညာဏကသိုဏ်းနဝ်ꩻ ထွာအယံသွတ်ꩻ'၊ ကွဲႏတွော့ꩻ အနိစ္စဒျာႏနေနေ၊ လိုꩻကသေယူႏနုဲင်းနဝ်ꩻသားနဝ်ꩻ တထဲ့ꩻတဝ်း ဝိညာဏကသိုဏ်း၊ ကသိုဏ်းရိုꩻရိုꩻထဲင်းဟ ဒေါ့ꩻခရာႏအဲဉ်ထဝ်း၊ ယီးင်တထဲ့ꩻတဝ်းနဝ်ꩻသွူ။\n၅။ အဘိဘာယတနဈာန်ႏ သွစ်ꩻမျိုꩻကိုနဝ်ꩻ အဋ္ဌမအဘိဘာယတဈာန်ႏနဝ်ꩻ အယံသွတ်ꩻ၊ ကွဲႏတွော့ꩻ အနိစ္စဒျာႏနေနေ၊ လိုꩻကသေယူႏနုဲင်းနဝ်ꩻသားနဝ်ꩻ တထဲ့ꩻတဝ်း အဋ္ဌမအဘိဘာယတဈာန်ႏ၊ ဈာန်ႏရိုꩻရိုꩻထဲင်းဟ ဒေါ့ꩻခရာႏအဲဉ်ထဝ်း၊ တထဲ့ꩻတဝ်းနဝ်ꩻသွူ။\n၆။ ပဋိပဒါလစ်ꩻမျိုꩻကိုနဝ်ꩻ 'သုခပဋိပဒါခိပ္ပါဘိညာနဝ်ꩻ အယံသွတ်ꩻ'၊ ကွဲႏတွော့ꩻ အနိစ္စဒျာႏနေနေ၊ လိုꩻကသေယူႏနုဲင်းနဝ်ꩻသားနဝ်ꩻ တထဲ့ꩻတဝ်း၊ ပဋိပဒါအလင်ထဲင်းဟ ဒေါ့ꩻခရာႏအဲဉ်ထဝ်း၊ တထဲ့ꩻတဝ်းနဝ်ꩻသွူ။\n၇။ သညာလစ်ꩻမျိုꩻကိုနဝ်ꩻ 'အာကိဲဉ္စညာယတနသညာ'နဝ်ꩻ အယံသွတ်ꩻ၊ ကွဲႏတွော့ꩻ အနိစ္စဒျာႏနေနေ၊ လိုꩻကသေယူႏသားနဝ်ꩻ တထဲ့ꩻတဝ်းနဝ်ꩻသွူ။\n၈။ သာႏသနာႏကို တမွေးတဝ်းသား ထာꩻယူႏကိုနဝ်ꩻ ထာꩻယူႏ 'ဥစ္ဆေဒ'နဝ်ꩻ အယံသွတ်ꩻ၊ ကွဲႏတွော့ꩻ အနိစ္စဒျာႏနေနေ၊ လိုꩻကသေယူႏသားနဝ်ꩻ တထဲ့ꩻတဝ်းနဝ်ꩻသွူ။\n၉။ (လောကီ)ဈာန်ႏကိုနဝ်ꩻ 'နေဝသညာနာသညာယတနဈာန်ႏ'နဝ်ꩻ အယံသွတ်ꩻ၊ ကွဲႏတွော့ꩻ အနိစ္စဒျာႏနေနေ၊ လို���ကသေယူႏသားနဝ်ꩻ တထဲ့ꩻတဝ်းနဝ်ꩻသွူ။\n၁၀။ ခွုင်းကားတဲင် တရာꩻကိုနဝ်ꩻ 'အရဟတ္တဖိုလ်ႏ'နဝ်ꩻ အယံသွတ်ꩻ၊ ပေါႏလꩻသွူ အရဟတ္တဖိုလ်ႏနဝ်ꩻ ထွာရဟန္တာႏ၊ အီႏတွိုႏလွေꩻဒျာႏ နိဗ္ဗာန်ႏ၊ ဖေါက်ပြန်ႏခရာႏအဲဉ်ထဝ်း၊ အနိစ္စမွေးတဝ်းဒွုမ်နဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ ပဌမ ကောသလသုတ်)\n\nအာႏကွိုꩻ","num_words":423,"character_repetition_ratio":0.144,"word_repetition_ratio":0.162,"special_characters_ratio":0.078,"stopwords_ratio":0.012,"flagged_words_ratio":0.0,"lang_id_score":1.0,"perplexity_score":2188.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%96%E1%80%AD%E1%80%AF%E1%80%B8%E1%80%91%E1%80%AE%E1%80%B8%E1%80%90%E1%80%94%E1%80%BA%E1%80%81%E1%80%B1%E1%80%AB%E1%80%84%E1%80%BA%E1%80%B8%E1%80%9C%E1%80%85%E1%80%BA%EA%A9%BB%E1%80%99%E1%80%BB%E1%80%AD%E1%80%AF%EA%A9%BB","collection":"wikipedia","source":"wikipedia","original_code":"blk","text":"\"ဗလိဗဒ္ဒသုတ် (ဖိုးထီးတန်ခေါင်းလစ်ꩻမျိုꩻ-လိုꩻလစ်ꩻစား)\"\nနီဗွေႏဘုရာꩻဟော်ꩻဖေႏ ဗွေႏရဟန်ꩻသီးဖုံႏ တရာꩻနုဲင်းယို-\nရဟန်ꩻသီးဖုံႏဟွေး-\nဖိုးထီးတန်ခေါင်း အဝ်ႏလစ်ꩻမျိုꩻ၊ လစ်ꩻမျိုꩻကရိုꩻနဝ်ꩻ-\n၁။ သဂဝစဏ္ဍော နော ပရဂဝစဏ္ဍော-\nကုဲင်ဒျာႏ ဝွေꩻအဖုံႏကိုလွုမ်ꩻ၊ ဝင်ꩻအဖုံႏကိုနဝ်ꩻ ကုဲင်တောဝ်း။\n၂။ ပရဂဝစဏ္ဍော နော သဂဝစဏ္ဍော -\nကုဲင်ဒျာႏ ဝင်ꩻအဖုံႏကိုလွုမ်ꩻ၊ ဝွေꩻအဖုံႏကိုနဝ်ꩻ ကုဲင်တောဝ်း။\n၃။ သဂဝစဏ္ဍော စ ပရဂဝစဏ္ဍော စ-\nဝွေꩻအဖုံႏကိုတဲ့ ကုဲင်ဒျာႏ၊ ဝင်ꩻအဖုံႏကိုတဲ့ ကုဲင်ဒျာႏ။\n၄။ နေဝ သဂဝစဏ္ဍော နော ပရဂဝစဏ္ဍော-\nဝွေꩻအဖုံႏကိုတဲ့ ကုဲင်တောဝ်း၊ ဝင်ꩻအဖုံႏကိုတဲ့ ကုဲင်တောဝ်း။\nဖိုးထီးတန်ခေါင်ႏ အဝ်ႏလစ်ꩻမျိုꩻနုဲင်းနောဝ်ꩻသွူ။\nရဟန်ꩻသီးဖုံႏဟွေး-\nလိုꩻတဲ့ ဗွန်ပီဖိုးထီးတန်ခေါင်ႏနဝ်ꩻနေနေ၊ လိုꩻတဲ့ အဝ်ႏလစ်ꩻမျိုꩻ၊ လိုꩻလစ်ꩻမျိုꩻကရိုꩻနောဝ်ꩻ-\n၁။ လောကကိုယို ပုဂ္ဂိုလ်ႏယင်ဟန်ႏနဝ်ꩻ မာꩻသꩻဝꩻဒါႏ ဝွေꩻပရိသတ်လွုမ်ꩻ၊ (ကျဒျာႏ ဝွေꩻပရိသတ်ခြာလွုမ်ꩻ)၊ ဝင်ꩻပရိသတ်နဝ်ꩻ ဝွေꩻမာꩻသꩻဝꩻဒါႏတဝ်း၊ (ဝင်ꩻပရိသတ်ခြာနဝ်ꩻ ကျတဝ်း)၊ ပုဂ္ဂိုလ်ႏယိုစားနဝ်ꩻ တွမ်ႏဖိုးထီးတန်ခေါင်ႏ 'ကကုဲင်ဒျာႏ ဝွေꩻအဖုံႏကိုလွုမ်ꩻ၊ ဝင်ꩻအဖုံႏကိုနဝ်ꩻ ကုဲင်တဝ်း'နဝ်ꩻ ဗွန်ဝင်ꩻနဝ်ꩻသွူ။\nရဟန်ꩻသီးဖုံႏဟွေး-\n၂။ လောကကိုယို ပုဂ္ဂိုလ်ႏယင်ဟန်ႏနဝ်ꩻ မာꩻသꩻဝꩻဒါႏဒျာႏ ဝင်ꩻပရိသတ်လွုမ်ꩻ၊ ဝွေꩻပရိသတ်နဝ်ꩻ မာꩻသꩻဝꩻဒါႏတောဝ်း၊ (ကျဒျာႏ ဝင်ꩻပရိသတ်ခြာလွုမ်ꩻ၊ ဝွေꩻပရိသတ်ခြာနဝ်ꩻ ကျတဝ်း) ပုဂ္ဂိုလ်ႏယိုစားနဝ်ꩻ တွမ်ႏဖိုးထီးတန်ခေါင်ႏ 'ကုဲင်ဒျာႏ ဝင်ꩻအဖုံႏကိုလွုမ်ꩻ၊ ဝွေꩻအဖုံႏကိုနဝ်ꩻ ကုဲင်တဝ်း'နဝ်ꩻ ပီဝင်ꩻနဝ်ꩻသွူ။\nရဟန်ꩻသီးဖုံႏဟွေး-\n၃။ လောကကိုယို ပုဂ္ဂိုလ်ႏယင်ဟန်ႏနဝ်ꩻ ဝွေꩻပရိသတ်ကိုတဲ့ မာꩻသꩻဝꩻဒါႏ (ဝွေꩻပရိတ်ခြာတဲ့ ကျဒျာႏ)၊ ဝင်ꩻပရိသတ်တဲ့ ဝွေꩻမာꩻသꩻဝꩻဒါႏ၊ (ဝင်ꩻပရိသတ်ခြာတဲ့ ကျဒျာႏ)၊ ပုဂ္ဂိုလ်ႏယိုစားနဝ်ꩻ တွမ်ႏဖိုးထီးတန်ခေါင်ႏ 'ဝွေꩻအဖုံႏကိုတဲ့ ကုဲင်ဒျာႏ၊ ဝင်ꩻအဖုံႏကိုတဲ့ ကုဲင်ဒျာႏ'နဝ်ꩻ ဗွန်ဝင်ꩻနောဝ်ꩻသွူ။\nရဟန်ꩻသီးဖုံႏဟွေး-\n၄။ လောကကိုယို ပုဂ္ဂိုလ်ႏယင်ဟန်ႏနဝ်ꩻ ဝွေꩻပရိသတ်တဲ့ မာꩻသꩻဝꩻဒါႏတဝ်း၊ (ဝွေꩻပရိသတ်ခြာတဲ့ ကျတဝ်း)၊ ဝင်ꩻပရိသတ်တဲ့ ဝွေꩻတမာꩻသꩻဝꩻဒါႏတဝ်း၊ (ဝင်ꩻပရိသတ်ခြာတဲ့ ကျတဝ်း)ပုဂ္ဂိုလ်ႏယိုစားနဝ်ꩻ တွမ်ႏဖိုးထီးတန်ခေါင်ႏ 'ဝွေꩻအဖုံႏကိုတဲ့ ကုဲင်တဝ်း၊ ဝင်ꩻအဖုံႏကိုတဲ့ ကုဲင်တဝ်း'နဝ်ꩻ \nပီဝင်ꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ ဗလိဗဒ္ဒသုတ်)\n\nအာႏကွိုꩻ","num_words":419,"character_repetition_ratio":0.13,"word_repetition_ratio":0.049,"special_characters_ratio":0.091,"stopwords_ratio":0.041,"flagged_words_ratio":0.0,"lang_id_score":1.0,"perplexity_score":1375.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%96%E1%80%BC%E1%80%9D%E1%80%BA%EA%A9%BB%E1%80%9C%E1%80%AD%E1%80%AF%EA%A9%BB%E1%80%81%E1%80%BD%E1%80%AD%E1%80%AF%EA%A9%BB","collection":"wikipedia","source":"wikipedia","original_code":"blk","text":"ဖြဝ်ꩻလိုခွိုꩻ (ဖြဝ်ꩻ : ၸုမ်းၶိူဝ်းတႆး ၊ အင်္ဂလိပ် : Shan People ) ဖုံႏယို ဆကွဉ်ႏနောဝ်အာသျဒေႏသ ကို ကအုံအဝ်ႏဒါႏ တုဲင်ႏလိုခွိုꩻနွယ်ႏ တမျိုꩻဒျာႏ နဝ်ꩻသွူ ။ ဖြဝ်ꩻလိုꩻခွိုꩻဖုံႏ ယို မျန်မာခမ်းထီ ကိုကအုံအာဒါႏ ခင်ႏလမ်းနဝ်ꩻ ဖြဝ်ꩻခမ်းနယ်ႏ တဲင် ၊ မန္တလေꩻတွိုင်ꩻဒေႏသတန် ၊ ချင်ꩻခမ်းနယ်ႏ၊ စောက်ꩻခမ်းနယ်ႏ တွမ်ႏ ဖြဝ်ꩻခမ်းနယ်ႏခမ်းကူ ခယ်ႏခမ်းထီ ၊ ထုဲင်ႏခမ်းထီ ခမ်းကူထျꩻ ဖုံႏယိုလဲ့ ဖြဝ်ꩻလိုꩻခွိုꩻဖုံႏ ဆေ့အာတရိုꩻတောဝ်း အုံအဝ်ႏလွေꩻတဲင် အဝ်ႏထီႏလွေꩻဗာႏနဝ်ꩻသွူ။ ယိုခါ မျန်မာခမ်းထီကို ဖြဝ်ꩻလိုꩻခွိုꩻ အီးအဝ်ႏလွေꩻဒါႏ ၆ သန်ႏ ရပ်နဝ်ꩻသွူ။\n\nအာႏကွိုꩻ \nမျန်မာခမ်းထီလိုꩻခွိုꩻဖုံႏ","num_words":65,"character_repetition_ratio":0.11,"word_repetition_ratio":0.0,"special_characters_ratio":0.101,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":348307.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%97%E1%80%BD%E1%80%94%E1%80%BA%E1%80%95%E1%80%AE%E1%80%94%E1%80%AF%E1%80%B2%E1%80%84%E1%80%BA%E1%80%B8%E1%80%99%E1%80%B1%E1%82%8F%E1%80%95%E1%80%BC%E1%80%AF%E1%80%B6%E1%82%8F","collection":"wikipedia","source":"wikipedia","original_code":"blk","text":"\"အက္ခိက္ခန္ဓောပမသုတ် (ဗွန်နုဲင်းမေႏပြုံႏ)\"\nအွိုးခꩻတလဲင်ႏ-\nနီဗွေႏဘုရာꩻတွမ်ႏ သံဃာႏပေါင်ꩻအာ ကျွꩻကာလွေꩻ ကောသခမ်း၊ တွိုႏလွေꩻတထွောင်း၊ ထီႏခန်း 'မေႏပြုံႏအဝ်ႏတင်ႏဟွုံဟွုံ'၊ အဝ်ႏတဖူꩻကို ကျွꩻဖုဲင်းထန်ႏ၊ အုံသေင်ႏမွူး တမွူးဆလ၊ ထာꩻဒါကို၊ ရီခန်းရဟန်ꩻသီးဖုံႏနုဲင်းယို-\n\"ရဟန်ꩻသီးဖုံႏဟွေး-\nမေႏပျော်ꩻထင်ႏသန်-သီထီႏနေ မေႏပြုံႏတန်သူꩻဟောင်း\"\n\"ထီႏဒျာႏ ဗွေႏဩ\"\n\"ရဟန်ꩻသီးဖုံႏဟွေး-\n၁။ ရဟန်ꩻတပါꩻနောဝ်ꩻ သꩻသဘော်ꩻယုတ်ညမ်း၊ အကျင်ꩻဗော့ꩻလဲ့ꩻ ပသို့ꩻအဲ့ꩻတန်၊ အဝ်ႏမာꩻတေ့ꩻ အကုသိုလ်ႏ၊ ရဟန်ꩻတမွေးတဝ်းတဲ့ ဆိမ်ꩻမဲ့လဲဉ်အံႏ ဝွန်ႏခံႏလဲဉ်လိုꩻ ရိုꩻဒျာႏအနမ်းရဟန်ꩻ၊ တကျင်ꩻတဝ်း အကျင်ꩻမျတ်တဲ့ ဝွေꩻရိုꩻကျင်ꩻ အကျင်ꩻမျတ်၊ အထန်ႏတရေꩻခြေင် အကိုသေင် နုဲင်းငွီႏသီ၊ ကိလေႏသာႏထီစိုႏ၊ ဒုဿီလပုဂ္ဂိုလ်ႏ (ပုဂ္ဂိုလ်ႏသီႏလအဲဉ်ထဝ်း)နောဝ်ꩻ-\n- ဗေင်ႏဖေါ့မေႏပြုံႏ ဟောဝ်နဲ့\n- ဗေင်ႏဗော့ꩻခွန်ပိုမူႏ၊ ဗေင်ႏတွိုက်ပုဏ္ဏာꩻပိုမူႏ၊ ဗေင်ႏဖေါ့သဌေꩻပိုမူႏနဝ်ꩻ ဟောဝ်နဲ့\"\n\"ဩဗွေႏ ဘုရာꩻမျတ်ဗွေႏဩ-\nဗေင်ႏဖေါ့သဌေꩻပိုမူႏနဝ်ꩻ ဟောဝ်ဗွေႏဩ\"\nမွေးတဝ်းရဟန်ꩻသီးဖုံႏ၊ ဗေင်ႏဖေါ့မေႏပြုံႏနဝ်ꩻဟောဝ်၊ နာႏစဲင်းစဲင်းဟုဲင်း၊ ခွေအီႏဟော်ꩻဖေႏသီ တရာꩻယို၊ ဒုဿီလပုဂ္ဂိုလ်ႏ မဉ်ႏဗေင်ႏဖေါ့ မေႏပြုံႏနဝ်ꩻဟောဝ်ထဲင်း၊ ကွပ်ထမုဲင်ꩻနဲတဲင် မေႏခိုးဝွေꩻတွော့ꩻ ဗော့ꩻဗော့ꩻသီထိုꩻစွဉ်ႏ၊ မွေးတဝ်းတဲ့ သီထိုꩻစွဉ်ႏ၊ မေႏခိုးသီခန်းဝွေꩻတဲ့ယဝ်း၊ ဝွေꩻတထဲ့ဗာႏဗာႏတဝ်းငါႏရုဲင်ꩻ၊\nကိလေႏသာႏစိုး ဒုဿီလပုဂ္ဂိုလ်ႏနဝ်ꩻ ကွပ်ဝွေꩻဗေင်ႏဗော့ꩻခွန်ပိုမူႏတဲင် ပွိုးဝွေꩻဗေင်ႏတွိုက်ပုဏ္ဏာꩻပိုမူႏတွော့ꩻ ကွပ်ပွိုးဝွေꩻဗေင်ႏဖေါ့ သဌေꩻပိုမူႏတဲင်တွော့ꩻ ဝွေꩻမဉ်ႏသီတွိုႏဆုဲင်ꩻ ဝွေꩻထဲ့ဗာႏ ငါးရုဲင်ꩻသူꩻသွူ။\nရဟန်ꩻသီးဖုံႏဟွေး-\n၂။ ကိလေႏသာႏစိုႏ ဒုဿီလပုဂ္ဂိုလ်ႏနဝ်ꩻ ပါꩻအာႏတလာတဖြာꩻနိစ္စက်၊ ထူႏတဖြွီꩻကျံႏငင်ႏပွစ် ဝွေꩻခင်ႏလောင်ꩻဖုံႏ နီဖဲ့ꩻဖဲ့ꩻ၊ ကွဲအွဉ်ႏပွစ်ပွစ်တွော့ꩻ တဖြွီꩻကျံႏအံႏ၊ သွီႏထန်ႏသွီႏလီ၊ ခြီဗာႏစွဉ်ႏအငေါဝ်း၊ တဖြွီꩻတွိုႏလွေꩻ စွဉ်ႏအဆွတ်ꩻ၊ သွီႏထွတ်ဆာ မရေႏမရာႏ၊ အဝ်ႏတဝျာႏအဝ်ႏတဝီႏ၊ ဝွေꩻငွိုးအွီႏဗာႏစွဉ်ႏထာꩻ။\n- တွမ်ႏတဖြွီꩻကျံႏပွစ်နက် ပါꩻနိစ္စက်ဝွေꩻနဝ်ꩻ ဟောဝ်နဲ့\n- မွေးတဝ်းတဲ့ ကွပ်ခွန်ခေါက်ဝုဲင်ႏဝွေꩻတဲင် ဝွေꩻနစ်သက်၊ ပွိုးပုဏ္ဏာꩻရွဉ်သား ရိုသေႏဝွေႏတွော့ꩻ ဝွေꩻသꩻရေꩻ၊ ကွပ်ပွိုးသဌေꩻ ခေါက်ဝုဲင်ႏရိုႏသေႏတဲင်တွော့ꩻ ဝွေꩻသာႏယာႏနဝ်ꩻ ဟောဝ်နဲ့\"\n\"ဩဗွေႏ ဘုရာꩻမျတ်ဗွေႏဩ-\nဝင်ꩻခေါက်ဝုဲင်ႏရိုႏသေတဲင်တွော့ꩻ ဝွေꩻသာႏယာႏနောဝ်ꩻ ဟောဝ်ဗွေႏဩ၊ ပါꩻနိစ္စက်ဝွေꩻနောဝ်ꩻ ယူႏပက်ဒုက္ခလွဉ်ꩻငါႏ ဗွေႏဩ\"\nမွေးတဝ်း ရဟန်ꩻသီးဖုံႏ တွမ်ႏတဖြွီꩻကျံꩻပွစ်နက် ပါꩻနိစ္စက်ဝွေꩻနဝ်ꩻ ဟောဝ်ထဲင်း၊ ကွပ်ထမုဲင်ꩻနဲတဲင် တွမ်ႏတဖြွီꩻပွစ်နက် ပါꩻနိစ္စက်ဝွေꩻတွော့ꩻ ဗော့ꩻဗော့ꩻသီထိုꩻစွဉ်ႏ၊ မွေးတဝ်းတဲ့ သီထိုꩻစွဉ်ႏတဲ့ယဝ်း ဝွေꩻတထဲ့ဗာႏတဝ်းငါးရုဲင်ꩻ။\nကိလေႏသာႏစိုႏ ဒုဿီလပုဂ္ဂိုလ်ႏနဝ်ꩻ ကွပ်နစ်သက် ခွန်ခေါက်ꩻဝုဲင်ႏတဲင် ပွိုးသꩻရေꩻပုဏ္ဏာꩻ ရွဉ်သားရိုႏသေႏတွော့ꩻ၊ ကွပ်ပွိုးသာႏယာႏ-သဌေꩻခေါက်ꩻဝုဲင်ႏရိုႏသေႏတဲင်တွော့ꩻ ဝွေꩻခန္ဓာႏကုဲင်လီ မဉ်ႏသီတွိုႏဆုဲင်ꩻ ဝွေꩻထဲ့ဗာႏငါႏရုဲင်ꩻ၊ (အဲဉ်ထဝ်းသီႏလသိက္ခာႏ၊ မော့ꩻဗာႏစူဝုဲင်ႏတံႏ၊ ခံႏဗာႏငါးရုဲင်ꩻ)သူꩻသွူ။\nရဟန်ꩻသီးဖုံႏဟွေး-\n၃။ ကိလေႏသာႏစိုႏ ဒုဿီလပုဂ္ဂိုလ်ႏနဝ်ꩻ ပါꩻအာႏတလာတဖြာꩻ ထူႏဗင်ႏမူထွူ၊ တွမ်ႏဗင်နာစျူစျူ၊ ထောင်းကွယ် ထောင်းကွယ် အသꩻအင် (သွီႏတဖြွတ်ꩻထန်ႏလီ သီထိုꩻစွဉ်ႏ တလဲင်ႏချင်ꩻ)\n- တွမ်ႏဗင်နာစျူစျူထောင်း ဝွေꩻသꩻအနင်နဝ်ꩻ ဟောဝ်နဲ့\n- မွေးတဝ်းတဲ့ ကွပ်ခွန်ခေါက်ဝုဲင်ႏဝွေꩻတဲင် ဝွေꩻနစ်သက်၊ ပွိုးပုဏ္ဏာꩻရွဉ်သား ရိုႏသေႏဝွေꩻတွော့ꩻ ဝွေꩻသꩻရေꩻ၊ ကွပ်ပွိုးသဌေꩻ ခေါက်ꩻဝုဲင်ႏရိုႏသေႏတဲင်တွော့ꩻ ဝွေꩻသာႏယာႏနဝ်ꩻ ဟောဝ်နဲ့\"\n\"ဩဗွေႏ ဘုရာꩻမျတ်ဗွေႏဩ-\nဝင်ꩻခေါက်ဝုဲင်ႏရိုႏသေႏတဲင်တွော့ꩻ ဝွေꩻသာႏယာႏနဝ်ꩻ ဟောဝ်ဗွေႏဩ၊ တွမ်ႏဗင်နာစျူစျူထောင်း ဝွေꩻသꩻအင်နဝ်ꩻ ယူႏပက်ဒုက္ခလွဉ်ꩻငါႏ ဗွေႏဩ\"\nမွေးတဝ်း ရဟန်ꩻသီးဖုံႏ၊ တွမ်ႏဗင်နာစျူစျူထောင်း ဝွေꩻသꩻအင်နဝ်ꩻ ဟောဝ်ထဲင်း၊ ကွပ်ထမုဲင်ꩻနဲတဲင် တွမ်ႏဗင်နာစျူစျူထောင်း ဝွေꩻသꩻအင်တွော့ꩻ ဝွေꩻသီထိုꩻခန်းတဲ့ယဝ်း၊ ဝွေꩻတဲ့ဗာႏတဝ်းငါးရုဲင်ꩻ၊\nကိလေႏသာႏစိုႏ ဒုဿီလပုဂ္ဂိုလ်ႏနဝ်ꩻ ကွပ်နစ်သက် ခွန်ခေါက်ꩻဝုဲင်ႏတဲင်၊ ပွိုးသꩻရေꩻ ပုဏ္ဏာꩻရွဉ်သားရိုႏသေႏတွော့ꩻ၊ ကွပ်ပွိုးသာႏယာႏ သဌေꩻခေါက်ဝုဲင်ႏရိုႏသေႏတဲင်တွော့ꩻ ဝွေꩻခန္ဓာႏကုဲင်လီ မဉ်ႏသီတွိုႏဆုဲင်ꩻ ဝွေꩻထဲ့ဗာႏငါးရုဲင်ꩻ၊ (အဲဉ်ထဝ်းသီႏလသိက္ခာႏ၊ မော့ꩻဗာႏစူဝုဲင်ႏတံႏ၊ ခံႏဗာႏငါးရုဲင်ꩻ)သူꩻသွူ။\nရဟန်ꩻသီးဖုံႏဟွေး-\n၄။ ကိလေႏသာႏစိုႏ ဒုဿီလပုဂ္ဂိုလ်ႏနဝ်ꩻ ပါꩻအာႏတလာတဖြာꩻ တွမ်ႏပသီႏပျာꩻလျား တနျာႏတဲက်ꩻတဲက်ꩻ အွဉ်ႏဒပ်ꩻအသꩻအင် (လျားတဝျာႏတဝီႏ ငွိုးပြာႏပြီႏဗာႏစွဉ်ႏထာꩻ)\n- တွမ်ႏပသီႏပျာꩻလျား တနျာႏတဲက်ꩻတဲက်ꩻ အွဉ်ႏဒပ်ꩻဝွေꩻသꩻအင်နဝ်ꩻ ဟောဝ်နဲ့၊\n- မွေးတဝ်းတဲ့ ကွပ်ခွန်လူႏဝွေꩻသင်္ကန်ꩻတဲင် ဝွေꩻနစ်သက်၊ ပွိုးပုဏ္ဏာꩻရွဉ်သား လူႏဝွေꩻသင်္ကန်ꩻတွော့ꩻ ဝွေꩻသꩻရေꩻ၊ ကွပ်ပွိုးသဌေꩻ လူႏဝွေꩻသင်္ကန်ꩻတဲင်တွော့ꩻ ဝွေꩻသာႏယာႏရွုံႏဗုဲင်နဝ်ꩻ ဟောဝ်နဲ့\"\n\"ဩဗွေႏ ဘုရာꩻမျတ်ဗွေႏဩ-\nဝင်ꩻလူႏဝွေꩻသင်္ကန်ꩻတဲင်တွော့ꩻ ဝွေꩻသာႏယာႏရွုံႏဗုဲင်နဝ်ꩻ ဟောဝ်ဗွေႏဩ၊ တွမ်ႏပသီႏပျာꩻလျား တနျာႏတဲက်ꩻတဲက်ꩻ အွဉ်ႏဒပ်ꩻဝွေꩻသꩻအင်နဝ်ꩻ ယူႏပက်ဒုက္ခလွဉ်ꩻငါႏဗွေႏဩ\"\n\"မွေးတဝ်း ရဟန်ꩻသီးဖုံႏ၊ တွမ်ႏပသီႏပျာꩻလျား တနျာႏတဲက်ꩻတဲက်ꩻ အွဉ်ႏဒပ်ꩻဝွေꩻသꩻအင်နောဝ်ꩻ ဟောဝ်ထဲင်း၊ ကွပ်ထမုဲင်ꩻနဲတဲင် တွမ်ႏပသီႏပျာꩻလျား တနျာႏတဲက်ꩻတဲက်ꩻ အွဉ်ႏဒပ်ꩻဝွေꩻသꩻအင်တွော့ꩻ ဗော့ꩻဗော့ꩻသီထိုꩻစွဉ်ႏ၊ မွေးတဝ်းတဲ့ သီထိုꩻခန်းတဲ့ယဝ်း ဝွေꩻတထဲ့ဗာႏတဝ်းငါးရုဲင်ꩻ။\nကိလေႏသာႏစိုႏ ဒုဿီလပုဂ္ဂိုလ်ႏနဝ်ꩻ ယွုမ်းယွုမ်းအံႏအံႏ ဝင်ꩻလူႏဝွေꩻသင်္ကန်ꩻ၊ ကွပ်နစ်သက် ခွန်လူႏဝွေꩻသင်္ကန်ꩻတဲင်၊ ပွိုးသꩻရေꩻ ပုဏ္ဏာꩻရွဉ်သား လူႏဝွေꩻသင်္ကန်ꩻတွော့ꩻ၊ ကွပ်ပွိုးသာႏယာႏရွုံႏဗုဲင် သဌေꩻသီးကလူႏဒါႏ သင်္ကန်ꩻနဝ်ꩻတဲင်တွော့ꩻ ဝွေꩻခန္ဓာႏကုဲင်လီ မဉ်ႏသီတွိုႏဆုဲင်ꩻ ဝွေꩻထဲ့ဗာႏငါးရုဲင်ꩻ (အဲဉ်ထဝ်းသီႏလသိက္ခာႏ-မော့ꩻဗာႏသင်္ကန်ꩻတံႏ၊ ခံႏဗာႏငါးရုဲင်ꩻ)သူꩻသွူ။\nရဟန်ꩻသီးဖုံႏဟွေး-\n၅။ ကိလေႏသာႏစိုႏ ဒုဿီလပုဂ္ဂိုလ်ႏနဝ်ꩻ ပါꩻအာႏတလာတဖြာꩻ တွမ်ႏပသီႏ ခတ်ꩻတအိုအဖြောင်း၊ တွမ်ႏပသီႏကွို့ꩻဒွေါင်ႏ အွဉ်ႏထောက်ကီလခါꩻ အဖြောင်းကို၊ အဖြောင်းတအိုအိုကိုနဝ်ꩻ သွစ်ꩻသော့ꩻပသီႏထီလျား၊ ပသီႏထီလျားနဝ်ꩻ ရွတ်ꩻလျား (ဒုဿီလပုဂ္ဂိုလ်ႏ) ဖြောင်းဗီႏယင်၊ ရွတ်ꩻလျားအဖြောင်းကိုယင်၊ ရွတ်ꩻလျား အဖြေꩻယင်၊ ရွတ်ꩻလျားအကထောင်ꩻယင်၊ ရွတ်ꩻလျားအသꩻအင်ယင်၊ ရွတ်ꩻလျားအဖြေ့တန်ယင်၊ ရွတ်ꩻလျားအဖြေ့ပေႏယင်၊ ပသီႏထီလျားနဝ်ꩻ ထန်ႏလလင်ꩻစွဉ်ႏသူꩻ (ဒုဿီလပုဂ္ဂိုလ်ႏနဝ်ꩻ ဝꩻပြာႏ၊ ကွပ်ပွိုးလျားလွဉ်ꩻငါႏတဲင် ချာႏတခို့၊ ချာႏတအာစွဉ်ႏအနမ်း၊ အွဉ်ႏပြန်-အွဉ်ႏပြန်ဗာႏစွဉ်ႏအနမ်း)\n- တွမ်ႏပသီႏထီလျား လူႏကြွုံႏကြွုံႏ ထောက်ꩻသော့ꩻအဖြောင်းနဝ်ꩻ ဟောဝ်နဲ့၊\n- မွေးတဝ်းတဲ့ ကွပ်လူႏဝွေꩻသွမ်ꩻတဲင် ဝွေꩻနစ်သက်၊ ပွိုးပုဏ္ဏာꩻရွဉ်သား လူႏဝွေꩻသွမ်ꩻတွော့ꩻ ဝွေꩻသꩻရေꩻ၊ ကွပ်ပွိုးသဌေꩻ လူႏဝွေꩻသွမ်ꩻတဲင်တွော့ꩻ ဝွေꩻသာႏယာႏသွုံꩻဆောင်ႏနဝ်ꩻ ဟောဝ်နဲ့\"\n\"ဩဗွေႏ ဘုရာꩻမျတ်ဗွေႏဩ-\nဝင်ꩻလူႏဝွေꩻသွမ်ꩻတဲင်တွော့ꩻ ဝွေꩻသာႏယာႏသွုံꩻဆောင်ႏနောဝ်ꩻ ဟောဝ်ဗွေႏဩ၊ တွမ်ႏပသီႏထီလျား လူးကြွုံႏကြွုံႏ ထောက်ꩻသော့ꩻဝွေꩻဖြောင်းနဝ်ꩻ ယူႏပက်ဒုက္ခလွဉ်ꩻငါႏ ဗွေႏဩ\"\n\"မွေးတဝ်း ရဟန်ꩻသီးဖုံႏ၊ တွမ်ႏပသီႏထီလျား လူးကြွုံႏကြွုံႏ ထောက်ꩻသော့ꩻဝွေꩻဖြောင��းနဝ်ꩻ ဟောဝ်ထဲင်း၊ ကွပ်ထမုဲင်ꩻနဲတဲင် တွမ်ႏပသီႏထီလျား ထောက်ꩻသော့ꩻဝွေꩻဖြောင်းတွော့ꩻ ဗော့ꩻဗော့ꩻသီထိုꩻစွဉ်ႏ၊ မွေးတဝ်းတဲ့ သီထိုꩻစွဉ်ႏတဲ့ယဝ်း ဝွေꩻတထဲ့ဗာႏတဝ်းငါးရုဲင်ꩻ၊\nကိလေႏသာႏစိုႏ ဒုဿီလပုဂ္ဂိုလ်ႏနဝ်ꩻ ယွုမ်းယွုမ်းအံႏအံႏ ဝင်ꩻလူႏဝွေꩻသွမ်ꩻ၊ ကွပ်နစ်သက် ခွန်လူႏဝွေꩻသွမ်ꩻတဲင်၊ ပွိုးသꩻရေꩻ ပုဏ္ဏာꩻရွဉ်သား လူႏဝွေꩻသွမ်ꩻတွော့ꩻ၊ ကွပ်ပွိုးသာႏယာႏ သွုံꩻဆောင်ႏသဌေꩻသီး ကလူႏဒါႏသွမ်ꩻနဝ်ꩻတဲင်တွော့ꩻ ဝွေꩻခန္ဓာႏကုဲင်လီ မဉ်ႏသီတွိုႏဆုဲင်ꩻ ဝွေꩻထဲ့ဗာႏငါးရုဲင်ꩻ၊ (အဲဉ်ထဝ်းသိက္ခာႏ၊ မော့ꩻဗာႏဒဲဉ်တံႏ ခံႏဗာႏငါးရုဲင်ꩻ)သူꩻသွူ။\nရဟန်ꩻသီးဖုံႏဟွေး-\n၆။ ကိလေႏသာႏစိုႏ ဒုဿီလပုဂ္ဂိုလ်ႏနောဝ်ꩻ ပါꩻအာႏတလာတဖြာꩻ ခွုမ်ဒုဿီလပုဂ္ဂိုလ်ႏကတူႏ ငင်ႏဒင်ႏကူႏပသီႏလျားလောင်း၊ အွဉ်ႏဗေင်ႏတအာ၊ တေက်ꩻခါꩻ၊ သဲဉ်ꩻဒုဿီလပုဂ္ဂိုလ်ႏ စူဗောင်နီပင် အွဉ်ႏတဲင်ဒင်ႏ ကလာꩻထဲင် ပသီႏလျားလောင်း တေက်ꩻခါꩻ။\n- ပါꩻအွဉ်ႏဗေင်ႏဒင်ႏ ကူႏပသီႏလျားလောင်း တေက်ꩻခါꩻ၊ အွဉ်ႏတဲင်ဒင်ႏ ကလာꩻထဲင် ပသီႏလျားလောင်း တေက်ꩻခါꩻနဝ်ꩻ ဟောဝ်နဲ့၊\n- မွေးတဝ်းတဲ့ ခွန်တန်ပုဏ္ဏာꩻရွဉ်သား သဌေꩻသီး ယွုမ်းယွုမ်းအံႏအံႏ ကလူႏဒါႏကူႏလောင်း၊ ကလာꩻထဲင်လောင်းနဝ်ꩻ ဗေင်ႏဒင်ႏ-အုံဒင်ႏနဝ်ꩻ ဟောဝ်နဲ့\"\n\"ဩဗွေႏ ဘုရာꩻမျတ်ဗွေႏဩ-\nဗေင်ႏဒင်ႏ-အုံဒင်ႏ ဝင်ꩻလူႏဒါႏ ကူႏလောင်း ကလာꩻထဲင်လောင်းနဝ်ꩻ ဟောဝ်ဗွေႏဩ၊ ဗေင်ႏဒင်ႏဗာႏ ကူႏပသီႏလျားလောင်း၊ အုံတဲင်ဒင်ႏဗာႏ ကလာꩻထဲင် ပသီႏလျားလောင်းနဝ်ꩻ ယူႏပက်ဒုက္ခလွဉ်ꩻငါႏ ဗွေႏဩ\"\n\"မွေးတဝ်း ရဟန်ꩻသီးဖုံႏ၊ ပါꩻငင်ႏဗေင်ႏဒင်ႏ ကူႏပသီႏလောင်း၊ ပါꩻအွဉ်ႏတဲင်ဒင်ႏ ကလာꩻထဲင် ပသီႏလျားလောင်း တက်ꩻခါꩻနဝ်ꩻ ဟောဝ်ထဲင်း၊\nကွပ်ထမုဲင်ꩻနဲတဲင် ပွိုးဗေင်ႏဒင်ႏ ကူႏပသီႏလျားလောင်း၊ အွဉ်ႏတဲင်ဒင်ႏ ကလာꩻထဲင် ပသီႏလျားလောင်းတွော့ꩻ ဝွေꩻသီထိုꩻခန်းတဲ့ယဝ်း ဝွေတထဲ့ꩻဗာႏတဝ်းငါးရုဲင်ꩻ၊\nကိလေႏသာႏစိုႏ ဒုဿီလပုဂ္ဂိုလ်ႏနဝ်ꩻ ယွုမ်းယွုမ်းအံႏအံႏ ဝင်ꩻကလူႏ ကူႏကလာꩻထဲင်လောင်းယို ပွိုးဝွေꩻဗေင်ႏဒင်ႏ ဝွေꩻအုံဒင်ႏတဲင်တွော့ꩻ ဝွေꩻခန္ဓာႏကုဲင်လီ မဥဉ်ႏသီတွိုႏဆုဲင်ꩻ ဝွေꩻထဲ့ဗာႏငါးရုဲင်ꩻ (အဲဉ်ထဝ်းသီႏလ သိက္ခာႏ၊ ဗော့ꩻဗာႏ ကူႏကလာꩻထဲင်တံႏ၊ ခံႏဗာႏငါးရုဲင်ꩻ)သူꩻသွူ\"။\n\"ရဟန်ꩻသီးဖုံႏဟွေး-\n၇။ ကိလေႏသာႏစိုႏ ဒုဿီလပုဂ္ဂိုလ်ႏနဝ်ꩻ ပါꩻအာႏတလာတဖြာꩻ သဲဉ်ꩻခါꩻအခင်ႏနီပင်၊ အကတူႏအွဉ်ႏစီꩻလင်ꩻသော့ꩻ ပသီႏထီလျား ဖွိုင်ꩻတောင်ꩻတန်ကို၊ တုံလ၊ ပေါ်ကီ-သီထိုꩻစွဉ်ႏ။\n- အခင်ႏပါꩻပီꩻ၊ အကတူႏအွဉ်ႏစီꩻသော့ꩻ ပသီႏထီလျား ဖွိုင်ꩻတောင်ꩻတန်ကိုနဝ်ꩻ ဟောဝ်နဲ့၊\n- မွေးတဝ်းတဲ့ အုံသော့ꩻ ခွန်တန်၊ ပုဏ္ဏာꩻ၊ သဌေꩻသီး ကလူႏဒါႏ ကျောင်ꩻကိုနဝ်ꩻ ဟောဝ်နဲ့\"\n\"ဩဗွေႏ ဘုရာꩻမျတ်ဗွေႏဩ-\nအုံသော့ꩻ ဝင်ꩻကလူႏဒါႏကျောင်ꩻကိုနဝ်ꩻ ဟဝ်ဗွေႏဩ၊ အကတူႏအွဉ်ႏစီꩻသော့ꩻ ပသီႏထီလျား ဖွိုင်ꩻတောင်ꩻတန်ကိုနဝ်ꩻ ယူႏပက်ဒုက္ခလွဉ်ꩻငါႏ ဗွေႏဩ\"\n\"မွေးတဝ်း ရဟန်ꩻသီးဖုံႏ၊ ဝွေꩻကတူႏအွဉ်ႏစီꩻသော့ꩻ ပသီႏထီလျား ဖွိုင်ꩻတောင်ꩻတန်ကိုနဝ်ꩻ ဟောဝ်ထဲင်း၊ ပွိုးထမုဲင်ꩻနဲတဲင် ဝွေꩻသီစွဉ်ႏတဲ့ တထဲ့တဝ်းငါးရုဲင်ꩻ၊\nသီႏလသိက္ခာႏ ထမုဲင်ꩻမုဲင်ꩻအဲဉ်ထဝ်း၊ အုံသော့ꩻခြေင်ဝင်ꩻကျောင်ꩻနဝ်ꩻ ဝွေꩻမဉ်ႏသီတွိုႏဆုဲင်ꩻ ထဲ့ဗာႏငါးရုဲင်ꩻ (မော့ꩻဗာႏကျောင်ꩻတံႏ၊ ခံႏဗာႏငါးရုဲင်ꩻ)သူꩻသွူ\"။ (သုတ္တန်ႏပိဋကတ်၊ အင်္ဂုတ္တရပါဠိ၊ သတ္တကနိပါတ်၊ အက္ခိက္ခန္ဓောပမသုတ်)\n\nအာႏကွိုꩻ","num_words":1674,"character_repetition_ratio":0.097,"word_repetition_ratio":0.097,"special_characters_ratio":0.073,"stopwords_ratio":0.007,"flagged_words_ratio":0.0,"lang_id_score":1.0,"perplexity_score":2025.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%97%E1%80%BD%E1%80%B1%E1%82%8F%E1%80%97%E1%80%BD%E1%80%94%E1%80%BA%E1%80%80%E1%80%B1%E1%80%AC%E1%80%9D%E1%80%AD%E1%80%92","collection":"wikipedia","source":"wikipedia","original_code":"blk","text":"ဗွေႏဗွန်ကောဝိဒ (သီႏသဲင်ႏ) ယိုနောဝ်ꩻ ပအိုဝ်ႏခမ်းရင်ꩻသား ဗွေႏဗွန်မဉ်ꩻအွီႏတပါꩻ၊ အောဝ်ႏမာꩻဖေႏ ဥက္ကဋ္ဌ ပိဋကတ်ချာႏပြန်ႏပအိုဝ်ႏငေါဝ်း အစွိုꩻကို တောမ်ႏ ဝွေꩻဗွေႏယို ထွာ သီႏသဲင်ႏတဝေင်ꩻနယ်ႏလုမ်း ကဆဲင်ႏလို့ဒါႏ ဇဝနာရာမ လိတ်သွဉ်တွိုက်တန် ကျောင်ꩻနင်းပုဂ္ဂိုလ်ႏ တပါꩻဒျာႏသွူ။ မန်းခမ်းဒွမ် သံႏဃာႏအစွိုꩻတန် ဖေႏတာႏဝွန်ႏတဲင် လင်ꩻမာꩻဗာႏဖို နိုင်ငံတော် သံဃဝိနိစ္ဆယရုံး၊ ကမ္ဘာအေး၊ ရန်ကုန် ကို နီနေင်ႏ၊ ဆုံႏဖျတ်ဖေႏဗာႏ တရာꩻ သံႏဃာႏစွိုꩻတာႏ ရန်ႏကုန်ႏကိုသွူ။ ဝွေꩻဗွေႏမာꩻဖေႏ ပအိုဝ်ႏလိတ်လုဲင်ꩻစွစ်ꩻလီတာႏ ဗဟိုႏသံႏဃာႏစွိုꩻ ဥက္ကဋ္ဌ  နောဝ်ꩻ လꩻလဲန်းအနေင်ႏ ၂၀ လွို၊ ဗဟိုႏသွဉ်တန်ꩻတာႏ ဝွေꩻဗွေႏတဲမ်းဖေႏ လိတ်ပျဌာန်း လိတ်သွဉ်အီဖုံႏတဲ့ အာဖွူꩻတန်နဝ်ꩻသွူ။\n\nငေါဝ်းတဲႏအွဉ် (နိဒါန်း)\nပွိုင်းဝွို့တွမ်ႏ ဗွေႏဗွန်သီႏသဲင်ႏ ထေရုပ္ပတ္တိယို ကအီႏတဲမ်း (စာတမ်း)နောဝ်ꩻ ထုမ်ႏရွမ်ဗာႏ တထွောင်းတစိꩻစိꩻ၊ ကမဉ်သေ အချက်ဖုံႏနောဝ်ꩻ လွေꩻလောဝ်းဝွေꩻဗွေႏတဲင် ဝွေꩻဗွေႏဆန္ဒအလꩻ တဲမ်းဗာႏ ဗဟုသုတ ကရထွာထွာ၊ အကျိုꩻကရအာအာ တွမ်ႏကလꩻအီ သင်ခန်းစာဖုံႏနောဝ်ꩻလွုမ်ꩻသွူ။\nကတဲမ်းစာတမ်���ယိုနောဝ်ꩻ -\n၁။ ခါးလားကအုံကျောင်ꩻချိန်ႏ\n၂။ အုံကျောင်ꩻ သွဉ်ပညာႏချိန်ႏ\n၃။ သွဉ်ပညာႏထွူ ထင်းထမ်ႏ (လိတ်လုဲင်ꩻ၊ ဘာႏသာႏ၊ သာႏသနာႏ၊ စွိုးခွိုꩻ)တာႏဝွန်ႏချိန်ႏ\nတဲမ်းခြပ်လွေꩻ အချိန်ႏသွံချိန်ႏ၊ လွူꩻထွားလွေꩻ ဝွေꩻဗွေႏဘဝ၊ သုတေသနပျုလွေꩻ အချိန်ႏသွံချိန်ႏကိုနောဝ်ꩻသွူ။\n\nခါးလားကအုံကျောင်ꩻချိန်ႏ \nဗွေႏဗွန်ကောဝိဒ ယိုနောဝ်ꩻ ဇာႏတိ - ဟိုနမ်းမော့တွို့ꩻ၊ သီႏသဲင်ႏမော့ကွဉ်ႏ၊ ပွဉ်ထျꩻကွဉ်ႏ ဒုံတွူးဗောင်နောဝ်ꩻသွူ။ လွူးဖွါꩻလင်ꩻ ၁၃၀၃-ဗာႏ၊ ဝါႏဆိုလာဆန်ꩻ (၈)နီꩻ (၁၉၄၁-ဗာႏ၊ ဇွန်လာ-၃၀) မွူးနီꩻ-တနင်ꩻလာႏ၊ ဖူးဝေး နွုတ်ꩻဖြာꩻအကို ထွာအတန်သွတ်ꩻ၊ မွိုးဖါနဝ်ꩻ \"စင်ꩻဖါတိနျာႏ+စင်ꩻမွိုးဗွော်\"နောဝ်ꩻသွူ။ဝွေꩻဗွေႏသက်တောႏ လꩻ(၉)နေင်ႏတွင်ꩻနောဝ်ꩻ ထိုꩻလင်ꩻသီႏသဲင်ႏ ဒုံဟော်ဆနောဝ်နောဝ်ꩻသွူ။ ၁၃၁၁-ဗာႏ၊ ချိန်ႏခါႏကာႏလ ဝွေꩻဗွေႏ ကတွိုႏလင်ꩻစ သီႏသဲင်ႏနောဝ်ꩻ \"သꩻလမ်း၊ ရဲ့ဗွူ၊ ဗို့ꩻဗွူ\"ဖုံႏနောဝ်ꩻ ဗွန်ဟုမ်ႏအနေး ဖူးဝေးဒုံကို၊ တလမ်းတဖြာꩻ လွေꩻမာꩻကို ပငါပရာꩻ၊ လမ်းသားနောဝ်ꩻ လွူးဗာႏဒဲဉ်လွုမ်ꩻ၊ လာဗွေလာမားနီꩻနောဝ်ꩻ ရဲဉ်ꩻသွမ်ꩻစာႏဂ ဝါႏတွင်ꩻသွံလာ၊ လာဖစ်တန်ဟာနောဝ်ꩻ မူႏနံꩻခိုဗင်ႏ ကဲလို့ဝင်ꩻ၊ ဝွေꩻဗွေႏသီးမွိုး (စင်ꩻမွိုးဗွော်)နောဝ်ꩻ ဒါႏမွေးစွဉ်ႏ ငေါဝ်းကဲတဲင် ပေါႏသွမ်ꩻစာႏဂ အီႏတွိုႏတွိုႏနောဝ်ꩻ မူႏနံꩻဖုံႏ လွဉ်သွဉ်ငေါဝ်းကဲ ဝွေꩻဗွေႏသီးမွိုးထျꩻ မွူးဟာခိုႏ အံႏဒဲက်ထွူ၊ ဝွေꩻဗွေႏနောဝ်ꩻ ဗေင်ႏခွုမ်းအမွိုးကီႏ နာႏစွုမ်ႏဟာဟာနောဝ်ꩻသွူ။ ဝွေꩻဗွေႏတကာႏလုံဖါ (စင်ꩻဖါတိ)နောဝ်ꩻ ဝါႏသနာႏမွေးစွဉ်ႏ ဟော်ꩻလိတ်တဲင်ပေါႏပွယ်ꩻမသာႏနောဝ်ꩻ ဝင်ꩻပင်ꩻဟော်ꩻလိတ်သုတ္တနိဗ္ဗာန်ႏ၊ ပေါႏထင်ႏဆောက်တဲႏ အွိုးကျောင်ꩻတဲ့ ဟော်ꩻလိတ်ပပ်စခါ၊ ယလဲင်ႏလဲင်ႏတဲ့ ဖစ်လွဉ်လိုꩻဖြား အွိုးဝွေꩻလမ်းကို လွူးစာႏဂထာꩻအံႏ၊ အွဉ်ႏတံꩻနေင်းထီ၊ ဓမ္မဒါနအနေႏ ဟော်ꩻနယ်ဖေႏ လိတ်ဖုံႏနောဝ်ꩻသွူ။\n\nဝွေꩻဗွေႏတကာႏလုံဖါနောဝ်ꩻ အဒါႏပါငေါဝ်းတဲက်အာပသာႏတန်၊ ယဟာဟာတဲ့ သွဉ်ဖေႏဝွေꩻဗွေႏ၊ ငေါဝ်းတဲက်ယပွုတ်ပွုတ်နောဝ်ꩻ ထွာဒျာႏသမဲင်ꩻမတ်တန်ꩻ၊ ဥပမာႏ- အဖါကသွဉ်ဖေႏ ဝွေꩻဗွေႏငေါဝ်းတဲက်တပွုတ်နောဝ်ꩻ နုဲင်းယို -\"သျင်ႏခွေယိုနောဝ်ꩻ ဆရာႏခယ်ႏ၊ သတင်ꩻကျောႏလယ်ႏ နံပါတ်ထွန်း (ဟိုန်း)၊ မဲ့ခူꩻတဗွန်း နမ်းတကျောင်ႏ၊ လိုꩻကုဲင်ကျောႏခေါင်ႏ တရမ်းပြေး၊ တစ်နှစ်သုံးလေး ဒေါ့ꩻအနေင်ႏ၊ လွယ်လုံထောင်ႏဆေင်ႏ အော��်ႏနွုတ်ꩻကြဲမ်၊ နာꩻဝေးသျင်ႏခွေ ကာႏဝဲန်ဗꩻ၊ ယꩻတွမ်ႏနꩻ လောႏလွဉ်ꩻဒါႏ၊ မွူးပေႏထွိုင်ႏဟာ ခေ့ꩻရောင်းရိမ်ꩻ၊ ထောင်ႏထိန်ꩻသား မော့ꩻတောတံႏ၊ တဆီငတ်ꩻဆင်ႏ စောက်ꩻဖါးဝင်\"ရိုꩻနုဲင်းနောဝ်ꩻ၊ ငေါဝ်းတဲက်ယိုနောဝ်ꩻ ထွာနုဲင်း \"ကာလကျောႏလယ်ႏ-ဆရာႏခယ်ႏ\"သမဲင်ꩻတခူတခေါဝ် ရိုꩻဗာႏနုဲင်းနောဝ်ꩻ၊ စခါလွယ်လုံခမ်းသူꩻနောဝ်ꩻ ထောင်ႏအောဝ်ႏ၊ စောက်ꩻဖါးလိုꩻဖုံႏ အောဝ်ႏထိန်ꩻထောင်ႏသား၊ ပေါႏထောင်ႏသား လွစ်ထန်ႏထိုꩻနောဝ်ꩻ စောက်ꩻဖါးတွဲႏအလိုꩻ တဆီငတ်ꩻဆင်ႏ သေဗာႏ လွယ်လုံသမဲင်ꩻ တခူးတခေါဝ်နုဲင်းနောဝ်ꩻသွူ။\n\nအုံကျောင်ꩻ သွဉ်ပညာႏချိန်ႏ \nဝွေꩻဗွေႏနောဝ်ꩻ ထွာအတန်သွတ်ꩻတဲင် နေးဗာႏမွိုင်းဒျာႏ ဖူးဖုံႏတွော့ꩻ တွိုႏနေင်ႏ ၁၃၁၄-ဗာႏ၊ (သက်တောႏ လꩻ-၁၁)နဝ်ꩻမꩻ ဝွေꩻဗွေႏတကာႏလုံဖါ ထင်ႏအပ် ဗွေႏဗွန်ဖြား-သီႏသဲင်ႏထျꩻ၊ ဗွေႏဗွန်ဖြား-သီႏသဲင်ႏနောဝ်ꩻ အံႏထွဉ်ႏအာ ဝွေꩻဗွေႏသီးဖါတဲင် ယလဲင်ႏလဲင်ႏ ထင်ႏလွဉ်ꩻဖါ၊ ဗွေႏဗွန်ဖြား ဖေႏခွိုꩻတခိုးတွော့ꩻ သွီႏဗော့ꩻဗွေႏဗွန်ဖြား၊ ဖဉ်းဗွေႏဗွန်ဖြား ခါးလားကအုံကျောင်ꩻနောဝ်ꩻကာႏ၊ သဲစ်ကအုံကျောင်ꩻလဲ့ ဗွေႏဗွန်ဖြားထူႏရေꩻ သွဉ်စလွေꩻဖေႏ လိတ်မွူးအျကျောင်ꩻ သေဗာႏနုဲင်းနဝ်ꩻသွူ။နေင်ႏ ၁၃၁၆-ဗာႏ၊ ဒဲဉ်သံဆန်ꩻ (၈)နီꩻနောဝ်ꩻ ဗုဲင်သျင်ႏ၊ ဗုဲင်သျင်ႏနောဝ်ꩻ ဗွေႏဗွန်ဖြား စီႏစဲဉ်ႏအအဲဉ်ႏစားလွုမ်ꩻ၊ ထွဉ်ႏဖစ်ထင်ႏကွို့ꩻ ဖူးဝေးဒုံကို အဖြာꩻနီဆီရပ်လွုမ်ꩻ၊ ဝွေꩻဗွေႏကဗုဲင်သျင်ႏနောဝ်ꩻ ကျွꩻထင်ႏကျောင်ꩻကီ ဗွေႏဗွန်ဖြားတပါꩻဒျာႏ၊ ဗုဲင်သျင်ႏတဲ့ ဝွေꩻဗွေႏတပါꩻဒျာႏနောဝ်ꩻသွူ။ ဝွေꩻဗွေႏဗုဲင်သျင်ႏထွူ အတကာႏမမွိုးနောဝ်ꩻ ဖွစ်ꩻဖျိုးကျောင်ꩻကီထွူတဲင် လွဉ်ထေ့အပိုဗွေႏသျင်ႏထျꩻ၊ ခေါက်ဟောဝ် အပိုခွမ်ꩻလာꩻထွူတွော့ꩻ -\" ပိုခို တောင်ꩻတောင်ꩻနေား၊ ကားယိုမာꩻငါနောဝ်ꩻ ပိုခိုအတာႏ ခွမ်ꩻလာꩻငိုꩻအဲဉ်ထောဝ်း၊ အဝ်ႏဒျာႏ သင်ႏကန်ꩻငိုꩻလွုမ်ꩻ ပိုခိုနေား\" အမွိုးဒေါ့ꩻဖေႏ အပိုသျင်ႏပေႏ (ကောဝိဒ)နုဲင်းနောဝ်ꩻ၊ အပိုသျင်ႏ (ကောဝိဒ)နောဝ်ꩻ ကွပ်ပွိုးနာႏလွဉ်ꩻ \"မွိုးငေါဝ်းခံꩻတူႏ-နေးထူႏမွိုးငွါခံꩻခြုံး\"နောဝ်ꩻတဲင် ယိုခါနောဝ်ꩻ ထွာဗာႏစွဉ်ႏ \"ဗွေႏဗွန်-သီႏသဲင်ႏ၊ ဗွေႏကောဝိဒ\"နောဝ်ꩻသွူ။\n\nဝွေꩻဗွေႏနောဝ်ꩻ နေင်ႏ ၁၃၁၆-ဗာႏ၊ လွေꩻနွို့ပွယ်ꩻပြန်ႏလိတ် လွယ်ပွတ်ꩻ အောင်ႏမူလတန်ꩻ၊ နေင်ႏ ၁၃၁၇-ဗာႏနောဝ်ꩻ သမုတ်သိမ်ႏ ကျောင်ꩻဝေင်ꩻ သီႏသဲင်ႏ (ယိုခါ-ဇဝနာရာမ) အွဉ်ႏပါပွယ်ꩻပ��န်ႏလိတ်၊ ဝွေꩻဗွေႏနွို့ပြန်ႏတဲင် အောင်ဖျင်စွဉ်ႏ ပထမတန်ꩻနောဝ်ꩻသွူ။နေင်ႏ ၁၃၁၈-ဗာႏ၊ ဒဲဉ်ရုတ်ꩻဆန်ꩻ (၈)နီꩻ၊ ထင်ႏအုံကျောင်ꩻတန် မွဉ်ခြဲင်-တောင်ႏကီꩻ၊ အတွင်ꩻနောဝ်ꩻနောဝ်ꩻ ဝွေꩻဗွေႏသီးမွိုးဖူးခို စင်ꩻနာရဒနောဝ်ꩻ အောဝ်ႏထွာ ပုဂ္ဂိုလ်ႏချꩻလိတ်တဲင် ဝွေꩻဗွေႏထင်ႏစလိတ် ဖူဗွေႏစင်ꩻထျꩻ၊ နေင်ႏ ၁၃၁၉-ဗာႏနောဝ်ꩻ အောင်ႏညောင်ႏရွီႏ ပထမတန်ꩻ ဖြေႏ+ပြန်ႏနောဝ်ꩻသွူ။\nတွိုႏနေင်ႏ ၁၃၂၀-ဗွေနောဝ်ꩻ နွို့ဒုတိယတန်ꩻ၊ ဖြေႏအောင်ႏလꩻဒျာႏ စွုမ်ႏနီꩻနီꩻတဲ့ သမ်းထဲ့တဲင် ဝွေꩻဗွေႏထူႏလွေꩻ တွမ်ႏငေါဝ်းရီပုစ္ဆာႏ လွေꩻထေ့စွဉ်ႏဒျာႏ \"စာပွဲအကျိုးတော်ဆောင်ချုပ်\"ဗွေႏဆရာႏတောႏ၊ ကျောင်ꩻအင်းခြံ (ဘဒ္ဒန္တဓမ္မပါလာဘိဝံသ)ထျꩻ၊ \"ဖြေႏလꩻဒျာႏ စွုမ်ႏနီꩻနီꩻ၊ မာꩻနုဲင်းမုဲင်ꩻမုဲင်ꩻတဲ့ယောဝ်း ခွေသွဉ်းတထဲ့နွောင်ꩻတောဝ်း၊ ယိုပုစ္ဆာႏ - ဗွေႏဆရာႏ မဉ်ရီအပွုတ်မုဲင်ꩻရီဟုဲင်း၊ ခွေသွဉ်းခံႏဖြေႏနယ် ယိုခါခါ\"ရုဲင်းရုဲင်းဟန်ဟန် လောဝ်းဗွိုန်ႏနုဲင်းနောဝ်ꩻလဲ့တရောဝ်း၊ ဗွေႏဆရာႏတောႏနောဝ်ꩻ ခံႏယပ်ꩻဖေႏမွေးစွဉ်ႏ သွဉ်လိတ်သားတာႏလဲ့တရောဝ်း၊ အနေင်ႏနောဝ်ꩻ ဒုတိယတန်သား အောဝ်ႏကွိုꩻလစ်ꩻဆီလွိုလွုမ်ꩻတဲ့တရောဝ်းတဲင် \"ခွေအီႏလွေꩻထွားချာဖေႏ ဗွေႏသျင်ႏကဖြေႏနောဝ်ꩻ ဗွေႏသျင်ႏမဉ်ႏအောင်ႏမွေးတဲ့ ဖေႏအောင်ႏယင်းဒျာႏ\" ဒေါ့ꩻသꩻရေꩻဖေႏ ဝွေꩻဗွေႏနုဲင်းနောဝ်ꩻထွူတွော့ꩻ ဗွေႏဆရာႏတောႏ အင်းခြံနောဝ်ꩻ ကျွꩻလွေꩻစွဉ်ႏ စောက်ꩻဖါးညောင်ႏရွီႏဟော်ကို၊ လွေꩻထွားချာအဖြေႏ၊ အောင်ႏဒျာႏမွေး၊ ပွိုးထမုဲင်ꩻ မထဲ့တွိုးနဲးတဲင် တကာႏသီးကသွင်ꩻ ဝွေꩻဗွေႏအမတ် (ရ-မှတ်)ပေါင်ꩻနောဝ်ꩻ သွင်ꩻမာႏထိုꩻတော သျင်ႏပေႏတပါꩻဘွဲ့ဆꩻငါ၊ ပါꩻသျင်ႏပေႏ အမတ်ပေါင်းဆေ့ꩻနောဝ်ꩻ သွင်ꩻမာႏထိုꩻတော ဝွေꩻဗွေႏဘွဲ့ဆငါ၊ ကွပ်နောဝ်ꩻမꩻ ဝွေꩻဗွေႏထဲ့ထိုꩻဗာႏ ကထွိုင်ႏသေစဲင်းနုဲင်းနောဝ်ꩻတဲင် စောက်ꩻဖါးညောင်ႏရွီႏ စဝ်ရွှေသိုက်နမ်းနမ်း တောင်ꩻပြန်ႏဗာႏစွဉ်ႏ ဗွေႏဗွန်ဖြားကျောင်ꩻတန် (ဘဒ္ဒန္တနရိန္ဒ)၊ ဗွေႏဗွန်ဖြား ထွိုင်ႏဖျော်သဲင်ꩻချာ ကတယ်ꩻကျောင်ꩻ ရွှေဂူနောဝ်ꩻတဲင် ဟဲ့ꩻလွဉ် ဝွေꩻဗွေႏဒေါ့ꩻဖေႏနုဲင်းယို -\n\"တပဲ့ꩻဟွေး - နာꩻယံမွေး၊ ကားကားနဲ့ နာꩻလွေꩻလောဝ်း၊ မဉ်ႏမွေးတဝ်းနောဝ်ꩻ နာꩻထဲ့ခြေင်၊ လိုꩻခိုပေႏဟ- ပေါႏနီမွေးဒျာႏ၊ မဲဉ်ႏဒျာႏနောဝ်ꩻ ငမ်းမွိုန်းပါꩻ၊ မာꩻရုဲင်းရုဲင်းဗာႏ\" ဖေႏအာႏဩဝါဒ-စတဲင်နုဲင်းနောဝ်ꩻသွူ။ ဝွေꩻဗွေ���အောင်ႏယင်းကီတဲ့ ဝင်ꩻတဲမ်းစူနေး ဆလသွတ်ꩻ အောင်ႏစဲဉ်ႏ-၃၇ နောဝ်ꩻသွူ။\n\nသီႏသဲင်ႏ-ဘုရာꩻဗွာ၊ စင်ꩻဖါဆရာႏမှတ် (ပြည်နယ်လွှတ်တော် ခွန်လှသိန်း-ဖါဖြား)+စင်ꩻမွိုးမူႏ(ဇာႏတိ-ဖါမွိုန်း)၊ စင်ꩻမွိုးယွယ်ꩻ (ဇာႏတိ-ဟိုနမ်း)သီး ခံႏထွာဖေႏ ပစ္စေꩻတကာႏ၊ ဗွေႏဗွန်ဖြားသီႏသဲင်ႏ (ဘဒ္ဒန္တဇဝန၊ အဂ္ဂမဟာပဏ္ဍိတ၊ နိုင်ငံတော်ဩဝါဒါစရိယ) နောဝ်ꩻ ထွာဖေႏ ဥပဇ္ဈာယ်ႏဆရာႏတဲင် နေင်ႏ ၁၃၂၃-ဗာႏ၊ ဒဲဉ်ရုတ်ꩻဆန်ꩻ (၈)နီꩻ (၁၉၆၁၊ ဧပြီလာ-၂၁) သောကျာႏနီꩻနောဝ်ꩻ ထွာ \"စင်ꩻကောဝိဒ\"နောဝ်ꩻသွူ ဝွေꩻဗွေႏအုံကျောင်ꩻတန်မွဉ်ခြဲင်နောဝ်ꩻ လꩻလဲဉ်းငတ်ꩻနေင်ႏ၊ ဝွေꩻဗွေႏကထင်ႏထေ့ဗာႏလိတ် ဆရာႏဖုံႏနောဝ်ꩻ ဗွေႏဗွန်ဖြား၊ ဗွေႏစင်ꩻတန်တိလောက၊ ဗွေႏစင်ꩻတန်းဓမ္မသာမိ၊ ဗွေႏစင်ꩻတန်ဝရိန္ဒ၊ ဗွေႏစင်ꩻတန်ဝိစာရ၊ ဗွေႏနာရဒ၊ ဗွေႏပညာသာမိ၊ ဗွေႏဣန္ဒက၊ ဗွေႏအာဒိစ္စ၊ ဗွေႏဇောတိက-စတဲင် ဆရာႏဖုံႏနောဝ်ꩻထျꩻတဲင် အောင်ႏလꩻ အစိုႏရပွယ်ꩻရီလိတ် ပထမငယ်တန်ꩻ၊ ပထမလတ်တန်ꩻတွော့ꩻ ဝွေꩻဗွေႏဆရာႏ၊ ချꩻလိတ်သား ဗွေႏပညာႏသာမိ (ဆုဲင်ꩻနောဝ်ꩻ ထွာဗွေႏဆရာႏတောႏ ကျောင်ꩻပေါမူ)နောဝ်ꩻ အီႏပသာလွေꩻဖေႏဝွေꩻဗွေႏ ညောင်တုန်း၊ ထွဉ်ႏလွေꩻရီအခွင်ꩻ ဗွေႏဗွန်ဖြားကျောင်ꩻတန်ထျꩻ၊ လꩻဗွေႏဗွန်ဖြား အခွင်ꩻတဲင် နေင်ႏ ၁၃၂၄-ဗာႏ၊ ဒဲဉ်စေတ်ꩻလာဆန်ꩻကိုနောဝ်ꩻ လင်ꩻအုံတော ဧရာဝတီတိုင်း၊ ဝေင်ꩻညောင်တုန်း ရွှေဟင်္သာတောရ ပါဠိတက္ကသိုလ်ႏကျောင်ꩻနောဝ်ꩻသွူ။\n\nဝွေꩻဗွေႏကံႏဟောဝ်ငါႏ၊ ဝွေꩻဗွေႏကလꩻခင်ႏလမ်း၊ ကကိန်ꩻသော့ꩻကျောင်ꩻနောဝ်ꩻ သံႏဃာႏအောဝ်ႏ (၂၄)ပါꩻ၊ ကျောင်ꩻအဖြုံႏနောဝ်ꩻနောဝ်ꩻ (ဝံသာနုတိုက်ကျောင်း) တိုက်အုပ်ဆရာႏတောႏကျောင်ꩻ၊ တိုက်အုပ်နောဝ်ꩻ ဆုဲင်ꩻချာထွာတေားစွဉ်ႏ \"စတုတ္တစံကျောင်းဆရာတော်၊ ဘဒ္ဒန္တဝိမလ၊ အဂ္ဂမဟာပဏ္ဍိတ၊ အဘိဓဇမဟာရဋ္ဌဂုရု၊ နိုင်ငံတော် သံဃမဟာနာယကအဖွဲ့၊ ဒုတိယဥက္ကဋ္ဌ\"နောဝ်ꩻသွူ။ဝွေꩻဗွေႏကံႏကယိန်းဟောဝ်ငါႏနောဝ်ꩻ တဲႏ ၁၃၂၅-ဗာႏ ဗꩻလွေꩻ ၁၃၂၉-ဗာႏ (၄)နေင်ႏဗွေဗွေ ဝွေꩻဗွေႏ အုံထေ့တွိုက်ဗာႏ တိုက်အုပ်ဆရာႏတောႏ၊ မာꩻဖေႏဗာႏ တိုက်အုပ်ဆရာႏတောႏဝွတ်ပတ်၊ ထွာဗာႏတိုက်အုပ်ဆရာႏတောႏနောဝ်ꩻ (ရိုးစာရေး)၊ တိုက်အုပ်ဆရာႏတောႏနောဝ်ꩻ မဲ့ဟောဝ်တောဝ်း၊ စူတနွော့ꩻတဲင် ဝွေꩻဗွေႏတဲမ်းဖေႏဗာႏ တိုက်အုပ်ဆရာႏတောႏလိတ်၊ ဆရာႏတောႏ သဘော်ꩻကျတဲင် ကွဲညညနောဝ်ꩻ ခွုမ်ပါဗာႏစွဉ်ႏ စာႏရင်ꩻကျောင်ꩻကိုဖုံႏနောဝ်ꩻယင်သွူ။ဝွေꩻဗွေႏ အုံညောင်တုန်��� ရွှေဟံသာတောရ ကျောင်ꩻတွိုက် (၅)နေင်ႏ၊ ကထင်ႏထေ့ဗာႏလိတ် ဗွေႏဆရာႏဖုံႏနောဝ်ꩻ ဘဒ္ဒန္တဣန္ဒဝံသ၊ ဘဒ္ဒန္တဣန္ဒာဝုဓ၊ ဘဒ္ဒန္တကုသလ၊ ဘဒ္ဒန္တသံဝရ၊ ဘဒ္ဒန္တသက္ကပါလ-နောဝ်ꩻဖုံႏသွူ။ အုံနောဝ်ꩻကို အောင်ႏလꩻ \"သာသနပါလပထမကြီးတန်ꩻ၊ သာသနပါလဓမ္မာစရိယ၊ အစိုႏရပထမကြီးတန်ꩻ၊ အစိုႏရဓမ္မာစရိယစာချတန်း သီလက္ခန်ႏကျမ်ꩻ၊ အဋ္ဌသာလိနီကျမ်ꩻ\"ဖုံႏနောဝ်ꩻသွူ။\n\nဝွေꩻဗွေႏနောဝ်ꩻ အုံဗာႏတိုက်အုပ်ဆရာႏတောႏ ခင်ႏထျꩻတဲင် လꩻသေꩻ တိုက်အုပ်ဆရာႏတောႏ ဩဝါဒအာတန်သွူ။ ဩဝါဒဖုံႏနောဝ်ꩻ ယံငါႏ၊ ဥပမာႏ - *\"စိတ်ဆိုးတုန်း စကားမပြောနဲ့၊ စိတ်ဆိုးတုန်း စာမရေးနဲ့\"စတဲင်နုဲင်းနောဝ်ꩻဖုံႏသွူ။\nခꩻတနီꩻ - ဝွေꩻဗွေႏသွꩻပေႏဟောဝ် သျင်ႏလုံကောသလ္လာယန (အင်းလေး-အင်းလျား၊ ယိုခါ ထွာထွက် - ဦးကျော်မြင့်၊ အဝ်ႏအုံ တောင်ကြီး-အေးသာယာ) နောဝ်ꩻ လွဉ်လောဝ်းတေ့ꩻ ဝွေꩻဗွေႏနုဲင်းယို -\n\"ဟန်ႏရောဝ်ꩻ ဆရာႏတောႏတွမ်ႏ ပုဂ္ဂိုလ်ႏချꩻလိတ်သားဖုံႏ တွိုင်ႏပင်ႏလို့ဝင်ꩻ၊ ၁၃၃၀-ဗာႏ၊ ဝါႏဆိုႏဆန်ꩻငါယို နီဗွေႏနောဝ်ꩻ ဝင်ꩻအီႏအွဉ်ႏထွာ ဗိုလ်ကျောင်းဘုန်းကြီး၊ ဝင်ꩻအီႏအွဉ်ႏချꩻလိတ်-တဲ့၊ နီဗွေႏနောဝ်ꩻ သဲင်ꩻအုံကျောင်ꩻချာ လꩻဒွုမ်ကွေး\"ဒေါ့ꩻစတဲင်နုဲင်းနောဝ်ꩻသွူ။\nကအီႏလွေꩻအုံညောင်တုန်းခါ ကလွေꩻကွီအခွင်ꩻ ဗွေႏဗွန်ဖြားကျောင်ꩻတန်ထျꩻနောဝ်ꩻ ဗွေႏဗွန်ဖြားရိုꩻ \" မဉ်ႏလꩻညောင်တုန်းတဲ့ နာꩻအုံဗာႏ၊ မဉ်ႏလꩻတောဝ်း ညောင်တုန်းနောဝ်ꩻ နာꩻသဲင်ꩻထေ့ဗာႏချာဗာႏ ခွေထျꩻယို၊ နာꩻခံႏသဲင်ꩻနေဟောင်း\" \n\"ခံႏသဲင်ꩻဒျာႏ ဗွေႏအော်\"\n\"ဒါမှ ငါ့တပဲ့ကွ\" ဗွေႏဗွန်ဖြားရိုꩻနုဲင်းနဝ်ꩻထွူတဲင် ဖေႏပါဩဝါဒအမျိုꩻမျိုꩻ၊ ဝွေꩻဗွေႏတဲ့ တွိုႏတနီꩻခါ ရေႏသဲင်ꩻအုံချာ ကျောင်တန်ရင်ꩻရင်ꩻ၊ ကွပ်နောဝ်ꩻမꩻ သဲစ်ကဟွိုန်သတင်ꩻနောဝ်ꩻတဲ့ တလဲင်ႏချင်ꩻ တဲမ်းလိတ် လောဝ်းသဲင်ꩻစွဉ်ႏ ဗွေႏဗွန်ဖြားကျောင်ꩻတန်၊ ထွဉ်ႏဗွေႏဗွန်ဖြား အပ်ဖေႏတေား မြောင်းမြ-ပဇ္ဇောတာရုံ ပါဠိတက္ကသိုလ်ႏကျောင်ꩻ၊ ဗွေႏဗွန်ဖြားအပ်ဖေႏတဲင် အုံခွင်ꩻလꩻစွဉ်ႏ၊ ကွပ်နောဝ်ꩻမꩻ အီႏလွေꩻအုံ မြောင်းမြအကျောင်ꩻနောဝ်ꩻ တိုက်အုပ်ဆရာႏတောႏ သေရီးထိုꩻ၊ မဉ်ႏဖေႏလွေꩻတောဝ်းတဲ့ အုံဝွေꩻဗွေႏထျꩻနောဝ်ꩻ (၅)နေင်ႏလဲန်း၊ အစင်းရဲခါꩻတောဝ်း၊ ကွဲႏတွော့ꩻ ဝုဲင်ႏဘုရာꩻထွူ မွူးဟာခိုႏနောဝ်ꩻ ဆရာႏတောႏ ဖေႏဩဝါဒနုဲင်းယို-\n\"အချို့အချို့သော စာသင်သားများဟာ အရိပ်အာဝါသ အလွန်ကောင်းတဲ့ သစ်ပင်ကြီးအောက���မှာ ရောက်နေပါလျက် ဟိုရှေ့ကို လှမ်းကြည့်ပြီးတော့ ဟိုသစ်ပင်ကြီးဟာ ဒီသစ်ပင်ကြီးထက် အရိပ်အာဝါသ ပိုကောင်းမှာဘဲ ထင်ပြီးတော့ ဟိုသစ်ပင်ကြီးအောက်ကို သွားဖို့လုပ်နေတယ်၊ အရိပ်အာဝါသချင်း အတူတူပါဘဲ၊ သွားဖို့မလိုဘူး၊ ပင်ပန်းရုံဘဲ\"စတဲင်နုဲင်းနောဝ်ꩻ ဖေႏဆွာꩻတရွားမွေးစွဉ်ႏ ဩဝါဒနောဝ်ꩻသွူ။\nတိုက်အုပ်ဆရာႏတောႏ ထွဉ်ႏဗွေႏဗွန် ကချꩻဖေႏဝွေꩻဗွေႏလိတ်ဖုံႏနဝ်ꩻ တပါꩻထွူတပါꩻ၊ ထွဉ်ႏချꩻနားဝွေꩻဗွေႏ၊ ဝွေꩻဗွေႏလောဝ်းချာ -\n\"ဆရာရင်းက မြောင်းမြကိုပြောင်းဖို့ အမိန့်ရှိပြီ၊ မပြောင်းလဲမကောင်းတဲ့အတွက် မြောင်းမြမှာ ဝါတွင်းသုံးလဘဲနေမယ်၊ ဝါကျွတ်ရင် ပြန်လာမယ်ဘုရား\"ဝွေꩻဗွေႏလောဝ်းလဲဉ်သꩻရေꩻနုဲင်းနောဝ်ꩻ စွုမ်ႏပါꩻပါꩻနောဝ်ꩻသွူ။\n\nတိုက်အုပ်ဆရာႏတောႏ ဟဲ့ꩻထင်ႏ \"သာသနပါလအသင်းဥက္ကဋ္ဌ-ဦးလူသာ၊ အတွင်းရေးမှူး-ဦးထွန်း\"ထွဉ်ႏပင်ꩻခါꩻ ဝွေꩻဗွေႏ၊ တကာႏဖုံႏနောဝ်ꩻ လောဝ်းဝွေꩻဗွေႏနုဲင်းယို -\n\"အရှင်ဘုရား - တိုက်အုပ်ဆရာတော်က အရှင်ဘုရားကို မပြောင်းစေချင်ဘူး၊ အရှင်ဘုရား လိုလေသေးမရှိအောင် ဒီညောင်တုန်းမှာ အချမ်းသာဆုံး ဒကာခြောက်ဦး ပူးပေါင်းပြီးတော့ အရှင်ဘုရားကို သိက္ခာထပ်မယ်၊ ပစ္စည်းလေးပါး ဒကာခံမယ်\"\nတကာႏဖုံႏ ငေါဝ်းတန်ꩻသွတ်ꩻတောဝ်းဒွိုန်း ဝွေꩻဗွေႏဒေါ့ꩻသော့ꩻနုဲင်းယို -\n\"အဲဒီလိုမပြောပါနဲ့ ဒကာကြီး၊ ဦးဇင်းရဲ့ ရဟန်းဒါယကာ \"ဦးဆရာမှတ်ဆိုတာ အင်္ဂလိပ်စစ်သား၊ တပ်ကြပ်ကြီး၊ ဝိတိုရိယ ဘုရင်မကြီးကိုယ်တိုင် ဆုချီးမြှင့်ခြင်းခံရတဲ့ knight-နိုက်ဆုရ သူရဲကောင်းဘွဲ့ရ၊ ဆီစက်ရှိတယ်၊ ကားကြီးကားငယ် ငါးစီးရှိတယ်၊ မယားတောင်မှ နှစ်ယောက်ယူထားတယ်\"ဝွေꩻဗွေႏထွိုင်ႏနက်ချာနုဲင်းနောဝ်ꩻတဲင် တကာႏဖုံႏနောဝ်ꩻ တအံ့တဩ ထွားစဲင်းဝွေꩻဗွေႏတွော့ꩻ ဒေါ့ꩻထဲင်းဒွုမ် ထမုဲင်ꩻမုဲင်ꩻနောဝ်ꩻသွူ။\n\nနေင်ႏ ၁၃၂၉-ဗာႏ၊ ဒဲဉ်ဟားဆန်ꩻ (၇)နီꩻ မွူးနီꩻ-ကျာႏသပတေꩻ၊ (၁၉၆၈၊ ဧပြီလာ-၄ နီꩻ) ဝွေꩻဗွေႏအောဝ်ႏညောင်တုန်း ခြုဲင်းလွေꩻမြောင်းမြ၊ တိုက်အုပ်ဆရာႏတောႏဆုꩻ သင်ႏကန်ꩻ(၂)စွုံႏ၊ လိတ်ထောက်ခံႏတစောင်ႏ၊ သင်ႏဘော်ꩻခꩻတဲ့ ဆရာႏတောႏဖေႏပါဒျာႏ၊ ဆရာႏတောႏ ထွဉ်ႏကော်ပီႏ မောင်သန်းစိုးတွမ်ႏအသွꩻနီဖြာꩻ လွေꩻပသာဝွေꩻဗွေႏ အွိုးသင်ႏဘော်ꩻဆိတ်နောဝ်ꩻသွူ။ ထွိုင်ႏအုံမြောင်းမြ-ပဇ္ဇောတာရုံ ပါဠိတက္ကသိုလ်ႏကျောင်ꩻနောဝ်ꩻတဲ့ တလာတလဲင်ႏ ဗွေႏဆရာႏတောႏညောင်တုန်း သော့ꩻလွဉ်လိတ်�� ထွိုင်ႏဗꩻသွံစောင်ႏကိုနောဝ်ꩻ မြောင်းမြဆရာႏတောႏ (ဘဒ္ဒန္တဉာနိက၊ ဓမ္မာစရိယ၊ ဘာသန္တရဆေက၊ ဘီအေ)နောဝ်ꩻ ဗွောင်ထွားစံꩻ၊ ရီဝွေꩻဗွေႏ ကအုံညောင်တုန်းတွင်ꩻနောဝ်ꩻ မာꩻဖေႏဆရာႏတောႏထမုဲင်ꩻ၊ ဝွေꩻဗွေႏခြုဲင်းနယ် တွိုႏတလဲင်ႏတွော့ꩻ မြောင်းမြဆရာႏတောႏ ထွဉ်ႏဝွေꩻဗွေႏ လိတ်အုပ်ကအောဝ်ႏ ဆရာႏတောႏကျောင်ꩻဖုံႏနောဝ်ꩻ ထွဉ်ႏမာꩻဖေႏစာႏရင်ꩻ၊ ဝွေꩻဗွေႏမာꩻဖေႏ ပဉ်စားပဉ်စားထွူတဲင် စာႏရင်ꩻနောဝ်ꩻ လွေꩻကပ်ဆရာႏတောႏ၊ ဗွေႏဆရာႏတောႏမြောင်းမြ ထွားစာႏရင်ꩻထွူတွော့ꩻ -\n\"ဒါကြောင့် ညောင်တုန်းတိုက်အုပ် လက်စွဲဖြစ်သကိုး\"ရိုꩻနုဲင်းနောဝ်ꩻသွူ။\nဝွေꩻဗွေႏနောဝ်ꩻ မြောင်းမြဆရာႏတောႏ ခတ်ကယ်ꩻတေ့ꩻ၊ ဆရာႏတောႏရီတေ့ꩻပါ သျင်ႏဝေပုလ္လ (မဲင်ꩻပေႏ၊ ယိုခါ ထွာကျိုက်သီမွန်ဆရာႏတောႏ၊ အဂ္ဂမဟာပဏ္ဍိတ၊ နိုင်ငံတော် ဗဟိုသံဃာ့ဝန်ဆောင်၊ အကျောင်ꩻတွိုက် အောဝ်ႏ ရွှေတိကွုန်ႏဆလကွဉ်ႏ)နောဝ်ꩻယင် အပွုံႏရမွေးဒျာႏတွော့ꩻ ကအောဝ်ႏခြေင်တွင်ꩻနောဝ်ꩻ တနီꩻတစိꩻစိꩻ သူလာကို ဆရာႏတောႏ သွဉ်ဖေႏဝွေꩻဗွေႏ အင်္ဂလိပ်၊ အီႏဟဲ့ꩻလွေꩻနဲင်ႏငန်ႏချာ ဆရာႏတောႏ ရေႏနုဲင်းနောဝ်ꩻသွူ။\n၁၃၃၀-ဗွေနေင်ႏနောဝ်ꩻ အောင်ႏထဲင်း ပါရာဇိကဏ်ႏကျမ်ꩻတဲင် လꩻ\"သာသနဓဇဓမ္မာစရိယ\"ဘွဲ့နောဝ်ꩻသွူ။ ၁၃၃၁-ဗာႏနေင်ႏနောဝ်ꩻ ဝွေꩻဗွေႏရေႏဖြေႏ \"မြန်မာဂုဏ်ထူး\"တမျိုꩻလွုမ်ꩻ၊ ဆရာႏကချꩻဖေႏလိတ် (ဘဒ္ဒန္တကာရုဏိက)နောဝ်ꩻ ထွဉ်ႏဖြေႏပါ ပါဠိဂုဏ်ထူးတဲင် နာႏဆရာႏငေါဝ်း မာꩻနီမျိုꩻ၊ ဝွေꩻဗွေႏနောဝ်ꩻ စာမေးပွဲ ကုသိုလ်ႏကံႏညံးဒျာႏရင်ꩻတွော့ꩻ (၁၃၃၁-ဗာႏနေင်ႏ)နောဝ်ꩻ မြန်မာဂုဏ်ထူးတဲ့ တအောင်ႏတောဝ်း၊ ပါဠိဂုဏ်ထူးတဲ့ တအောင်ႏတောဝ်း၊ ထဲ့လို့စွဉ်ႏနီမျိုꩻနောဝ်ꩻသွူ။ မဉ်ႏအောင်ႏမြန်မာဂုဏ်ထူးနောဝ်ꩻ လꩻ\"သာသာနဓဇသိရီပဝရ\"ဘွဲ့၊ မဉ်ႏအောင်ႏပါဠိဂုဏ်ထူးနောဝ်ꩻ လꩻ\"ပါဠိပါရဂူ\"ဘွဲနုဲင်းနောဝ်ꩻသွူ။ ဝွေꩻဗွေႏကအုံမြောင်းမြ (၂)နေင်ႏတွင်ꩻ ကထင်ႏထေ့ဗာႏလိတ် ဗွေႏဆရာႏဖုံႏနောဝ်ꩻ ဗွေႏဆရာႏတောႏ ဘဒ္ဒန္တဉာနိက (ဘာသန္တရဆေက)၊ ဘဒ္ဒန္တကုမာရ (ပန်းကုံးကျမ်းပြု)၊ ဘဒ္ဒန္တဣန္ဒဝံသ (ပါဠိပါရဂူကျမ်းပြု)၊ ဘဒ္ဒန္တကာရုဏိက (ဓမ္မာစရိယ၊ ပါဠိပါရဂူမျက်ရှုကျမ်းပြု)နောဝ်ꩻဖုံႏသွူ။\n\nသွဉ်ပညာႏထွူ ထေင်းထမ်ႏ (လိတ်လုဲင်ꩻ၊ ဘာႏသာႏ၊ သာႏသနာႏ၊ စွိုးခွိုꩻ)တာႏဝွန်ႏချိန်ႏ \n၁၃၃၂-ဗာႏနေင်ႏနောဝ်ꩻ ဗွေႏဗွန်ဖြားသီႏသဲင်ႏ (ဘဒ္ဒန္တဇဝန၊ သက်တောႏ-၈၆)နေင်ႏနောဝ်ꩻ ဆာတောဝ်ထာꩻ၊ ထ���်ႏဗာႏဆေးရုံတောင်ႏကီꩻ၊ ဝါႏဆိုႏသွူတဲ့ ဟောဝ်တောဝ်းဒွိုန်းတဲင် အနေင်ႏနောဝ်ꩻနောဝ်ꩻ သဲင်ꩻပွေါဗာႏဒျာႏ ဗွေႏဗွန်ဖြား၊ သျင်ႏပေႏအောဝ်ႏ ၃၈-ပါꩻတဲင် ဗွေႏပုညဓမ္မ၊ ဗွေႏကောဝိဒ၊ ဗွေႏပညာသာမိ (ရော့ꩻတဖူးတဝေး) ဗွေႏသီးသွံပါꩻနောဝ်ꩻ တွိုင်ႏပင်ႏလို့ဝင်ꩻ ဗွောင်ပါခန်း \"ဇဝနာရာမ\"လိတ်သွဉ်တွိုက်နောဝ်ꩻသွူ။ ကဗွောင်စလိတ်သွဉ်တွိုက် ဝွေꩻဗွေႏဆရာႏ ဗွေႏဗွန်ဖြား ဖေႏဝွေꩻဗွေႏဩဝါဒ \"မာꩻကုဲင်းကုဲင်း၊ မာꩻရုဲင်းရုဲင်း၊ မာꩻထွာထွာဟုဲင်း\"နောဝ်ꩻသွံငွါလွုမ်ꩻသွူ။\n\nနေင်ႏ ၁၃၃၃-ဗာႏ၊ လင်ꩻနွို့ညောင်ႏရွီႏ မူလတန်ꩻ အပြန်ႏခြေင်ခြေင်သွံပါꩻ၊ အောင်ႏသျင်ႏပညာလောက၊ သျင်ႏဓမ္မာလောက နီပါꩻလွုမ်ꩻ၊ သျင်ႏအာလောကနောဝ်ꩻ ထဲ့ထိုꩻဒျာႏ၊ အောဝ်ႏရွီႏသဲင်ꩻ သဲင်ꩻတယ်ꩻကျောင်ꩻတန်၊ ဗွေႏစင်ꩻတန်ဝရိန္ဒရိုꩻ- \"သီလိုꩻဆေ့ꩻပေႏဟ ကိန်ꩻဗော့ꩻသိမ်ႏကိုသူꩻဟုဲင်း\"နုဲင်းနောဝ်ꩻသွူ။ နေင်ႏထွိုင်ႏကွဲညည သံႏဃာႏကွဲအာအာလွဉ်တဲင် အံႏအွꩻတာႏလုမ်းတောဝ်း၊ မွူးရောဝ်ꩻခိုႏ သွုံꩻဗာႏဒဲဉ်ပဲစ်ꩻ (ဆန်ပြုတ်) တနေင်ႏလွို၊ အီႏကိန်ꩻသော့ꩻတာႏ ကျောင်ꩻအဲဉ်ထောဝ်းတဲင် မာꩻဗာႏကျောင်ꩻတန်းလျား (ဗွန်နုဲင်းစဲ့ꩻသားတန်းလျား)၊ တဖဲ့ꩻ ၂၄-ပါꩻꩻ သꩻမီꩻကျောင်ꩻဝါႏ၊ ခင်ႏဖါႏဗွောင်ႏဟံႏလောင်း၊ ကျောင်ꩻနောဝ်ꩻနောဝ်ꩻ ဝင်ꩻဟဲ့ꩻ \"ကျောင်ꩻဖိုးသိုမ်း\"နောဝ်ꩻသွူ။ နမ်းတွမ်ႏနမ်းကျိုꩻစာꩻ (ကိုယ်ထူကိုယ်ထ)ထွိုင်ႏလꩻ (၁၄)နေင်ႏကို သံႏဃာႏအောဝ်ႏတရျာꩻလွို၊ နေင်ႏ ၁၃၄၆-ဗာႏနောဝ်ꩻ ဗွေႏဗွန်ဖြားပင်ꩻစုလို့ သံႏဃာႏသီႏသဲင်ႏတနယ်ႏလိုမ်း၊ မာꩻသီႏသဲင်ႏသံႏဃာႏညီႏလာႏခံႏ၊ အောဝ်ႏညီႏလာႏခံႏ ဆွုံꩻဖျတ်ချက်အလꩻ လိတ်သွဉ်တွိုက်ယိုနောဝ်ꩻ ကားကအောဝ်ႏသဘော်ꩻတူႏ အွဉ်ႏထွာလွေꩻ သီႏသဲင်ႏတဝေင်ꩻနယ်ႏလိုမ်းဆဲင်ႏရာꩻ ဇဝနာရာမလိတ်သွဉ်တွိုက် နောဝ်ꩻသွူ။ တဲႏနောဝ်ꩻမာꩻငါ ဗꩻစွဉ်ႏယိုခါ (သံႏဃာႏအောဝ်ႏသွံရျာꩻလွို) ပစ္စေꩻလစ်ꩻပါꩻ လုမ်းကုမ်ႏဒျာႏနောဝ်ꩻသွူ။\n\nနေင်ႏ ၁၃၃၉-ဗာႏ၊ မွူးနီꩻခွိုꩻပအိုဝ်ႏ ဒဲဉ်သီႏလာဗွေနောဝ်ꩻ မာꩻတောင်ႏကီꩻဝေင်ꩻနယ်ႏ၊ နောင်ယာသုဲင်ꩻ၊ အနေင်ႏနောဝ်ꩻ ပွယ်ꩻတဲတဲဝါးဝါးတန်ကရိုꩻနောဝ်ꩻ အောင်ႏသေပငါပရာꩻတဲင် တဲမ်းလုဲင်း-ခြုဲင်းထဲင်းခရာႏ တလိုႏတောဝ်းဒွုမ်သွူ။ တွိုႏပွယ်ꩻတန်နီꩻ သံႏဃာႏ(၈၀၀)သွစ်ꩻရျာꩻလွိုနမ်းခြောင်ꩻတင် ကအီႏထင်ႏဒေါ့ꩻထာꩻခြေင်ႏလောင်း ခမ်းသားဆငါသူꩻနောဝ်ꩻ ဗွေႏဗွန်နောင်ကာꩻတန် (ဗွေႏပဏ္ဍိတ) တွမ်ႏ ဗွေႏဗွန်မြို့ဦး တောင်ႏကီꩻ (ဗွေႏအရိယဝံသ) သီး ထွဉ်ႏဝွေꩻဗွေႏ ထင်ႏဒေါ့ꩻထာꩻခြေင်ႏလောင်း၊ အတွင်ꩻနောဝ်ꩻ ဝွေꩻဗွေႏသက်လꩻ (၃၇)ဒျာႏ၊ \"စင်ꩻပေႏတပါꩻ တွမ်ႏပွယ်ꩻတန်မဟာႏ၊ ပွယ်ꩻမရေႏမရာႏနုဲင်းယိုနောဝ်ꩻ တလွောက်ꩻတောဝ်း လွောက်ꩻဒျာႏ တွမ်ႏဗွေႏဆရာႏတောႏ နီဗွေႏသီးနီပါꩻ\" ဝွေꩻဗွေႏလောဝ်းချာနုဲင်းနောဝ်ꩻတဲင် ဗွေႏဆရာႏတောႏမြို့ဦး အွဉ်ႏဟိတ်စွဉ်ႏအလွိုး၊ ဖေႏစွဉ်ႏအမိန်းနုဲင်းယို -\n\"ကောဝိဒ - ပေါႏနီထွဉ်ႏနောဝ်ꩻ လွေꩻတေ့ꩻတေ့ꩻ၊ လောဝ်းချာမွိုန်းထမုဲင်ꩻမုဲင်ꩻ'နက်စွဉ်ႏဒျာႏ တစ်ချက်လွတ်အမိန့်တော်နုဲင်းနောဝ်ꩻတွော့ꩻ ဝွေꩻဗွေႏလောဝ်းချာဗွုန်ႏဒွုမ် တငွါငွါ၊ တွမ်ႏခင်ႏကာ မရုဲင်းတရုဲင်းတွော့ꩻ ထင်ႏဗာႏစွဉ်ႏခြေင်ႏလောင်း၊ ဖြားတန်အောင်ႏခမ်းထီရိုꩻ- \"ဗွေႏစင်ꩻကျွꩻလွဉ်သွူ၊ အုံထွိုင်ႏဝုဲင်ႏ ပငါပရာꩻဟုဲင်း\"နုဲင်းနောဝ်ꩻတဲင် လိုꩻတန်ကားကအောဝ်ႏ နောဝ်ꩻကိုဖုံႏနောဝ်ꩻ အုံထွိုင်ႏရိုႏသေႏ ဝုဲင်ႏဆွုမ်ႏဝွေꩻဗွေႏ ပငါပရာꩻနောဝ်ꩻသွူ။ ဝွေꩻဗွေႏ လွေꩻအုံဒင်ႏ ကလာထဲင်လောင်း၊ ဝွေꩻဗွေႏစူထွေဖဲ့ꩻနောဝ်ꩻ ဖြားအောင်ႏခမ်းထီ၊ ဝွေꩻဗွေႏစူစေႏဖဲ့ꩻနောဝ်ꩻ ဗိုလ်မြိုင် (အင်းလေး)၊ တွိုႏအခြပ်အရဲဉ်ႏ အမုဲင်(၇)နောဝ်ꩻ တနꩻဝွေꩻဗွေႏထွိုင်ႏဟော်ꩻ၊ အချွုတ်နောဝ်ꩻ \"လိတ်လုဲင်ꩻ၊ ဘာႏသာႏ၊ သာႏသနာႏကိစ္စ\"ဖုံႏနောဝ်ꩻ ဗွေႏသံႏဃာႏသီး အီႏအွဉ်ငါခွုမ်မာꩻလွေꩻဒျာႏအကျောင်ꩻ-စတဲင်နုဲင်းနောဝ်ꩻသွူ။ (ငဝ်းဟော်ꩻနောင်ယာသုဲင်ꩻယိုနဝ်ꩻ တဲမ်းထန်ႏခါꩻထွူလဲဉ်းဒျာႏနဝ်ꩻသွူ-စီႏခြပ်လိတ်သား)\n\n၁၃၄၉-ဗာႏ၊ ပအိုဝ်ႏလိတ်လုဲင်ꩻစွစ်ꩻလီတာႏ ဗဟိုႏသံဃာႏစွိုꩻအွဉ်ငါ ဗဟိုႏသွဉ်တန်ꩻ အမုဲင်(၃)နောဝ်ꩻ ဗွောင်ဝေင်ꩻနယ်ႏပင်လောင်ꩻ ကျောင်ꩻခြမ်ႏကို၊ တယ်ႏအနေင်ႏနောဝ်ꩻမာꩻငါ ချꩻလွေꩻဖေႏလိတ်နောဝ်ꩻသွူ။ ဗဟိုႏသွဉ်တန်ꩻ အမုဲင်(၁၀)တွမ်ႏ အမုဲင်(၁၆)ပင်ႏလုံ (၂)နေင်ႏနောဝ်ꩻ ဝွေꩻဗွေႏတာႏဝွန်ႏထဲ့ သံဃဝိနိစ္ဆယ ဆွုံꩻဖျတ်တရာꩻ၊ လင်ꩻမာꩻဗာႏထာꩻမာꩻ \"နိုင်ငံတော် သံဃဝိနိစ္ဆယရုံး၊ ကမ္ဘာအေး၊ ရန်ႏကွုန်ႏ\"သူꩻတဲင် ချꩻဖေႏဗာႏတောဝ်းလိတ် (၂)နေင်ႏနောဝ်ꩻလွုမ်ꩻသွူ။\n\nဗဟိုႏသွဉ်တန်ꩻတာႏ ဝွေꩻဗွေႏကတဲမ်းဖေႏ လိတ်ပျဌာန်းဖုံႏနောဝ်ꩻ - \n(၁) ဒုစရဲက်ပါꩻဆီ \n(၂) သုစရဲက်ပါꩻဆီ \n(၃) ပုညကြိယာႏပါꩻဆီ \n(၄) ဒုလ္လဘတရာꩻငတ်ꩻပါꩻ \n(၅) မေတ္တာႏတရာꩻ \n(၆) ဘာႏသာႏရေꩻ ဗဟုသုတ အမုဲင်(၁) \n(၇) ဘာႏသာႏရေꩻ ဗဟုသုတ အမုဲင်(၂) \n(၈) ဘာႏသာႏရေꩻ ဗဟုသုတ အမုဲင်(၃) \n(၉) အင်္���ုတ္တိုရ်ႏ အမုဲင်(၁) \n(၁၀) အင်္ဂုတ္တိုရ်ႏ အမုဲင်(၂) \n(၁၁) အင်္ဂုတ္တိုရ်ႏ အမုဲင်(၃)  \n(၁၂) အင်္ဂုတ္တိုရ်ႏ အမုဲင်(၄) \n(၁၃) ဓမ္မပဒ အမုဲင် (၄) \n(၁၄) ဓမ္မပဒ အမုဲင် (၅) \n(၁၅) ဓမ္မပဒ အမုဲင် (၆) \n(၁၆) ဓမ္မပဒ အမုဲင် (၇) \n(၁၇) ဓမ္မပဒ အမုဲင် (၈) \n(၁၈) ဓမ္မပဒ အမုဲင် (၉) \n(၁၉) ဓမ္မပဒ အမုဲင် (၁၀) \nတောင်ꩻသေꩻ - ယိုခါခါ ဗꩻ (၁၃၈၃-ဟန်ႏနေင်ႏယိုတဲ့ အဝ်ႏတဲမ်းဖေႏနေဒွိုန်းကဒျာႏ ဓမ္မပဒ အမုဲင်-၁၁ နဝ်ꩻသွူ။)\n(၂၀) ငတ်ꩻရျာꩻငတ်ꩻဆီ ဇာတ်ဝတ္ထု အမုဲင်(၁) \n(၂၁) ငတ်ꩻရျာꩻငတ်ꩻဆီ ဇာတ်ဝတ္ထု အမုဲင်(၂) \n(၂၂) ငတ်ꩻရျာꩻငတ်ꩻဆီ ဇာတ်ဝတ္ထု အမုဲင်(၃) \n(၂၃) ငတ်ꩻရျာꩻငတ်ꩻဆီ ဇာတ်ဝတ္ထု အမုဲင်(၄) \n(၂၄) ငတ်ꩻရျာꩻငတ်ꩻဆီ ဇာတ်ဝတ္ထု အမုဲင်(၅) \n(၂၅) ငတ်ꩻရျာꩻငတ်ꩻဆီ ဇာတ်ဝတ္ထု အမုဲင်(၆) \n(၂၆) ငတ်ꩻရျာꩻငတ်ꩻဆီ ဇာတ်ဝတ္ထု အမုဲင်(၇) \n(၂၇) ငတ်ꩻရျာꩻငတ်ꩻဆီ ဇာတ်ဝတ္ထု အမုဲင်(၈) \n(၂၈) ငတ်ꩻရျာꩻငတ်ꩻဆီ ဇာတ်ဝတ္ထု အမုဲင်(၉) ။\nတောင်ꩻသေꩻ (ဗꩻတွိုႏလွဉ် ဟန်ႏနေင်ႏ ၁၃၈၃-ဗာႏနေင်ႏကို အဝ်ႏတဲမ်းဖေႏနေကဒွိုန်း ဇာတ်ဝတ္ထု အမုဲင်-၁၀)နဝ်ꩻသွူ။)\n\nထေင်းထမ်ႏ ဥက္ကဋ္ဌ ထာꩻမာꩻတာႏဝွန်ႏ \nနေင်ႏ ၁၃၅၉-ဗာႏ၊ ဗဟိုႏသွဉ်တန်ꩻ အမုဲင်(၁၃)၊ ဒဲဉ်ရုတ်ꩻဆန်ꩻ (၃)နီꩻ ပအိုဝ်ႏလိတ်လုဲင်ꩻစွစ်ꩻလီတာႏ ဗဟိုႏသံဃာႏစွိုꩻ နေင်ႏခွပ်ပွယ်ꩻမော့ꩻခွဲ၊ ဝေင်ꩻနယ်ႏပင်လောင်ꩻ၊ ကျောင်ꩻနောင်တရားကို သံႏဃာႏကားကအောဝ်ႏ သဘော်ꩻတူႏတဲင် ဝွေꩻဗွေႏနောဝ်ꩻ ဒင်ႏပထမဥက္ကဋ္ဌ၊ တဲႏစွဉ်ႏ ၁၃၅၉-ဗာႏမာꩻလွဉ်ယို ဝွေꩻဗွေႏကထွာ \"ပအိုဝ်ႏလိတ်လုဲင်ꩻစွစ်ꩻလီတာႏ ဗဟိုႏသံဃာႏစွိုꩻ\" ဥက္ကဋ္ဌနောဝ်ꩻ လꩻလဲဉ်းသွူ နေင်ႏပေါင်ꩻ (၂၀)လွိုလဲဉ်းနောဝ်ꩻသွူ။ နေင်ႏ ၁၃၇၃-ဗာႏ၊ ဒဲဉ်စေတ်ꩻလောင်း (၁၃)နီꩻနောဝ်ꩻ လွောင်ႏဗူႏ \"ပိဋကတ်ပြန်ႏပအိုဝ်ႏစွိုꩻ\"တဲင် ဝွေꩻဗွေႏထွာဥက္ကဋ္ဌ၊ တဲမ်းဖေႏ ပြန်ႏပွုံႏပြန်ႏနယ်ꩻတွမ်ႏ တဲမ်းနယ်ဖေႏ ပြန်ႏပွုံႏနမူႏနာႏ-စတဲင်နုဲင်းနောဝ်ꩻဖုံႏသွူ။\n\nငေါဝ်းရဲပ်နိဂုံး - \nထွားလွူꩻဝွေꩻဗွေႏဘဝ ကာႏလသွံချိန်ႏထွူလဲဉ်ႏသွူ၊ နောဝ်ꩻဖုံႏအကို မဉ်ႏထုမ်ႏလွိုက်ချာ ကထွာဗဟုသုတဖုံႏနောဝ်ꩻ ဝွေꩻဗွေႏပေႏခါ ပအိုဝ်ႏထွုံꩻ ဗွန်ဟုမ်ႏဖုံႏတဲ့နောဝ်ꩻ၊ ကအွဉ်ႏရေꩻငေါဝ်းကဲတွမ်ႏ ကတဲမ်းငေါဝ်းတဲက်သမဲင်ꩻခန်ꩻဖုံႏတဲ့နောဝ်ꩻ၊ ဗွေႏဗွန်ဖြား ကစီႏစဲဉ်ႏဖေႏ ဗုဲင်သျင်ႏအနယ်ꩻသျင်ꩻတဲ့နောဝ်ꩻ၊ အမွိုးကဆွုံꩻမꩻ ပိုဗွေႏသျင်ႏတဲ့နောဝ်ꩻ၊ တိုက်အုပ်ဆရာႏတောႏ ကကျံႏဟဲ့ꩻသေꩻခါꩻ ဝွေꩻဗွေႏတဲ့နောဝ်ꩻ၊ ဗွေႏဗွန်မြောင်းမြ ကခတ်ကယ်ꩻဝွေ���ဗွေႏတဲ့နောဝ်ꩻ၊ ဗွေႏဗွန်ဖြားနောင်ကာꩻတွမ်ႏ ဗွေႏဗွန်ဖြားမြို့ဦးသီး ကလွိုက်ဝွေꩻဗွေႏ ထွဉ်ႏဟော်ꩻသံႏဃာနမ်းခြောင်ꩻတင်တဲ့နောဝ်ꩻ၊ သံႏဃာႏသီႏသဲင်ꩻ ကမာꩻဒါႏ တဝေင်ꩻနယ်ႏလုမ်းဆဲင်ႏရာꩻ လိတ်သွဉ်တွိုက်တဲ့နောဝ်ꩻ စတဲင်နောဝ်ꩻဖုံႏနောဝ်ꩻ ထွာ\"ဗဟုသုတ\"ဖုံႏသွူ။\n\nအကျိုꩻကထွာ ကဟောဝ်ထွားနုဲင်းဖုံႏနောဝ်ꩻ ဗွေႏဗွန်ဖြားသီႏသဲင်ႏ ကထူႏရေꩻဝွေꩻဗွေႏတဲ့နောဝ်ꩻ၊ ဗုဲင်သျင်ႏထွူ အမွိုးကဒေါ့ꩻဖေႏဒါႏ ငေါဝ်းယာႏဆꩻဖုံႏတဲ့နောဝ်ꩻ၊ ဗွေႏပညာသာမိ ကသေပသာညာꩻ ဝွေꩻဗွေႏတဲ့နောဝ်ꩻ၊ ဝွေꩻဗွေႏအွဉ်ႏသꩻဆွာꩻဆွာꩻ ကမာꩻဖေႏ ဆရာႏဝွတ်ပတ်တဲ့နောဝ်ꩻ၊ ဝွေꩻဗွေႏကလောဝ်းအတွိုင်ꩻ ဗွေႏဗွန်ဖြားကျောင်ꩻတန် ကအပ်ဖေႏ မြောင်းမြတဲ့နောဝ်ꩻ၊ ဝွေꩻဗွေႏသီးသွံပါꩻ ကဗွောင်လိတ်သွဉ်တွိုက် သီႏသဲင်ႏတဲ့နောဝ်ꩻ စတဲင်နောဝ်ꩻဖုံႏနောဝ်ꩻ ဟဝ်ထွားနုဲင်းငါႏ၊ အကျိုꩻထွာခရာႏဖုံႏနောဝ်ꩻသွူ။ ကလꩻအီ သင်ခန်းစာဖုံႏနောဝ်ꩻ တကာႏဖုံႏ သွင်ꩻမာႏအမဲတ်တဲင် ဝွေꩻဗွေႏနစ်နာႏထိုꩻဗာႏ၊ ပေါႏမာꩻထာꩻမာꩻနောဝ်ꩻ အောဝ်ႏလိုꩻမာꩻ ဆဲစ်ဆဲစ်နဲစ်နဲစ်အကျောင်ꩻ၊ သျင်ႏလုံကောသလ္လာယန မဉ်ႏလောဝ်းတေ့ꩻတောဝ်း ဝွေꩻဗွေႏနောဝ်ꩻ ဝင်ꩻအီႏစီႏစဲဉ်ႏလꩻရီးထိုꩻ၊ ကားကားနဲ့ꩻ သေရီး၊ ထိုꩻလဲ့ꩻလꩻရီးထိုꩻအကျောင်ꩻ စတဲင်နောဝ်ꩻဖုံႏနောဝ်ꩻ လꩻအီသင်ခန်းစားဖုံႏသွူ။\nဝွေꩻဗွေႏဘဝ မွူးနွောင်းမာꩻကွဉ်ႏချိန်ႏနောဝ်ꩻ ထာꩻမာꩻအတွက် ဝွေꩻဗွေႏဇယားကွက်ကိုနောဝ်ꩻ \"အမျာꩻတာႏ ပထမ၊ နမ်းတာႏ ဒုတိယ\"အောဝ်ႏနုဲင်းနောဝ်ꩻသွူ။ ဝွေꩻဗွေႏဘဝ မွူးခွယ်ꩻပသာႏချိန်ႏနောဝ်ꩻ ထာꩻမာꩻအတွက် ဝွေꩻဗွေႏ ဇယားကွက်ကိုနောဝ်ꩻ \"အမျာꩻတာႏ ပထမ၊ နမ်းတာႏတဲ့ ပထမ\"အောဝ်ႏနုဲင်းနောဝ်ꩻသွူ။ ဝွေꩻဗွေႏဘဝ မွူးခွယ်တန် အချိန်ႏယိုခါနောဝ်ꩻ ထာꩻမာꩻအတွက် ဝွေꩻဗွေႏဇယားကွက်ကိုနောဝ်ꩻ \"နမ်းတာႏ ပထမ၊ အမျာꩻတာႏ ဒုတိယ\"အောဝ်ႏနုဲင်းနောဝ်ꩻသွူ။ ဝွေꩻဗွေႏဘဝ မွူးမဉ်ႏဒင်ႏကောင် (မဉ်ႏဖြားမွေးမုဲင်း)သူꩻနောဝ်ꩻ \"နမ်းတာႏ ပထမ\"နောဝ်ꩻတဲး သေႏချာႏ၊ အမျာႏတာႏနောဝ်ꩻ အီႏအောဝ်ႏနုဲင်းမုဲင်ꩻကရိုꩻနောဝ်ꩻ သုတေသန တထွꩻလွဉ်ꩻတောဝ်းဒွုမ်နောဝ်ꩻသွူ။\n\nကွပ်နောဝ်ꩻမꩻ ပအိုဝ်ႏတစွိုးခွိုꩻလုမ်း ဖေႏကအာႏကွိုꩻဗာႏညည၊ ဝွေꩻဗွေႏဖေႏနေးကအုံဟောဝ် အောဝ်ႏသန်ꩻ၊ သက်ဖေႏကထို စိုးဖေႏကဆွာꩻနောဝ်ꩻ စွုမ်ႏပါꩻပါꩻ စွုမ်ႏဖြာꩻဖြာꩻ အောဝ်ႏလိုႏပသာဖေႏ ဝွေꩻဗွေႏမေတ္တာႏ၊ အောဝ်ႏလိုႏသေငါႏ ဝွေꩻဗွေႏကꩻဇူꩻအကျောင်ꩻ ဗွေႏဗွန်သီႏသဲင်ႏ ထေရုပ္ပတ္တိကထာ သံခေပ သုတေသနစာတမ်းယို အွဉ်ႏထွူခန်း တခွုင်းယိုသွူ။\n\nငေါဝ်းဩဝါဒ\nအမုဲင်(၁)\n\"မာꩻဖေ့လꩻ လောႏဘꩻ၊ မာꩻဖေ့နွောင်ꩻဒေါႏသꩻနဝ်ꩻ ယိန်းယံ\"\n၁။ ကမဉ်လꩻအတွိုင်ꩻ \"လꩻ\"နဝ်ꩻ ရိုꩻ\"ယံ\"တဲ့\n\"မာꩻဖေ့လꩻ\"လောႏဘꩻနဝ်ꩻ \"ယိန်းယံ\"။\n၂။ သꩻကလျားအတွိုင်ꩻ \"နွောင်ꩻ\"နဝ်ꩻ ရိုꩻ\"ယံ\"တဲ့\n\"မာꩻဖေ့နွောင်ꩻ\"ဒေါႏသꩻနဝ်ꩻ \"ယိန်းယံ\"နောဝ်ꩻသွူ။\n\nအမုဲင်(၂)\n\"ယိုနဝ်ꩻ ယိန်းတရေꩻ\"\n၁။ \"ယာႏဗွာ\"နောဝ်ꩻ တရေꩻတဲ့\n\"သꩻဗွာ\"နောဝ်ꩻ ယိန်းတရေꩻ။\n၂။ ခြွိုင်းနမ်းတွမ်ႏ \"ခံꩻ\"နောဝ်ꩻ တရေꩻတဲ့\nခြွိုင်းနမ်းတွမ်ႏ \"အကျင်ꩻ\"နောဝ်ꩻ ယိန်းတရေꩻနောဝ်ꩻသွူ။\n\nအမုဲင်(၃)\n\"ရွဉ်ဗွာတွမ်ႏရွဉ်အွာ\"\n၁။ အံႏစင်းနမ်းတနီꩻ လꩻငတ်ꩻရေင်နဝ်ꩻ \"ထွာရွဉ်ဗွာ\"။\n၂။ စွန်ဝင်ꩻတလဲင်ႏ လꩻငတ်ꩻသိန်ꩻနဝ်ꩻ \"ထွာရွဉ်အွာ\"။\n၃။ ရွဉ်ဗွာနဝ်ꩻ \"အပဲ့စ်အဲဉ်ထဝ်း\"၊ ထွာတဝ်း သံႏသရာႏနီးခန်၊\nထဲ့ဗာႏတဝ်းငါးရုဲင်ꩻ၊ ဖြော်ဆုဲင်ꩻဗာႏတောဝ်း။\n၄။ ရွဉ်အွာနဝ်ꩻ \"အပဲ့စ်တန်\"၊ ထွာသံႏသရာႏနီးခန်၊\nထဲ့ဗာႏငါးရုဲင်ꩻ၊ ဖြော်ဆုဲင်ꩻဗာႏ အပွန်းသောင်ꩻသိန်ꩻနောဝ်ꩻသွူ။\n\nအမုဲင်(၄)\n\"မွိုးဖါငေါဝ်းခွန်းတွမ်ႏ ရန်ႏသူႏငေါဝ်းအံႏဖြာႏ\"\n၁။ မွိုးဖါငေါဝ်းခွန်းနဝ်ꩻ တလေ့လဲဉ်းက ရန်ႏသူႏငေါဝ်းအံႏဖြာႏ၊\nကွပ်ထမုဲင်ꩻနဲတဲင်-\n၂။ မွိုးဖါနဝ်ꩻ ခွန်းခန်းတဲ့ယဝ်း အသꩻကိုနဝ်ꩻ မဉ်အွဉ်ႏချမ်ꩻသာႏ။\n၃။ ရန်ႏသူႏနဝ်ꩻ ကိန်းအံႏဖြာႏခန်းတဲ့ယဝ်း အသꩻကိုနဝ်ꩻ မဉ်အွဉ်ႏသီပြာႏ။\nပွိုးနဝ်ꩻမꩻ-\n၄။ မွိုးဖါသꩻနဝ်ꩻ ရေႏဒျာႏအတုဲင်တဲင် ဗွာကြောင်းစင်နီတာႏ။\n၅။ ရန်ႏသူႏသꩻနဝ်ꩻ ရေႏဒျာႏအကုဲင်တွော့ꩻ ထွာထောင်းဗင် သီပြာႏနောဝ်ꩻသွူ။\n\nအမုဲင်(၅)\n\"ထွီႏအူႏလိုꩻတွမ်ႏငေါဝ်းခွန်းဆာ\"\n၁။ ထွီႏအူႏလိုꩻ လွင်းထိုꩻနဝ်ꩻ ငမ်းခရာႏလိုႏတဝ်း။\n၂။ ကွပ်ထမုဲင်ꩻနဲတဲင်-\nအအူႏခြေင်နေးလွုမ်ꩻ၊ အတအဲင်ႏမွေးတဝ်း။\n၃။ အဗွန်နုဲင်းနဝ်ꩻနေနေ-\nဝွေꩻခွန်းဆာမွေးလိုꩻတဲ့ အထိုꩻချာဒျာႏနဝ်ꩻ ငမ်းခရာႏလိုႏတဝ်း။\n၄။ ပွိုးထမုဲင်ꩻနဲတဲင်-\nအခွန်းဆာခြေင်နေးလွုမ်ꩻ၊ အတမာꩻဆာမွေးတဝ်း။\n၅။ ထွီႏအူႏနေးတဝ်းတဲ့ လောႏတေ့ꩻလိုꩻနဝ်ꩻ ငမ်းဗာႏ။\n၆။ ကွပ်ထမုဲင်ꩻနဲတဲင်-\nအအူႏတဝ်းလိုꩻရိုꩻတဲ့ အအဲင်ႏမွေးဒါႏလိုꩻ။\n၇။ အပီနုဲင်းနဝ်ꩻနေနေ-\nဝွေꩻခွန်းဆာတဝ်းရိုꩻတဲ့ အကျံႏတေ့ꩻလိုꩻနဝ်ꩻ ငမ်းဗာႏ။\n၈။ ပွိုးထမုဲင်ꩻနဲတဲင်-\nအခွန်းဆာတဝ်းရိုꩻတဲ့ အမာꩻဆာမွေးဒါႏလိုꩻနောဝ်ꩻသွူ။\n\nအမုဲင်(၆)\n\"သုခံဒုက္ခံ လောကဓံ\"\n၁။ ကွပ်တ��ွိုးစွိုး ပွိုးတမျိုꩻမျိုꩻတဲင် မော့ꩻထာꩻဒုက္ခကရိုꩻနဝ်ꩻ အဆန်ꩻခေါ်တမွေးတဝ်း၊\nလောကထွုံꩻစံႏ၊ လောကဓံႏတရာꩻဒျာႏ။\n၂။ ကွပ်နဝ်ꩻမꩻ မော့ꩻထာꩻဒုက္ခတွင်ꩻ သောင်ခြင်ꩻနေးထာꩻလွုမ်ꩻနဝ်ꩻ တထွူတဝ်း၊\nအဝ်ႏထာꩻဒုက္ခ ဖေႏနေးကလွစ်ထန်ႏလꩻနဝ်ꩻ နေးတွမ်ႏဉာဏ်ႏ ဝီရိယတဲင် ထိုမ်ႏအနယ်ꩻအမျိုꩻမျိုꩻ ကျိုꩻစာꩻတရန်ဗာႏ။\n၃။ ပေါႏနေးတွမ်ႏဉာဏ်ႏ ဝီရိယတဲင် ထိုမ်ႏအနယ်ꩻအမျိုꩻမျိုꩻ မဉ်ႏကျိုꩻစာꩻ တရန်မွေးမွေးနဝ်ꩻ အဝ်ႏထာꩻဒုက္ခကို လွစ်ထန်ႏဗာႏဗာႏ။\n၄။ ကွပ်ပွိုးထမုဲင်ꩻနဲတဲင် ထာꩻဒုက္ခကရိုꩻနဝ်ꩻ အနိစ္စဒျာႏနေနေ၊ တဒုက္ခသေႏသေႏတဝ်း၊ ထာꩻဒုက္ခနဝ်ꩻ တနွောင်ꩻတဝ်း ဉာဏ်ႏဝီရိယနောဝ်ꩻသွူ။\n\nအမုဲင်(၇)\n\"ငေါဝ်းဆော့ꩻနား-ငေါဝ်းလျားသꩻရာႏ\"\n၁။ ငေါဝ်းကျံꩻတွမ်ႏ ငေါဝ်းလျားနဝ်ꩻ အဝ်ႏ\"ဒေါႏသꩻအွိုင်ꩻ\"ကို ဖေါင်းဝေါက်ထန်ႏလွဉ်၊ ထွာ\"ဖရုသဝါႏစာႏ\"ဒုစရဲ့က်။\n၂။ ကွပ်သꩻကျံꩻမꩻ ငေါဝ်းကျံꩻဖေါင်းထန်ႏ၊ ပွိုးသꩻလျားမꩻ ငေါဝ်းလျားဝေါက်ထန်ႏ။\n၃။ ငေါဝ်းကျံꩻအစားစား၊ ငေါဝ်းလျားအမျိုꩻမျိုꩻနဝ်ꩻ\nအကျိုꩻခွꩻအဲဉ်ထဝ်း တဗာႏဗာႏ၊ အကျိုꩻသာႏအဲဉ်ထဝ်း တမျိုꩻမျိုꩻ။\n၄။ ငေါဝ်းကျံꩻဆော့ꩻနားနဝ်ꩻ ကုဲင်ယိုꩻမေတ္တာႏ၊ ငေါဝ်းလျားသꩻရာႏနဝ်ꩻ ပြင်ꩻထိုꩻသစ္စာႏ။\n၅။ (က) သꩻလျားထာꩻတွင်ꩻနဝ်ꩻ တဲမ်းမွုန်းလိတ်ထမုဲင်ꩻမုဲင်ꩻ၊ \"အပါႏဆုဲင်ꩻ\"ဒါႏ။\n(ခ) သꩻလျားထာꩻတွင်ꩻနဝ်ꩻ ဆွုံꩻဖျတ်မွုန်းထမုဲင်ꩻမုဲင်ꩻ၊ \"အဗာႏဆုဲင်ꩻ\"ဒါႏ။\n(ဂ) သꩻလျားထာꩻတွင်ꩻနဝ်ꩻ ဒေါ့ꩻမွုန်းငေါဝ်းထမုဲင်ꩻမုဲင်ꩻ၊ \"အမာႏဆုဲင်ꩻ\"ဒါႏ။\n၆။ (က) ခင်ႏပြွန်ထာꩻတိုနဝ်ꩻ ဗဲ့ꩻချာလꩻကီတဲ့ \"ခင်ႏပြွꩻဆာ\"။\n(ခ) ငေါဝ်းပြွန်ဖြောင်းအိုနဝ်ꩻ တောင်ꩻပြန်ႏချာခန်းသွူတဲ့ \"နန်ꩻခွꩻချာ\"တန်သွူ။\n\nအမုဲင်(၈)\n\"ထွီႏငါတဲ့ တငမ်းတဝ်းနာꩻ\"\n၁။ ပါꩻတဖြာꩻနဝ်ꩻ တဗွန်ဗာႏသေင်ႏတနို့၊ သꩻလျားသေင်ႏတနို့တဲင် တွမ်ႏနꩻဗက်ꩻထိုꩻသေင်ႏတနို့၊ ဗက်ꩻထိုꩻနေးမွုန်းတွမ်ႏနꩻ၊ ပတ်ꩻထိုꩻနေးတွမ်ႏ နာꩻခင်ႏနဝ်ꩻမွိုင်ꩻ။\n၂။ ပါꩻတဖြာꩻနဝ်ꩻ အံႏဒဲ့ꩻတခွန်ꩻ ဝင်ꩻတဒွီတဲင် ဝင်ꩻဗွေႏစွော့ꩻတွော့ꩻ ဟဲ့ꩻနက်စွဉ်ႏဝင်ꩻဗွေႏ၊\nပါꩻအံႏဒဲ့ꩻတခွန်ꩻ နာꩻတဒွီတဲင် နာꩻစွော့ꩻတွော့ꩻ ပါꩻမဉ်ႏဟဲ့ꩻနက်နာꩻနဝ်ꩻ နာꩻသꩻကို အီႏထွာနုဲင်းမုဲင်ꩻ (ယူႏစံꩻဟုဲင်း)။\n၃။ နာꩻနဝ်ꩻ လိုꩻခိုထီး၊ လိုꩻတန်၊ လိုꩻကုဲင်၊ အံႏနွောင်ꩻဝင်ꩻ ကားမုဲင်ꩻဖြာꩻဖြာꩻ၊ ထွီႏတဲ့ထွီႏထီး၊ ထွီႏနမ်းတန်၊ ထွီႏကုဲင်၊ အံႏနွောင်ꩻအသွꩻ ကားမုဲင်ꩻဗာႏဗ���ႏ၊ အဲင်ႏလိုꩻကားမုဲင်ꩻဖြာꩻဖြာꩻ၊ နာꩻခွုမ်မွုန်းခွဉ်း၊ ခွုမ်မွုန်းစူခွုမ်၊ နာꩻလွေꩻထွို့ꩻတသဉ်ဆော့ ထွီႏကုဲင်မေး ဗွုန်ႏနေဟောင်း၊ ကွပ်နဝ်ꩻမꩻ နာꩻခွုမ်မွုန်း ထမုဲင်ꩻမုဲင်ꩻနဝ်ꩻ လိုꩻတွမ်ႏရိုꩻမွုန်း \"ထွီႏငါတဲ့ တငမ်းတဝ်းနာꩻ\"နောဝ်ꩻသွူ။\n\nအမုဲင်(၉)\n\"တွေတွမ်ႏကွမ်းခါႏ မာꩻဗာႏနုဲင်းမုဲင်ꩻ\"\n၁။ ဝင်ꩻကအွဉ်ႏဗေင်ႏသော့ꩻ တွေခါနဝ်ꩻ အဲ့ꩻမဲ့၊ သဲင်ꩻထေ့မွိုးဖါ၊ သဲင်ꩻလွဉ်လိုꩻခြာ၊ ကအဝ်ႏဗေင်ႏသော့ꩻ တွေတွင်ꩻနဝ်ꩻ ဝင်ꩻပယွုမ်းထေ့ ပငါပရာꩻ။\n၂။ ဝင်ꩻကထွိုင်ႏအွဉ်ႏဗေင်ႏသော့ꩻတော ကွမ်းကိုနဝ်ꩻခါ ဆီမ်ꩻမဲ့၊ ဖမွိုး-ဖဖါ၊ ဖပို-ဖမာ၊ ဖပို-ဖဝါꩻ၊ ဖဖူး-ဖဝေး၊ ဖသွꩻ-ဖခွ၊ နွောင်ꩻတဝ်းမရဏတဲင် ဖထန်ႏထိုꩻချာဗာႏ လိုꩻခြာ၊\nကတိန်ႏဗေင်ႏသော့ꩻ ကွမ်းကိုနဝ်ꩻ ထာꩻပျောႏယေန်ဆွိုး၊ လောင်ႏလွိုးသွိုန်းထေ့ ပငါပရာꩻ။\n၃။ တွေတွမ်ႏကွမ်းခါႏ၊ မွန်ဗာႏလိုꩻဘဝ၊ တညတဝ်း တဆင်ႏပေႏဒျာႏ၊ ခိန်ႏခါႏဆေ့ꩻဆေ့ꩻပေႏအကို ဗွန်ထိုဗွေႏဘုရာꩻရိုꩻ-\n\"မာꩻမွုန်းအကုသိုလ်ႏ၊ မာꩻဒျာႏသွော့ကုသိုလ်ႏ၊ မာꩻဗွါလꩻလꩻသွော့သꩻ\"ဆွုံꩻမꩻခါꩻနုဲင်းနောဝ်ꩻသွူ။\n၄။ \"အကု-သျောင်ႏညာꩻ၊ ကုသိုလ်ႏမာꩻ၊ အွဉ်ႏခါꩻ သꩻဗွာဗွာ၊\nနီဗွေႏဘုရာꩻ၊ ဆွုံꩻမꩻခါꩻ၊ တရာꩻ ငေါဝ်းသွံငါ\"။\n၅။ \"အကု-ရှောင်ကြဉ်၊ ကု-စုံလင်၊ ဖြူစင် စိတ်ထားပါ၊\nမြတ်စွာဘုရား၊ ဆုံးမထား၊ စကား သုံးခွန်းပါ\"။\n\nအမုဲင်(၁၀)\n\"အသေဝနာ စ ဗာလာနံ\"\n၁။ လိုꩻယွုတ်၊ လိုꩻမွိုက်၊ လိုꩻကုဲင်ဖုံႏနဝ်ꩻ \"လောႏဘꩻ၊ ဒေါႏသꩻ၊ မောႏဟꩻ၊ မာႏန၊ ဒိဋ္ဌိ\"စတဲင် အကုသိုလ်ႏကိလေႏသာႏ အာႏတလာလွဉ်ꩻထာꩻ။\nကွပ်နဝ်ꩻမꩻ \"မာꩻထာꩻကုဲင်တဗော့ꩻ၊ ဒေါ့ꩻငေါဝ်းခတ်ꩻနား၊ ကျံႏယားအမျိုꩻမျိုꩻ\"။\n၂။ လောကကိုယို ကခိုးကလျား၊ ကသွုမ်ꩻကတေင်၊ ကတရေင်ကသျုတ်နဝ်ꩻ အဝ်ႏအွိုးလိုꩻယွုတ်၊ လိုꩻမွိုက်၊ လိုꩻကုဲင်ဖုံႏထွာလွဉ်။\n၃။ အဇာတသတ်နဝ်ꩻ လꩻနွောင်ꩻမဂ်ဖိုလ်ႏ၊ ပုဂ္ဂိုလ်ႏအခြွီဆꩻတန်ဒျာႏ၊ ကွဲႏတွော့ꩻ ဝွေꩻပေါင်ꩻမာႏ ဒေဝဒတ်၊ သတ်သီအဖါတဲင် ယိုခါ အဝ်ႏခံဗာႏတောဒျာႏ ငါးရုဲင်ꩻ၊ ယူႏဆုဲင်ꩻမာႏမွေး၊ စွေးစွေးစဲင်သꩻ၊\nဘုရာꩻခန်းတဲ့ ကယ်ႏဝွေꩻတလꩻတဝ်းဒွုမ်။\n၄။ ပေါင်ꩻတဝ်းလိုꩻမွိုက်၊ ကွိုက်ꩻတဝ်းလိုꩻကုဲင်နဝ်ꩻ ထွာ\"အသေဝနာ စ ဗာလာနံ\"မင်္ဂလာႏတပါꩻ နီဗွေႏဘုရာꩻ ဟော်ꩻခါꩻနုဲင်းနဝ်ꩻ၊ ဖေႏကထွာဒျာႏ မင်္ဂလာႏနဝ်ꩻနဝ်ꩻ\nပေါင်ꩻမွုန်းတဝ်းလိုꩻမွိုက်၊ ကွိုက်ꩻမွုန်းတဝ်း လိုꩻကုဲင်နော။\n၅။ (က) ဖေႏကထွာ \"အနဝဇ္ဇာနိ ကမ္မာနိ\"မင်္ဂလာႏနဝ်ꩻ မာꩻဒျာႏသွော့ ထာꩻမာꩻအပဲ့စ်ကင်ꩻကင်ꩻ။\n(ခ) ဖေႏကထွာ \"သုဘာသိတာ စ ယာ ဝါစာ\"မင်္ဂလာႏနဝ်ꩻ ဒေါ့ꩻဒျာႏသွော့ ငေါဝ်းအမင်ꩻလွစ်လွစ်။\n(ဂ) ဖေႏကထွာ \"အတ္တသမ္မာပဏိဓိ စ\"မင်္ဂလာႏနဝ်ꩻ အွဉ်ႏသꩻဟောဝ်ဟောဝ်ယူႏ၊ အွဉ်ႏသꩻရျူႏရျူႏ စဉ်ꩻစာꩻဒျာႏသွော့ အကျိုꩻအဝ်ႏရာꩻနဝ်ꩻနော၊ \"ကားကအဝ်ႏ မင်္ဂလာႏဒျာႏ\"နော။\n\nအမုဲင်(၁၁)\n\"သော့ꩻဟို့ꩻကြောင်းကြောင်း၊ သော့ꩻဖြောင်းစင်စင်\"\n၁။ လွူးနမ်းတွမ်ႏ ဒုစရဲ့က်ယို၊ ကမ်းကြိုတွမ်ႏ အကုသိုလ်ႏနဝ်ꩻ နီဗွေႏဘုရာꩻရိုꩻ\n\"မိစ္ဆာအာဇီဝ-လွူးနမ်းမာႏ\"၊ ခံႏဗာႏဆုဲင်ꩻဒုက္ခ၊ ထဲ့လသံႏသရာႏ၊ ယပ်ꩻဗာႏဖြော်ဝဋ်၊ ပြွတ်ဗာႏခန္ဓာႏ၊ လုဲင်ႏဗာႏအပါယ်ႏပွိုင်၊ မွိုင်မွိုင်ယိုꩻယိုꩻ အီႏထွာချာလိုꩻနဝ်ꩻ ယိုꩻတဝ်းယပ်ꩻငါႏ၊ ဒေါ့ꩻနေးစွဉ်ႏကမ္ဘာႏ အဆီအရျာꩻနောဝ်ꩻသွူ။\n၂။ လွူးနမ်းအပဲ့စ်ကင်ꩻကင်ꩻ၊ နီရင်ꩻစူဗောင်၊ ပေါင်ꩻဒျာႏနမ်းအာႏ၊ ရီႏရာႏတသိုꩻ၊ လꩻတခြိုꩻဗွာဗွာ၊ ထွာတခြိုꩻကြောင်းကြောင်းနဝ်ꩻ နီဗွေႏဘုရာꩻရိုꩻ \"သမ္မာအာဇီဝ-လွူးနမ်းမဲဉ်ႏမွေး\"စွေးဆုဲင်ꩻသꩻရေꩻ၊ ဝွဋ်ဘေꩻအဲဉ်ထဝ်း၊ ခံႏဗာႏတဝ်းဒုက္ခ၊ ယံကျသံႏသရာႏ၊ ချမ်ꩻသာႏလူꩻလိုꩻ၊ ယိုꩻယိုꩻအီႏလꩻ၊ မဂ်သꩻဖိုလ်ႏဉာဏ်ႏ၊ နိဗ္ဗာန်ႏနောဝ်ꩻသွူ။\n၃။ ကွပ်ပွိုးနဝ်ꩻမꩻ အံႏသော့ꩻဟို့ꩻတွက်၊ သက်မွန်အီတာႏနဝ်ꩻ ထွာဒျာႏထာꩻပသို့ꩻ၊\n\"သော့ꩻဟို့ꩻကြောင်းကြောင်း-သော့ꩻဖြောင်းစင်စင်ဗွာဗွာ\"၊ ဖေႏကထွာ သမ္မာအာဇီဝ၊ သုခချမ်ꩻသာႏ၊ ဖေႏကလွစ်မွိုင်မွိုင်ဒျာႏ သံႏသရာႏဝွဋ်ဒုက္ခနောဝ်ꩻနော။\n\nအမုဲင်(၁၂)\n\"မဲ့ꩻမွိုးဖါဝွဋ်တွပ်ꩻချာသီကွေး\"\n၁။ လိုꩻသီးဆန္ဒအလꩻ ယလဲင်ႏလဲင်ႏ လိုႏထီခွꩻ၊ ယလဲင်ႏလဲင်ႏ အွꩻထီလျား၊ ထီဖေႏကလျား၊ လိုꩻတာႏနဝ်ꩻ ဖွိုင်းသီႏတွမ်ႏ ထီလျားဖွိုင်ꩻ ခံႏဖေႏဗာႏစွဉ်ႏ မေႏခိုးဖြီႏဖြီႏ၊ ဖွိုင်းသီႏလျားကတစ်ꩻ၊ ထီလျားဖွိုင်ꩻ ဖြေင်းကရစ်ꩻနေးစွဉ်ႏ။\n၂။ ကဒွိုႏထီလျားသားနဝ်ꩻ အဝ်ႏထွားသွူ ဖွိုင်းသီးလျားကတစ်ꩻ၊ အဝ်ႏထီႏသွူ ထီလျားဖွိုင်ꩻ ဖြေင်းကရစ်ꩻတဲ့ သညင်ꩻဖိုဖိုတဝ်း ဖွိုင်းသီႏ၊ ရက်အွီႏဖိုဖိုတဝ်း ထီလျားဖွိုင်ꩻ။\n၃။ တဲ့က်တွိုင်ꩻဗာႏ နုဲင်းနဝ်ꩻနေနေ၊ အဝ်ႏသေသွူ မွိုးယပ်ꩻအာ၊ အဝ်ႏထီႏသွူ ဖါရွိုးမွေးတဲ့ တသေစွေးတဝ်းရင်ꩻ၊ သညင်ꩻတဝ်းဖါ၊ ရက်ချာတဝ်းမွိုး၊ ပိုနုဲင်းနဝ်ꩻတဲ့ အဝ်ႏဗောႏဗာႏထာꩻ။\n၄။ သီတဲ့ အဝ်ႏတွမ်ႏပိုနေနေ (အီႏအဝ်ႏတွမ်ႏပိုနေနေ) သီမဉ်ႏဖြားတနီꩻခါ သီမဉ်ႏဆာတနီꩻတွင်ꩻ ပိုသညင်ꩻတဝ်���သီ၊ ပီနုဲင်း သီတရက်တဝ်းမွိုးဖါ၊ မဲ့ꩻဝွဋ်အီႏတွပ်ꩻချာသီကွေးနော။\n\nအမုဲင်(၁၃)\n\"သက်ဆွာꩻဉာဏ်ႏဗွို့ꩻ စီꩻပွါꩻကံႏထွို့ꩻ\"\n၁။ လိုꩻသီးယိုနဝ်ꩻ ကွပ်ရသတဏှာႏ လွောက်ꩻဖြေꩻအရသာႏတဲင် ကျွိုက်အအွီႏ၊ အွီႏတွိုင်ꩻတဲ့ အံႏတထွာတောဝ်း၊ ပေါႏအံႏတငါတငီနောဝ်ꩻ ကုဲင်းသီဒါႏ၊ \"အံႏတရော့ꩻတဝ်းတငွါ-လွေꩻတရော့ꩻတဝ်းတကာ\"၊ စခါနမ်းမော့ꩻ လိုꩻဖြားဒေါ့ꩻသေꩻနုဲင်းနောဝ်ꩻ။\n၂။ လိုꩻဖုံႏနဝ်ꩻ ကဲဉ်းအာအာ ကျွိုက်တဝ်းအခါႏ၊ တသီႏခါႏနဝ်ꩻ မာꩻဗာႏနေး အခြံအထန်ႏ၊ နဝ်ꩻမꩻ အံႏယိုꩻ၊ နဝ်ꩻမꩻ လိုꩻကျွိုက်၊ ခါႏတဲ့ယတ်း ပေါႏတဲ့ꩻနီသွီႏယာႏ၊ ပေါႏရောႏဂါႏဟောဝ်အီနဝ်ꩻ မဉ်ခါႏနုဲင်းမုဲင်ꩻခါႏ အံႏဗာႏဗာႏ။\n၃။ လိုꩻဆာယင်ဟန်ႏနဝ်ꩻ ဆရာႏရိုꩻသွူ \"တဲ့ꩻတဝ်း၊ အံႏလꩻတဝ်း\"တဲ့ \"အံႏဗာႏငါမန်ႏထွူ သီခန်းတဲ့ယဝ်း\"ဒေါ့ꩻငေါဝ်းတနွိုင်အံႏ ခံႏစွဉ်ႏအသီနဝ်ꩻ လိုꩻထာꩻထီႏအဲဉ်ႏ၊ လိုꩻဉာဏ်ႏအဲဉ်ထဝ်း၊ နွောင်ꩻတဝ်းအဖြောင်း၊ ခင်ႏအဝ်ႏယောင်းစွဉ်ႏဒျာႏ၊ မာႏမွေးစွဉ်ႏထာꩻ။\n၄။ \"သက်ဆွာꩻဉာဏ်ႏဗွို့ꩻ၊ စီꩻပွါꩻကံႏထွို့ꩻ\"ငေါဝ်းနဝ်ꩻအတွိုင်ꩻ သက်ဖေႏကဆွာꩻနောဝ်ꩻ နေးတွမ်ႏဉာဏ်ႏ ချင်းအံႏသွော့ကွို့ꩻကွို့ꩻ၊ ဖေႏနေးကစီꩻပွါꩻနဝ်ꩻ ကံႏထွို့ꩻရုဲင်းရုဲင်း (မာꩻရုဲင်းရုဲင်း)၊ မာꩻကုဲင်းကုဲင်းသွော့နော။\n\nအမုဲင်(၁၄)\n\"အွဉ်ႏသꩻဗာႏစွဉ်ႏ နုဲင်းတဒေါင်\"\n၁။ ပိုလိန်ႏမာႏတဲ့အဝ်ႏ၊ ပိုနုတ်ꩻပိုနာ မွိုးဖါဒေါ့ꩻယပ်ꩻတဲ့အဝ်ႏ၊ ဒေါ့ꩻတလꩻတောဝ်းလာꩻလာꩻ၊ ယားထာꩻလို့လ၊ မာꩻမွမွိုးဖါတဲင် မွိုးဖါပယ်ႏထိုꩻဗာႏစွဉ်ႏတဲ့အဝ်ႏ။\n၂။ အနုဲင်းနဝ်ꩻနေနေ တပဲ့ꩻလိန်ႏမာႏတဲ့အဝ်ႏ၊ တပဲ့ꩻနုတ်ꩻတပဲ့ꩻနာ ကထွာဆရာႏ\nယွုန်းဗာႏလꩻလꩻ၊ ဆွုံꩻမꩻဗာႏခွိုꩻခွိုꩻတဲ့အဝ်ႏ၊ ဆွုံꩻမꩻနုဲင်းမုဲင်ꩻဆွုံꩻမꩻ တလꩻဒွုမ်လာꩻလာꩻတွော့ꩻ ဝါးထန်ႏထိုꩻဗာႏတဲ့အောဝ်ႏ။\n၃။ တပဲ့ꩻယင်ဟန်ႏနဝ်ꩻ အဉာဏ်ႏသမ်းဟောဝ်၊ သမ်းအီႏရထွာလိုꩻဒါႏ၊ အမျာꩻသမ်းအီႏရအာႏကွိုꩻဗာႏတဲင် \"အကွိုက်ꩻသွꩻမာႏ၊ အသွꩻအော်ကုဲင်ဒျာႏ\"ယူႏတောနုဲင်းနောဝ်ꩻတွော့ꩻ အွဉ်ႏသꩻဗာႏစွဉ်ႏ နုဲင်းတဒေါင်\"တောငါ တပဲ့ꩻသီး ဗꩻကီလꩻငါ၊ ဆရာႏယိုနဝ်ꩻ ခံႏစွဉ်ႏအဆာ၊ ခံႏစွဉ်ႏအနစ်နာႏ\"ဆရာႏသီး ယွုန်းတေ့ꩻဗာႏ နုဲင်းနဝ်ꩻတဲ့အဝ်ႏ။\n၄။ လိုꩻသီးယို ပေါႏမွိုးဖါပယ်ႏ၊ ပေါႏဆရာႏပယ်ႏသွူနဝ်ꩻ သက်အဝ်ႏမွန်ခန်းတဲ့ယဝ်း တွမ်ႏလိုꩻသီဗွန်ပီလို့ဝင်ꩻ၊ ကွပ်နဝ်ꩻမꩻ အုံလိန်ႏလိန်ႏမာႏမာႏ၊ နာႏသွော့မွိုးဖါငေါဝ်း၊ လွိုမွုန်းတဝ်း ဆရာႏအ���ွုံꩻအမꩻနော။\n\nအမုဲင်(၁၅)\n\"လာဘော-အလာဘော၊ ခြွေခါႏခါႏ-ခြောခါႏခါႏ\"\n၁။ လာဘော-အလာဘော-ခြွေခါႏခါႏ-ခြောခါႏခါႏ၊ ခြောခန်းတဲ့ယဝ်း သꩻကုဲင်မွုန်းတောဝ်း၊ \"ထာꩻခြောနဝ်ꩻ လောကထွုံꩻစံႏ၊ လောကဓံႏတပါꩻဒျာႏ\"ဆန်ꩻငါမွေးတဝ်း၊ လွိုးသွိုန်းသောင်ခြင်ꩻ အွဉ်ႏလင်ꩻမွုန်းမဲ့ထီ၊ ထိုမ်ꩻစူတုပ်ꩻ အဲင်ႏတငါ လွေꩻငါငါ ကာမပ်မပ်၊ သꩻဓာတ်လင်ꩻမွုန်း တစိꩻစိꩻနော။\n၂။ အဝ်ႏခြောတွင်ꩻနဝ်ꩻ ရော့ꩻအံႏထာꩻတဗွာအံႏ၊ ရော့ꩻအံႏအရောင်ꩻအရာႏအံႏ၊ ရော့ꩻအံႏအစော့ꩻအလာႏအံႏ၊ သွတ်ꩻတရီရီ၊ အထီပြင်ပြင်၊ အင်ဖြောင်းအွꩻသော့ꩻ၊ ဆွော့ꩻကတဲ့ꩻဒျာႏအီ တသီနွောင်ꩻတဝ်း။\n၃။ ယူႏဖိုးပနားသူꩻမွိုင်၊ အံႏဒဲဉ်မုဲင်ꩻကို၊ အံႏဟန်ႏအိုအွိုးမုဲင်ꩻ၊ အံႏမီꩻမျောႏတဒူ၊ အံႏဗေဖူဟို့ꩻကွို့ꩻ၊ ထွို့ꩻနွောင်ꩻဒျာႏထုဲင်၊ တွူႏနွောင်ꩻဒျာႏလော၊ ယူႏစဲင်းစဲင်းသွော့နဝ်ꩻနော။\n၄။ အရေꩻတန်သွတ်ꩻသွတ်ꩻနဝ်ꩻ အဝ်ႏခြောခြော ဖေႏကခြွေ၊ အဝ်ႏဗွေဗွေ ဖေႏကချမ်ꩻသာႏနဝ်ꩻ နေးတွမ်ႏဝီရိယဉာဏ်ႏ အံႏဆေ့ဆေ့ရေးရေး၊ ကျိုꩻစာꩻမွေးမွေးသွော့နော၊ ခြွေဗာႏဗာႏ၊ ဗွေဗာႏဗာႏသေႏချာႏ၊ ပွိုးထမုဲင်ꩻနဲတဲင် \"ထာꩻခြော\"ကရိုꩻနဝ်ꩻ \"တနွောင်ꩻဖိုဖိုတောဝ်း ဉာဏ်ႏဝီရိယ\"နောဝ်ꩻသွူ။\n\nအမုဲင်(၁၆)\n\"ထွားအမျာꩻတာႏ-ချꩻဗာႏမာႏန\"\n၁။ ပုထုဇဉ်ႏသီးဘဝ \"အတ္တမာႏန\"အဝ်ႏတွော့ꩻ ဒေါ့ꩻဆွော့ꩻဒါႏထာꩻ၊ \"ခွေမာꩻမꩻရော့ꩻ၊ ခွေဒေါ့ꩻမꩻမွေး၊ ခွေစွေးမꩻမဲဉ်ႏ\"ခွုမ်တဉ်ႏဝါႏဒ၊ မာႏနအာႏတလာ၊ ထူႏအာအခွင်ꩻအရေꩻ၊ စီꩻဝွေꩻအုံကွံ ဒေါ့ꩻဟွံဝွေꩻ (ဒေါ့ꩻဟွံဝွေꩻသီး)နဝ်ꩻ ယပ်ꩻငါႏ၊ ထွူဒါႏဒွုမ်ထာꩻတွော့ꩻ အမျာꩻကိစ္စ အွဉ်ႏထွော့လွနဝ်ꩻတာႏ ခွယ်ꩻဗာႏနေးစွဉ်ႏတွမ်ႏမဲ-နုဲင်းနဝ်ꩻတဲ့အဝ်ႏ။\n၂။ ထာꩻမာꩻကရိုꩻနဝ်ꩻ-\n(က) လိုꩻတဖြာꩻ မာꩻဖေႏ တဖြာꩻတာႏ\n(ခ) လိုꩻတဖြာꩻ မာꩻဖေႏ အမျာꩻတာႏ\n(ဂ) လိုꩻအမျာꩻ မာꩻဖေႏ တဖြာꩻတာႏ\n(ဃ) လိုꩻအမျာꩻ မာꩻဖေႏ အမျာꩻတာႏ\nအဝ်ႏနုဲင်းနဝ်ꩻတဲင် ပေါႏထွာအမျာꩻတာႏနဝ်ꩻ နမ်းတာႏအွဉ်ႏချာ \"ထွားငါအမျာꩻတာႏ-ချꩻဗာႏမာႏန\"၊ ဖြွမ်းလွရျူႏရျူႏ၊ ဗူႏလွဟဝ်ဟဝ်နဝ်ꩻမꩻ (ကိစ္စနဝ်ꩻနဝ်ꩻ) အောင်ႏမျင်ႏလꩻနဝ်ꩻသွူ။\n၄။ ခွုမ်စွူစွူဝါႏဒ၊ နေးမာႏနတဲင် \"တောငါ ခွေနွောင်ꩻငါ (တောငါ နီနွောင်ꩻငါ) ပါꩻမဉ်ထွာနုဲင်းမုဲင်ꩻထွာ\" ပေါႏမာꩻငါငီထာꩻနုဲင်းနဝ်ꩻနဝ်ꩻ လိုꩻအမျာꩻဆော့ꩻမဲ့၊ သွုမ်ꩻထဲ့အာႏဏာႏ၊ (သွုမ်ꩻထဲ့ဩဇာႏ) မာႏမွေးစွဉ်ႏထာꩻကွေးနော။\n\nအမုဲင်(၁၇)\n\"အံႏဖြာႏပဉ်ဖဲ့ꩻ သွမ်ꩻသဲ့ꩻပဉ်ဖြာꩻနဝ်ꩻ အမာႏဒါႏ\"\n၁။ ခ���ို့ꩻတဗာႏနဝ်ꩻ လင်ꩻအွꩻထီ၊ ထွားအယောင်ꩻထီကို၊ \"ခွေနုံနဝ်ꩻ တရေꩻမွေးစွဉ်ႏထာꩻ၊ တွိုႏခွေခင်ႏနဝ်ꩻ ခြဲင်ႏကဒဲင်ႏပေႏ၊ တကုဲင်မွေးစွဉ်ႏထာꩻ\"အံႏဖြာႏအနုံꩻ၊ သဲ့ꩻသွမ်ꩻအခင်ႏနုဲင်းနဝ်ꩻ။\n၂။ တွိုႏတနီꩻတွော့ꩻ မုဆိုꩻမော့ꩻ၊ ကွပ်ဝွေꩻခင်ႏနဝ်ꩻတဲင် လွင်းထာꩻမွိုင်၊ မုဆိုꩻအဝ်ႏကုဲင်ညာꩻထိုꩻ၊ ကွဲလွင်းလွင်းတွော့ꩻ အနုံꩻလွေꩻအောဝ်ႏဝွို့စွော့ꩻထိုꩻ သွီႏပုံ၊ ကျံႏငင်ႏနုဲင်းမုဲင်ꩻငင်ႏ လꩻတဝ်းနဝ်ꩻမꩻ မုဆိုꩻထွꩻလꩻ၊ မုဆိုꩻခꩻသီ၊ ဝွေꩻကသဲ့ꩻသွမ်ꩻ ဝွေꩻခင်ႏနဝ်ꩻ လွင်းညာꩻဒါႏ၊ ဝွေꩻကအံႏဖြာႏ ဝွေꩻနုံꩻနဝ်ꩻ ဝွေꩻသီအီ။\n၃။ အဗွန်ပီနုဲင်းနဝ်ꩻနေနေ \"ကသဲ့ꩻသွမ်ꩻ အဖြာꩻနဝ်ꩻနဝ်ꩻ အာႏကွိုꩻဗာႏ၊ ကအံႏဖြာႏ အဖြာꩻနဝ်ꩻနဝ်ꩻ မော့ꩻအီထာꩻဒုက္ခ\"၊ လောကကိုယို အဝ်ႏတဲင်တွော့ꩻ \"အံႏဖြာႏမွိုင်မွုန်းပဉ်ဖဲ့ꩻဖဲ့ꩻ၊ သွမ်ꩻသဲ့ꩻမွိုင်မွုန်း ပဉ်ဖြာꩻဖြာꩻ\"ထာꩻထင်းသစ်ညာꩻဒါႏကွေးနော။\n\nအမုဲင်(၁၈)\n\"ထွာမွုန်းဖွိုင်ꩻဟံႏ-ကျံႏဒျာႏသွော့ဖွိုင်ꩻခံꩻ\"\n၁။ \"ဖွိုင်ꩻဟံႏ\"နဝ်ꩻ ခံႏတဝ်းထာꩻဆွော့ꩻဗာႏ၊ ပေါႏထာꩻဆွော့ꩻဗာႏနဝ်ꩻ ပꩻစွဉ်ႏ၊ ပေါႏဖွိုင်ꩻဟံႏပꩻနဝ်ꩻ မာꩻဟောဝ်ချာလꩻဒွုမ်။\n၂။ \"ဖွိုင်ꩻခံꩻ\"နဝ်ꩻ ထာꩻဆွော့ꩻဗာႏလꩻဒျာႏ၊ စွော်စွော်မာꩻပꩻခန်းတဲ့ယဝ်း မာꩻထွာယင်းဖွိုင်ꩻခံꩻလꩻဒျာႏ။\n၃။ ဥပမာႏနုဲင်းနဝ်ꩻနေနေ လိုꩻယင်ဟန်ႏနဝ်ꩻ မာꩻထာꩻမွေးတဝ်းသွူတဲ့ ဝင်ꩻစွော့ꩻခံႏတဝ်း၊ ဝင်ꩻဒေါ့ꩻလꩻတဝ်း၊ ဝင်ꩻဆွုံꩻမꩻစူꩻတဝ်း၊ ဝွေꩻသီးလိုꩻစွိုꩻ ဝွေꩻသီးလိုꩻစွိုꩻ ပေါႏပꩻသွူနဝ်ꩻ \"ပꩻလီ-ဗꩻကသီ\"ဗွန်ပီနုဲင်း ဖွိုင်ꩻဟံႏပꩻ၊ မာꩻဟောဝ်ချာလꩻဒွုမ်။\n၄။ လိုꩻယင်ဟန်ႏနဝ်ꩻ ပေါႏမာꩻထာꩻမွေးတဝ်းနဝ်ꩻ ဝင်ꩻစွော့ꩻခံႏဒျာႏ၊ ဝင်ꩻဒေါ့ꩻလꩻဒျာႏ၊ ဝင်ꩻဆွုံꩻမꩻစူꩻဒျာႏ၊ ဝွေꩻသီးလိုꩻစွိုꩻနဝ်ꩻ ဝင်ꩻမာꩻပꩻလီခန်းတဲ့ယတဝ်း တညတဝ်းခြာ၊ မာꩻဗူႏချာ-မာꩻရျူႏချာလꩻဒျာႏ၊ ဗူႏချာဒျာႏတွိုင်ꩻတွိုင်ꩻ၊ ရျူႏချာဒျာႏတွိုင်ꩻတွိုင်ꩻ ဗွန်ပီနုဲင်းဖွိုင်ꩻခံꩻနောဝ်ꩻသွူ။\n၅။ (က) ဖွိုင်ꩻဟံႏ-ခံႏတောဝ်း၊ သဲင်ႏပꩻစောဝ်း၊ လꩻတောဝ်း မာꩻဟောဝ်ချာ။\n(ခ) ဖွိုင်ꩻခံꩻ-ခံႏဒျာႏ၊ မာꩻပꩻမာႏ၊ လꩻဒျာႏ မာꩻထွာချာ။\n(ဂ) ထွာမွုန်းဖွိုင်ꩻဟံႏ၊ ငိုꩻမတန်ႏ၊ ယံကျံႏ ဖွိုင်ꩻခံꩻထွာ။\n(ဃ) ပေါႏလွူးဒျာႏသꩻ၊ ဖွိုင်ꩻဟံႏပꩻ၊ ခြို့ꩻဝꩻ အဝ်ႏကုဲင်ချာ။\n(င) နုဲင်းဖွိုင်ꩻခံꩻမꩻ၊ လွူးသွော့သꩻ၊ အောင်ႏလꩻ ထင်ႏငါငါ။\nအမုဲင်(၁၉)\nဒုက္ခဘွုံႏကို ခင်ႏလမ်းဖွိုႏထိုအဲဉ်ထောဝ်း\n၁။ \"ခင်ႏဖါႏ\"နဝ်ꩻ ခံႏအတဗော့ꩻ၊ ခံႏထာꩻဆူႏဆော့ꩻ၊ အုံထွော့ဖေႏသွူ ဝင်ꩻခင်ႏယာꩻတဲ့ ဝင်ꩻအမျာꩻဗွောင်ႏဒျာႏ တဒေါင်ကင်၊ ဝင်ꩻအွဉ်ႏဝတ်း ခင်ႏလမ်းထိုထို။\n၂။ အဗွန်နုဲင်းနဝ်ꩻနေနေ ခူႏတဖူꩻသား၊ ဒါတဖူꩻသားနဝ်ꩻ အုံတင်းဗာႏယာခိုးလျား၊ ဗေင်ႏဗာႏတဖူꩻထျꩻ၊ ခံႏဒုက္ခဖေႏသွူ အမျာꩻတာႏတဲ့ အုံဗာႏဒျာႏ ဝင်ꩻဆꩻချာ၊ အုံဗာႏတဝ်း ဝင်ꩻဆꩻငါ၊ အုံဗာႏတဝ်း ဝင်ꩻဆꩻကီ၊ ဗွန်ပီခင်ႏဖါႏနောဝ်ꩻသွူ။\n၃။ တွိုး\"ထီꩻ\"နဝ်ꩻ အုံဗာႏဝင်ꩻကတူႏဆꩻကီလွုမ်ꩻ တကာႏတဝ်း ဝင်ꩻအွဉ်ႏဖွို့ထိုထိုဒျာႏထာꩻ။\n၄။ အပီနုဲင်းနဝ်ꩻနေနေ ခွန်တန်ရာႏဇာႏ၊ အာႏဏာႏသားဖုံႏနဝ်ꩻ အုံဗာႏဝင်ꩻဆꩻကီလွုမ်ꩻတကာႏတဝ်း ဝင်ꩻအွဉ်ႏအုံထိုထိုဒျာႏ၊ ဥပမာႏ \"နုဲင်းထီꩻ\"နောဝ်ꩻသွူ။\n၅။ လောကကိုယို အထိုအဖွိုႏ၊ ဆငါ-ဆချာ၊ ပရမတ်ယာႏယာႏနဝ်ꩻတဲး ခန္ဓာႏငတ်ꩻပါꩻ ရုပ်နာမ်ႏတရာꩻနုဲင်းနုဲင်းဝင်ꩻ၊ အုံလင်ꩻဗာႏ ဒုက္ခဘွုံႏကို၊ ခင်ႏလမ်းဖွိုႏထိုအဲဉ်ထောဝ်း၊ သေႏတဝ်းလွေꩻသွတ်ꩻ၊ ဆွတ်ꩻတခြင်းခြင်း၊ ဆင်းရန်းပီပီလို့ဝင်ꩻနောဝ်ꩻသွူ။\nအမုဲင်(၂၀))\nဗူႏမꩻ-ရျူႏခွꩻ၊ ထူႏလꩻ\n၁။ ထာꩻမာꩻလစ်ꩻမျိုꩻအကို \"လိုꩻအမျာꩻ-မာꩻဖေႏ၊ အမျာꩻတာႏ\"နဝ်ꩻ လိုႏငါႏလွောင်ႏဗူႏထွာထွာ၊ လိုႏငါႏသꩻဓာတ်တလာတာႏ၊ လိုႏငါႏသꩻရက်ခွိုꩻအာအာ။\n၂။ အခေႏနေႏနဝ်ꩻ အဝ်ႏနုဲင်းယို-\n(က) အွဉ်ငါသားဟောဝ်ဒျာႏ၊ လိုꩻအမျာꩻ လွောင်ႏဗူႏတဝ်း၊ အောင်ႏမျင်ႏတောဝ်း။\n(ခ) လိုꩻအမျာꩻလွောင်ႏဗူႏဒျာႏ၊ အွဉ်ငါသားဟောဝ်တောဝ်း၊ အောင်ႏမျင်ႏတောဝ်း။\n(ဂ) အွဉ်ငါသားတဲ့ ဟောဝ်ငါႏ၊ လိုꩻအမျာꩻတဲ့ လွောင်ႏဗူႏမွေး၊ နဝ်ꩻနဝ်ꩻသေႏချာႏ အောင်ႏမျင်ႏကွေႏ။\n(ဃ) လိုꩻအမျာꩻတဲ့ လွောင်ႏဗူႏတဝ်း၊ အွဉ်ငါသားတဲ့ ဟောဝ်တဝ်း၊ နဝ်ꩻနဝ်ꩻ သျုက်သျက်တရေင်၊ သွုမ်ꩻခြေင်ဒုက္ခ၊ သောင်လွ-ခြင်လွဗာႏ၊ သာႏယာႏငီမ်ꩻချမ်ꩻတဝ်း။\n၃။ ကွပ်ပွိုးနဝ်ꩻမꩻ ဖေႏနေးကေအာင်ႏမျင်ႏလꩻနဝ်ꩻ \"အွဉ်ငါသားတဲ့ ဟောဝ်ဗာႏ၊ လိုꩻအမျာꩻတဲ့ လွောင်ႏဗူႏဗာႏ၊ ဗူႏမꩻ-ရျူႏခွꩻ၊ ထူႏလꩻ\"ကရိုꩻနဝ်ꩻ ကမဉ်လꩻ ထာꩻအောင်ႏမျင်ႏသား၊ ဖြားဆားတန်ပေႏ၊ ထူႏခွုမ်သေႏသေႏသွော့ \"ဟောဝ်-ဗူႏ\"နောဝ်ꩻနော။\n\nနေင်ႏ ၁၃၈၂-ဗာႏ၊ ဒဲဉ်ဟားလောင်း(၁၀)၊ နေင်ႏတသာဆန်ꩻ(၁)နီꩻ\nဝေင်ꩻသီႏသဲင်ႏ ဇဝနာရာမလိတ်သွဉ်တွိုက်\nဗွေႏဗွန် ဘဒ္ဒန္တကောဝိဒ ဩဝါဒကထာ ငေါဝ်းမိန်းငွါ\nတကာႏခွန်နင်ꩻသီး ကားကအဝ်ႏဖုံႏဟွေး-\nပွိုင်းနေင်ႏနဝ်ꩻ ပေါႏနေင်ႏတသာဆန်ꩻတနီꩻ နုဲင်းဟန်ႏနီꩻယိုနဝ်ꩻ ထင်ႏကျောင်ꩻပငါပရာꩻ၊ ပင်ꩻရဟန်ꩻသံဃာႏ နာႏပရိတ���တရာꩻ၊ ဟန်ႏနေင်ႏယို ကွပ်ပွိုးကပ်ရောႏဂါႏတဲင် ဖေႏကထွာမွုန်းတဝ်း လိုꩻစုလိုꩻဗူႏတွော့ꩻ ရောႏဂါႏဖေႏကရမွုန်းတဝ်းလို့ဝင်ꩻတွော့ꩻ ပင်ꩻရဟန်ꩻ(၉)ပါꩻ၊ ဝုဲင်ႏဘုရာꩻ' ရွစ်ပရိတ်' ဖတ်ကမ္မဝါႏ' ပသာမေတ္တာႏ' ဖန်းဖေႏကုသိုလ်ႏဖုံႏနဝ်ꩻ ဗွေႏဗွန်သီးမာꩻချာဗော့ꩻကျောင်ꩻကိုနုဲင်းယိုသွူ။\nကမဉ်နာႏပရိတ်တရာꩻ တကာႏအမျာꩻသီးအတွက်တာႏတဲ့ အွဉ်ႏဖွို့ဖေႏတွမ်ႏ စက်ခြောဝ်ငေါဝ်းတဲင် အုံဗော့ꩻလမ်းကိုနဝ်ꩻ နာႏလꩻဒျာႏ၊ \"ပွိုးတမုဲင်ꩻ မာꩻတဝ်းတွမ်ႏလိုꩻစုလိုꩻဗူႏဟောင်း\"ကရိုꩻနဝ်ꩻ မဉ်ခြုဲင်းနယ်ငါႏ အကျောင်ꩻအခရာႏ။\n\"ကပ်ရောႏဂါႏ\"ကရိုꩻနဝ်ꩻ ပါꩻမုဲင်ꩻတဲ့ တထီႏနွောင်ꩻတဝ်းအနမ်း၊ ပေါႏမာꩻနေး လိုꩻစုလိုꩻဗူႏနဝ်ꩻ လိုꩻစုလိုꩻဗူႏကိုနဝ်ꩻ မော့ꩻရောႏဂါႏသား ပါသော့ꩻဒါႏ၊ ရောႏဂါႏ ရဒါႏလို့ဝင်ꩻ၊ ပေါႏသဲင်ꩻလမ်းတဲ့ သဲင်ꩻရပါစွဉ်ႏ လိုꩻလမ်းကို၊ ရောႏဂါႏဖေႏနေးကတွမ်ႏရမွုန်းလို့ဝင်ꩻနုဲင်းနဝ်ꩻတဲင် မာꩻနေးတဝ်း လိုꩻစုလိုꩻဗူႏ၊ ဖေႏထင်ႏတဝ်းကျောင်ꩻ၊ အကျောင်ꩻအခရာႏ အဝ်ႏနုဲင်းနဝ်ꩻ။\n\"အုံစွူစွူဗော့ꩻ လမ်းကိုနဝ်ꩻဟုဲင်း၊ အုံစွူစွူဗော့ꩻ ကျောင်ꩻကိုနဝ်ꩻဟုဲင်း\" ကထွဉ်ႏအုံနုဲင်းနဝ်ꩻနဝ်ꩻ တွမ်ႏလိုꩻအထန်ႏ လွေꩻဗော့ꩻအုံခြꩻ ရောႏဂါႏဖေႏကရလꩻမွုန်းတဝ်းတဲင် ထွဉ်ႏအုံစွူစွူဗာႏလမ်းကို၊ ကျောင်ꩻကိုနုဲင်းနဝ်ꩻ၊ ငေါဝ်းနဝ်ꩻနဝ်ꩻ ထွာငေါဝ်းအကျိုꩻအဝ်ႏတွော့ꩻ အဝ်ႏလိုႏလွောက်ꩻနာႏလွဉ်ꩻ ပငါပရာꩻ။\nလမ်းကိုနဝ်ꩻ လိုꩻတဖြာꩻဖြာꩻ မဉ်ႏဆော့ဆာစိန်ႏစွော့ꩻထာꩻနဝ်ꩻ လိုꩻဆာနဝ်ꩻနဝ်ꩻ အွဉ်ႏခေါ်ခေါ်သွော့၊ အုံညာꩻညာꩻသွော့လိုꩻဆာ၊ လိုꩻပေႏဖုံႏနဝ်ꩻ သူႏသေတဝ်းထာꩻတဲင် ရောႏဂါႏဖေႏနေး ကတွမ်ႏရလꩻမွုန်း လိုꩻပေႏဖုံႏနဝ်ꩻ ထွားနေးဟောဝ်ဟောဝ်သွော့။\nလိုꩻဆာနဝ်ꩻနဝ်ꩻ အလျားမဉ်ႏသန်၊ ကထောင်ꩻမဉ်ႏဆာ၊ မဉ်ႏတဟေထာꩻ၊ သာထာꩻကထောင်ꩻမဉ်ႏချ၊ မဉ်ႏရွိုးအွန်းလွဉ်နဝ်ꩻ လောႏလွေꩻအွဉ်ႏနယ်မွိုင်မွိုင်သွော့ တသီႏယွုံႏဆေးရုံ၊ ယင်ဟန်ႏသားနဝ်ꩻ ငမ်းဝင်ꩻသေ၊ ဝင်ꩻသꩻဝင်ꩻတဲင် နေးတွမ်ႏတသီႏနယ်ꩻဒွေါင်ႏတွော့ꩻ ကျံႏလွမ်ꩻလာꩻတေ့ꩻဒျာႏဗော့ꩻ အလမ်းကိုတဲ့အဝ်ႏ၊ မာꩻနုဲင်းနဝ်ꩻနဝ်ꩻ မာႏယော့မွေးစွဉ်ႏထာꩻ၊ မာꩻမွုန်းနုဲင်းနဝ်ꩻ၊ မဲ့ꩻရောႏဂါႏ ရလို့တလမ်းလိုမ်း။\n\"မော့ꩻရောႏဂါႏ\"ကရိုꩻနဝ်ꩻ ဝင်ꩻသꩻခရာႏတမွေးတဝ်း၊ ဟောဝ်ငမ်းခရာႏဒျာႏ၊ ကွပ်နဝ်ꩻမꩻ အဝ်ႏလိုႏလွေꩻအွဉ်ႏနယ်မွိုင်မွိုင် တသီႏယွုံႏဆေးရုံ။\nအွဉ်ႏနယ်မွိုင်မွိုင်န���ဲင်းနဝ်ꩻမꩻ အခိန်ႏထွꩻထွꩻလွမ်ꩻလာꩻလꩻ၊ ဟောဝ်ချာနွောင်ꩻဒျာႏ၊ ပေါႏထဲ့ဆုဲင်ꩻထိုꩻ' ပေါႏရောႏလွဉ်ꩻထိုꩻနဝ်ꩻ လွမ်ꩻလာꩻလꩻဒွုမ်-ကရိုꩻနဝ်ꩻ သေခါꩻသွော့စွုမ်ႏဖြာꩻဖြာꩻ၊ အရေꩻတန်မွေးစွဉ်ႏထာꩻ၊ အွဉ်ႏသတိꩻတိꩻလွသွော့။\n\"ဟွာႏခွိုꩻခွိုꩻစူ\"ကရိုꩻနဝ်ꩻ ကမော့ꩻရောႏဂါႏသား ကခွုမ်စံႏဒါႏ တခြိုꩻတမျိုꩻမျိုꩻလောင်းနဝ်ꩻ သေ့ꩻရောႏဂါႏ အဝ်ႏဗွို့ꩻသေꩻဒါႏ၊ ပေါႏစံႏဗာႏတခြိုꩻနဝ်ꩻတဲ့ သေ့ꩻရောႏဂါႏနဝ်ꩻ ဗွို့ꩻတောနီစူ၊ ပေါႏဟွာႏထိုꩻတဝ်းစူနဝ်ꩻ တနယ်ꩻတဝ်းတဲ့တနယ်ꩻ၊ တလဲင်ႏတဝ်းတဲ့ တလဲင်ႏ သေ့ꩻရောႏဂါႏနဝ်ꩻနဝ်ꩻ လဲဉ်းသော့ꩻဖြောင်းကို၊ လဲဉ်းသော့ꩻကထောင်ꩻကို၊ လဲဉ်းသော့ꩻနေ့ꩻဖကို၊ ပေါႏသေ့ꩻရောႏဂါႏ လဲဉ်းသော့ꩻလꩻသွူ နမ်းခန္ဓာႏကိုနဝ်ꩻ ဆော့ဆာစွဉ်ႏထာꩻ၊ ကွပ်နဝ်ꩻမꩻ \"ဟွာႏခွိုꩻခွိုꩻသွော့စူ၊ ဟွာႏစင်စင်သွော့စူ\"ထွဉ်ႏဗာႏနုဲင်းနဝ်ꩻ၊ နဝ်ꩻတဲ့ထွာငေါဝ်းအကျိုꩻအဝ်ႏတဲင် လွောက်ꩻနာႏဗာႏ။\nကရီးခါနဝ်ꩻ \"တဖြာꩻတွမ်ႏတဖြာꩻ အုံညာꩻလို့ဝင်ꩻ သွံပေလꩻဒျာႏ၊ ရောႏဂါႏတရနွောင်ꩻတဝ်း\"ဒေါ့ꩻလွနုဲင်းနဝ်ꩻ၊ ယိုခါနဝ်ꩻ သွံပေလꩻတဝ်းဒွုမ်၊ \"သူပေလွိုမꩻ-သꩻဆွော့ꩻလꩻ\"ဒေါ့ꩻတောလဲဉ်းနုဲင်းနဝ်ꩻ၊ ကရီးခါနဝ်ꩻ \"၁၄-နီꩻကို ပေါႏတထွာတဝ်းထမုဲင်ꩻမုဲင်ꩻနဝ်ꩻ ရောႏဂါႏအဲဉ်ထဝ်း၊ သဲင်ꩻအုံလမ်းလꩻလဲဉ်းဒျာႏ\"ဒေါ့ꩻလွနုဲင်းနဝ်ꩻ၊ ယိုခါနဝ်ꩻ မွေးတဝ်းဒွုမ်၊ ၁၅-နီꩻမꩻ ၁၆-နီꩻမꩻ ရောႏဂါႏလက္ခဏာႏပေါႏတဲ့အဝ်ႏ၊ ကွပ်နဝ်ꩻမꩻ \"၂၁-နီꩻမꩻ သꩻဆွော့ꩻလꩻ\"ဒေါ့ꩻတောဖျင်လဲဉ်းနုဲင်းနဝ်ꩻ။\nကွပ်နဝ်ꩻမꩻ \"သꩻဆွော့ꩻလꩻလဲဉ်း၊ ထွာတဝ်းထမုဲင်ꩻမုဲင်ꩻ၊ ထွာဒျာႏဝင်ꩻရပ်၊ တထွာတဝ်းနီရပ်\"ယူႏဖွီမွုန်းထာꩻနုဲင်းနဝ်ꩻ၊ အုံဖွီအုံဖုဲင်၊ အုံကြွို့ꩻကြꩻမွုန်းထာꩻ။\nအစိုႏရကထေဒါႏ စီꩻကန်ꩻဖုံႏ၊ ဆဲင်ႏရာꩻရပ်ကိုကထေဒါႏ စီꩻကန်ꩻဖုံႏ \"မာꩻမွုန်းနုဲင်းနဝ်ꩻ-မာꩻဗာႏဒျာႏနုဲင်းယို\"စတဲင် ငေါဝ်းဖေႏသတိꩻ ငေါဝ်းနယ်ထွဉ်ႏဖုံႏနဝ်ꩻ လွောက်ꩻနာႏလွဉ်ꩻမွေးမွေးဗာႏ။\nအစိုႏရ ခြွိုင်ႏသန်ꩻရေꩻဝွန်ႏတန်ဌာႏနကထေဒါႏ သတင်ꩻအမဲဉ်ႏဖုံႏ၊ ငေါဝ်းနယ်ထွဉ်ႏဖုံႏနဝ်ꩻ နာႏသေႏသေႏသွော့၊ တာႏဝွန်ႏကအဝ်ႏဒါႏ ပုဂ္ဂိုလ်ႏဖုံႏတဲ့ လိုꩻနီရပ် လိုꩻနီဒုံ လိုꩻနီဝေင်ꩻ ဖေႏကသေသတင်ꩻ တလဲင်ႏချင်ꩻတဲ့နဝ်ꩻ၊ လိုႏမာꩻနုဲင်းမုဲင်ꩻတဲ့နဝ်ꩻ တခိန်ႏချင်ႏထွꩻသွို(အချိန်နဲ့တပြေးညီ) တလဲင်ႏချင်ꩻ မာꩻဖေႏသွော့မွိုင်မွိုင်၊ ပါꩻမဉ်ႏခွန်းတဲ့ ဖေႏကထွာ \"ခန္တီႏပါႏရမီႏ\"နဝ်ꩻ သယ်ꩻခံႏဖေႏသွော့။\nအခိန်ႏအခါႏယိုနဝ်ꩻ အဝ်ႏလိုႏအွဉ်ႏငါႏ \"သဘော်ꩻသꩻမျတ်\"စွုမ်ႏဖြာꩻဖြာꩻ၊ \"သꩻ\"ကရိုꩻနဝ်ꩻ တထီႏတဝ်းအနမ်းစွဉ်ႏတဲ့ \"သꩻကုဲင်\"တဲ့ ဝွေꩻအာႏတွမ်ႏဝွေꩻအစွန်ꩻသတ္တိ တလာတန်ဒျာႏ၊ \"သꩻဟောဝ်\"တဲ့ ဝွေꩻအာႏတွမ်ႏဝွေꩻအစွန်ꩻသတ္တိ တလာတန်ဒျာႏ။\nဥပမာႏ- ဒေါ့ꩻခန်းပါꩻတဖြာꩻ ဒေါႏသꩻထန်ႏ၊ သꩻလျားထာꩻ၊ ထွားဝွေꩻမဲ့ငါနဝ်ꩻဟုဲင်း \"ဒေါႏသꩻသွီႏတဗဲက်ꩻ-လွိုးတနျာႏတဲက်ꩻစွဉ်ႏ\"၊ ကွပ်သꩻလျားတွော့ꩻ လွိုးတဲ့တကုဲင်စွော့ꩻထိုꩻစွဉ်ႏ၊ ဝွေꩻနမ်းတဲ့ သꩻဒုက္ခဒျာႏ၊ ကထီႏဝွေꩻသားတဲ့ သꩻတချမ်ꩻသာႏတဝ်း၊ နဝ်ꩻနဝ်ꩻ သꩻကုဲင်' သꩻဒေါႏသꩻ ပျꩻအအာႏရဲင်ꩻ၊ ပျꩻအစွန်ꩻ မွိုက်နယ်ထာꩻသနယ်နဝ်ꩻ၊ \"ဒေါသ\"ကရိုꩻနဝ်ꩻ သဘော်ꩻအဝ်ႏနုဲင်းနောဝ်ꩻ၊ ဒေါသသဘာဝ၊ သꩻလျားထာꩻအထွုံꩻစံႏ-အဝ်ႏနုဲင်းနဝ်ꩻ ကရိုꩻနဝ်ꩻ စဲင်းစဲင်းစဲ့စဲ့၊ ထင်ႏထင်ႏသျာꩻသျာꩻ အွဉ်ႏနယ်ပါꩻသနယ်နောဝ်ꩻ။\nယူႏတောသွော့ \"မေတ္တာႏ၊ ကရုဏာႏ၊ မုဒိတာႏ-သꩻဟောဝ်၊ သꩻမျတ်\"ဖုံႏနဝ်ꩻ သဘော်ꩻသဘာဝ အထွုံႏစံႏဟုဲင်း၊ လိုꩻသꩻမေတ္တာႏတန်နဝ်ꩻ \"အလွိုးအဗန်\"အဝ်ႏနုဲင်းမုဲင်ꩻ၊ ကရုဏာႏသား လိုꩻထာꩻသညင်ꩻတန်နောဝ်ꩻ \"အငုဲင်ꩻအဟန်\"အဝ်ႏနုဲင်းမုဲင်ꩻ၊ လိုꩻတကေးဒါႏတဝ်းဝင်ꩻ၊ လိုꩻသꩻရေꩻမွေးဝင်ꩻနဝ်ꩻ \"ပယွုမ်းယွုမ်းပေႏ၊ စွူဖြွိုးပေႏ၊ လွိုးဗန်တရေꩻရဲ့ပေႏ\"သနယ်၊ ဝွေꩻနမ်းတဲ့ သꩻချမ်ꩻသာႏဒျာႏ၊ ကထီႏဝွေꩻသားဖုံႏတဲ့ ဗွေမဲ့စွုမ်ႏဖြာꩻ သꩻရေꩻပငါပရာꩻ။\nနောဝ်ꩻဖုံႏနဝ်ꩻ သꩻဟောဝ်သꩻမျတ်ကရိုꩻဒါႏ သꩻမေတ္တာႏ' သꩻကရုဏာႏ' သꩻမုဒိတာႏသီးဖုံႏ တဗွီႏနယ်'အွီႏနယ်' ခွꩻရျူႏနယ်၊ ဝွေꩻသီးထေနယ် ဝွေꩻသီးအာႏရဲင်ꩻ၊ ဝွေꩻသီးထေနယ် ဝွေꩻသီးအစွန်ꩻသတ္တိဖုံႏသနယ်နဝ်ꩻ၊ \"သꩻမေတ္တာႏ\"ကရိုꩻနဝ်ꩻ သꩻဘော်ꩻအဝ်ႏနုဲင်းယို၊ \"သꩻကရုဏာႏ\"ကရိုꩻနဝ်ꩻ သဘာဝအဝ်ႏနုဲင်းယို၊ \"သꩻမုဒိတာႏ\"ကရိုꩻနဝ်ꩻ အထွုံႏစံႏအဝ်ႏနုဲင်းယို၊ နောဝ်ꩻဖုံႏနဝ်ꩻ မေတ္တာႏ' ကရုဏာႏ' မုဒိတာႏသီး အွဉ်ႏရနယ်အခွꩻဓါတ်၊ အွဉ်ႏရနယ် အစွူဓါတ်၊ အွဉ်ႏရနယ် အပယွုမ်းဓါတ်၊ အွဉ်ႏနယ်ဝွေꩻသီး အဟောဝ်ပွုံႏ၊ အွဉ်ႏနယ်ဝွေꩻသီး အမျတ်ပွုံႏဖုံႏသနယ်နောဝ်ꩻ။\nအရေꩻကတန်ငါႏ အခိန်ႏခါႏနုဲင်းယိုခါနဝ်ꩻ \"ပါႏပါꩻယို၊ ပါႏပါꩻနောဝ်ꩻ၊ ပါꩻယိုဟောဝ်တဝ်း၊ ပါꩻနဝ်ꩻယံတဝ်း\"တဖြာꩻတွမ်ႏတဖြာꩻ' တစွိုꩻတွမ်ႏတစွိုꩻ ခွန်းတောဒျာႏလို့ဝင်ꩻ၊ ရွို့ꩻတောဒျာႏလို့ဝင်ꩻနုဲင်းနဝ်ꩻနောဝ်ꩻ လွောင်ႏဗူႏရေꩻကုဲင်တဲင် ထွာအမာႏတန်၊ တယံတဝ်း၊ သူႏတောႏကောင်ꩻ လိုꩻဟောဝ်သီးဖုံႏ ��ျွိုက်တဝ်းတစိꩻစိꩻ။\nအရေꩻတန်ငါႏ မရေႏမရာႏ အခိန်ႏခါႏနုဲင်းယိုခါနဝ်ꩻ ခမ်းသား ထီသား \"ကားကအဝ်ႏ-အဝ်ႏလိုႏလွောင်ႏဗူႏငါႏ\"လို့ဝင်ꩻ၊ လိုꩻတွိုင်ꩻစွုမ်ႏဖြာꩻ လိုႏအွဉ်ႏငါႏ သꩻဟောဝ်သꩻမျတ်၊ လိုႏအွဉ်ႏငါႏ မေတ္တာႏ ကရုဏာႏ မုဒိတာႏတရာꩻ။\nကွပ်နဝ်ꩻမꩻ တဲႏနေင်ႏတသာယိုမာꩻငါနဝ်ꩻ နမ်းတသာ သꩻတသာ၊ တဖြာꩻတွမ်ႏတဖြာꩻ' တစွိုꩻတွမ်ႏတစွိုꩻ ရက်ရက်ပဲင်ꩻပဲင်ꩻ' ထီꩻထီꩻသင်ꩻသင်ꩻ' သညင်ꩻတန်တန်' သꩻရောင်းသꩻရေꩻ ရုဲင်းရုဲင်းဟန်ဟန် \"နေးတွမ်ႏခမ်းသားထီသား လွောင်ႏဗူႏမုꩻအာႏရဲင်ꩻတလာလာ\"တွော့ꩻ ကတလူႏ ကတခူဗာႏ အယပ်ꩻအခုဲင်ႏအမျိုꩻမျိုꩻ၊ ကတွူႏတရန်ဗာႏ အယပ်ꩻအခုဲင်ႏအမျိုꩻမျိုꩻ၊ ကပေ့ꩻရဲ ကကာႏကွယ်ႏဗာႏ ကပ်ရောႏဂါႏအမျိုꩻမျိုꩻ-စတဲင် အယပ်ꩻအခုဲင်ႏအမျိုꩻမျိုꩻဖုံႏနဝ်ꩻ ယံဖေႏနေး ကအောင်ႏလꩻသွော့၊ ယံဖေႏနေး ကအောင်ႏလꩻသွော့၊ ယံဖေႏနေး ပေ့ꩻရဲကာႏကွယ်ႏနွောင်ꩻသွော့၊ ယံဖေႏနေး ကနွန်ႏဝꩻနွောင်ꩻသွော့၊ ယံဖေႏနေး ကပက်ညာꩻထိုꩻနွောင်ꩻသွော့-ကရိုꩻနဝ်ꩻ ထွူႏထွူႏတွုမ်တွုမ် ကွီဆုꩻပတ္ထနာႏ၊ ပသာဖေႏမေတ္တာႏနုဲင်းနဝ်ꩻ ဩဝါဒကထာ ငေါဝ်းမိန်းငွါယိုနဝ်ꩻ ယိုတလဲင်ႏတာႏနဝ်ꩻ အွဉ်ႏသဝ်ꩻအွဉ်ႏထွူတခါႏက တခွုင်းယို။\n- မူႏခိုခွန်နင်ꩻသီးဖုံႏ ကားကအောဝ်ႏ -\n- တဒုံလုမ်းလုမ်း၊ တရပ်လုမ်းလုမ်း -\n- တခမ်းလုမ်းလုမ်း၊ တကမ္ဘာႏလုမ်းလုမ်း -\n- ဘုရာꩻဗွန်အဝ်ႏကုမ်း၊ တရာꩻဗွန်အဝ်ႏကုမ်း၊ သံဃာႏဗွန်အဝ်ႏကုမ်း -\n- မေတ္တာႏဗွန်အဝ်ႏကုမ်း၊ ကုသိုလ်ႏဗွန်အဝ်ႏကိုမ်းသေႏသေႏတဲင် \n- ကင်ꩻညာꩻရောႏဂါႏ၊ ခြွိုင်ႏသန်ꩻချမ်ꩻသာႏလွသွော့၊\n- စွုမ်ႏပီးစွုမ်ႏပါꩻ၊ စွုမ်ႏဖြီးစွုမ်ႏဖြာꩻ ပငါပရာꩻနော။\nနေးတွမ်ႏမေတ္တာႏတဲင် -\nဗွေႏဗွန်-ကောဝိဒ\nဇဝနာရာမလိတ်သွဉ်တွိုက်\nဝေင်ꩻသီႏသဲင်ႏ\n၁၃၈၂-ဗာႏ၊ ဒဲဉ်ဟားလောင်း(၁၀) (၁၇-၄-၂၀၂၀)\nတောင်ꩻခါꩻ-\n- ဗွေႏသံဃာႏသီးတဲ့နောဝ်ꩻ\n- တကာႏသီးဗော့ꩻဗော့ꩻညာꩻညာꩻတဲ့နောဝ်ꩻ\n- လွဉ်ကွဉ်းတော့ꩻမွုန်းဒွုမ်ဆရာႏ\n- ထင်ႏလွဉ်မွုန်းဒွုမ်ကျောင်ꩻနော။\n\nအာႏကွိုꩻ \n\nပအိုဝ်ႏဗွေႏလိုꩻကျောင်ꩻသီး နမ်းခြောင်ꩻခရာႏ","num_words":7201,"character_repetition_ratio":0.047,"word_repetition_ratio":0.012,"special_characters_ratio":0.084,"stopwords_ratio":0.014,"flagged_words_ratio":0.0,"lang_id_score":1.0,"perplexity_score":3695.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%97%E1%80%BD%E1%80%B1%E1%82%8F%E1%80%98%E1%80%AF%E1%80%9B%E1%80%AC%EA%A9%BB%E1%80%A1%E1%80%AC%E1%82%8F%E1%80%A1%E1%80%95%E1%80%AB%EA%A9%BB%E1%80%90%E1%80%86%E1%80%AE","collection":"wikipedia","source":"wikipedia","original_code":"blk","text":"\"သိဟနာဒသုတ် (ဗွေႏဘုရာꩻအာႏ အပါꩻတဆီ)\"\nရဟန်ꩻသီးဖုံႏဟွေး-\nဗွေႏဘုရာꩻ'အာႏတောႏ'အဝ်ႏအမျိုꩻတဆီ၊ တဆီကရို��နဝ်ꩻ-\n၁။ ဌာနဉ္စ ဌာနတော အဌာနဉ္စ အဌာနတော ယထာဘူတံ ပဋိဇာနာတိ-\nလောကကိုယို နီဗွေႏဘုရာꩻနဝ်ꩻ အကျောင်ꩻမွေးတဲ့ အကျောင်ꩻမွေးအတွိုင်ꩻသေ၊ အကျင်ꩻမွေးတဝ်းတဲ့ အကျောင်ꩻမွေးတဝ်းအတွိုင်ꩻသေ၊ ကသေနွောင်ꩻနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုꩻနောဝ်ꩻသွူ။\n၂။ အတီတာနာဂတ ပစ္စုပ္ပန္နာနံ ဝိပါကံ ယထာဘူတံ ပဇာနာတိ-\nနီဗွေႏဘုရာꩻနဝ်ꩻ အတိတ်၊ အနာဂတ်၊ ပစ္စုပ္ပန်ႏ ကံႏတရာꩻအကျိုꩻနဝ်ꩻ အမွေး-အမွေးအတွိုင်ꩻသေ၊ ကသေနွောင်ꩻနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုꩻနောဝ်ꩻသွူ။\n၃။ သဗ္ဗတ္ထဂါမိနိံ ပဋိပဒံ ယထာဘူတံ ပဋိဇာနာတိ-\nအကျင်ꩻကတွိုႏလွေꩻအီ ဂတိငတ်ꩻပါꩻ (လိုꩻ လူꩻ ငါးရုဲင်ꩻ တိရစ္ဆာန်ႏ ပိတ္တာႏ)တဲ့နဝ်ꩻ၊ အကျင်ꩻကတွိုႏလွေꩻအီ နိဗ္ဗာန်ႏတဲ့နဝ်ꩻ အမွေး-အမွေးအတွိုင်ꩻသေ၊ ကသေနွောင်ꩻနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုꩻနေနေနဝ်ꩻသွူ။\n၄။ အနေကဓါတုံ နာနာဓါတုံ လောကံ ယထာဘူတံ ပဋိဇာနာတိ-\nနီဗွေႏဘုရာꩻနဝ်ꩻ ဓါတ်အာ မရမက၊ ဓါတ်လောက အမျိုꩻမျိုꩻဖုံႏနဝ်ꩻ အမွေး-အမွေးအတွိုင်ꩻသေ၊ ကသေနွောင်ꩻနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုꩻနေနေနောဝ်ꩻသွူ။\n၅။ သတ္တာနံ နာနာဝိမုတ္တိကတံ ယထာဘူတံ ပဋိဇာနာတိ-\nနီဗွေႏဘုရာꩻနောဝ်ꩻ သတ္တဝါႏသီးသꩻကို ထွားနုဲင်းမုဲင်ꩻ နုဲင်းမုဲင်ꩻနဝ်ꩻ အမွေး-အမွေးအတွိုင်ꩻသေ၊ ကသေနွောင်ꩻနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုꩻနေနေနောဝ်ꩻသွူ။\n၆။ ပရသတ္တာနံ ပရပုဂ္ဂလာနံ ဣန္ဒြိယပရောပရိယတ္တံ ယထာဘူတံ ပဇာနာတိ-\nနီဗွေႏဘုရာꩻနဝ်ꩻ အယွုတ်အမျတ်ကထွာဒါႏ ပုဂ္ဂိုလ်ႏသတ္တဝါႏသီး ဣန္ဒြေႏ အဖြားအဆားနောဝ်ꩻ အမွေး-အမွေးအတွိုင်ꩻသေ၊ ကသေနွောင်ꩻနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုꩻနေနေနောဝ်ꩻသွူ။\n၇။ စျာနဝိမောက္ခသမာဓိ သမာပတ္တီနံ သံကိလေသံ ဝေါဒါနံ ဝုဋ္ဌာနံ ယထာဘူတံ ပဇာနာတိ-\nနီဗွေႏဘုရာꩻနဝ်ꩻ ဈာန်ႏဝိမောက္ခ၊ သမာဓိ၊ သမာပတ်၊ တဗော့ꩻ၊ ကြောင်းစင်၊ ထွူထွိုင်ႏဖုံႏနောဝ်ꩻ အမွေး-အမွေးအတွိုင်ꩻသေ၊ ကသေနွောင်ꩻနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုꩻနေနေနောဝ်ꩻသွူ။\n၈။ အနေကဝိဟိတံ ပုဗ္ဗေနိဝါသံ အနုဿရတိ-\nနီဗွေႏဘုရာꩻနဝ်ꩻ တောင်ꩻလို့ချာ ဘဝပေါင်ꩻအာ၊ ကတောင်ꩻနွောင်ꩻနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုꩻနေနေနောဝ်ꩻသွူ။\n၉။ ဒိဗ္ဗေန စက္ခုနာ ယထာကမ္မူပဂေ သတ္တေ ပတိဇာနာတိ-\nနီဗွေႏဘုရာꩻနဝ်ꩻ နေးတွမ်ႏ ဒိဗ္ဗစက္ခုဉာဏ်ႏတဲင် သေလို့ ထီႏလို့ လိုꩻလူꩻဗျဟ္မာႏ သတ္တဝါ��သီး ကံႏအလွိုက် ကထွိုက်ရာꩻ ကလွေꩻငါ ကလွေꩻထွာဖုံႏနဝ်ꩻသွူ၊ ကသေထီႏနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုနေနေနောဝ်ꩻသွူ။\n၁၀။ သယံ အဘိညာ သစ္ဆိကတွာ ဥပသမ္ပဇ္ဇ ဝိဟရတိ-\nနီဗွေႏဘုရာꩻနဝ်ꩻ နေးတွမ်ႏဉာဏ်ႏထူꩻ ထီႏတရာꩻ လꩻတရာꩻ ဘဝယိုခါ (ထွာဘုရာꩻ)နဝ်ꩻသွူ၊ ကလꩻကထီႏနွောင်ꩻနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုꩻနေနေနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ မဟာဝဂ်၊ သီဟနာဒသုတ်)\n\nအာႏကွိုꩻ","num_words":480,"character_repetition_ratio":0.165,"word_repetition_ratio":0.045,"special_characters_ratio":0.087,"stopwords_ratio":0.01,"flagged_words_ratio":0.0,"lang_id_score":1.0,"perplexity_score":3312.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%97%E1%80%BD%E1%80%B1%E1%82%8F%E1%80%9B%E1%80%9F%E1%80%94%E1%80%BA%EA%A9%BB%E1%80%9E%E1%80%BD%E1%80%B6%E1%80%95%E1%80%AB%EA%A9%BB","collection":"wikipedia","source":"wikipedia","original_code":"blk","text":"\"နီဗွေႏဘုရာꩻ ကျွꩻလွေꩻဝါႏခြာကွဉ်ႏ၊ (ဗွေႏရဟန်ꩻသွံပါꩻထျꩻ၊ သွံပါꩻတသꩻ အုံညီꩻခွꩻ)\"\n\nအတွင်ꩻနဝ်ꩻခါ \"ဗွေႏအနုရုဒ္ဓါႏ၊ ဗွေႏနန္ဒိယ၊ ဗွေႏကိမိလ\" ဗွေႏသီးသွံပါꩻ အဝ်ႏအုံဝါႏခြာကွဉ်ႏ၊ ဗွေႏဘုရာꩻကျွꩻလွဉ်တဲင် သꩻရောင်းသꩻရေꩻ ဝွေꩻဗွေႏသီးကျိုႏဆွုမ်ႏ ဗွေႏဘုရာꩻ၊ ဗွေႏဘုရာꩻရီနုဲင်းယို-\n\"တပဲ့ꩻအနုရုဒ္ဓါႏ-\nသမဂ္ဂါ-လွောင်ႏလွောင်ႏဗူႏဗူႏ သီအုံညီꩻရျူႏလို့ဝင်ꩻနုဲင်းမုဲင်ꩻ\"\n\"ဆရာႏဘုရာꩻဗွေႏဩ-\nခွေသွဉ်းယူႏသꩻကို အုံညီꩻဗာႏ 'သွꩻဟောဝ်\"နုဲင်းယိုနဝ်ꩻ 'ယံမွေး'စွဉ်ႏထာꩻဟွေး၊ စူꩻတဝ်းခွေသꩻ စူꩻဒျာႏဝွေꩻဗွေႏသီးသꩻ၊ ဖြွမ်းလွဉ်ꩻဒျာႏဝွေꩻဗွေႏသီး၊ တွုံꩻသွမ်ꩻ ပါꩻမုဲင်ꩻဖျော်ရီးတဲ့ ဒါဖေႏခင်ႏလမ်း၊ တွောင်သေꩻဖေႏထီ၊ အွဉ်ႏတံꩻသေꩻဖေႏဝန်ႏ-စတဲင်မာꩻနုဲင်းနဝ်ꩻ၊ နီသွဉ်းသီးနမ်းနဝ်ꩻ အဝ်ႏသွံပါꩻတဲ့ သꩻအဝ်ႏသꩻမေတ္တာႏ တသꩻလွုမ်ꩻဒျာႏ ဗွေႏဩ၊ 'ဖေႏကလꩻမဂ်'တဲ့ အောဝ်ႏကျိုꩻစာꩻကျပ်ဒျာႏ ဗွေႏဩ\" လောဝ်းစတဲင်နုဲင်းနောဝ်ꩻသွူ။\n\"တပဲ့ꩻနန္ဒိယ-\nသမ္မောဒမာနာ- သꩻရောင်းသꩻရေꩻ သီအုံညီꩻလွေꩻလို့ဝင်ꩻနုဲင်းမုဲင်ꩻ\"\n\"ဆရာႏဘုရာꩻဗွေႏဩ-\nခွေသွဉ်းယူႏသꩻကို အုံညီꩻဗာႏ 'သွꩻရက်'နုဲင်းယိုနဝ်ꩻ 'ကျမွေး'စွဉ်ႏထာꩻဟွေး၊ စူꩻတဝ်းခွေသꩻ၊ စူꩻဒျာႏဝွေꩻဗွေႏသီးသꩻ၊ ဖြွမ်းလွဉ်ꩻဒျာႏဝွေꩻဗွေႏသီး၊ တွုံꩻသွမ်ꩻ ပါꩻမုဲင်ꩻဖျော်ဆုဲင်ꩻတဲ့ ပသေဝန်ႏ၊ ခေါက်ဟောဝ်ထာꩻဒါ၊ ဖွစ်ꩻထာꩻ-စတဲင်မာꩻနုဲင်းနဝ်ꩻ၊ နီသွဉ်းသီးနမ်းနဝ်ꩻ အဝ်ႏသွံပါꩻတဲ့ သꩻအဝ်ႏ သꩻမေတ္တာႏ တသꩻလွုမ်ꩻဒျာႏဗွေႏဩ၊ 'ဖေႏကလꩻဖိုလ်ႏ'တဲ့ အောဝ်ႏကျိုꩻလိုꩻဒျာႏဗွေႏဩ\"လောဝ်းစတဲင်နုဲင်းနောဝ်ꩻသွူ။\n\"တပဲ့ꩻကိမိလ-\nအဝိဝဒမာနာ- လွစ်ထေင်လွစ်ညင်ꩻ သီအုံညီꩻလို့ဝင်ꩻနုဲင်းမု���င်ꩻ\"\n\"ဆရာႏဘုရာꩻဗွေႏဩ-\nခွေသွဉ်းယူႏသꩻကို အုံညီꩻဗာႏ 'သွꩻခေါဝ်း'နုဲင်းယိုနဝ်ꩻ 'ဟောဝ်မွေး'စွဉ်ႏထာꩻဟွေး၊ စူꩻတဝ်းခွေသꩻ၊ စူꩻဒျာႏဝွေꩻဗွေႏသီးသꩻ၊ ဖြွမ်းလွဉ်ꩻဒျာႏဝွေꩻဗွေႏသီး၊ ရော့ꩻတွောင်ထီတဲ့ သေတွောင်ဒျာႏ၊ ရော့ꩻဖွစ်ꩻထာꩻတဲ့ သေဖွစ်ꩻဒျာႏ၊ နီသွဉ်းသီးနဝ်ꩻ နမ်းအဝ်ႏသွံပါꩻတဲ့ သꩻအဝ်ႏ သꩻမေတ္တာႏ တသꩻလွုမ်ꩻဗွေႏဩ၊ ထေင်ညင်ꩻဖိုတဝ်းလို့ဝင်ꩻ၊ ယိုနဝ်ꩻနီကျောင်ꩻ၊ ကျောင်ꩻကိုထာꩻမာꩻနဝ်ꩻ နီအဗာႏမာꩻလွဉ်းလွဉ်း၊ ခွေတာႏဝွန်ႏဒျာႏ၊ နာꩻတာႏဝွန်ႏဒျာႏ အွဉ်ႏတဝ်းသꩻနုဲင်းနဝ်ꩻ၊ နီကျောင်ꩻဖေႏကတိုꩻတက်၊ သꩻရက်ကျောင်ꩻအဝ်ႏသေႏသေႏ၊ 'ဖေႏကလꩻနိဗ္ဗာန်ႏ'အဝ်ႏကျံႏအဝ်ႏကျိုꩻစာꩻဒျာႏ ဗွေႏဩ\" လောဝ်းစတဲင်နုဲင်းနောဝ်ꩻသွူ။ နီဗွေႏဘုရာꩻရိုꩻ- \"တပဲ့ꩻသီးဖုံႏဟွေး-\nသီအုံညိꩻလို့ဝင်ꩻ လွောင်ႏလွောင်ႏဗူႏဗူႏ၊ ရောင်းရောင်းရျူႏရျူႏ၊ တဲ့ꩻတဲ့ꩻခေါဝ်းခေါဝ်း၊ နမ်းအဝ်ႏသွံပါꩻတဲ့ သꩻအွဉ်ႏတသꩻလွုမ်ꩻ၊ ယံကလꩻ မဂ်ဖိုလ်ႏနိဗ္ဗာန်ႏ သီအဝ်ႏကျံႏကျိုꩻစာꩻနုဲင်းယိုနဝ်ꩻ ယံမွေးကျမွေးဟောဝ်မွေးထာꩻ\"နီဗွေႏဘုရာꩻအံႏဖြာႏ စတဲင်နုဲင်းနဝ်ꩻထွူခါ ဟော်ꩻပါတရာꩻ၊ ကျွꩻညာꩻလွေꩻခန်းဒျာႏ \"ပါလိလေယျက\" လွေꩻအုံခွꩻ တခြာကိုနောဝ်ꩻသွူ။ (ဝိနယ၊ မဟာဝဂ္ဂပါဠိတောႏ၊ ကောသမ္ဗကက္ခန္ဓက)\n\nအာႏကွိုꩻ","num_words":442,"character_repetition_ratio":0.073,"word_repetition_ratio":0.104,"special_characters_ratio":0.08,"stopwords_ratio":0.034,"flagged_words_ratio":0.0,"lang_id_score":1.0,"perplexity_score":1019.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%97%E1%80%BD%E1%80%B1%E1%82%8F%E1%80%9E%E1%80%AC%E1%80%9B%E1%80%AD%E1%80%95%E1%80%AF%E1%80%90%E1%80%B9%E1%80%90%E1%80%9B%E1%80%AC%E1%82%8F%E1%80%92%E1%80%B1%E1%80%AB%E1%80%B7%EA%A9%BB%E1%80%90%E1%80%BB%E1%80%80%E1%80%BA%E1%80%90%E1%80%BB%E1%80%80%E1%80%BA","collection":"wikipedia","source":"wikipedia","original_code":"blk","text":"\"သီဟနာဒသုတ် (ဗွေႏသာရိပုတ္တရာႏ ဒေါ့ꩻဒျက်ဒျက်)\"\nအွိုးခꩻတလဲင်ႏ-\nနီဗွေႏဘုရာꩻအဝ်ႏအုံ သာဝတ္ထိခမ်း၊ ကျောင်ꩻဇေႏတဝွန်ႏကိုအတွင်ꩻ ဗွေႏသာရိပုတ္တရာႏ လွဉ်ရီအခွင်ꩻ အီႏကျွꩻလွေꩻတဖူꩻညာꩻ၊ ဗွေႏဘုရာꩻဖေႏ အခွင်ꩻထွူ ဗွေႏသာရိပုတ္တရာႏ ထွိုင်ႏသဲင်ꩻတညတဝ်း စင်ꩻတပါꩻလွဉ်တောဝ်း ဗွေႏဘုရာꩻနုဲင်းယို-\n\"ဩဗွေႏ- သာရိပုတ္တရာႏနဝ်ꩻ အခွေါင်းဗာႏသွူ ခွေသွဉ်းတဲ့ တောင်ꩻပြန်ႏချာတဝ်းခွေသွဉ်း၊ ဝွန်ႏခံႏတဝ်းအပဲ့စ် နဲ့စ်လွေꩻထိုꩻဒျာႏ ဗွေႏဩ\"လောဝ်းနုဲင်းနောဝ်ꩻ။\nတမွေးတဝ်းနဝ်ꩻ နီဗွေႏဘုရာꩻ အဝ်ႏသေသေဒျာႏ၊ ပေါႏမဉ်ႏတဖြေႏသျင်ꩻဖေႏတဝ်း ပျဿနာႏယိုနဝ်ꩻ စင်ꩻနဝ်ꩻ အီႏရိုꩻဝွေႏဘုရာꩻ အုံသာရိပုတ္တရာႏရေꩻ၊ အုံတဝ်းဝွေꩻရေꩻ၊ အီႏပဲ့စ်မာႏ နီဗွေႏဘုရာꩻနုဲင်းနဝ်ꩻ၊ မဉ်ႏပဲ့စ်မာႏ ဗွေႏဘုရာꩻနဝ်ꩻ စ��်ꩻနဝ်ꩻနဝ်ꩻ အီႏလင်ꩻထဲ့ဗာႏငါးရုဲင်ꩻ၊ နီဗွေႏဘုရာꩻငမ်းငါႏ စင်ꩻနဝ်ꩻထဲ့ငါးရုဲင်ꩻနဝ်ꩻမꩻ ထွဉ်ႏစင်ꩻတပါꩻ လွေꩻပင်ꩻလွဉ် ဗွေႏသာရိပုတ္တရာႏ၊\n\"ဩဗွေႏ- နီဗွေႏနဝ်ꩻ ဗွေႏဘုရာꩻဟဲ့ꩻ၊ ကျွꩻလွဉ်ယိုခါခါတဲ့ ဗွေႏဩ\" စင်ꩻတပါꩻလွေꩻလောဝ်း ဗွေႏသာရိပုတ္တရာႏ နုဲင်းနောဝ်ꩻသွူ။\nသံဃာႏဖုံႏ အီႏကျွꩻလွေꩻလွဉ်ꩻ ဗွေႏသာရိပုတ္တရာႏတဲ့ အာတန်၊ တွိုႏနဝ်ꩻခါ ဗွေႏမောဂ္ဂလာန်ႏတွမ်ႏ ဗွေႏအာနန္တာႏသီးဖုံႏနဝ်ꩻ ဝဲခါꩻသော်ထွူတဲင်-\n\"ဗွေႏသီးဖုံႏဟွေး-\nရိုꩻနုဲင်းနဝ်ꩻတွော့ꩻ ဗွေႏသံဃာႏသီးဖုံႏတဲ့ ကျွꩻထင်ႏလို့ကျောင်ꩻကီ ဗွေႏဘုရာꩻထျꩻ၊\nတွိုႏနဝ်ꩻခါ ဗွေႏသာရိပုတ္တရာႏနောဝ်ꩻ ဝုဲင်ႏရိုႏရိုႏသေႏသေႏ၊ ဝုဲင်ႏဘုရာꩻထွူခါ အုံလင်ꩻချာဗော့ꩻ ဗွေႏဘုရာꩻထျꩻနောဝ်ꩻသွူ။ \nဗွေႏဘုရာꩻရိုꩻ-\n\"သာရိပုတ္တရာႏ- သီသွꩻပေႏစင်ꩻတပါꩻရိုꩻ 'သာရိပုတ္တရာႏနဝ်ꩻ မာꩻဗာႏသွူဝွေꩻတဲ့ တောင်ꩻပြန်ႏချာတဝ်းဝွေꩻ၊ ဝွန်ႏခံႏတဝ်းအပဲ့စ်၊ နဲ့စ်လွေꩻထိုꩻဒျာႏ-တဲ့' အကေႏနပ်တဝ်း၊ အလွဉ်လောဝ်း ခွေနုဲင်းနဝ်ꩻ\"\nဗွေႏဘုရာꩻ ဒေါ့ꩻနုဲင်းနောဝ်ꩻတဲင် ဗွေႏသာရပုတ္တရာႏနဝ်ꩻ ရုဲင်းရုဲင်းဟန်ဟန် နုဲင်းစွဉ်ႏချင်ႏသေ့ꩻဖြေင်ꩻထာꩻ၊ လောဝ်းဘုရာꩻတျက်တျက်နုဲင်းယိုသွူ။\n၁။ လိုꩻမဉ်ႏထင်းတန် အနမ်းနဝ်ꩻမꩻ 'ခွေါင်းဗာႏသွူဝင်ꩻ တပါꩻပါꩻတဲ့ တောင်ꩻပြန်ႏချာတဝ်း၊ ဝွန်ႏခံႏတဝ်းအပဲ့စ် နဲ့စ်လွေꩻထိုꩻ'ကရိုꩻနဝ်ꩻ ရမွေးဒျာႏဗွေႏဩ၊\nကွဲႏတွော့ꩻ ခွေသွဉ်းယိုနဝ်ꩻ ထင်းတန်တဝ်းနမ်း၊ ခွေသွဉ်းနမ်းယို မတ်ဒျာႏနုဲင်းဟံႏ၊ ခွေသွဉ်းသꩻနဝ်ꩻ အွဉ်ႏဗွန်ဒျာႏနုဲင်းဟံႏ၊ ဟံႏသီးအမျိုꩻနဝ်ꩻ-\nထာꩻကြောင်းမျိုꩻတဲ့ ဝင်ꩻဝေါင်းဒင်ႏ၊ ထာꩻဝွေႏမျိုꩻတဲ့ ဝင်ꩻဗေက်ꩻဒင်ႏ၊ အေႏတဲ့ ဝင်ꩻအေႏဒင်ႏ၊ ဆီႏတဲ့ ဝင်ꩻဆီႏလူး၊ တွမ်ႏယုဲင်ထီ ဝင်ꩻပထူလူး၊ ဝင်ꩻမဉ်မာꩻနုဲင်းမုဲင်ꩻမာꩻ ဟံႏတသောင်တခြင်ꩻတဝ်း၊ ဟံႏတဒေါ့ꩻတဝ်း ထမုဲင်ꩻမုဲင်ꩻ၊ ခွေသွဉ်းနမ်း ခွေသွဉ်းသꩻ၊ အွဉ်ႏချꩻပီဒျာႏ နုဲင်းဟံႏနောဝ်ꩻ ဗွေႏဩ\"\nဩဗွေႏ ဘုရာꩻမျတ်ဗွေႏဩ-\n၂။ လိုꩻမဉ်ႏထင်းတန် အနမ်းနဝ်ꩻမꩻ 'ခွေါင်းဗာႏသွူဝင်ꩻ (တပါꩻပါꩻ)တဲ့ တောင်ꩻပြန်ႏချာတဝ်း၊ ဝွန်ႏခံႏတဝ်းအပဲ့စ် နဲ့စ်လွေꩻထိုꩻ'ကရိုꩻနဝ်ꩻ ရမွေးဒျာႏဗွေႏဩ၊\nကွဲႏတွော့ꩻ ခွေသွဉ်းယိုနဝ်ꩻ ထင်းတန်တဝ်းနမ်း၊ ခွေသွဉ်းနမ်းယို မတ်ဒျာႏနုဲင်းထီ၊ ခွေသွဉ်းသꩻနဝ်ꩻ အွဉ်ႏပီဒျာႏနုဲင်းထီ၊ ထီသီးအမျိုꩻနဝ်ꩻ-\nထာꩻကြောင်းကြောင်းမျိုꩻတဲ့ ပသေစင်ဖေႏဒျာႏ၊ ထာꩻ���ွေႏဝွေႏမျိုꩻတဲ့ ပသေစင်ဖေႏဒျာႏ၊ ထီကိုနဝ်ꩻ အေႏတဲ့ဝင်ꩻအေႏသော့ꩻဒျာႏ၊ (အေႏတဲ့ အဝ်ႏစဲသော့ꩻဒျာႏ) ထီကိုနဝ်ꩻ ဆီႏတဲ့ ဝင်ꩻဆီႏသော့ꩻဒျာႏ၊ (ဆီႏတဲ့ အဝ်ႏထွတ်ꩻသော့ꩻဒျာႏ)၊\nယုဲင်ꩻထီတဲ့ ဝင်ꩻပထူသော့ꩻဒျာႏ၊ ဒွေမဉ်၊ သွီႏအောက်ꩻ၊ သွီႏနွုမ်ꩻသေင်ဖုံႏနဝ်ꩻတဲ့ ဝင်ꩻပသေအီဒျာႏ၊ (ထီႏမာꩻကြောင်းစင်ဖေႏဒျာႏ)၊ ဝင်ꩻမဉ်မာꩻနုဲင်းမုဲင်ꩻမာꩻ ထီတသောင်တခြင်ꩻတဝ်း၊ ထီတဒေါ့ꩻတဝ်း ထမုဲင်ꩻမုဲင်ꩻ၊ ခွေသွဉ်းနမ်း ခွေသွဉ်းသꩻ အွဉ်ႏချꩻဗွန်နုဲင်းဒျာႏ ထီနောဝ်ꩻဗွေႏဩ။\nဩဗွေႏ ဘုရာꩻမျတ်ဗွေႏဩ-\n၃။ လိုꩻမဉ်ႏထင်းတန် အနမ်းနဝ်ꩻမꩻ 'ခွေါင်းဗာႏသွူဝင်ꩻ (တပါꩻပါꩻ)တဲ့ တောင်ꩻပြန်ႏချာတဝ်း၊ ဝွန်ႏခံႏတဝ်းအပဲ့စ် နဲ့စ်လွေꩻထိုꩻ'ကရိုꩻနဝ်ꩻ ရမွေးဒျာႏဗွေႏဩ၊\nကွဲႏတွော့ꩻ ခွေသွဉ်းယိုနဝ်ꩻ ထင်းတန်တဝ်းနမ်း၊ ခွေသွဉ်းနမ်းယို မတ်ဒျာႏနုဲင်းမေႏ၊ ခွေသွဉ်းသꩻနဝ်ꩻ အွဉ်ႏဗွန်ဒျာႏနုဲင်းမေႏ၊ မေႏသီးအမျိုꩻနဝ်ꩻ-\nထာꩻကြောင်းကြောင်းမျိုꩻတဲ့ ခိုးဖေႏဒျာႏ၊ ထာꩻဝွေႏဝွေႏမျိုꩻတဲ့ ခိုးဖေႏဒျာႏ၊ ခိုးဖေႏအေႏသဲင်တဲ့အဝ်ႏ၊ ဝင်ꩻအေႏသော့ꩻမေႏတဲ့ လꩻဒျာႏ၊ ဝင်ꩻဆီႏသော့ꩻမေႏတဲ့ လꩻဒျာႏ၊ တွမ်ႏယုဲင်ꩻထီထီပသူသော့ꩻမေႏတဲ့ လꩻဒျာႏ၊ ဒွေမဉ်၊ သွီႏအောက်ꩻ၊ သွီႏနွုမ်ꩻသေင်ဖုံႏနဝ်ꩻ ဝေါင်းသော့ꩻမေႏကိုတဲ့ လꩻဒျာႏ၊ မဉ်လဲ့ꩻထမုဲင်ꩻလဲ့ꩻ၊ မဉ်ဝေါင်းသော့ꩻ ထမုဲင်ꩻဝေါင်းသော့ꩻ မေႏခိုးဖေႏလို့လို့ဒျာႏ၊\nဝင်ꩻမဉ်မာꩻနုဲင်းမုဲင်ꩻမာꩻ မေႏတသောင်ခြင်ꩻတဝ်း၊ မေႏတဒေါ့ꩻတဝ်းထမုဲင်ꩻမုဲင်ꩻ၊ ခွေသွဉ်းနမ်း၊ ခွေသွဉ်းသꩻ အွဉ်ႏချꩻဗွန်ပီနုဲင်းမေႏနောဝ်ꩻ ဗွေႏဩ။\nဩဗွေႏ ဘုရာꩻမျတ်ဗွေႏဩ-\n၄။ လိုꩻမဉ်ႏထင်းတန် အနမ်းနဝ်ꩻမꩻ 'ခွေါင်းဗာႏသွူဝင်ꩻ (တပါꩻပါꩻ)တဲ့ တောင်ꩻပြန်ႏချာတဝ်း၊ ဝွန်ႏခံႏတဝ်းအပဲ့စ် နဲ့စ်လွေꩻထိုꩻ'ကရိုꩻနဝ်ꩻ ရမွေးဒျာႏဗွေႏဩ၊\nကွဲႏတွော့ꩻ ခွေသွဉ်းယိုနဝ်ꩻ ထင်းတန်တဝ်းနမ်း၊ ခွေသွဉ်းနမ်းယို မတ်နုဲင်ဒျာႏတလီꩻ၊ ခွေသွဉ်းသꩻနဝ်ꩻ အွဉ်ႏပီဒျာႏနုဲင်းတလီꩻ၊ တလီꩻသီးအမျိုꩻနဝ်ꩻ-\nထာꩻကြောင်းကြောင်းမျိုꩻတဲ့ တွူႏဖါႏဖေႏဒျာႏ၊ ထာꩻဝွေႏဝွေႏမျိုꩻတဲ့ တွူႏဖါႏဖေႏဒျာႏ၊ အေႏလွီးတဲ့ အီထိုꩻဖေႏဒျာႏ၊ ဆီႏလွီးတဲ့ အီထိုꩻဖေႏဒျာႏ၊ ယုဲင်ꩻထီ၊ ဒွေမဉ်၊ သွီႏအောက်ꩻ၊ သွီႏနွုမ်ꩻသေင်လွီးဖုံႏတဲ့ အီထိုꩻဖေႏဒျာႏ၊\nမဉ်ထမုဲင်ꩻလွီးလွီးတဲ့ယဝ်း အီထိုꩻဖေႏလို့လို့ဒျာႏ၊ တလီꩻနဝ်ꩻ ဝင်ꩻမဉ်ထွိုင်ꩻနုဲင်းမုဲင်ꩻထွိုင်ꩻ၊ ဝင်ꩻမဉ်ဝင်းနု���င်းမုဲင်ꩻဝင်း၊ တလီꩻတသောင်တခြင်ꩻတဝ်း၊ တလီꩻတဒေါ့ꩻတဝ်း ထမုဲင်ꩻမုဲင်ꩻ၊ ခွေသွဉ်းနမ်း ခွေသွဉ်းသꩻ အွဉ်ႏချꩻဗွန်ပီနုဲင်း တလီꩻနောဝ်ꩻ ဗွေႏဩ။\nဩဗွေႏ ဘုရာꩻမျတ်ဗွေႏဩ-\n၅။ လိုꩻမဉ်ႏထင်းတန် အနမ်းနဝ်ꩻမꩻ 'ခွေါင်းသွူဝင်ꩻ (တပါꩻပါꩻ)တဲ့ တောင်ꩻပြန်ႏချာတဝ်း၊ ဝွန်ႏခံႏတဝ်းအပဲ့စ် နဲ့စ်လွေꩻထိုꩻ'ကရိုꩻနဝ်ꩻ ရမွေးဒျာႏဗွေႏဩ၊\nကွဲႏတွော့ꩻ ခွေသွဉ်းယိုနဝ်ꩻ ထင်းတန်တောဝ်းနမ်း၊ ခွေသွဉ်းနမ်းယို မတ်ဒျာႏနုဲင်း'ထာꩻဒွုတ်ꩻယ'၊ ထာꩻဒွုတ်ꩻယသီးအမျိုꩻနဝ်ꩻနဝ်ꩻ ထာꩻကြောင်းကြောင်းမျိုꩻတဲ့ ဝင်ꩻဒွုတ်ꩻအီဒျာႏ၊ ထာꩻဝွေႏဝွေႏမျိုꩻတဲ့ ဝင်ꩻဒွုတ်ꩻအီဒျာႏ၊ ယုဲင်ꩻထီ၊ အေႏ၊ ဆီႏ၊ ဒွေမဉ်၊ သွီႏအောက်ꩻ၊ သွီႏနွုမ်ꩻသေင်ဖုံႏနဝ်ꩻတဲ့ ဝင်ꩻဒွုတ်ꩻအီဒျာႏ၊\nမဉ်ဒွုတ်ꩻထမုဲင်ꩻဒွုတ်ꩻ ထာꩻဒွုတ်ꩻယနဝ်ꩻ တသောင်တခြင်ꩻတဝ်း၊ ဝင်ꩻမဉ်မာꩻနုဲင်းမုဲင်ꩻမာꩻ၊ ထာꩻဒွုတ်ꩻယ တဒေါ့ꩻတဝ်းထမုဲင်ꩻမုဲင်ꩻ၊ ခွေသွဉ်းနမ်း ခွေသွဉ်းသꩻ အွဉ်ႏချꩻဗွန်ပီနုဲင်း ထာꩻဒွုတ်ꩻယနောဝ်ꩻ ဗွေႏဩ။\nဩဗွေႏ ဘုရာꩻမျတ်ဗွေႏဩ-\n၆။ လိုꩻမဉ်ႏထင်းတန် အနမ်းနဝ်ꩻမꩻ 'ခွေါင်းသွူဝင်ꩻ (တပါꩻပါꩻ)တဲ့ တောင်ꩻပြန်ႏချာတဝ်း၊ ဝွန်ႏခံႏတဝ်းအပဲ့စ် နဲ့စ်လွေꩻထိုꩻ'ကရိုꩻနဝ်ꩻ ရမွေးဒျာႏဗွေႏဩ၊\nကွဲႏတွော့ꩻ ခွေသွဉ်းယိုနဝ်ꩻ ထင်းတန်တောဝ်းနမ်း၊ ခွေသွဉ်းနမ်းယို မတ်ဒျာႏနုဲင်း'ကွီအံႏထာꩻသား'၊ ကွီအံႏထာꩻသား ခိုဗင်ႏပေႏတတဲ့နဝ်ꩻ၊ ကွီအံႏထာꩻသား မူႏနံꩻပေႏတဲ့နဝ်ꩻ ပေါႏနွို့လွေꩻသွူ ဝင်ꩻဒုံနဝ်ꩻ ချꩻဖွိုႏဒျာႏအသꩻ၊ ခွေသွဉ်းတဲ့ ချꩻဖွိုႏဒျာႏ၊ ခွေသွဉ်းသꩻ နုဲင်းကွီအံႏထာꩻသားနုဲင်းနောဝ်ꩻ ဗွေႏဩ။\nဩဗွေႏ ဘုရာꩻမျတ်ဗွေႏဩ-\n၇။ လိုꩻမဉ်ႏထင်းတန် အနမ်းနဝ်ꩻမꩻ 'ခွေါင်းသွူဝင်ꩻ (တပါꩻပါꩻ)တဲ့ တောင်ꩻပြန်ႏချာတဝ်း၊ ဝွန်ႏခံႏတဝ်းအပဲ့စ် နဲ့စ်လွေꩻထိုꩻ'ကရိုꩻနဝ်ꩻ ရမွေးဒျာႏဗွေႏဩ၊\nကွဲႏတွော့ꩻ ခွေသွဉ်းယိုနဝ်ꩻ ထင်းတန်တောဝ်းနမ်း၊ ခွေသွဉ်းနမ်းယို မတ်နုဲင်း'ဖိုးငဲးနုံꩻထို့'၊ ဖိုးငဲ့းနုံꩻထို့နဝ်ꩻ အပတ်ꩻဒါႏတဝ်းဝင်ꩻ၊ အထောင်းဒါႏတဝ်းဝင်ꩻ၊ ခွေသွဉ်းသꩻတဲ့ ချꩻဗွန်ပီဒျာႏ ဖိုးနငဲးနုံꩻထို့နဝ်ꩻ ဗွေႏဩ။\nဩဗွေႏ ဘုရာꩻမျတ်ဗွေႏဩ-\n၈။ ခွေသွဉ်းနမ်းယို မတ်နုဲင်းဒျာႏ ထာꩻနွုမ်ꩻသေင်၊ မူႏနံꩻပေႏလူးထီထွူ၊ ခိုဗင်ႏလူးထီထွူ၊ ဒင်ႏမွန်းခြွိုင်းနမ်းထွူနဝ်ꩻ ဝွေꩻသီးထီႏ ရူးသီနွုမ်ꩻသေင်၊ ထွီႏသီနွုမ်ꩻသေင်၊ လိုꩻသီနွုမ်ꩻသေင်နဝ်ꩻ ဝွေꩻသီးပသို့ꩻမွေးစွဉ်ႏထာꩻ��� ခွေသွဉ်းယိုတဲ့ ပသို့ꩻမွေးစွဉ်ႏ ခွေသွဉ်းနမ်း ဗွေႏဩ။\nဩဗွေႏ ဘုရာꩻမျတ်ဗွေႏဩ-\n၉။ ခွေသွဉ်းနမ်းယိုနောဝ်ꩻ ခွေသွဉ်းမတ်ဒျာႏ အေႏပုံႏ၊ ဆီႏပုံႏ၊ အေႏအဝ်ႏရီႏ-ဆီႏအဝ်ႏရွဲသေႏသေႏတဲင် ထင်းတန်တဝ်း ခွေသွဉ်းနမ်း၊ ဗွိုႏစန်းမွေးစွဉ်ႏဒျာႏ ခန္ဓာႏယို ဗွေႏဩ\"\nဗွေႏသာရိပုတ္တရာႏ ကထင်ႏလောဝ်းတျက်တျက် နုဲင်းနဝ်ꩻတဲင် ရဟန်ꩻကပဲ့စ်မာႏသားနဝ်ꩻ သꩻဝီးသꩻဝꩻ နောင်ႏတလꩻ မရေႏမရာႏ၊ နုဲ့စ်ကွဉ်းတော့ꩻချာစွဉ်ႏဒျာႏ တလဲင်ႏချင်ꩻနောဝ်ꩻသွူ။ အဋ္ဌကထာႏဗွောင်နယ်နုဲင်းယို-\nဗွေႏသာရိပုတ္တရာႏ သင်္ကန်ꩻမော့ခွေါင်းဗာႏ (ဗွေႏသာရိပုတ္တရာႏ သေတဝ်း)၊ တကေးသာရိပုတ္တရာႏတွော့ꩻ စွော်စွော်စွတ်စွယ်ꩻလောဝ်းဒျာႏ၊ အဋ္ဌကထာႏရိုꩻနုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ နဝကနိပါတ်၊ သီဟနာဒသုတ်)\n\nအာႏကွိုꩻ","num_words":1332,"character_repetition_ratio":0.094,"word_repetition_ratio":0.18,"special_characters_ratio":0.074,"stopwords_ratio":0.032,"flagged_words_ratio":0.0,"lang_id_score":1.0,"perplexity_score":2397.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%98%E1%80%AC%E1%82%8F%E1%80%9E%E1%80%AC%E1%82%8F%E1%80%A1%E1%80%9C%E1%80%B1%E1%80%AC%E1%80%84%E1%80%BA%E1%80%B8","collection":"wikipedia","source":"wikipedia","original_code":"blk","text":"ယေန်ႏကေႏတရေꩻ ပအိုဝ်ႏပိုမူႏ ဗွေႏမျတ်ဖရာꩻ အဆွုံꩻအမꩻ တရာꩻမျတ်ယို သွိုန်ႏကိုသꩻဖူꩻ ရိုႏသေႏငါႏသွူ။ ယောင်ꩻဆင်ꩻ မိဉ်တရေꩻ နုဲင်းမုဲင်ꩻတရေꩻရေꩻ သꩻမိဉ်ႏတရေꩻတဝ်းနောဝ်ꩻ ဗွိုန်ပီစွဉ်ႏဒျာႏ ဖောက်ဒွိုႏရာႏ လိုꩻဖောက်ꩻဒွိုႏရာႏသွူ။ ကယွုမ်းအံႏဒျာႏ ဘာႏသာႏအလောင်းနုဲင်းယို ကထွိုင်ႏထီႏဗာႏ သꩻရေꩻငါႏသွူ။","num_words":23,"character_repetition_ratio":0.0,"word_repetition_ratio":0.0,"special_characters_ratio":0.062,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":360582.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%98%E1%80%AF%E1%80%9B%E1%80%AC%EA%A9%BB%E1%80%9F%E1%80%B1%E1%80%AC%E1%80%BA%EA%A9%BB%E1%80%94%E1%80%9A%E1%80%BA%E1%80%85%E1%80%B2%E1%80%B7%EA%A9%BB%E1%80%95%E1%80%AD%E1%80%AF%E1%82%8F%E1%80%9E%E1%80%AE%E1%80%9F","collection":"wikipedia","source":"wikipedia","original_code":"blk","text":"\"သီဟသုတ် (ဗွေႏဘုရာꩻဟော်ꩻနယ် စဲ့ꩻပိုႏတန်သီဟတရာꩻ)\"\nအွိုးခꩻတလဲင်ႏ-\nနီဗွေႏဘုရာꩻအဝ်ႏအုံ ဝွေႏသာႏလီႏခမ်း၊ မဟာဝုန်ကျောင်ꩻတန် ပျသာဒ်လောင်းအတွင်ꩻ ခွန်လိစ္ဆဝီႏသီးဖုံႏနဝ်ꩻ အဝ်ႏအုံကွံ စီꩻဝွေꩻလို့ဝင်ꩻ ခွန်သီးအုံကွံခင်ႏလမ်းကို၊ (ပေါႏအုံပဆားခိန်ႏနဝ်ꩻ) အံႏဖြာႏနီဗွေႏဘုရာꩻဂွုဏ်ႏတောႏအမျိုꩻမျိုꩻꩻ အံႏဖြာႏတရာꩻဂွုဏ်ႏတောႏအမျိုꩻမျိုꩻ၊ အံႏဖြာႏသံႏဃာႏဂွုဏ်ႏတောႏအမျိုꩻမျိုꩻနဝ်ꩻသွူ။\nအတွင်ꩻနဝ်ꩻခါ စဲ့ꩻပိုႏတန်သီဟနဝ်ꩻ အဝ်ႏအုံလင်ꩻ နာႏတေ့ꩻနဝ်ꩻကို၊ စဲ့ꩻပိုႏတန်သီဟ ယူႏစဉ်ꩻစာꩻနုဲင်းယို-\n\"နီဗွေႏဘုရာꩻနဝ်ꩻ 'ပူႏဇောႏထွိုက်၊ နမ်းတွမ်ႏနမ်းဒျာႏ သေနာႏတရာꩻ ထွာဘု��ာꩻမျတ် တဆူႏမွေးသနယ်'၊ ကွပ်နဝ်ꩻမꩻ ခွန်လိစ္ဆဝီႏဖုံႏယို အံႏဖြာႏနီဗွေႏဘုရာꩻဂွုဏ်ႏတောႏအမျိုꩻမျိုꩻ၊ ခွေမဉ်ႏလွေꩻဝုဲင်ႏဗာႏ ဘုရာꩻသူꩻနဝ်ꩻ ရယံငါႏမွော့ဟွေး\"ယူႏစွေးစဉ်ꩻစာꩻတေ့ꩻနုဲင်းနဝ်ꩻ၊\nအဝ်ႏပွယ်ꩻအုံကွံသဲင်ꩻနဝ်ꩻ စဲ့ꩻပိုႏတန်သီဟ လွေꩻထေ့စွဉ်ႏ ဝွေꩻဆရႏတက္ကတွဉ်ꩻ (နိဂဏ္ဌနာဋပုတ္တ)ထျꩻ၊ ဝွေꩻရိုꩻ-\n\"ဩဗွေႏ-\nခွေသွဉ်းဟွူန် ဝင်ꩻအံႏဖြာႏ ဗွေႏဘုရာꩻဂွုဏ်ႏတောႏအမျိုꩻမျိုꩻꩻ တရာꩻဂွုဏ်ႏတောႏအမျိုꩻမျိုꩻ၊ သံႏဃာႏဂွုဏ်ႏတောႏအမျိုꩻမျိုꩻတဲင် ခွေသွဉ်းမဉ်လွေꩻထေ့ငါႏ ရဟန်ꩻဂေါတမဗွေႏဩ\" ကွီအခွင်ꩻနုဲင်းနဝ်ꩻ၊\nအဆရာႏတက္ကတွဉ်ꩻရိုꩻ-\n\"သီဟ-\nနာꩻမွော့-မဉ်လွေꩻထေ့တွိုး ရဟန်ꩻဂေါတမတန်နဝ်ꩻ ထွာထမုဲင်ꩻဟောင်း၊ နာꩻနဝ်ꩻ 'ကိရိယဝါဒ-မာꩻထွိုက်မာꩻသင်ꩻ'၊ ရဟန်ꩻဂေါတမသူꩻနဝ်ꩻ 'အကိရိယဝါဒ-မာꩻထွိုက်မာꩻသင်ꩻတဝ်း'၊ ဝါႏဒ-တခေါဝ်းတဝ်းလို့ဝင်ꩻ၊ မာꩻထမုဲင်ꩻ မမဉ်လွေꩻထေ့တွိုးဟောင်း၊ ရဟန်ꩻဂေါတမသူꩻနဝ်ꩻ 'မာꩻယိုထွိုက်တဝ်း၊ မာꩻနဝ်ꩻသင်ꩻတဝ်း'အဝ်ႏဆွုံꩻမꩻအတပဲ့ꩻဖုံႏ တွမ်ႏ'အကိရိယဝါဒ'တရာꩻနဝ်ꩻကွေး၊ (လွေꩻမွုန်းဟုဲင်း)\"ရိုꩻနုဲင်းနဝ်ꩻတဲင် အလဲင်ႏနောဝ်ꩻ စဲ့ꩻပိုႏတန်သီဟ လွေꩻထွာတောဝ်း။\nဒုတိယအလဲင်ႏ ဟွူန်ဖျင်ခွန်လိစ္ဆဝီႏသီး အံႏဖြာႏဘုရာꩻဂွုဏ်ႏတောႏ၊ တရာꩻဂွုဏ်ႏတောႏ၊ သံဃာႏဂွုဏ်ႏတောႏ အမျိုꩻမျိုꩻတွော့ꩻ ဝွေꩻမဉ်လွေꩻထေ့မွေး ဗွေႏဘရာꩻ၊ အဝ်ႏပွယ်ꩻအုံကွံသဲင်ꩻနဝ်ꩻ ဝွေꩻလွေꩻထေ့ယင်း တက္ကတွဉ်ꩻ၊ ကွီယင်းအခွင်ꩻ၊ အဆရာႏဒေါ့ꩻဖေႏအမျိုꩻမျိုꩻတွော့ꩻ ဖေႏလွေꩻတဝ်းဖျင်။\nတတိယအလဲင်ႏတဲ့ ဟွူန်ယင်းခွန်လိစ္ဆဝိႏသီး အံႏဖြာႏဘုရာꩻဂွုဏ်ႏတောႏ၊ တရာꩻဂွုဏ်ႏတောႏ၊ သံဃာႏဂွုဏ်ႏတောႏ အမျိုꩻမျိုꩻတဲင်တွော့ꩻ ဝွေꩻမဉ်လွေꩻထေ့မွေး ဗွေႏဘရာꩻ၊ အဝ်ႏပွယ်ꩻအုံကွံသဲင်ꩻနဝ်ꩻ ဝွေꩻလွေꩻထေ့တဝ်းဒွုမ် တက္ကတွဉ်ꩻ၊ ကွီတဝ်းဒူမ်အခွင်ꩻ၊ မွူးပင်ꩻအခိန်ႏ၊ ထိုမ်းတွမ်ႏသေလောရထာꩻ အဝ်ႏဝေင်ꩻဝွေႏသာႏလီႏ ထန်ႏလွေꩻစွဉ်ႏ နီဗွေႏဘုရာꩻထျꩻ၊ သေလောလွေꩻကလꩻတဲ့ လွေꩻတွမ်ႏသေလော၊ သေလောလွေꩻတလꩻတဝ်းဒွုမ်မꩻ အဝ်ႏသေလောလောင်းလင်ꩻ၊ လွေꩻခင်ႏနေးနောဝ်ꩻသွူ။ \nတွိုႏလွေꩻဗွေႏဘုရာꩻထျꩻ-\nဂါႏရဝရိုႏသေႏ ဝုဲင်ႏဗွေႏဘုရာꩻထွူခါ လောဝ်းရီပါနုဲင်းယို-\n\"ဩဗွေႏ-\nရဟန်ꩻဂေါတမနဝ်ꩻ 'အကိရိယဝါဒ-မာꩻထွိုက်တဝ်း အယူႏဝါႏဒ အောဝ်ႏနုဲင်းနောဝ်ꩻ'၊ 'ဖေႏကမာꩻမွုန်း'တဲ့ ဟော်ꩻတရာꩻနုဲင်းနဝ်ꩻ၊ တရာꩻဩဝါဒအနေႏတဲ့ ဆွုံꩻမꩻတပဲ့ꩻဖုံႏနုဲင်းနဝ်ꩻ၊ အတပဲ့ꩻဖုံႏတဲ့ ဟော်ꩻလွဉ်ꩻနုဲင်းနဝ်ꩻ-တဲ့၊\nခွေသွဉ်းဟွူန်ဖိုနုဲင်းနဝ်ꩻ၊ မွေးနေဟောင်း ဗွေႏဩ၊ ဝင်ꩻစွတ်စွယ်ꩻထွူသွူး-ဝင်ꩻယွူးယားဒျာႏ နီဗွေႏနဲ့၊ ဝါလွော်တွော့ꩻ အမွေးဒျာႏနဲ့ ဗွေႏဩ\" စဲ့ꩻပိုႏတန်သီဟ လောဝ်းရီနီဗွေႏဘုရာꩻနုဲင်းနဝ်ꩻ၊ နီဗွေႏဘုရာꩻရိုꩻ-\n\"တကာႏသီဟ-\n၁။ နေးတွမ်ႏ ငေါဝ်းပရိယာယ်ႏ-ရေႏရွယ်ႏဒျာႏ ခွေဝါႏဒတဲင် 'ရဟန်ꩻဂေါတမနဝ်ꩻ အကိရိယဝါဒ-မာꩻထွိုက်တဝ်း'၊ အယူႏဝါႏဒ အဝ်ႏနုဲင်းနဝ်ꩻ၊ 'ဖေႏကတွမ်ႏမာꩻမွုန်းတဲ့ ဟော်ꩻတရာꩻနုဲင်းနဝ်ꩻ၊ တရာꩻဩဝါဒအနေႏတဲ့ ဆွုံꩻမꩻတပဲ့ꩻဖုံႏနုဲင်းနဝ်ꩻ၊ အတပဲ့ꩻဖုံႏတဲ့ ဟော်ꩻလွဉ်ꩻနုဲင်းနဝ်ꩻ'၊ နေးတွမ်ႏငေါဝ်းပရိယာယ်ႏ-ရေႏရွယ်ႏဒျာႏ ခွေဝါႏဒတဲင် မီႏမဉ်ရိုꩻခွေ 'အကိရိယဝါဒ-မာꩻထွိုက်တဝ်း၊ ဗွေႏဘုရာꩻ အယူႏဝါႏဒအဝ်ႏနုဲင်းနဝ်ꩻ'မီႏမဉ်ရိုꩻခွေနုဲင်းနဝ်ꩻတဲ့ လꩻဒျာႏ၊ အနယ်ꩻပရိယာယ်ႏနုဲင်းနဝ်ꩻ အဝ်ႏဒျာႏ။\nတကာႏသီဟ-\n၂။ နေးတွမ်ႏပရိယာယ်ႏ-ရေႏရွယ်ႏဒျာႏ ခွေဝါႏဒတွော့ꩻ 'ရဟန်ꩻဂေါတမနဝ်ꩻ ကိရိယဝါဒ-မာꩻထွိုက်ဒျာႏ'၊ အယူႏဝါႏဒ အဝ်ႏနုဲင်းနဝ်ꩻ၊ 'ဖေႏကမာꩻတဲ့ ဟော်ꩻတရာꩻနုဲင်းနဝ်ꩻ၊ တရာꩻဩဝါဒအနေႏတဲ့ ဆွုံꩻမꩻတပဲ့ꩻဖုံႏနုဲင်းနဝ်ꩻ၊ အတပဲ့ꩻဖုံႏတဲ့ ဟော်ꩻလွဉိꩻနုဲင်းနဝ်ꩻ'၊ \nနေးတွမ်ႏငေါဝ်းပရိယာယ်ႏ-ရေႏရွယ်ႏဒျာႏ ခွေဝါႏဒတွော့ꩻ မီႏမဉိရိုꩻခွေ 'ကိရိယဝါဒ-မာꩻထွိုက်ဒျာႏ'၊ ဗွေႏဘုရာꩻ အယူႏဝါႏဒအဝ်ႏနုဲင်းနဝ်ꩻ'မီႏမဉ်ရိုꩻခွေနုဲင်းနဝ်ꩻတဲ့ လꩻဒျာႏ၊ အနယ်ꩻပရိယာယ်ႏနုဲင်းနောဝ်ꩻတဲ့ အဝ်ႏဒျာႏ။\nတကာႏသီဟ-\n၃။ နေးတွမ်ႏပရိယာယ်ႏ-ရေႏရွယ်ႏဒျာႏ ခွေဝါႏဒတဲင်တွော့ꩻ 'ရဟန်ꩻဂေါတမနဝ်ꩻ ဥစ္ဆေဒဝါဒ-မာꩻဖြတ်ꩻထဲ့ဗာႏ'၊ အယူႏဝါႏဒ အဝ်ႏနုဲင်းနဝ်ꩻ၊ 'ဖေႏကမာꩻဖြတ်ꩻထဲ့တဲ့ ဟော်ꩻတရာꩻနုဲင်းနဝ်ꩻ၊ တရာꩻဩဝါဒအနေႏတဲ့ ဆွုံꩻမꩻတပဲ့ꩻဖုံႏနုဲင်းနဝ်ꩻ၊ အတပဲ့ꩻဖုံႏတဲ့ ဟော်ꩻလွဉ်ꩻနုဲင်းနဝ်ꩻ'၊ \nနေးတွမ်ႏငေါဝ်းပရိယာယ်ႏ-ရေႏရွယ်ႏဒျာႏ ခွေဝါႏဒတဲင်တွော့ꩻ မီႏမဉ်ရိုꩻခွေ 'ဥစ္ဆေဒဝါဒ-မာꩻဖြတ်ꩻထဲ့ဗာႏ'၊ ဗွေႏဘုရာꩻ အယူႏဝါႏဒအဝ်ႏနုဲင်းနဝ်ꩻ'မီႏမဉ်ရိုꩻခွေနုဲင်းနဝ်ꩻတဲ့ လꩻဒျာႏ၊ အနယ်ꩻပရိယာယ်ႏနုဲင်းနောဝ်ꩻတဲ့ အဝ်ႏဒျာႏ။\nတကာႏသီဟ-\n၄။ နေးတွမ်ႏပရိယာယ်ႏ-ရေႏရွယ်ႏခွေဝါဒတဲင် 'ရဟန်ꩻဂေါတမနောဝ်ꩻ ဇေဂုစ္ဆီ-ပသို့ꩻဗာႏ'၊ အယူႏဝါႏဒ အဝ်ႏနုဲင်းနဝ်ꩻ၊ 'ဖေႏကပသို့ꩻတဲ့ ဟော်ꩻတရာꩻနုဲင်းနဝ်ꩻ၊ တရာꩻဩဝါဒအနေႏတဲ့ ဆွုံꩻမꩻတပဲ့ꩻဖုံႏနုဲင်းနဝ်ꩻ၊ အတပဲ့ꩻဖုံႏတဲ့ ဟော်ꩻလွဉ်ꩻနုဲင်းနဝ်ꩻ'၊ \nနေးတွမ်ႏငေါဝ်းပရိယာယ်ႏ-ရေႏရွယ်ႏဒျာႏ ခွေဝါႏဒတဲင် မီႏမဉ်ရိုꩻခွေ 'ဇေဂုစ္ဆီ-ပသို့ꩻဗာႏ'၊ ဗွေႏဘုရာꩻ အယူႏဝါႏဒအဝ်ႏနုဲင်းနဝ်ꩻ'မီႏမဉ်ရိုꩻခွေနုဲင်းနဝ်ꩻတဲ့ လꩻဒျာႏ၊ အနယ်ꩻပရိယာယ်ႏနုဲင်းနဝ်ꩻတဲ့ အဝ်ႏဒျာႏ။\nတကာႏသီဟ\n၅။ နေးတွမ်ႏပရိယာယ်ႏ-ရေႏရွယ်ႏခွေဝါႏဒတွော့ꩻ 'ရဟန်ꩻဂေါတမနောဝ်ꩻ ဝေနယိကော-ယားကုဲင်ဗာႏ'၊ အယူႏဝါႏဒ အဝ်ႏနုဲင်းနဝ်ꩻ၊ 'ဖေႏကယားကုဲင်တဲ့ ဟော်ꩻတရာꩻနုဲင်းနဝ်ꩻ၊ တရာꩻဩဝါဒအနေႏတဲ့ ဆွုံꩻမꩻတပဲ့ꩻဖုံႏနုဲင်းနဝ်ꩻ၊ အတပဲ့ꩻဖုံႏတဲ့ ဟော်ꩻလွဉ်ꩻနုဲင်းနဝ်ꩻ'၊ \nနေးတွမ်ႏငေါဝ်းပရိယာယ်ႏ-ရေႏရွယ်ႏဒျာႏ ခွေဝါႏဒတွော့ꩻ မီႏမဉ်ရိုꩻခွေ 'ဝေနယိကော-ယားကုဲင်ဗာႏ'၊ ဗွေႏဘုရာꩻ အယူႏဝါႏဒအဝ်ႏနုဲင်းနဝ်ꩻ'မီႏမဉ်ရိုꩻခွေနုဲင်းနဝ်ꩻတဲ့ လꩻဒျာႏ၊ အနယ်ꩻပရိယာယ်ႏနုဲင်းနောဝ်ꩻတဲ့ အဝ်ႏဒျာႏ။\nတကာႏသီဟ-\n၆။ နေးတွမ်ႏပရိယာယ်ႏ-ရေႏရွယ်ႏခွေဝါဒတဲင်တွော့ꩻ 'ရဟန်ꩻဂေါတမနဝ်ꩻ တပဿီ-မာꩻခိုးလျားဗာႏ'၊ အယူႏဝါႏဒ အဝ်ႏနုဲင်းနဝ်ꩻ၊ 'ဖေႏကခိုးလျားတဲ့ ဟော်ꩻတရာꩻနုဲင်းနဝ်ꩻ၊ တရာꩻဩဝါဒအနေႏတဲ့ ဆွုံꩻမꩻတပဲ့ꩻဖုံႏနုဲင်းနဝ်ꩻ၊ အတပဲ့ꩻဖုံႏတဲ့ ဟော်ꩻလွဉ်ꩻနုဲင်းနဝ်ꩻ'၊ \nနေးတွမ်ႏငေါဝ်းပရိယာယ်ႏ-ရေႏရွယ်ႏဒျာႏ ခွေဝါႏဒတဲင်တွော့ꩻ မီႏမဉ်ရိုꩻခွေ 'တပဿီ-မာꩻခိုးလျားဗာႏ'၊ ဗွေႏဘုရာꩻ အယူႏဝါႏဒအဝ်ႏနုဲင်းနဝ်ꩻ'မီႏမဉ်ရိုꩻခွေနုဲင်းနဝ်ꩻတဲ့ လꩻဒျာႏ၊ အနယ်ꩻပရိယာယ်ႏနုဲင်းနဝ်ꩻတဲ့ အဝ်ႏဒျာႏ။\nတကာႏသီဟ-\n၇။ နေးတွမ်ႏပရိယာယ်ႏ-ရေႏရွယ်ႏခွေဝါဒတဲင် 'ရဟန်ꩻဂေါတမနဝ်ꩻ အပဂဗ္ဘော-အုံတဝ်းဒွုမ်သန္ဓေႏ'၊ အယူႏဝါႏဒ အဝ်ႏနုဲင်းနဝ်ꩻ၊ 'ဖေႏကအုံဗာႏမွုန်းသန္ဓေႏတဲ့ ဟော်ꩻတရာꩻနုဲင်းနဝ်ꩻ၊ တရာꩻဩဝါဒအနေႏတဲ့ ဆွုံꩻမꩻတပဲ့ꩻဖုံႏနုဲင်းနဝ်ꩻ၊ အတပဲ့ꩻဖုံႏတဲ့ ဟော်ꩻလွဉ်ꩻနုဲင်းနဝ်ꩻ'၊ \nနေးတွမ်ႏငေါဝ်းပရိယာယ်ႏ-ရေႏရွယ်ႏဒျာႏ ခွေဝါႏဒတဲင် မီႏမဉ်ရိုꩻခွေ 'အပဂဗ္ဘော-အုံတဝ်းဒွုမ်သန္ဓေႏ'၊ ဗွေႏဘုရာꩻ အယူႏဝါႏဒအဝ်ႏနုဲင်းနဝ်ꩻ'မီႏမဉ်ရိုꩻခွေနုဲင်းနဝ်ꩻတဲ့ လꩻဒျာႏ၊ အနယ်ꩻပရိယာယ်ႏနုဲင်းနဝ်ꩻတဲ့ အဝ်ႏဒျာႏ။\nတကာႏသီဟ-\n၈။ နေးတွမ်ႏပရိယာယ်ႏ-ရေႏရွယ်ႏခွေဝါဒတဲင် 'ရဟန်ꩻဂေါတမနောဝ်ꩻ အဿာသကော-ထိုမ်ႏထာꩻသက်သာႏ'၊ အယူႏဝါႏဒ အဝ်ႏနုဲင်းနဝ်ꩻ၊ 'ဖေႏကထိုမ်ႏ ထာꩻသက်သာႏတဲ့ ဟော်ꩻတရာꩻနုဲင်းနဝ်ꩻ၊ တရာꩻဩဝါဒအနေႏတဲ့ ဆွုံꩻမꩻတပဲ့ꩻဖုံႏနုဲင်းနဝ်ꩻ၊ အတပဲ့ꩻဖုံႏတဲ့ ဟော်ꩻလွဉ်ꩻနုဲင်းနဝ်ꩻ'၊ \nနေးတွမ်ႏငေါဝ်းပရိယာယ်ႏ-ရေႏရွယ်ႏဒျာႏ ခွေဝါႏဒတဲင် မီႏမဉ်ရိုꩻခွေ 'အဿာသကော-ထိုမ်ႏထာꩻသက်သာႏ'၊ ဗွေႏဘုရာꩻ အယူႏဝါႏဒအဝ်ႏနုဲင်းနဝ်ꩻ'မီႏမဉ်ရိုꩻခွေနုဲင်းနဝ်ꩻတဲ့ လꩻဒျာႏ၊ အနယ်ꩻပရိယာယ်ႏနုဲင်းနဝ်ꩻတဲ့ အဝ်ႏဒျာႏနောဝ်ꩻသွူ။\nတကာႏသီဟ-\n၁။ 'ရဟန်ꩻဂေါတမနဝ်ꩻ အကိရိယဝါဒ-မာꩻထွိုက်တဝ်း' အယူႏဝါႏဒ အဝ်ႏနုဲင်းနဝ်ꩻ၊ 'ဖေႏကတွမ်ႏမာꩻမွုန်းတဲ့ ခွေဟော်ꩻဖေႏတရာꩻနုဲင်းနဝ်ꩻ၊ တရာꩻဩဝါဒအနေႏတဲ့ ဆွုံꩻမꩻအတပဲ့ꩻဖုံႏနုဲင်းနောဝ်ꩻ၊ အတပဲ့ꩻဖုံႏတဲ့ ဟော်ꩻလွဉ်ꩻနုဲင်းနဝ်ꩻ'\nနေးတွမ်ႏငေါဝ်းပရိယာယ်ႏ-ရေႏရွယ်ႏဒျာႏ ခွေဝါႏဒတဲင် မီႏမဉ်ရိုꩻခွေ နုဲင်းနဝ်ꩻတဲ့ လꩻဒျာႏ၊ အနယ်ꩻပရိယာယ်ႏနုဲင်းနဝ်ꩻ အဝ်ႏဒျာႏ၊ အဝ်ႏနုဲင်းမုဲင်ꩻနဲတဲင်-\n(က) မာꩻသီဝင်ꩻသက်၊ ထူႏတခွန်ꩻဝင်ꩻတခြိုꩻ၊ ပဲစ်မာႏဝင်ꩻပိုမာ (ပဲစ်မာႏဝင်ꩻပိုဝါꩻ)၊ 'နမ်းကျင်ꩻကုဲင်-ကာယဒုစရဲက် ယိုသွံပါꩻနဝ်ꩻ-မာꩻထွိုက်တဝ်း'၊ ဒေါ့ꩻလဲဉ်ထာꩻ၊ ဒေါ့ꩻငေါဝ်းကျံꩻထမ်ꩻ၊ ငေါဝ်းအံႏစာဝင်ꩻမဉ်ꩻ၊ ငေါဝ်းသိုႏဖျင်ꩻ 'ဖြောင်းကျင်ꩻကုဲင်-ဝစီꩻဒုစရဲက် ယိုလစ်ꩻပါꩻနောဝ်ꩻ ဒေါ့ꩻထွိုက်တောဝ်း'၊ မဉ်လꩻခြေင်ဝင်ꩻတခြိုꩻ၊ ကျံႏတကုဲင်ဝင်ꩻ၊ ထာꩻယူႏမာႏ (မိစ္ဆာဒိဋ္ဌိ) 'သꩻကျင်ꩻကုဲင်-မနော်ꩻဒုစရဲက် ယိုသွံပါꩻနဝ်ꩻ ကျံႏထွိုက်တောဝ်း'ခွေအယူႏဝါႏဒ အဝ်ႏနုဲင်းနဝ်ꩻ။\n(ခ) ဖေႏကတွမ်ႏမာꩻမွုန်း ကာယဒုစရဲက်၊ ဝစီꩻဒုစရဲက်၊ မနော်ꩻဒုစရဲက်တဲ့ ခွေဟော်ꩻဖေႏတရာꩻ၊\n(ဂ) ဖေႏကတွမ်ႏမာꩻမွုန်း ကာယဒုစရဲက်၊ ဝစီꩻဒုစရဲက်၊ မနော်ꩻဒုစရဲက်တဲ့ ခွေဆွုံꩻမꩻတပဲ့ꩻဖုံႏနုဲင်းနဝ်ꩻ၊\n(ဃ) ခွေတပဲ့ꩻဖုံႏတဲ့ မာꩻထွိုက်တဝ်း ကာယဒုစရဲက်၊ ဝစီꩻဒုစရဲက်၊ မနော်ꩻဒုစရဲက် ဟော်ꩻလွဉ်ꩻနုဲင်းနဝ်ꩻ၊\n(င)'အကိရိယဝါဒ-မာꩻထွိုက်တောဝ်း'ကရိုꩻနဝ်ꩻ မာꩻထွိုက်တဝ်း ကာယဒုစရဲက်၊ ဝစီꩻဒုစရဲက်၊ မနော်ꩻဒုစရဲက်ဒျာႏ၊ ကွပ်နဝ်ꩻမꩻ မီႏမဉ်ရိုꩻခွေ 'အကိရိယဝါဒ'နုဲင်းနဝ်ꩻတဲ့ လꩻဒျာႏနောဝ်ꩻသွူ။\nတကာႏသီဟ-\n၂။ 'ရဟန်ꩻဂေါတမနဝ်ꩻ ကိရိယဝါဒ-မာꩻထွိုက်ဒျာႏ' အယူႏဝါႏဒ အဝ်ႏနုဲင်းနဝ်ꩻ၊ 'ဖေႏကမာꩻတဲ့ ဟော်ꩻတရာꩻနုဲင်းနဝ်ꩻ၊ တရာꩻဩဝါဒအနေႏတဲ့ ဆွုံꩻမꩻအတပဲ့ꩻဖုံႏနုဲင်းနဝ်ꩻ၊ အတပဲ့ꩻဖုံႏတဲ့ ဟော်ꩻလွဉ်ꩻနုဲင်းနဝ်ꩻ'\nနေးတွမ်ႏငေါဝ်းပရိယာယ်ႏ-ရေႏရွယ်ႏဒျာႏ ခွေဝါႏဒတွော့ꩻ မီႏမဉ်ရိုꩻခွေနုဲင်းနဝ်ꩻတဲ့ လꩻဒျာႏ၊ အနယ်ꩻပရိယာယ်ႏနုဲင်းနဝ်ꩻ အဝ်ႏဒျာႏ၊ အဝ်ႏနုဲင်းမုဲင်ꩻနဲတဲင်-\n(က) မာꩻသီတဝ်းဝင်ꩻသက်၊ ထူႏတခွန်ꩻတောဝ်းဝင်ꩻတခြိုꩻ၊ ပဲ့စ်မာႏတဝ်းဝင်ꩻပိုမာ (ပဲ့စ်မာႏတဝ်းဝင်ꩻပိုဝါꩻ)၊ 'နမ်းကျင်ꩻဟောဝ်-ကာယသုစရဲက် ယိုသွံပါꩻနဝ်ꩻ-မာꩻထွိုက်ဒျာႏ'၊ ဒေါ့ꩻလဲဉ်တဝ်းထာꩻ၊ ဒေါ့ꩻတောဝ်းငေါဝ်းကျံꩻထမ်ꩻ၊ အံႏစာတဝ်းဝင်ꩻမဉ်ꩻ၊ ဒေါ့ꩻတဝ်းငေါဝ်းသိုႏဖျင်ꩻ ဖြောင်းကျင်ꩻဟောဝ်-ဝစီꩻသုစရဲက် ယိုလစ်ꩻပါꩻနဝ်ꩻ ဒေါ့ꩻထွိုက်ဒျာႏ'၊ မဉ်လꩻခြေင်တဝ်း ဝင်ꩻတခြိုꩻ၊ ကျံႏတကုဲင်တောဝ်းဝင်ꩻ၊ ထာꩻယူႏမဲဉ်ႏ 'သꩻကျင်ꩻဟောဝ်-မနော်ꩻသုစရဲက် ယိုသွံပါꩻနဝ်ꩻ ကျံႏထွိုက်ဒျာႏ'ခွေအယူႏဝါႏဒ အဝ်ႏနုဲင်းနဝ်ꩻ။\n(ခ) ဖေႏကမာꩻ သုစရဲက် အပါꩻတဆီတဲ့ ခွေဟော်ꩻနုဲင်းနဝ်ꩻ၊\n(ဂ) ဖေႏကမာꩻ သုစရဲက် အပါꩻတဆီတဲ့ ခွေဆွုံꩻမꩻတပဲ့ꩻနုဲင်းနဝ်ꩻ၊\n(ဃ) ခွေတပဲ့ꩻဖုံႏတဲ့ သုစရဲက် အပါꩻတဆီနဝ်ꩻ မာꩻထွိုက်ဒျာႏ ဟော်ꩻလွဉ်ꩻနုဲင်းနဝ်ꩻ၊\n(င)'ကိရိယဝါဒ-မာꩻထွိုက်ဒျာႏ'ကရိုꩻနဝ်ꩻ သုစရဲက်အပါꩻတဆီနဝ်ꩻ မာꩻထွိုက်ဒျာႏ၊ ကွပ်နဝ်ꩻမꩻ မီႏမဉ်ရိုꩻခွေ 'ကိရိယဝါဒ'နုဲင်းနဝ်ꩻတဲ့ လꩻဒျာႏနောဝ်ꩻသွူ။\nတကာႏသီဟ-\n၃။ 'ရဟန်ꩻဂေါတမနဝ်ꩻ ဥစ္ဆေဒဝါဒ-မာꩻဖြတ်ꩻထဲ့ဗာႏ' အယူႏဝါႏဒ အဝ်ႏနုဲင်းနဝ်ꩻ၊ 'ဖေႏကမာꩻဖြတ်ꩻထဲ့တဲ့ ဟော်ꩻတရာꩻနုဲင်းနဝ်ꩻ၊ တရာꩻဩဝါဒအနေႏတဲ့ ဆွုံꩻမꩻအတပဲ့ꩻဖုံႏနုဲင်းနဝ်ꩻ၊ အတပဲ့ꩻဖုံႏတဲ့ ဟော်ꩻလွဉ်ꩻနုဲင်းနဝ်ꩻ'\nနေးတွမ်ႏငေါဝ်းပရိယာယ်ႏ-ရေႏရွယ်ႏဒျာႏ ခွေဝါႏဒတဲင်တွော့ꩻ မီႏမဉ်ရိုꩻခွေနုဲင်းနဝ်ꩻတဲ့ လꩻဒျာႏ၊ အနယ်ꩻပရိယာယ်ႏနုဲင်းနဝ်ꩻ အဝ်ႏဒျာႏ၊ အဝ်ႏနုဲင်းမုဲင်ꩻနဲတဲင်-\n(က) 'ရာဂ ဒေါသ မောဟ-ဖုံႏယိုနဝ်ꩻ မာꩻဖြတ်ꩻထဲ့ဗာႏ၊ အကုသိုလ်ႏတရာꩻဖုံႏယိုနဝ်ꩻ မာꩻဖြတ်ꩻထဲ့ꩻဗာႏ'ခွေအယူႏဝါႏဒ အဝ်ႏနုဲင်းနဝ်ꩻ။\n(ခ) ဖေႏနေးကမာꩻဖြတ်ꩻထဲ့ နဝ်ꩻဖုံႏတဲ့ ခွေဟော်ꩻနုဲင်းနဝ်ꩻ၊\n(ဂ) ဖေႏနေးကမာꩻဖြတ်ꩻထဲ့ နဝ်ꩻဖုံႏတဲ့ ခွေဆွုံꩻမꩻ တပဲ့ꩻဖုံႏနုဲင်းနဝ်ꩻ၊\n(ဃ) ခွေတပဲ့ꩻဖုံႏတဲ့ ဖေႏနေးကမာꩻဖြတ်ꩻထဲ့နဝ်ꩻဖုံႏ ဟော်ꩻလွဉ်ꩻနုဲင်းနဝ်ꩻ၊\n(င)'ဥစ္ဆေဒဝါဒ-မာꩻဖြတ်ꩻထဲ့ဗာႏ'ကရိုꩻနဝ်ꩻ မာꩻဖြတ်ꩻထဲ့ ရာဂ ဒေါသ မောဟ၊ အကုသိုလ်ႏတရာꩻဖုံႏဒျာႏ၊ ကွပ်နဝ်ꩻမꩻ မီႏမဉ်ရိုꩻခွေ 'ဥစ္ဆေဒဝါဒ'နုဲင်းနဝ်ꩻတဲ့ လꩻဒျာႏနောဝ်ꩻသွူ။\nတကာႏသီဟ-\n၄။ 'ရဟန်ꩻဂေါတမနဝ်ꩻ ဇေဂုစ္ဆီ-ပသို့ꩻဗာႏ' အယူႏဝါႏဒ အဝ်ႏနုဲင်းနဝ်ꩻ၊ 'ဖေႏကပသို့ꩻတဲ့ ဟော်ꩻတရာꩻနုဲင်းနဝ်ꩻ၊ တရာꩻဩဝါဒအနေႏတဲ့ ဆွုံꩻမꩻအတပဲ့ꩻဖုံႏနုဲင်းနဝ်ꩻ၊ အတပဲ့ꩻဖုံႏတဲ့ ဟော်ꩻလွဉ်ꩻနုဲင်းနဝ်ꩻ'\nနေးတွမ်ႏငေါဝ်းပရိယာယ်ႏ-ရေႏရွယ်ႏဒျာႏ ခွေဝါႏဒတဲင် မီႏမဉ်ရဉ်ꩻခွေနုဲင်းနဝ်ꩻတဲ့ လꩻဒျာႏ၊ အနယ်ꩻပရိယာယ်ႏနုဲင်းနဝ်ꩻ အဝ်ႏဒျာႏ၊ အဝ်ႏနုဲင်းမုဲင်ꩻနဲတဲင်-\n(က) ကမ��ꩻတွမ်ႏနမ်း နမ်းကျင်ꩻတဟောဝ်တောဝ်း-ကာယဒုစရဲက်၊ ဒေါ့ꩻတွမ်ႏဖြောင်း ဖြောင်းကျင်ꩻတဟောဝ်တဝ်း-ဝစီꩻဒုစရဲက်၊ ယူႏတွမ်ႏသꩻ သꩻကျင်ꩻတဟောဝ်တဝ်း-မနော်ꩻဒုစရဲက်ဖုံႏနောဝ်ꩻ ပသို့ꩻဗာႏ၊ ယွုတ်ညမ်းမျိုꩻဖွိုႏ အကုသိုလ်ႏဖုံႏနဝ်ꩻတဲ့-ပသို့ꩻဗာႏ၊ ခွေအယူႏဝါႏဒ အဝ်ႏနုဲင်းနဝ်ꩻ။\n(ခ) ဖေႏနေး ကပသို့ꩻဒုစရဲက်တွမ်ႏ-အကုသိုလ်ႏနဝ်ꩻ ခွေဟော်ꩻတရာꩻ၊\n(ဂ) ဖေႏနေး ကပသို့ꩻဒုစရဲက်တွမ်ႏ-အကုသိုလ်ႏနဝ်ꩻတဲ့ ခွေဆွုံꩻမꩻတပဲ့ꩻဖုံႏ၊\n(ဃ) ခွေတပဲ့ꩻဖုံႏတဲ့ ဖေႏနေး ကပသို့ꩻဒုစရဲက်တွမ်ႏ-အကုသိုလ်ႏနဝ်ꩻ ဟော်ꩻလွဉ်ꩻနဝ်ꩻအတွိုင်ꩻ၊\n(င)'ဇေဂုစ္ဆီ-ပသို့ꩻဗာႏ'ကရိုꩻနဝ်ꩻ ပသို့ꩻဗာႏ ဒုစရဲက်တွမ်ႏ အကုသိုလ်ႏ၊ ကွပ်နဝ်ꩻမꩻ မီႏမဉ်ရိုꩻခွေ 'ဇေဂုစ္ဆီ-ပသို့ꩻဗာႏ'နုဲင်းနောဝ်ꩻတဲ့ လꩻဒျာႏနောဝ်ꩻသွူ။\nတကာႏသီဟ-\n၅။ 'ရဟန်ꩻဂေါတမနဝ်ꩻ ဝေနယိကော-ယားကုဲင်ဗာႏ' အယူႏဝါႏဒ အဝ်ႏနုဲင်းနဝ်ꩻ၊ 'ဖေႏကယားကုဲင်တဲ့ ဟော်ꩻတရာꩻနုဲင်းနဝ်ꩻ၊ တရာꩻဩဝါဒအနေႏတဲ့ ဆွုံꩻမꩻအတပဲ့ꩻဖုံႏနုဲင်းနဝ်ꩻ၊ အတပဲ့ꩻဖုံႏတဲ့ ဟော်ꩻလွဉ်ꩻနုဲင်းနဝ်ꩻ'\nနေးတွမ်ႏငေါဝ်းပရိယာယ်ႏ-ရေႏရွယ်ႏဒျာႏ ခွေဝါႏဒတွော့ꩻ မီႏမည်ရိုꩻခွေနုဲင်းနဝ်ꩻတဲ့ လꩻဒျာႏ၊ အနယ်ꩻပရိယာယ်ႏနုဲင်းနဝ်ꩻ အဝ်ႏဒျာႏ၊ အဝ်ႏနုဲင်းမုဲင်ꩻနဲတဲင်-\n(က) 'ရာဂ ဒေါသ မောဟ-ဖုံႏယိုနဝ်ꩻ ယားကုဲင်ဗာႏ၊ အကုသိုလ်ႏတရာꩻဖုံႏယိုနဝ်ꩻ ယားကုဲင်ဗာႏ'\nခွေအယူႏဝါႏဒ အဝ်ႏနုဲင်းနဝ်ꩻ။\n(ခ) ဖေႏကယားကုဲင် နဝ်ꩻဖုံႏတဲ့ ခွေဟော်ꩻနုဲင်းနဝ်ꩻ၊\n(ဂ) ဖေႏကယားကုဲင် နဝ်ꩻဖုံႏတဲ့ ခွေဆွုံꩻမꩻ တပဲ့ꩻဖုံႏနုဲင်းနဝ်ꩻ၊\n(ဃ) ခွေတပဲ့ꩻဖုံႏတဲ့ ဖေႏကယားကုဲင်နဝ်ꩻဖုံႏ ဟော်ꩻလွဉ်ꩻနုဲင်းနဝ်ꩻ၊\n(င)'ဝေနယိကော-ယားကုဲင်ဗာႏ'ကရိုꩻနဝ်ꩻ ယားကုဲင် ရာဂ ဒေါသ မောဟ၊ အကုသိုလ်ႏတရာꩻဖုံႏဒျာႏ၊ ကွပ်နဝ်ꩻမꩻ မီႏမဉ်ရိုꩻခွေ 'ဝေနယိကော'နုဲင်းနဝ်ꩻတဲ့ လꩻဒျာႏနောဝ်ꩻသွူ။\nတကာႏသီဟ-\n၆။ 'ရဟန်ꩻဂေါတမနဝ်ꩻ တပဿီ-မာꩻခိုးလျားဗာႏ' အယူႏဝါႏဒ အဝ်ႏနုဲင်းနဝ်ꩻ၊ 'ဖေႏကမာꩻခိုးလျားတဲ့ ဟော်ꩻတရာꩻနုဲင်းနဝ်ꩻ၊ တရာꩻဩဝါဒအနေႏတဲ့ ဆွုံꩻမꩻအတပဲ့ꩻဖုံႏနုဲင်းနဝ်ꩻ၊ အတပဲ့ꩻဖုံႏတဲ့ ဟော်ꩻလွဉ်ꩻနုဲင်းနဝ်ꩻ'\nနေးတွမ်ႏငေါဝ်းပရိယာယ်ႏ-ရေႏရွယ်ႏဒျာႏ ခွေဝါႏဒတဲင်တွော့ꩻ မီႏမဉ်ရိုꩻခွေနုဲင်းနဝ်ꩻတဲ့ လꩻဒျာႏ၊ အနယ်ꩻပရိယာယ်ႏနုဲင်းနဝ်ꩻ အဝ်ႏဒျာႏ၊ အဝ်ႏနုဲင်းမုဲင်ꩻနဲတဲင်-\n(က) ယွုတ်ညမ်းမျိုꩻဖွိုႏ အကုသိုလ်ႏဖုံႏနဝ်ꩻ မာꩻခိုးလျားဗာႏ၊ ကမာꩻတွမ်ႏနမ်း နမ်းကျင်ꩻတဟောဝ်တဝ်း-ကာယဒုစ��ဲက်၊ ဒေါ့ꩻတွမ်ႏဖြောင်း ဖြောင်းကျင်ꩻတဟောဝ်တဝ်း-ဝစီꩻဒုစရဲက်၊ ယူႏတွမ်ႏသꩻ သꩻကျင်ꩻတဟောဝ်တဝ်း-မနော်ꩻဒုစရဲက်ဖုံႏနဝ်ꩻ မာꩻခိုးလျားဗာႏ၊\nခွေအယူႏဝါႏဒ အဝ်ႏနုဲင်းနဝ်ꩻ။\n(ခ) ဖေႏနေးကမာꩻခိုးလျား အကုသိုလ်ႏတွမ်ႏ ဒုစရဲက်ဖုံႏနဝ်ꩻ ခွေဟော်ꩻတရာꩻ၊\n(ဂ) ဖေႏနေးကမာꩻခိုးလျား အကုသိုလ်ႏတွမ်ႏ ဒုစရဲက်ဖုံႏနဝ်ꩻတဲ့ ခွေဆွုံꩻမꩻ တပဲ့ꩻဖုံႏ၊\n(ဃ) ခွေတပဲ့ꩻဖုံႏတဲ့ ဖေႏနေးကမာꩻခိုးလျား အကုသိုလ်ႏတွမ်ႏ ဒုစရဲက်နဝ်ꩻ ဟော်ꩻလွဉ်ꩻနဝ်ꩻအတွိုင်ꩻ၊\n(င)'တပဿီ-မာꩻခိုးလျားဗာႏ'ကရိုꩻနဝ်ꩻ မာꩻခိုးလျားဒျာႏ အကုသိုလ်ႏတွမ်ႏဒုစရဲက်ဖုံႏဒျာႏ၊ \nတကာႏသီဟ-\nကပယ်ႏထိုꩻထွူ အကုသိုလ်ႏ၊ တဒွေါ့ꩻထိုꩻလဲဉ်း အဝိဇ္ဇာႏတွမ်ႏ တဏှာႏအရွီးတဲင် ဗဲ့ꩻထန်ႏထွူလဲဉ်း အဝိဇ္ဇာႏတွမ်ႏ တဏှာႏအရွီးတွော့ꩻ  မာꩻသေင်ထိုꩻလဲဉ်း အဝိဇ္ဇာႏတွမ်ႏ တဏှာႏအရွီးတဲင်တွော့ꩻ မာꩻစွဉ်ႏနုဲင်းမုဲင်ꩻမုဲင်ꩻတဲ့ယဝ်း ထဲင်းတလဲင်ႏဆုဲင်ꩻချာ တထွာထဲင်းဒွုမ် ပုဂ္ဂိုလ်ႏနဝ်ꩻနဝ်ꩻ 'ပုဂ္ဂိုလ်ႏမာꩻခိုးလျား ကိလေႏသာႏ'ခွေဟော်ꩻဒျာႏနုဲင်းနဝ်ꩻ၊\nတကာႏသီဟဟွေး-\nဘုရာꩻခွေယိုနဝ်ꩻ ယွုတ်ညမ်းမျိုꩻဖွိုႏ-အကုသိုလ်ႏတရာꩻဖုံႏနဝ်ꩻ ပယ်ႏထွူလို့လဲဉ်း၊ အဝိဇ္ဇာႏတွမ်ႏ တဏှာႏအရွီးတဲ့ တဒွေါ့ꩻထဲ့ထိုꩻလဲဉ်း၊ အဝိဇ္ဇာႏတွမ်ႏ တဏှာႏအရွီးနဝ်ꩻ မာꩻသေင်ထိုꩻထွူလဲဉ်းတဲင်တွော့ꩻ မာꩻစွဉ်ႏနုဲင်းမုဲင်ꩻမုဲင်ꩻတဲ့ယဝ်း ထဲင်းတလဲင်ႏဆုဲင်ꩻချာ တထွာထဲင်းဒွုမ်၊ဩ\nတကာႏသီဟဟွေး-\nကွပ်နောဝ်ꩻမꩻ နေးတွမ်ႏပရိယာယ်ႏ-ရေႏရွယ်ႏဒျာႏ ခွေဝါႏဒတဲင်တွော့ꩻ မီႏမဉ်ရိုꩻခွေ 'တပဿီ-မာꩻခိုးလျားဗာႏ'နုဲင်းနောဝ်ꩻတဲ့ လꩻဒျာႏနောဝ်ꩻသွူ။\nတကာႏသီဟ-\n၇။ 'ရဟန်ꩻဂေါတမနောဝ်ꩻ အပဂဗ္ဘော-အုံတဝ်းဒွုမ်သန္ဓေႏ'အယူႏဝါႏဒ အဝ်ႏနုဲင်းနဝ်ꩻ၊ 'ဖေႏကအုံဗာႏမွုန်းဒွုမ်သန္ဓေႏတဲ့ ဟော်ꩻတရာꩻနုဲင်းနဝ်ꩻ၊ တရာꩻဩဝါဒအနေႏတဲ့ ဆွုံꩻမꩻအတပဲ့ꩻဖုံႏနုဲင်းနဝ်ꩻ၊ အတပဲ့ꩻဖုံႏတဲ့ ဟော်ꩻလွဉ်ꩻနုဲင်းနဝ်ꩻ'\nနေးတွမ်ႏငေါဝ်းပရိယာယ်ႏ-ရေႏရွယ်ႏဒျာႏ ခွေဝါႏဒတဲင် မီႏမဉ်ရိုꩻခွေနုဲင်းနဝ်ꩻတဲ့ လꩻဒျာႏ၊ အနယ်ꩻပရိယာယ်ႏနုဲင်းနဝ်ꩻ အဝ်ႏဒျာႏ၊ အဝ်ႏနုဲင်းမုဲင်ꩻနဲတဲင်-\nတဒွေါ့ꩻထိုꩻလဲဉ်း အဝိဇ္ဇာႏတွမ်ႏ တဏှာႏအရွီးတွော့ꩻ မာꩻသေင်ထိုꩻလဲဉ်း အဝိဇ္ဇာႏတွမ်ႏ တဏှာႏအရွီးတဲင်တွော့ꩻ မာꩻစွဉ်ႏနုဲင်းမုဲင်ꩻမုဲင်ꩻတဲ့ယဝ်း ထဲင်းတလဲင်ႏဆုဲင်ꩻချာ တထွာတဝ်းဒွုမ် (တကွုတ်တဝ်းဒွုမ်) ပုဂ္ဂိုလ်ႏနဝ်ꩻနဝ်ꩻ 'အုံတဝ်းဒွုမ်သန��ဓေႏ'ခွေဟော်ꩻဒျာႏနုဲင်းနဝ်ꩻ ခြုဲင်းနယ်ဟော်ꩻပျꩻ ခွေဆွုံꩻမꩻတပဲ့ꩻဖုံႏနုဲင်းနဝ်ꩻ။\nတကာႏသီဟဟွေး-\nဘုရာꩻခွေယိုနဝ်ꩻ အဝိဇ္ဇာႏတွမ်ႏ တဏှာႏအရွီးတဲ့ တဒွေါ့ꩻထဲ့ထိုꩻလဲဉ်း၊ အဝိဇ္ဇာႏတွမ်ႏ တဏှာႏအရွီးနဝ်ꩻ ဗဲ့ꩻထန်ႏထိုꩻထွူလဲဉ်း၊ အဝိဇ္ဇာႏတွမ်ႏ တဏှာႏအရွီးနဝ်ꩻ မာꩻသေင်ထိုꩻလဲဉ်းတဲင်တွော့ꩻ မာꩻစွဉ်ႏနုဲင်းမုဲင်ꩻမုဲင်ꩻတဲ့ယဝ်း (ဘုရာꩻခွေယိုနဝ်ꩻ) ထဲင်းတလဲင်ႏဆုဲင်ꩻချာ တထွာထဲင်းဒွုမ်၊ (တကွုတ်ထဲင်းဒူမ်)\nတကာႏသီဟဟွေး-\nကွပ်နဝ်ꩻမꩻ နေးတွမ်ႏပရိယာယ်ႏ-ရေႏရွယ်ႏဒျာႏ ခွေဝါႏဒတဲင်တွော့ꩻ မီႏမဉ်ရိုꩻခွေ 'အပဂဗ္ဘော-အုံတဝ်းဒွုမ်သန္ဓေႏ'နုဲင်းနဝ်ꩻတဲ့ လꩻဒျာႏနောဝ်ꩻသွူ။\nတကာႏသီဟဟွေး-\n၈။ 'ရဟန်ꩻဂေါတမနောဝ်ꩻ အဿာသကော-ထုမ်ႏထာꩻသက်သာႏ'အယူႏဝါႏဒ အောဝ်ႏနုဲင်းနောဝ်ꩻ၊ 'ဖေႏကထုမ်ႏထာꩻသက်သာႏတဲ့ ဟော်ꩻတရာꩻနုဲင်းနဝ်ꩻ၊ တရာꩻဩဝါဒအနေႏတဲ့ ဆွုံꩻမꩻအတပဲ့ꩻဖုံႏနုဲင်းနဝ်ꩻ၊ အတပဲ့ꩻဖုံႏတဲ့ ဟော်ꩻလွဉ်ꩻနုဲင်းနဝ်ꩻ'\nနေးတွမ်ႏငေါဝ်းပရိယာယ်ႏ-ရေႏရွယ်ႏဒျာႏ ခွေဝါႏဒတဲင်တွော့ꩻ မီႏမဉ်ရိုꩻခွေနုဲင်းနဝ်ꩻတဲ့ လꩻဒျာႏ၊ အနယ်ꩻပရိယာယ်ႏနုဲင်းနဝ်ꩻ အဝ်ႏဒျာႏ၊ အဝ်ႏနုဲင်းမုဲင်ꩻနဲတဲင်-\nတကာႏသီဟ-\n'ထာꩻသက်သာႏ'ကရိုꩻနဝ်ꩻ ခွေရေႏရွယ်ႏ မဂ်ဖိုလ်ႏဒျာႏ၊ (ပေါႏလꩻမဂ်ဖိုလ်ႏနဝ်ꩻ ကွုတ်ဒုက္ခ၊ ဖြားဒုက္ခ၊ ဆာဒုက္ခ၊ သီဒုက္ခ သက်သာႏအာတန်၊ ပေါႏလꩻတဝ်းလစ်ꩻမဂ်လစ်ꩻဖိုလ်ႏ ပေါႏထွာရဟန္တာႏနဝ်ꩻ ကွုတ်ဒွုမ်တဲင် ဒုက္ခကာႏတဝ်း သက်သာႏလို့စွဉ်ႏဒျာႏ) 'ထုမ်ႏထာꩻသက်သာႏ'ကရိုꩻနဝ်ꩻ ထိုမ်ႏဒျာႏမဂ်ဖိုလ်ႏဒျာႏ၊ ဟော်ꩻဒျာႏနုဲင်းနဝ်ꩻ၊ ဆွုံꩻမꩻဒျာႏနုဲင်းနဝ်ꩻ။\nကွပ်နဝ်ꩻမꩻ မီႏမဉ်ရိုꩻခွေ 'အဿာသကော-ထုမ်ႏထာꩻသက်သာႏ'နုဲင်းနဝ်ꩻတဲ့ လꩻဒျာႏနောဝ်ꩻသွူ။\nစဲ့ꩻပိုႏတန်သီဟနဝ်ꩻ ကိုꩻကွယ်ႏဒျာႏ တိတ္ထိတက္ကတွဉ်ꩻတဲင် ဗုဒ္ဓဘာႏသာႏ မွေးတဝ်းတွော့ꩻ တွမ်ႏဝင်ꩻကဒေါ့ꩻ တွမ်ႏဝွေꩻကဟွုန်ဗာႏယိုနဝ်ꩻ အကွာႏညာꩻယော့ဒျာႏလို့ဝင်ꩻ၊ ဝွေꩻကထင်ႏဟွူန်ဗာႏနုဲင်းယို ဝွေꩻသဘော်ꩻ ကထင်ႏပေါက်တဲင်တွော့ꩻ-\n\"ဩဗွေႏ ဘုရာꩻမျတ်ဗွေႏဩ-\nနီဗွေႏဘုရာꩻ တရာꩻတောႏနဝ်ꩻ ယံမွေးစွဉ်ႏထာꩻ၊ နစ်သက်ဟောဝ်ငါႏဗွေႏဩ၊ တဲႏဟန်ႏနီꩻယိုမာꩻငါ သွတ်ꩻစွဉ်ႏတသက် ခွေသွဉ်းဆယ်ꩻကပ်ဒျာႏ ရတနာႏသွံပါꩻ၊ ခွေသွဉ်းယိုနဝ်ꩻ မတ်သွော့ ဗုဒ္ဓဘာႏသာႏ ဥပါႏသကာႏတဖြာꩻ ဗွေႏဩ\" လောဝ်းနီဗွေႏဘုရာꩻနုဲင်းနဝ်ꩻ။\nနီဗွေႏဘုရာꩻရိုꩻ-\n\"တကာႏသီဟ- ယူႏယွယွကဟုဲင်း၊ လိုꩻမဉ်ꩻတန် လိုꩻမဉ်ꩻကျော��တဖြာꩻ လိုꩻနုဲင်းနာꩻယိုနဝ်ꩻ ယူႏချာယူႏငါဒွိုန်းက ယူႏယွယွနဝ်ꩻမꩻ ဟောဝ်ကွေး\"နီဗွေႏဘုရာꩻ ထွဉ်ႏယူႏစဉ်ꩻစာꩻကနုဲင်းနဝ်ꩻ။\n\"ဩဗွေႏ-\nခွေသွဉ်းထင်ႏဟွူန် နီဗွေႏငေါဝ်းယိုနဝ်ꩻ ယိန်းသꩻရေꩻရေꩻ၊ ယိန်းနစ်သက်သက်စွဉ်ႏ ဗွေႏဩ၊ တိတ္ထိတက္ကတွဉ်ꩻဖုံႏနဝ်ꩻ ခွေသွဉ်းမဉ်ႏရိုꩻ 'ခွေသွဉ်းယိုနဝ်ꩻ မတ်သွော့ နီဗွေႏတကာႏဗွေႏဩ' ခွေသွဉ်းမဉ်ႏလောဝ်းနုဲင်းနဝ်ꩻ မဉ်ႏလꩻမွိုင်တပဲ့ꩻ နုဲင်းခွေသွဉ်းယိုဟ ငအွီႏစွဉ်ႏထာꩻ၊ 'စဲ့ꩻပိုႏတန်သီဟနဝ်ꩻ ထွာလဲဉ်းနီတပဲ့ꩻ'လယ်ႏကေႏညာႏစွဉ်ႏဒျာႏ ဝွေႏသာႏလီႏတခမ်းလိုမ်းသနယ် ဗွေႏဩ။\nတွိုႏနီဗွေႏဘုရာꩻနဝ်ꩻရိုꩻ-\n'ယူႏယွယွကဟုဲင်း'တဲ့၊ နောဝ်ꩻသနယ် ခွေသွဉ်း ကယိန်းနစ်သက်နဝ်ꩻဗွေႏ၊ နီလဲင်ႏဗွေဗွေ ခွေသွဉ်းဆယ်ꩻကပ်ဒျာႏ ရတနာႏသွံပါꩻ ဗွေႏဩ၊ ခွေသွဉ်းယိုနဝ်ꩻ မတ်ဒျာႏသွော့ ဗွေႏဘုရာꩻတကာႏဖြာꩻ ဗွေႏဩ\"လောဝ်းနီဗွေႏဘုရာꩻနုဲင်းနဝ်ꩻ။\nနီဗွေႏဘုရာꩻရိုꩻ-\n\"တကာႏသီဟ- နိဂဏ္ဌ တိတ္ထိတက္ကတွဉ်ꩻသီးဖုံႏနဝ်ꩻ စွုမ်ႏနီꩻစွုမ်ႏလာ အာႏကွိုꩻလွဉ်နာꩻညလဲဉ်း၊ နာꩻနဝ်ꩻ ထွာဝွေꩻသီး ထီအုံႏတန်တဲင်တွော့ꩻ (မဲ့ꩻဝွေꩻသီးမော့ꩻ အယပ်ꩻအခုဲင်ႏ)၊ 'ဝွေꩻသီးတာႏတဲ့ ခွေအီႏလူႏပါဒျာႏ'အွဉ်ႏသꩻနုဲင်းနဝ်ꩻလုဲင်း၊ လူႏသေႏသေႏပါ ဝွေꩻသီးနဝ်ꩻဟုဲင်း\"\n\"ဩဗွေႏ ဘုရာꩻမျတ်ဗွေႏဩ-\nတွိုႏကဟွုန်နဝ်ꩻ 'ရဟန်ꩻဂေါတမနဝ်ꩻ ထွဉ်ႏလူႏဒျာႏ ဝွေꩻတွမ်ႏဝွေꩻတပဲ့ꩻလွုမ်ꩻ-တဲ့'၊ ကထွိုင်ႏဟွူန်တွမ်ႏနားယိုနဝ်ꩻ တစားခေါ်တောဒျာႏ၊ ယိန်းကေႏညိုႏငါႏ ဗွေႏဘုရာꩻ၊ သွံလဲင်ႏဗွေဗွေ ခွေသွဉ်းဆယ်ꩻကပ်ဒျာႏ ရတနာႏသိုမ်ပါꩻဗွေႏဩ၊ သွတ်ꩻစိုးဝုဲင်ꩻပန် တသက်လိုမ်းလိုမ်း ဆယ်ꩻကပ်ဒျာႏဘုရာꩻ၊ ဆယ်ꩻကပ်ဒျာႏတရာꩻ၊ ဆယ်ꩻကပ်ဒျာႏသံဃာႏ၊ မတ်ဒျာႏသွော့ ဥပါႏသကာႏတဖြာꩻ ဗွေႏဩ\" သꩻရောင်းသꩻရေꩻ လောဝ်းထဲင်းနုဲင်းနောဝ်ꩻသွူ။(သုတ္တန်ႏပိဋကတ်၊ အင်္ဂုတ္တရပါဠိ၊ အဋ္ဌကနိပါတ်၊ သီဟသုတ်)\n\nအာႏကွိုꩻ","num_words":3154,"character_repetition_ratio":0.136,"word_repetition_ratio":0.255,"special_characters_ratio":0.08,"stopwords_ratio":0.022,"flagged_words_ratio":0.0,"lang_id_score":1.0,"perplexity_score":801.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%99%E1%80%94%E1%80%BA%E1%80%B8%20%E1%80%9B%E1%80%AF%E1%80%80%E1%80%BA%E1%80%99%E1%80%BD%E1%80%94%E1%80%BA%E1%80%87%E1%80%AC%E1%80%90%E1%80%BA%E1%80%80%E1%80%AC%EA%A9%BB%E1%80%96%E1%80%AF%E1%80%B6%E1%82%8F%E1%80%85%E1%80%AC%E1%82%8F%E1%80%9B%E1%80%84%E1%80%BA%EA%A9%BB","collection":"wikipedia","source":"wikipedia","original_code":"blk","text":"တယ်ႏခရိစ်နေင်ႏ ၁၉၂၀ မာꩻငါ ကဒင်ႏထွူလဲဉ်းဒါႏ ရုက်မွန်ယုင်ႏကို မန်းရုက်မွန်ဇာတ်ကာꩻဖုံႏနဝ်ꩻ အဝ်ႏလ့နဝ်ꩻအတွိုင်ꩻသွူ-\n\n၁၉၂၀ ဗာႏ\n\n၁၉၃၄ ဗာႏ\n\n၁၉၃၆ ဗာႏ\n\n၁၉၃၇ ဗာႏ\n\n၁၉၃၉ ဗာႏ\n\n၁၉၄၀ ဗာႏ\n\n၁၉၄၁ ဗာႏ\n\n၁��၄၆ ဗာႏ\n\n၁၉၄၇ ဗာႏ\n\n၁၉၄၈ ဗာႏ\n\n၁၉၅၀ ဗာႏ\n\n၁၉၅၁ ဗာႏ\n\n၁၉၅၂ ဗာႏ\n\n၁၉၅၃ ဗာႏ\n\n၁၉၅၄ ဗာႏ\n\n၁၉၅၅ ဗာႏ\n\n၁၉၅၆ ဗာႏ\n\n၁၉၅၇ ဗာႏ\n\n၁၉၅၈ ဗာႏ\n\n၁၉၅၉ ဗာႏ\n\n၁၉၆၀ ဗာႏ\n\n၁၉၆၁ ဗာႏ\n\n၁၉၆၂ ဗာႏ\n\n၁၉၆၃ ဗာႏ\n\n၁၉၆၄ ဗာႏ\n\n၁၉၆၅ ဗာႏ\n\n၁၉၆၆ ဗာႏ\n\n၁၉၆၇ ဗာႏ\n\n၁၉၆၈ ဗာႏ\n\n၁၉၆၉ ဗာႏ\n\n၁၉၇၀ ဗာႏ\n\n၂၀၀၀ ဗာႏ\n\n၂၀၀၉ ဗာႏ\n\n၂၀၁၀ ဗာႏ\n\n၂၀၁၅ ဗာႏ\n\n၂၀၁၆ ဗာႏ\n\n၂၀၁၇ ဗာႏ\n\n၂၀၁၈ ဗာႏ\n\n၂၀၁၉ ဗာႏ\n\nအာႏကွိုꩻ \n\nရုက်မွန်\nမျန်မာ ထာꩻယေန်ႏငဲး","num_words":54,"character_repetition_ratio":0.008,"word_repetition_ratio":0.667,"special_characters_ratio":0.243,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":25412.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%99%E1%80%94%E1%80%BA%E1%80%B8%E1%80%94%E1%80%B1%E1%80%AC%E1%80%84%E1%80%BA%E1%80%9C%E1%80%AD%E1%80%AF%EA%A9%BB%E1%80%81%E1%80%BD%E1%80%AD%E1%80%AF%EA%A9%BB","collection":"wikipedia","source":"wikipedia","original_code":"blk","text":"မန်းနောင်လိုꩻခွိုꩻ ယို အုံအဝ်ႏအာလွေꩻဒျာႏ ဖြဝ်ꩻခမ်းနယ်ႏ အခဝ်နောဝ် ၊ ဝေင်ꩻနယ်ႏညောင်ႏရွီႏ ၊ နောင်အင်းလေးဒေႏသ အကိုသွူ ။ နောင်ဒေႏသကိုတယောဝ်း ၊ နောင်စပ်ဒေႏသ ကိုတယောဝ်း တယ်ႏထောင်ႏဒျာႏ ဒုံတဲင် အုံအဝ်ႏလွေꩻဒျာႏနဝ်ꩻသွူ ။ လိုꩻခွိုꩻကအုံအဝ်ႏအာ နောင်ထျဒေႏသနဝ်ꩻကိုယို ထွာဒျာႏ မန်းနောင် ဖုံႏနဝ်ꩻသွူ ။\n\nအာႏကွိုꩻ \n\nမျန်မာခမ်းထီလိုꩻခွိုꩻဖုံႏ","num_words":36,"character_repetition_ratio":0.019,"word_repetition_ratio":0.0,"special_characters_ratio":0.09,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":273237.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%99%E1%80%AC%EA%A9%BB%E1%80%81%E1%80%B1%E1%80%B7%EA%A9%BB%E1%80%99%E1%80%AC%EA%A9%BB%E1%80%90%E1%80%96%E1%80%BC%E1%80%B1%E1%80%AC%E1%80%9D%E1%80%BA%E1%80%B8","collection":"wikipedia","source":"wikipedia","original_code":"blk","text":"\"ဥပက္ကိလေသသုတ် (မာꩻခေ့ꩻ၊ မာꩻတဖြောဝ်း၊ မာꩻတရေꩻတဝ်းမွူးလာ)\"\nရဟန်ꩻသီးဖုံႏဟွေး-\n၁။ အဗ္ဘာ ဘိက္ခဝေ စန္ဒိယသူရိယာနံ ဥပက္ကိလေသာ-\n'မို့ꩻအေႏ'ဖုံႏနဝ်ꩻ မာꩻတမိုꩻထိုꩻ မွူးလာရောင်ႏ၊ ဖေႏတောင်ႏတဝ်းမွူးလာ၊ ကွပ်မို့ꩻအေႏဖုံႏနဝ်ꩻတဲင် မွူးလာနောဝ်ꩻ န တပန္တိ-အရောင်ႏတထန်ႏတောဝ်းဒွုမ်၊ န ဘာသန္တိ-အရောင်ႏတဆောဝ်တောဝ်းဒွုမ်၊ န ဝိရောစန္တိ-(မွူးလာ) တင်ႏတယ်ႏတဝ်းဒွုမ်။\n၂။ မဟိကာ ဘိက္ခဝေ စန္ဒိယသူရိယာနံ ဥပက္ကိလေသာ-\n'တအိုမုတ်ꩻ'ဖုံႏနဝ်ꩻ မာꩻတမိုꩻထိုꩻ မွူးလာရောင်ႏ၊ ဖေႏတောင်ႏတဝ်းမွူးလာ၊ ပွိုးတအိုမုတ်ꩻဖုံႏနဝ်ꩻတဲင် မွူးလာနောဝ်ꩻ အရောင်ႏတထန်ႏတဝ်းဒွုမ်၊ အရောင်ႏတဆောဝ်တဝ်းဒွုမ်၊ တရေꩻတင်ႏတယ်ႏတဝ်းဒွုမ်။\n၃။ ဓူမော ရဇော ဘိက္ခဝေ စန္ဒိယသူရိယာနံ ဥပက္ကိလေသာ-\n'မေလူး-ထာꩻအီႏဖွန်ႏ'ဖုံႏနဝ်ꩻ မာꩻတမိုꩻထိုꩻ မွူးလာရောင်ႏ၊ ဖေႏတောင်ႏတဝ်းမွူးလာ၊ ကွပ်ပွိုးမေႏလူး ထာꩻအီႏဖွန်ႏဖုံႏနဝ်ꩻတဲင် မွူးလာနဝ်ꩻ အရောင်ႏတထန်ႏတဝ်းဒွုမ်၊ အရောင်ႏတဆောဝ်တဝ်းဒွုမ်၊ တရေꩻတင်ႏတယ်��တဝ်းဒွုမ်။\n၄။ ရာဟု ဘိက္ခဝေ အသုရိန္ဒော စန္ဒိမသူရိယာနံ ဥပက္ကိလေသာ-\n'ရာႏဟု-အသူႏရိန်ႏ'နဝ်ꩻ မာꩻတမိုꩻထိုꩻ မွူးလာရောင်ႏ၊ ဖေႏတောင်ႏတဝ်းမွူးလာ၊ ကွပ်ရာႏဟုအသူႏရိန်ႏနဝ်ꩻတဲင် မွူးလာနဝ်ꩻ အေရာင်ႏထန်ႏတဝ်းဒွုမ်၊ အရောင်ႏတဆောဝ်တဝ်းဒွုမ်၊ တရေꩻတင်ႏတယ်ႏတဝ်းဒွုမ်။\nအနုဲင်းနဝ်ꩻနေနေ၊ ရဟန်ꩻသီးဖုံႏဟွေး-\n၁။ ဧကေ သမဏဗြာဟ္မဏာ သုရံ ပိဝန္တိ-\n'သမဏ ဗြာဟ္မစ ယင်ဟန်ႏဖုံႏ'နဝ်ꩻ အွꩻလွဒေါဝ်ဖုံႏ၊ 'ဒေါဝ်'နဝ်ꩻ မာꩻတမိုꩻထိုꩻ သမဏဗြာဟ္မဏသီး (ဂွုဏ်ႏသိက္ခာႏ)အရောင်ႏ၊ (ဂွုဏ်ႏသိက္ခာႏ)အရောင်ႏထန်ႏတောဝ်းဒွုမ်၊ အရောင်ႏတဆောဝ်တောဝ်းဒွုမ်၊ (သမဏ၊ ဗြာဟ္မဏနဝ်ꩻ) တရေꩻတင်ႏတယ်ႏတဝ်းဒွုမ်။\n၂။ ဧကေ သမဏဗြာဟ္မဏာ မေထုနံ ဓမ္မံ ပဋိသေဝန္တိ-\n'သမဏ ဗြာဟ္မစ ယင်ဟန်ႏဖုံႏ'နဝ်ꩻ မာꩻအကျင်ꩻလိုꩻဒုံ-မေထုန်ခိုမူႏ အကျင်ꩻနဝ်ꩻနဝ်ꩻ မာꩻတမိုꩻထိုꩻ သမဏဗြာဟ္မဏသီး (ဂွုဏ်ႏသိက္ခာႏ)အရောင်ႏ၊ (ဂွုဏ်ႏသိက္ခာႏ)အရောင်ႏထန်ႏတဝ်းဒွုမ်၊ အရောင်ႏတဆောဝ်တဝ်းဒွုမ်၊ တရေꩻတင်ႏတယ်ႏတဝ်းဒွုမ်။\n၃။ ဧကေ သမဏဗြာဟ္မဏာ ဇာတရူပရဇတံ သာဒိယန္တိ-\n'သမဏ ဗြာဟ္မစ ယင်ဟန်ႏဖုံႏ'နဝ်ꩻ ကွပ်သာႏယာႏရွဉ်ခံꩻတဲင် (ဂွုဏ်ႏသိက္ခာႏ)အရောင်ႏထန်ႏတဝ်းဒွုမ်၊ အရောင်ႏတဆောဝ်တဝ်းဒွုမ်၊ တရေꩻတင်ႏတယ်ႏတဝ်းဒွုမ်။\n၄။ ဧကေ သမဏဗြာဟ္မဏာ မိစ္ဆာဇီဝေန ဇီဝန္တိ-\n'သမဏ ဗြာဟ္မစ ယင်ဟန်ႏဖုံႏ'နဝ်ꩻ နေးတွမ်ႏထာꩻညမ်း လွူးအီနမ်းတဲင် (ဂွုဏ်ႏသိက္ခာႏ)အရောင်ႏထန်ႏတဝ်းဒွုမ်၊ အရောင်ႏတဆောဝ်တဝ်းဒွုမ်၊ တရေꩻတင်ႏတယ်ႏတဝ်းဒွုမ်နောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ ဥပက္ကိလေသသုတ်)\n\nအာႏကွိုꩻ","num_words":465,"character_repetition_ratio":0.131,"word_repetition_ratio":0.147,"special_characters_ratio":0.095,"stopwords_ratio":0.002,"flagged_words_ratio":0.0,"lang_id_score":1.0,"perplexity_score":1352.8,"cluster_detection":-1}
+{"url":"https:\/\/blk.wikipedia.org\/wiki\/%E1%80%99%E1%80%AC%EA%A9%BB%E1%80%90%E1%80%9D%E1%80%BA%E1%80%B8%E1%80%80%E1%80%AF%E1%80%9E%E1%80%AD%E1%80%AF%E1%80%9C%E1%80%BA%E1%82%8F","collection":"wikipedia","source":"wikipedia","original_code":"blk","text":"\"ဘဒ္ဒကသုတ် (မာꩻတဝ်းကုသိုလ်ႏ ထွာတဝ်းထာꩻသီဟောဝ်၊ မာꩻဒျာႏကုသိုလ်ႏ ထွာဒျာႏထာꩻသီဟောဝ်)\"\nအွိုးခꩻတလဲင်ႏ-\nဗွေႏသာရိပုတ္တရာႏဟော်ꩻဖေႏ ဗွေႏရဟန်ꩻသီးဖုံႏ တရာꩻနုဲင်းယို-\nဗွေႏပေႏသီးဖုံႏဟွေး-\n၁။ သာႏသနာႏကိုယို ရဟန်ꩻ(တပါꩻ)နဝ်ꩻ ပျောႏလွဉ်ꩻမွိုင်းဒျာႏထာꩻမာꩻ၊ အခိန်ႏလို့မွိုင်းဒျာႏ တွမ်ႏထာꩻမာꩻနဝ်ꩻ (တွိုႏကုသိုလ်ႏနဝ်ꩻ မာꩻတဝ်း)၊ ရဟန်ꩻနဝ်ꩻနဝ်ꩻ အမဉ်ႏသီနဝ်ꩻ ထွာတဝ်းထာꩻသီဟောဝ်။\n၂။ သာႏသနာႏကိုယို ရဟန်ꩻနဝ်ꩻ ပျောႏလွဉ်ꩻဒျာႏထာꩻဒေါ့ꩻ၊ အခိန်ႏလို့မွိုင်��ဒျာႏတွမ်ႏထာꩻဒေါ့ꩻ၊ (မာꩻတဝ်းကုသိုလ်ႏ)၊ ရဟန်ꩻနဝ်ꩻ အမဉ်ႏသီနဝ်ꩻ ထွာတောဝ်းထာꩻသီဟောဝ်။\n၃။ သာႏသနာႏကိုယို ရဟန်ꩻနဝ်ꩻ ပျောႏလွဉ်ꩻဒျာႏတွမ်ႏထာꩻဗေင်ႏ၊ အဝ်ႏဗေင်ႏမွိုင်းဒျာႏထာꩻ၊ (မာꩻတဝ်းကုသိုလ်ႏ)၊ အမဉ်ႏသီနဝ်ꩻ ထွာတောဝ်းထာꩻသီဟောဝ်။\n၄။ သာႏသနာႏကိုယို ရဟန်ꩻနဝ်ꩻ ပျောႏလွဉ်ꩻဒျာႏတွမ်ႏအသွꩻ၊ အခိန်ႏလို့ခြေင်ဒျာႏတွမ်ႏအသွꩻ (မာꩻတဝ်းကုသိုလ်ႏ)၊ ရဟန်ꩻနဝ်ꩻ အမဉ်ႏသီနဝ်ꩻ ထွာတောဝ်းထာꩻသီဟောဝ်။\n၅။ သာႏသနာႏကိုယို ရဟန်ꩻနဝ်ꩻ ပျောႏလွဉ်ꩻဒျာႏထာꩻရော်ꩻရယ်ꩻ (ထွား၊ နာႏ၊ ဒေါ့ꩻ၊ အံႏ၊ ခွေါင်း)ငတ်ꩻမျိုꩻ၊ အခိန်ႏလို့ဒျာႏ တွမ်ႏနဝ်ꩻငတ်ꩻမျိုꩻ၊ (မာꩻတဝ်းကုသိုလ်ႏ)၊ ရဟန်ꩻနဝ်ꩻ အမဉ်ႏသီနဝ်ꩻ ထွာတဝ်းထာꩻသီဟဝ်။\n၆။ သာႏသနာႏကိုယို ရဟန်ꩻနဝ်ꩻ ပျောႏလွဉ်ꩻဒျာႏ ပပဉ္စတရာꩻသွံပါꩻ (တဏှာႏ၊ မာႏန၊ ဒိဋ္ဌိ)၊ အခိန်ႏလို့ဒျာႏ တွမ်ႏတရာꩻမာꩻဆွာꩻ သံသရာႏနဝ်ꩻတဲင် (မာꩻတဝ်းကုသိုလ်ႏ)၊ ရဟန်ꩻနဝ်ꩻ အမဉ်ႏလွဉ်ႏနဝ်ꩻ ကုသိုလ်ႏကံႏ တပါတဝ်း၊ ထွာတဝ်းထာꩻသီဟောဝ်၊ ရဟန်ꩻနဝ်ꩻနဝ်ꩻ 'ပျောႏလွဉ်ꩻဒျာႏ (သက္ကာယ)ခန္ဓာႏငတ်ꩻပါꩻ၊ တစွဉ်ꩻနွောင်ꩻတဝ်းခန္ဓာႏ'ရိုꩻဗာႏနုဲင်းနောဝ်ꩻသွူ။\nဗွေႏပေႏသီးဖုံႏဟွေး-\n၁။ သာႏသနာႏကိုယို ရဟန်ꩻ(တပါꩻ)နဝ်ꩻ ပျောႏလွဉ်ꩻတဝ်းထာꩻမာꩻ၊ အခိန်ႏလို့ခြေင်တဝ်းတွမ်ႏထာꩻမာꩻ၊ (မာꩻပါဒျာႏကုသိုလ်ႏ)၊ ရဟန်ꩻနဝ်ꩻနဝ်ꩻ အမဉ်ႏသီနဝ်ꩻ ထွာဒျာႏထာꩻသီဟောဝ်။\n၂။ သာႏသနာႏကိုယို ရဟန်ꩻနောဝ်ꩻ ပျောႏလွဉ်ꩻတဝ်းထာꩻဒေါ့ꩻ၊ အခိန်ႏလို့ခြေင်တောဝ်း တွမ်ႏထာꩻဒေါ့ꩻ၊ (မာꩻပါဒျာႏကုသိုလ်ႏ)၊ ရဟန်ꩻနဝ်ꩻနဝ်ꩻ အမဉ်ႏသီနဝ်ꩻ ထွာဒျာႏထာꩻသီဟောဝ်။\n၃။ သာႏသနာႏကိုယို ရဟန်ꩻနောဝ်ꩻ ပျောႏလွဉ်ꩻတဝ်းထာꩻဗေင်ႏ၊ အခိန်ႏလို့ခြေင်တဝ်း တွမ်ႏထာꩻဗေင်ႏ (မာꩻပါဒျာႏကုသိုလ်ႏ)၊ ရဟန်ꩻနဝ်ꩻနဝ်ꩻ အမဉ်ႏသီနဝ်ꩻ ထွာဒျာႏထာꩻသီဟောဝ်။\n၄။ သာႏသနာႏကိုယို ရဟန်ꩻနောဝ်ꩻ ပျောႏလွဉ်ꩻတောဝ်းအသွꩻ၊ အခိန်ႏလို့ခြေင်တောဝ်းတွမ်ႏအသွꩻ၊ (မာꩻပါဒျာႏကုသိုလ်ႏ)၊ ရဟန်ꩻနဝ်ꩻနဝ်ꩻ အမဉ်ႏသီနဝ်ꩻ ထွာဒျာႏထာꩻသီဟောဝ်။\n၅။ သာႏသနာႏကိုယို ရဟန်ꩻနဝ်ꩻ ပျောႏလွဉ်ꩻတဝ်း ထာꩻရော်ꩻရယ်ꩻငတ်ꩻမျိုꩻ၊ အခိန်ႏလို့ခြေင်အီတဝ်းတွမ်ႏနဝ်ꩻငတ်ꩻမျိုꩻ၊ (မာꩻပါဒျာႏကုသိုလ်ႏ)၊ ရဟန်ꩻနဝ်ꩻနဝ်ꩻ အမဉ်ႏသီနဝ်ꩻ ထွာဒျာႏထာꩻသီဟောဝ်။\n၆။ သာႏသနာႏကိုယို ရဟန်ꩻနဝ်ꩻ ပျောႏလွဉ်ꩻတဝ်း ပပဉ္စတရာꩻသွံပါꩻ၊ အခိန်ႏလို့ခြေင်အီတောဝ်းတွမ်ႏ တရာꩻနဝ်ꩻသွံပါꩻ၊ (မာꩻပါဒျာႏကုသိုလ်ႏ)၊ ရဟန်ꩻနဝ်ꩻ အမဉ်ႏလွဉ်ႏနဝ်ꩻ ကုသိုလ်ႏပါဒျာႏ၊ ထွာဒျာႏထာꩻသီဟောဝ်၊ ရဟန်ꩻနဝ်ꩻနဝ်ꩻ 'ပျောႏလွဉ်ꩻတဝ်းခန္ဓာႏ၊ စွဉ်ꩻနွောင်ꩻဒျာႏခန္ဓာႏ'ရိုꩻဗာႏနုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဆက္ကနိပါတ်၊ ဘဒ္ဒကသုတ်) လိုꩻတွိုင်ꩻဖေႏကသေနာႏ တဲမ်းဗာႏနုဲင်းယိုသွူ။\n\nအာႏကွိုꩻ","num_words":453,"character_repetition_ratio":0.165,"word_repetition_ratio":0.169,"special_characters_ratio":0.082,"stopwords_ratio":0.022,"flagged_words_ratio":0.0,"lang_id_score":1.0,"perplexity_score":2835.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%99%E1%80%AC%EA%A9%BB%E1%80%95%E1%80%AB%E1%80%81%E1%80%94%E1%80%BA%E1%80%B8%20%E1%80%9C%E1%80%AD%E1%80%AF%EA%A9%BB%E1%80%99%E1%80%BB%E1%80%AD%E1%80%AF%EA%A9%BB%E1%80%90%E1%80%AC%E1%82%8F","collection":"wikipedia","source":"wikipedia","original_code":"blk","text":"နာꩻတဲ့ အီႏသီ ခွေလဲ့အီႏသီ စောင်းမနီ လွစ်ဝင်ꩻဟောင်း နာꩻမဉ်ႏသီ နာꩻဒုံတာႏ သာႏသာႏယာႏ ယံအဝ်ႏခါꩻ လိုႏလဲဉ်း နာꩻကျိုꩻစာꩻ၊ နာꩻမဉ်ႏသီ နာꩻဘာႏသာႏ ရောင်ႏလေဒျာႏ ယံအဝ်ႏနောဝ်ꩻ နီꩻဟာရဝ်ꩻ လိုႏမာꩻသွူ၊ နာꩻမဉ်ႏသီ လိုꩻမျိုꩻတာႏ ထင်ႏထိုဒျာႏ ယံအဝ်ႏနောဝ်ꩻ နီꩻဟာရောဝ်ꩻ လိုႏကျိုꩻသွူ။\n\nအာႏကွိုꩻ","num_words":24,"character_repetition_ratio":0.125,"word_repetition_ratio":0.0,"special_characters_ratio":0.091,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":393195.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%99%E1%80%AD%E1%80%89%E1%80%BA%E1%82%8F%E1%80%81%E1%80%B6%E1%82%8F%E1%80%91%E1%80%B0%E1%82%8F%E1%80%95%E1%80%A1%E1%80%AD%E1%80%AF%E1%80%9D%E1%80%BA%E1%82%8F%E1%80%81%E1%80%99%E1%80%BA%E1%80%B8","collection":"wikipedia","source":"wikipedia","original_code":"blk","text":"\"မိဉ်ႏခံႏထူႏ ပအိုဝ်ႏခမ်းသားအတာႏနဝ်ꩻ အဝ်ႏလိုႏလွောင်ႏဗူႏဗာႏဒျာႏ\"\nဟန်ႏသနီꩻ ပအိုဝ်ႏနုဲင်ႏငံႏရေꩻရုဲင်ꩻတသွိုးမု ပအိုဝ်ႏကို ခုမ်စူခြွိုင်းစွိုꩻအနေႏ မိဉ်ႏထွားနဝ်ꩻ အဝ်ႏပအိုဝ်ႏစွိုးခွိုꩻလွစ်ထန်ႏရေꩻအစွိုꩻချုတ် (PNLO)သွူ၊ ပအိုဝ်ႏစွိုးခွိုꩻ လွစ်ထန်ႏရေꩻအစွိုꩻချုတ်ယို မန်းခမ်းငိမ်ꩻချံꩻရေꩻ ထာꩻမာꩻရဲဉ်ႏကို တွမ်ႏအစိုႏရ အွဉ်ငါစဲ့ꩻတပ်မတောႏ ကတဲမ်းထွို့ꩻဒါႏ အွဉ်ႏဆွိုးအတွိုက်ꩻအခꩻ (NCA)လိတ်ချုပ် ခမ်းရင်ꩻသားခုစူခြွိုင်း(၈)စွိုꩻအကို အဝ်ႏပါသော့ꩻနဝ်ꩻသွူ။\nဟန်ႏသနီꩻ နုဲင်ႏငံႏရေꩻရုဲင်ꩻတသွိုးမု ပအိုဝ်ႏကို မဉ်ႏနုဲင်းနုဲင်းငံႏရေꩻပါတီစွိုꩻအနေႏ မဉ်ႏထွားနုဲင်း အဝ်ႏပအိုဝ်ႏစွိုးခွိုꩻအစွိုꩻချုတ် (PNO)တွမ်ႏ ခမ်းပေါင်ꩻဗူႏပအိုဝ်ႏစွိုးခွိုꩻအစွိုꩻချုပ် (ပ-အ-မ-ဖ)ယိုနီပါနဝ်ꩻသွူ။\nနဝ်ꩻမꩻ ခုမ်စူခြွိုင်း ပအိုဝ်ႏစွိုးခွိုꩻလွစ်ထန်ႏရေꩻအစွိုꩻချုတ် (PNLO)စဲ့ꩻစွိုꩻတဲ့နဝ်ꩻ၊ နုဲင်ႏငံႏရေꩻပါတီ ပအိုဝ်ႏစွိုးခွိုꩻအစွိုꩻချုတ် (PNO)တွမ်ႏ ခမ်းပေါင်ꩻဗူႏပအိုဝ်ႏစွိုးခွိုꩻအစွိုꩻချုတ် (ပ-အ-မ-ဖ)ပါတီသီးတဲ့နဝ်ꩻ ဟန်ႏသနီꩻ ကအဝ်ႏမာꩻလွေꩻဒါႏ ခမ်းပေါင်ꩻဗူႏငိမ်ꩻချံꩻရေꩻညီႏလာႏခံႏ ၂၁-ရျာꩻဗူ���ပင်ႏလုံတွမ်ႏ အမျိုꩻသာꩻအရန်း အုံကွမ်နုဲင်ႏငံႏရေꩻပွယ်ꩻကို ပါဝင်ႏထင်ႏခွင်ꩻ၊ နွို့အုံကွမ်ခွင်ꩻ၊ အွဉ်ငါမာꩻခွင်ꩻအဝ်ႏလꩻ ဗိုန်ပီနုဲင်းနုဲင်းဝင်ꩻနဝ်ꩻသွူ။\nခမ်းပေါင်ꩻဗူႏညီႏလာႏခံႏ ပွယ်ꩻတဖြုံႏမဉ်ႏဆွိုးအခါႏကို ကအဝ်ႏလိုႏသဲင်ꩻမာꩻချာဒါႏ အမျိုꩻသာꩻအရန်း အုံကိုမ်ပွယ်ꩻယို ခုမ်စူခြွိုင်းစဲ့ꩻစွိုꩻတဲ့နဝ်ꩻ၊ တရာꩻဝင်ႏနုဲင်ႏငံႏရေꩻပါတီစွိုꩻတဲ့နဝ်ꩻ အွဉ်မာꩻနွောင်ꩻဒျာႏကရိုꩻယို အုံကိုမ်နုဲင်ႏငံႏရေꩻမူဘောင်ကို အဝ်ႏပါနဝ်ꩻသွူ၊ တရာꩻဝင်ႏနုဲင်ႏငံႏရေꩻပါတီစွိုꩻယို အွဉ်မာꩻနွောင်ꩻဒျာႏတဲင် လꩻအနွောင်ꩻနုဲင်ႏငံႏရေꩻပါတီဖုံႏမꩻမွေးတဝ်း (PNO)ပါတီတဲ့ အွဉ်မာꩻနွောင်ꩻဒျာႏ၊(ပ-အ-မ-ဖ)ပါတီတဲ့ အွဉ်မာꩻနွောင်ꩻဒျာႏ၊ (PNLO)ခုစူခြွိုင်းစဲ့ꩻစွိုꩻတဲ့ အွဉ်မာꩻနွောင်ꩻဒျာႏနဝ်ꩻသွူ။\nဟန်ႏသနီꩻ ပအိုဝ်ႏကအဝ်ႏမာꩻနေဒါႏ ဝေင်ꩻနယ်ႏအလွောက်ꩻ အုံကိုမ်နုဲင်ႏငံႏရေꩻပွယ်ꩻဖုံႏယိုနဝ်ꩻ ပအိုဝ်ႏစွိုးခွိုꩻအရန်း (ပအိုဝ်းအမျိုးသားအဆင့်)အုံကိုမ်နုဲင်ႏငံႏရေꩻပွယ်ꩻလꩻတွိုႏတဝ်းဒွုန်းနဝ်ꩻသွူ၊ ထွာဒျာႏပအိုဝ်ႏစွိုးခွိုꩻအရန်း အုံကိုမ်ပွယ်ꩻတာႏ မော့ꩻခွဲးခြုဲင်းဖြောင်နယ် ပအိုဝ်ႏခမ်းသားမွိုးဖါ ခမ်းထီကို ကအဝ်ႏမာꩻငိမ်ꩻချံꩻရေꩻထာꩻမာꩻရဲဉ်ႏခရာႏနဝ်ꩻသွူ။\nထွာဒျာႏ ပအိုဝ်ႏစွိုးခွိုꩻအရန်း အုံကိုမ်ပွယ်ꩻတာႏ မာꩻအွဉ်ရီးအုံကိုမ်ပွယ်ꩻအနေႏ ဖျင်ဆင်ခါꩻအရန်းဒျာႏနဝ်ꩻသွူ၊ ယိုခါ ကအဝ်ႏမာꩻဒါႏ နယ်ႏအလွောက်ꩻမာꩻအွဉ်ရီး အုံကိုမ်ပွယ်ꩻယို ပအိုဝ်ႏတစွိုးခွိုꩻလုမ်းအနေႏ ဖြွမ်းဗူႏလို့လဲဉ်းဟောင်း၊ ပါဝင်ႏလို့လဲဉ်းဟောင်း၊ မာꩻအွဉ်ရီးအုံကိုမ်ပွယ်ꩻအရန်းကို မဉ်ႏတဖြွမ်းဗူႏနွောင်ꩻတဝ်းဒွုန်း၊ မဉ်ႏတပါဝင်ႏလို့နွောင်ꩻတဝ်းဒွုန်းနဝ်ꩻ မဉ်ႏတွိုႏငါထဲင်း စွိုးခွိုꩻအရန်း (အမျိုးသားအဆင့်)အုံကိုမ်ပွယ်ꩻနဝ်ꩻ အီႏဖြွမ်းနုဲင်းမုဲင်ꩻ။\nနုဲင်းယိုခါ ကမာꩻလဲဉ်းသားတဲ့ အဝ်ႏမာꩻလဲဉ်း၊ လꩻပါလွဉ်ဒွုန်းသားတဲ့ အဝ်ႏကုဲင်က၊ နာꩻပါတဝ်းလဲ့ ပါတဝ်းဒျာႏ၊ နီမာꩻတဲ့ နီမာꩻဒျာႏ၊ သီမာꩻတဲ့ သီမာꩻဒျာႏ၊ ခွေပါတဝ်းလဲ့ ပါတဝ်းဒျာႏနုဲင်းနဝ်ꩻနဝ်ꩻ အခိန်ႏနုဲင်းယိုခါ အဝ်ႏလိုႏထွာသင်ꩻတဝ်းဒွုမ်သွူ။\nမဉ်ႏထွားချာ ၁၉၄၇-၁၉၇၄ ၂၀၀၈-မန်းခမ်းထီအပြောင်ꩻအလုဲင်ႏ အဆွုမ်ႏကိုနဝ်ꩻ ပအိုဝ်ႏစွိုးခွိုꩻလိုꩻမျိုꩻ နစ်နာႏဗာႏအလဲင်ႏပေါင်ꩻအာလဲဉ်းသွူ။\nပအိုဝ်ႏစွိုးခွိုꩻလွစ်ထန်ႏရေꩻအစွိုꩻချုတ် (PNLO)အနေႏလဲ့ ခံႏထူႏဒျာႏ ပအိုဝ်ႏစွိုးခွိုꩻခမ်းသားအတာႏ၊ ပအိုဝ်ႏစွိုးခွိုꩻအစွိုꩻချုတ် (PNO)နဝ်ꩻလဲ့ ခံႏထူႏဒျာႏ ပအိုဝ်ႏစွိုးခွိုꩻခမ်းသားအတာႏ ခမ်းပေါင်ꩻဗူႏ ပအိုဝ်ႏစွိုးခွိုꩻအစွိုꩻချုတ် (ပ-အ-မ-ဖ)လဲ့ ခံႏထူႏဒျာႏပအိုဝ်ႏစွိုးခွိုꩻ ခမ်းသားသီးအတာႏ အစွိုꩻယိုဖုံႏနဝ်ꩻ ကမာꩻထာꩻမာꩻ ကမာꩻနုဲင်ႏငံႏရေꩻယို ခံႏထူႏဒျာႏပအိုဝ်ႏစွိုးခွိုꩻ ခမ်းသားအတာႏလွဉ်းလွဉ်းနဝ်ꩻသွူ။\nပအိုဝ်ႏခမ်းသားယိုနဝ်ꩻ အခိန်ႏမုဲင်ꩻခါတဲ့ယဝ်း အဝ်ႏလွောင်ႏဗူႏ၊ အဝ်ႏဖြွမ်းဗူႏထွူဒျာႏသွူ၊ မိဉ်ႏထားနုဲင်းယိုနဝ်ꩻ ပအိုဝ်ႏခမ်းသားယို အကျွိုက်ထာꩻဖြွမ်းဗူႏ အစွယ်ꩻထာꩻလွောင်ႏဗူႏနဝ်ꩻ ထီႏသေဗာႏသွူ။\nကွယ်ႏတွော့ꩻ အစွိုꩻကီယိုဖုံႏ ကအဝ်ႏမာꩻနေးလဲဉ်းဒါႏ မာꩻအွဉ်ရီးနုဲင်ႏငံႏရေꩻအုံကိုမ်ပွယ်ꩻယို အစွိုꩻပငါပရာꩻ ခံႏထူႏထွူလဲဉ်းဒျာႏ ပအိုဝ်ႏခမ်းသား သဘောꩻထာꩻဟောင်း၊ နာꩻအစွိုꩻကအဝ်ႏမာꩻငါ၊ ခွေအစွိုꩻကအဝ်ႏကုဲင်ချာဗာႏထာꩻဖုံႏယိုလဲ့ ခံႏထူႏဒျာႏ ပအိုဝ်ႏခမ်းသားအတာႏ မာꩻလွေꩻဟောင်း။\n\nအာႏကွိုꩻ","num_words":637,"character_repetition_ratio":0.126,"word_repetition_ratio":0.01,"special_characters_ratio":0.06,"stopwords_ratio":0.042,"flagged_words_ratio":0.0,"lang_id_score":1.0,"perplexity_score":986.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%9A%E1%80%B0%E1%82%8F%E1%80%91%E1%80%AC%EA%A9%BB%E1%80%9E%E1%80%AE%E1%80%9A%E1%80%B0%E1%82%8F%E1%80%95%E1%80%AB%E1%80%80%E1%80%AF%E1%80%9E%E1%80%AD%E1%80%AF%E1%80%9C%E1%80%BA%E1%82%8F","collection":"wikipedia","source":"wikipedia","original_code":"blk","text":"\"ဒုတိယ မရဏဿတိသုတ် (ယူႏထာꩻသီ၊ ယူႏပါကုသိုလ်ႏ အကုသိုလ်ႏ)\"\nရဟန်ꩻသီးဖုံႏဟွေး-\nမဉ်ႏယူႏလꩻသေႏသေႏ အီႏသီဗာႏထာꩻနဝ်ꩻ အကျိုꩻတန်ငါႏ၊ အကျိုꩻထွာငါငါ၊ တနꩻနဲ့ꩻလွေꩻစွဉ်ႏနိဗ္ဗာန်ႏ၊ အလွေꩻသွတ်ꩻစွဉ်ႏနိဗ္ဗာန်ႏသူꩻ၊ အလွေꩻသွတ်ꩻနုဲင်းမုဲင်ꩻနဲးတဲင်-\nသာႏသနာႏကိုယို ရဟန်ꩻ(တပါꩻ)နဝ်ꩻ လဲဉ်းလꩻမွူးယာ တွိုႏမွူးဟာခိုႏတွော့ꩻ ဝွေꩻယူႏ(ဆင်ႏချင်ႏ)နုဲင်းယို-\nခွေသီထာꩻတာႏ အကျောင်ꩻအခရာႏ အဝ်ႏအာတန်၊ ရူးအဲင်ႏသီ၊ တဗင်အဲင်ႏသီ၊ လင်ꩻထဲ့သီ၊ အံႏရော့ꩻတဝ်းသီ၊ တလီꩻဆန်သီ၊ ဟို့ꩻထိုꩻသီ၊ လုံးဖြော့ꩻသီ၊ ကွပ်ရောႏဂါႏတမျိုꩻမျိုꩻသီ၊ ထာꩻသီအန္တရာယ်ႏ အဝ်ႏအာတန်။\nထာꩻခေ့ꩻဟန်ႏနာꩻယို ခွေမဉ်ႏသီစိန်ႏစွော့ꩻနဝ်ꩻ 'ခွေအကုသိုလ်ႏ အဝ်ႏဟောင်း၊ အဲဉ်ထဝ်းဟောင်းနဲး'ယူႏ(ဆင်ႏချင်ႏ)ဗာႏနုဲင်းနဝ်ꩻ၊ ပေါႏအကုသိုလ်ႏ (ကိလေႏသာႏ)အဝ်ႏနေကနဝ်ꩻ လောႏနဲစ်မာꩻဖေ့ဗာႏမွိုင်မွိုင်။\nဥပမာႏ- ပါꩻတဖြာꩻနဝ်ꩻ မေႏခိုးအခွမ်ꩻလာꩻ၊ မေႏခိုးအကတူႏ၊ သဲစ်မေႏကခိုႏ အခွမ်ꩻလာꩻ အကတူႏတဲ့ အဗွေႏနဝ်ꩻ သꩻဝꩻမွေးမုဲင်း၊ နဲစ်လောႏမာꩻဖေ့မွိုင်မ���ိုင်ဗာႏ မေႏနဝ်ꩻ။\nအနုဲင်းနဝ်ꩻနေနေ၊ အကုသိုလ်ႏမေႏ ကိလေႏပါပ ပေါႏအဝ်ႏနေကနဝ်ꩻ လောႏမာꩻဖေ့ဗာႏမွိုင်မွိုင်၊ နဲစ်အားထွုတ်မွိုင်မွိုင်ဗာႏတရာꩻ၊ အကုသိုလ်ႏ မဉ်ႏအဲဉ်ထဝ်းတဲ့ သꩻရောင်းသꩻရေꩻ မာꩻထဲင်းထဲင်းဗာႏ ကုသိုလ်ႏနောဝ်ꩻသွူ။\nရဟန်ꩻသီးဖုံႏဟွေး-\nသာႏသနာႏကိုယို ရဟန်ꩻ(တပါꩻ)နဝ်ꩻ ထာꩻခေ့ꩻခိုႏ သီထိုꩻတဝ်း၊ လဲဉ်းလꩻတနာꩻ၊ မွူးရောဝ်ꩻမဲ့သေ၊ ထာꩻလေအာႏရွုံႏထန်ႏ၊ နေးတွမ်ႏဉာဏ်ႏ ဝွေꩻယူႏ (ဆင်ႏချင်ႏ)နုဲင်းယို-\nခွေသီထာꩻတာႏ အကျောင်ꩻအခရာႏ အဝ်ႏအာတန်၊ ရူးအဲင်ႏသီ၊ တဗင်အဲင်ႏသီ၊ လင်ꩻထဲ့သီ၊ အံႏရော့ꩻတဝ်းသီ၊ တလီꩻဆန်သီ၊ ဟို့ꩻထိုꩻသီ၊ လုံးဖြော့ꩻသီ၊ ကွပ်ရောႏဂါႏတမျိုꩻမျိုꩻသီ စတဲင်နုဲင်းနဝ်ꩻ ထာꩻသီအန္တရာယ်ႏ အဝ်ႏအာတန်။\nထာꩻလေမွူးယာယို ခွေမဉ်ႏသီစိန်ႏစွော့ꩻနဝ်ꩻ 'ခွေအကုသိုလ်ႏအဝ်ႏဟောင်း၊ အဲဉ်ထောဝ်းဟောင်းနဲး' ယူႏ(ဆင်ႏချင်ႏ)ဗာႏနုဲင်းနဝ်ꩻ၊ ပေါႏအကုသိုလ်ႏ (ကိလေႏသာႏ)အဝ်ႏနေကနဝ်ꩻ လောႏနဲစ်မာꩻဖေ့ဗာႏမွိုင်မွိုင်။\nဥပမာႏ- ပါꩻတဖြာꩻနဝ်ꩻ မေႏခိုးအခွမ်ꩻလာꩻ၊ မေႏခိုးအကတူႏ၊ သဲစ်မေႏကခိုး အခွမ်ꩻလာꩻ အကတူႏတဲ့ အဗွေႏနဝ်ꩻ သꩻဝꩻမွေးမုဲင်း၊ နဲစ်လောႏမာꩻဖေ့မွိုင်မွိုင်ဗာႏမေႏနဝ်ꩻ။\nအနုဲင်းနဝ်ꩻနေနေ၊ အကုသိုလ်ႏမေႏ၊ ကိလေႏပါပ ပေါႏအဝ်ႏနေကနဝ်ꩻ လောႏမာꩻဖေ့ဗာႏမွိုင်မွိုင်၊ နဲစ်အားထွုတ်ဗာႏတရာꩻ၊ အကုသိုလ်ႏမဉ်ႏအဲဉ်ထဝ်းတဲ့ သꩻရောင်းသꩻရေꩻ၊ မာꩻထဲင်းထဲင်းဗာႏ ကုသိုလ်ႏနောဝ်ꩻသွူ။\nရဟန်ꩻသီးဖုံႏဟွေး-\nစွုမ်ႏနီꩻစွုမ်ႏဟာ မဉ်ႏယူႏသေႏသေႏ အီႏသီဗာႏထာꩻနဝ်ꩻ အကျိုꩻတန်ငါႏ၊ အကျိုꩻထွာငါငါ၊ တနꩻနဲ့ꩻလွေꩻစွဉ်ႏနိဗ္ဗာန်ႏ၊ အလွေꩻသွတ်ꩻစွဉ်ႏ နိဗ္ဗာန်ႏသူꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဆက္ကနိပါတ်၊ ဒုတိယ မရဏဿတိသုတ်)\n\nအာႏကွိုꩻ","num_words":399,"character_repetition_ratio":0.07,"word_repetition_ratio":0.323,"special_characters_ratio":0.077,"stopwords_ratio":0.02,"flagged_words_ratio":0.0,"lang_id_score":1.0,"perplexity_score":2044.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%9A%E1%80%B0%E1%82%8F%E1%80%9C%EA%A9%BB%E1%80%91%E1%80%AC%EA%A9%BB%E1%80%9E%E1%80%AE%E1%80%90%E1%80%BD%E1%80%AD%E1%80%AF%E1%82%8F%E1%80%A1%E1%80%AE%E1%80%94%E1%80%AD%E1%80%97%E1%80%B9%E1%80%97%E1%80%AC%E1%80%94%E1%80%BA%E1%82%8F","collection":"wikipedia","source":"wikipedia","original_code":"blk","text":"\"ပဌမ မရဏဿတိသုတ် (ယူႏလꩻထာꩻသီ-တွိုႏအီနိဗ္ဗာန်ႏ)\"\nရဟန်ꩻသီးဖုံႏဟွေး-\n'ယူႏလꩻထာꩻသီ-မရဏဿတိ'ကမ္မဋ္ဌာန်ꩻယို မဉ်ႏပွါꩻမျာꩻအာအာ၊ မဉ်ႏလꩻသေႏသေႏနားနားနောဝ်ꩻ အကျိုꩻတန်ငါႏ၊ အဝ်ႏသွုပ်ငါငါ၊ တနꩻလွေꩻနိဗ္ဗာန်ႏသူꩻ၊ တွိုႏအနာလွို တွိုႏစွဉ်ႏနိဗ္ဗာန်ႏ၊ ကွပ်နဝ်ꩻမꩻ လွꩻမွုန်းလာꩻလာꩻ၊ အားထွုတ်ပွါꩻမျာꩻ မရဏဿတိကမ္မဋ္ဌာန်ꩻနဝ်ꩻဟုဲင်း\"နီဗွေႏဘုရာꩻ ထွဉ်ႏမာꩻ၊ ထွဉ်ႏပွါꩻမျာꩻ၊ ထွဉ်ႏအားထွုတ်တရာꩻ နုဲင်းနဝ်ꩻတဲင်တွော့ꩻ-\n၁။ ရဟန်ꩻတပါꩻနဝ်ꩻ လောဝ်းဗွေႏဘုရာꩻနုဲင်းယို-\n\"ဩဗွေႏ ခွေသွဉ်း အဝ်ႏယူႏလꩻသေႏသေႏ ထာꩻသီ၊ ယူႏလꩻနုဲင်းမုဲင်ꩻနဲတဲင်- 'ခွေသက်မဉ်ႏမွန်စွူစွူ တနီꩻတနာꩻပေႏငါနဝ်ꩻ ဟောဝ်ငါႏ၊ ယူႏလꩻနီဗွေႏဘုရာꩻ ငေါဝ်းဆွုံꩻမꩻ၊ အားထွုတ်တရာꩻ အချိန်ႏလꩻ တနီꩻတွမ်ႏတနာꩻပဉ်ဟွေး'ခွေသွဉ်းယူႏစွေးနုဲင်းနောဝ်ꩻ ဗွေႏဩ\"။\n၂။ ရဟန်ꩻခꩻတပါꩻနဝ်ꩻ လောဝ်းနီဗွေႏဘုရာꩻနုဲင်းယို-\n\"ခွေသက်မဉ်ႏမွန်စွူစွူ တနီꩻငါနဝ်ꩻ ဟောဝ်ငါႏ၊ ယူႏလꩻနီဗွေႏဘုရာꩻ ငေါဝ်းဆွုံꩻမꩻ၊ အားထွုတ်တရာꩻ အချိန်ႏလꩻ တနီꩻပဉ်ဟွေး'ခွေသွဉ်းယူႏစွေးနုဲင်းနောဝ်ꩻ ဗွေႏဩ\"။\n၃။ ရဟန်ꩻခꩻတပါꩻနဝ်ꩻ လောဝ်းနီဗွေႏဘုရာꩻနုဲင်းယို-\n\"ခွေသက်မဉ်ႏမွန်စွူစွူ တကွို့ꩻမွူးငါနဝ်ꩻ ဟောဝ်ငါႏ၊ ယူႏလꩻနီဗွေႏဘုရာꩻ ငေါဝ်းဆွုံꩻမꩻ၊ အားထွုတ်တရာꩻ အချိန်ႏလꩻ တကွို့ꩻမွူးပဉ်ဟွေး'ခွေသွဉ်းယူႏစွေးနုဲင်းနောဝ်ꩻ ဗွေႏဩ\"။\n၄။ ရဟန်ꩻခꩻတပါꩻနဝ်ꩻ လောဝ်းနီဗွေႏဘုရာꩻနုဲင်းယို-\n\"ခွေသက်မဉ်ႏမွန်စွူစွူ သွုံꩻသွမ်ꩻတတာႏခိန်ႏငါနဝ်ꩻ ဟောဝ်ငါႏ၊ ယူႏလꩻနီဗွေႏဘုရာꩻ ငေါဝ်းဆွုံꩻမꩻ၊ အားထွုတ်တရာꩻ အချိန်ႏလꩻ သွုံꩻသွမ်ꩻတတာႏခိန်ႏပဉ်ဟွေး'ခွေသွဉ်းယူႏစွေးနုဲင်းနောဝ်ꩻ ဗွေႏဩ\"။\n၅။ ရဟန်ꩻခꩻတပါꩻနဝ်ꩻ လောဝ်းနီဗွေႏဘုရာꩻနုဲင်းယို-\n\"ခွေသက်မဉ်ႏမွန်စွူစွူ သွုံꩻသွမ်ꩻတတာႏ တထဝခိန်ႏငါနဝ်ꩻ ဟောဝ်ငါႏ၊ ယူႏလꩻနီဗွေႏဘုရာꩻ ငေါဝ်းဆွုံꩻမꩻ၊ အားထွုတ်တရာꩻ အချိန်ႏလꩻ သွုံꩻသွမ်ꩻတတာႏ တတထခိန်ႏပဉ်ဟွေး'ခွေသွဉ်းယူႏစွေးနုဲင်းနောဝ်ꩻ ဗွေႏဩ\"။\n၆။ ရဟန်ꩻခꩻတပါꩻနဝ်ꩻ လောဝ်းနီဗွေႏဘုရာꩻနုဲင်းယို-\n\"ခွေသက်မဉ်ႏမွန်စွူစွူ အံႏစုဲင်သွမ်ꩻ လစ်ꩻငွါ-ငတ်ꩻငွါတာႏငါနဝ်ꩻ ဟောဝ်ငါႏ၊ ယူႏလꩻနီဗွေႏဘုရာꩻ ငေါဝ်းဆွုံꩻမꩻ၊ အားထွုတ်တရာꩻ အချိန်ႏလꩻ သွမ်ꩻလစ်ꩻငွါ-ငတ်ꩻငွါတာႏပဉ်ဟွေး'ခွေသွဉ်းယူႏစွေးနုဲင်းနောဝ်ꩻ ဗွေႏဩ\"။\n၇။ ရဟန်ꩻခꩻတပါꩻနဝ်ꩻ လောဝ်းနီဗွေႏဘုရာꩻနုဲင်းယို-\n\"ခွေသက်မဉ်ႏမွန်စွူစွူ မျောႏသွမ်ꩻတငွါတာႏနောဝ်ꩻ ဟောဝ်ငါႏ၊ ယူႏလꩻနီဗွေႏဘုရာꩻ ငေါဝ်းဆွုံꩻမꩻ၊ အားထွုတ်တရာꩻ အခိင်ႏလꩻ သွမ်ꩻတငွါတာႏပဉ်ဟွေး'ခွေသွဉ်းယူႏစွေးနုဲင်းနောဝ်ꩻ ဗွေႏဩ\"။\n၈။ ရဟန်ꩻခꩻတပါꩻနဝ်ꩻ လောဝ်းနီဗွေႏဘုရာꩻနုဲင်းယို-\n\"ခွေသက်မဉ်ႏမွန်စွူစွူ တတရေ့ꩻသာငါနဝ်ꩻ ဟဝ်ငါႏ၊ ယူႏလꩻနီဗွေႏဘုရာꩻ ငေါဝ်းဆွု���ꩻမꩻ၊ အားထွုတ်တရာꩻ အခိင်ႏလꩻက တတရေ့ꩻသာပဉ်ဟွေး'ခွေသွဉ်းယူႏစွေးနုဲင်းနောဝ်ꩻ ဗွေႏဩ\"။\nနီဗွေႏဘုရာꩻရိုꩻ-\n\"ကလောဝ်းအရီးသား သူꩻပါနဝ်ꩻ ယူႏအီႏအုံဗာႏည၊ အုံတငွို့တငထာꩻ၊ ယူႏနုဲင်း အဆုဲင်ꩻနီပါꩻကယူႏ 'သွမ်ꩻတငွါတာႏတွမ်ႏ တတရေ့ꩻသာတာႏငါ နဝ်ꩻမꩻထဲ့မဲဉ်ႏ\"ရိုꩻနုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ အဋ္ဌကနိပါတ်၊ ပဌမမရဏဿတိသုတ်)\n\nအာႏကွိုꩻ","num_words":460,"character_repetition_ratio":0.126,"word_repetition_ratio":0.262,"special_characters_ratio":0.08,"stopwords_ratio":0.015,"flagged_words_ratio":0.0,"lang_id_score":1.0,"perplexity_score":1189.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%9A%E1%80%B0%E1%82%8F%E1%80%9C%EA%A9%BB%E1%80%9E%E1%80%B1%E1%82%8F%E1%80%9E%E1%80%B1%E1%82%8F%E1%80%A1%E1%80%AE%E1%82%8F%E1%80%9E%E1%80%AE%E1%80%97%E1%80%AC%E1%82%8F%E1%80%91%E1%80%AC%EA%A9%BB","collection":"wikipedia","source":"wikipedia","original_code":"blk","text":"\"ပဌမ မရဏဿတိသုတ် (ယူႏလꩻသေႏသေႏ အီႏသီဗာႏထာꩻ)\"\nရဟန်ꩻသီးဖုံႏဟွေး-\nမဉ်ႏယူႏလꩻသေႏသေႏ အီႏသီဗာႏထာꩻနဝ်ꩻ အကျိုꩻတန်ငါႏ၊ အကျိုꩻထွာငါငါ၊ တနꩻနဲ့ꩻလွေꩻစွဉ်ႏနိဗ္ဗာန်ႏ၊ အလွေꩻသွတ်ꩻစွဉ်ႏနိဗ္ဗာန်ႏသူꩻ၊ ကွပ်နဝ်ꩻမꩻ ပွါꩻမျာꩻလွသွော့ 'မရဏဿတိကမ္မဋ္ဌာန်ꩻ-ယူႏလꩻသေႏသေႏသွော့ ထာꩻသီနော'ဗုဒ္ဓေါဘုရာꩻ ထွဉ်ႏခါꩻနုဲင်းနောဝ်ꩻတဲင်-\n၁။ ပထမရဟန်ꩻတပါꩻနဝ်ꩻ လောဝ်းဗွေႏဘုရာꩻနုဲင်းယို-\n\"ဩဗွေႏ-\nခွေသွဉ်း အဝ်ႏယူႏလꩻသေႏသေႏထာꩻသီ၊ ခွေသွဉ်း ယူႏနုဲင်းမုဲင်ꩻနဲတဲင်- 'တနီꩻတွမ်ႏတနာꩻ'ကိုယို ခွေမဉ်ႏသီတဝ်းနဝ်ꩻ ဟောဝ်ငါႏဟွေး၊ ခွေအီႏအားထွုတ်ဗာႏတရာꩻ 'တနီꩻတွမ်ႏတနာꩻတာႏ'ယူႏနုဲင်းနဝ်ꩻ ဗွေႏဩ\"\n၂။ ဒုတိယရဟန်ꩻတပါꩻနဝ်ꩻ လောဝ်းဗွေႏဘုရာꩻနုဲင်းယို-\n\"ဩဗွေႏ-\nခွေသွဉ်း အဝ်ႏယူႏလꩻသေႏသေႏထာꩻသီ၊ ခွေသွဉ်း ယူႏနုဲင်းမုဲင်ꩻနဲတဲင်- 'တနီꩻကိုယို ခွေမဉ်ႏသီတဝ်းနဝ်ꩻ ဟောဝ်ငါႏဟွေး၊ ခွေအီႏအားထွုတ်ဗာႏတရာꩻ တနီꩻတာႏ'ယူႏနုဲင်းနဝ်ꩻ ဗွေႏဩ\"\n၃။ တတိယရဟန်ꩻတပါꩻနဝ်ꩻ လောဝ်းဗွေႏဘုရာꩻနုဲင်းယို-\n\"ဩဗွေႏ-\nခွေသွဉ်း အဝ်ႏယူႏလꩻသေႏသေႏထာꩻသီ၊ ခွေသွဉ်း ယူႏနုဲင်းမုဲင်ꩻနဲတဲင်- 'အံႏသွမ်ꩻတတာႏတွင်ꩻယို ခွေမဉ်ႏသီတဝ်းနဝ်ꩻ ဟဝ်ငါႏဟွေး၊ ခွေအီႏအားထွုတ်ဗာႏတရာꩻ သွမ်ꩻတတာႏတွင်ꩻတာႏ'ယူႏနုဲင်းနဝ်ꩻ ဗွေႏဩ\"\n၄။ စတုတ္ထရဟန်ꩻတပါꩻနဝ်ꩻ လောဝ်းဗွေႏဘုရာꩻနုဲင်းယို-\n\"ဩဗွေႏ-\nခွေသွဉ်း အဝ်ႏယူႏလꩻသေႏသေႏထာꩻသီ၊ ခွေသွဉ်း ယူႏနုဲင်းမုဲင်ꩻနဲတဲင်- 'ခွေကမျောႏသွမ်ꩻ လစ်ꩻတာငတ်ꩻတာတွင်ꩻယို ခွေမဉ်ႏသီတဝ်းနဝ်ꩻ ဟောဝ်ငါႏဟွေး၊ ခွေအီႏအားထွုတ်ဗာႏတရာꩻ သွမ်ꩻလစ်ꩻတာ ငတ်ꩻတာတာႏ'ယူႏနုဲင်းနဝ်ꩻ ဗွေႏဩ\"\n၅။ ပဉ္စမရဟန်ꩻတပါꩻနဝ်ꩻ လောဝ်းဗွေႏဘုရာꩻနုဲင်းယို-\n\"ဩဗွေႏ-\nခွေသွဉ်း အဝ်��ယူႏလꩻသေႏသေႏထာꩻသီ၊ ခွေသွဉ်း ယူႏနုဲင်းမုဲင်ꩻနဲတဲင်- 'ခွေကမျောႏသွမ်ꩻ တတာႏတွင်ꩻယို ခွေမဉ်ႏသီတဝ်းနဝ်ꩻ ဟောဝ်ငါႏဟွေး၊ ခွေအီႏအားထွုတ်ဗာႏတရာꩻ သွမ်ꩻတာႏတာႏ'ယူႏနုဲင်းနဝ်ꩻ ဗွေႏဩ\"\n၆။ ဆဋ္ဌမရဟန်ꩻတပါꩻနဝ်ꩻ လောဝ်းဗွေႏဘုရာꩻနုဲင်းယို-\n\"ဩဗွေႏ-\nခွေသွဉ်း အဝ်ႏယူႏလꩻသေႏသေႏထာꩻသီ၊ ခွေသွဉ်း ယူႏနုဲင်းမုဲင်ꩻနဲတဲင်- 'တရေ့ꩻ၊ သာ-တလဲင်ႏကို' ခွေမဉ်ႏသီတဝ်းနဝ်ꩻ ဟဝ်ငါႏဟွေး၊ ခွေအီႏအားထွုတ်ဗာႏတရာꩻ တရေ့ꩻ-သာတလဲင်ႏတာႏ'ယူႏနုဲင်းနဝ်ꩻ ဗွေႏဩ\"\n\"ရဟန်ꩻသီးဖုံႏဟွေး-\n'ထာꩻသီ'ကရိုꩻနဝ်ꩻ အမွိုင်တန်ဟ၊ သီကယူႏလွဒါႏ 'တနီꩻတနာ၊ တနီꩻ၊ အံႏသွမ်ꩻတတာႏ၊ လစ်ꩻငါငတ်ꩻငွါ'ဖုံႏနဝ်ꩻ ထွို့ꩻငါႏအခိန်ႏ၊ နန်ꩻတွိုႏငါႏနိဗ္ဗာန်ႏ၊ ယူႏတွိုက်တွိုက်စွဉ်ႏ 'သွမ်ꩻတငွါ၊ တရေ့ꩻသာတလဲင်ႏ'နဝ်ꩻမꩻထဲ့မဲဉ်ႏ၊ နဝ်ꩻမꩻ တွိုႏမွိုင်နိဗ္ဗာန်ႏ\" ဗွေႏဘုရာꩻ မိန်းခါꩻနုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဆက္ကနိပါတ်၊ ပဌမ မရဏဿတိသုတ်)\n\nအာႏကွိုꩻ","num_words":405,"character_repetition_ratio":0.099,"word_repetition_ratio":0.192,"special_characters_ratio":0.095,"stopwords_ratio":0.017,"flagged_words_ratio":0.0,"lang_id_score":1.0,"perplexity_score":1335.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%9A%E1%80%BD%E1%80%AF%E1%80%99%E1%80%BA%E1%80%B8%E1%80%80%E1%80%BC%E1%80%BD%E1%80%AD%E1%80%AF%E1%80%B7%EA%A9%BB%E1%80%80%E1%80%BC%EA%A9%BB%E1%80%99%E1%80%BD%E1%80%AF%E1%80%94%E1%80%BA%E1%80%B8%E1%80%9D%E1%80%84%E1%80%BA%EA%A9%BB%E1%80%84%E1%80%9D%E1%80%BA%E1%80%B8","collection":"wikipedia","source":"wikipedia","original_code":"blk","text":"\"ကေသမုတ္တိသုတ် (ယွုမ်းကြွို့ꩻကြꩻမွုန်း ဝင်ꩻငေါဝ်း)\"\n(က)\nအွိုးခꩻတလဲင်ႏ-\nနီဗွေႏဘုရာꩻတွမ်ႏ ရဟန်ꩻသံဃာႏဖုံႏနောဝ်ꩻ ကျွꩻလွေꩻကောသလခမ်း၊ ဖျော်လွေꩻ 'ခွန်ကာလာမ'သီးဒုံတန် 'ကေသမုတ္တိ'၊ ဒုံသားဖုံႏတဲ့ ဗွေႏဘုရာꩻကျွꩻ ဗွေႏသံဃာႏသီးဖျော်တဲင် သꩻရောင်းသꩻရေꩻ ခွေလွေꩻနာꩻလွေꩻ၊ လွေꩻဝုဲင်ႏလွ ဗွေႏဘုရာꩻတွမ်ႏ ဗွေႏသံဃာႏဖုံႏနောဝ်ꩻသွူ။\nဒုံသားဝုဲင်ႏဘုရာꩻထွူ အုံစွူလို့လဲဉ်းတဲင် ကေသမုတ္တိဒုံသား တကာႏတဖြာꩻ လောဝ်းဗွေႏဘုရာꩻနုဲင်းယို-\n\"ဩဗွေႏ- ဘုရာꩻမျတ်ဗွေႏဩ-\nနီသွဉ်း သီး ကေသမုတ္တိဒုံယိုနဝ်ꩻ ရဟန်ꩻပုဏ္ဏာꩻဖုံႏ ဖျော်လွဉ်မွေးစွဉ်ႏထာꩻ၊ ပေါႏဖျော်လွဉ်လဲ့ အစွိုꩻမုဲင်ꩻမုဲင်ꩻတဲ့ယဝ်း ဟော်ꩻတရာꩻ၊ ခြုဲင်းနယ်ဝွေꩻသီးဝါႏဒ၊ သဲ့ꩻသွမ်ႏဝင်ꩻဝါႏဒ၊ ထီႏဖွီဝင်ꩻဝါႏဒ၊ တေက်ꩻနျꩻဝင်ꩻဝါႏဒ၊ ယားကုဲင်ဝင်ꩻဝါႏဒ၊ အံႏဖြာႏဒျာႏ ဝွေꩻသီးဝါႏဒလွုမ်ꩻဗွေႏ။\nဩဗွေႏ- ဘုရာꩻမျတ်ဗွေႏဩ-\nလိုꩻနီသွဉ်းသီးဒုံယိုနဝ်ꩻ စေႏတနာႏ သဒ္ဓါႏတရာꩻဟောဝ်တဲင် အစွိုꩻမုဲင်ꩻမုဲင်ꩻလွဉ်တဲ့ယတ်း၊ ကျိုႏဆွုမ်ႏဒျာႏ၊ လွဉ်ထေ့ဒျာႏ၊ လွဉ်ဝုဲင်ႏလွဉ်ကန်းတော့ꩻဒျာႏ၊ သွမ်ꩻတဲ့လောင်ꩻဒျာႏ၊ ကပ်ဒျာႏ၊ ဝွေꩻသီးကဟော်ꩻတရာꩻနဝ်ꩻတဲ့ နာႏဒျာႏဗွေႏဩ၊ ကွဲႏတွော့ꩻ နီသွဉ်းသီးနဝ်ꩻ နာႏသူႏသေတဝ်း၊ အစွိုꩻမုဲင်ꩻမုဲင်ꩻဟော်ꩻတဲ့ သေန်ႏနုဲင်းမွေးဒျာႏလွိုႏလွိုႏတွော့ꩻ အီႏထူႏဗာႏတရာꩻအမျိုꩻမုဲင်ꩻ၊ အီႏနေးဗာႏတရာꩻအမျိုꩻမုဲင်ꩻနဝ်ꩻ ဝွေႏဖန်ႏလွဉ်ꩻတထွꩻတဝ်း၊ ယူႏသူႏသေတဝ်း၊ ထူႏသူႏသေတောဝ်းဗွေႏဩ\"လောဝ်းဗွေႏဘုရာꩻနုဲင်းနဝ်ꩻ၊ ဗွေႏဘုရာꩻရိုꩻ-\n\"တကာႏခွန်နင်ꩻ ကာလာမမင်ꩻသီးဖုံႏဟွေး-\nဟွုန်ကွို့ꩻဝင်ꩻဒေါ့ꩻတဲ့ ယွုမ်းစွဉ်ႏမွုန်းလုဲင်း၊ စခေါင်ႏစခါ ဒေါ့ꩻလွဉ်ကွို့ꩻလွုမ်ꩻတဲ့ ယွုမ်းစွဉ်ႏမွုန်းဟုဲင်း၊ အထွာဖိုကွို့ꩻလွုမ်ꩻတဲ့ ယွုမ်းစွဉ်ႏမွုန်းလုဲင်း၊ မဲဉ်ႏသော့ꩻကွို့ꩻ လိတ်လုဲင်ꩻပိဋကတ်ကိုလွုမ်ꩻတဲ့ ယွုမ်းစွဉ်ႏမွုန်းဟုဲင်း၊ ယူႏသော့ꩻနေးလယ်ႏကွို့ꩻလွုမ်ꩻတဲ့ ယွုမ်းစွဉ်ႏမွုန်းလုဲင်း၊ ထွားနုဲင်းကွို့ꩻလွုမ်ꩻတဲ့ ယွုမ်းစွဉ်ႏမွုန်းဟုဲင်း၊ ယူႏကွို့ꩻအပွိုင်ယို အပွိုနဝ်ꩻလွုမ်ꩻတဲ့ ယွုမ်းစွဉ်ႏမွုန်းလုဲင်း၊ ဗွန်ပီကွိုꩻတွမ်ႏ နီကယူႏ နီကနစ်သက်လွုမ်ꩻတဲ့ ယွုမ်းစွဉ်ႏမွုန်းဟုဲင်း၊ ဟောဝ်တောင်ꩻထွိုက်ကွို့ꩻလွုမ်ꩻတဲ့ ယွုမ်းစွဉ်ႏမွုန်းလုဲင်း၊ နီကရိုႏသေႏ နီဗွေႏဗွန်(နီဗွေႏစင်ꩻ)ငေါဝ်းကွို့ꩻလွုမ်ꩻတဲ့ ယွုမ်းစွဉ်ႏမွုန်းဟုဲင်း။\nကာလာမမင်ꩻ ခွန်နင်ꩻသီးဖုံႏဟွေး-\n'ယိုနဝ်ꩻ အကုသိုလ်ႏတရာꩻတန်ဒျာႏ၊ တရာꩻယိုနဝ်ꩻ အပဲ့စ်အဝ်ႏတန်၊ တရာꩻယိုနဝ်ꩻ လိုꩻဟောဝ်လိုꩻဒါႏ ပညာႏအဝ်ႏသား ကဲ့ꩻရဲ့ꩻသဲ့ꩻသွမ်ꩻတန်၊ မဉ်ႏစူꩻလွဉ်ꩻ တရာꩻယိုနဝ်ꩻ အကျိုꩻအဲဉ်ထဝ်း၊ မဉ်ႏနေးနာႏလွဉ်ꩻ တရာꩻယိုနဝ်ꩻ ထွာအီဒါႏ ထာꩻဒုက္ခ' သီနမ်းတွမ်ႏသီနမ်း မဉ်ႏသေနုဲင်းနဝ်ꩻနဝ်ꩻ ပယ်ႏထိုꩻ(အကုသိုလ်ႏ)တရာꩻနောဝ်ꩻဟုဲင်း။\n\"ကာလာမမင်ꩻ ခွန်နင်ꩻသီးဖုံႏဟွေး-\nခွေအီႏရီသီယို သီလောဝ်းရုဲင်းရုဲင်း ပငါပရာꩻနော၊\n'ထာꩻတထဲ့ꩻလောႏဘꩻ မဉ်ႏထွာသော့ꩻလꩻ လိုꩻသီးသꩻကိုနဝ်ꩻ အကျိုꩻဟောဝ်အဝ်ႏနဲ့၊ အကျိုꩻဟောဝ်အဲဉ်ထောဝ်းနဲ့'\n'အကျိုꩻဟောဝ် - အဲဉ်ထောဝ်းဗွေႏဩ'\n(ခ)\nကာလာမမင်ꩻ ခွန်နင်ꩻသီဖုံႏဟွေး-\nကွပ်ထာꩻတထဲ့ꩻ လောႏဘꩻ အောဝ်ႏသော့ꩻလꩻ လိုꩻသꩻကိုတဲင် မာꩻသီဝင်ꩻသက်၊ တခွန်ꩻဝင်ꩻတခြိုꩻ၊ ပဲ့စ်မာႏဝင်ꩻပိုမာ၊ ဒေါ့ꩻလဲဉ်ထာꩻ၊ ဝွေꩻနမ်းနမ်းတဲ့ မာꩻနုဲင်းနဝ်ꩻ၊ လိုꩻလင်တဲ့ ဝွေꩻထွဉ်ႏမာꩻနုဲင်းနဝ်ꩻ၊ ဝွေꩻနမ်းတဲ့ မဉ်ႏမာꩻနဝ်ꩻအတွိုင်ꩻ၊ လိုꩻလင်တဲ့ မဉ်ႏမာꩻလွဉ်ꩻနဝ်ꩻအတွိုင်���နဝ်ꩻ 'အီႏထွာထာꩻချမ်ꩻသာႏနဲ့-အီႏထွာထꩻဒုက္ခနဲ\"\n\"အီႏထွာ- ထာꩻဒုက္ခ ဗွေႏဩ\"\nကာလာမမင်ꩻ ခွန်နင်ꩻသီးဖုံႏဟွေး-\n'ထာꩻကျံꩻထမ်ꩻ၊ ထာꩻသꩻလျား-ဒေါႏသꩻ၊ မဉ်ႏထွာသော့ꩻလꩻ လိုꩻသီးသꩻကိုနဝ်ꩻ အကျိုꩻဟောဝ်အဝ်ႏနဲ့၊ အကျိုꩻဟောဝ်အဲဉ်ထဝ်းနဲ့'\n\"အကျိုꩻဟောဝ်-အဲဉ်ထောဝ်း ဗွေႏဩ\"\n\"ကွပ်ထာꩻကျံꩻထမ်ꩻ၊ ထာꩻသꩻလျား-ဒေါသ၊ အဝ်ႏသော့ꩻလꩻသꩻကိုတဲင် မာꩻသီဝင်ꩻသက်၊ တခွန်ꩻဝင်ꩻတခြိုꩻ၊ ပဲစ်မာႏဝင်ꩻပိုမာ၊ ဒေါ့ꩻလဲဉ်ထာꩻ၊ ဝွေꩻနမ်းနမ်းတဲ့ မာꩻနုဲင်းနဝ်ꩻ၊ လိုꩻလင်တဲ့ ဝွေꩻထွဉ်ႏမာꩻနုဲင်းနဝ်ꩻ၊ ဝွေꩻနမ်းတဲ့ မဉ်ႏမာꩻနောဝ်ꩻအတွိုင်ꩻ လိုꩻလင်တဲ့ မဉ်ႏမာꩻလွဉ်ꩻ နဝ်ꩻအတွိုင်ꩻနဝ်ꩻ 'အီႏထွာထာꩻချမ်ꩻသာႏနဲ့-အီႏထွာထာꩻဒုက္ခနဲ့'\n\"အီႏထွာ-ထာꩻဒုက္ခဗွေႏဩ\"\nကာလာမမင်ꩻ ခွန်နင်ꩻသီးဖုံႏဟွေး-\n'သူႏသေတဝ်းထာꩻ၊ ယူႏချာယူႏငါတောဝ်းထာꩻ၊ မဉ်ထွာနုဲင်းမုဲင်ꩻထွာ၊ ထာꩻလိန်းလွုမ်ꩻ-မောႏဟꩻ၊ မဉ်ႏအဝ်ႏသော့ꩻလꩻ လိုꩻသီးသꩻကိုနဝ်ꩻ အကျိုꩻဟောဝ်အောဝ်ႏနဲ့-အကျိုꩻဟောဝ်အဲဉ်ထောဝ်းနဲ့'\n\"အကျိုꩻဟောဝ်-အဲဉ်ထောဝ်းဗွေႏဩ\"\n\"ပွိုးစွဉ်ႏသူႏသေတဝ်းထာꩻ၊ ယူႏချာယူႏငါတဝ်းထာꩻ၊ မဉ်ထွာနုဲင်းမုဲင်ꩻထွာ၊ ထာꩻလိန်းလွုမ်ꩻ-မောႏဟꩻ အဝ်ႏသော့ꩻလꩻ လိုꩻသီးသꩻကိုတဲင် မာꩻသဝင်ꩻသက်၊ တခွန်ꩻဝင်ꩻတခြိုꩻ၊ ပဲ့စ်မာႏဝင်ꩻပိုမာ၊ ဒေါ့ꩻလဲဉ်ထာꩻ၊ ဝွေꩻနမ်းတဲ့ မာꩻနုဲင်းနဝ်ꩻ၊ လိုꩻလင်ဖုံႏတဲ့ ဝွေꩻထွဉ်ႏမာꩻနုဲင်းနဝ်ꩻ၊ ဝွေꩻနမ်းတဲ့ မဉ်ႏမာꩻနဝ်ꩻအတွိုင်ꩻ၊ လိုꩻလင်တဲ့ မဉ်ႏမာꩻလွဉ်ꩻ နဝ်ꩻအတွိုင်ꩻနဝ်ꩻ 'အီႏထွာထာꩻချမ်ꩻသာႏနဲ့-အီႏထွာထာꩻဒုက္ခနဲ့'\n\"အီႏထွာ- ထာꩻဒုက္ခဗွေႏဩ\"\nကာလာမမင်ꩻ ခွန်နင်ꩻသီးဖုံႏဟွေး-\nလောႏဘꩻ၊ ဒေါႏသꩻ၊ မောႏဟꩻ-မဉ်ႏထွာသော့ꩻလꩻသꩻကိုနဝ်ꩻ 'ထွာကုသိုလ်ႏနဲ့-ထွာအကုသိုလ်ႏနဲ့'\n\"ထွာအကုသိုလ်ႏ ဗွေႏဩ\"\n\"အကုသိုလ်ႏနဝ်ꩻ အပဲစ်အဝ်ႏ၊ အကုသိုလ်ႏနဝ်ꩻ ပညာႏအဝ်ႏသား သွမ်ꩻသဲ့ꩻကဲ့ꩻရဲ့ꩻ၊ အကုသိုလ်ႏနဝ်ꩻ အမာꩻဒုက္ခဒါႏလိုꩻနောဝ်ꩻသွူ။\n(ဂ)\nကာလာမမင်ꩻ ခွန်နင်ꩻသီးဖုံႏဟွေး-\nထာꩻတထဲ့ꩻလောႏဘꩻမွေးတဝ်း-အလောႏဘꩻ (အလောႏဘꩻ-သꩻဟောဝ်) မဉ်ႏထွာသော့ꩻလꩻ လိုꩻသီးသꩻကိုနဝ်ꩻ မာꩻသီတဝ်းဝင်ꩻသက်၊ တခွန်ꩻတဝ်းဝင်ꩻတခြိုꩻ၊ ပဲ့စ်မာႏတဝ်းဝင်ꩻပိုမာ၊ ဒေါ့ꩻလဲဉ်တဝ်းထာꩻ၊ ဝွေꩻနမ်းနမ်းတဲ့ လွောက်ꩻနာႏနုဲင်းနဝ်ꩻ၊ လိုꩻလင်တဲ့ ဝွေꩻထွဉ်ႏလွောက်ꩻနာႏနုဲင်းနဝ်ꩻ၊ ဝွေꩻနမ်းတဲ့ မဉ်ႏလွောက်ꩻနာႏနဝ်ꩻအတွိုင်ꩻ၊ လိုꩻလင်တဲ့ မဉ်ႏလွောက်ꩻနာႏလွဉ်ꩻနဝ်ꩻအတွိုင်ꩻနဝ်ꩻ 'အီႏထွာဒျာႏ ထ��ꩻချမ်ꩻသာႏ'နောဝ်ꩻသွူ။\nကာလာမမင်ꩻ ခွန်နင်ꩻသီးဖုံႏဟွေး-\nထာꩻကျံꩻထမ်ꩻမွေးတဝ်း၊ ထာꩻသꩻလျားဒေါသမွေးတဝ်း-အဒေါသ (အဒေါႏသꩻ-သꩻဟောဝ်) မဉ်ႏအဝ်ႏသော့ꩻလꩻ လိုꩻသီးသꩻကိုနဝ်ꩻ မာꩻသီတဝ်းဝင်ꩻသက်၊ တခွန်ꩻတဝ်းဝင်ꩻတခြိုꩻ၊ ပဲစ်မာႏတဝ်းဝင်ꩻပိုမာ၊ ဒေါ့ꩻလဲဉ်တဝ်းထာꩻ၊ ဝွေꩻနမ်းနမ်းတဲ့ လွောက်ꩻနာႏနုဲင်းနဝ်ꩻ၊ လိုꩻလင်တဲ့ ဝွေꩻထွဉ်ႏလွောက်ꩻနာႏနုဲင်းနဝ်ꩻ၊ ဝွေꩻနမ်းတဲ့ မဉ်ႏလွောက်ꩻနာႏလွဉ်ꩻနဝ်ꩻအတွိုင်ꩻ၊ လိုꩻလင်တဲ့ မဉ်ႏလွောက်ꩻနာႏလွဉ်ꩻ နဝ်ꩻအတွိုင်ꩻနဝ်ꩻ 'အီႏထွာဒျာႏ ထာꩻချမ်ꩻသာႏ'နောဝ်ꩻသွူ။\nကာလာမမင်ꩻ ခွန်နင်ꩻသီးဖုံႏဟွေး-\nသူႏသေဒျာႏထာꩻ၊ ယူႏချာယူႏဒါဒျာႏထာꩻ၊ ထာꩻလိန်းလွုမ်ꩻမောဟမွေးတဝ်း-အမောႏဟꩻ (အမောႏဟꩻ-သꩻဟောဝ်) မဉ်ႏအဝ်ႏသော့ꩻလꩻ လိုꩻသီးသꩻကိုနဝ်ꩻ မာꩻသီတဝ်းဝင်ꩻသက်၊ တခွန်ꩻတဝ်းဝင်ꩻတခြိုꩻ၊ ဒေါ့ꩻလိန်ႏလဲဉ်တဝ်းထာꩻ၊ ဝွေꩻနမ်းနမ်းတဲ့ လွောက်ꩻနာႏနုဲင်းနဝ်ꩻ၊ လိုꩻလင်တဲ့ ဝွေꩻထွဉ်ႏလွောက်ꩻနာႏနုဲင်းနဝ်ꩻ၊ ဝွေꩻနမ်းတဲ့ မဉ်ႏလွောက်ꩻနာႏလွဉ်ꩻနဝ်ꩻအတွိုင်ꩻ၊ လိုꩻလင်တဲ့ မဉ်ႏလွောက်ꩻနာႏလွဉ်ꩻ နဝ်ꩻအတွိုင်ꩻနဝ်ꩻ 'အီႏထွာဒျာႏ ထာꩻချမ်ꩻသာႏ'နောဝ်ꩻသွူ။\nခွန်နင်ꩻသီးဖုံႏဟွေး-\nအလောႏဘꩻ (လောႏဘꩻမွေးတဝ်း)၊ အဒေါႏသꩻ (ဒေါႏသꩻမွေးတဝ်း)၊ အမောႏဟꩻ (မောႏဟꩻမွေးတဝ်း)၊ သꩻဟောဝ်ဖုံႏနဝ်ꩻ မဉ်ႏထွာသော့ꩻလꩻ သꩻကိုနဝ်ꩻ ထွာဒျာႏကုသိုလ်ႏ၊ ကုသိုလ်ႏနဝ်ꩻ အပဲစ်အဲဉ်ထဝ်း၊ ကုသိုလ်ႏနဝ်ꩻ ပညာႏအဝ်ႏအံႏဖြာႏ၊ ကုသိုလ်ႏနဝ်ꩻ 'အမာꩻချမ်ꩻသာႏဒါႏလိုꩻ'နောဝ်ꩻသွူ။\nခွန်နင်ꩻသီးဖုံႏဟွေး-\nလောႏဘꩻ၊ ဒေါႏသꩻ၊ မောႏဟꩻ-မဉ်ႏအဝ်ႏသော့ꩻလꩻ သꩻကိုနောဝ်ꩻ ထွာအကုသိုလ်ႏသꩻ၊ ကွပ်အကုသိုလ်ႏသꩻနဝ်ꩻတဲင် မာꩻကာယဒုစရဲက်၊ မာꩻဝစီဒုစရဲက်၊ မာꩻမနော်ꩻဒုစရဲက်၊ ပွိုးစွဉ်ႏမာꩻဒုစရဲက် အပါꩻတဆီနဝ်ꩻတွော့ꩻ ခိုးလျားဗာႏ၊ တရေင်ဗာႏ၊ အာငေါဝ်းဗာႏ၊ တလူႏဗာႏနမ်းဒုက္ခ၊ မော့ꩻဗာႏသꩻနဝ်ꩻသွူ။\nကေသမုတ္တဒုံသားဖုံႏဟွေး-\nအလောႏဘꩻ၊ အဒေါႏသꩻ၊ အမောႏဟꩻ-မဉ်ႏအဝ်ႏသော့ꩻလꩻ သꩻကိုနဝ်ꩻ ထွာကုသိုလ်ႏသꩻ၊ ကွပ်ကုသိုလ်ႏသꩻနဝ်ꩻတဲင် မာꩻဒျာႏကာယသုစရဲက်၊ မာꩻဒျာႏဝစီသုစရဲက်၊ မာꩻဒျာႏမနော်ꩻသုစရဲက်၊ ပွိုးစွဉ်ႏမာꩻသုစရဲက်အပါꩻတဆီနဝ်ꩻတွော့ꩻ ခွꩻသꩻရျူႏသျူး၊ တရေင်ဗာႏတဝ်း၊ အာငေါဝ်းဗာႏတဝ်း၊ နမ်းတဲ့ချမ်ꩻသာႏ၊ သꩻတဲ့ချမ်ꩻသာႏငါႏနောဝ်ꩻသွူ။\n(ဃ)\nခွန်ကာလာမသီးဖုံႏဟွေး-\nနေးတွမ်ႏသꩻ-လောႏဘꩻမွေးတဝ်း၊ နေးတွမ်ႏသꩻ-ဒေါႏသꩻမွေးတဝ်း၊ နေးတွမ်ႏသꩻ-မော��ဟꩻမွေးတဝ်းတဲင် အွဉ်ႏသတိꩻဟဝ်ဟဝ်၊ အရပ်လစ်ꩻဖဲ့ꩻ၊ အစဲင်ႏလစ်ꩻဖဲ့ꩻ၊ ကီတွမ်ႏလ၊ ဌာႏနဆီထွောင်း ကအဝ်ႏဒါႏ လိုꩻလူꩻဗျဟ္မာႏ သတ္တဝါႏသီးအလောင်း၊ နေးတွမ်ႏထာꩻရက်မေတ္တာႏ၊ နေးတွမ်ႏထာꩻသညင်ꩻ ကရုဏာႏ၊ နေးတွမ်ႏထာꩻသꩻရေꩻမုဒိတာႏ၊ နေးတွမ်ႏ (မာꩻရာꩻဒါႏတဝ်း-ကံႏတရာꩻအတွိုင်ꩻဒျာႏ) ဥပေက္ခာႏ၊ နေးတွမ်ႏဗျဟ္မစိုရ်ႏတရာꩻလစ်ꩻပါꩻ၊ အွဉ်ႏသꩻမဉ်ႏအုံနုဲင်း (အရိယာႏတပဲ့ꩻ)နဝ်ꩻနဝ်ꩻ 'သꩻတဗော့ꩻတဝ်း၊ သꩻကြောင်းစင်၊ သꩻငမ်းဗာႏတဝ်းဘေꩻ၊ သꩻနန်းဗာႏတဝ်းရန်ႏ' လꩻသꩻဆွော့ꩻခရာႏ 'လစ်ꩻမျိုꩻ'၊ လစ်ꩻမျိုꩻကရိုꩻနဝ်ꩻ-\n၁။ ကွပ်ခွေမာꩻဒျာႏ ကုသိုလ်ႏတဲင် ခွေမဉ်ႏသီနဝ်ꩻ တွိုႏကီဒျာႏလူꩻခမ်း၊ နဝ်ꩻနဝ်ꩻ လꩻပဌမထာꩻသꩻဆွော့ꩻတမျိုꩻ၊\n၂။ ဘဝယိုခါခါ ခွေအုံဒျာႏတွမ်ႏ မေတ္တာႏ၊ ကရုဏာႏ၊ မုဒိတာႏ၊ ဥပေက္ခာႏတွော့ꩻ ငမ်းခရာႏအဲဉ်ထောဝ်း၊ နန်းခရာႏအဲဉ်ထဝ်း၊ ဒုက္ခခရာႏအဲဉ်ထဝ်း၊ အုံဗာႏချမ်ꩻချမ်ꩻသာႏသာႏ၊ နဝ်ꩻနဝ်ꩻ လꩻဒုတိယထာꩻသꩻဆွော့ꩻတမျိုꩻ၊\n၃။ ခွေယိုနဝ်ꩻ မာꩻတဝ်းအကုသိုလ်ႏဟ ဘဝယိုတဲ့ အကုသိုလ်ႏအကျိုꩻ ဒုက္ခမျိုꩻတမော့ꩻနွောင်ꩻတောဝ်း၊ ဘဝငါသူꩻတဲ့ အကုသိုလ်ႏအကျိုꩻ ဒုက္ခမျိုꩻတခံႏဗာႏတဝ်း၊ နဝ်ꩻနဝ်ꩻ လꩻတတိယထာꩻသꩻဆွော့ꩻတမျိုꩻ၊\n၄။ 'မေႏအာ-မေႏနွောင်ꩻ၊ ထီအာ-ထီနွောင်ꩻ' ငေါဝ်းနဝ်ꩻအတွိုင်ꩻ ခွေကမာꩻမာႏ အကုသိုလ်ႏနောဝ်ꩻ အပေႏစား၊ အဖွီစားလွုမ်ꩻ၊ အဆေ့ꩻပေႏလွုမ်ꩻ၊ ခွေကမာꩻ ကုသိုလ်ႏနဝ်ꩻ အတန်စား၊ အသန်စား၊ ခွေကုသိုလ်ႏအာတန်၊ ခွေကမာꩻမာႏဒါႏ အကုသိုလ်ႏကံႏနဝ်ꩻ အမျိုꩻနွောင်ꩻ ခွေကုသိုလ်ႏကံႏနဲ့၊ ခွေတဲးတဲ့ လိုꩻကြောင်းဒျာႏ၊ အုံဗာႏရောင်းရောင်းရျူႏရျူႏဒျာႏ၊ ယွုမ်းအံႏနမ်း လိုꩻဟောဝ်တဖြာꩻ၊ နဝ်ꩻနဝ်ꩻ လꩻစတုတ္ထ ထာꩻသꩻဆွော့ꩻတမျိုꩻ။\nပေါႏအုံတွမ်ႏ ဗျဟ္မစိုရ်ႏတရာꩻလစ်ꩻပါꩻနဝ်ꩻ လꩻထာꩻသꩻဆွော့ꩻလစ်ꩻမျိုꩻနုဲင်းနောဝ်ꩻသွူ။\nနီဗွေႏဘုရာꩻ ဟော်ꩻဖေႏတရာꩻနုဲင်းနဝ်ꩻနဝ်ꩻ အစဲင်းစဲ့လဲဉ်းက ပုဂ္ဂိုလ်ႏလင်ကဟော်ꩻ၊ အချော်ꩻလဲဉ်းက ပုဂ္ဂိုလ်ႏလင်ကဒေါ့ꩻ၊ ဟွူန်ရော့ꩻမွေး၊ သꩻရေꩻမွေး ပငါပရာꩻ၊ နမ်းတွမ်ႏနမ်းတဲ့ သꩻဆွော့ꩻချာ ပငါပရာꩻတဲင် လောဝ်းနီဗွေႏဘုရာꩻနုဲင်းယို-\n\"ဩဗွေႏ ဘုရာꩻမျတ်ဗွေႏဩ-\nထာꩻသꩻဆွော့ꩻခရာႏ လစ်ꩻမျိုꩻနဝ်ꩻ ယံငါႏ၊ နစ်သက်ငါႏဗွေႏဩ၊ နီသွဉ်းသီး ကားယိုမာꩻငါနဝ်ꩻ ယွုမ်းယိုꩻတဝ်းဒွုမ် ပါꩻငေါဝ်း၊ နေးထူႏဒျာႏ ဗွေႏဘုရာꩻငေါဝ်း၊ အီႏအုံလွေꩻဒျာႏ တွမ်ႏမေတ္တာႏ၊ ကရုဏာႏ၊ မုဒိတာႏ၊ ဥပေက္ခာႏ-ဗျဟ္မစိုရ်ႏတရာꩻ နဝ်ꩻလစ်ꩻပါꩻ ဗွေႏဩ၊ နီသွဉ်းသီးဖုံႏယိုနဝ်ꩻ မတ်ဒျာႏသွော့ ဗွေႏဘုရာꩻ၊ ဗွေႏသံဃာႏသီး ဥပါႏသကာႏဖုံႏနော ဗွေႏသီးဩ\"လောဝ်းလွနုဲင်းနောဝ်ꩻဖုံႏသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ တိကနိပါတ်၊ ကေသမုတ္တိသုတ်)\n\nအာႏကွိုꩻ","num_words":1499,"character_repetition_ratio":0.09,"word_repetition_ratio":0.097,"special_characters_ratio":0.075,"stopwords_ratio":0.035,"flagged_words_ratio":0.0,"lang_id_score":1.0,"perplexity_score":1696.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%9B%E1%80%90%E1%80%94%E1%80%9E%E1%80%AF%E1%80%90%E1%80%BA","collection":"wikipedia","source":"wikipedia","original_code":"blk","text":"‍ရတနာႏသုတ်ယိုနဝ်ꩻ အဝ်ႏပါသော့ꩻ ခုဒ္ဒကနိကာယ် ခုဒ္ဒကပါဌ်အကွို့ꩻကိုနဝ်ꩻသွူ။ ရတနာႏသုတ်ယိုခါခဲ့ꩻခဲ့ꩻနဝ်ꩻ အပွိုက်အဝ်ႏ (၂၁)ပွိုက်တဲင် ပထမတပွိုက်နဝ်ꩻ ပညာႏဒါႏဆရာႏစခါတဲမ်ႏခါꩻဒျာႏနဝ်ꩻသွူ။ အဆုဲင်ꩻသွတ်ꩻပွိုက်နဝ်ꩻ သီကျာꩻခွန် ရွစ်ဖတ်ခါꩻဒါႏ ဂါႏထာႏဒျာႏတဲင် အထာႏဝအခါႏလယ်ႏကို (၁၅)ပွိုက်နဝ်ꩻ ဗွေႏမျတ်ဘုရာꩻ ဟော်ꩻသေꩻခါꩻဒျာႏနဝ်ꩻသွူ။\n\nရတနာႏသုတ်ပါႏဠိတောႏ\n\n၁။ ပဏိဓာနတော ပဋ္ဌာယ၊\n     တထာဂတဿ ဒသ ပါရမိယော၊\n     ဒသ ဥပပါရမိယော၊\n     ဒသ ပရမတ္တ ပါရမိယောတိ၊\n     သမတ္တိံသ ပါရမိယော၊\n     ပဉ္စ မဟာပရိစ္စာဂေ၊\n     လောကတ္ထစရိယံ ဉာတတ္ထစရိယံ၊\n     ဗုဒ္ဓတ္ထစရိယန္တိ တိဿော စရိယာယော၊\n     ပစ္ဆိမဘဝေ ဂဗ္ဘဝေါက္ကန္တိံ၊\n     ဇာတိံ အဘိနိက္ခမနံ၊\n     ပဓာနစရိယံ ဗောဓိပလ္လင်္ကေ မာရဝိဇယံ၊\n     သဗ္ဗညုတညာဏပ္ပဋိဝေဓံ၊\n     ဓမ္မစက္ကပ္ပဝတ္တနံ၊\n     နဝ လောကုတ္တရဓမ္မေတိ၊\n     သဗ္ဗေပိမေ ဗုဒ္ဓဂုဏေ အာဝဇ္ဇေတွာ၊\n     ဝေသာလိယာ တီသု ပါကာရန္တရေသု၊\n     တိယာမရတ္တိံ ပရိတ္တံ ကရောန္တော၊\n     အာယသ္မာ အာနန္ဒတ္ထေရော ဝိယ၊\n     ကာရုညစိတ္တံ ဥပဋ္ဌပေတွာ။\n\n၂။ ကောဋီသတသဟဿေသု၊\n     စက္ကဝါဠေသု ဒေဝတာ။\n     ယဿာဏံ ပဋိဂ္ဂဏှန္တိ၊\n     ယဉ္စ ဝေသာလိယာ ပုရေ။\n\n၃။ ရောဂါ မနုဿဒုဗ္ဘိက္ခ\n     သမ္ဘူတံ တိဝိဓံ ဘယံ။\n     ခိပ္ပ မန္တရ ဓာပေသိ၊\n     ပရိတ္တံ တံဘဏာမ ဟေ။\n\n၄။ ယာနီဓ ဘူတာနိ သမာဂတာနိ၊\n     ဘုမ္မာနိ ဝါ ယာနိ ဝ အန္တလိက္ခေ။\n     သဗ္ဗေဝ ဘူတာ သုမနာ ဘဝန္တု၊\n     အထောပိ သက္ကစ္စ သုဏန္တု ဘာသိတံ။\n\n၅။ တသ္မာ ဟိ ဘူတာ နိသာမေထ သဗ္ဗေ၊\n     မေတ္တံ ကရောထ မာနုသိယာ ပဇာယ၊\n     ဒိဝါ စ ရတ္တော စ ဟရန္တိ ယေ ဗလိံ၊\n     တသ္မာ ဟိ နေ ရက္ခထ အပ္ပမတ္တာ။\n\n၆။ ယံကိဉ္စိ ဝိတ္တံ ဣဓ ဝါ ဟုရံ ဝါ၊\n     သဂ္ဂေသု ဝါ ယံ ရတနံ ပဏီတံ။\n     နနော သမံ အတ္ထိ တထာဂတေန၊\n     ဣဒမ္ပိ ဗုဒ္ဓေ ရတနံ ပဏီတံ၊\n     ဧတေန သစ္စေန သုဝတ္ထိ ဟောတု။\n\n၇။ ခယံ ဝိရာဂံ အမတံ ပဏီတံ၊\n     ယဒဇ္ဈဂါ သကျမုနီ သမာဟိတော။\n     န တေန ဓမ္မေန သမတ္ထိ ကိဉ္စိ၊\n     ဣဒမ္ပိ ဓမ္မေ ရတနံ ပဏီတံ။\n     ဧတေန သစ္စေန သုဝတ္ထိ ဟောတု။\n\n၈။ ယံ ဗုဒ္ဓသေဋ္ဌော ပရိဝဏ္ဏယီ သုစိံ၊\n     သမာဓိ မာနန္တရိကည မာဟု၊\n     သမာဓိနာ တေန သမော န ဝိဇ္ဇတိ၊\n     ဣဒမ္ပိ ဓမ္မေ ရတနံ ပဏီတံ၊\n     ဧတေန သစ္စေန သုဝတ္ထိ ဟောတု။\n\n၉။  ယေ ပုဂ္ဂလာ အဋ္ဌ သတံ ပသတ္ထာ၊\n     စတ္တာရိ ဧတာနိ ယုဂါနိ ဟောန္တိ။\n     တေ ဒက္ခိဏေယျာ သုဂတဿ သာဝကာ၊\n     ဧတေသု ဒိန္နာနိ မဟပ္ဖလာနိ။\n     ဣဒမ္ပိ သံဃေ ရတနံ ပဏီတံ။\n     ဧတေန သစ္စေန သုဝတ္ထိ ဟောတု။\n\n၁၀။ ယေ သုပ္ပယုတ္တာ မနသာ ဒဠှေန၊\n       နိက္ကာမိနော ဂေါတမသာသနမှိ။\n       တေ ပတ္တိပတ္တာ အမတံ ဝိဂယှ၊\n       လဒ္ဓါ မုဓာ နိဗ္ဗုတိံ ဘုဉ္စမာနာ။\n       ဣဒမ္ပိ သံဃေ ရတနံ ပဏီတံ။\n       ဧတေန သစ္စေန သုဝတ္ထိ ဟောတု။\n\n၁၁။ ယထိန္ဒခီလော ပထဝိဿိတော သိယာ၊\n       စတုဗ္ဘိ ဝါတေဟိ အသမ္ပကမ္ပိယော။\n      တထူပမံ သပ္ပုရိသံ ဝဒါမိ၊\n       ယော အရိယသစ္စာနိ အဝေစ္စ ပဿတိ။\n       ဣဒမ္ပိ သံဃေ ရတနံ ပဏီတံ၊\n       ဧတေန သစ္စေန သုဝတ္ထိ ဟောတု။\n\n၁၂။ ယေ အရိယသစ္စာနိ ဝိဘာဝယန္တိ၊\n       ဂမ္ဘီရ ပညေန သုဒေသိတာနိ။\n       ကိဉ္စာပိ တေ ဟောန္တိ ဘုသံ ပမတ္တာ၊\n       န တေ ဘဝံ အဋ္ဌမ မာဒိယန္တိ။\n      ဣဒမ္ပိ သံဃေ ရတနံ ပဏီတံ၊\n       ဧတေန သစ္စေန သုဝတ္ထိ ဟောတု။\n\n၁၃။ သဟာဝဿ ဒဿနသမ္ပဒါယ၊\n       တယဿု ဓမ္မာ ဇဟိတာ ဘဝန္တိ။\n       သက္ကာယဒိဋ္ဌိ ဝိစိကိစ္ဆိတဉ္စ၊\n       သီလဗ္ဗတံ ဝါပိ ယဒတ္ထိ ကိဉ္စိ။\n\n၁၄။ စတူဟပါယေဟိ စ ဝိပ္ပမုတ္တော၊\n       ဆစ္စာဘိ ဌာနာနိ အဘဗ္ဗ ကာတုံ။\n      ဣဒမ္ပိ သံဃေ ရတနံ ပဏီတံ၊\n       ဧတေန သစ္စေန သုဝတ္ထိ ဟောတု။\n\n၁၅။ ကိဉ္စာပိ သော ကမ္မကရောတိ ပါပကံ၊\n       ကာယေန ဝါစာ ဥဒ စေတသာ ဝါ။\n       အဘဗ္ဗ သော တဿ ပဋိစ္ဆဒါယ၊\n       အဘဗ္ဗတာ ဒိဋ္ဌပဒဿ ဝုတ္တာ။\n      ဣဒမ္ပိ သံဃေ ရတနံ ပဏီတံ၊\n      ဧတေန သစ္စေန သုဝတ္ထိ ဟောတု။\n\n၁၆။ ဝနပ္ပဂုမ္ဗေ ယထ ဖုဿိတဂ္ဂေ၊\n       ဂိမှာန မာသေ ပဌမသ္မိံ ဂိမှေ။\n       တထူပမံ ဓမ္မဝရံ အဒေသယိ၊\n       နိဗ္ဗာနဂါမိံ ပရမံ ဟိတာရ။\n       ဣဒမ္ပိ ဗုဒ္ဓေ ရတနံ ပဏီတံ။\n       ဧတန သစ္စေန သုဝတ္ထိ ဟောတု။\n\n၁၇။ ဝရော ဝရညူ ဝရဒေါ ဝရာဟရော။\n       အနုတ္တရော ဓမ္မဝရံ အဒေသယိ။\n       ဣဒမ္ပိ ဗုဒ္ဓေ ရတနံ ပဏီတံ၊\n       ဧတေန သစ္စေန သုဝတ္ထိ ဟောတု။\n\n၁၈။ ခီဏံ ပုရာဏံ နဝ နတ္ထိ သမ္ဘဝံ၊\n       ဝိရတ္တစိတ္တာ ယတိကေ ဘဝသ္မိံ။\n       တေ ခီဏဗီဇာ အဝိရုဠှိ ဆန္ဒာ၊\n       နိဗ္ဗန္တိ ဓီရာ ယထယံ ပဒီပေါ။\n       ဣဒမ္ပိ သံဃေ ရတနံ ပဏီတံ၊\n       ဧတေန သစ္စေန သုဝတ္ထိ ဟောတု။\n\n၁၉။ ယာနီဓ ဘူတာနိ သမာဂတာနိ၊ \n     ဘုမ္မာနိ ဝါ ယာနိ ဝ အန္တလိက္ခေ။\n     တထာဂတံ ဒေဝမနုဿပူဇိတံ။\n     ဗုဒ္ဓံ နမဿာမ သုဝတ္ထိ ဟောတု။\n\n၂၀။ ယာနီဓ ဘူတာနိ သမာဂတာနိ၊\n       ဘုမ္မာနိ ဝါ ယာနိ ဝ အန္တလိက္ခေ၊\n       တထာဂတံ ဒေဝမနုဿ ပူဇိတံ။\n       ဓမ္မံ နမဿာမ သုဝတ္ထိ ဟောတု။\n\n၂၁။ ယာနီဓ ဘူတာနိ သမာဂတာနိ၊\n       ဘုမ္မာနိ ဝါ ယာနိ ဝ အန္တလိက္ခေ၊\n       တထာဂတံ ဒေဝမနုဿ ပူဇိတံ၊\n       သံဃံ နမဿာမ သုဝတ္ထိ ဟောတု။\n\n     ရတန သုတ္တံ နိဋ္ဌိတံ။\n\nအာႏကွိုꩻ \n\nပရိတ်တန်","num_words":1217,"character_repetition_ratio":0.142,"word_repetition_ratio":0.145,"special_characters_ratio":0.262,"stopwords_ratio":0.004,"flagged_words_ratio":0.0,"lang_id_score":0.999,"perplexity_score":9965.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%9B%E1%80%95%E1%80%BA%E1%80%95%E1%80%B2%E1%80%B7%E1%80%85%E1%80%BA%E1%80%9E%E1%80%BD%E1%80%85%E1%80%BA%EA%A9%BB%E1%80%95%E1%80%AB%EA%A9%BB","collection":"wikipedia","source":"wikipedia","original_code":"blk","text":"\"အက္ခဏသုတ် (ရပ်ပဲ့စ်သွစ်ꩻပါꩻ-တရာꩻလꩻတဝ်း)\"\nရဟန်ꩻသီးဖုံႏဟွေး-\nအထီႏအဟွူန်ဆေ့ꩻ ပုထုဇဉ်ႏဖုံႏနောဝ်ꩻရိုꩻ-\n'လောက ကဖေႏအပ်ဒါႏ အခွင်ꩻအရေꩻ အဝ်ႏဒျာႏ၊ လောကကိုယို မာꩻအမျိုꩻမုဲင်ꩻ လꩻဒျာႏ'ဒေါ့ꩻဖွီထာꩻနုဲင်းနဝ်ꩻ၊ ပုထုဇဉ်ႏနဝ်ꩻ 'မာꩻခွင်ꩻလꩻမကောင်၊ လꩻတဝ်းမကောင်'သေတဝ်း။\nရဟန်ꩻသီးဖုံႏဟွေး-\nမာꩻခွင်ꩻတလꩻတဝ်း၊ ကံကျင်ꩻခွင်ꩻလꩻတဝ်း၊ အခိန်ႏခါႏတမွေးတဝ်း၊ အခွင်ꩻသာႏတဖေႏတဝ်း၊ အခေႏအနေႏ တဖေႏတဝ်းနဝ်ꩻ အဝ်ႏသွစ်ꩻမျိုꩻ၊ သွစ်ꩻမျိုꩻကရိုꩻနောဝ်ꩻ-\n၁။ လောကကိုယို ဘုရာꩻနမ်းအဝ်ႏဒျာႏ၊ တရာꩻတဲ့ဟော်ꩻဒျာႏ၊ ကွဲႏတွော့ꩻ ဝွေꩻနဝ်ꩻ လင်ꩻထဲ့ဒျာႏငါးရုဲင်ꩻ၊ ထင်ꩻထဲ့ငါးရုဲင်ꩻခိန်ႏနဝ်ꩻ အကျင်ꩻဟောဝ် ကလꩻမီမဂ်ဖိုလ်ႏ၊ ကုသိုလ်ႏတရာꩻနဝ်ꩻ ဝွေꩻမာꩻတလꩻတဝ်း၊ ယိုနဝ်ꩻ လꩻမဂ်ဖိုလ်ႏတာႏ (ပထမ)အခိန်ႏခါႏ မွေးတဝ်း။\n၂။ လောကကိုယို ဘုရာꩻနမ်းအောဝ်ႏဒျာႏ၊ တရာꩻတဲ့ဟော်ꩻဒျာႏ၊ ကွဲႏတွော့ꩻ ဝွေꩻနောဝ်ꩻ အဝ်ႏထွာဒျာႏ တိရစ္ဆာန်ႏ၊ အဝ်ႏထွာ တိရစ္ဆာန်ႏခိန်ႏနဝ်ꩻ အကျင်ꩻဟောဝ် ကလꩻအီမဂ်ဖိုလ်ႏ၊ ကုသိုလ်ႏတရာꩻနောဝ်ꩻ ဝွေꩻမာꩻတလꩻတဝ်း၊ ယိုနဝ်ꩻ လꩻမဂ်ဖိုလ်ႏတာႏ (ဒုတိယ)အခိန်ႏခါႏ မွေးတဝ်း။\n၃။ လောကကိုယို ဘုရာꩻနမ်းအဝ်ႏဒျာႏ၊ တရာꩻတဲ့ဟော်ꩻဒျာႏ၊ ကွဲႏတွော့ꩻ ဝွေꩻနောဝ်ꩻ အဝ်ႏထွာဒျာႏ ပိတ္တာႏ၊ အဝ်ႏထွာ ပိတ္တာႏခိန်ႏနဝ်ꩻ အကျင်ꩻဟောဝ် ကလꩻအီမဂ်ဖိုလ်ႏ၊ ကုသိုလ်ႏတရာꩻနဝ်ꩻ ဝွေꩻမာꩻတလꩻတဝ်း၊ ယိုနဝ်ꩻ လꩻမဂ်ဖိုလ်ႏတာႏ (တတိယ)အခိန်ႏခါႏ မွေးတဝ်း။\n၄။ လောကကိုယို ဘုရာꩻနမ်းအောဝ်ႏဒျာႏ၊ တရာꩻတဲ့ဟော်ꩻဒျာႏ၊ ကွဲႏတွော့ꩻ ဝွေꩻနောဝ်ꩻ အဝ်ႏထွာဒျာႏ အသညသတ်ဗျဟ္မာႏ (အဝ်ႏဒျာႏနမ်းပွိုင်လွုမ်ꩻ)၊ အဝ်ႏထွာ အသညသတ်ဗျဟ္မာႏခိန်ႏနဝ်ꩻ အကျင်ꩻဟဝ် ကလꩻအီမဂ်ဖိုလ်ႏ၊ ကုသိုလ်ႏတရာꩻနဝ်ꩻ ဝွေꩻမာꩻတလꩻတဝ်း၊ ယိုနဝ်�� လꩻမဂ်ဖိုလ်ႏတာႏ (စတုတ္ထ)အခိန်ႏခါႏ မွေးတဝ်း။\n၅။ လောကကိုယို ဘုရာꩻနမ်းအဝ်ႏဒျာႏ၊ တရာꩻတဲ့ဟော်ꩻဒျာႏ၊ ကွဲႏတွော့ꩻ ဝွေꩻနောဝ်ꩻ အဝ်ႏထွာဒျာႏ လိုꩻရွိုင်ꩻ၊ ရဟန်ꩻသံဃာႏ တအဲဉ်ထဝ်းအရပ်၊ တသေတဝ်းထာꩻရာꩻရာꩻ၊ ဝွေꩻအဝ်ႏထွာ လိုꩻရွိုင်ꩻခိန်ႏနဝ်ꩻ အကျင်ꩻဟောဝ် ကလꩻအီမဂ်ဖိုလ်ႏ၊ ကုသိုလ်ႏတရာꩻနဝ်ꩻ ဝွေꩻမာꩻတဒါႏတဝ်း၊ ယိုနဝ်ꩻ လꩻမဂ်ဖိုလ်ႏတာႏ (ပဉ္စမ)အခိန်ႏခါႏ မွေးတဝ်း။\n၆။ လောကကိုယို ဘုရာꩻနမ်းအဝ်ႏဒျာႏ၊ တရာꩻတဲ့ဟော်ꩻဒျာႏ၊ ကွဲႏတွော့ꩻ ဝွေꩻနဝ်ꩻ အယူႏမာႏ အဝ်ႏထွာဒျာႏ မိစ္ဆာႏဒိဋ္ဌိတဲင် အကျင်ꩻဟောဝ် ကလꩻအီမဂ်ဖိုလ်ႏ ကုသိုလ်ႏတရာꩻနဝ်ꩻ ဝွေꩻတမာꩻတဝ်း၊ ယိုနောဝ်ꩻ လꩻမဂ်ဖိုလ်ႏတာႏ (ဆဋ္ဌမ)အခိန်ႏခါႏ မွေးတဝ်း။\n၇။ လောကကိုယို ဘုရာꩻနမ်းအဝ်ႏဒျာႏ၊ တရာꩻတဲ့ဟော်ꩻဒျာႏ၊ ကွဲႏတွော့ꩻ ဝွေꩻနဝ်ꩻ ထွာဒျာႏလိုꩻနားတအွိုင်၊ ထွာဒျာႏလိုꩻလိုꩻတအာႏတွော့ꩻ အကျင်ꩻဟောဝ် ကလꩻအီမဂ်ဖိုလ်ႏ၊ ကုသိုလ်ႏတရာꩻနဝ်ꩻ ဝွေꩻမာꩻတဒါႏတဝ်း၊ ယိုနဝ်ꩻ လꩻမဂ်ဖိုလ်ႏတာႏ (သတ္တမ)အခိန်ႏခါႏ မွေးတဝ်း။\n၈။ ဝွေꩻနဝ်ꩻ လိုꩻတအွိုင် တအာႏမွေးတဝ်း၊ ကွဲႏတွော့ꩻ ဝွေꩻကထွာလိုꩻတွင်ꩻနဝ်ꩻ ဘုရာꩻပွင်ꩻခိန်ႏမွေးတဝ်း၊ (သာႏသနာႏခေ့ꩻခိင်ႏဒျာႏ)တဲင်တွော့ꩻ အကျင်ꩻဟောဝ် ကလꩻအီမဂ်ဖိုလ်ႏ ကုသိုလ်ႏတရာꩻနဝ်ꩻ တမာꩻဗာႏတဝ်း၊ ယိုနဝ်ꩻ လꩻအီမဂ်ဖိုလ်ႏတာႏ (အဋ္ဌမ)အခိန်ႏခါႏ မွေးတဝ်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ အဋ္ဌကနိပါတ်၊ အက္ခဏသုတ်)\n\nအာႏကွိုꩻ","num_words":415,"character_repetition_ratio":0.123,"word_repetition_ratio":0.135,"special_characters_ratio":0.085,"stopwords_ratio":0.005,"flagged_words_ratio":0.0,"lang_id_score":1.0,"perplexity_score":6701.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%9B%E1%80%9F%E1%80%94%E1%80%BA%EA%A9%BB%E1%80%9E%E1%80%AE%E1%80%B8%E1%80%A1%E1%80%95%E1%80%9B%E1%80%AD%E1%80%9F%E1%80%AC%E1%80%94%E1%80%AD%E1%80%9A","collection":"wikipedia","source":"wikipedia","original_code":"blk","text":"\"ပဌမသတ္တကသုတ် (ရဟန်ꩻသီးအတွက်တာႏ အပရိဟာနိယ တရာꩻနွုတ်ꩻပါꩻ)\"\nအွိုးခꩻတလဲင်ႏ-\nနီဗွေႏဘုရာꩻအဝ်ႏအုံ ရာႏဇဂျိုဟ်ႏခမ်း၊ ဂိဇ္ဈကုဋ်ကောင်လောင်းအတွင်ꩻ ဟော်ꩻဖေႏဗွေႏရဟန်ꩻသီး တရာꩻနုဲင်းယို-\n\"ရဟန်ꩻသီးဖုံႏဟွေး-\nခွေအီႏဟော်ꩻဖေႏသီ 'တဆွုတ်ယွုတ်နွောင်ꩻတဝ်း-အပရိဟာနိယတရာꩻ'နွုတ်ꩻပါꩻ၊ နာႏလွသွော့ တရာꩻနဝ်ꩻလုဲင်း၊ စွူဖြွိုးဟောဝ်ခြꩻ-သွင်ႏသꩻလွသွော့ တရာꩻနဝ်ꩻဟုဲင်း\" နီဗွေႏဘုရာꩻ မိန်းနုဲင်းနဝ်ꩻတဲင်-\n\"ဟောဝ်သွူ၊ သꩻရေꩻငါႏ၊ နီသွဉ်းသီး နာႏလွဒျာႏ ဗွေႏဩ\" ရဟန်ꩻသီးဖုံႏ လောဝ်းချာနုဲင်းနဝ်ꩻသွူ။\n\"ရဟန်ꩻသီးဖုံႏဟွေး-\n၁။ ရဟန်ꩻသီးဖုံႏနဝ်ꩻ အုံကွံ(စီꩻဝွေꩻ)သေႏသေႏသွော့လို့ဝင်ꩻလုဲင်း၊ အလဲင်ႏပေါင်ꩻအာအာ ပေါႏအုံကွံသေႏသေႏနေကလို့ဝင်ꩻနဝ်ꩻ အဝ်ႏစီꩻပွါꩻတိုꩻတက်တာႏလွုမ်ꩻ၊ ဆွုတ်ယွုတ်ခရာႏအဲဉ်ထောဝ်း။\nရဟန်ꩻသီးဖုံႏဟွေး-\n၂။ ရဟန်ꩻသီးဖုံႏနဝ်ꩻ လွောင်ႏလွောင်ႏဗူႏဗူႏ အုံကွံလွသွော့ သံဃာႏကိစ္စလုဲင်း၊ အုံကွံမဉ်ႏထွူမꩻ ထွိုင်ႏသဲင်ꩻဟုဲင်း၊ လွောင်ႏလွောင်ႏဗူႏဗူႏ ပေါႏအဝ်ႏထူႏခွုမ်မာꩻနေက သံဃာႏကိစ္စနဝ်ꩻ အဝ်ႏတိုꩻတက်တာႏလွုမ်ꩻ၊ ဆွုတ်ယွုတ်ခရာႏအဲဉ်ထောဝ်း။\nရဟန်ꩻသီးဖုံႏဟွေး-\n၃။ ရဟန်ꩻသီးဖုံႏနဝ်ꩻ တပညတ်တဝ်းဒွိုန်းကိုနဝ်ꩻ ပညတ်လွမွုန်း၊ ကပညတ်လဲဉ်းကိုတဲ့ ယားကုဲင်ထိုꩻမွုန်း၊ ကပညတ်ခါꩻဒါႏ သိက္ခာႏပုဒ်ဖုံႏနဝ်ꩻအတွိုင်ꩻ ဟောဝ်ဟောဝ်ဒါႏဒါႏ ပေါႏရဟန်ꩻသီး အဝ်ႏလွောက်ꩻနာႏလွဉ်ꩻနေကနဝ်ꩻ အဝ်ႏစီꩻပွါꩻတိုꩻတက်တာႏလွုမ်ꩻ၊ ဆွုတ်ယွုတ်ခရာႏအဲဉ်ထောဝ်း။\nရဟန်ꩻသီးဖုံႏဟွေး-\n၄။ ရဟန်ꩻသီးဖုံႏနဝ်ꩻ ပေါႏအဝ်ႏရိုႏသေႏနေက ဗွေႏဗွန်ဖြား ဗွေႏဗွန်တန် (သံဃာႏအတန်)၊ ပေါႏအဝ်နာႏနေက ဗွေႏဗွန်ဖြား ဗွေႏဗွန်တန် (သံဃာႏအတန်)သီးငေါဝ်းနဝ်ꩻ အဝ်ႏစီꩻပွါꩻတိုꩻတက်တာႏလွုမ်ꩻ၊ ဆွုတ်ယွုတ်ခရာႏအဲဉ်ထောဝ်း။\nရဟန်ꩻသီးဖုံႏဟွေး-\n၅။ ရဟန်ꩻသီးဖုံႏနဝ်ꩻ ပေါႏတလွောက်ꩻလွဉ်ꩻတောဝ်းဒွိုန်းက မာꩻဒါႏဘဝ၊ လောႏဘꩻတဏှာႏအလိုႏနောဝ်ꩻ အဝ်ႏစီꩻပွါꩻတိုꩻတက်တာႏလွုမ်ꩻ၊ ဆွုတ်ယွုတ်ခရာႏအဲဉ်ထောဝ်း။\nရဟန်ꩻသီးဖုံႏဟွေး-\n၆။ ရဟန်ꩻသီးဖုံႏနဝ်ꩻ ပေါႏသꩻအဝ်ႏမဉ်အုံနေက (တခြာကို)ကျောင်ꩻတောႏရꩻနဝ်ꩻ အဝ်ႏစီꩻပွါꩻတိုꩻတက်တာႏလွုမ်ꩻ၊ ဆွုတ်ယွုတ်ခရာႏအဲဉ်ထောဝ်း။\nရဟန်ꩻသီးဖုံႏဟွေး-\n၇။ ရဟန်ꩻသီးဖုံႏနဝ်ꩻ တလꩻဖျော်လွဉ်ဒွိုန်း ရဟန်ꩻဟောဝ်သိးဖုံႏ ဖေႏနေးကဖျော်လွဉ်၊ ကဖျော်လွဉ်လဲဉ်း ရဟန်ꩻဟောဝ်သီးဖုံႏ ဖေႏနေးကအုံဗာႏ ချမ်ꩻချမ်ꩻသာႏသာႏ၊ စွုမ်ႏပီးစွုမ်ႏပါꩻ ပေါႏအဝ်ႏမာꩻဖေႏနေကနုဲင်းနဝ်ꩻနဝ်ꩻ အဝ်ႏစီꩻပွါꩻတိုꩻတက်တာႏလွုမ်ꩻ၊ ဆွုတ်ယွုတ်ခရာႏအဲဉ်ထဝ်း\"ဗွေႏစဝ်းဘုရာꩻ ဟော်ꩻခါꩻနုဲင်းနဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ သတ္တကနိပါတ်၊ ပဌမသတ္တကသုတ်)\n\nအာႏကွိုꩻ","num_words":390,"character_repetition_ratio":0.15,"word_repetition_ratio":0.131,"special_characters_ratio":0.071,"stopwords_ratio":0.018,"flagged_words_ratio":0.0,"lang_id_score":1.0,"perplexity_score":1200.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%9B%E1%80%AE%E1%80%94%E1%80%B1%E1%80%9E%E1%80%BD%E1%80%94%E1%80%BA%E1%80%B8%E1%80%81%E1%80%B1%E1%80%90%E1%80%BA","collection":"wikipedia","source":"wikipedia","original_code":"blk","text":"ရီနေသွန်းခေတ် (အိန်းကလေတ်: Renaissance) ညဏ်ႏတသာ ပေါ်ႏထန်ႏလွဉ်ဒါႏစိုး ကရိုꩻနဝ်ꩻ အဝ်ႏအီတလီခမ်းထီကို ထွန်ꩻကာꩻလွဉ်စရီး ၁၃ ရျာꩻဗူႏတောမ်ႏ ၁၄ ��ျာꩻဗူႏခိင်ႏ အဝ်ႏနဝ်ꩻမꩻ စွစ်ꩻလီလွေꩻယင်းဒါႏ ဥရောပခမ်းထီဖုံႏကိုနဝ်ꩻ ထွာဒျာႏ ရီနေသွန်းစိုး အခရာႏသွူ။ ဥရောပတွိုက်ကို ကအဝ်ႏဒါႏ ခမ်းထီဖုံႏလဲ့ ထူႏသွူ အီလီခမ်း နမူႏနာႏတဲင် ဖန်ဆင်ꩻတသာသမ်းယင်း လိတ်လုဲင်ꩻ၊ အနုပညာႏ၊ ယေန်ႏငဲးရေꩻ၊ ထာꩻယူႏထာꩻတွေꩻ၊ အယူႏဝါႏဒဖုံႏတဲင် ဖေႏကထင်ႏထိုထွန်ꩻကာꩻထဲင်းထဲင်းနဝ်ꩻ အဝ်ႏခွုမ်မာꩻလွ့ဝင်ꩻကရိုꩻဒါႏ ထာꩻယူႏလဲ့ အဝ်ႏနဝ်ꩻသွူ။ \"ရီနေသွန်း\"ကရိုꩻဒါႏ ငဝ်းဝေါဟာရနဝ်ꩻ ထွာဒျာႏ ပဉ်တစ်ခမ်းထီငဝ်းငွါသွူ။ အဓိပ္ပာယ်ႏနဝ်ꩻ \"ထွာချာယင်း အတသာ\" နုဲင်းနဝ်ꩻသွူ။ ဖုဲင်းထိုꩻသွူ အလီအယတဲင် တယ်ႏထောင်ႏယင်း အတသာနဝ်ꩻသွူ။\n\n၁၉ ရျာꩻဗူႏ လိတ်လုဲင်ꩻပညာႏသျင်ႏသီးနဝ်ꩻ အဝ်ႏအွောန်ႏထွော့လွေꩻ ခေတ်သဖော်ꩻ နုဲင်းကီနဝ်ꩻလဲ့ ၂၀ ရျာꩻဗူႏ လိတ်လုဲင်ꩻပညာႏသျင်ႏသီးနဝ်ꩻ သမ်းဝွေႏဖန်ႏချာယင်း ၁၉ ရျာꩻဗူႏသား ခေတ်အွောန်ႏထွော့ချက်နဝ်ꩻသွူ။ သမဲင်ꩻအလꩻ ၁၃ ရျာꩻဗူႏ တောမ်ႏ ၁၄ ရျာꩻဗူႏနဝ်ꩻ ထွာဒျာႏ ခေတ်ထာႏဝသွူ။ ကွဲႏတွော့ꩻ ၁၉ ရျာꩻဗူႏ လိတ်လုဲင်ꩻပညာႏသျင်ႏသီးနဝ်ꩻ သမ်းယူႏလုဲင်ႏဒျာႏ ခေတ်နဝ်ꩻနဝ်ꩻ ထွာဒျာႏ ထာꩻခေ့ꩻခေတ်နဝ်ꩻသွူ။ ကောပ်နဝ်ꩻမꩻ ရီနေသွန်းခေတ်နဝ်ꩻ အခေႏခံႏလွေꩻ ခေတ်ထာႏဝ ယေန်ႏငဲးရေꩻ အအုံအအဝ်ႏတဲင် ခွုမ်မာꩻထင်ႏထိုသမ်းယင်း ခေတ်ဆုဲင်ꩻယေန်ႏငဲးရေꩻအရန်း တရန်းထွူတရန်း နုဲင်းနဝ်ꩻသွူ။ ကောပ်နဝ်ꩻမꩻ ခေတ်ယိုခါ ပညာႏသျင်ႏသီး ထာꩻလိုꩻအနေႏ ညဏ်ႏတသာပေါ်ႏထန်ႏလွဉ် ရီနေသွန်းခေတ် သဖော်ꩻအအဲဉ်ႏချုတ်နဝ်ꩻ ထွာဒျာႏ လွူꩻထောင်ထွားသွူ ယေန်ႏငဲးရေꩻပွိုင်းလဲင်ႏစခါထွူတဲင် ဖန်ဆင်ꩻမွဉ်းဖျင်တသာချာ မာꩻဆန်ꩻမွန်ဗန်တသာချာယင်း ထာꩻစခါနဝ်ꩻဖုံႏ သဖော်ꩻဒျာႏနဝ်ꩻသွူ။\n\nအာႏကွိုꩻ \n\nရီနေသွန်းခေတ်","num_words":137,"character_repetition_ratio":0.088,"word_repetition_ratio":0.0,"special_characters_ratio":0.078,"stopwords_ratio":0.007,"flagged_words_ratio":0.0,"lang_id_score":1.0,"perplexity_score":246033.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%9C%E1%80%AD%E1%80%AF%E1%82%8F%E1%80%92%E1%80%B1%E1%80%AB%E1%80%B7%EA%A9%BB%E1%80%9E%E1%80%AF%E1%80%B6%EA%A9%BB%E1%80%92%E1%80%BB%E1%80%AC%E1%82%8F%E1%80%94%E1%80%AE%E1%80%84%E1%80%9D%E1%80%BA%E1%80%B8%E1%80%9A%E1%80%AC%E1%82%8F","collection":"wikipedia","source":"wikipedia","original_code":"blk","text":"\"လိုႏဒေါ့ꩻသုံꩻဒျာႏ နီငဝ်းယာႏ\"\nကမ္ဘာႏပထဝီႏ ဟံႏတန်အလောင်းယို ကအဝ်ႏဒါႏလိုꩻမျိုꩻဖုံႏ တမျိုꩻတွမ်ႏတမျိုꩻ ကကွာႏဝင်ꩻ၊ တဗွိုန်ပီတဝ်းဝင်ꩻ တွမ်ႏလိုꩻမျိုꩻတမျိုꩻကစဲင်းနဲင်း ကထင်ႏထိုဗာႏနဝ်ꩻ အဓိကအထျꩻ အဝ်ႏလိတ်လုဲင်ꩻ၊ ငဝ်းငွါ၊ အကွဉ်အကꩻ၊ ယေန်ႏငဲးမုꩻဓလေ့ꩻထုံꩻစံႏ စစွဉ်ႏအကျောင်ꩻ အင်္ဂါႏဂုဏ်ႏလက္ခဏာႏဖုံႏယိုနဝ်ꩻသွူ။\n��မ္ဘာႏလောင်းယိုခါ ကအဝ်ႏသွုံꩻဒေါ့ꩻဒါႏငဝ်း တဗွိုန်ပီတဝ်းဝင်ꩻနဝ်ꩻ အဝ်ႏအမျိုꩻ(၆၀၀ဝိ)သူရေင်လွို၊ ငဝ်းနဝ်ꩻ တဖြာꩻတွမ်ႏတဖြာꩻ၊ တဖြာꩻတွမ်ႏအမျာꩻလဲ့နဝ်ꩻ လောကလိုꩻခြောင်ႏခွုင်းအလွောင်ႏအဗူႏကို အချင်ꩻချင်ꩻလဲ့နဝ်ꩻ ဖေႏသေ-အွဉ်ႏဟွိုန်သွုပ်ထေ့ဝင်ꩻခရာႏ အရေꩻတန်ငါႏ တွမ်ႏစူခွုမ်ကိရိယာႏ ဟဝ်တဗာႏဗွိုန်ပီဝင်ꩻ၊ လိတ်လုဲင်ꩻ၊ ငဝ်းငွါဖုံႏယို အုတ်ချုတ်လꩻနွောင်ꩻအီ ကမ္ဘာႏပညာႏအဝ်ႏသား ဒေါ့ꩻရိုꩻခါꩻနုဲင်းနဝ်ꩻသွူ။\nနီပအိုဝ်ႏပွိုင်းလဲင်ႏစခါ အဝ်ႏတွမ်ႏခမ်းထီဟော်နန်ꩻ၊ ခွန်တန်ရာႏဇာႏ စွုံႏစွုံႏယာႏယာႏတဲင် လိတ်လုဲင်ꩻ ငဝ်းငွါ အကွဉ်အကꩻ ယေန်ႏငဲးမုꩻဓလေ့ꩻထုံꩻစံႏ စစွဉ်ႏဂုဏ်ႏအင်္ဂါႏလက္ခဏာႏလဲ့ အဝ်ႏဒျာႏစုံႏစုံႏလင်ႏလင်ႏ၊ ဆုဲင်ꩻဝုဲင်ꩻနဝ်ꩻ ခမ်းကုဲင်ထီပြင်ꩻ၊ ဟော်နန်ꩻဝꩻပြာႏ၊ ခွန်ရာႏဇာႏထင်ႏအဲဉ်ထဝ်း၊ ထန်ႏတဖြဝ်းထိုꩻယေန်သူႏ၊ ပဉ်ဗူႏဗူႏထိုꩻလော်လယ်၊ လွေꩻအဝ်ႏပယ်စောက်ꩻလဲ့ နီငဝ်းဒျာႏထိုꩻမားတစိꩻ၊ လွေꩻအဝ်ႏထေ့ဖြဝ်ꩻလဲ့ ဒေါ့ꩻသွုံꩻစွဉ်ႏငဝ်းသန်းသန်း၊ အုံဗော့ꩻမန်းလဲ့ သုံꩻရော်ꩻစွဉ်ႏပါꩻငဝ်းငွါ၊ မဉ်ႏထွာနုဲင်းယိုခါအနေႏ မဉ်ႏတထိန်ꩻသိမ်ꩻဒေါ့ꩻသွုံꩻချာတဝ်း၊ မဉ်ႏတဲမ်းထန်ႏအွဉ်ႏသေတဝ်းနုဲင်းယိုနဝ်ꩻ ယိုခါနဝ်ꩻတန်ႏတန်ႏ၊ ထဲင်းထင်ႏပိုလီꩻလင်ꩻစိုးသူꩻ ထိုꩻမားစွဉ်ႏအမန်ႏ၊ အဝ်ႏထီႏစွဉ်ႏတအိုအို နုဲင်းမေႏကပြောင်ႏ၊ အဝ်ႏထီႏစွဉ်ႏရောင်ႏရောင်ႏ နုဲင်းမေႏဗို၊ စူꩻယာꩻယို တဗꩻလင်ꩻဟံႏ ပသစ်ဒါႏကလဲ့ နီငဝ်းငွါ ကအီႏထိုꩻမားထိုꩻယိုနဝ်ꩻ ပသစ်တဝ်းရင်ꩻရင်ꩻသွူ။\nကတဲမ်းထန်ႏနယ်လွေꩻဒါႏ နီငဝ်းယာႏဒျာႏယိုနဝ်ꩻ စန်ႏထေတသာငဝ်းငွါမွေးတဝ်း၊ ကအဝ်ႏသုံꩻ ကအဝ်ႏသေလဲဉ်းဒါႏ နီငဝ်းယာႏယို ပွိုးစွဉ်ႏနီနာꩻ စူꩻယိုꩻယာꩻထာꩻ၊ ဒေါ့ꩻရော်ꩻရယ်ꩻပါꩻငဝ်းငွါ၊ လိုꩻဆꩻချာသေထွꩻတဝ်း၊ ရိုꩻဒျာႏနီငဝ်းယာႏ၊ ယံထွာဗာႏမွုန်း ဆုဲင်ꩻချာဝုဲင်ꩻတာႏ နီငဝ်းယာႏယို ယံထိုꩻမားထဲင်းမွုန်းတွမ်ႏယံဒေါ့ꩻသွုံꩻရော်ꩻမွုန်းဝင်ꩻ ငဝ်းငွါလဲ့မွေးမွေး၊ နီငဝ်းအဝ်ႏဒျာႏ ကသုံꩻဒေါ့ꩻရော်ꩻတေားပါꩻငွါꩻ ချာႏပြန်ႏချာဖေႏလဲ့ပါပါ၊ ပါꩻငဝ်းကချာႏပြန်ႏချာဗာႏနုဲင်းယိုနဝ်ꩻ နီယိုလွုမ်ꩻမွေးတဝ်း၊ လိုꩻမျိုꩻလင် ခမ်းထီသားလဲ့ အဝ်ႏဖန်ပြောင်ꩻချာႏ၊ အဝ်ႏပြန်ႏချာဒျာႏနေနေ၊ ဝေင်ꩻရန်ႏကွုန်ႏကို တဖူꩻမဉ်ꩻကဖန်လဲဉ်းဒါႏ တွမ်ႏလိုꩻမျိုꩻလင်ငဝ်းငွါ လုဲင်ႏပြောင်ꩻဖန်တွမ်ႏ ဝွေꩻသီးငဝ်းယာႏ-\n���ပမာႏ-\n(၁) မဂိုးတဖူꩻ- ရွှေဘုံသာတဖူꩻ (၂) ဂေါ်ဒွင်- မြို့မကျောင်ꩻ (၃) တရန်စပို့- အာဇာနည် (၄) ဝိတိုရိယ - ရတနာ (၅) ဘိုးလိန်း - ဗညာႏဒလ (၆) ကရစ်တဖူꩻ - သိင်္ဂီတဖူꩻ (၇) ဆော်လမွန်-ဥယျာဉ် (၈) ဝိလျံ- သီတာအေး (၉) ဟာဒင်- အောင်သုခ စစွဉ်ႏနုဲင်းနဝ်ꩻ အလင်ဖုံႏတဲ့ အဝ်ႏအာတန်သွူ။\n\"လိုႏဒေါ့ꩻသွုံꩻဒွုမ်- လိုႏဒေါ့ꩻသွုံꩻဒျာႏ'\n(၁) ကလေးထိန်း- ထိန်ꩻလိုꩻပေႏ (၂) ကာတွန်း- ရုတ်တယွို့ (၃) ကာလာကာ- ပိတ်ယွိုင်ႏ (၄) ကာꩻမောက်- ကာꩻဝꩻဖေါဝ်ꩻ (၅) ကာꩻတဲက်ဝင်ꩻ- ကာꩻတလူႏဝင်ꩻ (၆) ကာꩻရှေ့ခန်း- ကာꩻအခန်ꩻငါ (၇) ကာꩻဂိတ်- ကာꩻဆိတ် (၈) ကာꩻဂိတ်မှူး-ကာꩻဆိတ်ဗွေႏ (၉) ကာꩻလက်မတ်-ကာꩻလိတ်မတ် (၁၀) ကာꩻဗိန်းပေါက်-ကာꩻရာႏတို (၁၁) ကာꩻမတ်တဲင်ႏ-ကာꩻအုံထွိုင်ႏခင်ႏလမ်း (၁၂) ကာꩻနှစ်လုံးထိုး-ကာꩻနီဖြုံႏအာႏ (၁၃) ကာႏကွယ်ႏ-ရဲးအွဉ် (၁၄) ကုလာပဲ-ဗေဟံႏခယ်ႏ (၁၅) ကူꩻမိတ္တူ-ကူꩻဗွိုန် (၁၆) ကူႏညီႏဝင်ꩻ-စွဲးကိုဝင်ꩻ (၁၇) ကေꩻဇူႏတင်ႏငါႏ-ကေꩻဇူꩻတန်ငါႏ (၁၈) ကျော်တကတ်ꩻလုဲင်း-ကာႏတကတ်ꩻလုဲင်း (၁၉) ကျောႏညာႏ-အွဉ်ႏဟွိုန် (၂၀) ကပ်ꩻလိတ်-ဒပ်ꩻလိတ် (၂၁) ကဝ်ႏနင်းဆီ-ကဝ်ႏတဆံꩻထီ (၂၂) ကဝ်ႏရွက်လှ-ကဝ်ႏလာႏတရေꩻ(ကဝ်ႏတခေါ့ꩻ) (၂၃) ကဝ်ႏမဲးဖြဲး-ကဝ်ႏဟွမ်ခေ့ꩻ (၂၄) ကျွေꩻမွေꩻ-လွူးတဲင်တံꩻ (၂၅) ကဲက်တဝ်း-မဲဉ်ႏတဝ်း (၂၆) ကဲက်ညီႏတဝ်း-မဲဉ်ႏတနꩻတဝ်း (၂၇) ကျောက်ကပ်ရောႏဂါႏ-ကျောက်တယ်ႏရောႏဂါႏ (၂၈) ကျောင်ꩻတော်ꩻ-ကျောင်ꩻဒုံ\/ကျောင်ꩻတခြာ (၂၉) ကျောင်ꩻပိတ်-ကျောင်ꩻပေ့ꩻ (၃၀) ကွမ်းယာဆဲင်ႏ-ဆဲင်ႏဖောႏပြူး (၃၁) ကိုယ်ႏစာꩻ-နမ်းတင် (၃၂) ကိုယ်ႏစာႏလယ်ႏ-နမ်းခြောင်ꩻတင် (၃၃) ကိုယ်ႏပဲင်ႏ\/ကိုယ်ႏတဲင်ႏ-နမ်းရင်ꩻ (၃၄) ခဲဒန်-ကံသေင်ႏ (၃၅) ခဲဖျတ်-ကံထိုꩻ (၃၆) ခေါင်ꩻလောင်ꩻ-ဟိန်ႏ (၃၇) ခေါင်းဆောင်-အွဉ်ငါ (၃၈) ခေါင်းလိမ်းဆီ-နံးမန်ꩻသူႏကလူꩻ (၃၉) ခေါင်းလျှော်ရည်-ခမ်းဒဲင်(ပသွူႏကလူꩻထီ) (၄၀) ခန်းဆီး-လုတ်ꩻယွိုင်ႏ (၄၁) ခေါဝ်းပုတ်ꩻ-ဗွူအဲဉ်ထောင်း (၄၂) ခေါဝ်းမွန်ꩻခွေႏ-တခိုးဝဲဉ်ꩻ(တခိုးခွေႏ) (၄၃) ချော့ꩻဖေႏအငိုꩻ-အွဉ်ႏယွမ်ꩻဖေႏအငိုꩻ(အခန်) (၄၄) ဂျောက်လဲ့-လိတ်စီꩻနာစံႏပျာႏ (၄၅) ဂျောက်လဲ့စံပယ်ဖူး-လိတ်စီꩻနာလစ်ꩻစဲင်ႏ (၄၆) ချင်ႏထောင်ႏ-ရဲးတခြေ့ (၄၇) ချဉ်းကောႏ-ချင်ႏကောႏ (၄၈) ခွယ်ꩻဝင်ꩻ-ဖြယ်ဝင်ꩻ (၄၉) ချွေတာရွဉ်-ဆေ့ꩻရေးရွဉ် (၅၀) ခွမ်ꩻလာꩻရွှေနား-ခွမ်ꩻလာꩻမော့ရဲပ်ခံꩻ (၅၁) ခဲဉ်ႏကျော်-ခဲဉ်ႏချော့ (၅၂) ဂဏန်ꩻပေါင်ꩻစက်-ဂဏန်ꩻခြွဉ်းစက် (၅၃) ငါးကာꩻ-ခတ်ꩻကာꩻ (၅၄) ငါးလိတ်အုပ်-ခတ်ꩻလိတ်အုပ် (၅၅) ငါးမှုန့်ကျော်-ထဖွန်ႏဆျော့ (၅၆) ငံ��ြာရေ-ဟန်ႏဆွံထီ (၅၇) ငယ်ႏပြန်ႏ-ပေႏချာကွင်ကယ် (၅၈) စတီးချိုင့်-စတီးအံဆွဲး (၅၉) စာကဲက်တဝ်း-စာအငိုꩻမဲဉ်ႏတဝ်း (၆၀) စာမေးပွဲး-ပွယ်ꩻရီလိတ် (၆၁) (စာတိုက်)စာတဲက်-လိတ်တွိုက် (၆၂) စုပေါင်ꩻ-စုခြွဉ်း (၆၃) စုံစမ်း-စောႏတနာႏ (၆၄)စက်ဘီး-လောတလီꩻ (၆၅) စည်းရုံးရေး-ထွို့ꩻဗူႏရေꩻ (၆၆) ဆေꩻဦꩻဖေါက်ဒွိုန်း-စွမ်ဗွောင်ရီးဒွိုန်း (၆၇) ဆေးလိပ်-ယာထူ (၆၈) ဆေးခန်း-တသီႏခန်ꩻ (၆၉) ဆေးရုံ-တသီႏယွုံႏ (၇၀) ဆွေꩻနွေꩻ\/တွိုင်ႏပင်ႏဝင်ꩻ-အုံကုမ်ရီရွောင်ဝင်ꩻ (၇၁) ဆက်သွယ်ႏရေꩻ-သွုပ်ထေ့ရေꩻ (၇၂) ဆက်ဆံႏရေꩻ-ကွိုက်ꩻပေါင်ꩻရေꩻ (၇၃) ဆန်ပျုတ်-ဒဲဉ်ပဲစ်ꩻ\/ဒဲဉ်ခြွူ (၇၄) ဆွုံꩻဖျတ်ချက်-အွဉ်ႏထွော့ချက် (၇၅) ဇာတ်လမ်း-ဇာတ်တွယ်ꩻ (၇၆) ဇာတ်ညွန်း-တဲမ်းနယ်သား (၇၇) ညဈေး-ဆေꩻမွူးဟာ (၇၈) ညီႏညွတ်ဝင်ꩻ-ဖြွမ်းဗူႏဝင်ꩻ (၇၉) တခြမ်းသေ-သီတခဝ် (၈၀) တသီႏဖျန်း-တသီႏဆဲစ်ꩻ (၈၁) တသီႏကာႏကွယ်ႏ-တသီႏရဲအွဉ် (၈၂) တဖါ-တတွိုက် (၈၃) တထုတ်-တလွမ် (၈၄) တခေါက်-တပြန်ႏ (၈၅) တသီႏထိုး-တသီႏဆဲ့ꩻ (၈၆) တလက်မ-တစူမွူး (၈၇) တမဲင်ႏ(တစ်မိုင်)-တလက်ꩻ (၈၈) တပတ်ရစ်-အတခြို (၈၉) တစ်ကိုယ်တော်-နမ်းတဖြာꩻ (၉၀) တောႏထွက်-ထန်ႏတခြာ (၉၁) တံႏဆိတ်-အမိတ် (၉၂) တံꩻတွိုင်ꩻ-ဆေင်ႏဝဲင်ꩻ (၉၃) တံဆိတ်ခေါင်း-လိတ်ကတူႏမိတ် (၉၄) တိုꩻတက်ငါႏ-ထင်ႏထိုငါႏ (၉၅) တဲင်းပတာꩻ-တဲက်ပတာꩻ (၉၆) တင်ႏဘုရာꩻထီꩻ-ဒင်ႏဘုရာꩻထီꩻ (၉၇) တည်းဖြတ်-ခြွူႏတဒွေါ့ꩻ (၉၈) တန်ႏဖိုꩻ-အငိုꩻ (၉၉) ထပေႏကျော်-ထပေႏဆျော့(ငိုး) (၁၀၀) ထီဗူး-ထီဗုတ်ꩻ (၁၀၁) ထီလျားဗူး-ထီလျားဗုတ်ꩻ (၁၀၂) ထီခယ်ꩻ(ရေခဲ)-ထီအောင်ႏ(ဝ) (၁၀၃) ထိုးတသီႏ-ဆဲ့ꩻတသီႏ (၁၀၄) ထိုးတလီꩻ-သော့ꩻတလီꩻ (၁၀၅) ထိုꩻလက်မတ်-တဲမ်းစူမုဲင်\/အွဉ်ႏလင်ꩻစူမုဲင် (၁၀၆) ဌာႏနခွယ်ꩻ-ဌာႏနဖြယ် (၁၀၇) ဒါရိုက်တာ-အွဉ်ႏနယ်သား (၁၀၈) ဒီဇယ်-ထီနမ်းမန်ꩻတနျာႏ (၁၀၉) ဒေါ့ꩻပီးပျတ်တဝ်းထာꩻ-ဒေါ့ꩻထွူထဲ့တဝ်းထာꩻ (၁၁၀) ဒင်ႏတေားတခေါက်-ဒင်ႏတေားတလဲင်ႏ (၁၁၁) ဒဲဉ်ပေါင်းအိုး-ဒဲဉ်ခြောင်ဖွိုင်ꩻ (၁၁၂) ဒဲဉ်ချိုင့်-ဒဲဉ်အန်ဆွဲး (၁၁၃) ဓာတ်ဆီ-ထီနံးမန်ꩻဗွာ (၁၁၄) ဓာတ်ခယ်ꩻ-မေႏဓာတ်ရာႏ (၁၁၅) ဓာတ်ဆဲင်-ထာꩻရုတ်မွန် (၁၁၆) ဓာတ်ဗူး-ဓာတ်ဗုတ်ꩻ (၁၁၇) နလုံꩻ-သꩻရာႏ (၁၁၈) နလုံꩻသွင်ꩻ-သွင်ꩻသော့ꩻသꩻကို (၁၁၉) နာꩻလွဉ်နောက်ကျငါႏ-နာꩻလွဉ်ထဲ့ဆုဲင်ꩻငါႏ (၁၂၀) နားလယ်တဝ်း-သေနာႏတဝ်း (၁၂၁) နားပေါက်တဝ်း-နားဗွောင်တဝ်း (၁၂၂) နံပါတ်-အမုဲင် (၁၂၃) နောက်ကျဝင်ꩻ-ထဲ့ဆုဲင်ꩻဝင်ꩻ (၁၂၄) နောင်ခါꩻပေါက်-နောင်ခါꩻငွါ (၁၂၅) နဲင်ႏငန်ႏချာꩻ-ခမ်းလင် (၁၂၆) ပညာႏသျင်ႏ-ပညာႏဗ���ေႏ (၁၂၇) ပညာႏရှိ-ပညာႏအဝ်ႏ (၁၂၈) ပါကင်ပိတ်-ပေ့ꩻသီနေး (၁၂၉) ပေတံ-မဲင်ꩻတံႏ (၁၃၀) ပဲခြမ်း\/ပဲလော်-ဗာႏခဝ်\/ဗာႏငိုး (၁၃၁) ပီးပျတ်တဝ်း-ထွူထဲ့တဝ်း (၁၃၂) ပုံသေ-ပုံႏသီ (၁၃၃) ပေါင်းအိုး-ဖွိုင်ꩻခြောင် (၁၃၄) ပျုပျင်ႏ-မွဉ်းဖျင် (၁၃၅) ပျုတ်လဲဉ်း-လွတ်ꩻလဲဉ်း (၁၃၆) ပဲက်ဆန်-ရွဉ် (၁၃၇) ပတ်သဲစ်-ပွိုင်းဝွို့ (၁၃၈) ပန်းနမ်း-ထေင်ဖြေင်း (၁၃၉) ပိတ်မေႏခလုတ်-ပေ့ꩻမေႏမောင်ꩻ (၁၄၀) ပျောက်လို့လဲဉ်း-ထိုꩻမားလို့လဲဉ်း (၁၄၁) ပြောင်ႏယစ်-ပြောင်ꩻရဲစ်ꩻ (၁၄၂) ပွင်ꩻပွင်ꩻလန်ႏလန်ႏ-ခြောင်ခြောင်ဒေါင်ဒေါင် (၁၄၃) ဖယောင်ꩻတဲင်ႏ-တရꩻလီး (၁၄၄) ဖေႏငါးဟူတဗူး-ဖေႏဟလူတဗုတ်ꩻ (၁၄၅) ဖေႏငါးနာꩻပဲက်ဆန်-ဖေႏလနာꩻရွဉ် (၁၄၆) ဖေါက်ဆေꩻဦꩻ-ဗွောင်စွမ်ရီး (၁၄၇) ဖေါက်သယ်ႏခန်-အရွံꩻခန် (၁၄၈) ဖေါင်တဲင်-ကံထီ (၁၄၉) ဖွဲ့ဗူႏအစွိုꩻ-လွောင်ႏဗူႏအစွိုꩻ (၁၅၀) ဖျတ်ပဲင်ႏ-လိတ်လာႏကွို့ꩻ (၁၅၁) ဖျတ်ကာꩻလက်မတ်-အဲ့ꩻကာꩻလိတ်မတ် (၁၅၂) ဖျတ်ကာႏဆꩻငါ-လွေꩻကာႏဆꩻငါ (၁၅၃) ဖျတ်ဒဝ်-ကံရွိုင်ꩻဒဝ် (၁၅၄) ဖျတ်ဆေႏလိပ်-ကံရွိုင်ꩻယာထူ (၁၅၅) ဖျတ်ထဲ့လုဲင်း-မာꩻထဲ့လုဲင်း (၁၅၆) ဖျတ်ထန်ႏလုဲင်း-လွတ်ꩻထန်ႏလုဲင်း (၁၅၇) ဖျတ်လမ်း-တဖူꩻဒွေါင်ႏ (၁၅၈) ဖဲစ်ဖေ့လုဲင်း-မာꩻဖေ့လုဲင်း (၁၅၉) ဖျတ်တန်ႏဖိုꩻ-ထွော့အငိုꩻ (၁၆၀) ဗူးခြေင်-ဗုတ်ꩻခြေင် (၁၆၁) ဘီဒို-တတွိုက်ထွိုင်ႏ (၁၆၂) ဘောပင်-ကံစွိုန်ꩻ (၁၆၃) ဘော်လုံးအသင်း-ဘော်လုံးအစွိုꩻ (၁၆၄) မဟာဖြေဆေး-တသီႏမာꩻဆာႏဟဝ်(တသီႏဖြေႏ) (၁၆၅) မီးပူ-မေႏလျား (၁၆၆) မူပဲင်(ပိုင်)-ခွုမ်ပဲင်ႏ (၁၆၇) မေႏတဲင်ႏ-မေႏလီး (၁၆၈) မေႏခလုတ်-မေႏမောင်ꩻ(မေႏခြဲ့) (၁၆၉) မေႏလဲက်ပါꩻ-မေႏငင်ႏပါꩻ (၁၇၀) မေႏဆွစ်(ရှော့)ဝင်ꩻ-မေႏခွိုင်းဝင်ꩻ (၁၇၁) မေႏဖန်ချောင်း-မေႏပြောင်ႏ (၁၇၂) မွေးစာႏရင်ꩻ-လွူးစာႏရင်ꩻ (၁၇၃)  မွေးဖါးသက္ကရာဇ်-လွူးလင်ꩻနေင်ႏ (၁၇၄) မွေးနေ့-လွူးမွူးနီꩻ (၁၇၅) မတ်ပုံတင်-နမ်းမုဲင် (၁၇၆)  မန်လုံ-မန်ႏပစ်ꩻ (၁၇၇) မိတ္တူ-ဗွိုန် (၁၇၈) မြို့မဆေꩻ-ဆေꩻဝေင်ꩻထာႏဝ (၁၇၉) မြို့လည်ဓမ္မာရုံ-ဓမ္မာႏရုံႏဝေင်ꩻကဲဉ် (၁၈၀) မြို့ပတ်လမ်း-တဖူꩻလေပ်ဝေင်ꩻ (၁၈၁) ယဲက်လိတ်-တွယ်ႏလိတ် (၁၈၂) ယဲက်ဓာတ်ပုံႏ-တွယ်ႏဓာတ်ပုံႏ (၁၈၃) ရာထူးပြုတ်-လွတ်ꩻထိုꩻထာꩻမာꩻ (၁၈၄) ရာခိုင်နှုန်း-ရျာꩻခေါင်ꩻ (၁၈၅) ရေနံထီ-ထီနွံꩻဟေ့ꩻ (၁၈၆) ရေသန့်ဗူး-ထီကြောင်းဗုတ်ꩻ (၁၈၇) ရေနွေးအိတ်-ထီလျားပုံႏ (၁၈၈) ရေခဲချောင်း-ဝလီး (ထီအောင်ႏလီႏ) (၁၈၉) ရေခဲသေတ္တာ-ထီအောင်ႏတွိုက် (၁၉၀) ရောႏဂါႏကူꩻဒါႏ-ထာꩻဆာရဒါႏ (၁၉၁) ရုပ်ပြောင်-ရုပ်သဲ့ꩻ (၁၉၂) ရုပ်မြင်သံကြား-ထီႏအရုတ်ဟွိုန်ငဝ်း (၁၉၃) ရင်ထိုး-ဒျꩻသꩻအင် (၁၉၄) ရွှေနား-အမော့ရဲပ်ခံꩻ (၁၉၅) ရွဉ်ယန်ႏပုံႏ-ရွဉ်တောင်ႏတာႏ (၁၉၆) ရိပ်သာ\/မိုးကုတ်ရိပ်သာ-အဟေ့ꩻရျူႏ\/မိုးကုတ်ဟေ့ꩻရျူႏ (၁၉၇) လေ့ကျင့်-လွောက်ꩻလွူꩻ (၁၉၈) လေ့လာပါ-ထွားတေ့ꩻ (၁၉၉) လေထိုး-သော့ꩻတလီꩻ (၂၀၀) လေးစားဒျာႏ-အံႏသွင်ꩻဒျာႏ (၂၀၁) လူငယ်ခေါင်းဆောင်-အွဉ်ငါလိုꩻယွဲး (၂၀၂) လောလောဆယ်ဆယ်-ယိုခါခဲ့ꩻခဲ့ (၂၀၃) လောင်းတထွန်ႏ-သွဉ်ꩻတထွန်ႏ (၂၀၄) လောင်းသော့ꩻထဲင်း-လောႏသော့ꩻထဲင်း (၂၀၅) လိုꩻကပျား-လိုꩻရော်ꩻရယ်ꩻ (၂၀၆) လိုꩻတော်ꩻ-လိုꩻဒုံ\/လိုꩻတခြာ (၂၀၇) လိုꩻဦးရေ-လိုꩻနပ်ရေꩻ (၂၀၈) လုံႏချုံႏရေꩻ-လုမ်းဗဉ်ႏရေꩻ (၂၀၉) လွေꩻဖျတ်လမ်း-လွေꩻတဖူꩻဒွေါင်ႏဖဲ့ꩻ (၂၁၀) လွေꩻငါးကာꩻ-လွေꩻခတ်ꩻကာꩻ (၂၁၁) လွေꩻဒါရဲက်-လွေꩻစွဉ်ႏသွူး (၂၁၂) လက်ဆောင်ႏ-စူခူꩻ (၂၁၃) လက်သ္မာစွိုꩻ-မာꩻစူသားစွိုꩻ (၂၁၄) လက်ရွေးစင်-လွိုက်ရွေꩻနေး (၂၁၅) လက်ဟောင်ꩻ-အစားလီꩻ (၂၁၆) လက်ခံႏဆွုမ်ႏ-ထူႏဆွုမ်ႏ (၂၁၇) လန်ႏစေးလာႏ-ဖွိုတ်ꩻစေးလာႏ (၂၁၈) လမ်းနံပါတ်-လမ်းအမုဲင် (၂၁၉) လိတ်မူ-လိတ်ဇာတိ (၂၂၀) လိပ်စာ-ခင်ႏလမ်းအုံ (၂၂၁) လွယ်ꩻလင်ꩻရွဉ်-သော့ꩻလင်ꩻရွဉ် (၂၂၂) ဝက်ခေါက်-ထော့ꩻပေါင်ႏ (၂၂၃) ဝမ်ꩻမျောက်ဝမ်ꩻသာႏ-ဟွိုန်ဟဝ်သꩻရေꩻ (၂၂၄) ဝမ်းဆွဲဆရာႏမူႏ-ဆရာႏမူႏလွူးဖေႏပို (၂၂၅) သရုပ်ဆောင်-ပုံႏဆောင်ႏ (၂၂၆) သဖော်ꩻတူႏ-သဖော်ꩻလꩻဗွိုန် (၂၂၇) သꩻဝင်ႏစာꩻတဝ်း-သꩻစွယ်ꩻတဝ်း (၂၂၈) သာရေးနာရေး-ဆာရေꩻသီရေꩻ (၂၂၉) သာသနာဝင်မှတ်တမ်း-နွို့သာႏသနာႏမုဲင် (၂၃၀) သားဖွါး-လွူးလိုꩻပေႏ (၂၃၁) သူနာပြု-ထွားကိုလိုꩻဆာ (၂၃၂) သံလိုက်တုံး-ပသီႏငင်ႏခြုံး (၂၃၃) သံပရိန်-ပသီႏယာꩻ (၂၃၄) သျားငါႏ(ရှားတယ်)-ခြေားငါႏ (၂၃၅) သွေးသောက်-သင်္ဂျိုဟ်ႏရံႏ (၂၃၆) သွေးတိုး-သွီႏထင်ႏ (၂၃၇) သတ်မတ်ပုံသေ-အွဉ်ႏထွော့ပုံႏသီ (၂၃၈) သက်(ဆက်)ဖုန်း-သွုပ်ငဝ်း(သွုပ်ဖုန်း) (၂၃၉) သွုပ်ဒါရဲက်-သွုပ်စွဉ်ႏသွူး (၂၄၀) သွုံꩻသပ်-နပ်တွက် (၂၄၁) ဟူတအိတ်-ဟူတပုံႏ (၂၄၂) ဟူတဗူး-ဟူတဗုတ်ꩻ (ဟူတဒေါင်ႏ) (၂၄၃) ဟင်းချိုမုန့်-ဟန်ႏအိုအွီႏဖွန်ႏ (၂၄၄) အနုံꩻ-အခန် (၂၄၅) အစီꩻဝွေꩻ-ပွယ်ꩻမော့ꩻခွဲ (၂၄၆) အငိုꩻကဲက်တဝ်း-အငိုꩻမဲဉ်ႏတဝ်း (၂၄၇) အသံချဲ့စက်-စက်ခြဲ့ꩻငဝ်း (၂၄၈) အမူအယာ-အလွိုးအငုဲင်ꩻ (၂၄၉) အပေါက်-အငွါ (၂၅၀) အဖွဲ့အစည်း-အလွောင်ႏအဗူႏ (၂၅၁) အကျံႏအဉာဏ်ႏ-ဖေႏဉာဏ်ႏ (၂၅၂) အခယ်ꩻလဲဉ်း(ခဲပြီး)-အအောင်ႏလဲဉ်း (၂၅၃) အာႏပျတ်ထိုꩻ-အာႏလို့ထိုꩻ (၂၅၄) အားလုံးလို့လို့-ခွိုင်းကားလို့လို့ (၂၅၅) အဲယားကွန်း-တလီꩻခွꩻစက် (၂၅၆) အောင်ႏလက်မတ်-အောင်ႏလိတ်အွဉ်ႏသေ (၂၅၇) အုံယတ်လုဲင်း-အုံထွိုင်ႏလုဲင်း (၂၅၈) အင်္ဂျင်ဝိုင်-စက်နံးမန်ꩻ (၂၅၉) အွတ်ꩻဘလောက်-အွတ်ꩻပွိုင် (၂၆၀) အွဉ်ႏယတ်ထာꩻမာꩻ-အွဉ်ႏဆွိုးထာꩻမာꩻ (၂၆၁) အွဉ်ႏယတ်ကာꩻ-အွဉ်ႏထွိုင်ႏကာꩻ (၂၆၂) အွဉ်ႏယတ်တဆင်ႏ-အွဉ်ႏထွိုင်ႏတဆင်ႏ (၂၆၃) အိတ်တဖြုံႏ-တခီတဖြုံႏ (၂၆၄) အိန်ႏခေႏ-လမ်းငင်း (၂၆၅) အိန်ကျောင်း-အရန်းကျောင်ꩻ (၂၆၆) အိန်ႏတာႏ(အိမ်သာ)-တရေႏအိန်ႏ (၂၆၇) အိမ်ထောင်စုဇယား-လမ်းကိုလိုꩻစာႏရင်ꩻ (၂၆၈) ဦးရေ-နပ်ရေꩻ (၂၆၉) အယ်ဒီတာ-ခြွူႏတဒွေါ့ꩻ\nနီပအိုဝ်ႏကဒေါ့ꩻသွုံꩻဒါႏ ငဝ်းငွါဝေါဟာရဖုံႏနဝ်ꩻ အဝ်ႏအာတန်၊ တရပ်တွမ်ႏတရပ် တဗွိုန်တဝ်းဝင်ꩻလဲ့အဝ်ႏသွူ။\nကတဲမ်းနယ်ထန်ႏ၊ ကချာႏပြန်ႏဖေႏ(၉၉၉-၂၇၀)ဖြုံႏတာႏ ပထမအာႏယိုနဝ်ꩻ အမျာꩻဒေါ့ꩻသွုံꩻဗော့ꩻရာꩻ သေထွꩻရာꩻငဝ်းငွါဖုံႏဒျာႏနဝ်ꩻမꩻ မဉ်ႏမွေးမဲဉ်ႏဒျာႏလဲ့ ကထွာသꩻရက်ခွိုꩻ ကအဝ်ႏဒါႏပုဂ္ဂိုလ်ႏ၊ ထာꩻသေပညာႏကအဝ်ႏဒါႏပုဂ္ဂိုလ်ႏ တွမ်ႏတဲမ်းဆရာႏပုဂ္ဂိုလ်ႏဖုံႏ အွဉ်ႏဒေါ့ꩻသွုံꩻ တဲမ်းသော့ꩻသွုံꩻလွေꩻသွော့ လိတ်အုပ်လိတ်စောင်ႏကို၊ တမွေးမဲဉ်ႏစွို့ꩻစွဉ်ႏတဝ်း မဉ်ႏမော့ꩻ၊ မဉ်ႏလိုႏထဲမ်ဖျင်သော့ꩻထဲင်းဒါႏ မဉ်ႏအဝ်ႏလဲ့ စုရွမ်တဲမ်းဖေႏ စွုံႏစွုံႏလင်ႏလင်ႏ ပသာထေ့ချာသွော့ ဒဲဉ်သီႏလက်ဆောင်ႏလိတ်အုပ် ခြွူႏတဒွေါ့ꩻ(အယ်ဒီတာ-တည်းဖြတ်)သား အစွိုꩻထျꩻ၊ ယိုခါ ခိန်ႏခါႏအလꩻ၊ လိုႏစုရွမ်ထေထန်ႏတွမ်ႏ လိုႏချာႏပြန်ႏချာယင်း နီငဝ်းငွါယာႏ(တစွိုး) လိုႏလွောင်ႏဗူႏလွေꩻငဝ်းငွါ ဝေါဟာရ စုရွမ်ထေထန်ႏ ချာႏပြန်ႏရေꩻအစွိုꩻတဲင် အဝ်ႏလိုႏစုရွမ် ထေထန်ႏချာႏပြန်ႏလွေꩻမွိုင်လဲဉ်း နီလိုꩻမျိုꩻငဝ်းငွါယာႏယာႏဝေါဟာရဇာႏတိသွူ။\n\nအာႏကွိုꩻ \n\nဘာႏသာႏငဝ်းငွါ","num_words":2547,"character_repetition_ratio":0.021,"word_repetition_ratio":0.0,"special_characters_ratio":0.146,"stopwords_ratio":0.008,"flagged_words_ratio":0.0,"lang_id_score":1.0,"perplexity_score":728.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%9C%E1%80%AD%E1%80%AF%EA%A9%BB%E1%80%84%E1%80%90%E1%80%BA%EA%A9%BB%E1%80%85%E1%80%AC%E1%80%B8-%E1%80%84%E1%80%9D%E1%80%BA%E1%80%B8%E1%80%81%E1%80%90%E1%80%BA%EA%A9%BB%E1%80%94%E1%80%AC%E1%80%B8","collection":"wikipedia","source":"wikipedia","original_code":"blk","text":"\"ဒုက္ကထာသုတ် (လိုꩻငတ်ꩻစား-ငေါဝ်းခတ်ꩻနားငတ်ꩻမျိုꩻ)\"\nရဟန်ꩻသီးဖုံႏဟွေး-\n၁။ အသဒ္ဓဿ သဒ္ဓါကထာ ဒုက္ကထာ-\nလိုꩻသဒ္ဓါႏတရာꩻ တအဲဉ်ထဝ်းနဝ်ꩻ ပေါႏဒေါ့ꩻသဒ္ဓါႏတရာꩻခရာႏတဲ့ ထွာစွဉ်ႏငေါဝ်းခတ်ꩻနား၊ ထွာစွဉ်ႏငေါဝ်းဟောဝ်တဝ်း၊ ကွပ်ထမုဲင်ꩻနဲတဲင် ဝွေꩻနဝ်ꩻ သဒ္ဓါႏတရာꩻအဲဉ်ထဝ်းတွော့ꩻ ပေါႏဒေါ့ꩻတဲ့ ရော့ꩻဒွုမ်အနား သꩻလျား��ွဉ်ႏထာꩻနောဝ်ꩻသွူ။\n၂။ ဒုဿီလဿ သီလကထာ ဒုက္ကထာ-\nလိုꩻသီႏလ တအဲဉ်ထဝ်းနဝ်ꩻ ပေါႏဒေါ့ꩻသီႏလခရာႏတဲ့ ထွာစွဉ်ႏငေါဝ်းခတ်ꩻနား၊ ထွာစွက်ႏငေါဝ်းဟောဝ်တဝ်း၊ ပွိုးထမုဲင်ꩻနဲတဲင် ဝွေꩻနဝ်ꩻ သီႏလအဲဉ်ထဝ်းတွော့ꩻ ပေါႏဒေါ့ꩻတဲ့ ရော့ꩻဒွုမ်အနား သꩻလျားစွဉ်ႏထာꩻနောဝ်ꩻသွူ။\n၃။ အပ္ပဿုတဿ ဗာဟုသစ္စကထာ ဒုက္ကထာ-\nလိုꩻအထီႏအဟွူန်ဆေ့ꩻနဝ်ꩻ ပေါႏဒေါ့ꩻဗဟုသုတခရာႏတဲ့ ထွာစွဉ်ႏငေါဝ်းခတ်ꩻနား၊ ထွာစွက်ႏငေါဝ်းဟောဝ်တဝ်း၊ ကွပ်ထမုဲင်ꩻနဲတဲင် ဝွေꩻနဝ်ꩻ ဗဟုသုတအဲဉ်ထဝ်းတွော့ꩻ ပေါႏဒေါ့ꩻတဲ့ ရော့ꩻဒွုမ်အနား သꩻလျားစွဉ်ႏထာꩻနောဝ်ꩻသွူ။\n၄။ မစ္ဆရိယဿ စာဂကထာ ဒုက္ကထာ-\nလိုꩻစေꩻနဝ်ꩻ ပေါႏဒေါ့ꩻထာꩻလူႏ စာႏဂခရာႏတဲ့ ထွာစွဉ်ႏငေါဝ်းခတ်ꩻနား၊ ထွာစွဉ်ႏငေါဝ်းဟောဝ်တဝ်း၊ ပွိုးထမုဲင်ꩻနဲတဲင် ဝွေꩻနောဝ်ꩻ လိုꩻစေꩻတွော့ꩻ ပေါႏဒေါ့ꩻတဲ့ ရော့ꩻဒွုမ်အနား သꩻလျားစွဉ်ႏထာꩻနောဝ်ꩻသွူ။\n၅။ ဒုပ္ပညဿ ပညာကထာ ဒုက္ကထာ-\nလိုꩻပညာႏ တအဲဉ်ထဝ်းနဝ်ꩻ ပေါႏဒေါ့ꩻပညာႏခရာႏတဲ့ ထွာစွဉ်ႏငေါဝ်းခတ်ꩻနား၊ ထွာစွက်ႏငေါဝ်းဟောဝ်တဝ်း၊ ကွပ်ပွိုးထမုဲင်ꩻနဲတဲင် ဝွေꩻနဝ်ꩻ ပညာႏအဲဉ်ထဝ်းတွော့ꩻ ပေါႏဒေါ့ꩻတဲ့ ရော့ꩻဒွုမ်အနား သꩻလျားစွဉ်ႏထာꩻနောဝ်ꩻသွူ။\nရဟန်ꩻသီးဖုံႏဟွေး-\n၁။ သဒ္ဓဿ သဒ္ဓါကထာ သုကထာ-\nလိုꩻသဒ္ဓါႏတရာꩻအဝ်ႏ ပေါႏဒေါ့ꩻသဒ္ဓါႏတရာꩻခရာႏတဲ့ ထွာစွဉ်ႏငေါဝ်းမဉ်ဟွူန်၊ ထွာစွဉ်ႏငေါဝ်းဟဝ်၊ ကွပ်ထမုဲင်ꩻနဲတဲင် ဝွေꩻနဝ်ꩻ သဒ္ဓါႏတရာꩻအဝ်ႏတွော့ꩻ ပေါႏဒေါ့ꩻတဲ့ ရောꩻ့အနား သꩻရေꩻစွဉ်ႏနဝ်ꩻသွူ။\n၂။ သီလဝတော သီလကထာ သုကထာ-\nလိုꩻသီႏလအဝ်ႏနဝ်ꩻ ပေါႏဒေါ့ꩻသီႏလခရာႏတဲ့ ထွာစွဉ်ႏငေါဝ်းမဉ်ဟွူန်၊ ပွိုးထမုဲင်ꩻနဲတဲင် ဝွေꩻနောဝ်ꩻ သီႏလအဝ်ႏတွော့ꩻ ပေါႏဒေါ့ꩻတဲ့ ရော့ꩻစွဉ်ႏအနား၊ သꩻရေꩻစွဉ်ႏဒျာႏနောဝ်ꩻသွူ။\n၃။ ဗဟုသုတဿ ဗာဟုသစ္စကထာ သုကထာ-\nလိုꩻအထီႏအဟွူန်အာနဝ်ꩻ ပေါႏဒေါ့ꩻဗဟုသုတခရာႏတဲ့ ထွာစွဉ်ႏငေါဝ်းမဉ်ဟွူန်၊ ကွပ်ထမုဲင်ꩻနဲတဲင် ဝွေꩻနဝ်ꩻ ဗဟုသုတအဝ်ႏတွော့ꩻ ပေါႏဒေါ့ꩻတဲ့ ရော့ꩻစွဉ်ႏအနား၊ သꩻရေꩻစွဉ်ႏဒျာႏနောဝ်ꩻသွူ။\n၄။ စာဂဝတော စာဂကထာ သုကထာ-\nလိုꩻကစာႏဂထာꩻနောဝ်ꩻ ပေါႏဒေါ့ꩻထာꩻလူႏ စာႏဂခရာႏတဲ့ ထွာစွဉ်ႏငေါဝ်းမဉ်ဟွူန်၊ ပွိုးထမုဲင်ꩻနဲတဲင် ဝွေꩻနဝ်ꩻ စေꩻတဝ်းတွော့ꩻ ပေါႏဒေါ့ꩻတဲ့ ရောꩻ့စွဉ်ႏအနား၊ သꩻရေꩻစွဉ်ႏဒျာႏနောဝ်ꩻသွူ။\n၅။ ပညဝတော ပညာကထာ သုကထာ-\nလိုꩻပညာႏအဝ်ႏနဝ်ꩻ ပေါႏဒေါ့ꩻပညာႏခရာႏတဲ့ ထွာစွဉ်ႏငေါဝ်းမဉ်ဟွူန်၊ ကွပ်ပွိုးထမုဲင်ꩻနဲတဲင် ဝွေꩻနဝ်ꩻ ပညာႏအဝ်ႏတွော့ꩻ ပေါႏဒေါ့ꩻတဲ့ ရော့ꩻစွဉ်ႏအနား သꩻရေꩻစွဉ်ႏဒျာႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ ဒုက္ကထာသုတ်)\n\nအာႏကွိုꩻ","num_words":446,"character_repetition_ratio":0.156,"word_repetition_ratio":0.05,"special_characters_ratio":0.076,"stopwords_ratio":0.087,"flagged_words_ratio":0.0,"lang_id_score":1.0,"perplexity_score":3709.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%9C%E1%80%AD%E1%80%AF%EA%A9%BB%E1%80%90%E1%80%B1%E1%80%AC%E1%80%99%E1%80%BA%E1%82%8F%E1%80%90%E1%80%AC%E1%82%8F%E1%80%9D%E1%80%BD%E1%80%94%E1%80%BA%E1%82%8F","collection":"wikipedia","source":"wikipedia","original_code":"blk","text":"\" သဲင်ꩻထွာꩻလဲန်းလိုꩻ တာႏဝွန်ႏမျိုꩻကွန်ႏ\n  ပြေင်ထွေပြေင်စေႏ မိဉ်ႏထမ်ႏဖေႏတဝ်း\n  လိုꩻပိုမနုဿ      ဝေါဟာရနဝ်ꩻ\n  ဟဲ့ꩻဖန်ထွိုက်သင်ꩻ  လိုꩻစာႏရင်ꩻကို\n  ထွာသင်ꩻထွိုက်တဝ်း လိုꩻမွေးတောဝ်း။\n\n\" တာႏဝွန်ႏကဖေႏ     မာႏကေႏကေႏထွူ\n  နမ်းတာႏပြေင်စေႏ   အွောန်ႏခါဖေႏလုဲင်း\n  ပြေင်ထွေအာႏရဲင်ꩻ   အပ်ပဲင်ႏသဲင်ꩻလို့\n  လိုꩻမျိုꩻအတာႏ      ထွာအီအာႏမျိုꩻ\n  ထာꩻမာꩻသက်သေႏ   လိုꩻအွောန်ႏနယ်။\n\n\" ခွေနောဝ်ꩻလိုꩻဟွေး     မိဉ်ႏသေမွေးနောဝ်ႏ\n  ပအိုဝ်ႏလိုꩻမျိုꩻ        တစွိုးခွိုꩻလွုမ်း\n  ရွောန်,နမ်း,ဉာဏ်ႏအာႏ  နွောင်ꩻရာꩻအာႏရဲင်ꩻ\n  အနယ်ꩻဆꩻဆꩻ        ကောဝ်ႏထွန်ႏထျꩻသူꩻ\n  ဖေႏကတွိုႏထင်ႏ       စွဲးဝင်ꩻပင်ႏထို\n  ထွားလွိုမွိုန်းတဝ်း      ဖြွောမ်းဗူႏရောဝ်းငီꩻ\n  တာႏဝွန်ႏအောဝ်ႏသဲင်ꩻ    နာꩻတောမ်ႏခွေ။\n\nအာႏကွိုꩻ \n\nပအိုဝ်ႏကဗျာ","num_words":57,"character_repetition_ratio":0.006,"word_repetition_ratio":0.0,"special_characters_ratio":0.193,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":167482.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%9C%E1%80%AD%E1%80%AF%EA%A9%BB%E1%80%94%E1%80%9D%E1%80%BA%EA%A9%BB%E1%80%A1%E1%80%80%E1%80%BB%E1%80%84%E1%80%BA%EA%A9%BB%27%E1%80%96%E1%80%AD%E1%80%AF%E1%80%B8%E1%80%94%E1%80%9D%E1%80%BA%EA%A9%BB%E1%80%A1%E1%80%AC%E1%82%8F","collection":"wikipedia","source":"wikipedia","original_code":"blk","text":"\"ဂိဟိသုတ် (လိုꩻနဝ်ꩻ အရေꩻတန်အကျင်ꩻ၊ ဖိုးနဝ်ꩻ အရေꩻတန်အာႏတလာ အံႏထွဉ်ႏလꩻ)\"\nနီဗွေႏဘုရာꩻဟော်ꩻဖေႏ ဗွေႏသာရိပုတ္တရာႏတရာꩻနုဲင်းယို-\nသာရိပုတ္တရာႏဟွေး-\n၁။ ဖိုးထီးဖြေင်း(တဗာႏ)နဝ်ꩻ အာႏတလာ၊ ငဲဒျာႏ၊ အံႏထွဉ်ႏလꩻ၊ ပေါႏနုဲင်းနဝ်ꩻနဝ်ꩻ ဖိုးနဝ်ꩻ ထွာဖိုးယံ၊ 'အဆွဉ်ႏဖြေင်း'နဝ်ꩻ ယူႏပါမွုန်းဒွုမ်၊ အရေꩻတန်တဝ်း။\nအနုဲင်းနဝ်ꩻနေနေ၊ အဝ်ႏခွန်ဘဝ၊ ထင်ႏဗုဲင်ရဟန်ꩻ၊ သꩻရင်ꩻဟောဝ်၊ ယေန်ႏကေႏ၊ သီႏလအောဝ်ႏ၊ ထာꩻဝင်ꩻသꩻအဝ်ႏ၊ အားထွုတ်တရာꩻ၊ ထွာရဟန္တာႏ၊ ပေါႏနုဲင်းနဝ်ꩻနဝ်ꩻ ရဟန်ꩻနဝ်ꩻ ထွာရဟန်ꩻယံ၊ 'ခွန်'ကရိုꩻနဝ်ꩻ ယူႏပါမွုန်းဒွုမ်၊ အရေꩻတန်တဝ်းနောဝ်ꩻသွူ။\nသာရိပုတ္တရာႏဟွေး-\n၂။ ဖိုးထီးဗွာနဝ်ꩻ အာႏတလာ၊ ငဲဒျာႏ၊ အံႏထွဉ်ႏလꩻ၊ ပေါႏနုဲင်းနဝ်ꩻနဝ်ꩻ ဖိုးနဝ်ꩻ ထွာဖိုးယံ၊ 'အဆွဉ်ႏဗွာ'နဝ်ꩻ ယူႏပါမွုန်းဒွုမ်၊ အရေꩻတန်တောဝ်း၊\nအနုဲင်းနဝ်ꩻနေနေ၊ အဝ်ႏပုဏ္ဏာꩻဘဝ၊ ထင်ႏဗုဲင်ရဟန်ꩻ၊ သꩻရင်ꩻဟောဝ်၊ ယေန်ႏကေႏ၊ သီႏလအောဝ်ႏ၊ ထာꩻဝင်ꩻသꩻအဝ်ႏ၊ အားထွုတ်တရာꩻ၊ ထွာရဟန္တာႏ၊ ပေါႏနုဲင်းနဝ်ꩻနဝ်ꩻ ရဟန်ꩻနဝ်ꩻ ထွာရဟန်ꩻယံ၊ 'ပုဏ္ဏာꩻ'ကရိုꩻနဝ်ꩻ ယူႏပါမွုန်းဒွုမ်၊ အရေꩻတန်တဝ်းနောဝ်ꩻသွူ။\nသာရိပုတ္တရာႏဟွေး-\n၃။ ဖိုးထီးကြိုႏနဝ်ꩻ အာႏတလာ၊ ငဲဒျာႏ၊ အံႏထွဉ်ႏလꩻ၊ ပေါႏနုဲင်းနဝ်ꩻနဝ်ꩻ ဖိုးနဝ်ꩻ ထွာဖိုးယံ၊ 'အဆွဉ်ႏကြိုႏ'နဝ်ꩻ ယူႏပါမွုန်းဒွုမ်၊ အရေꩻတန်တောဝ်း၊\nအနုဲင်းနဝ်ꩻနေနေ၊ အဝ်ႏကွုန်ႏသယ်ႏဘဝ၊ ထင်ႏဗုဲင်ရဟန်ꩻ၊ သꩻရင်ꩻဟဝ်၊ ယေန်ႏကေႏ၊ သီႏလအောဝ်ႏ၊ ထာꩻဝင်ꩻသꩻအဝ်ႏ၊ အားထွုတ်တရာꩻ၊ ထွာရဟန္တာႏ၊ ပေါႏနုဲင်းနဝ်ꩻနဝ်ꩻ ရဟန်ꩻနဝ်ꩻ ထွာရဟန်ꩻယံ၊ 'ကွုန်ႏသယ်ႏသား'ကရိုꩻနဝ်ꩻ ယူႏပါမွုန်းဒွုမ်၊ အရေꩻတန်တဝ်းနောဝ်ꩻသွူ။\nသာရိပုတ္တရာႏဟွေး-\n၄။ ဖိုးထီးတနျာႏနဝ်ꩻ အာႏတလာ၊ ငဲဒျာႏ၊ အံႏထွဉ်ႏလꩻ၊ ပေါႏနုဲင်းနဝ်ꩻနဝ်ꩻ ဖိုးနဝ်ꩻ ထွာဖိုးယံ၊ 'အဆွဉ်ႏတနျာႏ'နဝ်ꩻ ယူႏပါမွုန်းဒွုမ်၊ အရေꩻတန်တောဝ်း၊\nအနုဲင်းနဝ်ꩻနေနေ၊ အဝ်ႏလိုꩻခြောဘဝ၊ ထင်ႏဗုဲင်ရဟန်ꩻ၊ သꩻရင်ꩻဟောဝ်၊ ယေန်ႏကေႏ၊ သီႏလအောဝ်ႏ၊ ထာꩻဝင်ꩻသꩻအဝ်ႏ၊ အားထွုတ်တရာꩻ၊ ထွာရဟန္တာႏ၊ ပေါႏနုဲင်းနဝ်ꩻနဝ်ꩻ ရဟန်ꩻနဝ်ꩻ ထွာရဟန်ꩻယံ၊ 'လိုꩻခြော'ကရိုꩻနဝ်ꩻ ယူႏပါမွုန်းဒွုမ်၊ အရေꩻတန်တဝ်းနောဝ်ꩻသွူ။\nသာရိပုတ္တရာႏဟွေး-\n၅။ ဖိုးထီးတလုဲင်ꩻနဝ်ꩻ အာႏတလာ၊ ငဲဒျာႏ၊ အံႏထွဉ်ႏလꩻ၊ ပေါႏနုဲင်းနဝ်ꩻနဝ်ꩻ ဖိုးနဝ်ꩻ ထွာဖိုးယံ၊ 'အဆွဉ်ႏတလုဲင်ꩻ'နဝ်ꩻ ယူႏပါမွုန်းဒွုမ်၊ အရေꩻတန်တောဝ်း၊\nအနုဲင်းနဝ်ꩻနေနေ၊ အဝ်ႏကွီအံႏထာꩻသားဘဝ၊ ထင်ႏဗုဲင်ရဟန်ꩻ၊ သꩻရင်ꩻဟောဝ်၊ ယေန်ႏကေႏ၊ သီႏလအောဝ်ႏ၊ ထာꩻဝင်ꩻသꩻအဝ်ႏ၊ အားထွုတ်တရာꩻ၊ ထွာရဟန္တာႏ၊ ပေါႏနုဲင်းနဝ်ꩻနဝ်ꩻ ရဟန်ꩻနဝ်ꩻ ထွာရဟန်ꩻယံ၊ 'ကွီအံႏထာꩻသား'ကရိုꩻနဝ်ꩻ ယူႏပါမွုန်းဒွုမ်၊ အရေꩻတန်တဝ်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ ဂိဟိသုတ်)\n\nအာႏကွိုꩻ","num_words":406,"character_repetition_ratio":0.138,"word_repetition_ratio":0.348,"special_characters_ratio":0.086,"stopwords_ratio":0.03,"flagged_words_ratio":0.0,"lang_id_score":1.0,"perplexity_score":5354.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%9C%E1%80%AD%E1%80%AF%EA%A9%BB%E1%80%95%E1%80%B1%E1%82%8F%E1%80%80%E1%80%97%E1%80%BB%E1%80%AC","collection":"wikipedia","source":"wikipedia","original_code":"blk","text":"\"လိုꩻပေႏကဗျာကဏ္ဍ\"\n\n\"ဖူးပေႏသီးသွဉ်စလိတ်\"\n\nဖူးပေႏသီး    သွဉ်တဲမ်းစ\n\nနက်မွေးဟ   တသိုꩻစီး\n\nဒါႏခန်း      က-ရီး ။\n\nက ရီး ထွူ   ခ-ရီး\n\nဖူးမူႏသီး     ဟော်ꩻဒါႏ\n\nအော် မွေးနဲ့  ဟော်ꩻမွိုင်အီး\n\nက-ရီး      ခ-ရီး\n\nဖူးခိုသီး     ဟော်ꩻဒါႏ\n\nနုဲင်းနောဝ်ꩻတဲ့   ဟော်ꩻမွိုင်အီး\n\nစ - ရီး     ဆ-ရီး\n\nကွဲးညည     ကွဲးဒါႏဒါႏ\n\nအံႏဖြာႏငါႏ    ဖူးပေႏသီး\n\nဟော်ꩻသွိုမွိုင်အီး\n\nက - ရီး     ခ-ရီး\n\nစ - ရီး      ဆ-ရီး\n\nဉာဏ်ႏဟောဝ်မွေး  သံးလိန်ႏမာႏ\n\nယံမွေးငါႏ     ဖူးပေႏသီး\n\nပျောႏင  မွိုင်အီး\n\nဟား   ဟား  ဟီး  ဟီး။\n\nအာႏကွိုꩻ","num_words":75,"character_repetition_ratio":0.098,"word_repetition_ratio":0.0,"special_characters_ratio":0.296,"stopwords_ratio":0.053,"flagged_words_ratio":0.0,"lang_id_score":0.999,"perplexity_score":14544.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%9C%E1%80%AD%E1%80%AF%EA%A9%BB%E1%80%9E%E1%80%AE%E1%80%81%E1%80%94%E1%80%BA%E1%80%B8%E1%80%90%E1%80%B2%E1%80%B7","collection":"wikipedia","source":"wikipedia","original_code":"blk","text":"\"လိုꩻသီခန်းတဲ့ မဉ်ꩻသီတောဝ်း\"\n\n= နာꩻနောဝ်ꩻပညာႏ     ဒါႏအာငါႏတဲ့\n\n  တွက်တာႏအမျာꩻ    ကလိုႏရာꩻနောဝ်ꩻ\n  \n  ကျိုꩻစာꩻဖေႏတောဝ်း ။\n  \n= နာꩻနောဝ်ꩻဥစ္စာႏ     လွိုင်ႏအာငါႏတဲ့\n\n  တွက်တာႏအမျာꩻ    ကလိုႏရာꩻနောဝ်ꩻ\n  \n  လူႏခါꩻဖေႏတောဝ်း ။\n  \n= နာꩻနောဝ်ꩻနမ်းအာႏ   တလာငါႏတဲ့\n\n  တွက်တာႏအမျာꩻ    ကလိုႏရာꩻနောဝ်ꩻ\n  \n  ထွားမာꩻကိုတောဝ်း ။\n  \n= ကျိုꩻစာꩻဗော့ꩻဒျာႏ    နာꩻနမ်းတာႏတဲင်\n\n  ယိုꩻယာႏအမျာꩻ      ကထီႏနာꩻနောဝ်ꩻ\n  \n  တဖြာꩻလိုꩻယံ       ဝင်ꩻရိုꩻတောဝ်း ။\n  \n= သမုဒ္ဒရာႏ         ထီအာငါႏတဲ့\n\n  တွက်တာႏအမျာꩻ    သွုံꩻလꩻတောဝ်း ။\n  \n= ဒါႏမို့ပညာႏ        မျိုꩻသာꩻတာႏယို\n\n  စေႏတနာႏမျိုꩻမဲဉ်ႏ   ကျိုꩻစီႏစဲဉ်ႏမွိုင် ။\n  \n= အာမို့ဥစ္စာႏ        မျိုꩻသာꩻတာႏယို\n\n  စေႏတနာႏဗွာဗွာ    လူႏအာအာမွိုင် ။\n  \n= တလာမို့အာႏ      မျိုꩻသာꩻတာႏယို\n\n  စေႏတနာႏဆွာꩻထို   ထွားမာꩻကိုမွိုင် ။\n  \n= နီတာႏဝင်ꩻတာႏ     ကျိုꩻအာငါႏတဲင်\n\n  ချမ်ꩻသာႏယိုခါ      ရွစ်ပန်ငါတွော့ꩻ\n  \n  မုဲင်ꩻခါတယောဝ်း    မဉ်ꩻဖေ့တဝ်းတဲင်\n  \n  တွမ်ႏငေါဝ်းငွါအွီႏ   \"အာႏဇာႏနီႏမွော့\"\n  \n  ခွေထီႏယံအီ       နာꩻထီႏပီဝင်ꩻ\n  \n  လိုꩻသီခန်းတဲ့      မဉ်ꩻသီတောဝ်း ။\n  \n= ထွတ်ꩻထန်ႏဟွာဟွာ  ထီဗွာဗွာနောဝ်ꩻ\n\n  ကထွာအမျာꩻ      သွုံꩻလꩻလို့။\n  ===အာႏကွိုꩻ===","num_words":85,"character_repetition_ratio":0.119,"word_repetition_ratio":0.0,"special_characters_ratio":0.282,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":341103.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%9C%E1%80%AD%E1%80%AF%EA%A9%BB%E1%80%9F%E1%80%9D%E1%80%BA%E1%80%94%E1%80%BD%E1%80%AF%E1%80%90%E1%80%BA%EA%A9%BB%E1%80%96%E1%80%BC%E1%80%AC%EA%A9%BB%E1%80%9C%E1%80%9D%E1%80%BA%E1%80%B8%E1%80%98%E1%80%AF%E1%80%9B%E1%80%AC%EA%A9%BB","collection":"wikipedia","source":"wikipedia","original_code":"blk","text":"\"သဗ္ဘိသုတ် (လူꩻဟောဝ်နွုတ်ꩻဖြာꩻ-လောဝ်းဘုရာꩻ)\"\n\nအွိုးခꩻတလဲင်ႏ နီဗွေႏဘုရာꩻအဝ်ႏအုံ သာဝတ္ထိခမ်း၊ ကျောင်ꩻဇေႏတဝွန်ႏကိုအတွင်ꩻ တွိုႏတဟာ မွူးကွို့ꩻနာꩻတိန်ႏတိန်ႏအခိန်ႏတွင်ꩻ လူꩻပိုနတ်သာꩻ၊ အာဖြာꩻလွဉ်လွ၊ ဗုဒ္ဓဗွေႏဘုရာꩻထျꩻ၊ အွဉ်ႏစွꩻအရောင်ႏ၊ လေတောင်ႏတကျောင��ꩻလိုမ်းစွဉ်ႏသွူ။\n၁။ လူꩻတဖြာꩻလောဝ်း ဗွေႏဘုရာꩻနုဲင်းယို-\n\"ဩဗွေႏ- ဟောဝ်ကွိုက်ꩻသူႏတောႏကောင်ꩻ၊ လိုႏပေါင်ꩻ လိုꩻဟောဝ်လွုမ်ꩻ၊ နဝ်ꩻမꩻ သေသူႏတောႏကောင်ꩻတရာꩻတဲင်၊ သေယျော-မျတ်၊ နပါပိယော-ထွာတဝ်းလိုꩻယွုတ်'ဗွေႏဩ\"။\n၂။ လူꩻခꩻတဖြာꩻနဝ်ꩻ လောဝ်းဗွေႏဘုရာꩻနုဲင်းယို -\n\"ဩဗွေႏ- ဟောဝ်ကွိုက်ꩻသူႏတောႏကောင်ꩻ၊ လိုႏပေါင်ꩻ လိုꩻဟောဝ်လွုမ်ꩻ၊ နဝ်ꩻမꩻ သေသူႏတောႏကောင်ꩻတရာꩻတဲင် 'ပညာ လဗ္ဘတိ- လꩻပညာႏ၊ န အညတော- လꩻတဝ်းလိုꩻမွိုက်ပညာႏ'ဗွေႏဩ\"။\n၃။ လူꩻခꩻတဖြာꩻနဝ်ꩻ လောဝ်းဗွေႏဘုရာꩻနုဲင်းယို -\n\"ဩဗွေႏ- ဟောဝ်ကွိုက်ꩻသူႏတောႏကောင်ꩻ၊ လိုႏပေါင်ꩻ လိုꩻဟောဝ်လွုမ်ꩻ၊ နဝ်ꩻမꩻ သေသူႏတောႏကောင်ꩻတရာꩻတဲင် 'သောကမဇ္ဈေ န သောစိ- ငွိုးဗာႏတဝ်းထာꩻနုဲင်းဝင်ꩻ'ဗွေႏဩ\"။\n၄။ လူꩻခꩻတဖြာꩻနဝ်ꩻ လောဝ်းဗွေႏဘုရာꩻနုဲင်းယို -\n\"ဩဗွေႏ- ဟောဝ်ကွိုက်ꩻသူႏတောႏကောင်ꩻ၊ လိုႏပေါင်ꩻ လိုꩻဟောဝ်လွုမ်ꩻ၊ နဝ်ꩻမꩻ သေသူႏတောႏကောင်ꩻတရာꩻတဲင် 'ဉာတိမဇ္ဈေ ဝိရောစတိ-ဖူးဝေးလိုꩻအာခြာ မဲ့ငါဗန်လဲဉ်းဝင်ꩻ'ဗွေႏဩ\"။\n၅။ လူꩻခꩻတဖြာꩻနဝ်ꩻ လောဝ်းဗွေႏဘုရာꩻနုဲင်းယို -\n\"ဩဗွေႏ- ဟောဝ်ကွိုက်ꩻသူႏတောႏကောင်ꩻ၊ လိုႏပေါင်ꩻ လိုꩻဟောဝ်လွုမ်ꩻ၊ နဝ်ꩻမꩻ သေသူႏတောႏကောင်ꩻတရာꩻတဲင် 'သတ္တာ ဂစ္ဆန္တိ သုဂ္ဂတိံ- သတ္တဝါႏသီးဖုံႏ လွေꩻအုံပြုံႏလွ ဘွုံႏဘဝဟောဝ်ကို'ဗွေႏဩ\"။\n၆။ လူꩻခꩻတဖြာꩻနဝ်ꩻ လောဝ်းဗွေႏဘုရာꩻနုဲင်းယို -\n\"ဩဗွေႏ- ဟောဝ်ကွိုက်ꩻသူႏတောႏကောင်ꩻ၊ လိုႏပေါင်ꩻ လိုꩻဟောဝ်လွုမ်ꩻ၊ နဝ်ꩻမꩻ သေသူႏတောႏကောင်ꩻတရာꩻတဲင် 'သတ္တာ တိဋ္ဌန္တိ သာတတံ-ခွုင်းကားသတ္တဝါႏ အုံချမ်ꩻသာႏသေႏသေႏဗာႏထာꩻ'ဗွေႏဩ\"။\n၇။ လူꩻခꩻတဖြာꩻနဝ်ꩻ လောဝ်းဗွေႏဘုရာꩻနုဲင်းယို -\n\"ဩဗွေႏ- သွꩻပေႏသူဖြာꩻကလောဝ်း ဗွေႏစောဝ်းဘုရာꩻနဝ်ꩻ အဖြာꩻမုဲင်ꩻ ယံလဲဉ်းဝင်ꩻ ဗွေႏဩ\"\nနီဗွေႏဘုရာꩻရိုꩻ-\n\"ယံဒျာႏနုဲင်းနုဲင်းဝင်ꩻ၊ ခွေတဲ့ယံဒျာႏ၊ နာႏလွေသွော့ဟုဲင်း၊ \"ဟောဝ်ကွိုက်ꩻဒျာႏ သူႏတောႏကောင်ꩻ၊ လိုႏပေါင်ꩻဒျာႏ လိုꩻဟောဝ်လွုမ်ꩻ၊ နဝ်ꩻမꩻ သေသူႏတောႏကောင်ꩻတရာꩻ'တွော့ꩻ 'သဗ္ဗဒုက္ခာ ပမုစ္စတိ-လွစ်ထန်ႏလို့လ ဒုက္ခကားကအဝ်ႏ'နောဝ်ꩻသွူ\"။ (သုတ္တန်ႏပိဋကတ်၊ သဂါထာဝဂ္ဂသံယုတ်ပါဠိ၊ သဗ္ဘိသုတ်)\n\nအာႏကွိုꩻ","num_words":366,"character_repetition_ratio":0.139,"word_repetition_ratio":0.269,"special_characters_ratio":0.1,"stopwords_ratio":0.027,"flagged_words_ratio":0.0,"lang_id_score":1.0,"perplexity_score":1775.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%9C%E1%80%AF%E1%80%95%E1%80%BA%EA%A9%BB%E1%80%99%E1%80%BD%E1%80%AF%E1%80%94%E1%80%BA%E1%80%B8%E1%80%92%E1%80%BD%E1%80%AF%E1%80%99%E1%80%BA%E1%80%9A%E1%80%AC","collection":"wikipedia","source":"wikipedia","original_code":"blk","text":"၁။    ကောင်လောင်းဆောင်ႏခြာ        \n       ကလုပ်ꩻယာသား\n       ယံထွာသညာႏ\n       တဲမ်းနယ်ဗာႏ ။\n၂။    သီကလုပ်ꩻယာ\n       ကောင်ဆောင်ႏခြာနဝ်ꩻ\n       နေင်ႏအာညဆွာꩻ\n       တမွိုꩻမာꩻလဲဉ်း\n       ထူꩻချာꩻမုꩻယို\n       အဝ်ႏနုဲင်းမုဲင်ꩻ ။\n၃။    မီႏရော့ꩻတဖြာꩻ\n       မာႏတရျာꩻတဲင်\n       ယဖြာꩻစွယ်ꩻအီ\n       ယဟန်ႏသီလွဉ်ꩻ\n       ခမ်းထီမဉ်ꩻကုဲင်\n       တကားမုဲင်ꩻ ။\n ၄။   သေင်ႏဝါႏတနွိုင်\n       ထပ်ထပ်ထွိုင်လဲ့\n       ထွားမွိုင်ယိုခါ\n       ကြေင်းစွစ်ꩻအာလဲဉ်း\n       မာꩻငါတွိုႏဆုဲင်ꩻ\n       အီႏနုဲင်းမုဲင်ꩻ ။\n၅။    မာꩻလမ်းမာꩻပါႏ\n       သေင်ႏတွမ်ႏဝါႏယို\n       ထွာဒျာႏအထျꩻ\n       သုံꩻတွိုင်ꩻလꩻလဲ့\n       ခွ၀ꩻယားကုဲင်\n       ၀ွစ်ထိုꩻလဲဉ်း ။\n၆။    သေင်ႏဝါႏလို့စူꩻ\n       တနီꩻသူꩻနဝ်ꩻ\n       ရပ်ဖူꩻဒုံကို\n       လိုꩻသီးယိုတာႏ\n       လမ်းပါႏမီႏမာꩻ\n       ယပ်ꩻတဝ်းနဲ့ ။\n၇။   လွိုဒွိုန်းလမ်းပါႏ\n      သိုႏစို့ꩻတာႏလဲ့\n      ယပ်ꩻဒျာႏနေနေ\n      မွေးတဝ်းနဲ့  ။\n၈။   သေင်ႏဝါႏသီးမျိုꩻ\n       ထွိုင်ႏလို့ထိုꩻနဝ်ꩻ\n       ထီရိုꩻသေ့ꩻပါ\n       မွေးတဝ်းနဲ့  ။\n၉။    နီစွိုးနီခွိုꩻ\n       ပအို၀်ႏမျိုꩻဟွေး\n       အငိုꩻတန်ႏငါႏ\n       ရိုꩻစွဉ်ႏဒျာႏယဝ်း\n       စွူႏရာႏကဝ်ႏတုဲင်\n       မဉ်ꩻတကုဲင်ယို\n       ဆို့ꩻရိုꩻမွုန်းဒွုမ်\n       အွဉ်ႏထွူခန်း ။\n၁၀။  အငိုꩻအဲဉ်ထဝ်း\n       ခန်ထိုတဝ်းလဲ့\n       လွစ်င၀်းဒေါ့ꩻနယ်ꩻ\n       မျိုꩻရော်ꩻရယ်ꩻယို\n       သꩻစွယ်ꩻကျံႏထုမ်ႏ\n       ဆို့ꩻရုဲင်သွော့ ။\n၁၁။  တွမ်ႏနီရပ်ရာႏ\n       ခြံဟံႏယာႏယို\n       ခ၀်းဒါႏကရိုꩻ\n       စာလꩻငိုꩻစား\n       ဗာႏမျိုꩻဗေဟံႏ\n       ကျံႏဆို့ꩻသွော့ ။\n၁၂။  နေင်းတွမ်ႏသေင်ႏရာႏ\n       အမျိုꩻရာႏစား\n       မောက်ꩻဖါးမောက်ꩻဝန်\n       မွူးတန်ထော့ပတ်\n      ခ၀်းအပ်မျိုꩻယို\n      ကျံႏဆို့ꩻသွော့ ။\nဗွောင်နယ်ဖေႏ အဓိပ္ပါယ်ႏလုဲင်း\n\n         ပွိုင်းဝွို့တွမ်ႏကဗျာယို သွဉ်တဲမ်းကဗျာသားသီး ဖေႏကထွာအထောက်အပံ့နဝ်ꩻ ခွေသွဉ်းအီႏဖြုဲင်ꩻနယ်ဖေႏ အဓိပ္ပါယ်ႏယိုသွူ ။\nကဗျာမဉ်ꩻ\n\n          ကဗျာတပုဒ်ယို အမဉ်ꩻနဝ်ꩻ အရေꩻတန်နေနေသွူ၊ နီကဖေႏဒါႏ ကဗျာမဉ်ꩻယို မဉ်ႏဒို့ꩻတခြို့နွောင်ꩻလို့ ကဗျာတပုဒ်လွုမ်းနဝ်ꩻမꩻ၊ မဉ်ႏပွိုင်းဝွို့တွမ်ႏ ကဗျာတပုဒ်လွုမ်းနဝ်ꩻမꩻ၊ မဉ်ႏသေန်ႏလျောႏဆဲင်ႏသော့ꩻ တွမ်ႏကဗျာတပုဒ်လွုမ်းနဝ်ꩻမꩻ ရိုꩻဗာႏ ကဗျာမဉ်ꩻမဲဉ်ႏသွူ ။\n          နဝ်ꩻမဉ်ႏတမွေးတဝ်း၊ မဝ်ႏပွိုင်းဝွို့ဒျာႏ တခီႏတခဝ်လွုမ်ꩻတဲ့နဝ်ꩻ၊ ပွိုင်းဝွို့တဝ်းတစိꩻစိꩻလဲ့နဝ်ꩻ ကဗျာမဉ်ꩻမဲဉ်ႏတဝ်း ရိုꩻဗာႏနုဲင်းနဝ်ꩻသွူ ။\n          ခွေသွဉ���းကဗျာချာယိုနဝ်ꩻ ဖေႏခါꩻအမဉ်ꩻ \" လုပ်ꩻမွုန်းဒွုမ်ယာ \" နုဲင်းနဝ်ꩻ ။\n          ကဗျာယိုအမဉ်ꩻနဝ်ꩻ လꩻနွောင်ꩻ \" လုပ်ꩻမွုန်းဒွုမ်ယာ \" တစွိုးလွုမ်ꩻနဲ့၊ အလင်ဖေႏခရာႏ အဲဉ်ထဝ်းဒွုမ်နဲ့ မီႏရီနဝ်ꩻ အဝ်ႏဒျာႏ ဖြေႏဗာႏနုဲင်းန၀်ꩻ ။\n         \" ဆို့ꩻရုဲင်မွုန်းဒွုမ် \" \" ခဝ်းအပ်မျိုꩻယို ကျံႏဆို့ꩻသွော့ \" \" ဟံႏဓာတ်တဲ့ꩻရာꩻ ကျံႏဆို့ꩻသွော့ \" စတဲင်အမဉ်ꩻဖုံႏယိုလဲ့ ဖေႏနွောင်ꩻဒျာႏသွူ ။\nကဗျာတပွိုက်စီႏ အဓိပ္ပါယ်ႏဖြုဲင်ꩻ\n\n          ခွေသွဉ်းကဗျာယို တပွိုက်စီႏ ကသော့ꩻဖေႏဗာႏ နံပါတ်စဲဉ်ႏနဝ်ꩻ ဖြုဲင်ꩻနယ်အဓိပ္ပါယ်ႏ ဖေႏကသျင်ꩻတွော့ꩻ သော့ꩻဒျာႏ၊ မီႏအဝ်ႏလိုႏဖြုဲင်ꩻတဝ်း အဓိပ္ပါယ်ႏန၀်ꩻ နံပါတ်စဲဉ်ႏ သော့ꩻခရာႏလိုႏတဝ်း၊ သော့ꩻဗော့ꩻ အနုတ်လက္ခဏာႏ ( - ) နုဲင်းယိုလဲ့ လꩻဒျာႏ ၊ (ဆာႏပုံႏ) ( ၐ ) ၊ ဆာႏတုဲင်လဲ့ လꩻဒျာႏ၊ ( သွံစဲင်ႏ) တြိဂံပုံႏလဲ့လꩻဒျာႏ (လစ်ꩻစဲင်ႏ) စတုဂံပုံႏလဲ့ လꩻဒျာႏ ။\n        ယိုအကိုနဝ်ꩻ အနုတ်လက္ခဏာႏန၀်ꩻ အယိုꩻသွတ်ꩻတဲင် ခွေသွဉ်နဝ်ꩻ သုံꩻအာအနုတ်လက္ခဏာႏသွူ ။\n                                          ( ၁ )\n                                    \n         ကောင်လောင်းဆောင်ႏခြာ        ကလုပ်ꩻယာသား\n         ယံထွာသညာႏ                         တဲမ်းနယ်ဗာႏ ။\n          ပထမပွိုက် ကဗျာယိုနဝ်ꩻ ကတဲမ်းဗာႏကဗျာယို ရေႏရွယ်ႏချက်ဒျာႏ၊ တနယ်ꩻ မီႏဒေါ့ꩻဗာႏနဝ်ꩻ ပဋိညာဉ်ႏဝွန်ႏခံႏမုꩻဒျာႏတဲင် ပါလဲ့လꩻ၊ ပါတဝ်းလဲ့ လꩻသွူ ။\n          လင်ႏကာႏစပ်နယ်ꩻနဝ်ꩻ ( ခြာ - ယာ - ထွာ ) သွံဖြုံႏယို လင်္ကာႏလောႏတဝင်ꩻတဲင် ထွာ ( ၄ - ၃ - ၂ ) စပ်နယ်ꩻသွူ၊ ၄-နဝ်ꩻ ပထမပွိုက်၊ ၃-န၀်ꩻ ဒုတိယပွိုက်၊ ၂- နဝ်ꩻ တတိယပွိုက်သွူ ။\n           တဲမ်းကဗျာဒွေါင်ႏယို မီႏတဲမ်းနွောင်ꩻ ( ၄ - ၃ - ၂ ) စပ်နယ်ꩻနုဲင်းယိုနဝ်ꩻ အဟဝ်သွတ်ꩻသွူ ။\n          မီႏထွာကဗျာဆွာꩻ ( ဝတ္ထုကဗျာ ) နဝ်ꩻ စပ် (၄ - ၃ - ၂ ) ခြေင်ခြေင်လဲ့ နန်ꩻမော့ꩻ၊ နန်ꩻထွူ၊ နန်ꩻလꩻငါႏတဲင် ( ၄-၃-၂) ( ၄-၃ ) ( ၄-၂ ) ( ၄-၁ ) စတဲင်နုဲင်းယို မော့ꩻရာꩻ ယိုꩻရာꩻ စပ်အီလဲ့ အရေꩻတတန်တဝ်းသွူ ။\n\n                                                           ( ၂ )\n            သီကလုပ်ꩻယာ    ကောင်ဆောင်ႏခြာန၀်ꩻ\n            နေင်ႏအာညဆွာꩻ  တမွိုꩻမာꩻလဲဉ်း\n           ထူꩻချာꩻမုꩻယို        အဝ်ႏနုဲင်းမုဲင်ꩻ ။\n           ဒုတိယပွိုက်ကဗျာယို လုပ်ꩻယာအပဲစ်၊ လုပ်တဝ်းယာ အကျိုꩻယို ခါးလားကတဲမ်းနယ်နဝ်ꩻ ရီအွဉ်ဒျာႏ လုပ်ꩻယာသား ငဝ်းသာမညအနေႏသွူ ။\n           ကွဲႏတွော့ꩻ လုပ်ꩻတဝ်းယာအကျိုꩻန၀်ꩻ ကဗျာကို အလုဲင်းတပါတဝ်း၊ လုပ်ꩻယာအပဲစ်ယို မီႏချာႏတဗန်ႏ အဓိပ္ပါယ်ႏန၀်ꩻ ထွာလုဲင်ႏလုပ်ꩻတဝ်းယာ အကျို���သွူ ။\n           ဥပမာႏ - မီႏလုပ်ꩻယာန၀်ꩻ သေင်ႏဝါႏဝွစ်လို့၊ ဖြေꩻစာယာသား၊ စွယ်ꩻယာသားအဝ်ႏ၊ ထီသေ့ꩻ-စတဲင် လꩻအပဲစ်နုဲင်းယိုဖုံႏတဲင် မီႏလုပ်ꩻတဝ်းယာနဝ်ꩻ သေင်ႏဝါႏဝွစ်တဝ်း၊ ဖြေꩻစာယာသား၊ စွယ်ꩻယာသားအဲဉ်ထဝ်း၊ ထီသေ့ꩻတဝ်း အကျိုꩻအဉ်ႏလုဲင်ႏနုဲင်းန၀်ꩻ၊ အဓိပ္ပါယ်ႏ ထွာလုဲင်ႏနုဲင်းနဝ်ꩻသွူ ။\n         လင်ႏကာႏစပ်နယ်ꩻန၀်ꩻ ပထမပွိုက် လစ်ꩻဖြုံႏကို ( ယာ )၊ ဒုတိယပွိုက် သွံဖြုံႏကို  ( ခြာ ) ၊ တတိယပွိုက် နီဖြုံႏကို (အာ) ၊ ( ယာ - ခြာ - အာ ) ယို လင်ႏကာႏလွောက်ꩻတဝင်ꩻတဲင် ထွာ ( ၄ - ၃ - ၂ ) စပ်နယ်ꩻနဝ်ꩻသွူ ။\n        တတိယ၊ စတုတ္ထ၊ ပဉ္စမ သွံပွိုက်ယိုလဲ့ (ဆွာꩻ-မာꩻ-ချာꩻ) သွံဖြုံႏလင်္ကာႏလွောက်ꩻတဝင်ꩻတဲင် ထွာ ( ၄ - ၃ - ၂ ) စပ်နယ်ꩻနဝ်ꩻနေနေသွူ ။\n                                                                   သွုပ်အဝ်ႏနေက -\n\nအာႏကွိုꩻ \n\nကဗျာ","num_words":937,"character_repetition_ratio":0.108,"word_repetition_ratio":0.024,"special_characters_ratio":0.282,"stopwords_ratio":0.02,"flagged_words_ratio":0.0,"lang_id_score":1.0,"perplexity_score":11278.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%9C%E1%80%AF%E1%80%95%E1%80%BA%EA%A9%BB%E1%80%99%E1%80%BD%E1%80%AF%E1%80%94%E1%80%BA%E1%80%B8%E1%80%92%E1%80%BD%E1%80%AF%E1%80%99%E1%80%BA%E1%80%9A%E1%80%AC-%E1%80%A1%E1%80%9E%E1%80%BD%E1%80%AF%E1%80%95%E1%80%BA","collection":"wikipedia","source":"wikipedia","original_code":"blk","text":"( ၅ )\n\n            မာꩻလမ်းမာꩻပါႏ         သေင်ႏတွမ်ႏဝါႏယို\n\n            ထွာဒျာႏအထျꩻ           သုံꩻတွိုင်ꩻလꩻလဲ့\n\n            ခွဝꩻယားကုဲင်             ဝွစ်ထိုꩻလဲဉ်း  ။\n\n           ပဉ္စမကဗျာယိုလဲ့ အွဉ်ႏနယ်လုပ်ꩻယာအပဲစ်နေနေသွူ၊ လင်္ကာႏစပ်နယ်ꩻနဝ်ꩻ ( ၄-၃-၂) နီလဲင်ႏ ။\n\n                                         ( ၆ )\n\n             သေင်ႏဝါႏလို့စူꩻ         တနီꩻသူꩻနဝ်ꩻ\n\n             ရပ်ဖူꩻဒုံကို               လိုꩻသီးယိုတာႏ\n\n             လမ်းပါႏမီႏမာꩻ         ယပ်ꩻတဝ်းနဲ့  ။\n\n           ဆဋ္ဌမကဗျာယိုလဲ့ အွဉ်ႏနယ်လုပ်ꩻယာအပဲစ်နေနေ၊ ပထမ၊ ဒုတိယ၊ တတိယတွမ်ႏ စတုတ္ထနဝ်ꩻ ( ၄-၃-၂)၊ တတိယတွမ်ႏ စတုတ္ထနဝ်ꩻ ( ၄-၃)၊ စတုတ္ထတွမ်ႏ ပဉ္စမနဝ်ꩻ ( ၄-၂ ) စပ်တဝင်ꩻတဲင် ထွာစပ်နယ်ꩻရော်ꩻရယ်ꩻသွူ ။\n          ကွပ်နဝ်ꩻမꩻ ကဗျာယိုနဝ်ꩻ ကဗျာဟဝ်ငါႏလဲ့ ရိုꩻထွိုက်တဝ်းသွူ ။\n\n                                 ( ၇ )\n\n             လွိုဒွိုန်းလမ်းပါႏ        သိုႏစို့ꩻတာႏလဲ့\n           \n             ယပ်ꩻဒျာႏနေနေ         မွေးတဝ်းနဲ့  ။\n\n                                                ( ၈ )\n\n             သေင်ႏဝါႏသီးမျိုꩻ          ထွိုင်ႏလို့ထိုꩻနဝ်ꩻ\n           \n             ထီရိုꩻသေ့ꩻပါ                မွေးတဝ်းနဲ့  ။\n\nသတ္တမတွမ်ႏ အဋ္ဌမကဗျာ ယိုနီပွိုက်လဲ့ အွဉ်ႏနယ်လုပ်ꩻယာအပဲစ်နေနေ၊ လင်္ကာႏစပ်နယ်ꩻ ( ၄-၃-၂) တလဲင်ႏစီႏသွူ ။ လင်္ကာႏနံပါတ် (၃-၄-၅-၆-၇-၈) ယိုသူပွိုက်နဝ်ꩻ အွဉ်ႏနယ်လုပ်ꩻယာအပဲစ်လွဉ်းလွဉ်းတဲင် လုပ်ꩻယာအပဲစ်နဝ်ꩻ ထွာစွဉ်ႏလင်္ကာႏသူပုဒ်သွူ ။\n         ကွပ်နဝ်ꩻမꩻ ကဗျာဟမ်းထိုဆွာꩻထိုꩻသွူ၊ မီႏမဲဉ်မာꩻဒွေါင်ႏနဝ်ꩻ နံပါတ် (၇-၈)ယို အွဉ်ႏကုဲင်ထိုꩻလဲ့ ကဗျာတပုဒ်လွုမ်း အဓိပ္ပါယ်ႏ ရေႏရွယ်ႏချက် တကုဲင်တဝ်းသွူ ။\nတဲမ်းစီႏလင်္ကာႏလဲ့နဝ်ꩻ၊ ရွမ်ဖြုဲင်ꩻ၊ ဝတ္ထုလဲ့နဝ်ꩻ ကလိုႏအပ်ဒါႏ ပျꩻအကျောင်ꩻ၊ အကျိုꩻ၊ အပဲစ်ယို ခွိုင်းကသေအတွိုင်ꩻ တဲမ်းလို့ခရာႏလိုႏတဝ်း၊ ဗော့ꩻလိတ်အရသာႏ ဗွေစွုမ်ႏအီလဲ့ လꩻလဲဉ်း၊ ခွိုင်းကသေအတွိုင်ꩻ မီႏတဲမ်းလို့နဝ်ꩻ ဇာတ်ခြောင်ꩻနန်ꩻလွေꩻတဲင် ဟော်ꩻလိတ်သား လွꩻဒါႏသွူ ။\n\n                                                   ( ၉ )\n            နီစွိုးနီခွိုꩻ           ပအိုဝ်ႏမျိုꩻဟွေး\n            အငိုꩻတန်ႏငါႏ      ရိုꩻစွဉ်ႏဒျာႏယဝ်း\n            စွူႏရာႏကဝ်ႏတုဲင် မဉ်ꩻတကုဲင်ယို\n            ဆို့ꩻရုဲင်မွုန်းဒွုမ်    အွဉ်ႏထွူခန်း ။\n\n       အမုဲင် (၉) လင်္ကာႏယိုနဝ်ꩻ ငဝ်းတောင်ꩻပြန်ႏ (မေတ္တာႏရပ်ခံႏ) လုပ်ꩻယာသားသွူ၊ လင်ႏကာႏစပ်နယ်ꩻနဝ်ꩻ ( ၄-၃-၂) သွံလဲင်ႏသွူ ။\n\n                                                 ( ၁၀ )\n\n            အငိုꩻအဲဉ်ထဝ်း         ခန်ထိုတဝ်းလဲ့\n            လွစ်ငဝ်းဒေါ့ꩻနယ်ꩻ     မျိုꩻရော်ꩻရယ်ꩻယို\n            သꩻစွယ်ꩻကျံႏထုမ်ႏ     ဆို့ꩻရုဲင်သွော့ ။\n\n                                                 ( ၁၁ )\n             တွမ်ႏနီရပ်ရာႏ           ခြံဟံႏယာႏယို\n             ခ၀်းဒါႏကရိုꩻ             စာလꩻငိုꩻစား\n             ဗာႏမျိုꩻဗေဟံႏ          ကျံႏဆို့ꩻသွော့။\n\nကဗျာယိုနီပုဒ်နဝ်ꩻ ဖေႏလုပ်ꩻလꩻတဝ်းယာတဲင် \" လုပ်ꩻတဝ်းယာက အီႏလုပ်ꩻထာꩻမုဲင်ꩻ \" ဝင်ꩻမီႏရီနဝ်ꩻ ဖြေႏနယ်ကဗျာသွူ၊ သွူတကာႏတဝ်း \" ဆို့ꩻရုဲင်သွော့၊ ကျံႏဆို့ꩻသွော့ \" ကရိုꩻဒါႏ ငဝ်းယိုပါတဲင် မီႏရိုꩻငဝ်းတဲက်တွန်ꩻ ငဝ်းနိုꩻဆောႏတမာလဲ့ အဝ်ႏလꩻဒျာႏသွူ ။ လင်္ကာႏစပ်နယ်ꩻ ( ၄-၃-၂) နီလဲင်ႏလွဉ်းလွဉ်းသွူ၊ အလင်ခြုဲင်းနယ်ခရာႏအဲဉ်ထဝ်း။\n                                                (၁၂)\n            နေင်းတွမ်ႏသေင်ႏလာႏ         အမျိုꩻရာႏစား\n            မောက်ꩻဖါးမောက်ꩻဝန်         မွူးတန်ထော့ပတ်\n            ခဝ်းအပ်မျိုꩻယို (ဟံႏဓာတ်တဲ့ꩻရာꩻ) ကျံႏဆို့ꩻသွော့ ။\n\nကဗျာယိုနဝ်ꩻ တွမ်ႏနံပါတ် (၁၀-၁၁)နဝ်ꩻ အခရာႏ လွေꩻတခြောင်ꩻချင်ႏ၊ တဲက်တွန်ꩻနိုꩻဆောႏ လုပ်ꩻယာသားနေနေ ။ ကွဲႏတွော့ꩻ လင်္ကာႏစပ်နယ်ꩻနဝ်ꩻ ပွိုင်းပသာႏသာႏ၊ ပထမတွမ်ႏ ဒုတိယနဝ်ꩻ (၄-၃)၊ ဒုတိယတွမ်ႏ တတိယ၊ တတိယတွမ်ႏ စတုတ္ထ၊ စတုတ္ထတွမ်ႏ ပဉ္စမပွိုက်နဝ်ꩻ (၄-၂) လင်္ကာႏစပ်တဝင်ꩻသွူ။ စတုတ္ထပွိုက် လစ်ꩻဖြုံႏကို (ပတ်)တွမ်ႏ ပဉ္စမပွိုက် နီဖြုံႏကို (အပ်)နဝ်ꩻ သရဗွိုန်၊ ငဝ်းရန်းဗွိုန်စွဉ်ႏလဲ့ တသွတ်ꩻ (တ်) တွမ်ႏ ပသွတ်��� (ပ်)နဝ်ꩻ ဗီးဗွိုန်တဝ်းတဝင်ꩻတဲင် လင်္ကာႏဟဝ်ငါႏ ဟဲ့ꩻထွိုက်တဝ်းနေနေသွူ။\n\nကွပ်နဝ်ꩻမꩻ (ခဝ်းအပ်မျိုꩻယို) ခင်ႏလမ်းအကို မီႏသော့ꩻလုဲင်ႏ (ဟံႏဓာတ်တဲ့ꩻရာꩻ) နုဲင်းနဝ်ꩻနဝ်ꩻ ထွာတ်-သွတ်ꩻနုဲင်းနုဲင်းတဲင် ထွာလင်္ကာႏဟဝ်သွူ ။ ပွိုင်းဝွို့တွမ်ႏ \" လုပ်ꩻပုဲင်ႏဒွုမ်ယာ \" ကဗျာယို အဓိပ္ပါယ်ႏ ဗွောင်လုဲင်းအခရာႏနဝ်ꩻ အဝ်ႏတခွုင်းယိုလွုမ်ꩻသွူ။ တဲမ်းကဗျာနဝ်ꩻ လိုႏတဲမ်းငါႏတဝ်း အပွိုက်ဆွာꩻ၊ မီႏတဲမ်းအပွိုက်ဆွာꩻနဝ်ꩻ ထုမ်ႏကာရန်ယပ်ꩻသွူတကာႏတဝ်း အဓိပ္ပါယ်ႏလဲ့ တသျင်ꩻလꩻတဝ်း၊ သျွုတ်သျက်ရော်ꩻရယ်ꩻထိုꩻဒါႏတဝင်ꩻသွူ။ တဲမ်းကဗျာနဝ်ꩻ အဓိပ္ပါယ်ႏလဲ့ မီႏသျင်ꩻ၊ မီႏစဲင်း၊ လင်္ကာႏစပ်နယ်ꩻ၊ ကဗျာစီꩻကန်ꩻလဲ့ မီႏမဲဉ်ႏ၊ ကသုံꩻဒါႏ ငဝ်းဖုံႏယိုလဲ့ မီႏတလေ့ဖုဲင်ႏနာႏနဝ်ꩻမꩻ ထွာကဗျာဟဝ်၊ ထွာကဗျာအထီဗွေသွူ။\n\nအာႏကွိုꩻ \n\nကဗျာ","num_words":696,"character_repetition_ratio":0.162,"word_repetition_ratio":0.0,"special_characters_ratio":0.304,"stopwords_ratio":0.019,"flagged_words_ratio":0.0,"lang_id_score":1.0,"perplexity_score":7002.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%9C%E1%80%B0%E1%82%8F%E1%80%9E%E1%80%B6%E1%80%83%E1%80%AC%E1%82%8F%E1%80%A1%E1%80%80%E1%80%BB%E1%80%AD%E1%80%AF%EA%A9%BB%E1%80%90%E1%80%94%E1%80%BA","collection":"wikipedia","source":"wikipedia","original_code":"blk","text":"\"ဒါရုကမ္မိကသုတ် (လူႏသံဃာႏနဝ်ꩻ အကျိုꩻတန်)\"\nအွိုးခꩻတလဲင်ႏ-\nနီဗွေႏဘုရာꩻ အဝ်ႏအုံ ဒုံနာတိက၊ ကျောင်ꩻအွတ်ꩻကိုအတွင်ꩻ သေင်ႏပွယ်ꩻစာꩻ ဒါရုကမ္မိကသဌေꩻနောဝ်ꩻ ထင်ႏထေ့နီဗွေႏဘုရာꩻ၊ ဝုဲင်ႏနီဗွေႏဘုရာꩻထွူခါ နီဗွေႏဘုရာꩻရီနုဲင်းယို-\n\"တကာႏ ဒါရုကမ္မိက-\nနာꩻအမျိုꩻကိုနဝ်ꩻ လူႏဗာႏနေထာꩻ၊ မာꩻဗာႏနေ ဒါႏနဟောင်း\"\n\"ဩဗွေႏ ဘုရာꩻမျတ်ဗွေႏဩ-\nခွေသွဉ်းအမျိုꩻကိုနဝ်ꩻ လူႏဗာႏဒျာႏထာꩻ၊ မာꩻဗာႏဒျာႏ ဒါႏန ဗွေႏဩ၊ ခွေသွဉ်းကလူႏနဝ်ꩻ ရဟန္တာႏပါ၊ အရဟတ္တမဂ္ဂဋ္ဌာန်ႏပါ၊ ဆောင်ႏဓုတင်ႏသားဖုံႏပါ ဗွေႏဩ\"\n\"တကာႏ ဒါရုကမ္မိက-\nလိုꩻအုံဒျာႏလမ်း ခြွိုင်းနမ်းစွုမ်ႏနီꩻဟာ၊ အဝ်ႏတွမ်ႏပိုမာ လိုꩻနုဲင်းနာꩻနဝ်ꩻ 'ဝွေꩻဗွေႏယို ရဟန္တာႏ၊ ဝွေꩻဗွေႏနဝ်ꩻ အရဟတ္တမဂ္ဂဋ္ဌာန်ႏ'ကရိုꩻနဝ်ꩻ တသေနွောင်ꩻတဝ်း။\nရဟန်ꩻနဝ်ꩻ အုံဒျာႏတခြာကို သေင်ႏမွူးဆလ၊ လူႏခံႏနေးသွမ်ꩻ၊ ဗုဲင်သင်္ကန်ꩻ ပံသုကူႏတဲ့ယောဝ်း၊ ပေါႏအသꩻလောလယ်တန်၊ ကျွားတန်၊ ဒွစ်ꩻဒဲ့စ်ꩻတန်၊ ငေါဝ်းကျံꩻတန်၊ ဒေါ့ꩻလော်လယ်ဒါႏထာꩻ၊ သတိꩻအဲဉ်ထဝ်း၊ ဆင်ႏချင်ႏဉာဏ်ႏအဲဉ်ထဝ်း၊ လိုꩻထိရမွေးတဝ်း၊ လိုꩻထာꩻငမ်းတန်-သꩻဖွီဖုဲင်တန်၊ လိုꩻဣန္ဒြေႏအဲဉ်ထဝ်း၊ ပေါႏထွာနုဲင်းနဝ်ꩻနဝ်ꩻ ကဲ့ꩻရဲ့ꩻသဲ့ꩻသွမ်ꩻထွိုက်ဒျာႏနောဝ်ꩻသွူ။\nရဟန်ꩻနဝ်ꩻ အုံဒျာႏတခြ���ကို သေင်ႏမွူးဆလ၊ လူႏခံႏနေးသွမ်ꩻ၊ ရွုံႏဗုဲင်ဒျာႏ သင်္ကန်ꩻပံသုကူႏ၊ အသꩻလောလယ်တဝ်း၊ ကျွားတဝ်း၊ ဒွစ်ꩻဒဲ့စ်ꩻတဝ်း၊ ငေါဝ်းကျံꩻတဝ်း၊ ဒေါ့ꩻလော်လယ်တဝ်း၊ သတိꩻအဝ်ႏဒျာႏ၊ ဆင်ႏချင်ႏဉာဏ်ႏအဝ်ႏဒျာႏ၊ လိုꩻထိရဒျာႏ၊ လိုꩻထာꩻငမ်းတန်တဝ်း-သꩻဖွီဖုဲင်တဝ်း၊ လိုꩻဣန္ဒြေႏအဝ်ႏဒျာႏ၊ ပေါႏထွာနုဲင်းနဝ်ꩻနဝ်ꩻ အံႏဖြာႏထွိုက်ဒျာႏနောဝ်ꩻသွူ။\n\"တကာႏ ဒါရုကမ္မိကဟွေး-\nရဟန်ꩻနဝ်ꩻ အဝ်ႏဒျာႏကျောင်ꩻဒုံ၊ အုံဒျာႏကျောင်ꩻဝေင်ꩻ၊ တွုံꩻတဝ်းသွမ်ꩻ၊ ရွုံႏဗုဲင်ဒျာႏသင်္ကန်ꩻဝင်ꩻလူႏ၊ အသꩻလောလယ်တန်၊ ကျွားတန်၊ ဒွစ်ꩻဒဲ့စ်ꩻတန်၊ ငေါဝ်းကျံꩻတန်၊ ဒေါ့ꩻလော်လယ်ဒါႏထာꩻ၊ သတိꩻအဲဉ်ထဝ်း၊ ဆင်ႏချင်ႏဉာဏ်ႏအဲဉ်ထဝ်း၊ လိုꩻထိရမွေးတဝ်း၊ လိုꩻထာꩻငမ်းတန်-သꩻဖွီဖုဲင်တန်၊ လိုꩻဣန္ဒြေႏအဲဉ်ထဝ်း၊ ပေါႏထွာနုဲင်းနဝ်ꩻနဝ်ꩻ ကဲ့ꩻရဲ့ꩻသဲ့ꩻသွမ်ꩻထွိုက်ဒျာႏနောဝ်ꩻသွူ။\nရဟန်ꩻနဝ်ꩻ အဝ်ႏဒျာႏကျောင်ꩻဒုံ၊ အုံဒျာႏကျောင်ꩻဝေင်ꩻ၊ တွုံꩻတဝ်းသွမ်ꩻ၊ ရွုံႏဗုဲင်ဒျာႏသင်္ကန်ꩻဝင်ꩻလူႏ၊ အသꩻလောလယ်တဝ်း၊ ကျွားတဝ်း၊ ဒွစ်ꩻဒဲ့စ်ꩻတဝ်း၊ ငေါဝ်းကျံꩻတဝ်း၊ ဒေါ့ꩻလော်လယ်တောဝ်းထာꩻ၊ သတိꩻအဝ်ႏဒျာႏ၊ ဆင်ႏချင်ႏဉာဏ်ႏအဝ်ႏဒျာႏ၊ လိုꩻထိရဒျာႏ၊ လိုꩻထာꩻငမ်းတန်တဝ်း-သꩻဖွီဖုဲင်တဝ်း၊ လိုꩻဣန္ဒြေႏအဝ်ႏဒျာႏ၊ ပေါႏထွာနုဲင်းနဝ်ꩻနဝ်ꩻ အံႏဖြာႏထွိုက်ဒျာႏနောဝ်ꩻသွူ။\nလူႏသံဃာႏဟုဲင်း၊ ပေါႏလူႏသံဃာႏနဝ်ꩻ နာꩻသꩻရေꩻ-သꩻစွူဖြွိုးစွဉ်ႏသနယ်၊ နာꩻမဉ်ႏသီသူꩻ-တွိုႏဗာႏလူꩻခမ်း\"။\n\"မွေးသွူဗွေႏ၊ ကားယိုမာꩻငါ ခွေသွဉ်းလူႏဒျာႏ သံဃာႏဗွေႏဩ\" အာႏမခံႏလဝ်းခါꩻ ဗွေႏဘုရာꩻနုဲင်းနဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဆက္ကနိပါတ်၊ ဒါရုကမ္မိကသုတ်)\n\nအာႏကွိုꩻ","num_words":442,"character_repetition_ratio":0.072,"word_repetition_ratio":0.337,"special_characters_ratio":0.071,"stopwords_ratio":0.034,"flagged_words_ratio":0.0,"lang_id_score":1.0,"perplexity_score":1710.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%9C%E1%80%B1%E1%80%AC%E1%80%80%E1%80%93%E1%80%B6%E1%82%8F%E1%80%9E%E1%80%BD%E1%80%85%E1%80%BA%EA%A9%BB%E1%80%95%E1%80%AB%EA%A9%BB","collection":"wikipedia","source":"wikipedia","original_code":"blk","text":"\"ဒုတိယလောကဓမ္မသုတ် (လောကဓံႏသွစ်ꩻပါꩻ)\"\nရဟန်ꩻသီးဖုံႏဟွေး-\n= လောကဓမ္မာ လောကံ အနုပရိဝတ္တန္တိ-\nလောကဓံႏတရာꩻ သွစ်ꩻပါꩻဖုံႏနဝ်ꩻ အဝ်ႏထွေလွဉ်ꩻ လောကယို။\n= လောကော စ အဋ္ဌလောကဓမ္မေ အနုပရိဝတ္တတိ-\nလောကတဲ့ အဝ်ႏထောင်လွဉ်ꩻ လောကဓံႏတရာꩻ သွစ်ꩻပါꩻဖုံႏယိုသွူ။\n= ကတမေ အဋ္ဌ-\nလောကဓံႏတရာꩻ သွစ်ꩻပါꩻကရိုꩻနဝ်ꩻ ထမုဲင်ꩻဖုံႏနဲတဲင်-\n၁။ လောဘော - လꩻလာဘ်\n၂။ အလာဘော - လꩻတဝ်းလာဘ်\n၃။ ယသော - အချွေႏရံႏအဝ်ႏ\n၄။ အယသော - အချွေႏရံႏအဲဉ်ထဝ်း\n၅။ နိန္ဒာ - ဝင်ꩻသဲ့ꩻသွမ်ꩻ\n၆။ ပသံသာ - ဝင်ꩻအံႏဖြာႏ\n၇။ သုခံ - ချမ်ꩻသာႏ\n၈။ ဒုက္ခံ - ယပ်ꩻခုဲင်ႏ (ဒုက္ခ) ယိုသွစ်ꩻပါꩻဖုံႏသွူ။\nရဟန်ꩻသီးဖုံႏဟွေး-\nအထီႏအဟွူန်အဲဉ်ထဝ်း ပုထုဇဉ်ႏဖုံႏနဝ်ꩻ 'ယလဲင်ႏလဲင်ႏတဲ့-လꩻလာဘ်၊ ယလဲင်ႏလဲင်ႏတဲ့-လꩻတဝ်းလာဘ်၊ ယလဲင်ႏလဲင်ႏတဲ့-အချွေႏအရံႏအဝ်ႏ၊ ယလဲင်ႏလဲင်ႏတဲ့-အချွေႏအရံႏအဲဉ်ထဝ်း၊ ယလဲင်ႏလဲင်ႏတဲ့-ဝင်ꩻသဲ့ꩻသွမ်ꩻ၊ ယလဲင်ႏလဲင်ႏတဲ့-ဝင်ꩻအံႏဖြာႏ၊ ယလဲင်ႏလဲင်ႏတဲ့-ချမ်ꩻသာႏ၊ ယလဲင်ႏလဲင်ႏတဲ့-ယပ်ꩻခုဲင်ႏဒုက္ခ'မော့ꩻဗာႏလွ လောကဓံႏတရာꩻသွစ်ꩻပါꩻနုဲင်းနဝ်ꩻ။\nရဟန်ꩻသီးဖုံႏဟွေး-\nအထီႏအဟွူန် ကအဝ်ႏဒါႏ အရိယာႏတပဲ့ꩻဖုံႏနဝ်ꩻတဲ့ 'ယလဲင်ႏလဲင်ႏတဲ့-လꩻလာဘ်၊ ယလဲင်ႏလဲင်ႏတဲ့-လꩻတဝ်းလာဘ်၊ ယလဲင်ႏလဲင်ႏတဲ့-အချွေႏအရံႏအဝ်ႏ၊ ယလဲင်ႏလဲင်ႏတဲ့-အချွေႏအရံႏအဲဉ်ထဝ်း၊ ယလဲင်ႏလဲင်ႏတဲ့-ဝင်ꩻသဲ့ꩻသွမ်ꩻ၊ ယလဲင်ႏလဲင်ႏတဲ့-ဝင်ꩻအံႏဖြာႏ၊ ယလဲင်ႏလဲင်ႏတဲ့-ချမ်ꩻသာႏ၊ ယလဲင်ႏလဲင်ႏတဲ့-ယပ်ꩻခုဲင်ႏဒုက္ခ'မော့ꩻဗာႏလွ လောကဓံႏတရာꩻသွစ်ꩻပါꩻ နုဲင်းနဝ်ꩻနေနေ။\nရဟန်ꩻသီးဖုံႏဟွေး-\n- အထီႏအဟွူန်အဲဉ်ထဝ်း ပုထုဇဉ်ႏသီးတဲ့ မော့ꩻဗာႏလွ လောကဓံႏတရာꩻသွစ်ꩻပါꩻ၊\n- အထီႏအဟွူန် ကအဝ်ႏဒါႏ အရိယာႏတပဲ့ꩻဖုံႏနဝ်ꩻတဲ့ မော့ꩻဗာႏလွ လောကဓံႏတရာꩻ သွစ်ꩻပါꩻနေနေ၊\n- မော့ꩻဗာႏလွ နုဲင်းနုဲင်းဝင်ꩻ နုဲင်းနဝ်ꩻနဝ်ꩻ အရိယာႏတပဲ့ꩻသီး မော့ꩻလွလောကဓံႏတွမ်ႏ ပုထုဇဉ်ႏဖုံႏ မော့ꩻလွလောကဓံႏနဝ်ꩻ အအွဉ်ႏသꩻ ကွာႏလို့ဝင်ꩻနုဲင်းမုဲင်ꩻ၊ အခွုမ်မာꩻပွုံႏ ကွာႏလို့ဝင်ꩻနုဲင်းမုဲင်ꩻ၊ လꩻအကျိုꩻချမ်ꩻသာႏ-ကွာႏလို့ဝင်ꩻနုဲင်းမုဲင်ꩻ (နေးတွမ်ႏသီဉာဏ်ႏ၊ ဝွေႏဖန်ႏနယ်ခွေမွိုင်) ဗွေႏဘုရာꩻရီ ရဟန်ꩻသီးဖုံႏနုဲင်းနောဝ်ꩻသွူ။\nဩဗွေႏ ဘုရာꩻမျတ်ဗွေႏဩ-\n= ဘဂဝံ မူလကာ နော ဘန္တေ ဓမ္မာ - နီသွဉ်းသီးတာႏ တရာꩻယာႏနဝ်ꩻ အဝ်ႏဒျာႏ ဗွေႏဘုရာꩻထျꩻလွဉ်၊\n= ဘဂဝံ နေတ္တိကာ - ဗွေႏဘုရာꩻသွဉ်နယ်ဒျာႏ၊\n= ဘဂဝံ ပဋိသရဏာ - နီသွဉ်းသီး အာႏကွိုꩻဒျာႏ ဗွေႏဘုရာꩻ၊\n= ဘဂဝန္တံယေဝ ပဋိဘာတု - ဗွေႏဘုရာꩻနမ်းရင်ꩻ သျင်ꩻနယ်ဖေႏသွော့ဗွေႏဩ၊\n= ဘိက္ခဝေ - ရဟန်ꩻသီးဖုံႏဟွေး\n= တေန ဟိ သုဏာထ - ပေါႏနဝ်ꩻတဲ့ နာႏလွလုဲင်း၊\n= သာဓုကံ မနသိ ကရောထ - အွဉ်ႏသꩻနာႏလွသွော့ ဟောဝ်ဟောဝ်ဟုဲင်း\n= ဘာသိဿာမိ - စဲင်းစဲ့ပြေချော်ꩻ ခွေဟော်ꩻနယ်သီ တရာꩻယို\n= ဧဝံ ဘန္တေ - မွေးသွူဗွေႏဩ၊\nရဟန်ꩻသီးဖုံႏဟွေး-\nအထီႏအဟွူန်အဲဉ်ထောဝ်း ပုထုဇဉ်ႏနဝ်ꩻ ယလဲင်ႏလဲင်ႏတဲ့ 'လꩻလ��ဘ်'၊ 'ခွေလꩻလဲဉ်းသွူ-လာဘ်'(သꩻရေꩻမွိုꩻမာꩻဗော့ꩻထာꩻလွုမ်ꩻ) ကလꩻလာဘ်နုဲင်းယိုနဝ်ꩻ 'အနိစ္စော-လꩻသေႏသေႏလာဘ် တမွေးတောဝ်း'၊ 'ဒုက္ခော-သꩻရေꩻဆောင်းလ ဒုက္ခ-တန်ဒျာႏ'၊ 'ဝိပရိဏာမ ဓမ္မော-ဖေါက်ပြန်ႏဟုဲင်လုဲင်-အထွာကုဲင်ဒါႏ'၊ ယူႏထာꩻမလျင်ႏ-ဆင်ႏချင်ႏတဝ်းနုဲင်းနဝ်ꩻ၊ အမွေးအမဲဥဉ်အတွိုင်ꩻ သေတဝ်း၊\nလꩻတဝ်းလာဘ်၊ အချွေႏအရံႏအဝ်ႏ၊ အချွေႏအရ့ႏအဲဉ်ထဝ်း၊ ဝင်ꩻသဲ့ꩻသွမ်ꩻ၊ ဝင်ꩻအံႏဖြာႏ၊ ချမ်ꩻသာႏ-ဒုက္ခ၊ မော့ꩻလွလောကဓံႏ အပါꩻမုဲင်ꩻတဲ့ယဝ်း 'သေတဝ်း၊ ဒုက္ခ၊ ဝိပရိဏာမ-ဖေါက်ပြန်ႏ'နေးတွမ်ႏဉာဏ်ႏ တသေယူႏတဝ်း၊ အမွေးအမဲဉ်ႏအတွိုင်ꩻ သေတဝ်း။\nရဟန်ꩻသီးဖုံႏဟွေး-\nကွပ်သေယူႏတဝ်း နုဲင်းနဝ်ꩻတဲင် ပေါႏမော့ꩻလောကဓံႏ အဟောဝ်လစ်ꩻပါꩻ (လꩻလာဘ်-စတဲင်)နဝ်ꩻတဲ့ သꩻရေꩻမွိုꩻမာꩻဗော့ꩻထာꩻလွုမ်ꩻ၊ ပေါႏမော့ꩻလောကဓံႏ အကုဲင်မျိုꩻလစ်ꩻပါꩻ (လꩻတဝ်းလာဘ်-စတဲင်)နဝ်ꩻတဲ့ သꩻကုဲင်မွိုꩻမာꩻဗဗာ့ꩻထာꩻလွုမ်ꩻ၊\n(ပေါႏလꩻလာဘ်တဲ့-သꩻရေꩻ၊ ပေါႏလꩻတဝ်းလာဘ်တဲ့-သꩻပေႏ၊ ပေါႏအချွေႏအရံႏအဝ်ႏတဲ့-သꩻရေꩻ၊ ပေါႏအချွေႏအရံႏ အဲဉ်ထဝ်းဒွုမ်တဲ့-သꩻပေႏ၊ ဝင်ꩻမဉ်ႏသဲ့ꩻသွမ်ꩻတဲ့-သꩻကုဲင်၊ ဝင်ꩻမဉ်ႏအံႏဖြာႏတဲ့-သꩻရေꩻ၊ မဉ်ႏချမ်ꩻသာႏတဲ့-သꩻရေꩻ၊ မဉ်ႏယပ်ꩻခုဲင်ႏဒုက္ခတဲ့-သꩻပေႏ)\nပုထုဇဉ်ႏသီးနဝ်ꩻ ပေါႏမော့ꩻလောကဓံႏ အဟောဝ်လစ်ꩻပါꩻတဲ့ လောကဓံႏ အဟောဝ်လစ်ꩻပါꩻနောဝ်ꩻ ရုပ်လꩻအသꩻတဲင် သꩻရေꩻမွိုꩻမာꩻဗော့ꩻထာꩻလွုမ်ꩻ၊ ပေါႏမော့ꩻလောကဓံႏ အကုဲင်လစ်ꩻပါꩻတဲ့ လောကဓံႏ အကုဲင်လစ်ꩻပါꩻနဝ်ꩻ ရို့ပ်လꩻအသꩻတွော့ꩻ သꩻကုဲင်မွိုꩻမာꩻထာꩻ၊\nအထီႏအဟွူန်အဲဉ်ထဝ်း ပုထုဇဉ်ႏသီးဖုံႏနဝ်ꩻ မော့ꩻလောကဓံႏ အပါꩻမုဲင်ꩻတဲ့ယဝ်း နေးတွမ်ႏဉာဏ်ႏ အဝ်ႏလိုႏဆင်ႏချင်ႏနုဲင်းယို-\n= 'လောကဓမ္မော အနိစ္စော - လောကဓံႏနဝ်ꩻ အနိစ္စတန်ဒျာႏ၊\n= လောကဓမ္မော ဒုက္ခော - လောကဓံႏနဝ်ꩻ ဒုက္ခတန်ဒျာႏ၊\n= လောကဓမ္မော ဝိပရိဏာမဓမ္မော - လောကဓံႏနဝ်ꩻ ဖေါက်ပြန်ႏဟုဲင်လုဲင်-အထွာကုဲင်ဒါႏ'\nအဝ်ႏလိုႏဆင်ႏချင်ႏနုဲင်းနဝ်ꩻ၊ ကွပ်တဆင်ႏချင်ႏတဝ်းနုဲင်းနဝ်ꩻတဲင်-\n'မော့ꩻဗာႏလောကဓံႏ၊ အဝ်ႏခံႏဗာႏ ထာꩻကွုတ်ဒုက္ခ၊ အဝ်ႏခံႏဗာႏ ထာꩻဖြားဒုက္ခ၊ အဝ်ႏခံဗာႏ ထာꩻသီဒုက္ခ၊ နန်းဗာႏ၊ နမ်းဒုက္ခဗာႏ၊ သꩻယပ်ꩻခုဲင်ႏဗာႏ၊ တလွစ်ထန်ႏနွောင်ꩻတဝ်းသံသရာႏ'ခွေဟော်ꩻစွဉ်ႏဒျာႏနုဲင်းနောဝ်ꩻသွူ။\nရဟန်ꩻသီးဖုံႏဟွေး-\nအထီႏအဟွူန် ကအဝ်ႏဒါႏ အရိယာႏတပဲ့ꩻနဝ်ꩻတဲ့ ယလဲင်ႏလဲင်ႏနဝ်ꩻ 'လꩻလာဘ်'နေနေ၊ 'ခွေလꩻလဲဉ်းသွူလာဘ်'၊(လꩻလာဘ��တဲ့ သꩻရေꩻမွိုꩻမာꩻတဝ်းထာꩻ) ကွပ်ထမုဲင်ꩻနဲတဲင်-\n- 'လꩻလာဘ်နုဲင်းယိုနဝ်ꩻ လꩻသေႏသေႏမွေးတဝ်း\n- အဝ်ႏလꩻလꩻလာဘ်တွော့ꩻ မဉ်လꩻဒွုမ်စွော့ꩻနဝ်ꩻ သꩻဒုက္ခတန်\n- အဝ်ႏလꩻလꩻသွူလာဘ်တဲ့ ဖေါက်ပြန်ႏဟုဲင်လုဲင် အကုဲင်ထိုꩻချာဒါႏ'\nစွေးယူႏဒါႏလျင်ႏ နေးပညာႏဆင်ႏချင်ႏနုဲင်းနဝ်ꩻ၊ သေအမွေးအမဲဉ်ႏအတွိုင်ꩻ၊\nလꩻတဝ်းလာဘ်၊ အချွေႏအရံႏအဝ်ႏ၊ အချွေႏအရံႏအဲဉ်ထဝ်း၊ ဝင်ꩻသဲ့ꩻသွမ်ꩻ၊ ဝင်ꩻအံႏဖြာႏ၊ ချမ်ꩻသာႏ၊ ဒုက္ခ၊ မော့ꩻလွလောကဓံႏ အပါꩻမုဲင်ꩻတဲ့ယဝ်း 'သေႏတဝ်း၊ ဒုက္ခ၊ ဝိပရိဏာမ-ဖေါက်ပြန်ႏ'နေးတွမ်ႏဉာဏ်ႏ သေယူႏဒျာႏ၊ အမွေးအမဲဉ်ႏအတွိုင်ꩻ သေဒျာႏ။\nရဟန်ꩻသီးဖုံႏဟွေး-\nကွပ်သေယူႏနုဲင်းနဝ်ꩻတဲင် ပေါႏမော့ꩻလောကဓံႏ အဟောဝ်လစ်ꩻပါꩻ (လꩻလာဘ်-စတဲင်)နောဝ်ꩻတဲ့ သꩻရေꩻမွိုꩻမာꩻတဝ်းထာꩻ၊ ပေါႏမော့ꩻလောကဓံႏ အကုဲင်လစ်ꩻပါꩻ (လꩻတဝ်းလာဘ်-စတဲင်)နဝ်ꩻတဲ့ သꩻကုဲင်မွိုꩻမာꩻတဝ်းထာꩻ၊\n(ပေါႏလꩻလာဘ်တဲ့-သꩻရေꩻငါႏတဝ်း၊ ပေါႏလꩻတဝ်းလာဘ်တဲ့-သꩻပေႏတဝ်း၊ ပေါႏအချွေႏအရံႏအဝ်ႏတဲ့-သꩻရေꩻငါႏတဝ်း၊ ပေါႏအချွေႏအရံႏ အဲဉ်ထဝ်းတဲ့-သꩻပေႏတဝ်း၊ ဝင်ꩻမဉ်ႏသဲ့ꩻသွမ်ꩻတဲ့-သꩻကုဲင်တဝ်း၊ ဝင်ꩻမဉ်ႏအံႏဖြာႏတဲ့-သꩻရေꩻငါႏတဝ်း၊ မဉ်ႏချမ်ꩻသာႏတဲ့-သꩻရေꩻငါႏတဝ်း၊ မဉ်ႏယပ်ꩻခုဲင်ႏဒုက္ခ-တဲ့ သꩻပေႏတဝ်း)\nအရိယာႏတပဲ့ꩻသီးနဝ်ꩻ ပေါႏမော့ꩻလော့ကဓံႏ အဟောဝ်လစ်ꩻပါꩻတဲ့ လောကဓံႏ အဟောဝ်လစ်ꩻပါꩻနဝ်ꩻ ရုပ်လꩻတဝ်းအသꩻတဲင် သꩻရေꩻမွိုꩻမာꩻတဝ်းထာꩻ၊ ပေါႏမော့ꩻလောကဓံႏ အကုဲင်လစ်ꩻပါꩻတဲ့ လောကဓံႏအကုဲင်လစ်ꩻပါꩻနဝ်ꩻ ရို့ပ်လꩻတဝ်းအသꩻတွော့ꩻ သꩻကုဲင်မွိုꩻမာꩻတဝ်းထာꩻ။\nအထီႏအဟွူန် ကအဝ်ႏဒါႏ အရိယာႏတပဲ့ꩻသီးဖုံႏနဝ်ꩻ လောကဓံႏသွစ်ꩻပါꩻယို မော့ꩻအပါꩻမုဲင်ꩻတဲ့ယဝ်း နေးတွမ်ႏဉာဏ်ႏ ဆင်ႏချင်ႏဒျာႏနုဲင်းယို-\n= 'လောကဓမ္မော အနိစ္စော - လောကဓံႏနဝ်ꩻ အနိစ္စတန်ဒျာႏ၊\n= လောကဓမ္မော ဒုက္ခော - လောကဓံႏနဝ်ꩻ ဒုက္ခတန်ဒျာႏ၊\n= လောကဓမ္မော ဝိပရိဏာမဓမ္မော - လောကဓံႏနဝ်ꩻ ဖေါက်ပြန်ႏဟုဲင်လုဲင်-အထွာကုဲင်ဒါႏ'\nဆင်ႏချင်ႏဒျာႏနုဲင်းနဝ်ꩻ၊ ကွပ်ဆင်ႏချင်ႏနုဲင်းနဝ်ꩻတဲင်-\n'မော့ꩻဗာႏလောကဓံႏ အဟောဝ်မျိုꩻတဲ့ယဝ်း သꩻရေꩻငါႏတဝ်း၊ ပယ်ႏထိုꩻနွောင်ꩻထာꩻနစ်သက်၊ မော့ꩻဗာႏ လောကဓံႏ အကုဲင်မျိုꩻတဲ့ယဝ်း သꩻပေႏတဝ်း၊ သꩻကုဲင်တဝ်း၊ ပယ်ႏထိုꩻနွောင်ꩻထာꩻသꩻပေႏ၊ ထာꩻသꩻကုဲင်တွော့ꩻ ခံႏဗာႏဒွုမ် ထာꩻကွုတ်ဒုက္ခ၊ ခံႏဗာႏဒွုမ် ထာꩻဖြားဒုက္ခ၊ ခံႏဗာႏဒွုမ် ထာꩻသီဒုက္ခ၊ နန်းဗာႏဒွုမ်၊ ငွိုးဗာႏဒွုမ်၊ နမ်းဒုက္ခဗာႏဒူမ်၊ သꩻယပ်ꩻခုဲင်ႏဗာႏဒူမ်၊ လွစ်ထန်ႏနွောင်ꩻလꩻစွဉ်ႏ သံသရာႏ'ခွေဟော်ꩻစွဉ်ႏဒျာႏနုဲင်းနဝ်ꩻသွူ။\nရဟန်ꩻသီးဖုံႏဟွေး-\nပုထုဇဉ်ႏသီးတွမ်ႏ အရိယာႏတပဲ့ꩻဖုံႏ မော့ꩻလွလောကဓံႏ နုဲင်းနုဲင်းဝင်ꩻစွဉ်ႏတဲ့ အအွဉ်ႏသꩻ ကွာႏလို့ဝင်ꩻနုဲင်းနဝ်ꩻ၊ အခွုမ်မာꩻပွုံႏ ကွာႏလို့ဝင်ꩻနုဲင်းနဝ်ꩻ၊ လꩻအကျိုꩻချမ်ꩻသာႏ ကွာႏလို့ဝင်ꩻနုဲင်းနောဝ်ꩻသွူ။(သုတ္တန်ႏပိဋကတ်၊ အင်္ဂုတ္တရပါဠိ၊ အဋ္ဌကနိပါတ်၊ ဒုတိယ လောကဓမ္မသုတ်)\n\nအာႏကွိုꩻ","num_words":1172,"character_repetition_ratio":0.088,"word_repetition_ratio":0.115,"special_characters_ratio":0.094,"stopwords_ratio":0.04,"flagged_words_ratio":0.0,"lang_id_score":1.0,"perplexity_score":1702.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%9C%E1%80%BD%E1%80%AD%E1%80%AF%E1%80%86%E1%80%94%E1%80%BA%E1%80%94%E1%80%BD%E1%80%B1%E1%80%AC%E1%80%84%E1%80%BA%EA%A9%BB%E1%80%90%E1%80%9D%E1%80%BA%E1%80%B8%E1%80%90%E1%80%9B%E1%80%AC%EA%A9%BB","collection":"wikipedia","source":"wikipedia","original_code":"blk","text":"\"ဌာနသုတ် (တလွိုဆန်နွောင်ꩻတဝ်း တရာꩻငတ်ꩻပါꩻ)\"\n(က)\nရဟန်ꩻသီးဖုံႏဟွေး-\nလိုꩻမူႏတဲ့ယဝ်း လိုꩻခိုတဲ့ယဝ်း လိုꩻလမ်းတဲ့ယဝ်း ရဟန်ꩻတဲ့ယောဝ်း ဆင်ႏချင်ႏသေႏသေႏဗာႏတရာꩻ အောဝ်ႏငတ်ꩻပါꩻ၊ ငတ်ꩻပါꩻကရိုꩻနဝ်ꩻ-\n၁။ \"ဇရာဓမ္မောမှိ၊ ဇရံ အနတီတော\"တိ အဘိဏှံ ပစ္စဝေက္ခိတဗ္ဗံ-\n'ခွေနဝ်ꩻ အမျိုꩻဖြားဒါႏ၊ ထာꩻဖြားယို ခွေတလွိုဆန်နွောင်ꩻတဝ်း'ဆင်ႏချင်ႏယူႏသေႏသေႏဗာႏနုဲင်းနဝ်ꩻ။\n၂။ \"ဗျာဓိဓမ္မောမှိ၊ ဗျာဓိံ အနတီတော\"\n'ခွေနဝ်ꩻ အမျိုꩻဆာဒါႏ၊ ထာꩻဆာယို ခွေတလွိုဆန်နွောင်ꩻတဝ်း'ယူႏသေႏသေႏဗာႏနုဲင်းနဝ်ꩻ။\n၃။ \"မရဏဓမ္မောမှိ၊ မရဏံ အနတီတော\"\n'ခွေနဝ်ꩻ အမျိုꩻသီဒါႏ၊ ထာꩻသီယို ခွေတလွိုဆန်နွောင်ꩻတဝ်း'ယူႏသေႏသေႏဗာႏနုဲင်းနဝ်ꩻ။\n၄။ \"ပိယေဟိ မနာပေဟိ နာနာဘာဝေါ\"\n'ခွေယို တွမ်ႏခွေကရက် ကစိုမ်ꩻဖုံႏနဝ်ꩻ အီႏဖမွန်ဗာႏ၊ အီႏဖသီဗာႏ'ယူႏသေႏသေႏဗာႏနုဲင်းနဝ်ꩻ။\n၅။ \"ကမ္မဿကောမှိ၊ ကမ္မံ ကရိဿာမိ ကလျာဏံ ဝါ ပါပကံ ဝါ\"\n'ခွေတခြိုꩻစဲ့စ်စဲ့စ်နဝ်ꩻ အဝ်ႏကံႏလွုမ်ꩻ၊ ဟောဝ်တဲ့နဝ်ꩻ၊ ကုဲင်တဲ့နဝ်ꩻ ကံႏအီႏမာꩻဖေႏဒျာႏ'။\nယိုငတ်ꩻမျိုꩻနဝ်ꩻ လိုꩻမူႏတဲ့နဝ်ꩻ၊ လိုꩻခိုတဲ့နဝ်ꩻ၊ လိုꩻလမ်းတဲ့နဝ်ꩻ၊ ရဟန်ꩻတဲ့နဝ်ꩻ ယူႏလꩻသေႏသေႏဗာႏ၊ ဆင်ႏချင်ႏသေႏသေႏဗာႏနောဝ်ꩻသွူ။\nရဟန်ꩻသီးဖုံႏဟွေး\n၁။ 'ကွပ်ထမုဲင်ꩻ မယူႏသေႏသေႏဗာႏတွိုး ထာꩻဖြား'ကရိုꩻနဝ်ꩻ ပေါႏတယူႏတဝ်း ထာꩻဖြားနဝ်ꩻ ယွုမ်းအနမ်းအဝ်ႏဆား၊ မာႏနထွာအီဒါႏ၊ မာꩻကာယဒုစရဲက်၊ ဒေါ့ꩻဝစီဒုစရဲက်၊ ယူႏမနော်ꩻဒုစရဲက်၊ မဉ်ႏယူႏသေႏသေႏ အီႏဖြားဗာႏထာꩻနဝ်ꩻ မာႏနနဝ်ꩻ လိုꩻမားဒါႏ၊ ထိုꩻမားတဝ်းစွဉ်ႏတဲ့ မာႏနဟမ်းပေါင်းပေႏဖနောဝ်ꩻသွူ။\n���ဟန်ꩻသီးဖုံႏဟွေး-\n၂။ 'ပွိုးထမုဲင်ꩻ မယူႏသေႏသေႏဗာႏတွိုး ထာꩻဆာ'ကရိုꩻနဝ်ꩻ ပေါႏတယူႏသေႏသေႏတဝ်း ထာꩻဆာနောဝ်ꩻ ခွေယို အဝ်ႏရေꩻအဝ်ႏသန်ꩻဒျာႏ၊ ယွုမ်းအနမ်း မာႏနထွာအီဒါႏ၊ မာꩻကာယဒုစရဲက်၊ ဒေါ့ꩻဝစီဒုစရဲက်၊ ယူႏမနော်ꩻဒုစရဲက်၊ မဉ်ႏယူႏသေႏသေႏ အီႏဆာဗာႏထာꩻနဝ်ꩻ မာႏနနဝ်ꩻ ထိုꩻမားဒါႏ၊ ထိုꩻမားတဝ်းစွဉ်ႏတဲ့ မာႏနဟမ်းပေါင်းပေႏဖနောဝ်ꩻသွူ။\nရဟန်ꩻသီးဖုံႏဟွေး-\n၃။ 'ကွပ်ပွိုးထမုဲင်ꩻ မယူႏသေႏသေႏဗာႏတွိုး ထာꩻသီ'ကရိုꩻနဝ်ꩻ ပေါႏတယူႏသေႏသေႏတဝ်း ထာꩻသီနဝ်ꩻ ခွေယို တောႏတောႏတသီတဝ်း၊ အဝ်ႏအုံဗာႏညတန်ဒျာႏ၊ ယွုမ်းအနမ်း မာႏနထွာအီဒါႏ၊ မာꩻကာယဒုစရဲက်၊ ဒေါ့ꩻဝစီဒုစရဲက်၊ ယူႏမနော်ꩻဒုစရဲက်၊ မဉ်ႏယူႏသေႏသေႏ ထာꩻသီနောဝ်ꩻ မာႏနဝ်ꩻ ထိုꩻမားဒါႏ၊ ထိုꩻမားတဝ်းစွဉ်ႏတဲ့ မာႏနဟမ်းပေါင်းပေႏဖနောဝ်ꩻသွူ။ (လိတ်ဗွောင်မဲ့နား-၁၈၈)\n(ခ)\nရဟန်ꩻသီးဖုံႏဟွေး-\n၄။ 'ကွပ်ထမုဲင်ꩻ မယူႏသေႏသေႏဗာႏတွိုႏ တွမ်ႏကရက်နဝ်ꩻ အီႏဖမွန်ဗာႏ၊ အီႏဖသီဗာႏ'ကရိုꩻနဝ်ꩻ ကွပ်ပွိုးထာꩻရက် \"ဆန္ဒရာဂ\"နဝ်ꩻတဲင် မာꩻကာယဒုစရဲက်၊ ဒေါ့ꩻဝစီဒုစရဲက်၊ ယူႏမနော်ꩻဒုစရဲက်ထွာ၊ မဉ်ႏယူႏသေႏသေႏ အီႏဖမွန် အီႏဖသီဗာႏနဝ်ꩻ \"ထာꩻရက်-ဆန္ဒရာဂ\"ထိုꩻမားဒါႏ၊ ထိုꩻမားတဝ်းစွဉ်ႏတဲ့ \"ဆန္ဒရာဂ\"အာႏပေါႏတလာဒွုမ်၊ (ရက်သီရက်ပဲ့စ်ꩻမွေးဒွုမ်)နောဝ်ꩻသွူ။\nရဟန်ꩻသီးဖုံႏဟွေး-\n၅။ 'ပွိုးထမုဲင်ꩻ မယူႏသေႏသေႏဗာႏတွိုး ကံႏမာꩻထွာ'ကရိုꩻနောဝ်ꩻ 'ပေါႏတယူႏတဝ်း ကံႏမာꩻထွာနောဝ်ꩻ' (ကုသိုလ်ႏနဝ်ꩻ မာꩻဆေ့ꩻ) မာꩻအာမွိုင်းဒျာႏ ကာယဒုစရဲက်၊ ဒေါ့ꩻအာမွိုင်းဒျာႏ ဝစီဒုစရဲက်၊ ယူႏအာမွိုင်းဒျာႏ မနော်ꩻဒုစရဲက်၊ မဉ်ႏယူႏသေႏသေႏ ကံႏတရာꩻမာꩻထွာနဝ်ꩻ ငမ်းဒုစရဲက် (အကုသိုလ်ႏ)ကံႏ၊ ငမ်းခံႏဗာႏဒုက္ခတဲင် ဒုစရဲက်(အကုသိုလ်ႏ)ကံႏနဝ်ꩻ အမာꩻတဝ်းဒွုမ်၊ အမဉ်ႏမာꩻစိန်ႏစွော့ꩻတဲ့ အမာꩻဆေ့ꩻ၊ အကုသိုလ်ႏကံႏ ထွာဆေ့ꩻနောဝ်ꩻသွူ။\nရဟန်ꩻသီးဖုံႏဟွေး-\n၁။ မဉ်ႏယူႏလꩻသေႏသေႏ ထာꩻဖြားနဝ်ꩻ သꩻကျွားမာႏနဆေ့ꩻဖ၊ သꩻမဉ်အားထွုတ်တရာꩻ၊ သꩻမဉ်မာꩻကုသိုလ်ႏပေါႏဒါႏ၊ ပေါႏအားထွုတ်တရာꩻ (ဝိပဿနာႏ)နဝ်ꩻ ကာမရာဂ သံယော်ꩻဇဉ်ႏ၊ ကာမရာဂါနုသယ-လောဘတဏှာႏလို့ထိုꩻ၊ ထွာနွောင်ꩻအရိယာႏ၊ ထွာနွောင်ꩻရဟန္တာႏ၊ လꩻနွောင်ꩻနိဗ္ဗာန်ႏနဝ်ꩻသွူ။\nရဟန်ꩻသီးဖုံႏဟွေး-\n၂။ မဉ်ႏယူႏလꩻသေႏသေႏ ထာꩻဆာနောဝ်ꩻ သꩻကျွားမာႏနဆေ့ꩻဖ၊ သꩻမဉ်အားထွုတ်တရာꩻ၊ သꩻမဉ်မာꩻကုသိုလ်ႏပေါႏဒါႏ၊ ပေါႏအားထွုတ်တရာꩻ၊ ပေါႏမာꩻကုသိုလ်ႏနဝ်ꩻ ထွာန��ောင်ꩻအရိယာႏ၊ ထွာနွောင်ꩻရဟန္တာႏ၊ လꩻနွောင်ꩻနိဗ္ဗာန်ႏနဝ်ꩻသွူ။\nရဟန်ꩻသီးဖုံႏဟွေး-\n၃။ မဉ်ႏယူႏလꩻသေႏသေႏ ထာꩻသီနောဝ်ꩻ သꩻကျွားမာႏနဆေ့ꩻဖ၊ သꩻမဉ်အားထွုတ်တရာꩻ၊ သꩻမဉ်မာꩻကုသိုလ်ႏပေါႏဒါႏ၊ ပေါႏအားထွုတ်တရာꩻ၊ ပေါႏမာꩻကုသိုလ်ႏနဝ်ꩻ ထွာနွောင်ꩻအရိယာႏ၊ ထွာနွောင်ꩻရဟန္တာႏ၊ လꩻနွောင်ꩻနိဗ္ဗာန်ႏနဝ်ꩻသွူ။\nရဟန်ꩻသီးဖုံႏဟွေး-\n၄။ မဉ်ႏယူႏလꩻသေႏသေႏ ဖမွန်ဗာႏ ဖသီဗာႏနဝ်ꩻ ထာꩻရက်မွိုꩻမာꩻ 'ဆန္ဒရာဂ'ဆေ့ꩻဖ'၊ သꩻမဉ်အားထွုတ်တရာꩻ၊ သꩻမဉ်မာꩻကုသိုလ်ႏပေါႏဒါႏ၊ ပေါႏအားထွုတ်တရာꩻ၊ ပေါႏမာꩻကုသိုလ်ႏနဝ်ꩻ ထွာနွောင်ꩻအရိယာႏ၊ ထွာနွောင်ꩻရဟန္တာႏ၊ လꩻနွောင်ꩻနိဗ္ဗာန်ႏနဝ်ꩻသွူ။\nရဟန်ꩻသီးဖုံႏဟွေး-\n၅။ မဉ်ႏယူႏလꩻသေႏသေႏ ကံႏမာꩻထွာနဝ်ꩻ မာꩻတောဝ်းအကုသိုလ်ႏ၊ မာꩻဒျာႏကုသိုလ်ႏ၊ အားထွုတ်ဒျာႏတရာꩻတဲင် ထွာနွောင်ꩻအရိယာႏ၊ ထွာနွောင်ꩻရဟန္တာႏ၊ လꩻနွောင်ꩻနိဗ္ဗာန်ႏနဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ ဌာနသုတ်)\n\nအာႏကွိုꩻ","num_words":776,"character_repetition_ratio":0.098,"word_repetition_ratio":0.223,"special_characters_ratio":0.085,"stopwords_ratio":0.006,"flagged_words_ratio":0.0,"lang_id_score":1.0,"perplexity_score":1872.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%9C%E1%80%BD%E1%80%B1%EA%A9%BB%E1%80%91%E1%80%B1%E1%80%B7%E1%80%91%E1%80%BD%E1%80%AD%E1%80%AF%E1%80%80%E1%80%BA%E1%80%84%E1%80%AB%E1%82%8F%20%E1%80%81%E1%80%AD%E1%80%94%E1%80%BA%E1%82%8F%E1%80%81%E1%80%AB%E1%82%8F%E1%80%9E%E1%80%B0%E1%80%99%E1%80%BB%E1%80%AD%E1%80%AF%EA%A9%BB","collection":"wikipedia","source":"wikipedia","original_code":"blk","text":"\"ပဌမ သမယသုတ် (လွေꩻထေ့ထွိုက်ငါႏ ခိန်ႏခါႏသူမျိုꩻ)\"\nရဟန်ꩻတပါꩻနဝ်ꩻ လွေꩻထေ့ဗွေႏဘုရာꩻ၊ ဝုဲင်ႏဘုရာꩻထွူခါ ရီပါနုဲင်းယို-\n\"ဩဗွေႏ ဘုရာꩻမျတ်ဗွေႏဩ-\nရဟန်ꩻတပါꩻနဝ်ꩻ ဒေါ့ꩻသꩻရေꩻဖေႏဒါႏလိုꩻ၊ ဒေါ့ꩻသꩻဆွော့ꩻဖေႏဒါႏလိုꩻ၊ ဒေါ့ꩻသꩻတလာ(ဒေါ့ꩻအာႏတက်)ဖေႏဒါႏလိုꩻ၊ ကဟောဝ်ဆယ်ꩻကပ် ရဟန်ꩻမျတ်၊ ရဟန်ꩻဒါႏနဝ်ꩻနဝ်ꩻ ခိန်ႏခါႏအဝ်ႏကားမုဲင်ꩻမျိုꩻ ဗွေႏဩ\"\n\"ရဟန်ꩻဟွေး-\nခိန်ႏခါႏအဝ်ႏသူမျိုꩻ၊ သူမျိုꩻကရိုꩻနောဝ်ꩻ-\n၁။ သာႏသနာႏကိုယို ရဟန်ꩻ(တပါꩻ)နောဝ်ꩻ အုံထာꩻလောႏဘꩻထွာ၊ သꩻအဝ်ႏယူႏမွိုင်းဒျာႏ ကာႏမဂွုဏ်ႏ အာႏရွုံႏငတ်ꩻပါꩻ၊ ကာမရာႏဂနိစ္စက်တဲင် အုံထာꩻယူႏပက်နာႏ၊ သꩻဖေႏကယူႏမွုန်း ကာႏမဂွုဏ်ႏနောဝ်ꩻ အီႏမာꩻဗာႏနုဲင်းမုဲင်ꩻသေတဝ်း၊ ပေါႏထွာနုဲင်းနဝ်ꩻနဝ်ꩻ လိုႏလွေꩻထေ့ရဟန်ꩻဒါႏ၊ ပေါႏလောဝ်းနယ်နဝ်ꩻ ရဟန်ꩻဒါႏ အီႏဟော်ꩻဖေႏတရာꩻ (အသုဘကမ္မဋ္ဌာန်ꩻ)၊ ယိုနဝ်ꩻ ဟောဝ်လွေꩻထေ့ငါႏ ပဌမအခိန်ႏအခါႏနောဝ်ꩻသွူ။\n၂။ သာႏသနာႏကိုယို ရဟန်ꩻ(တပါꩻ)အုံထာꩻဒေါႏသꩻထွာ၊ ဒေါႏသꩻနိစ္စက်တွော့ꩻ အုံထာꩻယူႏပက်နာႏ၊ အီႏမာꩻဗာႏနုဲင်းမုဲင်ꩻသေတဝ်��၊ ပေါႏထွာနုဲင်းနဝ်ꩻ လိုႏလွေꩻထေ့ငါႏ ရဟန်ꩻဒါႏ၊ ပေါႏလောဝ်းနယ်နဝ်ꩻ ရဟန်ꩻအီႏ အီႏဟော်ꩻဖေႏတရာꩻ (မေတ္တာႏကမ္မဋ္ဌာန်ꩻ)ယိုနဝ်ꩻ ထွာဟောဝ်လွေꩻထေ့ငါႏ ဒုတိယအခိန်ႏခါႏနဝ်ꩻသွူ။\n၃။ သာႏသနာႏကိုယို ရဟန်ꩻ(တပါꩻ)န၀်ꩻ အုံထာꩻလွꩻသေႏသေႏ တခေင်ꩻသေႏသေႏထာꩻ၊ သꩻလွꩻ-သꩻတခေင်ꩻနိစ္စက်တဲင် အုံထာꩻယူႏပက်နာႏ၊ အီႏမာꩻဗာႏနုဲင်းမုဲင်ꩻသေတဝ်း၊ ပေါႏထွာနုဲင်းနဝ်ꩻနဝ်ꩻ လိုႏလွေꩻထေ့ငါႏ ရဟန်ꩻဒါႏ၊ ပေါႏလောဝ်းနယ်နဝ်ꩻ ရဟန်ꩻဒါႏ အီႏဟော်ꩻဖေႏတရာꩻ (ထိနမိဒ္ဓဝိနောဒနကမ္မဋ္ဌာန်ꩻ-ကမ္မဋ္ဌာန်ꩻပယ်ႏထိုꩻ သꩻလွꩻ၊ သꩻတခေင်ꩻ)ယိုနဝ်ꩻ ဟောဝ်လွေꩻထေ့ငါႏ တတိယအခိန်ႏခါႏနောဝ်ꩻသွူ။\n၄။ သာႏသနာႏကိုယို ရဟန်ꩻ(တပါꩻ)နဝ်ꩻ အုံထာꩻသꩻလော်လယ်၊ သꩻနောင်ႏတကော့ꩻမာႏ၊ သꩻလော်လယ်ဥဒ္ဓစ္စ၊ သꩻနောင်ႏတကော့ꩻမာႏ-ကုက္ကုစ္စနိစ္စက်တွော့ꩻ အုံထာꩻယူႏပက်ငါႏ၊ အီႏမာꩻဗာႏနုဲင်းမုဲင်ꩻသေတဝ်း၊ ပေါႏထွာနုဲင်းနဝ်ꩻနဝ်ꩻ လိုႏလွေꩻထေ့ငါႏ ရဟန်ꩻဒါႏ၊ ပေါႏလောဝ်းနယ်ရဟန်ꩻဒါႏနဝ်ꩻ အီႏဟော်ꩻဖေႏတရာꩻ၊ (သမထကမ္မဋ္ဌာန်ꩻ) ယိုနဝ်ꩻ ဟောဝ်လွေꩻထေ့ငါႏ စတုတ္ထအခိန်ႏခါႏနောဝ်ꩻသွူ။\n၅။ သာႏသနာႏကိုယို ရဟန်ꩻ(တပါꩻ)နဝ်ꩻ အုံထာꩻသꩻသံသယထွာ ရတနာႏသွံပါꩻလောင်း၊ သꩻသံသယ ဝိစိကိစ္ဆာနိစ္စက်တဲင် အုံထာꩻယူႏပက်နာႏ၊ အီႏမာꩻဗာႏနုဲင်းမုဲင်ꩻသေတဝ်း၊ ပေါႏထွာနုဲင်းနဝ်ꩻနဝ်ꩻ လိုႏလွေꩻထေ့ငါႏ ရဟန်ꩻဒါႏ၊ ပေါႏလောဝ်းနယ်နဝ်ꩻ ရဟန်ꩻဒါႏ အီႏဟော်ꩻဖေႏတရာꩻ (ရတနာႏသွံပါꩻ ဂွုဏ်ႏကေꩻဇူꩻ) ယိုနဝ်ꩻ ဟောဝ်လွေꩻထေ့ငါႏ ပဉ္စမအခိန်ႏခါႏနောဝ်ꩻသွူ။\n၆။ သာႏသနာႏကိုယို ရဟန်ꩻ(တပါꩻ)နဝ်ꩻ အုံထာꩻအဝ်ႏစွယ်ꩻလမ်ꩻဒျာႏ နိမိတ်တမျိုꩻမျိုꩻ၊ နိမိတ်နဝ်ꩻနိစ္စက်တွော့ꩻ အုံထာꩻယူႏပက်နာႏ၊ အီႏမာꩻဗာႏနုဲင်းမုဲင်ꩻသေတဝ်း၊ ပေါႏထွာနုဲင်းနဝ်ꩻ လိုႏလွေꩻထေ့ငါႏ ရဟန်ꩻဒါႏ၊ ပေါႏလောဝ်းနယ်နဝ်ꩻ ရဟန်ꩻဒါႏ အီႏဟော်ꩻဖေႏတရာꩻ (အာသဝက္ခယ-လောဘ ဒိဋ္ဌိ မောဟလို့ရာꩻခရာႏ) ယိုနဝ်ꩻ ဟောဝ်လွေꩻထေ့ငါႏ ဆဋ္ဌအခိန်ႏခါႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဆက္ကနိပါတ်၊ ပဌမသမယသုတ်)\n\nအာႏကွိုꩻ","num_words":440,"character_repetition_ratio":0.099,"word_repetition_ratio":0.151,"special_characters_ratio":0.078,"stopwords_ratio":0.005,"flagged_words_ratio":0.0,"lang_id_score":1.0,"perplexity_score":2568.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%9C%EA%A9%BB%E1%80%A1%E1%80%AE%E1%80%95%E1%80%8A%E1%80%AC%E1%82%8F%E1%80%A1%E1%80%80%E1%80%BB%E1%80%B1%E1%80%AC%E1%80%84%E1%80%BA%EA%A9%BB%E1%81%88-%E1%80%99%E1%80%BB%E1%80%AD%E1%80%AF%EA%A9%BB","collection":"wikipedia","source":"wikipedia","original_code":"blk","text":"\"ပညာသုတ် (လꩻအီပညာႏ အကျောင်ꩻသွစ်ꩻမျိုꩻ)\"\nရဟန်ꩻသီးဖုံႏဟွေး-\nအကျင်ꩻမျတ် အထျꩻထျꩻနဝ���ꩻ \"ပညာႏ-ထာꩻသေ\"၊ အကျောင်ꩻသွစ်ꩻမျိုꩻဖုံႏယိုနဝ်ꩻ မဉ်ႏတလꩻတဝ်းပညာႏ-မဉ်ႏတသေနာႏတဝ်းဒွိုန်းတရာꩻတဲ့ 'လꩻအီပညာႏ-သေနာႏအီတရာꩻ'အကျောင်ꩻသွစ်ꩻပါꩻဖုံႏသွူ၊\nပေါႏလꩻ-ပေါႏသေထွူနဝ်ꩻ ဖေႏနေးကယိန်းတိုꩻပွါꩻအာအာ၊ ဖေႏနေးကယိန်းလွိုင်ႏကွုန်ꩻအာအာ၊ ဖေႏနေးကယိန်းပွါꩻငါငါ၊ ဖေႏနေးကစွစ်ꩻစဲစ်ꩻဗွေအာနဝ်ꩻ အကျောင်ꩻယိုသွစ်ꩻမျိုꩻ ထွာအထျꩻထျꩻနောဝ်ꩻသွူ။\nရဟန်ꩻသီးဖုံႏဟွေး-\nကလꩻအီပညာႏ-ကသေနာႏအီတရာꩻ အကျောင်ꩻသွစ်ꩻပါꩻကရိုꩻနောဝ်ꩻ-\n၁။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ အအုံနောင်ဆရာႏဟောဝ်၊ အအုံနောင်သွꩻပေႏဟောဝ်၊ ဝွေꩻအီႏမာꩻထာꩻမာꩻကုဲင် (ကာယဒုစရဲက်)တမျိုꩻမျိုꩻ၊ ဝွေꩻအီႏဒေါ့ꩻ ထာꩻဒေါ့ꩻကုဲင် (ဝစီဒုစရဲက်)တမျိုꩻမျိုꩻ၊ ဝွေꩻအီႏယူႏ ထာꩻယူႏကုဲင် (မနော်ꩻဒုစရဲက်)တမျိုꩻမျိုꩻနဝ်ꩻ ဟွူန်ငမ်း၊ ဟွုန်ဝင်ꩻသꩻမွေးစဉ်ႏ အဆရာႏ၊ ဟွုန်အာႏနာႏမွေးစွဉ်ႏ ဝွေꩻသွꩻပေႏဟောဝ်တဲင် မာꩻတဝ်းအကုသိုလ်ႏ၊ မာꩻဒျာႏကုသိုလ်ႏ၊ ကွပ်နဝ်ꩻမꩻ ယိုနောဝ်ꩻ လꩻအီပညာႏ-သေနာႏအီတရာꩻ 'ပဌမ'အကျောင်ꩻတပါꩻနောဝ်ꩻသွူ။\nရဟန်ꩻသီးဖုံႏဟွေး-\n၂။ သာႏသနာႏတောႏကိုယို ရဟန်ꩻနဝ်ꩻနဝ်ꩻ အဝ်ႏအုံနောင်ဆရာႏဟောဝ်၊ အဝ်ႏအုံနောင်သွꩻပေႏဟောဝ်အတွင်ꩻ ကျင်ꩻအကျင်ꩻမျတ်၊ မာꩻကုသိုလ်ႏလွုမ်ꩻတကာႏတောဝ်း ယလဲင်ႏလဲင်ႏနဝ်ꩻ လွေꩻထေ့အဆရာႏထျꩻ၊ လွေꩻထေ့သွꩻပေႏထျꩻထွူခါ ရီပါနုဲင်းယို-\n'ဩဗွေႏ-\nပါဠိယိုနဝ်ꩻ အရိုꩻထမုဲင်ꩻ၊ ဖေႏအနက်နုဲင်းမုဲင်ꩻနဲ၊ အဓိပ္ပါယ်ႏထန်ႏနုဲင်းမုဲင်ꩻနဲ'ရီနုဲင်းနဝ်ꩻ၊ မဉ်သေမဉ်ဒါႏ ထေပုစ္ဆာႏ၊ မာꩻပျဿနာႏနုဲင်းနဝ်ꩻ။\nဝွေꩻဆရာႏ ဝွေꩻသွꩻပေႏဖုံႏတဲ့ ဗွောင်နယ်လုဲင်းလုဲင်း၊ သျင်ꩻခြုဲင်းစဲင်းစဲ့၊ မာꩻထဲ့ထိုꩻ ဝွေꩻသံသယ၊ ဖျင်စွို့ꩻဖေႏ ထာꩻယူႏမာႏ၊ ကွပ်နဝ်ꩻမꩻ ယိုနဝ်ꩻ လꩻအီပညာႏ-သေနာႏအီတရာꩻ 'ဒုတိယ'အကျောင်ꩻတပါꩻနောဝ်ꩻသွူ။\nရဟန်ꩻသီးဖုံႏဟွေး-\n၃။ သာႏသနာႏတောႏကိုယို ရဟန်ꩻနဝ်ꩻနဝ်ꩻ နာႏဗာႏတရာꩻနဝ်ꩻ (သေနာႏစဲင်းစဲ့တရာꩻနဝ်ꩻ)တဲင် နမ်းတဲ့ အုံခေါ်ထိုꩻသွꩻ၊ သꩻတဲ့ ဖညာꩻထိုꩻကိလေႏသာႏ၊ ဝွေꩻလွောက်ꩻနာႏ စီꩻကန်ꩻနဝ်ꩻနီချက်၊ ကွပ်နဝ်ꩻမꩻ ယိုနဝ်ꩻ လꩻအီပညာႏ-သေနာႏအီတရာꩻ 'တတိယ'အကျောင်ꩻတပါꩻနောဝ်ꩻသွူ။\nရဟန်ꩻသီးဖုံႏဟွေး-\n၄။ သာႏသနာႏတောႏကိုယို ရဟန်ꩻနဝ်ꩻနဝ်ꩻ သီႏလအဝ်ႏ၊ အုံဟောဝ်ဟောဝ် အုံဒါႏဒါႏ၊ လွောက်ꩻနာႏလွဉ်ꩻဒျာႏ နီဗွေႏဘုရာꩻစီꩻကန်ꩻ၊ 'အပဲ့စ်ပေႏပေႏဒျာႏ၊ အမာႏဆေ့ꩻဆေ့ꩻပေႏတဲ့ယဝ်း ထီႏဖွီတဝ်း၊ မတ်နုဲင်းမေႏ-ရေႏနုဲင်းဘေꩻ'တဲင် အကျင်ꩻဟောဝ်၊ အုံအောဝ်ႏမဲဉ်ႏ၊ ကွပ်နဝ်ꩻမꩻ ယိုနဝ်ꩻ လꩻအီပညာႏ-သေနာႏအီတရာꩻ 'စတုတ္ထ'အကျောင်ꩻတပါꩻနောဝ်ꩻသွူ။ \nရဟန်ꩻသီးဖုံႏဟွေး-\n၅။ သာႏသနာႏတောႏကိုယို ရဟန်ꩻနောဝ်ꩻနောဝ်ꩻ အဟွူန်အထီႏအာ၊ ရွမ်ခါꩻ အဟွုန်အထီႏ၊ ထိုမ်ႏတွမ်အဟွုန်အထီႏ၊ အထျꩻယံ တရာꩻမျိုꩻ၊ အထဝကျ တရာꩻမျိုꩻ၊ အနာယံကျ တရာꩻမျိုꩻ၊ အဓိပ္ပါယ်ႏဟောဝ်ဟောဝ်၊ အထီဗွေဝန်ႏ၊ ထွိုက်တန်ႏစင်ဗွာ၊ ကထွာအီအကျင်ꩻမျတ် (အာယတနဓါတ်ခန္ဓာႏ၊ သစ္စာႏ)တရာꩻဖုံႏယို နာႏဖိုအာတန်၊ ဒါႏအိုမ်အာတန်၊ ရွစ်သေႏသေႏအာတန်၊ တောင်ꩻခါꩻသꩻကိုအာတန်၊ နေးတွမ်ႏပညာႏ သေနာႏသဘော်ꩻဗွောင်အာတန်၊ ကွပ်နဝ်ꩻမꩻ ယိုနဝ်ꩻ လꩻအီပညာႏ-သေနာႏအီတရာꩻ 'ပဉ္စမ'အကျောင်ꩻတပါꩻနောဝ်ꩻသွူ။\nရဟန်ꩻသီးဖုံႏဟွေး-\n၆။ သာႏသနာႏတောႏကိုယို ရဟန်ꩻနောဝ်ꩻနဝ်ꩻ ကျိုꩻစာꩻပယ်ႏထိုꩻမွေး အကုသိုလ်ႏ၊ ကျိုꩻစာꩻမာꩻမွေးစွဉ်ႏကုသိုလ်ႏ၊ မာꩻတဲ့ မာꩻနွောင်ꩻမွေးစွဉ်ႏ၊ ဝီရိယတဲ့ တဉ်ႏခွေါင်မွေးစွဉ်ႏ၊ တန်ꩻတဝ်း ဖုဲင်ႏတဝ်း အွဉ်ႏလွတ်ထိုꩻကုသိုလ်ႏနဝ်ꩻ အဝ်ႏဖိုဖိုတဝ်း၊ ကွပ်နဝ်ꩻမꩻ ယိုနဝ်ꩻ လꩻအီပညာႏ-သေနာႏအီတရာꩻ'ဆဋ္ဌ'အကျောင်ꩻတပါꩻနဝ်ꩻသွူ။\nရဟန်ꩻသီးဖုံႏဟွေး-\n၇။ သာႏသနာႏတောႏကိုယို ရဟန်ꩻနဝ်ꩻနဝ်ꩻ ပေါႏတွိုႏလွေꩻ သံဃာႏခြာနဝ်ꩻ ဒေါ့ꩻဗြောဗြောဗြားဗြားတဝ်းထာꩻ (ငေါဝ်းအာမွိုꩻမာꩻ ဒေါ့ꩻစွုမ်ႏစမ်ႏတဝ်းထာꩻ) ငေါဝ်းကခတ်ꩻမဂ်ဖိုလ်ႏ-ငေါဝ်းကုသိုလ်ႏ တမွေးတဝ်းနဝ်ꩻ ဒေါ့ꩻတဝ်း၊ နမ်းတဲ့ ဟော်ꩻတရာꩻ၊ ဝင်ꩻတဲ့ ဝွေꩻတောင်ꩻပြန်ႏ ထွဉ်ႏဟော်ꩻတရာꩻ၊ (ပေါႏဝင်ꩻဟော်ꩻတရာꩻတဲ့ နာႏရိုႏရိုႏသေႏသေႏ) ခါးလားကဒေါ့ꩻပျင်ႏထာꩻနဝ်ꩻ အုံတေ့ꩻတေ့ꩻထာꩻနဝ်ꩻ ဟောဝ်ထဲင်း ယူႏဒျာႏနုဲင်းနောဝ်ꩻ၊ ကွပ်နဝ်ꩻမꩻ ယိုနဝ်ꩻ လꩻအီပညာႏ-သေနာႏအီတရာꩻ 'သတ္တမ'အကျောင်ꩻတပါꩻနောဝ်ꩻသွူ။\nရဟန်ꩻသီးဖုံႏဟွေး-\n၈။ သာႏသနာႏတောႏကိုယို ရဟန်ꩻနဝ်ꩻနဝ်ꩻ အုံထာꩻ အဝ်ႏထွားတရာꩻနုဲင်းယို-\n(က) ယိုနဝ်ꩻ 'ရုပ်၊ ယိုနဝ်ꩻ ထွာအီရုပ် အကျောင်ꩻတရာꩻ၊ ယိုနဝ်ꩻ ရုပ်ဖေ့ထိုꩻမားအီအကျောင်ꩻတရာꩻ'\n(ခ) ယိုနဝ်ꩻ 'ဝွေႏဒနာႏ၊ ယိုနဝ်ꩻ ထွာအီဝွေႏဒျာႏ အကျောင်ꩻတရာꩻ၊ ယိုနဝ်ꩻ ဝွေႏဒနာႏဖေ့ထိုꩻမားအီ အကျောင်ꩻတရာꩻ'\n(ဂ) ယိုနဝ်ꩻ 'သညာႏ၊ ယိုနဝ်ꩻ ထွာအီသညာႏ အကျောင်ꩻတရာꩻ၊ ယိုနောဝ်ꩻ သညာႏဖေ့ထိုꩻမားအီ အကျောင်ꩻတရာꩻ'\n(ဃ) ယိုနဝ်ꩻ 'သင်္ခါႏရ၊ ယိုနဝ်ꩻ ထွာအီသင်္ခါႏရ အကျောင်ꩻတရာꩻ၊ ယိုနောဝ်ꩻ သင်္ခါႏရဖေ့ထိုꩻမားအီ အကျောင်ꩻတရာꩻ'\n(င) ယိုနဝ်ꩻ 'ဝိညာဏ်ႏ၊ ယိ���နဝ်ꩻ ထွာအီဝိညာဏ်ႏ အကျောင်ꩻတရာꩻ၊ ယိုနဝ်ꩻ ဝိညာဏ်ႏဖေ့ထိုꩻမားအီ အကျောင်ꩻတရာꩻ'\nအုံထာꩻနေးတွမ်ႏဉာဏ်ႏ အဝ်ႏထွား အဝ်ႏဝွေႏဖန်ႏဒျာႏ ဥပါဒါနက္ခန္ဓာႏငတ်ꩻပါꩻ၊ တရာꩻအထွာအကုဲင်နုဲင်းနဝ်ꩻ၊ ကွပ်နဝ်ꩻမꩻ ယိုနဝ်ꩻ လꩻအီပညာႏ-သေနာႏအီတရာꩻ 'အဋ္ဌမ'အကျောင်ꩻတပါꩻနဝ်ꩻသွူ။\nရဟန်ꩻနဝ်ꩻနဝ်ꩻ အသွꩻဖုံႏ အံႏဖြာႏလွနုဲင်းယို-\n၁။ \"ဝွေꩻဗွေႏယိုနဝ်ꩻ\nအုံနောင်ဆရာႏဟောဝ်၊ အုံနောင်သွꩻပေႏဟောဝ်၊ ပေါႏဝွေꩻဗွေႏ အီႏမာꩻထာꩻမာꩻကုဲင် တမျိုꩻမျိုꩻနဝ်ꩻ ဟွူန်ငမ်း၊ ဟွုန်ဝင်ꩻသꩻမွေးစွဉ်ႏ အဆရာႏ၊ ဟွုန်အာႏနာႏမွေးစွဉ်ႏ ဝွေꩻဗွေႏသွꩻပေႏဟောဝ်တဲင် မာꩻတောဝ်းအကုသိုလ်ႏ၊ မာꩻဒျာႏကုသိုလ်ႏဟ တိတ်ချဝွေꩻဗွေႏယိုနဝ်ꩻ ကသေထွိုက်တရာꩻနဝ်ꩻ သေဒျာႏရင်ꩻ၊ ကထီႏသင်ꩻတရာꩻနဝ်ꩻ ထီႏသေႏချာႏ\"အံႏဖြာႏလွနုဲင်းနဝ်ꩻ။\nကအံႏဖြာႏ နုဲင်းယိုနဝ်ꩻတဲ့ ထွာဒျာႏ ယံကရက်စိုမ်ꩻလို့ဝင်ꩻ၊ ဖေႏကရိုႏသေႏလို့ဝင်ꩻ၊ ယံဖေႏကဟွုန်ဟောဝ်လို့ဝင်ꩻ၊ ဖေႏနေးကလꩻ ရဟန်ꩻတရာꩻ၊ ယံဖေႏနေးကထွာ တဗူႏချင်ႏဒျာႏနောဝ်ꩻသွူ။\n၂။ \"ဝွေꩻဗွေႏယိုနဝ်ꩻ-\nအဝ်ႏအုံနောင်ဆရာႏဟောဝ်၊ အဝ်ႏအုံနောင် သွꩻပေႏဟောဝ်အတွင်ꩻ ကျင်ꩻအကျင်ꩻမျတ်၊ မာꩻကုသိုလ်ႏလွုမ်ꩻတကာႏတဝ်း၊ ရီအဆရာႏ၊ ရီအသွꩻ၊ ပါဠိအနက်အဓိပ္ပါယ်ႏ၊ ဝွေꩻဗွေႏဆရာႏ၊ ဝွေꩻဗွေႏသွꩻတဲ့ ဗွောင်နယ်လုဲင်းလုဲင်း ခြုဲင်းနယ်စဲင်းစဲ့၊ မာꩻထဲ့ထိုꩻ ဝွေꩻဗွေႏသံသယ၊ ဖျင်စွို့ꩻဖေႏ ဝွေꩻဗွေႏထာꩻယူႏမာႏဟ တိတ်ချဝွေꩻဗွေႏယိုနဝ်ꩻ ကသေထွိုက်တရာꩻနဝ်ꩻ သေဒျာႏရင်ꩻ၊ ကထီႏသင်ꩻတရာꩻနဝ်ꩻ ထီႏသေႏချာႏ\"အံႏဖြာႏလွနုဲင်းနဝ်ꩻ။\nကအံႏဖြာႏ နုဲင်းယိုနဝ်ꩻတဲ့ ထွာဒျာႏ ယံကရက်စိုမ်ꩻလို့ဝင်ꩻ၊ ဖေႏကရိုႏသေႏလို့ဝင်ꩻ၊ ယံဖေႏကဟွူန်ဟောဝ်လို့ဝင်ꩻ၊ ဖေႏနေးကလꩻ ရဟန်ꩻတရာꩻ၊ ယံဖေႏနေးကထွာ တဗူႏချင်ႏဒျာႏနောဝ်ꩻသွူ။\n၃။ \"ဝွေꩻဗွေႏယိုနဝ်ꩻ-\nနာႏဗာႏတရာꩻနဝ်ꩻ (သေနာႏစဲင်းစဲ့တရာꩻနဝ်ꩻ)တဲင် နမ်းတဲ့ အုံခေါ်ထိုꩻသွꩻ၊ သꩻတဲ့ ဖညာꩻထိုꩻကိလေႏသာႏ၊ ဝွေꩻဗွေႏလောက်ꩻနာႏ စီꩻကန်ꩻနဝ်ꩻနီချက်ဟ တိတ်ချဝွေꩻဗွေႏယိုနဝ်ꩻ ကသေထွိုက်တရာꩻနောဝ်ꩻ သေဒျာႏရင်ꩻ၊ ကထီႏသင်ꩻတရာꩻနဝ်ꩻ ထီႏသေႏချာႏ\"အံႏဖြာႏလွနုဲင်းနဝ်ꩻ။\nကအံႏဖြာႏ နုဲင်းယိုနဝ်ꩻတဲ့ ထွာဒျာႏ ယံကရက်စိုမ်ꩻလို့ဝင်ꩻ၊ ဖေႏကရိုႏသေႏလို့ဝင်ꩻ၊ ယံဖေႏကဟွူန်ဟောဝ်လို့ဝင်ꩻ၊ ဖေႏနေးကလꩻ ရဟန်ꩻတရာꩻ၊ ယံဖေႏနေးကထွာ တဗူႏချင်ႏဒျာႏနောဝ်ꩻသွူ။\n၄။ \"ဝွေꩻဗွေႏယိုနဝ်ꩻ-\nသီႏလအဝ်ႏ၊ အုံဟောဝ်ဟောဝ် အဝ်ႏဒါႏဒ���ႏ၊ လွောက်ꩻနာႏလွဉ်ꩻဒျာႏ နီဗွေႏဘုရာꩻစီꩻကန်ꩻ၊ အပဲ့စ်ပေႏပေႏဒျာႏ-အမာႏဆေ့ꩻဆေ့ꩻပေႏတဲ့ယဝ်း ထီႏဖွီတဝ်း၊ မတ်နုဲင်းမေႏ-ရေႏနုဲင်းဘေꩻတဲင် အကျင်ꩻဟောဝ်၊ အုံအောဝ်ႏမဲဉ်ႏဟ တိတ်ချဝွေꩻဗွေႏယိုနဝ်ꩻ ကသေထွိုက်တရာꩻနဝ်ꩻ သေဒျာႏရင်ꩻ၊ ကထီႏသင်ꩻတရာꩻနဝ်ꩻ ထီႏသေႏချာႏ\"အံႏဖြာႏလွနုဲင်းနောဝ်ꩻ။\nကအံႏဖြာႏ နုဲင်းယိုနဝ်ꩻတဲ့ ထွာဒျာႏ ယံကရက်စိုမ်ꩻလို့ဝင်ꩻ၊ ဖေႏကရိုႏသေႏလို့ဝင်ꩻ၊ ယံဖေႏကဟွူန်ဟဝ်လို့ဝင်ꩻ၊ ဖေႏနေးကလꩻ ရဟန်ꩻတရာꩻ၊ ယံဖေႏနေးကထွာ တဗူႏချင်ႏဒျာႏနောဝ်ꩻသွူ။\n၅။ \"ဝွေꩻဗွေႏယိုနဝ်ꩻ-\nအဟွူန်အထီႏအာ၊ ရွမ်ခါꩻအဟွုန်အထီႏ၊ ထိုမ်ႏတွမ်အဟွုန်အထီႏ၊ အထျꩻယံတရာꩻမျိုꩻ၊ အထဝကျတရာꩻမျိုꩻ၊ အနာယံကျ တရာꩻမျိုꩻ၊ အဓိပ္ပါယ်ႏဟောဝ်ဟောဝ် အထီဗွေဝန်ႏ၊ ထွိုက်တန်ႏစင်ဗွာ၊ ကထွာအီအကျင်ꩻမျတ်၊ (အာယတနဓါတ်ခန္ဓာႏ၊ သစ္စာႏ)တရာꩻဖုံႏယို နာႏဖိုအာတန်၊ ဒါႏအိုမ်အာတန်၊ ရွစ်သေႏသေႏအာတန်၊ တောင်ꩻခါꩻသꩻကိုအာတန်၊ နေးတွမ်ႏပညာႏ သေနာႏသဘော်ꩻဗွောင်အာတန်ဟ တိတ်ချဝွေꩻဗွေႏယိုနဝ်ꩻ ကသေထွိုက်တရာꩻနဝ်ꩻ သေဒျာႏရင်ꩻ၊ ကသေသင်ꩻတရာꩻနဝ်ꩻ ထီႏသေႏချာႏ\"အံႏဖြာႏလွနုဲင်းနဝ်ꩻ။\nကအံႏဖြာႏ နုဲင်းယိုနဝ်ꩻတဲ့ ထွာဒျာႏ ယံကရက်စိုမ်ꩻလို့ဝင်ꩻ၊ ဖေႏကရိုႏသေႏလို့ဝင်ꩻ၊ ယံဖေႏကဟွူန်ဟဝ်လို့ဝင်ꩻ၊ ဖေႏနေးကလꩻ ရဟန်ꩻတရာꩻ၊ ယံဖေႏနေးကထွာ တဗူႏချင်ႏဒျာႏနောဝ်ꩻသွူ။\n၆။ \"ဝွေꩻဗွေႏယုနဝ်ꩻ-\nကျိုꩻစာꩻပယ်ႏထိုꩻမွေး အကုသိုလ်ႏ၊ ကျိုꩻစာꩻမာꩻမွေးစွဉ်ႏ ကုသိုလ်ႏ၊ မာꩻတဲ့ မာꩻနွောင်ꩻမွေးစွဉ်ႏ၊ ဝီရိယတဲ့ တဉ်ႏခွေါင်မွေးစွဉ်ႏ၊ တန်ꩻတဝ်း ဖုဲင်ႏတဝ်း အွဉ်ႏလွတ်ထိုꩻကုသိုလ်ႏနဝ်ꩻ အဝ်ႏဖိုဖိုတဝ်းဟ တိတ်ချဝွေꩻဗွေႏယိုနဝ်ꩻ ကသေထွိုက်တရာꩻနဝ်ꩻ သေဒျာႏရင်ꩻ၊ ကသေသင်ꩻတရာꩻနဝ်ꩻ ထီႏသေႏချာႏ\"အံႏဖြာႏလွနုဲင်းနဝ်ꩻ။\nကအံႏဖြာႏ နုဲင်းယိုနဝ်ꩻတဲ့ ထွာဒျာႏ ယံကရက်စိုမ်ꩻလို့ဝင်ꩻ၊ ဖေႏကရိုႏသေႏလို့ဝင်ꩻ၊ ယံဖေႏကဟွူန်ဟဝ်လို့ဝင်ꩻ၊ ဖေႏနေးကလꩻ ရဟန်ꩻတရာꩻ၊ ယံဖေႏနေးကထွာ တဗူႏချင်ႏဒျာႏနောဝ်ꩻသွူ။\n၇။ \"ဝွေꩻဗွေႏယိုနဝ်ꩻ-\nပေါႏတွိုႏလွေꩻ သံဃာႏခြာနဝ်ꩻ ဒေါ့ꩻဗြောဗြောဗြားဗြားတဝ်းထာꩻ (ငေါဝ်းအာမွိုꩻမာꩻ ဒေါ့ꩻစွုမ်ႏစမ်ႏတဝ်းထာꩻ) ငေါဝ်းကခတ်ꩻမဂ်ဖိုလ်ႏ-ငေါဝ်းကုသိုလ်ႏ တမွေးတဝ်းနဝ်ꩻ ဒေါ့ꩻတဝ်း၊ နမ်းတဲ့ ဟော်ꩻတရာꩻ၊ ဝင်ꩻတဲ့ ဝွေꩻတောင်ꩻပြန်ႏ ထွဉ်ႏဟော်ꩻတရာꩻ၊ (ပေါႏဝင်ꩻဟော်ꩻတရာꩻတဲ့ နာႏရိုႏရိုႏသေႏသေႏ) ခါးလားကဒေါ့ꩻပျင်ႏထာꩻနဝ်ꩻ အုံတ��့ꩻတေ့ꩻထာꩻနဝ်ꩻ ဟောဝ်ထဲင်း ယူႏဒျာႏနုဲင်းနဝ်ꩻဟ တိတ်ချဝွေꩻဗွေႏယိုနဝ်ꩻ ကသေထွိုက်တရာꩻနဝ်ꩻ သေဒျာႏရင်ꩻ၊ ကသေသင်ꩻတရာꩻနဝ်ꩻ ထီႏသေႏချာႏ\"အံႏဖြာႏလွနုဲင်းနဝ်ꩻ။\nကအံႏဖြာႏ နုဲင်းယိုနဝ်ꩻတဲ့ ထွာဒျာႏ ယံကရက်စိုမ်ꩻလို့ဝင်ꩻ၊ ဖေႏကရိုႏသေႏလို့ဝင်ꩻ၊ ယံဖေႏကဟွူန်ဟဝ်လို့ဝင်ꩻ၊ ဖေႏနေးကလꩻ ရဟန်ꩻတရာꩻ၊ ယံဖေႏနေးကထွာ တဗူႏချင်ႏဒျာႏနောဝ်ꩻသွူ။\n၈။ ဝွေꩻဗွေႏယိုနဝ်ꩻ-\nအုံထာꩻနေးတွမ်ႏဉာဏ်ႏ အဝ်ႏထွား အဝ်ႏဝွေႏဖန်ႏတရာꩻနုဲင်းယို-\n- ယိုနဝ်ꩻ ရုပ်၊ ဝွေႏဒနာႏ၊ သညာႏ၊ သင်္ခါႏရ၊ ဝိညာဏ်ႏ။\n- ယိုနဝ်ꩻ ထွာအီရုပ်၊ ဝွေႏဒနာႏ၊ သညာႏ၊ သင်္ခါႏရ၊ ဝိညာဏ်ႏ အကျောင်ꩻတရာꩻ။\n- ယိုနဝ်ꩻ ရုပ်၊ ဝွေႏဒနာႏ၊ သညာႏ၊ သင်္ခါႏရ၊ ဝိညာဏ်ႏ ဖေ့ထိုꩻမားအီ အကျောင်ꩻတရာꩻ၊\nအုံထာꩻနေးတွမ်ႏဉာဏ်ႏ အဝ်ႏထွား အဝ်ႏဝွေႏဖန်ႏဒျာႏ ဥပါဒါနက္ခန္ဓာႏငတ်ꩻပါꩻ တရာꩻအထွာအကုဲင်နုဲင်းနဝ်ꩻဟ တိတ်ချဝွေꩻဗွေႏယိုနဝ်ꩻ ကသေထွိုက်တရာꩻနဝ်ꩻ သေဒျာႏရင်ꩻ၊ ကသေသင်ꩻတရာꩻနဝ်ꩻ ထီႏသေႏချာႏ\"အံႏဖြာႏလွနုဲင်းနဝ်ꩻ။\nကအံႏဖြာႏ နုဲင်းယိုနဝ်ꩻတဲ့ ထွာဒျာႏ ယံကရက်စိုမ်ꩻလို့ဝင်ꩻ၊ ဖေႏကရိုႏသေႏလို့ဝင်ꩻ၊ ယံဖေႏကဟွူန်ဟဝ်လို့ဝင်ꩻ၊ ဖေႏနေးကလꩻ ရဟန်ꩻတရာꩻ၊ ယံဖေႏနေးကထွာ တဗူႏချင်ႏဒျာႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ အဋ္ဌကနိပါတ်၊ ပညာသုတ်)\n\nအာႏကွိုꩻ","num_words":1521,"character_repetition_ratio":0.078,"word_repetition_ratio":0.339,"special_characters_ratio":0.079,"stopwords_ratio":0.024,"flagged_words_ratio":0.0,"lang_id_score":1.0,"perplexity_score":2484.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%9D%E1%80%B1%E1%80%84%E1%80%BA%EA%A9%BB%E1%80%80%E1%80%9C%E1%80%B1%E1%80%AC%E1%80%BA%EA%A9%BB","collection":"wikipedia","source":"wikipedia","original_code":"blk","text":"ဝေင်ꩻကလော်ꩻ နဝ်ꩻ အဝ်ႏဒျာႏ မျန်မာခမ်းထီ၊ ဖြဝ်ꩻခမ်းနယ်ႏအခဝ်နဝ် ကလော်ꩻခရဲင်ႏ ဝေင်ꩻနယ်ႏကလော်ꩻကို ကပါဒါႏ ဝေင်ꩻဒျာႏတဲင် ဝေင်ꩻနယ်ႏရွမ်ꩻဖုံႏ ကအဝ်ႏဒါႏ ဝေင်ꩻတဝေင်ꩻဒျာႏသွူ။ ဝေင်ꩻကလော်ꩻနဝ်ꩻ အဝ်ႏဒျာႏ ခမ်းခြွဉ်းဗူႏတဖူꩻတန်လောင်းတဲင် အဝ်ႏခမ်းကောင် မိဉ်ႏလင်ꩻမန်းခမ်းနဝ်ꩻ ကာႏလွေꩻဗာႏနဝ်ꩻသွူ။ ထွာဒျာႏ ဖြဝ်ꩻခမ်းအသွတ်ꩻ မန်ႏတလေꩻအစ အနွို့အထန်ႏ ခမ်းကူဝေင်ꩻတဝေင်ꩻဒျာႏသွူ။\n\nအာႏကွိုꩻ \n\nဖြဝ်ꩻခမ်းနယ်ႏကိုဝေင်ꩻဖုံႏ","num_words":35,"character_repetition_ratio":0.096,"word_repetition_ratio":0.0,"special_characters_ratio":0.07,"stopwords_ratio":0.029,"flagged_words_ratio":0.0,"lang_id_score":1.0,"perplexity_score":159891.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%9D%E1%80%B1%E1%80%84%E1%80%BA%EA%A9%BB%E1%80%81%E1%80%BD%E1%80%94%E1%80%BA%E1%80%B8%E1%80%99%E1%80%AC%E1%80%B8","collection":"wikipedia","source":"wikipedia","original_code":"blk","text":"ဝေင်ꩻခွန်းမား (မန်း: ခွန်းမားမြို့) နဝ်ꩻ အဝ်ႏဒျာႏ မျန်မာခမ်းထီ အခဝ်ကွဉ်ႏထင်ꩻ၊ ဖြဝ်ꩻခမ်းနယ်ႏ အခဝ်ထင်ꩻ၊ ဝနမ်းပဲင်ႏအိုပ်ချုတ်ခွင်ꩻလꩻတွိုင်ꩻ၊ မွိုင်းမော အထူꩻဒေႏသ-၂ကို ကအဝ်ႏဒါႏ ဝေင်ꩻတဝေင်ꩻဒျာႏသွူ။\n\nအာႏကွိုꩻ \n\nဖြဝ်ꩻခမ်းနယ်ႏကိုဝေင်ꩻဖုံႏ","num_words":22,"character_repetition_ratio":0.036,"word_repetition_ratio":0.0,"special_characters_ratio":0.096,"stopwords_ratio":0.045,"flagged_words_ratio":0.0,"lang_id_score":1.0,"perplexity_score":70147.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%9D%E1%80%B1%E1%80%84%E1%80%BA%EA%A9%BB%E1%80%9E%E1%80%B1%E1%80%AC%E1%80%84%E1%80%BA%E1%80%96","collection":"wikipedia","source":"wikipedia","original_code":"blk","text":"ဝေင်ꩻသောင်ဖ (မန်း: ဆောင်ဖမြို့) နဝ်ꩻ အဝ်ႏဒျာႏ မျန်မာခမ်းထီ အခဝ်ကွဉ်ႏထင်ꩻ၊ ဖြဝ်ꩻခမ်းနယ်ႏ အခဝ်ထင်ꩻ၊ ဝနမ်းပဲင်ႏအိုပ်ချုတ်ခွင်ꩻလꩻတွိုင်ꩻ၊ မွိုင်းမော ဝအထူꩻဒေႏသ-၂ကို ကအဝ်ႏဒါႏ ဝေင်ꩻတဝေင်ꩻဒျာႏသွူ။\n\nအာႏကွိုꩻ \n\nဖြဝ်ꩻခမ်းနယ်ႏကိုဝေင်ꩻဖုံႏ","num_words":22,"character_repetition_ratio":0.037,"word_repetition_ratio":0.0,"special_characters_ratio":0.097,"stopwords_ratio":0.045,"flagged_words_ratio":0.0,"lang_id_score":1.0,"perplexity_score":70147.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%85%E1%80%BA%E1%80%81%E1%80%BA%E1%80%98%E1%80%AC%E1%82%8F%E1%80%9E%E1%80%AC%E1%82%8F","collection":"wikipedia","source":"wikipedia","original_code":"blk","text":"သစ်ခ်ဘာႏသာႏ (အဲင်းကလေတ်: Sikhism) ယို အောဝ်ႏအိန္ဒိယခမ်း ပန်စျပ်ဘ်ခမ်းနယ်ႏကို ထွာလွောန်။ ကမာꩻထွိုင်ႏခါꩻရီးသားနောဝ်ꩻ ထွာ ဂုရုနာနာ့ဗ်ဒပ်ဖှ်။ အောဝ်ႏဝွေꩻထွူ ထင်ႏထိုလွောန်ထဲင်းယင်း ဂုရုအဖြာꩻတဆီထျꩻ တလဲင်ႏတစိစိ။ ကဟောꩻခြုဲင်းနယ်ဖေႏ သစ်ခ်ဘာႏသာႏခရာႏ အဆုဲင်ꩻသွတ်ꩻဖြာꩻနောဝ်ꩻ ထွာ ဂုရုဂိုဘဉ်သဉ်းဂ်၊ အောဝ်ႏဝွေꩻမꩻ ဒင်ႏကီငါဖေႏလွေꩻ ဂုရုဂရန့် သာဟစ္စီ။ ကမ္ဘာႏဟမ်ႏလောင်းကို ယွုမ်းခါꩻသားအောဝ်ႏ သန်း(၂၅-၃၀)ရပ်၊ ယွုမ်းခါꩻသားအာလွို ဘာႏသာႏဖုံႏကို သစ်ခ်ဘာႏသာႏယို လဲန်း အမုဲင်ငတ်ꩻသွူ။ အိန္ဒိယခမ်း ပန်စျပ်ဘ်ခမ်းနယ်ႏယို ကမ္ဘာႏဟမ်ႏလောင်းကို ထွာ ယွုမ်းခါꩻသစ်ခ်ဘာႏသာႏသား အာလွိုဝင်ꩻ ဒေႏသဒျာႏသွူ။\n\nနွို့ပါ သစ်ခ်ဘာႏသာႏသားယို အွောန်ႏဗာႏ သူႏတောႏစွူ စင် စဲ့ꩻသားသꩻ အောဝ်ႏတဲမ်းပျဌာန်းဖေႏသေꩻခါꩻ နုဲင်းနောဝ်ꩻ။ လိုꩻတဖြာꩻအတာႏ စွန်ꩻခါꩻလꩻလꩻဗာႏ နမ်း သꩻကိုကအောဝ်ႏဒါႏ ထာꩻဟောဝ်တောဝ်းဖုံႏ၊ ယမ်ထွာဖေႏလꩻ ဂုရု ဂရန့် သာဟစ္စီ ကဟောꩻခြုဲင်းနယ် မာꩻကြောင်းဖေႏခါꩻဒါႏ ထာꩻစွူစင်ဟောဝ်အာဖုံႏတာႏ မာꩻတဉ်ႏတဉ်ႏဗာႏ အောဝ်ႏတဲမ်း ပျဌာန်းခါꩻနုဲင်းနောဝ်ꩻ။ လိုꩻခမ်ႏဗာႏ ဝင်ꩻတေက်ꩻနျꩻ ထာꩻတရာꩻတောဝ်းဖုံယို ဘာႏသာႏတရွီꩻတောဝ်း၊ သွီႏယာႏရောင်ႏတရွီꩻတောဝ်း၊ ဇာတ်ဖွိုႏထို တရွီꩻတောဝ်း အဖြာꩻမုဲင်ꩻတဲ့ယောဝ်း ယမ်ရဲးကမ်းဖေႏတာႏ သစ်ခ်သီးဖုံႏရာ အွောန်ႏဗာႏသꩻရုဲင်း သတ္တိ အောဝ်ႏတဲမ်းပျဌာန်းခါꩻနုဲင်းနောဝ်ꩻသွူ။\n\nထူႏတောမ် \n\nသိစ်ဘာႏသာႏ","num_words":110,"character_repetition_ratio":0.07,"word_repetition_ratio":0.0,"special_characters_ratio":0.075,"stopwords_ratio":0.009,"flagged_words_ratio":0.0,"lang_id_score":1.0,"perplexity_score":249325.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%8A%E1%80%AC%E1%82%8F%E1%80%94%E1%80%BD%E1%80%AF%E1%80%90%E1%80%BA%EA%A9%BB%E1%80%99%E1%80%BB%E1%80%AD%E1%80%AF%EA%A9%BB%E1%80%A1%E1%80%80%E1%80%BB%E1%80%AD%E1%80%AF%EA%A9%BB%E1%80%90%E1%80%94%E1%80%BA","collection":"wikipedia","source":"wikipedia","original_code":"blk","text":"\"ဒုတိယသညာသုတ် (သညာႏနွုတ်ꩻမျိုꩻ အကျိုꩻတန်)\"\nရဟန်ꩻသီးဖုံႏဟွေး-\nမဉ်ႏယူႏလꩻ ပွါꩻမျာꩻအာအာ ခူꩻလိမ်ꩻခူꩻပြန်ႏ 'တောင်ꩻခါꩻ'ကရိုꩻဒါႏ 'သညာႏ'နွုတ်ꩻမျိုꩻနဝ်ꩻ အကျိုꩻတန်၊ အကျိုꩻသွုပ်ဗန်၊ အလွေꩻထွူနိဗ္ဗာန်ႏသူꩻ၊ အလွေꩻသွတ်ꩻ နိဗ္ဗာန်ႏသူꩻသွူ။\nသညာႏနွုတ်ꩻမျိုꩻ ကရိုꩻနောဝ်ꩻ-\n၁။ အသုဘသညာ-\n'ခန္ဓာႏတန်ယို၊ နမ်းကိုယူႏလယ်ႏ၊ တတင်ႏတယ်ႏတောဝ်း၊ တရေꩻတဝ်းတွော့ꩻ အဝ်ႏသော့ꩻဆီႏအေႏ၊ အဝွေႏတန်ဟွေး'တောင်ꩻစွေးယူႏနုဲင်းနောဝ်ꩻ။\n၂။ မရဏသညာ-\n'သီဒါႏမွော့ဟွေး၊ အီႏသီဗာႏမွော့ဟွေး'တောင်ꩻစွေးယူႏနုဲင်းနောဝ်ꩻ။\n၃။ အာဟာရေ ပဋိကူလသညာ-\n'အာဟာႏရလောင်း၊ အွီႏဖြောင်း-ဝွေႏဟို့ꩻ၊ ထွာပသို့ꩻထန်ႏခြေင်၊ နွုမ်ꩻသေင်ဝွေႏခွဉ်ႏ၊ ထွာစွဉ်ႏမွော့ဟွေး'တောင်ꩻစွေးယူႏနုဲင်းနောဝ်ꩻ။\n၄။ သဗ္ဗလောကေ အနဘိရတသညာ-\n'ခွုင်းကားလောက၊ မရဏထာꩻသီ၊ မဲ့ထီဟူႏလင်ꩻ၊ သောင်ခြင်ꩻအောႏအောႏ၊ ထာꩻပျောႏခရာႏ၊ တဗာႏဗာႏငါတဲ့ အဲဉ်ထောဝ်းမွော့ဟွေး'တောင်ꩻစွေးယူႏနုဲင်းနောဝ်ꩻ။\n၅။ အနိစ္စသညာ အနိစ္စေ-\n'ခန္ဓာႏယိုနဝ်ꩻ အနိစ္စတန်ဒျာႏ၊ တမဲ့ထဲင်းမွော့ တဉ်ႏခြွော့သေႏဒျာႏ တဗာႏဗာႏငါတဲ့ အဲဉ်ထဝ်းမွော့ဟွေး'တောင်ꩻစွေးယူႏနုဲင်းနောဝ်ꩻ။\n၆။ ဒုက္ခသညာ ဒုက္ခေ-\n'ခန္ဓာႏယိုနဝ်ꩻ ဒုက္ခတန်ဒျာႏ၊ တမဲ့ထဲင်းတာႏ ချမ်ꩻသာႏကရိုꩻ တမျိုꩻမျိုꩻငါတဲ့ နီနမ်းမွေးတဝ်း၊ နီပဲင်ႏမွေးတဝ်းမွော့ဟွေး'တောင်ꩻစွေးယူႏနုဲင်းနောဝ်ꩻ။\n'တောင်ꩻခါꩻ'ကရိုꩻဒါႏ 'သညာႏ'နဝ်ꩻ အဝ်ႏနွုတ်ꩻမျိုꩻနုဲင်းနောဝ်ꩻသွူ။\nရဟန်ꩻသီးဖုံႏဟွေး-\n၁။ 'ခန္ဓာႏတန်ယို၊ နမ်းကိုဆီႏအေႏ၊ အဝွေႏတန်မွော့ဟွေး'မဉ်ႏယူႏစွေးအာအာ၊ သꩻမဉ်ႏထွာသေႏသေႏနုဲင်းနဝ်ꩻနဝ်ꩻ သꩻကိလေႏသာႏ၊ တဏှာႏရာႏဂ၊ ညညတလဲင်ႏ အမဉ်ႏထွာစိန်ႏစွော့ꩻတဲ့ တရွတ်ꩻချာ၊ ပတွတ်ꩻချာ၊ ဆွတ်ꩻချာထိုꩻစွဉ်ႏ၊ အတမွန်ဗန်တဝ်းဒွုမ်၊ ထိန်ꩻနွောင်ꩻစွဉ်ႏသꩻ၊ ယူႏလꩻစွဉ်ႏ ထာꩻဝွေႏနဝ်ꩻသွူ။\nဥပမာႏ- ဆျာဆွဉ်ႏနဝ်ꩻ ပေါႏအွဉ်ႏခွေါင်းမေႏအူတဲ့ ဆျာဆွဉ်ႏနဝ်ꩻ တရွတ်ꩻချာ၊ ပတွတ်ꩻချာ၊ ဆွတ်ꩻချာထိုꩻစွဉ်ႏ၊ 'အသုဘသညာႏ'နဝ်ꩻ ဗွန်'မေႏအူ'၊ သꩻကိလေႏသာႏနဝ်ꩻ ပီဆျာဆွဉ်ႏနောဝ်ꩻသွူ။\nရဟန်ꩻသီးဖုံႏဟွေး-\nသꩻကိ��ေႏသာႏ၊ တဏှာႏရာႏဂ၊ ညညတလဲင်ႏ အမဉ်ႏထွာလွဉ်စိန်ႏစွော့ꩻ (သꩻမေထုနရာႏဂ)နောဝ်ꩻ အဝ်ႏယူႏသွူ အသုဘသညာႏ၊ အဝ်ႏယူႏသွူ တင်ႏတယ်ႏတတ်းတဲ့ (သꩻကိလေႏသာႏ) အဝ်ႏထွာပီပဲ့ဒျာႏ၊ တရွတ်ꩻချာတဝ်း၊ ပတွတ်ꩻချာတဝ်း၊ ဆွတ်ꩻချာတောဝ်း၊ အမဉ်ႏထွာစွူစွူဒျာႏနောဝ်ꩻ-\n'ခါးလားခွေကပွါꩻမျာꩻ အသုဘသညာႏတွမ်ႏ ခွေပွါꩻမျာꩻထွူ အသုဘသညာႏယို (သꩻကို) တထူꩻချာꩻတဝ်း၊ ခွေအသုဘဘာႏဝနာႏ အစွန်ꩻအာႏ တလာတဝ်းဒွိုန်း'(ရဲသꩻကိလေႏသာႏ နွောင်ꩻတဝ်းဒွိုန်း) အဗွေႏတွမ်ႏအဗွေႏ သေချာအသꩻနုဲင်းနောဝ်ꩻ။\nရဟန်ꩻသီးဖုံႏဟွေး-\nသꩻကိလေႏသာႏ၊ တဏှာႏရာႏဂ၊ ညညတလဲင်ႏ အမဉ်ႏထွာလွဉ်စိန်ႏစွော့ꩻ (သꩻမေထုနရာႏဂ)နောဝ်ꩻ လောႏယူႏလꩻ အသုဘသညာႏ၊ \nပေါႏယူႏတင်ႏတယ်ႏတဝ်းတဲင် သꩻကိလေႏသာႏ တရွတ်ꩻချာ၊ ပတွတ်ꩻချာ၊ ဆွတ်ꩻချာ၊ အမဉ်ႏထွာဒွုမ်နောဝ်ꩻ-\n'ခါးလားခွေကပွါꩻမျာꩻ အသုဘသညာႏတွမ်ႏ ခွေပွါꩻမျာꩻထွူ အသုဘသညာႏယို (သꩻကို) ထူꩻချာꩻလဲဉ်း၊ ခွေအသုဘဘာႏဝနာႏ အစွန်ꩻအာႏ တလာလွဉ်လဲဉ်းသွူ'(ရဲသꩻကိလေႏသာႏ နွောင်ꩻလဲဉ်းသွူ)ကရိုꩻနောဝ်ꩻ အဗွေႏတွမ်ႏအဗွေႏ သေချာအသꩻနုဲင်းနောဝ်ꩻသွူ။\nကွပ်နောဝ်ꩻမꩻ ယူႏလꩻပွါꩻမျာꩻအာအာ ခူꩻလီမ်ꩻခူꩻပြန်ႏ 'တောင်ꩻခါꩻ'ကရိုꩻဒါႏ 'အသုဘသညာႏ'တဲင် 'တတင်ႏတယ်ႏတဝ်း၊ ထာꩻတရေꩻမွေးတဝ်း၊ အဝွေႏဖုံႏ၊ အဝွေႏပုံႏတန်ဒျာႏ'သꩻမဉ်ႏယူႏလꩻ၊ မဉ်ႏလောႏထိန်ꩻနွောင်ꩻ သꩻကိလေႏသာႏနဝ်ꩻ အကျိုꩻတန်၊ အကျိုꩻသွုပ်ဗန်၊ အလွေꩻထွူနိဗ္ဗာန်ႏသူꩻ၊ အလွေꩻသွတ်ꩻ နိဗ္ဗာန်ႏသူꩻသွူ။\nရဟန်ꩻသီးဖုံႏဟွေး-\n၂။ 'မရဏသညာ-တနီꩻခါ ခွေအီႏသီဗာႏမွော့ဟွေး'တောင်ꩻစွေးယူႏနုဲင်းနောဝ်ꩻတဲင် သꩻကိလေႏသာႏ တဏှာႏရာႏဂ ညညတလဲင်ႏ၊ အမဉ်ႏထွာစိန်ႏစွော့ꩻတဲ့ တရွတ်ꩻချာ၊ ပတွတ်ꩻချာ၊ ဆွတ်ꩻချာထိုꩻစွဉ်ႏ(နုဲင်းဆျာဆွဉ်ႏ ခွေါင်းမေႏအူနဝ်ꩻ) အတမွန်ဗန်တဝ်းဒွုမ်၊ ထိန်ꩻနွောင်ꩻစွဉ်ႏသꩻ၊ ယူႏလꩻစွဉ်ႏ အီႏသီဗာႏထာꩻနဝ်ꩻသွူ။\nရဟန်ꩻသီးဖုံႏဟွေး-\nသꩻကိလေႏသာႏ၊ တဏှာႏရာႏဂ၊ ညညတလဲင်ႏ အမဉ်ႏထွာလွဉ်စိန်ႏစွော့ꩻ (သꩻမေထုနရားဂ)နောဝ်ꩻ အဝ်ႏယူႏလꩻသွူ အီႏသီဗာႏထာꩻတဲ့ (သꩻကိလေႏသာႏ)အဝ်ႏထွာပီတဲ့ဒျာႏ၊ တရွတ်ꩻချာတဝ်း၊ ပတွတ်ꩻချာတဝ်း၊ ဆွတ်ꩻချာတောဝ်း၊ အမဉ်ႏထွာဒျာႏစွူစွူနုဲင်းနဝ်ꩻနဝ်ꩻ-\nခါးလားခွေကပွါꩻမျာꩻ မရဏသညာႏတွမ်ႏ ခွေပွါꩻမျာꩻထွူ မရဏသညာႏယို (သꩻကို)တထူꩻချာꩻတောဝ်း၊ ခွေမရဏသညာႏ ဘာႏဝနာႏအစွန်ꩻအာႏနဝ်ꩻ တလာတဝ်းဒွိုန်း၊ (ရဲသꩻကိလေႏသာႏ နွောင်ꩻတဝ်းဒွိုန်း) အဗွေႏတွမ်ႏအဗွေႏ သေချာအသꩻနု��င်းနောဝ်ꩻသွူ။\nရဟန်ꩻသီးဖုံႏဟွေး-\nသꩻကိလေႏသာႏ၊ တဏှာႏရာႏဂ၊ ညညတလဲင်ႏ အမဉ်ႏထွာလွဉ်စိန်ႏစွော့ꩻ (သꩻမေထုနရာႏဂ)နောဝ်ꩻ လောႏယူႏ မရဏသညာႏ၊ \nပေါႏယူႏ 'တနီꩻခါ ခွေအီႏသီဗာႏထာꩻနဝ်ꩻ'တွော့ꩻ သꩻကိလေႏသာႏ တရွတ်ꩻချာ၊ ပတွတ်ꩻချာ၊ ဆွတ်ꩻချာ၊ အမဉ်ႏထွာဒွုမ်နဝ်ꩻ-\n'ခါးလားခွေကပွါꩻမျာꩻ မရဏသညာႏတွမ်ႏ ခွေပွါꩻမျာꩻထွူ မရဏသညာႏယို (သꩻကို) ထူꩻချာꩻလဲဉ်း၊ ခွေမရဏသညာႏ ဘာႏဝနာႏ အစွန်ꩻအာႏ တလာလွဉ်လဲဉ်းသွူ'(ရဲသꩻကိလေႏသာႏ နွောင်ꩻလဲဉ်းသွူ)ကရိုꩻနဝ်ꩻ အဗွေႏတွမ်ႏအဗွေႏ သေချာအသꩻနုဲင်းနောဝ်ꩻသွူ။\nပွိုးနဝ်ꩻမꩻ ယူႏလꩻပွါꩻမျာꩻအာအာ ခူꩻလိမ်ꩻခူꩻပြန်ႏ 'တောင်ꩻခါꩻ'ကရိုꩻဒါႏ 'မရဏသညာႏ'တွော့ꩻ 'တနီꩻခါ ခွေအီႏသီဗာႏထာꩻ'သꩻမဉ်ႏယူႏလꩻ၊ မဉ်ႏလောႏထိန်ꩻနွောင်ꩻ သꩻကိလေႏသာႏနဝ်ꩻ အကျိုꩻတန်၊ အကျိုꩻသွုပ်ဗန်၊ အလွေꩻထွူနိဗ္ဗာန်ႏသူꩻ၊ အလွေꩻသွတ်ꩻ နိဗ္ဗာန်ႏသူꩻသွူ။\nရဟန်ꩻသီးဖုံႏဟွေး-\n၃။ အာဟာရေ ပဋိကူလသညာ-အာႏဟာႏရအလောင်း၊ အွီႏဖြောင်း-ဝွေႏဟို့ꩻ၊ ထွာပသို့ꩻထန်ႏခြေင်၊ နွုမ်ꩻသေင်ဝွေႏခွဉ်ႏ၊ ထွာစွဉ်ႏမွော့ဟွေး၊ တောင်ꩻစွေးယူႏနုဲင်းနောဝ်ꩻတဲင်တွော့ꩻ သꩻကိလေႏသာႏ တဏှာႏရာႏဂ ညညတလဲင်ႏ၊ အမဉ်ႏထွာစိန်ႏစွော့ꩻတဲ့ တရွတ်ꩻချာ၊ ပတွတ်ꩻချာ၊ ဆွတ်ꩻချာထိုꩻစွဉ်ႏ(နုဲင်းဆျာဆွဉ်ႏ ခွေါင်းမေႏအူနဝ်ꩻ) အတမွန်ဗန်တဝ်းဒွုမ်၊ ထိန်ꩻနွောင်ꩻစွဉ်ႏသꩻ၊ ယူႏလꩻစွဉ်ႏ 'အွီႏဖြောင်း-ဝွေႏဟို့ꩻ၊ထွာပသို့ꩻထန်ႏခြေင်၊ နွုမ်ꩻသေင်ဝွေႏခွဉ်ႏ'နောဝ်ꩻသွူ။\nရဟန်ꩻသီးဖုံႏဟွေး-\nသꩻကိလေႏသာႏ၊ တဏှာႏရာႏဂ၊ ညညတလဲင်ႏ အမဉ်ထွာလွဉ်စိန်ႏစွော့ꩻ (သꩻမေထုနရားဂ)နောဝ်ꩻ အဝ်ႏယူႏလꩻသွူ 'အွီႏဖြောင်း-ဝွေႏဟို့ꩻ၊ထွာပသို့ꩻထန်ႏခြေင်၊ နွုမ်ꩻသေင်ဝွေႏခွဉ်ႏ'နောဝ်ꩻတဲ့ (သꩻကိလေႏသာႏ)အဝ်ႏထွာပီတဲ့ဒျာႏ၊ တရွတ်ꩻချာတဝ်း၊ ပတွတ်ꩻချာတဝ်း၊ ဆွတ်ꩻချာတောဝ်း၊ အမဉ်ႏထွာစွူစွူဒျာႏနဝ်ꩻ-\n'ခါးလားခွေကပွါꩻမျာꩻ အာဟာရေ ပဋိကူလသညာႏတွမ်ႏ ခွေပွါꩻမျာꩻထွူ အာဟာရေ ပဋိကူလသညာႏယို (သꩻကို)တထူꩻချာꩻတဝ်း၊ ခွေအာဟာရေ ပဋိကူလသညာႏ ဘာႏဝနာႏအစွန်ꩻအာႏ တလာတောဝ်းဒွိုန်း၊ (ရဲသꩻကိလေႏသာႏ နွောင်ꩻတောဝ်းဒွိုန်း) အဗွေႏတွမ်ႏအဗွေႏ သေချာအသꩻနုဲင်းနောဝ်ꩻသွူ။\nရဟန်ꩻသီးဖုံႏဟွေး-\nသꩻကိလေႏသာႏ၊ တဏှာႏရာႏဂ၊ ညညတလဲင်ႏ အမဉ်ႏထွာလွဉ်စိန်ႏစွော့ꩻ (သꩻမေထုနရာႏဂ)နောဝ်ꩻ လောႏယူႏ အာဟာရေ ပဋိကူလသညာႏ၊ ပေါႏယူႏ 'အွီႏဖြောင်း-ဝွေႏဟို့ꩻ၊ထွာပသို့ꩻထန်ႏခြေင်၊ နွုမ်ꩻသေင်ဝွေႏခွဉ်ႏ'နဝ်ꩻတ���င်တွော့ꩻ သꩻကိလေႏသာႏ တရွတ်ꩻချာ၊ ပတွတ်ꩻချာ၊ ဆွတ်ꩻချာ၊ အမဉ်ႏထွာဒွုမ်နဝ်ꩻ-\n'ခါးလားခွေကပွါꩻမျာꩻ အာဟာရေ ပဋိကူလသညာႏတွမ်ႏ ခွေပွါꩻမျာꩻထွူ အာဟာရေ ပဋိကူလသညာႏယို (သꩻကို) ထူꩻချာꩻလဲဉ်း၊ ခွေအာဟာရေ ပဋိကူလသညာႏ ဘာႏဝနာႏအစွန်ꩻအာႏ တလာလွဉ်လဲဉ်းသွူ'(ရဲသꩻကိလေႏသာႏ နွောင်ꩻလဲဉ်းသွူ)ကရိုꩻနောဝ်ꩻ အဗွေႏတွမ်ႏအဗွေႏ သေချာအသꩻနုဲင်းနောဝ်ꩻသွူ။\nကွပ်နဝ်ꩻမꩻ ယူႏလꩻပွါꩻမျာꩻအာအာ ခူꩻလိမ်ꩻခူꩻပြန်ႏ 'တောင်ꩻခါꩻ'ကရိုꩻဒါႏ 'အာဟာရေ ပဋိကူလသညာႏ'တဲင် 'အာႏဟာႏရအလောင်း 'အွီႏဖြောင်း-ဝွေႏဟို့ꩻ၊ထွာပသို့ꩻထန်ႏခြေင်၊ နွုမ်ꩻသေင်ဝွေႏခွဉ်ႏ၊ ထွာစွဉ်ႏမွော့ဟွေး'တောင်ꩻစွေးယူႏလꩻ မဉ်ႏလောႏထိန်ꩻနွောင်ꩻ သꩻကိလေႏသာႏနဝ်ꩻ အကျိုꩻတန်၊ အကျိုꩻသွုပ်ဗန်၊ အလွေꩻထွူနိဗ္ဗာန်ႏသူꩻ၊ အလွေꩻသွတ်ꩻ နိဗ္ဗာန်ႏသူꩻသွူ။\nရဟန်ꩻသီးဖုံႏဟွေး-\n၄။ သဗ္ဗလောကေ အနဘိရတိသညာ-'ခွုင်းကားလောက၊ မရဏဆာသီ၊ မဲ့ထီဟူႏလင်ꩻ၊ သောင်ခြင်ꩻအောႏအောႏ၊ ထာꩻပျောႏခရာႏ၊ တဗာႏဗာႏငါတဲ့ အဲဉ်ထဝ်းမွော့ဟွေး' တောင်ꩻစွေးယူႏနုဲင်းနဝ်ꩻတွော့ꩻ သꩻကိလေႏသာႏ တဏှာႏရာႏဂ ညညတလဲင်ႏ၊ အမဉ်ႏထွာစိန်ႏစွော့ꩻတဲ့ တရွတ်ꩻချာ၊ ပတွတ်ꩻချာ၊ ဆွတ်ꩻချာထိုꩻစွဉ်ႏ(နုဲင်းဆျာဆွဉ်ႏ ခွေါင်းမေႏအူနဝ်ꩻ) အတမွန်ဗန်တဝ်းဒွုမ်၊ ထိန်ꩻနွောင်ꩻစွဉ်ႏသꩻ၊ ယူႏလꩻစွဉ်ႏ 'ခွုင်းကားလောက၊ မရဏဆာသီ၊ မဲ့ထီဟူႏလင်ꩻ၊ သောင်ခြင်ꩻအောႏအောႏ၊ ထာꩻပျောႏခရာႏ၊ တဗာႏဗာႏငါတဲ့ အဲဉ်ထဝ်း'နောဝ်ꩻသွူ။\nရဟန်ꩻသီးဖုံႏဟွေး-\nသꩻကိလေႏသာႏ၊ တဏှာႏရာႏဂ၊ ညညတလဲင်ႏ အမဉ်ႏထွာလွဉ်စိန်ႏစွော့ꩻ (သꩻမေထုနရားဂ)နောဝ်ꩻ အဝ်ႏယူႏလꩻသွူ 'ခွုင်းကားလောက၊ မရဏဆာသီ၊ မဲ့ထီဟူႏလင်ꩻ၊ သောင်ခြင်ꩻအောႏအောႏ၊ ထာꩻပျောႏခရာႏ၊ တဗာႏဗာႏငါတဲ့ အဲဉ်ထောဝ်းမွော့ဟွေး'နုဲင်းနဝ်ꩻတဲ့ (သꩻကိလေႏသာႏ)အဝ်ႏထွာပီတဲ့ဒျာႏ၊ တရွတ်ꩻချာတဝ်း၊ ပတွတ်ꩻချာတဝ်း၊ ဆွတ်ꩻချာတောဝ်း၊ အမဉ်ႏထွာစွူစွူဒျာႏနဝ်ꩻ-\n'ခါးလားခွေကပွါꩻမျာꩻ သဗ္ဗလောကေ အနဘိရတိသညာႏတွမ်ႏ ခွေပွါꩻမျာꩻထွူ သဗ္ဗလောကေ အနဘိရတိသညာႏယို (သꩻကို)တထူꩻချာꩻတဝ်း၊ သဗ္ဗလောကေ အနဘိရတိသညာႏ ဘာႏဝနာႏအစွန်ꩻအာႏ တလာတဝ်းဒွိုန်း၊ (ရဲသꩻကိလေႏသာႏ နွောင်ꩻတဝ်းဒွိုန်း) အဗွေႏတွမ်ႏအဗွေႏ သေချာအသꩻနုဲင်းနဝ်ꩻသွူ။\nရဟန်ꩻသီးဖုံႏဟွေး-\nသꩻကိလေႏသာႏ၊ တဏှာႏရာႏဂ၊ ညညတလဲင်ႏ အမဉ်ႏထွာလွဉ်စိန်ႏစွော့ꩻ (သꩻမေထုနရာႏဂ)နောဝ်ꩻ လောႏယူႏ အာဟာရေ ပဋိကူလသညာႏ၊ ပေါႏယူႏ 'ခွုင်းကားလောက၊ မရဏဆာသီ၊ မဲ့ထီဟူႏလင်ꩻ၊ သောင်ခြင်ꩻအောႏအောႏ၊ ထာꩻပျောႏခရာႏ၊ တဗာႏဗာႏငါတဲ့ အဲဉ်ထဝ်း'နဝ်ꩻ သꩻကိလေႏသာႏ တရွတ်ꩻချာ၊ ပတွတ်ꩻချာ၊ ဆွတ်ꩻချာ၊ အမဉ်ႏထွာဒွုမ်နောဝ်ꩻ-\n'ခါးလားခွေကပွါꩻမျာꩻ သဗ္ဗလောကေ အနဘိရတိသညာႏတွမ်ႏ ခွေပွါꩻမျာꩻထွူ သဗ္ဗလောကေ အနဘိရတိသညာႏယို (သꩻကို) ထူꩻချာꩻလဲဉ်း၊ ခွေသဗ္ဗလောကေ အနဘိရတိသညာႏ ဘာႏဝနာႏအစွန်ꩻအာႏ တလာလွဉ်လဲဉ်းသွူ'(ရဲသꩻကိလေႏသာႏ နွောင်ꩻလဲဉ်းသွူ)ကရိုꩻနောဝ်ꩻ အဗွေႏတွမ်ႏအဗွေႏ သေချာအသꩻနုဲင်းနောဝ်ꩻသွူ။\nကွပ်နဝ်ꩻမꩻ ယူႏလꩻပွါꩻမျာꩻအာအာ ခူꩻလိမ်ꩻခူꩻပြန်ႏ 'တောင်ꩻခါꩻ'ကရိုꩻဒါႏ 'သဗ္ဗလောကေ အနဘိရတိသညာႏ'တဲင် 'ခွုင်းကားလောက၊ မရဏဆာသီ၊ မဲ့ထီဟူႏလင်ꩻ၊ သောင်ခြင်ꩻအောႏအောႏ၊ ထာꩻပျောႏခရာႏ၊ တဗာႏဗာႏငါတဲ့ အဲဉ်ထဝ်းမွော့ဟွေး'တောင်ꩻစွေးယူႏလꩻ မဉ်ႏလောႏထိန်ꩻနွောင်ꩻ သꩻကိလေႏသာႏနောဝ်ꩻ အကျိုꩻတန်၊ အကျိုꩻသွုပ်ဗန်၊ အလွေꩻထွူနိဗ္ဗာန်ႏသူꩻ၊ အလွေꩻသွတ်ꩻ နိဗ္ဗာန်ႏသူꩻသွူ။\nရဟန်ꩻသီးဖုံႏဟွေး\n၅။ အနိစ္စသညာ အနိစ္စေ-'ခန္ဓာႏယိုနဝ်ꩻ အနိစ္စတန်ဒျာႏ၊ တမဲ့ထဲင်းမွော့၊ တဉ်ႏခြွော့သေႏချာႏ၊ တဗာႏဗာႏငါအဲ့ အဲဉ်ထောဝ်းမွော့ဟွေး' တောင်ꩻစွေးနုဲင်းနောဝ်ꩻတွော့ꩻ သꩻကိလေႏသာႏ တဏှာႏရာႏဂ ညညတလဲင်ႏ၊ အမဉ်ႏထွာစိန်ႏစွော့ꩻတဲ့ တရွတ်ꩻချာ၊ ပတွတ်ꩻချာ၊ ဆွတ်ꩻချာထိုꩻစွဉ်ႏ(နုဲင်းဆျာဆွဉ်ႏ ခွေါင်းမေႏအူနဝ်ꩻ) အတမွန်ဗန်တဝ်းဒွုမ်၊ ထိန်ꩻနွောင်ꩻစွဉ်ႏသꩻ၊ ယူႏလꩻစွဉ်ႏ 'ခန္ဓာႏယိုနဝ်ꩻ အနိစ္စတန်ဒျာႏ၊ တမဲ့ထဲင်းမွော့၊ တဉ်ႏခြွော့သေႏချာႏ၊ တဗာႏဗာႏငါအဲ့ အဲဉ်ထောဝ်းမွော့ဟွေး'နောဝ်ꩻသွူ။\nရဟန်ꩻသီးဖုံႏဟွေး-\nသꩻကိလေႏသာႏ၊ တဏှာႏရာႏဂ၊ ညညတလဲင်ႏ အမဉ်ႏထွာလွဉ်စိန်ႏစွော့ꩻ (သꩻမေထုနရားဂ)နောဝ်ꩻ အဝ်ႏယူႏလꩻသွူ 'ခန္ဓာႏယိုနဝ်ꩻ အနိစ္စတန်ဒျာႏ၊ တမဲ့ထဲင်းမွော့၊ တဉ်ႏခြွော့သေႏချာႏ၊ တဗာႏဗာႏငါအဲ့ အဲဉ်ထောဝ်းမွော့ဟွေး'နဝ်ꩻတဲ့ (သꩻကိလေႏသာႏ)အဝ်ႏထွာပီတဲ့ဒျာႏ၊ တရွတ်ꩻချာတဝ်း၊ ပတွတ်ꩻချာတဝ်း၊ ဆွတ်ꩻချာတောဝ်း၊ အမဉ်ႏထွာစွူစွူနောဝ်ꩻ-\n'ခါးလားခွေကပွါꩻမျာꩻ အနိစ္စသညာႏတွမ်ႏ ခွေပွါꩻမျာꩻထွူ အနိစ္စသညာႏယို (သꩻကို)တထူꩻချာꩻတဝ်း၊ ခွေအနိစ္စသညာႏ ဘာႏဝနာႏအစွန်ꩻအာႏ တလာတောဝ်းဒွိုန်း၊ (ရဲသꩻကိလေႏသာႏ နွောင်ꩻတောဝ်းဒွိုန်း) အဗွေႏတွမ်ႏအဗွေႏ သေချာအသꩻနုဲင်းနဝ်ꩻသွူ။\nရဟန်ꩻသီးဖုံႏဟွေး-\nသꩻကိလေႏသာႏ၊ တဏှာႏရာႏဂ၊ ညညတလဲင်ႏ အမဉ်ႏထွာလွဉ်စိန်ႏစွော့ꩻ (သꩻမေထုနရာႏဂ)နောဝ်ꩻ လောႏယူႏ အနိစ္စသညာႏ၊ ပေါႏယူႏ 'ခန္ဓာႏယိုနဝ်ꩻ အနိစ္စတန်ဒျာႏ၊ တမဲ့ထဲင်းမွော့၊ တဉ်ႏခြွော့သေႏချာႏ၊ တဗာႏဗာႏငါအဲ့ အဲဉ်ထောဝ်း'နဝ်ꩻ သꩻကိလေႏသာႏ တရွတ်ꩻချာ၊ ပတွတ်ꩻချာ၊ ဆွတ်ꩻချာ၊ အမဉ်ႏထွာဒွုမ်နောဝ်ꩻ-\n'ခါးလားခွေကပွါꩻမျာꩻ အနိစ္စသညာႏတွမ်ႏ ခွေပွါꩻမျာꩻထွူ အနိစ္စသညာႏယို (သꩻကို) ထူꩻချာꩻလဲဉ်း၊ ခွေအနိစ္စသညာႏ ဘာႏဝနာႏအစွန်ꩻအာႏ တလာလွဉ်လဲဉ်းသွူ'(ရဲသꩻကိလေႏသာႏ နွောင်ꩻလဲဉ်းသွူ)ကရိုꩻနောဝ်ꩻ အဗွေႏတွမ်ႏအဗွေႏ သေချာအသꩻနုဲင်းနောဝ်ꩻသွူ။\nကွပ်နဝ်ꩻမꩻ ယူႏလꩻပွါꩻမျာꩻအာအာ ခူꩻလိမ်ꩻခူꩻပြန်ႏ 'တောင်ꩻခါꩻ'ကရိုꩻဒါႏ 'ခန္ဓာႏယိုနဝ်ꩻ အနိစ္စတန်ဒျာႏ၊ တမဲ့ထဲင်းမွော့၊ တဉ်ႏခြွော့သေႏချာႏ၊ တဗာႏဗာႏငါအဲ့ အဲဉ်ထောဝ်းမွော့ဟွေး'တောင်ꩻစွေးယူႏလꩻ မဉ်ႏလောႏထိန်ꩻနွောင်ꩻ သꩻကိလေႏသာႏနောဝ်ꩻ အကျိုꩻတန်၊ အကျိုꩻသွုပ်ဗန်၊ အလွေꩻထွူနိဗ္ဗာန်ႏသူꩻ၊ အလွေꩻသွတ်ꩻ နိဗ္ဗာန်ႏသူꩻသွူ။\nရဟန်ꩻသီးဖုံႏဟွေး\n၆။ ဒုက္ခသညာ ဒုက္ခေ-'ခန္ဓာႏယိုနဝ်ꩻ ဒုက္ခတန်ဒျာႏ၊ တမဲ့ထဲင်းတား၊ ချမ်ꩻသာႏကရိုꩻ၊ တမျိုꩻမျိုꩻငါတဲ့ အဲဉ်ထဝ်းမွော့ဟွေး' တောင်ꩻစွေးနုဲင်းနဝ်ꩻတဲင်တွော့ꩻ သꩻကိလေႏသာႏ တဏှာႏရာႏဂ ညညတလဲင်ႏ၊ အမဉ်ႏထွာစိန်ႏစွော့ꩻတဲ့ တရွတ်ꩻချာ၊ ပတွတ်ꩻချာ၊ ဆွတ်ꩻချာထိုꩻစွဉ်ႏ(နုဲင်းဆျာဆွဉ်ႏ ခွေါင်းမေႏအူနဝ်ꩻ) အတမွန်ဗန်တောဝ်းဒွုမ်၊ ထိန်ꩻနွောင်ꩻစွဉ်ႏသꩻ၊ ယူႏလꩻစွဉ်ႏ 'ခန္ဓာႏယိုနဝ်ꩻ ဒုက္ခတန်ဒျာႏ၊ တမဲ့ထဲင်းတား၊ ချမ်ꩻသာႏကရိုꩻ၊ တမျိုꩻမျိုꩻငါတဲ့ အဲဉ်ထဝ်းမွော့ဟွေး'နောဝ်ꩻသွူ။\nရဟန်ꩻသီးဖုံႏဟွေး-\nသꩻကိလေႏသာႏ၊ တဏှာႏရာႏဂ၊ ညညတလဲင်ႏ အမဉ်ႏထွာလွဉ်စိန်ႏစွော့ꩻ (သꩻမေထုနရားဂ)နောဝ်ꩻ အဝ်ႏယူႏလꩻသွူ 'ခန္ဓာႏယိုနဝ်ꩻ ဒုက္ခတန်ဒျာႏ၊ တမဲ့ထဲင်းတား၊ ချမ်ꩻသာႏကရိုꩻ၊ တမျိုꩻမျိုꩻငါတဲ့ အဲဉ်ထောဝ်း'နဝ်ꩻတဲ့ (သꩻကိလေႏသာႏ)အဝ်ႏထွာပီတဲ့ဒျာႏ၊ တရွတ်ꩻချာတဝ်း၊ ပတွတ်ꩻချာတဝ်း၊ ဆွတ်ꩻချာတောဝ်း၊ အမဉ်ႏထွာစွူစွူနောဝ်ꩻ-\n'ခါးလားခွေကပွါꩻမျာꩻ ဒုက္ခသညာႏတွမ်ႏ ခွေပွါꩻမျာꩻထွူ ဒုက္ခသညာႏယို (သꩻကို)တထူꩻချာꩻတဝ်း၊ ခွေဒုက္ခသညာႏ ဘာႏဝနာႏအစွန်ꩻအာႏ တလာတဝ်းဒွိုန်း၊ (ရဲသꩻကိလေႏသာႏ နွောင်ꩻတောဝ်းဒွိုန်း)ကရိုꩻနောဝ်ꩻ အဗွေႏတွမ်ႏအဗွေႏ သေချာအသꩻနုဲင်းနဝ်ꩻသွူ။\nရဟန်ꩻသီးဖုံႏဟွေး-\nသꩻကိလေႏသာႏ၊ တဏှာႏရာႏဂ၊ ညညတလဲင်ႏ အမဉ်ႏထွာလွဉ်စိန်ႏစွော့ꩻ (သꩻမေထုနရာႏဂ)နောဝ်ꩻ လောႏယူႏဒုက္ခသညာႏ၊ ပေါႏယူႏ 'ခန္ဓာႏယိုနဝ်ꩻ ဒုက္ခတန်ဒျာႏ၊ တမဲ့ထဲင်းတား၊ ချမ်ꩻသာႏကရိုꩻ၊ တမျိုꩻမျိုꩻငါတဲ့ အဲဉ်ထဝ်း'နဝ်ꩻ သꩻကိလေႏသာႏ တရွတ်ꩻချာ၊ ပတွတ်ꩻချာ၊ ဆွတ်ꩻချာ၊ အမဉ်ႏထွာဒွုမ်နောဝ်ꩻ-\n'ခါးလားခွေကပွါꩻမျာꩻ ဒုက္ခသညာႏတွမ်ႏ ခွေပွါꩻမျာꩻထွူ ဒုက္ခသညာႏယို (သꩻကို) ထူꩻချာꩻလဲဉ်း၊ ခွေဒုက္ခသညာႏ ဘာႏဝနာႏအစွန်ꩻအာႏ တလာလွဉ်လဲဉ်းသွူ'(ရဲသꩻကိလေႏသာႏ နွောင်ꩻလဲဉ်းသွူ)ကရိုꩻနောဝ်ꩻ အဗွေႏတွမ်ႏအဗွေႏ သေချာအသꩻနုဲင်းနောဝ်ꩻသွူ။\nကွပ်နဝ်ꩻမꩻ ယူႏလꩻပွါꩻမျာꩻအာအာ ခူꩻလိမ်ꩻခူꩻပြန်ႏ 'တောင်ꩻခါꩻ'ကရိုꩻဒါႏ 'ဒုက္ခသညာႏ'တဲင်တွော့ꩻ 'ခန္ဓာႏယိုနဝ်ꩻ ဒုက္ခတန်ဒျာႏ၊ တမဲ့ထဲင်းတား၊ ချမ်ꩻသာႏကရိုꩻ၊ တမျိုꩻမျိုꩻငါတဲ့ အဲဉ်ထဝ်းမွော့ဟွေး'တောင်ꩻစွေးယူႏလꩻ မဉ်ႏလောႏထိန်ꩻနွောင်ꩻ သꩻကိလေႏသာႏနဝ်ꩻ အကျိုꩻတန်၊ အကျိုꩻသွုပ်ဗန်၊ အလွေꩻထွူနိဗ္ဗာန်ႏသူꩻ၊ အလွေꩻသွတ်ꩻ နိဗ္ဗာန်ႏသူꩻသွူ။\nရဟန်ꩻသီးဖုံႏဟွေး\n၇။ အနတ္တသညာ -'ခန္ဓာႏယိုနဝ်ꩻ အနတ္တတန်ဒျာႏ၊ နီကမဉ်ထွာအတွိုင်ꩻ တထွာဖေႏတဝ်း၊ နီနမ်းမွေးတဝ်း၊ နီပဲင်ႏမွေးတဝ်းမွော့ဟွေး'တောင်ꩻစွေးနုဲင်းနဝ်ꩻတဲင် သꩻကိလေႏသာႏ တဏှာႏရာႏဂ ညညတလဲင်ႏ၊ အမဉ်ႏထွာစိန်ႏစွော့ꩻတဲ့ တရွတ်ꩻချာ၊ ပတွတ်ꩻချာ၊ ဆွတ်ꩻချာထိုꩻစွဉ်ႏ(နုဲင်းဆျာဆွဉ်ႏ ခွေါင်းမေႏအူနဝ်ꩻ) အတမွန်ဗန်တောဝ်းဒွုမ်၊ ထိန်ꩻနွောင်ꩻစွဉ်ႏသꩻ၊ ယူႏလꩻစွဉ်ႏ 'ခန္ဓာႏယိုနဝ်ꩻ အနတ္တတန်ဒျာႏ၊ နီကမဉ်ထွာအတွိုင်ꩻ တထွာဖေႏတဝ်း၊ နီနမ်းမွေးတဝ်း၊ နီပဲင်ႏမွေးတဝ်းမွော့ဟွေး'နောဝ်ꩻသွူ။\nရဟန်ꩻသီးဖုံႏဟွေး-\nသꩻကိလေႏသာႏ၊ တဏှာႏရာႏဂ၊ ညညတလဲင်ႏ အမဉ်ႏထွာလွဉ်စိန်ႏစွော့ꩻ (သꩻမေထုနရားဂ)နောဝ်ꩻ အဝ်ႏယူႏလꩻသွူ 'ခန္ဓာႏယိုနဝ်ꩻ အနတ္တတန်ဒျာႏ၊ နီကမဉ်ထွာအတွိုင်ꩻ တထွာဖေႏတဝ်း၊ နီနမ်းမွေးတဝ်း၊ နီပဲင်ႏမွေးတဝ်း'နဝ်ꩻတဲ့ (သꩻကိလေႏသာႏ)အဝ်ႏထွာပီတဲ့ဒျာႏ၊ တရွတ်ꩻချာတဝ်း၊ ပတွတ်ꩻချာတဝ်း၊ ဆွတ်ꩻချာတောဝ်း၊ အမဉ်ႏထွာစွူစွူနောဝ်ꩻ-\n'ခါးလားခွေကပွါꩻမျာꩻ အနတ္တသညာႏတွမ်ႏ ခွေပွါꩻမျာꩻထွူ အနတ္တသညာႏယို (သꩻကို)တထူꩻချာꩻတဝ်း၊ ခွေအနတ္တသညာႏ ဘာႏဝနာႏအစွန်ꩻအာႏ တလာတဝ်းဒွိုန်း၊ (ရဲသꩻကိလေႏသာႏ နွောင်ꩻတောဝ်းဒွိုန်း)ကရိုꩻနဝ်ꩻ အဗွေႏတွမ်ႏအဗွေႏ သေချာအသꩻနုဲင်းနဝ်ꩻသွူ။\nရဟန်ꩻသီးဖုံႏဟွေး-\nသꩻကိလေႏသာႏ၊ တဏှာႏရာႏဂ၊ ညညတလဲင်ႏ အမဉ်ႏထွာလွဉ်စိန်ႏစွော့ꩻ (သꩻမေထုနရာႏဂ)နောဝ်ꩻ လောႏယူႏအနတ္တသညာႏ၊ ပေါႏယူႏ 'ခန္ဓာႏယိုနဝ်ꩻ အနတ္တတန်ဒျာႏ၊ နီကမဉ်ထွာအတွိုင်ꩻ တထွာဖေႏတဝ်း၊ နီနမ်းမွေးတ���်း၊ နီပဲင်ႏမွေးတဝ်း'နဝ်ꩻ သꩻကိလေႏသာႏ တရွတ်ꩻချာ၊ ပတွတ်ꩻချာ၊ ဆွတ်ꩻချာ၊ အမဉ်ႏထွာဒွုမ်နောဝ်ꩻ-\n'ခါးလားခွေကပွါꩻမျာꩻ အနတ္တသညာႏတွမ်ႏ ခွေပွါꩻမျာꩻထွူ အနတ္တသညာႏယို (သꩻကို) ထူꩻချာꩻလဲဉ်း၊ ခွေအနတ္တသညာႏ ဘာႏဝနာႏအစွန်ꩻအာႏ တလာလွဉ်လဲဉ်းသွူ'(ရဲသꩻကိလေႏသာႏ နွောင်ꩻလဲဉ်းသွူ)ကရိုꩻနောဝ်ꩻ အဗွေႏတွမ်ႏအဗွေႏ သေချာအသꩻနုဲင်းနောဝ်ꩻသွူ။\nကွပ်နဝ်ꩻမꩻ ယူႏလꩻပွါꩻမျာꩻအာအာ ခူꩻလီမ်ꩻခူꩻပြန်ႏ 'တောင်ꩻခါꩻ'ကရိုꩻဒါႏ 'အနတ္တသညာႏ'တဲင် 'ခန္ဓာႏယိုနဝ်ꩻ အနတ္တတန်ဒျာႏ၊ နီကမဉ်ထွာအတွိုင်ꩻ တထွာဖေႏတဝ်း၊ နီနမ်းမွေးတဝ်း၊ နီပဲင်ႏမွေးတဝ်းမွော့ဟွေး'တောင်ꩻစွေးယူႏလꩻ မဉ်ႏလောႏထိန်ꩻနွောင်ꩻ သꩻကိလေႏသာႏနဝ်ꩻ အကျိုꩻတန်၊ အကျိုꩻသွုပ်ဗန်၊ အလွေꩻထွူနိဗ္ဗာန်ႏသူꩻ၊ အလွေꩻသွတ်ꩻ နိဗ္ဗာန်ႏသူꩻသွူ။\nရဟန်ꩻသီးဖုံႏဟွေး-\nမဉ်ႏယူႏလꩻပွါꩻမာꩻအာအာ ခူꩻလိမ်ꩻခူꩻပြန်ႏ 'တောင်ꩻခါꩻ'ကရိုꩻဒါႏ 'သညာႏနွုတ်ꩻမျိုꩻ'နဝ်ꩻ အကျိုꩻတန်၊ အကျိုꩻသွုပ်ဗန်၊ အလွေꩻထွူနိဗ္ဗာန်ႏသူꩻ၊ အလွေꩻသွတ်ꩻ နိဗ္ဗာန်ႏသူꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ သတ္တကနိပါတ်၊ ဒုတိယသညာသုတ်)\n\nအာႏကွိုꩻ","num_words":2751,"character_repetition_ratio":0.085,"word_repetition_ratio":0.512,"special_characters_ratio":0.084,"stopwords_ratio":0.014,"flagged_words_ratio":0.0,"lang_id_score":1.0,"perplexity_score":1252.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%8A%E1%80%AC%E1%82%8F%E1%80%A1%E1%80%99%E1%80%BB%E1%80%AD%E1%80%AF%EA%A9%BB%E1%80%90%E1%80%86%E1%80%AE","collection":"wikipedia","source":"wikipedia","original_code":"blk","text":"\"ဂိရိမာနန္ဒသုတ် (သညာႏ အမျိုꩻတဆီ)\"\nအွိုးခꩻတလဲင်ႏ-\nနီဗွေႏဘုရာꩻအဝ်ႏအုံ သာဝတ္ထိခမ်း၊ ကျောင်ꩻဇေႏတဝွန်ႏကိုအတွင်ꩻ 'ဗွေႏဂိရိမာနန္ဒ'နဝ်ꩻ အုံဟောဝ်တဝ်း၊ ဆာတဝ်ထာ၊ ဗွေႏအာႏနန္တာႏ လွေꩻလောဝ်းဗွေႏဘုရာꩻနုဲင်းယို-\n\"ဩဗွေႏ ဘုရာꩻမျတ်ဗွေႏဩ-\nဗွေႏဂိရိမာနန္ဒနဝ်ꩻ အုံဟောဝ်တဝ်း၊ ဆာတဝ်ထာꩻတဲင် ဗွေႏဘုရာꩻ သညင်ꩻတန်တန် ဝွေꩻဗွေႏသူꩻတွော့ꩻ ကျွꩻထေ့ဖေႏဆောင်း တဆင်ႏငါ၊ တောင်ꩻပြန်ႏလောဝ်းဗာႏ ဆရာႏဗွေႏဘုရာꩻနုဲင်းယိုသွူ ဗွေႏဩ\"\n\"အာႏနန္တာႏဟွေး- လွေꩻဟော်ꩻဖေႏ ဂိရိမာနန္ဒတရာꩻ 'သညာႏအမျိုꩻတဆီ'နဝ်ꩻဟုဲင်း၊ ဂိရိမာနန္ဒ မဉ်ႏနာႏဗာႏ သညာႏအမျိုꩻတဆီနဝ်ꩻ ဝွေꩻရောႏဂါႏသက်သာႏ ဟောဝ်မွိုင်ချာဒျာႏ၊ သညာႏအမျိုꩻတဆီကရိုꩻနဝ်ꩻ-\n'အနိစ္စသညာႏ၊ အနတ္တသညာႏ၊ အသုဘသညာႏ၊ အာဒီနဝသညာႏ၊ ပဟာနသညာႏ၊ ဝိရာဂသညာႏ၊ နိရောဓသညာႏ၊ သဗ္ဗလောကေ အနဘိရတိသညာႏ၊ သဗ္ဗသင်္ခါရေသုအနိစ္စသညာႏ၊ အာနာပါနဿတိ'အမျိုꩻတဆီယိုဖုံႏသွူ။\nအာႏနန္တာႏဟွေး-\n၁။ 'အနိစ္စသညာႏ'ကရိုꩻနဝ်ꩻ နုဲင်းမုဲင်ꩻနဲတဲင်- သ��ႏသနာႏတောႏကိုယို ရဟန်ꩻ(တပါꩻ)နဝ်ꩻ လွေꩻအုံတခြာကိုတရိုꩻတဝ်း၊ လွေꩻအုံသေင်ႏမွူးဆလ တရိုꩻတဝ်း၊ လွေꩻအုံထာꩻယေန်ယေန်ကိုတရိုꩻတဝ်း ဝွေꩻယူႏဆင်ႏချင်ႏနုဲင်းယို-\n'ရုပ်'နဝ်ꩻ (အနိစ္စတန်ဒျာႏ) တသေႏတဝ်း၊ 'ဝွေႏဒနာႏ'နဝ်ꩻ (အနိစ္စတန်ဒျာႏ) တသေႏတဝ်း၊ 'သညာႏ'နဝ်ꩻ (အနိစ္စတန်ဒျာႏ) တသေႏတဝ်း၊ 'သင်္ခါႏရဖုံႏ'နဝ်ꩻ (အနိစ္စတန်ဒျာႏ) တသေႏတဝ်း၊ 'ဝိညာဏ်ႏ'နဝ်ꩻ (အနိစ္စတန်ဒျာႏ) တသေႏတဝ်း၊ ယူႏဆင်ႏချင်ႏနုဲင်းနဝ်ꩻ၊ ဥပါဒါနက္ခန္ဓာႏ ငတ်ꩻပါꩻအလောင်း (ခန္ဓာႏငတ်ꩻပါꩻယိုနဝ်ꩻ) အနိစ္စတန်ဒျာႏ တသေႏတဝ်း၊ တမယ်ꩻတဝ်း၊ တဉ်ႏခြွော့တဝ်း၊ ယူႏဆင်ႏချင်ႏသေႏသေႏနုဲင်းနဝ်ꩻ၊ (ကယူႏလꩻ တသေႏတဝ်း၊ တမယ်ꩻတဝ်း)ယိုနဝ်ꩻ ဟဲ့ꩻ'အနိစ္စသညာႏ'နောဝ်ꩻသွူ။\nအာႏနန္တာႏဟွေး-\n၂။ 'အနတ္တသညာႏ'ကရိုꩻနဝ်ꩻ နုဲင်းမုဲင်ꩻနဲတဲင်- သာႏသနာႏတောႏကိုယို ရဟန်ꩻ(တပါꩻ)နဝ်ꩻ လွေꩻအုံတခြာကိုတရိုꩻတဝ်း၊ လွေꩻအုံသေင်ႏမွူးဆလ တရိုꩻတဝ်း၊ လွေꩻအုံထာꩻယေန်ယေန်ကိုတရိုꩻတဝ်း ဝွေꩻယူႏဆင်ႏချင်ႏနုဲင်းယို-\n'မဲ့'နဝ်ꩻ (အနတ္တတန်ဒျာႏ) အတ္တမွေးတဝ်း၊ 'ဂန္ဓာႏရွုံႏအလွီးဖုံႏ'နဝ်ꩻ (အနတ္တတန်ဒျာႏ) အတ္တမွေးတဝ်း၊ 'ဖြေꩻ'နဝ်ꩻ (အနတ္တတန်ဒျာႏ) အတ္တမွေးတဝ်း၊ ရသာႏရွုံႏ အရသာႏဖုံႏနဝ်ꩻ (အနတ္တတန်ဒျာႏ) အတ္တမွေးတဝ်း၊ 'နမ်း'နဝ်ꩻ (အနတ္တတန်ဒျာႏ) အတ္တမွေးတဝ်း၊ ဖေါဋ္ဌဗ္ဗာရွုံႏ အခွေါင်းအရွဖုံႏနဝ်ꩻ (အနတ္တတန်ဖုံႏဒျာႏ) အတ္တမွေးတဝ်း၊ 'သꩻ'နဝ်ꩻ (အနတ္တဒျာႏ) အတ္တမွေးတဝ်း၊ ဓမ္မာႏရွုံႏ သဘော်ꩻတရာꩻနဝ်ꩻ (အနတ္တတန်ဖုံႏဒျာႏ) အတ္တမွေးတဝ်း၊\nယူႏဆင်ႏချင်ႏသေႏသေႏနုဲင်းနဝ်ꩻ၊ ကယူႏလꩻ 'အတ္တမွေးတဝ်း'ယိုနဝ်ꩻ ဟဲ့ꩻ\"အနတ္တသညာႏ\"၊ (တပဲင်ႏတဝ်း၊ ကမဉ်ထွာအတွိုင်ꩻ တထွာတဝ်း၊ ဝွေꩻသဘော်ꩻတွမ်ႏ ဝွေꩻသဘော်ꩻထွာဒျာႏ)နောဝ်ꩻသွူ။\nအာႏနန္တာႏဟွေး-\n၃။ 'အသုဘသညာႏ'ကရိုꩻနဝ်ꩻ နုဲင်းမုဲင်ꩻနဲတဲင်- သာႏသနာႏတောႏကိုယို ရဟန်ꩻ(တပါꩻ)နဝ်ꩻ လွေꩻအုံတခြာကိုတရိုꩻတဝ်း၊ လွေꩻအုံသေင်ႏမွူးဆလ တရိုꩻတဝ်း၊ လွေꩻအုံထာꩻယေန်ယေန်ကိုတရိုꩻတဝ်း ဝွေꩻယူႏဆင်ႏချင်ႏနုဲင်းယို-\n\"အဝ်ႏခင်ႏယာꩻ ဗꩻထင်ႏတဝီးနာ၊ အဝ်ႏတဝီးနာ ဗꩻလင်ꩻခင်ႏယာꩻ၊ ယူႏနမ်းတဗာႏလုမ်းလိုမ်းကိုယို အဝ်ႏသော့ꩻထမုဲင်ꩻ-ယုဲင်ꩻထီ၊ နေ့ꩻနိုꩻ၊ ခွဉ်ႏပေႏ (ဆီႏ)၊ ခွဉ်ႏတန်(အေႏ)စတဲင် အဝွေႏအဝက် ပသို့ꩻခရာႏတန်ဖုံႏဟွေး\"ယူႏဆင်ႏချင်ႏသေႏသေႏနုဲင်းနဝ်ꩻ၊ ကယူႏလꩻ အဝွေႏအဝက် ထာꩻပသို့ꩻခရာႏ၊ တင်ႏတယ်ႏတဝ်းယိုနဝ်ꩻ \"အသုဘသညာႏ\"နောဝ်ꩻသွူ။\nအာႏနန္တာႏဟွေ��-\n၄။ 'အာဒီနဝသညာႏ'ကရိုꩻနဝ်ꩻ နုဲင်းမုဲင်ꩻနဲတဲင်- သာႏသနာႏတောႏကိုယို ရဟန်ꩻ(တပါꩻ)နဝ်ꩻ လွေꩻအုံတခြာကိုတရိုꩻတဝ်း၊ လွေꩻအုံသေင်ႏမွူးဆလ တရိုꩻတဝ်း၊ လွေꩻအုံထာꩻယေန်ယေန်ကိုတရိုꩻတဝ်း ဝွေꩻယူႏဆင်ႏချင်ႏနုဲင်းယို-\n\"ခန္ဓာႏတန်ယိုနဝ်ꩻ ထာꩻဒုက္ခတန်ဒျာႏ၊ ထာꩻဆာခင်ႏလမ်း၊ ရောႏဂါႏခင်ႏလမ်းတန်ဒျာႏ၊ ကတူႏဆာ၊ ကတူႏဆွဉ်း၊ ကတူႏအဲင်ႏ၊ မဲ့ဝေ့ꩻ၊ သီးမူꩻ၊ နေ့ꩻဖူသွီႏ၊ နေ့ꩻဖူပစ်ꩻ၊ နားဆာ၊ နားဗောႏ၊ ဖြောင်းဆာ၊ ဖြေꩻဆာꩻ တငါဆာ၊ တငါအော့ꩻ၊ ကထောင်ꩻဆာ၊ တဟွိုဗာႏ-စတဲင် ထာꩻဆာ၊ ထွာနုဲင်းအပဲ့စ်မော့ꩻဗာႏ ခံႏဗာႏ၊ သောင်ဗာႏ၊ ခြင်ꩻဗာႏ၊ ရွိုးဗာႏ၊ ငွိုးဗာႏမွော့ဟွေး\" ယူႏဆင်ႏချင်ႏသေႏသေႏနုဲင်းနဝ်ꩻ၊ ကယူႏလꩻ ထာꩻဆာ၊ ကထွာအပဲ့စ်၊ ကထီႏအပဲ့စ်အယိုနဝ်ꩻ ဟဲ့ꩻ \"အာဒီနဝသညာႏ\"နောဝ်ꩻသွူ။\nအာႏနန္တာႏဟွေး-\n၅။ 'ပဟာနသညာႏ'ကရိုꩻနဝ်ꩻ နုဲင်းမုဲင်ꩻနဲတဲင်- သာႏသနာႏတောႏကိုယို ရဟန်ꩻ(တပါꩻ)နဝ်ꩻ 'သꩻကို ကပေါႏလွဉ်ဒါႏ ကာမဝိတက်-ယူႏစဉ်ꩻစာꩻ ကာႏမဂွုဏ်ႏ အာႏရွုံႏငတ်ꩻပါꩻ လက်ခံႏတဝ်း၊ အွဉ်ႏခံတဝ်းသꩻကို၊ ပယ်ႏထိုꩻတလဲင်ႏချင်ꩻ၊ သꩻကို ကပေါႏလွဉ်ဒါႏ ဗျာပါဒဝိတက်-ကျံႏတကုဲင်ဝင်ꩻ၊ ကျံႏမာꩻသီဝင်ꩻနဝ်ꩻ လက်ခံႏတဝ်း၊ အွဉ်ႏခံတဝ်းသꩻကို၊ ပယ်ႏထိုꩻတလဲင်ႏချင်ꩻ၊\nသꩻကို ကပေါႏလွဉ်ဒါႏ ဝိဟိံသာဝိတက်-ကျံႏနိစ္စက်ဝင်ꩻ၊ ကျံႏမာꩻဒုက္ခဝင်ꩻနဝ်ꩻ လက်ခံႏတဝ်း၊ အွဉ်ႏတဝ်းသꩻကို၊ ပယ်ႏထိုꩻတလဲင်ႏချင်ꩻ၊ အကုသိုလ်ႏယွုတ်ညမ်းနဝ်ꩻ လက်ခံႏတဝ်း၊ ပယ်ႏထိုꩻတလဲင်ႏချင်ꩻ\"ကပယ်ႏထိုꩻနုဲင်းယိုနဝ်ꩻ ဟဲ့ꩻ'ပဟာနသညာ'နောဝ်ꩻသွူ။\nအာႏနန္တာႏဟွေး-\n၆။ 'ဝိရာႏဂသညာႏ'ကရိုꩻနဝ်ꩻ နုဲင်းမုဲင်ꩻနဲတဲင်- သာႏသနာႏတောႏကိုယို ရဟန်ꩻ(တပါꩻ)နဝ်ꩻ လွေꩻအုံတခြာကိုတရိုꩻတဝ်း၊ လွေꩻအုံသေင်ႏမွူးဆလ တရိုꩻတဝ်း၊ လွေꩻအုံထာꩻယေန်ယေန်ကိုတရိုꩻတဝ်း ယူႏဆင်ႏချင်ႏသေႏသေႏနုဲင်းယို-\n\"သင်္ခါႏရကားကအဝ်ႏ ကငီꩻမ်ဖေ့ထိုꩻ၊ ကစွဉ်ꩻထိုꩻလို့ ဥပဓိကားကအဝ်ႏ၊ တဏှာႏကလို့ထိုꩻ ရာႏဂကကင်ꩻထိုꩻဒါႏ နိဗ္ဗာန်ႏနဝ်ꩻ ငီမ်ꩻငဲ့ခွꩻကဒဲ့ꩻ၊ နိဗ္ဗာန်ႏနဝ်ꩻ မျတ်မွေးစွဉ်ႏဟွေး\"ကယူႏစွေး ရာႏဂကကင်ꩻထိုꩻနဝ်ꩻ ဟဲ့ꩻ'ဝိရာႏဂသညာႏ'နောဝ်ꩻသွူ။\nအာႏနန္တာႏဟွေး-\n၇။ 'နိရောဓသညာႏ'ကရိုꩻနဝ်ꩻ နုဲင်းမုဲင်ꩻနဲတဲင်- သာႏသနာႏတောႏကိုယို ရဟန်ꩻ(တပါꩻ)နဝ်ꩻ လွေꩻအုံတခြာကိုတရိုꩻတဝ်း၊ လွေꩻအုံသေင်ႏမွူးဆလ တရိုꩻတဝ်း၊ လွေꩻအုံထာꩻယေန်ယေန်ကိုတရိုꩻတဝ်း ယူႏဆင်ႏချင်ႏသေႏသေႏနုဲင်းယို-\n\"သင်္ခါႏရကားကအဝ်ႏ ���ငီမ်ꩻဖေ့ထိုꩻ၊ ကစွဉ်ꩻထိုꩻလို့ ဥပဓိကားကအဝ်ႏ၊ တဏှာႏကလို့ရာꩻ (တဏှာႏ) ကချုပ်ရာꩻ ကထွာဒါႏ နိဗ္ဗာန်ႏနဝ်ꩻ ငီမ်ꩻခွꩻကဒဲ့ꩻ၊ နိဗ္ဗာန်ႏနဝ်ꩻ မျတ်မွေးစွဉ်ႏဟွေး\"ကယူႏစွေး တဏှာႏကချုပ်ထိုꩻနဝ်ꩻ ဟဲ့ꩻ'နိရောဓသညာႏ'နောဝ်ꩻသွူ။\nအာႏနန္တာႏဟွေး-\n၈။ 'သဗ္ဗလောကေ အနဘိရတိသညာႏ'ကရိုꩻနဝ်ꩻ နုဲင်းမုဲင်ꩻနဲတဲင်- သာႏသနာႏတောႏကိုယို ရဟန်ꩻ(တပါꩻ)နဝ်ꩻ လွေꩻအုံတခြာကိုတရိုꩻတဝ်း၊ လွေꩻအုံသေင်ႏမွူးဆလ တရိုꩻတဝ်း၊ လွေꩻအုံထာꩻယေန်ယေန်ကိုတရိုꩻတဝ်း၊\nဝွေꩻနဝ်ꩻ ဗွိုႏအန်ꩻသင်္ခါႏရ ကားကအဝ်ႏ၊ ပယ်ႏထိုꩻသꩻစွယ်ꩻလမ်ꩻ၊ ပယ်ႏထိုꩻသꩻယူႏမာႏ၊ ပယ်ႏထန်ႏထိုꩻ ဥပါဒါန်ႏ၊ စွယ်ꩻလမ်ꩻတဝ်းဒွုမ်၊ ကဗွိုႏအန်ꩻထိုꩻလို့ လောကသင်္ခါႏရနုဲင်းယိုနဝ်ꩻ ဟဲ့ꩻ'သဗ္ဗလောကေ အနဘိရတိသညာႏ'နောဝ်ꩻသွူ။\nအာႏနန္တာႏဟွေး-\n၉။ 'သဗ္ဗသင်္ခါရေသု အနိစ္စသညာႏ'ကရိုꩻနဝ်ꩻ နုဲင်းမုဲင်ꩻနဲတဲင်- သာႏသနာႏတောႏကိုယို ရဟန်ꩻ(တပါꩻ)နဝ်ꩻ လွေꩻအုံတခြာကိုတရိုꩻတဝ်း၊ လွေꩻအုံသေင်ႏမွူးဆလ တရိုꩻတဝ်း၊ လွေꩻအုံထာꩻယေန်ယေန်ကိုတရိုꩻတဝ်း၊ အုံနုဲင်းမုဲင်ꩻမုဲင်ꩻခန်းတဲ့ ဝွေꩻနဝ်ꩻ အုံထာꩻ အဝ်ႏဗွိုႏအန်ꩻသေႏသေႏစွဉ်ႏ သင်္ခါႏရ၊ အဝ်ႏပသို့ꩻသေႏသေႏစွဉ်ႏ သင်္ခါႏရ၊ ခွုင်းကားတဲင် သင်္ခါႏရဖုံႏနဝ်ꩻ- အနိစ္စလွဉ်း၊ ကယူႏလꩻသေႏသေႏနုဲင်းနဝ်ꩻနဝ်ꩻ ဟဲ့ꩻ'သဗ္ဗသင်္ခါရေသု အနိစ္စသညာႏ'နဝ်ꩻသွူ။\nအာႏနန္တာႏဟွေး-\n၁၀။ 'အာနာပါနဿဝိ'ကရိုꩻနဝ်ꩻ နုဲင်းမုဲင်ꩻနဲတဲင်- သာႏသနာႏတောႏကိုယို ရဟန်ꩻ(တပါꩻ)နဝ်ꩻ လွေꩻအုံတခြာကိုတရိုꩻတဝ်း၊ လွေꩻအုံသေင်ႏမွူးဆလ တရိုꩻတဝ်း၊ လွေꩻအုံထာꩻယေန်ယေန်ကိုတရိုꩻတဝ်း၊\nအုံတပန်း အွဉ်ႏစွဉ်ႏစွဉ်ႏနမ်း၊ သꩻအွဉ်ႏမိုးလွေꩻသွော့ (ကမ္မဋ္ဌာန်ꩻ) တရေ့ꩻသာ၊ အွဉ်ႏသတိꩻတိꩻ တရေ့ꩻဗာႏ၊ အွဉ်ႏသတိꩻတိꩻ သာဗာႏ၊ တရေ့ꩻသာ၊ တရေ့ꩻသာ၊ အွဉ်ႏသတိꩻတိꩻတရေ့ꩻ၊ အွဉ်ႏသတိꩻတိꩻသာ၊ တရေ့ꩻသေ၊ သာသေ၊ မဉ်ႏသာယွယွတဲ့ သာယွယွကျောင်ꩻသေ၊ မဉ်ႏသာမွိုင်မွိုင်တဲ့ သာမွိုင်မွိုင်ကျောင်ꩻသေ-စတဲင် ကယူႏတရေ့ꩻ ကယူႏသာနဝ်ꩻ ဟဲ့ꩻ'အာနာပါနဿတိ'နောဝ်ꩻသွူ။\nအာႏနန္တာႏဟွေး-\nလွေꩻဟော်ꩻနယ် ဂိရိမာနန္ဒသူꩻဟုဲင်း၊ ဂိရိမာနန္ဒ မဉ်ႏနာႏဗာႏ သညာႏအမျိုꩻတဆီယိုနဝ်ꩻ မဲ့ꩻဝွေꩻရောႏဂါႏ သက်သာႏဟောဝ်လွဉ်ဒျာႏ\"ဗွေႏဘုရာꩻမိန်းနုဲင်းနဝ်ꩻတဲင်-\nဗွေႏအာႏနန္တာႏတဲ့ ကျွꩻလွေꩻချာ ဗွေႏဂိရိမာနန္ဒထျꩻ၊ လွေꩻဟော်ꩻနယ်ပျꩻ သညာႏအမျိုꩻတဆီ၊ ဝွေꩻဗွေႏကထွိုင်ႏနာႏဗာႏ သညာႏအမျိုꩻတဆီနဝ်ꩻ ရောႏဂါႏသက်သာႏ ဟောဝ်ထိုꩻစွဉ်ႏဒျာႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ ဂိရိမာနန္ဒသုတ်)","num_words":1322,"character_repetition_ratio":0.116,"word_repetition_ratio":0.14,"special_characters_ratio":0.091,"stopwords_ratio":0.025,"flagged_words_ratio":0.0,"lang_id_score":1.0,"perplexity_score":1412.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%8C%E1%80%B1%EA%A9%BB%E1%80%95%E1%80%B1%E1%80%AB%E1%80%90%E1%80%9C%E1%80%AD%E1%80%9A","collection":"wikipedia","source":"wikipedia","original_code":"blk","text":"\"ပေါတလိယသုတ် (နီဗွေႏဘုရာꩻဟော်ꩻဖေႏ သဌေꩻပေါတလိယတရာꩻ)\"\nအွိုးခꩻတလဲင်ႏ-\nပေါတလိယသဌေꩻနဝ်ꩻ ကွဉ်ကꩻတွမ်ႏခွမ်ꩻလာꩻဟောဝ် ထိုမ်ႏခင်ႏဖါႏ ကင်းထီꩻ၊ ထောင်တဖူꩻ၊ တွိုႏတခြာကို လွေꩻထီႏခန်း နီဗွေႏဘုရာꩻ သွုံꩻသွမ်ꩻယာထွူ အုံပဆားသေင်ႏမွူးတမွူးဆလ၊ ပေါတလိယ လွေꩻထေ့ဗွေႏဘုရာꩻ၊ သꩻရောင်းသꩻရေꩻ ဒေါ့ꩻငေါဝ်းနစ်သက် စွော့ꩻတက်ထွူတဲ့ ပေါတလိယနဝ်ꩻ သမ်းအုံထွိုင်ႏဒျာႏစွူစွူတွော့ꩻ ဗွေႏဘုရာꩻရိုꩻ-\n\"သဌေꩻပေါတလိယ- ခင်ႏလမ်းအုံ အဝ်ႏဗောႏထာꩻနဝ်ꩻ မဉ်အုံလင်ꩻအထွောင်းမုဲင်ꩻ အုံလင်ꩻဟုဲင်း\" ဗွေႏဘုရာꩻဟဲ့ꩻဝွေꩻ 'သဌေꩻ'နဝ်ꩻ ဝွေꩻကျွိုက်တဝ်း၊ သꩻလျားစွဉ်ႏထာꩻ၊ အွဉ်ႏတကုဲင်ထွူစွဉ်ႏအလွိုး၊ အုံဒျာႏတေ့ꩻတေ့ꩻ၊ နီဗွေႏဘုရာꩻ ထွဉ်ႏအုံလင်ꩻစွဉ်ႏ သွံလဲင်ႏတရေꩻရေꩻနဝ်ꩻမꩻ နေးတွမ်ႏငေါဝ်းဟမ်းဆွော့ꩻဆွော့ꩻ ဒေါ့ꩻချာနီဗွေႏဘုရာꩻနုဲင်းယို-\n\"ဗွေႏဂေါတမ- ဗွေႏဂေါတမနဝ်ꩻ ဟောဝ်ဟဲ့ꩻတဝ်းခွေ 'သဌေꩻ၊ သဌေꩻ'နုဲင်းနဝ်ꩻ\"\n\"ထွားနာꩻအကွဉ်အကꩻ၊ အအုံအအောဝ်ႏနဝ်ꩻ ဗွန်ပီသဌေꩻနဝ်ꩻမꩻ ခွေဟဲ့ꩻ'သဌေꩻ၊ သဌေꩻ'နုဲင်းနဝ်ꩻသနယ်ဟွေး\"\n\"ဗွေႏဂေါတမ-\nခွေယိုခါနောဝ်ꩻ လိုꩻလမ်းကိစ္စ ကားကအဝ်ႏနဝ်ꩻ ခွေပယ်ႏထိုꩻလဲဉ်း၊ ခွေမာꩻတဝ်းဒွုမ် ထမုဲင်ꩻမုဲင်ꩻ၊ ခွုင်းကားတဲင် လိုꩻလမ်းအသွုံꩻအနွုန်ꩻ အဟဲ့ꩻအဟောင်ဖုံႏနဝ်ꩻ ခွေမာꩻထဲ့ တဒွေါ့ꩻဖြတ်ꩻထိုꩻလဲဉ်း\"(ဝွေꩻကယူႏ ဝွေꩻနမ်းနဝ်ꩻ လိုꩻလမ်းမွေးဒွုမ်)။\n\"သဌေꩻဟွေး-\nနာꩻပယ်ႏထိုꩻ လိုꩻလမ်းကိစ္စနုဲင်းမုဲင်ꩻ၊ နာꩻတဒွေါ့ꩻဖြတ်ꩻ အဟဲ့ꩻအဟောင် အသွုံꩻအနွုန်ꩻနုဲင်းမုဲင်ꩻ\"\n\"ဗွေႏဂေါတမ-\nခွေဥစ္စာႏ ဗွူဟူ ရွဉ်ခံꩻတခြိုꩻကားကအဝ်ႏ အမွေႏအနေႏ ဖန်းဖေႏလို့လဲဉ်း ပိုခိုပိုမူႏသီးဖုံႏ၊ ပွိုင်းဝွို့တွမ်ႏ တခြိုꩻဥစ္စာႏဖုံႏနဝ်ꩻ ခွေတဒေါ့ꩻတဝ်းဒွုမ်၊ ခွေတစွော့ꩻတဝ်းဒူမ်နုဲင်းမုဲင်ꩻမုဲင်ꩻ၊ အွဉ်ႏကုဲင်ကွို့ꩻခွေအံႏတာႏ အွꩻတာႏ ကွဉ်ကꩻတာႏ တစူးတစိꩻပေႏဒျာႏ၊ ခွေပယ်ႏနုဲင်းနဝ်ꩻ မာꩻဖြတ်ꩻနုဲင်းနဝ်ꩻသွူ\"(ကွပ်နဝ်ꩻမꩻ ခွေယိုနဝ်ꩻ ဟဲ့ꩻသဌေꩻနုဲင်းနဝ်ꩻ၊ ဟဲ့ꩻလိုꩻလမ်း အသွုံꩻအနွုန်ꩻနုဲင်းနဝ်ꩻနဝ်ꩻ တသေန်ႏလျောႏတဝ်းသွူ)။\n\"သဌေꩻပေါတလိယ-\nနာꩻမာꩻဖြတ်ꩻပွုံႏ အဟဲ့ꩻအဟောင်၊ အသွုံꩻအနွုန်ꩻနဝ်ꩻ တမျိုꩻခေါ်တန်ဒျာႏ၊ ဘုရာꩻခွေအဆွုံꩻအမꩻကို အဟဲ့ꩻအဟောင် အသွုံꩻအနွုန်ꩻနဝ်ꩻ (ဗွန်တဝ်းနာꩻ) တမျိုꩻခေါ်ဒျာႏ\"\n\"ဗွေႏဂေါတမ-\nနီဗွေႏဘုရာꩻ အဆွုံꩻအမꩻကိုနဝ်ꩻ မာꩻထဲ့ဖြတ်ꩻ (ငေါဝ်းလိုꩻလမ်း) အသွုံꩻအနွုန်ꩻနုဲင်းမုဲင်ꩻအီ ဟော်ꩻနယ်ခွေမွိုင်\"\nတောင်ꩻပြန်ႏလောဝ်းနုဲင်းနဝ်ꩻတဲင် နီဗွေႏဘုရာꩻ အွဉ်ႏသꩻဆွာꩻဆွာꩻ နေးတွမ်ႏမေတ္တာႏ၊ နေးတွမ်ႏကရုဏာႏ ထာꩻသညင်ꩻဝွေꩻ တန်တန်အာအာ သျင်ꩻနယ်ချာ ပဉ်မျိုꩻပဉ်မျိုꩻနုဲင်းယို-\nသဌေꩻပေါတလိယ-\nဗွေႏဘုရာꩻ အဆွုံꩻအမꩻကို ကမာꩻထဲ့ဖြတ်ꩻ ငေါဝ်းလိုꩻလမ်းနဝ်ꩻ အဝ်ႏသွစ်ꩻမျိုꩻ၊ သွစ်ꩻမျိုꩻကရိုꩻနဝ်ꩻ-\n၁။ ပါဏာတိပါတံ နိဿာယ ပါဏာတိပါတော ပဟာတဗ္ဗော-\nအာႏကွိုꩻဒျာႏ မာꩻသီတဝ်း ဝင်ꩻသက်တဲင် ထာꩻမာꩻကမာꩻသီ ဝင်ꩻသက်နောဝ်ꩻ ပယ်ႏထိုꩻဗာႏ၊ (မာꩻသီတဝ်းဝင်ꩻသက်)။\n၂။ ဒိန္နာဒါနံ နိဿာယ အဒိန္နာဒါနံ ပဟာတဗ္ဗံ-\nအာႏကွိုꩻဒျာႏ ထူႏတခွန်ꩻတဝ်း ဝင်ꩻတခြိုꩻတဲင် ထာꩻမာꩻထူႏတခွန်ꩻ ဝင်ꩻတခြိုꩻနဝ်ꩻ ပယ်ႏထိုꩻဗာႏ၊ (ထူႏတခွန်ꩻတဝ်း ဝင်ꩻတခြိုꩻ)။\n၃။ သစ္စဝါဒံ (သစ္စံ ဝါဒံ) နိဿာယ မုသာဝါဒေါ ပဟာတဗ္ဗော-\nအာႏကွိုꩻဒျာႏ ငေါဝ်းမွေးငါမဲဉ်ႏတဲင် ဒေါ့ꩻလိန်ႏဒေါ့ꩻလဲဉ်ထာꩻနဝ်ꩻ ပယ်ႏထိုꩻဗာႏ၊ (ဒေါ့ꩻလဲဉ်တဝ်းထာꩻ)။\n၄။ အပိသုဏံ ဝါစံ နိဿာယ ပိသုဏဝါစာ ပဟာတဗ္ဗော-\nအာႏကွိုꩻဒျာႏ အံႏစာတဝ်းဝင်ꩻမဉ်ꩻတဲင် ငေါဝ်းအံႏစာဝင်ꩻမဉ်ꩻနဝ်ꩻ ပယ်ႏထိုꩻဗာႏ(အံႏစာတဝ်းဝင်ꩻမဉ်ꩻ)။\n၅။ အဂိဒ္ဓိလောဘံ နိဿာယ ဂိဒ္ဓိလောဘော ပဟာတဗ္ဗော-\nအာႏကွိုꩻဒျာႏ ထာꩻတထဲ့ꩻတဝ်းတဲင် ထာꩻတထဲ့ꩻ (လောႏဘꩻ)နဝ်ꩻ ပယ်ႏထိုꩻဗာႏ (ပယ်ႏထိုꩻဗာႏလောႏဘꩻ)\n၆။ အနိန္ဒာရောသံ နိဿာယ နိန္ဒာရောသော ပဟာတဗ္ဗော-\nအာႏကွိုꩻဒျာႏ ထာꩻသဲ့ꩻသွမ်ꩻတောဝ်းဝင်ꩻတဲင် ထာꩻသဲ့ꩻသွမ်ꩻ(တေက်ꩻနျꩻ)ဝင်ꩻနဝ်ꩻ ပယ်ႏထိုꩻဗာႏ၊ (သဲ့ꩻသွမ်ꩻတဝ်းဝင်ꩻ)။\n၇။ အက္ကောဓူပါယာသံ နိဿာယ ကောဓူပါယာသော ပဟာတဗ္ဗော-\nအာႏကွိုꩻဒျာႏ သꩻလျားဒါႏတဝ်းဝင်ꩻတဲင် ထာꩻသꩻလျားဝင်ꩻနဝ်ꩻ ပယ်ႏထိုꩻဗာႏ(သꩻလျားဒါႏတဝ်းဝင်ꩻ)။\n၈။ အနတိမာနံ နိဿာယ အနတိမာနော ပဟာတဗ္ဗော-\nအာႏကွိုꩻဒျာႏ သꩻဖြုံႏထိုတဝ်း (ကျွားတဝ်းထာꩻ)တဲင် သꩻဖြုံႏထို ထာꩻကျွားနောဝ်ꩻ ပယ်ႏထိုꩻဗာႏ၊ (ပယ်ႏထိုꩻဗာႏမာႏန)\nသဌေꩻပေါတလိယဟွေး-\nယုနဝ်ꩻ ခွေဟော်ꩻနယ်ကွို့ꩻ အအဲဉ်ႏပေႏလွုမ်ꩻ၊ ဟော်ꩻနယ်အလုဲင်း ခြုဲင်းနယ်အစွုမ်ႏ လꩻမွေးတဝ်းဒွိုန်း၊ ခွေဘုရာꩻ အဆွုံꩻအမꩻကိ�� တရာꩻယိုသွစ်ꩻမျိုꩻနဝ်ꩻ မာꩻထဲ့ဖြတ်ꩻအီ ငေါဝ်းလိုꩻလမ်း (အဟဲ့ꩻအဟောင်၊ အသွုံꩻအနွုန်ꩻ)နောဝ်ꩻသွူ။\n\"ဩဗွေႏ- တရာꩻအအဲဉ်ႏ ယိုသွစ်ꩻပါꩻနဝ်ꩻ ခွေသွဉ်းမဉ်သေငါႏအလုဲင်း ဟော်ꩻဖေႏခွေသွဉ်းလုဲင်းလုဲင်း ခြုဲင်းဖေႏ ခွေသွဉ်းစွုမ်ႏစူမ်ႏမွိုင် ဗွေႏဩ\"\nပေါတလိယ လောဝ်းတောင်ꩻပြန်ႏ ဗွေႏဘုရာꩻနုဲင်းနဝ်ꩻတဲင် နီဗွေႏဘုရာꩻရိုꩻ-\n\"သဌေꩻပေါတလိယ- ပေါႏနဝ်ꩻတဲ့ နာႏစဲင်းစဲင်းဟုဲင်း၊ ခွေဟော်ꩻဖေႏနာꩻယို\"\n\"ဩဗွေႏ- ဟောဝ်သွူဗွေႏဩ၊ နာႏစဲင်းစဲင်းဒျာႏ ဗွေႏဩ\"\nသဌေꩻပေါတလိယဟွေး-\n၁။ \"အာႏကွိုꩻဒျာႏ မာꩻသီတဝ်းဝင်ꩻသက်တဲင် ထာꩻမာꩻကမာꩻသီဝင်ꩻသက်နဝ်ꩻ ပယ်ႏထိုꩻဗာႏ\"ကရိုꩻဒါႏ ငေါဝ်းနဝ်ꩻနဝ်ꩻ ဘုရာꩻခွေယိုဟော်ꩻခါꩻ၊ ကွပ်ပွိုးထမုဲင်ꩻ မဟော်ꩻခါꩻဗာႏတွိုးနုဲင်းနဝ်ꩻနဲတဲင်-\nသဌေꩻပေါတလိယ နာႏစဲင်းစဲင်းဟုဲင်း-\nသာႏသနာႏတောႏကိုယို ခွေတပဲ့ꩻ(ဖုံႏ)နဝ်ꩻ နေးတွမ်ႏဉာဏ်ႏ ယူႏခံႏနုဲင်းယို-\n\"ကွပ်သံယော်ꩻဇဉ်ႏတစွိုးစွိုး၊ ပွိုးတမျိုꩻမျိုꩻတဲင် ခွေအဝ်ႏမာꩻသီဗာႏဝင်ꩻသက်၊ ဖေႏနေးကတွမ်ႏမာꩻသီဗာႏမွုန်းဒွုမ် ဝင်ꩻသက်ယိုနဝ်ꩻ ယိုခါ ခွေကံကျင်ꩻပယ်ႏထိုꩻ၊ ခွေမဉ်ႏအဝ်ႏမာꩻသီက ဝင်ꩻသက်နဝ်ꩻ ခွေနမ်းဒျာႏသွူတဲ့ ခွေအီႏထီႏဖွီချာ၊ လိုꩻဟောဝ်ပညာႏသားဖုံႏတဲ့ အီႏသဲ့ꩻသွမ်ꩻခွေ၊\nကွပ်မာꩻသီဝင်ꩻသက်တဲင် ခန္ဓာႏကုဲင်လီ မဉ်ႏသီသူꩻနဝ်ꩻ အီႏလွေꩻဗာႏ ဘဝကုဲင်ရင်ꩻရင်ꩻ၊ ထာꩻမာꩻသီ ဝင်ꩻသက်နဝ်ꩻ ထွာဒါႏထာꩻစွယ်ꩻတဉ်ႏ-ထွာဒါႏသံယော်ꩻဇဉ်ႏတမျိုꩻ၊ ထာꩻမာꩻသီဝင်ꩻသက်ယိုနဝ်ꩻ ထွာနီဝရဏတရာꩻ၊ ပေ့ꩻရဲခါꩻဒါႏ ဈာန်ႏမဂ်ဖိုလ်ႏ၊ မဉ်ႏမာꩻသီတဝ်း ဝင်ꩻသက်နောဝ်ꩻ အာသဝတရာꩻ (လောႏဘꩻ၊ ဒိဋ္ဌိ)ဖုံႏ ခိုးလျားဒုက္ခ၊ နောင်ႏတကော့ꩻမာႏဖုံႏ တထွာနွောင်ꩻတောဝ်း၊\nကွပ်ပွိုးအကျောင်ꩻနဝ်ꩻဖုံႏမꩻ \"အာႏကွိုꩻဒျာႏ မာꩻသီတဝ်းဝင်ꩻသက်တဲင် ထာꩻမာꩻကမာꩻသီဝင်ꩻသက်နဝ်ꩻ ပယ်ႏထိုꩻဗာႏ\"ခွေဟော်ꩻခါꩻနုဲင်းနောဝ်ꩻသွူ။\nသဌေꩻပေါတလိယဟွေး-\n၂။ \"အာႏကွိုꩻဒျာႏ ထူႏတခွန်ꩻတဝ်း ဝင်ꩻတခြိုꩻတဲင် ထာꩻမာꩻထူႏတခွန်ꩻဝင်ꩻတခြိုꩻနဝ်ꩻ ပယ်ႏထိုꩻဗာႏ\"ကရိုꩻနဝ်ꩻ ငေါဝ်းနဝ်ꩻနဝ်ꩻ ဘုရာꩻခွေဟော်ꩻခါꩻ၊ ကွပ်ပွိုးထမုဲင်ꩻ မဟော်ꩻခါꩻဗာႏတွိုးနုဲင်းနဝ်ꩻနဲတဲင်-\nသာႏသနာႏတောႏကိုယို ခွေတပဲ့ꩻ(ဖုံႏ)နဝ်ꩻ နေးတွမ်ႏဉာဏ်ႏ ယူႏခံႏနုဲင်းယို-\n\"ကွပ်သံယော်ꩻဇဉ်ႏတစွိုးစွိုး၊ ပွိုးတမျိုꩻမျိုꩻတဲင် ခွေအဝ်ႏထူႏတခွန်ꩻဗာႏဝင်ꩻတခြိုꩻ၊ ဖေႏနေးကတွမ်ႏထူႏတခွန်ꩻဗာႏမွုန်းဒွုမ် ဝင်ꩻတခြ���ုꩻနဝ်ꩻ ယိုခါ ခွေအဝ်ႏကံကျင်ꩻပယ်ႏထိုꩻ၊ ခွေမဉ်ႏအဝ်ႏထူႏတခွန်ꩻက ဝင်ꩻတခြိုꩻနဝ်ꩻ ခွေနမ်းဒျာႏသွူတဲ့ ခွေအီႏထီႏဖွီချာ၊ လိုꩻဟောဝ်ပညာႏသားဖုံႏတဲ့ အီႏသဲ့ꩻသွမ်ꩻခွေ။\nကွပ်ထူႏတခွန်ꩻဝင်ꩻတခြိုꩻတဲင် ခန္ဓာႏကုဲင်လီ မဉ်ႏသီသူꩻနဝ်ꩻ အီႏလွေꩻဗာႏ ဘဝကုဲင်ရင်ꩻရင်ꩻ၊ ထာꩻထူႏတခွန်ꩻဝင်ꩻတခြိုꩻယိုနဝ်ꩻ ထွာဒါႏထာꩻစွယ်ꩻတဉ်ႏ-ထွာဒါႏ သံယော်ꩻဇဉ်ႏတမျိုꩻ၊ ထာꩻထူႏတခွန်ꩻတခြိုꩻယိုနဝ်ꩻ ထွာနီဝရဏတရာꩻ၊ ပေ့ꩻရဲခါꩻဒါႏ ဈာန်ႏမဂ်ဖိုလ်ႏ မဉ်ႏထူႏတခွန်ꩻတဝ်း ဝင်ꩻတခြိုꩻနဝ်ꩻ အာသဝတရာꩻ (လောႏဘꩻ၊ ဒိဋ္ဌိ)ဖုံႏ၊ ခိုးလျားဒုက္ခ၊ နောင်ႏတကော့ꩻမာႏဖုံႏ၊ တထွာနွောင်ꩻတောဝ်း။\nကွပ်ပွိုး အကျောင်ꩻနဝ်ꩻဖုံႏမꩻ \"အာႏကွိုꩻဒျာႏ ထူႏတခွန်ꩻတဝ်း ဝင်ꩻတခြိုꩻတဲင် ထာꩻမာꩻထူႏတခွန်ꩻ ဝင်ꩻတခြိုꩻနဝ်ꩻ ပယ်ႏထိုꩻဗာႏ\"ခွေဟော်ꩻခါꩻနုဲင်းနောဝ်ꩻသွူ။\nသဌေꩻပေါတလိယဟွေး-\n၃။ \"အာႏကွိုꩻဒျာႏ ငေါဝ်းမွေးငွါမဲဉ်ႏတဲင် ဒေါ့ꩻလိန်ႏဒေါ့ꩻလဲဉ်ထာꩻနဝ်ꩻ ပယ်ႏထိုꩻဗာႏ\"ကရိုꩻဒါႏငေါဝ်းနဝ်ꩻနဝ်ꩻ ဘုရာꩻခွေယိုဟော်ꩻခါꩻ၊ ကွပ်ပွိုးထမုဲင်ꩻ မဟော်ꩻခါꩻဗာႏတွိုးနုဲင်းနဝ်ꩻတဲင်-\nသာႏသနာႏတောႏကိုယို ခွေတပဲ့ꩻ(ဖုံႏ)နဝ်ꩻ နေးတွမ်ႏဉာဏ်ႏ ယူႏခံႏနုဲင်းယို-\n\"ကွပ်သံယော်ꩻဇဉ်ႏတစွိုးစွိုး၊ ပွိုးတမျိုꩻမျိုꩻတဲင် ခွေဒေါ့ꩻလိန်ႏဒေါ့ꩻလဲဉ်ဗာႏထာꩻ၊ ဖေႏနေးကတွမ်ႏဒေါ့ꩻလိန်ႏဒေါ့ꩻလဲဉ်ဗာႏမွုန်းဒွုမ်နဝ်ꩻ ယိုခါ ခွေကံကျင်ꩻပယ်ႏထိုꩻ၊ ခွေမဉ်ႏအဝ်ႏဒေါ့ꩻလိန်ႏဒေါ့ꩻလဲဉ်နေကနဝ်ꩻ ခွေနမ်းဒျာႏသွူတဲ့ ခွေအီႏထီႏဖွီချာ၊ လိုꩻဟောဝ်ပညာႏသားဖုံႏတဲ့ အီႏသဲ့ꩻသွမ်ꩻခွေ၊\nကွပ်ခွေဒေါ့ꩻလိန်ႏဒေါ့ꩻလဲဉ်ထာꩻတဲင် ခန္ဓာႏကုဲင်လီ မဉ်ႏသီသူꩻနဝ်ꩻ အီႏလွေꩻဗာႏ ဘဝကုဲင်ရင်ꩻရင်ꩻ၊ ထာꩻဒေါ့ꩻလိန်ႏဒေါ့ꩻလဲဉ်ယိုနဝ်ꩻ ထွာဒါႏထာꩻစွယ်ꩻတဉ်ႏ-ထွာဒါႏသံယော်ꩻဇဉ်ႏတမျိုꩻ၊ ထာꩻဒေါ့ꩻလိန်ႏဒေါ့ꩻလဲဉ်ယိုနဝ်ꩻ ထွာနီဝရဏတရာꩻ၊ ပေ့ꩻရဲခါꩻဒါႏ ဈာန်ႏမဂ်ဖိုလ်ႏ၊ မဉ်ႏတလိန်ႏလဲဉ်တဝ်းထာꩻနဝ်ꩻ အာသဝတရာꩻ (လောႏဘꩻ၊ ဒိဋ္ဌိ)ဖုံႏ၊ ခိုးလျားဒုက္ခ၊ နောင်ႏတကော့ꩻမာႏဖုံႏ တထွာနွောင်ꩻတဝ်း။\nကွပ်ပွိုးအကျောင်ꩻနောဝ်ꩻဖုံႏမꩻ \"အာႏကွိုꩻဒျာႏ ငေါဝ်းမွေးငွါမဲဉ်ႏတဲင် ဒေါ့ꩻလိန်ႏဒေါ့ꩻလဲဉ်ထာꩻနောဝ်ꩻ ပယ်ႏထိုꩻဗာႏ\"ခွေဟော်ꩻခါꩻနုဲင်းနောဝ်ꩻသွူ။\nသဌေꩻပေါတလိယဟွေး-\n၄။ \"အာႏကွိုꩻဒျာႏ အံႏစာတဝ်းဝင်ꩻမဉ်ꩻတဲင် ငေါဝ်းအံႏစာဝင်ꩻမဉ်ꩻနဝ်ꩻ ပယ်ႏထိုꩻဗာႏ\"ကရိုꩻဒါႏငေါဝ်းနဝ်ꩻနဝ်ꩻ ဘုရာꩻခွေယ��ုဟော်ꩻခါꩻ၊ ကွပ်ပွိုးထမုဲင်ꩻ မဟော်ꩻခါꩻဗာႏတွိုး နုဲင်းနဝ်ꩻနဲတဲင်-\nသာႏသနာႏကိုယို ခွေတပဲ့ꩻ(ဖုံႏ)နဝ်ꩻ နေးတွမ်ႏဉာဏ်ႏ ယူႏခံႏနုဲင်းယို-\n\"ကွပ်သံယော်ꩻဇဉ်ႏတစွိုးစွိုး၊ ပွိုးတမျိုꩻမျိုꩻတဲင် ခွေအံႏစာဗာႏဝင်ꩻမဉ်ꩻ၊ ဖေႏနေးကတွမ်ႏအံႏစာဗာႏမွုန်းဒွုမ် ဝင်ꩻမဉ်ꩻနဝ်ꩻ ယိုခါ ခွေအဝ်ႏကံကျင်ꩻပယ်ႏထိုꩻ၊ ခွေမဉ်ႏအံႏစာက ဝင်ꩻမဉ်ꩻနဝ်ꩻ ခွေနမ်းဒျာႏသွူတဲ့ ခွေအီႏထီႏဖွီချာ၊ လိုꩻဟောဝ်ပညာႏသားဖုံႏတဲ့ အီႏသဲ့ꩻသွမ်ꩻခွေ။\nကွပ်ပွိုးအံႏစာဝင်ꩻမဉ်ꩻတဲင် ခန္ဓာႏကုဲင်လီ မဉ်ႏသီသူꩻနဝ်ꩻ အီႏလွေꩻဗာႏ ဘဝကုဲင်ရင်ꩻရင်ꩻ၊ ထာꩻအံႏစာꩻဝင်ꩻမဉ်ꩻယိုနဝ်ꩻ ထွာဒါႏထာꩻစွယ်ꩻတဉ်ႏ-ထွာဒါႏသံယော်ꩻဇဉ်ႏတမျိုꩻ၊ ထာꩻအံႏစာဝင်ꩻမဉ်ꩻယိုနဝ်ꩻ ထွာနီဝရဏတရာꩻ၊ ပေ့ꩻရဲခါꩻဒါႏ ဈာန်ႏမဂ်ဖိုလ်ႏ၊ မဉ်ႏအံႏစာတဝ်း ဝင်ꩻမဉ်ꩻနဝ်ꩻ အာသဝတရာꩻ (လောႏဘꩻ၊ ဒိဋ္ဌိ)ဖုံႏ၊ ခိုးလျားဒုက္ခ၊ နောင်ႏတကော့ꩻမာႏဖုံႏ တထွာနွောင်ꩻတောဝ်း။\nကွပ်ပွိုးအကျောင်ꩻနဝ်ꩻဖုံႏမꩻ \"အာႏကွိုꩻဒျာႏ အံႏစာတဝ်းဝင်ꩻမဉ်ꩻတဲင် ငေါဝ်းအံႏစာꩻဝင်ꩻမဉ်ꩻနောဝ်ꩻ ပယ်ႏထိုꩻဗာႏ\"ခွေဟော်ꩻခါꩻနုဲင်းနောဝ်ꩻသွူ။\nသဌေꩻပေါတလိယဟွေး-\n၅။ \"အာႏကွိုꩻဒျာႏ ထာꩻတထဲ့ꩻတဝ်းတဲင် ထာꩻတထဲ့ꩻ(လောႏဘꩻ)နဝ်ꩻ ပယ်ႏထိုꩻဗာႏ\"ကရိုꩻဒါႏငေါဝ်းနဝ်ꩻနဝ်ꩻ ဘုရာꩻခွေယိုဟော်ꩻခါꩻ၊ ကွပ်ပွိုးထမုဲင်ꩻ မဟော်ꩻခါꩻဗာႏတွိုး နုဲင်းနဝ်ꩻနဲတဲင်-\nသာႏသနာႏကိုယို ခွေတပဲ့ꩻ(ဖုံႏ)နဝ်ꩻ နေးတွမ်ႏဉာဏ်ႏ ယူႏခံႏနုဲင်းယို-\n\"ကွပ်သံယော်ꩻဇဉ်ႏတစွိုးစွိုး၊ ပွိုးတမျိုꩻမျိုꩻတဲင် ခွေတထဲ့ꩻဗာႏထာꩻ၊ ဖေႏနေးကတွမ်ႏတထဲ့ꩻဗာႏမွုန်းဒွုမ် ယိုခါ ခွေအဝ်ႏကံကျင်ꩻပယ်ႏထိုꩻ၊ ခွေမဉ်ႏအဝ်ႏတထဲ့ꩻနေကနဝ်ꩻ ခွေနမ်းဒျာႏသွူတဲ့ ခွေအီႏထီႏဖွီချာ၊ လိုꩻဟောဝ်ပညာႏသားဖုံႏတဲ့ အီႏသဲ့ꩻသွမ်ꩻခွေ။\nကွပ်ပွိုးခွေတထဲ့ꩻထာꩻတဲင် ခန္ဓာႏကုဲင်လီ မဉ်ႏသီသူꩻနဝ်ꩻ အီႏလွေꩻဗာႏ ဘဝကုဲင်ရင်ꩻရင်ꩻ၊ ထာꩻတထဲ့ꩻယိုနဝ်ꩻ ထွာဒါႏထာꩻစွယ်ꩻတဉ်ႏ-ထွာဒါႏသံယော်ꩻဇဉ်ႏတမျိုꩻ၊ ထာꩻတထဲ့ꩻယိုနဝ်ꩻ ထွာနီဝရဏတရာꩻ၊ ပေ့ꩻရဲခါꩻဒါႏ ဈာန်ႏမဂ်ဖိုလ်ႏ၊ မဉ်ႏတထဲ့ꩻတဝ်းထာꩻနဝ်ꩻ အာသဝတရာꩻ (လောႏဘꩻ၊ ဒိဋ္ဌိ)ဖုံႏ၊ ခိုးလျားဒုက္ခ၊ နောင်ႏတကော့ꩻမာႏဖုံႏ တထွာနွောင်ꩻတဝ်း။\nကွပ်ပွိုးအကျောင်ꩻနဝ်ꩻဖုံႏမꩻ \"အာႏကွိုꩻဒျာႏ ထာꩻတထဲ့ꩻတဝ်းတဲင် ထာꩻတထဲ့ꩻ(လောႏဘꩻ)နောဝ်ꩻ ပယ်ႏထိုꩻဗာႏ\"ခွေဟော်ꩻခါꩻနုဲင်းနောဝ်ꩻသွူ။\nသဌေꩻပေါတလိယဟွေး-\n၆။ \"အာႏကွိုꩻဒျာႏ ထာꩻသဲ့ꩻသွမ��ꩻတဝ်းဝင်ꩻတဲင် ထာꩻသဲ့ꩻသွမ်ꩻ(တေက်ꩻနျꩻ)ဝင်ꩻနဝ်ꩻ ပယ်ႏထိုꩻဗာႏ\"ကရိုꩻဒါႏငေါဝ်းနဝ်ꩻနဝ်ꩻ ဘုရာꩻခွေယိုဟော်ꩻခါꩻ၊ ကွပ်ပွိုးထမုဲင်ꩻ မဟော်ꩻခါꩻဗာႏတွိုး နုဲင်းနဝ်ꩻနဲတဲင်-\nသာႏသနာႏကိုယို ခွေတပဲ့ꩻ(ဖုံႏ)နဝ်ꩻ နေးတွမ်ႏဉာဏ်ႏ ယူႏခံႏနုဲင်းယို-\n\"ကွပ်သံယော်ꩻဇဉ်ႏတစွိုးစွိုး၊ ပွိုးတမျိုꩻမျိုꩻတဲင် ခွေသဲ့ꩻသွမ်ꩻ(တေက်ꩻနျꩻ)ဗာႏဝင်ꩻ၊ ဖေႏနေးကတွမ်ႏသဲ့ꩻသွမ်ꩻဗာႏမွုန်းဒူမ်နဝ်ꩻ ယိုခါ ခွေအဝ်ႏကံကျင်ꩻပယ်ႏထိုꩻ၊ ခွေမဉ်ႏအဝ်ႏသဲ့ꩻသွမ်ꩻနေကဝင်ꩻနဝ်ꩻ ခွေနမ်းဒျာႏသွူတဲ့ ခွေအီႏထီႏဖွီချာ၊ လိုꩻဟောဝ်ပညာႏသားဖုံႏတဲ့ အီႏသဲ့ꩻသွမ်ꩻခွေ။\nကွပ်ပွိုးထာꩻသဲ့ꩻသွမ်ꩻ(တေက်ꩻနျꩻ)ဝင်ꩻတဲင် ခန္ဓာႏကုဲင်လီ မဉ်ႏသီသူꩻနဝ်ꩻ အီႏလွေꩻဗာႏ ဘဝကုဲင်ရင်ꩻရင်ꩻ၊ ထာꩻသဲ့ꩻသွမ်ꩻဝင်ꩻယိုနဝ်ꩻ ထွာဒါႏထာꩻစွယ်ꩻတဉ်ႏ-ထွာဒါႏသံယော်ꩻဇဉ်ႏတမျိုꩻ၊ ထာꩻသဲ့ꩻသွမ်ꩻဝင်ꩻယိုနဝ်ꩻ ထွာနီဝရဏတရာꩻ၊ ပေ့ꩻရဲခါꩻဒါႏ ဈာန်ႏမဂ်ဖိုလ်ႏ၊ မဉ်ႏသဲ့ꩻသွမ်ꩻတဝ်းဝင်ꩻနဝ်ꩻ အာသဝတရာꩻ (လောႏဘꩻ၊ ဒိဋ္ဌိ)ဖုံႏ၊ ခိုးလျားဒုက္ခ၊ နောင်ႏတကော့ꩻမာႏဖုံႏ တထွာနွောင်ꩻတောဝ်း။\nကွပ်ပွိုးအကျောင်ꩻနဝ်ꩻဖုံႏမꩻ \"အာႏကွိုꩻဒျာႏ ထာꩻသဲ့ꩻသွမ်ꩻတဝ်းဝင်ꩻတဲင် ထာꩻသဲ့ꩻသွမ်ꩻ(တေက်ꩻနျꩻ)ဝင်ꩻနောဝ်ꩻ ပယ်ႏထိုꩻဗာႏ\"ခွေဟော်ꩻခါꩻနုဲင်းနောဝ်ꩻသွူ။\nသဌေꩻပေါတလိယဟွေး-\n၇။ \"အာႏကွိုꩻဒျာႏ သꩻလျားဒါႏတဝ်းဝင်ꩻတဲင် ထာꩻသꩻလျားနောဝ်ꩻ ပယ်ႏထိုꩻဗာႏ\"ကရိုꩻဒါႏ ငေါဝ်းနဝ်ꩻနဝ်ꩻ ဘုရာꩻခွေယိုဟော်ꩻခါ ခွေတပဲ့ꩻ(ဖုံႏ)နဝ်ꩻ မဟော်ꩻခါꩻဗာႏတွိုးနုဲင်းနဝ်ꩻတဲတဲင်-\nသာႏသနာႏကိုယို ခွေတပဲ့ꩻ(ဖုံႏ)နဝ်ꩻ နေးတွမ်ႏဉာဏ်ႏ ယူႏခံႏနုဲင်းယို-\n\"ကွပ်သံယော်ꩻဇဉ်ႏတစွိုးစွိုး၊ ပွိုးတမျိုꩻမျိုꩻတဲင် ခွေꩻလျားဗာႏဝင်ꩻ၊ ဖေႏနေးကတွမ်ႏ သꩻလျားဗာႏမွုန်းဒူမ်နဝ်ꩻ ယိုခါ ခွေကံကျင်ꩻပယ်ႏထိုꩻ၊ ခွေမဉ်ႏအဝ်ႏသꩻလျားနေကဝင်ꩻနဝ်ꩻ ခွေနမ်းဒျာႏသွူတဲ့ ခွေအီႏထီႏဖွိချာ၊ လိုꩻဟောဝ်ပညာႏသားဖုံႏတဲ့ အီႏသဲ့ꩻသွမ်ꩻခွေ။\nကွပ်ပွိုးသꩻလျားဝင်ꩻတဲင် ခန္ဓာႏကုဲင်လီ မဉ်ႏသီသူꩻနဝ်ꩻ အီႏလွေꩻဗာႏ ဘဝကုဲင်ရင်ꩻရင်ꩻ၊ ထာꩻသꩻလျားဝင်ꩻယိုနဝ်ꩻ ထွာဒါႏထာꩻစွယ်ꩻတဉ်ႏ-ထွာဒါႏသံယော်ꩻဇဉ်ႏတမျိုꩻ၊ ထာꩻသꩻလျားယိုနောဝ်ꩻ ထွာနီဝရဏတရာꩻ၊ ပေ့ꩻရဲခါꩻဒါႏ ဈာန်ႏမဂ်ဖိုလ်ႏ၊ မဉ်ႏသꩻလျားတဝ်းဝင်ꩻနဝ်ꩻ အာသဝတရာꩻ (လောႏဘꩻ၊ ဒိဋ္ဌိ)ဖုံႏ၊ ခိုးလျားဒုက္ခ၊ နောင်ႏတကော့ꩻမာႏဖုံႏ တထွာနွောင်ꩻတဝ်း။\nကွပ်ပွိုးအကျောင်ꩻနောဝ်ꩻဖုံႏမꩻ \"���ာႏကွိုꩻဒျာႏ သꩻလျားဒါႏတဝ်းဝင်ꩻတဲင် ထာꩻသꩻလျားဝင်ꩻနောဝ်ꩻ ပယ်ႏထိုꩻဗာႏ\"ခွေဟော်ꩻနုဲင်းနောဝ်ꩻသွူ။\nသဌေꩻပေါတလိယဟွေး-\n၈။ \"အာႏကွိုꩻဒျာႏ သꩻဖြုံႏထိုတဝ်း (ကျွားတဝ်းထာꩻ)တဲင် သꩻဖြုံႏ ထာꩻကျွားနဝ်ꩻ ပယ်ႏထိုꩻဗာႏ\"ကရိုꩻဒါႏငေါဝ်းနဝ်ꩻနဝ်ꩻ ဘုရာꩻခွေယိုဟော်ꩻခါꩻ၊ ကွပ်ပွိုးထမုဲင်ꩻ မဟော်ꩻခါꩻဗာႏတွိုး နုဲင်းနဝ်ꩻနဲတဲင်-\nသာႏသနာႏကိုယို ခွေတပဲ့ꩻ(ဖုံႏ)နဝ်ꩻ နေးတွမ်ႏဉာဏ်ႏ ယူႏခံႏနုဲင်းယို-\n\"ကွပ်သံယော်ꩻဇဉ်ႏတစွိုးစွိုး၊ ပွိုးတမျိုꩻမျိုꩻတဲင် ခွေသꩻဖြုံႏထို ကျွားမာႏဗာႏထာꩻ\"ဖေႏနေးသဖြုံႏကထိုဗာႏမွုန်းဒူမ်၊ (ဖေႏနေးကကျွားမွုန်းဒူမ်)နဝ်ꩻ ယိုခါ ခွေအဝ်ႏကံကျင်ꩻပယ်ႏထိုꩻ၊ ခွေသꩻဖြုံႏမဉ်ႏထိုနေကနဝ်ꩻ (ခွေမဉ်ႏအဝ်ႏကျွားနေက)နဝ်ꩻ ခွေနမ်းဒျာႏသွူတဲ့ ခွေအီႏထီႏဖွီချာ၊ လိုꩻဟောဝ်ပညာႏသားဖုံႏတဲ့ အီႏသဲ့ꩻသွမ်ꩻခွေ။\nကွပ်ပွိုးသꩻဖြုံႏထို ကျွားထာꩻတဲင် ခန္ဓာႏကုဲင်လီ မဉ်ႏသီသူꩻနောဝ်ꩻ အီႏလွေꩻဗာႏ ဘဝကုဲင်ရင်ꩻရင်ꩻ၊ သꩻဖြုံႏထို ထာꩻကျွားယို ထွာဒါႏထာꩻစွယ်ꩻတဉ်ႏ-ထွာဒါႏသံယော်ꩻဇဉ်ႏတမျိုꩻ၊ သꩻဖြုံႏထို ထာꩻကျွားယိုနောဝ်ꩻ ထွာနီဝရဏတရာꩻ၊ ပေ့ꩻရဲခါꩻဒါႏ ဈာန်ႏမဂ်ဖိုလ်ႏ၊ သꩻဖြုံႏမဉ်ႏထိုတဝ်း (မဉ်ႏကျွားတဝ်း)နဝ်ꩻ အာသဝတရာꩻ (လောႏဘꩻ၊ ဒိဋ္ဌိ)ဖုံႏ၊ ခိုးလျားဒုက္ခ၊ နောင်ႏတကော့ꩻမာႏဖုံႏ တထွာနွောင်ꩻတောဝ်း။\nကွပ်ပွိုး အကျောင်ꩻနဝ်ꩻဖုံႏမꩻ \"အာႏကွိုꩻဒျာႏ သꩻဖြုံႏထိုတောဝ်း (ကျွားတဝ်းထာꩻ)တဲင် သꩻဖြုံႏထို ထာꩻကျွားနဝ်ꩻ ပယ်ႏထိုꩻဗာႏ\"ခွေဟော်ꩻခါꩻနုဲင်းနောဝ်ꩻသွူ။\n\"သဌေꩻပေါတလိယဟွေး-\nကျင်ꩻလွဉ်ꩻသွူယို သွစ်ꩻမျိုꩻမဉ်ႏတဲ့ ငေါဝ်းလိုꩻလမ်းနဝ်ꩻ လꩻထဲ့မွေးမွေးတဝ်းဒွိုန်း\"\n\"ဩဗွေႏ-\nငေါဝ်းလိုꩻလမ်း-အသွုံꩻအနွုန်ꩻလိုꩻလမ်း ဖေႏနေးကဟဲ့ꩻလꩻမွုန်းဒူမ်လာꩻလာꩻနဝ်ꩻ အီႏမာꩻဗာႏနုဲင်းမုဲင်ꩻဗွေႏ' ဟော်ꩻနယ်ဖေႏ ခွေသွဉ်းမွိုင်ဗွေႏဩ\"\n\"မွေးသွူ ပေါတလိယ-\nပေါႏနဝ်ꩻတဲ့ နာႏစဲင်းစဲင်းသွော့နော ခွေအီႏဟော်ꩻဖေႏနာꩻယို\"\n\"ဩဗွေႏ-\nရိုႏရိုႏသေႏသေႏ နာႏစဲင်းစဲင်းဒျာႏဗွေႏဩ\"\n\"သဌေꩻပေါတလိယဟွေး-\nဥပမာႏ- ပါꩻဆရာႏတပဲ့ꩻဝင်ꩻနီ အဝ်ႏဖို့ꩻဖိုးတွင်ꩻ ထွီႏဟို့ꩻခိုးအဆာႏတဗာႏနဝ်ꩻ လွေꩻအုံထွာခန်း ပါꩻအဝ်ႏကူႏဖိုးယားထျꩻ၊ ဖိုးဆွတ်ꩻတကွို့ꩻနဝ်ꩻ အယာႏတဲး ဝင်ꩻခြွꩻလို့လဲဉ်း၊ အဝ်ႏကုဲင်ဖိုးသွီႏအဝ်ႏဗွို့ꩻ အဆွတ်ꩻနဝ်ꩻလွုမ်ꩻ၊ ဖိုးဆွန်ꩻနဝ်ꩻနဝ်ꩻ အဆရာႏတရိုꩻတဝ်း၊ အတပဲ့ꩻတရိုꩻတဝ်း ဗေက်ꩻလွေꩻဖေႏထွီႏထျꩻ၊\nထွီႏနဝ်ꩻ ဟို့ꩻခိုးသန်ငါႏလဲဉ်းတဲင် အံႏမွစ်ဖိုးသွီႏနဝ်ꩻ အွီႏမွေးစွဉ်ႏထာꩻ၊ အဝ်ႏကုဲင်အဆွတ်ꩻခြေင်ခြေင်နဝ်ꩻတဲ့ အဲင်ႏပꩻတလꩻတဝ်း၊ အံႏတလꩻတဝ်းစွဉ်ႏတဲ့ အဝ်ႏကျံႏအံႏခြယ်ꩻ၊ အံႏမွစ်ꩻချာဗော့ꩻဒျာႏ အယုဲင်ꩻထီနဝ်ꩻနဝ်ꩻ ရိုꩻအွီႏတဲ့၊ ထွီႏနဝ်ꩻ အံႏကျံႏအံႏခြယ်ꩻတိတ်ꩻတိက်ꩻဒျာႏ ဖိုးဆွတ်ꩻနောဝ်ꩻသွူ။\n\"အံႏခြယ်ꩻကွို့ꩻ အဆွတ်ꩻနုဲင်းနဝ်ꩻနဝ်ꩻ ဟို့ꩻကွိုꩻ့နေဟောင်း၊ ထွာနေအာႏရဲင်ꩻဟောင်း\"\n\"ဩဗွေႏ-\nအဆွတ်ꩻလောင်းနဝ်ꩻ အယာႏတပါတဝ်း၊ အံႏခြယ်ꩻနွိုင်ႏကွို့ꩻ အဆွတ်ꩻနုဲင်းနဝ်ꩻနဝ်ꩻ ယပ်ꩻဒုက္ခခြေင်၊ အွိုးအွန်း(အိုန်း) ခြေင်လွုမ်ꩻ၊ ဟို့ꩻတကွို့ꩻနွောင်ꩻတဝ်း၊ တထွာနွောင်ꩻတဝ်း အာႏရဲင်ꩻဗွေႏဩ\"\n\"သဌေꩻပေါတလိယဟွေး-\nအနုဲင်းနဝ်ꩻနေနေ ခွေတပဲ့ꩻ(ဖုံႏ)နဝ်ꩻ နေးတွမ်ႏဉာဏ်ႏ ယူႏဆင်ႏချင်ႏနုဲင်းယို-\n\"ထီႏတရေꩻ၊ ဟွူန်တလေ့၊ နွုမ်ꩻဟွမ်၊ အွီႏဗွမ်ႏ၊ ချော်ꩻပြေ-ကရိုꩻဒါႏ ကာမဂွုဏ်ႏဖုံႏနဝ်ꩻ အဗွန်ပီနုဲင်းထာꩻဆွတ်ꩻနဝ်ꩻ၊ မာꩻယပ်ꩻဒုက္ခလိုꩻအာတန်၊ ရွိုးအွန်းဗာႏအာတန်၊ ကာမဂွုဏ်ႏယိုနဝ်ꩻ အပဲ့စ်အဝ်ႏအာတန်\" နီဗွေႏဘုရာꩻ ဟော်ꩻခါꩻနုဲင်းနဝ်ꩻ။\nနေးတွမ်ႏထာꩻသေဉာဏ်ႏပညာႏတဲင် အမွေးအမဲဉ်ႏအတွိုင်ꩻ ထီႏသေကာမဂွုဏ်ႏခရာႏတွော့ꩻ ကာမဂွုဏ်ႏတာႏနောဝ်ꩻ ယူႏယာႏတဝ်းဒွုမ် ထမုဲင်ꩻမုဲင်ꩻ \"ယူႏကျိုꩻစာꩻဗော့ꩻ ဖေႏကပယ်ႏထိုꩻနွောင်ꩻ ကာမဂွုဏ်ႏ\"နဝ်ꩻတစွိုးလွုမ်ꩻသွူ။\nသဌေꩻပေါတလိယဟွေး-\nဥပမာႏ-လင်းတတဲ့နောဝ်ꩻ၊ စောက်အာႏတဲ့နဝ်ꩻ၊ လေ့တဲ့နဝ်ꩻ \"ဖူꩻစဉ်ꩻတူႏတတူႏ ကျောင်ꩻထာꩻမို့ꩻလောင်း\"ရိုꩻခန်းနုဲင်းနဝ်ꩻဟုဲင်း၊ အသွꩻဖုံႏ မဉ်လꩻအစဉ်ႏတူႏနဝ်ꩻတဲင် ကျောင်ႏယုဲင်လွဉ်ꩻဆချာ၊ ဖေႏနေးကအွဉ်ႏထဲ့ထိုꩻ စဉ်ႏတူႏနဝ်ꩻတွော့ꩻ ခွေပေါက်ꩻနာꩻပေါက်ꩻတဲင် ဝွေꩻဆာမွေးမုဲင်းစွဉ်ႏထာꩻ။\nယူႏစံꩻဟုဲင်း သဌေꩻပေါတလိယ- ပေါႏဝွေꩻမဉ်ႏတအွဉ်ႏစွꩻတဝ်း (ပေါႏဝွေꩻမဉ်ႏအဝ်ႏဖူꩻတဉ်ႏစွူစွူ) စဉ်ႏတူႏနဝ်ꩻ ကွပ်စဉ်ႏတူႏနဝ်ꩻတဲင် အသွꩻဖုံႏ အဝ်ႏယုဲင်ပေါက်ꩻတိတ်ꩻတိက်ꩻတွော့ꩻ \"သီထိုꩻစွဉ်ႏ၊ မွေးတဝ်းတဲ့ ဗော့ꩻဗော့ꩻသီထိုꩻစွဉ်ႏ\"မွေးတဝ်းနဲ့။\n\"မွေး- ဗွေႏဩ-\nသဌေꩻပေါတလိယဟွေး-\nအနုဲင်းနဝ်ꩻနေနေ ခွေတပဲ့ꩻ(ဖုံႏနဝ်ꩻ) နေးတွမ်ႏဉာဏ်ႏ ဆင်ႏချင်ႏနုဲင်းယို-\n\"ထီႏတရေꩻ့၊ ဟွူန်တလေ့၊ နူမ်ꩻဟွမ်၊ အွီႏဗွမ်ႏ၊ ချော်ꩻပြေ-ကရိုꩻဒါႏ ကာႏမဂွုဏ်ႏဖုံႏနဝ်ꩻ အဗွန်ပီနုဲင်း စဉ်ႏတူႏနဝ်ꩻ၊ (ပေါႏတအွဉ်ႏစွတဝ်းနဝ်ꩻ) မာꩻယပ်ꩻဒုက္ခလိုꩻအာတန်၊ ရွို��အွန်းဗာႏအာတန်၊ ကာမဂွုဏ်ႏယိုနဝ်ꩻ အပဲ့စ်အာတန်\" နီဗွေႏဘုရာꩻ ဟော်ꩻခါꩻနုဲင်းနဝ်ꩻ။\nနေးတွမ်ႏ ထာꩻသေဉာဏ်ႏပညာႏတဲင် အမွေးအမဲဉ်ႏအတွိုင်ꩻ ထီႏသေ ကာမဂွုဏ်ႏခရာႏတွော့ꩻ ကာမဏွုဏ်ႏတနာႏနဝ်ꩻ ယူႏယာႏတဝ်းဒွုမ်ထမုဲင်ꩻမုဲင်ꩻ 'ယူႏကျိုꩻစာꩻဗော့ꩻဒျာႏ ဖေႏကယ်ႏထိုꩻနွောင်ꩻ ကာမမဂွုမ်ႏ\"နဝ်ꩻတစွိုးလွုမ်ꩻသွူ။\nသဌေꩻ ပေါတလိယဟွေး-\nဥပမာႏ- ပါꩻတဖြာꩻနဝ်ꩻ \"ခွုမ်မာꩻမေႏခြဲ\"မေႏအဝ်ႏတင်ႏရဲပ်ရဲပ်နဝ်ꩻတဲင် မဉ်ႏဖါႏလွေꩻတလီꩻနောဝ်ꩻ တလီꩻတောင်ႏမေႏတွော့ꩻ (ပေါႏဝွေꩻတအွဉ်ႏထိုꩻတဝ်း) မေႏခြဲနဝ်ꩻ ခိုးပါꩻနဝ်ꩻစူတရိုꩻတဝ်း၊ ခိုးစူလောင်ꩻ ခိုးစူဗောင်တရိုꩻတဝ်း၊ ခိုးနမ်းလောင်း တထွောင်းထွောင်းတရိုꩻတဝ်း မွေးတဝ်းနဲ့။\n\"မွေး-ဗွေႏဩ\"\nအနုဲင်းနဝ်ꩻနေနေ ခွေတပဲ့ꩻ(ဖုံႏ)နဝ်ꩻ နတွမ်ႏဉာဏ်ႏ ယူႏဆင်ႏချင်ႏနုဲင်းယို-\n\"ထီႏတရေꩻ၊ ဟွူန်တလေ့၊ နူမ်ꩻဟွမ်၊ ချော်ပြေ-ကရိုꩻဒါႏ ကာႏမဂွုဏ်ႏဖုံႏနဝ်ꩻ အဗွန်ပီနုဲင်းမီꩻမေႏခြဲ့စ်ꩻ (ပေါႏတအွဉ်ႏစွꩻထိုꩻတဝ်းနဝ်ꩻ) မာꩻယပ်ꩻဒုက္ခလိုꩻအာတန်၊ ရွိုးအွန်းဗာႏအာတန်၊ ကာမဂွုဏ်ႏယိုနဝ်ꩻ အပဲစ်အာတန်\"နီဗွေႏဘုရာꩻ ဟော်ꩻခါꩻနုဲင်းနဝ်ꩻ။\nနေးတွမ်ႏ ထာꩻသေဉာဏ်ႏပညာႏတဲင် အမွေးအမဲဉ်ႏအတွိုင်ꩻ ထီႏသေ ကာမႏဂွုဏ်ႏခရာႏတွော့ꩻ ကာႏမဂွုဏ်ႏတာႏနဝ်ꩻ ယူႏယာႏတဝ်းဒွမ်ုထမုဲင်ꩻမုဲင်ꩻ\"ယူႏကျိုꩻစာꩻဗော့ꩻ ဖေႏကပယ်ႏနွောင်ꩻထိုꩻနွောင်ꩻ ကာမႏဂွုဏ်ႏ\"နဝ်ꩻအစွိုးလူမ်ꩻသွူ။\nသဌေꩻ ပေါတလိယသဌေꩻဟွေး-\nဥပမာႏ-ထာꩻအောင်အဝ်ႏထွိုင်ႏလိုꩻကိုနဝ်ꩻ မေႏအူအဝ်ႏသော့ꩻဗွေဗိတ်စွဉ်ႏ၊ (မေႏအူတနျာႏတဲက်ꩻ-လျားစွဉ်ႏဟွုက်ဟွုက်) ပါꩻတဖြာꩻနဝ်ꩻ ဖျော်လွဉ်မေႏအူအောင်ထꩻ၊ ပါꩻအာႏတလာဝင်ꩻနီနဝ်ꩻ လောႏစက်ꩻပါꩻနဝ်ꩻ စူဗောင် တဖြာꩻတဖဲ့ꩻတဲင် ငင်ႏသော့ꩻမေႏအောင်တွော့ꩻ ပါꩻနဝ်ꩻ မဉ်သီတောဝ်းထာꩻ၊ မဉ်ဒုက္ခတဝ်းထာꩻ၊ မဉ်အုံသက်ဆွာꩻဆွာꩻနဝ်ꩻမꩻ (ခြောဝ်တအꩻတအိꩻအငေါဝ်း) နေးအာႏရွန်ꩻရန်ꩻစွဉ်ႏထာꩻ။\n\"ပါꩻနဝ်ꩻ ရွန်ꩻနေထာꩻဟောင်း\"\n\"ဟူး- ရွန်ꩻကာႏဒွုမ်ဟောင်း၊ နေးအာႏရွန်ꩻမွေးစွဉ်ႏသနယ်အော်\"\n\"ကွပ်ပွိုးထမုဲင်ꩻ မရွန်ꩻတွိုးထာꩻဟောင်း\"\n\"မဉ်ႏထဲ့သော့ꩻ မေႏအောင်ႏကိုနဝ်ꩻသီ၊ မွေးတဝ်းတဲ့ လျားဒုက္ခအဝ်ႏသေႏနုဲင်းနဝ်ꩻတဲင် အမဉ်သီတဝ်းထာꩻ၊ အမဉ်လျားဒုက္ခတဝ်းထာꩻ၊ အမဉ်အုံသက်ဆွာꩻဆွာꩻနဝ်ꩻမꩻ ခြောဝ်တအꩻတအꩻဗာႏအငေါဝ်း၊ ခံႏနွို့ꩻတဝ်းအမေႏအောင်၊ နေးအာႏရွန်ꩻဗာႏထာꩻနဝ်ꩻသနယ်ဟွေး။\nသဌေꩻပေါတလိယဟွေး-\nအနုဲင်းနဝ်ꩻနေနေ ခွေတပဲ့ꩻ(ဖုံႏ)နဝ်ꩻ နေးတွမ်ႏဉာဏ်ႏ ယူႏချင်ႏနုဲင်းယို-\n\"ထီႏတရေꩻ၊ ဟွူန်တလေ့၊ နူမ်ꩻဟွမ်၊ အွီႏဗွမ်ႏ၊ ချော်ꩻပြေ-ကရိုꩻဒါႏ ကာႏမဂွုဏ်ႏငတ်ꩻပါꩻဖုံႏနောဝ်ꩻ အဗွန်ပီနုဲင်း 'မေႏအူအောင်'နဝ်ꩻ(ပေါႏထဲ့သော့ꩻ ကာႏမဂွုဏ်ႏအောင်နဝ်ꩻ) မာꩻယပ်ꩻဒုက္ခလိုꩻအာတန်၊ ရွိုးအွန်းဗာႏ အာတန်၊ ကာမဂွုဏ်ႏယိုနဝ်ꩻ အပဲ့အဝ်ႏအာတန်\"နီဗွေႏဘုရာꩻဟော်ꩻခါꩻနုဲင်းနဝ်ꩻ။\nနေးတွမ်ႏ ထာꩻသေဉာဏ်ႏပညာႏတဲင် အမွေးအမဲဉ်ႏအတွိုင်ꩻ ထီႏသေ ကာႏမဂွုဏ်ႏခရာႏတွော့ꩻ ကာမဂွုဏ်ႏတာႏနဝ်ꩻ ယူႏယာႏတဝ်းဒူမ်ထမုဲင်ꩻမုဲင်ꩻ 'ယူႏကျိုꩻစာꩻဗော့ꩻ ဖေႏကပယ်ႏနွောင်ꩻ ကာမဂွုဏ်ႏ\"နဝ်ꩻ တစွိုးလွုမ်ꩻသွူ။\nသဌေꩻ ပေါတလိယဟွေး-\nဥပမာႏ-ပါꩻတဖြာꩻနဝ်ꩻ ဗေင်ႏမင်းထာꩻ \"ပျောႏခရာႏဟောဝ်ငါႏ၊ ဥယျာဉ်ႏခြံ၊ ပျောႏခရာႏဟောဝ်ငါႏ တခြာတန်၊ ပျောႏခရာႏဟောဝ်ငါႏ ခင်ႏလမ်းဟောဝ်ထာꩻပြင်ႏ၊ ပျောႏခရာႏဟဝ်ငါႏ ထီနောင်တန်\"ဗေင်ႏမင်းနုဲင်းနဝ်ꩻ၊ (ထာꩻဗေင်ႏမင်းကိုနဝ်ꩻ ပျောႏခရာႏဟောတ်ငါႏစွဉ်ႏတဲ့) မဲ့ကထင်ႏသေနဝ်ꩻ ထမုဲင်ꩻမုဲင်ꩻတဲ့ တထီႏတဝ်း (ထမုဲင်မုဲင်ꩻ တမွေးတဝ်းခြာ)။\nသဌေꩻပေါတလိယဟွေး-\nအနုဲင်းနဝ်ꩻနေနေ၊ ခွေတပဲ့ꩻ(ဖုံႏ)နဝ်ꩻ နေးတွမ်ႏဉာဏ်ႏ ယူႏဆင်ႏချင်ႏနုဲင်းယို-\n\"ထီႏတရေꩻ၊ ဟွူန်တလေ့၊ နွုမ်ꩻဟွမ်၊ အွီႏဗွမ်ႏ၊ ချော်ꩻပြေ-ကရိုꩻဒါႏ ကာႏမဂွုဏ်ႏငတ်ꩻပါꩻဖုံႏနောဝ်ꩻ အဗွန်ပီနုဲင်း ထာꩻဗေင်ႏမင်းနဝ်ꩻ၊ (ထမုဲင်ꩻတဲ့ တမွေးတဝ်းခြာ)၊ မာꩻယပ်ꩻဒုက္ခလိုꩻအာတန်၊ ရွိုးအွန်းဗာႏအာတန်၊ ကာမဂွုဏ်ႏယိုနဝ်ꩻ အပဲ့စ်အဝ်ႏအာတန်\" နီဗွေႏဘုရာꩻဟော်ꩻခါꩻနုဲင်းနဝ်ꩻသွူ။\nနေးတွမ်ႏ ထာꩻသေဉာဏ်ႏပညာႏတဲင် အမွေးအမဲဉ်ႏအတွိုင်ꩻ ထီႏသေ ကာမဂွုဏ်ႏခရာႏတွော့ꩻ ကာမဂွုဏ်ႏတာႏနဝ်ꩻ ယူႏယာႏတဝ်းဒူမ်ထမုဲင်ꩻမုဲင်ꩻ\"ယူႏကျိုꩻစာꩻဗော့ꩻ ဖေႏကပယ်ႏထိုꩻနွောင်ꩻ ကာမဂွုဏ်ႏ\"နဝ်ꩻတစွိုးလွုမ်ꩻသွူ။\nသဌေꩻပေါတလိယဟွေး-\n\"ဥပမာႏ-\"ပါꩻတဖြာꩻနောဝ်ꩻ ကွီလဝင်ꩻ \"ပေႏလာႏပတ္တမျာႏ\"တဲင် ဆွကျွားထွူတွော့ꩻ လွေꩻဆေ့ꩻကို၊ တွိုႏဆေꩻကိုနဝ်ꩻ လိုꩻဖံႏထီႏတဲင် 'ယိုယို ပါꩻစးနဝ်ꩻ-\nထွားပါꩻသူꩻမွိုင်ႏ၊ ဆွနွောင်ꩻစွဉ်ႏ ပေလာႏပတ္တမျာꩻတန်ဟွေး၊ ပေါႏလိုꩻခြွေနဝ်ꩻ ခံႏစာꩻဗာႏနုဲင်းနဝ်ꩻသနယ်ꩻ\"၊ အံႏဖြာႏလွဝွေꩻနုဲင်းနဝ်ꩻ၊ (တဆင်ႏလွုမ်ꩻတွော့ꩻ) တခြိုꩻဗွေႏသားမော့ꩻဝွေꩻတဲင် ပါꩻထူႏချာခန်းဒျာႏ ပေႏလာႏပတ္တမျာꩻ၊ ပါꩻနဝ်ꩻနဝ်ꩻ ထွာထိုꩻစွဉ်ႏတမျိုꩻနဲ့ ထွာတောဝ်းနဲ့။\n\"ထွာထိုꩻစွဉ်ႏ တမျိုꩻဗွေႏဩ\"\n\"ပွိုးထမုဲင်ꩻအီ အထွာထိုꩻနုဲင်းမုဲင်ꩻအီ\"\n\"ဝင်ꩻဗွေႏထူႏချာ၊ ဝင်ꩻပေလာႏပတ္တမျာꩻတဲင် ပါꩻနဝ်ꩻ သေန်ႏဒူမ်လိုꩻခြွေ၊ သေန်ႏတောဒျာႏ လိုꩻကေန်ꩻဗွေႏဩ\"\n\"သဌေꩻပေါတလိယဟွေး-\nအနုဲင်းနဝ်ꩻနေနေ၊ ခွေတပဲ့ꩻ(ဖုံႏ)နဝ်ꩻ နေးတွမ်ႏဉဏ်ႏ ယူႏဆင်ႏနုဲင်းယို-\n\"ထီႏတရေꩻ၊ ဟွူန်တလေ့၊ နူမ်ꩻဟွမ်၊ အွီႏဗွမ်ႏ၊ ချော်ꩻပြေ-ကရိုꩻဒါႏ ကာမဂွုဏ်ႏငတ်ꩻပါꩻဖုံႏနောဝ်ꩻ အဗွန်ပီနုဲင်း တခြိုꩻထူႏလနဝ်ꩻနေနေ၊ (အတရေꩻဆောင်းလဲႏကွို့ꩻလွုမ်ꩻ)၊ မာꩻယပ်ဒုက္ခလိုꩻအာတန်၊ ရွိုးအွန်းဗာႏအာတန်၊ ကာမဂွုဏ်ႏယိုနဝ်ꩻ အပဲ့စ်အဝ်ႏအာတန်\"၊ နီဗွေႏဘုရာꩻဟော်ꩻခါꩻနုဲင်းနဝ်ꩻ။\nနေးတွမ်ႏ ထာꩻသေဉာဏ်ႏပညာႏတဲင် အမွေးအမဲဉ်ႏအတွိုင်ꩻ ထီႏသေ ကာမဂွုဏ်ႏခရာႏတွော့ꩻ ကာမဂွုဏ်ႏနဝ်ꩻ ယူႏတဝ်းဒွုမ်\" ယူႏကျိုꩻစာꩻဗော့ꩻ ဖေႏကပယ်ႏထိုꩻနွောင်ꩻ ကာမဂွုဏ်ႏ\"နဝ်ꩻ တစွိုးလွုမ်ꩻသွူ။\nသဌေꩻပေါတလိယဟွေး-\nဥပမာႏ-ဒုံပေႏထျꩻတရိုꩻတဝ်း၊ ဒုံတန်ထျꩻတရိုꩻတဝ်း မဗော့ꩻမညာꩻနဝ်ꩻ တခြာအဝ်ႏ၊ တခြာကိုနဝ်ꩻ သေင်ႏမွူးအရာႏနွိုးနွိုး အဝ်ႏတမွူး၊ အရာႏအာမွေးစွဉ်ႏထာꩻ၊ ကွဲးတွော့ꩻ ထဲ့လင်ꩻတဝ်းဟံႏလောင်းတဖြုံႏဖြုံႏ၊ ပါꩻတဖြာꩻနဝ်ꩻ မဉ်အံႏသေင်ႏရာႏမဉ်နွိုးနွိုးနဝ်ꩻတဲင် ထင်ႏသေင်ႏမွူးသမ်းဒါႏတွော့ꩻ ထင်ႏသေင်ႏမွူးလောင်း၊ ထင်ႏအံႏဒဲ့ꩻ သေင်ႏရာႏမဉ်၊ (ဝွေꩻကအဝ်ႏနေ သေင်ႏမွူးလောင်းတွင်ꩻနဝ်ꩻ)-\nပါꩻခꩻတဖြာꩻဖျော်လွဉ် ဝွေꩻမဉ်အံႏသေင်ႏရာႏမဉ်တဲ့ ထင်ႏသေင်ႏသမ်းတဒါႏတဝ်း၊ (ပါꩻသေင်ႏမွူးလောင်းသားနဝ်ꩻတဲ့ သံးတခံႏဒဲ့ꩻဖေႏတဝ်း)တဲင် တွမ်ႏဝွေꩻနꩻမွူး (ကုက်း)ထင်ထင် ဝွေꩻခွစွဉ်ႏဒျာႏ သေင်ႏမွူးနဝ်ꩻ။\nပထမပါꩻတဖြာꩻ ကအဝ်ႏသေင်ႏမွူးလောင်းနဝ်ꩻ အမဉ်ႏတနဲ့စ်လင်ꩻတဝ်း၊ သေင်ႏမွူးမဉ်ႏဝꩻထံတွမ်ႏဝွေꩻနဝ်ꩻ သီထိုꩻစွဉ်ႏ၊ မွေးတဝ်းတဲ့ ဗော့ꩻဗော့ꩻသီထိုꩻစွဉ်ႏ၊ မွေးတဝ်းတဲ့ စူထို့ခင်ႏထို့ထိုꩻစွဉ်ႏ မွေးတဝ်းနဲ့။\n\"မွေး- ဗွေႏဩ\"\nအနုဲင်းနဝ်ꩻနေနေ၊ ကာမဂွုဏ်ႏဖုံႏနောဝ်ꩻ အဗွန်ပီနုဲင်း သေင်ႏရာႏနွိုးနဝ်ꩻနေနေ၊ (ပေါႏတလင်ꩻထိုꩻတဝ်းနဝ်ꩻ) မာꩻယပ်ꩻဒုက္ခလိုꩻအာတန်၊ အပဲ့စ်အာတန်\"နီဗွေႏဘုရာꩻ ဟော်ꩻခါꩻနုဲင်းနဝ်ꩻ။\nနေးတွမ်ႏ ထာꩻသေဉာဏ်ႏပညာႏတဲင် အမွေးအမဲဉ်ႏအတွိုင်ꩻ ထီႏသေ ကာမဂွုဏ်ႏခရာႏတွော့ꩻ ကာမဂွုဏ်ႏတာႏနဝ်ꩻ ယူႏယာႏတဝ်းဒွုမ်ထမုဲင်ꩻမုဲင်ꩻ၊ \"ယူႏကျိုꩻစာꩻဗော့ꩻ ဖေႏကပယ်ႏထိုꩻနွောင်ꩻ ကာမဂွုဏ်ႏ\"နဝ်ꩻတစွိုးလွုမ်ꩻသွူ။\nသဌေꩻပေါတလိယဟွေး-\nဘုရာꩻခွေတပဲ့ꩻ(ဖုံႏ)နဝ်ꩻ ကာမဂွု���်ႏတာႏ ယူႏယာႏဒူမ်ထမုဲင်ꩻမုဲင်ꩻ၊ \"ယူႏကျိုꩻစာꩻဗော့ꩻ ဖေႏကပယ်ႏထိုꩻနွောင်ꩻ ကာမဂွုဏ်ႏ\"နဝ်ꩻ တစွိုးလူမ်ꩻနဝ်ꩻမꩻ သတိꩻဗွို့ꩻခြꩻဟဝ်ငါႏ လꩻစွဉ်ႏဒျာႏ \"ပုဗ္ဗေနိဝါသာနုဿတိဉာဏ်ႏ\"၊\nကွပ်ပွိုးလꩻဉာဏ်ႏနဝ်ꩻတဲင် ဇာတ်ကရီးပန်အွဉ် ကထွာလွဉ်ခန္ဓာႏ၊ ကထွာဗာႏဘဝ၊ စခါသေနွောင်ꩻ၊ နီဘဝ သွံဘဝစတဲင်နုဲင်းနဝ်ꩻ၊ ဘဝမုဲင်ꩻထွာထမုဲင်ꩻ၊ အနုဲင်းမုဲင်ꩻ-တရေꩻတကုဲင်၊ ခြွေခြာႏ-ဒုက္ခစတဲင်နုဲင်းနဝ်ꩻ သလို့နောဝ်ꩻသွူ။\nသဌေꩻပေါတလိယဟွေး-\nဘုရာꩻခွေတပဲ့ꩻ(ဖုံႏ)နဝ်ꩻ ကာမဂွုဏ်ႏတာႏ ယူႏဒူမ်ထမုဲင်ꩻမုဲင်ꩻ၊ \"ယူႏကျိုꩻစာꩻဗော့ꩻ ဖေႏကပယ်ႏထိုꩻနွောင်ꩻ ကာမဂွုဏ်ႏ\"နဝ်ꩻ တစွိုးလွုမ်ꩻနဝ်ꩻမꩻ သတိꩻဗွို့ꩻခြꩻဟဝ်ငါႏ လꩻစွဉ်ႏဒျာႏ \"ဒိဗ္ဗစက္ခုဉာဏ်ႏ\"၊\nကွပ်ပွိုးလꩻဉာဏ်ႏနဝ်ꩻတဲင် ထီႏသတ္တဝါႏဖုံႏ၊ သတ္တဝါႏ ကသီတွင်ꩻဖုံႏတဲ့နဝ်ꩻ၊ သတ္တဝါႏ ကကွုတ်တွင်ꩻဖုံႏတဲ့နဝ်ꩻ၊ သတ္တဝါႏယွုတ်ဖုံႏတဲ့နဝ်ꩻ၊ သတ္တဝါႏမျတ်ဖုံႏတဲ့နဝ်ꩻ၊ သတ္တဝါႏတရေꩻဖုံႏတဲ့နဝ်ꩻ၊ သတ္တဝါႏတကုဲင်ဖုံႏတဲ့နဝ်ꩻ၊ သတ္တဝါႏကလွေꩻ ဘဝကုဲင်တဲ့နဝ်ꩻ၊ သတ္တဝါႏကလွေꩻ ဘဝဟောဝ်တဲ့နဝ်ꩻ၊ ကံႏဟောဝ်ကံႏကုဲင်အလွိုက် ထွိုက်ရာꩻထွိုက်ရာꩻ ကတွိုႏလွေꩻဒါႏ သတ္တဝါႏဖုံႏနဝ်ꩻ ထီႏလို့နောဝ်ꩻသွူ။\nသဌေꩻပေါတလိယဟွေး-\nဘုရာꩻခွေတပဲ့ꩻ(ဖုံႏ)နဝ်ꩻ ကာမဂွုဏ်ႏတာႏ ယူႏယာႏဒူမ်ထမုဲင်ꩻမုဲင်ꩻ၊ \"ယူႏကျိုꩻစာꩻဗော့ꩻ ဖေႏကပယ်ႏထိုꩻနွောင်ꩻ ကာမဂွုဏ်ႏ\"နဝ်ꩻ တစွိုးလူမ်ꩻနဝ်ꩻမꩻ သတိꩻဗွို့ꩻခြꩻဟဝ်ငါႏ၊ ကိလေႏသာႏအာသဝ၊ လို့စင်ဖြွိုး၊ တသီးရွိုးရောင်ႏထန်ႏ၊ လꩻစွဉ်ႏဒျာႏ \"အရဟတ္တမဂ်ဉာဏ်ႏ၊ အရဟတ္တဖိုလ်ႏဉာဏ်ႏ\"နောဝ်ꩻသွူ။\nကွပ်လꩻ အရဟတ္တမဂ်ဉာဏ်ႏ၊ အရဟတ္တဖိုလ်ႏဉာဏ်ႏနောဝ်ꩻတဲင် ထွာ\"ရဟန္တာႏ\"၊ ခွေဘုရာꩻသာႏသနောႏတောႏကိုယိုနောဝ်ꩻ ထွာလဲဉ်းပုဂ္ဂိုလ်ႏအမျတ်သွတ်ꩻ၊ ပုဂ္ဂိုလ်ႏအမျတ်သွတ်ꩻ ကထွာဒါႏ ရဟန္တာႏနဝ်ꩻ ငေါဝ်းလိုꩻလမ်းအနေႏတဲ့ (ဟဲ့ꩻသဌေꩻ၊ ဟဲ့ꩻပုဏ္ဏာꩻ၊ ဟဲ့ꩻခွန်-စတဲင်နုဲင်းနဝ်ꩻ တလꩻတဝ်းဒူမ်)ထဲ့ဖြတ်ꩻလို့လဲဉ်းသွူ။\nသဌေꩻပေါတလိယဟွေး- ငေါဝ်းလိုꩻလမ်း ဖေႏကထဲ့ဖြတ်ꩻထိုꩻ ခွေကရိုꩻတရာꩻဖုံႏနဝ်ꩻနဝ်ꩻ နာꩻနမ်းခန္ဓာႏကို အဝ်ႏသော့ꩻကားမုဲင်ꩻပါꩻဟောင်း\"\n\"ဩဗွေႏ-\nခွေသွဉ်းယိုနဝ်ꩻ လိုꩻနုဲင်းမုဲင်ꩻတန်ကဲး၊ တွမ်ႏတရာꩻနဝ်ꩻနဝ်ꩻ အဝ်ႏညာꩻတန်ဒျာႏဗွေႏအော်၊ (ယိုခါ ခွေသွဉ်းသေလဲဉ်း၊ အမွေးအမာႏ၊ လောဝ်းစွဉ်ႏစွဉ်ႏ-စွဉ်ႏဒျာႏ ဗွေႏဘုရာꩻယို)\n\"ဩဗွေႏ- ဘုရာꩻမျတ်ဗွေႏဩ-\nကရီးခါ ခွေသွဉ်းယိုနဝ်ꩻ (ကွပ်သူႏသေတဝ်းထာꩻတဲင်) ပရိဗိုဇ်တက္ကတွဉ်ꩻဖုံႏနဝ်ꩻ ထင်းဒျာႏထီႏသေတရာꩻ၊ လူႏတောဒျာႏဝွေꩻသီး၊ ဆယ်ꩻကပ်ကိုꩻကွယ်ႏမာႏတောဒျာႏဝွေꩻသီး၊ ကေႏညိုႏတောဒျာႏဝွေꩻသီး၊\nတွိုႏကထီႏသေတရာꩻ ဗွေႏသံဃာႏသီးနဝ်ꩻ ထင်းဒျာႏသေတဝ်းတရာꩻ၊ လူႏတဝ်း၊ ဆယ်ꩻကပ်တဝ်းဗွေႏဩ၊ 'ကားယိုမာꩻငါနဝ်ꩻ ခွေသွဉ်းကိုꩻကွယ်ႏ ဆယ်ꩻကပ်ဒျာႏ ဘုရာꩻ တရာꩻ သံဃာႏ ရတနာႏသွံပါꩻ'၊ အီႏလူႏအီႏတန်ꩻဒျာႏ ဗွေႏဘုရာꩻ ဗွေႏသံဃာႏ၊ ခွေသွဉ်းယိုနဝ်ꩻ မတ်ဒျာႏသွော့ ဗုဒ္ဓဘာႏသာႏ ဥပါႏသကာႏတဖြာꩻဗွေႏဩ\"လောဝ်းနီဗွေႏဘုရာꩻ စတဲင်နုဲင်းနောဝ်ꩻသွူ။ (သုတ္တန်ပိဋကတ်၊ မဇ္ဈိမပဏ္ဏာသပါဠိတောႏ၊ ပေါတလိယသုတ်)\n\nအာႏကွိုꩻ","num_words":4024,"character_repetition_ratio":0.078,"word_repetition_ratio":0.14,"special_characters_ratio":0.076,"stopwords_ratio":0.012,"flagged_words_ratio":0.0,"lang_id_score":1.0,"perplexity_score":1689.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%92%E1%80%B9%E1%80%93%E1%80%99%E1%80%B9%E1%80%99%E1%80%BF%E1%80%9D%E1%80%94%E1%80%B6-%E1%80%80%E1%80%A1%E1%80%AE%E1%82%8F%E1%80%94%E1%80%AC%E1%82%8F%E1%80%97%E1%80%AC%E1%82%8F%20%E1%80%9E%E1%80%B0%E1%82%8F%E1%80%90%E1%80%B1%E1%80%AC%E1%82%8F%E1%80%80%E1%80%B1%E1%80%AC%E1%80%84%E1%80%BA%EA%A9%BB%E1%80%90%E1%80%9B%E1%80%AC%EA%A9%BB%E1%80%94%E1%80%9D%E1%80%BA%EA%A9%BB%E1%81%8A%20%E1%80%92%E1%80%AF%E1%80%9C%E1%80%B9%E1%80%9C%E1%80%98%E1%80%B6-%20%E1%80%90%E1%80%9A%E1%80%AD%E1%80%AF%EA%A9%BB%E1%80%90%E1%80%9D%E1%80%BA%E1%80%B8","collection":"wikipedia","source":"wikipedia","original_code":"blk","text":"ဒုလ္လဘံ သဒ္ဓမ္မဿဝနံ- ကရိုꩻနဝ်ꩻ\nကအီႏနာႏဗာႏသူႏတောႏကောင်ꩻတရာꩻနဝ်ꩻ တယိုꩻတဝ်း အဓိပ္ပါယ်ႏ လꩻနုဲင်းနဝ်ꩻသွူ ။\nသူႏတောႏကောင်ꩻတရာꩻကရိုꩻနဝ်ꩻ - ဘုရာꩻရဟန္တာႏ အရိယာႏ သူႏတောႏကောင်ꩻသီး ကဟော်ꩻကပျꩻ ကဆုံꩻမꩻသေꩻခါꩻ တရာꩻတောႏဖုံႏနဝ်ꩻသွူ ။\n\nသူႏတောႏကောင်ꩻတရာꩻ အစွန်ꩻသတ္တိꩻ\nသူႏတောႏကောင်ꩻတရာꩻနဝ်ꩻ မာꩻစွူဖေႏဒါႏသꩻ၊ မာꩻခွꩻဖေႏဒါႏသွုန်ႏ၊ ဗွုန်ႏထန်ႏလို့ထိုꩻဒါႏ အကုသိုလ်ႏ၊ ပသာတွိုႏလွေꩻဖေႏဒါႏ ဘဝဟဝ်ဘဝဒါႏ၊ ဖေႏဒါႏ လိုꩻချမ်ꩻသာႏ၊ လူꩻချမ်ꩻသာႏ၊ နိဗ္ဗာန်ႏချမ်ꩻသာႏဖုံႏနဝ်ꩻသွူ။\nနီလိုꩻသီးယိုနဝ်ꩻ ပေါႏတဲင်မွူးလေ သဲစ်မဲ့ကသေတဲ့ လောႏဝဲ့နဲစ်ဗာႏ စီꩻပွာꩻရေꩻ၊ ကုသိုလ်ႏရေꩻ၊ ခြွိုင်ႏသန်ꩻရေꩻ၊ ပညာႏရေꩻ၊ ဘာႏသာႏရေꩻ၊ သာႏသနာႏရေꩻ၊ နဲင်ႏငန်ႏရေꩻစတဲင် အရေꩻအမျိုꩻမျိုꩻဖုံႏနဝ်ꩻသွူ။\nအရေꩻအမျိုꩻမုဲင်ꩻတရိုꩻတဝ်း မဉ်ႏအောင်ႏမျင်ႏ၊ အဆင်ႏမဉ်ႏပြေႏနဝ်ꩻ သꩻချမ်ꩻသာႏ၊ အဆင်ႏဖေႏနေးကပြေႏတဲ့ ယပ်ꩻဗာႏ၊ အာငဝ်းဗာႏ ။\nယပ်ꩻဗာႏသွူ အာငဝ်းဗာႏသွူမဉ်ႏတဲ့ ယလဲင်ႏလဲင်ႏနဝ်ꩻ တအောင်ႏမျင်ႏတဝ်း၊ အဆင်ႏတပြေႏတဝ်း၊ မော့ꩻဗာႏဒုက္ခအစားစား၊ တခူတလူႏဗာႏ အခိုးအလျားအမျိုꩻမျိုꩻတဲင် စဲင်သꩻ၊ ဆာသꩻ၊ သꩻဒုက္ခ၊ သꩻတရေင်၊ သꩻခိုးလျားဗာႏ။\nသꩻတရေင် ယံကထိုꩻမား၊ သꩻဒုက္ခ သꩻခိုးလျား ဖေႏနေးက���ေ့နဝ်ꩻ လောႏထေ့ဗာႏ လိုꩻဟဝ်၊ လိုꩻဒါႏ၊ ဆရာႏသူႏတောႏကောင်ꩻ၊ လိုꩻကျောင်ꩻသံႏဃာႏ၊ နာႏဗာႏ သူႏတောႏကောင်ꩻသီးတရာꩻ။\nကတိင်ႏနာႏဗာႏ တရာꩻအရသာႏခွꩻခွꩻ၊ ကထင်ႏအွꩻဗာႏ တရာꩻအထီနွိုးနွိုးပေႏတဲင် သꩻဒုက္ခ၊ သꩻတရေင်ထိုꩻမား၊ သꩻခိုးသꩻလျား ထိုꩻခွꩻ၊ အုံလꩻအဝ်ႏလꩻယင်း အဟဝ်ပကတိအတွိုင်ꩻနဝ်ꩻသွူ။\nကဒေါ့ꩻယိုနဝ်ꩻ ပထမခင်ႏကာ ယိုခါမဲ့ဆလ၊ ဘဝပစ္စုပ္ပန်ႏ အတွက်တာႏလွုမ်ꩻ၊ ဒုတိယခင်ႏကာ ထင်ႏငါတထွော့ မဉ်ႏယူႏယော့ယော့လွေꩻ အရေꩻဘဝငါတာႏ သံႏသရာႏတဖူꩻသူꩻနဝ်ꩻ အီႏလွေꩻသွတ်ꩻမုဲင်ꩻကို၊ အီႏလွေꩻထွူမုဲင်ꩻကို သေရီးတဝ်း။\nထေင်းတကော့တကဲ့၊ ထမ်ႏတလော့တလဲ့ ရုပ်ခန္ဓာႏစွုန်ꩻခြုံး နာမ်ႏခန္ဓာႏလုံးတူႏ ကထွူႏမရမကသွူတဲ့ သမ်းဆဲင်ပါထဲင်းက လောဘပုံႏ၊ ဒေါသပုံႏ၊ မောဟပုံႏ၊ မာႏနပုံႏ၊ ဒိဋ္ဌိပုံႏစတဲင် အကုသိုလ်ႏပုံႏဖုံႏနုဲင်းနဝ်ꩻတဲင် အဝ်ႏခြို့ꩻထွိုင်ႏခြို့ꩻထွိုင်ႏမွိုင်းဒျာႏ သံႏသရာႏ တဖူꩻလုံးခြာ၊ ကဆာတဲ့ ဝါးဆာဆာ၊ ကသွီႏတဲ့ ဝါးသွီႏသွီႏ၊ ကငွိုးအွီႏဗာႏထာꩻတဲ့ ကားမုဲင်ꩻလဲင်ႏလဲင်ႏလဲဥဉ်းသွူ။\nညညတလဲင်ႏပေႏနဝ်ꩻ မော့ꩻတခါႏခါႏခန်း လိုꩻခမ်းသေင်ႏပုံ၊ လိုꩻဒုံသေင်ႏဟေ့ꩻပေႏတဲင် အုံလင်ꩻခန်း ပဉ်ဖုံႏဖုံႏ၊ အုံပြုံႏခန်း ပဉ်စုစု၊ တဆူးတဆင်ႏ ကထင်ႏမော့ꩻကထင်ႏခွဲးလို့ဝင်ꩻနုဲင်းနဝ်ꩻခါ (ယိုနဝ်ꩻဖါ၊ ယိုနဝ်ꩻမွိုး၊ ယိုနဝ်ꩻစွိုး၊ ယိုနဝ်ꩻခွိုꩻ) ရိုꩻလွခန်းနုဲင်းနဝ်ꩻဖုံႏ။\nကွပ်ပွိုးအွꩻမာႏ လောဘတဏှာႏ သမုဒယသစ္စာႏ သူႏရာႏထီဗားတဲင် အဝိဇ္ဇာႏဒို့ꩻပေ့ꩻ မဲ့ခေ့ꩻတကယ် လွေꩻလော်လယ်ကွို့ꩻထာꩻ၊ ကားလဲႏကွို့ꩻ ကံႏကျောင်ꩻကအွဉ်။\nကလွဉ်ခါတဲ့ တဟဲ့ꩻဗာႏတဝ်းလို့ဝင်ꩻ၊ တခဉ်ꩻဗာႏတဝ်းလို့ဝင်ꩻ၊ ဘဝကံႏဆရာႏ ပသာလွဉ်ဒျာႏလွဉ်းလွဉ်း ။\nဖူးတွမ်ႏဝေး၊ မွိုးတွမ်ႏဖါ၊ မာတွမ်ႏဝါꩻ တဖြာꩻတွမ်ႏတဖြာꩻ အဝ်ႏရက်အဝ်ႏပဲင်ꩻလို့ဝင်ꩻတွင်ꩻ ခွန်မင်ꩻမရဏ လွဉ်ကျꩻလွဉ်ဆွမ်ꩻ၊ ကျꩻမွိုးတဲ့ မွိုးပါငါ၊ ဆွမ်ꩻဖါတဲ့ ဖါပါလွေꩻ၊ ( အွဉ်ႏကုဲင်သေꩻပေႏသꩻတွိုႏနီ နုဲင်းယိုမွိုး၊ အွဉ်ႏကုဲင်တလွိုးတွိုးနီ နုဲင်းယိုဖါ၊ ယိုခါ နီအီႏအာႏကွိုꩻဒွုမ်ပါꩻမုဲင်ꩻ ) ရိုꩻနုဲင်းနဝ်ꩻတဲင် ပိုခိုတဲ့ မဲ့ထီဟူႏ၊ ပိုမူႏတဲ့ မဲ့ထီလင်ꩻ၊ သောင်ခြင်ꩻဒုက္ခ၊ မော့ꩻလွ ထာꩻခိုးလျားဖုံႏ ။\nယလဲင်ႏလဲင်ႏတဲ့ လွဉ်ဟဲ့ꩻတခြိုထိုꩻ ပိုမူႏ၊ လွဉ်ထူႏတရတ်ထိုꩻပိုခို၊ ( အွဉ်ႏကုဲင်ယေန်သေꩻတွိုးမွိုးယို ပိုမူႏ၊ အွဉ်ႏကုဲင်သူႏသေꩻတွိုးဖါꩻယို ���ိုခို ) ရိုꩻနုဲင်းနဝ်ꩻတဲင် ကထွာဖါတဲ့ငွိုး၊ ကထွာမွိုးတဲ့ယီႏ၊ မဲ့ထီရီႏ၊ မဲ့ထီလင်ꩻ၊ သောင်ခြင်ꩻဒုက္ခ၊ မော့ꩻလွ ထာꩻခိုးလျားဖုံႏ ။\nအီႏမော့ꩻထဲင်းက ကားမုဲင်ꩻဘဝဝ၊ အီႏဒုက္ခထဲင်းက ကားမုဲင်ꩻဇာတ်ဇာတ်၊ စိုးမုဲင်ꩻမꩻ အီႏတရတ်၊ ဇာတ်မုဲင်ꩻမꩻ အီႏထွူကရိုꩻနဝ်ꩻ ပါꩻမုဲင်ꩻတဲ့ တသေရီးတဝ်း ။\nထာꩻသောင်ခြင်ꩻ ဖေႏနေးကဆွိုး၊ ထာꩻငွိုးဖေႏနေးကယွုတ်ꩻ၊ ဒွုတ်ꩻမဲ့ထီ ဖေႏနေးကထွူနဝ်ꩻ အုံစွူစွူဗော့ꩻနုဲင်းယို ထွာတဝ်း ။\nနဝ်ꩻဟ အီႏမာꩻဗာႏထမုဲင်ꩻအီ?\nနာႏဗာႏတရာꩻ၊ မာꩻဗာႏကုသိုလ်ႏ ။\nကွဲႏတွော့ꩻ မာꩻကုသိုလ်ႏနဝ်ꩻ ယိုꩻကပေႏပေႏစွဉ်ႏတဲ့ ကအီႏနာႏဗာႏတရာꩻနဝ်ꩻ တယိုꩻမာꩻတဝ်း ။\nကွပ်ပွိုးထမုဲင်ꩻနဲးတဲင် ဖေႏနေးကနာႏဗာႏတရာꩻယိုနဝ်ꩻ -\n၁။ သာႏသနာႏ အဝ်ႏလေတွင်ꩻမꩻ ၊\n၂။ သူႏတောႏကောင်ꩻတရာꩻ အဝ်ႏနေကမꩻ ၊\n၃။ ကေားဟော်ꩻဖေႏဒါႏသားတဲ့ အဝ်ႏမꩻ ၊\n၄။ နားတဲ့ဟဝ် (ဟွုန်နွောင်ꩻတရာꩻ) မꩻ ၊\n၅။ သꩻမိဉ်နာႏတရာꩻတဲ့ အဝ်ႏမꩻ ၊\n၆။ အဆင်ႏတဲ့ပြေႏမꩻ စတဲင် အချက်ဖုံႏနုဲင်းနဝ်ꩻ ပြဲ့ꩻစုံႏမꩻ နာႏဗာႏတရာꩻ ။\nကွပ်ပွိုးနဝ်ꩻမꩻ ( ဒုလ္လဘံ သဒ္ဓမ္မဿဝနံ - ကအီႏနာႏဗာႏ သူႏတောႏကောင်ꩻတရာꩻနဝ်ꩻ တယိုꩻတဝ်း ) နဝ်ꩻသွူ ။\nနာႏဗာႏတရာꩻ အကျိုꩻ (၅) ပါꩻ\n(၁) တဟွုန်ဖိုတဝ်းကို ဟွုန်ဗာႏ ၊\n(၂) ကဟွုန်ဖိုတဲ့ ယိန်းစဲင်းစဲ့ ၊\n(၃) ထာꩻယွုမ်းမာႏ ထိုꩻမား ၊\n(၄) ထာꩻယူႏစွို့ꩻစွဉ်ႏလွဉ် ၊\n(၅) သꩻစွူဖြွိုးလွဉ် \nပေါႏနာႏဗာႏတရာꩻနဝ်ꩻ လꩻဗာႏအကျိုꩻ (၅) ပါꩻယိုသွူ ။\nတောင်ꩻခါꩻ ။   ။   ဟော်ꩻထွားတရာꩻ အမျိုꩻမျိုꩻနဝ်ꩻတဲ့ အကျိုꩻလꩻနုဲင်းယိုနေနေ။ ကသွဉ်ကဟော်ꩻထွား တရာꩻအုပ်တရာꩻစောင်ႏနဝ်ꩻတဲ့ တွမ်ႏကနာႏဗာႏတရာꩻ ဗိုန်လို့ဝင်ꩻ၊ ခွန်နင်ꩻသီးတာႏ အကျိုꩻအာငါႏနဝ်ꩻသွူ ။\nဒုလ္လဘံ သဒ္ဓမ္မဿဝနံ ကဗျာ\n၁။   လောကအကို         -      လိုꩻပိုမနုဿာႏ\n      အွꩻတာႏအံႏတာႏ      -      ကျမ်ႏဗာႏနီနာꩻ\n      အောင်ႏမျင်ႏတဲ့ပါ     -      သွုမ်ꩻဆာအဝ်ႏဒျာႏ\n      သွုမ်ꩻထိုꩻစား           -      ခိုးလျား ထွာဗာႏအာ ။\n၂။    မောင်ꩻတဲင်မဲ့သေ    -       ထာꩻလေပသာႏ\n       နမ်းတာႏဝင်ꩻတာႏ    -       လင်ꩻဗာႏထာꩻမာꩻ\n       ခိုးလျားဒုက္ခ            -      မော့ꩻလွခွိုꩻငါႏ\n       တရာꩻခွꩻ                -      နာႏအွꩻ ဟမ်းခဲဉ်ꩻချာ ။\n၃။    လိုႏယူႏလွေꩻပါ        -      နမ်းငါသူꩻတာႏ\n       လိုꩻခမ်းဆာဖြား       -      စောင်းမားကင်ꩻညာꩻ\n       တဖြာꩻလွေꩻငါ         -      ဆချာယိုꩻယာႏ\n       ငွိုးခြင်ꩻဗူႏ               -      လင်ꩻဟူႏမဲ့ထီအာ ။\n၄။    လောဘကွီသမ်း     -       နီနမ်းခန္ဓာႏ\n       တွိုႏမုဲင်ꩻခါမꩻ           -      ချꩻလꩻကင်ꩻညာꩻ\n       ရေႏခါꩻဓိဋ္ဌာန်ႏ          -      နိဗ္ဗာန်ႏချမ်ꩻသာႏ\n       စိုးမုဲင်ꩻလꩻ              -      ဟော်ꩻမꩻ စောင်းမားထွာ ။\n၅။    နီနမ်းဝင်ꩻနမ်း         -      လိုꩻခမ်းအုံဗာႏ\n        ရေႏလွေꩻနိဗ္ဗာန်ႏ      -      ဓိဋ္ဌာန်ႏကျိုꩻစာꩻ\n        ဘုရာꩻဟော်ꩻခါꩻ      -      တရာꩻတဲ့နာႏ\n       နဲစ်စုပိုႏ                  -       ကုသိုလ်ႏမာꩻအာအာ ။\n၆။     နာႏတရာꩻငဝ်း        -       ယိုꩻတဝ်းယပ်ꩻငါႏ\n        ကွပ်ပွိုးနဝ်ꩻမꩻ        -        ချꩻသꩻဟဝ်မာꩻ\n        နာႏကတရာꩻ          -        ထွားခါꩻဒါႏဒါႏ\n        တရာꩻစောင်ႏ         -        မူႏမောင်ႏ အကျိုꩻအာ ။\n                                 ( ဒုလ္လဘတရာꩻငတ်ꩻပါꩻ လိတ်စောင်ႏကို )\n                                     ( 20 - 9 - 2021 )\n\nအာႏကွိုꩻ\nဗုဒ္ဓဘာႏသာႏ","num_words":1003,"character_repetition_ratio":0.086,"word_repetition_ratio":0.002,"special_characters_ratio":0.188,"stopwords_ratio":0.032,"flagged_words_ratio":0.0,"lang_id_score":1.0,"perplexity_score":8433.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%92%E1%80%B9%E1%80%93%E1%80%AB%E1%82%8F%E1%80%9C%E1%80%80%E1%80%B9%E1%80%81%E1%80%8F%E1%80%AC%E1%82%8F","collection":"wikipedia","source":"wikipedia","original_code":"blk","text":"\"သုဘူတိသုတ် (နီဗွေႏဘုရာꩻဟော်ꩻနယ်ဖေႏ ဗွေႏသုဘူတိတရာꩻ သဒ္ဓါႏလက္ခဏာႏ)\"\n\"ရဟန်ꩻသုဘူတိဟွေး-\n၁။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ သီႏလအဝ်ႏ၊ လွောက်ꩻနာႏဘုရာꩻစီꩻကန်ꩻ (ပါတိမောက်)၊ အကျင်ꩻ (အာစာရ)ဟောဝ်၊ လွေꩻသဲင်ꩻ (ဂေါစရ)ရော့ꩻ၊ အပဲ့စ်ပေႏပေႏတဲ့ ငမ်းမွေးစွဉ်ႏဒျာႏတဲင် ထိန်ꩻတီသိက္ခာႏ ယိုဖုံႏနဝ်ꩻ 'လိုꩻသဒ္ဓါႏတရာꩻအဝ်ႏ'အပွုံႏပတ်လက္ခဏာႏဖုံႏသွူ။\n၂။ ရဟန်ꩻနဝ်ꩻနဝ်ꩻ အထီႏအဟွူန်အာ၊ ထိုမ်ႏရွမ်အထီႏအဟွူန်၊ သွဉ်ဗာႏအာတရာꩻ၊ (မာꩻဗာႏအာလိတ်)၊ ဒါႏအွံခါꩻအာတန်၊ အဝ်ႏရွစ်ကုဲင်းတန်၊ မတ်ယူႏခါꩻသꩻကို၊ နေးတွမ်ႏပညာႏသေဖြောင်၊ ယိုဖုံႏနဝ်ꩻတဲ့ 'လိုꩻသဒ္ဓါႏတရာꩻအဝ်ႏ'အပွုံႏပတ်လက္ခဏာႏဖုံႏနေနေသွူ။\n၃။ ရဟန်ꩻနဝ်ꩻနဝ်ꩻ ဖူးဝေးဟောဝ်အဝ်ႏ၊ သွꩻပေႏဟောဝ်အဝ်ႏ၊ ငို့ထေ့ပုဂ္ဂိုလ်ႏဟောဝ်၊ ယိုဖုံႏနောဝ်ꩻတဲ့ 'လိုꩻသဒ္ဓါႏအဝ်ႏ'အပွုံႏပတ်လက္ခဏာႏဖုံႏနေနေသွူ။\n၄။ ရဟန်ꩻနဝ်ꩻနဝ်ꩻ ဆွုံꩻမꩻယိုꩻ၊ သူႏသေထာꩻ လိန်ႏမာႏ၊ သယ်ꩻခံႏဒါႏ၊ ရိုႏရိုႏသေႏသေႏ ခံႏထူႏငေါဝ်းဆွုံꩻမꩻ၊ ယိုဖုံႏနဝ်ꩻတဲ့ 'လိုꩻသဒ္ဓါႏအဝ်ႏ'အပွုံႏပတ်လက္ခဏာႏဖုံႏနေနေသွူ။\n၅။ ရဟန်ꩻနဝ်ꩻနဝ်ꩻ မာꩻဖေႏဒါႏ သံဃာႏကိစ္စ၊ မာꩻထာꩻလွꩻတောဝ်း၊ အီႏမာꩻဗာႏထမုဲင်ꩻ သူႏသေ၊ မာꩻတဲ့မာꩻနွောင်ꩻ၊ ယိုဖုံႏနဝ်ꩻတဲ့ 'လိုꩻသဒ္ဓါႏတရာꩻအဝ်ႏ'အပွုံႏပတ်လက္ခဏာႏဖုံႏနေနေသွူ။\n၆။ ရဟန်ꩻနဝ်ꩻနဝ်ꩻ ဝါႏသနာႏတရာꩻ၊ ဒေါ့ꩻထာꩻဖုဲင်ႏနာႏ၊ သꩻပါမွေးစွဉ်ႏ သုတ် အဘိဓမ္မာ ဝိနယ်ꩻ၊ ယိုဖုံႏနဝ်ꩻတဲ့ 'လိုꩻသဒ္ဓါႏတရာꩻအဝ်ႏ'အပွုံႏပတ်လက္ခဏာႏဖုံႏနေနေသွူ။\n၇။ ရဟန်ꩻနဝ်ꩻနဝ်ꩻ အဝ်ႏကျိုꩻစာꩻပယ်ႏထိုꩻ အကုသိုလ်ႏ၊ အဝ်ႏသောင်ႏသာမာꩻမွေး ကုသိုလ်ႏ၊ မာꩻသေႏသေႏကုသိုလ်ႏ၊ ယိုဖုံႏနဝ်ꩻတဲ့ 'လိုꩻသဒ္ဓါႏအဝ်ႏ'အပွုံႏပတ်လက္ခဏာႏနေနေသွူ။\n၈။ ရဟန်ꩻနဝ်ꩻနဝ်ꩻ သꩻကိုကထွာဒါႏ မျက်မောက်ဘဝယိုခါ အုံချမ်ꩻချမ်ꩻသာႏသာႏနွောင်ꩻအီ ဈာန်ႏလစ်ꩻပါꩻနဝ်ꩻ လိုႏမုဲင်ꩻခါလꩻ၊ ယိုနဝ်ꩻတဲ့ 'လိုꩻသဒ္ဓါႏတရာꩻအဝ်ႏ'အပွုံႏပတ်လက္ခဏာႏနေနေသွူ။\n၉။ ရဟန်ꩻနဝ်ꩻနဝ်ꩻ အုံဖိုဘဝပေါင်ꩻအာ ယူႏချာနွောင်ꩻ၊ တဘဝတရိုꩻတဝ်း (ကားမုဲင်ꩻဘဝဝ)ဘဝတသိန်ꩻခန်းတဲ့ယဝ်း ယူႏချာနွောင်ꩻ၊ ထီႏချာလို့၊ ထွာနုဲင်းယို ထွာနုဲင်းနဝ်ꩻ-စတဲင်နုဲင်းနဝ်ꩻ သေချာလို့၊ ယိုနဝ်ꩻတဲ့ 'လိုꩻသဒ္ဓါႏတရာꩻအဝ်ႏ'အပွုံႏပတ်လက္ခဏာႏနေနေသွူ။\n၁၀။ ရဟန်ꩻနဝ်ꩻနဝ်ꩻ နေးတွမ်ႏမဲ့ ဒိဗ္ဗစက္ခုတဲင် သတ္တဝါႏသီတွင်ꩻ၊ သတ္တဝါႏကွုတ်တွင်ꩻ၊ ဒုစရဲက်၊ သုစရဲက် ထွိုက်ရာꩻလွေꩻထွာ သေလို့၊ ယိုနဝ်ꩻတဲ့ 'လိုꩻသဒ္ဓါႏတရာꩻအဝ်ႏ'အပွုံႏပတ်လက္ခဏာႏနေနေသွူ။\n၁၁။ ရဟန်ꩻသုဘူတိဟွေး-\nရဟန်ꩻနဝ်ꩻနဝ်ꩻ အာသဝေါတရာꩻ (လောဘ ဒိဋ္ဌိ မောဟ)လို့တဲင် လꩻအရဟတ္တဖိုလ်ႏ၊ တွိုႏရဟန္တာႏအရန်း၊ ယိုနဝ်ꩻတဲ့ 'လိုꩻသဒ္ဓါႏတရာꩻအဝ်ႏ'အပွုံႏပတ်လက္ခဏာႏနေနေသွူ။\nသုဘူတိ လောဝ်းဗွေႏဘုရာꩻနုဲင်းယို-\n\"ဩဗွေႏ- 'ရဟန်ꩻသဒ္ဓ'ယိုနဝ်ꩻ ပွုံႏပတ်လက္ခဏာႏ တဆီပုဲင်တဗာႏနဝ်ꩻ ဗွေလို့ဗွေႏဩ\"\nဗွေႏဘုရာꩻရိုꩻ- \"သာႏဓု-သာႏဓု သုဘူတိ၊ ပေါႏနဝ်ꩻတဲ့ နာꩻအုံညီꩻသွော့ ရဟန်ꩻသဒ္ဓနဝ်ꩻနော၊ နာꩻတွမ်ႏရဟန်ꩻသဒ္ဓနဝ်ꩻ ဆုဲင်ꩻချာမီႏမဉ်လွဉ်ယင်း ခွေထျꩻတဲ့ လꩻဒျာႏနော\"ဗုဒ္ဓေါဗွေႏဆရာႏ ဖေႏစွဉ်ႏအခွင်ꩻသာႏနုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဧကာဒသကနိပါတ်၊ သုဘူတိသုတ်)\n\nအာႏကွိုꩻ","num_words":473,"character_repetition_ratio":0.172,"word_repetition_ratio":0.065,"special_characters_ratio":0.084,"stopwords_ratio":0.019,"flagged_words_ratio":0.0,"lang_id_score":1.0,"perplexity_score":1570.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%98%E1%80%AC%E1%80%9D%E1%80%90%E1%80%B9%E1%80%91%E1%80%97%E1%80%B1%E1%80%92","collection":"wikipedia","source":"wikipedia","original_code":"blk","text":"\"သဘာဝတ္ထဗေဒ\"\nဖီလိုသိုဖီကရိုꩻဒါႏ ငဝ်းနဝ်ꩻအကို မန်းဘာႏသာႏအနေႏနဝ်ꩻ ထွာဒျာႏ ဒဿနိကဗေဒ လိုꩻသေအာနုဲင်းနဝ်ꩻသွူ။ ဖီလိုသိုဖီကရိုꩻဒါႏ ငဝ်းငွါနဝ်ꩻနဝ်ꩻ ထွာဒျာႏဂရိငဝ်းငွါ ဖီလို(ယူႏတွေꩻ)တွမ်ႏ သိုဖီ (ကျွိုက်ရက်နိစ်သက်)ကရိုꩻဒါႏ ငဝ်းနီငွါခြွဉ်းသေꩻခါꩻဝင်ꩻအကျောင်ꩻ လွူꩻထွားသေဗာႏနုဲင်းနဝ်ꩻသွူ။ လိုꩻသီးယို တဲႏစဒျာႏတွမ်ႏ တွမ်ႏယူႏတွေꩻ-ကဉ်ꩻစာꩻတဲက်ဆဲင်ႏသွူ၊ ကအွဉ်ႏထွော့ꩻသေꩻခါꩻဒါႏ အဟဝ်၊ အကုဲင်၊ အမဲဉ်ႏ၊ အမာႏကရို���ဒါႏ အခန်ꩻအထွော့ဖုံႏနဝ်ꩻ ထွာဒျာႏ ယူႏသေꩻ-ကဉ်ꩻစာꩻသေꩻရီးဒျာႏနဝ်ꩻသွူ၊ ကွပ်နဝ်ꩻမꩻ ကထွာဒါႏ လိုꩻသီးအစွဲးအကမ်းနဝ်ꩻ အထျꩻထျꩻနဝ်ꩻ ဖီလိုသိုဖီဒျာႏရင်ꩻသွူ။\n\n\"သဘာဝတ္ထဗေဒ\" (ဒဿနိကဗေဒ)\n\nသဘာဝတ္ထ (ဒဿနိကဗေဒ)နဝ်ꩻ လွူꩻထွားဖန်းဖြယ် ထာꩻရာꩻသီး သဘော်ꩻတရာꩻတဲင် ကလꩻကသေလွဉ်ဒါႏ ထာꩻသေပညာႏနဝ်ꩻသွူ။ သဘာဝတ္ထဗေဒပညာႏသျင်ႏ (ဒဿနိကဗဒပညာႏသျင်ႏ)နဝ်ꩻ လွူꩻထွားဗာႏ တွမ်ႏမဲ့သဘာဝတဲင် ကထီႏလꩻဒျာႏ သဘာဝဆချာဖဲ့ꩻ သဘော်ꩻတရာꩻအစဲစ်အမန်ႏနုဲင်းနဝ်ꩻသွူ။ ဒဿနိကဗေဒယို အင်္ဂလိပ်ဘာႏသာႏအနေႏ ဟဲ့ꩻ ဖီလော်သိုဖီနုဲင်းနဝ်ꩻ၊ ဖီလိုသိုဖီ ကရိုꩻဒါႏငဝ်းနဝ်ꩻ ထွာဒျာႏ အဝ်ႏဂရိငဝ်းနီငွါ ပေါႏပေါက်လွဉ်ဒျာႏနဝ်ꩻသွူ။ ဂရိငဝ်းအကို ဖီလီအိဉ်ငဝ်းနဝ်ꩻတွမ်ꩻ သိုဖီးယားကရိုꩻဒါႏ ငဝ်းအဝ်ႏနီငွါသွူ။ ဖီလီအိဉ်ကရိုꩻနဝ်ꩻ အခရာႏအဝ်ႏ စွုမ်းသွိုꩻအဝ်ႏနုဲင်းနဝ်ꩻတဲင် သိုဖီယားကရိုꩻနဝ်ꩻ ထာꩻသေပညာႏအခရာႏအဝ်ႏနုဲင်းနဝ်ꩻသွူ။ ကွပ်နဝ်ꩻမꩻ ဖီလော်သိုဖီကရိုꩻနဝ်ꩻ စွုမ်းသွိုꩻထာꩻသေပညာႏမဉ်ရိုꩻနုဲင်းနဝ်ꩻသွူ။ လိုꩻကလွူꩻဒါႏ ဖီလောသိုဖီသားနဝ်ꩻ ဟဲ့ꩻဖီလော်သိုဖါနဝ်ꩻသွူ။ ဖီလော်သိုဖီတဖြာꩻတာႏဝွန်ႏနဝ်ꩻ အမဲဉ်ႏတရာꩻယို အဝ်ႏထာꩻထီႏရိုꩻရိုꩻဖထန်ႏတွော့ꩻ လွူꩻထွားဗာႏနုဲင်းနဝ်ꩻသွူ။\n\nမဉ်ႏထွားနေးအကျမ်ꩻသဘော်ꩻနဝ်ꩻ ဒဿနိကဗေဒနဝ်ꩻ အဝ်ႏလွေꩻနီမျိုꩻသွူ။ နဝ်ꩻနီမျိုꩻနဝ်ꩻ ထွာဒျာႏ ခကွဉ်ႏဖဲ့ꩻ ဒဿနိကဗေဒတွမ်ႏ ခတွို့ꩻဖဲ့ꩻ ဒဿနိကဗေဒဖုံႏသွူ။ ခကွဉ်ႏဖဲ့ꩻ ဒဿနိကဗေဒတွမ်ႏ ခတွို့ꩻဖဲ့ꩻ ဒဿနိကဗေဒသီး တကာႏလို့ဝင်ꩻနဝ်ꩻ ခကွဉ်ႏဖဲ့ꩻဒဿနိကဗေဒနဝ်ꩻ တွမ်ႏဘဝဗော့ꩻကယ်ꩻထဲင်းက ခတွို့ꩻဖဲ့ꩻဒဿနိကဗေဒနဝ်ꩻသွူ။ ပွိုးထမုဲင်ꩻရိုꩻဗာႏနုဲင်းနဝ်ꩻတဲင် ခကွို့ꩻဖဲ့ꩻ ဒဿနိကဗေဒနဝ်ꩻ ကွပ်ပွိုးအဝ်ႏဗော့ꩻတွမ်ႏ ဘာႏသာႏရေꩻနဝ်ꩻသွူ။ မဉ်ႏထွားနုဲင်းနေး ပညာႏအနေႏနဝ်ꩻ ခတွို့ꩻဖဲ့ꩻ ဒဿနိကဗေဒနဝ်ꩻ အနယ်ꩻအခြောင်ꩻထဲ့မဉ်ႏတနꩻကယ်ꩻထဲင်းက ခကွဉ်ႏဖဲ့ꩻ ဒဿနိကဗေဒ မဉ်ႏရိုꩻနုဲင်းနဝ်ꩻလဲ့ ရတမာႏတဝ်းသွူ။ မဉ်ႏဒေါ့ꩻတဖွောင်းဖွောင်းဗာႏနဝ်ꩻ ခကွဉ်ႏဖဲ့ꩻ ဒဿနိကဗေဒနဝ်ꩻ အထျꩻအွဉ်ႏရေꩻဒျာႏ မာꩻထိုꩻမားဖေႏ လိုꩻသီးထာꩻယပ်ꩻတဲင် ခတွို့ꩻဖဲ့ꩻ ဒဿနိကဗေဒနဝ်ꩻ လွူꩻထွားအထျꩻအွဉ်ႏဒျာႏ စကျာႏဝဠာႏတန်သီး ပုံႏကာꩻတဖွူꩻနဝ်ꩻဒျာႏသွူ။ မဉ်ႏလွူꩻထွား ခကွဉ်ႏဖဲ့ꩻ ဒဿနိကဗေဒ (အထူꩻအနေႏ အိန္ဒိယဒဿနိကဗေဒ)နဝ်ꩻ အီႏအွဉ်ႏထွော့နယ်ဗာႏ ဒဿနိကဗေဒ ကပေါႏလွဉ်ခိန်ႏနဝ်ꩻ ပေါင်းယ���်ꩻတန်ဒျာႏ၊ ခတွို့ꩻဖဲ့ꩻ ဒဿနိကဗေဒနဝ်ꩻ အဝ်ႏ ဗေဒမူသေးလီးကရိုꩻဒါႏ ပရိပညာႏသျင်ႏအထျꩻသွူ။ သေးလီးနဝ်ꩻ ထွာခတွို့ꩻဖဲ့ꩻ ဒဿနိကဗေဒသီးဖါတဲင် ထွာဗေဒဆရာႏ ပေါႏပေါက်လွဉ် ဗီသီသူရျာꩻဗူႏရပ်တွင်ꩻတဖြာꩻနဝ်ꩻသွူ။\n\nဒဿနိကဗေဒယို လွူꩻနွောင်ꩻတွမ်ႏအနယ်ꩻအမျိုꩻမျိုꩻသွူ။ ဘာႏသာႏယိုအကို လွူꩻအွဉ်ႏထွော့ဗာႏ သွံခဝ်နဝ်ꩻသွူ၊ သွံခဝ်နဝ်ꩻ (၁) လွူꩻအငိုꩻ(တန်ႏဖိုꩻ) ဒဿနိကဗေဒ (၂) ကာႏပိုန်းထိုꩻ ကထီႏတွမ်ႏမဲ့ထွူတဲင် လွူꩻတပြောင်ꩻလုဲင်ႏတဝ်းသဘော်ꩻ \"မတ်တာဖိစ်သိစ်\"ကဟဲ့ꩻရိုꩻဒါႏ ဆဲင်ႏရာꩻ ပရမတ္ထပညာႏ ဒဿနိကဗေဒ (၃) လွူꩻအခင်ႏမွဉ် အွဉ်ႏထာꩻဆင်ႏချင်ႏသဘော်ꩻ အမဲဉ်ႏသဘော်ꩻ \"မဲတ်တောဒေါလိုစီ\"ကရိုꩻဒါႏ ဒဿနိကဗေဒ-ဖုံႏနဝ်ꩻသွူ။\n(၁) ၁) လွူꩻအငိုꩻ(တန်ႏဖိုꩻ) ဒဿနိကဗေဒ။ ပညာႏယိုနဝ်ꩻ ဖန်းဖနွောင်ꩻယင်း နီမျိုꩻနီစားသွူ၊ ထိုမ်ႏထွားစဲစ်ဆေꩻ ဖန်းဖြယ်ဒျာႏ (က) သဘာဝထာꩻတရေꩻ၊ လိုꩻသီးကဖန်ဆင်ꩻဒါႏထာꩻတရေꩻသီးသဘော်ꩻ \"အဲစ်သတဲစ်တိစ်\"ကရိုꩻဒါႏ ပညာႏဖန်းဖြယ်ဖ ထာꩻတရေꩻပညာႏဆဲင်ႏရာꩻ ဒဿနိကဗေဒတမျိုꩻ၊ ထိုမ်ႏထွားစဲစ်ဆေꩻ ဖန်းဖြယ်ဒျာႏ (ခ) ပွိုင်းဝွို့တွမ်ႏ လိုꩻသီးအကျင်ꩻသီႏလ အခင်ႏမွဉ်သဘော်ꩻ \"အဲစ်တိစ်\"ကရိုꩻဒါႏ ကဆဲင်ႏရာꩻလောကနီတိဒဿနိက ဗေဒတစွိုး၊ အဝ်ႏလွေꩻယင်းနုဲင်းနဝ်ꩻသွူ။ \n(၂) ကာႏပိုန်းထိုꩻ ကထီႏတွမ်ႏမဲ့ထွူတဲင် လွူꩻတပြောင်ꩻလုဲင်ႏတဝ်းသဘော်ꩻ \"မတ်တာဖိစ်သိစ်\"ကဟဲ့ꩻရိုꩻဒါႏ ဆဲင်ႏရာꩻ ပရမတ္ထပညာႏ ဒဿနိကဗေဒ (၃) လွူꩻအခင်ႏမွဉ် အွဉ်ႏထာꩻဆင်ႏချင်ႏသဘော်ꩻ အမဲဉ်ႏသဘော်ꩻ \"မဲတ်တောဒေါလိုစီ\"ကရိုꩻဒါႏ ဒဿနိကဗေဒ-ဖုံႏနဝ်ꩻသွူ။\n(၂) \"မဲစ်တာဖိစ်သိစ်\"ကရိုꩻဒါႏ ကာႏပိုန်းထိုꩻ ကထီႏတွမ်ႏမဲ့ထွူတဲင် လွူꩻတပြောင်ꩻလုဲင်ႏတဝ်းသဘော်ꩻ ဒဿနိကဗေဒ။ ပညာႏနဝ်ꩻအကိုနဝ်ꩻလဲ့ ပညာႏဖြယ် ပါသော့ꩻနီမျိုꩻသွူ။ (က)လွူꩻ \"အွန်တေားလိုꩻဂျီ\"ကရိုꩻဒါႏ ကမ္ဘာႏတဖြုံႏလိုမ်း အခင်ႏမွဉ်သဘော်ꩻတရာꩻသီး အခရာႏ ယထာဘူတဗေဒ၊ ဥပမာႏပုံႏ- ပညာႏယိုအကို \"ရုပ်\"ကရိုꩻနဝ်ꩻ ထမုဲင်ꩻ၊ \"သꩻ\"ကရိုꩻနဝ်ꩻ ထမုဲင်ꩻ၊ \"ဘဝ\"ကရိုနꩻဝ်ꩻ ထမုဲင်ꩻ-စတဲင် ရီငဝ်းရီ ဖြေႏငဝ်းရီ မာꩻဗာႏနုဲင်းနဝ်ꩻ၊ အဝ်ႏနဝ်ꩻမꩻ တရန်းယင်းနဝ်ꩻ ကအဝ်ႏဒါႏ သꩻတွမ်ႏရုပ်နီမျိုꩻအကို သꩻနဝ်ꩻ ထွာအထျꩻကယ်ꩻကရုပ်နဲ့၊ ရုပ်နဝ်ꩻ ထွာအထျꩻကယ်ꩻသꩻနဲ့-ကရိုꩻဒါႏ ငဝ်းရီယိုလဲ့ ရီဗာႏဖြေႏဗာႏသွူ။ ပညာႏယိုနဝ်ꩻ ထွာဒျာႏ ထိုမ်ႏတွမ်ႏမဲ့ကထီႏဒါႏ သဘာဝတရာꩻသီးဖဲ့ꩻချာ တပြောင်ꩻလုဲင်ႏတဝ်း အမဲဉ်ႏတရာꩻ မဉ်ႏရိုꩻနုဲင်းနဝ်ꩻလဲ့ တမာႏတဝ်းသွူ။ (ခ) \"ကောသမောလိုစီ\"ကရိုꩻဒါႏ ဗဟိဒ္ဓလောကဗေဒနဝ်ꩻ စဲစ်ထွားဒျာႏ စကျာႏဝဠာႏတဖြုံႏလိုမ်းသီး ပုံႏတဖွူꩻသီး အခင်ႏမွဉ်သဘော်ꩻ၊ အနိယာမသီးဖုံႏ အမာႏအမဲဉ်ႏတဲင် တဲမ်းထွို့ꩻခြွဉ်းသေꩻခါꩻနဝ်ꩻသွူ။\n(၃) ကလွူꩻထွားဒါႏ အခင်ႏခံႏအွဉ်ႏ ထာꩻဆင်ႏချင်ႏသဘော်ꩻ ထာꩻသေမဲဉ်ႏသဘော်ꩻနဝ်ꩻ ဟဲ့ꩻ\"မဲတ်တောဒေါလိုစိ\"၊ ပညာႏယိုလဲ့ ဖန်းဖြယ်နွောင်ꩻယင်းနီစွိုးသွူ၊ (က) ကဟဲ့ꩻဒါႏ\"အပိစ်တီလိုမိုစီ\"ထာꩻသေဗေဒ၊ မဉ်ႏလွူꩻယိုနဝ်ꩻ ကလွူꩻဒါႏ ကမ္ဘာႏအကျောင်ꩻ၊ စကျာႏဝဠာႏအကျောင်ꩻယိုအလောင်း အခင်ႏမွဉ် အဝ်ႏလိုႏအွဉ်ႏဒျာႏ နမ်းကမော့ꩻချက်နဲ့၊ မွေးတဝ်းလဲ့ အခင်ႏမွဉ် လိုႏအွဉ်ႏဒျာႏ ထာꩻယူႏတွေꩻအလောင်းနဲ့ ကရိုꩻဒါႏငဝ်းရီယို ရီထွူတဲင် ဖြေႏဖါခေါ်ဗာႏ ပညာႏအရပ်ယိုသွူ။ (ခ) ကရိုꩻဒါႏ \"ယုတ္တိဗေဒ\"ပညာႏနဝ်ꩻ လွူꩻလွေꩻဗာႏဒျာႏ ကယူႏတွေꩻလွေꩻဒါႏ အခင်ႏမွဉ် ထာꩻယူႏတွေꩻသီးအသဘော်ꩻသွူ၊ ယုတ္တိဗေဒအကိုနဝ်ꩻ ယူႏရိုꩻရိုꩻ သာမညတွမ်ႏ ယူႏဆန်ꩻလွိုကရိုꩻဒါႏ ထာꩻဆင်ႏချင်ႏဝိသေသ အဝ်ႏယင်းနုဲင်းနဝ်ꩻ၊ ကဆင်ႏချင်ႏဒါႏ ကဖေႏခါꩻအချက်အကို ထာꩻယူႏဆင်ႏချင်ႏနဝ်ꩻ ဟဲ့ꩻသာမညထာꩻဆင်ႏချင်ႏတဲင် ကဆင်ႏချင်ႏပိုန်းဒါႏ ကဖေႏခါꩻအချက်နဝ်ꩻ ဟဲ့ꩻထာꩻဆင်ႏချင်ꩻလွိုခေါ် ဝိသေသထာꩻဆင်ႏချင်ꩻနဝ်ꩻသွူ။\nဒဿနိကဗေဒယို မဉ်ႏထွားနေးယင်း သမဲင်ꩻသဘော်ꩻအနေႏနဝ်ꩻ ခကွဉ်ႏဖဲ့ꩻသား ဒဿနိကဗေဒအကို ကပေါႏထင်ႏသျာꩻလွဉ်ဒါႏ အိန္ဒိယခမ်း \"ဆျာရဝါက\"၊ \"ဇိန္န\"၊ \"ဗုဒ္ဓဒဿနိကဗေဒ\"၊ \"နျာသ\"၊ \"ဗုဲင်ဆျိဆျိကာ\"၊ \"သင်္ချာ\"(သံချာ)၊ \"ယောဂ\"၊ \"မိမံသ\"၊ ဝေဒန္တ-ကရိုꩻဒါႏ ဒဿနိကဗေဒဖုံႏလဲ့သင်၊ ကပေါႏထင်ႏသျာꩻဒါႏ ခယ်ႏခမ်းကို \"အိုဝါ\"တွမ်ႏ\"ကွန်ဖူးသီးဝါ\"ထီႏဗာႏနုဲင်းနဝ်ꩻသွူ။\n\nအွိုးခတွို့ꩻဖဲ့ꩻသား ဒဿနိကဗေဒသမဲင်ꩻနဝ်ꩻတဲး ထွားဗာႏအခန်ꩻ သွံကွို့ꩻသွူ၊ (၁) ဂရိခေတ်ရီးခါ (၂) ခေတ်အထာႏဝ (၃) ခေတ်တသာတွမ်ႏ ခေတ်ယိုခါ-အဝ်ႏလွေꩻနုဲင်းနဝ်ꩻသွူ။ \n(၁) ဂရိခေတ်ရီးခါတွင်ꩻ ကစဲင်းထင်ႏသျာꩻလွိုဝင်ꩻ ဒဿနိကဗေဒပညာႏသျင်ႏဖုံႏနဝ်ꩻ ထွာဒျာႏ သိုကရေးတီး၊ ပလေးတို၊ အဲရိစ္စတိုတဲသီးဖုံႏသွူ။ အဲရိစ္စတိုတဲနဝ်ꩻ ထွာပလေးတိုတပဲ့ꩻတဲင် ပလေးတိုနဝ်ꩻ ထွာသိုကရေးတီးတပဲ့ꩻ၊ ပလေးတိုနဝ်ꩻ ကဉ်ꩻစာꩻဆင်ႏချင်ႏ အမဲဉ်ႏသဘော်ꩻတဲင် သေနွောင်ꩻစွဉ်ႏ အမဲဉ်ႏတရာꩻ ရိုꩻနဝ်ꩻတဲင် အဲရိစ္စတိုတဲနဝ်ꩻ နမ်းမော့ꩻသဘော်ꩻနဝ်ꩻ အရေꩻတန်အကျောင်ꩻနဝ်ꩻလဲ့ အဝ်ႏဒေါ့ꩻရိုꩻနဝ်ꩻသ���ူ။\n(၂) ခေတ်အထာႏဝတွင်ꩻ ကစဲင်းထင်ႏသျာꩻလွိုဝင်ꩻ ဒဿနိကဗေဒပညာႏသျင်ႏဖုံႏနဝ်ꩻ ထွာဒျာႏ သေင်ဩကဲစ္စတိဉ်၊ သေင်သောမတ်အကွုဲင်းနပ်၊ အုတ်ခမ္မဝီလျံသီးဖုံႏသွူ။ ခေတ်ယိုအတွင်ꩻ ဒဿနိကဗေဒပညာႏသျင်ႏဖုံႏနဝ်ꩻ နေးတွမ်ႏအနယ်ꩻကျကျတဲင် ခရိစ္စယာန်ႏအယူႏဝါႏတွမ်ႏ ဂရိဒဿနိကဗေဒဖုံႏယို ယူႏဆွိုင်ꩻရော်ꩻစွဉ်ႏလွဝင်ꩻဖုံႏသွူ။\n(၃) ခေတ်တသာတွမ်ႏ ခေတ်ယိုခါနဝ်ꩻတဲး ဖရန်သိစ်ဗေကိဉ်၊ ဒေးကတ်-စတဲင် ဒဿနိကဗေဒပညာႏသျင်ႏသီး ပေါႏလွဉ်စနဝ်ꩻသွူ။ ခေတ်တသာအတွင်ꩻ ပညာႏသျင်ႏသီး ရေႏမိုးချက်အထျꩻထျꩻနဝ်ꩻ ခရိစ္စယာန်ႏထာꩻယူႏဝါႏဒတွမ်ႏ ဂရိဒဿနိကဗေဒ ယင်းခေတ်တသာ သိပ္ပံနယ်ꩻဖုံႏယို အဝ်ႏလိုႏခြွဉ်း တွမ်ႏအနယ်ꩻမဲဉ်ႏမဲဉ်ႏနဝ်ꩻသွူ။ (ဗေကိဉ်ဖရန်သိစ်၊ ဒေးကတ်အာ)\nခေတ်တသာယိုအကို (က) ကလဲဉ်းရီးရီးဒါႏ လုံးခေတ် (ခ) ခေတ်မဲ့ဆငါယိုခါ မဉ်ႏလွူꩻဖန်းဖြယ်နေး နီခဝ်နုဲင်းနဝ်ꩻနဝ်ꩻ အီႏသေဗာႏယိုꩻယိုꩻဒျာႏ၊ ကလဲဉ်းရီးဒါႏ ခေတ်တသာအတွင်ꩻ ဗေကိဉ်၊ ဒေးကတ်သီးဖုံႏလွုမ်ꩻတကာႏတဝ်း ကကျောႏထင်ႏသျာꩻလွဒါႏ ဒဿနိကဗေဒ ပညာႏသျင်ႏယဟန်ႏဖုံႏနဝ်ꩻ သွန်လော့၊ ဈော့ဗာကလေ၊ ဒေးဗစ်ဟယောမ်း၊ သပိဉ်နိုသာ၊ လုဲက်ဗနိစ်၊ ကန့်၊ ဟေးဂဲ-ထီႏဗာႏ စတဲင်နုဲင်းနဝ်ꩻဖုံႏသွူ။ (သပိဉ်နိုသာဗီ၊ ကန့်အုဲင်)\n(က)ခေတ်ယိုတဗာႏ အထျꩻထျꩻနဝ်ꩻ ခွုင်းစကျာႏဝဠာႏတဖြုံႏလိုမ်းယို မာꩻခါꩻထွူအတဲက်တွော့ꩻ လွူꩻလွေꩻအစားနဝ်ꩻ၊ (ခ) ဒဿနိကဗေဒပညာႏသျင်ႏ ခေတ်ယိုတဗာႏဖုံႏနဝ်ꩻ ခွုင်းစကျာႏဝဠာႏတဖြုံႏလိုမ်းယို မာꩻခါꩻထွူအတဲက်တွော့ꩻ မဉ်ႏလွူꩻလွေꩻတဲး သေနာႏနွောင်ꩻဒျာႏ ယူႏလွနုဲင်းနဝ်ꩻဖုံႏသွူ။\n\nမဲ့ဆငါခေတ်ယိုခါ ဒဿနိကဗေဒပညာႏသျင်ႏဖုံႏတဲး ကအီႏသေနာႏဗာႏ စကျာႏဝဠာႏတဖြုံႏလိုမ်းနဝ်ꩻ တထွာနွောင်ꩻတဝ်းလာꩻလာꩻ၊ ပွိုင်းဝွို့တွမ်ႏစကျာႏဝဠာႏတဖြုံႏလိုမ်းယို မာꩻခါꩻအတဲက်တလꩻနွောင်ꩻတဝ်း ယူႏလွနုဲင်းနဝ်ꩻသွူ။\nမဲ့ဆငါ ခေတ်ယိုခါ ဒဿနိကဗေဒပညာႏသျင်ႏဖုံႏနဝ်ꩻ အမုဲင်လုံးအနေႏ အွဉ်ႏလွဒျာႏ သိပ္ပံပညာႏဖုံႏ၊ မဲ့ဆငါ ခေတ်ယိုခါ ကပေါႏလွဉ်လွဒါႏ ဒဿနိကဗေဒပညာႏသျင်ႏဖုံႏအကို ထီႏဗာႏ ဒဿနိကဗေဒနီမျိုꩻ၊ \"လောစိစ်ကဲပေါ်သိစ်တိစ်ဗိစ်ဝါဒ\"တွမ်ႏ \"မတ်\"ဝါဒ ထီႏဗာႏနုဲင်းနဝ်ꩻသွူ။ \"လောစိစ်ကဲပေါ်သိစ်တိစ်ဗိစ်ဝါဒ\"တွမ်ႏ \"မတ်\"ဝါဒ နီမျိုꩻလို့လို့နဝ်ꩻ အမုဲင်လုံးအနေႏ အွဉ်ႏလွဒျာႏ သိပ္ပံပညာႏ။ မတ်ဝါဒနဝ်ꩻ အခင်ႏမွဉ်အွဉ်ႏ သိပ္ပံညာႏထွူတဲင် အထျꩻအွဉ်ႏဒျာႏ လိုꩻသီးအုံအဝ်ႏခင်ႏလမ်း လွူꩻလွဒျာႏနုဲင်းနဝ်ꩻသွူ။\n\"လောစိစ်ကဲပေါ်သိစ်တိစ်ဗိစ်ဝါဒ\"နဝ်ꩻ လိုꩻသီးအအုံခင်ႏလမ်းလွုမ်ꩻတကာႏတဝ်း နေးတွမ်ႏ တက္က(ကျမ်ႏစဲႏ)နယ်ꩻတဲင် ဝွေႏဖန်ႏနပ်တွက်နွောင်ꩻစွဉ်ႏ သိပ္ပံပညာႏသီး အခင်ႏမွဉ်သဘော်ꩻတရာꩻဖုံႏနဝ်ꩻသွူ။\nအကွာႏယင်းတချက်နဝ်ꩻ မာ့တ်ဝါဒနဝ်ꩻ သုံꩻဒျာႏအလောင်း(အနုလောမ)နယ်ꩻတဲင် ယွုမ်းအံႏရုပ်ဝါႏဒနဝ်ꩻသွူ။ လောစိစ်ကဲပေါသိစ်တိစ်ဗိစ်ဝါဒနဝ်ꩻ အလောင်းနယ်ꩻ (အနုလောမ)လဲ့ တသုံꩻတဝ်း၊ ယွုမ်းအံႏရုပ်ဝါႏဒလဲ့ တရိုꩻတဝ်း၊ ဝါႏဒဖုံႏယိုလွုမ်ꩻတကာႏတဝ်း ခေတ်မဲ့ဆꩻငါ ကအဝ်ႏထွန်ꩻကာꩻဒါႏ ဝါႏဒဖုံႏအကို အထျꩻအခင်ႏမွဉ် အွဉ်ႏဒျာႏ \"အေက်သိစ်တိဉ်ဆယ်လိစ်သိဉ်\"ဝါဒကရိုꩻဒါႏ \"အကအဝ်ႏ-အကထွာ\"ဝါႏဒ၊ \"ပရဲတ်မဲစ်တိစ်သိဉ်\"ကရိုꩻဒါႏ ထာꩻအောင်ႏမျင်ႏနဝ်ꩻ ထွာဒျာႏဝါႏဒ \"ထာꩻမဲဉ်ႏမွေး\"လုံးမုဲင်ဒင်ႏ၊ \"ရီယယ်လိစ်သိဉ်\"ကရိုꩻဒါႏ သꩻကမ္ဘာႏ၊ ရုပ်ကမ္ဘာႏနီမျိုꩻအဝ်ႏလို့ ကယွုမ်းအံႏဒါႏဝါႏဒ-စတဲင် အဝ်ႏလွေꩻဒျာႏ ဖြာꩻလွော်ဖြာꩻနန်းနုဲင်းနဝ်ꩻဖုံႏသွူ။\n\nအာႏကွိုꩻ","num_words":1773,"character_repetition_ratio":0.073,"word_repetition_ratio":0.063,"special_characters_ratio":0.08,"stopwords_ratio":0.033,"flagged_words_ratio":0.0,"lang_id_score":1.0,"perplexity_score":1659.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%AE%E1%80%9D%E1%80%80%E1%80%9B%E1%80%AE%E1%80%90%E1%80%9B%E1%80%AC%EA%A9%BB%E1%80%82%E1%80%BD%E1%80%AF%E1%80%8F%E1%80%BA%E1%82%8F%E1%80%90%E1%80%B1%E1%80%AC%E1%82%8F","collection":"wikipedia","source":"wikipedia","original_code":"blk","text":"\"ပဌမသန္ဒိဋ္ဌိကသုတ် ('သီဝက'ရီ တရာꩻဂွုဏ်ႏတောႏသူပါꩻ)\"\n'မောဠိယ သီဝကပရိဗိုဇ်'နဝ်ꩻ လွဉ်ထေ့ဗွေႏဘုရာꩻ၊ ဒေါ့ꩻရီစွော့ꩻတက် ငေါဝ်းနစ်သက်၊ ငေါဝ်းသꩻရေꩻ၊ ငေါဝ်းတောင်ꩻစွေးထွူခါ ရီပါဗွေႏဘုရာꩻနုဲင်းယို-\n\"ဩဗွေႏ-\n၁။ နီဗွေႏနမ်းနမ်း ကဟော်ꩻခါꩻ တရာꩻတောႏနဝ်ꩻ\n၂။ ကိတ္တာဝတာ နုခေါ ဘန္တေ သန္ဒိဋ္ဌိကော ဓမ္မော ဟောတိ-\nနမ်းတွမ်ႏနမ်း သေထီႏချာတရာꩻနုဲင်းမုဲင်ꩻ ဗွေႏဩ။\n၃။ အကာလိကော ဟောတိ-\nအခိန်ႏရွေꩻတဝ်း အကျိုꩻဖေႏနုဲင်းမုဲင်ꩻ ဗွေႏဩ။\n၄။ ဧဟိ ပဿိကော ဟောတိ-\n'လွဉ်လုဲင်း၊ ထွားဟုဲင်း'အွဉ်ႏနယ်ဗွုန်ႏစွဉ်ႏနုဲင်းမုဲင်ꩻ ဗွေႏဩ။\n၅။ ဩပနေယျိကော ဟောတိ-\nထူႏသော့ꩻထွိုက်သꩻကိုနုဲင်းမုဲင်ꩻ ဗွေႏဩ။\n၆။ ပစ္စတ္တံ ဝေဒိသဗ္ဗော ဝိညူဟိ-\nပညႏသား သေထွိုက်လꩻခါꩻ ပငါပရာꩻနုဲင်းမုဲင်ꩻ ဗွေႏဩ\"။\n\"သီဝကဟွေး-\nနာꩻထာꩻမဉ်လꩻ 'လောႏဘꩻ'မဉ်ႏထွာနဝ်ꩻ ခွေနမ်းကိုယို လောႏဘꩻအဝ်ႏ စဲင်းစဲင်းစဲ့စဲ့ (ထင်ႏထင်ႏသျာꩻသျာꩻ) နာꩻသေချာဒျာႏ၊ နာꩻသꩻကိုနဝ်ꩻ ထာꩻမဉ်လꩻပေါႏတဝ်း 'လောႏဘꩻ'အဲဉ်ထဝ်း စဲင်းစဲ့ထင်ႏသျာꩻ နာꩻသေချာနေဟောင်း\"\n\"သေချာဒျာႏ ဗွ���ႏဩ\"\n\"နာꩻထာꩻမဉ်လꩻ 'လောႏဘꩻ'မဉ်ႏထွာနဝ်ꩻ ခွေနမ်းကိုယို လောႏဘꩻအဝ်ႏ စဲင်းစဲင်းစဲ့စဲ့ (ထင်ႏထင်ႏသျာꩻသျာꩻ) နာꩻသေချာဒျာႏ၊ နာꩻသꩻကိုနဝ်ꩻ ထာꩻမဉ်လꩻပေါႏတဝ်း 'လောႏဘꩻ'အဲဉ်ထဝ်း စဲင်းစဲ့ထင်ႏသျာꩻ နာꩻသေချာဒျာႏ၊ ကသေချာနုဲင်းနဝ်ꩻနဝ်ꩻ (ဝင်ꩻအဝ်ႏအသောင် ဒေါ့ꩻမွေးတောဝ်း)၊ နာꩻနမ်းတွမ်ႏနာꩻနမ်း သေချာဒျာႏ၊ 'သန္ဒိဋ္ဌိကော-နမ်းတွမ်ႏနမ်းသေချာ'ကရိုꩻနဝ်ꩻ သေနုဲင်းနဝ်ꩻသွူ။\nနာꩻဒေါႏသꩻထွာတဲ့နဝ်ꩻ၊ နာꩻမောႏဟꩻထွာတဲ့နဝ်ꩻ နာꩻသေချာနုဲင်းနဝ်ꩻနေနေ၊ ပေါႏသꩻလျားထာꩻတဲ့ မဲ့ငါတကုဲင်စွဉ်ႏယိုခါ၊ ပေါႏသꩻရေꩻတဲ့ ပယွုမ်းစွဉ်ႏယိုခါ၊ နဝ်ꩻနဝ်ꩻ အကာလိ-အဖွိုꩻစား၊ အသေယိုꩻစားသွူ၊ အခိန်ႏတရွေꩻတဝ်း အကျိုꩻဖေႏယိုခါနောဝ်ꩻသွူ။\nမဉ်ႏယွုမ်းတဝ်းနဝ်ꩻ စံꩻစံꩻသွော့လုဲင်း၊ ကျင်ꩻစံꩻသွော့ဟုဲင်း၊ သီႏလ သမာႏဓိ ပညာႏ-စတဲင်တရာꩻဖုံႏနဝ်ꩻ ဟောတ်သော့ꩻခါꩻငါႏသꩻကို၊ (ဩပနေယျိကော)နောဝ်ꩻသွူ။ သောႏတာႏပန်ႏပုဂ္ဂိုလ်ႏတဲ့ သေထွိုက်လꩻပဲင်ႏခါꩻ သောတာပတ္တိမဂ်၊ သောတာပတ္တိဖိုလ်ႏ၊ သကဒါႏဂါမ်ႏပုဂ္ဂိုလ်ႏတဲ့ သေထွိုက်လꩻပဲင်ႏခါꩻ သကဒါဂါမိမဂ်၊ သကဒါဂါမိဖိုလ်ႏ၊ အနာႏဂါမ်ႏပုဂ္ဂိုလ်ႏတဲ့ သေထွိုက်ꩻလꩻပဲင်ႏခါꩻ အနာဂါမိမဂ်၊ အနာဂါမိဖိုလ်ႏ၊ ရဟန္တာႏပုဂ္ဂိုလ်ႏတဲ့ သေထွိုက်လꩻပဲင်ႏခါꩻ အရဟတ္တမဂ်၊ အရဟတ္တဖိုလ်ႏ၊ သေထွိုက်လꩻပဲင်ႏခါꩻ ပငါပရာꩻနုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဆက္ကနိပါတ်၊ ပဌမသန္ဒိဋ္ဌိကသုတ်)\n\nအာႏကွိုꩻ","num_words":404,"character_repetition_ratio":0.088,"word_repetition_ratio":0.122,"special_characters_ratio":0.092,"stopwords_ratio":0.035,"flagged_words_ratio":0.0,"lang_id_score":1.0,"perplexity_score":1984.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%AE%E1%82%8F%E1%80%9C%E1%80%85%E1%80%AD%E1%80%90%E1%80%BA%E1%80%95%E1%80%90%E1%80%AE%EA%A9%BB%E1%80%A1%E1%80%AC%E1%80%B8%E1%80%91%E1%80%AF%E1%80%90%E1%80%BA%E1%80%90%E1%80%9B%E1%80%AC%EA%A9%BB","collection":"wikipedia","source":"wikipedia","original_code":"blk","text":"\"သီႏလသွစ်ꩻပါꩻ၊ သီႏလကွတ်ꩻပါꩻ၊ စိတ်ပတီꩻ၊ အားထုတ်တရာꩻ အကျောင်ꩻခရာႏ\"\nနေင်ႏ ၁၃၆၈-ဗာႏ၊ ------( )နီꩻ၊ ဝေင်ꩻနယ်ႏ------ ၊ အွိုင်ႏ-------၊ ကျောင်ꩻ------ ကိုကမာꩻဒါႏ ပအိုဝ်ႏလိတ်လုဲင်ꩻစွစ်ꩻလီတာႏ ဗဟိုႏသံႏဃာႏ ထောင်ထွားရေꩻအစွိုꩻ ပွယ်ꩻဟော်ꩻတရာꩻအခန်ꩻအနာꩻကို ကကျွꩻလွဉ်ဒါႏ ဗွေႏသံႏဃာႏတွမ်ႏ တကာႏမူႏခိုသီးဖုံႏ ကားကအဝ်ႏ နမ်းသꩻချမ်ꩻသာႏ ယံကအဝ်ႏဒျာႏသွော့-ကရိုꩻနဝ်ꩻ ရီးသွတ်ꩻအစ သဗ္ဗမင်္ဂလာႏ ဆုတောင်ꩻဖေႏဒျာႏနုဲင်းနဝ်ꩻထွူတဲင် ရိုႏသေႏဂါရဝလွေꩻဒျာႏ ဗွေႏသံႏဃာႏသီး ဗွေႏဩ။\nဖျော်တွိုႏလွဉ်ဗာႏ ဗွေႏသံႏဃာႏသီးဒေႏသ တကာႏလုံတကာႏမသီး ရပ်ရာႏနုဲင်းယိုတဲ့နဝ်ꩻ၊ လွဉ်ခွဲရော့ꩻ လွဉ်မော့ꩻဟဝ်ဗာႏတွမ်ႏ ဗွေႏသံႏဃာႏသီး တကာႏမူႏခိုသီးနုဲင်းယိုတဲ့နဝ်ꩻ၊ ကလွဉ်ဟော်ꩻလူႏဗာႏ တရာꩻနုဲင်းယိုတဲ့နဝ်ꩻ၊ စွိုးခွိုꩻအတာႏ ဘာႏသာႏရေꩻအတွက် ကဆောင်ႏရွက်မာꩻဗာႏနုဲင်းယိုတဲ့နဝ်ꩻ သꩻရေꩻဟဝ်ငါႏ မရေႏမရာႏ။\nကနာႏတရာꩻသား ခွုင်းကားဗွေႏသံႏဃာႏတွမ်ႏ တကာႏမူႏခိုသီးတဲ့ သꩻရောင်းသꩻရေꩻ နာႏလွေꩻလွသွော့၊ နာႏထွူတဲင်ခါ မဉ်ႏလွောက်ꩻနာႏလွေꩻငါငါနဝ်ꩻ သွတ်ꩻစိုးဝုဲင်ꩻသက် တိုꩻတက်စီꩻပွာꩻ ညဆွာꩻချမ်ꩻသာႏ လꩻဗာႏဒျာႏရင်ꩻ။\nသꩻရောင်းသꩻရေꩻ ကအီႏဟော်ꩻလွေꩻဒါႏ သီႏလသွစ်ꩻပါꩻ၊ သီႏလကွတ်ꩻပါꩻ၊ စိတ်ပတီꩻ၊ အားထုတ်တရာꩻ အကျောင်ꩻခရာႏ ခွေသွဉ်းယိုနဝ်ꩻ ဝေင်ꩻနယ်ႏ-------၊ ကျောင်ꩻ-------၊ ဗွေႏ------ သွူဗွေႏဩ။\nကလွဉ်နာႏတရာꩻ တကာႏမူႏခိုသီးဖုံႏဟွေး -\n၁၃၆၆-ဗာႏ၊ နေင်ႏစာႏခါနဝ်ꩻ ဗွေႏသံႏဃာႏသီး ဟော်ꩻနယ်ဖေႏ ဩကာသခရာႏ၊ သီႏလခရာႏ-စတဲင်နုဲင်းနဝ်ꩻဖုံႏ၊ သီႏလနဝ်ꩻ သွတ်ꩻလꩻသီႏလငတ်ꩻပါꩻလွုမ်ꩻ၊ ကွပ်နဝ်ꩻမꩻ ဟန်ႏနေင်ႏယိုနဝ်ꩻ ဟော်ꩻလွေꩻသွုပ်ဖေႏယင်း သီႏလသွစ်ꩻပါꩻ၊ သီႏလကွတ်ꩻပါꩻဖုံႏတွမ်ႏ စိတ်ပတီꩻ၊ အားထုတ်တရာꩻ အကျောင်ꩻခရာႏဖုံႏနဝ်ꩻသွူ။\n\"ခံႏထူႏသီႏလသွစ်ꩻ ကရွစ် အဟံ ဘန္တေ - သေနေအဓိပ္ပါယ်ႏ\"မဉ်ႏရီနုဲင်းနဝ်ꩻနဝ်ꩻ သေတဝ်းသားနဝ်ꩻအာ၊ ကသေသားနဝ်ꩻ ရဆေ့ꩻ၊ နီယူႏတေ့ꩻနုဲင်းနဝ်ꩻ၊ ကွပ်နဝ်ꩻမꩻ ဖေႏနေးကသေ စဲင်းစဲင်းစဲ့စဲ့တဲင် နေးတွမ်ႏမေတ္တာႏ ဟော်ꩻနယ်ဗာႏနုဲင်းယို- နီတကာႏမူႏခိုသီး ကရွစ် 'အဟံ ဘန္တေ'-နုဲင်းယိုခါနဝ်ꩻ ကဲဉ်းအာအာရွစ်ဒျာႏ အဟံ ဘန္တေ၊ တိသရဏေန၊ သဟ၊ ပဉ္စ၊ သီလံ၊ ဓမ္မံ၊ ယာစာမိ၊ အနုဂ္ဂဟံ၊ ကတွာ၊ သီလံ၊ ဒေထ၊ မေ၊ ဘန္တေ-နုဲင်းနဝ်ꩻ။\nကရွစ်နုဲင်းနဝ်ꩻနဝ်ꩻ အခင်ႏလမ်းမဲဉ်ႏတဝ်း၊ အချက်ထို့တဝ်းတဲင် ပညာႏသျိ ပညာႏသျင်ႏ လိုꩻလျင်ႏခမ်းတန်သား မဉ်ႏဟွုန်တွမ်ႏနားနဝ်ꩻ ဝင်ꩻကဲ့ꩻရဲ့ꩻသဲ့ꩻသွမ်ꩻဒါႏလိုꩻ၊ ကွပ်နဝ်ꩻမꩻ ကားယိုမာꩻငါနဝ်ꩻ ရွစ်ဒျာႏသွော့ အချက်ထို့ထို့နော။\n\"ငဝ်းကွီသီႏလသွစ်ꩻပါꩻ (ငဝ်းကွီသဉ်သွစ်ꩻ)\"\n(က) အဟံ ဘန္တေ၊ တိသရဏေန၊ သဟ၊ အဋ္ဌင်္ဂသမန္နာဂတံ၊ ဥပေါသထသီလံ၊ ဓမ္မံ ယာစာမိ၊ အနုဂ္ဂဟံ ကတွာ၊ သီလံ ဒေထ၊ မေ ဘန္တေ။ ဒုတိယမ္ပိ၊ တတိယမ္ပိ-ရွစ်ဒျာႏသွော့နုဲင်းနဝ်ꩻ။\n\"အဟံ ဘန္တေ-အနကပအိုဝ်ႏ\"ဘန္တေ-ဩဗွေႏ၊ အဟံ-ခွေသွဉ်းနဝ်ꩻ၊ ယာစာမိ-တောင်ꩻပြန်ႏကွီဗာႏ၊ တိသရဏေနသဟ-သရဏဂုံႏသွံပါꩻတွမ်ႏ၊ အဋ္ဌင်္ဂသမန္နာဂတံ-အင်္ဂါႏသွစ်ꩻပါꩻ ကဗွေခါꩻဒါႏ၊ ဥပေါသထသီလံ-ဥပုသ်သီႏလ၊ ဓမ္မံ-တရာꩻယိုသွူ၊ ဘ���္တေ-ဩဗွေႏ၊ အနုဂ္ဂဟံကတွာ-ပင်ႏထိုခွေသွဉ်းအနေႏ၊ ဒေထ-ဖေႏလွသွော့၊ မေ-ခွေသွဉ်းတာႏ၊ သီလံ-သီႏလယို (ဗွေႏဩ။)\nအဟံ ဘန္တေ-အဓိပ္ပါယ်ႏ ပြန်ႏပအိုဝ်ႏခြေင်ခြေင်\nဩဗွေႏ ခွေသွဉ်းတောင်ꩻပြန်ႏကွီဗာႏ သရဏဂုံႏသွံပါꩻတွမ်ႏ သီႏလသွစ်ꩻပါꩻ တရာꩻယိုသွူ။ ပင်ႏထိုခွေသွဉ်းအနေႏ ဖေႏသွော့ခွေသွဉ်း သီႏလဗွေႏဩ- အဓိပ္ပါယ်ႏလꩻနုဲင်းနဝ်ꩻ။\n(ခ) နမော တဿ ဘဂဝတော အရဟတော သမ္မာသမ္ဗုဒ္ဓဿ။\n(ဂ) ဗုဒ္ဓံ သရဏံ ဂစ္ဆာမိ၊ ဓမ္မံ သရဏံ ဂစ္ဆာမိ၊ သံဃံ သရဏံ ဂစ္ဆာမိ။ ဒုတိယမ္ပိ။ တတိယမ္ပိ။\nနမော တဿ၊ ဗုဒ္ဓံ သရဏံ-စတဲင် အနက်အဓိပ္ပါယ်ႏဖုံႏနဝ်ꩻ ဟော်ꩻနယ်ထွူလဲဉ်းနေင်ႏစာႏခါ။\n(ဃ) ၁။ ပါဏာတိပါတာ ဝေရမဏိ သိက္ခာပဒံ သမာဒိယာမိ။ (ခံႏမာꩻသီတဝ်းဝင်ꩻသက် ဗွေႏဩ)\n၂။ အဒိန္နာဒါနာ ဝေရမဏိ သိက္ခာပဒံ သမာဒိယာမိ။ (ခံႏထူႏတခွန်ꩻတဝ်း ဝင်ꩻတခြိုꩻ ဗွေႏဩ)\n၃။ အဗြဟ္မစရိယာ ဝေရမဏိ သိက္ခာပဒံ သမာဒိယာမိ။ (ခံႏကျင်ꩻထူႏတဝ်း အကျင်ꩻခိုမူႏ ဗွေႏဩ)\n၄။ မုသာဝါဒါ ဝေရမဏိ သိက္ခာပဒံ သမာဒိယာမိ။ (ခံႏဒေါ့ꩻလိန်ႏလဲဉ်တဝ်းထာꩻ ဗွေႏဩ)\n၅။ သုရာမေရယ မဇ္ဇပမာဒဋ္ဌာနာ ဝေရမဏိ သိက္ခာပဒံ သမာဒိယာမိ။ (ခံးအွꩻတဝ်းဒဝ်၊ ခံႏဆွဉ်းတဝ်း ယာဖြေင်းယာဗွာ ဗွေႏဩ)\n၆။ ဝိကာလဘောဇနာ ဝေရမဏိ သိက္ခာပဒံ သမာဒိယာမိ။ (မွူးနွောင်းမာꩻငါ ခံႏအံႏတဝ်းဒဲဉ် ဗွေႏဩ)\n၇။ နစ္စ ဂီတ ဝါဒိတ ဝိသူက ဒဿန မာလာဂန္ဓ ဝိလေပန ဓာရဏ မဏ္ဍန ဝိဘူသနဋ္ဌာနာ ဝေရမဏိ သိက္ခာပဒံ သမာဒိယာမိ။ (ခံႏကျူႏတဝ်းထာꩻ၊ ခံႏတဲက်တဝ်း၊ ခံႏတချင်ꩻတဝ်းငဝ်း၊ ခံႏဒုံႏအူတဝ်း၊ ခံႏထွားတဝ်းဇာတ်၊ ခံႏဒျꩻတဝ်းကဝ်ႏ၊ ခံႏဒင်ႏတဝ်းမွန်း၊ ခံႏခြွိုင်းတရေꩻတဝ်းနမ်း ဗွေႏဩ)\n၈။ ဥစ္စာသယန မဟာသယနာ ဝေရမဏိ သိက္ခာပဒံ သမာဒိယာမိ။ (ခံႏအုံတဝ်း ခင်ႏလမ်းထို၊ ခင်ႏလမ်းမျတ် ဗွေႏဩ)။\n\"မဟာသယန-ခင်ႏလမ်းမျတ်\"ကရိုꩻနဝ်ꩻ ကောႏဇော်ꩻတန် အဆွဉ်ႏကအဝ်ႏဒါႏ တစူလစ်ꩻမာꩻကီဖုံႏ၊ ခွန်တန်သဌေꩻ ခံႏစာꩻစေꩻစိန်ႏ ခင်ႏလမ်းအုံဖုံႏ လောဘတဏှာႏ ကထွာအီဒါႏ ခင်ႏလမ်းအုံဖုံႏနဝ်ꩻသွူ။\nသꩻကျွားလောဘ ထိန်ꩻဖေႏနေးကလꩻ၊ ထိန်ꩻဖေႏနေးကယိုꩻတဲင် မွူးနွောင်းမာꩻငါ ဒဲဉ်ဟာအံႏအွꩻ၊ ဒျꩻကဝ်ႏ ဒင်ႏမွန်း-စတဲင်စားနဝ်ꩻ ယွုန်းဗာႏနဝ်ꩻသွူ။\nငဝ်းကွီသီႏလကွတ်ꩻပါꩻ\n(က) အဟံ ဘန္တေ၊ တိသရဏေန၊ သဟ၊ နဝင်္ဂသမန္နာဂတံ၊ ဥပေါသထသီလံ၊ ဓမ္မံ ယာစာမိ၊ အနုဂ္ဂဟံ ကတွာ၊ သီလံ ဒေထ၊ မေ ဘန္တေ။ ဒုတိယမ္ပိ၊ တတိယမ္ပိ-ရွစ်ဒျာႏသွော့နုဲင်းနဝ်ꩻ။\n\"အဟံ ဘန္တေ-အနက်ပအိုဝ်ႏ\"ဘန္တေ-ဩဗွေႏ၊ အဟံ-ခွေသွဉ်းနဝ်ꩻ၊ ယာစာမိ-တောင်ꩻပြန်ႏကွီဗာႏ၊ တိသရဏေနသဟ-သရဏဂုံႏသွံပါꩻတွမ်ႏ၊ နဝင်္ဂသမန္နာဂတံ-အင်္ဂါႏကွတ်ꩻပါꩻ ကဗွေခါꩻဒါႏ၊ ဥပေါသထသီလံ-ဥပုသ်သီႏလ၊ ဓမ္မံ-တရာꩻယိုသွူ၊ ဘန္တေ-ဩဗွေႏ၊ အနုဂ္ဂဟံကတွာ-ပင်ႏထိုခွေသွဉ်းအနေႏ၊ ဒေထ-ဖေႏလွသွော့၊ မေ-ခွေသွဉ်းတာႏ၊ သီလံ-သီႏလယို (ဗွေႏဩ။)\nအဟံ ဘန္တေ-အဓိပ္ပါယ်ႏ ပြန်ႏပအိုဝ်ႏခြေင်ခြေင်\nဩဗွေႏ ခွေသွဉ်းတောင်ꩻပြန်ႏကွီဗာႏ သရဏဂုံႏသွံပါꩻတွမ်ႏ သီႏလကွတ်ꩻပါꩻ တရာꩻယိုသွူ။ ပင်ႏထိုခွေသွဉ်းအနေႏ ဖေႏသွော့ခွေသွဉ်း သီႏလဗွေႏဩ- အဓိပ္ပါယ်ႏလꩻနုဲင်းနဝ်ꩻ။ \nတဲႏ နမော တဿ ဗꩻလွေꩻ ဥစ္စာသယန မဟာသယနာ-နဝ်ꩻ သီႏလသွစ်ꩻပါꩻအတွိုင်ꩻ၊ အမုဲင်ကွတ်ꩻနဝ်ꩻ \"မေတ္တာ သဟဂတေန စေတသာ သဗ္ဗပါဏဘူတေသု ဖရိတွာ ဝိဟရာမိ\" (ခွုင်းကား သတ္တဝါႏအလောင်း အွဉ်ႏသꩻမေတ္တာႏ ခွေသွဉ်း အုံအဝ်ႏဒျာႏဗွေႏဩ။)\nတောင်ꩻခါꩻ-ရိုꩻကီသီႏလကွတ်ꩻပါꩻတဲင် အမုဲင်ကွတ်ꩻယိုနဝ်ꩻ သီႏလမွေးတဝ်း၊ မေတ္တာႏဘာႏဝနာႏဒျာႏ၊ ကွပ်နဝ်ꩻမꩻ ထူႏသီႏလသွစ်ꩻပါꩻထွူတဲင် ပွာꩻမျာꩻမေတ္တာႏတဲ့ လꩻဒျာႏနဝ်ꩻသွူ။\nသီႏလသွစ်ꩻပါꩻ၊ သီႏလကွတ်ꩻပါꩻဖုံႏယိုနဝ်ꩻ ကားကတတ်နွောင်ꩻ ဆောက်တယ်ႏ တနားရီႏ၊ နီနားရီႏ၊ တကွို့ꩻမွူး-စတဲင် နုဲင်းနဝ်ꩻ လꩻဒျာႏ။\n\nအာႏကွိုꩻ\n\nဗုဒ္ဓဘာႏသာႏ","num_words":1160,"character_repetition_ratio":0.075,"word_repetition_ratio":0.211,"special_characters_ratio":0.104,"stopwords_ratio":0.009,"flagged_words_ratio":0.0,"lang_id_score":1.0,"perplexity_score":2439.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%B0%E1%82%8F%E1%80%90%E1%80%B1%E1%80%AC%E1%82%8F%E1%80%80%E1%80%B1%E1%80%AC%E1%80%84%E1%80%BA%EA%A9%BB%E1%80%90%E1%80%9B%E1%80%AC%EA%A9%BB%E1%80%91%E1%80%AD%E1%80%AF%EA%A9%BB%E1%80%99%E1%80%AC%E1%80%B8%E1%80%A1%E1%80%AE","collection":"wikipedia","source":"wikipedia","original_code":"blk","text":"\"ပဌမသဒ္ဓမ္မသမ္မောသသုတ် (သူႏတောႏကောင်ꩻတရာꩻ ထိုꩻမားအီ အကျောင်ꩻတရာꩻငတ်ꩻပါꩻ)\"\nရဟန်ꩻသီးဖုံႏဟွေး-\n၁။ ဣဓ ဘိက္ခဝေ ဘိက္ခူ န သက္ကစ္စံ ဓမ္မံ သုဏန္တိ-\nသာႏသနာႏကိုယို ရဟန်ꩻဖုံႏနဝ်ꩻ ရိုႏရိုႏသေႏသေႏ နာႏတဝ်းတရာꩻ၊ နဝ်ꩻနဝ်ꩻ သူႏတောႏကောင်ꩻတရာꩻဖေ့ကုဲင် ထိုꩻမားပျောက်အီ ပထမအကျောင်ꩻတရာꩻသွူ။\n၂။ န သက္ကစ္စံ ဓမ္မံ ပရိယာပုဏန္တိ-\nသာသနာႏကိုယို ရဟန်ꩻဖုံႏနဝ်ꩻ ရိုႏရိုႏသေႏသေႏ သွဉ်တောဝ်းတရာꩻ (လိတ်ပိဋကတ်)၊ နောဝ်ꩻနောဝ်ꩻ သူႏတောႏကောင်ꩻတရာꩻ ဖေ့ကုဲင်ထိုꩻမားပျောက်အီ ဒုတိယအကျောင်ꩻတရာꩻသွူ။\n၃။ န သက္ကစ္စံ ဓမ္မံ ဓါရေန္တိ-\nသာသနာႏကိုယို ရဟန်ꩻဖုံႏနဝ်ꩻ ရိုႏရိုႏသေႏသေႏ ဆောင်ႏအွံတဝ်းတရာꩻ (လိတ်ပိဋကတ်)၊ နဝ်ꩻနဝ်ꩻ သူႏတောႏကောင်ꩻတရာꩻ ဖေ့ကုဲင်ထိုꩻမားပျောက်အီ တတိယအကျောင်ꩻတရာꩻသွူ။\n၄။ န သက္ကစ္စံ ဓါတာနံ ဓမ္မာနံ အတ္ထံ ဥပပရိက္ခန္တိ-\nသာသနာႏကိုယို ရဟန်ꩻဖုံႏနဝ်ꩻ ကဆောင်ႏအိုမ်ခါꩻတရာꩻ အနက်အဓိပ္ပါယ်ႏနောဝ်ꩻ နေးတွမ်ႏဉာဏ်ႏ ရိုႏရိုႏသေႏသေႏ တထောင်လွဉ်ꩻတဝ်း၊ တယူႏဆင်ႏချင်ႏချာတဝ်း၊ နဝ်ꩻနဝ်ꩻ သူႏတောႏကောင်ꩻတရာꩻ ဖေ့ကုဲင်ထိုꩻမားပျောက်အီ စတုတ္ထအကျောင်ꩻတရာꩻသွူ။\n၅။ န သက္ကစ္စံ အတ္ထမညာယ ဓမ္မမညာယ ဓမ္မာနုဓမ္မံ ပဋိပဇ္ဇန္တိ-\nသာသနာႏကိုယို ရဟန်ꩻဖုံႏနဝ်ꩻ သေအနက်အဓိပ္ပါယ်ႏထွူတဲင် (လောကုတ္တရာႏ)တရာꩻအတွိုင်ꩻ ရိုႏရိုႏသေႏသေႏ တကျင်ꩻလွဉ်ꩻတောဝ်း၊ နဝ်ꩻနဝ်ꩻသူႏတောႏကောင်ꩻတရာꩻ ဖေ့ကုဲင်ထိုꩻမားပျောက်အီ ပဉ္စမအကျောင်ꩻတရာꩻသွူ။\nရဟန်ꩻသီးဖုံႏဟွေး-\n၁။ ဣဓ ဘိက္ခဝေ ဘိက္ခူ သက္ကစ္စံ ဓမ္မံ သုဏန္တိ-\nသာႏသနာႏကိုယို ရဟန်ꩻဖုံႏနဝ်ꩻ ရိုႏရိုႏသေႏသေႏ နာႏလွတရာꩻ၊ နဝ်ꩻနဝ်ꩻ သူႏတောႏကောင်ꩻတရာꩻတဉ်ႏခွေါင်အီ ထိုꩻမားပျောက်တဝ်း ပထမအကျောင်ꩻတရာꩻသွူ။\n၂။ သက္ကစ္စံ ဓမ္မံ ပရိယာပုဏန္တိ-\nသာသနာႏကိုယို ရဟန်ꩻဖုံႏနောဝ်ꩻ ရိုႏရိုႏသေႏသေႏ သွဉ်လွတရာꩻ (လိတ်ပိဋကတ်)၊ နောဝ်ꩻနောဝ်ꩻ သူႏတောႏကောင်ꩻတရာꩻ တဉ်ႏခွေါင်အီ ထိုꩻမားပျောက်တဝ်း ဒုတိယအကျောင်ꩻတရာꩻသွူ။\n၃။ သက္ကစ္စံ ဓမ္မံ ဓါရေန္တိ-\nသာသနာႏကိုယို ရဟန်ꩻဖုံႏနောဝ်ꩻ ရိုႏရိုႏသေႏသေႏ ဆောင်ႏအွံလွ၊ ကျပ်အိုမ်လွ (လိတ်ပိဋကတ်)၊ နဝ်ꩻနဝ်ꩻ သူႏတောႏကောင်ꩻတရာꩻ တဉ်ႏခွေါင်အီ ထိုꩻမားပျောက်တဝ်း တတိယအကျောင်ꩻတရာꩻသွူ။\n၄။ သက္ကစ္စံ ဓါတာနံ ဓမ္မာနံ အတ္ထံ ဥပပရိက္ခန္တိ-\nသာသနာႏကိုယို ရဟန်ꩻဖုံႏနဝ်ꩻ ကဆောင်ႏအွံခါꩻတရာꩻ အနက်အဓိပ္ပါယ်ႏနောဝ်ꩻ နေးတွမ်ႏဉာဏ်ႏ ရိုႏရိုႏသေႏသေႏ ထောင်လွဉ်ꩻ၊ ယူႏဆင်ႏချင်ႏချာဒျာႏ၊ နဝ်ꩻနဝ်ꩻ သူႏတောႏကောင်ꩻတရာꩻ တဉ်ႏခွေါင်အီ ထိုꩻမားပျောက်တဝ်း စတုတ္ထအကျောင်ꩻတရာꩻသွူ။\n၅။ သက္ကစ္စံ အတ္ထမညာယ ဓမ္မမညာယ ဓမ္မာနုဓမ္မံ ပဋိပဇ္ဇန္တိ-\nသာသနာႏကိုယို ရဟန်ꩻဖုံႏနောဝ်ꩻ သေအနက်အဓိပ္ပါယ်ႏထွူတဲင် ရိုႏရိုႏသေႏသေႏ ကျင်ꩻလွဉ်ꩻ၊ နဝ်ꩻနဝ်ꩻ သူႏတောႏကောင်ꩻတရာꩻ တဉ်ႏခွေါင်အီဖေ့ကုဲင်ထိုꩻမားပျောက်တဝ်း ပဉ္စမအကျောင်ꩻတရာꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ ပဌမသဒ္ဓမ္မသမ္မောသသုတ်)\n\nအာႏကွိုꩻ","num_words":435,"character_repetition_ratio":0.148,"word_repetition_ratio":0.127,"special_characters_ratio":0.087,"stopwords_ratio":0.005,"flagged_words_ratio":0.0,"lang_id_score":1.0,"perplexity_score":3655.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%B0%E1%82%8F%E1%80%90%E1%80%B1%E1%80%AC%E1%82%8F%E1%80%80%E1%80%B1%E1%80%AC%E1%80%84%E1%80%BA%EA%A9%BB%E1%80%9E%E1%80%AE%E1%80%B8%E1%80%91%E1%80%AC%EA%A9%BB%E1%80%9C%E1%80%B0%E1%82%8F","collection":"wikipedia","source":"wikipedia","original_code":"blk","text":"\"သပ္ပုရိသဒါနသုတ် (သူႏ��ောႏကောင်ꩻသီး ထာꩻလူႏငတ်ꩻမျိုꩻ)\"\nရဟန်ꩻသီးဖုံႏဟွေး-\nသူႏတောႏကောင်ꩻသီး ထာꩻလူႏအဝ်ႏငတ်ꩻမျိုꩻ၊ ငတ်ꩻမျိုꩻကရိုꩻနောဝ်ꩻ-\n၁။ သဒ္ဓါယ ဒါနံ ဒေတိ - 'နေးတွမ်ႏသဒ္ဓါႏတရာꩻ လူႏတန်ꩻ'၊\n(လူႏသင်္ကန်ꩻ၊ လူႏသွမ်ꩻ၊ လူႏကျောင်ꩻ၊ လူႏတသီႏ-စတဲင်နုဲင်းနောဝ်ꩻသွူ။)\nကွပ်နေးတွမ်ႏ သဒ္ဓါႏတရာꩻလူႏတန်ꩻတဲင် ထာꩻလူႏဒါႏနဝ်ꩻ အကျိုꩻဖေႏနုဲင်းယို- ကောကလူႏသားနဝ်ꩻ တွိုႏလွေꩻဘဝမုဲင်ꩻ ဘဝမုဲင်ꩻတဲ့ယဝ်း ခြွေခြာႏ၊ ချမ်ꩻသာႏ၊ တခြိုꩻလွိုင်ႏအာ၊ အသွုံꩻအဆောင်ႏလွိုင်ႏအာ၊ ယောင်ꩻရေꩻမွေးမုဲင်း၊ ဖုဲင်ႏမဲ့၊ ထွားစွယ်ꩻ၊ နမ်းပွုံႏပတ်လက္ခဏာႏ လွောက်ꩻဟောဝ်ငါႏနောဝ်ꩻသွူ။\nရဟန်ꩻသီးဖုံႏဟွေး-\n၂။ သက္ကစ္စံ ဒေတိ - 'လူႏတန်ꩻရိုႏရိုႏသေႏသေႏ'၊ ပွိုးစွဉ်ႏလူႏတန်ꩻ ရိုႏရိုႏသေႏသေႏတဲင် ထာꩻလူႏဒါႏနနဝ်ꩻ အကျိုꩻဖေႏနုဲင်းယို- ကောကလူႏသားနဝ်ꩻ တွိုႏလွေꩻဘဝမုဲင်ꩻ ဘဝမုဲင်ꩻတဲ့ယဝ်း ခြွေခြာႏ၊ ချမ်ꩻသာႏ၊ တခြိုꩻလွိုင်ႏအာ၊ အသွုံꩻအဆောင်ႏလွိုင်ႏအာ၊ ယောင်ꩻရေꩻမွေးမုဲင်း၊ ဖုဲင်ႏမဲ့၊ ထွားစွယ်ꩻ၊ နမ်းပွုံႏပတ်လက္ခဏာႏ လွောက်ꩻဟောဝ်ငါႏနောဝ်ꩻသွူ။\nရဟန်ꩻသီးဖုံႏဟွေး-\n၃။ ကာလေန ဒါနံ ဒေတိ- 'အခိန်ႏလိုႏအပ်တဲင် လူႏတန်'၊ ကွပ်စွဉ်ႏ အခိန်ႏလိုႏအပ်တွင်ꩻ လူႏတန်ꩻတွော့ꩻ ထာꩻလူႏဒါႏနနဝ်ꩻ အကျိုꩻဖေႏနုဲင်းယို-ကောကလူႏသားနဝ်ꩻ တွိုႏလွေꩻဘဝမုဲင်ꩻ ဘဝမုဲင်ꩻတဲ့ယောဝ်း ခြွေခြာႏ၊ ချမ်ꩻသာႏ၊ တခြိုꩻလွိုင်ႏအာ၊ အသွုံꩻအဆောင်ႏလွိုင်ႏအာ၊ ယောင်ꩻရေꩻမွေးမုဲင်း၊ ဖုဲင်ႏမဲ့၊ ထွားစွယ်ꩻ၊ နမ်းပွုံႏပတ်လက္ခဏာႏ လွောက်ꩻဟောဝ်ငါႏနောဝ်ꩻသွူ။\nရဟန်ꩻသီးဖုံႏဟွေး-\n၄။ အနုဂ္ဂဟိတစိတ္တော ဒါနံ ဒေတိ- 'လူႏလဲဉ်းလဲဉ်းဒျာႏ၊ သꩻလောႏကာႏအဲဉ်ထောဝ်း'၊ ပွိုးစွဉ်ႏလူႏတန်ꩻလဲဉ်းလဲဉ်းဒျာႏ၊ သꩻလောႏကာႏအဲဉ်ထဝ်းတဲင် ထာꩻလူႏဒါႏနနဝ်ꩻ အကျိုꩻဖေႏနုဲင်းယို- ကောကလူႏသားနဝ်ꩻ တွိုႏလွေꩻဘဝမုဲင်ꩻ ဘဝမုဲင်ꩻတဲ့ယောဝ်း ခြွေခြာႏ၊ ချမ်ꩻသာႏ၊ တခြိုꩻလွိုင်ႏအ၊ အသွုံꩻအဆောင်ႏလွိုင်ႏအာ၊ ယောင်ꩻရေꩻမွေးမုဲင်း၊ ဖုဲင်ႏမဲ့၊ ထွားစွယ်ꩻ၊ နမ်းပွုံႏပတ်လက္ခဏာႏ လွောက်ꩻဟောဝ်ငါႏနဝ်ꩻသွူ။\nရဟန်ꩻသီးဖုံႏဟွေး-\n၅။ အတ္တာနဉ္စ ပရဉ္စ အနုပဟစ္စ ဒါနံ ဒေတိ- 'နီနမ်းတဲ့နဝ်ꩻ ဝင်ꩻနမ်းတဲ့နဝ်ꩻ တခွေါင်းတဝ်း'၊ တဆာတဝ်း လူႏရိုꩻရိုꩻသာꩻသာꩻဒျာႏ၊ နီနမ်းတဲ့ယဝ်း၊ ဝင်ꩻနမ်းတဲ့ယဝ်း တခွေါင်းတဝ်းလာꩻလာꩻ လူႏရိုꩻရိုꩻသာꩻသာꩻဒျာႏတဲင် ထာꩻလူႏဒါႏနနဝ်ꩻ အကျိုꩻဖေႏနုဲင်းယို-\nတွို���လွေꩻဘဝမုဲင်ꩻ ဘဝမုဲင်ꩻတဲ့ယောဝ်း ခြွေခြာႏ၊ ချမ်ꩻသာႏ၊ တခြိုꩻလွိုင်ႏအာ၊ အသွုံꩻအဆောင်ႏလွိုင်ႏအာ၊ ယောင်ꩻရေꩻမွေးမုဲင်း၊ ဖုဲင်ႏမဲ့၊ ထွားစွယ်ꩻ၊ နမ်းပွုံႏပတ်လက္ခဏာႏ လွောက်ꩻဟောဝ်ငါႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ သပ္ပုရိသဒါသုတ်)\n\nအာႏကွိုꩻ","num_words":388,"character_repetition_ratio":0.081,"word_repetition_ratio":0.317,"special_characters_ratio":0.082,"stopwords_ratio":0.005,"flagged_words_ratio":0.0,"lang_id_score":1.0,"perplexity_score":3538.8,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%B1%E1%80%A1%E1%80%AC%E1%82%8F%E1%80%87%E1%80%AC%E1%82%8F%E1%80%94%E1%80%AE%E1%82%8F%E1%80%9E%E1%80%BD%E1%80%B6%E1%80%99%E1%80%BB%E1%80%AD%E1%80%AF%EA%A9%BB","collection":"wikipedia","source":"wikipedia","original_code":"blk","text":"\"အဿာဇာနီယသုတ် (သေအာႏဇာႏနီႏသွံမျိုꩻ၊ လိုꩻသွံမျိုꩻ၊ ရဟန်ꩻသွံမျိုꩻ)\"\n\nရဟန်ꩻသီးဖုံႏဟွေး-\nလောကကိုယို သေအာႏဇာႏနီႏ အဝ်ႏသွံမျိုꩻ၊ သွံမျိုꩻကရိုꩻနဝ်ꩻ-\n၁။ သေယဗာႏဗာႏနဝ်ꩻ လွင်းထာꩻတဲး မွိုင်မွေး၊ ကွဲႏတွော့ꩻ ယောင်ꩻတရေꩻတဝ်း၊ အနမ်းခြွိုင်ႏထိုတဝ်း၊\n၂။ သေဗာႏယဗာႏဗာႏနဝ်ꩻ လွင်းထာꩻမွိုင်ဒျာႏ၊ ယောင်ꩻတရေꩻဒျာႏ၊ ကွဲႏတွော့ꩻ သေနဝ်ꩻနဝ်ꩻ အနမ်းခြွိုင်ႏထိုတဝ်း၊\n၃။ သေယဗာႏဗာႏနောဝ်ꩻ လွင်းထာꩻတဲ့မွိုင်ဒျာႏ၊ ယောင်ꩻတဲ့တရေꩻဒျာႏ၊ အနမ်းတဲ့ ခြွိုင်ႏထိုတန်ဒျာႏ၊ သေအာႏဇာႏနီႏ အဝ်ႏသွံမျိုꩻနုဲင်းနောဝ်ꩻသွူ။\nရဟန်ꩻသီးဖုံႏဟွေး-\nလောကကိုယို လိုꩻခိုအဝ်ႏသွံမျိုꩻ၊ သွံမျိုꩻကရိုꩻနဝ်ꩻ-\n၁။ လိုꩻခိုယင်ဟန်ႏနဝ်ꩻ တလျူဒျာႏ၊ သွောင်ဖွီဒျာႏ၊ (ဉာဏ်ႏဟောဝ်ဒျာႏ) ယောင်ꩻဆင်ꩻတရေꩻတဝ်း၊ နမ်းခြွိုင်ႏထိုတောဝ်း၊\n၂။ လိုꩻခိုယင်ဟန်ႏနောဝ်ꩻ တလျူဒျာႏ၊ သွောင်ဖွီဒျာႏ၊ (ဉာဏ်ႏဟောဝ်ဒျာႏ) ယောင်ꩻဆင်ꩻတရေꩻဒျာႏ၊ ကွဲႏတွော့ꩻ အနမ်းနဝ်ꩻ ခြွိုင်ႏထိုတောဝ်း၊\n၃။ လိုꩻခိုယင်ဟန်ႏနဝ်ꩻ တလျူ-သွောင်ဖွီဒျာႏ၊ (ဉာဏ်ႏဟောဝ်ဒျာႏ) ယောင်ꩻဆင်ꩻတဲ့ တရေꩻဒျာႏ၊ နမ်းတဲ့ ခြွိုင်ႏထိုတန်ဒျာႏ၊ လိုꩻအဝ်ႏသွံမျိုꩻနုဲင်းနောဝ်ꩻသွူ။\nရဟန်ꩻသီးဖုံႏဟွေး-\nလောကကိုယို ရဟန်ꩻအဝ်ႏသွံမျိုꩻ၊ သွံမျိုꩻကရိုꩻနဝ်ꩻ-\n၁။ ရဟန်ꩻယပါꩻပါꩻနဝ်ꩻ ဉာဏ်ႏဟောဝ်၊ ဉာဏ်ႏဖုဲင်၊ သွဉ်လိတ်ဒါႏယိုꩻ၊ အားထွုတ်တရာꩻ လꩻယိုꩻတရာꩻ၊ ကွဲႏတွော့ꩻ ဟော်ꩻတရာꩻဒါႏတဝ်း၊ ပျꩻတရာꩻဒါႏတဝ်း၊ ဘွုံꩻကံႏတန်တဝ်း၊ ပစ္စေꩻလစ်ꩻပါꩻလွိုင်ႏတဝ်း၊\n၂။ ရဟန်ꩻယပါꩻပါꩻနဝ်ꩻ ဉာဏ်ႏဟောဝ်၊ ဉာဏ်ႏဖုဲင်၊ သွဉ်လိတ်ဒါႏယိုꩻ၊ အားထွုတ်တရာꩻ လꩻယိုꩻတရာꩻ၊ ဟော်ꩻတရာꩻတဲ့ယံတန်၊ ကွဲႏတွော့ꩻ ဘွုံꩻကံႏတန်တဝ်း၊ ပစ္စေꩻလစ်ꩻပါꩻလွိုင်ႏတောဝ်း၊\n၃။ ရဟန်ꩻယပါꩻပါꩻနဝ်ꩻ ဉာဏ်ႏဟောဝ်၊ ဉာဏ်ႏဖုဲင်၊ သ��ဉ်လိတ်ဒါႏယိုꩻ၊ အားထွုတ်တရာꩻ လꩻယိုꩻတရာꩻ၊ ဟော်ꩻတရာꩻတဲ့ယံ၊ ဘွုံႏကံႏတန်၊ ပစ္စေꩻလစ်ꩻပါꩻလွိုင်ႏအာ၊ ရဟန်ꩻအဝ်ႏသွံမျိုꩻ နုဲင်းနောဝ်ꩻသွူ။\nနောဝ်ꩻဖုံႏ သွံမျိုꩻသွံမျိုꩻအကို-\n၁။ သေသွံမျိုꩻကိုနဝ်ꩻ သေမွိုင်၊ ယောင်ꩻရေꩻ၊ နမ်းခြွိုင်ႏထိုနဝ်ꩻ အယံသွတ်ꩻနောဝ်ꩻသွူ။\n၂။ လိုꩻခိုသွံမျိုꩻကိုနဝ်ꩻ တလျူသွောင်ဖွီ၊ ယောင်ꩻရေꩻ၊ နမ်းခြွိုင်ႏထိုနဝ်ꩻ အယံသွတ်ꩻနောဝ်ꩻသွူ။\n၃။ ရဟန်ꩻသွံမျိုꩻအကို ဉာဏ်ႏဟဝ်လꩻတရာꩻ၊ ဟော်ꩻတရာꩻယံ၊ ဘွုံꩻကံႏတန်နဝ်ꩻ အယံသွတ်ꩻနဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ တိကနိပါတ်၊ အဿာဇာနီယသုတ်)\n\nအာႏကွိုꩻ","num_words":344,"character_repetition_ratio":0.081,"word_repetition_ratio":0.128,"special_characters_ratio":0.079,"stopwords_ratio":0.041,"flagged_words_ratio":0.0,"lang_id_score":1.0,"perplexity_score":4498.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%B1%E1%80%AC%E1%80%80%E1%80%BB%E1%80%AC%E1%82%8F%E1%80%94%E1%80%AE%EA%A9%BB%20%E1%80%9C%E1%80%BD%E1%80%B0%E1%80%B8%E1%80%98%E1%80%AF%E1%80%9B%E1%80%AC%EA%A9%BB%E1%80%9C%E1%80%B1%E1%80%AC%E1%80%84%E1%80%BA%EA%A9%BB%E1%80%81%E1%80%94%E1%80%BA%EA%A9%BB","collection":"wikipedia","source":"wikipedia","original_code":"blk","text":"နင်ꩻတန်မဟာမဟာႏဒေႏဝီႏနဝ်ꩻ  သန္ဓေႏနမ်းလောင်းကီ၊ ကထင်ႏလꩻ အလာတဆီနောဝ်ꩻခါ၊ မဉ်သဲင်ꩻလယ်ႏချာ မွိုးဖါရပ်တဲင်၊ လဝ်းဟွုန်ကွီခွင်ꩻခန်း  ခွန်တန်သုဒ္ဓေါဓနနဝ်ꩻသွူ၊၊ ခွန်တန်သုဒ္ဓေါဒန အွဉ်ႏစွꩻခွင်ꩻဖေႏထွူတဲင်၊ ကပိလဝတ်ခမ်းတွမ်ႏ ဒေဝဟခမ်း အခါႏလယ်ႏကိုနဝ်ꩻ၊ တင်ႏတယ်ႏအထူꩻ  ဖျင်ခြိုင်းတဖူꩻထွူတဲင်၊ တွမ်ႏအသွဉ်းသယ်ႏ  တင်ႏတယ်ႏချွေႏရံႏ၊ ထွဉ်ႏအလိုꩻထံႏသဲင်ꩻ နမ်းပဲင်ꩻမဟာႏမယာႏဒေႏဝိီႏနဝ်ꩻသွူ၊၊ ထင်ႏတွိုႏဖျော်လွေꩻ ဥယျာဉ်ႏလုမ္ဗိနီႏ၊ နင်ꩻတန်ကထွိုင်ႏထီႏ အင်းချင်းတုဲင် တရေꩻရဲ့ထာꩻ စတဲင်နုဲင်းနဝ်ꩻဖုံႏတွော့ꩻ၊ အွဉ်ႏယေန်ရွိုးလွား  အုံပဆားခန်းရပ်နဝ်ꩻကိုသွူ၊၊ အဝ်ႏအုံပဆားနဝ်ꩻကိုအတွင်ꩻ၊ မဟာႏမယာႏဒေႏဝီႏနင်ꩻယို မဉ်လွူးလင်ꩻအပိုတဲင်၊ ချွေႏရံႏသွဉ်းမူႏ လောႏထူႏဖုဲင်ကင်း၊ ယွိုင်ႏခူဖေႏခန်း တလဲင်ႏချင်ꩻနဝ်ꩻသွူ၊၊ ကွပ်ပွိုးနဝ်ꩻမꩻ ဘုရာꩻလောင်ꩻအုံသန္ဓေႏအလာတဆီ(မွူးနီꩻပေါင်ꩻ-၂၉၅)၊ မဟာႏသက္ကရာဇ်-၆၈ဗာႏ၊ ဒဲဉ်ရုတ်ꩻလာဗွေနီꩻ၊ မွူးနီꩻသောကျာႏနဝ်ꩻ၊ လွူးဖွာꩻလင်ꩻခန်းဒျာႏ ဘုရာꩻလောင်ꩻနဝ်ꩻသွူ၊၊\n\nတောင်ꩻခါꩻ=\n၁၊၊ ဘုရာꩻလောင်ꩻလွူးစ ကျွꩻထင်ꩻလွေꩻ(၇)ကာ\n\n၂၊၊ ပါꩻမုဲင်ꩻငမ်းတဝ်း၊ ဒေါ့ꩻငဝ်းတျက်တျက် (၅)ငွါ\n(က) အဂ္ဂေါဟ မသ္မိ လောကဿ - လောကကိုယို ခွေမျတ်လွိုလဲဉ်းဝင်ꩻ၊၊\n(ခ) ဇေဋ္ဌောဟ မသ္မိ လောကဿ - လောကကိုယို ခွေထွာအတန်သွတ်ꩻ၊၊\n(ဂ)သေဋ္ဌောဟ မသ္မိ လောကဿ- လောကကို ခွေယို ဟဝ်အံႏဖြာႏကယ်ႏဝင်���၊၊\n(ဃ)အယ မန္တိမာ ဇာတိ - ခွေကအုံသန္ဓေႏယိုနဝ်ꩻ ထွာအဆုဲင်ꩻသွတ်ꩻ၊၊\n(င) နတ္ထိ ဒါနိ ပုနဗ္ဘဝေါ - ယိုခါ ခွေအီႏကွုတ်ထဲင်းခရာႏ အဝ်ႏဒွုမ်၊၊ \n\n၃၊၊ ဘုရာꩻလောင်ꩻလွူးစ  ဒေါ့ꩻဒါႏထာꩻ(၃)ဘဝ\n(က) မဟောႏသဓာႏဘဝ\n(ခ) ဝေဿန္တရာႏဘဝ\n(ဂ) အဆုဲင်ꩻသွတ်ꩻယို(သိဒ္ဓတ္ထ) ဘဝ ယိုသွံဘဝ နဝ်ꩻသွူ၊၊\n\n၄၊၊ လွူးသွိုဘုရာꩻလောင်ꩻ (၇)\n(က) ယသောႏဓရာႏ\n(ခ) အာနန္တာႏ(အာနန္ဒာႏ)\n(ဂ) ဆန္ဒအမတ်(ငဆန်ႏ)\n(ဃ) သေထီးဗွာ(ကဏ္ဍက)\n(င) မဟာႏဗောဓိ(ညောဝ်ႏမွူး)\n(စ) ကာဠုဒါႏယီႏအမတ်\n(ဆ) ခံꩻဖွိုင်ꩻလစ်ဖြုံႏ\n= ဇာတက အဋ္ဌကထာ (ပထမ)-၆၃\n= ဒီဃနိကာယ မဟာဝဂ္ဂအဋ္ဌကထာ -၁၈\n= ဗုဒ္ဓဝံသ အဋ္ဌကထာ-၃၂၂\n\n၅၊၊ ဘုရာꩻလောင်ꩻနဝ်ꩻ ဖန်ဖေႏအမဉ်ꩻ\nသိဒ္ဓတ္ထ(ခွန်သီႏဓာတ်) နဝ်ꩻသွူ၊၊\n\n၆၊၊ လွူးဘုရာꩻလောင်ꩻထွူ ကထင်ႏလꩻ နွတ်ꩻနီꩻနဝ်ꩻ၊ ဘုရာꩻလောင်ꩻမွိုး သက်တန်ꩻကထင်ႏလို့ဆွိုးတဲင်၊ ဘဝတသာ ပြောင်ꩻငါခန်းဒျာႏ၊ ထင်ႏထွာတေားလူꩻခို၊ တုသိတာႏခမ်း \"သန္တုဿိတ\" ခွန်လူꩻနဝ်ꩻသွူ၊၊\n\nငဝ်းလင်္ကာႏ \n    အုံထွူသန္ဓေႏ         မွိုးနမ်းကီ\n    အလာတဆီ        ကထင်ႏလꩻ\n    မွိုးဗွေႏအသꩻ        သေနန်းချာ\n    မွိုးယိုတွမ်ႏဖါ       ဖူးဝေးချင်ꩻ\n    လဝ်းနယ်ဝါꩻရင်ꩻ     ခွန်ရာႏဇာႏ\n    လယ်ႏခွင်ꩻဖေႏဒျာႏ   အီႏထမ်ႏပြွတ်\n    ကပိလဝတ်         ခွန်ဌာႏန\n    ဒေဝဒဟ         မာနင်ꩻခမ်း\n    နီဖဲ့ꩻခင်ႏလမ်း       အခါႏလယ်ႏ\n   မာꩻယံတင်ႏတယ်ႏ     ဖျင်တဖူꩻ\n   ခွန်လိုꩻရံႏစူꩻ        သဲင်ꩻလယ်ႏချာ\n   တွိုႏလွေꩻဗꩻငါ        လုမ္ဗိနီႏ\n   နင်ꩻမျတ်ထင်ႏထီႏ      အင်းချင်းတုဲင်\n   ခွꩻသꩻစွုမ်းပြုဲင်         အုံပဆား\n   အင်းချင်းပင်ယွား       အုံထွိုင်ႏဖွို့ꩻ\n   တလီꩻလောႏထွို့ꩻ       အီႏလွူးသွူ\n   သွꩻမူႏသေထွူ        ဆေင်ႏဖုဲင်ကင်း\n   မွိုးဟို့ꩻကိုနင်း         ပလ္လင်ႏကီ\n   လောင်ꩻမျတ်ပေႏအီ    ကျွꩻထန်ႏလင်ꩻ\n   ကျွꩻငါလွေꩻထင်ꩻ     ခင်ႏနွုတ်ꩻကာ\n   ဒေါ့ꩻငဝ်းငတ်ꩻငွါ       ထူꩻဆန်ꩻငါႏ\n   လူꩻလိုꩻဗျဟ္မာႏ        ယိုဖုံႏရင်ꩻ\n   ခွေမျတ်လွိုဝင်ꩻ         ထွာအတန်\n   အံႏဖြာႏထွိုက်သန်     သန္ဓေႏယဝ်း\n   ကွုတ်ထဲင်းဒွုမ်တဝ်း   ဆုဲင်ꩻတလဲင်ႏ\n   ရုဲင်းဟန်ဒေါ့ꩻပဲင်ႏ        ငမ်းတဝ်းဝင်ꩻ\n   သူသွစ်ꩻနေင်ႏတွင်ꩻ     ဒဲဉ်ရုတ်ꩻလာ\n   ဗွေနီꩻနဝ်ꩻခါ         ထွာသောကျာႏ\n   ကလွူးဖွာꩻဒါႏ         ခွန်ပေႏဆား\n  ဖုတ်ဖဲ့ဗွာလွား          သꩻကိုယူႏ\n  ခွꩻသꩻရောင်းရျူႏ        စူတဆီ\n ကတောင်လောင်းကီ   ယွော့အွဉ်ႏဒင်ႏ\n ရိုႏသေႏဝုဲင်ႏထင်ႏ      ခွန်ပေႏနီဗွေႏဩ။ \n \n  လွူးဖွာꩻခန်ꩻနေား      ကဝုဲင်ႏဗာႏ\n  နိဗ္ဗာန်ႏချမ်ꩻသာႏ       ယံလꩻမွေး\n  မဉ်ႏလꩻဒွိုန်းဟွေး      အယံတွင်ꩻ\n  စ��ုမ်ႏဘဝရင်ꩻ         မဉ်ႏလွူးခွေ\n  သောင်ထျꩻစေႏထွေ    ဆရာႏမူႏ\n  အ၀်ႏခူအဝ်ႏဗူႏ         မနန်းခီ\n  နုဲင်းစွဉ်ႏစဲစ်ထီ         လွူးယိုꩻမာꩻ\n  မွိုးဖါနီဖြာꩻ         အဝ်ႏစွုမ်ႏဒျာႏ\n  ဟဝ်လက္ခဏာႏ       ယောင်ꩻကရေꩻ\n  ထွာဒျာႏသဌေꩻ        မွိုးဖါခြွေ\n  သဲစ်လွူးဖွါꩻခွေ        ကလိုႏရာꩻ\n  အဝ်ႏတထွူထာꩻ       စုံႏစုံႏလင်ႏ\n  ဘုံꩻကံႏထိုထင်ႏ        တငါငါ\n  ကေားရက်သားအာ   ရိမ်ယွော့ဖင်ꩻ\n  ယံလွိုလဲဉ်းဝင်ꩻ      စစရာႏ\n  စွုမ်ႏဖြာꩻချမ်ꩻသာႏ   ဆုတောင်ꩻနုဲင်းနဝ်ꩻဩ။\n\nအာႏကွိုꩻ \n\nဗုဒ္ဓဘာႏသာႏ","num_words":701,"character_repetition_ratio":0.042,"word_repetition_ratio":0.0,"special_characters_ratio":0.21,"stopwords_ratio":0.019,"flagged_words_ratio":0.0,"lang_id_score":1.0,"perplexity_score":3459.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%B2%E1%80%B7%EA%A9%BB%E1%80%9E%E1%80%BD%E1%80%99%E1%80%BA%EA%A9%BB%E1%80%91%E1%80%BD%E1%80%AD%E1%80%AF%E1%80%80%E1%80%BA-%E1%80%A1%E1%80%B6%E1%82%8F%E1%80%96%E1%80%BC%E1%80%AC%E1%82%8F%E1%80%91%E1%80%BD%E1%80%AD%E1%80%AF%E1%80%80%E1%80%BA","collection":"wikipedia","source":"wikipedia","original_code":"blk","text":"\"ကာမဘောဂီသုတ် (သဲ့ꩻသွမ်ꩻထွိုက်-အံႏဖြာႏထွိုက်အကျောင်ꩻ)\"\nကျောင်ꩻတကာႏသဌေꩻဟွေး-\n(ကာမဘောဂီ) သီလိုꩻလမ်း အမျိုꩻတဆီကိုနဝ်ꩻ-\n၁။ နေးတွမ်ႏထာꩻတရာꩻတဝ်းတဲင် အံႏနွောင်ꩻဝင်ꩻတွော့ꩻ ထိုမ်ႏစေꩻစိန်ႏတခြိုꩻထွူခါ မာꩻချမ်ꩻသာႏတဝ်းနမ်း၊ မာꩻသꩻရေꩻတဝ်းနမ်း၊ ဖန်းဗဲင်းတဝ်းဝင်ꩻ၊ မာꩻတဝ်းကုသိုလ်ႏ၊\nအမုဲင်(၁) ပဌမပုဂွိုလ်ႏတမျိုꩻနဝ်ꩻ-\n(က) \"နေးတွမ်ႏထာꩻတရာꩻတဝ်းတဲင် အံႏနွောင်ꩻဝင်ꩻ\"နဝ်ꩻနဝ်ꩻ သဲ့ꩻသွမ်ꩻထွိုက်၊\n(ခ) \"မာꩻချမ်ꩻသာႏတဝ်းနမ်း၊ မာꩻသꩻရေꩻတဝ်းနမ်း\"နဝ်ꩻနဝ်ꩻတဲ့ သဲ့ꩻသွမ်ꩻထွိုက်နေနေ၊\n(ဂ) \"ဖန်းဗဲင်းတဝ်းဝင်ꩻ၊ မာꩻတဝ်းကုသိုလ်ႏ\"နဝ်ꩻနဝ်ꩻတဲ့ သဲ့ꩻသွမ်ꩻထွိုက်နေနေ၊\nအမုဲင်(၁) ပဌမပုဂ္ဂိုလ်ႏယို တမျိုꩻနဝ်ꩻ- သဲ့ꩻသွမ်ꩻထွိုက် အဝ်ႏသွံမျိုꩻနောဝ်ꩻသွူ။\nကျောင်ꩻတကာႏသဌေꩻဟွေး-\n၂။ နေးတွမ်ႏထာꩻတရာꩻတဝ်းတဲင် အံႏနွောင်ꩻဝင်ꩻတွော့ꩻ ထိုမ်ႏစေꩻစိန်ႏတခြိုꩻထွူခါ မာꩻချမ်ꩻသာႏနမ်း၊ မာꩻသꩻရေꩻနမ်း၊ ဖန်းဗဲင်းတဝ်းဝင်ꩻ၊ မာꩻတဝ်းကုသိုလ်ႏ၊\nအမုဲင်(၂) ဒုတိယပုဂ္ဂိုလ်ႏယိုတမျိုꩻနဝ်ꩻ-\n(က) \"နေးတွမ်ႏထာꩻတရာꩻတဝ်းတဲင် အံႏနွောင်ꩻဝင်ꩻ\"နဝ်ꩻနဝ်ꩻ သဲ့ꩻသွမ်ꩻထွိုက်၊\n(ခ) \"မာꩻချမ်ꩻသာႏနမ်း၊ မာꩻသꩻရေꩻနမ်း\"နဝ်ꩻနဝ်ꩻ အံႏဖြာႏထွိုက်၊\n(ဂ) \"ဖန်းဗဲင်းတဝ်းဝင်ꩻ၊ မာꩻတဝ်းကုသိုလ်ႏ\"နဝ်ꩻနဝ်ꩻ သဲ့ꩻသွမ်ꩻထွိုက်၊\nအမုဲင်(၂) ဒုတိယပုဂ္ဂိုလ်ႏယိုတမျိုꩻနဝ်ꩻ သဲ့ꩻသွမ်ꩻထွိုက် အဝ်ႏနီမျိုꩻ၊ အံႏဖြာႏထွိုက် အောဝ်ႏတမျိုꩻနောဝ်ꩻသွူ။\nကျောင်ꩻတကာႏသဌေꩻဟွေး-\n၃။ နေးတွမ်ႏထာꩻတရာꩻတဝ်းတဲင် အံႏနွောင်ꩻဝင်ꩻတွော့ꩻ ထိုမ်ႏစေꩻစိန်ႏတခြိုꩻထွူခါ ��ာꩻချမ်ꩻသာႏနမ်း၊ မာꩻသꩻရေꩻနမ်း၊ ဖေႏဗဲင်းဝင်ꩻ မာꩻကုသိုလ်ႏ၊\nအမုဲင်(၃) တတိယပုဂ္ဂိုလ်ႏယိုတမျိုꩻနဝ်ꩻ-\n(က) \"နေးတွမ်ႏထာꩻတရာꩻတဝ်းတဲင် အံႏနွောင်ꩻဝင်ꩻ\" နဝ်ꩻနဝ်ꩻ သဲ့ꩻသွမ်ꩻထွိုက်၊\n(ခ) \"မာꩻချမ်ꩻသာႏနမ်း၊ မာꩻသꩻရေꩻနမ်း\"နဝ်ꩻနဝ်ꩻ အံႏဖြာႏထွိုက်၊\n(ဂ) \"ဖေႏဖန်းဗဲင်းဝင်ꩻ၊ မာꩻကုသိုလ်ႏ\"နဝ်ꩻနဝ်ꩻတဲ့ အံႏဖြာႏထွိုက်နေနေ၊\nအမုဲင်(၃)တတိယပုဂ္ဂိုလ်ႏယိုတမျိုꩻနဝ်ꩻ သဲ့ꩻသွမ်ꩻထွိုက်အဝ်ႏတမျိုꩻ၊ အံႏဖြာႏထွိုက် အောဝ်ႏနီမျိုꩻနောဝ်ꩻသွူ။\nကျောင်ꩻတကာႏသဌေꩻဟွေး-\n၄။ နေးတွမ်ႏထာꩻတရာꩻယင်၊ နေးတွမ်ႏထာꩻတရာꩻတဝ်းယင် အံႏနွောင်ꩻတဝ်းခါႏခါႏဝင်ꩻ၊ အံႏနွောင်ꩻခါꩻခါႏဝင်ꩻတွော့ꩻ ထိုမ်ႏစေꩻစိန်ႏတခြိုꩻဥစ္စာႏထွူခါ မာꩻချမ်ꩻသာႏတဝ်းအနမ်း၊ မာꩻသꩻရေꩻတဝ်းအနမ်း၊ ဖန်းဗဲင်းတဝ်းဝင်၊ မာꩻတောဝ်းကုသိုလ်ႏ၊\nအမုဲင်(၄) စတုတ္ထပုဂ္ဂိုလ်ႏယိုတမျိုꩻနဝ်ꩻ-\n(က) \"နေးတွမ်ႏ ထာꩻတရာꩻတဲင် အံႏနွောင်ꩻတဝ်းဝင်ꩻ\"နဝ်ꩻနဝ်ꩻ အံႏဖြာႏထွိုက်၊\n(ခ) \"နေးတွမ်ႏထာꩻတရာꩻတဝ်းတဲင် အံႏနွောင်ꩻဝင်ꩻ\"နဝ်ꩻနဝ်ꩻ သဲ့ꩻသွမ်ꩻထွိုက်၊\n(ဂ) \"မာꩻချမ်ꩻသာႏတဝ်းအနမ်း၊ မာꩻသꩻရေꩻတဝ်းအနမ်း\" နဝ်ꩻနဝ်ꩻတဲ့ သဲ့ꩻသွမ်ꩻထွိုက်နေနေ၊\n(ဃ) \"ဖန်းဗဲင်းတဝ်းဝင်ꩻ၊ မာꩻတဝ်းကုသိုလ်ႏ\"နဝ်ꩻနဝ်ꩻတဲ့ သဲ့ꩻသွမ်ꩻထွိုက်နေနေ၊\nအမုဲင်(၄) စတုတ္ထိပုဂ္ဂိုလ်ႏယိုနဝ်ꩻ- အံႏဖြာႏထွိုက် အဝ်ႏတမျိုꩻ၊ သဲ့ꩻသွမ်ꩻထွိုက် အဝ်ႏသွံမျိုꩻနဝ်ꩻသွူ။\nကျောင်ꩻတကာႏသဌေꩻဟွေး-\n၅။ နေးတွမ်ႏထာꩻတရာꩻယင်၊ နေးတွမ်ႏထာꩻတရာꩻတဝ်းယင်၊ အံႏနွောင်ꩻတဝ်းခါႏခါႏယင်၊ အံႏနွောင်ꩻခါႏခါႏဝင်ꩻတွော့ꩻ ထိုမ်ႏစေꩻစိန်ႏတခြိုꩻထွူခါ မာꩻချမ်ꩻသာႏအနမ်း၊ မာꩻသꩻရေꩻအနမ်း၊ ဖန်းဗဲင်းတဝ်းဝင်ꩻ၊ မာꩻတောဝ်းကုသိုလ်ႏ၊\nအမုဲင်(၅) ပဉ္စမပုဂ္ဂိုလ်ႏယိုတမျိုꩻနဝ်ꩻ-\n(က) \"နေးတွမ်ႏထာꩻတရာꩻတဲင် အံႏနွောင်ꩻတဝ်းဝင်ꩻ\"နဝ်ꩻနဝ်ꩻ အံႏဖြာႏထွိုက်၊\n(ခ) \"မာꩻချမ်ꩻသာႏနဝ်ꩻ၊ မာꩻသꩻရေꩻအနမ်း\"နဝ်ꩻနဝ်ꩻတဲ့ အံႏဖြာႏထွိုက်ထွိုက်နေနေ၊\n(ဂ) \"နေးတွမ်ႏထာꩻတရာꩻတဝ်းတဲ့ အံႏနွောင်ꩻဝင်ꩻ\"နဝ်ꩻနဝ်ꩻတဲ့ သဲ့ꩻသွမ်ꩻထွိုက်၊\n(ဃ) \"ဖန်းဗဲင်းတဝ်းဝင်ꩻ၊ မာꩻတဝ်းကုသိုလ်ႏ\"နဝ်ꩻနဝ်ꩻတဲ့ သဲ့ꩻသွမ်ꩻထွိုက်နေနေ၊\nအမုဲင်(၅) ပဉ္စမပုဂ္ဂိုလ်ႏယိုနဝ်ꩻ- အံႏဖြာႏထွိုက် အဝ်ႏနီမျိုꩻ၊ သဲ့ꩻသွမ်ꩻထွိုက် အနီႏနီမျိုꩻနဝ်ꩻသွူ။\nကျောင်ꩻတကာႏသဌေꩻဟွေး-\n၆။ နေးတွမ်ႏထာꩻတရာꩻယင်၊ နေးတွမ်ႏထာꩻတရာꩻတဝ်းယင် အံႏနွောင်ꩻတဝ်းခါႏခါႏဝင်ꩻ၊ အံႏနွောင်ꩻခါႏ��ါႏဝင်ꩻတွော့ꩻ ထိုမ်ႏစေꩻစိန်ႏတခြိုꩻထွူခါ မာꩻချမ်ꩻသာႏနမ်း၊ မာꩻသꩻရေꩻနမ်း၊ ဖန်းဖေႏဗဲင်းဝင်ꩻ၊ မာꩻကုသိုလ်ႏ၊\nအမုဲင်(၆) ဆဋ္ဌပုဂ္ဂိုလ်ႏယိုတမျိုꩻနဝ်ꩻ-\n(က) \"နေးတွမ်ႏထာꩻတရာꩻတဲင် အံႏနွောင်ꩻတဝ်းဝင်ꩻ\"နဝ်ꩻနဝ်ꩻ အံႏဖြာႏထွိုက်၊\n(ခ) \"မာꩻချမ်ꩻသာႏနမ်း၊ မာꩻသꩻရေꩻနမ်း\"နဝ်ꩻနဝ်ꩻတဲ့ အံႏဖြာႏထွိုက်နေနေ၊\n(ဂ) \"ဖန်းဖေႏဗဲင်းဝင်ꩻ၊ မာꩻကုသိုလ်ႏ\"နဝ်ꩻနဝ်ꩻတဲ့ အံႏဖြာႏထွိုက်နေနေ၊\n(ဃ) \"နေးတွမ်ႏထာꩻတရာꩻတဝ်း၊ အံႏနွောင်ꩻဝင်ꩻ\"နဝ်ꩻနဝ်ꩻ သဲ့ꩻသွမ်ꩻထွိုက်၊\nအမုဲင်(၆) ဆဋ္ဌပုဂ္ဂိုလ်ႏယိုနဝ်ꩻ- အံႏဖြာႏထွိုက် အဝ်ႏသွံမျိုꩻ၊ သဲ့ꩻသွမ်ꩻထွိုက် အဝ်ႏတမျိုꩻနဝ်ꩻသွူ။\nကျောင်ꩻတကာႏသဌေꩻဟွေး-\n၇။ နေးတွမ်ႏထာꩻတရာꩻတဲင် အံႏနွောင်ꩻတဝ်းဝင်ꩻတွော့ꩻ ထိုမ်ႏစေꩻစိန်ႏတခြိုꩻထွူတဲင် မာꩻချမ်ꩻသာႏနမ်ႏ၊ မာꩻသꩻရေꩻနမ်း၊ ဖန်းဗဲင်းတဝ်းဝင်ꩻ၊ မာꩻတောဝ်းကုသိုလ်ႏ၊\nအမုဲင်(၇) သတ္တမပုဂ္ဂိုလ်ႏယိုတမျိုꩻနဝ်ꩻ-\n(က) \"နေးတွမ်ႏထာꩻတရာꩻတဲင် အံႏနွောင်ꩻတဝ်းဝင်ꩻ\"နဝ်ꩻနဝ်ꩻ အံႏဖြာႏထွိုက်၊\n(ခ) \"မာꩻချမ်ꩻသာႏတဝ်းနမ်း၊ မာꩻသꩻရေꩻတဝ်းနမ်း\"နဝ်ꩻနဝ်ꩻ သဲ့ꩻသွမ်ꩻထွိုက်၊\n(ဃ) \"ဖန်းဗဲင်းတဝ်းဝင်ꩻ၊ မာꩻတဝ်းကုသိုလ်ႏ\"နဝ်ꩻနဝ်ꩻတဲ့ သဲ့ꩻသွမ်ꩻထွိုက်နေနေ၊\nအမုဲင်(၇) သတ္တမပုဂ္ဂိုလ်ႏယိုနဝ်ꩻ- အံႏဖြာႏထွိုက် အဝ်ႏတမျိုꩻ၊ သဲ့ꩻသွမ်ꩻထွိုက် အဝ်ႏနီမျိုꩻနဝ်ꩻသွူ။\n၈။ နေးတွမ်ႏထာꩻတရာꩻတဲင် အံႏနွောင်ꩻတဝ်းဝင်ꩻတွော့ꩻ ထိုမ်ႏစေꩻစိန်ႏတခြိုꩻထွူခါ မာꩻချမ်ꩻသာႏနမ်း၊ မာꩻသꩻရေꩻနမ်း၊ ဖန်းဗဲင်းတဝ်းဝင်ꩻ၊ မာꩻတောဝ်းကုသိုလ်ႏ၊\nအမုဲင်(၈) အဌမပုဂ္ဂိုလ်ႏယိုတမျိုꩻနဝ်ꩻ-\n(က) \"နေးတွမ်ႏထာꩻတရေꩻတဲင် အံႏနွောင်ꩻတဝ်းဝင်ꩻ\"နဝ်ꩻနဝ်ꩻ အံႏဖြာႏထွိုက်၊\n(ခ) \"မာꩻချမ်ꩻသာႏနမ်း၊ မာꩻသꩻရေꩻနမ်း\"နဝ်ꩻနဝ်ꩻတဲ့ အံႏဖြာႏထွိုက်နေနေ၊\n(ဂ) \"ဖန်းဗဲင်းတဝ်းဝင်ꩻ၊ မာꩻတဝ်းကုသိုလ်ႏ\"နဝ်ꩻနဝ်ꩻ သဲ့ꩻသွမ်ꩻထွိုက်၊\nအမုဲင်(၈) အဋ္ဌမပုဂ္ဂိုလ်ႏယိုနဝ်ꩻ အံႏဖြာႏထွိုက် အဝ်ႏနီမျိုꩻ၊ သဲ့ꩻသွမ်ꩻထွိုက် အဝ်ႏတမျိုꩻနဝ်ꩻသွူ။\n၉။ နေးတွမ်ႏထာꩻတရာꩻတဲင် အံႏနွောင်ꩻတဝ်းဝင်ꩻတွော့ꩻ ထိုမ်ႏစေꩻစိန်ႏတခြိုꩻထွူခါ မာꩻချမ်ꩻသာႏနမ်း၊ မာꩻသꩻရေꩻနမ်း၊ ဖန်းဖေႏဗဲင်းဝင်ꩻ၊ မာꩻကုသိုလ်ႏ၊ ထီႏတဝ်းအပဲ့စ်၊ တထဲ့ꩻစေꩻစိန်ႏ၊ ဉာဏ်ႏအဲဉ်ထဝ်း၊ သွုံꩻဆောင်ႏကြွို့ꩻကြꩻ၊\nအမုဲင်(၉) နဝမပုဂ္ဂိုလ်ႏယိုတမျိုꩻနဝ်ꩻ-\n(က) \"နေးတွမ်ႏထာꩻတရာꩻတဲင် အံႏနွောင်ꩻတဝ်းဝင်ꩻ\"နဝ်ꩻနဝ်ꩻ အံႏဖြာႏထွိုက်၊\n(ခ) \"မာꩻချမ်ꩻသာႏနမ်း၊ မာꩻသꩻရေꩻနမ်း\"နဝ်ꩻနဝ်ꩻတဲ့ အံႏဖြာႏထွိုက်နေနေ၊\n(ဂ) \"ဖန်းဖေႏဗဲင်းဝင်ꩻ၊ မာꩻကုသိုလ်ႏ\"နဝ်ꩻနဝ်ꩻတဲ့ အံႏဖြာႏထွိုက်နေနေ၊\n(ဃ) \"ထီႏတဝ်းအပဲ့စ်၊ တထဲ့ꩻတဝ်းစေꩻစိန်ႏ၊ ဉာဏ်ႏအဲဉ်ထဝ်း၊ သွုံꩻဆောင်ႏကြွို့ꩻကြꩻ\"နဝ်ꩻနဝ်ꩻ သဲ့ꩻသွမ်ꩻထွိုက်၊\nအမုဲင်(၉) နဝမပုဂ္ဂိုလ်ႏယိုနဝ်ꩻ - အံႏဖြာႏထွိုက် အဝ်ႏသွံမျိုꩻ၊ သဲ့ꩻသွမ်ꩻထွိုက် အဝ်ႏတမျိုꩻနဝ်ꩻသွူ။\n၁၀။ (က) နေးတွမ်ႏထာꩻတရာꩻတဲင် အံႏနွောင်ꩻတဝ်းဝင်ꩻ ထိုမ်ႏတခြိုꩻထွူခါ\n(ခ) မာꩻချမ်ꩻသာႏနမ်း၊ မာꩻသꩻရေꩻနမ်း၊ (ဂ) ဖန်းဖေႏဗဲင်းဝင်ꩻ၊ မာꩻကုသိုလ်ႏ၊ (ဃ) ထီႏအပဲ့စ်၊ တထဲ့ꩻတဝ်း စေꩻစိန်ႏတခြိုꩻ၊ နေးတွမ်ႏဉာဏ်ႏသွုံꩻဆောင်ႏ။\nအမုဲင်(၁၀) ဒသမပုဂ္ဂိုလ်ႏယိုတမျိုꩻနဝ်ꩻ- အံႏဖြာႏထွိုက်လို့ လစ်ꩻမျိုꩻလိုမ်းနောဝ်ꩻသွူ။\nလိုꩻအမျိုꩻတဆီကိုနဝ်ꩻ-\nအမုဲင်(၁) ပုဂ္ဂိုလ်ႏတမျိုꩻနဝ်ꩻ သဲ့ꩻသွမ်ꩻထွိုက် သွံမျိုꩻလိုမ်း၊ အညမ်းသွတ်ꩻ၊\nအမုဲင်(၁၀) ပုဂ္ဂိုလ်ႏတမျိုꩻနဝ်ꩻ အံႏဖြာႏထွိုက် လစ်ꩻမျိုꩻလိုမ်း၊ အယံသွတ်ꩻ၊\nအဝ်ႏကုဲင်ပုဂ္ဂိုလ်ႏ သွစ်ꩻမျိုꩻနဝ်ꩻ သဲ့ꩻသွမ်ꩻထွိုက်၊ အံႏဖြာႏထွိုက် အဝ်ႏနီမျိုꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ ကာမဘောဂီသုတ်)\n\nအာႏကွိုꩻ","num_words":931,"character_repetition_ratio":0.156,"word_repetition_ratio":0.234,"special_characters_ratio":0.094,"stopwords_ratio":0.026,"flagged_words_ratio":0.0,"lang_id_score":1.0,"perplexity_score":1747.8,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%BB%E1%80%84%E1%80%BA%EA%A9%BB%E1%80%94%E1%80%9A%E1%80%BA%E1%80%85%E1%80%B2%E1%80%84%E1%80%BA%E1%80%B8%E1%80%91%E1%80%B2%E1%80%84%E1%80%BA%E1%80%B8%20%E1%80%9C%E1%80%AD%E1%80%90%E1%80%BA%E1%80%99%E1%80%BD%E1%80%B0%E1%80%B8%E1%80%81%E1%80%9B%E1%80%AC%E1%82%8F","collection":"wikipedia","source":"wikipedia","original_code":"blk","text":"သျင်ꩻနယ်စဲင်းထဲင်း လိတ်မွူးခရာႏ\nနေင်ႏ ၁၃၃၉-ဗာႏ၊ ပွယ်ꩻတန်(မွူးနီꩻခွိုꩻပအိုဝ်ႏ) နောင်ယာသုဲင်ꩻကိုနောဝ်ꩻ ဖြားတန်အောင်ခမ်းထီသီး လွဉ်ခံႏထူႏဩဝါဒတဲင် ဗွေႏဗွန်ဖြားနောင်ကာꩻ၊ ဗွေႏဗွန်ဖြားမြို့ဦး-စတဲင် ဗွေႏဆရာႏတောႏတန်သီး ဖေႏဩဝါဒတွော့ꩻ စင်ꩻတန်-သီႏသဲင်ႏ (ဗွေႏကောဝိဒ)တဲ့ ဖေႏကျံႏဉာဏ်ႏ လိတ်လုဲင်ꩻ ဘာႏသာႏ သာႏသနာႏကိစ္စနောဝ်ꩻသွူ။\nကထင်ႏတွိုႏပွယ်ꩻတန်နီꩻ အခန်ꩻအနာꩻကိုနောဝ်ꩻတဲ့ သံဃာႏ(၈၀၀)လွို နမ်းခြောင်ꩻတင် စင်ꩻတန်-သီႏသဲင်ႏ ထွိုင်ႏဒေါ့ꩻယင်း လိတ်လုဲင်ꩻ ဘာႏသာႏ သာႏသနာႏကိစ္စတဲင် \"လိတ်လုဲင်ꩻ ဘာႏသာႏ သာႏသနာႏကိစ္စဖုံႏနောဝ်ꩻ မဲ့ꩻနီသံဃာႏ အွဉ်ငါအီႏသောင်ႏသာခွုမ်မာꩻလွေꩻဖေႏဒျာႏ\"အာႏမခံႏခါꩻ တကာႏအမျာꩻငါနုဲင်းနောဝ်ꩻသွူ။\nကွပ်နောဝ်ꩻမꩻ နေင်ႏ ၁၃၄၀-ဗွေ၊ ဒဲဉ်ရုတ်ꩻဆန်ꩻ (၆)နီꩻ (၁၂-၅-၇၈)နီꩻနဝ်ꩻ ဂွို���်ꩻချုပ်၊ ဂွိုဏ်ꩻအုပ်၊ ဂွိုဏ်ꩻထောက် ဆရာႏတောႏတန်သီးဖုံႏ တွမ်ႏအရေꩻတန် ဗွေႏဗွန်ဆရာႏတောႏတန်သီး အပါꩻ(၅၀)လွို မာꩻပွယ်ꩻမော့ꩻခွဲး ဝေင်ꩻတောင်ႏကီꩻ၊ ပထမကျောင်ꩻတန်လိတ်သွဉ်တွိုက် (မွဉ်ခြဲင်) သံဃာႏဆေးရုံကို၊ ပအိုဝ်ႏလိတ်လုဲင်ꩻယံကစွစ်ꩻလီအတွက်တာႏ လွောင်ႏဗူႏခန်း \"ဗဟိုႏသမဂ္ဂသံဃာႏအစွိုꩻ\"နောဝ်ꩻသွူ။\nစင်ꩻတန်သီႏသဲင်ႏရိုꩻ-\n\"ယိုခါ ကအောဝ်ႏဟဲ့ꩻဒါႏ က-ကီး၊ ထသေင်ထူး၊ လုံးကီးတဲင်၊ တချောင်းဝဲင်ꩻ၊ ရ-ရေတ်ꩻ၊ ယ-ပဲင်ꩻ\"စတဲင် အဟဲ့ꩻအဟောင်နောဝ်ꩻဖုံႏတဲ့ လိုႏဖန်တသာသာဒျာႏအကျောင်ꩻ လောဝ်းနယ်နုဲင်းနောဝ်ꩻတွော့ꩻ သံဃာႏတန်သီး မိန်းချာနုဲင်းယို-\n\"ပေါႏနောဝ်ꩻတဲ့ နီဗွေႏဖန်ဖေႏ၊ နီဗွေႏတယ်ႏထွင်ႏတသာသာဖေႏဟုဲင်း\"ဖေႏတာႏဝွန်ႏစတဲင်နုဲင်းနောဝ်ꩻသွူ။\nကွပ်နောဝ်ꩻမꩻ စင်ꩻတန်သီႏသဲင်ႏ (ယိုခါ ဗွေႏဗွန်ကောဝိဒ၊ သီႏသဲင်ႏ၊ ပအိုဝ်ႏလိတ်လုဲင်ꩻစွစ်ꩻလီတာႏ ဗဟိုႏသံဃာႏစွိုꩻဥက္ကဋ္ဌ)နောဝ်ꩻ မွူးဟာခိုႏတဲမ်း၊ သွုံꩻသွမ်ꩻရဝ်ꩻထွူ ဒင်ႏပျꩻနယ်သံဃာႏ၊ သံဃာႏသဘော်ꩻဗွန်ပီ အွဉ်ႏအတီႏ၊ သွုံꩻသွမ်ꩻယာထွူ စင်ꩻတန်သီႏသဲင်ႏ သွဉ်ဖေႏသံဃာႏ ကထင်ႏလွဉ် ပွယ်ꩻမော့ꩻခွဲဖုံႏနောဝ်ꩻသွူ။\nဗွေႏဗွန်ဖြားသက်တောႏ (၇၀)မာꩻကီဖုံႏနောဝ်ꩻ ကျွꩻသဲင်ꩻချာတဲ့ ဗွေႏဗွန်ဖြားနောင်ကာꩻ (ဗွေႏပဏ္ဍိတ)၊ ဗွေႏဗွန်ဖြားကျောင်ꩻမြို့ဦး (ဗွေႏအရိယ)ဗွေႏဆရာႏတောႏနီပါꩻယိုနဝ်ꩻ ကျွꩻလွဉ်ဖေႏအာႏ၊ ကျွꩻလွဉ်နာႏ၊ ကျွꩻလွဉ်ထွား တယ်ႏသွဉ်တန်ꩻစ ဗꩻစွဉ်ႏသွဉ်တန်ꩻထွူနောဝ်ꩻသွူ။\nစင်ꩻတန်-သီႏသဲင်ႏ (ဗွေႏကောဝိဒ)တဲ့ တာႏဝွန်ႏကေႏကေႏ မွူးဟာခိုႏတဲမ်း၊ မွူးရောဝ်ꩻခိုႏဒင်ႏပျꩻ၊ မွူးယာခိုႏသွဉ်ဖေႏ၊ မာꩻလွေꩻနုဲင်းယို စွုမ်ႏနီꩻစွုမ်ႏနီꩻတဲင် လိတ်မွူးသွဉ်တန်တစောင်ႏ ထွူအောင်ႏလꩻစွဉ်ႏ ပွယ်ꩻမော့ꩻခွဲကိုနောဝ်ꩻသွူ။\nကွပ်နောဝ်ꩻမꩻ ဗွေႏဗွန်မြို့ဦးတွမ်ႏ ဗွေႏဗွန်နောင်ကာꩻသီး သꩻရေꩻငါႏတဲင် သွဉ်တန်ꩻထွူနီꩻနဝ်ꩻ သံဃာႏအမျာꩻငါ ဗွေႏဗွန်ဖြားမြို့ဦး ဆုꩻကသွဉ်တန်ꩻဆရာႏ စင်ꩻတန်သီႏသဲင်ႏ နားရီႏဆွအဟောဝ်စားတဖြုံႏထွူတဲင် ဗွေႏဗွန်ဖြားနောင်ကာꩻရိုꩻ-\n\"ပတ်သဲစ်တွမ်ႏနီလိတ်ပအိုဝ်ႏယိုနောဝ်ꩻ ဗွေႏစင်ꩻတန်သီႏသဲင်ႏ ဦးကောဝိဒကျေꩻဇူꩻယို အွဉ်ႏဖိန်ꩻလꩻတောဝ်း\"ချီႏမျောက်တွမ်ႏငေါဝ်း-စတဲင်နုဲင်းနဝ်ꩻသွူ။\n\nအခန်ꩻ(၁)\n\"ဖန်ဗီးမဉ်ꩻ\"ကရိုꩻနဝ်ꩻ ယီးနယ်အဖြုံႏဖေႏကသေ ထေနယ်အဖြုံႏဖေႏကလꩻ နာမပညတ်လွုမ်ꩻတဲင် သံဃာႏတန်သီး ကအွဉ်ႏခါꩻအတီႏန���်ꩻအတွိုင်ꩻ ယိုတလဲင်ႏတဲ့ ဗီးမဉ်ꩻတွမ်ႏ သွဉ်ပွုံႏသွဉ်နယ်ꩻဖုံႏနောဝ်ꩻ စူꩻဒျာႏအလီꩻနောဝ်ꩻသွူ။\n\nအခန်ꩻ(၂)\nစဲဉ်ႏ(၂) \"ရေးချ-ရှေ့ထိုး၊ ငေါ်ꩻလ-ထွို့ꩻစွဲႏ\"နောဝ်ꩻ လိုႏဒွုမ်တဲင် အွဉ်ႏကုဲင်၊ \"မုဲင်ငါ\"နဝ်ꩻ ဖန်တော\"ပက်ငါ\"အစဲဉ်ႏမုဲင် အဝ်ႏကုဲင် (၁၉)လွုမ်ꩻသွူ။\n\nအခန်ꩻ(၃)\nပေါႏပါႏဠိဒျာႏနဝ်ꩻ သော့ꩻတောဝ်းအမုဲင်၊ ဟော်ꩻဖတ်ဗော့ꩻ ပါႏဠိအတွိုင်ꩻနောဝ်ꩻသွူ။\n\nအခန်ꩻ(၄)\nမူလသရ (၁၆)ဖြုံႏကိုနောဝ်ꩻ သော့ꩻထဲင်း \"အွု-အွူ၊ အွော့-အွော၊ အွို့-အွို\"ယို(၆)ဖြုံႏတဲင် ပအိုဝ်ႏမူလသရနဝ်ꩻ ထွာတော (၂၂)ဖြုံႏ၊ \"အုဲင့်-အုဲင်\"ကိုနဝ်ꩻ လွတ်ꩻထို (င်)သွတ်ꩻ၊ မာꩻတော (အုဲ့-အုဲ)နုဲင်းနဝ်ꩻ။\nကလိုႏ\"ဝ-ဟွဲး\"သရဖုံႏနဝ်ꩻ \"အ-အာ၊ အိ-အီ၊ အေ့-အေ၊ အဲ့-အဲ\"ယို(၄)တွယ်ꩻလွုမ်ꩻ၊ လွိုသရအလင်ဖုံႏနဝ်ꩻ \"ဝ-ဟွဲး\"ခရာႏလိုႏတောဝ်း။\n\"ဝ-ဟွဲး၊ လိုႏ-တလိုႏတဝ်း\"ယံကသေစဲင်း \"အုဲ့-အုဲ\"နဝ်ꩻ သော့ꩻစံꩻသွော့ ဝ-ဟွဲးဟုဲင်း၊ အငဝ်းထန်ႏနုဲင်းမုဲင်ꩻ၊ နဝ်ꩻနဝ်ꩻ ပအိုဝ်ႏငဝ်းသွုံꩻအဲဉ်ထဝ်း၊ ပါဠိသရကိုတဲ့ \"ဥ-ဦ၊ ဩ\"နဝ်ꩻ ဝ-ဟွဲးအဲဉ်ထဝ်း၊ မန်းဘာႏသာႏ သရကိုနဝ်ꩻ \"အု-အူ၊ အော့-အော်၊ အို့-အို\"ဖုံႏနဝ်ꩻ ဝ-ဟွဲအဲဉ်ထဝ်းအကျောင်ꩻ နေးတွမ်ႏဉာဏ်ႏအထိုအစားတဲင် ဝွေႏဖန်ႏထွားထွꩻထွꩻသွော့။\n\nအခန်ꩻ(၅)\nအောဝ်ႏ မူလသရ ရဿ\"အ\"နောဝ်ꩻ ထွာတော (အ အꩻ အး အႏ) (၄)ဖြုံႏနုဲင်းနောဝ်ꩻ၊ ရဿသရ(၁၁)ဖြုံႏတဲင် (၄-၁၁=၄၄) ထွာရဿသရဖြယ် (၄၄)ဖြုံႏ၊ အောဝ်ႏမူလသရ ဒီဃ \"အာ\"နောဝ်ꩻ ထွာတော (အာ အာꩻ အား အာႏ)(၄)ဖြုံႏနုဲင်းနဝ်ꩻ၊ ဒီဃသရ (၁၁)ဖြုံႏတဲင် (၄-၁၁=၄၄) ထွာဒီဃသရဖြယ် (၄၄)ဖြုံႏ၊ ရဿသရဖြယ် (၄၄)ဖြုံႏ၊ ဒီဃသရဖြယ် (၄၄)ဖြုံႏ စုစုခြွဉ်း ပအိုဝ်ႏသရဖြယ် အောဝ်ႏ(၈၈)ဖြုံႏနောဝ်ꩻသွူ။\n\nအခန်ꩻ (၆)\nအခန်ꩻ(၅) သရဖြယ် အတွယ်ꩻကလꩻအတွိုင်ꩻ အွဉ်ႏတွယ်ꩻတွမ်ႏ က-ဗီးနဝ်ꩻသွူ၊ သွဉ်ပွုံႏသွဉ်နယ်ꩻနဝ်ꩻ ကရီးအတွိုင်ꩻဒျာႏ လွိုပိုႏထဲင်းကွို့ꩻ \"ကး-ကႏ\"နီဖြုံႏနောဝ်ꩻလွုမ်ꩻ၊ မဉ်ႏဖတ်ပါဠိတဲ့ စူꩻလွဉ်ꩻပါဠိငေါဝ်းထန်ႏအတွိုင်ꩻ၊ မဉ်ႏဖတ်မန်းလိတ်တဲ့ မန်းငေါဝ်းထန်ႏအတွိုင်ꩻ၊ မဉ်ႏဖတ်ပအိုဝ်ႏလိတ်တဲ့ စူꩻပအိုဝ်ႏငေါဝ်းထန်ႏအတွိုင်ꩻနုဲင်းနဝ်ꩻဒျာႏတဲင် အွဉ်ႏ(၈)ဖြုံႏနဝ်ꩻ ရဿဒီဃဆေ့ꩻအာ တတွာလို့ဝင်ꩻတဲင် သဘာဝတဲ့ကျ ကလိုႏအပ်ငေါဝ်းတဲ့ ယိန်းစွုမ်ႏနောဝ်ꩻသွူ။\nအငေါဝ်းထန်ႏနုဲင်းမုဲင်ꩻနဝ်ꩻတဲ့ ပွုံႏစံႏကိုတွမ်ႏ ဖတ်လွူꩻခန်ꩻကိုဖုံႏနဝ်ꩻ ပါလို့ဒျာႏ၊ သအငေါဝ်းတဖြုံႏတဲ့ တဖုံႏတတွယ်ꩻလွုမ်း သေနွောင်ꩻလို့ဒျာႏသွူ။\nလိတ��မွူးတွယ်ꩻ အမုဲင်(၁)တဲ့ ထေလွဉ်ꩻဖတ်လွူꩻခန်ꩻ အမုဲင်(၁)၊ တနယ်ꩻ-ဖတ်လွူꩻခန်ꩻ အမုဲင်(၁)နဝ်ꩻ ထွာလိတ်မွူးအတွယ်ꩻ အမုဲင်(၁)ပွုံႏစံႏ၊ ထွာလိတ်မွူးတွယ်ꩻအမုဲင်(၁) အငေါဝ်းထန်ႏပွုံႏနဝ်ꩻသွူ၊ အဝ်ႏကုဲင်ဖတ်လွူꩻခန်ꩻ (၂)နဝ်ꩻတဲ့ ထေနယ်ဖေႏ လိတ်မွူးတွယ်ꩻ(၂)အပွုံႏစံႏ၊ ထွာလိတ်မွူးတွယ်ꩻ(၂) အငေါဝ်းထန်ႏပွုံႏနောဝ်ꩻသွူ၊ အဝ်ႏကုဲင်အတွယ်ꩻလင်ဖုံႏနောဝ်ꩻတဲ့ အတွဲꩻတွမ်ႏအတွဲꩻ လွေꩻပဉ်ခိုမ်ꩻခိုမ်ꩻနုဲင်းနောဝ်ꩻသွူ။\nအခန်ꩻ(၆)ယို လိတ်မွူးတွယ်ꩻ(၆)နဝ်ꩻ-\nတဲမ်းဒျာႏ \"ကော့ ကော့ꩻ ကော့း ကော့ႏ၊ ကော ကောꩻ ကေား ကောႏ\"နုဲင်းနဝ်ꩻတဲင် (စူꩻဒွုမ်မန်းလိတ် \"ကော်\"တွော့ꩻ ငေါꩻလတွို့ꩻစွဲႏနဝ်ꩻ လိုႏတောဝ်းဒွုမ်နောဝ်ꩻသွူ။)\n\nအခန်ꩻ (၇)\nပအိုဝ်ႏငေါဝ်းသွုံꩻ \"ဗီး-ယပယ်\"နဝ်ꩻ အောဝ်ႏ (၁၇)ဖြုံႏသွူ၊ \"င-ယပယ်\"နဝ်ꩻ အငေါဝ်းထန်ႏ\"ငျာ\"တဲင် တွမ်ႏ\"ညာ\"နဝ်ꩻ အငေါဝ်းထန်ႏဗိုန်ပီလို့ဝင်ꩻတွော့ꩻ တဲမ်းသွုံꩻဗော့ꩻ \"ညာ\"တဲ့ လꩻဒျာႏသွူ။\nယ-ပယ် ကတွယ်ꩻသရဖုံႏနဝ်ꩻတဲ့ အဝ်ႏဒျာႏ \"အ အု အော့ အို့\"ယို (၄)တွယ်ꩻလွုမ်ꩻ၊ အဝ်ႏကုဲင်သရလင်နဝ်ꩻ ယ-ပယ်တွယ်ꩻစွဉ်ႏတဲ့ ငေါဝ်းသွုံꩻအဲဉ်ထောဝ်း၊ ကွပ်နောဝ်ꩻမꩻ လိတ်မွူးတွယ်ꩻတဲ့ အဝ်ႏ(၄)တွယ်ꩻလွုမ်ꩻသွူ။\n\nအခန်ꩻ (၈)\nမဉ်ႏထွားနုဲင်း \"ယ ရ လ\"နဝ်ꩻ \"ရ\"အဝ်ႏရီး၊ \"လ\"အောဝ်ႏဆုဲင်ꩻ၊ ကွယ်ႏတွော့ꩻ ကအီႏခံႏအဗဲဉ် \"က-ခ\"တွမ်ႏ \"ပ-ဖ\"နဝ်ꩻ \"က+ပ\"အဝ်ႏရီးတဲင် လ-ဗဲဉ်အွဉ်ႏရီး၊ ရ-ဗဲဉ်အွဉ်ႏဆုဲင်ꩻနုဲင်းနောဝ်ꩻသွူ။\n\nအခန်ꩻ (၉)\n\"ခ+ဖ\"နဝ်ꩻ အဝ်ႏဆုဲင်ꩻလဲဉ်း \"က+ပ\"တဲင် ရ-ဗဲဉ် အွဉ်ႏဆုဲင်ꩻဗာႏ၊ \"ဗ\"နဝ်ꩻ ရ-ဗဲဉ်နွောင်ꩻဒျာႏတဲ့ အရေꩻတန် အသွုံꩻအဲဉ်ထဝ်းတဲင် အွဉ်ႏကုဲင်ထိုꩻဗာႏသွူ။\n\nအခန်ꩻ (၁၀)\nသရ ဝ-ဟွဲးနဝ်ꩻ အဝ်ႏနွောင်ꩻဒျာႏ \"အ+အာ၊ အိ+အီ၊ အေ့+အေ၊ အဲ့+အဲ\"ယို (၄)တွယ်ꩻလွုမ်ꩻ၊ လွိုသရအလင်နဝ်ꩻ လိုႏတောဝ်း ဝ-ဟွဲးနောဝ်ꩻသွူ။\n\nအခန်ꩻ (၁၁)\n\"ယ-ပယ်၊ ဝ-ဟွဲး\"နဝ်ꩻ အဝ်ႏဒျာႏ က-ဗီး \"ကျွ-ကျွာ\"ယိုတတွယ်ꩻလွုမ်ꩻသွူ။\n\nအခန်ꩻ (၁၂)\nလ-ဗဲဉ်၊ ဝ-ဟွဲးနဝ်ꩻ အသွုံꩻအဝ်ႏဒျာႏ \"က+ပ\"ယိုနီဖြုံႏလွုမ်ꩻသွူ။\n\nအခန်ꩻ (၁၃)\nရ-ဗဲဉ်၊ ဝ-ဟွဲးနဝ်ꩻ အသွုံꩻအဝ်ႏဒျာႏ \"ခ+ဖ\"ယိုနီဖြုံႏလွုမ်ꩻသွူ။\n\nအခန်ꩻ (၁၄)\nထဲမ်သော့ꩻထဲင်းယင်း \"ကိက်+ကိင်၊ ကုက်+ကုင်၊ ကို့က်+ကိုင်\"ယို(၃)တွယ်ꩻ၊ အငေါဝ်းထန်ႏနဝ်ꩻ ထွားသွော့ပွုံႏစံႏတွမ်ႏဖတ်လွူꩻခန်ꩻကိုနဝ်ꩻ သေနွောင်ꩻဒျာႏသွူ။\n\nအခန်ꩻ (၁၅)\nဗုဒ္ဓဘာႏသာႏသာႏအာစွိုꩻနောဝ်ꩻ အငေါဝ်းအွဉ်ႏထန်ႏဒျာႏ \"ဂစ်ဆာမိ\"(ဂတ်ဆာမိ-မွေးတဝ်းတဲင်) \"စ်\"ယိုတတွယ်ꩻနဝ���ꩻတဲ့ အငေါဝ်းအွဉ်ႏထန်ႏစွူစွူဗော့ꩻ ကရီးခါအတွိုင်ꩻနောဝ်ꩻသွူ။\n\nအခန်ꩻ (၁၆)\nထဲမ်သော့ꩻထဲင်းယင်း အတွဲႏ(၆) \"ကော့တ်+ကောန်\"။ အတွဲꩻ(၇) \"ကွော့တ်+ကွောန်\"။ အတွဲꩻ(၈) \"ကို့တ်+ကိုန်\" ယို(၃)တွဲꩻဖုံႏနောဝ်ꩻသွူ။\n\nအခန်ꩻ (၁၇)\nထဲမ်သော့ꩻထဲင်း အတွဲꩻ (၆) \"ကော့ပ်+ကောမ်\"။ အတွဲꩻ (၇) \"ကို့ပ်+ကိုမ်\" ယို(၂)တွဲꩻသွူ။\n\nအခန်ꩻ (၁၈)\nထဲမ်သော့ꩻထဲင်း အတွဲꩻ(၂) \"ကျုက်+ကျုင်\" ယို(၁)တွဲꩻသွူ။\n\nအခန်ꩻ (၁၉)\nထဲမ်သော့ꩻထဲင်း အတွဲꩻ (၃) \"ကျွော့တ်+ကျွောန်\" ယို(၁)တွဲꩻသွူ။\n\nအခန်ꩻ (၂၀)\nထဲမ်သော့ꩻထဲင်း အတွဲꩻ (၂) \"ကျော့ပ်+ကျောမ်\"ယို(၁)တွဲꩻသွူ။\n\nအခန်ꩻ (၂၁)\nထဲမ်သော့ꩻထဲင်း အတွဲꩻ (၂) \"ကြိက်+ကြိင်\"\nအတွဲꩻ (၃) \"ကြုက်+ကြုင်\"\nအတွဲꩻ (၈) \"ကြို့က်+ကြိုင်\" ယို (၃)တွဲꩻသွူ။\n\nအခန်ꩻ (၂၂)\nအငေါဝ်းအွဉ်ႏထန်ႏစွူစွူဗော့ꩻ ကရီးခါအတွိုင်ꩻနောဝ်ꩻသွူ။\n\nအခန်ꩻ (၂၃)\nထဲမ်သော့ꩻထဲင်း အတွဲꩻ (၅) \"ကြွော့တ်+ကြွောန်\"ယို(၁)တွဲꩻသွူ။\n\nအခန်ꩻ (၂၄)\nထဲမ်သော့ꩻထဲင်း အတွဲꩻ (၄) \"ကြော့ပ်+ကြောမ်\"ယို(၁)တွဲꩻသွူ။\n\nအခန်ꩻ (၂၅)\nထဲမ်သော့ꩻထဲင်း အတွဲꩻ (၂) \"ခြိက်+ခြိင်\"\nအတွဲꩻ (၃) \"ခြုက်+ခြုင်\"\nအတွဲꩻ (၇) \"ခြို့က်+ခြိုင်\" ယို(၃)တွဲꩻသွူ။\n\nအခန်ꩻ (၂၆)\nအငေါဝ်းအွဉ်ႏထန်ႏစွူစွူဗော့ꩻ ကရီးခါအတွိုင်ꩻနောဝ်ꩻသွူ။\n\nအခန်ꩻ (၂၇)\nထဲမ်သော့ꩻထဲင်း အတွဲꩻ (၅) \"ခြွော့တ်+ခြွောန်\"ယို (၁)တွဲꩻသွူ။\n\nအခန်ꩻ (၂၈)\nထဲမ်သော့ꩻထဲင်း အတွဲꩻ (၅) \"ခြွော့ပ်+ခြွောမ်\"\nအတွဲꩻ (၆) \"ခြွို့ပ်+ခြွိုမ်\" ယို (၂)တွဲꩻသွူ။\n\nအခန်ꩻ (၂၉)\nအတွဲꩻ (၂+၄)နဝ်ꩻ အငေါဝ်းအွဉ်ႏထန်ႏစွူစွူဗော့ꩻ ကရီးခါအတွိုင်ꩻ။\n\nအခန်ꩻ (၃၀၊ ၃၁၊ ၃၂)\nအခန်ꩻယိုဖုံႏနောဝ်ꩻ အလီꩻအတွိုင်ꩻတွိုင်ꩻဖုံႏဒျာႏနောဝ်ꩻသွူ။\n\nတဲႏ အခန်ꩻ (၃၃-ဗꩻလွေꩻ အခန်ꩻ-၄၆)\nအခန်ꩻဖုံႏယိုနောဝ်ꩻ အလီꩻအတွိုင်ꩻတွိုင်ꩻဖုံႏဒျာႏ၊ ကွဲႏတွော့ꩻ အထျꩻ နီဖြုံႏနီဖြုံႏဖုံႏနောဝ်ꩻ နီပအိုႏဘာႏသာႏအသွုံꩻတဲ့ တအဲဉ်ထောဝ်း၊ \"ကံ့ ကံ့ꩻ\"စတဲင် ကအွဉ်ႏထန်ႏငေါဝ်းနောဝ်ꩻတဲ့ တဖြွောင်ႏဖြီႏငါႏတဝ်းတဲင် အွဉ်ႏကုဲင်ထိုꩻဗာႏနောဝ်ꩻသွူ။\n\nအာႏကွိုꩻ\n\nပအိုဝ်ႏလိတ်လုဲင်ꩻ","num_words":1606,"character_repetition_ratio":0.09,"word_repetition_ratio":0.033,"special_characters_ratio":0.132,"stopwords_ratio":0.026,"flagged_words_ratio":0.0,"lang_id_score":1.0,"perplexity_score":1579.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%BD%E1%80%85%E1%80%BA%EA%A9%BB%E1%80%95%E1%80%AB%EA%A9%BB%E1%80%A1%E1%80%84%E1%80%BA%E1%80%B9%E1%80%82%E1%80%AB%E1%82%8F%E1%80%80%E1%80%BB%E1%80%AD%E1%80%AF%EA%A9%BB%E1%80%90%E1%80%94%E1%80%BA%E1%80%84%E1%80%AB%E1%82%8F","collection":"wikipedia","source":"wikipedia","original_code":"blk","text":"\"သံခိတ္တူပေါသထသုတ် (သွစ်ꩻမျိုꩻအင်္ဂါႏ ကျိုꩻတန်ငါႏ)\"\nရဟန်ꩻသီးဖုံႏဟွေး-\nကဆောက်တဲႏ (ကဆို့ꩻတဲႏ) ဥပုသ်နဝ���ꩻ မဉ်ႏဗွေတွမ်ႏ အချက်သွစ်ꩻဗာႏ အင်္ဂါႏသွစ်ꩻပါꩻနဝ်ꩻ အကျိုꩻတန်ငါႏ၊ အချက်သွစ်ꩻချက်-အင်္ဂါႏသွစ်ꩻပါꩻ ကရိုꩻနောဝ်ꩻ-\n၁။ အရဟန္တော ပါဏာတိပါတာ ပဋိဝိရတာ၊ အရဟတံ အနုကရောမိ-\n'ရဟန္တာႏသီးနဝ်ꩻ မာꩻသီတဝ်းဝင်ꩻသက်'၊ တနီꩻတွမ်ႏတနာꩻကို ခွေယို မဉ်ႏထွားနုဲင်း ရဟန္တာႏနောဝ်ꩻ တွမ်ႏကဆောက်တဲႏဥပုသ်-ဗွန်ဝင်ꩻ၊ ယူႏနုဲင်းနဝ်ꩻ (ထွားနုဲင်းဆောက်တဲႏ)၊ ယိုနဝ်ꩻ (ပထမ)အင်္ဂါႏတပါꩻနောဝ်ꩻသွူ။\n၂။ အရဟန္တော အဒိန္နာဒါနာ ပဋိဝိရတာ၊ အရဟတံ အနုကရောမိ-\n'ရဟန္တာႏသီးနဝ်ꩻ ထူႏတခွန်ꩻတဝ်း ဝင်ꩻတခြိုꩻ'၊ တနီꩻတွမ်ႏတနာꩻကို ခွေယို မဉ်ႏထွားနုဲင်း ရဟန္တာႏနဝ်ꩻ တွမ်ႏကဆောက်တဲႏဥပုသ်-ပီဝင်ꩻ၊ ယူႏနုဲင်းနဝ်ꩻ (ထွားနုဲင်းဆောက်တဲႏ)၊ ယိုနဝ်ꩻ (ဒုတိယ)အင်္ဂါႏတပါꩻနောဝ်ꩻသွူ။\n၃။ အရဟန္တော ဝိရတာ မေထုနာ ဂါမဓမ္မာ၊ အရဟတံ အနုကရောမိ-\n'ရဟန္တာႏသီးနဝ်ꩻ ကျင်ꩻတဝ်း အကျင်ꩻမူႏခို'၊ တနီꩻတွမ်ႏတနာꩻကို ခွေယို မဉ်ႏထွားနုဲင်း ရဟန္တာႏနောဝ်ꩻ တွမ်ႏကဆောက်တဲႏဥပုသ်-ဗွန်ပီဝင်ꩻ၊ ယူႏနုဲင်းနဝ်ꩻ (ထွားနုဲင်းဆောက်တဲႏ)၊ ယိုနဝ်ꩻ (တတိယ)အင်္ဂါႏတပါꩻနောဝ်ꩻသွူ။\n၄။ အရဟန္တော မုသာဝါဒါ ပဋိဝိရတာ၊ အရဟတံ အနုကရောမိ-\n'ရဟန္တာႏသီးနဝ်ꩻ ဒေါ့ꩻလဲဉ်တောဝ်းထာꩻ'၊ တနီꩻတွမ်ႏတနာꩻကို ခွေယို မဉ်ႏထွားနုဲင်း ရဟန္တာႏနောဝ်ꩻ တွမ်ႏကဆောက်တဲႏဥပုသ်-ဗွန်ဝင်ꩻ၊ ယူႏနုဲင်းနဝ်ꩻ (ထွားနုဲင်းဆောက်တဲႏ)၊ ယိုနဝ်ꩻ (စတုတ္ထ)အင်္ဂါႏတပါꩻနောဝ်ꩻသွူ။\n၅။ အရဟန္တော သုရာမေရယမဇ္ဇပမာဒဋ္ဌာနာ ပဋိဝိရတာ၊ အရဟတံ အနုကရောမိ-\n'ရဟန္တာႏသီးနောဝ်ꩻ အွꩻတောဝ်းဒေါဝ်'၊ တနီꩻတွမ်ႏတနာꩻကို ခွေယို မဉ်ႏထွားနုဲင်း ရဟန္တာႏနောဝ်ꩻ တွမ်ႏကဆောက်တဲႏဥပုသ်-ပီဝင်ꩻ၊ ယူႏနုဲင်းနောဝ်ꩻ (ထွားနုဲင်းဆောက်တဲႏ)၊ ယိုနဝ်ꩻ (ပဉ္စမ)အင်္ဂါႏတပါꩻနောဝ်ꩻသွူ။\n၆။ အရဟန္တော ဝိရတာ ဝိကာလဘောဇနာ ပဋိဝိရတာ၊ အရဟတံ အနုကရောမိ-\n'ရဟန္တာႏသီးနဝ်ꩻ မွူးနွောင်းမာꩻတွို့ꩻ သွုံꩻတဝ်း'၊ ယူႏနုဲင်းနောဝ်ꩻ၊ အံႏတဝ်းဒဲဉ်ဟာ၊ ဆောက်တဲႏ၊ တနီꩻတွမ်ႏတနာꩻ၊ ယိုနဝ်ꩻ (ဆဋ္ဌမ)အင်္ဂါႏတပါꩻနောဝ်ꩻသွူ။\n၇။ အရဟန္တော နစ္စဂီတ(လ)ဝိဘူသနဋ္ဌာနာ ပဋိဝိရတာ၊ အရဟတံ အနုကရောမိ-\n'ရဟန္တာႏသီးနဝ်ꩻ ကျူႏထာꩻ၊ သချင်ꩻငေါဝ်း၊ ဒုံႏအူ၊ ထွားဇာတ်၊ ဒျꩻကောဝ်ႏ၊ ဒင်ႏမွန်း၊ သူႏနံႏသာႏ-မာꩻဒါႏတဝ်း'၊ \nထွားနုဲင်းနဝ်ꩻ ဆောက်တဲႏ တနီꩻတွမ်ႏတနာꩻ၊ ယိုနဝ်ꩻ (သတ္တမ)အင်္ဂါႏတပါꩻနဝ်ꩻသွူ။\n၈။ အရဟန္တော ဥစ္စာသယန မဟာသယနာ ပဋိဝိရတာ၊ အရဟတံ အနုကရော��ိ-\n'ရဟန္တာႏသီးနောဝ်ꩻ အုံတောဝ်း ခင်ႏလမ်းထို ခင်ႏလမ်းမျတ်'၊ ထွားနုဲင်းနောဝ်ꩻ ဆောက်တဲႏ တနီꩻတွမ်ႏတနာꩻ၊ ယိုနဝ်ꩻ (အဋ္ဌမ)အင်္ဂါႏတပါꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ အဋ္ဌကနိပါတ်၊ ဒါနဝဂ်၊ သံခိတ္တူပေါသထသုတ်)\n\nအာႏကွိုꩻ","num_words":478,"character_repetition_ratio":0.133,"word_repetition_ratio":0.141,"special_characters_ratio":0.106,"stopwords_ratio":0.048,"flagged_words_ratio":0.0,"lang_id_score":1.0,"perplexity_score":1434.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%BD%E1%80%AE%E1%82%8F%E1%80%9E%E1%80%80%E1%80%BA%E1%80%9E%E1%80%99%E1%80%B2%E1%80%84%E1%80%BA%EA%A9%BB","collection":"wikipedia","source":"wikipedia","original_code":"blk","text":"ပေါႏစွိုးခွိုꩻတွက်တာႏနောဝ်ꩻ ခွေအသက်သွီႏယာႏဖုံႏယို တွမ်ႏသꩻစေႏတနာႏဗွာဗွာတဲင် လူႏထင်ႏငါ ဖေႏထွူလဲဉ်း။ ခွိုꩻပအိုဝ်ႏ ရန်ႏသူႏဖုံႏယို ခွေတွိုက်ꩻဟူႏ ခြူယုဲင်ထန်ႏ သမဲင်ꩻဝင်ႏ ကွုတ်လိုꩻတန်ႏငါႏလဲဉ်း။ ခမ်းထီတွမ်ႏ ခွေသွီႏသက်နောဝ်ꩻ အောဝ်ႏဆွိုင်ꩻလဲဉ်း တထပ်ချင်ꩻ အွဉ်ႏခေါ်ဝင်ꩻ တလꩻတောဝ်းဒွုမ် ရာႏဇာႏဝင်ႏထွူႏတွုမ် ဒင်ႏသေꩻလဲဉ်း။ ကွပ်နောဝ်ꩻမꩻ ............\nခမ်းထီတွမ်ႏခွေသက် ခွေသက်တွမ်ႏခမ်းထီ အောဝ်ႏဒေါ့ꩻရီ ခေါဝ်းတာႏသေႏ သမဲင်ꩻပွုံႏတာႏ ယံကကေႏ။","num_words":37,"character_repetition_ratio":0.017,"word_repetition_ratio":0.0,"special_characters_ratio":0.091,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":400996.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%80%E1%80%BB%E1%80%B1%E1%80%AC%E1%80%84%E1%80%BA%EA%A9%BB%E1%80%A1%E1%80%9D%E1%80%BA%E1%82%8F%E1%80%9C%E1%80%BD%E1%80%89%E1%80%BA","collection":"wikipedia","source":"wikipedia","original_code":"blk","text":"\"အကျောင်ꩻအဝ်ႏလွဉ် ငဝ်းတဲႏအွဉ်\"\nပအိုႏလိတ်းလုဲꩻစွစ်ႏလီတာႏ ဗဟိုႏသံဃာႏစွိုꩻစီႏစဲဉ်ႏ ကတဲမ်းထေဖေႏ\"ပအိုႏလိတ်းမွူး\"နဝ်ꩻ (၅)လဲင်ႏသွူတွမ်ႏအလဲင်ႏယိုသွူ။\nကစီႏစဲဉ်ႏ ကတဲမ်းထန်ႏဖေႏဗာႏ အလဲင်ႏယိုနဝ်ꩻတဲ့ အကျောင်ꩻအခရာႏ အဝ်ႏနုဲးယို-\nကမွဉ်းဖျင်ဒါႏ \"ပအိုႏ+မန်း အဘိဓာန်ႏ\"သားစွိုꩻ ဗွေႏသံဃာႏ ပုဂ္ဂိုလ်ႏဒါႏသီး (၁၇)ပါꩻ တဲမ်းလိတ်းတောင်ꩻပြန်ႏလဝ်းထေ့ ပအိုႏလိတ်းလုဲꩻစွစ်ꩻလီတာႏ ဗဟိုႏသံဃာႏစွိုꩻ ဥက္ကဋ္ဌထျꩻတဲ့တရဝ်း၊\nသႏရက်းခွိုꩻ ကသန်တလာငါႏ လိတ်းမွူးဆရာႏသီးဖုံႏ' ဒါႏခေတ်ပညာႏသားဖုံႏ' ကမဉ်လႏလိတ်ဖြုံႏမဲဉ်ႏ-အငဝ်းထန်ႏမဲဉ်ႏသားဖုံႏနဝ်ꩻ တဲမ်းလိတ်းဒင်ႏပျႏနယ် ပအိုႏလိတ်လုဲꩻစွစ်ႏလီတာႏ ဗဟိုႏသံဃာႏစွိုꩻတဲ့တရဝ်း တဲမ်းလိတ်းဝွေႏဖန်ႏ ဖေႏအကျံႏဉာဏ်ႏ တောင်ꩻပြန်ႏလဝ်းလွဉ်တဲ့တရဝ်း၊\nကွပ်းပွိုးစတဲင် အကျောင်ꩻနုဲးနဝ်ꩻဖုံႏတဲင် ပအိုႏလိတ်းလုဲꩻစွစ်ႏလီတာႏ ဗဟိုႏသံဃာႏစွိုꩻစီႏစဲဉ်ႏ တဲမ်းထန်ႏနယ်ဖေႏယင်း နုဲင်းယိုသွူ။\nကစီႏစဲဉ်ႏ ကတဲမ်းထန်ႏဖေႏယင်း (ပဉ္စမ)အလဲင်ႏယို ထူꩻချာꩻချက်းဖုံႏနဝ်ꩻ-\n၁။ ဖ���ႏနေးကယိန်းသျင်ꩻတဲင် မာꩻဖေႏနေးအခန်ꩻ (ပဉ်ခန်ꩻခန်ꩻ)၊\n၂။ အွဉ်ႏခြပ်းမဲဉ်ႏမဲဉ်ႏလွေꩻ သရစဲဉ်ႏ တွမ်ႏ ဗီးစဲဉ်ႏအတွိုင်ꩻ ၊\n၃။ သရစဲဉ်ႏ၊ ဗီးစဲဉ်ႏအတွိုင်ꩻ \"ပယ်၊ ဗဲဉ်၊ ဟွဲး၊ သွတ်ႏ\"လွေꩻပဉ်ခန်ꩻခန်ꩻ ၊\n၄။ လ-ဗဲဉ် အွဉ်ႏခေါခေါတခန်ꩻ၊ ရ-ဗဲဉ် အွဉ်ႏခေါခေါတခန်ꩻ ၊\n၅။ အသွုံꩻတအဲဉ်ထဝ်း လတ်းဖြုံႏတွဲꩻဖုံႏနဝ်ꩻ အွဉ်ႏကုဲ၊ အသွုံꩻအဝ်ႏ ကလိုႏအပ်းဒါႏ လိတ်းတွယ်ꩻဖုံႏနဝ်ꩻ ထဲမ်သော့ႏထဲင်း ၊\n၆။ လိတ်ဖြုံႏတွမ်ႏ အငဝ်းထန်ႏ၊ တမဲန်ႏတဝ်းကိုနဝ်ꩻ အွဉ်ႏထန်ႏမဲန်ႏမဲန်ႏဖေႏယင်းအငဝ်း ၊\n၇။ အငဝ်းထန်ႏနဝ်ꩻ တမဲန်ႏတဝ်းစွဉ်ႏတဲ့ အမျာꩻသမ်းသွုံꩻ တဲမ်းထွုံꩻကရီးခါဖုံႏနဝ်ꩻတဲ့ သော့ႏပါစွူစွူဒျာႏ ၊\n၈။ ငဝ်းရန်း အဝ်ႏ(၆)ရန်းနဝ်ꩻ လိုꩻအာစွိုꩻဆန္ဒအလႏ မာꩻဖေႏတေား (၈)ရန်း၊\n၉။ ဖတ်းလွူꩻခန်ꩻရိုꩻရိုꩻအမုဲ(၁)+အမုဲ(၂)ဖုံႏနဝ်ꩻ ဟောꩻဖတ်းဖေႏနေးကယိန်းစွယ်ꩻတဲင် တဲမ်းလို့လို့ဖေႏနေးယင်းလင်္ကာႏ၊\n၁၀။ ဖတ်းလွူꩻခန်ꩻရိုꩻရိုꩻကိုဖုံႏနဝ်ꩻ ခွိုင်းကားကလႏနွောင်ꩻ ထိုမ်ႏထွား ထူႏတဲမ်းဖေႏဒျာႏ ငဝ်းအကျိုꩻထွာထွာ၊ ငွါအကျိုꩻအဝ်ႏအဝ်ႏ ကဲဉ်းအာအာ။\n၁၁။ ဖတ်းလွူꩻခန်ꩻရိုꩻရိုꩻ အမုဲ (၁)+ အမုဲ(၂)ဖုံႏနဝ်ꩻ တဲမ်းထေလွဉ်ꩻဖေႏ လိတ်းမွူးတွဲꩻကီလ (အမုဲ ၁+၂-စတဲင်) နဝ်ꩻကလွဉ်အတွိုင်ꩻ၊\n၁၂၊ သႏရက်းခွိုꩻ လိုꩻသေလိုꩻဒါႏ လိတ်းမွူးဆရာႏ ယိုခါသီးဖုံႏ' ဒါႏခေတ်းပညာႏသားဖုံႏ' ကမဉ်လႏ ကကော့ႏမောင်ꩻဒါႏ လိတ်းဖြုံႏမဲန်ႏ-အငဝ်းထန်ႏမဲန်ႏသားဖုံႏ ထာꩻလိုႏဆန္ဒအလႏ တဲမ်းသွုံꩻလွေꩻ \"လိတ်းဖြုံႏမဲန်ႏ အငဝ်းထန်ႏမဲန်ႏ\"ဖုံႏတဲ့ပါ ၊\n၁၃။ ကေꩻဇူꩻတန်အာ ဗွေႏဆရာႏကရီးခါသီး ထာꩻလိုႏဆန္ဒအလႏ အမျာꩻသွုံꩻ တဲမ်းထွုံꩻကရီးခါ (ဖတ်ပအိုႏ၊ မန်း၊ ပါႏဠိလႏ)ဖုံႏနဝ်ꩻတဲ့ ပါလို့ဒျာႏစွူစွူ ၊\n၁၄။ (ယ်)သွတ်ႏခန်ꩻ အွဉ်ႏခေါခေါ၊ (ဝ်)သွတ်ꩻခန်ꩻအွဉ်ႏခေါခေါ၊ မုဲကီ(နိဂ္ဂဟိတ်း)ခန်ꩻ အွဉ်ႏခေါခေါ ပဉ်ခန်ꩻခန်ꩻစတဲင် ထူꩻချာꩻချက်း အဝ်ႏနုဲးနဝ်ꩻဖုံႏသွူ။\nကေꩻဇူꩻတန်အာ ဆရာႏစခါသီးဖုံႏနဝ်ꩻ \"ဖတ်းပအိုႏဖေႏကလႏ' ဖတ်းမန်းဖေႏကလႏ' ဖတ်းပါဠိဖေႏကလႏ\"နဝ်ꩻ အွဉ်ႏအထျႏ (ပထမ)၊ အငဝ်းထန်ႏမဲန်ႏ-တမဲန်ႏတဝ်းနဝ်ꩻ အွဉ်ႏ(ဒုတိယ)၊ သႏရက်းခွိုꩻ လိုꩻသေလိုꩻဒါႏ လိတ်းမွူးဆရာႏယိုခါဖုံႏ' ဒါႏခေတ်းပညာႏသားဖုံႏ' ကမဉ်လႏဒါႏ အငဝ်းထန်ႏမဲန်ႏသားဖုံႏနဝ်ꩻ \"လိတ်ဖြုံႏမဲန်ႏ-အငတ်းထန်ႏမဲန်ႏနဝ်ꩻ အွဉ်ႏအထျꩻ (ပထမ)၊ ဖတ်းပအိုႏဖေႏကလႏ' ဖတ်းမန်းဖေႏကလႏ' ဖတ်းပါႏဠိဖေႏကလႏ\"နဝ်ꩻ အွဉ်ႏ(ဒုတိယ)။\n\"ရေႏမိ��းချက်း-တဗန်ႏလတ်ႏ' ထန်ႏခတ်ႏလို့ဝင်ꩻ\"နုဲးနဝ်ꩻတဲင် နွို့ဖေႏအခါႏ'ချႏသႏကထင်ႏခွုမ်စံႏဖေႏဗာႏ လိတ်းမွူးကိစ္စယိုနဝ်ꩻ နုဲးစွဉ်ႏပါꩻအဝ်ႏခံထာꩻဆူႏခါႏ ရုဲꩻငါတဲ့ခွေါင်း' ရုဲꩻချာတဲ့ခွေါင်း အုံတနွောင်းနွောင်ဗာႏအခါႏကို။\nမဉ်ႏစူꩻဆရာႏစခါသီး တဲမ်းနယ်ꩻခြေင်ခြေင်တဲ့ လိတ်းမွူးဆရာႏယိုခါသား' ဒါႏခေတ်ပညာႏသား ကမဉ်လႏအငဝ်းထန်မဲန်ႏသားဖုံႏ သမ်းတစူꩻတဝ်း၊ အငဝ်းထန်ႏနုဲးယိုဒျာႏ-နုဲးနဝ်ꩻဒျာႏ \"ခွေဒါႏ-ခွေထေ၊ နာꩻသေ-နာꩻတဲမ်း\"တဲင် \"လိတ်းမွူးပျဿနာႏ\"နဝ်ꩻ မဲ့ႏအာႏတလာထဲင်းဒါႏ ။\nမဉ်ႏစူꩻ လိတ်းမွူးဆရာႏယိုခါ တဲမ်းနယ်ꩻခြေင်ခြေင်တဲ့ ယင်ဟန်ႏသားနဝ်ꩻ သမ်းရိုꩻ-\n\"နီနဝ်ꩻ ဝင်ꩻရိုꩻခန်း လိုꩻဖြားစခါ လိုꩻဖြားတခြာ ခေတ်းမီတဝ်းနုဲးနဝ်ꩻတဲ့ယဝ်း နီတဲးတဲ့ ကျွိုက်းဒျာႏ ဆရာႏစခါတဲမ်းနယ်ꩻ၊ ဆရာႏစခါတဲမ်းနယ်ꩻနဝ်ꩻ တဲမ်းတဲ့ကယိုꩻ၊ ဖတ်းပအိုႏလႏ' ဖတ်းမန်းလႏ'ဖတ်းပါႏဠိလႏ ယံတကားမုဲꩻ၊ အငဝ်းထန်ႏနုဲးယိုမွေးတဝ်း၊ အငဝ်းထန်ႏနုဲးနဝ်ꩻမဲန်ႏတဝ်း နုဲးနဝ်ꩻနဝ်ꩻ တလိုႏဝွေႏဖန်ႏတဝ်း၊ ပွိုးထမုဲꩻနဲးတဲင် လိတ်းဖြုံႏကရိုꩻနဝ်ꩻ \"သင်္ကေတပညတ်း\"တောင်ꩻမတ်အီလဲႏကွို့ႏလုမ်ꩻ။\nမန်းဖြားရိုꩻ \"အများညီ (ဤ)ကို ကျွဲဖတ်\"တဲ့၊ ပေါႏအမျာꩻဖတ်းတဲ့ သမုတ်ပညတ်းအနေႏ မဲန်ႏဒျာႏနေနေ၊ ထွာကဲးထမုဲꩻ၊ တဲမ်းတသာနုဲးယိုခါနဝ်ꩻ နီထွားတသူႏသေတဝ်း၊ နီဟောꩻရိုမ်းတဒါႏတဝ်း\"စတဲင်ငဝ်းစားနဝ်ꩻ သမ်းအီႏဟွိုန်ဗာႏဖျင်၊ နဝ်ꩻတဲ့ ထွာဒျာႏ လိတ်းမွူးပျဿနာႏတန်နေနေ။\nနေင်ႏ ၁၃၅၅-ဗာႏနဝ်ꩻ စီႏစဲဉ်ႏတဲမ်းထန်ႏဖေႏ စတုတ္ထအလဲင်ႏ၊ တဲႏနဝ်ꩻဗႏလွဉ် နေင်ႏ ၁၃၇၂-ဗာႏယိုနဝ်ꩻ လႏသွူပဉ် (၁၇)နေင်ႏလဲဉ်း၊ တွိုႏလိတ်းမွူးပျဿနာႏနဝ်ꩻ အာႏတလာဒျာႏစွူစွူ၊ တထွူတဖေ့ထိုꩻတဝ်း။\nကကျွိုက်းသႏ ကမဉ်လႏအတွိုင်ꩻ ပေါႏတမာꩻဖေႏခန်းတဝ်းနဝ်ꩻ လိတ်းမွူးပျဿနာႏယို တဖေ့ငိမ်ꩻဒါႏတဝ်းထာꩻ၊ ကွပ်းနဝ်ꩻမႏ ကစီႏစဲဉ်ႏ ကတဲမ်းထန်ႏဖေႏ (ပဉ္စမ)အလဲင်ႏယိုနဝ်ꩻ တဲမ်းနယ်ꩻကရီးခါတဲ့ ပါဒျာႏစွူစွူ၊ \"လိတ်းဖြုံႏမဲန်ႏ-အငဝ်းထန်ႏမဲန်ႏ\"ကရိုꩻဒါႏ တဲမ်းနယ်ꩻယိုခါနဝ်ꩻတဲ့ တဲမ်းသော့ႏပါစွဉ်ႏ ဖျင်စွို့ႏပါစွဉ်ႏအငဝ်း။\nအလီꩻတွမ်ႏအတသာ ပါညီꩻလို့ဝင်ꩻတဲင် ယထွောင်းထွောင်းနဝ်ꩻ အငဝ်းဗိုန်ပီကီတဲ့ လိတ်းဖြုံႏတဗိုန်တဝ်းလို့ဝင်ꩻတဲ့အဝ်ႏ၊ ဥပမာႏ- တဲမ်းနယ်ꩻကရီးခါနဝ်ꩻ \"ဒုံ\/ဒုန်\"တဲမ်းနုဲးနဝ်ꩻ၊ တဲမ်းနုဲးနဝ်ꩻမႏ ဖတ်းပအိုႏလႏ၊ ဖတ်းမန်ႏလႏ၊ ဟောꩻပါႏဠိလႏ-တဲ့။\nလိတ်မွူးဆရာႏသီးယိုခါ တဲမ်းနယ်ꩻနဝ်ꩻ \"ဒိုင်\"တဲမ်းနုဲးနဝ်ꩻ၊ \"ဒိုင်\"ငဝ်းနဝ်ꩻ အဝ်ႏ\"ဒို\"ကိုလွဉ်တဲင် တဲမ်း\"ဒိုင်\"နုဲးနဝ်ꩻမႏ \"လိတ်းဖြုံႏတဲ့မဲန်ႏ-အငဝ်းထန်ႏတဲ့မဲန်ႏ\"တဲ့။\n\"မွေးသွူ၊ နဝ်ꩻဟ မာꩻတဲမ်းထွုံꩻ-အီႏသွုံꩻဗာႏ အဖြုံႏမုဲꩻအီ\"ရီခရာႏနုဲးနဝ်ꩻအဝ်ႏ၊ အဝ်ႏစွဉ်ႏတဲ့ ယိုခါခဲ့ႏခဲ့ႏနဝ်ꩻ နေးတွမ်ႏအမိန်းအာႏဏာႏတဲင် \"မာꩻထွုံꩻအဖြုံႏယို၊ သွုံꩻအဖြုံႏယိုလုဲး၊ သွုံꩻမွုန်းအဖြုံႏနဝ်ꩻဟုဲး'နီဗဟိုႏသံႏဃာႏအနေႏ တဆွုံꩻဖတ်ဖေႏတဝ်းနုဲးနဝ်ꩻ၊ ကွပ်းထမုဲꩻနဲတဲင် မဉ်ႏဆွုံꩻဖျတ်ဖေႏစွဉ်ႏတဲ့ တဖဲ့ႏစူꩻ-တဖဲ့ꩻစူꩻတဝ်း၊ တထူꩻတဝ်း၊ ပွိုးနဝ်ꩻမႏ ယိုတလဲင်ႏနဝ်ꩻ ကားဒျာႏအမျာꩻကသွုံꩻ၊ စူꩻဒျာႏအမျꩻဆန္ဒ၊ \"တဲမ်းအာရာꩻ-ထွာအထွုံꩻ၊ သွုံꩻအာရာꩻ-ထွာအထီႏ\"။\nကွဲႏတွော့ꩻ မဉ်ဖေႏသတိႏနုဲးယို-\nမန်းခမ်းကိုယိုခါ သွေႏသျင်ႏ (ရွှေကျင်)ဆရာႏတောႏတန်သီးနဝ်ꩻ တဲမ်းဒျာႏ \"ဥုးဝိမလ\"၊ သုဓမ္မာႏဆရာႏတောႏတန်သီးနဝ်ꩻ တဲမ်းဒျာႏ \"ဦးဝိမလ\"နုဲးနဝ်ꩻ၊ ပေါႏထီႏ(ဥုး)တဲ့ သွေႏကျင်ႏသား (ဥုး)ဟယို၊ ပေါႏထီႏ(ဦး)တဲ့ အမျာꩻသွုံꩻ တဲမ်းထွုံꩻစခါ (ဦး)ဟယို သႏကိုယူႏဗော့ႏနုဲးနဝ်ꩻလုမ်ꩻ၊ ခွေမဲန်ႏ-နာꩻမာႏ မာꩻတဝ်းပျဿနာႏနုဲးနဝ်ꩻ။\nယိုတဲ့ ပေါႏထီႏ(ဒိုင်)တဲ့ လိုꩻပေႏခေတ်းယိုခါ (ဒိုင်)ဟယို၊ ပေါႏထီႏ (ဒုံ\/ဒုန်)တဲ့ တဲမ်းထွုံꩻစခါ(ဒုံ\/ဒုန်)ဟယို သႏကိုအွဉ်ႏတေ့ႏတေ့ႏဒွိုန်းကသွော့နုဲးနဝ်ꩻ၊ \"ယိုမႏ-နဝ်ꩻမႏ၊ ယိုဒျာႏ-နဝ်ꩻဒျာႏ'မာꩻမွုန်းဒုမ် ပျဿနာႏနုဲးနဝ်ꩻ။\nပေါႏထာꩻမာꩻထွာအီတဲ့ မွေးလဲဉ်း၊ ပေါႏထာႏမာꩻထွာအီတဲ့ အကျိုꩻအဝ်ႏအာလဲဉ်းဒျာႏ၊ အရေꩻတန်ဒျာႏ ထာꩻမာꩻထွာအီ၊ အရေꩻတန်ဒျာႏ အကျိုꩻအဝ်ႏအာအီနုဲးနဝ်ꩻ။\n\"နီထာꩻလိုႏဆန္ဒအတွိုင်ꩻ ဖေႏကထွာလို့လို့မႏ'အွဉ်ႏသႏ(မာႏန)နုဲးနဝ်ꩻ တလႏတဝ်း၊ နီဆန္ဒ ဝင်ꩻဆန္ဒ ခေတ်းကာႏလဆန္ဒ ခေတ်အခေႏအနေႏဆန္ဒအလႏ ခြေႏနွောင်ꩻသမျခြေႏမႏ-အဆင်ႏအီႏပြေႏလႏ။\n\"နီစူမႏ-နီမူမႏ\"ပေါႏအွဉ်ႏသႏနုဲးနဝ်ꩻနဝ်ꩻ လိတ်းမွူးဆရာႏနဝ်ꩻ ဖြားထိုꩻသွူတဲ့ အလိတ်းမွူးပျဿနာႏနဝ်ꩻ တဖြားထိုꩻတဝ်း၊ အဝ်ႏဗွို့ႏလလ အဝ်ႏရတေားတေားဒျာႏ၊ လိတ်းမွူးဆရာႏနဝ်ꩻ ထီထိုꩻသွူတဲ့ အလိတ်းမွူးပျဿနာႏနဝ်ꩻ တသီထိုꩻတဝ်း၊ အဝ်ႏဗွို့ႏလလ အဝ်ႏရတေားတေားဒျာႏ၊ လိတ်းမွူးပျဿနာႏနဝ်ꩻ ငိမ်ꩻဖေႏဒါႏတဝ်းထာꩻ။\nယူႏမွိုင်၊ ဘွုံꩻတံꩻခိုꩻ' ဩႏဖာႏအာႏဏာႏအတန်သွတ်ႏသွတ်ႏ ကထွာဒါႏ နီဗွေႏဘုရာꩻတန်သွူမဉ်ႏတဲ့ နီဗွေႏဘုရာꩻဆန္ဒတောႏအတွိုင်ꩻ ကဲႏချွစ်���လို့လို့ လူꩻလိုꩻဗျဟ္မာႏ သတ္တဝါႏသီးကားကအဝ်ႏ တလႏနွောင်ꩻတဝ်း၊ မွေးတဝ်းနဲ့။\nယိုနဝ်ꩻ ပုထုဇဉ်ႏအနေႏထဲင်းလုမ်ꩻဟ \"လေားကးတခိုႏ ပအိုႏကားကအဝ်ႏဖုံႏနဝ်ꩻ ဖေႏကစူꩻဗာႏလို့လို့ခွေမူ၊ ဖေႏကထူဗာႏလို့လို့ခွေလိတ်း\"ကရိုꩻနဝ်ꩻ အမျိုꩻထွာနွောင်ꩻနဲ့၊ \"ထွာနွောင်ꩻလဲႏကွို့ꩻထာꩻယူႏ-ထူႏနွောင်ꩻလဲႏကွို့ႏ ထာꩻဗေင်ႏမင်းကိုလုမ်ꩻ\"။\nကွပ်းပွိုးနဝ်ꩻမႏ သေဖြောင်ဖြောင်ခန်းသွော့ ဗွေႏသံႏဃာႏသီးစွိုꩻ သႏရက်းခွိုꩻ အစဲစ်းအမန်ႏနဝ်ꩻတဲင်-\n\"ကားကအဝ်ႏ စူလွဉ်ꩻကသွော့ တကားယို\"အခေတ်းတွမ်ႏအခေတ်း၊ အချိန်ႏတွမ်ႏအခိန်ႏ မဲ့ႏ\"အစုမ်ႏလွေꩻထဲင်းထဲင်း-အစဲင်းလွေꩻယွယွဒျာႏ\"ကရိုꩻနဝ်ꩻ သႏဘောꩻဗွောင်သေꩻ သႏရေꩻလွသွော့ ပငါပရာꩻနေား။\n\"သမဂ္ဂါနံ တပေါ သုခေါ - လွောင်ႏဗူႏထွာအာႏ - ချမ်ꩻသာႏငါႏ\"\nပအိုႏလိတ်းလုဲꩻစွစ်ႏလီတာႏ\nဗဟိုႏသံဃာႏစွိုꩻ\nနေင်ႏ ၁၃၇၂-ဗာႏ၊ ဒဲဉ်သီႏလာဗွေ၊ မွူးနီꩻခွိုꩻပအိုႏ\n(၁၉-၃-၂၀၁၀)\n\nအာႏကွိုꩻ\n\nပအိုဝ်ႏလိတ်လုဲင်ꩻ","num_words":1642,"character_repetition_ratio":0.055,"word_repetition_ratio":0.013,"special_characters_ratio":0.087,"stopwords_ratio":0.065,"flagged_words_ratio":0.0,"lang_id_score":1.0,"perplexity_score":683.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%91%E1%80%BD%E1%80%AF%E1%80%B6%EA%A9%BB%E1%80%85%E1%80%B6%E1%82%8F%E1%80%9C%EA%A9%BB%E1%80%99%E1%80%82%E1%80%BA%E1%80%99%E1%80%BD%E1%80%B1%E1%80%B8%27%E1%80%99%E1%80%BD%E1%80%B1%E1%80%B8%E1%80%90%E1%80%9D%E1%80%BA%E1%80%B8","collection":"wikipedia","source":"wikipedia","original_code":"blk","text":"\"သမ္ပတ္တနိယာမသုတ် (အထွုံꩻစံႏ လꩻမဂ်မွေးတဝ်းငတ်ꩻမျိုꩻ၊ အထွုံꩻစံႏ လꩻမဂ်ငတ်ꩻမျိုꩻ)\"\nရဟန်ꩻသီးဖုံႏဟွေး-\nပါꩻမုဲင်ꩻတဲ့ယဝ်း ပေါႏစူꩻအချက်ငတ်ꩻချက်ယိုနဝ်ꩻ တလꩻနွောင်ꩻတဝ်း အရိယာႏမဂ်၊ ငတ်ꩻချက်ကရိုꩻနဝ်ꩻ-\n၁။ ကထံ ပရိဘောတိ- 'အံႏသွင်ꩻတဝ်းတရာꩻ၊ ထီႏဖွီတရာꩻ၊ တရာꩻထမုဲင်ꩻတန်နဝ်ꩻ'ရိုꩻနုဲင်းနောဝ်ꩻ၊ လိုꩻပေါႏထီႏဖွီတရာꩻနုဲင်းနဝ်ꩻနဝ်ꩻ နာႏစွဉ်ႏသူႏတောႏကောင်ꩻ တရာꩻတဲ့ယဝ်း ထွုံႏစံႏအတွိုင်ꩻ သေႏချာႏ အီႏလꩻအရိယာႏမဂ်တာႏ တထွာတဝ်း၊ တထွိုက်တန်ႏတောဝ်းနောဝ်ꩻသွူ။\n၂။ ကထိကံ ပရိဘောတိ- 'အံႏသွင်ꩻတဝ်းဟော်ꩻတရာꩻသား၊ ထီႏဖွီဟော်ꩻတရာꩻသား၊ အဒါႏကဲထမုဲင်ꩻတန်နဝ်ꩻ'ရိုꩻနုဲင်းနဝ်ꩻ၊ လိုꩻပေါႏထီႏဖွီ ဟော်ꩻတရာꩻသားနုဲင်းနဝ်ꩻနဝ်ꩻ သေႏချာႏအီႏလꩻ အရိယာႏမဂ်တာႏ တထွာတဝ်း၊ တထွိုက်တန်ႏတောဝ်းနောဝ်ꩻသွူ။\n၃။ အတ္တာနံ ပရိဘောတိ- 'ထီႏဖွီချာအနမ်း'၊ လိုꩻနုဲင်းခွေယို တသေနာႏနွောင်ꩻတဝ်းတရာꩻ'ရိုꩻနုဲင်းနဝ်ꩻ၊ လိုꩻပေါႏထီႏဖွီချာ အနမ်းနုဲင်းနဝ်ꩻနဝ်ꩻ သေႏချာႏအီႏလꩻ အရိယာႏမဂ်တာႏ တထွာတဝ်း၊ တထွိုက်တန်ႏတောဝ်းနောဝ်ꩻသွူ။\n၄။ ဝိက္ခိတ္တစိတ္တော- နာႏ��ရာꩻသꩻစွူတဝ်း၊ ယူႏမွိုင်းတောဒျာႏအလင်၊ ပေါႏထွာနုဲင်းနဝ်ꩻနဝ်ꩻ သေႏချာႏအီႏလꩻ အရိယာႏမဂ်တာႏ တထွာတဝ်း၊ တထွိုက်တန်ႏတောဝ်းနောဝ်ꩻသွူ။\n၅။ အယောနိသော မနသိကာရော- နာႏတရာꩻတဲ့ တရာꩻနဝ်ꩻ တလဲဉ်းသော့ꩻတဝ်းသꩻကို၊ ပေါႏထွာနုဲင်းနဝ်ꩻနဝ်ꩻ သေႏချာႏအီႏလꩻ အရိယာႏမဂ်တာႏ တထွာတဝ်း၊ တထွိုက်တန်ႏတောဝ်းနောဝ်ꩻသွူ။\nရဟန်ꩻသီးဖုံႏဟွေး-\n၁။ န ကထံ ပရိဘောတိ- ထီႏဖွီတဝ်းတရာꩻ (ယွုမ်းအံႏဒျာႏတရာꩻ)၊ ပေါႏထီႏဖွီတဝ်းတရာꩻ နုဲင်းနဝ်ꩻနဝ်ꩻ သေႏချာႏအီႏ အရိယာႏမဂ်တာႏ ထွာနွောင်ꩻဒျာႏ၊ ထွိုက်တန်ႏဒျာႏနောဝ်ꩻသွူ။\n၂။ န ကထိကံ ပရိဘောတိ- ထီႏဖွီတဝ်း ဟော်ꩻတရာꩻသား၊ ပေါႏထီႏဖွီတဝ်း ဟော်ꩻတရာꩻသားနုဲင်းနဝ်ꩻနဝ်ꩻ သေႏချာႏအီႏလꩻ အရိယာႏမဂ်တာႏ ထွာနွောင်ꩻဒျာႏ၊ ထွိုက်တန်ႏဒျာႏနောဝ်ꩻသွူ။\n၃။ န အတ္တာနံ ပရိဘောတိ-ထီႏဖွီချာတဝ်းနမ်း (ယွုမ်းအံႏဒျာႏနမ်း) ပေါႏထီႏဖွိချာတဝ်းနမ်းနောဝ်ꩻ သေႏချာႏအီႏလꩻ အရိယာႏမဂ်တာႏ ထွာနွောင်ꩻဒျာႏ၊ ထွိုက်တန်ႏဒျာႏနောဝ်ꩻသွူ။\n၄။ အဝိက္ခိတ္တစိတ္တော- နာႏတရာꩻ သꩻစွူ၊ ယူႏတဝ်းအလင်၊ ပေါႏထွာနုဲင်းနဝ်ꩻနဝ်ꩻ သေႏချာႏအီႏလꩻ၊ အရိယာႏမဂ်တာႏ ထွာနွောင်ꩻဒျာႏ၊ ထွိုက်တန်ႏဒျာႏနောဝ်ꩻသွူ။\n၅။ ယောနိသော မနသိကာရော- နာႏတရာꩻနဝ်ꩻ တရာꩻလဲဉ်းသော့ꩻသꩻကို၊ ပေါႏထွာနုဲင်းနဝ်ꩻနဝ်ꩻ သေႏချာႏအီႏလꩻ အရိယာႏမဂ်တာႏ ထွာနွောင်ꩻဒျာႏ ထွိုက်တန်ႏဒျာႏနောဝ်ꩻသွူ။\nလိုꩻပေါႏဗွေတွမ်ႏအ ချက်ယိုငတ်ꩻချက်နဝ်ꩻ နာႏဗာႏသူႏတောႏကောင်ꩻတရာꩻတဲင် ထွုံꩻစံႏအတွိုင်ꩻ သေႏချာႏအီႏလꩻ အရိယာႏမဂ်တာႏ ထွိုက်တန်ႏငါႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ သမ္မတ္တနိယာမသုတ်)\n\nအာႏကွိုꩻ","num_words":407,"character_repetition_ratio":0.155,"word_repetition_ratio":0.098,"special_characters_ratio":0.079,"stopwords_ratio":0.007,"flagged_words_ratio":0.0,"lang_id_score":1.0,"perplexity_score":3002.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%94%E1%80%AF%E1%80%BF%E1%80%90%E1%80%AD%E1%81%86-%E1%80%95%E1%80%AB%EA%A9%BB%20%E1%80%9A%E1%80%B0%E1%82%8F%E1%80%9C%EA%A9%BB%E1%80%90%E1%80%9B%E1%80%AC%EA%A9%BB","collection":"wikipedia","source":"wikipedia","original_code":"blk","text":"\"မဟာနာမသုတ် (အနုဿတိ ၆-ပါꩻ ယူႏလꩻတရာꩻ ၆-မျိုꩻ)\"\nအွိုးခꩻတလဲင်ႏ-\nနီဗွေႏဘုရာꩻအဝ်ႏအုံ ကပိလဝတ်ခမ်း၊ ကျောင်ꩻ 'နိဂြောဓါရုံ'ကိုအတွင်ꩻ သာႏကီဝင်ႏ ခွန်မဟာႏနာမ်ႏနဝ်ꩻ ထင်ႏထေ့ဗွေႏဘုရာꩻ၊ ဝုဲင်ႏဗွေႏဘုရာꩻထွူခါ ရီပါနုဲင်းယို-\n\"ဩဗွေႏ ဘုရာꩻမျတ်ဗွေႏဩ-\nလꩻလဲဉ်း (အရိယာႏ)ဖိုလ်ႏ၊ သေလဲဉ်းသာႏသနာႏ (သိက္ခာႏသွံပါꩻ) အရိယာႏတပဲ့ꩻနဝ်ꩻနဝ်ꩻ အအုံအာတွမ်ႏ အနယ်ꩻနုဲင်းမုဲင်ꩻဗွေႏဩ\"\nမဟာႏနာမ်ႏဟွေး-\n၁။ သာႏသနာႏကိုယ��ု အရိယာႏတပဲ့ꩻနဝ်ꩻ အုံထာꩻအဝ်ႏယူႏလꩻ ခူꩻလိမ်ꩻခူꩻပြန်ႏ ဘုရာꩻဂွုဏ်ႏတောႏကွတ်ꩻပါꩻ၊ ဝွေꩻကယူႏလꩻ ဘုရာꩻဂွုဏ်ႏတောႏတွင်ꩻနဝ်ꩻ သꩻလောႏဘꩻ၊ သꩻဒေါႏသꩻ၊ သꩻမောႏဟထွာတောဝ်း၊ သꩻရေꩻနစ်သက်၊ သꩻချမ်ꩻသာႏ၊ ဝွေꩻနဝ်ꩻရိုꩻဗာႏ အားထွုတ် 'ဗုဒ္ဓါႏနုဿတိကမ္မဋ္ဌာန်ꩻ\"နောဝ်ꩻသွူ။\n၂။ သာႏသနာႏကိုယို အရိယာႏတပဲ့ꩻနဝ်ꩻ အုံထာꩻအဝ်ႏယူႏလꩻ ခူꩻလိမ်ꩻခူꩻပြန်ႏ တရာꩻဂွုဏ်ႏတောႏသူပါꩻ၊ ကလူႏလꩻအတွင်ꩻနဝ်ꩻနဝ်ꩻ လောႏဘꩻ၊ ဒေါႏသꩻ၊ မောႏဟꩻထွာတဝ်း၊ သꩻရေꩻနစ်သက်၊ သꩻချမ်ꩻသာႏ၊ ဝွေꩻနဝ်ꩻရိုꩻဗာႏ အားထွုတ် 'ဓမ္မာနုဿတိကမ္မဋ္ဌာန်ꩻ'နောဝ်ꩻသွူ။\n၃။ သာႏသနာႏကိုယို အရိယာႏတပဲ့ꩻနဝ်ꩻ အုံထာꩻအဝ်ႏယူႏလꩻ ခူꩻလိမ်ꩻခူꩻပြန်ႏ သံႏဃာႏဂွုဏ်ႏတောႏကွတ်ꩻပါꩻ၊ ကလူႏလꩻအတွင်ꩻနဝ်ꩻနဝ်ꩻ လောႏဘꩻ၊ ဒေါႏသꩻ၊ မောႏဟꩻ ထွာတဝ်း၊ သꩻရေꩻ၊ သꩻချမ်ꩻသာႏ၊ ဝွေꩻနောဝ်ꩻ ရိုꩻဗာႏအားထွုတ် 'သံဃာနုဿတိကမ္မဋ္ဌာန်ꩻ'နောဝ်ꩻသွူ။\n၄။ သာႏသနာႏကိုယို အရိယာႏတပဲ့ꩻနဝ်ꩻ အုံထာꩻအဝ်ႏယူႏလꩻ ခူꩻလိမ်ꩻခူꩻပြန်ႏ သီလဂွုဏ်ႏ၊ ကယူႏလꩻ အတွင်ꩻနဝ်ꩻနဝ်ꩻ လောႏဘꩻ၊ ဒေါႏသꩻ၊ မောႏဟꩻထွာတဝ်း၊ သꩻရေꩻ၊ သꩻချမ်ꩻသာႏ၊ ဝွေꩻနဝ်ꩻ ရိုꩻဗာႏ အားထွုတ် 'သီလာနုဿတိကမ္မဋ္ဌာန်ꩻ'နောဝ်ꩻသွူ။\n၅။ သာႏသနာႏကိုယို အရိယာႏတပဲ့ꩻနဝ်ꩻ အုံထာꩻအဝ်ႏယူႏလꩻ ခူꩻလိမ်ꩻခူꩻပြန်ႏ စာႏဂဂွုဏ်ႏ၊ ကယူႏလꩻ အတွင်ꩻနဝ်ꩻနဝ်ꩻ လောႏဘꩻ၊ ဒေါႏသꩻ၊ မောႏဟꩻထွာတဝ်း၊ သꩻရေꩻ၊ သꩻချမ်ꩻသာႏ၊ ဝွေꩻနဝ်ꩻ ရိုꩻဗာႏ အားထုတ်\"စာဂါနုဿတိကမ္မဋ္ဌာန်ꩻ\"နောဝ်ꩻသွူ။\n၆။ သာႏသနာႏကိုယို အရိယာႏတပဲ့ꩻနဝ်ꩻ ယူႏနုဲင်းယို 'လူꩻစတုမဟာႏရာဇ်၊ လူႏတာႏဝတိံသာႏ၊ လူꩻယာႏမာႏ၊ လူꩻတုသိတာႏ၊ လူꩻနိမ္မာနရတိ၊ လူꩻပရိနိမ္မိတဝသဝတ္တီသီးဖုံႏတဲ့နဝ်ꩻ၊ ဗျဟ္မာႏသီးဖုံႏတဲ့နဝ်ꩻ ကွပ်သဒ္ဓါႏတရာꩻအဝ်ႏ၊ ကွပ်သီႏလအဝ်ႏ၊ ကွပ်ကုသိုလ်ႏအဝ်ႏမꩻ ထင်ႏထွာလꩻလူꩻ၊ ထင်ႏထွာလꩻဗျဟ္မာႏ၊ ခွေတဲ့ သဒ္ဓါႏတရာႏအဝ်ႏ၊ သီႏလအဝ်ႏ၊ ကုသိုလ်ႏအဝ်ႏ'ယူႏခူꩻလိမ်ꩻခူꩻပြန်ႏနုဲင်းနဝ်ꩻ၊ ကယူႏနုဲင်းနဝ်ꩻတွင်ꩻ လောႏဘꩻ၊ ဒေါႏသꩻ၊ မောႏဟꩻထွာတဝ်း၊ သꩻရေꩻ၊ သꩻချမ်ꩻသာႏ၊ ဝွေꩻနဝ်ꩻ အသက်သေႏ အွဉ်ႏထွာလူꩻဗျဟ္မာႏ၊ ဝွေꩻတဲ့ သဒ္ဓါႏ၊ သီႏလ၊ စာႏဂအဝ်ႏ နုဲင်းလူꩻဗျဟ္မာႏနေနေ၊ ယူႏခူꩻလီမ်ꩻခူꩻပြန်ႏ နုဲင်းနဝ်ꩻတဲင်တွော့ꩻ ဝွေꩻနဝ်ꩻ ရိုꩻဗာႏ အားထွုတ် \"ဒေဝတာနုဿတိကမ္မဋ္ဌာန်ꩻ'နောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဆက္ကနိပါတ်၊ မဟာနာမသုတ်)\n\nအာႏကွိုꩻ","num_words":474,"character_repetition_ratio":0.109,"word_repetition_ratio":0.183,"special_characters_ratio":0.086,"stopwords_ratio":0.021,"flagged_words_ratio":0.0,"lang_id_score":1.0,"perplexity_score":1915.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%99%E1%80%AC%E1%82%8F%E1%80%90%E1%80%9B%E1%80%BD%E1%80%AD%E1%80%AF%E1%80%B7%EA%A9%BB%28%E1%81%81%29","collection":"wikipedia","source":"wikipedia","original_code":"blk","text":"အမာႏတရွို့ꩻဖျင်စွို့ꩻ(၂)\nနီသွဉ်းသီး အသောင်အရင်ꩻဖုံႏယို တသေထွꩻလို့တဝ်း အခံႏအစဲစ်အမဲဉ်ႏတွော့ꩻ မာႏယို ထွိုင်ႏညလွဉ်နဝ်ꩻ ထွာလွဉ်ထိုꩻဒါႏ အမဲဉ်ႏနဝ်ꩻသွူ၊ နီသွဉ်းသီး ပအိုဝ်ႏလိုꩻမျိုꩻယို အမာႏထွာလွဉ် အမဲဉ်ႏဖုံႏနဝ်ꩻ အဝ်ႏအာငါႏ၊ ကွဲးတွော့ꩻ တသေထောင်ချာတဝ်း အရွီးအခိုႏဒျာႏ ခွေသွဉ်းခံႏထူႏနုဲင်းနဝ်ꩻသွူ။ နီသွဉ်းသီး ပအိုဝ်ႏလိုꩻမျိုꩻယို အဝ်ႏလိုႏဖျင်မွဉ်းလွေꩻခရာႏနဝ်ꩻ အာငါႏတဲင် ယိုခါ ကအဝ်ႏထွာအရေꩻကီꩻ အရေꩻတန်တဗာႏနဝ်ꩻ လိတ်ခရာႏတန်နဝ်ꩻသွူ၊ နီသွဉ်းသီးယို သက်တန်ꩻတဗာႏလုမ်းလုမ်းကို ကအဝ်ႏသွဉ်ထူႏလွေꩻဒါႏ ပအိုဝ်ႏလိတ်မွူးယိုနဝ်ꩻ နီသွဉ်းသီး သေထွꩻဗာႏ ဗွေႏဗွန်သုနန္ဒ ထီသိမ်ႏလိတ်မူနုဲင်းနဝ်ꩻသွူ။\n\nကွဲးတွော့ꩻ ဗွေႏဗွန်ထီသိမ်ႏလိတ်မူစဲစ်စဲစ်နဝ်ꩻ နုဲင်းမုဲင်ꩻ၊ လိတ်စောင်ႏနဝ်ꩻနုဲင်းမုဲင်ꩻ၊ ဗွေႏဗွန်ထီသိမ်ႏ မိန်းသေꩻခါꩻငေါဝ်း အဝ်ႏနုဲင်းမုဲင်ꩻနဝ်ꩻ ကဲဉ်းအာအာ သက်သိုမ်ဆီရပ် လိုꩻဖုံႏနဝ်ꩻ တသေထွꩻတဝ်းဒွုမ်သွူ၊ ပွိုးတမုဲင်ꩻနဲးနဝ်ꩻ ဗွေႏဗွန်ထီသိမ်ႏ ကတဲမ်းထေဖေႏဒါႏ ပအိုဝ်ႏလိတ်မွူးတသာယို ထွူဖြီႏစီႏနဝ်ꩻ သက္ကရာဇ် ၁၃၀၉-ဗာႏခိန်ႏကာႏ၊ ထွိုင်ႏဖျင်မွဉ်းထွူ ထွတ်ထေလွေꩻနဝ်ꩻ သက္ကရာဇ် ၁၃၁၉-ဗာႏနုဲင်းနဝ်ꩻသွူ။ ခွေသွဉ်းရွမ်ဖြုဲင်ꩻယိုနဝ်ꩻ မဉ်ယားလီချာ လွောင်ႏဗူႏရေꩻ၊ မဲ့ꩻဗွေႏသံႏဃာႏသီးကေꩻဇူꩻ၊ မဲ့ꩻဆရာႏသီးကေꩻဇူꩻနုဲင်းနဝ်ꩻ တမွေးတဝ်းကရိုꩻနဝ်ꩻ ရီးသွတ်ꩻဒေါ့ꩻလောဝ်းလွေꩻဖေႏဗာႏသွူꩻ ပွိုးတမုဲင်ꩻနဲးတဲင် ပအိုဝ်ႏယို မဉ်ႏပတ်သဲစ်သွူ တွမ်ႏလိတ်ခရာႏနဝ်ꩻ စွဉ်ꩻလွေꩻဗာႏနေးစွဉ်ႏ သွီႏသက်သားဖုံႏ၊ ခံႏဗာႏမွေးစွဉ်ႏ အနေစ်နာႏဖုံႏ၊ ခံႏလို့ဗာႏမွေးအခိန်ႏဖုံႏ အာမွေးငါႏကရိုꩻနဝ်ꩻ တဲမ်းလိတ်သား ခွေသွဉ်းသေနာႏဒျာႏသွူ။ ကွဲးတွော့ꩻ အမာႏတရွိုꩻအဝ်ႏယို မဉ်ႏတဖျင်စွိုꩻဖေႏတဝ်းနဝ်ꩻ အမာႏယိုည ထွာလွဉ်အမဲဉ်ႏတဲင် ကထွာဒါႏ လိုꩻမျိုꩻတာႏလဲ့ မဲ့ꩻထဲ့သုမ်ꩻထိုꩻဒါႏ ယူႏနုဲင်းနဝ်ꩻတွော့ꩻ တဲမ်းဖောႏနယ်လွေꩻဗာႏဒျာႏသွူ၊ ယိုခါ ထေလိတ်စောင်ႏသားဖုံႏ ကအဝ်ႏကျုံႏမော့ꩻဗာႏဒါႏ ပျဿနာႏနဝ်ꩻ လိတ်ဖုံႏတလိုမ်းကိုမ်ႏတဝ်း၊ ဝေါဟာရစုမ်ႏတဝ်း၊ ရမ်ꩻဟောꩻဗာႏနေး၊ လိတ်တဖြုံႏ အငဝ်းထန်ႏနီသိုမ်မျိုꩻဖုံႏယို အဝ်ႏ���ော့ꩻအယပ်ꩻခုဲင်ႏသွူ၊ အယပ်ꩻခုဲင်းနုဲင်းယိုတဲ့ ဖေႏကဖြေႏသျင်ꩻနွောင်ꩻရေႏနုဲင်းနဝ်ꩻတွော့ꩻ တာႏဝွန်ႏကအဝ်ႏသားတွမ်ႏ ပညာႏဒါႏသီးဖုံႏ တွိုင်ႏပင်ႏရော့ꩻရော့ꩻ၊ ချော့ꩻလွဝင်ꩻမာႏန၊ စွိုးခွိုꩻတာႏအွဉ်ႏဆꩻငါ တွမ်ႏစေႏတနာႏဗွာဗွာတွော့ꩻ ပအိုဝ်ႏလိတ်ခရာႏ ယံဖေႏကဖြေႏသျင်ꩻနွောင်ꩻ ရေႏမိုးလွေꩻဒျာႏနုဲင်းနဝ်ꩻသွူ။\n\nနဝ်ꩻမꩻ ထေလိတ်စောင်ႏသားဖုံႏတဲ့ သုင်ꩻလွေꩻဒျာႏတဖြုံႏချင်ႏ၊ ကေားထွားသားဖုံႏတဲ့ ဖေႏကဒါႏယိုꩻ၊ သေနာႏယိုꩻ ဖြောင်စဲင်းနဝ်ꩻ အရေꩻကီꩻငါႏလဲဉ်းသွူ၊ မဉ်ႏတမွေးတဝ်းနဝ်ꩻ တဲမ်းလိတ်သား တဲမ်းတမျိုꩻ၊ ဟောꩻထွားသားရိုꩻတစားတွော့ꩻ အဖြုံႏမုဲင်ꩻနဝ်ꩻမဲဉ်ႏ၊ အဖြုံႏမုဲင်ꩻနဝ်ꩻမာႏကရိုꩻယို ခွယ်ꩻချာꩻတလꩻတဝ်းသွူꩻ အီႏယွူးဗာႏပါꩻမုဲင်ꩻမာႏ၊ အီႏယွူးဗာႏပါꩻမုဲင်ꩻမဲဉ်ႏ၊ တရာꩻခံႏတအဝ်ႏတဝ်း ထွာထိုꩻနုဲင်းနဝ်ꩻတွော့ꩻ ပအိုဝ်ႏချင်ꩻချင်ꩻ လွောင်ႏဗူႏရေꩻယို ယိန်းကုဲင်အာ ထွာဗာႏနုဲင်းနဝ်ꩻသွူ။ နဝ်ꩻတွော့ꩻ နီသွဉ်းသီး တသေထွꩻတဝ်းဒါႏ လိတ်မွူးထီသိမ်ႏယို ခွေသွဉ်းထွိုင်ႏထီႏထွားဗာႏနဝ်ꩻ တွမ်ႏနီသွဉ်းသီး ကသွဉ်ထူႏဒါႏ လိတ်မွူးယိုခါနဝ်ꩻ ကွာႏအာငါႏနဝ်ꩻမꩻ ဝင်ꩻမဉ်ႏရိုꩻလိတ်ယိုနဝ်ꩻ ထီသိမ်ႏမူနုဲင်းနဝ်ꩻနဝ်ꩻ နီသွဉ်းအနေႏ တမွေးတဝ်းဒွုမ် မဲဉ်ရိုꩻနုဲင်းနဝ်ꩻသွူ။ ပွိုးနုဲင်းမုဲင်ꩻတဲ့ ထွာထိုꩻဒျာႏသွဉ်ဗာႏအာ၊ မဉ်ႏဒေါ့ꩻယင်းတနယ်ꩻ အမျာꩻသုင်ꩻ ထွာထိုꩻဒျာႏနုဲင်းနဝ်ꩻ၊ အမဲဉ်ႏနဝ်ꩻ ထီသိမ်ႏမူစဲစ်စဲစ် တမွေးတဝ်းဒွုမ်သွူ။\n\nထီသိမ်ႏမူကရိုꩻနဝ်ꩻ ဗွေႏဗွန်ထီသိမ်ႏ ကတဲမ်းထွင်ႏသေꩻခါꩻဒါႏ လိတ်မွူးစောင်ႏယို ဗွေႏဗွန်ဉာဏ ကျောင်ꩻထမ်းဘုရာꩻ မွဉ်းဖျင်ဖေႏ လိတ်မွူးစောင်ႏယို ထုဲင်ႏပွုံႏကိုအတွိုင်ꩻနဝ်ꩻဒျာႏသွူ၊ နဝ်ꩻမ လိတ်မွူးစောင်ႏယိုနဝ်ꩻနဝ်ꩻ ကထွာဒါႏ နီသွဉ်းသီး သက်သိုမ်ဆီလွိုသားခွိုꩻသွုပ်ဖုံႏနဝ်ꩻ တထီႏထွꩻလို့ဗာႏတဝ်းတဲင် ဖေႏကထီႏထွꩻဗာႏနဝ်ꩻ အီႏဒင်ႏနယ်လွေꩻဖေႏနဝ်ꩻသွူ။\nနဝ်ꩻမꩻ အမဲဉ်ႏမဲဉ်ႏ ဖေႏကထွာလွဉ်၊ နုဲင်ႏငံႏတောႏ ကအဝ်ႏဖေႏခွင်ꩻလဲဉ်းသွူ ခမ်းရင်ꩻသားတာႏ အတန်ꩻကျောင်ꩻကို ကျောင်ꩻခိန်ႏအထန်ႏ (ကျောင်းချိန်ပြင်ပ)သွဉ်ချာလိုꩻမျိုꩻလိတ်လုဲင်ꩻလꩻလဲဉ်းနဝ်ꩻ အီႏအောင်ႏမျင်ႏယိုꩻ ယူႏနုဲင်းနဝ်ꩻသွူ။\n\nအမာႏတရွို့ꩻ-ဖျင်စွို့ꩻ(၃)\nတဲမ်းလိတ်သား အဝ်ႏရန်ႏကုန်ႏ အဝ်ႏထင်ႏသွဉ်တန်ꩻခိန်ႏတွင်ꩻ နေင်ႏနဝ်ꩻ ၂၀၁၂-ရပ်ခိန်ႏ တွမ်ႏသွꩻပေႏ ထေင်ဗာႏဖိုလွဝ��်ꩻ၊ ရွို့ꩻရန်ႏဝင်ꩻတမွေးတဝ်း၊ နုဲင်းအေန်းကလေတ်နဝ်ꩻ ဟဲ့ꩻဒီဗေက်၊ ထုဲင်ႏမန်းနဝ်ꩻ စကားရည်လု နုဲင်းနဝ်ꩻဒျာႏ၊ ထေင်သွူလွဝင်ꩻ အခိန်ႏညညလဲ့ အဖြေႏတထန်ႏလွဉ်တဝ်းသွူ၊ ကထေင်ဗာႏဝင်ꩻ အခရာႏနဝ်ꩻ နုဲင်းယိုသွူ- \"ပအိုဝ်ႏ\"လိတ်ဖြုံႏယိုနဝ်ꩻ လိုꩻမျိုꩻတွိုင်ꩻ ဟောꩻထွားတလꩻတဝ်း၊ တဒါႏတဝ်းတဲင် လိုႏအွဉ်ႏကုဲင်ထိုꩻခန်း ဝသွတ်ꩻ၊ တဲမ်းငါ\"အိုႏ\"နုဲင်းနဝ်ꩻငါ၊ သွꩻပေႏနဝ်ꩻ သဖောꩻအဝ်ႏနုဲင်းနုဲင်းနဝ်ꩻသွူ။\n\nတဲမ်းလိတ်သားနဝ်ꩻ သမ်းတသေစဲင်းငါႏတဝ်းဒွုန်း လိတ်ခရာႏ၊ သꩻကိုနဝ်ꩻ သော့ꩻဝသွတ်ꩻယိုမꩻ ပအိုဝ်ႏလိတ်မဲဉ်ႏ၊ အထီထွူႏ၊ မတ်ထူႏဒျာႏနုဲင်းနဝ်ꩻတဲင် အဝ်ႏထေင်ချာငါဗာႏလွဝင်ꩻ လိတ်ဖြုံႏ\"ပအိုဝ်ႏ\"တွမ်ႏ\"ပအိုႏ\"နဝ်ꩻသွူ၊ မဉ်ႏတဲမ်း \"ပအိုဝ်ႏ\"ယိုနဝ်ꩻ လိုꩻမျိုꩻတွိုင်ꩻ ဟောꩻထွားလွေꩻ အငေါဝ်းထန်ႏလွေꩻတေားဒျာႏ\"ပအိုင်း\"ပအုဲင်း-နုဲင်းနဝ်ꩻသွူ။ ကဟောꩻနုဲင်းယိုနဝ်ꩻ တွိုႏယိုခါ တပြောင်ꩻလုဲင်ႏတဝ်းဒွုန်းသွူ၊ နုဲင်းမုဲင်ꩻမုဲင်ꩻတယဝ်း \"ပအိုဝ်ႏ\"လိတ်ဖြုံႏယိုနဝ်ꩻ အထီယန်းထွူႏ၊ ပအိုဝ်ႏဖုံႏတဲ့ အဝ်ႏခံႏထူႏလဲဉ်းနုဲင်းနဝ်ꩻတဲင် လိုꩻလင်ꩻဟောꩻထွားဒါႏတဲ့နဝ်ꩻ၊ ဟောꩻထွားဒါႏတဝ်းတဲ့နဝ်ꩻ အွဉ်ႏရေꩻတဝ်း၊ လိတ်ယိုနဝ်ꩻ လိုꩻမျိုꩻလင်တာႏ တမွေးတဝ်း၊ ပအိုဝ်ႏတာႏဒျာႏတဲင် အဓိကဒျာႏ ပအိုဝ်ႏလိုꩻမျိုꩻ ထူႏဂုဏ်ႏချာ၊ သွဉ်ချာဒျာႏသွူ။ နဝ်ꩻတွော့ꩻ တဲမ်းလိတ်သား ကအဝ်ႏထေင်ဗာႏဝင်ꩻ အခရာႏယိုနဝ်ꩻ ထွိုင်ႏထောင်ထွား စဲစ်ဆေꩻလွေꩻထဲင်းထဲင်းယင်းနဝ်ꩻ ပအိုဝ်ႏလိတ်မွူးစောင်ႏယို လိတ်မူနဝ်ꩻ ဗွေႏဗွန်ထီသိမ်ႏလိတ်မူ သေထွꩻနုဲင်းနဝ်ꩻတဲင် ဟောꩻထွားလွေꩻဗာႏယင်း ဗွေႏဗွန်လိတ်မွူးတသာနဝ်ꩻသွူ၊ ကွဲးတွော့ꩻ လိတ်ထီသိမ်ႏမူ ပအိုဝ်ႏလိတ်မွူးတသာယိုနဝ်ꩻ တဲမ်းလိတ်သားသီးတွမ်ႏ ခွိုꩻသွုပ်တသာသီး ကအဝ်ႏသွဉ်ထူႏဒါႏ ယိုခါခါနဝ်ꩻ ကွာႏအာထိုꩻလဲဉ်းသွူဝင်ꩻနဝ်ꩻသွူ။\n\nအကွာနုဲင်းမုဲင်ꩻနဲးနဝ်ꩻ နီသွဉ်းသီး ကအဝ်ႏသွဉ်ဒါႏ လိတ်ယိုခါခါနဝ်ꩻ ဆောင်ႏအွံနေး အလင်္ကာႏပေႏအဝ်ႏ\"နီ လစ်ꩻ သူခါ၊ အမုဲင်ပါ၊ ငေါဝ်းငွါထန်ႏပအိုဝ်ႏ\"တဲ့၊ လိတ်မွူးတွယ်ꩻကို နီဖြုံႏကို၊ လစ်ꩻဖြုံႏကိုတွမ်ႏ သူဖြုံႏကိုနဝ်ꩻ အမုဲင်ပါတွော့ꩻ ငေါဝ်းအွဉ်ႏထင်ႏအွဉ်ႏလင်ꩻ ထွာအီထိုꩻနုဲင်းနဝ်ꩻသွူ၊ နဝ်ꩻသွူတကာႏတဝ်း ဗျည်းတဲ့ အဝ်ႏ ၃၃-ဖြုံႏလုမ်ꩻနဝ်ꩻသွူ။ ကွဲးတွော့ꩻ လိတ်ထီသိမ်ႏမူစဲစ်စဲစ်နဝ်ꩻ နုဲင်းနဝ်ꩻ တမွေးတဝ်းသွူ၊ ဗျည်းယို ��ဝ်ႏစွဉ်ႏ ၃၆-ဖြုံႏသွူ၊ -ႏ၊ -း၊ ပ-လာဆန်ꩻပမာႏယိုတဲ့ သော့ꩻရောꩻလွေꩻဗျည်းကိုနဝ်ꩻ ထီႏဗာႏသွူ။ နဝ်ꩻသွူတကာႏတဝ်း \"ပအိုဝ်ႏ\"ယိုလဲ့ တဲမ်းဒျာႏ\"ပအိုႏ\"အဆꩻကီနဝ်ꩻ လာဆန်ꩻပမာႏ အဝ်ႏဒင်ႏလူးနုဲင်းနဝ်ꩻသွူ။ ပအိုဝ်ႏလိတ်မွူးတသာ ဗွေႏဗွန်ထီသိမ်ႏလိတ်မူကိုနဝ်ꩻ အမုဲင်ဖုံႏတဲ့ အွဉ်ႏထွော့သေꩻခါꩻပါတဝ်း၊ အဝ်ႏဒျာႏ လာဆန်ꩻသိုမ်ဟာပုံႏ(လချမ်း)ပွုံႏ ကအဝ်ႏဒင်ႏဆꩻကီနဝ်ꩻ ထွာအမုဲင်ပါနုဲင်းနဝ်ꩻသွူ၊ နီ လစ်ꩻ သူပါ အမုဲင်ကပါယိုနဝ်ꩻ ထုဲင်ႏထီသိမ်ႏမူ အွဉ်ႏသော့ꩻလုဲင်ႏဒျာႏ လာဆန်ꩻပွုံႏ အဝ်ႏထေင်းဆꩻကီဖဲ့ꩻနုဲင်းနဝ်ꩻသွူ။\n\nကအွဉ်ႏထွော့ဗာႏ လာဆန်ꩻပမာႏယိုလဲ့ ဗွေႏဗွန်ထီသိမ်ႏမိန်းဟောꩻလွေꩻဖေႏပါနုဲင်းယို-\"ပအိုဝ်ႏစထွိုင်ႏ ခေတ်တသာ၊ တရေင်သိုမ်ရျာꩻ လွိုတကီ၊ ဆီပုဲင်တဗာႏ လာဝါႏခေါင်ႏ၊ လောင်းလင်ꩻငတ်ꩻနီꩻ အယံတွင်ꩻ၊ ပအိုဝ်ႏအရင်ꩻ ကတဲႏစ၊ ဗꩻစွဉ်ႏထန်ႏနီꩻ ဖြွမ်းလွဝင်ꩻ၊ နဝ်နဝ်ထင်ꩻထင်ꩻ တွို့ꩻတွမ်ႏကွဉ်ႏ၊ ဖူးဝေးစွဉ်ႏလွဉ်းလွဉ်း ပအိုဝ်ႏချင်ꩻ၊ လွောင်ႏဗူႏလွဝင်ꩻ ကကျိုꩻစာꩻ၊ အာႏကွဲးတန်တန် ထုဲင်ႏလာဆန်ꩻ၊ သဏ္ဌာန်ႏလာမင်ꩻ သိုမ်ဟာပေါႏ၊ တောႏတောႏမွေးတဝ်း ဆုဲင်ꩻချာတာႏ၊ ပအိုဝ်ႏအက္ခရာႏ သင်္ကေတ၊ လချမ်းလာခေါဝ် ကအွဉ်ႏဗာႏ၊ ပညာႏရှိပုဂ္ဂိုလ်ႏဒါႏ ကအွဉ်ႏသေꩻ၊ ပအိုဝ်ႏအရေꩻ အီႏဟဝ်လွဉ်၊ ထွာစွဉ်ႏပုဗ္ဗ နိမိတ်ဒါႏ၊ ဗျည်းအက္ခရာႏ လာတခေါဝ်၊ အီႏထွာနုဲင်းနဝ်ꩻ မွေးအမန်ႏ၊ သဏ္ဌာန်ႏလာဆန်ꩻ သင်္ကေတ၊ ပွိုးထွာပအိုဝ်ႏ နီမိတ်ထွာ၊ လာဆန်ꩻလာခေါဝ် သင်္ကေတ၊ ကျိုꩻစာꩻလွဝင်ꩻ သွဉ်ဒါႏဒါႏ၊ ဆုဲင်ꩻချာအတာႏ ပအိုဝ်ႏရင်ꩻ၊ အီႏစီꩻပွာꩻထင်ႏ မကင်ꩻဖို၊ ပအိုဝ်ႏပိုလီꩻ အားလုံးတဉ်ဟွေး\"နုဲင်းနဝ်ꩻသွူ။\n\nနဝ်ꩻမꩻ အမုဲင်ခင်ႏလမ်းကိုနဝ်ꩻ ဗွေႏဗွန်ထီသိမ်ႏ အွဉ်ႏထွော့လွေꩻနေးဒျာႏ လာဆန်ꩻသိုမ်ဟာပွုံႏစံႏ လာတခေါဝ်၊ ဆုဲင်ꩻယိုမꩻ လိတ်ပအိုဝ်ႏစွစ်ꩻလီတာႏ ဗဟိုႏသံႏဃာႏသီးဖုံႏ မွဉ်းဖျင်အွဉ်ႏထွာလွေꩻယင်း အမုဲင်ဖုံႏ၊ \"ပအိုဝ်ႏ\"ယိုလဲ့ သော့ꩻလွေꩻယင်း ဝသွတ်ꩻကရိုꩻနဝ်ꩻ သေထွꩻဗာႏသွူ။ နဝ်ꩻသွူတကာႏတဝ်း ဗွေႏဗွန်ထီသိမ်ႏကထွင်ႏလွေꩻဒါႏ ပအိုဝ်ႏအက္ခရာႏဖုံႏယိုနဝ်ꩻ ကေားကအီႏထူႏသွဉ်ဒါႏ ပအိုဝ်ႏလိုꩻမျိုꩻသီးတာႏ သွဉ်ထူႏဖေႏကယိုꩻ ယူႏနုဲင်းနဝ်ꩻတဲင် အထျꩻထွင်ႏလွေꩻယိုꩻယိုꩻပေႏ ရိုꩻနုဲင်းနဝ်ꩻသွူꩻ နဝ်ꩻတွော့ꩻ လိတ်ပအိုဝ်ႏစွစ်ꩻလီတာႏ ဗဟိုႏသံႏဃာႏစွိုꩻအွဉ်ငါတဲင် ပအိုဝ်ႏလိုꩻမျိုꩻ သွဉ်ထူႏလိတ်ပအိုဝ်ႏ ဖေႏကဒါႏယိုꩻ၊ လိတ်ပအိုဝ်ႏ ဖေႏကစွစ်ꩻတိုးလီယိုꩻ ရေႏနုဲင်းနဝ်ꩻတွော့ꩻ မွဉ်းဖျင်လွေꩻယင်းလိတ်ဖုံႏ ခွေသွဉ်းခံႏထူႏနုဲင်းနဝ်ꩻသွူ။\nပွိုးတမုဲင်ꩻနဝ်ꩻ ထွာနွောင်ꩻဆရာႏ လိတ်ပအိုဝ်ႏ ဗဟိုႏသွဉ်တန်ꩻယို သက်တန်ꩻသိုမ်ဆီလွိုလဲဉ်း၊ လိတ်ပအိုဝ်ႏ ဖေႏကစွစ်ꩻတိုးလီနဝ်ꩻလဲ့ တာႏဝွန်ႏအဝ်ႏသားဖုံႏ ခံႏယပ်ꩻခံႏပင်ႏပန်ꩻတွော့ꩻ ရုဲင်ꩻတသွိုးလွေꩻ အနေင်ႏပေါင်ꩻနဝ်ꩻလဲ့ ညလဲဉ်းရင်ꩻနဝ်ꩻသွူ၊ မဉ်ႏထွားနုဲင်း လိတ်ထီသိမ်ႏမူ ဗွေႏဗွန်ကတဲမ်းထွင်ႏထွူနေင်ႏ ၁၃၁၉-ဗာႏယို တွက်နပ်ချာနဝ်ꩻ နေင်ႏငတ်ꩻဆီလွိုလဲဉ်းရင်ꩻနဝ်ꩻသွူ။\n\nအွိုးနဝ်ꩻခါကာႏ လိတ်ပအိုဝ်ႏယို အခေႏခံႏလွေꩻဒျာႏစွဉ်ႏ ဗုဒ္ဓဘာႏသာႏ ပါဠိဘာႏသာႏတဲင် လိတ်ယို ပါꩻမုဲင်ꩻပဲင်ႏ မဉ်ႏရီနုဲင်းနဝ်ꩻနဝ်ꩻ ဗွေႏရဟန်ꩻသီးဖုံႏပဲင်ႏ ဒေါ့ꩻရိုꩻနုဲင်းနဝ်ꩻ လꩻဒျာႏသွူ၊ လိတ်ဖေႏကစွစ်ꩻလီ၊ ဖေႏကတိုးလီလဲ့ အထျꩻဗွေႏသံႏဃာႏသီးဖုံႏ အွဉ်မာꩻဒျာႏ၊ တကာႏလိုꩻလမ်းဖုံႏနဝ်ꩻ ထောကမ်းလွေꩻပစ္စေꩻလစ်ꩻပါꩻ ဆရာႏတကာႏလွောင်ႏဗူႏလွဝင်ꩻတဲင် လိတ်ပအိုဝ်ႏယို အောင်ႏမျင်ႏထင်ႏထိုလွဉ်ဗာႏနဝ်ꩻသွူ။\nနဝ်ꩻမꩻ လိတ်ထီသိမ်ႏမူယို တဲႏစနုဲင်းမုဲင်ꩻ၊ လိတ်မူစဲစ်မဲဉ်ႏ အဝ်ႏနုဲင်းမုဲင်ꩻကရိုꩻနဝ်ꩻ ကထွာခွိုꩻသွုပ်တသာသီး ဖေႏကသေထွꩻတဲင် တခူးတခဝ် တဲမ်းဖောႏလွေꩻဖေႏဗာႏနုဲင်းယိုသွူ။\n\nအမာႏတရွို့ꩻ ဖျင်စွို့ꩻ(၄)\nမဉ်ႏတအဝ်ႏတဝ်းနဝ်ꩻ ထွင်ႏ၊ မဉ်ႏအဝ်ႏထွူနဝ်ꩻ ဖေႏကကွင်ႏနွောင်ꩻ လိုႏပင်ႏ၊ အဒေ့ꩻတအဝ်ႏတဝ်းဒွုန်းခိန်ႏနဝ်ꩻ လိုႏအွဉ်ထွင်ႏ၊ ဒေ့ꩻမဉ်ႏအဝ်ႏသွူနဝ်ꩻ ဖေႏကကွင်ႏနွောင်ꩻနဝ်ꩻ လိုႏပင်ႏထဲင်းဝင်ꩻသွူ၊ နီသွဉ်းသီး ကအဝ်ႏအုံသော့ꩻဒါႏ လိုꩻအခမ်းတန်ယိုနဝ်ꩻ တွမ်ႏအမာႏတရွို့ꩻ တကင်ꩻတဝ်းလွဝင်ꩻတဲင် မဉ်ႏမာႏတဲ့ ထောက်နယ်ဒေါ့ꩻနယ် ခြုဲင်းနယ်တွော့ꩻ ကမာႏမာႏကိုယို ရော့ꩻဖျင်တဲ့ဖျင်၊ ရော့ꩻထဲမ်တဲ့ထဲမ်းနုဲင်းနဝ်ꩻသွူ။ ဗွေႏဘုရာꩻမဉ်ႏတဲ့ အဝ်ႏကျင်ꩻသွုံꩻဒျာႏတွမ်ႏ မဇ္ဈိမပဋိပဒါ ထာꩻဖူꩻအထာႏဝ၊ လꩻလွေꩻသဗ္ဗညုတဉာဏ်ႏတောႏနဝ်ꩻသွူ၊ နီသွဉ်းသီး လိုꩻယိုတဲ့ ခုမ်သဲဉ်ꩻတဉ်ႏငါႏမွုန်းတဝ်း ပဉ်မျိုꩻမျိုꩻနုဲင်းနဝ်ꩻမꩻ၊ မဉ်ႏလိုႏချော့ꩻတဲ့ ချော့ꩻပသာႏသာႏ၊ မဉ်ႏလိုႏငင်ႏတဲ့ ငင်ႏပသာႏသာႏယင်းနုဲင်းနဝ်ꩻမꩻ အစွို့ꩻစွဉ်ႏယို အီႏလꩻဗာႏသွူ။\n\nပွိုးတမုဲင်ꩻ တဲမ်းလိတ်သားမွော့ အဝ်ႏဒေါ့ꩻဗာႏတွိုးနုဲင်းယိုနဲးနဝ်ꩻ ယိုခါ အခေႏနေႏအလꩻ လိတ်ပအိုဝ်ႏယို ပါꩻမုဲင်ꩻပဲင်ႏ၊ ပါꩻမုဲင်ꩻတာႏဝွန်ႏအဝ်ႏ၊ ပါꩻမုဲင်ꩻအာႏဏာႏအဝ်ႏ၊ ပါꩻမုဲင်ꩻဒေါ့ꩻခွင်ꩻအာႏကရိုꩻနဝ်ꩻ  တသေထွꩻတဝ်းလဲ့ ပျဿနာႏနဝ်ꩻ အဝ်ႏထွာလွဉ်လဲဉ်းသွူ လိတ်မူနီမူနဝ်ꩻသွူ၊ ယိုနီမူနဝ်ꩻ တွိုင်ႏပင်ႏဒေါ့ꩻရီလွဝင်ꩻလꩻတဝ်းဟောင်း ကရိုꩻနဝ်ꩻ တဲမ်းလိတ်သား ခွေသွဉ်း အဝ်ႏယူႏသေႏသေႏသွူတကာႏတဝ်း လိုꩻကယူႏဒါႏ နုဲင်းတဲမ်းလိတ်သားယိုတဲ့ ရအီႏအဝ်ႏအာတန်ဒျာႏသွူ။\nနဝ်ꩻမꩻ ဝါႏဒကသန်ဒါႏသားဖုံႏနဝ်ꩻ ကွပ်ပွိုးတမုဲင်ꩻ နီသွဉ်းသီး တသေထွꩻတဝ်းလဲ့ ကရိုꩻဒါႏ ထီသိမ်ႏမူမꩻ နီကျွိုက်၊ နီလက်ခံႏ ကရိုꩻဒါႏ နုဲင်းနဝ်ꩻသားဖုံႏနဝ်ꩻ ခွေသွဉ်းတသေနာႏတဝ်းတွော့ꩻ ထီသိမ်ႏမူအဝ်ႏနုဲင်းမုဲင်ꩻကရိုꩻနဝ်ꩻ ထောင်ထွားလွေꩻဗာႏသွူတွော့ꩻ ခြုဲင်းနယ်ဗာႏချာယင်း လိုꩻကမဉ်သေဒါႏသားဖုံႏနုဲင်းယိုသွူ။\nအဝ်ႏလိတ်ခြုဲင်းနယ် နုဲင်းယိုစားမဉ်ႏထွူနဝ်ꩻ တဲမ်းလိတ်သား မဉ်လꩻဒျာႏ ပအိုဝ်ႏလိုꩻမျိုꩻ အကျိုꩻစီꩻပွာꩻတာႏ ကထွာအီဒါႏ လိတ်မျိုꩻ ဖေႏကထွာလွဉ် ရေႏဒျာႏနုဲင်းနဝ်ꩻသွူ၊ ဖေႏကပꩻလီထဲင်းနဝ်ꩻတဲ့ တယူႏခံႏဖိုတဝ်းဒျာႏရင်ꩻတွော့ꩻ ဖေႏကခြွဉ်းညီꩻလꩻ ရေႏနုဲင်းနဝ်ꩻ တဲမ်းလိတ်သားသꩻရင်ꩻဒျာႏသွူ။\n\nနဝ်ꩻတွော့ꩻ ယိုတလဲင်ႏနဝ်ꩻ မဉ်ဒေါ့ꩻနယ်ယင်း လိတ်မွူးယိုခါတွမ်ႏ ထီသိမ်ႏမူဇာႏတိ အကွာႏဝင်ꩻပွုံႏနဝ်ꩻသွူ၊ ပအိုဝ်ႏလိတ်မွူးယိုခါခါ နီသွဉ်းသီး ကအဝ်ႏသွဉ်ထူႏဒါႏနဝ်ꩻ နီသွဉ်းသီး ထေထွꩻဒျာႏ ပအိုဝ်ႏသရစဲဉ်ႏ အဝ်ႏ ၁၆-ဖြုံႏနုဲင်းနဝ်ꩻသွူ၊ အဝ်ႏနုဲင်းမုဲင်ꩻနဲးနဝ်ꩻ အအာ အိအီ အုအူ အေ့အေ အဲ့အဲ အုဲင့်အုဲင် အော့အော် အို့အို အငေါဝ်းဒွေါင်ႏတွမ်ႏ အငေါဝ်းဆွာꩻ အဝ်ႏနုဲင်းနဝ်ꩻသွူ။ အငေါဝ်းဒွေါင်ႏနဝ်ꩻ ဟဲ့ꩻရဿသရ၊ အငေါဝ်းဆွာꩻနဝ်ꩻ ဒီဃသရ သွဉ်ထူႏလွေꩻဗာႏနုဲင်းနဝ်ꩻသွူ၊ ယိုနဝ်ꩻ ပအိုဝ်ႏသရလွဉ်းလွဉ်း ပါဠိသရပါတဝ်းသွူ။ ထီသိမ်ႏမူရင်ꩻရင်ꩻ လိတ်မွူးတသာစောင်ႏကိုနဝ်ꩻ ပအိုဝ်ႏအက္ခရာႏ သရစဲဉ်ႏယို အဝ်ႏ ၁၂-ဖြုံႏဒျာႏသွူ၊ တမုဲင်ꩻနဲးနဝ်ꩻ အအာ ဣဤ ဥဦ ဧ အဲ အုဲင် ဩ ဪ အို နုဲင်းယိုလုမ်ꩻသွူ၊ သရယိုနဝ်ꩻ ပအိုဝ်ႏခြေင်ခြေင်မွေးတဝ်း ထူႏတွယ်ꩻရောꩻဒျာႏ ပါဠိသရ၊ နုဲင်း ဣဤ ဥဦ ဧ ယိုနဝ်ꩻ ပါဠိသရဒျာႏသွူ၊ သရမဉ်ႏအဝ်ႏအာနဝ်ꩻ အငေါဝ်းထန်ႏတွိုင်ꩻ တဲမ်းလွဉ်ꩻလꩻ နီသွဉ်းသီး သေထွꩻဗာႏနုဲင်းနဝ်ꩻသွူ။\n\nနဝ်ꩻသွူတကာႏတဝ်း နီသွဉ်းသီး ကအဝ်ႏသွဉ်ထူႏဒါႏ ယိုခါခါ မဉ်ႏဒေါ့ꩻဗာႏ အမျာꩻသုံꩻ လိတ်မွူးယိုခါခါနဝ်ꩻ သွဉ်ခဏ်ꩻဖုံႏ အဝ်ႏနေးပဉ်ခဏ်ꩻခ���်ꩻသွူ၊ သွဉ်ခဏ်ꩻကိုဖုံႏနဝ်ꩻ သွုံꩻလွေꩻဒျာႏ က-ရီးဗည်းဖုံႏလုမ်ꩻသွူ၊ အဝ်ႏနဝ်ꩻကိုမꩻ ထဲမ်သော့ꩻလွေꩻ ဗျည်းလင်ကလꩻဒါႏ ခင်ႏလမ်းနဝ်ꩻ သော့ꩻလွေꩻဖေႏ သွုံꩻအာ ဗျည်းနုဲင်းနဝ်ꩻသွူ။ ကွဲးတွော့ꩻ ထီသိမ်ႏမူနဝ်ꩻကိုနဝ်ꩻ အဝ်ႏသော့ꩻလွေꩻဒျာႏ ဗျည်းအလွောက်ꩻဖုံႏသွူ၊ ပွုံႏစံႏသွဉ်ခဏ်ꩻ တဗာႏကိုနဝ်ꩻ သွုံꩻလွေꩻ က-ရီးဗျည်းလဲ့ သွဉ်ခဏ်ꩻယင်း တခဏ်ꩻနဝ်ꩻ သွုံꩻလွေꩻဒျာႏ ခ-ရီးဗျည်းနုဲင်းနဝ်ꩻသွူ၊ အမုဲင်ဖုံႏနဝ်ꩻတဲ့ ထုဲင်ႏကဒေါ့ꩻနယ် ကရီးတလဲင်ႏကိုနဝ်ꩻအတွိုင်ꩻ မုဲင်ငါ၊ မုဲင်ပက်ငါဖုံႏယို တသွုံꩻတဝ်း၊ တအဝ်ႏတဝ်းသွူ၊ လာဆန်ꩻသိုမ်ဟာ ပွုံႏစံႏအဝ်ႏဒင်ႏဆꩻကီဖဲ့ꩻ နဝ်ꩻမဉ်ႏပါနဝ်ꩻ ထွာအမုဲင်နုဲင်းနဝ်ꩻသွူ။\n\nယိုခါ ကအဝ်ႏသွုံꩻဒါႏနဝ်ꩻ နီ လစ်ꩻ သူခါ အမုဲင်ပါ-နုဲင်းနဝ်ꩻအတွိုင်ꩻ ထီသိမ်ႏမူရင်ꩻနဝ်ꩻလဲ့ နီ လစ်ꩻ သူဖြုံႏကိုနဝ်ꩻ လာဆန်ꩻသိုမ်ဟာ သင်္ကေတ အဝ်ႏပါဆꩻကီဖဲ့ꩻနဝ်ꩻသွူ၊ ယိုနဝ်ꩻတဲ့ ဟောꩻထွားသားဖုံႏနဝ်ꩻ အမုဲင်ပါကရိုꩻယိုနဝ်ꩻ သေနာႏဗာႏနုဲင်းနဝ်ꩻသွူ၊ နဝ်ꩻသွူတကာႏတဝ်း ယိုခါ ကအဝ်ႏသွုံꩻဒါႏ လိတ်ဖြုံႏ\"ဝေင်ꩻ\"ယိုနဝ်ꩻ ကရီးခါ သွုံꩻဒျာႏ\"ဝိန်ꩻ\"နုဲင်းနဝ်ꩻသွူ။\nနဝ်ꩻမꩻ လိုꩻကရီးခါဖုံႏ မဉ်ႏတဲမ်းသွူ လိတ်ပအိုဝ်ႏနဝ်ꩻ \"ဝေင်ꩻ\"ယို တဲမ်းရောင်ဒျာႏ \"ဝိန်\"နုဲင်းနဝ်ꩻလဲ့ ထီႏဗာႏသွူ၊ ယိုနဝ်ꩻ သရကွာႏတဲင် အငေါဝ်းထန်ႏတဲ့ ထန်ႏကွာႏ၊ နဝ်ꩻမꩻ လိတ်ဖြုံႏမဲဉ်ႏမဲဉ်ႏ၊ အငေါဝ်းမဉ်ႏအွဉ်ႏထန်ႏမဲဉ်ႏမဲဉ်ႏနဝ်ꩻ \"ဝေင်ꩻ\"ယိုမꩻမဲဉ်ႏသွူ၊ ပွိုးတမုဲင်ꩻနဲးနဝ်ꩻ ဝေင်ꩻယို အဝ်ႏ\"အေ\"သရလွဉ်၊ အွဉ်ႏတွယ်ꩻတွမ်ႏ \"င\"သွတ်ꩻတွော့ꩻ ထွာလွဉ်\"အေင်\"၊ အဝ်ႏ\"အေင်\"ယို သော့ꩻလွဉ်ꩻမုဲင်ငါတဲင် ထွာလွဉ်ဗာႏ\"အေင်ꩻ\"နုဲင်းနဝ်ꩻသွူ၊ \"အေင်ꩻ\"ယိုနဝ်ꩻ မဉ်ႏတွယ်ꩻသော့ꩻလုဲင်ႏ\"ဝ\"ဗျည်းနဝ်ꩻ ထွာ\"ဝေင်ꩻ\"နုဲင်းနဝ်ꩻသွူ။ \"ဝိန်\"ယိုနဝ်ꩻ ထွာဒျာႏ\"အိ\"သရတဲင် မာꩻနုဲင်းမုဲင်ꩻမုဲင်ꩻတယောဝ်း အငေါဝ်းတထန်ႏနွောင်ꩻတဝ်း ဝေင်ꩻသွူ၊ မဉ်ႏလုဲင်ႏသော့ꩻ က-ဗျည်းနဝ်ꩻ ကိန်၊ သော့ꩻအမုဲင် ကိန်ꩻ၊ ဗွေႏရဟန်ꩻကိန်ꩻတလွာꩻထာꩻ အီႏထန်ႏလွဉ်နုဲင်းနဝ်ꩻသွူ၊ နဝ်ꩻမꩻ လိတ်တဖြုံႏ ငေါဝ်းတငွါ ဖေႏကထန်ႏနဝ်ꩻ ထောင်ထွားချာယင်း သရယိုမꩻ အငေါဝ်းမဲဉ်ႏဖုံႏ အီႏထန်ႏလွဉ်ချာနဝ်ꩻသွူ။\n\nဗျည်းတွမ်ႏသရယို မဉ်ႏအွဉ်ႏတွယ်ꩻသွူဝင်ꩻနဝ်ꩻ အငေါဝ်းထန်ႏလွဉ်နဝ်ꩻမꩻ ငေါဝ်းစုမ်ႏနဲ့ တစုမ်ႏတဝ်းနဲ့နဝ်ꩻ တဲမ်းလိတ်သား တဒေါ့ꩻတဝ်းသွူ၊ ကွဲးတွော့ꩻ ငေါဝ်းထန်ႏမဲဉ်ႏမဲ���်ႏ လိတ်ဖြုံႏသွုံꩻမဲဉ်ႏမဲဉ်ႏမဉ်ႏအဝ်ႏနဝ်ꩻ ကထေဒါႏလိတ်အုပ်၊ လိတ်စောင်ႏသားဖုံႏတဲ့ အီႏဆင်ႏပြေႏ တဲမ်းလိတ်သား ယူႏနုဲင်းနဝ်ꩻသွူ။\nဥပဒေႏယိုတဲ့ လိုꩻတွဲမ်းထွင်ႏ အွဉ်ႏထွော့ဒျာႏ၊ လိုꩻဖုံႏလွောက်ꩻလွဉ်ꩻဗာႏဒျာႏ၊ သမဲင်ꩻယိုတဲ့ လိုꩻသီးအွဉ်ႏထွော့ဒျာႏ၊ လိုꩻသီးထောင်ထွားဗာႏချာဒျာႏတဲင် လိတ်သမဲင်ꩻယိုနဝ်ꩻ အဝ်ႏအယပ်ꩻအခုဲင်ႏအခါႏကို ပြွန်ထန်ႏ၊ ဖြွဉ်ထင်ႏလွဉ်ဒျာႏကရိုꩻနဝ်ꩻတဲ့ တွမ်ႏလိတ်စောင်ႏ၊ တွမ်ႏဖြောင်းသမဲင်ꩻအလꩻ နီသွဉ်းသီး သေထွꩻဗာႏသွူ။\n\nကွဲးတွော့ꩻ ယဟန်ႏနဝ်ꩻ အမာႏအဝ်ႏနေတဲင် အမာႏယိုမဉ်ႏညနဝ်ꩻ ထွာဒါႏအမဲဉ်ႏနုဲင်းနဝ်ꩻတွော့ꩻ ဖေႏကမာႏထဲင်းမွုန်းနဝ်ꩻ ဖြွမ်းလွဝင်ꩻဒျာႏ၊ လိုႏထီႏတဝ်းလွဝင်ꩻ အပဲစ်တွော့ꩻ တွမ်ႏအပျုသဘောꩻ ယီႏနယ်၊ ဆွေꩻနွေꩻခြိꩻထူႏလွဝင်ꩻဒျာႏသွူ။ နဝ်ꩻမꩻ ယိုတပတ်နဝ်ꩻ တဲမ်းခြုဲင်းနယ်လွေꩻဗာႏယင်း တစူးတစိꩻပေႏ၊ ကွပ်စွဉ်ႏလိတ်ခရာႏတွော့ꩻ ပအိုဝ်ႏဖုံႏ လိုႏလွောင်ႏဗူႏလဲဉ်းဝင်ꩻ တဲမ်းလွေꩻနယ်ဗာႏနုဲင်းနဝ်ꩻသွူ။\n\nအမာႏတရွို့ꩻ ဖျင်စွို့ꩻ(၅)\nကွပ်စွဉ်ႏလိတ်ခရာႏယိုတဲင် ပအိုဝ်ႏကအုံဒါႏ ဒေႏသအလွောက်ꩻနဝ်ꩻ တမျိုꩻထွူတမျိုꩻ (ကွဲပြား)တဗွိုန်ဝဝ်းလွဝင်ꩻဖုံႏတဲင် ကထေဒါႏ လိတ်အုပ်လိတ်စောင်ႏသားဖုံႏနဝ်ꩻ မော့ꩻလွဉ်ဗာႏအယပ်ꩻအခုဲင်ႏသွူ၊ မဉ်ႏမဲဉ်မော့ꩻတဝ်း အယပ်ꩻအခုဲင်ႏနဝ်ꩻ သုင်ꩻဒျာႏသွော့ ဝင်ꩻကအွဉ်ႏထွော့ဒါႏ ထီသိမ်ႏမူနုဲင်းနဝ်ꩻတဲ့ အဝ်ႏဒျာႏ၊ သုင်ꩻဒျာႏသွဗာ့ ဝင်ꩻကအဝ်ႏသုင်ꩻအာနဝ်ꩻနုဲင်းနဝ်ꩻတဲ့ အဝ်ႏဒျာႏ၊ ကဒေါ့ꩻလွဉ်၊ ကဖေႏလွဉ်ဒါႏနုဲင်းနဝ်ꩻသားဖုံႏတဲ့ ကထေလိတ်အုပ်လိတ်စောင်ႏသားဖုံႏနဝ်ꩻ မဉ်ႏသုင်ꩻတဲ့ အမဲဉ်ႏတရာꩻ သမ်းတွိုႏလွဉ်တဝ်း၊ မဉ်ႏသုင်ꩻတဝ်းတဲ့ ဝင်ꩻအီႏတဖျ၊ ဝင်ꩻအီႏဝွေႏဖန်ႏ ဒေါ့ꩻရောင်အပဲစ်နုဲင်းနဝ်ꩻဖုံႏတဲ့ ခံႏဗာႏလွဉ်နဝ်ꩻသွူ။\n\nနဝ်ꩻသွူတကာႏတဝ်း မဉ်ႏသုင်ꩻမွေး လိတ်ဖြုံႏအမဲဉ်ႏဖုံႏယို လိုꩻတကျွိုက်တဝ်းသားဖုံႏ၊ လိုꩻအာႏဏာႏအဝ်ႏသားဖုံႏနဝ်ꩻ အီႏရိုꩻရောင် ထွာလိုꩻယားထာꩻသား၊ ယားကုဲင်လွောင်ႏဗူႏရေꩻသားနုဲင်းနဝ်ꩻဖုံႏ အမျိုꩻမျိုꩻစွဉ်ႏသွူ၊ နဝ်ꩻတွော့ꩻ ကထေဒါႏ လိတ်အုပ်လိတ်စောင်ႏသားတာႏနဝ်ꩻ ဝွေꩻသီးနမ်းထွင်ႏချာလိတ်ဖုံႏ၊ ဝွေꩻသီးတွမ်ႏဝွေꩻသီး ယွုမ်းအံႏနမ်းတဲင် မာꩻလွေꩻသုင်ꩻလွေꩻ လိတ်ဖြုံႏဖုံႏတဲ့ အီႏတမွေးတဝ်းကရိုꩻနဝ်ꩻ အဝ်ႏထေထိုလိတ်အုပ်လိတ်စောင်ႏသား ခွေသွဉ်းယူႏနုဲင်းနဝ်ꩻသွူ။ ကွပ်စ���ဉ်ႏလိတ်ဝင်ꩻကအဝ်ႏသုင်ꩻအာ ကရိုꩻဒါႏ နုဲင်း\"တွမ်ႏ\"ယိုနဝ်ꩻ နီသွဉ်းသီး မဉ်ႏတွက်နေးသရနဝ်ꩻ ထွာ\"အ\"သရတွော့ꩻ အွောန်ႏတယ်ꩻ ဝဟွဲး၊ မဉ်ႏထွူ တွယ်ꩻပါယင်း မသွတ်ꩻ၊ \"မသွတ်ꩻ\"ယိုနဝ်ꩻ \"တောမ်ႏ\"မုဲင်ကီယို အငေါဝ်းထန်ႏဗွိုန်ဝင်ꩻ နီသွဉ်းသီးသေနုဲင်းနဝ်ꩻတဲင် တွမ်ႏယိုနဝ်ꩻ အငေါဝ်းတထန်ႏတဝ်း တောမ်ႏနဝ်ꩻသွူ။ တယို အွောန်ႏတွယ်ꩻ တဟွဲးတဲင် အငေါဝ်းထန်ႏ တဝ၊ အွောန်ႏတွယ်ꩻယင်း မသွတ်ꩻတဲင် တွ ဝမ်နုဲင်းနဝ်ꩻသွူ။ မဉ်ႏနုဲင်းဒျာႏ အော သရတွော့ꩻ အွောန်ႏတွယ်ꩻယင်း မသွတ်ꩻနဝ်ꩻ အငေါဝ်းထန်ႏအောမ်၊ မဉ်ႏလုဲင်ႏ တဆုဲင်ꩻဗျည်းနဝ်ꩻ အငေါဝ်းအီႏထန်ႏလွဉ် တောမ်၊ သော့ꩻယင်းမုဲင်ပက်ငါတဲင် တောမ်ႏနုဲင်းနဝ်ꩻသွူ၊ သရတဲ့မဲဉ်ႏ၊ အငေါဝ်းတဲ့မဲဉ်ႏ၊ ကွဲးတွော့ꩻ ယိုနဝ်ꩻ လိုꩻသုင်ꩻအာ သမ်းမွေးတဝ်းနုဲင်းနဝ်ꩻတဲင် ကသုင်ꩻသားနဝ်ꩻ ထွာအီတေားစွဉ်ႏ ဝင်ꩻရန်ႏသူႏသွူ။\n\nယင်း လိတ်မူထီသိမ်ႏကို ကအဝ်ႏသုင်ꩻဒါႏ သရကိုလဲ့ အော သရယို တအဝ်ႏတဝ်းသွူ၊ နဝ်ꩻတွော့ꩻ သုင်ꩻဗာႏ တွံနုဲင်းနဝ်ꩻ၊ မဉ်ႏလွတ်ꩻထိုꩻမုဲင်ကီ သော့ꩻလုဲင်ႏ မသွတ်ꩻနဝ်ꩻ အီႏထန်ႏလွဉ် တွမ်နုဲင်းနဝ်ꩻသွူ၊ နဝ်ꩻတွော့ꩻ ယိုခါ ထွာထိုꩻအမျာꩻသုင်ꩻ တွမ်ႏ နုဲင်းနဝ်ꩻသွူ၊ ဝွေꩻယိုနဝ်ꩻ သရမဲဉ်ႏတဝ်း ဒေါ့ꩻရိုꩻနုဲင်းနဝ်ꩻ လꩻဒျာႏသွူ။ ယိုခါ နီသွဉ်းသီး ကအဝ်ႏသုင်ꩻလွေꩻဒါႏ ဝဟွဲးယိုနဝ်ꩻ အွိုးထီသိမ်ႏလိတ်မူစဲစ်စဲစ်ကို သုင်ꩻလွေꩻဒျာႏ \"ဝဆွယ်ꩻ\"နုဲင်းနဝ်ꩻသွူ၊ ယိုနဝ်ꩻ ရထူႏလွဉ်ꩻမန်းလိတ်ဖြုံႏ၊ မဉ်ႏတဲမ်းတယ်ꩻဒျာႏ \"ဝဆွဲ\"နုဲင်းနဝ်ꩻတဲ့ သမ်းမွေးတဝ်း၊ ပအိုဝ်ႏငေါဝ်း ဆ-ရီးယိုနဝ်ꩻ မဉ်ႏနုဲင်းမန်း မန်းကဟဲ့ꩻဒါႏ ဝဆွဲ၊ ပအိုဝ်ႏဟဲ့ꩻ ဝဟွဲတဲင် ထီသိမ်ႏမူကိုနဝ်ꩻ ထူႏလွဉ်ꩻဒျာႏမန်း ထီႏသေဗာႏနုဲင်းနဝ်ꩻသွူ။ နဝ်ꩻသွူတကာႏတဝ်း ထီသိမ်ႏမူကို ကအဝ်ႏတဲမ်းဒါႏ အွော် အွော် အွော့ အွော့ အွော အွောယိုနဝ်ꩻ သေနာႏစဲင်းတဝ်း၊ ထုဲင်ႏနီသွဉ်းသီး ကအဝ်ႏသွဉ်ဗာႏဒါႏ လိတ်မွူးယိုခါနဝ်ꩻ စရီးနဝ်ꩻ အွော့ အွော့ꩻ အွော် အွော်ꩻ အွေား အွေားနုဲင်းနဝ်ꩻ၊ ယိုနဝ်ꩻ အွော် အွော် လွဉ်ရီးဒျာႏတွော့ꩻ အငေါဝ်းအီႏအွောန်ႏထန်ႏလွေꩻနုဲင်းမုဲင်ꩻနဝ်ꩻ သေနာႏတဝ်းသွူ။ ယင်း နီသွဉ်းသီးကရိုꩻဒါႏ ဝင်ꩻသုင်ꩻအာ ပွုံႏ ယိုနဝ်ꩻ အွိုးထီသိမ်ႏမူစဲစ်စဲစ်ကို သုင်ꩻလွေꩻဒျာႏ ပုံ နုဲင်းနဝ်ꩻသွူ။ ခူးကုံႏယို သမ်းသုင်ꩻမုဲင်ကီ မုဲင်ပက်ငါတဲင် အဖြုံႏမုဲင်ꩻမဲဉ်ႏဟောင်း ကထွာဒျာႏ တဲမ်းလိတ်သားဖုံႏသူꩻ ယူႏသူႏသေတဝ်းဒွုမ်သွူ၊ ယင်းတစွိုး သမ်းအဝ်ႏဖျင် ရန်ႏကုန်ႏတဲ့ သုင်ꩻနုဲင်းယိုသားတဲ့ သမ်းအဝ်ႏဒျာႏနေနေ၊ အငေါဝ်းဖုံႏနဝ်ꩻ ထန်ႏဗွိုန်ဝင်ꩻ၊ ကွာႏဒျာႏ ဗျည်းလုမ်ꩻလဲ့ သုင်ꩻနယ်ꩻနဝ်ꩻ သမ်းအဝ်ႏအစွိုးစွိုးသွူ။\n\nနုဲင်းယင်း ကအဝ်ႏသုင်ꩻလွေꩻဒါႏ သွဉ်ယိုခါခါနဝ်ꩻ ထီသိမ်ႏမူစဲစ်စဲစ်ကို အဝ်ႏသော့ꩻလွေꩻ သွဉ်နုဲင်းနဝ်ꩻသွူ၊ သော့ꩻလွေꩻပါ ထေင်းခွဉ်းနုဲင်းနဝ်ꩻသွူ၊ ယိုခါ ကရိုꩻဒါႏ အမျာꩻသုင်ꩻနဝ်ꩻတဲးတဲ့ \"သွဉ်\"နုဲင်းနဝ်ꩻသွူ၊ ဝွေꩻယို မဉ်ႏမဲဉ်လꩻမွေး အငေါဝ်းမဲဉ်ႏ သရမဲဉ်ႏ၊ လိတ်ဖြုံႏမဲဉ်ႏနဝ်ꩻ လိုႏတဲမ်းအီဒျာႏတွမ်ႏ\"အော်\"သရသွူ။\nအဝ်ႏအော် သရတွော့ꩻ အွဉ်ႏတွယ်ꩻလွေꩻ သ ဗျည်းတဲင် သော် ထန်ႏနုဲင်းနဝ်ꩻ၊ ယိုနဝ်ꩻ ပြောင်ꩻလွေꩻယင်း သွောန်ယိုနဝ်ꩻ အငေါဝ်းမဲဉ်ႏ၊ လိတ်ဖြုံႏမဲဉ်ႏ သရမဲဉ်ႏ နီသွဉ်းသီး သထွꩻဗာႏနုဲင်းနဝ်ꩻသွူ၊ ကွဲးတွော့ꩻ လိတ်ဖြုံႏ\"သွောန်\"ယိုနဝ်ꩻ ခွိုꩻသွုပ်သီးတရိုꩻတဝ်း လိုꩻကဒါႏထွူလဲဉ်းသားဖုံႏ တရိုꩻတဝ်းနဝ်ꩻ ထီႏဆန်ꩻ၊ ဟွိုန်ဆန်ꩻတွော့ꩻ စူꩻရောင်တဝ်းနုဲင်းနဝ်ꩻဒျာႏသွူ။ ယင်းတဗာႏနဝ်ꩻ ကထွာဒါႏ အမျာꩻသုင်ꩻ ကက် ဗျည်းတွယ်ꩻယိုတဗာႏလဲ့ မဉ်တဲမ်းနယ်လွေꩻငါႏသွူ၊ ထီသိမ်ႏမူကိုစဲစ်စဲစ်နဝ်ꩻ အဝ်ႏနုဲင်းမုဲင်ꩻနဲးတဲင် တဲမ်းနယ်ꩻ ကက် တဲ့ အငေါဝ်းထန်ႏဒျာႏ ကဲက်နုဲင်းနဝ်ꩻ၊ ငေါဝ်းကထန်ႏဒျာႏ ကက် ယိုနဝ်ꩻ သော့ꩻပါဒျာႏ ငေါ်ꩻလ ကာက် နုဲင်းနဝ်ꩻသွူ၊ ယိုနဝ်ꩻ ထီသိမ်ႏတွမ်ႏ ကအဝ်ႏသုင်ꩻအာယိုခါနဝ်ꩻ ကွာႏလွဝင်ꩻ တဲမ်းနယ်လွေꩻဗာႏ နုဲင်းနဝ်ꩻဒျာႏသွူ။\n\nနဝ်ꩻမꩻ ယိုတပတ်နဝ်ꩻ ထီသိမ်ႏမူစဲစ်စဲစ်တွမ်ႏ ကသုင်ꩻအာဒါႏ လိတ်မွူး ကွာႏလွဝင်ꩻပုံႏယို တဲမ်းဖောႏနယ်လွေꩻ ဖေႏကသေထွꩻနုဲင်းနဝ်ꩻသွူ၊ မဉ်ႏသေထွꩻဗာႏမꩻ အမာႏယိုတရွို့ꩻ ဖေႏကစွို့ꩻစွဉ်ႏနဝ်ꩻ အီႏဖျင်လွေꩻနွောင်ꩻနုဲင်းနဝ်ꩻသွူ။ ရေႏမိုးလွေꩻဒျာႏ ပအိုဝ်ႏလိုꩻမျိုꩻ လွောင်ႏဗူႏမုꩻအာႏယံတလာနုဲင်းနဝ်ꩻတွော့ꩻ ခွိုင်းကသေ တဲမ်းဖြုဲင်ꩻနယ်လွေꩻဗာႏနုဲင်းနဝ်ꩻဒျာႏသွူ။\n\nအမာႏတရွို့ꩻ-ဖျင်စွို့ꩻ(၆)\nဖေႏကသေနာႏစဲင်း၊ ဖေႏကသေငါꩻစဲင်း ထီသိမ်ႏမူတွမ်ႏ ယိုခါ နီသွဉ်းသီးကအဝ်ႏသွဉ်ထူႏဖုံႏယိုတဲင် ခွိုင်းကသေထီႏထွꩻနဝ်ꩻ တဲမ်းခြုဲင်းနယ်လွေꩻယင်းသွူ၊ ယိုတလဲင်ႏနဝ်ꩻ နီသွဉ်းသီးကအဝ်ႏသုင်ꩻဒါႏ လိတ်မွူးယိုခါခါ ပဲင်၊ ထဲင်၊ ယဲင် လိတ်ဖြုံႏယိုနဝ်ꩻသွူ၊ လိတ်မွူးယိုခါကိုနဝ်ꩻ အဝ်ႏသော့ꩻ ကဲက် ကဲက်ꩻ ကဲင် ကဲင်ꩻ ကဲင်း ကဲင်ႏ၊ မဉ်ႏသော့ꩻ ပ ဗျည်းလဲ့ ထွာ ပဲက် ပဲက်ꩻ ပဲင် ပဲင်ꩻ ပဲင်း ပဲင်ႏ၊ မဉ်ႏသော့ꩻ ထဆုဲင်ꩻဗျည်းလဲ့ ထဲက် ထဲက်ꩻ ထဲင် ထဲင်ꩻ ထဲင်း ထဲင်ႏ၊ မဉ်ႏသော့ꩻ ယဗျည်းလဲ့ ယဲက် ယဲက်ꩻ ယဲင် ယဲင်ꩻ ယဲင်း ယဲင်ႏ နုဲင်းနဝ်ꩻသွူ။\n\nအဝ်ႏ အဲ သရတွော့ꩻ အွဉ်ႏတွယ်ꩻလွေꩻတောမ်ႏ ဗီႏသွတ်ꩻ နုဲင်းနဝ်ꩻတဲင် အငေါဝ်းထန်ႏလွဉ် သေနာႏနုဲင်းနဝ်ꩻသွူ၊ ကွဲးတွော့ꩻ ထီသိမ်ႏမူကိုနဝ်ꩻ အဝ်ႏသော့ꩻနုဲင်းနဝ်ꩻ တမွေးတဝ်းသွူ၊ အဲ သရယို အဝ်ႏဒျာႏလဲ့ သုင်ꩻတဝ်း၊ သုင်ꩻလွေꩻဒျာႏ ဒင်ႏဝွိုန်ꩻ ထွို့ꩻခင်ႏတလီး င သွတ်ꩻနုဲင်းနဝ်ꩻ ထီႏဗာႏသွူ။ ထွားနုဲင်းပုန်ႏကိုယိုနဝ်ꩻ ကဟဲ့ꩻဒါႏ \"အပဲင်အမင်ꩻ\"ယိုတဲမ်းဒျာႏ \"အပိုင်အမာင်\"၊ ကောဝ်ႏထဲင်ꩻယို တဲမ်းဒျာႏ \"ကောဝ်ႏထိုင်\"နုဲင်းနဝ်ꩻတဲင် နီသွဉ်းသီး ကသွဉ်ထူႏဒါႏ လိတ်မွူးပအိုဝ်ႏယိုခါခါတွမ်ႏ ထီသိမ်ႏမူနဝ်ꩻ ကွာႏထိုꩻဝင်ꩻနုဲင်းနဝ်ꩻသွူ၊ မဉ်ႏတသေထောင်ထွားချာတဝ်းနဝ်ꩻ နုဲင်းယိုစား၊ နီသွဉ်းသိး တသေထွꩻဗာႏတဝ်းတွော့ꩻ ဝင်ꩻမဉ်ႏရိုꩻ ယိုနဝ်ꩻ အမဲဉ်ႏတဲ့ မဲဉ်ႏလွောန်ꩻဒျာႏဝင်ꩻ၊ ဝင်ꩻမဉ်ႏရိုꩻအမာႏလဲ့ မာႏလွောန်ꩻဒျာႏဝင်ꩻနုဲင်းနဝ်ꩻသွူ။\nယင်းနီသွဉ်းသီး ကအဝ်ႏသွဉ်ထူႏဒါႏ ရွဉ်ကုမ်ꩻဗီႏ လိတ်မွူးကို ကအဝ်ႏတဲမ်းနုဲင်းနဝ်ꩻနဝ်ꩻ သရအနေႏ ထွာဒျာႏ အု သရသွူ၊ ရွဉ်ကွံꩻဗီႏတဲ့ အဝ်ႏသုင်ꩻဒျာႏ၊ ရွဉ်ကုမ်ꩻဗီႏလဲ့ အဝ်ႏသုင်ꩻဒျာႏနဝ်ꩻ အဝ်ႏထီႏဗာႏသွူ၊ နဝ်ꩻက အဖြုံႏမုဲင်ꩻနဝ်ꩻ မဲဉ်ႏအီ နီသွဉ်းသီး ရီခရာႏအဝ်ႏလွဉ်စွဉ်ႏသွူ။ မဉ်ႏနုဲင်းဒျာႏ ထီသိမ်ႏလိတ်မူအတွိုင်ꩻကိုနဝ်ꩻ ဗျည်းသရတွယ်ꩻလိတ်ဖြုံႏ သုင်လွေꩻဒျာႏ ကုမ်ꩻဗီႏနဝ်ꩻ သေႏချာႏသွူ၊ ထွာမုဲင်ꩻနဲးတဲင် သုင်ꩻတဝ်း ကရီးဗျည်း ကအဝ်ႏသုင်ꩻဒျာႏ တောမ်ႏဗျည်းအလင်ဖုံႏ နုဲင်း\"ဆုမ်\"ယိုနဝ်ꩻ အဝ်ႏသုင်ꩻလွေꩻနေနေသွူ၊ \"တသာႏဆုမ်\"သုင်ꩻလွေꩻဒျာႏ လိတ်ဖြုံႏနုဲင်းနဝ်ꩻသွူ။\nအမဲဉ်ႏနဝ်ꩻ လိတ်ဖြုံႏယို အငေါဝ်းတဲ့မဲဉ်ႏ၊ လိတ်ဖြုံႏတဲ့မဲဉ်ႏ၊ သရတဲ့ မဲဉ်ႏနုဲင်းနဝ်ꩻနဝ်ꩻ သုင်ꩻဗာႏဒျာႏ အိုသရမꩻမဲဉ်ႏသွူ၊ အဝ်ႏ\"အို\"သရယို အွဉ်ႏတွယ်ꩻတွမ်ႏ ကရီးဗျည်းနဝ်ꩻ ကို၊ အွဉ်ႏသွတ်ꩻလွေꩻတောမ်ႏ မသွတ်ꩻနဝ်ꩻ ထန်ႏလွဉ် ကိုမ် နုဲင်းနဝ်ꩻသွူ၊ နုဲင်းလိတ်မွူး နီသွဉ်းသီး ကအဝ်ႏသွဉ်ကိုနဝ်ꩻ လိတ်ဖြုံႏယိုတဲ့ အဝ်ႏသွူ။\n\nကိုပ် ကိုပ်ꩻ ကိုမ် ကိုမ်ꩻ ကိုမ်း ကိုမ်ႏ အဝ်ႏသော့ꩻနုဲင်းယိုတဲင် ရွဉ်ကိုမ်ꩻဗီႏ မဉ်ႏသုင်ꩻနုဲင်းနဝ်ꩻနဝ်ꩻ အငေါဝ်းထန်ႏတဲ့မဲဉ်ႏ၊ ���ိတ်ဖြုံႏမဲဉ်ႏ သေထွꩻဗာႏနုဲင်းနဝ်ꩻသွူ၊ နဝ်ꩻမꩻ မဉ်ႏသုင်ꩻသော့ꩻလုဲင်ႏမွိုင် ဆရီးဗျည်းနဝ်ꩻမွိုင် ဆိုပ် ဆိုပ်ꩻ ဆိုမ် ဆိုမ်ꩻ ဆိုမ်း ဆိုမ်ႏ-တသာႏဆိုမ် သုင်ꩻနုဲင်းနဝ်ꩻနဝ်ꩻမဲဉ်ႏ ခံႏထူႏနုဲင်းနဝ်ꩻသွူ။\nလိတ်မွူးထီသိမ်ႏမူကို ကအဝ်ႏသုင်ꩻဒါႏ သော့ꩻရုမ်းဝင်ꩻယိုနဝ်ꩻ မဉ်ႏသုင်ꩻနေးဒျာႏမွိုင် အိုသရတွော့ꩻ \"သော့ꩻရိုမ်းဝင်ꩻ\"နုဲင်းနဝ်ꩻမွိုင် အငေါဝ်းတဲ့မဲဉ်ႏ၊ လိတ်ဖြုံႏမဲဉ်ႏ၊ သရမဲဉ်ႏ ဒေါ့ꩻရိုꩻဗာႏနုဲင်းနဝ်ꩻသွူ၊ ကွဲးတွော့ꩻ ကအဝ်ႏသုင်ꩻဒါႏ \"တသာႏဆုမ်\"လိတ်ဖြုံႏယိုနဝ်ꩻ အဝ်ႏထီႏဗာႏလဲဉ်းသွူတွမ်ႏ ပွုံႏစံႏလဲ့ တထွောင်းကိုနဝ်ꩻ ရွဉ်တကိုမ်ꩻယို သုင်ꩻလွေꩻဒျာႏတမျိုꩻနဝ်ꩻ ထီႏဗာႏသွူ။ သုင်ꩻလွေꩻနုဲင်းမုဲင်ꩻနဲးနဝ်ꩻ \"ရွမ်တကွမ်ꩻ\"တဲ့၊ \"လိုမ်းကိုမ်ႏနေ\"ယိုနဝ်ꩻ သုင်ꩻလွေꩻဒျာႏနုဲင်းယို \"လွမ်းကွမ်ႏနေ\"တဲ့ ယိုနဝ်ꩻ သရတွမ်ႏ အငေါဝ်း တမဲဉ်ႏတဝ်း ရိုꩻနုဲင်းနဝ်ꩻတဲ့ အဝ်ႏလꩻသွူ၊ ကွဲးတွော့ꩻ လိတ်ဖြုံႏဖုံႏနုဲင်းယိုနဝ်ꩻ ယထွောင်းထွောင်း လိတ်မူထီသိမ်ႏ အရသာႏပြောင်ꩻတဝ်းနုဲင်းနဝ်ꩻတွော့ꩻ ပအိုဝ်ႏလိတ်လုဲင်ꩻစွစ်ꩻလီတာႏ ဗွေႏသံႏဃာႏသီးအွဉ်ငါတွော့ꩻ မွဉ်းဖျင်လွဉ်ဖုံႏနဝ်ꩻလဲ့ အဝ်ႏထီႏလွဉ်ဗာႏလဲဉ်းနဝ်ꩻသွူ။\nအွိုးကအွဉ်ႏတီႏထွူလဲဉ်းဒါႏ ထီသိမ်ႏမူယို ထွာအမျာꩻသုင်ꩻ၊ နေးတွမ်ႏအမျာꩻ အွဉ်ႏထွော့လွေꩻနုဲင်းနဝ်ꩻ၊ ဗွေႏရဟန်ꩻတန် ပညာႏအဝ်ႏသီး ခွိုꩻပအိုဝ်ႏလိုꩻတန်သီးဖုံႏတဲ့ သဘောꩻတူႏ အွဉ်ႏတီႏထွူလဲဉ်း ထီသိမ်ႏမူယိုတဲင် ထေလိတ်စောင်ႏ ဖေႏကစွစ်ꩻတိုးလီ ကျိုꩻစာꩻသွဉ်လွေꩻဖေႏနဝ်ꩻ ဟွိုန်ဟဝ်နစ်သက်ကေꩻဇူꩻတင်ႏငါႏ ကောအွဉ်သား ဗွေႏရဟန်ꩻ၊ ကေꩻဇူꩻဗွေႏတွမ်ႏ ခွိုꩻပအိုဝ်ႏလိုꩻတန်သီးဖုံႏသွူ။\n\nပအိုဝ်ႏလိုꩻမျိုꩻယို ဖေႏကဒါႏချာ လိတ်ပအိုဝ်ႏတွော့ꩻ ကအွဉ်မာꩻလွေꩻဖေႏဒါႏသားနဝ်ꩻ အီႏမော့ꩻဗာႏ အယပ်ꩻအခုဲင်ႏအာ ကရိုꩻနဝ်ꩻလဲ့ ဖြောင်းသမဲင်ꩻ၊ လိတ်စောင်ႏသမဲင်ꩻကို ကအဝ်ႏတဲမ်းနယ်ဖုံႏနဝ်ꩻလဲ့ ဟောꩻဗာႏထီႏဗာႏတွော့ꩻ ရမ်ꩻဆလꩻဒျာႏ အဆုံးအယော့ဖုံႏနဝ်ꩻသွူ၊ ထွိုင်ႏမာꩻလွဉ် ကျိုꩻစာꩻလွဉ်နုဲင်းနဝ်ꩻတဲင် ယိုခါ အရွယ်ႏပေႏပေႏ၊ တလောင်ꩻဖုံႏနဝ်ꩻ သွဉ်လွဉ်ဗာႏချာ လိတ်ပအိုဝ်ႏ၊ ဒါႏချာဗာႏ လိတ်ပအိုဝ်ႏဖုံႏနဝ်ꩻသွူ။\nအစနဝ်ꩻ ပအိုဝ်ႏလိတ် ဖေႏကစွစ်ꩻတိုး အဝ်ႏကျိုꩻစာꩻရောင်မာꩻရောင်တွော့ꩻ အောင်ႏမျင်ႏလွဉ်လဲဉ်းကရိုꩻနဝ်ꩻ ထီႏဗာႏလဲဉ်းဒျာႏ အဒီႏအရာႏနဝ်ꩻသွူ၊ ကွဲးတွော့ꩻ နေင်ႏ���ေါင်ꩻထွိုင်ႏအာ ခေတ်အခေႏနေႏအလꩻ ပြောင်ꩻလုဲင်ႏလွဉ်လဲဉ်းတဲင် လိတ်အာႏပေႏချက်ဖုံႏယို ကွဲးအဝ်ႏအာအာလွဉ်ဖုံႏနဝ်ꩻလဲ့ ထီႏလွဉ်ဗာႏစွဉ်ႏနဝ်ꩻသွူ၊ ကောကထေဒါႏ လိတ်စောင်ႏသားဖုံႏနဝ်ꩻ ယိန်းသေသေတဲင် လိတ်လိုႏအပ်မုတွမ်ႏ လိတ်ခရာႏဖုံႏ၊ လိတ်အကျောင်ꩻဖုံႏယို ကွဲးသေသေလွဉ်တွော့ꩻ ယဟန်ႏနဝ်ꩻ ထူႏလွူးစွဉ်ႏ ဝင်ꩻလိတ်ဖြုံႏဖုံႏနုဲင်းနဝ်ꩻတဲ့ အဝ်ႏသွူ။\nနဝ်ꩻသွူတကာႏတဝ်း ခမ်းထီစနစ် ပြောင်ꩻလုဲင်ႏလွဉ်တွော့ꩻ အစိုꩻရသွဉ်လိတ်ကျောင်ꩻကိုဖုံႏလဲ့ ကျောင်ꩻခိန်ႏအထန်ႏ (ကျောင်းချိန်ပြင်ပ)ခိန်ႏယို သွဉ်ထူႏလွေꩻချာ ခမ်းရင်ꩻသားလိတ်လုဲင်ꩻ အခွင်ꩻအရေꩻဖုံႏတဲ့ အဝ်ႏလွဉ်စွဉ်ႏသွူ၊ ယိုနဝ်ꩻ ခမ်းရင်ꩻသားလိုꩻမျိုꩻတာႏ အခွင်ꩻရေꩻဟဝ်တဗာႏ မတ်ထူႏနုဲင်းနဝ်ꩻ လꩻဒျာႏသွူ။\nကွဲးတွော့ꩻ တွမ်ႏအခွင်ꩻရေꩻအလွောက်ꩻ ကလꩻအတွိုင်ꩻ အဝ်ႏလိုႏထူႏနုဲင်းနဝ်ꩻလဲ့ ပအိုဝ်ႏလိတ် ကအဝ်ႏလိုႏဒါႏယိုလဲ့ လိုႏထဲမ်၊ ပအိုဝ်ႏတစွိုးခွိုꩻလုမ်းတာႏ ဖေႏကထွာနွောင်ꩻဒါႏ လိတ်တမူယိုလဲ့ အဝ်ႏလိုႏကျိုꩻစာꩻနေနေ နီသွဉ်းသီး ထီႏနုဲင်းနဝ်ꩻသွူ၊ နဝ်ꩻမꩻ အာႏပေႏချက်၊ အာႏတလာချက်ဖုံႏယို သုင်ꩻသပ်ထွူတွော့ꩻ ထဲမ်ဖျင်မွဉ်း အဝ်ႏလိုႏမာꩻလွေꩻလဲဉ်းသွူ။\n\nလွောင်ႏဗူႏရေꩻယို အွဉ်ႏအထျꩻတွော့ꩻ ပအိုဝ်ႏလိတ်ယိုတဲ့ ထွာအရေꩻတန်တဗာႏနေနေနဝ်ꩻသွူ၊ ကွပ်စွဉ်ႏ ပအိုဝ်ႏလိတ်ယို တဗူႏညီႏတဝ်းဝင်ꩻတဲင် အဝ်ႏခွယ်ꩻနေကဒျာႏ ပအိုဝ်ႏယို ခမ်းကောင်၊ ခမ်းဒေါမ် နုဲင်းနဝ်ꩻဖုံႏသွူ၊ မဉ်ႏထောင်ထွားစဲင်းစဲင်းယင်း လိတ်ခရာႏယိုနဝ်ꩻ ခမ်းဒေါမ်လဲ့ ချော့ꩻဆေ့ꩻဆေ့ꩻ၊ ခမ်းကောင်လဲ့ ချော့ꩻဆေ့ꩻဆေ့ꩻ မဉ်ႏမာꩻနွောင်ꩻငါနုဲင်းနဝ်ꩻငါ ဗူႏနွောင်ꩻလဲဉ်းဒျာႏနဝ်ꩻသွူ။ နဝ်ꩻမꩻ ယိုတပတ်တာႏနဝ်ꩻ တဲမ်းခြုဲင်းနယ်လွေꩻဗာႏ တခွုင်းယိုတဲင် အမာႏတရွို့ꩻ ဖေႏကစွို့ꩻနဝ်ꩻ အဝ်ႏပက်ထွို့ꩻသော့ꩻလွေꩻ၊ ဖေႏကထွာလွေꩻ တစွိုးခွိုꩻလုမ်း လွောင်ႏဗူႏရေꩻတာႏ နုဲင်းနဝ်ꩻသွူ။\n\nအမာႏတရွို့ꩻ-ဖျင်စွို့ꩻ(၇)\nလိုꩻမျိုꩻတမျိုꩻ အရွီးအခိုႏယို အထျꩻအဝ်ႏလိတ်လုဲင်ꩻတဲင် လိုꩻမျိုꩻပေႏဖုံႏယို အခွင်ꩻရေꩻထွိုင်ႏအဝ်ႏတွော့ꩻ အွဉ်ထွင်ႏလွဉ်ချာ စွိုးခွိုꩻလိတ်လုဲင်ꩻဖုံႏသွူ၊ ယိုခါ အစိုꩻရတသာစူကိုနဝ်ꩻ ပထမအရီးသွတ်ꩻ အွဉ်မာꩻလွေꩻလဲဉ်းသွူ ခမ်းရင်ꩻသား လိုꩻမျိုꩻပေႏ လိတ်လုဲင်ꩻယေန်ႏငဲမုပွယ်ꩻတန်ဖုံႏနဝ်ꩻသွူ၊ မန်းခမ်းတခမ်းလုမ်းအနေႏ စောက်ꩻခမ်းနယ်ႏကိုနဝ်ꩻ အွဉ်မ���ꩻလွေꩻရီးရီးလဲဉ်း ဘာႏအံဝေင်ꩻနယ်ႏကို တဲႏ ဖေဖော်ဝါရီ ၉-နီꩻ ဗꩻလွေꩻ ၁၂-နီꩻနဝ်ꩻသွူ။\n\nနဝ်ꩻအကိုနဝ်ꩻ ခမ်းရင်ꩻသား လိုꩻမျိုꩻပေႏအတာႏ ယေန်ႏငဲရေꩻထာꩻကျူႏ၊ ကွဉ်ကꩻခြွိုင်းခြိုꩻ၊ အသုံꩻအဆောင်ႏဖုံႏ၊ စွိုးခွိုꩻယိုꩻယာႏဖုံႏ၊ ငဝ်းသချင်ꩻဖုံႏ၊ ယိုꩻယာႏအအံႏအအွꩻဖုံႏယို ဖေႏဝင်ꩻကသေတွော့ꩻ အချင်ꩻချင်ꩻ ဖလုဲင်ႏလဝင်ꩻပွယ်ꩻတန် ရိုꩻဗာႏနုဲင်းနဝ်ꩻသွူ၊ နဝ်ꩻအကိုနဝ်ꩻ လိတ်လုဲင်ꩻယို အွဉ်ႏအထျꩻတွော့ꩻ တဲမ်းစုမာꩻ(စာတမ်း)ရွစ်ဟောꩻနယ်ဗာႏ ခမ်းရင်ꩻသားလောင်ႏလင်ဖုံႏနဝ်ꩻသွူ။ စောက်ꩻခမ်းနယ်ႏကို ကအဝ်ႏဒါႏ ပအိုဝ်ႏဖုံႏနဝ်ꩻ ခံႏတဝ်းထဲ့ဆုဲင်ꩻဝင်ꩻတွော့ꩻ ခမ်းရင်ꩻသားလိုꩻမျိုꩻတမျိုꩻယို ဝင်ꩻထွဉ်ႏဒင်ႏလွေꩻ (စာတမ်း)သိုမ်စောင်ႏတဲင် ခမ်းရင်ꩻသားအလင်ဖုံႏနဝ်ꩻ တဒင်ႏနွောင်ꩻတဝ်း၊ ကွဲးတွော့ꩻ ပအိုဝ်ႏနဝ်ꩻ ဒင်ႏနွောင်ꩻလို့စွဉ်ႏ သိုမ်စောင်ႏလုမ်းနဝ်ꩻသွူ။ စောက်ꩻခမ်းနယ်ႏကိုနဝ်ꩻ ပအိုဝ်ႏလိုꩻမျိုꩻဖြာꩻခြွဉ်း ရမ်ꩻဆအလꩻ အဝ်ႏလဲဉ်း နီသိန်ႏလွိုလဲ့ အစိုꩻရတထေပြန်ႏနယ်တဝ်း ပအိုဝ်ႏခမ်းရင်ꩻသားရေꩻရာႏဝွန်ႏတန်လီꩻ ဗို့ꩻဆေ့ꩻတေ့ꩻလွေꩻနေးဒျာႏ ဖဉ်းမွိုတ်ရာꩻထျꩻတဲင် သေထွꩻဗာႏနုဲင်းနဝ်ꩻသွူ၊ နဝ်ꩻတွော့ꩻ ပအိုဝ်ႏလိုꩻမျိုꩻယို အလွောင်ႏဗူႏတန်ဒျာႏကရိုꩻနဝ်ꩻလဲ့ ထီႏဗာႏသွူ၊ လိတ်လုဲင်ꩻယေန်ႏငဲးရေꩻပွယ်ꩻ ဘားအံစောက်ꩻခမ်းနဝ်ꩻ ခမ်းကောင်ဖဲ့ꩻ တောင်ႏကီꩻဝေင်ꩻနယ်ႏ လိတ်လုဲင်ꩻတွမ်ႏယေန်ႏငဲးရေꩻအစွိုꩻလဲ့ လင်ꩻဖေႏအာႏ၊ လွယ်ခံꩻဒုံသားတဲ့ လင်ꩻကူႏညီႏဒုံဖေႏမောင်းမွူး၊ ပျꩻခန်ꩻကိုနဝ်ꩻ အွဉ်ႏနယ်ပါတွမ်ႏ မောင်းဆွိုင်ꩻဖုံႏ၊ မောင်းမွူးဖုံႏတဲင် ဒုံႏမောင်းမွူးဒါႏလျင်ႏသားယို တအဝ်ႏတဝ်းတွော့ꩻ ဖေႏကဒုံႏဒါႏနဝ်ꩻတဲ့ အဝ်ႏကူႏညီႏလွေꩻဖေႏနဝ်ꩻသွူ၊ နဝ်ꩻလုမ်ꩻတကာႏတဝ်း တရောပ်တန်သား၊ သထုံႏသားဖုံႏတဲ့ လွဉ်ဖေႏအာႏကို၊ ရွစ်ယံ ခမ်းကောင်ဖဲ့ꩻ ခွန်လှမင်းသီး၊ ခွန်ခမ်းခြွိုင်ꩻသီးလဲ့ လင်ꩻထွားဖေႏကိုတဲင် ပွယ်ꩻနဝ်ꩻ ကွိုန်ꩻတရေꩻမွေးစွဉ်ႏထာꩻနဝ်ꩻသွူ။\n\nမဉ်ႏထွားနုဲင်းယိုနဝ်ꩻ ပအိုဝ်ႏလိုꩻမျိုꩻယို လွောင်ႏဗူႏမုꩻအဝ်ႏဒျာႏမွော့နဲးကရိုꩻနဝ်ꩻ ထီႏဗာႏသွူ၊ ကွဲးတွော့ꩻ ခမ်းကောင်ဖဲ့ꩻနဝ်ꩻ နဲင်ႏငံႏရေꩻပါတီသားတဲ့နဝ်ꩻ၊ လိတ်လုဲင်ꩻတွမ်ႏယေန်ႏငဲးရေꩻဗဟိုႏတဲ့နဝ်ꩻ လင်ꩻလွဉ်၊ ကူႏညီႏလွဉ် တမျိုꩻတစားနဝ်ꩻတဲ့ ထီႏဗာႏတဝ်းတဲင် သꩻတဟဝ်တဝ်းသွူ။ နဝ်ꩻသွူတကာႏတဝ်း စောက်ꩻခမ်းနဝ်ꩻ လꩻလွေꩻပအိုဝ��ႏခမ်းရင်ꩻသားရေꩻရာႏဝွန်ႏတန်နုဲင်းနဝ်ꩻတဲင် ယိုခါ ကအဝ်ႏထွာဝွန်ႏတန် ခွန်မျိုးတင့်နဝ်ꩻ ဒေါ့ꩻရိုꩻနုဲင်းယို\"ပအိုဝ်ႏလိတ်ယို ခမ်းကောင်ဖဲ့ꩻနဝ်ꩻ အဝ်ႏလွေꩻဒျာႏ တွမ်ႏထီသိမ်ႏမူ၊ အဝ်ႏသုင်ꩻလွေꩻနုဲင်းနဝ်ꩻ၊ ခမ်းဒေါမ်ဖဲ့ꩻယိုနဝ်ꩻ အဝ်ႏကျင်ꩻသုင်ꩻလွေꩻတွမ်ႏ အလံတရာမူ၊ ဖေႏကပေါင်ꩻခြွဉ်းလꩻဝင်ꩻနဝ်ꩻ လွတ်တောႏကိုတဲ့ အဝ်ႏခြိꩻထူႏလွေꩻ၊ မာꩻခြေင်းငါႏတဲ့ လꩻတဝ်း၊ ခြိꩻထူႏလွေꩻဗာႏနေး တလဲင်ႏတစိꩻစိꩻ\"တဲ့ အဝ်ႏယုမ်းအံႏလွေꩻနုဲင်းနဝ်ꩻသွူ။\n\nပအိုဝ်ႏကအဝ်ႏဒါႏ မဲင်ꩻခမ်း၊ စောက်ꩻခမ်းကိုဖုံႏနဝ်ꩻတဲ့ သꩻအဝ်ႏဗော့ꩻလွေꩻဒျာႏ၊ လိတ်ခရာႏယိုတဲ့ အဝ်ႏမဉ်ထွို့ꩻဗူႏဒျာႏကရိုꩻနဝ်ꩻလဲ့ အပုင်ႏအငုဲင်ꩻ အဝ်ႏဒေါ့ꩻလွေꩻနေနေနဝ်ꩻသွူ၊ နဝ်ꩻတွော့ꩻ ပျꩻခန်ꩻကိုနဝ်ꩻ ပအိုဝ်ႏလိတ်ပွိုင်းလဲင်ႏ ပျူခေတ်ဖုံႏ၊ လုံးခေတ်ဖုံႏ သက်သေႏနုဲင်းနဝ်ꩻဖုံႏတဲ့ အဝ်ႏအွဉ်ႏနယ်လွေꩻနဝ်ꩻ ထီႏဗာႏနဝ်ꩻသွူ။ နဝ်ꩻတွော့ꩻ ပအိုဝ်ႏ(စာတမ်း)တစောင်ႏကိုနဝ်ꩻ အဝ်ႏစုရွမ်လွေꩻ \"ပအိုဝ်ႏ\"လိတ်ဖြုံႏခရာႏအဝ်ႏပါနဝ်ꩻသွူ၊ ပွိုးတမုဲင်ꩻမွော့ ဟဲ့ꩻဗာႏတွိုႏ ပအိုဝ်ႏနုဲင်းနဝ်ꩻ၊ ခမ်းရင်ꩻသား အလင်ဟောꩻဒါႏတဝ်းနုဲင်းနဝ်ꩻ အကျောင်ꩻခရာႏယို ခြုဲင်းနယ်လွေꩻပါ အလုဲင်းနဝ်ꩻသွူ၊ လိတ်ကိုနဝ်ꩻ ပအိုဝ်ႏလိုꩻမျိုꩻယို ဝင်ꩻအဝ်ႏဟဲ့ꩻတောင်သူတွော့ꩻ တွိုႏ ၁၉၈၄-ဗာႏ ဝေင်ꩻသထုံႏ မော်ကျော့ရပ်ကွက် ဗွေႏဗွန်ကျောင်ꩻကို ပအိုဝ်ႏလိုꩻမျိုꩻဖုံႏ စုလွဝင်ꩻတွော့ꩻ ဝင်ꩻကဟဲ့ꩻဒါႏ တောင်သူယို ဖေႏကဟဲ့ꩻလွေꩻ\"ပအိုဝ်း\"နုဲင်းနဝ်ꩻတွော့ꩻ ကွီကော့ꩻ ပျꩻလွေꩻဆန္ဒ ခမ်းခြွဉ်းဗူႏအစိုꩻရထျꩻတဲင် ခမ်းခြွဉ်းဗူႏအစိုꩻရလဲ့ ပအိုဝ်းကရိုꩻဒါႏ အဟဲ့ꩻဟောင်အသုင်ꩻယို အွဉ်ႏတီႏလွေꩻဖေႏခန်းဒျာႏနဝ်ꩻသွူ။\n\nနဝ်ꩻတွော့ꩻ ပအိုဝ်ႏ မဉ်ႏရိုꩻသွူနုဲင်းနဝ်ꩻနဝ်ꩻ ခမ်းရင်ꩻသား လိုꩻလင်သီးဖုံႏ အဝ်ႏရိုꩻဒျာႏတမုဲင်ꩻလိုꩻမျိုꩻနဲးနုဲင်းနဝ်ꩻ၊ တ‌ေသငါꩻတဝ်းနဝ်ꩻ ကဲဉ်းအာအာနုဲင်းနဝ်ꩻသွူတကာႏတဝ်း ပအိုဝ်းကရိုꩻဒါႏ ဝ သွတ်ꩻပါလိတ်ယို ဝင်ꩻလင်တဟောꩻဒါႏတဝ်းနုဲင်းနဝ်ꩻလဲ့ အဝ်ႏဒေါ့ꩻရိုꩻဒျာႏသွူ။ နဝ်ꩻတွော့ꩻ ဆရာႏမူႏဒေါက်တာ နန်းသန်းသန်းဝင်း၊ တွယ်ꩻဖက်ပါမောက္ခ နိုင်ငံတကာသွုပ်ဆွိုက်ရေꩻဌာႏန၊ ရန်ႏကုန်ႏတက္ကသိုလ်ႏ ကစုရွမ်ဒါႏ (စာတမ်း)ကိုနဝ်ꩻ ဝ သွတ်ꩻ \"ဝ်\"ယိုနဝ်ꩻ ဗွိုန်ထွားဟောꩻလိတ်လုံးနယ်ꩻ သော့ꩻလွေꩻ ဝ်၊ ဝ်၊ ဝ် နုဲင်းနဝ်ꩻအကျောင်ꩻ ခြုဲင်းနယ်လွေꩻအလုဲင်းနဝ��ꩻ ထီႏဗာႏနဝ်ꩻသွူ။ နဝ်ꩻသွူတကာႏတဝ်း ကသုင်ꩻလွေꩻဒါႏ ပအိုဝ်ႏလိတ်ရန်း က ကꩻ ကာ ကာꩻ ကား ကာႏ အငေါဝ်းအဝ်ႏသူဖြုံႏယိုလဲ့ ဒေါ့ꩻသျင်ꩻဖေႏနဝ်ꩻ ယိုလိတ်ခမ်းကောင်ဒျာႏ ဒေါ့ꩻရိုꩻဗာႏနုဲင်းနဝ်ꩻသွူ။ လိတ်ရန်းအငေါဝ်းထန်ႏသူဖြုံႏယိုနဝ်ꩻ အခေႏခံႏလွေꩻဒျာႏတွမ်ႏ ထီသိမ်ႏလိတ်မူဒျာႏသွူ၊ ကွဲးတွော့ꩻ ပအိုဝ်ႏငေါဝ်းယိုနဝ်ꩻ ထီသိမ်ႏမူကို တဲမ်းလွေꩻဒျာႏ ပအိုႏ ဝ သွတ်ꩻတပါတဝ်းစားဒျာႏနဝ်ꩻလဲ့ ခွေသွဉ်းအဝ်ႏတဲမ်းခြုဲင်းနယ်လွေꩻလဲဉ်းဒျာႏ အွိုးချာနဝ်ꩻသွူ၊ နဝ်ꩻသွူတကာႏတဝ်း ပအိုဝ်ႏလိတ်ယို အွိုးလိတ်ပထမခေတ် မွိုင်ꩻပျိုꩻဆရာႏတောႏ ထွင်ႏတဲမ်းလွေꩻအခရာႏယိုလဲ့ (စာတမ်း)ကို အဝ်ႏတဲမ်းလွေꩻပါတဲင် မဉ်ႏယူႏနုဲင်းယိုနဝ်ꩻ ပအိုဝ်ႏခမ်းဒေါမ်ဖဲ့ꩻသူꩻ မဉ်ႏပတ်သဲစ်တွမ်ႏ လိတ်ခရာႏယို ခြိꩻထူႏဝင်ꩻအီႏယိုꩻကရိုꩻနဝ်ꩻ ရမ်ꩻဆလꩻဒျာႏသွူ။\nခမ်းကောင်ဖဲ့ꩻလဲ့ ပအိုဝ်ႏလိတ်ကျောင်ꩻဆရာႏတဖြာꩻနဝ်ꩻ ဒေါ့ꩻခြုဲင်းနယ်ဖိုနုဲင်းယို\"ပအိုဝ်ႏလိတ် ဖေႏကထွာလွေꩻ တမူချင်ႏနဝ်ꩻ နုဲင်ႏငံႏတောႏ ထေလွေꩻဖေႏရွဉ် အနီꩻအရင်ꩻတွော့ꩻ ထွဉ်ႏခြိꩻထူႏလွဝင်ꩻ အွိုးကျောင်ꩻထီသိမ်ႏကို အဝ်ႏဖိုတဲ့၊ ကွဲးတွော့ꩻ ခမ်းကောင်ဖဲ့ꩻလိုꩻတန် တာႏဝွန်ႏအဝ်ႏသားဖုံႏနဝ်ꩻ လွဉ်တဝ်းတွော့ꩻ ခြိꩻထူႏမု အောင်ႏမျင်ႏတဝ်း\"တဲ့ ယိုနဝ်ꩻ ဝွေꩻနမ်းမော့ꩻတွော့ꩻ ခြုဲင်းနယ်တဲင် သေထွꩻဗာႏသွူ။ ကအီႏခြိꩻထူႏဒါႏကိုနဝ်ꩻ ဝွေꩻတဲ့ ပါသော့ꩻနေနေတွော့ꩻ ခြုဲင်းနယ်တဲမ်းလိတ်သားတဲင် သေထွꩻဗာႏနဝ်ꩻသွူ၊ နုဲင်းယိုစားနဝ်ꩻ တဲမ်းလိတ်သားယူႏဒျာႏ ပတ်သဲစ်တွမ်ႏလိတ်ယိုနဝ်ꩻ အွဉ်ႏဗော့ꩻနုဲင်းယိုနဲ့၊ ခြိꩻထူႏတဝ်းဒွုမ်ဝင်ꩻနဲ့နဝ်ꩻ ငေါဝ်းရီယို ပါꩻမုဲင်ꩻအီႏဖြေႏဖေႏဟောင်း၊ ကရီဗာႏနုဲင်းယိုလဲ့ ကွပ်စွဉ်ႏမဉ်လꩻငါႏ ပအိုဝ်ႏယို အဝ်ႏတအိုဝ်ႏချင်ႏ၊ ပအိုဝ်ႏယို အဝ်ႏတလွောင်ႏချင်ႏနုဲင်းနဝ်ꩻဒျာႏသွူ။\nဖေႏကအဝ်ႏတအိုဝ်ႏချင်ႏ၊ တလွောင်ႏချင်ႏနဝ်ꩻ ခွိုꩻသွုပ်တဲ့နဝ်ꩻ၊ တာႏဝွန်ႏအဝ်ႏသားတဲ့နဝ်ꩻ၊ ဗွေႏသံႏဃာႏသီးတဲ့ လိုႏထိုမ်ႏရောင်ငါႏလဲဉ်းဝင်ꩻ အဖြေႏသွူ၊ မဉ်ႏအဝ်ႏခြေင်းဗော့ꩻနုဲင်းနုဲင်းဝင်ꩻနဝ်ꩻတဲ့ မဲ့ꩻပအိုဝ်ႏတာႏ အကျိုꩻသုမ်ꩻထိုꩻဒါႏ ယူႏဗာႏနုဲင်းနဝ်ꩻတဲင် တဲမ်းခြုဲင်းလွေꩻဗာႏနုဲင်းယိုသွူ။\n\nအမာႏတရွို့ꩻဖျင်စွို့ꩻ(၈)\nတဲမ်းလိတ်သား တဲမ်းခြုဲင်းလွဉ် အမာႏတရွို့ꩻဖျင်စွို့ꩻယိုနဝ်ꩻ တွိုႏလွဉ်လဲဉ်းသွူ အမုဲင်(၈)ကိုလဲဉ်း၊ ကောပ်စွဉ်�� ပအိုဝ်ႏလိတ်ယို အဝ်ႏကွဲꩻလွဝင်ꩻ၊ အဝ်ႏပြုဲင်လွဝင်ꩻနုဲင်းနဝ်ꩻတွော့ꩻ မဉ်ထွို့ꩻဗူႏလွေꩻငါႏတဲ့ပါပါ၊ ယဟန်ႏနဝ်ꩻ အမာႏယို ထင်းအမဲဉ်ႏတွော့ꩻ ကအဝ်ႏသုင်ꩻလွေꩻဖုံႏနဝ်ꩻတဲ့ ဖေႏကသေနာႏချာတဲ့ပါပါ၊ ပအိုဝ်ႏလိတ်လုဲင်ꩻစွစ်ꩻတိုးလီသွူတွော့ꩻ ဖေႏကပြွူႏဖြိုထဲင်းထဲင်းတဲ့ပါပါ-ရေႏရောႏနုဲင်းနဝ်ꩻတဲင် တဲမ်းခြုဲင်းလွေꩻဖေႏဗာႏနဝ်ꩻသွူ။\n\nမန်းကဝ်ႏရိုꩻဒါႏ (နုတ်တစ်ရာ-စာတစ်လုံး)ယိုနဝ်ꩻ ဒေါ့ꩻပျင်ႏဒေါ့ꩻခြေင်ထာꩻ တမွေးတဝ်း၊ ပအိုဝ်ႏသမဲင်ꩻ၊ ပအိုဝ်ႏယိုꩻယာႏ၊ ပအိုဝ်ႏခြွိုင်းခြိုꩻ၊ ပအိုဝ်ႏလိုꩻမျိုꩻ ဓလေ့ꩻဖုံႏယို မဉ်ႏတတဲမ်းခါꩻတဝ်း တွမ်ႏလိတ်ပအိုဝ်ႏယိုနဝ်ꩻ ဆုဲင်ꩻချာပအိုဝ်ႏကရိုꩻယို ထီႏဗော့ꩻအရုတ်လုမ်ꩻ၊ မဲ့ꩻဗွိုန်ထို တဲမ်းသော့ꩻလိတ်ထီကိုနဝ်ꩻသွူ။\nပအိုဝ်ႏလိတ်ယိုနဝ်ꩻ အရေꩻကီꩻငါႏသွူတခွုင်းယိုမဉ်ႏတဲ့ လိုꩻတသေနာႏတဝ်းသားဖုံႏနဝ်ꩻ အဝ်ႏအာငါႏ၊ ပအိုဝ်ႏလိတ်ယို ဒါႏခရာႏတလိုႏတဝ်း၊ မဉ်ႏဒါႏလိတ်ပအိုဝ်ႏယိုနဝ်ꩻ အီႏလွေꩻသုင်ꩻကဲးမုဲင်ꩻကို စစွဉ်ႏနုဲင်းယိုဖုံႏတဲ့ အဝ်ႏခံႏထူႏသားဖုံႏတဲ့ အဝ်ႏနဝ်ꩻသွူ၊ စုမ်ႏနေင်ႏ ကျောင်ꩻပေ့ꩻခိန်ႏ တွိုႏခမ်းသဲင်တွင်ꩻယို ပအိုဝ်ႏရပ်ရာႏကိုနဝ်ꩻ အဝ်ႏသွဉ်လွေꩻလိတ်ပအိုဝ်ႏဖုံႏ အဝ်ႏသွူ။ ကွဲးတွော့ꩻ လိုꩻသꩻဝင်ႏစာꩻမွေးမွေး လိတ်ပအိုဝ်ႏတွော့ꩻ သွဉ်လွေꩻနဝ်ꩻ ကဲဉ်းဆေ့ꩻဆေ့ꩻ၊ ဝင်ꩻထွဉ်ႏတွော့ꩻ၊ လိုꩻတန်ထွဉ်ႏတွော့ꩻ၊ ဗွေႏရဟန်ꩻထွဉ်ႏတွော့ꩻ သွဉ်ဗာႏဒျာႏသားဖုံႏနဝ်ꩻ ကဲဉ်းအာအာနဝ်ꩻသွူ၊ ကွပ်စွဉ်ႏထွဉ်ႏနေးတွော့ꩻ သွဉ်ဗာႏနဝ်ꩻတဲ့ အဝ်ႏလက်ခံႏဒျာႏ၊ ကွဲးတွော့ꩻ အဝ်ႏလိုႏသꩻဝင်ႏစာꩻပါ၊ အဝ်ႏလိုႏသွဉ်မွေးမွေး၊ သွဉ်ဒါႏဒါႏပါ၊ အဝ်ႏလိုႏသေနာႏစဲင်းစဲင်းလွေꩻပါ လိတ်အကျောင်ꩻခရာႏဖုံႏနုဲင်းနဝ်ꩻသွူ။\n\nယထွောင်းထွောင်းနဝ်ꩻ နီသွဉ်းသီး သေထွꩻနုဲင်းမုဲင်ꩻနဲးနဝ်ꩻ ကောသွဉ်ဖေႏဒါႏလိတ် ကထွာဆရာႏနမ်းယိုသွူမဉ်ႏတဲ့ လိတ်အကျောင်ꩻ တဲပ်တဲပ်နဲပ်နဲပ် တသေစဲင်းတဝ်း၊ ဒါႏတကြိꩻတကြွꩻနေးလုမ်ꩻလဲ့ ထူႏတာႏဝွန်ႏ သွဉ်ဖေႏချာဗာႏလဲဉ်းဝင်ꩻဖုံႏတဲ့ အဝ်ႏသွူ၊ ယိုနဝ်ꩻ ပျဿနာႏတန်မွေးစွဉ်ႏထာꩻသွူ။ ကထွာဆရာယိုꩻ လွူꩻတဲးတဲးဝါးဝါး တဲပ်တဲပ်နဲပ်နဲပ်လဲဉ်းလိတ်၊ ဒါႏကေႏကေႏလဲဉ်းလိတ်နုဲင်းနဝ်ꩻမꩻ အဝ်ႏလိုႏဖေႏတာႏဝွန်ႏ၊ အဝ်ႏလိုႏထွဉ်ႏသွဉ်ဖေႏ ခွိုꩻသွုပ်ဆꩻချာသားဖုံႏသွူ၊ မဉ်ႏတမွေးတဝ်းနဝ်ꩻ ကထွာဆရာႏယို ဒါႏတကြိꩻတကြွꩻ သွဉ်ဖေႏခွိုꩻသွုပ်ဆꩻခ���ာ ကျောင်ꩻသားလိုꩻပေႏဖုံႏတဲ့ ဒါႏတကြိꩻတကြွꩻနုဲင်းတွော့ꩻ လိတ်ပအိုဝ်ႏအမဲဉ်ႏဖုံႏယို တသေထွꩻတဝ်းဒွုမ်နဝ်ꩻသွူ။\n\nပွိုင်းလဲင်ႏနဝ်ꩻ လိတ်ပအိုဝ်ႏယို ဖေႏကစွစ်ꩻလီအတာႏ အွဉ်ႏအထျꩻ မာꩻလွေꩻလဲ့ ယိုခါနဝ်ꩻ အဝ်ႏလိုႏပြောင်ꩻလုဲင်ႏခါႏခါႏလဲဉ်းမူနဝ်ꩻသွူ၊ ယိုခါနဝ်ꩻ အဝ်ႏလိုႏလုဲင်ႏလဲဉ်းဒျာႏ လျင်ႏလျင်ႏဗာႏလိတ်ပအိုဝ်ႏ၊ ဒါႏတဲပ်တဲပ်ဗာႏ လိတ်ပအိုဝ်ႏနုဲင်းနဝ်ꩻမꩻသွူ၊ လိတ်ပအိုဝ်ႏယို မဉ်ႏကေႏလယ်ႏ၊ အခေႏခံႏနဝ်ꩻတဲးတဲ့ လိတ်ခရာႏဖုံႏယို အမဲဉ်ႏအမာႏဖုံႏယို အီႏသေလွဉ်ပါ၊ အီႏခြုဲင်းနယ်ဝင်ꩻတဲ့ဒါႏနုဲင်းနဝ်ꩻသွူ။ နဝ်ꩻတွော့ꩻ ပအိုဝ်ႏလိတ်ယို လိုꩻဖေႏကမဉ်သွဉ်၊ လိုꩻဖေႏကမဉ်ဒါႏသား ဖေႏကအာလွဉ်နဝ်ꩻ လိတ်ယိုတဲ့ အဝ်ႏလိုႏစုမ်ႏ၊ အဝ်ႏလိုႏသွဉ်ယိုꩻယိုꩻ၊ ဆရာႏအထီအသွီႏဗွေဗွေတဲ့ အဝ်ႏလိုႏအဝ်ႏနုဲင်းနဝ်ꩻသွူ၊ ဆရာႏမဉ်ႏယံမꩻ ကေားသွဉ်သားယိုတဲ့ ဒါႏယိုꩻ၊ သꩻဝင်ႏစာꩻမု အဝ်ႏအဝ်ႏတဲ့ သွဉ်ဖေႏနွောင်ꩻ-စစွဉ်ႏအချက်နုဲင်းယိုဖုံႏနဝ်ꩻတဲ့ အဝ်ႏလိုႏနေနေသွူ။\nသွဉ်ပုင်ႏသွဉ်နယ်ꩻဖုံႏယိုတဲ့ အဝ်ႏလိုႏတဲမ်းထွို့ꩻနေး(စကယ်ကျူး)(သင်ရိုးညွန်းတမ်း)နုဲင်းနဝ်ꩻဖုံႏ၊ အဝ်ႏလိုႏဗွောင်လွေꩻဖေႏပါ ထွာနွောင်ꩻဆရာႏကျောင်ꩻဖုံႏနဝ်ꩻစားသွူ၊ အဝ်ႏထွာနွောင်ꩻဆရာႏ ဗဟိုႏသွဉ်တန်ꩻလင်ꩻလုမ်ꩻတွော့ꩻ သဲင်ꩻသွဉ်ဖေႏချာနဝ်ꩻ တဲပ်နဲပ်မုꩻ ဆေ့ꩻငါႏထီႏနုဲင်းနဝ်ꩻသွူ၊ ယဟန်ႏနဝ်ꩻ ထင်ႏဗဟိုႏသွဉ်တန်ꩻတာႏ ဒုံထောက်ကမ်းတွော့ꩻ အဝ်ႏသွဉ်တန်ꩻသဲင်ꩻ သဲင်ꩻသွဉ်ဖေႏချာစွဉ်ႏနုဲင်းနဝ်ꩻနဝ်ꩻ တွိုႏခြောင်ꩻမု အဝ်ႏငါႏတဝ်းသွူ။\n\nနဝ်ꩻသွူတကာႏတဝ်း ထင်ႏဗာႏထွာနွောင်ꩻဆရာႏ ဗဟိုႏသွဉ်တန်ꩻ မွူးနီꩻဒွေါင်ႏဒွေါင်ႏ တလဲင်ႏပေႏလုမ်ꩻနဝ်ꩻ ထွာထွိုက်တဝ်းဒွုန်းဆရာႏအရန်း၊ အဆေ့ꩻသွတ်ꩻ မဉ်ႏထင်ႏဗာႏ လစ်ꩻငတ်ꩻလဲင်ႏနုဲင်းနဝ်ꩻမꩻ အဗွေႏနမ်းတာႏလဲ့ဗွေ၊ သွဉ်ဖေႏချာလဲ့ သေႏချာႏသွူ၊ တဲမ်းလိတ်သား နမ်းမော့ꩻအလꩻနဝ်ꩻ သွဉ်တနေင်ႏလုမ်ꩻ သဲင်ꩻသွဉ်ဖေႏချာနဝ်ꩻ အဆင်ႏတပြေႏနွောင်ꩻတဝ်းသွူ။\nနဝ်ꩻမꩻ တာႏဝွန်ႏအဝ်ႏသားတဲ့နဝ်ꩻ၊ ရက်ခွိုꩻပအိုဝ်ႏသီးဖုံႏတဲ့နဝ်ꩻ၊ ဗွေႏရဟန်ꩻသီးဖုံႏတဲ့နဝ်ꩻ မဉ်ႏထီႏမွေး ပအိုဝ်ႏလိုꩻမျိုꩻတာႏ လိတ်လုဲင်ꩻစွစ်ꩻတိုးလီတာႏနဝ်ꩻ အဝ်ႏလိုႏမာꩻသေႏသေႏချာႏချာႏနေးစွဉ်ႏ ထွာနွောင်ꩻဆရာႏ လိတ်ပအိုဝ်ႏသွဉ်တန်ꩻကျောင်ꩻဖုံႏသွူ၊ သွဉ်တန်ꩻကျောင်ꩻကိုနဝ်ꩻ သော့ꩻလွေꩻစုမ်ႏစုမ်ႏ သွဉ်ပုင်ႏသွဉ်နယ်ꩻဖုံႏ၊ သွဉ်��ား သꩻဖေႏကလွꩻမွုန်းနဝ်ꩻ သော့ꩻရောꩻလွေꩻပါ ထာꩻခုမ်ပဆိုးဖုံႏ၊ ထာꩻတယွို့ဖုံႏ၊ ဖေႏဗာႏသွဉ်ထူႏခိန်ႏဖုံႏ၊ အွဉ်ႏထွော့လွေꩻဗာႏ သက်ရွယ်ႏဖုံႏနုဲင်းနဝ်ꩻ အဝ်ႏမꩻသွူ။\nဗွေႏရဟန်ꩻကအွဉ်မာꩻဒါႏ ပအိုဝ်ႏလိတ်လုဲင်ꩻစွစ်ꩻလီတာႏ ဗဟိုႏသံႏဃာႏအွဉ်ငါနဝ်ꩻလဲ့ အဝ်ႏမာꩻစွူစွူဒျာႏ၊ ထွာနွောင်ꩻဆရာႏသွဉ်တန်ꩻကျောင်ꩻဖုံႏတဲ့ အဝ်ႏမာꩻလွေꩻဒျာႏနုဲင်းနဝ်ꩻမꩻ လိတ်ပအိုဝ်ႏယို အီႏထင်ႏထိုလွဉ်၊ ပြွူႏဖြိုလွဉ်နဝ်ꩻသွူ။\n\nပအိုဝ်ႏလိတ်လုဲင်ꩻယို ပွိုင်းလဲင်ႏခါနဝ်ꩻ သွဉ်ထူႏခွင်ꩻအဝ်ႏတဝ်း၊ သွဉ်ဗာႏတဝ်း၊ ကေားသွဉ်သားအဝ်ႏတဝ်း-စစွဉ်ႏ အယပ်ꩻခုဲင်ႏအမျိုꩻမျိုꩻဖုံႏ အဝ်ႏကရိုꩻနဝ်ꩻလဲ့ အဝ်ႏသေနာႏဒျာႏသွူ၊ ကွပ်စွဉ်ႏ တာႏဝွန်ႏအဝ်ႏသားတွမ်ႏ ဗွေႏသံႏဃာႏသီးဖုံႏ အွဉ်ငါမာꩻလွေꩻတွော့ꩻ စွစ်ꩻတိုးလီလွဉ်လဲဉ်း တခွိုင်းယိုနဝ်ꩻလဲ့ ဟွိုန်ဟဝ်နေက်သက်မွေးငါႏ၊ ကေꩻဇူꩻတင်ႏမွေးငါႏသွူ။\nကွဲးတွော့ꩻ လိတ်ဖုံႏယိုနဝ်ꩻ တစုမ်ႏတဝ်း၊ သွဉ်ပုင်ႏသွဉ်နယ်ꩻဖုံႏ တစုမ်ႏတဝ်းဒွုန်းကရိုꩻယိုလဲ့ အဝ်ႏလိုႏလက်ခံႏနေနေသွူ၊ မဉ်ႏလက်ခံႏနွောင်ꩻယိုမꩻ လိတ်ကအဝ်ႏကွဲꩻဒါႏဝင်ꩻနီမူ ခမ်းကောင်၊ ခမ်းဒေါမ်မူယိုနဝ်ꩻ အီႏပေါင်ꩻစပ်လွေꩻဝင်ꩻနွောင်ꩻနဝ်ꩻသွူ။\nပအိုဝ်ႏလိတ်မူ ထီသိမ်ႏယိုနဝ်ꩻ ကွပ်စွဉ်ႏပအိုဝ်ႏတာႏ အဝ်ႏလိုႏမွိုင်ကြွိုင်ငါႏနုဲင်းနဝ်ꩻတဲင် တဲမ်းထွင်ႏလွေꩻဖေႏဗာႏကရိုꩻနဝ်ꩻ ဗွေႏဗွန်ထီသိမ်ႏဩဝါဒကို အဝ်ႏပါလွေꩻနုဲင်းနဝ်ꩻသွူ၊ အဝ်ႏလိုႏမွိုင် အရေႏပေါႏနုဲင်းနဝ်ꩻတွော့ꩻ ထွင်ႏလွေꩻတဲင် ယိုခါနဝ်ꩻ ခေတ်အခေႏနေႏဖုံႏ ပြောင်ꩻလုဲင်ႏလဲဉ်းနဝ်ꩻမꩻ အဝ်ႏလိုႏပေါင်ꩻစပ်ခန်းလွဝင်ꩻသွူ။\n\nဗွေႏဗွန်ထီသိမ်ႏ ဩဝါဒနိဂုံးကိုနဝ်ꩻ ကွပ်စွဉ်ႏရွဉ်ဆေ့ꩻ လိတ်သမ်းအဝ်ႏလိုႏမွိုင်တဲင် ပအိုဝ်ႏအက္ခရာႏယို ထွင်ႏလွေꩻဗာႏ၊ မဉ်ႏတွိုႏဆုဲင်ꩻချာ မာꩻချာယင်းတစား ကရိုꩻနဝ်ꩻ လိတ်ယို မဉ်ႏတဗွေလိုမ်းတဝ်းလဲ့ ဆုဲင်ꩻချာနဝ်ꩻ ထဲမ်းသော့ꩻယင်း အဝ်ႏလꩻဒျာႏ အဓိပ္ပါယ်ႏလꩻနုဲင်းနဝ်ꩻသွူ။\nဗွေႏဗွန်ထီသိမ်ႏနမ်းမဉ်ႏတဲ့ သဘော်ꩻထာꩻအဝ်ႏတန်နဝ်ꩻ ကထွာဒါႏ တာႏဝွန်ႏအဝ်ႏသား ကထိန်ꩻသိမ်ꩻလွေꩻဒါႏ လိတ်လုဲင်ꩻသားဖုံႏနဝ်ꩻလဲ့ အဝ်ႏလိုႏသဘော်ꩻထာꩻတန်ဗာႏနေနေသွူ၊ သဘောꩻထာꩻမဉ်ႏတတန်တဝ်းနဝ်ꩻ ကမဉ်လꩻဒါႏ ပအိုဝ်ႏတစွိုးခွိုꩻလုမ်း လွောင်ႏဗူႏရေꩻယိုလဲ့ အယပ်ꩻခုဲင်ႏထွာအီဒါႏသွူ၊ ပအိုဝ်ႏဖုံႏ မဉ်ႏလွောင်ႏဗူႏလွေꩻလွဝင်ꩻမꩻ ကအဝ်ႏမဉ်လꩻဒါ��� ပအိုဝ်ႏခမ်းထီယို တညတဝ်းအခိန်ႏသူꩻ အီႏလꩻလွဉ်ဗာႏသွူ။\nပအိုဝ်ႏလိုꩻမျိုꩻ ဖေႏကလွောင်ႏဗူႏနဝ်ꩻ လိတ်လုဲင်ꩻယိုတဲ့ ထွာအီအထျꩻနေနေတဲင် လိတ်ယို အဆင်ႏမဉ်ႏပြေႏမꩻတဲ့ ခြိꩻထူႏဒေါ့ꩻရီလွဝင်ꩻအီႏလꩻ ကရိုꩻနဝ်ꩻ တဲက်တွန်ꩻလွေꩻဗာႏနဝ်ꩻသွူ။\n\nအမာႏတရွို့ꩻ-ဖျင်စွို့ꩻ(၉)\nတဲမ်းလိတ်သား ခွေသွဉ်းတဲမ်းခြုဲင်းနယ်လွေꩻဖေႏ လိတ်ခရာႏယိုနဝ်ꩻ အဗွေလိုမ်းကိုမ်ႏလဲဉ်းဒျာႏ၊ အဝ်ႏကုဲင်ဒျာႏ မာꩻတမာꩻတဝ်း၊ စဲစ်ဆေꩻတစဲစ်ဆေꩻတဝ်းနဝ်ꩻတဲ့ တာႏဝွန်ႏအဝ်ႏသား ကားကအဝ်ႏ ယူႏထွားစဉ်ꩻစာꩻခရာႏဒျာႏသွူ၊ ယိုတလဲင်ႏနဝ်ꩻ တဲမ်းလိတ်သား တဲမ်းနယ်လွေꩻယင်း နီသွဉ်းသီးပအိုဝ်ႏလိုꩻမျိုꩻအကို ထာꩻယူႏမာႏ၊ ထာꩻထင်းမာႏ၊ ထာꩻထင်းကွင်တရွို့ꩻ ကအဝ်ႏဒါႏ တစူးတစိꩻပေႏဖုံႏနဝ်ꩻသွူ။\n\nတမုဲင်ꩻနဲးတဲင် ပအိုဝ်ႏလိုꩻမျိုꩻယို မီဒီယာတအဝ်ႏဖိုဖိုတဝ်းဒွုန်းတဲင် မီဒီယာထွိုင်ႏအဝ်ႏလွဉ်တွော့ꩻ ဟွုန်ငမ်းထိုꩻတမျိုꩻ၊ ဟွုန်နေက်သက်တဝ်းမျိုꩻ၊ ထင်းယားကုဲင်ထာꩻတမျိုꩻ၊ ရိုꩻဒေါ့ꩻဝင်ꩻမဉ်ꩻပွုံႏ-စစွဉ်ႏစစွဉ်ႏအမျိုꩻစုမ်ႏ ပအိုဝ်ႏဖုံႏ အဝ်ႏထင်းရောင်နုဲင်းနဝ်ꩻတဲင် အမာႏတန်၊ အတရွို့ꩻတန်ဒျာႏကရိုꩻနဝ်ꩻ မဉ်တဲမ်းသျင်ꩻနယ်လွေꩻငါႏနဝ်ꩻသွူ၊ ယိုနဝ်ꩻ အွိုးမီဒီယာ အကျောင်ꩻခရာႏ လိုႏသေနာႏကိုလဲ့ အဝ်ႏတဲမ်းသော့ꩻဖိုလဲဉ်းနေနေလဲ့ အမာႏအတရွို့ꩻနဝ်ꩻ တွိုႏယိုခါ တပြောင်ꩻလုဲင်ႏတဝ်းဒွုန်းတဲင် တဲမ်းသျင်ꩻနယ်ဗာႏယင်းဒျာႏသွူ။\nနီသွဉ်းသီး မန်းခမ်းယိုနဝ်ꩻ တဲႏ ၂၀၁၀-မာꩻလွဉ်ယို ကွပ်စွဉ်ႏ ၂၀၀၈-အခေႏခံႏဥပဒေႏအလꩻတွော့ꩻ ကျင်ꩻသုင်ꩻလွဉ် ပါတီစုံဒီမိုကရေစီစနစ်နုဲင်းနဝ်ꩻသွူ၊ ထွိုင်ႏကျင်ꩻသုင်ꩻလွဉ်နုဲင်းနဝ်ꩻတွော့ꩻ မာꩻလွဥ္ဗာႏ လွိုက်ရွေꩻပွယ်ꩻဖုံႏနဝ်ꩻသွူ၊ အဝ်ႏလွိုက်ရွေꩻပွယ်ꩻနဝ်ꩻတွော့ꩻ အစိုꩻရ၊ လွတ်တောႏဖုံႏယို ပေါႏလွဉ်ဗာႏနဝ်ꩻသွူ။\nနဝ်ꩻတွော့ꩻ မီဒီယာလွစ်တခြင်ခွင်ꩻ တအဝ်ႏဖိုဖိုတဝ်း မန်းခမ်းယိုနဝ်ꩻ အွဉ်ႏထွော့လွဉ်စွဉ်ႏ မဏ္ဍိုင်ႏတဗာႏတွော့ꩻ လွစ်တခြင်ခွင်ꩻ တောႏတောႏတန်ႏတန်ႏနဝ်ꩻ လꩻလွဉ်၊ ခမ်းထန်ႏမီဒီယာဖုံႏတဲ့ လွစ်တခြင်လွဉ်၊ ဗွောင်နွောင်ꩻလွဉ်စွဉ်ႏရုမ်ꩻချွုတ် မန်းခမ်းကိုဖုံႏနဝ်ꩻသွူ။\n\nလွတ်တောႏဖုံႏပေါႏလွဉ်၊ အစိုꩻရတဲ့ အဝ်ႏခေါ်ခေါ်လွဉ်၊ စီႏရင်ႏတရာꩻရေꩻယိုလဲ့ အဝ်ႏခေါ်ခေါ်လွဉ်တွော့ꩻ နုဲင်ႏငံႏတောႏအသုဲင်အမောင်ꩻ အာႏဏာႏ ကထွာဒါႏ အိုပ်ချွုတ်ရေꩻ၊ စီႏရင်ႏတရာꩻရေꩻတွမ်ႏ မာꩻဥဒပေ��(လွတ်တောႏ)ယို အဝ်ႏလွဉ်နဝ်ꩻသွူ၊ နဝ်ꩻအကို နုဲင်ႏငံႏတောႏသမ္မတ ဦးသိန်းစိန်နမ်းတဲင်ႏနဝ်ꩻ ဒေါ့ꩻလွဉ်မီဒီယာယို အွဉ်ႏထွော့လွေꩻ စတုတ္ထမဏ္ဍိုင်ႏနုဲင်းနဝ်ꩻသွူ။\nစတုတ္ထမဏ္ဍိုင်ႏကရိုꩻနဝ်ꩻအတွိုင်ꩻ တွမ်ႏမဏ္ဍိုင်ႏသိုမ်ဗာႏ အွိုးကီနဝ်ꩻ ထိန်ꩻတီချာငါဗာႏလွဝင်ꩻနဝ်ꩻသွူ၊ ပွုံႏစံႏနဝ်ꩻ ထောက်နယ်၊ ယီးနယ်ဗာႏ မဏ္ဍိုင်ႏသိုမ်ဗာႏသီး မာꩻထာꩻမာႏဖုံႏ ဖေႏကသေနမ်းချာနဝ်ꩻ ထောက်နယ်၊ ယီးနယ်လွေꩻဗာႏနုဲင်းနဝ်ꩻသွူ၊ မဉ်ႏတမွေးတဝ်းနဝ်ꩻ တာႏဝွန်ႏတကေႏတဝ်း ထွာထိုꩻဗာႏနုဲင်းနဝ်ꩻသွူ။\n\nကွဲးတွော့ꩻ ပအိုဝ်ႏဒေႏသကိုနဝ်ꩻ မီဒီယာအကျောင်ꩻယို ထွိုင်ႏတသေနာႏတဝ်းနဝ်ꩻ ထင်းတေားဒျာႏ ယားကုဲင်ထာꩻ၊ ဒေါ့ꩻလိုꩻတန်မဉ်ꩻဖုံႏ၊ လိုꩻတန်ဖုံႏ လွꩻထီႏတေားဒျာႏနုဲင်းနဝ်ꩻဖုံႏသွူ၊ ကထွာလိုꩻတန်တွမ်ႏ လိုꩻမာꩻနုဲင်ႏငံႏရေꩻသားယိုနဝ်ꩻ မဉ်ႏတခံႏနွောင်ꩻတဝ်း ဝင်ꩻဝွေႏဖန်ႏယီးနယ်၊ ထောက်နယ်နဝ်ꩻ ထွာထွိုက်သင်ꩻတဝ်းဒွုန်း လိုꩻတန်သွူ၊ မီဒီယာသီးနဝ်ꩻ ဝွေꩻတာႏဝွန်ႏအဝ်ႏအတွိုင်ꩻ ခမ်းသားဖုံႏ ဖေႏကသာႏ၊ ခမ်းသားအမျာꩻ အကျိုꩻအတာႏ အုံထွိုင်ႏဖေႏဗာႏဒျာႏတဲင် အမဲဉ်ႏတရာꩻယို အမဲဉ်ႏအတွိုင်ꩻ ဖောႏနယ်၊ တဲမ်းနယ်၊ ယီးနယ်လွေꩻဗာႏနဝ်ꩻ တာႏဝွန်ႏအဝ်ႏသွူ။ မီဒီယာယို မဉ်ႏအဝ်ႏမꩻ လိုꩻတန်ဖုံႏ ကမဉ်မာꩻဒါႏ ထာꩻဗဉ်ႏထာꩻဗꩻဖုံႏ၊ ခမ်းသားဖုံႏ ကအဝ်ႏခံႏဗာႏဒါႏ ယားကုဲင်ခမ်းသား အခွင်ꩻအရေꩻ၊ လိုꩻအခွင်ꩻအရေꩻဖုံႏယို အီႏဆေ့ꩻသဲင်ꩻ တလဲင်ႏတစိꩻစိꩻ၊ တရာꩻဥပဒေႏ ဒို့ꩻတခြို့မုꩻဖုံႏယိုတဲ့ အီႏအဝ်ႏလွဉ်ယင်းနဝ်ꩻသွူ။ နဝ်ꩻသွူတကာႏတဝ်း လိုꩻမျိုꩻတမျိုꩻ စီꩻပွာꩻတိုꩻတက်မုယို၊ လိုꩻမျိုꩻသမဲင်ꩻဖုံႏယို၊ ယိုꩻယာႏဓလေ့ꩻထုံꩻစံႏဖုံႏယို ဝင်ꩻလိုꩻမျိုꩻလင် ဖေႏကသေနဝ်ꩻ မီဒီယာယို ဖောႏထန်ႏနယ်လွေꩻဗာႏနဝ်ꩻသွူ။\n\nအရေꩻသွတ်ꩻနဝ်ꩻတဲးတဲ့ ထောက်နယ်ဗာႏဝင်ꩻ အမာႏဖုံႏနဝ်ꩻသွူ၊ ကွဲးတွော့ꩻ ထွိုင်ႏထောက်နယ်မွေးဝင်ꩻ အမာႏဖုံႏယိုတဲင် လိုꩻကခံႏဗာႏဝင်ꩻထောက်နယ်သားဖုံႏနဝ်ꩻ မဉ်ခံႏတဝ်း၊ နမ်းမာႏလဲဉ်း ဝင်ꩻဒေါ့ꩻနယ်လဲ့ အုဲင်ႏစူꩻတဝ်း၊ ရိုꩻတေားဒျာႏ ဝင်ꩻဟဝ်တဝ်းနဝ်ꩻ ထုံꩻစံႏဒျာႏသွူ၊ ကထွာဒါႏ မဏ္ဍိုင်ႏသိုမ်ဗာႏဖုံႏနဝ်ꩻလဲ့ နုဲင်းနဝ်ꩻနေနေ၊ မဉ်ႏထောက်နယ်၊ ယီးနယ်နဝ်ꩻ အအီႏတခံႏတဝ်းဒျာႏရင်ꩻရင်ꩻနဝ်ꩻသွူ။\nကွပ်နဝ်ꩻမꩻ အဝ်ႏဖေႏလဲဉ်းသွူ မီဒီယာလွစ်တခြင်ခွင်ꩻလဲ့ တဖဲ့ꩻကိုနဝ်ꩻ အဝ်ႏတေက်ꩻနျꩻလွေꩻဒျာႏသွူ၊ ၂၀၀၈-အခေႏခံႏဥပဒေႏကို အခန်ꩻ(၈)ကိုနဝ်ꩻ အဝ်ႏဖောႏလွေꩻနယ်လဲဉ်းသွူ လွစ်တခြင်(ထုတ်ဖော်ပြောဆိုခွင့်)ထေဖောႏခွင်ꩻ၊ ဒေါ့ꩻခွင်ꩻ၊ တဲမ်းခွင်ꩻဖုံႏလဲ့ အစဲစ်မဲဉ်ႏနဝ်ꩻ တလꩻမွေးတဝ်းနဝ်ꩻလဲ့ အဝ်ႏခံႏဗာႏဒျာႏသွူ။\nမဉ်ႏရိုꩻယင်း မီဒီယာယို မာꩻတငီႏတငါဒျာႏထာꩻ၊ မီဒီယာတုဖုံႏဒျာႏနုဲင်းနဝ်ꩻလဲ့ မီဒီယာတုဖုံႏယို အဝ်ႏလိုႏထိန်ꩻလွေꩻဒျာႏ တွမ်ႏဥပဒေႏဖုံႏဒျာႏသွူ၊ မီဒီယာ အစဲစ်မဲဉ်ႏဖုံႏနဝ်ꩻ အုံထွိုင်ႏတနွောင်းလွေꩻဒျာႏ တွမ်ႏကျင်ꩻဝတ်ဖုံႏတဲင် ကလွိုဆန်ဒါႏ ကျင်ꩻဝွတ်ဖုံႏယိုနဝ်ꩻ အဝ်ႏလိုႏထိန်ꩻအီဒျာႏ တွမ်ႏဥပဒေႏဖုံႏဒျာႏသွူ။\nယိုနဝ်ꩻ တမွေးတဝ်း၊ လွေꩻလွောက်ꩻနာႏကျင်ꩻဝွတ်နဲ့၊ လွောက်ꩻနာႏတဝ်းနဲ့ သေတဝ်း၊ ပေါႏရိုꩻမီဒီယာနဝ်ꩻ ထီႏစွဉ်ႏထာꩻတဟဝ်တဝ်းလွဉ်းလွဉ်းဖုံႏနဝ်ꩻ မာႏတန်သွူ၊ မီဒီယာယိုနဝ်ꩻ လိုꩻမျိုꩻတမျိုꩻ အဝ်ႏလိုႏသုင်ꩻဒါႏဒါႏငါႏဒျာႏသွူ၊ \"အသံကြောင့် ဖါးသေ\"ကရိုꩻယိုနဝ်ꩻ အဝ်ႏမွေးဒျာႏ၊ မီဒီယာသားတဲ့ ဝင်ꩻအဝ်ႏထိန်ꩻဒျာႏ ကျင်ꩻဝွတ်နေနေ၊ အီႏမာꩻတငီႏတငါထာꩻလဲ့ တမာꩻတဝ်း၊ ကွဲးတွော့ꩻ အမဲဉ်ႏတရာꩻ ကလိုႏဖောႏထန်ႏဒါႏယိုနဝ်ꩻလဲ့ ဖောႏနယ်ဗာႏနဝ်ꩻသွူ။\n\nမဉ်ႏပတ်သဲစ်တွမ်ႏ အသုဲင်အမောင်ꩻ အာႏဏာႏခရာႏဖုံႏ၊ ထွာအီဒါႏ ပဋိပက္ခဖုံႏနဝ်ꩻတဲ့ ဝင်ꩻအဝ်ႏချင်းထိန်ꩻဒျာႏ၊ ကွဲးတွော့ꩻ ယိုခါ လိုꩻတွိုင်ꩻစုမ်ႏဖြာꩻ အဝ်ႏသုင်ꩻလွေꩻ (ဆိုရှယ်မီဒီယာ)တဲင် မီဒီယာသားစဲစ်မဲဉ်ႏနဝ်ꩻ ကျင်ꩻဝွတ်အဝ်ႏဒျာႏလဲ့ (ဆိုရှယ်မီဒီယာ)နဝ်ꩻ ကျင်ꩻဝွတ်တအဝ်ႏတဝ်း၊ ထိန်ꩻတဲ့ တယိုꩻတဝ်းနေနေသွူ။\nနုဲင်းမုဲင်ꩻမုဲင်ꩻတယဝ်း ယိုခါ နီသွဉ်းသီး ပအိုဝ်ႏအခါႏကိုနဝ်ꩻ ဗွေႏရဟန်ꩻဖုံႏတဲ့နဝ်ꩻ၊ လိုꩻတန်ဖုံႏတဲ့နဝ်ꩻ အဝ်ႏလွꩻထီႏ အဝ်ႏလွꩻထွား တမဲဉ်လꩻတဝ်း မီဒီယာသားနဝ်ꩻ အာငါႏသွူတကာႏတဝ်း နီတွမ်ႏနီမာꩻမꩻမဲဉ်ႏ၊ ပေါ့ꩻဝင်ꩻမာꩻနဝ်ꩻ မဲဉ်ႏတဝ်း-နုဲင်းနဝ်ꩻစားဖုံႏနဝ်ꩻ အာငါႏတဲင် ယိုနဝ်ꩻ လက္ခဏာႏတဟဝ်တဝ်းသွူ၊ နီကအဝ်ႏမာꩻထာꩻမာꩻယို ထွားနီဖဲ့ꩻနဝ်ꩻ အဝ်ႏမဲဉ်ႏဒျာႏလဲ့ အွိုးတဖဲ့ꩻမဉ်ႏထွားနဝ်ꩻ အမာႏဖုံႏအဝ်ႏဒါႏနဝ်ꩻမꩻ မီဒီယာသီး သဘောꩻတရာꩻအလꩻ မဉ်ႏထောက်နယ် ယီးနယ်မꩻ အမဲဉ်ႏစွို့ꩻစွဉ်ႏယို ထွာလွဉ်အီဒါႏသွူ။\nလိုꩻကသုင်ꩻဒါႏ မီဒီယာခမ်းရင်ꩻသားအစွိုꩻနဝ်ꩻ လိုꩻဒါႏလိုꩻလက်ꩻလဲဉ်၊ အခွင်ꩻအရေꩻ လꩻအာမွေးစွဉ်ႏကရိုꩻနဝ်ꩻ မဉ်ႏထွားချာ မန်းခမ်းကိုအခေႏနေႏ အဝ်ႏသေထွꩻဒျာႏသွူ၊ အစိုꩻရစွိုꩻ ဝွေꩻသီးယို သုင်ꩻမီဒီယာဒါႏမွေးစွဉ်ႏထာꩻ၊ သုင်ꩻတဲ့သုင်ꩻမွေးစွဉ်ႏနဝ်ꩻမꩻ ဝွေꩻသီးယို ပါꩻမုဲင်ꩻမုဲင်ꩻလဲ့ တထွꩻတဝ်းသွူ၊ နဝ်ꩻသွူ နုဲင်းခင်လိုꩻမျိုꩻယိုလဲ့ ကထွာဒါႏ တွိုက်ꩻပွဲꩻတွမ်ႏမန်းနဝ်ꩻ တဖဲ့ꩻကို ဟဲ့ꩻလွဉ်တခွန်ꩻလုဲင်ႏ ခမ်းထန်ꩻမီဒီယာတွော့ꩻ စာအံႏလုဲင်ႏတေားစွဉ်ႏ စဲ့ꩻမန်းတဟဝ်တဝ်းအကျောင်ꩻ ဖောႏနယ်လွေꩻနုဲင်းနဝ်ꩻတဲင် မန်းခမ်းကို သတင်ꩻဖုံႏနဝ်ꩻ ထန်ႏဒျာႏစဲ့ꩻမန်းဖဲ့ꩻ အဟဝ်လုမ်ꩻလဲ့ တဖဲ့ꩻကိုနဝ်ꩻ ခမ်းအဒဝ်ႏဒဝ်ႏ သေထွꩻစွဉ်ႏ စဲ့ꩻမန်းခင်ႏခြောင်ꩻဖုံႏတွော့ꩻ ခမ်းထန်ႏသားဖုံႏနဝ်ꩻ (ပိတ်ဆို့)လွေꩻလုဲင်ႏစွဉ်ႏ စဲ့ꩻမန်းအတန်အကယ်ႏသီးဖုံႏနဝ်ꩻသွူ။\n\nနုဲင်းနဝ်ꩻနေနေ ခမ်းထန်ႏမီဒီယာသားဖုံႏနဝ်ꩻ ပေါ့ꩻခုမ်စူခြွိုင်း ခမ်းရင်ꩻသားစွိုꩻဖုံႏ ကားကအဝ်ႏနဝ်ꩻ မော့ꩻခွဲးဒေါ့ꩻရီထူႏလွေꩻသွူ အချက်အလျက်ဖုံႏတွော့ꩻ ထေထန်ႏနွောင်ꩻစွဉ်ႏ သုတေသန လိတ်စောင်ႏဖုံႏနဝ်ꩻလဲ့ သက်သေႏအဝ်ႏသေꩻခါꩻနဝ်ꩻသွူ၊ တွိုႏဒျာႏ နီသွဉ်းသီး လိုꩻမျိုꩻပေႏယိုနဝ်ꩻ သုင်ꩻတဒါႏတဝ်း၊ ခမ်းသားတာႏ အုံထွိုင်ႏတနွောင်းဒါႏ မီဒီယာမဉ်ႏအဝ်ႏနဝ်ꩻ ဖေႏကအုံထွိုင်ႏတနွောင်းလꩻမွုန်းလဲ့ နေးတွမ်ႏအနယ်ꩻအမျိုꩻမျိုꩻ တေက်ꩻနျꩻလွေꩻဒျာႏဖုံႏသွူ။\nရိုꩻမွုန်းတဝ်း အီႏဖေႏအာႏ၊ အွဉ်ႏထန်ႏဖိုတဝ်း၊ အဝ်ႏထီႏသွူ အတက်ဆားယိုလဲ့ ကဉ်ႏကုဲင်ထိုꩻဒျာႏ အစော့ꩻနဝ်ꩻစားဖုံႏတဲင် မာႏတန်ကရိုꩻနဝ်ꩻ မဉ်ဒေါ့ꩻလွေꩻငါႏနုဲင်းနဝ်ꩻသွူ၊ ခမ်းသားတာႏ ဖြောင်ဒေါင်မုဖေႏကအဝ်ႏ၊ တရာꩻဒို့ꩻတခြို့ရေꩻ ဖေႏကအဝ်ႏ ဖောႏထန်ႏနယ်လွေꩻဖေႏ၊ လိုꩻတန်လိုꩻယံ ဖေႏကပေါႏ၊ လွောင်ႏဗူႏရေꩻ ဖေႏကအဝ်ႏတွမ်ႏ ပအိုဝ်ႏလိတ်လုဲင်ꩻ ဖေႏကတဉ်ႏခွေါင်ယိုနဝ်ꩻ ပအိုဝ်ႏကို မီဒီယာ အဝ်ႏလိုႏပေါႏထန်ႏအာအာထဲင်းငါႏသွူ။\nမီဒီယာမဉ်ႏအာမဲ့ꩻ ခမ်းသားဖုံႏလဲ့ လွိုက်ရွေꩻဒျာႏ၊ မီဒီယာဌာႏန အဗာႏမုဲင်ꩻနဝ်ꩻ ဟဝ်အာႏကွိုꩻလꩻ၊ အဗာႏမုဲင်ꩻနဝ်ꩻ ဟဝ်တဝ်း၊ အဝ်ႏလိုႏထိန်ꩻတီနုဲင်းနဝ်ꩻစားဖုံႏနဝ်ꩻ ထွာလွဉ်ဗာႏသွူ၊ အစိုꩻရသီးဖုံႏနဝ်ꩻ ပအိုဝ်ႏတယဝ်း၊ မန်းတယဝ်း မဉ်ႏထွာသွူအစိုꩻရနဝ်ꩻ ရိုꩻစွဉ်ႏ မီဒီယာကထောက်နယ်၊ ယီးနယ်ဒါႏယိုနဝ်ꩻ အဝ်ႏဒျာႏ(အနုတ်)လက္ခဏာႏလွဉ်းလွဉ်း ခံႏထူႏလွေꩻစွဉ်ႏနုဲင်းနဝ်ꩻသွူ။\nအမဲဉ်ႏနဝ်ꩻ တမွေးတဝ်း၊ တွမ်ႏကျင်ꩻဝွတ်ညီႏညီႏ မာꩻလွေꩻမီဒီယာတွမ်ႏ ကျင်ꩻဝွတ်လွောက်ꩻနာႏတဝ်းတွော့ꩻ မာꩻလွေꩻမီဒီယာ ကွာႏနုဲင်းနဝ်ꩻစားဒျာႏသွူ၊ တလွောက်ꩻနာႏတဝ်း မီဒီယာကျင်ꩻဝွတ် မီဒီယာနဝ်ꩻ အဝ်ႏလိ���ႏထိန်ꩻတီအီဒျာႏ တွမ်ႏမီဒီယာဥပဒေႏဒျာႏကရိုꩻနဝ်ꩻ တဲမ်းခြုဲင်းလွေꩻဗာႏနုဲင်းနဝ်ꩻသွူ။\n\nအာႏကွိုꩻ \n\nပအိုဝ်ႏလိတ်လုဲင်ꩻ","num_words":7216,"character_repetition_ratio":0.071,"word_repetition_ratio":0.0,"special_characters_ratio":0.064,"stopwords_ratio":0.015,"flagged_words_ratio":0.0,"lang_id_score":1.0,"perplexity_score":3979.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%AC%E1%82%8F%E1%80%8F%E1%80%AC%E1%82%8F%E1%80%95%E1%80%B2%E1%80%84%E1%80%BA%E1%82%8F%E1%80%81%E1%80%99%E1%80%BA%E1%80%B8%E1%80%91%E1%80%AE%E1%80%96%E1%80%AF%E1%80%B6%E1%82%8F","collection":"wikipedia","source":"wikipedia","original_code":"blk","text":"ခမ်းထီလ့ယိုဖုံႏနဝ်ꩻ ထွာဒျာႏ တကမ္ဘာႏလွုမ်းကို ကအဝ်ႏဒါႏ အာႏဏာႏပဲင်ႏခမ်းထီဖုံႏ အရန်းအခေႏနေႏတောမ်ႏ ပွိုးတောမ်ႏအာႏဏာႏပဲင်ႏတာႏ  အွဉ်ႏရေꩻအသိမတ်ပျုအခေႏနေႏ အချက်လျက်စာႏရင်ꩻဒျာႏသွူ။\n\nအာႏကွိုꩻ \n\nခမ်းထီ","num_words":18,"character_repetition_ratio":0.022,"word_repetition_ratio":0.0,"special_characters_ratio":0.074,"stopwords_ratio":0.056,"flagged_words_ratio":0.0,"lang_id_score":1.0,"perplexity_score":103747.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%AF%E1%80%B6%E1%80%9C%E1%80%99%E1%80%BA%E1%80%B8%E1%80%A1%E1%80%AF%E1%80%B6%E1%80%97%E1%80%AC%E1%82%8F%E1%80%81%E1%80%BB%E1%80%99%E1%80%BA%EA%A9%BB%E1%80%9E%E1%80%AC%E1%82%8F%E1%80%9C%E1%80%85%E1%80%BA%EA%A9%BB%E1%80%99%E1%80%BB%E1%80%AD%E1%80%AF%EA%A9%BB","collection":"wikipedia","source":"wikipedia","original_code":"blk","text":"\"အာနဏျသုတ် (အုံလမ်းအုံပါႏ ချမ်ꩻသာႏလစ်ꩻမျိုꩻ)\"\nနီဗွေႏဘုရာꩻဟော်ꩻဖေႏ အနာႏထပိဏ်ႏသဌေꩻ တရာꩻနုဲင်းယို-\nကျောင်ꩻတကာႏဟွေး-\nအုံလမ်းအုံပါႏ နုဲင်းတကာႏသီးနဝ်ꩻ ထွိုက်ရာꩻခိန်ႏခါႏ ချမ်ꩻသာႏအဝ်ႏလစ်ꩻမျိုꩻ၊ လစ်ꩻမျိုꩻကရိုꩻနဝ်ꩻ-\n၁။ အတ္ထိ သုခံ - အောဝ်ႏအာချမ်ꩻသာႏ\n၂။ ဘောဂ သုခံ - အံႏအွꩻဗာႏချမ်ꩻသာႏ\n၃။ အာနဏျ သုခံ - နီးခန်အဲဉ်ထဝ်းချမ်ꩻသာႏ\n၄။ အနဝဇ္ဇ သုခံ - အပဲ့စ်အဲဉ်ထဝ်းချမ်ꩻသာႏ\nထွိုက်ရာꩻခိန်ႏခါႏ ချမ်ꩻသာႏအဝ်ႏလစ်ꩻမျိုꩻ နုဲင်းနောဝ်ꩻသွူ။\nကျောင်ꩻတကာႏဟွေး-\n၁။ 'အဝ်ႏအာချမ်ꩻသာႏ'ကရိုꩻနဝ်ꩻ နုဲင်းမုဲင်ꩻနဲတဲင်-\nလောကကိုယို လိုꩻခိုတဖြာꩻနဝ်ꩻ ကွိုꩻဒျာႏစူဗောင်အာႏ၊ တသိုꩻရီႏရာႏမွေးမုဲင်း၊ လိုꩻကုဲင်းလိုꩻရိုꩻသာꩻ၊ နေးထာꩻတရာꩻလꩻလွဉ်၊ ရွဉ်ခံꩻတခြိုꩻ၊ ဝွေꩻရိုꩻ- ခွေကလꩻလွဉ် ရွဉ်ခံꩻတခြိုꩻ အမျိုꩻမျိုꩻယိုနဝ်ꩻ 'ဓမ္မိကာ-နေးတွမ်ႏတရာꩻ၊ ဓမ္မလဒ္ဓါ-လꩻတရာꩻရာꩻဒျာႏ'ဝွေꩻယူႏနုဲင်းနဝ်ꩻတဲင် သꩻချမ်ꩻသာႏ၊ လꩻချမ်ꩻသာႏ၊ သꩻရေꩻ၊ နဝ်ꩻနဝ်ꩻ 'အဝ်ႏအာချမ်ꩻသာႏ'နောဝ်ꩻသွူ။\n\nကျောင်ꩻတကာႏဟွေး-\n၂။ 'အံႏအွꩻဗာႏချမ်ꩻသာႏ'ကရိုꩻနဝ်ꩻ နုဲင်းမုဲင်ꩻနဲတဲင်-\nလောကကိုယို လိုꩻခိုတဖြာꩻနဝ်ꩻ ကွိုꩻဒျာႏစူဗောင်အာႏ၊ တသိုꩻရီႏရာႏမွေးမုဲင်း၊ လိုꩻကုဲင်းလိုꩻရိုꩻသာꩻ၊ နေးထာꩻတရာꩻလꩻလွဉ်၊ ရွဉ်ခံꩻတခြိုꩻ၊ ဝွေꩻရိုꩻ- ခွေကလꩻလွဉ် ရွဉ်ခံꩻတခြိုꩻ အမျိုꩻမျိုꩻယိုနဝ်ꩻ 'ဓမ္မိကာ-နေးတွမ်ႏတရာꩻ၊ ဓမ္မလဒ္ဓါ-လꩻတရာꩻရာꩻဒျာႏ၊ ��ံႏအွꩻဗာႏလိုမ်းလိုမ်း၊ လူႏဗာႏတန်ꩻဗာႏ'ဝွေꩻယူႏနုဲင်းနဝ်ꩻတဲင် သꩻချမ်ꩻသာႏ၊ လꩻချမ်ꩻသာႏ၊ သꩻရေꩻ၊ နဝ်ꩻနဝ်ꩻ 'အံႏအွꩻဗာႏချမ်ꩻသာႏ'နောဝ်ꩻသွူ။\n\nကျောင်ꩻတကာႏဟွေး-\n၃။ 'နီးခန်အဲဉ်ထဝ်းချမ်ꩻသာႏ'ကရိုꩻနဝ်ꩻ နုဲင်းမုဲင်ꩻနဲတဲင်-\nလောကကိုယို လိုꩻခိုတဖြာꩻနဝ်ꩻ ကွပ်လွꩻတဝ်း၊ ပွိုးကုဲင်းငါႏတွော့ꩻ ရွဉ်ခံꩻအဝ်ႏအာ၊ ကွီကူး ကွီငါးဗာႏတဝ်းဝင်ꩻ၊ နီးခန်ကင်ꩻ၊ ဆေ့ꩻဆေ့ꩻတဲ့ယဝ်း၊ အာအာတဲ့ယဝ်း လိုႏဖေႏပါꩻအဲဉ်ထဝ်း 'ပါꩻလွဉ်ကွီခွေနီး-ပါꩻလွဉ်ယီးခွေခန် အဲဉ်ထဝ်းတဖြာꩻဖြာꩻ၊ အဲဉ်ထဝ်းလာꩻလာꩻဟွေး'ဝွေꩻယူႏနုဲင်းနဝ်ꩻ သꩻချမ်ꩻသာႏ၊ လꩻချမ်ꩻသာႏ၊ သꩻရေꩻ၊ နဝ်ꩻနဝ်ꩻ 'နီးခန်အဲဉ်ထဝ်းချမ်ꩻသာႏ'နောဝ်ꩻသွူ။\n\nကျောင်ꩻတကာႏဟွေး-\n၄။ 'အပဲ့စ်အဲဉ်ထဝ်းချမ်ꩻသာႏ'ကရိုꩻနဝ်ꩻ နုဲင်းမုဲင်ꩻနဲတဲင်-\nလောကကိုယို လိုꩻခိုတဖြာꩻနဝ်ꩻ နမ်းထာꩻမာꩻမာႏ ကာယကံႏ-အပဲ့စ် အဲဉ်ထဝ်း၊ ဖြောင်းဒေါ့ꩻမာႏ ဝစီꩻကံႏ-အပဲ့စ် အဲဉ်ထဝ်း၊ သꩻထာꩻယူႏမာႏ မနော်ꩻကံႏ-အပဲစ် အဲဉ်ထဝ်းတဲင် သꩻချမ်ꩻသာႏ၊ လꩻချမ်ꩻသာႏ၊ သꩻရေꩻ၊ နဝ်ꩻနဝ်ꩻ 'အပဲ့စ်အဲဉ်ထဝ်းချမ်ꩻသာႏ'နောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ အာနဏျသုတ်)\n\nအာႏကွိုꩻ","num_words":371,"character_repetition_ratio":0.086,"word_repetition_ratio":0.221,"special_characters_ratio":0.093,"stopwords_ratio":0.003,"flagged_words_ratio":0.0,"lang_id_score":1.0,"perplexity_score":2429.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%B2%E1%80%94%E1%80%BA%E1%80%B8%E1%80%92%E1%80%9B%E1%80%BD%E1%80%B2%E1%80%B7%E1%80%92%E1%80%BA%20%28%E1%80%90%E1%80%95%E1%80%94%E1%80%BA%E1%82%8F%E1%80%A1%E1%80%AE%E1%80%99%E1%80%AD%E1%80%AF%E1%80%97%E1%80%AF%E1%80%B2%E1%80%84%E1%80%BA%E1%80%B8%E1%80%85%E1%80%80%E1%80%BA%E1%80%85%E1%80%94%E1%80%AD%E1%80%85%E1%80%BA%29","collection":"wikipedia","source":"wikipedia","original_code":"blk","text":"အဲန်းဒရွဲ့ဒ် (တပန်ႏအီမိုဗုဲင်းစက်စနိစ်) (အိန်းကလေက်: Android (operating system)) နဝ်ꩻ အခေႏခံႏမွဉ်းဖျင်ခါꩻဒျာႏ လဉ်းနိစ်၊ ကွန်ပျူတာကာနယ်တဲင် မိုဗုဲင်းတခြိုꩻဖုံႏ စက်ဖေႏကတပန်ႏနွောင်ꩻအီတာႏ မာꩻခါꩻစနိစ်တမျိုꩻဒျာႏသွူ။ Android Inc. နဝ်ꩻ အန်ဒီရူဘင် တယ်ႏထောင်ႏစခါꩻဒျာႏ ခရိစ်နေင်ႏ ၂၀၀၃ ဗာႏ လာအောက်တိုဗာကိုသွူ။ Android Inc.ယို တွိုႏ ၂၀၀၅ ဗာႏနဝ်ꩻ ဂူဂဲ(Google) ကုမ္ပဏီႏ ဖြေꩻထူႏလွေꩻဒျာႏသွူ။ ယိုခါ အဲန်းဒရွဲ့ဒ်နဝ်ꩻ ထွာလိုꩻထူႏသုင်ꩻအီအာလွဉ် အရန်းထို ဖိုန်းကိုဖုံႏတဲင် ကမ္ဘာႏလောင်း ထွာလွဉ်စွဉ်ႏ အတန်သွတ်ꩻ တပန်ႏအီမိုဗုဲင်းစက်စနိစ်(operating system)တဗာႏသွူ။\n\nဂူဂဲကဖြေꩻခါꩻဒါႏ အန်ဒီရူဘင် အဲန်းဒရွဲ့ဒ်စနိစ်နဝ်ꩻ တွိုႏ ၂၀၁၁ ဗာႏ လာဒီသဉ်ဗာကို လိုꩻထူႏသုင်ꩻသား ၇ သိန်ႏရပ်နဝ်ꩻ အဝ်ႏဆွိုက်သွုပ်အီချာငါဝင်ꩻ အဝ်ႏစွုမ်ႏနီꩻနဝ်ꩻသွူ။\n\nကထန်ႏခါꩻထွူလဲဉ်းဒါႏ ဝါးတပန်ႏစက်စနိစ် ဗားသဉ်းပွုံႏစံႏဖုံႏနဝ်ꩻ-\n ၂.၀\/၂.၁ (Eclair)\n ၂.၂ (Froyo) \n ၂.၃ (Gingerbread)\n ၃.၀ (Honeycomb)\n ၄.၀ (Ice-cream sandwich)\n ၄.၁ (Jelly Bean)\n ၄.၂ (Jelly Bean)\n ၄.၃ (Jelly Bean)\n ၄.၄ (KitKat)\n ၅.၀ (Lollipop) \n ၆.၀ (Marshmallow) \n ၇.၀ (Nougat) \n 8.0 (Oreo) \n 9.0 (Pie)\n 10 (Q)\n 11 (R) \nS ဖုံႏဒျာႏသွူ။\n\nအာႏကွိုꩻ \n\nသော့ဝွဲး\nအနယ်ꩻပညာႏ","num_words":182,"character_repetition_ratio":0.07,"word_repetition_ratio":0.081,"special_characters_ratio":0.183,"stopwords_ratio":0.005,"flagged_words_ratio":0.0,"lang_id_score":1.0,"perplexity_score":38645.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%A5%E1%80%95%E1%80%99%E1%80%AC%E1%82%8F%E1%80%97%E1%80%BD%E1%80%94%E1%80%BA%E1%80%95%E1%80%AE-%E1%80%90%E1%80%AE%E1%80%96%E1%80%AD%E1%80%AF%E1%80%B8%E1%80%9E%E1%80%AC%E1%80%B8","collection":"wikipedia","source":"wikipedia","original_code":"blk","text":"\"ဂေါပါလသုတ် (ဥပမာႏဗွန်ပီ-တီဖိုးသား)\"\nရဟန်ꩻသီးဖုံႏဟွေး-\nတီဖိုးသား 'ထာꩻညမ်း'အဝ်ႏ (၁၁)ချက်၊ တဆီပုဲင်တချက်ကရိုꩻနောဝ်ꩻ-\n၁။ ဂေါပါလော န ရူပညူ ဟောတိ-ပါꩻတီဖိုးသားနဝ်ꩻ သေတဝ်းဖိုးပွုံႏပတ်၊ (ဖိုးအဗာႏယိုနဝ်ꩻ နုဲင်းယိုနုဲင်းနဝ်ꩻ သေတဝ်း)။\n၂။ ဂေါပါလော န လက္ခဏကုသလော ဟောတိ- ပါꩻတီဖိုးသားနဝ်ꩻ သေတဝ်းဖိုးလက္ခဏာႏ၊ (ဖိုးအဗာႏယိုနဝ်ꩻ အမာꩻဒါႏနုဲင်းယိုနုဲင်းယို၊ အကျင်ꩻအဝ်ႏနုဲင်းယိုနုဲင်းယို သေမတ်တောင်ꩻခါꩻတဝ်း)။\n၃။ ဂေါပါလော န အာသာဋိကံ ဟာရေတာ ဟောတိ- ပါꩻတီဖိုးသားနဝ်ꩻ သေခြဲ့စ်ꩻထန်ႏထိုꩻဒါႏတဝ်း ဖီးထူꩻဒီႏ (ဖိုးထာꩻဆာကို ဖီးထူꩻဒီႏသော့ꩻတဲင် အဝ်ႏလိုႏခြဲ့စ်ꩻထန်ႏထိုꩻ ဖီးထူꩻဒီႏနဝ်ꩻ ခြဲ့စ်ꩻထန်ႏထိုꩻဒါႏတဝ်း)။\n၄။ ဂေါပါလော န ဝဏံ ပဋိစ္ဆာဒေတာ ဟောတိ- ပါꩻတီဖိုးသားနဝ်ꩻ ဒို့ꩻခါꩻဖေႏဒါႏတဝ်း ဖိုးထာꩻဆာ (ဖီးထူꩻဖေႏကဒီႏသော့ꩻလꩻမွုန်း ဖိုးထာꩻဆာကိုတဲင် အဝ်ႏလိုႏဒို့ꩻခါꩻ ပတ်ခါꩻဖေႏနဝ်ꩻ ဒို့ꩻပတ်ခါꩻဖေႏဒါႏတဝ်း)။\n၅။ ဂေါပါလော န ဓူမံ ကတ္တာ ဟောတိ- ပါꩻတီဖိုးသားနောဝ်ꩻ သေတောင်းဖေႏဒါႏတောဝ်း မေႏလူး၊ (တကျင်ဖေႏကအဲင်ႏလꩻမွုန်း ဖိုးဖုံႏတဲင် အဝ်ႏလိုႏအူဖေႏမေႏ၊ အဝ်ႏလိုႏအွဉ်ႏတောင်းဖေႏ မေႏလူးနဝ်ꩻ သေမာꩻဖေႏဒါႏတဝ်း)။\n၆။ ဂေါပါလော န တိတ္ထံ ဇာနာတိ- ပါꩻတီဖိုးသားနဝ်ꩻ သေတဝ်းထီတွူး၊ (ဖိုးဖုံႏခိန်ႏအွꩻထီတွိုႏသွူတဲ့ အီႏဝါးလွေꩻဖေႏအွꩻဗာႏဖိုးထီ မုဲင်ꩻကို သေတဝ်း)။\n၇။ ဂေါပါလော န ပီတံ ဇာနာတိ- ပါꩻတီဖိုးသားနဝ်ꩻ ဖိုးအွꩻဗာႏလဲဉ်းထီမကောင်၊ ဖိုးအွꩻဗာႏဒွိုန်းထီမကောင် သေတဝ်း၊ (အခိန်ႏလိုႏဖေႏအွꩻသွူဖိုးထီတဲ့ ဝါးလွေꩻဖေႏအွꩻတဝ်းထီ)။\n၈။ ဂေါပါလော န ဝီထိံ ဇာနာတိ- ပါꩻတီဖိုးသားနဝ်ꩻ သေတဝ်းဖိုးတဖူꩻ (ဖိုးဖုံႏယိုနဝ်ꩻ အီႏဝါးလွေꩻဗာႏ တဖူꩻအလီးမုဲင်ꩻ၊ အီႏဝါးသဲင်ꩻဗာႏ တဖူꩻအလီးမုဲင်ꩻ သေတဝ်း)။\n၉။ ဂေါပါလော န ဂေါစရကုသလော ဟောတိ- ပါꩻတီဖိုးသားနဝ်ꩻ ထိုမ်ႏဖိုးတကြက်ꩻဒါႏတဝ်း၊ (အခိန်ႏယိုနဝ်ꩻ အရပ်ယို ဖိုးဆာႏလွိုင်ႏ၊ အခိန်ႏနဝ်ꩻနဝ်ꩻ အရပ်နဝ်ꩻ ဖိုးဆာႏလွိုင်ႏ ထိုမ်ႏဒါႏတဝ်းနုဲင်းနဝ်ꩻ)။\n၁၀။ ဂေါပါလော အနဝသေသဒေါဟီ စ ဟောတိ-\nပါꩻတီဖိုးသားနဝ်ꩻ ဆေ့ꩻလို့လဒါႏ ဖိုးနဲဉ်းထီ၊ (ဖိုးမွူးယိုနဝ်ꩻ အပေႏအဝ်ႏပေႏနေက အံႏအဆာႏလꩻပေါႏဒါႏဒွိုန်း၊ အဝ်ႏလိုႏနဲဉ်းအာအာက နဲဉ်းထီနုဲင်းနဝ်ꩻတဲ့ ယူႏဒါႏတဝ်း၊ ဖိုးပေႏနဲဉ်းတာႏ အွဉ်ႏကုဲင်ဒွုမ်၊ ဆေ့ꩻလို့လထိုꩻစွဉ်ႏ)။\n၁၁။ ဂေါပါလော တေ န အတိရေကပူဇာယ ပူဇေတာ ဟောတိ-\nပါꩻတီဖိုးသားနဝ်ꩻ ဗွူႏလွိုတဝ်း ဖိုးထီးတန်ဆာႏ (ဖိုးဥသဘအွဉ်ငါဖိုးဖုံႏ၊ ဖိုးထီးတန် အဝ်ႏလိုႏဗွူႏဟောဝ်ဟောဝ်အဆာႏတဲ့ ဗွူႏတဝ်း)\nအညမ်းယို(၁၁)ချက် ကဗွေဒါႏ ပါꩻတီဖိုးသားနဝ်ꩻ တီစွဉ်ႏဖိုးတဲ့ ဖိုးတချမ်ꩻသာႏတဝ်း၊ ဖိုးတအာထဲင်းတဝ်းတဲင် ဝွေꩻနောဝ်ꩻ ထွာထွိုက်တဝ်း တီဖိုးသားနောဝ်ꩻသွူ။\nရဟန်ꩻသီးဖုံႏဟွေး-\nဥပမာႏဗွန်ပီ တီဖိုးသားနောဝ်ꩻနေနေ ရဟန်ꩻ(ယပါꩻပါꩻ)နောဝ်ꩻ 'ထာꩻညမ်း'အောဝ်ႏ(၁၁)ချက်၊ တဆီပုဲင်တချက်ကရိုꩻနဝ်ꩻ-\n၁။ ဘိက္ခု န ရူပညူ ဟောတိ- ရဟန်ꩻနဝ်ꩻနဝ်ꩻ သေတဝ်းရုပ်၊ (မဟာဘုတ်အဝ်ႏလစ်ꩻပါꩻ၊ ဥပါဒါရုပ် အဝ်ႏနီဆီလစ်ꩻပါꩻနဝ်ꩻ သေတဝ်း)။\n၂။ ဘိက္ခု န လက္ခဏကုသလော ဟောတိ- ရဟန်ꩻနဝ်ꩻနဝ်ꩻ သေတဝ်းလိုꩻလက္ခဏာႏ၊ (ပေါႏမာꩻအကုသိုလ်ႏနဝ်ꩻ လိုꩻမွိုက်၊ ပေါႏမာꩻကုသိုလ်ႏနဝ်ꩻ လိုꩻဟောဝ်လိုꩻဒါႏ သေတဝ်းလက္ခဏာႏနုဲင်းနဝ်ꩻ)။\n၃။ ဘိက္ခု န အာသာဋိကံ ဟာရေတာ ဟောတိ- ရဟန်ꩻနဝ်ꩻနဝ်ꩻ သꩻယူႏကာႏမဂွုဏ်ႏ၊ ကျ့ႏတကုဲင်ဝင်ꩻ၊ ကျံႏနိစ္စက်ဝင်ꩻ မနော်ꩻကံႏသိုမ်ပါꩻ (ကဗွန်ဖီးထူꩻဒီႏ)ဖုံႏယို ခြဲ့စ်ꩻထန်ႏတဝ်း၊ ပယ်ႏထိုꩻတဝ်း။ \n၄။ ဘိက္ခု န ဝဏံ ပဋိစ္ဆာဒေတာ ဟောတိ- ရဟန်ꩻနဝ်ꩻနဝ်ꩻ လောႏဘꩻ ဒေါႏသꩻအကုသိုလ်ႏ (ဖီးထူꩻဒီႏ) ဖေႏကထွာမွုန်းနဝ်ꩻ ထိန်ꩻခါꩻတဝ်း၊ ဒို့ꩻခါꩻတဝ်း (မဲ့ဣန္ဒြေႏ-စတဲင်) ဣန္ဒြေႏသူပါꩻ။\n၅။ ဘိက္ခု န ဓူမံ ကတ္တာ ဟောတိ- ရဟန်ꩻနဝ်ꩻနဝ်ꩻ သွဉ်လိတ်ထွူ နာႏတရာꩻထွူနဝ်ꩻ ဟော်ꩻခြုဲင်းဖေႏတဝ်းဝင်ꩻ၊ (အကုသိုလ်ႏတကျင် ဖေႏကအဲင်ႏလꩻမွုန်းနဝ်ꩻ အွဉ်ႏကြွုန်ႏဖေႏတဝ်း တရာꩻမေႏလူး)\n၆။ ဘိက္ခု န တိတ္ထံ ဇာနာတိ- ရဟန်ꩻနဝ်ꩻနဝ်ꩻ ရီတဝ်းတဲင် သေတဝ်းတရာꩻအဓိပ္ပါယ်ႏ၊ (အောဝ်ႏလိုႏဟော်ꩻဖေႏသွူ တကာႏတရာꩻတဲ့ အီႏဟော်ꩻဖေႏဗာႏနုဲင်းမုဲင်ꩻနဝ်ꩻ သေတဝ်းတရာꩻထီတွူး)\n၇။ ဘိက္ခု န ပီတံ ဇာနာတိ- နီဗွေႏဘုရာꩻ ကဟော်ꩻခါꩻ တရာꩻထီခွꩻနောဝ်ꩻ တကာႏနာႏဗာႏလဲဉ်း(အွꩻဗာႏလဲဉ်း)မကောင်၊ နာႏ��ာႏဒွိုန်း (အွꩻဗာႏဒွိုန်း)မကောင် သေတဝ်း၊ အခိန်ႏလိုႏဟော်ꩻဖေႏသွူတရာꩻတဲ့ ဟော်ꩻဖေႏတဝ်း။\n၈။ ဘိက္ခု န ဝီထိံ ဇာနာတိ- ရဟန်ꩻနဝ်ꩻနဝ်ꩻ သေတဝ်းနိဗ္ဗာန်ႏတဖူꩻ၊ ဖေႏကလꩻနိဗ္ဗာန်ႏနဝ်ꩻ အီႏဟော်ꩻထန်ႏဖေႏဗာႏ မဂ္ဂင်ႏသွစ်ꩻပါꩻနုဲင်းမုဲင်ꩻနုဲင်းမုဲင်ꩻ ကရိုꩻနဝ်ꩻ သေတဝ်း။\n၉။ ဘိက္ခု န ဂေါစရကုသလော ဟောတိ- ရဟန်ꩻနဝ်ꩻနောဝ်ꩻ ထိုမ်ႏဒါႏတဝ်း သတိပဌာန်ꩻတရာꩻလစ်ꩻပါꩻ၊ \"အခိန်ႏယိုနဝ်ꩻ လိုႏဟော်ꩻအာအာဖေႏ သတိပဌာန်ꩻတရာꩻ\"သေတဝ်း တရာꩻတကြက်ꩻနုဲင်းနဝ်ꩻ။\n၁၀။ ဘိက္ခု အနဝသေသဒေါဟီ စ ဟောတိ-\nရဟန်ꩻနဝ်ꩻနဝ်ꩻ စေႏတနာႏသဒ္ဓါႏဟောဝ်သား လွဉ်လူႏသင်္ကန်ꩻ သွမ်ꩻ တသီႏ ကားကထီႏထူႏလို့(လူႏခံႏလို့)။\n၁၁။ ဘိက္ခု တေ န အတိရေကပူဇာယ ပူဇေတာ ဟောတိ-\nရဟန်ꩻနဝ်ꩻနောဝ်ꩻ သက်တောႏတန်ငါႏ၊ ဝါႏတောႏတန်မွေး ဗွေႏဗွန်ဖြား၊ ဗွေႏဗွန်တန်ဖုံႏယို နေးတွမ်ႏ ကာယကံႏမတ္တောႏ၊ ဝစီကံႏမေတ္တာႏ၊ မနော်ꩻကံႏမေတ္တာႏတဲင် ပူႏဇောႏဆယ်ꩻကပ် ဝွတ်ပတ်လွိုဖေႏတဝ်းနောဝ်ꩻသွူ။\nအညမ်းယို(၁၁)ချက် ကဗွေဒါႏ ရဟန်ꩻနဝ်ꩻနဝ်ꩻ ဓမ္မဝိနယ သာႏသနာႏတောႏကိုယို စီꩻပွါꩻ၊ မွန်ဗန်၊ လွိုင်ႏကွူန်ꩻတာႏ တထွိုက်တန်ႏတောဝ်းနောဝ်ꩻသွူ။\nရဟန်ꩻသီးဖုံႏဟွေး-\nတီဖိုးသား 'ထာꩻယံ'အဝ်ႏ (၁၁)ချက်၊ တဆီပုဲင်တချက်ကရိုꩻနောဝ်ꩻ-\n၁။ ဂေါပါလော ရူပညူ ဟောတိ-ပါꩻတီဖိုးသားနဝ်ꩻ သေဖိုးပွုံႏပတ်၊ (ဖိုးအဗာႏယိုနဝ်ꩻ နုဲင်းယိုနုဲင်းနဝ်ꩻ သေဒျာႏ)။\n၂။ ဂေါပါလော လက္ခဏကုသလော ဟောတိ- ပါꩻတီဖိုးသားနဝ်ꩻ သေဖိုးလက္ခဏာႏ၊ (ဖိုးအဗာႏယိုနဝ်ꩻ အမာꩻဒါႏနုဲင်းယိုနုဲင်းယို၊ အကျင်ꩻအဝ်ႏနုဲင်းယိုနုဲင်းယို သေမတ်တောင်ꩻခါꩻ)။\n၃။ ဂေါပါလော အာသာဋိကံ ဟာရေတာ ဟောတိ- ပါꩻတီဖိုးသားနဝ်ꩻ သေခြဲ့စ်ꩻထန်ႏထိုꩻဒါႏ ဖီးထူꩻဒီႏ (ဖိုးထာꩻဆာကို ဖီးထူꩻဒီႏသော့ꩻတဲင် အဝ်ႏလိုႏခြဲ့စ်ꩻထန်ႏထိုꩻ ဖီးထူꩻဒီႏနဝ်ꩻ ခြဲ့စ်ꩻထန်ႏထိုꩻဒျာႏ)။\n၄။ ဂေါပါလော ဝဏံ ပဋိစ္ဆာဒေတာ ဟောတိ- ပါꩻတီဖိုးသားနောဝ်ꩻ ဒို့ꩻခါꩻဖေႏဒါႏ ဖိုးထာꩻဆာ (ဖီးထူꩻဖေႏကဒီႏသော့ꩻလꩻမွုန်း ဖိုးထာꩻဆာကိုတဲင် အဝ်ႏလိုႏဒို့ꩻခါꩻ ပတ်ခါꩻဖေႏနဝ်ꩻ ဒို့ꩻပတ်ခါꩻဖေႏဒျာႏ)။\n၅။ ဂေါပါလော ဓူမံ ကတ္တာ ဟောတိ- ပါꩻတီဖိုးသားနောဝ်ꩻ သေတောင်းဖေႏဒါႏ မေႏလူး၊ (တကျင်ဖေႏကအဲင်ႏလꩻမွုန်း ဖိုးဖုံႏတဲင် အဝ်ႏလိုႏအူဖေႏမေႏ၊ အဝ်ႏလိုႏအွဉ်ႏတောင်းဖေႏ မေႏလူးနောဝ်ꩻ သေမာꩻဖေႏဒျာႏ)။\n၆။ ဂေါပါလော တိတ္ထံ ဇာနာတိ- ပါꩻတီဖိုးသားနဝ်ꩻ သေဒျာႏထီတွူး၊ (ဖိုးဖုံႏခိန်ႏအွꩻထ��တွိုႏသွူတဲ့ အီႏဝါးလွေꩻဖေႏအွꩻဗာႏဖိုးထီ မုဲင်ꩻကို သေဒျာႏ)။\n၇။ ဂေါပါလော ပီတံ ဇာနာတိ- ပါꩻတီဖိုးသားနဝ်ꩻ ဖိုးအွꩻဗာႏလဲဉ်းထီတဲ့ သေဒျာႏ၊ ဖိုးအွꩻဗာႏဒွိုန်းထီတဲ့ သေဒျာႏ၊ (အခိန်ႏလိုႏဖေႏအွꩻသွူဖိုးထီတဲ့ ဝါးလွေꩻဖေႏအွꩻဒျာႏထီ)။\n၈။ ဂေါပါလော ဝီထိံ ဇာနာတိ- ပါꩻတီဖိုးသားနဝ်ꩻ သေဒျာႏဖိုးတဖူꩻ (ဖိုးဖုံႏယိုနောဝ်ꩻ အီႏဝါးလွေꩻဗာႏ တဖူꩻအလီးမုဲင်ꩻ၊ အီႏဝါးသဲင်ꩻဗာႏ တဖူꩻအလီးမုဲင်ꩻ သေဒျာႏ)။\n၉။ ဂေါပါလော ဂေါစရကုသလော ဟောတိ- ပါꩻတီဖိုးသားနဝ်ꩻ ထိုမ်ႏဖိုးတကြက်ꩻဒါႏ၊ (အခိန်ႏယိုနဝ်ꩻ အရပ်ယို ဖိုးဆာႏလွိုင်ႏ၊ အခိန်ႏနဝ်ꩻနဝ်ꩻ အရပ်နဝ်ꩻ ဖိုးဆာႏလွိုင်ႏ ထိုမ်ႏဒါႏနုဲင်းနဝ်ꩻ)။\n၁၀။ ဂေါပါလော သာဝသေသဒေါဟီ စ ဟောတိ-\nပါꩻတီဖိုးသားနဝ်ꩻ ဆေ့ꩻလို့တဝ်း ဖိုးနဲဉ်းထီ၊ (ဖိုးမွူးယိုနဝ်ꩻ အပေႏအဝ်ႏပေႏနေက အံႏအဆာႏလꩻပေါႏဒါႏဒွိုန်း၊ အဝ်ႏလိုႏနဲဉ်းအာအာက နဲဉ်းထီနုဲင်းနဝ်ꩻတဲ့ သေယူႏဒါႏနုဲင်းနဝ်ꩻ၊ ဖိုးပေႏနဲဉ်းတာႏ အွဉ်ႏကုဲင်ဖေႏဒျာႏ)။\n၁၁။ ဂေါပါလော တေ အတိရေကပူဇာယ ပူဇေတာ ဟောတိ-\nပါꩻတီဖိုးသားနဝ်ꩻ ဗွူႏလွိုဖိုးထီးတန်ဆာႏ (ဖိုးဥသဘအွဉ်ငါ ဖိုးထီးတန်ဖုံႏနဝ်ꩻ ဗွူႏဟောဝ်ဟောဝ်ဒျာႏအဆာႏ)\nအယံယို(၁၁)ချက် ကဗွေဒါႏ ပါꩻတီဖိုးသားနဝ်ꩻ တီဖိုးတဲ့ ဖိုးတချမ်ꩻသာႏ၊ ဖိုးတအာထဲင်းထဲင်းတဲင် ဝွေꩻနောဝ်ꩻ ထွာထွိုက်ဒျာႏ တီဖိုးသားနောဝ်ꩻသွူ။\nရဟန်ꩻသီးဖုံႏဟွေး-\nဥပမာႏဗွန်ပီ တီဖိုးသားနောဝ်ꩻနေနေ ရဟန်ꩻယပါꩻပါꩻနောဝ်ꩻ 'ထာꩻယံ'အောဝ်ႏ(၁၁)ချက်၊ တဆီပုဲင်တချက်ကရိုꩻနဝ်ꩻ-\n၁။ ဘိက္ခု ရူပညူ ဟောတိ- ရဟန်ꩻနဝ်ꩻနဝ်ꩻ သေရုပ်၊ (မဟာဘုတ်အဝ်ႏလစ်ꩻပါꩻ၊ ဥပါဒါရုပ် အဝ်ႏနီဆီလစ်ꩻပါꩻနဝ်ꩻ သေလို့)။\n၂။ ဘိက္ခု လက္ခဏကုသလော ဟောတိ- ရဟန်ꩻနဝ်ꩻနဝ်ꩻ သေလိုꩻလက္ခဏာႏ၊ (ပေါႏမာꩻအကုသိုလ်ႏနဝ်ꩻ လိုꩻမွိုက်၊ ပေါႏမာꩻကုသိုလ်ႏနဝ်ꩻ လိုꩻဟောဝ်လိုꩻဒါႏ သေလက္ခဏာႏနုဲင်းနဝ်ꩻ)။\n၃။ ဘိက္ခု အာသာဋိကံ ဟာရေတာ ဟောတိ- ရဟန်ꩻနဝ်ꩻနဝ်ꩻ သꩻယူႏကာႏမဂွုဏ်ႏ၊ ကျံႏတကုဲင်ဝင်ꩻ၊ ကျံႏနိစ္စက်ဝင်ꩻ မနော်ꩻကံႏသိုမ်ပါꩻ (ကဗွန်ဖီးထူꩻဒီႏ)ဖုံႏယို ခြဲ့စ်ꩻထန်ႏထိုꩻ၊ ပယ်ႏထိုꩻ။\n၄။ ဘိက္ခု ဝဏံ ပဋိစ္ဆာဒေတာ ဟောတိ- ရဟန်ꩻနဝ်ꩻနဝ်ꩻ လောႏဘꩻ ဒေါႏသꩻအကုသိုလ်ႏ (ဖီးထူꩻဒီႏ) ဖေႏကထွာမွုန်းနဝ်ꩻ ထိန်ꩻခါꩻ၊ ဒို့ꩻခါꩻ (မဲ့ဣန္ဒြေႏ-စတဲင်) ဣန္ဒြေႏသူပါꩻ။\n၅။ ဘိက္ခု ဓူမံ ကတ္တာ ဟောတိ- ရဟန်ꩻနဝ်ꩻနဝ်ꩻ သွဉ်လိတ်ထွူ နာႏတရာꩻထွူနဝ်ꩻ ဟော်ꩻခြုဲင်းဖေႏတောဝင်ꩻ၊ (အကုသိုလ်ႏတက���င် ဖေႏကအဲင်ႏလꩻမွုန်းနဝ်ꩻ အွဉ်ႏကြွုန်ႏဖေႏ တရာꩻမေႏလူး)\n၆။ ဘိက္ခု တိတ္ထံ ဇာနာတိ- ရဟန်ꩻနဝ်ꩻနဝ်ꩻ ရီဝင်ꩻတဲင် သေတရာꩻအဓိပ္ပါယ်ႏ၊ (အဝ်ႏလိုႏဟော်ꩻဖေႏ တကာႏတရာꩻနုဲင်းမုဲင်ꩻ၊ အီႏဟော်ꩻဖေႏဗာႏနုဲင်းမုဲင်ꩻနဝ်ꩻ သေဒျာႏ တရာꩻထီတွူး)\n၇။ ဘိက္ခု ပီတံ ဇာနာတိ- နီဗွေႏဘုရာꩻ ကဟော်ꩻခါꩻ တရာꩻထီခွꩻနောဝ်ꩻ တကာႏနာႏဗာႏလဲဉ်း(အွꩻဗာႏလဲဉ်း)သွူ၊ နာႏဗာႏဒွိုန်း (အွꩻဗာႏဒွိုန်း)သေဒျာႏ၊ အခိန်ႏလိုႏဟော်ꩻဖေႏတရာꩻတဲ့ ဟော်ꩻဖေႏဒျာႏ။\n၈။ ဘိက္ခု ဝီထိံ ဇာနာတိ- ရဟန်ꩻနဝ်ꩻနဝ်ꩻ သေနိဗ္ဗာန်ႏတဖူꩻ၊ ဖေႏကလꩻနိဗ္ဗာန်ႏနဝ်ꩻ အီႏဟော်ꩻထန်ႏဖေႏဗာႏ မဂ္ဂင်ႏသွစ်ꩻပါꩻနုဲင်းမုဲင်ꩻနုဲင်းမုဲင်ꩻ ကရိုꩻနဝ်ꩻ သေဒျာႏ။\n၉။ ဘိက္ခု ဂေါစရကုသလော ဟောတိ- ရဟန်ꩻနဝ်ꩻနောဝ်ꩻ ထိုမ်ႏဒါႏ သတိပဌာန်ꩻတရာꩻလစ်ꩻပါꩻ၊ \"အခိန်ႏယိုနဝ်ꩻ လိုႏဟော်ꩻအာအာဖေႏ သတိပဌာန်ꩻတရာꩻ\"သေဒျာႏ တရာꩻတကြက်ꩻနုဲင်းနဝ်ꩻ။\n၁၀။ ဘိက္ခု သာဝသေသဒေါဟီ စ ဟောတိ-\nရဟန်ꩻနဝ်ꩻနဝ်ꩻ စေႏတနာႏသဒ္ဓါႏဟောဝ်သား လွဉ်လူႏသင်္ကန်ꩻ သွမ်ꩻ တသီႏ ထီႏစွဉ်ႏတဲ့ ချင်းလူႏခံႏဒျာႏ (လူႏခံႏလို့တဝ်း)။\n၁၁။ ဘိက္ခု တေ အတိရေကပူဇာယ ပူဇေတာ ဟောတိ-\nရဟန်ꩻနဝ်ꩻနောဝ်ꩻ သက်တောႏတန်ငါႏ၊ ဝါႏတောႏတန်မွေး ဗွေႏဗွန်ဖြား၊ ဗွေႏဗွန်တန်ဖုံႏယို နေးတွမ်ႏ ကာယကံႏမတ္တောႏ၊ ဝစီကံႏမေတ္တာႏ၊ မနော်ꩻကံႏမေတ္တာႏတဲင် ပူႏဇောႏဆယ်ꩻကပ် ဝွတ်ပတ်လွိုဖေႏဒျာႏနောဝ်ꩻသွူ။\nအယံယို(၁၁)ချက် ကဗွေဒါႏ ရဟန်ꩻနဝ်ꩻနဝ်ꩻ ဓမ္မဝိနယ သာႏသနာႏတောႏကိုယို စီꩻပွါꩻ၊ မွန်ဗန်၊ လွိုင်ႏကွူန်ꩻတာႏ ထွိုက်တန်ႏဟောဝ်ငါႏနောဝ်ꩻသွူ။\n(သုတ္တန်ႏပိဋကတ်၊ အင်္ဂုတ္တရပါဠိ၊ ဧကာဒသပါဠိ၊ ဂေါပါသုတ်)\n\nအာႏကွိုꩻ","num_words":1870,"character_repetition_ratio":0.104,"word_repetition_ratio":0.284,"special_characters_ratio":0.098,"stopwords_ratio":0.025,"flagged_words_ratio":0.0,"lang_id_score":1.0,"perplexity_score":2849.3,"cluster_detection":-1}
+{"url":"https:\/\/blk.wikipedia.org\/wiki\/%E1%81%82%E1%81%80%E1%81%81%E1%81%83-%E1%81%82%E1%81%80%E1%81%81%E1%81%84-%E1%80%97%E1%80%AC%E1%82%8F","collection":"wikipedia","source":"wikipedia","original_code":"blk","text":"\"၂၀၁၃-၂၀၁၄-ဗာႏ သွဉ်ပညာႏနေင်ႏ\"\n၂၀၁၃-၂၀၁၄-ဗာႏ သွဉ်ပညာႏနေင်ႏ တောင်ႏကီꩻတက္ကသိုလ်ႏကို ကအောဝ်ႏသွဉ်ထူႏလွေꩻဒါႏ တက္ကသိုလ်ႏပညာႏ လိတ်ဘာႏသာႏပေါင်ꩻစွုမ်ႏ ပအိုဝ်ႏကျောင်ꩻသားခို\/မူႏ စာႏရင်ꩻခြွဉ်းနောဝ်ꩻ စာႏရင်ꩻကွက်ꩻကို ကပါဒါႏအတွိုင်ꩻ ပအိုဝ်ႏခမ်းသားမွိုးဖါ ယံဖေႏကသေထွꩻနွောင်ꩻတဲင် တဲမ်းထန်ႏနယ်လွေꩻဖေႏဗာႏ နုဲင်းဆꩻလယိုနောဝ်ꩻသွူ။\n၂၀၁၃-၂၀၁၄-ဗာႏ သွဉ်ပညာႏနေင်ႏ တောင်ႏကီꩻတက္ကသိုလ်ႏကို ကအောဝ်ႏသွဉ်ထူႏဒါႏ တက္ကသိုလ်ႏပညာႏ ပအိုဝ်ႏခမ်းရင်ꩻသား ကျောင်ꩻသားခို\/မူႏစာႏရင်ꩻ\nလိတ်ဘာႏသာႏအထူꩻပျု၊ ပထမနေင်ႏ၊ ဒုတိယနေင်ႏ၊ တတိယနေင်ႏ၊ စတုတ္ထနေင်ႏ၊ H1 H2 Q မဟာ ခြွဉ်းဗူႏ\n\"မြန်မာစာ\"ပထမနေင်ႏ-၃၀၊ ဒုတိယနေင်ႏ-၂၇၊ တတိယနေင်ႏ-၄၊ အိတ်ချ်ဝမ်း-၂၊ အိတ်ချ်တူး-၁၊ ခြွဉ်း-၆၄။\n\"အင်္ဂလိပ်စာ\"ပထမနေင်ႏ-၅၂၊ ဒုတိယနေင်ႏ-၁၇၊ တတိယနေင်ႏ-၁၉၊ ကျူ-၁၊ ခြွဉ်းဗူႏ-၈၈။\n\"ပထဝီဝင်\" ပထမနေင်ႏ-၅၆၊ ဒုတိယနေင်ႏ-၅၃၊ တတိယနေင်ႏ-၁၉၊ အိတ်ချ်ဝမ်း-၄၊ အိတ်ချ်တူး-၁၊ ကျူ-၁။\n\"သမိုင်း\"ပထမနေင်ႏ-၃၉၊ ဒုတိယနေင်ႏ-၄၄၊ တတိယနေင်ႏ-၁၄၊ ခြွဉ်းဗူႏ-၉၇။\n\"ဒဿနိကဗေဒ\"ပထမနေင်ႏ-၂၊ ဒုတိယနေင်ႏ-၁၅၊ တတိယနေင်ႏ-၄၊ အိတ်ချ်တူး-၃၊ ကျူ-၁၊ ခြွဉ်းဗူႏ-၂၅။\n\"စိတ်ပညာ\"ပထမနေင်ႏ-၅၊ ခြွဉ်းဗူႏ-၅။\n\"ဥပဒေပညာ\"ပထမနေင်ႏ-၁၅၊ ဒုတိယနေင်ႏ-၁၆၊ တတိယနေင်ႏ-၁၂၊ စတုတ္ထနေင်ႏ-၁၃၊ ခြွဉ်းဗူႏ-၅၆။\n\"အရှေ့တိုင်း\"++++++++++++++++++++ ။\n\"ဓာတုဗေဒ\"ပထမနေင်ႏ-၆၈၊ ဒုတိယနေင်ႏ-၆၀၊ တတိယနေင်ႏ-၂၇၊ အိတ်ချ်ဝမ်း-၃၊ အိတ်ချ်တူး-၄၊ ခြွဉ်းဗူႏ-၁၆၂။\n\"ဇီဝဗေဒ\"ပထမနေင်ႏ-၈၊ ဒုတိယနေင်ႏ-၇၊ တတိယနေင်ႏ-၆၊ ခြွဉ်းဗူႏ-၂၁။\n\"ရူပဗေဒ\"ပထမနေင်ႏ-၈၈၊ ဒုတိယနေင်ႏ-၅၇၊ တတိယနေင်ႏ-၂၃၊ အိတ်ချ်ဝမ်း-၁၊ အိတ်ချ်တူး-၈၊ ကျူ-၄၊ ခြွဉ်းဗူႏ-၁၈၁။\n\"သင်္ချာ\"ပထမနေင်ႏ-၈၈၊ ဒုတိယနေင်ႏ-၅၇၊ တတိယနေင်ႏ-၃၄၊ အိတ်ချ်ဝမ်း-၄၊ အိတ်ချ်တူး-၁၊ ကျူ-၁၊ ခြွဉ်းဗူႏ-၁၈၅။\n\"သတ္တဗေဒ\"ပထမနေင်ႏ-၄၅၊ ဒုတိယနေင်ႏ-၂၉၊ တတိယနေင်ႏ-၂၃၊ အိတ်ချ်ဝမ်း-၁၊ အိတ်ချ်တူး-၂၊ ခြွဉ်းဗူႏ-၁၀၀။\n\"ရုက္ခဗေဒ\"ပထမနေင်ႏ-၄၆၊ ဒုတိယနေင်ႏ-၂၁၊ တတိယနေင်ႏ-၁၃၊ အိတ်ချ်ဝမ်း-၄၊ အိတ်ချ်တူး-၁၊ ခြွဉ်းဗူး-၈၄။\n\"ဘူမိဗေဒ\"ပထမနေင်ႏ-၃၅၊ ဒုတိယနေင်ႏ-၂၄၊ တတိယနေင်ႏ-၁၄၊ အိတ်ချ်ဝမ်း-၇၊ အိတ်ချ်တူး-၂၊ မဟာ-၂၊ ခြွဉ်းဗူႏ-၈၄။\nခြွဉ်းဗူႏလို့-ပထမနေင်ႏ(၅၇၇)၊ ဒုတိယနေင်ႏ(၄၂၇)၊ တတိယနေင်ႏ(၂၁၂)၊ စတုတ္ထနေင်ႏ(၁၃)၊ အိတ်ချ်ဝမ်း(၂၄)၊ အိတ်ချ်တူး(၂၅)၊ ကျူ(၇)၊ မဟာ(၂)=(၁၂၈၇)\nစာႏရင်ꩻအလꩻ လိုꩻကအောဝ်ႏဗာႏ (၁၂၈၇)ဖြာꩻယိုနောဝ်ꩻ ထွာဒျာႏလိုꩻဖြာꩻပေါင်ꩻအလꩻလွုမ်ꩻ၊ အထီအသွီႏ ခုဲင်ႏမွေးတောဝ်းဒွိုန်း၊ ဖေႏကထွာလွဉ် လိုအꩻထီအသွီႏသားနောဝ်ꩻ ကျောင်ꩻသားခို\/မူႏစွုမ်ႏဖြာꩻ အောဝ်ႏလိုႏကျိုꩻစာꩻ သွဉ်ထူႏလေ့လာအာအာနေက လိတ်လုဲင်ꩻပညာႏ ဗဟုသုတနောဝ်ꩻသွူ။\n\nကလဲဉ်းခိုႏချာ မဟာမစာႏ ကွပ်စွဉ်ႏအကျောင်ꩻအမျိုꩻမျိုꩻတဲင် နီပအိုဝ်ႏလိုꩻမျိုꩻနောဝ်ꩻ သွဉ်ဗာႏတောဝ်းလိတ်တွော့ꩻ ဘွဲ့လꩻခေတ်ပညာႏဒါႏသား အဲဉ်ထောဝ်းနောဝ်ꩻမꩻ အစိုႏရဌာႏနကို ပအိုဝ်ႏလ��ုꩻမျိုꩻ ကအီႏမာꩻဒါႏ အစိုႏရဝွန်ႏထံꩻတွမ်ႏ လိုꩻကမာꩻဒါႏ စွိုးခွိုꩻထာꩻမာꩻနောဝ်ꩻ အဲဉ်ထောဝ်းနောဝ်ꩻသွူ။\nကွပ်နောဝ်ꩻမꩻ တဲႏစဟန်ႏနီꩻမာꩻငါ အစိုႏရဌာႏန အထွောင်းမုဲင်ꩻတယောဝ်း ပအိုဝ်ႏလိုꩻမျိုꩻ ပညာႏအထီအသွီႏဗွေ ဘွဲ့လꩻခေတ်ပညာႏဒါႏသား အစိုႏရဌာႏနကို နီပအိုဝ်ႏလိုꩻမျိုꩻ ဖေႏကအောဝ်ႏသော့ꩻအာအာ နုဲင်းဝင်ꩻလိုꩻမျိုꩻလင်နောဝ်ꩻ သꩻရက်ခွိုꩻပအိုဝ်ႏ ကျောင်ꩻသားခို\/မူႏဖုံႏ ကျောင်ꩻမဉ်ႏထွူ၊ မဉ်ႏလꩻဘွဲ့နောဝ်ꩻ နေးတွမ်ႏရက်ခွိုꩻသꩻဓာတ်တဲင် ယံသဲင်ꩻထူႏတာႏဝွန်ႏ မာꩻဖေႏသွော့ လိုꩻမျိုꩻတွမ်ႏ ခမ်းထီထာꩻမာꩻအကျောင်ꩻ နိုꩻဆောႏတမာလွေꩻဗာႏ တွမ်ႏရွမ်ဖြုဲင်ꩻယိုနောဝ်ꩻသွူ။\n\nအာႏကွိုꩻ","num_words":539,"character_repetition_ratio":0.132,"word_repetition_ratio":0.215,"special_characters_ratio":0.12,"stopwords_ratio":0.013,"flagged_words_ratio":0.0,"lang_id_score":1.0,"perplexity_score":2438.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%99%E1%80%AD%E1%80%AF%E1%80%97%E1%80%AF%E1%80%B2%E1%80%84%E1%80%BA%E1%80%B8%E1%80%9C%E1%80%B2%E1%80%85%E1%80%B2%E1%80%85%E1%80%BA%3A%20%E1%80%97%E1%80%94%E1%80%BA%E1%80%B8%E1%80%97%E1%80%94%E1%80%BA%E1%80%B8","collection":"wikipedia","source":"wikipedia","original_code":"blk","text":"မိုဗုဲင်းလဲစဲစ်: ဗန်းဗန်း (အိန်းကလေတ်: Mobile Legends: Bang Bang) နဝ်ꩻ Moontonကုမ္ပဏီႏ ကထေမာꩻခါꩻဒါႏ လိုꩻအာဖုံႏ ခွုမ်ပဆိုးနွောင်ꩻဒါႏ အွန်လုဲင်းလဲင်းလောင်း ကေင်းတွိုက်ပွယ်ꩻ (Multiplayer online battle arena (MOBA)) ထာꩻခွုမ်ဆိုး ကေင်းတမျိုꩻဒျာႏသွူ။ ကေင်းယိုနဝ်ꩻ အဲန်းဒရွဲ့ဒ်(Android)ဖိုန်းတာႏ တိုတ်ꩻလီဗွောင်မာꩻဖေႏ ခရိစ်နေင်ႏ ၂၀၁၆ ဗာႏ လာဇူလုဲင် ၁၄ နီꩻ တောမ်ႏ :အုဲင်အိုအဲတ်(IOS)တာႏနဝ်ꩻ ဗွောင်မာꩻဖေႏ ၂၀၁၆ ဗာႏ လာနိုဝဲင်ဗာ ၉ နီꩻကိုတဲင် ခရိစ်နေင်ႏ ၂၀၁၆ ဗာႏကိုနဝ်ꩻ တိုတ်ꩻဖြေ့ꩻလီ ဗွောင်လွေꩻဖေႏ တကမ္ဘာႏလွုမ်းနဝ်ꩻသွူ။\n\nခံႏဗာႏဝင်ꩻစွယ်ꩻတရာꩻ \nမိုဗုဲင်းလဲစဲစ်:ဗန်းဗန်း (Mobile Legends: Bang Bang) ထေမာꩻသား Shanghai Moonton Technology ကုမ္ပဏီႏနဝ်ꩻ ယားကုဲင်ထိုꩻ MOBA ကွန်ပျူတာကေင်း League of Legends ထွတ်ထေသား Riot Games ကုမ္ပဏီႏ နမ်းပဲင်ႏခွင်ꩻမူ ရိုꩻနဝ်ꩻတဲင်  ခံႏဗာႏMOBAစွယ်ꩻလွေꩻတရာꩻ ဝေင်ꩻကယ်လီဖိုးနီးယား ဗဟိုႏတရာꩻရွုမ်ꩻကို ခရိစ်နေင်ႏ ၂၀၁၇ ဗာႏ လာဇူလုဲင် ၁၁ နီꩻကိုနဝ်ꩻသွူ။ နဝ်ꩻမꩻ Moontonကုမ္ပဏီႏနဝ်ꩻ ယားကုဲင်ထိုꩻယင်း မူလကေင်းလီꩻကထွာဒါႏ Mobile Legends: 5V5 MOBA ကေင်းနဝ်ꩻတဲင် ကေင်းလိုဂိုပုင်ႏဖုံႏလဲ့ ပြောင်ꩻလုဲင်ႏပါ ပြောင်ꩻလုဲင်ႏမုꩻအလင်ယဟန်ႏဖုံႏလဲ့ မာꩻပါထွူတဲင် ကေင်းမိဉ်ꩻလဲ့ တိုတ်ဖြေ့ꩻလီမာꩻလွေꩻယင်းတောမ်ႏ မိုဗုဲင်းလဲစဲစ်:ဗန်းဗန်း (Mobile Legends: Bang Bang) အမဉ်ꩻနုဲင်းနဝ်ꩻသွူ။\n\nအာႏကွိုꩻ \n\nကေင်းဖုံႏ","num_words":181,"character_repetition_ratio":0.088,"word_repetition_ratio":0.047,"special_characters_ratio":0.109,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":104370.8,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%AD%E1%80%AF%E1%80%99%E1%80%B0%E1%82%8F%E1%80%A1%E1%80%99%E1%80%AC%E1%82%8F%E1%80%92%E1%80%BB%E1%80%AC%E1%82%8F%20%E1%80%99%E1%80%BD%E1%80%AD%E1%80%AF%E1%80%B8","collection":"wikipedia","source":"wikipedia","original_code":"blk","text":"မွိုး ပိုမူႏနေးတောမ်ႏ ထာꩻကျိူꩻစာꩻ ဝီရိယတန်တန်တဲင်  ပိုမူႏပညာႏရေꩻတဗာႏ   ဖေႏကအောင်ႏမျင်ႏနဝ်ꩻ၊ ပိုမူႏအဝ်ႏကျိူꩻစာꩻဒျာႏသွူ မွိုး၊၊\n\n    ကွယ်ႏတွော့ꩻ  ကံႏတရာꩻ တပါလွောန်တဝ်း  ပညာႏပါႏရမီႏဖဲ့တန်မကောင်း သေတဝ်း၊ ဟန်ႏနေင်ႏ ဝင်ꩻလင်\/သွꩻဖုံႏ  အောင်ႏရောႏရောႏတဲ့ ထဲ့ခေါ်မို့မို့  ပိုမူႏတဖြာꩻဒျာႏသွူ မွိုး ၊၊\n\n    နီမွိုး\/ဝေးမူႏသီး  ကထောက်ဖူးမူႏ ပညာႏရေꩻ ကွောပ်ပွိုးစွောန်ႏ ရွဉ်လို့လွဉ်ꩻဗာႏတဲင်၊ ပိုမူႏတဲ့  သꩻဆာဒျာႏ ပိုမူႏနမ်းနေနေနဝ်ꩻသွူ မွိုး ၊၊\n\n    ယိုခါ ကွပ်ထဲ့လိတ်တဲင်  ပိုမူႏတလွိုး-ပေႏသꩻငါႏတဲ့  နီမွိုးဟွုန်ထီႏထွꩻနေဒါႏ  ပိုမူႏထာꩻခံႏစာꩻဟောင်း မွိုး ၊၊\n\n    နီမွိုးနဝ်ꩻ  ထီႏဗော့ꩻပိုမူႏ ထဲ့လိတ်တွော့ꩻ  ထူႏအပဲစ်  ခွန်းဆဲစ်သဲစ်မွေးသမ်းထဲင်း  ပိုမူႏတဲင်၊  ပိုမူႏခံႏစာꩻဗာႏမွေးငါႏသွူ မွိုး ၊၊\n\n    နဝ်ꩻမꩻ  မွိုးဗွေႏ  ခွန်းထဲင်းမွုန်းဒွုမ် ပိုမူႏမွိုင်၊ ပိုမူႏတောင်ꩻပြန်ႏဒျာႏ နီမွိုး၊ ပိုမူႏ ငမ်းငါႏ တွူႏတရန် လောကလိုꩻအခမ်း အာႏဆေ့ꩻသဲင်ꩻငါႏသွူ မွိုး ၊၊\n\n    ပိုမူႏ သွဉ်သွုပ်ဒွုမ်  တက္ကသိုလ်ႏနွို့ အရန်း(၁၀)တန်ꩻတဲင်၊ နေးတွမ်ႏ ပိုမူႏတဖြာꩻဝတ္တရာꩻတဲင်  အီႏဆပ်ခွုန်ꩻချာဗွော့ꩻဒျာႏ  မွိုး မွိုးဗွေႏ-ကရိုꩻနဝ်ꩻ   ပိုမူႏခံႏစာꩻဖေႏသေဗာႏသွူ မွိုး ၊၊\n\n        မွိုး ပိုမူႏ - နင်ꩻဆားဟွမ်(ထီရီး)","num_words":101,"character_repetition_ratio":0.096,"word_repetition_ratio":0.0,"special_characters_ratio":0.139,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":243502.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%B1%E1%80%94%E1%80%BA%E1%82%8F%E1%80%80%E1%80%9C%E1%80%B1%E1%80%90%E1%80%BA%E1%80%84%E1%80%B1%E1%80%AB%E1%80%9D%E1%80%BA%E1%80%B8%20%E1%80%A1%E1%80%94%E1%80%9A%E1%80%BA%EA%A9%BB%E1%80%A1%E1%80%B2%E1%80%89%E1%80%BA%E1%82%8F","collection":"wikipedia","source":"wikipedia","original_code":"blk","text":"ခေတ်ယိုခါ နဝ်ꩻထွာလဲဉ်းသွူ ကမ္ဘာႏဒုံတဲင် ၊ တရပ်တွမ်ႏတရပ် တဝေင်ꩻတွမ်ႏ တဝေင်ꩻ၊ တနဲင်ႏငံႏတွမ်ႏ တနဲင်ႏငံႏ ၊ ရိုꩻစွဉ်ႏအောဝ်ႏညာꩻဝင်ꩻလဲ့ꩻ ၊ကွပ်ပွိုးစွဉ်ႏ အနယ်ꩻပညာႏယိုထွိုင်ႏမာꩻထွာတဲင် ၊ထွာလွဉ်လဲဉ်း ခမ်ႏဘာႏဒုံရိုꩻဗာႏနဲင်းနဝ်ꩻသွူ။ ကွပ်နဝ်ꩻမတဲင် နီပအိုဝ်ႏပေႏဖုံႏလဲ့ꩻ ယံဖေႏကထွꩻတွူႏတရန်နွောင်ꩻ၊ ခေတ်တွမ်ႏ တိုꩻတက်ရေꩻအတာႏ၊ ခေတ်ပညာႏအရန်းထိုထိုယံဖေႏ ကသွဉ်ထူႏနွောင်ꩻနဝ်ꩻ ၊အောဝ်ႏလိုႏသွဉ်ထူႏထွိုက်သင်ꩻငါႏ ၊အင်္ဂလိပ်ငေါဝ်းငွါသွူ၊ ကွပ်နဝ်ꩻမတဲင် ၊ယိုနဝ်ꩻခွေသွ���်းအီႏ တဲမ်းထေ့ꩻနယ်လွေꩻဖေႏ ဖူးပေႏသီးအတာႏ၊ အနယ်ꩻဒွေါင်ႏစား သွဉ်ထူႏ အင်္ဂလိပ်ငေါဝ်းနယ်ꩻသွူ။\n\nအခေႏခံႏ အေင်ႏအလေတ် သဒ္ဒါႏ\nကံ \/ကတ္တား\/ ကြိယာႏ ယိုမဉ်ႏသေနာႏစဲင်ႏစဲင်ႏနဝ်ꩻ ၊သွဉ်ထူႏသွုပ်ငါထဲင်ႏယင်းတဲ့ꩻ အယိုꩻလွဉ်သွူ။ ကွပ်နဝ်ꩻမတဲင် ၊ပေါႏမဲဉ်ႏသွဉ်ထူႏသွူ ၊ဘာႏသာႏငေါဝ်ႏငွါနဝ်ꩻ အထျသေနာႏဗာႏရီး ဗာႏ ၊ကံ ၊ကတ္တာႏ ၊ကြိယာႏ ယိုဖုံးနဝ်ꩻမ အဆင်ႏပြေႏလꩻသွူ ၊  \n\n၄) Verbs\nကြိယာႏကရိုꩻနဝ်ꩻ ၊ခွိုင်းကားတဲင် အသက်အောဝ်ႏတွမ်ႏ တအောဝ်ႏတောဝ်ႏ ၊သတ္တဝါႏသီး စွုမ်ႏနီꩻ ခွုမ်စံႏဆောင်ႏရွက်ဖေႏထာꩻမာꩻ ၊ရိုꩻဗာႏနုဲင်းနဝ်ꩻသွူ \nVerb to be =ကရိုꩻနဝ်ꩻ − ထွာ− အောဝ်ႏရာꩻ အရပ် ဒေါ့ꩻနယ် အသက် ၊ ဒေါ့ꩻနယ် အေဝ်ႏရာခင်ႏလမ်း ၊ ဒေါ့ꩻနယ်ထာꩻမာꩻ ၊ ဒေါ့ꩻနယ် အလွိုးငုဲင်ꩻ စꩻတွမ်ႏ နဲင်ႏယိုဖုံႏ မဲဉ်ႏမဲဉ်ဒေါ့ꩻနဝ်ꩻ ၊ သုံꩻအီဗာႏတွမ်ႏ ဘတ်တူဗီ နဝ်ꩻသွူ၊ ဘတ်တူဗီယိုနဝ်ꩻ အေဝ်ႏ နေကတွမ်ႏ အတိတ် ၊ အနာႏဂတ်၊ ပစ်စုတ်ပန်ႏ ၊ ကာႏလꩻဖုံႏသွူ၊  \n\nam, is, are, was, were, ယိုဖုံႏနဝ်ꩻထွာဒျာႏ ကြိယာႏဖုံႏသွူ \nVerb to have ဆိုတာ     ပဲင်ႏဆင်ႏမှု အံႏအွꩻမှု \nhas, have , had ယိုဖုံႏနဝ်ꩻထွာဒျာႏ ပဲင်ႏဆဲင်ႏ အံႏ အွꩻ \nVerb to do ကရိုꩻယိုဖုံႏနဝ်ꩻ ထွာဒျာႏ စွုမ်ႏနီꩻနီ ကအောဝ်ႏမာꩻလွေꩻထာꩻမာꩻဖုံႏယို အပုံႏဖော်ႏထေ့ꩻနယ်ဖေႏသွူ \ndo , does, did, go, eat, sleep, love, hate---etc . အင်္ဂလိပ်ငေါဝ်ႏငွါယိုဖုံႏနဝ်ꩻ ထွာဒျာႏ ကြိယာႏ ပုံႏဖော်ႏဖေႏသားသွူ \n\nSubject\nVerb to be ဘတ်တူဗီ ကရိုꩻနဝ်ꩻ ထွာ \/ တွမ်ႏ အောဝ်ႏရာꩻအရပ် \nအတိတ်ကာလ\nပစ္စုပ္ပန်ႏကာလ\nအနာႏဂတ်ကာလ\nI = အိုင် − ကရိုꩻနဝ်ꩻ  (ခွေ)\nWas - ထွာဗာႏဖို − အောဝ်ႏဗာꩻဖို\nAm - ထွာ − အောဝ်ႏ \nWill be  - အီႏထွာ −အောဝ်ႏ (အနာႏဂတ်ကာႏလꩻ)\nHe, She,  It\nIs - ထွာ− အောဝ်ႏ ( အတိတ်ကာႏလ)\nYou, We,  They\nWere - ထွာသေꩻခါꩻဗာႏဖို −အောဝ်ႏသေꩻခါꩻဗာႏဖို \/ အတိတ်ကာႏလꩻ ထွာအအာဖဲ့ꩻ \nAre - ထွာဗာႏဖို ( အအာဖဲ့ꩻ )\n\nS + Be about to + V1 ကရိုꩻဒါႏ ငေါဝ်ႏယိုနဝ်ꩻ ထွာဒျာႏ ထာꩻမာꩻတဗာႏဗာႏယိုပေါႏဆုံꩻဖြတ်ထွူလဲဉ်ႏ အီႏမာꩻသွူလေးလေး နဝ်ꩻသုံꩻနွောင်ꩻဒျာႏသွူ ၊ \"  | (am, is, are, was, were) (အနာႏဂတ်အောဝ်ႏတောဝ်း)\n\nဥပမာႏ ၊ ခွေအီႏအံႏသွူဒဲဉ် ၊ အီႏလွူႏသွူထီ၊ အီႏလွေꩻသွူ ၊ အီႏဗိန်ႏသွူ မဲဉ်သွဉ်ထူႏ အေင်ႏကလေတ် ၊ မဲဉ်ဝုဲင်း ဖရာꩻ စစွဉ်ႏ အီႏမာꩻသွူ အီႏစသွူ လေးလေး နဝ်ꩻထူႏသုံꩻနွောင်ꩻဒျာႏသွူ၊  \n\t\nI am about to leave the office.\nခွေအီႏလင်ꩻသွူ ထာꩻမာꩻ\t\nI am about to go shopping.\nခွေအီႏ လွေꩻသွူဆေꩻ \nI am about to teach English.\nခွေအီႏ သွဉ် အအေင်းကလေတ်၊ \t\n\nI am about to take a bath.ခွေအႏးလွူးသွူထီ၊ \t\t\t\n\nI am about to do my homework.ခွေအီႏမာꩻ ��ွူ လိတ်၊  \t\t\t \n\nI am about to  have a meal.ခွေအီႏအံႏသွူဒဲဉ်    \n\nI am about to play football.       \n\nခွေအီႏပတ်ꩻသွူ ဘော်လုံး   \n\nI am about to  go to school.\tခွေအီႏ လွေꩻသွူကျောင်ꩻ\nI am about to go to Mandalay. ခွေအီႏလွေꩻသွူ မန်းတလေꩻ\nI am about to go to bed.\tခွေအီႏဗိန်ႏသွူထာꩻ\nI am about to marry her.        ခွေအီႏတောႏလမ်းသွူ ဝွေꩻမူႏ၊ I am about to study english. ခွေအီႏသွဉ်ထူႏသွူ ၊   \n\nThey are about to leave the air port.  ဝွေꩻသီးလွေꩻသွူ သဲင်းဖော်ꩻကွင်ႏကွင်ꩻ \nI am about to cook the rice. ခွေအီႏဒွိုႏသွူဒဲဉ်\nShe is about to sleep. ဝွေꩻမူႏအီႏဗိန်ႏသွူ\nI was about to have a meal when he called up. ဝွေꩻကဟဲ့ꩻ ဖုံးခိန်ႏနဝ်ꩻ ခွေႏအီႏအံႏသွူဒဲဉ် \nHe was about to hear what I gossiped about him. ဝွေꩻသီႏဒေါ့ꩻတေ့ꩻဝွေꩻမဲဉ်နဝ်ꩻ ခွေဗွော့ꩻဗွော့ꩻ ဟွိုန်လꩻသွူတွော့ꩻ \nWhen I was about to leave the room, the telephone was ringing. ခွေစငါအီႏထန်း အခန်ꩻကိုတဲ့ ဖုံးသမ်းလွဉ်။\n\nVerb to be and its usage  =အသုံꩻနယ်ꩻ \nပစ္စုပ္ပန်ႏကာလ တွမ်ႏ သုံꩻပုံႏနယ်ꩻ \n             \n  ( am, is are )\n    ( S + am , is , are + (Article) Complement ( You ) ကတ္တား မဲဉ်သုံꩻအအာနေးတဲ့  ( are ) သုံꩻတွဲꩻတွမ်ႏ အာ ။ ကတ္တား ( I ) နဝ်ꩻ ( am ) သုံꩻဗာႏတွမ်ႏယို ။ ကအောဝ်ႏကုဲင် အဆေ့ꩻ နဝ်ꩻ သုံꩻတွမ်ႏ  ( is ) သွုဩ ။\nဥပမာႏ ။  ။\n1. I am a teacher. ( ခွေနဝ်ꩻထွာဆရာႏ တဖြာꩻ )\nI            =  Subject\n am         = Verb\n a            = Article\n teacher = Complement\n .......................................................\nမတ်တောင်ꩻသေꩻခါꩻသွော့ꩻ ။\n ( Verb to be ) ဖဲ့ꩻချာနဝ်ꩻ ( Complement ) \/အဖြည့်ပုဒ်) ကရိုꩻဒါႏ ထဲမ်သွော့ꩻ  ။ ( Object ) ထွို့ꩻတဲမ်းသွော့ꩻ ကံနဝ်ꩻ လꩻတောဝ်းသွူ  ။ \n2. They are girls. ( ဝွေꩻသီးထွာ လိုꩻမူႏပေႏ  )\nThey            = Subject ( အအာ )\n are               = Verb\n girls             = Complement\n( They ) ကရိုꩻဒါႏ Subject ကွပ်ပွိုးစွဉ်ႏ verb ကြိယာႏနဝ်ꩻ ထွာဒျာႏ အအာတဲင် သုံꩻတွမ်ႏ  ( are ) သွူ ။\nSubject သည် အများကိန်းဖြစ်နေတဲ့အတွက် (Complement ) ကိုလည်း အများကိန်းသုံးပေးရပါတယ် ။ \n3. She is Hla Hla. ( ဝွေꩻမူႏပေႏနဝ်ꩻ ထွာဒျာႏလှလှ )။\nShe              = Subject\n is                  = Verb\n Hla Hla        = Complement\n( She ) ကရိုꩻဒါႏ Subject နဝ်ꩻကွပ်ပွိုး အဆေ့ꩻတဲင် သုံꩻဗာႏတွမ်ႏ ( is ) အဆေ့ꩻကြိယာႏသွူ ။\nကွပ်နဝ်ꩻမ အောဝ်ႏလိုႏမတ်ပုံႏသီနဝ်ꩻ ...\n( Subject ) အဆေ့ꩻ ( Verb ) အဆေ့ꩻ ။\n ( Subject ) အအာတဲ့ꩻ ( Verb ) ကြိယာႏနဝ်ꩻ သုံꩻဗာႏအာသွူ ။\n\n I am ----ခွေထွာ\n I am not ----ခွေထွာတောဝ်း\n Am I ------ခွေထွာနေ \n aren't I -------ခွေထွာတောဝ်းနဲ \n I am --- aren't I ခွေထွာနေ −−− ထွာတောဝ်းနဲ့\n I am not -----am I ----ခွေထွာတောဝ်းနဲ့ ထွာနဲ့\n\nI am a student---           ခွေထွာ ကျောင်ꩻသားပေႏတဖြာꩻ \n I am, not a student         ခွေထွာတောဝ်း ကျောင်ꩻသားပေႏတဖြာꩻ\n Am I a student?          ခွေထွာနေ ကျောင်ꩻသားပေႏတဖြာꩻ \n aren't I student?         ခွေထွာတောဝ်း ကျောင်ꩻသားပေႏတဖြာꩻနဲ့\n I am a student aren't I   ခွေထွာကျောင်ꩻသားပေႏတဖြာꩻ မွေးနေ ထွာတောဝ်းနဲ့\n I am not a student-am I  ခွေထွာတောဝ်း က��ောင်ꩻသားပေႏ တဖြာꩻမွေးနေႏ ထွာနဲ\n\n You are     ----                             နာꩻထွာ၊ နာꩻအောဝ်ႏ \n You aren’t ----                           နာꩻထွာတောဝ်း၊ နာꩻအောဝ်ႏတောဝ်း\n Are you---?                                နာꩻထွာနေ၊ ထွာအောဝ်ႏနေ၊ \n Aren’t you     ----?                         နာထွာတောဝ်း၊ နာꩻအောဝ်ႏတောဝ်း၊ \n You are ===     aren't you?                နာထွာနေ ၊ ထွာတောဝ်းနဲ့ \n You aren't     -------are you?           နာꩻထွာတောဝ်းနဲ့ ထွာနဲ့ ၊ \n\nWe, they, you, ဗွိုန်လို့လဲဉ်း ဆꩻကီယို အတွိုင်ꩻသွူ ပြောင်ꩻလုဲင်းသွော့ꩻဗွော့ꩻ you ခင်ႏလမ်းကိုနဝ်ꩻ လꩻဒျာႏသွူ ၊ complement  အဖြည့်ပုဒ်၊ ထဲမ်သွော့ခင်ႏလမ်းကိုနဝ်ꩻ  ပြောင်ꩻလုဲင်ႏသွော့ꩻ  N, adj , adv, phrase, +Ving ဖုံႏနဲင်းနဝ်ꩻဖုံႏတဲ့ꩻလဒျာႏသွူ၊ \n\n You are a student.               နာꩻနဝ်ꩻထွာကျောင်ꩻသားပေႏ၊       \n You are not a student.                   နာꩻနဝ်ꩻထွာတောဝ်းကျောင်ꩻသားပေႏ၊ \n Are you a student?                     နာꩻနဝ်ꩻ ထွာနေကျောင်ꩻသားပေႏဟောင်း၊ \n Aren't you a student?                  နာꩻနဝ်ꩻထွာကျောင်ꩻသားပေႏနဲ့၊ \n You are a student, aren't you?         နာꩻနဝ်ꩻကျောင်ꩻသာႏပေႏနော်၊ မွေးတေဝ်းနဲ့၊ \n You aren't a student are you?      နာꩻနဝ်ꩻကျောင်ꩻသားပေႏ မွေးတေဝ်းနော် ၊ မွေးနေ၊ \n\nS + Can + V1 ( ခန်ꩻ ကရိုꩻဒါႏ ငေါဝ်ႏယိုနဝ်ꩻ နီပအိုဝ်ႏငေါဝ်ႏ နဝ်ꩻ ထွာဒျာႏ နွောင်ꩻဒျာႏ \/ဒါႏဒျာႏ အဓိပ္ပါယ်ႏလꩻနဲင်ႏနဝ်ꩻသွူ၊ )\n\nS + Could + V1  မဲဉ်ႏသုံႏယဉ်ႏကေႏကေႏနဝ်ꩻသုံꩻအီသွော့ꩻ လိတ်ဖြုံႏယို၊ \n\nI can cook rice. ခွေဒွိုးဒဲဉ်ဒါႏ I can make a cup of coffee. ခွေဖျော်ႏကော်ဖီဒါႏ I can swim. ခွေယားထီဒါႏ I can teach you English. ခွေသွဉ်အေင်ႏကလေပ်ဒါႏ၊ \n\nI can go to Taung Gyi. ခွေလွေꩻတောင်ႏကီꩻဒါႏဒျာႏ I  can help you what you want. နာꩻအောဝ်ႏလိုႏတမုဲင်ꩻ ခွေကူႏညီႏနွောင်ꩻဒျာႏ၊ \n\nyou can speak english very well. နာꩻဒေါ့ꩻ အေင်ႏကလေပ် ဒါႏမွေးစွဉ်ႏ၊ \n\nyou can help me. နာꩻကူႏညီႏနွောင်ꩻဒျာႏ၊ \n\nyou can do it by yourself.  နာꩻတွမ်ႏနာꩻမာꩻချာတဲ့ꩻဒါႏဒျာႏ \n\nမဲဉ်ႏပြောင်ꩻ ငေါဝ်ႏရီနဝ်ꩻ ပြောင်တဗန်ႏချာဗွော့ꩻ ကံꩻ ကတာႏ နဝ်ꩻလွုမ်သွူ။ \n\nပုံႏစံꩻ \/  can you speak English?  နာꩻဒေါ့ꩻ အေင်ကလေပ် ဒါႏနေ၊ \n\ncan you help me? နာꩻကူႏညီꩻနွောင်နေခွေ၊ \n\ncan you teach me English?  နာꩻသွဉ်ဖေႏခွေ အေင်လေတ်ဒါႏနေ၊ \n\ncan you drive a car? နာꩻဝါးကာꩻဒါႏနေ၊ \n\ncan you make money? နာꩻထွုမ်ႏရွဉ်ဒါႏနေ၊  \n\n            S  + Want to +   V1 ဝန်ႏတူ ကရိုꩻဒါႏငေါဝ်ႏယိုနဝ်ꩻ (မဲဉ် ရိုꩻဗာႏနဲင်းနဝ်ꩻသွူ ) \n\nဥပမာႏ = ခွေမဲဉ်အံႏငါႏထော့ꩻယာႏ ၊ မဲဉ်လွေꩻပွယ်ꩻထမ်ႏစင်း ၊ မဉ်ဗိန်ႏငါႏ၊ မဲဉ်ထီႏငါႏ၊ စတွမ်ႏ နမ်ႏကိုႏပဲင်ႏ ကမဲဉ်မာႏထာꩻမာꩻ နဝ်ꩻ ထူႏသုံꩻအီတွမ်ႏ လိတ်ဖြုံႏယိုနဝ် ဒေါ့ꩻတဲ့ ဒါႏယိုသွူ၊ \n\nကျပ်အွံရီး သေꩻသွော့ꩻ ငေါဝ်းပွိုက်လꩻယိုနောႏ ဒါႏယိုဩ၊ \n\n စကားကြီး ၆ ခွန်း ) နံပတ် သွံတွမ်ႏ လစ် နဝ်ꩻ ငေဝ်ႏရီ ရိုꩻရိုꩻ တဲင် ဖြေႏချာအီတွမ်ႏ YES , NO နဲင်ႏနဝ်ꩻတဲ့ꩻဒျာႏသွူ။ \n\nပုံစံ -\n\nဖေႏကသေနာႏ ဖတ်ရီးဗာႏ \n\nဖေႏန​ေႏကသေနာႏစဲင်း အေင်ႏကလေတ် ငေါဝ်ႏဒေါ့ꩻ နယ်ꩻဒေါွင်ႏနယ်ꩻ စာႏနဝ်ꩻ ဖတ်ထွာႏမတ်သေꩻခါꩻရီးသွော့ꩻ လိတ်ပွိုက်ဆꩻလꩻယိုနေား၊\n\n ငေါဝ်ႏသူငွာ ကရိုꩻဒါႏ လိတ်ပွိုက် ၃ − ၄  ဆငါနဝ်ꩻ နီမဲဉ်ႏသွော့ꩻ wh နဝ်ꩻထွာထိုꩻ လဲ မေးခွန်း သွူ၊ ပေါႏထွာꩻသွူ လဲ နဝ်ꩻ ဖြေႏချာ ထွူစွဥ္ႏ ၃ နှင့် ၄ တိုရဲ့ရှေ့တွင် း “YES,     NO”  နဲင်ႏနဝ်ꩻလတေဝ်ႏသွူ။ \n\nဥပမာႏ ၊  \n\nWhy do you love me ?       ကွပ်ပွိုးတမုဲင်ꩻ နာꩻမွော့ꩻ ရက်ဗာႏတွိုႏခွေ                                   Because you are beautiful so is why I love you. ကွပ်ပွိုးနာꩻတရေꩻနဝ်ꩻမ ၊ ခွေတဲ့ ရက်ဗာႏနာꩻ နဲင်နဝ်ꩻဒျာႏ၊ \n\nWhen did you get up in this morning?   မွုူး​ေရဝ်ꩻခိုႏ နာꩻထွိုင်ႏခမုဲင်ꩻနားရီႏ ၊                  I got up at 5 o'clock. ခွေထွိုင်ႏ ၅ နားရီႏ ၊ \n\n ငေါဝ်ႏသူရုဲင်ႏ အကို ၁ − ၂ ဆချာနဝ်ꩻ ပေါႏ နီသွော့ꩻ လိတ်ဖြုံႏ နဲင်ႏယိုနဝ်ꩻ ထွာထိုꩻ လဲဉ်ႏ ကလော့ꩻ တဲင် အွဉ်ႏသွတ်လꩻတေဝ်းဒွွိုင်ႏသွူ၊ အငေါဝ်ႏ တပွတ် တပြဲ့ꩻ စုံႏတောဝ်ႏဒွိုင်ႏသွူ၊  wh, after, as soon as, if, whether \n\nExample = ဥပမာႏ \n\n Why I am a student,        ကွပ်ပွိုးတမုဲင်ꩻခွေမွော့ ထွာဗာႏဒျာႏ ကျောင်ꩻသားနဲး ကရိုꩻနဝ်ꩻ ၊ \n\n why I am not teacher,\n\nif you are a student,\n\nAs soon as I saw him,\n\n  After I cook dinner,\n\n  Whether he come or not ,\n\n I don't know why I am a student.\n\n Do you know why I am a teacher?\n\nငေါဝ်ႏသူရုဲင်ႏ အကို ၁ − ၂ ဆချာနဝ်ꩻ မဲဉ်ႏသွော့ꩻ  yes, No နဝ်ꩻ ထွာအီအဖြေႏတဗာႏ သွူ၊ \n\nAre you a teacher?         နာꩻနဝ်ꩻထွာကျောင်ꩻသား မွေးနေ၊ \n\nH  Yes, I’m a teacher.           မွေးခွေနဝ်ꩻ ထွာကျောင်ꩻသားပေႏတဖြာꩻတန်ဒျာႏ ၊\n\nH  No, I’m not a teacher.     မွေးဝောဝ်ႏ ခွေထွာကျောင်ꩻသားနေပေး မွေႏတေဝ်း ၊ \n\nAre you a teacher? နာꩻနဝ်ꩻ ကျောင်ꩻသားပေႏမွေးန​ေ၊ \n\nNo, I am not a teacher.  I am a student. မွေႏတေဝ်း ၊ ထွာဒျာႏ ဆရာႏဒျာႏ ၊ \n\nDo you speak English everyday?    နာꩻဒေါ့ꩻ အိန်ႏကလေတ်နေထာꩻ စွုမ်ႏနီꩻဟောင်း၊ \n\nYes, I speak English everyday.        ဒေါ့ꩻ စွုမ်ႏနီꩻ ၊ \n\nNo, I don’t speak everyday.           ဒေါ့ꩻဗာႏထွာတေဝ်း စွုမ်ႏနီꩻ တနဝ်ꩻ ၊ \n\nYes, I do.  မွေးဒေါ့ꩻ ၊ \n\nNo. I don’t. ဒေါ့ꩻတေဝ်း ၊  \n\nDon’t you go to school today?       နာꩻလွေꩻတေဝ်း ကျောင်ꩻ စွုမ်ႏနီꩻနဲ့၊ \n\nNo, I don’t.   လွေꩻတေဝ်း ၊ \n\n စကားကြီး ခြောက်ခွန်းတွင် ၃ − ၄ အကိုနဝ်ꩻ မဲဉ်ရီနဲင်းမုဲင်ရီ  ပေါႏ ရိုꩻမွေးတဲ့   yes + 1 , မွေး၊  ပေါႏရိုꩻ မွေးတေဝ်းတဲ့  No+2  ပေါင်ꩻငီꩻဗွော့ꩻတွမ်ႏ လိတ်ရုဲင်ႏ ၁ တွမ်ႏ ၂  နီ နဝ်ꩻလွုမ်ꩻသွူ၊ \n\n                                  \n\n ရီပုံႏရီနယ္ꩻ ဖြေႏပုံႏဖြေႏနယ်ꩻ \n\n  I ရီ တွမ်ႏ အိုင် (you) ဖ​ြေႏတွမ်ႏ ယူ အဆေ့ꩻ ၊\n\n  You မဲဉ်ႏရီတွမ���ႏ အအာတဲ့ ဖ​ြေႏချာဗာႏတွမ်ႏ အိုင်  (I ) \n\n You ယူအအာ ဖ​ြေႏချာ ဖေႏတွမ် ( we ) ၊   We ရီတွမ်ႏ ဝီ ဖြေႏတွမ်ႏ ယူ  (you)  \n\n (He, she, it they,) ရီတွမ်ႏ ဖြေႏချာ ဗွော့ꩻတွမ်ႏ ဝွေꩻသီး ၊\n\nwhat - တမုဲင်ꩻ where အေဝ်ႏမုဲင်ꩻကို , whome ပါꩻမုဲင်ꩻဟောင်း  , when အချိန်ႏမုဲင်ꩻ, why ကွပ်ပွိုးတမုဲင်ꩻ, how အနဲင်းမုဲင်ꩻ အပုင်ႏမုဲင်ꩻ , \n\nwhat do you eat ? နာꩻအံႏတမုဲင်ꩻ ၊  where do you eat? နာꩻအံႏအွိုံးမုဲင်ꩻကို ၊  whome do you see? နာꩻထီးတမုဲင်ꩻ၊  when do you ead? နာꩻအံႏအခိန်ႏမုဲင်ꩻ ၊  why do you eat? ကွပ်ပွိုးတမုဲင်ꩻ မွော့ꩻအံႏ တွိုးဟောင်း ၊  how do you eat? နာꩻအံႏနဲင်ႏ မုဲင်ꩻ၊ \n \nIf you are a teacher, you should not be late. \n\nပေါႏနာꩻမဲဉ်ႏထွာ ကျောင်ꩻဆရာတဲ့ꩻ နာꩻအေဝ်ႏလိုႏလွဉ်စောဝ်းစောဝ်းသွူနယ်၊ \n\nWhy  am I a student?       ခွေနဝ်ꩻမွော့ꩻထွာတွိုႏကျောင်ꩻသာႏပေႏ တဖြာနယ်ႏ၊ \n\nWhen am I a student?      ခွေထွာကျောင်ꩻသာႏပေႏတဖြာꩻ မုဲင်ꩻခါနဲး၊ \n\nWhere am I a student?      ခွေထွာကျောင်ꩻသာႏပေႏ အွိုးမုဲင်ꩻကိုနဲး၊ \n\nအာႏကွိုꩻ\n\nဘာႏသာႏငဝ်းငွါ\nMy very own speaking ( By U So Win )\n\nFamily ဒေါ့ꩻရီ စွော့ꩻတက် နားဟွိုန်ꩻစု အကျောင်ꩻခရာႏ\n\nHow many people are there in your family? သီလမ်းကို လိုꩻအေဝ်ႏခွိုင်းမုဲင်ꩻဖြာꩻ၊  \n\nThere are 5 people in my family: my father, mother, brother, sister, and me.  \n\nလို့လိုနဝ်ꩻ အောဝ်ႏဝင်ꩻငတ်သွူဩ၊ မွိုးဖါ ဝေးမူႏ တဖြꩻ ဝေးခိုတဖြာꩻ တွမ်ႏ ခွေသွူ ။\n\nDoes your family live in a house or an apartment?\n \nသီအောဝ်ႏအုံခင်ႏလမ်းနဝ်ꩻ၊ ထွာဒျာႏ တဖြုံႏစီႏစားနဲ့ မွေတေဝ်းလဲ့ꩻ ၊ထွာဒျာႏ လမ်းတွိုက်ထိုစားနဲ့၊  \n\nWe live in a house in the countryside which is called Pin Ton. \n\nနီအုံဒျာႏအွိုးတောꩻကို ၊ဒုံမဉ်ꩻကဟဲ့ꩻဖန်ဒါႏ ပင်တွန်ႏကို ကိုႏပဲင်ႏလမ်း တန်ဒျာႏသွူ၊   \n\nWhat does your father do? သီဖါ နဝ်ꩻအေဝ်ႏမာꩻထာꩻမာꩻ အမျိုꩻမုဲင်ꩻ \n\nMy father is a doctor. He works at the local hospital.နီဖါနဝ်ꩻထွာဒျာႏ ဆရာႏဝန်ႏသွူ\n\nHow old is your mother? သီမွိုး သက်လꩻ သွူ ခွိုင်းမုဲင်ꩻ \n\nShe is 40 years old, 1 year younger than my father.သက်လꩻသွူ ၄၀ ပေႏထဲင်းကနီဖါနဝ်ꩻ တနေင်ႏ \n\nDo you have any siblings? What’s his\/her name? \n\nတူလေးဖုံႏအောဝ်းနေ၊ ဝွေꩻသီးမဉ်ꩻနေးမုဲင်ꩻ \n\nYes, I do. I have 1 elder brother, David, and 1 younger sister, Mary.\n\nမွေးအေဝ်း ၊ဝေးအောဝ်ႏတဖြာꩻ မဲဉ်ꩻနဝ်ꩻ ဒီဗစ် ဖူးမူႏနဝ်ꩻ မဲဉ်ꩻ မယ်ရီ သွူ။\n\nAre you the oldest amongst your brothers and sisters?  \n\nသီတဖူးဝေးကိုနဝ်ꩻ နာꩻထွာ အပေႏသွတ်ꩻနဲ့ \n\nNo, I’m not. I’m the second child in my family. \n\nမွေးတောဝ်း ၊ခွေနဝ်ꩻထွာဒျာႏ ဒုတိယ တဖြာꩻသွူ။ \n\nWhat does your mother\/father like?  \n\nမွိုးဖါ သီးဝါႏသနာႏမာꩻတမုဲင်ꩻဖုံးဟောင်း \n\nMy father likes playing football and my mother likes cooking.\n\nနီဖါနဝ်ꩻ ကျိုက်တွယ်ႏဘော်လီဘေား ၊မွိုးနဝ်ꩻ ကျွိုက်ဒွိုးအံႏအွꩻသွူ။\n\nDo your parents let you stay out late? မွိုးဖါခွင်ꩻနေ ဟောင်းနာꩻ သဲင်လွိုက်���ာꩻမွူးဟာခိုႏနဝ်ꩻ၊  \n\nOf course not. They always ask me to get home before 10 pm each night. \n\nခွင်ꩻတောဝ်း မွူဟာနားရီႏတဆီ တွိုႏဗာႏလမ်းစွုမ်းဟာ\nDo you stay with your parents? နာꩻအုံညီဒျာႏ မွိုးဖါနဲ့၊ \n\nRight now, no, but I used to.ယိုခါတဲ့ အုံတေဝ်း ပွိုင်းလဲင်းတဲ့အုံငီꩻဗာႏဖို ။\n\nDoes your family usually have dinner together? တဖူးတဝေးအံႏငီꩻဗာႏဖိုဟောင်းဝင်ꩻ ဒဲဉ်ဟာဖုံႏ၊\n\nYes, we do. My mom always prepares delicious meals for us. \n\nမွေး အံႏငီꩻဗာႏဖို မွိုးနဝ်ꩻအောဝ်းဒွိုးသွတ်ဖေႏသေႏသေႏဖေႏ ဟန်ႏအွိုအွီႏသေႏသေႏ သွူ ။\n\nAre you sure - သေႏချာႏနေဟောင်ႏ \n\nAre you sure? နာꩻသေႏချာႏနေဟောင်း \n\nAre you sure about that?      ပတ်သက်တွမ်ႏအကျောင်ꩻယိုနဝ်ꩻ နာꩻသေႏချာႏနေဟောင်း        \n\nAre you sure of what you said?                နာꩻကဒေါ့ꩻနဝ်ꩻသေႏချာႏဒျာႏနဲ့ \n\nAre you sure that he is not coming?            ဝွေꩻလွဉ်တောဝ်ႏဒွုမ် ကရိုꩻနဝ်ꩻသေႏချာႏဒျာႏနဲ့ꩻ၊\n\nII. DIALOGUES:\n\nA: I’ve had so many problems with my new car. It’s driving me crazy.\n\nဖြေꩻကာꩻတသာတဲ့ꩻ မာꩻဒုက္ခမွေးစွဉ်ႏလိုꩻ ထွာစွဉ်ႏဒျာႏ အကုဲင်လွဉ်းလွဉ်း \n\nB: Are you sure you don’t want to buy a new one?\n\nနာမဲဉ်ဖြေထဲင်းတောဝ်ႏ အတသာနဝ်ꩻသေႏချာႏဒျာႏနဲ့ ၊ \n\nA: How can I? I already spent a lot of money on this one.\n\nခွေအီႏမာꩻနဲင်းမုဲင်ꩻ ၊ဖြေꩻထဲင်းဗာႏယင်းအတသာဟောင်၊း ရွဉ်တအောဝ်ႏတောဝ်ႏဒွုမ်က၊ \n\nB: I guess you’ll be spending a lot of money on repairs then.\n\nပေါႏဖြေꩻတောဝ်းလဲ့ꩻ ၊ဖျင်ဗွော့ အလီꩻနဝ်ႏ ယိန်းလို့အာအာ ရွဉ်သနယ်ꩻ၊ \n\nA: I guess so. Unless, you want to buy the car.\n\nနဝ်ꩻသနယ်ꩻ ၊ပေါႏဖြေꩻတနွောင်ꩻတောဝ်းလဲ လို့ဗာႏသွူ၊ \n\nB: No, thanks. I don’t think I’d want to buy your car. It has too many problems.\n\nပေါႏနာꩻကာꩻနဝ်ႏ လုံးဝဖြေꩻတောဝ်ႏလာလာ ၊ထွာစွဉ်ႏအကုဲင်လွဉ်းလွဉ်းတန်နဝ်ꩻ \n\nA: I don’t blame you. It’s a piece of junk.\n\nဒင်ႏငါႏနာꩻ အပဲစ်လဲ့ တမွေးတောဝ်း ခွေတလိုႏတေဝ်ႏဒျာႏ ၊ \n\n10 Ways to Ask How Someone Is  (တဖြာꩻတွမ်ႏတဖြာꩻမဲဉ်ႏမဲဉ်ရီဒါႏဝင်ꩻ ပတ်သက်တွမ်ႏ ခြိုင်ႏသန်ꩻရေꩻကိစ္စဖုံႏနဝ်ꩻ စော့ꩻတက် ရီအီတွမ်ႏ လိတ်ရဲဉ်ႏလꩻယိုဖုံႏသွူ )\n\n10 Ways to Say How You Are  ဝင်ꩻမဲဉ်ႏရီလွဉ်လဲဉ်ႏသွူ ခြိုင်ႏသန်ꩻရေꩻကိစ္စပေႏတန်ဖုံႏနဝ်ꩻ ဖြေႏချာသွော့ꩻတွမ်ႏ လိတ်ရဲဉ်ႏလꩻယိုဖုံႏသွူ၊ \n \n\n10 Ways to Say Thank You  နီမဲဉ်ႏထွဉ်ႏဝင်ꩻတဲ့နဝ်ꩻ ဝင်ꩻမဲဉ်ႏမာꩻဖေႏနီ ကိစ္စပေႏတန်ႏ တဗာႏဗာႏပေႏတဲ့နဝ်ꩻ သေနန်ႏဒေါ့ꩻဖေႏသွော့ꩻ ငေါဝ်ႏကျေꩻကျေꩻတင်ꩻနော၊ ဆꩻလꩻယိုဖုံႏနဝ်ꩻ သုံꩻအဗာႏမုဲင်ꩻတဲ့လလို့ဒျာႏသွူ။ \n\n10 Ways to Respond to “Thank You”  ဝင်ꩻမဲဉ်ႏဒေါ့ꩻ လွဉ်ကျေꩻဇူꩻတင်ႏနဝ်ꩻ ဒေါ့ꩻပြန်ႏချာတွမ်ႏသွော့ꩻ  လꩻယိုဖုံႏနဝ်ꩻ နေား။ \n\n \n\nခေတ်ယိုခါနဝ်ꩻထွာလဲဉ်းဒျာႏသွူ ကမ္ဘာႏဒုံရိုꩻပေႏနဝ်ꩻတဲ့ꩻ အေဝ်ႏလꩻဒျာႏသွူ၊ ကွပ်နဲင်ႏမုဲင်ꩻနဲးတဲင် တွိုးရ��ꩻအရပ်မုဲင်ꩻတယောဝ်း တဖြာꩻတွမ်ႏတဖြာꩻ ထီႏထွားနေလို့ဝင်ꩻလွိုးတွော့ꩻ ဒေါ့ꩻရီနေးလို့ဝင်ꩻလꩻလဲဉ်းကရိုꩻနဝ်ꩻစဲင်းစဲ့ꩻထင်ႏသျာꩻငါႏလဲဉ်းသွူ၊ ကွပ်နဝ်ꩻမꩻတဲင် ကတိုꩻတက်ထင်ႏထိုဗာႏနဲင်ႏယို ကွပ်ပွိုးစွဉ်ႏ ပညာႏရေꩻ ကွပ်ပွိုးစွဉ်ႏ အနယ်ꩻပညာႏဖုံႏသွူ၊ ကွပ်နဝ်ꩻမတဲင် နီပအိုဝ်ႏပေႏ ခွိုꩻသွုပ်တသာသီႏ ဖေႏထွꩻနဲင်ႏလို့ဝင်ꩻ ဖေႏကတွိုꩻတက်နဲင်ႏဝင်ꩻ အေဝ်ႏလိုႏအွဉ်ႏရေꩻငါႏ ပညာႏရေꩻနဝ်ꩻသွူ၊ နဝ်ꩻမတဲင် ယိုနဝ်ꩻခွေသွဉ်းအီႏတဲမ်ႏနယ်ꩻ လွေꩻဖေႏခွိုꩻသွုပ်တသာ ကျောင်ꩻသားပေႏသီး အခေႏခံႏ အိန်ႏကလေတ် တဲမ်းနယ်ꩻ တွမ်ႏ ဘာသာႏပြန်ႏ ဖတ်နယ်ꩻ နဲင်ႏယိုသွူ၊ \n\nပအိုဝ်ႏလိတ်တဲ့နဝ်ꩻ မန်ႏလိတ်တဲ့နဝ်ꩻ အိန်ႏလေပ်ငေါဝ်းတဲ့ꩻ နဝ်ꩻ အခေႏခံႏ အေဝ်ႏ လွေꩻ ငတ်ရုဲဉ်ႏ နဝ်ꩻသွူ၊ \n\n1.       Subject + verb                                                                       (s+v) ကတ္တာႏ + ကြိယာႏ\n\n2.       Subject + verb + complement                                             (s+v+c) ကတ္တာႏ + ကြိယာႏ +\n\n3.       Subject + verb + object                                                        (s+v+o) ကတ္တာႏ + ကြိယာႏ + ကံ\n\n4.       Subject + verb + indirect object + direct object                (s+v+i.o, d+o) ကတ္တာႏ + ကြိယာႏ + ကံ\n\n5.       Subject+verb+object+complement                   (s+v+o+c) ကတ္တာႏ + ကြိယာႏ + ကံ +\n\nပုံစံ (၁) s+v\n\nA boy stands.         လိုꩻပေႏတဖြာꩻ အုံထွိုႏထာꩻ ၊ \n\nပုံစံ (၂) S + V + C\n\nHe is a student. {n}                               ဝွေꩻနဝ်ꩻထွာ ကျောင်ꩻသားပေႏ တဖြာꩻသွူ၊ \n\nHe is clever. {adj}                              ဝွေꩻနဝ်ꩻထွာ လိုꩻပေႏလိန်ႏမာႏတဖြာꩻသွူ၊\n\nHe is here. {adv}                                   ဝွေꩻအေဝ်ႏယိုကိုသွူ၊ \n\nHe is in the garden. {Phrase}               ဝွေꩻအေဝ်ႏသွော့ꩻ ဥယဉ်ႏကောဝ်ꩻခြံကိုသွူ၊ \n\nHe is - ----------ကရိုꩻလိတ်ရဲဉ်ႏယိုနဝ်ꩻ အဓိပ္ပါယ်ႏတပြဲ့ꩻစုံႏတေဝ်းဒွိုန်းတဲင် Complement {C} ကရိုဒါႏ ထဲမ်သွော့ꩻဖေႏဗာႏယင်ႏ အဖြည့်ပုဒ် နဲင်ႏနဝ်ꩻသွူ၊ \n\nအဖြည့်ပုဒ် အကို ထဲမ်သွော့ꩻနွောင်ꩻဒါႏလိတ်ဖြုံႏနဝ်ꩻ Noun, adjevitve, adverb, phrase နဲင်ႏနဝ်ꩻဖုံႏသွူ၊\n\n               1. Noun                                  {student}\n\n               2. Adjective                            {clever}\n\n               3. Adverb                                {here}\n\n               4. Phrase                                {in the garden}\n\nပုံစံ (၃) S + V + O\n\nHe kills -------ဝွေꩻမာꩻသီ ကရိုꩻဒါႏ လိတ်ရုဲဉ်ႏယို အဓိပ္ပါယ်ႏတပြဲ့ꩻစုံႏတေဝ်ႏဒွိုန်းသွူ၊ ကွပ်နဝ်ꩻမꩻတဲင် ထဲမ်သွော့ꩻထဲင်ႏဗာႏ ကံႏပုဒ် သွူ၊\n\nဥပမာႏ − ဝွေꩻမာꩻသီ ၊ မာꩻသီတမုဲင်ꩻ  ၊ ခွေအံႏ အံႏတမုဲင်ꩻ ၊ ပြဲ့ꩻစုံႏတေဝ်းသွူ၊\n\nHe kills a mouse.   သူ ကြွက်ကို သတ်သည်။\n\nပုံစံ (၄) S + V + I-O\/ D-O\n\nနင်ႏမအေႏဖေႏခွေ − ဖေႏတမုဲင်ꩻ နဲင်ႏနဝ်ꩻတဲ့ꩻတေဝ်းတဲင် ပြဲ့ꩻစုံႏတောဝ်ႏဒွိုင်းနဝ်ꩻသွူ၊ နဝ်ꩻမꩻတဲင် ထဲမ်ထဲင်ႏဖေႏဗာႏ ကံႏပုဒ်နဝ်ꩻသွူ၊\n\nHe gives me a book.             ဝွေꩻဖေႏခွေ လိတ်အုပ် တစ်အုပ်၊ \n\nme တွမ်ႏ book နဝ်ꩻထွာကံႏပုဒ်တဲင် ပထမ ကရိုꩻဒါႏခွေနဝ်ꩻ ဖေႏဒါရိုက်တဲင် ဖန်ဖေႏ inderest object , book ဖန်ဖေႏ Direct object နဲင်ႏနဝ်ꩻသွူ၊\n\nမှတ်ချက်။                ။              He gives a book to Mg Hla.\n\n                                               ဝွေꩻဖေႏမောင်လ လိတ်အုပ်တစ်အုပ်သွူ၊ ယိုကိုနဝ်ꩻ သေခါꩻဗာႏ မောင်လနဝ်ꩻထွာဒျာႏ proper Noun ကိုယ်ႏပဲင်ႏနာမ်ႏတဲင် အွဉ်ႏကပ်တွမ်ႏ ကြိယာႏနဝ်ꩻလတေဝ်းသွူ၊ ကွပ်နဝ်ꩻမတဲင် အခါႏကိုနဝ်ꩻ အွဉ်ႏခံႏခါꩻဗာႏတွမ်ႏ To နဲင်ႏနဝ်ꩻသွူ            \n\nပုံစံ (၅) S + V + O + C\n\nလိတ်ရဲဉ်ႏကီယိုငတ်ရဲဉ်ႏနဝ်ꩻ ထွာဒျာႏအခေႏခံႏလိတ်ရဲဉ်ႏနဝ်ꩻသွူ၊ မဲဉ်ႏတဲမ်ႏလိတ်နဝ်ꩻ ယိုငတ်ရဉ်ႏပေါႏမဲဉ်ႏနဝ်ꩻမꩻ၊ ထွာအီလလိတ်ရဲဉ်ႏနဲင်းနဝ်ꩻသွူ၊\n\nPhrases\n\nA phrase is a group of related words that does not contain a subject and a verb.\n\nPhrase ကရိုꩻဒါႏလိတ်ဖြုံႏစုယိုနဝ်ꩻ ကတ္တာႏ တွမ်ႏ ကြိယာႏနဝ်ꩻပါတေဝ်း သွူ၊\n\nPhrases − သွံမျိုꩻ\n\n၁ Noun Phrase\n\nNoun Phrase ယိုအုံအေဝ်ႏသွော့ꩻ နာမ်ႏအခင်ႏလမ်းကိုတဲင် ဟဲ့ꩻဗာႏ နောင်းဖရစ် နဲင်းနဝ်ꩻသွူ။ \n\nကွပ်ပွိုးတမုဲင်ꩻမွော့ꩻဟဲ့ꩻဗာႏတွိုႏ Noun Phrases ကရိုꩻနဝ်ꩻ၊ အခေႏခံႏလိတ်ရဲဉ်ႏ အဆုဲင်ႏတရုဲဉ်ႏ အကို နဝ်ꩻ − We make U Hla a president \/ ကရိုꩻဒါႏလိတ်ရုဲဉ်ႏအကိုနဝ်ꩻ  Noun အောဝ်ႏပါ သွံထွောင်းနဝ်ꩻသွူ၊ သွံထွောင်းအကို ဝွေꩻကအောဝ်ႏအုံသွော့ꩻမာꩻထာꩻမာꩻနဝ်ꩻ ဟဲ့ꩻဗာႏ Noun  Phrase နဲင်ႏနဝ်ꩻသွူ၊  phrase အမျိုꩻသာꩻနဝ်ꩻအေဝ်ႏသွံမျိုꩻသွူ။\n\nNoun Phrases , Adjective, Phreases , Adverb Phrases,  နဲင်ႏယိုဖုံႏသွူ၊\n\n               We make u Hla president. နီအွဉ်ႏထွာ ဦးလနဝ်ႏ အတန်အကယ်ႏသွူ၊ \n\n                S      V         O            C\n\n               လိတ်ရဉ်ႏလꩻယိုနဝ်ꩻ Noun အေဝ်ႏပါ သွံထွောင်ႏသွူ၊  \n\nØ  We                              (Noun)\n\nØ  Make                          (verb)\n\nØ  U Hla                           (Noun)\n\nØ  President                    (Noun)            \n\nA book is on the table  လိတ်အုပ်နဝ်ꩻအေဝ်ႏဒျာႏ ခုံႏလောင်း သွူ၊ \n\n1.       A book on the table is mine.  ခုံႏလောင်းယို ကအေဝ်ႏဒါႏ လိတ်အုပ်နဝ်ꩻထွာဒျာႏခွေလိတ်အုပ်နဝ်ꩻသွူ၊ \n\non the table ကရိုꩻဒါႏလိတ်ရဲဉ်ႏစုယိုနဝ်ꩻ အပုံꩻဗွန်ခန်ႏဝင်ꩻတဲ့ꩻ အခင်ႏလမ်ႏ အအုံအေဝ်ႏယို အဗွန်တေဝ်ႏဝင်ꩻတဲင် အဓိပ္ပါယ်ႏယို ကွာႏသွူ၊\n\nအာႏကွိုꩻ","num_words":5085,"character_repetition_ratio":0.085,"word_repetition_ratio":0.003,"special_characters_ratio":0.251,"stopwords_ratio":0.011,"flagged_words_ratio":0.0,"lang_id_score":1.0,"perplexity_score":11019.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%9F%E1%80%AF%E1%80%B2%E1%80%80%E1%80%BA%E1%80%92%E1%80%9B%E1%80%AD%E1%80%AF%E1%80%85%E1%80%B2%E1%80%94%E1%80%BA","collection":"wikipedia","source":"wikipedia","original_code":"blk","text":"ဟုဲက်ဒရိုစဲန် ( အဉ်းကလစ်ဆျ်- Hydrogen) ယို ထွာ ဒြတ်စင် ကအောဝ်ႏပါဒါႏ အထဲ့ရော့ꩻ ထာꩻရွောင် ကို အရီးသွတ်ꩻ တဗာႏသှူ။ ဗြိတိဆျလိုꩻခှိုꩻ သိပ္ပံပညာႏသျင်ႏ ဟဉ်နရီ ကဗဲ��်းဒစ် ထေအှောန်ႏဖေႏ ခရစ်နေင်ႏ ၁၇၇၆ ဗာႏကို။ ဟုဲက်ဒရိုစဲန်ယို ထွာ ထာꩻအှို အရောင်ႏ၊ အယောင်ꩻ၊ အလွီးအဲန်ထောဝ်း။ အဲတ်တမ်အဗာႏနောဝ်ꩻနဝ်ꩻ အှောန်ႏနယ်တုမ်ႏ သင်္ကေႏတ H၊ နျူကလိယ ပါတဗာႏ၊ ပရိုတွန် ပါတဖြုံႏ၊ ယင်း အီလဲက္ထရွန် ပါငီꩻသော့ꩻ တဖြုံႏသှူ။ ထာꩻယိုနောဝ်ꩻ အဓိက ပါ ထီတုမ်ႏ ထာꩻသꩻအောဝ်ႏ ထာꩻထွာလို့လို့ကိုထှူမကာႏ အောဝ်ႏမော့ꩻပါက စကျဝဠာႏကို။\nဟုဲက်ဒရိုစဲန်ကိုယို အုဲင်သိုတုပ် အခှိုꩻပါ သုမ်စား-\nprotium, mass 1 (သဘာဝကို 99.985%)\ndeuterium, mass 2 (0.015 ရပ်)\ntritium, mass 3 (အမာꩻဖေႏ ထာꩻအှိုဖြီဖြေတ်ဖုံႏ၊ သဘာဝ(ထာꩻဖဝ) ကို မော့ꩻလုမ်ꩻ အဇျꩻပေႏ။\n\nအာႏကွိုꩻ \n\n ဓာတုဗေဒ","num_words":91,"character_repetition_ratio":0.025,"word_repetition_ratio":0.0,"special_characters_ratio":0.15,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":108259.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%9A%E1%80%B0%E1%80%94%E1%80%94%E1%80%BA%E1%80%81%E1%80%99%E1%80%BA%E1%80%B8%E1%80%94%E1%80%9A%E1%80%BA%E1%82%8F","collection":"wikipedia","source":"wikipedia","original_code":"blk","text":"ယူနန် (Yunnan) ယို ခယ်ႏခမ်းထီ အကို ခမ်းနယ်ႏ တနယ်ႏဒျားသွူ။ အဝ်ႏဒျာႏ ခယ်ႏခမ်း ဆတွို့ꩻနောဝ် ဒေႏသတဲင် အအဲဉ်ႏအလုဲင်း နဝ်ꩻ အဝ်ႏလွေꩻ ၃၉၄,၀၀၀စတုရန်းကီႏလိုႏမီႏတာႏ ( ၁၅၂,၀၀၀) စတုရန်းမဲင်ႏ ရပ်သွူ ။ ၂၀၀၉ဗားနေင်ႏ စရင်ꩻအလꩻ လိုꩻခြွဉ်းပေါင်ꩻ အဝ်း ၄၅.၇ သန်ꩻ ရပ် သွူ ။ခမ်းနယ်ႏဝေင်ꩻတန်နဝ်ꩻ ဝေင်ကူမိဉ်း သွူ။ ခမ်းနယ်ႏယူနန် ယိုနဝ်ꩻ ခမ်းအကူအနား အဝ်းဗာႏလွေꩻတွမ်ႏ မျန်မာခမ်းထီ ၊ လာအိုခမ်းထီ တွမ်ႏ ဗီယက်နမ်ခမ်းထီ ဒျာႏသွူ ။\n{{Infobox settlement\n<!-- See Template ခယ်ႏခမ်းထီ\n|ChineseName     = 云南省\n|Pinyin          = Yúnnán Shěng\n|EnglishName     = ယူနန်ပြည်နယ်  Yunnan Province\n|Name           = ယူနန်ပြည်နယ်\n|Abbreviation   = 滇 or 云\/雲\n|AbbrevPinyin   = Diān or Yún\n|ISOAbbrev      = 53\n|Map            = China Yunnan.svg\n|MapSize        = 275px\n|OriginOfName   = 云 yún – ယွန်လင်းတောင်  南 nán – တောင်ဘက် ယွန်လင်းတောင်တန်း၏ တောင်ဘက်\n|AdministrationType = ပြည်နယ်\n|Capital        = ကူမင်းမြို့\n|LargestCity    =  ကူမင်းမြို့\n|Secretary      = ချန်းဟောင် (နိုင်ငံရေးသမား) \n|Governor       = ရွမ်ချန်းဖာ\n|Area_km2           = ၃၉၄,၁၀၀\n|AreaRank       = ၈\n|Latitude       = 21° 09' to 29° 15' N\n|Longitude      = 097° 32' to 106° 12' E\n|PopYear        = ၂၀၁၀\n|Pop            = ၄၅,၉၆၆,၂၃၉\n|PopRank        = ၁၂\n|PopDensity_km2     = ၁၁၂\n|PopDensityRank = ၂၄\n|GDPYear        = ၂၀၁၀\n|GDP            = ၇၂၂.၁ ဘီလီယံ (US$ ၁၀၆.၆ ဘီလီယံ)\n|GDPRank        = ၂၄\n|GDPperCapita   = ၁၃,၄၉၄\n|GDPperCapitaRank = ၂၉\n|HDIYear        = ၂၀၀၈\n|HDI            = ၀.၇၁၀\n|HDIRank        = ၂၈\n|HDICat         = medium \n|Religions       = ခရစ်ယာန်ဘာသာ(ပရိုတက်စတင့်၊ကက်သလစ်)၊ အစ္စလာမ်ဘာသာ၊ တောက်ဝါဒ၊ ဗုဒ္ဓဘာသာ။\n|Nationalities  = ဟန် – ၆၇%ယီ လူမျိုး  – ၁၁%ပိုင်လူမျိုး – ၃.၆%ဟနီလူမျိုး– ၃.၄%ကျွမ်းလူမျိုး – ၂.၇%တိုင်လူမျိုး – ၂.၇%မြောင်လူမျိုး – ၂.၅%ဟွေ – ၁.၅%တိဘက် – ၀.၃% ပလောင် – ၀.၁၉%\n|Dialects = တရုတ်၊ ယီ၊ ပိုင်၊ ဟနီ၊ ကျွမ်း၊ တိုင်၊ မြောင်၊ ဟွေး၊ တိဘက်။\n|Prefectures    = ၁၆\n|Counties       = ၁၂၉\n|Townships      = ၁၅၆၅\n|Website        = http:\/\/www.yn.gov.cn \n}}","num_words":396,"character_repetition_ratio":0.074,"word_repetition_ratio":0.0,"special_characters_ratio":0.337,"stopwords_ratio":0.0,"flagged_words_ratio":0.0,"lang_id_score":0.987,"perplexity_score":19459.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%9F%E1%80%AE%E1%80%9C%E1%80%AE%E1%80%9A%E1%80%99%E1%80%BA","collection":"wikipedia","source":"wikipedia","original_code":"blk","text":"ဟီလီယမ် (အဉ်းကလစ်ဆျ်: Helium) ယို ထွာ noble gases ဖုံႏကို ဓာတ်ထာꩻအှိုတဗာႏ  ဒြတ်စင် အထဲ့ရော့ꩻ ထာရှောင် ကိုနောဝ်ꩻ အောဝ်ႏအဗူႏ သုည (Group 0)။ ဓာတ်တအှိုယိုဗာႏနောဝ်ꩻ ဟုဲက်ဒရိုစဲန် မဉ်ႏထှူ ထွာ ဒုတိယအဖွီသွတ်ꩻသှူ။ ကမ္ဘာႏဟမ်ႏလောင်းကို ဟီလီယမ်ထာꩻအှို ကဉ်းအာအာနောဝ်ꩻ မော့ꩻအမေရိကန်ႏခမ်းကို။\nဟီလီယမ်ယို ထွာ အရောင်ႏ၊ အလွီး၊ အရသာႏတအဲန်ထောင်း ထာꩻတအှို။ အစှူႏတဲ့ အောဝ်ႏတောဝ်းနေနေ။ မဉ်ႏခေးတုမ်ႏ ဓာတ်တအှိုလောင်းလင်နောဝ်ꩻ အစိုႏ အခြီထီကို ဆေ့ꩻလုမ်ꩻ။ မဉ်ႏတမဉ်အောဝ်ႏတောဝ်းနောဝ်ꩻ ထာꩻယို တမာꩻတောဝ်းဓာတ် တုမ်ႏဓာတုဒြတ်ငီꩻ (ဒြတ်ပေါင်း) ဖုံႏသှူ။ ဟီလီယမ်ဓာတ်တအှိုယို အတဉ်ႏအနဲန်းဆေ့ꩻခြေားတန်။ ဝွေꩻလောင်းကို ထာꩻလျားတွီကာႏထာꩻ တုမ်ႏ ကယ်လိုရီနမ်း ပါအာတန်သှူ။ ဟီလီယမ်ယို ရိုꩻကီအခြီဒါႏလဲ့ ထာꩻလျားမာꩻထီတအှိုထာꩻဖဲ့နောဝ်ꩻ ဒြတ်စင်လို့လို့ကို ထွာ အဖှိုႏသွတ်ꩻသှူ။\n\nအာႏကွိုꩻ \n\nဓာတုဗေဒ","num_words":85,"character_repetition_ratio":0.041,"word_repetition_ratio":0.0,"special_characters_ratio":0.096,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":271410.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%9C%E1%80%AE%E1%80%90%E1%80%AE%E1%80%9A%E1%80%99%E1%80%BA","collection":"wikipedia","source":"wikipedia","original_code":"blk","text":"လီတီယမ်( အဉ်းကလစ်ဆျ်: Lithium) ယို ထွာ ရှောန်ရောင်ႏကဆျောဝ်ဒါႏ ဒြတ်စင် ပနဲန်ႏပဲ့ ဖွီသဲက်ꩻသှူ။ လီတီယမ် (သင်္ကေႏတ Li) ယို ဒြတ်စင် အထဲ့ရော့ꩻ ထာꩻရှောင်ကို အလဲန်းအဗူႏတာ (group IA) ကို၊ ထွာ ပထမလှိုသွတ်ꩻ အယ်ကာလီဒြတ်စင်။ သဘာဝကို မော့ꩻနှောင်ꩻ isotopes Li-6 ယင်း Li-7 ဖုံႏရာ။ မေႏလျားဗာႏဆေ့ꩻဆေ့ꩻလဲ့ အခြီဒါႏ၊ အဓာတ်ကြူဝင်ꩻတဲ့ ယိုꩻတန် ( မန်း- ဓာတ်ပြုလွယ်)။\n\nအာႏကွိုꩻ \n\nဓာတုဗေဒ","num_words":50,"character_repetition_ratio":0.0,"word_repetition_ratio":0.0,"special_characters_ratio":0.152,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":193423.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%98%E1%80%AD%E1%80%AF%E1%80%9B%E1%80%BD%E1%80%94%E1%80%BA","collection":"wikipedia","source":"wikipedia","original_code":"blk","text":"ဘိုရွန်(boron) ယို ထွာ သတ္တုတမွေးတောဝ်း ဓာတုဒြတ်စင်တစား၊ အထဲ့ရော့ꩻ ထာꩻရွောင်ကိုနောဝ်ꩻ အလဲန်းအဗူႏ ၃၊ ဝင်ꩻဟဲ့ꩻ သတ္တုလှိုႏ (non-metal)။ ဘိုရွန်ယို ခရစ်နေင်ႏ ၁၈၀၈ ဗာႏကိုခါ ဓာတုဗေဒ ပညာႏသျင်ႏ သာ ဟမ်းဖှရီး ဒဲဗ္ဗီ (Sir Humphrey Davy) ယင်း ဂေး လာ့��ဲက် (J.L Gay Lussac) သီး ထွားထောင် မော့ꩻစ။ သဘာဝကို ထီႏနှောင်ꩻ အအုံအောဝ်ႏထာꩻ ပဉ်စားစား၊ ကဉ်းအာအာနောဝ်ꩻ ထွာ amorphous Boron ၊ အဖွန်ႏခေ့ꩻ ဖြေင်း (a dark powder)။ တုမ်ႏ အောက်သီစဲန်၊ ထီ၊ အဲက်သစ်၊ ယင်း အယ်လ်ကာလီဖုံႏ မာꩻတောဝ်းဝင်ꩻဓာတ် (မန်း- ဓာတ်မပြု)။ ကွယ်ႏတှော့ꩻ တုမ်ႏသတ္တု (metal) ဖုံႏ မာꩻဓာတ်၊ အကြုဲင်းလုဲင်ႏလွေꩻထိုꩻ ဘိုးရုဲက်ဒ် (borides) သှူ။ ကပှိုင်ခါꩻဖေႏဒါႏ အလျားအှောန်ႏထော့( မန်း- သတ်မှတ်စံအပူချိန်) ကိုယို တျာႏမေႏ ကာႏစပ်ꩻ ဘိုရွန် ဆေ့ꩻလုမ်ꩻ (poor electric conductor) ကွယ်ႏတှော့ꩻ အလျားမဉ်ႏသန်လှောန်နောဝ်ꩻ ဘိုရွန်ယို ထွာလှောန် တျာႏ ကာႏစပ်ႏအာႏဟောဝ် ဒြတ်စင်သှူ။\n\nအာႏကွိုꩻ \n\nဓာတုဗေဒ","num_words":118,"character_repetition_ratio":0.02,"word_repetition_ratio":0.0,"special_characters_ratio":0.137,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":99359.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%84%E1%80%BA%E1%80%B9%E1%80%82%E1%80%AB%E1%82%8F%E1%80%94%E1%80%AE%EA%A9%BB%20%E1%80%80%E1%80%B0%EA%A9%BB%E1%80%95%E1%80%9B%E1%80%AD%E1%80%94%E1%80%AD%E1%80%97%E1%80%B9%E1%80%97%E1%80%AC%E1%80%94%E1%80%BA%E1%82%8F","collection":"wikipedia","source":"wikipedia","original_code":"blk","text":"နီဗွေႏဘုရာꩻ သက်တောႏလꩻ (၂၉)နေင်ႏနဝ်ꩻ၊ တောႏထွက်ထန်ႏတခြာ ကျင်ꩻဒုက္ကရစရိယာႏ (၆)နေင်ႏ၊ သက်တောႏလꩻ (၃၅)နေင်ႏနဝ်ꩻ ထွာဘုရာꩻနဝ်ꩻသွူ ၊၊ထွာဘုရာꩻထွူတဲင် အုံခြေင်တဝ်းထာꩻစိꩻစိꩻ၊ တဝေင်ꩻလွေꩻ တဝေင်ꩻအုံ တဒုံနွို့တဒုံထန်ႏ၊ ကျံႏချွစ်ကျံႏကယ်ႏ လယ်ႏဟော်ꩻတရာꩻ၊ နီꩻနာꩻခေ့ꩻလေ ထွူသေမအောဝ်ႏဒါႏ ညစွဉ်ႏ(၄၅)ဝါႏ (၄၅)နေင်ႏနဝ်ꩻသွူ ၊၊သက်တောႏလꩻ(၈၀)  မဟာႏသက္ကရာဇ် -၁၄၈ ဗာႏ၊ ဒဲဉ်ရုတ်ꩻလာဗွေ အင်္ဂါႏဟာ၊ မွူးကွို့ꩻနာꩻလွဉ်ꩻ ထာꩻအီႏလေခိန်ႏနဝ်ꩻ ကူꩻခန်းဒျာႏနိဗ္ဗာန်ႏ၊ ကုသိနာႏရုံႏခမ်း၊ အင်းချင်းမွူးခါႏ ခွန်မလ္လာႏသီး ဥယျာဉ်ႏခြံကို နဝ်ꩻသွူ ၊၊ \n\nတောင်ꩻခါꩻ =\n၁၊၊ နီဗွေႏဘုရာꩻ ကလွဉ်ကူꩻနိဗ္ဗာန်ႏ ကုသိနာႏရုံႏခမ်းကိုနဝ်ꩻ၊ ရေႏရွယ်ႏချက် အဝ်ႏသွံချက်၊ သွံချက် ကရိုꩻနဝ်ꩻ\n(က) မဲဉ်ဟော်ꩻနယ်ပါ မဟာသုဒဿနသုတ္တန်ႏ\n(ခ) မဲဉ်ကယ်ႏချွစ်ပါ သုဘဒ္ဒပုရဗိုဇ်\n(ဂ) မဉ်ႏဖန်းခွေဓာတ်တောႏသူꩻနဝ်ꩻရာꩻ ဒေါနပုဏ္ဏာႏသူꩻနဝ်ꩻမꩻ မာꩻခွꩻနွောင်ꩻရွို့ꩻရန်ႏ အီႏဝွေႏဖန်ႏဖေႏ ရေႏရွယ်ႏနုဲင်းနဝ်ꩻသွူ၊၊\n၂၊၊ နီဗွေႏဘုရာꩻ ကအဝ်ႏမွုန်နေတွင်ꩻ ကလꩻရီးရီးဝင်ꩻဖိုလ်ႏ(ကထွာဗာႏရီးရီးဝင်ꩻအရိယာႏပုဂ္ဂိုလ်ႏ)နဝ်ꩻ ဗွေႏကောဏ္ဍည နဝ်ꩻသွူ၊၊\n၃၊၊ နီဗွေႏဘုရာꩻ လဲင်ꩻအီႏကူꩻသွူ နိဗ္ဗာန်ႏမꩻ၊ သꩻဝီးသꩻဝꩻ ငမ်းထွꩻတဝ်းဘုရာꩻ ကလောႏနဲစ်လွဉ်ꩻထာꩻနဝ်ꩻ၊ \"သုဘဒ္ဒ\" သဲစ်ကတွိုႏလွဉ်တဲ့ လွေꩻထေ့ထွူစွဉ်ႏဘုရာꩻ၊ နာႏတရာꩻထွူ အားထွုတ်တရာꩻတွော့ꩻ၊ နီဗွေႏဘု���ာꩻ အီႏကူꩻသွူ နိဗ္ဗာန်ႏလေလေႏ အခိန်ႏနဝ်ꩻ၊ ထွာနုဲင်းနုဲင်းခန်း ရဟန္တာႏ နဝ်ꩻသွူ၊၊ ကွပ်နဝ်ꩻမꩻ နီဗွေႏဘုရာꩻ အဝ်ႏမွန်တွင်ꩻ၊ ဆုဲင်ꩻသွတ်ꩻလဲဉ်းဝင်ꩻ ကထွာလꩻ ရဟန္တာႏနဝ်ꩻ \"သုဘဒ္ဒ\" ယိုသွူ၊၊\n၄၊၊ သုဘဒ္ဒယိုနဝ်ꩻ ဥပက(ဆာဝါ)သီးပိုတဲ့ \"သုဘဒ္ဒ\"တဲ့ တမွေးတဝ်း၊၊ ဟွုန်ဘုရာꩻကူꩻလဲဉ်း နိဗ္ဗာန်ႏတွော့ꩻ \"ဘုရာꩻကူꩻလဲဉ်း နိဗ္ဗာန်ႏတဲင် နီမဲဉ်မာꩻတမုဲင်ꩻတဲ့ ကမ်းသꩻမာꩻဗာႏသွူ\" လိုꩻတွူကဒေါ့ꩻရွိုင်ꩻဒါႏထာꩻ \"သုဘဒ္ဒ\"နဝ်ꩻတပါꩻတဲ့ တမွေးတဝ်း၊၊\nသုဘဒ္ဒ\"ယိုတပါꩻနဝ်ꩻ ပုဏ္ဏာꩻရွဉ်သားပို သုဘဒ္ဒ တပါꩻခေါ်ခေါ်ဒျာႏနဝ်ꩻသွူ၊၊\n၅၊၊ ထွာရဟန္တာႏ အဝ်ႏ(၃)မျိုꩻ\n(က) ဘုရာꩻအဝ်ႏမွန်တွင်ꩻနဝ်ꩻ ဗုဲင်သျင်ႏ၊ ဘုရာꩻကူꩻနိဗ္ဗာန်ႏထွူမꩻ ဗုဲင်စင်ꩻ၊ အားထုတ်တရာꩻ ထွာရဟန္တာႏ၊၊\n(ခ) ဘုရာꩻအဝ်ႏမွန်တွင်ꩻနဝ်ꩻ ဗုဲင်သျင်ႏခံႏစင်ꩻ၊ ဘုရာꩻကူꩻနိဗ္ဗာန်ႏထွူမꩻ အားထုတ်တရာꩻ ထွာရဟန္တာႏ၊၊\n(ဂ) ဘုရာꩻ အဝ်ႏမွန်တွင်ꩻနဝ်ꩻ ဗုဲင်သျင်ႏခံႏစင်ꩻ၊ အားထွုတ်တရာꩻ ထွာရဟန္တာႏ ယိုသွံမျိုꩻ နဝ်ꩻသွူ၊၊\n\nငဝ်းလင်္ကာႏ\n  လယ်ႏဟော်ꩻနယ်ပျꩻ       ချွစ်၀ွေႏနေႏ\n   ဘုရာꩻနီဗွေႏ           ကကျိုꩻစာꩻ\n   ခေ့ꩻလေနီꩻနာꩻ          မအုံဗာႏ\n  လစ်ꩻဆီငတ်ꩻဝါႏ          န၀်ꩻတဲင်ခါ\n  သက်တောႏဗွေငါ         သွစ်ꩻဆီတွင်ꩻ\n  ခွန်သီန၀်ꩻရင်ꩻ           လွဉ်လဝ်းဖစ်\n  မဟာႏသက္ကရာဇ်         ရျာꩻလစ်ꩻဆီ\n  သွစ်ꩻဗာႏလွိုကီ         ဒဲဉ်ရုတ်ꩻဩ\n  လာဗွေဟာနေား         နီꩻအင်္ဂါႏ\n   အင်းချင်းမွူးခါႏ        ကိန်ꩻတလွာꩻ\n   နီဗွေႏဘုရာꩻ           ကူꩻနိဗ္ဗာန်ႏ  \n   မဲ့ထီရီႏထန်ႏ          လိုꩻပေါင်ꩻအာ\n   ကယ်ꩻစွဉ်ႏမွိုးဖါ         အွဉ်ႏကုဲင်နꩻ\n   တလွိုးပေႏသꩻ         စွုမ်ႏဖြာꩻဖြာꩻ\n   ငွိုးရောင်လွထာꩻ        ခိုခိုမူႏ\n   ခွေသွဉ်းထင်ႏယူႏ        နဝ်ꩻကိုခြာ\n   တလွိုးလဲ့ပါ           ဟွုန်လောႏကာႏ\n   ကီႏညိုႏမွေးငါႏ         ဗွေႏဘုရာꩻ\n   စွုမ်းသွိုꩻလွဉ်ꩻထာꩻ       ပီတိပြုဲင်\n   စူခုမ်ꩻဗိုတုဲင်           ယွော့ကီဒင်ႏ\n   ရိုႏသေႏဝုဲင်ႏထင်ႏ      နီဗွေႏဘုရာꩻဩ။\n    ဝုဲင်ႏဗာႏယိုနေား       ကူꩻနိဗ္ဗာန်ႏ\n   သꩻဖူꩻဓိဋ္ဌာန်ႏ          ကရေႏခါꩻ\n   မဂ်ဖိုလ်ႏတရာꩻ         ယံလꩻဗွေႏ\n   တဏှာႏဝွဋ်ဟွေႏ        မခုဲင်ႏဖေ့\n   ထီႏမေႏလောႏထေ့       နုဲင်းထာꩻသား\n   လောဘသꩻဗား          မလို့စင်\n   မဉ်ႏကွုတ်ထဲင်းဖျင်      စိုးမုဲင်ꩻယဝ်း\n   ထာꩻကုဲင်ကွုတ်တဝ်း     မျတ်မွိုးဖါ\n   ရွဉ်ခံꩻလွိုင်ႏအာ        သဲင်ꩻခြွေခြာႏ\n   သေထုမ်ႏမာꩻဒျာႏ        ကုသိုလ်ႏခန်ꩻ\n   သက်ထိုခြွိုင်ႏသန်ꩻ       ချမ်ꩻသာႏမွေး\n   မိဉ်ႏသီန၀်ꩻဟွေး         တနီꩻခါ\n   ဆာညနေင်ႏလာ         မမော့ꩻဗာႏ\n   အ၀်ႏလွိုႏလွိုႏကာႏ        ထာꩻသာထဲ့\n   နုဲင်းပါꩻဆိမ်ꩻမဲ့          ဗေင်ႏအွီႏထာꩻ\n   ပေႏတန်အမျာꩻ          ဟွုန်လောႏကာႏ\n   ဝင်ꩻမာꩻယံငါႏ           ပွယ်ꩻတရေꩻ\n   သံႏဃာႏလꩻလွေꩻ         ကသမ်းအာ\n   တရာꩻနာႏပါ           ကုသိုလ်ႏဖန်း\n   အပါယ်ႏလစ်ꩻခမ်း       ကင်ꩻလွစ်လꩻ\n   ဘွုံႏဟဝ်ရွစ်ဗꩻ         စွုမ်ႏဇာတ်ဇာတ်\n   နိဗ္ဗာန်ႏခွꩻဓာတ်         ချမ်ꩻသာႏသေႏ\n   ယံလꩻမွိုင်ဗွေႏ         ဆုတောင်ꩻနုဲင်းနဝ်ꩻဩ။\n\nအာႏကွိုꩻ \n\nဗုဒ္ဓဘာႏသာႏ","num_words":641,"character_repetition_ratio":0.066,"word_repetition_ratio":0.0,"special_characters_ratio":0.209,"stopwords_ratio":0.028,"flagged_words_ratio":0.0,"lang_id_score":1.0,"perplexity_score":4785.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%9C%E1%80%BD%E1%80%B0%EA%A9%BB%E1%80%91%E1%80%BD%E1%80%AC%E1%80%B8%E1%80%91%E1%80%AE%E1%82%8F%E1%80%84%E1%80%AB","collection":"wikipedia","source":"wikipedia","original_code":"blk","text":"'''\"လွူꩻထွားထီႏငါ ပအိုဝ်ႏလိတ်ဖုံႏယိုခါ\"\n\nငဝ်းတောင်ꩻပြန်ႏအွဉ်ရီး\nကအီႏတဲမ်းဗာႏလိတ်ယိုနောဝ်ꩻ ရေႏရွယ်ႏအကုဲင်မွေးတဝ်း၊ ရေႏရွယ်ႏထီႏတေားဒျာႏ လဲင်းလောင်းတွမ်ႏ လိတ်စောင်ႏမျိုꩻစွုမ်ႏကိုယိုခါ ကတဲမ်းရောင်လွဒါႏ လိတ်ပအိုဝ်ႏ လိတ်ဖြုံႏအစွိုးစွိုးကို ကတပါတဝ်းလိတ်မွူးကိုဖုံႏတွော့ꩻ ကအဝ်ႏသုံꩻရောင်ဒါႏ \"သွောန်လိတ်(သွဉ်လိတ်)၊ ဗွေႏဗိုန်(ဗွေႏဗွန်)၊ ကောပ်ပွိုး(ကွပ်ပွိုး)၊ အိုင်လမ်း(အုံလမ်း)၊ နီထုင်ꩻ(နီထွုံꩻ)၊ တောမ်ႏ(တွမ်ႏ)တွမ်ႏဝင်ꩻကရီဒါႏ \"ပအိုဝ်ႏ\"ကရိုꩻဒါႏ လိုꩻမျိုꩻမဉ်ꩻယို လိတ်မွူးတွယ်ꩻကိုပါတဝ်းဖုံႏနဝ်ꩻ ခွေသွဉ်းမဲဉ်တဲမ်းသျင်ꩻနယ်လို့လို့ငါႏနဝ်ꩻမꩻ တဲမ်းဗာႏလိတ်ယိုတဲင် ပအိုဝ်ႏလိတ်လုဲင်ꩻစွစ်ꩻလီတာႏ ဗဟိုႏသံႏဃာႏစွိုꩻတဲ့နဝ်ꩻ ဆဲင်ႏရာꩻပုဂ္ဂိုလ်ႏလိုꩻသေလိုꩻဒါႏ ပညာႏသျင်ႏသီးဖုံႏ ကားကအောဝ်ႏတဲ့နဝ်ꩻ၊ ပအိုဝ်ႏလိုꩻတန်သီးဖုံႏ ကားကအဝ်ႏတဲ့နဝ်ꩻ၊ ခွုင်းကား ပအိုဝ်ႏခမ်းသားသီးဖုံႏတဲ့နဝ်ꩻ လိတ်ယိုနဝ်ꩻ တဲမ်းဝွေႏဖန်ႏ ပအိုဝ်ႏလိတ်မွူးမွေးတဝ်း၊ ရေႏရွယ်ႏတဝ်း စွိုးခွိုꩻလွောင်ႏဗူႏရေꩻကုဲင်(ငမ်းတဲ့ငမ်းမွေးငါႏ လွောင်ႏဗူႏရေꩻကုဲင်)နေနေတဲင် မဉ်ႏတတဲမ်းတဝ်းစွဉ်ႏတဲ့ ဝင်ꩻသမ်းအဝ်ႏသုံꩻလဲဉ်းရင်ꩻနဝ်ꩻမꩻ သေနာႏစွꩻခွင်ꩻ၊ ဒေါ့ꩻသွဉ်သင်နွောင်ꩻဒျာႏ ခွေသွဉ်းသွူဩ။\nမဉ်ႏတတဲမ်းတဝ်းစွဉ်ႏတဲ့ အအီႏတဲမ်းရောင်ဝင်ꩻဒျာႏရင်ꩻတဲင် ဖေႏကတဲမ်းမဲဉ်ႏမဲဉ်ႏတယ်ꩻနဝ်ꩻ နုဲင်းမုဲꩻမုဲꩻတဲ့ယဝ်း ခါးလားကထန်ႏငီႏငါ တဲမ်းနယ်ထွာတယ်ꩻဗာႏနုဲးယိုနဝ်ꩻ ဝွေႏဖန်ႏပအိုဝ်ႏလိတ်မွူးအုပ်မွေးတဝ်း၊ လွူꩻထွားထီႏငါ အမျာꩻကတဲမ်းဒါႏ လိတ်ပအိုဝ်ႏယိုခါဒျာႏအကျောင်ꩻ တောင်ꩻပြန်ႏအွဉ်ရ��းဒျာႏသွူဩ။\n\nငဝ်းတယ်ꩻအွဉ်\nလိတ်မူတဗာႏဗာႏယို အဓိကအရေꩻအတန်သွတ်ꩻသွတ်ꩻနဝ်ꩻ \"သရ၊ ဗီး၊ ဗီးခြွိုင်းခြိုꩻ\" အဝ်ႏယိုသွံစွိုးလွုမ်ꩻ ထီႏလွေꩻနုဲးနဝ်ꩻ (တစွိုး)အဝ်ႏတဲ့ အဝ်ႏနဝ်ꩻလွုမ်ꩻရင်ꩻသွူ။\nနဝ်ꩻမꩻ ကအဝ်ႏတဲမ်းဒါႏ လိတ်ယိုခါဖုံႏနဝ်ꩻ မဉ်ႏခဉ်ႏတဲက်ထွားတွမ်ႏ ပအိုဝ်ႏလိတ်မွူးစောင်ႏယိုခါ ထီႏမော့ꩻလွေꩻနုဲင်းယို။\n\nပအိုဝ်ႏသရယိုခါ (၁၆)ဖြုံႏ\nအ အာ အိ အီ အု အူ အေ့ အေ အဲ့ အဲ အုဲင့် အုဲင် အော့ အော် အို့ အို-ယိုတဆီသူဖြုံႏသွူ။\nပအိုဝ်ႏသရ ၁၆-ဖြုံႏအကို ကအီႏတဲမ်းငါယိုနဝ်ꩻ \"အုဲင့် အုဲင်\"သရယိုနီဖြုံႏနဝ်ꩻ င-ဗီးယို သော့ꩻပါတဝ်းဒွုမ် င-ယိုနဝ်ꩻ သရမွေးတဝ်း၊ ဗီး-ဒျာႏ ယူႏနုဲးနဝ်ꩻတဖဲ့ꩻ မဉ်ႏရော်ꩻသော့ꩻတွမ်ႏ (က် စ် ဉ် တ် န် ပ် မ် ယ် ဝ်)ဖုံႏနဝ်ꩻ သော့ꩻထဲင်းလꩻဒွုမ်တဲင် (စင်ꩻတန်ဝိဇ္ဇာနန္ဒ(လွဉ်ႏလဲဉ်း) ကျောင်ꩻတန်မွဉ်ခြဲင်တဲ့နဝ်ꩻ၊ ဖြားခွန်ကုဝေ(ကုဲင်ထိုꩻ)တဲ့နဝ်ꩻ တွမ်ႏတဲမ်းလိတ်ဆရာႏအလင်လင် ကဉ်းအာအာဖုံႏနဝ်ꩻ ရိုꩻဒျာႏနုဲးနဝ်ꩻနေနေအကျောင်ꩻ သေထီႏထွꩻလွဉ်ꩻဗာႏဖိုသွူ။)\nင-သွတ်ꩻယိုနဝ်ꩻ ထွာထိုꩻဗီးနဝ်ꩻမꩻ င-သွတ်ꩻထွိုင်ႏပါထိုꩻနဝ်ꩻ အီႏတဲမ်းထိုꩻ နုဲးမန်းငဝ်းကထန်ႏဒါႏ \"လူမိုက်၊ ပိုက်ဆံ၊ မိုက်လုံး၊ ခွန်ဇော်ဟိုက်\"စတဲင်နုဲးယိုနဝ်ꩻ တဲမ်းအီတဲ့လꩻတဝ်း လိတ်မွူးတွယ်ꩻရဲဉ်ႏတဲ့ အကုဲထိုꩻအီ မော့ꩻလွေꩻနုဲးနဝ်ꩻမꩻ လိတ်ယိုတပုတ်ကိုနဝ်ꩻ အုဲ-သရယို င-သွတ်ꩻသော့်ꩻပါဒွုမ်။\nဥပမာႏနဝ်ꩻ- မေႏလိုက်၊ မေႏလုဲက်၊ နိုင်၊ ကိုင်၊ ပုဲက်ဆံ (ထွိုင်ႏတဲမ်း ပုဲက်ဆံ-တဲမ်းထိုꩻလꩻတဝ်းတွော့ꩻ ပဲက်ဆံ-အငဝ်းထန်ႏဖိုင်ႏယို ထန်ႏလꩻတဝ်းနဝ်ꩻသွူ။)\nကွပ်နဝ်ꩻမꩻ ပအိုဝ်ႏသရ(၁၆)ဖြုံႏယို လိတ်ယိုတပုတ်တာႏ တဲမ်းလွေꩻလုဲးနုဲးယိုသွူ။\nအ အာ အိ အီ အု အူ အေ့ အေ အဲ့ အဲ အုဲ့ အုဲ အော့ အော် အို့ အို အုံ့ အုံ (၁၈)ဖြုံႏ အီႏတဲမ်းထိုꩻလုဲႏနုဲးယိုသွူ၊ (ကတဲမ်းထိုꩻ ၁၈-ဖြုံႏယို နီပအိုဝ်ႏတာႏ ၉-ဂဏန်ꩻတဲ့ ထွာအီဟောင်းနုဲးနဝ်ꩻသွူ။)\nကသော့ꩻဗာႏ (အုံ့ အုံ) အိုက် အိုင်-သရနဝ်ꩻ (မဉ်ႏသော့ꩻထဲင်း အုံ့ အုံ-သရနီဖြုံႏနဝ်ꩻမꩻ မဉ်ႏတဲမ်း \"ဒုံကောင်တန်(ဒုံမဉ်ꩻ)၊ ခူးကုံႏ၊ လုဲင်းတုံး-ဖုံႏယို အငဝ်းထန်ႏမဲဉ်ႏယင်း ယူႏနုဲးနဝ်ꩻသွူ။\n\nဗီး(၃၃)ဖြုံႏ\nဗီး ၃၃-ဖြုံႏနဝ်ꩻ ပါဠိ၊ မန်း၊ ပအိုဝ်ႏ သုံꩻဗွိုန်လဲဉ်းဝင်ꩻ၊ ကွာႏဒျာႏအငဝ်းထန်ႏလွုမ်ꩻတဲင် လွူꩻထွားလေ့လာ အပဲင်အမင်ꩻအဲဉ်ထဝ်း၊ ဒေါ့ꩻခရာႏအဲဉ်ထဝ်း တရေꩻငါႏသွူ။\nဗီးတွမ်ႏသရ အွဉ်ႏ���ွယ်ꩻရော်ꩻဝင်ꩻ မာꩻအီငဝ်းရန်းနဝ်ꩻ အွဉ်ႏစွူစွူငါ ငဝ်းရန်းသူငွါ၊ သူရန်းငါတဲ့ လꩻလဲဉ်းဒျာႏ၊ မဉ်ႏအဝ်ႏသူငွါနဝ်ꩻ အွဉ်ႏနယ်ဖေႏလိုꩻပေႏတဲ့ ပေါင်းယိုꩻ တွမ်ႏလိတ်မွူးဗွိုန်ဝင်ꩻသွူ။\nထွားငါလွေꩻ လိတ်မွူးတွယ်ꩻကို-\nနဝ်ꩻမꩻ ပအိုဝ်ႏသရတွမ်ႏ ဗီးမဉ်ႏအွဉ်ႏတွယ်ꩻဝင်ꩻနဝ်ꩻ (သရတွမ်ႏဗီး တွယ်ꩻနယ်ဝင်ꩻပုင်ႏ)-\n\nဗီးတွမ်ႏသရ ရော်ꩻဝင်ꩻခန်ꩻ လိတ်မွူးအတွယ်ꩻ(၁) သွဉ်ခန်ꩻ(၁)\n(၁) အ အာ-သရ (က ကာ) က ကꩻ ကာ ကာꩻ ကား ကာႏ - ကာꩻကားငါႏ\n(၂) အိ အီ-  (ကိ ကီ) ကိ ကိꩻ ကီ ကီꩻ ကီး ကီႏ - နီဝါးကီႏ\n(၃) အု အူ- (ကု ကူ) ကု ကုꩻ ကူ ကူꩻ ကူး ကူႏ - ကေပေႏ\n(၄) အေ့ အေ (ကေ့ ကေ) ကေ့ ကေ့ꩻ ကေ ကေꩻ ကေး ကေႏ - ကေပေႏ\n(၅) အဲ့ အဲ- (ကဲ့ ကဲ) ကေ့ ကေ့ꩻ ကေ ကေꩻ ကေး ကေႏ - ကဲ့ꩻထဲ့\n(၆) အုဲ့ အုဲ (ကုဲ့ ကုဲ) ကုဲ့ ကုဲ့ꩻ ကုဲ ကုဲꩻ ကုဲး ကုဲႏ - ရူးတကုဲႏ\n(၇) အော့ အော် (ကော့ ကော်) ကော့ ကော့ꩻ ကော် ကော်ꩻ ကေား ကောႏ - နꩻကော့ꩻ\n(၈) အို့ အို (ကို့ ကို) ကို့ ကို့ꩻ ကို  ကိုꩻ ကိုး ကိုႏ - လယိုကို\n(၉) နိဂ္ဂဟိတ် အံ (ကံ) ကံ့ ကံ့ꩻ ကံ ကံꩻ ကံး ကံႏ - စံꩻကံႏ\n(၁၀) အုံ့ အုံ (ကုံ့ ကုံ) ကုံ့ ကုံ့ꩻ ကုံ ကုံꩻ ကုံး ကုံႏ - ဒုံႏထုံ\nသွဉ်ခန်ꩻ(၂) ယ-ပယ်ခန်ꩻတွမ်ႏ သွဉ်ခန်ꩻ(၃) လဗဲဉ် ရ-ဗဲဉ်ခန်ꩻ တဲမ်းပါဒွုမ် ပအိုဝ်ႏလိတ်မွူးစောင်ႏကို ပါလဲဉ်းတဲင် ရမွော့အဝ်ႏသေနာႏလဲဉ်းဒျာႏသွူ။\n(အဝ်ႏကုဲဒါႏ ကုံ့ ကုံ့ꩻ-တရဲဉ်ႏနဝ်ꩻ ထူႏသရတမုဲင်ꩻငဝ်း သေတဝ်းတဲင် မဉ်ႏထူႏ အု-သရငဝ်းတဲ့ ထန်ႏဗာႏဒျာႏ \"နီထုံꩻစံႏ\"ထန်ႏဒျာႏနဝ်ꩻမꩻ အီႏထွာ အု-သရငဝ်းမဲဉ်ႏ၊ မဉ်ႏထူႏနိဂ္ဂဟိတ်ငဝ်းတဲ့ ပေ့ꩻဗာႏဖြောင်း \"ပ် မ်\"ငဝ်းမꩻမဲဉ်ႏ ထီႏမော့ꩻလွေꩻနုဲးနဝ်ꩻသွူ။\nနဝ်ꩻမꩻ ယိုတရဲဉ်ႏတာႏ မဉ်ႏထွာ \"အုံ့ အုံ\"သရခေါ်ခေါ်ဒျာႏမꩻ အီႏထန်ႏယင်း \"ဒုံ\"ထီႏထွꩻနုဲးနဝ်ꩻတဲင် ကွပ်နဝ်ꩻမꩻ သော့ꩻလွိုထိုꩻ \"အုံ့ အုံ\"သရနဝ်ꩻသွူ။\nသရတွမ်ႏဗီး တွမ်ႏဗီးခြွိုင်းခြိုꩻဖိုင်ႏယို မဉ်ႏတွယ်ꩻလို့ဝင်ꩻနဝ်ꩻ ထီႏလွေꩻနုဲးငါယိုဖိုင်ႏသွူ။\n\nဗီး+သရ+ဝ-ဟွဲးရော်ꩻဝင်ꩻခန်ꩻ (လိတ်မွူးအတွယ်ꩻ-၂ သွဉ်ခန်ꩻ-၁)\n(၁) အ အာ-သရ ကွ ကွꩻ ကွာ ကွာꩻ ကွား ကွာႏ - ပါꩻအူကွာ\n(၂) အိ အီ- ကွိ ကွိꩻ ကွီ ကွီꩻ ကွီး ကွီႏ - ကွီလတွီးသူꩻ\n(၃) အု အူ- ကွု ကွုꩻ ကွူ ကွူꩻ ကွူး ကွူႏ - ဝါးကွူ\n(၄) အေ့ အေ - ကွေ့ ကွေ့ꩻ ကွေ ကွေꩻ ကွေး ကွေႏ - ဝွေꩻကွေႏကွေႏ\n(၅) အဲ့ အဲ - ကွဲ့ ကွဲ့ꩻ ကွဲ ကွဲꩻ ကွဲး ကွဲႏ - တသီႏကွဲႏ\n(၆) အုဲ့ အုဲ- ကွုဲ့ ကွုဲ့ꩻ ကွုဲ ကွုဲꩻ ကွုဲး ကွုဲႏ - (သုံꩻအဲဉ်ထဝ်း)\n(၇) အော့ အော်- ကွော့ ကွော့ꩻ ကွော် ကွော်ꩻ ကွေား ကွောႏ - အမော့ကွော့ꩻ\n(၈) အိ��့ အို - ကွို့ ကွို့ꩻ ကွို ကွိုꩻ ကွိုး ကွိုႏ - ဟို့ꩻကွို့ꩻငါႏ\n(၉) နိဂ္ဂဟိတ် - ကွံ့ ကွံ့ꩻ ကွံ ကွံꩻ ကွံး ကွံႏ - တကွံꩻသွံစွဲး\n(၁၀) အုံ့ အုံ - ကွုံ့ ကွုံ့ꩻ ကွုံ ကွုံꩻ ကွုံး ကွုံႏ - ထီကွုံꩻ\nလိတ်မွူးကို ကပါဒါႏယိုနီတွယ်ꩻ တတွယ်ꩻ ၁၀-ရဲဉ်ႏနဝ်ꩻ သရအငဝ်းထန်ႏမဲဉ်ႏလို့လို့နဝ်ꩻသွူ။\nယိုခါ ကတဲမ်းသုံꩻလွဒါႏ လိတ်စောင်ႏကိုတွမ်ႏ လဲင်းလောင်းဖုံႏနဝ်ꩻ အဝ်ႏလွေꩻနုဲးယို မဉ်ႏတဲမ်းနုဲးယိုနဝ်ꩻ (ပအိုဝ်ႏလိတ်မွူးတဲ့ မဉ်ႏအဝ်ႏနုဲင်းယိုနဝ်ꩻ သရတွမ်ႏဗီးယို အငဝ်းထန်ႏမဲဉ်ႏလို့ဝင်ꩻနဝ်ꩻ) သေထွꩻဗာႏသွူ။\nအဝ်ႏကုဲင်ဗီးသွတ်ꩻခန်ꩻမာꩻငါနဝ်ꩻ ခွေသွဉ်းလွူꩻထွားလေ့လာလွေꩻနဝ်ꩻ မော့ꩻလွေꩻနုဲးယို၊ ထီႏလွေꩻနုဲးယိုနဝ်ꩻသွူ။\nထွားခဉ်ႏတွယ်ꩻတွမ်ႏ လိတ်မွူးအတွယ်ꩻ (၃) သွဉ်ခန်ꩻ (၁) တခန်ꩻငါ-\n(၁) (က-ရီး အစုအဗူႏ) (က်-သွတ်ꩻ၊ င်-သွတ်ꩻ) သွုံꩻညီꩻဝင်ꩻတရဲဉ်ႏ\n(၂) (စ-ရီး အစုအဗူႏ) (စ်-သွတ်ꩻ၊ ဉ်-သွတ်ꩻ) သွုံꩻညီꩻဝင်ꩻတရဲဉ်ႏ\n(၃) (တ-ဆုဲင်ꩻ အစုအဗူႏ) (တ်-သွတ်ꩻ၊ န်-သွတ်ꩻ) သွုံꩻညီꩻဝင်ꩻတရဲဉ်ႏ\n(၄) (ပ-အစုအဗူႏ) (ပ်-သွတ်ꩻ၊ မ်-သွတ်ꩻ) သွုံꩻညီꩻဝင်ꩻတရဲဉ်ႏ\n(၅) (အစုအဗူႏအဲဉ်ထဝ်းဗီး)ကို (ယ်) သွတ်ꩻနဝ်ꩻ အွဉ်ႏတရဲဉ်ႏ\n(၆) (အစုအဗူႏအဲဉ်ထဝ်းဗီး)ကို (ဝ်)သွတ်ꩻနဝ်ꩻ တရဲဉ်ႏ အဝ်ႏ(၆)ရဲဉ်ႏနုဲင်းယိုသွူ။\nအဝ်ႏလွေꩻနုဲင်းယိုတဲင် မဉ်ႏတွယ်ꩻတွမ်ႏ ငဝ်းရန်းသူရန်း(နီလစ်ꩻသူခါ အမုဲင်ပါ)ကရိုꩻနဝ်ꩻအတွိုင်ꩻ မဉ်ႏတွယ်ꩻသူဖြုံႏနဝ်ꩻ ထွာဗာႏပုံႏသီနုဲးလယို လိတ်မွူးတွယ်ꩻ ဗီးသွတ်ꩻခန်ꩻတဲ့ အဝ်ႏဗာႏနုဲးယိုလွဉ်းလွဉ်း စွုမ်ႏခန်ꩻနဝ်ꩻမꩻသွူ။\nဗီးသွတ်ꩻခန်ꩻယို မဉ်ႏခဉ်ႏထွားတွမ်ႏ ပအိုဝ်ႏသရနဝ်ꩻ သုံꩻအာသရ \"အ အိ အု အေ့(အေ) အဲ့ (အဲ) အုဲ့ (အုဲင်) အော့ အို့-ယိုဖုံႏနဝ်ꩻသွူ၊ မုဲင်လကပါသရဖုံႏနဝ်ꩻ ဗီးသွတ်ꩻကို (က်-စ်-တ်-ပ်-သွတ်ꩻ)ဖုံႏယို ထွာအီလဲဉ်း အငေါဝ်းဒွေါင်ႏအီတာႏတဲင် မဉ်ႏအဝ်ႏငါ \"အ အိ အု အေ့ အဲ့ အုဲ့ အော့ အို့\" ယို(၈)ဖြုံႏငါတဲ့ လꩻလဲဉ်းဒျာႏသွူ။\nအသရ+ဗီးသွတ်ꩻခန်ꩻ (ဗီး+သရ+ဗီးသွတ်ꩻရိုꩻရိုꩻခန်ꩻ)\n(၁) - က် - က်ꩻ - င် - င်ꩻ - င်း - င်ႏ ကရီးအစုအဗူႏရဲဉ်ႏ\n(၂) - စ် - စ်ꩻ - ဉ် - ဉ်ꩻ - ဉ်း - ဉ်ႏ စရီးအစုအဗူႏရဲဉ်ႏ\n(၃) - တ် - တ်ꩻ - န် - န်ꩻ - န်း - န်ႏ တဆုဲင်ꩻအစုအဗူႏရဲဉ်ႏ\n(၄) - ပ် - ပ်ꩻ - မ် - မ်ꩻ - မ်း - မ်ႏ ပအစုအဗူႏရဲဉ်ႏ\n(၅) - ယ့် - ယ့်ꩻ - ယ် - ယ်ꩻ - ယ်း - ယ်ႏ အစုအဗူႏအဲဉ်ထဝ်း (ယ်)ရဲဉ်ႏ\n(၆) - ဝ့် - ဝ့်ꩻ - ဝ် - ဝ်ꩻ - ဝ်း - ဝ်ႏ အစုအဗူႏအဲဉ်ထဝ်း (ဝ်)ရဲဉ်ႏ။\n\nအာႏကွိုꩻ\n\nပအိုဝ်ႏလိတ်လုဲင်ꩻ","num_words":1653,"character_repetition_ratio":0.044,"word_repetition_ratio":0.01,"special_characters_ratio":0.15,"stopwords_ratio":0.027,"flagged_words_ratio":0.0,"lang_id_score":1.0,"perplexity_score":5289.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%82%E1%80%8F%E1%80%94%E1%80%BA%EA%A9%BB%E1%80%81%E1%80%B1%E1%80%AB%E1%80%9D%E1%80%BA","collection":"wikipedia","source":"wikipedia","original_code":"blk","text":"ဂဏန်ꩻတဖြုံႏယို မဉ်ႏဖဒါႏပဉ်ခေါဝ်ခေါဝ်နောဝ်ꩻ အခေင်ႏလို့လို့ကို တခေင်ႏတုမ်ႏတခေင်ႏ ဗွှန်ပီဝင်ꩻ၊ ကလꩻလှောန်ဒါႏ ဂဏန်ဇျꩻဖုံႏယို ဝင်ꩻဟဲ့ꩻ ဂဏန်ꩻခေါဝ်သှူ။ ဂဏန်ꩻခေါဝ်ဖုံႏ မဉ်ႏခြှောန်းလို့ဝင်ꩻနောဝ်ꩻ လꩻချာယင်း ဂဏန်ꩻလီꩻ။ \n\nဟားသျိုးယို ဗွှန်ပီ ၁ ကျပ်တထဝတဲင် မဉ်ႏတဲမ်းနေး ကျပ်ယူနေတ် (အဉ်းကလစ်ဆျ်-Unit) နောဝ်ꩻ ထွာ  ကျပ်သှူ။\n1 ဟားသျိုး =  ကျပ် ၁ မတ် လစ်ꩻဗီႏနောဝ်ꩻ အောဝ်ႏ ၁ ကျပ်တဲင် မဉ်ႏထွာနေး ကျပ်ယူနစ်ဖဲ့ꩻနောဝ်ꩻ ၁ မတ်ယို တုမ်ႏ ၁ ကျပ်ငိုꩻ လစ်ꩻကှို့ꩻတာကှို့ꩻနောဝ်ꩻ ပီဝင်ꩻနေနေ။ ၄ မတ် = ၁ ကျပ် ၁ မတ် =  ကျပ်အပေႏထဲင်း ၁ မတ်နောဝ်ꩻ အောဝ်ႏ ၁ မူး၊ ၁ ပဲꩻ၊ ၁ ခြဲက်ꩻ။ ခြုဲက်ꩻခူꩻယို ဖ လစ်ꩻခေါဝ်ထှူ မာꩻအီထာꩻဖြေꩻစာတဲ့ အောဝ်ႏနေနေက။ အယာႏခေန်ႏ ၁ ကျပ်ယို ဗွှန်ပီတုမ်ႏ အယာႏခေန်ႏ ၄ မတ်သှူ။ 1 = ¼+¼+¼+¼  ∴ 1 = 1  အယာႏခေန်ႏ ဟားသျိုး နီလဲင်ႏနောဝ်ꩻကဲႏ တုမ်ႏအယာႏ ၁ ကျပ် ပီပီဝင်ꩻ။  ဟားသျိုး + ဟားသျိုး = တာကျပ် ½+½=1∴ 1=1 ယိုနောဝ်ꩻ ထွာ ဂဏန်ꩻခေါဝ် ဟောဝ်သေခရာႏ တစူးတစိꩻဒျာႏဩ။ အယာႏခေန်ႏ ၁ ကျပ်နောဝ်ꩻ ဗွှန်ပီတုမ်ႏ ခြဲက်ꩻခူꩻပေႏ ၁၂၈ ခူꩻ၊ ခြဲက်ꩻခူꩻတန် ၆၄ ခူꩻ။ ကျပ်၊ ပဲꩻ၊ ခြဲက်ꩻ ခေန်ႏအီထာꩻယို မော့ꩻအာ တသီႏပိန္တောꩻစာသား၊ ရှောန်(ရွဉ်) ခမ်ꩻစာသားထျꩻဖုံႏသှူ။\n  \nသင်္ချာ","num_words":134,"character_repetition_ratio":0.068,"word_repetition_ratio":0.0,"special_characters_ratio":0.156,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":306233.2,"cluster_detection":-1}
+{"url":"https:\/\/blk.wikipedia.org\/wiki\/ISBN%20%28identifier%29","collection":"wikipedia","source":"wikipedia","original_code":"blk","text":"လိတ်ဖွူꩻအမုဲင် ရော့ꩻတွမ်ႏခမ်းထီအာ (ISBN) ယို ထွာ ထာꩻမာꩻသေငါꩻအီ လိတ်ဖွူꩻ၊ အွောန်ႏအထျꩻ ဂဏန်ꩻ (၉) ခင်ႏလမ်း (9 digits) သွူ။ အုဲင်ယာလဲန်ဒ်ခမ်း၊ ဒပ်ဘလဉ်ဝေင်ꩻ၊ ထရီနတီကေားလေက်ကို ကအောဝ်ႏဒါႏ လိုꩻမဉ်ꩻ Gordon Foster မာꩻခါꩻဖေႏဒျာႏသွူ။ ထာꩻနဝ်ꩻနောဝ်ꩻ မာꩻဖေႏခါꩻ စာလိတ်ဖွူꩻသားတွမ်ႏ အွောန်ႏသေꩻဟောဝ်\nလိတ်ဖွူꩻသားတာႏ ခရစ်နေင်ႏ ၁၉၆၅ ဗာႏကိုခါ။ \nယမ်ဖေႏ လိုꩻအာ ကသေငါꩻလꩻ ISBN တာႏ လိုꩻမဉ်ꩻ David Whitaker မာꩻငါဖေႏထဲင်းခါꩻသွူ။\n\nအာႏကွိုꩻ \n\nလိတ်လုဲင်ꩻ","num_words":60,"character_repetition_ratio":0.024,"word_repetition_ratio":0.0,"special_characters_ratio":0.121,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":210488.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%90%E1%80%94%E1%80%90%E1%80%BA%20%E1%80%A1%E1%80%B2%E1%80%99%E1%80%BA-%E1%81%81%E1%81%86%20%E1%80%9B%E1%80%AF%E1%80%B2%E1%80%84%E1%80%BA%E1%80%96%E1%80%9A%E1%80%BA","collection":"wikipedia","source":"wikipedia","original_code":"blk","text":"{{Infobox weapon\n|is_ranged=yes\n|name= ရုဲင်ဖယ် ၅.၅၆ မီလီမီတာ အဲမ်၁၆\n|image= File:M16A2 noBG.jpg\n|caption= အဲမ်-၁၆အေ၂ ပုင်ႏ နီဖဲ့ꩻလွုမ်း\n|origin= \n|type= တွိုက်ꩻဖွန်ႏရေꩻရုဲင်ဖယ်\n|design_date= ၁၉၅၉ \n|designer= ယူစိဉ်း သတုံနာ(AR-10)  အယ်လ် ဂျိမ်းစ် ဆူလေဗန်(AR-15)\n|manufacturer= Colt DefenseFN Herstal H & R Firearms General Motors Hydramatic Division\n|production_date= တယ်ႏ ၁၉၆၀ ဗꩻတွိုႏယိုခါ\n|service= တယ်ႏ ၁၉၆၃ ဗꩻတွိုႏယိုခါ\n|used_by= \n|wars= ဗီယက်နမ်စဲ့ꩻပွယ်ꩻ–ယိုခါ\n|spec_type=\n\n| spec_label         = M16\n| weight             = unloaded:\n (M16A1)\n (M16A2)\n (M16A4)\n (loaded with 30 rounds and sling)\n| length             =  (M16A1)\n (M16A2)\n (M16A4)\n| part_length        = \n| cartridge          = 5.56×45 မီလီမီတာ နေတိုး (M193)\n| caliber            = 5.56 mm (.223 in)\n| action             = Gas-operated (Direct expansion of gas on surfaces of Bolt Carrier), closed rotating bolt\n| rate               = 45–60 rounds\/min semi-automatic 700–850 rounds\/min cyclic sustained (M16A1) 700-950 rounds\/min cyclic sustained (M16A2, M16A3) 900 rounds\/min cyclic sustained (M16A4)\n| velocity           = တစက္ကန့် ၃၁၅၀ ပေ ( (M855A1 round)\n| range              = မီတာ ၅၅၀ ( (point target)  မီတာ ၈၀၀ ( (area target)\n| max_range          = မီတာ ၃၆၀၀ (\n| feed               = :en:STANAG magazine 20-round detachable box magazine:  empty \/  full 30-round detachable box magazine:  empty \/  full)60-round detachable box magazine Beta C-Mag 100-round drum magazine:  empty \/  full)\n| sights             = :en:Iron sights:Rear: aperture; L-type flipFront: wing-protected postVarious aiming optics\n|variants= ထွားသွော့ AR-15 တောမ်ႏ M16 စာႏရင်ꩻယို\n\n|number= ၈ သန်းရပ် (၂၀၁၁)\n}}\n\nစူခွုမ်တနတ် အဲမ်-၁၆ (M16) ရုဲင်ဖယ်နဝ်ꩻ အမေႏရိကန်ႏခမ်းခြွဉ်းဗူႏ ကထူႏသုင်ꩻအီဒါႏ တွိုက်ꩻဖွန်ႏရေꩻ ရုဲင်ဖယ်ဒျာႏတဲင် ထူႏသုင်ꩻစခါꩻဒျာႏ ၁၉၆၃ ဗာႏ ဗီယက်နမ်စဲ့ꩻပွယ်ꩻကိုသွူ။ အပွိုင်အငုဲင်ꩻအပုင်ႏနဝ်ꩻ အခေႏခံႏခါꩻဒျာႏ အေအာ-၁၅ (AR-15) စူခွုမ်သွူ။ အရီးသွတ်ꩻ ကမာꩻဖေႏဒါႏ အပွိုင်အငုဲင်ꩻဒီသုဲင်းသားနဝ်ꩻ ထွာဒျာႏ အမေႏရိကန်ႏခမ်းသား ယူစိဉ်းသတုံနာ (Eugene Stoner) ဒျာႏတဲင် ယိုခါလဲ့ အမေႏရိကန်ႏစဲ့ꩻတပ် တပ်ခင်ႏမွိုင်(ခြေလျင်တပ်)စွိုꩻ အဝ်ႏထူႏသုင်ꩻဒါႏ စူခွုမ်ရုဲင်ဖယ်ဒျာႏနဝ်ꩻသွူ။ ယိုခါ ကအဝ်ႏထူႏသုင်ꩻဒါႏ စူခွုမ်ယိုနဝ်ꩻ အဝ်ႏခမ်းထီခြွဉ်း (၈၀)ခမ်းလွိုနဝ်ꩻသွူ။\n\nအဲမ်-၁၆ ယိုနဝ်ꩻ သုင်ꩻသော့ꩻအီနွောင်ꩻဒျာႏ အရာႏ ၅.၅၆ မီလီမီတာ နေတိုး (.၂၂၃) ကယ်လီဗာ တနတ်ရာႏပွိုင်တဲင် အရာႏလွေꩻအမွိုင်အာႏယို တစက္ကန့်နဝ်ꩻ အဝ်ႏမီတာ ၉၀၀ သွူ။ ခꩻနွောင်ꩻဒါႏ အညာꩻသွတ်ꩻနဝ်ꩻ မီတာ ၅၅၀ (၁၈၀၄ ပေ) သွူ။ အရာႏထန်ႏအာႏယို တစက္ကန့်နဝ်ꩻ အဝ်ႏ ၈၀၀ ရပ်သွူ။ အဲမ်-၁၆ ကာဗုဲင်ဗားသိဉ်းနဝ်ꩻ ထွာဒျာႏ တနတ် အဲမ်-၄ ကာဗုဲင် (M4 carbine) ခွိုꩻသွူ။\n\nအာႏကွိုꩻ \n\nစူခွုမ်","num_words":687,"character_repetition_ratio":0.079,"word_repetition_ratio":0.078,"special_characters_ratio":0.289,"stopwords_ratio":0.0,"flagged_words_ratio":0.0,"lang_id_score":0.996,"perplexity_score":3323.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%97%E1%80%AF%E1%80%92%E1%80%B9%E1%80%93%E1%80%98%E1%80%AC%E1%82%8F%E1%80%9E%E1%80%AC%E1%82%8F%E1%80%9E%E1%80%BD%E1%80%89%E1%80%BA%E1%80%81%E1%80%94%E1%80%BA%EA%A9%BB%E1%80%90%E1%80%AC%E1%82%8F","collection":"wikipedia","source":"wikipedia","original_code":"blk","text":"\"ငေါဝ်းအွဉ်ႏသေ\"\nဗုဒ္ဓဘာႏသာႏ တကာႏမူႏခိုသီး ကအောဝ်ႏလိုႏသေထွိုက်သေသင်ꩻ ဩကာသကိုကပါဒါႏ အခရာႏ၊ သီႏလခရာႏ၊ မွိုးဖါဝွတ္တရာꩻ၊ ပိုလီꩻဝွတ္တရာꩻ-စတဲင်စားနောဝ်ꩻ ယံကသေဗာႏတဲင် တဲမ်းဖေႏဗာႏ \"ဗုဒ္ဓဘာႏသာႏ သွဉ်ခန်ꩻတာႏ\"ယိုသွူ။\nပေါႏထွာတဲင် ဗုဒ္ဓဘာႏသာႏမန်ႏသမျနောဝ်ꩻ ဟောဝ်ထွားဟောဝ်လွူꩻငါႏ၊ ဟော်ꩻလိတ်မဉ်ႏတဒါႏတောဝ်းတဲ့ ထွဉ်ႏနေးပါꩻဟော်ꩻဖတ်၊ မတ်နေးနုဲင်းကနာႏမော် မာꩻသွော့နုဲင်းနဝ်ꩻနော။\nမာꩻနုဲင်းနောဝ်ꩻမꩻ နီဘာႏသာႏ နီတရာꩻယို စွုမ်ႏဖြာꩻသေနာႏတဲင် အကျိုꩻယိန်းအာနောဝ်ꩻသွူ။\nဝုဲင်ႏပူႏဇောႏ ရတနာႏသွံပါꩻ\n+ ဗုဒ္ဓံ ပူဇေမိ - ခွေသွဉ်းပူႏဇောႏ ဘုရာꩻတောႏ ဗွေႏဩ။\n+ ဓမ္မံ ပူဇေမိ - ခွေသွဉ်းပူႏဇောႏ တရာꩻတောႏ ဗွေႏဩ။\n+ သံဃံ ပူဇေမိ - ခွေသွဉ်းပူႏဇောႏ သံႏဃာႏတောႏ ဗွေႏဩ။\n( ဘုရာꩻတောႏဗွေႏဩ - ဝုဲင်ႏလင်ꩻတလဲင်ႏ၊ တရာꩻတောႏဗွေႏဩ-ဝုဲင်ႏလင်ꩻတလဲင်ႏ၊ သံႏဃာႏတောႏဗွေႏဩ-ဝုဲင်ႏလင်ꩻတလဲင်ႏ)\n\"ငတ်ꩻထွောင်းခွေါင်းဖေႏ ဝုဲင်ႏရိုႏသေႏ\"\n( ပဉ္စပတိဋ္ဌိတ - ခေါက်ဝုဲင်ႏရိုႏသေႏနယ်ꩻ )\n(၁) စူဝုဲင်ႏ (၂) အွဉ်ႏဒါ (၃) ခင်ႏလေင်းပါ (၄) နွန်ႏငါ (၅) ကတောင်ခွေါင်း (၆) ငွေါ့ (၇) ကီ (၈) ထွို့ꩻချာ (၉) ခင်ႏလေင်းပါ (၁၀) စူခါ (၁၁) အွဉ်ႏတနွောင်း။\n\"(၁) စူဝုဲင်ႏကရိုꩻနဝ်ꩻ\" အုံစောင်းပေါင် စူနဲင်ႏအွဉ်ႏဒင်ႏ ခင်ႏလေင်းမော့ငါတွမ်ႏ စူနဲင်ႏမော့ငါနဝ်ꩻ တသွုန်တွောင်းကီလဗာႏလို့ဝင်ꩻ၊ စူယာꩻနီပင် အွဉ်ႏခိုမ်ꩻရေႏမတ်နုဲင်းဗိုမိုမ်ꩻ၊ စူယာꩻအွဉ်ႏဟမ်းတခုံꩻခုံꩻ၊ စူနုံအွဉ်ႏတသွုန်သွုန်ဗာႏလို့ဝင်ꩻ၊ အွဉ်ႏတရားမွုန်းစူနုံ၊ စူဝုဲင်ႏနဝ်ꩻ ယွယွအွဉ်ႏခွေါင်းကတောင်၊ စူမွူးမဲ့နီဗာႏနဝ်ꩻ သဲစ်ကရိုꩻ\"စူဝုဲင်ႏ\"တဲ့ အွဉ်ႏခွေါင်းတနꩻနꩻသွော့ မဲ့ကူႏနီပါင်ခါႏနဝ်ꩻနော။\n\"(၂) အွဉ်ႏဒါကရိုꩻနဝ်ꩻ\" စူယာꩻနီပင် အွဉ်ႏဒါပဲဉ်လောင်း၊ အွဉ်ႏတနꩻနꩻ ခင်ႏလေင်းခꩻငါ၊ အွဉ်ႏစွဉ်ႏစွဉ်ႏ စူလောင်ꩻ၊ စူနီပင် အွဉ်ႏတွိုက်မွုန်းလို့ဝင်ꩻ၊ အွဉ်ႏခါႏဗာႏ ကတောင်တဖြုံႏတာႏ။\n\"(၃)ခင်ႏလေင်းပါကရိုꩻနဝ်ꩻ\" အွဉ်ႏလင်ꩻခင်ႏလေင်း၊ ခင်ႏလေင်းတွမ်ႏစူဒွိုႏနဝ်ꩻ အွဉ်ႏခွေါင်းဗာႏလို့ဝင်ꩻ။\n\"(၄) နွန်ႏငါကရိုꩻနဝ်ꩻ\" စူယာꩻနွန်ႏငါ အွဉ်ႏလင်ꩻပါစူနဲင်ႏ၊ ခင်ႏလေင်းတွမ်ႏစူနဲင်ႏနဝ်ꩻ ယံကခွေါင်းဗာႏလို့ဝင်ꩻ၊ ယွယွအွဉ်ႏလင်ꩻကတောင်၊ စူနီပင် အွဉ်ႏတွိုက်မွုန်းလို့ဝင်ꩻ၊ အွဉ်ႏခါႏကတောင်တဖြုံႏတာႏ၊ စူယာꩻအွဉ်ႏဒါတဲပ်တဲပ်လင်ꩻ ပဲဉ်လောင်း။\n(၅) ကတောင်ခွေ��င်းကရိုꩻနဝ်ꩻ\" ကတောင်အွဉ်ႏခွေါင်းလင်ꩻပဲန်၊ ကတောင်ဖေႏကခွေါင်းဒျာႏပဲန်၊ အွဉ်ႏဒင်ႏမွုန်း စူခိုႏလောင်း။\n(၆) ငွေါ့ကရိုꩻနဝ်ꩻ\" ငွေါ့ငါကတောင်ငါ၊ စူလောင်ꩻအွဉ်ႏယွားစွူစွူ ကနွန်ႏငါအတွိုင်ꩻနဝ်ꩻ။\n(၇) ကီကရိုꩻနဝ်ꩻ\" ဒဲင်ႏကီထင်ႏ စူနဲင်ႏခြေင်ခြေင်၊ ယွယွထွို့ꩻချာစူ၊ အွဉ်ႏစွဉ်ႏစူဗောင်။\n(၈) ထွို့ꩻချာကရိုꩻနဝ်ꩻ\" စူဒွိုႏနီပင်ယို ထွို့ꩻတွိုက်တွိုက်ချာဗာႏ ခင်ႏလေင်း။\n(၉) ခင်ႏလေင်းပါကရိုꩻနဝ်ꩻ\" အွဉ်ႏထွိုင်ႏခင်ႏလေင်း၊ စူဝုဲင်ႏနဝ်ꩻ အွဉ်ႏဒါစွူစွူ ပဲန်လောင်း။\n(၁၀) စူခါကရိုꩻနဝ်ꩻ\" စူယာꩻနီပင် အွဉ်ႏခိုမ်ꩻယင်းလို့ဝင်ꩻ၊ အွဉ်ႏတလဲ့ငါလင်ꩻဗော့ꩻနုဲင်းနဝ်ꩻ။\n(၁၁) အွဉ်ႏတနွောင်းကရိုꩻနဝ်ꩻ\" စူနဲင်ႏယို အွဉ်ႏတနွောင်းကီထင်ႏယင်း ကတောင်ခငါ၊ တွမ်ႏနီကတောင်နဝ်ꩻ အွဉ်ႏခါႏဗာႏ တစူနီရပ်၊ မဉ်ႏဝုဲင်ႏယင်းတလဲင်ႏ \"စူဝုဲင်ႏ\"မꩻ စူမွူးနဝ်ꩻ အွဉ်ႏခွေါင်းတနꩻယင်း မဲ့ကူႏနီပင်ခါႏနဝ်ꩻနော။\n\"ငေါဝ်းကွဉ်းတော့ꩻ ဩကာသပအိုဝ်ႏ(တောင်ႏကီꩻ)\"\nဩကာသ၊ ဩကာသ၊ ဩကာသ၊ ကာယကံႏ၊ ဝစီꩻကံႏ၊ မနော်ꩻကံႏ၊ ကံႏတန်သွံပါꩻ၊ တပါꩻပါꩻယို၊ ခွေသွဉ်းပဲစ်မာႏ၊ မဉ်ႏအဝ်ႏဒါႏလဲ့၊ ယံထဲ့ဟူႏလင်ꩻ၊ ယံကင်ꩻညာꩻလွစ်၊ ပြွစ်ပြေစေႏတနာႏ၊ သဒ္ဓါႏစင်ဗွာ၊ စူခါရွံးဗူႏ၊ ကတူႏကီအွဉ်ႏဒင်ႏ၊ ဝုဲင်ႏထင်ႏကွီခွင်ꩻ၊ တလဲင်ႏနီလဲင်ႏ၊ သွံလဲင်ႏထွူတဲင်၊ ကွဉ်းတော့ꩻရိုႏသေႏ၊ စိန္တေႏဘုရာꩻ၊ တရာꩻသံႏဃာႏ၊ ရတနာႏမျတ်သွံဆူႏ၊ ဝုဲင်ႏထူႏသွူဩ။\nဝုဲင်ႏဗာႏအကျိုꩻ၊ ကရိုꩻနဝ်ꩻရာꩻ၊ လစ်ꩻပါꩻအပါယ်ႏ၊ သွစ်ꩻသွယ်ႏရပ်ပဲစ်၊ ကပ်တန်သွံခန်ꩻ၊ ငတ်ꩻတန်ꩻရန်ႏသူႏ၊ လစ်ꩻဒူႏဝိပတ္တိ၊ (ဗျသနငတ်ꩻပါꩻ)၊ ကွတ်ꩻဆီသူရောႏဂါႏ၊ မော့ꩻဗာႏမွုန်းလာꩻလာꩻ၊ ကင်ꩻညာꩻထွူခါ၊ ထိုဆွာꩻသက်ခန်ꩻ၊  ယောင်ꩻဆင်ꩻတရေꩻကျ၊ သုခချမ်ꩻသာႏ၊ ဗလအာႏသန်၊ ဉာဏ်ႏတန်ထီႏသေ၊ ယံဗွေစွုမ်ႏဘဝ၊ ယံလꩻထဲင်းဖျင်၊ ဈာန်ႏတရာꩻမဂ်ဖိုလ်ႏ၊ ယံတွိုႏနိဗ္ဗာန်ႏ၊ မန်ႏမန်ႏခွေသွဉ်း၊ ယံကလꩻဗာႏ (စဝ်းဘုရာꩻ) ဗွေႏဩ။\n+ မဉ်ႏကွဉ်းတော့ꩻ ဆရာႏနဝ်ꩻ (စောဝ်းဆရာႏ ဗွေႏဩ)။\n+ မဉ်ႏကွဉ်းတော့ꩻ သံႏဃာႏနဝ်ꩻ (စဝ်းသံႏဃာႏဗွေႏဩ)။\n+ တောင်ꩻသေꩻ -\nရပ်လောင်ႏရပ်လင် မဉ်ႏရွစ်ဩကာသပအိုဝ်ႏ (တောင်ႏကီꩻ)ယိုတဲ့ ရွစ်သွိုသွို ဖေႏကဒါႏနဝ်ꩻ သွဉ်ဒါႏဒါႏခါꩻပါသွော့ ဩကာသယိုနော။\n(တောင်ꩻခါꩻ - ၁၃၄၈၊ ထွားဗာႏတဲင်သေကို)\nဩကာသ(သီႏသဲင်ႏ)နဝ်ꩻ သွဉ်ဖေႏခါꩻ အွိုးနေင်ႏ ၁၃၂၂-ဗာႏနဝ်ꩻကာႏ၊ ယိုခါနဝ်ꩻ ဒါႏသားတဲ့အာ၊ သွုံꩻသားတဲ့ အာလဲဉ်��တဲင် အီႏပြောင်ꩻဗာႏ တယိုꩻတဝ်းသွူ။\n\"အခန်ꩻ(၁) ဩကာသပအိုဝ်ႏ(သီႏသဲင်ႏ)\"\nဩကာသ၊ ဩကာသ၊ ဩကာသ၊ ကာယကံႏ၊ ဝစီꩻကံႏ၊ မနော်ꩻကံႏ၊ ကံႏယိုသွံပါꩻ၊ ရဲးခါꩻမကမ်း၊ တွမ်ႏနမ်းဖြောင်းသꩻ၊ မောဟဒို့ꩻခြွဉ်း၊ ခွေသွဉ်းပဲစ်မာႏ၊ မဉ်ႏအဝ်ႏဒါႏလဲ့၊ ကြောင်းကြဲ့ပဲစ်မျိုꩻ၊ ယံကထိုꩻမား၊ အာစားကျိုꩻခွꩻ၊ ယံလꩻယံဆဲင်ႏ၊ တလဲင်ႏနီလဲင်ႏ၊ သွံလဲင်ႏဗွေဗွေ၊ ခွေသွဉ်းမာန်ႏချော့ꩻ၊ ကွဉ်းတော့ꩻရိုႏသေႏ၊ (နီဗွေႏဘုရာꩻ၊ တရာꩻသံႏဃာႏ၊ ရတနာႏယို၊ သွံပါꩻ)ဗွေႏဩ။\nကွပ်ပွိုးခွေသွဉ်းမာန်ႏချော့ꩻ၊ ကွဉ်းတော့ꩻရိုႏသေႏ၊ စေႏတနာႏမျိုꩻယို၊ ဖြီဖြိုရောႏဂါႏ၊ သွံဗာႏကပ်ငမ်း၊ လစ်ꩻခမ်းအပါယ်ႏ၊ သွစ်ꩻနယ်ႏရပ်ကုဲင်၊ ငတ်ꩻတုဲင်ဗျသန၊ ပဉ္စရန်ႏသူႏ၊ လစ်ꩻဆူႏဝိပတ်၊ စွုမ်ႏဇာတ်စွုမ်ႏပန်၊ ကင်ꩻယန်လွစ်ငက်၊ မဂ်ဖိုလ်ႏနိဗ္ဗာန်ႏ၊ မန်ႏမန်ႏခွꩻသꩻ၊ ယံကလꩻဗွေႏဩ။\n\"တောင်ꩻသေꩻ=\"\nမဉ်ႏကွဉ်းတော့ꩻ ရတနာႏသွံပါꩻ၊ မဉ်ႏဝုဲင်ႏဘုရာꩻမꩻ ရွစ်လို့ယိုနီကွို့ꩻ၊ မဉ်ႏကွဉ်းတော့ꩻသံႏဃာႏ၊ ဆရာႏမွိုးဖါ စတဲင်စားနဝ်ꩻနဝ်ꩻ ရွစ်ငါအကွို့ꩻချာငါ၊ \"ကွပ်ပွိုး\"မာꩻငါနဝ်ꩻ ရွစ်ပါမွုန်းဒွုမ် လꩻဒျာႏနဝ်ꩻသွူ။\n(-----) ကကွင်ꩻခါꩻကိုယိုနဝ်ꩻ ဆဲင်ႏရာꩻဆဲင်ႏရာꩻ လုဲင်ႏသော့ꩻသွော့ လယိုအတွိုင်ꩻနော။\n၁။ မဉ်ႏကွဉ်းတော့ꩻ သံႏဃာႏနဝ်ꩻ -\nကွဉ်းတော့ꩻရိုႏသေႏ (သံႏဃာႏ) ဗွေႏဩ။\n၂။ မဉ်ႏကွဉ်းတော့ꩻ မွိုးဖါနဝ်ꩻ -\nကွဉ်းတော့ꩻရိုႏသေႏ (မွိုးဖါ)ဗွေႏဩ။\n၃။ မဉ်ႏကွဉ်းတော့ꩻ မွိုးနဝ်ꩻ-\nကွဉ်းတော့ꩻရိုႏသေႏ (နီမွိုး)ဗွေႏဩ။\n၄။ မဉ်ႏကွဉ်းတော့ꩻဖါနဝ်ꩻ-\nကွဉ်းတော့ꩻရိုႏသေႏ (နီဖါ)ဗွေႏဩ။\n၅။ မဉ်ႏကွဉ်းတော့ꩻ မွိုးဖြားနဝ်ꩻ-\nကွဉ်းတော့ꩻရိုႏသေႏ (မွိုးဖြား)ဗွေႏဩ။\n၆။ မဉ်ႏကွဉ်းတော့ꩻ ဖါဖြားနဝ်ꩻ-\nကွဉ်းတော့ꩻရိုႏသေႏ (ဖါဖြား)ဗွေႏဩ။\nဩကာသယိုနဝ်ꩻ အခင်ႏလမ်းတွမ်ႏအခင်ႏလမ်း သွုံꩻလွေꩻဗာႏ လယိုအတွိုင်ꩻသွူ။\n(၁) ကအီႏဝုဲင်ႏဘုရာꩻတဲ့နဝ်ꩻ၊ ကအီႏနာႏတရာꩻတဲ့နဝ်ꩻ၊ ကအီႏထူႏသီႏလတဲ့နဝ်ꩻ ကွဉ်းတော့ꩻရီး ရတနာႏသွံပါꩻတဲင် \"ကွဉ်းတော့ꩻရိုႏသေႏ၊ နီဗွေႏဘုရာꩻ၊ တရာꩻသံႏဃာႏ၊ ရတနာႏယို၊ သွံပါꩻဗွေႏဩ\" ရွစ်ဗာႏနုဲင်းနဝ်ꩻသွူ။\n(၂) နာႏတရာꩻတွင်ꩻ ကအုံအဝ်ႏဒါႏ သံႏဃာႏသီးငါတဲ့နဝ်ꩻ၊ အအုံအအဝ်ႏ၊ အဒေါ့ꩻအဖြဝ်ႏ အမာႏအတရွို့ꩻစတဲင်စားနဝ်ꩻ မဉ်ႏအဝ်ႏတဲ့ အပဲစ်ဖုံႏနဝ်ꩻ ယံကပြေႏ ကစင်ထိုꩻတွော့ꩻ နာႏတရာꩻထွူ၊ ဆျာꩻထီထွူနဝ်ꩻ ကွဉ်းတော့ꩻသံႏဃာႏတဲင် \"ကွဉ်းတော့ꩻရိုႏသေႏ၊ သံႏဃာႏဗွေႏဩ\"ရွစ်ဗာႏနုဲင်းန���်ꩻသွူ။\n(၃) ကကွဉ်းတော့ꩻဒါႏ ဆရာႏတဲ့နဝ်ꩻ၊ တကျောင်ꩻတွမ်ႏတကျောင်ꩻ ကလွေꩻကွဉ်းတော့ꩻဒါႏလို့ဝင်ꩻတဲ့နဝ်ꩻ ပုဂ္ဂိုလ်ႏနီသွံလစ်ꩻပါꩻယို ထွာနီဆရာႏတဲင် ကလွေꩻကွဉ်းတော့ꩻသွိုလို့ဝင်ꩻတဲ့နဝ်ꩻ ဟဲ့ꩻဗာႏကွဉ်းတော့ꩻဆရာႏတဲင် \"ကွဉ်းတော့ꩻရိုႏသေႏ၊ ဆရာႏဗွေႏဩ\"ရွစ်ဗာႏနုဲင်းနဝ်ꩻသွူ။\n(၄) သွုံꩻအီအမျိုꩻမျိုꩻ ဖေႏကလꩻတဲင် တဲမ်းဖေႏဗာႏ ဩကာသယိုသွူ၊ နီပအိုဝ်ႏဖုံႏနဝ်ꩻ ရွစ်ဒျာႏဩကာသမန်း ကဲန်းအာအာရိုꩻကီလဲ့ (ယဟန်ႏသား ကဲဉ်းအာအာနဝ်ꩻ) မဲဉ်ႏတဲ့ တမဲဉ်ႏတဝ်း၊ အဓိပ္ပါယ်ႏတဲ့ တသေတဝ်း၊ အရေꩻနုဲင်းယိုနဝ်ꩻ ကုသိုလ်ႏရေꩻ (သံႏဃာႏရေꩻ)တဲင် အဝ်ႏလိုႏယူႏစဲင်းစဲင်း၊ မဉ်ႏသေနာႏနဝ်ꩻမꩻ ထာꩻနစ်သက်တဲ့ထွာ၊ အကျိုꩻတဲ့လꩻအာ၊ ကွပ်နဝ်ꩻမꩻ ပအိုဝ်ႏလိုꩻမျိုꩻနဝ်ꩻ အဝ်ႏလိုႏရွစ်ဒျာႏ ဩကာသပအိုဝ်ႏနဝ်ꩻသွူ။\n\"ဗွောင်နယ် ဩကာသခရာႏ\"\n၁။ \"ဩကာသ\"ကရိုꩻနဝ်ꩻ\"(ခွေသွဉ်းကအီႏဝုဲင်ႏ၊ ကအီႏကွဉ်းတော့ꩻယိုနဝ်ꩻ ဖေႏသွော့အခွင်ꩻ၊ အွဉ်ႏစွꩻခွင်ꩻသွော့၊ ဖေႏကွဉ်းတော့ꩻသွော့ ခွေသွဉ်းဗွေႏဩ) ကွီခွင်ꩻနုဲင်းနဝ်ꩻသွူ။\n၂။ \"ဩကာသ၊ ဩကာသ၊ ဩကာသ\"ကရွစ်ဗာႏသွံလဲင်ႏနုဲင်းယိုနဝ်ꩻ (ကကွီအခွင်ꩻနုဲင်းယိုနဝ်ꩻ ကွီဖွီဖုဲင်ထာꩻမွေးတဝ်း၊ ကွီထွူႏထွူႏတွုမ်တွုမ်၊ ကွီရိုႏရိုႏသေႏသေႏဒျာႏ ဗွေႏဩ) ဖေႏကထွာ အထွူႏအတွုမ်နုဲင်းနဝ်ꩻတဲင် ရိုꩻဗာႏနုဲင်းနဝ်ꩻသွူ။\n၃။ \"ကာယကံႏ\"ကရိုꩻနဝ်ꩻ- နမ်းထာꩻမာꩻ (ထာꩻမာꩻ)\n\"ဝစီꩻကံႏ\"ကရိုꩻနဝ်ꩻ - ဖြောင်းထာꩻဒေါ့ꩻ(ထာꩻဒေါ့ꩻ)\n\"မနော်ꩻကံႏ\"ကရိုꩻနဝ်ꩻ - သꩻထာꩻမာꩻ (ထာꩻကျံႏ)။\n၄။ \"ကံႏသွံပါꩻ\"ကရိုꩻနဝ်ꩻ- ကာယကံႏ၊ ဝစီꩻကံႏ၊ မနော်ꩻကံႏ။\n၅။ ကံႏသွံပါꩻယို မဉ်ႏဒေါ့ꩻပအိုဝ်ႏစဲစ်စဲစ်နဝ်ꩻ-\nထာꩻမာꩻ၊ ထာꩻဒေါ့ꩻ၊ ထာꩻကျံႏ ယိုသွံပါꩻသွူ။\n၆။ \"ထာꩻမာꩻ\"ကရိုꩻနဝ်ꩻ- ထာꩻမာꩻဟဝ်၊ ထာꩻမာꩻကုဲင်။\n၇။ \"ထာꩻဒေါ့ꩻ\"ကရိုꩻနဝ်ꩻ- ထာꩻဒေါ့ꩻဟဝ်၊ ထာꩻဒေါ့ꩻကုဲင်။\n၈။ \"ထာꩻကျံႏ\"ကရိုꩻနဝ်ꩻ- ထာꩻကျံႏဟဝ်၊ ထာꩻကျံႏကုဲင် အဝ်ႏနီမျိုꩻနီမျိုꩻနုဲင်းယိုသွူ။\n၉။ ထာꩻမာꩻ အပဲစ်တအဲဉ်ထဝ်းမျိုꩻနဝ်ꩻ ဟဲ့ꩻ\"ထာꩻမာꩻဟဝ်\"သွူ၊ ထာꩻဒေါ့ꩻ အပဲစ်တအဲဉ်ထဝ်းမျိုꩻနဝ်ꩻ ဟဲ့ꩻ\"ထာꩻဒေါ့ꩻဟဝ်\"သွူ၊ ထာꩻကျံႏ အပဲစ်တအဲဉ်ထဝ်းမျိုꩻနဝ်ꩻ ဟဲ့ꩻ\"ထာꩻကျံႏဟဝ်\"သွူ။\n၁၀။ ထာꩻမာꩻ အပဲစ်ကအဝ်ႏမျိုꩻနဝ်ꩻ ဟဲ့ꩻ\"ထာꩻမာꩻကုဲင်\"သွူ၊ ထာꩻဒေါ့ꩻ အပဲစ်ကအဝ်ႏမျိုꩻနဝ်ꩻ ဟဲ့ꩻ\"ထာꩻဒေါ့ꩻကုဲင်\"သွူ၊ ထာꩻကျံႏ အပဲစ်ကအဝ်ႏမျိုꩻနဝ်ꩻ ဟဲ့ꩻ\"ထာꩻကျံႏကုဲင်\"သွူ။\n၁၁။ \"ရဲခါꩻမကမ်း\"ကရိုꩻနဝ်ꩻ-  ဖေႏနေးကမာꩻမွုန���းအကုဲင်၊ ဖေႏနေးကဒေါ့ꩻမွုန်းအကုဲင်၊ ဖေႏနေးကကျံႏမွုန်းအကုဲင်နဝ်ꩻ တသေရဲခါꩻတဝ်း၊ တသေကမ်းခါꩻတဝ်းနဝ်ꩻသွူ။\n၁၂။ \"တွမ်ႏနမ်းဖြောင်းသꩻ၊ မောဟဒို့ꩻခြွဉ်း၊ ခွေသွဉ်းပဲစ်မာႏ\"ကရိုꩻနဝ်ꩻ- တွမ်ႏမောဟ (ထာꩻတသေတဝ်းယို)၊ အဝ်ႏဒို့ꩻခါꩻ၊ အဝ်ႏတေင်ခြွဉ်းခါꩻတဲင် တွမ်ႏနမ်း၊ တွမ်ႏဖြောင်း၊ တွမ်ႏသꩻ ခွေသွဉ်းပဲစ်မာႏဗာႏ ရိုꩻနုဲင်းနဝ်ꩻသွူ။\n၁၃။ \"ပဲစ်မာႏဗာႏ\"ကရိုꩻနဝ်ꩻ- တဟဝ်တဝ်းနဝ်ꩻ မာꩻ၊ တဟဝ်တဝ်းနဝ်ꩻ ဒေါ့ꩻ၊ တဟဝ်တဝ်းနဝ်ꩻ ကျံႏနုဲင်းနဝ်ꩻတဲင် ခံႏဗာႏအပဲစ်(အီႏခံႏဗာႏအပဲစ်)သူꩻတွော့ꩻ ကော့ꩻမာႏချာ၊ ဟွုန်မာႏချာဗာႏနဝ်ꩻ ဟဲ့ꩻ\"ပဲစ်မာႏဗာႏ\"နဝ်ꩻသွူ။\n၁၄။ \"အပဲစ်အအဲဉ်ႏ\"နဝ်ꩻ- နမ်းအပဲစ်၊ ဖြောင်းအပဲစ်၊ သꩻအပဲစ် အဝ်ႏသွံမျိုꩻသွူ။\"လင်္ကာႏ\"နမ်းပဲစ် ဖြောင်းပဲစ်၊ သꩻအပဲစ်၊ အပဲစ်အဝ်ႏသွံမျိုꩻ။\n၁၅။ \"အပဲစ်\"ကရိုꩻနဝ်ꩻ- တဟဝ်တဝ်းနဝ်ꩻမာꩻ၊ တဟဝ်တဝ်းနဝ်ꩻဒေါ့ꩻ၊ တဟဝ်တဝ်းနဝ်ꩻကျံႏ နုဲင်းနဝ်ꩻနဝ်ꩻ ဟဲ့ꩻဗာႏ \"အပဲစ်\"သွူ။\n၁၆။ \"အကျိုꩻ\"ကရိုꩻနဝ်ꩻ- ကလꩻဗာႏ၊ ကခံႏစာꩻဗာႏနဝ်ꩻ ဟဲ့ꩻ\"အကျိုꩻ\"သွူ။\n၁၇။ \"အကျိုꩻအအဲဉ်ႏသွတ်ꩻ\"နဝ်ꩻ- အကျိုꩻဟဝ်၊ အကျိုꩻကုဲင် အဝ်ႏနီမျိုꩻသွူ။\n၁၈။ \"အကျိုꩻဟဝ်\"ကရိုꩻနဝ်ꩻ- ကွပ်မာꩻဒျာႏ ထာꩻမာꩻဟဝ်၊ ကွပ်ဒေါ့ꩻဒျာႏ ထာꩻဒေါ့ꩻဟဝ်၊ ကွပ်ကျံႏဒျာႏ ထာꩻကျံႏဟဝ်တဲင် ကလꩻလွဉ်ဒါႏ အဟဝ်၊ ကခံႏစာꩻလွဉ်ဗာႏ အဟဝ်၊ ချမ်ꩻသာႏ (သုခ)ဖဲ့ꩻဖုံႏနဝ်ꩻ ဟဲ့ꩻအကျိုꩻဟဝ်နဝ်ꩻသွူ။\n၁၉။ \"အကျိုꩻကုဲင်\"ကရိုꩻနဝ်ꩻ- ကွပ်မာꩻ ထာꩻမာꩻကုဲင်၊ ကွပ်ဒေါ့ꩻ ထာꩻဒေါ့ꩻကုဲင်၊ ကွပ်ကျံႏ ထာꩻကျံႏကုဲင်တဲင် ကလꩻလွဉ်ဒါႏ အကုဲင်၊ ကခံႏစာꩻလွဉ်ဗာႏအကုဲင် ဆင်ꩻရယ်ꩻ(ဒုက္ခ)ဖဲ့ꩻဖုံႏနဝ်ꩻ ဟဲ့ꩻအကျိုꩻကုဲင်နဝ်ꩻသွူ။\n၂၀။ \"ကြောင်းကြဲ့ပဲစ်မျိုꩻ၊ ယံကထိုꩻမား\"ကရိုꩻနဝ်ꩻ- နမ်းအပဲစ်၊ ဖြောင်းအပဲစ်၊ သꩻအပဲစ် ကားကအဝ်ႏ ယံကထိုꩻမား၊ ယံကစင်ထိုꩻ ရိုꩻနုဲင်းနဝ်ꩻသွူ။\n၂၁။ \"အာစားကျိုꩻခွꩻ၊ ယံလꩻယံဆဲင်ႏ\"ကရိုꩻနဝ်ꩻ- အကျိုꩻဟဝ်၊ အကျိုꩻခွꩻ သုခ-ချမ်ꩻသာႏ၊ အာစားအာမျိုꩻဖုံႏယို ယံကလꩻ ယံကဆဲင်ႏ ရိုꩻနုဲင်းနဝ်ꩻသွူ။\n၂၂။ \"တလဲင်ႏနီလဲင်ႏ၊ သွံလဲင်ႏဗွေဗွေ\"ကရိုꩻနဝ်ꩻ- ကလွဉ်ကွဉ်းတော့ꩻယိုနဝ်ꩻ ကွဉ်းတော့ꩻရိုႏရိုႏသေႏသေႏဒျာႏ၊ ကွဉ်းတော့ꩻထွူႏထွူႏတွုမ်တွုမ်ဒျာႏ၊ နဝ်ꩻမꩻ ရိုꩻဗာႏသွံလဲင်ႏနဝ်ꩻသွူ။\n၂၃။ \"မာန်ႏချော့ꩻ\"ကရိုꩻနဝ်ꩻ- ချော့ꩻထိုꩻမာႏနနဝ်ꩻသွူ။\n၂၄။ \"ကွဉ်းတော့ꩻ\"ကရိုꩻနဝ်ꩻ- ကပဲစ်မာႏဗာႏ အပဲစ်ဖုံႏယို ယံကပြေႏ၊ ယံကထိုꩻမားထိုꩻတဲင် ဝုဲင်ႏချာယင်း၊ ကွဉ်းတော့ꩻချာယင်း၊ ကွီခွင်ꩻချာယင်း၊ တောင်ꩻပြန်ႏချာယင်း၊ ထွဉ်ႏသယ်ꩻခံႏချာယင်းနဝ်ꩻ ဟဲ့ꩻ\"ကွဉ်းတော့ꩻ\"နဝ်ꩻသွူ။\n၂၅။ နီကပဲစ်မာႏဗာႏ ပုဂ္ဂိုလ်ႏဖုံႏနဝ်ꩻ အမဉ်ႏအဲဉ်ထဝ်းဒွုမ် (မဉ်ႏသီထိုꩻလဲဉ်း)နဝ်ꩻ လွေꩻကွဉ်းတော့ꩻလွဉ်ꩻဗာႏ အွိုးအသင်ႏခဲင်ꩻ၊ အွိုးအအောင်သူꩻသွူ။\n၂၆။ မဉ်ႏတလွေꩻနွောင်ꩻတဝ်း အသင်ႏခဲင်ꩻတရိုꩻတဝ်း၊ အသီမုဲင်ꩻကို မဉ်ႏတသေတဝ်းတရိုꩻတဝ်း လွေꩻဘုရာꩻငါတရိုꩻတဝ်း၊ လွေꩻသံႏဃာႏငါ တရိုꩻတဝ်း နေးသꩻနောင်ႏတ၊ မာႏနအွဉ်ႏချော့ꩻထွူတဲင် (ရေႏပုဂ္ဂိုလ်ႏ နီကပဲစ်မာႏဗာႏနဝ်ꩻ) ကွဉ်းတော့ꩻဗာႏနုဲင်းနဝ်ꩻသွူ။\n၂၇။ \"ဘုရာꩻ\"ကရိုꩻနဝ်ꩻ- ဂွုဏ်ႏတောႏကွတ်ꩻပါꩻ လꩻခါꩻသေႏချာႏ၊ ဒါႏသေထူꩻမျတ်၊ လွိုကတ်ယံကျ၊ ဂေါတမ ဗွေႏဘုရာꩻနဝ်ꩻသွူ။\n၂၈။ \"တရာꩻ\"ကရိုꩻနဝ်ꩻ- မဂ်လစ်ꩻပါꩻ၊ ဖိုလ်ႏလစ်ꩻပါꩻ၊ နိဗ္ဗာန်ႏ၊ ပရိယတ် တရာꩻမျတ် အပါꩻတဆီယိုနဝ်ꩻသွူ။\n၂၉။ \"သံႏဃာႏ\"ကရိုꩻနဝ်ꩻ- အရိယာႏပုဂ္ဂိုလ်ႏသွစ်ꩻပါꩻတွမ်ႏ သမ္မုတိသံႏဃာႏတောႏနဝ်ꩻသွူ။\n၃၀။ \"ရတနာႏသွံပါꩻ\"ကရိုꩻနဝ်ꩻ- ဘုရာꩻရတနာႏ၊ တရာꩻရတနာႏ၊ သံႏဃာႏရတနာႏ ယိုသွံပါꩻနဝ်ꩻသွူ။\"လင်္ကာႏ\" ဘုရာꩻ တရာꩻ၊ ဗွေႏသံႏဃာႏ၊ မျတ်ရတနာႏ အဝ်ႏသွံပါꩻ။\n၃၁။ \"စေႏတနာႏမျိုꩻယို\"ကရိုꩻနဝ်ꩻ- ကကွဉ်းတော့ꩻ ရိုႏသေႏဗာႏ စေႏတနာႏအမျိုꩻစားယို (ကုသိုလ်ႏကံႏ အမျိုꩻစားယို) ရိုꩻနုဲင်းနဝ်ꩻသွူ။\n၃၂။ \"ဖြီဖြိုရောႏဂါႏ\"ကရိုꩻနဝ်ꩻ- ရောႏဂါႏပေႏပေႏတန်တန် ရောႏဂါႏအမျိုꩻမျိုꩻနဝ်ꩻသွူ။\n၃၃။ \"သွံဗာႏကပ်ငမ်း (ကပ်တန်သွံပါꩻ)\"ကရိုꩻနဝ်ꩻ- (၁) သတ္ထန္တရကပ် (၂) ရောဂန္တရကပ် (၃) ဒုဗ္ဘိက္ခန္တရကပ် ယိုသွံပါꩻနဝ်ꩻသွူ။\"လင်္ကာႏ\" သတ္ထ ရောဂါ၊ ဒုဗ္ဘိက္ခ၊ မတ်လွကပ်သွံပါꩻ။\n၃၄။ \"ကပ်တန်သွံပါꩻ\"အဓိပ္ပါယ်ႏ-\n(၁) ကသီပြုံႏပြင်ႏဗာႏ တွမ်ႏလက်နက် (စူခွုမ်) အမျိုꩻမျိုꩻနဝ်ꩻ ဟဲ့ꩻ\"သတ္ထန္တရကပ်\"နဝ်ꩻသွူ။\n(၂) ကသီပြုံႏပြင်ႏဗာႏ တွမ်ႏရောႏဂါႏအမျိုꩻမျိုꩻနဝ်ꩻ ဟဲ့ꩻ\"ရောဂန္တရကပ်\"နဝ်ꩻသွူ။\n(၃) အံႏမ အံႏအဝ်ထာꩻတဲင် ကသီပြုံႏပြင်ႏဗာႏထာꩻနဝ်ꩻ ဟဲ့ꩻ\"ဒုဗ္ဘိက္ခန္တရကပ်\"နဝ်ꩻသွူ။\nလင်္ကာႏ- လက်နက်ဗာႏသန်၊ သီအာတန်၊ သတ္ထန္တရကပ်။\nရောႏဂါႏမော့ꩻသန်၊ သီအာတန်၊ ရောဂန္တရကပ်။\nအံႏမခြောသန်၊ သီအာတန်၊ ဘိက္ခန္တရကပ်။\n၃၅။ \"လစ်ꩻခမ်းအပါယ်ႏ (လစ်ꩻပါꩻအပါယ်ႏ)\"အဓိပ္ပါယ်ႏ-\nငါးရုဲင်ꩻ၊ တိရစ္ဆာန်ႏ၊ ပိတ္တာႏ၊ အသုရကာယ်ႏ ယို ၄-ပါꩻသွူ။\nလင်္ကာႏ - ငါးရုဲင်ꩻ တိရစ်၊ ပိတ္တာႏ အသုရကာယ်ႏ၊ အပါယ်ႏလစ်ꩻပါꩻ။\n၃၆။ \"သွ��်ꩻနယ်ႏရပ်ကုဲင် (ရပ်ပဲစ်သွစ်ꩻပါꩻ\"ကရိုꩻနဝ်ꩻ-\n(၁) လင်ꩻထဲ့ငါးရုဲင်ꩻ\n(၂) ထွာတိရစ္ဆာန်ႏ\n(၃) ထွာပိတ္တာႏ (ထွာအသုရကာယ်ႏ)\n(၄) ထွာဗျဟ္မာႏသက်ဆွာꩻ (အရူပဗျဟ္မာႏတွမ်ႏ အသညသတ်)\n(၅) ထွာလိုꩻရွိုင်ꩻ (သံႏဃာႏတအဝ်ႏတဝ်း ပစ္စန္တရာဌ်အရပ်)\n(၆) ထွာလိုꩻထာꩻယူႏမာႏ (မိစ္ဆာႏဒိဋ္ဌိ)\n(၇) ထွာလိုꩻထွူင်းထွူ၊ ထွာလိုꩻဗား၊ ထွာလိုꩻတအာႏ\n(၈) ထွာလိုꩻသာႏသနာႏထန်ႏ (ဘုရာꩻတပွင်ꩻတဝ်းအခိန်ႏ၊ ခွဲတဝ်းဘုရာꩻသာႏသနာႏ၊ နာႏဗာႏတဝ်းတရာꩻ)။\nလင်္ကာႏ- ငါးရုဲင် တိရစ်၊ ပိတ္တာႏ ဗျဟ္မ၊ ထွာကလိုꩻရွိုင်ꩻ၊ ယူႏတွိုင်ꩻအမာႏ၊ တအာႏထွာထန်ႏ၊ ကျမ်ꩻဂန်ႏလွဉ်စဲစ်၊ ရပ်ပဲစ်သွစ်ꩻပါꩻ။\n၃၇။ \"ငတ်ꩻတုဲင်ဗျသန (ဗျသနငတ်ꩻပါꩻ)\"ကရိုꩻနဝ်ꩻ-\n(က) ဉာတိဗျသန (ခ) ဘောဂဗျသန (ဂ) ရောဂဗျသန (၄) ဒိဋ္ဌိဗျသန (၅) သီလဗျသန ယိုငတ်ꩻပါꩻသွူ။\nလင်္ကာႏ- ဉာ ဘော ရောဂ၊ ဒိဌ် သီလ၊ ပဉ္စဗျသန။\n၃၈။ \"ဗျသနငတ်ꩻပါꩻ\"အဓိပ္ပါယ်ႏ-\n(၁) ဖူးဝေးစွိုးခွိုꩻ သီကုဲင်ထိုꩻနဝ်ꩻ ဟဲ့ꩻ\"ဉာတိဗျသန\"၊\n(၂) စေꩻစိန်ႏတခြိုꩻ သွုမ်ꩻကုဲင်ထိုꩻနဝ်ꩻ ဟဲ့ꩻ\"ဘောဂဗျသန\"၊\n(၃) ထာꩻဆာရောႏဂါႏ ထွာလွဉ်ဗာႏနဝ်ꩻ ဟဲ့ꩻ\"ရောဂဗျသန\"၊\n(၄) နေးထူႏတေားဒျာႏ အယူႏမာႏနဝ်ꩻ ဟဲ့ꩻ\"ဒိဋ္ဌိဗျသန\"၊\n(၅) သီႏလအကျင်ꩻ ကုဲင်လီပြင်ꩻထိုꩻနဝ်ꩻ ဟဲ့ꩻ\"သီလဗျသန\"၊\nလင်္ကာႏ - ဖူးဝေးစွိုးခွိုꩻ၊ သီကုဲင်ထိုꩻ၊ ဟဲ့ꩻရိုꩻ ဉာတိဗျသန၊\nစေꩻစိန်ႏတခြိုꩻ၊ သွုမ်ꩻကုဲင်ထိုꩻ၊ ဟဲ့ꩻရိုꩻ ဘောဂဗျသန၊\nထာꩻဆာရောႏဂါႏ၊ ထွာလွဉ်ဗာႏ၊ ဟဲ့ꩻဒျာႏ ရောဂဗျသန၊\nနေးထူႏတေားဒျာႏ၊ အယူႏမာႏ၊ ဟဲ့ꩻဒျာႏ ဒိဋ္ဌိဗျသန၊\nသီႏလအကျင်ꩻ၊ ကုဲင်လီပြင်ꩻ၊ ဟဲ့ꩻလင်ꩻ သီလဗျသန။\n၃၉။ \"ပဉ္စရန်ႏသူႏ(ရန်ႏသူႏငတ်ꩻပါꩻ)\"ကရိုꩻနဝ်ꩻ-\n(က) ထီ (ခ) မေႏ (ဂ) ခွန် (ဃ) တခွန်ꩻ (င) အမွီႏခံႏပိုကုဲင်။\nလင်္ကာႏ- ထီမေႏခွန်မျိုꩻ၊ တခွန်ꩻမျိုꩻ၊ ဝင်ꩻရိုꩻပိုကုဲင် ရန်ႏငတ်ꩻတုဲင်။\n၄၀။ လစ်ꩻဆူႏဝိပတ် (ဝိပ္ပတ္တိတရာꩻလစ်ꩻပါꩻ)\"ကရိုꩻနဝ်ꩻ-\n(၁) ကာလဝိပ္ပတ္တိ (၂) ဂတိဝိပ္ပတ္တိ (၃) ဥပဓိဝိပ္ပတ္တိ (၄) ပယောဂဝိပ္ပတ္တိ ယိုလစ်ꩻပါꩻသွူ။\nလင်္ကာႏ- ကာ တိ ဥပ၊ ပယောဂ၊ မတ်လွ ဝိပ္ပတ်လစ်ꩻ။\n၄၁။ \"ဝိပ္ပတ္တိတရာꩻလစ်ꩻပါꩻ\"အဓိပ္ပါယ်ႏ-\n(က) ခွန်မွိုက်စိုး (လိုꩻမွိုက်စိုး)နဝ်ꩻ ဟဲ့ꩻ\"ကာလဝိပ္ပတ္တိ\"\n(ခ) လွေꩻငါးရုဲင်ꩻ၊ တိရစ္ဆာန်ႏ၊ ပိတ္တာႏ၊ အသုရကာယ်ႏနဝ်ꩻ ဟဲ့ꩻ\"ဂတိဝိပ္ပတ္တိ\"\n(ဂ) နမ်းအင်္ဂါႏ (လက္ခဏာႏ)ချို့ꩻယွင်ꩻကုဲင်ထိုꩻနဝ်ꩻ ဟဲ့ꩻ\"ဥပဓိဝိပ္ပတ္တိ\"\n(ဃ) ထာꩻသေ ထာꩻလိန်ႏမာႏ၊ ဉာဏ်ႏပညာႏခြေားကင်ꩻ၊ သတိꩻယွင်ꩻလွꩻဗုဲင်၊ မာꩻ ဒေါ့ꩻ ကျံႏ အကု��င်ဖုံႏနဝ်ꩻ ဟဲ့ꩻ \"ပယောဂဝိပ္ပတ္တိ\"။\nလင်္ကာႏ- ခွန်မွိုက်စိုးဟ၊ မော့ꩻဒုက္ခ၊ ကာလဝိပ္ပတ္တိ၊\nအပါယ်ႏလစ်ꩻရပ်၊ လွေꩻထွာထပ်၊ ယံမတ် ဂတိဝိ။\nအင်္ဂါႏလက္ခဏ၊ ချို့ꩻယွင်ꩻလွ၊ ဥပ ဝိပ္ပတ္တိ။\nဉာဏ်ႏသတိꩻခြေား၊ မာꩻကုဲင်တေား၊ ပယောဝိပ္ပတ္တိ။\n၄၂။ \"မဂ်\"ကရိုꩻနဝ်ꩻ-\nမာꩻကုဲင်ထိုꩻ အကုသိုလ်ႏ၊ လွေꩻတွိုႏဒါႏ နိဗ္ဗာန်ႏတဲင် ဟဲ့ꩻဗာႏ \"မဂ်\"နဝ်ꩻသွူ။\n၄၃။ \"မဂ်လစ်ꩻပါꩻ\"နဝ်ꩻ-\n(၁) သောတာပတ္တိမဂ် (၂) သကဒါဂါမိမဂ် (၃) အနာဂါမိမဂ် (၄) အရဟတ္တမဂ် ယိုလစ်ꩻပါꩻသွူ။\n၄၄။ \"ဖိုလ်ႏ\"ကရိုꩻနဝ်ꩻ-\nကလꩻ ကခံႏစာꩻဗာႏ လောကုတ္တရာႏမဂ် (ကုသိုလ်ႏ)အကျိုꩻနဝ်ꩻ ဟဲ့ꩻဗာႏ\"ဖိုလ်ႏ\"နဝ်ꩻသွူ။\n၄၅။ \"ဖိုလ်ႏလစ်ꩻပါꩻ\"ကရိုꩻနဝ်ꩻ-\n(က) သောတာပတ္တိဖိုလ်ႏ (ခ) သကဒါဂါမိဖိုလ်ႏ (ဂ) အနာဂါမိဖိုလ်ႏ (ဃ) အရဟတ္တဖိုလ်ႏ ယိုလစ်ꩻပါꩻသွူ။\nလင်္ကာႏ- သောတ သက၊ နာ အရ၊ မဂ္ဂ ဖိုလ်ႏလစ်ꩻပါꩻ။\n၄၆။ မဉ်ႏလꩻ သောတာပတ္တိဖိုလ်ႏနဝ်ꩻ ဟဲ့ꩻသောတာႏပန်ႏ၊\nမဉ်ႏလꩻ သကဒါဂါမိဖိုလ်ႏနဝ်ꩻ ဟဲ့ꩻသကဒါဂါမ်ႏ၊\nမဉ်ႏလꩻ အနာဂါမိဖိုလ်ႏနဝ်ꩻ ဟဲ့ꩻအနာႏဂါမ်ႏ၊\nမဉ်ႏလꩻ အရဟတ္တဖိုလ်ႏနဝ်ꩻ ဟဲ့ꩻရဟန္တာႏသွူ။\n၄၇။ \"နိဗ္ဗာန်ႏ\"ကရိုꩻနဝ်ꩻ-\nကွပ်လွစ်ထန်ႏလꩻ တဏှာႏ(လောဘ)တဲင် နာမ်ႏတွမ်ႏရုပ် ဒုက္ခချုပ်ထိုꩻတွော့ꩻ ဟဲ့ꩻဗာႏ နိဗ္ဗာန်ႏနဝ်ꩻသွူ။\"အခန်ꩻ(၂) သီႏလငတ်ꩻပါꩻခန်ꩻ\"၁။ အဟံ ဘန္တေ တိသရဏေန သဟ ပဉ္စသီလံ ဓမ္မံ ယာစာမိ အနုဂ္ဂဟံ ကတွာ သီလံ ဒေထ မေ ဘန္တေ။\n၂။ ဒုတိယမ္ပိ အဟံ ဘန္တေ-------။ တတိယမ္ပိ အဟံ ဘန္တေ---------မေ ဘန္တေ။\n၃။ နမော တဿ ဘဂဝတော အရဟတော သမ္မာသမ္ဗုဒ္ဓဿ။\n၄။ ဗုဒ္ဓံ သရဏံ ဂစ္ဆာမိ၊\nဓမ္မံ သရဏံ ဂစ္ဆာမိ၊\nသံဃံ သရဏံ ဂစ္ဆာမိ။\nဒုတိယမ္ပိ ------၊ တတိယမ္ပိ ------။\n၅။ အာမ ဘန္တေ (ဗွေႏဩ)။\n၆။ ပါဏာတိပါတာ ဝေရမဏိ သက္ခာပဒံ သမာဒိယာမိ။\nအဒိန္နာဒါနာ ဝေရမဏိ သက္ခာပဒံ သမာဒိယာမိ။\nကာမေသု မိစ္ဆာစာရာ ဝေရမဏိ သက္ခာပဒံ သမာဒိယာမိ။\nမုသာဝါဒါ ဝေရမဏိ သက္ခာပဒံ သမာဒိယာမိ။\nသုရာမေရယ မဇ္ဇပမာဒဋ္ဌာနာ ဝေရမဏိ သက္ခာပဒံ သမာဒိယာမိ။\n၇။ အာမ ဘန္တေ (ဗွေႏဩ)။\n၈။ \"အဟံ ဘန္တေ\"စတဲင် အဓိပ္ပါယ်ႏ -\nဩဗွေႏ ခွေသွဉ်းကွီဗာႏ သရဏဂုံႏ သွံပါꩻတွမ်ႏ သီႏလငတ်ꩻပါꩻ၊ တရာꩻမျတ်ယို ဗွေႏဩ၊ ဩဗွေႏ ပင်ႏထိုခွေသွဉ်းတဲင် ဖေႏသွော့ ခွေသွဉ်း သီႏလ ဗွေႏဩ။\nဩဗွေႏ ( နီလဲင်ႏကိုတဲ့ ခွေသွဉ်းကွီဗာႏ-------)\nဩဗွေႏ (သွံလဲင်ႏကိုတဲ့ ခွေသွဉ်းကွီဗာႏ------) ရိုꩻသွုပ်ငါလွေꩻသွော့။\n၉။ \"အာမ ဘန္တေ\"အဓိပ္ပါယ်ႏ- ဩဗွေႏ မွေးသွူဗွေႏဩ။\n၁၀။ \"နမော တဿ\"စတဲင်အဓိပ္ပါယ်ႏ- လိုꩻလူꩻဗ���ဟ္မာႏ၊ သတ္တဝါႏခိုမူႏ၊ ကားကလူႏယို၊ ခံႏထူႏထွိုက်ဒါႏ၊ ဆရာႏအဲဉ်ထဝ်း၊ ဗွေႏစောဝ်းနမ်းဒါႏ၊ ယံငါႏစဲင်းစဲ့၊ ကြောင်းကြဲ့တရာꩻ၊ ကွပ်သေငါꩻဒါႏ၊ ဘုရာꩻနဝ်ꩻနဝ်ꩻ (ခွေသွဉ်း) ဝုဲင်ႏဗွေႏဩ။\n၁၁။ \"ဗုဒ္ဓံ သရဏံ ဂစ္ဆာမိ\"အဓိပ္ပါယ်ႏ-\n( ဘုရာꩻယို ထွာခွေသွဉ်းထာꩻကိုꩻကွယ်ႏ၊ ရေႏရွယ်ႏယွုမ်းမတ်၊ ခွေသွဉ်းဆယ်ꩻကပ် ဗွေႏဩ)\n၁၂။ \"ဓမ္မံ သရဏံ ဂစ္ဆာမိ\"အဓိပ္ပါယ်ႏ-\n( တရာꩻယို ထွာခွေသွဉ်းထာꩻကိုꩻကွယ်ႏ၊ ရေႏရွယ်ႏယွုမ်းမတ်၊ ခွေသွဉ်းဆယ်ꩻကပ် ဗွေႏဩ)\n၁၃။ \"သံဃံ သရဏံ ဂစ္ဆာမိ\"အဓိပ္ပါယ်ႏ-\n( သံႏဃာႏတောႏမျတ်ယို ထွာခွေသွဉ်းထာꩻကိုꩻကွယ်ႏ၊ ရေႏရွယ်ႏယွုမ်းမတ်၊ ခွေသွဉ်းဆယ်ꩻကပ် ဗွေႏဩ)\n၁၄။ \"သီႏလငတ်ꩻပါꩻ\"ပြန်ႏပအိုဝ်ႏအအဲဉ်ႏ-\n၁။ ခွေသွဉ်း ခံႏမာꩻသီတဝ်း ဝင်ꩻသက်ဗွေႏဩ။\n၂။ ခွေသွဉ်း ခံႏထူႏတခွန်ꩻတဝ်း ဝင်ꩻတခြိုꩻဗွေႏဩ။\n၃။ ခွေသွဉ်း ခံႏပဲစ်မာႏတဝ်း ဝင်ꩻလမ်းသားဗွေႏဩ။\n၄။ ခွေသွဉ်း ခံႏဒေါ့ꩻလဲဉ်တဝ်းထာꩻ ဗွေႏဩ။\n၅။ ခွေသွဉ်း ခံႏအွꩻတဝ်း ဒေါဝ်သူႏရာႏ ဗွေႏဩ။\n၁၅။ သီႏလယို မဉ်ႏထူႏဒျာႏ ဘုရာꩻငါနဝ်ꩻ (လိုꩻကျောင်ꩻထျꩻ မဉ်ႏမွေးတဝ်းနဝ်ꩻ) အာမ ဘန္တေ-ငဝ်းယို ရိုꩻပါမွုန်းဒွုမ်နေား။\nသီႏလငတ်ꩻပါꩻ သွစ်ꩻဖြုံႏကဗျာ-\n၁၆။ ဝင်ꩻယိုအသက်-ထူႏနက်လွဉ်ꩻမာႏ\nငါးရုဲင်ꩻထဲ့ဗာႏ-ချမ်ꩻသာႏကင်ꩻညာꩻ\nသဲင်ꩻကွုတ်လိုꩻပို-သီခြိုချာဗာႏ\nမာꩻသီမွုန်း-မဉ်ႏယွုန်းသီႏလထွာ။\n၁၇။ တခွန်ꩻဝင်ꩻထာꩻ-စွန်ပါꩻလွဉ်ꩻမာႏ\nငါးရုဲင်ꩻထဲ့ဗာႏ-ချမ်ꩻသာႏကင်ꩻညာꩻ\nသဲင်ꩻကွုတ်လိုꩻပို-ဝွေꩻယိုကေန်ꩻငါႏ\nတခွန်ꩻမွုန်း-မဉ်ႏယွုန်းသီႏလထွာ။\n၁၈။ ဝင်ꩻမာဝင်ꩻဝါꩻ-စောကာꩻလွဉ်ꩻမာႏ\nငါးရုဲင်ꩻထဲ့ဗာႏ-ချမ်ꩻသာႏကင်ꩻညာꩻ\nသဲင်ꩻကွုတ်လိုꩻပို-မူႏယိုထွာဗာႏ\nပဲစ်မာႏမွုန်း-မဉ်ႏယွုန်းသီႏလထွာ။\n၁၉။ ဒေါ့ꩻလိန်ႏလဲဉ်ပါꩻ-မုသာꩻလွဉ်ꩻမာႏ\nငါးရုဲင်ꩻထဲ့ဗာႏ-ချမ်ꩻသာႏကင်ꩻညာꩻ\nသဲင်ꩻကွုတ်လိုꩻပို-ဝွေꩻယိုတအာႏ\nဒေါ့ꩻလဲဉ်မွုန်း-မဉ်ႏယွုန်းသီႏလထွာ။\n၂၀။ အွꩻဒဝ်ထီလျား-မွန်ꩻဗားလွဉ်ꩻမာႏ\nငါးရုဲင်ꩻထဲ့ဗာႏ-ချမ်ꩻသာႏကင်ꩻညာꩻ\nသဲင်ꩻကွုတ်လိုꩻပို-ဗားဖိုအာငါႏ\nဒဝ်အွꩻမွုန်း-မဉ်ႏယွုန်းသီႏလထွာ။\"တောင်ꩻသေꩻ-\"သွစ်ꩻဖြုံႏကဗျာယိုနဝ်ꩻ တပုဒ်တပုဒ် အဝ်ႏလစ်ꩻရဲဉ်ႏတဲင် ပထမတရဲဉ်ႏနဝ်ꩻ ငဝ်းထင်ႏ၊ ဒုတိယတရဲဉ်ႏနဝ်ꩻ ငဝ်းလင်ꩻ၊ တတိယတရဲဉ်ႏနဝ်ꩻ ငဝ်းထင်ႏ၊ စတုတ္ထတရဲဉ်ႏနဝ်ꩻ ငဝ်းလင်ꩻ၊ တတိယတရဲဉ်ႏ ငဝ်းအသွတ်ꩻတွမ်ႏ စတုတ္ထတရဲဉ်ႏ ငဝ်းအထျꩻနဝ်ꩻ အွဉ်ႏသွုပ်ယွိုင်ꩻလွေꩻဗာႏလို့ဝင���ꩻ နဝ်ꩻမꩻ ယိန်းတလေ့နဝ်ꩻသွူ။\"သီႏလငတ်ꩻပါꩻ (၁၂)ဖြုံႏလင်္ကာႏ\"+ ဝင်ꩻယိုအသက်၊ ဝွေꩻထူႏနက်၊ ယူႏပက် ထဲ့ငါးရုဲင်ꩻ။\n= သဲင်ꩻကွုတ်လိုꩻပို၊ သီတခြို၊ ဝွေꩻယို သက်ဒွေါင်ႏဆုဲင်ꩻ။\n+ တခွန်ꩻဝင်ꩻထာꩻ၊ ဝွေꩻစွန်ပါꩻ၊ ကွပ်မာꩻ ထဲ့ငါးရုဲင်ꩻ။\n= သဲင်ꩻကွုတ်လိုꩻပို၊ ရန်းမထို၊ ဝွေꩻယို ကေန်ꩻခြေားဆုဲင်ꩻ။\n+ ဝင်ꩻပိုဝင်ꩻဝါꩻ၊ ဝွေꩻစောကာꩻ၊ ကွပ်မာꩻ ထဲ့ငါးရုဲင်ꩻ။\n= သဲင်ꩻကွုတ်လိုꩻပို၊ အညမ်းကို၊ မူႏယို ထွာဗာႏဆုဲင်ꩻ။\n+ ဒေါ့ꩻလဲဉ်လိန်ႏပါꩻ၊ ဝွေꩻမုသာꩻ၊ ကွပ်မာꩻ ထဲ့ငါးရုဲင်ꩻ။\n= သဲင်ꩻကွုတ်လိုꩻပို၊ ထွိုင်းထွူကို၊ ဝွေꩻယို တအာႏဆုဲင်ꩻ။\n+ အွꩻဒဝ်ထီလျား၊ ဝွေꩻမွန်ꩻဗား၊ ကွပ်ယား ထဲ့ငါးရုဲင်ꩻ။\n= သဲင်ꩻကွုတ်လိုꩻပို၊ လီးလူꩻကို၊ ဝွေꩻယို ဗားအာဆုဲင်ꩻ။\"လိုꩻပေႏသီးတာႏ ပျောႏခရာႏ လင်္ကာႏကဗျာ\"ရီ= ဝင်ꩻယိုအသက်၊ ဝွေꩻထူႏနက်၊ ဝွေꩻတွက် ထွာနုဲင်းမုဲင်ꩻ။\nစေ= ဝင်ꩻယိုအသက်၊ ဝွေꩻထူႏနက်၊ ယူႏပက် ထဲ့ငါးရုဲင်ꩻ။\nရီ= သဲင်ꩻကွုတ်လိုꩻပို၊ လောကကို၊ ဝွေꩻယို ထွာနုဲင်းမုဲင်ꩻ။\nစေ= သဲင်ꩻကွုတ်လိုꩻပို၊ သီတခြို၊ ဝွေꩻယို သက်ဒွေါင်ႏဆုဲင်ꩻ။\nရီ= တခွန်ꩻဝင်ꩻထာꩻ၊ ဝွေꩻစွန်ပါꩻ၊ ကွပ်မာꩻ ထွာနုဲင်းမုဲင်ꩻ။\nစေ= တခွန်ꩻဝင်ꩻထာꩻ၊ ဝွေꩻစွန်ပါꩻ၊ ကွပ်မာꩻထဲ့ငါးရုဲင်ꩻ။\nရီ= သဲင်ꩻကွုတ်လိုꩻပို၊ လောကကို၊ ဝွေꩻယိုထွာနုဲင်းမုဲင်ꩻ။\nစေ= သဲင်ꩻကွုတ်လိုꩻပို၊ လောကကို၊ ဝွေꩻယို ကေန်ꩻခြေားဆုဲင်ꩻ။\nရီ= ဝင်ꩻမာဝင်ꩻဝါꩻ၊ ဝွေꩻစောကာꩻ၊ ကွပ်မာꩻထွာနုဲင်းမုဲင်ꩻ။\nစေ= ဝင်ꩻမာဝင်ꩻဝါꩻ၊ ဝွေꩻစောကာꩻ၊ ကွပ်မာꩻ ထဲ့ငါးရုဲင်ꩻ။\nရီ= သဲင်ꩻကွုတ်လိုꩻပို၊ လောကကို၊ ဝွေꩻယို ထွာနုဲင်းမုဲင်ꩻ။\nစေ= သဲင်ꩻကွုတ်လိုꩻပို၊ ဝွေꩻတန်ယို၊ မူႏယို ထွာဗာႏဆုဲင်ꩻ။\nရီ= ဒေါ့ꩻလိန်ႏလဲန်ပါꩻ၊ ဝွေꩻမုသာꩻ၊ ကွပ်မာꩻ ထွာနုဲင်းမုဲင်ꩻ။\nစေ= ဒေါ့ꩻလိန်ႏလဲန်ပါꩻ၊ ဝွေꩻမုသာꩻ၊ ကွ်မာꩻ ထဲ့ငါးရုဲင်ꩻ။\nရီ= သဲင်ꩻကွုတ်လိုꩻပို၊ လောကကို၊ ဝွေꩻယို ထွာနုဲင်းမုဲင်ꩻ။\nစေ= သဲင်ꩻကွုတ်လိုꩻပို၊ ထွုင်းထွူကို၊ ဝွေꩻယို တအာႏဆုဲင်ꩻ။\nရီ= အွꩻဒဝ်ထီလျား၊ ဝွေꩻမွန်ꩻဗား၊ ကွပ်ယား ထွာနုဲင်းမုဲင်ꩻ။\nစေ= အွꩻဒဝ်ထီလျား၊ ဝွေꩻမွန်ꩻဗား၊ ကွပ်ယား ထဲ့ငါးရုဲင်ꩻ။\nရီ= သဲင်ꩻကွုတ်လိုꩻပို၊ လောကကို၊ ဝွေꩻယို ထွာနုဲင်းမုဲင်ꩻ။\nစေ= သဲင်ꩻကွုတ်လိုꩻပို၊ လီးလူꩻကို၊ ဝွေꩻယို ဗားအာဆုဲင်ꩻ။\"သီႏလငတ်ꩻပါꩻ ပါဠိကို အမာႏတွမ်ႏ အမဲဉ်ႏ\"+ ဝေ (ရာ) မဏိ မွေးတဝ်း၊ ဝေ (ရ) မဏိ ဒျာႏ။\n+ အဒိ ( န္န ) ဒါနာ မွေးတဝ်း၊ အဒိ (န္နာ) ဒါနာ ဒျာႏ။\n+ မိစ္ဆာ (စ)ရာ မွေးတဝ်း၊ မိစ္ဆာ (စာ)ရာ ဒျာႏ။\n+ မုသာဝါ (တာ) မွေးတဝ်း၊ မုသာဝါ(ဒါ) ဒျာႏ။\n+ (သူ)ရာမေ (ရိ)ယ မွေးတဝ်း၊ (သု)ရာမေ(ရ)ယဒျာႏ။\n\"လိုꩻကျောင်ꩻတွက်တာႏ\"\nတိသရဏ ဂဟဏံ (မဟာ) ပရိပုဏ္ဏံ မွေးတဝ်း၊ မဟာ-ပါတဝ်းသွူ၊ \"သရဏ ဂမနံ ပရိပုဏ္ဏံ\"နုဲင်းနဝ်ꩻဒျာႏသွူ။\"အခန်ꩻ(၃) ခံႏထူႏသီႏလ (၈)ပါꩻခန်ꩻ\"'''\n၁။ အဟံ ဘန္တေ တိသရဏေန သဟ အဋ္ဌင်္ဂ သမန္နာဂတံ ဥပေါသထသီလံ ဓမ္မံ ယာစာမိ အနုဂ္ဂဟံ ကတွာ သီလံ ဒေထ မေ ဘန္တေ။ (ဒုတိယမ္ပိ---၊ တတိယမ္ပိ---)။\n၂။ နမော တဿ-တွမ်ႏ ဗုဒ္ဓံ သရဏံ ဂစ္ဆာမိ-ဖုံႏနဝ်ꩻ ဗွန်လဲဉ်း သီႏလငတ်ꩻပါꩻခန်ꩻကိုနဝ်ꩻသွူ။\n၃။ ပါဏာတိပါတာ၊ အဒိန္နာဒါနာ-ဖုံႏနဝ်ꩻ ဗွန်လဲဉ်းသီႏလငတ်ꩻပါꩻခန်ꩻကိုနဝ်ꩻသွူ။\n၄။ အဗြဟ္မစရိယာ ဝေရမဏိ သိက္ခာပဒံ သမာဒိယာမိ။\n၅။ မုသာဝါဒါ၊ သုရာမေရယ-နဝ်ꩻလဲ့ ဗွန်လဲဉ်းသီႏလငတ်ꩻပါꩻ။\n၆။ ဝိကာလဘောဇနာ ဝေရမဏိ သိက္ခာပဒံ သမာဒိယာမိ။\n၇။ နစ္စ ဂီတ ဝါဒိတ ဝိသုက ဒဿန မာလာ ဂန္ဓ ဝိလေပန ဓာရဏ မဏ္ဍန ဝိဘူသနဋ္ဌာနာ ဝေရမဏိ သိက္ခာပဒံ သမာဒိယာမိ။\n၈။ ဥစ္စာသယန မဟာသယနာ ဝေရမဏိ သိက္ခာပဒံ သမာဒိယာမိ။\n၁။ \"အဗြဟ္မစရိယာ\"စတဲင်အဓိပ္ပါယ်ႏ-\nအကျင်ꩻတမျတ်တဝ်း (မူႏခိုပေါင်ꩻအုံ မေထုန်အကျင်ꩻ)ယို ခံႏမာꩻတဝ်း။\n၂။ ဝိကာလဘောဇနာ-စတဲင်အဓိပ္ပါယ်ႏ-\nတယ်ႏမွူးနွောင်းမာꩻတွို့ꩻ ဗꩻလွေꩻအာႏရုံႏထန်ႏ ခံႏအံႏတဝ်း အာဟာႏရ။\n၃။ နစ္စ ဂီတ-စတဲင်အဓိပ္ပါယ်ႏ-\nကျူႏထာꩻ၊ တဲက်ငဝ်း၊ ဒုံႏအူ၊ ဒျꩻကဝ်ႏ၊ ဒင်ႏမွန်း၊ မာꩻလွုမ်း မာꩻတရေꩻနမ်းဖုံနဝ်ꩻ ခံႏမာꩻတဝ်း။\n၄။ ဥစ္စာသယန မဟာသယန-စတဲင်အဓိပ္ပါယ်ႏ-\nခင်ႏလမ်းထို၊ ခင်ႏလမ်းမျတ်ကိုနဝ်ꩻ ခံႏအုံတဝ်း။\n၅။ အဟံ ဘန္တေ-စတဲင်အဓိပ္ပါယ်ႏ-\nဩဗွေႏ ခွေသွဉ်းနဝ်ꩻ ကွီခွင်ꩻဗာႏ သရဏဂုံႏ သွံပါꩻတွမ်ႏ အင်္ဂါႏသွစ်ꩻပါꩻ ကဗွေခါꩻဒါႏ ဥပုသ်သီႏလ တရာꩻမျတ်ယို ဗွေႏဩ၊ ဩဗွေႏ ပင်ႏထိုခွေသွဉ်းတဲင် ဖေႏသွော့ ခွေသွဉ်းသီႏလ ဗွေႏဩ။\n၆။ \"သရဏဂုံႏသွံပါꩻ\"ကရိုꩻနဝ်ꩻ-\nဗုဒ္ဓံ သရဏံ ဂစ္ဆာမိ- ခွေသွဉ်းကိုꩻကွယ်ႏ ဆယ်ꩻကပ်ဘုရာꩻ၊\nဓမ္မံ သရဏံ ဂစ္ဆာမိ- ခွေသွဉ်းကိုꩻကွယ်ႏ ဆယ်ꩻကပ်တရာꩻ၊\nသံဃံ သရဏံ ဂစ္ဆာမိ- ခွေသွဉ်းကိုꩻကွယ်ႏ ဆယ်ꩻကပ်သံႏဃာႏ၊ ယိုနဝ်ꩻ ဟဲ့ꩻ\"သရဏဂုံႏသွံပါꩻ\"နဝ်ꩻသွူ။\n၇။ \"ဥစ္စာသယန-ခင်ႏလမ်းထို\"ကရိုꩻနဝ်ꩻ-\nအခင်ႏကအဝ်ႏဒါႏ တသောင်ꩻမာꩻကီ ခုံႏကလာꩻထဲင် စတဲင်ခင်ႏလမ်းဖုံႏနဝ်ꩻသွူ။\n၈။ \"မဟာသယန-ခင်ႏလမ်းမျတ်\"ကရိုꩻနဝ်ꩻ-\nကောႏဇော်ꩻတန် အဆွဉ်ႏကအဝ်ႏဒါႏ တစူလစ်ꩻမာꩻကီတွမ်ႏ အလုဲင်ꩻအကွက်ꩻအစားစား ကောႏဇော်ꩻတန် အဆွဉ်ႏသားဖုံႏနဝ်ꩻ ဒါခါꩻတဲးတဲးဝါးဝါး ခင်ႏလမ်းဖုံႏနဝ်ꩻ ဟဲ့ꩻ\"ခင်ႏလမ်းမျတ်\"နဝ်ꩻသွူ။\n၉။ သꩻကျွားလောဘ ထိန်ꩻဖေႏကလꩻတဲင် မွူးခွယ်ဖဲ့ꩻ အံႏအွꩻ၊ ဒျꩻကဝ်ႏ၊ ဒင်ႏမွန်း-စတဲင်စားယို ယွုန်းထိုꩻဗာႏနဝ်ꩻသွူ။\n၁၀။ သဉ်သွစ်ꩻ (ဥပုသ်သီႏလ)ယိုနဝ်ꩻ လိုꩻလမ်းပါꩻမုဲင်ꩻတရိုꩻတဝ်း ကားကနွောင်ꩻရာꩻ (တခွယ်ꩻ တနားရီႏ တနီꩻ တသာ တလာ တနေင်ႏ ခြေင်ႏသက်တလီး) ခံႏဆောက်တယ်ႏနွောင်ꩻဒျာႏသွူ။\n\nအာႏကွိုꩻ\n\nဗုဒ္ဓဘာႏသာႏ","num_words":4442,"character_repetition_ratio":0.069,"word_repetition_ratio":0.035,"special_characters_ratio":0.114,"stopwords_ratio":0.015,"flagged_words_ratio":0.0,"lang_id_score":1.0,"perplexity_score":2184.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%AC%E1%80%8B%E1%80%AC%E1%80%94%E1%80%AC%E1%80%8B%E1%80%AD%E1%80%9A%E1%80%9E%E1%80%AF%E1%80%90%E1%80%BA","collection":"wikipedia","source":"wikipedia","original_code":"blk","text":"အာဋာနာဋိယသုတ် ယိုနဝ်ꩻ ပါသော့ꩻဒျာႏ ဒီဃနိကာယ် အပွိုက် (၃၂) ကိုတဲင် နီဗွေႏဘုရာꩻဟော်ꩻကျာꩻဖေႏ ဂိဇ္ဈကုဋ်ကောင်လာင်းနဝ်ꩻသွူ။\n\nအာဋာနာဋိယသုတ် (ပါႏဠိတောႏ)\n‍‍‍‍၁။ အပ္ပသန္နေဟိ နာထဿ၊\n     သာသနေ သာဓုသမ္မတေ။\n     အမနုဿေဟိ စဏ္ဍေဟိ၊\n     သဒါ ကိဗ္ဗိသကာရိဘိ။\n\n၂။ ပရိသာနံ စတဿန္နံ၊\n     အဟိံ သာယ စ ဂုတ္တိယာ။\n     ယံ ဒေသေသိ မဟာဝီရော၊\n     ပရိတ္တံ တံ ဘဏာမ ဟေ။\n\n၃။ ဝိပဿိဿ စ နမတ္ထု၊\n     စက္ခုမန္တဿ သိရီမတော။\n     သိခိဿပိ စ နမတ္ထု၊\n     သဗ္ဗဘူတာ နုကမ္ပိနော။\n\n၄။ ဝေဿဘုဿ စ နမတ္ထု၊\n     နှာတကဿ တပဿိနော။\n     နမတ္ထု ကကုသန္ဓဿ၊\n     မာရသေနာ ပမဒ္ဒိနော။\n\n၅။ ကောဏာဂမနဿ နမတ္ထု။\n     ဗြာဟ္မဏဿ ဝုသီမတော။\n     ကဿပဿ စနမတ္ထု၊\n     ဝိပ္ပမုတ္တဿ သဗ္ဗဓိ။\n\n၆။ အင်္ဂီရသဿ နမတ္ထု၊\n     သကျပုတ္တဿ သိရီမတော။\n     ယော ဣမံ ဓမ္မံ ဒေသေသိ၊\n     သဗ္ဗဒုက္ခာပနူဒနံ။\n\n၇။ ယေ စာပိ နိဗ္ဗုတာ လောကေ၊\n     ယထာဘူတံ ဝိပဿိသုံ။\n     တေ ဇနာ အပိသုဏာ ထ၊\n     မဟန္တာ ဝီတသာရဒါ။\n\n၈။ ဟိတံ ဒေဝနုဿာနံ၊\n     ယံ နမဿန္တိ ဂေါတမံ။\n     ဝိဇ္ဇာစရဏသမ္ပန္နံ၊\n     မဟန္တံ ဝီတသာရဒံ။\n\n၉။ ဧတေ စညေ စ သမ္ဗုဒ္ဓါ၊\n     အနေကသတကောဋိယော။\n     သဗ္ဗေ ဗုဒ္ဓါ သမသမာ၊\n     သဗ္ဗေ ဗုဒ္ဓါ မဟိဒ္ဓိကာ။\n\n၁၀။ သဗ္ဗေ ဒသဗလူပေတာ\n       ဝေသာရဇ္ဇေဟု ပါဂတာ။\n       သဗ္ဗေ တေ ပဋိဇာနန္တိ၊\n       အာသဘံ ဌာန မုတ္တမံ။\n\n၁၁။ သီဟနာဒံ နဒန္တေ တေ၊\n       ပရိသာသု ဝိသာရဒါ။\n       ဗြာဟ္မစက္ကံ ပဝတ္တန္တိ၊\n       လောကေ အပ္ပဋိဝတ္တိယံ။\n\n၁၂။ ဥပေတာ ဗုဒ္ဓဓမ္မေဟိ၊\n       အဋ္ဌာရသဟိ နာယကာ။\n       ဗာတ္တိံသ လက္ခဏူပေတာ၊\n       သီတာနုဗျဉ္ဇနာ ဓရာ။\n\n၁၃။ ဗျာမပ္ပဘာယ သုပ္ပဘာ၊\n       သဗ္ဗေ တေ မုနိကုဉ္ဇရာ။\n       ဗုဒ္ဓါ သဗ္ဗညုနော ဧတေ၊\n       သဗ္ဗေ ခီဏာသဝါ ဇိနာ��\n\n၁၄။ မဟာပဘာ မဟာတေဇာ၊\n       မဟာပညာ မဟဗ္ဗလာ။\n       မဟာကာရုဏိကာ ဓီရာ၊\n       သဗ္ဗေသာနံ သုခါဝဟာ။\n\n၁၅။ ဒီပါ နာထာ ပတိဋ္ဌာ စ၊\n       တာဏာ လေဏာ စ ပဏိနံ။\n       ဂတီ ဗန္ဓူ မဟေဿာသာ၊\n       သရဏာ စ ဟိတေသိနော\n\n၁၆။ သဒေဝကဿ လောကဿ၊\n       သဗ္ဗေ ဧတေ ပရာယဏာ။\n       တေသာ ဟံ သိရသာ ပါဒေ၊\n       ဝန္ဒာမိ ပုရိသုတ္တမေ။\n\n၁၇။ ဝစသာ မနသာ စေဝ၊\n       ဝန္ဒာမေ တေ တထာဂတေ။\n       သယနေ အာသနေ ဌာနေ၊\n       ဂမနေ စာပိ သဗ္ဗဒါ။\n\n၁၈။ သဒါ သုခေန ရက္ကန္တု၊\n       ဗုဒ္ဓါ သန္တိကရာ တုဝံ။\n       တေဟိ တွံ ရက္ခိတော သန္တော။\n       မုတ္တော သဗ္ဗဘယေဟိ စ။\n\n၁၉။ သဗ္ဗရောဂါ ဝိနီမုတ္တော၊\n       သဗ္ဗသန္တာပ ဝဇ္ဇိတော။\n       သဗ္ဗဝေရ မတိက္ကန္တော၊\n       နိဗ္ဗုတော စ တုဝံ ဘဝ။\n\n၂၀။ တေသံ သစ္စေန သီလေန၊\n       ခန္တိမေတ္တာ ဗလေန စ။\n       တေပိ အမှေ နုရက္ခန္တု၊\n       အရောဂေန သုခေန စ။\n\n၂၁။ ပုရတ္ထိမသ္မိံ ဒိသာဘာဂေ၊\n       သန္တိ ဘူတာ မဟိဒ္ဓိကာ။\n       တေပိ အမှေ နုရက္ခန္တု၊\n       အရောဂေန သုခေန စ။\n\n၂၂။ ဒက္ခိဏသ္မိံ ဒိသာဘာဂေ၊\n       သန္တိ ဒေဝါ မဟိဒ္ဓိကာ။\n       တေပိ အမှေ နုရက္ခန္တု၊\n       အရောဂေန သုခေန စ။\n\n၂၃။ ပစ္ဆိမသ္မိံ ဒိသာဘာဂေ၊\n       သန္တိ နာဂါ မဟိဒ္ဓိကာ။\n       တေပိ အမှေ နုရက္ခန္တု၊\n       အရောဂေန သုခေန စ။\n\n၂၄။ ဥတ္တရသ္မိံ ဒိသာဘာဂေ၊\n       သန္တိ ယက္ခာ မဟိဒ္ဓိကာ။\n       တေပိ အမှေ နုရက္ခန္တု၊\n       အရောဂေန သုခေန စ။\n\n၂၅။ ပုရတ္ထိမေန ဓတရဋ္ဌော၊\n       ဒက္ခိဏေန ဝိရူဠှကော။\n       ပစ္ဆိမေန ဝိရူပက္ခော၊\n       ကုဝေရော ဥတ္တရံ ဒိသံ။\n\n၂၆။ စတ္တောရော တေ မဟာရာဇာ၊\n       လောကပါလာ ယသဿိနော။\n       တေပိ အမှေ နုရက္ခန္တု၊\n       အရောဂေန သုခေန စ။\n\n၂၇။ အာကာသဋ္ဌာ စ ဘူမဋ္ဌာ၊\n       ဒေဝါ နာဂါ မဟိဒ္ဓိကာ။\n       တေပိ အမှေ နုရက္ခန္တု၊\n       အရောဂေန သုခေန စ။\n\n၂၈။ ဣဒ္ဓိမန္တော စ ယေ ဒေဝါ၊\n       ဝသန္တာ ဣဓ သာသနေ။\n       တေပိ အမှေ နုရက္ခန္တု၊\n       အရောဂေန သုခေန စ။\n\n၂၉။ သဗ္ဗီတိယော ဝိဝဇ္ဇန္တု၊\n       သောကော ရောဂေါ ဝိနဿတု။\n       မာ တေ ဘဝန္တန္တရာယာ၊\n       သုခီ ဒီဃာယုကော ဘဝ။\n\n၃၀။ အဘိဝါဒန သီလိဿ၊\n       နိစ္စံ ဝုဍ္ဎာပစာယိနော။\n       စတ္တာရော ဓမ္မာ ဝဍ္ဎန္တိ၊\n       အာယု ဝဏ္ဏော သုခံ ဗလံ။\n\n       အာဋာနာဋိယသုတ္တံ နိဋ္ဌိတံ။\n\nအာႏကွိုꩻ\n\nပရိတ်တန်","num_words":1022,"character_repetition_ratio":0.134,"word_repetition_ratio":0.107,"special_characters_ratio":0.3,"stopwords_ratio":0.004,"flagged_words_ratio":0.0,"lang_id_score":0.995,"perplexity_score":7046.8,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%B1%E1%80%AC%E1%80%84%E1%80%BA%E1%80%86%E1%80%94%E1%80%BA%E1%80%B8%E1%80%85%E1%80%AF%E1%80%80%E1%80%BC%E1%80%8A%E1%80%BA","collection":"wikipedia","source":"wikipedia","original_code":"blk","text":"|office1 = အဖြာꩻ ၂၀ ကို ခမ်းထန်ႏရေꩻဝွန်ႏတန်\n| president1           = ဦးထင်ကျော်{{<<>>}}ဦးဝင်းမြင့်\n|term_start1 =၃၀ မတ် ၂၀၁၆\n|term_end1 = ၁ ဖေဖော်ဝါရီ ၂၀၂၁\n|predecessor1 = ဦးဝဏ္ဏမောင်လွင်\n|successor1 = ဦးဝဏ္ဏမောင်လွင်\n|office2 = ခမ်းနမ်းဗွေႏရွုမ်ꩻဝွန်ႏတန်ဌာႏန ဝွန်ႏတန်\n|president2   = ဦးထင်ကျော်{{<<>>}}ဦးဝင်းမြင့်\n|term_start2=  ၃၀ မတ် ၂၀၁၆\n|term_end2 = ၁ ဖေဖော်ဝါရီ ၂၀၂၁\n|predecessor2 = ဦးသိန်းညွန့်ဦးစိုးမောင်ဦးစိုးသိန်းဦးအောင်မင်းဦးလှထွန်း \n|office3 =  ပညာႏရေꩻဝွန်ႏတန်ဌာႏန ဝွန်ႏတန်\n|president3 =  ဦးထင်ကျော်\n|term_start3 = ၃၀ မတ် ၂၀၁၆\n|term_end3 = ၅ ဧပီ ၂၀၁၆\n| predecessor3        = ဒေါ်ခင်စန်းရီ\n| successor3          = ​ဒေါက်တာမျိုးသိမ်းကြီး\n|office4 = တျာႏမေႏတောမ်ႏစွန်ꩻအာႏဝွန်ႏတန်ဌာႏန ဝွန်ႏတန်\n|president4 =  ဦးထင်ကျော်\n|term_start4 = ၃၀ မတ် ၂၀၁၆\n|term_end4 = ၅ ဧပီ ၂၀၁၆\n|predecessor4 =  ဦးခင်မောင်စိုး (တျာႏမေႏစွန်ꩻအာႏ)ဦးဇေယျာအောင် (စွန်ꩻအာႏ)\n|successor4 =  ဦးဖေဇင်ထွန်း\n|office5 = \n|term_start5 = \n|term_end5 = \n|predecessor5 =\n|successor5 = \n|office6          = စွိုးခွိုꩻဒီမိုကရေသီအစွိုꩻချုတ် ဥက္ကဋ္ဌ\n|term_start6      = ၁၈ နိုဝင်ဘာ ၂၀၁၁\n|term_end6        = \n|predecessor6     =\n|successor6       = \n|office7          = စွိုးခွိုꩻဒီမိုကရေသီအစွိုꩻချုတ် အစွိုးစွိုး အွဉ်အကိုရေꩻကယ်ႏ\n|term_start7      = ၂၇ စက်တင်ဘာ ၁၉၈၈\n|term_end7      = ၁၈ နိုဝင်ဘာ ၂၀၁၁\n|predecessor7    = ထူႏစအရာႏ\n|successor7     = ယားကုဲင်အရာႏ\n|office8         = ခေးပြဲင်ႏခံႏအွဉ်ငါ\n|president8       = ဦးသိန်းစိန်\n|term_start8      = ၂ မေ ၂၀၁၂\n|term_end8      = ၂၉ ဇန်နဝါရီ ၂၀၁၆\n|predecessor8     = စိုင်းလှကျော်\n|successor8      = \n|office9          = ခမ်းသားလွတ်တောႏ နမ်းခြောင်ꩻတန်ဝေင်ꩻနယ်ႏကော့မူး\n|term_start9     = ၂ မေ ၂၀၁၂\n|term_end9      = ၃၀ မတ် ၂၀၁၆\n|predecessor9     = ဦးစိုးတင့်\n|successor9       = \n|majority9        = ၄၆,၇၃၀ (၇၁.၃၈%)\n|birth_date       = \n|birth_place      = ဝေင်ꩻရန်ႏတကွုန်ႏ၊ ဗိတိသျမျန်မာခမ်းထီ\n|death_date       = \n|death_place      = \n|party            = စွိုးခွိုꩻဒီမိုကရေသီအစွိုꩻချုတ်\n|spouse           = မိုက်ကယ် အဲရစ်၁ ဇန်နဝါရီ ၁၉၇၂ - ၂၇ မတ် ၁၉၉၉ (ဗꩻတွိုႏ မိုက်ကယ်အဲရစ် ကသီမားထိုꩻခိန်ႏ)\n|children         = မြင့်ဆန်းအောင်ထိန်လင်း\n|relations        = ပိုလ်ႏချုတ်အောင်သန်း (ဖါဗွေႏ)ဒေါ်ခင်ကြည် (မွိုးဗွေႏ)\n|residence        = ခြံအမုဲင်(၅၄)၊ တက္ကသိုလ်ႏယေက်တာတဖူꩻ\n|alma_mater       = ဒေလီတက္ကသိုလ်ႏ သေက်ဟျူးကေားလေက် (အောက်စဖို့ဒ်)လန်ဒန်တက္ကသိုလ်ႏ\n|religion         = ထေရဝါဒ ဗုဒ္ဓဘာႏသာႏ\n|awards           = သိုးရော်ဖ် ရဖ်တို ဆုꩻစက်ခါရော့ဗ်ဆုꩻနိုဘဲလ် ငိမ်ꩻချံꩻရေꩻဆုꩻဂျဝါဟာလာနေရူးဆုꩻInternational Simón Bolívar Prizeအိုလွတ်ဖ် ပါလ်မယ် ဆုꩻBhagwan Mahavir World Peaceကွန်ဂရက်ခံꩻတံဆိပ်ဆုꩻ\n|signature        = Aung San Suu Kyi signature 2013.svg\n|website          = \n}}\n\nအောင်ဆန်းစုကြည် () (မန်း: အောင်ဆန်းစုကြည်) အောင်သန်းသုစီယို ထွာဒျာႏ ခမ်းထီအကယ်ႏတန် လိုꩻမူႏယံတဖြ���ꩻဒျာႏသွူ။ နေင်ႏ ၁၉၉၁ ဗာႏ ကွပ်ပွိုးစွဉ်ႏ နေးတွမ်ႏစေႏတနာႏ ခွိုꩻရက်လိုꩻတဖြာꩻအနေႏတဲင် လꩻလွေꩻခန်း ကမ္ဘာႏငြိမ်ꩻချမ်ꩻရေꩻဆုꩻနိုးဘဲယ် သွူ။ ဝွေꩻမူႏယိုနဝ်ꩻ ထွာကွို့ꩻ ခမ်းထီအွဉ်ငါတန် တဖြာꩻလွုမ်ꩻတဲ့ တမွေးတောဝ်ႏ တဖဲ့ꩻနဝ်ꩻလဲ့ တဲမ်းလိတ်ဆရာႏလဲအောဝ်ႏထွာဒျာႏသွူ၊ ဝွေꩻမူႏယိုခါနဝ်ꩻ အောဝ်ႏထွာခွုမ်ထူႏလွေꩻဖေႏ စွိုးခွိုꩻဒီမိုကရေသီအစွိုꩻချုတ် အတန်အကယ်ႏသွူ၊ နဝ်ꩻထွူတကာႏတောဝ်ႏ အောဝ်ႏထွာပါနေက ခမ်းထီတန်အတွိုင်ႏပင်ႏခံႏ အတန်အကယ်ႏနဝ်ꩻသွူ။ ၂၀၂၁ လာဒဲဉ်ကံလာ စဲ့ꩻမန်းတပ်မတောႏ စဲ့ꩻပိုႏ မင်းအောင်လိုင်ယို ထူႏသိမ်ꩻထိုꩻအာႏဏာႏတဲင် ဆွမ်ꩻထိုꩻခန်းဒျာႏဝွေꩻနဝ်ꩻသွူ။ ဝွေꩻမူႏယိုနဝ်ꩻ ၂၁ နေင်ႏတွင်ꩻကို အုံသော့ꩻဗာႏဒျာႏလမ်းထောင်ႏကိုနဝ်ꩻ ညစွဉ်ႏနေင်ႏပေါင်ꩻ ၁၅ နေင်ႏသွူ။ ၁၉၉၀ နေင်ႏတွင်ꩻကို ကွပ်ပွိုးဝွေꩻမူႏယို အွဉ်ငါတဲင် မာꩻလွေꩻလွိုက်ရွေꩻပွယ်ꩻနဝ်ꩻ နွောင်ꩻလို့ခန်းဒျာႏသွူ၊ ကွယ်ႏတွော့ꩻ ကထွိုင်ႏနွောင်ꩻခန်းစွဉ်ႏလဲ့ꩻ စဲ့ꩻသီးဖုံႏဖေႏတောဝ်ႏအာႏဏာႏသွူ။\n\nနွို့ꩻပြဲင်းထဲင်ယင်း လွိုက်ရွေꩻပွယ်ꩻ \n၂၀၁၂ နေင်ႏကိုလာ ဒဲဉ်သီႏဆန်ꩻ ၁ နီꩻ နဝ်ꩻနွို့ပြဲင်ႏထဲင်ႏယင်း လွိုက်ရွေꩻပွယ်တဲင် ဝွေꩻမူႏနဝ်ꩻနွို့ပြဲင်ႏလွေꩻခန်ႏ ကော့ꩻမူး ဝေင်ꩻနယ်ႏတဲင်တွော့ꩻ ထွာလွဉ်ခန်းဒျာႏ ရန်ႏကုန်ႏတွိုင်ꩻကို လွတ်တော်ႏအမတ်နဝ်ꩻသွူ။\n\nမိဉ်ꩻနာꩻမ \nအောင်ဆန်းစုကြည် ကရိုꩻဒါႏမဉ်ꩻ ယိုထွာဒျာႏ အောဝ်ႏအွိုႏအဖါမဉ်ꩻကိုတွော့ ဖန်သွုပ်ငါလွေꩻဖေႏထဲင်ႏယင်ႏဒျာႏသွူ၊\n\nဖဝပေႏပေႏခါ \nမန်ႏခမ်းလွစ်ထန်ႏရေꩻ အတန်အကယ်ႏ ဗိုလ်ချုပ်အောင်ဆန်း တွမ်ႏ နင်ႏခင်ကြည် သီးယိုပိုမူႏ လွူးဖွာꩻလင်ꩻဖေႏ ၁၉၄၅ နေင်ႏကိုနဝ်ꩻသွူ။\n\nအာႏကွိုꩻ \n\nမျန်မာလိုꩻခွိုꩻဖုံႏ နမ်းခြောင်ꩻခရာႏ","num_words":941,"character_repetition_ratio":0.08,"word_repetition_ratio":0.148,"special_characters_ratio":0.221,"stopwords_ratio":0.003,"flagged_words_ratio":0.0,"lang_id_score":1.0,"perplexity_score":1052.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%96%E1%80%9B%E1%80%AC%EA%A9%BB%E1%80%82%E1%80%AF%E1%80%8F%E1%80%BA%E1%82%8F%E1%80%90%E1%80%B1%E1%80%AC%E1%82%8F","collection":"wikipedia","source":"wikipedia","original_code":"blk","text":"ဖရာꩻ ဂုဏ်ႏတောႏ ၉ ပါꩻ ပါဠိ \nဣတိပိ သော ဘဂဝါ - \nအရဟံ\nသမ္မာသမ္ဗုဒ္ဓေါ\nဝိဇ္ဇာစရဏသမ္ပန္နော\nသုဂတော\nလောကဝိဒူ\nအနုတ္တရောပုရိသဒမ္မသာရထိ\nသတ္ထာဒေဝမနုဿာနံ\nဗုဒ္ဓေါ\nဘဂဝါ\n\nဖရာꩻ ဂုဏ်ႏတောႏ ၉ ပါꩻ ပအိုဝ်ႏ\n\nအရဟံ\nနီဗွေႏဖရာꩻသူꩻနဝ်ꩻ လိုꩻလူႏဗြဟ္မာႏ သတ္တဝါႏခိုမူႏ ကားကလူႏယို ကွပ်ထူႏထွိုက်ယံ အရဟံဂုဏ်ႏ ဘွုံႏတန်သိုမ်ခမ်း ခင်ႏလမ်းဖွစ်��ဖဲစ်ꩻ ကျောႏစွစ်ꩻစဲစ်ꩻလဲဉ်းသွူ။\n\nသမ္မာသမ္ဗုဒ္ဓေါ\nနီဗွေႏဖရာꩻသူꩻနဝ်ꩻ ကေားသွဉ်ဖေႏဒါႏ ဆရာႏအဲဉ်ထဝ်း ဗွေႏစဝ်းနမ်းဒျာႏ ယံငါႏစဲင်းစဲ့ ကြောင်းကြဲ့တရာꩻ ကွယ်သေငါꩻမꩻ သမ္မာသမ္ဗုဒ္ဓေါ ယံခေါဗွေဂုဏ်ႏ ဘွုံႏတန်သိုမ်ခမ်း ခင်ႏလမ်းဖွစ်ꩻဖဲစ်ꩻ ကျောႏစွစ်ꩻစဲစ်ꩻလဲဉ်းသွူ။\n\nဝိဇ္ဇာစရဏသမ္ပန္နော\nနီဗွေႏဖရာꩻသူꩻနဝ်ꩻ သိုမ်ပါꩻဝိဇ္ဇာႏ ဆီငတ်ꩻဗာႏစရဏ ကွပ်လꩻဗွေအာ ဝိဇ္ဇာစရဏသမ္ပန္နော ယံခေါဗွေဂုဏ်ႏ ဘွုံႏတန်သိုမ်ခမ်း ခင်ႏလမ်းဖွစ်ꩻဖဲစ်ꩻ ကျောႏစွစ်ꩻစဲစ်ꩻလဲဉ်းသွူ။\n\nသုဂတော\nနီဗွေႏဖရာꩻသူꩻနဝ်ꩻ ငဝ်းဟဝ်ရိုꩻဒေါ့ꩻ တွိုႏသော့ꩻနိဗ္ဗာန်ႏ ဖထန်ႏဒုက္ခော သုဂတောဂုဏ်ႏ ဘွုံႏတန်သိုမ်ခမ်း ခင်ႏလမ်းဖွစ်ꩻဖဲစ်ꩻ ကျောႏစွစ်ꩻစဲစ်ꩻလဲဉ်းသွူ။\n\nလောကဝိဒူ\nနီဗွေႏဖရာꩻသူꩻနဝ်ꩻ သတ္ထောသ သင်္ခါႏရရိုꩻ လောကသိုမ်ပါꩻ သေငါꩻယံကျ လောကဝိဒူ ဆန်ꩻထူꩻဗွေဂုဏ်ႏ ဘွုံႏတန်သိုမ်ခမ်း ခင်ႏလမ်းဖွစ်ꩻဖဲစ်ꩻ ကျောႏစွစ်ꩻစဲစ်ꩻလဲဉ်းသွူ။\n\nအနုတ္တရော ပုရိသဒမ္မသာရထိ\nနီဗွေႏဖရာꩻသူꩻနဝ်ꩻ ဆုင်ꩻမꩻသင်ꩻသား ကားသတ္တဝါႏ ဆုင်ꩻမꩻဒါႏခေါ အနုတ္တရော ပုရိသဒမ္မသာရထိဂုဏ်ႏ ဘွုံႏတန်သိုမ်ခမ်း ခင်ႏလမ်းဖွစ်ꩻဖဲစ်ꩻ ကျောႏစွစ်ꩻစဲစ်ꩻလဲဉ်းသွူ။\n\nသတ္ထာ ဒေဝမနုဿာနံ\nနီဗွေႏဖရာꩻသူꩻနဝ်ꩻ လိုꩻလူꩻဗြဟ္မာႏ သတ္တဝါႏသီး ဆရာႏကွပ်ထွာ သတ္ထာ ဒေဝမနုဿာနံ ဟဝ်ယံဗွေဂုဏ်ႏ ဘွုံႏတန်သိုမ်ခမ်း ခင်ႏလမ်းဖွစ်ꩻဖဲစ်ꩻ ကျောႏစွစ်ꩻစဲစ်ꩻလဲဉ်းသွူ။\n\nဗုဒ္ဓေါ\nနီဗွေႏဖရာꩻသူꩻနဝ်ꩻ သစ္စာႏလစ်ꩻပါꩻ မျတ်တရာꩻယို သေငါꩻယံခေါ ဗုဒ္ဓေါဗွေႏဂုဏ်ႏ ဘွုံႏတန်သိုမ်ခမ်း ခင်ႏလမ်းဖွစ်ꩻဖဲစ်ꩻ ကျောႏစွစ်ꩻစဲစ်ꩻလဲဉ်းသွူ။\n\nဘဂဝါ\nနီဗွေႏဖရာꩻသူꩻနဝ်ꩻ သူပါꩻဂုဏ်ႏတောႏ ဗွေကျောႏငါႏထာꩻ ဘဂဝါဂုဏ်ႏ ဘွုံႏတန်သိုမ်ခမ်း ခင်ႏလမ်းဖွစ်ꩻဖဲစ်ꩻ ကျောႏစွစ်ꩻစဲစ်ꩻလဲဉ်းသွူ။\n\nအာႏကွိုꩻ \n\nဗုဒ္ဓဘာႏသာႏ","num_words":366,"character_repetition_ratio":0.168,"word_repetition_ratio":0.098,"special_characters_ratio":0.08,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":1167.8,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%AE%E1%80%9C%E1%80%AE%E1%80%80%E1%80%BD%E1%80%94%E1%80%BA","collection":"wikipedia","source":"wikipedia","original_code":"blk","text":"သီလီကွန် ယို ထွာ သင်္ကေႏတ Si တွမ်ႏ အဲတ်တမ်အမုဲင် ၁၄ ကိုကအောဝ်ႏဒါႏ ဓာတုဗေဒ ဒြတ်စင်တဗာႏ။ ဝွေꩻယို ထွာ လုံး သုဲင်ꩻ အဆှော့ꩻ ခြုမ်ႏ အရောင်ႏတမှောတ် ကအောဝ်ႏဒါႏ သတ္တုဖဲ့ꩻ ထာꩻဖဲန်တစား၊ ထွာ ဝတ္ထုထာꩻခြိုꩻ အုံခြှောန်းအာႏ အောဝ်ႏ လစ်ꩻဖြုံႏ (tetravalent metalloid) တွမ်ႏယင်း တျာႏစပ်ꩻဒါႏ တခူးတခေါဝ် (semiconductor) သှူ။ အ���ဲ့ရော့ꩻ ထာꩻရွောင်ကိုနောဝ်ꩻ ပါ အဗူႏ ၁၄ ကို၊ ဝွေꩻဆကီနောဝ်ꩻ ကာဗွန်အောဝ်ႏ၊ ဝွေꩻဆလနောဝ်ꩻ ဇျာမေနီယမ်၊ ပသီဗွာ၊ စှိုန်ꩻ ယင်း ဖလာရိုဗီယမ် အောဝ်ႏ။ တွမ်ႏဒြတ်စင်လောင်းလင် မာꩻဓာတ် ပေါႏအဲန်တောဝ်းသှူ။\n\nထူႏတောမ်\n\nဓာတုဗေဒ","num_words":60,"character_repetition_ratio":0.008,"word_repetition_ratio":0.0,"special_characters_ratio":0.114,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":345766.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%84%E1%80%B1%E1%80%AB%E1%80%9D%E1%80%BA%E1%80%B8%E1%80%9D%E1%80%BD%E1%80%B1%E1%82%8F%E1%80%80%E1%80%AF%E1%80%9E%E1%80%AD%E1%80%AF%E1%80%9C%E1%80%BA%E1%82%8F","collection":"wikipedia","source":"wikipedia","original_code":"blk","text":"နီသွဉ်းသီးကာပြု ကောင်းမုကုသိုလ်ႏ အကျိုႏယိုနောဝ်ꩻ ဝွေႏတွိုႏမွိုးဖါ ဆရာႏသမာꩻ အမျာꩻဖူးဝေး ဆွေႏမျိုꩻသဟာ သတ္တဝါႏဖုံႏပေါင်ꩻ ကိုႏစောင်ꩻတနံꩻ ပေးတန်လူꩻလိုꩻ ငါႏရုဲင်ꩻပြိတ္တာႏ အင်္ဂါႏဘဝဂ် ကြောင်းကဲ့ဝွေႏလို့ သာႏဓုလꩻတွာပငါပရာꩻသွူနော ဗွေႏသီးဩ။\n\nအာႏကွိုꩻ \n\nREDIRECT ငဝ်းဝွေႏဖန်းကုသိုလ်ႏ","num_words":30,"character_repetition_ratio":0.0,"word_repetition_ratio":0.0,"special_characters_ratio":0.074,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":154485.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%93%E1%80%99%E1%80%B9%E1%80%99","collection":"wikipedia","source":"wikipedia","original_code":"blk","text":"ဓမ္မ-ကရိုꩻနဝ်ꩻ  \nအတ္တာနံ ဓာရေန္တေ အပါယေ ဝဋ္ဋဒုက္ခေ စ အပတမာနေ ကတွာ ဓာရေတီတိ-ဓမ္မော။ ဖေႏနေးကထဲ့ဗာႏမွုန်း အပါယ်ႏ အဆောင်ႏခါꩻ၊ ပင်ႏထိုဖေႏဒါႏ ကကံကျင်ꩻသားတဲင် ဟဲ့ꩻဗာႏ \"ဓမ္မ-တရာꩻ\"နဝ်ꩻသွူ။\n\nဓမ္မ-တရာꩻဂုဏ်ႏတောႏ သူပါꩻ ပါဠိ\nသွာက္ခာတော ဘဂဝတာ ဓမ္မော, သန္ဒိဋ္ဌိကော, \nအကာလိကော, ဧဟိပဿိကော, ဩပနေယျိကော, \nပစ္စတ္တံ ဝေဒိတဗ္ဗော ဝိညူဟိ။ (တာဒိသ ဂုဏသမ္ပန္နံ ဓမ္မံ ဝန္ဒာမိ အာဒရံ။)\n\nပါဠိ + လင်္ကာႏပအိုဝ်ႏ\n၁။ သွာက္ခာတော ဘဂဝတာ ဓမ္မော - ဗွေႏမျတ်ဖရာꩻ၊ ဟောꩻခါꩻယံသေႏ၊ မျတ်ဓမ္မေႏ၊ ခွေသွောဉ်းရိုႏသေႏ ခေါက်ဝုဲႏဩ။\n၂။ သန္ဒိဋ္ဌိကော - နမ်းတောမ်ႏနမ်းချာ၊ ပငါပရာꩻ၊ ထီႏသေငါꩻခွင်ꩻ၊ ထွိုက်သင်ꩻတသေႏ၊ မျတ်ဓမ္မေႏ၊ ခွေသွဉ်းရိုႏသေႏ ခေါက်ဝုဲႏဩ။\n၃။ အကာလိကော - အကျိုꩻဟဝ်ရင်ꩻ၊ တလဲင်ႏချင်ꩻဖေႏ၊ မျတ်ဓမ္မေႏ၊ ခွေသွောဉ်းရိုႏသေႏ ခေါက်ဝုဲႏဩ။\n၄။ ဧဟိပဿိကော - လွောဉ်သွော့ ထွားသွော့၊ ကံကျင်ꩻသွော့ဝင်ꩻ၊ ဖိစ်ပင်ꩻထွိုက်သေႏ၊ မျတ်ဓမ္မေႏ၊ ခွေသွဉ်းရိုႏသေႏ ခေါက်ဝုဲႏဩ။\n၅။ ဩပနေယျိကော - သꩻကိုစူမ်ႏဖြာꩻ၊ ဆောင်ႏခါꩻထွိုက်သေႏ၊ မျတ်ဓမ္မေႏ၊ ခွေသွောဉ်းရိုႏသေႏ ခေါက်ဝုဲႏဩ။ \n၆။ ပစ္စတ္တံ ဝေဒိတဗ္ဗော ဝိညူဟိ - ပညာႏဗွေႏအာ၊ ပငါပရာꩻ၊ ထီႏသေငါꩻထွိုက်၊ ခံႏစာꩻထွိုက်သေႏ၊ မျတ်ဓမ္မေႏ၊ ခွေသွဉ်းရိုႏသေႏ ခေါက်ဝုဲႏဩ။\n\nအာႏကွိုꩻ \n\nဗုဒ္ဓဘာႏ���ာႏ","num_words":115,"character_repetition_ratio":0.158,"word_repetition_ratio":0.0,"special_characters_ratio":0.121,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":131118.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%AE%E1%82%8F%E1%80%9C","collection":"wikipedia","source":"wikipedia","original_code":"blk","text":"သီႏလကရိုꩻနဝ်ꩻ- အကုသိုလ်ႏ ဖေႏနေးကတွမ်ႏထွာလꩻမွုန်းတဲင် ကထိန်ꩻဟဝ်ဟဝ်ခါꩻ နမ်းထာꩻမာꩻ၊ ဖြောင်းထာꩻဒေါ့ꩻဖုံႏနဝ်ꩻ ဟဲ့ꩻ\"သီႏလ\"နောဝ်ꩻသွူ။ ခေတ်ယိုခါ ပညာႏဗွေႏသီးဖုံႏ ကအဝ်ႏလက္ခံႏ ထူႏသွုံꩻအာဒါႏ သီႏလဖုံႏနဝ်ꩻ-\n၁။ သီႏလငတ်ꩻပါꩻ (ဂဟဋ္ဌသီလ)\n၂။ သီႏလသွစ်ꩻပါꩻ (ဥပုသ်သီလ)\n၃။ သီႏလကွတ်ꩻပါꩻ (ဥပုသ်သီလ)\n၄။ သီႏလပါꩻဆီ (သာႏမဏေႏသီႏလ)နုဲင်းနောဝ်ꩻဖုံႏသွူ။\n\nဆို့ꩻတယ်ႏသီလ လꩻသုခ\nသီလယတီတိ သီလံ - ကောပ်ပွိုး ဟဝ်ဆို့ꩻတယ်ႏထိန်ꩻတီငါႏနဝ်ꩻမꩻ ဟဲ့ꩻဗာႏ\"သီလ\"သွူ။ ဆိုꩻတယ်ႏဗာႏနုဲးမုဲꩻ-? ။ \n\"ကာယကမ္မဝစီကမ္မာနိ သမ္မာဒဟတိ သမ္မာဌပေတီတိ အတ္ထော- ထိန်ꩻဟဝ်ဟဝ် ရဲးဟဝ်ဟဝ် အွဉ်ႏဟဝ်ဟဝ်ဗာႏ နမ်းထာꩻမာꩻ၊ ဖြောင်းထာꩻဒေါ့ꩻ\" (အဓိပ္ပါယ်ႏလꩻ)နုဲးနဝ်ꩻသွူ။\n\nသီႏလသိုမ်စွိုး \n၁။ သမ္ပတ္တဝိရတီသီႏလ၊\n၂။ သမ္မာဒါနဝိရတီသီႏလ၊\n၃။ သမုစ္ဆေဒဝိရတီသီႏလ ယိုသိုမ်စွိုးသွူ။\n\n၁။ သမ္ပတ္တဝိရတီသီႏလ-ကရိုꩻနဝ်ꩻ ဆို့ꩻတယ်ႏ(တွိုင်ႏတယ်ႏ)ဖရာꩻထျꩻတဲ့ တမွေးတဝ်း၊ ခံႏထူႏဗွေႏရဟန်ꩻသင်္ဃာႏသီးထျꩻတဲ့ တမွေးတဝ်း၊ နမ်းတောမ်ႏနမ်း အုံချာ ဆို့ꩻတယ်ႏချာနေးဒျာႏ၊ မာꩻခွင်ꩻတွိုႏလွဉ်တယဝ်း မာꩻတဝ်း၊ သျောင်ႏထိုꩻဒျာႏ အဓိပ္ပါယ်ႏလꩻနုဲးနဝ်ꩻသွူ။\n\nဥပမာႏ- ရူးတဗာႏ လွေꩻယွယွထာꩻ နမ်းဆငါ။ ရူးမိဉ်ႏထီႏရီး ရူးအဲင်ႏလꩻ၊ လိုꩻမိဉ်ႏထီႏရီး လိုꩻမာꩻသီ။ ကောပ်နဝ်ꩻမꩻ ရူးတောမ်ႏလိုꩻနဝ်ꩻ တခဝ်းတဝ်းဝင်ꩻနဝ်ꩻသွူ။ ကွဲႏတွော့ꩻ \"ခွေမိဉ်ႏမာꩻသီဝွေꩻနဝ်ꩻ ခွေအီႏထဲ့ဗာႏငါး၊ အပဲစ်အီႏတန်၊ မာꩻသီတဝ်းဒူမ်\"ယူႏနုဲးနဝ်ꩻထွူ ထူႏကွော့ꩻ တောမ်ႏခွဉ်းတဲင် \"ရူးဟွေး... နာꩻမဲဉ်လွေꩻရာꩻ လွေꩻသွော့နေား...\" အွဉ်ႏစွꩻခန်းနုဲးနဝ်ꩻတဲင်  မာꩻသီထွာတဝ်း။ မာꩻသီခွင်ꩻတွိုႏလွဉ်ခန်းတယဝ်း တမာꩻသီတဝ်း၊ သျောင်ႏထိုꩻဒျာႏနုဲးယိုနဝ်ꩻ ထွာ လꩻကုသိုလ်ႏတစွိုးနေနေသွူ။\n\n မာꩻသီခွင်ꩻအဝ်ႏလဲ့ မာꩻသီတဝ်းဝင်ꩻသက်၊\n ထူႏတခွန်ꩻခွင်ꩻသာႏလဲ့ ထူႏတခွန်ꩻတဝ်းဝင်ꩻတခြိုꩻ၊\n ကာမေသုမိစ္ဆာ-ကမ်ႏ ခွင်ꩻရေꩻသာႏလဲ့ လွဉ်ꩻမာႏတဝ်း ဝင်ꩻပိုမာလမ်းသား၊\n ကလိုႏလဲဉ်ကိုတယဝ်း တခံႏဒေါ့ꩻလဲဉ်တဝ်းထာꩻ၊\n ဟဲ့ꩻအွꩻဒဝ်ဘီယာသားအဝ်ႏလဲ့ ခံႏအွꩻတဝ်း ဒဝ်ဘီယာ။\n\nအခွင်ꩻအရေꩻတွိုႏလွဉ်ခန်းတယဝ်း တခံႏမာꩻတဝ်း၊ ကသျောင်ႏထိုꩻဒါႏ နုဲးယိုနဝ်ꩻ ဟဲ့ꩻ”သမ္ပတ္တဝိရတီသီႏလ”နဝ်ꩻသွူ။\n\n၂။ သမ္မာဒါနဝိရတီသီႏလ-ကရိုꩻနဝ်ꩻ ဖရာꩻငါတဲ့သင်၊ ဗွေႏရဟန်ꩻသံဃာႏသီးထျꩻတဲ့သင် ခါးလားကထွာကမော့ꩻလွဉ် ကဆို့ꩻတယ်ႏရီးဒါႏ သီလႏငတ်ꩻပါꩻ၊ သီႏလသွစ်ꩻပါꩻစတဲင်ဖုံႏသွူ။ ကဆို့ꩻတယ်ႏထိင်ꩻတီရီးနေးဒါႏ သီႏလနဝ်ꩻနဝ်ꩻ ဟဲ့ꩻ”သမာဒါနဝိရတီသီႏလ”နဝ်ꩻသွူ။ ယိုနဝ်ꩻ ယိင်းလꩻလွိုဗာႏ ကုသိုလ်ႏနဝ်ꩻသွူ။ သမ္ပတ္တဝိရတီသီႏလ-နဝ်ꩻဟွဉ်ႏနဝ်ꩻ (အခွင်ꩻ)တွိုႏလွဉ်မꩻ ကွဲးဆို့ꩻတယ်ႏ၊ သမ္မာဒါနဝိရတီသီႏလ-နဝ်ꩻ ဆို့ꩻတယ်ႏခါꩻရီးနေး။ သီႏလယိုနီစွိုးအကို အစွိုးမုဲꩻ စေႏတနာႏတန်အာလွိုဟောင်းကရိုꩻနဝ်ꩻ ဆို့ꩻတယ်ႏခါꩻရီးနေး သမ္မာဒါနဝိရတီသီလ-နဝ်ꩻ စေႏတနာႏတန်အာကယ်ꩻထဲင်းဒျာႏ သမ္ပတ္တဝိရတီသီႏလ-နဝ်ꩻမꩻ ယိင်းလꩻလွိုဗာႏ ကုသိုလ်ႏနဝ်ꩻသွူ။\n\n ၃။ သီႏလ ကယံကယ်ꩻထဲင်းဒါႏ သီႏလကီနဝ်ꩻနီစွိုးနဝ်ꩻ ထွာ “သမုစ္ဆေဒဝိရတီသီႏလ”နဝ်ꩻသွူ။  “သမုစ္ဆေဒဝိရတီသီႏလ”ယို သာမညပုဂ္ဂိုလ်ႏ နုဲးနီနာꩻသီးနဝ်ꩻတဲ့ တလꩻတဝ်း။ အာႏထုတ်တရာꩻတဲင် ထွာလွဉ် ‘သောတာပန်ႏ’၊ ပုဂ္ဂိုလ်ႏနဝ်ꩻစားတဲ့ ခံႏသက်သီလူမ်ꩻ။ လွဉ်မာꩻသီခန်းနုဲးမုဲꩻမုဲꩻတယဝ်း ခံႏမာꩻချာတဝ်းဝင်ꩻ ခံႏဒျာႏနမ်းသီတဲင် “ပါဏာတိပါတာ ဝေရမဏိ” ခွေါင်တိဉ်ႏထိုꩻလဲဉ်း။ ပွိုင်းဝွို့တောမ်ႏ ဝင်ꩻတခြိုꩻလဲ့ ထူႏတခွန်ꩻတဝ်းဒူမ်လာꩻလာꩻ။ တတရာꩻတဝ်း ကာမေသု မိစ္ဆာစာရကမ်ႏယိုလဲ့ လွဉ်ꩻမာႏတဝ်းဒူမ်လာꩻလာꩻ။ ခံႏဒေါ့ꩻတဝ်း ငဝ်းလိန်ႏလဲဉ်လာꩻလာꩻ။ ဒဝ်ထီသုရာႏလဲ့ခံႏအွꩻတဝ်းလာꩻလာꩻ။ သီႏလငတ်ꩻပါꩻ နမ်းကျင်ꩻတရာꩻတိဉ်ႏခွေါင်ထိုꩻလဲဉ်းသွူ။  ကဆို့ꩻတယ်ႏဒါႏသီႏလ ယိုစားနဝ်ꩻ ဟဲ့ꩻ”သမုစ္ဆေဒဝိရတီသီႏလ”နဝ်ꩻသွူ။\n\nသီႏလ ၃-မျိုꩻ \n ဟီနသီႏလ\n မဇ္ဈိမသီႏလ\n ပဏီတသီႏလ-\nအဝ်ႏ ၃-မျိုꩻနုဲင်းနဝ်ꩻနေနေ။\n၁။ \"ဟီနသီႏလ\"ကရိုꩻနဝ်ꩻ- နေးတွမ်ႏ သꩻစေႏတနာႏသဒ္ဓါႏ နွူႏနွူႏယေ့ꩻယေ့ꩻ ဆေ့ꩻခြေားယုတ်ညမ်းတဲင် ကခံႏထူႏဆောက်တဲႏဒါႏ သီႏလအမျိုꩻနုဲင်းနဝ်ꩻနဝ်ꩻ ထွာသီႏအညမ်းသွတ်ꩻတွော့ꩻ ဟဲ့ꩻဗာႏ \"ဟီနသီႏလ\"နဝ်ꩻသွူ၊ (အကျိုꩻတဲ့ ဖေႏအညမ်းစားလွုမ်ꩻ)။\n၂။ \"မဇ္ဈိမသီလ\"ကရိုꩻနောဝ်ꩻ- နေးတွမ်ႏ သꩻစေႏတနာႏသဒ္ဓါႏတရာꩻ တောႏတောႏတန်ႏတန်ႏပေႏတဲင် ကခံႏထူႏဆောက်တဲႏဒါႏ သီႏလအမျိုꩻနုဲင်းနဝ်ꩻနဝ်ꩻ ထွာသီႏလတောႏတောႏတန်ႏတန်ႏပေႏလွုမ်ꩻတွော့ꩻ ဟဲ့ꩻဗာႏ \"မဇ္ဈိမသီလ\"နဝ်ꩻသွူ။ (အကျိုꩻတဲ့ ဖေႏတောႏတောႏတန်ႏတန်ႏစားလွုမ်ꩻ)။\n၃။ \"ပဏီတသီလ\"ကရိုꩻနဝ်ꩻ- နေးတွမ်ႏ သꩻစေႏတနာႏသဒ္ဓါႏတရာꩻ တန်တန်အာအာတဲင် ကခံႏထူႏဆောက်တဲႏဒါႏ သီႏလအမျိုꩻနုဲင်းနဝ်ꩻနဝ်ꩻ ထွာသီႏလ အထိုအမျတ်တွော့ꩻ ဟဲ့ꩻဗာႏ \"ပဏီတသီလ\"နဝ်ꩻသွူ၊ (အကျိုꩻတဲ့ ဖေႏအယံသွတ်ꩻစား)။\n\nခံႏထူႏသီႏလငတ်ꩻပါꩻပွုံႏ \n(က) အဟံ ဘန္တေ တိသရဏေန သဟ ပဉ္စသီလံ ဓမ္မံ ယာစာမိ၊ အနုဂ္ဂဟံ ကတွာ သီလံ ဒေထ မေ ဘန္တေ။ ဒုတိယမ္ပိ-----၊ တတိယမ္ပိ -----။\n(ခ) နမော တဿ ဘဂဝတော အရဟတော သမ္မာသမ္ဗုဒ္ဓဿ။\n(ဂ) ဗုဒ္ဓံ သရဏံ ဂစ္ဆာမိ၊ ဓမ္မံ သရဏံ ဂစ္ဆာမိ၊ သံဃံ သရဏံ ဂစ္ဆာမိ။ ဒုတိယမ္ပိ-----၊ တတိယမ္ပိ -----။\n\n(ဃ) ၁။ ပါဏာတိပါတာ ဝေရမဏိ သိက္ခာပဒံ သမာဒိယာမိ။\n၂။ အဒိန္နာဒါနာ ဝေရမဏိ သိက္ခာပဒံ သမာဒိယာမိ။\n၃။ ကာမေသု မိစ္ဆာစာရာ ဝေရမဏိ သိက္ခာပဒံ သမာဒိယာမိ။\n၄။ မုသာဝါဒါ ဝေရမဏိ သိက္ခာပဒံ သမာဒိယာမိ။\n၅။ သုရာမေရယ မဇ္ဇပမာဒဋ္ဌာနာ ဝေရမဏိ သိက္ခာပဒံ သမာဒိယာမိ။\n\nကခံႏထူႏသီႏလငတ်ꩻပါꩻယိုနဝ်ꩻ \"ပဉ္စသိက္ခာပဒံ သမာဒိယာမိ\"(ခွေသွဉ်းခံႏထူႏ ဆောက်တဲႏသိက္ခာႏပုဒ် ငတ်ꩻပါꩻဗွေႏဩ) ပေါႏခံႏထူႏဆောက်တဲႏရိုမ်ꩻပုတ်နုဲင်းနဝ်ꩻနဝ်ꩻ သီႏလငတ်ꩻပါꩻကို ပေါႏကုဲင်တပါꩻပါꩻတဲ့ ကားကအဝ်ႏ ၅-ပါꩻလိုမ်းကုဲင်လို့။ \"ပါဏာတိပါတာ ဝေရမဏိ သိက္ခာပဒံ သမာဒိယာမိ\"-စတဲင် မဉ်ႏဆောက်တဲႏ တပါꩻတပါꩻစီႏနဝ်ꩻ မဉ်ႏလွဉ်ꩻမာႏ အပါꩻမုဲင်ꩻတဲ့ ကုဲင်ဒျာႏကလွဉ်ꩻမာႏ အပါꩻနဝ်ꩻလွုမ်ꩻ၊ ကုဲင်လို့တဝ်းငတ်ꩻပါꩻ ကွာႏနုဲင်းနဝ်ꩻသွူ။\n\nပွိုင်းဝွို့တွမ်ႏ ကခံႏထူႏသီႏလယိုနဝ်ꩻ လိုꩻအဝ်ႏ ၄-မျိုꩻ၊ ၄-မျိုꩻကရိုꩻနဝ်ꩻ-\n၁။ ယင်ဟန်ႏသားနဝ်ꩻ ရွစ်တဝ်းတွမ်ႏဖြောင်း (ရွစ်ဒါႏတောဝ်း) ခံႏထူႏတေ့ꩻဒျာႏသꩻကို၊ ကွဲႏတွော့ꩻ မာꩻသီတဝ်းဝင်ꩻသက်၊ တခွန်ꩻတဝ်းဝင်ꩻထာꩻ-စတဲင် သီႏလငတ်ꩻပါꩻကို တပါꩻပါꩻကုဲင်တဝ်း။\n၂။ ယင်ဟန်ႏသားနဝ်ꩻ ရွစ်ကီတဲ့ သမ်းမာꩻသီဝင်ꩻသက်၊ သမ်းတခွန်ꩻဝင်ꩻထာꩻ-စတဲင် သီႏလငတ်ꩻပါꩻ ကုဲင်မွိုင်းဒျာႏ၊ (အာႏမခံႏခြေင်ထာꩻလွုမ်ꩻ)။\n၃။ ယင်ဟန်ႏသားနဝ်ꩻ ဖြောင်းတဲ့ရွစ်ဒျာႏ၊ ကအာႏမခံႏအတွိုင်ꩻ သီႏလငတ်ꩻပါꩻ ခံႏကုဲင်တဝ်း တပါꩻပါꩻ။\n၄။ ယင်ဟန်ႏသားနဝ်ꩻ ရွစ်တဲ့ရွစ်တဝ်း၊ ရွစ်တဲ့ တဒါႏတဝ်း၊ (ခံႏထူႏတဲ့ တခံႏထူႏတောဝ်း) ဝင်ꩻသက်တဲ့ မာꩻသီ-စတဲင် သီႏလငတ်ꩻပါꩻ ကုဲင်လီလာလို့။\n\nလိုꩻ ၄-မျိုꩻကိုယိုနဝ်ꩻ ရွစ်တဲ့ရွစ်၊ ခံႏကုဲင်တဲ့ ခံႏကုဲင်တဝ်းနဝ်ꩻ ရွစ်တဲ့ကုသိုလ်ႏလꩻ၊ ခံႏကုဲင်တဝ်းတာႏတဲ့ ကုသိုလ်ႏလꩻတဲင် ထွာအယံသွတ်ꩻ။ ရွစ်တဒါႏတဝ်းစွဉ်ႏတဲ့ တခံႏကုဲင်တဝ်းနဝ်ꩻ (ခံႏတူႏတေ့ꩻဒျာႏသꩻကိုနဝ်ꩻ) ထွာအယံနေနေ။ ဖြောင်းရွစ်ကီတဲ့ သမ်းတလွောက်ꩻနာႏလွဉ်ꩻတဝ်း၊ သမ်းယားကုဲင်ထိုꩻဒျာႏနဝ်ꩻ ထွာအယံတဝ်း။ ရွစ်တဲ့ တဒါႏတဝ်း၊ ထူႏတဲ့ တထူႏတဝ်း၊ တဆောက်တဲႏတဝ်း၊ လွောက်ꩻနာႏတဲ့ တလွောက်ꩻနာႏတဝ်းနဝ်ꩻ ထွာအညမ်းသွတ်ꩻနဝ်ꩻသွူ။\nသီႏလငတ်ꩻပါꩻယိုနဝ်ꩻ တွမ်ႏကကွဉ်ကꩻခါꩻ ခွမ်ꩻလာꩻနဝ်ꩻ ဗွန်ပီလို့ဝင်ꩻ၊ ခွမ်ꩻလာꩻတဲ့ လွမုဲင်ꩻခါတဲ့ ကွဉ်ကꩻချာဗာႏ၊ ခွမ်ꩻလာꩻအဝ်ႏသေႏသေႏဗာႏ နမ်းလောင်း။\nဥပမာႏနုဲင်းနဝ်ꩻနေနေ၊ ကခံႏထူႏဆောက်တဲႏခါꩻ သီႏလနဝ်ꩻ ကုဲင်မုဲင်ꩻခါတဲ့ ခံႏထူႏဆောက်တဲႏချာဗာႏ၊ သီႏလဖေႏနေးကအဝ်ႏသေႏသေႏဗာႏ နမ်းလောင်း၊ ခွမ်ꩻလာꩻအဝ်ႏနမ်းလောင်းမꩻ နွို့ဝင်ꩻဖုံႏတဲ့ထွာ၊ နွို့အမျာꩻခြာတဲ့ တရေꩻ။ နုဲင်းနဝ်ꩻနေနေ၊ သီႏလအဝ်ႏနမ်းလောင်းမꩻ နွို့အမျာꩻခြာနဝ်ꩻ လောင်ႏလွိုးတဲ့ဗန်၊ ထိုသန်ဂုဏ်ႏကျက်သရေႏ၊ ဝင်ꩻရိုႏသေႏနဝ်ꩻသွူ။\n\nလိုꩻကအဝ်ႏအုံဒါႏ အွိုးလမ်းအွိုးပါႏနဝ်ꩻ ဟဲ့ꩻ\"ဂဟဋ္ဌ\"နဝ်ꩻသွူ၊ သီႏလငတ်ꩻပါꩻယိုနဝ်ꩻ ထွာလိုꩻလမ်းသီး သီႏလတဲင် ဟဲ့ꩻဗာႏ\"ဂဟဋ္ဌသီလ-လိုꩻလမ်းသီႏလ\"နောဝ်ꩻသွူ။ သီႏလငတ်ꩻပါꩻယိုနဝ်ꩻ သွတ်ꩻစိုးဝုဲင်ꩻပန် တန်တန်ပေႏပေႏ လွောက်ꩻနာႏလွေꩻဗာႏသေႏသေႏတဲင် \"နိစ္စသီလ\"အမဉ်ꩻလꩻနုဲင်းနဝ်ꩻ (ဟဲ့ꩻနုဲင်းနဝ်ꩻ)ယင်သွူ။ သီႏလငတ်ꩻပါꩻယိုနဝ်ꩻ ခိုခိုမူႏမူႏ၊ ထွူႏထွူႏတွုမ်တွုမ် ထူႏခွုမ်ကျင်ꩻသွုံꩻလွေꩻဗာႏတဲင် \"ဂရုဓမ္မ\"အမဉ်ꩻလꩻနုဲင်းနဝ်ꩻ(ဟဲ့ꩻနုဲင်းနဝ်ꩻ)ယင်သွူ။\n\nခံႏထူႏသီႏလသွစ်ꩻပါꩻပွုံႏ \n(က) အဟံ ဘန္တေ တိသရဏေန သဟ အဋ္ဌင်္ဂ သမန္နာဂတံ ဥပေါသထသီလံ ဓမ္မံ ယာစာမိ၊ အနုဂ္ဂဟံ ကတွာ သီလံ ဒေထ မေ ဘန္တေ။ ဒုတိယမ္ပိ-----၊ တတိယမ္ပိ -----။\n(ခ) နမော တဿ ဘဂဝတော အရဟတော သမ္မာသမ္ဗုဒ္ဓဿ။\n(ဂ) ဗုဒ္ဓံ သရဏံ ဂစ္ဆာမိ၊ ဓမ္မံ သရဏံ ဂစ္ဆာမိ၊ သံဃံ သရဏံ ဂစ္ဆာမိ။ ဒုတိယမ္ပိ-----၊ တတိယမ္ပိ -----။\n\n(ဃ) ၁။ ပါဏာတိပါတာ ဝေရမဏိ သိက္ခာပဒံ သမာဒိယာမိ။\n၂။ အဒိန္နာဒါနာ ဝေရမဏိ သိက္ခာပဒံ သမာဒိယာမိ။\n၃။ အဗြဟ္မစရိယာ ဝေရမဏိ သိက္ခာပဒံ သမာဒိယာမိ။\n၄။ မုသာဝါဒါ ဝေရမဏိ သိက္ခာပဒံ သမာဒိယာမိ။\n၅။ သုရာမေရယ မဇ္ဇပမာဒဋ္ဌာနာ ဝေရမဏိ သိက္ခာပဒံ သမာဒိယာမိ။\n၆။ ဝိကာလဘောဇနာ ဝေရမဏိ သိက္ခာပဒံ သမာဒိယာမိ။\n၇။ နစ္စ ဂီတ ဝါဒိတ ဝိသုက ဒဿန မာလာ ဂန္ဓ ဝိလေပန ဓာရဏ မဏ္ဍန ဝိဘူသနဋ္ဌာနာ ဝေရမဏိ သိက္ခာပဒံ သမာဒိယာမိ။\n၈။ ဥစ္စာသယန မဟာသယနာ ဝေရမဏိ သိက္ခာပဒံ သမာဒိယာမိ။\n\n\"ကာမေသုမိစ္ဆာစာရာတွမ်ႏ အဗြဟ္မစရိယာ ကွာႏလို့ဝင်ꩻ(ထူႏလို့ဝင်ꩻ)နုဲင်းယို\"\nကာမေသုမိစ္ဆာစာရာ-နဝ်ꩻ မာဝါꩻချင်ꩻချင်ꩻ ပေါင်ꩻဖေါႏခွင်ꩻလꩻဒျာႏ၊ သိက္ခာႏသီႏလကုဲင်တဝ်း။\nအဗြဟ္မစရိယာ-နဝ်ꩻ တွမ်ႏပါꩻမုဲင်ꩻခန်းတဲ့ယဝ်း ပေါင်ꩻဖေါႏလꩻတဝ်း၊ ပေါႏပေါင်ꩻဖေါႏတဲ့ သီႏလသိက္ခာႏကုဲင် ကွာႏနုဲင်းနဝ်ꩻသွူ။\n\n\"ကာလ ဝိကာလ-ခွယ်ꩻနုဲင်းယို\"-\nတဲႏအရုဏ်ႏထန်ႏစ ဗꩻလွေꩻမွူးနွောင်းတဲ့ꩻတဲ့ꩻနောဝ်ꩻ ဟဲ့ꩻ\"ကာလ\"(သီႏလသားတွမ်ႏ လိုꩻကျောင်ꩻသီးဖုံႏ သွုံꩻဆောင်ႏ၊ အွꩻအံႏထာꩻဒါႏ အချိန်ႏခါႏ)။\nတဲႏမွူးနွောင်းမာꩻတွို့ꩻ ဗꩻလွေꩻအရုဏ်ႏထန်ႏနောဝ်ꩻ ဟဲ့ꩻ\"ဝိကာလ\"(သီႏလသားတွမ်ႏလိုꩻကျောင်ꩻသီးဖုံႏ သွုံꩻဆောင်ႏ၊ အွꩻအံႏထာꩻ ဒါႏတဝ်းအချိန်ႏခါႏ)။\n\n\"နစ္စ\"(၂)မျိုꩻ- \n- နမ်းကျူႏထာꩻတဲ့ ဒါႏတောဝ်း။\n- ထွဉ်ႏဝင်ꩻကျူႏထာꩻတဲ့ ဒါႏတောဝ်း။\n\n\"ဂီတ\"(၂)မျိုꩻ-\n- နမ်းတချင်ꩻငေါဝ်း၊ တဲက်ငေါဝ်းတဲ့ ဒါႏတောဝ်း။\n- ထွဉ်ႏဝင်ꩻတချင်ꩻငေါဝ်း၊ တဲက်ငေါဝ်းတဲ့ ဒါႏတောဝ်း။\n\n\"ဝါဒိတ\"(၂)မျိုꩻ-\n- နမ်းဒုံႏအူတဲ့ ဒါႏတောဝ်း။\n- ထွဉ်ႏဝင်ꩻဒုံႏအူတဲ့ ဒါႏတောဝ်း။\n- ထာꩻကျူႏ၊ ငေါဝ်းတချင်ꩻ၊ ဒုံႏအူဖုံႏယိုနဝ်ꩻ ထွာသာႏသနာႏထာꩻဆူႏ (ထွာသီႏလသား ထာꩻဆူႏ)၊ တွမ်ႏသာႏသနာႏ (တွမ်ႏသီႏလသား တသေန်ႏလျောႏတဝ်းလို့ဝင်ꩻ)တဲင် ထွားကျူႏထာꩻ၊ နာႏငေါဝ်းတချင်ꩻ၊ ဒုံႏအူဖုံႏနောဝ်ꩻ ဟဲ့ꩻဗာႏ\"ဝိသူကဒဿန\"နောဝ်ꩻသွူ။\nလိုꩻကျောင်ꩻတွမ်ႏ သီႏလသားဖုံႏနဝ်ꩻ နမ်းကျူႏ၊ တချင်ꩻ ဒုံႏအူတဲ့နဝ်ꩻ၊ ထွဉ်ႏဝင်ꩻကျူႏထာꩻ၊ နာႏဝင်ꩻဒုံႏအူတဲ့နတ်ꩻ ဒါႏတဝ်း၊ ပေါႏမာꩻ' ထွား' နာႏနဝ်ꩻ ရဟန်ꩻနဝ်ꩻ ဒုက္ကဋ်အာပတ်၊ သျင်ႏသာႏမဏေႏနဝ်ꩻ ထွိုက်တံႏ၊ သီႏလသားနဝ်ꩻ သိက္ခာႏပုဒ်(သီႏလ)ကုဲင်နောဝ်ꩻသွူ။ ကွဲႏတွော့ꩻ လွဉ်ကျူႏသော့ꩻ၊ တချင်ꩻသော့ꩻ၊ ဒုံႏအူသော့ꩻ ကျောင်ꩻတလင်ꩻကိုတဲင် စွော်စွော်လွေꩻထွား၊ လွေꩻနာႏတမွေးတဝ်းတဲ့ အဝ်ႏထီႏအဝ်ႏဟွုန်နုဲင်းနဝ်ꩻနဝ်ꩻ လိုꩻကျောင်ꩻတဲ့ အပဲစ်တအဲဉ်ထဝ်း၊(အာပတ်သင်ꩻတဝ်း)၊ သီႏလသားတဲ့ သိက္ခာႏပုဒ်(သီႏလ) တကုဲင်တဝ်းနဝ်ꩻသွူ။ စွော်စွော်လွေꩻထွား၊ စွော်စွော်လွေꩻနာႏတဲ့ တမွေးတဝ်း၊ လွေꩻဒျာႏတွမ်ႏကိစ္စအလောင်ႏအလင်တဲင် လွေꩻခွဲးလွေꩻထီႏလွေꩻဟွုန်နဝ်ꩻတဲ့ အပဲစ်အဲဉ်ထဝ်းနေနေ၊ စွော်စွော်လွေꩻထွား၊ စွော်စွော်လွေꩻနာႏမꩻ အပဲစ်အဝ်ႏ၊ သီႏလသား သိက္ခာႏပုဒ်(သီႏလ)ကုဲင်နဝ်ꩻသွူ။\n\n\"မာလာ\"ကရိုꩻနဝ်ꩻ- ကာႏကအဝ်ႏကအဝ်ႏတဲ့နဝ်ꩻ၊ နေးထာꩻတရေꩻ ကမာꩻသေꩻဒါႏ ကဝ်ႏထူး (ကဝ်ႏကောႏ)စတဲင်နဝ်ꩻဖုံႏနောဝ်ꩻ ဟဲ့ꩻဗာႏ\"မာလာ\"နောဝ်ꩻသွူ။ \"မာလာ\"နဝ်ꩻ \"ကောဝ်ႏ\"၊ \"ဓာရဏ\"နဝ်ꩻ \"ဒျꩻ ဆွအီ\"၊ ကွပ်နဝ်ꩻမꩻ \"မာလာ\"တွ���်ႏ\"ဓာရဏ\"နဝ်ꩻ ငေါဝ်းတတွယ်ꩻ၊ \"မာလာဓာရဏ-ဒျꩻကဝ်ႏ ဆွကဝ်ႏ\"အဓိပ္ပါယ်ႏအဝ်ႏနုဲင်းနဝ်ꩻသွူ။ \"ဂန္ဓ\"နောဝ်ꩻ \"နံႏသာႏ မွန်း\"၊ \"နံႏသာႏ(အဖွန်ႏ၊ အအောက်ꩻ) အလွီးဟွမ်အမျိုꩻမျိုꩻနောဝ်ꩻသွူ။ \"ဂန္ဓ\"နောဝ်ꩻ \"နံႏသာႏ၊ မွန်း\"၊ \"မဏ္ဍန\"နဝ်ꩻ \"ဒင်ႏ၊ သိက်ꩻဗွေ\"၊ ဂန္ဓမဏ္ဍန-ဒင်ႏမွန်းတွမ်ႏနံႏသာႏဖွန်ႏ မွန်းဖွန်ႏသိက်ꩻဗွေ၊ သူႏဗွေ အတအျို့ꩻ (အတကီႏ)ကိုနောဝ်ꩻသွူ။\nဂန္ဓဝိလေပန-ဒင်ႏမွန်း၊ သူႏနံႏသာႏ၊ ဖြွꩻနံႏသာႏထီ၊ သူႏထီဟွမ်၊ ဖြွꩻထီဟွမ်။ ဂန္ဓဝိဘူသန-ခြွိုင်း' မွဉ်း' မာꩻတရေꩻ မဲ့ငါသွီႏယာႏတွမ်ႏနံႏသာႏ၊ တွမ်ႏမွန်း မာꩻလွုမ်းမာꩻချော်ꩻ။ လိုꩻကျောင်ꩻတွမ်ႏ သီႏလသားနဝ်ꩻ အွဉ်ႏသꩻဖေႏနေး ကတရေꩻတဲင် ဒျꩻကဝ်ႏ၊ ဆွကဝ်ႏ၊ ဒင်ႏမွန်း၊ သူႏနံႏသာႏ ဒါႏတဝ်း။ ကွဲႏတွော့ꩻ ထာꩻဆာရောႏဂါႏ ဝွေႏဒနာႏအမျိုꩻမျိုꩻ ယံကထိုꩻမားတဲင် ရေႏမတ်ဒျာႏ တသီႏအနေႏတွော့ꩻ မဉ်ႏသူႏမွန်း၊ မဉ်ႏဖြွꩻနံႏသာႏနဝ်ꩻ ဒါႏဒျာႏ၊ အပ်ဒျာႏနောဝ်ꩻသွူ။\n\n\"ဌာန\"အကျောင်ꩻ၊ ဒျꩻကဝ်ႏ၊ ဒင်ႏမွန်း၊ မာꩻလွုမ်းသွီႏယာႏနဝ်ꩻ ကိလေႏသာႏထွာအီအကျောင်ꩻ။ \"ဥစ္စာသယန-ခင်ႏလမ်းထို\"၊ ကူႏ ကလာထဲင်-စတဲင် အခင်ႏကအဝ်ႏတသောင်ꩻထာမာꩻကီဖုံႏနဝ်ꩻ ဟဲ့ꩻ\"ဥစ္စာသယန-ခင်ႏလမ်းထို\"နဝ်ꩻသွူ။ \"မဟာသယန-ခင်ႏလမ်းတဲးဝါး\"၊ လိုꩻတဆီသူဖြာꩻ ကကျူႏသော့ꩻတွမ်ႏ ကောႏဇော်ꩻအမျိုꩻနဝ်ꩻ ထွာကောႏဇောꩻတန်၊ အဆွဉ်ႏကအဝ်ႏဒါႏ တစူလစ်ꩻကောႏဇော်ꩻအမျိုꩻနဝ်ꩻ ထွာကောႏဇော်ꩻယံ၊ ကပါတွမ်ႏကဝ်ႏရုပ် ထာꩻရုပ်အမျိုꩻမျိုꩻနဝ်ꩻ ထွာကောႏဇော်ꩻတဲးဝါး၊ ကောႏဇော်ꩻထူꩻဆန်ꩻ-စတဲင် ခင်ႏလမ်းနုဲင်းယိုဖုံႏနဝ်ꩻ ဟဲ့ꩻဗာႏ \"မဟာသယန-ခင်ႏလမ်းတဲးဝါး၊ ခင်ႏလမ်းမျတ်\"နောဝ်ꩻသွူ။\n\"တောင်ꩻခါꩻ\"ကောႏဇော်ꩻ သွိုꩻဆွဉ်ႏဖုံႏယိုခါနဝ်ꩻ ပါသော့ꩻ မဟာသယနကိုယိုတဲင် ဒါကလာထဲင်လောင်း အုံဒင်ႏဒါႏတဝ်း၊ ဒါကူႏလောင်း ဗေင်ႏဒင်ႏဒါႏတဝ်း။ ကွဲႏတွော့ꩻ မဉ်ႏဒါပြာႏလင်ꩻဒျာႏ ပဲဉ်လောင်း၊ တွာလောင်းနဝ်ꩻတဲ လိုꩻကျောင်ꩻတဲ့နဝ်ꩻ၊ သီႏလသားတဲ့နဝ်ꩻ အုံဒင်ႏဒါႏဒျာႏနဝ်ꩻသွူ။ \"ဥစ္စာသယန-ခင်ႏလမ်းထို\"ကရိုꩻနဝ်ꩻတဲ့ ကလာထဲင်ခင်ႏ၊ ကူႏခင်ႏမဉ်ႏထိုလွို တသောင်ꩻထာနဝ်ꩻ တဒွေါ့ꩻထဲ့၊ ရွာꩻထဲ့(တသောင်ꩻထာမာꩻလ)ထွူမꩻ အုံဒင်ႏဒါႏ၊ ဗေင်ႏဒင်ႏဒါႏနဝ်ꩻသွူ။\n\nဆရာႏသီးအတွက်တာႏ ဗဟုသုတ\n\"မာလာ ဂန္ဓ ဝိလေပန\"ယို သွံငွါနောဝ်ꩻ လွေꩻအွဉ်ႏတွယ်ꩻတွမ်ႏ \"ဓာရဏ မဏ္ဍန ဝိဘူသန\"တဲင် \"မာလာ+ဓာရဏ\"၊ \"ဂန္ဓ+မဏ္ဍန\"၊ \"ဝိလေပန+ဝိဘူသန\"ထွာလွဉ်နုဲင်းနဝ်ꩻ၊ ထူႏလွ အဓိပ္ပါ���်ႏနုဲင်းနဝ်ꩻဖုံႏသွူ၊ ကွဲႏတွော့ꩻ ကအွဉ်ႏတွယ်ꩻနုဲင်းယိုနဝ်ꩻ ဆရာႏတပါꩻတွမ်ႏတပါꩻ အယူႏအဆ ဗွန်ပီလွတဝ်းလို့ဝင်ꩻနဝ်ꩻသွူ။ \"ဂန္ဓ\"ကရိုꩻနဝ်ꩻ- \"အလွီး နံႏသာႏ\"၊ ယိုကိုနဝ်ꩻ အွဉ်ႏဒေါ့ꩻ ခြွိုင်းနမ်း၊ မွဉ်းနမ်း၊ မာꩻတရေꩻနမ်းခရာႏတဲင် \"ဂန္ဓ-အလွီး\"ကရိုꩻနဝ်ꩻ ထူႏဗာႏအလွီးနွုမ်ꩻဟွမ်မျိုꩻ၊ ပေါႏထူႏအလွီးနွုမ်ꩻဟွမ်မျိုꩻတဲ့ နံႏသာႏလွုမ်ꩻတကာႏတဝ်း မွန်း' ထီဟွမ်-စတဲင်အဖွန်ႏဟွမ်၊ အအောက်ꩻဟွမ်၊ အထီဟွမ်အမျိုꩻမျိုꩻဖုံႏတဲ့ လꩻလို့ပါ။ ကွပ်နဝ်ꩻမꩻ \"ဝိလေပန\"နဝ်ꩻ ထူႏထဲင်းဒွုမ် နံႏသာႏအနေႏ၊ ထူႏဒျာႏ ကြိယာႏအနေႏတဲင် အွဉ်ႏတွယ်ꩻတွမ်ႏ \"ဂန္ဓ\"တွော့ꩻ \"ဂန္ဓဝိလေပန\"သူႏနံႏသာႏ၊ ဒင်ႏမွန်း-မဉ်ႏထူႏအဓိပ္ပါယ်ႏနုဲင်းနဝ်ꩻနဝ်ꩻ တွမ်ႏနီပအိုဝ်ႏဝေါဟာရ (ငေါဝ်းသွုံꩻ)နဝ်ꩻ တနꩻဟဝ်ငါႏလို့ဝင်ꩻနဝ်ꩻသွူ။\n\"ဝိဘူသန\"ကရိုꩻနောဝ်ꩻ- \"ခြွိုင်းနမ်း၊ မာꩻတင်ႏတယ်ႏ၊ မာꩻတရေꩻ\"အဓိပ္ပါယ်ႏလꩻနုဲင်းနဝ်ꩻ။ ကွပ်နဝ်ꩻမꩻ \"ဂန္ဓဝိဘူသန-တွမ်ႏနံႏသာႏ တွမ်ႏမွန်း မာꩻလွုမ်း မာꩻတရေꩻ\"မဉ်ႏထူႏလွေꩻ အဓိပ္ပါယ်ႏနုဲင်းနဝ်ꩻနဝ်ꩻ ယိန်းလွောက်ꩻညီႏတွမ်ႏ နီငေါဝ်းသွုံꩻနဝ်ꩻမꩻ \"ဂန္ဓ\"ယိုနဝ်ꩻ အွဉ်ႏတွယ်ႏတွမ်ႏ \"ဝိလေပန+ဝိဘူသန\"နဝ်ꩻသွူ။\nယိုကိုနဝ်ꩻ ထူႏမွုန်း ယထာသင်္ချ(အစဲဉ်ႏအတွိုင်ꩻအနေႏ)တဲင် မဉ်ႏထူႏဒျာႏ ယထာလာဘ(ရော့ꩻရာꩻအွဉ်ႏတွယ်ꩻ)နဝ်ꩻ ဟဝ်ငါႏနောဝ်ꩻသွူ။ ကအွဉ်ႏတွယ်ꩻနုဲင်းယိုနဝ်ꩻ တလွောက်ꩻတဝ်း တွမ်ႏအဋ္ဌကထာႏစွဉ်ႏတဲ့ လွောက်ꩻညီႏလုဲင်ႏ တွမ်ႏနီဘာႏသာႏငေါဝ်းသွုံꩻနဝ်ꩻသွူ။) ကကွင်ꩻခါꩻယိုနဝ်ꩻ ဗဟုသုတအနေႏဒျာႏ၊ သွုံꩻပါခရာႏ လိုႏတဝ်းသွူ။\n\nခံႏထူႏသီႏလကွတ်ꩻပါꩻပွုံႏ \n(က) အဟံ ဘန္တေ တိသရဏေန သဟ နဝင်္ဂသီလံ ဓမ္မံ ယာစာမိ၊ အနုဂ္ဂဟံ ကတွာ သီလံ ဒေထ မေ ဘန္တေ။ ဒုတိယမ္ပိ-----၊ တတိယမ္ပိ -----။\n(ခ) နမော တဿ ဘဂဝတော အရဟတော သမ္မာသမ္ဗုဒ္ဓဿ။\n(ဂ) ဗုဒ္ဓံ သရဏံ ဂစ္ဆာမိ၊ ဓမ္မံ သရဏံ ဂစ္ဆာမိ၊ သံဃံ သရဏံ ဂစ္ဆာမိ။ ဒုတိယမ္ပိ-----၊ တတိယမ္ပိ -----။\n\n(ဃ) ၁။ ပါဏာတိပါတာ ဝေရမဏိ သိက္ခာပဒံ သမာဒိယာမိ။\n၂။ အဒိန္နာဒါနာ ဝေရမဏိ သိက္ခာပဒံ သမာဒိယာမိ။\n၃။ ကာမေသု မိစ္ဆာစာရာ ဝေရမဏိ သိက္ခာပဒံ သမာဒိယာမိ။\n၄။ အဗြဟ္မစရိယာ ဝေရမဏိ သိက္ခာပဒံ သမာဒိယာမိ။\n၅။ သုရာမေရယ မဇ္ဇပမာဒဋ္ဌာနာ ဝေရမဏိ သိက္ခာပဒံ သမာဒိယာမိ။\n၆။ ဝိကာလဘောဇနာ ဝေရမဏိ သိက္ခာပဒံ သမာဒိယာမိ။\n၇။ နစ္စ ဂီတ ဝါဒိတ ဝိသုက ဒဿန မာလာ ဂန္ဓ ဝိလေပန ဓာရဏ မဏ္ဍန ဝိဘူသနဋ္ဌာနာ ဝေရမဏိ သိက္ခာပဒံ သမာဒိယာမိ။\n၈။ ဥစ္စာသယန မဟာသယနာ ဝေရမဏိ သိက္ခာပဒံ သမာဒိယာမိ။\n၉။ မေတ္တာသဟဂေတန စေတသာ သဗ္ဗပါဏဘူတေသု ဖရိတွာ ဝိဟရဏံ သမာဒိယာမိ။\n\n\"နံပါတ် ၉ (မေတ္တာႏ-စတဲင်)အဓိပ္ပါယ်ႏ\"\n\"တွမ်ႏမေတ္တာႏ အွဉ်ႏဒင်ႏလွေꩻ သတ္တဝါႏသီးဖုံႏအလောင်းထွူတဲင် ခွေခံႏအုံဟဝ်ဟဝ်ထာꩻ\"အဓိပ္ပါယ်ႏလꩻနုဲင်းနဝ်ꩻသွူ။ (ဗဟုသုတ- သီႏလကရိုꩻနဝ်ꩻ ဆဲင်ႏဒျာႏ (ထိန်ꩻခါꩻဒျာႏ) နမ်းတွမ်ႏဖြောင်းလွုမ်ꩻ၊ ထိန်ꩻသꩻနဝ်ꩻ သီႏလတာႏဝွန်ႏ မွေးတဝ်း၊ ထိန်ꩻသꩻနဝ်ꩻ ဘာႏဝနာႏတာႏဝွန်ႏဒျာႏ။ \"မေတ္တာႏနဝ်ꩻ သီႏလမွေးတဝ်း၊ ဘာႏဝနာႏဒျာႏ၊ ကွပ်နဝ်ꩻမꩻ ထူႏသီႏလသွစ်ꩻပါꩻထွူတဲင် မဉ်ႏပွါꩻမျာꩻ မေတ္တာႏဘာႏဝနာႏနဝ်ꩻတဲ့ ထွာကွတ်ꩻပါꩻနေနေ၊ (တွမ်ႏကထူႏသီႏလကွတ်ꩻပါꩻနဝ်ꩻ ဗွန်ပီလွဝင်ꩻ)၊ ကွပ်နဝ်ꩻမꩻ သီႏလကွတ်ꩻပါꩻနဝ်ꩻ ခံႏထူႏခရာႏလိုႏတဝ်း\"ဆရာႏယင်ဟန်ႏနဝ်ꩻ ရိုꩻနုဲင်းနဝ်ꩻသွူ။\n\nခံႏထူႏသီႏလပါꩻဆီ(သာႏမဏေႏသီႏလ) \n(က) အဟံ ဘန္တေ တိသရဏေန သဟ ဒသ သာမဏေရ ပဗ္ဗဇ္ဇသီလံ ဓမ္မံ ယာစာမိ၊ အနုဂ္ဂဟံ ကတွာ သီလံ ဒေထ မေ ဘန္တေ။ ဒုတိယမ္ပိ-----၊ တတိယမ္ပိ -----။\n(ခ) နမော တဿ ဘဂဝတော အရဟတော သမ္မာသမ္ဗုဒ္ဓဿ။\n(ဂ) ဗုဒ္ဓံ သရဏံ ဂစ္ဆာမိ၊ ဓမ္မံ သရဏံ ဂစ္ဆာမိ၊ သံဃံ သရဏံ ဂစ္ဆာမိ။ ဒုတိယမ္ပိ---၊ တတိယမ္ပိ----။\n\n(ဃ) ၁။ ပါဏာတိပါတာ ဝေရမဏိ သိက္ခာပဒံ သမာဒိယာမိ။\n၂။ အဒိန္နာဒါနာ ဝေရမဏိ သိက္ခာပဒံ သမာဒိယာမိ။\n၃။ အဗြဟ္မစရိယာ ဝေရမဏိ သိက္ခာပဒံ သမာဒိယာမိ။\n၄။ မုသာဝါဒါ ဝေရမဏိ သိက္ခာပဒံ သမာဒိယာမိ။\n၅။ သုရာမေရယ မဇ္ဇပမာဒဋ္ဌာနာ ဝေရမဏိ သိက္ခာပဒံ သမာဒိယာမိ။\n၆။ ဝိကာလဘောဇနာ ဝေရမဏိ သိက္ခာပဒံ သမာဒိယာမိ။\n၇။ နစ္စ ဂီတ ဝါဒိတ ဝိသုက ဒဿနာ ဝေရမဏိ သိက္ခာပဒံ သမာဒိယာမိ။\n၈။ မာလာ ဂန္ဓ ဝိလေပန ဓာရဏ မဏ္ဍန ဝိဘူသနဋ္ဌာနာ ဝေရမဏိ သိက္ခာပဒံ သမာဒိယာမိ။\n၉။ ဥစ္စာသယန မဟာသယနာ ဝေရမဏိ သိက္ခာပဒံ သမာဒိယာမိ။\n၁၀။ ဇာတရူပ ရဇတ ပဋိဂ္ဂဟဏာ ဝေရမဏိ သိက္ခာပဒံ သမာဒိယာမိ။\n\n\"နံပါတ် ၁၀ (ဇာတရူပ-စတဲင်) အဓိပ္ပါယ်ႏ\"- \"ခံႏခွုမ်တဝ်း ရွဉ်ခံꩻ\"အဓိပ္ပါယ်ႏ လꩻနုဲင်းနဝ်ꩻသွူ။\n\"တောင်ꩻခါꩻ- ပေါႏဖေႏ သရဏဂုဏ်ႏထွူ၊ ပေါႏထွာသွူသျင်ႏပေႏနဝ်ꩻ ဆဲင်ႏလဲဉ်းတွမ်ႏ သီႏလပါꩻဆီယို၊ ဆောက်တဲႏမꩻ၊ ရွစ်မꩻဆဲင်ႏ တမွေးတဝ်း၊ တဲႏပါဏာတိပါတာ-မာꩻငါနောဝ်ꩻ ရွစ်တဲ့နဝ်ꩻ၊ တရွစ်တဝ်းတဲ့နဝ်ꩻ ကအီႏလွောက်ꩻနာႏလွေꩻဗာႏ အချက်တဆီ (သီႏလပါꩻဆီ)ယို တာႏဝွန်ႏနဝ်ꩻ အဝ်ႏဒင်ႏထွူ သျင်ႏပေႏလောင်း၊ ကွပ်နဝ်ꩻမꩻ သဲစ်ကထွာသျင်ႏတဲ့ သီႏလပါꩻဆီနဝ်ꩻ အဝ်ႏဒင်ႏထွူဒျာႏ သျင်ႏ���မ်းလောင်းနဝ်ꩻသွူ။\nခေတ်ယိုခါ ကရွစ်လွေꩻဒါႏ ပါဏာတိပါတာ-စတဲင်နုဲင်းနဝ်ꩻနဝ်ꩻ တွက်နပ်လွေꩻ သီႏလအပါꩻပေါင်ꩻ ဖေႏနေးကဒါႏ၊ ဖေႏနေးကတောင်ꩻ နုဲင်းနောဝ်ꩻဒျာႏသွူ။\n\nကွပ်နဝ်ꩻမꩻ-\n၁။ ပါဏာတိပါတာ ဝေရမဏိ။\n၂။ အဒိန္နာဒါနာ ဝေရမဏိ-စတဲင် ရွစ်နုဲင်းနဝ်ꩻလွုမ်ꩻ (တသော့ꩻပါတဝ်း \"သိက္ခာပဒံ သမာဒိယာမိ\")တဲ့ အပ်ဒျာႏ၊ ဒါႏဒျာႏ၊ \"ယာယ ကာယစိ ဘာသာယ အတ္ထဝသေနပိ အာစိက္ခိတုံ ဝဋ္ဋတိ\"(ဝိနယ်ꩻမဟာႏဝါႏ အဋ္ဌကထာႏ၊ မဟာခန္ဓက၊ ပဗ္ဗဇ္ဇကထာႏ-၂၅၂)ရိုꩻနုဲင်းနဝ်ꩻတဲင် ပါဠိရွစ်ဒွုမ်တွော့ꩻ-သျင်ႏပေႏနဝ်ꩻ-\n၁။ မာꩻသီဝင်ꩻသက် ဒါႏတောဝ်း။\n၂။ ထူႏတခွန်ꩻဝင်ꩻထာꩻ ဒါႏတောဝ်း- ဒေါ့ꩻနယ်လွေꩻနေးတွမ်ႏ ဆဲင်ႏရာꩻနီလိုꩻမျိုꩻ ငေါဝ်းငွါဘာႏသာႏနဝ်ꩻတဲ့ လꩻဒျာႏနဝ်ꩻသွူ။\n\nအကံအကျင်ꩻသီးအမျိုꩻနဝ်ꩻ မျတ်လွဉ်ꩻငါႏ၊ ပါꩻယိုနဝ်ꩻ ကံကျင်ꩻအပ်တဝ်း၊ ပါꩻယိုမꩻ ကံကျင်ꩻအပ်-နုဲင်းနဝ်ꩻ မွေးတဝ်း။ ကွပ်နဝ်ꩻမꩻ လိုꩻလမ်းတဲ့ မီႏမဉ်ခံႏထူႏ သီႏလပါꩻဆီတဲ့ လꩻဒျာႏ၊ ဒါႏဒျာႏနဝ်ꩻသွူ၊ ကွဲႏတွော့ꩻ သျင်ႏပေႏတမွေးတဝ်းတဲင် ခံႏထူႏစွဉ်ႏသီႏလပါꩻဆီတဲ့ယဝ်း တထွာတဝ်းသျင်ႏ၊ ထွာဒျာႏလိုꩻလမ်းစွူစွူ၊ တွမ်ႏဗွေႏသျင်ႏနဝ်ꩻ သီႏလတတွာတဝင်ꩻ ကရိုꩻကီတဲ့ သာႏမဏေႏဖုံႏ၊ သျင်ႏပေႏကကျင်ꩻသွုံꩻလွေꩻ သေခိယ သိက္ခာႏပုဒ်ဖုံႏ၊ ခန္ဓကဝတ်ဖုံႏ၊ သင်္ကန်ꩻဖုံႏ၊ အသွုံꩻအဆောင်ႏဖုံႏ ကွာႏအာတန်တဲင် လိုꩻလမ်းနဝ်ꩻ တမျတ်ထွꩻတဝ်း သျင်ႏပေႏ၊ အဝ်ႏလိုႏသေခါꩻနုဲင်းနောဝ်ꩻသွူ။\n\nလိုꩻလမ်း ခံႏထူႏကွီ သီႏလပါꩻဆီပွုံႏ\n(က) အဟံ ဘန္တေ တိသရဏေန သဟ ဒသ ဂဟဋ္ဌသီလံ ဓမ္မံ ယာစာမိ၊ အနုဂ္ဂဟံ ကတွာ သီလံ ဒေထ မေ ဘန္တေ။ ဒုတိယမ္ပိ-----၊ တတိယမ္ပိ -----။\nအောဝ်ႏကုဲင်နဝ်ꩻမာꩻငါနဝ်ꩻ ဗွုန်ပီလဲဉ်း သာႏမဏေႏသီႏလနောဝ်ꩻသွူ။ \"ဒသဂဟဋ္ဌသီလ\"ကရိုꩻနဝ်ꩻ- \"လိုꩻလမ်းသီႏလပါꩻဆီ\"အရိုꩻနုဲင်းနဝ်ꩻသွူ။\n\nလိုꩻကျောင်ꩻငေါဝ်းအွဉ်ႏသွတ်ꩻဖေႏ သီႏလပွုံႏ\n၁။ အွဉ်ႏသွတ်ꩻဖေႏ သီႏလငတ်ꩻပါꩻနဝ်ꩻ ရိုꩻနုဲင်းယို-\n\"တိသရဏေန သဟ ပဉ္စသီလံ ဓမ္မံ သာဓုကံ ကတွာ အပ္ပမာဒေန သမ္ပာဒေထ\"။\n၂။ အွဉ်ႏသွတ်ꩻဖေႏ သီႏလသွစ်ꩻပါꩻ-\n\"တိသရဏေန သဟ အဋ္ဌင်္ဂသမန္နာဂတံ ဥပေါသထသီလံ ဓမ္မံ သာဓုကံ ကတွာ အပ္ပမာဒေန သမ္ပာဒေထ\"။\n၃။ အွဉ်ႏသွတ်ꩻဖေႏ သီႏလကွတ်ꩻပါꩻ-\n\"တိသရဏေန သဟ နဝင်္ဂသီလံ ဓမ္မံ သာဓုကံ ကတွာ အပ္ပမာဒေန သမ္ပာဒေထ\"။\n၄။ အွဉ်ႏသွတ်ꩻဖေႏ သျင်ႏပေႏသီႏလပါꩻဆီ-\n\"တိသရဏေန သဟ ဒသ သာမဏေရ ပဗ္ဗဇ္ဇသီလံ ဓမ္မံ သာဓုကံ ကတွာ အပ္ပမာဒေန သမ္ပာဒေထ\"။\n၅။ အွ��်ႏသွတ်ꩻဖေႏ လိုꩻလမ်းသီႏလပါꩻဆီ-\n\"တိသရဏေန သဟ ဒသဂဟဋ္ဌသီလံ ဓမ္မံ သာဓုကံ ကတွာ အပ္ပမာဒေန သမ္ပာဒေထ\"။\n\n(တောင်ꩻခါꩻ- လိုꩻကျောင်ꩻငေါဝ်းအွဉ်ႏသွတ်ꩻသီႏလယိုနဝ်ꩻ လိုꩻလမ်းသွဉ်ပါတဝ်းတဲ့ လꩻဒျာႏ၊ ပွယ်ꩻရီလိတ်ကို လိုꩻလမ်းတဲ့ မဉ်ႏဖြေႏနဝ်ꩻ ရီသော့ꩻပါမွုန်း၊ မဉ်ႏထွာလိုꩻကျောင်ꩻခြေင်ခြေင်နဝ်ꩻ ဟောဝ်ရီဒျာႏ။\nပွိုးထမုဲင်ꩻနဲတဲင် ပေါႏထွာသွူလိုꩻကျောင်ꩻနဝ်ꩻ သာႏမဏေႏတဲ့ယဝ်း၊ ရဟန်ꩻတဲ့ယဝ်း ဖေႏသီႏလအမျိုꩻမျိုꩻ၊ အဆေ့ꩻသွတ်ꩻ တရာꩻဟော်ꩻတပုဒ်၊ ဆျာꩻထီတပုဒ်ပေႏနဝ်ꩻ ဒါႏသေꩻနဝ်ꩻမꩻ မဉ်ႏတွိုက်နမ်းနဝ်ꩻ ဝင်ꩻသꩻဗာႏတဝ်းဝင်ꩻ၊ ခံႏဗာႏတဝ်း ဝင်ꩻသွင်ꩻဖွီသွူ။)\n\nသီႏလအချွုတ် \n၁။ စာရိတ္တသီလ-(အကျင်ꩻဟဝ်မာꩻ)\n၂။ ဝါရိတ္တသီလ- (အကျင်ꩻဟဝ်မာꩻတဝ်း) အဝ်ႏ ယို ၂-မျိုꩻသွူ။\n\"စာရိတ္တသီလ\"ကရိုꩻနဝ်ꩻ- နီဗွေႏဘုရာꩻရိုꩻ \"အမျိုꩻယိုနဝ်ꩻ လိုႏမာꩻဗာႏနုဲင်းယို\"စတဲင် ကျင်ꩻဝွတ္တရာꩻအမျိုꩻမျိုꩻ၊ ထွုံꩻစံႏဟဝ်အမျိုꩻမျိုꩻဖုံႏနဝ်ꩻ အကျင်ꩻဟဝ်မာꩻဖုံႏတဲင် ဟဲ့ꩻဗာႏ\"စာရိတ္တသီလ\"နောဝ်ꩻသွူ။ \"ဝါရိတ္တသီလ\"ကရိုꩻနဝ်ꩻ- နီဗွေႏဘုရာꩻရိုꩻ \"အမျိုꩻယိုနဝ်ꩻ မာꩻဒါႏတဝ်း\"ဗွေႏစဝ်းဘုရာꩻ ကရဲခါꩻ၊ တဖေႏမာꩻတဝ်း သီႏလငတ်ꩻပါꩻ-စတဲင် နိစ္စသီလဖုံႏနဝ်ꩻ တဟဝ်လွဉ်ꩻမာႏတဝ်း၊ တဟဝ်မာꩻတဝ်းတဲင် ဟဲ့ꩻဗာႏ \"ဝါရိတ္တသီလ\"နောဝ်ꩻသွူ။\n\nပါသော့ꩻနုဲင်းယို- သိင်္ဂါလောဝါဒသုတ်ကို ကလွဉ်ဒါႏ ကျင်ꩻဝွတ္တရာꩻအမျိုꩻမျိုꩻဖုံႏ၊ ဝိနယ်ꩻခန္ဓကကိုကလွဉ်ဒါႏ ခန္ဓကဝတ်အမျိုꩻမျိုꩻဖုံႏ၊ နေင်ႏမဲ့တန် လာမဲ့တန် နီပအိုဝ်ႏလိုꩻမျိုꩻသီး ကထင်ႏကျောင်ꩻ၊ ကကွဉ်းတော့ꩻဆရာႏ၊ ကကွဉ်းတော့ꩻဒါႏလိုꩻဖြား၊ ကလူႏဒါႏ ယာဂုꩻ-စတဲင် ကျင်ꩻဝွတ္တရာꩻတွမ်ႏ ထွုံꩻစံႏကုသိုလ်ႏထွာ ကားကအဝ်ႏဖုံႏနဝ်ꩻ အကျင်ꩻဟတ်မာꩻဖုံႏတဲင် ပါသော့ꩻ \"စာရိတ္တသီလ\"ကိုနဝ်ꩻသွူ။ ရဟန်ꩻသီး ပါရာဇိကလစ်ꩻပါꩻ-စတဲင် သိက္ခာႏပုဒ်ဖုံႏ၊ သျင်ႏပေႏသီး သဉ်သီႏလပါꩻဆီ၊ လိင်ႏပါꩻဆီ၊ တံႏ(ဒဏ်)ပါꩻဆီဖုံႏ၊ ဖီဗွာ(လီႏလဗွေႏ)သီး၊ သီႏလသားသီး သဉ်သွစ်ꩻ(သီႏလသွစ်ꩻပါꩻ)ဖုံႏ၊ လိုꩻလမ်းသီး သဉ်ငတ်ꩻ (သီႏလငတ်ꩻပါꩻဖုံႏ)စတဲင်နုဲင်းနဝ်ꩻဖုံႏနဝ်ꩻ ဆဲင်ႏရာꩻသား ပငါပရာꩻ တဟဝ်မာꩻတဝ်း၊ တဟဝ်လွဉ်ꩻမာႏတဝ်းတဲင် ဆဲင်ႏရာꩻသာႏ နိစ္စသီႏလ ကားကအဝ်ႏဖုံႏနောဝ်ꩻ ပါသော့ꩻလို့ \"ဝါရိတ္တသီလ\"ကိုနဝ်ꩻသွူ။\n\nအကျိုꩻတွမ်ႏအပဲစ် ကွာႏနုဲင်းယို\nစာရိတ္တသီလနဝ်ꩻ  မဉ်ႏမာႏလွဉ်ꩻ (မဉ်ႏကျင်ꩻလွဉ်ꩻ)နောဝ်ꩻ အကျိုꩻယိန်းအဝ်ႏ (ယိန်းလꩻကုသ��ုလ်ႏ)၊ မဉ်ႏတမာꩻလွဉ်ꩻနွောင်ꩻတဝ်းခန်းတဲ့ ခံႏဗာႏကွို့ꩻ ဝင်ꩻသွမ်ꩻဝင်ꩻသဲ့ꩻ၊ ဝင်ꩻကဲ့ꩻရဲ့ꩻနဝ်ꩻလွုမ်ꩻ၊ အပဲစ်တပေါႏတန်ငါႏတဝ်းနဝ်ꩻသွူ။ တွိုႏဝါရိတ္တသီလနဝ်ꩻ လွောက်ꩻနာႏလွဉ်ꩻဗာႏ၊ လွဉ်ꩻမာႏလꩻတဝ်း၊ ပေါႏလွောက်ꩻနာႏလွဉ်ꩻတဲ့ အကျိုꩻတန်၊ ပေါႏလွောက်ꩻနာႏလွဉ်ꩻတဝ်းမွေးတဲ့ အပဲစ်တန်နဝ်ꩻသွူ။\n\nသီႏလအကျိုꩻ \n(လိုꩻသီႏလအဝ်ႏ ကအီႏလꩻဗာႏ အကျိုꩻတရာꩻ ၅-ပါꩻ)\nလိုꩻသီႏ ကအဝ်ႏသားဖုံႏနဝ်ꩻ-\n၁။ စေꩻစိန်ႏဥစ္စာႏ ရတနာႏရွဉ်ခံꩻ လွိုင်ႏအာ\n၂။ သတင်ꩻကျောႏ မဉ်ꩻအွီႏလွီးဟွမ်\n၃။ နွို့ဝင်ꩻဖုံႏဝင်ꩻခြာ မဲ့ငါဗန် ရုဲင်းဟန်\n၄။ သီလိန်းလွုမ်ꩻဗာႏတောဝ်းထာꩻ\n၅။ ပေါႏသီထွူတဲ့ တွိုႏထင်ႏဗာႏ လူꩻခမ်း\nလꩻဗာႏအကျိုꩻတရာꩻ ၅-ပါꩻယိုသွူ။\n\nသီလာနိသံသကဗျာ\n(ကဗျာသီႏလကျိုꩻ)\n- သီႏလအဝ်ႏသား - ဖြားဆားတန်ပေႏ\nလွိုင်ႏအာခြွေခြာႏ - ရတနာႏပစ္စေꩻ\nမဉ်ꩻအွီႏကျောႏသန် - ရုဲင်းဟန်သေႏသေႏ\nသီသေနမ်း - လူꩻခမ်း တွိုႏငါလွေꩻ။\n(အံ-၂၊ ၂၂၁၊ ဝိ-၃၊ ၃၂၂)\n\nလိုꩻသီႏလ ကကုဲင်သားဖုံႏနဝ်ꩻ-\n၁။ စေꩻစိန်ႏဥစ္စာႏ ရတနာႏရွဉ်ခံꩻ အဲဉ်ထောဝ်း\n၂။ မဉ်ꩻတကုဲင် မဉ်ꩻအွီႏလွီးဟွမ်တောဝ်း\n၃။ နွို့ဝင်ꩻဖုံႏဝင်ꩻခြာ မဲ့ငါဗန်တောဝ်း၊ ရုဲင်းတောဝ်း\n၄။ သီလိန်းလွုမ်ꩻ၊ သီငမ်းဗာႏထာꩻ\n၅။ ပေါႏသီထွူတဲ့ တွိုႏလွေꩻဗာႏ အပါယ်ႏခမ်း\nလꩻဗာႏ အပဲစ် ၅-ပါꩻယိုသွူ။\n\nဒုဿီလ အာဒီနဝ ကဗျာ\n(ကဗျာ သီႏလကုဲင် အပဲစ်)\n- သီႏလကုဲင်သား - ဖြားဆားတန်ပေႏ\nအဲဉ်ထဝ်းကေန်ꩻငါႏ - ရတနာႏပစ္စေꩻ\nမဉ်ꩻအွီႏတဝ်းတန် - ငမ်းသန်သေႏသေႏ\nလိန်းလွုမ်ꩻနမ်း - ပါယ်ႏခမ်း တွိုႏငါလွေꩻ။\n(အံ ၂၊ ၂၂၁၊ ဝိ ၃၊ ၃၂၂)\n\nပွိုင်းဝွို့တောမ်ႏသီလခရာႏ ဝိသုဒ္ဓိမဂ်ပါဠိကို ကလွဉ်ဒါႏ ဂါထာႏတပုဒ်နဝ်ꩻ \nသဂ္ဂါရောဟဏ သောပါနံ၊ အညံ သီလသမံ ကုတော။\nဒွါရံ ဝါ ပန နိဗ္ဗာန၊ နဂရဿ ပဝေသနေ။\n\nသီလသမံ-ကအီႏဗိုန်ဒါႏ နုဲင်းသီလ၊ အညံ-လွိုတဲင်သီလ အလင်၊  သဂ္ဂါရောဟဏသောပါနံ- လူꩻခမ်းတဒေါင် တွိုႏဖြွဉ်အီဒါႏ တဒေါင်နဝ်ꩻ၊ ကုတော(အတ္ထိ)- အဝ်ႏကဲးမုဲꩻကိုဟောင်း။ \n(သီလံ-သီလနဝ်ꩻ)၊ ပဝေသနေ- ကအီႏနွို့ထင်ႏ၊ နိဗ္ဗာနနဂရဿ- နိဗ္ဗာန်ႏဝေင်ꩻခံꩻအတာႏ၊ ဒွါရံ ဝါ ပန- ဗိုန်ပီဒျာႏ တခါꩻတန်နဝ်ꩻသွူ။\n\nသီလံ-သီလကရိုꩻနဝ်ꩻ၊ သဂ္ဂါရောဟဏသောပါနံ- တွိုႏထင်ႏအီဗာႏ လူꩻခမ်းတာႏ ဗိုန်ဒျာႏ တဒေါင်သွူ။\nဒွါရံ ဝါ ပန နိဗ္ဗာနနဂရဿ ပဝေသနေ- ကအီႏတွိုႏကအီႏလꩻဗာႏ နိဗ္ဗာန်ႏချံꩻသာႏနဝ်ꩻလဲ့ တွိုႏအီ လꩻအီဗာႏဒျာႏ တောမ်ႏသီလ၊ သီလပါမꩻ နိဗ္ဗာန်ႏတခါꩻ အီႏဗွောင်ꩻဖေႏနီနာꩻနဝ်ꩻသွူ။\n\nနဝ်ꩻမꩻ နာႏတရာꩻပရိသတ်အပေါင်ꩻ (ဟောꩻလိတ်ပရိသတ်အပေါင်ꩻ) သူႏတောႏကောင်ꩻသီး ယံကတွိုႏထင်ႏ ကလꩻထင်ႏဗာႏ နိဗ္ဗာန်ႏချံꩻသာႏအတာႏ  ဆို့ꩻတယ်ႏထိန်ꩻတီဟဝ်ဟဝ်လွသွော့ သီလတရာꩻကရိုꩻနဝ်ꩻ ဟောꩻနယ်(တဲမ်းနယ်)ဖေႏဗာႏ တောမ်ႏတရာꩻ(ရောမ်ဖြုဲꩻ)ယိုတပုဒ်သွူ…..။\n\nအာႏကွိုꩻ \n\nဗုဒ္ဓဘာႏသာႏ","num_words":4562,"character_repetition_ratio":0.078,"word_repetition_ratio":0.184,"special_characters_ratio":0.107,"stopwords_ratio":0.018,"flagged_words_ratio":0.0,"lang_id_score":1.0,"perplexity_score":2294.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%81%E1%80%94%E1%80%B9%E1%80%90%E1%80%AE%E1%82%8F%E1%80%95%E1%80%AB%E1%82%8F%E1%80%9B%E1%80%99%E1%80%AE%E1%82%8F","collection":"wikipedia","source":"wikipedia","original_code":"blk","text":"၁။ \"ခန္တီႏပါႏရမီႏကရိုꩻနောဝ်ꩻ\"\nမဟာကရုဏာႏတောႏ တွမ်ႏဥပါယ ကောသလ္လဉာဏ်ႏယို မာꩻခင်ႏကန်တဲင် သတ္တဝါႏသင်္ခါႏရသီး အပဲစ်ဖုံႏယို ကယွုန်းယော သယ်ꩻကီꩻသယ်ꩻခံႏနောဝ်ꩻ ဟဲ့ꩻဗာႏ\"ခန္တီႏပါႏရမိႏ\"သွူ။\n၂။ \"ခန္တီႏပါႏရမီႏအကျိုꩻကဗျာ\"\n- ဝင်ꩻမာꩻနိက်စက် - နက်ချာတောဝ်းဗာႏ\nလောင်ꩻဆားထွာတွင်ꩻ - သယ်ꩻခံႏလင်ꩻဗာႏ\nဘုရာꩻလဲ့ထွာ - ချွစ်ပါသတ္တဝါႏ\nနိဗ္ဗာန်ႏခမ်း - ကျွꩻသမ်း ဖျော်တွိုႏငါ။\n၃။ \"ခန္တီႏပါႏရမီႏ ပဋိပက္ခတရာꩻနောဝ်ꩻ\"\nတကျွိုက် တနိက်သက်တောဝ်း အနိဋ္ဌာႏရုံႏ၊ အနိဋ္ဌာႏရုံႏအလောင်း ကထွာဒါႏ လောဘဒေါသနောဝ်ꩻသွူ။\n၄။ \"ခန္တီႏပါႏရမီႏယို\"\n(က) ခန္တီႏပါႏရမီႏ\n(ခ) ခန္တီႏဥပပါႏရမီႏ\n(ဂ) ခန္တီႏပရမတ္ထပါႏရမီႏ ပွါꩻယင်း(၃)ပါꩻသွူ။\n၅။ \"ခန္တီႏပါႏရမီႏ ၃-ပါꩻ အထူꩻ\"\n(၁) နီပိုမာ နီပစ္စေꩻဥစ္စာႏ အန္တရာယ်ႏကထွာဒါႏ လောကဓံႏ တရာꩻဖုံႏယို ကယွုန်းယေားသယ်ꩻခံႏနောဝ်ꩻ ဟဲ့ꩻဗာႏ \"ခန္တီႏပါႏရမီႏ\"သွူ။\n(၂) နီစူခင်ႏ အင်္ဂါႏပေႏတန် အန္တရာယ်ႏကထွာအီဒါႏ လောကဓံႏတရာꩻဖုံႏယို ကယွုန်းယောသယ်ꩻခံႏနောဝ်ꩻ ဟဲ့ꩻဗာႏ \"ခန္တီႏဥပပါႏရမီႏ\"သွူ။\n(၃) နီအသက် အန္တရာယ်ႏကထွာအီဒါႏ လောကဓံႏတရာꩻဖုံႏယို ကယွုန်းယောသယ်ꩻခံႏနောဝ်ꩻ ဟဲ့ꩻဗာႏ \"ခန္တီပရမတ္ထပါႏရမီႏ\"သွူ။\n၆။ \"သံႏဝွေႏဂ ၃-ပါꩻ\"\n(၁) စတ္တုတြာသသံဝေဂ - ငမ်းသꩻ ဆင်၊ ငမ်းသꩻ ကေ၊ ငမ်းသꩻ နꩻဗင်။\n(၂) ဩတ္တပ္ပသံဝေဂ - ငမ်းသꩻ ထာꩻမာꩻတဟဝ်တဝ်း။\n(၃) ဉာဏသံဝေဂ - သေအကျောင်ꩻ၊ သေအကျိုꩻတဲင် ငမ်းသꩻ။\n၇။ \"အာဃာတ ဝတ္ထု (၉)ပါꩻ (သꩻလျားထာꩻ ၉-မျိုꩻ)\"\n(၁) \"ပါꩻသူꩻနောဝ်ꩻ ကရီးခါ ယားခွေ၊ မာꩻခွေ\"ယူႏထွူနုဲင်းနောဝ်ꩻတဲင် သꩻလျားထာꩻတမျိုꩻ။\n(၂) \"ပါꩻသူꩻနောဝ်ꩻ ယိုခါ ယားခွေ၊ မာꩻခွေ\"ယူႏထွူနုဲင်းနောဝ်ꩻတဲင် သꩻလျားထာꩻတမျိုꩻ။\n(၃) \"ပါꩻသူꩻနောဝ်ꩻ မဲ့ꩻအီႏယားခွေ၊ မာꩻခွေ\"ယူႏထွူနုဲင်းနောဝ်ꩻတဲင် သꩻလျားထာꩻတမျိုꩻ။\n(၄) \"ပါꩻသူꩻနောဝ်ꩻ ကရီးခါ ယားခွေသွꩻ၊ မာꩻခွေသွꩻ\"ယူႏထွူနုဲင်းနောဝ်ꩻတဲင် သꩻလျားထာꩻတမျိုꩻ။\n(၅) \"ပါꩻသူꩻနောဝ်ꩻ ယိုခါ ယားခွေသွꩻ၊ မာꩻခွေသွꩻ\"ယူႏထွူနုဲင်းနောဝ်ꩻတဲင် သꩻလျားထာꩻတမျိုꩻ။\n(၆) \"ပါꩻသူꩻနောဝ်ꩻ မဲ့ꩻအယားခွေသွꩻ၊ မာꩻခွေသွꩻ\"ယူႏထွူနုဲင်းနောဝ်ꩻတဲင် သꩻလျားထာꩻတမျိုꩻ။\n(၇) \"ပါꩻသူꩻနောဝ်ꩻ ကရီးခါ ရွို့ꩻရန်ႏခွေ\"ယူႏထွူနုဲင်းနောဝ်ꩻတဲင် သꩻလျားထာꩻတမျိုꩻ။\n(၈) \"ပါꩻသူꩻနောဝ်ꩻ ယိုခါ ရွို့ꩻရန်ႏခွေ\"ယူႏထွူနုဲင်းနောဝ်ꩻတဲင် သꩻလျားထာꩻတမျိုꩻ။\n(၉) \"ပါꩻသူꩻနောဝ်ꩻ မဲ့ꩻအီႏရွို့ꩻရန်ႏခွေ\"ယူႏထွူနုဲင်းနောဝ်ꩻတဲင် သꩻလျားထာꩻတမျိုꩻ။\n၈။ \"ခန္တီႏပါႏရမီႏတွမ်ႏ ဝိဓူရဇာတ်တောႏ\"\nကုရုတိုင်း ဣန္ဒပတ္ထနဂိုရ်ႏခမ်း ဓနဉ္စယကောရဗျ အောဝ်ႏထွာခွန် အယံတွင်ꩻနောဝ်ꩻခါ-\nခွန်လိုꩻ၊ ခွန်လူꩻ၊ ခွန်နဂါꩻ၊ ခွန်ဂဠုန်ႏသီး ဆောက်တယ်ႏညီꩻလို့ဝင်ꩻသီႏလ လိုꩻခမ်းသွူ၊ ဝိဓူရအမတ်တန်နောဝ်ꩻ ထွာဓမ္မကထိက ဟော်ꩻဖေႏတရာꩻ၊ ခွန်သီးဖုံႏလဲ့ ကျိုꩻစာꩻသောင်ႏသာ မာꩻလွကုသိုလ်ႏဖုံႏ ပငါပရာꩻနောဝ်ꩻသွူ။\nထင်ႏတွိုႏတလဲင်ႏနောဝ်ꩻ ခွန်နဂါꩻနင်ꩻမိဖုရာꩻနောဝ်ꩻ \"မဲဉ်အံႏငါႏ အမတ်တန် ဝိဓူရသꩻရာႏ သွုန်ႏထီ\"ဒေါ့ꩻခန်း ငေါဝ်းပရိယာယ်ႏနုဲင်းနောဝ်ꩻသွူ။\nအမဲဉ်ႏတဗာႏနောဝ်ꩻ မဲဉ်နာႏ မဲဉ်ဟွုန်ဒျာႏ အမတ်တန် ဝိဓူရတရာꩻဒျာႏနောဝ်ꩻသွူ။\nနောဝ်ꩻမꩻ အဝါꩻခို ခွန်နဂါꩻ ထွဉ်ႏအပိုမူႏ ဣရန္ဓတီ နေးတွမ်ႏပရိယာယ်ႏတဲင် ဖေႏကလꩻသဲင်ꩻ ဝိဓူရအမတ်တန် သꩻရာႏသွုန်ႏထီနောဝ်ꩻသွူ၊ နဂါꩻပိုမူႏလဲ့ တရန်းထွဉ်ႏခန်း ပုဏ္ဏကဖီလူꩻ၊ နဝ်ꩻမꩻ ပုဏ္ဏကဖီလူꩻလဲ့ ထုမ်းတွမ်ႏသေတွော့ꩻ ဟဲ့ꩻလွေꩻခန်း အမတ်တန်ဝိဓူရ၊ အမတ်တန်ဝိဓူရနောဝ်ꩻ အွဉ်ႏဆွန်ꩻသေမေး၊ ပုဏ္ဏကဖီလူꩻ နိက်စက်စွဉ်ႏ အမျိုꩻမျိုꩻလဲ့ သꩻတကုဲင်တောဝ်း၊ အောဝ်ႏယွုန်းယော သယ်ꩻခံႏဒျာႏ၊ တမာꩻချာတောဝ်းနုဲင်းမုဲင်ꩻမုဲင်ꩻနောဝ်ꩻမꩻ တွိုႏလင်ꩻခန်းနဂါꩻခမ်း၊ လင်ꩻဟော်ꩻဖေႏခန်း ခွန်နဂါꩻ မိဖုရာꩻတရာꩻနောဝ်ꩻသွူ။\nနဂါꩻသီးဖုံႏ ကုသိုလ်ႏတရာꩻ တိုꩻပွာꩻလွဉ်စွဉ်ႏသွူ။\n\nအာႏကွိုꩻ\n\nဗုဒ္ဓဘာႏသာႏ","num_words":628,"character_repetition_ratio":0.141,"word_repetition_ratio":0.087,"special_characters_ratio":0.109,"stopwords_ratio":0.014,"flagged_words_ratio":0.0,"lang_id_score":1.0,"perplexity_score":1629.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%80%E1%80%BB%E1%80%AC%EA%A9%BB%E1%80%92%E1%80%B1%E1%82%8F%E1%80%9E%E1%80%94%E1%80%AC%E1%82%8F","collection":"wikipedia","source":"wikipedia","original_code":"blk","text":"ဗွေႏရဟန်ꩻသီး ငေါဝ်းကျာꩻအီဒေႏသနာႏ \n\nပေႏ။ ။ အဟံ ဘန္တေ သဗ္ဗာ အာပတ္တိယော အာဝိကရောမိ။ \nတန်။ ။ သာဓု အာဝုသော သာဓု သာဓု။ \nပေႏ ။ ၂ လဲင်ႏ။ အဟံ ဘန္တေ သမ္ဗဟုလာ နာနာဝတ္ထုကာ သဗ္ဗာ အာပတ္တိယော အာပဇ္ဇိံ၊ တာ တုမှမူလေ ပဋိဒေသေမိ။\nတန် ။ ပဿသိ အာဝုသော တာ အာပတ္တိယော။\nပေႏ။ ။ အာမ ဘန္တေ ပဿာမိ။ \nတန်။ ။ အာယတိံ အာဝုသော သံဝရေယျာသိ။\nပေႏ။ ။ သာဓု သုဋ္ဌု ဘန္တေ သံဝရိဿာမိ။ \nတန်။ ။ သာဓု အာဝုသော သာဓု သာဓု။\n\nရဟန်ꩻတန် လောဝ်းဟွိုန်ချာ ဝါႏတောႏပေႏထျꩻ​ \nတန် ။ ။ အဟံ အာဝုသော သဗ္ဗာ အာပတ္တိယော အာဝိကရောမိ။ \nပေႏ ။ သာဓု ဘန္တေ သာဓု သာဓု။ \nတန်  ။ အဟံ အာဝုသော သမ္ဗဟုလာ နာနာဝတ္ထုကာ သဗ္ဗာ အာပတ္တိယော အာပဇ္ဇိံ၊ တာ တုယှမူလေ ပဋိဒေသေမိ။ \nပေႏ ။ ပဿထ ဘန္တေ တာ အာပတ္တိယော။ \nတန်။ ။ အာမ အာဝုသော ပဿာမိ။ \nပေႏ။ ။ အာယတိံ ဘန္တေ သံဝရေယျာထ။ \nတန်။ ။ သာဓု သုဋ္ဌု အာဝုသော သံဝရိဿာမိ။ \nတန်။ ။ သာဓု ဘန္တေ သာဓု သာဓု။\n\nဝါႏပေႏ ဒေါ့ꩻဟွုန်ယင်းဝါႏတန်\nအဟံ ဘန္တေ သမ္ဗာဟုလာ နာနာဝတ္ထုကာ-တယ်ႏစလွေꩻဗာႏနဝ်ꩻသွူ။\n\nအာႏကွိုꩻ \n\nဗုဒ္ဓဘာႏသာႏ","num_words":129,"character_repetition_ratio":0.125,"word_repetition_ratio":0.0,"special_characters_ratio":0.169,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":398337.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%80%E1%80%BB%E1%80%B1%E1%80%AC%E1%80%84%E1%80%BA%EA%A9%BB%E1%80%91%E1%80%AE%E1%80%97%E1%80%AD%EA%A9%BB","collection":"wikipedia","source":"wikipedia","original_code":"blk","text":"ကျောင်ꩻထီဗိꩻ ယို ထွာ ဗုဒ္ဓဘာႏသာႏ ဗွေႏဗွန်ကျောင်ꩻ ကအောဝ်ႏဒါႏ ဝေင်ꩻပင်လောင်ꩻနယ်ႏ အခေါဝ်နောဝ်၊ အှိုင်ႏလဲင်းတနျာႏ၊ ဒုံထီဗိꩻကို တာကျောင်ꩻသှူ။ လဲင်းတနျာႏ၊ ထီဗိꩻ၊ ညောင်ႏမှူး၊ တတောက်၊ ဟမ်ႏတနျာႏ၊ တခါးယဉ်၊ ကောင်ဗာ လို့လို့ နွတ်ꩻဒုံယို ထွာ ထီဗိꩻတကာႏ၊ ထင်ႏငီꩻဝင်ꩻ ကျောင်ꩻထီဗိꩻသှူ။ ကျောင်ꩻယိုနောဝ်ꩻ အောဝ်ႏသွဉ်ဖေႏပါ ပရိယတ္တိလိတ်လုဲင်ꩻဖုံႏ။ တနေင်ႏတလဲင်ႏ အောဝ်ႏမာꩻဖေႏပါ လိတ်ရီပွယ်ꩻ၊ ရွစ်လိတ်ꩻပွယ်ꩻ။ သာႏမဏေႏ အတန်ꩻတန်သားနောဝ်ꩻ လင်ꩻဖြေႏဗာႏလိတ် ဝေင်ꩻလွယ်ကောႏကို။ အဖဲ့ꩻနောဝ်နောဝ်ꩻ ဆောင်ႏပြောင်းရပ်ရာႏ၊ လုံးပဲန်အှိုင်ႏ၊ လွယ်လုံကောင်တန်ဖုံႏအောဝ်ႏ။ အဖဲ့ꩻထင်ꩻနောဝ်ꩻ ဝါႏပြံႏတကာႏ ဒုံဖုံႏ၊ အဖဲ့ꩻကှောန်ႏနောဝ်ꩻ ပင်တဖျူႏတကာႏ ဒုံ၊ နောက်ဝိုႏတကာႏ ဒုံဖုံႏအောဝ်ႏသှူ။\n\nအာႏကွိုꩻ \n\nဗွေႏဗွန်ကျောင်ꩻ","num_words":62,"character_repetition_ratio":0.052,"word_repetition_ratio":0.0,"special_characters_ratio":0.078,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":401830.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%99%E1%80%BB%E1%80%94%E1%80%BA%E1%80%99%E1%80%AC%E1%80%81%E1%80%99%E1%80%BA%E1%80%B8%E1%80%91%E1%80%AE%E1%80%80%E1%80%AD%E1%80%AF%E1%80%9B%E1%80%95%E1%80%BA%E1%80%80%E1%80%BD%E1%80%80%E1%80%BA%E1%80%96%E1%80%AF%E1%80%B6%E1%82%8F","collection":"wikipedia","source":"wikipedia","original_code":"blk","text":"ရပ်ကွက် ယို အဝ်ႏဒျာႏ မျန်မာခမ်းထီ(မန်းခမ်း) ဟံႏနယ်ႏ အိုပ်ချုတ်ရေꩻ အရန်း စတုတ္ထ ကိုသွူ ။ \nတတိယအရန်းကထွ���ဒါႏ ဝေင်ꩻနယ်ႏ ဖုံႏ ခလ့ အရန်ႏ ဝေင်ꩻဖုံႏ အိုပ်ချုတ်ရေꩻ အရန်းကိုသွူ။   နေင်ႏ ၂၀၀၉ ဗာႏ လာဒီဇင်ဘာ စရင်ꩻအလꩻ မန်းခမ်း ကိုယို ရပ်ကွက်ခြွဉ်း အဝ်ႏ ၃,၄၇၀ သွူ။  ရပ်ကွက် ဖုံႏယို အရန်ႏဗွုန်ပီဒျာႏ ဒုံႏတွမ်ႏ အွိုင်ႏ အရန်ႏသွူ ။\n\nထွားအလင် \n မျန်မာခမ်းထီအိုပ်ချုတ်ရေꩻဆဲင်ႏရာꩻဟံႏနယ်ႏ\n\nP_Code\n\n P-code ……… Country_Name_Eng \n MMR ……… Myanmar\n\nတွိုင်ꩻဒေႏသတန် ၊ ခမ်းနယ်ႏ \n\nS\/R P-code … State\/Region_Name_Eng \n\nMMR001…\tKachin\n\nMMR002…\tKayah\n\nMMR003…\tKayin\n\nMMR004…\tChin\n\nMMR005…\tSagaing\n\nMMR006…\tTanintharyi\n\nMMR007…\tBago (East)\n\nMMR008…\tBago (West)\n\nMMR009…\tMagway\n\nMMR010…\tMandalay\n\nMMR011…\tMon\n\nMMR012…\tRakhine\n\nMMR013…\tYangon\n\nMMR014…\tShan (South)\n\nMMR015…\tShan (North)\n\nMMR016…\tShan (East)\n\nMMR017…\tAyeyarwady\n\nMMR018…\tNay Pyi Taw\n\nဝေင်ꩻနယ်ႏစရင်ꩻ\n\nအာႏကွိုꩻ\n\nမျန်မာခမ်းထီ အိုပ်ချုတ်ရေꩻ\nမျန်မာခမ်းထီအိုပ်ချုတ်ရေꩻဆဲင်ႏရာꩻဟံႏနယ်ႏ","num_words":183,"character_repetition_ratio":0.084,"word_repetition_ratio":0.0,"special_characters_ratio":0.261,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":18427.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%93%E1%80%87%E1%80%82%E1%80%B9%E1%80%82%E1%80%9E%E1%80%AF%E1%80%90%E1%80%BA","collection":"wikipedia","source":"wikipedia","original_code":"blk","text":"ဓဇဂ္ဂသုတ် နဝ်ꩻ ထွာဒျာႏ ပရိတ်တန်(၁၁)သုတ်ကို ကအဝ်ႏပါသော့ꩻဒါႏ သုတ်တသုတ်ဒျာႏသွူ။ ဓဇဂ္ဂသုတ်ပရိတ်တောႏယိုနဝ်ꩻ သ့ꩻကိုယူႏလ့ꩻဗာႏနေးငါတဲ့ အဝ်ႏအုံခန်းစွဉ်ႏ ထာꩻခြေင်ကောင်ႏကင်ႏလောင်းတယဝ်း အုံတိဉ်ႏတိဉ်ႏခြွော့ခြွော့နုဲင်း အဝ်ႏအုံဟံႏလောင်းအတွိုင်ꩻလ့ꩻဒျာႏသွူ\n\nကွပ်ရွစ်ဖတ်ဗာႏ ဓဇဂ္ဂသုတ် ပရိတ်တောႏယိုတဲင် ကလွစ်ဒါႏ ဖီလူꩻဘေꩻ၊ တခွန်ꩻဘေꩻ စတဲင် ဘေꩻအမျိုꩻမျိုꩻသားဖုံႏနဝ်ꩻ တွက်နပ်တလ့ꩻတဝ်းဒွုမ်သွူ။ ကွပ်နဝ်ꩻမ့ꩻတဲင် နီသွဉ်းသီး ရွစ်ဖတ်ငီႏငီႏသွိုသွိုသွော့ လွဝင်ꩻဩ။\n\nသံဃဥက္ကဋ္ဌ သံဃနာယက ကထွာဒါႏ ဗွေႏမဟာႏကဿပဗွေႏဩ... ခွေသွဉ်း အာနန္တာႏယို နာႏထူႏကေႏညိုႏဗာႏဖို ဓဇဂ္ဂသုတ် ပရိတ်တောႏ ဗွေႏဘုရာꩻထျꩻ နုဲင်းယိုသွူဩ။\n\nခꩻတလဲင်ႏ နီဗွေႏမျတ်ဘုရာꩻနဝ်ꩻ အဝ်ႏအုံသတင်ꩻသွုံꩻ အနာထပိဏ်ႏသူဌေꩻ ကဆို့ꩻလူႏသေꩻခါꩻဒါႏ ဇေႏတဝွန်ႏကျောင်ꩻတောႏကိုနဝ်ꩻသွူဩ။\n\nအတွင်ꩻနဝ်ꩻခါ နီဗွေႏမျတ်ဘုရာꩻ ဟဲ့ꩻနီသွဉ်းသီး \"ရဟန်ꩻသီးဖုံႏ\" နုဲင်းနဝ်ꩻသနယ်ဩ။ ရဟန်ꩻသံႏဃာႏသီးဖုံႏလဲ့ အဝ်ႏအုံပွေါးခံႏထူႏ နာႏကေႏညိုႏလဲဉ်း နီဗွေႏမျတ်ဘုရာꩻ တရာꩻတောႏသွူဩ။ အဝ်ႏနဝ်ꩻတဲင် နီဗွေႏမျတ်ဘုရာꩻ ဟော်ꩻကျာꩻနယ်ဖေႏ တရာꩻတောႏနုဲင်းယိုသွူဩ။ \"\n\nရဟန်ꩻသီးဖုံႏဟွေး… ခꩻတလဲင်ႏ တာႏဝတိံသာႏလူꩻတွမ်ႏ အသုရာႏလူꩻသီး တွိုက်ခ့ꩻဖိုဝင်ꩻသနယ်။ အဝ်ႏနဝ်ꩻတဲင် ခွန်သိကျာꩻနဝ်ꩻ ဟဲ့ꩻလွဉ် တာႏဝတိံသာႏလူꩻစဲ့ꩻသားဖုံႏတွော့ꩻ ဒေါ့ꩻနုဲင်းယိုသနယ်။ \"ဖူးခိုလူꩻသီးဖုံႏဟွေး၊ ဖူးခိုသီးနဝ်ꩻ စဲ့ꩻပွယ်ꩻကို မီႏငမ်း၊ မီႏတနွော့ꩻ၊ တဒုံႏမီႏထွိုင်ႏဒါႏနဝ်ꩻ ထွားထင်ႏသွော့ ခွေသိကျာꩻအလံႏနာယိုနော။ မီႏထွားထင်ႏနုဲင်းယိုနဝ်ꩻ သီဖုံႏတငမ်းဗာႏဒွုမ်သနယ်။\n\nဓဇဂ္ဂသုတ် (ပါႏဠိတောႏ)\n၁။ ယဿာနုဿရဏေနာပိ၊\n      အန္တလိက္ခေပိ ပါဏိနော။\n      ပတိဋ္ဌမဓိဂစ္ဆန္တိ၊\n      ဘူမိယံ ဝိယ သဗ္ဗထာ၊\n\n၁။ယတ်သာနုတ်သရဏေနာပိ\n      အန်တလိတ်ခေပိ ပါဏိနော\n      ပတိတ်ထ မဓိဂစ်ဆန်တိ\n      ဘူမိယံ ဝိယ သတ်ဗထာ\n\n၂။ သဗ္ဗုပဒ္ဒဝဇာလမှာ၊\n      ယက္ခစောရာဒိ သမ္ဘဝါ။\n      ဂဏာနာ န စ မုတ္တာနံ၊\n      ပရိတ္တံ တံ ဘဏာမ ဟေ။\n\n၃။ ဧဝံ မေ သုတံ၊\n      ဧကံ သမယံ ဘဂဝါ သာဝတ္ထိယံ။\n      ဝိဟရတိ ဇေတဝနေ၊\n      အနာထပိဏ္ဍိကဿ အာရာမေ။\n\n၄။ တတြ ခေါ ဘဂဝါ ဘိက္ခူ အာမန္တေသိ ဘိက္ခဝေါတိ၊\n      ဘဒ္ဒန္တေတိ တေ ဘိက္ခူ -\n      ဘဂဝတော ပစ္စဿောသုံ။\n      ဘဂဝါ ဧတဒဝေါစ၊\n      ဘူတပုဗ္ဗံ ဘိက္ခဝေ၊\n      ဒေဝါသုရသင်္ဂါမော၊\n      သမုပဗျူဠှော အဟောသိ။\n      အထ ခေါ ဘိက္ခဝေ သက္ကော ဒေဝါနမိန္ဒော။\n      ဒေဝေ တာဝတိံ သေ အာမန္တေသိ၊\n      သစေ မာရိသာ ဒေဝါနံ၊\n      သင်္ဂါမဂတာနံ ဥပ္ပဇ္ဇေယျ \n      ဘယံ ဝါ ဆမ္ဘိတတ္တံ ဝါ လောမဟံသော ဝါ၊\n      မမေဝ တသ္မိံ သမယေ၊\n      ဓဇဂ္ဂံ ဥလ္လောကေယျာထ။\n      မမံ ဟိ ဝေါ ဓဇဂ္ဂံ ဥလ္လောကယတံ၊\n      ယံ ဘဝိဿတိ ဘယံ ဝါ ဆမ္ဘိတတ္တံ ဝါ၊\n      လောမဟံသော ဝါ၊\n      သော ပဟီယိဿတိ။\n\n၅။ နော စေ မေ ဓဇဂ္ဂံ ဥလ္လောကေယျာထ၊\n      အထ ပဇာပတိဿ ဒေဝရာဇဿ-\n      ဓဇဂ္ဂံ ဥလ္လောကေယျာထ။\n      ပဇာပတိဿ ဟိ ဝေါ ဒေဝရာဇဿ၊\n      ဓဇဂ္ဂံ ဥလ္လောကယတံ၊\n      ယံ ဘဝိဿတိ ဘယံ ဝါ ဆမ္ဘိတတ္တံ ဝါ၊\n      လောမဟံသော ဝါ၊\n      သော ပဟီယိဿတိ။\n\n၆။ နော စေ ပဇာပတိဿ ဒေဝရာဇဿ၊\n      ဓဇဂ္ဂံ ဥလ္လောကေယျာထ၊\n      အထ ၀ရုဏဿ ဒေဝရာဇဿ၊\n      ဓဇဂ္ဂံ ဥလ္လောကေယျာထ။\n      ဝရုဏဿ ဟိ ဝေါ ဒေဝရာဇဿ၊\n      ဓဇဂ္ဂံ ဥလ္လောကယတံ၊\n      ယံ ဘဝိဿတိ ဘယံ ဝါ ဆမ္ဘိတတ္တံ ဝါ၊\n      လောမဟံသော ဝါ၊\n      သော ပဟီယိဿတိ။\n\n၇။ နော စေ ဝရုဏဿ ဒေဝရာဇဿ၊\n      ဓဇဂ္ဂံ ဥလ္လောကေယျာထ၊\n      အထ ဤသာနဿ ဒေဝရာဇဿ၊\n      ဓဇဂ္ဂံ ဥလ္လောကေယျာထ။\n      ဤသာနဿ ဟိ ဝေါ ဒေဝရာဇဿ။\n      ဓဇဂ္ဂံ ဥလ္လောကယတံ၊\n      ယံ ဘဝိဿတိ ဘယံ ဝါ ဆမ္ဘိတတ္တံ ဝါ၊\n      လောမဟံသော ဝါ၊\n      သော ပဟီယိဿတီ တိ။\n\n၈။ တံ ခေါ ပန ဘိက္ခဝေ၊\n      သက္ကဿ ဝါ ဒေဝါနမိန္ဒဿ၊\n      ဓဇဂ္ဂံ ဥလ္လောကယတံ၊\n      ပဇာပတိဿ ဝါ ဒေဝရာဇဿ၊\n      ဓဇဂ္ဂံ ဥလ္လောကယတံ၊\n      ဝရုဏဿ ဝါ ဒေဝရာဇဿ\n      ဓဇဂ္ဂံ ဥလ္လောကယတံ၊\n      ဤသာနဿ ဝါ ဒေဝရာဇဿ၊\n      ဓဇဂ္ဂံ ဥလ္လောကယတံ၊\n      ယံ ဘဝိဿတိ ဘယံ ဝါ ဆ���္ဘိတတ္တံ ဝါ၊\n      လောမဟံသော ဝါ၊\n      သော ပဟီယေထာပိ နောပိ ပဟီယေထ။\n\n၉။ တံ ကိဿ ဟေတု၊\n      သက္ကော ဟိ ဘိက္ခဝေ ဒေဝါနမိန္ဒော၊\n      အဝီတရာဂေါ အဝီတဒေါသော၊\n      အဝီတမောဟော၊\n      ဘီရု ဆမ္ဘီ ဥတြာသီ ပလာယီတိ။\n\n၁၀။ အဟဉ္စ ခေါ ဘိက္ခဝေ ဧဝံ ဝဒါမိ၊\n      သစေ တုမှာကံ ဘိက္ခဝေ၊\n      အရညဂတာနံ ဝါ ရုက္ခမူလဂတာနံ ဝါ၊\n      သုညာဂါရဂတာနံ ဝါ၊\n      ဥပ္ပဇ္ဇေယျ ဘယံ ဝါ ဆမ္ဘိတတ္တံ ဝါ၊\n      လောမဟံသော ဝါ၊\n      မမေဝ တသ္မိံ သမယေ အနုဿရေယျာထ။\n\n၁၁။ ဣတိပိ သော ဘဂဝါ အရဟံ၊\n      သမ္မာသမ္ဗုဒ္ဓေါ၊\n      ဝိဇ္ဇာစရဏသမ္ပန္နော၊\n      သုဂတော လောကဝိဒူ၊\n      အနုတ္တရော ပုရိသဒမ္မသာရထိ၊\n      သတ္ထာဒေဝမနုဿာနံ။\n      ဗုဒ္ဓေါ ဘဂဝါ တိ။\n\n၁၂။ မမံ ဟိ ဝေါ ဘိက္ခဝေ အနုဿရတံ၊\nယံ ဘဝိဿတိ ဘယံ ဝါ ဆမ္ဘိတတ္တံ ဝါ၊\nလောမဟံသော ဝါ၊\nသော ပဟီယိဿတိ။\n\n၁၃။ နော စေ မံ အနုဿရေယျာထ၊\n      အထ ဓမ္မံ အနုဿရေယျာထ၊\n\n၁၄။ သွာက္ခာတော ဘဂဝတာ ဓမ္မော၊\n      သန္ဒိဋ္ဌိကော အကာလိကော\n      ဧဟိပဿိကော ဩပနေယျိကော\n      ပစ္စတ္တံ ဝေဒိတဗ္ဗော ဝိညူဟီတိ။\n\n၁၅။ ဓမ္မံ ဟိ ဝေါ ဘိက္ခဝေ အနုဿရတံ။\n      ယံ ဘဝိဿတိ ဘယံ ဝါ ဆမ္ဘိတတ္တံ ဝါ၊\n      လောမဟံသော ဝါ၊\n      သော ပဟီယိဿတိ။\n\n၁၆။ နော စေ ဓမ္မံ အနုဿရေယျာထ၊\n      အထ သံဃံ အနုဿရေယျာထ။\n\n၁၇။ သုပ္ပဋိပန္နော ဘဂဝါတော သာဝကသံဃော၊\n      ဥဇုပ္ပဋိပန္နော ဘဂဝတော သာဝကသံဃော၊\n      ဉာယပ္ပဋိပန္နော ဘဂဝတော သာဝကသံဃော၊\n      သာမီစိပ္ပဋိပန္နော ဘဂဝတော သာဝကသံဃော၊\n      ယဒိဒံ စတ္တာရိ ပုရိသယုဂါနိ၊\n      အဋ္ဌ ပုရိသပုဂ္ဂလာ၊\n      ဧသ ဘဂဝတော သာဝကသံဃော၊\n      အာဟုနေယျော ပါဟုနေယျော၊\n      ဒက္ခိဏေယျော အဉ္ဇလိကရဏီယော၊\n      အနုတ္တရံ ပုညက္ခေတ္တံ လောကဿာတိ။\n\n၁၈။ သံဃံ ဟိ ဝေါ ဘိက္ခဝေ အနုဿရတံ၊\n      ယံ ဘဝိဿတိ ဘယံ ဝါ ဆမ္ဘိတတ္တံ ဝါ၊\n      လောမဟံသော ဝါ၊\n      သော ပဟီယိဿတိ။\n\n၁၉။ တံ ကိဿ ဟေတု၊\n      တထာဂတော ဟိ ဘိက္ခဝေ။\n      အရဟံ သမ္မောသမ္ဗုဒ္ဓေါ၊\n      ဝီတရာဂေါ ဝီတဒေါသော ဝီတမောဟော၊\n      အဘီရု အဆမ္ဘီ အနုတြာသီ အပလာယီတိ။\n\n၂၀။ ဣဒမဝေါစ ဘဂဝါ၊\nဣဒံ ဝတွာန သုဂတော၊\nအထာပရံ ဧတဒဝေါစ သတ္ထာ။\n\n၂၁။ အရညေ ရုက္ခမူလေ ဝါ၊\n      သုညာဂါရေဝ ဘိက္ခဝေါ။\n      အနုဿရေထ သမ္ဗုဒ္ဓံ၊\n      ဘယံ တုမှာက နော သိယာ။\n\n၂၂။ နော စေ ဗုဒ္ဓံ သရေယျာထ၊\n      လောကဇေဋ္ဌံ နရာသဘံ၊\n      အထ ဓမ္မံ သရေယျာထ၊\n      နိယျာနိကံ သုဒေသိတံ၊\n\n၂၃။ နော စေ ဓမ္မံ သရေယျာထ၊\n      နိယျာနိကံ သုဒေသိတံ။\n      အထ သံဃံ သရေယျာထ။\n      ပုညက္ခတ္တံ အနုတ္တရံ။\n\n၂၄။ ဧဝံ ဗုဒ္ဓံ သရန္တာနံ၊\n      ဓမ္မံ သံဃဉ္စ ဘိက္ခဝေါ၊\n      ဘယံ ဝါ ဆမ္ဘိတတ္တံ ဝါ၊\n      လောမဟံသော န ဟေဿတိ။\n\n      ဓဇဂ္ဂသုတ္တံ နိဋ္ဌိတံ။\n\nအာႏကွိုꩻ\n\nပရိတ်တန်","num_words":1571,"character_repetition_ratio":0.127,"word_repetition_ratio":0.181,"special_characters_ratio":0.241,"stopwords_ratio":0.005,"flagged_words_ratio":0.0,"lang_id_score":1.0,"perplexity_score":4304.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%97%E1%80%B1%E1%80%AC%E1%80%87%E1%80%B9%E1%80%88%E1%80%84%E1%80%BA%E1%80%B9%E1%80%82%E1%80%9E%E1%80%AF%E1%80%90%E1%80%BA","collection":"wikipedia","source":"wikipedia","original_code":"blk","text":"ဗောဇ္ဈင်္ဂသုတ်ယိုနဝ်ꩻ သံယုတ်ပါဠိတောႏကို ကအဝ်ႏပါသော့ꩻဒါႏ သုတ္တံတဗာႏဒျာႏတဲင် နီဗွေႏဖရာꩻ နမ်းကိုႏတဲင်ႏ ဟော်ꩻကျာꩻဖေႏခါꩻဒျာႏနဝ်ꩻသွူ။\n\n‍ဗောဇ္ဇျင်္ဂသုတ် (ပါႏဠိတောႏ)\n၁။\t သံသာရေ သံသရန္တာနံ၊\n     သဗ္ဗဒုက္ခ ဝိနာသနေ။\n     သတ္တ ဓမ္မေ စ ဗောဇ္ဈင်္ဂေ၊\n     မာရသေနာပမဒ္ဒနေ။\n\n၂။\tဗုဇ္ဈိတွာ ယေ စိမေ သတ္တာ၊\n     တိဘဝါ မုတ္တကုတ္တမာ။\n     အဇာတိ မဇရာဗျာဓိံ၊\n     အမတံ နိဗ္ဘယံ ဂတာ။\n\n၃။\tဧဝမာဒိ ဂုဏူပေတံ၊\n     အနေကဂုဏသင်္ဂဟံ။\n     ဩသဓဉ္စ ဣမံ မန္တံ၊\n     ဗောဇ္ဈင်္ဂဉ္စ ဘဏာမ ဟေ။\n\n၄။\tဗောဇ္ဈင်္ဂေါ သတိသင်္ခါတော၊\n     ဓမ္မာနံ ဝိစယော တထာ။\n     ဝီရိယံ ပီတိ ပဿဒ္ဓိ၊\n     ဗောဇ္ဈင်္ဂါ စ တထာ' ပရေ။\n\n၅။ သမာဓုပေက္ခာ ဗောဇ္ဈင်္ဂါ၊\n     သတ္တေ' တေ သဗ္ဗဒဿိနာ။\n     မုနိနာ သမ္မဒက္ခာတာ၊\n     ဘာဝိတာ ဗဟုလီကတာ။\n\n၆။ သံဝတ္တန္တိ အဘိညာယ၊\n     နိဗ္ဗာနာယ စ ဗောဓိယာ။\n     ဧတေန သစ္စဝဇ္ဇေန၊\n     သောတ္ထိ တေ (မေ\/ပီတ) ဟောတု သဗ္ဗဒါ။\n\n၇။ ဧကသ္မိံ သမယေ နာထော၊\n     မောဂ္ဂလ္လာနဉ္စ ကဿပံ။\n     ဂိလာနေ ဒုက္ခိတေ ဒိသွာ၊\n     ဗောဇ္ဈင်္ဂေ သတ္တ ဒေသယိ။\n\n၈။ တေ စ တံ အဘိနန္ဒိတွာ၊\n     ရောဂါ မုစ္စိံသု တင်္ခဏေ။\n     ဧတေန သစ္စဝဇ္ဇေန၊\n     သောတ္ထိ တေ (မေ\/ပီတ) ဟောတု သဗ္ဗဒါ။\n\n၉။ ဧကဒါ ဓမ္မရာဇာပိ၊\n     ဂေလညေနာ' ဘိပီဠိတော။\n     စုန္ဒတ္ထေရေန တံယေဝ၊\n     ဘဏာပေတွာန သာဒရံ။\n\n၁၀။ သမ္မောဒိတွာန အာဗာဓာ၊\n       တမှာ ဝုဋ္ဌာသိ ဌာနသော။\n       ဧတေန သစ္စဝဇ္ဇေန၊\n       သောတ္ထိ တေ (မေ\/ပီတ) ဟောတု သဗ္ဗဒါ။\n\n၁၁။ ပဟီနာ တေ စ အာဗာဓာ၊\n       တိဏ္ဏန္နမ္ပိ မဟေသိနံ။\n       မဂ္ဂဟတာ ကိလေသာဝ၊\n       ပတ္တာ' နုပ္ပတ္တိဓမ္မတံ။\n       ဧတေန သစ္စဝဇ္ဇေန၊\n       သောတ္ထိ တေ (မေ\/ပီတ) ဟောတု သဗ္ဗဒါ။\n\nအာႏကွိုꩻ\n\nပရိတ်တန်","num_words":170,"character_repetition_ratio":0.101,"word_repetition_ratio":0.019,"special_characters_ratio":0.263,"stopwords_ratio":0.006,"flagged_words_ratio":0.0,"lang_id_score":0.998,"perplexity_score":123490.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%AF%E1%80%97%E1%80%B9%E1%80%97%E1%80%8F%E1%80%BE%E1%80%9E%E1%80%AF%E1%80%90%E1%80%BA","collection":"wikipedia","source":"wikipedia","original_code":"blk","text":"ပုဗ္ဗဏှသုတ်ယိုနဝ်ꩻ ဂျိုဟ်ႏပနဲဉ်ႏ ဂျိုဟ်ႏညံးတဲင် မီႏမော့ꩻစိန်ႏစွော့ꩻဒါႏ ထာꩻဒုက္ခ ဘေꩻရန်ႏ အန္တရာယ်ႏအမျိုꩻမျိုꩻဖုံႏနဝ်ꩻ ကံႏဖေႏနေးကဟဝ်ချာယင��းတဲင် ရွစ်ဖတ်ဗာႏသွူ။\n\nပုဗ္ဗဏှသုတ် (ပါႏဠိတောႏ)\n‍၁။ ယံ ဒုန္နိမိတ္တံ အဝမင်္ဂလဉ္စ၊\n     ယော စာ မနာပေါ သကုဏဿ သဒ္ဒေါ။\n     ပါပဂ္ဂဟော ဒုဿုပိနံ အကန္တံ၊\n     ဗုဒ္ဓါနုဘာဝေန ဝိနသ မေန္တု။\n\n၂။ ယံ ဒုန္နိမိတ္တံ အဝမင်္ဂလဉ္စ၊\n     ယော စာ မနာပေါ သကုဏဿ သဒ္ဒေါ။\n     ပါပဂ္ဂဟော ဒုဿုပိနံ အကန္တံ၊\n     ဓမ္မာ နုဘာဝေန ဝိနာသ မေန္တု။\n\n၃။ ယံ ဒုန္နိမိတ္တံ အဝမင်္ဂလဉ္စ၊\n     ယော စာ မနာပေါ သကုဏဿ သဒ္ဒေါ။\n     ပါပဂ္ဂဟော ဒုဿုပိနံ အကန္တံ၊\n     သံဃာနုဘာဝေန ဝိနာသ မေန္တု။\n\n၄။ ဒုက္ခပ္ပတ္တာ စ နိဒ္ဒုက္ခာ၊\n     ဘယပ္ပတ္တာ စ နိဗ္ဘယာ။\n     သောကပ္ပတ္တာ စ နိသောကာ၊\n     ဟောန္တု သဗ္ဗေပိ ပါဏိနော။\n\n၅။ ဧတ္တာဝတာ စ အမှေဟိ၊\n     သမ္ဘတံ ပုညသမ္ပဒံ။\n     သဗ္ဗေ ဒေဝါ နုမောဒန္တု၊\n     သဗ္ဗသမ္ပတ္တိ သိဒ္ဓိယာ။\n\n၆။ ဒါနံ ဒဒန္တု သဒ္ဓါယ၊\n     သီလံ ရက္ခန္တု သဗ္ဗဒါ။\n     ဘာဝနာဘိရတာ ဟောန္တု၊\n     ဂစ္ဆန္တု ဒေဝတာ ဂတာ။\n\n၇။ သဗ္ဗေ ဗုဒ္ဓါ ဗလပ္ပတ္တာ၊\n     ပစ္စေကာနဉ္စ ယံ ဗလံ။\n     အရဟန္တာနဉ္စ တေဇေန၊\n     ရက္ခံ ဗန္ဓာမိ သဗ္ဗသော။\n\n၈။ ယံကိဉ္စိ ဝိတ္တံ ဣဓ ဝါ ဟုရံ ဝါ၊\n     သဂ္ဂေသု ဝါ ယံ ရတနံ ပဏီတံ။\n     န နော သမံ အတ္ထိ တထာဂတေန၊\n     ဣဒမ္ပိ ဗုဒ္ဓေ ရတနံ ပဏီတံ။\n     ဧတေန သစ္စေန သုဝတ္ထိ ဟောတု။\n\n၉။ ယံကိဉ္စိ ဝိတ္တံ ဣဓ ဝါ ဟုရံ ဝါ၊\n     သဂ္ဂေသု ဝါ ယံ ရတနံ ပဏီတံ။\n     န နော သမံ အတ္ထိ တထာဂတေန၊\n     ဣဒမ္ပိ ဓမ္မေ ရတနံ ပဏီတံ။\n     ဧတေန သစ္စေန သုဝတ္ထိ ဟောတု။\n\n၁၀။ ယံကိဉ္စိ ဝိတ္တံ ဣဓ ဝါ ဟုရံ ဝါ၊\n       သဂ္ဂေသု ဝါ ယံ ရတနံ ပဏီတံ။\n       န နော သမံ အတ္ထိ တထာဂတေန၊\n       ဣဒမ္ပိ သံဃေ ရတနံ ပဏီတံ။\n       ဧတေန သစ္စေန သုဝတ္ထိ ဟောတု။\n\n၁၁။ ဘဝတု သဗ္ဗမင်္ဂလံ၊\n       ရက္ခန္တု သဗ္ဗဒေဝတာ။\n       သဗ္ဗ ဗုဒ္ဓါ နုဘာဝေန၊\n       သဒါ သုခီ ဘဝန္တု တေ။\n\n၁၂။ ဘဝတု သဗ္ဗမင်္ဂလံ၊\n       ရက္ခန္တု သဗ္ဗဒေဝတာ။\n       သဗ္ဗ ဓမ္မာ နုဘာဝေန၊\n       သဒါ သုခီ ဘဝန္တု တေ။\n\n၁၃။ ဘဝတု သဗ္ဗမင်္ဂလံ၊\n       ရက္ခန္တု သဗ္ဗဒေဝတာ။\n       သဗ္ဗ သံဃာ နုဘာဝေန၊\n       သဒါ သုခီ ဘဝန္တု တေ။\n\n၁၄။ မဟာကာရုဏိကော နာထော၊\n       ဟိတာယ သဗ္ဗပါဏိနံ။\n       ပူရေတွာ ပါရမီ သဗ္ဗာ၊\n       ပတ္တော သမ္မောဓိ မုတ္တမံ။\n       ဧတေန သစ္စဝ‌ေဇ္ဇန၊\n       သောတ္ထိ တေ ဟောတု သဗ္ဗဒါ။\n\n၁၅။ ဇယန္တော ဗောဓိယာ မူလေ၊\n       သကျာနံ နန္ဒိဝဎ္ဍနော။\n       ဧဝမေဝ ဇယော ဟောတု၊\n       ဇယဿု ဇယမင်္ဂလေ။\n\n၁၆။ အပရာဇိတပလ္လင်္ကေ၊\n       သီသေ ပုထု ဝိပုက္ခလေ။\n       အဘိသေကေ သဗ္ဗဗုဒ္ဓါနံ၊\n       အဂ္ဂပ္ပတ္တော ပမောဒတိ။\n\n၁၇။ သုနက္ခတ္တံ သုမင်္ဂလံ၊\n       သ��ပ္ပဘာတံ သုဟုဋ္ဌိတံ။\n       သုခဏော သုမုဟုတ္တော စ၊\n       သုယိဋ္ဌံ ဗြဟ္မစာရိသု။\n\n၁၈။ ပဒက္ခိဏံ ကာယကမ္မံ၊\n       ဝါစာကမ္မံ ပဒက္ခိဏံ။\n       ပဒက္ခိဏံ မနောကမ္မံ၊\n       ပဏီဓိ တေ ပဒက္ခိဏေ။\n\n၁၉။ ပဒက္ခိဏာနိ ကတွာန၊\n       လဘန္တတ္ထေ ပဒက္ခိဏေ။\n       တေ အတ္ထလဒ္ဓါ သုခိတာ၊\n       ဝိရုဠှာ ဗုဒ္ဓသာသနေ။\n       အရောဂါ သုခိတာ ဟောထ၊\n       သဟ သ‌‌‌ဗ္ဗေဟိ ဉာတိဘိ။\n\n       ပုဗ္ဗဏှသုတ္တံ နိဋ္ဌိတံ။\n\nအာႏကွိုꩻ\n\nပရိတ်တန်","num_words":747,"character_repetition_ratio":0.075,"word_repetition_ratio":0.313,"special_characters_ratio":0.274,"stopwords_ratio":0.0,"flagged_words_ratio":0.0,"lang_id_score":0.998,"perplexity_score":11428.8,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%AC%E1%80%82%E1%80%BD%E1%80%94%E1%80%BA","collection":"wikipedia","source":"wikipedia","original_code":"blk","text":"အာဂွန်ယို ထွာ အဲတ်တမ်အမုဲင် ၁၈ တုမ်ႏ သင်္ကေတ Ar ကအောဝ်ႏဒါႏ ဓာတုဗေဒ ဒြတ်စင်တဗာႏသှူ။ အထဲ့ရော့ꩻ ထာꩻရွောင် ကိုနောဝ်ꩻ ပါငီꩻ နိုဘယ် ထာꩻတအှို အဗူႏကို။ကမ္ဘာႏဟမ်ႏလောင်း တလီꩻခြာကို အာဂွန်ယို ထွာ တတိယ အလှိုင်ႏအာသွတ်ꩻ၊ ရျာꩻခေါဝ်နေးနောဝ်ꩻ အောဝ်ႏ ၀.၉၃၄% သှူ။ အာထဲင်းက ထီတအှို ၂ လဲင်ႏ၊ ကာဗွန် ၂ အောက်သုဲက် ၂၃ လဲင်ႏ၊ နီယွန် ၅၀၀ လဲင်ႏ၊ ထာꩻမာꩻ စက်ခြှိုင်းခရာႏဖဲ့ꩻကို အှောန်ႏစာႏအီမေႏလျားသန်တာႏ မာꩻအီ သုင်ꩻအီဝင်ꩻ ကာဗွန်သှူ။ အခြီဒါႏထီကို ပီနုဲင်း အောက်သီစဲန်၊ အာထဲင်းက နုဲက်ထရိုစဲန် ၂.၅ လဲင်ႏ။ အာဂွန်ယို ထွာ အရောင်ႏ အယောင်ꩻ အဲန်တောင်း၊ အခြုံးအတူႏ တောဝ်းလဲ့ အထီ တောဝ်းတဲ့ အတအှိုစှောန်ႏတယောဝ်း မေႏတခိုးနှောင်ꩻတောဝ်း အစှူႏတအောဝ်ႏတောဝ်းသှူ။\n\nထူႏတောမ်\n\nဓာတုဗေဒ","num_words":74,"character_repetition_ratio":0.034,"word_repetition_ratio":0.0,"special_characters_ratio":0.109,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":256899.8,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%BB%E1%80%84%E1%80%BA%E1%82%8F%E1%80%9E%E1%80%AE%E1%80%9D%E1%80%9C%E1%80%AD%E1%80%82%E1%80%AB%E1%82%8F%E1%80%91%E1%80%AC%E1%82%8F%E1%80%90%E1%80%B1%E1%80%AC%E1%82%8F","collection":"wikipedia","source":"wikipedia","original_code":"blk","text":"‍‍ရဟန်ꩻတာႏဗွေႏ သီႏဝလိနဝ်ꩻ လာဘ်အာလာဘ်တန်ငါႏတဲင် လ့ꩻစွဉ်ႏဒျာႏ ဧတဒဂ်\"ဘွဲ့\"နဝ်ꩻသွူ။ နေးတွမ်ႏ ယွုမ်းအံႏမုꩻတဗာႏ တွမ်ႏသဒ္ဓါႏတရာꩻတန်တန်အာအာတဲင် မိဉ်ႏရွစ်ဖတ်ပူႏဇောႏဗာႏနဝ်ꩻ လိုႏရာꩻဆန္ဒ အီႏပြဲ့ꩻဝ ဗွေႏစွုမ်ႏဗာႏသွူ။\n\nဗွေႏသီႏဝလိဂါႏထာႏ (ပါႏဠိတောႏ)\n\n၁။ သီဝလိ စ မဟာနာမံ၊ သဗ္ဗလာဘံ ဘဝိဿတိ။\nထေရဿ အာနုဘာဝေန၊ သဗ္ဗေ ဟောန္တု ပိယံ မမ။\n\n၂။ သီဝလိ စ မဟာဝီရော၊ ယေ ယေ ပဿန္တု မံ ပိယံ။\nတေ တေ ပဿန္တု ပရမံ၊ ဇနပဒံ ပူဇယန္တု။\n\n၃။ သီဝလိ စ မဟာထေရော၊ မမ သီသေ ဌပေတွာန။\nဇမ္ဗုဒီပမဏ္ဍလေန၊ ဇယော မန္တာ သုခါဝဟာ။\n\n၄။ သီဝလိ စ မဟာနာမံ၊ ဣန္ဒာ ဒေဝါ သဗြဟ္မကာ။\nမနုဿပုရိသော ဣတ္ထိ၊ မဟာလာဘံ ဘဝိဿတိ။\n\n၅။ သီဝလိ စ မဟာလာဘံ၊ နာနာ ဒေတိ ဝရံ ဝရံ။\nဣဒမ္ပိ ပူဇိတံ ဒေတိ၊ မဟာသုခံ ဘဝိဿတိ။\n\n၆။ ဝဏ္ဏံ ဒန္တံ နရာတိတ္တိ၊ အာဏာ မယှံ ဘဝေ ဘဝေ။\nတဝ ရုက္ခေ ရာဇဓီတာ၊ သဗ္ဗေ ကောဓံ ဝိနဿန္တု။\n\n၇။ သီဝလိ စ မဟာလာဘံ၊ သဗ္ဗလာဘံ ဘဝိဿတိ။\nထေရဿ အာနုဘာဝေန၊ သဒါ ဟောတု ပိယံ မမ။\n\n၈။ သီဝလိ စ မဟာထေရော၊ ယေ ယေ ပဿန္တု မံ ပိယံ။\nတေ တေ ပဿန္တု မံ ပိယံ၊ ဇနပဒံ ပူဇိဿန္တိ။\n\n၉။ သီဝလိ စ မဟာထေရော၊ မမ သီသေ ဌပေတွာန။\nမန္တတေဇ ဇယောမန္တံ၊ အဟံ ဝန္ဒာမိ သဗ္ဗဒါ။\n\n၁၀။ သီဝလိ စ မဟာထေရော၊ ဒေဝမနုဿပူဇိတော။\nသော ရဟော ပစ္စယာဒိနံ၊ မဟာလာဘံ ကရောတု မေ။\n\nအာႏကွိုꩻ\n\nဗုဒ္ဓဘာႏသာႏ","num_words":162,"character_repetition_ratio":0.109,"word_repetition_ratio":0.0,"special_characters_ratio":0.153,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":154946.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%99%E1%80%AC%EA%A9%BB%E1%80%96%E1%80%B1%E1%80%B7%E1%80%9C%E1%80%B1%E1%80%AC%E1%80%98%E1%80%92%E1%80%B1%E1%80%AB%E1%80%9E","collection":"wikipedia","source":"wikipedia","original_code":"blk","text":"\"မာꩻဖေ့လꩻ လောႏဘꩻ၊ မာꩻဖေ့နွောင်ꩻဒေါႏသꩻနဝ်ꩻ ယိန်းယံ\"\n၁။ ကမဉ်လꩻအတွိုင်ꩻ \"လꩻ\"နဝ်ꩻ ရိုꩻ\"ယံ\"တဲ့\n\"မာꩻဖေ့လꩻ\"လောႏဘꩻနဝ်ꩻ \"ယိန်းယံ\"။\n၂။ သꩻကလျားအတွိုင်ꩻ \"နွောင်ꩻ\"နဝ်ꩻ ရိုꩻ\"ယံ\"တဲ့\n\"မာꩻဖေ့နွောင်ꩻ\"ဒေါႏသꩻနဝ်ꩻ \"ယိန်းယံ\"နောဝ်ꩻသွူ။\n\nအာႏကွိုꩻ","num_words":33,"character_repetition_ratio":0.122,"word_repetition_ratio":0.0,"special_characters_ratio":0.158,"stopwords_ratio":0.061,"flagged_words_ratio":0.0,"lang_id_score":1.0,"perplexity_score":1276.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%AC%E1%80%99%E1%80%8F%E1%80%B1%E1%80%9B%E1%80%9D%E1%80%AD%E1%80%94%E1%80%9A","collection":"wikipedia","source":"wikipedia","original_code":"blk","text":"နမော တဿ ဘဂဝတော အရဟတော သမ္မာသမ္ဗုဒ္ဓဿ\nအရဟတော-ကိလေႏသာႏအဲန်ထဝ်း၊ သမ္မာသမ္ဗုဒ္ဓဿ-တရာꩻကားကအဝ်ႏယို နမ်းတွိုႏကထီႏသေလို့ဒါႏ၊ တဿဘဂဝတော-နီဗွေႏဘုရာꩻနဝ်ꩻ၊ နမော-နီသောန်းဝုဲင်ႏခိုႏ ရိုႏသေႏဒျာႏသွူအေား။\n\nလိုꩻပေႏအီႏဗုဲင်သျင်ႏ အရေꩻတန်သိုမ်ချက်\n(၁)ကြော့ꩻကတူႏ\n(၂) ထူႏသင်္ကန်ꩻ\n(၃) ခံႏသီႏလ\n၁-မီႏအီႏကြော့ꩻကတူႏနဝ်ꩻ အဝ်ႏကြော့ꩻခိင်ႏ သျင်ႏလောင်ꩻအီႏရွောတ်အီတာႏ သွောန်ဖေႏရီးဗာႏ တစပဉ္စကကမ္မဋ္ဌာန်ꩻ \"အတ္ထိ ဣမသ္မိံ ကာယေ ကေသာ လောမာ နခါꩻ ဒန္တာ တစော\"။\nဣမသ္မိံကာယေ-ခွေနမ်းလောင်းကီ ထွားအီခရာႏ၊ ကေသာ-ကလူꩻ၊ လောမာ-အဆွောန်ႏ၊ နခါ-စူမီႏခင်ႏမီႏ၊ ဒန္တာ-တငါ၊ တစော-ပီဖြို့ꩻ ငတ်ꩻပါꩻဖုံႏယို၊ အတ္ထိ-အဝ်ႏနမ်းလောင်း ကတသာ တွိုႏမီႏအဝ်ႏပြာႏ ပသို့ꩻငါႏ ထွာဒျာႏအနိစ္စ ဒုက္ခ အနတ္တ ရူပသဘော်ꩻတန်ဒျာႏနေား၊ ကဟွုန်တသာ ကဟွုန်ပသို့ꩻနဝ်ꩻသꩻ-နာမသဘော်ꩻတန်ဒျာႏနေား၊ အဝ်ႏငတ်ꩻဗာႏသွူအေား။\n၂-ထူႏသင်္ကန်ꩻအရဲန်ႏလွေꩻ\n\nသျင်ႏလောင်ꩻရွောတ်ငဝ်းကပ်သင်္ကန���ꩻ\nသကလဝဋ္ဋဒုက္ခနိဿရဏနိဗ္ဗာနဿ သစ္ဆိကရဏတ္ထာယ ဣမံ ကာသာဝံ ဂဟေတွာ ပဗ္ဗာဇေထ မံ ဘန္တေ အနုကမ္ပံ ဥပါဒါယ။\nဘန္တေ-အေားဗွေႏ၊ သကလဝဋ္ဋဒုက္ခ-ခွုင်းဝဋ်ဒုက္ခယို၊ နိဿရဏ-ယံလွောတ်ထန်ႏလꩻ၊ နိဗ္ဗာနဿ-ထာꩻငိမ်ꩻခွꩻယို၊ သစ္ဆိကရဏတ္ထာယ-ဖေႏကတွိုႏအီတာႏ၊ ဣမံ ကာသာဝံ-သင်္ကန်ꩻကအဝ်ႏနီသွောန်းစူကိုယို၊ ဂဟေတွာ-နီဗွေႏထူႏထွူတဲင်၊ အနုကမ္ပံ-ထာꩻသညင်ꩻယို၊ ဥပါဒါယ-အွောန်ႏထွူတဲင်၊ မံပဗ္ဗာဇေထ-နီသွောန်းဖေႏကထွာ သာႏမဏေႏနဝ်ꩻ မာꩻဖေႏဗဲင်းဗွေႏအေား။\n\nငဝ်းကွီချာသင်္ကန်ꩻ\nသကလဝဋ္ဋဒုက္ခနိဿရဏနိဗ္ဗာနဿ သစ္ဆိကရဏတ္ထာယ ဧတံ ကာသာဝံ ဒတွာ ပဗ္ဗာဇေထ မံ ဘန္တေ အနုကမ္ပံ ဥပါဒါယ။\nဘန္တေ-အေားဗွေႏ၊ သကလဝဋ္ဋဒုက္ခ-ခွုင်းဝဋ်ဒုက္ခယို၊ နိဿရဏ-ယံလွောတ်ထန်ႏလꩻ၊ နိဗ္ဗာနဿ-ထာꩻငိမ်ꩻခွꩻယို၊ သစ္ဆိကရဏတ္ထာယ-ဖေႏကတွိုႏအီတာႏ၊ ဧတံ ကာသာဝံ-သင်္ကန်ꩻကအဝ်ႏနီဗွေႏစူကိုနဝ်ꩻ၊ ဒတွာ-ဖေႏချာထွူတဲင်၊ အနုကမ္ပံ-ထာꩻသညင်ꩻယို၊ ဥပါဒါယ-အွောန်ႏသွူတဲင်၊ မံပဗ္ဗာဇေထ-နီသွောန်းဖေႏကထွာ သာႏမဏေႏနဝ်ꩻ မာꩻဖေႏဗဲင်းဗွေႏအေား။\n\nငဝ်းကွီထွာသျင်ႏ\nဘန္တေ သံသာရဝဋ္ဋဒုက္ခတော မောစနတ္ထာယ ပဗ္ဗဇ္ဇံ ယာစာမိ၊ ဒုတိယမ္ပိ---၊ တတိယမ္ပိ---။\nဘန္တေ-အေားဗွေႏ၊ မောစနတ္ထာယ-ယမ်ကလွောတ်ထန်ႏလꩻ၊ သံသာရဝဋ္ဋဒုက္ခတော-အဝ်ႏသင်္သရာႏဝဋ္ဋဒုက္ခတာႏ၊ ယာစာမိ-နီသွောန်းကွီထွာဗာႏ၊ ပဗ္ဗဇ္ဇံ-သျင်ႏသာႏမဏေႏဘဝသွူအေား၊ ဒုတိယမ္ပိ-ဗꩻနီလဲင်ႏတဲ့၊ တတိယမ္ပိ-ဗꩻသိုမ်လဲင်ႏတဲ့----။\n\nခမ်ႏသီႏလဆီပါꩻ အရဲန်ႏလွေꩻ\n(က) အဟံ ဘန္တေ တိသရဏေန သဟ ဒသသာမဏေရ ပဗ္ဗဇ္ဇသီလံ ဓမ္မံ ယာစာမိ အနုဂ္ဂဟံ ကတွာ သီလံ ဒေထ မေ ဘန္တေ၊ ဒုတိယမ္ပိ---၊ တတိယမ္ပိ---။\nဘန္တေ-အေားဗွေႏ၊ အဟံ-နီသွောန်းယို၊ တိသရဏေန-သရဏသိုမ္ပါꩻ ထာꩻထွူထွာသိုမ္မျိုꩻယို၊ သဟ-ကပါငီꩻဒါႏ၊ ပဗ္ဗဇ္ဇသီလံ-မဲန်လွောတ်သံသရာႏသားအကျင်ꩻ၊ သာမဏေရံ-ရဟန်ꩻသီးပို၊ ဒသဓမ္မံ-တရာꩻဆီပါꩻယို၊ ယာစာမိ-နီသွောန်းကွီဗာႏ၊ ဘန္တေ-အေားဗွေႏ၊ အနုဂ္ဂဟံကတွာ-ပင်ႏထိုဖေႏနီသွောန်းအနေႏတဲင်၊ ဒေထ-ဖေႏလင်ꩻဗဲင်းသွော့၊ သီလံမေ-သာႏမဏေႏသီႏလနဝ်ꩻဗွေႏအေား။\n(ခ) ယမဟံ ဝဒါမိ တံ ဝဒေထ၊\nဝဒါမိအဟံ-ခွေကဒေါ့ꩻ၊ ယံတံ-ငဝ်းယို၊ ဝဒေထ-သီရိုꩻလွောန်ꩻဟုဲင်း၊ (ဝဒေဟိ-နာꩻရိုꩻလွောန်ꩻဟုဲင်း)။\nအာမ ဘန္တေ-နီသွောန်းအီႏရိုꩻလွောန်ꩻဒျာႏသွူအေား။\nနမော တဿ ဘဂဝတော အရဟတော သမ္မာသမ္ဗုဒ္ဓဿ။\n(နိဂ္ဂဟိတန္တ) ဗုဒ္ဓန် သရဏင် ဂစ္ဆာမိ၊ ဓမ္မန် သရဏင် ဂစ္ဆာမိ၊ သံဃန် သရဏင် ဂစ္ဆာမိ၊ ဒုတိယမ္ပိ---၊ တတိယမ္ပိ---။\n(မကာရန္တ) ဗုဒ္ဓမ် သရဏမ် ဂစ္ဆာမိ၊ ဓမ္မမ် သရဏမ် ဂစ္ဆာမိ၊ သံဃမ် သရဏမ် ဂစ္ဆာမိ။ ဒုတိယမ္ပိ---၊ တတိယမ္ပိ---။\n(ဂ) သရဏဂမနံ ပရိပုဏ္ဏံ-သရဏဂမနံ-သရဏဂမ်သိုမ်ပါꩻနဝ်ꩻ၊ ပရိပုဏ္ဏံ-ဗွေစုမ်ႏလဲန်း(အဝ်ႏကုဲင်ထဲင်းသီႏလဆီပါꩻ)၊ အာမ ဘန္တေ-မွေးသွူဗွေႏအေား။\n(ဃ) ၁\/ပါဏာတိပါတာ ဝေရမဏိ သိက္ခာပဒံ သမာဒိယာမိ၊ ၂\/ အဒိန္နာဒါနာ ၃\/ အဗြဟ္မစရိယာ ၄\/ မုသာဝါဒါ ၅\/ သုရာမေရယမဇ္ဇပမာဒဋ္ဌာနာ ၆\/ ဝိကာလဘောဇနာ ၇\/ နစ္စ ဂီတ ဝါဒိတ ဝိသုကဒဿနာ ၈\/ မာလာ ဂန္ဓ ဝိလေပန ဓာရဏ မဏ္ဍန ဝိဘူသနဋ္ဌာနာ ၉\/ ဥစ္စာသယနမဟာသယနာ ၁၀\/ ဇာတရူပ ရဇတ ပဋိဂ္ဂဟနာ ဝေရမဏိ သိက္ခာပဒံ သမာဒိယာမိ။\n\nသီႏလဆီပါꩻအနက်ပအိုဝ်ႏ\n၁\/ အတိပါတာ-မာꩻသီတရတ်၊ ပါဏာ-ဝင်ꩻအသက်ယို၊ ဝေရမဏိ-နီသွောန်းသျောင်ႏဒျာႏ၊ သိက္ခာပဒံ-သိက္ခာတဗာႏအနေႏ၊ သမာဒိယာမိ-နီသွောန်းဆို့ꩻတိန်ႏဒျာႏသွူဗွေႏအေား။\n၂\/ အဒိန္နာ-အဗွေႏတဖေႏတဝ်း ဝင်ꩻဥစ္စာႏယို၊ အာဒါနာ-ကထူႏနေးနဝ်ꩻ၊ ဝေရမဏိသိက္ခာပဒံ သမာဒိယာမိ။\n၃\/ အဗြဟ္မစရိယာ-တမျတ္တဝ်း မေထုနအကျင်ꩻယို၊ ဝေရမဏိ။\n၄\/ မုသာဝါဒါ-ဒေါ့ꩻငဝ်းလဲန်ယို၊ ဝေရမဏိ-နီသွောန်းသျောင်ႏဒျာႏ၊ သိက္ခာပဒံ-သိက္ခာႏတဗာႏအနေႏ၊ သမာဒိယာမိ-နီသွောန်းဆို့ꩻတိန်ႏဒျာႏသွူ။\n၅\/ မဇ္ဇပမာဒဋ္ဌာနာ-ထာꩻမုန်ꩻတဖေင်ꩻ၊ သုရာမေရယ-ဒဝ်ဒွိုႏဒဝ်စဲးယို၊ (ဝါ)သုရာ-ဒဝ်ဒွိုႏငတ်ꩻမျိုꩻ၊ မေရယ-ဒဝ်စဲးငတ်ꩻမျိုꩻ၊ မဇ္ဇ-ယာဖြေင်းဖိင်ꩻဖင်ꩻ တသီႏမုန်ꩻဖုံႏ၊ ပမာဒ-ထာꩻတောႏလောင်ꩻအမျိုꩻမျိုꩻဖုံႏယို၊ ဌာနာ-အခင်ႏလမ်းဌာနပါ၊ ဝေရမဏိသိက္ခာပဒံ သမာဒိယာမိ။\n၆\/ ဝိကာလ-မွူးခွယ်ခိင်ႏ၊ ဘောဇနာ-သုင်ꩻဘောဇန်နဝ်ꩻ၊ ဝေရမဏိသိက္ခာပဒံ သမာဒိယာမိ။\n၇\/ နစ္စ-ထာꩻကျူႏ၊ ဂီတ-ထာꩻအူဒုံႏ၊ ဝါဒိတ-တချင်ꩻငဝ်း၊ ဝိသုက-နာႏနေး၊ ဒဿနာ-ထွားနေးနဝ်ꩻ၊ ဝေရမဏိသိက္ခာပဒံ သမာဒိယာမိ။\n၈\/ မာလာ-အတရေꩻနုဲင်းကဝ်ႏ၊ ဂန္ဓ-အလွီးဟောမ်ယို၊ ဝိလေပန-သူႏဒင်ႏနမ်းလောင်း၊ ဓာရဏ-ဆောင်ႏလွေꩻနမ်းကီ၊ မဏ္ဍန-ခြွိုင်းတရေꩻနမ်းယို၊ ဌာနာ-အခင်ႏလမ်းဌာနပါ၊ ဝေရမဏိသိက္ခာပဒံ သမာဒိယာမိ။\n၉\/ ဥစ္စာသယန-ခင်ႏလမ်းထို တထာမာꩻကီ၊ မဟာသယနာ-ခင်ႏလမ်းဟဝ်အငိုꩻတန်စးယို၊ ဝေရမဏိသိက္ခာပဒံ သမာဒိယာမိ။\n၁၀\/ ဇာတရူပ-ခမ်ꩻယာႏ၊ ရဇတ-ရွောန်ယာႏပါ ရွောန်ဝင်ꩻကသမုတ်နေးပါယို၊ ပဋိဂ္ဂဟဏာ-လူႏခမ်ႏခုမ်စမ်ႏနဝ်ꩻ၊ ဝေရမဏိ-နီသွောန်းသျောင်ႏဒျာႏ၊ သိက္ခာပဒံ-သိက္ခာႏတဗာႏအနေႏ၊ သမာဒိယာမိ-နီသွောန်းဆို့ꩻတိန်ႏဒျာႏသွူဗွေႏအေား။\n(င) ဣ��ာနိ တိသရဏေန သဟ ဒသသာမဏေရ ပဗ္ဗဇ္ဇသီလံ ဓမ္မံ သာဓုကံ ကတွာ အပ္ပမာဒေန သမ္ပာဒေထ။\nဣမာနိ-ခွုင်းကရိုꩻခါꩻ၊ တိသရဏေနသဟ-သရဏဂမ်ပါ၊ ဒသသာမဏေရပဗ္ဗဇ္ဇသီလံ-ရဟန်ꩻပိုသျင်ႏ အကျင်ꩻဆီပါꩻ၊ ဓမ္မံ-တရာꩻယို၊ သာဓုကံကတွာ-ရိုႏရိုႏသေႏသေႏ၊ အပ္ပမာဒေန-တောမ်ႏအိုင်တဖေင်ꩻမွုန်းထာꩻတဲင်၊ သမ္ပာဒေထ-အောန်ႏဒင်ႏလို့လို့သွော့ နမ်းလောင်းကီနေား။\n(စ) သျင်္ဒေါ့ꩻ- ဥပဇ္ဈာယော မေ ဘန္တေ ဟောဟိ။ (ဒေါ့ꩻသိုမ်လဲင်ႏ)။\nဘန္တေ-အေားဗွေႏ၊ ဟောဟိ-နီဗွေႏနဝ်ꩻထွာဖေႏသွော့၊ မေ-နီသွောန်းတာႏ၊ ဥပဇ္ဈာယော-အုံဗော့ꩻဆုမ္မꩻ အုံခြꩻသွောန်သင် ဥပဇ္ဈာယ်ႏဆရာႏတန်ဗွေႏအေား။\n(ဆ) ရဟန္ဒေါ့ꩻ-ပါသာဒိကေန သမ္ပာဒေထ။\nပါသာဒိကေန-တောမ်ႏဝင်ꩻကဖုဲင်ႏထွား ဖုဲင်ႏနာႏဒါႏ သျင်ႏသာႏမဏေႏသီး ထာꩻအုံအဝ်ႏထာꩻဒေါ့ꩻဖြဝ်ႏယို၊ သမ္ပာဒေထ-အွောန္ဒင်ႏလို့လို့သွော့ နမ်းလေားင်္ကီနေား။\nအာမ ဘန္တေ-နီသွောန်း အီႏအွောန္ဒင်ႏဒျာႏသွူဗွေႏအေား။\nဗုဲင်သျင်ႏအရဲန်ႏလွေꩻ ထွူတွိုႏယိုကို။\n\nအာႏကွိုꩻ\n\nဗုဒ္ဓဘာႏသာႏ","num_words":1455,"character_repetition_ratio":0.071,"word_repetition_ratio":0.147,"special_characters_ratio":0.106,"stopwords_ratio":0.014,"flagged_words_ratio":0.0,"lang_id_score":1.0,"perplexity_score":403.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%84%E1%80%B1%E1%80%AB%E1%80%9D%E1%80%BA%E1%80%B8%E1%80%95%E1%80%84%E1%80%BA%EA%A9%BB%E1%80%97%E1%80%BD%E1%80%B1%E1%82%8F%E1%80%98%E1%80%AF%E1%80%9B%E1%80%AC%EA%A9%BB","collection":"wikipedia","source":"wikipedia","original_code":"blk","text":"​\nဘဂဝါဗွန်ထို ဘုန်ꩻကံႏတန်၊ လိုꩻလူꩻတနံꩻ ခမ်းနွုမ်ꩻဗာႏ၊ ဉာဏ်ႏအာႏရောင်ႏဖျောႏ ဗွိုန်မွူးလာ၊ စောဝ်းဗွေႏဘုန်ꩻခါ လေကမ္ဘာႏ၊ သွဉ်းသီးသဒ္ဓါႏ ခေါက်ဝုဲင်ႏပင်ꩻ၊ ကျွꩻကာအုံလင်ꩻ ကတူႏလောင်း၊ အုံတဲင်တသွောင်း ကတူႏကီ၊ ယူႏမတ်ဗွိုန်ပီ ခံꩻပလ္လင်ႏ၊ သွဉ်းသီးပင်ꩻထင်ႏ သျောက်လောဝ်းဗာႏ၊ သွံစွိုးဆရာႏ စောဝ်းဗုဒ္ဓ၊ အစိန္တေယျ နီဘုရာꩻဩ\n\nအာႏကွိုꩻ\n\nငဝ်းဝုဲင်ႏဖရာꩻ","num_words":30,"character_repetition_ratio":0.013,"word_repetition_ratio":0.0,"special_characters_ratio":0.082,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":307192.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%84%E1%80%B1%E1%80%AB%E1%80%9D%E1%80%BA%E1%80%B8%E1%80%95%E1%80%84%E1%80%BA%EA%A9%BB%20%E1%80%95%E1%80%90%E1%80%AE%EA%A9%BB%20%E1%81%8A%20%E1%80%85%E1%80%AD%E1%80%90%E1%80%BA%E1%80%95%E1%80%90%E1%80%AE%EA%A9%BB%28%E1%80%A1%E1%80%9B%E1%80%9F%E1%80%B6%29","collection":"wikipedia","source":"wikipedia","original_code":"blk","text":"ဘန္တေဩဗွေႏ စောဝ်းပတီꩻ၊ တရျာဆကီ ပုဲင်သွစ်ဖြုံႏ၊ ခွေသွဉ်းယွုံႏကေႏ ဖစ်ပင်ꩻလောဝ်း၊ ကတီꩻဗွေႏစောဝ်း ဂွုဏ်ႏကွတ်ꩻပါꩻ၊ စူယာꩻအကို သွဉ်းထူႏခွုမ်၊ စူနုံအလောင်း သွဉ်းထူႏစိတ်၊ ဘေꩻမျိုꩻယံဆေ့ꩻ ပါႏပခွါႏ၊ တဟာတွက်တာႏ သꩻယံတဉ်ႏ၊ တနီꩻတွက်တာႏ သꩻယံတုံ၊ ကျွꩻကာလွဉ်အုံ သွဉ်းစူဖူꩻ၊ ကျွꩻကာလွဉ်စူꩻ သွဉ်းစူကို၊ ဂွုဏ်ႏတောႏဗွန်ထို��တီꩻဩ\n\nအာႏကွိုꩻ\n\nငဝ်းဝုဲင်ႏဖရာꩻ","num_words":28,"character_repetition_ratio":0.044,"word_repetition_ratio":0.0,"special_characters_ratio":0.079,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":355562.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%B1%E1%80%81%E1%80%AD%E1%80%9A%E1%80%A1%E1%80%94%E1%80%80%E1%80%BA","collection":"wikipedia","source":"wikipedia","original_code":"blk","text":"အာယသ္မန္တော-အေားဗွေႏသီးဖုံႏ၊ ဣမေခေါပန-ကရိုꩻခါꩻ၊ သေခိယာဓမ္မာ-သေခိယသိက္ခာပဒဖုံႏနဝ်ꩻ၊ ဥဒ္ဒေသံအာဂစ္ဆန္တိ-အခိင်ႏရွောတ်နဲတွိုႏသွူ။\n\nပရိမဏ္ဍလဝဂ်\n၁+၂။ ပရိမဏ္ဍလံ-ဖေႏကငီႏဗာႏ၊ နိဝါသေဿာမိ-သင်္ကန်ꩻပွိုင်ႏမော့ꩻကီဒို့ꩻပဒေ မော့လဒို့ꩻခင်ႏဖုံႏ၊ ပါရုပိဿာမိ-သင်္ကန်ꩻဗုဲင်နဝ်ꩻ မော့ꩻကီဒို့ꩻပြေင် မော့လဒို့ꩻခင်ႏလေင်း၊ ကရဏီယာ-မာꩻဗာႏ၊ သိက္ခာ-အကျင်ꩻ၊ ဣတိ-နုဲင်းနဝ်ꩻ။\n၃+၄။ သုပ္ပဋိစ္ဆန္နော-ဒို့ꩻဗိန်ႏငွေါန်ꩻစူဒေင်တဲင်၊ ဂမိဿာမိ-ခွေအီႏလွေꩻဒျာႏ၊ နိသီဒိဿာမိ-ခွေအီႏအုံဒျာႏ၊ အန္တရဃရေ-ဒုံကိုသွူအေား။\n၅+၆။ သုသံဝုတော-မာꩻဣန္ဒြေႏဟဝ် ပဆိုးတဝ်းစူခင်ႏတဲင်၊ ဂမိဿာမိ-ခွေအီႏလွေꩻဒျာႏ၊ နိသီဒိဿာမိ၊ အန္တရဃရေ။\n၇+၈။ ဩက္ခိတ္တစက္ခု-မဲ့ဗီႏအွောန်ႏရောင်ꩻ ထွားလိတ်ꩻသောင်ꩻလုမ်ꩻတဲင်၊ ဂမိဿာမိ-ခွေအီႏလွေꩻဒျာႏ၊ နိသီဒိဿာမိ၊ အန္တရဃရေ။\n၉+၁၀။ ဥက္ခိတ္တကာယ-အွောန်ႏဗုဲင်းသင်္ကန်ꩻတဲင်၊ နဂမိဿာမိ-ခွေအီႏလွေꩻတဝ်း၊ နနိသီဒိဿာမိ-ခွေအီႏအုံတဝ်း၊ အန္တရဃရေ-ဒုံကိုသွူအေား၊ ပဌမော-ရီးသုတ်ꩻ၊ ပရိမဏ္ဍဝဂ္ဂေါ-ပရိမဏ္ဍလဝဂ်ထွူ။\n\nဥဇ္ဇဂ္ဃိကဝဂ်\n၁၁+၁၂။ အန္တရဃရေ-ဒုံကိုနဝ်ꩻ၊ ဂမိဿာမိ-ခွေအီႏလွေꩻ၊ နိသီဒိဿာမိ-ခွေအီႏအုံ၊ နဥဇ္ဇဂ္ဃိကာယ-ငသန္တဝ်းထာꩻသွူအေား။\n၁၃+၁၄။ အန္တရဃရေ-ဒုံကိုနဝ်ꩻ၊ ဂမိဿာမိ နိသီဒိဿာမိ၊ အပ္ပသဒ္ဒေါ-အွောန္ဆေ့ꩻငဝ်းသွူအေား။\n၁၅+၁၆။ အန္တရဃရေ-ဒုံကိုနဝ်ꩻ၊ ဂမိဿာမိ နိသီဒိဿာမိ၊ နကာယပ္ပစာလကံ-ဝီဝါတဝ်းနမ်းသွူအေား။\n၁၇+၁၈။ အန္တရဃရေ-ဒုံကိုနဝ်ꩻ၊ ဂမိဿာမိ နိသီဒိဿာမိ၊ နဗာဟုပ္ပစာလကံ-ဝီဝါတဝ်းစူဗောင်သွူအေား။\n၁၉+၂၀။ အန္တရဃရေ-ဒုံကိုနဝ်ꩻ၊ ဂမိဿာမိ နိသီဒိဿာမိ၊ နသီသပ္ပစာလကံ-ဝီဝါတဝ်းကတူႏသွူအေား။ ကရဏီယာ-မာꩻဗာႏ၊ သိက္ခာ-အကျင်ꩻ၊ ဣတိ-နုဲင်းယို၊ ဒုတိယော-ဗွေနီဗာႏ၊ ဥဇ္ဇဂ္ဃိကဝဂ္ဂေါ-ဥဇ္ဇဂ္ဃိကဝဂ်ထွူ။\n\nခမ္ဘကတဝဂ်\n၂၁+၂၂။ အန္တရဃရေ-ဒုံကိုနဝ်ꩻ၊ ဂမိဿာမိ-ခွေအီႏလွေꩻ၊ နိသီဒိဿာမိ-ခွေအီႏအုံ၊ နခမ္ဘကတော-ထောက်နေးတဝ်းငင်းဒေင်သွူအေား။\n၂၃+၂၄။ အန္တရဃရေ-ဒုံကိုနဝ်ꩻ၊ ဂမိဿာမိ-ခွေအီႏလွေꩻ၊ နိသီဒိဿာမိ-ခွေအီႏအုံ၊ နဩဂုဏ္ဌိတော-ကိုက်နေးတဝ်းကတူႏသွူအေား။\n၂၅။ အန္တရဃရေ-ဒုံကိုနဝ်ꩻ၊ ဂမိဿာမိ-ခွေအီႏလွေꩻ၊ နဥက္ကုဋိကာယ-ယဲင်ႏနေးတဝ်းခင်ႏသွူအေား။\n၂၆။ အန္တရဃရေ-ဒုံကိုနဝ်ꩻ၊ နိသီဒိဿာမိ-ခွေအီႏအုံ၊ နပလ္လတ္ထိကာယ-သီႏဗဲန်နေးတဝ်း သင်္ကန်ꩻစူခင်ႏသွူအေား။\n၂၇။ ပိဏ္ဍပါတံ-သောမ်ꩻယို၊ ပဋိဂ္ဂဟေဿာမိ-ခွေအီႏတုင်ꩻ၊ သက္ကစ္စံ-ရိုႏသေႏဒျာႏသွူအေား။\n၂၈။ ပိဏ္ဍပါတံ-သောမ်ꩻယို၊ ပဋိဂ္ဂဟေဿာမိ-ခွေအီႏတုင်ꩻ၊ ပတ္တသညီ-သꩻအွောန္ဒျာႏတပိတ်ကိုသွူအေား။\n၂၉။ ပိဏ္ဍပါတံ-သောမ်ꩻယို၊ ပဋိဂ္ဂဟေဿာမိ-ခွေအီႏတုင်ꩻ၊ သမတူပကံ-ဒဲန္တောမ်ႏဟန်ႏ ဖေႏကငီႏဝင်ꩻသွူအေား။\n၃၀။ ပိဏ္ဍပါတံ-သောမ်ꩻယို၊ ပဋိဂ္ဂဟေဿာမိ၊ သမတိတ္တိကံ-ဗွေမဲန်ႏတပိတ်ငွါငါသွူအေား၊ ကရဏီယာ-မာꩻဗာႏ၊ သိက္ခာ-အကျင်ꩻ၊ ဣတိ-နုဲင်းယို၊ တတိယော-ဗွေသိုမ္ဗာႏ၊ ခမ္ဘကတဝဂ္ဂေါ-ခမ္ဘကတဝဂ်ထွူ။\n\nသက္ကစ္စဝဂ်\n၃၁။ ပိဏ္ဍပါတံ-သောမ်ꩻယို၊ ဘုဉ္ဇိဿာမိ-ခွေအီႏသုင်ꩻ၊ သက္ကစ္စံ-ရိုႏသေႏဒျာႏ။\n၃၂။ ပိဏ္ဍပါတံ-သောမ်ꩻယို၊ ဘုဉ္ဇိဿာမိ-ခွေအီႏသုင်ꩻ၊ ပတ္တသညီ-သꩻအွောန္ဒျာႏတပိတ်ကို။\n၃၃။ ပိဏ္ဍပါတံ-သောမ်ꩻယို၊ ဘုဉ္ဇိဿာမိ-ခွေအီႏသုင်ꩻ၊ သပဒါနံ-တဲႏကအဝ်ႏဗော့ꩻနီထျꩻထွူမꩻ ကွဲးသုင်ꩻလွေꩻငါငါ။\n၃၄။ ပိဏ္ဍပါတံ-သောမ်ꩻယို၊ ဘုဉ္ဇိဿာမိ-ခွေအီႏသုင်ꩻ၊ သမသူပကံ-ဒဲန်သောမ်ꩻလစ်ꩻပုန်းတပုန်း တောမ်ႏဟန်ႏအိုဗာႏခူꩻစတဲင်သွူ။\n၃၅။ ပိဏ္ဍပါတံ-သောမ်ꩻယို၊ နဘုဉ္ဇိဿာမိ-ခွေတသုင်ꩻတဝ်း၊ ဩမဒ္ဒိတွာ-တေက်ꩻနဲန်းနေး၊ ထူပကတော-ဒဲန်တခိုႏတွော့ꩻ။\n၃၆။ သူပံဝါ-ဟန်ႏအိုယင်၊ ဗျဉ္ဇနံဝါ-ဟန်ႏအိုမီႏယင်၊ ဥပါဒါယ-ပွိုးစွောန်ႏ၊ ဘိယျောကမျတံ-မဲန်လꩻအာတဲင်၊ နပဋိစ္ဆာဒေဿာမိ-ခွေအွောန္ဒို့ꩻတဝ်း၊ ဩဒနေန-တောမ်ႏဒဲန်သွူအေား။\n၃၇။ အဂိလာနော-တဆော့ဆာတဝ်း၊ အတ္တနော-နီနမ်း၊ အတ္ထာယ-အကျိုꩻတာႏ၊ ဝိညာပေတွာ-ကွီနေး၊ သူပံဝါ-ဟန်ႏယင်၊ ဩဒနံဝါ-ဒဲန်ယင်တဲင်၊ နဘုဉ္ဇိဿာမိ-အမ်ႏတဝ်းသွူအေား။\n၃၈။ ဥဇ္ဈာနသညီ-မဲန်အမ်ႏသဲ့ꩻဝင်ꩻတဲင်၊ နဩလောကေဿာမိ-ခွေထွားတဝ်း၊ ပရေသံပတ္တံ-ဝင်ꩻတပိတ်သွူအေား။\n၃၉။ ကဗဠံ-ဒဲန္ထိုမ်ꩻယို၊ အတိမဟန္တံ-တန်လွောန်ꩻငါႏနဝ်ꩻ၊ နကရိဿာမိ-ခွေမာꩻတဝ်းသွူအေား။\n၄၀။ အာလောပံ-ဒဲန္ထိုမ်ꩻယို၊ ကရိဿာမိ-ခွေအီႏမာꩻ၊ ပရိမဏ္ဍလံ-တဒွီႏဒွီႏဒျာႏသွူအေား၊ ကရဏီယာ-မာꩻဒျာႏ၊ သိက္ခာ-အကျင်ꩻ၊ ဣတိ-နုဲင်းယို၊ စတုတ္ထော-ဗွေလိတ်ꩻဗာႏ၊ သက္ကစ္စဝဂ္ဂေါ-သက္ကစ္စဝဂ်ထွူ။\n\nကဗဠဝဂ်\n၄၁။ ကဗဠေ-ဒဲန်ငွါ၊ အနာဟဋေ-တွိုႏဒွိုန်းဖြောင်းထျꩻ၊ နဝိဝရိဿာမိ-ခွေအင်တဝ်း၊ မုခဒွါရံ-ဖ���ောင်းသွူအေား။\n၄၂။ ဘုဉ္ဇမာနော-မီႏအမ်ႏဒဲန္နဝ်ꩻ၊ သဗ္ဗံဟတ္ထံ-စူကားကအဝ်ႏယို၊ နပက္ခိပိဿာမိ-သော့ꩻတဝ်း၊ မုခေ-ဖြောင်းကိုသွူအေား။\n၄၃။ မုခေန-ဖြောင်းကို၊ သကဗဠေန-တောမ်ႏဒဲန္တဲင်၊ နဗျာဟရိဿာမိ-ခွေဒေါ့ꩻတဝ်းငဝ်းသွူအေား။\n၄၄။ ပိဏ္ဍုက္ခေပကံ-ပဲက်ꩻထင်ႏနေးဒဲန်ငွါတဲင်၊ နဘုဉ္ဇိဿာမိ-ခွေအီႏအမ်ႏတဝ်းသွူအေား။\n၄၅။ ကဗဠာဝစ္ဆေဒကံ-အဲင်ႏထဲ့နေးဒဲန်ငွါတဲင်၊ နဘုဉ္ဇိဿာမိ။\n၄၆။ နအဝဂဏ္ဍကာရကံ-အွောန်ႏဗိုမ်းနေးတဝ်းဖြောင်းတဲင်၊ ဘုဉ္ဇိဿာမိ-ခွေအီႏအမ်ႏဒျာႏသွူအေား။\n၄၇။ နဟတ္ထနိဒ္ဓုနကံ-တဆွိုင်နေးတဝ်းစူတဲင်၊ ဘုဉ္ဇိဿာမိ။\n၄၈။ နသိတ္ထာဝကာရကံ-မာꩻခွို့တဝ်းဒဲန္တဲင်၊ ဘုဉ္ဇိဿာမိ။\n၄၉။ နဇိဝှါနိစ္ဆာရကံ-လဲမ်ꩻနေးတဝ်းဖြေꩻတဲင်၊ ဘုဉ္ဇိဿာမိ။\n၅၀။ နစပုစပုကာရကံ-ဖြောင်းငဝ်းသင်ႏတဝ်းစပ်စပ်တဲင်၊ ဘုဉ္ဇိဿာမိ-ခွေအီႏအမ်ႏသွူအေား၊ ကာရဏီယာ-မာꩻဗာႏ၊ သိက္ခာ-အကျင်ꩻ၊ ဣတိ-နုဲင်းယို၊ ပဉ္စမော-ဗွေငတ်ꩻဗာႏ၊ ကဗဠဝဂ္ဂေါ-ကဗဠဝဂ်ထွူ။\n\nသုရုသုရုဝဂ်\n၅၁။ နသုရုသုရုကာရကံ-မာꩻတဝ်းငတ်းရုတ်ရုတ္တဲင်၊ ဘုဉ္ဇိဿာမိ-ခွေအီႏအမ်ႏဒျာႏသွူအေား။\n၅၂။ နဟတ္ထနိလ္လေဟကံ-မွောတ်ꩻနေးတဝ်းစူတဲင်၊ ဘုဉ္ဇိဿာမိ။\n၅၃။ နပတ္တနိလ္လေဟကံ-မွောတ်ꩻနေးတဝ်းတပိတ်ကင်တဲင်၊ ဘုဉ္ဇိဿာမိ။\n၅၄။ နဩဋ္ဌနိလ္လေဟကံ-မွောတ်ꩻနေးတဝ်းဖြောင်းဗီႏတဲင်၊ ဘုဉ္ဇိဿာမိ။\n၅၅။ ပါနီယထာလကံ-တကောက်ꩻအွꩻထီယို၊ ဟတ္ထေန-တောမ်ႏစူ၊ သာမိသေန-ဒဲန်ဗွို့ꩻတဲင်၊ နပဋိဂ္ဂဟေဿာမိ-ခွေခုမ်တဝ်းသွူအေား။\n၅၆။ သသိတ္ထကံ-ဒဲန်ခူꩻကပါဒါႏ၊ ပတ္တဓောဝနံ-ထီပသေတပိတ်ယို၊ နဆဍ္ဍေဿာမိ-ခွေထောက်ꩻတဝ်း၊ အန္တရဃရေ-ဒုံကိုသွူအေား။\n၅၇။ ဓမ္မံ-တရာꩻယို၊ နဒေသေဿာမိ-ခွေဟော်ꩻဖေႏတဝ်း၊ အဂိလာနဿ-အဝ်ႏရေꩻအဝ်ႏသန်ꩻ၊ ဆတ္တပါဏိဿ-စူကိုအဝ်ႏခုမ်တောမ်ႏထီꩻသား။\n၅၈။ ဓမ္မံ-တရာꩻယို၊ နဒေသေဿာမိ-ခွေဟော်ꩻဖေႏတဝ်း၊ အဂိလာနဿ၊ ဒဏ္ဍပါဏိဿ-စူကိုအဝ်ႏခုမ်ခွေါးန္တောင်ꩻသား။\n၅၉။ ဓမ္မံ-တရာꩻယို၊ နဒေသေဿာမိ-ခွေအီႏဟော်ꩻဖေႏတဝ်း၊ အဂိလာနဿ၊ သတ္ထပါဏိဿ-စူကိုအဝ်ႏခုမ်နꩻသား။\n၆၀။  ဓမ္မံ-တရာꩻယို၊ နဒေသေဿာမိ-ခွေအီႏဟော်ꩻဖေႏတဝ်း၊ အဂိလာနဿ-အဝ်ႏရေꩻအဝ်ႏသန်ꩻ၊ အာဝုဓပါဏိဿ-စူကိုအဝ်ႏခုမ်ခြီႏသား၊ ကရဏီယာ-မာꩻဗာႏ၊ သိက္ခာ-အကျင်ꩻ၊ ဣတိ-နုဲင်းယို၊ ဆဋ္ဌော-ဗွေသူဗာႏ၊ သုရုသုရုဝဂ္ဂေါ-သုရုသုရုဝဂ်ထွူ။\n\nပါဒုကဝဂ်\n၆၁။ ဓမ္မံ-တရာꩻယို၊ နဒေသေဿာမိ-ခွေအီႏဟော်ꩻဖေႏတဝ်း၊ အဂိလာနဿ၊ ပါဒုကာရုဠှဿ-အဝ်ႏထို���်းခင်ႏယမ်းသား။\n၆၂။ ဓမ္မံ-တရာꩻယို၊ နဒေသေဿာမိ-ခွေအီႏဟော်ꩻဖေႏတဝ်း၊ အဂိလာနဿ၊ ဥပါဟနာရုဠှဿ-အဝ်ႏထိုမ်းခင်ႏဖာႏသား။\n၆၃။ ဓမ္မံ-တရာꩻယို၊ နဒေသေဿာမိ-ခွေအီႏဟော်ꩻဖေႏတဝ်း၊ အဂိလာနဿ၊ ယာနဂတဿ-အဝ်ႏဒင်ႏလေားလောင်းသား။\n၆၄။ ဓမ္မံ-တရာꩻယို၊ နဒေသေဿာမိ-ခွေအီႏဟော်ꩻဖေႏတဝ်း၊ အဂိလာနဿ၊ သယနဂတဿ-အဝ်ႏသော့ꩻခင်လးမ္ဗေင်ႏကိုသား။\n၆၅။ ဓမ္မံ-တရာꩻယို၊ နဒေသေဿာမိ-ခွေအီႏဟော်ꩻဖေႏတဝ်း၊ အဂိလာနဿ၊ နိသိန္နဿ-အဝ်ႏအုံ၊ ပလ္လတ္ထိကာ-သီႏနေးစူခင်ႏသား။\n၆၆။ ဓမ္မံ-တရာꩻယို၊ နဒေသေဿာမိ-ခွေအီႏဟော်ꩻဖေႏတဝ်း၊ အဂိလာနဿ၊ ဝေဌိတသီသဿ-အဝ်ႏခူးတူႏပေါက် လးမ္ပꩻကုံႏသား။\n၆၇။ ဓမ္မံ-တရာꩻယို၊ နဒေသေဿာမိ-ခွေအီႏဟော်ꩻဖေႏတဝ်း၊ အဂိလာနဿ၊ ဩဂုဏ္ဌိတသီသဿ-အဝ်ႏဒို့ꩻကိုက္ကတူႏ။\n၆၈။ ဓမ္မံ-တရာꩻယို၊ နဒေသေဿာမိ-ခွေအီႏဟော်ꩻဖေႏတဝ်း၊ အဂိလာနဿ၊ နိသီဒိတွာ-နီအဝ်ႏ၊ ဆမာယံ-ဟမ်ႏလောင်း၊ နိသိန္နဿ-လိုꩻအဝ်ႏ၊ အာသနေ-အခင်ႏလမ်းကိုသား။\n၆၉။ ဓမ္မံ-တရာꩻယို၊ နဒေသေဿာမိ-ခွေအီႏဟော်ꩻဖေႏတဝ်း၊ အဂိလာနဿ၊ အာသနေ-နီအဝ်ႏ၊ နီစေ-ထာꩻဖွိုႏ၊ နိသိန္နဿ-ဝွေꩻအဝ်ႏ၊ ဥစ္စေ-ထာꩻထိုလောင်းသား။\n၇၀။ ဓမ္မံ-တရာꩻယို၊ နဒေသေဿာမိ-ခွေအီႏဟော်ꩻဖေႏတဝ်း၊ အဂိလာနဿ၊ ဌိတော-နီအဝ်ႏအုံထွိုင်ႏ၊ နိသိန္နဿ-ဝွေꩻအဝ်ႏအုံလင်ꩻသား။\n၇၁။ ဓမ္မံ-တရာꩻယို၊ နဒေသေဿာမိ-ခွေအီႏဟော်ꩻဖေႏတဝ်း၊ အဂိလာနဿ၊ ဂစ္ဆန္တော-နီအဝ်ႏလွေꩻ၊ ပစ္ဆတော-ဖဲ့ꩻချာ၊ ဂစ္ဆန္တဿ-ပါꩻအဝ်ႏလွေꩻ၊ ပုရတော-ခငါသား။\n၇၂။ ဓမ္မံ-တရာꩻယို၊ နဒေသေဿာမိ-ခွေအီႏဟော်ꩻဖေႏတဝ်း၊ အဂိလာနဿ၊ ဂစ္ဆန္တော-နီအဝ်ႏလွေꩻ၊ ဥပ္ပထေန-တဖူꩻတမွေးတဝ်း၊ ဂစ္ဆန္တဿ-ပါꩻအဝ်ႏလွေꩻ၊ ပထေန-တဖူꩻသꩻကိုသား။\n၇၃။ အဂိလာနော-အဝ်ႏရေꩻအဝ်ႏသန်ꩻ၊ ဌိတော-အုံထွိုင်ႏ၊ နကရိဿာမိ-စွောန္တဝ်း၊ ဥစ္စာရံဝါ-ခွေါန္တန်ယင်၊ ပဿာဝံဝါ-ခွေါန်ႏပေႏယင်။\n၇၄။ အဂိလာနော-အဝ်ႏရေꩻအဝ်ႏသန်ꩻ၊ ဟရိတေ-မီꩻသိန်ကို၊ နကရိဿာမိ-ခွေစွောန္တဝ်း၊ ဥစ္စာရံဝါ-ခွေါန္တန်ယင်၊ ပဿာဝံဝါ-ခွေါန်ႏပေႏယင်၊ ခေဠံဝါ-ယုဲင်ꩻထီယင်။\n၇၅။ အဂိလာနော-အဝ်ႏရေꩻအဝ်ႏသန်ꩻ၊ ဥဒေက-ထီသုင်ꩻလꩻယို၊ နကရိဿာမိ-ခွေစွောန်ꩻသော့ꩻတဝ်း၊ ဥစ္စာရံဝါ-ခွေါန္တန်ယင်၊ ပဿာဝံဝါ-ခွေါန်ႏပေႏယင်၊ ခေဠံဝါ-ယုဲင်ꩻထီယင်၊ ကရဏီယာ-မာꩻဗာႏ၊ သိက္ခာ-အကျင်ꩻ၊ ဣတိ-နုဲင်းယို၊ သတ္တမော-နွုတ်ꩻဗာႏဗွေ၊ ပါဒုကဝဂ္ဂေါ-ပါဒုကဝဂ်ထွူ၊ သေခိယသိက္ခာပဒအနက်ထွူ။\n\nအာႏကွိုꩻ\n\nဗုဒ္ဓဘာႏသာႏ","num_words":2243,"character_repetition_ratio":0.146,"word_repetition_ratio":0.201,"special_characters_ratio":0.089,"stopwords_ratio":0.024,"flagged_words_ratio":0.0,"lang_id_score":1.0,"perplexity_score":124.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%93%E1%80%AF%E1%80%90%E1%80%84%E1%80%BA%E1%80%B9%E1%80%82%E1%81%81%E1%81%83%E1%80%95%E1%80%AB%EA%A9%BB","collection":"wikipedia","source":"wikipedia","original_code":"blk","text":"ဓုတင် (ဓုတင်္ဂ) ကရိုꩻနဝ်ꩻ ထွာဒျာႏ ပယ်ႏယားမာꩻဆေ့ꩻထိုꩻ ကိလေႏသာႏ အကျင်ꩻတရာꩻဖုံႏဒျာႏသွူ။ အကျမ်ꩻအနေႏ ဓုတင်အဝ်ႏ ၁၃ ပါꩻသွူ။ ကိလေသေ ဓုနောတီတိ ဓုတော-လိုꩻကပဲႏယားဒါႏ ကိလေႏသာႏနဝ်ꩻ ဟဲ့ꩻ\"ဓုတ\"၊ ပဲႏယားအီကိလေႏသာႏ ကုသိုလ်ႏစေႏတနာႏနဝ်ꩻ ဟဲ့ꩻ\"ဓုတင်\"။\n\nပံသုကူဓုတင်\nဂဟပတိဒါနစီဝရံ ပဋိက္ခိပါမိ-ပဲႏသင်္ကန်ꩻဝင်္ကလူႏ၊ ပံသုကူလိကင်္ဂံ သမာဒိယာမိ-ထူႏလိုꩻသုင်ꩻသင်္ကန်ꩻဟမ်ႏခိုႏအကျင်ꩻ။\n\nတိစီဝရိက်ဓုတင်\nစတုတ္ထစီဝရံ ပဋိက္ခိပါမိ-ပဲႏသင်္ကန်ꩻဗွေလိတ်ꩻဖွူꩻ၊ တေစီဝရိကင်္ဂံ သမာဒိယာမိ-ထူႏလိုꩻသုင်ꩻသင်္ကန်ꩻ ဗွေသိုမ်ဖွူꩻအကျင်ꩻ။\n\nပိဏ္ဍပါတ်ဓုတင်\nအတိရေကလာဘံ ပဋိက္ခိပါမိ-ပဲႏထာꩻလꩻလွို၊ ပိဏ္ဍပါတိကင်္ဂံ သမာဒိယာမိ-ထူႏလိုꩻတုင်ꩻအမ်ႏနေးသောမ်ꩻအကျင်ꩻ။\n\nသပဒါနဓုတင်\nလောလုပ္ပစာရံ ပဋိက္ခိပါမိ-ပဲႏနေးရေꩻလောဘꩻ ကာဗꩻလမ်းရဲန်ႏ၊ သပဒါနစာရိကင်္ဂံ သမာဒိယာမိ-ထူႏအုံထွိုင်ႏစုမ်ႏလမ်း ကလꩻဒါႏသောမ်ꩻအကျင်ꩻ။\n\nဧကာသနိကဓုတင်\nနာနာသနဘောဇနံ ပဋိက္ခိပါမိ-ပဲႏသုင်ꩻခင်ႏလမ်းအာ၊ ဧကာသနိကင်္ဂံ သမာဒိယာမိ-ထူႏသုင်ꩻတအုံလင်ꩻအကျင်ꩻ။\n\nပတ္တပိဏ်ဓုတင်\nဒုတိယကဘောဇနံ ပဋိက္ခိပါမိ-ပဲႏသုင်ꩻဝန်ႏအာ၊ ပတ္တပိဏ္ဍိကင်္ဂံ သမာဒိယာမိ-ထူႏသုင်ꩻဝန်ႏတဗီႏကိုအကျင်ꩻ။\n\nခလုပစ္ဆာဘတ္တိဓုတင်\nအတိရိတ္တဘောဇနံ ပဋိက္ခိပါမိ-ပဲႏသုင်ꩻအထဲင်း၊ ခလုပစ္ဆာဘတ္တိကင်္ဂံ သမာဒိယာမိ-ထူႏ(မဲန်ႏလဲန်းပဲႏထွူကွို့ꩻတဝ်း)ထူႏထဲင်းအလောင်ꩻအကျင်ꩻ။\n\nအရညကင်ဓုတင်\nဂါမန္တသေနာသနံ ပဋိက္ခိပါမိ-ပဲႏအုံကျောင်ꩻဒုံ၊ အရညိကကင်္ဂံ သမာဒိယာမိ-ထူႏအုံတခြာကိုအကျင်ꩻ။\n\nရုက္ခမူဓုတင်\nဆန္နံ ပဋိက္ခိပါမိ-ပဲႏကျောင်ꩻအဆေင်ႏအသꩻအဝ်ႏစား၊ ရုက္ခမူလိကင်္ဂံ သမာဒိယာမိ-ထူႏအုံကျောင်ꩻသေင်ႏမွူးခလအကျင်ꩻ။\n\nအဗ္ဘောကာသိကဓုတင်\nဆန္နဉ္စ ရုက္ခမူလဉ္စ ပဋိက္ခိပါမိ-ပဲႏကျောင်ꩻဆေင်ႏသꩻပါ သေင်ႏခလပါ၊ အဗ္ဘောကာသိကင်္ဂံ သမာဒိယာမိ-ထူႏအုံထာꩻပြင်ႏဟာကိုအကျင်ꩻ။\n\nသုသာနဓုတင်\nန သုသာနံ ပဋိက္ခိပါမိ-ပဲႏသင်ႏခဲင်ꩻတမွေးတဝ်း၊ သောသာနိကင်္ဂံ သမာဒိယာမိ-ထူႏအုံသင်ႏခဲင်ꩻကိုအကျင်ꩻ။\n\nယထာသန္တတိဓုတင်\nသေနာသနလောလုပ္ပံ ပဋိက္ခိပါမိ-ပဲႏလောဘခင်ႏလမ်းဟဝ်၊ ယထာသန္တတိကင်္ဂံ သမာဒိယာမိ-ထူႏရွေꩻတဝ်းကျောင်ꩻအကျင��ꩻ။\n\nနိသဇ်ဓုတင်\nသေယျံ ပဋိက္ခိပါမိ-ပဲႏထာꩻဗေင်ဣရိယာပထ၊ နေသဇ္ဇိကင်္ဂံ သမာဒိယာမိ-ထူႏဣရိယာပထ အလင်သိုမ္ပါꩻအကျင်ꩻ။\n\nအာႏကွိုꩻ\n\nဗုဒ္ဓဘာႏသာႏ","num_words":589,"character_repetition_ratio":0.185,"word_repetition_ratio":0.022,"special_characters_ratio":0.079,"stopwords_ratio":0.053,"flagged_words_ratio":0.0,"lang_id_score":1.0,"perplexity_score":84.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%AE%E1%82%8F%E1%80%9C%E1%80%80%E1%80%BD%E1%80%90%E1%80%BA%EA%A9%BB%E1%80%95%E1%80%AB%EA%A9%BB","collection":"wikipedia","source":"wikipedia","original_code":"blk","text":"သီလကွတ်ꩻပါꩻကိုပါ မေတ္တာသဟဂတေန\nမေတ္တာသဟဂတေန-တောမ်ႏမေတ္တာႏကပါဒါႏသꩻတဲင်၊ သဗ္ဗပါဏဘူတေသု-ကားသတ္တဝါႏဖုံႏအလောင်း၊ ဖရိတွာ-အွောန္တိုႏလို့၊ ဝိဟရဏံ-ထာꩻအုံမျိုꩻနဝ်ꩻ၊ သမာဒိယာမိ-ခွေဆို့ꩻတဲင်ဒျာႏ။\nဣမာနိ တိသရဏေန သဟ နဝင်္ဂသီလံ ဓမ္မံ သာဓုကံ ကတွာ အပ္ပမာဒေန သမ္ပာဒေထ-\nတိသရဏေန-သရဏဂမ်သိုမ္ပါꩻ၊ သဟ-ကပါဒါႏ၊ ဣမာနိနဝင်္ဂသီလံ-ခွုင်းသီႏလကုတ်ꩻပါꩻယို၊ သာဓုကံကတွာ-ရိုႏသေႏနေးထူႏထွူ၊ အပ္ပမာဒေန-တောမ်ႏအပ္ပမာဒ သတိꩻတရာꩻတဲင်၊ သမ္ပာဒေထ-သရဏဂမ်သိုမ္ပါꩻပါ ကုတ်ꩻပါꩻသီႏလပါ နီမျိုꩻလိုမ်း ယမ်ကဗွေစုမ်ႏလို့သွော့ဝင်ꩻ ပငါပရာꩻဖုံႏနေား၊ မီႏထူႏသီႏလကုတ်ꩻပါꩻနဝ်ꩻ ပါရမီဝါဒရိုꩻ အမ္ဗာႏသက်လွောတ်၊ အာစရိယဝါဒရိုꩻ ဒေါသထန္ထာꩻလꩻတဝ်း။\n\"ကျောင်ꩻသုဲင်ꩻခဝ် ပသာမေတ္တာႏ\"\n၁\/ အဟံ အဝေရော ဟောမိ၊ အဗျာပဇ္ဇော ဟောမိ၊ အနီဃော ဟောမိ၊ သုခီ အတ္တာနံ ပရိဟရာမိ၊ ဒုက္ခာ မုစ္စာမိ၊ ယထာလဒ္ဓသမ္ပတ္တိတော မာဝိဂစ္ဆာမိ၊ ကမ္မဿကာ။\n၂\/ သီမဋ္ဌသံဃာ အဝေရာ ဟောန္တု၊ အဗျာပဇ္ဇာ ဟောန္တု၊ အနီဃာ ဟောန္တု၊ သုခီ အတ္တာနံ ပရိဟရန္တု၊ ဒုက္ခာ မုစ္စာန္တု၊ ယထာလဒ္ဓသမ္ပတ္တိတော မာဝိဂစ္ဆန္တု၊ ကမ္မဿကာ။\n၃\/ မာတာပိတု အာစရိယဉာတိမိတ္တသမူဟာ ဥပါသကာ ဥပါသိကီ စတုပစ္စဒါယကာ အမှာကံ စတုပစ္စဒါယကာ အဝေရာ ဟောန္တု၊ အဗျာပဇ္ဇာ ဟောန္တု၊ အနီဃာ ဟောန္တု၊ သုခီ အတ္တာနံ ပရိဟရန္တု၊ ဒုက္ခာ မုစ္စာန္တု၊ ယထာလဒ္ဓသမ္ပတ္တိတော မာဝိဂစ္ဆန္တု၊ ကမ္မဿကာ။\n၄\/ အာရက္ခဒေဝတာ ရုက္ခဋ္ဌဒေဝတာ ဘုမ္မဋ္ဌဒဝတာ အာကာသဋ္ဌ ဒေဝတာ အဝေရာ ဟောန္တု၊ အဗျာပဇ္ဇာ ဟောန္တု၊ အနီဃာ ဟောန္တု၊ သုခီ အတ္တာနံ ပရိဟရန္တု၊ ဒုက္ခာ မုစ္စာန္တု၊ ယထာလဒ္ဓသမ္ပတ္တိတော မာဝိဂစ္ဆန္တု၊ ကမ္မဿကာ။\n၅\/ ကာမဘဝေ ရူပဘဝေ အရူပဘဝေ သညီဘဝေ အသညီဘဝေ နေဝသညီနာသညီဘဝေ၊ ပဉ္စဝေါကာရဘဝေ စတုဝေါကာရဘဝေ ဧကဝေါကာရဘဝေ၊ အပါဒါ ဒွိပါဒါ စတုပ္ပါဒါ ဗာဟုပ္ပါဒါ သံသေဒဇာ ဩပပါတိကာ ဇလာဗုဇာ အဏ္ဍဇာ၊ ရူပပဋိသန္ဓိကာ အရူပပဋိသန္ဓိကာ ရူပါရူပပဋိသန္ဓိကာ၊ အဟေတုကပဋိသန္ဓိကာ၊ ဒွိဟေတုကပဋိသန္ဓိကာ၊ တိဟေတုကပဋိသန္ဓိကာ၊ ရူပူပကာ ဝေဒနူပကာ သညူပကာ သင်္ခါရူပကာ ဝိညာဏူပကာ အဝေရာ ဟောန္တု၊ အဗျာပဇ္ဇာ ဟောန္တု၊ အနီဃာ ဟောန္တု၊ သုခီ အတ္တာနံ ပရိဟရန္တု၊ ဒုက္ခာ မုစ္စာန္တု၊ ယထာလဒ္ဓသမ္ပတ္တိတော မာဝိဂစ္ဆန္တု၊ ကမ္မဿကာ။\n၆\/ ပုရတ္ထိမာယ ဒိသာယ၊ ပစ္ဆိမာယ ဒိသာယ၊ ဥတ္တရာယ ဒိသာယ၊ ဒက္ခိဏာယ ဒိသာယ၊ ပုရတ္ထိမာယ အနုဒိသာယ၊ ပစ္ဆိမာယ အနုဒိသာယ၊ ဥတ္တရာယ အနုဒိသာယ၊ ဒက္ခိဏာယ အနုဒိသာယ၊ ဟေဋ္ဌိမာယ ဒိသာယ၊ ဥပရိမာယ ဒိသာယ\nသဗ္ဗေ သတ္တာ၊ သဗ္ဗေ ပါဏာ၊ သဗ္ဗေ ဘူတာ၊ သဗ္ဗေ ပုဂ္ဂလာ၊ သဗ္ဗေ အတ္တဘာဝပရိယာပန္နာ (အနောဒိသမေတ္တာ)၊ သဗ္ဗာ ဣတ္ထိယော၊ သဗ္ဗေ ပုရိသာ၊ သဗ္ဗေ အရိယာ၊ သဗ္ဗေ အနရိယာ၊ သဗ္ဗေ ဒေဝါ၊ သဗ္ဗေ မနုဿာ၊ သဗ္ဗေ ဝိနိပါတိကာ (ဩဒိသမေတ္တာ)။\nအဝေရာ ဟောန္တု၊ အဗျာပဇ္ဇာ ဟောန္တု၊ အနီဃာ ဟောန္တု၊ သုခီ အတ္တာနံ ပရိဟရန္တု၊ ဒုက္ခာ မုစ္စာန္တု၊ ယထာလဒ္ဓသမ္ပတ္တိတော မာဝိဂစ္ဆန္တု၊ ကမ္မဿကာ။\n၇\/ ဥဒ္ဓံ ယာဝ ဘဝဂ္ဂါ စ၊ အဓော ယာဝ အဝီစိတော။\nသမန္တာ စက္ကဝါဠေသု ယေ သတ္တာ (ပထဝီစရာ)။\n၈\/----ဥဒကေစရာ။ ၉\/ အာကာသေစရာ။\n၁၀\/ ယံ ပတ္တံ ကုသလံ တဿ အာနုဘာဝေန ပါဏိနော၊ သဗ္ဗေ သဒ္ဓမ္မရာဇဿ ဉတွာ ဓမ္မံ သုခါဝဟံ။\nပါပုဏန္တု ဝိသုဒ္ဓါယ သုခါယ ပဋိပတ္တိယာ၊ အသောကာ မနုပါယာသံ၊ နိဗ္ဗာန သုခမုတ္တမံ။\nစိရံ တိဋ္ဌတု သဒ္ဓမ္မော၊ ဓမ္မေ ဟောန္တု သဂါရဝါ။\nသဗ္ဗေပိ သဒါ ကာလေန၊ သမ္မာ ဒေဝေါ ပဝဿတု။\nယထာရက္ခိံသု ပေါရာဏာ၊ သုရာဇာနော ဝထေဝိမံ။\nရာဇာ ရက္ခတု ဓမ္မေန၊ အတ္တနောဝ ပဇံ ပဇံ။\n\nအာႏကွိုꩻ\n\nဗုဒ္ဓဘာႏသာႏ","num_words":942,"character_repetition_ratio":0.108,"word_repetition_ratio":0.202,"special_characters_ratio":0.114,"stopwords_ratio":0.017,"flagged_words_ratio":0.0,"lang_id_score":0.998,"perplexity_score":1792.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%90%E1%80%9B%E1%80%AC%EA%A9%BB%E1%80%A6%EA%A9%BB%E1%80%9F%E1%80%B1%E1%80%AC%E1%80%BA%EA%A9%BB%E1%80%A1%E1%80%AE%20%E1%80%A1%E1%80%9E%E1%80%AF%E1%80%98","collection":"wikipedia","source":"wikipedia","original_code":"blk","text":"အနိစ္စာ ဝတ သင်္ခါရာ၊ ရုပ်နမ်ႏနီပါꩻ၊ သင်္ခါႏရ တရာꩻဖုံႏယိုနဝ်ꩻ၊ ဝတ− စဲင်ႏစဲစ်ဧကန်ႏ အမဲဉ်ႏတဗာႏ၊ အနိစ္စာ− တသေႏသေႏပြောင်ꩻလုဲင်ႏ  တမယ်ꩻတဝ်းဖုံႏသွူ၊ ဗွေꩻမျတ်ဘုရာꩻ ဒေႏသနာႏတရာꩻယာꩻလွဉ်အတွိုင်ꩻ၊ ရုပ်နာမ်ႏနီပါꩻ သင်္ခါရတရာꩻဖုံႏယိုနဝ်ꩻ၊ ကွပ်ပွိုး တသေႏတဝ်း၊ ကွပ်ပွိုးတမယ်ꩻတဝ်း အနိစ္စတရာꩻဒျာႏတဲင် ယိုနဝ်ꩻ ရုပ်ခြုံခန္ဂာႏလီꩻ အွဉ်ႏကုဲင်ချာ၊ ရုပ်ကြို ခန္ဂာႏတသာ ပြောင်ꩻလုဲင်ႏလွေꩻလဲဉ်းနဝ်ꩻသွူ။ \n\nဟန်ႏသနီꩻယိုနဝ်ꩻ အကျောင်ꩻပျုတွမ်ႏ ဇာတ်ဘဝတသာ ခင်ႏလမ်းတသာ ကကူꩻငါလွေꩻဒါႏ −ယိုတဲင်၊ ကအဝ်ႏကုဲင်ဆချာ မွိုးဖါဖ���းဝေး ပိုခိုပိုမူႏ သွꩻဟဝ်မိတ်ဆွေႏ သူႏတောႏကောင်ꩻသီး ကပူႏဇောႏရိုꩻသေႏ ဝန္ဒေႏ ကန္တော့ꩻထင်ႏဗာႏ ဘုရာꩻ တရာꩻ သံႏဃာႏ အမျတ်သွတ် ရတနာႏ၊ ရတနာႏသွံပါꩻ အကျိုꩻတရာႏနဝ်ꩻကောင်း −−၊ တယ်ႏဟန်ႏသနီꩻမာꩻငါ ဘဝယိုခါတရိုꩻတဝ်း ၊ ဘဝမုဲင်ꩻခါခါ တရိုꩻတဝ်း၊ ဘေꩻအစွိုးစွိုး၊ ရန်ႏအဒေါဝ်ႏဒေါဝ်ႏ၊ အန္တရာယ်ႏအမျိုꩻမျိုꩻ၊ အဆူႏနာႏ အစားစားကရိုꩻဒါႏ၊ အနိဋ္ဌဖလ အကုသလ ဝိပါက အကျိုꩻကုဲင်ဖုံꩻယို၊ ယံကမော့ꩻဗာႏမွုန်း တဝ်းဖြီꩻဖြီႏ၊ ယံကတွမ်ႏထီဗာꩻမွိုင်းတေဝ်းလာꩻလာꩻ၊ ယံကကင်ꩻယံကသျင်ꩻ သေႏသေႏထွူတွော့ꩻ၊ ကောႏကသီငါ ကောႏကအွဉ်ကာလွေꩻရီးဒါႏ −ယိုကံကလွေꩻကျုံꩻဒျာႏ မွိုးရွဉ်အာ ဖါရွဉ်လွိုင်ႏ ပွိုင်ႏထွိုက် ပွိုင်ႏပါႏ၊ ယံခြွေယံခြာႏ ချမ်ꩻသာႏဒျာႏသွော့ꩻသေႏသေႏတဲင် ယံကသဲင်ꩻခွဲႏယင်ႏဒျာႏသွော့ꩻ ဘုရာꩻတရာꩻသံဃာႏထွူတဲင်၊  \nကေားကလွေꩻအွဉ်ငါ တွမ်ႏ ကအေဝ်ႏကုဲင်ဆꩻချာ၊ တကာႏလိုꩻအာအမျာꩻသီး ကားကအေဝ်ႏ၊ ထာꩻဖြားဒုက္ခ ထာꩻဆာဒုက္ခ ထာꩻသီဒုက္ခ ကလွစ်ရာꩻအမန်ႏ ခမ်ႏမျတ်နိဗ္ဗာန်ႏသူꩻ၊ ယံလꩻဗာႏခန်းဝင်ꩻကွိုနဲး၊ သုဿာန သင်ႏခဲင်ꩻ၊ လုတ်တဲင်ꩻကိုယို၊ ကတွိုႏဖျော်လွဉ်ဒါႏ၊ အသုဘ တရာꩻနာႏအပေါင်ꩻ သူႏတောႏကောင်ꩻသီးယာ လိုꩻအာတဖုံႏတဲဉ်ဟွေး။\n\nအာႏကွိုꩻ\n\nတရာꩻ","num_words":140,"character_repetition_ratio":0.034,"word_repetition_ratio":0.0,"special_characters_ratio":0.079,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":246279.7,"cluster_detection":-1}
+{"url":"https:\/\/blk.wikipedia.org\/wiki\/UTC%2B06%3A30","collection":"wikipedia","source":"wikipedia","original_code":"blk","text":"UTC+06:30 နဝ်ꩻ ထွာဒျာႏ ထဲမ်သော့ꩻလွေꩻထဲင်းယင်း +06:30 UTC offsetကို ကထွာဒါႏ အခိန်ႏအွိုင်ꩻ အမုဲင်လက္ခဏာႏဒျာႏသွူ။\n\nအခိန်ႏအွိုင်ꩻအနေႏ (တနေင်ႏလွုမ်း)\n\nအာသျခဝ်ကွဉ်ႏနဝ် \n မျန်မာ - မျန်မာအခိန်ႏအွိုင်ꩻ\n\nအေင်ဒိယသမုဒ္ဒရာႏ \n Cocos Islands (ဩသတေးလျ(Australia) - Time in Australia)\n\nလိဉ့်အထန်ႏ \n Find cities currently in UTC+06:30\n\nUTC offset ဖုံႏ","num_words":59,"character_repetition_ratio":0.049,"word_repetition_ratio":0.0,"special_characters_ratio":0.207,"stopwords_ratio":0.017,"flagged_words_ratio":0.0,"lang_id_score":1.0,"perplexity_score":66161.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%9A%E1%80%B6%EA%A9%BB%E1%80%81%E1%80%AB%E1%82%8F%E1%80%85%E1%80%81%E1%80%AB%E1%80%94%E1%80%9A%E1%80%BA%EA%A9%BB","collection":"wikipedia","source":"wikipedia","original_code":"blk","text":"ယိုနဝ်ꩻ တဆီနီခါ တံႏသင်ꩻလာ၊ တွင်ꩻအာယံကျ ဟဝ်ထွားဖ၊ မွူးနီꩻလာလောင်း\/ဆန်ꩻ မာꩻကျောင်ꩻမာꩻလံꩻ မျိုꩻတေန်ꩻအင်ꩻ ၊ အရင်ꩻခြောႏခြဲ့ꩻ ကျလက်ဖွဲ့ꩻတဲင် ထွာဒျာႏ ကျံꩻနယ်ꩻစခါ မူတဗာႏသွူ။ ငမ်းသ့ꩻငါႏ ဖေ့ဝုဲင်ꩻလဲဉ်းညာꩻ နီနာꩻစူကိုတဲင် တွမ်ႏရွမ်ရဲမ်ဖောႏထန်ႏယင်း နုဲင်းလ့ယိုအတွိုင်ꩻသွူ။\n\nအာႏကွိုꩻ\nဂဏန်ꩻပေႏတင်ႏ","num_words":27,"character_repetition_ratio":0.0,"word_repetition_ratio":0.0,"special_characters_ratio":0.078,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":264344.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%9A%E1%80%AD%E1%80%AF%EA%A9%BB%E1%80%9A%E1%80%AC%E1%82%8F%E1%80%91%E1%80%BD%E1%80%AF%E1%80%B6%EA%A9%BB%E1%80%85%E1%80%B6%E1%82%8F%E1%80%93%E1%80%9C%E1%80%B1%E1%80%B7%E1%80%96%E1%80%AF%E1%80%B6%E1%82%8F","collection":"wikipedia","source":"wikipedia","original_code":"blk","text":"စဲဉ်ႏစဲဉ်ႏဆက်ဆက် ပအိုဝ်ႏခွန်နင်ꩻမူႏခိုသီးစွုမ်ႏဖြာꩻအတာႏ လောကီꩻလောကုတ္တရာႏရေꩻရာႏ\nယိုꩻယာႏထွုံꩻစံႏဓလေ့ဖုံႏ-\n\nငေါဝ်းတမာမေတ္တာႏရပ်ခံႏချက်\n၁။ လိုꩻမျိုꩻတမျိုꩻ၊ နယ်ႏတနယ်ႏ၊ အွိုင်ႏတအွိုင်ႏ၊ ရပ်တရပ်၊ ပွိုင်ႏစွို့ꩻသားတွမ်ႏ လိုꩻအာအရန်းရန်းဖုံႏယိုအတာႏ ဘာႏသာႏ သာႏသနာႏ ပညာႏတွမ်ႏအုံအဝ်ႏရေꩻဖုံႏယို တမုဲင်ꩻအီႏထွားဖန်ဆင်ꩻဖေႏ၊ ထူႏပစ္စေꩻအွိုးမုဲင်ꩻ အီႏဆောင်ႏရွက်ကရိုꩻနောဝ်ꩻလဲ့ ထွာပျဿနာႏတဗာႏသွူ၊ ဟောဝ်စဉ်ꩻစာꩻ သေႏသေႏချာႏချာႏသွူ။\n၂။ လိုꩻတဖြာꩻစီႏ၊ နီနမ်း၊ ဝင်ꩻနမ်း ပငါပရာꩻပွုံႏတာႏ ထွာဗာႏလိုꩻပို၊ ကျုံႏဗာႏသာႏသနာႏ တခေတ်ပေႏယိုအတွင်ꩻ အရွယ်ႏပေႏခါလဲ့ ပေႏခါအလွောက်ꩻ၊ စွုမ်ႏရွယ်ႏ ယံသွဒမ်ꩻဗာႏမွိုန်း၊ ယံစံႏစာꩻလွ၊ ယံလꩻဗာႏလွ လောကီꩻလောကုတ္တရာႏအကျိုꩻကရိုꩻနောဝ်ꩻလဲ့ တမုဲင်ꩻအီႏထွားသွဉ်ဖေႏ၊ အီႏထေင်းထမ်ႏဖေႏ၊ ထူႏပစ္စေꩻအွိုးမုဲင်ꩻ အီႏမာꩻဖေႏယိုလဲ့ ပျဿနာႏတဗာႏသွူ။ ဟောဝ်ယူႏဆုံးဆုံးလွငါႏသွူ။\n၃။ နုဲင်းဆကီယိုအတွိုင်ꩻ လိုꩻအာရေꩻရာႏပျဿနာႏ၊ နီနမ်းဝင်ꩻနမ်းတဖြာꩻစီႏတာႏပျဿနာႏ၊ ပျဿနာႏအောဝ်ႏနီစွိုးသွူ။\nပျဿနာႏနီစွိုးနောဝ်ꩻ နေးတွမ်ႏတစွိုꩻလွုမ်း စွုမ်ႏဖြာꩻစုပေါင်ꩻထံꩻညီꩻဝင်ꩻ၊ ပျဌာန်ႏညီꩻဝင်ꩻ၊ ခွယ်ꩻလွဝင်ꩻတာႏဝွန်ႏ ထံꩻရောင်လွမꩻ အီႏဖြေႏသျင်ꩻနွောင်ꩻသွူ။\n\nမီႏမာꩻတဝ်း နုဲင်းနဝ်ꩻနဝ်ꩻ အမျာꩻတာႏရေꩻရာႏလဲ့ ချို့ꩻယွင်ꩻထံ၊ နမ်းတာႏ ထွာဗာႏကီလိုꩻ၊ ကျုံႏဗာႏသာႏသနာႏလဲ့ ပေႏခါလဲ့ပေႏခါအလွောက်ꩻ၊ တန်လွဉ်လဲ့ တန်လွဉ်အလွောက်ꩻ ခံႏစာꩻဗာႏတဝ်း၊ လꩻလွေꩻတဝ်း လောကီꩻလောကုတ်အကျိုꩻနဝ်ꩻသွူ။\nဟဲ့ꩻဗာႏလိုꩻမုရေꩻရာႏ ဖွိုႏတရွိုးသွုမ်ꩻဖျင်ꩻမုꩻနောဝ်ꩻသွူ။ လိုꩻမုရေꩻရာႏ ဖွိုႏတရွိုးသွုမ်ꩻဖျင်ꩻမုꩻနုဲင်းမုဲင်ꩻကရိုꩻနဝ်ꩻ ထွားသွော့လိတ်မဲ့ငါ( )ကိုနဝ်ꩻ ချင်းခေႏနွောင်ꩻဒျာႏနောဝ်ꩻသွူ။\nမီႏရိုꩻအဲဉ်ႏအဲဉ်ႏနဝ်ꩻ ရိုꩻမွိုန်းဒွုမ်အရန်းထိုတဲင် လိုꩻမုရေꩻရာႏသိန်ꩻသောင်ꩻအကို နီနာꩻဝန်ႏတဗီႏ စောတဗာႏ မာꩻဒါႏတဝ်း၊ ကလိုႏအပ်သမျပွိုဟံႏ လုဲင်ႏနေးတွမ်ႏတသိုꩻထီလွဉ်းလွဉ်းသွူ။\nဗဟုဿစ္စမင်္ဂလာႏ သိပ္ပံမင်္ဂလာႏကစ မင်္ဂလာႏတရာꩻ ချို့ꩻယွင်ꩻငါႏမွေးသ��ူ။\nကလာꩻဗွာ၊ ကိုးရီးယား၊ ဂျပန်၊ စင်္ကာပူသီးနောဝ်ꩻ လိုꩻအဖြာꩻဆေ့ꩻလွုမ်ꩻလဲ့ ဝင်ꩻခမ်း၊ ဝင်ꩻလိုꩻမျိုꩻတာႏ စွုံႏလင်ႏလွုမ်ꩻတကာႏတဝ်း ဝွေꩻသီးစူခြောင်ꩻယို စွစ်ꩻကမ္ဘာႏတဲင် နီဟောဝ်ထွားနုဲင်းငါႏသွူ။\nကအီႏပီဝွေꩻသီးအတာႏ အာႏရဲင်ꩻနဝ်ꩻ နီစူကို အဝ်ႏလွဒျာႏသွူ။ နီစွီႏလွဝင်ꩻစူ ဆဲင်ႏရာꩻတာႏဝွန်ႏ မီႏတရန်လွနဝ်ꩻ နုဲင်းဝွေꩻသီးအတွိုင်ꩻ နေင်ႏနီသွံဆီအတွင်ꩻ အရန်းထင်ႏလွဉ်ဗာႏဒျာႏသွူ။\nဥပမာႏ နုဲင်းဟန်ႏနီꩻယို နီယိုစွုမ်ႏဖြာꩻ ဆဲင်ႏရာꩻတာႏဝွန်ႏလဲ့ မီႏထံꩻလွ၊ တဖြာꩻတလာ (၁ဝိ)တခန်လဲ့ မိဉ်ႏစုပေါင်ꩻလူႏလွကရိုꩻနဝ်ꩻ နီလိုꩻအဖြာꩻသွံသိန်ꩻအတာႏ တနေင်ႏကို လꩻပစ္စေꩻသွံဆီသူကုဋေႏတဲင် နီထဲ့ဖွိုႏအမျိုꩻမုဲင်ꩻလဲ့ နီပင်ႏထိုအီနွောင်ꩻသွူ။\nညတောဝ်းခြာ လောကီꩻလောကုတ် စွုံႏလင်ႏလွဉ်ဗာႏဒျာႏသွူ။\nကွယ်ႏတွော့ꩻ စေႏတနာႏသမ်းခြꩻ ထာꩻထီႏသမ်းအဲဉ်ႏ စူꩻဒျာႏထာꩻလွꩻ ကျံႏစယ်ႏထုမ်ႏကျံႏ စုပေါင်ꩻလူႏလွတောဝ်း၊ ထဲ့ရာꩻတာႏဝွန်ႏ ထံꩻကိုလွတောဝ်းနောဝ်ꩻတဲးတဲ့ အာႏရဲင်ꩻနေင်ႏ သွံဆီသူကုဋေႏလဲ့သွုမ်ꩻဒျာႏ၊ အချိန်ႏလဲ့ လို့ခြေင်ဒျာႏ၊ လောကီꩻလောကုတ် ပင်ႏတသွောင်းနွောင်ꩻတောဝ်းတဲင် ထွာသေႏသေႏဒျာႏ အဖွိုႏသွတ်ꩻနောဝ်ꩻသွူ။\nထွိုင်ႏတွိုႏ ဒေါဝ်ထီငိုꩻကစ အကုသိုလ်ႏ ငါးရုဲင်ꩻခြွီ စွိုးခွိုꩻလင်ꩻဖွိုႏစရိပ်နောဝ်ꩻ တနီꩻတနီꩻယို လစ်ꩻငတ်ꩻဗီႏ တခန်ဒွိုန်းလဲ့ လောက်ꩻကာႏလွတဝ်း၊ သွိုန်းသင်း တွိုင်းတင်းတွာမုဲင်ꩻ ဟဝ်စဉ်ꩻစာꩻလွငါႏသွူ။\n\n၄။ ကွပ်ပွိုးနဝ်ꩻမꩻ အမျာꩻရေꩻရာႏပျဿနာႏ၊ နီတဖြာꩻစီႏပျဿနာႏ၊ ပျဿနာႏယိုနီစွိုး ယံဖြေႏသျင်ꩻအီနွောင်ꩻအတာႏနဝ်ꩻ နေးတွမ်ႏတစွိုးလွုမ်း စုပေါင်ꩻအာႏရဲင်ꩻတဲင် ခွယ်ꩻလွဝင်ꩻတာႏဝွန်ႏ ထေင်းထံꩻကိုလွ၊ စရိပ်လဲ့ ထေကိုဗာႏမꩻသွူ။\nကခွယ်ꩻဗာႏ အစွိုꩻ(၉)စွိုꩻ ကဖေႏအပ်ဗာႏ ဆဲင်ႏရာꩻတာႏဝွန်ႏဖုံႏကရိုꩻနဝ်ꩻ ကွပ်အကျောင်ꩻခရာႏ အောဝ်ႏနုဲင်းနောဝ်ꩻသွူ။\n၅။ ကွပ်နောဝ်ꩻမꩻ တာႏဝွန်ႏကအောဝ်ႏသားဖုံႏလဲ့ လိတ်အုပ်ကိုယို ကပျဌာန်ႏခါꩻအတွိုင်ꩻ စွုမ်ႏဒုံ လွောင်ႏဗူႏဖေႏသွော့ အစွိုꩻ(၉)စွိုꩻ၊ အပ်ဖေႏသွော့ အစွိုꩻဆဲင်ႏရာꩻ တာႏဝွန်ႏ၊ ထိန်ꩻထွားသွဉ်သင်ကိုသွော့ အစွိုꩻ(၉)စွိုꩻယိုအကျောင်ꩻ မေတ္တာႏရပ်ထေ့ တမာမိုးဗာႏ ကျောင်ꩻနင်းဗွေႏဗိုန်တွမ်ႏ ဒုံလိုꩻတန်ဖုံႏသွူ။\n၆။ အစွိုꩻ(၉)စွိုꩻသား ပငါပရာꩻဖုံႏလဲ့ ဆဲင်ႏရာꩻ အစွိုꩻတာႏဝွန်ႏ ယံလွောက်ꩻနာႏ ထေင်းထံꩻလွသွော့ ပငါပရာꩻနောဝ်ꩻ မေတ္တာႏရပ်ခံႏ ဖေႏအာႏဗာႏအစွိုꩻစွုမ်ႏစွိုꩻနောဝ်ꩻသွူ။\n\nတောင်ꩻသေꩻအချက်ဖုံႏ- အစွိုꩻလွောင်ႏဗူႏပွုံႏဇယားနောဝ်ꩻ ထွားသွော့လိတ်မဲ့ငါလကိုနောဝ်ꩻနော။ အီႏဖောႏလွေꩻ အနမ်းအခြံအနီꩻနောဝ်ꩻ-\n၁။ ၁၃၅၇-ဗာႏနေင်ႏ၊ ကထိန်ႏလောင်း(၁)နီꩻမာꩻငါ စွုမ်ႏအွိုင်ႏဖောႏအနမ်းသွူ။\n၂။ (လိုꩻတဖြာꩻ တလာ-၈ဗီႏ ဗꩻ(၁၂)ဗီႏ အွိုင်ႏပငါပရာꩻ ချင်းထွော့ဒျာႏသွော့၊ လိုꩻတဖြာꩻစီႏအလောင်းယို ရပ် အွိုင်ႏ ဖနီပွုံႏတွော့ꩻ နေးတတွာတွာဗာႏဝင်ꩻသွူ။\nဆဲင်ႏရာꩻလိတ်သွဉ်ဗာႏ၊ ဆဲင်ႏရာꩻတာႏဝွန်ႏ မာꩻဗာႏသွူ။)\n၃။ ၁၃၅၉-ဗာႏနေင်ႏ၊ ဒဲဉ်ရုတ်ꩻဆန်ꩻ(၁)နီꩻမာꩻငါ အောဝ်ႏဗဟိုႏတဲင် တမျိုꩻသာꩻလွုမ်းလို့လို့ ဖေါႏဗာႏအနမ်းသွူ။ (လိုꩻတဖြာꩻ (၁၆)ဗီႏ ဗꩻ(၂၀)ဗီႏ သင်ꩻရာꩻအီႏထွော့သွူ၊ လိုꩻတဖြာꩻလောင်းယို ရပ်၊ အွိုင်ႏ၊ နယ်ႏ၊ ဗဟိုႏ ဗလစ်ꩻပွုံႏ နေးတတွာတွာဗာႏဝင်ꩻသွူ။ ဆဲင်ႏရာꩻလိတ်သွဉ်ဗာႏ၊ ဆဲင်ႏရာꩻတာႏဝွန်ႏ မာꩻဗာႏသွူ။\n၄။ ပုဂ္ဂိုလ်ႏအမျိုꩻမုဲင်ꩻနောဝ်ꩻ သော့ꩻဖေႏရွဉ်ဗွာ၊ ရွဉ်ယို ပါꩻမုဲင်ꩻအီႏထိန်ꩻ၊ အီႏသုံꩻ၊ ပသာဗာႏအခိန်ႏမုဲင်ꩻကစနောဝ်ꩻ ထွားသွော့ စီꩻကန်ꩻအမုဲင်(၆)ကိုသွူ။\n၅။ တနေင်ႏအတာႏကို စာႏရင်ꩻယံသျုတ်ဗာႏမွိုန်းနောဝ်ꩻ ဒဲဉ်ရုတ်ꩻဆန်ꩻ(၁)နီꩻ စာႏရင်ꩻပါသော့ꩻဒုံမုဲင်ꩻလဲ့ တနေင်ႏလုမ်းထံꩻညီꩻဗာႏ ဒုံနောဝ်ꩻအတွိုင်ꩻသွူ။ ဝွေꩻမီႏထံꩻတဝ်းနဝ်ꩻ ဒုံသားသော့ꩻဖေႏဗာႏ၊ ဒုံလင်သား ကလက္ခံႏဒျာႏဝွေꩻ ဆပ်ဖေႏချာဗာႏ ဒုံယိုဟွဉ်ႏသွူ။\n\nပအိုဝ်ႏလိတ်လုဲင်ꩻစွစ်ꩻလီတာႏ\nဗဟိုႏသံဃာႏအစွိုꩻ\n\n\"စဲဉ်ႏစဲဉ်ႏဆက်ဆက် ပအိုဝ်ႏခွန်နင်ꩻစွုမ်ႏဖြာꩻအတာႏ လောကီꩻလောကုတ္တရာႏရေꩻရာႏ ယိုꩻယာႏထွုံꩻစံႏဓလေ့ဖုံႏ\"\nအစွိုꩻအင်းရွယ်ႏချက်\n၁။ လိုꩻမုရေꩻရာႏ အမျိုꩻမျိုꩻ ယံဗွေခူꩻတသွောင်းလွဉ်။\n၂။ စွိုးခွိုꩻလိုꩻမျိုꩻ ယံတဉ်ႏခွေါင်အီ။\n၃။ အရွယ်ႏအလွောက်ꩻ ယံလꩻလွဉ် လောကီꩻလောကုတ္တရာႏ အကျိုꩻစီꩻပွါꩻ။\n၄။ ဒုံတွိုင်ꩻ အာႏရဲင်ꩻအဗွေတဗာႏ ယံအောဝ်ႏမꩻတသေႏသေႏ။\n၅။ ဟိရိ၊ ဩတ္တပ္ပ လောကပါလတရာꩻ ယံထွန်ꩻကာꩻဗာႏ။\n\"စေဗွောင်ခြုဲင်းနယ်လွေꩻယင်း ယိုꩻယာႏထွုံꩻစံႏဓလေ့ အဓိပ္ပါယ်ႏ\"\n\"ဗွောင်နယ်အင်းရွယ်ႏချက် အဓိပ္ပါယ်ႏ\"\n၁။ \"လိုꩻမုရေꩻရာႏအမျိုꩻမျိုꩻ ယံဗွေခူꩻတသွောင်းလွဉ်\"ကရိုꩻနောဝ်ꩻ-\nနီနာꩻပအိုဝ်ႏကိုယို ရပ်တာႏ၊ အွိုင်ႏတာႏ၊ နယ်ႏတာႏ၊ တစွိုးခွိုꩻလွုမ်းတာႏ၊ ဘာႏသာႏသာႏသနာႏ၊ ပညာႏ၊ လိုမုရေꩻရာႏ ကထေင်းထံႏဆောင်ႏရွက်ဖေႏဒါႏ စေႏ���နာႏဗွေႏပုဂ္ဂိုလ်ႏဖုံႏ၊ အစွိုꩻဖုံႏလဲ့ ဆေ့ꩻခြေားငါႏ၊ ရွဉ်ပွုမ်ႏပစ္စေꩻလဲ့ အဲဉ်ထောဝ်းသွူ။\nအရေꩻတန်စားယို အမျိုꩻမျိုꩻနောဝ်ꩻ ရပ်၊ အွိုင်ႏ၊ နယ်ႏ၊ တစွိုးခွိုꩻလွုမ်း အရန်းယိုလစ်ꩻရန်း အရန်းတွိုင်ꩻ အောဝ်ႏထဲ့ဖွိုႏနေဒွိုန်းကသွူ။ ဥပမာႏ- နီနာꩻပအိုဝ်ႏကိုယို ကအောဝ်ႏသတင်ꩻသွုံꩻသမျဒါႏ (ရိုꩻဒွုမ်အလင်) နီကအောဝ်ႏကိုꩻကွယ်ႏဒျာႏ မျတ်လွိုယံငါႏ သမဲင်ꩻဝင်ႏ ဓာတ်တောႏမွေႏတောႏ စေႏတီႏဘုရာꩻဖုံႏဒျာႏမꩻတဲ့ နီတသေအွဉ်ႏတောဝ်းတန်ꩻဖိုꩻ၊ နေးရေꩻသားအဲဉ်ထောဝ်း၊ ဘုရာꩻနုဲင်းနုဲင်းလဲ့ ပီတောဝ်း မန်းမဲင်ꩻဘုရာꩻ(ခမ်းလင်လိုꩻမျိုꩻလင်ဘုရာꩻ)တမိုးသူႏငါႏသွူ။\nလောကီꩻလောကုတ္တရာႏ ဒါႏစူဒါႏခင်ႏ၊ ဒါႏဝွေႏဖန်ႏ၊ ဒါႏဒေါ့ꩻဖြောဝ်ႏသားလဲ့ အောဝ်ႏဆေ့ꩻနေဒွိုန်းကသွူ၊ လိုꩻမျိုꩻစုရေꩻတမျိုꩻအတာာႏ လိုႏအပ်သမျဒျာႏဖုံႏနဝ်ꩻ နမ်းတွမ်ႏနမ်း ဗွေခူꩻရေꩻတဲးဝါးတဝ်းသွူ၊ နီနာꩻအကို ကေားဒါႏသေသား မီႏပေါႏပေါက်စွော့ꩻဒါႏ ညာꩻညာꩻတဖြာꩻလဲ့ ပေါႏဒျာႏအနမ်းရင်ꩻ၊ ကူꩻလံꩻဖေႏအာႏ ပင်ႏထိုသား ဆေ့ꩻငါႏတဲင် ထွာတောဝ်းထာꩻမာꩻသွူ။\nရပ်တွိုင်ꩻ အွိုင်ႏတွိုင်ꩻရိုꩻဒွုမ်တွော့ꩻ ခွုန်းဝေင်ꩻနယ်ႏကိုငါလဲ့ ပေါင်ꩻဝင်ꩻ ဖန်ဆင်ꩻနွောင်ꩻလꩻတဝ်း လိတ်သွဉ်တွိုက် ကမ္မဋ္ဌာန်ꩻတွိုက်၊ လောကီꩻပညာႏအရန်းတလောင်ꩻ၊ အရန်းထို လိတ်သွဉ်ကျောင်ꩻဖုံႏသွူ။\nနီသွံလစ်ꩻအွိုင်ႏ လွုပ်ꩻမာꩻအီနွောင်ꩻထီတွိုင်ꩻတန်၊ ထီကန်ႏတန်ဖုံႏငါလဲ့ သေစုပေါင်ꩻဖန်ဆင်ꩻလွတောဝ်းသွူ။\nနီဒေႏသကို၊ နီနယ်ႏကို လောကာꩻလွေꩻတွိုင်ꩻဖြွဉ်၊ ဖင်းတွိုင်ꩻလꩻ တဖူꩻချော်ꩻတန်လုဲင်းလုဲင်းဖုံႏ စုပေါင်ꩻဖန်ဆင်ꩻမုꩻ ဆေ့ꩻငါႏနေဒွိုန်းကသွူ။\nလိုꩻဆင်ꩻရယ်ꩻ ကောမဲဉ်ကူꩻကား၊ လွုပ်ꩻမာꩻ၊ မဲဉ်သွဉ်ပညာႏအတွက်လဲ့နောဝ်ꩻ၊ ပစ္စေꩻပိုလီꩻ ချွေႏရံႏခြေား မွိုးဖြားဖါဖြားသီးတာႏလဲ့နော၀်ꩻ ကူꩻလံꩻခရာႏ ဘဏ္ဍာႏအမျိုꩻမျိုꩻ စေႏတနာႏဗွေႏပုဂ္ဂိုလ်ႏအစွိုꩻဖုံႏလဲ့ အဲဉ်ထောဝ်းသွူ။\nတဖြာꩻတွမ်ႏတဖြာꩻ ကယ်ႏဆယ်ႏပွေါးရဲပ်ကူဝင်ꩻ ဗြဟ္မစိုရ်ႏတရာꩻ လိုꩻမုရေꩻရာႏ အခန်ꩻကဏ္ဍယို အရန်းဖွိုႏတရွိုးနေဒွိုန်းကသွူ။\nအာႏသန်ဗော့ꩻဒျာႏ တနမ်းတလမ်း အုံအောဝ်ႏအံႏအွꩻရေꩻ၊ တနမ်းတလမ်း ကနွောင်ꩻသမျ အလွုပ်ꩻမာꩻအဖြေꩻစာလွုမ်ꩻတဲင် ခေးပြဲင်ႏနွောင်ꩻတောဝ်း လိုꩻမျိုꩻလင်ဖုံႏ ကစုပေါင်ꩻနေးဒါႏဝင်ꩻသား အာႏရဲင်ꩻသွူ။\nမီႏသေဗော့ꩻ ထီႏဗော့ꩻနမ်းတာႏ လမ်းတာႏလွုမ်ꩻနောဝ်��� ဗဉ်ႏနွောင်ꩻတောဝ်း တစွိုးခွိုꩻလွုမ်း၊ သꩻစေႏတနာႏတွမ်ႏသဖော်ꩻလဲ့ ကဲက်ညီႏနွောင်ꩻတဝ်းသွူ။\nလိုꩻမျိုꩻလင် ခမ်းလင် ဘာႏသာႏလင်နောဝ်ꩻ ညီႏညွတ်လွဝင်ꩻ၊ ကူႏညီႏလွဝင်ꩻ၊ စုပေါင်ꩻလွဝင်ꩻဖုံႏတွော့ꩻ နေးတွမ်ႏကာꩻပေႏကာꩻတန် ဆဲင်ႏပေႏဆဲင်ႏတန်အမျိုꩻမျိုꩻ၊ ဗလီကျောင်ꩻ၊ တဆွူႏတဆုဲင်(မိဘမဲ့)ကျောင်ꩻ၊ မွိုးဖြားဖါဖြားအုံခွꩻခင်ႏလမ်း(ဘိုးဘွားရိပ်သာ)၊ ဝွေꩻသီးဘုရာꩻကျောင်ꩻအမျိုꩻမျိုꩻ၊ ဝွေꩻသီးလိုꩻမုꩻရေꩻရာႏအလွောင်ႏအဗူႏအမျိုꩻမျိုꩻတဲင် အောဝ်ႏဒျႏအွိုးမုဲင်ꩻကိုကို စုပေါင်ꩻတွူႏတရေ့လွဉ် နီနာꩻခြာ ပလဲင်ꩻစွစ်ꩻစဲစ်ꩻကရိုꩻနောဝ်ꩻ မဲ့ဆလ အောဝ်ႏထီႏလွဒျာႏအတွိုင်ꩻသွူ။\nတွိုႏတဲင်ခွေသီနီနာꩻ ပအိုဝ်ႏခွိုꩻဖုံႏနဝ်ꩻ ဖြောင်းနဝ်ꩻ ဒေါ့ꩻရိုꩻလွခွန်နင်ꩻစွိုꩻ၊ ထင်ႏတွိုႏထာꩻမာꩻ ထွာနွောင်ꩻခွန်နင်ꩻ မိဉ်ႏအဲဉ်ထဝ်းနဝ်ꩻ အဝ်ႏခွန်နင်ꩻဘဝ ကွဲးလင်ꩻလလတွော့ꩻ ရိုꩻမွိုန်းအီႏတွူႏတရေ့နွောင်ꩻဝင်ꩻ၊ အုံတငိုလွဒျာႏထာꩻ၊ ဟဝ်ဗော့ꩻဒျာႏ နမ်းတာႏလမ်းတာႏ၊ ကံးသꩻလွဒျာႏ ပငါပရာꩻနောဝ်ꩻသွူ။\nခေတ်ယိုခါနောဝ်ꩻ ဗွိုန်တောဝ်းဒွုမ်ပွိုင်းလဲင်ႏ၊ ကာꩻခေတ်၊ ရထာꩻခေတ်၊ စီꩻပွါꩻရေꩻခေတ်၊ ခေတ်တရေ့ဝင်ꩻ၊ ခေတ်ရော်ꩻရယ်ꩻဝင်ꩻတဲင် ချို့ꩻယွင်ꩻချက်နုဲင်းကီယိုဟွဉ်ႏဖုံႏနောဝ်ꩻ မီႏကျံႏဖျင်လွတောဝ်း၊ ခွေလဲ့ခွေဒျာႏ၊ နာꩻလဲ့နာꩻဒျာႏ မဉ်ႏအုံတွိုင်ꩻတွိုင်ꩻဗော့ꩻ နုဲင်းကလဲဉ်းခိုႏချာနောဝ်ꩻ တနီꩻတစိꩻစိꩻ အီႏအောဝ်ႏကုဲင်မပ်မပ် ဝင်ꩻဖဲ့ꩻလ၊ တခြို့တဗျဗာႏ တနီꩻတစိꩻစိꩻ၊ ထိုꩻမားပꩻလီလွဗာႏ တနီꩻတစိꩻစိꩻ အမဲဉ်ႏနောဝ်ꩻသွူ။\nကအီႏဖျင်ဗာႏ ချို့ꩻယွင်ꩻချက်နုဲင်းကီယိုဟွဉ်ႏဖုံႏနောဝ်ꩻ အရေꩻတန်လွိုဝင်ꩻ ဒုံဆောင်ႏညီႏညွတ်မုꩻ၊ ဒုံတွိုင်ꩻရုဲင်ꩻတသွိုးမုꩻ၊ ဒုံတွိုင်ꩻ အုပ်ချုပ်ရေꩻတဲပ်နဲပ်မုꩻသွူ။\n၂။ \"စွိုးခွိုꩻလိုꩻမျိုꩻ ယံတဉ်ႏခွေါင်အီ\"ကရိုꩻနဝ်ꩻ-\nနီနာꩻကမ္ဘာႏယို ယံချမ်ꩻသာႏလွနဝ်ꩻ အရေꩻတန်လွိုဝင်ꩻ လိုꩻမျိုꩻစုဖုံႏ အုပ်ချုပ်ရေꩻတဲပ်နဲပ်မုꩻသွူ။ လိုꩻမျိုꩻစုအောဝ်ႏမုဲင်ꩻ ဝွေꩻသီးဆဲင်ႏရာꩻလိုꩻမျိုꩻစု စီꩻကန်ꩻထွုံꩻစံႏတဲ့ ဝွေꩻသီးထိန်ꩻလွ၊ ဟိရိဩတ္တပ္ပတရာꩻ လောကပါလတရာꩻလဲ့ ထွန်ꩻကာꩻနွောင်ꩻသွူ။ ရွိုင်ꩻဟယ်လွတောဝ်း၊ ကံးသꩻလွတောဝ်းသွူ။ ကွပ်နဝ်ꩻမꩻ ကုလာစာရတရာꩻယိုလဲ့ ဟဲ့ꩻထွိုက်စာရိတ္တသီလ အကျင်ꩻမျတ်နေနေသွူ။\nစောင်ꩻသျောက်စွိုးခွိုꩻယို ဗွေႏမျတ်ဘုရာꩻ ဟော်ꩻသေꩻဉာတတ္ထစရိ��တရာꩻ၊ ဉာတိသင်္ဂဟတရာꩻနောဝ်ꩻသွူ။\nကွဲးတွော့ꩻ လိုꩻမျိုꩻစုဖုံႏ ယံတဉ်ႏခွေါင်ကရိုꩻနဝ်ꩻလဲ့ အရေꩻတန်ငါႏ ဝွေꩻသီးကွဉ်ကꩻ၊ ဒုံႏအူ၊ ငေါဝ်းငွါ၊ လိတ်လုဲင်ꩻထွန်ꩻကာꩻမုꩻသွူ။ နဝ်ꩻအကိုနဝ်ꩻ လိတ်လုဲင်ꩻယို ထွာအချုပ်သွူ၊  ဝွေꩻသီးလိတ်လုဲင်ꩻ မိဉ်ႏအဲဉ်ထဝ်း၊ အောဝ်ႏသွူတဲ့ မီႏတဲမ်းမတ်သွုံꩻစွယ်ꩻအီတဝ်းနဝ်ꩻ အချိန်ႏတရွေꩻတဝ်း ဝွေꩻသီးလိုꩻမျိုꩻစုယို ထိုꩻမားနွောင်ꩻနောဝ်ꩻသွူ။\nအရန်းကထိုလဲဉ်းလိတ်လုဲင်ꩻနောဝ်ꩻ ဒုံဆောင်ႏအုပ်ချုပ်ရေꩻ တဲပ်နဲပ်မုꩻသွူ၊ ဒုံဆောင်ႏအုပ်ချုပ်မုꩻ မီႏတဲပ်နဲပ်တောဝ်း၊ အုပ်ချုပ်ဝင်ꩻမီႏတလꩻတောဝ်း၊ အုံဖွီလွထာꩻ၊ ကံးသꩻလွဒျာႏ ပငါပရာꩻနောဝ်ꩻ ဝွေꩻသီးလိတ်လုဲင်ꩻလဲ့ ဝွေꩻသီးထိန်ꩻနွောင်ꩻတောဝ်းခြာသွူ။\nဝွေꩻသီးကွဉ်ကꩻ ဒုံႏအူ ငေါဝ်းငွါလဲ့ ဝွေꩻသီးထိန်ꩻနွောင်ꩻတောဝ်းတဲင် လိုꩻလင်နွို့ရော်ꩻမုဲင်ꩻခါခါလဲ့ အချိန်ႏတရွေꩻတောဝ်း၊ ညတန်ꩻတောဝ်း လိုꩻနီသွံဆက် ဝွေꩻသီးယေန်ႏငဲးထွုံꩻစံႏမွေးမန်ႏသမျတွမ်ႏ ဝွေꩻသီးနမ်းဖုံႏ ထိုꩻမားလို့ဗာႏသွူ။\nလိုꩻမျိုꩻစုတဗာႏယို ပီဗွိုန်နီနာꩻကမ္ဘာႏလိုꩻယို ကုဋေႏကုဋာႏအကို အုပ်ချုပ်မုꩻ အောဝ်ႏအစွိုꩻတစွိုꩻသွူ၊ လိုꩻမျိုꩻစုတစုတွမ်ႏ ဝွေꩻသီးထွုံꩻစံႏဖုံႏ ထိုꩻမားကရိုꩻနောဝ်ꩻ တွမ်ႏအုပ်ချုပ်မုꩻအစွိုꩻ အောဝ်ႏအစွိုꩻတစွိုꩻ ထိုꩻမားနဝ်ꩻ ဗွိုန်ပီဝင်ꩻသွူ။\nဟံႏမျောႏတဲင် လိုꩻဖုံႏလို့နွောင်ꩻတောဝ်း၊ လိုꩻချင်ꩻချင်ꩻ မျောႏတဲင်တွော့ꩻ လိုꩻညံးလိုꩻကံးသꩻခွိုꩻ၊ လိုꩻမျိုꩻပေႏခွိုꩻနောဝ်ꩻ ထိုꩻမားလွဗာႏသွူ၊ လိုꩻယံ၊ လိုꩻမျိုꩻတန်၊ လိုꩻစီꩻကန်ꩻအောဝ်ႏသားဖုံႏနောဝ်ꩻ ထိုꩻမားတောဝ်းသွူ၊ လိုꩻဖုံႏယို စီꩻကန်ꩻကွဲးပြာပြာ၊ ကွဲးထွာထွာလွဉ် လိုꩻကံးသꩻ၊ ကွဲးညညတွော့ꩻ နီနာꩻကမ္ဘာႏယို ခိုးလျားလွဉ်ဗာႏအီ၊ ကမ္ဘာႏယို တယ်ႏစွဉ်ႏဓာတ်သဘာဝ သယံဇာတဖုံႏ ချို့ꩻယွင်ꩻထံအီနောဝ်ꩻသွူ။\nခေတ်ယိုခါနောဝ်ꩻ ကာꩻခေတ်၊ ရထာꩻခေတ်၊ စီꩻပွါꩻရေꩻခေတ်၊ ခေတ်တရေ့ဝင်ꩻ၊ ခေတ်ရော်ꩻရယ်ꩻဝင်ꩻတဲင် နီနာꩻလိုꩻမျိုꩻစု ယံပꩻလီထိုꩻဗာႏမွိုန်း၊ ဟိရိဩတ္တပ္ပတရာꩻ ယံချို့ꩻယွင်ꩻဗာႏမွိုန်း၊ လိုꩻပြာလိုꩻကံးသꩻ ယံထွာဗာႏမွိုန်း လိုꩻကပျားအတွက် ရေႏမိုးလွေꩻအကျိုꩻနုဲင်းနောဝ်ꩻသွူ။\n၃။ \"အရွယ်ႏအလွောက်ꩻ ယံလꩻလွဉ် လောကီꩻလောကုတ္တရာႏအကျိုꩻစီꩻပွါꩻ\"ကရိုꩻနောဝ်ꩻ-\nကအီႏသဲင်ꩻကွိုတ်ဗာႏလိုꩻပိုဘဝယိုလဲ့ တယိုꩻတောဝ်း၊ ထွာသွူလိုꩻပိုတဲ�� ကအီႏမော့ꩻခွဲးဗာႏ ဗွေႏမျတ်ဘုရာꩻသာႏသနာႏ နုဲင်းဟန်ႏနီꩻယိုလဲ့ တယိုꩻတောဝ်း၊ အီႏသီ အီႏဖခွိုန်ꩻ အနီꩻမုဲင်ꩻလဲ့ ထီႏထွꩻလွတောဝ်း၊ အချိန်ႏတရွေꩻတောဝ်း အီႏဖနွောင်ꩻသွူ။\nကွပ်နောဝ်ꩻမꩻ ကုသိုလ်ႏလဲ့ လိုႏမာꩻသေꩻခါꩻ၊ တဖဲ့ꩻကိုနောဝ်ꩻ အံႏအွꩻအုံအောဝ်ႏရေꩻလဲ့ အောဝ်ႏမꩻထွာသွူ၊ ယံအုံဖွီလွမွိုန်းထာꩻ၊ အရွယ်ႏပေႏလဲ့ ပေႏအလွောက်ꩻ၊ အရွယ်ႏတန်လဲ့ တန်အလွောက်ꩻ ဆဲင်ႏရာꩻနွောင်ꩻရာꩻ လောကီꩻအုံအောဝ်ႏ အံႏအွꩻအီကိစ္စ၊ လွေꩻအီသံႏသရာႏကိစ္စ၊ လောကီꩻလောကုတ် နီဌာႏနယို ယံလꩻလွေꩻလွ၊ ယံရုဲင်ꩻတသွိုးလွဝင်ꩻသွူ။\n၄။ \"ဒုံတွိုင်ꩻ အာႏရဲင်ꩻအဗွေတဗာႏ ယံအောဝ်ႏမꩻတသေႏသေႏ\"ကရိုꩻနောဝ်ꩻ-\nစွိုးခွိုꩻဘာႏသာႏ သာႏသနာႏအတွက် ရပ်၊ အွိုင်ႏ၊ နယ်ႏ၊ တစွိုးခွိုꩻလွုမ်းတာႏ မီႏလိုႏလွဉ်အာႏရဲင်ꩻမုဲင်ꩻခါခါလဲ့ ဒုံတွိုင်ꩻအာႏရဲင်ꩻအဗွေတဗာႏ မီႏအဝ်ႏမꩻသေꩻခါꩻတသေႏသေႏမꩻ လိုႏမုဲင်ꩻခါလꩻ၊ သွုံꩻမုဲင်ꩻခါလꩻတဲင် ကိစ္စမန်ႏသမျ အချိန်ႏတရွေꩻတဝ်း ထွူအီမွိုင်သွူ။\nကွပ်နောဝ်ꩻမꩻ ဘာႏသာႏ သာႏသနာႏအာႏရဲင်ꩻ အဗွေတဗာႏယို အောဝ်ႏတသေႏသေႏတဲင် ဒုံတွိုင်ꩻအကို အရွယ်ႏအလွောက်ꩻ၊ မူႏခိုအလွောက်ꩻ လွောင်ႏဗူႏလွေꩻဗာႏ အစွိုꩻ(၉)စွိုꩻယိုသွူ။\n၅။ \"ဟိရိ၊ ဩတ္တပ္ပ လောကပါလတရာꩻ ယံထွန်ꩻကာꩻဗာႏ\"ကရိုꩻနောဝ်ꩻ-\nယံပီမွိုန်းဖိုးပနား၊ အရန်းယွုတ်၊ မျတ်၊ တလောင်ꩻ ယံအောဝ်ႏဗာႏ လိုꩻတံႏခိုꩻတန်၊ ဘွုံꩻကံႏသန်၊ ပညာႏထင် ယံပေါႏသော့ꩻနွောင်ꩻနောဝ်ꩻ အရွယ်ႏပေႏတန်အလွောက်ꩻ၊ ဂုဏ်ႏသိက္ခာႏပညာႏ အရန်းအလွောက်ꩻ တဖြာꩻတွမ်ႏတဖြာꩻအလောင်း ဂါရဝနိဝါတတရာꩻ မီႏထွန်ꩻကာꩻမꩻ၊ ဟိရိဩတ္တပ္ပတရာꩻ မီႏထွန်ꩻကာꩻမꩻ၊ လိုꩻအရန်းဖွိုႏထို မီႏအောဝ်ႏမꩻ ထွာနွောင်ꩻသွူ။\n\"လွောင်ႏဗူႏအစွိုꩻပွုံႏ\"\n၁။ ပအိုဝ်ႏဒုံ စွုမ်ႏဒုံဖုံႏနောဝ်ꩻ ယံလွောင်ႏဗူႏလွေꩻဗာႏ အစွိုꩻနုဲင်းလယို-\n(က) မဟာဓမ္မိက ဥပါသကာႏစွိုꩻ (သက် ၅၆-နေင်ႏမာꩻကီ လိုꩻခိုဖြားဖုံႏ)။\n(ခ) ဓမ္မိကဥပါသကာႏစွိုꩻ (သက် ၃၆-နေင်ႏမာꩻကီ လိုꩻခိုတန်ဖုံႏ)။\n(ဂ) ဓမ္မစကျာႏမာဃခွန်မောင်ႏစွိုꩻ (သက် ၁၆-နေင်ႏမာꩻကီ လိုꩻခိုယွဲးဖုံႏ)။\n(ဃ) ဓမ္မပါလခွန်မောင်ႏစွိုꩻ (သက် ၅-နေင်ႏမာꩻကီ လိုꩻခိုပေႏဖုံႏ)။\n(င) နင်ꩻဝိသာႏခါႏ မူႏဖြားစွိုꩻ (သက် ၅၆-နေင်ႏမာꩻကီ လိုꩻမူႏဖြားဖုံႏ)။\n(စ) နင်ꩻဝိသာႏခါႏ မူႏတန်စွိုꩻ (သက် ၃၆-နေင်ႏမာꩻကီ လိုꩻမူႏတန်ဖုံႏ)။\n(ဆ) ဓမ္မစကျာႏ နင်ꩻသုဓမ္မာႏစွိုꩻ (သက် ၁၆-နေင်ႏမာꩻကီ လိုꩻမူႏယွဲးဖုံႏ)။\n(ဇ) နင်ꩻသုဘဒ္ဒါႏမူႏပေႏစွိုꩻ (သက် ၅-နေင်ႏမာꩻကီ လိုꩻမူႏပေႏဖုံႏ)။\n(ဈ) ဘ၀အံႏပဒေႏသာႏ စွိုးခွိုꩻသꩻရာႏဗိုမွံꩻစွိုꩻ။\n\"စေဗွောင်နယ်ဖေႏ လွောင်ႏဗူႏပွုံႏအခရာႏ\"\n၁။ အစွိုꩻတွိုင်ꩻကိုနောဝ်ꩻ အွဉ်ႏလွေꩻဗာႏ ဥက္ကဋ္ဌတဖြာꩻ၊ အွဉ်အကိုရေꩻနီဖြာꩻ၊ လွိုနောဝ်ꩻ ထွာပါအစွိုꩻကို (အစွိုꩻနွို့)သွူ။\n၂။ အစွိုꩻဩဝါဒါစရိယနဝ်ꩻ ဗွေႏဗိုန်ထွာဖေႏဗာႏသွူ။\n၃။ လိုꩻခိုဖြားစွိုꩻ၊ လိုꩻမူႏဖြားစွိုꩻ နာယကလဲ့ ဗွေႏဗိုန်နေနေသွူ။\n၄။ အစွိုꩻဆလဖုံႏ နာယကနောဝ်ꩻ လိုꩻခိုဖြား၊ လိုꩻမူႏဖြားဖုံႏ ဆဲင်ႏရာꩻတဖြာꩻဖြာꩻ ထွာဖေႏဗာႏသွူ။\n၅။ ဘဝအံႏပဒေႏသာႏ စွိုးခွိုꩻသꩻရာႏဗိုမွံꩻစွိုꩻအတွက် ဥက္ကဋ္ဌကစဖုံႏ လွောင်ႏဗူႏခရာႏလိုႏတောဝ်းသွူ။\n၆။ စွုမ်ႏနေင်ႏ တယ်ႏဒဲဉ်ရုတ်ꩻဆန်ꩻ(၁)နီꩻ ဖွဲ့ဗူႏလွေꩻအစွိုꩻတွော့ꩻ အစွိုꩻသက်တန်ꩻနောဝ်ꩻ ဗꩻလွေꩻဒဲဉ်လောင်း(၁၄)နီꩻတဲင် အအာသွတ်ꩻ နီနေင်ႏတလဲင်ႏ၊ အဆေ့ꩻသွတ်ꩻ တနေင်ႏတလဲင်ႏ နေးတွမ်ႏဗွေႏဗိုန်ဩဝါဒတဲင် လွိုက်တသာဗာႏယင်း အစွိုꩻဥက္ကဋ္ဌ၊ အွဉ်အကိုရေꩻ၊ နာယကဖုံႏသွူ။\n(အစွိုꩻတွိုင်ꩻစွုမ်ႏစွိုꩻ လွိုက်ရွေꩻဗာႏသွူ။)\n\"အစွိုꩻစီꩻကန်ꩻ\"\n၁။ ရတနာႏသွံပါꩻ၊ ဆရာႏသမာꩻအလောင်း၊ သက်အဝ်ႏဂုဏ်ႏတန်ထိုသားအလောင်းနဝ်ꩻ ရိုႏသေႏလွဗာႏ။\n၂။ ဒေါဝ်ထီသူႏရာႏ၊ ဖေင်ꩻဖင်ꩻ'ယာမား'ယာလံ'ယာဗွာ၊ ကာမေသုကံႏကစ(ဒုစရဲက်)မန်ႏသမျ သျောင်ႏဗာႏသွူ။\n၃။ နေးတွမ်ႏမုတ်ဆိုꩻလာလော် စံႏငါးမုꩻ၊ လိန်ႏလဲဉ်တွယ်ႏနက်မုꩻ၊ ဒွိုႏစာကူꩻကားဒဲဉ်ဒေါဝ်၊ ဖေင်ꩻဖင်ꩻ၊ ဖေႏအာႏအလွူꩻအလောင်ꩻမုꩻကစ (ဒုရာဇီဝ)လွူးနမ်းသက် တစင်ႏကြယ်ႏတ၀်းမျိုꩻမန်ႏသမျယို သျောင်ႏလွဗာႏ။\n၄။ စွိုးခွိုꩻ ဘာႏသာႏ သာႏသနာႏ၊ ထွုံꩻစံႏယေန်ႏငဲး ကဖေ့တမို့အီနွောင်ꩻဒါႏ မန်ႏသမျဖုံႏနဝ်ꩻ သျောင်ႏလွဗာႏ။\n၅။ တလာလစ်ꩻသတင်ꩻ ထင်ႏကျောင်ꩻကန်ႏနီꩻ၊ မာꩻရတနာႏသွံပါꩻကိစ္စ၊ ရပ်ရာႏကိစ္စ၊ အနီꩻယိုနောဝ်ꩻ လွေꩻလင်လꩻတောဝ်း။\n၆။ လိုꩻသက်(၁၆)မာꩻကီ (၅၅)နေင်ႏမာꩻလ လုပ်ꩻမာꩻထုမ်ႏကျံႏ ကနွောင်ꩻဒါႏပုဂ္ဂိုလ်ႏဖုံႏနောဝ်ꩻ ရပ်၊ အွိုင်ႏ၊ နယ်ႏ၊ တစွိုးခွိုꩻလွုမ်း ရွဉ်တောႏတာႏကို လိုꩻတဖြာꩻယို တလာအတွက်လူႏဗာႏ တတွာဒဲဉ်တတာႏငိုꩻသွူ။\n၇။ တယ်ႏရပ်ကတယ်ႏထောင်ႏစ တွက်လွဉ်တဲင် နေင်ႏတဆီဗွေ၊ နီဆီဗွေ၊ သွံဆီဗွေကစ နေင်ႏတဆီတလဲင်ႏ မာꩻလွေꩻဗာႏ ရပ်ရာႏအထိန်ꩻအမတ် (ရတု)ပွယ်ꩻတဲးတဲးဝါးဝါး။\n၈။ နီနာꩻလိုꩻအရန်းယံထိုꩻလွဉ်နောဝ်ꩻ ပိုခိုပိုမူႏ အဆက်ဆက်တာႏ ဖျင်မာꩻဖေႏ���ာႏ ပဋိသန္ဓေႏ၊ ဗီဇ၊ အသောင်အရင်ꩻ၊ နမ်းရင်ꩻအာႏ ယိုလစ်ꩻစွိုးသွူ။\n၉။ ပညာႏလွူးအီနမ်း၊ လွူးအီခမ်း၊ လွူးအီလိုꩻမျိုꩻ၊ ပညာႏကာႏကွယ်ႏအီနမ်း၊ ကာႏကွယ်ႏအီခမ်း၊ ကာႏကွယ်ႏအီလိုꩻမျိုꩻဖုံႏ၊ ပညာႏလွေꩻအီသံသရာႏ၊ ဘာႏသာႏ သာႏသနာႏ၊ အသွဉ်အသင်ဖုံႏယို တယ်ႏသက်(၅)နေင်ႏ ဗꩻ(၁၅)နေင်ႏအခါႏ စွုမ်ႏဖြာꩻသွဉ်သင်လွေꩻဗာႏ။\n\"စေဗွောင်နယ်ဖေႏ စီꩻကန်ꩻအခရာႏကဏ္ဍ\"\n၁။ \"စီꩻကန်ꩻအမုဲင်တာ(၁)အဓိပ္ပါယ်ႏ\"\nမီႏလွောက်ꩻနာႏလွ စီꩻကန်ꩻအမုဲင်တာ(၁)ယိုမꩻ လိုꩻအဆင်းအရန်းအဝ်ႏတဲင် ဘွုံꩻကံႏတန်ထိုသား ပေါႏသွော့နွောင်ꩻ အာယု ဝဏ္ဏ သုခ ဗလသက်ထိုဖုဲင်ႏထွား၊ နမ်းသꩻချမ်ꩻသာႏ၊ အာႏစွန်ꩻဗွေစွုမ်ႏလꩻနွောင်ꩻ၊ ထွာအီအကျိုꩻတရာꩻစားယိုသွူ။\n၂။ \"စီꩻကန်ꩻအမုဲင်နီ(၂)အဓိပ္ပါယ်ႏ\"\nကမ္ဘာႏလောင်းယို တဖြာꩻတွမ်ႏတဖြာꩻ၊ တစွိုꩻတွမ်ႏတစွိုꩻ ယားလွဝင်ꩻ၊ ရိမ်လွꩻဝင်ꩻပစ္စေꩻနဝ်ꩻ နေးတွမ်ႏဒုစရဲက်လက်နက်တဲင် ယားလွရိမ်လွသွူ၊ ထွားစဲင်းစဲင်းမꩻ ထီႏထွꩻသွူ။\nကောသျောင်ႏတော၀်း ဒုစရဲက်မုꩻသား ပစ္စေꩻဖုံႏနောဝ်ꩻ ထွာတေားတေား တုတ်ꩻဖြေ့ꩻဒုစရဲက်သား လွုပ်ꩻမာꩻဖြေꩻစာသားပစ္စေꩻနောဝ်ꩻသွူ။\nထွားဗော့ꩻဒုံကိုရပ်ကိုလဲ့ ထွားစဲင်းစဲင်းနော၀်ꩻ ထီႏထွꩻဒျာႏသွူ၊ လိုꩻမက်ဒေါဝ်ထီသူႏရာႏ၊ ထာꩻတေားလွူꩻလောင်ꩻ၊ ကာမဂွုဏ်ႏဖုံႏယို အုံတဖေင်ꩻ၊ အဝ်ႏတငွို့မွိုင်းဒျာႏထာꩻတွော့ꩻ ရွဉ်ခံꩻပစ္စေꩻ အချိန်ႏဖုံႏလဲ့ သွုမ်ꩻပျင်ႏအာ၊ ညီႏညွတ်မုꩻလဲ့ ကုဲင်ပြင်ꩻတဲင် အဖဲ့ꩻမုဲင်ꩻစွဉ်ႏလဲ့ ခေးပြဲင်ႏနွောင်ꩻတောဝ်း လိုꩻမျိုꩻလင်သွူ။\nလိုꩻကမက်မော်ꩻဒါႏ ဒုစရဲက်သားဖုံႏယို လိုꩻမျိုꩻလင် နေးတွမ်ႏဒုစရဲက်မုꩻ၊ မဲဉ်ယားမုဲင်ꩻခါယား ချိန်ႏခါႏတရွေꩻတောဝ်း ကုဲင်ပြင်ꩻဗာႏသွူ။\nလိုꩻမက်ဒဲဉ်ဒေါဝ်၊ ဒုစရဲက်သားဖုံႏယို ဝွေꩻသီးတွက်တာႏ လုမ်းဗဉ်ႏမုꩻ အဲဉ်ထဝ်းတဲင် သꩻခွꩻတဝ်း၊ ရောႏဂါႏလဲ့အာ၊ ရွို့ꩻရန်ႏလဲ့အာ၊ လွောင်ႏဗူႏမုꩻလဲ့ကုဲင်၊ ပစ္စေꩻမွကေန်ꩻ၊ ဗွေႏမျတ်ဘုရာꩻ ဟော်ꩻသေꩻခါꩻ သိင်္ဂါလသုတ္တန်ႏကိုနုဲင်းနောဝ်ꩻသွူ။\nတဖြာꩻစီႏတွက်တာႏလဲ့န၀်ꩻ၊ လိုꩻမျိုꩻတမျိုꩻလွုမ်းတွက်တာႏလဲ့နဝ်ꩻ၊ ဒုစရဲက်မုꩻယို ကွပ်အန္တရာယ်ႏတန်ငါႏ၊ လုမ်းဗဉ်ႏမုꩻအဲဉ်ထဝ်းတဲင် ပအိုဝ်ႏစွုမ်ႏဖြာꩻ မိဉ်ႏရက်နမ်း၊ ရက်ခွိုꩻနဝ်ꩻ ဟဝ်သျောင်ႏလွညာꩻညာꩻ၊ ဟဝ်နေးနာႏလွ ဗွေႏဘုရာꩻ ကဆွုံꩻမꩻအတွိုင်ꩻနဝ်ꩻသွူ။\n၃။ \"စီꩻကန်ꩻအမုဲင်သွံအဓိပ္ပါယ်ႏ\"\nလွူးနမ်းသက် တကြောင်းစင်���ောဝ်းမျိုꩻ၊ ကထွန်ꩻကာꩻဒါႏအရပ်၊ ကလွိုင်ႏအာဒါႏလိုꩻမျိုꩻနောဝ်ꩻ ကွပ်လိုꩻသꩻမွိုက်၊ ထာꩻထီႏအဲဉ်ႏ ဟောဝ်နမ်းတဖြာꩻသားလွိုင်ႏအာ၊ ဒုစရဲက်မုꩻပြန်ꩻပြော်ꩻတဲင် ဝင်ꩻလွဉ်ယားဗာႏဝွေꩻသီးမꩻ မွေးတောဝ်း၊ ဝွေꩻသီးတွမ်ႏဝွေꩻသီး အုပ်ချုပ်မုꩻကုဲင်ပြင်ꩻ၊ ညီႏညွတ်မုꩻအဲဉ်ထောဝ်း၊ လုမ်းဗဉ်ႏမုꩻထိုꩻမား၊ ပစ္စေꩻတွမ်ႏအချိန်ႏသွုမ်ꩻပျင်ႏ၊ တရာꩻရွုမ်ꩻစရိပ်လို့အာတဲင် စီꩻပွာꩻရေꩻ၊ လိုꩻမုꩻရေꩻကစ ခြို့ꩻတဗျဗာႏဝင်ꩻဖဲ့ꩻလသွူ။\nလွူးနမ်းသက်တစင်ႏကြယ်ႏတဝ်း၊ မုတ်ဆိုꩻ၊ စီႏငါး၊ လိန်ႏလဲဉ်၊ တွယ်ႏနက်တခွန်ꩻစွန်ဖုံႏ၊ ဒွိုႏစာကူꩻကားဒေါဝ်၊ ဖေင်ꩻဖင်ꩻ၊ လွူꩻလောင်ꩻမုꩻကစနောဝ်ꩻ ဟောဝ်သျောင်ႏလွ၊ ဟောဝ်နာႏလွ ဘုရာꩻကဆွုံꩻမꩻအတွိုင်ꩻသွူ။\nမီႏလွောက်ꩻနာႏလွဉ်ꩻ ဘုရာꩻကဆွုံꩻမꩻအတွိုင်ꩻယိုမꩻ ဘဝတွမ်ႏလိုꩻမျိုꩻ လုမ်းဗဉ်ႏမုꩻလဲ့အီႏအဝ်ႏ၊ အပါယ်ႏလဲ့ အီႏလွစ်နွောင်ꩻသွူ။\nလွူးနမ်းသက်နောဝ်ꩻ နေးဒျာႏသွော့ တွမ်ႏသမ္ပဒါတရာꩻ နုဲင်းလယိုသွူ---\n(၁) နေးတွမ်ႏဉာဏ်ႏ ကျိုꩻစာꩻတန်တန်အာအာသွော့။\n(၂) အရေꩻအဝ်ႏဒါႏလွဉ်းလွဉ်းတဲင် ဟဝ်မွိုန်းနမ်းတဖြာꩻ၊ ပေါင်ꩻသွော့သွꩻဟောဝ်၊ ကွိုꩻလွသွော့နမ်းကျင်ꩻတရာꩻစွို့ꩻ။\n(၃) လꩻသမျပစ္စေꩻလဲ့ ရန်ႏသူႏငတ်ꩻပါꩻ ယံလွစ်နဝ်ꩻ ရဲပ်ဟောဝ်ဟောဝ်သွော့ သီႏလငတ်ꩻပါꩻ၊ မာꩻသီတွယ်ႏနက်ဝင်ꩻ ထူႏတခွန်ꩻ လိန်ႏလဲဉ်ပဲစ်မာႏ ဝင်ꩻပိုမာ၊ လွူꩻဒေါဝ်ကုတ်ကိတ်သားပစ္စေꩻနောဝ်ꩻ လုမ်းဗိဉ်ႏမုꩻ အဲဉ်ထောဝ်းသွူ။\n(၄) လꩻသမျပစ္စေꩻယို ချင်းပါသွော့ယိုခါတာႏ၊ ဆုဲင်ꩻတာႏ၊ သံသရာႏတာႏတွော့ꩻ အွꩻအံႏတာႏ၊ လူႏတာႏ၊ ဖြေꩻစာနီꩻရင်ꩻတာႏ၊ ဖြားတာႏ၊ ဖြယ်ဖမျမျတတ စွုံႏစွုံႏလင်ႏလင်ႏတဲင် သွုံꩻစွယ်ꩻသွော့၊ စုပေါင်ꩻသမ္မဒါလစ်ꩻပါꩻ မီႏစွုံႏလင်ႏ၊ ကုသိုလ်ႏကံႏလီꩻ မီႏပါအာနောဝ်ꩻ ယိုခါလဲ့ အီႏချမ်ꩻသာႏ တဲးတဲးဝါးဝါး၊ ဘဝငါသူꩻလဲ့ အီႏယံမပ်မပ်သွူ။ ကုသိုလ်ႏကံႏလီꩻ မီႏပါဆေ့ꩻနောဝ်ꩻ ချမ်ꩻသာႏတောဝ်းသွူ။\nတကေးဝင်ꩻခရာႏလိုႏတဝ်း၊ ပါꩻမုဲင်ꩻလောင်း သမ္ပဒါလစ်ꩻပါꩻ အာႏရဲင်ꩻဗွေခူꩻလဲ့ ပါꩻမုဲင်ꩻချမ်ꩻသာႏဒျာႏသွူ၊ လိုꩻကေန်ꩻ လိုꩻခြွေ ခွေလောင်း နာꩻလောင်း ပါꩻမုဲင်ꩻသမ္ပဒါလစ်ꩻပါꩻ ဗွေခူꩻကရိုꩻနောဝ်ꩻ ဟောဝ်ရိတ်ခေႏစံꩻလွသွူ။\nနေးတွမ်ႏသမ္ပဒါလစ်ꩻပါꩻအာႏရဲင်ꩻတဲင်-\n(က) လုပ်ꩻမာꩻသွော့သွို့ꩻခြံ။\n(ခ) ကူꩻကားဖြေꩻစာသွော့ ကွန်ႏအမျိုꩻမျိုꩻ။\n(ဂ) မာꩻဖေႏသွော့ လိုꩻအသွုံꩻအဆောင်ႏအမျိုꩻမျိုꩻ။\n(ဃ) ဒေါ့ꩻဖေ��သွော့၊ သွဉ်သင်ဖေႏသွော့ လိုꩻကိစ္စအစားစား။\n(င) နွို့မာꩻသွော့ အစိုႏရဌာႏနကို အရန်းရန်း အမျိုꩻမျိုꩻနောဝ်ꩻသွူ။\nလုပ်ꩻမာꩻဖြေꩻစာကိစ္စကစယို တဖြာꩻအာႏရဲင်ꩻနဝ်ꩻ ပေႏငါႏတဲင် မာꩻနွောင်ꩻအာတောဝ်းလဲ့ သွꩻဟောဝ်ချင်ꩻ၊ တဒုံတရပ်ချင်ꩻ၊ အွိုင်ႏချင်ꩻချင်ꩻ၊ နယ်ႏချင်ꩻချင်ꩻ မဉ်ႏမာꩻဒါႏနွောင်ꩻနောဝ်ꩻ တစွိုးခွိုꩻလွုမ်း ပေါင်ꩻဝင်ꩻအာႏရဲင်ꩻတဲင် အံႏအွꩻအုံအဝ်ႏတရိပ်ယို တန်ႏဖိုꩻတစွဲးခေါင်ꩻ ကေားကျိုꩻဆောင်ႏ ဖြေꩻစာ(ကူꩻ)ကားသား အမျတ်ပါနွောင်ꩻတခန်တဲင် ပါꩻမုဲင်ꩻစုပေါင်ꩻနွောင်ꩻဝင်ꩻ၊ ပါꩻမုဲင်ꩻအနီꩻအရင်ꩻအာႏလဲ့ ပါꩻမုဲင်ꩻအကျိုꩻအောဝ်ႏသွူ။\nခမ်းထီရေꩻရာႏအစိုႏရဌာႏနကိုလဲ့ ပအိုဝ်ႏဖုံႏဟောဝ်လွူးသွော့အီနမ်း၊ အောဝ်ႏလိုႏဆောင်ႏရွက်ညီꩻသွူ။\nအာႏဏာႏအချုတ်နောဝ်ꩻ---\n၁။ ဥပဒေႏပျုအာႏဏာႏ၊\n၂။ စီႏရင်ႏတရာꩻအာႏဏာႏ၊\n၃။ အုပ်ချုက်ရေꩻစီႏမံႏမုꩻအာႏဏာႏ အောဝ်ႏသွံပါꩻနုဲင်းယိုသွူ။\nခမ်းထီတွမ်ႏလိုꩻမျိုꩻအတာႏ ကံႏတရာꩻနောဝ်ꩻနောဝ်ꩻ သွံပါꩻသွူ၊ နောဝ်ꩻသွံပါꩻ မီႏမဲဉ်ႏလဲ့ချမ်ꩻသာႏ၊ မီႏမာႏလဲ့ ဆင်ꩻရယ်ꩻသွူ။\nနဝ်ꩻသွံပါꩻအဗွေတဗာႏနဝ်ꩻ အဝ်ႏခမ်းသား ကလွိုက်ဒင်ႏဒါႏ အစိုႏရစူကိုသွူ၊ နောဝ်ꩻသွံပါꩻ ကလꩻညီꩻဒါႏ တခူးတခေါဝ်သားနဝ်ꩻ ဝွန်ႏတန်ဌာႏနအမျိုꩻမျိုꩻ၊ အွဉ်ငါဦးစီးဌာႏနအမျိုꩻမျိုꩻ ဗꩻတွိုႏလင်ꩻစွုမ်ႏရွုမ်ꩻမန်နေဂျာ၊ ကျောင်ꩻဆရာႏ၊ အစိုႏရ ကာꩻဒရိုင်ဘာ၊ ဂိုဒေါင်ပွေါးသားဖုံႏနောဝ်ꩻသွူ။\nပေါႏရိုꩻတဲင် အစိုႏရဌာႏန မန်ႏသမျဖုံႏနောဝ်ꩻ ပေႏလဲ့ပေႏအလွောက်ꩻ ဝွေꩻခင်ႏလမ်းတွမ်ႏဝွေꩻခင်ႏလမ်းနောဝ်ꩻ ဝွေꩻနွောင်ꩻခမ်းသားအမျာꩻသွူ။\nပအိုဝ်ႏအကျိုꩻတရာꩻ၊ ခမ်းသားအကျိုꩻတရာꩻ ပအိုဝ်ႏယံဖန်ဆင်ꩻနွောင်ꩻနောဝ်ꩻ အစိုႏရဌာႏနတွိုင်ꩻ၊ အရန်းတွိုင်ꩻကို ဌာႏနရွေꩻမွိုန်း၊ အရန်းဖွိုႏထိုရွေꩻမွိုန်း၊ ပအိုဝ်ႏပါသော့ꩻစွုမ်ႏစွုမ်ႏမꩻ ထွာနွောင်ꩻသွူ။\nအရန်းတွိုင်ꩻ၊ ဌာႏနတွိုင်ꩻကို ပအိုဝ်ႏသွဉ်းအဝ်ႏ၊ ဗွေႏအဝ်ႏ၊ စင်းဟန်ႏ ခံႏထွာဖေႏသွဉ်း၊ ယဟန်ႏ ခံႏထွာဖေႏဗွေႏ မဉ်ႏပါစွုံႏလင်ꩻသော့ꩻမꩻ ထွာနွောင်ꩻသွူ။\nဌာႏနတွိုင်ꩻ၊ အရန်းတွိုင်ꩻကို မျတ တမျတတောဝ်းထီႏထွꩻ၊ နီတာႏဝင်ꩻတာႏ ဒေါ့ꩻပဲင်ႏ၊ မာꩻပဲင်ႏလꩻညီꩻ တခူးတခေါဝ်သွူ။\nမီႏမာꩻနီတာႏလဲ့ နီအကျိုꩻအာ၊ နီမီႏမာꩻဖေႏဝင်ꩻလဲ့ နီလꩻကုသိုလ်ႏ၊ လꩻတန်ခိုꩻ၊ လꩻမဉ်ꩻတဲင် နီဟောဝ်ဝင်ꩻဟောဝ်သွူ။\nကွပ်နောဝ်ꩻမꩻ အစိုႏရအစွိုꩻမုဲင်ꩻလဲ့ ဌာႏနတွို���်ꩻ အရန်းတွိုင်ꩻကို ပအိုဝ်ႏပါသော့ꩻပါသော့ꩻ၊ ဟောဝ်ဆက်ဆံꩻလို့လို့၊ ဟောဝ်ကူႏညီႏရောင်သွူ။\nကွဲႏတွော့ꩻ ပအိုဝ်ႏနောဝ်ꩻ ဖျော်စွဉ်ႏမုဲင်ꩻကို၊ တွိုႏစွဉ်ႏဌာႏနမုဲင်ꩻ၊ အရန်းမုဲင်ꩻ၊ အရပ်မုဲင်ꩻလဲ့ ပအိုဝ်ႏခွမ်ꩻလာꩻ၊ ငေါဝ်းငွါ၊ လိတ်လုဲင်ꩻ၊ ယေန်ႏငဲမုꩻ၊ ဓလေ့ꩻထွုံꩻစံႏ ဘာႏသာႏ သာႏသနာႏ၊ တာႏဝွန်ႏတွမ်ႏဝွတ္တရာꩻအရေꩻနောဝ်ꩻ အွဉ်ႏကုဲင်မွိုန်း၊ ယံထွားနုဲင်းသွော့ခယ်ႏ၊ ကလာꩻ ကဖျော်တွိုႏလွဉ်နီခမ်းခြာအတွိုင်ꩻနဝ်ꩻသွူ။\nနေးတွမ်ႏသမ္ပဒါလစ်ꩻပါꩻ မီႏမာꩻအီလွ၊ မီႏလွူးအီလွအနမ်း (က-ခ-ဂ-ဃ-င)အနယ်ꩻယိုဟွဉ်ႏဖုံႏအတွိုင်ꩻ စွုံႏစွုံႏလင်ႏလင်ႏမꩻ နီပအိုဝ်ႏယို လိုꩻမျိုꩻတမျိုꩻအင်္ဂါႏရပ် အီႏဗွေစွုံႏလင်ႏ၊ အီႏဗွိုန်လွဉ် ခမ်းထီဟော်နန်ꩻအောဝ်ႏ လိုꩻမျိုꩻတမျိုꩻနောဝ်ꩻသွူ။\n၅။ \"စီꩻကန်ꩻအမုဲင်ငတ်ꩻအဓိပ္ပါယ်ႏ\"---\nအနီꩻယို မီႏလွေꩻလင်နောဝ်ꩻ ဖြေꩻစာကူꩻကားကိစ္စကစ ကိစ္စမျိုꩻမုဲင်ꩻလဲ့တရိုꩻတောဝ်း လူႏသော့ꩻဗာႏရပ်ရာႏပွုံႏကို မွူးနီꩻတနီꩻခꩻသွူ၊ အောဝ်ႏဒျာႏလမ်းတဲင် မီႏချို့ꩻယင်ꩻမို့မို့နောဝ်ꩻ လူႏသော့ꩻဗာႏ ရပ်ရာႏပွုံႏကို မွူးနီꩻသွံနီꩻခꩻသွူ။\nမွူးနီꩻတနီꩻခꩻ ကားမုဲင်ꩻကရိုꩻနောဝ်ꩻ ရပ်ပငါပရာꩻထွော့ ဒျာႏသွော့၊ ကလူႏသော့ꩻဒါႏ မွူးနီꩻခꩻနောဝ်ꩻလဲ့ ဒုံပွုန်းရပ်ပွန်းအွဉ်ႏထွာ အပွန်းမုဲင်ꩻကရိုꩻလဲ့ ဒုံပငါပရာꩻ တွိုင်ႏပင်ႏထွူဝင်ꩻတဲင် ဆွုံꩻဖျတ်သွော့၊ မီႏအွဉ်ႏထွာဒုံရပ် တထာႏဝစီႏနဝ်ꩻ ရဟဝ်သွူ၊ နဝ်ꩻမꩻ ထွာညီꩻညီꩻဝင်ꩻ မာꩻဖွီလꩻတဝ်းသွူ၊ လွိုကျောင်ꩻသားတွမ်ႏသက် (၅၆)နေင်ႏမာꩻကီသားတဲင် ယံလွောက်ꩻနာႏလွဗာႏသွူ။\n၆။ \"စီꩻကန်ꩻအမုဲင်သူအဓိပ္ပါယ်ႏ\"---\nဒဲဉ်ဟန်ႏတတာႏငိုꩻယို တနေင်ႏတလဲင်ႏမဲ့ꩻ အောဝ်ႏဗဟိုႏ ချင်းထွော့ဖေႏချာဒျာႏသွူ၊ ဒဲဉ်ဟန်ႏတတာႏငိုꩻယို တလာအောဝ်ႏလစ်ꩻသတင်ꩻတဲင် ဖလစ်ꩻလဲင်ႏတွော့ꩻ လူႏဗာႏသွူ။\nဥပမာႏ- ဒဲဉ်ဟန်ႏတတာႏငိုꩻယို အောဝ်ႏဗဟိုႏ မီႏထွော့ဖေႏ (၈ိ)သွစ်ꩻဗီႏလဲ့ တသင်ꩻနောဝ်ꩻ လူႏသော့ꩻဗာႏ (၂ိ)နီဗီႏသွူ၊ ခြွဉ်းလစ်ꩻသတင်ꩻ ထွာသွစ်ꩻဗီႏသွူ။\nနောဝ်ꩻအကိုနောဝ်ꩻ ရွဉ်ယို ဖလစ်ꩻပွုမ်ႏတွော့ꩻ တပွုမ်ႏနောဝ်ꩻ ထွာရပ်တာႏ၊ တပွုမ်ႏနောဝ်ꩻ ထွာအွိုင်ႏတာႏ၊ တပွုမ်ႏနောဝ်ꩻ ထွာနယ်ႏတာႏ၊ တပွုမ်ႏနောဝ်ꩻ ထွာတစွိုးခွိုꩻလွုမ်းတာႏသွူ။\nရွဉ်လစ်ꩻပွုမ်ႏနောဝ်ꩻ ထေထန်ႏသေꩻခါꩻထွူ ရပ်ကွက်တာႏ တပွုမ်ႏတဲင် အောဝ်ႏကုဲင်သွံပွုမ်ႏနောဝ်ꩻ တလာတလဲင်ႏ ပသာမဲဉ်ႏမဲဉ်ႏဗာႏ အွိုင်ႏသားထျꩻ၊ ပါတွမ်ႏလိုꩻသက် (၁၆)နေင်ႏမာꩻကီ (၅၅)နေင်ႏမာꩻလသားစာႏရင်ꩻ လိုꩻအဖြာꩻခြွဉ်းနောဝ်ꩻသွူ။\n(နောဝ်ꩻအကို ကျောင်ꩻသားပေႏနောဝ်ꩻ သော့ꩻပါဗာႏတောဝ်းသွူ။) အွိုင်ႏသားနောဝ်ꩻ ထေထန်ႏသေꩻယင်း အွိုင်ႏတာႏတပွုမ်ႏတဲင် သွံလာတလဲင်ႏတပွုမ်ႏနောဝ်ꩻ ပသာထေ့ဗာႏဝေင်ꩻနယ်ႏ၊ တပွုမ်ႏနောဝ်ꩻ ပသာထေ့ဗာႏ ဗဟိုႏ၊ ပါတွမ်ႏလိုꩻအဖြာꩻဆေ့ꩻအာ စာႏရင်ꩻနောဝ်ꩻသွူ။\nသွံလာတဲင်ႏကရိုꩻနောဝ်ꩻ ဝါႏဆိုႏလာမား၊ တင်ꩻကျွစ်လာမား၊ ဒဲဉ်ကံလာမား၊ ဒဲဉ်ဟားလာမား တနေင်ႏလစ်ꩻလဲင်ႏယိုသွူ၊ မိဉ်ႏထွာဝါႏထပ်လဲ့ ထွာလုဲင်ႏ ဒုတိယဝါႏဆိုႏမားသွူ၊ နဝ်ꩻတလဲင်ႏနဝ်ꩻ ထွာလုဲင်ႏလစ်ꩻလာတာႏသွူ။\nမိဉ်ႏမာꩻနုဲင်းယိုနောဝ်ꩻ သက်(၁၆)နေင်ႏမာꩻကီ (၅၅)နေင်ႏမာꩻလ လုပ်ꩻမာꩻသား၊ ဖြေꩻစာသား မီႏအဝ်ႏအဖြာꩻနီသိန်ႏလဲ့ ဗဟိုႏတွက်တာႏ လိုꩻတဖြာꩻလောင်း တလာယို လစ်ꩻနီဗီႏတဲင် လိုꩻနီသိန်ႏအတွက်တာႏ လꩻပစ္စေꩻ (၂မျောက် ၂၀၀၀၀ဝိမျောက် ၁၂-၄၈၀၀၀ဝိ) လစ်ꩻဆီသွစ်ꩻသိန်ႏနဝ်ꩻသွူ။\nဝေင်ꩻနယ်ႏမီႏအဝ်ႏတဆီလဲ့ တဝေင်ꩻနယ်ႏတာႏ ပျမ်းမျ လꩻပစ္စေꩻ လစ်ꩻသိန်ႏပုဲင်သွစ်ꩻသောင်ႏသွူ၊ တဝေင်ꩻနယ်ႏကို အွိုင်ႏမီႏအောဝ်ႏနီဆီလဲ့ အွိုင်ႏတအွိုင်ႏတာႏ ပျမ်းမျ လꩻပစ္စေꩻ နီသိန်ႏပုဲင်လစ်ꩻရေင်သွူ၊ တအွိုင်ႏကို ရပ်မီႏအောဝ်ႏသွစ်ꩻရပ်လဲ့ တရပ်ပျမ်းမျ လꩻပစ္စေꩻသွံရေင်သွူ။\nရပ်တာႏ၊ အွိုင်ႏတာႏ၊ နယ်ႏတာႏ၊ တစွိုးခွိုꩻလွုမ်း (ဗဟိုႏ)တာႏ ကွပ်ရွဉ်တောင်ႏတာႏ အဝ်ႏလွတဲင် ဘာႏသာႏ၊ သာႏသနာႏ၊ ပညာႏစတဲင် ထာꩻမာꩻအရန်းရန်း ဗွေခူꩻအီနွောင်ꩻသွူ။\nနီဧရိယာႏဒေႏသကို ဘုရာꩻစေႏတီႏဖုံႏ၊ တပီဗွိုန်တဝ်းဒွိုန်းဒါႏ မန်းမဲင်ꩻဘုရာꩻ၊ ကအဝ်ႏတမို့သူႏဒါႏ သမဲင်ꩻဝင်ႏမွေႏတောႏဓာတ်တောႏ ဘုရာꩻအဆူႏဆူႏဖုံႏနဝ်ꩻလဲ့ နေးတွမ်ႏနီနာꩻစုပေါင်ꩻကုသိုလ်ႏ ဗဟိုႏရွဉ်ပွုမ်ႏပစ္စေꩻတဲင် အီႏပျုပျင်ႏနွောင်ꩻ၊ အီႏဗွာလေလင်းသွူ။\nတလာတလဲင်ႏကလူႏဒါႏ ဒါႏနဝွတ္တရာꩻယိုနောဝ်ꩻ သက်(၁၆)နေင်ႏမာꩻကီ (၅၅)နေင်ႏမာꩻလ လုပ်ꩻမာꩻဖြေꩻစာသား မန်ႏသမျ ပိုလီꩻအဆက်ဆက် ယံထွာလွေꩻထွုံꩻစံႏဟဝ်၊ အုံရံꩻ အုံလွင်ꩻမွိုန်းတဝ်းဝင်ꩻ၊ ပလို့ꩻမွိုန်းနမ်း၊ ပလို့ꩻမွိုန်းမဉ်ꩻ၊ အမျိုꩻသာꩻတာႏဝွန်ႏ၊ သာႏသနာႏဝွန်ႏယို ယံထံꩻညီꩻညီꩻလွသွော့၊ ယံလူႏညီꩻလွသွော့၊ မွိုးစဉ်ႏဖါဆက်သေႏသေႏနောဝ်ꩻသွူ။\nလွစ်လင်ꩻတသင်ꩻအတာႏ မာꩻဖေႏဗာႏဒုံသား ရပ်သားထာꩻမာꩻ၊ ကျောင်ꩻကန်ႏထာꩻမာꩻ၊ ဖျင်တဖူꩻ၊ ဖျင်ထီကန်ႏ၊ တေားလုံး၊ တေားသုဲင်ꩻ၊ တောႏထီကစ တနီꩻခြေင်းခြေင်းသွူ။\nဝွေꩻနဝ်ꩻ တဖြာꩻအတွက်တာႏ ကလွစ်ဟင်ꩻဒါႏ တတသင်ꩻအတွက်နောဝ်ꩻ နေးတွမ်ႏအမျာꩻရွဉ်ပွုမ်ႏတဲင် အမျာꩻပသာငါဖေႏဗာႏလုဲင်ႏ ပစ္စေꩻသွူ။\nတောႏလမ်းဒွိုန်းက ဘာႏသာႏလင်၊ လိုꩻမျိုꩻလင်လဲ့ နမ်းတဖြာꩻအတာႏ ဝွတ္တရာꩻစားယိုနောဝ်ꩻ အောဝ်ႏတွိုင်ꩻတွိုင်ꩻဗာႏဒျာႏသွူ တကာႏတဝ်း ပိုလီꩻစိုးလဲ့ ပိုလီꩻဖုံႏဝွတ္တရာꩻဖုံႏစားယို ကုဲင်လꩻတောဝ်း၊ ထံꩻညီꩻဗာႏတန်ꩻဖိုꩻ တထာႏဝသွူ။\nမိဉ်ႏအာႏမခံႏစားယိုမꩻ တောႏလမ်းသွော့ လိုꩻမျိုꩻလင်၊ ဘာႏသာႏလင်သွူ၊ မိဉ်ႏလက်ခံႏတောဝ်းနုဲင်းယိုတရိုꩻတဝ်း၊ လက်ခံႏလဲဉ်းတဲ့ မဉ်ႏတလွောက်ꩻနာႏတောဝ်း တရိုꩻတောဝ်းနောဝ်ꩻ ထန်ႏထိုꩻသွော့ဒုံ၊ အုံသော့ꩻမွိုန်းရပ်နောဝ်ꩻသွူ၊ မီႏမာꩻစားယိုမꩻ နီဘာႏသာႏ ဘာႏသနာႏယို နီအီႏကာႏကွယ်ႏနွောင်ꩻ၊ နီချို့ꩻယွင်ꩻချက်အမျိုꩻမျိုꩻယို နီအီႏဖျင်နွောင်ꩻတဲင် ယံမာꩻဗာႏလွနုဲင်းယိုအတွိုင်ꩻသွူ။\nမီႏထွာဝေင်ꩻကိုလဲ့ ဆယ်ꩻကပ်ထေ့သွော့ ဗွေႏဗိုန်ကျောင်ꩻ၊ ကထိန်ꩻဖေႏနွောင်ꩻနီနာꩻ ဘာႏသာႏသနာႏသနာႏ ဗော့ꩻရာꩻတကျောင်ꩻကျောင်ꩻနဝ်ꩻသွူ။\nအဟဝ်သွတ်ꩻနဝ်ꩻ ဝေင်ꩻကိုပအိုဝ်ႏကျောင်ꩻဖုံႏ မန်ႏသမျ ယံညဆွာꩻ၊ ပစ္စေꩻလစ်ꩻပါꩻ ယံစွုံႏလင်ႏလို့လဲ့မွေးမွေး၊ တလာလစ်ꩻသတင်ꩻ နီဥပုသ်ထွုံꩻစံႏ အလူႏအတန်ꩻဝွတ်ဖုံႏ ယံချိဒ့ꩻယွင်ꩻဗာႏမွိုန်းလဲ့မွေးမွေးတဲင် ပအိုဝ်ႏတဝေင်ꩻလွုမ်းဖုံႏ အုံနေးအစီꩻအဝွေꩻတွော့ꩻ အခေါဝ်တွိုင်ꩻနဝ်ꩻ စောင်ꩻသျောက်သွော့ ကျောင်ꩻမုဲင်ꩻ၊ တလာလစ်ꩻသတင်ꩻ ထင်ႏမိုးသွော့၊ လူႏမွိုးသွော့ အလူႏဝွတ္တရာꩻ၊ ဟောဝ်ခွယ်ꩻနေးလွနေးဝင်ꩻ တာႏဝွန်ႏမျမျတတနုဲင်းနောဝ်ꩻသွူ။\nထွားမွိုန်း ဗွေႏဗိုန်တံꩻခိုꩻပေႏ၊ တံꩻခိုꩻတန်၊ ထွားဒျာႏနီကျောင်ꩻကန်ႏ၊ ထွုံꩻစံႏဘာႏသာႏ သာႏသနာႏ ယံထိုꩻမားဗာႏမွိုန်း တခေါဝ်ခေါဝ်နောဝ်ꩻသွူ၊ တာႏဝွန်ႏဝွတ္တရာꩻစားယိုလဲ့ ယံချို့ꩻယွင်ꩻဗာႏမွိုန်း၊ စေႏတနာႏအလꩻ မဲဉ်လူႏမဲဉ်လွေꩻကျောင်ꩻမုဲင်ꩻလဲ့ လွေꩻသွော့နောဝ်ꩻသွူ။\nဗဟိုႏအရန်းကို ကလꩻသမျဒါႏ ပစ္စေꩻဘဏ္ဍာႏစားယိုလဲ့ ဝေင်ꩻနယ်ႏတွိုင်ꩻ၊ လိုꩻကျောင်ꩻ၊ လိုꩻလမ်း နမ်းခြောင်ꩻတန်ဖြာꩻစီႏ ကပါသော့ꩻဒါႏအတွိုင်ꩻ ထိန်ꩻဖေႏဗာႏ သွုံꩻဖေႏဗာႏသွူ။\nသွံနေင်ႏတလဲင်ႏ လွောင်ႏဗူႏတသာဗာႏယင်း (လွယ်ꩻတေားဗာႏယင်း)ဝင်ꩻသွူ၊ တနေင်ႏတလဲင်ႏ ဗဟိုႏ၊ ဝေင်ꩻနယ်ႏ၊ အွိုင်ႏ မာꩻဗာႏအစီꩻအဝွေꩻတဲင် သျင်ꩻဗာႏစာႏရင်ꩻသွူ။\n၇။ \"စီꩻကန်ꩻအမုဲင်နွတ်ꩻ အဓိပ္ပါယ်ႏ\"---\nရတုပွယ်ꩻအကို ခြုဲင်းနယ်ထုတ်ဗာႏစာႏရင်ꩻသမဲင်ꩻ၊ လိုꩻဖြားစဲဉ်ႏဆက်သမဲင်ꩻ၊ ရပ်အကျိုꩻဆောင်ႏ စေႏတနာႏဗွေႏသား၊ ပညာႏတန်သား၊ လွုပ်ꩻမာꩻဖြေꩻစာတန်သား အမဲင်ꩻဖုံႏသွူ။\nဝွေꩻသီးအတာႏ ချꩻဖေႏဗာႏဆုꩻ၊ ကန်းတော့ꩻဗာႏ၊ လွူးမွီႏဗာႏ သက်ရွယ်ႏတန်ပုဂ္ဂိုလ်ႏဖုံႏသွူ၊ နေင်ႏတဆီဗွေပွယ်ꩻ ခုဲင်ႏလꩻတွိုႏတဝ်းဒွိုန်းအတွင်ꩻလဲ့ လောကီꩻလောကုတ္တရာႏ ပညာႏထင်သား လိုꩻမုꩻရေꩻရာႏ ထင်စျူတဲးဝါးသား မီႏပေါႏပေါက်နောတ်ꩻ ဆုꩻဖေႏဗာႏ၊ မွေးတောဝ်းလဲ့ မာꩻဖေႏဗာႏ ပွယ်ꩻဖေႏဆုꩻ အံႏဖြာႏပွယ်ꩻသွူ။\nမီႏထွိုက်ထောက်ပမ်းကိုလဲ့ ထောက်ပံ့ရောင်လွဗာႏသွူ၊ ရပ်အနေင်ႏ (၅၀)ဗွေ၊ (၁၀၀)ဗွေ၊ (၂၀၀)ဗွေစကယိုနောဝ်ꩻ ဟောဝ်ဆို့ꩻတယ်ႏသေꩻခါꩻနေး ကမ္ပါယ်ႏနောဝ်ꩻသွူ။\nမိဉ်ႏမာꩻစားယိုမꩻ နီနာꩻလိုꩻပို ရပ်သမဲင်ꩻ၊ လိုꩻသမဲင်ꩻ ထိုꩻမားလꩻတောဝ်း၊ ဆုဲင်ꩻချာတာႏ ထီႏလွသေႏသေႏနောဝ်ꩻသွူ၊ လိုꩻသေꩻလိုꩻဒါႏ အီႏထွန်ꩻကာꩻပြန်ꩻပြော်ꩻလွဉ်သွူ။\n၈။ \"စီꩻကန်ꩻအမုဲင်သွစ်ꩻ အဓိပ္ပါယ်ႏ\"---\nပိုခိုပိုမူႏဖုံႏယို တံꩻခိုꩻယံတန်၊ ဘုံꩻကံႏယံသန်၊ ပညာႏယံထင်၊ (ကထွာမွိုးဖါလဲ့ တံꩻခိုꩻတန်၊ ဘုံꩻကံႏသန်၊ ပညာႏထင်၊ ပိုခို ပိုမူႏယံကွိုတ်ထေ့)နောဝ်ꩻ တယ်ႏစစွဉ်ႏ ကတောႏလမ်းတောႏပါႏ၊ တယ်ႏစွဉ်ႏကအီႏနေးထူႏ ပိုခိုပိုမူႏတဲင် ဗꩻစွဉ်ႏကလွူးဖွါꩻအခါႏလယ်ႏ ထိန်ꩻစွို့ꩻစွို့ꩻသွော့နမ်းကျင်ꩻ၊ သေနန်းသွော့ ရတနာႏသွံပါꩻ၊ မွိုးဖါကေꩻဇူꩻ၊ လူႏရုဲင်းရုဲင်း၊ ကျံႏမျတ်မျတ်၊ ရွယ်ႏထိုထိုသွော့နောဝ်ꩻသွူ။\nကထင်ႏလွူးဖွါꩻထွူလဲ့နောဝ်ꩻ၊ လွူးဖွါꩻနီꩻ ခွပ်ꩻခွိုန်ꩻချာလဲ့နောဝ်ꩻ၊ ဖန်ဖေႏအမဉ်ꩻနီꩻလဲ့နောဝ်ꩻ၊ အပ်ကျောင်ꩻ သွဉ်စဉာဏ်ႏပညာႏနီꩻလဲ့နောဝ်ꩻ၊ (ခꩻလꩻသူႏသေတောဝ်းဒွိုန်းထာꩻမုဲင်ꩻမုဲင်ꩻတယောဝ်း) အွဉ်ဝုဲင်ႏသွော့၊ လူႏသွော့၊ ရိုႏသေႏသွော့ ရတနာႏမျတ်သွံပါꩻ၊ ဆရာႏသမာꩻ၊ သက်ရွယ်ႏတန်သားလောင်းနောဝ်ꩻသွူ။\nပသာမိုးဒျာႏသွော့ အသောင်အရင် အရန်းထိုဟောဝ်ကျသားထျꩻ၊ အနမ်းတွမ်ႏအနမ်း ထွဉ်ႏလုပ်ꩻမာꩻထုမ်ႏကျံႏဝွေႏဖန်ႏတဲးတဲးသွော့နောဝ်ꩻသွူ။\nမဉ်ႏမာꩻနုဲင်းယိုအတွိုင်ꩻနောဝ်ꩻ တွမ်ႏမွိုးဖါ နမ်းကျင်ꩻဟောဝ် သꩻဗွာတဲင် ပဋိသန္ဓေႏအရန်းထို ပိုခိုပိုမူႏအီႏကွိုတ်ထေ့သွူ။\nပိုခိုပိုမူႏသီးဖုံႏယို ကွပ်ကုသိုလ်ႏလီꩻပါအာ၊ ကုသိုလ်ႏတသာပွာꩻထပ်၊ အသောင်အရင်ꩻကျ၊ နမ်းကျိုꩻစာꩻတဲင် ဘုံꩻတံꩻခိုꩻတန်၊ ပညာႏထင်လွ၊ အ��န်းထိုတသွောင်းလွသွူ။\nနုဲင်းယိုအတွိုင်ꩻ အသက်ပေါင်ꩻကွဲးညညတဲင် လိုꩻမျိုꩻတမျိုꩻလွုမ်းဗီဇယိုလဲ့ အရန်းထိုတသွောင်းလွပါတွော့ꩻ ထွာစွဉ်ႏလိုꩻမျိုꩻဗီဇအရန်းထိုခွိုꩻ၊ ဘုံꩻကံႏ၊ နမ်းကျင်ꩻ၊ ပညာႏထိုတသွောင်းခွိုꩻနောဝ်ꩻသွူ။\nဒေါ့ꩻရီသွဉ်သင်ဝင်ꩻယိုꩻလွ၊ နမ်းသꩻချမ်ꩻသာႏလွ၊ အချင်ꩻချင်ꩻ ရက်ပဲင်ꩻလွ၊ အချင်ꩻချင်ꩻ နာႏလွဝင်ꩻငေါဝ်းဖုံႏတဲင် လောကီꩻလောကုတ္တရာႏနီပါꩻ ဘဝယိုဘဝငါ နီမျိုꩻနီဒေါဝ်ႏ အကျိုꩻအောဝ်ႏလွသွူ။\n၉။ \"စီꩻကန်ꩻအမုဲင်ကွတ်ꩻ အဓိပ္ပါယ်ႏ\"---\nထာꩻသေထီႏလဲ့တန်၊ အစွန်ꩻလဲ့ထင်၊ သတ္တိဗျတ္တိကပြဲ့ꩻစွုံႏဒါႏ၊ ဥပမာႏ- လာဗွေလာမား၊ လာစွစ်ꩻနီꩻယို လွတ်တဝ်းကျောင်ꩻကန်ႏ၊ အလူႏအတန်ꩻ၊ အကံအကျင်ꩻလဲ့သေဒျာႏ၊ ရပ်ကိုထာꩻမာꩻ၊ ထီအုံႏ၊ တဖူꩻ၊ တထာကစ အမျာꩻကိစ္စမန်ႏသမျလဲ့သေဒျာႏ၊ မိဉ်ႏတွိုႏတဲင် ထာꩻတရာꩻတောဝ်း၊ မိဉ်ႏလွဉ်မာꩻနွောင်ꩻလဲ့ အွဉ်ဆငါ ခံႏနမ်းအနစ်နာႏ ရဲးဆီꩻဒေါ့ꩻဖြောဝ်ႏဖေႏဒျာႏ၊ သွꩻဟောဝ်စွန်ꩻထင်တဖြာꩻ၊ လိုꩻယံတဖြာꩻယံထွာနဝ်ꩻ ကျိုꩻစာꩻလွဗာႏသွူ။\n\"တာႏဝွန်ႏဝွတ္တရာꩻ\"\n၁။ သက်(၅၆)နေင်ႏမာꩻကီ အမူႏဖြား၊ အခိုဖြားဖုံႏနဝ်ꩻ ဝါႏကိုဝါႏထန်ႏ တလာလစ်ꩻသတင်ꩻ ထင်ႏဗာႏကျောင်ꩻ၊ ကန်းတော့ꩻဗာႏ ရတနာႏသွံပါꩻ၊ နေးထူႏဗာႏ သီႏလသွစ်ꩻပါꩻ၊ ပွါꩻမျာꩻဗာႏဘာႏဝနာႏ၊ ဗေင်ႏတငါဗာႏကျောင်ꩻသွူ။\nအလူႏအတန်ꩻ အကေပ်ꩻအကောက်ꩻနောဝ်ꩻ မီႏထွာကုသိုလ်ႏရေꩻရာႏ ကံးသꩻစေႏတနာႏ၊ မီႏထွာလိုꩻမုရေꩻရာႏ အွဉ်ႏလွစ်ဗာႏသွူ၊ ဥက္ကဋ္ဌ၊ နာယကဖုံႏ အွဉ်ဟိုဗာႏသွူ။\n၂။ သက်(၃၆)နေင်ႏမာꩻကီ (၅၅)နေင်ႏမာꩻလ အမူႏတန် အခိုတန်ဖုံႏနဝ်ꩻ ဝါႏကိုတလာလစ်ꩻသတင်ꩻ၊ ဝါႏထန်ႏ တလာနီသတင်ꩻ ထင်ႏဗာႏကျောင်ꩻ၊ ကန်းတော့ꩻဗာႏ ရတနာႏသွံပါꩻ၊ နေးထူႏဗာႏ သီႏလသွစ်ꩻပါꩻ၊ ပွါꩻမျာꩻဗာႏ ဘာႏဝနာႏသွူ၊ ဗေင်ႏတငါကျောင်ꩻလိုႏတောဝ်း၊ မီႏမဲဉ်ဗေင်ႏလဲ့ လꩻဒျာႏသွူ၊ ကုသိုလ်ႏရေꩻရာႏ၊ လိုꩻမုꩻရေꩻရာႏမန်ႏသမျ စွဲးထံꩻကိုဗာႏသွူ၊ ဥက္ကဋ္ဌ၊ နာယကဖုံႏ အွဉ်ဟိုဗာႏသွူ။\n၃။ သက်(၁၆)နေင်ႏမာꩻကီ (၃၅)နေင်ႏမာꩻလ အခိုယွဲး အမူႏယွဲးဖုံႏနဝ်ꩻ ဝါႏကို တလာလစ်ꩻသတင်ꩻ၊ ဝါႏထန်ႏတလာနီသတင်ꩻ နေးတွမ်ႏထုံမောင်းတဲင် ကပ်လူႏဗာႏ သွမ်ꩻတောႏ၊ ကောဝ်ႏ၊ ထီ၊ မေႏ၊ မာꩻဗာႏဘုရာꩻဝေယျာဝစ္စ၊ ထင်ႏဗာႏကျောင်ꩻ၊ ကန်းတော့ꩻဗာႏ ရတနာႏသွံပါꩻ၊ နေးထူႏဗာႏ သီႏလငတ်ꩻပါꩻ၊ ကန်းတော့ꩻ (၃၆)နေင်ႏမာꩻကီသား၊ မာꩻဗာႏရတနာႏသွံပါꩻ သက်ရွယ်ႏတန်သား ဝေယျာဝစ္စသွူ၊ ကျောင်ꩻကန်ႏဘုရာꩻဖုံႏ��� တဖူꩻပေႏတန်ဖုံႏ သာႏယာႏကြောင်းသျင်ꩻရေꩻဖုံႏယို ထူႏတာႏဝွန်ႏလွဗာႏသွူ။\nပအိုဝ်ႏလိတ်လုဲင်ꩻစွစ်ꩻလီတာႏ ဗဟိုႏသံဃာႏစွိုꩻအွဉ်ငါ ကသွဉ်ဖေႏသမျဒါႏ လိတ်မွူးကစ ကန်းတော့ꩻရတနာႏသွံပါꩻ၊ ဆရာႏသမာꩻ၊ မွိုးဖါ၊ ကပ်ကောဝ်ႏ၊ ကပ်မေႏ၊ ကပ်ထီ၊ ကပ်သွမ်ꩻတောႏ၊ ထူႏသရဏဂွုဏ်ႏသီႏလ၊ ဘုရာꩻဂွုဏ်ႏတောႏကွတ်ꩻပါꩻ၊ မင်္ဂလာႏ(၃၈)ပါꩻ၊ ငေါဝ်းပသာမေတ္တာႏဖုံႏယို ယံဒါႏလွဗာႏ စွုမ်ႏဖြာꩻဖြာꩻသွူ၊ လွိုတဲင်နောဝ်ꩻ ကားကတတ်နွိုင်ႏ အလောင်ႏအလင်ဖုံႏလဲ့ ယံသွဉ်ပါသွူ။\n၄။ သက်(၅)နေင်ႏမာꩻကီ (၁၅)နေင်ႏမာꩻလ အမူႏပေႏ အခိုပေႏဖုံႏနောဝ်ꩻ အပ်ဗာႏတန်ꩻကျောင်ꩻ၊ ဗွေႏဗိုန်ကျောင်ꩻ ကျွိုက်ရာꩻတထွောင်းထွောင်းသွူ၊ သက်(၅)နေင်ႏသဲစ်နွို့လဲ့ အွဉ်ႏသွဉ်သွူးဗာႏလိတ်(ပညာႏ) မာꩻသွုမ်ꩻခြေင်အချိန်ႏလꩻတောဝ်း၊ လွူးနမ်းမွီႏသက်လꩻတောဝ်းသွူ။\nတီဖိုးပနားနောဝ်ꩻ သက်(၁၆)နေင်ႏမာꩻကီ ကေားမဲဉ်သွဉ်တဝ်းဒွုမ်လိတ်သား တာႏဝွန်ႏဒျာႏသွူ၊ တီရီးဖိုးပနားမꩻ သွဉ်ဆုဲင်ꩻဉာဏ်ႏပညာႏနဝ်ꩻ ခြေင်ႏဝင်ꩻထွꩻနွောင်ꩻတဝ်း၊ သွဉ်ရီးဉာဏ်ႏပညာႏထွူမꩻ ကွဲးတီဖိုးပနားနဝ်ꩻ မီႏခေးပြဲင်ႏဝင်ꩻလင်လဲ့ ပညာႏထွꩻနွောင်ꩻတဲင် ထဲ့ဆုဲင်ꩻနွောင်ꩻတောဝ်းဝင်ꩻသွူ။\nသဲစ်သက်ကလꩻ (၅)နေင်ႏလဲ့ အွဉ်ႏသွဉ်သွူးသွော့ ဉာဏ်ႏပညာႏ၊ ကုဲင်ဗာႏတောဝ်းတနေင်ႏနေင်ႏ၊ သွဉ်ရွစ်ရွစ်ဗꩻ သက်(၁၅)နေင်ႏနောဝ်ꩻသွူ၊ သက်(၁၅)နေင်ႏဗွေထွူတဲင် လိုꩻတွိုင်ꩻစွုမ်ႏဖြာꩻ ယံအောင်ႏထွူလို့ဗာႏ (၇-၈)တန်ꩻမာꩻငါလွဉ်းလွဉ်းသွူ၊ မီႏထွာဗွေႏဗိုန်ကျောင်ꩻသွဉ်လိတ်လောကုတ္တရာႏလဲ့ သက်(၁၅)နေင်ႏဗွေသားမန်ႏသမျ ယံဒါႏဗာႏ သဒ္ဒါႏ၊ သင်္ဂြိုဟ်ႏ၊ ဝိနယ်ႏ အခေႏခံႏကျမ်ꩻ၊ ယံလို့စွစ်ꩻ(စဲစ်ꩻဖွစ်ꩻ)စွစ်ꩻဖဲစ်ꩻပါ ဝတ္ထုနိပါတ် ဇာတ်ငတ်ꩻရျာꩻငတ်ꩻဆီဖုံႏသွူ။\n\n\"တာႏဝွန်ႏဝွတ္တရာꩻ\"\n\n၁။ သက်(၅၆)နေင်ႏမာꩻကီ အမူႏဖြား၊ အခိုဖြားဖုံႏနဝ်ꩻ ဝါႏကိုဝါႏထန်ႏ တလာလစ်ꩻသတင်ꩻ ထင်ႏဗာႏကျောင်ꩻ၊ ကန်းတော့ꩻဗာႏ ရတနာႏသွံပါꩻ၊ နေးထူႏဗာႏ သီႏလသွစ်ꩻပါꩻ၊ ပွါꩻမျာꩻဗာႏဘာႏဝနာႏ၊ ဗေင်ႏတငါဗာႏကျောင်ꩻသွူ။\n\nအလူႏအတန်ꩻ အကေပ်ꩻအကောက်ꩻနောဝ်ꩻ မီႏထွာကုသိုလ်ႏရေꩻရာႏ ကံးသꩻစေႏတနာႏ၊ မီႏထွာလိုꩻမုရေꩻရာႏ အွဉ်ႏလွစ်ဗာႏသွူ၊ ဥက္ကဋ္ဌ၊ နာယကဖုံႏ အွဉ်ဟိုဗာႏသွူ။\n\n၂။ သက်(၃၆)နေင်ႏမာꩻကီ (၅၅)နေင်ႏမာꩻလ အမူႏတန် အခိုတန်ဖုံႏနဝ်ꩻ ဝါႏကိုတလာလစ်ꩻသတင်ꩻ၊ ဝါႏထန်ႏ တလာနီသတင်ꩻ ထင်ႏဗာႏကျောင်ꩻ၊ ကန်းတော့ꩻဗာႏ ရတနာႏသွံပါꩻ၊ နေးထူႏဗာႏ သီႏလသွစ်ꩻပါꩻ၊ ပွါꩻမျာꩻဗာႏ ဘာႏဝနာႏသွူ၊ ဗေင်ႏတငါကျောင်ꩻလိုႏတောဝ်း၊ မီႏမဲဉ်ဗေင်ႏလဲ့ လꩻဒျာႏသွူ၊ ကုသိုလ်ႏရေꩻရာႏ၊ လိုꩻမုꩻရေꩻရာႏမန်ႏသမျ စွဲးထံꩻကိုဗာႏသွူ၊ ဥက္ကဋ္ဌ၊ နာယကဖုံႏ အွဉ်ဟိုဗာႏသွူ။\n\n၃။ သက်(၁၆)နေင်ႏမာꩻကီ (၃၅)နေင်ႏမာꩻလ အခိုယွဲး အမူႏယွဲးဖုံႏနဝ်ꩻ ဝါႏကို တလာလစ်ꩻသတင်ꩻ၊ ဝါႏထန်ႏတလာနီသတင်ꩻ နေးတွမ်ႏထုံမောင်းတဲင် ကပ်လူႏဗာႏ သွမ်ꩻတောႏ၊ ကောဝ်ႏ၊ ထီ၊ မေႏ၊ မာꩻဗာႏဘုရာꩻဝေယျာဝစ္စ၊ ထင်ႏဗာႏကျောင်ꩻ၊ ကန်းတော့ꩻဗာႏ ရတနာႏသွံပါꩻ၊ နေးထူႏဗာႏ သီႏလငတ်ꩻပါꩻ၊ ကန်းတော့ꩻ (၃၆)နေင်ႏမာꩻကီသား၊ မာꩻဗာႏရတနာႏသွံပါꩻ သက်ရွယ်ႏတန်သား ဝေယျာဝစ္စသွူ၊ ကျောင်ꩻကန်ႏဘုရာꩻဖုံႏ၊ တဖူꩻပေႏတန်ဖုံႏ သာႏယာႏကြောင်းသျင်ꩻရေꩻဖုံႏယို ထူႏတာႏဝွန်ႏလွဗာႏသွူ။\n\nပအိုဝ်ႏလိတ်လုဲင်ꩻစွစ်ꩻလီတာႏ ဗဟိုႏသံဃာႏစွိုꩻအွဉ်ငါ ကသွဉ်ဖေႏသမျဒါႏ လိတ်မွူးကစ ကန်းတော့ꩻရတနာႏသွံပါꩻ၊ ဆရာႏသမာꩻ၊ မွိုးဖါ၊ ကပ်ကောဝ်ႏ၊ ကပ်မေႏ၊ ကပ်ထီ၊ ကပ်သွမ်ꩻတောႏ၊ ထူႏသရဏဂွုဏ်ႏသီႏလ၊ ဘုရာꩻဂွုဏ်ႏတောႏကွတ်ꩻပါꩻ၊ မင်္ဂလာႏ(၃၈)ပါꩻ၊ ငေါဝ်းပသာမေတ္တာႏဖုံႏယို ယံဒါႏလွဗာႏ စွုမ်ႏဖြာꩻဖြာꩻသွူ၊ လွိုတဲင်နောဝ်ꩻ ကားကတတ်နွိုင်ႏ အလောင်ႏအလင်ဖုံႏလဲ့ ယံသွဉ်ပါသွူ။\n\n၄။ သက်(၅)နေင်ႏမာꩻကီ (၁၅)နေင်ႏမာꩻလ အမူႏပေႏ အခိုပေႏဖုံႏနောဝ်ꩻ အပ်ဗာႏတန်ꩻကျောင်ꩻ၊ ဗွေႏဗိုန်ကျောင်ꩻ ကျွိုက်ရာꩻတထွောင်းထွောင်းသွူ၊ သက်(၅)နေင်ႏသဲစ်နွို့လဲ့ အွဉ်ႏသွဉ်သွူးဗာႏလိတ်(ပညာႏ) မာꩻသွုမ်ꩻခြေင်အချိန်ႏလꩻတောဝ်း၊ လွူးနမ်းမွီႏသက်လꩻတောဝ်းသွူ။\n\nတီဖိုးပနားနောဝ်ꩻ သက်(၁၆)နေင်ႏမာꩻကီ ကေားမဲဉ်သွဉ်တဝ်းဒွုမ်လိတ်သား တာႏဝွန်ႏဒျာႏသွူ၊ တီရီးဖိုးပနားမꩻ သွဉ်ဆုဲင်ꩻဉာဏ်ႏပညာႏနဝ်ꩻ ခြေင်ႏဝင်ꩻထွꩻနွောင်ꩻတဝ်း၊ သွဉ်ရီးဉာဏ်ႏပညာႏထွူမꩻ ကွဲးတီဖိုးပနားနဝ်ꩻ မီႏခေးပြဲင်ႏဝင်ꩻလင်လဲ့ ပညာႏထွꩻနွောင်ꩻတဲင် ထဲ့ဆုဲင်ꩻနွောင်ꩻတောဝ်းဝင်ꩻသွူ။\n\nသဲစ်သက်ကလꩻ (၅)နေင်ႏလဲ့ အွဉ်ႏသွဉ်သွူးသွော့ ဉာဏ်ႏပညာႏ၊ ကုဲင်ဗာႏတောဝ်းတနေင်ႏနေင်ႏ၊ သွဉ်ရွစ်ရွစ်ဗꩻ သက်(၁၅)နေင်ႏနောဝ်ꩻသွူ၊ သက်(၁၅)နေင်ႏဗွေထွူတဲင် လိုꩻတွိုင်ꩻစွုမ်ႏဖြာꩻ ယံအောင်ႏထွူလို့ဗာႏ (၇-၈)တန်ꩻမာꩻငါလွဉ်းလွဉ်းသွူ၊ မီႏထွာဗွေႏဗိုန်ကျောင်ꩻသွဉ်လိတ်လောကုတ္တရာႏလဲ့ သက်(၁၅)နေင်ႏဗွေသားမန်ႏသမျ ယံဒါႏဗာႏ သဒ္ဒါႏ၊ သင်္ဂြိုဟ်ႏ၊ ဝိနယ်ႏ အခေႏခံႏကျမ်ꩻ၊ ယံလို့စွစ်ꩻ(စဲစ်ꩻဖွစ်ꩻ)စွစ်ꩻဖဲစ်ꩻပါ ဝတ္ထ���နိပါတ် ဇာတ်ငတ်ꩻရျာꩻငတ်ꩻဆီဖုံႏသွူ။\n\nမဉ်ႏမာꩻစားယိုမꩻ သက်(၁၅)နေင်ႏဗွေသားမန်ႏသမျ လောကီꩻလောကုတ္တရာႏ မီႏမဲဉ်သွဉ်သွုပ်ငါထဲင်းလဲ့ ထွꩻနွောင်ꩻဝင်ꩻ၊ သွဉ်ဒွုမ်လိတ်တွော့ꩻ မီႏလွူးလုဲင်ႏနမ်းရိုꩻလဲ့ လောကီꩻလောကုတ္တရာႏ အခေႏခံႏတစူးတစိꩻ လꩻထွူလွလဲဉ်းတဲင် တွို့ꩻကွဉ်ႏနောဝ်ထင်ꩻ အီႏထီႏလွဉ်ꩻနွောင်ꩻ၊ ဗွောင်သွုပ်ဖေႏ အမဲ့နား၊ ဆုံꩻမꩻသွဉ်သင်ဖေႏ လောကီꩻလောကုတ္တရာႏရေꩻရာႏ အီႏသေနာႏထွꩻနောဝ်ꩻသွူ။\n\nကွဲးတွော့ꩻ အခိုပေႏဖုံႏ မီႏဗုဲင်သျင်ႏနောဝ်ꩻ သက်(၉)နေင်ႏမဉ်ႏဗွေမꩻ ဆင်ႏချင်ႏပစ္စဝေက္ခဏာႏ၊ နားလွုံꩻသွင်ꩻ တစပဉ္စကကမ္မဋ္ဌာန်ꩻလဲ့မိဉ်ႏဒါႏ၊ လိင်ႏ၊ တမ်ႏ၊ သေခိယ၊ ခန္ဓကဝတ်ကစ ပအိုဝ်ႏဘာႏသာႏလဲ့မိဉ်ႏလꩻ၊ သရဏဂွုဏ်ႏမဉ်ႏဖြီႏမꩻ ဗုဲင်လꩻသွူ။\n\nစခါနောဝ်ꩻ ဗုဲင်သျင်ႏပေႏလဲ့ ဗုဲင်ညအုံညတဲင် ဒါႏတငါငါဒျာႏ၊ ထွာသျင်ႏအကျိုꩻကေꩻဇူꩻ ကွဲးတန်တငါငါဒျာႏတဲင် ဗုဲင်သျင်ႏခါသူꩻ သက်ပေႏကီလဲ့ အရေꩻတန်တောဝ်းသွူ။\n\nခေတ်ယိုနောဝ်ꩻ တွမ်ႏကဗုဲင် တွမ်ႏကထွက်သွိုဝင်ꩻတဲင် သျင်ႏအခရာႏယို မိဉ်ႏတေသနာႏတောဝ်းတမုဲင်ꩻမုဲင်ꩻနောဝ်ꩻ လꩻဗာႏအမဉ်ꩻလွုမ်ꩻ၊ ထွုံꩻစံႏကေꩻဇူꩻလွုမ်ꩻ၊ အကျိုꩻအာတောဝ်းသွူ။\n\nကွပ်နီတဲင် ဘုရာꩻသာႏသနာႏ အရန်းအီႏထိုအီတွမ်ႏရိုꩻမွိုန်း၊ မာꩻဖွိုႏတရွိုးအီထဲင်းနဝ်ꩻ တွမ်ႏကလꩻဗာႏကုသိုလ်ႏ တွမ်ႏပစ္စေꩻကလို့နဝ်ꩻ မဲ့ꩻတဲင်အပဲစ်အာထဲင်း အကျိုꩻနောဝ်ꩻသွူ။\n\nကေားအုံအောဝ်ႏ ဗွေႏဗိုန်ကျောင်ꩻ၊ ကအုံဒါႏတန်းကျောင်ꩻသားဖုံႏနောဝ်ꩻလဲ့ စွုမ်ႏနီꩻနီꩻ စုပေါင်ꩻဝုဲင်ႏလွဘုရာꩻ၊ ခံႏထူႏဗာႏသရဏဂွုဏ်ႏ သဉ်သီႏလ၊ ပါဠိဘာႏသာႏ၊ ပအိုဝ်ႏဘာႏသာႏသွူ၊ မွူးဟာချိန်ႏ ကျောင်ꩻမိဉ်ႏလင်ꩻလဲ့ လွဉ်ထေ့ဗာႏ ဗွေႏဗိုန်ထျꩻ၊ မာꩻဗာႏရတနာႏသွံပါꩻဝွတ်၊ သွဉ်ထူႏပါဗာႏ ဘာႏသာႏရေꩻလိတ် တနီꩻတစိꩻစိꩻသွူ။\n\n၅။ သက်(၄)နေင်ႏမာꩻဖုံႏနဝ်ꩻ အမူႏအခိုပေႏဆားဖုံႏယို ဘဝအံႏပဒေႏစွိုꩻဒျာႏတဲင် ထာꩻမာꩻအဲဉ်ထောဝ်းသွူ၊ ဝွေꩻသီးထာꩻမာꩻနောဝ်ꩻ အံႏကွို့ꩻကွို့ꩻ၊ ဗေင်ႏအွီႏအွီႏ၊ အုံပျောႏပျောႏ၊ ခန္ဓာႏနမ်းကြို အထီအသွီႏ ယံဗွေခူꩻဒျာႏသွူ။\n\nမာꩻဖေႏစုပေါင်ꩻ ပျောႏသွင်ႏညီꩻဝင်ꩻ အခင်ႏလမ်းတဲင် ဖေႏခွုမ်ပဆိုးသွော့ သꩻပျောႏခရာႏ၊ ကနောက်ꩻဉာဏ်ႏဗွောင်ခရာႏ ထာꩻခွုမ်ပဆိုးအမျိုꩻမျိုꩻနောဝ်ꩻသွူ၊ လွူးမွီႏဖေႏအံႏ ဟောဝ်ဟောဝ်သွော့နောဝ်ꩻသွူ၊ သွဉ်ဖေႏသွော့ တွို့ꩻကွဉ်ႏနောဝ်ထင်ꩻကစဖုံႏ တန်ႏဖိုꩻကအောဝ်ႏ၊ သꩻကစွယ်ꩻဗွို့ꩻနွောင်ꩻ ပအိုဝ်ႏငေါဝ်းပွုမ်ႏ၊ ငေါဝ်းပစိုႏ၊ ငေါဝ်းတွိုင်ꩻ၊ ငေါဝ်းသွိုန်ႏသꩻကကြောင်းဗွာအီဒါႏမျိုꩻဖုံႏနောဝ်ꩻသွူ။\nခွုမ်ဖေႏအစူတဲင် အွဉ်ႏဝုဲင်ႏသွော့ ရတနာႏမျတ်သွံပါꩻ၊ မွိုးဖြား၊ ဖါဖြား၊ ထွဉ်ႏလူႏ၊ ထွဉ်ႏထူႏခွိုꩻခွိုꩻသွော့ အလူႏဝတ္ထုတစူးတစိꩻ တွမ်ႏဝွေꩻသီးကတန်ႏရာꩻဝင်ꩻနောဝ်ꩻသွူ။\n၆။ ဩဝါဒါစရိယကရိုꩻဒါႏ ကျောင်ꩻနင်းဗွေႏဗိုန်ဖုံႏနောဝ်ꩻ-\n(က) အင်းရွယ်ႏချက်အခန်ꩻကိုကပါဒါႏ အင်းရွယ်ႏမုꩻဖုံႏ ယံဗွေအီတဲင် နီတကာႏပငါပရာꩻအလောင်း လွောင်ႏဗူႏခန်ꩻအတွိုင်ꩻ ထွဉ်ႏလွောင်ႏဗူႏဗာႏသွူ၊ စီꩻကန်ꩻခန်ꩻအတွိုင်ꩻ ထွဉ်ႏလွောက်ꩻနာႏလွဉ်ꩻသွော့၊ တာႏဝွန်ႏဝွတ္တရာꩻအခန်ꩻအတွိုင်ꩻ ထွဉ်ႏမာꩻသွော့ထာꩻမာꩻ ပငါပရာꩻ၊ ဖေႏသွော့ဩဝါဒနောဝ်ꩻသွူ။\n(ခ) ကျောင်ꩻကန်ႏအကို ကအုံခိုႏပွိုင်းဒါႏ ကျောင်ꩻသား၊ သျင်ႏပေႏ၊ ရဟန်ꩻဖုံႏလို့လို့ယို အွဉ်ႏလွင်ꩻမွိုန်း၊ ဖေႏသွော့တာႏဝွန်ႏ၊ အပ်သွော့သာႏသနာႏထာꩻမာꩻ၊ သွဉ်ခါꩻဖေႏသွော့လိတ်ဖုံႏ၊ ဘာႏသာႏ၊ သာႏသနာႏထာꩻသေဖုံႏ၊ လောကီꩻလောကုတ္တရာႏပညာႏဖုံႏနဝ်ꩻသွူ။\n(ဂ) ဒုံတွိုင်ꩻ အရန်း(၉)ရန်းကို ပယ်ႏထိုꩻအရန်းပေႏသွတ်ꩻတရန်းတဲင် သက်(၅)နေင်ႏမာꩻကီ ဗꩻကသီကမား တကာႏမူႏဖြားဆားတာႏ ဆဲင်ႏရာꩻအရွယ်ႏပငါပရာꩻ ကဒါႏထွိုက် သေထွိုက်ဒါႏ ဘာႏသာႏရေꩻ၊ တာႏဝွန်ႏခန်ꩻအကို ကပျထန်ႏသေꩻခါꩻအတွိုင်ꩻ သွဉ်သင်ဖေႏဗာႏသွူ၊ ထွဉ်ႏစူထောက် သျင်ႏ စင်ꩻ သွဉ်ကိုဖေႏလဲ့ လꩻဒျာႏသွူ။\nလောကီꩻတန်ꩻကျောင်ꩻပညာႏ အခေႏခံႏတန်ꩻ၊ အတန်ꩻတလောင်ꩻဖုံႏနဝ်ꩻ အစိုႏရလိတ်စဲစ်ကို ဖြေႏခွင်ꩻလꩻလဲ့နဝ်ꩻ၊ လꩻတောဝ်းလဲ့နဝ်ꩻ နီတကာႏပငါပရာꩻ သွဉ်လွေꩻဖေႏဗာႏသွူ။\nလောကီꩻလောကုတ္တရာႏ ပညာႏအဟဝ်အဒါႏဖုံႏယို ဘဝယို ဘဝငါ ဗꩻတွိုႏနိဗ္ဗာန်ႏ နီတကာႏပငါပရာꩻ ယံခံႏစာꩻဗာႏလို့လို့တဲင် ဗွေႏဗိုန်ဟော်ꩻသွဉ်ဖေႏ၊ ဆုံꩻမꩻဖေႏဗာႏသွူ။\nကွဲးတွော့ꩻ တဖဲ့ꩻကိုနောဝ်ꩻ တွမ်ႏနီနမ်းကျင်ꩻ၊ ဝိနယ်ꩻစီꩻကန်ꩻအတွိုင်ꩻ ယံတရွို့ꩻဗာႏမွိုန်းနောဝ်ꩻလဲ့ အဝ်ႏခွင်ꩻသွူ။\nဘုရာꩻသာႏသနာႏလဲ့ ကအောဝ်ႏဒါႏ နီနမ်းလောင်းနဝ်ꩻ အတန်ꩻဖိုꩻဖျတ်နွောင်ꩻတဝ်း၊ အဝ်ႏလိုႏရက်တဲးတဲးနောဝ်ꩻသွူ၊ တဖဲ့ꩻနောဝ်ꩻ တကာႏမူႏခို ဘဝယိုခါ ဘဝငါတာႏ ဗꩻတွိုႏနိဗ္ဗာန်ႏနောဝ်ꩻအတွက်လဲ့ ထွားကိုဖေႏဗာႏသွူ။\n၇။ နာယကဖုံႏ တာႏဝွန်ႏနဝ်ꩻ ဗွေႏဗိုန်ဩဝါဒအတွိုင်ꩻ ဖေႏတေားတေားဗာႏ ဩဝါဒသွူ၊ လွောက်ꩻလွဉ်ꩻလွနဝ်ꩻအတွိုင်ꩻနဲ့၊ လွောက်ꩻလွဉ်ꩻတဝ်���နဲ့ကရိုꩻနဝ်ꩻ ထိန်ꩻထွားကိုဗာႏ၊ ဒေါ့ꩻသွဉ်ကိုဗာႏ။\n၈။ ဥက္ကဋ္ဌဖုံႏတာႏဝွန်ႏနဝ်ꩻ နမ်းရင်ꩻလဲ့ မာꩻလွေꩻဗာႏ ထာꩻမာꩻစီꩻကန်ꩻအခန်ꩻ၊ တာႏဝွန်ႏအခန်ꩻကို ကပါအတွိုင်ꩻသွူ၊ အရေꩻတန်ကိစ္စ ပျဿနာႏမန်ႏသမျ အွဉ်ဟိုဖြေႏသျင်ꩻဖေႏဗာႏသွူ။\n၉။ အွဉ်အကိုရေꩻတာႏဝွန်ႏနောဝ်ꩻ အီႏစူꩻလွေꩻဗာႏဥက္ကဋ္ဌ၊ မာꩻကိုလွေꩻဗာႏ ဥက္ကဋ္ဌထာꩻမာꩻသွူ၊ အခေႏအခေႏအမျိုꩻမျိုꩻဖုံႏယို ဒင်ႏပျꩻအွဉ်ႏသေထွူ ဥက္ကဋ္ဌတွော့ꩻ ခွုမ်စံႏဖြေႏသျင်ꩻကိုဗာႏ ဥက္ကဋ္ဌသွူ။\n\"ငေါဝ်းရဲပ်နိဂုံး\"\nဟန်ႏသနီꩻ နီနာꩻကမ္ဘာႏယို သိပ္ပံကထွန်ꩻကာꩻဒါႏနဲင်ႏငန်ႏ (ကမ္ဘာႏအခေါဝ်ထင်ꩻ၊ အခေါဝ်တွို့ꩻ)နီနာꩻလိုꩻပိုလစ်ꩻပွုံႏ တပွုံႏသားဖုံႏနောဝ်ꩻ ခြွေခြာႏလွငါႏသွူ။\nဝွေꩻသီးနဝ်ꩻ လိုꩻအဖြာꩻ(၁၀၀)နီနာꩻလစ်ꩻပွုံႏတပွုံႏဒျာႏလဲ့ ကွပ်ပွိုးဝွေꩻသီး သိပ္ပံထွန်ꩻကာꩻ၊ ကုသိုလ်ႏကံႏသန်၊ အနီꩻအရင်ꩻအာႏတန်တဲင် နီနာꩻကမ္ဘာႏစေꩻစိန်ႏယို အောဝ်ႏခြွည်းလို့ဝွေꩻသီးထျꩻ၊ ဝွေꩻသီးစံႏစာꩻလွဗာႏစွဉ်ႏ လစ်ꩻပွုံႏသွံပွုံႏသွူ။\nကအဝ်ႏကုဲင်ဒါႏ နီနာꩻလိုꩻအာတာႏ တပွုံႏနဝ်ꩻ ရိမ်အံႏဗာႏလွဝင်ꩻ၊ တွိုက်ဗာႏတေားဟံႏ၊ ယားဗားတေားသေင်ႏဝါႏဖုံႏတွော့ꩻ စံႏစာꩻညီꩻဗာႏ တပွုံႏတာႏဒျာႏသွူ။\nကွပ်ပွိုး ကထွာဆငါသား ဝွေꩻသီးလိုꩻစွိုꩻဖုံႏနောဝ်ꩻ နေးတွမ်ႏသိပ္ပံ၊ နေးတွမ်ႏအရင်ꩻတန် ထူႏသိမ်ꩻတမီႏတမွိုꩻလွပစ္စေꩻ၊ ခြဲ့ꩻလုဲင်းဧရိယာႏ၊ ယားတမီႏတမွိုꩻလွ ကမ္ဘာႏဓာတ်သဘာဝ သယံဇာတဖုံႏလဲ့တဒေါဝ်ႏ၊ ဆချာသားဖုံႏလဲ့ ကထွာဒါႏ နီနာꩻလိုꩻအာစွိုꩻလဲ့ ကွပ်ယားလွ သေင်ႏဝါႏဖုံႏလဲ့တစွိုး (ကွပ်ကမ္ဘာႏနီနာꩻလိုꩻပိုချင်ꩻချင်ꩻ ယားလွဝင်ꩻ၊ ယားလွသေင်ႏဝါႏ၊ နေးတွမ်ႏလောဘ၊ ဒေါသ၊ မောဟ၊ မာနတရာꩻဖုံႏတဲင် ဟံႏဗဲ့ꩻထိုꩻသဲင် ထွာတေားသုဲင်ꩻ၊ တနီꩻတစိꩻစိꩻ ခွꩻလျားဖေါက်ပြန်ႏတွော့ꩻ ကမ္ဘာႏအေမော့နောဝ် အမော့ထင်ꩻသွတ်ꩻ ဝထီခြုံးကွဲးခြီခြီ၊ သမုဒ္ဒရာႏထီနောင် ကွဲးလုဲင်းလုဲင်း၊ ဟံႏကွဲးဆေ့ꩻဆေ့ꩻသွူ။\nရောႏဂါႏကွဲးအာအာ၊ တသီႏတမွူး၊ သေင်ႏမွူးမီꩻမွူးအမျိုꩻမျိုꩻ၊ တိရစ္ဆာန်ႏအမျိုꩻမျိုꩻ ကွဲးထိုꩻမားမား၊ လိုꩻဖုံႏကွဲးရော်ꩻရော်ꩻ၊ စာရိတ္တကွဲးကုဲင်ပြင်ꩻပြင်ꩻ၊ လိုꩻမျိုꩻစုထွုံꩻစံႏ ဟိရိဩတ္တပ္ပတရာꩻ ကွဲးခြေားခြေား၊ ကမ္ဘာႏသယံဇာတပစ္စေꩻ ကွဲးလို့လို့တဲင် နီနာꩻကမ္ဘာႏယို အီႏတွိုႏလွဉ်ထာꩻအမျိုꩻမုဲင်ꩻကရိုꩻနဝ်ꩻ ဒေါ့ꩻသူႏသေတဝ်းသွူ။\nနီနာꩻပအိုဝ်ႏကိုယိုနောဝ်ꩻ စီꩻပွါ��ရေꩻ၊ ပညာႏရေꩻ၊ လိုꩻမုရေꩻရာႏ ထွုံꩻစံႏယေန်ႏငဲး ဟိရိဩတ္တပ္ပတရာꩻ၊ နီနာꩻကောင်ဆောင်ႏဟံႏဧရိယာႏကစ နီနာꩻဘာႏသာႏ သာႏသနာႏ၊ နီနာꩻထွုံꩻစံႏအတွိုင်ꩻ အောဝ်ႏလိုႏရဲပ်လွထိန်ꩻလွစနစ်တကျ တယ်ႏစွဉ်ႏဒုံဆောင်ႏအရန်း ညီႏညွတ်မꩻ ဖေါက်ပြန်ႏမုꩻ အလောင်ႏအလင်သူꩻ အီႏဟံးနန်ꩻတွိုႏနီထျꩻ၊ နီနာꩻအီႏဟံးနန်ꩻပꩻပြုဲင်သွူ၊ လောကီꩻလဲ့ အီႏချမ်ꩻသာႏ၊ လောကုတ္တရာႏလဲ့ အီႏထိုꩻမားတောဝ်းသွူ၊ လိုꩻမျိုꩻစုတွိုင်ꩻ ဒုံဆောင်ႏအုပ်ချုပ်ရေꩻ၊ ထွုံꩻစံႏတဉ်ႏခွေါင်ရေꩻ၊ ဒေႏသကို ဟံႏထီကောင်ဆောင်ႏယို ဒေႏသကိုသား ထိန်ꩻသိမ်ꩻရေꩻယို ကမ္ဘာႏညဆွာꩻရေꩻအတာႏ ဟန်ႏနီꩻယို အရေꩻတန်ငါႏသွူ။\nလိုꩻမျိုꩻစုအုပ်ချုပ်ရေꩻ ထွုံꩻစံႏယို မဉ်ႏထိုꩻမား၊ လိုꩻဖုံႏမီႏရော်ꩻရယ်ꩻ ကံးသꩻလွနောဝ်ꩻ ဆဲင်ႏရာꩻဒေႏသကို ဟံႏထီကောင်ဆောင်ႏယို ဒေႏသကို မီႏထိန်ꩻနွောင်ꩻလွတောဝ်းဒွုမ် ပငါပရာꩻတဲင် (ထိန်ꩻလꩻဒွုမ် လောဘ၊ ဒေါသ၊ မောဟ၊ မာန ကွပ်ကံးသꩻလွလဲဉ်းတဲင်) နီနာꩻကမ္ဘာႏယို ညဆွာꩻနွောင်ꩻတောဝ်း၊ ကုဲင်ထိုꩻမားနွောင်ꩻ ခံႏထူႏချက်အောဝ်ႏနုဲင်းနောဝ်ꩻသွူ။\nနီနာꩻပအိုဝ်ႏလိုꩻမျိုꩻစုတာႏ လွောင်ႏဗူႏဗာႏ ဒုံဆောင်ႏ အုပ်ရေꩻအစွိုꩻဖုံႏ၊ စီꩻကန်ꩻဖုံႏ၊ တာႏဝွန်ႏဖုံႏနုဲင်းယိုသွူ၊ နီတွမ်ႏနီ ဖေႏကစီႏမံႏနွောင်ꩻ နီလောကီꩻရေႏရာႏ လောကုတ္တရာႏရေꩻရာႏနောဝ်ꩻ နီနာꩻစွုမ်ႏဖြာꩻ အောဝ်ႏလိုႏမာꩻလွလဲဉ်းသွူထာꩻမာꩻ ပငါပရာꩻနဝ်ꩻသွူ။\n\"အစွိုꩻကွတ်ꩻစွိုꩻ\"\n(က) လစ်ꩻနေင်ႏမာꩻလ၊ ဘဝအံႏပဒေႏသာႏ၊ တောင်ꩻသေꩻခါꩻနော။ (၄ မာꩻလ ၁-စွိုꩻ)။\n--- ငတ်ꩻနေင်ႏမာꩻကီ၊ ခွန်ပေႏဓမ္မပါလ၊ နင်ႏပေႏကျ သုဘဒ္ဒါႏ ဟဲ့ꩻဗာႏအမန်ႏ (၅ မာꩻကီ ၂-စွိုꩻ)။\n--- ဆီသူမာꩻကီရင်ꩻ မာဃ၊ ယောင်ꩻကျသုဓမ္မာႏ၊ တောင်ꩻခါꩻလွထွူ။ (၁၆ မာꩻကီ ၂-စွိုꩻ)။\n--- သွံဆီသူမာꩻကီ ဓမ္မိက၊ နင်ꩻတန်ကျဝိသာႏခါႏ။ (၃၆ မာꩻကီ ၂-စွိုꩻ)။\n--- ငတ်ꩻဆီသူ မာꩻကီမဟာဓမ္မိက၊ နင်ꩻဖြားကျ ဝိသာႏခါႏ။ (၅၆ မာꩻကီ ၂-စွိုꩻ)။\n--- ဖန်ဗွာႏကွတ်ꩻစွိုꩻ၊ ပအိုဝ်ႏခွိုꩻယံ၊ သမ်းစွဉ်ႏလောကီꩻလောကုတ်ရိုꩻတောဝ်း၊ ထိန်ႏတဝ်းယိုကွတ်ꩻဗူႏ၊ ထိုꩻတဝ်းယိုကွတ်ꩻဖြုံႏ၊ ဗꩻကမ္ဘာႏအဖြုံႏယိုကသွတ်ꩻ၊ လွတ်ꩻတောဝ်းဝင်ꩻစူ စွီႏသေႏသေႏသွူ။\n(ခ) လိုꩻဗွေထို၊ ခွိုꩻယိုခွေါင်တဉ်ႏ၊ ယံထွိုင်ႏစွုမ်ႏရွယ်ႏ၊ အာႏရဲင်ꩻမယ်ꩻသေႏ၊ ထိန်ꩻဖေႏဟိဩတ်၊ ယိုငတ်ꩻပုဒ်၊ အစွိုꩻရေꩻမိုးချုတ်အအဲဉ်ႏသွူ။\n(ဂ) ခံႏနွမ်ꩻအောဝ်ႏဗာႏ၊ သျောင်ႏညာꩻဒုစရဲက်၊ လွူးသက်စင်ႏကြယ်ႏ၊ ထိန်���မယ်ꩻထွုံꩻစံႏ၊ စွုမ်ႏသတင်ꩻပါ၊ ရွဉ်ဗွာသော့ꩻမယ်ꩻ၊ မာꩻပွယ်ꩻထိန်ꩻမတ်၊ ကျိုꩻနက်ထိုရေꩻ၊ သွဉ်လွေꩻပညာႏ၊ ယိုကွတ်ꩻပါꩻ၊ နီနာꩻယိုꩻယာႏ စီꩻကန်ꩻဩ။(၁၃၅၇-ဗာႏ၊ ပအိုဝ်ႏလိတ်လုဲင်ꩻစွစ်ꩻလီတာႏ ဗဟိုႏသံႏဃာႏအစွိုꩻ)\n\nအာႏကွိုꩻ\n\nလိုꩻမုꩻရေꩻ","num_words":7750,"character_repetition_ratio":0.041,"word_repetition_ratio":0.119,"special_characters_ratio":0.07,"stopwords_ratio":0.015,"flagged_words_ratio":0.0,"lang_id_score":1.0,"perplexity_score":2192.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%84%E1%80%B1%E1%80%AB%E1%80%9D%E1%80%BA%E1%80%B8%E1%80%97%E1%80%AF%E1%80%B2%E1%80%84%E1%80%BA%E1%80%9E%E1%80%BB%E1%80%84%E1%80%BA%E1%82%8F%20%E1%80%91%E1%80%BD%E1%80%AC%E1%80%9E%E1%80%BB%E1%80%84%E1%80%BA%E1%82%8F%E1%80%81%E1%80%94%E1%80%BA%EA%A9%BB","collection":"wikipedia","source":"wikipedia","original_code":"blk","text":"(ပါဠိ) သံဃမဇ္စျေ ပဝေသနံ အာပုစ္ဆာမိ ။  ရွစ်သွံလဲင်ႏ ) \n\nပအိုဝ်ႏနေး၊) သံဃာႏတောႏမျတ် ထာႏဝကို၊ ယံနွိုꩻလꩻယို နီသွဉ်းသီး၊ ပန်ꩻကျာꩻငါ၇ီး လောဝ်းဟွိုန်ဗာႏ၊ ဗွေႏစောဝ်းရဟန်ꩻ သံဃာႏဩ၊။ ငေါဝ်းကပ်ငါ သင်္ကန်ꩻ၊ သကလ ဝဋ ဒုက္ခ နိဿရဏ နိဗ္ဗာနဿ သစ္ဆိကာရ ဏတ္ထာရ ဣမံ ကသာဝံ ကဟေတွာ ပဗ္ဗာဇေထ မံဘန္တေ အနုကမ္ပံ ကပါဒါယ။ \n\nပအိုဝ်ႏနေႏ။ ဘန္တေဩဗွေႏ စောဝ်ႏဆရာႏ၊ တပဲ့ကလျှာႏ ခွေသွဉ်းယို၊ သံသရာဝွဋ်ကိုဖေꩻဒုက္ခ ယံလွစ်ထန်းလꩻ ကင်ꩻမွေးမန်း ၊ အရဟတ္ထဖိုလ်ႏ နိဗ္ဗာန်ႏ ထီႏမျက်မောက်၊ ယံဖေႏဖျော်ရောက်ခမ်းမက်ဖိုႏ၊ ယံတွိုးဖျော်ရောက်ခမ်းဝေင်ꩻကို၊တပဲ့စူကို ဟတ္ထာႏလောင်း၊ စီႏဝရာႏဗိုလ်ဗွောင်း သင်္ကန်ꩻထူ၊ မꩻစဖေႏစူꩻ ထွူတဲင်ခါ၊ သညင်ꩻပတာ သွဉ်းနမ်းရင်ꩻ၊ သာႏသနာႏဝန်ႏထံႏ သာႏမဏေႏ၊ ဘုရာꩻမြတ်ဗွေႏ သာႏဝက၊ ယံဖေႏထွာလꩻခီႏမျောက်ပင်ႏ ၊ ဘွုံႏကီဗွန်တန် ဗွေႏစောဝ်းဩ။ \n\nငေါဝ်းကွီချာ သင်္ကန်ꩻ \n\n(ပါဠိ) သကလ ဝဋ ဒုက္ခ နိဿရဏ နိဗ္ဗာနဿ သစ္ဆိကာရ ဏတ္ထာရ ဧတံကသာဝံ ဒတွာ ပဗ္ဗာဇေထ မံဘန္တေ အနုကမ္ပံ ဥပါဒါယ။ \n\nပအိုဝ်ႏနေႏ) ဘန္တေဩဗွေႏ စောဝ်ႏဆရာႏ၊ တပဲ့ကလျှာႏ ခွေသွဉ်းယို၊ သံသရာဝွဋ်ကိုဖေꩻဒုက္ခ ယံလွစ်ထန်းလꩻ ကင်ꩻမွေးမန်း ၊ အရဟတ္ထဖိုလ်ႏ နိဗ္ဗာန်ႏ ထီႏမျက်မောက်၊ ယံဖေႏဖျော်ရောက်ခမ်းမက်ဖိုႏ၊ ယံတွိုးဖျော်ရောက်ခမ်းဝေင်ꩻကို၊ဗွေႏမျတ်စူကို ကို ဟတ္ထာႏလောင်း၊ စီႏဝရာႏဗိုလ်ဗွောင်း သင်္ကန်ꩻထူ၊ ရပ်ခံႏနေႏထူႏ ထွူတဲင်ခါ၊ သညင်ꩻပတာ သွဉ်းနမ်းရင်ꩻ၊ သာႏသနာႏဝန်ႏထံႏ သာႏမဏေႏ၊ ဘုရာꩻမြတ်ဗွေႏ သာႏဝက၊ ယံဖေႏထွာလꩻခီႏမျောက်ပင်ႏ ၊ ဘွုံႏကီဗွန်တန် ဗွေႏစောဝ်းဩ။ \n\nငေါဝ်ႏကွီတောင်ꩻပြန်ႏ ကွီထွာသျင်ႏ \n\n(ပါဠိ) ဘန္တ သံသာရ ဝဋ ဒုက္ခတော မောစနတ္တာယ ပဗ္ဗဇ္ဇံ ယာစာမိ။ \n\nပအိုဝ်ႏနေႏ၊  ဘန္တေဩဗွေႏ စောဝ်ႏဆရာႏ၊ တပဲ့ကလျှာႏ ခွေသွဉ်းယို၊ သံသရ��ဝွဋ်ကိုဖေꩻဒုက္ခ ယံလွစ်ထန်းလꩻ ကင်ꩻမွေးမန်း ၊ ပဗ္ဗဇ္ဇသျင်ႏယံကထွာ၊ သွဉ်းသီးဝုဲင်ႏငါ ရိုႏသေႏထင်ႏ၊ တပဲ့ꩻ တောင်ꩻပြန်ႏ လေဝ်းဟွိုန်ဩ။ \n\nဒုတိယံမ္ပိ − နီလဲင်းနီခြိုက် ယိုလဲင်ႏခါ −−−−ဩ။\n\nတတိယံမ္ပိ − သွံလဲင်ႏသွံခြိုက် ယိုလဲင်ႏခါ−−−−−−−−−ဩ\n\nငေါဝ်ႏထူႏ ဥပဇ္စျာယ်ႏဆရာႏ \n\n(ပါဠိ) ဥပဇ္စျာယော မေ ဘန္တေ ဟောဟိ၊  ရွစ်သွံလဲင်ႏ ၊ \n\nဘန္တေဩဗွေႏစောဝ်ႏဆရာႏ ၊ ဗုဒ္ဓသာႏသနာႏအထယ်ႏကို ၊ တပဲ့ꩻ သွဉ်ႏယိုယံ ယေန်ႏကေႏ၊ အပဲစ်တန်ပေႏ ထွာႏထိန်ꩻတီ ၊ ကျောင်ꩻကျိုꩻ ဖြိုဖြီနယ်ꩻဖေႏဒါႏ၊ တပဲ့သွဉ်းတာႏ ဥပဇ္စျာယ်ႏ၊ ထွာတောႏမူႏဖေႏ ဗွေႏစောဝ်းဩ။","num_words":515,"character_repetition_ratio":0.064,"word_repetition_ratio":0.35,"special_characters_ratio":0.116,"stopwords_ratio":0.021,"flagged_words_ratio":0.0,"lang_id_score":1.0,"perplexity_score":4206.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%9C%E1%80%AD%E1%80%AF%EA%A9%BB%E1%80%9C%E1%80%B1%E1%80%AC%E1%80%BA%E1%80%9C%E1%80%AD%E1%80%AF%EA%A9%BB%E1%80%9C%E1%80%BD%E1%80%84%E1%80%BA%EA%A9%BB%20%E1%80%91%E1%80%B2%E1%80%B7%E1%80%9E%E1%80%B0%E1%80%99%E1%80%BA%EA%A9%BB%E1%80%96%E1%80%BB%E1%80%84%E1%80%BA%EA%A9%BB","collection":"wikipedia","source":"wikipedia","original_code":"blk","text":"မွိုးဖာထွဉ်ႏအံႏလဲ့ တလꩻတဝ်း၊ အမျိုꩻသာꩻရေꩻလဲ့ ကွိုꩻတလꩻတဝ်း၊ ဒုံဆောင်ႏကိစ္စလဲ့ သုံꩻတလꩻတဝ်း လိုꩻလော်လိုꩻလွင်ꩻနဝ်ꩻ ထွာစွဉ်ႏကီလိုꩻလဲ့ တတွာနုဲး တိရစ္ဆာန်ႏငါလဲ့ အသုံꩻတကျတဝ်း၊ အသက်ဆွာꩻစွဉ်ႏလဲ့ အသုံꩻတဝင်ႏတဝ်း၊ အသက်ဆွာꩻထာꩻနဝ်ꩻ ဆွာꩻငခြေင်ထာꩻလွုမ်ꩻနေား။ လိုꩻစားနဝ်ꩻ သဲင်ꩻမာꩻလို့ဟူ၊ သဲင်ꩻမာꩻထွူႏဟံႏ၊ သဲင်ꩻယမ်းသီ သဲင်ꩻယမ်းကုဲဗော့ꩻ ဖိုးပနားဆာႏ၊ သဲင်ꩻအေႏတဗော့ꩻသဲင်ꩻဆီႏတဗော့ꩻ လယ်ႏဗော့ꩻထာꩻ လောကလိုꩻခမ်းကိုလွုမ်ꩻနေား။ ဖိုးပနား၊ တိရစ္ဆာန်ႏနဝ်ꩻ ထုဲအီလုဲႏဒါႏ၊ ဒင်ႏအီလေား ထွဉ်ႏအံႏလꩻ၊ အသုံꩻကျ၊ ဖိုးပနားအေႏနဝ်ꩻမာꩻအီလꩻ ဟံႏဆာႏ၊ မာꩻဟဝ်အီဟံႏဩဇာႏ၊ မာꩻလွူးအီလꩻဒွိုန်းက လိုꩻအမျာꩻ၊လိုꩻလော်လိုꩻလွင်ꩻနဝ်ꩻ ကွိုꩻထာꩻမုဲꩻလဲ့ တလꩻတဝ်း၊ ထွာစွဉ်ႏလိုꩻလွိုလိုꩻပိုႏလွုမ်ꩻနေား။ အသက်တအဲဉ်ထဝ်း တခေါ့ꩻမွူး၊ မောက်ကြင်ꩻမွူး၊ မောက်စောက်ꩻမွူးဖုံႏနဝ်ꩻ လိုꩻအမျာꩻသုံꩻလꩻ၊ လိုꩻအမျာႏအံႏလွဉ်ꩻဗာႏအရာႏ၊ အဆေ့ꩻသွတ်ꩻ အပင်၊အမွူးနဝ်ꩻ မာꩻအီလꩻဒွိုန်းက သိုႏနေား။ လိုꩻလော်လိုꩻလွင်ꩻနဝ်ꩻ နုဲးတခေါ့ꩻမွူး၊မောက်ကြင်ꩻမွူးငါတဲ့ အသုံꩻမဉ်ႏတကျတဝ်း၊ အမီႏသီငါလဲ့ အမာꩻပင်ႏပန်ꩻဗော့ꩻထဲင်း လိုꩻဆချာ၊ မာꩻလို့ဗော့ꩻထဲင်း လိုꩻဆချာရွဉ်လွုမ်ꩻနေား။ ချင်္သေ့ꩻသီးနဝ်ꩻ သတ္တဝါႏပေႏပေႏလဲ့ ထေဗာႏအာႏ၊ သတ္တဝါႏတန်တန်လဲ့ ထေဗာႏအာႏ၊ \"ယိုနဝ်ꩻ အပေႏတဲင် ထေတဝ်းအာႏ၊ ယိုနဝꩻအတန်မွော့ꩻ ထေဗာႏအာႏ\"စားနဝ်ꩻ တအဲဉ်ထဝ်း။ထေဗာႏဗိုန်ဗိုန်ဝင်ꩻ။ ယံဖေႏကလꩻ နိဗ္ဗာန်ႏနဝ်ꩻ လုံ့လဝီရိယအဝ်ႏနဝ်ꩻမꩻ လꩻနေား။လုံ့လဝီရိယမိဉ်ႏကင်ꩻနဝ်ꩻ တလꩻနွောင်ꩻတဝ်း။ နမ်းအကျိုꩻ၊ အမျိုꩻသာꩻအကျိုꩻယံကအဝ်ႏ၊ ယံကစီꩻပွာꩻတဲင် ကမာꩻဒါႏ၊ ကခွုမ်ဒါႏ အဖဲ့ꩻနဝ်ꩻ အားထွုတ်လွသွော့နေား။ လုံ့လဝီရိယနအဲဉ်ထဝ်းလိုꩻနဝ်ꩻ တောမ်ႏရိုꩻမွုန်း အမျာꩻအကျိုꩻ နမ်းအတွက်၊ နမ်းအကျိုꩻငါလဲ့ တပြဲ့ꩻစုံႏတဝ်း။","num_words":129,"character_repetition_ratio":0.066,"word_repetition_ratio":0.0,"special_characters_ratio":0.061,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":269499.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%97%E1%80%BD%E1%80%B1%E1%82%8F%E1%80%97%E1%80%BD%E1%80%94%E1%80%BA%E1%80%9E%E1%80%AF%E1%80%94%E1%80%94%E1%80%B9%E1%80%92","collection":"wikipedia","source":"wikipedia","original_code":"blk","text":"ပအိုဝ်ႏလိတ်မွူးဆရာႏ ကျောင်ꩻထီသိမ်ႏ ဗွေႏဗွန်သုနန္ဒ ထေရုပ္ပတ္တိ\n\nဗွေႏဆရာႏတောႏ သုနန္ဒအလောင်ꩻ\nဗွေႏဆရာႏတောႏ အလောင်ꩻနောဝ်ꩻ သက္ကရာဇ် ၁၂၆၇-ဗာႏနိန်ႏ၊ ဒဲဉ်ရုတ်ꩻလောင်း (၂)နီꩻ၊ မွူးနီꩻသောကျာႏ၊ မွူးရောဝ်ꩻခိုႏ (၄)ဆင်ႏဒုံႏလွို၊ (၃)နားရီႏစ (၃)ပါဒ်အချိန်ႏတွင်ꩻ၊ ဝေင်ꩻနယ်ႏတောင်ႏကီꩻ၊ ဒုံလုဲင်းကင် (ကုဲင်လဲဉ်း)ကို ကအောဝ်ႏအုံဒါႏ ပကျောင်ꩻသွင်ႏ၊ မွိုးကျောင်ꩻအိန်းသီး လွူးဖွာꩻလင်ꩻလွဉ် ပိုခိုရတနာႏတဖြာꩻသွူ။ ဖူးဝေး ၆-ဖြာꩻကို ထွာပဉ္စမ ပိုခိုရတနာႏသွူ၊ မွိုးဟောဝ်ဖါဒါႏ ကဖန်ဖေႏဒါႏ အမဉ်ꩻနောဝ်ꩻ \"တယုံꩻ\"သွူ၊ ဖူးဝေးဝင်ꩻသူဖုံႏနောဝ်ꩻ ၁။ ပန္တသော်ꩻ (မာနင်ꩻမွိုင်ꩻ)၊ ၂။ နင်ꩻဖယ်ꩻ (ဝါꩻ ခယ်ႏဖါလွို)၊ ၃။ နင်ꩻမိ (သီမူႏနံꩻ)၊ ၄။ နင်ꩻဗိုခံꩻ (ဝါꩻ အောႏနန္တာႏ)၊ ၅။ တယုံꩻ၊ ၆။ နင်ꩻလီ (ဝါꩻ အိန်ႏဖါပယ်ꩻ)သီးဖုံႏသွူ။\n\nထင်ႏအုံကျောင်ꩻ ထုမ်ႏသွဉ်ပညာႏ\nအချိန်ႏထင်ႏလꩻ သံႏဝွေႏဂထွာ၊ ပါႏရမီႏအာႏတလာတဲင် သွီႏယာႏအဝ်ႏဆꩻ ခိုဗင်ႏဘတွင်ꩻနဝ်ꩻ ထင်ႏအုံမီႏခိုႏခန်းဒျာႏ ဗွေႏဗွန်အာလောက၊ ကျောင်ꩻထီသိမ်ႏသွူ။ အောဝ်ႏနောဝ်ꩻထွူမꩻ မညမမွိုင် ဗွေႏဗွန်အာလောကယို ထွာဥပဇ္ဈာယ်ႏဆရာႏတဲင် မွိုးဟဝ်ဖါဒါႏ ခံႏပစ္စေꩻတကာႏတွော့ꩻ ဗုဲင်လꩻသင်ႏကန်ꩻ၊ ထွာလင်ꩻသာႏမဏေႏ ဖန်ဖေႏဘွဲ့တောႏ သဉ်ႏလျောႏဘဝ သျင်ႏသုနန္ဒသွူ။\n\nထင်ႏထွာရဟန်ꩻဘဝ\nထင်ႏတွိုႏသက္ကရာဇ်နိန်ႏ ၁၂၉၀-တွင်ꩻနောဝ်ꩻ ကျောင်ꩻထီသိမ်ႏ၊ ဥဒကုက္ခေပ သိမ်ႏတောႏကို ဗွေႏဆရာႏတောႏ အာလောကယို ထွာဉပဇ္ဈာယ်ႏဆရာႏတဲင် မွိုးဖါဖူးဝေးဖုံႏ စုပေါင်ꩻယွော့ပင်ႏ ဒင်ႏထိုအရန်းတွော့ꩻ အောဝ်ႏသာႏမဏေႏဖဝယို ထင်ႏထိုဗꩻလွေꩻ ရဟန်ꩻဖဝသွူ။\n\nကအုံအဝ်ႏမီႏခိုႏဖိုကျောင်ꩻဖုံႏ\nဗွေႏသုနန္ဒယို ထွုမ်ႏသွဉ်ပညာႏတွင်ꩻ ကအုံ���ဝ်ႏမီႏခိုႏဗာႏ ဝိန်ꩻဖုံႏနောဝ်ꩻ ဝိန်ꩻပွေးလှ (ကန်ကလီကျောင်ꩻ၊ မီးလောင်ကျောင်ꩻ)၊ ဝိန်ꩻညောင်တုန်း၊ ဝိန်ꩻမန္တလေꩻ (ဘုရားကြီးတိုက်၊ မစိုးရိမ်တိုက်)၊ ဝိန်ꩻတောင်ႏကီꩻ (နဂါꩻပတ်ကျောင်ꩻ)ဖုံႏနောဝ်ꩻသွူ။\n\nကျိုꩻစာꩻမာꩻဒျာႏ စွိုးခွိုꩻအတာႏ တွမ်ႏ သာႏသနာႏအတွက်\n၁၂၉၉-ဗာႏနိန်ႏနောဝ်ꩻ သဲင်ꩻအုံမီႏခိုႏချာယင်း ဗွေႏဗွန်အာလောက၊ ကျောင်ꩻထီသိမ်ႏထျꩻတဲင် သွဉ်ဖေႏ ချꩻဖေႏ ရဟန်ꩻသျင်ႏပေႏလိတ်ဖုံႏသွူ။\n၁၃၀၀-ဗာႏနိန်ႏနဝ်ꩻ တဲမ်းတယ်ႏထွင်ႏစ ပအိုဝ်ႏလိတ်မွူးတသာသွူ။\n၁၃၀၁-ဗာႏနိန်ႏ ဒုတိယဝါႏဆိုႏဆန်ꩻနောဝ်ꩻ တကာႏအမျာꩻဖုံႏ စုပြုံႏအွဉ်ဝင်ꩻ လောဝ်းပင်ꩻချက်အလꩻတဲင် ဟဲ့ꩻပါတွမ်ႏ သျင်ႏဉာဏ(ထီခေါင်ꩻ)၊ သျင်ႏဥတ္တရ (ပင်လဲမ်ꩻ)၊ သျင်ႏငိုး (ပဆျာႏကြိုႏ)စတဲင် သျင်ႏပေႏနွတ်ꩻပါꩻတွော့ꩻ ထင်ႏနန်းအုံကျောင်ꩻ ပင်တခꩻ (အဖြုံႏထင်ꩻ)သွူ။\n၁၃၀၃-ဗာႏနိန်ႏ၊ ဒဲဉ်ဟားလောင်း (၁၁)နီꩻ၊ သောကျာႏနီꩻနောဝ်ꩻ ပြောင်ꩻနင်းအုံလုဲႏ ကျောင်ꩻပင်တခꩻ (အဖြုံႏနဝ် ကျောင်ꩻယိုခါ)နောဝ်ꩻသွူ။\n၁၃၀၅-ဗာႏနိန်ႏနဝ်ꩻ စောက်ꩻဖါးစဝ်ရွှေသိုက် လျောက်လဝ်းပင်ꩻချက်အလꩻ လင်ꩻဆိုႏဝါႏရွီႏတဲင် ဒင်ႏသံဂါႏယနာႏ ဝိနယ်ꩻငတ်ꩻကျမ်ꩻအယံတွင်ꩻ ဝွေꩻဗွေႏကတဲမ်းထွင်ႏဒါႏ ပအိုဝ်ႏလိတ်မွူးတသာယို ဒင်ႏပျꩻနယ်လွေꩻ ဗွေႏသံႏဃာႏတွမ်ႏ စဝ်ရွှေသိုက်သွူ။\n၁၃၀၆-ဗာႏနိန်ႏ၊ ဝါႏဆိုႏဆန်ꩻနောဝ်ꩻ ဗွေႏဗွန်အာလောက လွဉ်ႏထိုꩻတဲင် ဗွေႏသုနန္ဒနောဝ်ꩻ သဲင်ꩻနင်းချာဗာႏ ကျောင်ꩻထီသိမ်ႏသွူ။\n၁၃၀၇-ဗာႏနိန်ႏ၊ တင်ꩻကျွစ်လောင်း (၆\/၇\/၈)နီꩻအတွင်ꩻ ကမာꩻလွေꩻဒါႏ ပထမအလဲင်ႏ ရွီႏနယ်ႏသံႏဃာႏအစီꩻဝွေꩻနဝ်ꩻ ဂိုဏ်ꩻထောက်အနေႏ ကျွꩻလွေꩻဗာႏသွူ။\n၁၃၀၈-ဗာႏ၊ တင်ꩻကျွစ်လောင်း (၅\/၆\/၇)နီꩻအတွင်ꩻ စောက်ꩻဖါးရွီႏဟော်ကို ကမာꩻလွေꩻဒါႏ ဒုတိယအလဲင်ႏ ရွီႏနယ်ႏသံႏဃာႏအစီꩻဝွေꩻနောဝ်ꩻလဲ့ ဂိုဏ်ꩻထောက်အနေႏ ကျွꩻလွေꩻစီꩻဝွေꩻဗာႏသွူ။\nဒဲဉ်စိန်လာဗွေနီꩻ ကျောင်ꩻတန်မွဉ်ခြဲင်တသာယို ဖေႏကအောင်ႏ ယံဖေႏကျိုꩻဆောင်ႏလွဝင်ꩻတဲင် ကျောင်ꩻတန်မွဉ်ခြဲင်ကို ကစီꩻဝွေꩻလွေꩻဒါႏ သံႏဃာႏဖုံႏကမျောက်ထင်ႏဒါႏ နယ်ႏဆရာႏတောႏဖုံႏအကို ရွီႏနယ်ႏခေါဝ်ထင်ꩻယိုနောဝ်ꩻ မျောက်ဒင်ႏလွေꩻ ဗွေႏသုနန္ဒတဲင် ကျောင်ꩻတန်မွဉ်ခြဲင်တသာယို ယံကအောင်ႏ နာယကတပါꩻအနေႏ ကျိုꩻဆောင်ႏမာꩻလွေꩻဗာႏသွူ။\n၁၃၀၉-ဗာႏနိန်ႏနောဝ်ꩻ တဲမ်းထွင်ႏထွူဖြီꩻစီꩻ ပအိုဝ်ႏလိတ်မွူးတသာတဲင် ဒဲဉ်ရုတ်ꩻဗွေနီꩻနောဝ်ꩻ ဒင်ႏပျꩻပအိုဝ်ႏသံ��ဃာႏသွူ။\nဒဲဉ်ကံလောင်း (၉)နီꩻ၊ မွူးနီꩻ-တနင်ꩻနွေႏ (၄\/၁\/၄၈)မွူးရောဝ်ꩻခိုႏ (၄)နားရီႏ၊ မိနစ်(၂၀) (မန်းခမ်းလွတ်လပ်ရေꩻ)ချိန်ႏနောဝ်ꩻ တယ်ႏဘုရာꩻစေႏတီႏ ကျောင်ꩻထီသိမ်ႏဆꩻတွို့ꩻနောဝ် နောဝ်ꩻသွူ။\nအနီꩻနောဝ်ꩻ နားရီႏ (၁၁)ဆင်ႏ (၅၉)မိနစ်၊ (၅၈)စက္ကန့်ချိန်ႏခါႏတွင်ꩻ ဌပနာႏကျောင်ꩻတန်မွဉ်ခြဲင်အွတ်ꩻရွီးတဲင် ဌပနာႏသား ဆရာႏတောႏ(၇)ပါꩻအကို ဗွေႏသုနန္ဒလဲ့ပါသွူ။\n၁၃၁၀-ဗာႏနိန်ႏနောဝ်ꩻ ကွီအကူႏအညီႏ ဦးငွေစိုး ကျောင်ꩻဆရာႏတန်)ထျꩻတဲင် ဗွောင်လွေꩻမူလတန်ꩻကျောင်ꩻ ထီသိမ်ႏသွူ။\n၁၃၁၂-ဗာႏနိန်ႏနောဝ်ꩻ မာꩻလွေꩻ ကျောင်ꩻထီသိမ်ႏအခေါဝ်ကွဉ်ႏနောဝ်ꩻသွူ။\n\nလူꩻသီးကောဝ်ႏတလင်ႏ ဗွေႏလက်ခံႏ\n၁၃၁၃-ဗာႏနိန်ႏ၊ ဝါႏခေါင်ႏလောင်း (၁၀)နီꩻ၊ သက်တောႏလꩻ (၄၇)နိန်ႏ၊ ဝါႏတောႏလꩻ (၂၃)ဝါႏ အချိန်ႏခါႏတွင်ꩻနောဝ်ꩻ ဗွေႏဆရာႏတောႏယို ရုပ်ကြိုအွဉ်ႏကုဲင်ပြာႏ ပြောင်ꩻလွေꩻအုံတောဒျာႏ ချံꩻသာႏအရပ် ခမ်းမျတ်လူꩻသီးဒုံသွူ။\n\nထွားအာႏကွိုꩻလိတ်အုပ် လိတ်စောင်ႏတွမ်ႏ ရီရွောင်ပုဂ္ဂိုလ်ႏသီးဖုံႏနောဝ်ꩻ\n ၁၃၀၈-ခု၊ သာသနပါလဝိနိစ္ဆယစာတမ်း။\n ပထမကျောင်ꩻတန် အတ္ထုပ္ပတ္တိလိတ်စောင်ႏ။\n ပညာႏမဲ့လေလိတ်စောင်ႏ။\n ပထမငယ်အောင်ႏလက်မှတ်။\n ဗွေႏဗွန်ဖြားကျောင်ꩻပင်တခꩻ။\n ဗွေႏဗွန်ဦးစန္ဒာဝရ ကျောင်ꩻထီသိမ်ႏ။\n ဖြားမူႏဖါလိုး ဒုံထီခွဉ်ႏ။\n ဖြားသွေဖါဖျူ၊ ဖြားဝါရိနန္တခဲင် ကျောင်ꩻထျꩻ။\n ပျိုဖါဟုဲင်း ဒုံလုဲင်းလောင်း၊ နင်ꩻမုံဖါ ဝါရိန္တ ဒုံတဖျူႏမွူး သီးဖုံႏနောဝ်ꩻသွူ။\nနေးတွမ်ႏမေတ္တာႏတဲင် ကဒေါ့ꩻခြုဲင်းနယ်ချာဒါႏ ပုဂ္ဂိုလ်ႏဖုံႏယိုနောဝ်ꩻ ခွေသွဉ်းကေꩻဇူꩻတင်ႏငါႏအကျောင်ꩻ မှတ်တောင်ꩻသေꩻခါꩻဗာႏနုဲးယိုသွူ။\nလွမ်းနွေဦး (ခမ်းကောင်)\nကျောင်ꩻဓမ္မရံသီ အောင်မင်္ဂလာ\nဝိန်ꩻတောင်ႏကီꩻ။\n\nပအိုႏအက္ခရာႏလိတ်မွူးတသာ\nနိဒါန်း\nမဲ့ငါ-က\nနမော တဿ ဘဂဝတော အရဟတော သမ္မာသမ္ဗုဒ္ဓဿ\nအတ္ထော အက္ခရသညာတော\nသဗ္ဗဝစနာနမတ္ထော အက္ခရေဟိ သညာယတေ\nအတ္ထော-အနက်ကို၊ အက္ခရသညာတော-အက္ခရာတို့ဖြင့် ကောင်းစွာသိအပ်မှတ်အပ်၏။ သဗ္ဗဝစနာနံ-ခပ်သိမ်းသော ပါဠိဘာသာ သဒ္ဒါစကားတို့၏၊ အတ္ထော-အနက်ကို၊ (ဝါ)စိတ် စေတသိက် ရုပ် နိဗ္ဗာန်တည်းဟူသောအနက်ကို၊ အက္ခရေဟိ(အက္ခရေဟေဝ)-အက္ခရာတို့ဖြင့်သာလျှင်၊ သညာယတေ-ကောင်းစွာသိအပ်မှတ်အပ်၏။ (တနည်းကား)သဗ္ဗဝစနာနံ-ခပ်သိမ်းသော လူမျိုးတစ်ရာ့တစ်ပါး ဘာသာစကားတို့၏၊ အတ္ထော-လူကောင် နတ်ကောင် ခွေးကောင် ဝက်ကောင် ရေမြေတောတောင် စသောအထည်ဝတ္ထုဟူသမျှ စိတ် စေတသိက် ရုပ်နိဗ္ဗာန် အကြောင်းအကျိုးဟူသောအနက်ကို၊ အက္ခရေဟေဝ-မိမိတို့ အမှတ်အသား သင်္ကေတ အက္ခရာတို့ဖြင့်သာလျှင်၊ သညာယတေ-ကောင်းစွာသိသင့် သိထိုက် သိအပ်မှတ်အပ်-ဟူသော ကစ္စည်းကျမ်းသုတ်စဉ်အရမှာ အနက်ကို အက္ခရာတို့ဖြင့်သာ မှတ်ယူရမည်-ဟု သာမညမိန့်တော်မူသည်။\nထိုအနက်သည် ပါဠိဘာသာ ပါဠိစကားအနက်၊ မြန်မာဘာသာ မြန်မာ့စကား၏အနက်စသော လူမျိုးတစ်ရာ့တစ်ပါးတို့၏ ပြောဆိုအပ်သော သဒ္ဒါစကားတို့၏အနက်ကို ထိုထိုလူမျိုးတို့၏ အမှတ်အသား အက္ခရာ သင်္ကေတတို့ဖြင့်သာလျှင် မှတ်ယူရမည်-ဟု ၎င်းသုတ်အဖွင့်ဝုတ္တိမှာ \"သဗ္ဗဝစနာနမတ္ထော အက္ခရေဟိ သညာယတေ\"ဟူ၍ ဖွင့်ဆိုတော်မူသည်ဟု အဓိပ္ပါယ်ကောက်ယူလျှင် မှားနိုင်မည်မဟုတ်၊ ထို့ကြောင့် ပါဠိဘာသာ၏အနက်ကို မှတ်ဘို့သိဘို့ရာ \"အက္ခရာပါဒယော ဧကစတ္ထာလီသံ\"ဟူသောသုတ်ကို အ-အစ နိဂ္ဂဟိတ်အဆုံးရှိသော လေးဆဲ့တစ်လုံးသော အက္ခရာရှိသည်ဟု အရှင်ကစ္စည်းမထေရ်မြတ်သည် ဟောတော်မူ၏။\nဤလေးဆဲ့တစ်လုံးသော အက္ခရာတို့သည် ပါဠိဘာသာ သဒ္ဒါစကားတို့၏အနက်ကို ရေးမှတ်လိုက်သည်ရှိသော် မကုန်နိုင်ရာ၊ ပြည့်စုံလုံလောက်သည်ဖြစ်၍ လေးဆဲ့တစ်လုံးထက် အပိုအက္ခရာများကို အလိုမရှိတော့ဘီ။ ထို့ကြောင့် \"ပိဋကတ္တယမ္ပိ ပတွာ နက္ခရန္တိ နခီယန္တီတိ အက္ခရာ\"ဟု ပုဒ်စစ်ဆရာတော် မိန့်တော်မူ၏။ ထိုလေးဆဲ့တစ်လုံးသော အက္ခရာတို့သည် မြန်မာ့ဘာသာ၌ မပြည့်စုံကုန်သေးဖြစ်သောကြောင့် မဟာမြန်မာသင်ပုန်းကြီး၌ \"အဲ-ဪ-အို--့--း ဟူသော အက္ခရာ ၅-လုံးဖြည့်စွက်ပြီး မြန်မာအက္ခရာလေးဆဲ့ခြောက်လုံးရှိသည်။\nထို့ကြောင့် မြန်မာဘာသာ၌ \"အအာဒယော ဆတာလီသံဝဏ္ဏာ\"ဟု သုတ်တည်အပ်၏။ ထိုလေးဆဲ့ခြောက်လုံးသော အက္ခရာတို့သည် ဘာသာခြားတို့မှာ လုံလောက်ပြည့်စုံနိုင်သည်မဟုတ်၊ ဖြည့်စွက်လျှင်လည်း ဖြည့်စွက်ရမည်၊ နုတ်သင့်လျှင်လည်း နုတ်ယူရမည်ဖြစ်ရကား ပအိုလူမျိုးတို့မှာ အက္ခရာအထူးအခြားမရှိ၊ မြန်မာ့အက္ခရာကိုသာယူပြီး အထူးမထွင်တော့ဘဲ နှစ်ပေါင်းအတော်ကြာ သုံးစွဲလာကြ၏။\nထိုသို့သုံးစွဲလာခဲ့ငြားသော်လည်း အက္ခရာအထူးမထွင်သောကြောင့် ခြီး(ခရီး)မရောက်ဘဲ ယောင်လည်လည်ဖြစ်နေကြ၏၊ တောင်ပိုင်းရှမ်းပြည်မှာ လူဦးရေကိုးသိန်းရှိသည့်အနက် ပအိုလူမျိုးမှာ သုံးသိန်းရှစ်သောင်းကျော် ဝင်နေ၍ လူဦးရေအတော်များသောလူမျိုးဖြစ်သည်ဟု ဆိုရပေမည်၊ ပအိုလူမျိုးများသည် မိရိုးဖလာမပျက် အစဉ်အဆက်မှာ ရတနာသုံးပါးကို ကိုးကွယ်သော ဗုဒ္ဓဘာသာဝင်လူမျိုးများဖြစ်ကြ၏။ သို့သော် ဘာသာရေး သာသနာရေး ပညာရေး စီးပွားရေးစသော လောကီလောကုတ္တရာတို့မှာကား တခြားလူမျိုးထက် အောက်ကျနောက်ကျဖြစ်နေကြ၏။ ထို့ကဲ့သို့ဖြစ်ရခြင်းမှာ တခြားမဟုတ်(စဉ်းစားရန်ဖြစ်သည်ဟုဆိုလျှင် မှားမည်မဟုတ်)၊ ယ္ခုခေတ်အခါ ကမ္ဘာပေါ်မှာ လူမျိုးရေး ဘာသာရေး သာသနာရေး ပညာရေး၊ စီးပွားရေး စသောလောကီလောကုတ္တရာတို့မှာ အထက်တန်းရောက်နေကြသော တိုင်းပြည်နိုင်ငံလူမျိုးဟူသမျှတို့မှာ အက္ခရာကိုအခြေခံပြုပြီး စီးပွားကြီးပွား တိုးတက်အထက်တန်းရောက်နေခြင်းကို လူတိုင်းဝန်ခံကြလိမ္မည်၊ ဘယ်သူမှ ငြင်းဆန်နိုင်မည်မဟုတ်၊ စာပေအက္ခရာတို့သည် တိုင်းသူပြည်သား လူအများတို့၏အမြင်ကျယ်မှု ဒိဗ္ဗစက္ခု အဆီးအတားမရှိ မြင်နိုင်သော မျက်စိကောင်းသဘွယ်ဖြစ်ပေ၏။ ပြည်သူလူထုတို့၏ ကြေးမှုံသဘွယ်လည်း ဖြစ်ပေ၏။\nယ္ခုခေတ်စားနေသော အင်္ဂလိပ်ကိုကြည့်ပါ၊ အင်္ဂလိပ်အက္ခရာသည် ကမ္ဘာပေါ်ရှိ လူမျိုးတို့၏ ဘာသာစကားတို့၏အနက်ကို ရေးမှတ်နိုင်အောင် အင်္ဂလိပ်ပညာရှိများ ထွင်နိုင်သောကြောင့် ကမ္ဘာသုံးအက္ခရာြဖစ်သွား၏၊ လူတိုင်းတတ်ချင်ကြ၏၊ အင်္ဂလိပ်အက္ခရာကြောင့် ကမ္ဘာမျက်စိပွင့်လင်းနေ၍ လောကဓာတ်ပညာ ထွန်းကားစေနိုင်၏၊ ယ္ခုခေတ် ပြည်ထောင်စုမြန်မာ့နိုင်ငံတော်မှာ မြန်မာအက္ခရာ မြန်မာစာသည် လိုလေသေးမရှိ၊ မြန်မာပညာရှင်များ တည်ထွင်ထားသောကြောင့် အထူးသဖြင့် မြန်မာလူမျိုးများအား ဘာသာရေး၊ သာသနာရေး၊ ပညာရေး၊ စီးပွားရေး၊ နိုင်ငံရေးစသော လောကီလောကုတ္တရာမှာ အထက်တန်းရောက်စေနိုင်၍ များစွာကျေးဇူးရှိကြ၏။\nဘုရားဟောပါဠိတော် ပိဋကတ်သုံးပုံ၊ အဋ္ဌကထာ၊ ဋီကာ၊ ဇာတ်ဝတ္ထုစသော လောကုတ္တရာဘက်ဆိုင်ရာ ကျမ်းဂန်အမျိုးမျိုး၊ ယ္ခုခေတ် ကာလပေါ် လောကဓာတ် ပညာအမျိုးမျိုး၊ ရှေးအခါ အဖြစ်အပျက်၊ ယ္ခုအဖြစ်အပျက် ဇာတ်ကွက်၊ ဇာတ်လမ်း၊ ဝတ္ထုဆန်း၊ မဂ္ဂဇင်း၊ သတင်းစာ၊ ရာဇဝင်၊ ဗေဒင်၊ ယတြာစသော လောကီဘက်ဆိုင်ရာ ကျမ်းဂန်အမျိုးမျိုးတို့သည်ကား မြန်မာအက္ခရာမှာ အပြည့်အစုံရှိ၍ ရေးသာနိုင် မှတ်သားနိုင်ကြ၏။\nထို့ကြောင့် မြန်မာလူမျိုးများမှာ လူပညာရှိ၊ ရဟန်းပညာရှိ ပေါများ၏၊ သူတို့၏ ဝတ္ထုရာဇဝင်အမျိုးမျိုး၊ တခြားလူမျိုးတို့၏ ဝတ္ထုရာဇဝင်အမျိုးမျိုးတို့ကို ရေးနိုင်သားနိုင်၏၊ မြန်မာလူမျိုးများ၏ အမြင်ကျယ်၍ နားလည်မှုရှိခြင်းမှာ တခြားမဟုတ်၊ အက္ခရာအပြည့်အစုံရှိသည်ဟုဆိုလျှင် မှားနိုင်မည်မဟုတ်ပေ။\nငါတို့ပအိုဝ်းလူမျိုးကိုကား လောကီလောကုတ္တရာမှာ နားလည်မှုအလွန်နည်းကြသည်မှာ စာအက္ခရာအပြည့်အစုံမရှိသောကြောင့်ဆိုလျှင် မမှားနိုင်ရာ ပညာရှိတိုင်း ဝန်ခံကြသည်မှာ အမှန်တည်း၊ ငါတို့ပအိုဝ်းလူမျိုးများသည် အစဉ်အဆက်မှာ ဗုဒ္ဓဘာသာဝင်များဖြစ်၍ ရပ်တိုင်းရွာတိုင်းမှာ ဘုရားစေတီကျောင်းကန်ဇရပ် ကိုးကွယ်လှူဒါန်းလေ့ရှိ၏။\nဥပုသ်သီတင်း ဆောက်တည်လေ့ရှိ၏၊ တစ်မူးရလျှင် တစ်ပဲလှူတတ်၏၊ ရှင်ရဟန်းပြုသူများ၏၊ သို့သော် မိရိုးဖလာ ဆရာသ္မား အပြုအမူ အယူဝါဒထုံးစံအတိုင်း ပြုကျင့်ကြသောသူသာများ၏၊ ဗုဒ္ဓဘာသာ၏ အယူဝါဒသည် ကမ္ဘာပေါ်မှာ ယုတ္တသဘာဝရှိသည်၏အဖြစ်ကို ယုံကြည်ကြသူ အလွန်နည်း၏၊ မှန်၏၊ ဗုဒ္ဓဘာသာဖြစ်လျက် အချို့သော ဘုန်းကြီးများနှင့်(မော်)ဆိုသော စာဟောဆရာများသည် ငရဲဆိုသည်မှာ အသီးအခြားမရှိ၊ ယ္ခုလူ့ပြည်မှာ မင်းဘေးမင်းဒဏ်သင့်၍ လက်ဖြတ်ခြင်း ခြေဖြတ်ခြင်းစသည်ကို ငရဲဟုပြောဟော၏၊ အချို့မှာ လူသေလျှင် လူပြန်ဖြစ်၏၊ ခွေးသေလျှင် ခွေးပြန်ဖြစ်၏-ဟုစသည်ဖြင့် အယူရှိ၏၊ ဤကဲ့သို့ဗုဒ္ဓဘာသာဖြစ်လျက် နိယတမိစ္ဆာဒိဋ္ဌိ ဖြစ်မှန်းမသိ ဖြစ်သွားသည်မှာ ဗုဒ္ဓဘာသာ အယူဝါဒ၏ ဟုတ်မှန်သော သဘောတရားကို မသိသည်ဖြစ်၍ ဗုဒ္ဓဘာသာဖြစ်သော်လည်း မိရိုးဖလာ ဆရာသ္မား အပြုအမူ အယူဝါဒထုံးစံအတိုင်း ပြုကျင့်သည်ဟုဆိုရ၏။\nစင်စစ်မှာ မိရိုးဖလာ ဆရာသ္မားတို့၏ အပြုအမူ အယူဝါဒထုံးစံသည် ဘုရားရဟန္တာမဟုတ်သည်ဖြစ်၍ အကျိုးရှိမရှိ၊ ဟုတ်လေသလော၊ မဟုတ်မမှန်လေသလော အတွေးအတော အကြံဉာဏ် ရှိစေရမည်၊ အကျိုးရှိသည် ဟုတ်မှန်ခဲ့လျှင် တိုးပြီးကြိုးစားရမည်၊ အကျိုးမရှိ မဟုတ်မမှန်ခဲ့လျှင် ပယ်ပစ်ရမည်၊ ဝါ-ခေတ်ပြောင်းပေးရမည်ဖြစ်၏၊ မှန်၏၊ သမ္မာသမ္ဗုဒ္ဓ ဘုရားရှင်၏ အယူဝါဒမှတပါး ရှေးအယူဝါဒထုံးစံသည် ကောင်းသည်လည်းရှိ၏၊ မကောင်းသည်လည်း ရှိ၏၊ မကောင်းသော ရှေးအယူဝါဒထုံးစံကို ဖယ်ထား၍ ကောင်းသောအယူဝါဒထုံးစံကိုယူပြီး အားပေးရမည်ဖြစ်၏၊ ၎င်းရှေးအယူဝါဒထုံးစံကို အဟုတ်အမှန် နားလည်မှု အသိဉာဏ် ကျမ်းဂန်အရပ်ရပ်မှာတည်ရှိ၏၊ ကျမ်းဂန်အရပ်ရပ်သည်���ည်း အက္ခရာအပြည့်အစုံရှိသော ဘာသာလူမျိုးတို့၌သာ တည်ရှိ၏၊ ထို့ကြောင့် ငါတို့ပအိုလူမျိုးများမှာ အက္ခရာအထူးအခြားမရှိ၊ မြန်မာအက္ခရာကိုသာယူပြီး နှစ်ပေါင်းတစ်ရာကျော်ကပင် သုံးစွဲလာခဲ့ရာ အက္ခရာမပြည့်စုံခြင်းကြောင့် ငါတို့ပအိုလူမျိုးတို့၏ ဘာသာကျမ်းဂန်အရပ်ရပ်မရှိ၊ မရှိသောကြောင့် ငါတို့ပအိုလူမျိုးထဲမှာ လူပညာရှိ၊ ရဟန်းပညာရှိ ပေါ်ပေါက်ဘို့ရာ ခဲယဉ်းလေပြီ၊ နားလည်မှု အသိတရား နည်းပါးကြသည်မဟုတ်ပါလော။\nငါတို့ပအိုလူမျိုးတို့၏ အဖြစ်အပျက် ဝတ္ထုရာဇဝင် ရှေးစာရွက်စာတန်းများကို ပအိုဘာသာမှာ အသေအချာအက္ခရာတို့ဖြင့်ရေး၍ ခု-နှစ် သက္ကရာဇ်စသည်ဖြင့်ထားခဲ့သော စာအုပ်ပေအုပ်ကို ရှေးဟောင်းနှောင်းဖြစ် တွေ့ဘူးမြင်ဘူးသော ရဟန်းရှင်လူ အလွန်ရှားသည်မှာ ပညာရှိတိုင်းအသိဖြစ်၏၊ ဘုရားဟောပိဋကတ်သုံးပုံ ပါဠိတော်မှ ပြန်ဆိုထားသော ဘုရားစကားတော်သည် ပါဌ်အနက် မြန်မာလို ပအိုဘာသာမှာမရှိ၊ အဋ္ဌကထာဋီကာမှာ ဆိုဘွယ်ရာမရှိ ဗလာနတ္ထိတည်း။\nဇာတ်ဝတ္ထုမှာ လေးလုံးတစ်ပိုဒ် ငါးလုံးတစ်ပိုဒ်စသည်ဖြင့် ကာရန်သင့်အောင် စပ်ထားပါမှ ဘတ်နိုင်သောဝတ္ထုကြောင်း အနည်းငယ်ကလေးရှိ၏၊ မပြောပလောက်၊ လေးလေးနက်နက်လည်းမဟုတ်၊ အပေါ်ရံမျှသာ။\nစကားပြင်ရိုးရိုးရေးလျှင် စာလုံးအက္ခရာ မပြည့်စုံခြင်းကြောင့် မဖြစ်နိုင်၊ ရေးပြန်သော်လည်း ဘတ်၍တော်တော်နှင့်မရ၊ အသိဉာဏ်အရင်သွားပြီးမှ ဘတ်နိုင်သည်၊\nစဉ်းစားပြီး အဓိပ္ပါယ်ပေါက်မှ ဘတ်နိုင်ကြသည်၊ လူတိုင်း မဖတ်နိုင်သေး၊ တချို့ရေးကြသည်မှာ အက္ခရာအထူးမရှိသောကြောင့် အက္ခရာတိုင်းမှာ ဟထိုးထည့်ပြီး ရေးသားကြ၏၊ တချို့ထည့်၍မရေး၊ ထိုသို့အရေးအသားချင်း မတူကြဘဲ တစ်ယောက်တစ်မျိုးရေးကြသည်မှာ ထူးခြားခြင်းမရှိ၊ အဓိပ္ပါယ်ပေါက်မှ ဘတ်နိုင်သည်ချည်း၊ အက္ခရာတိုင်းမှာ ဟထိုးထည့်ပြီး ရေးခြင်းသည် ပညာရှိတို့ ရယ်ဖွယ်ရာသာ အဖတ်တင်၏။\nသင်္ကေတဆိုလျှင် တော်သေး၏၊ ဆိုပြန်သော်လည်း မထူးသောကြောင့် အကျိုးမရှိ၊ သင်္ကေတတစ်မျိုး ထားဦးမည်၊ ထားပြန်သော်လည်း တစ်ဘာသာထည်းမှာ သင်္ကေတ နှစ်မျိုးသုံးမျိုး ဖြစ်သွားမည်ဖြစ်သောကြောင့် သင်ဘို့မှတ်ဘို့ ရှုတ်ထွေးသွားမည်ဖြစ်၏၊ ထို့ကြောင့် နေရာတကာမှာ ဟအက္ခရာသာထိုး၍ အားကိုးခြင်းမပြုဘဲ အက္ခရာသင်္ကေတ တစ်မျိုးတစ်မည်ဖြင့် တည်ထွင်ထားပါမှ နေရာကျ ��ကျိုးရှိမည်ဖြစ်သောကြောင့် တောင်ကြီးမြို့၊ ပဌမတောင်ကျောင်းကြီးဆရာတော် ဦနရိန္ဒနှင့် ကံဦးကျောင်းဆရာတော် ဦးမေဓိယ အရှင်မြတ်နှစ်ပါးတို့၏ တိုက်တွန်းချက်အရ တောင်ကြီးမြို့၏ မြောက်မျက်နှာ လေးမိုင်ကွာသောဌာန ထီသိမ်ဝိဟာရ၌ ယာပထပျော်မှီးသည့် ဘုန်းတော်ကြီး ဦးသုနန္ဒ အမည်ရသောငါသည် ပအိုဝ်းလူမျိုးတို့အား ဗုဒ္ဓဘာသာဖြစ်သည်နှင့်လျော်စွာ ပါဠိအက္ခရာ၊ မြန်မာအက္ခရာ၊ ပအိုဝ်းအက္ခရာတို့ကို လိမ္မာကျွမ်းကျင် လျင်မြန်စွာတတ်မြောက်စေခြင်းငှါ \"အက္ခရာပါဒယော အဋ္ဌစတ္တာလီသံ\"သုတ်တည်၍ အ-အစ ဆန်းသစ်ပေါ်စ လခြမ်းပမာ အက္ခရာသင်္ကေတအဆုံးရှိသော လေးဆဲ့ရှစ်လုံးသော အက္ခရာတို့ကို ပအိုဝ်းလူမျိုးတို့၏ စီးပွားရာ စီးပွားကြောင်းဖြစ်သော အက္ခရာသင်္ကေတဖြစ်စေသတည်းဟု အာသီသပြု၍ တည်ထွင်းထားရပါကြောင်း။\n(ပုံ) ဦးသုနန္ဒ\nထီသိမ်ကျောင်း\n၁၃၀၉-ခုနှစ်၊ ကဆုန်လ္ဆန်း(၁၅)ရက်\nရေးသားစီရင်၍ပြီးသည်။\n\nအာႏကွိုꩻ\n\nပအိုဝ်ႏဗွေႏလိုꩻကျောင်ꩻသီး နမ်းခြောင်ꩻခရာႏ","num_words":4042,"character_repetition_ratio":0.042,"word_repetition_ratio":0.022,"special_characters_ratio":0.074,"stopwords_ratio":0.012,"flagged_words_ratio":0.0,"lang_id_score":0.998,"perplexity_score":385.6,"cluster_detection":-1}
+{"url":"https:\/\/blk.wikipedia.org\/wiki\/.az","collection":"wikipedia","source":"wikipedia","original_code":"blk","text":".az () နဝ်ꩻ အသာဗုဲင်စျန်ခမ်းထီတာႏ ထွာဒျာႏ အိဉ်တာနဲတ် ခမ်းထီကိုဒ် အရန်းထို ဒိုမေင်း (ccTLD) ဒျာႏသွူ။ ဝွေꩻယိုနဝ်ꩻ အသာဗုဲင်စျန်သွုပ်ဆွိုက်ရေꩻ (Azerbaijani Communications \/ AZNIC) အစွိုꩻ အဝ်ႏစီႏခြပ်ဖန်းဖြယ်ခွုမ်မာꩻခါꩻဒျာႏနဝ်ꩻသွူ။\n\nSecond-level domains\n com.az\n net.az\n int.az\n gov.az\n org.az\n edu.az\n info.az\n pp.az\n mil.az\n name.az\n pro.az\n biz.az\n co.az.\n\nလိဉ့်အထန်ႏဖုံႏ \n IANA .az whois information\n WHOIS Server for .az\n AZNIC\n\nအာႏကွိုꩻ \n\nခမ်းထီကိုဒ် အရန်းထိုဒိုမေင်းဖုံႏ","num_words":90,"character_repetition_ratio":0.082,"word_repetition_ratio":0.0,"special_characters_ratio":0.197,"stopwords_ratio":0.0,"flagged_words_ratio":0.0,"lang_id_score":0.999,"perplexity_score":26147.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%84%E1%80%B1%E1%80%AB%E1%80%9D%E1%80%BA%E1%80%B8%E1%80%96%E1%80%80%E1%80%AF%E1%80%9E%E1%80%AD%E1%80%AF%E1%80%9C%E1%80%BA%E1%82%8F","collection":"wikipedia","source":"wikipedia","original_code":"blk","text":"ဟန်ႏသလဲင်ႏခါယို၊ နီသွဉ်းသီး ကမာꩻဗာႏ ကုသိုလ်ႏ၊ နီသွဉ်းသီးကကျိုꩻလိုႏဗာႏ ဒါႏနခေါ၊ ပရလောကော ကုသိုလ်ႏဖန်း၊ သွံဆီပုဲင်တခမ်း လꩻပီပီ၊ သွံဆီပုဲင်တဒုံဖြယ်ဖေႏစူꩻ၊ ထီဖူꩻကုဠေႏ နဝ်ꩻတဆီ၊ ကောင်ကီကုဠေႏနဝ်ꩻ နဝ၊ မာတာပိတ အာစရိယံ၊ လိုꩻလူꩻတနံꩻ သတ္တဝါႏ၊ သိကျာꩻဗြဟ္မာႏ စတုလူꩻ၊ အာႏကာႏသဖူꩻ ဘဝဘ်ဆွာꩻ၊ တရျာꩻတပါꩻ လို့တဆင်ႏ၊ ဖန်းပါခမ်းခွင်ႏ အဝီစိ၊ အဟိတ်ဒုက္ကတိ ပိတ္တာနယ်ႏ၊ အသူရကာယ်ႏ ခမ်းဖွိုꩻစွိုꩻ၊ ဒါႏနအကျိုꩻ လꩻတွာတွာ�� ဖဟွိုန်တွိုႏပါ မနိမေႏ၊ ဝသုန္ဒြောႏ သက်သေႏရင်ꩻ၊ သော့ꩻထူႏစာႏရင်ꩻ သွင်ꩻကမ္ပယ်ႏ၊ သွံဆီပုဲင်တနယ်ႏ ယံကဟွိုန်၊ သွံဆီပုဲင်တဖုံႏ ယံကယွုမ်း၊ ဖျင်ဝင်ꩻကထွုမ်း ရွုကလူꩻ၊ ထီဖူꩻကုဠေႏနဝ်ꩻ တဆီ၊ ကောင်ကီကွတ်ကုဠေ၊ သဗ္ဗေသတ္တာ သတ္တဝါ အနန္တ၊ နီသွဉ်း သီးကဖဖေႏကုသိုလ်ႏ၊ ယံလꩻညီꩻညီꩻ လꩻတွာတွာဝင်ꩻနော ဗွေႏသီးဩ။\nကုသိုလ်ႏအမျ အမျ အမျ ထူႏလွဝင်ꩻနော ဗွေႏသီးဩ။\n\nအာႏကွိုꩻ\n\nငဝ်းဝုဲင်ႏဖရာꩻ","num_words":71,"character_repetition_ratio":0.082,"word_repetition_ratio":0.0,"special_characters_ratio":0.087,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":529859.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%BC%E1%80%94%E1%80%BA%E1%82%8F%E1%80%95%E1%80%BD%E1%80%AF%E1%80%B6%E1%82%8F%E1%80%95%E1%80%BC%E1%80%94%E1%80%BA%E1%82%8F%E1%80%94%E1%80%9A%E1%80%BA%EA%A9%BB","collection":"wikipedia","source":"wikipedia","original_code":"blk","text":"\"ပိဋကတ်ပြန်ႏပအိုဝ်ႏအတွက် အွဉ်ႏအထျꩻ မူ(၆)ချက်တွမ်ႏ ပြန်ႏပွုံႏပြန်ႏနယ်ꩻ(၆)ချက်\"\nနမော တဿ ဘဂဝတော အရဟတော သမ္မာသမ္ဗုဒ္ဓဿ\n\"ငေါဝ်းတယ်ႏအွဉ်\"\nခꩻတနီꩻ-\nဗွေႏစန္ဒာဝရ (M.A)(ကျောင်ꩻနောင်တဗင် ဝေင်ꩻနယ်ႏသီႏသဲင်ႏ) ဖျော်လွဉ်၊ တကာႏပညာႏဗုတ် ပင်ꩻထင်ႏဝွေꩻဗွေႏ တောင်ႏကီꩻ၊ ဖြားတန်(စင်ꩻဖါအောင်ႏခမ်းထီ)ဆန္ဒအလꩻ \"ထွဉ်ႏဝွေꩻဗွေႏအွဉ်ငါ ပြန်ႏဖေႏပိဋကတ်အကျောင်ꩻ၊ ပြန်ႏပွုံႏပြန်ႏနယ်ꩻသေတောဝ်းတဲင် လွဉ်လဝ်းလွဉ်တွိုင်ႏပင်ႏနီဗွေႏ\"လောဝ်းနုဲင်းနောဝ်ꩻတဲင်-\n\"ပိဋကတ်တောႏဖုံႏနောဝ်ꩻ အောဝ်ႏလိုႏပြန်ႏပအိုဝ်ႏညငါႏလဲဉ်း၊ တွိုင်ႏပင်ႏလဲဉ်း၊ ဖေႏလဲဉ်းလို့ဝင်ꩻတာႏဝွန်ႏတဲ့ ကွပ်အစွိုးစွိုး၊ ပွိုးအမျိုꩻမျိုꩻတဲင် အနမ်းအခြုံ လိတ်အုပ်လိတ်စောင်ႏထန်ႏလွဉ် တထီႏတဝ်းဒွိုန်း။\nယိုနဝ်ꩻ မခွိုက်အခေႏအနေႏကဖေႏတဲင် နီဗွေႏထူႏတာႏဝွန်ႏ အွဉ်ငါရုဲင်းရုဲင်းဟုဲင်း၊ ပြန်ႏပွုံႏပြန်ႏနယ်ꩻနောဝ်ꩻ မဲ့ꩻခွေသွဉ်းတဲမ်းဖေႏဒျာႏ\"ဖေႏအာႏဝွေꩻဗွေႏ၊ အာႏမခံႏခါꩻနုဲင်းနောဝ်ꩻ၊ ကအာႏမခံႏခါꩻအတွိုင်ꩻ တဲမ်းဖေႏပြန်ႏပွုံႏပြန်ႏနယ်ꩻနုဲင်းယိုသွူ။\nပုဂ္ဂိုလ်ႏကအီႏပြန်ႏ ပိဋကတ်ဖုံႏနောဝ်ꩻ ထုမ်ႏလွိုက်နေးပုဂ္ဂိုလ်ႏသေ ပုဂ္ဂိုလ်ႏဒါႏဖုံႏတဲင် \"ဒေါ့ꩻတငွါ သေငါတဆီ၊ သေကီတရျာꩻဖုံႏဒျာႏတွော့ꩻ\" ကတဲမ်းပြန်ႏပွုံႏပြန်ႏနယ်ꩻယိုနဝ်ꩻ တဲမ်းနယ်အဒွေါင်ႏစား၊ အဖြွောင်ႏစားလွုမ်ꩻ၊ တဲမ်းနယ်\"နမူႏနာႏ\"နုဲင်းနောဝ်ꩻလွုမ်ꩻသွူ။\nထာꩻမာꩻတမျိုꩻမျိုꩻယို ပေါႏအွဉ်ႏသꩻမာꩻမွေးသွူနောဝ်ꩻ အယပ်ꩻအခုဲင်ႏအောဝ်ႏလွဉ်းလွဉ်း၊ အောဝ်ႏလိုႏအနယ်ꩻလွဉ်းလွဉ်း၊ ကွပ်နောဝ်ꩻမꩻ ကမော့ꩻတလူႏဗာႏ အယပ်ꩻအခုဲင်ႏဖုံႏနောဝ်ꩻ တဲမ်းထန်ႏပငါပရာꩻထ���ူတဲင် ဒင်ႏနယ်လို့ဝင်ꩻ၊ ထုမ်ႏအနယ်ꩻ ဖြေႏသျင်ꩻနောဝ်ꩻမꩻ အီႏလꩻလွေꩻအနယ်ꩻ တလဲင်ႏတစိꩻစိꩻ၊ အစိꩻပေါင်ꩻမဉ်ႏအာမဲ့ꩻ ထွာယင်းအနယ်ꩻစွုမ်ႏ၊ အနယ်ꩻစွုမ်ႏကိုနဝ်ꩻ မဲ့ꩻထွားလွိုက်ယင်း အနယ်ꩻဟောဝ်၊ အဝ်ႏအနယ်ꩻဟောဝ်နဝ်ꩻမꩻ အွဉ်ႏအတီႏထူႏသွုံꩻ၊ ထွာအီယင်း တဲမ်းထွုံꩻ ပြန်ႏအီပိဋကတ်နုဲင်းနောဝ်ꩻသွူ။\nဗွေႏဗွန်-ကောဝိဒ\n(ဥက္ကဋ္ဌ)\nပိဋကတ်ပြန်ႏပအိုဝ်ႏစွိုꩻ\nဇဝနာရာမလိတ်သွဉ်တွိုက်\nဝေင်ꩻသီႏသဲင်ႏ\n၁၃၇၃-ဗာႏ၊ ဝါႏဆိုႏလောင်း(၁၂)နီꩻ\n(၂၇-၇-၂၀၁၁)\n၁။ ပါဠိတောႏ-\nဧဝံ မေ သုတံ၊ ဧကံ သမယံ ဘဂဝါ အန္တရာ စ ရာဇဂဟံ အန္တရာ စ နာဠန္ဒံ အဒ္ဓါနမဂ္ဂပဋိပန္နော ဟောတိ မဟတာ ဘိက္ခုသံဃေန သဒ္ဓိံ ပဉ္စမတ္တေဟိ ဘိက္ခုသတေဟိ။\n၂။ သုပ္ပိယောပိ ခေါ ပရိဗ္ဗာဇကော အန္တရာ စ ရာဇဂဟံ အန္တရာ စ နာဠန္ဒံ အဒ္ဓါနမဂ္ဂပဋိပန္နော ဟောတိ သဒ္ဓိံ အန္တေဝါသိနာ ဗြဟ္မဒတ္တေန မဏဝေန။\n(သီလက္ခန္ဓဝဂ္ဂပါဠိ-၁)\n၁။ အဋ္ဌကထာႏ-\nဧဝံ-သဒ္ဒေါ (လ)သွာယမိဓ အာကာရနိဒဿနာ ဝဓာရဏေသု အဋ္ဌဗ္ဗော။ မေ-သဒ္ဒေါ တီသု အတ္ထေသု ဒိဿတိ။ သုတန္တိ(လ) ဥပဓာရိတန္တိ ဝါ ဥပဓာရဏန္တိ ဝါတိ အတ္ထော။ ဧကံ သမယန္တိ အနိယမိတပရိဒီပနံ။ ဘဂဝါတိ ဂရု။ အန္တရသဒ္ဒေါ (လ)သွာယမိဓ ဝိဝရေ ဝတ္တတိ။\nအဒ္ဓါနမဂ္ဂပဋိပန္နော ဟောတီတိ အဒ္ဓါနသင်္ခါတံ မဂ္ဂံ ပဋိပန္နော ဟောတိ၊ \"ဒီဃမဂ္ဂ\"န္တိ အတ္ထော။ မဟတာ ဘိက္ခုသံဃေန သဒ္ဓိန္တိ မဟတာတိ ဂုဏမဟတ္တေနပိ မဟတာ၊ သင်္ချာမဟတ္တေနပိ မဟတာ။ ဘိက္ခူနံ သံဃော ဘိက္ခုသံဃော၊ တေန ဘိက္ခုသံဃေန၊ သဒ္ဓိန္တိ ဧကတော။\nပဉ္စမတ္တေဟိ ဘိက္ခုသတေဟီတိ ပဉ္စမတ္တာ ဧတေသန္တိ ပဉ္စမတ္တာနိ။ မတ္တာတိ ပမာဏံ ဝုစ္စတိ။ ဘိက္ခူနံ သတာနိ ဘိက္ခုသတာနိ၊ တေဟိ ပဉ္စမတ္တေဟိ ဘိက္ခုသတေဟိ။\n၂။ အဋ္ဌကထာႏ-\nသုပ္ပိယောပိ ခေါ ပရိဗ္ဗာဇကောတိ သုပ္ပိယာတိ တဿ နာမံ၊ ပိကာရော မဂ္ဂပဋိပန္နသဘာဂတာယ ပုဂ္ဂလသမ္ပိဏ္ဍနတ္ထော။ ခေါကာရော ပဒသန္ဓိကရော ဗျဉ္ဇနသိလိဋ္ဌတာဝသေန ဝုတ္တော။ ပရိဗ္ဗာဇကောတိ သဉ္စယဿ အန္တေဝါသီ ဆန္နပရိဗ္ဗာဇကော၊ ဣဒံ ဝုတ္တံ ဟောတိ \"ယဒါ ဘဂဝါ တံ အဒ္ဓါနမဂ္ဂံ ပဋိပန္နော၊ တဒါ သုပ္ပိယောပိ ပရိဗ္ဗာဇကော ပဋိပန္နော အဟောသီ\"တိ။ အတီတကာလတ္ထော ဟေတ္ထ ဟောတိသဒ္ဒေါ။\nသဒ္ဓိံ အန္တေဝါသိနာ ဗြဟ္မဒတ္တေန မာဏဝေနာတိ ဧတ္ထ အန္တေ ဝသတီတိ အန္တေဝါသီ၊ သမီပစာရော သန္တိကာဝစရော သိဿောတိ အတ္ထော။ ဗြဟ္မဒတ္တောတိ တဿ နာမံ၊ မာဏဝေါတိ သတ္တောတိ စောရောပိ တရုဏောပိ ဝုစ္စတိ(လ) တရုဏော \"မာဏဝေါ\"တိ ဝုတ္တော၊ ဣဓာပိ အယမေဝတ္ထော။\n(သီလက္ခန္ဓဝဂ္ဂဋ္ဌကထာ)\n၁။ ပါဠိတော်အနက်-\nဘန္တေ(ကဿပ)-အရှင်မဟာကဿပ၊ ဣဒံသုတ္တံ-ဤဗြဟ္မဇာလသုတ်ကို၊ မေ(မယာ)-တပည့်တော်သည်၊ (ဘဂဝတော-မြတ်စွာဘုရား၏၊ သမ္မုခါ-မျက်မှောက်တော်မှ)၊ ဧဝံ(ဧကေန အာကာရေန)-တစ်ခုသောအခြင်းအရာအားဖြင့်၊ သုတံ(ဥပလက္ခိတံ)-မှန်လိုက်ရ၏။\nဧကံ-တစ်ပါးသော၊ သမယံ-အခါ၌၊ ဘဂဝါ-မြတ်စွာဘုရားသည်၊ ရာဇဂဟံ(ရာဇဂဟဿ)-ရာဇဂြိုဟ်ပြည်၏၊ အန္တရာစ-အကြား၌လည်းကောင်း၊ နာဠန္ဒံ(နာဠန္ဒာယ)-နာဠန္ဒာမြို့၏၊ အန္တရာစ-အကြား၌လည်းကောင်း၊ မဟတာ-ဂုဏ်အားဖြင့်မြတ်သော၊ ဝါ-အရေအတွက်အားဖြင့်များသော၊ ဘိက္ခုသံဃေန-ရဟန်းအပေါင်းနှင့်၊ သဒ္ဓိံ-တကွ၊ ပဉ္စမတ္တေဟိ-ငါးခုသင်္ချာ အတိုင်းအရှည်ရှိကုန်သော၊ ဘိက္ခုသတေဟိ-ရဟန်းအရာတို့နှင့် (သဒ္ဒတ္ထ)၊ ပဉ္စမတ္တေဟိဘိက္ခုသတေဟိ-ရဟန်းငါးရာတို့နှင့်(အဓိပ္ပါယတ္ထ)၊ သဒ္ဓိံ-တကွ၊ အဒ္ဓါနမဂ္ဂပဋိပန္နော-အဓွန့်ရှည်သောခရးကိုသွားတော်မူသည်၊ ဟောတိ-ဖြစ်ပြီ။\n၂။ ပါဠိတော်အနက်-\nသုပ္ပိယော-သုပ္ပိယအမည်ရှိသော၊ ပရိဗ္ဗာဇကောပိ-ပရိဗိုဇ်သည်လည်း၊ ရာဇဂဟံ(ရာဇဂဟဿ)-ရာဇဂြိုဟ်ပြည်၏၊ အန္တရာစ-အကြား၌လည်းကောင်း၊ နာဠန္ဒံ(နာဠန္ဒာယ)-နာဠန္ဒာမြို့၏၊ အန္တရာစ-အကြား၌လည်းကောင်း၊ အန္တေဝါသိနာ-တပည့်ဖြစ်သော၊ ဗြဟ္မဒတ္တေန-ဗြဟ္မဒတ္တအမည်ရှိသော၊ မာဏဝေန-လုလင်နှင့်၊ သဒ္ဓိံ-တကွ၊ အဒ္ဓါနမဂ္ဂပဋိပန္နော-အဓွန့်ရှည်သောခရးကိုသွားသည်၊ ဟောတိ-ဖြစ်ပြီ။\n(ပါဠိတော်နိဿယသစ်၊ နေရင်းမူ)\n၁။ ပါဠိတော အနက်သက်သက် (မြန်မာပြန်)-\nအရှင်မဟာကဿပ ဤဗြဟ္မဇာလသုတ်ကို တပည့်တော်သည် မြတ်စွာဘုရား၏ မျက်မှောက်တော်မှ တစ်ခုသောအခြင်းအရာအားဖြင့် မှတ်လိုက်ရ၏။\nတစ်ပါးသောအခါ၌ မြတ်စွာဘုရားသည် ရာဇဂြိုဟ်ပြည်၏အကြား၌လည်းကောင်း၊ နာဠန္ဒာမြို့၏အကြား၌လည်းကောင်း ဂုဏ်အားဖြင့်မြင့်မြတ်သော၊ ဝါ-အရေအတွက်အားဖြင့် များသော ရဟန်းအပေါင်းနှင့်တကွ ငါးခုသင်္ချာ အတိုင်းအရှည်ရှိကုန်သော ရဟန်းအရာတို့နှင့် (သဒ္ဒတ္ထ)၊ ရဟန်းငါးရာတို့နှင့် (အဓိပ္ပါယတ္ထ)တကွ အဓွန့်ရှည်သောခရီးကို သွားတော်မူသည် ဖြစ်ပြီ။\n၂။ ပါဠိတော် အနက်သက်သက်(မြန်မာပြန်)-\nသုပ္ပိယအမည်ရှိသော ပရိဗိုဇ်သည်လည်း ရာဇဂြိုဟ်ပြည်၏ အကြား၌လည်းကောင်း၊ နာဠန္ဒာမြို့၏ အကြား၌လည်းကောင်း တပည့်ဖြစ်သော ဗြဟ္မဒတ်အမည်ရှိသော လုလင်နှင့်တကွ အဓွန့်ရှည်သောခရားကို သွားသည် ဖြစ်ပြီ။\n၁။ ပါဠိတော် မြန်မာပြန်-\nအကျွ��်ုပ်သည် ဤသို့ ကြားနာခဲ့ရပါသည်-\nအခါတစ်ပါး၌ မြတ်စွာဘုရားသည် များစွာသော ငါးရာခန့်မျှသော ရဟန်းသံဃာနှင့်အတူ ရာဇဂြိုဟ်(ပြည်)နှင့် နာဠန္ဒာ(မြို့)အကြား၌ ခရီးရှည် ကြွတော်မူ၏။\n၂။ သုပ္ပိယ ပရိဗိုဇ်သည်လည်း တပည့်ဖြစ်သော ဗြဟ္မဒတ်လုလင်နှင့်တကွ ရာဇဂြိုဟ်(ပြည်)နှင့် နာဠန္ဒာ(မြို့)အကြား၌ ပင် ခရီးရှည် သွား၏။\n၁။ ပါဠိတောႏ ပြန်ႏပအိုဝ်ႏ-\nခွေသွဉ်း ဟွိုန်ဖိုနုဲင်းယို-\nခꩻတလဲင်ႏ ဗွေႏဘုရာꩻနဝ်ꩻ တွမ်ႏရဟန်ꩻသံႏဃာႏ အပါꩻငတ်ꩻရျာꩻ ကျွꩻသွိုတဖူꩻညာꩻ ရာႏဇဂျိုဟ်ႏ(ခမ်း)တွမ်ႏ နာဠန္ဒာ(ဝေင်ꩻ)အခါႏကို နောဝ်ꩻသွူ။ (၄၁-ငွါ)\n၂။ ပါဠိတောႏပြန်ႏပအိုဝ်ႏ-\nသုပ္ပိယပရိဗိုဇ်တဲ့ တွမ်ႏအတပဲ့ꩻ ခိုဗင်ႏယွဲး ဗျဟ္မဒတ်နောဝ်ꩻ လွေꩻသွိုလို့ဝင်ꩻ တဖူꩻညာꩻ ရာႏဇဂျိုဟ်ႏ(ခမ်း)တွမ်ႏ နာဠန္ဒာ(ဝေင်ꩻ)အခါႏကိုနောဝ်ꩻနေနေသွူ။\n၃။ (တနယ်ꩻ) ပါဠိတောႏ ပြန်ႏပအိုဝ်ႏ-\nဩဗွေႏ- ကဿပဗွေႏဩ-\nခွေသွဉ်းနောဝ်ꩻ ဟွိုန်ဖိုတောင်ꩻဗာႏ ဒါႏအုမ်ခါꩻ နုဲင်းငါယိုအတွိုင်ꩻသွူ ဗွေႏဩ။\nအွိုးခꩻတလဲင်ႏ နီဗွေႏဘုရာꩻနောဝ်ꩻ ကျွꩻသွိုတွမ်ႏရဟန်ꩻသံႏဃာႏတောႏမျတ် နပ်အပါꩻပေါင်ꩻငတ်ꩻရျာꩻ ကျွꩻလွေꩻတဖူꩻညာꩻ ရာႏဇဂျိုဟ်ႏ(ခမ်း)တွမ်ႏ နာဠန္ဒာ(ဝေင်ꩻ)အခါႏလယ်ႏကိုနောဝ်ꩻသွူ။ (၆၉-ငွါ)\n၄။ (တနယ်ꩻ)ပါဠိတောႏ ပြန်ႏပအိုဝ်ႏ-\nဩဗွေႏ ကဿပဗွေႏဩ-\nခွေသွဉ်းအာနန္တာႏနောဝ်ꩻ ဟွိုန်ဖိုတောင်ꩻဗာႏ ဒါႏအုမ်သေꩻခါꩻ ဗွေႏဘုရာꩻထျꩻ နုဲင်းကအီႏလောဝ်း ငါယိုအတွိုင်ꩻသွူဗွေႏဩ။\nအွိုးခꩻတလဲင်ႏ ဘွုန်ꩻတောႏသူပါꩻ ကဗွေခါꩻဒါႏ ဆရာႏနီဗွေႏဘုရာꩻနောဝ်ꩻ ကျွꩻလွေꩻသွိုတွမ်ႏ ရဟန်ꩻသံႏဃာႏတောႏမျတ် နပ်အပါꩻပေါင်ꩻငတ်ꩻရျာꩻ လွေꩻတဖူꩻညာꩻ ရာႏဇဂျိုဟ်ႏ(ခမ်း)တွမ်ႏ နာဠန္ဒာ(ဝေင်ꩻ)အခါႏလယ်ႏကိုနောဝ်ꩻသွူ။ (၉၁-ငွါ)\nပြန်ႏနယ်ꩻ(၃)နယ်ꩻအကို\n(၁)နောဝ်ꩻ အောဝ်ႏ ၄၁-ငွါ၊ (ဆေ့ တဲပ် အဲဉ်ႏ မဲဉ်ႏ)\n(၃)နောဝ်ꩻ အောဝ်ႏ ၆၉-ငွါ (ဒွေါင်ႏတဝ်း ဆွာꩻတဝ်း)\n(၄) နောဝ်ꩻ အောဝ်ႏ ၉၁-ငွါ (အနယ်ꩻလုဲင်းဆွာꩻအာ)\nကပြန်ႏပိဋကတ်ပါဠိတောႏယိုနောဝ်ꩻ ပြန်ႏဗာႏဒျာႏတွမ်ႏ (၁)နယ်ꩻ၊ အနယ်ꩻ \"ဆေ့' တဲပ်' အဲဉ်ႏ'မဲဉ်ႏ\"နောဝ်ꩻသွူ။\nဆေ့-ကရိုꩻနောဝ်ꩻ ငေါဝ်းအပင်အလာႏပါတောဝ်း၊ (ဆေ့-အခါႏတအိုတောဝ်း)၊\nတဲပ်-ကရိုꩻနောဝ်ꩻ ငေါဝ်းလွို ငေါဝ်းပျင်ႏပါတောဝ်း၊\nအဲဉ်ႏ-ကရိုꩻနောဝ်ꩻ ထူႏသွုံꩻငေါဝ်းအဆေ့ꩻသွတ်ꩻ၊ အအဲဉ်ႏသွတ်ꩻလွုမ်ꩻ၊\nမဲဉ်ႏ-ကရိုꩻနောဝ်ꩻ မဲဉ်ႏတနꩻသော့ꩻဒျာႏ ပါဠိတောႏအဓိပ္ပွါယ်ႏအတွိုင်ꩻနောဝ်ꩻသွူ။\n\"ပိဋကတ်မြန်မာပြန်\"နောဝ်ꩻတဲ့ ထူႏသွုံꩻအနယ်ꩻ(၁) \"ဆေ့' တဲပ်' အဲဉ်ႏ' မဲဉ်ႏ\"ယိုသွူ။\nအွဉ်ႏကုဲင်ထိုꩻပါဠိ၊ ကထူႏထန်ႏအနက်ခြေင်ခြေင်နောဝ်ꩻတဲ့ ထွာလဲဉ်းပြန်ႏမန်းနေနေသွူ၊ ကွဲႏတွော့ꩻ ဖေႏအနက်ကရိုꩻနောဝ်ꩻ \"ပါဠိတငွါ-ပြန်ႏမန်း ဖေႏအနက်တငွါ\"ထွာနုဲင်းနောဝ်ꩻတဲင်(စူꩻဗာႏသဒ္ဒါႏနယ်ꩻတဲင်) တွမ်ႏမန်းငေါဝ်း အလွေꩻအသဲင်ꩻနောဝ်ꩻ ပေါႏတလောႏတောဝ်း၊ အထိတ်ထွောက်၊ ချော်ꩻပြေတောဝ်း၊ ကွပ်နောဝ်ꩻမꩻ ဖေႏအနက်တဲ့ သဒ္ဒါႏစီꩻကန်ꩻအတွိုင်ꩻ ငေါဝ်းအလွေꩻအသဲင်ꩻ တမျိုꩻခေါ်ဒျာႏ။\nကထွိုင်ႏပြန်ႏမန်းတဲ့ မန်းငေါဝ်းအလွေꩻအသဲင်ꩻအတွိုင်ꩻ ယံကချော်ꩻပြေ၊ ယံကသေနာႏစဲင်း၊ အဓိပ္ပါယ်ႏယံကထန်ႏ ပြန်ႏဗာႏဒျာႏတနယ်ꩻခေါ်ခေါ်၊ ကွဲႏတွော့ꩻ အဓိပ္ပါယ်ႏနောဝ်ꩻ မဲဉ်ႏတနꩻသော့ꩻဗာႏ ပါဠိတောႏအဓိပ္ပါယ်ႏ အတွိုင်ꩻနောဝ်ꩻသွူ။\nကွပ်နောဝ်ꩻမꩻ ကပြန်ႏပအိုဝ်ႏယိုတဲ့ ပအိုဝ်ႏငေါဝ်းအလွေꩻအသဲင်ꩻအတွိုင်ꩻ ယံကချော်ꩻပြေ၊ ယံကသေနာႏစဲင်း၊ အဓိပ္ပါယ်ႏယံကထန်ႏ ပြန်ႏ\"ဆေ့' တဲပ်' အဲဉ်ႏ' မဲဉ်ႏ\"ဗာႏနောဝ်ꩻသွူ။\nကထေနယ် ပါဠိတောႏ (၂)ဝါကျကိုယိုနောဝ်ꩻ-\n၁။ အဒ္ဓါနမဂ္ဂ- အဓွန့်ရှည်သောခရီး\n၂။ ပရိဗ္ဗာဇက - ပရိဗိုဇ်\n၃။ မာဏဝ-လုလင်\nအမုဲင်(၁) \"အဒ္ဓါန-အဓွန့်\"နောဝ်ꩻ ပအိုဝ်ႏဝေါဟာရ အဲဉ်ထောဝ်းဒွိုန်းတဲင် \"အဒ္ဓါ-အဓွန့်-ညဒွါ\"၊ ကထွင်ႏဗာႏ\"ညဒွါ\"နောဝ်ꩻ ထွားအဘိဓာန်ႏ ဂါႏထာႏ(၁၁၀၀) \"ကာလေ ဒီဃဉ္ဇသေ'ဒ္ဓါန\"၊ အဒ္ဓါန-သဒ္ဒါႏနောဝ်ꩻ အဟော်ꩻ \"ကာလေ-အချိန်ႏခါႏတွမ်ႏ ဒီဃဉ္ဇသေ-တဖူꩻညာꩻ\"နီမျိုꩻတဲင် \"ည-နောဝ်ꩻ ကာလေ-ချိန်ႏခါႏ၊ ဒွါ-နောဝ်ꩻ ဒီဃဉ္ဇသေ-တဖူꩻညာꩻ\"၊ \"ညဒွါ\"ကရိုꩻနောဝ်ꩻ \"ညာꩻမွေးမုဲင်းစွဉ်ႏထာꩻ\"၊ ကွပ်နောဝ်ꩻမꩻ \"ဒွါ\"တငွါနောဝ်ꩻ မဲဉ်ႏတနꩻသော့ꩻဖျင် အဘိဓာန်ႏဂါႏထာႏ (၁၉၃) \"အဒ္ဓါနံ ဒီဃမဉ္ဇသံ ဒီဃံ-အလွန်ရှည်သော၊ အဉ္ဇသံ-ခရီးသည်၊ အဒ္ဓါနံ-အဒ္ဓါနမည်၏။\nအဒ္ဓါန-နောဝ်ꩻ မဉ်ႏဟော်ꩻကာလ-တဲ့ \"ည\"\nအဒ္ဓါန-နောဝ်ꩻ မဉ်ႏဟော်ꩻဒီဃမဉ္ဖသ-တဲ့ \"ဒွါ\"\nကွပ်နဝ်ꩻမꩻ \"အဒ္ဓါ-ညဒွါ\"ကထွင်ႏတသာ ဝေါဟာရယိုတငွါနောဝ်ꩻ မဲဉ်ႏတနꩻသော့ꩻစွဉ်ႏ အဘိဓာန်ႏ(၂)ဂါႏထာႏနောဝ်ꩻသွူ။\nအမုဲင်(၂) \"ပရိဗ္ဗာဇက-ပရိဗိုဇ်\"နောဝ်ꩻ ပအိုဝ်ႏအဘိဓာန်ႏတဲ့ ပြန်ႏဗော့ꩻ \"ပရိဗိုဇ်\"နောဝ်ꩻနေနေ၊ \"ပရိဗိုဇ်\"ကရိုꩻနောဝ်ꩻ ကဲဉ်းအာအာ သေနာႏတောဝ်းအဓိပ္ပါယ်ႏ၊ ကွပ်နောဝ်ꩻမꩻ မဉ်ႏသျင်ꩻပျꩻဗာႏ အအဲဉ်ႏသွတ်ꩻနောဝ်ꩻ \"ပရိ-လိုꩻလမ်းကိစ္စ အွဉ်ႏချꩻပယ်ႏညာꩻ၊ ဝဇတိ-လွေꩻအုံဒျာႏကျောင်ꩻပေႏကို၊ ဣတိ-ကွပ်နောဝ်ꩻမꩻ၊ ပရိဗ္ဗာဇကော-ဟဲ့ꩻ\"ပရ���ဗိုဇ်\"နောဝ်ꩻသွူ။\nဝိဂ္ဂဟ(ဝိဂျိုဟ်ႏ)ယိုအလꩻ ဆဲင်ႏလို့ ရသေ့ꩻ' ရဟန်ꩻ' ကမ္မဋ္ဌာန်ꩻသား၊ ကွဲႏတွော့ꩻ ဝွေꩻသီး (ပရိဗိုဖ်)ဖုံႏနဝ်ꩻ စူꩻတောဝ်းဘုရာꩻဝါႏဒတဲင် သာႏသနာႏပ-ရသေ့ꩻတမျိုꩻအနေႏလွုမ်ꩻသွူ၊ ကွပ်နောဝ်ꩻမꩻ \"ရသေ့ꩻ-ပရိဗိုဇ်\"မဉ်ႏဟဲ့ꩻတွယ်ꩻတွမ်ႏ \"ရသေ့ꩻ\"နောဝ်ꩻ \"လိုꩻအစားမုဲင်ꩻ\"ကရိုꩻနောဝ်ꩻ စွုမ်ႏဖြာꩻရံꩻလꩻနောဝ်ꩻသွူ။\nအမုဲင်(၃) \"မာဏဝ-လုလင်\"နောဝ်ꩻ ပအိုဝ်ႏအဘိဓာန်ႏ ပြန်ႏ\"ခိုဗင်ႏ\"နောဝ်ꩻသွူ၊ ခိုဗင်ႏတဲ့ \"ခိုဗင်ႏပေႏ၊ ခိုဗင်ႏယွဲး၊ ခိုဗင်ႏတန်\"အောဝ်ႏသွံစားတဲင် \"မာဏဝ-လုလင်\"နောဝ်ꩻ ထွာအစားမုဲင်ꩻကရိုꩻနောဝ်ꩻ \"အာသောဠသာ ဘဝေ ဗာလော၊ တတော တု တရုဏော ဘဝေ\"သက်(၁၆)နေင်ႏမာꩻလနောဝ်ꩻ ဗာလ(လိုꩻပေႏ)၊ တဲႏသက်(၁၇)နေင်ႏ ဗꩻလွေꩻ(၂၀)နောဝ်ꩻ \"တရုဏ\" အဘိဓာန်ႏ(၂၅၃)ကိုနောဝ်ꩻ \"တရုဏော စ(လ) မာဏဝေါ-တရုဏတွမ်ႏ မာဏဝ\"နောဝ်ꩻ ဗွန်ဗွန်လို့ဝင်ꩻရိုꩻနုဲင်းနောဝ်ꩻတဲင် \"မာဏဝ\"နောဝ်ꩻ ထွာ\"ခိုဗင်ႏယွဲး\"ရိုꩻဗာႏနုဲင်းနောဝ်ꩻသွူ။\nယိုနောဝ်ꩻ ထေနယ်ကွို့ꩻ(၂)ဝါကျပေႏလွုမ်ꩻမဉ်ႏတဲ့ မော့ꩻဗာႏလဲဉ်း \"ဝေါဟာရ-အယပ်ꩻအခုဲင်ႏ\"နုဲင်းယို၊ မဉ်ႏထွာ တအုပ်လွုမ်းထဲင်းနောဝ်ꩻ အီႏမော့ꩻဗာႏဝေါဟာရ အယပ်ꩻအခုဲင်ႏတကားမုဲင်ꩻ၊ နီပအိုဝ်ႏဝေါဟာရ လိုႏတကားမုဲင်ꩻကရိုꩻနောဝ်ꩻ ရံꩻလꩻထွူစွဉ်ႏနောဝ်ꩻသွူ။\nမဉ်ႏပြန်ႏပအိုဝ်ႏဝေါဟာရနောဝ်ꩻ နီပအိုဝ်ႏငေါဝ်း မဉ်ႏအောဝ်ႏထွူနောဝ်ꩻ ယိန်းဟဝ်၊ ပြန်ႏသွော့ငေါဝ်းနောဝ်ꩻအတွိုင်ꩻ၊ နီငေါဝ်းအဲဉ်ထောဝ်းတဲင် မဉ်ႏထွင်ႏတသာဗာႏတဲ့ အထီထွူႏထွူႏဖေႏကထွာ၊ ငေါဝ်းငွါအဓိပ္ပါယ်ႏအောဝ်ႏအောဝ်ႏ ဖေႏကမွေးနောဝ်ꩻ ထုမ်ႏထွားရီးရီးသွော့ ပါဠိအဘိဓာန်ႏ၊ ထွားပါသွော့ အဋ္ဌကထာႏ ကဗွောင်အဓိပ္ပါယ်ႏ၊ ထုမ်ႏနုဲင်းသွော့ \"အဒ္ဓါန-ညဒွါ\"ကထွင်ႏတသာချာနောဝ်ꩻအတွိုင်ꩻ၊ မဉ်ႏထွင်ႏတသာသာဖျင် ဝေါဟာရနောဝ်ꩻ ပအိုဝ်ႏအဘိဓာန်ႏတဲ့ ယိန်းစွုမ်ႏစွုမ်ႏပါစွဉ်ႏနောဝ်ꩻသွူ။\n\"ပိဋကတ်ပြန်ႏပအိုဝ်ႏအတွက် အွဉ်ႏအထျꩻ မူ(၆)ချက်\"\n၁။ ဖေႏကမဲဉ်ႏတနꩻသော့ꩻဗာႏ ပါဠိတောႏအဓိပ္ပါယ်ႏအအတွိုင်ꩻ။\n၂။ အတတ်နွိုင်ႏသွတ်ꩻ၊ အဗော့ꩻသွတ်ꩻ ဖေႏကထွာဗာႏ ပအိုဝ်ႏငေါဝ်း အလွေꩻအသဲင်ꩻအတွိုင်ꩻ။\n၃။ ထူႏအနယ်ꩻပြန်ႏ \"ဆေ့' တဲပ်' အဲဉ်ႏ' မဲဉ်ႏ\"နောဝ်ꩻထွူတဲင် အဓိပ္ပါယ်ႏတဲ့ ဖေႏကစဲင်းစဲ့ဗာႏ။\n၄။ ဖေႏကထွာဒျာႏ ဘာႏသာႏရေꩻ ငေါဝ်းဝေါဟာရတဲင် ငေါဝ်းငွါအနေႏ ဖေႏကထွူႏတွုမ်ဗာႏ။\n၅။ ဝေါဟာရမဉ်ႏအဲဉ်ထောဝ်းတဲ့ ထွင်ႏတသာထွူတဲင် လိတ်မဲ့ငါယို အမေ��့လသူꩻနောဝ်ꩻ တဲမ်းတွယ်ꩻနယ်သွော့ \"ပါဠိ' မန်း' ပအိုဝ်ႏ\"၊ ဉပမာႏ-၁။ \"အဒ္ဓါန၊ အဓွန့်၊ ညဒွါ\"နုဲင်းနောဝ်ꩻ။\n၆။ ထူႏသွုံꩻဒျာႏသွော့ \"ငေါဝ်းသေနာႏယိုꩻသွတ်ꩻ၊ အဗော့ꩻသွတ်ꩻ အမျာꩻသွုံꩻ\"ငေါဝ်းဝေါဟာရမျိုꩻနောဝ်ꩻ။\n\"ပြန်ႏပွုံႏပြန်ႏနယ်ꩻ (၆)ချက်\"\n၁။ ထွားရီးရီးသွော့ ပါဠိတောႏ တဝါကျငါ။\n၂။ ဝါကျနောဝ်ꩻနောဝ်ꩻ အဋ္ဌကထာႏဗွောင်နုဲင်းမုဲင်ꩻ ထွားသေႏသေႏချာႏချာႏသွော့။\n၃။ ဝါကျနောဝ်ꩻနောဝ်ꩻ ဆရာႏတောႏတန်သီး ဖေႏအနက်နုဲင်းမုဲင်ꩻ ဟော်ꩻစံꩻပါသွော့ အနက်ခြေင်ခြေင်။\n၄။ ဝါကျနောဝ်ꩻနောဝ်ꩻ ဝင်ꩻပြန်ႏမန်း(ဘာႏသာႏ)နုဲင်းမုဲင်ꩻ၊ ထူႏသွုံꩻအချွုတ်၊ ထူႏသွုပ်နုဲင်းမုဲင်ꩻ ထွားစဲင်းစဲင်းသွော့။\n၅။ ဝါကျနောဝ်ꩻနောဝ်ꩻ အီႏပြန်ႏပအိုဝ်ႏဗာႏနုဲင်းမုဲင်ꩻ ထွား\"ပါဠိ၊ အဋ္ဌကထာႏ၊ အနက်၊ ပြန်ႏမန်း\"ဖုံႏနောဝ်ꩻထွူမꩻ ပြန်ႏပအိုဝ်ႏသွော့။\n၆။ ပြန်ႏသွော့အနယ်ꩻ (၁) \"ဆေ့' တဲပ်' အဲဉ်ႏ' မဲဉ်ႏ\"နောဝ်ꩻအတွိုင်ꩻနောဝ်ꩻသွူ။\n\"ငေါဝ်းရဲပ်\"\nယိုခါနောဝ်ꩻ စပြန်ႏစ ပိဋကတ်ဖုံႏတဲင် \"ခွုမ်သီအီမူ\"ဖေႏကသူႏသေ \"ပြန်ႏဗာႏနုဲင်းမုဲင်ꩻ\"ဖေႏနေးကသူႏသေတဲင် ထေဖေႏမူ(ပ)ချက်၊ တဲမ်းပြန်ႏပွုံႏပြန်ႏနယ်ꩻ(၆)ချက်တွမ်ႏ \"နမူႏနာႏ\"တဗာႏနုဲင်းယိုသွူ။\nဟောဝ်ရာꩻ၊ သင်ꩻရာꩻ၊ အဆင်ႏပြေႏရာꩻနုဲင်းမုဲင်ꩻတဲ့ ထေထဲင်းထွင်ႏထဲင်းသွော့၊ အရေꩻတန်ဒျာႏ ထာꩻမာꩻအဆင်ႏပြေႏအီ၊ ထာꩻမာꩻထွာအီနောဝ်ꩻသွူ။\nပိဋကတ်တောႏယိုနောဝ်ꩻ နေးတွမ်ႏဗွေႏဘုရာꩻ သဗ္ဗညုတဉာဏ်ႏတောႏ ဟော်ꩻဖေါႏလွဉ်တဲင် နီတသေဖြွဉ်တောဝ်း၊ နီဉာဏ်ႏတထွꩻတောဝ်းကိုတဲ့ အောဝ်ႏပါ၊ တွိုႏနောဝ်ꩻခါ ထွားသွော့ အဋ္ဌကထာႏ၊ ဋီကာႏ၊ ဂဏ္ဌိ-ပညာႏသျိသီး ကထွင်ႏ၊ ပညာႏသျင်ႏသီး ကထေနောဝ်ꩻ မဲ့ꩻသေယွယွ၊ မဲ့ꩻသဘော်ꩻဗွောင်လွဉ်ယွယွဒျာႏ။\n'ပြန်ႏပိဋကတ်ယိုနောဝ်ꩻ တွမ်ႏကဒေါ့ꩻရီဗာႏ ဘုရာꩻရဟန္တာႏသီး ဗွန်ပီလို့ဝင်ꩻ၊ တွမ်ႏကနာႏဗာႏတရာꩻ ဘုရာꩻငါနောဝ်ꩻ ဗွန်ပီလို့ဝင်ꩻတဲင် ကပြန်ႏသားနောဝ်ꩻ ကုသိုလ်ႏလꩻရီးအာ၊ လိုꩻဆချာနောဝ်ꩻ ကုသိုလ်ႏလꩻရုမ်း၊ တစွိုးခွိုꩻလုမ်း အကျိုꩻဆꩻငါႏ'ယူႏဒျာႏနုဲင်းနောဝ်ꩻတဲင် \"သꩻဓာတ်တလာလာ\"စွုမ်ႏနီꩻစွုမ်ႏဟာ ပြန်ႏလွေꩻသွော့ထွာထွာ ပငါပရာꩻနောဝ်ꩻမꩻ ယိုတလဲင်ႏနောဝ်ꩻ အီႏအောင်ႏမျင်ႏလꩻနောဝ်ꩻသွူ။\nဗွေႏဗွန်ကောဝိဒ\n(ဥက္ကဋ္ဌ)\nပိဋကတ်ပြန်ႏပအိုဝ်ႏအစွိုꩻ\nဇဝနရာမလိတ်သွဉ်တွိုက်\nဝေင်ꩻသီႏသဲင်ႏ\n၁၃၇၃-ဗာႏ၊ ဝါႏဆိုႏလောင်း (၁၂)နီꩻ\n(၂၇-၇-၂၀၁၁)\n\nအာႏကွိုꩻ\n\nပအိုဝ်ႏလိတ်လု���င်ꩻ","num_words":3069,"character_repetition_ratio":0.052,"word_repetition_ratio":0.063,"special_characters_ratio":0.1,"stopwords_ratio":0.013,"flagged_words_ratio":0.0,"lang_id_score":1.0,"perplexity_score":661.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%9B%E1%80%90%E1%80%94%E1%80%9E%E1%80%AF%E1%80%90%E1%80%B9%E1%80%90%E1%80%95%E1%80%AB%E1%80%A0%E1%80%AD%E1%80%94%E1%80%AD%E1%80%BF%E1%80%9A","collection":"wikipedia","source":"wikipedia","original_code":"blk","text":"\"ရတနသုတ္တပရိတ္တပါဠိနိဿယ\"\n\n၁။ ပဏိဓာနတော ပဋ္ဌာယ တထာဂတဿ ဒသပါရမိယော ဒသဥပပါရမိယော ဒသပရမတ္ထပါရမိယောတိ၊ သမတ္တိံသ ပါရမိယော ပဉ္စမဟာပရိစ္စာဂေ၊ လောကတ္ထစရိယံ ဉာတတ္ထစရိယံ ဗုဒ္ဓတ္ထစရိယန္တိ၊ တိဿောစရိယာယော ပစ္ဆိမဘဝေ ဂဗ္ဘဝေါက္ကန္တိံ၊ ဇာတိံ အဘိနိက္ခမနံ ပဓာနစရိယံ ဗောဓိပလ္လင်္ကေ၊ မာရဝိဇယံ သဗ္ဗညုတဉာဏပဋိဝေဓံ၊ ဓမ္မစက္ကပဝတ္တနံ နဝလောကုတ္တရဓမ္မေတိ၊ သဗ္ဗေပိမေ ဗုဒ္ဓဂုဏေ အာဝဇ္ဇေတွာ၊ ဝေသာလိယာ တီသု ပါကာရန္တရေသု၊ တိယာမရတ္တိံ ပရိတ္တံ ကရောန္တော၊ အာယသ္မာ အာနန္ဒတ္ထေရော ဝိယ ကာရုညစိတ္တံ ဥပဋ္ဌပေတွာ။\nပဋ္ဌာယ-တဲႏကထူႏဆွ၊ ပဏိဓာနတော-နိယတဗျာဒိတ်ကဝ်ႏ ဒီပင်္ကရာႏ ဘုရာꩻထျꩻမာꩻလွောန်၊ တထာဂတဿ-ဗွေႏမျတ်ဘုရာꩻသီး ကမာꩻဒါႏ၊ ဒသပါရမိယော-လိုꩻမျတ်သီးထာꩻမာꩻ ပါႏရမီႏဆီပါꩻယို မာꩻရိုꩻရိုꩻနေး ပါႏရမီႏဆီပါꩻဖုံႏယင်၊ ဒသဥပပါရမိယော-ခမ်ႏဆာနမ်းမာꩻ ဥပပါႏရမီႏဆီပါꩻဖုံႏယင်၊ ဒသပရမတ္ထပါရမိယော-ခမ်ႏစွောန်ꩻသက်မာꩻ ပရမတ္ထပါႏရမီႏဆီပါꩻဖုံႏယင်၊ ဣတိ-ကရိုꩻဒါႏ၊ သမတ္တိံသပါရမိယော-ထွာဗꩻသိုမ်ဆီ ပါႏရမီႏဖုံႏယင်၊ ပဉ္စမဟာပရိစ္စာဂေ-ဓန အင်္ဂ ပုတ္တ ဘရိယ ဇီဝိတစွောန်ꩻ ထာꩻအွောန်ႏကုဲင်တန်ငတ်ꩻပါꩻယင်၊ လောကတ္ထစရိယံ-မာꩻသတ္တဝါႏအကျိုꩻယင်၊ ဉာတတ္ထစရိယံ-မာꩻစွိုးခွိုꩻအကျိုꩻယင်၊ ဗုဒ္ဓတ္ထစရိယံ-မာꩻနမ်းဖေႏကထွာဘုရာꩻအကျိုꩻယင်၊ ဣတိ-ကရိုꩻဒါႏ၊ တိဿောစရိယာယော-စရိယာႏသိုမ်ပါꩻဖုံႏယင်၊ ပစ္ဆိမဘဝေ-အီႏထွာသွူဘုရာꩻ တွိုႏဘဝအဆုဲင်ꩻသွတ်ꩻကို၊ ဂဗ္ဘဝေါက္ကန္တိံ-အုံနယ်ဗာႏသန္ဓေႏ မွိုးဗွေႏနမ်းလောင်း၊ ဇာတိံ-လွူးဖွါꩻလင်ꩻနယ်၊ အဘိနိက္ခမနံ-ထန်ႏနယ်ဗာႏတခြာ၊ ပဓာနစရိယံ-ကျင်ꩻနယ်ဗာႏဒုက္ကရစရိယာႏ၊ ဗောဓိပလ္လင်္ကေ-ဗောဓိမွူးခလ အပရာဇိတပလ္လင်ႏလောင်း၊ မာရဝိဇယံ-အောင်ႏနယ်ဗာႏ ဒေဝပုတ္တမာရ၊ သဗ္ဗညုတဉာဏပဋိဝေဓံ-နမ်းတွိုႏလꩻထန်ႏ သဗ္ဗညုတဉာဏ်ႏထွူမꩻ၊ ဓမ္မစက္ကပဝတ္တနံ-ဟောꩻထန်ႏနယ်ဗာႏ စမ္မစကျာႏတရာꩻ၊ နဝလောကုတ္တရဓမ္မေ-အွောန်တဲႏလွေꩻဗာႏ လောကုတ္တရာႏကွတ်ꩻပါꩻ၊ ဣတိ-ကရိုꩻဒါႏ၊ သဗ္ဗေပိ-ခွုင်းကားထာꩻမျတ်၊ ဣမေဗုဒ္ဓဂုဏေ-ဘုရာꩻအတ္ထုပ္ပတ်ဖုံႏယို၊ အာဝဇ္ဇေတွာ-ယူႏလꩻထွူတဲင်၊ ဝေသာလိယာ-ဝေသာလီ��မ်းအ၊ တီသုပါကာရန္တရေသု-ဝေင်ꩻဖွောင်ꩻသိုမ်ထပ်အခါႏကို၊ တိယာမရတ္တိံ-သိုမ်နာꩻမွူးလိုမ်း၊ ကရောန္တာ-ကရွောတ်ဒါႏငဝ်းတွိုင်ꩻသစ္စာႏ၊ အာယသ္မာအာနန္ဒတ္ထေရောဝိယ-ဗိုန်ပီနုဲင်း အာနန္ဒတ္ထေရအတွိုင်ꩻ၊ ဥပဋ္ဌပေတွာ-အွောန်ႏဗိုန်ဗိုန်ထွူ၊ ကာရုညစိတ္တံ-ကရုဏာႏသꩻတဲင်။\n\n၂။ ကောဋိသတ သဟဿေသု၊ စက္ကဝါဠေသု ဒေဝတာ။\nယဿာနံ ပဋိဂ္ဂဏှန္တိ၊ ယဉ္စ ဝေသာလိယာ ပုရေ။\n၃။ ရောဂါမနုဿ ဒုဗ္ဘိက္ခ၊ သမ္ဘူတံ တိဝိဓံ ဘယံ။\nခိပ္ပမန္တရ ဓာပေသိ၊ ပရိတ္တံ တံ ဘဏာမ ဟေ။\nစက္ကဝါဠေသု-စက္ကဝဠာတွိုက်၊ ကောဋိသတသဟဿေသု-ကုဋေႏတသဲန်ကိုကအဝ်ႏဒါႏ၊ ဒေဝတာ-လူꩻသီးဖုံႏနဝ်ꩻ၊ ယဿ-ကရိုꩻရတနာသုတ်ပရိတ်သီး၊ အာဏံ-အာႏဏာႏစက်ယို၊ ပဋိဂ္ဂဏှန္တိ-အဝ်ႏခမ်ႏထူႏလွသွူ၊ ဝေသာလိယာ-ဝေသာလီအမိန်ꩻကအဝ်ႏဒါႏ၊ ပုရေ-ခမ်းကို၊ ရောဂါမနုဿဒုဗ္ဘိက္ခသမ္ဘူတံ-ရောႏဂါႏ ပလူꩻ ထာꩻအမ်ႏမကရိုꩻဒါႏ၊ တိဝိဓံဘယံ-ဘေꩻသိုမ္မျိုꩻယို၊ ယဉ္စ-ကရိုꩻရတနာႏသုတ်ပရိတ်နဝ်ꩻမꩻ၊ အန္တရဓာပေသိ-အီႏမာꩻထိုꩻမားနွောင်ꩻ၊ ခိပ္ပံ-မွိုင်ဒါႏ၊ တံပရိတ္တံ-ဝွေꩻရတနာသုတ်ပရိတ်ယို၊ ဟေ-အေားဗွေႏသီးဖုံႏ၊ မယံဘဏာမ-နီရွောတ်လွတောမ်ဟောင်း။\n၄။ ယာနီဓ ဘူတာနိ သမာဂတာနိ၊ ဘုမ္မာနိ ဝါ ယာနိဝ အန္တလိက္ခေ။\nသဗ္ဗေဝ ဘူတာ သုမနာ ဘဝန္တု၊ အထောပိ သုဏန္တု သက္ကစ္စ သုဏန္တု ဘာသိတံ။\nဣဓ-နီကအီႏရွောတ်ဒါႏ ပရိတ်အရပ်ယို၊ သမာဂတာနိ-ကတွိုႏသွိုလွဒါႏ၊ ယာနိဘူတာနိဝါ-ဘုမ္မစိုꩻ ရုက္ခစိုꩻ စတုမဟာရာဇ် တာဝတိံသာႏရပ်ကို ကအဝ်ႏဒါႏ၊ ဘုမ္မာနိဝါ-လူꩻဟမ်ႏလောင်းဖုံႏယင်၊ အန္တလိက္ခေ-ယာမာကစ မို့ꩻလောင်းကီသူꩻကအဝ်ႏဒါႏ အာကာသစိုꩻလူꩻဖုံႏယင်၊ သဗ္ဗေဝဧဝဘူတာ-ခွုင်းလူꩻကားကအဝ်ႏဖုံႏ၊ သုမနာဘဝန္တု-သꩻရေꩻလွဝင်ꩻဟုဲင်း၊ အထောပိ-နဝ်ꩻသွူတကာႏတဝ်း၊ ဘာသိတံ-ဘုရာꩻဟောꩻခါꩻ တရာꩻယိုလဲ့၊ သက္ကစ္စံ-ရိုႏရိုႏသေႏသေႏ၊ သုဏန္တု-နာႏထူႏလွဝင်ꩻလုဲင်း။\n\n၅။ တသ္မာ ဟိ ဘူတာ နိသာမေထ သဗ္ဗေ၊ မေတ္တံ ကရောထ မာနုသိယာ ပဇာယ။\nဒိဝါ စ ရတ္တော စ ဟရန္တိ ယေ ဗလိံ၊ တသ္မာ ဟိ နေ ရက္ခထ အပ္ပမတ္တာ။\nတသ္မာဟိ-ကောပ်ပွိုးနဝ်ꩻမꩻ၊ သဗ္ဗေ-ကားတဲင်သီဖုံႏ၊ နိသာမေထ-နာႏထူႏဝင်ꩻဟုဲင်း၊ မာနုသိယာပဇာယ-လိုꩻသတ္တဝါႏသီးအလောင်း၊ မေတ္တံကရောထ-အွောန်ႏဒင်ႏဖေႏ မေတ္တာႏဟုဲင်း၊ ဒိဝါစရတ္တောစ-ခေ့ꩻခေ့ꩻလေလေ၊ ဟရန္တိ-အီလွောန်တောမ်ႏ ထာꩻပူႏဇောႏတဲင်၊ ယေဗလိံ-လိုꩻကပူႏဇောႏဒါႏ သီဖုံႏအလောင်း၊ တသ္မာဟိ-ပွိုးဝင်ꩻပူႏဇောႏမို့တဲင်၊ အပ္ပမတ္တာ-တောမ်ႏအမ��ႏဖေင်ꩻ၊ နေရက္ခထ-ထိင်ꩻပွေါးမွုန်းဝင်ꩻဟုဲင်း။\n၆။ ယံ ကိဉ္စ ဝိတ္တံ ဣဓ ဝါ ဟုရံ ဝါ၊ သဂ္ဂေသု ဝါ ယံ ရတနံ ပဏီတံ။\nန နော သမံ အတ္ထိ တထာဂတေန၊ ဣဒမ္ပိ ဗုဒ္ဓေရတနံ ပဏီတံ။\nဧတေန သစ္စေန သုဝတ္ထိ ဟောတု။\nဣဓဝါ-လိုꩻခမ်းယိုယင်၊ ဟုရံဝါ-နဂါꩻဂဠုန်ႏခမ်းကိုယင်၊ သဂ္ဂေသုဝါ-လူꩻခမ်းသူꩻယင်၊ ယံကိဉ္စိ-ကားတဲင်၊ ဝိတ္တံ-ဝွေꩻသီးတခြိုꩻယင်၊ ပဏီတံ-အငိုꩻကတန်အာဒါႏ၊ ယံရတနံ-ဝွေꩻသီးဥစ္စာႏရတနာႏယင်၊ ဂထာဂတေန-တောမ်ႏဘုရာꩻ၊ သမံ-ကအီႏဗိုန်ဒါႏ တခြိုꩻရတနာႏနဝ်ꩻ၊ နနောအတ္ထိ-တအဲန်ထဝ်းရင်ꩻ၊ ဗုဒ္ဓေ-ဘုရာꩻဖဲ့ꩻ၊ ဣဒမ္ပိရတနံ-အရဟံအစ ဂုဏကရိုꩻဒါႏ ရတနာႏနဝ်ꩻ၊ ပဏီတံ-မျတ်မွေးငါႏသွူ၊ ဧတေနသစ္စေန-ပွိုးငဝ်းမဲန်ႏယို အတမ်ꩻခိုꩻတဲင်၊ သုဝတ္ထိဟောတု-ကပ်သိုမ်ပါꩻယို ဖေႏကယေန်သွော့နေား။\n၇။ ခယံ ဝိရာဂံ အမတံ ပဏီတံ၊ ယဒဇ္ဈဂါ သကျမုနိ သမာဟိတော။\nန တေန ဓမ္မေန သမတ္ထိ ကိဉ္စိ၊ ဣဒမ္ပိ ဓမ္မေရတနံ ပဏီတံ။\nဧတေန သစ္စေန သုဝတ္ထိ ဟောတု။\nခယံ-ကိလေသာႏကင်ꩻ၊ ဝိရာဂံ-ရာႏဂတအဝ်ႏဖွို့တဝ်း၊ သမာဟိတော-တောမ်ႏအရိယာႏမဂ် သမာႏဓိစက်တဲင် ကတိန်ႏစွူမွေးဒါႏ၊ သကျမုနိ-သာႏကီႏခွန်ခွိုꩻသီး အသဲင်လဝ် နီဗွေႏဘုရာꩻနဝ်ꩻ၊ ပဏီတံ-ကမျတ်ဒါႏ၊ ယံအမတံ-ဝင်ꩻကရိုꩻ ထာꩻသီအဲန်ထဝ်းအမန်ႏ အမတနိဗ္ဗာန်ႏယို၊ အဇ္ဈဂါ-လꩻထိုꩻလဲန်းသွူ၊ တေနဓမ္မေန-တောမ်ႏနီဗွေႏကလꩻ အမတနိဗ္ဗာန်ႏယို၊ သမံ-ကဗိုန်ပီဒါႏ၊ ကိဉ္စိ-ရတနာႏလင်တမျိုꩻနဝ်ꩻ၊ နအတ္ထိ-အဲန္ထဝ်းဒုမ်ရင်ꩻ၊ ဓမ္မေ-တရာꩻဖဲ့ꩻ၊ ဣဒမ္ပိရတနံ-ခယတာအစ ဂုဏကရိုꩻဒါႏ ကထွာမွေးရတနာႏနဝ်ꩻ၊ ပဏီတံ-မျတ်ငါႏသွူ၊ ဧတေနသစ္စေန-ပွိုးငဝ်းမဲန်ႏယို အတမ်ꩻခိုꩻတဲင်၊ သုဝတ္ထိဟောတု-ကပ်သိုမ်ပါꩻယို ဖေႏကယေန်သွော့နေား။\n၈။ ယံ ဗုဒ္ဓသေဋ္ဌော ပရိဝဏ္ဏသုစိံ၊ သမာဓိမာနန္တရိ ကညမာဟု။\nသမာဓိနာ တေန သမော န ဝိဇ္ဇတိ၊ ဣဒမ္ပိ ဓမ္မေရတနံ ပဏီတံ။\nဧတေန သစ္စေန သုဝတ္ထိ ဟောတု။\nယံသမာဓိံ-ဝင်ꩻကရိုꩻ အရိယာႏမဂ် သမာႏဓိစက်ယို၊ သုစိံ-ကိလေႏသာႏကင်ꩻ စင်ꩻဗွာဟဝ်မွေးအကျောင်ꩻ၊ ပရိဝဏ္ဏယေ-တောမ်ႏအနယ်ꩻအစားစား ဘုရာꩻအမ်ႏဖြာႏမွေးစွောန်ႏ၊ အနန္တရိယံ-မဂ်ဖျောဖိုလ်ႏတွိုႏ အကျိုꩻဖေႏသွူးနဝ်ꩻမꩻ အနန္တရိက သမာဓိအစဲတ်၊ အညံ-သမာဓိအလင်နဝ်ꩻ တစဲတ္တဝ်းအကျောင်ꩻ၊ တေနသမာဓိနာ-တောမ်ႏအရိယာႏမဂ် သမာႏဓိစက်ယို၊ သမော-ကဗိုန်ပီဒါႏ သမာဓိနဝ်ꩻ၊ နဝိဇ္ဇတိ-တအဲန္ထဝ်းအကျောင်ꩻ၊ ဗုဒ္ဓသေဋ္ဌော-ဘုရာꩻဗွေႏမျတ်သီး၊ အာဟု-အဝ်ႏရိုꩻဒျာႏရင်ꩻသွူ၊ ဓမ္မေ-သမာဓိတရာꩻဖဲ့ꩻ၊ ဣဒမ္ပိရတနံ-သုစိ ပရိဝဏ္ဏ အနန္တရိကဂုဏအနေႏ ကထွာမွေးရတနာႏနဝ်ꩻ၊ ပဏီတံ-မျတ်မွေးငါႏသွူ၊ ဧတေနသစ္စေန-ပိုးငဝ်းမဲန်ႏယို အတမ်ꩻခိုꩻတဲင်၊ သုဝတ္ထိဟောတု-ကပ်သိုမ်ပါꩻယို ဖေႏကယေန်သွော့။\n၉။ ယေ ပုဂ္ဂလာ အဋ္ဌသတံ ပသတ္ထာ၊ စတ္တာရိ ဧတာနိ ယုဂါနိ ဟောန္တိ။\nတေ ဒက္ခိဏေယျာ သုဂတဿ သာဝကာ၊ ဧတေသု ဒိန္နာနိ မဟပ္ဖလာနိ။\nဣဒမ္ပိ သံဃေ ရတနံ ပဏီတံ၊ ဧတေန သစ္စေန သုဝတ္ထိ ဟောတု။\nယေပုဂ္ဂလာ-ဝင်ꩻပုဂ္ဂိုလ်ႏ၊ အဋ္ဌ-သွောတ်ꩻပါꩻဖုံႏယို၊ သတံ-ဘုရာꩻအထျ ကလျာဏသီးဖုံႏ၊ (တနဲꩻ) ယေပုဂ္ဂလာ-ဝင်ꩻပုဂ္ဂိုလ်ႏ၊ အဋ္ဌသတံ-တရျာꩻသွောတ်ꩻပါꩻဖုံႏယို အဝ်ႏအမ်ႏဖြာႏ၊ စတ္တာရိယုဂါနိ-ကအဝ်ႏလိတ်ခိုမ်ꩻ၊ ဧတာနိ-ပုဂ္ဂိုလ်ႏဖုံႏနဝ်ꩻ၊ ဟောန္တိ-ထွာလိုꩻဝင်ꩻသွောတ်ꩻသွူ၊ သုဂတဿသာဝကာ-ဘုရာꩻသီးတပဲ့ꩻ၊ တေ-ပုဂ္ဂိုလ်ႏဝင်ꩻသွောတ်ꩻဖုံႏနဝ်ꩻ၊ ဒက္ခိဏေယျာ-ယုမ်းကမ်ႏတဲင်လူႏ ဒါႏနထူꩻယို ခမ်ႏထူႏထွိုက်သွူ၊ ဧတေသု-အရိယာႏသွောတ်ꩻပါꩻသီးလောင်း၊ ဒိန္နာနိ-ကဖေႏလူႏဒါႏနဝ်ꩻ၊ မဟပ္ဖလာနိ-အကျိုꩻတန်မွေးစွောန်ႏသွူ၊ သံဃေ-သင်္ဃာႏဖဲ့ꩻ၊ ဣဒမ္ပိရတနံ-ကထွာရတနာအစဲတ်နဝ်ꩻ၊ ပဏီတံ-မွေးမန်ႏဒျာႏသွူ၊ ဧတေနသစ္စေန-ပွိုးငဝ်းမဲန်ႏယိုအတမ်ꩻခိုꩻတဲင်၊ သုဝတ္ထိဟောတု-ကပ်သိုမ္ပါꩻယို ဖေႏကယေန်သွော့နေား။\n၁၀။ ယေ သုပ္ပယုတ္တာ မနသာ ဒဠှေန၊ နိက္ကာမိနော ဂေါတမသာသနမှိ။\nတေ ပတ္တိ ပတ္တာ အမတံ ဝိဂ္ဂယှ၊ လဒ္ဓါ မုဓာ နိဗ္ဗုတိံ ဘုဉ္ဇမာနာ။\nဣဒမ္ပိ သံဃေ ရတနံ ပဏီတံ၊ ဧတေန သစ္စေန သုဝတ္ထိ ဟောတု။\nယေ-ဝင်ꩻရဟန္တာႏပုဂ္ဂိုလ်ႏသီးနဝ်ꩻ၊ သုပ္ပယုတ္တာ-နေးထူႏတောမ်ႏထာꩻဝီရိယ၊ မနသာဒဠှေန-သꩻတိန်ႏခွေါင်စားတဲင်၊ နိက္ကာမိနော-အဝ်ႏဝဋ်ဒုက္ခ လွောတ္ထန်ႏလꩻလဲန်း၊ ဂေါတမသာသနမှိ-ဂေါတမဘုရာꩻသာႏသနာႏကို၊ တေ-ဝွေꩻဗွေႏသီးနဝ်ꩻ၊ ဝိဂ္ဂယှ-နေးထူႏ၊ အမတံ-နိဗ္ဗာန်ႏအာႏရမ်ႏ၊ လဒ္ဓါ-ကလꩻခါꩻထွူတဲင်၊ မုဓာ-ကိလေႏသာႏကင်ꩻကင်ꩻ၊ ပတ္တိပတ္တာ-နမ်းကလꩻခါꩻ၊ နိဗ္ဗုတိံ-နိဗ္ဗာန်ႏသုခယို၊ ဘုဉ္ဇမာနာ-နေးအမ်ႏထွူတဲင် တွိုႏသော့ꩻလꩻဝင်ꩻ သမာႏပတ်ကိုသွူ၊ (ဝါ)နေးအမ်ႏနွောင်ꩻ အရဟတ္တဖလ နိရောဓ သမာႏပတ်နီမျိုꩻဖုံႏသွူ၊ သံဃေ-သင်္ဃာႏဖဲ့ꩻ၊ ဣဒမ္ပိ-ပွိုးနွို့အုံသော့ꩻဒါႏ သမာႏပတ်ကိုနဝ်ꩻမꩻ၊ ရတနံ ပဏီတံ-ထွာရတနာႏမျတ်သွူ၊ ဧတေနသစ္စေန-ပွိုးငဝ်းမဲန်ႏယို အတမ်ꩻခိုꩻတဲင်၊ သုဝတ္ထိဟောတု-ကပ်သိုမ္ပါꩻယို ဖေႏကယေန်သွော့နေား။\n၁၁။ ယထိန္ဒခီလော ပထဝိဿိတော သိယာ၊ စတုဗ္ဘိ ဝါတေဟိ အသမ္ပကမ္ပိယော။\nတထ��ပမံ သပ္ပုရိသံ ဝဒါမိ၊ ယော အရိယသစ္စာနိ အဝေစ္စ ပဿတိ။\nဣဒမ္ပိ သံဃေ ရတနံ ပဏီတံ၊ ဧတေန သစ္စေန သုဝတ္ထိ ဟောတု။\nဣန္ဒခီလော-လုံးထွန်ႏ၊ ပထဝိဿိတော-ကဆို့ꩻတိန်ႏခါꩻ ဟမ်ႏကိုနဝ်ꩻ၊ စတုဗ္ဘိဝါတေဟိ-ကောပ်တလီꩻအဝ်ႏ အရပ်လိတ်ꩻဖဲ့ꩻကိုလွောန္တဲင်၊ အသမ္ပကမ္ပိယော-တတသွိုးတဝ်းဒုမ်၊ သိယာယထာ-ဗိုန္နဝ်ꩻအတွိုင်ꩻ၊ ယော-ဝင်ꩻသေက္ခအရိယာႏ သောတာႏပန်ႏပုဂ္ဂိုလ်ႏသိုမ္မျိုꩻသားနဝ်ꩻ၊ အဝေစ္စ-ဗိုန်လုံးအဝ်ႏဆွို့ဟမ်ႏ ဉာဏ်ႏကိုထီႏသော့ꩻလဲန်း၊ အရိယသစ္စာနိ-အရိယသစ္စာလိတ်ꩻပါꩻဖုံႏယို၊ ပဿတိ-နမ်းဉာဏ်ႏမဲ့လေ ထီႏသေစဲင်းလဲန်းသွူနဝ်ꩻမꩻ၊ သပ္ပုရိသံ-သေက္ခအရိယာႏ သောတာပန်ႏပုဂ္ဂိုလ်ႏ သိုမ္မျိုꩻဖုံႏယို၊ တထူပမံ-ဗိုန်ပီလုံးထွန်ႏ ဆို့ꩻတိန်ႏဟမ်ႏကို တလီꩻတနွန်ႏဝꩻနွောင်ꩻတဝ်းအကျောင်ꩻ၊ ဝဒါမိ-ဘုရာꩻကားစ ဝင်ꩻလိုꩻကျဖုံႏ ရိုꩻခါꩻနုဲင်းနဝ်ꩻသွူ၊ ဧတေန သစ္စေန သုဝတ္ထိ ဟောတု။\n၁၂။ ယေ အရိယသစ္စာနိ ဝိဘာဝယန္တိ၊ ဂမ္ဘီရပညေန သုဒေသိတာနိ။\nကိဉ္စာပိ တေ ဟောန္တိ ဘုသံ ပမတ္တာ၊ န တေ ဘဝံ အဋ္ဌမာဒိယန္တိ။\nဣဒမ္ပိ သံဃေ ရတနံ ပဏီတံ၊ ဧတေန သစ္စေန သုဝတ္ထိ ဟောတု။\nယေ-ဝင်ꩻသတ္တက္ခတ္တုပရမ သောတာပန်ႏပုဂ္ဂိုလ်ႏဖုံႏနဝ်ꩻ၊ ဂမ္ဘီရပညေန-တောမ်ႏဂမ္ဘီရဉာဏ်ႏတဲင်၊ သုဒေသိတာနိ-ဘုရာꩻကဟောꩻခါꩻစဲင်းဒါႏ၊ အရိယသစ္စာနိ-လိုꩻမျတ်သီး ကအဝ်ႏသေဒါႏ ထာꩻမဲန်ႏဖုံႏယို၊ ဝိဘာဝယန္တိ-နမ်းကိုထီႏသော့ꩻ မော့ꩻမွေးလဲန်းသွူ၊ တေ-ဝွေꩻသတ္တက္ခတ္တုပရမ သောတာပန်ႏပုဂ္ဂိုလ်ႏနဝ်ꩻ၊ ပမတ္တာ-ကောပ်ထာꩻပျောႏလွောန်ꩻတဲင်အမ်ႏဖေင်ꩻ၊ ဘုသံ-သန္ထိုꩻခန္တဲ့၊ အဋ္ဌသတံ-သွောတ်ꩻဗာႏမျောက်ဘဝယို၊ နအာဒိယန္တိ-တထူႏထဲင်းတဝ်း၊ သံဃေ-သင်္ဃာႏဖဲ့ꩻ၊ ဣဒမ္ပိရတနံ-ထွာရတနာႏ ကေႏညိုႏခရာႏယို၊ ပဏီတံ-မျတ်မွေးစွောန်ႏသွူ၊ ဧတေန သစ္စေန သုဝတ္ထိ ဟောတု။\n၁၃။ သဟာဝဿ ဒဿနသမ္ပဒါယ၊ တယဿု ဓမ္မာ ဇဟိတာ ဘဝန္တိ။\nသက္ကာယဒိဋ္ဌိ ဝိစိကိစ္ဆိတဉ္စ၊ သီလဗ္ဗတံ ဝါပိ ယဒတ္ထိ ကိဉ္စိ။\nစတူဟပါယေဟိ စ ဝိပ္ပမုတ္တော၊ ဆစ္စာဘိဌာနာနိ အဘဗ္ဗကာတုံ။\nဣဒမ္ပိ သံဃေ ရတနံ ပဏီတံ၊ ဧတေန သစ္စေန သုဝတ္ထိ ဟောတု။\nအဿ-ဝွေꩻသောတာပန်ႏပုဂ္ဂိုလ်ႏသီးတာႏ၊ ဒဿနသမ္ပဒါယ-သဲတ်ဉာဏ်ႏကဗွေ၊ သဟာဝ-တအာႏချင်ꩻ၊ သက္ကာယဒိဋ္ဌိ-ယဝ်ꩻအဝ်ႏဝါဒ၊ ဝိစိကိစ္ဆိတဉ္စ-ဘုရာꩻ တရာꩻ သင်္ဃာႏ ကမ်ႏ ကမ်ႏအကျိုꩻတအဲန္ထဝ်း ဘုရာꩻဖန်ဆင်ꩻဒျာႏ ဣဿရနိမ္မာနဝါဒ၊ သီလဗ္ဗတံဝါပိ-ကမ်းသꩻအုံ ဗိုန္နုဲင်းဖိုးပနား အခိင်ႏမီႏတွိုႏမဲ့ꩻ ဘုရာꩻဖ��ႏဒျာႏ သီလဗ္ဗတ ပရာမာသကရိုꩻဒါႏ၊ တယောဓမ္မာ-တရာꩻသိုမ္ပါꩻယင်၊ ဇဟိတာဘဝန္တိ-စွောန်ꩻခွါႏလို့သွူးစွောန်ႏ၊ စတူဟိအပါယေဟိစ-အဝ်ႏအပါယလိတ်ꩻပါꩻတဲ့၊ ဝိပ္ပမုတ္တော-လွောတ်ကင်ꩻ၊ ဆစအဘိဌာနာနိ-မာꩻသီမွိုး မာꩻသီဖါ မာꩻသီရဟန္တာႏ မာꩻဆာဘုရာꩻ မာꩻပꩻသင်္ဃာႏဖုံႏ (ပဉ္စာနန္တရိယကမ်ႏ) အွောန်ဝင်ꩻကိုꩻကွယ်ႏဘုရာꩻလင် (အညသတ္တာရုဒ္ဒေသ)ကရိုꩻဒါႏ အပဲတ်ကထွူႏ ထာꩻမာꩻသူမျိုꩻဖုံႏယို၊ အဘဗ္ဗော-တမာꩻတဝ်းဒုမ်၊ သံဃေ-သတ္တက္ခတ္တုပရမ သောတာပန်ႏသင်္ဃာႏဖဲ့ꩻ၊ ဣဒမ္ပိရတနံ-ထွာရတနာႏကေႏညိုႏခရာႏယို၊ ပဏီတံ-မျတ်ဟဝ်ငါႏသွူ၊ ဧတေန သစ္စေန သုဝတ္ထိ ဟောတု။\n၁၄။ ကိဉ္စာပိ သော ကမ္မကရောတိ ပါပကံ၊ ကာယေန ဝါစာ ဥဒ စေတသာ ဝါ။\nအဘဗ္ဗ သော တဿ ပဋိစ္ဆဒါယ၊ အဘဗ္ဗတာ ဒိဋ္ဌပဒဿ ဝုတ္တာ။\nဣဒမ္ပိ သံဃေ ရတနံ ပဏီတံ၊ ဧတေန သစ္စေန သုဝတ္ထိ ဟောတု။\nသော-ဝွေꩻသောတာပန်ႏပုဂ္ဂိုလ်ႏနဝ်ꩻ၊ ကာယေနဝါစာ-တောမ်ႏနမ်းဖြောင်း၊ ဥဒ-တကာႏတဝ်း၊ စေတသာဝါ-တောမ်ႏသꩻပါ၊ ပါပကမ္မံ-အကုသိုလ်ႏထာꩻမာꩻ၊ ကိဉ္စိ-တမျိုꩻမျိုꩻယို၊ ကရောတိအပိ-မီႏသမ်းမာꩻဗာႏခန်းတဲ့၊ သောတဿ-ဝွေꩻအပဲတ်နဝ်ꩻ၊ ပဋိစ္ဆဒါယ-တအွောန္ဒို့ꩻဗိန်ႏ၊ အဘဗ္ဗော-ဒါႏတဝ်းဒုမ်၊ ဒိဋ္ဌပဒဿ-တောမ္မဂ်ဉာဏ်ႏတဲင် ပွိုးထီႏလဲန်းသစ္စာႏ သောတာႏပန်ႏအရိယာႏသီးတာႏ၊ အဘဗ္ဗတာ-တအွောန္ဒို့ꩻဗိန္ဒာႏတဝ်းဒုမ် အပဲတ်အကျောင်ꩻနဝ်ꩻ၊ ဝုတ္တာ-ဘုရာꩻအဝ်ႏရိုꩻဒျာႏရင်ꩻ၊ သံဃေ-သတ္တက္ခတ္တုပရမ သောတာႏပန်ႏအရိယာႏသင်္ဃာႏဖဲ့ꩻ၊ ဣဒမ္ပိရတနံ-ကထွာရတနာႏ ကေႏညိုႏခရာႏယို၊ ပဏီတံ-မျတ်ဟဝ်ငါႏသွူ၊ ဧတေန သစ္စေန သုဝတ္ထိ ဟောတု။\n၁၅။ ဝနပ္ပဂုမ္ဗေ ယထာဖုသိတဂ္ဂေ၊ ဂိမှာနမာသေ ပဌမသ္မိံ ဂိမှေ။\nတထူပမံ ဓမ္မဝရံ အဒေသယိ၊ နိဗ္ဗာန်ဂါမိံ ပရမံ ဟိတာယ။\nဣဒမ္ပိ ဗုဒ္ဓေ ရတနံ ပဏီတံ၊ ဧတေန သစ္စေန သုဝတ္ထိ ဟောတု။\nဂိမှာနမာသေ-ခမ်းသဲင်လိတ်ꩻလာ၊ ပဌမသ္မိံဂိမှေ-ကထွာအထျꩻသွတ်ꩻ ဒဲန်သီႏလာခိင်ႏ၊ ဝနပ္ပဂုမ္ဗေ-တနွိုင်အကို၊ ဖုဿိတဂ္ဂေ-သေင်ႏမျိုꩻစုမ်ႏဖုံႏ အမွူးနာလောင်းသူꩻ အဝ်ႏကဝ်ႏအဝ်ႏဆားလွဝင်ꩻဖုံႏသွူ၊ တထူပမံ-ဗိုန်ပီသေင်ႏတနွိုင် ကအဝ်ႏကဝ်ႏ ကအဝ်ႏဆား တရေꩻဒါႏအတွိုင်ꩻ၊ ပရမံ-ကမျတ်ဒါႏ၊ နိဗ္ဗာနဂါမိံ-တွိုႏအီနိဗ္ဗာန္တာႏ၊ ဓမ္မဝရမ္ပိ-သွောန္ထူႏခရာႏ ပရိယတ္တိတရာꩻမျတ်ယိုလဲ့၊ အဒေသယိ-နီဗွေႏဘုရာꩻ အဝ်ႏဟောꩻခါꩻဖေႏဒျာႏသွူ၊ ဗုဒ္ဓေ-ဘုရာꩻဖဲ့ꩻ၊ ဣဒမ္ပိရတနံ-ကထွာရတနာႏကေႏညိုႏခရာႏနဝ်ꩻ၊ ပဏီတံ-မျတ်ဟဝ်ငါႏသွူ၊ ဧတေန သစ္စေန သုဝတ္ထိ ဟေ���တု။\n၁၆။ ဝရော ဝရညူ ဝရဒေါ ဝရာဟရော၊ အနုတ္တရော ဓမ္မဝရံ အဒေသယိ။\nဣဒမ္ပိ ဗုဒ္ဓေ ရတနံ ပဏီတံ၊ ဧတေန သစ္စေန သုဝတ္ထိ ဟောတု။\nဝရော-လꩻလဲန်းနိဗ္ဗာန်ႏတဲင် ကမျတ်ဒါႏ၊ ဝရညူ-တရာꩻမျတ်နိဗ္ဗာန်ႏယို ကသေဒါႏ၊ ဝရဒေါ-တရာꩻမျတ်နိဗ္ဗာန်ႏယို ကဖေႏဒါႏ၊ ဝရာဟရော-တွိုႏအီနိဗ္ဗာန္တာႏ မဂ္ဂင်ႏသွောတ်ꩻပါꩻယို ကအီလွောန်ဖေႏဒါႏ၊ အနုတ္တရော-နေးတောမ်ႏပါႏရမီႏဓာတ် အမျတ်သွတ်ꩻကထွာ ဗွေႏဘုရာꩻနဝ်ꩻ၊ ဓမ္မဝရံ-သွောန္ထူႏခရာႏ ပရိယတ်တရာꩻမျတ်ယို၊ အဒေသယိ-နီဗွေႏကသေအတွိုင်ꩻ ဟောꩻဗွောင်ဖေႏလဲန်းသွူ၊ ဗုဒ္ဓေ-ဘုရာꩻဖဲ့ꩻ၊ ဣဒမ္ပိရတနံ-ကထွာရတနာႏ ကေႏညိုႏခရာႏယိုလဲ့၊ ပဏီတံ-မျတ်ဟဝ်ငါႏသွူ၊ ဧတေန သစ္စေန သုဝတ္ထိ ဟောတု။\n၁၇။ ခီဏံ ပုရာဏံ နဝ နတ္ထိ သမ္ဘဝံ၊ ဝိရတ္တစိတ္တာ ယတိကေ ဘဝသ္မိံ။\nတေ ခီဏ ဗီဇာ အဝိရုဠှိဆန္ဒာ၊ နိဗ္ဗန္တိ ဓီရာ ယထာယံ ပဒီပေါ။\nဣဒမ္ပိ သံဃေ ရတနံ ပဏီတံ၊ ဧတေန သစ္စေန သုဝတ္ထိ ဟောတု။\nယေ-ဝင်ꩻရဟန္တာႏသီးနဝ်ꩻ၊ ပုရာဏံ-ကမ်ႏလီꩻဟဝ်ကုဲင်ယို၊ ခီဏံ-လို့လဲန်း၊ နဝံ-ကမ်ႏတသာ၊ သမ္ဘဝံ-ကအီႏထွာထဲင်း ဘဝငါတာႏတဲ့၊ နတ္ထိ-အဲန္ထဝ်း၊ အာယတိကေ-ကအီႏကွုတ္ထဲင်း၊ ဘဝသ္မိံ-ဘဝငါတာႏ၊ ဝိရတ္တစိတ္တာ-သꩻတဏှာႏကင်ꩻထိုꩻလဲန်း၊ တေ-ဝွေꩻသီးနဝ်ꩻ၊ ခီဏဗီဇာ-ပဋိသန္ဓေႏအခြွီလို့လဲန်း၊ အဝိရုဠှိဆန္ဒာ-မဲန်ထွာထဲင်းဒုမ်ဘဝတသာ၊ ယထာ-ဗိုန်ပီနုဲင်း၊ အယံပဒီပေါ-မေႏတေန်ꩻယို၊ နိဗ္ဗန္တိ-သမုဒယတြပါ မေႏဆာႏတဏှာႏပါလို့တဲင် ကဖေ့ဒါႏအတွိုင်ꩻ၊ ဓီရာ-ထွာလဲန်းလိုꩻဒါႏအစဲတ်၊ သံဃေ-သင်္ဃာႏဖဲ့ꩻ၊ ဣဒမ္ပရတနံ-ကထွာရတနာႏ ကေႏညိုႏခရာႏယို၊ ပဏီတံ-မျတ်ဟဝ်ငါႏသွူ၊ ဧတေနသစ္စေန-ပွိုးငဝ်းမဲန်ႏယိုအတမ်ꩻခိုꩻတဲင်၊ သုဝတ္ထိဟောတု-ကပ်သိုမ္ပါꩻယို ဖေႏကယေန်ႏသွော့နေား။\n၁၈။ ယာနီဓ ဘူတာနိ သမာဂတာနိ၊ ဘုမ္မာနိ ဝါ ယာနိဝ အန္တလိက္ခေ။\nတထာဂတံ ဒေဝမနုဿပူဇိတံ၊ ဗုဒ္ဓံ နမဿာမ သုဝတ္ထိ ဟောတု။\nဣဓ-အရပ်ယိုကို၊ သမာဂတာနိ-ကလွောန်အဝ်ႏဗူႏလို့ဒါႏ၊ ယာနိဘူတာနိ-တာႏဝွန်ႏကထဲ့ဒါႏနီရပ် (ပွေါးကျောင်ꩻပွေါးဒုံ) လူꩻမျတ်ဖုံႏယင်၊ ဘုမ္မာနိဝါ-ကအုံဒင်ႏဟမ်ႏ ဝတိံသာႏမာꩻလ လꩻမျတ်ဖုံႏယင်၊ ယာနိဝအန္တလိက္ခေ-ကအုံမို့ꩻလောင်း ယာမာမာꩻကီ လူꩻမျတ်ဖုံႏယင်၊ နမဿာမ-အဝ်ႏဝုဲင်ႏရိုႏသေႏဟိုမ်၊ တထာဂတံ-ဒေါ့ꩻအတွိုင်ꩻမာꩻ မာꩻအတွိုင်ꩻဒေါ့ꩻမꩻ တထာဂတအမိန်ꩻကလꩻဒါႏ၊ ဒေဝမနုဿပူဇိတံ-လူꩻလိုꩻသီးကပူႏဇောႏအွောန်ႏရေꩻထွိုက်ဒါႏ၊ ဗုဒ္ဓံ-ဗွေႏဘုရာꩻထွူ၊ သုဝတ္ထိဟောတု-ကပ်သိုမ္ပါ���ယို ဖေႏကယေန်သွော့နေား။\n၁၉။ ယာနီဓ ဘူတာနိ သမာဂတာနိ၊ ဘုမ္မာနိ ဝါ ယာနိဝ အန္တလိက္ခေ။\nတထာဂတံ ဒေဝမနုဿပူဇိတံ၊ ဓမ္မံ နမဿာမ သုဝတ္ထိ ဟောတု။\nဣဓ-အရပ်ယိုကို၊ သမာဂတာနိ-ကလွောန်အဝ်ႏဗူႏလို့ဒါႏ၊ ယာနိဘူတာနိ-တာႏဝွန်ႏကထဲ့ဒါႏနီရပ် (ပွေါးကျောင်ꩻပွေါးဒုံ) လူꩻမျတ်ဖုံႏယင်၊ ဘုမ္မာနိဝါ-ကအုံဒင်ႏဟမ်ႏ ဝတိံသာႏမာꩻလ လꩻမျတ်ဖုံႏယင်၊ ယာနိဝအန္တလိက္ခေ-ကအုံမို့ꩻလောင်း ယာမာမာꩻကီ လူꩻမျတ်ဖုံႏယင်၊ နမဿာမ-အဝ်ႏဝုဲင်ႏရိုႏသေႏဟိုမ်၊ တထာဂတံ-ဒေါ့ꩻအတွိုင်ꩻမာꩻ မာꩻအတွိုင်ꩻဒေါ့ꩻမꩻ တထာဂတအမိန်ꩻကလꩻဒါႏ၊ ဒေဝမနုဿပူဇိတံ-လူꩻလိုꩻသီးကပူႏဇောႏအွောန်ႏရေꩻထွိုက်ဒါႏ၊ ဓမ္မံ-တရာꩻမျတ်ထွူ၊ သုဝတ္ထိဟောတု-ကပ်သိုမ္ပါꩻယို ဖေႏကယေန်သွော့နေား။\n၂၀။ ယာနီဓ ဘူတာနိ သမာဂတာနိ၊ ဘုမ္မာနိ ဝါ ယာနိဝ အန္တလိက္ခေ။\nတထာဂတံ ဒေဝမနုဿပူဇိတံ၊ ဓမ္မံ နမဿာမ သုဝတ္ထိ ဟောတု။\nဣဓ-ပ-လူꩻလိုꩻသီးကပူႏဇောႏအွောန်ႏရေꩻထွိုက်ဒါႏ၊ သံဃံ-ဗွေႏသင်္ဃာႏသွူ၊ သုဝတ္ထိဟောတု-ကပ်သိုမ္ပါꩻယို ဖေႏကယေန်သွော့နေား။ ရတနသုတ္တပရိတ္တံ-ရတနာသုတ်ပရိတ်နဝ်ꩻ၊ နိဋ္ဌိတံ-ထွူတွိုႏယိုကို။\n\nအာႏကွိုꩻ\n\nပရိတ်တန်","num_words":3954,"character_repetition_ratio":0.078,"word_repetition_ratio":0.144,"special_characters_ratio":0.089,"stopwords_ratio":0.008,"flagged_words_ratio":0.0,"lang_id_score":1.0,"perplexity_score":502.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%84%E1%80%B1%E1%80%AB%E1%80%9D%E1%80%BA%E1%82%8F%E1%80%95%E1%80%84%E1%80%BA%EA%A9%BB%E1%80%9F%E1%80%B1%E1%80%AC%E1%80%BA%EA%A9%BB%E1%80%90%E1%80%9B%E1%80%AC%EA%A9%BB","collection":"wikipedia","source":"wikipedia","original_code":"blk","text":"ဩဗွေႏဩစဝ်ႏ ထေရ်ႏမဟာႏ၊ သွဉ်းသီးတကာႏ ဝုဲင်ႏလျှောက်လောဝ်း၊ ဆရာႏဗွေႏစေဝ်းယံဟော်ꩻကျာꩻ၊ ဓမ္မဘိဓမ္မာႏ၊ သွဉ်ႏသီးတကာႏအီႏန​ေးထူႏ၊ တကာႏခိုမူႏ အီႏနာႏခံႏ ၊ သာႏဓုသွံဆင်ႏ ခံႏသီႏလꩻ၊ ပါတွမ်ႏဒါႏန အလူႏကျိုꩻ၊ မွန်းမွန်းသွိုꩻသွိုꩻ မဲဉ်နာႏငါႏ၊ ဗွေႏစောဝ်ႏဆရာႏ မထေရ်ဩ။","num_words":24,"character_repetition_ratio":0.0,"word_repetition_ratio":0.0,"special_characters_ratio":0.074,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":380050.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%84%E1%80%B1%E1%80%AB%E1%80%9D%E1%80%BA%E1%82%8F%E1%80%95%E1%80%84%E1%80%BA%EA%A9%BB%E1%80%98%E1%80%AF%E1%80%9B%E1%80%AC%EA%A9%BB%20%E1%80%9C%E1%80%AC%E2%88%92%E1%80%90%E1%80%84%E1%80%BA%EA%A9%BB%E1%80%80%E1%80%BB%E1%80%BD%E1%80%85%E1%80%BA%E1%80%97%E1%80%BD%E1%80%B1","collection":"wikipedia","source":"wikipedia","original_code":"blk","text":"ဩကာသ၊ဩကာသ၊ဩကာသ၊ ဗွန်ထိုစီနစေဝ်ႏဘုရာꩻ၊ ရောင်ႏတောႏသူပါꩻတင်ႏလေလင်း၊ စွစ်ထီတိုꩻခမ်ႏ ကယ်ꩻမွုးလာ၊ ဘွုံꩻထူꩻဘဂဝါမန်ႏကင်ꩻစော့ꩻ၊ လိုꩻလူꩻချွစ်သော့ꩻ ပသာဗာႏ၊ ဝွေႏနေယျသတ္တဝါႏ အနန္တ၊ ယိုခါကာလ သွဉ်းတကာႏ၊ ခိန်ႏတွိုႏအခါႏတင်ꩻကျွစ်လာ၊ တဆီလစ်ဟာ သွဉ်းဖစ်ပင်ꩻ၊ ယံဖေႏကြွꩻလင်ꩻသွဉ်းပင်ꩻလေဝ်း၊ ယာစိတောငေါဝ်း သွဉ်းတောင်ꩻပြန်ႏ ဟူဖောင်ႏကေဝ်ႏတလင်ႏ ခွုမ်ယွော့ꩻဖင်ꩻ၊  ခွေ−ဗွေႏသွဉ်းပင်ꩻ ယံကြွကာ၊ အာႏရုံႏလေဗွာ ဆꩻကွဉ်ႏရောင်ႏ၊ မွူးမင်လေတောင်ႏ အာႏရုံႏဖျော်၊ ကျောင်ꩻတောႏအကို ဝိဟာႏဖူꩻ၊ အဆောင်ဆေင်ႏစုꩻ ရာႏဇာႏမတ်၊ လစ်ဖဲ့ꩻလယ်ႏပတ် ကွပ်ခူကဝ်ႏ၊ ထထီႏမွူးအေဝ်ႏ တောင်းလုဲင်စော့ꩻ၊ စွုမ်ႏစီးပါသွော့ꩻ ကဝ်ႏမျိုꩻအာ၊ တနျာႏလေဗွာ ကေဝ်ႏလူႏဒွူႏ၊ ကပ်ထံတွမ်ႏသူႏ ဗွူမွူးဆုံꩻ၊ သဉ်ယေ့ꩻလာႏလုံꩻ တန်ꩻကူပါ၊ အမျိုꩻကအာ လဲင်ႏစွုမ်ႏစီႏ၊အရာႏအဒီႏ အစီဖျောင်၊ အဆုံꩻအလွမ် အွဉ်ႏဟွဲးပါ၊ ထွူယေဝ်တဲင်ခါ ယိုတလဲင်ႏ၊ သိခဲင်နီဗွေႏ စဝ်ႏဗွန်တန်၊ ခွေဗွေႏကိုႏယံ ဝုဲင်ႏရိုႏသေႏ၊ ကန္တော့ꩻ ဝနွေႏ ဂါရဝ၊ ယိုခါကာလꩻသွဉ်းလေဝ်းပင်ꩻ ၊ ယံဖေႏကြွꩻလင်ꩻ သွဉ်းပူႏဇော်ႏ ၊ ဒဲဉ်ဗွာသွမ်ꩻတောႏ ပိဏပတ်၊ ခဲးဖွယ်ꩻ ဘောဇန အာႏလုံႏပေါင်ꩻ၊ ပူႏဇော်ႏ ကပ်လောင်ꩻ ဥဒ္ဒိဿ၊ သွဉ်းဗွေႏရေႏမတ် စေဝ်ႏဘုရာꩻ၊ လျောက်လဝ်းပင်ꩻခါꩻ ဗွေႏစေဝ်ႏဩ။\n\nအာႏကွိုꩻ\n\nငဝ်းဝုဲင်ႏဖရာꩻ","num_words":93,"character_repetition_ratio":0.022,"word_repetition_ratio":0.0,"special_characters_ratio":0.076,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":456642.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%93%E1%80%87%E1%80%82%E1%80%B9%E1%80%82%E1%80%9E%E1%80%AF%E1%80%90%E1%80%B9%E1%80%90%E1%80%95%E1%80%9B%E1%80%AD%E1%80%90%E1%80%B9%E1%80%90%E1%80%95%E1%80%AB%E1%80%A0%E1%80%AD%E1%80%94%E1%80%AD%E1%80%BF%E1%80%9A","collection":"wikipedia","source":"wikipedia","original_code":"blk","text":"\"ဓဇဂ္ဂသုတ္တပရိတ္တပါဠိနိဿယ\"\n\n၁။ ယဿာနုဿရဏေနာပိ၊ အန္တလိက္ခေပိ ပါဏိနော။\nပတိဋ္ဌ မဓိဂစ္ဆန္တိ၊ ဘူမိယံ ဝိယ သဗ္ဗထာ။\nယဿ-ဝံကြိုꩻဓဇဂ္ဂပရိတ်ယို၊ အနုဿရဏေနအပိ-ယူႏလꩻနေးငါတဲ့၊ အန္တလိက္ခေပိ-အဝ်ႏခန်းမို့ꩻလောင်းတဲ့ယဝ်း၊ ပါဏိနော-ကေားယူႏလꩻသားနဝ်ꩻ၊ ဘူမိယံဝိယ-ဗိုန်ပီကအဝ်ႏဟမ်ႏလောင်းအတွိုင်ꩻ၊ သဗ္ဗထာ-နမ္ပါတခြိုꩻပါ၊ အဓိဂစ္ဆန္တိ-လꩻလို့ခင်ႏလမ်းအုံတိန်ႏ။\n\n၂။ သဗ္ဗုပဒ္ဒဝ ဇာလမှာ၊ ယက္ခာ စောရာဒိ သမ္ဘဝါ။\nဂဏနာ န စ မုတ္တာနံ၊ ပရိတ္တံ တံ ဘဏာမ ဟေ။\nယက္ခာ စောရာဒိ သမ္ဘဝါ-ပွိုးပလူꩻတခွန်ꩻကားစဖုံႏတဲင် ကထွာဒါႏ၊ သဗ္ဗုပဒ္ဒဝ ဇာလမှာ-အဝ်ႏဥပဒ္ဒဝေါအမျိုꩻမျိုꩻကရိုꩻဒါႏ ခြယ်ဥပစာရယို၊ မုတ္တာနံ-ကလွောတ္ထိုꩻသားနဝ်ꩻ၊ ဂဏနာ-မီႏနပ်တွက်ဗာႏ၊ နစအတ္ထိ-လဲင်ꩻတဒါႏဒုမ်၊ တံပရိတ္တံ-ဝွေꩻဓဇဂ္ဂသုတ်ပရိတ်ယို၊ ဟေ-အေားဗွေႏသီးဖုံႏ၊ ဘဏာမ-နီရွောတ်လွတောမ်ဟောင်း။\n\n၃။ ဧဝံ မေ သုတံ-\nဧကံ သမယံ ဘဂဝါ သာဝတ္ထိယံ ဝိဟရတိ ဇေတဝနေ အနာထပိဏ္ဍိကဿ အာရာမေ။\n(ဘန္တေ-အေားဗွေႏမဟာကဿပ)၊ မေ-အာနန္တာႏခွေသွောန်း၊ သုတံ-ဟွုန်ဗာႏဖို ဘုရာꩻဟောꩻ၊ ဧဝံ-ဓဇဂ္ဂသုတ်ခရာႏနုဲင်းယိ���သွူ၊ ဧကံသမယံ-အွိုးတလဲင်ႏကို၊ ဘဂဝါဝိဟရတိ-ဘုရာꩻအဝ်ႏအုံ၊ သာဝတ္ထိယံ-သာဝတ္ထိခမ်း၊ အနာထပိဏ္ဍိကဿ-အနာထပိဏ်ႏသဌေꩻသီး၊ အာရာမေ-ကဆို့ꩻလူႏဒါႏ၊ ဇေတဝနေ-ဇေႏတဝန်ႏကျောင်ꩻကို။\n\n၄။ တတြ ခေါ ဘဂဝါ ဘိက္ခူ အာမန္တေသိ ဘိက္ခဝေါတိ၊ ဘဒ္ဒန္တေတိ တေ ဘိက္ခူ ဘဂဝတော ပစ္စဿောသုံ။\nတတြခေါဘဂဝါ-ဘုရာꩻစိုးအွိုးကရီးခါ၊ ဘိက္ခူအာမန္တေသိ-ဘုရာꩻမီႏဟဲ့ꩻရဟန်ꩻခါ၊ ဘိက္ခဝေါတိ-ရဟန်ꩻဖုံႏ ဟဲ့ꩻနုဲင်းနဝ်ꩻသွူ၊ တေဘိက္ခူ-ရဟန်ꩻဖုံႏတဲ့၊ ဘဒ္ဒန္တေတိ-အေားဗွေႏရိုꩻတဲင်၊ ပစ္စဿောသုံ-လဝ်းချာ၊ ဘဂဝတော-ဘုရာꩻနုဲင်းနဝ်ꩻသွူ။\n\n၅။ ဘဂဝါ ဧတဒဝေါစ-\nဘူတပုဗ္ဗံ ဘိက္ခဝေ၊ ဒေဝါသုရသင်္ဂါမော သမုပဗျူဠှော အဟောသိ၊ အထ ခေါ ဘိက္ခဝေ သက္ကော ဒေဝါနမိန္ဒော၊ ဒေဝေ တာဝတိံသေ အာမန္တေသိ၊ သစေ မာရိသာ ဒေဝါနံ သင်္ဂါမဂတာနံ၊ ဥပဇ္ဇေယျ ဘယံ ဝါ ဆမ္ဘိတတ္တံ ဝါ၊ လောမဟံသော ဝါ မမေဝ တသ္မိံ သမယေ ဓဇဂ္ဂံ ဥလ္လောကေယျာထ မမံ ဟိ ဝေါ ဓဇဂ္ဂံ ဥလ္လောကေယျတံ၊ ယံ ဘဝိဿတိ ဘယံ ဝါ ဆမ္ဘိတတ္တံ ဝါ၊ လောမဟံသော ဝါ သော ပဟီယိဿတိ။\nဘဂဝါအဝေါစ-ဘုရာꩻဒေါ့ꩻ၊ ဧတံ-ငဝ်းနုဲင်းယို၊ ဘိက္ခဝေ-ရဟန်ꩻဖုံႏ၊ ဘူတပုဗ္ဗံ-စခါကထွာဖိုနဝ်ꩻ၊ ဒေဝါသုရသင်္ဂါမော-တာဝတိံသာႏတောမ်ႏ အသူရာႏသီး၊ သမုပဗျူဠှော-တွိုက်ꩻလို့ဝင်ꩻစဲ့ꩻပွယ်ꩻ၊ အဟောသိ-ထွာဖို၊ ဘိက္ခဝေ-ရဟန်ꩻဖုံႏ၊ အထခေါ-တွိုႏနဝ်ꩻခါ၊ ဒေဝါနံ-လူꩻသီး၊ ဣန္ဒော-အဗွေႏ၊ သက္ကော-သက္ကခွန္နဝ်ꩻ၊ အာမန္တေသိ-ဟဲ့ꩻလွောန်၊ ဒေဝေတာဝတိံသေ-လူꩻတာဝတိံႏသာႏ၊ မာရိသာ-နီဖုံႏယို၊ သင်္ဂါမဂတာနံ-အီႏလွေꩻတွိုက်ꩻဗာႏစဲ့ꩻ၊ ဘယံဝါ-ထာꩻငမ္ဖုံႏ၊ ဆဗ္ဘိတတ္တံဝါ-ထာꩻတရျိုးဖုံႏ၊ လောမဟံသောဝါ-ထာꩻကဒိုမ်ႏထူဖုံႏ၊ သစေဥပ္ပဇ္ဇေယျ-မီသမ်းထွာ၊ တသ္မိံသမယေ-တွိုႏနဝ်ꩻခါ၊ ဥလ္လောကေယျာထ-သီထွားထင်ႏဗော့ꩻ၊ မမံဓဇဂ္ဂံ-ခွေအလမ်ႏနာနေား၊ ဝေါဥလ္လောကယျတံဟိ-သီမီႏအဝ်ႏထီႏ၊ မမဓဇဂ္ဂံ-ခွေအလမ်ႏနာနဝ်ꩻ၊ ယံဘယံဝါ-ခွုင်းထာꩻငမ္ဖုံႏ၊ ဆဗ္ဘိတတ္တံဝါ-ထာꩻတရျိုးဖုံႏ၊ လောမဟံသောဝါသော-ထာꩻကဒိုမ်ႏထူဖုံႏနဝ်ꩻ၊ ပဟီယိဿတိ-မဲ့ꩻအထိုꩻမားဒျာႏ။\n\n၆။ နော စေ မေ ဓဇဂ္ဂံ ဥလ္လောကေယျာထ၊ အထ ပဇာပတိဿ ဒေဝရာဇဿ ဓဇဂ္ဂံ ဥလ္လောကေယျာထ၊ ပဇာပတိဿ ဟိ ဝေါ ဒေဝရာဇဿ ဓဇဂ္ဂံ ဥလ္လောကေယျတံ၊ ယံ ဘဝိဿတိ ဘယံ ဝါ ဆမ္ဘိတတ္တံ ဝါ၊ လောမဟံသော ဝါ သော ပဟီယိဿတိ။\nနောစေဥလ္လောကေယျာထ-မီတသေထွားတဝ်း၊ မေဓဇဂ္ဂံ-ခွေအလမ်ႏနာတဲ့၊ အထဥလ္လောကေယျာထ-ထွားလုဲင်ႏသွော့၊ ပဇာပတိဿ ဒေဝရာဇဿဓဇဂ္ဂံ-ပဇာပတိခွန်လူꩻအလမ်ႏနာနေား၊ ပဇာပတိဿ ဟိ ဝေါ ဒေဝရာဇဿ ဓဇဂ္ဂံ ဥလ္လောကယျတံ-သီမီႏထွားပဇာပတိခွန်အလမ်ႏနာနဝ်ꩻ၊ ယံဘဝိဿတိ-ကအီႏထွာလွောန်ုဒါႏ၊ ဘယံဝါ-ထာꩻငမ်းဖုံႏ၊ ဆမ္ဘိတတ္တံဝါ-ထာꩻတရျိုးဖုံႏ၊ လောမဟံသောဝါသော-ထာꩻကဒိုမ်ႏထူဖုံႏနဝ်ꩻ၊ ပဟီယိဿတိ-မဲ့ꩻအထိုꩻမားဒျာႏ။\n\n၇။ နော စေ ပဇာပတိဿ ဒေဝရာဇဿ ဓဇဂ္ဂံ ဥလ္လောကေယျာထ၊ အထ ဝရုဏဿ ဒေဝရာဇဿ ဓဇဂ္ဂံ ဥလ္လောကေယျာထ၊ ဝရုဏဿ ဟိ ဝေါ ဒေဝရာဇဿ ဓဇဂ္ဂံ ဥလ္လောကေယျတံ၊ ယံ ဘဝိဿတိ ဘယံ ဝါ ဆမ္ဘိတတ္တံ ဝါ၊ လောမဟံသော ဝါ သော ပဟီယိဿတိ။\nနောစေဥလ္လောကေယျာထ-မီတသေထွားတဝ်း၊ ပဇာပတိဿ ဒေဝရာဇဿ-ပဇာပတိခွန်လူꩻ၊ ဓဇဂ္ဂံ-အလမ်ႏနာတဲ့၊ အထဥလ္လောကေယျာထ-ထွားလုဲင်ႏဗော့ꩻ၊ ဝရုဏဿ ဒေဝရာဇဿ-ဝရုဏခွန်လူꩻ၊ ဓဇဂ္ဂံ-အလမ်ႏနာနေား၊ ဟိဝေါ ဥလ္လောကယျတံ-သီမီႏအဝ်ႏထီႏ၊ ဝရုဏဿဒေဝရာဇဿ-ဝရုဏခွန်လူꩻ၊ ဓဇဂ္ဂံ-အလမ်ႏနာနဝ်ꩻ၊ ယံဘဝိဿတိ-ကားကအီႏထွာ၊ ဘယံဝါ-ထာꩻငမ်းဖုံႏ၊ ဆမ္ဘိတတ္တံဝါ-ထာꩻတရျိုးဖုံႏ၊ လောမဟံသောဝါသော-ထာꩻကဒိုမ်ႏထူဖုံႏနဝ်ꩻ၊ ပဟီယိဿတိ-မဲ့ꩻအထိုꩻမားဒျာႏ။\n\n၈။ နော စေ ဝရုဏဿ ဒေဝရာဇဿ ဓဇဂ္ဂံ ဥလ္လောကေယျာထ၊ အထ ဤသာနဿ ဒေဝရာဇဿ ဓဇဂ္ဂံ ဥလ္လောကေယျာထ၊ ဤသာနဿ ဟိ ဝေါ ဒေဝရာဇဿ ဓဇဂ္ဂံ ဥလ္လောကေယျတံ၊ ယံ ဘဝိဿတိ ဘယံ ဝါ ဆမ္ဘိတတ္တံ ဝါ၊ လောမဟံသော ဝါ သော ပဟီယိဿတိ။\nနောစေဥလ္လောကေယျာထ-မီတသေထွားတဝ်း၊ ဝရုဏဿ ဒေဝရာဇဿ-ဝရုဏခွန်လူꩻ၊ ဓဇဂ္ဂံ-အလမ်ႏနာနဝ်ꩻ၊ အထဥလ္လောကေယျာထ-ထွားလုဲင်ႏဗော့ꩻ၊ ဤသာနဿ ဒေဝရာဇဿ-ဤသာနသခွန်လူꩻ၊ ဓဇဂ္ဂံ-အလမ်ႏနာနေား၊ ဟိဝေါ ဥလ္လောကယျတံ-သီမီႏအဝ်ႏထီႏ၊ ဤသာနဿဒေဝရာဇဿ-ဤသာနဿခွန်လူꩻ၊ ဓဇဂ္ဂံ-အလမ်ႏနာနဝ်ꩻ၊ ယံဘဝိဿတိ-ကားကအီႏထွာ၊ ဘယံဝါ-ထာꩻငမ်းဖုံႏ၊ ဆမ္ဘိတတ္တံဝါ-ထာꩻတရျိုးဖုံႏ၊ လောမဟံသောဝါသော-ထာꩻကဒိုမ်ႏထူဖုံႏနဝ်ꩻ၊ ပဟီယိဿတိ-မဲ့ꩻအထိုꩻမားဒျာႏ။\n\n၉။ တံ ခေါ ပန ဘိက္ခဝေ သက္ကဿ ဝါ ဒေဝါနမိန္ဒဿ ဓဇဂ္ဂံ ဥလ္လောကယျတံ' ဝရုဏဿ ဝါ ဒေဝရာဇဿ ဓဇဂ္ဂံ ဥလ္လောကယျတံ' ဤသာနဿ ဝါ ဒေဝရာဇဿ ဓဇဂ္ဂံ ဥလ္လောကယျတံ' ယံ ဘဝိဿတိ ဘယံ ဝါ ဆမ္ဘိတတ္တံ ဝါ၊ လောမဟံသော ဝါ သော ပဟီယေထာပိ နောပိ ပဟီယေထ။\nဘိက္ခဝေ-ရဟန်ꩻဖုံႏ၊ ခေါပနဥလ္လောကယျတံ-ထွားခန်း၊ သက္ကဿဒေဝါနမိန္ဒဿ-လူꩻခွန်သက္က၊ ဓဇဂ္ဂံဝါ-အလမ်ႏနာတဲ့၊ ဥလ္လောကယျတံ-ထွားခန်း၊ ဝရုဏဿဒေဝရာဇဿ-ဝရုဏခွန်လူꩻ၊ ဓဇဂ္ဂံဝါ-အလမ်ႏနာတဲ့၊ ဥလ္လောကယျတံ-ထွားခန်း၊ ဤသာနဿဒေဝရာဇဿ-ဤသာနခွန်လူꩻ၊ ဓဇဂ္ဂံဝါ-အလမ်ႏနာတဲ့၊ ယံဘဝိဿတိ-ကအီႏထွာဒါႏ၊ ဘယံဝါ-ထာꩻငမ်းဖုံႏ၊ ဆမ္ဘိတတ္တံဝါ-ထ���ꩻတရျိုးဖုံႏ၊ လောမဟံသောဝါသော-ထာꩻကဒိုမ်ႏထူဖုံႏနဝ်ꩻ၊ ပဟီယေထာပိ-ထိုꩻမားသားတဲ့အဝ်ႏ၊ နောပိပဟီယေထ-ထိုꩻမားတဝ်းသားလဲ့အဝ်ႏ။\n\n၁၀။ တံ ကိဿ ဟေတု သက္ကော ဟိ ဘိက္ခဝေ ဒေဝါနမိန္ဒော အဝီတရာဂေါ အဝီတဒေါသော အဝီတမောဟော ဘီရု ဆမ္ဘီ ဥတြာသီ ပလာယီတိ။\nတံ-ကထိုꩻမားတဝ်းနဝ်ꩻ၊ ကိဿဟေတု-ပွိုးထာꩻမုဲင်ꩻနဲးတဲင်၊ ဘိက္ခဝေ-ရဟန်ꩻဖုံႏ၊ သက္ကောဒေဝါနမိန္ဒော-လူꩻခွန်သက္ကနဝ်ꩻ၊ အဝီတရာဂေါ-ရာႏဂကင်ꩻတဝ်း၊ အဝီတဒေါသော-ဒေါသကင်ꩻတဝ်း၊ အဝီတမောဟော-မောဟကင်ꩻတဝ်း၊ ဘီရု-ငမ်းဒါႏကဒွို့ပါꩻ၊ ဆမ္ဘီ-တရျိုးဒါႏကဒွို့ပါꩻ၊ ဥတြာသီ-သꩻဝꩻဒါႏကဒွို့ပါꩻ၊ ပလာယီ-လွင်းဒါႏကဒွို့ပါꩻ၊ ဣတိ-ပွိုးနဝ်ꩻမꩻသွူ။\n\n၁၁။ အဟဉ္စ ခေါ ဘိက္ခဝေ ဧဝံ ဝဒါမိ၊ သစေ တုမှာကံ ဘိက္ခဝေ အရညဂတာနံ ဝါ' ရုက္ခမူလဂတာနံ ဝါ' သုညာဂါရဂတာနံ ဝါ ဥပ္ပဇ္ဇေယျ ဘယံ ဝါ ဆမ္ဘိတတ္တံ ဝါ၊ လောမဟံသော ဝါ မမေဝ တသ္မိံ သမယေ အနုဿရေယျာထ။\nဘိက္ခဝေ-ရဟန်ꩻဖုံႏ၊ အဟဉ္စခေါ-မီႏနုဲင်းခွေနဝ်ꩻ၊ ဧဝံဝဒါမိ-ဒေါ့ꩻဒျာႏနုဲင်းယို၊ ဘိက္ခဝေ-ရဟန်ꩻဖုံႏ၊ အရညဂတာနံဝါ-အုံတခြာကိုတျဝ်း၊ ရုက္ခမူလဂတာနံဝါ-အုံသေင်ႏမွူးခလတျဝ်း၊ သုညာဂါရဂတာနံဝါ-အုံထာꩻယေန်ကိုတျဝ်း၊ တုမှာကံဘယံဝါ-သီမီႏငမ်းထာꩻတျဝ်း၊ ဆမ္ဘိတတ္တံဝါ-မီႏတရျိုးထာꩻတျဝ်း၊ လောမဟံသောဝါ-ကဒိုမ္မီႏထူထာꩻတျဝ်း၊ သစေဥပ္ပဇ္ဇေယျ-မီႏသမ်းထွာ၊ တသ္မိံသမယေ-တွိုႏနဝ်ꩻခါ၊ မမေဝအနုဿရေယျာထ-သီယူႏလꩻဗော့ꩻခွေငါ။\n\n၁၂။ ဣတိပိ သော ဘဂဝါ အရဟံ သမ္မာသမ္ဗုဒ္ဓေါ ဝိဇ္ဇာစရဏသမ္ပန္နော သုဂတော လောကဝိဒူ အနုတ္တရောပုရိသဒမ္မသာရထိ သတ္ထာ ဒေဝမနုဿာနံ ဗုဒ္ဓေါ ဘဂဝါ-တိ။\nသောဘဂဝါ-ဘုရာꩻသူꩻ၊ ဣတိပိအရဟံ-ပွိုးကိလေႏသာႏအဲန္ထဝ်းမꩻ မိန်ꩻဗာႏအရဟံ၊ သမ္မာသမ္ဗုဒ္ဓေါ-တောမ်ႏသယမ္ဘူဉာဏ်ႏတဲင် ပွိုးသေဒါႏ ဉေယျဓမ္မတရာꩻငတ်ꩻပါꩻနဝ်ꩻမꩻ မိန်ꩻဗာႏသမ္မာသမ္ဗုဒ္ဓေါ၊ ဝိဇ္ဇာစရဏသမ္ပန္နော-ပွိုးဗွေစုမ်ႏတောမ်ႏ ဝိဇ္ဇာႏသိုမ်သွောတ်ꩻ စရဏတဆီငတ်ꩻနဝ်ꩻမꩻ မိန်ꩻဗာႏ ဝိဇ္ဇာစရဏသမ္ပန္နော၊ သုဂတော-(ယိုတပါꩻနဝ်ꩻ အဝ်ႏကုဲင်ထိုꩻ)၊ လောကဝိဒူ-ပွိုးသေလို့လောကသိုမ္ပါꩻနဝ်ꩻမꩻ မိန်ꩻဗာႏ လောကဝိဒူ၊ အနုတ္တရောပုရိသဒမ္မသာရထိ-ပွိုးထွာဝင်ꩻအတန် ပွိုက်သောလိုꩻလူꩻ ထွာစူနုဲင်းဝါးရထာꩻသား ပဲင်ႏဟဝ်ငါႏနဝ်ꩻမꩻ မိန်ꩻဗာႏ အနုတ္တရောပုရိသဒမ္မသာရထိ၊ သတ္ထာ ဒေဝမနုဿာနံ-ပွိုးထွာလိုꩻလူꩻသီးအဆရာႏနဝ်ꩻမꩻ မိန်ꩻလꩻသတ္ထာဒေဝမနုဿာနံ၊ ဗုဒ္ဓေါ-ပွိုးသေလို့သစ္စာႏလိတ်ꩻပါ���နဝ်ꩻမꩻ မိန်ꩻဗာႏဗုဒ္ဓေါ၊ ဘဂဝါ-ပွိုးဘဂကရိုꩻ ဣဿရိယ ဓမ္မ ကာမ ပယတ္တ ယသ သိရီသူမျိုꩻအဝ်ႏမꩻ မိန်ꩻဗာႏ ဘဂဝါ၊ ဣတိ-ယူႏလꩻသွော့နုဲင်းနဝ်ꩻ။\n\n၁၃။ မမံ ဟိ ဝေါ ဘိက္ခဝေ အနုဿရတံ၊ ယံ ဘဝိဿတိ ဘယံ ဝါ ဆမ္ဘိတတ္တံ ဝါ လောမဟံသော ဝါ သော ပဟီယိဿတိ။\nဘိက္ခဝေ-ရဟန်ꩻဖုံႏ၊ မမံဟိဝေါအနုဿရတံ-သီမီႏယူႏလꩻဗော့ꩻခွေငါ၊ ယံဘဝိဿတိ-ကအီႏထွာလွောန္ဒာႏ၊ ဘယံဝါ-ထာꩻငးမ္ဖုံႏ၊ ဆမ္ဘိတတ္တံဝါ-ထာꩻတရျိုးဖုံႏ၊ လောမဟံသောဝါသော-ထာꩻကဒိုမ်ႏထူဖုံႏနဝ်ꩻ၊ ပဟီယိဿတိ-မဲ့ꩻအထိုꩻမားဒျာႏ။\n\n၁၄။ နော စေ မံ အနုဿရေယျာထ၊ အထ ဓမ္မံ အနုဿရေယျာထ။\nနောစေအနုဿရေယျာထ-သီမီႏတယူႏလꩻတဝ်း၊ မံ-ခွေတဲ့၊ အထအနုဿရေယျာထ-ယူႏလꩻလုဲင်ႏဒျာႏသွော့၊ ဓမ္မံ-တရာꩻ။\n\n၁၅။ သွာက္ခာတော ဘဂဝတာ ဓမ္မော သန္ဒိဋ္ဌိကော အကာလိကော ဧဟိ ပဿိကော ဩပါနေယျိကော ပစ္စတ္တံ ဝေဒိတဗ္ဗော ဝိညူဟီ-တိ။\nဓမ္မော-တရာꩻယို၊ ဘဂဝတာ-ဗွေႏဘုရာꩻ၊ သွာက္ခာတော-ထျꩻထာႏဝနာ နယ်ꩻခရာႏအဲန္ထဝ်း ဟဝ်လို့သိုမ္ပါꩻနဝ်ꩻမꩻ မိန်ꩻဗာႏသွာက္ခတော၊ သန္ဒိဋ္ဌိကော-နာႏနေး ရွောတ်နေး ကွီဗာႏနေးစားမွေးတဝ်း နမ်းတွိုႏမာꩻဗာႏဒျာႏနဝ်ꩻမꩻ မိန်ꩻဗာႏသန္ဒိဋ္ဌိကော၊ အကာလိကော-ဈာန်ႏမဂ်ဖုံႏယို အကျိုꩻဖေႏသွူးဒါႏနဝ်ꩻမꩻ မိန်ꩻဗာႏ အကာလိကော၊ ဧဟိပဿိကော-လွောန်မာꩻစမ်ꩻဟုဲင်း ဟဲ့ꩻရုဲင်းထွိုက်ငါႏနဝ်ꩻမꩻ မိန်ꩻဗာႏ ဧဟိပဿိကော၊ ဩပါနေယျိကော-အီထင်ႏဖေႏဒါႏနီ ခမ်းကီလိုꩻလူꩻ နိဗ္ဗာန်ႏသူꩻမꩻ မီႏနုဲင်းအကုသိုလ်ႏတဲ့ အီလင်ꩻဖေႏဒါႏနီ ငါးရုဲင်ꩻ တိရစ္ဆာန်ႏ ပိတ္တာႏ အသူႏရကာယ်ႏ အပါယ်ႏလိတ်ꩻဖုင်ႏနဝ်ꩻမꩻ မိန်ꩻဗာႏဩပါနေယျိကော၊ ဝိညူဟိ-လꩻထွူဈာန်ႏမဂ်ဖိုလ်ႏသား၊ ပစ္စတ္တံ-ဖြာꩻလွော်ဖြာꩻနန်း၊ ဝေဒိတဗ္ဗော-နေးအမ်ႏဗာႏသွူး အကျိုꩻတရာꩻနဝ်ꩻမꩻ မိန်ꩻဗာႏ ပစ္စတ္တံ ဝေဒိတဗ္ဗော ဝိညူဟိ၊ ဣတိ-ယူႏလꩻသွော့နုဲင်းနဝ်ꩻ။\n\n၁၆။ ဓမ္မံ ဟိ ဝေါ ဘိက္ခဝေ အနုဿရတံ၊ ယံ ဘဝိဿတိ ဘယံ ဝါ ဆမ္ဘိတတ္တံ ဝါ လောမဟံသော ဝါ သော ပဟီယိဿတိ။\nဘိက္ခဝေ-ရဟန်ꩻဖုံႏ၊ ဟိဝေါအနုဿရတံ-မီႏယူႏလꩻ၊ ဓမ္မံ-တရာꩻနဝ်ꩻ၊ ယံဘဝိဿတိ-ကအီႏထွာဒါႏ၊ ဘယံဝါ-ထာꩻ\nငးမ္ဖုံႏ၊ ဆမ္ဘိတတ္တံဝါ-ထာꩻတရျိုးဖုံႏ၊ လောမဟံသောဝါသော-ထာꩻကဒိုမ်ႏထူဖုံႏနဝ်ꩻ၊ ပဟီယိဿတိ-မဲ့ꩻအထိုꩻမားဒျာႏ။\n\n၁၇။ နော စေ ဓမ္မံ အနုဿရေယျာထ၊ အထ သံဃံ အနုဿရေယျာထ။\nနောစေအနုဿရေယျာထ-မီႏတယူႏလꩻတဝ်း၊ ဓမ္မံ-တရာꩻလဲ့၊ အထအနုဿရေယျာထ-ယူႏလꩻလုဲင်ႏဗော့ꩻ၊ သံဃံ-သင်္ဃာႏ။\n\n၁၈။ သုပ္ပဋိပန္နော ဘဂဝတော သာဝကသံဃော၊ ဥဇုပ္ပဋိ���န္နော ဘဂဝတော သာဝကသံဃော၊ ဉာယပ္ပဋိပန္နော ဘဂဝတော သာဝကသံဃော၊ သာမီစိပ္ပဋိပန္နော ဘဂဝတော သာဝကသံဃော၊ ယဒိဒံ စတ္တာရိ ပုရိသယုဂါနိ အဋ္ဌ ပုရိသပုဂ္ဂလာ၊ ဧသ ဘဂဝတော သာဝကသံဃော၊ အာဟုနေယျော၊ ပါဟုနေယျော၊ အဉ္ဇလိကရဏီယော၊ အနုတ္တရံ ပုညက္ခေတ္တံ လောကဿာ-တိ။\nဘဂဝတော-ဗွေႏဘုရာꩻသီး၊ သာဝကသံဃော-တပဲ့ꩻသံႏဃာႏနဝ်ꩻ၊ သုပ္ပဋိပန္နော-ဗိုန္နုဲင်းဘုရာꩻ အကျင်ꩻဟဝ်လို့ စုမ္ဖြာꩻသွူ၊ ဘဂဝတော သာဝကသံဃော-ဥဇုပ္ပဋိပန္နော-နာႏလွောန်ꩻဘုရာꩻငဝ်း နမ်းကဝ်ႏဖြောင်းသꩻ စွောန်ႏလွစုမ္ဖြာꩻဖုံႏသွူ၊ ဘဂဝတော သာဝကသံဃော-ဉာယပ္ပဋိပန္နော-စူꩻလွောန်ꩻဘုရာꩻဝါႏဒ လွောင်ႏဗူႏလွဝင်ꩻဖုံႏသွူ၊ ဘဂဝတော သာဝကသံဃော-သာမီစိပ္ပဋိပန္နော-မတ်နမ်းထာꩻမာꩻ ဖေႏကထွာတရာꩻဗွေႏ ဟဝ်ရိုႏသေႏငါႏသွူ၊ စတ္တာရိပုရိသယုဂါနိ-လိတ်ခိုမ်ꩻကအဝ်ႏဒါႏ၊ ယဒိဒံ-မဂ်ဖိုလ်ႏလꩻသားဖုံႏနဝ်ꩻ၊ အဋ္ဌပုရိသပုဂ္ဂလာ-မီႏတွက်နေးအပါꩻ ကအဝ်ႏဒါႏ သွောတ်ꩻပါꩻဖုံႏနဝ်ꩻ၊ အာဟုနေယျော-အဝ်ႏမုဲင်ꩻကိုတဲ့ ဝင်ꩻအဝ်ႏထိုမ်ႏရိုႏသေႏလွောန်ꩻစွောန်ႏသွူ၊ ပါဟုနေယျော-အုံမုဲင်ꩻကိုတဲ့ဝင်ꩻကျွိုက် ဝင်ꩻရိုꩻစွောန်ႏအထွိုက်ဟဝ်ငါႏသွူ၊ ဒက္ခိဏေယျော-အမွူးထွူသꩻဆွော့ꩻ မဲန်ႏစွောန်ႏဝင်ꩻကအဝ်ႏကော့ꩻသွူ၊ အဉ္ဇလိကရဏီယော-ဝုဲင်ႏဗာႏတဲ့ စူကပနဲန်ႏ မဲန်ႏငါကျကျ ဝင်ꩻဆန္ဒသွူ၊ လောကဿ-လိုꩻသီးအတာႏ၊ အနုတ္တရံ-အသေႏချာႏသွတ်ꩻ၊ ပုညက္ခေတ္တံ-ဗိုန်လုဲင်းသွို့ꩻခြံ ဟမ်ႏယာႏဟဝ်နဝ်ꩻသွူ၊ ဣတိ-ယူႏလꩻဗာႏနုဲင်းနဝ်ꩻ။\n\n၁၈။ သံဃံ ဟိ ဝေါ ဘိက္ခဝေ အနုဿရတံ၊ ယံ ဘဝိဿတိ ဘယံ ဝါ ဆမ္ဘိတတ္တံ ဝါ လောမဟံသော ဝါ သော ပဟီယိဿတိ။\nဘိက္ခဝေ-ရဟန်ꩻဖုံႏ၊ ဟိဝေါအနုဿရတံ-မီႏယူႏလꩻ၊ သံဃံ-သင်္ဃာႏဂုဏ်ႏနဝ်ꩻ၊ ယံဘဝိဿတိ-ခွုင်းကအီႏထွာ၊ ဘယံဝါ-ထာꩻ\nငးမ္ဖုံႏ၊ ဆမ္ဘိတတ္တံဝါ-ထာꩻတရျိုးဖုံႏ၊ လောမဟံသောဝါသော-ထာꩻကဒိုမ်ႏထူဖုံႏနဝ်ꩻ၊ ပဟီယိဿတိ-မဲ့ꩻအထိုꩻမားဒျာႏ။\n\n၁၉။ တံ ကိဿ ဟေတု တထာဂတော ဟိ ဘိက္ခဝေ အရဟံ သမ္မာသမ္ဗုဒ္ဓေါ ဝီတရာဂေါ ဝီတဒေါသော ဝီတမောဟော အဘီရု အဆမ္ဘီ အနုတြာသီ အပလာယီ-တိ။\nတံ-ကထိုꩻမားဗာႏနဝ်ꩻ၊ ကိဿဟေတု-ပွိုးထာꩻမုဲင်ꩻနဲးတဲင်၊ ဘိက္ခဝေ-ရဟန်ꩻဖုံႏ၊ တထာဂတောဟိ-ဘုရာꩻယိုနဝ်ꩻ၊ အရဟံ-ကိလေႏသာႏကင်ꩻ၊ သမ္မာသမ္ဗုဒ္ဓေါ-ဉေယျဓံသေ၊ ဝီတရာဂေါ-ရာဂအဲန္ထဝ်း၊ ဝီတဒေါသော-ဒေါသအဲန္ထဝ်း၊ ဝီတမောဟော-မောဟအဲန္ထဝ်း၊ အဘီရု-ငမ်းဒါႏတဝ်းပါꩻ၊ အဆမ္ဘီ-တရျိုးဒါႏတဝ်းပါꩻ၊ အနုတြာသီ-သꩻဝꩻဒါႏတဝ်းပါꩻ၊ အပလာယီ-လွင်းဒါႏတဝ်းပါꩻ၊ ဣတိ-ပွိုးနဝ်ꩻမꩻသွူ။\n\n၂၀။ ဣဒမဝေါစ ဘဂဝါ ဣဒံ ဝတွာန သုဂတော၊ အထာပရံ ဧတဒဝေါစ သတ္တာ။\nဘဂဝါအဝေါစ-ဘုရာꩻဒေါ့ꩻ၊ ဣဒံ-ငဝ်းနုဲင်းယို၊ ဣဒံဝတွာန-ဒေါ့ꩻထွူတဲင်၊ သုဂတော-ဒေါ့ꩻဒါႏငဝ်းဟဝ်သား၊ သတ္ထာ-လိုꩻလူꩻသီးဆရာႏ ဗွေႏဘုရာꩻနဝ်ꩻ၊ အဝေါစ-ဒေါ့ꩻထဲင်း၊ အပရံ-အလင်၊ အထ-တမျိုꩻ၊ ဧတံ-နုဲင်းယိုသွူ။\n\n၂၁။ အရညေ ရုက္ခမူလေ ဝါ၊ သုညာဂါရေဝ ဘိက္ခဝေါ။\nအနုဿရေထ သမ္ဗုဒ္ဓံ၊ ဘယံ တုမှာက နော သိယာ။\nအရညေ-တခြာကို၊ ရုက္ခမူလေဝါ-သေင်ႏမွူးခလ၊ သုညာဂါရေဝ-ထာꩻယေန်အရပ်ကအုံ၊ ဘိက္ခဝေါ-ငမ်းသင်္သရာႏ ကထွာရဟန်ꩻသားဖုံႏနဝ်ꩻ၊ အနုဿရေထ-ယူႏလꩻဒျာႏသွော့၊ သမ္ဗုဒ္ဓံ-သေစဲင်းမွေးသား ဘုရာꩻဂုဏ်ႏနော၊ တုမှာကံ-ကယူႏလꩻဒါႏသီအတာႏ၊ ဘယံ-ထာꩻငမ်းနဝ်ꩻ၊ နောသိယာ-အမျိုꩻအဝ်ႏဒုမ်နဲ့။\n\n၂၂။ နော စေ ဗုဒ္ဓံ သရေယျာထ၊ လောကဇေဋ္ဌံ နရာသဘံ။\nအထ ဓမ္မံ သရေယျာထ၊ နိယျာနိကံ သုဒေသိတံ။\nနောစေသရေယျာထ-မီႏသမ်းတသေယူႏလꩻတဝ်း၊ လောကဇေဋ္ဌံ-လိုꩻလူꩻသီးအတန်၊ နရာသဘံ-မျတ်ကယ်ꩻလိုꩻလူꩻ၊ ဗုဒ္ဓံ-ဘုရာꩻနဝ်ꩻ၊ အထသရေယျာထ-ယူႏလꩻလုဲင်းဗော့ꩻ၊ နိယျာနိကံ-အီထန်ႏဖေႏဒါႏ နီသင်္သရာႏ၊ သုဒေသိတံ-နယ်ဖေႏတဖူꩻထန်ႏအစဲတ်၊ ဓမ္မံ-တရာꩻနဝ်ꩻနေား။\n\n၂၃။ နော စေ ဓမ္မံ သရေယျာထ၊ နိယျာနိကံ သုဒေသိတံ။\nအထ သံဃံ သရေယျာထ၊ ပုညက္ခေတ္တံ အနုတ္တရံ။\nနိယျာနိကံ-အီထန်ႏဖေႏဒါႏ နီသင်္သရာႏ၊ သုဒေသိတံ-နယ်ဖေႏတဖူꩻထန်ႏအစဲတ်၊ ဓမ္မံ-တရာꩻယို၊ နောစေသရေယျာထ-မီႏသမ်းတသေယူႏလꩻတဝ်းနဝ်ꩻ၊ အထျသရေယျာထ-ယူႏလꩻလုဲင်ႏဒျာႏသွော့၊ ပုညက္ခေတ္တံ-ကုသိုလ်ႏလုဲင်းယာႏ၊ အနုတ္တရံ-မဲန်ႏလွိုဝွေꩻအဲန္ထဝ်း၊ သံဃံ-သင်္ဃာႏနဝ်ꩻနေား။\n\n၂၄။ ဧဝံ ဗုဒ္ဓံ သရန္တာနံ၊ ဓမ္မံ သံဃဉ္စ ဘိက္ခဝေါ။\nဘယံ ဝါ ဆမ္ဘိတတ္တံ ဝါ၊ လောမဟံသော န ဟေဿတိ။\nဘိက္ခဝေါ-ရဟန်ꩻဖုံႏ၊ ဧဝံ-ကရိုꩻအတွိုင်ꩻ၊ သရန္တာနံ-မီႏယူႏလꩻ၊ ဗုဒ္ဓံ ဓမ္မံ သံဃဉ္စ-ဘုရာꩻတရာꩻသင်္ဃာႏဖုံႏနဝ်ꩻ၊ ဘယံဝါ-ထာꩻငမ္ဖုံႏ၊ ဆမ္ဘိတတ္တံဝါ-ထာꩻတရျိုးဖုံႏ၊ လောမဟံသောဝါ-ထာꩻကဒိုမ်ႏထူဖုံႏ၊ နဟေဿတိ-တထွာတဝ်းဒုမ်ရင်ꩻ။ ဓဇဂ္ဂသုတ္တပရိတ္တံ-ဓဇဂ္ဂသုတ်ပရိတ်နဝ်ꩻ၊ နိဋ္ဌိတံ-ထွူတွိုႏယိုကို။\n\nအာႏကွိုꩻ\n\nပရိတ်တန်","num_words":3731,"character_repetition_ratio":0.089,"word_repetition_ratio":0.215,"special_characters_ratio":0.098,"stopwords_ratio":0.011,"flagged_words_ratio":0.0,"lang_id_score":1.0,"perplexity_score":329.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%AC%E1%80%8B%E1%80%AC%E1%80%94%E1%80%AC%E1%80%8B%E1%80%AD%E1%80%9A%E1%80%9E%E1%80%AF%E1%80%90%E1%80%B9%E1%80%90%E1%80%95%E1%80%AB%E1%80%A0%E1%80%AD%E1%80%94%E1%80%AD%E1%80%BF%E1%80%9A","collection":"wikipedia","source":"wikipedia","original_code":"blk","text":"\"အာဋာနာဋိယသုတ္တပရိတ္တ\"\n��။ အပ္ပသန္နေဟိ နာထဿ၊ သာသနေ သာဓုသမ္မတေ။\nအမနုဿေဟိ စဏ္ဍေဟိ၊ သဒါ ကဗ္ဗိသကာရိဘိ။\nနာထဿ-ဘုရာꩻသီး၊ သာဓုသမ္မတေ-ယိုမꩻဟဝ်ရိုꩻတဲင် ကတဲႏထောင်ႏခါꩻဒါႏ၊ သာသနေ-သာႏသနာႏကို၊ အပ္ပသန္နေဟိ-ကတယုမ်းတဝ်းသား၊ စဏ္ဍေဟိ-သꩻကတသိန္ဒာႏ၊ သဒါ-မုဲင်ꩻခါခါလဲ့၊ ကိဗ္ဗိသကာရိဘိ-ကအဝ်ႏမာꩻတသေႏဒါႏ လိုꩻရွိုင်ꩻထာꩻမာꩻ၊ အမနုဿေဟိ-လိုꩻတမွေးတဝ်းသားဖုံႏနဝ်ꩻ။\n၂။ ပရိသာနံ စတဿန္နံ၊ အဟိံသာယ စ ဂုတ္တိယာ။\nယံ ဒေသေတိ မဟာဝီရော၊ ပရိတ္တံ တံ ဘဏာမ ဟေ။\nပရိသာနံစတဿန္နံ-ပရိသတ်လိတ်ꩻပါꩻဖုံႏနဝ်ꩻ၊ အဟိံသာယစ-ဖေႏကခမ္ဗာႏမွုန်း အနိစ္စက်ယင်၊ ဂုတ္တိယာ-ဖေႏကလိုမ္ဗိန္တာႏ၊ မဟာဝီရော-ထာꩻဝီရိယကန္ဒာႏဘုရာꩻသီး၊ ဒေသေသိ-အဝ်ႏဟောꩻခါꩻဖေႏ၊ ယံပရိတ္တံ-ဝင်ꩻကရိုꩻအာဋာနာဋိယသုတ်ပရိတ်သွူ၊ ဟေ-အေားဗွေႏသီးဖုံႏ၊ တံ-အာဋာနာဋိယသုတ်ပရိတ်ယို၊ ဘဏာမ-နီရွောတ်လွတောမ်ဟောင်း။\n၃။ ဝိပဿိဿ စ နမတ္ထု၊ စက္ခုမန္တဿ သိရီမတော။\nသိခိဿပိ စ နမတ္ထု၊ သဗ္ဗဘူတာနုကမ္ပိတော။\nစက္ခုမန္တဿ-ဗုဒ္ဓ ဓမ္မ သမန္တ ဒိဗ္ဗ ပညာကရိုꩻဒါႏ စက္ခုငတ်ꩻပါꩻ ကအဝ်ႏဒါႏ၊ သိရီမတော-သိရီဘဂကအဝ်ႏဒါႏ၊ သဗ္ဗဘူတာနုကမ္ပိနော-သညင်ꩻလို့သတ္တဝါႏ၊ ဝိပ္ပဿိဿစ-ဝိပဿီဘုရာꩻယိုလဲ့၊ နမတ္ထု-ထွာဝုဲင်ႏဒျာႏ။\n၄။ ဝေဿဘုဿ စ နမတ္ထု၊ နှာတကဿ တပဿိနော။\nနမတ္ထု ကကုသန္ဓဿ၊ မာရသေနာ ပမဒ္ဒိနော။\nနှာတကဿ-ပသေစင်ထွူထာꩻကုဲင်သား၊ တပဿိနော-ကအုံခြေားခြင်ꩻ ကျင်ꩻဒါႏထာꩻသား၊ ဝေဿဘုဿစ-ဝေဿဘုဘုရာꩻယိုလဲ့၊ နမတ္ထု-ထွာဝုဲင်ႏဒျာႏ၊ မာရသေနာပမဒ္ဒိနော-ကယမ်းနွောင်ꩻလꩻ မာရစဲ့ꩻ၊ ကကုသန္ဓဿ-ကကုသန္ဓဘုရာꩻယိုလဲ့၊ နမတ္ထု-ထွာဝုဲင်ႏဒျာႏ။\n၅။ ကောဏာဂမနဿ နမတ္ထု၊ ဗြာဟ္မဏဿ ဝုသီမတော။\nကဿပဿ စ နမတ္ထု၊ ဝိပ္ပမုတ္တဿ သဗ္ဗဓိ။\nဗြာဟ္မဏဿ-ကမာꩻဖေ့ထွူထာꩻကုဲင်သား၊ ဝုသီမတော-တောမ်ႏအရိယာႏမဂ်တဲင် ကမျတ်ဒါႏ၊ (ဝါ) တောမ်ႏအာဝဇ္ဇန သမာပဇ္ဇန အဓိဋ္ဌာန ဝုဋ္ဌာန ပစ္စဝေက္ခဏာႏကြိုꩻ ဝသီဘာဝငတ်ꩻအူယိုလဲ့ ကဗွေစုမ်ႏဒါႏ၊ ကောဏာဂမနဿ-ကောနာဂမ်ဘုရာꩻယိုလဲ့၊ နမတ္ထု-ထွာဝုဲင်ႏဒျာႏ၊ သဗ္ဗဓိ-ကိလေႏသာႏကားကအဝ်ႏယို၊ ဝိပ္ပမုတ္တဿ-ကကင်ꩻလွောတ်ထွူဒါႏ၊ ကဿပဿစ-ကဿပဘုရာꩻယိုလဲ့၊ နမတ္ထု-ထွာဝုဲင်ႏဒျာႏ။\n၆။ အင်္ဂီရသဿ နမတ္ထု၊ ဝိပ္ပမုတ္တဿ သဗ္ဗဓိ။\nယော ဣမံ ဓမ္မံ ဒေသေသိ၊ သဗ္ဗဒုက္ခာပနူဒနံ။\nအင်္ဂီရသဿ-အဝ်ႏနမ်းကိုထန်ႏ သူခန်ꩻရောင်ႏတောႏ ကတွိုႏဖျောဒါႏ၊ သကျပုတ္တဿ-သာႏကီႏခွိုꩻပို ဇာတ်ကထိုဒါႏ၊ သိရီမတော-ထွားကွို့ꩻဒါႏတဝ်း သိရီဘဂကအဝ်ႏဒါႏ၊ သဗ္ဗဒုက္ခာပနူဒနံ-ထာꩻဒုက္ခအစားစားယို ကမာꩻထိုꩻမားဖေႏဒါႏ၊ ဣမံဓမ္မံ-အာဋာနာဋိယသုတ်ပရိတ်တရာꩻယို၊ ဒေသသိ-ကဟောꩻထန်ႏဖေႏဒါႏ၊ ယောသော-ဘုရာꩻဂေါတမယို၊ နမတ္ထု-ထွာဝုဲင်ႏဒျာႏ။\n၇။ ယေ စာပိ နိဗ္ဗုတာ လောကေ၊ ယထာဘူတံ ဝိပဿိသုံ။\nတေ ဇနာ အပိသုဏာ'ထ၊ မဟန္တာ ဝီတသာရဒါ။\nယေစာပိ-မဟာပဒါနသုတ္တန်ႏအလꩻ ဗုဒ္ဓနွုတ်ꩻဆူႏဖုံႏလဲ့၊ လောကေ-လောကကို၊ နိဗ္ဗုတာ-ကျွꩻလို့နိဗ္ဗာန်ႏ၊ ယထာဘူတံ-ယထာဘူတဉာဏ်ႏယို၊ ဝိပဿိတုံ-ထီႏလို့လဲန်း၊ တေဇနာ-ကရိုꩻဘုရာꩻနွုတ်ꩻဆူႏဖုံႏနဝ်ꩻ၊ အပိသုဏံ-ငမ်းပꩻလီယို တဒေါ့ꩻဒါႏတဝ်း၊ အထ-သွူတကာႏတဝ်း၊ မဟန္တာ-မျတ်တဲ့မျတ်၊ ဝီတသာရဒါ-ထာꩻငမ်းလဲ့အဲန္ထဝ်း။\n၈။ ဟိတံ ဒေဝမနုဿာနံ၊ ယံ နမဿန္တိ ဂေါတမံ။\nဝိဇ္ဇာစရဏသမ္ပန္နံ၊ မဟန္တံ ဝီတသာရဒံ။\nဒေဝမနုဿာနံ-လိုꩻလူꩻသီးတာႏ၊ ဟိတံ-အကျိုꩻကထွာအီဒါႏ၊ ဝိဇ္ဇာစရဏသမ္ပန္နံ-ဝိဇ္ဇာႏသိုမ်ပါꩻ (၁) ပုဗ္ဗေနိဝါသာနုဿတိဉာဏ်ႏဝိဇ္ဇာ (၂) ဒိဗ္ဗစက္ခုဉာဏ်ႏဝိဇ္ဇာ (၃) အာသဝက္ခယဉာဏ်ႏဝိဇ္ဇာ ဝိဇ္ဇာႏသွောတ်ꩻပါꩻ ဝိဇ္ဇာႏသိုမ္ပါꩻကို သော့ꩻထဲင်း (၄) ဣဒ္ဓိဝိဓ (၅) ဒိဗ္ဗသောတ (၆) စေတောပရိယ (၇) မနောမယိဒ္ဓိ (၈) ဝိပဿနာဉာဏ်၊ စရဏတဆီငတ်ꩻပါꩻ (၁) သီလသံဝရ (၂) ဣန္ဒြိယဂုတ္တဒွါရ (၃) ဘောဇနမတ္တညု (၄) ဇာဂရိယာနုယောဂ (၅) သဒ္ဓါ (၆) သတိ (၇) ဟိရီ (၈) ဩတ္တပ္ပ (၉) ဗဟုဿုတ (၁၀) ဝီရိယ (၁၁) ပညာ (၁၂\/၁၅) ပ-ဒု-တ-စ ဈာန်ႏလိတ်ꩻပါꩻ ကဗွေစုမ်ႏဒါႏ၊ မဟန္တံ-မျတ်လဲ့မျတ်၊ ဝီတသာရဒံ-ထာꩻငမ်းလဲ့အဲန္ထဝ်း၊ ယံဂါတမံ-ကရိုꩻဘုရာꩻဂေါတမယိုလဲ့၊ နမဿန္တိ-ဝုဲင်ႏပါလို့ဒျာႏသွူ။\n၉။ ဧတေ စညေ စ သမ္ဗုဒ္ဓါ၊ အနောကသတကောဋိယော။\nသဗ္ဗေ ဗုဒ္ဓါ'သမာသမာ၊ သဗ္ဗေ ဗုဒ္ဓါ မဟိဒ္ဓိကာ။\nဧတေစ-မဟာပဒါနသုတ္တန်ႏအလꩻ ဘုရာꩻနွုတ်ꩻဆူႏဖုံႏပါ၊ အနေကသတကောဋိယော-ကုဋေႏအရျာꩻတကာႏတဝ်း၊ အညေစသမ္ဗုဒ္ဓါ-ဘုရာꩻလင်ဖုံႏပါ၊ သဗ္ဗေဗုဒ္ဓါ-ကားဘုရာꩻဖုံႏနဝ်ꩻ၊ အသမသမာ-တောမ်ႏပစ္စေကဗုဒ္ဓ သာဝကဗုဒ္ဓဖုံႏ တဗိုန္တဝ်း ဗိုန်ချာဒျာႏ သမ္မာသမ္ဗုဒ္ဓဘုရာꩻချင်ꩻချင်ꩻ၊ မဟိဒ္ဓိကာ-တမ်ꩻခိုꩻတန်မွေးစွောန်ႏသွူ။\n၁၀။ သဗ္ဗေ ဒသဗလူပေတာ၊ ဝေသာရဇ္ဇေဟု'ပါဂတာ။\nသဗ္ဗေ တေ ပဋိဇာနန္တိ၊ အာသဘံ ဌာန'မုတ္တမံ။\nသဗ္ဗေဒသဗလူပေတာ-ခွုင်းဘုရာꩻသီး ဉာဏအာႏဆီပါꩻကရိုꩻဒါႏ (၁) ဌာနာဌာနကောသလ္လဉာဏ်ႏ (၂) ကမ္မဝိပါက (၃) သဗ္ဗတ္ထဂါမိနီပဋိပဒါ (၄) အနေကဓာတု နာနာဓာတု (၅) နာနာဝိမုတ္တိကတာ (၆) ဣန္ဒြိယပရောပရိယတ္တိ (၇) ဈာနာဒိသံကိလိဋ္ဌ ဝေါဒါန ဝုဌာန (၈) ပုဗ္ဗေနိဝါသာနုဿတိ (၉) စုတူပပါတ (၁၀) အာသဝက္ခယဉာဏ်ဖုံႏယို ကဗွေစုမ်ႏဒါႏ၊ ဥပါဂတာ-ကဗွေစုမ္ပါ၊ အာသဘံဌာနံ-ပုရိသဥသဘသီးမꩻ ကလꩻနွောင်္ဒါႏ သဗ္ဗညုတဉာဏ်ႏယို၊ ပဋိဇာနန္တိ-ခွေလꩻလဲန်းရိုꩻတဲင် အဝွန်ႏခံႏလွသွူ။\n၁၁။ သီဟနာဒံ နဒန္တေ'တေ၊ ပရိသာသု ဝိသာရဒါ။\nဗြဟ္မစက္ကံ ပဝတ္တေန္တိ၊ လောကေ အပ္ပဋိဝတ္တိယံ။\nဧတေ-ဗွေႏဘုရာꩻသီးဖုံႏနဝ်ꩻ၊ ပရိသာသု-ပရိသတ်သီးခြာ၊ ဝိသာရဒါ-ရုဲင်းရုဲင်းဟန်ဟန်၊ သီဟနာဒံ-ဗိုန္နုဲင်းချင်္သေ့ꩻ၊ နဒန္တိ-အဒေါ့ꩻလွနုဲင်းနဝ်ꩻ၊ လောကေ-လောကကို၊ အပ္ပဋိဝတ္တိယံ-ဝင်ꩻလင်ကမာꩻတပိန္နွောင်ꩻတဝ်း၊ ဗြဟ္မစက္ကံ-တရာꩻစက်(ဓမ္မစကျာႏယို)၊ ပဝတ္တေန္တိ-မာꩻတပိန္နွောင်ꩻသွူ။\n၁၂။ ဥပေတာ ဗုဒ္ဓဓမ္မေဟိ၊ အဋ္ဌာရသဟိ နာယကာ။\nဗာတ္တိံသလက္ခဏူပေတာ၊ သီတာနုဗျဉ္ဇနာဓရာ။\nနာယကာ-အွောန္နဲဖေႏဒါႏ ဗြဟ္မာႏလိုꩻလူꩻ တဖူꩻမဲန်ႏတကာႏတဝ်း၊ ဥပေတာ-ဗွေစုမ္ပါတောမ်ႏ၊ ဗုဒ္ဓဓမ္မေဟိ-ဘုရာꩻသီးဂုဏ်ႏ၊ အဋ္ဌာရသဟိ-တဆီသွောတ်ꩻပါꩻ၊ ဗာတ္တိံသလက္ခဏူပေတာ-မဟာပုရိသလက္ခဏာႏတန် သိုမ်ဆီနီပါꩻတဲ့ဗွေ၊ အသီတာနုဗျဉ္ဇနာဓရာ-လက္ခဏာႏပေႏ အပါꩻသွောတ်ꩻဆီလဲ့ ပါလွောန္ထွူဒျာႏ။\n၁၃။ ဗျာမပ္ပဘာယ သုပ္ပဘာ၊ သဗ္ဗေ တေ မုနိကုဉ္ဇရာ။\nဗုဒ္ဓါ သဗ္ဗညုနော ဧတေ၊ သဗ္ဗေ ခီဏာသဝါ ဇိနာ။\nဗျမပ္ပဘာယ-မီႏနုဲင်းဘုရာꩻဂေါတမ ခြꩻလွောန္နမ်းသောင် ရောင်ႏတောႏတခြဲမ်၊ သုပ္ပဘာ-အဝ်ႏရဲမ်ꩻလွောန်ꩻသွူ၊ သဗ္ဗေဧတေ-ခွုင်းဘုရာꩻဖုံႏနဝ်ꩻ၊ မုနိကုဉ္ဇရာ-မျတ်လွိုကယ်ꩻထဲင်း သာဂါရ အနာဂါရ သေက္ခ အသေက္ခ ပစ္စေကတဲင် ထွာမုနိမုနိကရိုꩻဒါႏ သမ္မာသမ္ဗုဒ္ဓမုနိသွူ။ သဗ္ဗညုနော-သဗ္ဗညုတဉာဏ်ႏလဲ့အဝ်ႏ၊ ခီဏာသဝါ-ကာမ ဘဝ ဒိဋ္ဌိ အဝိဇ္ဇာကရိုꩻ အာသဝေါတရာꩻလိတ်ꩻပါꩻယိုလဲ့ကင်ꩻလို့၊ ဇိနာ-အောင်ႏထွူလဲန်း ဒေဝပုတ္တ ကိလေသတောမ်ႏ အဘိသင်္ခါရ မစ္စု ခန္ဓ မာရငတ်ꩻပါꩻဖုံႏသွူ။\n၁၄။ မဟာပဘာ မဟာတေဇာ၊ မဟာပညာ မဟဗ္ဗလာ။\nမဟာကာရုဏိကာ ဓီရာ၊ သဗ္ဗေသာနံ သုခါဝဟာ။\nမဟပဘာ-နေးတောမ်ႏအရောင်ႏမျတ်၊ မဟာတေဇာ-တမ်ꩻခိုꩻမျတ်၊ မဟာပညာ-ပညာႏမျတ်၊ မဟဗ္ဗလာ-အာႏရဲင်ꩻမျတ်၊ မဟာကာရုဏိကာ-ကရုဏာႏမျတ်၊ ဓီရာ-ထာꩻဝီရိမျတ္တဲင်၊ သဗ္ဗေသာနံ-ကားသတ္တဝါႏသီးလောင်း၊ သုခါဝဟာ-အဝ်ႏထေင်းထမ်ႏလွေꩻဖေႏ ထာꩻသုခသွူ။\n၁၅။ ဒီပါ နာထာ ပတိဋ္ဌာ စ၊ တာဏာ လေဏာ စ ပါဏိနံ။\nဂတီ ဗန္ဓူ မဟေဿာသာ၊ သဗ္ဗေ ဧတေ ပရာယဏာ။\nဒီပါစ-က္လုန်လဲ့ထွာ၊ နာထာစ-ထာꩻကွိုꩻလဲ့ထွာ၊ ပတိဋ္ဌာစ-ထာꩻအုံဒင်ႏလဲ့ထွာ၊ တာဏာစ-ထာꩻအိုံကွူႏလဲ့ꩻထွာ၊ လေဏာစ-ကာဗာလဲ့ထွာ၊ ဂတီစ-ထာꩻကွုတ္ထေ့လဲ့ထွာ၊ ဗန္ဓူစ-အခွိုꩻလဲ့ထွာ၊ မဟေဿာသာစ-ကင်(ကဲက်)ပွေါးသားလဲ့ထွာ၊ သရဏာစ-ထာꩻဟဝ်သေနန်းလဲ့ထွာ၊ ဟိတေသိနော-အဝ်ႏထိုမ္ဖေႏ နီအကျိုꩻသွူ။\n၁၆။ သဒေဝကဿ လောကဿ၊ သဗ္ဗေ ဧတေ ပရာယဏာ။\nတေသာ'ဟံ သိရသာ ပါဒေ၊ ဝန္ဒာမိ ပုရိသုတ္တမေ။\nသဗ္ဗေဧတေ-ခွုင်းဘုရာꩻဖုံႏနဝ်ꩻ၊ သဒေဝကဿလောကဿ-လိုꩻလူꩻသီးတာႏ၊ ပရာယဏာ-ထွာခင်ႏလမ်းထွူ၊ ပုရိသုတ္တမေ-မျတ်ကဲꩻလိုꩻခိုလင်၊ တေသံ-ဘုရာꩻသီး၊ ပါဒေ-ခင်ႏယို၊ သိရသာအဟံ-တောမ်ႏခွေကတူႏတဲင်၊ ဝန္ဒာမိ-ဝုဲင်ႏဒျာႏသွူဗွေႏအေား။\n၁၇။ ဝစသာ မနသာ စေဝ၊ ဝန္ဒာမေ'တေ တထာဂတေ။\nသယနေ အာသနေ ဌာနေ၊ ဂမနေ စာပိ သဗ္ဗဒါ။\nဧတေတထာဂတာ-ဗွေႏဘုရာꩻဖုံႏယို၊ သယနေ-အဝ်ႏဗေင်ႏခိင်ႏပါ၊ အာသနေ-အဝ်ႏအုံလင်ꩻခိင်ႏပါ၊ ဌာနေ-အဝ်ႏအုံထွိုင်ႏခိင်ႏပါ၊ ဂမနေစာပိ-အဝ်ႏလွေꩻထာꩻခိင်ႏပါ၊ ဝစသာ-တောမ်ႏဝစီဒွါရယင်၊ မနသာစေဝ-တောမ္မနောဒွါရယင်၊ ဝန္ဒာမိ-နီသွောန်းဝုဲင်ႏ၊ သဗ္ဗဒါ-တသေႏဒျာႏ။\n၁၈။ သဒါ သုခေန ရက္ခန္တု၊ ဗုဒ္ဓါ သန္တိကရာ တုဝံ။\nတေဟိ တွံ ရက္ခိတော သန္တော၊ မုတ္တော သဗ္ဗဘယေဟိ စ။\nသန္တိကရာ-မာꩻငိမ္ဖေ့ဒါႏနီကိလေႏသာႏ၊ ဗုဒ္ဓါ-ဘုရာꩻဖုံႏနဝ်ꩻ၊ ရက္ခန္တာ-ဖေႏကပွေါး၊ သုခေန-မာꩻသုခ၊ သဒါ-တသေႏဖေႏသွော့၊ တုဝံ-နာꩻနေား၊ တေဟိ-ဘုရာꩻ၊ ရက္ခိတော-ကပွေါးဒါႏ၊ တွံ-နာꩻနဝ်ꩻ၊ သန္တောစ-ဖေႏကငိမ်ꩻသွော့၊ မုတ္တောစ-ဖေႏကလွောတ်ပါသွော့၊ သဗ္ဗဘယေဟိ-ခွုင်းဘေꩻရန်ႏဖုံႏ။\n၁၉။ သဗ္ဗရောဂါ ဝိနီမုတ္တော၊ သဗ္ဗသန္တာပဝဇ္ဇိတော။\nသဗ္ဗဝေရ'မတိက္ကန္တော၊ နိဗ္ဗူတော စ တုဝံ ဘဝ။\nတုဝံ-နာꩻနဝ်ꩻ၊ သဗ္ဗရောဂါ-အဝ်ႏခွုင်းရောႏဂါႏဖုံႏ၊ ဝိနီမုတ္တောဘဝ-ဖေႏကလွောတ်သွော့၊ သဗ္ဗသန္တာပ-အဝ်ႏခွုင်းထာꩻခိုးလျားဖုံႏ၊ ဝဇ္ဇိတော-ဖေႏကကင်ꩻသွော့၊ သဗ္ဗဝေရံ-အဝ်ႏခွုင်းရန်ႏဖုံႏ၊ အတိက္ကန္တော-ဖေႏကပိုန်းလꩻသွော့၊ နိဗ္ဗုတောစ-ဖေ့ꩻငိမ်ꩻသွော့။\n၂၀။ တေသံ သစ္စေန သီလေန၊ ခန္တိမေတ္တာဗလေန စ။\nတေပိ အမှေ'နုရက္ခန္တု၊ အရောဂေန သုခေန စ။\nတေသံ-တောမ်ႏဘုရာꩻသီး၊ သီလေနစ-အသီႏလ၊ သစ္စေန-အသစ္စာႏ၊ ခန္တိမေတ္တာဗလေနစ-အခန္တီမေတ္တာႏအစိုန်ꩻ၊ တေပိ-ဘုရာꩻသီးတဲ့၊ အရောဂေန-ခြွိုင်ႏင်ႏသန်ꩻန်ꩻ၊ သုခေနစ-သာႏသာႏယာႏယာႏ၊ အနုရက္ခန္တု-ဖေႏကကိုမ္ဖေႏသွော့၊ အမှေဟိ-နီဖုံႏယို။\n၂၁။ ပုရတ္ထိမသ္မိံ ဒိသာဘာဂေ၊ သန္တိ ဘူတာ မဟိဒ္ဓိကာ။\nတေပိ အမှေ'နုရက္ခန္တု၊ အရောဂေန သုခေန စ။\nပုရတ္ထိမသ္မိံဒိသာဘာဂေ-အရပ္ဖဲ့ꩻကွောန်ႏ၊ မဟိဒ္ဓိကာ-တမ်ꩻခိုꩻကတန္ဒာႏ၊ ဘူတာ-���န္ဓဗ္ဗလူꩻဖုံႏနဝ်ꩻ၊ သန္တိ-အဝ်ႏလွသွူ၊ တေပိ-ဝွေꩻသီးလဲ့၊ အရောဂေန-ခြွိုင်ႏင်ႏသန်ꩻန်ꩻ၊ သုခေနစ-သာႏသာႏယာႏယာႏ၊ အနုရက္ခန္တု-ဖေႏကကိုမ္ဖေႏသွော့၊ အမှေဟိ-နီဖုံႏယို။\n၂၂။ ဒက္ခိဏသ္မိံ ဒိသာဘာဂေ၊ သန္တိ ဒေဝါ မဟိဒ္ဓိကာ။\nတေပိ အမှေ'နုရက္ခန္တု၊ အရောဂေန သုခေန စ။\nဒက္ခိဏသ္မိံဒိသာဘာဂေ-အရပ္ဖဲ့ꩻနဝ်၊ မဟိဒ္ဓိကာ-တမ်ꩻခိုꩻကတန္ဒာႏ၊ ဒေဝါ-ကုမ္ဘန်ႏလူꩻဖုံႏနဝ်ꩻ၊ သန္တိ-အဝ်ႏလွသွူ၊ တေပိ-ဝွေꩻသီးလဲ့၊ အရောဂေန-ခြွိုင်ႏင်ႏသန်ꩻန်ꩻ၊ သုခေနစ-သာႏသာႏယာႏယာႏ၊ အနုရက္ခန္တု-ဖေႏကကိုမ်းလင်ꩻသွော့၊ အမှေဟိ-နီဖုံႏယို။\n၂၃။ ပစ္ဆိမသ္မိံ ဒိသာဘာဂေ၊ သန္တိ နာဂါ မဟိဒ္ဓိကာ။\nတေပိ အမှေ'နုရက္ခန္တု၊ အရောဂေန သုခေန စ။\nပစ္ဆိမသ္မိံဒိသာဘာဂေ-အရပ္ဖဲ့ꩻတွို့ꩻ၊ မဟိဒ္ဓိကာ-တန်ꩻခိုꩻကတန္ဒာႏ၊ ဒေဝါ-ဝိရူပက္ခလူꩻဖုံႏနဝ်ꩻ၊ သန္တိ-အဝ်ႏလွသွူ၊ တေပိ-ဝွေꩻသီးလဲ့၊ အရောဂေန-ခြွိုင်ႏင်ႏသန်ꩻန်ꩻ၊ သုခေနစ-သာႏသာႏယာႏယာႏ၊ အနုရက္ခန္တု-သွော့၊ အမှေဟိ-ယို။\n၂၄။ ဥတ္တရသ္မိံ ဒိသာဘာဂေ၊ သန္တိ ယက္ခာ မဟိဒ္ဓိကာ။\nတေပိ အမှေ'နုရက္ခန္တု၊ အရောဂေန သုခေန စ။\nဥတ္တရသ္မိံဒိသာဘာဂေ-အရပ္ဖဲ့ꩻထင်ꩻ၊ မဟိဒ္ဓိကာ-တမ်ꩻခိုꩻကတန္ဒာႏ၊ ယက္ခာ-ဘီပလူꩻဖုံႏနဝ်ꩻ၊ သန္တိ-အဝ်ႏလွသွူ၊ တေပိ-ဝွေꩻသီးလဲ့၊ အရောဂေန-ခြွိုင်ႏင်ႏသန်ꩻန်ꩻ၊ အနုရက္ခန္တု-ဖေႏကကိုမ်းလင်ꩻသွော့၊ အမှေဟိ-နီဖုံႏယို။\n၂၅။ ပုရတ္ထိမေန ဓတရဋ္ဌော၊ ဒက္ခိဏေန ဝိရူဠှကော။\nပစ္ဆိမေန ဝိရူပက္ခော၊ ကုဝေရော ဥတ္တရံ ဒိသံ။\nပုရတ္ထိမေန-အရပ္ဖဲ့ꩻကွောန်ႏ၊ ဓတရဋ္ဌာ-ဂန္ဓဗ္ဗသီးအတန် ဓတရဋ္ဌခွန်လူꩻ၊ ဒက္ခိဏေန-အရပ္ဖဲ့ꩻနဝ်၊ ဝိရူဠှကော-ကုမ္ဘန်ႏသီးအတန် ဝိရူဠှကခွန်လူꩻ၊ ပစ္ဆိမေန-အရပ္ဖဲ့ꩻတွို့ꩻ၊ ဝိရူပက္ခော-ရူးနဂါꩻသီးအတန် ဝိရူပက္ခခွန်လူꩻ၊ ဥတ္တရံဒိသံ-အရပ္ဖဲ့ꩻထင်ꩻ၊ ကုဝေရော-ယက္ခသီးအတန် ကုဝေရခွန်လူꩻ။\n၂၆။ စတ္တာရော တေ မဟာရာဇာ၊ လောကပါလာ ယသဿိနော။\nတေပိ အမှေ'နုရက္ခန္တု၊ အရောဂေန သုခေန စ။\nဧတေ-ကရိုꩻဒါႏ၊ လောကပါလာ-ကိုးမ္ဖေႏဒါႏလိုꩻသား၊ စတ္တာရောမဟာရာဇာ-လူꩻတန်ဝင်ꩻလိတ်ꩻဖုံႏနဝ်ꩻ၊ တေပိ-ဝွေꩻသီးတဲ့၊ အရောဂေန-ခြွိုင်ႏင်ႏသန်ꩻန်ꩻ၊ သုခေနစ-သာႏသာႏယာႏယာႏ၊ အနုရက္ခန္တု-ယမ်းကိုးမ္ဖေႏသွော့၊ အမှေဟိ-နီဖုံႏယို။\n၂၇။ အာကာသဋ္ဌာ စ ဘူမဋ္ဌာ၊ ဒေဝါ နာဂါ မဟိဒ္ဓိကာ။\nတေပိ အမှေ'နုရက္ခန္တု၊ အရောဂေန သုခေန စ။\nအာကာသဋ္ဌာ-ယာမာမာꩻကီ မို့ꩻလောင်းကအဝ်ႏ၊ ဘူမဋ္ဌာ-ဝတိံသာႏမာꩻလ ဟမ်ႏလောင်းကအဝ်ႏ၊ မ��ိဒ္ဓိကာ-တမ်ꩻခိုꩻကတန္ဒာႏ၊ ဒေဝါနာဂါ-လူꩻဖုံႏနဂါꩻဖုံႏနဝ်ꩻ၊ တေပိ-ဝွေꩻသီးတဲ့၊ အရောဂေန-ခြွိုင်ႏင်ႏသန်ꩻန်ꩻ၊ သုခေနစ-သာႏသာႏယာႏယာႏ၊ အနုရက္ခန္တု-သွော့၊ အမှေဟိ-ယို။\n၂၈။ ဣဒ္ဓိမန္တော စ ယေ ဒေဝါ၊ ဝသန္တာ ဣဓ သာသနေ။\nတေပိ အမှေ'နုရက္ခန္တု၊ အရောဂေန သုခေန စ။\nဣဓသာသနေ-သာႏသနာႏကိုယို၊ ဣဒ္ဓိမန္တော-တမ်ꩻခိုꩻကတန္ဒာႏ၊ ယေဒေဝါစ-လူꩻနဂါꩻမုဲင်ꩻတဲ့ယဝ်း၊ ဝသန္တာစ-မီႏအဝ်ႏထဲးင်္ဒါႏ၊ တေပိ-ဝွေꩻသီးတဲ့၊ အရောဂေန-ခြွိုင်ႏင်ႏသန်ꩻန်ꩻ၊ သုခေနစ-သာႏသာႏယာႏယာႏ၊ အနုရက္ခန္တု-ယမ်ကကိုမ်းလင်ꩻဖေႏသွော့၊ အမှေဟိ-နီဖုံႏယို။\n၂၉။ သဗ္ဗီတိယော ဝိဝဇ္ဇန္တု၊ သောကော ရောဂေါ ဝိနဿတု။\nမာ တေ ဘဝန္တွန္တရာယာ၊ သုခီ ဒီဃာယုကော ဘဝ။\nသဗ္ဗီတိယော-ခွုင်းဘေꩻနမ်းရန်ႏ ဥပဒ္ဒဝေါဖုံႏနဝ်ꩻ၊ ဝိဝဇ္ဇန္တု-ဖေႏကကင်ꩻလွောတ်သွော့၊ သောကော-ထာꩻနန်း၊ ရောဂေါ-ထာꩻဆာဖုံႏနဝ်ꩻ၊ ဝိနဿန္တု-ဖေႏကထိုꩻမားသွော့၊ တေ-သီအတာႏ၊ အန္တရာယော-ဥစ္စာႏဆာနမ်းဆာ တရာꩻဆာ(အရိယူပဝါဒကမ်ႏ)ဓမ္မန္တရာယ်ဖုံႏနဝ်ꩻ၊ မာဘဝန္တု-ဖေႏကထွာဗာႏမွုန်း၊ သုခီဘဝ-ဖေႏကခြွိုင်ႏသန်ꩻသွော့၊ ဒီဃာယုကော-သက်ဖေႏကဆွာꩻသွော့။\n၃၀။ အဘိဝါဒနသီလိဿ၊ နိစ္စံ ဝုဍ္ဎာပစာယိနော။\nစတ္တာရော ဓမ္မာ ဝုဍ္ဎန္တိ၊ အာယု ဝဏ္ဏော သုခံ ဗလံ။\nဝုဍ္ဎာပစာယိနော-တောမ်ႏဂုဏဝုဍ္ဎိ ဝယဝုဍ္ဎိဖုံႏတဲင် ကဗွေစုမ်ႏဒါႏ ပုဂ္ဂိုလ်ႏသီးအလောင်း ကကုဲင်းအွောန်ႏရေꩻ၊ အဘိဝါဒနသီလိဿ-ကကုဲင်းရိုႏသေႏ၊ နိစ္စံ-တသေႏဒါႏသားနဝ်ꩻ၊ အာယု-သက်ထို၊ ဝဏ္ဏ-ယောင်ꩻရေꩻ၊ သုခံ-လွူးနမ်းယိုꩻ၊ ဗလံ-နမ်းအာႏ သꩻအာႏသန္တလာတဲင် မာꩻနွောင်ꩻအီကုသိုလ်ႏ သွောန်နွောင်ꩻအိပညာႏ ထိုမ်ႏနွောင်ꩻအီဥစ္စာႏ၊ စတ္တာရောဓမ္မာ-အကျိုꩻလိတ်ꩻပါꩻယို၊ ဝုဍ္ဎန္တိ-တိုꩻပွါꩻထင်ႏထိုဒါႏအီဖုံႏသွူ။ အာဋာနာဋိယသုတ္တပရိတ္တံ-အာဋာနာဋိယသုတ်ပရိတ်နဝ်ꩻ၊ နိဋ္ဌိတံ-ထွူတွိုႏယို။\n\nအာႏကွိုꩻ\n\nပရိတ်တန်","num_words":3324,"character_repetition_ratio":0.07,"word_repetition_ratio":0.092,"special_characters_ratio":0.101,"stopwords_ratio":0.013,"flagged_words_ratio":0.0,"lang_id_score":1.0,"perplexity_score":352.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%AF%E1%80%97%E1%80%B9%E1%80%97%E1%80%8F%E1%80%BE%E1%80%9E%E1%80%AF%E1%80%90%E1%80%B9%E1%80%90%E1%80%95%E1%80%AB%E1%80%A0%E1%80%AD%E1%80%94%E1%80%AD%E1%80%BF%E1%80%9A","collection":"wikipedia","source":"wikipedia","original_code":"blk","text":"\"ပုဗ္ဗဏ္ဏသုတ္တပရိတ္တပါဠိနိဿယ\"\n၁။ ယံ ဒုန္နိမိတ္တံ အဝမင်္ဂလဉ္စ၊ ယော စာ မနာပေါ သကုဏဿ သဒ္ဒေါ။\nပါပဂ္ဂဟော ဒုဿုပိနံ အကန္တံ၊ ဗုဒ္ဓါနုဘာဝေန ဝိနာသ မေန္တု။\n၂။ ယံ ဒုန္နိမိတ္တံ အဝမင်္ဂလဉ္စ၊ ယော စာ မနာပေါ သကုဏဿ သဒ္ဒေါ။\nပါပဂ္ဂဟော ဒုဿုပိနံ ���ကန္တံ၊ ဓမ္မာနုဘာဝေန ဝိနာသ မေန္တု။\n၃။ ယံ ဒုန္နိမိတ္တံ အဝမင်္ဂလဉ္စ၊ ယော စာ မနာပေါ သကုဏဿ သဒ္ဒေါ။\nပါပဂ္ဂဟော ဒုဿုပိနံ အကန္တံ၊ သံဃာနုဘာဝေန ဝိနာသ မေန္တု။\nယံ ဒုန္နိမိတ္တဉ္စ-ခွုင်းနိမိတ်ကုဲင်ဖုံႏ၊ ယံအဝမင်္ဂလဉ္စ-ခွုင်းမင်္ဂလာႏကုဲင်ဖုံႏ၊ အမနာပေါ-သꩻယူႏဟဝ်ကုဲင်ခရာႏ၊ ယောစသကုဏဿ သဒ္ဒေါ-ဝါးဖြေင်ꩻထာꩻမျိုꩻဖုံႏ၊ ပါပဂ္ဂဟော-ဂြဟတကုဲင်မျိုꩻဖုံႏ၊ အကန္တံ-နိတ်သက်ခရာႏအဲန္ထဝ်း၊ ဒုဿုပိနံ-ထာꩻဗေင်ႏမင်းကုဲင်မျိုꩻဖုံႏ၊ (ဧတေဒုန္နိမိတ္တာဒယော-စတဲင်ဒုန္နိမိတ္တအဝမင်္ဂလာ ထာꩻတကုဲင်မျိုꩻဖုံႏနဝ်ꩻ၊ ဗုဒ္ဓါနုဘာဝေန-တောမ်ႏဘုရာꩻတမ်ꩻခိုꩻ။ ဓမ္မာနုဘာဝေန-တောမ်ႏတရာꩻတမ်ꩻခိုꩻ။ သံဃာနုဘာဝေန-တောမ်ႏသင်္ဃာႏတမ်ꩻခိုꩻ၊ ဝိနာသံဧန္တု-ဖေႏကထိုꩻမားသွော့။\n၄။ ဒုက္ခပ္ပတ္တာ စ နိဒုက္ခာ၊ ဘယပ္ပတ္တာ စ နိဗ္ဘယာ။\nသောကပ္ပတ္တာ စ နိဿောကာ၊ ဟောန္တု သဗ္ဗေပိ ပါဏိနော။\nသဗ္ဗေပိပါဏိနော-ခွုင်းကားသတ္တဝါႏသီးအတွက်တာႏ၊ ဒုက္ခပ္ပတ္တာစ-ကတွိုႏဒါႏထာꩻဒုက္ခသားလဲ့၊ နိဒုက္ခာ-ဖေႏကဒုက္ခမွုန်း၊ ဘယပ္ပတ္တာစ-ကတွိုႏဒါႏဘေꩻသားတဲ့၊ နိဗ္ဘယာ-ဘေꩻဖေႏကအဝ်ႏမွုန်း၊ သောကပ္ပတ္တာစ-ကတွိုႏထာꩻနန်းသားတဲ့၊ နိဿောကာဟောန္တု-ထာꩻနန်းဖေႏကထိုꩻမာႏသွော့။\n၅။ ဧတ္တာဝတာ စ အမှေဟိ၊ သမ္ဘတံ ပုညသမ္ပဒံ။\nသဗ္ဗေ ဒေဝါ နုမောဒန္တု၊ သဗ္ဗသမ္ပတ္တိ သိဒ္ဓိယာ။\nဧတ္တာဝတာစ-ခွုင်းစူကိုကတွိုႏ၊ အမှေဟိသမ္ဘတံ-နီကထိုမ္မာꩻခါꩻ၊ ပုညသမ္ပဒံ-ကုသိုလ်ႏတရာꩻဖုံႏယို၊ သဗ္ဗသမ္ပတ္တိသိဒ္ဓိယာ-ကားထာꩻထွူထွာ ထေႏကအာတာႏ၊ အနုမောဒန္တု-သꩻရေꩻဟွုန်ꩻဟဝ် ဟဲ့ꩻငီꩻဝင်ꩻငဝ်း သာဓုဗွေႏအေား။\n၆။ ဒါနံ ဒဒန္တု သဒ္ဓါယ၊ သီလံ ရက္ခန္တု သဗ္ဗဒါ။\nဘာဝနာဘိရတာ ဟောန္တု၊ ဂစ္ဆန္တု ဒေဝတာဂတာ။\nသဒ္ဓါယ-တောမ်ႏသဒ္ဓါႏတဲင်၊ ဒါနံ-ဒါနယို၊ ဒဒန္တု-ဖေႏလူႏသွော့၊ သဗ္ဗဒါ-အခိင်ႏမုဲင်ꩻခါꩻတဲ့ယဝ်း၊ သီလံရက္ခန္တု-ထိင်ꩻတသေႏသွော့သီလ၊ ဘာဝနာဘိရတနာဟောန္တု-ပွါꩻဘာႏဝနာႏဖဲ့ꩻ သꩻဖေႏကပါဒျာႏသွော့ဝင်ꩻ၊ အာဂတာ-ကလွောန္နာႏတရာꩻသား၊ ဒေဝတာ-လူꩻဒေႏဝါႏဖုံႏနဝ်ꩻ၊ ဂစ္ဆန္တု-နီကအဝ်ႏရာꩻအရပ်သူꩻ သဲင်္ချာလꩻလဲန်း။\n၇။ သဗ္ဗေဗုဒ္ဓါ ဗလပ္ပတ္တာ၊ ပစ္စေကာနဉ္စ ယံ ဗလံ။\nအရဟန္တာနဉ္စ တေဇေန၊ ရက္ခံ ဗန္ဓာမိ သဗ္ဗသော။\nဗလပတ္တာ-အာႏဆီပါꩻကို ကတွိုႏလို့ဒါႏ၊ သဗ္ဗေဗုဒ္ဓါ-ကားဘုရာꩻဖုံႏ၊ ပစ္စေကာနဉ္စ-ပစ္စေကဗုဒ္ဓါဖုံႏ၊ အရဟန္တာနဉ္စ-ရဟန္တာႏဖုံႏ၊ ယံဗလံ-အာႏဆီပါꩻ၊ တေဇေန-တမ်ꩻခိုꩻတဲင���၊ ရက္ခံဗန္ဓာမိ-ခွေစဲးခါꩻ၊ သဗ္ဗသော-အရပ်ကားကအဝ်ႏ။\n၈။ ယံ ကိဉ္စိ ဝိတ္တံ ဣဓ ဝါ ဟုရံ ဝါ၊ သဂ္ဂေသု ဝါ ယံ ရတနံ ပဏီတံ။\nန နော သမံ အတ္ထိ တထာဂတေန၊ ဣဒမ္ပိ ဗုဒ္ဓေ ရတနံ ပဏီတံ။\nဧတေန သစ္စေန သုဝတ္ထိ ဟောတု။\n၉။ ယံ ကိဉ္စိ ဝိတ္တံ ဣဓ ဝါ ဟုရံ ဝါ၊ သဂ္ဂေသု ဝါ ယံ ရတနံ ပဏီတံ။\nန နော သမံ အတ္ထိ တထာဂတေန၊ ဣဒမ္ပိ ဓမ္မေ ရတနံ ပဏီတံ။\nဧတေန သစ္စေန သုဝတ္ထိ ဟောတု။\n၁၀။ ယံ ကိဉ္စိ ဝိတ္တံ ဣဓ ဝါ ဟုရံ ဝါ၊ သဂ္ဂေသု ဝါ ယံ ရတနံ ပဏီတံ။\nန နော သမံ အတ္ထိ တထာဂတေန၊ ဣဒမ္ပိ သံဃေ ရတနံ ပဏီတံ။\nဧတေန သစ္စေန သုဝတ္ထိ ဟောတု။\nဣဓဝါ-လိုꩻခမ်းကိုယင်၊ ဟုရံဝါ-နဂါꩻခမ်းဂဠုန်ႏခမ်းသူꩻယင်၊ သဂ္ဂေသုဝါ-လူꩻခမ်းကိုယင်၊ ဝိတ္တံ-နိတ်သက်ခရာႏ၊ ပဏီတံ-မဲန်လꩻခရာႏ၊ ယံကိဉ္စိရတနံ-ရတနာႏမျိုꩻအဝ်ႏ၊ တထာဂတေန-တောမ်ႏဘုရာꩻ၊ သမံ-ကဗိုန်ပီဒါႏရတနာႏနဝ်ꩻ၊ နနောအတ္ထိ-တအဲန္ထဝ်းရင်ꩻ၊ ဗုဒ္ဓေ-ဘုရာꩻဖဲ့ꩻ၊ ဓမ္မေ-တရာꩻဖဲ့ꩻ၊ သံဃေ-သင်္ဃာႏဖဲ့ꩻ၊ ဣဒမ္ပိရတနံ-ကထွာရတနာႏ နိတ်သက်ခရာႏယိုနဝ်ꩻ၊ ပဏီတံ-မျတ်ဟဝ်ငါႏသွူ၊ ဧတေနသစ္စေန-ပွိုးငဝ်းမဲန်ႏယိုတဲင်၊ သုဝတ္ထိဟောတု-သီဖေႏကအုံဟဝ်ခြွိုင်ႏသန်ꩻသွော့။\n၁၁။ ဘဝတု သဗ္ဗမင်္ဂလံ၊ ရက္ခန္တု သဗ္ဗဒေဝတာ။\nသဗ္ဗဗုဒ္ဓါနုဘာဝေန၊ သဒါ သုခီ ဘဝန္တု တေ။\n၁၂။ ဘဝတု သဗ္ဗမင်္ဂလံ၊ ရက္ခန္တု သဗ္ဗဒေဝတာ။\nသဗ္ဗဓမ္မာနုဘာဝေန၊ သဒါ သုခီ ဘဝန္တု တေ။\n၁၃။ ဘဝတု သဗ္ဗမင်္ဂလံ၊ ရက္ခန္တု သဗ္ဗဒေဝတာ။\nသဗ္ဗသံဃာနုဘာဝေန၊ သဒါ သုခီ ဘဝန္တု တေ။\nသဗ္ဗမင်္ဂလံ-ခွုင်းမင်္ဂလာႏဖုံႏ၊ ဘဝတု-ဖေႏကထွာသွော့၊ သဗ္ဗဒေဝတာ-ခွုင်းလူꩻဟဝ်ဖုံႏ၊ ရက္ခန္တု-ဖေႏကကိုမ်းသွော့၊ သဗ္ဗဗုဒ္ဓါနုဘာဝေန-ကားဘုရာꩻသီးအဗိုန်၊ သဗ္ဗဓမ္မာနုဘာဝေန-ကားတရာာꩻသီးအဟုင်ႏ၊ သဗ္ဗသံဃာနုဘာဝေန-ကားသင်္ဃာႏသီးအဂုဏ်ႏကေꩻဇူꩻ၊ တေ-သီတာႏ၊ ဘဝန္တု-ဖေႏကအဝ်ႏ၊ သဒါသုခီ-အုံဟဝ်ခြွိုင်ႏသန်ꩻတသေႏသွော့။\n၁၄။ မဟာကာရုဏိကော နာထော၊ ဟိတာယ သဗ္ဗပါဏိနံ။\nပူရေတွာ ပါရမီ သဗ္ဗာ၊ ပတ္တော သမ္ဗောဓိမုတ္တမံ။\nဧတေန သစ္စဝဇ္ဇေန၊ သောတ္ထိ တေ ဟောတု သဗ္ဗဒါ။\nမဟာကာရုဏိကော-ထာꩻသညင်ꩻကတန္ဒာႏ၊ နာထော-ဘုရာꩻနဝ်ꩻ၊ သဗ္ဗပါဏိနံ-ခွုင်းသတ္တဝါႏသီး၊ ဟိတာယ-အကျိုꩻတာႏ၊ သဗ္ဗာ-ကားတဲင်၊ ပါရမီ-လိုꩻမျတ်သီးထာꩻမာꩻ ပါႏရမီႏဆီပါꩻဖုံႏယို၊ ပူရေတွာ-လိတ်အသင်္ခေႏပုဲင် ကမ္ဘာႏတသဲန်လောင်းကီ သꩻနမ်းခမ်ႏဆာ ထိုမ်ႏခါꩻမꩻတဲင်၊ ဥတ္တမံ-ကမျတ်ဒါႏ၊ သဗ္ဗောဓိံ-အရဟတ္တမဂ်ဉာဏ်ႏ သဗ္ဗညုတဉာဏ်ႏဖုံႏသူꩻ၊ ပတ္တော-ဟဝ်ဝ်ဒါႏဒါ��� လꩻတွိုႏဗာႏသွူ၊ ဧတေနသစ္စဝဇ္ဇေန-ပွိုးငဝ်းမဲန်ႏယို အတမ်ꩻခိုꩻတဲင်၊ တေ-သီတာႏ၊ သောတ္ထိဟောတု-ဖေႏကအုံဟဝ်ခြွိုင်ႏသန်ꩻ၊ သဗ္ဗဒါ-တသေႏသွော့။\n၁၅။ ဇယန္တော ဗောဓိယာမူလေ၊ သကျာနံ နန္ဒိဝုဍ္ဎနော။\nဧဝမေဝ ဇယော ဟောတု၊ ဇယဿု ဇယမင်္ဂလေ။\nသကျာနံ-သာႏကီႏခွန်ခွိုꩻသီး၊ နန္ဒိဝုဍ္ဎနော-ထာꩻနိတ်သက်ယို ကမာꩻပွါꩻဖေႏဒါႏ ဗွေႏဘုရာꩻနဝ်ꩻ၊ ဗောဓိယာမူလေ-ပွိုးလꩻသော့ꩻအီတရာꩻမꩻ ဗောဓိဝင်ꩻကဟဲ့ꩻဒါႏ သေင်ႏမွူးခလယို၊ ဇယန္တော-အောင်ႏတောႏမူလ ငတ်ꩻမာရသွူ၊ ဧဝမေဝ-ဗိုန္နဝ်ꩻအတွိုင်ꩻ၊ ဇယောဟောတု-ဖေႏကအောင်ႏသွော့၊ ဇယမင်္ဂလေ-အောင်ႏမင်္ဂလာႏဖဲ့ꩻ၊ ဇယဿု-ဖေႏကအောင်ႏသွော့။\n၁၆။ အပရာဇိတ ပလ္လင်္ကေ၊ သီသေ ပုထု ဝိပုက္ခလေ။\nအဘိသေကေ သဗ္ဗဗုဒ္ဓါနံ၊ အဂ္ဂပ္ပတ္တော ပမောဒတိ။\nသဗ္ဗဗုဒ္ဓါနံ-ဘုရာꩻအဆူႏဆူႏသီး၊ အဘိသေကေ-ထွာသော့ꩻဘုရာꩻမꩻ ဗုဒ္ဓါဘိသေကကလꩻရာꩻအရပ်၊ သီသေ-ဟမ်ႏသီးအကတူႏ၊ ပုထုဝိပုက္ခလေ-ဟမ်ႏထူꩻဟမ္မျတ်ယို၊ အပရာဇိတပလ္လင်္ကေ-အပရာဇိတပလင်ႏလောင်းကီ၊ အဂ္ဂပ္ပတ္တော-တွိုႏလွေꩻထွာဘꩻ သဗ္ဗညုတဉာဏ်ႏတဲင်၊ ပမောဒတိ-ဟွုန်ဟဝ်သꩻရေꩻငါႏ မရေႏမရာႏသွူ၊ ဧဝမေဝ-ဗိုန္နဝ်ꩻအတွိုင်ꩻ၊ အဂ္ဂပ္ပတ္တော-တွိုႏထာꩻမျတ္တဲင်၊ တေ-သီတဲ့၊ ပမောဒတိ-သꩻဖေႏကရေꩻဗာႏသွော့။\n၁၇။ သုနက္ခတ္တံ သုမင်္ဂလံ၊ သုပ္ပဘာသံ သုဟုဋ္ဌိတံ။\nသုခဏော သုမုဟုတ္တော စ၊ သုယိဋ္ဌံ ဗြဟ္မစာရိသု။\nသုနက္ခတ္တံ-နးမ္ဖြောင်းသꩻပီ မီႏထူႏထာꩻမျတ် ထွာနက္ခတ်ဟဝ်၊ သုမင်္ဂလံ-မီႏထူႏထာꩻဒါႏ ထွာမင်္ဂလာႏဟဝ်၊ သုပ္ပဘာသံ-မီႏရေꩻထွိုင်ႏမာꩻကုသိုလ်ႏ ထွာမွူးရောင်ႏဟဝ်၊ သုဟုဋ္ဌိတံ-ထွာမဲ့သေဟဝ်၊ သုခဏော-ပွိုးထမာꩻထာꩻမျတ်မꩻ ထွာအခေတ်ဟဝ်၊ သုမုဟုတ္တောစ-ပွိုးစူꩻထာꩻမျတ်မꩻ ထွာမွူးနီꩻဟဝ်၊ ဗြဟ္မစာရိသု-အကျင်ꩻမျတ်သားလောင်း၊ သုယိဋ္ဌံ-ကလူႏဒါႏဒါႏနနဝ်ꩻ ထွာဒါနမျတ်။\n၁၈။ ပဒက္ခိဏံ ကာယကမ္မံ၊ ဝါစာကမ္မံ ပဒက္ခိဏံ။\nပဒက္ခိဏံ မနောကမ္မံ၊ ပဏီဓိတေ ပဒက္ခိဏေ။\nကာယကမ္မံ-နမ်းထာꩻမာꩻယို၊ ဝါစာကမ္မံ-ဖြောင်းထာꩻမာꩻယို၊ မနောကမ္မံ-သꩻထာꩻမာꩻယို၊ ပဒက္ခိဏံ(ဟောတု)-ဖေႏကမျတ်သွော့၊ တေ-နာꩻတာႏ၊ ပဏိဓိ-ဆို့ꩻတဲင်သွော့၊ ပဒက္ခိဏေ-နမ်းဖြောင်းသꩻမျတ်။\n၁၉။ ပဒက္ခိဏာနိ ကတွာန၊ လဘန္တတ္ထေ ပဒက္ခိဏေ။\nတေ အတ္ထလဒ္ဓါ သုခိတာ၊ ဝိရူဠှာ ဗုဒ္ဓသာသနေ။\n(ဓမ္မသာသနေ အဒုက္ခာ၊ သံဃသာသနေ အဘယာ)။\nဗုဒ္ဓသာသနေ-ဘုရာꩻသာႏသနာႏကို၊ အတ္ထလဒ္ဓါ-ကုသိုလ်ႏကမ်ႏလီꩻအဝ်ႏသေꩻခါꩻမꩻ ကထွာလꩻဒါႏ၊ သုခိတာ-ကခြ���ေခြာႏ၊ ဝိရူဠှာ-ကလွိုင်ႏကွုန်ꩻဒါႏ၊ တေသဟ-နာꩻတောမ်ႏ၊ သဗ္ဗဟိဉာတိဘိ-ဖူးဝေးဖုံႏတခွိုꩻလိုမ်း၊ ပဒက္ခိဏာနိ-ထာꩻမာꩻမျတ်ဖုံႏယို၊ ကတွာန-ပွိုးမာꩻဗာႏတဲင်၊ လဘန္တု-ဖေႏကလꩻသွော့၊ ပဒက္ခိဏေအတ္ထေ-အကျိုꩻမျတ်၊ အရောဂါ-ရောႏဂါႏထာꩻဆာ ဖေႏကအဝ်ႏဗာႏမွုန်း၊ (သုခိတာဟောန္တု)-ဖေႏကသာႏယာႏဒျာႏသွော့၊ ဓမ္မသာသနေ-တရာꩻသာႏသနာႏကို--၊ အဒုက္ခာ-ခိုးလျားခရာႏ ဖေႏကအဝ်ႏဗာႏမွုန်း၊ သံဃသာသနေ-သင်္ဃာႏသာႏသနာႏကို---၊ အဘယာ-တီးငမ်းခရာႏ ဖေႏကအဝ်ႏဗာႏမွုန်း။\nပုဗ္ဗဏှသုတ္တပရိတ္တံ-ပုဗ္ဗဏှသုတ်ပရိတ်ပါဠိနိဿယနဝ်ꩻ၊ နိဋ္ဌိတံ-ထွူတွိုႏယိုကို။\n\nအာႏကွိုꩻ\n\nပရိတ်တန်","num_words":1849,"character_repetition_ratio":0.043,"word_repetition_ratio":0.134,"special_characters_ratio":0.095,"stopwords_ratio":0.008,"flagged_words_ratio":0.0,"lang_id_score":1.0,"perplexity_score":458.8,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%80%E1%80%AD%E1%80%90%E1%80%B9%E1%80%90%E1%80%9B%E1%80%9E%E1%80%B1%E1%80%B7%EA%A9%BB%E1%80%84%E1%80%9D%E1%80%BA%E1%80%B8%E1%80%80%E1%80%BD%E1%80%AE%E1%80%86%E1%80%AF%EA%A9%BB","collection":"wikipedia","source":"wikipedia","original_code":"blk","text":"၁၃-တေရသနိပါတ်\n၄၈၀-အကိတ္တိဇာတက(၇)\n၈၃။ အကိတ္တိံ ဒိသွာ သမ္မန္တံ၊ သက္ကော ဘူတပတီ ဗြဝိ။\nကိံ ပတ္ထယံ မဟာဗြဟ္မေ၊ ဧကော သမ္မသိ ဃမ္မနိ။\nဘူတပတိ-လိုꩻသီးအထုန်၊ သက္ကော-သက္ကခုန္နဝ်ꩻ၊ ဒိသွာ-ထင်္ထီႏ၊ အကိတ္တိံ-အကိတ္တရသေ့ꩻ၊ သမ္မန္တံ-ဣန္ဒြေႏသိက္ခာႏတဲင်၊ ဣဒံအဗြဝိ-ဒေါ့ꩻငွ်းနျ်းယို၊ မဟာဗြဟ္မေ-ရသေ့ꩻမျတ်၊ ကိံပတ္ထယံ-ကွီဆုꩻထာꩻမျ်ꩻတဲင်၊ ဧကော-နမ်းတဖြာꩻဖြာꩻ၊ သမ္မသိ-မွော့ခမ်ႏငါႏ၊ ဃမ္မနိ-ထာꩻဟို့ꩻခိုးဟောင်း။\n၈၄။ ဒုက္ခော ပုနဗ္ဘဝေါ သက္က၊ သရီရဿ စ ဘေဒနံ။\nသမ္မောဟမရဏံ ဒုက္ခံ၊ တသ္မာ သမ္မာမိ ဝါသဝ။\nဝါသဝသက္က-ခွိုꩻဝါသတခုန်သက္က၊ ပုနဗ္ဘဝေါစ-ထာꩻကွုတ္ထဲင်းတဲ့နွ်ꩻ၊ သရီရဿစဘေဒနံ-ဘဝယိုအီႏသီဗာႏထာꩻတဲ့နွ်ꩻ၊ သမ္မောဟမရဏံ-မီႏသီတငွို့ဗာႏထာꩻတဲ့နွ်ꩻ၊ ဒုက္ခော-ယပ်ꩻတန်၊ တသ္မာ-ပွိုးနွ်ꩻမꩻ၊ သမ္မာမိ-မဲလ္လꩻနိဗ္ဗာန်ႏတဲင် ခွေအိုင်စွူဗာႏထာꩻ။\n၈၅။ ဧတသ္မိံ တေ သုလပိတေ၊ ပတိရူပေ သုဘာသိတေ။\nဝရံ ကဿပ တေ ဒမ္မိ၊ ယံ ကိဉ္စိ မနသိစ္ဆသိ။\nကဿပ-ကဿပခွိုꩻထန်ႏ ရသေ့ꩻသျင်ႏ၊ တေ-နီဗွေႏ၊ သုလပိတေ-နီဗွေႏကဒေါ့ꩻဒါႏ၊ ဧတသ္မိံ-ငွ်းတငွါနွ်ꩻ၊ သုဘာသိတေ-မဲန်ႏဟွ်ငါႏ၊ ပတိရူပေ-ခွေနား၊ ဒမ္မိတေ-ခွေအီႏဖေႏနာꩻ၊ ဝရံ-အဆုꩻ၊ မနသာဣစ္ဆသိ-နာꩻသꩻကိုကလိုႏဒါႏ၊ ယံကိဉ္စိ-ဆုꩻမျိုꩻနွ်ꩻ၊ ဂဏှာဟိ-ဒေါ့ꩻဟျ်း။\n၈၆။ ဝရဉ္စေ မေ အဒေါ သက္က၊ သဗ္ဗဘူတာနမိဿရ။\nယေန ပုတ္တေ စ ဒါရေ စ၊ ဓနဓညံ ပိယာနိ စ။\nလဒ္ဓါ နရာ န တပ္ပန္တိ၊ သော လောဘော န မယီ ဝေသ။\nသဗ္ဗဘူတာနမိဿရ-အိုပ်လို့မနုဿ ဗွေႏသ��္က၊ အဒေါ-နာꩻမီႏဖေႏဒါႏ၊ ဝရဉ္စေမေ-ခွေဆုꩻနွ်ꩻ၊ သတ္တာ-သတ္တဝါႏသီးဖိုင်ႏ၊ လဒ္ဓါ-လꩻစွဉ်ႏခွိုင်းမျ်ꩻတဲ့၊ နတပ္ပေန္တိ-တကွို့ꩻဒါႏတွ်းမျိုꩻ၊ ပုတ္တေစ-ပိုယင်၊ ဒါရေစ-မာယင်၊ ဓနဉ္စ-ဥစ္စာႏယင်၊ ဓညဉ္စ-ဒဲန်ဟန်ႏယင်၊ အညာနိ-အလင်လင်၊ ပိယာနိစ-မင်္မောꩻခရာႏယင်၊ သောလောဘော-လောဘမျိုꩻနွ်ꩻ၊ မယိ-ခွေအလောင်း၊ နဝသေ-ဖေႏကအွ်ႏဗာႏမွုန်း။\n၈၇။ ဧတသ္မိံ တေ သုလပိတေ၊ ပတိရူပေ သုဘာသိတေ။\nဝရံ ကဿပ တေ ဒမ္မိ၊ ယံ ကိဉ္စိ မနသိစ္ဆသိ။ (ဗိုန်လဲန်းအွိုးကီ)\n၈၈။ ဝရဉ္စေ မေ အဒေါ သက္က၊ သဗ္ဗဘူတာနမိဿရ။\nခေတ္တံ ဝတ္ထုံ ဟိရညဉ္စ၊ ဂဝါဿံ ဒါသပေါရိသံ။\nယေန ဇာတေန ဇီယန္တိ၊ သော ဒေါသော န မယီ ဝေသ။\nအဒေါ-နာꩻမီႏဖေႏဒါႏ၊ ဝရဉ္စေမေ-ခွေဆုꩻနွ်ꩻ၊ ခေတ္တံ-လျ်း၊ ဝတ္ထုံ-ခြမ်၊ ဟိရဉ္စ-ခမ်ꩻ၊ ဂဝါဿံ-သေဖိုး၊ ဒါသပေါရိသံ-သွးလ္လိုꩻဖိုင်ႏ၊ ယေနဇာတေန-ဒေါသမီႏထန်ႏလွန္ထာꩻနွ်ꩻ၊ ဇီယန္တိ-အသုမ်ꩻတေင်ထိုꩻဒါႏ၊ သောဒေါသော-ဒေါသမျိုꩻနွ်ꩻ၊ မယိ-အွ်ႏခွေလောင်း၊ နဝသေ-ဖေႏကထန်ႏဗာႏမွုန်း။\n၈၉။ ဧတသ္မိံ တေ သုလပိတေ၊ ပတိရူပေ သုဘာသိတေ။\nဝရံ ကဿပ တေ ဒမ္မိ၊ ယံ ကိဉ္စိ မနသိစ္ဆသိ။ (ဗိုန်လဲန်း)\n၉၀။ ဝရဉ္စေ မေ အဒေါ သက္က၊ သဗ္ဗဘူတာနမိဿရ။\nဗာလံ န ပဿေ န သုဏေ၊ န စ ဗာလေန သံဝသေ။\nဗာလေန'လ္လာပသလ္လာပံ၊ န ကရေ န စ ရောစယေ။\nအဒေါ-နာꩻမီႏဖေႏဒါႏ၊ ဝရဉ္စေမေ-ခွေဆုꩻနွ်ꩻ၊ ဗာလံ-လိုꩻမွိုက်ယို၊ နပဿေ-ဖေႏခွေကလွတ္ထီႏ၊ နသုဏေ-ကလွတ်ဟွုန်၊ ဗာလေန-တွမ်ႏလိုꩻမွိုက်၊ နစသံဝေသ-ကလွတ်အိုင်္ငီꩻ၊ ဗာလေန-တွမ်ႏလိုꩻမွိုက်၊ အာလာပသလ္လာပံ-ဒေါ့ꩻရီခွ်းဝင်ꩻနွ်ꩻ၊ နကရေ-ဖေႏခွေကလွတ်မာꩻ၊ နစရောစယေ-ဖေႏခွေကနိဿက်ဒါႏမွုန်း၊ ဗာလံ-လိုꩻမွိုက်။\n၉၁။ ကိံ နု တေ အကရံ ဗာလော၊ ဝဒ ကဿပ ကာရဏံ။\nကေန ကဿပ ဗာလဿ၊ ဒဿနံ နာဘိကင်္ခသိ။\nကဿပ-ကဿပခွိုꩻထန်ႏ ရသေ့ꩻသျင်ႏ၊ ဗာလော-လိုꩻမွိုက်နွ်ꩻ၊ ကိန္နုခေါအကရံ-အမာꩻဗာႏဖို၊ တေ-နီဗွေႏထာꩻမျ်ꩻ၊ ဝဒကာရဏံ-ဒေါ့ꩻနဲအခရာႏမွိုင်၊ ကေန-ပွိုးထာꩻမျ်ꩻ၊ ဒဿနံနာဘိကင်္ခသိ-မွော့မဲန္ထီႏတွ်းတွိုး လိုꩻမွိုက်ဟောင်း။\n၉၂။ အနယံ နယတိ ဒုမ္မေဓော၊ အဓုရာယံ နိယုဉ္ဇတိ။\nဒုန္နယော သေယျသော ဟောတိ၊ သမ္မာ ဝုတ္တော ပကုပ္ပတိ။\nဝိနယံ သော န ဇာနာတိ၊ သာဓု တဿ အဒဿနံ။\nဒုမ္မေဓော-လိုꩻမွိုက်နွ်ꩻ၊ နယတိ-အွဉ်လွေꩻဖေႏဒါႏ၊ အနယံ-လိုꩻထာꩻကျ်၊ အဓုရာယံ-ထာꩻတမာꩻဟွ်တွ်းဖဲ့ꩻတဲ့၊ နိယုဉ္ဇတိ-အအွဉ်မာꩻတသေႏဒါႏ၊ သေယျသော-မီႏအိုင်ထာꩻမျတ်ဖဲ့ꩻထွား၊ ဒုန္နယောဟောတိ-အွ်ႏထာꩻနဲꩻမာႏခြေင်င်၊ သမ္မာဝုတ္တောပိ-နီဒေါ့ꩻစွဉ်ႏငွ်းဟွ်တဲ့၊ ပကုပ္ပတိ-အသꩻထန္ဒာႏ၊ သော-ဝွေꩻသီးယို၊ နဇာနာတိ-အတသေနာႏတွ်း၊ ဝိနယံ-လိုꩻဝိနယ၊ တဿ-ပွိုးနွ်ꩻမꩻ၊ အဒဿနံ-မီႏထီႏဗာႏတွ်းနွ်ꩻ၊ သာဓု-ဟွ်ထဲင်း။\n၉၃။ ဧတသ္မိံ တေ သုလပိတေ၊ ပတိရူပေ သုဘာသိတေ။\nဝရံ ကဿပ တေ ဒမ္မိ၊ ယံ ကိဉ္စိ မနသိစ္ဆသိ။ (ဗိုန်လဲန်း)\n၉၄။ ဝရဉ္စေ မေ အဒေါ သက္က၊ သဗ္ဗဘူတာနမိဿရ။\nဓီရံ ပဿေ သုဏေ ဓီရံ၊ ဓီရေန သဟ သံဝသေ။\nဓီရေန'လ္လာပသလ္လာပံ၊ တံ ကရေ တံ စ ရောစယေ။\nအဒေါ-နာꩻမီႏဖေႏဒါႏ၊ ဝရဉ္စေမေ-ခွေဆုꩻနွ်ꩻ၊ ပဿေ-ခွေမဲန္ထီႏဒျာႏ၊ ဓီရံ-လိုꩻဒါႏသီးလွိုး၊ သုဏေ-ခွေမဲန်ဟွုန်ဒျာႏ၊ ဓီရံ-လိုꩻဒါႏသီးငွ်းလုမ်ꩻ၊ သံဝသေ-ခွေမဲန်အိုင်္ငီꩻ၊ သဟ-တသေႏဒျာႏ၊ ဓီရေန-တွမ်ႏလိုꩻဒါႏ၊ တံအလ္လာပသလ္လာပံကရေ-မဲန်အိုင်မုန်းအိုင်ကိုမ်ဒျာႏ၊ ဓီရေန-တွမ်ႏလိုꩻဒါႏ၊ ရောစယေ-မဲန္နိဿက်ဒျာႏ၊ တဉ္စ-လိုꩻဒါႏဖိုင်ႏလုမ်ꩻ။\n၉၅။ ကိံ နု တေ အကရံ ဓီရော၊ ဝဒ ကဿပ ကာရဏံ။\nကေန ကဿပ ဓီရဿ၊ ဒဿနံ အဘိကင်္ခသိ။\nကဿပ-ကဿပဓာတ်ကပါဒါႏ ရသေ့ꩻမျတ်၊ ဓီရော-လိုꩻဒါႏနွ်ꩻ၊ တေ-နီဗွေႏလောင်း၊ ကိန္နုအကရံ-အမာꩻဗာႏထာꩻမျ်ꩻ၊ ကာရဏံဝဒ-ဒေါ့ꩻနဲဖေႏအခရာႏမွိုင်၊ ကဿပ-ကဿပဓာတ် ရသေ့ꩻမျတ်၊ ကေန-ပွိုးထာꩻမျ်ꩻ၊ ဒဿနံအဘိကင်္ခသိ-မွော့မဲန္ထီႏတွိုး၊ ဓီရဿ-လိုꩻဒါႏဟောင်း။\n၉၆။ နယံ နယတိ မေဓာဝီ၊ အဓုရာယံ န ယုဉ္ဇတိ။\nသုနယော သေယျသော ဟောတိ၊ သမ္မာ ဝုတ္တော န ကုပ္ပတိ။\nဝိနယံ သော ပဇာနာတိ၊ သာဓု တေန သမာဂမော။\nမေဓာဝီ-လိုꩻဒါႏသီးယို၊ နယတိ-အမာꩻထွာဖေႏဒါႏ (အဒေါ့ꩻနဲဖေႏဒါႏ)၊ နယံ-လိုꩻထာꩻသုခ၊ အဓုရာယံ-ထာꩻတဟွ်ဖွို့ꩻတွ်းဖဲ့ꩻယို၊ နယုဉ္ဇတိ-တဖေႏဖွို့ꩻတွ်း၊ သုနယော-သေနာႏယိုꩻဒျာႏ၊ သေယျသောဟောတိ-ထာꩻဟွ်ဖဲ့ꩻ၊ သမ္မာဝုတ္တော-မီႏဒေါ့ꩻနဲစဲင်း၊ နကုပ္ပတိ-သꩻလျားဒါႏတွ်း (ဒေါ့ꩻရိမ်ဒါႏတွ်းလိုꩻ၊ ဒေါ့ꩻတနွိုင်တွ်းထာꩻ၊ ဒေါ့ꩻနွောင်္ဒါႏတွ်းလိုꩻ)၊ သော-ဝွေꩻသီးလိုꩻဒါႏနွ်ꩻ၊ ပဇာနာတိ-အသေနာႏ(အထူႏ)ဒျာႏ၊ ဝိနယံ-ထာꩻနဲꩻဟွ်(ထာꩻနဲꩻတဟွ်တွ်းယို အွဉ်ႏကျ်ဗွန္ဒျာႏ)၊ သမာဂမော-ကွိုက်ꩻဗာႏ (မာꩻငီꩻဗာႏထာꩻမာꩻ)၊ တေန-တွမ်ႏလိုꩻဒါႏ(ဗိုန္နျ်းဆရာခုန်ဝေးတန်အခြဲမ်တရျာꩻယို)၊ သာဓု-တမ္ဖိုꩻအွ်ႏငါႏသွူ။\n၉၇။ ဧတသ္မိံ တေ သုလပိတေ၊ ပတိရူပေ သုဘာသိတေ။\nဝရံ ကဿပ တေ ဒမ္မိ၊ ယံ ကိဉ္စိ မနသိစ္ဆသိ။ (ဗိုန်လဲန်း)\n၉၈။ ဝရဉ္စေ မေ အဒေါ သက္က၊ သဗ္ဗဘူတာနမိဿရ။\nတတော ရတျာ ဝိဝသာနေ၊ သူရိယုဂ္ဂမနံ ပတိ။\nဒိဗ္ဗာ ဘက္ခာ ပါတုဘဝေယျုံ၊ သီလဝန္တော စ ယာစကာ။\nဝရဉ္စမေအဒ���ါ-နာꩻမီႏဖေႏဒါႏခွေဆုꩻနွ်ꩻ၊ ရတျာဝိသာနေ-ထာꩻခေ့ꩻသုတ်ꩻကို၊ တတောသူရိယုဂ္ဂမနံပတိ-မီႏတွိုႏမွူးထန်ႏ၊ ဒိဗ္ဗက္ခာစ-တနမ်သီးထာꩻအမ်ႏယင်၊ သီလဝန္တောစ-သီႏလကအွ်ႏဒါႏ၊ ယာစကာစ-အလူႏခမ္ပုဂ္ဂိုလ်ႏယင်၊ ပါတုဘဝယျုံ-ဖေႏကဖျော။\n၉၉။ ဒဒတော မေ န ခီယေထ၊ ဒတွာ နာနုတပေယျဟံ။\nဒဒံ စိတ္တံ ပသာဒေယျံ၊ ဧတံ သက္က ဝရံ ဝရေ။\nသက္က-ခုန်သက္က၊ ဒဒတောမေ-ခွေကထွာကေားလူႏသားတာႏ၊ နခီယေထ-လူႏဖေႏကလို့ဒါႏမွုန်း၊ အဟံဒတွာ-ပေါႏခွေလူႏထွူ၊ နာနုတပေယျံ-ဖေႏကကော့ꩻမာႏမွုးန္နမ်း၊ ဒဒံ-ကလူႏခိင်ႏတဲ့၊ စိတ္တံပသာဒေယျံ-သဖေႏကအွ်ႏရေꩻပျောႏသွင်ႏဗာႏ၊ ဝရေ-ခွေမဲလ္လꩻဒျာႏ၊ ဧတံဝရံ-ဆုꩻနျ်းနွ်ꩻ။\n၁၀၀။ ဧတသ္မိံ တေ သုလပိတေ၊ ပတိရူပေ သုဘာသိတေ။\nဝရံ ကဿပ တေ ဒမ္မိ၊ ယံ ကိဉ္စိ မနသိစ္ဆသိ။ (ဗိုန်လဲန်း)\n၁၀၁။ ဝရဉ္စေ မေ အဒေါ သက္က၊ သဗ္ဗဘူတာနမိဿရ။\nန မံ ပုန ဥပေယျာသိ၊ ဧတံ သက္က ဝရံ ဝရေ။\nသဗ္ဗဘူတာနမိဿရသက္က-အိုပ်လို့သတ္တ ခုန်သက္က၊ စေအဒေါ-နာꩻမီႏမဲန်ဖေႏဒါႏ၊ မေဝရံ-ခွေဆုꩻနွ်ꩻ၊ ပုန-ဆျ်ချာ၊ နဥပေယျာသိမံ-နာꩻတွမ်ႏလွန္ထေ့ထဲင်းမွုးန္ဒုမ်ခွေ၊ ဝရေ-ခွေမဲလ္လꩻဒျာႏ၊ ဧတံဝရံ-ဆုꩻနွ်ꩻ။\n၁၀၂။ ဗဟူဟိ ဝတစရိယာဟိ၊ နရာ စ အထ နာရိယော။\nဒဿနံ အဘိကင်္ခန္တိ၊ ကိံ နု မေ ဒဿနေ ဘယံ။\nနရာစ-လိုꩻဖိုင်ႏပါ၊ နာရိယောစ-လိုꩻမူႏဖိုင်ႏပါ၊ ဗဟူဟိ-ဝင်ꩻလိုꩻအာဖိုင်ႏ၊ ဝတ္တစရိယာဟိ-တွမ်ႏအကျင်ꩻဝတ္တဲင်၊ အဘိကင်္ခန္တိ-ကကွီကော့ꩻလွ၊ ဒဿနံ-မဲန္ထီႏငါႏသက္က၊ နု-တွိုႏနီဗွေႏမွော့၊ မေဒဿနေ-ထီႏနီသွးန္နဝ်ꩻ၊ ကိံဘယံ-ငမ်းထာꩻမျ်ꩻဟောင်း။\n၁၀၃။ တံ တာဒိသံ ဒေဝဝဏ္ဏံ၊ သဗ္ဗကာမသမိဒ္ဓိနံ။\nဒိသွာ တပေါ ပမဇ္ဇေယျံ၊ ဧတံ တေ ဒဿနေ ဘယံ။\nသဗ္ဗကာမသမိဒ္ဓိနံ-တွမ်ႏကာႏမရမ္မုန်ကဗွေႏကွုန္ဒာႏ၊ တာဒိသံ-သက္ကနျ်းနာꩻ၊ တံဒေဝဝဏ္ဏံ-လူꩻဒေႏဝါႏသီးအလွိုးယို၊ ဒိသွာ-ထီႏဗာႏတဲင်္ခါ၊ ပမဇ္ဇေယျ-အမ္ဖိင်ꩻထိုꩻအီ၊ တပေါ-ခွေအကမ်ကျင်ꩻထာꩻခြေားခြင်သွူ၊ ဒဿနေ-ထီႏဗာႏနာꩻတဲင်၊ ဘယံ-ထွာအီဘေꩻ (ထာꩻငမ်း)နွ်ꩻ၊ ဧတံတေ-နျ်းနွ်ꩻဒျာႏသွူ။\n\nအာႏကွိုꩻ\nဗုဒ္ဓဘာႏသာႏ","num_words":2223,"character_repetition_ratio":0.07,"word_repetition_ratio":0.135,"special_characters_ratio":0.112,"stopwords_ratio":0.006,"flagged_words_ratio":0.0,"lang_id_score":1.0,"perplexity_score":378.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%90%E1%80%BD%E1%80%9A%E1%80%BA%EA%A9%BB%28%E1%81%83%29%E1%80%9E%E1%80%BD%E1%80%89%E1%80%BA%E1%80%81%E1%80%94%E1%80%BA%EA%A9%BB%28%E1%81%81%29","collection":"wikipedia","source":"wikipedia","original_code":"blk","text":"သွဉ်ခန်ꩻယိုအလꩻ-\nသွုံꩻအာ - က ခ င စ ဆ ည တ ထ ဒ န ပ ဖ ဗ မ ယ ရ လ ဝ သ ဟ (အဖြုံႏ ၂၀-ယိုသွူ။)\nလိတ်မွူးအတွယ်ꩻ(၃)၊ သွဉ်ခန်ꩻ(၁)၊ ဖတ်လွူꩻခန်ꩻအမုဲင်(၁)\nစေႏတနာႏစ��်ဗွာ\nသထွုံႏပေႏသီႏသဲင်ႏ\nမဉ်နာႏငါႏတရာꩻ\nအမဲဉ်ႏတရာꩻယံငါႏထာꩻ\nရဟန်ꩻသင်္ဃာႏ။\nမေႏတေန်ꩻမေႏဗို\nနီခမ်းနီထီ အောဝ်ႏမုဲင်ꩻအီ\nကဗျာလင်္ကာႏတဲမ်းဒါႏဗာႏ\nတယ်ႏဘုရာꩻစေႏတီႏ\nထီꩻသင်ꩻခေါဝ်းလို့ဝင်ꩻ။\nလိတ်မွူးအတွယ်ꩻ(၃)၊ သွဉ်ခန်ꩻ(၁)၊ ဖတ်လွူꩻခန်ꩻအမုဲင်(၂)\nဒင်ႏဖိုးစခါ လွေꩻသဲင်ꩻအာ\nခဉ်ႏပါခံႏယာႏ မဲစ်အာငါႏ\nလူႏဗာႏတန်ꩻမွေး ကေန်ꩻတောဝ်းကွေး\nကပ်နေးပဉ်ပါꩻ လဲပ်ငါႏထာꩻ\nကလာꩻခယ်ႏဖြား လဲင်ꩻအုံထွား\nတဲးဝါးမာꩻလွေꩻ လွိုတောဝ်းဝွေꩻ။\n\nသွဉ်ခန်ꩻယိုအလꩻ -\nသွုံꩻအာ - က ခ စ စ ဆ တ ထ ဒ န ပ ဗ မ ယ ရ လ ဝ သ ဟ(အဖြုံႏ ၁၇-ယိုသွူ။)\nလိတ်မွူးအတွယ်ꩻ(၃)၊ သွဉ်ခန်ꩻ(၂)၊ ဖတ်လွူꩻခန်ꩻအမုဲင်(၁)\nနမ်းကျင်ꩻတရာꩻဟောဝ်ဗာႏ\nနီပအိုဝ်ႏချင်ꩻချင်ꩻ ရက်ဗာႏလို့ဝင်ꩻ\nဘာႏသာႏထွုံꩻမျတ် နီဆွုံꩻဖျတ်\nမာꩻကျပ်ကုသိုလ်ႏ ချမ်ꩻသာႏပိုႏ\nအောဝ်ႏလိုႏတဲမ်းယို ကျမ်ꩻဂန်ႏကို။\nလိတ်မွူးအတွယ်ꩻ(၃)၊ သွဉ်ခန်ꩻ(၂)၊ ဖတ်လွူꩻခန်ꩻအမုဲင်(၂)\nကံကျင်ꩻမီႏဒါႏ ကျိုꩻအာငါႏ\nခမ်းသားချင်ꩻချင်ꩻ ရက်သွော့ဝင်ꩻ\nအကျင်ꩻဟောဝ်မျတ် မာꩻထာꩻပျတ်\nထွားကျပ်ကျမ်ꩻဂန်ႏ တဲမ်းဟော်ꩻထန်ႏ။\n\nသွုံꩻအာ - က ခ ပ ဖ ဗ (ယို ၅-ဖြုံႏသွူ။)\nလိတ်မွူးအတွယ်ꩻ(၃)၊ သွဉ်ခန်ꩻ(၃)၊ ဖတ်လွူꩻခန်ꩻ(၁)\nဖိုးပနားတကြက်ꩻ\nခံꩻယာႏ တခြဲက်ꩻကားမုဲင်ꩻ\nဖြစ်ꩻနံႏသာႏထီ\nလိုꩻကြဲစ်ထာꩻကျင်ႏ ထွာလိုꩻပျင်ႏ\nလိုꩻထာꩻလွꩻတန် ကေန်ꩻခြေားဖြန်။\nခြပ်ဟဝ်ပဉ်စား ထီႏဖုဲင်ႏထွား\nလိုꩻလွꩻထာꩻမာꩻ ပြဲမ်ႏရဝ်းပါꩻ\nဖြေꩻဟူပြယ်ႏဖါႏ ယံတဝ်းငါႏ\nဒေါ့ꩻသင်ႏခြဝ်သန် ဟဝ်တဝ်းတန်။\nလိတ်မွူးအတွယ်ꩻ(၃)၊ သွဉ်ခန်ꩻ(၃)၊ ဖတ်လွူꩻခန်ꩻအမုဲင်(၂)\nလမ်းနီပြက်ꩻထွာ ပသီႏဗွာ\nတဲမ်းပြဲင်ႏကဗျာ လꩻဆုꩻအာ\nထုဲင်ပြဉ်းထွူမꩻ ဆို့ꩻသော့ꩻလꩻ\nဖါဖြားတိဟန် ခြဲစ်ꩻထွားဗန်\nဖြားဆာဗွိုႏစန်း ကဟဝ်ပြန်း\nခြပ်ဟဝ်ကွံဗီႏ ထွားကညီႏ\nယꩻဝါႏတခြဲမ် လေန်းလုဲင်ꩻဝဲဉ်\nအုံတရာꩻလꩻ ခြယ်ꩻလောဘ\nခြဝ်ႏကောႏယိုခါ ဝင်ꩻသွုံꩻအာ။\n\nသွုံꩻအာ - က ခ စ ဆ တ ထ ဒ န ပ ဖ ဗ မ ယ ရ လ ဝ သ ဟ (အဖြုံႏ ၁၈-ယိုသွူ။)\nလိတ်မွူးအတွယ်ꩻ (၄)၊ သွဉ်ခန်ꩻ(၁)၊ ဖတ်လွူꩻခန်ꩻအမုဲင်(၁)\nစူသွို့ꩻခံꩻ တကွင်ꩻကားမုဲင်ꩻ\nကျိုꩻစာꩻသွဉ်မွေးမွေးပညာႏနေား\nဗွေႏဗွန်ကွတ်ꩻပါꩻ ကျွꩻလွဉ်သွူ\nသဲ့ꩻသွမ်ꩻဝင်ꩻနဝ်ꩻ ဟောဝ်တဝ်း\nနီကိုꩻကွယ်ႏဒျာႏ ရတနာႏသွံပါꩻ။\nလိတ်မွူးအတွယ်ꩻ (၄)၊ သွဉ်ခန်ꩻ(၁)၊ ဖတ်လွူꩻခန်ꩻအမုဲင်(၂)\nတွက်ဂဏန်ꩻဒါႏ ယံဟောဝ်ငါႏ\nဗဟိုႏသွဉ်တန်ꩻ အွဉ်ႏစီꩻကန်ꩻ\nခွန်မနုဟာႏ ပအိုဝ်ႏဒျာႏ\nကွပ်မာꩻသီဆျာ ဝွ��်တွပ်ꩻအာ\nသꩻစွယ်ꩻမဲဉ်ဒါႏ သွဉ်မွေးငါႏ။\n\nသွုံꩻအာ - က ခ (ယို ၂-ဖြုံႏ)။\nလိတ်မွူးအတွယ်ꩻ(၄)၊ သွဉ်ခန်ꩻ(၂)၊ ဖတ်လွူꩻခန်ꩻအမုဲင်(၁)\nနာꩻသက္ကရာဇ် ကျွင်ꩻတဗာႏနဲ့\nဗွေႏဘုရာꩻ လယ်ႏချွစ်သတ္တဝါႏ\nဘုရာꩻပွင်ꩻဒျာႏ ကျွန်ꩻနောဝ်ကိုယို\nဗုံကျွမ်ꩻတဖြို့ꩻ မာꩻအီထမုဲင်ꩻ။\nလိတ်မွူးအတွယ်ꩻ(၄)၊ သွဉ်ခန်ꩻ(၂)၊ ဖတ်လွူꩻခန်ꩻအမုဲင်(၂)\nနာꩻသက္ကရာဇ် ကျွင်ꩻတဗာႏ\nတင်ꩻကျွစ်လာတာႏ မာꩻမေႏဗို\nနီကျွန်ꩻနောဝ်ယို အထွုံꩻစံႏ\nဖို့ꩻကျွမ်ꩻကျွမ်ꩻအံႏ ကသံးယံ။\n\nသွုံꩻအာ - က ခ ပ ဖ (ယို ၄-ဖြုံႏ)။\nလိတ်မွူးအတွယ်ꩻ (၄)၊ သွဉ်ခန်ꩻ(၃)၊ ဖတ်လွူꩻခန်ꩻ အမုဲင်(၁)\nလိုꩻပေႏစွဲက်ထီ ပြွက်ꩻဟံႏဗော့ꩻ\nထီႏသေဖြွဉ်တရာꩻ\nလွေꩻမာꩻထာꩻမာꩻ ပြွတ်ခွမ်ꩻလာꩻ\nပအိုဝ်ႏမူႏစခါ ခင်ႏပြွမ်\nဟွဲး ငွဉ်ꩻဟွဲးပြွယ်ꩻ။\nလိတ်မွူးအတွယ်ꩻ (၄)၊ သွဉ်ခန်ꩻ(၃)၊ ဖတ်လွူꩻခန်ꩻ အမုဲင်(၂)\nပါꩻပြွက်ꩻဟံႏဗော့ꩻ ထွားမရော့ꩻ\nဆို့ꩻအာစွစ်ꩻစွစ်ꩻ ဝါႏမွူးပြွစ်ꩻ\nကဝ်ႏတုဲင်မော်နမ်း ပြွတ်လုဲင်ႏသမ်း\nနီပအိုဝ်ႏချင်ꩻ ဖြွမ်းလို့ဝင်ꩻ\nလိုꩻမူႏဟွဲးပြွဲꩻ ပါꩻထွားစွယ်ꩻ။\n\nအာႏကွိုꩻ\n\nလိတ်လုဲင်ꩻ","num_words":663,"character_repetition_ratio":0.135,"word_repetition_ratio":0.092,"special_characters_ratio":0.131,"stopwords_ratio":0.005,"flagged_words_ratio":0.0,"lang_id_score":1.0,"perplexity_score":1219.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%99%E1%80%BD%E1%80%89%E1%80%BA%E1%80%B8%E1%80%96%E1%80%BB%E1%80%84%E1%80%BA%E1%80%95%E1%80%89%E1%80%B9%E1%80%85%E1%80%99%E1%80%9C%E1%80%B2%E1%80%84%E1%80%BA%E1%82%8F","collection":"wikipedia","source":"wikipedia","original_code":"blk","text":"အရဲဉ်ႏ မာတိကာႏ လိတ်းကတူႏစဲဉ်ႏ  လိတ်မဲ့ငါ\n၁။ အကျောင်ꩻအဝ်ႏလွဉ် ငဝ်းတဲႏအွဉ် ------- (က၊ ခ၊ ဂ၊ ဃ၊ င)\n၂။ နမော တဿ-ဗွောင်အဓိပ္ပါယ်ႏ ဝုဲႏဘုရာꩻခန်ꩻ----(စ)\n၃။ ပတ္ထနာႏ ကွီဆုႏ----(ဆ)\n၄။ မာတိကာႏ လိတ်းကတူႏစဲဉ်ႏ ----(ဇ၊ ဈ)\n၅။ အခန်ꩻ(၁) ဗီး(၃၃)ဖြုံႏခန်ꩻ-----(၁)\n၆။ အခန်ꩻ(၂) ဗီးခြွိုင်းခြိုꩻမဉ်ꩻ (တွဲꩻအီဗီးတာႏ)ခန်ꩻ----(၂)\n၇။ အခန်ꩻ(၃) ပါဠိသရ (၈)ဖြုံႏခန်ꩻ----(၃)\n၈။ အခန်ꩻ(၄) ပအိုႏမူလသရ (၂၂)ဖြုံႏခန်ꩻ----(၄)\n၉။ အခန်ꩻ(၅) ပအိုႏသရဖြယ် (၈၈)ဖြုံႏခန်ꩻ----(၅)\n၁၀။ အခန်ꩻ(၆) ဗီးတွဲꩻ သရဖြယ်ခန်ꩻ----(၆)\n၁၁။ အခန်ꩻ(၇) ယ-ပယ်ခန်ꩻ----(၈)\n၁၂။ အခန်ꩻ(၈) လ-ဗဲဉ်ခန်ꩻ----(၉)\n၁၃။ အခန်ꩻ(၉) ရ-ဗဲဉ်ခန်ꩻ----(၁၁)\n၁၄။ အခန်ꩻ(၁၀) ဝ-ဟွဲးခန်ꩻ-----(၁၃)\n၁၅။ အခန်ꩻ(၁၁) ယ-ပယ်၊ ဝ-ဟွဲးခန်ꩻ----(၁၄)\n၁၆။ အခန်ꩻ(၁၂) လ-ဗဲဉ်၊ ဝ-ဟွဲးခန်ꩻ-----(၁၄)\n၁၇။ အခန်ꩻ(၁၃) ရ-ဗဲဉ်၊ ဝ-ဟွဲးခန်ꩻ-----(၁၅)\n၁၈။ အခန်ꩻ(၁၄) က်-သွတ်ႏ၊ င်-သွတ်ႏခန်ꩻ----(၁၆)\n၁၉။ အခန်ꩻ(၁၅) စ်-သွတ်ႏ၊ ဉ်-သွတ်ႏခန်ꩻ----(၁၈)\n၂၀။ အခန်ꩻ(၁၆) တ်-သွတ်ႏ၊ န်-သွတ်ႏခန်ꩻ----(၁၈)\n၂၁။ အခန်ꩻ(၁၇) ပ်-သွတ်ႏ၊ မ်-သွတ်ႏခန်ꩻ----(၂၀)\n၂၂။ အခန်ꩻ(၁၈) ယ်-ပယ်၊ က်-သွတ်ႏ၊ င်-သွတ်ႏခန���ꩻ----(၂၁)\n၂၃။ အခန်ꩻ(၁၉) ယ-ပယ်၊ တ်-သွတ်ႏ၊ န်-သွတ်ႏခန်ꩻ----(၂၂)\n၂၄။ အခန်ꩻ(၂၀) ယ-ပယ်၊ ပ်-သွတ်ႏ၊ မ်-သွတ်ႏခန်ꩻ----(၂၂)\n၂၅။ အခန်ꩻ(၂၁) လ-ဗဲဉ်၊ က်-သွတ်ႏ၊ င်-သွတ်ႏခန်ꩻ-----(၂၃)\n၂၆။ အခန်ꩻ(၂၂) လ-ဗဲဉ်၊ စ်-သွတ်ႏ၊ ဉ်-သွတ်ႏခန်ꩻ----(၂၅)\n၂၇။ အခန်ꩻ(၂၃ှ) လ-ဗဲဉ်၊ တ်-သွတ်ႏ၊ န်-သွတ်ႏခန်ꩻ----(၂၆)\n၂၈။ အခန်ꩻ(၂၄) လ-ဗဲဉ်၊ ပ်-သွတ်ႏ၊ မ်-သွတ်ႏခန်ꩻ----(၂၇)\n၂၉။ အခန်ꩻ(၂၅) ရ-ဗဲဉ်၊ က်-သွတ်ႏ၊ င်-သွတ်ႏခန်ꩻ---(၂၈)\n၃၀။ အခန်ꩻ(၂၆) ရ-ဗဲဉ်၊ စ်-သွတ်ႏ၊ ဉ်-သွတ်ႏခန်ꩻ---(၂၉)\n၃၁။ အခန်ꩻ(၂၇) ရ-ဗဲဉ်၊ တ်-သွတ်ႏ၊ န်-သွတ်ႏခန်ꩻ---(၃၀)\n၃၂။ အခန်ꩻ(၂၈) ရ-ဗဲဉ်၊ ပ်-သွတ်ႏ၊ မ်-သွတ်ႏခန်ꩻ---(၃၁)\n၃၃။ အခန်ꩻ(၂၉) ဝ-ဟွဲး၊ ဗီး-သွတ်ႏခန်ꩻ-----(၃၂)\n၃၄။ အခန်ꩻ(၃၀) ယ-ပယ်၊ ဝ-ဟွဲး၊ ဗီးသွတ်ႏခန်ꩻ---(၃၃)\n၃၅။ အခန်ꩻ(၃၁) လ-ဗဲဉ်၊ ဝ-ဟွဲး၊ ဗီးသွတ်ႏခန်ꩻ---(၃၄)\n၃၆။ အခန်ꩻ(၃၂) ရ-ဗဲဉ်၊ ဝ-ဟွဲး၊ ဗီးသွတ်ႏခန်ꩻ---(၃၅)\n၃၇။ အခန်ꩻ(၃၃) ယ-သွတ်ႏခန်ꩻ-----(၃၅)\n၃၈။ အခန်ꩻ(၃၄) လ-ဗဲဉ်၊ ယ်-သွတ်ႏခန်ꩻ----(၃၆)\n၃၉။ အခန်ꩻ(၃၅) ရ-ဗဲဉ်၊ ယ်-သွတ်ႏခန်ꩻ---(၃၆)\n၄၀။ အခန်ꩻ(၃၆) ဝ-ဟွဲး၊ ယ်-သွတ်ႏခန်ꩻ---(၃၆)\n၄၁။ အခန်ꩻ(၃၇) လ-ဗဲဉ်၊ ဝ-ဟွဲး၊ ယ်-သွတ်ႏခန်ꩻ---(၃၇)\n၄၂။ အခန်ꩻ(၃၈) ရ-ဗဲဉ်၊ ဝ-ဟွဲး၊ ယ်-သွတ်ႏခန်ꩻ---(၃၇)\n၄၃။ အခန်ꩻ(၃၉) ဝ်-သွတ်ႏခန်ꩻ----(၃၇)\n၄၄။ အခန်ꩻ(၄၀) လ-ဗဲဉ်၊ ဝ-သွတ်ႏခန်ꩻ----(၃၈)\n၄၅။ အခန်ꩻ(၄၁) ရ-ဗဲဉ်၊ ဝ-သွတ်ႏခန်ꩻ----(၃၈)\n၄၆။ အခန်ꩻ(၄၂) မုဲကီ (နိဂ္ဂဟိတ်)ခန်ꩻ---(၃၉)\n၄၇။ အခန်ꩻ(၄၃) ယ-ပယ်၊ မုဲကီခန်ꩻ---(၃၉)\n၄၈။ အခန်ꩻ(၄၄) ရ-ဗဲဉ်၊ မုဲကီခန်ꩻ----(၄၀)\n၄၉။ အခန်ꩻ(၄၅) လ-ဗဲဉ်၊ မုဲကီခန်ꩻ---(၄၀)\n၅၀။ အခန်ꩻ(၄၆) ဝ-ဟွဲး၊ မုဲကီခန်ꩻ----(၄၁)\nအခန်ꩻ(၁)\n\nဂဏန်ꩻ\n၁ ၂ ၃ ၄ ၅ ၆ ၇ ၈ ၉ ၀\nအခန်ꩻ(၂)\n\nတောင်ꩻခါꩻ - \"ပါဠိဝေါဟာရ\"နဝ်ꩻ သော့ႏဒူမ်အမုဲ၊ အွဉ်ႏစွူစွူဗော့ႏ ပါဠိအတွိုင်ꩻ။\nဥပမာႏ - သရ ၊ ရဿ၊ ဒီဃ-စတဲင် နုဲးနဝ်ꩻဖုံႏသွူ။\n\nတောင်ꩻခါꩻ -\nအငဝ်းထန်ႏနုဲးမုဲꩻ ကရိုꩻနဝ်ꩻ ဆဲင်ႏရာꩻအခန်ꩻကိုသူꩻမဲ့ႏ အီႏသေဗာႏဒျာႏသွူ။\n\nတောင်ꩻခါꩻ-\nမဉ်ႏဟောꩻနဝ်ꩻ \"အ အꩻ အး အႏ အာ အာꩻ အား အာႏ\"ဟောꩻငါလွေꩻသွော့ (၈)ဖြုံႏ(၈)ဖြုံႏနုဲးနဝ်ꩻနော။\n\nတောင်ꩻခါꩻ - အတွဲꩻ-၆ \"ကော့ ကော့ꩻ ကော် ကော်ꩻ ကော ကောႏ\"ကရီးခါ ငေါꩻလထွို့ႏစွဲႏနုဲးယိုသွူ။\nလုဲႏသော့ႏသွော့ - က ခ င စ ဆည တထဒန ပဖဗမ ယရလဝသဟအ(၂၁)ဖြုံႏ။\nအခန်ꩻ(၆) ဖတ်းလွူꩻခန်ꩻ အမုဲ(၁)\n၁။ ကာꩻကာႏတထာ လေားဆႏငါ\n၂။ နီထီႏတထာ ပသီႏအာ\n၃။ ယာႏဂုႏနီလူႏ ခိုခိုမူႏ\n၄။ ထူႏဟူထူႏဗွူ ဗွူႏဝါးကွူ\n၅။ ကေပေႏတဗာႏ တရေꩻငါႏ\n၆။ လေားကာႏတထာ ယိုမာꩻငါ\n၇။ နီကကွော့ႏပေါ ထိုꩻဆွော့ႏခေါ\n၈။ နီယိုသီယို ပအိုႏပို\n၉။ သႏဗွို့ႏအာႏကွိုꩻ ပအိ���ႏစွိုꩻ\n၁၀။ ကဲ့ႏထဲ့အဲ့ႏသဲ့ ထီႏဆော့ႏမဲ့\n၁၁။ မာꩻထမုဲꩻမွိုး ထဲ့ဆုဲꩻတွိုး။\n\nလုဲႏသော့ႏသွော့ - က စဆ တထဒန ပဖဗမ ရလဝ သဟအ ယိုဖုံႏ(၁၇)ဖြုံႏ။\nအခန်ꩻ(၇)၊ ဖတ်းလွူꩻခန်ꩻအမုဲ(၁)\n၁။ လိုꩻကျပါꩻကျႏ တဖူꩻထျႏ\n၂။ ပါꩻကျကျူႏလုဲꩻ လိုꩻအွိုးမုဲꩻ\n၃။ နီကျူႏထာꩻဒါႏ ပျောႏငါႏငါႏ\n၄။ နာꩻထာꩻလူႏကျိုꩻ အမျိုꩻမျိုꩻ။\nအခန်ꩻ(၇)၊ ဖတ်းလွူꩻခန်ꩻအမုဲ(၂)\n၁။ တခေါ့ႏရာႏဆျာႏ နီဒဲ့ႏကျာႏ\n၂။ ကျူႏလုဲꩻကျသေႏ ပအိုႏပေႏ\n၃။ တရေꩻကျောႏကျာႏ သေဗောႏဗာႏ\n၄။ ပညာႏကျိုꩻစာꩻ ကျငါႏထာꩻ။\n\nတောင်ꩻခါꩻ - လုဲႏသော့ႏသွော့ \"ပ\"နော။\nအခန်ꩻ(၈)၊ ဖတ်းလွူꩻခန်ꩻ အမုဲ(၁)\n၁။ ကြားခါꩻဗွူမွူး ထွူလꩻသွူး\n၂။ ပါꩻခႏပါꩻလႏ ပါꩻပြီꩻနႏ\n၃။ ချူꩻကြူး-ပြူးလာႏ နီဖူးတာႏ\n၄။ နာꩻအလျားအာ နာꩻပြွူဆာ\n၅။ ကြေ့ႏထီ ပြေ့ႏကီ ထိုꩻလဲ့ႏနီ\n၆။ ကြော့ႏကတူႏယိုꩻ ထူႏအငိုꩻ\n၇။ အဝေးကစွော့ႏ အမေးကြွော့ႏ\n၈။ ပအာကလိုႏ ဆျာထီးကြိုႏ\n၉။ ဒေါ့ႏကြွို့ႏကြႏအာ အမာႏပါ\n၁၀။ လိုꩻစားကြော့ကြဲ့ ပါꩻဆော့ႏမဲ့\n၁၁။ မာꩻပြုဲလီထိုꩻ နီလိုꩻမျိုꩻ။\nအခန်ꩻ(၈)၊ ဖတ်းလွူꩻခန်ꩻအမုဲ(၂)\nကြားခါꩻဗွူမွူး မာꩻထွူသွူး\nဆရာႏပြီꩻနႏ ပညာႏဆႏ\nပြူးထီတနျာႏ တဗော့ႏငါႏ\nပါꩻပြွူကဆာ အလျားအာ\nတသီႏဆာႏကြေႏ ဖေႏဗာႏသေႏ\nကြော့ႏကတူႏဒါႏ ကရျူႏသာႏ။\nအမေးကြွော့ႏကြွော့ႏ အဝေးစွော့ႏ\nဆျာထီးကြိုႏကြိုႏ တမိုႏမိုႏ\nဒေါ့ႏကြွို့ႏထာꩻ ဆော့ႏနားပါꩻ\nပါꩻရိုꩻဆော့ႏမဲ့ လိုꩻကြော့ကြဲ့\nမာꩻပြုဲအစွိုꩻ မာꩻကုဲလိုꩻ။\n\nတောင်ꩻခါꩻ - လုဲႏသော့ႏသွော့ \"ဖ\"နေား။\nအခန်ꩻ(၉)၊ ဖတ်းလွူꩻခန်ꩻအမုဲ(၁)\n၁။ ပါꩻလိုꩻတခြာ ပိုကအာ\n၂။ ခြီႏအဗာႏရိး ပြာႏတလီး\n၃။ ခြူထိုꩻပါꩻလိုꩻ ထာꩻကယိုꩻ\n၄။ နီဖီခြွူထီ တသီႏထီ\n၅။ ပေါႏမွူးဟာဟာ တခြေ့အာ\n၆။ ပါꩻဆော့တဖြာꩻ တခြော့ထာꩻ\n၇။ ဟို့ႏကွို့ႏတနာꩻ ခြွော့ဆျာႏထာꩻ\n၈။ နာꩻခြို့ႏထာꩻယို ဆာမုဲꩻကို\n၉။ တဖြွို့ကရာႏ စာကားငါႏ\n၁၀။ ခြံခြဲ့ႏလုဲးလုဲး သဲ့ႏကုဲးကုဲး\n၁၁။ လိုꩻအာလိုႏလုဲး ပအိုႏခြုဲး။\nအခန်ꩻ(၉) ဖတ်းလွူꩻခန်ꩻအမုဲ(၂)\nဆျာမီꩻအာယို တခြာကို\nပါꩻခႏခြီႏဒါႏ ပအိုႏဒျာႏ\nပါꩻကယားထာꩻ ခြူညာꩻညာꩻ\nခြွူတသီႏယို နီထီႏဖို\nပါꩻပြီꩻဟို့ႏခြေ့ တလီꩻရေ့\nခြော့အာထာꩻနေား မဲ့ႏနာꩻခြေား။\nခြွော့ဆျာႏထာꩻယို တိနျာႏပို\nမော့ႏဟႏတခြို့ မဲ့ခေ့ႏလို့\nမွိုးတဖြွို့ရာႏ ကျနွိုးငါႏ\nခြဲ့ႏလုဲးသဲ့ႏဟုဲး မာꩻကုဲးကုဲး\nနီပအိုႏခြုဲး ဒေါ့ႏထာꩻရုဲး။\n\nအာႏကွိုꩻ\n\nပအိုဝ်ႏလိတ်လုဲင်ꩻ","num_words":1387,"character_repetition_ratio":0.096,"word_repetition_ratio":0.126,"special_characters_ratio":0.218,"stopwords_ratio":0.046,"flagged_words_ratio":0.0,"lang_id_score":1.0,"perplexity_score":1335.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%81%E1%80%94%E1%80%BA%EA%A9%BB%28%E1%81%81%E1%81%80%29","collection":"wikipedia","source":"wikipedia","original_code":"blk","text":"တောင်ꩻခါꩻ - လုဲႏသော့ႏသွော့ \"ကဂင စဆ တထဒန ပဖဗမ ယရလဝ သဟအ\"ယိုဖုံႏ အဖြုႏ(၂၀)နေား။\nအခန်ꩻ(၁၀)၊ ဖတ်းလွူꩻခန်ꩻအမုဲ(၁)\n၁။ ကျိုꩻစာꩻထွာထွာ ဖူးမူႏဗွာ\n၂။ လွူးလွလွိုပိုႏ သွီႏပအိုႏ\n၃။ နီမွိုးလွေဗွူ မုဲꩻခါထွူ\n၄။ နိလိုꩻပေႏယွဲး မော့ႏသေႏခွဲး။\nအခန်ꩻ(၁၀)၊ ဖတ်းလွူꩻခန်ꩻအမုဲ(၂)\n၁။ ပအိုႏမူႏဗွာ အူဒါႏကွာ\n၂။ နီစွီႏအစူ ကာငါသွူ\n၃။ ခွေပအိုႏဒျာႏ သွီႏတနျာႏ\n၄။ လိုꩻယွဲးအစွိုꩻ နီအာႏကွိုꩻ။\n\nတောင်ꩻခါꩻ - ယ-ပယ်၊ ဝ-ဟွဲး ပအိုႏသွုံꩻ ယိုတဖြုံႏလုမ်ꩻ။\nအခန်ꩻ(၁၁)၊ ဖတ်လွူꩻခန်ꩻအမုဲ(၁)\n၁။ နီဗွေႏကျွႏဖေႏ သႏရေꩻသေႏ\n၂။ နီထိုꩻလွႏထွား ပါꩻလိုꩻကျွား။\n\nတောင်ꩻခါꩻ - ၁+၄ကိုနဝ်ꩻ လုဲႏသော့ႏသွော့ \"ပ\"တဖြုံႏနေား။\nအခန်ꩻ(၁၂)၊ ဖတ်းလွူꩻခန်ꩻအမုဲ(၁)\n၁။ မေႏခိုးစူပြွႏ ပါꩻလိုꩻလွႏ\n၂။ တကြွီႏညာꩻမႏ လွေꩻသော့ႏလႏ\n၃။ ထွီႏပေႏဟွေႏကြွေး တကုဲမွေး\n၄။ ဗွာလွားဟွဲးပြွဲꩻ ပါꩻထွားစွဲꩻ။\n\nတောင်ꩻခါꩻ - လုဲႏသော့ႏသွော့ \"ဖ\"ဗီး တဖြုံႏနေား။\nအခန်ꩻ(၁၃)၊ ဖတ်းလွူꩻခန်ꩻအမုဲ(၁)\n၁။ ပေႏလွႏတသီႏ ဖြွႏတသီႏ\n၂။ အခြွီဆႏဆႏ နီကွီလႏ\n၃။ ပအိုႏယိုခါ လိုꩻခြွေအာ\n၄။ နီကရေႏရွဲႏ ဖျောဖြွဲႏဖြွဲႏ။\nအခန်ꩻ(၁၃)၊ ဖတ်းလွူꩻခန်ꩻအမုဲ(၂)\nခြွႏထာꩻအီႏထွူ ရုဲသော့ႏဗွူ\nဗွူခြွီတရျာꩻ လႏလွိုပါꩻ\nခြွေမွေးခြွေမုဲး ပါꩻလိုꩻကုဲး\nထွို့ႏဗူႏဖြွဲႏဖြွဲႏ နီရေႏရွဲႏ။\n\nလုဲႏသော့ႏသွော့ - \"ခင စဆည တထဒန ပဖဗမ ယရလဝ သဟအ\"ယိုဖုံႏ အဖြုံႏ(၂၀)နေား။\nအခန်ꩻ(၁၄)၊ ဖတ်းလွူꩻခန်ꩻအမုဲ(၁)\n၁။ ရိုꩻကီကက်ႏကက်ႏ ထွာလိုꩻလက်ႏ\n၂။ ကိင်ꩻမုဲႏစခါ လိုꩻဒါႏအာ\n၃။ နီမွိုးနင်ꩻတုက်း လွိုးတကုက်း\n၄။ နင်ႏမူႏစွုက်းဝါꩻ ကွုက်းဒါႏထာꩻ\n၅။ တကေင်တငါ ပါꩻထေင်အာ\n၆။ ထင်ႏကောင်ငင်းရောင် လိုꩻတွူးဗောင်\n၇။ သီကေားဗွောင်ကီ နီတွောင်ထီ\n၈။ တဖို့က်းဖဲ့ဗွာ ကို့က်းမဲ့ငါ\n၉။ ကွို့က်ႏအာလိုꩻမွို့က်း ထွာလိုꩻမွို့က်း\n၁၀။ သ့ႏတကဲင်ႏတေ့ႏ သွႏခွဆေ့ႏ။\nအခန်ꩻ(၁၄)၊ ဖတ်းလွူꩻခန်ꩻအမုဲ(၂)\nကျိုꩻစာꩻနက်းငါ တိုꩻတက်းအာ\nပါꩻငခိက်ႏခိက်ႏ ကျူႏတိက်ႏတိက်ႏ\nစုက်းဂါႏထာႏဒါႏ တပုက်းတာႏ\nလဲႏလွုက်ႏဒါႏထာꩻ ခွေါင်းစီꩻပွါꩻ\nနေင်ႏလေအောင်ႏဗာႏ ကျိုꩻစာꩻဒျာႏ။\nငေါ့က်ႏယိုꩻကတူႏ ပါꩻလော့က်းထူႏ\nလွောင်ႏဗူႏထွာအာႏ ပအိုႏတာႏ\nဗွူဆိုင်ꩻကအာ ရဲ့မုဲꩻခါ\nကွို့က်ႏအာလိုꩻလွႏ ထွာလိုꩻလွႏ\nလိုꩻကောင်လဲင်ႏခါ ဗွောင်ဆဲင်ႏအာ။\n\nလုဲႏသော့ႏသွော့ - \"ခစဆ တထဒန ပဖဗမ ယရလဝ သဟအ\"ယိုဖုံႏ (၁၉-ဖြုံႏ)\nအခန်ꩻ(၁၅)၊ ဖတ်းလွူꩻခန်ꩻအမုဲ(၁)\n၁။ ကဉ်းအစော့ႏစား နင်ႏထဉ်ႏထွား ၂။ သေင်ႏအကဲဉ်ကဲဉ် ရွာꩻမာꩻပဲဉ်။\n\nလုဲႏသော့ႏသွော့ - \"ခင စဆ တထဒန ပဖဗမ ယရလဝ သဟအ\"ယိုဖုံႏ (၁၉)ဖြုံႏ။\nအခန်ꩻ(၁၆)၊ ဖတ်းလွူꩻခန်ꩻအမုဲ(၁)\n၁။ ထီကန်ႏထီထန်ႏ အာတန်ႏတန်ႏ\n၂။ ကထိန်ႏသင်္ကန်ꩻ နီလူႏတန်ꩻ\n၃။ လောကုတ္တရာႏ နီပညာႏ\n၄။ ပါꩻမူႏနွုတ်ꩻဖြာꩻ ဗွုတ်ႏထေင်းထာꩻ\n၅။ ပေါႏလွႏထိုꩻဗျာ လိုꩻကေန်ꩻထွာ\n၆။ တကော့တ်ႏတမွော့တ်း ပသေပွေါ့တ်း\n၇။ တွော့တ်းယင်ပွေါ့တ်းယင် ပါꩻလွော့တ်းဖျင်\n၈။ နီဗွေႏဗိုန်ထွာ အကျင်ꩻဗွာ\n၉။ ယွယွစွိုးဒွိုန်း အလွိုးသွိုန်း\n၁၀။ အတိတ်းမာႏမဲန်ႏ လိတ်းသင်ႏကဲန်ႏ။\nအခန်ꩻ(၁၆)၊ ဖတ်းလွူꩻခန်ꩻအမုဲ(၂)\nပါꩻကတ်းသေတန် ထေအဟန်\nပိတ်းအွိုးကိန်ꩻမုဲႏ အငိုꩻဖုဲႏ\nတဗုတ်းဗွူဆုန်ꩻ ဗိုန်မီꩻလုန်ꩻ\nဟွုန်ရက်ရိုႏသေႏ နွုတ်ႏပါꩻဗွေႏ\nခေတ်လွႏကေန်ꩻခြေား ထွႏမွုန်းနေား။\nရောန်တင်ႏကာꩻယင် ပွေါ့တ်းစင်စင်\nပူႏတဒွေါန်နေ ပွေါ့တ်းချောꩻပြေ\nကႏဆဲင်ꩻကို့တ်းဒွုန် စိုန်သားဟွုန်\nမွို့တ်းဗွိုန်လို့ဝင်ꩻ ပအိုႏချင်ꩻ\nကဲ့တ်ႏအမာႏမဲန်ႏ လိတ်းသင်ႏကဲန်ႏ။\n\nလုဲႏသော့ႏသွော့ - \" ခ င စဆည တထဒန ပဖဗမ ယရလဝသဟအ\"ယိုဖုံႏ(၁၉-ဖြုံႏ)။\nအခန်ꩻ(၁၇)၊ ဖတ်းလွူꩻခန်ꩻအမုဲ(၁)\n၁။ ကပ်းနေးပဉ်ဗာႏ သမ်းမွေးဒျာႏ\n၂။ ဆိပ်းဖြောင်းဆိမ်ꩻမဲ့ လွိုးပီပဲ့\n၃။ စုဲရုပ်ခုမ်မာꩻ ဗေင်ႏဒုမ်ထာꩻ\n၄။ ကသွုပ်းပသီႏ ထီစွုမ်းရီႏ\n၅။ ကေ့ပ်ႏခွဲꩻလႏဖို စွဲꩻသꩻကို\n၆။ ကော့ပ်းသောမ်ဒေါ့ႏဒါႏ စောမ်အာငါႏ\n၇။ ခင်ႏဆို့ပ်ႏလိုမ်ꩻလိုမ်ꩻ လို့တကိုမ်ꩻ\n၈။ တဲပ်းတဲ့ခဲမ်းငါႏ နီတဲမ်းဒါႏ။\nအခန်ꩻ(၁၇)၊ ဖတ်းလွူꩻခန်ꩻအမုဲ(၂)\nကပ်းဗွေႏစင်ꩻသျင်ႏ ဝွေꩻသမ်းလျင်ႏ\nဆိပ်းဖြောင်းဆိမ်ꩻမဲ့ သႏစွူတဲ့\nသီမာꩻတစုပ်း နီခွုမ်သုပ်း\nသွုပ်းပသီႏမာႏ ထီစွုမ်းဒျာႏ။\nကေ့ပ်ႏခွဲꩻအာငါႏ ယပ်ႏခုဲႏဗာႏ\nကော့ပ်းပွိုးသီသောမ် နီစာစောမ်\nစို့ပ်ႏထီမိုမ်ꩻတုဲ လွီးဟောမ်ပြုဲ\nတဲ့ပ်းတဲ့ခဲမ်းခဲ့ ထွားဖုဲႏမဲ့။\n\nလုဲႏသော့ႏသွော့ - \" ခ စ တ ဒ ပ ဖ ဗ မ ရ လ သ အ\"ယိုဖုံႏ (၁၂-ဖြုံႏ)\nအခန်ꩻ(၁၈)၊ ဖတ်းလွူꩻခန်ꩻအမုဲ(၁)\n၁။ နောင်ႏသျက်ဒါႏဝင်ꩻ ညမ်းအကျင်ꩻ\n၂။ နာꩻသျုက်းပါꩻဖျုက်း ထာꩻမာꩻပျုက်း\n၃။ မျော့က်းပင်ႏအောင်ႏအာ ကျောင်ႏမို့ႏခြာ\n၄။ ကျွို့က်းသႏလွို့က်းလႏ သဲင်မျိုꩻဆႏ။\n\nလုဲႏသော့ႏသွော့ - \"ခ ပ ဖ ဗ မ\"ယိုဖုံႏ(၅)ဖြုံႏ။\nအခန်ꩻ(၁၉)၊ ဖတ်းလွူꩻခန်ꩻအမုဲ(၁)\n၁။ ဗွေႏရဟန္တာႏ ကျင်ꩻမျတ်ငါႏ\n၂။ လိုꩻညမ်းပါꩻဖျုက်း ထာꩻမာꩻပျုက်း\n၃။ တင်ꩻကျွော့တ်းပေႏယို မာꩻမေႏဗို။\n\nအာႏကွိုꩻ\n\nလိတ်လုဲင်ꩻ","num_words":1139,"character_repetition_ratio":0.116,"word_repetition_ratio":0.046,"special_characters_ratio":0.126,"stopwords_ratio":0.069,"flagged_words_ratio":0.0,"lang_id_score":1.0,"perplexity_score":1261.8,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%81%E1%80%94%E1%80%BA%EA%A9%BB%28%E1%81%82%E1%81%80%29","collection":"wikipedia","source":"wikipedia","original_code":"blk","text":"လုဲႏသော့ႏသွော့ - \" ခ အ\"ယိုဖုံႏ(၂)ဖြုံႏ။\nအခန်ꩻ(၂၀)၊ ဖတ်းလွူꩻခန်ꩻအမုဲ(၁)\n၁။ ထွားကျပ်းကျမ်ꩻဂန်ႏ တဲမ်းထေထန်ႏ\n၂။ ခေါးချမ်ꩻပအျပ်ႏ ဖို့ႏကျောမ်ꩻယပ်ႏ။\n\nလုဲႏသော့ႏသွော့ = \"ပ +ဗ\"ယိုဖုံႏ(၂)ဖြုံႏ။\nအခန်ꩻ(၂၁)၊ ဖတ်းလွူꩻခန်ꩻအမုဲ(၁)\n၁။ ဖိုးတကြက်ႏယို ထာꩻပြင်ႏကို\n၂။ တရွူꩻတရိင်ႏ သင်ႏကြိင်ႏကြိင်ႏ\n၃။ တကြုက်းအူမေႏ ကြုင်ႏသေႏသေႏ\n၄။ တနတ်းသင်ႏဒွုင် သေင်ႏဝႏကြွုင်\n၅။ သဲ့ႏထွူကြေင်းသွူး ဆို့ႏနေင်းမွူး\n၆။ ကြော့က်ႏထီမောင်းရောင်ꩻ စင်ကြောင်းပြောင်ꩻ\n၇။ ခွန်ကြွော့က်းပြွောင်ႏကျွား မဲ့ကြွောင်ႏထွား\n၈။ နို့က်ႏတွူပြို့က်ႏဗွူ ကနန်ꩻထွူ\n၉။ ဖြားကြွို့က်းဖြော့ႏမွိုင် ယော့ႏတကြွိုင်\n၁၀။ သောမဲန်ႏကြဲ့က်လို့ ကြဲင်ႏတာထို့။\nအခန်ꩻ(၂၁)၊ ဖတ်းလွူꩻခန်ꩻအမုဲ(၂)\nလမ်းတပြက်ႏပြင်ꩻ တျာႏဆေႏလင်ꩻ\nသင်ႏကြိက်ႏပသီႏ ရုင်ႏရိင်ႏဒီႏ\nမေႏကြုင်ႏစွဲးယုက်း ခူႏတကြုက်း\nဒေႏဝဲဉ်ထီ-ဗြုက်ႏ၊ တုက်ႏဝဲဉ်ထီ-ဗြွုင်\nသဲ့ႏကြေင်းထွူခါ ဆို့ႏနေင်းအာ။\nကြော့က်ႏထီတောင်းတီ စင်ကြောင်းအီ\nပြွောင်ႏဖို့က်းဗွာလွား မဲ့ကြွောင်ႏထွား\n\"လိုင်းပြိုင်ႏ\"ထျႏသွူ နီပြို့က်ႏဗွူ\nဖြားကြွို့က်းယော့ႏကြွိုင် ရေꩻချာမွိုင်\nပြဲင်ႏသောလိင်ႏကြဲ့က် တနႏဗဲ့က်။\nတောင်ꩻခါꩻ - အတွဲꩻ (၈) အငဝ်းထန်ႏမဲန်ႏ \"လိုင်းပြိုင်ႏ\"၊ \"လိုင်း-လိုး+င်၊ ပြိုင်ႏ=ပြိုႏ+င်၊ ပလိုႏ+င်၊ ဖို့က်း၊ ဖို့း+က်၊ ယိုနဝ်ꩻ (စူꩻတဝ်းမန်းလိတ်း)။\nကတဲမ်းကရီးခါ = \"လုံး ပြုံႏ\"၊ \"ဖုတ်၊ ဖု+တ်\"ယိုနဝ်ꩻ (စူꩻမန်းလိတ်း)၊ ကျွို့က်းရာꩻ၊ စဉ်ꩻစာꩻလွ၊ ယူႏယွယွ။\n\nလုဲႏသော့ႏသွော့ = \"ပ\" တဖြုံႏငါ။\nအခန်ꩻ(၂၂)၊ ဖတ်းလွူꩻခန်ꩻအမုဲ(၁)\n၁။ ပါꩻခိုတဖြာꩻ လွေꩻပြဉ်းထာꩻ\n၂။ မွူးပြဲဉ်လွူးဒဲဉ် တေားဟူအဲဉ်။\n\nလုဲႏသော့ႏသွော့ - \"ပ\"တဖြုံႏငါ။\nတောင်ꩻခါꩻ - အတွဲꩻ (၂)နဝ်ꩻ အငဝ်းအွဉ်ႏထန်ႏပီ အခန်ꩻ(၂၁)အတွဲꩻ(၂)\nအတွဲꩻ(၃)နဝ်ꩻ အငဝ်းအွဉ်ႏထန်ႏပီ အခန်ꩻ(၂၁) အတွဲꩻ(၈)\nအတွဲꩻ(၆)နဝ်ꩻ အငဝ်းထန်ႏ ဗိုန်ပီ အခန်ꩻ(၂၂) အတွဲꩻ(၂)\nအတွဲꩻ(၂+၃)ယိုနီတွဲꩻနဝ်ꩻ အမျာꩻသွုံꩻ တဲမ်းထွုံꩻစခါသွူ။\nအခန်ꩻ(၂၃)၊ ဖတ်းလွူꩻခန်���အမုဲ(၁)\n၁။ တကြတ်ႏဝႏပြန် ထာꩻဆော့ကြန်\n၂။ တရွူꩻတရိန်ႏ သင်ႏကြိန်ႏကြိန်ႏ\n၃။ နုတ်ႏတွူပြုတ်ႏဗွူ ကနန်ꩻထွူ\n၄။ အွုန်တလီꩻတွင်ꩻ မျောႏကြွုတ်လင်ꩻ\n၅။ ထိုမ်ႏဖဲ့စွော့တ်ႏစွော့တ်ႏ ဝါႏပြွော့တ်ႏပြွော့တ်ႏ\n၆။ ဝွေꩻကြဲ့တ်းထာꩻဒါႏ ပြဲန်ချာဗာႏ။\n\nလုဲႏသော့ႏသွော့ \"ပ\"တဖြုံႏလုမ်ꩻ။\nအခန်ꩻ(၂၄)၊ ဖတ်းလွူꩻခန်ꩻအမုဲ(၁)\n၁။ ဗို့ႏကြမ်ꩻပဉ်ကြပ်ႏ ထူႏထန်ႏယပ်ႏ\n၂။ အိုႏပခေါကြိပ်ꩻ ဝွေꩻစူလိပ်ႏ\n၃။ ဖူးမူႏတုမ်သီး စာကြုမ်ရွီး\n၄။ ပြောမ်ဒုမ်ခင်ႏပြောမ် ဖူးမူႏဟောမ်\n၅။ ထော့က်ခွေါန်းတဝဲန် လွေꩻအာကြဲမ်။\n\nလုဲႏသော့ႏသွော့ - \"ဖ\"တဖြုံႏလုမ်ꩻ။\nအခန်ꩻ(၂၅)၊ ဖတ်းလွူꩻခန်ꩻအမုဲ(၅)\n၁။ သျုက်းသျက်းခြုက်းခြက်း ယွုက်းထိုꩻစက်း\n၂၊ ရေႏလွေꩻတိက်ႏတိက်ႏ ဝေင်ꩻခြုက်ႏခြိက်ႏ\n၃။ ပေါ့က်ႏဖြုင်းခြို့ꩻဗုက် ထွိုင်ႏဝႏခြုက်\n၄။ စီꩻကန်ꩻခြေင်းမႏ တိုꩻတက်းလႏ\n၅။ ခြော့က်ႏယော့ဗော့ႏနောင် ထွာထီခြောင်\n၆။ မွူးတောင်ႏသူထွောင်း သဲင်သူခြွောင်း\n၇။ စွိုင်ပနားနိုင်ꩻ စွီႏကာႏခြိုင်ꩻ\n၈။ ထောင်တဖူꩻလွေꩻ ခြွိုင်ႏသန်ꩻရေꩻ\n၉။ လိုꩻလွႏသော့က်းသဲ့က်း တဖြဲ့က်းယဲ့က်း။\n\nလုဲႏသော့ႏသွော့ - \"ဖ\"တဖြုံႏငါ။\nအခန်ꩻ(၂၆)၊ ဖတ်းလွူꩻခန်ꩻအမုဲ(၁)\n၁။ မေႏသွာႏဖြေင်းရစ်ႏ သဲင်တခြစ်ႏ\n၂။ နီဖါခြဲစ်ႏဗန် ထီဖြဲ့စ်ႏသန်။\n\nလုဲႏသော့ႏသွော့- \"ဖ\"တဖြုံႏလုမ်ꩻ။\nတောင်ꩻခါꩻ - အတွဲꩻ(၂)နဝ်ꩻ အငဝ်းအွဉ်ႏထန်ႏဗိုန်ပီ အခန်ꩻ(၂၅)အတွဲꩻ(၂)\nအတွဲꩻ(၃)နဝ်ꩻ အငဝ်းအွဉ်ႏထန်ႏဗိုန်ပီ အခန်ꩻ(၂၅)အတွဲꩻ(၇)\nအတွဲꩻ(၆)နဝ်ꩻ အငဝ်းထန်ႏဗိုန်ပီ အခန်ꩻ(၂၆)အတွဲꩻ(၂)\n(၂+၃)ယိုနီတွဲꩻနဝ်ꩻ အမျာꩻသွုံꩻ တဲမ်းထွုံꩻစခါသွူ။\nအခန်ꩻ(၂၇)၊ ဖတ်းလွူꩻခန်ꩻအမုဲ(၁)\n၁။ လွႏသန်မွဖြန် ခြေားပဲ့က်းဆန်\n၂။ ပသီႏသင်ႏခြိတ်ႏ ငင်ႏတိတ်ႏတိတ်ႏ\n၃။ ခြုန်ႏပင်အော့ႏလျာႏ ထဲ့တဟျာႏ\n၄။ နီစက်းမာꩻထွူ ခြွုတ်းအီဗွူ\n၅။ ထာꩻဆူႏခြွော့တ်းနီ အွောန်ႏခြွောန်ႏထီ\n၆။ နီဖါခြဲ့စ်ႏဗန် ထီဖြဲ့စ်ႏသန်။\n\nလုဲႏသော့ႏသွော့- \"ဖ\"တဖြုံႏလုမ်ꩻ\nအခန်ꩻ(၂၈)၊ ဖတ်းလွူꩻခန်ꩻအမုဲ(၁)\n၁။ အွောန်ႏစီႏအွောန်ႏခြပ်း ပဉ်ထပ်းထပ်း\n၂။ နင်ႏခြိပ်းဟန်ႏလွူး အေင်ခြိမ်ꩻမွူး\n၃။ ယားမွုန်းဖြုမ်ဖူႏ ထီကတူႏ\n၄။ ယို့ဘုရာꩻလောင်ꩻ စို့က်ႏဖြွုမ်းထောင်ꩻ\n၅။ ဖြွောမ်းသွော့လို့ဝင်ꩻ ပအိုႏချင်ꩻ\n၆။ ယမ်းသေင်ႏပင်ခြိုမ်ႏ ထို့လူးဆိုမ်ႏ\n၇။ ထိုမ်းခင်ႏဖါႏခြဲ့ပ်း ခြဲမ်ထာꩻလဲ့ပ်း။\n\nလုဲႏသော့ႏသွော့- \"ခင စဆည တထဒန ပဖဗမ ယရလဝ သဟအ\"ယိုဖုံႏ အဖြုံႏ(၂၀)နေား��\nတောင်ꩻခါꩻ- အတွဲꩻ(၂)နဝ်ꩻ အငဝ်းထန်ႏဗိုန်ပီ အခန်ꩻ(၁၆) အတွဲꩻ(၆)\nအတွဲꩻ(၄)နဝ်ꩻ အငဝ်းထန်ႏဗိုန်ပီ အခန်ꩻ(၁၇)အတွဲꩻ(၆)\nယို(၂)တွဲꩻနဝ်ꩻ တဲမ်းသွုံꩻကရီးခါနဝ်ꩻသွူ။\nအခန်ꩻ(၂၉)၊ ဖတ်းလွူꩻခန်ꩻအမုဲ(၁)\n၁။ နုတ်းသိမ်ႏအတွက်း ထွို့ႏသိမ်ႏကွက်း\n၂။ ဝန်ႏတကွစ်ꩻအာ ထွဉ်ႏဝေါင်းပါ\n၃။ ကွန်ႏခန်ထင်ႏငါႏ ချင်းစုဲႏဗာႏ\n၄။ ကွပ်ပွိုးလိတ်းလုဲꩻ လိန်ႏမာႏဆုဲꩻ။\n\nအာႏကွိုꩻ\n\nလိတ်လုဲင်ꩻ","num_words":1107,"character_repetition_ratio":0.107,"word_repetition_ratio":0.058,"special_characters_ratio":0.128,"stopwords_ratio":0.058,"flagged_words_ratio":0.0,"lang_id_score":1.0,"perplexity_score":794.8,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%81%E1%80%94%E1%80%BA%EA%A9%BB%28%E1%81%83%E1%81%80%29","collection":"wikipedia","source":"wikipedia","original_code":"blk","text":"လုဲႏသော့ႏသွော့ \"ခ\"တဖြုံႏငါ။\nတောင်ꩻခါꩻ - အတွဲꩻ(၃)နဝ်ꩻ အငဝ်းထန်ႏဗိုန်ပီ အခန်ꩻ(၁၉) အတွဲꩻ(၃)\nအတွဲꩻ (၅)နဝ်ꩻ အငဝ်းထန်ႏဗိုန်ပီ အခန်ꩻ(၂၀)အတွဲꩻ(၂၀)\nယို(၂)တွဲꩻနဝ်ꩻ တဲမ်းသွုံꩻကရီးခါနဝ်ꩻသွူ။\nအခန်ꩻ(၃၀) ဖတ်းလွူꩻခန်ꩻအမုဲ(၁)\n၁။ တွက်းဂဏန်ꩻဒါႏ ကျွင်ꩻတဗာႏ\n၂။ ဖိုးယိုတဗာႏ ကျွို့က်းသႏငါႏ\n၃။ တင်ꩻကျွစ်းလာယို မာꩻမေႏဗို\n၄။ လိန်ႏမာႏငါႏယို ထွက်းချွန်းပို\n၅။ နီပအိုႏချင်ꩻ မွို့တ်းလို့ဝင်ꩻ\n\nလုဲႏသော့ႏသွော့ - \"ပ\"တဖြုံႏငါ။\nတောင်ꩻခါꩻ - အတွဲꩻ(၁)နဝ်ꩻ အငဝ်းထန်ႏဗိုန်ပီ အခန်ꩻ(၂၃) အတွဲꩻ(၅)\nအတွဲꩻ(၃)နဝ်ꩻ အငဝ်းထန်ႏဗိုန်ပီ အခန်ꩻ(၂၄)အတွဲꩻ (၄)\nယို(၂)နဝ်ꩻ တဲမ်းသွုံꩻကရီးခါနဝ်ꩻသွူ။\nအခန်ꩻ(၃၁)၊ ဖတ်းလွူꩻခန်ꩻအမုဲ(၁)\n၁။ မျောႏကြွစ်တဲ့ဒါႏ ဖဲ့ကြွဉ်ဝါႏ\n၂။ ပြွတ်းတေားဖြီယို အွိုးကြွန်ကို\n၃။ ခင်ႏပြွမ်ဗွောင်ႏချာ ခေတ်းယိုခါ။\n\nလုဲႏသော့ႏသွော့ - \"ဖ\"တဖြုံႏငါ။\nတောင်ꩻခါꩻ - အတွဲꩻ (၁)နဝ်ꩻ အငဝ်းထန်ႏဗွိုန်ပီ အခန်ꩻ(၂၇)အတွဲꩻ(၅)\nအတွဲꩻ(၃)နဝ်ꩻ အငဝ်းထန်ႏဗိုန်ပီ အခန်ꩻ(၂၈) အတွဲꩻ(၅)\nယို(၂)တွဲꩻနဝ်ꩻ တဲမ်းသွုံꩻကရီးခါနဝ်ꩻသွူ။\nအခန်ꩻ(၃၂)၊ ဖတ်းလွူꩻခန်ꩻအမုဲ(၁)\n၁။ ခြွစ်ႏစင်ထွူခါ စုခြွဉ်းချာ\n၂။ ထီလျားဖြွတ်ႏထာꩻ မဲ့ႏရွတ်ႏနာꩻ\n၃။ ခိုႏဒွုမ်ခိုမူႏ နီဖြွမ်းဗူႏ။\n\nလုဲႏသော့ႏသွော့ - \"ခဂ စဆ တထဒန ပဖဗမ ယရလဝ သဟအ\"ယိုဖုံႏ (၁၉)ဖြုံႏ။\nတောင်ꩻခါꩻ - ယ်-သွတ်ႏနဝ်ꩻ တွမ်ႏ ထေင်းခွဉ်း အငဝ်းထန်ႏဗိုန်လို့ဝင်ꩻ၊ ယ်-သွတ်ႏယိုဖုံႏနဝ်ꩻ တဲမ်းထွုံꩻစခါဖုံႏသွူ။\n\nလုဲႏသော့ႏသွော့ - \"ခင စဆ တထဒန ပဖဗမ ယရလဝ သဟအ\"ယိုဖုံႏ (၁၉)ဖြုံႏ။\n\nလုဲႏသော့ႏသွော့- \"ခင စဆည တထဒန ပဖဗမ ယရလဝ သဟအ\"ယိုဖုံႏအဖြုံႏ(၂၀)။\nအခန်ꩻ(၃၉)၊ ဖတ်းလွူꩻခန်ꩻအမုဲ(၁)\n၁။ ထောင်းဗွူသိမ်ꩻဟဝ် သော့ႏခြဝ်ႏကဝ်\n၂။ ကဝ်ꩻဝင်ꩻဝါꩻမာ အပဲစ်းထွာ\n၃။ ကဝ်းရီးဆႏငါ သဲင်ꩻချာချာ\n၄။ ကဉ်ႏကဝ်ႏထူႏခါꩻ လူႏဘုရာꩻ။\n\nအခန်ꩻ(၄၀)၊ ဖတ်းလွူꩻခန်ꩻအမုဲ(၁)\n၁။ ဗေင်ႏထာꩻမဲ့ကြဝ်ႏ တနာꩻအဝ်ႏ\n၂။ ကႏမွိုန်းသဲ့ပြဝ်ႏ တသာအဝ်ႏ။\n\nအခန်ꩻ(၄၁)၊ ဖတ်းလွူꩻခန်ꩻအမုဲ(၁)\n၁။ ခြဝ်ငဝ်းမဲ့သေ ဒါခြဝ်ႏပြေ\n၂။ ဖြဝ်ꩻမူႏဖျောစဝ်း လေတဖြဝ်း။\n\nလုဲႏသော့ႏသွော့- \"ခင စဆည တထဒန ပဖဗဘမ ယရလဝ သဟအ\"ယိုဖုံႏ(၂၁)ဖြုံႏ။\nတောင်ꩻခါꩻ - မုဲကီ(နိဂ္ဂဟိတ်း)ယိုနဝ်ꩻ တွမ်ႏအသရ (မ်)သွတ်ႏဗိုန်ပီလို့ဝင်ꩻ၊ ကသွုံꩻမုဲကီ နိဂ္ဂဟိတ်ယိုနဝ်ꩻ တဲမ်းထွုံꩻစခါနဝ်ꩻသွူ။\n\nလုဲႏသော့ႏသွော့- \"ခ-ပ\"နီဖြုံႏနေား။\n\nအာႏကွိုꩻ\n\nလိတ်လုဲင်ꩻ","num_words":511,"character_repetition_ratio":0.125,"word_repetition_ratio":0.112,"special_characters_ratio":0.154,"stopwords_ratio":0.033,"flagged_words_ratio":0.0,"lang_id_score":1.0,"perplexity_score":1751.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%99%E1%80%B2%E1%80%84%E1%80%BA%EA%A9%BB%E1%80%9D%E1%80%84%E1%80%BA%E1%82%8F%E1%80%90%E1%80%B2%E1%80%84%E1%80%BA%E1%82%8F%E1%80%91%E1%80%BD%E1%80%94%E1%80%BA%E1%82%8F%E1%80%99%E1%80%AF%E1%80%B2%E1%80%84%E1%80%BA%E1%80%96%E1%80%AF%E1%80%B6%E1%82%8F","collection":"wikipedia","source":"wikipedia","original_code":"blk","text":"\"ပအိုဝ်ႏစွိုးခွိုꩻအစွိုꩻချုပ် သမဲင်ꩻဝင်ႏ\"\n၁၀၆၁-ဗာႏကို တဲႏဆို့ꩻဝေင်ꩻရောက်ꩻစောက်ꩻ\n၁၀၆၉-ဗာႏကို တဲႏစကရူးဆိက် နေင်ႏနီရျာꩻစဲ့ꩻပွယ်ꩻ\n၁၂၉၁-ဗာႏကို ကရူးဆိက် နေင်ႏနီရျာꩻစဲ့ꩻပွယ်ꩻထွူသွတ်ꩻထိုꩻ\n၁၃၅၉-ဗာႏကို တဲႏဆို့ꩻဝေင်ꩻညောင်ႏရွီႏ\n၁၅၄၆-ဗာႏကို တဲႏဆို့ꩻဝေင်ꩻမွိုင်ꩻပြုဲင်ꩻ\n၁၆၃၆-ဗာႏကို တဲႏဆို့ꩻဝေင်ꩻစံကာꩻ\n၁၇၅၁-ဗာႏကို တဲႏဆို့ꩻဝေင်ꩻဟိုပုံꩻ\n၁၇၈၁-ဗာႏကို တဲႏဆို့ꩻဝေင်ꩻသီႏသဲင်ႏ\n၁၇၉၄-ဗာႏကို တဲႏဆို့ꩻဝေင်ꩻပင်လောင်ꩻ\n၁၈၀၁-ဗာႏကို တဲႏဆို့ꩻဝေင်ꩻမောက်ꩻမုဲင်ႏ\n၁၈၂၄-ဗာႏကို အိင်္ဂလေဂ်တွမ်ႏမန်း ထွာလို့ဝင်ꩻပထမစဲ့ꩻပွယ်ꩻ\n၁၈၂၆-ဗာႏကို တဲႏဆို့ꩻဝေင်ꩻဗန်းယေန်ႏ\n၁၈၄၈-ဗာႏကို တဲႏဆို့ꩻဝင်ꩻသာမွိုင်ꩻခမ်း\n၁၈၅၂-ဗာႏကို အိင်္ဂလေဂ်တွမ်ႏမန်း ထွာလို့ဝင်ꩻဒုတိယစဲ့ꩻပွယ်ꩻ\n၁၈၆၈-ဗာႏကို မင်ꩻတုင်ꩻခွန် အပ်ခွန်အိုးခွဉ်ႏမူꩻ\n၁၈၇၆-ဗာႏကို တဲႏဆို့ꩻဝေင်ꩻမွိုင်ꩻပွဉ်\n၁၈၇၈-ဗာႏကို ဖြားတန်နာစစ်သောက်လွူးဖွာꩻ\n၁၈၇၈-ဗာႏကို ခွန်သီပေါး ထင်ႏဟော်နန်ꩻ\n၁၈၈၅-ဗာႏကို ဖြားတန်ကောင်ခယ်ႏ လွူးဖွာꩻလွဉ်\n၁၈၈၅-ဗာႏကို မန်းတွမ်ႏအိင်္ဂလေဂ် ထွာလို့ဝင်ꩻ တတိယစဲ့ꩻပွယ်ꩻ\n၁၈၈၆-ဗာႏကို ဖြဝ်ꩻခမ်းအပါအဝင်ႏ အိင်္ဂလေဂ်သီး ထူႏသိမ်ꩻလို့တခမ်းလိုမ်း\n၁၈၈၇-ဗာႏကို ဖြားကံႏ လွူးဖွာꩻ\n၁၈၉၂-ဗာႏကို ဖြားတန်လွယ်တိုႏလမ်လွူးဖွာꩻလွဉ်\n၁၈၉၄-ဗာႏကို တဲႏဆို့ꩻဝေင်ꩻတောင်ႏကီꩻ\n၁၈၉၆-ဗာႏကို ရွဉ်ခွဉ်ႏမူꩻခွန်အိုးလဲꩻထိုꩻ\n၁၈၉၇-ဗာႏကို ဖြားဖိုးခဉ်လွူးဖွာꩻ\n၁၈၉၇-ဗာႏကိ�� ဟေင်ဖြားတနွိုင်ဖက်ꩻကိုမ်ႏလွူးဖွာꩻ\n၁၉၀၁-ဗာႏကို စောက်ꩻဖါးသီႏသဲင်ႏခွန်စီလွူးဖွာꩻ\n၁၉၀၃-ဗာႏကို ဟေင်ဖြားထီရီး လွူးဖွာꩻ\n၁၉၀၃-ဗာႏကို ဟေင်ဖြားတိထွဉ်ꩻလွူးဖွာꩻ\n၁၉၀၃-ဗာႏကို ဖြားတန်နမ်းဩလွူးဖွာꩻ\n၁၉၀၄-ဗာႏကို ဖြားခွန်စိန်ႏလွူးဖွာꩻ\n၁၉၀၄-ဗာႏကို ဖြားပန္တကုံꩻလွူးဖွာꩻ\n၁၉၀၄-ဗာႏကို ဖြားယွေးလွူးဖွာꩻ\n၁၉၀၈-ဗာႏကို ဖြားအုံးဖါဖြေင်းလွူးဖွာꩻ\n၁၉၁၀-ဗာႏကို ဖြားတန်ဆဲးလဲဉ်းလွူးဖွာꩻ\n၁၉၁၁-ဗာႏကို ဖြားဦးဖျူလွူးဖွာꩻ(တဲမ်းလိတ်ချုပ်ပင်ႏလုံ)\n၁၉၁၂-ဗာႏကို ဖြားခမ်းခိုင်လွူးဖွာꩻ\n၁၉၁၃-ဗာႏကို ပိုလ်ႏဆျန်သုံလွူးဖွာꩻ\n၁၉၁၃-ဗာႏကို ဟေင်ပေါင်းစင်ꩻထွန်းလွူးဖွာꩻ\n၁၉၁၃-ဗာႏကို ဖြားဆွေလွူးဖွာꩻ\n၁၉၁၄-ဗာႏကို ပထမကမ္ဘာႏစဲ့ꩻထွာစ\n၁၉၁၄-ဗာႏကို ဖြားဟေင်သျင်ႏငွေလွူးဖွာꩻ\n၁၉၁၄-ဗာႏကို အမတ်ဖြားအောင်ႏသာႏလွူးဖွာꩻ\n၁၉၁၄-ဗာႏကို အမတ်ဖြားထွေးလုံလွူးဖွာꩻ\n၁၉၁၅-ဗာႏကို ဖြားဆရာႏပေႏ(နောင်စုံ)လွူးဖွာꩻ\n၁၉၁၇-ဗာႏကို ဖြားနန္တာႏဟေင်လွူးလွာꩻ\n၁၉၁၈-ဗာႏကို ပထမကမ္ဘာႏစဲ့ꩻထွူသွတ်ꩻထိုꩻ\n၁၉၁၉-ဗာႏကို ဖြားသျင်ႏဖေ လွူးဖွာꩻ\n၁၉၂၀-ဗာႏကို ပိုလ်ႏလှမောင်လွူးဖွာꩻ\n၁၉၂၂-ဗာႏကို ဖြားဟေင်ခစ်လွူးဖွာꩻ\n၁၉၂၄-ဗာႏကို အမတ်ဖြားသန်အောင်လွူးဖွာꩻ\n၁၉၂၄-ဗာႏကို ဆရာႏသောလ လွူးဖွာꩻ\n၁၉၂၅-ဗာႏကို ဖြားဆရာႏဟန်လွူးဖွာꩻ\n၁၉၂၇-ဗာႏကို ပိုလ်ႏသံတေင်းလွူးဖွာꩻ\n၁၉၂၇-ဗာႏကို ဖြားထွန်းယီ လွူးဖွာꩻ\n၁၉၂၈-ဗာႏကို ဖြားတန်ကောင်ခယ်ႏအွဉ်ငါ တဲႏစလွေꩻပထမပဒေႏသရာဇ်တောႏလန်ႏရေꩻ\n၁၉၂၈-ဗာႏကို ပိုလ်ႏလဖေပေႏလွူးဖွာꩻ\n၁၉၂၉-ဗာႏကို ပိုလ်ႏတန်ဆွေဝိဉ်းလွူးဖွာꩻ\n၁၉၃၉-ဗာႏကို ဒုတိယကမ္ဘာႏစဲ့ꩻပွယ်ꩻတဲႏစ\n၁၉၄၅-ဗာႏကို ဒုတိယကမ္ဘာႏစဲ့ꩻပွယ်ꩻထွူသွတ်ꩻထိုꩻ\n၁၉၄၅-ဗာႏကို ပိုလ်ႏချုက်အောင်သန်းအွဉ်ငါ မန်းစဲ့ꩻတပ်မတောႏ မာꩻလွေꩻပွယ်ꩻထန်ႏလွဉ်တပ်မတောႏ\n၁၉၄၆-ဗာႏကို ဖ-လ-ပ-လနဝ်ꩻ မာꩻလွေꩻပွယ်ꩻရဲးဆီꩻစေးဗွာ တေင်ဖျူကွင်ꩻကို\n၁၉၄၆-ဗာႏကို ယံကလွောင်ႏဗူႏနွောင်ꩻ \"ပအိုဝ်ႏလွောင်ႏဗူႏရေꩻအတာႏ\"လင်ꩻကွင်ꩻထွို့ꩻဗူႏ သထုံႏကိုနဝ်ꩻ လွောင်ႏဗူႏလꩻသေꩻ \"တောင်သူအစွိုꩻ\"နဝ်ꩻသွူ။\n၁၉၄၇-ဗာႏကို ပအိုဝ်ႏလွောင်ႏဗူႏအစွိုꩻအွဉ်ငါ တဲမ်းနွောင်ꩻစူမုဲင် ပင်ႏလုံလိတ်ချုက်ကိုနဝ်ꩻသွူ။\n၁၉၄၇-ဗာႏကို တဲမ်းလွေꩻလိတ်ချုက် အောင်သန်းအဲတ္တလီလိတ်ချုက်\n၁၉၄၇-ဗာႏကို ရဲးဆီꩻလွေꩻစူထွေခွန်ကာႏကွယ်ႏရေꩻလိတ်ချုပ်\n၁၉၄၇-ဗာႏကို လွောင်ႏဗူႏစပအိုဝ်ႏအလွောင်ႏအဗူႏ၊ ဥက္ကဋ္ဌဖြားဗိုးခဉ်၊ အွဉ်ႏအကိုရေꩻဖြားခမ်းခဲင်သီး ထူႏတာႏဝွန်ႏ၊ ဆဲင်းဗုတ်နဝ်ꩻ ဒင်ႏလွေꩻ တောင်ပဲင်းရပ်ကွက်၊ ဖြားဗိုးခဉ်လမ်းကိုနဝ်ꩻသွူ။\n၁၉၄၇-ဗာႏကို ပအိုဝ်ႏလွောင်ႏဗူႏဥက္ကဋ္ဌ ဖြားဗိုးခဉ်နဝ်ꩻ ထွာခန်းဒျာႏ ခုမ်မာꩻခမ်းအရန်း လွတ်တောႏအမတ်နဝ်ꩻသွူ။\n၁၉၄၇-ဗာႏကို ထွာပအိုဝ်ႏလွောင်ႏဗူႏနွို့အစွိုꩻ ဦးဖျူနဝ်ꩻ သီႏသဲင်ႏစောက်ꩻဖါးနမ်းခြောင်ꩻတင်အနေႏ ထွာခုမ်မာꩻလွတ်တောႏအမတ်နဝ်ꩻသွူ။\n၁၉၄၇-ဗာႏကို ဖြားဗွာလဖေ ထင်ႏလွေꩻပင်ႏလုံလိက်ချုက် အံႏဒဲဉ်ဟာပွယ်ꩻကိုတဲင် ဒေါ့ꩻလွေꩻငဝ်းမိင်းနဝ်ꩻသွူ။\n၁၉၄၇-ဗာႏကို လာစျူလဲင်(၁၉)နီꩻနဝ်ꩻ ပိုလ်ႏချုက်အောင်သန်းပါတွမ်ႏ အွဉ်ငါသားဖုံႏ ခံႏဗာႏဝင်ꩻကျမ်ႏတကုဲင်သွူ။\n၁၉၄၇-ဗာႏကို ကေအဲန်ယူ ဗဟိုႏကောႏမတီႏအစွိုꩻယို ဖြားဗွာလဖေယို လွိုက်အွဉ်ႏထွာလွေꩻ ဒုတိယဥက္ကဋ္ဌနဝ်ꩻသွူ။\n၁၉၄၈-ဗာႏကို လာစန်နဝါရီ(၄)နီꩻကိုနဝ်ꩻ မန်းခမ်းလꩻခန်းလွတ်တခြင်ရေꩻနဝ်ꩻသွူ။\n၁၉၄၈-ဗာႏကို စောက်ꩻဖါးသီႏသဲင်ႏခွန်စီ လဲꩻထိုꩻရန်ႏကုန်ႏကိုတွော့ꩻ သဲင်ꩻသွင်ꩻသော့ꩻအွတ်ꩻတွိုက်ဝေင်ꩻသီႏသဲင်ႏကိုသွူ။\n၁၉၄၈-ဗာႏကို ချꩻစလွေꩻ ပထမကျောင်ꩻတန်မွဉ်ခြဲင် အွတ်ꩻရွီးနဝ်ꩻသွူ။\n၁၉၄၈-ဗာႏကို မန်းကွန်မျူနိစ်ပါတီ အုံခိုႏလွေꩻစတခြာကိုနဝ်ꩻသွူ။\n၁၉၄၈-ဗာႏကို ကလွောင်ႏဗူႏဒါႏ ကေအဲန်ယူအုပ်ချုပ်ရေꩻအကို ဖြားဗွာလဖေနဝ်ꩻ ခံႏဗာႏဝင်ꩻလွိုက်အုပ်ချုပ်ရေꩻသား အတန်အကဲႏနဝ်ꩻသွူ။\n၁၉၄၉-ဗာႏကို စောက်ꩻဖါးညောင်ႏရွီႏအမတ်တန် ဦးစဝ်ကျော်အံ့၊ ပိုလ်ႏဟေင်မောင်သီးစူကို အပ်လွေꩻစူခုမ်မျိုꩻစုမ်ႏ တရျာꩻ(၁၀၀)၊ စောက်ꩻဖါးသီႏသဲင်ႏ(ခွန်စီ)ထေဖေႏ ဖြားတန်နမ်းဩသီး စူခုမ်အခြွိုင်း(၅၀)နဝ်ꩻသွူ။\n၁၉၄၉-ဗာႏကို လာဒီသဲဉ်ဗာ (၁၁)နီꩻနဝ်ꩻ တဲႏစလွေꩻ ပဒေႏသရေဇ်တောႏလန်ႏရေꩻ ဝေင်ꩻနယ်ႏသီႏသဲင်ႏ၊ ဒုံထီတကောင်ကိုနဝ်ꩻသွူ။\n၁၉၄၉-ဗာႏကို ဖြားတန်လဖေ ကအွဉ်ငါဒါႏ ကေအဲန်ဒီအိုတပ်နဝ်ꩻ ထူႏသိမ်ꩻအုပ်ချုပ်လွေꩻ ဝင်ꩻတောင်ႏကီꩻ သိုမ်လာရပ်နဝ်ꩻသွူ။\n၁၉၅၀-ဗာႏကို လာစျူလုဲင် နဲင်ႏငံႏတောႏဝွန်ႏတန်ချုပ်ဦးနု အွဉ်ႏလွစ်ချမ်ꩻသာႏခွင်ꩻအလꩻ ပ-အ-လ-ဖအွဉ်ငါ ပိုလ်ႏဆျန်သုံတွမ်ႏ ပိုလ်ႏဟေင်မောင်သီး နွို့သော့ꩻလွေꩻဥပဒေႏဘောင်ႏကိုနဝ်ꩻသွူ။\n၁၉၅၀-ဗာႏကို ပ-အ-မ-ဖအွဉ်ငါသားဖုံႏ မော့ꩻခွဲးအုံကိုမ်လွေꩻ တွမ်ႏနယ်ႏဗွေႏဒေသရာဇ်သီးဖုံႏနဝ်ꩻသွူ။\n၁၉၅၀-ဗာႏကို လာဒီသဲမ်ဗာ(၄)နီꩻ ပအိုဝ်ႏအာႏရဲ��်ꩻတသောင်ꩻလွို ထေနယ်လွေꩻဆန္ဒ တောင်ႏကီꩻဝေင်ꩻကိုတဲင် ဒေါ့ꩻဟော်ꩻလွေꩻဝေင်ꩻတောင်ႏကီꩻ ဘော်လုံးကွင်ꩻကိုထွူတွော့ꩻ အွဉ်ႏထွော့ချက်ဖုံႏယို ဒင်ႏကွီလွေꩻ ခမ်းခြွဉ်းဗူႏအစိုႏရတွမ်ႏ ဖြဝ်ꩻခမ်းအစိုႏရထျꩻနဝ်ꩻသွူ။\n၁၉၅၁-ဗာႏကို ဇန်နဝါရီလာ(၂၁)နီꩻတွင်ꩻ တွမ်ႏပုဒ်မွူး(၅)တဲင် ဆောမ်ꩻထွူပိုလ်ႏဆျန်သုံ ထွိုင်ႏလꩻလစ်ꩻလာထွူ ပိုလ်ႏချုပ်တန်နေဝိင်း အွဉ်ႏစွꩻချာဖေႏယင်းနဝ်ꩻသွူ။\n၁၉၅၁-ဗာႏကို လာမတ်(၁)နီꩻကိုနဝ်ꩻ တဲမ်းထွို့ꩻယင်း ပ-အ-မ-ဖ ခြွဉ်းဗူႏပုံႏ၊ အွဉ်ႏထွော့လွေꩻဌာႏနချုပ်ခင်ႏလမ်း၊ ခရဲင်ႏ၊ တွိုက်နယ်ႏ၊ ခြွဉ်းဗူႏယင်းဒုံဆောင်ႏတသာဖုံႏနဝ်ꩻသွူ။\n၁၉၅၂-ဗာႏကို တဲႏလာဇွန်(၃)နီꩻ ဗꩻ(၆)အတွင်ꩻ ပထမလဲင်ႏ ပ-အ-မ-ဖ ညီႏလာႏခံႏယို မြို့မရုပ်ရှင်ရုံႏကို မာꩻလွေꩻအောင်ႏအောင်ႏမျင်ႏမျင်ႏလꩻနဝ်ꩻသွူ။ ညီႏလာႏခံႏ ထာꩻမာꩻစဲဉ်ႏဆꩻငါဖုံႏ (တဝ်းလဲ့) မူဝါဖုံႏယို အွဉ်ႏနယ်သေꩻခါꩻ ပုဒ်သွုပ်ဆုဲင်ꩻ(က)ကိုသူꩻနဝ်ꩻသွူ။\n\nအာႏကွိုꩻ\n\nပအိုဝ်ႏသမဲင်ꩻ","num_words":1055,"character_repetition_ratio":0.111,"word_repetition_ratio":0.0,"special_characters_ratio":0.08,"stopwords_ratio":0.09,"flagged_words_ratio":0.0,"lang_id_score":1.0,"perplexity_score":711.8,"cluster_detection":-1}
+{"url":"https:\/\/blk.wikipedia.org\/wiki\/%E1%80%80%E1%80%B2%E1%80%9C%E1%80%AE%E1%80%9A%E1%80%99%E1%80%BA","collection":"wikipedia","source":"wikipedia","original_code":"blk","text":"ကဲလီယမ်ယို ထွာ သင်္ကေတ Ga တုမ်ႏ အဲတ်တမ်အမုဲင် ၃၁ ကိုကအောဝ်ႏဒါႏ ဓာတုဗေဒ ဒြတ်စင်တဗာႏသှူ။ ဖြဲန့်သ် လိုꩻခှိုꩻ အမဉ်ꩻ Paul-Emile Lecoq de Boisbaudran မော့ꩻလွေꩻ ခရစ်နေင်ႏ ၁၈၇၅ ကိုခါ။ အထဲ့ရော့ꩻ ထာꩻရွောင်ကိုနောဝ်ꩻ အောဝ်ႏသော့ꩻ အဗူႏ ၁၃၊ အဗွန်ပီ အလူမီနီယမ်၊ အိန္ဒီယမ်၊ တုမ်ႏ တူလီယမ်။\n\nကယ်လီယမ် ဒြတ်စင်ယို အပနဲန်ႏ၊ ကထော့ခါꩻ ထာꩻလျားတုမ်ႏ တလီꩻတေက်ꩻအာႏ ဆလနောဝ်ꩻ အရောင်ႏပီရှောန်။ မဉ်ႏနုဲင်းအထီနောဝ်ꩻ အရောင်ႏထန်ႏ ရှောန်ရောင်ႏဗွာဗွာ။ မဉ်ႏတေက်ꩻနျꩻသန်လှောန်ꩻမွေးနောဝ်ꩻ အသဲင်ႏ အပꩻခေါဝ် တအွာနေး။ တဲႏကမော့ꩻစ ၁၈၇၅ ကိုခါကာႏ ကယ်လီယမ်ယို မာꩻအီအာမွေး အကစိုႏခြီယိုꩻဒါႏ သတ္တုကြူဖုံႏ။ ကမာꩻ တျာႏမေႏစပ်ꩻတခူးတခေါဝ် (semiconductor) ကိုတဲ့ ဝင်ꩻသူႏငီꩻဖေႏပါ အဗေင်ႏပဉ်ထှိုင်ထှိုင်သှူ။\nကယ်လီယမ် ကခြီစိုႏဒါႏ အမုဲင်ယို ထော့အီဝင်ꩻ အလျားအမုဲင်ခြိုႏ (temperature reference point) နောဝ်ꩻသှူ။ ကယ်လီယမ် သတ္တုကြူယို အစှူႏအဲန်တောဝ်း၊ အမှိုတ်ဖဉ်းထာꩻအထျꩻအသောင်တဲင် ထာꩻခြှိုင်းကထောင်အလျား နုဲင်း တာမိုမီတာဖုံႏ ယဟန်းကို ခါးလားကသော့ မာဇျူရီ ပျဒါး (mercy) နောဝ်ꩻ ဝင်ꩻသော့ꩻတေား ကယ်လီယမ် သတ္တုကြူ။ ကဲလီယမ်ယို တေင်းခါꩻနှော���်ꩻအလျားအာႏ သန်ထဲင်းက ပျဒါးသှူ။\n\nထူႏတောမ်\n\n ဓာတုဗေဒ","num_words":120,"character_repetition_ratio":0.038,"word_repetition_ratio":0.0,"special_characters_ratio":0.099,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":312745.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%AC%E1%80%9E%E1%80%B2%E1%80%94%E1%80%BA%E1%80%B8%E1%80%94%E1%80%B1%E1%80%80%E1%80%BA","collection":"wikipedia","source":"wikipedia","original_code":"blk","text":"အာသဲန်းနေက် (သဲင်ဗွာ)ယို ထွာ သင်္ကေတ As တွမ်ႏ အဲတ်တမ်အမုဲင် ၃၃ ကိုကအောဝ်ႏဒါႏ ဓာတုဗေဒ ဒြတ်စင်တဗာႏသှူ။ အရောင်ႏနောဝ်ꩻ အတသီး၊ အဖြီင်း၊ မေႏလူႏရောင်ႏ ၃ ရောင်ႏ အောဝ်ႏကြူခါꩻနေး။ ထွာ ရှောန်ရောင်ႏ ကတလာဒါႏ ထာꩻခြုံးခြုမ်ႏသှူ။ အရောင်ႏနောဝ်ꩻ ပီ ပသီႏမဏိရောင်ႏ မွမွ၊ အလှုမ်းလျက် ဗွန် သတ္တု။ ထွာ သတ္တုတဲꩻတဲꩻတဲ့ မွေးတောဝ်း၊ သတ္တုတောဝ်းတဲꩻတဲꩻလဲ့ တမွေးတောဝ်း ပီနုဲင်း မန်းကဟဲ့ꩻဒါႏ ခနောက်စိမ်း တောမ်ႏ ကြွတ် သတ္တုဝီးဝါးသှူ။ ကွဲးတှော့ꩻ ပေါင်းပီပီ သတ္တုတမွေးတောဝ်းဒါႏ ဖော့သဖိုရီက်။ အာသဲန်းနေက်ယို သယံဇာတနေးတဲ့ မော့ꩻဒျာႏ၊ မော့ꩻငီꩻအာ ကန်ꩻ ကမော့ꩻတသေႏဒါႏ သတ္တုထာꩻခြာဖုံႏကို။ တုမ်ႏဒြတ်စင်လောင်းလင်လဲ့ အမာꩻဒါႏယိုꩻတန် ဓာတ်။ မဉ်ႏမာꩻလျားနောဝ်ꩻ အထွာကြုဲင်းထိုꩻ အာသဲန်းနေက် ထရုဲင် အောက်သုဲဒ် (arsenic trioxide)၊ အလွီးထန်ႏ ဗွှန်ပီ ဖက်ꩻခေါ်လွီး။ သတ္တုတမွေးတောဝ်းခြောင်ႏကို (non metallic form)  မာꩻဓာတ်အာႏ ဆေ့ꩻမွေးရိုꩻလဲ့ အခြီစိုႏဒါႏယိုꩻတန် အဲက်သစ်အာႏတလာကို။\n\nမာꩻအီ\nအာသဲန်းနေက် ကကြူခါꩻတုမ်ႏ ဒြတ်ခြှောင်းလောင်းလင်ယို ယမ်ထဲင်းက အာသဲန်းနေက်ခြေင်ခြေင်သှူ။\n\nထူႏတောမ်\n\n ဓာတုဗေဒ","num_words":100,"character_repetition_ratio":0.066,"word_repetition_ratio":0.0,"special_characters_ratio":0.096,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":351933.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%97%E1%80%AF%E1%80%B2%E1%80%84%E1%80%BA%E1%80%9E%E1%80%BB%E1%80%84%E1%80%BA%E1%82%8F%E1%80%A1%E1%80%81%E1%80%BC%E1%80%95%E1%80%BA%E1%80%A1%E1%80%9B%E1%80%B2%E1%80%89%E1%80%BA%E1%82%8F","collection":"wikipedia","source":"wikipedia","original_code":"blk","text":"ငဝ်းဗုဲင်သျင်ႏတွမ်ႏ ဗုဲင်သျင်ႏအခြပ်အရဲဉ်ႏ\n\nကန်းတော့ꩻရတနာႏသိုမ်ပါꩻ\nဩကာသ၊ ဩကာသ၊ ဩကာသ၊ ကာယကံႏ၊ ဝစီꩻကံႏ၊ မနော်ꩻကံႏ၊ ကံႏတန်သိုမ်ပါꩻ၊ တပါꩻပါꩻယို၊ ခွေသွဉ်းပဲစ်မာႏ၊ မဉ်ႏအဝ်ႏဒါႏလဲ့၊ ယံထဲ့ဟူႏလင်ꩻ၊ ယံကင်ꩻညာꩻလွစ်၊ ပြွစ်ꩻပြေစေႏတနာႏ၊ သဒ္ဓါႏစင်ဗွာ၊ စူခါရွံးဗူႏ၊ ကတူႏကီအွဉ်ႏဒင်ႏ၊ ဝုဲင်ႏထင်ႏကွီခွင်ꩻ၊ တလဲင်ႏနီလဲင်ႏ၊ သွံလဲင်ႏထွူတဲင်၊ ကွဉ်းတော့ꩻရိုႏသေႏ၊ စိန္တေႏဘုရာꩻ၊ တရာꩻသံဃာႏ၊ ရတနာႏမျတ်သွံဆူႏ၊ ဝုဲင်ႏထူႏသွူဩ။\nဝုဲင်ႏဗာႏအကျိုꩻ၊ ကရိုꩻနဝ်ꩻရာꩻ၊ လစ်ꩻပါꩻအပါယ်ႏ၊ သွစ်ꩻသယ်ႏရပ်ပဲစ်၊ ကပ်တန်သွံခန်ꩻ၊ ငတ်ꩻတန်ꩻရန်ႏသူႏ၊ လစ်ꩻဒ���ႏဝိပတ္တိ၊ (ဗျသနငတ်ꩻပါꩻ)၊ ကွတ်ꩻဆီသူရောႏဂါႏ၊ မော့ꩻဗာႏမွိုန်းလာꩻလာꩻ၊ ကင်ꩻညာꩻထွူခါ၊ ထိုဆွာꩻသက်ခန်ꩻ၊ ယောင်ꩻဆင်ꩻတရေꩻကျ၊ သုခချမ်ꩻသာႏ၊ ဗလအာႏသန်၊ ဉာဏ်ႏတန်ထီႏလေ၊ ယံဗွေစွုမ်ႏဘဝ၊  ယံလꩻထဲင်းဖျင်၊ ဈာန်ႏတရာꩻမဂ်ဖိုလ်ႏ၊ ယံတွိုႏနိဗ္ဗာန်ႏ၊ မန်ႏမန်ႏခွေသွဉ်း၊ ယံကလꩻဗာႏ (စဝ်းဘုရာꩻ)ဗွေႏဩ။\n\nကပ်ငါသင်္ကန်ꩻ ဆရာႏထျꩻ(ပါဠိ)\nသကလ၊ ဝဋ္ဋ၊ ဒုက္ခ၊ နိဿရဏ၊ နိဗ္ဗာနဿ၊ သစ္ဆိကရဏတ္ထာယ၊ ဣမံ၊ ကာသာဝံ၊ ဂဟေတွာ၊ ပဗ္ဗာဇေထ၊ မံ၊ ဘန္တေ၊ အနုကမ္ပံ၊ ဥပါဒါယ။\n\nပအိုဝ်ႏ\nဩဗွေႏ- ခွေသွဉ်းယိုနဝ်ꩻ၊ အဝ်ႏသံသရာႏ၊ ဝွဋ်ဆင်ꩻရယ်ꩻကို၊ ယံကလွစ်ထန်ႏ၊ နိဗ္ဗာန်ႏချမ်ꩻသာႏ၊ ယံကလꩻဗာႏတဲင်၊ သင်္ကန်ꩻကအဝ်ႏဒါႏ၊ ခွေသွဉ်းစူကိုယို၊ ထူႏထိုꩻထွူတွော့ꩻ၊ ခွေသွဉ်း ယံကထွာသျင်ႏ၊ စီႏရင်ႏဖေႏသွော့ ဗွေႏဩ။\n\nကွီချာသင်္ကန်ꩻ ဆရာႏထျꩻ(ပါဠိ)\nသကလ၊ ဝဋ္ဋ၊ ဒုက္ခ၊ နိဿရဏ၊ နိဗ္ဗာနဿ၊ သစ္ဆိကရဏတ္ထာယ၊ ဧတံ၊ ကာသာဝံ၊ ဒတွာ၊ ပဗ္ဗာဇေထ၊ မံ၊ ဘန္တေ၊ အနုကမ္ပံ၊ ဥပါဒါယ။\n\nပအိုဝ်ႏ\nဩဗွေႏ- ခွေသွဉ်းယိုနဝ်ꩻ၊ အဝ်ႏသံသရာႏ၊ ဝွဋ်ဆင်ꩻရယ်ꩻကို၊ ယံကလွစ်ထန်ႏ၊ နိဗ္ဗာန်ႏချမ်ꩻသာႏ၊ ယံကလꩻဗာႏတဲင်၊ သင်္ကန်ꩻကအဝ်ႏဒါႏ၊ နီဗွေႏစူကိုနဝ်ꩻ၊ ဖေႏချာထွူတွော့ꩻ၊ ခွေသွဉ်း ယံကထွာသျင်ႏ၊ စီႏရင်ႏဖေႏသွော့ ဗွေႏဩ။\n\nငေါဝ်းတောင်ꩻပြန်ႏကွီဗုဲင်သျင်ႏ\nဘန္တေ၊ သံသာရ၊ ဝဋ္ဋဒုက္ခတော၊ မောစနတ္ထာယ၊ ပဗ္ဗဇ္ဇံ၊ ယာစာမိ။\nဒုတိယမ္ပိ ဘန္တေ၊ သံသာရ၊ ဝဋ္ဋဒုက္ခတော၊ မောစနတ္ထာယ၊ ပဗ္ဗဇ္ဇံ၊ ယာစာမိ။\nတတိယမ္ပိ ဘန္တေ၊ သံသာရ၊ ဝဋ္ဋဒုက္ခတော၊ မောစနတ္ထာယ၊ ပဗ္ဗဇ္ဇံ၊ ယာစာမိ။\n\nပအိုဝ်ႏ\nဩဗွေႏ- ခွေသွဉ်းယိုနဝ်ꩻ၊ အဝ်ႏသံသရာႏ၊ ဝွဋ်ဆင်ꩻရယ်ꩻကို၊ ယံကလွစ်ထန်ႏ၊ သျင်ႏသာႏမဏေႏ၊ ယံဖေႏကထွာတဲင်၊ တောင်ꩻပြန်ႏလဝ်းဗာႏ၊ စဝ်းဆရာႏ ဗွေႏဩ။\nနီလဲင်ႏဗွေဗွေ ဩဗွေႏ- ခွေသွဉ်းယိုနဝ်ꩻ၊ အဝ်ႏသံသရာႏ၊ ဝွဋ်ဆင်ꩻရယ်ꩻကို၊ ယံကလွစ်ထန်ႏ၊ သျင်ႏသာႏမဏေႏ၊ ယံဖေႏကထွာတဲင်၊ တောင်ꩻပြန်ႏလဝ်းဗာႏ၊ စဝ်းဆရာႏ ဗွေႏဩ။\nသိုမ်လဲင်ႏဗွေဗွေ ဩဗွေႏ- ခွေသွဉ်းယိုနဝ်ꩻ၊ အဝ်ႏသံသရာႏ၊ ဝွဋ်ဆင်ꩻရယ်ꩻကို၊ ယံကလွစ်ထန်ႏ၊ သျင်ႏသာႏမဏေႏ၊ ယံဖေႏကထွာတဲင်၊ တောင်ꩻပြန်ႏလဝ်းဗာႏ၊ စဝ်းဆရာႏ ဗွေႏဩ။\n\nသာႏမဏေႏကွီသီႏလ\nအဟံ ဘန္တေ၊ တိသရဏေန သဟ၊ ဒသ ၊ သာမဏေရ၊ ပဗ္ဗဇ္ဇသီလံ၊  ဓမ္မံ၊ ယာစာမိ၊ အနုဂ္ဂဟံ၊ ကတွာ၊ သီလံ ဒေထ၊ မေ ဘန္တေ။\nဒုတိယမ္ပိ အဟံ ဘန္တေ၊ တိသရဏေန သဟ၊ ဒသ ၊ သာမဏေရ၊ ပဗ္ဗဇ္ဇသီလံ၊  ဓမ္မံ၊ ယာစာမိ၊ အနုဂ္ဂဟံ၊ ကတွာ၊ ���ီလံ ဒေထ၊ မေ ဘန္တေ။\nတတိယမ္ပိ အဟံ ဘန္တေ၊ တိသရဏေန သဟ၊ ဒသ ၊ သာမဏေရ၊ ပဗ္ဗဇ္ဇသီလံ၊  ဓမ္မံ၊ ယာစာမိ၊ အနုဂ္ဂဟံ၊ ကတွာ၊ သီလံ ဒေထ၊ မေ ဘန္တေ။\n+ အာမ ဘန္တေ +\n\nဒင်ႏသရဏဂုဏ်ႏ\nနမော တဿ ဘဂဝတော အရဟတော သမ္မာသမ္ဗုဒ္ဓဿ (ရွစ်-၃လဲင်ႏ)\n\nနိဂ္ဂဟိတန္တသရဏဂုဏ်ႏ\nဗုဒ္ဓံ သရဏံ ဂစ္ဆာမိ၊ ဓမ္မံ သရဏံ ဂစ္ဆာမိ၊ သံဃံ သရဏံ ဂစ္ဆာမိ။\nဒုတိယမ္ပိ ဗုဒ္ဓံ သရဏံ ဂစ္ဆာမိ၊ ဒုတိယမ္ပိ ဓမ္မံ သရဏံ ဂစ္ဆာမိ၊ ဒုတိယမ္ပိ သံဃံ သရဏံ ဂစ္ဆာမိ။\nတတိယမ္ပိ ဗုဒ္ဓံ သရဏံ ဂစ္ဆာမိ၊ တတိယမ္ပိ ဓမ္မံ သရဏံ ဂစ္ဆာမိ၊ တတိယမ္ပိ သံဃံ သရဏံ ဂစ္ဆာမိ။\n\nမကာရန္တသရဏဂုဏ်ႏ\nဗုဒ္ဓမ် သရဏံ ဂစ္ဆာမိ၊ ဓမ္မမ် သရဏံ ဂစ္ဆာမိ၊ သံဃမ် သရဏံ ဂစ္ဆာမိ။\nဒုတိယမ္ပိ ဗုဒ္ဓမ် သရဏံ ဂစ္ဆာမိ၊ ဒုတိယမ္ပိ ဓမ္မမ် သရဏံ ဂစ္ဆာမိ၊ ဒုတိယမ္ပိ သံဃမ် သရဏံ ဂစ္ဆာမိ။\nတတိယမ္ပိ ဗုဒ္ဓမ် သရဏံ ဂစ္ဆာမိ၊ တတိယမ္ပိ ဓမ္မမ် သရဏံ ဂစ္ဆာမိ၊ တတိယမ္ပိ သံဃမ် သရဏံ ဂစ္ဆာမိ။\n\nတိသရဏ ဂမနံ ပရိပုဏ္ဏံ \n+ အာမ ဘန္တေ +\n\nသာႏမဏေႏ ထူႏသီႏလပါꩻဆီ\n(၁) ပါဏာတိပါတာ ဝေရမဏိ သိက္ခာပဒံ သမာဒိယာမိ။\n(၂) အဒိန္နာဒါနာ ဝေရမဏိ သိက္ခာပဒံ သမာဒိယာမိ။\n(၃) အဗြဟ္မစရိယာ ဝေရမဏိ သိက္ခာပဒံ သမာဒိယာမိ။\n(၄) မုသာဝါဒါ ဝေရမဏိ သိက္ခာပဒံ သမာဒိယာမိ။\n(၅) သုရာမေရယ မဇ္ဇပမာဒဋ္ဌာနာ ဝေရမဏိ သိက္ခာပဒံ သမာဒိယာမိ။\n(၆) ဝိကာလဘောဇနာ ဝေရမဏိ သိက္ခာပဒံ သမာဒိယာမိ။\n(၇) နစ္စ ဂီတ ဝါဒိတ ဝိသုက ဒဿနာ ဝေရမဏိ သိက္ခာပဒံ သမာဒိယာမိ။\n(၈) မာလာ၊ ဂန္ဓ၊ ဝိလေပန၊ ဓာရဏ၊ မဏ္ဍန၊ ဝိဘူသနဋ္ဌာနာ ဝေရမဏိ သိက္ခာပဒံ သမာဒိယာမိ။\n(၉) ဥစ္စာသယန၊ မဟာသယနာ ဝေရမဏိ သိက္ခာပဒံ သမာဒိယာမိ။\n(၁၀) ဇာတ ရူပ ရဇတ ပဋိဂ္ဂဟဏာ ဝေရမဏိ သိက္ခာပဒံ သမာဒိယာမိ။\n+ အာမ ဘန္တေ +\n\nတိသရဏေန သဟ ဒသ သာမဏေရ ပဗ္ဗဇ္ဇသီလံ ဓမ္မံ သာဓုကံ ကတွာ အပ္ပမာဒေန သမ္ပာဒေထ\n+ အာမ ဘန္တေ +\n\nထူႏဥပဇ္ဈာယ်ႏဆရာႏ\nဥပဇ္ဈာယော မေ ဘန္တေ ဟောဟိ (ရွစ် ၃-လဲင်ႏ)\n( ပါသာဒိကေန သမ္ပာဒေထ )\n+ အာမ ဘန္တေ +\n\nငေါဝ်းတောင်ꩻပြန်ႏ ကွီလွစ်အပဲစ်\nဩဗွေႏ- ဥပဇ္ဈာယ်ႏဆရာႏ၊ သရဏဂုဏ်ႏဆရာႏ ဗွေႏဩ၊ ဗွေႏဆရာႏသီးအလောင်း၊ ခွေသွဉ်းကအဝ်ႏလိုႏမာꩻဒါႏ၊ ဝတ္တရာꩻဖုံႏနဝ်ꩻ၊ မဉ်ႏမာꩻဗာႏတဝ်း စိန်ႏစွော့ꩻလဲ့၊ အွဉ်ႏစွꩻခွင်ꩻဗဲင်းခွေသွဉ်း ဗွေႏဩ။\nနီသွဉ်းသီးအလောင်း၊ ဗွေႏဆရာႏသီး၊ ကအဝ်ႏလိုႏမာꩻဒါႏ၊ ဝတ္တရာꩻဖုံႏနဝ်ꩻ၊ မာꩻတဝ်းတဲ့ယဝ်း၊ ခွေသွဉ်း အွဉ်ႏစွꩻခွင်ꩻဒျာႏ၊ စဝ်းဆရာႏ ဗွေႏဩ။\n\nဝွေႏအမျ ဖကုသိုလ်ႏ\nဩဗွေႏ- နီသွဉ်းသီး ကဗုဲင်ဗာႏသျင်ႏ၊ ကလꩻလွဉ်ဒါႏ၊ ကုသိုလ်ႏ အပွန်းအတာႏယိုနဝ်ꩻ၊ ကေꩻဇူꩻတန်အာ၊ မွိုးဖါဆရာႏ၊ သျင်ႏတကာႏတွမ်ႏ၊ သတ္တဝါႏသီး၊ ကားကအဝ်ႏဖုံႏနဝ်ꩻ၊ ယံလꩻငီꩻငီꩻ၊ ယံလꩻတွာတွာ၊ နီသွဉ်းသီး၊ ဖန်းဖေႏ၊ ဝွေႏဖေႏဗွေႏဩ။\nထူႏတွာတွာသွော့၊ ကုသိုလ်ႏအကျိုꩻယိုနေား၊ ဗွေႏသီးဩ။\n+သာႏဓု-သာႏဓု-သာႏဓု+\n\nအာႏကွိုꩻ\n\nဗုဒ္ဓဘာႏသာႏ","num_words":1197,"character_repetition_ratio":0.103,"word_repetition_ratio":0.25,"special_characters_ratio":0.119,"stopwords_ratio":0.003,"flagged_words_ratio":0.0,"lang_id_score":1.0,"perplexity_score":5245.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%9D%E1%80%B1%E1%80%84%E1%80%BA%EA%A9%BB%E1%80%9E%E1%80%AE%E1%82%8F%E1%80%9E%E1%80%B2%E1%80%84%E1%80%BA%E1%82%8F%E1%80%9E%E1%80%B6%E1%82%8F%E1%80%83%E1%80%AC%E1%82%8F","collection":"wikipedia","source":"wikipedia","original_code":"blk","text":"၁၃၈၄-ဗာႏ၊ ဆို့ꩻဝါႏသံႏဃာႏစာႏရင်ꩻ\n(၁) ဇဝနာရာမလိတ်သွဉ်တွိုက် ရဟန်ꩻ(၄၄)၊ သာႏမဏေႏ(၃၁၈)\n(၂) မွေႏတောႏဘုရာꩻကွုံꩻ ရဟန်ꩻ(၁၃)၊ သာႏမဏေႏ(၁၅)\n(၃) ဟိုခုဲင်ꩻ-ဥတ္တရာရုံလိတ်သွဉ်တွိုက် ရဟန်ꩻ (၂၀)၊ သာႏမဏေႏ(၁၁၃)\n(၄) သာသနာလင်္ကာရဖြဝ်ꩻကျောင်ꩻ ရဟန်ꩻ(၆)၊ သာႏမဏေႏ(၄၆)\n\"အွိုင်ႏစံႏဖက်ꩻ\"\n(က) နောင်စကာႏ\n(ခ) ဝေင်ꩻလုံ\n(ဂ) စမ်ပန်\n(ဃ) စင်းသဲင်\n(င) ဗန်းနောင်\n(စ) မုဲင်းဟုဲင်ꩻ\n(ဆ) ဝေင်ꩻကောင်\n(ဇ) ဝေင်ꩻကြွန်\n(ဈ) နောင်ဗို\n(ည) နမ်းစမဲ\n(ဋ) ပင်ကန်ꩻ\n(ဌ) နောင်သိမ်ႏ\n(ဍ) ကုံꩻနောတ်\n(ဎ) နောင်ခိုမ်ꩻ\n(ဏ) လွယ်စဲ\n(တ) ဟိုပင်\n(ထ) ကောင်ထို\n(ဒ) ဆွေႏတဂူႏ\n(န) နောင်ပါယေန်\n(ပ) ဝန်းဟေး\n\"အွိုင်ႏနောင်ကျောႏ\"\n(၁) မုဲင်းဗောင်\n(၂) နောင်ရင်ႏ\n(၃) ကန်တော်လေး\n(၄) ပင်တွိုင်ꩻ\n(၅) ကယန်းလေး\n(၆) ရေဖြူ\n(၇) ရေတံခွန်\n(၈) လွယ်ငွိုန်ꩻ\n(၉) တလောင်းထောင်\n(၁၀) နမ်းရက်\n(၁၁) နောင်ကျောႏ\n(၁၂) အောင်သုခ(ပုံꩻလောင်း)\n(၁၃) သီႏသဲင်ႏတန်\n(၁၄) လွယ်တဖြီး\n(၁၅) ဖုဲင်လဲင် ခိုႏ\n(၁၆) ဖုဲင်လဲင်ဒွမ်\n(၁၇) ထီဟန်ႏထွိုင်း\n(၁၈) နာꩻမွဉ်ꩻ\n(၁၉) ပြည်နယ်ဦး\n\"အွိုင်ႏကောင်ဗꩻကွဉ်ႏ\"\n(က) နောင်ထောဝ်\n(ခ) ထီသုံ\n(ဂ) ခိုရုဲင်ꩻ\n(ဃ) ဖြီꩻစွတ်(ဖြီꩻသာႏယာႏ)\n(င) လွယ်ခြယ်\n(စ) သေင်ႏဖြီꩻနာ\n(ဆ) ပင်တခွါꩻ\n(ဇ) ထီနဲ့ꩻ\n(ဈ) တောင်ႏတပ်\n(ည) နောင်ဟဲင်း\n(ဋ) ခိုဖွန်ႏ\n(ဌ) လွယ်ထွယ်ꩻ\n(ဍ) နောင်ဗို-နောင်ထဝ်\n\"အွိုင်ႏပင်စုံ\"\n(၁) ပင်စုံ\n(၂) ညောင်ႏကွိုင်ꩻ\n(၃) နမ်းဩ\n(၄) ထီယော့\n(၅) ဝါႏခြာ (က) ညောင်ဝိုင်း (ခ) ရွှေဟင်္သာ (ဂ) နိုင်ငံရတနာ\n(၆) မင်ꩻဦꩻ\n(၇) ထီတမောင်ꩻ\n(၈) ပင်တီꩻ\n(၉) ဖြီꩻဟန်ႏခါႏ\n(၁၀) ထီလုဲင်းပေႏ\n(၁၁) ကောင်ႏမူꩻဗွာ\n(၁၂) နမ်းတောင်ꩻ\n(၁၃) ထမ်းဘုရာꩻ\n\"အွိုင်ႏကွုံꩻသွတ်ꩻ\"\n(က) နမ်းယတ်ꩻ\n(ခ) ကုံꩻသွတ်ꩻ\n(ဂ) မောက်ꩻကောက်ꩻ\n(ဃ) နောင်လိတ်\n(င) ကုန်ꩻသာႏ(နောင်ခိန်)\n(စ) နမ်းဗော်လိတ်\n(ဆ) ဟံႏတနျာႏ\n(ဇ) ကရောက်ꩻ\n(ဈ) မမို့ဆုံ\n\"အွိုင်ႏဗန်းဖြွီꩻ\"\n(က) သေားသား\n(ခ) ထီတယမ်ꩻ\n(ဂ) ကျောင်ꩻခယ်ႏ\n(ဃ) ဗန်းယေန်ႏ\n(င) လွယ်မွန်ꩻ\n(စ) ထီဗွာ\n(ဆ) နာႏစေတ်သောက်\n(ဇ) နောင်တဗင်\n\"အွိုင်ႏနာသံ\"\n(၁) ပဆျာႏကြိုႏ\n(၂) လုံးဒါ\n(၃) နာꩻမွဉ်ꩻ\n(၄) ထီခေါင်ꩻ\n(၅) နာႏသန်\n(၆) ထမ်းဗွုင်း\n(၇) ဖက်ꩻနံ\n(၈) နောင်လွယ်\n(၉) နာႏယိန်း\n\"အွိုင်ႏပါလောပါကယ်\"\n(က) ပထမကျောင်ꩻတန်(သုဲင်ꩻခဝ်)\n(ခ) သုခအောင်ႏညီꩻ\n(ဂ) ဇေႏတဝွန်ႏလိတ်သွဉ်တွိုက်\n(ဃ) ဇောတိကာရာမလိတ်သွဉ်တွိုက်\n(င) ကမ္မဋ္ဌာန်ꩻကျောင်ꩻ\n(စ) အောင်ႏဆုꩻရတနာႏပရဟိတ\n(ဆ) သုဝဏ္ဏဝံသသာႏမဏေႏကျောႏ\n(ဇ) နောင်လိုမ်ႏ(ထင်ꩻ)\n(ဈ) ထီတခေါ့ꩻ\n(ည) မုဲင်းတီꩻ\n(ဋ) နောင်သံဗတ်ꩻ\n(ဌ) နောင်အယ်\n(ဍ) လောကဟိတပညာႏရေꩻ\n(ဎ) လွယ်သံသိပ်ꩻ\n(ဏ) နောင်ပဖါ\n(တ) ပုံꩻလောဝ်ꩻ\n(ထ) ဗောဓိရွှေ\n(ဒ) ကောင်ပန်ꩻတင်ႏ\n(န) နောင်လက်ꩻ\n(ပ) ဗန်းကင်\n(ဖ) ညိုးမွူး\n(ဗ) နမ်းဟူꩻ(မဟာမြိုင်)\n(ဘ) ပင်အောင်ႏ\n(မ) နောင်ဗို\n(ယ) ကောင်ကေတောႏရꩻ\n\"အွိုင်ႏနာႏခုဲင်း\"\n(၁) ပင်အွဉ်း\n(၂) ထမ်းယမ်ꩻ\n(၃) လွယ်သောဝ်\n(၄) ထီတလီꩻ\n(၅) နာႏခုဲင်း\n(၆) ဝမ်တီး\n(၇) ထီအုံႏစောက်ꩻ\n(၈) ပင်ဟုဲင်ꩻ\n(၉) ထီဒေႏ\n(၁၀) တနွိုင်မွန်ꩻ\n\"အွိုင်ႏပုံးအင်း-ဖြဝ်ꩻ\"\n(က) ဝမ်ꩻခုဲင်\n(ခ) နောင်စင်း\n(ဂ) မွေႏတောႏ\n(ဃ) ဝမ့်ပုံꩻ\n(င) သုဲင်လယ်ꩻ\n(စ) ပန်နင်\n\"အွိုင်ႏနောင်ဗွဉ်\"\n(၁) သာသနရက္ခိတ\n(၂) ကုန်ꩻကျောင်ꩻ\n(၃) ကံသာဦး\n(၄) သံသဲင်ႏ\n(၅) ကုန်ꩻစိန်ꩻ\n(၆) လီမွန်\n(၇) နမ်းဟူꩻ\n(၈) ဟိုနောင်\n(၉) ခိုလေ\n(၁၀) ဟိုတွူး\n(၁၁) သံသဲင်ႏပရဟိတ\n(၁၂) လွယ်မူတောရ\n(၁၃) နောင်ခမ်ꩻ\n(၁၄) ကွန်ကောင်းမူꩻ\n(၁၅) နောင်ဗွဉ်-ပရဟိတ\n(၁၆) မြို့ဟောင်း\n\"အွိုင်ႏလွယ်ပွတ်ꩻ\"\n(က) ကောင်ဝါးတောင်ꩻ\n(ခ) ကောင်ကေ\n(ဂ) ပင်ႏတရား\n(ဃ) လွယ်ပွတ်ꩻ-ဒုံတန်\n(င) ထီကတူႏ\n(စ) မွေႏတောႏ\n(ဆ) ထာꩻအုံႏ\n(ဇ) ကမ္မဋ္ဌာန်ꩻ\n(ဈ) လုဲင်းပေႏ-ထီဟန်ႏဟုံ\n(ည) ပင်လဲမ်ꩻ(ပန်လုံခ)\n(ဋ) တွေꩻပူꩻ\n(ဌ) ထီလုံးသူ\n(ဍ) ထမ်းသုဲင်ꩻ\n(ဎ) ဆောင်ႏငဲင်း\n(ဏ) တွူးစင်း\n(တ) ပင်ညိုး\n(ထ) ထီထုဲင်ထိုး\n(ဒ) ထီလုံးဟီႏ\n(န) ထီရီး-ပွဉ်ရင်း\n(ပ) မီꩻရဲ့\n(ဖ) တောႏရꩻ\n(ဗ) ပြင်ႏသာႏယာႏ\n\"အွိုင်ႏဗန်းယေန်ႏ\"\n(၁) သာသနဝိသုဒ္ဓိစာသင်တိုက်\n(၂) လွယ်မွန်ꩻ (ဓမ္မဝိရုဠှီ)\n(၃) မြို့ဦး-ရွှေတဂူ\n(၄) တြိသုခ\n(၅) နောင်ခုံꩻ\n(၆) ခုတ်နမ်း\n(၇) ဟိုတင့်\n(၈) လွယ်တောႏ\n(၉) သုခလွယ်တီ\n(၁၀) နမ့်ကွတ်\n(၁၁) ဖုံကွမ်း\n(၁၂) နောင်ဘို\n(၁၃) ကုန်ꩻလင်ꩻ\n(၁၄) ဖုဲင်လဉ်း\n(၁၅) ပန်လွန်\n(၁၆) ပန်မွဉ်ꩻ\n(၁၇) ကွန်နာꩻ\n\nအာႏကွိုꩻ\n\nဗုဒ္ဓဘာႏသာႏ","num_words":748,"character_repetition_ratio":0.041,"word_repetition_ratio":0.0,"special_characters_ratio":0.259,"stopwords_ratio":0.021,"flagged_words_ratio":0.0,"lang_id_score":1.0,"perplexity_score":992.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%90%E1%80%9B%E1%80%AC%EA%A9%BB%E1%80%A6%EA%A9%BB%20%E1%80%95%E1%80%A1%E1%80%AD%E1%80%AF%E1%80%9D%E1%80%BA%E1%82%8F","collection":"wikipedia","source":"wikipedia","original_code":"blk","text":"ပူဇာစ ပူဇနေယျာနံ ဧတံမဂ္ဂလမုတ္တမံ − ပူႏဇော်ႏထွိုက် ပူႏဇော်ႏသင်ꩻ၊ ရိုႏသေႏထွိုက် ရိုႏသေႏသင်ꩻဒါႏ အမျတ်သွတ်ꩻ ဘုရာꩻတရာꩻ သံႏဃာႏ ရတ္တနာႏမျတ်သွံပါꩻယို၊မူႏခိုတကာႏသီႏ နေႏတွမ်ႏ စူနံအလီးတဆီ ကတောင်ကီယိုယွော့ဒင်ႏ ၊ ရိုႏသေႏပူႏဇော်ႏဗာႏတဲင်၊ ကပူႏဇော်ႏရိုႏသေႏဗာႏနုဲင်းယိုနဝ်ꩻ ထွာလွေꩻလဲဉ်ႏသွူ သက္ကစ္စကရဝ တပါꩻသွူ၊ နဝ်ꩻထွူမကာႏ တကာႏသီးနေးတွမ်ႏ စူနုံအစီႏ စူမီႏအဗဲ့ꩻတဲင် ၊ ကလꩻလွဉ်ဒါႏ ရွဉ်ခံꩻပစ္စေꩻဥစ္စာႏဖုံႏယို ၊ ဖေႏဖ စွဉ်ႏကြယ်ꩻ လူႏတန်ꩻဗာႏလဲ့ ထွာလွေꩻလဲဉ်းသွူ ဒါႏနကောင်းမု ကုသိုလ်ႏကံႏစေႏတနာႏ ၊ နဝ်ꩻထွူမကာႏ နီတကာႏသီးနေးထဲင်းတွမ်ႏ သရာဏာႏဂုဏ်ႏသွံပါ ပါတွမ်ႏသီႏလငတ်ꩻပါꩻတဲင် ကဆောက်တဲႏကံကျင်ꩻ ဗာႏနဝ်ꩻလဲ ထွာအီလွေꩻသီႏလꩻ ကောင်းမုကုသိုလ်ႏကံႏစေႏတနာႏ ၊ ရုပ်နမ်ႏနီပါꩻ ခန္တာႏငတ်ပါꩻယို ကွပ်ပွိုးတမဲꩻတောဝ်းတဲင် ၊ နေးတွမ်ႏ ဉာဏ်ႏမဲ့ထွာ နေႏတွမ်ႏ ဉာဏ်ႏနားနာႏတဲင်၊ ကွုတ်ဖြားဆာသီ ကရိုꩻအနန္တ လက္ခဏာႏရေႏသွံပါꩻယို စဲင်းစဲ့ထင်ႏသျာꩻ တဖြာꩻဖြာꩻလဲ့တပဲင်ႏတေဝ်ႏ အနိစ္စတန်ဒျာႏကွေႏက​ွေႏ ကရိုꩻယို ၊ ကွပ်ပွိုးမွေးငါႏတဲင် ကပွာꩻမျာꩻအာႏထုပ်ထင်ႏဗာႏ တရာꩻယိုတဲင် ကလꩻလွဉ်ဒါႏ အကျိုꩻတရာꩻနဝ်ꩻ ၊ အပါယ်ႏလစ်ꩻပါꩻ ယံကင်ꩻယင် သွံပါကပ်တန်ယံကအောင်ႏ ရပ်ပစ်သွစ်ꩻဗွောင်ႏယံကင်ꩻညာꩻ ၊ ရန်ႏသူႏငတ်ꩻပါꩻယံကလီ သူပါꩻကွတ်ꩻဆီဝွေႏဒနာႏ ယံလဲဉ်ႏညာꩻဒျာႏ မော့ꩻဗာႏမွော့၊  ကံႏသွံထော့ ဘုံႏသွံထပ် လိုꩻအရပ် လူꩻအနယ်ႏ၊  ကျင်ႏလယ်ႏသွူ မဉ်ႏဗွိုႏအန်ꩻ ၊ ခမ်ႏဝေင်ꩻ နိရောဓ အမတ ခမ်ႏနိဗ္ဗာန်ႏ မန်ႏမန်ႏယံဖေႏကလꩻဗာႏခန်းဝင်ꩻ ကွိုနယ်း တရာꩻဦꩻကေားနာႏ တကာႏသီးယာ လိုꩻအာတဖုံႏ အားလုံးတဲဉ်ဟွေး။\n\nအာႏကွိုꩻ\n\nတရာꩻ","num_words":128,"character_repetition_ratio":0.046,"word_repetition_ratio":0.0,"special_characters_ratio":0.078,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":261695.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%9D%E1%80%B1%E1%80%84%E1%80%BA%EA%A9%BB%E1%80%94%E1%80%9A%E1%80%BA%E1%82%8F%E1%80%80%E1%80%9D","collection":"wikipedia","source":"wikipedia","original_code":"blk","text":"ဝေင်ꩻနယ်ႏကဝ () () နဝ်ꩻ အဝ်ႏဒျာႏ မျန်မာခမ်းထီ အခဝ်ထာႏဝ ပဂိုꩻတွိုင်ꩻဒေႏသတန် ပဂိုꩻခရဲင်ႏ ကို ကပါဒါႏ ဝေင်ꩻနယ်ႏတဖြုံႏဒျာႏသွူ။ ဝေင်ꩻနယ်ႏရွုမ်ꩻဖုံႏနဝ်ꩻ အဝ်ႏသော့ꩻဒျာႏ ဝေင်ꩻကဝကိုသွူ။\n\nအာႏကွိုꩻ \n\n \n\nပဂိုꩻတွိုင်ꩻကိုဝေင်ꩻနယ်ႏဖုံႏ","num_words":21,"character_repetition_ratio":0.038,"word_repetition_ratio":0.0,"special_characters_ratio":0.12,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":258420.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%96%E1%80%AB%E1%80%99%E1%80%BD%E1%80%B0%E1%80%B8%E1%80%94%E1%80%AE%EA%A9%BB","collection":"wikipedia","source":"wikipedia","original_code":"blk","text":"ကမ္ဘာႏလောင်းကီ ခမ်းထီနုဲင်ႏငံႏပေါင်ꩻ ကဲဉ်းအာအာနဝ်ꩻ ပေါႏတွိုႏသွူ ဇွန်လာ တတိယပတ်ကို မွူးနီꩻတနင်ꩻနွေႏနီꩻနဝ်ꩻ အွဉ်ႏထွော့ဖေႏ ဖါဗွေႏမွူးနီꩻ () နုဲင်းနဝ်ꩻသွူ။ ဖါဗွေႏမွူးနီꩻယို တယ်ႏစလွေꩻဒျာႏ ၁၉၁၀ ဗာႏ ဇွန်လာ ၁၉ ခိန်ႏနဝ်ꩻကာႏ အွဉ်ႏထွော့လွေꩻ ဖါဗွေႏမွူးနီꩻ နဝ်ꩻသွူ။ ဖါမွူးနီꩻယို ဖေႏကထွာအတီႏနဝ်ꩻ အမေႏရိကန်ႏစဲ့ꩻပိုႏတန် ဝီလျံကျက်ဆင်စမက် သီးပိုမူႏ စိုနိရာလွိုက် စမက်သီး တွူႏတရန်ဖေႏနဝ်ꩻသွူ။ အောဝ်ႏကွို့ꩻ မွိုး မွူးနီꩻလွုမ်ꩻတဲင် ဖါဗွေႏ ကရိုꩻဒါႏငေါဝ်းယိုနဝ်ꩻ ထွာထိုꩻငါႏထာꩻတလွိုးခရာႏနဝ်ꩻမꩻတဲင်၊ ဖေႏနေးကထွာလꩻလိုꩻနဝ်ꩻ ကထွာဒါႏဖါယို ထွုမ်ႏကျံႏဖေႏဗာႏ အစွိုးစွိုးအမျိုꩻမျိုꩻဖုံႏသွူ၊ ကွပ်ပွိုးစွဉ်ႏ မဉ်ထူႏဂုဏ်ႏဖါ ကေꩻစူꩻတရာꩻတဲင် မဉ်ႏတွိုႏလွဉ်သွူ ဇွန်လာ တတိယပတ်ကို မွူးနီꩻတနင်နွေႏနီꩻယိုနဝ်ꩻ အွဉ်ႏထွော့ဖေႏ ဖါမွူးနီꩻနုဲင်ႏနဝ်ꩻသွူ။ ကွပ်ပွိုးစွဉ်ႏ ဝွေꩻကျိုꩻစာꩻမုꩻတဲင် ၁၉၆၆ နိန်ႏကို အမေႏရိကန်ႏခမ်း သမ္မတ Lyndon B. Johnson ယို အွဉ်ႏထွော့လွေꩻဖေႏခန်း အတီႏနုဲင်ႏနဝ်ꩻသွူ။ \n\nဖါဗွေႏ မွူးနီယို အထိန်ꩻအမုဲင်တယ်ႏစလွေꩻဒျာႏ အမေႏရိကန်ႏခမ်းကို တယ်ႏလွေꩻနဝ်ꩻတဲင် ဥရောပခမ်း ခမ်းလင် တွမ်ႏ အာသျခမ်းကိုသားဖုံႏနဝ်ꩻလဲ့ အွဉ်ႏထွော့လွေꩻနုဲင်းနုဲင်းထွူတဲင် မဉ်ႏတွိုႏသွူ ဇွန်လာ တတိယပတ်ကို မွူးနီꩻတနင်ꩻနွေႏနီꩻနဝ်ꩻ အောဝ်ႏအွဉ်ႏထူႏဂုဏ်ႏ အွဉ်ႏထွော့မာꩻလွေꩻ ဖါဗွေႏ မွူးနီꩻ နုဲင်ႏနဝ်ꩻဖုံႏသွူ။  \n\nဖါမွူးနီꩻယို နေးတွမ်ႏ ဖါကေꩻစူꩻတဲင် အွဉ်ႏဖောႏထေ့လွꩻဝင်ꩻ ဖါဝတ္တရာꩻ တွမ်ႏ ကဗျာ လင်္ကာႏ ၀တ္တု  ဇာတ်တွယ်ꩻ စတွမ်ႏ  ယိုꩻယာႏ အကွဉ်ကꩻဖုံႏတဲင် ထေဖောႏလွꩻဝင်ꩻ ဖါသီးဂုဏ်ႏကေꩻစူꩻနုဲင်ႏနဝ်ꩻဖုံႏသွူ။\n\nအာႏကွိုꩻ\n \n\nကမ္ဘာႏအထိန်ꩻအမုဲင်နီꩻဖုံႏ","num_words":138,"character_repetition_ratio":0.082,"word_repetition_ratio":0.0,"special_characters_ratio":0.081,"stopwords_ratio":0.007,"flagged_words_ratio":0.0,"lang_id_score":1.0,"perplexity_score":233520.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%9D%E1%80%B1%E1%80%84%E1%80%BA%EA%A9%BB%E1%80%94%E1%80%9A%E1%80%BA%E1%82%8F%E1%80%9D%E1%80%B1%E1%80%AB","collection":"wikipedia","source":"wikipedia","original_code":"blk","text":"ဝေင်ꩻနယ်ႏဝေါ () () နဝ်ꩻ အဝ်ႏဒျာႏ မျန်မာခမ်းထီ အခဝ်ထာႏဝ ပဂိုꩻတွိုင်ꩻဒေႏသတန် ပဂိုꩻခရဲင်ႏ ကို ကပါဒါႏ ဝေင်ꩻနယ်ႏတဖြုံႏဒျာႏသွူ။  ဝေင်ꩻနယ်ႏရွုမ်ꩻဖုံႏနဝ်ꩻ အဝ်ႏသော့ꩻဒျာႏ ဝေင်ꩻဝေါကိုသွူ။\n\nအာႏကွိုꩻ \n\n \n\nပဂိုꩻတွိုင်ꩻကိုဝေင်ꩻနယ်ႏဖုံႏ","num_words":21,"character_repetition_ratio":0.038,"word_repetition_ratio":0.0,"special_characters_ratio":0.123,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":258420.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%9D%E1%80%B1%E1%80%84%E1%80%BA%EA%A9%BB%E1%80%94%E1%80%9A%E1%80%BA%E1%82%8F%E1%80%95%E1%80%AE","collection":"wikipedia","source":"wikipedia","original_code":"blk","text":"ဝေင်ꩻနယ်ႏပီ () () နဝ်ꩻ အဝ်ႏဒျာႏ မျန်မာခမ်းထီ အခဝ်ထာႏဝ ပဂိုꩻတွိုင်ꩻဒေႏသတန် ပီခရဲင်ႏ ကို ကပါသော့ꩻဒါႏ ဝေင်ꩻနယ်ႏတဖြုံႏဒျာႏသွူ။ ဝေင်ꩻနယ်ႏရွုမ်ꩻဖုံႏနဝ်ꩻ အဝ်ႏသော့ꩻဒျာႏ ဝေင်ꩻပီကိုသွူ။\n\nအာႏကွိုꩻ \n\n \n\nပဂိုꩻတွိုင်ꩻကိုဝေင်ꩻနယ်ႏဖုံႏ","num_words":21,"character_repetition_ratio":0.038,"word_repetition_ratio":0.0,"special_characters_ratio":0.119,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":258420.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%9D%E1%80%AD%E1%80%9F%E1%80%AC%E1%80%9B%E1%80%92%E1%80%AB%E1%80%94%20%28%20%E1%80%84%E1%80%B1%E1%80%AB%E1%80%9D%E1%80%BA%E1%82%8F%E1%80%A1%E1%80%95%E1%80%BA%E1%80%9C%E1%80%B0%E1%82%8F%E1%80%80%E1%80%BB%E1%80%B1%E1%80%AC%E1%80%84%E1%80%BA%EA%A9%BB%20%29","collection":"wikipedia","source":"wikipedia","original_code":"blk","text":"မယံဘန​္တေ သံသာရ ဝဋဒုက္ခတော မောစနတ္ထာယ ဣမံဝိဟာရံသသေနသာရ ပရိဘောဂံ ကပ္ပိယာကုဋိ ကာတုံ အာယသ္မာတော ဘဒ္ဒန္ဒသုပညာ နာမကသာ ထေရဿ ဒေပူဇေမ၊ အာယသ္မာသုပညေထေရော ကပ္ပိဘကုဋိံ ကတွာ ကာယ ကယပဋိကတွာ ကာယ ကာယပဋိဗဒ္ဒေဟိ ဖုသိတွာ ယထာသုခံ ယထာကာမံပရိဘုဥ္စတု၊ ကဟဠာ၊ အာဂတာ ဝတ္တယံ ယတာသုခံ ယထာကာမံ ဝသန္တု၊  \n\n  ဩဗွေႏဆရာႏ ဒါႏယကာႏသွဉ်ႏသီး ။ ငယ်ကြီးမူႏခို ၊သံသရာကိုဟံႏဗွော့ꩻ အောဝ်ႏညသွော့ꩻငါႏ ယံလွစ်ထန်ႏလခန်ႏယိုယိုꩻ၊ သꩻကိုဓိဌာန်ႏ ခမ်ႏနိဗ္ဗာန်ႏချမ်ꩻသာႏ ယံလꩻဗာႏအတွက် ရေꩻမတ်အွဉ်ႏသꩻ၊ ပွိုးနဝ်ꩻမယိုခါ တကာႏအာသွဉ်းသီးပေါင်ꩻ၊ ပင်လဲမ်ꩻကျောင်ꩻ ဂရုဘဏ်ႏ၊ လဟုဘဏ် အသုံꩻဆောင်ႏ၊ လိုံစင်စွဉ်ႏတွမ်ႏကျောင်ꩻယို၊ သိမ်ꩻဆယ်ꩻကို ကုဋိတွက်၊ လိုႏဆောင်ႏရွတ်ခွုမ်မာꩻတာႏ၊ အပ်ချာဒျာႏလူႏထေ့ꩻထင်ႏ စောဝ်ႏထေရ်ႏသျင်ႏ တွင်ꩻကာလꩻ ၊ ဗွေႏသုပညာႏနမ်ႏစွဉ်ႏလဲ့ ကုဋိတဲအပ်စပ်ကျ၊ ကပ္ပိယ မာꩻထွူခါ၊ နမ်ႏလဲ့ပါ တွမ်ႏနမ်ႏရင်ꩻ ၊ စပ်ဆွိုင်ꩻလင်ꩻ ဝတ္တုပါ ၊ ခွိုင်းရွခါ ယံချမ်ꩻသာႏ ၊ လိုႏတွိုꩻဒါႏကမ်ႏသꩻထင်ႏ ၊ ဗွေႏရပ်ခံႏ သွုံꩻ ဆောင်ႏဩ။ \nကျောင်ꩻကိုနေား တဆူးဆင်ႏ၊ တွိုႏလွဉ်ထင်ႏကျောင်ꩻကာႏအာ၊ နမ်ႏလဲ့ခါချမ်ꩻသာႏရာꩻ ၊ စွုမ်ႏဖြာꩻဖြာꩻခွိုင်းဆန္ဒ၊ ဗွေပြဲ့ဝယံလꩻလွဉ်ꩻ၊ အုံအေဝ်ႏန​ွောင်ꩻယံကထွာ မဂ်ဖိုႏခြာနိဗ္ဗာန်သူꩻ ကျိုꩻတန်ထူꩻယံထွာဗာႏ၊ ယိုယိုသာႏသာႏယံလꩻဩ။","num_words":108,"character_repetition_ratio":0.01,"word_repetition_ratio":0.0,"special_characters_ratio":0.086,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":491929.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%9D%E1%80%B1%E1%80%84%E1%80%BA%EA%A9%BB%E1%80%94%E1%80%9A%E1%80%BA%E1%82%8F%E1%80%90%E1%80%AD%E1%80%89%E1%80%BA%E1%80%80%E1%80%94%E1%80%BA%E1%80%B8%E1%80%85%E1%80%BB%E1%80%AF%E1%80%94%E1%80%BA%E1%80%B8","collection":"wikipedia","source":"wikipedia","original_code":"blk","text":"ဝေင်ꩻနယ်ႏတိဉ်ကန်း���ျုန်း () () နဝ်ꩻ အဝ်ႏဒျာႏ မျန်မာခမ်းထီ အခဝ်ထာႏဝ ရန်ႏတကုင်ႏတွိုင်ꩻဒေႏသတန် ဝေင်ꩻတန်ရန်ႏတကုင်ႏ တိဉ်ကန်းစျုန်းခရဲင်ႏ ကို ကပါဒါႏ ဝေင်ꩻနယ်ႏတဖြုံႏဒျာႏသွူ။ အဝ်ႏဒျာႏ ဝေင်ꩻတန်ရန်ႏတကုင်ႏ အခဝ်ကွဉ်ႏအကို ထွာဒျာႏ ဝေင်ꩻတန်ရန်ႏတကုင်ႏ တခူးတခဝ်ဟံႏနယ်ႏဒျာႏသွူ။ ဖဲ့ꩻထင်ꩻဖဲ့ꩻနဝ်ꩻ ဝေင်ꩻနယ်ႏတောင်ဥက္ကလာပ၊ ဖဲ့ꩻကွဉ်ႏဖဲ့ꩻနဝ်ꩻ ဝေင်ꩻနယ်ႏဒဂုံမျို့တိစ်ထင်ꩻ၊ ဖဲ့ꩻတွို့ꩻဖဲ့ꩻနဝ်ꩻ ဝေင်ꩻနယ်ႏယန်ကိဉ်း တောမ်ႏ ဝေင်ꩻနယ်ႏတာမွေ၊ ဖဲ့ꩻနဝ်ဖဲ့ꩻနဝ်ꩻ ဝေင်ꩻနယ်ႏတာကေတ ဖုံႏ အဝ်ႏနဝ်ꩻသွူ။\n\nအာႏကွိုꩻ \n\n \n\nရန်ႏတကုင်ႏတွိုင်ꩻကိုဝေင်ꩻနယ်ႏဖုံႏ","num_words":49,"character_repetition_ratio":0.152,"word_repetition_ratio":0.0,"special_characters_ratio":0.084,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":225561.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%9D%E1%80%B1%E1%80%84%E1%80%BA%EA%A9%BB%E1%80%94%E1%80%9A%E1%80%BA%E1%82%8F%E1%80%90%E1%80%AC%E1%80%99%E1%80%BD%E1%80%B1","collection":"wikipedia","source":"wikipedia","original_code":"blk","text":"ဝေင်ꩻနယ်ႏတာမွေ () () နဝ်ꩻ အဝ်ႏဒျာႏ မျန်မာခမ်းထီ အခဝ်ထာႏဝ ရန်ႏတကုင်ႏတွိုင်ꩻဒေႏသတန် ဝေင်ꩻတန်ရန်ႏတကုင်ႏ တိဉ်ကန်းစျုန်းခရဲင်ႏ ကို ကပါဒါႏ ဝေင်ꩻနယ်ႏတဖြုံႏဒျာႏသွူ။ အဝ်ႏဒျာႏ ဝေင်ꩻတန်ရန်ႏတကုင်ႏ အခဝ်ဖဲ့ꩻကွဉ်ႏထာႏဝကို ထွာဒျာႏ ဝေင်ꩻတန်ရန်ႏတကုင်ႏ တခူးတခဝ်ဟံႏနယ်ႏဒျာႏသွူ။ ဖဲ့ꩻထင်ꩻဖဲ့ꩻနဝ်ꩻ ဝေင်ꩻနယ်ႏယန်ကိဉ်း၊ ဖဲ့ꩻကွဉ်ႏဖဲ့ꩻနဝ်ꩻ ဝေင်ꩻနယ်ႏတိဉ်ကန်းစျုန်း၊ ဝေင်ꩻနယ်ႏမိင်ဂလာတောင်ညွတ်၊ ဖဲ့ꩻတွို့ꩻဖဲ့ꩻနဝ်ꩻ ဝေင်ꩻနယ်ႏဗဟန်း တောမ်ႏ ဖဲ့ꩻနဝ်ဖဲ့ꩻနဝ်ꩻ ဝေင်ꩻနယ်ႏမိင်ဂလာတောင်ညွတ် ဖုံႏ အဝ်ႏနဝ်ꩻသွူ။\n\nအာႏကွိုꩻ \n\n \n\nရန်ႏတကုင်ႏတွိုင်ꩻကိုဝေင်ꩻနယ်ႏဖုံႏ","num_words":50,"character_repetition_ratio":0.145,"word_repetition_ratio":0.0,"special_characters_ratio":0.082,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":224174.7,"cluster_detection":-1}
+{"url":"https:\/\/blk.wikipedia.org\/wiki\/%E1%80%90%E1%80%9E%E1%80%AE%E1%82%8F%E1%80%A1%E1%80%94%E1%80%9A%E1%80%BA%EA%A9%BB%E1%80%92%E1%80%BD%E1%80%B1%E1%80%AB%E1%80%84%E1%80%BA%E1%82%8F","collection":"wikipedia","source":"wikipedia","original_code":"blk","text":"လိုꩻပေႏတငယ်ႏနာႏဟဝ်နယ်ꩻ\nဖေႏအံႏခွိုꩻခွိုꩻဖေႏသွော့ ထထီရာႏ( ဆျာႏ )ဖို့ꩻနော ၊\nလိုꩻပေႏတငယ်ႏနာႏဟဝ်ဒျာႏသွူ ၊၊\n\n       လိုꩻပေႏဟို့သားထိုꩻမားနယ်ꩻ\nယာလာႏဖားယို မာꩻစဝ်ႏထီတဲင် အွဉ်ႏကပ်ပယ်ဖေႏသွော့ လိုꩻပေႏဟို့လောင်းနော ၊ ထိုꩻမားဒျာႏသွူ ၊၊\n\n       တဗင်အဲင်ႏ.......\nတဗင် ၊ ထွိုင်း တရိုꩻတဝ်း ၊ ထာꩻသားပေႏမျိုꩻမိဉ်ႏအဲင်ႏဒါႏနဝ်ꩻ မူမောင်းကြဲင်ꩻခူꩻ သူႏဖေႏနော ၊၊\n\n        ခွဉ်ႏပေႏထီ မိဉ်ႏအဝ်ႏရီႏဗဲက့်လင်ꩻတသေႏသေႏနဝ်ꩻ တလာꩻရာႏ သွတ်ꩻထီတွမ်ႏ တမူထီရော်ꩻဝင်ꩻအွꩻသွော့ ၊ ယေန်ထိုꩻဗာႏသွူ ၊၊\n(တနယ်ꩻယင်းနဝ်ꩻ) သွတ်ꩻဖက်ခေါ်တွော့အွꩻသွော့ဖက်ခေါ်ထီနော ၊\n\n         ငင်းဆာ..........\nဒွိုႏအွꩻသွော့ဝါႏလာႏထီ ၊ ဒွိုႏသွော့နုဲင်းဟန်ႏအိုတဲင်\nအံႏအွꩻသွော့နော ၊ ငင်းဆာဟဝ်ဒျာႏသွူ ၊၊\n\n          ကတူႏအဲင်ႏဆာ.......\nမောင်းကြဲင်ꩻရာႏမိဉ် တွမ်ႏတသာႏကြူးရော့်ဝင်ꩻတဲင်တရေ့ဖေႏသွော့ ၊ ကတူႏအဲင်ႏဆာဟဝ်ဒျာႏသွူ ၊၊\n\n     ဖြောင်းကုဲင် ဖြောင်းရသာႏကုဲင်........\nအံႏအမျိုႏမုဲင်ꩻတဲ့ တအွီႏတဝ်း ၊ ဖြောင်းဖြေꩻရသာႏအဲဉ်ထဝ်း စစွဉ်းယိုမိဉ်ႏထွာနဝ်ꩻ ထထီႏရာႏမိဉ် တွမ်ႏတောင်းလျက်ꩻထန့်ꩻ\nအံႏရော်ꩻသွော့လို့ဝင်ꩻနော ၊ မဲဉ်အံႏထမုဲင်ꩻအံႏဖြောင်းအွီႏဗာႏတဲ့ ၊၊\n\n    ထပေႏဆွတ်ꩻမိဉ်ႏဆော့ꩻ မိဉ်ႏအဝ်ႏခံ........\nအံႏဖေႏသွော့တလာꩻရာႏ ၊ ထပေႏဆွတ်ꩻထန်ႏထိုꩻဗာႏ ၊ ဟဝ်ထိုꩻဗာႏသွူ ၊၊\n\n            ကလူꩻဒေါ့ꩻနယ်ꩻ........\nပညာႏသျင်ႏတမွေးတဝ်း ကတောင်တကြန်း\nကလူꩻတဒေါ့ꩻတဝ်း ကလူꩻမိဉ်ႏလွꩻခွိုꩻဒါႏ ကလူꩻမိဉ်ႏဆေ့ꩻနဝ်ꩻ မောက်ဖားခူꩻယို မူတွမ်ႏထီသူႏဖေႏသွော့ ကလူꩻဟဝ်ယင်းသွူ ၊၊\n\n ကလူꩻဗွာ ( မွေးတဝ်းလဲ့ )ကလူꩻဖြိန်းနယ်ꩻ......\nထထီႏရခဲင်ႏရာႏမိဉ် တွမ်ႏတမူထီ စဲးသွော့တနေင်းရပ် ၊ မဉ်းထွူ အံႏသွော့ ၊ ( တနယ်ꩻ ) မူမောင်းကြဲင်းခူꩻ သူႏဖေႏသွော့\nကတူႏတဖြုံႏလွုမ်းတသေးသေး ကလူꩻဗွာထိုꩻမာႏ\nဖြိန်းကရစ့်ဗာႏယင်းသွူ ၊၊\n\n       လိုꩻမူႏဓမ္မတာႏသွီႏလွဉ်ꩻ........\nတလာꩻရာႏတွမ်ႏ တောင်းလျက်ꩻ\nအံႏရော်သွော့လိုꩻဝင်ꩻ ဟဝ်ဗာႏတဲ့ ၊၊\n\n          နားဆာ နားအဲင်ႏ.......\nဖက့်ဗိုႏဒီႏတနျာႏယို ဖို့မေႏထွူတဲင်\nဖက့်ဗိုႏထီလွုမ်ꩻလွုမ်ꩻယို စေ့သော့ꩻသွော့နားကိုနော ၊၊\n\n          နဲဉ်းထီထန်ႏနယ်ꩻ.......\nဒွိုႏအံႏသွော့ သင်ႏဘော့်ရာႏတသဉ်နော ၊ နဲဉ်းထီထန်ႏဗာႏသွူ ၊၊\n\n          လွူးပိုယို့ꩻနယ်ꩻ........\nထထီႏရာႏမဉ်ယို အိုႏထို့ထွူအပီတဲင်\nအွဉ်ႏဒင်ႏပတ်ဖေးသွော့ဟို့လောင်း ၊ လွူးပိုယို့ꩻနေနေတဲ့ ၊၊\n\n            မေႏခိုးယာႏ.......\nမေႏမိဉ်ႏခိုႏဒါႏလိုꩻယာႏနဝ်ꩻ တွမ်ႏထထီႏလာႏတသဉ်\nအွဉ်ႏကွပ်ဖေႏသွော့ ဟဝ်ဗာႏနော ၊၊\n\n            မဲ့ဆာဟဝ်နယ်ꩻ........\nမောင်းကြဲင်ꩻဖေ့ယို တွမ်ႏတသာႏရော်ꩻဝင်ꩻတဲင် မူသွော့ ၊ မိဉ်ႏထွူ သူႏဖေႏသွော့မဲ့ထျꩻ ၊၊\n\n    သွီႏတို့ ( သွေးတိုး ) ဟဝ်နယ်ꩻ.........\nအံႏတသေႏသေႏသွော့ ဖက်ခေါ်နော ၊ \nသွီႏတို့သွီႏထင်ႏ ဟဝ်ဗာႏဒျာႏရင်ꩻ။\n\n          ဆွတ့်ထို့ သွုပ်နယ်ꩻ........\nဟန်ႏနောက့်လာႏ၊ မိတ်သလင်း ၊ မေ့တသဉ် တတွာတွာဝင်ꩻ ထောင်းရော်ꩻဝင်ꩻတဲင် ဆွတ့်ကထို့ဒါႏအရပ်နဝ်ꩻ အွဉ်ႏပယ်ဖေႏသွော့ ညတဝ်း ဟဝ်ဒျာႏသွူ ၊၊\n\n        ထွီႏဗားမိဉ်ႏအဲင်ႏ........\nထွီႏဗားမိဉ်ႏအဲင်ႏ အံႏသွော့ မောက်အွန်ရာႏနော ၊\nထွီာဗားရေားဂါႏထွာတဝ်းတဲ့ ၊၊\n\n~ အံႏဒဲဉ်မိဉ်ႏကွို့လွဉ့်ꩻငါႏ👉 အံႏဖေႏသွော့တောင်း              လျက်ꩻထန်ꩻ\n~ မိဉ်ႏဟတ့်လွဉ့်ꩻငါႏ       👉  အံႏဖေႏသွော့အနွိုးတမျိုꩻမျိုꩻ\n~ မိဉ်ႏဆျာႏလွဉ့်ꩻငါႏ        👉 အံႏဖေႏသွော့အဟတ့်တမျိုꩻမျိုꩻ\n~ မိဉ်ႏနွိုးလွဉ့်ꩻငါႏ           👉 အံႏသွော့အဆွံတမျိုꩻမျိုꩻ\n~ မိဉ်ႏခါႏလွဉ့်ꩻငါႏ           👉 အံႏဖေႏသွော့ အတချꩻတမျိုꩻမျိုꩻ ၊၊\n\nအာႏကွိုꩻ \n\nတသီႏပညာႏ","num_words":643,"character_repetition_ratio":0.095,"word_repetition_ratio":0.0,"special_characters_ratio":0.196,"stopwords_ratio":0.009,"flagged_words_ratio":0.0,"lang_id_score":1.0,"perplexity_score":900.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%80%E1%80%95%E1%80%B9%E1%80%95%E1%80%9C%E1%80%AC%20%E1%80%A1%E1%80%AC%E1%82%8F%E1%80%80%E1%80%AC%E1%82%8F%E1%80%9E%20%E1%80%90%E1%80%9A%E1%80%BA%E1%80%9C%E1%80%AE%E1%80%9E%E1%80%80%E1%80%AF%E1%80%95%E1%80%BA","collection":"wikipedia","source":"wikipedia","original_code":"blk","text":"‍‍‍‍\n\nကပ္ပလာ အာႏကာႏသ တယ်လီသကုပ် () နဝ်ꩻ နာသာကေားထိန်ꩻထွားဖေႏတဲင် ကအွဉ်ႏစွꩻထင်ႏအုံခမ်ဒါႏ အာကာသတယ်လီသကုပ်(မန်ႏပျောင်ꩻ ထွားညာꩻလꩻစား) တဆွိုင်ꩻဒျာႏသွူ။ ကအွဉ်ႏစွꩻထင်ႏဝွေꩻယိုနဝ်ꩻ လေ့လာထောင်ထွားအီ ဂျိုဟ်ႏအထန်ႏဖုံႏ ကအဝ်ႏလေပ်ခူႏဒါႏ ဆာႏယင်ဟန်ႏ ပီနုဲင်ႏကမ္ဘာႏဟံႏနဝ်ꩻသွူ။ အာႏကာႏသစက်မိဉ်ꩻနဝ်ꩻ ရေႏမတ်ဟဲ့ꩻလွေꩻဖေႏ နခတ္တပညာႏဗွေႏ ကပ္ပလာနဝ်ꩻသွူ။ ၂၀၀၉ခုနေင်ႏ၊ မတ်လာ ၇နီꩻနဝ်ꩻ အွဉ်ႏစွꩻထင်ႏစခန်း အာႏကာႏသစက်ယိုတဆွိုင်ꩻသွူ။\nကသွဲခါꩻဒီသိုင်းနဝ်ꩻ လေ့လာထောင်ထွားအီႏ နဂါꩻလူးရဲဉ်ႏ ဂယ်လသီ အတာႏဒျာႏတဲင် ရေႏမိုးချက်နဝ်ꩻ လွူꩻထွားအီ နဂါꩻလူးရဲဉ်ႏအကို ဆာႏအဖြုံႏပေါင်ꩻတွမ်ႏ မွူးစကျာႏဝဠာႏဂြိုလ်ႏအထန်ႏဖုံႏအတာႏသွူ။ ကပ္ပလာအဓိကအထျꩻအထောင်ꩻ(အမွူးနမ်း)တခြွိုꩻတမျိုꩻနဝ်ꩻ အုံပွေါထွားပွုံႏသီအီ အဓိကအစီႏစဲဉ်ႏကိုကအဝ်ႏဒါႏ ဆာႏအဖြုံႏပေါင်ꩻ ၁၄၅၀၀၀(တသိန်ႏလစ်ꩻသောင်ႏငတ်ꩻရေင်)အလောင်းသွူ။ ကလꩻလွဉ်ဒါႏ ဒေတာအချက်အလက်ဖုံႏနဝ်ꩻ ဝွေꩻပသာလင်ꩻချာဖေႏ ကမ္ဘာႏဟံႏတန်အလောင်းသွူ။ ကထွို့ꩻဗူႏစ စီႏမံကိန်ꩻယိုတဗာႏနဝ်ꩻ အခိန်ႏလို့စွဉ်ႏဒျာႏ သွံနေင်ႏခွဲꩻသွူ။\n\nတောင်ꩻအီ\n\nလဉ့်အထန်ႏ\n\n Official website by NASA's Ames Research Center\n Kepler website by NASA\n Kepler Science Center  by NASA's Ames Research Center\n Kepler public data archive by the Space Telescope Science Institute\n Strömgren Survey for Asteroseismology and Galactic Archaeology\n\nExoplanet catalogs and databases\n Extrasolar Planets Encyclopaedia by the Paris Observatory\n The Habitable Exoplanets Catalog by University of Puerto Rico at Arecibo\n New Worlds Atlas by the NASA\/JPL PlanetQuest\n\nအာႏကွိုꩻ\n\nအာကာသ တယ်လီသကိုက်ဖုံႏ\nနက္ခတ္တဗေဒ","num_words":243,"character_repetition_ratio":0.053,"word_repetition_ratio":0.043,"special_characters_ratio":0.103,"stopwords_ratio":0.008,"flagged_words_ratio":0.0,"lang_id_score":1.0,"perplexity_score":106025.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%9C%E1%80%B0%E1%80%94%20%E1%81%81","collection":"wikipedia","source":"wikipedia","original_code":"blk","text":"လူန ၁ မိဉ်ꩻလင် Mechta ( ) နဝ်ꩻ သိုဗီယဲတ်သီး အာႏကာႏသစက် ကတွိုႏထင်ႏဒါႏ လာကမ္ဘာႏလောင်း ပထမသွတ်ꩻတဆွိုင်ꩻဒျာႏသွူ။\n\nအာႏကွိုꩻ\n\nလူန စီႏမံႏကိန်ꩻ","num_words":19,"character_repetition_ratio":0.0,"word_repetition_ratio":0.0,"special_characters_ratio":0.133,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":186651.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%BD%E1%80%89%E1%80%BA%E1%80%9C%E1%80%AD%E1%80%90%E1%80%BA%E1%80%94%E1%80%9A%E1%80%BA%EA%A9%BB","collection":"wikipedia","source":"wikipedia","original_code":"blk","text":"၁ ။ နေးတွမ်ႏငေါဝ်းရီတွော့ꩻ စေဖြေႏနေးနဝ်ꩻတနယ်ꩻ၊ \n     ( Questioning Method )\n၂ ။ ဒေါ့ꩻခြုဲင်းနယ် နေးတွမ်ႏ ငေါဝ်ႏခြုဲင်းတဲင် သွဉ်အီနဝ်ꩻတဲ့တနယ်ꩻသွူ၊\n     ( Story-Telling Method )\n၃ ။ ဆွေနွေတွိုင်ႏပင်ႏနေးတဲင် သွဉ်နေးနဝ်ꩻတဲ့တနယ်ꩻသွူ၊\n     ( Lecture Discussion Method )\n၄ ။ နေႏတွမ်ႏ ဇောတ်တွယ်တဲင် ဖြတ်ဒေါ့ꩻရီနေးနဝ်ꩻတဲ့ တနယ်ꩻသွူ၊\n     ( Strip-Story Method )\n၅ ။ ပြနယ်နေးတွမ်ႏ အပုံႏဆောင်ႏတဲင် သွဉ်နေးနဝ်ꩻတဲ့တနယ်ꩻသွူ၊\n    ( Demonstration Method )\n၆ ။ တွမ်ရွပ်ချာယင်း ကျောင်ꩻသားပေႏထာꩻထီႏအလောင်းတဲင် သွဉ်ဖေႏနဝ်ꩻတဲ့ တနယ်ꩻသွူ၊\n     ( Inductive Approach Method )\n၇ ။ ဖြေႏသျှင်ꩻလွေꩻဖေႏနေႏပျသနာႏနယ်ꩻ ၊\n     ( Problem Solving Method )\n၈ ။ ထွုမ်ႏနေး အဖြေႏနဝ်ꩻတဲ့ တနယ်ꩻသွူ၊\n     ( Discovery Method )\n၉ ။ ထွုမ်ႏတွမ်ႏနေႏ ရီနေႏတွမ်ႏ နဝ်ꩻတဲ့ အနယ်ꩻသွူ၊ \n     ( Inquiry Learning Method )\n၁၀ ။ အုံပွေါးထွာ ကျောင်ꩻသား တိုꩻတက်မှုအလောင်းတဲင် သွဉ်ဖေႏနဝ်ꩻတဲ့ တနယ်ꩻသွူ၊\n       ( Observation Method )\n၁၁ ။ သရုပ်ဆောင်ႏပျနယ်နေး တွမ်ႏ အပုံႏစံႏ နဝ်ꩻတဲ့တနယ်ꩻသွူ၊\n       ( Role Playing Method )\n၁၂ ။ ဗွောင်ဖေႏနေးတွမ်ႏ ကျောင်ꩻသားပေႏသီး ထာꩻထီႏတဲင် သွဉ်ဖေႏနဝ်ꩻတဲ့တနယ်ꩻသွူ၊\n       ( Brainstoming Method )\n၁၃ ။ ပူꩻပေါင်ꩻနေႏလိုꩻဝင်ꩻတဲင် သွဉ်ဖေႏနေး နဝ်ꩻတဲ့ တနယ်ꩻသွူ၊\n       ( Co-operative Learning Method )\n၁၄ ။ ဆွေꩻနွေꩻနေး အဆွိုက်ဆွိုက် နဝ်ꩻတဲ့ တနယ်ꩻသွူ၊\n       ( Fish-Bowl Technique Method )\n၁၅ ။ ဝင်ꩻနီတတွယ်ꩻ ပေါင်ꩻငီꩻဝင်ꩻတဲင် သွဉ်ဖေႏနဲင်းနဝ်ꩻတဲ့ တနယ်ꩻနေနေသွူ၊\n       ( Dyadic Exchange Method )\n၁၆ ။ စမ်ꩻနေး အမွေးတဲင် သွဉ်နေးနဝ်ꩻတဲ့ တနယ်ꩻသွူ၊\n       ( Laboratory Technique Method )\n၁၇ ။ လင်ꩻတွိုႏနေႏတွမ်ႏ ထာꩻမာꩻခွင်ႏကိုတဲင် သွဉ်နေး\n       ( Field Trip Method )\n၁၈ ။ ပုံႏစံႏဗုန် သရုပ်ဆောင်ႏနေးနဝ်ꩻတဲ့ တနယ်ꩻသွူ၊\n       ( Simulation and Games Method )\n၁၉ ။ အမျာꩻသဖော်ꩻတူႏအလꩻ တဲင်သွဉ်နေး\n       ( Nominal Group Process Method )\n၂၀ ။ နေးတွမ်ႏ နမ်ႏအကြုံႏခွဲတဲင် သွဉ်နေး နဝ်ꩻတဲ့ တနယ်ꩻသွူ၊\n       ( Experiential Learning Method )\n၂၁ ယူႏစဲဉ်စာꩻ ထွူ ထွုမ်အဖြေႏတွော့ꩻ သွဉ်\n\n>အင်္ဂလိပ်စာတတ်လိုသော် ဆရာကြီး ဦးမြကြိုင် < Ref<","num_words":318,"character_repetition_ratio":0.173,"word_repetition_ratio":0.0,"special_characters_ratio":0.206,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":369826.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%84%E1%80%B1%E1%80%AB%E1%80%9D%E1%80%BA%E1%80%B8%E1%80%95%E1%80%84%E1%80%BA%EA%A9%BB%E1%80%80%E1%80%BB%E1%80%AD%E1%80%AF%E1%82%8F%E1%80%86%E1%80%BD%E1%80%AF%E1%80%99%E1%80%BA%E1%82%8F%20%E1%80%97%E1%80%BD%E1%80%B1%E1%82%8F%E1%80%9E%E1%80%B6%E1%82%8F%E1%80%83%E1%80%AC%E1%82%8F","collection":"wikipedia","source":"wikipedia","original_code":"blk","text":"၁။ သွဉ်းသီးရပ်ကို ကျွꩻလွဉ်တွိုႏဒါႏ၊\n     ဆရာႏသံႏဃာႏ တကာႏအမျာꩻ၊\n     နမ်းယိုတွမ်ႏသꩻ ယံခွꩻချမ်ꩻသာႏ၊\n     ဆုꩻတောင်ꩻဒျာႏ မေတ္တာႏ ပသာငါ။\n\n၂။ သွဉ်းသီးကျောင်ꩻကို ကျွꩻလွဉ်တွိုႏဒါႏ၊\n     ဆရာႏသံႏဃာႏ တကာႏအမျာꩻ၊\n     နမ်းယိုတွမ်းသꩻ ယံခွꩻချမ်ꩻသာႏ၊\n     ဆုꩻတောင်ꩻဒျာႏ မေတ္တာႏ ပသာငါ။\n\n၃။ သွဉ်းသီးပွယ်ꩻကို ကျွꩻလွဉ်ဖေႏအာႏ၊\n     ဆရာႏသံႏဃာႏ တကာႏအမျာꩻ၊\n     နမ်းယိုတွမ်ႏသꩻ ယံခွꩻချမ်ꩻသာႏ၊\n     ဆုꩻတောင်ꩻဒျာႏ မေတ္တာႏ ပသာငါ။\n\nအာႏကွိုꩻ","num_words":36,"character_repetition_ratio":0.107,"word_repetition_ratio":0.0,"special_characters_ratio":0.19,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":218414.1,"cluster_detection":-1}
+{"url":"https:\/\/blk.wikipedia.org\/wiki\/%E1%80%A1%E1%80%AC%E1%80%B8%E1%80%91%E1%80%AF%E1%80%90%E1%80%BA%E1%80%90%E1%80%9B%E1%80%AC%EA%A9%BB%E1%80%94%E1%80%9A%E1%80%BA%EA%A9%BB","collection":"wikipedia","source":"wikipedia","original_code":"blk","text":"တယ်ႏတရေꩻသာ၊ နေ့ꩻဖူငွါ၊ ခွေါင်းခါသတိꩻဗာႏ။\n လဲင်ႏပေါင်ꩻထွိုင်ႏအာ၊ တွိုႏနောဝ်ꩻခါ၊ ထညꩻသာဗွီႏလွဉ်ဒျာႏ။\n ကွဲးဗွီႏအာအာ၊ သာထာꩻသာ၊ တတျာလူႏလွုမ်ꩻဒျာႏ။\n ညပသာႏသွူ၊ သꩻသမ်းစွူ၊ အွဉ်ႏထွူထာꩻသာတာႏ။\n ခန္ဓာႏနမါးလောင်း၊ သꩻလုဲင်းဆောင်း၊ အထွောင်းကသန်ဒါႏ။\n ကထွာအတွိုင်၊ သတိꩻဆွိုင်ꩻ၊ ထွာတွိုင်ꩻသေလွဉ်ဗာႏ။\n သေထပ်သေထပ်၊ သေမပ်မပ်၊ သေစပ်လက္ခဏာႏ။\n အနိစ္စ ဒုက္ခ အနတ္တ၊ ယံကျသေလွဉ်ဒျာႏ။\n သေႏတောဝ်း သာာတောဝ်း၊ နမ်းမွေးတောဝ်း၊ အဲဉ်ထောင်းထာꩻချံꩻသာႏ။\n ဗွိုႏအန်ꩻမွေးမန်း၊ မဲဉ်လွစ်ထန်ႏ၊ မဂ်ဉာဏ်ႏပေါႏလွဉ်ဒျာႏ။\n ပေါႏတမဂ်ဉာဏ်ႏ၊ သောတာပန်ႏ၊ ကွိုင်ႏတန်ႏလꩻချံꩻသာႏ။\n အာႏထုတ်ငါငါ၊ လꩻငါငါ၊ ဗꩻငါရဟန္တာႏ။\n\nအာႏကွိုꩻ\n\nတရာꩻ","num_words":52,"character_repetition_ratio":0.021,"word_repetition_ratio":0.0,"special_characters_ratio":0.091,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":414649.3,"cluster_detection":-1}
+{"url":"https:\/\/blk.wikipedia.org\/wiki\/%E1%80%84%E1%80%B1%E1%80%AB%E1%80%9D%E1%80%BA%E1%80%B8%E1%80%86%E1%80%AF%E1%80%90%E1%80%B1%E1%80%AC%E1%80%84%E1%80%BA%EA%A9%BB%20%E1%80%90%E1%80%B1%E1%80%AC%E1%80%99%E1%80%BA%E1%82%8F%20%E1%80%9D%E1%80%BD%E1%80%B1%E1%82%8F%E1%80%80%E1%80%AF%E1%80%9E%E1%80%AD%E1%80%AF%E1%80%9C%E1%80%BA%E1%82%8F%20%E1%80%80%E1%80%97%E1%80%BB%E1%80%AC%E1%80%9C%E1%80%84%E1%80%BA%E1%80%B9%E1%80%80%E1%80%AC%E1%82%8F","collection":"wikipedia","source":"wikipedia","original_code":"blk","text":"ခွေသွဉ်းဒါႏန ပုညမဟာႏ၊\n ဇာႏတိလဲ့သိမ်ꩻ ဇရာႏညိမ်ꩻရာꩻ။\n မရဏကင်ꩻ ဝေင်ꩻခံꩻခေႏမာႏ၊\n ဆုတောင်ꩻကွီ မွိုင်ဖွီ ယံလꩻငါ။\n\n ခမ်းဟောဝ်နိဗ္ဗာန်ႏ လꩻထင်ႏတောဝ်းခါႏ၊\n သံႏသရာႏနယ်ႏ ကျင်ႏလယ်ႏချာငါ။\n အပါယ်ႏလစ်ꩻပါꩻ ကင်ꩻညာꩻလွစ်ဒျာႏ\n လိုꩻလူꩻခွင်ႏ ကွိုတ်ထင်ႏ ယံသဲင်ꩻထွာ။\n\n ထွာလိုꩻလူꩻနဲး ကျုံႏခွဲမော့ꩻဒျာႏ၊\n တသွောင်းရန်းထို မွိုးယိုတောမ်ႏဖါ။\n သူႏတောႏတရာꩻ ကျိုꩻစာꩻနွောင်ꩻဒျာႏ၊\n ဆုဲင်ꩻသွတ်ꩻမန်ႏ တွိုႏထင်ႏ ခမ်းဝေင်ꩻထာ။\n\n ခွေသွဉ်းကလꩻ ပုညမဟာႏ၊ \n သွံဆီတဒုံ အောဝ်ႏအုံချာငါ။\n သတ္တဝါႏမျာꩻ စွုမ်ႏဖြာꩻတွက်တာႏ၊\n ထူႏဝင်ꩻဩ သွဉ်းနော ဖန်းဖေႏတွာ။\n\nအာႏကွိုꩻ","num_words":43,"character_repetition_ratio":0.0,"word_repetition_ratio":0.0,"special_characters_ratio":0.11,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":389283.9,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%AE%E1%80%9C%E1%80%AE%E1%80%94%E1%80%AE%E1%80%9A%E1%80%99%E1%80%BA","collection":"wikipedia","source":"wikipedia","original_code":"blk","text":"သီလီနီယမ် () ယို ထွာ ဒြတ်စင်မော့ꩻဆေ့ꩻတဗာႏ။ ဒြတ်စင်နောဝ်ꩻဗာႏနောဝ်ꩻ ထွာဒြတ်စင် သတ္တုတမွေးတောဝ်းစား။ အောဝ်ႏပါငီꩻ အောက်သီစဲန်၊ ကန်ꩻ၊ တယ်လူရီရမ် ဒြတ်စင်အဗူႏကို။  ခရစ်သက္ကရာဇ ၁၈၁၇ ဗာႏနေင်ႏကိုခါ သွီဒဉ်ခမ်းသား ဓာတုဗေဒပညာႏဗွေႏ ဗာသီးလီးယတ် မော့ꩻရီးလွေꩻ။ အတ်တမ်အမုဲင်နောဝ်ꩻ ထွာ ၃၄၊ အဲတ်တမ်အထှူႏနောဝ်ꩻ ထွာ ၇၈.၉၆။ သီလီနီယို ထွာ တျာႏစပ်မှိုတ်ဖဉ်းတောဝ်း ဒြတ်စင်တဗာႏ။ ကွဲးတှော့ꩻ ထာꩻလေမဉ်ႏတောင်ႏ သီလီနီယမ်လောင်းနောဝ်ꩻ တျာႏစပ်ꩻအာႏ သန်လှောန်။ ထာꩻလေမဉ်ႏဗာႏစဲင်း တျာႏစပ်အာႏသန်စဲင်းသှူ။ ပှိုင်းဝှို့တွမ်ႏ သတ္တိတဲးဝါးနောဝ်ꩻဗာႏအောဝ်ႏတဲင် ဝင်ꩻကမာꩻ ကိရိယာႏကြဲမ်အီ တှိုင်အီ ထာꩻလေရောင်ႏအာႏယို မာꩻအီတွမ်ႏ သီလီနီယမ်သှူ။\n\nထူႏတောမ်\n\n ဓာတုဗေဒ","num_words":63,"character_repetition_ratio":0.025,"word_repetition_ratio":0.0,"special_characters_ratio":0.087,"stopwords_ratio":0.0,"flagged_words_ratio":0.0,"lang_id_score":1.0,"perplexity_score":285775.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%9F%E1%80%B6%E1%82%8F%E1%80%95%E1%80%91%E1%80%9D%E1%80%AE%E1%82%8F%20%E1%80%80%E1%80%AD%E1%80%AF%E1%80%A9%E1%80%92%E1%80%AD%E1%80%94%E1%80%AD%E1%80%90%E1%80%BA%E1%80%85%E1%80%94%E1%80%AD%E1%80%85%E1%80%BA","collection":"wikipedia","source":"wikipedia","original_code":"blk","text":"ဟံႏပထဝီႏ ကိုဩဒိနိတ် စနိစ် မွေးတဝ်းလဲ့ ဟံႏပထဝီႏ ယီးနယ်ဟံႏပုင်ႏစနိစ် () ကရိုꩻနဝ်ꩻ ကအွဉ်ႏယီးနယ်ဖေႏ ကမ္ဘာႏလောင်း အဝ်ႏဒါႏခင်ႏလမ်းတွိုင်ꩻတာႏ အွဉ်ႏထွော့မုဲင်နေး ဂဏန်ꩻအမုဲင် မွေးတဝ်းတဲ့ လိတ်ဖြုံႏသင်္ကေတအမုဲင်ဖုံႏ ယီးနယ်ဟံႏပုင်ႏစနိစ် တဗာႏဒျာႏသွူ။ ကမ္ဘာႏလောင်း အဝ်ႏဒါႏခင်ႏလမ်းဖုံႏယို တဲက်ထွားစွဉ်ႏနေး လတ္တီစျု တောမ်ႏ လောင်စီစျု ဖုံႏသွူ။\n\nအာႏကွိုꩻ\n\nကိုဩဒိနိတ်စနိစ်","num_words":36,"character_repetition_ratio":0.099,"word_repetition_ratio":0.0,"special_characters_ratio":0.082,"stopwords_ratio":0.028,"flagged_words_ratio":0.0,"lang_id_score":1.0,"perplexity_score":277040.0,"cluster_detection":-1}
+{"url":"https:\/\/blk.wikipedia.org\/wiki\/%E1%80%84%E1%80%9D%E1%80%BA%E1%80%B8%E1%80%90%E1%80%84%E1%80%BD%E1%80%AB%E1%80%80%E1%80%91%E1%80%BD%E1%80%AC%E1%80%97%E1%80%AC%E1%82%8F","collection":"wikipedia","source":"wikipedia","original_code":"blk","text":"ဥပမာႏ- မွိုးဖါကဖန်နဝ်ꩻ \"မောင်ႏဖြေင်း\"၊ ဝွေꩻနဝ်ꩻလိုꩻယာႏဗွာ��ဲင် ဝွေꩻဖန်တသာယင်းဝွေꩻမဉ်ꩻ \"မောင်ႏဗွာ\"၊ ကွပ်နဝ်ꩻမꩻ လိုꩻတဖြာꩻလွုမ်ꩻတဲ့ \"မောင်ႏဖြေင်း၊ မောင်ႏဗွာ\"အမဉ်ꩻထွာထိုꩻ နီမျိုꩻနဝ်ꩻသွူ။\nအနုဲင်းနဝ်ꩻနေနေ၊ \"တွမ်ႏ\"နဝ်ꩻ လိတ်ဖြုံႏလီꩻ၊ \"တောမ်ႏ\"နဝ်ꩻ လိတ်ဖြုံႏတသာ၊ ငေါဝ်းတငွါလွုမ်ꩻတဲ့ ထွာလိတ်နီဖြုံႏနုဲင်းနဝ်ꩻသွူ။\nသျင်ꩻပျꩻနယ် အမုဲင်(၁)\"တွမ်ႏ+တောမ်ႏ\"\n(တွ+တွမ်ႏ)ဖတ်ရီး \"တွ\"၊ (အသံထွက်ဖတ်ပါ)၊ ထွားပါဖြောင်းဗီႏအမူအရာ၊ ပေါႏဖတ်\"တွ\"နဝ်ꩻ ဖြောင်းတစော်ငါတွော့ꩻ ဖြောင်းဗီႏတရွတ်ꩻချာယင်း (တစော်ငါထွူ တရွတ်ꩻချာ ၁-အချက်၊ တစ်ချက်မှတ်ထား)။\nဖတ်ယင်း \"တွ\"တလဲင်ႏ (အသံထွက်ဖတ်ပါ)၊ နာႏပါ \"တွ\"အငေါဝ်းဟုဲင်း (တွ+တဝအ) အ-သရငေါဝ်းပါ၊(၂-အချက်မှတ်ထား)။\nနောဝ်ꩻထွူတွော့ꩻ ဖတ်တော(အနမ်း)\"တွမ်ႏ\"(အသံထွက်ဖတ်ပါ)၊ ထွားပါဖြောင်းဗီႏအမူအရာဟုဲင်း \"တွမ်ႏ+တွမ်ႏ\"ဖြောင်းဗီႏတစော်ငါထွူတွော့ꩻ တရွတ်ꩻချာနေဟောင်း၊ တရွတ်ꩻချာနုဲင်းကဖတ် \"တွ\"နဝ်ꩻမွေးနေဟောင်း(မွေးတောဝ်း)၊ ပေါႏနဝ်ꩻတဲ့ ငေါဝ်းကထန်ႏ \"တွမ်ႏ\"ကိုနဝ်ꩻ \"တွ\"ပါတောဝ်း။\nဖတ်ယင်း\"တွမ်ႏ\"တလဲင်ႏ(အသံထွက်ဖတ်ပါ-\"တွမ်ႏ\") ငေါဝ်းကထန်ႏ\"တွမ်ႏ\"ကိုနဝ်ꩻ အ-သရငေါဝ်းပါနေဟောင်း၊ (ပါတဝ်း)၊ ပေါႏနဝ်ꩻတဲ့ ငေါဝ်းကထန်ႏ\"တွမ်ႏ\"ကိုနဝ်ꩻ (တွ+တဝအ) အ-သရငေါဝ်းနုဲင်းနဝ်ꩻပါတဝ်း၊ ကွပ်နဝ်ꩻမꩻ ငေါဝ်းကထန်ႏ \"တွမ်ႏ\"ယိုနဝ်ꩻ ၁-အချက်၊ ဖြောင်းတစော်ငါထွူ တရွတ်ꩻချာတဝ်းတဲင် \"တွမ်ႏ\"ကရိုꩻဒါႏ ငေါဝ်းယိုနဝ်ꩻ အဝ်ႏ\"တွ\"ကိုလွဉ်မွေးတောဝ်း၊ ၂-အချက် \"တွမ်ႏ\"ကရိုꩻဒါႏငေါဝ်းကိုနဝ်ꩻ အ-သရငေါဝ်းပါ တဝ်းတဲင် \"တွမ်ႏ\"ကရိုꩻဒါႏငေါဝ်းနဝ်ꩻ အဝ်ႏ\"တွ\"ကိုလွဉ်မွေးတဝ်း၊ ကွပ်ပွိုးနဝ်ꩻမꩻ ကတဲမ်း\"တွမ်ႏ\"နဝ်ꩻ လိတ်ဖြုံႏနမ်းတွမ်ႏအငေါဝ်းထန်ႏ\"မဲဉ်ႏ\"တဝ်း၊ (အက္ခရသုတေသန-လေ့လာလွူꩻအက္ခရာႏသား)ရိုꩻလွနုဲင်းနဝ်ꩻဖုံႏသွူ။\nနောဝ်ꩻထွူတွော့ꩻ (တောႏ+တောမ်ႏ) ဖတ်ရီး \"တောႏ\"(အသံထွက်ဖတ်ပါ)၊ ထွားပါဖြောင်းဗီႏအမူအရာ၊ ပေါႏဖတ် \"တောႏ\"နဝ်ꩻ ဖြောင်းဗီႏတစော်ငါဒျာႏစွူစွူ၊ ဖြောင်းဗီႏတရွတ်ꩻချာတဝ်း၊ (၁-အချက်မှတ်ထား)။\nဖတ်ယင်း \"တောႏ\"တလဲင်ႏ (အသံထွက်ဖတ်ပါ)၊ နာႏပါ \"တောႏ\"အငေါဝ်းဟုဲင်း၊ (တောႏ+တအောႏ)၊ အောႏ-သရငေါဝ်းပါ (၂-အချက်မှတ်ထား)။\nနောဝ်ꩻထွူတွော့ꩻ ဖတ်တော(အနမ်း) \"တောမ်ႏ\"(အသံထွက်ဖတ်ပါ)၊ ထွားပါဖြောင်းဗီႏအမူအရာဟုဲင်း၊ \"တောမ်ႏ+တောမ်ႏ\"ဖြောင်းဗီႏတစော်ငါဒျာႏစွူစွူ၊ ဖြောင်းဗီႏတရွတ်ꩻချာတဝ်း၊ နုဲင်းဒျာႏကဖတ် \"တောႏ\" နဝ်ꩻအတွိုင်ꩻမွေး��ေဟောင်း(မွေး)၊ ပေါႏနဝ်ꩻတဲ့ ငေါဝ်းကထန်ႏ\"တောမ်ႏ\"ကိုနဝ်ꩻ \"တောႏ\"ပါဗာႏ။\nဖတ်ယင်း \"တောမ်ႏ\"တလဲင်ႏ(အသံထွက်ဖတ်ပါ) \"တောမ်ႏ\"၊ ငေါဝ်းကထန်ႏ \"တောမ်ႏ\"ကိုနဝ်ꩻ အောႏ-သရငေါဝ်းပါနေဟောင်း(ပါ)၊ ပေါႏနဝ်ꩻတဲ့ ငေါဝ်းကထန်ႏ \"တောမ်ႏ\"ကိုနဝ်ꩻ (တောႏ+တအောႏ)အောႏ-သရငေါဝ်းပါဗာႏ။\nကွပ်နဝ်ꩻမꩻ ငေါဝ်းကထန်ႏ\"တောမ်ႏ\"ကိုနဝ်ꩻ ၁-အချက်၊ ဖြောင်းဗီႏတစော်ဒျာႏစွူစွူ၊ ဖြောင်းဗီႏတရွတ်ꩻချာတဝ်းတဲင် \"တောမ်ႏ\"ကရိုꩻဒါႏငေါဝ်းယိုနဝ်ꩻ အဝ်ႏ\"တောႏ\"ကိုလွဉ်၊ ၂-အချက် \"တောမ်ႏ\"ကရိုꩻဒါႏ \"ငေါဝ်း\"ကိုနဝ်ꩻ အောႏ-သရငေါဝ်းပါသော့ꩻတဲင် \"တောမ်ႏ\"ကရိုꩻဒါႏငေါဝ်းနဝ်ꩻ အဝ်ႏ\"တောႏ\"ကိုလွဉ်။\nကွပ်ပွိုးနဝ်ꩻမꩻ ကတဲမ်း\"တောမ်ႏ\"နဝ်ꩻ လိတ်ဖြုံႏနမ်းတွမ်ႏအငေါဝ်းထန်ႏ\"မဲဉ်ႏ\"(အက္ခရသုတေသန-လေ့လာလွူꩻအက္ခရာႏသား)ရိုꩻလွနုဲင်းနဝ်ꩻဖုံႏသွူ။\nနောဝ်ꩻတွော့ꩻ အီႏမာꩻနုဲင်းမုဲင်ꩻ-\n၁။ ဖြေင်း+ဗွာ၊ လွောက်ꩻ-လွောက်ꩻတဝ်း သေနာႏတဝ်း၊ ဖြေင်းဗွာ-ယူႏယာႏဒွုမ်၊ ဆိမ်ꩻမဲ့၊ ပေ့ꩻဦးဏှောက် စူꩻတေ့ꩻတေ့ꩻဗော့ꩻမဉ်ꩻလီꩻ \"မောင်ႏဖြေင်း\"နဝ်ꩻနဲ့။\n၂။ ခေတ်ယိုခါနဝ်ꩻ \"ဝိဘဇ္ဇ-သုတေသန\"ခေတ်၊ \"အယာႏတွမ်ႏအမဉ်ꩻ\"လွောက်ꩻလို့ဝင်ꩻမꩻ သဘာဝကျ၊ နဝ်ꩻမꩻ သဒ္ဒယုတ္တိအဝ်ႏ၊ ခံႏထူႏ၊ ယူႏအမဲဉ်ႏဖဲ့ꩻနုဲင်းနဝ်ꩻတဲင် မဉ်မဉ်ꩻတသာတော \"မောင်ႏဗွာ\"နဲ့၊ ဥပမာႏဗွိုန်ပီ နီလိတ်ယိုခါတဲ့- စူꩻတေ့ꩻတေ့ꩻ (  ) နဲ့၊ ခံႏထူႏ၊ ယူႏအမဲဉ်ႏဖဲ့ꩻ (   )နဲ့ ကရိုꩻနဝ်ꩻ---\n\nအာႏကွိုꩻ\n\nပအိုဝ်ႏလိတ်လုဲင်ꩻ","num_words":660,"character_repetition_ratio":0.085,"word_repetition_ratio":0.061,"special_characters_ratio":0.125,"stopwords_ratio":0.041,"flagged_words_ratio":0.0,"lang_id_score":1.0,"perplexity_score":440.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%9F%E1%80%B1%E1%80%AC%E1%80%BA%EA%A9%BB%E1%80%90%E1%80%9B%E1%80%AC%EA%A9%BB%E1%80%A1%E1%80%AC%E1%80%A1%E1%80%94%E1%80%9A%E1%80%BA%EA%A9%BB%E1%80%91%E1%80%BD%E1%80%AC","collection":"wikipedia","source":"wikipedia","original_code":"blk","text":"ဟော်ꩻတရာꩻထွာ အနယ်ꩻအာ\nလွေꩻငါဖျင် \"ဟော်ꩻတရာꩻထွာ အနယ်ꩻအာ\"၊ \"ဟော်ꩻတရာꩻထွာ အနယ်ꩻအာ\"တဲ့။ နဝ်ꩻမꩻ ခွေသွဉ်းကသဲင်ꩻဗွောင်စ လိတ်သွဉ်တွိုက် ဇဝနာရာမသီႏသဲင်ႏ တယ်ႏနေင်ႏ ၁၃၃၂-ဗာႏ၊ သဲင်ꩻဗွောင်လိတ်သွဉ်တွိုက်တဲ့ အဝ်ႏအွိုးလိတ်သွဉ်တွိုက်ဘဝ သဲင်ꩻဗွောင်လိတ်သွဉ်တွိုက်တဲင်တွော့ꩻ သဲင်ꩻမော့ꩻရီးရီးဗာႏစွဉ်ႏထမုဲင်ꩻတဲ \"ဟော်ꩻတရာꩻကိစ္စ\"၊ သဲင်ꩻတလူႏဗာႏသွူးစွဉ်ႏနဝ်ꩻ။\nအတွင်ꩻမော့ꩻနဝ်ꩻနဝ်ꩻ တရာꩻဦꩻပအိုဝ်ႏတဲ့ အဲဉ်ထဝ်း၊ ယပ်ꩻနမ်းဆျာꩻထီပအိုဝ်ႏတဲ့ အဲဉ်ထဝ်း၊ နဝ်ꩻမꩻ ခွေသွဉ်း တရာꩻဦꩻပအိုဝ်ႏတဲ့ ကျမ်ႏတဲမ်းဗာႏဒျာႏ၊ ယပ်ꩻနမ်းဆျာꩻထီပအိုဝ်ႏတဲ့ ကျမ်ႏမာꩻဗာႏဒျာႏ၊ တရာꩻဟော်ꩻပအိုဝ်ႏတဲ�� မွေးတစိꩻ၊ မွေးတဝ်းတစိꩻတွော့ꩻ ကျမ်ႏဟော်ꩻဗာႏဒျာႏ၊ တယ်ႏစအွိုးနဝ်ꩻ၊ တယ်ႏစစွဉ်ႏ သက်တောႏ(၃၀)၊ ယိုခါ(၇၂)နေင်ႏပေါင်ꩻအနေႏနဝ်ꩻ (၄၂)နေင်ႏလဲဉ်းသွူ။\nကွပ်ပွိုးနဝ်ꩻမꩻတဲင် နေင်ႏပေါင်ꩻ(၄၂)အကို ခွေသွဉ်းကမော့ꩻလွဉ်ဗာႏ၊ ကတလူႏလွဉ်ဗာႏ အယပ်ꩻအခုဲင်ႏဖုံႏ၊ အဆင်ႏပြေႏရာꩻဖုံႏနဝ်ꩻ ဟန်ႏသနီꩻယို ခွေသွဉ်းလူႏတေား နီဗွေႏသီးဖုံႏသွူ။\nကွပ်ပွိုးနဝ်ꩻမꩻတဲင်တွော့ꩻ (၄၂)နေင်ႏအကို ခွေသွဉ်းကမော့ꩻလွဉ်၊ ခွေသွဉ်းကတလူႏလွဉ်ဗာႏ အယပ်ꩻအခုဲင်ႏတွမ်ႏ အဆင်ႏကပြေႏဖုံႏ ဟော်ꩻတရာꩻနယ်ꩻနဝ်ꩻ- ခွေသွဉ်းတိန်ႏယူႏချာတွော့ꩻ ထွာ(၉)မျိုꩻနုဲင်းယိုသွူ။\nအမုဲင်(၁)\"ဟော်ꩻတရာꩻနယ်ꩻ\"၊ \"ရွစ်ပါဠိ၊ ဖေႏအနက်၊ ခြုဲင်းအဓိပ္ပါယ်ႏ၊ ဟော်ꩻတရာꩻ\"။\nနဝ်ꩻမꩻတဲင်တွော့ꩻ နီဗွေႏသီး သွဉ်တန်ꩻတာႏ နီဗွေႏစင်ꩻတန် \"ဗွေႏစန္ဒာဝရ\"ကတဲမ်းဒါႏလိတ်အုပ် နီဗွေႏသီးထွားမွိုင်ႏ၊ လိတ်မဲ့ငါ(၇၈)၊ လိတ်မဲ့ငါ(၇၈)ဒါႏနအချုက်၊ \"ရွစ်ပါဠိ\"တဲ့။ ရွစ်ပါဠိယိုနဝ်ꩻ- (က) ရွစ်ရိုꩻရိုꩻ ထွို့ꩻတဝ်းငဝ်းတဲ့အဝ်ႏ၊ (ခ) နဝ်ꩻမꩻတဲင် ထွို့ꩻပသာႏသာႏ၊ နာႏဖေႏနေးကဟဝ်နုဲင်းနဝ်ꩻတဲ့အဝ်ႏ၊ (ဂ) ထွို့ꩻဆွာꩻလွဉ်ꩻငဝ်း နုဲင်းစွဉ်ႏငဝ်းသချင်ꩻပုံႏနဝ်ꩻတဲ့အဝ်ႏ။\nနဝ်ꩻသွံမျိုꩻနဝ်ꩻ ဆရာႏတောႏတန်သီးဖုံႏနဝ်ꩻ သုံꩻအနယ်ꩻ(၁)ဗာႏ ရွစ်ရိုꩻရိုꩻ-\nဒါနံ သဂ္ဂဿ သောပါနံ၊\nဒါနံ ပါထေယျ မုတ္တမံ။\nဒါနံ ဥဇုဂတံ မဂ္ဂံ၊\nဒါနံ မောက္ခပဒံ ဝရံ။\nရွစ်ရိုꩻရိုꩻနုဲင်းနဝ်ꩻတဲ့အဝ်ႏ၊ နဝ်ꩻမꩻတဲင် ဗွေႏဆရာႏတောႏသီးဖုံႏနဝ်ꩻ ရွစ်ရိုꩻရိုꩻနုဲင်းနဝ်ꩻ၊ ကွပ်ပွိုးနဝ်ꩻမꩻ နီဗွေႏသီး နေးတွမ်ႏတရာꩻယိုတွော့ꩻ ပူႏဇောႏဘုရာꩻတဲ့ ဖေႏကမွေးတွော့ꩻ ရွစ်ရိုꩻရိုꩻစံꩻမွိုင်၊ ဖတ်ရိုꩻရိုꩻစံꩻမွိုင်(ဗွေႏသံဃာႏတောႏသီး ရွစ်သွိုလို့ဝင်ꩻ-၁လဲင်ႏ)၊ နဝ်ꩻနဝ်ꩻ ရွစ်ရိုꩻရိုꩻ၊ နဝ်ꩻနဝ်ꩻအမုဲင်(၁)။\nနဝ်ꩻမꩻတဲင် \"ရွစ်ထွို့ꩻပသာႏသာႏငဝ်းတဲ့အဝ်ႏ\"တဲ့၊ နဝ်ꩻမꩻတဲင် ဝင်ꩻကသုံꩻအာနဝ်ꩻ ရဟန်ꩻပေႏ၊ ရဟန်ꩻဆားဖုံႏ လဲင်ႏခါ ကရိုꩻတနယ်ႏထွူတနယ်ႏ၊ တဝေင်ꩻလွေꩻ တဝေင်ꩻအုံ၊ တဒုံနွို့တဒုံထန်ႏ ဝွေꩻဗွေႏသီးကဟော်ꩻနဝ်ꩻ အသုံꩻအာအမုဲင်(ခ) ထွို့ꩻပသာႏသာႏငဝ်းနဝ်ꩻသနယ်။\nနဝ်ꩻမꩻတဲင်တွော့ꩻ နီဗွေႏသီးတဲ့ ထင်ႏသွဉ်တန်ꩻကရိုꩻနဝ်ꩻနဝ်ꩻ အဝ်ႏအွိုးယိုမဉ်ႏသဲင်ꩻနဝ်ꩻ ဟော်ꩻတရာꩻဖေႏနေးကဒါႏ ခွေသွဉ်းကဒါႏသမျပေႏတဲ့ ခွေသွဉ်းသွဉ်ဖေႏ နီဗွေႏသီး၊ \"ထွို့ꩻပသာႏသာႏငဝ်းကရိုꩻ\"နုဲင်းမုဲင်ꩻတွော့ꩻ (ဗွေႏဆရာႏတောႏနမ်း ထွို့ꩻနယ်)၊ ��ာႏစဲင်းစဲင်းသွော့၊ (ထွို့ꩻနယ်ယင်း ၂-လဲင်ႏ)။\nနီဗွေႏသီး ကဒါႏလဲဉ်းသားတဲး မွေးဒျာႏ၊ တဒါႏတဝ်းသား ဖေႏနေးကဒါႏတွော့ꩻ ရွစ်လွဉ်ꩻခွေသွဉ်းတလဲင်ႏမွိုင်၊ (သွဉ်ရွစ်ထွို့ꩻနယ်ဖေႏ၊ သံဃာႏရွစ်လွဉ်ꩻ ၃-လဲင်ႏ)။\nကဉ်းရွစ်စံꩻ (၃)လဲင်ႏမွိုင်၊ (သံဃာႏရွစ် ၁-လဲင်ႏ)၊ အွိုးအဆုဲင်ꩻသွတ်ꩻ \"ဒါနံ\"၊ ဒါနံ-အွဉ်ႏလင်ꩻငဝ်းတွော့ꩻ \"ဒါနံ မောက္ခပဒံ ဝရံ\"၊ ရွစ်ယင်းတလဲင်ႏမွိုင်၊ (သံဃာႏရွစ်ယင်းတလဲင်ႏ)၊ အူးဒူ ယံမွေးစွဉ်ႏထာꩻ၊ ရွစ်ယင်းတလဲင်ႏဟုဲင်း၊ (သံဃာႏရွစ်ယင်းတလဲင်ႏ)၊ အူး ဒူဒူ ယံနုဲင်းလဲဉ်းနဝ်ꩻနောႏ။\nအမုဲင်(၂) \"ဟော်ꩻတရာꩻနယ်ꩻ\"\nနဝ်ꩻမꩻတဲင်တွော့ꩻ ထွားအမုဲင်(၂) \"ရွစ်ပါဠိလွုမ်ꩻ၊ ဖေႏတဝ်းအနက်၊ ခြုဲင်းအဓိပ္ပါယ်ႏ၊ ဟော်ꩻတရာꩻ\"။\nမဉ်ႏဒေါ့ꩻခꩻတနယ်ꩻနဝ်ꩻ ပါဠိတွမ်ႏအဓိပ္ပါယ်ႏနဝ်ꩻ အွဉ်ႏတွယ်ꩻဝင်ꩻတွော့ꩻ ဟော်ꩻတရာꩻ။\nနဝ်ꩻမꩻ ထွားယင်းဗော့ꩻယို၊ \"ရွစ်ပါဠိလွုမ်ꩻ\"တဲ့၊ နီဗွေႏသီး တဲမ်းသေꩻခါꩻဟုဲင်း၊ \"ဒါနံ သဂ္ဂဿ သောပါနံ\"အဓိပ္ပါယ်ႏအချုက်နဝ်ꩻ- \"ဒါႏနနဝ်ꩻ ထွာလူꩻခမ်းတဒေါင်\"၊ ရွစ်ပါဠိ \"ဒါနံ သဂ္ဂဿ သောပါနံ\"၊ အဝ်ႏနဝ်ꩻတွော့ꩻ အဓိပ္ပါယ်ႏအချုက်နဝ်ꩻ- \"ဒါႏနနဝ်ꩻ ထွာလူꩻခမ်းတဒေါင်\"။\nနဝ်ꩻတွော့ꩻ \"ဒါနံ ပါထေယျ မုတ္တမံ-ဒါႏနနဝ်ꩻ ထွာစရိပ်ဟဝ်\"၊ ဥတ္တမံ-နဝ်ꩻ \"မျတ်\"ကရိုꩻနဝ်ꩻ စရိပ်မျန်နုဲင်းနဝ်ꩻစား မဲ့ꩻသေနာႏတဝ်းတွော့ꩻ ထွာစရိပ်ဟဝ်၊ နဝ်ꩻမꩻ အမုဲင်(၃) \"ဒါနံ ဥဇုဂတံ မဂ္ဂံ-ဒါႏနနဝ်ꩻ ထွာတဖူꩻစွဉ်ႏ\"၊ ဒါႏနနဝ်ꩻ ထွာတဖူꩻစွဉ်ႏ။\nနဝ်ꩻမꩻ အမုဲင်(၄)နဝ်ꩻ \"ဒါနံ မောက္ခပဒံ ဝရံ-ဒါႏနနဝ်ꩻ လꩻယိုꩻအီနိဗ္ဗာန်ႏ\"၊ ဒါႏနနဝ်ꩻ လꩻယိုꩻအီနိဗ္ဗာန်ႏ။\nနဝ်ꩻထွူတွော့ꩻ အမုဲင်(၂)အလꩻ \"ဖေႏတဝ်းအနက်\"တဲ့၊ ထူႏပါဠိ ဒေါ့ꩻအဓိပ္ပါယ်ႏ၊ ပါဠိတွမ်ႏအဓိပ္ပါယ်ႏ အွဉ်ႏတွယ်ꩻဝင်ꩻတဲ့၊ နီဗွေႏသီးကတဲမ်းခါꩻအတွိုင်ꩻနဝ်ꩻ ဖတ်နယ်ချာမွိုင်၊ ဒါနံ သဂ္ဂဿ သောပါနံ(ဗွေႏဆရာႏရွစ်နယ်ရီး၊ သံဃာႏသီး ရွစ်နယ်ချာ တယ်ႏအထျꩻ)၊ အွိုနဝ်ꩻ ယံတန်မွေးနေ?။\nအမုဲင်(၃) \"ဟော်ꩻတရာꩻနယ်ꩻ\"။ နဝ်ꩻမꩻတဲင် အမုဲင်(၃) \"ပါဠိရွစ်တဝ်းတဲ့၊ အနက်ဖေႏတဝ်း၊ ထူႏအဓိပ္ပါယ်ႏခြေင်ခြေင် ဟော်ꩻတရာꩻ\"။\nထူႏအဓိပ္ပါယ်ႏခြေင်ခြေင် နဝ်ꩻဟွဉ်ႏနဝ်ꩻ၊ ပါဠိရွစ်တဝ်း၊ အနက်ဖေႏတဝ်း၊ ထူႏအဓိပ္ပါယ်ႏခြေင်ခြေင်။\n= ဒါႏနနဝ်ꩻ ထွာလူꩻခမ်းတဒေါင်။\n= ဒါႏနနဝ်ꩻ ထွာစရိပ်ဟောဝ်။\n= ဒါႏနနဝ်ꩻ ထွာတဖူꩻစွဉ်ႏ။\n= ဒါႏနနဝ်ꩻ လꩻယိုꩻအီနိဗ္ဗာန်ႏ။\n\"ဒါႏနနဝ်ꩻ ထွာလူꩻခမ်းတဒေါင်\"နဝ်ꩻ နီဗွေႏသီး အဝ်ႏလိုႏထေဖေႏ ဥပမာႏ၊ ဥပမာႏ- အဝ်ႏအွိုးလ မဉ်ႏထင်ႏကီနဝ်ꩻ တဒေါင်ပါတဝ်း လꩻတဝ်း၊ ထင်ႏဗာႏနေးတွမ်ႏတဒေါင်မꩻ၊ အဝ်ႏနဝ်ꩻထွူနဝ်ꩻမꩻတွော့ꩻ ယိုတဲ့နုဲင်းနဝ်ꩻနေနေ၊ လူꩻခမ်းနဝ်ꩻ အဝ်ႏကီ၊ နိဗ္ဗာန်ႏခမ်းနဝ်ꩻ ထိုလဲဉ်းကလောကနဝ်ꩻက၊ အဝ်ႏအွိုးလ အီႏထင်ႏကီဗာႏ၊ ကွပ်ပွိုးနဝ်ꩻမꩻတဲင် ဒါႏနယိုနဝ်ꩻ တွမ်ႏတဒေါင်ပီဝင်ꩻ၊ ထင်ႏကီအီနုဲင်းနဝ်ꩻ။\nနဝ်ꩻမꩻတဲင်တွော့ꩻ \"ဒါႏနနဝ်ꩻ ထွာစရိပ်ဟဝ်\"၊ လိုꩻလွေꩻတဖသူꩻညာꩻယို နီသွဉ်းသီးနဝ်ꩻ အဝ်ႏယိုကို အီႏလွေꩻနိဗ္ဗာန်ႏနဝ်ꩻက၊ နဝ်ꩻမꩻ ဗော့ꩻလိုꩻလွေꩻတဖူꩻညာꩻတဲ့ အဝ်ႏလိုႏစရိပ်က၊ နဝ်ꩻမꩻ စရိပ်တဲ့ စရိပ်ဟဝ်အဝ်ႏ၊ စရိပ်ညမ်းအဝ်ႏ၊ \"စရိပ်ညမ်း\"ကရိုꩻနဝ်ꩻနုဲင်းမုဲင်ꩻတွော့ꩻ တကွို့ꩻအီတဝ်း၊ တထွာအီတဝ်းအာႏ၊ တထွာအီတဝ်းရဲင်ꩻ၊ နဝ်ꩻနဝ်ꩻ စရိပ်ညမ်းနဝ်ꩻသနဲ့။\n\"စရိပ်ဟဝ်\"ကရိုꩻနဝ်ꩻ နုဲင်းဒဲဉ်အွီႏ၊ ဟန်ႏဟဝ်ဖုံႏနဝ်ꩻ ထွာအီအာႏ၊ ထွာအီရဲင်ꩻနုဲင်းနဝ်ꩻစားဖုံႏ၊ ကွပ်ပွိုးနဝ်ꩻမꩻတဲင် \"ဒါႏနယိုနဝ်ꩻ ထွာအီစရိပ်ဟဝ်\"ဥပမာႏနေးနဝ်ꩻ၊ ဥပမာႏအလောင်ႏအလင် မဉ်ႏအဝ်ႏတဲ့ နီဗွေႏသီး ဥပမာႏထဲင်းထဲင်းနဝ်ꩻသနယ်၊ ယိုနဝ်ꩻ အွဉ်ႏဒေါ့ꩻလေႏကွို့ꩻ ဟော်ꩻဖေႏနေးကဒါႏတွော့ꩻ အခရာႏအဲဉ်ႏအဲဉ်ႏပေႏလွုမ်ꩻ။\nနဝ်ꩻမꩻတဲင် \"ဒါႏနနဝ်ꩻ ထွာတဖူꩻစွဉ်ႏ\"တဲ့၊ နဝ်ꩻမꩻ လွေꩻထာꩻဖေႏနေးကတွိုႏလွေꩻ အရပ်တရပ်၊ ဖေႏနေးကတွိုႏလွေꩻ အထွောင်းတထွောင်းနဝ်ꩻ လွေꩻတဖူꩻကဲင်ႏတွမ်ႏ လွေꩻတဖူꩻစွဉ်ႏနဝ်ꩻ ခꩻမုဲင်ꩻတွိုႏရီး?၊ ခꩻမုဲင်ꩻယိုꩻ? ခမုဲင်ꩻသာႏ?မဉ်ႏရိုꩻနဝ်ꩻ လွေꩻတဖူꩻစွဉ်ႏနဝ်ꩻ တွိုႏရီး၊ လွေꩻတဖူꩻစွဉ်ႏနဝ်ꩻ ယိုꩻ၊ လွေꩻတဖူꩻစွဉ်ႏနဝ်ꩻ သာႏ-စတဲင် ဥပမာႏစားနဝ်ꩻစားတဲ့ ဖေႏသွော့။\nနဝ်ꩻမꩻတဲင် \"ဒါနံ မောက္ခပဒံ ဝရံ\"နဝ်ꩻ လꩻယိုꩻအီနိဗ္ဗာန်ႏ၊ \"လꩻယိုꩻအီနိဗ္ဗာန်ႏ\"ကရိုꩻနဝ်ꩻ နုဲင်းမုဲင်ꩻ? နီဗွေႏသီးစဉ်ꩻစာꩻစံꩻ၊ \"ဒါနတော ဘောဂဝါ-ပေါႏလူႏတန်ꩻထာꩻတဲ့ မဉ်ႏလꩻနိဗ္ဗာန်ႏတဲ့လꩻ၊ မဉ်ႏလꩻတဝ်းနိဗ္ဗာန်ႏတဲ့ ဘဝမုဲင်ꩻတရိုꩻတဝ်း၊ စိုးမုဲင်ꩻတရိုꩻတဝ်း အံႏတာႏတဲ့ခွꩻ၊ အွꩻတာႏတဲ့လုမ်းနဝ်။\nလိုꩻသီးယို သဲစ်ကအဲ့ꩻမဲ့တွော့ꩻ ယောက်ꩻယောက်ꩻယဲက်ꩻယဲက်ꩻ၊ သောက်ꩻသောက်ꩻသဲက်ꩻသဲက်ꩻ ကလွေꩻနဝ်လွေꩻထင်ꩻဗာႏနဝ်ꩻ၊ ယူးတဲ့နဝ်ꩻ၊ ဝါးတဲ့နဝ်ꩻ ပေါႏထာꩻလေသွူတဲင်တွော့ꩻ ကျောင်ႏချာကျောင်ႏငါ၊ လွေꩻချာလွေꩻငါနဝ်ꩻ အမာꩻထမုဲင်ꩻ? ဟို့ꩻဆာႏ၊ လိုꩻသီးတဲ့ သောက်ꩻသောက်ꩻသဲက်ꩻသဲက်ꩻ၊ ယောက်ꩻယောက်ꩻယဲက်ꩻယဲက်ꩻ ကလွေꩻငါလွေꩻချာဗာႏထာꩻနဝ်ꩻ ထမုဲင်ꩻ? ပွိုးဟို့ꩻဆာႏ၊ အံႏတာႏအွꩻတာႏ။\nကွပ်ပွိုးနဝ်ꩻမꩻတဲင်တွော့ꩻ လိုꩻတဖြာꩻတဖြာꩻယို ဒါႏနမဉ်ႏပါလွဉ်၊ ဇာတ်ရီးပွန်အွဉ် မွေးနေႏ? ဒါႏနမဉ်ႏပါလွဉ်နဝ်ꩻ ထုမ်ႏရွဉ်တဲ့ လꩻယိုꩻလဲဉ်းဝင်ꩻ။\n= စိုးရီးပန်အွဉ်၊ မဉ်ႏလူႏလွဉ်၊ ထုမ်ႏရွဉ်ယိုꩻလဲဉ်းဝင်ꩻ။\nနဝ်ꩻတွော့ꩻ လိုꩻယို စူအဝ်ႏနုဲင်းနုဲင်းဝင်ꩻ၊ ခင်ႏအဝ်ႏနုဲင်းနုဲင်းဝင်ꩻ၊ ထုမ်ႏရွဉ်နုဲင်းနုဲင်းဝင်ꩻ ယဟန်ႏသား မွော့လꩻအာ၊ ယဟန်ႏသားလꩻဆေ့ꩻ ပွိုးတမုဲင်ꩻဟောင်း? နဝ်ꩻ ကွပ်စွဉ်ႏဒျာႏ အဒါႏန ပါ\/ပါတဝ်းနဝ်ꩻ အကွာႏနုဲင်းနဝ်ꩻ-စတဲင်စားနဝ်ꩻဖုံႏ နီဗွေႏသီး ဟော်ꩻလုဲင်းလုဲင်း၊ ခြုဲင်းစွုမ်ႏစွုမ်ႏသွော့။\nလိုꩻတဖြာꩻယို ဗော့ꩻဒဲဉ်အံႏလုမ်း၊ ဗော့ꩻအခြွေဗော့ꩻအခြာႏ၊ ဗော့ꩻအချမ်ꩻသာႏနဝ်ꩻ ဒါႏနတဲ့ ကမ်းသꩻမာꩻလꩻဒျာႏ၊ သီႏလတဲ့ ကမ်းသꩻဆောက်တယ်ႏ ဆောက်တယ်ႏနွောင်ꩻဒျာႏ၊ ဘာႏဝနာႏတရာꩻတဲ့ မဉ်အုံတလာနဲ့၊ နီလာနဲ့၊ တနေင်ႏနဲ့ နန်းခရာႏတလိုႏတဝ်း အုံနွောင်ꩻဒျာႏ၊ ဗော့ꩻမာꩻနွောင်ꩻဟဝ်ဟဝ်ဒါႏန၊ ဗော့ꩻမာꩻနွောင်ꩻဟဝ်ဟဝ် သီႏလ၊ ဗော့ꩻမာꩻနွောင်ꩻဟဝ်ဟဝ်ဘာႏဝနာႏနဝ်ꩻ၊ နဝ်ꩻနဝ်ꩻတဖြာꩻ။\nပါꩻတဖြာꩻနဝ်ꩻ ဒါႏနတဲးတဲးဝါးဝါးတဲ့ လူႏဗာႏတဝ်း၊ နဝ်ꩻမꩻတဲင် သီႏလတဲးတဲးဝါးဝါးတဲ့ အီႏဆောက်တယ်ႏတဲ့ အခိန်ႏအဲဉ်ထဝ်း၊ ဘာႏဝနာႏတရာꩻ-ကရိုꩻနဝ်ꩻတဲ့ တန်ꩻတဝ်း၊ ပါꩻတဖြာꩻနဝ်ꩻ မာꩻတဲးတဲးဝါးဝါးဗာႏ၊ တွမ်ႏပါꩻတဖြာꩻနဝ်ꩻ တမာꩻတဲးတဲးဝါးဝါးတဝ်း၊ ဝွေꩻသီးဝင်ꩻနီနဝ်ꩻ ခꩻမုဲင်ꩻအီႏလꩻယိုꩻနိဗ္ဗာန်ႏ? ခဉ်ႏထွားစံꩻနဝ်ꩻ၊ ပါꩻကမာꩻတဲးတဲးဝါးဝါးဗာႏနဝ်ꩻ လꩻယိုꩻနိဗ္ဗာန်ႏ။\nကမာꩻတဲးတဲးဝါးဝါးဗာႏ အထျꩻအထောင်ꩻ၊ အမောင်ꩻအွိုးအမော့ꩻနဝ်ꩻ ထမုဲင်ꩻအဝ်ႏ? ဒါႏနအဝ်ႏ။\n= ဒါႏနပန်အွဉ်၊ ကွပ်ပါလွဉ်၊ ထုမ်ႏရွဉ်လꩻလွိုဝင်ꩻ။\nတဲမ်းသေꩻခါꩻနဝ်ꩻတငွါ \"ဒါႏနပန်အွဉ်၊ ကွပ်ပါလွဉ်၊ ထုမ်ႏရွဉ်လꩻလွိုဝင်ꩻ\"(ဗွေႏဆရာႏရွစ်နယ် နီလဲင်ႏ)၊ ရွစ်စံꩻတလဲင်ႏမွိုင် (သံႏဃာႏရွစ် ၁-လဲင်ႏ)၊ နဝ်ꩻနဝ်ꩻ ဒါနံ၊ ယိုနဝ်ꩻ ဟော်ꩻဒါႏနခရာႏက၊ ကွပ်ပွိုးနဝ်ꩻမꩻ အွဉ်ႏလွောက်ꩻတွမ်ႏ ဒါႏနနဝ်ꩻ။\nအမုဲင်(၄) \"ဟော်ꩻတရာꩻနယ်ꩻ\"\nနဝ်ꩻမꩻတဲင်တွော့ꩻ အမုဲင်(၄) \"ပါဠိ၊ အဓိပ္ပါယ်ႏနဝ်ꩻ စန်ႏနေးလင်္ကာႏ ခြုဲင်းအဓိပ္ပါယ်ႏ ဟော်ꩻတရာꩻ\"တဲ့။\nနဝ်ꩻ ထွားချာဗော့ꩻ သွဉ်တန်ꩻနီဗွေႏစန္ဒာဝရက တဲမ်းနဝ်ꩻမွိုင်၊ ယိုနဝ်ꩻ စန်ႏနေးလင်္ကာႏတဲင် ဟော်ꩻတရာꩻ၊ \"ဒါနံ သဂ္ဂဿ သောပါနံ\"နဝ်ꩻ ဝွေꩻဗွေႏစန်ႏနုဲင်းမုဲင်ꩻ?\n= ဒါႏနလူႏငါ၊ ပီဗွန်ထွာ၊ ခင်ႏကာတဒေါင်သွူ။\nနဝ်ꩻလင်္ကာႏ-\n= \"ဒါနံ ပါထေယျ မုတ္တမံ\"နဝ်ꩻ-\nဒါႏနလူႏဗာႏ၊ ပီဗွန်ငါႏ၊ ရိက္ခာႏဒဲဉ်လွမ်ꩻသွူ။\nနဝ်ꩻမꩻတဲင် \"ဒါနံ ဥဇုဂတံ မဂ္ဂံ\"နဝ်ꩻ ပါဠိတဲ့ ရွစ်တဝ်း၊ အနက်တဲ့ ဖေႏတဝ်း၊ စန်ႏနေးအလင်္ကာႏနဝ်ꩻ။\n= ဒါႏနထွာမဲဉ်ႏ၊ တဖူꩻစွဉ်ႏ၊ တွိုႏစွဉ်ႏခမ်းဟဝ်သွူ။\nခွေသွဉ်းဥယျောဇန ဩဝါဒဂါႏထာႏကိုနဝ်ꩻ \"လင်္ကာႏတဖဲစ်\"ကရိုꩻနဝ်ꩻပါ၊ ယိုသွူသနယ် လင်္ကာႏတဖဲစ်၊ \"တဖဲစ်\"နုဲင်းမုဲင်ꩻနဲးတဲင်တွော့ꩻ \"မဲဉ်ႏ\"တွမ်ႏ\"စွဉ်ႏ\"နဝ်ꩻ အမန်ႏတဗာႏနဝ်ꩻ ကာရန်တဗွန်တဝ်းလို့ဝင်ꩻ၊ အွိုးသူꩻနဝ်ꩻ \"စွဉ်ႏ\"ဒျာႏ၊ ယိုနဝ်ꩻ \"မဲဉ်ႏ\"ဒျာႏ၊ နဝ်ꩻမꩻ အွဉ်ႏအံႏနွိုင်ႏနေးနဝ်ꩻ ထွာလင်္ကာႏတဖဲစ်၊ အွဉ်ႏတဖဲစ်ဗာႏနေးလွုမ်ꩻ၊ အဓိပ္ပါယ်ႏနဝ်ꩻ သမ်းလꩻနုဲင်းယို၊ လဲ့ꩻတလွစ်တဝ်းမꩻ စန်ႏဗာႏနုဲင်းယို၊ နဝ်ꩻနဝ်ꩻ လင်္ကာႏတဖဲစ်။\n= ဒါႏနထွာမဲဉ်ႏ၊ တဖူꩻစဲဉ်ႏ၊ တွိုႏရဲဉ်ႏခင်ႏလမ်းဟဝ်။\nမဉ်ႏမာꩻစားနဝ်ꩻစားတဲ့ လꩻဒျာႏ၊ ကွဲႏတွော့ꩻ အဓိပ္ပါယ်ႏ သမ်းတယံတဝ်းနုဲင်းယို၊ ယိုနဝ်ꩻ \"ဒါႏနထွာမဲဉ်ႏ၊ တဖူꩻစွဉ်ႏ\"ထိုꩻဝင်ꩻ၊ တဖူꩻစွဉ်ႏဒျာႏနော၊ တဖူꩻမဲဉ်ႏမွေးတဝ်း၊ တဖူꩻစွဉ်ႏဒျာႏ၊ \"ဥဇု-လွေꩻဗာႏစွဉ်ႏစွဉ်ႏနဝ်ꩻ ဂတ၊ လွေꩻဗာႏစွဉ်ႏစွဉ်ႏနဝ်ꩻ ယိုနဝ်ꩻစွဉ်ႏဒျာႏ၊ စဲဉ်ႏမွေးတဝ်းနဝ်၊ ကွပ်ပွိုးနဝ်ꩻမꩻ လင်္ကာႏယိုတဲ့ လꩻနုဲင်းယိုလွုမ်ꩻ၊ လင်္ကာႏတဖဲစ်။\nနဝ်ꩻမꩻတဲင် \"ဒါနံ မောက္ခပဒံ ဝရံ\"နဝ်ꩻ- \"ဒါႏနပင်ႏကီ၊ လꩻယိုꩻအီ၊ ဖျော်ကီနိဗ္ဗာန်ႏသွူ။\"\nမဉ်ႏနုဲင်းအမုဲင်(၄)စန်းနေးလင်္ကာႏ၊ ခြုဲင်းအဓိပ္ပါယ်ႏနဝ်ꩻ စန်ႏလင်္ကာႏနယ်ꩻတဲ့ နီဗွေႏသီးသမ်းအဝ်ႏလိုႏသေ၊ တဲမ်းမွိုင်စန်ႏလင်္ကာႏနယ်ꩻ- အနယ်ꩻယိုအတွိုင်ꩻပေႏနဝ်ꩻသနယ်၊ အနယ်ꩻတဲး အဝ်ႏအာတန်တွော့ꩻ ယိုအတွိုင်ꩻပေႏနဝ်ꩻသနယ်။\n\"လစ်ꩻဖြုံႏအစ\" ခွေသွဉ်း အွိုးတမုဲင်ꩻသူꩻတဲ့ပါ၊ ဥယျောဇနဂါႏထာႏကိုသူꩻတဲ့ပါ။\n\"လစ်ꩻဖြုံႏအစ၊ ထဝသွံငွါ\" (ရွစ်နယ် ၂-လဲင်ႏ)။\n\"လစ်ꩻဖြုံႏအစ၊ ထဝသွံငွါ၊ အနာငတ်ꩻ-နွုတ်ꩻ\"လိတ်အုပ်ယို လိတ်မဲ့ငါ(၁၂)ကိုနဝ်ꩻပါ။\n\"လစ်ꩻဖြုံႏအစ၊ ထဝသွံငွါ၊ အနာငတ်ꩻ-နွုတ်ꩻ\"\nဖတ်စံꩻဖွိုင်ꩻ-လစ်ꩻဖြုံႏအစ (သံဃာႏဖုံႏဖတ်နယ်ချာ)၊ နဝ်ꩻမꩻ ထွားယင်း ခွေသွဉ်းဩဝါဒ ဟန်ႏရဝ်ꩻနဝ်ꩻ။\nအမုဲင်(၃)\n\"ပိဋကတ်ကို၊ ပါတဝ်းယို၊ မုဲင်ꩻကိုဟော်ꩻမွုန်းနေား\"။\n\"ပိ-ဋ-ကတ်-ကို\" လစ်ꩻဖြုံႏ၊ \"ပါ-တဝ်း-ယို\"သွံဖြုံႏ၊ \"မုဲင်ꩻ-ကို-ဟော်ꩻ-မွုန်း-နေား\"ငတ်ꩻဖြုံႏ၊ နဝ် \"လစ်ꩻဖြုံႏအစ၊ ထဝသွံငွါ၊ အနာငတ်ꩻ\"သနယ်။\nတိန်ႏတွိုႏအနာနွတ်ꩻ���ဝ်ꩻ ထွားအမုဲင်(၄)နဝ်ꩻဟုဲင်း၊ \"ဟော်ꩻတရာꩻမား\"လစ်ꩻငွါ၊ \"ကေားကနာႏ\"သွံငွါ၊ \"ထွာဒါႏမိစ္ဆာႏဒိဋ္ဌိနေား\"နွုတ်ꩻ။\nကွပ်ပွိုးနဝ်ꩻမꩻတဲင်တွော့ꩻ \"လစ်ꩻဖြုံႏအစ၊ ထဝသွံငါ\"အနာနဝ်ꩻ အွဉ်ႏထန်ႏ၊ အနာနဝ်ꩻ မာꩻလွေꩻငတ်ꩻလꩻဒျာႏ၊ အနာနဝ်ꩻ အွဉ်ႏနွုတ်ꩻနုဲင်းယိုတဲ့ လꩻဒျာႏ၊ ဩဝါဒငတ်ꩻပုဒ်ကိုယိုနဝ်ꩻနဝ်ꩻ အနာငတ်ꩻနဝ်ꩻနဝ်ꩻ လစ်ꩻပုဒ်၊ အနာနွုတ်ꩻနဝ်ꩻ ထွာအမုဲင်(၄)နဝ်ꩻသနယ်၊ \"ထွာဒါႏ မိစ္ဆာႏဒိဋ္ဌိနေား\"။\nနဝ်ꩻ ဗွေႏစင်ꩻတန် စန္ဒာဝရ ကတဲမ်းတဲ့နုဲင်းနဝ်ꩻနေနေ၊ ယထွောင်းထွောင်းနဝ်ꩻ အွဉ်ႏသွတ်ꩻငတ်ꩻငွါ၊ ယထွောင်းထွောင်းတဲ့ အွဉ်ႏသွတ်ꩻနွုတ်ꩻငွါနုဲင်းနဝ်ꩻတဲ့အဝ်ႏ၊ အနယ်ꩻနဝ်ꩻသွူ။\nနဝ်ꩻနဝ်ꩻ မဲ့ꩻနီဗွေႏသီး အုံထာꩻစန်ႏပဆိုးသွော့ လင်္ကာႏစန်ႏနဝ်ꩻစားနဝ်ꩻ၊ \"ဟော်ꩻအီဖေႏကဒါႏ စန်ႏလင်္ကာႏ ဖေႏနေးကထွာ၊ ဟော်ꩻအီဖေႏနေးကဒါႏ စန်ႏလင်္ကာႏဖေႏကထွာ\"နဝ်။\nနဝ်ꩻတွော့ꩻ ဒေါ့ꩻရိုꩻရိုꩻအဓိပ္ပါယ်ႏနုဲင်းအမုဲင်(၂)နဝ်ꩻဟွဉ်ႏတရိုꩻတဝ်း၊ အမုဲင်(၃)တွော့ꩻ စန်းလင်္ကာႏတရိုꩻတဝ်းနဝ်ꩻ ထေဖေႏသွော့ ဥပမာႏ၊ ဥပမာႏတဒေါင် ဥပမာႏဗာႏနုဲင်းမုဲင်ꩻ?၊ နဝ်ꩻမꩻ နီစရိပ်-ရိက္ခာႏ ဥပမာႏဗာႏနုဲင်းမုဲင်ꩻ?။\nနဝ်ꩻမꩻတဲင်တွော့ꩻ တဖူꩻစွဉ်ႏကရိုꩻနဝ်ꩻ \"တဖူꩻစွဉ်ႏ\"ကရိုꩻနဝ်ꩻနုဲင်းမုဲင်ꩻ?၊ နဝ်ထင်ꩻတွို့ꩻကွဉ်ႏ တဖူꩻစွဉ်ႏနဝ်ꩻသနယ်၊ တဖူꩻစွဉ်ႏတဖူꩻဟဝ်-စတဲင်စားနဝ်ꩻ \"လꩻယိုꩻအီနိဗ္ဗာန်ႏ\"နုဲင်းမုဲင်ꩻ?စတဲင်နဝ်ꩻဟွဉ်ႏ ခွေသွဉ်းကခြုဲင်းနယ်အတွိုင်ꩻ ဟော်ꩻသွော့နုဲင်းနဝ်ꩻ။\nအမုဲင်(၅) ဟော်ꩻတရာꩻနယ်ꩻ။ နဝ်ꩻတွော့ꩻ ဟော်ꩻတရာꩻအနယ်ꩻ အမုဲင်(၅) \"ခြုဲင်းလို့ဝတ္ထုတွဲꩻ ဟော်ꩻတရာꩻ\"တဲ့။\nခြုဲင်းလို့ဝတ္ထုတွယ်ꩻ ဟော်ꩻတရာꩻ၊ ဥပမာႏ- အနာႏထပိဏ်ႏသဌေꩻ အပိုခိုကာဠအခန်ꩻ အွဉ်ႏဒေါ့ꩻခန်းပုံႏစံႏဟုဲင်း၊ အဝ်ႏနဝ်ꩻထွူတွော့ꩻ ဝတ္ထုနဝ်ꩻတတွယ်ꩻနဝ်ꩻ ခြုဲင်းအပိုခရာႏလွုမ်ꩻတကာႏတဝ်းတွော့ꩻ ခြုဲင်းပါစွဉ်ႏ၊ ခြုဲင်းလို့ခြုဲင်းလစွဉ်ႏ၊ နဝ် အဖါခရာႏတဲ့ပါ၊ အမွိုးခရာႏတဲ့ပါ၊ အဖါကလူႏဒါႏ ကျောင်ꩻဇေႏတဝွန်ႏနဝ်ꩻတဲ့ အခရာႏနဝ်ꩻတဲ့ပါ-စတဲင် စားနဝ်ꩻစားဖုံႏ။\nတယ်ႏအထျꩻဗꩻအနာ ကသေထွိုက်၊ ကသေသင်ꩻဒါႏ လို့လို့စင်စင်ဖုံႏနဝ်ꩻ ခြုဲင်းလွေꩻနုဲင်းနဝ်ꩻ၊ မဉ်ႏခြုဲင်းလွေꩻနုဲင်းနဝ်ꩻတဲ့ ထွာဒျာႏတရာꩻတပုဒ်နေနေ၊ ထွာဒျာႏတရꩻတပုဒ်နေနေ၊ အမုဲင်(၅)နဝ်ꩻ ခြုဲင်းလို့ဝတ္ထုတွယ်ꩻဟော်ꩻတရာꩻ။\nဝတ္ထုတွဲꩻမုဲင်ꩻမုဲင်ꩻတဲ့ယဝ်း ဘုရာꩻကဟော်ꩻသေꩻခါꩻအတွိုင်ꩻ၊ အ��္ဌကထာႏဆရာႏ ကဗွောင်သေꩻခါꩻအတွိုင်ꩻ တယ်ႏအထျꩻ ဗꩻအနာတွော့ꩻ ဟော်ꩻခြုဲင်းလွေꩻစားနဝ်ꩻစားနဝ်ꩻ၊ နဝ်ꩻတဲ့ ထွာဒျာႏတရာꩻနေနေ။\nနုဲင်းခွေသွဉ်းကရိုꩻ နဝ်ꩻဟွဉ်ႏနဝ်ꩻသနယ် အနာႏထပိဏ်ႏသဌေꩻ၊ အနာႏထပိဏ်ႏသဌေꩻ ကခွဲးတွမ်ႏဘုရာꩻ၊ ကမော့ꩻတွမ်ႏဘုရာꩻနဝ်ꩻ အခိန်ႏမုဲင်ꩻ?၊ ကလူႏဗာႏဇေႏတဝွန်ႏကျောင်ꩻ၊ ကဖြေꩻထွိုက် ကဖြေꩻတန်ႏဗာႏဟံႏနဝ်ꩻ ပွိုးအကျောင်ꩻခရာႏထမုဲင်ꩻ?၊ နဝ်ꩻမꩻတဲင် အနာႏထပိဏ်ႏသဌေꩻယိုနဝ်ꩻ အမော့ꩻဗာႏ ထာꩻဒုက္ခဘဝနုဲင်းမုဲင်ꩻ?\nနဝ်ꩻမꩻ အနာႏထပိဏ်ႏသဌေꩻမာတွမ်ႏ သဌေꩻတမုဲင်ꩻမာနဝ်ꩻ တဖူးဝေးဝင်ꩻနုဲင်းမုဲင်ꩻ? စတဲင်အခရောင်ꩻခရာႏစားနဝ်ꩻဖုံႏ ကသေထွိုက်သေသင်ꩻ ဟော်ꩻလို့ဟော်ꩻစင်စားနဝ်ꩻနဝ်ꩻ တယ်ႏအထျꩻဗꩻအနာ ဟော်ꩻလွေꩻတရာꩻနုဲင်းနဝ်ꩻတဲ့ ထွာဒျာႏတရာꩻတပုဒ်နေနေ။\nအမုဲင်(၆)ဟော်ꩻတရာꩻနယ်ꩻ \"ထူႏတဝ်းဝတ္ထု၊ ထူႏကွို့ꩻအအဲဉ်ႏချုက်ဟော်ꩻတရာꩻ\"။\nနီဗွေႏသီး ဟော်ꩻတရာꩻဖေႏကဒါႏ ဥပမာႏ ထေနယ်ဝတ္ထုနီပုဒ်ငါ- ခွန်ဗိမ္ဗိသာရတွမ်ႏ အနာႏထပိဏ်ႏသဌေꩻ၊ ခွန်ဗိမ္ဗိသာရတွမ်ႏ အနာႏထပိဏ်ႏသဌေꩻ၊ ခွန်ဗိမ္ဗိသာရတဲ့ သောႏတာႏပန်ႏပုဂ္ဂိုလ်ႏနေနေ၊ လꩻတမဂ်တဖိုလ်ႏ သောႏတာႏပန်ႏပုဂ္ဂိုလ်ႏ၊ အနာႏထပိဏ်ႏသဌေꩻတဲ့ လꩻတမဂ်တဖိုလ်ႏ သောတာႏပန်ႏပုဂ္ဂိုလ်ႏနေနေ။\nနဝ်ꩻထွူတွော့ꩻ ဗိမ္ဗိသာရနဝ်ꩻ ခွန်တန်၊ ပေါႏရိုꩻခွန်တဲ့ တခြိုꩻ၊ ပစ္စေꩻ၊ ဥစ္စာႏ လွိုင်ႏခြွေခြာႏ၊ အနာႏထပိဏ်ႏသဌေꩻနဝ်ꩻတဲ့ ခွန်တမွေးတဝ်းစွဉ်ႏတဲ့ ဝင်ꩻသဌေꩻတန်တန်နေနေ၊ ပစ္စေꩻ၊ ဥစ္စာႏလွိုင်ႏခြွေခြာႏနေနေ။\nနဝ်ꩻတွော့ꩻ ဗိမ္ဗိသာရနဝ်ꩻ အပိုခိုအဝ်ႏတဖြာꩻ၊ အပိုခိုနဝ်ꩻ အဇာတသတ်၊ မဉ်ႏထွာပါဠိနဝ်ꩻ \"အဇာတသတ္တု\"၊ အဇာတ-ခါးလားကလွူးကာႏ၊ သတ္တု-ထွာအဖါရန်ႏသူႏ၊ အဇာတ-ခါးလားကလွူးကာႏ၊ သတ္တု-ထွာအဖါရန်ႏသူႏ၊ ထွာအဖါရန်ႏသူႏနဝ်ꩻနဝ်ꩻ ပုဏ္ဏာꩻသီးဟော်ꩻလဲဉ်းသွူ။\nနဝ်ꩻတွော့ꩻ ဝွေꩻနဝ်ꩻ အဖါနဝ်ꩻ ရက်ငါႏအပိုတဲင် 'လိုꩻပေႏကွို့ꩻလွုမ်ꩻက၊ လွူးစွဉ်ႏဝွေꩻနဝ်ꩻသနယ်၊ အွိုးအမာနဝ်ꩻ ကျမ်ႏယားနဝ်၊ အဖါဖေႏယားတဝ်း၊ ဖါသီးမေတ္တာႏ၊ ဟော်ꩻနဝ်ꩻတဲ့ လꩻဒျာႏသွူ၊ ဖါသီးမေတ္တာႏနဝ်ꩻ လွူးဒျာႏ၊ 'ပိုဒျာႏ လိုꩻပေႏလွုမ်ꩻက၊ ခွေနဝ်ꩻ လိုꩻတန်ဟ သွဉ်တဲ့ လꩻဗာႏနေနေမတဝ်'ဖေႏယားတဝ်း၊ အဇာတသတ်။\nအဝ်ႏနဝ်ꩻထွူတွော့ꩻ အနာႏထပိဏ်ႏသဌေꩻတဲ့ ပိုခိုနဝ်ꩻ 'ကာဠ'၊ တဲက်ထွားလို့ဝင်ꩻဟုဲင်း၊ အဖါရွဉ်သားနုဲင်းနုဲင်းဝင်ꩻ၊ 'အဇာတသတ်-ကာဠ'၊ နဝ်ꩻတွော့ꩻ ယူႏလွေꩻ ဗိမ္ဗိသာရပို အဇာတသတ်နဝ်ꩻ၊ အဇ��တသတ်ယိုနဝ်ꩻ ဒေဝဒတ်တိန်ႏလွဉ်ချောက်၊ ဖန်ဆင်ꩻလွဉ်နေးအနမ်းမင်ꩻသာꩻ၊ ဗဲဉ်တွမ်ႏရူးတန်၊ နီဗွေႏသီးအဝ်ႏသေဒျာႏအတွိုင်ꩻနဝ်ꩻတွော့ꩻ ဒေါ့ꩻဒွုမ်အလုဲင်းခြုဲင်းဒွုမ်အစွုမ်ႏ။\nတွော့ꩻ နဝ်ꩻတခန်ꩻနဝ်ꩻ အထူꩻထူꩻကိုနဝ်ꩻ မာꩻနေးထမုဲင်ꩻ၊ ခြုဲင်းလို့တဝ်းတဲ့၊ ထူႏသွဉ်ခန်ꩻတာႏလွုမ်ꩻ၊ အအဲဉ်ႏချုက်၊ နဝ်ꩻထွူတွော့ꩻ ခွန်အဇာတသတ် ဒေဝဒတ်လွဉ်ချောက်စားနဝ်ꩻစားနဝ်ꩻ အဖါသေတဝ်းနဲ့?၊\n\nလွေꩻလူႏဒေဝဒတ်သွမ်ꩻ တနီꩻတနီꩻယိုနဝ်ꩻ ကားမုဲင်ꩻဖွိုင်ꩻ? ကားမုဲင်ꩻဖွိုင်ꩻနဝ်ꩻ အဖါသေတဝ်းနဲ့? နဝ်ꩻ အဖါသေဗာႏသနဲ့။\nအဖါအဝ်ႏသေသွူနုဲင်းနဝ်ꩻနဝ်ꩻ အဖါမွော့ ဆုံꩻမꩻတဝ်း? ရီခရာႏအဝ်ႏအာတန်၊ ပွိုးထမုဲင်ꩻ? အဖါမွော့ ဆုံꩻမꩻတဝ်း၊ နဝ်ꩻ၊ အဝ်ႏနဝ်ꩻထွူတွော့ꩻ ဒေဝဒတ်တိန်ႏချောက်လꩻထွူတွော့ꩻ ဒေဝဒတ်ရိုꩻနုဲင်းမုဲင်ꩻ?\n\"အုံပွေါးသီဖါသီထွူမꩻ နာꩻအီႏထွာဗာႏခွန်နဝ်ꩻ တောႏတောႏနာꩻတထွာဗာႏတဝ်းကွေး၊ မာꩻသီ သီဖါဟုဲင်း၊ ထွာသော့ꩻခွန်ဟုဲင်း၊ ခွေမာꩻသီဘုရာꩻ ခွေထွာသော့ꩻဘုရာꩻ\"ဒေဝဒတ် အော်ကုဲင်နုဲင်းနဝ်ꩻတဲ့။\nဒေဝဒတ် ကအော်ကုဲင်ခါꩻအတွိုင်ꩻနဝ်ꩻထ အဇာႏတသတ်နဝ်ꩻ ယွုမ်း၊ ယွုမ်းမွေးစွဉ်ႏ ဒေဝဒတ်၊ ပညာႏအဲဉ်ထဝ်းဟ၊ လိုꩻပေႏလွုမ်ꩻဟနော၊ \"လိုꩻပေႏ\"ကရိုꩻနဝ်ꩻ သက်(၁၆)\/(၁၇)ရပ်လဲဉ်းနေနေ၊ အကျမ်ႏသီအဖါတွော့ꩻ မာꩻနုဲင်းမုဲင်ꩻတွော့ꩻ နꩻပေႏတဗာႏနဝ်ꩻ စွိုင်ပြောက်အကီႏသူꩻ၊ ဝင်ꩻအဝ်ႏအုံလင်ꩻ ပွယ်ꩻအုံကွံတွင်ꩻကိုတန်နဝ်ꩻ နွို့လွဉ်၊ အလောင်ႏလွိုးသမ်းကြာꩻ၊ အမူꩻအမတ်ဖုံႏ ရိက္ခေႏလꩻနဝ်၊ တိန်ႏရိက္ခေႏလꩻတွော့ꩻ ဝွေꩻသီးသောက်၊ တိန်ႏသောက်တွော့ꩻ မော့ꩻနꩻပေႏနဝ်။\nမော့ꩻနꩻပေႏနဝ်ꩻ- \"မာꩻအီထမုဲင်ꩻယို?\"၊ \"မာꩻသီအီနီဖါ\" ဝွေꩻတဲ့ ဒေါ့ꩻစွဉ်ႏတရွဉ်းစွဉ်ႏ၊ \"တိန်ႏမာꩻသီနီဖါတွော့ꩻ\"နဝ်ꩻကိုဖုံႏနဝ်ꩻ၊ ပရိသတ်ဖုံႏနဝ်ꩻ ရိုꩻနုဲင်းမုဲင်ꩻတွော့ꩻ ယဟန်ႏသားနဝ်ꩻ \"လွေꩻဒေါ့ꩻဟွုန်က အဖါမꩻ\"၊ ယဟန်ႏသား \"ဒေါ့ꩻဟွုန်ခရာႏလိုႏတဝ်း၊ နီစီႏရင်ႏလွေꩻနေးစွဉ်ႏယို\"နုဲင်းနဝ်ꩻတဲ့အဝ်ႏ၊ အွဉ်ႏဒေါ့ꩻဒွေါင်ႏဒွေါင်ႏငါတွော့ꩻ လွေꩻအွဉ်ႏဒေါ့ꩻဟွုန်အဖါ နဝ်ꩻစားဖုံႏနဝ်ꩻ အနွောင်ꩻထိုꩻ၊ အစွိုꩻနဝ်ꩻ နွောင်ꩻထိုꩻတွော့ꩻ လွေꩻအွဉ်ႏဒေါ့ꩻဟွုန်အဖါ။\nတိန်ႏအွဉ်ႏဒေါ့ꩻဟွုန်အဖါတွော့ꩻ အဖါရိုꩻ\"ပိုခို- နာꩻမာꩻထမုဲင်ꩻ ကျမ်ႏသီတွိုႏခွေ\"၊ \"မဉ်ထွာခွန်\"၊ \"မဉ်ထွာခွန်တဲ့ လꩻဒျာႏပို\"နဝ်၊ အဖါချꩻစွဉ်ႏ အနမ်းအရာႏ၊ ရာႏဇာႏအရန်းနဝ်ꩻ အပ်တေားစွဉ်ႏအပို၊ စဉ��ꩻစာꩻဟုဲင်း၊ နဝ်၊ \"လွောက်ꩻငါႏပိုအလိုႏ\"ရိုꩻဗာႏနုဲင်းနဝ်ꩻသနယ်၊ \"လွောက်ꩻမွေးစွဉ်ႏ ပိုအလိုႏ\"ရိုꩻပနဝ်ꩻသနယ်။\nနဝ်ꩻတွော့ꩻ မဉ်ႏထွာနုဲင်း၊ မဉ်ႏတလွောက်ꩻတဝ်း ပိုအလိုႏနဝ်ꩻ \"ခွေပိုယိုနဝ်ꩻ အပညာႏအဝ်ႏတကားမုဲင်ꩻ?\"၊ အဆင်ႏအရန်း အဝ်ႏတကားမုဲင်ꩻ?၊ အသက်အရွယ်ႏ အဝ်ႏတကားမုဲင်ꩻ? အီႏအုပ်ချုက်ခမ်း၊ အီႏအုက်ချုပ်ထီယိုနဝ်ꩻ နွောင်ꩻနဲ့?၊ နွောင်ꩻတဝ်းနဲ့၊ ဒါႏနဲ့? ဒါႏတဝ်းနဲ့?၊ ခမ်းသားထီသား ထာꩻကွိုꩻ အီႏထွာနဲ့? ထွာတဝ်းနဲ့၊ ခမ်းသားအကျိုꩻ၊ ထီသားအကျိုꩻ အီႏမာꩻနွောင်ꩻနဲ့? မာꩻနွောင်ꩻတဝ်းနဲ့?။\nခမ်းသားထီသား အီႏခိုးလျားလွဉ်ꩻဗာႏနဲ့? ခိုးလျားလွဉ်ꩻဗာႏတဝ်းနဲ့? လိုꩻကအီႏထွာလွဉ်ခွန်တဖြာꩻယို ကအီႏအုပ်ချုက်ဒါႏခမ်း၊ ကအီႏအုပ်ချုက်ဒါႏထီ လိုꩻတဖြာꩻယို အထီအသွီႏ ဖေႏနေးကဗွေနဝ်ꩻ အင်္ဂါႏလက္ခဏာႏနဝ်ꩻ လိုႏအာတန်ဟ၊ ယိုတဲ့လိုႏ၊ ယိုတဲ့လိုႏ၊ ယိုတဲ့လိုႏ-ယိုတဲ့လိုႏ-စတဲင် ကလိုႏလိုႏဖုံႏနဝ်ꩻ အဇာတသတ်၊ အပိုလောင်းနဝ်ꩻ အဝ်ႏနဲ့? အဝ်ႏတဝ်းနဲ့နဝ်ꩻ ခွန်နဝ်ꩻ အဝ်ႏလိုႏယူႏနဝ်။\nပွိုးထမုဲင်ꩻယူႏတဝ်း? \"အရက်လွဉ်ꩻငါႏအပို၊ လွောက်ꩻလွဉ်ꩻငါႏ အပိုအလိုႏ\"ရိုꩻဗာႏနုဲင်းနဝ်ꩻသနယ်၊ ကွပ်ပွိုးနဝ်ꩻမꩻ အပ်ခမ်းအပ်ထီ၊ တိန်ႏအပ်ခမ်းအပ်ထီနဝ်ꩻ ထွာသွူခွန်နဝ်၊ တိန်ႏထွာသွူခွန်တွော့ꩻ လွေꩻဒေါ့ꩻအဆရာႏဒေႏဝဒတ် \"ဗွေႏ-နဝ်ꩻ နီဗွေႏကဖေႏကျံႏဉာဏ်ႏအတွိုင်ꩻ ယိုခါ ခွေသွဉ်းထွာဗာႏလဲဉ်းခွန်နဝ်၊ နီဗွေႏမွော့ မာꩻသီတဝ်းဘုရာꩻအီ?\"၊ နီဗွေႏမွော့ ထွာတဝ်းဘုရာꩻအီ?\"။\nဒေႏဝဒတ်နဝ်ꩻ သမ်းကြဲစ်ဖျင်နဝ်ꩻ \"မောင်ႏပေႏ- ခွန်သီးအမျိုꩻနဝ်ꩻ ပရိယာယ်ႏအာတန်ကွေး၊ အအပ်နာꩻကရိုꩻနဝ်ꩻတဲ့ မဲ့ꩻအပ်လဲဉ်းထာꩻမဲ့ꩻ၊ အပ်ဆောင်းကွို့ꩻထꩻလွုမ်ꩻမဲ့ꩻ၊ ဗွော့ꩻသီဖါ အဝ်ႏကနေးနဝ်ꩻနဝ်ꩻ သꩻတဆွော့ꩻလꩻတဝ်း၊ မာꩻသီ သီဖါဟုဲင်း\"။\nနဝ် သွဉ်ကုဲင်ဖျင်နုဲင်းနဝ်ꩻ \"မာꩻသီ သီဖါဟုဲင်း\"တဲ့၊ နဝ်ꩻမဉ်ႏတဲ့ အဇာတသတ်နဝ်ꩻတဲးတဲ သꩻမျတ်ပေႏနဝ်ꩻ အဝ်ႏဒျာႏနေနေ၊ \"အား- ဖါတန်နဝ်ꩻဟ မာꩻသီဗွုန်ႏတဝ်းဗွေႏ\" အငဝ်းနုဲင်းနဝ်ꩻပေႏ အဝ်ႏထန်ႏနဝ်၊ မဉ်ႏယူႏနဝ်ꩻကိုနဝ်ꩻ မွိုက်တရွိုက်ငါႏ မရေႏမရာႏတဲ့ မွေးတဝ်း၊ ဝင်ꩻသွဉ်ကုဲင်ဒျာႏ၊ ပါꩻအော်ကုဲင်ဒျာႏနဝ်ꩻ။\n\"မာꩻသီဗွုန်ႏတဝ်းတဲ့ ခြင်နေးဝေꩻသနယ်ဟွေး၊ ခြင်ဒျာႏဝွေꩻ၊ ကွဲးညည အံႏဗာႏတဝ်းအာဟာရ၊ မဲ့ꩻအသီဒျာႏ\"နဝ်ꩻ ကွပ်ပွိုးနဝ်ꩻမꩻတဲင် အွဉ်ႏသော့ꩻနေးထောင်ႏနဝ်၊ တိန်ႏအွဉ်ႏသော့ꩻထောင်ႏတွော့ꩻ အမွိုးနဝ်ꩻ ���ေႏသာႏတဝ်းတွော့ꩻ အီလွေꩻဖေႏအဒဲဉ်၊ ပသာဖေႏအဒဲဉ်၊ နဝ်ꩻတွော့ꩻ အဇာတသတ်နဝ်ꩻရိုꩻ-\n\"နီဖါသီလဲဉ်းနဲ့?\"၊ \"သီတဝ်း\"၊ \"အွို ပွိုးတမုဲင်ꩻ သီတဝ်းအီ?\"၊ \"အံႏဗာႏဒျာႏဒဲဉ်ဟ၊ မွိုးအီႏလွေꩻဖေႏဒျႏဟ၊ ပေါႏနဝ်ꩻတဲ့ မွိုး- အီလွေꩻဖေႏဒဲဉ် လꩻတဝ်းကွေး\"၊ နဝ်။\nအဝ်ႏနဝ်ꩻတွော့ꩻ မွိုးမာꩻနုဲင်းမုဲင်ꩻတဲ့ ဝါꩻလဲဉ်းသွူဟ၊ ပိုနဝ်ꩻ သမ်းထွာခွန်၊ ခွန်သီးမျိုꩻယိုထ အဩဇာႏ၊ အာႏဏာႏထ မွိုးခကီ၊ ဖါခကီတဲ့ လဲဉ်းလို့ဒျာႏကနေား၊ ကားတဲင်ခမ်းခကီထီခကီနဝ်၊ ထဩဇာႏအာႏဏာႏနဝ်ꩻ အဝ်ႏသော့ꩻလို့ဝွေꩻစူကိုဟ။\n\"သင်ႏခဲင်ꩻအဝ်ႏ ဝွေꩻနꩻနာ၊ ပင်စားအဝ်ႏဝွေꩻနꩻလောင်း\"ကရိုꩻနဝ်ꩻ ပအိုဝ်ႏငဝ်းနဝ်ꩻအတွိုင်ꩻ နီပအိုဝ်ႏငဝ်းနဝ်ꩻအတွိုင်ꩻ ငမ်းဗာႏလို့ဝွေꩻနဝ်။\nနဝ်ꩻ၊ အီလွေꩻလꩻတဝ်းရိုꩻနဝ်ꩻလဲ့ အမွိုးနဝ်ꩻ ပေါႏအီလွေꩻတဝ်းတဲ့ အဖါသီးအီႏအံႏမထာꩻနဝ်၊ ကွပ်နဝ်ꩻမꩻ နီဗွေႏသီးအဝ်ႏသေဒျာႏအတွိုင်ꩻ သော့ꩻလွေꩻနေးခင်ႏဖါႏကိုနဝ်၊ ကွဲးညညတဲ့ \"ဖါသမ်းအံႏဗာႏဒျာႏအီ၊ မာꩻနုဲင်းမုဲင်ꩻတန်နဝ်\"တဲ့၊ အမတ်ခွဉ်ႏဆေ့ꩻဖုံႏနဝ်ꩻ အဝ်ႏနဝ်ꩻဟ၊ လိုꩻထောင်ႏထိန်ꩻသားဖုံႏနဝ်ꩻ အခွဉ်ႏဆေ့ꩻဖုံႏနဝ်ꩻအဝ်ႏဒျာႏ၊ နေႏရာႏသီႏ ဝင်ꩻလိုႏလဲဉ်ကိုတဲ့ လဲဉ်တဝ်းဟ၊ လွေꩻဒေါ့ꩻစွဉ်ႏတရွဉ်း-\"အသော့ꩻလွေꩻနေး ခင်ႏဖါႏကိုကဗွေႏ\"၊ \"နီမွိုး အီလွေꩻဖေႏ နီဖါဒဲဉ်လꩻတဝ်း၊ ထုမ်းလွေꩻခင်ႏဖါႏ လꩻတဝ်းကွေး\"။\nနဝ်ꩻတဲ့ အမွိုးနဝ်ꩻ စိက္ကူꩻ ကွဲးညပေါက်ဒွုမ်၊ သူႏလွေꩻနေးအနမ်း၊ စတုမဓုဖုံႏ၊ တနေထီ၊ တဝတ်ꩻထီ တိုးဒျာႏအနမ်း၊ တွိုႏလွေꩻအွိုးထောင်ႏကိုနဝ်ꩻ လွေꩻဗွောင်ႏခွမ်ꩻလာꩻ၊ အဝါꩻနဝ်ꩻ အံႏမွစ်ꩻဗာႏနေး၊ နီဗွေႏသီး စဉ်ꩻစာꩻယွယွ၊ ပိုမွိုက်တဖြာꩻ၊ တွိုႏအဖါနဝ်ꩻ အဗာႏမာꩻသီ အွိုးကအဝ်ႏ သန္ဓေႏခါကာႏနဝ်ꩻ အဖါဖေႏမာꩻသီတဝ်း။\nနဝ်ꩻမꩻတဲင်တွော့ꩻ မဉ်ထွာခန်တဲ့ အဖါလဲင်ꩻဖေႏလဲဉ်းခွန်၊ နေႏရာႏသီႏနဝ်ꩻ ဝင်ꩻအဝ်ႏလိုႏကေႏနပ်ငါႏလဲဉ်းသွူ၊ \"ခွေထွာဗာႏလဲဉ်းခွန်ယို\"နဝ်၊ လိုႏကေႏနပ်လဲဉ်း၊ ကေႏနပ်တဝ်းဒွိုန်း၊ လွေꩻယွုမ်းတမွိုꩻတမာꩻတေားဒျာႏ ဒေဝဒတ်ငဝ်း၊ စဉ်ꩻစာꩻဟုဲင်း၊ တိန်ႏတွိုႏနဝ်ꩻတွော့ꩻ ခွန်တဖြာꩻလဲ့ ကွပ်ပိုမွိုက်တဖြာꩻတဲင် လွေꩻအံႏမွစ်ꩻဗာႏနေးအမာ ကအွဉ်ႏပြောက်လွဉ်ဒါႏ စတုမဓုပေႏ၊ တနေထီ၊ တဝတ်ꩻထီပေႏနဝ်ꩻ စဉ်ꩻစာꩻယွယွ၊ သꩻဆာခရာႏတန်။\nနဝ်ꩻတွော့ꩻ သမ်းတသီတဝ်းနဝ်ꩻဟ၊ တိန်ႏသီတဝ်းနဝ်ꩻတွော့ꩻ အမူꩻအမတ် လိုꩻခွဉ်ႏဆေ့ꩻသားနဝ်ꩻ အွဉ်ႏဒေါ့ꩻစွဉ်ႏတရွဉ်းဖျင်စွဉ်ႏဒျာႏ \"အသူႏလွေꩻအနမ်း\"တဲ့၊ \"အား- နီမွိုးယို ပေါႏဖေႏလွေꩻထေ့နီဖါနဝ်ꩻ တမျိုꩻတဝ်းတဲ့တမျိုꩻ အဝ်ႏမာꩻစွဉ်ႏတိတ်ꩻတိတ်ꩻ၊ မွိုး- ကားယိုမာꩻငါ လွေꩻထေ့နီဖါ လꩻတဝ်းကွေး\"နဝ်၊ အမိန်းနဝ်ꩻ တွိုႏလွဉ်စွဉ်ႏ။\nတွိုႏနဝ်ꩻမꩻ အမွိုးနဝ်ꩻ ငွိုးဒေါ့ꩻ၊ ငွိုးဒေါ့ꩻထာꩻ \"ခွန်တန်ဗွေႏ- ကွပ်စွဉ်ႏပိုပေႏမွိုက် အွိုးအစကာႏ၊ ကအဝ်ႏသန္ဓေႏခါကာႏ ကွီယားကုဲင်နဝ်ꩻ နီဗွေႏဖေႏယားတဝ်း၊ ယိုခါ ထွာလဲဉ်းသွူ နီဗွေႏရန်ႏသူႏနဝ်ꩻဗွေႏ၊ တယ်ႏဟန်ႏနီꩻယိုမာꩻငါ၊ တယ်ႏယိုခါမာꩻလွေꩻ လွဉ်ထေ့နီဗွေႏထျꩻ လꩻတဝ်းဒွုမ်တဲ့\"၊ နဝ်ꩻ ဒေါ့ꩻငွိုးဒေါ့ꩻငွိုးထာꩻနဝ်။\nနဝ်ꩻမꩻတဲင်တွော့ꩻ ထောင်ႏထိန်ꩻသားဖုံႏနဝ်ꩻတဲ့ ပေ့ꩻစဝ်းခန်းဒျာႏတခါꩻ၊ ဗိမ္ဗိသာရခွန်တဲ့ စဉ်ꩻစာꩻယွယော့ထာꩻ၊ \"အား- လွူလွူ လဲင်ႏခါ ခွေအီႏအံႏဒွုမ်ထမုဲင်ꩻယို၊ ဝင်ꩻဖေႏအံႏဒွုမ်ခွေတဲ့ယို\"၊ အဝ်ႏနဝ်ꩻတွော့ꩻ ဝွေꩻနဝ်ꩻနဝ်ꩻ လꩻတမဂ်တဖိုလ်ႏ၊ တိန်ႏလꩻတမဂ်တဖိုလ်ႏတွော့ꩻ မတ်ဒျာႏအတရာꩻ၊ ရှုဒျာႏအတရာꩻ၊ ထောင်ချာထောင်ငါ၊ တရာꩻဗွန်နဝ်ꩻ သမ်းအဝ်ႏကုမ်းဖျင်နဝ်ꩻဟ၊ တောႏတောႏသမ်းတသီတဝ်းဟ၊ အဝ်ႏနဝ်ꩻ အပိုနဝ်ꩻ ရီနဝ \"နီဖါနဝ်ꩻ မာꩻတမုဲင်ꩻ မွော့သီဒါႏတဝ်းထာꩻ?\"။\n\"အဝ်ႏထောင်ချာထောင်ငါဒျာႏ၊ အဝ်ႏမတ်ဒျာႏတရာꩻတန်ဗာႏ\"။\n\"အား- နီဖါဗော့ꩻထောင်ဒါႏထာꩻ တောႏတောႏတသီတဝ်း\" အဝ်ႏနဝ်ꩻထွူတွော့ꩻ \"နီဖါ ဖေႏကထောင်ဒါႏမွုန်းထာꩻနဝ်ꩻ အခင်ႏနဝ်ꩻ ဖြဲ့ꩻဟုဲင်း၊ ဖြဲ့ꩻတွမ်ႏနꩻ၊ ဖြဲ့ꩻထွူတွော့ꩻ သူႏတသာႏ ပိန်းမေႏနဝ်ꩻ\"ပိုစဉ်ꩻစာꩻဟုဲင်း နီဗွေႏသီး၊ ယိုကိုနဝ်ꩻ နီဗွေႏသီး မဉ်ႏဟော်ꩻတလွိုးလွိုးထာꩻ၊ ပိုမွိုက်တဖြာꩻယို အနိစ္စက်ဖါတကားမုဲင်ꩻ?၊ ပိုမွိုက်တဖြာꩻယို နီဗွေႏသီး ကထီႏဒါႏလောကလက်ခံႏ အနိစ္စက်မွိုးတကားမုဲင်ꩻ?။\nကနိစ္စက်ဗာႏဖါနဝ်ꩻ ကွပ်ပွိုး၊ ကနိစ္စက်ဗာႏမွိုးနဝ်ꩻ ကွပ်ထမုဲင်ꩻ? ကွပ်ယာအဝ်ႏ၊ ကွပ်ဒဝ်အဝ်ႏ၊ ကွပ်ထာꩻတောႏအဝ်ႏ၊ ကွပ်ထာꩻလောင်ꩻအဝ်ႏ-စတဲင် နီဗွေႏသီးကထီႏထွꩻ၊ နီဗွေႏသီးကသေထွꩻနဝ်ꩻ ယိုကို မဉ်ႏဟော်ꩻသော့ꩻနဝ်ꩻ ဖေႏနေးမွိုးတဖြာꩻ၊ ဖါတဖြာꩻ ကခံႏစာꩻဗာႏစွဉ်ႏ၊ ပိုမွိုက်မဉ်ႏအဝ်ႏမွေး၊ လီꩻမွိုက်မဉ်ႏအဝ်ႏမွေးတဲ့ ဖေႏကထီႏစွဉ်ႏ အပိုမွိုက်၊ အလီꩻမွိုက်မဲ့ငါနဝ်ꩻ နီဗွေႏသီး အဝ်ႏနီဗွေႏသီးထာꩻဟောင်ꩻလောင်း၊ အဝ်ႏနီဗွေႏသီး ထာꩻဒေါ့ꩻလောင်း၊ နီဗွေႏသီး ထာꩻခြုဲင်းလောင်း၊ ဟော်ꩻနုဲင်းနဝ်ꩻ။\nတိန်ႏဟော်ꩻနုဲင်းနဝ်ꩻတဲင်တွော့ꩻ အွိုးကမွိုက်သားတဲ့ သံႏဝွေႏဂ ဖေႏနေးကလꩻ၊ နောင်ႏတတရာꩻ ဖေႏနေးကလꩻစွဉ်ႏ၊ နဝ် အဝ်ႏလိုႏဖေႏနုဲင်းနဝ်ꩻ၊ အဝ်ႏနဝ်ꩻတွော့ꩻ ပါꩻဖြဲ့ꩻမွေးအခင်ႏ၊ ခြဲ့ꩻခင်ႏတွော့ꩻ လဲမ်ႏမေႏ၊ အဝ်ႏတဝျာႏတဝီႏစွဉ်ႏထာꩻ၊ စဉ်ꩻစာꩻဟုဲင်း၊ နဝ်ꩻတွော့ꩻ အွဉ်ႏဒေါ့ꩻဒွေါင်ႏဒွေါင်ႏငါတွော့ꩻ သီထိုꩻမွေးစွဉ်ႏတဲ့၊ လဲꩻထိုꩻမွေးစွဉ်ႏဒျာႏ ခွန်နဝ်ꩻ။\nအဝ်ႏနဝ်ꩻထွူတွော့ꩻ အမတ်နီစွိုꩻနဝ်ꩻ တစွိုꩻနဝ်ꩻ အီထင်ႏလိတ်နီစောင်ႏ၊ အထင်ႏခွဲးလို့ဝင်ꩻဟော်ကီ တခါꩻငွါ၊ တစောင်ႏနဝ်ꩻ လိတ်မင်္ဂလာႏတဲ့၊ တစောင်ႏနဝ်ꩻ လိတ်အမင်္ဂလာႏနဝ်၊ အဝ်ႏနဝ်ꩻတွော့ꩻ အမတ်တန်ရိုꩻ-\"သီနဝ်ꩻ အမင်္ဂလာႏ၊ သီကပ်ဆုဲင်ꩻဟုဲင်း၊ နီလိတ်မင်္ဂလာႏယို ကပ်ရီး\"နဝ်၊ ကပ်လွေꩻခန်းလိတ်။\nအဇာတသတ် တိန်ႏဖတ်လိတ်တွော့ꩻ \"နီဗွေႏ ပိုခိုပေႏ လွူးဖွာꩻလင်ꩻလဲဉ်းသွူ ဗွေႏဩ\"၊ သဲစ်ထီႏလိတ်တဲ့\"အော- ပိုခိုပေႏတန်ႏရိုꩻနဝ်ꩻ သꩻကိုတဲ့ \"ရွူး\"စွဉ်ႏနဝ်၊ သꩻရေꩻမွးစွဉ်ႏထာꩻတဲ့၊ \"အောႏ- နီဖါ၊ နီမွိုးကလွူးစခွေတဲ့ နီဖါအလွိုးသꩻရေꩻနုဲင်းယိုနေနေဗာႏ\" တိန်ႏတွိုႏခန်ꩻနဝ်ꩻမꩻ ယူႏလꩻဖါ။\n\"ဟွေ့- အမူꩻအမတ်ဖုံႏနဝ်ꩻ လွေꩻဟုဲင်း၊ လွေꩻအွဉ်ႏစွꩻမွိုင်မွိုင် နီဖါသူꩻ၊ အွဉ်ႏစွꩻချာယင်းနီဖါသူꩻ\"၊ တွိုႏနဝ်ꩻမꩻ ထွဉ်ႏအွဉ်ႏစွꩻချာအဖါတဲ့၊ တွိုႏဝွေꩻကအွဉ်ႏဖြဲ့ꩻအခင်ႏဖုံႏနဝ်ꩻ ယူႏလꩻယူႏလိꩻဒွုမ်ဟ၊ တွိုႏနဝ်ꩻတွော့ꩻ အမတ်တဖြာꩻနဝ်ꩻ နွို့ငါလွေꩻ၊ လွေꩻကပ်ယင်းလိတ်တစောင်ႏ၊ တိန်ႏဖတ်လိတ်တွော့ꩻ \"နီဗွေႏသီး ကေꩻဇူꩻတန်အာ ဖါခွန်တန်ဗိမ္ဗိသာရ လဲꩻထိုꩻလဲဉ်း ဗွေႏဩ\"နဝ်၊ တိန်ႏတွိုႏနဝ်ꩻတွော့ꩻ အူး-ဒူး-ဒူး ငွိုးဖြုန်းငွိုးဖြင်းစွဉ်ႏထာꩻ။\nနောင်ႏတတရာꩻ လꩻမွေးမုဲင်းစွဉ်ႏထာꩻ၊ အဝ်ႏနဝ်ꩻထွူတွော့ꩻ တိန်ႏလွေꩻထွားအဖါတဲ့ ဝင်ꩻပိန်းမေႏနဝ်ꩻဟ ဖြေင်းကရစ်ꩻ၊ ယော့ꩻတဖိုꩻကြိုꩻတဖိုꩻကြာꩻနေးစွဉ်ႏ၊ နဝ်၊ အဝ်ႏနဝ်ꩻတွော့ꩻ လောႏလွေꩻထေ့အမွိုးနဝ်၊ \"တမွိုး-တမွိုး\"စွဉ်ႏဒျာႏ၊ \"နီဖါ ရက်နေခွေဟောင်းမွိုး?\"တဲ့။\n\"ဟူး- ရက်ကာႏဒွုမ်ဟောင်း ပိုခို၊ ပိုခိုမွိုက်ဟွေး ခꩻတလဲင်ႏ နာꩻစူနုံနာနဝ်ꩻ နာꩻမော့ꩻထာꩻဆာအွံအမဉ်နဝ်၊ အွဉ်ႏနုဲင်းမုဲင်ꩻအွဉ်ႏနဲဉ်းတဲ့ တေ့ꩻတဝ်း၊ သီဖါသမ်းအဝ်ႏလွေꩻထင်ႏဒျာႏရွုမ်ꩻ၊ လွေꩻတွိုႏစွဉ်ႏအွိုးရွုမ်ꩻကို၊ သီဖါနဝ်ꩻ ထာꩻဆာဖေႏနေးကသက်သာႏတွော့ꩻ အွံစွဉ်ႏနာꩻစူနုံပို၊ အဝ်ႏနဝ်ꩻတွော့ꩻ ကွဲးလွံꩻကွဲးလွံꩻတွော့ꩻ ထာꩻဆာနဝ်ꩻပꩻ၊ ပꩻတွော့ꩻ အမဉ်နဝ်ꩻထန်ႏ၊ အမဉ်ထွိုင်ႏထန်ႏနဝ်ꩻ မဉ်ႏပထူထိုꩻတဲ့ င���်းနာꩻမဲ့သေ၊ သီဖါမျောႏထမ်စွဉ်ႏ နာꩻစူနုံအမဉ်နဝ်ꩻသနယ်ပိုခို၊ သီဖါရက်နာꩻ တကားနဝ်ꩻ\"အမွိုးတိန်ႏခြုဲင်းနယ်မꩻ ဝွေꩻနောင်ႏတရာꩻ ယိန်းလꩻစွဉ်ႏဒျာႏ။\nအဝ်ႏနဝ်ꩻ ဆုဲင်ꩻနဝ်ꩻမꩻ ဗေင်ႏထာꩻတဲ့အွီႏဒွုမ်၊ ထွိုင်ႏထာꩻတဲ့အွီႏဒွုမ်၊ အဝ်ႏနဝ်ꩻမꩻ \"အီႏဆယ်ꩻကပ်ဗာႏဆရာႏအပါꩻမုဲင်ꩻယို\"၊ ဆရာႏဇီဝက တိန်ႏအွဉ်ႏနယ်လွေꩻ ဆယ်ꩻကပ်ယင်းနီဗွေႏဘုရာꩻ၊ တိန်ႏထီႏဘုရာꩻတပဲ့ꩻတပန်ꩻ ရဟန်ꩻသံဃာႏ ယေန်ႏကေႏငါႏနဝ်ꩻတွော့ꩻ ဝွေꩻယူႏလꩻသဲင်ꩻစွဉ်ႏဝွေꩻပိုနဝ်၊ ဥဒယဘဒ္ဒနဝ်၊ အဝ်ႏနဝ်ꩻထွူနဝ်ꩻမꩻတဲင်တွော့ꩻ ဘုရာꩻဟော်ꩻဖေႏတရာꩻ။\nဝွေꩻတိန်ႏသဲင်ꩻချာ ဘုရာꩻရိုꩻ- \"အဇာတသတ်ယိုနဝ်ꩻ အမဉ်ႏတပဲစ်မာႏတဝ်းအဖါနဝ်ꩻ ယိုခါ လꩻစွဉ်ႏတရာꩻသနယ်\"နဝ်၊ ကွပ်ပွိုးနဝ်ꩻမꩻတဲင် နဝ်ꩻနဝ်ꩻတပုဒ်နဝ်ꩻ မဉ်ႏထုတ်သင်္ခန်းစာနဝ်ꩻ-ခြုဲင်းဗော့ꩻအရေꩻကီꩻကီꩻတဲ့ မဉ်ႏထုတ်သင်္ခန်းစာနဝ်ꩻ-\n(၁) မွိုးဖါသီးအမျိုꩻယိုနဝ်ꩻ ပိုခိုအအုံအဝ်ႏ၊ အလွေꩻအသဲင်ꩻ ထွားသေႏသေႏဗာႏ-စတဲင်စားနဝ်ꩻစားသနဲ့၊ ယိုမဉ်ႏတဲမ်းတဲ့ တမုဲင်ꩻတဝ်းဒွုမ်၊ အွဉ်ႏဒေါ့ꩻနယ်ဒျာႏအပုံႏစံႏ၊ အတ်ႏနဝ်ꩻထွူတဲင်တွော့ꩻ-\n(၂) ပိုခိုမဉ်ႏမာꩻထာꩻ မဉ်ႏတမွေးတဝ်းတဲ့ ကထွာမွိုးကထွာဖါနဝ်ꩻ မာꩻဗာႏနုဲင်းမုဲင်ꩻတွော့ꩻ ဆုံꩻမꩻဗာႏ၊ အန္တရာယ်ႏကရထွာဒါႏအမျိုꩻကရိုꩻနဝ်ꩻ ရဲးစဝ်းစဝ်းဗာႏ။\n(၃) ပိုတဖြာꩻယိုနဝ်ꩻ ဗော့ꩻမဉ်ႏမွိုက်လꩻသွူနဝ်ꩻ မွိုးတဲ့ဒုက္ခလွဉ်ꩻ၊ ဖါတဲ့ဒုက္ခလွဉ်ꩻ၊ ထွာဒါႏမွိုးရန်ႏသူႏ၊ ဖါရန်ႏသူႏ၊ ခမ်းရန်ႏသူႏ၊ ထီရန်ႏသူႏ-\nစတဲင်စားနဝ်ꩻစား၊ ထေ အွိုသွဉ်တန်ꩻတာႏ၊ ထေသွဉ်ခန်ꩻတာႏတွော့ꩻ ဟော်ꩻလွေꩻနုဲင်းနဝ်ꩻတဲ့အဝ်ႏ။\nနုဲင်းဒေဝဒတ်တဲ့ နုဲင်းနဝ်ꩻနေနေသနဲ့၊ မဉ်ႏထေသွဉ်ခန်ꩻတဲ့ ဒေဝဒတ်နဝ်ꩻ လꩻအာတန်သွူ၊ ဥပမာႏမွိုင် နုဲင်းဒေဝဒတ်နဝ်ꩻ တွမ်ႏဘုရာꩻသီးနဝ်ꩻ ဗော့ꩻစွိုးဗော့ꩻခွိုꩻ၊ ဗော့ꩻဖူးဝေးဒျာႏ၊ ဗော့ꩻနုဲင်းမုဲင်ꩻတဲ့ နီဗွေႏသီးအဝ်ႏသေဒျာႏ။\nနဝ်ꩻဟ ဝင်ꩻမဉ်ႏရီမွိုင် \"ဒေဝဒတ် မဉ်ႏနွို့ထင်ႏသာႏသနာႏကိုယိုနဝ်ꩻ အအီႏမာꩻကွယ်ꩻသံဃာႏ၊ အအီႏရန်ႏသူႏချာဘုရာꩻနေးနဝ်ꩻနဝ်ꩻ နီဗွေႏဘုရာꩻသေတဝ်းနဲ့? ဥပမာႏ- ဝင်ꩻမဉ်ႏရီနဝ်ꩻသနဲ့၊ မဉ်ႏရိုꩻသေတဝ်းနဝ်ꩻ နုဲင်းနဝ်ꩻဟ နီဗွေႏဘုရာꩻနဝ်ꩻ သဗ္ဗညုတမွေးတဝ်းမတဝ်၊ သမ်းရိုꩻသေလို့တရာꩻနဝ်ꩻက၊ နုဲင်းနဝ်ꩻပေႏငါတဲ့ သေတဝ်းနဝ်ꩻ မွေးတဝ်းမတဝ်?၊ နဝ် အငဝ်းလွစ်တဝ်း။\nနဝ်ꩻတွော့ꩻ အီႏမာꩻကွယ်ꩻသံဃာႏ၊ အီႏရန်ႏသူႏချာ ဆရာႏဘုရာꩻနဝ်ꩻ နီဗွေႏဘုရာꩻ အဝ်ႏသေသေဒျာႏ၊ ဗော့ꩻနုဲင်းနဝ်ꩻဟ အဝ်ႏသေသေဒျာႏနေးနဝ်ꩻ မွော့အဝ်ႏလွေꩻလက်ခံႏတွိုး? ဒေဝဒတ်နဝ်ꩻ မာꩻကွယ်ꩻသံဃာႏ၊ ရန်ႏသူႏချာ ဆရာႏဘုရာꩻနဝ်ꩻ အီႏလင်ꩻထဲ့ဗာႏငါးရုဲင်ꩻနဝ်ꩻ မွော့အွဉ်ႏလင်ꩻထဲ့တွိုႏငါးရုဲင်ꩻ၊ မာꩻထမုဲင်ꩻမွော့ အလင်ꩻထဲ့တွိုးငါးရုဲင်ꩻ?\nနီဗွေႏဘုရာꩻနဝ်ꩻ သမ်းရိုꩻမေတ္တာႏ၊ ကရုဏာႏသားတဲ့၊ ဗော့ꩻနုဲင်းနဝ်ꩻဟ ထီႏဒေဝဒတ်နဝ်ꩻ သညင်ꩻတဝ်း၊ ရက်တဝ်းသနယ်နဝ်၊ အွဉ်ႏထဲ့ထိုꩻငါးရုဲင်ꩻဟ၊ နဝ်၊ နဝ်ꩻတဲ့ အပဲစ်သမ်းတလွစ်ဖျင်တဝ်းနဝ်၊ အိႏမာꩻဗာႏနုဲင်းမုဲင်ꩻ?နဝ်၊ နဝ်ꩻနဝ်ꩻ အဖြေႏနဝ်ꩻ အဝ်ႏနုဲင်းမုဲင်ꩻတွော့ꩻ-\n\"ဒေဝဒတ်ယိုနဝ်ꩻနဝ်ꩻ အုံစွဉ်ႏလမ်းတဲ့နဝ်ꩻ၊ နွို့ထင်ႏသာႏသနာႏကိုတဲ့နဝ်ꩻ လိုႏအီႏထဲ့ငါးရုဲင်ꩻဒျာႏရင်ꩻ\"တဲ့ တောင်ꩻသွော့နဝ်ꩻတချက်။\nလိုꩻအီႏထဲ့ဒျာႏ ငါးရုဲင်ꩻဒျာႏရင်ꩻရင်ꩻဝွေꩻနဝ်ꩻ၊ နဝ်ꩻတွော့ꩻ အုံကျောင်ꩻထဲ့ငါးရုဲင်ꩻတွမ်ႏ အုံလမ်းထဲ့ငါးရုဲင်ꩻနဝ်ꩻ အကွာႏနုဲင်းမုဲင်ꩻတွော့ꩻ ဝွေꩻနဝ်ꩻ မဉ်ႏအုံလမ်းထဲ့ငါးရုဲင်ꩻနဝ်ꩻ ထဲ့သွူတလဲင်ႏ လွစ်ထန်ႏငါးရုဲင်ꩻ၊ တွိုႏဆုဲင်ꩻဆုဲင်ꩻ ထဲ့ဖျင်၊ လွစ်ထန်ႏဖျင်၊ ဆုဲင်ꩻဆုဲင်ꩻထဲ့ဖျင်၊ အဝ်ႏထဲ့သွုပ်သပ်လွေꩻစွဉ်ႏနုဲင်းနဝ်ꩻ အသွတ်ꩻအဲဉ်ထဝ်းတဲ့။\nမဉ်ႏနွို့ထင်ႏသာႏသနာႏယိုတဲင်တွော့ꩻ တွိုႏအဆုဲင်ꩻသွတ်ꩻ ဝွေꩻနောင်ႏတတရာꩻတိန်ႏလꩻနဝ်ꩻ အီႏလွဉ်ကွဉ်းတော့ꩻချာ နီဗွေႏဘုရာꩻ၊ အီႏလွဉ်ဝုဲင်ႏချာ နီဗွေႏဘုရာꩻနဝ်၊ လွဉ်၊ တွမ်ႏအတပဲ့ꩻ ကောကာလိကသီးဖုံႏနဝ်ꩻ ထမ်ႏလွဉ်နဝ်၊ တိန်ႏအီႏတွိုႏလွဉ် ဇေႏတဝွန်ႏကျောင်ꩻငွါသူꩻနဝ်ꩻ ရဟန်ꩻသီးဖုံႏရိုꩻ-\n\"ဗွေႏ- ဒေဝဒတ် အအီႏလွဉ်ကွဉ်းတော့ꩻ နီဗွေႏဘုရာꩻ\"၊ နီဗွေႏဘုရာꩻရိုꩻ-\"ဒေဝဒတ်နဝ်ꩻ အပဲစ်တန်ငါႏ၊ မာꩻနုဲင်းမုဲင်ꩻမုဲင်ꩻတဲ့ယဝ်း ခွေထျꩻယို တွိုႏနွောင်ꩻတဝ်း\"၊ \"သူꩻဗွေႏ အဗော့ꩻလွဉ်လဲဉ်းသူꩻ၊ အတွိုႏလဲဉ်းသွူ ဇေႏတဝွန်ႏကျောင်ꩻငွါသူꩻ\"၊\"ရဟန်ꩻသီးဖုံႏ- ဒေဝဒတ်နဝ်ꩻ အပဲစ်တန်ငါႏ မာꩻနုဲင်းမုဲင်ꩻမုဲင်ꩻတဲ့ ခွေထျꩻတွိုႏနွောင်ꩻတဝ်း\"နီဗွေႏဘုရာꩻ အွဉ်ႏဒေါ့ꩻဗော့ꩻငဝ်းနုဲင်းနဝ်ꩻလွုမ်ꩻ။\nတိန်ႏအီႏတွိုႏ နီဗွေႏဘုရာꩻထျꩻ၊ တိန်ႏအီႏဗꩻနီဗွေႏဘုရာꩻငါတွော့ꩻ ဇေႏတဝွန်ႏကျောင်ꩻငွါနဝ်ꩻ ထီယေႏကန်ႏအဝ်ႏက၊ အရိုꩻနုဲင်းမုဲင်ꩻတွော့ꩻ \"အား- တပဲ့ꩻကောကာလိကသီးဖုံႏ- အွဉ်ႏလင်ꩻဆောင်းတဆင်ႏငါ၊ ခွေလူးဗာႏတဝ်းဒွုမ်ထီတဲ့ ညငါႏလဲဉ်းသွူ၊ နီဗွေႏဘုရာꩻနဝ်ꩻ အကြောင်းအစင်၊ ခွေနွုမ်ꩻသူနွ��မ်ꩻသေင်ငါႏ၊ ခွေဟွာႏဆောင်းကခင်ႏယို\" ဝွေꩻသီးကထမ်ႏသားနဝ်ꩻ အရွိုးအလွား မဉ်လူးဒျာႏထီပေႏ၊ တမုဲင်ꩻပေႏနဝ်ꩻတဲ့ ပါနဝ်ꩻသနဲ့\"။\nဝွေꩻကုသိုလ်ႏပေႏနဝ်ꩻ လꩻလွေꩻနဝ်ꩻပေႏသနယ်နဝ်၊ ကွပ်နဝ်ꩻမꩻ ဟံႏမျောႏလ၊ ကွပ်စွဉ်ႏအဆုဲင်ꩻသွတ်ꩻအနေႏ ဝွေꩻရိုႏသေႏဗာႏ နီဗွေႏဘုရာꩻ တွမ်ႏအဆွတ်ꩻပေႏနဝ်ꩻ ဝွေꩻမတ်ကဝ်ႏ၊ မတ်ဗို ဝွေꩻရိုႏသေႏ ဗွေႏဘုရာꩻတဲင် အဝ်ႏအွိုးအပဲစ်ယို မဉ်ႏကေႏထိုꩻတနီꩻခါနဝ်ꩻ ဝွေꩻဗွေႏနဝ်ꩻ အီႏသဲင်ꩻထွာချာယင်းလိုꩻတဲ့၊ အီႏသဲင်ꩻထွာ ပစ္စေကဗုဒ္ဓါႏ၊ အမဉ်ꩻနဝ်ꩻ \"အဋ္ဌိဿရ\"တဲ့။\nအဋ္ဌိဿရ-အဋ္ဌိ+ဣဿရ၊ အဋ္ဌိ-နဝ်ꩻ ဆွတ်ꩻ၊ ဣဿရ-နဝ်ꩻနဝ်ꩻ အစိုႏရ၊ ပဲင်ႏဆွတ်ꩻရိုꩻပနဝ်ꩻသနဲ့၊ \"ပဲင်ႏဆွတ်ꩻ-ရိုꩻပနဝ်ꩻသနဲ့\"၊ နဝ်ꩻတွော့ꩻ သဲင်ꩻဖြေႏသျင်ꩻချာယင်း၊ လိုꩻတဖြာꩻယို ထဲ့ငါးရုဲင်ꩻ တလဲင်ႏလွုမ်ꩻကာႏတဝ်း၊ အဝ်ႏထဲ့သွုပ်ထဲ့သွုပ်နဝ်ꩻတနယ်ꩻ၊ ထဲ့ဗာႏတလဲင်ႏလွုမ်ꩻတဲင်တွော့ꩻ ခွꩻထိုꩻ၊ ရျူႏထိုꩻ၊ ရောင်းထိုꩻ၊ ကြောင်းထိုꩻ၊ စင်ထိုꩻနဝ်ꩻ တနယ်ꩻ။\nနဝ်ꩻနီနယ်ꩻနဝ်ꩻ အနယ်ꩻခမုဲင်ꩻဟဝ်?၊ မဉ်ႏရိုꩻနဝ်ꩻ တလဲင်ႏလွုမ်ꩻနဝ်ꩻ ဟဝ်၊ တလဲင်ႏလွုမ်ꩻတွော့ꩻ ကြောင်းထိုꩻ၊ စင်ထိုꩻနဝ်ꩻ ယံ၊ ကွပ်ပွိုးနဝ်ꩻမꩻတဲင်တွော့ꩻ နီဗွေႏဘုရာꩻ ထီႏဒေဝဒတ်နဝ်ꩻ ရက်တဝ်းမွေးတဝ်း၊ ရက်ငါႏမရေႏမရာႏ၊ အဝ်ႏရက်ရက်ထွူတွော့ꩻ အွဉ်ႏထဲ့တဝ်းငါးရုဲင်ꩻနဝ်ꩻ လꩻတဝ်း၊ အဗာႏထဲ့ငါးရုဲင်ꩻ၊ ဝွေꩻဝွဋ်၊ ဝွေꩻတံႏ ဝွေꩻအဗာႏခံႏအဝ်ႏ၊ နဝ်ꩻမꩻ ဝွေꩻထဲ့ဗာႏ။\nကွပ်ပွိုးနဝ်ꩻမꩻ အွဉ်ႏထဲ့တလဲင်ႏလွုမ်ꩻ၊ အွဉ်ႏထဲ့သွုပ်သွုပ်နေးနဝ်ꩻ မွေးတဝ်း၊ ကွပ်ပွိးနဝ်ꩻမꩻ နီဗွေႏဘုရာꩻနဝ်ꩻ သဗ္ဗညုတဉာဏ်ႏအစဲစ်အမန်ႏဒျာႏ၊ သေဒျာႏ၊ မေတ္တာႏဗွေႏ၊ ကရုဏာႏဗွေႏ အစဲစ်အမန်ႏမွေးဒျာႏ၊ ရက်ဒျာႏ၊ သညင်ꩻဒျာႏ၊ ဖြေႏသွော့နုဲင်းနဝ်ꩻ။\nကွပ်ပွိုးနဝ်ꩻမꩻတဲင်တွော့ꩻ ထူႏသွဉ်(တန်ꩻ)-(၁) နီလိုꩻသီးယို ဖူးဝေးခန်း လိုꩻခြွေ၊ လိုꩻခြာႏ၊ လိုꩻဒါႏ၊ လိုꩻယံတဲ့ယဝ်း ဗော့ꩻနီနမ်းဒျာႏတယမ်းတဝ်းနဝ်ꩻ တယံတဝ်းဒျာႏနေနေ။\n(၂) ဖူးဝေးခန်းဘုရာꩻတဲ့ယဝ်း၊ ဖူးဝေးခန်း ရဟန္တာႏတဲ့ယဝ်း ဗွောနီတကံတဝ်း၊ ဗော့ꩻနီတကျင်ꩻတဝ်း၊ ဗော့ꩻနီတအားထုတ်တဝ်းနဝ်ꩻ တထွာတဝ်း ရဟန္တာႏနေနေ။\n(၃) ကွပ်စွဉ်ႏဒျာႏ မဉ်လꩻငါႏ ဩဇာႏ၊ အာႏဏာႏတဲင်တွော့ꩻ အမျိုꩻတပဲစ်မာႏတဝ်း နီဗွေႏဘုရာꩻတဲ့ အပဲစ်မာႏထိုꩻဒါႏ။\n(၄) ကွပ်ပွိုးနဝ်ꩻမꩻတဲင် 'လောဘ၊ အာဏာႏယိုနဝ်ꩻ အယားဒါႏလိုꩻဟွေး' စတဲင်စားနဝ်ꩻစားဖုံႏ။\nထေသွဉ်ခန်ꩻတာႏနုဲင်းနဝ်ꩻတွော့ꩻ ဟော်ꩻအီတရာꩻတဲ့၊ နဝ်ꩻနဝ်ꩻ အမုဲင်(၆)နဝ်ꩻ ခြုဲင်းလို့တဝ်းဝတ္ထု၊ ထူႏသွဉ်ခန်ꩻတာႏ အအဲဉ်ႏချုက်တွော့ꩻ ဟော်ꩻတရာꩻနယ်ꩻ။\nယိုနဝ်ꩻ ဒေဝဒတ်တွမ်ႏ အွို့ꩻအဇာတသတ်နဝ်ꩻ အွဉ်ႏပြဲင်ႏဝင်ꩻတွော့ꩻ အဖါတဲ့ ဗိမ္ဗိသာရတွမ်ႏ အနာႏထပိဏ်ႏသဌေꩻနဝ်ꩻ တဖြာꩻဟဝ်၊ တဖြာꩻဟဝ်တဝ်း၊ တဖဲ့ꩻဟဝ်-တဖဲ့ꩻဟဝ်တဝ်းတွော့ꩻ အွဉ်ႏဆဲင်ႏလို့ဝင်ꩻစားယိုစားနဝ်ꩻ၊ အွဉ်ႏပြဲင်ႏလို့ဝင်ꩻ စားယိုစားနဝ်ꩻ ဟော်ꩻလွေꩻနဝ်ꩻ လိုꩻတဲ့ သꩻတဲ့ဝင်ႏစာꩻနဝ်၊ ပွိုးထမုဲင်ꩻနဲးတဲင် နီသွဉ်းသီးလိုꩻအခမ်းကို လိုꩻဟဝ်အဝ်ႏ၊ လိုꩻကုဲင်အဝ်ႏနဝ်၊ လိုꩻဟဝ်တာႏတဲ့ပါဒျာႏ၊ လိုꩻကုဲင်တာႏတဲ့ပါဒျာႏ။\nကွပ်ပွိုးနဝ်ꩻမꩻ နီဗွေႏသီးမဉ်ႏဟော်ꩻဝတ္ထု၊ မဉ်ႏထူႏအနယ်ꩻ(၆)ယိုတွော့ꩻ မဉ်ႏဟော်ꩻလွေꩻနဝ်ꩻနဝ်ꩻ ထူႏသွော့ ဝတ္ထုတဖဲ့ꩻဟဝ်၊ တဖဲ့ꩻဟဝ်တဝ်းစားနဝ်ꩻစားနဝ်ꩻ၊ နုဲင်းဗိမ္ဗိသာရတွမ်ႏ အနာႏထပိဏ်ႏသဌေꩻနဝ်ꩻ နီဗွေႏသီးမဉ်ႏဟော်ꩻလွေꩻနဝ်ꩻနဝ်ꩻ ယံငါႏ၊ နဝ်ꩻတဲ့ ဟော်ꩻတရာꩻအနယ်ꩻတနယ်ꩻနေနေ။\nအမုဲင်(၇) ဟော်ꩻတရာꩻနယ်ꩻ။ နဝ်ꩻမꩻတဲင် လွေꩻအမုဲင်(၇)၊ ဟော်ꩻတရာꩻနယ်ꩻအမုဲင်(၇)\"ဝတ္ထုတပုဒ် အထူꩻထူꩻကို တဲမ်းနေးလင်္ကာႏ ဟော်ꩻတရာꩻ\"တဲ့။\nတဲမ်းနေးလင်္ကာႏ ဟော်ꩻတရာꩻ၊ နဝ်ꩻမꩻ နေင်ႏ ၁၃၇၄-ဗာႏ၊ ဒုတိယဝါႏဆိုႏဆန်ꩻ(၅)ဟာ၊ ခွေသွဉ်းလင်ꩻဟော်ꩻ အောင်ဗန်း။\nထူႏနေးအထူꩻထူꩻကိုတွော့ꩻ တဲမ်းလင်္ကာႏနဝ်ꩻ-\nဥပမာႏ-\n= ဒေဝဒတ်ဖန်ဆင်ꩻ၊ ရူးသွူရင်ꩻ၊ ကျောင်ႏလင်ꩻ ခွန်ပေႏငါ။ (ထွို့ꩻနယ်ငဝ်းတလဲင်ႏ)။\n= ခွန်ပေႏထီႏစွော့ꩻ၊ သꩻဝꩻတွော့ꩻ၊ တနွော့ꩻကျမ်ႏဆွတ်ꩻချာ။\n= ထီႏဒေဝဒတ်၊ ထင်းလိုꩻမျတ်၊ လူႏကပ်သွမ်ꩻဒဲဉ်ဗွာ။\nနဝ်ꩻနဝ်ꩻ စန်ႏနေးလင်္ကာႏနဝ်ꩻ၊ အဇာတသတ် ကျမ်ႏသီအဖါတဲ့။\n= အီတွမ်ႏနꩻပေႏ၊ ထီႏဖါဗွေႏ၊ ဝွေꩻရေႏ မာꩻသီချာ။\n= အဖါအပ်ခမ်း၊ ထွာခွန်နမ်း၊ ဝွေꩻငမ်းဖါထူႏချာ။\n= ပိုခိုမွိုက်မောင်ႏ၊ သော့ꩻဖါထောင်ႏ၊ ယံအောင်ႏယိုခါခါ။ (စန်ႏနေးလင်္ကာႏနုဲင်းနဝ်ꩻ)။\n= ထီႏပိုခိုပေႏ၊ ယူႏဖါဗွေႏ၊ ဝွေꩻရေႏအွဉ်ႏစွꩻချာ။\n= ဖါဗွေႏသီလဲဉ်း၊ ပေႏသꩻကဲဉ်း၊ မာႏလဲဉ်း ငွိုးဖေါ့ဖါ။\n= ယွုမ်းဒေဝဒတ်၊ ဇာတသတ်၊ ဖါမျတ်မာꩻသီချာ။\nထူႏအွိုးအထူꩻထူꩻကိုတွော့ꩻ စန်ႏနေးလင်္ကာႏ။\nအဇာတသတ် အုံထာꩻပျောႏဒွုမ်။\n= မာꩻသီဖါဗွေႏ၊ ယူႏလꩻသေႏ၊ သꩻပေႏစွုမ်ႏနီꩻဟာ။\n= ဘုရာꩻဟော်ꩻဖေႏ၊ တရာꩻပေႏ၊ ရိုႏသေႏထွိုင်ႏသဲင်ꩻချာ။\n= ထွာသာႏသနာႏ၊ ဒါႏယကာႏ၊ သက်သာႏ ငါးရုဲင်ꩻခြာ။\nဝွေꩻနဝ်ꩻ အတန်ႏအီႏထဲ့ အဝီစိတဲ့ ထဲ့ထွာတဝ်းတဲ့နဝ်ꩻ၊ ငါးရုဲင်ꩻ အသက်သာႏထိုꩻတဲ့၊ စတဲင်စားနဝ်ꩻစားဖုံႏ၊ အွို- စန်ႏနေးလင်္ကာႏနုဲင်းနဝ်ꩻတဲင် ဟော်ꩻအီသွော့တရာꩻတဲ့၊ နဝ်ꩻတဲ့ အနယ်ꩻတမျိုꩻနေနေ။\nအမုဲင်(၈) ဟော်ꩻတရာꩻနယ်ꩻ\nနဝ်ꩻတွူတွော့ꩻ အမုဲင်(၈) ဟော်ꩻတရာꩻနယ်ꩻနဝ်ꩻ- \"မာꩻနေးငဝ်းရီ၊ ဟော်ꩻအီတရာꩻ\"တဲ့။\nမာꩻနေးငဝ်းရီ ဟော်ꩻအီတရာꩻ၊ ဥပမာႏ- ပါꩻလူႏသင်္ကန်ꩻမွိုင်၊ သင်္ကန်ꩻကအဝ်ႏပဉ်ကွက်ꩻပဉ်ကွက်ꩻယိုနဝ်ꩻ နီဗွေႏ(ဘုရာꩻ) ထွားနုဲင်းတမုဲင်ꩻကွက်ꩻ?၊ နဝ်ꩻနဝ်ꩻ ငဝ်းရီတဗာႏ၊ နဝ်ꩻမꩻတဲင် ရဟန်ꩻသံဃာႏသီး ကရုံႏဒါႏ စီႏဝရာႏသင်္ကန်ꩻတွမ်ႏ လိုꩻလမ်းသီး ကကွဉ်ကꩻဒါႏ ခွမ်ꩻလာꩻနဝ်ꩻ၊ သင်္ကန်ꩻတွမ်ႏ ခွမ်ꩻလာꩻနဝ်ꩻ အကွာႏလို့ဝင်ꩻနုဲင်းမုဲင်ꩻ? စတဲင်စားနဝ်ꩻစားဖုံႏနဝ်ꩻ။\nနီသွဉ်းသီး အခိန်ႏအီႏလꩻတကားမုဲင်ꩻ?၊ အီႏဟော်ꩻတရာꩻယိုနဝ်ꩻ အီႏလꩻကားမုဲင်ꩻမိနစ်? ပုစ္ဆာႏတပုဒ်တပုဒ်ယိုနဝ်ꩻ ခွေမဉ်ႏဟော်ꩻချာ အီႏလို့ကားမုဲင်ꩻမိနစ်?၊ နဝ်ꩻမꩻတဲင် နီဗွေႏသီး ချင်းအွိုးအခိန်ႏသူꩻတဲင်တွော့ꩻ ထေသွော့ငဝ်းရီ၊ အခိန်ႏမဉ်ႏလꩻအာအာတဲ့ ထေငဝ်းရီအာအာ၊ ဖြေႏသျင်ꩻချာဖေႏအာအာ၊ အခိန်ႏသူꩻ မဉ်ႏလꩻဆေ့ꩻဆေ့ꩻတဲ့ နီဗွေႏသီးထေပုစ္ဆာႏဆေ့ꩻဆေ့ꩻ ဖြေႏသျင်ꩻချာဖေႏဆေ့ꩻဆေ့ꩻ။\nဗွော့ꩻနေင်ႏဟာနဝ်ꩻ \"ချယ်ရီအဲပ်အဲမ်\"သား လွဉ်လူႏဝါႏဆိုႏသင်္ကန်ꩻ သုဲင်ꩻခဝ်နဝ်၊ ခွေသွဉ်းဟော်ꩻဖေႏတရာꩻနဝ်၊ အဝ်ႏနဝ်ꩻတဲင်တွော့ꩻ ဝွေꩻသီးအွဉ်ႏစွꩻလွဉ် ရေဒီယိုကို နီသွံလဲင်ႏလဲဉ်းရိုꩻနုဲင်းနဝ်ꩻ ဗွေႏစင်ꩻပေႏဖုံႏ၊ တကာႏဖုံႏ အထင်ႏလဝ်း ခွေသွဉ်းနုဲင်းနဝ်ꩻ၊ နီဗွေႏသီး ကနာႏရေဒီယိုသားဖုံႏတဲ့ အလွိုးဟွုန်သားတဲ့ အဝ်ႏဒျာႏနေနေ။\nနဝ်ꩻနဝ်ꩻ ဟော်ꩻတွမ်ႏအနယ်ꩻမုဲင်ꩻတွော့ꩻ ဟော်ꩻတွမ်ႏအမုဲင်(၈)ယို၊ မာꩻနေးငဝ်းရီတဲင် ဟော်ꩻအီတရာꩻနဝ်ꩻသွူ၊ ဟော်ꩻအနယ်ꩻနဝ်ꩻသွူ။\nအဝ်ႏနဝ်ꩻထွူတွော့ꩻ အမုဲင်(၉) \"ခေတ်တခြိုꩻဝင်ꩻလူႏ၊ ယူႏယူႏဟော်ꩻဖေႏတရာꩻ\"တဲ့။\n\"ခတ်တခြိုꩻဝင်ꩻလူႏ\"ကရိုꩻနဝ်ꩻ ဥပမာႏ-နုဲင်းကွန်ပျူတာ၊ ကွန်ပျူတာနဝ်ꩻ ဘုရာꩻစိုးအဲဉ်ထဝ်းဟ၊ \"အောက်စက်-အပေါ်စက်ဖုံႏ\"ကရိုꩻစားနဝ်ꩻ စတဲင်စားနဝ်ꩻစားဖုံႏ ဘုရာꩻစိုးအဲဉ်ထဝ်းဟ၊ နုဲင်းကာꩻဖုံႏနဝ်ꩻ ဘုရာꩻစိုးအဲဉ်ထဝ်း၊ ကာꩻနဝ်ꩻ \"ယာနဒါန\"မဉ်ႏအံႏတဗွာနွိုင်ႏနွိုင်ႏနင်ႏနင်ႏတဲ့ အလွိုးအီႏလꩻဒျာႏနေနေ။\nနုဲင်းကွန်ပျူတာဖုံႏနဝ်ꩻ အဲဉ်ထဝ်း၊ အောက်စက်-အပေါ်စက်= စက်ခလစက်ခကီဖုံႏ နီဗွေႏသီးကရိုꩻနဝ်ꩻ ဘုရာꩻစိုးအဲဉ်ထဝ်း၊ နေးနဝ်ꩻစားနဝ်ꩻ မာꩻနုဲင်းမုဲင်ꩻအီႏဟော်ꩻ? မွေးနေႏ? မဉ်ႏတွိုႏလွဉ်နုဲင်းနဝ်ꩻစားတဲ့ ဟော်ꩻဖေႏဗာႏ၊ \"တကာႏ- ယိုနဝ်ꩻ ဘုရာꩻစိုးအဲဉ်ထဝ်း၊ ဟော်ꩻဖေႏသူႏသေတဝ်းတန်၊ ဝင်ꩻကလူႏတန်ꩻသားနဝ်ꩻတဲ့ မျိုꩻနစ်သက်ခရာႏ မျိုꩻအဝ်ႏဒွုမ်နဲ့?၊ တွိုႏဆုဲင်ꩻဆုဲင်ꩻတဲ့ ပါꩻမျိုꩻလူႏဒွုမ်ဟောင်း?\"။\nမဉ်ႏတွိုႏလွဉ် အယပ်ꩻအခုဲင်ႏစားနဝ်ꩻစားနဝ်ꩻ ယူႏမဉ်ႏတသူႏသေတဝ်းနဝ်ꩻ ကတောင်စီႏထန်ႏဒါႏ၊ တွမ်ႏဖေါက်ဝါႏဗွာတဲင် ဆင်ႏဆင်ႏဒွုတ်ꩻဗာႏမဲ့ငါသနဲ့၊ ကွပ်ပွိုးနဝ်ꩻမꩻတဲင် နီဗွေႏသီး ဖေႏကတွမ်ႏဒွုတ်ꩻဗာႏမွုန်းမဲ့ငါ၊ ကတောင်စီႏ ဖေႏနေးကတွမ်ႏထန်ႏမွုန်းတဝ်းတွော့ꩻ ခွေသွဉ်းအီႏဒေါ့ꩻနယ်ဖေႏအနယ်ꩻ၊ တဲမ်းခါꩻဟုဲင်း-\nအမုဲင်(၁)ဗာႏနဝ်ꩻ ဒါႏနကုသိုလ်ႏ ထွာသေႏချာႏ၊ ထာꩻလူႏလဲဉ်းဟ \"ထာꩻလူႏ\"ကရိုꩻနဝ်ꩻ ဒါႏနနဝ်၊ ဒါႏနကုသိုလ်ႏ ထွာသေႏချာႏ။\nနဝ်ꩻမꩻတဲင် အမုဲင်(၂)ဟုဲင်း၊ ပယ်ႏထိုꩻလောဘ၊ နဝ်ꩻနီချက်တဲးတဲ့ မာꩻနုဲင်းမုဲင်ꩻမုဲင်ꩻတဲးတဲ့ လဲ့ꩻတလꩻတဝ်းဒွုမ်။\nနဝ်ꩻမꩻ အမုဲင်(၃) လꩻဗာႏအကျိုꩻအမန်ႏ၊ လꩻအကျိုꩻမုဲင်ꩻတဲး သေတဝ်း၊ လꩻဗာႏအကျိုꩻအမန်ႏ။\nအမုဲင်(၁)နဝ်ꩻ ထွာဒါႏနသေႏချာႏ။\nအမုဲင်(၂)နဝ်ꩻ ပယ်ႏထိုꩻလောဘသေႏချာႏ။\nအမုဲင်(၃)နဝ်ꩻ လꩻဗာႏအကျိုꩻသေႏချာႏ။\nအကျိုꩻနဝ်ꩻတဲး ကားနီကဆုတောင်ꩻနဝ်ꩻသနဲ့၊ ဆုတောင်ꩻလောကီꩻအကျိုꩻနဲ့?၊ ဆုတောင်ꩻလောကုတ္တရာႏအကျိုꩻနဲ့? နဝ်ꩻတွော့ꩻ အမုဲင်(၂)ကိုနဝ်ꩻ ပယ်ႏထိုꩻလောဘ၊ အွဉ်ႏနယ်သက်သေႏဟုဲင်း ကုဒါလပဏ္ဍိတ\"ကုဒါလပဏ္ဍိတ\"ကရိုꩻနဝ်ꩻ ကွပ်စွဉ်ႏအနမ်ႏယနဝ်ꩻနဝ်ꩻ ထွက်ထွက်ထွူ ထင်ႏဗုဲင်ယင်း၊ ထွက်ထွက်ထွူ ထင်ႏဗုဲင်ယင်း ကားမုဲင်ꩻလဲင်ႏ? သူလဲင်ႏ။\nတွိုႏဆုဲင်ꩻတွော့ꩻ ဖေႏနေးကလွစ်၊ ဖေႏကလွစ်ထွက်တဲင် လွေꩻစွဉ်ႏအွိုးထီခြောင်တန်ထျ၊ သဲင်ꩻစွဉ်ႏအနမ်ႏထိုး၊ တဝစ်ꩻစွဉ်ႏအနမ်း သွံလဲင်ႏထွူတွော့ꩻ အွဉ်ႏစွꩻငါလွေꩻထီကို \"ဗြွုန်\"၊ အနမ်ႏယတန် လဲဉ်းသော့ꩻထီ \"ဗြွုန်\"၊ \"ဇိတံ မေ၊ ဇိတံ မေ\"တဲ့၊ \"မေ ဇိတံ-မေ-ခွေ၊ ဇိတံ-အောင်ႏလဲဉ်း၊ \"ခွေအောင်ႏလဲဉ်း၊ ခွေအောင်ႏလဲဉ်း-တဲ့\"၊ ယွိုင်ႏအစူဗောင်တွော့ꩻ ခြဝ်အငဝ်းတန်နဝ်။\nအဝ်ႏနဝ်ꩻတွော့ꩻ ခွန်နဝ်ꩻ အောင်ႏသဲင်ꩻစဲ့ꩻပွယ်ꩻတဲ့ သမ်းတွိုႏသဲင်ꩻ နဝ်ꩻကိုရပ်ဟ၊ \"အွို- ခွေနဝ်ꩻ အောင်ႏသဲင်ꩻစဲ့ꩻပွယ်ꩻတွော့ꩻ အောင်ႏ၊ ပါꩻသူꩻနဝ်ꩻ အောင်ႏတမုဲင်ꩻတန်နဲး?\"လွေꩻရီနဝ်၊ \"နာꩻ အောင်ႏထမုဲင်ꩻ?- နီနဝ်ꩻ အောင်ႏသဲင်ꩻစဲ့ꩻယို၊ ကုဒါလပဏ္ဍိတ အွဉ်ႏဒေါ့ꩻကျထာꩻနဝ်။\n\"ဆီး- သီအောင်ႏစဲ့ꩻတဲ့ ဆုဲင်ꩻနဝ်ꩻ စဲ��ꩻမဉ်ႏအာတဲ့ အနွောင်ꩻချာဒျာႏသီနေနေ၊ သီအောင်ႏယို့ꩻကွို့ꩻထာꩻလွုမ်ꩻ၊ ခွေအောင်ႏခွေလောဘယိုနဝ်ꩻမꩻ၊ ခွေအောင်ႏဒျာႏရန်ႏသူႏ၊ ကိလေႏသာႏရန်ႏသူႏ၊ အောင်ႏဒျာႏရန်ႏသူႏအကိုယိုမꩻ ခွေအောင်ႏတငါစွဉ်ႏသနယ်\"နဝ်။\n\"နမ်းလောင်းကအဝ်ႏဝွို့ဒါႏ ခွေလောဘယိုတန်နဝ်ꩻ ခွေအောင်ႏထိုꩻလဲဉ်း၊ နမ်းတဲ့ တအဲဉ်ထဝ်းဒွုမ်၊ နမ်းလောင်းကအဝ်ႏပြောက်ဒါႏ လောဘနဝ်ꩻတဲ့ အဝွစ်ထိုꩻလဲဉ်း၊ အဗိမ်သော့ꩻလဲဉ်းထီသူꩻ၊ တွမ်ႏနမ်ႏတွမ်ႏနိမ်ႏတန်နဝ်ꩻ အွို- အပေါ်ချာတဝ်းဒွုမ်နဝ်ꩻသနဲ့\"။\n\"တကာႏ- တကာႏကွန်ပျူတာယို တန်ႏကားမုဲင်ꩻ?\"၊ \"ငတ်ꩻသိန်ႏ\"၊ \"တကာႏကွန်ပျူတာ ငတ်ꩻသိန်ႏယိုနဝ်ꩻ၊ ရွဉ်ငတ်ꩻသိန်ႏယိုနဝ်ꩻ တကာႏမဉ်ႏတလူႏတဝ်းနဝ်ꩻ အလောက်ꩻကာႏစွဉ်ႏ လိုꩻယဖြာꩻ၊ ကွန်ပျူတာတန်ႏငတ်ꩻသိန်ႏ၊ ကွန်ပျူတာလောင်း ရွဉ်ငတ်ꩻသိန်ႏယိုနဝ်ꩻ မဉ်ႏတလူႏတဝ်း၊ ဝွေꩻလောဘမဉ်ႏအဝ်ႏပြောက်စွူစွူဒျာႏ ကွန်ပျူတာလောင်းငတ်ꩻသိန်ႏနဝ်ꩻ လူႏနွောင်ꩻတဝ်းသနဲ့။\nဝွေꩻကလူႏနွောင်ꩻနုဲင်းယိုစားနဝ်ꩻနဝ်ꩻ ကွပ်စွဉ်ႏဒျာႏ ဝွေꩻပယ်ႏနွောင်ꩻ လောဘငတ်ꩻသိန်ႏနဝ်ꩻမꩻ ဝွေꩻလူႏနွောင်ꩻ၊ ပယ်ႏနွောင်ꩻလောဘငတ်ꩻသိန်ꩻ၊ တွမ်ႏနမ်ႏယနဝ်ꩻဟွဉ်ႏနဝ်ꩻ ပီဝင်ꩻ၊ နမ်ႏယနဝ်ꩻ ပွိုင်းလဲင်ႏနဝ်ꩻ နမ်ႏယအလောင်း ဝွေꩻသံႏယော်ꩻဇဉ်ႏ၊ ဝွေꩻလောဘ၊ ဝွေꩻဥပါဒါန်ႏ အဝ်ႏစွယ်ꩻလမ်ꩻနဝ်ꩻကိုမꩻ ဝွေꩻဆင်ႏဆင်ႏအဝ်ႏထွက်ဗာႏထာꩻနဝ်ꩻ၊ နမ်ႏနဝ်ꩻ ဝွေꩻတိန်ႏဝေါင်းသော့ꩻထီနုဲင်းနဝ်ꩻစားတဲင်တွော့ꩻ နမ်ႏနဝ်ꩻ မဉ်ႏတအဲဉ်ထဝ်းဒွုမ်၊ နမ်ႏတိန်ႏအဲဉ်ထဝ်းဒွုမ်တွော့ꩻ နမ်ႏလောင်းကဝွို့ဒါႏ သံယော်ꩻဇဉ်ႏဖုံႏ၊ ဥပါဒါန်ႏဖုံႏ၊ လောဘဖုံႏနဝ်ꩻတဲ့ ကြောင်းကြဲ့ထိုꩻစွဉ်ႏ။\nယိုတဲ့ နုဲင်းနဝ်ꩻဒျာႏနေနေ၊ ကွန်ပျူတာလို့ငတ်ꩻသိန်ႏနဝ်ꩻ ကပ်လူႏဗာႏလဲဉ်းနီဗွေႏသီး၊ ကပ်လူႏလဲဉ်းသံဃာႏနဝ်၊ ကွပ်ပွိုးနဝ်ꩻမꩻတဲင် တကာႏနဝ်ꩻတဖြာꩻ ရွဉ်ငတ်ꩻသိန်ႏ လောဘတန်ႏရွဉ်ငတ်ꩻသိန်ႏစားနဝ်ꩻစားနဝ်ꩻ တွမ်ႏကပယ်ႏထိုꩻလောဘ ငတ်ꩻသိန်ႏတာႏနဝ်ꩻ ပီဝင်ꩻ-စတဲင်စားနဝ်ꩻစားဖုံႏ နီဗွေႏသီးဒါႏနေးမုဲင်ꩻတဲ့ နီဗွေႏသီးဖြုဲင်ꩻသွော့၊ ဟော်ꩻသွော့၊ မဉ်ႏဟော်ꩻနွောင်ꩻစားနဝ်ꩻ၊ မဉ်ႏဖြုဲင်ꩻနွောင်ꩻစားနဝ်ꩻစားတဲ့ တကာႏတဲ့ လွိုးပယွုမ်း၊ နစ်သက်စွဉ်ႏ။\n\"အား- နီဗွေႏစင်ꩻတဲ့ ဟော်ꩻတရာꩻယမ်တန်ဗာႏ၊ နီဗွေႏစင်ꩻ ဟော်ꩻတရာꩻ ဒါႏတန်ဗာႏ၊ နီဗွေႏစင်ꩻယို ခေတ်မှီတန်ဗာႏ\" ထွာနဝ်စားနဝ်၊ ဆုဲင်ꩻမꩻ \"အား- ဗွေႏစင်ꩻ အဝ်ႏလိုႏလူႏထဲင်းတမု��င်ꩻအော်?၊ နီဗွေႏ အဝ်ႏလိုႏကတမုဲင်ꩻအော်?\" ငဝ်းနုဲင်းနဝ်ꩻ ထန်ႏလွဉ်စွဉ်ႏဒျာႏ၊ မွေးနေဟောင်း? နဝ်ꩻမꩻ အယပ်ꩻအဲဉ်ထဝ်း၊ အခုဲင်ႏအဲဉ်ထဝ်းအကျောင်ꩻ- ခွေသွဉ်း အွို(၄၂)နေင်ႏအကို ခွေသွဉ်းကမော့ꩻဗာႏ၊ တလူႏဗာႏ အယပ်ꩻအခုဲင်ႏ အဆင်ႏပြေႏနယ်ꩻဖုံႏနဝ်ꩻ ခွေသွဉ်းတိန်ႏယူႏချာနဝ်ꩻ အဝ်ႏ(၉)ချက်နုဲင်းနဝ်ꩻသွူ။\nကွဲႏတွော့ꩻ- ဟော်ꩻတရာꩻနဝ်ꩻ အလို့(၉)နယ်ꩻယိုလွုမ်ꩻတကာႏတဝ်း၊ အနယ်ꩻလောင်ႏအနယ်ꩻလင်ဖုံႏတဲ့ အဝ်ႏဗောႏအဝ်ႏဗာႏနေကထာꩻ၊ ကွပ်ပွိုးနဝ်ꩻမꩻတဲင် နီဗွေႏသီး ဓမ္မကထိကသားဖုံႏနဝ်ꩻ အနယ်ꩻအလောင်ႏအလင်ဖုံႏမဉ်ႏအဝ်ႏတဲ့ နီဗွေႏသီး သွဉ်တေားတေားသွော့၊။ အွို- ထေတေားတေားသွော့ ဟော်ꩻတရာꩻနယ်ꩻ၊ \"ဟော်ꩻတရာꩻထွာ အနယ်ꩻအာ\"နဝ်ꩻ အွဉ်ႏထွူခန်းတကားနဝ်ꩻတွော့ꩻ။\n\nအာႏကွိုꩻ\nဘာႏသာႏရေꩻ","num_words":7180,"character_repetition_ratio":0.052,"word_repetition_ratio":0.003,"special_characters_ratio":0.08,"stopwords_ratio":0.024,"flagged_words_ratio":0.0,"lang_id_score":1.0,"perplexity_score":1814.8,"cluster_detection":-1}
+{"url":"https:\/\/blk.wikipedia.org\/wiki\/%E1%80%84%E1%80%9D%E1%80%BA%E1%80%B8%E1%80%9D%E1%80%B1%E1%80%AB%E1%80%9F%E1%80%AC%E1%80%9B","collection":"wikipedia","source":"wikipedia","original_code":"blk","text":"နေင်ႏ ၁၃၇၃-ဗာႏ၊ ဒဲဉ်သံလောင်း(၁၀)နီꩻ (၁၇-၂-၂၀၁၂)\nတတိယလဲင်ႏ ဖလုဲင်ႏဝင်ꩻဝေါဟာရ ပွယ်ꩻအုံကွံ(ပထမခိန်ႏ)\nဥက္ကဋ္ဌဗွေႏဆရာႏတောႏ ဘဒ္ဒန္တကောဝိဒ-ငဝ်းငွါဩဝါဒ\nကရိုႏသေႏထွိုက်၊ ကအံႏဖြာႏထွိုက်၊ ကကေႏညိုႏထွိုက်ငါႏ ဗွေႏသံဃာႏသီးဖုံႏဗွေႏဩ၊ နေင်ႏ၁၃၇၃-ဗာႏ၊ ဒဲဉ်သံ လောင်း(၁၀)နီꩻ ဟန်ႏသရဝ်ꩻ မွူးရဝ်ꩻခိုႏ ပထမခိန်ႏယို ခွေသွဉ်းအီႏလဝ်းနယ် ဝေါဟာရအကျောင်ꩻခရာႏဖုံႏ ဗွေႏဩ။\nနဝ်ꩻမꩻ နီသွဉ်းသီး ကပြန်ႏပိဋကတ်ယိုနဝ်ꩻ ဝေါဟာရအယပ်ꩻအခုဲင်ႏဖုံႏ မော့ꩻဗာႏအာငါႏ၊ တလူႏဗာႏအာငါႏ၊ ကွပ်ပွိုးနဝ်ꩻ မꩻတဲင် ဝေါဟာရဖုံႏနဝ်ꩻ တမုဲင်ꩻ၊ ပိဋကတ်-ကရိုꩻနဝ်ꩻ တမုဲင်ꩻ၊ ဘာႏသာႏ-ကရိုꩻနဝ်ꩻ တမုဲင်ꩻ၊ ဘာႏသာႏပြန်ႏ-ကရိုꩻနဝ်ꩻ တမုဲင်ꩻ နီဗွေႏသီး ခဉ်ႏထွားဖေႏကလꩻတဲင် ဟန်ႏရဝ်ꩻယို ဆေ့ꩻဆေ့ꩻဖြွောင်ႏဖြွောင်ႏ၊ ဒွေါင်ႏဒွေါင်ႏယိုꩻယိုꩻ ခွေသွဉ်းအီႏလဝ်းနယ် ဗွေႏဩ။\nဝေါဟာရ-ကရိုꩻဒါႏငဝ်းယိုနဝ်ꩻ အဝ်ႏပါဠိကိုလွဉ်၊ ပါဠိအဘိဓာန်ႏ ဂါႏထာႏအမုဲင် ၁၀၅၊ ၁၁၇၊ ၈၄၉-ကိုအလꩻ ဝေါဟာရ-ကရိုꩻနဝ်ꩻ ငဝ်း၊ ထင်ညင်ꩻ၊ သဒ္ဒါႏ၊ ပညတ်၊ ကိုးကား၊ စေတနာႏ-အွဉ်ႏနယ်ခါꩻ(၆)ငွါနုဲင်းနဝ်ꩻသွူ ဗွေႏဩ။\nမန်းအဘိဓာန်ႏ မြန်မာအဘိဓာန်ကိုနဝ်ꩻ ဝေါဟာရ-အခေါ်အဝေါ်၊ အနက်တစ်စုံတစ်ရာကိုမှီ၍ လူတို့သုံးနှုန်းပြောဆို သော စကားလုံး-အွဉ်ႏနယ်ခါꩻ (၂)ငွါနုဲင်းနဝ်ꩻ ဗွေႏဩ။\nပိဋက-ကရိုꩻငဝ်းယိုလဲ့ အဝ်ႏပါဠိကိုလွဉ်နေနေ၊ ပါဠိအဘိဓာန်ႏဂါႏထာႏ ၉၉၁-ကိုနဝ်ꩻ ပိဋက၊ ဘာဇန-ခြောင်း၊ တကောက်ꩻ၊ ပိဋကတွမ်ႏ ပရိနိယ-ပိဋကတ်သွံဘွုံႏ အွဉ်ႏနယ်ခါꩻ (၂)ငွါနုဲင်းနဝ်ꩻ ဗွေႏဩ။\nမြန်မာအဘိဓာန်ကိုနဝ်ꩻ ပိဋကတ်-ဗုဒ္ဓ၏ အဆုံးအမဒေသနာ၊ ဗုဒ္ဓ၏ အဆုံးအမဖြစ်သော သုတ် ဝိနည်း အဘိဓမ္မာ-ဟူ သော ပိဋကတ်သုံးပုံ-ဗွောင်နယ် အဓိပ္ပါယ်ႏနုဲင်းနဝ်ꩻ ဗွေႏဩ၊ ဘာႏသာႏ-ကရိုꩻဒါႏငဝ်းနဝ်ꩻလဲ့ အဝ်ႏပါဠိကိုလွဉ်နေနေ၊ ပါဠိအဘိ ဓာန်ႏ ၁၀၅-ကို ဘာသိတံ၊ လာသိတံ၊ ဘာသ-ပြောဆိုအပ်သောစကား၊ စကား-ငဝ်းနုဲင်းနဝ်ꩻ ဗွေႏဩ။\nမန်းအဘိဓာန်ႏကိုနဝ်ꩻ ဘာသာ-စကား၊ ကိုးကွယ်ရာ အယူဝါဒ၊ ဓလေ့ထုံးစံ၊ အကြောင်းအရာ၊ ပထဝီဘာသာ၊ သင်္ချာဘာသာစသည်ဖြင့် သုံးစွဲသည့် ဘာသာရပ်ဟူ၍ ခွဲခြားအသုံးများသည်၊ အစဉ်အလာ၊ ဟောမည့်ဘာသာ၊ မတီးမခတ်ပဲ အလိုဘာသာမည်၏-သျင်ꩻပျꩻခါꩻ ဘာႏသာႏ အဓိပ္ပါယ်ႏနုဲင်းနဝ်ꩻ ဗွေႏဩ။\nမြန်မာအဘိဓာန်ႏကိုနဝ်ꩻ ဗွောင်နယ် “ဘာသာပြန်”အဓိပ္ပါယ်ႏနုဲင်းယို ဗွေႏဩ၊ ဘာသာပြန်-ကရိုꩻနဝ်ꩻ ဘာသာတစ်ခုနဲ့ ရေးသားခဲ့၊ ပြောဆိုခဲ့သည်တို့ကို အခြားဘာသာတစ်ခုနဲ့ ပြောင်းလဲရေးသားပြောပြသည်၊ အဓိပ္ပါယ်ရှင်းအောင် ပြန်လည်ပြော ပြသည်၊ ဘာသာတစ်ခုနဲ့ ရေးသားပြောဆိုထားသည်ကို အခြားဘာသာတစ်ခုနဲ့ ဖလှယ်ထားခဲ့၊ ဘာသာတစ်ခုနဲ့ ရေးသားပြော ဆိုချက်ကို အခြားဘာသာတစ်ခုနှင့် ပြန်ဆိုရေးသားပြောဆိုခြင်း-ဗွောင်နယ်အဓိပ္ပါယ်ႏနုဲင်းနဝ်ꩻ ဗွေႏဩ။\nမဉ်ႏဗွောင်နုဲင်းယို အခင်ႏလမ်းတွမ်ႏအခင်ႏလမ်း၊ အထွာတွမ်ႏအထွာ၊ အငွါတွမ်ႏအငွါ၊ အဖြုံႏစဲဉ်ႏ-အဖြုံႏမဲဉ်ႏ၊ ဥပမာႏ-မန်းငဝ်းနဝ်ꩻ ပယ်ချ၊ ပယ်ထုတ်၊ ပယ်နုတ်၊ ပယ်ဖျက်-ယိုဖုံႏနဝ်ꩻ မဉ်ႏယူႏတဖွေါင်းတဖင်းနဝ်ꩻ အဓိပ္ပါယ်ႏဗွန်ဝင်ꩻ၊ ယဟန်ႏနဝ်ꩻ ယူႏ နုဲင်းနဝ်ꩻ၊ ကွဲႏတွော့ꩻ- အခွုမ်စံႏပုံႏနဝ်ꩻ ဗွန်စွဉ်ႏဝင်ꩻကရိုꩻနဝ်ꩻတဲ့ အထွိုင်ႏသုံꩻအခင်ႏလမ်းနဝ်ꩻ အဝ်ႏ ၄-ထွောင်းနုဲင်းယို ဗွေႏဩ။\nအထွိုင်ႏသုံꩻ အခင်ႏလမ်းတွမ်ႏအခင်ႏလမ်း၊ အထွာစွဉ်ႏအထွာ၊ အငွါတွမ်ႏအငွါနဝ်ꩻ အဝ်ႏနုဲင်းမုဲင်ꩻနဲးတဲင်- ဥပမာႏ- “ပယ်ချ”နဝ်ꩻတငွါနဝ်ꩻ “အသနားခံလွှာကို ပယ်ချ”လိုက်သည်၊ “ပယ်ထုတ်”နဝ်ꩻ “မမှန်မကန်ပြုလုပ်သောသူကို အဖွဲ့မှ ပယ် ထုတ်လိုက်သည်”။ ထွိုင်ႏတွိုႏနဝ်ꩻကိုနဝ်ꩻ သုံꩻဒျာႏ “ပယ်ထုတ်”နုဲင်းနဝ်ꩻ။\nနဝ်ꩻမꩻ “ပယ်နုတ်”နဝ်ꩻ “မလိုလားအပ်သော အောက်ပါစကားပိုဒ်ကို ပယ်နုတ်လိုက်သည်”။ နဝ်ꩻနဝ်ꩻ သုံꩻဒျာႏ”ပယ်နုတ်” တဲ့ ဗွေႏဩ။\nအဝ်ႏကုဲင်”ပယ်ဖျက်”နဝ်ꩻ “(က)အမှတ်ပါ မူလစကားရပ်ကို ပယ်ဖျက်၍ အောက်ဖော်ပြပါ စကားရပ်အသစ်ဖြင့် အစားထိုးရမည်”။\nဝင်ꩻသုံꩻလွေꩻ အခင်ႏလမ်းတွမ်ႏအခင်ႏလမ်း၊ အထွာတွမ်ႏအထွာ၊ အငွါတွမ်ႏအငွါနုဲင်းနဝ်ꩻ ဗွေႏဩ၊ အပုံႏမဲဉ်ႏ အထုံꩻမဲဉ်ႏ အဝ်ႏနုဲင်းနဝ်ꩻ ဗွေႏဩ၊ နီသွဉ်းသီးလဲ့ ဖေႏကသုံꩻနွောင်ꩻနုဲင်းနဝ်ꩻ ကျိုꩻစာꩻလွသွော့ ဗွေႏသီးဩ။\nနေင်ႏ ၁၃၇၄-ဗာႏ၊ ဒဲဉ်စေတ်ꩻလောင်း(၁၂)နီꩻ\nမွူးရောဝ်ꩻခိုႏ ပထမအခိန်ႏ ပွယ်ꩻအုံကွံ\nပိဋကတ်ပြန်ႏပအိုဝ်ႏ အစွိုꩻဥက္ကဋ္ဌ ဗွေႏဗွန်ကောဝိဒ (ဇဝနာရာမ၊ သီႏသဲင်ႏ)\nငဝ်းဩဝါဒတွမ်ႏ သျင်ꩻနယ်ဝေါဟာရခရာႏ အမုဲင်(၁)\nကရိုႏသေႏထွိုက်ငါႏ ဗွေႏသံဃာႏသီးဖုံႏ ဗွေႏဩ-\nနေင်ႏ ၁၃၇၃-ဗာႏ၊ ဒဲဉ်စေတ်ꩻလောင်း(၁၃)နီꩻ၊ နေင်ႏဟာနဝ်ꩻ လွောင်ႏဗူႏလွေꩻ “ပိဋကတ်ပြန်ႏပအိုဝ်ႏစွိုꩻ”တဲင် နေင်ႏ ၁၃၇၄-ဗာႏ၊ ဒဲဉ်စေတ်ꩻလောင်း(၁၃)နီꩻ၊ မွူးရဝ်ꩻယိုနဝ်ꩻ တနေင်ႏခွပ်သွူတွော့ꩻ ပွယ်ꩻအုံကွံ ယိုတလဲင်ႏနဝ်ꩻ မဉ်ႏရိုꩻ”နေင်ႏခွပ်ပွယ်ꩻ အုံကွံ”တဲ့ မွေးဒျာႏသွူဩ။\nယိုခါနဝ်ꩻ “ဒဲဉ်သီႏလက်ဆောင်ႏ”စတဲင်စားနဝ်ꩻဖုံႏ ခွေထေ၊ နာꩻထေတဲင် ကပ်လူႏလွဉ်ပါ ခွေသွဉ်းယင်တွော့ꩻ ခွေသွဉ်း တဲ့ ဟော်ꩻထွားဆွုမ်ႏဗာႏ “လင်္ကာႏ၊ ကဗျာ၊ ရွမ်ဖြုဲင်ꩻ၊ ဝတ္ထု၊ စော့ꩻလာႏ၊ ဒဿန”စတဲင်ကဏ္ဍပေါင်ꩻစွုမ်ႏ၊ အကျောင်ꩻခရာႏစွုမ်ႏ ဟော်ꩻထွားဆွုမ်ႏနဝ်ꩻမꩻ သꩻရေꩻငါႏ မရေႏမရာႏသွူ။\nကတဲမ်းနဝ်ꩻသားဖုံႏအကို ယပါꩻပါꩻ\/ယဖြာꩻဖြာꩻနဝ်ꩻ လင်္ကာႏကဗျာ တဲမ်းပုံႏတဲမ်းနယ်ꩻတဲ့နဝ်ꩻ၊ တဲမ်းလိတ်အပုံႏအနယ်ꩻ တဲ့နဝ်ꩻ၊ ထူႏသုံꩻဝေါဟာရ အပုံႏအနယ်ꩻတဲ့နဝ်ꩻ၊ ငဝ်းအလွေꩻအသဲင်ꩻ၊ ငဝ်းချာငဝ်းငါတဲ့နဝ်ꩻ စတဲင်နုဲင်းနဝ်ꩻဖုံႏနဝ်ꩻ အဝ်ႏလိုႏနေက ဆေ့ꩻဆေ့ꩻပေႏ၊ အဝ်ႏလိုႏဖေႏ အပုံႏအနယ်ꩻ ခတ်ကယ်ꩻဆွုမ်ႏဗာႏပါနုဲင်းနဝ်ꩻယင်သွူ။\nကွပ်နဝ်ꩻမꩻ ပွယ်ꩻအုံကွံဟန်ႏနီꩻယိုနဝ်ꩻ အထျꩻထျꩻ အဝ်ႏဝေါဟာရကိစ္စတဲင် ခွေသွဉ်းကဒင်ႏလဝ်းသေႏသေႏ “ပါဠိတောႏ အယပ်ꩻယပ်ꩻကို ပြန်ႏနယ်နမူႏနာႏ”နဝ်ꩻ အဝ်ႏထွောင်း(၂၄၀)လဲဉ်းသွူ၊ နဝ်ꩻနဝ်ꩻ အွဉ်ႏသဝ်ꩻယို့ꩻတွော့ꩻ ယိုတလဲင်ႏနဝ်ꩻ အီႏသျင်ꩻ နယ်ဖေႏတေား ဝေါဟာရခရာႏသွူ ဗွေႏဩ။\n“ဝေါဟာရ-ဝေါဟာရ”ကရိုꩻနဝ်ꩻ ထူႏသုံꩻပါဘာႏသာႏငဝ်း၊ “ဝေါဟာရ”အဓိပ္ပါယ်ႏအချွုတ်နဝ်ꩻ “အွဉ်ႏသေအီ”အဓိပ္ပါယ်ႏ လꩻနုဲင်းနဝ်ꩻ၊ “ယိုနဝ်ꩻ ဟဲ့ꩻနုဲင်းမုဲင်ꩻ၊ နဝ်ꩻနဝ်ꩻ မဉ်ꩻနုဲင်းမုဲင်ꩻ၊ ဟဲ့ꩻနုဲင်းယို၊ မဉ်ꩻနုဲင်းနဝ်ꩻ”ပေါႏဒေါ့ꩻနယ်တဲ့ သေဗာႏ၊ ကွပ်���ဝ်ꩻမꩻ “ငဝ်း၊ ဝေါဟာရ၊ အဘိဓာန်ႏ၊ ဘာႏသာႏ၊ လိတ်”ကရိုꩻဒါႏယိုဖုံႏနဝ်ꩻ အဓိပ္ပါယ်ႏဗွန်ပီ အွဉ်ႏသေအီလွဉ်းလွဉ်းသွူ။\nလိုꩻမျိုꩻတွိုင်ꩻ၊ လိုꩻမျိုꩻတွိုင်ꩻနဝ်ꩻ ငဝ်းဝေါဟာရအဝ်ႏလွဉ်းလွဉ်း၊ ကွပ်နဝ်ꩻမꩻ နီပအိုဝ်ႏတဲ့ နီငဝ်း၊ နီဝေါဟာရအဝ်ႏ၊ နီငဝ်း ဝေါဟာရဖုံႏယိုနဝ်ꩻ-\n၁။\tပအိုဝ်ႏငဝ်းဝေါဟာရစဲစ်စဲစ်အဝ်ႏ၊\n၂။\tထူႏသုံꩻ ပါဠိငဝ်းဝေါဟာရအဝ်ႏ၊\n၃။\tထူႏသုံꩻ လိုꩻမျိုꩻလင်ငဝ်းဝေါဟာရအဝ်ႏ၊\nထူႏလွူးသွံဖြာꩻ လꩻခါꩻသွံထွောင်းနုဲင်းနဝ်ꩻသွူ။\nအမုဲင်(၁)အလꩻ- နီပအိုဝ်ႏငဝ်းဝေါဟာရကိုနဝ်ꩻ-\n(က)\tငဝ်းအမွီႏအနေႏ လိုႏထိန်ꩻသေႏသေႏသက်သက်၊\n( ခ )\tငဝ်းတေက်ꩻနျꩻချာစွိုးခွိုꩻတဲင် လိုႏအွဉ်ႏကုဲင်ထိုꩻ၊\n( ဂ )\tနီငဝ်း-ဝင်ꩻငဝ်း အသုံꩻအဝ်ႏနီမျိုꩻကိုနဝ်ꩻ လိုႏထူႏသုံꩻအာအာချာဒျာႏ နီငဝ်း၊\n(ဃ)\tခေတ်တသာအလွိုက် လိုႏထွင်ႏထွိုက်ထွင်ႏသင်ꩻ ငဝ်းဝေါဟာရဖုံႏတဲ့အဝ်ႏ၊ အဝ်ႏ(၄)မျိုꩻနုဲင်းနဝ်ꩻသွူ။\nအမုဲင်(က)အလꩻ ငဝ်းအွီႏအနေႏနဝ်ꩻ- “မွိုးဗွေႏ၊ ဖါဗွေႏ၊ ဆရာႏဗွေႏ၊ ဘုရာꩻဂုဏ်ႏ၊ တရာꩻဂုဏ်ႏ၊ သံဃာႏဂုဏ်ႏ၊ ကုသိုလ်ႏ \nကံႏဟဝ်ငါႏ”စတဲင်နုဲင်းနဝ်ꩻဖုံႏသွူ။\nပွိုးထမုဲင်ꩻနဲးတဲင် ဟဲ့ꩻပဉ်ငွါငွါ၊ ယူႏချာသꩻကိုမွိုင် ထွာနုဲင်းမုဲင်ꩻ၊ ဟဲ့ꩻစံꩻ ထွူႏထွူႏတွုမ်တွုမ်မွိုင် “မွိုးဗွေႏ၊ ဖါဗွေႏ၊ ဆရာႏ ဗွေႏ”တဲ့၊ “ဗွေႏ”ကရိုꩻဒါႏ ငဝ်းဝေါဟာရနဝ်ꩻ ထွာငဝ်းရိုႏသေႏတဲင် “ဗွေႏ”နဝ်ꩻ ဟဲ့ꩻတွယ်ꩻမွိုးဖါဆရာႏတဲင် သꩻကိုနဝ်ꩻ အဝ်ႏလွိုႏလွိုႏ ကာႏကာႏ သꩻရိုႏသေႏမွိုး၊ သꩻရိုႏသေႏဖါ၊ သꩻရိုႏသေႏဆရာႏနဝ်ꩻ ပေါႏထန်ႏထွူစွဉ်ႏဒျာႏ၊ ထွာငါႏ ဝေါဟာရအငိုꩻတန်ႏနဝ်ꩻသွူ။\n“ဂုဏ်ႏ”ကရိုꩻဒါႏ ငဝ်းဝေါဟာရယို ကထင်ႏအွဉ်ႏတွယ်ꩻ “ဘုရာꩻ တရာꩻ သံဃာႏ”တဲင် သꩻကိုနဝ်ꩻ အာႏကွိုꩻဘုရာꩻတရာꩻ သံဃာႏ၊ သꩻအာႏကွိုꩻ ရတနာႏသွံပါꩻ ပေါႏလွဉ်၊ ပေါႏယွုမ်းအံႏ အာႏကွိုꩻသေႏသေႏ ရတနာႏသွံပါꩻတဲ့ ထွာသေႏသေႏဗာႏ ဗုဒ္ဓဘာႏ သာႏနဝ်ꩻသွူ။\n“ကံႏဟဝ်မွေးငါႏ”ကရိုꩻနဝ်ꩻ ယွုမ်းအံႏကံႏ၊ ယွုမ်းအံႏကံႏအကျိုꩻတဲင် ထွာအီသမ္မာဒိဋ္ဌိလိုꩻမျိုꩻ-စတဲင် အကျိုꩻအဝ်ႏအာ နဝ်ꩻမꩻ “ငဝ်းအကျိုꩻထွာ-ငွါအကျိုꩻအဝ်ႏ”နုဲင်းနဝ်ꩻဖုံႏနဝ်ꩻ “မတ်မွိုးငွါ-မတ်ဖါငဝ်း”တွော့ꩻ လိုႏအွဉ်ႏထိုꩻမားတဝ်း၊ လိုႏထိန်ꩻသေႏ သေႏသက်သက်နဝ်ꩻသွူ။\nအမုဲင်(ခ)အလꩻ “ငဝ်းတေက်ꩻနျꩻချာ စွိုးခွိုꩻ”ကရိုꩻနဝ်ꩻ- ဥပမာႏ-“မူႏယ၊ မူႏသေင်၊ လိုꩻတောင်ႏသူႏ၊ တောင်ႏသာꩻ၊ ထော့ꩻ သားပေႏ-ဒေႏသားပို”စတဲင်နုဲင်းနဝ်ꩻဖုံႏသွူ၊ ငဝ်းဝေါဟာရယိုဖုံႏနဝ်ꩻ တေက်ꩻနျꩻချာစွိုးခွိုꩻလိုꩻမျိုꩻ၊ “မူႏယ၊ မူႏသေင်”ကရိုꩻနဝ်ꩻ တေက်ꩻနျꩻလိုꩻမူႏ၊ လိုꩻမူႏ-ကရိုꩻနဝ်ꩻ တွမ်ႏထာꩻယ၊ ထာꩻသေင်နဝ်ꩻ ဗွိုန်ပီလို့ဝင်ꩻ၊ သုံꩻအမျာꩻခြာတထွာတဝ်း၊ ထင်းဖွီထီႏပေႏ လိုꩻ မူႏဘဝနုဲင်းနဝ်ꩻ၊ လိုꩻမူႏဖုံႏတဲ့ ထင်းဖွီထီႏပေႏ တလꩻတဝ်းကရိုꩻနဝ်ꩻ ယိုခါခဲ့ꩻခဲ့ꩻ လုမ်ꩻလုမ်ꩻလျားလျား ထွားသွော့”မန်းမူႏ အောင်ဆန်းစုကြည်”နဝ်ꩻ။\nတကမ္ဘာႏလုမ်းအံႏဖြာႏ၊ ဖေႏဗာႏစွဉ်ႏ ဆုꩻအမျိုꩻမျိုꩻမွေးတဝ်းနဲ့၊ နီတကာႏ နင်ꩻပအိုဝ်ႏမူႏကိုတဲ့ ဖေႏနေးကဖြွဉ်ထန်ႏလွဉ် နုဲင်းနဝ်ꩻနဝ်ꩻ အဝ်ႏလိုႏသွဉ်မွေးမွေးပညာႏ၊ ပေါႏပအိုဝ်ႏမူႏကျ ဖြွဉ်ထန်ႏလွဉ်နဝ်ꩻတဲးတဲ “မူႏယ၊ မူႏသေင်”ကရိုꩻဒါႏငဝ်းယို ထိုꩻမား ခြေင်ထိုꩻဗာႏ။\n“နီယို လိုꩻတောင်ႏသူႏ တောင်ႏသာꩻဒျာႏ၊ သေနာႏတဝ်းနုဲင်းဝင်ꩻ၊ တဒါႏတဝ်းရင်ꩻရင်ꩻ”ရိုꩻနုဲင်းနဝ်ꩻတဲင် အနမ်းတွမ်ႏအနမ်း ဟွုန်ငမ်းထဲ့လ ခံႏဖွိုႏထိုꩻဘဝနုဲင်းနဝ်ꩻတဲ့ အဝ်ႏ။\n“ထော့ꩻသားပေႏ-ဒေႏသားပို အီကဲးထမုဲင်ꩻယို”ရိုꩻနုဲင်းနဝ်ꩻတဲ့အဝ်ႏ၊ ကွပ်မွိုးဖါလွူးထော့ꩻ လွူးဆျာ၊ ဒွိုႏစာသူႏရာႏတဲင် ပိုတဲ့ ဝင်ꩻထီႏပေႏ၊ သွင်ꩻဖွီအီဒါႏနုဲင်းနဝ်ꩻ။\nကွဲႏတွော့ꩻ-\n“ထော့ꩻသားပိုတဲ့ ထွာဒါႏပညာႏဗွေႏ”\n“ဒေႏသားပိုတဲ့ ထွာဒါႏသူႏတောႏကောင်ꩻ”\n“လိုꩻခြေားပိုတဲ့ ထွာဒါႏလိုꩻခြွေ”\n“လိုꩻခြွေပိုတဲ့ ထွာဒါႏလိုꩻခြေား”\nလောကနိယာမတရာꩻအလꩻ-\n“ကံႏဆꩻ-ကံႏသိုႏ၊ ခိုႏဒွမ်-ကီလ၊ ရငါငါလွေꩻစွဉ်ႏပို၊ ဒိုငါငါလွေꩻစွဉ်ႏလီꩻ-မွေးတဝ်း”\n“ဖိုး-တဲ့ အဝ်ႏတွမ်ႏအနုံꩻ၊ ခုံꩻ-တဲ့ အဝ်ႏတွမ်ႏအဆူႏ”တဲင် “ယူႏသီ-ထင်းဖွီ”နုဲင်းနဝ်ꩻ တလꩻတဝ်း၊ ကွဲႏတွော့ꩻ- ငဝ်းနဝ်ꩻဖုံႏ နဝ်ꩻ အဝ်ႏလိုႏထုမ်ႏတေားအခြောင်ꩻ၊ အဝ်ႏလိုႏပြောင်ꩻတေား အငွါ။\nဥပမာႏ- မန်းငဝ်း\nစခါနဝ်ꩻ ဟဲ့ꩻဒျာႏ “တံငါသည်”၊ ယိုခါနဝ်ꩻ ဟဲ့ꩻတေား “ရေလုပ်သား”\nစခါနဝ်ꩻ ဟဲ့ꩻဒျာႏ “ကူလီ-အလုပ်သား”၊ ယိုခါနဝ်ꩻ ဟဲ့ꩻတေား “ကာယလုပ်သား”\nစခါနဝ်ꩻ ဟဲ့ꩻဒျာႏ “အစေခံ”၊ ယိုခါနဝ်ꩻ ဟဲ့ꩻတေား “အိမ်ဖော်”\nစခါနဝ်ꩻ ဟဲ့ꩻဒျာႏ “ပုလိပ်”၊ ယိုခါနဝ်ꩻ ဟဲ့ꩻတေား “ပြည်သူ့ရဲ”\nဖေႏကလွောက်ꩻတွမ်ႏခေတ်၊ ဖေႏကသစ်မွုန်း တွမ်ႏကာႏလတဲင် ထွိုက်ရာꩻဝင်ꩻလုဲင်ႏ၊ ဖုဲင်ႏရာꩻဝင်ꩻပြောင်ꩻထိုꩻတေား ဝေါဟာရနုဲင်းနဝ်ꩻဖုံႏသွူ။\nအမုဲင်(ဂ)အလꩻ “အသုံꩻအဝ်ႏနီမျိုꩻ”ကရိုꩻနဝ်ꩻ ဥပမာႏ- “ကဲ့ꩻရဲ့ꩻ-သဲ့ꩻသွမ်ꩻ”၊ “ပတ်သက်-ပွိုင်းဝွို့”စတဲင် နုဲင်း���ဝ်ꩻနီမျိုꩻ နီမျိုꩻ အဝ်ႏလိုႏထူႏသုံꩻအာအာဒျာႏ နီငဝ်း “သဲ့ꩻသွမ်ꩻ၊ ပွိုင်းဝွို့”စတဲင်နုဲင်းနဝ်ꩻဖုံႏသွူ။\nအမုဲင်(ဃ)အလꩻ ခေတ်တသာယို ကပေါႏဒါႏ “အဉ်တာနဲစ်”၊ “ကွန်ပျူတာ”စတဲင် ငဝ်းဝေါဟာရတသာဖုံႏနဝ်ꩻသွူ။\nမဉ်ႏထွင်ႏဝေါဟာရတသာနဝ်ꩻ အဝ်ႏလိုႏယူႏလꩻလꩻပါဒျာႏ ပါဠိဘာႏသာႏ၊ ဥပမာႏ- မန်းပညာႏသားကထွင်ႏဒါႏ-\n“နက္ခတ္တဗေဒ-နက္ခတ်ဆဲင်ႏရာꩻ ထာꩻသေထာꩻဒါႏ”\n“ဘူမိဗေဒ-ဟံႏဆဲင်ႏရာꩻ ထာꩻသေထာꩻဒါႏ”\n“ဇလဗေဒ-ထီဆဲင်ႏရာꩻ ထာꩻသေထာꩻဒါႏ”\n“ပါမောက္ခ-အတန်အကဲႏ”\n“တက္ကသိုလ်ကထိက-သွဉ်ဖေႏတက္ကသိုလ်ႏသား”\n“ဓမ္မကထိက-ဟော်ꩻတရာꩻသား”\nစတဲင်ထူႏသုံꩻပါဠိဝေါဟာရနုဲင်းနဝ်ꩻဖုံꩻနဝ်ꩻ ဝွေꩻသီးရိုꩻ-“တည်တံ့ခံ့ညားသော ဝေါဟာရများ”တဲ့။\nဝွေꩻသီးဝေါဟာရဖု့ႏအကို ကထူႏသုံꩻ ပါဠိဝေါဟာရနုဲင်းယိုဖုံႏနဝ်ꩻ “ခံ့ညား”အယံစား၊ အရန်းထို ဝွေꩻသီးသꩻကို ထူႏဂုဏ်ႏ နုဲင်းနဝ်ꩻဖုံႏသွူ။\nမွေးဒျာႏရင်ꩻ၊ ဥပမာႏ- “နက္ခတ္တဗေဒ”နဝ်ꩻ သုံꩻတေား “နက္ခတ်ဆိုင်ရာ အတတ်ပညာများ”နုဲင်းနဝ်ꩻနဝ်ꩻ ဝွေꩻသီးရိုꩻ ”ခံ့ညား”တဝ်းဒွုမ်၊ ဝေါဟာရအရန်း ဟွုန်ဖွိုႏထိုꩻတဲ့။\nကွပ်နဝ်ꩻမꩻ နီပအိုဝ်ႏတဲ့ ဗုဒ္ဓဘာႏသာႏဖုံႏဒျာႏတဲင် မဉ်ႏထွင်ႏဝေါဟာရတသာနဝ်ꩻ လိုႏယူႏလꩻလꩻပါဒျာႏ ငဝ်းပါဠိဘာႏသာႏ နဝ်ꩻသွူ။\nမန်းလိုꩻမျိုꩻ ဒါႏပညာႏသားဖုံႏ အဝ်ႏပါဠိငဝ်း ကအွဉ်ႏထွာတေား မန်းငဝ်းဝေါဟာရနဝ်ꩻ နေးတွမ်ႏအနယ်ꩻအမျိုꩻမျိုꩻ မာꩻထိုꩻငဝ်းဝေါဟာရအကျောင်ꩻ ခွေသွဉ်းထွားလွူꩻ (လေ့လာ)တဲင် ခွေသွဉ်းကမော့ꩻ အချက်ပေါင်ꩻ(၄၅)ချက်ဖုံႏနဝ်ꩻ လယို အတွိုင်ꩻသွူ။\n၁။\tစူꩻပါဠိအတွိုင်ꩻတွိုင်ꩻတဲ့အဝ်ႏ၊ ဥပမာႏ- “ဒါန၊ သီလ၊ ဘာဝနာ”စတဲင်နုဲင်းနဝ်ꩻဖုံႏသွူ။\n၂။\tငဝ်းပါဠိအသွတ်ꩻ တဖြုံႏနဝ်ꩻ သွတ်ꩻထိုꩻ(သတ်ꩻထိုꩻ)တဲ့အဝ်ႏ၊ ဥပမာႏ- “ကထိန-ကထိန်”၊ “အဓိပ္ပါယ-အဓိပ္ပါယ်”စတဲင် နုဲင်းနဝ်ꩻဖုံႏသွူ။\n၃။\tငဝ်းပါဠိနီဖြုံႏ ထူႏတွယ်ꩻတဲ့အဝ်ႏ၊ ဥပမာႏ- “စတုမဓူ”၊ “ခေတ္တခဏ” စတဲင်နုဲင်းနဝ်ꩻဖုံႏသွူ။\n၄။\tဆꩻချာနဝ်ꩻ ပါဠိ၊ ဆꩻငါနဝ်ꩻမန်း၊ အဓိပ္ပါယ်ႏဗွန်ဝင်ꩻ သုံꩻတွယ်ꩻတဲ့အဝ်ႏ၊ ဥပမာႏ- “ကုဋ္ဌ-နူနာ”၊ “ဌာပနာ-သွင်းထား” စတဲင်နုဲင်းနဝ်ꩻဖုံႏသွူ။\n၅။\tဆꩻချာနဝ်ꩻ မန်းငဝ်း၊ ဆꩻငါနဝ်ꩻ ပါဠိငဝ်း အဓိပ္ပါယ်ႏဗွန်ဝင်ꩻ သွုံꩻတွယ်ꩻတဲ့အဝ်ႏ၊ ဥပမာႏ- “အကျင့်-စာရိတ္တ”၊ “ဂိုဏ်း-ဂဏ” စတဲင်နုဲင်းနဝ်ꩻဖုံႏသွူ။\n၆။\tဆꩻချာနဝ်ꩻ ပါဠိငဝ်း၊ ဆꩻငါမန်းငဝ်း အဓိပ္ပါယ်ႏဗွန်တဝ်း သွုံꩻတွယ်ꩻလို့ဝင်ꩻတဲ့အဝ်ႏ၊ ဥပမာႏ-“ဒေါသ-ရှေ့ထား”၊ “မေတ္တာ-တရား” စတဲင်နုဲင်းနဝ်ꩻဖုံႏသွူ။\n၇။ ဆꩻချာနဝ်ꩻ မန်းငဝ်း၊ ဆꩻငါနဝ်ꩻ ပါဠိငဝ်း အဓိပ္ပါယ်ႏဗွန်တဝ်း သွုံꩻတွယ်ꩻလို့ဝင်ꩻတဲ့အဝ်ႏ၊ ဥပမာႏ- “စာရေး-ကိရိယာ”၊ “ဝန်ထမ်း-လောက”စတဲင်နုဲင်းနဝ်ꩻဖုံႏသွူ။\n၈။\tဆꩻချာနဝ်ꩻ ပါဠိကုဲင် ဆꩻငါနဝ်ꩻမန်းငဝ်း အဓိပ္ပါယ်ႏဗွန်တဝ်း သွုံꩻတွယ်ꩻလို့ဝင်ꩻတဲ့အဝ်ႏ၊ ဥပမာႏ- “အဓိပ္ပါယ်-ခက်ခဲ”၊ “နိဗ္ဗာန်-ဆုတောင်း” စတဲင်နုဲင်းနဝ်ꩻဖုံႏသွူ။\n၉။\tဆꩻချာတဲ့ပါဠိကုဲင်၊ ဆꩻငါတဲ့ပါဠိကုဲင်တဲင် သွုံꩻတွယ်ꩻလို့ဝင်ꩻတဲ့အဝ်ႏ၊ ဥပမာႏ- “နိဗ္ဗာန် အဓိပ္ပါယ်”၊ “ပါစိတ်-အာပတ်” စတဲင်နုဲင်းနဝ်ꩻဖုံႏသွူ။\nပါဠိကုဲင်-ကရိုꩻနဝ်ꩻ “နိဗ္ဗာန”နဝ်ꩻ ဟဲ့ꩻတေား နိဗ္ဗာန်၊ အဓိပ္ပါယ-နဝ်ꩻ ဟဲ့ꩻတေား အဓိပ္ပါယ်၊ ပါစိတ္တိယ-နဝ်ꩻ ဟဲ့ꩻတေား ပါစိတ်၊\nအာပတ္တိ-နဝ်ꩻ ဟဲ့ꩻတေား အာပတ်၊ မာꩻကုဲင်ထိုꩻ ပါဠိနုဲင်းနဝ်ꩻတဲင် “နိဗ္ဗာန်၊ အဓိပ္ပါယ်၊ ပါစိတ်” စတဲင်နုဲင်းနဝ်ꩻဖုံႏနဝ်ꩻ ဟဲ့ꩻပါဠိကုဲင်\nနဝ်ꩻသွူ။\nနေင်ႏ ၁၃၇၄-ဗာႏ၊ ဒဲဉ်စေတ်ꩻလောင်း(၁၂)နီꩻ\nမွူးယာခိုႏ ဒုတိယအခိန်ႏ ပွယ်ꩻအုံကွံ\nပိဋကတ်ပြန်ႏပအိုဝ်ႏ အစွိုꩻဥက္ကဋ္ဌ ဗွေႏဗွန်ကောဝိဒ (ဇဝနာရာမ၊ သီႏသဲင်ႏ)\nငဝ်းဩဝါဒတွမ်ႏ သျင်ꩻနယ်ဝေါဟာရခရာႏ အမုဲင်(၂)\n၁၀။\tပါဠိအသွတ်ꩻ ဆꩻချာတငွါနဝ်ꩻ က်-ရီးသွတ်ꩻထွူတဲင် သုံꩻအီတဲ့အဝ်ႏ၊ ဥပမာႏ- “ပါတိမောက္ခ-ပါတိမောက်၊ “စေတသိ က-စေတသိက်” စတဲင်နုဲင်းနဝ်ꩻဖုံႏသွူ။\n၁၁။\tပါဠိအသွတ်ꩻ ဆꩻချာတငွါနဝ်ꩻ ခ်-ရီးသွတ်ꩻထွူတဲင် ထူႏသုံꩻအီတဲ့အဝ်ႏ၊ ဥပမာႏ- “အရှေ့မုခ်”၊ “မုခ်ပေါက်”(မုခ-ခံတွင်း၊ ပေါက်) စတဲင်နုဲင်းနဝ်ꩻဖုံႏသွူ။\n၁၂။\tပါဠိအသွတ်ꩻ ဆꩻချာတငွါနဝ်ꩻ ဂ်-ဆုဲင်ꩻသွတ်ꩻထွူတဲင် ထူႏသုံꩻအီတဲ့အဝ်ႏ၊ ဥပမာႏ- “ကဝဂ္ဂ-ကဝဂ်၊ “စဝဂ္ဂ-စဝဂ်” စတဲင် နုဲင်းနဝ်ꩻဖုံႏသွူ။\n၁၃။\tပါဠိအသွတ်ꩻ ဆꩻချာတငွါနဝ်ꩻ င်-သွတ်ꩻထွူတဲင် ထူႏသုံꩻအီတဲ့အဝ်ႏ၊ ဥပမာႏ- “ဘဝင်္ဂ-ဘဝင်”၊ “မဂ္ဂင်္ဂ-မဂ္ဂင်” စတဲင်နုဲင်း နဝ်ꩻဖုံႏသွူ။\n၁၄။\tပါဠိအသွတ်ꩻ ဆꩻချာတငွါနဝ်ꩻ ဇ်-ဆုဲင်ꩻသွတ်ꩻထွူတဲင် ထူႏသုံꩻအီတဲ့အဝ်ႏ၊ ဥပမာႏ- “စတုမဟာရာဇ-စတုမဟာရာဇ်“၊ “သက္ကရာဇ-သက္ကရာဇ်” စတဲင်နုဲင်းနဝ်ꩻဖုံႏသွူ။\n၁၅။\tပါဠိအသွတ်ꩻ ဆꩻချာတငွါနဝ်ꩻ ဉ်-ဆုဲင်ꩻသွတ်ꩻထွူတဲင် ထူႏသုံꩻအီတဲ့အဝ်ႏ၊ ဥပမာႏ- “အဘိညာဏ-အဘိညာဉ်”၊ “ဝိညာဏ-ဝိညာဉ်” စတဲင်နုဲင်းနဝ်ꩻဖုံႏသွူ။ \n၁၆။\tပါဠိအသွတ်ꩻ ဆꩻချာတငွါနဝ်ꩻ ဋ်-ရီးသွတ်ꩻထွူတဲင် ထူႏသုံꩻအီတဲ့���ဝ်ႏ၊ ဥပမာႏ- “ဝဋ္ဋ-ဝဋ်ဆင်းရဲ“၊ “ဂိဇ္ဈကူဋ-ဂိဇ္ဈကုဋ် တောင်” စတဲင်နုဲင်းနဝ်ꩻဖုံႏသွူ။\n၁၇။\tပါဠိအသွတ်ꩻ ဆꩻချာတငွါနဝ်ꩻ ဌ်-ရီးသွတ်ꩻထွူတဲင် ထူႏသုံꩻအီတဲ့အဝ်ႏ၊ ဥပမာႏ- “ပါဌ-ပါဌ်အနက်”၊ “ပါဠိ-ပါဌ်သား” စတဲင်နုဲင်းနဝ်ꩻဖုံႏသွူ။\n၁၈။\tပါဠိအသွတ်ꩻ ဆꩻချာတငွါနဝ်ꩻ ဏ်-ရီးသွတ်ꩻထွူတဲင် ထူႏသုံꩻအီတဲ့အဝ်ႏ၊ ဥပမာႏ- “ပါရာဇိက-ပါရာဇိကဏ်”၊ ဆꩻငါသွတ်ꩻဆꩻချာတငွါနဝ်ꩻ ဏ်-သွတ်ꩻ “ဥပ္ပလဝဏ္ဏ-ဥပ္ပလဝဏ်”ထူႏသုံꩻစတဲင်နုဲင်းနဝ်ꩻတဲ့ အဝ်ႏနဝ်ꩻသွူ။\n၁၉။\tပါဠိအသွတ်ꩻ ဆꩻချာတငွါနဝ်ꩻ တ်-ဆုဲင်ꩻသွတ်ꩻထွူတဲင် ထူႏသုံꩻအီတဲ့အဝ်ႏ၊ ဥပမာႏ- “ပိဋက-ပိဋကတ်”၊ ဆꩻငါသွတ်ꩻ ဆꩻချာတငွါနဝ်ꩻ တ်-သွတ်ꩻ “နိပါတ-နိပါတ်”ထူႏသုံꩻစတဲင်နုဲင်းနဝ်ꩻတဲ့ အဝ်ႏနဝ်ꩻသွူ။\n၂၀။\tပါဠိအသွတ်ꩻ ဆꩻချာတငွါနဝ်ꩻ ဒ်-ဆုဲင်ꩻသွတ်ꩻထွူတဲင် ထူႏသုံꩻအီတဲ့အဝ်ႏ၊ ဥပမာႏ- “စိတ္တုပ္ပါဒ-စိတ္တုပ္ပါဒ်“၊ “ပဋိစ္စသမုပ္ပါ ဒ-ပဋိစ္စသမုပ္ပါဒ်”စတဲင်နုဲင်းနဝ်ꩻဖုံႏသွူ။\n၂၁။\tပါဠိအသွတ်ꩻ ဆꩻချာတငွါနဝ်ꩻ န်-ဆုဲင်ꩻသွတ်ꩻထွူတဲင် ထူႏသုံꩻအီတဲ့အဝ်ႏ၊ ဥပမာႏ- “ဂန္ထ-ကျမ်းဂန်”၊ “ဈာန-ဈာန်တရား“ စတဲင်နုဲင်းနဝ်ꩻဖုံႏသွူ။\n၂၂။\tပါဠိအသွတ်ꩻ ဆꩻချာတငွါနဝ်ꩻ ပ်-သွတ်ꩻထွူတဲင် ထူႏသုံꩻအီတဲ့အဝ်ႏ၊ ဥပမာႏ- “ကပ္ပ-ကပ်သုံးပါး“၊ “သင်္ခေပ-သံခေပ်၊ သံခိပ်ကျမ်း” စတဲင်နုဲင်းနဝ်ꩻဖုံႏသွူ။\n၂၃။\tပါဠိအသွတ်ꩻ ဆꩻချာတငွါနဝ်ꩻ ဘ်-ဆုဲင်ꩻသွတ်ꩻထွူတဲင် ထူႏသုံꩻအီတဲ့အဝ်ႏ၊ ဥပမာႏ- “လာဘ-လာဘ်တိတ်”၊ “လာဘ် သပ်ပကာ” စတဲင်နုဲင်းနဝ်ꩻဖုံႏသွူ။\n၂၄။\tပါဠိအသွတ်ꩻ ဆꩻချာတငွါနဝ်ꩻ မ်-သွတ်ꩻထွူတဲင် ထူႏသုံꩻအီတဲ့အဝ်ႏ၊ ဥပမာႏ- “မဟာနာမ-မဟာနာမ်“၊ “ရူပနာမ-ရုပ် နာမ်” စတဲင်နုဲင်းနဝ်ꩻဖုံႏသွူ။\n၂၅။\tပါဠိအသွတ်ꩻ ဆꩻချာတငွါနဝ်ꩻ ယ်-သွတ်ꩻထွူတဲင် ထူႏသုံꩻအီတဲ့အဝ်ႏ၊ ဥပမာႏ- “အဓိပ္ပါယ-အဓိပ္ပါယ်“၊ “ဒီဃနိကာယ-ဒီဃနိကာယ်” စတဲင်နုဲင်းနဝ်ꩻဖုံႏသွူ။\n၂၆။\tပါဠိအသွတ်ꩻ ဆꩻချာတငွါနဝ်ꩻ ရ်-ဆုဲင်ꩻသွတ်ꩻထွူတဲင် ထူႏသုံꩻအီတဲ့အဝ်ႏ၊ ဥပမာႏ- “မာရ-မာရ်နတ်”၊ “မာရ်ငါးပါး” စတဲင်နုဲင်းနဝ်ꩻဖုံႏသွူ။\n၂၇။\tပါဠိအသွတ်ꩻ ဆꩻချာတငွါနဝ်ꩻ လ်-ရီးသွတ်ꩻထွူတဲင် ထူႏသုံꩻအီတဲ့အဝ်ႏ၊ ဥပမာႏ- “ကုသလ-ကုသိုလ်“၊ “တက္ကသီလ-တက္ကသိုလ်” စတဲင်နုဲင်းနဝ်ꩻဖုံႏသွူ။\n၂၈။\tပါဠိအသွတ်ꩻ ဆꩻချာတငွါနဝ်ꩻ သ်-သွတ်ꩻထွူတဲင် ထူႏသုံꩻအီတဲ့အဝ်ႏ၊ ဥပမာႏ- “သံဃာဒိသေသော-သံဃာဒိသေသ်“၊ “ပရိဝါသ-ပရိဝါသ်” စတဲင်နုဲင်းနဝ်ꩻဖုံႏသွူ။\n၂၉။\tပါဠိဆꩻ���ါသွတ်ꩻတဖြုံႏနဝ်ꩻ အွဉ်ႏကုဲင်ထိုꩻထွူမꩻ ပေါ-နဝ်ꩻ သ်-သွတ်ꩻတဲ့အဝ်ႏ၊ ဥပမာႏ”ဥပေါသထော-ဥပေါသ်၊ ဥပုသ်” စတဲင်နုဲင်းနဝ်ꩻဖုံႏသွူ။\n၃၀။\tပါဠိအသွတ်ꩻ ဆꩻချာတငွါနဝ်ꩻ ဟ်-သွတ်ꩻထွူတဲင် ထူႏသုံꩻတဲ့အဝ်ႏ၊ ဥပမာႏ-“ရာဇဂဟ-ရာဇဂြိုဟ်”၊ “သင်္ဂဟ-သင်္ဂြိုဟ်” စတဲင်နုဲင်းနဝ်ꩻဖုံႏသွူ။\n၃၁။၊\tပါဠိအသွတ်ꩻ ဆꩻချာတငွါနဝ်ꩻ ဠ်-ဆုဲင်ꩻသွတ်ꩻထွူတဲင် ထူႏသုံꩻတဲ့အဝ်ႏ၊ ဥပမာႏ- “သီဟဠ-သီဟိုဠ်”၊ “သီဟဠဒီပေ-သီဟိုဠ်ကျွန်း၌” စတဲင်နုဲင်းနဝ်ꩻဖုံႏသွူ။\n၃၂။\t“အရုဏ”နဝ်ꩻ ဟဲ့ꩻတေား “အရုဏ်”၊ “အာရမ္မဏ”နဝ်ꩻ ဟဲ့ꩻတေား “အာရုံ” စတဲင်နုဲင်းနဝ်ꩻဖုံႏသွူ။\n၃၃။\t“ပရိဝေဏ”နဝ်ꩻ ဟဲ့ꩻတေား “ပရိဝုဏ်”၊ “ပရဝုဏ်” စတဲင်နုဲင်းနဝ်ꩻဖုံႏသွူ။\n၃၄။\t“ဂဏ”နဝ်ꩻ ဟဲ့ꩻတေား “ဂိုဏ်း”နုဲင်းနဝ်ꩻသွူ။\n၃၅။\t“အာဝဇ္ဇန”နဝ်ꩻ ဟဲ့ꩻတေား “အာဝဇ္ဇန်း”နုဲင်းနဝ်ꩻသွူ။\n၃၆။\t“သမ္ပဋိစ္ဆန”နဝ်ꩻ ဟဲ့ꩻတေား “သမ္ပဋိစ္ဆိုန်း”နုဲင်းနဝ်ꩻသွူ။\nတောင်ꩻခါꩻ - “ဈာန-ဈာန်”၊ “နိဗ္ဗာန-နိဗ္ဗာန်”စတဲင်နဝ်ꩻဖုံႏနဝ်ꩻ န-ဆုဲင်ꩻသွတ်ꩻခြေင်ခြေင်လွုမ်ꩻ၊ မုဲင်နီဖြုံႏပါတဝ်းသွူ၊ ကထင်ႏတွိုႏ\n“အာဝဇ္ဇန-အာဝဇ္ဇန်း”၊ “သမ္ပဋိစ္ဆန-သမ္ပဋိစ္ဆိုန်း”ဖုံႏနဝ်ꩻ န-ဆုဲင်ꩻသွတ်ꩻလွုမ်ꩻတကာႏတဝ်း မုဲင်နီဖြုံႏတဲ့ ပါနဝ်ꩻသွူ။\n၃၇။\t“ကမ္မ”နဝ်ꩻ ဟဲ့ꩻတေား “ကံ”၊ “ကုသလကမ္မ-ကုသိုလ်ကံ”ဟဲ့ꩻနုဲင်းနဝ်ꩻသွူ။\n၃၈။\t“ပရိကမ္မ”နဝ်ꩻ ဟဲ့ꩻတေား “ပရိကံ”\/(ပရိကမ်)နုဲင်းနဝ်ꩻသွူ။\n၃၉။\t“ကသိဏ”နဝ်ꩻ ဟဲ့ꩻတေား “ကသိုဏ်း”၊ (ကသိဏ ပရိကမ္မံ-ကသိုဏ်း ပရိကမ်ကို)နုဲင်းနဝ်ꩻသွူ။\n၄၀။\t“အာရာမ”နဝ်ꩻ ဟဲ့ꩻတေား “အရံ”၊ (အဇ္ဈာရာမေ-အရံအတွင်း၌)နုဲင်းနဝ်ꩻသွူ။\n၄၁။\t“အာရာမ”နဝ်ꩻ ဟဲ့ꩻတေား “အာရုံ”တဲ့အဝ်ႏ၊ ဥပမာႏ- “ဇောတိကာရာမ-ဇောတိကာရုံ”၊ “ဃောသိတာရာမ-ဃောသိတာ ရုံ”စတဲင်နုဲင်းနောဝ်ꩻဖုံႏသွူ။\n၄၂။\t“တဒါရမ္မဏ”နဝ်ꩻ ဟဲ့ꩻတေား “တဒါရုံ”၊ မ-ဏနဝ်ꩻ အွဉ်ႏကုဲင်၊ ရမ်-နဝ်ꩻ ဟဲ့ꩻတေားရုံ၊ “ဓမ္မာရမ္မဏ-ဓမ္မာရုံ”၊ “ဖေါဋ္ဌဗ္ဗာရမ္မ ဏ-ဖေါဋ္ဌဗ္ဗာရုံ”စတဲင်နုဲင်းနဝ်ꩻဖုံႏသွူ။\n၄၃။\t“ဥပ္ပါဒ”နဝ်ꩻ ဟဲ့ꩻတေား “ဥပါဒ်”၊ “ဌိတိ”နဝ်ꩻ ဟဲ့ꩻ”ဌီ”၊ “ဘင်္ဂ”နဝ်ꩻ ဟဲ့ꩻ”ဘင်”၊ “ဥပါဒ်-ဖြစ်၊ ဌီ-တည်၊ ဘင်-ပျက်”၊ “ဥပါဒ် ဌီ ဘင် - ဖြစ် တည် ပျက်”သုံꩻနုဲင်းနဝ်ꩻသွူ။\n၄၄။\t“စက္ခုဝိညာဏ”နဝ်ꩻ ဟဲ့ꩻတေား “စက္ခုဝိညာဏ်”(စက္ခုဝိညာဉ်)စတဲင်နုဲင်းနဝ်ꩻသွူ။\n၄၅။\t“ဇဝန”နဝ်ꩻ ဟဲ့ꩻတေား “ဇော”၊ “ဝေါဋ္ဌဗ္ဗန”နဝ်ꩻ ဟဲ့ꩻတေား “ဝုဋ္ဌော”စတဲင���ယိုဖုံႏနဝ်ꩻ အဘိဓမ္မာႏဝေါဟာရဖုံႏတဲင် နီဗွေႏ သီးတဲ့ အဝ်ႏသေလဲဉ်းဒျာႏ စွုမ်ႏပါꩻပါꩻတွော့ꩻ အဝ်ႏကုဲင်အဘိဓမ္မာႏ ဝေါဟာရဖုံႏနဝ်ꩻ လဝ်းပါတဝ်းဒွုမ် ဗွေႏဩ။\nအဝ်ႏပါဠိဘာႏသာႏတဲင် ဖေႏကထွာတေား မန်းဘာႏသာႏ၊ မန်းငဝ်း၊ မန်းဝေါဟာရနဝ်ꩻ ပြောင်ꩻဖေႏနေးကဖုဲင်ႏ၊ လုဲင်ႏဖေႏ\nနေးကထွာတဲင် ပါဠိငဝ်းငွါဖုံႏယိုနဝ်ꩻ နေးတွမ်ႏအနယ်ꩻအမျိုꩻမျိုꩻတွော့ꩻ ဝင်ꩻဒေါ့ꩻတွမ်ႏဝင်ꩻဘာႏသာႏ၊ ဝင်ꩻချာႏတွမ်ႏဝင်ꩻလိတ်နဝ်ꩻ မꩻ ထွာလꩻစွဉ်ႏ အဘိဓာန်ႏ၊ ထန်ႏနွောင်ꩻစွဉ်ႏ ကျမ်ꩻအမျိုꩻမျိုꩻကရိုꩻနဝ်ꩻ နိဿယအမျိုꩻမျိုꩻ၊ ဒီပနီအမျိုꩻမျိုꩻ၊ ဘာသာဋီကာအမျိုꩻ မျိုꩻ၊ ဂျာနယ်အမျိုꩻမျိုꩻ၊ လောကီꩻဆဲင်ႏရာꩻအမျိုꩻမျိုꩻ၊ လောကုတ္တရာႏဆဲင်ႏရာꩻအမျိုꩻမျိုꩻ တလာတလာကိုယို ဝင်ꩻနျꩻထန်ႏနွောင်ꩻ တကားမုဲင်ꩻ၊ ဝင်ꩻဖြေ့ꩻလီနွောင်ꩻတကားမုဲင်ꩻ စတဲင်စားနဝ်ꩻဖုံႏ ထွားလွူꩻ(လေ့လာ)ထွူတဲင် နီပအိုဝ်ႏတဲ့ “ဖေႏကခြွေငဝ်း-ဖေႏက ခြေားမွုန်းတဝ်းငွါ”နဝ်ꩻ “ဝေါဟာရတသာ”ဖုံႏတဲ့ အဝ်ႏလိုႏထွင်ႏငါႏ၊ အဝ်ႏပါဠိငဝ်းငွါတွော့ꩻ ဖေႏကထွာတေား နီပအိုဝ်ႏဘာႏသာႏ နဝ်ꩻတဲ့ အဝ်ႏလိုႏချာႏရော့ꩻရော့ꩻ၊ အဝ်ႏလိုႏသော့ꩻအာအာ၊ ထွားလွူꩻ(လေ့လာ)သွော့ မန်းဝေါဟာရ၊ မဉ်ႏထွားလွူꩻ(လေ့လာ)သူꩻ နဝ်ꩻ ဖေႏကထွာအစွဲးအထဲမ်တဲင် လဝ်းနယ်ဗာႏ ဝေါဟာရခရာႏနုဲင်းယိုသွူ။\nနေင်ႏ ၁၃၇၄-ဗာႏ၊ ဒဲဉ်စေတ်ꩻလောင်း(၁၃)နီꩻ\nမွူးယာခိုႏ တတိယအခိန်ႏ ပွယ်ꩻအုံကွံ\nပိဋကတ်ပြန်ႏပအိုဝ်ႏ အစွိုꩻဥက္ကဋ္ဌ ဗွေႏဗွန်ကောဝိဒ (ဇဝနာရာမ၊ သီႏသဲင်ႏ)\nငဝ်းဩဝါဒတွမ်ႏ သျင်ꩻနယ်ဝေါဟာရခရာႏ အမုဲင်(၃)\n၁။\tပအိုဝ်ႏငဝ်းစဲစ်စဲစ်-ကရိုꩻနဝ်ꩻ-\n“ကတူႏ၊ တဝီး၊ မဲ့၊ နား၊ စူ၊ ခင်ႏ”စတဲင်နုဲင်းနဝ်ꩻဖုံႏသွူ၊ ပွိုးထမုဲင်ꩻနဲးတဲင် “ကတူႏ”နဝ်ꩻ ပအိုဝ်ႏငဝ်း၊ မန်းဟဲ့ꩻတဝ်း ကတူႏ၊ ဖြဝ်ꩻဟဲ့ꩻတဝ်း ကတူႏ၊ လိုꩻမျိုꩻလင် ဟဲ့ꩻတဝ်းကတူႏ၊ ကွပ်နဝ်ꩻမꩻ “ကတူႏ”ကရိုꩻဒါႏ ငဝ်းဝေါဟာရယိုနဝ်ꩻ ဟဲ့ꩻဒျာႏပအိုဝ်ႏလွုမ်ꩻ တဲင် ငဝ်းဝေါဟာရယိုနဝ်ꩻ ဆဲင်ႏဒျာႏ ပအိုဝ်ႏလွုမ်ꩻတွော့ꩻ ထွာပအိုဝ်ႏငဝ်းစဲစ်စဲစ်နဝ်ꩻသွူ၊ ငဝ်းဆဲင်ႏဒျာႏ ပအိုဝ်ႏတာႏ၊ ငွါပဲင်ႏဒျာႏ ပအိုဝ်ႏလွုမ်ꩻဖုံႏနဝ်ꩻ ပအိုဝ်ႏငဝ်းစင်ဗွာ ထွာပအိုဝ်ႏငဝ်းစဲစ်စဲစ်ဖုံႏလွဉ်းလွဉ်းသွူ။\n၂။\tထူႏသုံꩻ ပါဠိငဝ်းဝေါဟာရ-ကရိုꩻနဝ်ꩻ-\n“ကိစ္စ၊ သုခ၊ ဒုက္ခ၊ ဒါန၊ သီလ၊ ဘာဝနာ”စတဲင်နုဲင်းနဝ်ꩻဖုံႏသွူ။\nကထူႏသုံꩻ ပါဠိငဝ်းဝေါဟာရကိုနဝ်ꩻ ထူႏသုံꩻစွဉ်ႏ ပါဠိငဝ်းဝေါဟာရ မူလအတွိုင်ꩻတွိုင်ꩻတဲ့အဝ်ႏ၊ ဥပမာႏ- “ကိစ္စ၊ သုခ၊ ဒုက္ခ” စတဲင်နုဲင်းနဝ်ꩻဖုံႏသွူ။\nပါဠိငဝ်းဝေါဟာရ မူလအတွိုင်ꩻတွိုင်ꩻမွေးတဝ်း ဟဲ့ꩻကြုဲင်ꩻထိုꩻပသာႏသာႏတဲ့အဝ်ႏ၊ ဥပမာႏ- “ဒါႏန၊ သီႏလ၊ ဘာႏဝနာႏ” စတဲင်နုဲင်းနဝ်ꩻဖုံႏသွူ၊ မူလဝေါဟာရနဝ်ꩻ ဟဲ့ꩻဒျာႏ”ဒါန၊ သီလ၊ ဘာဝနာ”နုဲင်းနဝ်ꩻသွူ။\n၃။\tထူႏသုံꩻလိုꩻမျိုꩻလင် ငဝ်းဝေါဟာရ-ကရိုꩻနဝ်ꩻ-\nဥပမာႏ- (ထူႏသုံꩻမန်းလိုꩻမျိုꩻ ငဝ်းဝေါဟာရ)”ကြံ့ခိုင်ရေး၊ မှောင်ခို၊ အမှတ်တရ၊ ကိုꩻကွယ်ႏ၊ ဘုရာꩻ၊ တရာꩻ”စတဲင်နုဲင်း နဝ်ꩻဖုံႏသွူ။\nကထူႏသုံꩻ မန်းငဝ်းဝေါဟာရကိုနဝ်ꩻ ထူႏသုံꩻစွဉ်ႏ မန်းငဝ်းဝေါဟရ မူလအတွိုင်ꩻတွိုင်ꩻတဲ့အဝ်ႏ၊ ဥပမာႏ-“ကြံ့ခိုင်ရေး၊ မှောင်ခို၊ အမှတ်တရ”စတဲင်နုဲင်းနဝ်ꩻဖုံႏသွူ။\nငဝ်းငဝ်းဝေါဟာရ မူလအတွိုင်ꩻတွိုင်ꩻမွေးတဝ်း၊ ဟဲ့ꩻကြုဲင်ꩻထိုꩻပသာႏသာႏတဲ့အဝ်ႏ၊ ဥပမာႏ- “ကိုꩻကွယ်ႏ၊ ဘုရာꩻ၊ တရာꩻ”စတဲင်နုဲင်းနဝ်ꩻဖုံႏသွူ၊ မူလမန်းငဝ်းဝေါဟာရနဝ်ꩻ ဟဲ့ꩻဒျာႏ”ကိုးကွယ်၊ ဘုရား၊ တရား”စတဲင်နုဲင်းနဝ်ꩻဖုံႏသွူ။\nဝေါဟာရကရိုꩻနဝ်ꩻ ဆဲင်ႏရာꩻအထျꩻထျꩻ အဝ်ႏ(၃)မျိုꩻလွုမ်ꩻ\nဝေါဟာရကရိုꩻနဝ်ꩻ အဝ်ႏယုဲင်လွဉ်ꩻခေတ်တဲင် ဝေါဟာဝါအလီꩻလီꩻနဝ်ꩻ အုံချာတဲင် ဝေါဟာရ အတသာအတသာနဝ်ꩻ အဝ်ႏပေါႏမပ်မပ်တွော့ꩻ “ဝေါဟာရအနန္တ-ဝေါဟာရမျိုꩻ အသွတ်ꩻထိုꩻ၊ ဝေါဟာရမျိုꩻ အလို့ထိုꩻအဲဉ်ထဝ်း”ရိုꩻဗာႏနုဲင်းနဝ်ꩻသွူ။\nကွဲႏတွော့ꩻ-\nဝေါဟာရအနန္တယို အထျꩻထျꩻ အဝ်ႏမုဲင်ꩻကိုလွဉ်၊ မဉ်ႏထောင်ချာ ထုမ်ႏထွားနဝ်ꩻ (မဉ်ႏနုဲင်းခွေသွဉ်းကယူႏနဝ်ꩻ) အဝ်ႏ(၃) မျိုꩻလွုမ်ꩻ၊ (၃)မျိုꩻကရိုꩻနဝ်ꩻ-\n၁။\tဝေါဟာရဆဲင်ႏရာꩻ သꩻအဝ်ႏသား (သတ္တလောက ဝေါဟာရ)၊\n၂။\tဝေါဟာရဆဲင်ႏရာꩻ သꩻအဲဉ်ထဝ်းစား (ဩကာသလောက ဝေါဟာရ)၊\n၃။\tဝေါဟာရဆဲင်ႏရာꩻ ပရမတ္ထ (သင်္ခါရလောက ဝေါဟာရ) ယို(၃)မျိုꩻသွူ။\n(၃)မျိုꩻဖြယ်ငါ ထွာဝေါဟာရအနန္တ\nအမုဲင်(၁)အလꩻ “ဝေါဟာရဆဲင်ႏရာꩻ သꩻအဝ်ႏသား-သတ္တလောက ဝေါဟာရ”ကရိုꩻနဝ်ꩻ ဆဲင်ႏရာꩻလိုꩻဝေါဟာရ အမျိုꩻမျိုꩻ၊ ဆဲင်ႏရာꩻလူꩻ ဝေါဟာရအမျိုꩻမျိုꩻ၊ ဆဲင်ႏရာꩻဗျဟ္မာႏ ဝေါဟာရအမျိုꩻမျိုꩻ၊ ဆဲင်ႏရာꩻသတ္တဝါႏ ဝေါဟာရအမျိုꩻမျိုꩻ ဖုံႏ နဝ်ꩻသွူ။\nဆဲင်ႏရာꩻလိုꩻ ဝေါဟာရအမျိုꩻမျိုꩻ ကရိုꩻနဝ်ꩻ-\nဝေါဟာရဆဲင်ႏရာꩻ လိုꩻသီးနမ်း၊ ဝေါဟာရဆဲင်ႏရာꩻ လိုꩻသီးလမ်း၊ ဝေါဟာရဆဲင်ႏရာꩻ လိုꩻသီးခမ်း၊ ဝေါဟာရဆဲင်ႏရာꩻ လိုꩻသီး ထာꩻမာꩻ၊ ဝေါဟာရဆဲင်ႏရာꩻ လိုꩻသီးထာꩻဒေါ့ꩻ၊ ဝေါဟာရဆဲင်ႏရာꩻ လိုꩻသီးထာꩻကျ���်ႏ-စတဲင်နုဲင်းနဝ်ꩻဖုံႏသွူ။\nဝေါဟာရဆဲင်ႏရာꩻ လိုꩻသီးနမ်း ကရိုꩻနဝ်ꩻ-\nနမ်းဖွိုႏ၊ နမ်းထို၊ နမ်းပြွောင်ႏ၊ နမ်းယွောင်၊ မဲ့၊ နား၊ စူ၊ ခင်ႏ-စတဲင် ငဝ်းဝေါဟာရဆဲင်ႏရာꩻ လိုꩻသီးနမ်းဖုံႏနဝ်ꩻသွူ။\nဝေါဟာရဆဲင်ႏရာꩻ လိုꩻသီးလမ်း ကရိုꩻနဝ်ꩻ-\nလမ်းပေႏ၊ လမ်းတန်၊ လမ်းဖွိုႏ၊ လမ်းထို၊ လမ်းကို၊ လမ်းထန်ႏ၊ အသꩻ၊ အဆေင်ႏ၊ အဒါ-စတဲင် ငဝ်းဝေါဟာရဆဲင်ႏရာꩻ လိုꩻသီး လမ်းဖုံႏနဝ်ꩻသွူ။\nဝေါဟာရဆဲင်ႏရာꩻ လိုꩻသီးခမ်း ကရိုꩻနဝ်ꩻ-\nမန်းခမ်း၊ ဖြဝ်ꩻခမ်း၊ ပအိုဝ်ႏခမ်း၊ မန်းဒုံ၊ ဖြဝ်ꩻအွိုင်ႏ၊ ပအိုဝ်ႏနယ်ႏ-စတဲင် ငဝ်းဝေါဟာရဆဲင်ႏရာꩻ လိုꩻသီးခမ်းဖုံႏနဝ်ꩻသွူ။\nဝေါဟာရဆဲင်ႏရာꩻ လိုꩻသီးထာꩻမာꩻ ကရိုꩻနဝ်ꩻ-\nမာꩻလမ်း၊ မာꩻကျောင်ꩻ၊ မာꩻသွို့ꩻ၊ မာꩻခြံ၊ မာꩻကာꩻ၊ မာꩻရထာꩻ၊ မာꩻသင်္ဘောꩻကျောင်ႏ၊ မာꩻဒုံးပျံ၊ မာꩻကုသိုလ်ႏ၊ မာꩻအကုသိုလ်ႏ-စတဲင် ငဝ်းဝေါဟာရဆဲင်ႏရာꩻ လိုꩻသီးထာꩻမာꩻဖုံႏနဝ်ꩻသွူ။\nဝေါဟာရဆဲင်ႏရာꩻ လိုꩻသီးထာꩻဒေါ့ꩻကရိုꩻနဝ်ꩻ-\nဒေါ့ꩻဗွီႏ၊ ဒေါ့ꩻသန်၊ ဒေါ့ꩻယွ၊ ဒေါ့ꩻမွိုင်၊ ဒေါ့ꩻခွꩻ၊ ဒေါ့ꩻလျား၊ ဒေါ့ꩻယား၊ ဒေါ့ꩻဗူႏ၊ ဒေါ့ꩻရျူႏ၊ ဒေါ့ꩻရောင်း-စတဲင် ငဝ်းဝေါဟာရဆဲင်ႏရာꩻ \nလိုꩻသီးထာꩻဒေါ့ꩻဖုံႏနဝ်ꩻသွူ။\nဝေါဟာရဆဲင်ႏရာꩻ လိုꩻသီးထာꩻကျမ်ႏ ကရိုꩻနဝ်ꩻ-\nကျမ်ႏထွား၊ ကျမ်ႏနာႏ၊ ကျမ်ႏနွုမ်ꩻ၊ ကျမ်ႏအံႏ၊ ကျမ်ႏခွေါင်း၊ ကျမ်ႏယူႏ-စတဲင် ငဝ်းဝေါဟာရဆဲင်ႏရာꩻ လိုꩻသီးထာꩻကျမ်ႏဖုံႏနဝ်ꩻ သွူ။\nကအဝ်ႏကုဲင်ဒါႏ လူꩻ၊ ဗျဟ္မာႏ၊ သတ္တဝါႏသီးဖုံႏအတာႏ ငဝ်းဝေါဟာရ ကဆဲင်ႏဒါႏ ဝွေꩻသီးနမ်း၊ ဝွေꩻသီးခင်ႏလမ်း၊ ဝွေꩻသီး ငဝ်း-စတဲင်နုဲင်းနဝ်ꩻဖုံႏတဲ့ ဖြယ်လွေꩻဗာႏ နုဲင်းကဆဲင်ႏရာꩻ လိုꩻဖုံႏနဝ်ꩻသွူ။\nအမုဲင်(၂)အလꩻ “ဝေါဟာရဆဲင်ႏရာꩻ သꩻအဲဉ်ထဝ်းစား-ဩကာသလောက ဝေါဟာရ”ကရိုꩻနဝ်ꩻ- ငဝ်းဆဲင်ႏရာꩻလိုꩻဘုံႏ၊ ငဝ်းဆဲင်ႏရာꩻလူꩻဘုံႏ၊ ငဝ်းဆဲင်ႏရာꩻ ဗျဟ္မာႏဘုံႏ၊ ငဝ်းဆဲင်ႏရာꩻ အပါယ်ႏဘုံႏ ဖုံႏနဝ်ꩻသွူ။\nငဝ်းဆဲင်ႏရာꩻ လိုꩻဘုံႏကရိုꩻနဝ်ꩻ-\nမို့ꩻ၊ မွူး၊ လာ၊ ဆာႏ၊ ဟံႏ၊ ထီ၊ သေင်ႏ၊ ဝါႏ၊ ကောင်၊ လဲင်း၊ တလီꩻ၊ အခွꩻ၊ အလျား၊ အခေ့ꩻ၊ အလေ၊ ခမ်းလော့၊ ခမ်းငဝ်ꩻ-စတဲင် ငဝ်းဝေါဟာရဆဲင်ႏရာꩻ လိုꩻဘုံႏဖုံႏနဝ်ꩻသွူ၊ ငဝ်းဝေါဟာရဆဲင်ႏရာꩻ လူꩻဘုံႏ၊ ငဝ်းဆဲင်ႏရာꩻ ဗျဟ္မာႏဘုံႏ၊ ငဝ်းဆဲင်ႏရာꩻ အပါယ်ႏဘုံႏ ဖုံႏတဲ့ အဝ်ႏအာတန်နဝ်ꩻသွူ။\nအမုဲင်(၃)အလꩻ “ငဝ်းဝေါဟာရဆဲင်ႏရာꩻ ပရမတ္ထလောက ဝေါဟာရ”ကရိုꩻနဝ်ꩻ-\nသꩻအကုသိုလ်ႏ၊ သꩻအဟိတ်၊ သꩻကာမာဝစရ သော��န၊ သꩻရူပါဝစရ၊ သꩻအရူပါဝစရ၊ သꩻလောကုတ္တရာႏ-စတဲင် ငဝ်းဝေါဟာ ရဆဲင်ႏရာꩻသꩻဖုံႏ၊ ဝွေႏဒနာႏ၊ စေႏတနာႏ၊ ဝီရိယ၊ ပီတိ၊ ဆန္ဒ၊ လောႏဘ၊ ဒေါႏသ၊ မောႏဟ၊ မာႏန၊ ဒိဋ္ဌိ၊ သဒ္ဓါႏ၊ မေတ္တာႏ၊ ကရုဏာႏ-စတဲင် ငဝ်းဝေါဟာရဆဲင်ႏရာꩻ စေတသိက်ဖုံႏ။\nပထဝီ၊ အာပေါ၊ တေဇော၊ ဝါယော-စတဲင် ငဝ်းဝေါဟာရဆဲင်ႏရာꩻ ရုပ်ဖုံႏ၊ အစ္စုတ၊ အစ္စန္တ၊ အသင်္ခတ၊ အနုတ္တရ၊ နိဗ္ဗာန-စတဲင် ငဝ်းဝေါဟာရဆဲင်ႏရာꩻ နိဗ္ဗာန်ႏဖုံႏ၊ အနိစ္စ၊ ဒုက္ခ၊ အနတ္တ၊ ဥပ္ပါဒ၊ ဝယ၊ သင်္ခါရ-စတဲင် ငဝ်းဝေါဟာရဆဲင်ႏရာꩻ သင်္ခါရဖုံႏ-စတဲင်ယိုဖုံႏနဝ်ꩻ ဝေါဟာရဆဲင်ႏရာꩻ ပရမတ္ထ၊ ဆဲင်ႏရာꩻ သင်္ခါရလောက ဝေါဟာရဖုံႏနဝ်ꩻသွူ။\nနေးတွမ်ႏဝေါဟာရအမျိုꩻမျိုꩻတဲင် ဗွေႏဆရာႏတောႏမန်းသီး ကပြန်ႏဒါႏ “ပါဠိတချက် အနက်တချက် နိဿယနက်”နဝ်ꩻ ညငါႏလဲဉ်း မရေႏမရာႏသွူ။\n“အဝ်ႏပါဠိတချက် အနက်တချက်”ပြန်ႏနယ်ꩻနဝ်ꩻထွူတဲင် ပြန်ႏတေား မန်းဘာႏသာႏခြေင်ခြေင်၊ အမဉ်ꩻဖန်ဖေႏ “ပိဋကတ်မြန်မာပြန်”နုဲင်းနဝ်ꩻသွူ။\nဝွေꩻဗွေႏသီး မတ်တန်ꩻအလꩻ-\n“၁၉၉၁-ခု၊ အောက်တိုဘာလ ၁-ရက်နေ့မှစ၍ ပိဋကတ်တော် မြန်မာပြန်ဌာနကို တည်ထောင်ဖွင့်လှစ်ခဲ့လေသည်”ထီႏဗာႏနုဲင်း နဝ်ꩻသွူ၊ ဝွေꩻဗွေႏသီး ကတယ်ႏထောင်ႏစ “ပိဋကတ်တော် မြန်မာပြန်ဌာန”ဗꩻလွဉ်နေင်ႏ ၂၀၁၂-ယိုနဝ်ꩻ လꩻသွူ ၆၁-နေင်ႏကိုလဲဉ်း သွူ။\nယိုခါ နီသွဉ်းသီး ကအဝ်ႏပြန်ႏ ပိဋကတ်ယိုနဝ်ꩻ ထွားပါဠိတောႏပြန်ႏ၊ ထွား”ပိဋကတ် မြန်မာပြန်”ပြန်ႏစတဲင်နုဲင်းနဝ်ꩻဖုံႏ သွူ။ ကွဲႏတွော့ꩻ မန်းငဝ်းတွမ်ႏ နီသွဉ်းသီး ပအိုဝ်ႏငဝ်း “ကံ-ကြိယာ”ငဝ်းချာငါနဝ်ꩻ တဗွန်ပီတဝ်းလို့ဝင်ꩻတဲင် ထွားမန်းငဝ်း အလွေꩻအသဲင်ꩻအတွိုင်ꩻ မဉ်ႏပြန်ႏနဝ်ꩻ ထန်ႏတယွို့တေားထာꩻ၊ ဥပမာႏ- “ဆေးထိုးဆရာ”နဝ်ꩻ မဉ်ႏပြန်ႏမန်းငဝ်း အစဲဉ်ႏအတွိုင်ꩻ မွိုင် ထွာ”တသီႏဆဲ့ꩻဆရာႏ”နုဲင်းနဝ်ꩻ၊ တသီႏဆဲ့ꩻတေားဒျာႏ ဆရာႏတဲင် ထန်ႏတယွို့တေားထာꩻနဝ်ꩻသွူ။\n“စာသင်တိုက်-လိတ်သွဉ်တွိုက်၊ စာပုံနှိပ်စက်-လိတ်နျꩻစက်”နဝ်ꩻဖုံႏတဲ့ ကွပ်နီဟဲ့ꩻစူꩻယိုꩻထာꩻတဲင် “လိတ်သွဉ်တွိုက်”၊ “လိတ်နျꩻစက်”ငဝ်းဖုံႏနဝ်ꩻနဝ်ꩻ တမဲဉ်ႏတဝ်းတဲ့ “ဆိမ်ꩻမဲ့ထူႏ-တရွူꩻကတူႏသုံꩻ”ဒျာႏ ပငါပရာꩻသွူ။\nကွပ်နဝ်ꩻမꩻ နီသွဉ်းသီး ကထုမ်ႏဝေါဟာရတသာယိုနဝ်ꩻ ဖေႏကထွာဒျာႏ ဝေါဟာရ အဓိပ္ပါယ်ႏအဝ်ႏအဝ်ႏနဝ်ꩻ “စူꩻမွုန်း ဝင်ꩻဖြောင်း-လောင်းမွုန်းဝင်ꩻဖြေꩻ”၊ “စူꩻဒျာႏနီဖြောင်း-လောင်းဒျာႏနီဖြေꩻ”လိုႏထွင်ႏလွေꩻတသာသာ၊ ဝေါဟာရတသာ ဖေႏက ပေါႏလွေꩻအာအာနဝ်ꩻသွူ။\nဝေါဟာရလီꩻဖုံႏ ထိုꩻမားစလဲဉ်းသွူ\nဝေါဟာရတသာနဝ်ꩻ ထွꩻငါငါလွေꩻခေတ်တဲ့ ဝေါဟာရစခါ မွိုးဖါသီးငဝ်းဖုံႏနဝ်ꩻ ကွဲးတဖြဝ်းဖြဝ်းထိုꩻလဲဉ်းသွူ၊ ဥပမာႏ-မဉ်ႏထေနယ်ဗာႏ တစူးတစိꩻနဝ်ꩻ-\n“တငါခံꩻ၊ ကီႏသံꩻ၊ နꩻပေႏလုပ်ꩻ၊ နꩻဆဲင်ဆွာꩻ၊ ပေလာႏထူ၊ နားခေင်း၊ ခင်ႏတွောင်ႏ၊ လွေ၊ လွေဗွူ၊ ယာဖွိုင်ꩻ၊ ကွာ၊ အူကွာ၊ သင်ꩻပွတ်၊ တဟတ်ꩻ၊ လေင်းလူႏ၊ ဖိုးဒင်ႏ၊ ဖိုးလင်”စတဲင်နုဲင်းနဝ်ꩻဖုံႏသွူ။\nခမ်းလင်ထုံꩻထွား ကိုးရီးယားကဝ်ꩻလꩻ\n“လမ်းပꩻ-လမ်းပꩻ”ကရိုꩻနဝ်ꩻတဲ့ အီႏပျောက်၊ ကတူႏပေါက်-ကတူႏပေါက် ကရိုꩻနဝ်ꩻတဲ့ အီႏသူႏ၊ အကတူႏနဝ်ꩻ တနီꩻခါ သူꩻ အီႏအွဉ်ႏတရေꩻဗော့ꩻ ကလူꩻနဝ်ꩻလွုမ်ꩻသွူ။\nခွေသွဉ်းကသျင်ꩻလဝ်းပျꩻ ဝေါဟာရခရာႏနဝ်ꩻ ခိန်ႏခါႏလꩻလဲဉ်းသွူတဲင် အွဉ်ႏထွူတခါႏက တခွုင်းယို၊ မူႏခိုခွန်နင်ꩻ ရဟန်ꩻဗွေႏသံဃာႏ သာႏသနာႏတောႏအတွက် ဆောင်ႏရွက်နွောင်ꩻထွူတဲင်ခါ မဂ်တရာꩻဖိုလ်ႏဉာဏ်ႏ နိဗ္ဗာန်ႏချမ်ꩻသာႏ ယံကလꩻ ဗာႏသွော့ စွုမ်ႏဖြာꩻဖြာꩻ၊ စွုမ်ႏပါꩻပါꩻ ပငါပရာꩻကွိုနဲးဩ။\n\nအာႏကွိုꩻ\nပအိုဝ်ႏလိတ်လုဲင်ꩻ","num_words":4947,"character_repetition_ratio":0.128,"word_repetition_ratio":0.017,"special_characters_ratio":0.102,"stopwords_ratio":0.02,"flagged_words_ratio":0.0,"lang_id_score":1.0,"perplexity_score":1843.4,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%AB%E1%80%A0%E1%80%AD%E1%80%90%E1%80%B1%E1%80%AC%E1%82%8F%E1%80%A1%E1%80%9A%E1%80%95%E1%80%BA%EA%A9%BB%E1%80%9A%E1%80%95%E1%80%BA%EA%A9%BB%E1%80%80%E1%80%AD%E1%80%AF","collection":"wikipedia","source":"wikipedia","original_code":"blk","text":"ပါဠိတောႏ အယပ်ꩻယပ်ꩻကို ဗွေႏဗွန်-ကောဝိဒ(ဇဝနာရာမလိတ်သွဉ်တွိုက်)သီႏသဲင်ႏ\nပြန်ႏနယ်ဖေႏ (နမူႏနာႏ) အမုဲင်(၁) အထွောင်း(၁၀၀)\nဒင်ႏပျꩻလဝ်းနယ် ၁၃၇၃-ဗာႏ၊ တင်ꩻကျွစ်လောင်း(၁၀)နီꩻ၊ ပွယ်ꩻအုံကွံ(ပထမ)နီꩻတာႏ အထွောင်း(၅၀)\n(၁)\tအခါတပါး၌ (မြန်မာပြန်)၊ ထိုအခါ၌ (အနက်)\nမော့ꩻနဝ်ꩻခါ၊ အတွင်ꩻနဝ်ꩻခါ၊ အယံတွင်ꩻနဝ်ꩻခါ (ပြန်ႏပအိုဝ်ႏ)\n(ပြန်ႏတဝ်း) တေန သမယေန-ထိုအခါ၌။\n(၂)\tများမြတ်သော ရဟန်းသံဃာ ငါးရာနှင့်အတူ။ (သီတင်းသုံးတော်မူ၏) (မြန်မာပြန်)\nအာမျတ်မွေးငါႏ တွမ်ႏရဟန်ꩻသံဃာႏ ငတ်ꩻရျာꩻ။ (သတင်ꩻသုံꩻအုံ)ညီꩻလို့ဝင်ꩻ။(ပြန်ႏပအိုဝ်ႏ)\n(၃)\tထိုသို့သဘောရှိသော ရဟန္တာ(ပုဂ္ဂိုလ်)တို့ကို ဖူးရခြင်းသည် ကောင်းသည်သာတည်း။(မြန်မာပြန်)\nဝုဲင်ႏဗာႏ ဂုဏ်ႏတောႏကအဝ်ႏဒါႏ ရဟန္တာႏ(ပုဂ္ဂိုလ်ႏ)နုဲင်းနဝ်ꩻဖုံႏနဝ်ꩻ ဟဝ်ငါႏသွူ။(ပြန်ႏပအိုဝ်ႏ)\n(၄)\tထိုအခါ ဝေရဉ္ဇပုဏ္ဏားသည် မြတ်စွာဘုရားထံသို့ ချဉ်းကပ်ပြီးလျှင်။(မြန်မာပြန်)\nအတွင်ꩻနဝ်ꩻခါ ဝေရဉ္ဇပုဏ္ဏာꩻနဝ်ꩻ လွေꩻထေ့ ဗွေႏမျတ်ဘုရာꩻထျꩻထွူတဲ���်။(ပြန်ႏပအိုဝ်ႏ)\n(၅)\tနောင်အခါ ဖြစ်ခြင်းသဘော မရှိကုန်ပြီ။(မြန်မာပြန်)\nတွိုႏဆုဲင်ꩻ ကအီႏထွာထဲင်းဒါႏ (အဝိဇ္ဇာႏ-တဏှာႏ) အဲဉ်ထဝ်းဒွုမ်။(ပြန်ႏပအိုဝ်ႏ)\n(၆)\tအရှင်ဂေါတမသည် မပြုထိုက်-ဟူသော အယူ(အကိရိယဝါဒ)ရှိ၏။(မြန်မာပြန်)\nဗွေႏဂေါတမနဝ်ꩻ ဟဝ်မာꩻထွိုက်တဝ်းကရိုꩻဒါႏ အယူႏဝါႏဒ(အကိရိယဝါဒ)အဝ်ႏ။(ပြန်ႏပအိုဝ်ႏ)\n(တောင်ꩻသေꩻ) ဟဝ်မာꩻထွိုက်တဝ်း ဒုစရဲက်။\n(၇)\tအရှင်ဂေါတမသည် ဖြတ်အပ်၏-ဟူသော အယူ(ဥစ္ဆေဒဝါဒ)ရှိ၏။(မြန်မာပြန်)\nဗွေႏဂေါတမနဝ်ꩻ ဟဝ်ဖျတ်ထဲ့-ကရိုꩻဒါႏ အယူႏဝါႏဒ(ဥစ္ဆေဒဝါဒ)အဝ်ႏ။(ပြန်ႏပအိုဝ်ႏ)\n(တောင်ꩻသေꩻ) ဟဝ်ဖျတ်ထဲ့ ရာဂ ဒေါသ မောဟ။\n(၈)\tအရှင်ဂေါတမသည် စက်ဆုပ်ခြင်းသဘောရှိ၏။(မြန်မာပြန်)\nဗွေႏဂေါတမနဝ်ꩻ အထာꩻပသို့ꩻအဝ်ႏ။(ပြန်ႏပအိုဝ်ႏ)\n(တောင်ꩻသေꩻ) ပသို့ꩻဒုစရဲက်-စတဲင်။\n(၉)\tအရှင်ဂေါတမသည် ဖျက်ဆီးတတ်၏။(မြန်မာပြန်)\nဗွေႏဂေါတမနဝ်ꩻ ယားကုဲင်ဒါႏထာꩻ။(ပြန်ႏပအိုဝ်ႏ)\n(တောင်ꩻသေꩻ) ယားကုဲင် ဒုစရဲက်-စတဲင်။\n(၁၀)\tအရှင်ဂေါတမသည် ပူပန်စေတတ်သော သဘောရှိ၏။(မြန်မာပြန်)\nဗွေႏဂေါတမနဝ်ꩻ အကျင်ꩻ မာꩻခိုးလျားဒါႏထာꩻအဝ်ႏ။(ပြန်ႏပအိုဝ်ႏ)\n(၁၁)\tအရှင်ဂေါတမသည် နတ်ပြည်ရောက်ခြင်းငှါ မထိုက်။(မြန်မာပြန်)\nဗွေႏဂေါတမနဝ်ꩻ တွိုႏထွိုက်တဝ်း လူꩻခမ်း။(ပြန်ႏပအိုဝ်ႏ)\n(တောင်ꩻသေꩻ) ပုဏ္ဏာꩻတွမ်ႏဘုရာꩻ ထာꩻရေႏချက် ဗွန်တဝ်းလို့ဝင်ꩻ၊ ပုဏ္ဏာꩻရိုꩻ-ဘုရာꩻနဝ်ꩻ တွိုႏထွိုက်တဝ်းလူꩻခမ်း၊\nဘုရာꩻရိုꩻ- ခွေနဝ်ꩻ တွိုႏထွိုက်တဝ်းဒွုမ် မွိုးဟို့ꩻကို။(အုံဗာႏဒွုမ်သန္ဓေႏ)\n(၁၂)\tပုဏ္ဏား- ငါသည် မတွန့်တိုသော လုံ့လကို အားထုတ်ပြီးပြီ။(မြန်မာပြန်)\nပုဏ္ဏာꩻဟွေး- ခွေကျိုꩻစာꩻ နက်မွေးလဲဉ်းသွူ။(ပြန်ႏပအိုဝ်ႏ)\n(၁၃)\t(ငါ့အား) မေ့လျော့ခြင်းမရှိသော သတိသည် ထင်ပြီ။(မြန်မာပြန်)\nအွဉ်ႏဖေင်ꩻတဝ်းတစိꩻစိꩻ ခွေသတိꩻတဲ့ စဲင်းစဲ့ငါႏသွူ။(ပြန်ႏပအိုဝ်ႏ)\n(၁၄)\tရှေး၌ဖြစ်ဖူးသောဘဝကို အောက်မေ့၍ သိသော(ပုဗ္ဗေနိဝါသာနုဿတိ)ဉာဏ်အလို့ငှါ စိတ်ကို ရှေးရှုညွတ်စေခဲ့ပြီ။ (မြန်မာပြန်)\nကွုတ်ဖိုစခါ တောင်ꩻချာထီႏသေ (ပုဗ္ဗေနိဝါသာနုဿတိ)ဉာဏ်ႏ ယံကလꩻ အွဉ်ႏသꩻရေႏမိုးလွေꩻလဲဉ်းသွူ။(ပြန်ႏပအိုဝ်ႏ)\n(၁၅)\tမသိမှု(အဝိဇ္ဇာ)ပျောက်၍ အသိဉာဏ် (ဝိဇ္ဇာ)ဖြစ်ပေါ်ခဲ့ပြီ။(မြန်မာပြန်)\nထာꩻတသေတဝ်း (အဝိဇ္ဇာႏ) ထိုꩻမားတဲင် ထာꩻသေဉာဏ်ႏ (ဝိဇ္ဇာႏ) ပေါႏထွာစွဉ်ႏဒျာႏသွူ။(ပြန်ႏပအိုဝ်ႏ)\n(၁၆)\tဤ(သာသနာတော်)၌ အာသဝေါတရားလျှင် တရားရှိကုန်သော အချို့သော(လွန်ကျူးမှု)တရားတို့သည်။(မြန်မာပြန်)\n(သာႏသနာႏတောႏ)ကိုယို အဝ်ႏအာသဝတရာꩻ(လောဘဒိဋ္ဌိမောဟ)ကထွာလွဉ်ဒါႏ(ထာꩻလွဉ်ꩻမာႏ)အမုꩻယင်ဟန်ႏဖုံႏ နဝ်ꩻ။(ပြန်ႏပအိုဝ်ႏ)\n(၁၇)\tသံဃာ၌ ထင်ရှားဖြစ်ပေါ်လာကုန်၏။(မြန်မာပြန်)\nထွာလွဉ်-လွိုꩻစွဉ်ႏဒျာႏ သံႏဃာႏကိုသွူ။(ပြန်ႏပအိုဝ်ႏ)\n(၁၈)\tဝေရဉ္ဇာပုဏ္ဏားအား တရားနှင့်လျော်သော စကားဖြင့်(အကျိုးစီးပွား)ကို သိမြင်စေလျက်။(မြန်မာပြန်)\nနေးတွမ်ႏငဝ်းတရာꩻတဲင် အွဉ်ႏနယ်ဖေႏ ဝေရဉ္ဇပုဏ္ဏာꩻ(အကျိုꩻစီꩻပွာꩻ)။(ပြန်ႏပအိုဝ်ႏ)\n(၁၉)\t(တရားကို)ဆောက်တည်စေကာ(တရားကျင့်သုံးရန်) ထက်သန်စေ၍။(မြန်မာပြန်)\nထွဉ်ႏမာꩻကုသိုလ်ႏ (ဖေႏကမဉ်နေးတရာꩻ) မာꩻထင်ဖေႏအသꩻ။(ပြန်ႏပအိုဝ်ႏ)\n(၂၀)\tရွှင်လန်းစေပြီးလျှင် နေရာမှထကာ ဖဲခွါကြွသွားတော်မူ၏။(မြန်မာပြန်)\nမာꩻဗန်အလွိုးထွူတဲင် အဝ်ႏခင်ႏလမ်းကို ထွိုင်ႏကျွꩻသဲင်ꩻထိုꩻခန်းဒျာႏသွူ။(ပြန်ႏပအိုဝ်ႏ)။\n(ဝေရဉ္ဇပုဏ္ဏာꩻအကျောင်ꩻ ထွူယိုသွူ။)\n(၂၁)\tရာဂဒေါသ နှိပ်စက်အပ်သောသူတို့သည် ဤတရားကို လွယ်ကူစွာ သိနိုင်ကြမည်မဟုတ်ချေ။(မြန်မာပြန်)\nလိုꩻ လောဘဒေါသ အာႏတလာသားဖုံႏနဝ်ꩻ ယိုꩻယိုꩻမာꩻမာꩻ အမျိုꩻအီႏသေနွောင်ꩻ တရာꩻယိုမွေးတဝ်း။(ပြန်ႏပအိုဝ်ႏ)\n(၂၂)\tမြတ်စွာဘုရား၏ စိတ်သည် တရားဟောရန် ညွတ်တော်မမူဘဲ ကြောင့်ကြမဲ့နေရာ ညွတ်တော်မူ၏။(မြန်မာပြန်)\nနီဗွေႏဘုရာꩻသꩻနဝ်ꩻ မဉ်ဟော်ꩻတဝ်းတရာꩻ မဉ်အုံခွꩻတေားဒျာႏထာꩻနဝ်ꩻသွူ။(ပြန်ႏပအိုဝ်ႏ)\n(၂၃)\t(ပညာ)မျက်စိ၌ (ကိလေသာ)မြူနည်းပါးသော သတ္တဝါတို့သည် ရှိပါကုန်၏။(မြန်မာပြန်)\nမဲ့ကို ထာꩻအီႏကိလေႏသာႏ ကဆေ့ꩻဒါႏ သတ္တဝါႏဖုံႏနဝ်ꩻ အဝ်ႏဒျာႏ ဗွေႏဩ။(ပြန်ႏပအိုဝ်ႏ)\n(၂၄)\tထို(တရားဟောခြင်း)သည် ငါ့ကိုယ်(ငါ) ညှဉ်းဆဲခြင်းသာ ဖြစ်ရာ၏။(မြန်မာပြန်)\n(ဟော်ꩻတရာꩻ)နဝ်ꩻနဝ်ꩻ ထွာဒျာႏ ခွေနိတ်စက်ချာ(ခွေ)နမ်းလွုမ်ꩻ။(ပြန်ႏပအိုဝ်ႏ)\n(၂၅)\tထိုသူတို့အတွက် နိဗ္ဗာန်တံခါးကို ငါဖွင့်အပ်ပြီ။(မြန်မာပြန်)\nဝွေꩻသီးဖုံႏနဝ်ꩻအတာႏ ခွေဗွောင်ဖေႏလဲဉ်းဒျာႏ နိဗ္ဗာန်ႏတခါꩻသွူ။(ပြန်ႏပအိုဝ်ႏ)\nဗြဟ္မာႏတောင်ꩻပြန်ႏတရာꩻခန်ꩻ ထွူယိုသွူ။\n(၂၆)\tသူကန်းသဖွယ်ဖြစ်သော လောက၌ (တရားတည်းဟူသော) အမြိုက်စည်ကြီးကို တီးခတ်ပေအံ့။(မြန်မာပြန်)\nမဲ့ခေ့ꩻဗွန်လွ လောကလိုꩻဒုံ ခွေအီႏဒုံႏနယ် နိဗ္ဗာန်ႏတရာꩻထုံတန်နဝ်ꩻသွူ။(ပြန်ႏပအိုဝ်ႏ)\n(၂၇)\tဤတရားသည် ဆင်းရဲဖြစ်သော အရိယာတို့၏ အမှန်တရား “ဒုက္ခအရိယသစ္စာ”မည်၏ဟု။(မြန်မာပြန်)\nတရာꩻယိုနဝ်ꩻ ထွာထာꩻဆင်ꩻရယ်ꩻ အရိယာႏသီး အမဲဉ်ႏတရာꩻ မဉ်ꩻ”ဒုက္ခအရိယသစ္စာႏ”(ကရိုꩻနဝ်ꩻ မဲ့ကို ဉာဏ်ႏလေ \nခွေသေစဲင်းစဲ့လဲဉ်းသွူ။)(ပြန်ႏပအိုဝ်ႏ)\n(၂၈)\tဤတရားသည် ဆင်းရဲခြင်း၏ အကြောင်းဖြစ်သော အရိယာတို့၏ အမှန်တရား “သမုဒယအရိယသစ္စာ”မည် ၏ဟု။(မြန်မာပြန်)\nတရာꩻယိုနဝ်ꩻ ထွာထာꩻဆင်ꩻရယ်ꩻအကျောင်ꩻ အရိယာႏသီး အမဲဉ်ႏတရာꩻ မဉ်ꩻ”သမုဒယအရိယသစ္စာႏ”(ကရိုꩻနဝ်ꩻ မဲ့ကို ဉာဏ်ႏလေ ခွေသေစဲင်းစဲ့လဲဉ်းသွူ။)(ပြန်ႏပအိုဝ်ႏ)\n(၂၉)\tဤနိဗ္ဗာန်သည် ဆင်းရဲခြင်း၏ ချုပ်ရာဖြစ်သော အရိယာတို့၏ အမှန်တရား “နိရောဓအရိယသစ္စာ”မည်၏ဟု။ (မြန်မာပြန်)\nနိဗ္ဗာန်ႏယိုနဝ်ꩻ ထွာထာꩻဆင်ꩻရယ်ꩻငိမ်ꩻထိုꩻ အရိယာႏသီး အမဲဉ်ႏတရာꩻ မဉ်ꩻ”နိရောဓအရိယသစ္စာႏ”(ကရိုꩻနဝ်ꩻ မဲ့ကို ဉာဏ်ႏလေ ခွေသေစဲင်းစဲ့လဲဉ်းသွူ။)(ပြန်ႏပအိုဝ်ႏ)\n(၃၀)\tဤတရားသည် (လ)နိဗ္ဗာန်သို့ ရောက်ကြောင်းအကျင့်ဖြစ်သော အရိယာတို့၏ အမှန်တရား “မဂ္ဂအရိယသစ္စာ”မည် ၏ဟု။(မြန်မာပြန်)\nတရာꩻယိုနဝ်ꩻ အကျင်ꩻတွိုႏအီ နိဗ္ဗာန်ႏ အရိယာႏသီး အမဲဉ်ႏတရာꩻ မဉ်ꩻ”မဂ္ဂအရိယသစ္စာႏ”(ကရိုꩻနဝ်ꩻ မဲ့ကို ဉာဏ်ႏလေ ခွေသေစဲင်းစဲ့လဲဉ်းသွူ။)(ပြန်ႏပအိုဝ်ႏ)\n(၃၁)\tငါဘုရားသည်(လ)အတုမရှိသော (အလုံးစုံသောတရားတို့ကို) ကိုယ်တိုင်မှန်စွာသိသော အရဟတ္တမဂ်ဉာဏ်ကို သိပြီ။ (မြန်မာပြန်)\nအမျတ်သွတ်ꩻ အရဟတ္တမဂ်ဉာဏ်ႏယို ခွေသေဖြွဉ်ဖြန်လဲဉ်းသွူ။(ပြန်ႏပအိုဝ်ႏ)\n(တောင်ꩻခါꩻ- ငါဘုရားသည်(လ) အရဟတ္တမဂ်ဉာဏ်ကို ထိုးထွင်း၍ သိပြီ။(နိဿယ)။\n(၃၂)\tဆင်းရဲခြင်း၏အဆုံးကို ပြုခြင်းငှါ မြတ်သောအကျင့်ကို ကောင်းစွာကျင့်လော့။(မြန်မာပြန်)\nဖေႏကမာꩻသွတ်ꩻတမွတ်ꩻနွောင်ꩻ ဒုက္ခနဝ်ꩻ ကျင်ꩻယံယံသွော့ အကျင်ꩻမျတ်ယိုဟုဲင်း။(ပြန်ႏပအိုဝ်ႏ)\n(၃၃)\tတစုံတယောက်သည် လူ့ဘောင်မှ ရဟန်းဘောင်သို့ ဝင်ခြင်း၏ အန္တရာယ်ကို မပြုပါစေလင့်။(မြန်မာပြန်)\nအဝ်ႏလိုꩻလမ်းဘဝ ထင်ႏဗုဲင်စင်ꩻအတွက် ဖေႏကယားနောင်ႏသျက်မွုန်းသွော့ တဖြာꩻဖြာꩻ။(ပြန်ႏပအိုဝ်ႏ)\n(၃၄)\tဤနေရာ၌ ထိုင်နေသော ယသအမျိုးကောင်းသားကို မြင်ကောင်းမြင်ရပါလိမ့်မည်။(မြန်မာပြန်)\nကအဝ်ႏအုံလင်ꩻယိုကို လိုꩻဟဝ်ပို ယသယို မဲ့ꩻနာꩻကုဲင်းထီႏဒါႏကွေး။(ပြန်ႏပအိုဝ်ႏ)\n(၃၅)\tရဟန်းတို့၏စိတ်တို့သည် (တစုံတခုကိုမျှ) မစွဲလမ်းမူ၍ အာသဝေါတရားတို့မှ လွတ်မြောက်ကြကုန်ပြီ။(မြန်မာပြန်)\nရဟန်ꩻသီးသꩻဖုံႏနဝ်ꩻ (တစွိုးတမျိုꩻငါတဲ့)စွယ်ꩻလမ်ꩻတဝ်းတဲင် အဝ်ႏအာသဝေါတရာꩻ လွစ်ထန်ႏညာꩻလို့လဲဉ်းသွူ။ (ပြန်ႏပအိုဝ်ႏ)\n(၃၆)\tထိုရဟန်းအဖြစ်သည်လည်း မယုတ်ညံ့ရာ-ဟု အကြံဖြစ်၏။(မြန်မာပြန်)\nကထွာရဟန်ꩻနုဲင်းနဝ်ꩻတဲ့ အလွိုးတယုတ်ညမ်းတဝ်းနဲး-ယူႏနုဲင်းနဝ်ꩻသွူ။(ပြန်ႏပအိုဝ်ႏ)\n(၃၇)\tသင့်ကို နတ်လူ၌ဖြစ်သော ကျော့ကွင်းအားလုံးတို့ဖြင့် နှောင်ဖွဲ့အပ်၏။(မြန်မာပြန်)\nနာꩻယို အဝ်ႏလိုႏဒေါင်တွမ်ႏ လူꩻလိုꩻသီးတခွါ ကားကအဝ်ႏဖုံႏ။(ပြန်ႏပအိုဝ်ႏ)\n(၃၈)\tရဟန်း-(သင်သည်) အကျွန်ုပ်နိုင်ငံမှ မလွတ်နိုင်။(မြန်မာပြန်)\nရဟန်ꩻဟွေး- (နာꩻနဝ်ꩻ) တလွစ်ထန်ႏနွောင်ꩻတဝ်း ခွေနဲင်ႏငန်ႏ။(ပြန်ႏပအိုဝ်ႏ)\n(၃၉)\tဖြစ်ခြင်းသဘောရှိသော တရားအလုံးစုံသည် ချုပ်ခြင်းသဘောရှိ၏။(မြန်မာပြန်)\nအထွာသဘော်ꩻကအဝ်ႏဒါႏ တရာꩻကားကအဝ်ႏဖုံႏနဝ်ꩻ အကုဲင်ချာသဘော်ꩻ အဝ်ႏလွဉ်းလွဉ်း။(ပြန်ႏပအိုဝ်ႏ)\n(၄၀)\tသို့ရာတွင် ငါကဲ့သို့ ရဟန္တာကား မဟုတ်သည်သာတည်း။(မြန်မာပြန်)\nကွဲႏတွော့ꩻ ထွာရဟန္တာႏနုဲင်းခွေတဲး တမွေးတဝ်းရင်ꩻသွူ။(ပြန်ႏပအိုဝ်ႏ)\n(၄၁)\tမဖြစ်ဘူးမြဲ ဖြစ်ပါပေစွ ငါ့ရှင်တို့။(မြန်မာပြန်)\nထွာဖိုဖိုတဝ်း ထွာစွဉ်ႏဒျာႏဟွေး ဗွေႏပေႏသီးဖုံႏ။(ပြန်ႏပအိုဝ်ႏ)\n(တောင်ꩻခါꩻ- ဘန္တေ-ဗွေႏတန်၊ အာဝုသော-ဗွေႏပေႏ)။\n(၄၂)\tဤသည်ကား အကျွန်ုပ်တို့၏ မပြီးသေးသော အကြားစကား ဖြစ်ပါသည်။(မြန်မာပြန်)\nယိုနဝ်ꩻ တလꩻသွတ်ꩻတဝ်း နီသွဉ်းသီးငဝ်း အခါႏလယ်ႏကိုသွူ။(ပြန်ႏပအိုဝ်ႏ)\n(တောင်ꩻခါꩻ- ခါးလားဗွေႏဘုရာꩻ ကကျွꩻလွဉ် အခါႏလယ်ႏကို။)\n(၄၃)\t(ပုထုဇဉ်)သည် အနည်းငယ်မျှသာဖြစ်သော နိမ့်ကျသော သီလမျှဖြင့်သာ ပြောနိုင်ရာ၏။(မြန်မာပြန်)\n(ပုထုဇဉ်ႏ) ဒေါ့ꩻနွောင်ꩻတစိꩻပေႏဒျာႏ၊ ဒေါ့ꩻဒါႏကွို့ꩻ သီႏလအဖွိုႏစား(အဖွိုꩻစား)လွုမ်ꩻ။(ပြန်ႏပအိုဝ်ႏ)\n(၄၄)\t(ရဟန်းဂေါတမသည်) ညီညွတ်ခြင်းကိုပြုသော စကားကို ဆိုတော်မူတတ်၏။(မြန်မာပြန်)\n(ရဟန်ꩻဂေါတမနဝ်ꩻ) ဒေါ့ꩻဒါႏငဝ်းငွါ ကမာꩻထွာလွေꩻ လွောင်ႏဗူႏရေꩻနဝ်ꩻသွူ။(ပြန်ႏပအိုဝ်ႏ)\n(၄၅)\tတံစိုးယူခြင်း၊ လှည့်ဖျားခြင်း၊ အတုပြု၍ လိမ်ခြင်းတည်းဟူသော ကောက်ကျစ်ခြင်းမှ ရှောင်ကြဉ်တော် မူ၏။(မြန်မာပြန်)\nအံႏလာဘ် လဲဉ်ဝင်ꩻ မာꩻအတုꩻလဲဉ်ပါꩻ ကရိုꩻဒါႏ ထာꩻတကဲင်ႏမျိုꩻ သျောင်ႏထိုꩻဒျာႏနဝ်ꩻသွူ။(ပြန်ႏပအိုဝ်ႏ)\n(၄၆)\tဤသို့သော ဖီလာစကားကို ပြောလျက် နေကြ၏။(မြန်မာပြန်)\nအုံဖုတ်ꩻဒေါ့ꩻပျင်ႏ ငဝ်းညာꩻနိဗ္ဗာန်ႏ နုဲင်းယိုဖုံႏသွူ။(ပြန်ႏပအိုဝ်ႏ)\n(၄၇)\tဤသို့သော အငြင်းစကားကို ပြောလျက် နေကြ၏။(မြန်မာပြန်)\nအုံ���ုတ်ꩻဒေါ့ꩻခြေင် ငဝ်းထေင်လို့ဝင်ꩻ နုဲင်းယိုဖုံႏသွူ။(ပြန်ႏပအိုဝ်ႏ)\n(၄၈)\tတမန်အမှု၊ အစေအပါးအမှု ဆောင်ရွက်ခြင်းကိုပြုလျက် နေကြ၏။(မြန်မာပြန်)\nလွေꩻဖေႏဝင်ꩻအာ ထွာထာꩻထွဉ်ႏအံႏ ခံႏမာꩻဖေႏပါꩻ အုံပျင်ႏထာꩻဖုံႏသွူ။(ပြန်ႏပအိုဝ်ႏ)\n(၄၉)\tလာဘ်အလို့ငှါ အံ့ဖွယ်လည်း ဖြစ်စေကုန်၏။(မြန်မာပြန်)\nလာဘ်အတွက်တာႏ ဝင်ꩻဖေႏကအံႏဖြာႏတဲ့ လဲဉ်ပီပဲ့ထာꩻဖုံႏသွူ။(ပြန်ႏပအိုဝ်ႏ)\n(၅၀)\tမှားသော အသက်မွေးမှုဖြစ်သော ဤသို့သော ဖီလာအတတ်ဖြင့် အသက်မွေးကြ၏။(မြန်မာပြန်)\nလွူးနမ်းကထွာအီအမာႏ နေးတွမ်ႏထာꩻဒါႏ (ညာꩻနိဗ္ဗာန်ႏ-ညာꩻလူꩻခမ်း)ယို လွူးအီအနမ်းဖုံႏသွူ။(ပြန်ႏပအိုဝ်ႏ)\nပထမနီꩻတာႏ အထွောင်း(၅၀) မူရင်းနဝ်ꩻ လီကယ် ထွို့ꩻနေးဒျာႏဇယားပုံႏ\nပါဠိတောႏအယပ်ꩻယပ်ꩻကို\nဗွေႏဗွန်-ကောဝိဒ (ဇဝနာရာမလိတ်သွဉ်တွိုက်)သီႏသဲင်ႏ\nပြန်ႏနယ်ဖေႏ (နမူႏနာႏ) အမုဲင်(၁) အထွောင်း(၁၀၀)\nဒင်ႏပျꩻလောဝ်းနယ် ၁၃၇၃-ဗာႏ၊ တင်ꩻကျွစ်လောင်း(၁၁)နီꩻ\nပွယ်ꩻအုံကွံ ဒုတိယနီꩻတာႏ အထွောင်း(၅၀)\n(၅၁)။\tမြတ်စွာဘုရားသည် အကြင်(တရား)တို့ကို ကိုယ်တိုင်ထူးသောဉာဏ်ဖြင့် မျက်မောက်ပြု၍ ဟောတော်မူ၏။ (မြန်မာပြန်)\nဗွေႏမျတ်ဘုရာꩻနဝ်ꩻ နေးတွမ်ႏဉာဏ်ႏအထူꩻတဲင် ထီႏသေစဲင်းစဲ့ထွူမꩻ ဟော်ꩻတရာꩻဖုံႏယိုသွူ။(ပြန်ႏပအိုဝ်ႏ)\n(၅၂)။\tရှေ့အဘို့ကို ကြံဆကုန်သော ရှေ့အဘို့ကို စွဲယူကုန်သော အချို့သော သမဏဗြဟ္မဏတို့သည် ရှိကုန်၏။(မြန်မာပြန်)\nကယူႏလွယ်ꩻချာ ကထွာဖို ကထူႏစွယ်ꩻချာအထွာကို သမဏဗြဟ္မဏယင်ဟန်ႏဖုံႏနဝ်ꩻ အဝ်ႏ။(ပြန်ႏပအိုဝ်ႏ)\n(၅၃)။\tထိုဘုံ၌ ထိုသူသည် တယောက်ထည်းတည်း ကာလရှည်စွာ နေရသောကြောင့်။(မြန်မာပြန်)\nဝွေꩻနဝ်ꩻနဝ်ꩻ အုံဗာႏဘုံႏနဝ်ꩻကို တဖြာꩻတန်ဒျာႏ ကွပ်ညငါႏမရေႏမရာႏတဲင်။(ပြန်ႏပအိုဝ်ႏ)\n(၅၄)။\tတပါးသော သတ္တဝါတို့သည်လည်း ဤဘို့သို့ ရောက်လာဘိမူ ကောင်းလေစွ။(မြန်မာပြန်)\nသတ္တဝါႏအလင်ဖုံႏနဝ်ꩻတဲ့ မဉ်ႏတွိုႏလွဉ်မွိုင် ဘွုံႏယိုဟ ယံကျငါႏမွော့ဟွေး။(ပြန်ႏပအိုဝ်ႏ)\n(၅၅)။\tထိုသတ္တဝါတို့တွင် ရှေးဦးစွာ ဖြစ်ပေါ်နှစ်သော သတ္တဝါသည် အသက်လည်း သာလွန်၍ရှည်၏။(မြန်မာပြန်)\nသတ္တဝါႏဖုံႏအကို သတ္တဝါႏ ကထွာရီးရီးဝင်ꩻနဝ်ꩻ အသက်တဲ့ ယိန်းဆွာꩻလဲဉ်းဝင်ꩻ။(ပြန်ႏ\n(၅၆)။\tထိုနတ်တို့သည် အလွန်ကြာမြင့်စွာ ကျီစယ်ပျော်ပါးလျက် နေကုန်၍။(မြန်မာပြန်)\nလူꩻဖုံႏစားနဝ်ꩻနဝ်ꩻ ညမရမက စွပ်ꩻလို့ဝင်ꩻ အုံပျောႏလွင်ꩻမွိုင်းဒျာႏထာꩻတဲင်။(ပြန်ႏပအိုဝ်ႏ)\n(၅၇)။\t(စားသောက်ရန်)သတိမေ့သောကြောင့် ထိုနတ်ဘဝမှ စုတေကုန်၏။(မြန်မာပြန်)\nကွပ်အွဉ်ႏဖေင်ꩻ(အံႏအွꩻ)တွော့ꩻ အဝ်ႏလူꩻဘဝနဝ်ꩻ သီစွော့ꩻထိုꩻလို့စွဉ်ႏသွူ။(ပြန်ႏပအိုဝ်ႏ)\n(၅၈)။\tဤအယူတို့သည် ဤသို့စွဲယူထားလျှင် ဤသို့မှားယွင်းစွာ သုံးသပ်ထားလျှင်။(မြန်မာပြန်)\nအယူႏဝါႏဒဖုံႏယိုနဝ်ꩻ ပေါႏခွုမ်တဉ်ႏခါꩻနုဲင်းယို ပေါႏချင်းခေႏမာႏမာႏခါꩻနုဲင်းယိုနဝ်ꩻ။(ပြန်ႏပအိုဝ်ႏ)\n(၅၉)။\tဤအယူတို့သည် ဤသို့လားရာရှိကုန်၏၊ ဤသို့တမလွန်ရှိကုန်၏။(မြန်မာပြန်)\nအယူႏဝါႏဒဖုံႏယိုနဝ်ꩻ အအီႏထွာလွေꩻနုဲင်းယို၊ ဘဝငါ အီႏအဝ်ႏနုဲင်းယို။(ပြန်ႏပအိုဝ်ႏ)\n(တောင်ꩻခါꩻ- ကရိုꩻနဝ်ꩻ ဗွေႏမျတ်ဘုရာꩻ အဝ်ႏသေဒျာႏ။)\n(၆၀)။\tမှားယွင်းစွာ မသုံးသပ်သောကြောင့် (မြတ်စွာဘုရားသည်) ကိုယ်တောင်တိုင်သာလျှင် နိဗ္ဗာန်ကို သိတော်မူ၏။ (မြန်မာပြန်)\nကွပ်ချင်းခေႏမာႏမီႏတဝ်းတဲင် (ဗွေႏဘုရာꩻ)နဝ်ꩻ နမ်းတွမ်ႏနမ်းဒျာႏ သေစွဉ်ႏနိဗ္ဗာန်ႏနဝ်ꩻသွူ။(ပြန်ႏပအိုဝ်ႏ)\n(၆၁)။\tပုထုဇဉ်သည် မြေကို မြေဟုမှတ်၍ မြေကိုကြံ၏၊ မြေ၌ ကြံ၏။(မြန်မာပြန်)\nပုထုဇဉ်ႏနဝ်ꩻ ဟံႏယို ထင်းဟံႏတဲင် ယူႏဟံႏယို၊ ယူႏဟံႏအလောင်းယို။(ပြန်ႏပအိုဝ်ႏ)\n(၆၂)။\tမြေမှ ကြံ၏၊ မြေကို ငါ့(ဟာ)ဟု ကြံ၏၊ မြေကို ရှေးရှု နစ်သက်၏။(မြန်မာပြန်)\nအဝ်ႏဟံႏယူႏ၊ ဟံႏယို ခွေ(ထာꩻ)ယူႏနုဲင်းနဝ်ꩻ၊ နစ်သက်လွေꩻ ဟံႏယိုသွူ။(ပြန်ႏပအိုဝ်ႏ)\n(၆၃)။\tထိုသူသည် (ထိုမြေကို) ပိုင်းခြား၍ မသိသောကြောင့်လည်း။(မြန်မာပြန်)\nဝွေꩻနဝ်ꩻနဝ်ꩻ ပဲင်ႏချာꩻ(ဟံႏနဝ်ꩻ) အစွိုးစွိုး ကွပ်ပွိုး တသေတဝ်းနဝ်ꩻသွူ။(ပြန်ႏပအိုဝ်ႏ)\n(၆၄)။\tရဟန္တာရဟန်းသည်လည်း မြေကို မြေဟု အထူးသိ၍ မြေကိုမကြံ မြေ၌မကြံ။(မြန်မာပြန်)\nရဟန္တာႏရဟန်ꩻနဝ်ꩻတဲ့ ဟံႏယို ပဲင်ႏချာꩻအစွိုးစွိုး ကွပ်ပွိုးသေစဲင်းစဲ့တဲင် ယူႏတဝ်းဟံႏယို၊ ယူႏတဝ်းဟံႏအလောင်းယို။ (ပြန်ႏပအိုဝ်ႏ)\n(၆၅)။\tထိုသူသည် (ထိုမြေကို) ပိုင်းခြား၍ သိပြီးသောကြောင့်တည်း။(မြန်မာပြန်)\nဝွေꩻနဝ်ꩻနဝ်ꩻ ပဲင်ႏချာꩻ(ဟံႏနဝ်ꩻ) အစွိုးစွိုး ကွပ်ပွိုးသေထွူလဲဉ်းနဝ်ꩻသွူ။(ပြန်ႏပအိုဝ်ႏ)\n(၆၆)။\tဤသို့ အဇ္ဈတ္တသန္တာန်၌ သို့လောသို့လော တွေးတော ယုံမှားခြင်းဖြစ်၏။(မြန်မာပြန်)\nခွေနမ်းခန္ဓာႏကို နုဲင်းယိုဟောင်းနဲး နုဲင်းနဝ်ꩻဟောင်းနဲး ယူႏကွင်ယွုမ်းမာႏနုဲင်းယိုသွူ။(ပြန်ႏပအိုဝ်ႏ)\n(၆၇)။\tထိုသူသည် “ဤကား ဒုက္ခတည်း” သင့်သောအကြောင်းအားဖြင့် နှလုံးသွင်း၏။(မြန်မာပြန်)\nဝွ��ꩻနဝ်ꩻနဝ်ꩻ “ယိုနဝ်ꩻတဲး ဒုက္ခတန်ဒျာႏ” အွဉ်ႏသꩻဒါႏနုဲင်းနဝ်ꩻသွူ။(ပြန်ႏပအိုဝ်ႏ)\n(၆၈)။\t(အဆုံးအမတော်ကို) လျော့လျော့ပေါ့ပေါ့သာ နာယူသူများ ဖြစ်ကုန်၏။(မြန်မာပြန်)\n(အဆုံꩻအမꩻယို) နေးထူႏဖွီဖွီဖုဲင်ဖုဲင်လယ်ႏကွို့ꩻထာꩻဖုံႏ။(ပြန်ႏပအိုဝ်ႏ)\n(၆၉)။\tဆုတ်ယုတ်ကြောင်း၌ ရှေ့သွားဖြစ်နေကြကုန်၏။(မြန်မာပြန်)\nအွဉ်ငါတေားဒျာႏ ထာꩻဆွုတ်ယွုတ်တာႏဖုံႏ။(ပြန်ႏပအိုဝ်ႏ)\n(၇၀။\tနိဗ္ဗာန် (ဥပဓိဝိဝေက)ရရေး၌ တာဝန်မဲ့ ဖြစ်နေကြကုန်၏။(မြန်မာပြန်)\nတွိုႏဖေႏကလꩻ နိဗ္ဗာန်ႏနဝ်ꩻ ခံႏမာꩻတဝ်းဖုံႏ။(ပြန်ႏပအိုဝ်ႏ)\n(၇၁)။\tတစ်ကိုယ်တည်း နေခြင်း၌လည်း ပျော်နိုင်ခဲ့၏။(မြန်မာပြန်)\nအုံတဖြာꩻဒျာႏနဝ်ꩻတဲ့ တပျောႏနွောင်ꩻကြွို့ꩻတဝ်း။(ပြန်ႏပအိုဝ်ႏ)\n(၇၂)။\tသမာဓိမရသော ရဟန်း၏စိတ်ကို တောတို့က ဆောင်ယူသွားသကဲ့သို့ ထင်ရ၏။(မြန်မာပြန်)\nတလꩻတဝ်း သမာဓိရဟန်ꩻအသꩻယို နုဲင်းစွဉ်ႏတခြာဖုံႏ အီထိုꩻထိုꩻ ထင်းဗာႏစွဉ်ႏနုဲင်းနဝ်ꩻသွူ။(ပြန်ႏပအိုဝ်ႏ)\n(၇၃)။\tပုဏ္ဏား- ငါသည် မိမိ၌ ဤထင်သောသတိရှိသည့်အဖြစ်ကို ကောင်းစွာမြင်၍။(မြန်မာပြန်)\nပုဏ္ဏာꩻဟွေး- ခွေနဝ်ꩻ သတိꩻယို အဝ်ႏတဉ်ႏဟဝ်ငါႏ ခွေနမ်းကို ထီႏစဲင်းစဲ့နုဲင်းနဝ်ꩻတဲင်။(ပြန်ႏပအိုဝ်ႏ)\n(၇၄)။\tတော၌နေရန် အလွန်ချမ်းသာသော အဖြစ်သို့ ရောက်ခဲ့၏။(မြန်မာပြန်)\nအုံတခြာကိုအတာႏ (လွောက်ꩻဖက်) ချမ်ꩻသာႏမွေးစွဉ်ႏဒျာႏထာꩻသွူ။(ပြန်ႏပအိုဝ်ႏ)\n(၇၅)။\tဥပေက္ခာကြောင့်ဖြစ်သော သတိ၏ စင်ကြယ်ခြင်းရှိသော စတုတ္ထဈာန်သို့ ရောက်၍နေ၏။(မြန်မာပြန်)\nဗꩻတွိုႏအုံဗာႏ (ကွပ်ဥပေက္ခာႏ သတိကစင်ငါႏ) စတုတ္ထဈာန်ႏသူꩻသွူ။(ပြန်ႏပအိုဝ်ႏ)\n(၇၆)။\tကံအားလျော်စွာ ဖြစ်ပေါ်လာသော သတ္တဝါတို့ကို သိ၏။(မြန်မာပြန်)\nကံႏပငါပရာꩻ ကထွာလွဉ်ဒါႏ သတ္တဝါႏဖုံႏယို ထီႏသေဒျာႏသွူ။(ပြန်ႏပအိုဝ်ႏ)\n(၇၇)။\tကိလေသာ အညစ်အကြေးနှင့်တကွ ညစ်နွမ်းသော စိတ်ရှိသူဖြစ်လျက် သေလွန်ရလတ္တံ့။(မြန်မာပြန်)\nမဲ့ꩻသီဗာႏတွမ်ႏ ကိလေႏသာႏသꩻ တဗော့ꩻလဲ့ꩻ တဗော့ꩻလꩻနဝ်ꩻကွေး။(ပြန်ႏပအိုဝ်ႏ)\n(၇၈)။\tသီတင်းသုံးဖော်တို့ကို အကုသိုလ်မှထစေ၍ ကုသိုလ်၌ တည်စေဘိ၏။(မြန်မာပြန်)\nမာꩻစင်ထိုꩻဖေႏ သွꩻပေႏဖုံႏ အကုသိုလ်ႏ မာꩻပိုႏဖေႏတေား ကုသိုလ်ႏတန်မွော့ဟွေး။(ပြန်ႏပအိုဝ်ႏ)\n(၇၉)။\tရဟန်းတို့- သီလနှင့်ပြည့်စုံ ပါတိမောက်နှင့် ပြည့်စုံကုန်သည်ဖြစ်၍ နေကြကုန်လော့။(မြန်မာပြန်)\nရဟန်ꩻသီးဖုံႏဟွေး- အုံမဲဉ်ႏမဲဉ်ႏတွမ်ႏသီလ လွောက်ꩻနာႏလွေသွော့ ပါတိမောက်အတွိုင်ꩻနေား။(ပြန်ႏပအိုဝ်ႏ)\n(၈၀)။\tထိုရဟန်းသည် ပိုင်းခြားတိုင်းသော ကိလေသာတို့ကို စွန့်ပစ်ပြီးဖြစ်၏။(မြန်မာပြန်)\nရဟန်ꩻနဝ်ꩻနဝ်ꩻ ကအွဉ်ႏထွော့ခါꩻဒါႏ ကိလေႏသာႏဖုံႏယို စွဉ်ꩻထွူလဲဉ်းသွူ။(ပြန်ႏပအိုဝ်ႏ)\n(၈၁)။\tထိုရဟန်းတို့သည် သတိပဋ္ဌာန်တရားလေးပါးတို့၌ ကောင်းစွာတည်သော စိတ်ရှိကုန်သည်ဖြစ်၍ နေထိုင်ကြကုန်၏။ (မြန်မာပြန်)\nရဟန်ꩻဖုံႏနဝ်ꩻနဝ်ꩻ အုံအဝ်ႏထာꩻ အသꩻအဝ်ႏဒင်ႏစွူဖြွိုးဒျာႏ သတိပဋ္ဌာန်ꩻတရာꩻ လစ်ꩻပါꩻလောင်းဖုံႏနဝ်ꩻသွူ။ (ပြန်ႏပအိုဝ်ႏ)\n(၈၂)။\tအရှင်ဘုရား- လူတို့သည် ရှုပ်ပွေလှပါ၏၊ အရှင်ဘုရား တိရစ္ဆာန်တို့သည် ပေါ်လွင်လှပါ။(မြန်မာပြန်)\nဩဗွေႏ- လိုꩻဖုံႏနဝ်ꩻ သျုတ်တေ့ꩻလွငါႏ ကိလေႏသာႏဖုံႏ ဗွေႏဩ၊ ဩဗွေႏ- တိရစ္ဆာန်ႏဖုံႏနဝ်ꩻ (ထီႏ)စဲင်းစဲ့စွဉ်ႏဒျာႏ ဗွေႏဩ။(ပြန်ႏပအိုဝ်ႏ)\n(၈၃)။\tအတွင်းအဇ္ဈတ္တသန္တာန်၌ အပြစ်မရှိသော ချမ်းသာကို ခံစားရ၏။(မြန်မာပြန်)\nအပဲစ်တအဲဉ်ထဝ်း ချမ်ꩻသာႏယို ခံႏစာꩻဗာႏ နမ်း(အဇ္ဈတ္တ)ကိုနဝ်ꩻသွူ။(ပြန်ႏပအိုဝ်ႏ)\n(၈၄)။\tထိုရဟန်းသည် ထိုတရား၌တည်လျက် အာသဝေါကုန်ခြင်းသို့ ရောက်၏။(မြန်မာပြန်)\nရဟန်ꩻနဝ်ꩻနဝ်ꩻ သꩻအဝ်ႏဒင်ႏ(ကမ္မဋ္ဌာန်ꩻ)တရာꩻလောင်းနဝ်ꩻတဲင် အာသဝေါလို့တငါ(ထွာစွဉ်ႏရဟန္တာႏ)နဝ်ꩻသွူ။ (ပြန်ႏပအိုဝ်ႏ)\n(၈၅)။\tအကျွန်ုပ်ကို သူကြွယ်ဟူသော အခေါ်အဝေါ်ဖြင့် ခေါ်ဝေါ်ပြောဆိုခြင်းသည် မသင့်တင့် မလျောက်ပတ်။(မြန်မာပြန်)\nခွေယို နေးတွမ်ႏငဝ်းလိုꩻလမ်းတဲင် ဟဲ့ꩻသဌေꩻနုဲင်းနဝ်ꩻနဝ်ꩻ တသေန်ႏတဝ်း၊ တရတဝ်း။(ပြန်ႏပအိုဝ်ႏ)\n(တောင်ꩻခါꩻ- ပေါတလိယသဌေꩻ)\n(၈၆)။\tထိုမျှလောက်ဖြင့် မြတ်စွာဘုရား အဆုံးအမ၌ အခါခပ်သိမ်း လုံးဝ အဆုံးအမ ပြတ်သည်မဟုတ်သေး။(မြန်မာပြန်)\nဗွေႏမျတ်ဘုရာꩻ အဆုံꩻအမꩻ (တရာꩻ) ကားနဝ်ꩻပေႏလွုမ်ꩻနဝ်ꩻ ငဝ်း(လိုꩻလမ်း)အဟဲ့ꩻအဟောင် တလွစ်သေႏသေႏတဝ်း လာꩻလာꩻသွူ။(ပြန်ႏပအိုဝ်ႏ)\n(၈၇)။\tဤကာမဂုဏ်၌ အပြစ်သည် များပြားလှ၏၊(များစွာဆင်းရဲခြင်း ရှိပါကုန်၏)။(မြန်မာပြန်)\nကာႏမဂုဏ်ႏအလောင်းယို အပဲစ်နဝ်ꩻ အာမွေးမုဲင်းငါႏသွူ၊(ဆင်ꩻရယ်ꩻ ဒုက္ခအဝ်ႏအာငါႏသွူ။(ပြန်ႏပအိုဝ်ႏ)\n(၈၈)။\tမသိသူများဖြစ်ပါလျက် သိသူများဟု အောက်မေ့ကြပါကုန်၏။(မြန်မာပြန်)\nသေတဝ်း(တရာꩻ)သားတန်သွူတဲ့ ထင်းမာႏတေားဒျာႏ သေတရာꩻသား နုဲင်းနဝ်ꩻတန်သွူ။(ပြန်ႏပအိုဝ်ႏ)\n(၈၉)။\tသိသူများ ဖြစ်ပါကုန်လျက် မသိသူများဟု အောက်မေ့ခဲ့ကြပါကုန်၏။(မြန်မာပြန်)\n���ေ(တရာꩻ)သားတန်သွူတဲ့ ထင်းမာႏတေားဒျာႏ သေတဝ်း(တရာꩻ)သားနုဲင်းနဝ်ꩻတန်သွူ။(ပြန်ႏပအိုဝ်ႏ)\n(၉၀)။\tအကျွန်ုပ်ကို ယနေ့မှစ၍ အသက်ထက်ဆုံး ကိုးကွယ်သော ဥပါသကာဟု မှတ်တော်မူပါ။(မြန်မာပြန်)\nတယ်ႏဟန်ႏနီꩻယိုမာꩻငါ ခွေသွဉ်းယို သွတ်ꩻသက်တလီး ကိုꩻကွယ်ႏ(ရတနာႏသွံပါꩻ) ဥပါသကာႏ(တဖြာꩻ) တောင်ꩻခါꩻ သွော့နုဲင်းနဝ်ꩻ ဗွေႏဩ။(ပြန်ႏပအိုဝ်ႏ)\n(၉၁)။\tထိုရဟန်းသည် ထိုဆွမ်းကို မတပ်မက် မတွေဝေ မစွဲလမ်းမူ၍ အဆင်အခြင် ရှိသည်ဖြစ်၍ ဆုံးဆောင်၏။ (မြန်မာပြန်)\nရဟန်ꩻနဝ်ꩻနဝ်ꩻ တထဲ့ꩻတဝ်း၊ လိန်းလွုမ်ꩻတဝ်း၊ စွယ်ꩻလံꩻတဝ်း နေးဒျာႏတွမ်ႏပညာႏ ဆင်ႏသုံꩻအံႏဒျာႏသွမ်ꩻနဝ်ꩻသွူ။ (ပြန်ႏပအိုဝ်ႏ)\n(၉၂)။\tသူကြယ်- သင်သည် မှန်ကန်သော သစ္စာ၌တည်၍ အကယ်၍ ပြောဆိုငြားအံ့။(မြန်မာပြန်)\nသဌေꩻဟွေး- နာꩻနဝ်ꩻ အုံဒျာႏအမွေးအမဲဉ်ႏ သစ္စာႏဖဲ့ꩻတဲင် မဉ်ႏဒေါ့ꩻရိုꩻ(အုံကွံ)နဝ်ꩻ။(ပြန်ႏပအိုဝ်ႏ)\n(၉၃)။\tဤအကြောင်းအရာ၌ ငါတို့စကားဆွေးနွေးမှု ဖြစ်နိုင်ရာ၏။(မြန်မာပြန်)\nနီကအီႏဒေါ့ꩻ အကျောင်ꩻခရာႏယို ငဝ်းအုံကွံနဝ်ꩻ ရထွာနွောင်ꩻဒျာႏသွူ။(ပြန်ႏပအိုဝ်ႏ)\n(၉၄)။\tသင်တို့ကဲ့သို့ ထင်ရှားကျော်စောသော သူတို့အား စူးစမ်းဆင်ခြင်၍ ပြုခြင်းသည် ကောင်း၏။(မြန်မာပြန်)\nလိုꩻကျောႏထင်ႏသျာꩻ နုဲင်းသီယိုအတာႏ ရီရွောင်ချင်းခေႏထွူမꩻ ကွဲးမာꩻနဝ်ꩻ ဟဝ်ငါႏသွူ။(ပြန်ႏပအိုဝ်ႏ)\n(၉၅)။\tကပ်ရောက်လာသော ထိုနိဂဏ္ဌတို့အား ဆွမ်းလှူရမည်ကို အောက်မေ့လော့။(မြန်မာပြန်)\nကတွိုႏလွဉ်ဒါႏ နိဂဏ္ဌဖုံႏနဝ်ꩻအတာႏ လူႏဆွုမ်ႏဗာႏသွမ်ꩻကရိုꩻနဝ်ꩻ ယူႏလꩻပါသွော့လုဲင်း။(ပြန်ႏပအိုဝ်ႏ)\n(တောင်ꩻသေꩻ- သဌေꩻဥပါလိ ထွာတေား ဘုရာꩻတပဲ့ꩻ။)\n(၉၆)။\tငါ့အားသာလျှင် အလှူကို ပေးလှူအပ်၏-(လ)ဟူသောစကားကို ကြားဖူးပါသည်။(မြန်မာပြန်)\nထာꩻလူႏနဝ်ꩻ ဟဝ်လူႏခွေလွုမ်ꩻ(လ) ဟွုန်ဖို ငဝ်းနုဲင်းနဝ်ꩻသွူ။(ပြန်ႏပအိုဝ်ႏ)\n(၉၇)။\tထိုသို့ဖြစ်လျက်လည်း မြတ်စွာဘုရားသည် အကျွန်ုပ်ကို နိဂဏ္ဌတို့၌လည်း ပေးလှူခြင်း၌ ဆောက်တည်စေ၏။ (မြန်မာပြန်)\nထွာသွူနုဲင်းနဝ်ꩻတဲ့ ဗွေႏမျတ်ဘုရာꩻနဝ်ꩻ ထွဉ်ႏခွေလူႏစွူစွူပါ နိဂဏ္ဌသီးနဝ်ꩻယင်သွူ။(ပြန်ႏပအိုဝ်ႏ)\n(၉၈)။\tအကျွန်ုပ်တို့ သွားပါကုန်အံ့၊ အကျွန်ုပ်တို့သည် များသောကိစ္စ၊ များသောပြုဖွယ် ရှိပါကုန်၏။(မြန်မာပြန်)\nနီသွဉ်းသီး လွေꩻကဗွေႏ၊ နီသွဉ်းသီးနဝ်ꩻ ကိစ္စအာ၊ ထာꩻမာꩻအဝ်ႏအာငါႏ ဗွေႏဩ။\n(၉၉)။\tယနေ့မှစ၍ ဥပါလိသူကြွယ်သည် ရဟန်းဂေါတမ၏ တပည့်အဖြစ���သို့ ကပ်ရောက်၏။(မြန်မာပြန်)\nတယ်ႏဟန်ႏနီꩻမာꩻငါ သဌေꩻဥပါလိနဝ်ꩻ ထွာတေားလဲဉ်း ရဟန်ꩻဂေါတမတပဲ့ꩻသွူ။(ပြန်ႏပအိုဝ်ႏ)\n(တောင်ꩻသေꩻ- “သူကြွယ်”နဝ်ꩻ မီႏဟဲ့ꩻ”လိုꩻခြွေ”တဲ့ လꩻဒျာႏ။\n(၁၀၀)။\tသူကြွယ်- သင့်ကို ရဟန်းဂေါတမသည် စိတ်ညှို့၍ လှည့်ပတ်ခြင်းဖြင့် လှည့်ပတ်ထားချေပြီတကား။(မြန်မာပြန်)\nသꩻဌေꩻဟွေး- ရဟန်ꩻဂေါတမနဝ်ꩻ အံနာꩻထွူတဲင် နေးတွမ်ႏထာꩻလဲဉ်တွော့ꩻ လဲဉ်လꩻလဲဉ်းနာꩻတန်ဟွေး။(ပြန်ႏပအိုဝ်ႏ)\n(တောင်ꩻသေꩻ- နိဂဏ္ဌ (တက္ကတွဉ်ꩻ)ရိုꩻနုဲင်းနဝ်ꩻသွူ။\nပါဠိတောႏ အယပ်ꩻယပ်ꩻကို ဗွေႏဗွန်-ကောဝိဒ(ဇဝနာရာမလိတ်သွဉ်တွိုက်)သီႏသဲင်ႏ\nပြန်ႏနယ်ဖေႏ (နမူႏနာႏ) အမုဲင်(၂) အထွောင်း(၈၀)\nဒင်ႏပျꩻလဝ်းနယ် ၁၃၇၃-ဗာႏ၊ ဒဲဉ်စေင်လောင်း(၁၂)နီꩻ၊ ပွယ်ꩻအုံကွံ(ပထမ)ချိန်ႏတာႏ အထွောင်း(၄၀)\n(၁၀၁)။\tမျက်မှောက်ဘဝ၌ပင် အကုသိုလ်တရားတို့၏ ကင်းပျောက်ခြင်း ကုသိုလ်တရားတို့၏ ပြည့်စုံခြင်းကို မသိကြာကုန်။(မြန်မာပြန်)\nထီႏမဲ့ဆꩻလ ဘဝယိုခါသွူမဉ်ႏတဲ့ အကုသိုလ်ႏတရာꩻ ကမာꩻထိုꩻမား၊ ကုသိုလ်ႏတရာꩻ ကတိုꩻပွာꩻဗွေစွုမ်ႏယို(သီ) တသေလွတဝ်း။(ပြန်ႏပအိုဝ်ႏ)\n(တောင်ꩻခါꩻ- ကင်းပျောက်ခြင်း-ကထိုꩻမား)\n(၁၀၂)။\tငါသည် ရှေးက အထပ်ထပ်လိမ်းကျံထားသော အဆိပ်လူးမြှား အစူးခံရဖူး၏။(မြန်မာပြန်)\nခွေနဝ်ꩻ ကရီးခါ ခံႏဗာႏ အထပ်ထပ် ကသူႏခါꩻဒါႏ ပြာႏစွူႏသား အဝ်ႏဆွို့ဖိုလဲဉ်းသွူ။(ပြန်ႏပအိုဝ်ႏ)\n(တောင်ꩻခါꩻ- အဆိပ်လူးမြှား-ပြာႏစွူႏသား)\n(၁၀၃)။\tရဟန်းတို့- ဤသို့ဆိုသောငါသည် နိဂဏ္ဌတို့၏ အကြောင်းခိုင်လုံသော တစုံတခုသောဝါဒ တုံ့ပြန်ခြင်းကို မမြင်။(မြန်မာပြန်)\nရဟန်ꩻသီးဖုံႏဟွေး- ခွေကဒေါ့ꩻဒါႏ နုဲင်းယိုနဝ်ꩻ နိဂဏ္ဌသီးအကို နေးတွမ်ႏဝါႏဒ အကျောင်ꩻခွေါင်ခွေါင်ခံႏခံႏတဗာႏဗာႏ ကအီႏဒေါ့ꩻပြန်ႏချာယို ခွေထီႏတဝ်း။(ပြန်ႏပအို၀်ႏ)။\n(တောင်ꩻခါꩻ- တုံ့ပြန်-ပြန်ႏချာ)\n(၁၀၄)။\tအခံခက်သော ဝေဒနာတို့ကို ခံစားရကုန်သောကြောင့် မချွတ်ဧကန် ရှေးမကောင်းမှုကံတို့ကို ပြုခဲ့သူတို့ဖြစ်ကုန်၏။ (မြန်မာပြန်)\nကွပ်ခံႏစာꩻဗာႏ ဝွေႏဒနာႏ အတဝ်စားဖုံႏတဲင် ပန်အွဉ်ဇာတ်ကရီး ဝွေꩻသီးမာꩻဗာႏ ထာꩻမာႏအကုသိုလ်ႏကံႏ အမန်ႏဒျာႏ ရင်ꩻသွူ။(ပြန်ႏပအိုဝ်ႏ)\n(တောင်ꩻခါꩻ- အခံခက်သော ဝေဒနာ- ဝွေႏဒနာႏ အတဝ်စား)\n(၁၀၅)။\tချမ်းသာသလိုနေသာငါ့အား အကုသိုလ်တရားတို့သည် တိုးပွားကုန်၏၊ ကုသိုလ်တရားတို့သည် ဆုတ်ယုတ်ကုန်၏။ (မြန်မာပြန်)\nချမ်ꩻသာႏနုဲင်းမုဲင်ꩻတဲ့ ကအုံဒါႏခွေတာႏ အကုသိုလ်ႏတရာꩻဖုံႏနဝ်ꩻ အာလွဉ်၊ ကုသိုလ်ႏတရာꩻဖုံႏခါ ဆွတ်ယွမ်ꩻချာလို့သွူ။ (ပြန်ႏပအိုဝ်ႏ)\n(တောင်ꩻသေꩻ- ဆုတ်ယုတ် - ဆွတ်ꩻယွမ်ꩻချာ)\n(၁၀၆)။\tထိုမြတ်စွာဘုရားသည် အနက်နှင့်ပြည့်စုံသော သဒ္ဒါနှင့်ပြည့်စုံသော တရားကို ဟောတော်မူ၏။(မြန်မာပြန်)\nဗွေႏဘုရာꩻနဝ်ꩻနဝ်ꩻ ဟော်ꩻတွမ်ႏအနက် ကဗွေစွုမ်ႏဒါႏ တွမ်ႏသဒ္ဒါႏ ကဗွေစွုမ်ႏဒါႏ တရာꩻယိုသွူ။(ပြန်ႏပအိုဝ်ႏ)\n(တောင်ꩻခါꩻ - ပြည့်စုံသော- ကဗွေစွုမ်ႏဒါႏ)\n(၁၀၇)။\tလူ့ဘောင်၌ နေရခြင်းသည် ကျဉ်းမြောင်း၏၊ (ကိလေသာ) မြူထရာလမ်းကြောင်းဖြစ်၏။(မြန်မာပြန်)\nအုံဗာႏလိုꩻလမ်းဘဝနဝ်ꩻ ချကနေ့ꩻငါႏ၊ (ကိလေႏသာႏ) တဖူꩻဟံႏလူးဆွိုင်တန်သွူ။(ပြန်ႏပအိုဝ်ႏ)\n(တောင်ꩻခါꩻ- ကျဉ်းမြောင်း-ချကနေ့ꩻ၊ မြူထရာလမ်း- တဖူꩻဟံႏလူးဆွိုင်)\n(၁၀၈)။\tထိုရဟန်းသည် ကိုယ်ကိုမျှတစေရုံသော သင်္ကန်းဖြင့် ဝမ်းကို မျှတစေနိုင်သောဆွမ်းဖြင့် ရောင့်ရဲ၏။(မြန်မာပြန်)\nရဟန်ꩻနဝ်ꩻနဝ်ꩻ ကွို့ꩻသꩻဒျာႏ တွမ်ႏသင်္ကန်းမဉ်ႏနမ်းပေႏ၊ တွမ်ႏသွမ်ꩻ ကွို့ꩻဟို့ꩻပေႏလွုမ်ꩻသွူ။(ပြန်ႏပအိုဝ်ႏ)\n(တောင်ꩻခါꩻ- မျှတ-ကွို့ꩻသꩻ)\n(၁၀၉)။\tထက်ဝယ်ဖွဲ့ခွေပြီးလျှင် ကိုယ်ကိုဖြောင့်မတ်စွာထား၍ ကမ္မဋ္ဌာန်းသို့ရှေးရှု သတိကိုဖြစ်စေလျက် ထိုင်၏။ (မြန်မာပြန်)\nအုံတပန်းထွူတဲင် အွဉ်ႏတနွောင်းနွောင်းနမ်း သတိꩻယို အွဉ်ႏမိုးလွေꩻကမ္မဋ္ဌာန်ꩻ အုံလင်ꩻနဝ်ꩻသွူ။\n(ပြန်ႏပအိုဝ်ႏ)\n(တောင်ꩻခါꩻ- ရှေးရှု - အွဉ်ႏမိုးလွေꩻ)\n(၁၁၀)။\tမှားသောအားဖြင့် ပြုသောကံရှိကုန်၏။(မြန်မာပြန်)\nတွမ်ႏထာꩻယူႏမာႏ ကမာꩻဒါႏကံႏ အဝ်ႏလွသွူ။(ပြန်ႏပအိုဝ်ႏ)\n(တောင်ꩻခါꩻ- ပြုသောကံ - ကမာꩻဒါႏကံႏ)\n(၁၁၁)။\tဤသို့ ဤအယူဝါဒသည် ငါးပါးဖြစ်လျက် သုံးပါးဖြစ်ကုန်၏။ သုံးပါးဖြစ်လျက် ငါးပါးဖြစ်ကုန်၏။(မြန်မာပြန်)\nအယူႏဝါႏဒဖုံႏယိုနဝ်ꩻ အဝ်ႏထွာသွူငတ်ꩻပါꩻတဲ့ ထွာတေားယင်းသွံပါꩻ၊ အဝ်ႏထွာသွူသွံပါꩻတဲ့ ထွာတေားယင်းငတ်ꩻပါꩻ နုဲင်းယိုသွူ။(ပြန်ႏပအိုဝ်ႏ)\n(တောင်ꩻခါꩻ- ဖြစ်လျက်- ထွာသွူတဲ့)\n(၁၁၂)။\tထိုသင်္ခါရ၏ လွတ်မြောက်ရာနိဗ္ဗာန်ကို ရှုလေ့ရှိသော မြတ်စွာဘုရားသည် ထိုသင်္ခါရကို လွန်မြောက်၏။(မြန်မာပြန်)\nသင်္ခါႏရနဝ်ꩻ လွစ်ထန်ႏနိဗ္ဗာန်ႏယို ကအဝ်ႏထွားဒါႏ ဗွေႏဘုရာꩻနဝ်ꩻ လွစ်ထန်ႏထိုꩻလꩻ သင်္ခါႏရနဝ်ꩻသွူ။(ပြန်ႏပအိုဝ်ႏ)\n(တောင်ꩻခါꩻ- လွန်မြောက်-လွစ်ပွန်း)\n(၁၁၃)။\t(သေသည်မှ) အထက်ဖြစ်သောနောက်၌ ကျင်လည်ခြင်းကို ငြိကပ်လျက် ပြောဆိုကုန်��ောကြောင့်တည်း။ (မြန်မာပြန်)\n(သီထွူ) ကလွေꩻထွာဆုဲင်ꩻနဝ်ꩻ ကွပ်အဝ်ႏဒေါ့ꩻလွဒျာႏ ကမဉ်လွေꩻချာငါခရာႏနဝ်ꩻသွူ။(ပြန်ႏပအိုဝ်ႏ)\n(တောင်ꩻခါꩻ- ကျင်လည်-လွေꩻချာငါ)\n(၁၁၄)။\tမြတ်စွာဘုရားသည် သတ္တဝါတို့ကို အစဉ်စောင့်ရှောက်တော်မူသည်ဖြစ်၍။(မြန်မာပြန်)\nဗွေႏမျတ်ဘုရာꩻနဝ်ꩻ အဝ်ႏပွေါးထွားဖေႏသေႏသေႏ သတ္တဝါႏဖုံႏယိုတဲင်။(ပြန်ႏပအိုဝ်ႏ)\n(တောင်ꩻခါꩻ- စောင့်ရှောက်-ပွေါးထွား)\n(၁၁၅)။\tသတ္တဝါတို့၏ အကျိုးစီးပွားကို ရှာမီးတော်မူလျက် အစဉ်သနားခြင်းကို အကြောင်းပြု၍ တရားဟော်တော်မူ၏။ (မြန်မာပြန်)\nထုမ်ႏထွားထွူ သတ္တဝါႏသီးအကျိုꩻစီꩻပွာꩻတဲင် ကွပ်ထွာသညင်ꩻငါႏ (သတ္တဝါႏဖုံႏ)နဝ်ꩻမꩻ ဟော်ꩻတရာꩻနဝ်ꩻသွူ။ (ပြန်ႏပအိုဝ်ႏ)\n(တောင်ꩻခါꩻ- အကြောင်းပြု၍-ကွပ်ထွာနဝ်ꩻမꩻ)\n(၁၁၆)။\tကောင်းစွာယူထားသည်ကို ကောင်းစွာယူထား၏ဟု မှတ်သားစေ၍ တရားမှန် ဝိနည်းမှန်ကို ပြောဟောရမည်။ (မြန်မာပြန်)\nဟဝ်ဟဝ်ဒါႏဒါႏ ကခံႏထူႏခါꩻယို(အတွိုင်ꩻ) ဟဝ်ဟဝ်ဒါႏဒါႏ ခံႏထူႏခါꩻဒျာႏ ထွဉ်ႏတောင်ꩻခါꩻနုဲင်းနဝ်ꩻတဲင် ဒေါ့ꩻဟော်ꩻဗာႏ တရာꩻမဲဉ်ႏ ဝိနယ်ꩻမဲဉ်ႏယို။(ပြန်ႏပအိုဝ်ႏ)\n(တောင်ꩻခါꩻ- ကောင်းစွာ-ဟဝ်ဟဝ်ဒါႏဒါႏ)\n(၁၁၇)။\tအာနန္ဒာ- ငြင်းခုံမှု၏ အကြောင်းတို့သည် ဤခြောက်ပါးတည်း။(မြန်မာပြန်)\nအာနန္ဒာႏဟွေး- အကထေင်ညင်ꩻအီလို့ဝင်ꩻ အကျောင်ꩻဖုံႏနဝ်ꩻ သူပါꩻယိုဖုံႏသွူ။(ပြန်ႏပအိုဝ်ႏ)\n(တောင်ꩻခါꩻ- ငြင်းခုံ-ထေင်ညင်ꩻ)\n(၁၁၈)။\tမရပဲ ရ၏ဟု အထင်ကြီးမှုဖြင့် အရဟတ္တဖိုလ်ကို ပြောကြားသော အချို့သောရဟန်းတို့လည်း ရှိကုန်၏။(မြန်မာပြန်)\nနေးတွမ်ႏထာꩻထင်းတန်တဲင် တလꩻတဝ်းတဲ့ လꩻအရဟတ္တဖိုလ်ႏယို ကဒေါ့ꩻရိုꩻနုဲင်းနဝ်ꩻ ရဟန်ꩻယင်ဟန်ႏဖုံႏတဲ့ အဝ်ႏဒျာႏဖုံႏသွူ။(ပြန်ႏပအိုဝ်ႏ)\n(တောင်ꩻခါꩻ- ပြောကြားသော-ကဒေါ့ꩻရိုꩻဒါႏ)\n(၁၁၉)။\tငါသည် ထိုတဏှာဟူသော မြှားငြောင့်ကို ပယ်နုတ်ပြီးပြီ။(မြန်မာပြန်)\nခွေနဝ်ꩻ တဏှာႏကရိုꩻဒါႏ ပြာႏဆူႏယို ဗဲ့ꩻဗေက်ꩻထိုꩻလဲဉ်းသွူ။(ပြန်ႏပအိုဝ်ႏ\n(တောင်ꩻခါꩻ- မြှားငြောင့်-ပြာႏဆူႏ၊ ပယ်နုတ်-ဗဲ့ꩻဗေက်ꩻ)\n(၁၂၀)။\tငါသည် ကောင်းစွာ နိဗ္ဗာန်၌ ညွတ်သောစိတ်ရှိပြီ။(မြန်မာပြန်)\nခွေနဝ်ꩻ ဟဝ်ဟဝ်ဒါႏဒါႏ သꩻကငေါ်ꩻလွေꩻ နိဗ္ဗာန်ႏလောင်း အဝ်ႏလဲဉ်းသွူ။(ပြန်ႏပအိုဝ်ႏ)\n(တောင်ꩻခါꩻ- ညွတ်သောစိတ်-သꩻကငေါ်ꩻလွေꩻ)\n(၁၂၁)။\tယခု ငါသည် မြတ်စွာဘုရားကို (ဆရာဟု) ရည်ညွှန်း၍ မနေတော့ပါ။(မြန်မာပြန်)\nခွေယိုခါနဝ်ꩻ ဗွေႏမျတ်ဘုရာꩻယို မတ်တဝ်း��ွုမ်ဆရာႏ၊ အုံငီꩻတဝ်းဒွုမ်ဘုရာꩻ။(ပြန်ႏပအိုဝ်ႏ)\n(တောင်ꩻခါꩻ- ရည်ညွှန်း-ရေႏမတ်)\n(၁၂၂)။\tသုနက္ခတ် အကြောင်းအမျိုးမျိုးဖြင့် ငါ၏ဂုဏ်ကို ဝဇ္ဇီမင်းတို့၏ရွာ၌ သင်ပြောဆိုချီးကျူးဖူး၏။(မြန်မာပြန်)\nသုနက္ခတ်ဟွေး- နေးတွမ်ႏအကျောင်ꩻအမျိုꩻမျိုꩻတဲင် နာꩻဒေါ့ꩻအုပ်ꩻဗာႏဖိုခွေဂုဏ်ႏ ခွန်ဝဇ္ဇီသီးဒုံကိုသွူ။(ပြန်ႏပအိုဝ်ႏ)\n(တောင်ꩻခါꩻ- ချီးကျူး-ဒေါ့ꩻအုပ်ꩻ)\n(၁၂၃)။\tမြေ၌ချထားသည့် အစာကို ပါးစပ်ဖြင့်သာ ဟပ်၏။(မြန်မာပြန်)\nဟံႏလောင်း ကအွဉ်ႏလင်ꩻဒါႏ အဆာႏယို ဟက်ꩻဒျာႏတွမ်ႏဖြောင်းလွုမ်ꩻ။(ပြန်ႏပအိုဝ်ႏ)\n(တောင်ꩻခါꩻ- ပါးစပ်ဖြင့်ဟပ်၏-ဟက်ꩻတွမ်ႏဖြောင်းသွူ။)\n(၁၂၄)။\tအချင်းတို့ ချီးမွမ်းအံ့ဩဖွယ်ကောင်းသော ရဟန္တာကို ထိပါးမိလေစွတကား။(မြန်မာပြန်)\nပါꩻစားနဝ်ꩻဖုံႏဟွေး- ကဟဝ်အံႏဖြာႏ ကဟဝ်အံႏအော်ꩻငါႏ ရဟန္တာႏယို ခွေါင်းမာႏဗာႏလဲဉ်းသွူဟွေး။(ပြန်ႏပအိုဝ်ႏ)\n(တောင်ꩻခါꩻ- ထိပါးမိ-ခွေါင်းမာႏဗာႏ)\n(၁၂၅)။\tထိုအယူကို မစွန့်မူ၍ မြတ်စွာဘုရား၏ မျက်မှောက်သို့ လာရန်မထိုက်ပါ။(မြန်မာပြန်)\nပေါႏတစွဉ်ꩻထိုꩻတဝ်း အယူႏဝါႏဒနဝ်ꩻ လွဉ်နီဗွေႏဘုရာꩻ မဲ့ဆꩻငါယို ထွိုက်တဝ်း။(ပြန်ႏပအိုဝ်ႏ)\n(တောင်ꩻခါꩻ- မျက်မှောက်-မဲ့ဆꩻငါ)\n(၁၂၆)။\tထိုနေရာ၌သာလျှင် လူးလွန့်၍နေ၏၊ နေရာမှ ထရန်ပင် မစွမ်းနိုင်၊ ရှုံးပုံပေါ်၏။(မြန်မာပြန်)\nအဝ်ႏတဝျာႏတဝီႏစွဉ်ႏဗော့ꩻ ခင်ႏလမ်းနဝ်ꩻကို၊ အဝ်ႏခင်ႏလမ်းနဝ်ꩻကို အီႏထွိုင်ႏငါတဲ့ ဒါႏတဝ်း၊ အလွိုးရသွုမ်ꩻတန်။ (ပြန်ႏပအိုဝ်ႏ)\n(တောင်ꩻခါꩻ- လူးလွန့်-တဝျာႏတဝီႏ)\n(၁၂၇)။\tငါ့ရှင် ပါထိကပုတ္တ- သင်၏တင်ပါးတို့သည် ထိုင်ခုံ၌ ငြိကပ်၍ နေသလော။(မြန်မာပြန်)\nဗွေႏပေႏ ပါထိကပုတ္တဟွေး- နာꩻကုမ်ႏဖုံႏနဝ်ꩻ အဝ်ႏဗွို့ꩻခြꩻဒျာႏ ခုံႏတွိုးလောင်းနဝ်ꩻဟောင်း။(ပြန်ႏပအိုဝ်ႏ)\n(တောင်ꩻခါꩻ-ထိုင်ခုံ-ခုံႏတွိုး၊ ငြိကပ်-ဗွို့ꩻခြꩻ)\n(၁၂၈)။\tထိုမြေခွေးသည် ထိုငယ်စဉ်အတိုင်း မြေခွေးဟောင်ခြင်းကိုသာ ဟောင်၏။(မြန်မာပြန်)\nထွီႏမျေားနဝ်ꩻနဝ်ꩻ ပေႏပေႏခါအတွိုင်ꩻ အူႏထွီႏမျောႏဒါႏထာꩻလွုမ်ꩻ။(ပြန်ႏပအိုဝ်ႏ)\n(တောင်ꩻခါꩻ- မြေခွေး-ထွီႏမျေား+ထွီႏဟံႏ+ထွီႏအꩻ)\n(၁၂၉)။\tသင်သည် ငါ၌ ကြည်ညိုခြင်းကိုသာ ကောင်းစွာ စောင့်ထိန်းလော့။(မြန်မာပြန်)\nနာꩻနဝ်ꩻ ပွေါးထိန်ꩻဟဝ်ဟဝ်ဒါႏဒါႏသွော့ ထာꩻကေႏညိုႏခွေလောင်းနဝ်ꩻငါ။(ပြန်ႏပအိုဝ်ႏ)\n(တောင်ꩻခါꩻ- စောင့်ထိန်း-ပွေါးထိန်ꩻ)\n(၁၃၀)။\tအရှင်တို့- အသံမပြုကုန်လင့်�� ဤရဟန်းဂေါတမသည် စင်္ကြံကြွနေ၏။(မြန်မာပြန်)\nဗွေႏသီးဖုံႏဟွေး- အွဉ်ႏသင်ႏလွမွုန်းငဝ်းဖုံႏဟုဲင်း၊ ရဟန်ꩻဂေါတမယိုနဝ်ꩻ အဝ်ႏထောင်ချာထောင်ငါတဖူꩻ။(ပြန်ႏပအိုဝ်ႏ)\n(တောင်ꩻခါꩻ- စင်္ကြံကြွ-ထောင်ချာထောင်ငါတဖူꩻ)\n(၁၃၁)။\tထိုသူသည် ထိုအကျင့်ဖြင့် မိမိကို မြှင့်တင်၏၊ သူတပါးကို ရှုတ်ချ၏။(မြန်မာပြန်)\nပါꩻနဝ်ꩻနဝ်ꩻ တွမ်ႏအကျင်ꩻနဝ်ꩻ ပင်ႏထိုအနမ်း၊ သွမ်ꩻပြာႏဝင်ꩻလင်။(ပြန်ႏပအိုဝ်ႏ)\n(တောင်ꩻခါꩻ- ရှုတ်ချ-သွမ်ꩻပြာႏ)\n(၁၃၂)။\tမေတ္တာနှင့်ယှဉ်သောစိတ်ဖြင့် တခုသော အရပ်မျက်နှာကို ပြန့်နှံ့စေ၍ နေ၏။(မြန်မာပြန်)\nအုံအဝ်ႏထာꩻ နေးတွမ်ႏသꩻ ကဗွို့ꩻမေတ္တာႏနဝ်ꩻ အွဉ်ႏစွစ်ꩻတိုးလွေꩻ အရပ်တဖဲ့ꩻကိုသွူ။(ပြန်ႏပအိုဝ်ႏ)\n(တောင်ꩻခါꩻ- ပြန့်နှံ့-စွစ်ꩻတိုး)\n(၁၃၃)။\tထိုမြတ်စွာဘုရားသည် နိဗ္ဗာန်ရောက်ပြီးသည်ဖြစ်၍ နိဗ္ဗာန်သို့ရောက်ခြင်းငှါ တရားကို ဟော၏။(မြန်မာပြန်)\nဗွေႏမျတ်ဘုရာꩻနဝ်ꩻနဝ်ꩻ တွိုႏလဲဉ်းနိဗ္ဗာန်ႏတဲင် (လိုꩻဖုံႏတဲ့) ဖေႏနေးကတွိုႏနိဗ္ဗာန်ႏသူႏအတာႏ ဟော်ꩻဖေႏဗာႏတရာꩻ ယိုသွူ။(ပြန်ႏပအိုဝ်ႏ)\n(တောင်ꩻခါꩻ- ငှါ-အတာႏ)\n(၁၃၄)။\tတရားသာလျှင် ကျွန်းကြီးသဖွယ် မှီခိုရာ ရှိကုန်သည်ဖြစ်၍။(မြန်မာပြန်)\n(တရာꩻယို) မတ်နုဲင်းစွဉ်ႏ ကြွန်တန်အဝ်ႏငါ အုံနောင်ငါတရာꩻငါတဲင်။(ပြန်ႏပအိုဝ်ႏ)\n(တောင်ꩻခါꩻ- မှီခို-အုံနောင်)\n(၁၃၅)။\tတရားသာလျှင် ကိုးကွယ်ရာ ရှိကုန်သည်ဖြစ်၍။(မြန်မာပြန်)\nအဝ်ႏငါ ကိုꩻကွယ်ႏငါတရာꩻငါတွော့ꩻ။(ပြန်ႏပအိုဝ်ႏ)\n(တောင်ꩻခါꩻ- သာလျှင်-ငါ)\n(၁၃၆)။\tတရားမှတပါး အခြားကိုးကွယ်ရာ မရှိကုန်သည်ဖြစ်၍ နေကုန်လော့။(မြန်မာပြန်)\nပေါႏလွိုတရာꩻနဝ်ꩻ ထာꩻကိုꩻကွယ်ႏအလင်အဲဉ်ထဝ်း အုံအဝ်ႏသွော့နုဲင်းနဝ်ꩻဟုဲင်း။(ပြန်ႏပအိုဝ်ႏ)\n(တောင်ꩻခါꩻ- အခြား-အလင်)\n(၁၃၇)။\tဤမြေကို တုတ်မဆောင်မူ၍ လက်နက်မဆောင်မူ၍ တရားသဖြင့် အောင်မြင်လျက် အုပ်စိုး၏။(မြန်မာပြန်)\nခွဉ်းမစက်ꩻ၊ လက်နက်မခွုမ် နေးတွမ်ႏတရာꩻ အောင်ႏအောင်ႏမျင်ႏမျင်ႏ အုပ်ပွိုင်ႏဒျာႏဟံႏ(ခမ်း)ယိုသွူ။(ပြန်ႏပအိုဝ်ႏ)\n(တောင်ꩻခါꩻ- အုပ်စိုး-အုပ်ပွိုင်ႏ)\n(၁၃၈)။\tချစ်သား- သင်၏နိုင်ငံတော်၌ အနိုင်အထက် နှိပ်စက်မှုများ မဖြစ်စေလင့်။(မြန်မာပြန်)\nပိုခို- နာꩻနဲင်ႏငံႏတောႏကိုယို ထာꩻအံႏနွောင်ꩻလို့ဝင်ꩻ၊ ထာꩻနိတ်စက်လို့ဝင်ꩻ ဖေႏကထွာမွုန်းသွော့လုဲင်း။(ပြန်ႏပအိုဝ်ႏ)\n(တောင်ꩻခါꩻ- အနိုင်အထက်-အံႏနွောင်ꩻ)\n(၁၃၉)။\tဖန်ရည်စွန်းသော အဝတ်တ��ု့ကို ဝတ်ပြီးလျှင် လူ့ဘောင်မှ ရသေ့ဘောင်သို့ ဝင်ရောက်အံ့။(မြန်မာပြန်)\nကွဉ်ကꩻဒျာႏ ပိတ်ကစုမ်ႏဖုံႏနဝ်ꩻထွူတဲင် အဝ်ႏလိုꩻလမ်းဘဝ အီႏနွို့ထင်ႏဒျာႏ ရသေ့ꩻဘဝသူꩻသွူ။(ပြန်ႏပအိုဝ်ႏ)\n(တောင်ꩻခါꩻ- ဖန်ရည်စွန်းသောအဝတ်-ပိတ်စုမ်ႏ)\n(၁၄၀)။\tတရားနှင့်လျော်သော စောင့်ရှောက်မှု ကာကွယ်မှု လုံခြုံစေမှုကို စီရင်၏။(မြန်မာပြန်)\nနေးတွမ်ႏထာꩻတရာꩻရာꩻ မာꩻခါꩻထာꩻမာꩻပွေါးထွား ထာꩻမာꩻပွေါးရဲး ထာꩻမာꩻဖေႏကလုမ်းဗဉ်ႏဖုံႏသွူ။(ပြန်ႏပအိုဝ်ႏ)\n(တောင်ꩻခါꩻ- ကာကွယ်-ပွေါးရဲး)\nပါဠိတောႏ အယပ်ꩻယပ်ꩻကို ဗွေႏဗွန်-ကောဝိဒ(ဇဝနာရာမလိတ်သွဉ်တွိုက်)သီႏသဲင်ႏ\nပြန်ႏနယ်ဖေႏ (နမူႏနာႏ) အမုဲင်(၂) အထွောင်း(၈၀)\nဒင်ႏပျꩻလဝ်းနယ် ၁၃၇၃-ဗာႏ၊ ဒဲဉ်စေင်လောင်း(၁၂)နီꩻ၊ ပွယ်ꩻအုံကွံ(ဒုတိယ)ချိန်ႏတာႏ အထွောင်း(၄၀)\n(၁၄၁)။\tအိုခြင်းတရားသည် (သေခြင်း၏)အနီးသို့ ဆောင်အပ်သောသူအား ကိုးကွယ်ရာတို့သည် မရှိကုန်။(မြန်မာပြန်)\nပါꩻကခံႏဗာႏ တရာꩻထာꩻဖြား ပသာဗော့ꩻလွေꩻ (ထာꩻသီအထျꩻသူꩻ)ပါꩻနဝ်ꩻအတာႏ ကိုꩻကွယ်ႏခရာႏဖုံႏအဲဉ်ထဝ်း။ (ပြန်ႏပအိုဝ်ႏ)\n(တောင်ꩻခါꩻ-သေခြင်း၏အနီး-ဗော့ꩻထာꩻသီအထျꩻ)\n(၁၄၂)။\tချမ်းသာကို ဆောင်တတ်သော ကောင်းမှုတို့ကို ပြုရာ၏။(မြန်မာပြန်)\nကမာꩻထွာဖေႏဒါႏ ထာꩻချမ်ꩻသာႏ ထာꩻမာꩻဟဝ် (ကုသိုလ်ႏ)ဖုံႏယို ဟဝ်မာꩻငါႏသွူ။(ပြန်ႏပအိုဝ်ႏ)\n(တောင်ꩻခါꩻ- ဆောင်တတ်သော-ကမာꩻထွာဒါႏ)\n(၁၄၃)။\tအဘယ်မျှသော တရားတို့ကို ထိုထက်အလွန် ပွားများရာပါသနည်း။(မြန်မာပြန်)\nတရာꩻခွိုင်းမုဲင်ꩻပါꩻဖုံႏယို ဟဝ်ပွာꩻမျာꩻလွိုလဲဉ်းဝင်ꩻဟောင်း။(ပြန်ႏပအိုဝ်ႏ)\n(တောင်ꩻခါꩻ- ဥတ္တရိ-ထက်အလွန်-လွိုလဲဉ်းဝင်ꩻ)\n(၁၄၄)။\t(သဒ္ဓါ-စသော ဣန္ဒြေ)ငါးမျိုးတို့ကို အလွန်ပွားများရာ၏။(မြန်မာပြန်)\n(သဒ္ဓါႏ-စတဲင် ဣန္ဒြေ)ငတ်ꩻမျိုꩻဖုံႏယို ဟဝ်ပွာꩻမျာꩻလွိုလဲဉ်းဝင်ꩻ။(ပြန်ႏပအိုဝ်ႏ)\n(တောင်ꩻခါꩻ- ပွားများရာ၏-ဟဝ်ပွာꩻမျာꩻသွူ။)\n(၁၄၅)\tနှိုးကြားသည့်တရားတို့၌ အဘယ်မျှသောတရားတို့သည် အိပ်ပျော်သည်တို့ မည်ပါကုန်သနည်း။(မြန်မာပြန်)\nတရာꩻသေသွောင်ဖုံႏအကို တရာꩻကားမုဲင်ꩻပါꩻဖုံႏယို မဉ်ꩻဗာႏ မာꩻဗေင်ႏအွီႏထိုꩻဟောင်း။(ပြန်ႏပအိုဝ်ႏ)\n(တောင်ꩻခါꩻ- နှိုးကြား-သေသွောင်)\n(၁၄၆)။\tအိပ်ပျော်သည့်တရားတို့၌ အဘယ်မျှသောတရားတို့သည် နှိုးကြားသည်တို့ မည်ပါကုန်သနည်း။(မြန်မာပြန်)\nတရာꩻဗေင်ႏအွီႏဖုံႏအကို တရာꩻကားမုဲင်ꩻပါꩻဖုံႏယို ဟဲ့ꩻဗာႏ မာꩻသေသွောင်ဖုံႏဟောင်း။(ပြန်ႏပအိုဝ်ႏ)\n(တောင်ꩻခါꩻ- အိပ်ပျော်-ဗေင်ႏအွီႏ)\n(၁၄၇)။\tနှိုးကြားသည့်တရားတို့၌ နီဝရဏငါးမျိုးတို့သည် အိပ်ပျော်သည်တို့ မည်ကုန်၏။(မြန်မာပြန်)\nတရာꩻသေသွောင်ဖုံႏအကို နီဝရဏငတ်ꩻမျိုꩻဖုံႏနဝ်ꩻ ဟဲ့ꩻဗာႏ မာꩻဗေင်ႏအွီႏဖုံႏသွူ။(ပြန်ႏပအိုဝ်ႏ)\n(တောင်ꩻခါꩻ- တရားတို့၌-တရာꩻဖုံႏအကို)\n(၁၄၈)။\tအိပ်ပျော်သည့်တရားတို့၌ (ဣန္ဒြေ)ငါးမျိုးတို့သည် နှိုးကြားသည်တို့ မည်ကုန်၏။(မြန်မာပြန်)\nတရာꩻဗေင်ႏအွီႏဖုံႏအကို (ဣန္ဒြေ)ငတ်ꩻမျိုꩻဖုံႏနဝ်ꩻ ဟဲ့ꩻဗာႏ မာꩻသေသွောင်ဖုံႏသွူ။(ပြန်ႏပအိုဝ်ႏ)\n(တောင်ꩻခါꩻ- ငါးမျိုးတို့သည်-ငတ်ꩻမျိုꩻဖုံႏနဝ်ꩻ)\n(၁၄၉)။\tမိစ္ဆာအယူသို့လည်း ကပ်ရောက်ကုန်၏၊ ထိုသူတို့သည် အိပ်ပျော်သည်တို့ မည်ကုန်၏၊ မနှိုးကြားကုန်။(မြန်မာပြန်)\n(သꩻ)ပယ်တွိုႏလွေꩻဒျာႏ မိစ္ဆာႏအယူႏဝါႏဒသူꩻယင်သွူ၊ ဝွေꩻသီးဖုံႏနဝ်ꩻ ဟဲ့ꩻဗာႏဗေင်ႏအွီႏထာꩻဖုံႏ၊ သေသွောင်တဝ်းဖုံႏ သွူ။(ပြန်ႏပအိုဝ်ႏ)\n(တောင်ꩻခါꩻ- ကပ်ရောက်-ပယ်တွိုႏ)\n(၁၅၀)။\tမိစ္ဆာအယူသို့လည်း မကပ်ရောက်ကုန်၊ ထိုသူတို့သည် ကောင်းစွာနှိုးကုန်လျက်။(မြန်မာပြန်)\n(သꩻ)ပယ်တွိုႏလွေꩻတဝ်း မိစ္ဆာႏအယူႏဝါႏဒယင်သွူ၊ ဝွေꩻသီးဖုံႏနဝ်ꩻ ဟဝ်ဟဝ်ဒါႏဒါႏ သေသွောင်လွဒျာႏ။(ပြန်ႏပအိုဝ်ႏ)\n(တောင်ꩻခါꩻ- မကပ်ရောက်-ပယ်တွိုႏလွေꩻတဝ်း)\n(၁၅၁)။\tဤလောက၌ ထောင်လွှားမှု မာန-ကို လိုလားသူအား တည်ကြည်မှုနှင့်စပ်သော ဆုံးမကြောင်း တရားသည် မရှိနိုင်။ (မြန်မာပြန်)။\nလောကကိုယို မဉ်အွဉ်ႏဖြိုနမ်း ကလိုႏဒါႏ မာႏန-သားအတာႏ ဝွေꩻသꩻဖေႏနေးကစွူ ကအီႏဆုံꩻမꩻအီ ငဝ်းတရာꩻနဝ်ꩻ အဝ်ႏနွောင်ꩻတဝ်း။(ပြန်ႏပအိုဝ်ႏ)\n(တောင်ꩻခါ- ထောင်လွှားမှု-အွဉ်ႏဖြိုနမ်း)\n(၁၅၂)။\tမျက်မှောက်ဖြစ်သည့် ခံစားမှုကို စွန့်၍ နောင်ကာလ၌ဖြစ်မည့် နတ်ကာမဂုဏ်ကို မတောင့်တလင့်။(မြန်မာပြန်)\nစွဉ်ꩻထိုꩻခံႏစာꩻမုꩻ မဲ့ဆꩻလ (ဘဝ)ယိုတဲင် တွမ်ႏကော့ꩻမောင်ꩻတေားမွုန်း တွိုႏဆုဲင်ꩻအီႏထွာ (ဘဝငါ) လူꩻကာမဂုဏ်ႏသူꩻ လုဲင်း။(ပြန်ႏပအိုဝ်ႏ)\n(တောင်ꩻခါꩻ- တောင့်တ-ကော့ꩻမောင်ꩻ)\n(၁၅၃)။\tတန်ခိုးကြီးသော နတ်တို့သည် ခြံရံအပ်သည်ဖြစ်၍ အကျွန်ုပ်တို့သည် ထိုမြတ်စွာဘုရားသို့ ချဉ်းကပ်ရန်မလွယ်။ (မြန်မာပြန်)။\nလူꩻတံꩻခိုꩻတန်သီးဖုံႏ အဝ်ႏရံႏခါꩻတဲင် နီအီႏလွေꩻထေ့ဗော့ꩻ ဗွေႏမျတ်ဘုရာꩻသူꩻ တယိုꩻတဝ်း။(ပြန်ႏပအိုဝ်ႏ)။\n(တောင်ꩻခါꩻ- ချဉ်းကပ်-ထေ့ဗော့ꩻ)\n(၁၅၄)။\tလှံဖြင့် အထိုးခံရသူကဲ့သို့လည်းကောင်း၊ ဦးခေါင်း၌ မီးလောင်ခံရသောသူကဲ့သို့လည်းကောင်း။(မြန်မာပြန်)\nနုဲင်းစွဉ်ႏ ပါꩻကခံႏဗာႏ ထောင်းတွမ်ႏဗင်တဲ့နဝ်ꩻ၊ နုဲင်းစွဉ်ႏပါꩻကခံႏဗာႏ မေႏခိုးအကတူႏတဲ့နဝ်ꩻ။(ပြန်ႏပအိုဝ်ႏ)\n(တောင်ꩻခါꩻ- ကဲ့သို့-နုဲင်းစွဉ်ႏ၊ ဗွန်စွဉ်ႏ၊ ပီစွဉ်ႏ)\n(၁၅၅)။\tရဟန်းသည် ကာမဂုဏ်၌ တပ်စွန်းမှု ရာဂ-ကို ပယ်ရန် သတိနှင့်ပြည့်စုံသည်ဖြစ်၍ နေရာ၏။(မြန်မာပြန်)\nရဟန်ꩻနဝ်ꩻ အီႏပယ်ႏထိုꩻ ကာမဂုဏ်ႏအလောင်း တထဲ့ꩻမုꩻ ရာဂ-ယိုတာႏ ဟဝ်အုံဗွေစွုမ်ႏငါႏတွမ်ႏသတိꩻနဝ်ꩻသွူ။ (ပြန်ႏပအိုဝ်ႏ)\n(တောင်ꩻခါꩻ- တပ်စွန်း-တထဲ့ꩻ)\n(၁၅၆)။\tခန္ဓာငါးပါး၌ အမြင်မှားမှု သက္ကာယဒိဋ္ဌိ-ကိုပယ်ရန် သတိနှင့်ပြည့်စုံသည်ဖြစ်၍ နေရာ၏။(မြန်မာပြန်)\nအီႏပယ်ႏထိုꩻခန္ဓာႏငတ်ꩻပါꩻလောင်း ထာꩻထီႏမာႏ သက္ကာယဒိဋ္ဌိ-ယိုတာႏ ဟဝ်အုံဗွေစွုမ်ႏငါႏ တွမ်ႏသတိꩻ။(ပြန်ႏပအိုဝ်ႏ)\n(တောင်ꩻခါꩻ- အမြင်မှား-ထာꩻထီႏမာႏ)\n(၁၅၇)။\tလေညာသို့ ပစ်လွင့်အပ်သော သိမ်မွေ့သောမြူသည် ပစ်လွင့်သူထံသို့သာ ပြန်ရောက်သကဲ့သို့။(မြန်မာပြန်)\nကဝေါင်းစွꩻထေ့ တလီꩻထျꩻ ထာꩻအီႏကဖွီချော်ꩻနဝ်ꩻ တွိုႏချာကဝေါင်းစွꩻသားထျꩻလွုမ်ꩻလွဉ်းလွဉ်း။(ပြန်ႏပအိုဝ်ႏ)\n(တောင်ꩻခါꩻ- ပစ်လွင့်-ဝေါင်းစွꩻ၊ လေညာ-တလီꩻထျꩻ)\n(၁၅၈)။\tထို့အတူ ထိုသူမိုက်၏ မကောင်းမှု အကုသိုလ်ကံသည် ထိုသူမိုက်ထံသို့သာ ပြန်ရောက်၏။(မြန်မာပြန်)\nအဗွိုန်နုဲင်းနဝ်ꩻနေနေ ပါꩻမွိုက်အကုသိုလ်ႏကံႏကုဲင်နဝ်ꩻ တွိုႏချာပါꩻမွိုက်ထျꩻနဝ်ꩻလွုမ်ꩻသွူ။(ပြန်ႏပအိုဝ်ႏ)\n(တောင်ꩻခါꩻ- မကောင်းမှု အကုသိုလ်ကံ-အကုသိုလ်ႏကံႏကုဲင်)\n(၁၅၉)။\tဤဖွဲ့ယှက်တတ်သော တဏှာကို အဘယ်ပုဂ္ဂိုလ်သည် ဖြေရှင်းနိုင်ပါသနည်း။(မြန်မာပြန်)\nကကျꩻဗဲဉ်ဒါႏ (လိုꩻ)တဏှာႏယို ပုဂ္ဂိုလ်ႏမုဲင်ꩻနဝ်ꩻ စေသျင်ꩻနွောင်ꩻဟောင်း။(ပြန်ႏပအိုဝ်ႏ)\n(တောင်ꩻခါꩻ- ဖြေရှင်း-စေသျင်ꩻ)\n(၁၆၀)။\tသီလ၌တည်၍ (သမာဓိ)စိတ်ကိုလည်းကောင်း၊ (ဝိပဿနာ)ပညာကိုလည်းကောင်း။(မြန်မာပြန်)\nအုံသီႏလလောင်းတဲင် သꩻ(သမာႏဓိ)ယိုတဲ့နဝ်ꩻ၊ (ဝိပဿနာႏ)ပညာႏယိုတဲ့နဝ်ꩻ။(ပြန်ႏပအိုဝ်ႏ)\n(တောင်ꩻခါꩻ- သီလ၌တည်၍-အုံသီႏလလောင်းတဲင်)\n(၁၆၁)။\tပွားစေသောရဟန်းသည် ဤဖွဲ့ယှက်တတ်သော တဏှာကို ဖြေရှင်းနိုင်ရာ၏။(မြန်မာပြန်)\nကမာꩻဖြယ်ဒါႏ ရဟန်ꩻနဝ်ꩻ စေသျင်ꩻနွောင်ꩻ ကကျꩻဗဲဉ်ဒါႏ (လိုꩻ)တဏှာႏယိုသွူ။(ပြန်ႏပအိုဝ်ႏ)\n(တောင်ꩻခါꩻ- ဖွဲ့ယှက်-ကျꩻဗဲဉ်)\n(၁၆၂)။\tသံသရာအိုင်တို့သည် အဘယ်အရပ်မှ ဆုတ်နစ်ကုန်သနည်း။(မြန်မာပြန်)\nသံႏသရာႏ ထီ���ွိုင်ꩻဖုံႏနဝ်ꩻ အဝ်ႏအရပ်မုဲင်ꩻ ဆွတ်ꩻခွယ်လို့ဟောင်း။(ပြန်ႏပအိုဝ်ႏ)\n(တောင်ꩻခါꩻ- ဆုတ်နစ်-ဆွတ်ꩻခွယ်)\n(၁၆၃)။\tဝဋ်ဆင်းရဲသည် အဘယ်အရပ်၌ မဖြစ်သနည်း။(မြန်မာပြန်)\nဝဋ်ဒုက္ခနဝ်ꩻ ထွာတဝ်းအရပ်မုဲင်ꩻကိုဟောင်း။(ပြန်ႏပအိုဝ်ႏ)\n(တောင်ꩻခါꩻ- ဝဋ်ဆင်းရဲ-ဝဋ်ဒုက္ခ)\n(၁၆၄)။\tနာမ်သည်လည်းကောင်း၊ ရုပ်သည်လည်းကောင်း အဘယ်အရပ်၌ အကြွင်းမဲ့ချုပ်သနည်း။(မြန်မာပြန်)\nနာမ်ႏတဲ့နဝ်ꩻ၊ ရုပ်တဲ့နဝ်ꩻ ဖေ့ငိမ်ꩻလို့ဖွစ်ꩻ အရပ်မုဲင်ꩻကိုဟောင်း။(ပြန်ႏပအိုဝ်ႏ)\n(တောင်ꩻခါꩻ- အကြွင်းမဲ့-လို့ဖွစ်ꩻ၊ ချုပ်ငြိမ်း-ဖေ့ငိမ်ꩻ)\n(၁၆၅)။\tထို(နိဗ္ဗာန်)အရပ်မှ သံသရာအိုင်တို့သည် ဆုတ်နစ်ကုန်၏။(မြန်မာပြန်)\nသံသရာႏထီအွိုင်ꩻဖုံႏနဝ်ꩻ အဝ်ႏ(နိဗ္ဗာန်ႏ)အရပ်နဝ်ꩻ ဆွတ်ꩻခွယ်လို့သွူ။(ပြန်ႏပအိုဝ်ႏ)\n(တောင်ꩻခါꩻ- သံသရာအိုင်-သံသရာႏထီအွိုင်ꩻ)\n(၁၆၆)။\tဤနိဗ္ဗာန်အရပ်၌ ဝဋ်ဆင်းရဲသည် မဖြစ်။(မြန်မာပြန်)\nနိဗ္ဗာန်ႏအရပ်ကိုယိုနဝ်ꩻ ဝဋ်ဒုက္ခ တထွာတဝ်း။(ပြန်ႏပအိုဝ်ႏ)\n(တောင်ꩻခါꩻ- အရပ်၌-အရပ်ကို)\n(၁၆၇)။\tဤနိဗ္ဗာန်အရပ်၌ နာမ်သည်လည်းကောင်း၊ ရုပ်သည်လည်းကောင်း အကြွင်းမဲ့ချုပ်၏။(မြန်မာပြန်)\nနာမ်ႏတဲ့နဝ်ꩻ၊ ရုပ်တဲ့နဝ်ꩻ ဖေ့ငိမ်ꩻလို့ဖွစ်ꩻ နိဗ္ဗာန်ႏအရပ်ကိုယိုသွူ။(ပြန်ႏပအိုဝ်ႏ)\n(တောင်ꩻခါꩻ- အကြွင်းမဲ့ချုပ်၏-ဖေ့လို့ဖွစ်ꩻသွူ)\n(၁၆၈)။\tပေးလှူနိုင်ခဲ့သည်ကို ပေးလှူသူတို့၏ ပေးလှူမှုမျိုးကိုလည်းကောင်း။(မြန်မာပြန်)\nလူႏနွောင်ꩻယပ်ꩻခုဲင်ႏ အမျိုꩻယို ကလူႏသားဖုံႏ ကလူႏမျိုꩻယိုတဲ့နဝ်ꩻ။(ပြန်ႏပအိုဝ်ႏ)\n(တောင်ꩻခါꩻ- လှူနိုင်ခဲ-လူႏနွောင်ꩻယပ်ꩻခုဲင်ႏ)\n(၁၆၉)။\tပြုနိုင်ခဲ့သော ကောင်းမှုကံကို ပြုလုပ်သူတို့၏ ပြုလုပ်မှုမျိုးကိုလည်းကောင်း။(မြန်မာပြန်)\nမာꩻနွောင်ꩻယပ်ꩻခုဲင်ႏငါႏ ကုသိုလ်ႏကံႏယို ကခွုမ်မာꩻသားဖုံႏ ကခွုမ်မာꩻမျိုꩻတဲ့နဝ်ꩻ။(ပြန်ႏပအိုဝ်ႏ)\n(တောင်ꩻခါꩻ- ပြုလုပ်-ခွုမ်မာꩻ)\n(၁၇၀)။\tသူတော်မဟုတ် သူယုတ်တို့သည် အတုလိုက်၍ မပြုလုပ်နိုင်ကြကုန်။(မြန်မာပြန်)\nသူႏတောႏမွေးတဝ်း လိုꩻယွုတ်ဖုံႏနဝ်ꩻ ခွုမ်မာꩻလွဉ်ꩻနုဲင်း တဒါႏတဝ်း။(ပြန်ႏပအိုဝ်ႏ)\n(တောင်ꩻခါꩻ- အတုလိုက်-လွဉ်ꩻနုဲင်း)\n(၁၇၁)။\tမြတ်စွာဘုရား၏ ထံတော်ပါး၌ အသီးသီး ဂါထာတပုဒ်စီ ရွတ်ဆိုရမူ ကောင်းလေစွ။(မြန်မာပြန်)\nမဉ်ႏရွစ်ရိုꩻဗာႏ ဂါႏထာႏ ပငါပရာꩻ (တဖြာꩻ)တပုဒ်စီႏနဝ်ꩻ ဟဝ်ငါႏမွော့ဟွေး။(ပြန်ႏပအိုဝ်ႏ)\n(တောင်ꩻခါꩻ- အသီးသီး-ပငါပရာꩻ) (ပြန်ႏပအိုဝ်ႏက��ု ဗွေႏဘုရာꩻ-ပါတဝ်း)။\n(၁၇၂)။\tမြတ်စွာဘုရားအား ပြင်းပြသောဝေဒနာတို့သည် ဖြစ်ကုန်၏။(မြန်မာပြန်)\nဗွေႏမျတ်ဘုရာꩻ မော့ꩻဝွေႏဒနာႏ အာႏအသန်စားတန်သွူ။(ပြန်ႏပအိုဝ်ႏ)\n(တောင်ꩻခါꩻ- ပြင်းပြသောဝေဒနာ-ဝွေႏဒနာႏ အာႏအသန်စား)\n(၁၇၃)။\tမြတ်စွာဘုရားသည် ထိုဝေဒနာတို့ကို မညည်းညူဘဲ (လ)သည်းခံတော်မူ၏။(မြန်မာပြန်)\nဗွေႏမျတ်ဘုရာꩻနဝ်ꩻ တသောင်ခြင်ꩻတဝ်းထာꩻ သယ်ꩻခံႏဒျာႏ ဝွေႏဒနာႏဖုံႏယိုသွူ။(ပြန်ႏပအိုဝ်ႏ)\n(တောင်ꩻခါꩻ- မညည်းညူ-သောင်ခြင်ꩻတဝ်း)\n(၁၇၄)။\tလက်ျာနံတောင်းဖြင့် မြတ်သောအိပ်စက်ခြင်းကို ပြုတော်မူ၏။(မြန်မာပြန်)\nအွဉ်ႏတခေင်ႏရွို့အထွေဖဲ့ꩻ ကိန်ꩻမျတ်ဒျာႏထာꩻသွူ။(ပြန်ႏပအိုဝ်ႏ)\n(တောင်ꩻခါꩻ- လက်ျာနံတောင်း-ရွို့အဖဲ့ꩻထွေ)\n(၁၇၅)။\tရဟန်းဂေါတမသည် ယဉ်ကျေးစွတကား(လ) ဝေဒနာတို့ကို မညည်းညူဘဲ (လ)သည်းခံတော်မူ၏။(မြန်မာပြန်)\nရဟန်ꩻဂေါတမနဝ်ꩻ ယေန်ႏငဲးငါႏဟွေး- သောင်ခြင်ꩻတဝ်းထာꩻ သယ်ꩻခံႏဒျာႏ ဝွေႏဒနာႏဖုံႏယိုသွူ။(ပြန်ႏပအိုဝ်ႏ)\n(တောင်ꩻခါꩻ- ယဉ်ကျေး-ယေန်ႏငဲး)\n(၁၇၆)။\tပေးလှူအပ်သောဒါနသည် ကောင်းစွာ ထုတ်ဆောင်ထားပြီး (ဥစ္စာ)မည်၏။(မြန်မာပြန်)\nကဖေႏလူႏဒါႏ ဒါႏနနဝ်ꩻ ဟဲ့ꩻဗာႏ ထေဟဝ်သေꩻခါꩻထွူ(တခြိုꩻ)နဝ်ꩻသွူ။(ပြန်ႏပအိုဝ်ႏ)\n(တောင်ꩻခါꩻ- ကောင်းစွာထုတ်ဆောင်ထား-ထေဟဝ်သေꩻခါꩻထွူ)\n(၁၇၇)။\tအဘယ်တရားသည် အိုသည့်တိုင်အောင် ကောင်းပါသနည်း။(မြန်မာပြန်)\nတရာꩻ(မျိုꩻ)မုဲင်ꩻနဝ်ꩻ ဟဝ်ရွစ်စွဉ်ႏ ကဖြားနဝ်ꩻဟောင်း။(ပြန်ႏပအိုဝ်ႏ)\n(တောင်ꩻခါꩻ- အိုသည့်တိုင်အောင်-ရွစ်စွဉ်ႏကဖြား)\n(၁၇၈)။\tအကျင့်သီလသည် အိုသည့်တိုင်အောင် ကောင်း၏။(မြန်မာပြန်)\nအကျင်ꩻသီႏလနဝ်ꩻ ဟဝ်ရွစ်စွဉ်ႏကဖြားနဝ်ꩻသွူ။(ပြန်ႏပအိုဝ်ႏ)\n(တောင်ꩻခါꩻ- အကျင့်သီလ-အကျင်ꩻသီႏလ)\n(၁၇၉)။\tအယ်တရားသည် လူတို့၏ ရတနာ မည်ပါသနည်း။(မြန်မာပြန်)\nတရာꩻ (မျိုꩻ)မုဲင်ꩻနဝ်ꩻ ဟဲ့ꩻဗာႏ လိုꩻသီးအရတနာႏဟောင်း။(ပြန်ႏပအိုဝ်ႏ)\n(တောင်ꩻခါꩻ- လူတို့-လိုꩻသီး)\n(၁၈၀)။\tပညာသည် လူတို့၏ ရတနာမည်၏။(မြန်မာပြန်)\nပညာႏနဝ်ꩻ ဟဲ့ꩻဗာႏ လိုꩻသီးအရတနာႏသွူ။(ပြန်ႏပအိုဝ်ႏ)\n(တောင်ꩻခါꩻ- လူတို့၏ရတနာ-လိုꩻသီးအရတနာႏ)\n၁၃၇၃-ဗာႏ၊ ဒဲဉ်သံလောင်း(၁၀)နီꩻ ပွယ်ꩻအုံကွံ(ပထမခိန်ႏ)\n(၁၈၁)။\tစင်စစ်-အမွေးအမဲဉ်ႏ\n(၁၈၂)။\tဝန်ဆောင်-ထေင်းထမ်ႏဝွန်ႏ\n(၁၈၃)။\tဝန်ကိုယူခြင်း-ထူႏဗာႏဝွန်ႏ\n(၁၈၄)။\tချထားခြင်း-အွဉ်ႏလင်ꩻထိုꩻ\n(၁၈၅)။\tအေးငြိမ်း-ခွꩻငိမ်ꩻ\n(၁၈၆)။\tအစွဲပြု-ခွေါင်းဝွို့\n(၁၈၇)။\tသာယာဖွယ်-သာႏယာႏခရာႏ\n(၁၈၈)။\t-------------\n(၁၈၉)။\tဟူ၍လည်း-နုဲင်းနဝ်ꩻယင်ကယ်ႏ\n(၁၉၀)။\tမှတပါး-လွိုယို\n(၁၉၁)။\tပျက်စီး-ကုဲင်ပြင်ꩻ\n(၁၉၂)။\tမမြဲ-သေႏတဝ်း+မယ်ꩻတဝ်း\n(၁၉၃)။\tကောင်းသောအမြင်-ထာꩻထီႏဟဝ်\n(၁၉၄)။\tငြီးငွေ့-ဗွိုႏအန်ꩻ\n(၁၉၅)။\tမှတ်အပ်-မတ်ဗာႏ+တောင်ꩻဗာႏ\n(၁၉၆)။\tအလုံးစုံ-ကားကအဝ်ႏ\n(၁၉၇)။\tသူတို့အား-ဝွေꩻသီးတာႏ\n(၁၉၈)။\tပညတ်ရန်-ပညတ်ခရာႏ(ပညပ်ခရာႏ)\n(၁၉၉)။\tဖြတ်အပ်-တဒွေါ့ꩻထဲ့\n(၂၀၀)။\tကွန်ယက်-ခြယ်\n(၂၀၁)။\tရှေ့သွား-အွဉ်ငါ\n(၂၀၂)။\tနောက်လိုက်-ထွေလွဉ်ꩻ\n(၂၀၃)။\tပြည့်စုံသော-ကဗွေစွုမ်ႏ\n(၂၀၄)။\tမှားသောအမြင်-ထာꩻထီႏမာႏ\n(၂၀၅)။\tရှိသူ-ကအဝ်ႏဒါႏဝွေꩻ\n(၂၀၆)။\tကိုင်းရှိုင်း-နွမ်ꩻအွပ်ꩻ\n(၂၀၇)။\tဟု- (ဤသို့-နုဲင်းယို)\n(၂၀၈)။\tဤသို့-နုဲင်းယို၊ ထိုသို့-နုဲင်းနဝ်ꩻ\n(၂၀၉)။\tအလုံးစုံပင်-လို့စွဉ်ႏ\n(၂၁၀)။\tများစွာ-အာအာ\n(၂၁၁)။\tမဖြစ်စေရန်-ဖေႏကထွာမွုန်း\n(၂၁၂)။\tဖြစ်ပြီးသော-ကထွာလဲဉ်း\n(၂၁၃)။\tမဖြစ်သေး-လꩻထွာတဝ်းဒွိုန်း\n(၂၁၄)။\tတည်မြဲစေရန်-ဖေႏကတဉ်ႏသေႏ\n(၂၁၅)။\tဆိုအပ်၏-ရိုꩻဗာႏနဝ်ꩻသွူ\n(၂၁၆)။\tပတ်လုံး-လုမ်းလုမ်း\n(၂၁၇)။\tကိန်းအောင်း-မဲဉ်အုံမဲဉ်အဝ်ႏ\n(၂၁၈)။\tမှတပါး-ပေါႏလွို\n(၂၁၉)။\tမည်သူမျှ-ပါꩻမုဲင်ꩻခန်းတဲ့ယဝ်း\n(၂၂၀)။\tဝန်ခံ-ဝွန်ႏခံႏ\n(၂၂၁)။\tခန္ဓာဟူသော-ခန္ဓာႏကရိုꩻနဝ်ꩻ\n(၂၂၂)။\tအဘယ်မျှလောက်-ကားမုဲင်ꩻ\n(၂၂၃)။\tဤမျှလောက်-တကားယို\n(၂၂၄)။\tအားဖြင့်-အနေႏ\n(၂၂၅)။\tသဘောရှိ-သဘော်ꩻအဝ်ႏ\n(၂၂၆)။\tယုတ်လျော့-ဆွတ်ꩻယွမ်ꩻ\n(၂၂၇)။\tလှုံ့ဆော်ထိုက်-တမာထွိုက်\n(၂၂၈)။\tအနွယ်-အခွိုꩻ(ပုထုဇဉ်ႏခွိုꩻ)\n(၂၂၉)။\tကြဉ်ဆဲ-ဖုဲင်းထန်ႏတွင်ꩻ\n(၂၃၀)။\tတည်သော-ကအဝ်ႏဒင်ႏ\n(၂၃၁)။\tသိမြင်-ထီႏသေ\n(၂၃၂)။\tအမှူးထား-အွဉ်ႏအထျꩻ\n(၂၃၃)။\tစဉ်းလဲ-တကဲင်ႏကဲက်ꩻ၊ လှည့်ပတ်-လဲ့ꩻချာႏ\n(၂၃၄)။\tတောင့်တ-ကော့ꩻမောင်ꩻ\n(၂၃၅)။\tမစင်နှင့်တူ-ဗွိုန်ပီအေႏ\n(၂၃၆)။\tအိုင်းအမာ-ဒွေဆာ\n(၂၃၇)။\tနှိုင်းဆ-တဲက်တွိုင်ꩻ\n(၂၃၈)။\tမှီ-ကွိုꩻ+အုံနောင်\n(၂၃၉)။\tရှေးကောင်းမှု-ကုသိုလ်ႏဇာတ်ရီး+ကုသိုလ်ႏပန်အွဉ်\n(၂၄၀)။\tအတိုင်းအရှည်-အခန်ꩻတွိုင်ꩻ\n\nအာႏကွိုꩻ\n\nပအိုဝ်ႏလိတ်လုဲင်ꩻ","num_words":9281,"character_repetition_ratio":0.137,"word_repetition_ratio":0.032,"special_characters_ratio":0.115,"stopwords_ratio":0.02,"flagged_words_ratio":0.0,"lang_id_score":1.0,"perplexity_score":254.6,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%B1%E1%82%8F%E1%80%90%E1%80%84%E1%80%BA%E1%82%8F","collection":"wikipedia","source":"wikipedia","original_code":"blk","text":"တနီꩻတာႏ ဆောင်ႏခရာႏ\/ သျောင်ႏခရာႏ\nအီႏလွေꩻဖြေꩻလွေꩻစာ အီႏလွေꩻညာꩻတဖူꩻ အမုကိစ္စပေႏတန် အမျိုꩻမုဲင်ꩻတရိုꩻတဝ်း ဖြေႏစာမေးပွဲ အင်တဗျူး၊ လွေꩻထေ့လိုꩻတန်ကလိုႏဆန္ဒနဝ်ꩻ ထွားသွော့ငါယိုလု��င်း-\n၁။တနင်ꩻနွေႏနီꩻ- ကွဉ်ကꩻသွော့အရောင်ႏဖြေင်း၊ ဆောင်ႏလွေꩻသွော့မေ့လာႏ၊ မွေးတဝ်းလဲ့ ထန်ꩻလာႏ၊ မောက်ကြင်ꩻလာႏတဲ့ လꩻဒျာႏ၊ လွေꩻသွော့မွူးရဝ်ꩻခိုႏ (၇း၀၀)နားရီႏ၊ မွေးတဝ်းလဲ့ မွူးနွောင်း (၁၁း၀၀)နားရီႏခိန်ႏနဝ်ꩻ ကိစ္စအမျိုꩻမုဲင်ꩻတရိုꩻတဝ်း အဆင်ႏပြေႏဗာႏအမန်ႏထွူနော၊ ကွဉ်ကꩻမွိုန်းအရောင်ႏတနျာႏ။\n၂။ တနင်ꩻလာႏနီꩻ- ကွဉ်ကꩻသွော့ အရောင်ႏတနျာႏ၊ ဆောင်ႏလွေꩻသွော့ မောက်ꩻအွန်လာႏ၊ မွေးတဝ်းလဲ့ မုဲင်းတွိုင်ꩻလာႏ၊ လွေꩻသွော့မွူးရဝ်ꩻခိုႏ(၉း၀၀)နားရီႏခိန်ႏ၊ ကွဉ်ကꩻမွိုန်းရောင်ႏဗွာ၊ ကိစ္စအမျိုꩻမုဲင်ꩻတရိုꩻတဝ်း အဆင်ႏပြေႏဗာႏအမန်ႏသွူ။\n၃။ အင်္ဂါႏနီꩻ ကွဉ်ကꩻသွော့ ခွမ်ꩻလာꩻအရောင်ႏဗွာ၊ ဆောင်ႏသွော့ တောင်းလုဲင်လာႏ၊ မွေးတဝ်းတဲ့ ကံꩻကောႏလာႏ၊ လွေꩻသွော့မွူးနွောင်း(၁၁း၀၀)နားရီႏအခိန်ႏ၊ ကွဉ်ကꩻမွိုန်းတဝ်း အပန်းရောင်၊ ကိစ္စအမျိုꩻမုဲင်ꩻတရိုꩻတဝ်း အဆင်ႏပြေႏဗာႏအမန်ႏသွူ။\n၄။ ဗုဒ္ဓဟူꩻနီꩻ- ကွဉ်ကꩻသွော့ အပန်းရောင်၊ ဗွာကြိုႏ၊ ဆောင်ႏလွေꩻသွော့ တဆီꩻလာႏ၊ လွေꩻသွော့မွူးရဝ်ꩻခိုႏ (၇း၀၀)နားရီႏခိန်ႏ၊ ကွဉ်ကꩻမွိုန်းအရောင်ႏသွမ်ႏ၊ ချိုဖုံႏ၊ ကိစ္စအမျိုꩻမုဲင်ꩻတရိုꩻတဝ်း အဆင်ႏပြေႏဗာႏအန်ႏသွူ။\n၅။ ကျာႏသပတေꩻနီꩻ- ကွဉ်ကꩻသွော့ အရောင်ႏသွမ်ႏ၊ မွေးတဝ်းတဲ့ ချို၊ ဆောင်ႏလွေꩻသွော့ ရွက်လှလာႏ၊ လွေꩻသွော့မွူးရဝ်ꩻခိုႏ (၉း၀၀)နားရီႏခိန်ႏ၊ ကွဉ်ကꩻမွိုန်း အရောင်ႏတသီး၊ ကိစ္စအမျိုꩻမုဲင်ꩻတရိုꩻတဝ်း အဆင်ႏပြေႏဗာႏအမန်ႏသွူ။\n၆။ သောကျာႏနီꩻ- ကွဉ်ကꩻသွော့ အရောင်ႏတသီး၊ ဆောင်ႏလွေꩻသွော့ ပေါက်ꩻလာႏ၊ မွေးတဝ်းတဲ့ သဲမ်လွေꩻဗွူဖေါင်း၊ လွေꩻသွော့မွူးရဝ်ꩻခိုႏ(၇း၀၀)နားရီႏခိန်ႏ၊ ကွဉ်ကꩻမွိုန်း နံႏသာႏရောင်ႏ၊ ကိစ္စအမျိုꩻမုဲင်ꩻတရိုꩻတဝ်း အဆင်ႏပြေႏဗာႏအမန်ႏသွူ။\n၇။ စနေႏနီꩻ- ကွဉ်ကꩻသွော့နံႏသာႏရောင်ႏ၊ ဆောင်ႏလွေꩻသွော့ တခေါ့ꩻသီႏဟိုလ်ႏလာႏ၊ မွေးတဝ်းတဲ့ ကဝ်ႏတဖြေလာႏ၊ လွေꩻသွော့မွူးရဝ်ꩻခိုႏ (၉း၀၀)နားရီႏခိန်ႏ၊ ကွဉ်ကꩻမွိုန်း အရောင်ႏဖြေင်း၊ ကိစ္စအမျိုꩻမုဲင်ꩻတရိုꩻတဝ်း အဆင်ႏပြေႏဗာႏအမန်ႏသွူ။\nတနီꩻတာႏ အကျိုꩻဖေႏအရပ်\n၁။တနင်ꩻနွေႏနီꩻ- အကျိုꩻဖေႏဆကွဉ်ႏထင်ꩻဖဲ့ꩻ၊ မီႏလွေꩻဖြေꩻလွေꩻစာ ကအဝ်ႏလိုႏရာꩻ ကိစ္စအမျိုꩻမုဲင်ꩻတရိုꩻတဝ်း အဆင်ႏပြေႏနွောင်ꩻဒါႏနဝ်ꩻသွူ။\n၂။ တနင်ꩻလာႏနီꩻ- အကျိုꩻဖေႏဆꩻတွို့ꩻဖဲ့ꩻ၊ မီႏလွေꩻဖြေꩻလွေꩻစာ ကအဝ်ႏလိုႏရာꩻ ကိစ္စအမျိုꩻမုဲင်ꩻတရိုꩻတဝ်း အဆင်ႏပြေႏနွောင်ꩻဒါႏနဝ်ꩻသွူ။\n၃။ အင်္ဂါႏနီꩻ အကျိုꩻဖေႏဆꩻကွဉ်ႏနဝ်ဖဲ့ꩻ၊ မီႏလွေꩻဖြေꩻလွေꩻစာ ကအဝ်ႏလိုႏရာꩻ ကိစ္စအမျိုꩻမုဲင်ꩻတရိုꩻတဝ်း အဆင်ႏပြေႏနွောင်ꩻဒါႏနဝ်ꩻသွူ။\n၄။ ဗုဒ္ဓဟူꩻနီꩻ- အကျိုꩻဖေႏဆꩻနဝ်ဖဲ့ꩻ မီႏလွေꩻဖြေꩻလွေꩻစာ ကအဝ်ႏလိုႏရာꩻ ကိစ္စအမျိုꩻမုဲင်ꩻတရိုꩻတဝ်း အဆင်ႏပြေႏနွောင်ꩻဒါႏနဝ်ꩻသွူ။\n၅။ ကျာႏသပတေꩻနီꩻ- အကျိုꩻဖေႏဆꩻထင်ꩻဖဲ့ꩻ မီႏလွေꩻဖြေꩻလွေꩻစာ ကအဝ်ႏလိုႏရာꩻ ကိစ္စအမျိုꩻမုဲင်ꩻတရိုꩻတဝ်း အဆင်ႏပြေႏနွောင်ꩻဒါႏနဝ်ꩻသွူ။\n၆။ သောကျာႏနီꩻ- အကျိုꩻဖေႏဆꩻကွဉ်ႏဖဲ့ꩻ မီႏလွေꩻဖြေꩻလွေꩻစာ ကအဝ်ႏလိုႏရာꩻ ကိစ္စအမျိုꩻမုဲင်ꩻတရိုꩻတဝ်း အဆင်ႏပြေႏနွောင်ꩻဒါႏနဝ်ꩻသွူ။\n၇။ စနေႏနီꩻ- အကျိုꩻဖေႏဆꩻတွို့ꩻနဝ်ဖဲ့ꩻ မီႏလွေꩻဖြေꩻလွေꩻစာ ကအဝ်ႏလိုႏရာꩻ ကိစ္စအမျိုꩻမုဲင်ꩻတရိုꩻတဝ်း အဆင်ႏပြေႏနွောင်ꩻဒါႏနဝ်ꩻသွူ။\n၈။ ဗုဒ္ဓဟူꩻနီꩻ- မွူးလွဲꩻဖဲ့ꩻ အကျိုꩻဖေႏဆꩻတွို့ꩻထင်ꩻဖဲ့ꩻ မီႏလွေꩻဖြေꩻလွေꩻစာ ကအဝ်ႏလိုႏရာꩻ ကိစ္စအမျိုꩻမုဲင်ꩻတရိုꩻတဝ်း အဆင်ႏပြေႏနွောင်ꩻဒါႏနဝ်ꩻသွူ။\nတနီꩻတာႏ ဟဝ်လွေꩻသင်ꩻတဝ်းအရပ်\n၁။တနင်ꩻနွေႏနီꩻ- နဝ်ꩻ ဟဝ်လွေꩻသင်ꩻတဝ်း အရပ်ဆꩻတွို့ꩻနဝ်ဖဲ့ꩻ၊ မော့ꩻဒါႏဘေꩻရန်ႏအန္တရာယ်ႏအမျိုꩻမျိုꩻ၊ အဝ်ႏလိုႏဖြေꩻ လꩻတဝ်းဒါႏ၊ အဝ်ႏလိုႏစာ စွမ်တဝ်းဒါႏ၊ ထာꩻရေႏရွယ်ႏချက် အောင်ႏမျင်ႏကြွို့ꩻတဝ်းနဝ်ꩻသွူ။\n၂။ တနင်ꩻလာႏနီꩻ- နဝ်ꩻ ဟဝ်လွေꩻသင်ꩻတဝ်း အရပ်ဆꩻကွဉ်ႏဖဲ့ꩻ မော့ꩻဒါႏဘေꩻရန်ႏအန္တရာယ်ႏအမျိုꩻမျိုꩻ၊ အဝ်ႏလိုႏဖြေꩻအဝ်ႏလိုႏစာ အဆင်ႏပြေႏတဝ်း၊ ထာꩻရေႏရွယ်ႏချက် အောင်ႏမျင်ႏကြွို့ꩻတဝ်းနေား။\n၃။ အင်္ဂါႏနီꩻ -ဟဝ်လွေꩻသင်ꩻတဝ်း အရပ်ဆꩻတွို့ꩻထင်ꩻဖဲ့ꩻသွူ၊ မော့ꩻဒါႏဘေꩻရန်ႏအန္တရာယ်ႏအမျိုꩻမျိုꩻ၊ အဝ်ႏလိုႏဖြေꩻအဝ်ႏလိုႏစာ အဆင်ႏပြေႏတဝ်း၊ ထာꩻရေႏရွယ်ႏချက်ဖုံႏ အောင်ႏမျင်ႏတဝ်းနော။\n၄။ ဗုဒ္ဓဟူꩻနီꩻ- နဝ်ꩻ ဟဝ်လွေꩻသင်ꩻတဝ်း အရပ်ဆꩻထင်ꩻဖဲ့ꩻ မော့ဒါႏဘေꩻရန်ႏအန္တရာယ်ႏအမျိုꩻမျိုꩻ၊ အဝ်ႏလိုႏဖြေꩻအဝ်ႏလိုႏစာ အဆင်ႏပြေႏကြွို့ꩻတဝ်း၊ ထာꩻရေႏရွယ်ႏချက်ဖုံႏ အောင်ႏမျင်ႏကြွို့ꩻတဝ်းနော။ꩻ\n၅။ ကျာႏသပတေꩻနီꩻ- နဝ်ꩻ ဟဝ်လွေꩻသင်ꩻတဝ်း အရပ်ဆꩻနဝ်ဖဲ့ꩻ မော့ꩻဒါႏဘေꩻရန်ႏအန္တရာယ်ႏအမျိုꩻမျိုꩻ၊ အဝ်ႏလိုႏဖြေꩻအဝ်ႏလိုႏစာ အဆင်ႏပြေႏကြွို့ꩻတဝ်း၊ ထာꩻရေႏရွယ်ႏချက်ဖုံႏ အောင်ႏမျင်ႏကြွို့ꩻတဝ်းနော။\n၆။ သောကျာႏနီꩻ- နဝ်ꩻ ဟဝ်လွေꩻသင်ꩻတဝ်း အရပ်ဆꩻတွို့ꩻဖဲ့ꩻ မော့ꩻဒါႏဘေꩻရန��ႏအန္တရာယ်ႏအမျိုꩻမျိုꩻ၊ အဝ်ႏလိုႏဖြေꩻအဝ်ႏလိုႏစာ အမှုကိစ္စပေႏတန် အဆင်ႏပြေႏကြွို့ꩻတဝ်း၊ ထာꩻရေႏရွယ်ႏချက်ဖုံႏ အောင်ႏမျင်ႏကြွို့ꩻတဝ်းနော။\n၇။ စနေႏနီꩻ- နဝ်ꩻ ဟဝ်လွေꩻသင်ꩻတဝ်း အရပ်ဆꩻကွဉ်ႏထင်ꩻဖဲ့ꩻ မော့ꩻဒါႏဘေꩻရန်ႏအန္တရာယ်ႏအမျိုꩻမျိုꩻ၊ အဝ်ႏလိုႏဖြေꩻအဝ်ႏလိုႏစာ အမှုကိစ္စပေႏတန် အဆင်ႏပြေႏကြွို့ꩻတဝ်း၊ ထာꩻရေႏရွယ်ႏချက်ဖုံႏ အောင်ႏမျင်ႏတဝ်းနော။\n၈။ ဗုဒ္ဓဟူꩻနီꩻ- မွူးလွဲꩻဖဲ့ꩻမာꩻတွို့ꩻ ဟဝ်လွေꩻသင်ꩻတဝ်း အရပ်ဆꩻကွဉ်ႏနဝ်ဖဲ့ꩻ မော့ꩻဒါႏဘေꩻရန်ႏအန္တရာယ်ႏအမျိုꩻမျိုꩻ၊ အဝ်ႏလိုႏဖြေꩻအဝ်ႏလိုႏစာ အဆင်ႏပြေႏတဝ်းဒါႏ၊ ထာꩻရေႏရွယ်ႏချက် အောင်ႏမျင်ႏကြွို့ꩻတဝ်းနော။\nလွေꩻထုဲင်ႏခမ်းလꩻ\/တလꩻတဝ်း\nသက်(၈)နေင်ႏ၊ သက်(၁၆)နေင်ႏ၊ သက်(၂၄)နေင်ႏ၊ သက်(၃၂)နေင်ႏ၊ သက်(၄၀)နေင်ႏ၊ သက်(၅၆)နေင်ႏ၊ သက်(၆၄)နေင်ႏ၊ သက်(၇၂)နေင်ႏ အနေင်ႏနဝ်ꩻဖုံႏနဝ်ꩻ တနꩻခရေႏသွုံꩻ တနေင်ႏတာႏတဲင် လွေꩻထုဲင်ꩻခမ်းလꩻတဝ်းနော၊ မီႏလွေꩻနဝ်ꩻ လွေꩻမော့ꩻဒါႏရန်ႏသူႏအမျိုꩻမျိုꩻ၊ လွေꩻဆော့လွေꩻဆာ မော့ꩻဒါႏထာꩻဆာထူꩻဆန်ꩻ၊ လွေꩻထုမ်ႏ လွေꩻကျံႏ အဆင်ႏတပြေႏတဝ်းဒါႏ၊ အဝ်ႏတဖူꩻလွေꩻလွုမ်ꩻ၊ တဖူꩻသဲင်ꩻအဲဉ်ထဝ်းတဲင် သီတငါဒါႏနော။\nအကျိုꩻဖေႏအရောင်ႏ\n၁။ မွူးနီꩻတနင်ꩻနွေႏသား အကျိုꩻဖေႏအရောင်ႏနဝ်ꩻ ခံꩻရောင်ႏ၊ တသီးဖြား၊ တသီး၊ အဗွာ၊ နံႏသာႏရောင်ႏ၊ အဗွာကြိုႏ။\n၂။ မွူးနီꩻတနင်္လာႏသား အကျိုꩻဖေႏအရောင်ႏနဝ်ꩻ- နံႏသာႏရောင်ႏ၊ အဗွာကြိုႏကောဝ်ႏရောင်ႏ၊ အရောင်ႏဖြေင်း၊ မေႏလူးရောင်ႏ။\n၃။ မွူးနီꩻအင်္ဂါႏသား အကျိုꩻဖေႏအရောင်ႏနဝ်ꩻ- အရောင်ႏဖြေင်း၊ မေႏလူးရောင်ႏ၊ အသွမ်ႏအချို၊ တနျာႏ။\n၄။ မွူးနီꩻဗုဒ္ဓဟူꩻ\/ရာဟုသား အကျိုꩻဖေႏအရောင်ႏနဝ်ꩻ တနျာႏ၊ ခံꩻရောင်ႏ၊ တသီးဖြား၊ တသီး၊ အဗွာ။\n၅။ မွူးနီꩻကျာႏသပတေꩻသား အကျိုꩻဖေႏအရောင်ႏနဝ်ꩻ အဗွာ၊ နံႏသာႏရောင်ႏ၊ အကြိုႏ၊ ကောဝ်ႏရောင်ႏ။\n၆။ မွူးနီꩻသောကျာႏသား အကျိုꩻဖေႏအရောင်ႏနဝ်ꩻ ကောဝ်ႏရောင်ႏ၊ အဖြေင်း၊ မေႏလူးရောင်ႏ၊ အသွမ်ႏ၊ အချို။\n၇။ မွူးနီꩻစနေႏသား အကျိုꩻဖေႏအရောင်ႏနဝ်ꩻ အသွမ်ႏ၊ အချို၊ အတနျာႏ၊ ခံꩻရောင်ႏ၊ တသီးဖြား၊ တသီး၊ နဝ်ꩻမꩻ မွူးနီꩻပငါပရာꩻ အကျိုꩻကဖေႏဒါႏအရောင်ႏဖုံႏယို မီႏသူႏလမ်းနဝ်ꩻ လုပ်ꩻမာꩻထုမ်ႏကျံႏသော့ꩻ စီꩻပွါꩻရေꩻတိုꩻတက်၊ အုံသော့ꩻခြွိုင်ႏသန်ꩻ၊ အုံသော့ꩻပိုလီꩻအဆွေႏအရံႏအာ၊ အိန်ႏထောင်ႏရေꩻသာႏယာႏ၊ ကာꩻ၊ ဆိုင်ကယ် မီႏဖြေꩻအရောင်ႏအကျိုꩻကဖေႏနီနဝ���ꩻ ထုမ်းတဲ့ အန္တရာယ်ႏကင်ꩻ၊ အကျိုꩻဖေႏနီနဝ်ꩻသွူ။\nအကျိုꩻဖေႏ ဆိုင်ကယ်အမျိုꩻသာꩻမုဲင်ꩻ\n၁။ မွူးနီꩻတနင်ꩻနွေႏသား အကျိုꩻဖေႏဆိုင်ကယ်- ကဲဉ်ဘို၊ ဘိုဘို၊ ကျူဘို၊ ဝမ်းတူးဖိုက်၊ ဘရှုမ်း။\n၂။ မွူးနီꩻတနင်ꩻလာႏသား အကျိုꩻဖေႏဆိုင်ကယ်- ဒီတီ၊ ယမ်မဟာ၊ ဟန်ဇင်း၊ လုံဇင်း။\n၃။ မွူးနီꩻအင်္ဂါႏသား အကျိုꩻဖေႏဆိုင်ကယ်- လော်ဂျား၊ ဒီတီယမ်မဟာ၊ ဝိတ်၊ ဖီလင်။\n၄။ မွူးနီꩻဗုဒ္ဓဟူꩻ\/ရာႏဟုသား အကျိုꩻဖေႏဆိုင်ကယ်- လော်ဂျား၊ ကဲဉ်ဘို၊ ကျူဘို၊ ဘိုဘို၊ ဝမ်းတူးဖိုက်၊ နယူးအဲမ်ဘို။\n၅။ ကျာႏသပတေꩻသား အကျိုꩻဖေႏဆိုင်ကယ်- လော်ဂျား၊ ဟန်ဇင်း၊ လုံဇင်း။\n၆။ သောကျာႏသား အကျိုꩻဖေႏဆိုင်ကယ်- ဒီတီယမ်မဟာ၊ ဟန်ဇင်း၊ လုံဇင်း၊ ဝိတ်၊ ဖီလင်၊ ဝမ်းတူးဖိုက်။\n၇။ စနေႏသား အကျိုꩻဖေႏဆိုင်ကယ်- ဖီလင်၊ ဝိတ်၊ ကဲဉ်ဘို၊ ကျူဘို၊ ဘိုဘို၊ ဝမ်းတူးဖိုက်၊ ဘရှုမ်း၊ နယူးအဲမ်ဘို။\nမီႏဖြေꩻထုမ်းဆိုင်ကယ် အကျိုꩻဖေႏနီနဝ်ꩻ ဘေꩻကင်ꩻရန်ႏသျင်ꩻထွူတကာႏတဝ်း ဖေႏဒုက္ခတဝ်း နီအမျိုꩻမျိုꩻနဝ်ꩻသွူ။\nတခါꩻတန်ငွါတွမ်ႏ အွဉ်ႏလင်ꩻတဒေါင်ခရာႏ\n၁။ မွူးနီꩻတနင်ꩻနွေႏသား- တခါꩻတန်ငွါတွမ်ႏတဒေါင်နဝ်ꩻ အွဉ်ႏခွဲႏနဝ်မွော့နော၊ လုပ်ꩻမာꩻထုမ်ႏကျမ်ႏသော့ꩻ စီꩻပွာꩻရေꩻထွာတဝ်းဒါႏ၊ အုံသော့ꩻခြွိုင်ႏသန်ꩻတဝ်းဒါႏ၊ အိန်ႏထောင်ႏရေꩻ သျုတ်တရေင်ဒါႏ၊ မိတ်ဆွေႏပိုလီꩻဆေ့ꩻခြောဒါႏ၊ အဝ်ႏမော့ꩻသေႏသေႏဒါႏ ထာꩻယပ်ꩻထာꩻဒုက္ခ အမျိုꩻမျိုꩻနဝ်ꩻသွူ။\n၂။ မွူးနီꩻတနင်္လာႏသား တခါꩻတန်ငွါ အွဉ်ႏခွဲႏတွို့ꩻနဝ်မွော့၊ တဒေါင်အွဉ်ႏလင်ꩻတွိုꩻနဝ်မွော့နော၊ လုပ်ꩻမာꩻထုမ်ႏကျံႏသော့ꩻ စီꩻပွာꩻရေꩻထွာတဝ်းဒါႏ၊ အုံသော့ꩻခြွိုင်ႏသန်ꩻတဝ်းဒါႏ၊ အိန်ႏထောင်ႏရေꩻသျုတ်တရေင်ဒါႏ၊ မိတ်ဆွေႏပိုလီꩻဆေ့ꩻခြေားဒါႏ၊ အဝ်ႏမော့ꩻတသေႏသေႏဒါႏ ထာꩻယပ်ꩻထာꩻဒုက္ခအမျိုꩻမျိုꩻနော။\n၃။ မွူးနီꩻအင်္ဂါႏသား- တခါꩻတန်ငွါ အွဉ်ႏခွဲႏတွို့ꩻမွိုန်းနော၊ တဒေါင်အွဉ်ႏလင်ꩻတွို့ꩻမွိုန်း၊ လုပ်ꩻမာꩻထုမ်ႏကျံႏသော့ꩻ စီꩻပွာꩻရေꩻထွာတဝ်းဒါႏ၊ အုံသော့ꩻခြွိုင်ႏသန်ꩻတဝ်းဒါႏ၊ အိန်ႏထောင်ႏရေꩻသျုတ်တရေင်ဒါႏ၊ မိတ်ဆွေႏပိုလီꩻဆေ့ꩻခြေားဒါႏ၊ အဝ်ႏမော့ꩻတသေႏသေႏဒါႏ ထာꩻယပ်ꩻထာꩻဒုက္ခအမျိုꩻမျိုꩻနော။\n၄။ မွူးနီꩻဗုဒ္ဓဟူꩻသား- တခါꩻတန်ငွါနဝ်ꩻ အွဉ်ႏခွဲႏတွိုꩻထင်ꩻမွိုန်းနော၊ တဒေါင်အွဉ်ႏလင်ꩻတွို့ꩻထင်ꩻမွိုန်း၊ လုပ်ꩻမာꩻထုမ်ႏကျံႏသော့ꩻ စီꩻပွာꩻရေꩻထွာတဝ်းဒါႏ၊ အုံသော့ꩻခြွို���်ႏသန်ꩻတဝ်းဒါႏ၊ အိန်ႏထောင်ႏရေꩻသျုတ်တရေင်ဒါႏ၊ မိတ်ဆွေႏပိုလီꩻဆေ့ꩻခြေားဒါႏ၊ အဝ်ႏမော့ꩻတသေႏသေႏဒါႏ ထာꩻယပ်ꩻထာꩻဒုက္ခနော။\n၅။ မွူးနီꩻကျာႏသပတေꩻသား တခါꩻတန်ငွါနဝ်ꩻ အွဉ်ႏခွဲႏကွဉ်ႏထင်ꩻမွော့ တဒေါင်အွဉ်ႏလင်ꩻကွဉ်ႏထင်ꩻမွော့နော လုပ်ꩻမာꩻထုမ်ႏကျံႏသော့ꩻ စီꩻပွာꩻရေꩻထွာတဝ်းဒါႏ၊ အုံသော့ꩻခြွိုင်ႏသန်ꩻတဝ်းဒါႏ၊ အိန်ႏထောင်ႏရေꩻသျုတ်တရေင်ဒါႏ၊ မိတ်ဆွေႏပိုလီꩻဆေ့ꩻခြေားဒါႏ၊ အဝ်ႏမော့ꩻတသေႏသေႏဒါႏ ထာꩻယပ်ꩻထာꩻဒုက္ခအမျိုꩻမျိုꩻနော။\n၆။ မွူးနီꩻသောကျာႏသား တခါꩻတန်ငွါနဝ်ꩻ အွဉ်ႏခွဲႏကွဉ်ႏနဝ်မွော့၊ တဒေါင်အွဉ်ႏလင်ꩻကွဉ်ႏနဝ်မွော့နော လုပ်ꩻမာꩻထုမ်ႏကျံႏသော့ꩻ စီꩻပွာꩻရေꩻထွာတဝ်းဒါႏ၊ အုံသော့ꩻခြွိုင်ႏသန်ꩻတဝ်းဒါႏ၊ အိန်ႏထောင်ႏရေꩻသျုတ်တရေင်ဒါႏ၊ မိတ်ဆွေႏပိုလီꩻဆေ့ꩻခြေားဒါႏ၊ အဝ်ႏမော့ꩻတသေႏသေႏဒါႏ ထာꩻယပ်ꩻထာꩻဒုက္ခအမျိုꩻမျိုꩻအစားစားနဝ်ꩻသွူ။\n၇။ မွူးနီꩻစနေႏသား တခါꩻတန်ငွါနဝ်ꩻ အွဉ်ႏခွဲႏထင်ꩻမွော့ တဒေါင်အွဉ်ႏလင်ꩻထင်ꩻမွော့နော လုပ်ꩻမာꩻထုမ်ႏကျံႏသော့ꩻ စီꩻပွာꩻရေꩻထွာတဝ်းဒါႏ၊ အုံသော့ꩻခြွိုင်ႏသန်ꩻတဝ်းဒါႏ၊ အိန်ႏထောင်ႏရေꩻသျုတ်တရေင်ဒါႏ၊ မိတ်ဆွေႏပိုလီꩻဆေ့ꩻခြေားဒါႏ၊ အဝ်ႏမော့ꩻတသေႏသေႏဒါႏ ထာꩻယပ်ꩻထာꩻဒုက္ခအမျိုꩻမျိုꩻအစားစားနဝ်ꩻသွူ။\nဆောင်ႏလုံး\/သဲင်ခရာႏ\n၁။ မွူးနီꩻတနင်ꩻနွေႏသား ဆောင်ႏသွော့ သဲင်ပတ္တမျာꩻနော။\n၂။ မွူးနီꩻတနင်္လာႏသား ဆောင်ႏသွော့ သဲင်ပလဲꩻနော။\n၃။ မွူးနီꩻအင်္ဂါႏသား ဆောင်ႏသွော့ သဲင်သန္တာႏနော။\n၄။ မွူးနီꩻဗုဒ္ဓဟူꩻသား ဆောင်ႏသွော့ သဲင်မျနော။\n၅။ မွူးနီꩻကျာႏသပတေꩻသား ဆောင်ႏသွော့ သဲင်ဥဿဖလားနော။\n၆။ မွူးနီꩻသောကျာႏသား ဆောင်ႏသွော့ သဲင်စိန်ႏနော။\n၇။ မွူးနီꩻစနေႏသား ဆောင်ႏသွော့ သဲင်နီႏလာႏနော။\n၈။ မွူးနီꩻရာႏဟုသား ဆောင်ႏသွော့ သဲင်ကော်မိတ်နော။\nနဝ်ꩻမꩻ မီႏဆောင်ႏဗာႏ သဲင်နံႏကသင်ꩻနီနဝ်ꩻ လုပ်ꩻမာꩻထုမ်ႏကျံႏ စီꩻပွာꩻရေꩻတဲ့တိုꩻတက်၊ ကျမ္မာႏရေꩻဟဝ်၊ သက်ထိုစိုးဆွာꩻ၊ ဘေꩻကင်ꩻရန်ႏသျင်ꩻ ထွာအီနီအထောက်အကံးနဝ်ꩻသွူ။\nမွူးနီꩻတနင်ꩻနွေႏသား ခွိုက်ဘုမ္မိဂြိုဟ်ႏခရာႏ\nသက်ထဲ့တနꩻသော့ꩻ ဘုမ္မိဂြိုဟ်ႏအနေင်ႏမုဲင်ꩻကရိုꩻနဝ်ꩻ ထွားသွော့လယိုအတွိုင်ꩻ\nမွူးနီꩻတနင်ꩻနွေႏသား ခွိုက်ဘုမ္မိဂြိုဟ်ႏပေႏနေင်ႏ သက်(၇)နေင်ႏ၊ သက်(၁၅)နေင်ႏ၊ သက်(၂၃)နေင်ႏ၊ သက်(၄၇)နေင်ႏ၊ သက်(၅၅)နေင်ႏ၊ သက်(၆၃)နေင်ႏ၊ သက်(၇၁)နေင်ႏ၊ သက်(၇၉)နေင်ႏ၊ သက်(၈၇)နေင်ႏ၊ သက်(၉၅)နေင်ႏ၊ သက်(၁၀၃)နေင်ႏ အနေင်ႏနဝ်ꩻဖုံႏနဝ်ꩻ သက်ထဲ့တနꩻသော့ꩻ ဘုမ္မိဂြိုဟ်ႏပေႏနေင်ႏတဲင် မွူးနီꩻတနင်ꩻနွေႏသား ခိုမူႏသီးအတာႏ နမ်းကရေႏရွယ်ႏချက်ဒါႏအတွိုင်ꩻ အောင်ႏမျင်ႏမုꩻဆေ့ꩻဒါႏ၊ မီႏထွာလိုꩻယွဲးနဝ်ꩻ ဝင်ꩻခိုဝင်ꩻမူႏကိစ္စဖုံႏ အဆင်ႏတပြေႏတဝ်းဒါႏ၊ မီႏထွာအခို ခံႏဗာႏဒါႏဝင်ꩻမူႏလဲဉ်အံႏ၊ မီႏထွာအမူႏ ခံႏဗာႏဒါႏဝင်ꩻခိုလဲဉ်အံႏ၊ အခန်ꩻတောႏလမ်းတောႏပါႏအဲဉ်ထဝ်း၊ မီႏတောႏလမ်းတောႏပါႏ သေႏတဝ်းဒါႏတသက်လုမ်း၊ အွဉ်ႏကုဲင်ဗာႏချာယင်းဒါႏ၊ သꩻတဲ့လော်လယ်ဒါႏ၊ မဲဉ်လွေꩻညာꩻဒါႏဝင်ꩻရပ်ဝင်ꩻရာႏ၊ ပြောင်ꩻဗာႏဒါႏခင်ႏလမ်းအုံ၊ ပြောင်ꩻဗာႏဒါႏအလုပ်ꩻအမာꩻ၊ ပြောင်ꩻဗာႏဒါႏအဖြေꩻအစာ၊ ကျမ္မာႏရေꩻညံးဒါႏ၊ အိန်ႏထောင်ႏရေꩻသျုတ်တရေင်ဒါႏ၊ သတိနော၊ သျောင်ႏသွော့အရပ်ဆꩻတွို့ꩻထင်ꩻဖဲ့ꩻ၊ ဟန်ႏနေင်ႏကိုယို ဝုဲင်ႏဘုရာꩻ စိတ်ပတီꩻ အားထုတ်ကုဲင်းကုဲင်းတရာꩻနော။\nမွူးနီꩻတနင်ꩻနွေႏသား ခွိုက်ဘုမ္မိ(၁)တန်ꩻနေင်ႏ သက်(၄)နေင်ႏ၊ သက်(၁၂)နေင်ႏ၊ သက်(၂၀)နေင်ႏ၊ သက်(၂၈)နေင်ႏ၊ သက်(၅၂)နေင်ႏ၊ သက်(၆၀)နေင်ႏ၊ သက်(၆၈)နေင်ႏ၊ သက်(၇၆)နေင်ႏ၊ သက်(၈၄)နေင်ႏ၊ သက်(၉၂)နေင်ႏ၊ သက်(၁၀၀)နေင်ႏ၊ (၁၀၈)နေင်ႏ အနေင်ႏနဝ်ꩻဖုံႏနဝ်ꩻ သက်ထဲ့တနꩻသော့ꩻ ဘုမ္မိ(၁)တန်ꩻနေင်ႏတဲင် မွူးနီꩻတနင်ꩻနွေႏသား ခိုမူႏသီးအတာႏ ညံးလွိုဒါႏယနေင်ႏနဝ်ꩻသွူ၊ သꩻခိုးလျားလွဉ်ꩻဗာႏဒါႏ ရွဉ်ရေꩻတောင်ꩻရေꩻ၊ အဖြေꩻအစာ၊ အလုပ်ꩻအမာꩻသုမ်ꩻတိန်ဒါႏ၊ ကျံႏတန်တမွိုꩻတမာꩻမွိုန်းနော၊ သꩻတရေင်လွဉ်ꩻဗာႏဒါႏ ပိုလီꩻပနံမကိစ္စ၊ ခံꩻကုဲင်းထိုꩻမားဒါႏ၊ ကျမ္မာႏရေꩻညံးဒါႏ၊ ဟို့ꩻအွောင်ႏတလီꩻသယ်ႏ တလီꩻထောင်းစူဒူစူတဖွတ်ꩻဒါႏ၊ လေဖျတ်ဒါႏ၊ အံႏမာႏဒါႏထော့ꩻယာႏ၊ လူးမာႏဒါႏထီ၊ အုံတင်းခမ်းမာႏဒါႏ၊ အံႏမာႏဒါႏ အရသာႏခွꩻမျိုꩻ၊ အိန်ႏထောင်ႏရေꩻသျုတ်တရေင်ဒါႏ၊ တပိုဖါတမာဝါꩻ ဒေါ့ꩻရီတွိုင်ႏပင်ႏဝင်ꩻတဲ့ꩻတဝ်း၊ ဥပဒေႏတကင်ꩻတဝ်းထာꩻမာꩻမျိုꩻသတိနော၊ သျောင်ႏသွော့အရပ် ဆနဝ်ဖဲ့ꩻ၊ မီႏထွာလိုꩻယွဲး မီႏတောႏလမ်း သေႏတဝ်းဒါႏတသက်လိုꩻနေား၊ ဟန်ႏနေင်ႏကိုယို ဝုဲင်ႏကုဲင်းကုဲင်းဘုရာꩻ၊ စိတ်ပတီꩻ အားထုတ်တရာꩻ မာꩻကုဲင်းကုဲင်းဒါႏနနော။\n\nအာႏကွိုꩻ\n\nပေႏတင်ႏ","num_words":2091,"character_repetition_ratio":0.092,"word_repetition_ratio":0.146,"special_characters_ratio":0.071,"stopwords_ratio":0.006,"flagged_words_ratio":0.0,"lang_id_score":1.0,"perplexity_score":3162.5,"cluster_detection":-1}
+{"url":"https:\/\/blk.wikipedia.org\/wiki\/%E1%80%95%E1%80%A1%E1%80%AD%E1%80%AF%E1%80%9D%E1%80%BA%E1%82%8F%E1%80%9E%E1%80%92%E1%80%B9%E1%80%92%E1%80%AB%E1%82%8F%E1%80%80%E1%80%BB%E1%80%99%E1%80%BA%EA%A9%BB","collection":"wikipedia","source":"wikipedia","original_code":"blk","text":"ဝေင်ꩻကလော်ꩻနယ်ႏ ၊ ဝေင်ꩻအောင်ႏဗန်း အောင်ႏချံꩻသာႏ သွဉ်လိတ်ပရိယတ္တိကျောင်ꩻတွိုက်\nဗွေႏဝိစိတ္တသာရာလင်္ကာရ (သာသနဓဇဓမ္မာစရိယ၊ သာႏမဏေႏကျောႏ၊ ဝိနယဝိဒူ၊ အင်္ဂုတ္တရနိကာယဝိဒူ)\nတဲမ်း ပအိုဝ်ႏသဒ္ဒါႏ (PAOH GRAMMAR)၊ သာႏသနာႏနေင်ႏ ၂၅၅၀၊ ကောႏဇာႏနေင်ႏ-၁၃၆၈ ဗာႏကိုသွူ။\n\nငေါဝ်းတယ်ႏအွဉ်ရီး\nအင်္ဂလိပ်ရှ်’ မန်း’ ပအိုဝ်ႏ-ကစဒါႏ လိုꩻအမျိုꩻမျိုꩻ၊ ဖိုး’ပနား’သေ-ကစဒါႏ တိရစ္ဆာန်ႏအမျိုꩻမျိုꩻဖုံႏ ကအဝ်ႏဒေါ့ꩻလွဒါႏ အင်္ဂလိရှ်ငဝ်း’ မန်းငဝ်း’ ပအိုဝ်ႏငဝ်း၊ ဖိုးငဝ်း’ ပနားငဝ်း’ သေငဝ်း-ကစဒါႏ သꩻမာꩻထွာအငဝ်း တငွါစီႏ (စိတ္တဇသဒ္ဒ)တွမ်ႏ တလီꩻငဝ်း’ ထီငဝ်း’ ခမ်းငဝ်း’ သေင်ႏငဝ်း-ကစဒါႏ ဥတုမာꩻထွာ အငဝ်းတငွါစီႏ (ဥတုဇသဒ္ဒ)အမျိုꩻမျိုꩻဖုံႏယို ကွပ် စွဉ်ႏ ထွာပရမတ္ထလစ်ꩻပါꩻအကို ရုပ်(၂၈)ပါꩻကို ကပါသော့ꩻဒါႏ “သဒ္ဒရုပ် (ပရမတ္ထတရာꩻ)တပါꩻ”တဲင် ဟဲ့ꩻဗာႏ “မရမတ္ထသဒ္ဒ”သွူ။\nပရမတ္ထသဒ္ဒရုပ်ဖုံႏ ကအဝ်ႏပေါင်ꩻစုညီꩻဒါႏ “ဗုဒ္ဓ(ဖရာꩻ)၊ ဓမ္မ (တရာꩻ)၊ သံဃ(သံႏဃာႏ)”ကစဒါႏအငဝ်းပေါင်ꩻဖုံႏယို ကွပ်စွဉ်ႏတဖြာꩻ တွမ်ႏတဖြာꩻအတာႏ မာꩻသေနာႏဖေႏနွောင်ꩻအီ အနက်အဓိပ္ပဲယ်ႏဖုံႏတဲင် ထွာပညတ်အငဝ်းနဝ်ꩻမꩻ ဟဲ့ꩻဗာႏ “ပညတ္တိသဒ္ဒ”သွူ။\nပညတ္တိသဒ္ဒါအပေါင်ꩻဖုံႏဘိုလဲ့ ညငါႏလဲဉ်းဒျာႏ အခိန်ႏကာႏလကို တွင်ꩻ လိုꩻစခေါင်ႏစခါသီးဖုံႏ ဟဲ့ꩻဖန်သေꩻခါꩻဒါႏအမဉ်ꩻ (အငဝ်းပေါင်ꩻ)ဖုံႏ တဲင် လိုꩻယိုခါဖုံႏ ကွပ်စွဉ်ႏတသေနာႏနွောင်ꩻလွဉ်ꩻလို့လို့တဝ်းဒွုမ် အနက် အဓိပ္ပဲယ်ႏဖုံႏနဝ်ꩻမꩻ ဗွိုန်ပီနုဲင်း လိုꩻတထီႏဖိုတဝ်း၊ လိုꩻတသေငါꩻဖိုတဝ်း ဆင်အစဲစ်သားဖုံႏ ယံဖေႏကသေငါꩻလွဝင်ꩻ ဆင်အစဲစ်အတာႏ အွဉ်ႏနယ် ဖေႏဗာႏတွမ်ႏ ဆင်ရွုတ်အတုꩻပမာႏ လိုꩻတသေနာႏတဝ်း ပညတ္တိသဒ္ဒ (ငဝ်းအပေါင်ꩻ)ဖုံႏ ယံဖေႏကေသနာႏအတွက် ကတဲမ်းမတ်ခါꩻနေးဗာႏ လိတ်ဖြုံႏတွမ်ႏ သဒ္ဒါႏလိတ်အွုတ်(ကျမ်ꩻ)ဖုံႏယိုလဲ့ ဟဲ့ꩻဗာႏ “သရိက္ခက သဒ္ဒ(သဒ္ဒါႏအတုꩻ)”နေနေသွူ။\n\nEnglish Dictionary လိတ်အွုတ်ကို သဒ္ဒါႏယို ဟဲ့ꩻ Grammare တဲင် ဖွင်ꩻအဓိပ္ပဲယ်ႏနုဲင်းယို- Rules of the forms words and relation ship in a language-လိုꩻမျိုꩻဘာႏသာႏတွိုင်ꩻကို ကအဝ်ႏဒေါ့ꩻ\/ တဲမ်းလွဒါႏ ငဝ်းအပေါင်ꩻကရိုꩻဒါႏ ပွုဒ်တွမ်ႏဝါကျဆဲင်ႏရာꩻစီꩻကန်ꩻတဖွောင်ꩻဖုံႏယို ဟဲ့ꩻဗာႏ “သဒ္ဒါႏ(ဂရမ်မာ)”သွူ။\nလိုꩻမျိုꩻလောင်ႏလင်သီးဖုံႏ ကအဝ်ႏသွုံꩻ(ဒေါ့ꩻ\/တဲမ်း)လွဒါႏ ဝွေꩻ သီးအငဝ်း(ပညတ္တိသဒ္ဒ)ဖုံႏသူꩻလဲ့ စီꩻကန်ꩻတဖွောင်ꩻအဝ်ႏဒျာႏ ပငါပရာꩻ တဲင် လို���မျိုꩻပအိုဝ်ႏသီးဖုံႏ ကအဝ်ႏသွုံꩻ(ဒေါ့ꩻ\/တဲမ်း)လွဒါႏ ပအိုဝ်ႏငဝ်း (ပညတ္တိသဒ္ဒ)ဖုံႏယိုလဲ့ စီꩻကန်ꩻတဖွောင်ꩻအဝ်ႏဒျာႏနေနေသွူ။\nကွယ်ႏတွော့ꩻ လိုꩻမျိုꩻလင်သီးဖုံႏနဝ်ꩻ ဝွေꩻသီးအငဝ်းစီꩻကန်ꩻဖုံႏယို ဝွေꩻသီးတဲမ်းမတ်သော့ꩻခါꩻနေးလိတ်အွုတ်ကို တဉ်ႏတဉ်ႏခွေါင်ခွေါင် သေႏသေႏချာႏချာႏတဲင် ဝွေꩻသီးစွုမ်ႏဖြာꩻလဲ့ နေးတွမ်ႏဝွေꩻသီးငဝ်းစီꩻ ကန်ꩻဖုံႏအတွိုင်ꩻ ထူႏသွုံꩻ(ဒေါ့ꩻ\/တဲမ်း)လွဝင်ꩻ ပငါပရာꩻသွူ။\n\nနီလိုꩻမျိုꩻပအိုဝ်ႏကိုနဝ်ꩻကား နီပအိုဝ်ႏငဝ်းစီꩻကန်ꩻဖုံႏယို တဲမ်းမတ် သော့ꩻသေꩻခါꩻနေးလိတ်အွုတ်ကို တဉ်ႏတဉ်ႏခွေါင်ခွေါင် သေႏသေႏချာႏ ချာႏ ကွပ်စွဉ်ႏတအဝ်ႏတဝ်းနဝ်ꩻမꩻ နီပအိုဝ်ႏငဝ်းစီꩻကန်ꩻဖုံႏ ထိုꩻမားထိုꩻ ဗာႏ၊ လိုꩻမျိုꩻလင်သီး ငဝ်းအသွုံꩻ(အဒေါ့ꩻ\/အတဲမ်း)ဖုံႏ နွို့သော့ꩻလွဉ်နီပအိုဝ်ႏငဝ်းကိုတဲင် နီပအိုဝ်ႏငဝ်းထီအစဲစ်ဖုံႏ ထိုꩻမားထိုꩻဗာႏ-ကစဒါႏ တ ဟဝ်တဝ်းအကျိုꩻတရာꩻဖုံႏယို နီပအိုဝ်ႏစွိုးခွိုꩻ ပိုလီꩻသီးဖုံႏ ခံႏစာꩻဗာႏလွ ဝင်ꩻသွူ။\nနဝ်ꩻလွုမ်ꩻတကာႏတဝ်း နီပအိုဝ်ႏစွိုးခွိုꩻ မူႏခိုသီးဖုံႏနဝ်ꩻ ထွာလွ ဒျာႏ ဗုဒ္ဓဘာႏသာႏခွိုꩻဖုံႏဒျာႏတဲင် ဗွေႏမျတ်ဖရာꩻကဟောꩻသေꩻခါꩻဒါႏ ပါဠိ(မာဂဓ)ငဝ်းဖုံႏယို ယံဖေႏကသေနာႏစဲင်းစဲင်းနဝ်ꩻ နီပအိုဝ်ႏငဝ်းစီꩻ ကန်ꩻဖုံႏ မဉ်ႏအဝ်ႏသေႏသေႏချာႏချာႏနဝ်ꩻမꩻ ဗွေႏမျတ်ဖရာꩻငဝ်းထီအစဲစ် သဘောꩻအဓိပ္ပဲယ်ႏဖုံႏယို အဝ်ႏပါဠိ(မာဂဓ)ဘာႏသာႏကို အီႏပြန်ႏမဲဉ်ႏမဲဉ်ႏ ချာနွောင်ꩻ နီပအိုဝ်ႏဘာႏသာႏတဲင် နီပအိုဝ်ႏမူႏခိုသီးဖုံႏ စွုမ်ႏဖြာꩻဖြာꩻ အီႏ သေနာႏနွောင်ꩻအီဗာႏမဲဉ်ႏမဲဉ်ႏ၊ အီႏလꩻခံႏစာꩻလွဗာႏ အကျိုꩻတရာꩻဟဝ် စဲစ်စဲစ်ဖုံႏသွူ။\nကွပ်နဝ်ꩻမꩻ လိုꩻမျိုꩻပအိုဝ်ႏကို ကသဲင်ꩻထွာဒါႏ ခွေသွဉ်းလဲ့ ပအိုဝ်ႏ ငဝ်းစီꩻကန်ꩻအစဲစ်အမဲဉ်ႏဖုံႏ ကအဝ်ႏသော့ꩻဒါႏ ပအိုဝ်ႏသဒ္ဒါႏကျမ်ꩻ ယံ ဖေႏကအဝ်ႏ၊ ယံဖေႏကထန်ႏနွောင်ꩻအတာႏ အဝ်ႏကော့ꩻမောင်ꩻ အဝ်ႏ ပွေါးထွားဆွုမ်ႏ၊ အဝ်ႏတမာဗာႏစွဉ်ႏလဲ့ ဗꩻတွိုႏဟန်ႏသနီꩻ တပေါႏထန်ႏ လွဉ်တဝ်းဒွုန်း၊ တထီႏဗာႏတဝ်းဒွုန်းတဲင် ခွေသွဉ်းနမ်းဗွေႏ ကျိုꩻစာꩻတဲမ်း ထေထန်ႏဗာႏ ပအိုဝ်ႏသဒ္ဒါႏကျမ်ꩻယိုသွူ။\n\nခွေသွဉ်းကတဲမ်းထေထန်ႏဗာႏ ပအိုဝ်ႏသဒ္ဒါႏကျမ်ꩻနုဲင်းယိုနဝ်ꩻ ဒါႏ ငါႏသေငါႏတွော့ꩻ တဲမ်းထေထန်ႏဗာႏ တမွေးတဝ်း၊ ကွပ်စွဉ်ႏ ထီႏငါႏစွိုးခွိုꩻအကျိုꩻတရာꩻဖုံႏတဲင် ခွုန်းကားခွေသွဉ်းကထီႏ ကသေကဒါႏကအဝ်ႏ အတွိုင်ꩻ ခွေသွဉ်း���ဲမ်းထေထန်ႏဗာႏဒျာႏ၊ အမာႏအတရွို့ꩻမျိုꩻဖုံႏ ဆေ့ꩻ တွမ်ႏအာ အီႏပါသော့ꩻနွောင်ꩻရိုꩻကီလဲ့ “အမာႏမဉ်ႏအဝ်ႏမꩻ အမဲဉ်ႏအီႏ ပေါႏထန်ႏလွဉ်”ကရိုꩻဒါႏငဝ်းနဝ်ꩻအတွိုင်ꩻ ထွားလိတ်သားပညာႏသျင်ႏ သီးဖုံႏ မဉ်ႏဖတ်လွဗာႏ ခွေသွဉ်းကတဲမ်းခါꩻဒါႏ ပအိုဝ်ႏသဒ္ဒါႏကျမ်ꩻယိုနဝ်ꩻ နီဗွေႏသီးလဲ့ ထီႏလွဉ်မော့ꩻလွဉ်ဗာႏ အမာႏအမဲဉ်ႏအမျိုꩻမျိုꩻတွော့ꩻ နီဗွေႏ သီးနမ်းဗွေႏချာ မဲဉ်တဲမ်းထေထန်ႏမဲဉ်ႏမဲဉ်ႏနုဲင်းလို့ဝင်ꩻ ပအိုဝ်ႏသဒ္ဒါႏ ကျမ်ꩻဖုံႏ၊ ပညာႏသျင်ႏနီဗွေႏသီး မဉ်ႏမတဲမ်းထေထန်ႏလွဉ်လို့ဝင်ꩻ ပအိုဝ်ႏ သဒ္ဒါႏကျမ်ꩻဖုံႏနုဲင်းနဝ်ꩻနဝ်ꩻ ပအိုဝ်ႏငဝ်းစီꩻကန်ꩻအမဲဉ်ႏဖုံႏလဲ့ အီႏပေါႏထန်ႏ လွဉ်ချာယင်းအမဲဉ်ႏ-ယူႏနုဲင်းနဝ်ꩻတဲင် ခွေသွဉ်းတဲမ်းထေထန်ႏဗာႏ ပအိုဝ်ႏသဒ္ဒါႏကျမ်ꩻနုဲင်းယိုသွူ။\nကွပ်နဝ်ꩻမꩻ ပအိုဝ်ႏငဝ်းစီꩻကန်ꩻအမဲဉ်ႏ တဉ်ႏတဉ်ႏခွေါင်ခွေါင် ဖေႏ ကအဝ်ႏလွဉ်နဝ်ꩻ ထွားလိတ်သားသီးဖုံႏ ထွားဗာႏလို့ထွူဝင်ꩻ ပအိုဝ်ႏ သဒ္ဒါႏကျမ်ꩻယိုတဲင် မဉ်ႏမော့ꩻလွဉ်အမာႏမျိုꩻလဲ့ ယံဖေႏကတဲမ်း\/ဒေါ့ꩻ နယ်ဖေႏချာသွော့ ခွေသွဉ်းယိုအကျောင်ꩻ၊ ခွေသွဉ်းတဲ့ ထီႏသေဗာႏ အမာႏတဲင် ဖျင်စွို့ꩻမဲဉ်ႏဗာႏယင်းအကျောင်ꩻ၊ နီဗွေႏသီးလဲ့ နီဗွေႏသီး ကထီႏကေသ ကဒါႏခါꩻအတွိုင်ꩻ ပအိုဝ်ႏမူႏ\/ခိုသီးဖုံႏ ယံဖေႏနေးကသေ နာႏစဲင်းစဲင်းနုဲင်းလွဗာႏ ပအိုဝ်ႏငဝ်းစီꩻကန်ꩻဖုံႏအတွက် တဲမ်းမတ်သော့ꩻ သေꩻခါꩻထွူ လိတ်လာႏကိုတဲင် ယံဖေႏကထေထန်ႏလွသွော့ဝင်ꩻ ပအိုဝ်ႏသဒ္ဒါႏ(ပအိုဝ်ႏငဝ်းစီꩻကန်ꩻ)ကျမ်ꩻဖုံႏအကျောင်ꩻ- အဝ်ႏလိတ်ကျမ်ꩻယိုကို ခွေသွဉ်းလဝ်းဟွုန်လွေꩻ တမာနိုꩻဆောႏလွေꩻဗာႏ ထွားလိတ်သားသီးဖုံႏ စွုမ်ႏပါꩻပါꩻ စွုမ်ႏဖြာꩻဖြာꩻသွူ ဗွေႏသီးဩ။\n\nပအိုဝ်ႏမူႏ\/ခိုသီး စွုမ်ႏဖြီးစွုမ်ႏဖြာꩻ ထွားဗာႏထွူပအိုဝ်ႏသဒ္ဒါႏ ကျမ်ꩻယိုတဲင် ထာꩻသေပညာႏဖုံႏ ယံဖေႏကတိုꩻပွာꩻလွဉ်လွဗာႏသွော့ဝင်ꩻ၊ ထာꩻသေပညာႏဖုံႏ တိုꩻပွာꩻလွဉ်အတွိုင်ꩻ ဖောႏထန်ႏလွထွူဝင်ꩻ ပအိုဝ်ႏ ငဝ်းစီꩻကန်ꩻအစဲစ်အမဲဉ်ႏဖုံႏတဲင် ယံဖေႏကသွုံꩻ(ဒေါ့ꩻ\/တဲမ်း)လွသွော့ဝင်ꩻ အကျောင်ꩻ- တဲမ်းလိတ်သားခွေသွဉ်း ကွီဖေႏဗာႏ တမာဟွုန်ဖေႏဗာႏ ထွားလိတ်သားသီးဖုံႏအတာႏ “ငဝ်းကွီဆုꩻတွမ်ႏငဝ်းတမာ”နုဲင်းယိုသွူ ဗွေႏသီးဩ။\n\nငဝ်းတောင်ꩻပြန်ႏ၊ ငဝ်းကေꩻဇူꩻ\nထွားလိတ်သား ဗွေႏ’ ခွန်’ နင်ꩻသီးဖုံႏဩ -\nနီဗွေႏသီး ထွားဖတ်ဗာႏဝင်ꩻ ပအိုဝ်ႏသဒ္ဒါႏကျမ်ꩻယိုတဲင် တဲမ်း လိတ်သား ခွေသွဉ်း ဟ��ုန်ဟဝ်သꩻရေꩻမွေးငါႏသနဲ့ဩ။ ကွယ်ႏတွော့ꩻ ခွေသွဉ်းနဝ်ꩻ ဒါႏငါႏသေငါႏတွော့ꩻ တဲမ်းဗာႏပအိုဝ်ႏ သဒ္ဒါႏယို တမွေးတဝ်း၊ ကွပ်စွဉ်ႏ ထီႏငါႏစွိုးခွိုꩻအကျိုꩻတရာꩻယံဖုံႏတဲင် တဲမ်းဗာႏဒျာႏနဝ်ꩻမꩻ အမာႏမျိုꩻဆေ့ꩻတွမ်ႏအာ အီႏပါသော့ꩻဒျာႏရင်ꩻရင်ꩻ၊ နီဗွေႏသီး မဉ်ႏထီႏမဉ်ႏမော့ꩻလွဉ် အမာႏအတရွို့ꩻမျိုꩻလဲ့ ဖျင်စွို့ꩻဟဝ်ထွူဝင်ꩻတဲင် ခွင်ꩻလွစ်ဖေႏဒျာႏသွော့ ခွေသွဉ်းယိုအကျောင်ꩻ၊ အကျံႏဉာဏ်ႏ ဟဝ်ဖုံႏမဉ်ႏအဝ်ႏလဲ့ နေးတွမ်ႏထာꩻသညင်ꩻကရုဏာႏတရာꩻအာအာတဲင် ဒေါ့ꩻဟွုန်ဖေႏထေ့ဗဲင်းသွော့ ခွေသွဉ်းယိုအကျောင်ꩻ-နေးတွမ်ႏထာꩻရိုႏသေႏမုꩻ ဂါရဝတရာꩻတဲင် တောင်ꩻပြန်ႏလဝ်းဟွုန်လွေꩻ ဗာႏ ထွားလိတ်သား ဗွေႏ’ခွန်’နင်ꩻသီးဖုံႏသွူ ဗွေႏသီးဩ။\n\nငဝ်းကေꩻဇူꩻ\nထာꩻသေပညာႏတွမ်ႏ ထာꩻထီႏထာꩻဟွုန် ဗဟုသုတတရာꩻဖုံႏ ယံ ကကအဝ်ႏ၊ ယံကတိုꩻပွာꩻလွဉ်အတာႏ ကသွဉ်သင်ဖေႏဒါႏ ပစ္စက္ခဆရာႏ’ ဂန္ထကာရကဆရာႏ-ကစဒါႏ ဆရာႏသီးဖုံႏလဲ့န၀်ꩻ၊ပအိုဝ်ႏသဒ္ဒါႏကျမ်ꩻယို ဖေႏကထန်ႏနွောင်ꩻအတာႏ နေးတွမ်ႏနမ်း အာႏ’ ဉာဏ်ႏအာႏဖုံႏတဲင် အဖဲ့ꩻဖဲ့ꩻအခဝ်ခဝ် ကကူႏညီႏကိုဖေႏဒါႏ သွꩻဟဝ် သွꩻဒါႏ သွꩻရက်သီးဖုံႏတွမ်ႏ ဝေင်ꩻအောင်ႏဗန်း၊ ဝေင်ꩻတောင်ႏကီꩻကို ကအဝ်ႏဒါႏ P.N.O ရွုမ်ꩻသားသီးဖုံႏလဲ့နဝ်ꩻ၊ နေးတွမ်ႏရွဉ်အာႏတဲင် ကထူႏတာႏဝွန်ႏလို့လို့ဖေႏဒါႏ “အထူꩻဒေႏသ(၆) ပအိုဝ်ႏစွိုးခွိုꩻအစွိုꩻချွုတ်၊ အွဉ်အကိုရေꩻ”ကထွာဒါႏ ပစ္စေꩻလစ်ꩻ ပါꩻတကာႏ စင်ꩻဖါခွန်စံလွင်+စင်ꩻမွိုးနင်ꩻတင်တင်ဝင်း ပိုလီꩻတစွိုꩻ လွုမ်းလဲ့နဝ်ꩻ၊\nနီဗွေႏသီးကေꩻဇူꩻတန်အာမွေးငါႏအကျောင်ꩻ၊ အဝ်ႏယူႏလꩻသေႏသေႏဒျာႏ နီဗွေႏသီးကေꩻဇူꩻတရာꩻမျတ်ဖုံႏအကျောင်ꩻ ခွေသွဉ်း ဗွေႏဝိစိတ္တသာရာလင်္ကာရ\nအောင်ႏချံꩻသာႏသွဉ်လိတ်ပရိယတ္တိကျောင်ꩻတွိုက်\nဝေင်ꩻအောင်ႏဗန်း၊ ဝေင်ꩻကလော်ꩻနယ်ႏ ဒေါ့ꩻ\/လဝ်းဟွုန် လွေꩻဗာႏ ငဝ်းကေꩻဇူꩻနုဲင်းယိုသွူ-ဗွေႏသီးဩ။\n\nဟော်ꩻထွားရီးတာႏ မာတိကာႏ (ကတူႏစဲဉ်ႏ)\nအကျောင်ꩻခရာႏလိတ်မဲ့ငါ\n(၁)\tဥဒ္ဒေသအခန်ꩻ\t\t\t\t\t\t၁-၂၇\nပအိုဝ်ႏသဒ္ဒါႏ-အဓိပ္ပဲယ်ႏ\t\t\t\t၁\nငဝ်း(၂)မျိုꩻ\t\t\t\t\t\t၂\nပွုဒ်-အဓိပ္ပဲယ်ႏ\t\t\t\t\t\t၂\nပွုဒ် (၂)မျိုꩻ\t\t\t\t\t\t၂\nနာမ်ႏ-အဓိပ္ပဲယ်ႏ\t\t\t\t\t၃\nကြိယာႏ-အဓိပ္ပဲယ်ႏ\t\t\t\t\t၃\nဝါကျ- အဓိပ္ပဲယ်ႏ\t\t\t\t\t၄\nဝါကျ (၂)မျိုꩻ\t\t\t\t\t\t၄\nသာမညဝါကျ (၆)မျိုꩻ\t\t\t\t\t၆\nသမ္ဗန္ဓဝါကျ-အမျိုꩻမျိုꩻ\t\t\t\t၉\nကာႏလ (၃)မျိုꩻ\t\t\t\t\t၁၀\nဝုစ် (၂)မျိုꩻ\t\t\t\t\t\t၁၉\nခွယ်ꩻဝုစ်နယ်ꩻ\t\t\t\t\t\t၂၃\n(၂)\tနိဒ္ဒေသအခန်ꩻ\t\t\t\t\t၂၈-၃၄၀\nကြိယာႏ (၂)မျိ���ꩻ\t\t\t\t\t၂၈\nတနယ်ꩻ-ကြိယာႏ(၂)မျိုꩻ\t\t\t\t၂၈\nသကမ္မကကြိယာႏ(၈)မျိုꩻ\t\t\t\t၂၉\nတနယ်ꩻ-ကြိယာႏ(၂)မျိုꩻ\t\t\t\t၄၂\nသာဓန(၂)ပါꩻတွမ်ႏ (၇)ပါꩻ\t\t\t\t၄၃\nနာမ်ႏ-အမျိုꩻမျိုꩻ\t\t\t\t\t၄၇\nကာရက+အကာရက အခွယ်ꩻ\t\t\t၄၉\nကာရက(၆)မျိုꩻ\t\t\t\t\t၄၉\nအကာရက(၂)မျိုꩻ\t\t\t\t\t၅၀\nနာမ်ႏကတ္တားတွမ်ႏပွုံႏစံႏ\t\t\t\t၅၀\nနာမ်ႏကံႏတွမ်ႏပွုံႏစံႏ\t\t\t\t\t၅၁\nနာမ်ႏကရဏတွမ်ႏပွုံႏစံႏ\t\t\t\t၅၅\nနာမ်ႏသမ္ပဒါန်ႏတွမ်ႏပွုံႏစံႏ\t\t\t\t၅၉\nနာမ်ႏအပါဒါန်ႏတွမ်ႏပွုံႏစံႏ\t\t\t\t၆၃\nနာမ်ႏဩကာသတွမ်ႏပွုံႏစံႏ\t\t\t\t၆၈\nနာမ်ႏပကတိဝိကတိတွမ်ႏပွုံႏစံႏ\t\t\t၇၂\nနာမ်ႏသဟတွမ်ႏပွုံႏစံႏ\t\t\t\t\t၇၆\nနာမ်ႏသာမီတွမ်ႏပွုံႏစံႏ\t\t\t\t\t၈၈\nနာမ်ႏနိယမတွမ်ႏပွုံႏစံႏ\t\t\t\t\t၁၀၀\nနာမ်ႏအနိယမတွမ်ႏပွုံႏစံႏ\t\t\t\t၁၁၀\nနာမ်ႏအာလုပ်တွမ်ႏပွုံႏစံႏ\t\t\t\t၁၁၈\nနာမ်ႏပုစ္ဆာႏတွမ်ႏပွုံႏစံႏ\t\t\t\t\t၁၂၀\nနာမ်ႏဥပမာႏတွမ်ႏပွုံႏစံႏ\t\t\t\t၁၂၅\nနာမ်ႏအာမေဍိတ်တွမ်ႏပွုံႏစံႏ\t\t\t\t၁၃၄\nနာမ်ႏဝိစ္ဆာႏတွမ်ႏပွုံႏစံႏ\t\t\t\t\t၁၃၆\nနာမ်ႏဧကသေသ်တွမ်ႏပွုံႏစံႏ\t\t\t\t၁၃၉\nနာမ်ႏဝိသေသနတွမ်ႏပွုံႏစံႏ\t\t\t\t၁၄၁\nနာမ်ႏသဗ္ဗတွမ်ႏပွုံႏစံႏ\t\t\t\t\t၁၆၀\nနာမ်ႏဝါကျတွမ်ႏပွုံႏစံႏ\t\t\t\t\t၁၆၃\nနာမ်ႏကြိယာႏတွမ်ႏပွုံႏစံႏ\t\t\t\t၁၆၉\nနာမ်ႏအတ္ထိတွမ်ႏပွုံႏစံႏ\t\t\t\t\t၁၇၂\nနာမ်ႏသန္နိဋ္ဌာနတွမ်ႏပွုံႏစံႏ\t\t\t\t၁၇၇\nနာမ်ႏသမုစ္စယတွမ်ႏပွုံႏစံႏ\t\t\t\t၁၈၂\nနာမ်ႏဝိကပ္ပနတွမ်ႏပွုံႏစံႏ\t\t\t\t၂၁၆\nနာမ်ႏအညတွမ်ႏပွုံႏစံႏ\t\t\t\t\t၂၂၅\nနာမ်ႏဟေတုတွမ်ႏပွုံႏစံႏ\t\t\t\t၂၃၂\nနာမ်ႏတုမတ္ထတွမ်ႏပွုံႏစံႏ\t\t\t\t၂၃၇\nနာမ်ႏလက္ခဏတွမ်ႏပွုံႏစံႏ\t\t\t\t၂၄၁\nနာမ်ႏအနာဒရိယာနာရိဒတွမ်ႏပွုံႏစံႏ\t\t\t၂၄၆\nနာမ်ႏနိဒ္ဓါရဏသမုဒါယတွမ်ႏပွုံႏစံႏ\t\t\t၂၅၃\nနာမ်ႏအစ္စန္တသံယောဂတွမ်ႏပွုံႏစံႏ\t\t\t၂၅၅\nနာမ်ႏဂရဟာပသံသာတွမ်ႏပွုံႏစံႏ\t\t\t၂၆၀\nနာမ်ႏသညာႏတွမ်ႏပွုံႏစံႏ\t\t\t\t၂၆၄\nငဝ်းရီလွူꩻခန်ꩻ\t\t\t\t\t\t၃၃၅\nအာႏကွိုꩻကျမ်ꩻဖုံႏ\t\t\t\t\t၃၄၁\nပအိုဝ်ႏသဒ္ဒါႏ\n\n(၁) ဥဒ္ဒေသအခန်ꩻ\n(ဥဒ္ဒေသအခန်ꩻကို အီႏအွဉ်ႏနယ်လွေꩻဖေႏ သဒ္ဒါႏဆဲင်ႏရာꩻ အဓိက အကျောင်ꩻခရာႏအအဲဉ်ႏဖုံႏသွူ။)\n\nပအိုဝ်ႏသဒ္ဒါႏ-အဓိပ္ပဲယ်ႏ\n“သဒ္ဒီယတေ ဥစ္စာရီယတေတိ သဒ္ဒေါ၊ ပအိုဝ်ႏဝံသဿ သဒ္ဒေါ ပအိုဝ်ႏသဒ္ဒေါ”ကရိုꩻဒါႏ ဝိဂ္ဂဟအလꩻ - မုချတ္ထအနေႏ လိုꩻမျိုꩻပအိုဝ်ႏသီးဖုံႏ ကပဲင်ႏဆဲင်ႏ ကဒေါ့ꩻဖြောဝ်ႏ လွဒါႏ “ငဝ်း-သဒ္ဒ”ဖုံႏယိုလဲ့သင်၊ကာရဏူပစာရတ္ထအနေႏ လိုꩻမျိုꩻပအိုဝ်ႏသီးငဝ်းငွါဖုံႏယို ကအွဉ်ႏ နယ်သေꩻခါꩻ ကတဲမ်းမုဲင်ꩻသေꩻခါꩻဒါႏ “လိတ်ဖြုံႏ\/အက္ခရာႏ-လေခိတက္ခ ရ”ဖုံႏယိုလဲ့သင် ၊ ဌာနျူပသာရတ္ထအနေႏ လိုꩻမျိုꩻပအိုဝ်ႏသီးဖုံႏ နေးတွမ်ႏစီꩻကန်ꩻ\/ အနယ်ꩻဖုံႏမဲန်ႏမဲန်ႏတဲင် ယံဖေႏကသွုံꩻ ကဒေါ့ꩻ ကတဲမ်းဒါႏဒါႏလွဝင်ꩻ နီ ပအိုဝ်ႏငဝ်းငွါတွမ်ႏ လိတ်လုဲင်ꩻအစဲစ်အမဲန်ႏအတာႏ ငဝ်းငွါတွမ်ႏလိတ် လုဲင်ꩻစီꩻကန်ꩻ\/အနယ်ꩻဖုံႏယို ကအွဉ်ႏနယ်သော့ꩻသေꩻခါꩻ ကတဲမ်းမတ်မုဲင် သော့ꩻသေꩻခါꩻဒါႏ “ပအိုဝ်ႏသဒ္ဒါႏကျမ်ꩻ-ပအိုဝ်ႏသဒ္ဒဂန္ထ”ဖုံႏယိုလဲ့သင် ဟဲ့ꩻ ဗာႏ”ပအိုဝ်ႏသဒ္ဒါႏ-ပအိုဝ်ႏသဒ္ဒ”နဝ်ꩻသွူ။\nငဝ်း (၂)မျိုꩻ\n(၁)\tပဒသဒ္ဒ\t-\tပွုဒ်ငဝ်း\n(၂)\tဝါကျသဒ္ဒ\t-\tဝါကျငဝ်း\n\nပွုဒ်-အဓိပ္ပဲယ်ႏ\n\tအဓိပ္ပဲယ်ႏပငါပရာꩻ ကအဝ်ႏထွူဒါႏလဲဉ်း နာမ်ႏပွုဒ် ကြိယာႏပွုဒ် ဖုံႏ ပငါပရာꩻကရိုꩻဒါႏ ပွုဒ်တပွုဒ်စီႏငဝ်းတငွါစီႏ (Unit of speech) ယို\nဟဲ့ꩻဗာႏ”ပွုဒ်-ပဒ” (Word)နဝ်ꩻသွူ။\nပွုဒ် (၂)မျိုꩻ\n(၁)\tနာမပဒ\t-\tနာမ်ႏပွုဒ်\n(၂)\tကြိယာပဒ\t-\tကြိယာႏပွုဒ်\n\nတောင်ꩻသေꩻ။  ။ ပါဠိဘာႏသာႏကို ပါတွမ်ႏဥပသာရပွုဒ်၊ နိပါတပွုဒ်-ယိုနီမျိုꩻတဲင် ပွုဒ်အဝ်ႏ(၄)မျိုꩻသွူ၊ ကွယ်ႏတွော့ꩻ နီပအိုဝ်ႏဘာႏသာႏကို ဥပသာရပွုဒ် \nနဝ်ꩻ အဲဉ်ထဝ်း၊ နိပါတ်ပွုဒ်လဲ့ အဝ်ႏဆေ့ꩻငါႏ၊ အဝ်ႏဒျာႏ “ပဒပူရဏ-ပွုဒ် ဗွေအီအတာႏ\/ ဝါစာသိလိဋ္ဌ-ငဝ်းပြေချောꩻအွီႏနွိုးအီတာႏ”ငဝ်းလွိုငဝ်း ပိုႏဖုံႏလွုမ်ꩻ၊ ကထွာဒါႏ ဂရဟာပသံသာအနက် သမုစ္စယအနက် သန္နိဋ္ဌာန အနက်-စဒါႏအနက်ဖုံႏယို ကအွဉ်ႏနယ်ဖေႏဒါႏ ငဝ်းသင်္ကေႏတဖုံႏယို မဉ်ႏ ရိုꩻနိပါတ်ပွုဒ်နဝ်ꩻ လꩻနွောင်ꩻဒျာႏလဲ့ အုံရောꩻညီꩻဒျာႏ တွမ်ႏနာမ်ႏပွုဒ်တဲင် ပေါင်ꩻသော့ꩻရောꩻညီꩻနွောင်ꩻဒျာႏ တွမ်ႏနာမ်ႏပွုဒ်၊ မဉ်ႏပေါင်ꩻရောꩻညီꩻ တွမ်ႏနာမ်ႏပွုဒ်နဝ်ꩻ ပွုဒ်မျိုꩻဖုံႏလဲ့ဆေ့ꩻထိုꩻဗာႏ၊ မတ်အီအတာႏ သေနာႏအီ အတွက်လဲ့ ယိုꩻထိုꩻမွေးနဝ်ꩻမꩻ အွဉ်ႏကုဲင်ထိုꩻဗာႏ နိပါတ်ပွုဒ်သွူ။\n\nနာမ်ႏပွုဒ်တွမ်ႏကြိယာႏပွုဒ်-နီမျိုꩻယိုနဝ်ꩻ နီပအိုဝ်ႏငဝ်းဟောရကို အရေꩻတန်ငါႏ\/သွုံꩻ-ဒေါ့ꩻ-တဲမ်းဗာႏတသေႏသေႏတဲင် ယံဖေႏကသေနာႏ စဲင်းစဲင်းလွဝင်ꩻ နာမ်ႏတွမ်ႏကြိယာႏအကျောင်ꩻခရာႏအတာႏ ပအိုဝ်ႏ သဒ္ဒါႏလိတ်စောင်ႏယို တဲမ်းနယ်ဗာႏ နာမ်ႏပွုဒ်တွမ်ႏကြိယာႏပွုဒ် နီမျိုꩻ လွုမ်ꩻသွူ။\n\nနာမ်ႏ၊ ကြိယာႏ အဓိပ္ပာယ်ႏ\n\nနာမ်ႏ-အဓိပ္ပဲယ်ႏ\n\tပုဂ္ဂိုလ်ႏ’ ဝတ္ထု’ဓမ္မ-စဒါႏ အမဉ်ꩻအမျိုꩻမျိုꩻ (A name of person, thing, dhamma.etc)ဖုံႏယို ကွပ်စွဉ်ႏခွေသီနီနာꩻ သေနာႏအီနွောင်ꩻ အနက် (သဖော်ꩻတရာꩻ)ဖုံႏနဝ်ꩻမꩻ ဟဲ့ꩻဗာႏ “နာမ်ႏ(Noun)”နဝ်ꩻသွူ။\n\tအမဉ်ꩻအမျိုꩻမျိုꩻဖုံႏယို ကဟောꩻနယ်ဖေႏဒါႏပွုဒ်ဖုံႏယိုလဲ့ ဟဲ့ꩻဗာ��� “နာမ်ႏပွုဒ်”နဝ်ꩻသွူ။\nပွုံႏစံႏ\n\tလိုꩻ၊ လူꩻ၊ လိုꩻခို၊ လိုꩻမူႏ၊ ခွန်ထွန်း၊ နင်ꩻနု။ (ပုဂ္ဂိုလ်ႏ)\n\tဒဲဉ်၊ ဟန်ႏအို၊ ခဲဉ်ႏ၊ တသာႏ၊ ကံသေင်ႏ(ခဲတံ)၊ ကံထီ(ဘောပဲဉ်)\n(ဝတ္ထု)\n\tသꩻ၊ စေႏတနာႏ၊ သဒ္ဓါႏ၊ ပညာႏ၊ သတိꩻ၊ လောဘ၊ ဒေါသ၊ မောဟ (ဓမ္မ)\n\nကြိယာႏ-အဓိပ္ပဲယ်ႏ\nပုဂ္ဂိုလ်ႏတဖြာꩻဖြာꩻ၊ ဝတ္ထုတမျိုꩻမျိုꩻ ကထွာကမာꩻ ကခံႏစာꩻဗာႏ ကပေါႏထန်ႏလွဉ်ဒါႏ အပွုံႏအငုဲင်ꩻအလွိုး အမူအယာဖုံႏအစွိုးစွိုး (How someone or something happens, Acts, Feels.etc) ယို ဟဲ့ꩻဗာႏ ”ကြိယာႏ”(Verb)နဝ်ꩻသွူ။\nပွုံႏစံႏ\n\tမာꩻ၊ အံႏ၊ လွေꩻ၊ ထင်ႏ၊ ဖေႏ၊ လူႏ၊ ထူႏ၊ ကွီ၊ ခံႏစာꩻ(ကြိယာႏလိုႏ ကံႏ)\n\tထွာ၊ ဗေင်ႏ၊ အုံ၊ ဖညာꩻ၊ လွစ်ထန်ႏ (ကြိယာႏလိုႏတဝ်းကံႏ)\n\nတောင်ꩻသေꩻ - နာမ်ႏအမျိုꩻမျိုꩻတွမ်ႏ ကြိယာႏအမျိုꩻမျိုꩻ အကျောင်ꩻခရာႏဖုံႏယို မဉ်ႏတွိုႏနိဒ္ဒေသအခန်ꩻကိုမꩻ အီႏအွဉ်ႏနယ်လွေꩻဖေႏစွုမ်ႏစွုမ်ႏသွူ။\n\nဝါကျ အဓိပ္ပာယ်ႏ\n\nဝါကျ-အဓိပ္ပဲယ်ႏ\nအဓိပ္ပဲယ်ႏပငါပရာꩻ ကအဝ်ႏထွူဒါႏလဲဉ်း နာမ်ႏပွုဒ်တွမ်ႏကြိယာႏ ပွုဒ်ဖုံႏယို စုခြွဉ်းပေါင်ꩻညီꩻဝင်ꩻတဲင် အဓိပ္ပါယ်ႏကထန်ႏညီꩻသွိုဗာႏဒါႏ ပွုဒ် အပေါင်ꩻ (Group of words)ယို ဟဲ့ꩻဗာႏ “ဝါကျ=ဝါကျ(Sentence)” နဝ်ꩻသွူ။\n\nဝါကျ (၂)မျိုꩻ\n(၁)\tသာမည(အသမ္ဗန္ဓ)ဝါကျ\t-\tဝါကျရိုꩻရိုꩻ\/အသွုပ်ပါ \nတဝ်းဝါကျ (Simple\nSentence)\n(၂)\tသမ္ဗန္ဓဝါကျ\t\t\t-\tဝါကျသွုပ်\/အသွုပ်ပါ\nဝါကျ (Complex\nSentence)\n\nသာမညဝါကျ-အဓိပ္ပဲယ်ႏ ကရိုꩻနဝ်ꩻ ကတ္တား’ ကံႏ-စဒါႏနာမ်ႏပွုဒ်တွမ်ႏ ဝုဲင်ႏ’လူႏ-စဒါႏကြိယာႏပွုဒ်ဖုံႏ လဲ့ပါ စွုမ်ႏ၊ အဓိကသဖောꩻ\/အဓိပ္ပဲယ်ႏလဲ့ ကဗွေစွုမ်ႏလဲဉ်းဒါႏ (ဝါကျ သွုပ်တ ပါသော့ꩻရောꩻတဝ်း)ဝါကျမျိုꩻယို ဟဲ့ꩻဗာႏ “သာမညဝါကျ-ဝါကျ ရိုꩻရိုꩻ (SimpleSentence) သွူ။\n(တနယ်ꩻ) အဝ်ႏပဓာနဝါကျတမျိုꩻလွုမ်ꩻတဲင် အပဓာနဝါကျ (ဝါကျသွုပ်) တပါတဝ်းဝါကျမျိုꩻယို ဟဲ့ꩻဗာႏ “အသမ္ဗန္ဓဝါကျ-အသွုပ်ပါ တဝ်းဝါကျ”သွူ။\n\nသာမညဝါကျ (၆)မျိုꩻ\n(၁)\tကတ္တုဝါကျ (ကတ္တားဝါကျ)\t=\tကတ္တားပွုဒ်ကပါသော့ꩻဒါႏ \nဝါကျ\n(၂)\tကမ္မဝါကျ (ကံႏဝါကျ)\t\t=\tကံႏပွုဒ်ကပါသော့ꩻဒါႏ\nဝါကျ\n(၃)\tကရဏဝါကျ(ကရဏဝါကျ)\t=\tကရဏပွုဒ်ကပါသော့ꩻဒါႏ ဝါကျ\n(၄)\tသမ္ပဒါနဝါကျ(သမ္ပဒါန်ႏဝါကျ)=\tသမ္ပဒါန်ႏပွုဒ်ကပါသော့ꩻ\nဒါႏဝါကျ\n(၅)\tအပါဒါနဝါကျ(အပါဒါန်ႏဝါကျ)=\tအပါဒါန်ႏပွုဒ်ကပါသော့ꩻ\nဒါႏဝါကျ\n(၆)\tဩကာသဝါကျ(ဩကာသဝါကျ)=\tဩကာသပွုဒ်ကပါသော့ꩻဒါႏဝါကျ\n\nတောင်ꩻသေꩻ - သာမညဝါကျ-ယို “ကာရကဝါကျ”နုဲင်းယိုလဲ့ ဟဲ့ꩻနွောင်ꩻဒျာႏ သွူ။\nပွုံႏစံႏ\n(က)\tခွေ\tအံႏ\tဒဲဉ်\tသွူ။ (ကတ္တားဝါကျ\/ကံႏဝါကျ)\n( ခ )\tခွန်ထွန��း\tဝုဲင်ႏ\tဖရာꩻ\tသွူ။(ကတ္တားဝါကျ\/ကံႏဝါကျ)\n( ဂ )\tနင်ꩻနု\tလူႏ\tဖရာꩻ\tကဝ်ႏ\tသွူ။\n\t(ကတ္တားဝါကျ\/သမ္ပဒါန်ႏဝါကျ\/ကံႏဝါကျ)\n(ဃ)\tခွေ\tအဝ်ႏဝေင်ꩻမန္တလေꩻ\tသဲင်ꩻလွဉ်\tသွူ။\n\t(ကတ္တားဝါကျ\/အပါဒါန်ႏဝါကျ)\n( င )\tခွေ\tအုံ\tဝေင်ꩻတောင်ႏကီꩻကို\tသွူ။\n\t(ကတ္တားဝါကျ\/ဩကာသဝါကျ)\nတောင်ꩻသေꩻ -\n\tဝါကျမုဲင်ꩻကိုတယဝ်း ဝါကျယို(၆)မျိုꩻအကို အီႏလွစ်ကင်ꩻထိုꩻ တွမ်ႏတမျိုꩻမျိုꩻ အဲဉ်ထဝ်းရင်ꩻသွူꩻ ပါသော့ꩻညီꩻဝါကျယို(၆)မျိုꩻကိုလွဉ်း လွဉ်းသွူ။\n\tဝါကျတွိုင်ꩻကို ကတ္တားပွုဒ် အဝ်ႏပါသော့ꩻနွောင်ꩻတသေႏသေႏ တဲင် “ကတ္တားဝါကျ”အမဉ်ꩻယို အဝ်ႏလꩻနွဗာင်ꩻတသေႏသေႏ စွုမ်ႏ ထွောင်းထွောင်းသွူ။\n\tကွပ်နဝ်ꩻမꩻ ဝါကျတဗာႏကိုယို လꩻနွောင်ꩻအမဉ်ꩻနီသွံမျိုꩻ၊ ကံႏပွုဒ် \/ကရဏပွုဒ်\/သမ္ပဒါန်ႏပွုဒ်\/အပါဒါန်ႏပွုဒ်\/ဩကာသပွုဒ်-ပွုဒ်မုဲင်ꩻတရိုꩻ တဝ်း မဉ်ႏပါသော့ꩻညီꩻလဲ့ ကံႏဝါကျ\/ကရဏဝါကျ\/သမ္ပဒါန်ႏဝါကျ\/အပါ ဒါန်ႏဝါကျ\/ဩကာသဝါကျ-ဆဲင်ႏရာꩻအမဉ်ꩻနုဲင်းယိုဖုံႏလဲ့ လꩻနွောင်ꩻဝင်ꩻ ဆဲင်ႏရာꩻခင်ႏလမ်းကိုဖုံႏသွူ။\n\nသမ္ဗန္ဓဝါကျ-အဓိပ္ပဲယ်ႏ\nအပဓာနဝါကျတွမ်ႏပဓာနဝါကျနီဗာႏလွုမ်း ကပါသော့ꩻဒါႏဝါကျ မျိုꩻ(ဝါ) အပဓာနဝါကျတွမ်ႏ ပဓာနဝါကျနီဗာႏလွုမ်းမဉ်ႏပါမꩻ ကရေႏမိုး ဒါႏ အဓိပ္ပဲယ်ႏဗွေစွုမ်ႏတဲင် အပဓာနဝါကျတွမ်ႏ ပဓာနဝါကျ နီဗာႏက အဝ်ႏသွုပ်ညီꩻဒါႏဝါကျမျိုꩻယို ဟဲ့ꩻဗာႏ “သမ္ဗန္ဓဝါကျ-ဝါကျသွုပ် (Com plexSentence)နဝ်ꩻသွူ။\nပွုံႏစံႏ\n(၁)\tခွေမဉ်ႏအောင်ႏလိတ်တန်ꩻတဆီနဝ်ꩻ \n\t(အပဓာနဝါကျ(လက္ခဏဝါကျသွုပ်)\n\tခွေအီႏထင်ႏသွုပ်ယင်းတက္ကသိုလ်ႏသွူ။ (ပဓာနဝါကျ)\n(၂)\tကွပ်စွဉ်ႏခွေအောင်ႏလိတ်တန်ꩻတဆီနဝ်ꩻမꩻ (အပဓာနဝါကျ(လက္ခဏဝါကျသွုပ်)\n\tခွေထင်ႏသွုပ်ဗာႏယင်းတက္ကသိုလ်ႏသွူ။(ပဓာနဝါကျ)\n(၃)\tယံဖေႏခွေသွဉ်းကလꩻဗာႏမဂ်ဖိုလ်ႏနိဗ္ဗာန်ႏအတာႏ  (အပဓာနဝါကျ(လက္ခဏဝါကျသွုပ်)\n\tခွေသွဉ်းလူႏဗာႏဗွေႏသံႏဃာႏသီးသင်္ကန်ꩻဖုံႏသွူ။(ပဓာနဝါကျ)\n\nအပဓာနဝါကျ-အဓိပ္ပဲယ်ႏ\nသမ္ဗန္ဓဝါကျ(ဝါကျသွုပ်)အကို ကတ္တား’ကံႏ-စဒါႏနာမ်ႏပွုဒ်တွမ်ႏ ကြိယာႏပွုဒ်ဖုံႏပါစွုမ်ႏဒျာႏ၊ ကွယ်ႏတွော့ꩻ အဓိကသဖောꩻ\/အဓိပ္ပဲယ်ႏတ ဗွေစွုမ်ႏတဝ်းဒွုန်း၊ ငဝ်းတသွတ်ꩻတဝ်းဒွုန်း၊ ငဝ်းသွုပ်ခရာႏအဝ်ႏနေဒွုန်း ဒါႏ ဝါကျမျိုꩻယို(ဝါ) အပဓာနကြိယာႏကပါသော့ꩻဒါႏ ဝါကျမျိုꩻယို ဟဲ့ꩻ \nဗာႏ (Suborsinale Clause or Non-Main Part of Sentence)”သွူ။\nပွုံႏစံႏ\n=\tခွေသွဉ်း\tမဉ်ႏအောင်ႏ\tလိတ်တန်ꩻတဆီနဝ်ꩻ\t----------။\n\tကတ္တား\t\tကြိယာႏ\t\tကံႏ\n=\tကွပ်စွဉ်ႏ\tခွေ\tအောင်ႏ\tလိတ��တန်ꩻတဆီနဝ်ꩻမꩻ--။\n\t\t\tကတ္တား\tကြိယာႏ\t\tကံႏ\n=\tယံဖေႏ\t ခွေသွဉ်း ကလꩻဗာႏ\tမဂ်ဖိုလ်ႏနိဗ္ဗာန်ႏအတာႏ---။\n\t\tကတ္တား\t\tကြိယာႏ\t\tကံႏ\nပဓာနဝါကျ-အဓိပ္ပဲယ်ႏ\nသမ္ဗန္ဓဝါကျ(ဝါကျသွုပ်)အကို ကတ္တား ကံႏ-စဒါႏနာမ်ႏပွဒ်တွမ်ႏ ကြိယာႏပွုဒ်ဖုံႏလဲ့ ပါစွုမ်ႏဒျာႏ၊ အပဓာနဝါကျတပါတဝ်းလဲ့ (မဉ်ႏအွဉ်ႏ ကုဲင်ထိုꩻ အပဓာနဝါကျလဲ့) အဓိကသဖောꩻ\/အဓိပ္ပဲယ်ႏအဝ်ႏဗွေစွုမ်ႏဒျာႏ၊ ငဝ်းလဲ့သွတ်ꩻထိုꩻလဲဉ်းဒါႏ၊ သွုပ်ခရာႏငဝ်းလဲ့ တအဲဉ်ထဝ်းဒွုမ်ဒါႏ ဝါကျ မျိုꩻယို (ဝါ) ပဓာနိကြိယာႏကပါသော့ꩻဒါႏ ဝါကျမျိုꩻယို ဟဲ့ꩻဗာႏ “ပဓာနဝါ ကျ (Principal Clause or Main Part of Sentence)”နဝ်ꩻသွူ။\nပွုံႏစံႏ\n=\tခွေ\tအီႏထင်ႏသွုပ်ယင်း\tတက္ကသိုလ်ႏသွူ။ \n\tကတ္တား\tကြိယာႏ\t\t\tကံႏ\n=\tခွေ\tထင်ႏသွုပ်ဗာႏယင်း\tတက္ကသိုလ်ႏသွူ။ \nကတ္တား\tကြိယာႏ\t\t\tကံႏ\n=\tခွေသွဉ်း လူႏဗာႏ  ဗွေႏသံႏဃာႏသီး\tသင်္ကန်ꩻဖုံႏသွူ။\n ကတ္တား\tကြိယာႏ\t\tသမ္မဒါန်ႏ\t\tကံႏ\n\nတောင်ꩻသေꩻ - အပဓာနဝါကျတွမ်ႏ ပဓာနဝါကျ-ယိုနီဗာႏလွုမ်းမဉ်ႏပါနဝ်ꩻ ဟဲ့ꩻ ဗာႏ “သမ္ဗန္ဓဝါကျ-ဝါကျသွုပ်”တဲင် မဉ်ႏအဝ်ႏဒျာႏ ပဓာနဝါကျတဗာႏ လွုမ်ꩻနဝ်ꩻ ဟဲ့ꩻဗာႏ “သာမညဝါကျ-(အသမ္ဗန္ဓဝါကျ-အသွုပ်ပါတဝ်း ဝါကျ)”သွူ။\n\nသမ္ဗန္ဓဝါကျ(ဝါကျသွုပ်)အမျိုꩻမျိုꩻ-\n(၁)\tဟေတုဝါကျသွုပ်\n(၂)\tလက္ခဏဝါကျသွုပ်\n(၃)\tတုမတ္ထဝါကျသွုပ်\n(၄)\tအညဝါကျသွုပ်\n(၅)\tအာဒရိယာနာဒရိယဝါကျသွုပ်\n(၆)\tဝိသေသနဝါကျသွုပ်\n(၇)\tဂရဟာပသံသာဝါကျသွုပ်\n(၈)\tအစ္စန္တဝါကျသွုပ်\n(၉)\tသမုစ္စယဝါကျသွုပ်\n(၁၀)\tအညဝါကျသွုပ်\n(၁၁)\tသဗ္ဗဝါကျသွုပ်-စဒါႏနုဲင်းယိုဖုံႏသွူ။\n\nတောင်ꩻသေꩻ - နာမ်ႏဝါကျသွုပ်အမျိုꩻမျိုꩻဆဲင်ႏရာꩻ သဖောꩻတရာꩻတွမ်ႏပွုံႏစံႏဖုံႏ \nယိုလဲ့ အီႏအွဉ်ႏနယ်လွေꩻဒျာႏ နိဒ္ဒေသအခန်ꩻ ဆဲင်ႏရာꩻနာမ်ႏဖုံႏကိုသွူ။\n\nကာႏလ (၃)ပါꩻ\n(၁)\tပစ္စုပ္ပန်ႏကာႏလ\t=\tPresent Tense\n(၂)\tအတိတ်ကာႏလ\t=\tPast Tense\n(၃)\tအနာဂတ်ကာႏလ\t=\tFuture Tense\n\nတောင်ꩻသေꩻ - ဝါကျတဗာႏအကို ကြိယာႏပွုဒ်အတာႏ ကာႏလ (Tense)အဝ်ႏ (၃)မျိုꩻ၊ ဝုစ် (Number) အဝ်ႏ(၂)မျိုꩻတဲင် နာမ်ႏပွုဒ်အတာႏ အဝ်ႏဒျာႏဝုစ် (၂)မျိုꩻလွုမ်ꩻ၊ ကာႏလ(၃)မျိုꩻ တအဝ်ႏတဝ်းသွူ။\n\n(၁) ပစ္စုပ္ပန်ႏကာႏလ\nပစ္စုပ္ပန်ႏကာႏလ-အဓိပ္ပဲယ်ႏ\n\tအဝ်ႏထွာတွင်ꩻ၊ အဝ်ႏမာꩻတွင်ꩻ အခိန်ႏကာႏလ (ယိုခါခဲ့ꩻခဲ့ꩻ)ယို ဟဲ့ꩻ ဗာႏ  “ပစ္စုပ္ပန်ႏကာႏလ (Present Tense)”သွူ။\nပစ္စုပ္ပန်ႏ-သင်္ကေႏတ\n(က)\tအဝ်ႏ----\t\t( ခ )\t-------တွင်ꩻ\n( ဂ )\tအဝ်ႏ-----တွင်ꩻ\t(ဃ)\tသင်္ကေႏတပါတဝ်းတမျိုꩻမျိုꩻ\nသင်္ကေႏတ-ခင်ႏလမ်း\n(က)\t“အဝ်ႏ------\"နဝ်ꩻ အုံကတ္တားဆꩻချာ\/ကြိယာႏဆꩻငါ (ကတ္တား \nတွမ်ႏကြိ��ာႏအခါႏကို)သွူ။\n( ခ )\t“------တွင်ꩻ”နဝ်ꩻ အုံဝါကျအဆုဲင်ꩻသွတ်ꩻကိုသွူ။\nပွုံႏစံႏ\n(က)\t=\tခွန်ထွန်း\tအဝ်ႏ\tထွာ\tဒုံလိုꩻတန်\tသွူ။\n\t\tပကတိကတ္တား\tသင်္ကေႏတ\tကြိယာႏ\tဝိကတိကတ္တား\n\t=\tခွေ\tအဝ်ႏ\tအံႏ\tဒဲဉ်\tသွူ။\n\t\tကတ္တား\tသင်္ကေႏတ\tကြိယာႏ\tကံႏ\n\t=\tဗွေႏစင်ꩻ\tအဝ်ႏ\tဟောꩻ\tတရာꩻ\tသွူ။\n\t\tကတ္တား\t\tသင်္ကေႏတ\tကြိယာႏ\tကံႏ\n\t=\tဗွေႏသျင်ႏ\tအဝ်ႏ\tဒေါ့ꩻ\tလိတ်\tသွူ။\n\t\tကတ္တား\t\tသင်္ကေႏတ\tကြိယာႏ\tကံႏ\n\nတောင်ꩻသေꩻ -\n\t“---အဝ်ႏ” ပစ္စုပ္ပန်ႏသင်္ကေႏတယိုနဝ်ꩻ မဟာနီꩻ\/မစာႏနီꩻ-စဒါႏ အတိတ်ကာႏလအနက်ယို ကꩻဟောꩻဒါႏပွုဒ်ဖုံႏ မဉ်ႏအဝ်ႏပါနဝ်ꩻ ထွာထိုꩻ ဒျာႏ အတိတ်သင်္ကေႏတတဲင် ပစ္စုပ္ပန်ႏသင်္ကေႏတ တမွေးတဝ်းဒွုမ်သွူ။\n=\tမဟာနီꩻ\tခွေ\tအဝ်ႏအုံဒျာႏ\tခွေသွꩻပေႏ-ခွန်ထွန်းလမ်း ကို တနီꩻလွုမ်းလွုမ်းသွူ။\n=\tမစာႏနီꩻ သွꩻပေႏ-ခွန်ထွန်း\tအဝ်ႏအုံဒျာႏ\tခွေလမ်းကို တနီꩻ\nလွုမ်းလွုမ်းသွူ။\n( ခ )\t=\tခွန်ထွန်း\tထွာ\tဒုံလိုꩻတန်\tတွင်ꩻ\tသွူ။\n\t\tကတ္တား\t\tကြိယာႏ\tဝိသေသန\t\tသင်္ကေႏတ\n\t=\tခွေ\tအံႏ\tဒဲဉ်\tတွင်ꩻ\tသွူ။\n\t\tကတ္တား\tကြိယာႏ\tကံႏ\tသင်္ကေႏတ\n\t=\tဗွေႏစင်ꩻ\tဟောꩻ\tတရာꩻ\tတွင်ꩻ\tသွူ။\n\t\tကတ္တား\t\tကြိယာႏ\tကံႏ\tသင်္ကေႏတ\n\t=\tဗွေႏသျင်ႏ\tဒေါ့ꩻ\tလိတ်\tတွင်ꩻ\tသွူ။\n\t\tကတ္တား\t\tကြိယာႏ\tကံႏ\tသင်္ကေႏတ\n( ဂ )\t= \tခွန်ထွန်း အဝ်ႏ\tထွာ\tဒုံလိုꩻတန်\tတွင်ꩻ\tသွူ။\n\t\tပကတိကတ္တား\tသင်္ကေႏတ\tကြိယာႏ\tဝိကတိကတ္တား\tသင်္ကေႏတ\n\t= \tခွေ\tအဝ်ႏ\tအံႏ\tဒဲဉ်\tတွင်ꩻ\tသွူ။\n\t= \tဗွေႏစင်ꩻ\tအဝ်ႏ\tဟောꩻ\tတရာꩻ\tတွင်ꩻ\tသွူ။\n\t= \tဗွေႏသျင်ႏ\tအဝ်ႏ\tဒေါ့ꩻ\tလိတ်\tတွင်ꩻ\tသွူ။\n(ဃ)\t=\tခွန်ထွန်း\tထွာ\tဒုံလိုꩻတန်\tသွူ။\n\t\tပကတိကတ္တား\tကြိယာႏ\tဝိကတိကတ္တား\n\t= \tခွေ\t\tအံႏ\tဒဲဉ်\tသွူ။\n\t= \tဗွေႏစင်ꩻ\tဟောꩻ\tတရာꩻ\tသွူ။\n\t= \tဗွေႏသျင်ႏ\tဒေါ့ꩻ\tလိတ်\tသွူ။ (သင်္ကေႏတပါတဝ်း)\n\nတောင်ꩻသေꩻ -\n\t(က) “သွူ”ကရိုꩻဒါႏငဝ်းယိုနဝ်ꩻ ယံဖေႏငဝ်းကပြေချောꩻ ကအွီႏ နွိုးအီ(ဝါစာသိလိဋ္ဌ)အတာႏ (တနယ်ꩻ) ယံဖေႏကသေနာႏအီ ငဝ်း\nသွတ်ꩻထိုꩻလဲဉ်း တဝါကျ(နိဂမန)အတာႏ သွုံꩻ\/ဒေါ့ꩻ\/ထဲမ်းဗာႏဒါႏ ငဝ်း\nလွို”ဒျာႏ၊ ဆဲင်ႏလို့ကာလသွံပါꩻလွုမ်း၊ သွုံꩻတသေႏသေႏဗာႏ ဝါကျအ\nဆုဲင်ꩻသွတ်ꩻကိုသွူ။ မဉ်ႏသွုံꩻတွယ်ꩻညီꩻတွမ်ႏ နိယမငဝ်း”နဝ်ꩻ၊ ယို”နဝ်ꩻ\nအငဝ်းထန်ႏ”နဝ်ꩻသွူ၊ ယိုသွူ”နုဲင်းနဝ်ꩻသွူ။ (နိယမအခရာႏယို ထွား\nသွော့ နာမ်ႏအနိယမအခန်ꩻကိုနော)။\n\t( ခ ) ပါဠိသဒ္ဒါႏကိုနဝ်ꩻ ဝိဘတ္တိ(ဝိဘတ်)’ ဝိဘတျတ္ထ(ဝိဘတ်\nအနက်-ယိုနီမျိုꩻအဝ်ႏစွုမ်ႏလို့စွဉ်ႏတဲ့ မန်းသဒ္ဒါႏ၊ ပအိုဝ်ႏသဒ္ဒါႏ-စဒါႏသဒ္ဒါႏ\nအမျိုꩻမျိုꩻဖု���ႏကို (ဝိဘတ္တိ)ဖုံႏနဝ်ꩻ တအဲဉ်ထဝ်း၊ အဝ်ႏဒျာႏ ဝိဘတျတ္ထ(ဝိ \nဘတ်အနက်\/သင်္ကေႏတ)ဖုံႏလွုမ်ꩻသွူ။\n\tပါဠိသဒ္ဒါႏကိုကသွုံꩻဒါႏ “ဝိဘတျတ္ထ(ကတ္တုတ္ထ၊ ကမ္မတ္ထာဒိ)”၊ မန်း\nသဒ္ဒါႏကသွုံꩻဒါႏ “ဝိဘတ်အနက်\/သင်္ကေႏတ(သည်၊ ကို-စသည်)”ဖုံႏနဝ်ꩻ\nပအိုဝ်ႏသဒ္ဒါႏ လိတ်စောင်ႏကိုယို သွုံꩻခါꩻ “သင်္ကေႏတ(နဝ်ꩻ၊ ယို-စတဲင်\nနုဲင်းနဝ်ꩻ)ဖုံႏသွူ။\n\tကွပ်နဝ်ꩻမꩻ ပအိုဝ်ႏသဒ္ဒါႏလိတ်ကျမ်ꩻကို သွုံꩻတဝ်းအမဉ်ꩻ\n“ဝိဘတ်”၊ သွုံꩻဒျာႏအမဉ်ꩻ “သင်္ကေႏတ”နုဲင်းနဝ်ꩻသွူ။\n\n(၂) အတိတ်ကာႏလ\nအတိတ်ကာႏလ-အဓိပ္ပဲယ်ႏ\n\tထွာထွူလဲဉ်း မာꩻထွူလဲဉ်းအခိန်ႏကာႏလ(နဝ်ꩻဟွဉ်ႏ၊ မဟာ၊ မစာႏ၊ ကလဲဉ်းခိုႏချာ)ယို ဟဲ့ꩻဗာႏ “အတိတ်ကာႏလ(Past Tense)”သွူ။\nအတိတ်-သင်္ကေႏတ\n(က)\t----ဖို\t\t( ခ )\t-------လဲဉ်း\n( ဂ )\t-----ဖိုလဲဉ်း\t(ဃ)\t---------- ထွူလဲဉ်း\nသင်္ကေႏတ-ခင်ႏလမ်း\n(က\/ခ\/ဂ)\t“-----ဖို\/----လဲဉ်း\/----ဖိုလဲဉ်း”နဝ်ꩻ အုံကြိယာႏဆꩻချာ။\n(ဃ)\t\t“----ထွူလဲဉ်း”နဝ်ꩻ\n\t၁။\tသာမညဝါကျကို - အုံကြိယာႏဆꩻချာ ၊\n၂။\tဝါကျကတ္တားကို - အုံဝါကျကတ္တားဆꩻချာ၊ (ဝါ) အုံဝါကျ \nအဆုဲင်ꩻသွတ်ꩻသွူ။\nပွုံႏစံႏ\n(က)\t=\tခွန်ထွန်း\tထွာ\tဖို\tဒုံလိုꩻတန်\tသွူ။\n\t\tပကတိကတ္တား\tကြိယာႏ \tသင်္ကေႏတ\t\tဝိကတိကတ္တား\n\t=\tခွေ\tအံႏ\tဖို\tဒဲဉ်\tသွူ။\n\t\tကတ္တား\tကြိယာႏ\tသင်္ကေႏတ\tကံႏ\n\t=\tဗွေႏစင်ꩻ\tဟောꩻ\tဖို\tတရာꩻ\tသွူ။\n\t\tကတ္တား\t\tကြိယာႏ \tသင်္ကေႏတ\t\tကံႏ\n\t=\tဗွေႏသျင်ႏ\tဝုဲင်ႏ\tဖို\tဖရာꩻက္ကူႏ\tသွူ။\n\t\tကတ္တား\t\tကြိယာႏ\tသင်္ကေႏတ\t\tကံႏ\n( ခ )\t=\tခွန်ထွန်း\tထွာ\tလဲဉ်း\tဒုံလိုꩻတန်\tသွူ။\n\t\tကတ္တား\t\tကြိယာႏ\tဝိသေသန\t\tသင်္ကေႏတ\n\t=\tခွေ\tအံႏ\tလဲဉ်း\tကဝ်ႏရာႏ သွူ။\n\t\tကတ္တား\tကြိယာႏ\tကံႏ\tသင်္ကေႏတ\n\t=\tဗွေႏစင်ꩻ\tဟောꩻ\tလဲဉ်း\tတရာꩻ\tသွူ။\n\t\tကတ္တား\t\tကြိယာႏ\tကံႏ\tသင်္ကေႏတ\n\t=\tဗွေႏသျင်ႏ\tဝုဲင်ႏ\tလဲဉ်း\tဖရာꩻကက္ကူႏ\tသွူ။\n\t\tကတ္တား\t\tကြိယာႏ\tကံႏ\tသင်္ကေႏတ\n( ဂ )\t= \tခွန်ထွန်း \tထွာ ဖိုလဲဉ်း\tဒုံလိုꩻတန်\tသွူ။\n\t\tပကတိကတ္တား\tသင်္ကေႏတ\tကြိယာႏ\tဝိကတိကတ္တား\tသင်္ကေႏတ\n\t= \tခွေ\tအံႏ\tဖိုလဲဉ်း\t\tကဝ်ႏရာႏ\tသွူ။\n\t= \tဗွေႏစင်ꩻ\tဟောꩻဖိုလဲဉ်း\tတရာꩻ\tသွူ။\n\t= \tဗွေႏသျင်ႏ\tဝုဲင်ႏ ဖိုလဲဉ်း\tဖရာꩻကက္ကူႏ\tသွူ။\n(ဃ\/၁)\t=\tခွန်ထွန်း\tထွာ\tထွူလဲဉ်း ဒုံလိုꩻတန်\tသွူ။\n\t\tပကတိကတ္တား\tကြိယာႏ\tဝိကတိကတ္တား\n\t= \tခွေ\tအံႏထွူလဲဉ်း\tကဝ်ႏရာႏ\tသွူ။\n\t= \tဗွေႏစင်ꩻ\tဟောꩻထွူလဲဉ်း\tတရာꩻ\tသွူ။\n\t= \tဗွေႏသျင်ႏ\tဝုဲင်ႏထွူလဲဉ်း\tဖရာꩻ\tသွူ။\n(ဃ\/၂)\t=\tခွန်ထွန်း\tထွာ ဒုံလိုꩻတန်\tထွူလဲဉ်း\tသွူ။\n\t\tပကတိကတ္တား\tကြိယာႏ\tဝိကတိကတ္တား\n\t= \tခွေ\tအံႏ\tကဝ်ႏရာႏ ထွူလဲဉ်း\tသွူ။\n\t= \tဗွေႏစင်ꩻ\tဟောꩻ တရာꩻ\tထွူလဲဉ်း သွူ။\n\t= \tဗွေႏသျင်ႏ\tဝုဲင်ႏ ဖရာꩻ\tထွူလဲဉ်း သွူ။\n\nတောင်ꩻသေꩻ-\n၁။\tဝါကျကတ္တားကို ကသွုံꩻဒါႏ “ထွူလဲဉ်း”ငဝ်းနဝ်ꩻ ဟောꩻဖႏနွောင်ꩻ\n“အတိတ်ကြိယာႏအနေႏတွမ်ႏ အတိတ်သင်္ကေႏတအနေႏ”နီမျိုꩻလွုမ်း\nသွူ။\n\n\t(တနယ်ꩻ) သာမညဝါကျ(ဃ\/၁)ကို “အတိတ်သင်္ကေႏတအနေႏ”\nကသွုံꩻဗာႏဒါႏ “ထွူလဲဉ်း”ငဝ်းယို ဝါကျကတ္တား(ဃ\/၂)ကို သွုံꩻဗာႏ အ\nတိတ်ကြိယာႏအနေႏ”တဲင် အတိတ်သင်္ကေႏတ သွုံꩻခရာႏလိုႏတဝ်းသွူ။\n\t(ဝါကျကတ္တားအခရာႏယို ထွားသွော့ “နာမ်ႏဝါကျ”ကိုနော။)\n၂။\tအတိတ်သင်္ကေႏတ”ဖို\/ဖိုလဲဉ်း”နီမျိုꩻနဝ်ꩻ သဖောꩻဗွုန်ပီဝင်ꩻ၊ ထွာ\nဖို မာꩻဖိုလဲဉ်းသဖောꩻအဝ်ႏတဲင် “လဲဉ်း\/ထွူလဲဉ်း”နီမျိုꩻနဝ်ꩻ သဖော်ꩻဗွုန်\nပီဝင်ꩻ၊ ထွာထွူ မာꩻထွူလဲဉ်းသဖောꩻအဝ်ႏသွူ။\n\n(၃) အနာႏဂတ်ကာႏလ\nတထွာတဝ်းဒွုန်း ကအီႏထွာဒါႏ၊ တမာꩻတဝ်းဒွုန်း ကအီႏမာꩻဒါႏ၊ တတွိုႏတဝ်းဒွုန်း ကအီႏတွိုႏလွဉ်ဒါႏ အခိန်ႏကာႏလ(ဆင်ႏ၊ မွူးရဝ်ꩻ၊ တရူꩻ၊ ဆုဲင်ꩻခါ)ယို ဟဲ့ꩻဗာႏ “အနာႏဂတ်ကာႏလ(future Tense)”သွူ။\n\nအနာႏဂတ်-သင်္ကေႏတ\n(က)\tအီႏ----\t\t( ခ )\tမဲ့ꩻ ---------\n( ဂ )\tမဲ့ꩻ----အီႏ---\t\t(ဃ)\tအီႏ\/ဗော့ꩻ-----သွူ\n( င )\tအီႏဗော့ꩻ----သွူ\t( စ )\t---ခန်း\/တွမ်\nတောင်ꩻသေꩻ -\n\t“အီႏ\/ဗော့ꩻ----သွူ” တွမ်ႏ “----ခန်း\/တွမ်” သင်္ကေႏတဖုံႏယို သွုံꩻ ဗာႏ အနာႏဂတ်-ကဗော့ꩻတွမ်ႏပစ္စုပ္ပန်ႏကာႏလကိုလွုမ်ꩻသွူ။\nသင်္ကေႏတ-ခင်ႏလမ်း\n=\t“အီႏ\/ဗော့ꩻ\/အီႏဗော့ꩻ-----“နဝ်ꩻ အုံကတ္တားဆꩻချာ\/ကြိယာႏဆꩻ\nငါ (ကတ္တားတွမ်ႏကြိယာႏအခါႏ)ကို ၊\n=\t“မဲ့ꩻ----“နဝ်ꩻ အုံဝါကျအရီးသွတ်ꩻ\/ ကတ္တားဆꩻငါကိုသွူ။\n=\t“----ခန်း\/တွမ်”ဖုံႏနဝ်ꩻ အုံတသေႏသေႏကြိယာႏဆꩻချာကိုသွူ။ \nပွုံႏစံႏ\n(က)\t=\tခွန်ထွန်း\tအီႏ\tထွာ\tဒုံလိုꩻတန်\tသွူ။\n\t\tပကတိကတ္တား\tကြိယာႏ\tဝိကတိကတ္တား\n\t= \tခွေ\tအီႏ\tအံႏ\tဒဲဉ်\tသွူ။\n\t= \tဗွေႏစင်ꩻ\tအီႏ\tဟောꩻ\tတရာꩻ\tသွူ။\n\t= \tဗွေႏသျင်ႏ\tအီႏ\tဝုဲင်ႏ\tဖရာꩻ\tသွူ။\n( ခ )\t=\tမဲ့ꩻ\tခွန်ထွန်း\tထွာ\tဒုံလိုꩻတန်\tသွူ။\n\t\tပကတိကတ္တား\tကြိယာႏ\tဝိကတိကတ္တား\n\t= \tမဲ့ꩻ\tခွေ\tအံႏ\tဒဲဉ်\tသွူ။\n\t= \tမဲ့ꩻ\tဗွေႏစင်ꩻ\tဟောꩻ\tတရာꩻ\tသွူ။\n\t= \tမဲ့ꩻ\tဗွေႏသျင်ႏ\tဝုဲင်ႏ\tဖရာꩻ\tသွူ။\n( ဂ )\t=\tမဲ့ꩻ\tခွန်ထွန်း\tအီႏ\tထွာ\tဒုံလိုꩻတန် သွူ။\n\t\tပကတိကတ္တား\tကြိယာႏ\tဝိကတိကတ္တား\n\t= \tမဲ့ꩻ\tခွေ\tအီႏ\tအံႏ\tဒဲဉ်\tသွူ။\n\t= \tမဲ့ꩻ\tဗွေႏစင်ꩻ\tအီႏ\tဟောꩻ တရာꩻ\tသွူ။\n\t= \tမဲ့ꩻ\tဗွေႏသျင်ႏ\tအီႏ\tဝုဲင်ႏ\tဖရာꩻ\tသွူ။\n(ဃ)\t=\tခွန်ထွန်း\tဗော့ꩻ ထွာသွူ \tဒုံလိုꩻတန်\tသွူ။\n\t\tပကတိကတ္တား\tကြိယာႏ\tဝိကတိကတ္တား\n\t= \tခွေ\tအီႏ\tအံႏသွူ\t\tဒဲဉ်\tသွူ\n\t= \tဗွေႏစင်ꩻ\tဗော့ꩻဟောꩻသွူ\tတရာꩻ သွူ။\n\t= \tဗွေႏသျင်ႏ\tအီႏ ဝုဲင်ႏ သွူ\tဖရာꩻ\tသွူ။\n( င )\t=\tခွန်ထွန်း  အီႏဗော့ꩻ\tထွာသွူ\tဒုံလိုꩻတန် သွူ။\n\t\tပကတိကတ္တား\tကြိယာႏ\tဝိကတိကတ္တား\n\t= \tခွေ\tအီႏဗော့ꩻ\tအံႏသွူ\tဒဲဉ်\tသွူ။\n\t= \tဗွေႏစင်ꩻ\tအီႏဗော့ꩻ\tဟောꩻသွူ တရာꩻသွူ။\n\t= \tဗွေႏသျင်ႏ\tအီႏဗော့ꩻ  ဝုဲင်ႏသွူ\tဖရာꩻ\tသွူ။\n( စ )\t=\tခွေ\tထွာခန်း\/တွမ်\tဒုံလိုꩻတန်\tသွူ။\n\t=\tခွေ\tအံႏခန်း\/တွမ်\tဒဲဉ်\tသွူ။\n\t=\tခွေ\tဟောꩻခန်း\/တွမ်\tတရာꩻ\tသွူ။\n\t=\tခွေ\tဝုဲင်ႏခန်း\/တွမ်\tဖရာꩻ\tသွူ။\n\nဝုစ် (၂)မျိုꩻ\n(၁)\tဝုစ်တာ (ဧကဝုစ်)\t=\tSingular Number\n(၂)\tဝုစ်အာ (ဗဟုဝုစ်)\t=\tPlural Number\n\n၁။ ဝုစ်တာ (ဧကဝုစ်)\nဝုစ်တာ-အဓိပ္ပဲယ်ႏ\nမဉ်ႏတွက်ထွားနဝ်ꩻ အဝ်ႏတပါꩻ တဖြာꩻ တဗာႏ တမျိုꩻလွုမ်ꩻယို ဟဲ့ꩻဗာႏ “ဝုစ်တာ-ဧကဝုစ် (Singular Number)”သွူ။\n\nဝုစ်တာ-သင်္ကေႏတ\nနာမ်ႏပွုဒ်အတာႏ \t-\tသီး \/ ဖုံႏ ပါဗာႏတဝ်း ။\nကြိယာႏပွုဒ်အတာႏ\t-\tလို့ \/ လွ \/ ဝင်ꩻ ပါဗာႏတဝ်း ။\n\nပွုံႏစံႏ\n(က)\tခွန်ထွန်း\tထွာ\tလꩻဘွဲ့သား\tသွူ။\n( ခ )\tခွေ\tအံႏ\tတခေါ့ꩻရာႏ\tသွူ။\n( ဂ )\tဗွေႏစင်ꩻ\tသွဉ်ဖေႏ\tသျင်ႏပေႏ\tလိတ်သွူ။\n(ဃ)\tဗွေႏသျင်ႏ\tသွဉ်\tလိတ်\tသွူ။\n\n၂။ ဝုစ်တာ (ဗဟုဝုစ်)\nဝုစ်အာ-အဓိပ္ပဲယ်ႏ\n\tမဉ်ႏတွက်ထွားနဝ်ꩻ အဝ်ႏနီပါꩻ နီဖြာꩻ နီဗာႏ နီမျိုꩻမာꩻကီ (အဝ်ႏအာ ပါꩻ၊ အာဖြာꩻ၊ အာဗာႏ၊ အာမျိုꩻ)ယို ဟဲ့ꩻဗာႏ”ဝုစ်အာ-ဗဟုဝုစ် (Plural Number)”သွူ။\nဝုစ်အာ-သင်္ကေႏတ\nနာမ်ႏပွုဒ်အတာႏ \t-\tသီး \/ ဖုံႏ\nကြိယာႏပွုဒ်အတာႏ\t-\tလို့ \/ လွ \/ ဝင်ꩻ\nသင်္ကေႏတ-ခင်ႏလမ်း\n“---သီး\/ဖုံႏ”နဝ်ꩻ အုံနာမ်ႏပွုဒ်ဆꩻချာ\/ ကတ္တား-စဒါႏ နာမ်ႏပွုဒ်ဖုံႏသင်္ကေႏ တဆꩻငါ (နာမ်ႏပွုဒ်တွမ်ႏနာမ်ႏသင်္ကေႏတအခါႏကို)။\n“----လို့\/လွ\/ဝင်ꩻ”နဝ်ꩻ အုံကြိယာႏပွုဒ်ဆꩻချာ ။\nပွုံႏစံႏ\n(က)\tခွန်ထွန်းတွမ်ႏနင်ꩻနုသီးနဝ်ꩻ ထွာလို့\/လွ\/ဝင်ꩻ လꩻဘွဲ့သားဖုံႏသွူ။\n( ခ )\tနီ\/သီ\tအံႏလွ\/ဝင်ꩻ\tတခေါ့ꩻရာႏဖုံႏသွူ။\n( ဂ )\tဗွေႏစင်ꩻသီး\/ဖုံႏ သွဉ်ဖေႏလွ\tသျင်ႏပေႏသီး\tလိတ်ဖုံႏသွူ။\n(ဃ)\tဗွေႏသျင်ႏသီး\tသွဉ်လွ\/ဝင်ꩻ\tလိတ်ဖုံႏ သွူ။\n( င )\tမူႏနံꩻပေႏဖုံႏ\tပူႏဇောႏလွလဲဉ်းဝင်ꩻ\tဖရာꩻ\tမေႏဖုံႏ သွူ။\n( စ )\tခိုဗင်ႏပေႏဖုံႏ\tကပ်လူႏထွူလွလဲဉ်း\tဖရာꩻ သွမ်ꩻတောႏဖုံႏသွူ။\n(ဆ)\tခွန်ထွန်းတွမ်ႏနင်ꩻနုသီး ထွာဗာႏဖိုလွလဲဉ်းဝင်ꩻ ဝင်ꩻခိုဝင်ꩻမူႏဖုံႏ သွူ။\n\nတောင်ꩻသေꩻ - အတိတ်ကြိယာႏကို “ဖိုလဲဉ်း\/ထွူလဲဉ်း”သင်္ကေႏတအတာႏ မဉ်ႏသွုံꩻတွယ်ꩻတွမ်ႏ ဝုစ်အာသင်္ကေႏတ “လွ\/ဝင်ꩻ”နဝ်ꩻ သွုံꩻဗာႏ “ဖိုလွလဲဉ်း\/ဖိုလွလဲဉ်းဝင်ꩻ\/ ထွူလွလဲဉ်း\/ ထွူလွလဲဉ်းဝင်ꩻ” နုဲင်းနဝ်ꩻ��ဲင် “လွ” သင်္ကေႏတယို အွဉ်ႏသော့ꩻဗာႏ အတိတ်သင်္ကေႏတအခါႏကို၊ “ဝင်ꩻ”သင်္ကေႏ\nတယို အွဉ်ႏဗာႏ အတိတ်သင်္ကေႏတ ဆꩻချာဖဲ့ꩻသွူ။\n\n+ \tဒေါ့ꩻ\/တဲမ်းနီပအိုဝ်ႏငဝ်းဖုံႏအကို ပြောင်ꩻလုဲင်ႏဝုစ်တာ+ဝုစ်အာ အတာႏ ကတ္တားတွမ်ႏကြိယာႏ-ယိုနီမျိုꩻနဝ်ꩻ ထွာအဓိကသွူ။\n+\tပကတိကတ္တား+ဝိကတိကတ္တား+ကြိယာႏ-ယိုသိုမ်မျိုꩻလဲ့ ဝုစ် ဗွုန်ပီလို့လို့ဗာႏဝင်ꩻသွူ။\n+\tနိဇ္ဇီဝ-သက်အဲဉ်ထဝ်းနာမ်ႏပွုဒ်အတာႏ နာမ်ႏဝုစ်အာ-သင်္ကေႏတ နီမျိုꩻအကို သွုံꩻအာဒျာႏ “ဖုံႏ”သင်္ကေႏတလွုမ်ꩻသွူ။\n+\tသဇီဝ-သက်အဝ်ႏနာမ်ႏပွုဒ်အတာႏ သွုံꩻလို့”သီး\/ဖုံႏ”သင်္ကေႏတနီ မျိုꩻလွုမ်းသွူ။\n+\t“နီ\/သီ”နာမ်ႏပွုဒ်နီဗာႏအတာႏ သွုံꩻခရာႏဝုစ်သင်္ကေႏတတလိုႏ တဝ်း၊ (မဉ်ႏသွုံꩻလဲ့ သွုံꩻဗာႏ “ဖုံႏ”ဝုစ်အာသင်္ကေႏတလွုမ်ꩻသွူ။)\n+\tနီပအိုဝ်ႏငဝ်းကို “ဝုစ်”အဝ်ႏစွဉ်ႏလဲ့ တသွုံꩻကြွို့ꩻတဝ်းဝင်ꩻ၊ အွဉ်ႏပ လို့ꩻသေꩻခါꩻဒျာႏ ကဲဉ်းအာအာသွူ။\n+\t“ဝင်ꩻ”သင်္ကေႏတယိုတဗာႏနဝ်ꩻ နာမ်ႏပွုဒ်တဲ့ထွာနွောင်ꩻနေနေ သွူ၊ မဉ်ႏထွာနာမ်ႏပွုဒ်နဝ်ꩻ ဝွေꩻနာမ်ႏဗွေႏချာ (ဝွေꩻတွမ်ႏဝွေꩻ) ဆောင်ႏဖေႏနွောင်ꩻလဲဉ်း ဝုစ်အာသဖောꩻတဲင် ဝွေꩻဆꩻချာကို ဝုစ် အာသင်္ကေႏတ အလင်ဖုံႏယို သွုံꩻခရာႏတလိုႏတဝ်းဒွုမ်၊ ကွယ်ႏ တွော့ꩻ “ဝင်ꩻ”နာမ်ႏပွုဒ်မဉ်ႏထွာကတ္တားနဝ်ꩻ ကြိယာႏဆꩻချာကို သွုံꩻဖေႏဗာႏ ဝုစ်အာသင်္ကေႏတလွုမ်ꩻသွူ။\n\nပွုံႏစံႏ\t=\t(က)\tဝင်ꩻနဝ်ꩻ\tလွေꩻလွလဲဉ်း ။\n\t( ခ )\tဝင်ꩻနဝ်ꩻ\tသဲင်ꩻလို့လဲဉ်း ။\n\t( ဂ )\tနာꩻ\tထွားနုဲင်းမွုန်း\tဝင်ꩻလုဲင်း ။\n\t(ဃ)\tခွေ\tမာꩻဖေႏဗာႏ\tဝင်ꩻအတာႏ\tထာꩻမာꩻသွူ။\n\nခွယ်ꩻဝုစ်နယ်ꩻ\n\tနီသွဉ်းသီးပအိုဝ်ႏငဝ်းကို အီႏအွဉ်ႏမဲဉ်ႏမဲဉ်ႏဗာႏ “ဝုစ်တာ-ဝုစ်အာ”\nနဝ်ꩻ-\t(၁)\tကြိယာႏဟောꩻကတ္တားဝါကျကို ကတ္တားဝုစ်နဝ်ꩻ ထွာအဓိ ကတဲင် ကြိယာႏဝုစ်ယို အွဉ်ႏဗွုန်ပီဗာႏတွမ်ႏ “ကတ္တားဝုစ်”သွူ။\n(က)\tကတ္တားမဉ်ႏထွာ “ဝုစ်တာ”နဝ်ꩻ ကြိယာႏလဲ့ထွာဗာႏ “ဝုစ်တာ”\n( ခ )\tကတ္တားမဉ်ႏထွာ “ဝုစ်အာ”နဝ်ꩻ ကြိယာႏလဲ့ ထွာဗာႏ “ဝုစ်အာ”သွူ။\n( ဂ )\tပကတိကတ္တား+ဝိကတိကတ္တား+ကြိယာႏ ယိုသွံပွုဒ်လဲ့ “ဝုစ်”ဗွုန်ပီတသေႏသေႏဗာႏဝင်ꩻတဲင် ဝုစ်အာအကိ ပက တိကတ္တားနဝ်ꩻ သွုံꩻ “သီး\/ဖုံႏ”၊ ဝိကတိကတ္တားနဝ်ꩻ သွုံꩻ ”ဖုံႏ”သွူ။\n(၂)\tကြိယာႏဟောꩻကံႏဝါကျကို ဖေႏပါဠိအနက်အတာႏ ကံႏ ဝုစ်နဝ်ꩻ ထွာအဓိကတဲင် ကံႏကြိယာႏဝုစ်ယို အွဉ်ႏဗွုန်ပီ ဗာႏတွမ်ႏ “ကံႏဝုစ်”သွူ။\n(က)\tကံႏမဉ်ႏထွာ “ဝုစ်တာ”နဝ်ꩻ ကြိယာႏလဲ့ထွာဗာႏ”ဝုစ်တာ”၊\n( ခ )\tကံႏမဉ်ႏထွာ “ဝုစ်အာ”နဝ်ꩻ ကြိယာႏလဲ့ထွာဗာႏ ”ဝုစ်အာ”သွူ၊\n( ဂ )\tပကတိကံႏ+ဝိကတိကံႏ+ကြိယာႏ-ယိုသွံဗာႏလဲ့ “ဝုစ်”ဗွုန်ပီတသေႏသေႏဗာႏဝင်ꩻတဲင် ဝုစ်အာအ ကို ပကတိကံႏနဝ်ꩻ သွုံꩻ “သီး\/ဖုံႏ”၊ ဝိကတိကံႏ နဝ်ꩻ သွုံꩻ”ဖုံႏ”သွူ။\n\nဒေါ့ꩻ\/တဲမ်းအီ ပအိုဝ်ႏငဝ်းအတာႏ - “ခံႏဗာႏ”ကရိုꩻဒါႏ ကံႏကြိယာႏ နဝ်ꩻ ဗွုန်ပီဗာႏတွမ်ႏ ကံႏပွုဒ်ဝုစ်တဲင် “ကတ္တားကြိယာႏဝုစ်”နဝ်ꩻ ဗွုန်ပီဗာႏ တွမ်ႏ ကတ္တားပွုဒ်ဝုစ်သွူ။\nပွုံႏစံႏ\n(က-၁)\tခွန်ထွန်း\tအံႏ\tတခေါ့ꩻရာႏဖုံႏ\tသွူ။\n(က-၂)\tခွန်ထွန်း’ခွန်ကျောႏသီး\tအံႏလွဝင်ꩻ\tတခေါ့ꩻရာႏသွူ။\n( ခ-၁)\tတခေါ့ꩻရာႏယို\tခံႏဗာႏ\tခွန်ထွန်း’ခွန်ကျောႏသီ\t အံႏလွဝင်ꩻ သွူ။\n( ခ-၂)\tတခေါ့ꩻရာႏဖုံႏယို\tခံႏလွဗာႏ \tခွန်ထွန်း   အံႏသွူ။\n( ဂ-၁)\tခွန်ထွန်းနဝ်ꩻ\tထွာ\tလိုꩻယံသွူ။\n( ဂ-၂)\tခွန်ထွန်းတွမ်ႏခွန်ကျောႏသီးဖုံႏနဝ်ꩻ ထွာလွဝင်ꩻ  လိုꩻယံဖုံႏသွူ။\n(ဃ-၁)\tခံꩻယာႏယို\tခံႏဗာႏ\tနီ\tမာꩻလွဝင်ꩻ\tစူသွို့ꩻသွူ။\n(ဃ-၂)\tခံꩻယာႏဖုံႏယို\tခံႏလွဗာႏ\tနီ\tမာꩻ\tစူသွို့ꩻသွူ။\n\nတောင်ꩻသေꩻ -\n=\tပါဠိသဒ္ဒါႏနယ်ꩻအလꩻ - ဝုစ်ပြောင်ꩻလုဲင်ႏပွုံႏနဝ်ꩻ အဓိကထွားဗာႏ ကြိယာႏပွုဒ်တဲင် ကြိယာႏမဉ်ႏဟောꩻကတ္တားအနက်လဲ့ ကတ္တားတွမ်ႏကြိ ယာႏနီဗာႏ ဝုစ်ဗွုန်ပီဗာႏဝင်ꩻ၊ ကြိယာႏမဉ်ႏဟောꩻကံႏအနက်လဲ့ ကံႏတွမ်ႏ ကြိယာႏနီဗာႏ ဝုစ်ဗွုန်ပီဗာႏဝင်ꩻသွူ။\n\tကွယ်ႏတွော့ꩻ နီပအိုဝ်ႏငဝ်းကို သွုံꩻ(ဒေါ့ꩻ\/တဲမ်း) ကြိယာႏဟောꩻ ကတ္တားအနေႏနဝ်ꩻ တွမ်ႏပါဠိသွုံꩻတကွာႏငါႏတဝ်းတဲင် ဖေႏအီပါဠိအနက် အဝ်ႏသေန်ႏလျောႏညီႏဟဝ်ဒျာႏရိုꩻကီလဲ့သွုံꩻ(ဒေါ့ꩻ\/တဲမ်း)ကြိယာႏဟောꩻ \nကံႏအနေႏနဝ်ꩻ ကွပ်စွဉ်ႏတဗွုန်ပီတဝ်း တွမ်ႏပါဠိအသွုံꩻနဝ်ꩻမꩻ ဖေႏအီအ နက်တာႏ မော့ꩻဗာႏအယပ်ꩻအခုဲင်ႏသွူ။\n\nကွပ်နဝ်ꩻမꩻ ပအိုဝ်ႏသဒ္ဒါႏကျမ်ꩻကိုယို ကြိယာႏဟောꩻကံႏဝါကျအ တာႏ အွဉ်ႏနယ်ဗာႏသင်္ကေႏတတွမ်ႏသွုံꩻပွုံႏ(၂)နယ်ꩻ၊ တနယ်ꩻနဝ်ꩻ သွုံꩻ ဗာႏ ဖေႏအီပါဠိအနက်တာႏတဲင်၊ တနယ်ꩻနဝ်ꩻ သွုံꩻဗာႏ ဒေါ့ꩻ\/တဲမ်းအီပ အိုဝ်ႏငဝ်း\/လိတ်အတာႏသွူ။\n=\tဒေါ့ꩻ\/တဲမ်းပအိုဝ်ႏငဝ်း\/လိတ်အတာႏ- သွုံꩻလွိုဖေႏထဲင်းဗာႏ “ခံႏဗာႏ”ကရိုꩻဒါႏ ကံကြိယာႏ-(သင်္ကေႏတ)တဗာႏတဲင် ကံႏပွုဒ်ယိုတဲ့ အွဉ်ႏဖေႏဗာႏ ဝါကျအရီးသွတ်ꩻကိုသွူ။\n\tဒေါ့ꩻ\/တဲမ်းပအိုဝ်ႏငဝ်း\/လိတ်အတာႏ ပွုံႏသီသင်္ကေႏတနဝ်ꩻ-\n“ကံႏပွုဒ်+ခံႏဗာႏ(ကံႏကြိယာႏ\/သင်္ကေႏတ)+ကတ္တား+ကတ္တားကြိယာႏ”\n=\tမဉ်ႏဖေႏပါဠိအနက် မဉ်ႏဖေႏနေးတွမ်ႏ ပအိုဝ်ႏဘာႏသာႏနဝ်ꩻ \nနီပအိုဝ်ႏဖု��ႏလဲ့ ထောင်လွဉ်ꩻလွဗာႏဒျာႏ ပါဠိသဒ္ဒါႏစီꩻကန်ꩻ၊ ပါဠိအဝ်ႏအ တွိုင်ꩻ အီႏဖေႏလွဉ်ꩻဗာႏအနက်တဲင် ဖေႏအီပါဠိအနက်တာႏ-ကြိယာႏ သင်္ကေႏတနဝ်ꩻ သွုံꩻဗာႏ “အပ်”၊ သွုံꩻတွယ်ꩻညီꩻဗာႏ ကြိယာႏဆꩻချာဖဲ့ꩻကို သွူ။\n\t(ဒေါ့ꩻ\/တဲမ်းအီ ပအိုဝ်ႏငဝ်း\/လိတ်တာႏ- ကြိယာႏအဝ်ႏနီဗာႏတဲင်၊ “ခံႏဗာႏ”ကရိုꩻဒါႏ ကံႏကြိယာႏတဗာႏတွမ်ႏ ဆဲင်ႏရာꩻကတ္တားကြိယာႏတ ဗာႏဗာႏသွူ။\n\tဖေႏပါဠိအနက်တာႏ- ကြိယာႏအဝ်ႏဒျာႏ ဆဲင်ႏရာꩻကံႏကြိယာႏ တဗာႏလွုမ်ꩻ၊ အနက်ကို သော့ꩻဖေႏပါဗာႏ “---အပ်”သင်္ကေႏတသွူ။)\nပွုံႏစံႏ\n(က)\tကြိယာႏဟောꩻကတ္တားအနက် -\n(က\/ဧ)\t=\tအဟံ\tဩဒနံ\tပစာမိ\t။\t(ပါဠိ)\n\t=\tအဟံ-ခွေနဝ်ꩻ၊ ဩဒနံ-ဒဲဉ်ယို၊ ပစာမိ-ဒွိုႏသွူ။(အနက်)\n\t=\tခွေ\tဒွိုႏ\tဒဲဉ်သွူ ။\t(ဒေါ့ꩻ\/တဲမ်း)\n(က\/ဗ)\t=\tမယံ\tဩဒနံ\tပစာမ ။\t(ပါဠိ)\n=\tမယံ-နီဖုံႏနဝ်ꩻ၊ ဩဒနံ-ဒဲဉ်ယို၊ ပစာမ-ဒွိုႏလွဝင်ꩻသွူ။ (အနက်)\n=\tနီ\tဒွိုႏလွ\tဒဲဉ်သွူ။\t(ဒေါ့ꩻ\/တဲမ်း)\n( ခ )\tကြိယာႏဟောꩻကံႏအနက် -\n(ခ\/ဧ)\t=\tမယာ\tဩဒနော\tပစ္စတေ\t။\t(ပါဠိ)\n=\tမယာ-ခွေနဝ်ꩻ၊ ဩဒနော-ဒဲဉ်ယို၊ ပစ္စေတေ-ဒွိုႏအပ် သွူ။(အနက်)\n\t=\tဒဲဉ်ယို\tခံႏဗာႏ\tခွေ\tဒွိုႏသွူ။(ဒေါ့ꩻတဲမ်း)\n\t\t(တဒေါ့ꩻ\/တဲမ်းကြွို့ꩻတဝ်း- ခွေ ဒွိုႏအပ် ဒဲဉ်-နုဲင်းယိုသွူ)\n(ခ\/ဗ)\t=\tမယာ\tဩဒနာ\tပစ္စန္တေ ။\t(ပါဠိ)\n=\tမယာ-ခွေနဝ်ꩻ၊ ဩဒနာ-ဒဲဉ်ဖုံႏယို၊ ပစ္စန္တေ-ဒွိုႏအပ်လို့သွူ။ (အနက်)\n=\tဒဲဉ်ဖုံႏယို    ခံႏဗာႏလို့\tခွေ\tဒွိုႏသွူ။   (ဒေါ့ꩻ\/တဲမ်း)\n(တဒေါ့ꩻ\/တဲမ်းကြွို့ꩻတဝ်း- ခွေ ဒွိုႏအပ်လို့ ဒဲဉ်ဖုံႏ-နုဲင်းယို သွူ)\nတောင်ꩻသေꩻ -\n\t= သီး’ဖုံႏ’လို့’လွ’ဝင်ꩻ၊ ပါတဝ်းရင်ꩻ၊ မတ်ဝင်ꩻ ဧကဝုစ်။\n\t= သီး’ဖုံႏ’လို့’လွ’ဝင်ꩻ၊ မဉ်ႏပါလင်ꩻ ၊ မတ်ဝင်ꩻဗဟုဝုစ်။\n\t= သီး’ဖုံႏ နာမ်ႏတာႏ၊ လွိုသိုမ်ဗာႏ၊ သွုံꩻဒျာႏကြိယာႏပွုဒ်။\n\t= ဖုံႏ-ဝိဘတ်ယို၊ စွုမ်ႏထွောင်းကို၊ သွုံꩻသွိုတွမ်ႏနာမ်ႏပွုဒ်။\n\t= သီး-ယိုနဝ်ꩻဟွေး၊ သွုံꩻအာမွေး၊ သက်အဝ်ႏနေးနာမ်ႏပွုဒ်။\n\t= ယံသေလွဗာႏ၊ ဝုစ်ခရာႏ ၊ ဆောင်ႏဗာႏ လင်္ကာႏပွုဒ်။\nဥဒ္ဒေသအခန်ꩻ ထွူလဲဉ်းသွူ။\n\n(၂) နိဒ္ဒေသအခန်ꩻ\n(နိဒ္ဒေသအခန်ꩻကို အီႏအွဉ်ႏနယ်လွေꩻဖေႏစွုမ်ႏစွုမ်ႏ နာမ်ႏ+ကြိယာႏအကျောင်ꩻခရာႏဖုံႏသွူ။ (နာမ်ႏတွမ်ႏကြိယာႏအကို ကြိယာႏအကျောင်ꩻခရာႏဖုံႏနဝ်ꩻ ဆေ့ꩻထဲင်းနာမ်ႏအကျောင်ꩻခရာႏဖုံႏတဲင် အီႏအွဉ်ႏနယ်လွေꩻဖေႏရီးရီး ကြိယာႏအကျောင်ꩻခရာႏဖုံႏသွူ။\n\nကြိယာႏ (၂)မျိုꩻ\n(၁)\tသုဒ္ဓကြိယာႏ\t-\tဗေင်ႏ၊ လွေꩻ-စဒါႏ ကြိယာႏရိုꩻရိုꩻ\n(၂)\tကာရိတကြိယာႏ-\tထွဉ်ႏ\/အွဉ်ႏ-ကရိုꩻဒါႏ ကာရိတ်ကြိယာႏ\n\nတောင��ꩻသေꩻ - ကာရိတ်ကြိယာႏမဉ်ႏပါလွဉ်နဝ်ꩻ သုဒ္ဓကြိယာႏဖုံႏအကို အကမ္မက ကြိယာႏ(ကံႏအဲဉ်ထဝ်းကြိယာႏ)ဖုံႏနဝ်ꩻ ထွာလွဉ်ဗာႏ ဧကကမ္မကကြိ ယာႏ(ကြိယာႏလိုႏကံႏတဗာႏ)၊ ဧကကမ္မကကြိယာႏဖုံႏနဝ်ꩻ ထွာလွဉ်ဗာႏ ဒွိကမ္မကကြိယာႏ(ကြိယာႏလိုႏကံႏနီဗာႏ)တဲင် ဒွိဧကကမ္မကကြိယာႏဖုံႏ နဝ်ꩻ ထွာလွဉ်ဗာႏ တိကမ္မကကြိယာႏ(ကြိယာႏလိုႏကံႏသွံဗာႏ)-စဒါႏနုဲင်း နဝ်ꩻဖုံႏသွူ။\n\n(တနဲꩻ) ကြိယာႏ (၂)မျိုꩻ\n(၁)\tအကမ္မကကြိယာႏ\t-\tကံႏအဝ်ႏတဝ်းကြိယာႏ(ဝါ) \nကြိယာႏ\n(Intransitive Verb)\n(၂)\tသကမ္မကကြိယာႏ\t-\tကံႏအဝ်ႏကြိယာႏ(ဝါ)\t\t\t\t\t\tကြိယာႏလိုႏကံႏ\n(Transitive Verb)\n\nအကမ္မကကြိယာႏ-အဓိပ္ပဲယ်ႏ\nကံႏပွုဒ်ပါခရာႏတလိုႏတဝ်းဒါႏ ဗေင်ႏ၊ အုံ၊ ထွာ၊ ဟဝ်၊ ကုဲင်၊ ပေႏ-စဒါႏ အကမ္မက(သုဒ္ဓ)ကြိယာႏဖုံႏယို ဟဲ့ꩻဗာႏ “အကမ္မကကြိယာႏ-ကံႏ အဲဉ်ထဝ်းကြိယာႏ(ဝါ) ကြိယာႏလိုႏတဝ်းကံႏ (Intransitive Verb)”သွူ။\nပွုံႏစံႏ -\n(က)\tမောင်ႏပေႏ\tအဝ်ႏဗေင်ႏထာꩻသွူ။\n( ခ )\tခွန်ထွန်း\tထွာ\tဒုံဥက္ကဋ္ဌသွူ။\n( ဂ )\tခွန်အေး\tအုံ\tတောင်ႏကီꩻသွူ။\n\nသကမ္မကကြိယာႏ-အဓိပ္ပဲယ်ႏ\nကံႏပွုဒ်ပါမꩻ အဓိပ္ပဲယ်ႏဗွေစွုမ်ႏဒါႏ လွေꩻ၊ သဲင်ꩻ၊ အံႏ၊ အွꩻ၊ မာꩻ၊ ဒေါ့ꩻ-စဒါႏ ကြိယာႏဖုံႏယို ဟဲ့ꩻဗာႏ”သကမ္မကကြိယာႏ-ကံႏအဝ်ႏကြိယာႏ (ဝါ) ကြိယာႏလိုႏကံႏ (Transitive Verb)”သွူ။\n\nသကမ္မကကြိယာႏ (၈)မျိုꩻ\n(၁)\tဧကကမ္မကကြိယာႏ\t-\tကြိယာႏလိုႏကံႏတဗာႏ\n(၂)\tဒွိကမ္မကကြိယာႏ\t-\tကြိယာႏလိုႏကံႏနီဗာႏ\n(၃)\tတိကမ္မကကြိယာႏ\t-\tကြိယာႏလိုႏကံႏသွံဗာႏ\n(၄)\tစတုကမ္မကကြိယာႏ\t-\tကြိယာႏလိုႏကံႏလစ်ꩻဗာႏ\n(၅)\tပဉ္စကမ္မကကြိယာႏ\t-\tကြိယာႏလိုႏကံႏငတ်ꩻဗာႏ\n(၆)\tကမ္မသမ္ပဒါနကြိယာႏ\t-\tကြိယာႏလိုႏကံႏတွမ်ႏသမ္ပဒါန်ႏ\n(၇)\tကမ္မာပါဒါနကြိယာႏ\t-\tကြိယာႏလိုႏကံႏတွမ်ႏအပါဒါန်ႏ\n(၈)\tကမ္မောကာသကြိယာႏ-\tကြိယာႏလိုႏကံႏတွမ်ႏဩကာသ\n\n(၁) ဧကကမ္မကကြိယာႏ-အဓိပ္ပဲယ်ႏ\nဝါကျတဗာႏကို ကံႏပွုဒ်တပွုဒ်ကအဝ်ႏဒါႏ “ဝုဲင်ႏ\/အံႏ\/မာꩻ\/လွေꩻ” ကစဒါႏ ဧကကမ္မက(သုဒ္ဓ)ကြိယာႏဖုံႏယိုလဲ့နဝ်ꩻ၊\n\t“ထွဉ်ႏ\/အွဉ်ႏ”ကရိုꩻဒါႏ ကာရိတ်ကြိယာႏဖုံႏတွမ်ႏ “ဗေင်ႏ\/ထွာ\/ အုံ” ကစဒါႏ အကမ္မကကြိယာႏဖုံႏ ကတွယ်ꩻညီꩻသွိုဒါႏ ဧကကမ္မက(ကာ ရိတ)ကြိယာႏဖုံႏယိုလဲ့နဝ်ꩻ ဟဲ့ꩻဗာႏ”ဧကကမ္မကကြိယာႏ-ကြိယာႏလိုႏ ကံႏတဗာႏ”ဖုံႏသွူ။\nပွုံႏစံႏ -\n(က)\tသုဒ္ဓကြိယာႏကို -\n-\tခွန်ထွန်း\tဝုဲင်ႏ\tဗွေႏမျတ်ဖရာꩻသွူ။\n-\tခွန်အေး\tအံႏ\tဒဲဉ်သွူ။\n-\tခွန်ကျောႏ\tမာꩻ\tထာꩻမာꩻသွူ။\n( ခ )\tကာရိတ်ကြိယာႏပါ အကမ္မကကြိယာႏကို -\n(က-၁)\tမွိုးဗွာ\tထွဉ်ႏဗေင်ႏ\tမောင်ႏပေႏသွူ။\n(က-၂)\tမွိုးဗွာ\tထွဉ်ႏ\tမောင်ႏပေႏ\t��ေင်ႏသွူ။\n( ခ-၁)\tဒုံသား\tအွဉ်ႏထွာ\tခွန်ထွန်း\tဒုံဥက္ကဋ္ဌသွူ။\n( ခ-၂)\tဒုံသား\tအွဉ်ႏ\tခွန်ထွန်း\tထွာ\tဒုံဥက္ကဋ္ဌသွူ။\n( ဂ-၁)\tဆရာႏ\tထွဉ်ႏအုံ\tခွန်အေး\tတောင်ႏကီꩻသွူ။\n( ဂ-၂)\tဆရာႏ\tထွဉ်ႏ\tခွန်အေး\tအုံ\tတောင်ႏကီꩻသွူ။\n\nတောင်ꩻသေꩻ -\n=\tပွုံႏစံႏဖုံႏကိုကပါဒါႏ “ဗေင်ႏ\/ထွာ\/အုံ”ကြိယာႏဖုံႏနဝ်ꩻ အကမ္မက\/ ကြိယာႏဖုံႏတဲင် “ထွဉ်ႏ\/အွဉ်ႏ”ကြိယာႏဖုံႏနဝ်ꩻ ထွဉ်ႏမုꩻသဘော်ꩻအဝ်ႏ ကာ ရိတ်ကြိယာႏဖုံႏသွူ။\n=\tအကမ္မကကြိယာႏဖုံႏနဝ်ꩻ အဝ်ႏထွာဒွုန်း အကမ္မက\/သုဒ္ဓကြိယာႏ စဲစ်စဲစ်အတွင်ꩻ ကံႏအဲဉ်ထဝ်း\/လိုႏတဝ်းကံႏလဲ့ ကာရိတ်ကြိယာႏထွိုင်ႏပါ လွဉ်နဝ်ꩻ အဝ်ႏလိုႏယင်းကံႏတဲင် ထွာလွဉ်ဗာႏ ဧကကမ္မကကြိယာႏဖုံႏ သွူ။\n=\tဝါကျအမဉ်ꩻယိုလဲ့ အဝ်ႏထွာဒွုန်း အကမ္မကကြိယာႏစဲစ်စဲစ်စဲစ် အတွင်ꩻ ဟဲ့ꩻ”သုဒ္ဓဝါကျ”တဲင် ကာရိတ်ကြိယာႏထွိုင်ႏပါလွဉ်နဝ်ꩻ ဟဲ့ꩻ ”ကာရိတ်ဝါကျ”နုဲင်းနဝ်ꩻသွူ။\n=\tသုဒ္ဓဝါကျကို(“မောင်ႏပေႏ\/ခွန်ထွန်း\/ခွန်အေး”ကစဒါႏ) သုဒ္ဓ က-တ္တားဖုံႏနဝ်ꩻလဲ့ ထွိုင်ႏတွိုႏကာရိတ်ဝါကျကို ထွာလွဉ်ဗာႏ ကာရိတ်ကံႏ ပွုဒ်ဖုံႏသွူ။\n\tကာရိတ်ဝါကျကို ကအဝ်ႏဒါႏ ကာရိတ်ကံႏပွုဒ်ဖုံႏနဝ်ꩻ သုဒ္ဓက-တ္တားပွုဒ်မွေးမွေးတဲင် ကာရိတ်ကံႏပွုဒ်တွမ်ႏ သုဒ္ဓကတ္တားပွုဒ်နဝ်ꩻ တပွုဒ် ချင်ႏသွူ။\n\tကထွဉ်ႏဒါႏသားနဝ်ꩻ ထွာရိတ်ကတ္တားတဲင်၊ ကထွဉ်ႏခံႏဗာႏသား (ကမာꩻဗာႏဒါႏသား)နဝ်ꩻ ထွာကာရိတ်ကံႏ(သုဒ္ဓကတ္တား)သွူ။\n\n(၂) ဒွိကမ္မကကြိယာႏ-အဓိပ္ပဲယ်ႏ\n\tဝါကျတဗာႏကို ကံႏပွုဒ်နီပွုဒ်ကအဝ်ႏပါသော့ꩻဒါႏ “ကွီ\/ရီ” ကစ ဒါႏ ဒွိကမ္မက(သုဒ္ဓ)ကြိယာႏမျိုꩻဖုံႏယိုလဲ့နဝ်ꩻ၊\n\t“ဟဲ့ꩻလွေꩻ\/စွီႏလွေꩻ\/လွေꩻအံႏ\/လွေꩻထွား”ကစဒါႏ ဧကကမ္မက ကြိယာႏနီဗာႏ ကအဝ်ႏတွယ်ꩻညီꩻသွိုဒါႏ ဒွိကမ္မက(သုဒ္ဓ)ကြိယာႏမျိုꩻဖုံႏယို လဲ့နဝ်ꩻ၊\n\t“ထွဉ်ႏ\/အွဉ်ႏ”ကရိုꩻဒါႏ ကာရိတ်ကြိယာႏတွမ်ႏ “လွေꩻ\/အံႏ”က စဒါႏ ဧကကမ္မကဖုံႏ ကတွယ်ꩻညီꩻသွိုဒါႏ ဒွိကမ္မက(ကာရိတ)ကြိယာႏမျိုꩻ ဖုံႏယိုလဲ့နဝ်ꩻ ဟဲ့ꩻဗာႏ “ဒွိကမ္မကကြိယာႏ-ကြိယာႏလိုႏကံႏနီဗာႏ”ဖုံႏသွူ။\nပွုံႏစံႏ -\n(က)\tအပိုပေႏ\tကွီ\tအမွိုး\tထာꩻအံႏသွူ။\n(ခ-၁)\tခွန်ကျောႏ\tဟဲ့ꩻလွေꩻ\tခွန်ထွန်း\tတောင်ႏကီꩻသွူ။\n(ခ-၂)\tခွန်ကျောႏ\tဟဲ့ꩻ\tခွန်ထွန်း\tလွေꩻ\tတောင်ႏကီꩻသွူ။\n(ဂ-၁)\tဆရာႏ\tထွဉ်ႏမာꩻ\tခွန်ကျောႏ\tထာꩻမာꩻသွူ။\n(ဂ-၂)\tဆရာႏ\tထွဉ်ႏ\tခွန်ကျောႏ\tမာꩻ\tထာꩻမာꩻသွူ။\n\nတောင်ꩻသေꩻ -\n=\t“ဟဲ့ꩻလွေꩻ\/ထွဉ်ႏမာꩻ”ကြိယာႏနီမျိုꩻ ကတွယ်ꩻရောꩻညီꩻသွိုဝင်ꩻကို “ခွန်ထွန်း\/ခွန်ကျောႏ”���ံႏပွုဒ်ဖုံႏနဝ်ꩻ အစဲဉ်ႏအတွိုင်ꩻ စပ်ႏထေ့ဗာႏ”ဟဲ့ꩻ\/ ထွဉ်ႏ”ကြိယာႏဖုံႏတဲင် “တောင်ႏကီꩻ\/ထာꩻမာꩻ”ကံႏပွုဒ်ဖုံႏနဝ်ꩻ အစဲဉ်ႏအ တွိုင်ꩻ စပ်ႏထေ့ဗာႏ “လွေꩻ\/မာꩻ”ကြိယာႏဖုံႏနဝ်ꩻသွူ။\n=\t“ကွီ\/ရီ”ကစဒါႏ ကြိယာႏဖုံႏနဝ်ꩻ မဉ်ႏရိုꩻ ဒွိကမ္မကကြိယာႏလဲ့ အပ် ဒျာႏ၊ မဉ်ႏရိုꩻ ဧကကမ္မကြိယာႏလဲ့ အဝ်ႏမွေးဒျာႏသွူ။\n\tကကွီခံႏဗာႏ\/ကရီခံႏဗာႏဒါႏ သဇီဝကံႏပွုဒ်ဖုံႏနဝ်ꩻ မဉ်ႏမာꩻဩကာ သအနေႏနဝ်ꩻ ထွာ ဧကကမ္မကကြိယာႏသွူ။\n\tဥပမာႏ -\n(က)\tထွာ\tသဇီဝကံႏပွုဒ်ပွုံႏစံႏ -\n-\tအပိုပေႏ\tကွီ\tအမွိုး\tထာꩻအံႏသွူ။\n\tတပဲ့ꩻ\tရီ\tဆရာႏ\tပျဿနာႏသွူ။\n( ခ )\tထွာ\tဩကာသပွုဒ်ပွုံႏစံႏ -\n-\tအပိုပေႏ\tကွီ\tထာꩻအံႏ\tအမွိုးထျꩻသွူ။\n\tတပဲ့ꩻ\tရီ\tပျဿနာႏ\tအဆရာႏထျꩻသွူ-ကစဒါႏနုဲင်းနဝ်ꩻ ဖုံႏသွူ။\n\t(အလင်လင်ကိုလဲ့ မတ်သွော့နုဲင်းနဝ်ꩻအတွိုင်ꩻနော။)\n\n(၃) တိကမ္မကကြိယာႏ-အဓိပ္ပဲယ်ႏ\n\t“လွေꩻကွီ\/လွေꩻရီ”ကစဒါႏ ဧကကမ္မက(သုဒ္ဓ)ကြိယာႏတွမ်ႏဒွိကမ္မ က(သုဒ္ဓကြိယာႏ)ဖုံႏ တွယ်ꩻရောꩻညီꩻသွိုဒါႏ တိကမ္မက(သုဒ္ဓ)ကြိယာႏမျိုꩻ ဖုံႏယိုလဲ့နဝ်ꩻ၊\n\t“ဟဲ့ꩻလွေꩻအံႏ\/ဟဲ့ꩻလွေꩻထွား”ကစဒါႏ ဧကကမ္မကကြိယာႏသွံမျိုꩻ တွယ်ꩻရောꩻညီꩻသွိုဒါႏ တိကမ္မက(သုဒ္ဓ)ကြိယာႏမျိုꩻဖုံႏယိုလဲ့နဝ်ꩻ၊\n\t“ထွဉ်ႏ\/အွဉ်ႏ”ကရိုꩻဒါႏ ကာရိတ်ကြိယာႏတွမ်ႏ “ကွီ\/ရီ”ကစဒါႏ ဒွိ-ကမ္မက(သုဒ္ဓ)ကြိယာႏဖုံႏ ကတွယ်ꩻရောꩻညီꩻသွိုဒါႏ တိကမ္မက(သုဒ္ဓ)ကြိ-ယာႏမျိုꩻဖုံႏယိုလဲ့နဝ်ꩻ၊\n\t“ထွဉ်ႏ\/အွဉ်ႏ”ကရိုꩻဒါႏ ကာရိတ်ကြိယာႏတွမ်ႏ “ဟဲ့ꩻလွေꩻ\/လွေꩻ အံႏ” ကစဒါႏ ဧကကမ္မကကြိယာႏနီဗာႏဖုံႏ ကတွယ်ꩻညီꩻသွိုဒါႏ တိကမ္မ က(ကာရိတ)ကြိယာႏဖုံႏယိုလဲ့နဝ်ꩻ ဟဲ့ꩻဗာႏ”တိကမ္မကကြိယာႏ-ကြိယာႏ လိုႏကံႏသွံဗာႏ”ဖုံႏသွူ။\nပွုံႏစံႏ -\n(က-၁)\tအတပဲ့ꩻ လွေꩻရီ  အဆရာႏ ပျဿနာႏ အဆရာႏလမ်းသူꩻသွူ။\n(က-၂)\tအတပဲ့ꩻ  လွေꩻ အဆရာႏလမ်း ရီ အဆရာႏ ပျဿနာႏသွူ။\n( ခ-၁)\tခွန်ထွန်း  ဟဲ့ꩻလွေꩻအံႏ   အဝင်ꩻမူႏ   ထာꩻအံႏ ပွယ်ꩻကိုသူꩻသွူ။\n( ခ-၂)\tခွန်ထွန်း  ဟဲ့ꩻ  အဝင်ꩻမူႏ  လွေꩻအံႏ  ထာꩻအံႏ  ပွယ်ꩻကိုသူꩻသွူ။\n( ခ-၃)\tခွန်ထွန်း  ဟဲ့ꩻ  အဝင်ꩻမူႏ  လွေꩻ  ပွယ်ꩻ  အံႏ  ထာꩻအံႏသွူ။\n( ဂ-၁)\tခွန်ကျောႏ   ထွဉ်ႏကွီ   ခွန်အေး  အမွိုး   ရွဉ်သွူ။\n( ဂ-၂)\tခွန်ကျောႏ\tထွဉ်ႏ\tခွန်အေး\tကွီ\tအမွိုး\tရွဉ်သွူ။\n(ဃ-၁)\tအမွိုး\tထွဉ်ႏလွေꩻအံႏ\tအပို\tဒဲဉ်\tပွယ်ꩻစာႏဂကိုသူꩻသွူ။\n(ဃ-၂)\tအမွိုး\tထွဉ်ႏ\tအပို\tလွေꩻအံႏ  ဒဲဉ်\tပွယ်ꩻစာႏဂကိုသူꩻသွူ။\n(ဃ-၃)\tအမွိုး\tထွဉ်ႏ\tအပို\tလွေꩻ\tပွယ်ꩻစာႏဂ\tအံႏ\tဒဲဉ်သွူ။\nတောင်ꩻသေꩻ -\n\t“ဟဲ့ꩻလွေꩻအံႏ\/ထွဉ်���လွေꩻအံႏ”ကစဒါႏ ကြိယာႏသွံမျိုꩻ ကတွယ်ꩻ ညီꩻသော့ꩻဝင်ꩻခင်ႏလမ်းကို “ဟဲ့ꩻ\/ထွဉ်ႏ”ကစဒါႏ ပထမကြိယာႏသီးကံႏ ပွုဒ် ကထွာဒါႏ “အဝင်ꩻမူႏ\/အပို”ကစဒါႏ ကံႏပွုဒ်ဖုံႏနဝ်ꩻ အုံဗာႏအရီး သွတ်ꩻကို၊\n\t“လွေꩻ”ကစဒါႏ ဒုတိယကြိယာႏသီးကံႏပွုဒ် ကထွာဒါႏ “ပွယ်ꩻသူꩻ\/ ဒဲဉ်”ကစဒါႏ ကံႏပွုဒ်ဖုံႏနဝ်ꩻ အုံဗာႏအထာႏဝကိုနဝ်ꩻသွူ။\n\n(၄) စတုကမ္မကကြိယာႏ-အဓိပ္ပဲယ်ႏ\n“ဟဲ့ꩻလွေꩻကွီ\/လွေꩻကွီအံႏ”ကစဒါႏ ဧကကမ္မက(သုဒ္ဓ)ကြိယာႏ နီဗာႏတွမ်ႏဒွိကမ္မက(သုဒ္ဓကြိယာႏ)တဗာႏဖုံႏ ကတွယ်ꩻရောꩻညီꩻသွိုဒါႏ စတု ကမ္မက(သုဒ္ဓ)ကြိယာႏမျိုꩻ ဖုံႏယိုလဲ့နဝ်ꩻ၊\n\t“ထွဉ်ႏ\/အွဉ်ႏ”ကရိုꩻဒါႏ ကာရိတ်ကြိယာႏတွမ်ႏ “လွေꩻကွီ\/လွေꩻရီ” ကစဒါႏ ဧကကမ္မက(သုဒ္ဓ)ကြိယာႏ၊ ဒွိကမ္မက(သုဒ္ဓ)ကြိယာႏဖုံႏ ကတွယ်ꩻ ရောꩻညီꩻသွိုဒါႏ စတုကမ္မကကြိယာႏ(ကာရိတ)ကြိယာႏဖုံႏယိုလဲ့နဝ်ꩻ၊\n\t“ထွဉ်ႏ\/အွဉ်ႏ”ကရိုꩻဒါႏ ကာရိတ်ကြိယာႏတွမ်ႏ “ဟဲ့ꩻလွေꩻအံႏ\/ဟဲ့ꩻ လွေꩻထွား” ကစဒါႏ ဧကကမ္မကကြိယာႏသွံဗာႏဖုံႏ ကတွယ်ꩻရောꩻညီꩻသွို ဒါႏ စတုကမ္မ က(ကာရိတ)ကြိယာႏဖုံႏယိုလဲ့နဝ်ꩻ ဟဲ့ꩻဗာႏ”စတုကမ္မ ကကြိယာႏ-ကြိယာႏ လိုႏကံႏလစ်ꩻဗာႏ”ဖုံႏသွူ။\nပွုံႏစံႏ -\n(က-၁)\tခွန်ကျောႏ ဟဲ့ꩻလွေꩻကွီ  ခွန်အေး  အမွိုး  ရွဉ်\tအမွိုးထျꩻသူꩻသွူ။\n(က-၂)\tခွန်ကျောႏ  ဟဲ့ꩻ  ခွန်အေး  လွေꩻကွီ  အမွိုး ရွဉ် အမွိုးထျꩻသူꩻသွူ။\n(က-၃)\tခွန်ကျောႏ ဟဲ့ꩻ ခွန်အေး  လွေꩻ အမွိုးထျꩻ ကွီ  အမွိုး  ရွဉ် သွူ။\n( ခ-၁)\tဆရာႏ ထွဉ်ႏလွေꩻကွီ  ခွန်အေး လိတ်အွုတ် အဖါထျꩻ လမ်းသူꩻ သွူ။\n( ခ-၂)\tဆရာႏ  ထွဉ်ႏ  ခွန်အေး  လွေꩻ  လမ်း ကွီ  အဖါ  လိတ်အွုတ်သွူ။\n(ခ-၃)\tဆရာႏ ထွဉ်ႏ  ခွန်အေး  လွေꩻ  လမ်း  ကွီ  အဖာ  လိတ်အွုတ်သွူ။\n(ဂ-၁)\tအမွိုး  ထွဉ်ႏဟဲ့ꩻသဲင်ꩻအံႏ  အပို  အသွꩻပေႏ  ဒဲဉ်  လမ်းသူꩻသွူ။\n(ဂ-၂)\tအမွိုး\tထွဉ်ႏ  အပို ဟဲ့ꩻသဲင်ꩻအံႏ  အသွꩻပေႏ  ဒဲဉ်  လမ်းသူꩻသွူ။\n(ဂ-၃)\tအမွိုး\tထွဉ်ႏ\tအပို  ဟဲ့ꩻ  အသွꩻပေႏ သဲင်ꩻအံႏ  ဒဲဉ်  လမ်းသူꩻသွူ။\n(ဂ-၄)\tအမွိုး\tထွဉ်ႏ\tအပို  ဟဲ့ꩻ  အသွꩻပေႏ  သဲင်ꩻ  လမ်း အံႏ ဒဲဉ်သွူ။\n\nတောင်ꩻသေꩻ -\n\t“ထွဉ်ႏဟဲ့ꩻသဲင်ꩻလမ်း”ကစဒါႏ ကြိယာႏလစ်ꩻမျိုꩻ ကတွယ်ꩻညီꩻ သော့ꩻဝင်ꩻ ခင်ႏလမ်းကို “ထွဉ်ႏ”ကစဒါႏ ပထမကြိယာႏသီးကံႏပွုဒ် က ထွာဒါႏ “အမွိုး”ကစဒါႏ ကံႏပွုဒ်ဖုံႏနဝ်ꩻ အုံဗာႏ အရီးသွတ်ꩻကို၊\n\t“ဟဲ့ꩻ”ကစဒါႏ ဒုတိယကြိယာႏသီးကံႏပွုဒ် ကထွာဒါႏ “အသွꩻပေႏ” ကစဒါႏ ကံႏပွုဒ်ဖုံႏနဝ်ꩻ အုံဗာႏ ဒုတိယခင်ႏလမ်းကို၊\n\t“သဲင်ꩻ”ကစဒါႏ တတိယကြိယာႏသီးကံႏပွုဒ် ကထွာဒါႏ “လမ်း သူꩻ”ကစဒါႏ ကံႏ��ွုဒ်ဖုံႏနဝ်ꩻ အုံဗာႏ အဆုဲင်ꩻသွတ်ꩻကိုတဲင်၊\n\t“အံႏ”ကစဒါႏ စတုတ္ထကြိယာႏသီးကံႏပွုဒ် ကထွာဒါႏ “ဒဲဉ်”ကစဒါႏ ကံႏပွုဒ်ဖုံႏနဝ်ꩻ အုံဗာႏတတိယခင်ႏလမ်းကိုနဝ်ꩻသွူ။\n\n(၅) ပဉ္ကကမ္မကကြိယာႏ-အဓိပ္ပဲယ်ႏ\n\t“ထွဉ်ႏ\/အွဉ်ႏ” ကရိုꩻဒါႏ ကာရိတ်ကြိယာႏတွမ်ႏ “ဟဲ့ꩻလွေꩻကွီအံႏ\/ ဟဲ့ꩻလွေꩻကွီထွား”ကစဒါႏ ဧကကမ္မက(သုဒ္ဓ)ကြိယာႏ သွံဗာႏတွမ်ႏဒွိကမ္မ က(သုဒ္ဓကြိယာႏ)တဗာႏဖုံႏ ကတွယ်ꩻရောꩻညီꩻသွိုဒါႏ ပဉ္စကမ္မက(သုဒ္ဓ) ကြိယာႏဖုံႏယို ဟဲ့ꩻဗာႏ”ပဉ္စကကမ္မကကြိယာႏ-ကြိယာႏလိုႏကံႏငတ်ꩻဗာႏ” ဖုံႏသွူ။\nပွုံႏစံႏ -\n(၁)\tဆရာႏ\tထွဉ်ႏဟဲ့ꩻလွေꩻကွီထူႏ\tခွန်ကျောႏ\tခွန်အေးသီး\tအမွိုး\tနာမ်ႏစောꩻဖုံႏ\tအမွိုးလမ်းသူꩻသွူ။\n(၂)\tဆရာႏ\tထွဉ်ႏ\tခွန်ကျောႏ\tဟဲ့ꩻလွေꩻကွီထူႏ\tခွန်အေးသီး\tအမွိုး\tနမ်ႏစောꩻဖုံႏ\tအမွိုးလမ်းသူꩻသွူ။\n(၃)\tဆရာႏ\tထွဉ်ႏ\tခွန်ကျောႏ\tဟဲ့ꩻ\tခွန်အေးသီး\tလွေꩻကွီထူႏ\tအမွိုး\tနမ်ႏစောꩻဖုံႏ\tအမွိုးလမ်းသူꩻသွူ။\n(၄)\tဆရာႏ\tထွဉ်ႏ\tခွန်ကျောႏ\tဟဲ့ꩻ\tခွန်အေးသီး\tလွေꩻ\tအမွိုးလမ်း\tကွီထူႏ\tအမွိုး\tနမ်ႏစောꩻဖုံႏသွူ။\n(၅)\tဆရာႏ\tထွဉ်ႏ\tခွန်ကျောႏ\tဟဲ့ꩻ\tခွန်အေးသီး\tလွေꩻ\tအမွိုးလမ်း\tကွီ\tအမွိုး\tထူႏ\tနမ်ႏစောꩻဖုံႏသွူ။\nတောင်ꩻသေꩻ-\n=\t“ထွဉ်ႏဟဲ့ꩻလွေꩻကွီထူႏ”ကစဒါႏ ကြိယာႏငတ်ꩻမျိုꩻ ကတွယ်ꩻညီꩻ သော့ꩻဝင်ꩻ ခင်ႏလမ်းကို “ထွဉ်ႏ”ကစဒါႏ ပထမကြိယာႏသီးကံႏပွုဒ် က ထွာဒါႏ “ခွန်ကျောႏ”ကစဒါႏ ကံႏပွုဒ်ဖုံႏနဝ်ꩻ အုံဗာႏ အရီးသွတ်ꩻကို၊\n\t“ဟဲ့ꩻ”ကစဒါႏ ဒုတိယကြိယာႏသီးကံႏပွုဒ် ကထွာဒါႏ “ခွန်အေး သီး”ကစဒါႏ ကံႏပွုဒ်ဖုံႏနဝ်ꩻ အုံဗာႏ ဒုတိယခင်ႏလမ်းကို၊\n\t“လွေꩻ”ကစဒါႏ တတိယကြိယာႏသီးကံႏပွုဒ် ကထွာဒါႏ “အမွိုး လမ်းသူꩻ”ကစဒါႏ ကံႏပွုဒ်ဖုံႏနဝ်ꩻ အုံဗာႏအဆုဲင်ꩻသွတ်ꩻကို၊\n\t“ကွီ”ကစဒါႏ စတုတ္ထကြိယာႏသီးကံႏပွုဒ် ကထွာဒါႏ “အမွိုး”ကစ ဒါႏ ကံႏပွုဒ်ဖုံႏနဝ်ꩻ အုံဗာႏ တတိယခင်ႏလမ်းကိုတဲင်၊\n\t“ထူႏ”ကစဒါႏ ပဉ္စကြိယာႏသီးကံႏပွုဒ် ကထွာဒါႏ “နမ်ႏစောꩻဖုံႏ” \nကစဒါႏ ကံႏပွုဒ်ဖုံႏနဝ်ꩻ အုံဗာႏစတုတ္ထခင်ႏလမ်းကိုနဝ်ꩻသွူ။\n=\t“ကွီ”ကြိယာႏနဝ်ꩻ ထွာဒွိကမ္မကကြိယာႏမျိုꩻတဲင် “နမ်ႏစောꩻဖုံႏ” ကရိုꩻဒါႏ ကံႏပွုဒ်နဝ်ꩻ ကွီ-ကံႏတဲ့မွေးမွေး၊ ထူႏ-ကံႏတဲ့မွေးမွေး၊ ဗွိုန်ပီလို့ ဝင်ꩻသွူ။\n\n(၆) ကမ္မသမ္ပဒါနကြိယာႏ-အဓိပ္ပဲယ်ႏ\n“လွေꩻ\/ကွီ\/လွေꩻကွီ\/လွေꩻအံႏ\/လွေꩻကွီအံႏ\/ဟဲ့ꩻလွေꩻအံႏ\/ဟဲ့ꩻလွေꩻကွီအံႏ” ကစဒါႏ သကမ္မကကြိယာႏဖုံႏတွမ်ႏ “ဖေႏ\/လူႏ”ကစဒါႏ သမ္ပဒါန်ႏကြိယာႏဖုံ��� ကတွယ်ꩻရောꩻညီꩻသွိုဒါႏ ကြိယာႏမျိုꩻဖုံႏယို ဟဲ့ꩻဗာႏ “ကမ္မသမ္ပဒါနကြိယာႏ-ကြိယာႏလိုႏကံႏတွမ်ႏသမ္ပဒါန်ႏ”ဖုံႏနဝ်ꩻသွူ။\nပွုံႏစံႏ -\n(က-၁)\tခွန်ကျောႏ\tလွေꩻဖေႏ\tခွန်မျတ်သီး\tလိတ်ဖစ်\tခွန်မျတ်သီးလမ်းသွူ။\n(က-၂)\tခွန်ကျောႏ\tလွေꩻ\tခွန်မျတ်သီးလမ်း\tဖေႏ\tခွန်မျတ်သီး\n\tလိတ်ဖစ်သွူ။\n(ခ-၁)\tနင်ꩻဗွာ\tကွီဖေႏ\tနင်ꩻနု\tမွန်းငိုꩻ\tနင်ꩻနုသီးမွိုးထျꩻသွူ။\n(ခ-၂)\tနင်ꩻဗွာ\tကွီ\tမွန်းငိုꩻ\tနင်ꩻနုသီးမွိုးထျꩻ\tဖေႏ\tနင်ꩻနုသွူ။\n(ဂ-၁)\tခွန်အေး\tလွေꩻကွီဖေႏ\tခွန်ဗိသီး\tနီး\tခွန်လားသီး ထျꩻ\tတောင်ႏကီꩻသူꩻသွူ။\n(ဂ-၂)\tခွန်အေး\tလွေꩻ\tတောင်ႏကီꩻ\tကွီဖေႏ\tခွန်ဗိသီး\tနီး\nခွန်လားသီးထျꩻသွူ။\n(ဂ-၃)\tခွန်အေး\tလွေꩻ\tတောင်ႏကီꩻ\tကွီ\tနီး\tခွန်လားသီး ထျꩻ\tဖေႏ\tခွန်ဗီသီးသွူ။\n(ကထွာနွောင်ꩻဒါႏ ပွုံႏစံႏအလင်ဖုံႏယိုတဲ့ ထေထန်ႏချာဒျာႏသွော့ဝင်ꩻနော၊\nယိုꩻလဲဉ်းသွူ။)\n\nတောင်ꩻသေꩻ-\n=\t“ဖေႏ”ကစဒါႏ သမ္ပဒါန်ႏကြိယာႏယို မဉ်ႏရိုꩻ “ဒွိကမ္မကကြိယာႏ” မျိုꩻလဲ့ အဝ်ႏမွေးဒျာႏသွူ၊ ကွယ်ႏတွော့ꩻ ယံဖေႏ ကသေနာႏစဲင်းစဲင်း ကံႏ တွမ်ႏသမ္ပဒါန်ႏသဘော်ꩻတရာꩻလဲ့မွေးမွေး၊ ယံဖေႏကသေဗာႏယင်း သမ္ပ ဒါန်ႏကိုလဲ့ သွုံꩻဗာႏ-ဖေႏကစဒါႏကြိယာႏဖုံႏနဝ်ꩻလွုမ်ꩻလဲ့မွေးမွေးတဲင် “ဖေႏ’ကစဒါႏကြိယာႏဖုံႏဘို သွုံꩻတဝ်းအမဉ်ꩻ “ဒွိကမ္မကကြိယာႏ”၊ သွုံꩻ ခေါ်ခေါ်နေးဗာႏဒျာႏအမဉ်ꩻ “သမ္ပဒါန်ႏကြိယာႏ”နုဲင်းနဝ်ꩻသွူ။\n\t(ကံႏတွမ်ႏသမ္ပဒါန်ႏအကျောင်ꩻခရာႏယို ထွားသွော့ဆဲင်ႏရာꩻနာမ်ႏ ကိုနော။)\n=\t“ကွီ”ကြိယာႏနဝ်ꩻ ထွာဒွိကမ္မကကြိယာႏမျိုꩻတဲင် “မွန်းငိုꩻ\/နီး”က ရိုꩻဒါႏ ကံႏဖုံႏနဝ်ꩻ ကွီ-ကံႏတဲ့မွေးမွေး၊ ဖေႏ-ကံႏတဲ့မွေးမွေး ဗွုန်ပီလို့ဝင်ꩻ သွူ။\n\n(၇) ကမ္မာပါဒါနကြိယာႏ-အဓိပ္ပဲယ်ႏ\n\t“ဝါး\/စွီႏ\/လွေꩻ” ကစဒါႏ သကမ္မကကြိယာႏဖုံႏတွမ်ႏ “လွစ်\/ထန်ႏ” ကစဒါႏ အပါဒါန်ႏကြိယာႏဖုံႏ ကတွယ်ꩻရောꩻညီꩻသွိုဒါႏ ကြိယာႏမျိုꩻဖုံႏယို ဟဲ့ꩻဗာႏ “ကမ္မာပါဒါနကြိယာႏ-ကြိယာႏလိုႏကံႏတွမ်ႏသမ္ပဒါန်ႏ”ဖုံႏနဝ်ꩻ သွူ။\nပွုံႏစံႏ -\n(က)\tဖြားဒုံ\tဝါးထန်ႏ\tယာသား\tဒုံကိုသွူ။\n( ခ )\tခွန်လေး\tစွီႏထန်ႏ\tဖိုး\tလမ်းလသွူ။\n( ဂ )\tခွန်အောင်ႏ\tအဝ်ႏလမ်း\tထန်ႏလွေꩻ\tခြံသွူ။\n(ဃ)\tခွန်တီး\tအဝ်ႏဒုံ\tပြောင်ꩻလွေꩻ\tဝေင်ꩻတောင်ႏကီꩻသွူ။\nတောင်ꩻသေꩻ-\n=\tပွုံႏစံႏ(က\/ခ)ဖုံႏအလꩻ “ထန်ႏ”ကစဒါႏ အပါဒါန်ႏကြိယာႏဖုံႏ မဉ်ႏ အုံ ကံႏကြိယာႏဆꩻချာဖဲ့ꩻကိုနဝ်ꩻ “ဒုံကို\/လမ်းလ”ကစဒါႏ အပါဒါန်ႏနာမ်ႏ ပွုဒ်ဖုံႏ အုံဗာႏ ကံႏပွုဒ်ဆꩻချာ\/ဝါကျအဆုဲင်ꩻသွတ်ꩻကိုတဲင် “အဝ်ႏ----“ ကရိုꩻဒါႏ အပါဒါန်ႏ သင်္ကေႏတယိုလဲ့ သွုံꩻပါဗာႏတဝ်းဒွုမ်သွူ။\n\tပွုံႏစံႏ(ဂ\/ဃ)ဖုံႏအလꩻ “ထန်ႏ\/ပြောင်ꩻ”ကစဒါႏ အပါဒါန်ႏကြိယာႏ ဖုံႏ မဉ်ႏအုံရီ ကံႏကြိယာႏဆꩻငါဖဲ့ꩻကိုနဝ်ꩻ “အဝ်ႏလမ်း\/အဝ်ႏဒုံ”ကစဒါႏအ ပါဒါန်ႏနာမ်ႏပွုဒ်ဖုံႏနဝ်ꩻ အုံဗာႏ ကတ္တားဆꩻချာ\/ကြိယာႏဆꩻငါကိုတဲင်”------ကို\/လ”ကစဒါႏ အပါဒါန်ႏသင်္ကေႏတဖုံႏယို သွုံꩻပါတဝ်းဒွုမ်လဲ့ အဝ်ႏ လꩻဒျာႏသွူ။\n=\t“ယာသား\/ဖိုး”ကစဒါႏ ကံႏပွုဒ်ဖုံႏနဝ်ꩻ စပ်ႏထေ့ဗာႏ “ဝါး\/စွီႏ”ကစ ဒါႏ ကံႏကြိယာႏဖုံႏတဲင် “ဒုံကို\/လမ်းလ”ကစဒါႏ အပါဒါန်ႏပွုံႏဖုံႏနဝ်ꩻ စပ်ႏ ထေ့ဗာႏ “ထန်ႏ”ကစဒါႏ အပါဒါန်ႏကြိယာႏဖုံႏသွူ။\n(၈) ကမ္မောကာသကြိယာႏ-အဓိပ္ပဲယ်ႏ\n\t“လွေꩻ\/သဲင်ꩻ” ကစဒါႏ သကမ္မကကြိယာႏဖုံႏတွမ်ႏ “အုံ\/ဗေင်ႏ”က စဒါႏ အကမ္မက(ဩကာသာပေက္ခ-အဝ်ႏလိုႏဩကာသ)ကြိယာႏဖုံႏ ကတွယ်ꩻရောꩻညီꩻသွိုဒါႏ ကြိယာႏမျိုꩻဖုံႏယို ဟဲ့ꩻဗာႏ “ကမ္မောကာသကြိ ယာႏ-ကြိယာႏလိုႏကံႏဩကာသ”ဖုံႏနဝ်ꩻသွူ။\nပွုံႏစံႏ -\n(က-၁)\tခွန်ထွန်း   လွေꩻအုံ\tဝွေꩻလမ်း\tဝေင်ꩻတောင်ႏကီꩻသွူ။\n(က-၂)\tခွန်ထွန်း\tလွေꩻ  ဝေင်ꩻတောင်ႏကီꩻ\tအုံ  ဝွေꩻလမ်းသွူ။\n(ခ-၁)\tခွန်လေား\tအုံလင်ꩻအွꩻ\tဒဝ်\tတဖူꩻသောင်သွူ။\n(ခ-၂)\tခွန်လေား\tအုံလင်ꩻ\tတဖူꩻသောင်  အွꩻ\tဒဝ်    သွူ။\nတောင်ꩻသေꩻ-\nကမ္မောကာသကြိယာႏ ကပါသော့ꩻဒါႏဝါကျကို အဆုဲင်ꩻသွတ်ꩻ ကြိယာႏ “အုံ\/အွꩻ”ဖုံႏ အပေက္ခ(ကအဝ်ႏလိုႏဒါႏ)နာမ်ႏပွုဒ် “ဝွေꩻလမ်း\/ ဒဝ်”ဖုံႏနဝ်ꩻ အုံတွယ်ꩻကပ်ႏလွဉ်ꩻတသေႏသေႏဗာႏ အဆုဲင်ꩻသွတ်ꩻကြိယာႏ (အုံ\/အွꩻ)ဖုံႏဆꩻချာကိုသွူ။\n(တနဲꩻ) ကြိယာႏ (၂)မျိုꩻ\n(၁)\tအနုလောမကြိယာႏ (ကြိယာႏရော့ꩻ)\n\t“တဝ်း” သင်္ကေႏတ တပါတဝ်းဒါႏ ကြိယာႏရော့ꩻမျိုꩻသွူ။\n\tပွုံႏစံႏ - ဗေင်ႏ၊ အုံ၊ လွေꩻ၊ အံႏ ။\n(၂)\tပစ္စနီကကြိယာႏ (ကြိယာႏလွိုဆန်)\n\t“တဝ်း”သင်္ကေႏတ ကပါဒါႏ ကြိယာႏလွိုဆန်မျိုꩻသွူ။\n\tပွုံႏစံႏ - ဗေင်ႏတဝ်း၊ အုံတဝ်း၊ လွေꩻတဝ်း၊ အံႏတဝ်း။\nတောင်ꩻသေꩻ -\n\tပစ္စနီကကြိယာႏကို ပဋိသေဓ (ရဲးဆီꩻ) သဘောꩻမဉ်ႏပါနဝ်ꩻ သွုံꩻ ဗာႏဒျာႏ “----မွုန်း\/မွုန်းတဝ်း\/ပုဲင်ႏ”သင်္ကေႏတဖုံႏသွူ။\nပွုံႏစံႏ -\t\tဗေင်ႏမွုန်း၊ ဗေင်ႏမွုန်းတဝ်း၊ ဗေင်ႏပုဲင်ႏ။\n\t\tလွေꩻမွုန်း၊ လွေꩻမွုန်းတဝ်း၊ လွေꩻပုဲင်ႏ။\nသာဓန-အဓိပ္ပဲယ်ႏ\n\tသာဓေတီတိ သာဓနံ-ကရိုꩻဒါႏ ဝစနတ္ထအလꩻ ကြိယာႏဖုံႏယို က မာꩻထွူဖေႏဒါႏ သတ္တိယိုလဲ့နဝ်ꩻ၊ သာဓီယတေတိ သာဓနံ-ကရိုꩻဒါႏ ဝစ-နတ္ထအလꩻ ကမာꩻထွူဖေႏခံႏဗာႏဒါႏ ကြိယာႏယိုလဲ့နဝ်ꩻ ဟဲ့ꩻဗာႏ “သာဓန” သွူ။\nသာဓန(၂)ပါꩻတွမ်ႏ (၇)ပါꩻ\n(၁)\tသတ္တသာဓန\t-\tကတ္တုသာဓန-စဒါႏ သာဓန(၆)ပါꩻ။\nကတ္တုသာဓန-စဒါႏ သာဓန(၆)ပါꩻဖုံႏယို ကွပ်စွဉ်ႏကြိယာႏဖုံႏ ယံဖေႏက \nထွူနွောင်ꩻအတာႏ မာꩻထွူဖေႏနွောင်ꩻဒါႏ သတ္တိအဝ်ႏနဝ်ꩻမꩻ ဟဲ့ꩻဗာႏ “သတ္တိသာဓန”သွူ။\n\tကြိယာႏသာဓန- ဘာဝသာဓန (၁)ပါꩻ။\nဘာဝသာဓနကား ခံႏဗာႏ ကတ္တားသီးဖုံႏ မာꩻထွူဖေႏဒါႏ ကြိယာႏ မျိုꩻတဲင် ဟဲ့ꩻဗာႏ “ကြိယာႏသာဓန”၊ လꩻနမ်းလဲ့ ထူႏချာဗာႏဒျာႏ ကြိယာႏ သွူ။\nသာဓန(၇)ပါꩻ တွမ်ႏ သတ္တိငဝ်း(သင်္ကေႏတ)\n(၁)\tကတ္တုသာဓန\t-\t----ဒါႏ\n\tပွုံႏစံႏ - ကရောတိ- မာꩻဒါႏသွူ။\n\tကာရကော-မာꩻဒါႏသွူ၊ (ဝါ) မာꩻဒါႏသား ။\n(၂)\tကမ္မသာဓန - ----အပ်၊ (တနဲꩻ) ခံႏဗာႏ----\n\tပွုံႏစံႏ - ကရီယတေ - မာꩻအပ်သွူ။ (တနဲꩻ) ခံႏဗာႏမာꩻသွူ။\n\tကမ္မံ- မာꩻအပ်သွူ။ (တနဲꩻ) ထာꩻမာꩻ ခံႏဗာႏမာꩻသွူ။\n(၃)\tကရဏသာဓန - အီ\n\tပွုံႏစံႏ - ကရဏံ - မာꩻအီသွူ။ (မာꩻအီတွမ်ႏနꩻ-စတဲင်)\n(၄)\tသမ္ပဒါနသာဓန -\tရာꩻ\n\tပွုံႏစံႏ - ဒါနံ - လူႏတန်ꩻရာꩻ (ပုဂ္ဂိုလ်ႏ-စတဲင်)\n(၅)\tအပါဒါနသာဓန-\tရာꩻ\n\tပွုံႏစံႏ - အပါဒါနံ - ဖထန်ႏရာꩻ (ခင်ႏလမ်း-စတဲင်)\n(၆)\tဩကာသသာဓန -\tရာꩻ\n\tပွုံႏစံႏ\t- သေနာသနံ-ဗေင်ႏရာꩻ အုံအဝ်ႏရꩻ(ခင်ႏလမ်း-စတဲင်)\n(၇)\tဘာဝသာဓန -\t\tမုꩻ\n\tပွုံႏစံႏ - ကရီယတေ - မာꩻမုꩻ၊ သီယတေ-ဗေင်ႏမုꩻ၊\n\t\tကရဏံ- မာꩻမုꩻ၊ သယနံ-ဗေင်ႏမုꩻ ။\n\nတောင်ꩻသေꩻ -\n=\tသတ်မတ်ဖေႏ သတ္တိငဝ်း (သင်္ကေႏတ)နုဲင်းယိုဖုံႏလဲ့ နီပအိုဝ်ႏဘာႏ သာႏကို တသွုံꩻကြွို့ꩻတဝ်း၊ ကွယ်ႏတွော့ꩻ မဉ်ႏထွားမဉ်ႏသွဉ်ပါဠိဘာႏ သာႏ၊ မဉ်ႏဖေႏပါဠိအနက်နဝ်ꩻ ယံဖေႏကထွာအကူႏအညီႏ အစွဲးအပမ်း အတာႏ ယံဖေႏကေသနာႏဗာႏ သတ္တိ\/သဘောꩻတရာꩻဖုံႏအတွက် တဲမ်း မတ်သေꩻခါꩻဗာႏ သတ္တိငဝ်း (သင်္ကေႏတ)။\n=\t“ဒါႏ”သင်္ကေႏတနဝ်ꩻ နာမ်ဝိသေသနသင်္ကေႏလဲ့အဝ်ႏ၊ ကတ္တုသာ ဓနသတ္တိငဝ်း (သင်္ကေႏတ)လဲ့အဝ်ႏသွူ။\n\tနာမဝိသေသန သင်္ကေႏတ(ဒါႏ)နဝ်ꩻ ကမ္မသာဓနသတ္တိငဝ်း၊ ကရ ဏ သာဓနသတ္တိငဝ်းဖုံႏဆꩻချာကို အုံသော့ꩻနွောင်ꩻဒျာႏသွူ။\n\tကွယ်ႏတွော့ꩻ ကတ္တုသာဓနသတ္တိငဝ်း ဆꩻချာကိုကား အငဝ်းဗွုန် လဲဉ်းဝင်ꩻတဲင် အုံသော့ꩻတဝ်းဒွုန်း၊ သမ္ပဒါန်ႏ-ကစဒါႏ သတ္တိငဝ်းဖုံႏဆꩻ ချာကိုလဲ့ အသွုံꩻတအဝ်ႏတဝ်းတဲင် တအုံသော့ꩻတဝ်းနေနေသွူ။\n=\tပါဠိသဒ္ဒါႏကို အာချာတ်ကြိယာႏတွမ်ႏ ကိတ်ကြိယာႏ-အဝ်ႏနီမျိုꩻ အကို အာချာတ်ကြိယာႏကို အဝ်ႏနွောင်ꩻကြိယာႏဟောꩻကတ္တား (ကရော တိ)၊ ကြိယာႏဟောꩻကံႏ (ကရီယတေ)၊ ကြိယာႏဟောꩻဘာဝ(ကရီယ တေ)-(၃)မျိုꩻလွုမ်ꩻတဲင်-\n\nကိတ်ကြိယာႏကို ကြိယာႏဟောꩻကတ္တား (ကာရကော-ကတ္တု သာဓန)၊ ကြိယ���ႏဟောꩻကံႏ(ကတံ-ကမ္မသာဓန)-စဒါႏနုဲင်းယိုဖုံႏတဲင် အဝ်ႏနွောင်ꩻလို့(၇)မျိုꩻလွုမ်ꩻသွူ။\n=\tကမ္မသာဓနသတ္တိငဝ်း(သင်္ကေႏတ)အကို “အပ်”နဝ်ꩻ ကဲဉ်းအာ အာ သွုံꩻဒျာႏ ဖေႏပါဠိအနက်တဲင် “ခံႏဗာႏ”နဝ်ꩻ ကဲဉ်းအာအာ သွုံꩻဒျာႏ ဒေါ့ꩻ\/တဲမ်းပအိုဝ်ႏငဝ်းကိုသွူ။\n\tမဉ်ႏသွုံꩻ”ခံႏဗာႏ”သင်္ကေႏတနဝ်ꩻ ကံႏပွုဒ်နဝ်ꩻ အုံဗာႏ “ခံႏဗာႏ”သ င်္ကေႏတ-ကရိုꩻဒါႏ ပထမကြိယာႏပွုဒ်ဆꩻငါ\/ဝါကျဆꩻငါသွတ်ꩻတဲင်-\n\tကတ္တားပွုဒ်နဝ်ꩻ အုံဗာႏ ဒုတိယကြိယာႏဆꩻငါ\/”ခံႏဗာႏ”သင်္ကေႏ တကရိုꩻဒါႏ ပထမကြိယာႏပွုဒ်ဆꩻချာသွူ။(ခံႏဗာႏ-နဝ်ꩻ ကမ္မသာဓန \nသတ္တိငဝ်း(သင်္ကေႏတ)လဲ့မွေးမွေး၊ ကြိယာႏပွုဒ်လဲ့မွေးမွေးသွူ။\nပွုံႏစံႏ -\t(က)\tဒေါ့ꩻ\/တဲမ်းပအိုဝ်ႏငဝ်းကို-\n(၁)\tဒဲဉ်\tခံႏဗာႏ\tခွေ\tဒွိုႏသွူ။\n(၂)\tထာꩻမာꩻယိုနဝ်ꩻ\tခံႏဗာႏ\tခွေ\tမာꩻသွူ။\n(ခ) ဖေႏပါဠိအနက်ကို-\n(၁)\tမယာ-ခွေနဝ်ꩻ၊ ဩဒနော-ဒဲဉ်ယို၊ ပစ္စတေ-ဒွိုႏအပ်သွူ။\n(၂)\tမယာ-ခွေနဝ်ꩻ၊ ကမ္မံ-ထာꩻမာꩻယို၊ ကရီယတေ-မာꩻအပ်သွူ။\n=\tနီပအိုဝ်ႏငဝ်းဝေါဟာရကို ဘာဝသာဓန(ဘာဝကြိယာႏ)သင်္ကေႏ တ”မုꩻ”ယို သွုံꩻဗော့ꩻဒျာႏ ကြိယာႏခြေင်ခြေင်ကိုလွုမ်ꩻတဲင် ကံႏ-စဒါႏ နာမ်ႏပွုဒ်လင်ဖုံႏ မဉ်ႏပါနဝ်ꩻ တသွုံꩻတဝ်းဒွုမ်သွူ။\nပွုံႏစံႏ -\t(က-၁)\tနာႏမုꩻ\t\t(ခ-၁)\tဟောꩻမုꩻ\n\t(က-၂)\tနာႏတရာꩻ\t(ခ-၂)\tဟောꩻတရာꩻ ။\nဖေႏပါဠိအနက် -\n(က)\tဓမ္မဿ-တရာꩻယို၊ သဝနံ-နာႏမုꩻ၊ ဓမ္မဿဝနံ-နာႏတရာꩻ။\n( ခ )\tဓမ္မဿ-တရာꩻယို၊ ဒေသနာ-ဟောꩻမုꩻ၊ ဓမ္မဒေသနာ-ဟောꩻ တရာꩻ။\nထွဉ်ႏသေꩻ -\n=\tကြိယာႏတွယ်ꩻဖုံႏ အဝ်ႏနွောင်ꩻထဲင်းဒွုန်းက-ရိုꩻကီလဲ့ တအွဉ်ႏ\nနယ်ဗာႏတဝ်းဒွုန်း ကြိယာႏတွယ်ꩻအလင်ဖုံႏနဝ်ꩻ ကွပ်စွဉ်ႏပါ\/နွို့သော့ꩻ \nနွောင်ꩻလဲဉ်းဒျာႏ ကအွဉ်ႏနယ်သေꩻခါꩻလဲဉ်း ကြိယာႏတွယ်ꩻဖုံႏအကိုတဲင်\nတဲ့နဝ်ꩻ။\n\t\nတအွဉ်ႏနယ်တဝ်းဒွုမ် ကြိယာႏတွယ်ꩻအလင်ဖုံႏ-ရိုꩻကီလဲ့ ထွား\nသေနာႏစဲင်းစဲင်းထွူ ကအွဉ်ႏနယ်သေꩻခါꩻလဲဉ်းဒါႏ တွယ်ꩻပွုံႏတွယ်ꩻနယ်ꩻ\nဖုံႏနဝ်ꩻတွော့ꩻ ကွပ်စွဉ်ႏ နမ်းတွမ်ႏနမ်း ရတွယ်ꩻချာနွောင်ꩻလဲဉ်းဒျာႏတဲင်\nတဲ့နဝ်ꩻ။\n\tကြိယာႏတွယ်ꩻအလင်ဖုံႏ မဉ်ႏအဝ်ႏနေဒွုန်းလဲ့ နမ်းတွမ်ႏနမ်း\nအွဉ်ႏတွယ်ꩻချာဒျာႏသွော့ဝင်ꩻအကျောင်ꩻ တဲမ်းသေꩻခါꩻဗာႏ “ငဝ်းထွဉ်ႏ\nသေꩻ”နုဲင်းယိုသွူ။\n\t(အလင်လင်ကိုလဲ့ မတ်သွော့နုဲင်းနဝ်ꩻအတွိုင်ꩻနေား။)\nကြိယာႏအကျောင်ꩻခရာႏ ထွူလဲဉ်းသွူ။\n\nနာမ်ႏ-အမျိုꩻမျိုꩻ\n၁။\tကတ္တုနာမ\t\t-\tနာမ်ႏကတ္တား(နာမ်ႏမာꩻ)\n၂။\tကမ္မနာမ\t\t-\tနာမ်ႏကံႏ (နာမ်ႏခံႏ)\n၃။\tကရဏနာမ\t\t-\tနာမ်ႏကရဏ (နာ��်ႏကူႏညီႏ)\n၄။\tသမ္ပဒါနနာမ\t\t-\tနာမ်ႏသမ္ပဒါန်ႏ (နာမ်ႏလက္ခံႏ)\n၅။\tအပါဒါနနာမ\t\t-\tနာမ်ႏအပါဒါန်ႏ (နာမ်ႏဖထန်ႏ)\n၆။\tဩကာသာနာမ\t-\tနာမ်ႏဩကာသ (နာမ်ႏခင်ႏလမ်း)\n၇။\tပကတိဝိကတိနာမ\t-\tနာမ်ႏပကတိဝိကတိ (နာမ်ႏပြောင်ꩻ \nလုဲင်ႏ)\n၈။\tသဟနာမ\t\t-\tနာမ်ႏသဟ (နာမ်ႏညီꩻသွို)\n၉။\tသာမီနာမ\t\t-\tနာမ်ႏသာမီ (နာမ်ႏပဲင်ႏ)\n၁၀။\tနိယမနာမ\t\t-\tနာမ်ႏနိယမ (နာမ်ႏသေႏချာႏ)\n၁၁။\tအနိယမနာမ\t\t-\tနာမ်ႏအနိယမ \n(နာမ်ႏသေႏချာႏဒွုန်း)\n၁၂။\tအာလပနနာမ\t\t-\tနာမ်ႏအာလုပ် (နာမ်ႏဟဲ့ꩻ)\n၁၃။\tပုစ္ဆာနာမ\t-\tနာမ်ႏပုစ္ဆာႏ (နာမ်ႏရီ)\n၁၄။\tဥပမာနာမ\t-\tနာမ်ႏဥပမာႏ\n၁၅။\tအာမေဍိတနာမ-\tနာမ်ႏအာမေဍိတ် (နာမ်ႏငဝ်းထပ်)\n၁၆။\tဝိစ္ဆာနာမ\t-\tနာမ်ႏဝိစ္ဆာႏ(နာမ်ႏစွစ်ꩻ)\n၁၇။\tဧကသေသနာမ-\tနာမ်ႏဧကသေသ်(နာမ်ႏကျွင်ꩻတပွုဒ်)\n၁၈။\tဝိသေသနနာမ\t-\tနမာ်ႏဝိသေသန (နာမ်ႏမာꩻထူꩻ)\n၁၉။\tသဗ္ဗနာမ\t-\tနာမ်ႏသဗ္ဗ (နာမ်ႏလို့)\n၂၀။\tဝါကျနာမ\t-\tနာမ်ႏဝါကျ\n၂၁။\tကြိယာနာမ\t-\tနာမ်ႏကြိယာႏ\n၂၂။\tအတ္ထိနာမ\t-\tနာမ်ႏအတ္ထိ(နာမ်ႏအဝ်ႏ)\n၂၃။\tသန္နိဋ္ဌာနနာမ\t-\tနာမ်ႏသန္နိဋ္ဌာန(နာမ်ႏဆွုံꩻဖျတ်)\n၂၄။\tသမုစ္စယနာမ\t-\tနာမ်ႏသမုစ္စယ (နာမ်ႏပေါင်ꩻညီꩻ)\n၂၅။\tဝိကပ္ပနာမ\t-\tနာမ်ႏဝိကပ္ပန(နာမ်ႏယဟန်ႏ)\n၂၆။\tအညနာမ\t-\tနာမ်ႏအည(နာမ်ႏအလင်)\n၂၇။\tတုမတ္ထနာမ\t-\tနာမ်ႏတုမတ္ထ(နာမ်ႏရေႏရွယ်ႏ)\n၂၈။\tဟေတုနာမ\t-\tနာမ်ႏဟေတု(နာမ်ႏအကျောင်ꩻ)\n၂၉။\tလက္ခဏနာမ\t-\tနာမ်ႏလက္ခဏ(နာမ်ႏမတ်)\n၃၀။\tအာဒရိယာနာဒရိယနာမ-\tနာမ်ႏအာဒရိယာနာဒရိယ\n\t\t\t\t\t(နာမ်ႏခံႏဗာႏရိုႏသေႏ+တဝ်း)\n၃၁။\tအစ္စန္တသံယောဂနာမ\t-\tနာမ်ႏအစ္စန္တသံယောဂ\n(နာမ်ႏတသေႏ)\n၃၂။\tဂရဟာပသံသနာမ\t-\tနာမ်ႏဂရဟာပသံသာ\n\t\t\t\t\t(နာမ်ႏသဲ့ꩻသွမ်ꩻ+အံႏဖြာႏ)\n၃၃။\tသညာနာမ\t\t-\tနာမ်ႏသညာႏ(နာမ်ႏအမဉ်ꩻ)\n\nတောင်ꩻသေꩻ - “နာမ်ႏပကတိဝိကတိ”နဝ်ꩻကား ပေါင်ꩻသော့ꩻရောꩻညီꩻ နာမ်ႏက တ္တားတွမ်ႏ နာမ်ႏကံႏဖုံႏကို အဝ်ႏလꩻဒျာႏ-ရိုꩻကီလဲ့ ကွပ်မဲဉ်အွဉ်ႏသေနာႏ စဲင်းစဲင်းငါႏ ပကတိ+ဝိကတိအကျောင်ꩻခရာႏဖုံႏနဝ်ꩻမꩻ ခွယ်ꩻခေါ်ထန်ႏ ဖေႏနေးဗာႏ နာမ်ႏအမဉ်ꩻတမျိုꩻအနေႏသွူ။\n=\tပေါႏလွိုတဲင် ကအွဉ်ႏနယ်ခါꩻဒါႏ နာမ်ႏ(၃၄)မျိုꩻယိုနဝ်ꩻ နာမ်ႏမျိုꩻ လင်ဖုံႏ အဝ်ႏနွောင်ꩻဒွုန်းဒျာႏ၊ ကွယ်ႏတွော့ꩻ ပါသော့ꩻနွောင်ꩻလဲဉ်းဒျာႏ က အွဉ်ႏနယ်ခါꩻဒါႏ နာမ်ႏ(၃၄)မျိုꩻအကိုယိုသွူ။\n\tကွယ်ႏတွော့ꩻ တပါ\/နွို့သော့ꩻနွောင်ꩻတဝ်းဒွုန်း နာမ်ႏမျိုꩻလင်ဖုံႏ မဉ်ႏအဝ်ႏဒွုန်းနဝ်ꩻလဲ့ ထဲမ်သော့ꩻသေꩻချာဒျာႏသွော့ဝင်ꩻအကျောင်ꩻ-လဝ်းဟွုန်သေꩻဗာႏ ထွားလိတ်သားသီးဖုံႏနဝ်ꩻသွူ။\n\t(အလင်လင်ကိုလ���့ မတ်သွော့ဝင်ꩻနုဲင်းနဝ်ꩻနော။)\n\nကာရက+အကာရကအခွယ်ꩻ\n\tနာမ်ႏဆꩻကီသွတ်ꩻ (၆)မျိုꩻနဝ်ꩻ မုချ(တဲက်ယဲက်)အနေႏလဲ့သင်၊ ဥပစာႏ(တရန်း)အနေႏလဲ့သင် ကွပ်မာꩻထွူထွာဖေႏနွောင်ꩻ ပဓာနကြိ ယာႏ၊ စပ်ႏထေ့ဗာႏ ပဓာနကြိယာႏနဝ်ꩻမꩻ ဟဲ့ꩻဗာႏ”နာမ်ႏကာရက”တဲင်၊\n\tလွိုနာမ်ႏအလင်ဖုံႏနဝ်ꩻ ကွပ်စွဉ်ႏတမာꩻထွူထွာဖေႏနွောင်ꩻတဝ်း ပဓာနကြိယာႏ၊ ကွပ်စွဉ်ႏ တစပ်ႏထေ့ဗာႏတဝ်း ပဓာနကြိယာႏအထျꩻနဝ်ꩻ မꩻ ဟဲ့ꩻဗာႏ”နာမ်ႏအကာရက”သွူ။\n\nကာရက(၆)မျိုꩻ\n(၁)\tကတ္တုကာရက\t-\tနာမ်ႏကတ္တား\n(၂)\tကမ္မကာရက\t\t-\tနာမ်ႏကံႏ\n(၃)\tကရဏကာရက\t-\tနာမ်ႏကရဏ\n(၄)\tသမ္ပဒါနကာရက\t-\tနာမ်ႏသမ္ပဒါန်ႏ\n(၅)\tအပါဒါနကာရက\t-\tနာမ်ႏအပါဒါန်ႏ\n(၆)\tဩကာသကာရက\t-\tနာမ်ႏဩကာသ\n\nအကာရက(၂)ပွုဒ်မျိုꩻ\n(၁)\tအကာရကပဒ (အကာရကပွုဒ်) =\n\tနာမ်ႏသဟ၊ နာမ်ႏသာမီ-ကစဒါႏ အကာရကနာမ်ႏပွုဒ်ဖုံႏသွူ။\n(၂)\tအကာရကဝါကျ (ဝါ) သမ္ဗန္ဓဝါကျ (ဝါကျသွုပ်)=\n\tဟေတုဝါကျသွုပ်၊ လက္ခဏဝါကျသွုပ်-ကစဒါႏ အကာရဝါကျ \n(ဝါ) ဝါကျသွုပ်သီးဖုံႏသွူ။\n\n၁။ နာမ်ႏကတ္တား (နာမ်ႏမာꩻ)\nကတ္တား-အဓိပ္ပဲယ်ႏကရိုꩻနဝ်ꩻ ကမာꩻနွောင်ꩻ ကထွာနွောင်ꩻဒါႏ သတ္တိယို (ဝါ) ကောကမာꩻ ကော ကထွာဒါႏသားပုဂ္ဂိုလ်ႏ\/ဝတ္ထုတမျိုꩻမျိုꩻယို ဟဲ့ꩻဗာႏ “ကတ္တား”(မာꩻဒါႏ သား)”နဝ်ꩻသွူ။\n\t(ကြိယာႏတွိုင်ꩻကို ကတ္တားအဝ်ႏသွူ။)\nကတ္တား-သတ္တိ\n\tနမ်းဗွေႏ (ကိုယ်တိုင်) မာꩻထွူထွာဖေႏနွောင်ꩻကြိယာႏ-ကရိုꩻဒါႏ “ကြိယာဘိနိပ္ဖါဒနသတ္တိ”အဝ်ႏသွူ။\n\nကတ္တား (၂)မျိုꩻ\n(၁)\tကတ္တုပဒ\t-\tကတ္တားပွုဒ်\n(၂)\tကတ္တုဝါကျ\t-\tကတ္တားဝါကျ\nကတ္တား-သင်္ကေႏတ\n\t------ နဝ်ꩻ\nကတ္တားပွုဒ်-ခင်ႏလမ်း\n\tကတ္တားပွုဒ်နဝ်ꩻ ကဲဉ်းအာအာ အုံဒျာႏ “ဝါကျဆငါသွတ်ꩻ”(ပဓာန) ကြိယာႏဆငါ”နဝ်ꩻသွူ။\n\t(ကတ္တား ကအုံဗာႏဒါႏ ကံႏဆꩻချာဖဲ့ꩻကိုလဲ့ အဝ်ႏနေနေသွူ။)\n\nတောင်ꩻသေꩻ - ပွိုင်းဝွို့တွမ်ႏ နာမ်ႏပွုဒ်ခင်ႏလမ်း သတ်မတ်ချက်ဖုံႏယိုနဝ်ꩻ”သဒ္ဒါႏ စီꩻကန်ꩻ၊ သေႏတဝ်းရင်ꩻ၊ မတ်ဝင်ꩻ ယေဘုယျ”ကရိုꩻဒါႏ ပညာႏသျင်ႏသီး ငဝ်းနဝ်ꩻအတွိုင်ꩻ သတ်မတ်ဖေႏဗာႏ ယေဘုယျ(ကဲဉ်းအာအာ)နယ်ꩻသွူ။\n\nကတ္တားသင်္ကေႏတ-ခင်ႏလမ်း\n\tအုံကတ္တားပွုဒ်ဆꩻချာ၊(အုံတွယ်ꩻကပ်ႏလွဉ်ꩻကတ္တားပွုဒ်ဆꩻချာ ဖဲ့ꩻ)။\n\n၂။ နာမ်ႏကံႏ (နာမ်ႏခံႏ)\nကံႏ-အဓိပ္ပဲယ်ႏ\nကခံႏဗာႏဒါႏသတ္တိယို (ဝါ) ကောကခံႏဗာႏဒါႏသားပုဂ္ဂိုလ်ႏ\/ဝတ္ထု တမျိုꩻမျိုꩻယို ဟဲ့ꩻဗာႏ “ကံႏ(ခံႏဗာႏသား”နဝ်ꩻသွူ။\n\t(ကံႏနဝ်ꩻအဝ်ႏနွောင်ꩻ “တွိုႏ\/လွေꩻ\/သဲင်ꩻ\/အံႏ”စဒါႏ သကမ္မကကြိ ယာႏ=ကြိယာႏလိုႏကံႏစားကိုလွုမ်ꩻသွူ။)\n\nကံႏ-သတ္တိ\nကြိယာႏတွိုႏထေ့ဗာႏ(ဝါ) ကတ္တားမာꩻတွိုင်ꩻ ခံႏဗာႏ-ကရိုꩻဒါႏ “ကြိ ယာပါပုဏနသတ္တိ”အဝ်ႏသွူ။\nကံႏ (၂)မျိုꩻ\n(၁)\tကမ္မပဒ\t=\tကံႏပွုဒ်\n(၂)\tကမ္မဝါကျ\t=\tကံႏဝါကျ\nကံႏ-သင်္ကေႏတ\n\t------ ယို\/သူꩻ\nကံႏပွုဒ်-ခင်ႏလမ်း\n\tကံႏပွုဒ်နဝ်ꩻ အုံဗာႏ “ဝါကျဆချာသွတ်ꩻ\/ကြိယာႏဆꩻချာ”နဝ်ꩻ သွူ။\nကံႏသင်္ကေႏတ-ခင်ႏလမ်း\n\tအုံကံႏပွုဒ်ဆꩻချာ၊(အုံတွယ်ꩻကပ်ႏလွဉ်ꩻကံႏပွုဒ်ဆꩻချာ ဖဲ့ꩻ)။\nပွုံႏစံႏအအဲဉ်ႏ\n\tကတ္တား+ကြိယာႏ+ကံႏ\nပွုံႏစံႏ\n(က)\tဗွေႏသျင်ႏနဝ်ꩻ\tအီႏဝုဲင်ႏ\tဖရာꩻယို\tသွူ။\n\t(ဗွေႏသျင်ႏ အီႏဝုဲင်ႏ  ဖရာꩻ သွူ။)\n\t(သာမဏေရော-ဗွေႏသျင်ႏနဝ်ꩻ၊ ဗုဒ္ဓံ-ဗွေႏမျတ်ဖရာꩻယို၊ ဝန္ဒိဿ တိ-အီႏဝုဲင်ႏသွူ။)\n( ခ )\tသူႏတောႏကောင်ꩻသီးနဝ်ꩻ  လꩻလွဝင်ꩻ ချံꩻသာႏဖုံႏယိုသွူ။\n\t(သူႏတောႏကောင်ꩻသီး လꩻလွဝင်ꩻ ချံꩻသာႏဖုံႏသွူ။)\n\t(သန္တော-သူႏတောႏကောင်ꩻသီးနဝ်ꩻ၊ သုခါနိ-ချံꩻသာႏဖုံႏယို၊ လဘန္တိ-လꩻလွဝင်ꩻသွူ။)\n( ဂ )\tလိုꩻမွိုက်ဖုံႏနဝ်ꩻ   တွိုႏလွလဲဉ်း  ငရုဲင်ꩻသခမ်းသူꩻ  သွူ။\n(လိုꩻမွိုက်ဖုံႏ တွိုႏလွလဲဉ်း ငရုဲင်ꩻခမ်း သွူ။)\n(အသန္တော-လိုꩻမွိုက်ဖုံႏနဝ်ꩻ၊ နိရယံ-ငရုဲင်ꩻခမ်းသူꩻ၊ အဂမိံသု-တွိုႏ လွလဲဉ်းသွူ။)\n\nတောင်ꩻသေꩻ -\n\t(၁)\t“ကတ္တားပွုဒ်”ကပါသော့ꩻဒါႏ ဝါကျတဗာႏလွုမ်းယို ဟဲ့ꩻ ဗာႏ “ကတ္တားဝါကျ”တဲင် -\n\t(ကတ္တားဝါကျနဝ်ꩻအကို) ကံႏပွုဒ်မဉ်ႏပါလဲ့ “ကံႏဝါကျ”၊(ကရဏ ပွုဒ်မဉ်ႏပါလဲ့ “ကရဏဝါကျ”စဒါႏ ဝါကျမဉ်ꩻအမျိုꩻမျိုꩻနုဲင်းယိုဖုံႏလဲ့ ဟဲ့ꩻ နွောင်ꩻဒျာႏနေနေသွူ။(ဝါကျတွိုင်ꩻကို မတ်သွော့နုဲင်းနဝ်ꩻနော။)\n\t(၂)\tမဉ်ႏဖေႏပါဠိအနက်နဝ်ꩻ အရီးသွတ်ꩻ ကဲဉ်းအာအာ ဖေႏရီး ရီးဗာႏကတ္တားအနက်တဲင် မဉ်ႏတွိုႏအဆုဲင်ꩻသွတ်ꩻသူꩻမꩻ ဖေႏဆုဲင်ꩻတ သေႏသေႏဗာႏ “(ပဓာန)ကြိယာႏပွုဒ်အနက်”သွူ။\n\t(၃)\tနီသွဉ်းသီးပအိုဝ်ႏငဝ်းကို သွုံꩻဆေ့ꩻမွေးငါႏ “နာမ်ႏသင်္ကေႏ တ”ဖုံႏသွူ၊ ကွပ်နဝ်ꩻမꩻ သွုံꩻပါတဝ်းစွဉ်ႏ “နာမ်ႏသင်္ကေႏတ”ဖုံႏလဲ့ သေနာႏ ထွူ နာမ်ႏသဘော်ꩻတွမ်ႏနာမ်ႏသတ္တိ၊ ထွားစဲင်းစဲင်းထွူ နာမ်ႏအုံခင်ႏလမ်း ဖုံႏတဲင် ခွယ်ꩻချာꩻသေနာႏဗာႏ ကတ္တားနဲ့? ကံႏနဲ့? စဒါႏ နာမ်ႏအမျိုꩻမျိုꩻဖုံႏ နဝ်ꩻသွူ။\n\tကွယ်ႏတွော့ꩻ မဉ်ႏဖေႏပါဠိအနက်နဝ်ꩻ မဉ်ႏသွုံꩻဖေႏပါ “နာမ်ႏ သင်္ကေႏတ(ဝိဘတ်အနက်)”ဖုံႏနဝ်ꩻမꩻ အဆင်ႏပြေႏတဲင် ပအိုဝ်ႏသဒ္ဒါႏ လိတ်စောင်ႏကိုယိုလဲ့ တဲမ်းသေꩻခါꩻပါဗာႏ “နာမ်ႏသင်္ကေႏတ(ဝိဘတ်အ နက်)”ဖုံႏသွူ။\n\n=\tကံႏပွုဒ်ဖုံႏနဝ်ꩻ သာမညဝါကျဖုံႏကို ကဲဉ်းအာအာ အုံဗာႏဒျာႏကြိ ယာႏဆꩻချာကို-ရ��ုꩻကီလဲ့ မဉ်ႏတွိုႏဒျာႏ နာမ်ႏဝိသေသန’ နာမ်ႏနိယမ’ နာမ်ႏပုစ္ဆာႏ’ ပကတိကံႏပွုဒ်-ကစဒါႏ နာမ်ႏမျိုꩻဖုံႏကိုလဲ့နဝ်ꩻ၊ အာဏတျတ္ထ ကြိယာႏ (ထွဉ်ႏမုꩻသဘောꩻပါကြိယာႏ)၊ ဝုတ္တကမ္မတ္ထကြိယာႏ (ကြိယာႏ ဟောꩻကံႏအနက်)-ကစဒါႏ ကြိယာႏဖုံႏပါသော့ꩻရာꩻကိုလဲ့နဝ်ꩻ ကံႏပွုဒ်\/ ကံႏဝါကျသွုပ်ဖုံႏနဝ်ꩻ အုံဗာႏဒျာႏ ကြိယာႏပွုဒ်\/ကတ္တားပွုဒ်ဆꩻငါဖဲ့ꩻကိုလဲ့ အဝ်ႏဒျာႏနေနေသွူ။\n\tနာမ်ႏအမျိုꩻမုဲင်ꩻကိုတယဝ်း သတ်မတ်ဖေႏခါꩻဗာႏခင်ႏလမ်းဖုံႏ နဝ်ꩻ သတ်မတ်ဖေႏဗာႏတွမ်ႏယေဘုယျ(ကဲဉ်းအာအာ)နယ်ꩻလွဉ်းလွဉ်း သွူ။\n\tကွပ်နဝ်ꩻမꩻ ယလဲင်ႏလဲင်ႏ ခင်ႏလမ်းအုံတမဲဉ်ႏတဝ်းအထွောင်းလဲ့ အဝ်ႏဒါႏနေနေသွူ။\nပွုံႏစံႏ -\n(က)\tကံႏတွမ်ႏကံႏအကျိုꩻဖုံႏယို ကယွုမ်းအံႏဒါႏဗွေႏသျင်ႏနဝ်ꩻ------။\n( ခ )\tကာꩻပေႏယိုတဆွိုင်ꩻ  ခွေ  မဲဉ်လꩻမွေးသွူ။\n( ဂ )\tအမေရိကန်ႏခမ်းသူꩻ   သီ   တွိုႏဗာႏဖိုနေဟောင်း?\n(ဃ)\tခွန်လေားယို\tမတ်ဗာႏ\tလိုꩻယံသွူ။\n( င )\tပွုံႏစံႏဖုံႏယို\tထွားသွော့\tဆဲင်ꩻရာꩻအခန်ꩻကိုနော။\n( စ )\tခွန်အေး\tခံႏဗာႏ\tဆရာႏမူႏ\tတွယ်ႏ\tတွမ်ႏခွဉ်းသွူ။\n\n၃။ နာမ်ႏကရဏ (နာမ်ႏကူႏညီႏ)\nကရဏ-အဓိပ္ပဲယ်ႏ\nကြိယာႏထွူထွာအီနွောင်ꩻဒါႏသတ္တိယို(ဝါ) ကြိယာႏထွူထွာရေꩻ အတာႏ အကူႏအညီႏအထူꩻ-ကထွာဒါႏ ပုဂ္ဂိုလ်ႏ ဝတ္ထုတမျိုꩻမျိုꩻယို ဟဲ့ꩻ ဗာႏ “ကရဏ(ကူႏညီႏ)”နဝ်ꩻသွူ။\n\t(ကြိယာႏလိုႏအကူႏအညီႏတွိုင်ꩻကို ကရဏအဝ်ႏနွောင်ꩻသွူ။)\nကရဏ-သတ္တိ\n\tနာမ်ႏကာရက(၆)မျိုꩻအကို ပေါꩻလွိုကတ္တားနဝ်ꩻ ကရဏနဝ်ꩻ ထွာ ဖေႏ ကြိယာႏအကူႏအညီႏအထူꩻတဲင် မာꩻထွူထွာနွောင်ꩻကြိယာႏ-ကရိုꩻ ဒါႏ “ကြိယာႏသာဓကတမသတ္တိ”အဝ်ႏသွူ။\n\nကရဏ (၂)မျိုꩻ\n(၁)\tကရဏပဒ\t=\tကရဏပွုဒ်\n(၂)\tကရဏဝါကျ\t=\tကရဏဝါကျ\nကရဏ-သင်္ကေႏတ\n\t(၁)\t-----အီတွမ်ႏ\/တွမ်ႏ-----\n\t(၂) ----တွမ်ႏ---တဲင်\/တွော့ꩻ-----(အီ)----\n\nကရဏပွုဒ်-ခင်ႏလမ်း\n(၁)\tသင်္ကေႏတ(၁)နယ်ꩻအလꩻ- ကရဏပွုဒ်နဝ်ꩻ ကဲဉ်းအာအာ အုံဒျာႏ ဝါကျဆꩻချာသွတ်ꩻ\/ကြိယာႏဆꩻချာနဝ်ꩻသွူ။\n(၂)\tသင်္ကေႏတ(၂)နယ်ꩻအလꩻ - အုံတသေႏသေႏ ဝါကျအရီးသွတ်ꩻ သွူ။\n\nကရဏသင်္ကေႏတ-ခင်ႏလမ်း\n(၁)\tသင်္ကေႏတ(၁)နယ်ꩻအလꩻ “----အီတွမ်ႏ\/တွမ်ႏ----“နဝ်ꩻ အုံကရ ဏပွုဒ်ဆꩻငါ၊ အုံတွယ်ꩻကပ်ႏလွဉ်ꩻကြိယာႏပွုဒ်ဆꩻချာဖဲ့ꩻသွူ။\n\t(သွုံꩻလꩻကြိယာႏပါ တဗာႏကိုလွုမ်ꩻသွူ။)\n(၂)\tသင်္ကေႏတ(၂)နယ်ꩻအလꩻ- “----တွမ်ႏ----“နဝ်ꩻ အုံ ပထမကြိ ယာႏဆꩻချာ ကရဏပွုဒ်ဆꩻငါကိုတဲင် “---တဲင်\/တွော့ꩻ”နဝ်ꩻ အုံ တွယ်ꩻကပ်ႏလွဉ်ꩻတသေႏသေႏ ကရဏပွုဒ်ဆꩻချာဖဲ့ꩻသွူ။\n\t“---(အီ)---“နဝ်ꩻ အုံဒုတိယကြိယာႏဆꩻချာ၊ ကံႏ-စဒါႏပွုဒ်ဖုံႏဆꩻ ငါကိုတဲင် သွုံꩻတဝ်းတဲ့ အဝ်ႏလꩻဒျာႏသွူ။\n\t(သွုံꩻလꩻ ကြိယာႏပါနီဗာႏကိုသွူ။)\nပွုံႏစံႏအအဲဉ်ႏ\n(၁)\tကံႏ+ကတ္တား+ကြိယာႏ+ကရဏ\n(၂)\tကတ္တား+ကြိယာႏ+ကံႏ+ကရဏ\n(၃)\tပ-ကြိယာႏ+ကရဏ+ကတ္တား+ဒု-ကြိယာႏ+ကံႏ\nပွုံႏစံႏ\n(က-၁)\tမီꩻယို\tခွေ\tရဲ့\tအီတွမ်ႏ\/တွမ်ႏနꩻစန်\tသွူ။\n(က-၂)\tခွေ\tရဲ့\tမီꩻ\tတွမ်ႏနꩻစန်\tသွူ။\n(က-၃)\tခွုမ်\/နေးတွမ်ႏနꩻစန်တဲင်\tခွေ\tရဲ့(အီ)\tမီꩻ\tသွူ။\n\t(အဟံ-ခွေနဝ်ꩻ၊ တိဏံ-မီꩻယို၊ ဒတ္တေန-တွမ်ႏနꩻစန်၊ လုနာတိ-ရဲ့(အီ)သွူ။ (အလွိုး-လုနာမိ-ဒျာႏ)\n\nတောင်ꩻသေꩻ -\n\tပွုံႏစံႏ(၁)အလꩻ သွုံꩻနွောင်ꩻသင်္ကေႏတ “---အီတွမ်ႏ\/တွမ်ႏ---နီမျိုꩻတဲင်\n\tပွုံႏစံႏ(၂)အလꩻ သွုံꩻဗာႏ “---တွမ်ႏ----“သင်္ကေႏတတဗာႏလွုမ်ꩻ၊\n\tပွုံႏစံႏ(၃)အလꩻ သွုံꩻဗာႏ “----တွမ်ႏ----တဲင်---(အီ)---“သင်္ကေႏ တတဗာႏလွုမ်ꩻနေနေသွူ။\n(ခ-၁)\tမူႏနံꩻပေႏယို\tခွေ\tထီႏ\tအီတွမ်ႏ\/တွမ်ႏမဲ့\tသွူ။\n(ခ-၂)\tခွေ\tထီႏ\tမူႏနံꩻပေႏယို\tတွမ်ႏမဲ့\tသွူ။\n(ခ-၃)\tထွား\/နေးတွမ်ႏမဲ့တွော့ꩻ\tခွေ\tထီႏ\tမူႏနံꩻပေႏ  သွူ။\n\t(အဟံ-ခွေနဝ်ꩻ၊ ယုဝတိံ-မူႏနံꩻပေႏယို၊ စက္ခုနာ-တွမ်ႏမဲ့၊ ပဿာမိ-ထီႏ(အီ)သွူ။)\n(ဂ-၁)\tအငဝ်းယို\tခွေ\tဟွုန်\tအီတွမ်ႏ\/တွမ်ႏနား\tသွူ။\n(ဂ-၂)\tခွေ\tဟွုန်\tအငဝ်းယို\tတွမ်ႏနား\tသွူ။\n(ဂ-၃)\tနာႏ\/နေးတွမ်ႏနားတဲင်တွော့ꩻ\tခွေ\tဟွုန်\tအငဝ်း\tသွူ။\n(အဟံ-ခွေနဝ်ꩻ၊ သဒ္ဒံ-အငဝ်းယို၊ သောတေန-တွမ်ႏနား၊ သု ဏောမိ-ဟွုန်(အီ)သွူ။)\n\nတောင်ꩻသေꩻ -\n\t+\tကရဏကပါသော့ꩻဒါႏဝါကျဖုံႏကို ကဲဉ်းအာအာ ကံႏပွုဒ် တဲ့ပါတဲင် မဉ်ႏသွုံꩻတွယ်ꩻညီꩻသွိုဝင်ꩻနဝ်ꩻ သွုံꩻဗာႏကအွဉ်ႏနယ်ထွူခါꩻ လဲဉ်း နုဲင်းဆꩻကီဖုံႏနဝ်ꩻအတွိုင်ꩻ၊ ကွယ်ႏတွော့ꩻ မဉ်ႏခွယ်ꩻခေါ်နေး၊ မဉ်ႏ မာꩻနေး ဝါကျနီဗာႏလဲ့ အဝ်ႏလꩻဒျာႏသွူ။\n\tဥပမာႏ- “ခွေ ရဲ့ မီꩻ၊ ရဲ့အီ တွမ်ႏ နꩻစန်”ကစဒါႏနုဲင်းနဝ်ꩻဖုံႏသွူ။\n+\t“အီတွမ်ႏ---“သင်္ကေႏတအကို “အီ”နဝ်ꩻ အုံတွယ်ꩻကပ်ႏလွဉ်ꩻတ သေႏသေႏဗာႏဒျာႏ (ပဓာန)ကြိယာႏဆꩻချာနဝ်ꩻမꩻ မဉ်ႏဖေႏပါဠိအနက် နဝ်ꩻလဲ့ ဖေႏညီꩻဗာႏတွမ်ႏ (ပဓာန)ကြိယာႏပွုဒ်အနက်သွူ။\n+\tသင်္ကေႏတအမုဲင်(၂) “---တွမ်ႏ----တဲင်---(အီ)”အကို “---တွမ်ႏ” ဆꩻငါဖဲ့ꩻကို သော့ꩻဖေႏဗာႏ သေန်ႏလျောႏရာꩻ ကြိယာႏတမျိုꩻမျိုꩻ (မွေး တဝ်းလဲ့) သော့ꩻတေသေႏသေႏဖေႏဗာႏ “နေး--“ကြိယာႏသွူ။\n\n၄။ နာမ်ႏသမ္ပဒါန်ႏ (နာမ်ႏလက္ခံႏ)\nသမ္ပဒါန်ႏ-အဓိပ္ပဲယ်ႏ\n\tကလက္ခံႏဗာႏဒါႏသတ္တိယို(ဝါ) ကောကလက္ခံႏဗာႏဒါႏသား ပုဂ္ဂိုလ်ႏ\/ဝတ္ထုတမျိုꩻမျိုꩻယို ဟဲ့ꩻဗာႏ “သမ္ပဒါန်ႏ(လက္ခံႏသား)”နဝ်ꩻသွူ။\n\t(သမ္ပဒါန်ႏနဝ်ꩻ အဝ်ႏနွောင်ꩻ “ဒေါ့ꩻ\/ဟောꩻ\/ဖ��ႏ\/လူႏ”စဒါႏကြိယာႏ \nလိုႏသမ္ပဒါန်ႏစားကိုလွုမ်ꩻသွူ။)\nသမ္ပဒါန်ႏ-သတ္တိ\n\tကဖေႏလွဉ်ဒါႏ ဝတ္ထုတမျိုꩻမျိုꩻယို လက္ခံႏဖေႏဗာႏ-ကရိုꩻဒါႏ “ဝတ္ထု ပဋိဂ္ဂါဟကသတ္တိ”အဝ်ႏသွူ။\nသမ္ပဒါန်ႏ (၂)မျိုꩻ\n(၁)\tသမ္ပဒါနပဒ\t=\tသမ္ပဒါန်ႏပွုဒ်\n(၂)\tသမ္ပဒါနဝါကျ\t=\tသမ္ပဒါန်ႏဝါကျ\nသမ္ပဒါန်ႏ-သင်္ကေႏတ\n\t\t-----အတာႏ\/ တာႏ\n\t\t---အတွက်\/တွက်\nသမ္ပဒါန်ႏပွုဒ်-ခင်ႏလမ်း\nသမ္ပဒါန်ႏပွုဒ်နဝ်ꩻ မဉ်ႏသွုံꩻဖေႏပါသင်္ကေႏတနဝ်ꩻ အုံကြိယာႏ\nဆချာ\/ ကံႏဆငါကဲဉ်းအာအာ၊ (တနယ်ꩻ) အုံကတ္တားဆꩻငါ\/ဝါကျအရီး သွတ်ꩻသွူ။\n\tမဉ်ႏသွုံꩻပါတဝ်း သင်္ကေႏတနဝ်ꩻ အုံဒျာႏ ကြိယာႏဆꩻချာ\/ကံႏဆꩻ ငါ ကဲဉ်းအာအာသွူ။\nသမ္ပဒါန်ႏသင်္ကေႏတ-ခင်ႏလမ်း\nအုံသမ္ပဒါန်ႏပွုဒ်ဆꩻချာ (အုံတွယ်ꩻကပ်ႏလွဉ်ꩻ သမ္ပဒါန်ႏပွုဒ်ဆꩻချာဖဲ့ꩻ။)\nပွုံႏစံႏအအဲဉ်ႏ\n(၁)\tကတ္တား+ကြိယာႏ+သမ္ပဒါန်ႏ+ကံႏ\n(၂)\tသမ္ပဒါန်ႏ+ကတ္တား+ကြိယာႏ+ကံႏ\nပွုံႏစံႏ\n(က-၁)\tဗွေႏမျတ်ဖရာꩻ\tဟောꩻဖေႏလဲဉ်း\tရဟန်ꩻသီးအတာႏ\tတရာꩻသွူ။\n(က-၂)\tရဟန်ꩻသီးအတာႏ\tဗွေႏမျတ်ဖရာꩻ\tဟောꩻဖေႏလဲဉ်း\tတရာꩻ သွူ။\n\t(ဗွေႏမျတ်ဖရာꩻ ဟောꩻဖေႏလဲဉ်း ရဟန်ꩻသီး တရာꩻ သွူ။)\n(ဘဂဝါ-ဗွေႏမျတ်ဖရာꩻနဝ်ꩻ၊ ဘိက္ခူနံ-ရဟန်ꩻသီးအတာႏ၊ ဓမ္မံ-တရာꩻယို၊ ဒေသေသိ-ဟောꩻဖေႏလဲဉ်းသွူ။)\n(ခ-၁)\tမူႏနံꩻပေႏဖုံႏ\tလူႏလွဝင်ꩻ\tဗွေႏမျတ်ဖရာꩻအတာႏ ကဝ်ႏဖုံႏ သွူ။\n(ခ-၂)\tဗွေႏမျတ်ဖရာꩻအတာႏ\t\tမူႏနံꩻပေႏဖုံႏ\tလူႏလွဝင်ꩻ\nကဝ်ႏဖုံႏသွူ။\n(မူႏနံꩻပေႏဖုံႏ\tလူႏလွဝင်ꩻ\tဖရာꩻ\tကဝ်ႏဖုံႏ\tသွူ။)\n(ယုဝတီ-မူႏနံꩻပေႏဖုံႏနဝ်ꩻ၊ ဗုဒ္ဓဿ-ဗွေႏမျတ်ဖရာꩻအတာႏ၊ ပုပ္ဖါနိ- ကဝ်ႏဖုံႏယို၊ ဒေန္တိ-လူႏလွဝင်ꩻသွူ။)\n(ဂ-၁)\tခိုဗင်ႏပေႏဖုံႏ\tဒေါ့ꩻဖေႏလွဝင်ꩻ\tမူႏနံꩻပေႏဖုံႏအတာႏ\tငဝ်း ရက်ဖုံႏသွူ။\n(ဂ-၂)\tမူႏနံꩻပေႏဖုံႏအတာႏ\tခိုဗင်ႏပေႏဖုံႏ\tဒေါ့ꩻဖေႏလွဝင်\n\tငဝ်းရက်ဖုံႏသွူ။\n\t(ခိုဗင်ႏပေႏဖုံႏ\tဒေါ့ꩻဖေႏလွဝင်ꩻ မူႏနံꩻပေႏဖုံႏ\tငတ်းရက်ဖုံႏသွူ။)\n\t(ယုဝါနော-ခိုဗင်ႏပေႏဖုံႏနဝ်ꩻ၊ ယုဝတီနံ-မူႏနံꩻပေႏဖုံႏအတာႏ၊ ပိယ ဝါစာ-ငဝ်းရက်ဖုံႏယို၊ အာစိက္ခန္တိ-ဒေါ့ꩻဖေႏလွသွူ။)\n\nတောင်ꩻသေꩻ -\n=\tသမ္ပဒါန်ႏပွုဒ်ကပါဒါႏဝါကျကို ကံႏပွုဒ်လဲ့ ပါသော့ꩻလွဉ်ꩻ ကဲဉ်း အာအာတဲင် ကံႏကြိယာႏတွမ်ႏသမ္ပဒါန်ႏကြိယာႏ(ကြိယာႏနီဗာႏ) အုံ တွယ်ꩻညီꩻဒါႏဝင်ꩻနေနေသွူ။\n\t(အလင်လင်ဖုံႏကိုလဲ့ မတ်သွော့နုဲင်းယိုနော။)\nပွုံႏစံႏ\n=\tဆရာႏ\tသွဉ်ဖေႏ\tတပဲ့ꩻသီးဖုံႏ\tပညာႏ\tသွူ။\n=\tခွန်ထွန်း\tသော့ꩻဖေႏ\tကာꩻ\tလမန်ꩻ(ဓာတ်ဆီ)သွူ။\n=\tခွန်အေး\tလွေꩻဖေႏ\tဝွေꩻသွꩻပေႏ\tတောင်ႏကီꩻ သွူ။\n(သွဉ်\/သော့ꩻ\/လွေꩻ-ဖုံႏနဝ်ꩻ ကံႏကြိယာႏဖုံႏတဲင်၊ ဖေႏ-နဝ်ꩻ သမ္ပဒါန်ႏကြိ ယာႏသွူ၊ စပ်ႏဗာႏနုဲင်းယို - သွဉ်+ပညာႏ၊ (သွဉ်)ဖေႏ+တပဲ့ꩻသီး\/သော့ꩻ+ လမန်ꩻ(သော့ꩻ)ဖေႏ+ကာꩻ\/လွေꩻ+တောင်ႏကီꩻ၊ (လွေꩻဖေႏ+ဝွေꩻသွꩻ ပေႏ။)\n\nကံႏတွမ်ႏသမ္ပဒါန်ႏအထူꩻ\nကံႏပွုဒ်နဝ်ꩻ ခံႏဗာႏသဘောꩻအဝ်ႏတဲင် သမ္ပဒါန်ႏနဝ်ꩻ လက္ခံႏဗာႏ သဘောꩻအဝ်ႏသွူ။\n\t(တနယ်ꩻ) ကံႏပွုဒ်နဝ်ꩻ ကတ္တားမာꩻမုꩻယို ခံႏဗာႏတဲက်ယဲက်(Dire ct)တဲင်၊ သမ္ပဒါန်ႏနဝ်ꩻ ခံႏဗာႏတရန်း (Indirect)သွူ။\n\tဥပမာႏ- “ခွေ\tဖေႏ\tနာꩻ\tထာꩻအံႏသွူ”ကရိုꩻဒါႏ သမ္ပဒါန်ႏဝါ ကျကို ကတ္တား(ခွေ)ဖေႏမုꩻယို ကခံႏဗာႏ “ထာꩻအံႏ”ကရိုꩻဒါႏ ကံႏပွုဒ်နဝ်ꩻ အဝ်ႏသော့ꩻ (တဲက်ယဲက်)ခွေစူကိုတဲင် ခံႏဗာႏတဲက်ယဲက်သွူ။\n\tကတ္တား(ခွေ)ဖေႏမုꩻယို ကလက္ခံႏဆွုမ်ႏဒါႏ “နာꩻ”ကရိုꩻဒါႏ သမ္ပ ဒါန်ႏပွုဒ်နဝ်ꩻ တဲက်ယဲက်အနေႏ တအဝ်ႏသော့ꩻတဝ်းခွေစူကို၊ တခွိုင်းဗာႏ တဝ်းကတ္တား(ခွေ)တဲင် ကတ္တား(ခွေ)ဖေႏမုꩻယို ခံႏထူႏဆွုမ်ႏဗာႏနေး တရန်းအနေႏလွုမ်ꩻသွူ။\n\tကွပ်နဝ်ꩻမꩻ English Grammar ကိုနဝ်ꩻ ကံႏယို ဟဲ့ꩻ “Direct Object)”(ကံႏတဲက်ယဲက်)တဲင် သမ္ပဒါန်ႏယို ဟဲ့ꩻ” Indrect Object)(ကံႏ တရန်း)သွူ။\n\n၅။ နာမ်ႏအပါဒါန်ႏ (နာမ်ႏဖထန်ႏ)\nအပါဒါန်ႏ-အဓိပ္ပဲယ်ႏ\nဖထန်ႏထိုꩻရာꩻ လွစ်ထန်ႏထိုꩻရာꩻ အဝ်ႏကုဲင်ထိုꩻရာꩻသတ္တိယို(ဝါ) ကဖထန်ႏထိုꩻရာꩻ ကလွစ်ထန်ႏထိုꩻရာꩻ ကအဝ်ႏကုဲင်ထိုꩻရာꩻ ဖထန်ႏထိုꩻမု လွစ်ထန်ႏထိုꩻမုꩻ သဖောꩻကအဝ်ႏရာꩻ ခင်ႏလမ်းဌာႏန ပုဂ္ဂိုလ်ႏ ဝတ္ထု\nတမျိုꩻမျိုꩻယို ဟဲ့ꩻဗာႏ “အပါဒါန်ႏ(ဖထန်ႏရာꩻ”နဝ်ꩻသွူ။\n\t(အပါဒါန်ႏနဝ်ꩻ အဝ်ႏနွောင်ꩻ”ဖ\/ထန်ႏ\/လွစ်\/ထိုꩻ\/ကင်ꩻ\/သျောင်ႏ ညာꩻ\/ထဲ့\/လင်ꩻ”ကစဒါႏ ကြိယာႏလိုႏအပါဒါန်ႏစားကိုလွုမ်ꩻသွူ။)\nအပါဒါန်ႏ-သတ္တိ\n\tလွစ်ကင်ꩻထိုꩻမုꩻ ကင်ꩻညာꩻထိုꩻမုꩻ ကြိယာႏသဖောꩻကအဝ်ႏရာꩻ-ကရိုꩻဒါႏ “ကြိယာအပဂမနသတ္တိ”အဝ်ႏသွူ။\n\nအပါဒါန်ႏ (၂)မျိုꩻ\n(၁)\tအပဒါနပဒ\t=\tအပါဒါန်ႏပွုဒ်\n(၂)\tအပဒါနဝါကျ\t=\tအပါဒါန်ႏဝါကျ\nအပါဒါန်ႏ-သင်္ကေႏတ\n\t\tအဝ်ႏ----ကို\/လောင်း\/ကီ\/ထျꩻ\/နာ\/သောင်\/ဖဲ့ꩻ။\nအပါဒါန်ႏပွုဒ်-ခင်ႏလမ်း\n\tအပါဒါန်ႏပွုဒ်တွမ်ႏ အပါဒါန်ႏဝါကျသွုပ်ဖုံႏနဝ်ꩻ အုံကတ္တားဆꩻချာ \/ကြိယာႏဆငါ(တနယ်ꩻ) အုံကတ္တားဆꩻငါသွူ။\n\nအပါဒါန်ႏသင်္ကေႏတ-ခင်ႏလမ်း\n(၁)\tအပါဒါန်ႏပွုဒ်အတာႏ -\n=\t“အဝ်ႏ---“သင်္ကေႏတနဝ်ꩻ အုံအပါဒါန်ႏပွုဒ်ဆꩻငါ။\n=\t“---ကို\/လောင်း\/ကီ\/ထျꩻ\/နာ\/သောင်\/ဖဲ့ꩻ”သင်္ကေႏတဖုံႏနဝ်ꩻ အုံအပါဒါန်ႏပွုဒ်ဆꩻချာ။\nတောင်ꩻသေꩻ -\n+\t“အဝ်ႏ”သင်္ကေႏတနဝ်ꩻ ပစ္စုပ္ပန်ႏသင်္ကေႏတတ��မ်ႏ အပါဒါန်ႏ\nသင်္ကေႏတ-နုဲင်းယိုဖုံႏတဲင် အဝ်ႏ(၂)မျိုꩻသွူ။ ပစ္စုပ္ပန်ႏသင်္ကေႏတနဝ်ꩻ\nအုံကြိယာႏဆꩻငါ၊ ထွာပစ္စုပ္ပန်ႏကြိယာႏသင်္ကေႏတတဲင် အပါဒါန်ႏ\nသင်္ကေႏတနဝ်ꩻ အုံနာမ်ႏ(အပါဒါန်ႏပွုဒ်\/ဝါကျသွုပ်)ဆꩻငါ၊ ထွာနာမ်ႏ\n(အပါဒါန်ႏ)သင်္ကေႏတသွူ။\n\n+\t“-----ကို\/လောင်း\/ကီ\/ထျꩻ\/နာ\/သောင်”သင်္ကေႏတဖုံႏယို သွုံꩻတဝ်းလဲ့ အဝ်ႏလꩻဒျာႏ၊ ကွယ်ႏတွော့ꩻ ဌာန-ခင်ႏလမ်းအနက်ကအဝ်ႏ ဒါႏ နာမ်ႏပွုဒ်ကို သွုံꩻအာတဲင် (ဌာန-ခင်ႏလမ်း)အနက် မဉ်ႏတအဝ်ႏတဝ်း နာမ်ႏပွုဒ်ကိုနဝ်ꩻကား သွုံꩻကြွို့ꩻတဝ်းသွူ။\n+\tမဉ်ႏတသွုံꩻပါတဝ်း အပါဒါန်ႏသင်္ကေႏတဖုံႏနဝ်ꩻ အပါဒါန်ႏပွုဒ်နဝ်ꩻ အုံတဝ်းကြိယာႏဆꩻငါ၊ အုံဒျာႏကြိယာႏဆꩻချာကိုသူꩻသွူ၊ ကွပ်နဝ်ꩻမꩻ အွဉ်ႏနယ်ဖေႏပါဗာႏ ပွုံႏစံႏ(၃)နဝ်ꩻသွူ။\nပွုံႏစံႏအအဲဉ်ႏ\n(၁)\tကတ္တား+အပါဒါန်ႏ+ကြိယာႏ\n(၂)\tအပါဒါန်ႏ+ ကြိယာႏ+ကတ္တား\n(၃)\tကတ္တား+ကြိယာႏ+အပါဒါန်ႏ\nပွုံႏစံႏ\n(က-၁)\tဗွေႏရဟန်ꩻသီးနဝ်ꩻ\tအဝ်ႏဒုံ(ကို) ထန်ႏထိုꩻလွဝင်ꩻသွူ။\n(က-၂)\tအဝ်ႏဒုံ(ကို)\tဗွေႏရဟန်ꩻသီးနဝ်ꩻ\tထန်ႏထိုꩻလွဝင်ꩻသွူ။\n(က-၃)\tဗွေႏရဟန်ꩻသီး\t\tထန်ႏထိုꩻလွဝင်ꩻ\tဒုံ\tသွူ။\n\t(မုနယော-(ဗွေႏ)ရဟန်ꩻသီးနဝ်ꩻ၊ ဂါမာ-အဝ်ႏဒုံ(ကို)၊ အပေန္တိ-ထန်ႏထိုꩻလွဝင်ꩻသွူ။)\n(ခ-၁)\tခွေနဝ်ꩻ\t\tအဝ်ႏပါဏာတိပါတကံႏ  သျောင်ႏညာꩻဒျာႏသွူ။\n\t(ခွေ အဝ်ႏပါဏာတိပါတကံႏ သျောင်ႏညာꩻဒျာႏသွူ။)\n(ခ-၂)\tအဝ်ႏပါဏာတိပါတကံႏ\tခွေနဝ်ꩻ  သျောင်ႏညာꩻဒျာႏသွူ။\n\t(အဝ်ႏပါဏာတိပါတကံႏ\tခွေ\tသျောင်ႏညာꩻဒျာႏသွူ။)\n(ခ-၃)\tခွေ\tသျောင်ႏညာꩻဒျာႏ\tပါဏာတိပါတကံႏသွူ။\n\t(အဟံ-ခွေနဝ်ꩻ၊ ပါဏာတိပါတာ-အဝ်ႏပါဏာတိပါတကံႏ၊ ဝိရမာ မိ-သျောင်ႏညာꩻဒျာႏသွူ။)\n(ဂ-၁)\tရဟန္တာႏဖုံႏနဝ်ꩻ\t   အဝ်ႏဝွဋ်ဒုက္ခ(ကို)   လွစ်ထန်ႏထိုꩻလွလဲဉ်း  သွူ။\n\t(ရဟန္တာႏဖုံႏ အဝ်ႏဝွဋ်ဒုက္ခ(ကို) လွစ်ထန်ႏထိုꩻလွလဲဉ်းသွူ။)\n(ဂ-၂)\tအဝ်ႏဝွဋ်ဒုက္ခ(ကို) ရဟန္တာႏဖုံႏနဝ်ꩻ လွစ်ထန်ႏထိုꩻလွလဲဉ်းသွူ။\n\t(အဝ်ႏဝွဋ်ဒုက္ခ(ကို) ရဟန္တာႏဖုံႏ လွစ်ထန်ႏထိုꩻလွလဲဉ်းသွူ။)\n(ဂ-၃)\tရဟန္တာႏဖုံႏ\tလွစ်ထန်ႏလွလဲဉ်း\tဝွဋ်ဒုက္ခသွူ။\n\t(အရဟန္တော-ရဟန္တာႏဖုံႏနဝ်ꩻ၊ ဝဋ္ဋဒုက္ခတော-အဝ်ႏဝွဋ်ဒုက္ခ(ကို)၊ မုစ္စိံသု-လွစ်ထန်ႏထိုꩻလွလဲဉ်းသွူ။)\nတောင်ꩻသေꩻ-\n+\t“ထန်ႏ”ကစဒါႏ ကြိယာႏလိုႏအပါဒါန်ႏဆꩻချာကို “လွေꩻ\/သဲင်ꩻ” ကစဒါႏ ကြိယာႏလိုႏကံႏစားဖုံႏ အဝ်ႏပါလွဉ်ꩻ ကဲဉ်းအာအာသွူ။\n\t(ကြိယာႏလိုႏကံႏစား မဉ်ႏတပါတဝ်းနဝ်ꩻ ကံႏပွုဒ်လဲ့ ပါခရာႏတ\nလိုႏတဝ်းတဲင် ကြိယာႏလိုႏကံႏစားမဉ်ႏပါမꩻ ��ံႏပွုဒ်လဲ့ပါဗာႏသွူ။)\n+\t“လင်ꩻ”ကစဒါႏကြိယာႏဖုံႏနဝ်ꩻကား ထွာဒျာႏကြိယာႏလိုႏကံႏ တွမ်ႏ အပါဒါန်ႏနီမျိုꩻလွုမ်းတဲင် ဝါကျနဝ်ꩻတဗာႏအကို ကံႏတွမ်ႏအပါ ဒါန်ႏနီမျိုꩻလွုမ်း ပါသော့ꩻဗာႏသွူ၊ ကွယ်ႏတွော့ꩻ မဉ်ႏသွုံꩻဖေႏပါ “အဝ်ႏ” အပါဒါန်ႏသင်္ကေႏတမꩻ နဝ်ꩻနီမျိုꩻလွုမ်းပါသော့ꩻညီꩻဝင်ꩻ ဝါကျတဗာႏ (ငဝ်းတငွါ)ကို၊ “အဝ်ႏ”သင်္ကေႏတ မဉ်ႏတပါတဝ်း (မဉ်ႏဒေါ့ꩻငဝ်း\/မဉ်ႏ တဲမ်းလိတ်အဒွေါင်ႏစားကို)နဝ်ꩻ နဝ်ꩻနီမျိုꩻ တအုံညီꩻသော့ꩻတဝ်းဝင်ꩻ ဝါကျတဗာႏ(ငဝ်းတငွါ)ကို၊ အုံဒျာႏတမျိုꩻစီႏ၊ အုံခေါ်ခေါ်နေးဒျာႏတဲင် ချင်းသေနာႏဗာႏဒျာႏဝင်ꩻသွူ။\nပွုံႏစံႏ\n(က)\tခွေ   အဝ်ႏတောင်ႏကီꩻ   ထန်ႏလွေꩻ\tမန္တလေꩻ မစာႏနီꩻသွူ။\n( ခ )\tခွေ\tအဝ်ႏမန္တလေꩻ\tထန်ႏသဲင်ꩻချာ တောင်ႏကီꩻ မဟာနီꩻသွူ။\n( ဂ )\tခွေ\tအဝ်ႏတောင်ႏကီꩻ\tလင်ꩻ\tဒုံ\tသွူ။\n\t(လင်ꩻကောင်-ကြိယာႏတွမ်ႏအပါဒါန်ႏ\/ လင်ꩻဒုံ-ကြိယာႏတွမ်ႏ ကံႏ)\n(ဃ)\tခွေ\tအဝ်ႏကျောင်ꩻကီ\tလင်ꩻ\tလ\tသွူ။\n\t(လင်ꩻကျောင်ꩻ-ကြိယာႏတွမ်ႏအပါဒါန်ႏ\/လင်ꩻလ-ကြိယာႏတွမ်ႏ ကံႏ)\n+\tပါဠိသဒ္ဒါႏကျမ်ꩻကို ကသွုံꩻဒါႏ ဝိဘတ္တအပါဒါန်အနက်နဝ်ꩻ မန်း သဒ္ဒါႏကို သွုံꩻ”အောက်\/ထက်”အနက်တဲင် ပအိုဝ်ႏသဒ္ဒါႏကို သွုံꩻ”ထဲင်း\/ လွိုထဲင်း”သင်္ကေႏတဖုံႏသွူ။\n\tကွယ်ႏတွော့ꩻ မန်းသဒ္ဒါႏကို “အောက်\/ထက်”အနက်ဖုံႏယို အွဉ်ႏ တွယ်ꩻဗာႏဒျာႏ ဝိဘတ္တ(ကခွယ်ꩻခံႏဗာႏဒါႏ)နာမ်ႏပွုဒ်ဆꩻချာကိုလဲ့ ပအိုဝ်ႏ သဒ္ဒါႏကိုကား ဝိဘတ္တ(ကခွယ်ꩻခံႏဗာႏဒါႏ)နာမ်ႏပွုဒ်နဝ်ꩻ ကွပ်စွဉ်ႏကံႏ သတ္တိ\/သဘောꩻအဝ်ႏနဝ်ꩻမꩻ ဝိဘတ္တနာမ်ႏပွုဒ်ဆꩻချာကို မဉ်ႏဖေႏအနက် နဝ်ꩻ သွုံꩻချာဗာႏဒျာႏ ကံႏသင်္ကေႏတ”ယို”တဲင်၊\n\t“ထဲင်း\/လွိုထဲင်း”ကရိုꩻဒါႏ ဝိဘတ္တသင်္ကေႏတယို ကွပ်စွဉ်ႏမာꩻထူꩻ ဖေႏကြိယာႏပွုဒ်နေနေနဝ်ꩻမꩻ လွေꩻအွဉ်ႏတွယ်ꩻဗာႏဒျာႏ ကြိယာႏပွုဒ်ဆꩻ ချာကိုသွူ။\n\tပွုံႏစံႏ -\n=\tဗွေႏမျတ်ဖရာꩻနဝ်ꩻ\tမျတ်ထဲင်း(လွိုထဲင်း)\tလူꩻလိုꩻဖုံႏသွူ။\n(ဘဂဝါ-ဗွေႏမျတ်ဖရာꩻနဝ်ꩻ၊ ဒေဝမနုဿာနံ-လူꩻလိုꩻဖုံႏယို၊ ပဝ-ရော(ဝရတရော)-မျတ်ထဲင်း(လွိုထဲင်း)သွူ။ (ပအိုဝ်ႏ)\n(ဘဂဝါ-မြတ်စွာဘုရားသည်၊ ဒေဝမနုဿာနံ-နတ်လူတို့ထက်၊ ပဝရော(ဝရတရော)-သာလွန်၍မြတ်၏။ (မန်း)\n\n၆။ နာမ်ႏဩကာသ (နာမ်ႏခင်ႏလမ်း)\nဩကာသ-အဓိပ္ပဲယ်ႏ\nမာꩻသော့ꩻရာꩻ ထွာသော့ꩻရာꩻ အုံသော့ꩻရာꩻ အဝ်ႏသော့ꩻ ရာꩻသတ္တိယို(ဝါ) ကမာꩻသော့ꩻရာꩻ ကထွာသော့ꩻရာꩻ ကအုံသော့ꩻ ရာꩻ ကအဝ်ႏသော့ꩻရာꩻ အုံအဝ်ႏမုꩻသဖောꩻကအဝ်ႏသော့ꩻရာꩻ ကာလ-အခိန်ႏ၊ အဒ္ဓါ-တဖူꩻ(ဗော��ꩻညာꩻ)၊ ဒိသာ-အဖဲ့ꩻအခေါဝ်၊ ဒေသ-အရပ်ခင်ႏလမ်းတွမ်ႏ ပုဂ္ဂိုလ်ႏဝတ္ထုတမျိုꩻမျိုꩻယို ဟဲ့ꩻဗာႏ “ဩကာသ-(အုံအဝ်ႏရာꩻ-ခင်ႏလမ်း)”သွူ။\n(ဩကာသ-နဝ်ꩻ ကဲဉ်းအာအာ အဝ်ႏသော့ꩻ “အုံ\/ဗေင်ႏ” ကစဒါႏ ကြိယာႏဖုံႏ ကအဝ်ႏသော့ꩻရာꩻကို-ရိုꩻကီလဲ့ ဝဒန္တပုဂ္ဂိုလ်ႏ အလိုႏဆန္ဒအတွိုင်ꩻ ကြိယာႏတွိုင်ꩻကို အဝ်ႏသော့ꩻနွောင်ꩻဒျာႏ သွူ။)\nဩကာသ-သတ္တိ\nဩကာသကို အုံသော့ꩻ အုံလင်ꩻ အုံထွိုင်ႏ-ကစဒါႏ ကြိယာႏဖုံႏ အဝ်ႏသော့ꩻရာꩻ-ကရိုꩻဒါႏ “ကြိယာပတိဋ္ဌာနသတ္တိ”အဝ်ႏသွူ။\nဩကာသ (၂)မျိုꩻ\n(၁)\t\tဩကာသပဒ\t\t=\tဩကာသပွုဒ်\n(၂)\t\tဩကာသဝါကျ\t=\tဩကာသဝါကျ\nဩကာသ-သင်္ကေႏတ\n\t\t---ကို\/လောင်း\/ကီ\/ထျꩻ\/နာ\/သောင်\/ဖဲ့ꩻ\n\nတောင်ꩻသေꩻ -\n(၁)\t“----ကို\/လောင်း\/ကီ\/ထျꩻ\/နာ\/သောင်\/ဖဲ့ꩻ” သင်္ကေႏတဖုံႏနဝ်ꩻ အပါဒါန်ႏသင်္ကေႏတတွမ်ႏ ဩကာသသင်္ကေႏတ-နုဲင်းယိုဖုံႏတဲင် အဝ်ႏ(၂) မျိုꩻ၊ ကွယ်ႏတွော့ꩻ “အပါဒါန်ႏသင်္ကေႏတကို “အဝ်ႏ---“ပါဒွုန်းက၊ ဩ ကာသသင်္ကေႏတကိုကား “အဝ်ႏ---“ပါတဝ်းသွူ။\n\tကွယ်ႏတွော့ꩻ “သဒ္ဒါႏစီꩻကန်ꩻ၊ သေႏတဝ်းရင်ꩻ၊ မတ်ဝင်ꩻ ယေဘု ယျ”ကရိုꩻဒါႏ ငဝ်းနဝ်ꩻအတွိုင်ꩻ အပါဒါန်ႏဝါကျ ယထွောင်းထွောင်းကို တသွုံꩻပါတဝ်း “အဝ်ႏ---“သင်္ကေႏတတဲ့သင်၊ “----ကို”သင်္ကေႏတတဲ့ သင် အဝ်ႏနေနေသွူ။\n(၂)\tလမ်းကို\/လမ်းကီ\/လမ်းထျꩻ\/လမ်းသောင်\/သေင်ႏမွူးနာ\/ဆꩻ\nကွဉ်ႏဖဲ့ꩻ”ကစဒါႏ ပွုံႏစံႏဖုံႏအကို ကပါဒါႏ “ကို\/ကီ\/ထျꩻ\/နာ\/သောင်\/ဖဲ့ꩻ” ဖုံႏနဝ်ꩻ သံနာမ်ႏပွုဒ်အနေႏလဲ့သင်၊ ဩကာသင်္ကေႏတအနေႏလဲ့သင် အဝ်ႏမွေးမဲဉ်းနုဲင်းနုဲင်းဒျာႏဝင်ꩻသွူ။\n\tကွယ်ႏတွော့ꩻ မဉ်ႏထွာဩကာသင်္ကေႏတနဝ်ꩻ ထွာကာရကမျိုꩻ တဲင် အုံအဝ်ႏနွောင်ꩻ ဩကာသပွုဒ်ခင်ႏလမ်းကိုလွုမ်ꩻသွူ။\n\tမဉ်ႏထွာ သံပွုဒ်ဖုံႏနဝ်ꩻကား ထွာအကာရကမျိုꩻတဲင် အုံအဝ်ႏ နွောင်ꩻလို့ ကာရက(၆)ပါꩻလွုမ်းခင်ႏလမ်းဖုံႏကိုသွူ။\n\t(တနယ်ꩻ)-\nကားကအဝ်ႏ “----ကို\/လောင်း\/ကီ\/ထျꩻ\/နာ\/သောင်\/ဖဲ့ꩻ”ကစဒါႏ သင်္ကေႏတဖုံႏယိုနဝ်ꩻ အဝ်ႏ “အကို\/အလောင်း\/အထျꩻ\/အနာ\/အသောင်\/ အဖဲ့ꩻ”ကစဒါႏ ဌာန(ခင်ႏလမ်း)အနက်ကအဝ်ႏဒါႏ သံနာမ်ႏပွုဒ်ဖုံႏကို ပေါႏ ထန်ႏလွဉ်လွဉ်းလွဉ်းနဝ်ꩻမꩻ ထွာဒျာႏ သံ-နာမ်ႏပွုဒ်ဖုံႏလွဉ်းလွဉ်းသွူ။\n\tကွပ်နဝ်ꩻမꩻ “အကို(ကို)\/ဆꩻကီ(ကီ)”ကစဒါႏ “သံ”နာမ်ႏပွုဒ်ဖုံႏက ပါသော့ꩻဒါႏ (သာမီ+သံ)နာမ်ႏပွုဒ်ဖုံႏယို ကတ္တုသတ္တိ-စဒါႏ နာမ်ႏကာရက အလင်ဖုံႏသတ္တိမဉ်ႏအဝ်ႏ၊ မဉ်ႏအုံကတ္တား-စဒါႏ နာမ်ႏကာရကဖုံႏခင်ႏ လမ်းကိုနဝ်ꩻ မတ်ဗာႏ ကတ္တား-စဒါႏ ကာရကနာမ်ႏပွုဒ်ဖုံႏ (ဝါ)သာမီ+သံ ကတ္တား-စဒါႏ အကာရကနာမ်ႏပွုဒ်ဖုံႏတဲင်၊\n\tဩကာသတ္တိမဉ်ႏအဝ်ႏ၊ မဉ်ႏအုံ ဩကာသကာရက ခင်ႏလမ်းကို နဝ်ꩻ မတ်ဗာႏ ဩကာသကာရကပွုဒ်(ဝါ)သာမီ+သံဩကာသကာရက နာမ်ႏပွုဒ်ဖုံႏနဝ်ꩻသွူ။\n\t(သာမီ+သံ အခရာႏယို ထွားသွော့ နာမ်ႏသာမီကိုနော။)\nဩကာသပွုဒ်-ခင်ႏလမ်း\nဩကာသပွုဒ်နဝ်ꩻ ကဲဉ်းအာအာ အုံဝါကျဆꩻချာသွတ်ꩻသွူ။\n(ဩကာသပွုဒ်-ကဟောꩻအခိန်ႏ(ကာလ)အနက်ဖုံႏနဝ်ꩻ ဝါကျအရီး သွတ်ꩻကိုလဲ့ အဝ်ႏအုံအာဒျာႏသွူ။)\nဩကာသသင်္ကေႏတ-ခင်ႏလမ်း\n“---ကို\/လောင်း\/ကီ\/ထျꩻ\/နာ\/သောင်\/ဖဲ့ꩻ” သင်္ကေႏတဖုံႏနဝ်ꩻ အုံဒျာႏ \nဩကာသပွုဒ်ဆꩻချာ၊ (အုံတွယ်ꩻကပ်ႏလွဉ်ꩻဩကာသပွုဒ်ဆꩻချာဖဲ့ꩻ)။\nပွုံႏစံႏအအဲဉ်ႏ\n(၁)\tကတ္တား+ကြိယာႏ+ဩကာသ\n(၂)\tဩကာသ(ကာလ)+ကတ္တား+ကြိယာႏ(ကံႏ)\nပွုံႏစံႏ\n(က)\tခွေနဝ်ꩻ\tအဝ်ႏအုံ\tဝေင်ꩻတောင်ႏကီꩻကိုသွူ။\n\t(အဟံ-ခွေနဝ်ꩻ၊ တောင်ႏကီꩻနဂရေ-ဝေင်ꩻတောင်ႏကီꩻကို၊ ဝသ တိ-အဝ်ႏအုံသွူ။) (အလွိုး ဝသာမိ-ဒျာႏ)။\n( ခ )\tဝါးပေႏဖုံႏနဝ်ꩻ\tကွင်ႏလွဝင်ꩻ\tမို့ꩻလောင်းသွူ။\n\t(သကုဏာ-ဝါးပေႏဖုံႏနဝ်ꩻ၊ အာကာသေ-မို့ꩻလောင်း၊ ပက္ခန္ဒန္တိ-ကွင်ႏလွဝင်ꩻသွူ။)\n( ဂ )\tသီကျာꩻနဝ်ꩻ\tအဝ်ႏအုံ\tတာဝတိံသာႏခမ်းကီသွူ။\n\t(သက္ကော-သိကျာꩻနဝ်ꩻ၊ တာဝတိံသေ-တာဝတိံသာႏခမ်းကီ၊ ဝသ တိ-အဝ်ႏအုံသွူ။)\n(ဃ)\tမွူးရဝ်ꩻနီꩻ\tနီ\tအီႏလွေꩻ\tဆေꩻသီႏသဲင်ႏသွူ။\n( င )\tကလဲဉ်းခိုႏချာ\tဗွေႏမျတ်ဖရာꩻစိုး(ကို)နဝ်ꩻ ရဟန်ꩻမူႏဖုံႏ အဝ်ႏအာတန်သွူ။\n\n၇။ နာမ်ႏပကတိဝိကတိ (နာမ်ႏပြောင်ꩻလုဲင်ႏ)\nပကတိဝိကတိ-အဓိပ္ပဲယ်ႏ\nအဝ်ႏတထူꩻချာꩻတဝ်း(သာမည)အခေႏအနေႏကို ပြောင်ꩻ လုဲင်ႏလွေꩻ ထူꩻချာꩻ(ဝိသေသ)အခေႏအနေႏ သဖောꩻတရာꩻက အဝ်ႏဒါႏ ကတ္တားတွမ်ႏကံႏတမျိုꩻမျိုꩻယို ဟဲ့ꩻဗာႏ”ပကတိဝိကတိ (ပြောင်ꩻလုဲင်ႏ)”နဝ်ꩻသွူ။\n(နာမ်ႏသာမညဝိသေသ-နုဲင်းယိုလဲ့ ဟဲ့ꩻနွောင်ꩻဒျာႏသွူ။)\n\nပကတိဝိကတိ (၂)မျိုꩻ\n(၁)\tပကတိဝိကတိကတ္တား -\nအကမ္မကကြိယာႏ(ကြိယာႏလိုႏတဝ်းကံႏစား)ကို အဝ်ႏသာမည ကတ္တားကို မဉ်ႏပြောင်ꩻလုဲင်ႏလွေꩻ ဝိသေသကတ္တားနဝ်ꩻ ထွာ “ပ ကတိဝိကတိကတ္တား”(ပြောင်ꩻလုဲင်ႏကတ္တား)”နဝ်ꩻသွူ။\n(၂)\tပကတိဝိကတိကံႏ -\n\tအကမ္မကကြိယာႏ(ကြိယာႏလိုႏကံႏစား)ကို အဝ်ႏသာမညကံႏကို မဉ်ႏပြောင်ꩻလုဲင်ႏလွေꩻ ဝိသေသကံႏနဝ်ꩻ ထွာ “ပကတိဝိကတိကံႏ” (ပြောင်ꩻလုဲင်ႏကံႏ)”နဝ်ꩻသွူ။\n(တနယ်ꩻ) ပကတိဝိကတိ (၂)မျိုꩻ\n(၁)\tပကတိဝိကတိပဒ \t-\tပကတိဝိကတိပွုဒ်\n(၂)\tပကတိဝိကတိဝါကျ \t-\tပကတိဝိကတိဝါကျ\nပကတိဝိကတိ-သင်္ကေႏတ\n\tပကတိဝိကတိပွုဒ်အတာႏ သင်္ကေႏတနဝ်ꩻ မဉ်ႏထွာပကတိဝိက \nတိကတ္တားလဲ့ ဗွုန်ပီ��ဲဉ်း နာမ်ႏကတ္တားတဲင် မဉ်ႏထွာပကတိဝိကတိကံႏ လဲ့ ဗွုန်ပီလဲဉ်း နာမ်ႏကံႏသွူ။ (ဝိကတိအတာႏ သွုံꩻကြွို့ꩻတဝ်းသင်္ကေႏတ သွူ။)\nတောင်ꩻသေꩻ -\nပကတိဝိကတိကတ္တားကို သွုံꩻဗာႏ “ထွာ”ကြိယာႏ(အကမ္မကကြိ ယာႏ)တဗာႏလွုမ်ꩻတဲင်၊ ပကတိဝိကတိကံႏကိုနဝ်ꩻကား သွုံꩻဗာႏ “ဟဲ့ꩻ ဗာႏ\/မတ်ဗာႏ”ကစဒါႏ သကမ္မကကြိယာႏမျိုꩻလွုမ်ꩻသွူ။\nပကတိဝိကတိကတ္တားကို ထွာမုꩻသဘောꩻမဉ်ႏထင်ႏသျာꩻတဝ်း၊ “ထွာ”ကြိယာႏပါတဝ်းလဲ့ အဓိပ္ပဲယ်ႏစပ်ႏဆွိုင်ꩻမုꩻသဘောꩻ မဉ်ႏအဝ်ႏ နွောင်ꩻရာꩻကိုနဝ်ꩻ တသွုံꩻကြွို့ꩻတဝ်း ပဓာန”ထွာ”ကြိယာႏ၊ အွဉ်ႏပလို့ꩻ သေꩻခါꩻနေးဒျာႏ ကဲဉ်းအာအာတဲင်၊\nထွာမုꩻသဘောꩻလဲ့ မဉ်ႏထင်ႏသျာꩻ၊ “ထွာ”ကြိယာႏမဉ်ႏပါမꩻ အဓိပ္ပဲယ်ႏ စပ်ႏဆွိုင်ꩻမုꩻသဘောꩻ အီႏအဝ်ႏနွောင်ꩻရာꩻကိုနဝ်ꩻကား သွုံꩻ ဖေႏပါတသေႏသေႏဗာႏ ပဓာန”ထွာ”ကြိယာႏယိုသွူ။\nပကတိဝိကတိပွုဒ်-ခင်ႏလမ်း\nပကတိပွုဒ်နဝ်ꩻ အုံဝါကျဆငါသွတ်ꩻ (ထွာ-ကြိယာႏဆꩻငါ)တဲင် ဝိက တိပွုဒ်နဝ်ꩻ အုံဝါကျဆချာသွတ်ꩻ (ထွာ-ကြိယာႏဆꩻချာ)သွူ။\nပကတိဝိကတိသင်္ကေႏတ-ခင်ႏလမ်း\nဗွုန်ပီလဲဉ်း နာမ်ႏကတ္တားတွမ်ႏနာမ်ႏကံႏဖုံႏသွူ။\nပွုံႏစံႏအအဲဉ်ႏ\n(၁)\tပကတိကတ္တား+ကြိယာႏ+ဝိကတိကတ္တား\n(၂)\tပကတိကံႏ+(ကတ္တား)+ကြိယာႏ+ဝိကတိကံႏ\nပွုံႏစံႏ\n(၁)\tပကတိဝိကတိကတ္တားအတာႏ-\n(က-၁)\tဝွေꩻနဝ်ꩻ\t(ထွာ)\tလိုꩻမွိုက်\tသွူ။\n(က-၂)\tဝွေꩻသီးနဝ်ꩻ\t(ထွာလို့ဝင်ꩻ) လိုꩻမွိုက်ဖုံႏ\tသွူ။\n( ခ-၁)\tခံꩻယာႏနဝ်ꩻ\tထွာ\tစူသွို့ꩻ\tသွူ။\n( ခ-၂)\tခံꩻယာႏဖုံႏနဝ်ꩻ\tထွာလို့\tစူသွို့ꩻဖုံႏ\tသွူ။\n(၂)\tပကတိဝိကတိကံႏအတာႏ-\n(က-၁)\tဝွေꩻယို\t(နာꩻ)\tမတ်ဗာႏ\tလိုꩻမွိုက်\tသွူ။\n(တနယ်ꩻ\/က-၁)\tဝွေꩻသီးယို\t(နာꩻ)မတ်ဗာႏ လိုꩻမွိုက်ဖုံႏ သွူ။\n(က-၂)\tဝွေꩻယို (သီ) မတ်လွဗာႏ\tလိုꩻမွိုက်\tသွူ။\n(တနယ်ꩻ\/က-၂)\tဝွေꩻသီးယို\t(သီ) မတ်လွဗာႏ လိုꩻမွိုက်ဖုံႏ သွူ။\n( ခ-၁)\tခံꩻယာႏယို\t(ခွေ)\tမာꩻ\tစူသွို့ꩻ\tသွူ။\n(တနယ်ꩻ\/ခ-၁)\tခံꩻယာႏဖုံႏယို (ခွေ) မာꩻ စူသွို့ꩻဖုံႏ\tသွူ။\n( ခ-၂)\tခံꩻယာႏယို\t(နီ)\tမာꩻလွဝင်ꩻ စူသွို့ꩻ\tသွူ။\n(တနယ်ꩻ\/ခ-၂)\tခံꩻယာႏဖုံႏယို (နီ)မာꩻလွဝင်ꩻ စူသွို့ꩻဖုံႏ သွူ။\n\nတောင်ꩻသေꩻ -\n+\tပကတိဝိကတိကတ္တားဝါကျကို “ပ+ဝိကတ္တား၊ ကြိယာႏကား၊ သွံစားဗွုန်ပီဝုစ်”ကရိုꩻဒါႏ ငဝ်းဆောင်ႏသေꩻအတွိုင်ꩻ ပကတိကတ္တား +ဝိကတိကတ္တား+ကြိယာႏ သွံမျိုꩻလွုမ်း ဝုစ်ဗွုန်ပီဗာႏဝင်ꩻသွူ။\n+\tပကတိဝိကတိကံႏကပါသော့ꩻဒါႏ ကြိယာႏဟောꩻကတ္တားဝါကျ ကို တသွုံꩻကြွို့ꩻတဝ်းကတ္တား၊ အွဉ်ႏပလို့ꩻနေးဒျာႏ ကဲဉ်းအာအာတဲင် “ပြောင်ꩻလုဲင်ႏဝုစ်တာႏ၊ ကတ္တားဒျာႏ၊ ထွာဗာႏ အဓိကပွုဒ်။\/ ကတ္တား ကြိယာႏ၊ ယိုနီဗာႏ၊ သေႏချာႏ ဗွုန်ပီဝုစ်”ကရိုꩻဒါႏ ငဝ်းဆောင်ႏသေꩻအ တွိုင်ꩻ ကြိယာႏပွုဒ်ဝုစ်နဝ်ꩻ အွဉ်ႏဗွုန်ပီဗာႏတွမ်ႏကတ္တားဝုစ်သွူ။\n၈။ နာမ်ႏသဟ (နာမ်ႏညီꩻသွို)\nနာမ်ႏသဟ-အဓိပ္ပဲယ်ႏ\nနာမ်ႏပွုဒ်ဖုံႏအချင်ꩻချင်ꩻ တပွုဒ်တွမ်ႏတပွုဒ် အုံတွယ်ꩻညီꩻ ဝင်ꩻမျိုꩻယို ဟဲ့ꩻဗာႏ “နာမ်ႏသဟ(နာမ်ႏချင်ꩻချင်ꩻတွယ်ꩻညီꩻ)”နဝ်ꩻ သွူ။\n\nသဟ (၆)မျိုꩻ\n(၁)\tသဟကတ္တာ \t-\tသဟကတ္တား\n(၂)\tသဟကမ္မ\t-\tသဟကံႏ\n(၃)\tသဟကရဏ\t-\tသဟကရဏ\n(၄)\tသဟသမ္ပဒါန\t-\tသဟသမ္ပဒါန်ႏ\n(၅)\tသဟာပါဒါန\t-\tသဟအပါဒါန်ႏ\n(၆)\tသဟောကာသ\t-\tသဟဩကာသ\n\nသဟ-သင်္ကေႏတ\n---တွမ်ႏ---\nတောင်ꩻသေꩻ -\nနာမ်ႏသဟ-ကစဒါႏ နာမ်ႏအကာရကပွုဒ်ဖုံႏနဝ်ꩻ စပ်ꩻထေ့ဗာႏ တဝ်း ပဓာနကြိယာႏတဲင် ထွာဒျာႏနာမ်ႏကာရက အချွေႏအရံႏဖုံႏနဝ်ꩻမꩻ မဉ်ႏအုံညီꩻလွဉ်ꩻ နာမ်ႏကာရကအမျိုꩻမုဲင်ꩻ\/ခင်ႏလမ်းမုဲင်ꩻလဲ့ ထွာနုဲင်းနုဲင်း လွဉ်ꩻဒျာႏ နာမ်ႏကာရကအမျိုꩻနဝ်ꩻနေနေနဝ်ꩻသွူ၊ ကွပ်နဝ်ꩻမꩻ နာမ်ႏအ ကာရကမျိုဖုံႏဘို ဟဲ့ꩻနွောင်ꩻနာမ်ႏအကာရကတွမ်ႏ နာႏကာရက-နုဲင်းယို တဲင် လꩻအမဉ်ꩻနီမျိုꩻလွုမ်းသွူ။\nနာမ်ႏအကာရကပွုဒ်မျိုꩻဖုံႏနဝ်ꩻ ဗွုန်ပီနုဲင်းနာမ်ႏသဟမျိုꩻယို ကဲဉ်း အာအာတဲင် နာမ်ႏအကာရက(ကဲဉ်းအာအာ)ဖုံႏကို အမျိုꩻအစားအဝ်ႏ(၆) မျိုꩻနုဲင်းနုဲင်းဝင်ꩻအကျောင်ꩻ သေနာႏလွသွော့ဝင်ꩻနော။\nသဟပွုဒ်-ခင်ႏလမ်း\nသဟပွုဒ်နဝ်ꩻ အုံဒျာႏ ဝွေꩻကအီႏတွယ်ꩻညီꩻဒါႏ နာမ်ႏကာရကပွုဒ်ဖုံႏ ဆꩻချာကိုတဲင် ကာရက(၆)ပါꩻခင်ႏလမ်းတွိုင်ꩻကို အုံအဝ်ႏနွောင်ꩻသွူ။\n(မဉ်ႏအုံသော့ꩻ ကတ္တားခင်ႏလမ်းကိုလဲ့ ထွာသဟကတ္တား-စတဲင်နုဲင်း ယိုဖုံႏသွူ။)\n\nသဟသင်္ကေႏတ-ခင်ႏလမ်း\n(က)\tမဉ်ႏပေါင်ꩻညီꩻဝင်ꩻ နာမ်ႏနီပွုဒ်နဝ်ꩻ “---တွမ်ႏ---“သင်္ကေႏ တနဝ်ꩻ အုံသဟပွုဒ်ဆꩻငါ\/ အုံကအီႏတွယ်ꩻညီꩻ ကအီႏပေါင်ꩻရောꩻဒါႏ နာမ်ႏပွုဒ်အလင်ဆꩻချာ\/ နာမ်ႏပွုဒ်အချင်ꩻချင်ꩻ “အခါႏ”ကိုသွူ။\n( ခ )\tမဉ်ႏပေါင်ꩻညီꩻဝင်ꩻ နာမ်ႏသွံပွုဒ်မာꩻကီနဝ်ꩻ “တွမ်ႏ”သ င်္ကေႏတယို အွဉ်ႏတွယ်ꩻကပ်ႏဖေႏဗာႏ အရီးသွတ်ꩻနာမ်ႏပွုဒ်ဆꩻချာ (တနယ်ꩻ) အဆုဲင်ꩻသွတ်ꩻ နာမ်ႏပွုဒ်ဆꩻငါကိုသွူ။\nပွုံႏစံႏ\n(၁)\tသဟကတ္တားပွုံႏစံႏ -\n(က-၁)\tဒေဝဒတ်တွမ်ႏကောကာလိက(သီး)နဝ်ꩻ နွို့လွေꩻ(ညီꩻ\/ သွို)လွဝင်ꩻ ဝေင်ꩻရာႏဇဂျိုဟ်ႏသူꩻ သွူ။(အင်္ဂလိရှ်နယ်ꩻ\/ပအိုဝ်ႏနယ်ꩻ)\n(A\/1. Devedatta and Kawkalika go to Razajo(together).\n(က-၂)\tဒေဝဒတ်နဝ်ꩻ တွမ်ႏကောကာလိက နွို့လွေꩻ(ညီꩻ\/ သွို)လွ ဝင်ꩻ ဝေင်ꩻရာႏဇဂျိုဟ်ႏသ��ꩻ သွူ။(ပါဠိနယ်ꩻ\/အင်္ဂလိရှ်နယ်ꩻ\/ပအိုဝ်ႏ နယ်ꩻ)\n(ဒေဝဒတ္တော-ဒေဝဒတ်နဝ်ꩻ၊ (သဟ)ကောကာလိကေန-တွမ်ႏကော ကာလိက၊ ရာဇဂဟံ-ဝေင်ꩻရာႏဇဂျိုဟ်ႏသူꩻ၊ ပဝိသတိ-နွို့လွေꩻ(ညီꩻ\/ သွို)သွူ။)\n(A\/2. Devedatta goes to Razajo with Kawkalika).\n( ခ-၁)\tဝွေꩻတွမ်ႏဝွေꩻသွꩻပေႏဖုံႏနဝ်ꩻ လွေꩻ(ညီꩻ\/သွို)လွဝင်ꩻ ပွယ်ꩻ \nပူႏဇောႏ ဖရာꩻသူꩻ သွူ။(အင်္ဂလိရှ်နယ်ꩻ\/ပအိုဝ်ႏနယ်ꩻ)\n(B\/1. He and his friends go to the ceremony of Pagoda.)\n( ခ-၂)\tဝွေꩻနဝ်ꩻ တွမ်ႏဝွေꩻသွꩻပေႏဖုံႏ လွေꩻ(ညီꩻ) ပွယ်ꩻပူႏဇောႏ ဖရာꩻသူꩻသွူ။ (ပါဠိနယ်ꩻ\/အင်္ဂလိရှ်နယ်ꩻ\/ပအိုဝ်ႏနယ်ꩻ)\n(သော-ဝွေꩻနဝ်ꩻနဝ်ꩻ၊ သဟ တဿ သဟာယကေဟိ-တွမ်ႏဝွေꩻသွꩻ ပေႏဖုံႏ၊ ဗုဒ္ဓပူဇနိယသဘံ-ပွယ်ꩻပူႏဇောႏဖရာꩻသူꩻ၊ ဂစ္ဆတိ-လွေꩻညီꩻ သွိုသွူ။)\n(B\/2. He goes to the ceremony of Pagoda with his friends.)\n(ဂ-၁)\tခိုဗင်ႏပေႏဖုံႏတွမ်ႏ မူႏနံꩻပေႏတဖြာꩻနဝ်ꩻ လွေꩻသွိုဝင်ꩻ ဝေင်ꩻသွူ။\n\t(အင်္ဂလိရှ်နယ်ꩻ\/ပအိုဝ်ႏနယ်ꩻ)\n(c\/1. The young men and a girl go to wown together.)\n(ဂ-၂)\tခိုဗင်ႏပေႏဖုံႏနဝ်ꩻ တွမ်ႏမူႏနံꩻပေႏတဖြာꩻ လွေꩻသွိုဝင်ꩻ ဝေင်ꩻသွူ။\n\t(ပါဠိနယ်ꩻ\/အင်္ဂလိရှ်နယ်ꩻ\/ပအိုဝ်ႏနယ်ꩻ)\n\t(ယုဝါနော-ခိုဗင်ႏပေႏဖုံႏနဝ်ꩻ၊ သဟ ဧကာယ ယုဝတိယာ-တွမ်ႏ မူႏနံꩻပေႏတဖြာꩻ၊ နဂရံ-ဝေင်ꩻသူꩻ၊ ဂစ္ဆန္တိ-လွေꩻသွိုဝင်ꩻသွူ။)\n\t(C\/2. The young men go to town with a girl.)\n(ဃ-၁)\tခိုဗင်ႏပေႏဖုံႏတွမ်ႏမူႏနံꩻပေႏဖုံႏနဝ်ꩻ ကျူႏညီꩻလွဝင်ꩻသွူ။\n\t(အင်္ဂလိရှ်နယ်ꩻ\/ပအိုဝ်ႏနယ်ꩻ)\n\t(D\/1. The young men and the girls dance together.)\n(ဃ-၂)\tခိုဗင်ႏပေႏဖုံႏနဝ်ꩻ တွမ်ႏမူႏနံꩻပေႏဖုံႏ ကျူႏညီꩻလွဝင်ꩻသွူ။\n\t(ပါဠိနယ်ꩻ\/အင်္ဂလိရှ်နယ်ꩻ\/ပအိုဝ်ႏနယ်ꩻ)\n\t(ယုဝါနော-ခိုဗင်ႏပေႏဖုံႏနဝ်ꩻ၊ သဟယုဝတီဟိ-တွမ်ႏမူႏနံꩻပေႏဖုံႏ၊ နစ္စန္တိ-ကျူႏညီꩻလွဝင်ꩻသွူ။)\n\t(D\/2. The young men dance together with the girls.)\n(င-၁)\tသျင်ႏတိဿ’သျင်ႏဒတ္တ(သီး)တွမ်ႏ သျင်ႏမိတ္တနဝ်ꩻ သွဉ်ညီꩻဝင်ꩻ ထာꩻသေထာꩻဒါႏ ပညာႏဖုံႏသွူ။ (အင်္ဂလိရှ်နယ်ꩻ\/ပအိုဝ်ႏနယ်ꩻ)\n\t(E\/1. Novice Tissa’ Novice Datta and Novice Mitta learn the knowledges.)\n(င-၂)\tသျင်ႏတိဿနဝ်ꩻ တွမ်ႏသျင်ႏဒတ္တ’သျင်ႏမိတ္တသီးဖုံႏ သွဉ်ညီꩻ ထာꩻသေထာꩻဒါႏ ပညာႏဖုံႏသွူ။(ပါဠိနယ်ꩻ\/အင်္ဂလိရှ်နယ်ꩻ\/ပအိုဝ်ႏနယ်ꩻ)\n\t(သာမဏေရောတိဿော-သျင်ႏတိဿနဝ်ꩻ၊ သဟ သာမဏေ ရေဟိ ဒတ္တမိတ္တေဟိ-တွမ်ႏသျင်ႏဒတ္တ’သျင်ႏမိတ္တသီးဖုံႏ၊ သိပ္ပါနိ-ထာꩻ သေထာꩻဒါႏ ပညာႏဖုံႏယို၊ ဂဏှာတိ-ထူႏညီꩻသွူ(ဝါ)သွဉ်ညီꩻသွူ။)\n\t(E\/2. Novice Tissa learn the knowledges with those who are Novice Datta and Novice Mitta.)\n(င-၃)\tသျင်ႏတိဿ’ သျင်ႏဒတ္တသီးနဝ်ꩻ တွမ်ႏသျင်ႏမိတ္တ သွဉ်ညီꩻဝင်ꩻ ထာꩻသေထာꩻဒါႏ ပညာႏဖုံႏသွူ။ (ပါဠိနယ်ꩻ\/ပအိုဝ်ႏနယ်ꩻ)\n\t(သာမဏေရော တိဿဒတ္တာ-သျင်ႏတိဿ’ သျင်ႏဒတ္တသီးဖု��ႏ\nနဝ်ꩻ၊ သဟ သာမဏေရေန မိတ္တေန-တွမ်ႏသျင်ႏမိတ္တ၊ သိပ္ပါနိ-ထာꩻသေ ထာꩻဒါႏပညာႏဖုံႏယို၊ ဂဏှန္တိ-ထူႏလွဝင်ꩻသွူ။(ဝါ) သွဉ်လွဝင်ꩻသွူ။)\n(င-၄)\tသျင်ႏတိဿတွမ်ႏသျင်ႏဒတ္တ’သျင်ႏမိတ္တသီးဖုံႏနဝ်ꩻ သွဉ်ညီꩻလွ ဝင်ꩻ ထာꩻသေထာꩻဒါႏ ပညာႏဖုံႏသွူ။(ပအိုဝ်ႏနယ်ꩻ)\n(၂) သဟကံႏပွုံႏစံႏ -\n(စ-၁)\tခွန်ထွန်းနဝ်ꩻ\tလွေꩻ\tဝေင်ꩻတောင်ႏကီꩻဝေင်ꩻအောင်ႏဗန်းတွမ်ႏ ဝေင်ꩻကလောꩻဖုံႏသူꩻ သွူ။\t(အင်္ဂလိရှ်နယ်ꩻ\/ပအိုဝ်ႏနယ်ꩻ)\n(F\/1.\tKhun Tun goes to Taunggyi, Aungban and Kalaw.)\n(စ-၂)\tခွန်ထွန်းနဝ်ꩻ\tလွေꩻ\tဝေင်ꩻတောင်ႏကီꩻတွမ်ႏဝေင်ꩻအောင်ႏဗန်း ကလောꩻဖုံႏသူꩻသွူ။\t(ပအိုဝ်ႏနယ်ꩻ)\n\nတောင်ꩻသေꩻ -\n(၁)\tပါဠိကို နာမ်ႏသဟယို သွုံꩻတွယ်ꩻဒျာႏတွမ်ႏကတ္တားပွုဒ်လွဉ်းလွဉ်း (ဝါ) သွုံꩻဒျာႏ ကတ္တားခင်ႏလမ်းကိုလွဉ်းလွဉ်းတဲင် ကံႏပွုဒ်-စဒါႏနာမ်ႏကာ ရကအလင်ဖုံႏခင်ႏလမ်းကို “နာမ်ႏသဟ”တအုံနွောင်ꩻတဝ်း၊ တသွုံꩻ တဝ်း၊ သွုံꩻဗာႏဒျာႏ “ကံႏပွုဒ်-စဒါႏနာမ်ႏကာရကပွုဒ်အလင်(ဒွန်သမာသ်) ဖုံႏအနေႏ”လွဉ်းလွဉ်းသွူ။\n\tကွပ်နဝ်ꩻမꩻ ပါဠိနယ်ꩻအလꩻ နာမ်ႏသဟနဝ်ꩻ အဝ်ႏသော့ꩻနွောင်ꩻ ဒျာႏ သဟကတ္တားကိုလွုမ်ꩻတဲင်၊ သဟကံႏ-စဒါႏနာမ်ႏသဟမျိုꩻလင်ကို တအဝ်ႏသော့ꩻနွောင်ꩻတဝ်းသွူ။\n\tနီပအိုဝ်ႏငဝ်းကိုလဲ့ မဉ်ႏသွုံꩻတဝ်း နာမ်ႏသဟသင်္ကေႏတ “တွမ်ႏ”နဝ်ꩻ ဗွုန်ပီနုဲင်းနုဲင်းဒျာႏ ပါဠိ(ဒွန်သမာသ်)အသွုံꩻနေနေသွူ။\nပွုံႏစံႏ -\n(က)\tခွန်ထွန်း-ခွန်ထွန်းနဝ်ꩻ၊ တောင်ႏကီꩻ’အောင်ႏဗန်း’ကလောနဂရာ နိ- ဝေင်ꩻတောင်ႏကီꩻ’ ဝေင်ꩻအောင်ႏဗန်း’ ဝေင်ꩻကလောꩻဖုံႏသူꩻ၊ ဂစ္ဆတိ-လွေꩻသွူ။\t(ဒွန်သမာသ်-ကံႏပွုဒ်)\n\t(ခွန်ထွန်း\tလွေꩻ\tဝေင်ꩻတောင်ႏကီꩻ’ဝေင်ꩻအောင်ႏဗန်း’ ဝေင်ꩻကလောꩻဖုံႏသွူ။)\n( ခ )\tခွန်ထွန်း-ခွန်ထွန်းနဝ်ꩻ၊ တောင်ႏကီꩻ’အောင်ႏဗန်း’ကလောနဂရေ သု- ဝေင်ꩻတောင်ႏကီꩻ’ ဝေင်ꩻအောင်ႏဗန်း’ ဝေင်ꩻကလောꩻဖုံႏကို၊ အဝသီ-အုံဗာႏဖိုလဲဉ်းသွူ။\t(ဒွန်သမာသ်-ဩကာသပွုဒ်)\n\t(ခွန်ထွန်း အုံဗာႏဖိုလဲဉ်းဝေင်ꩻတောင်ႏကီꩻ’ဝေင်ꩻအောင်ႏဗန်း’ ဝေင်ꩻကလောꩻဖုံႏကိုသွူ။)\n(၂)\tအင်္ဂလိရှ်ကို “and”ငဝ်းသွုပ်ယို သွုံꩻဗာႏဒျာႏ အဆုဲင်ꩻသွတ်ꩻနာမ်ႏ ပွုဒ်ဆꩻငါကိုလွဉ်းလွဉ်းသွူ။\n(၃)\tသဟကရဏပွုံႏစံႏ -\n(ဆ-၁)\tဗွေႏမျတ်ဖရာꩻယို\tခွေသွဉ်းနဝ်ꩻ\tရိုႏသေႏတွမ်ႏ\tကာယကံႏ’ ဝစီႏကံႏ’(တွမ်ႏ)မနောꩻကံႏသွူ။\t(အင်္ဂလိရှ်နယ်ꩻ\/ပအိုဝ်ႏနယ်ꩻ)\n(G\/1. I pay bornage to the Bhudda by a body, speech and \nmind.)\n(ဆ-၂)\tဗွေႏမျတ်ဖရာꩻယို\tခွေသွဉ်းနဝ်ꩻ\tရိုႏသေႏတွမ်ႏ\tကာယကံႏ (တွမ်ႏ) ဝစီႏကံႏ’မနောꩻကံႏဖုံႏသွူ။\t(���အိုဝ်ႏနယ်ꩻ)\n\t(အဟံ-ခွေသွဉ်းနဝ်ꩻ၊ ဗုဒ္ဓံ-ဗွေႏမျတ်ဖရာꩻယို၊ ကာယေန-တွမ်ႏ ကာယကံႏ၊ ဝါစာယ-တွမ်ႏဝစီႏကံႏ၊ မနသာ-တွမ်ႏမနောꩻကံႏ၊ အာဒရာ မိ-ရိုႏသေႏဒျာႏ ဗွေႏဩ။\n\n\tပါဠိကို တသွုံꩻတဝ်း “နာမ်ႏသဟ”တဲင်၊ သွုံꩻဒျာႏ “ကရဏပွုဒ်”အ နေႏနုဲင်းယိုသွူ။\n(၄)\tသဟသမ္ပဒါန်ႏပွုံႏစံႏ -\n(ဇ-၁)\tဆရာႏနဝ်ꩻ  သွဉ်ဖေႏ\tတပဲ့ꩻခွန်အေး’ခွန်ကျောႏ(သီး)တွမ်ႏခွန် ထွေးအတာႏ ထာꩻသေထာꩻဒါႏဖုံႏယိုသွူ။\t(အင်္ဂလိရှ်နယ်ꩻ\/ပအိုဝ်ႏနယ်ꩻ)\n(F\/1. The teacher teaches knowledges Khun Aye, Khun Kyaw and Khun Htway.)\n(ဇ-၂)\tဆရာႏနဝ်ꩻ သွဉ်ဖေႏ  တပဲ့ꩻ-ခွန်အေးတွမ်ႏ ခွန်ကျောႏ’ခွန်ထွေးသီး အတာႏ ထာꩻသေထာꩻဒါႏဖုံႏယို သွူ။\t(ပအိုဝ်ႏနယ်ꩻ)\n(အာစရိယော-ဆရာႏနဝ်ꩻ၊ ခွန်အေး’ခွန်ကျောႏ’ခွန်ထွေးသိဿာ နံ-တပဲ့ꩻ ခွန်အေး’ ခွန်ကျောႏ’ခွန်ထွေးသီးအတာႏ၊ သိပ္ပါနိ-ထာꩻသေထာꩻ ဒါႏဖုံႏယို၊ ဂဏှပေတိ-ထွဉ်ႏထူႏသွူ၊ (ဝါ)သွဉ်ဖေႏသွူ။\n(ပါဠိကိုသွုံꩻဒျာႏ “သမ္ပဒါန်ႏ(ဒွန်သမာသ်)ပွုဒ်”အနေႏနုဲင်းယိုသွူ။\n(၅)\tသဟအပါဒါန်ႏပွုံႏစံႏ -\n(ဈ-၁)\tခွန်ထွန်းနဝ်ꩻ အဝ်ႏဂျပန်ခမ်း’စင်္ကာပူခမ်းတွမ်ႏ ထုဲင်ꩻခမ်းကို အီႏထန်ႏသဲင်ꩻလွဉ် မန်းခမ်းသွူ။\t(အင်္ဂလိရှ်နယ်ꩻ\/ပအိုဝ်ႏနယ်ꩻ)\n(G. Khun Tun will come back Myanmar from Japan, Singapore and Thailand.)\n(ဈ-၂)\tခွန်ထွန်းနဝ်ꩻ\tအဝ်ႏဂျပန်ခမ်းတွမ်ႏ စင်္ကာပူခမ်း’ထုဲင်ꩻခမ်းကို အီႏထန်ႏသဲင်ꩻလွဉ် မန်းခမ်းသွူ။\t(ပအိုဝ်ႏနယ်ꩻ)\n(ခွန်ထွန်း-ခွန်ထွန်းနဝ်ꩻ၊ ဂျပန်’စင်္ကာပူ’ထုဲင်ꩻရဋ္ဌေဟိ-အဝ်ႏဂျပန် ခမ်း’ စင်္ကာပူခမ်း’ထုဲင်ꩻခမ်းကို၊ နိက္ခမိတွာ-ထန်ႏတဲင်၊ မန်းရဋ္ဌံ-မန်းခမ်း ယို၊ ပစ္စာဂမိဿတိ-အီႏသဲင်ꩻလွဉ်သွူ။\nပါဠိကို သွုံꩻဒျာႏ “အပါဒါန်ႏ(ဒွန်သမာသ်)ပွုဒ်”အနေႏနုဲင်းယိုသွူ။\n(၆)\tသဟဩကာသပွုံႏစံႏ -\n(ည-၁)\tခွန်ကျောႏနဝ်ꩻ သွဉ်ဗာႏလဲဉ်း အင်္ဂလိရှ်ငဝ်း ဝေင်ꩻရန်ႏတကွုန်ႏ’ မန္တလေꩻတွမ်ႏ ဝေင်ꩻတောင်ႏကီꩻဖုံႏကိုသွူ။ (အင်္ဂလိရှ်နယ်ꩻ\/ပအိုဝ်ႏနယ်ꩻ)\n(H. Khun Kyaw studied English at Rangon’Madlay and Taunggyi.)\n(ည-၂)\tခွန်ကျောႏနဝ်ꩻ\tသွဉ်ဗာႏလဲဉ်း\tအင်္ဂလိရှ်ငဝ်း ဝေင်ꩻရန်ႏတကွုန်ႏ တွမ်ႏဝေင်ꩻမန္တလေꩻ’ ဝေင်ꩻတောင်ႏကီꩻဖုံႏကိုသွူ။ (ပအိုဝ်ႏနယ်ꩻ)\n(ခွန်ကျောႏ-ခွန်ကျောႏနဝ်ꩻ၊ အင်္ဂလိရှ်ဝါစံ-အင်္ဂလိရှ်ငဝ်းယို၊ ရန်ႏ တကွုန်ႏ’မန္တလေꩻ’တောင်ႏကီꩻနဂရေသု-ဝေင်ꩻရန်ႏတကွုန်ႏ’ဝေင်ꩻမန္တ လေꩻ’ဝေင်ꩻတောင်ႏကီꩻဖုံႏကို၊ အဂဏှိ-သွဉ်ဗာႏလဲဉ်းသွူ။\nပါဠိကို သွုံꩻဒျာႏ “ဩကာသ(ဒွန်သမာသ်)ပွုဒ်”အနေႏနုဲင်းယိုသွူ။\n\nအာႏကွိုꩻ\n\nပအိုဝ်ႏသဒ္ဒါႏ","num_words":16716,"character_repetition_ratio":0.055,"word_repetition_ratio":0.02,"special_characters_ratio":0.146,"stopwords_ratio":0.034,"flagged_words_ratio":0.0,"lang_id_score":1.0,"perplexity_score":547.2,"cluster_detection":-1}
+{"url":"https:\/\/blk.wikipedia.org\/wiki\/%E1%80%9E%E1%80%AC%E1%82%8F%E1%80%99%E1%80%8F%E1%80%B1%E1%82%8F%E1%80%80%E1%80%BB%E1%80%B1%E1%80%AC%E1%82%8F","collection":"wikipedia","source":"wikipedia","original_code":"blk","text":"ဟဝ်သေထွိုက်ငါႏ သာႏမဏေႏကျောႏခရာႏ\nဝေင်ꩻအမရပူရ(တောင်မြို့) ပျုကျမ်ꩻဘာသာဋီကာ ဗွေႏဆရာႏတောႏ ဗွေႏဗွန်ဇနကာဘိဝံသ တဲမ်းထွို့ꩻဖေႏစီꩻကန်ꩻထွူ တဲင် ဝေင်ꩻမန္တလေꩻ၊ ပရိယတ္တသာသနဟိတအစွိုꩻသား အွဉ်မာꩻတဲႏစ မန်းသက္ကရာဇ် ၁၃၁၁-ဗာႏရိုꩻနုဲင်းနဝ်ꩻသွူ။\nသာႏမဏေႏကျောႏ အစွိုꩻသားဖုံႏ\nတဲႏရီးရီး ဝေင်ꩻမန္တလေꩻ၊ ဆုဲင်ꩻနဝ်ꩻ ပဂိုꩻ၊ ရန်ႏကုန်ႏ၊ မော်ႏလမြိုင်ကျွန်း (ဧရာႏဝတီႏ)၊ မြင်းခြံ၊ တောင်ႏကီꩻ၊ ပခုက္ကူ၊ မုံရွာ၊ သထုံႏ၊ တံတားဦး၊ နေပြည်တော်၊ စစ်တွေ၊ ပြင်ဦးလွင်၊ ကော့ကရိတ်၊ သန်လျင်-ဖုံႏကိုလဲ့ မာꩻလွေꩻနုဲင်းနုဲင်းနဝ်ꩻသွူ။\n(ယိုခါနဝ်ꩻ- ဟိုပုံꩻဝေင်ꩻကိုလဲ့ အဝ်ႏလွေꩻလဲဉ်းနေနေသွူ)။\n\nပွယ်ꩻရီလိတ်ပုံႏစံႏ\nသာႏမဏေႏကျောႏ ပွယ်ꩻရီလိတ်ယို ဖြေႏဗာႏ ပထမရန်း၊ ဒုတိယရန်း၊ တတိယရန်း-အဝ်ႏ(၃)ရန်းနုဲင်းနဝ်ꩻသွူ။\nတရန်းတရန်းယို ဖြေႏဗာႏ(၁)နေင်ႏ၊ အရန်းလယို မဉ်ႏအောင်ႏထွူမꩻ ဖြေႏဗာႏအရန်းကီကီသွူ။ ပေါႏမဉ်ႏအောင်ႏလို့ (၃)ရန်းမꩻ ဆဲင်ႏရာꩻအစွိုꩻသား ဖေႏအပ်လွေꩻ “သာသနာလင်္ကာရ”သာႏမဏေႏကျောႏဘွဲ့၊ ကအောင်ႏထွူ(၃)ရန်းသား အဘွဲ့တောႏဆꩻချာ နဝ်ꩻ အောင်ႏရာꩻအစွိုꩻသား ဖေႏလွေꩻဘွဲ့ထူꩻ “အလင်္ကာရ-အာဇည”စတဲင်နုဲင်းနဝ်ꩻသွူ။\nသက်အခန်ꩻအထွော့\nပွယ်ꩻရီလိတ်ယိုနဝ်ꩻ ဖြေႏလꩻကွို့ꩻ သျင်ႏအသက်(၂၀)မာꩻလသားလွုမ်ꩻ၊ ကွဲႏတွော့ꩻ ယိုခါနဝ်ꩻ ဗွေႏဗွန်တန်သီး ထွားလွေꩻထာꩻတာႏ ဆွာꩻအတွက်တဲင် ယစွိုꩻစွိုꩻနဝ်ꩻ ရဟန်ꩻတဲ့ဖြေႏအဝ်ႏလꩻဒျာႏ-ခွင်ꩻဖေႏခါꩻနုဲင်းနဝ်ꩻတဲ့ အဝ်ႏဒျာႏနဝ်ꩻသွူႏ\nပျဌာန်းလိတ်ဖုံႏ\nပထမအရန်းကိုနဝ်ꩻ (က) ဝိနယ်ꩻမဟာဝါႏပါဠိတောႏ ( ခ ) အင်္ဂုတ္တုရ်ပါဠိတောႏ (တဲႏဧကနိပါတ် ဗꩻတိကနိပါတ်)၊ ( ဂ ) ဓမ္မပဒအ ဋ္ဌကထာ (ယမကဝဂ်တွမ်ႏ အပ္ပမာဒဝဂ်)၊ (ဃ) သဒ္ဒါႏ ၅-စောင်ႏ (သန္ဓိ-နာမ်ႏ-ကာရက-အာချာတ်-ကိတ်)၊ ( င ) အဘိဓမ္မတ္ထသင်္ဂဟ ခလ(၃)ပဲင်ꩻ (စိတ်-စေတသိက်-ပကိဏ်း)။\nဒုတိယရန်းကို-\n(က) စူဠဝါပါဠိတောႏ\/ပရိဝါပါဠိတောႏ ( ခ ) အင်္ဂုတ္တိုရ်ပါဠိတောႏ (တဲႏစတုက္ကနိပါတ် ဗꩻဆက္ကနိပါတ်)၊ ( ဂ ) ဓမ္မပဒအဋ္ဌကထာ (တဲႏစိတ္တဝဂ်ဗꩻ ဒဏ္ဍဝဂ်)၊ (ဃ) သဒ္ဒါႏ ၇-စောင်ႏ (သန္ဓိ-နာမ်ႏ-ကာရက-အာချာတ်-ကိတ်-သမာသ်-တဒ္ဓိတ်)၊ ( င ) အဘိဓမ္မတ္ထသင်္ဂဟ (၆)ပဲင်ꩻ (စိတ်-စေတသိက်-ပကိဏ်း-ဝီထိ-ဝီထိမုတ်-ရ��ပ်)။\nတတိယရန်းကို-\n(က) ပါရာဇိကဏ်တွမ်ႏ ပါစိတ်ပါဠိတောႏ ၊ ( ခ ) အင်္ဂုတ္တိုရ်ပါဠိတောႏ (တဲႏသတ္တကနိပါတ် ဗꩻ ဧကာဒသကနိပါတ်လို့)၊ ( ဂ ) ဓမ္မပဒအဋ္ဌကထာ (တဲႏဇရာဝဂ် ဗꩻဗြာဟ္မဏဝဂ်လို့)၊ (ဃ) သဒ္ဒါႏ ၈-စောင်ႏ (သန္ဓိ-နာမ်ႏ-ကာရက-အာချာတ်-ကိတ်-သမာသ်-တဒ္ဓိတ်-ဥဏာဒ်)၊ ( င ) အဘိဓမ္မတ္ထသင်္ဂဟ ခလ(၉)ပဲင်ꩻ (စိတ်-စေတသိက်-ပကိဏ်း-ဝီထိ-ဝီထိမုတ်-ရုပ်-သမုစ္စည်း-ပစ္စည်း-ကမ္မဋ္ဌာန်ꩻ)။\nကပျဌာန်းခါꩻဒါႏ ပါဠိအဋ္ဌကထာႏဖုံႏအကို နေးတွမ်ႏအဋ္ဌကထာႏနယ်ꩻ၊ ဋီကာနယ်ꩻဖုံႏတဲင် ထွဉ်ႏဖေႏနယ်အနက်၊ နေးတွမ်ႏသဒ္ဒါႏ နယ်ꩻ သင်္ဂဟနယ်ꩻဖုံႏတဲင် ထွဉ်ႏတွက်ရုပ်စတဲင်တွမ်ႏ ထွဉ်ႏတွမ်အလꩻတရာꩻနမ်းထွူတွော့ꩻ ဝွေႏဖန်ႏလွေꩻသင်္ဂျိုဟ်ႏနယ်ꩻဖုံႏစတဲင် နုဲင်းနဝ်ꩻဖုံႏသွူ။\nပုဂ္ဂိုလ်ႏကအောင်ႏထွူလဲဉ်းသားအတာႏ (၁) ပါရာဇိကဏ်ႏပါဠိတောႏ လိတ်မဲ့ငါ (၃၈၁)၊ (၂) ပါစိတ်ပါဠိတောႏ လိတ်မဲ့ငါ(၄၇၀)၊ (၃) မဟာဝါပါဠိတောႏ လိတ်မဲ့ငါ (၅၁၁)၊ (၄) စူဠဝါပါဠိတောႏ လိတ်မဲ့ငါ (၅၀၈)၊ (၅) ပရိဝါပါဠိတောႏ လိတ်မဲ့ငါ (၃၉၀)။ စုစုခြွဉ်း ဝိနယ်ꩻ(၅)ကျမ်ꩻ လိတ်မဲ့ငါ (၂၂၆၀)။\nအင်္ဂုတ္တိုရ်ႏ ပထမဖွူꩻ လိတ်မဲ့ငါ (၅၈၀)၊ အင်္ဂုတ္တိုရ်ႏ ဒုတိယဖွူꩻ လိတ်မဲ့ငါ (၅၁၃)၊ အင်္ဂုတ္တိုရ်ႏ တတိယဖွူꩻ လိတ်မဲ့ငါ (၅၅၈) စုစုခြွဉ်း အင်္ဂုတ္တိုရ်ႏ(၁၁)ကျမ်ꩻ လိတ်မဲ့ငါ (၁၆၅၁)မဲ့ငါ။\nဓမ္မပဒအဋ္ဌကထာ ပထမဖွူꩻ လိတ်မဲ့ငါ (၄၄၇)၊ ဓမ္မပဒအဋ္ဌကထာ ဒုတိယဖွူꩻ လိတ်မဲ့ငါ (၄၅၄)၊ စုစုခြွဉ်း ဓမ္မပဒအဋ္ဌကထာ (၂၆) \nဝဂ် လိတ်မဲ့ငါ (၉၀၁)မဲ့ငါ၊ သဒ္ဒါႏ (၈)စောင်ႏ၊ သင်္ဂဟ (၉)ပဲင်ꩻဖုံႏယို သွဉ်ထူႏတဲးတဲးဝါးဝါးခါꩻ ဆရာႏထျꩻထွူတဲင် နဲင်ႏငံႏတောႏအစိုႏ ရပွယ်ꩻရီလိတ်ဖုံႏအကို ဓမ္မာစရိယပွယ်ꩻရီလိတ်၊ နိကာယ်ပွယ်ꩻရီလိတ်၊ တိပိဋကပွယ်ꩻရီလိတ်ဖုံႏလဲ့ မဉ်ႏနွို့ဖြေႏနဝ်ꩻ အောင်ႏမျင်ႏ ယိုꩻအီစွဉ်ႏနဝ်ꩻသွူ။\nမဉ်ႏထွာချꩻလိတ်သားတဲ့ ကုဲင်းထွာနွောင်ꩻဒါႏ ချꩻလိတ်ယံ၊ မဉ်ႏဟော်ꩻတရာꩻလဲ့ ထွာနွောင်ꩻဓမ္မကထိကယံတပါꩻနဝ်ꩻသွူ။\n\nအာႏကွိုꩻ\n\nဗုဒ္ဓဘာႏသာႏ","num_words":801,"character_repetition_ratio":0.082,"word_repetition_ratio":0.105,"special_characters_ratio":0.128,"stopwords_ratio":0.04,"flagged_words_ratio":0.0,"lang_id_score":1.0,"perplexity_score":762.9,"cluster_detection":-1}